Skip links

 4,220 عدد مشاهداات

#قصة_السهرة 😍😍 كيف وعدتكم

عندي_ليكم_قصة_فغاااية_رووعة 💕💞 هي قصة إجتمااعية ﻭ ﻧﺘﻤﻨﻰ تستافدواا منها 🤩
الكاتبة ماعرفتهاش غير نعرفها نزيد اسمها 🤭🤭
⬅العنواااان: ☆☆ زواج 6 اشهر ☆☆

منقوووووووولة…😇
#قراءة_ممتعة 😍😙
#أدمين_جيلان

ﺍﻟﺒﺎﺭﺕ :1

ﻻ ﺍ ﻣﻲ ﻣﺎﻧﻘﺪﺭﺵ ﻧﺘﺰﻭﺝ ﺑﻴﻪ ﺍﻧﺎ ﻣﺎﺯﺍﻝ ﺻﻐﻴﺮﺓ ﻭ ﺑﺎﻏﺎ ﻧﺪﻳﺮ ﺩﺍﺭﻱ ﻭ ﻃﻮﻣﻮﺑﻴﻠﺘﻲ ﻭ ﻧﺴﻴﻔﻄﻚ ﻧﺘﻲ ﻭ ﺑﺎ ﻟﻠﺤﺞ ﻣﻲ : ﺑﻨﺘﻲ ﻣﺴﺘﻘﺒﻠﻚ ﻫﻮ ﺩﺍﺭﻙ ﻭ ﺭﺍﺟﻠﻚ ﺣﻨﺎ ﻣﺎﺑﺎﻏﻴﻦ ﻣﻨﻚ ﻭﺍﻟﻮ ﺑﻐﻴﺖ ﻏﻴﺮ ﻧﺘﻬﻨﺎ ﻋﻠﻴﻚ ﺣﺘﻰ ﺍﻻ ﻣﺖ ﻧﻤﻮﺕ ﻣﺮﺗﺎﺣﺔ ﻏﺮﻏﺮﻭ ﻟﻴﺎ ﻋﻴﻨﻲ ﻣﻦ ﺑﻌﺪ ﻫﺎﺩ ﺍﻟﻬﺪﺭﺓ ﻣﺎﻏﺎﻧﺴﺘﺤﻤﻠﺶ ﻧﺒﻌﺪ ﻋﻠﻴﻬﺎ ﺩﺧﻞ ﻋﻠﻴﻨﺎ ﺑﺎ ﻋﻠﻰ ﻏﻔﻠﺔ ﻣﻮﻻﻱ ﺍﻟﻌﺮﺑﻲ ﻭ ﻣﻦ ﻻ ﻳﻌﺮﻓﻪ ﻟﻘﺎﻧﻲ ﻛﺎﻧﺘﻐﺒﻦ ﻭ ﻫﻮ ﻳﺨﻨﺰﺭ ﻓﻴﺎ ﻭ ﻗﺎﻝ : ﻭﺍﺵ ﺑﺎﻏﺎ ﺗﺒﻘﺎﻱ ﺗﺎﻛﻠﻲ ﻟﻴﺎ ﻓﺎﻟﺨﺒﺰ ﻫﻨﺎ ﺑﻼ ﻓﺎﻳﺪﺓ ﻻ ﺯﻳﻦ ﻻ ﻗﺮﺍﻳﺔ ﻻ ﺣﺪﺍﻛﺔ ﻫﺎﺩ ﺍﻟﺴﻴﺪ ﻟﻲ ﻏﺎﻳﺪﻳﻚ ﺭﺍ ﺑﺨﻴﺮﻭ ﻭ ﺧﻤﻴﺮﻭ ﻭ ﻏﺎﺗﻌﻴﺸﻲ ﻓﺎﻟﻨﻌﻴﻢ ﺳﻤﺤﻮ ﻟﻴﺎ ﺯﺭﺑﺖ ﻋﻠﻴﻜﻢ ﻫﺎﺩﻱ ﺍﻟﻮﺍﻟﻴﺪﺓ ﺯﻫﺮﺓ ﻭ ﺑﺎ ﺑﻐﺎﻭ ﻳﺰﻭﺟﻮﻧﻲ ﺣﻴﺖ ﺑﺎﻟﻨﺴﺒﺔ ﻟﻴﻬﻢ ﺍﻟﺒﻨﺖ ﻣﺼﻴﺮﻫﺎ ﺩﺍﺭﻫﺎ ﻭ ﺍﻟﻜﻮﺯﻳﻨﺔ ﺍﻣﺎ ﺍﻟﻘﺮﺍﻳﺔ ﻏﻴﺮ ﺗﺨﺮﺑﻴﻖ …. ﻋﻨﺪﻱ ﺟﻮﺝ ﺧﻮﺗﻲ ﻛﺒﺎﺭ ﻣﺰﻭﺟﻴﻦ ﺑﺠﻮﺝ ﺧﻮﺍﺗﺎﺕ ﻭ ﻋﺎﻳﺸﻴﻦ ﻑ ﺍﺳﺘﺮﺍﻟﻴﺎ ﻣﻦ ﻧﻬﺎﺭ ﻣﺸﺎﻭ ﻣﺎﺑﻘﺎﻭ ﺟﺎﻭ ﻭﻻ ﻋﻘﻠﻮ ﻋﻠﻴﻨﺎ ﻭ ﻋﺎﺭﻓﻴﻦ ﺑﺎ ﺗﻘﺎﻋﺪ ﺩﻳﺎﻟﻮ ﻋﻠﻰ ﻗﺪ ﺍﻟﺤﺎﻝ ﺍﻧﺎ ﻫﻲ ﺍﻟﺼﻐﻴﺮﺓ ﺳﻤﻴﺘﻲ ﻋﺎﻟﻴﺔ ﻋﻨﺪﻱ 21 ﻋﺎﻡ ﺳﻤﺮﺓ ﻭ ﻗﺼﻴﺮﺓ ﺷﻮﻳﺔ ﻭ ﻣﻄﻴﺒﺰﺓ ﺍﻟﻔﻮﺭﻣﺔ ﻫﻲ ﻫﺎﺩﻳﻚ ﺍﻟﺰﻳﻦ ﺟﺎ ﺗﺎﻝ ﻋﻨﺪﻱ ﻭ ﻗﻠﺐ ﺍﻟﺪﻭﺭﺓ ﻭ ﻻ ﻣﺎﻋﺮﺕ ﺍﻧﺎ ﺣﺎﻛﺮﺓ ﺭﺍﺳﻲ ﺷﻌﺮﻱ ﻭﺍﻗﻒ ﻛﻲ ﺍﻟﺠﻴﻜﺲ ﻭ ﻟﻜﻦ ﻛﺤﻞ ﻭ ﻃﻮﻳﻞ ﻋﻴﻨﻴﺎ ﻛﺒﺎﺭ ﻭ ﻣﺸﻔﺮﻳﻦ ﻫﺎﺩﺷﻲ ﻟﻲ ﻛﺎﻳﻤﻴﺰﻧﻲ ﺍﻧﺎ : ﻣﻲ ﺍﻧﺎ ﻏﺎﺩﺍ ﻣﻊ ﺳﻴﻬﺎﻡ ﻟﻠﻘﻴﺴﺎﺭﻳﺔ ﺍﻟﻮﺍﻟﻴﺪﺓ ( ﺟﺎﻳﺎ ﻫﺎﺯﺓ ﺍﻟﻴﺪ ﺩﻳﺎﻝ ﺍﻟﻤﻬﺮﺍﺯ ) : ﻭ ﺍﻟﻠﻪ ﻳﺎ ﺩﻳﻚ ﺍﻟﺰﺭﻛﺔ ﻭ ﻣﺎﺗﻜﻠﺴﻲ ﻳﺎ ﺗﺎ ﻧﺸﺨﺸﺦ ﻟﻴﻚ ﺭﺍﺳﻚ ﺍﻧﺎ : ﺑﺪﻳﺖ ﻧﺘﺨﺒﻦ ﻭ ﺍﻟﺨﻨﻮﻧﺔ ﻭ ﺍﻟﺤﺎﻟﺔ ﻧﻄﻠﺐ ﻭ ﻧﺰﺍﻭﻙ ﻓﻤﻲ ﻫﺎ ﺍﻟﻌﺎﺭ ﺍ ﻣﻲ ﺍﻟﺒﺰﻳﺰﻳﻠﺔ ﻭ ﺍﻟﻠﻪ ﻣﺎﻧﺘﻌﻄﻞ ﺍﻟﻮﺍﻟﻴﺪﺓ : ﺑﻘﻴﺘﻲ ﻓﻴﺎ ﺍ ﺗﺮﻳﻜﺔ ﺩﻳﺎﻝ ﺍﻟﻄﻼﺑﺔ ﺻﺎﻓﻲ ﺳﻴﺮﻱ ﻭ ﻣﺎﺗﻌﻄﻠﻴﺶ ﺭﺍﻙ ﻣﺎﺑﻘﻴﺘﻴﺶ ﺩﻳﺎﻝ ﺭﺍﺳﻚ ﺍﻧﺎ : ﺭﺑﻲ ﻳﺨﻠﻴﻚ ﺍﻟﺤﺒﻴﺒﺔ ﻭﺍ ﺍﺭﻱ ﺷﻲ ﺭﺑﻌﻤﻴﺔ ﺩﺭﻳﺎﻝ ﺍﻟﻰ ﺧﺼﺎﺗﻨﻲ ﺷﻲ ﺣﺎﺟﺔ ، ﺑﺎﻧﺖ ﻟﻴﺎ ﺍﻟﻮﺍﻟﻴﺪﺓ ﻃﻠﻊ ﻟﻴﻬﺎ ﺍﻟﺴﻜﺎﺭ ﺑﻠﻲ ﺳﻤﻌﺎﺕ ﺍﻟﻔﻠﻮﺱ ﻭ ﺍﻧﺎ ﻧﻌﻠﻖ ﻗﺒﻞ ﻣﺎﺗﻌﻄﺒﻨﻲ

ﻟﺒﺎﺭﺕ :2

ﺍﻟﻮﺍﻟﻴﺪﺓ : ﺍﻭﻳﻠﻲ ﻋﻠﻰ ﺑﻨﺖ ﺍﻟﺤﺮﺍﻡ 7 ﺩﻳﺎﻝ ﺍﻟﻌﺸﻴﺔ ﻫﺎﺩﻱ ﻭ ﻫﻲ ﺑﺎﻗﺎ ﺩﺍﻳﻌﺔ ﻓﺎﻟﺰﻧﺎﻗﻲ ﺍﻟﻠﻪ ﻳﻠﻘﻴﻬﺎ ﻟﻴﻬﺎ ﻓﺎﻗﺴﺎﻧﻲ ﺑﺎ : ﻓﺮﻗﻲ ﻋﻠﻴﻚ ﺍﻟﺒﻨﺖ ﻫﺎ ﻫﻲ ﻗﺮﻳﺐ ﺗﻤﺸﻲ ﻭ ﺗﺨﻠﻴﻚ ﻏﺎ ﺑﻮﺣﺪﻙ ﺍﻟﻮﺍﻟﻴﺪﺓ : ﻣﺎﺗﻔﻜﺮﻧﻴﺶ ﺍ ﺍﻟﻌﺮﺑﻲ ﻣﺎﺳﺎﺧﻴﺎﺵ ﺑﻴﻬﺎ ﻭ ﻟﻜﻦ ﺣﻴﺎﺗﻬﺎ ﻫﻲ ﺍﻟﻠﻮﻟﺔ ﺍﻧﺎ : ﻳﺎﻟﻠﻪ ﺍ ﺻﺤﺒﺘﻲ ﺭﺍ ﺗﻌﻄﻠﻨﺎ ﺻﺎﻓﻲ ﺯﻳﺪﻱ ﺳﻴﻬﺎﻡ : ﻭﺍﺧﺎ ﻭﺍﺧﺎ ﻣﺎﻟﻚ ﺯﺭﺑﺎﻧﺔ ﺩﺍﺑﺎ ﺗﺤﺒﻲ ﺗﺎ ﻧﺘﻲ ﻭ ﺗﺤﺴﻲ ﺑﻴﺎ ﺍﻧﺎ : ﺑﻐﻴﺖ ﻟﻴﻚ ﺍﻟﺤﺒﻮﺏ ﻧﺘﻲ ﻭﻳﺎﻩ ﺩﺗﺒﺎ ﻳﺸﺒﻊ ﻓﻚ ﺑﻮﺳﺎﻥ ﻭ ﻳﻠﻮﺣﻚ ﻛﻲ ﺍﻟﺠﺮﺗﻴﻠﺔ ﺑﺮﺍﻫﻴﻢ ( ﻋﻨﺪﻭ ﺑﻮﺗﻴﻚ ﺩﻳﺎﻝ ﺍﻟﺤﻮﻳﺞ ﻓﺎﻟﻘﻴﺴﺎﺭﻳﺔ ﻭ ﺻﺎﺣﺐ ﺳﻴﻬﺎﻡ ) : ﻣﺎﻟﻨﺎ ﻋﻠﻰ ﻫﺎﺩ ﺍﻟﻬﺪﺭﺓ ﺍ ﻋﺎﻟﻴﺔ ﺭﺍ ﻛﺎﻧﺒﻐﻴﻬﺎ ﻭ ﻏﺎﻧﺘﺰﻭﺟﻬﺎ ﻏﺎ ﻭﺍﻗﻴﻠﺔ ﻧﺘﻲ ﻏﺎﺗﺴﺒﻘﻴﻨﺎ ﻭﺍﻗﻴﻠﺔ ﺭﺍ ﻋﺎﻭﺩﺍﺕ ﻟﻴﺎ ﺳﻴﻬﺎﻡ ﻋﻠﻰ ﻋﺮﻳﺲ ﺍﻟﻐﻔﻠﺔ ﻭ ﺑﺪﺍ ﻳﻔﺮﻧﺲ ﺍﻧﺎ : ﺻﻔﺎﺭﻳﺖ ﺟﺮﻳﺖ ﺳﻴﻬﺎﻡ ﺑﺮﺍ ﻭ ﺑﺪﻳﺖ ﻧﻘﺮﺱ ﻓﻴﻬﺎ ﻭ ﻧﻌﺾ ﻳﺎﻙ ﻛﺎﻧﻘﻮﻟﻚ ﻣﺎﺗﺒﻘﺎﻳﺶ ﺩﻳﺮﻱ ﻟﻴﺎ ﺍﻟﺸﻮﻫﺔ ﺑﻘﺎ ﻟﻴﺎ ﻏﺎ ﻫﺎﺩ ﺍﻟﻘﺮﺩ ﻳﺘﻤﺮﻛﻦ ﻋﻠﻴﺎ ﺳﻴﻬﺎﻡ : ﻏﻮﺑﺸﺎﺕ ﻭ ﻣﺎﻋﺠﺒﻬﺎﺵ ﺍﻟﺤﺎﻝ ﺟﻤﻌﻲ ﻓﻤﻚ ﺍ ﺻﺎﺣﺒﺘﻲ ﺭﺍ ﻣﺎﺷﻲ ﺑﺮﺍﻧﻲ ﻏﻲ ﺭﺍﺟﻞ ﺧﺘﻚ ﺑﺪﺍﺕ ﺗﻔﺮﻧﺲ ﺗﺎ ﻫﻲ ﺟﺎﺑﺖ ﻟﻲ ﺍﻟﻀﺤﻜﺔ ﺍﻧﺎ : ﺻﻠﻔﻲ ﻏﺒﺮﻱ ﻋﻠﻴﺎ ﻝ ﺩﺍﺭﻛﻢ ﺗﺎ ﺍﻟﻠﻴﻞ ﻭ ﻧﺘﻌﺎﻳﻄﻮ ﺧﻠﻴﻨﻲ ﻧﻄﻠﻊ ﻣﻲ ﺭﺍﻩ ﺩﺍﺭﺗﻨﻲ ﻑ ﻣﺨﺘﻔﻮﻥ ﻭﺍﻗﻴﻠﺔ ﻃﻠﻌﺖ ﻟﺪﺍﺭ ﻛﺎﻧﺘﺴﻠﺖ ﺗﻼﻗﻴﺖ ﻣﻊ ﺑﺎ ﻑ ﺍﻟﺪﺭﻭﺝ ﻏﺎﺩﻱ ﻟﻠﺠﺎﻣﻊ ﺑﺴﺖ ﻟﻴﻪ ﻳﺪﻳﻪ ﻭ ﻃﻠﻌﺖ ﻣﻊ ﺍﻟﺪﺧﻠﺔ ﻃﺎﺭﺕ ﻋﻠﻴﺎ ﻣﻲ ﺑﻨﺘﻔﺔ ﺷﻌﺮﻱ ﺯﻳﻦ ﻭ ﺯﺍﺩ ﻛﻤﻞ ﺩﺍﺑﺎ ﺍﻧﺎ : ﻭﺍ ﻣﻲ ﻃﻠﻘﻴﻨﻲ ﺭﺍ ﻏﺎﺗﻘﺘﻠﻴﻨﻲ ﻻ ﺣﻴﺎﺓ ﻟﻤﻦ ﺍﻧﺎﺩﻱ ﺑﺮﺩﺍﺕ ﻣﻲ ﻏﺪﺍﻳﺪﻫﺎ ﻭ ﺗﻼﺣﺖ ﻑ ﺍﻟﺴﺪﺍﺭﻱ ﻭ ﺳﺮﺣﺎﺕ ﺭﺟﻠﻴﻬﺎ ﻣﻲ : ﻓﻴﻦ ﻛﻨﺘﻲ ﺍ ﻋﺰﺭﻱ ﺍﻟﺪﻭﺍﺭ ﺍﻟﻔﺎﻗﺴﺎﻧﻲ ﺍﻟﻤﺸﻴﺮﺍﻧﻲ ﺍﻧﺎ : ﺣﺮﺍﻡ ﻋﻠﻴﻚ ﺍ ﻣﻲ ﻭﺍﺵ ﺍﻧﺎ ﻣﺎﻧﺪﻭﺭﺵ ﺑﺤﺎﻝ ﺍﻟﺒﻨﺎﺕ ﺷﻮﻳﺔ ﻧﻔﻮﺝ ﻋﻠﻰ ﻗﻠﺒﻲ ﻣﻲ : ﺳﺪﻱ ﺩﻟﻘﻮﺷﻚ ﺍ ﺯﻏﺒﻴﺔ ﻭ ﻻ ﻧﻮﺩ ﻟﻴﻚ ﺍﻧﺎ ﻣﺎﻋﻨﺪﻱ ﺑﻨﺎﺕ ﻟﻲ ﻳﺪﻭﺭﻭ ﻭ ﺗﻘﻌﺪﻱ ﺟﻤﻌﻲ ﺣﻮﺍﻳﺠﻚ ﻧﻤﺸﻴﻮ ﻟﻠﺤﻤﺎﻡ ﺭﺍﻩ ﻏﺪﺍ ﺟﺎﻳﻴﻦ ﺍﻟﻨﺎﺱ ﻳﺸﻮﻓﻮﻙ ﺍﻧﺎ ﻗﻠﺒﻲ ﺗﻘﺒﺾ ﻋﻠﻴﺎ ﻭ ﺣﺴﻴﺖ ﺑﺎﻟﺤﻜﺮﺓ ﻣﺎﺑﺎﻏﺎﺵ ﻧﺘﺰﻭﺝ ﺍ ﻋﻴﺒﺎﺩ ﺍﻟﻠﻪ ﺍﻧﺎ : ﻣﻲ ﺍﺭﻱ ﻧﻬﺰ ﻋﻠﻴﻚ ﺍﻟﺴﻄﻮﻟﺔ ﻏﺎﺗﻜﻮﻧﻲ ﻋﻴﺎﻧﺔ ، ﻣﻲ ﻗﻮﻟﻲ ﻟﻴﺎ ﻫﺎﺩ ﺍﻟﻨﺎﺱ ﻟﻲ

البارت 3 :
ﻏﺎﻳﺰﻭﺟﻮﻧﻲ ﺑﻮﻟﺪﻫﻢ ﺷﻜﻮﻧﺎﻫﻤﺎ ﻭ ﻓﻴﻦ ﻛﺎﻳﻌﺮﻓﻮﻧﻲ ﻭ ﻋﻼﺵ ﺑﻐﺎﻭﻧﻲ ﺍﻧﺎ ﻣﻲ : ﻗﺮﺻﺎﺗﻨﻲ ﺗﺎ ﻃﺮﺕ ﺍﻧﺎ ﺳﺨﻔﺎﻧﺔ ﺩﺍﺑﺎ ﺗﺎﻝ ﺍﻟﺪﺍﺭ ﻭ ﻧﻌﺎﻭﺩ ﻟﻴﻚ ﺩﺧﻠﻨﺎ ﻟﻠﺪﺍﺭ ﻋﻤﺮﺕ ﺍﺗﺎﻱ ﻭ ﺣﻄﻴﺖ ﺣﻠﻴﻮﺍﺕ ﺭﻗﺪﺕ ﺑﻴﻬﻢ ﺍﻟﻮﺍﻟﻴﺪﺓ ﺑﺎﺵ ﺗﻌﺎﻭﺩ ﻟﻴﺎ ﻣﻲ : ﺩﺭﻙ ﺭﺍﺳﻚ ﺍﻟﻌﻔﺮﻳﺘﺔ ، ﻋﺎﺩ ﺍﻟﻤﺮﺍﺓ ﺭﺍﻫﺎ ﺑﻨﺖ ﻋﻢ ﺑﺎﻙ ﺳﺎﻛﻨﺔ ﻑ ﺍﻛﺎﺩﻳﺮ ﻫﻲ ﻭ ﺭﺍﺟﻠﻬﺎ ﻋﻨﺪﻫﺎ ﻭﻟﺪ ﻭﺍﺣﺪ ﻋﺎﻳﺶ ﻑ ﺍﻟﺪﺍﻧﻴﻤﺎﺭﻙ ﻭ ﺑﻐﺎﺕ ﺗﺰﻭﺟﻮ ﻭ ﻗﺎﻟﺖ ﻣﺎﻛﺎﻳﻦ ﻣﺎﺣﺴﻦ ﻟﻴﻪ ﻣﻦ ﺩﻣﻬﺎ ﻟﻲ ﻫﻲ ﻧﺘﻲ ﻭ ﺑﺎﻙ ﻭﺍﻓﻖ ﺣﻴﺖ ﺍﻟﺪﺭﻱ ﺷﺎﺭﺏ ﻋﻘﻠﻮ ﻭ ﻭ ﻏﺎﻳﻌﻴﺸﻚ ﻣﺰﻳﺎﻥ ﺍﻧﺎ : ﻭ ﻟﻜﻦ ﺧﺎﺻﻨﻲ ﻧﺸﻮﻓﻮ ﻭ ﻧﺘﻔﺎﻫﻢ ﻣﻌﺎﻩ ﻣﻲ : ﻏﺪﺍ ﻏﺎﻳﺠﻴﻮ ﻭ ﺷﻮﻓﻴﻪ ﻭﻻ ﻳﺸﻮﻓﻚ ﺍﻧﺎ : ﻣﻲ ﻓﺎﺵ ﺧﺪﺍﻡ ﻭ ﺷﺤﺎﻝ ﻋﻨﺪﻭ ﻣﻦ ﻋﺎﻡ ﻣﻲ : ﺑﺎﻗﻲ ﺻﻐﻴﺮ ﻋﻨﺪﻭ 39 ﻋﺎﻡ ﻓﺎﺵ ﺧﺪﺍﻡ ﻣﺎﻋﺮﺕ ﺍﻧﺎ : ﺍﻭﻳﻠﻲ ﻋﻠﻰ ﺑﺎﻗﻲ ﺻﻐﻴﺮ ﻫﺎﺩﺍ ﺭﺍﻩ ﻳﻮﻟﺪﻧﻲ ﺍ ﻣﻲ ﺣﺮﺍﻡ ﻋﻠﻴﻜﻢ ﻟﺤﺘﻮﻧﻲ ﻫﺎﺩ ﺍﻟﻠﻮﺣﺔ ﺓ ﺑﺪﻳﺖ ﻧﻐﺒﻦ ﻣﻲ : ﻧﻮﺩﻱ ﻣﻦ ﺣﺪﺍﻳﺎ ﺍ ﻭﺟﻪ ﺍﻟﻘﻬﺮﺓ ﻭ ﺍﻟﻠﻪ ﺗﺎﺗﺰﻭﺟﻴﻪ ﺭﺍﻩ ﻋﻄﻴﻨﺎ ﺍﻟﻜﻠﻤﺔ ﻟﻠﻨﺎﺱ ﻣﺸﻴﺖ ﻟﻠﺒﻴﺖ ﺑﺎﺵ ﻧﻨﻌﺲ ﻣﺎﺟﺎﻧﻴﺶ ﻧﻌﺎﺱ ﺑﻘﻴﺖ ﻛﺎﻧﺨﻤﻢ ﻋﻴﻄﺖ ﻟﺴﻴﻬﺎﻡ ﻋﺎﻭﺩﺕ ﻟﻴﻬﺎ ﺑﺪﺍﺕ ﻛﺎﺗﺒﻜﻲ ﺑﺤﺎﻻ ﻫﻲ ﻟﻲ ﻏﺎﺗﺰﻭﺝ ﺷﺤﺎﻝ ﻫﺒﻴﻠﺔ ﺻﺎﻓﻲ ﻗﻄﻌﺖ ﻭ ﻧﻌﺴﺖ ﻣﻲ : ﻭﺍ ﻓﻴﻘﻲ ﺍﻟﻤﺴﺨﻮﻃﺔ ﺭﺍﻩ 12 ﻫﺎﺩﻱ ﻭ ﺍﻟﻨﺎﺱ ﺟﺎﻳﻴﻦ ﺩﺍﺑﺎ ﻗﻠﺒﺖ ﺗﻴﻠﻴﻔﻮﻥ ﻟﻘﻴﺘﻬﺎ ﻳﺎﻻﻩ 10 ﺍﻧﺎ : ﺍ ﻣﺎﻟﻚ ﺍ ﺯﻫﺮﺓ ﺯﺩﺗﻲ ﺳﺎﻋﺘﻴﻦ ﻛﺎﻣﻠﺔ ﻛﺎﻉ ﻣﻲ : ﺷﻴﺮﺍﺕ ﻋﻠﻴﺎ ﺑﺎﻟﺼﻨﺪﺍﻟﺔ ﻏﺎﺗﻨﻮﺩﻱ ﻭ ﻻ ﻣﺎﻳﻌﺠﺒﻚ ﺣﺎﻝ ﺭﺍﻩ ﺧﺎﺻﻚ ﺗﻤﺸﻲ ﻝ ﺍﻟﺼﺎﻟﻮﻥ ﻭ ﺗﻘﺎﺩﻱ ﺣﺎﻟﺘﻚ ﻳﺎﻟﻠﻪ ﻳﺒﺎﻥ ﻓﻚ ﺍﻟﻀﻮ ﺷﻮﻳﺎ ﻭ ﻧﺘﻲ ﺑﺤﺎﻝ ﺍﻟﻤﻌﺰﺓ ﺷﻜﺮﺍ ﻳﺎ ﺃﻣﺎﻩ ﺩﻳﻤﺎ ﻫﺎﺯﺓ ﻟﻴﺎ ﺍﻟﻤﻌﻨﻮﻳﺎﺕ ﺍﻧﺎ ﻏﺎﺳﻤﻌﺖ ﺍﻟﺼﺎﻟﻮﻥ ﻭ ﻧﺪﺕ ﻧﺠﺮﻱ ﻟﺒﺴﺖ ﺟﻼﺑﺘﻲ ﺍﻭ ﺧﻨﺸﺘﻲ ﻋﻄﺎﺗﻬﺎ ﻟﻴﺎ ﻣﻲ ﺑﻠﻲ ﺻﻐﺎﺭﺕ ﻋﻠﻴﻬﺎ ﺍﻟﺜﻮﺏ ﺩﻳﺎﻟﻬﺎ ﺟﺎﻳﺒﻮ ﻟﻴﻬﺎ ﺑﺎ ﻑ ﺍﻟﺪﻓﻮﻉ ﻫﻬﻪ ﻃﺮﻛﺖ ﺳﻴﻬﺎﻡ ﻭ ﻣﺸﻴﻨﺎ ﻟﻠﺼﺎﻟﻮﻥ ﺗﻔﻮ ﺷﺤﺎﻝ ﻋﺎﻣﺮ ﺑﺎﻟﺒﺮﻛﺎﻛﺎﺕ ﻭ ﺑﺎﻟﺼﻬﺪ ﻭ ﺑﻜﻠﺪﻭﺏ ﻭ ﻛﻠﺸﻲ ﻭﺻﻼﺗﻨﻲ ﺍﻟﻨﻮﺑﺔ ﺻﺎﻭﺑﻮ ﻟﻴﺎ ﺷﻌﺮﻱ ﻭ ﻭﺟﻬﻲ ﻟﻲ ﺧﺎﺻﻮ ﻳﺘﻨﺘﻒ ﻧﺘﻔﻮﻩ ﻭ ﻟﻲ ﺧﺎﺻﻮ : ﻳﺘﺼﺒﻎ ﺻﺒﻐﻮﻩ ﻣﺎﺳﺎﻻﻭ ﺗﺎ ﻏﻔﺮ ﻟﻴﺎ ﺍﻟﻠﻪ ﺍﻟﺪﻧﻮﺏ ﺳﻴﻬﺎﻡ

ﺍﻟﺒﺎﺭﺕ 4

ﺳﻴﻬﺎﻡ : ﻳﺎﻩ ﻛﺎﺗﺸﺒﻬﻲ ﻝ ﺻﺎﺣﺒﺘﻲ ﻋﺎﻟﻴﺔ ﻏﺎ ﻫﻲ ﻋﻮﺭﺓ ﻭ ﻧﺘﻲ ﻻ …. ﻧﺘﻔﺘﻬﺎ ﻭ ﺩﺭﺕ ﺯﻳﻔﻲ ﻭ ﻧﻀﺎﺿﺮﻱ ﻭ ﺧﺮﺟﻨﺎ ( ﻧﺴﻴﺖ ﻣﺎ ﻗﻠﺖ ﻟﻴﻜﻢ ﺧﺘﻜﻢ ﻋﻮﺭﺓ ﻫﻪ ) ﻭﺻﻠﺖ ﻟﻠﺪﺍﺭ ﺷﺎﻓﺘﻨﻲ ﻣﻲ ﻭ ﻋﻴﻨﻴﻬﺎ ﻏﺮﻏﺮﻭ ﻭ ﻋﻨﻘﺎﺗﻨﻲ ﻣﻲ : ﺗﺒﺎﺭﻛﻼﻩ ﻋﻠﻰ ﺑﻨﻴﺘﻲ ﻋﺮﻭﺳﺔ ﺍﻧﺎ : ﺻﺎﻓﻲ ﺍ ﻣﻲ ﺭﺍﻩ ﻏﺎﻧﺒﺪﺍ ﻧﺒﻜﻲ ﺿﺮﺕ ﻟﻘﻴﺖ ﺳﻴﻬﺎﻡ ﻛﺎﺗﻬﺮﻧﻦ ﺑﻘﻴﺖ ﻧﻀﺤﻚ ﻋﻠﻴﻬﺎ ﺍﻧﺎ ﻭ ﻣﻲ ﻭ ﻋﻠﻰ ﻫﺒﺎﻟﻬﺎ ﻭ ﺩﺧﻠﻨﺎ ﻟﻠﺒﻴﺖ ﺷﻔﺖ ﺭﺍﺳﻲ ﻓﺎﻟﻤﺮﺍﻳﺔ ﻭ ﺗﺰﻋﻄﺖ ﻓﻴﺎ ﻫﻬﻬﻪ ﺍﻭ ﺳﺒﺤﺎﻥ ﻣﺒﺪﻝ ﺍﻻﺣﻮﺍﻝ ﺩﺍﺭﻭ ﻟﻴﺎ ﻣﺎﻛﻴﺎﺝ ﺧﻔﻴﻒ ﺑﺰﺍﺍﻑ ﻭ ﺷﻌﺮﻱ ﺑﻮﻛﻠﻲ ﺑﻨﺖ ﺯﻭﻳﻨﺔ ﻟﺒﺴﺖ ﻭﺍﺣﺪ ﺍﻟﻜﻨﺪﻭﺭﺓ ﺑﻴﻀﺔ ﻭ ﻓﻴﻬﺎ ﻃﺮﻳﺰﺍﺕ ﺑﺎﻟﺼﻢ ﻟﺼﻔﺮ ﻭ ﺷﺮﺑﻴﻞ ﺻﻔﺮ ﻭ ﻃﻠﻘﺖ ﺷﻌﺮﻱ ﻭ ﺟﺒﺘﻮ ﺑﺠﻨﺐ ﺣﻄﻴﺖ ﺍﻧﺎ ﻭ ﻣﻲ ﻭ ﺳﻴﻬﺎﻡ ﻟﻐﺪﺍ ﺳﻤﻌﻨﺎ ﺍﻟﺪﻗﺎﻥ ﺍﻟﻨﺎﺱ ﺟﺎﻭ ﺍﻧﺎ ﻗﻠﺒﻲ ﻛﺎﻳﻀﺮﺏ ﻋﻠﻰ ﺟﻬﺪﻭ ﻭ ﻓﻴﺎ ﺍﻟﺘﺒﻮﺭﻳﺸﺔ ﻭ ﺍﻟﺮﺩﺍﻥ ﺑﺤﺎﻻ ﻏﺎﻳﻌﺪﻣﻮﻧﻲ ﻫﻬﻪ ﺑﺎ : ﻣﺤﺒﺎ ﺑﺒﻨﺖ ﻋﻤﻲ ﻭ ﻓﺎﻣﻴﻠﺘﻬﺎ ﺗﻔﻀﻠﻮ ﻧﻬﺎﺭ ﻛﺒﻴﺮ ﻫﺎﺩﺍ ﻣﻲ : ﻣﺮﺣﺒﺎ ﻣﺮﺣﺒﺎ ﺯﻳﺪﻭ ﺗﻔﻀﻠﻮ ﻛﻠﺴﻮ ﺍﻟﻨﺎﺱ ﻭ ﺟﺎ ﺑﺎ ﺧﺮﺟﻨﻲ ﻣﻦ ﺍﻟﻜﻮﺯﻳﻨﺔ ﺑﺰﺯ ﻣﺎﻗﺪﺭﺗﺶ ﻧﺘﺤﺮﻙ ﻫﻬﻪ ﻛﺎﺗﺒﺎﻥ ﻟﻴﺎ ﻣﺮﺍﺓ ﺗﻜﻮﻥ ﻑ ﺍﻟﺴﺘﻴﻨﺎﺕ ﻭ ﺭﺍﺟﻠﻬﺎ ﻭ ﺑﻨﺖ ﺗﻜﻮﻥ ﻗﺪﻱ ﻭ ﻭﻟﺪ ﻋﻨﺪﻭ ﺷﻲ 3 ﺳﻨﻴﻦ ﺳﻠﻤﺖ ﻋﻠﻴﻬﻢ ﻭ ﻛﻠﺴﺖ ﺍﻟﺤﺎﺟﺔ ﻧﻌﻴﻤﺔ : ﺗﺒﺎﺭﻛﻼﻩ ﻭ ﺍﻟﺼﻼﺓ ﻋﻠﻰ ﺍﻟﻨﺒﻲ ﺍﻧﺎ ﺍ ﺑﻨﺘﻲ ﻫﻲ ﻋﺪﻭﺯﺗﻚ ﻭ ﻫﺎﺩﻱ ﻣﺮﻳﻢ ﺑﻨﺘﻲ ﻭ ﻫﺎﺩﺍ ﻭﻟﺪﻫﺎ ﻣﺤﻤﺪ ﺍﻣﻴﻦ ﺑﺘﺎﺳﻤﺖ ﻭ ﻗﻠﺖ ﻟﻴﻬﻢ ﻣﺮﺣﺒﺎ ﺑﻴﻜﻢ ﻣﺘﺸﺮﻓﻴﻦ ﻣﺮﻳﻢ : ﻏﺰﺍﻟﺔ ﺗﺒﺎﺭﻛﻼﻩ ﻋﻠﻴﻚ ﺧﻮﻳﺎ ﻣﺎﻗﺪﺭﺵ ﻳﺠﻲ ﻣﻌﺎﻧﺎ ﺍﻟﻴﻮﻡ ﻣﺸﺎ ﻫﻮ ﻭ ﺍﻟﻮﻟﻴﺪ ﻳﻘﻀﻴﻮ ﺷﻲ ﺷﻐﻞ ﺑﺎ : ﻣﺎﻛﺎﻳﻦ ﺑﺎﺱ ﺍ ﺑﻨﺘﻲ ﻧﺘﻮﻣﺎ ﻓﻴﻜﻢ ﺍﻟﺒﺮﻛﺔ ﺩﺍﺯﺕ ﺍﻟﻌﺸﻴﺔ ﻣﺰﻳﺎﻧﺔ ﺍﻟﺼﺮﺍﺣﺔ ﻧﺎﺱ ﺿﺮﻳﻔﻴﻦ ﻭ ﻣﺘﻮﺍﺿﻌﻴﻦ ﻭ ﺑﺎﻳﻨﺔ ﻟﺒﺎﺱ ﻋﻠﻴﻬﻢ ﻏﻴﺮ ﻣﻦ ﻟﺒﺴﻬﻢ ﺍﻧﺎ ﻭ ﻣﺮﻳﻢ ﺗﺼﺎﺣﺒﻨﺎ ﺩﻏﻴﺎ ﻭ ﺗﺒﺎﺩﻟﻨﺎ ﺍﺭﻗﺎﻡ ﺍﻟﺘﻴﻠﻴﻔﻮﻥ ﺿﺮﻳﻔﺔ ﺑﺰﺍﻑ ﻭ ﻛﺎﺗﺪﺧﻞ ﻟﻠﺨﺎﻃﺮ ﻣﺸﺎﻭ ﺍﻟﻨﺎﺱ ﺟﻤﻌﺖ ﺍﻟﺮﻭﻳﻨﺔ ﺍﻧﺎ ﻭ ﺳﻴﻬﺎﻡ ﻭ ﺷﺪﻳﺘﻬﺎ ﺗﺒﺎﺕ ﻣﻌﺎﻳﺎ ﺟﺎﺕ ﻋﻨﺪﻱ ﻣﻲ ﻓﺎﻟﻠﻴﻞ ﻣﻲ : ﺑﻨﺘﻲ ﺑﺎﻙ ﺗﺎﻓﻖ ﻣﻊ ﺍﻟﺤﺎﺟﺔ ﺳﻴﻤﺎﻧﺎ ﺍﻟﺠﺎﻳﺔ ﺍﻟﻌﻘﺪ ﻭ ﺍﻟﺪﻓﻮﻉ ﻭ ﻣﻦ ﻣﻮﺭﺍﻫﺎ ﺑﺸﻬﺮ ﺍﻟﻌﺮﺱ ﺍﻥ ﺷﺎﺀ ﺍﻟﻠﻪ ﺍﻧﺎ : ﺯﺭﺑﺎﻧﻴﻦ ﺍ ﻣﻲ ﺑﺎﻏﻴﻦ ﺗﻬﻨﺎﻭ ﻣﻨﻲ ﻣﻲ : ﻭ ﺷﻜﻮﻥ ﻳﺴﺨﺎ ﺑﻜﺒﺪﺗﻮ ﻳﺎ ﺑﻨﻴﺘﻲ ﻫﺎﺩﻱ ﺳﻨﺔ ﺍﻟﺤﻴﺎﺓ

ﺍﻟﺒﺎﺭﺕ :5

ﺧﺮﺟﺎﺕ ﻣﻲ ﺑﻘﻴﺖ ﻣﺠﻤﻌﺔ ﺍﻧﺎ ﻭ ﺳﻴﻬﺎﻡ ﺣﺘﻰ ﺩﺍﻧﻲ ﺍﻟﻨﻌﺎﺱ ﺍﻟﺴﻴﻤﺎﻧﺔ ﺩﺍﺯﺕ ﻃﺎﻳﺮﺓ ﻓﺎﻟﺘﻮﺟﺎﺩ ﻭ ﺍﻟﻤﺎﺳﻜﺎﺕ ﻫﺎﺩﻱ ﺗﺒﻴﺾ ﻫﺎﺩﻱ ﺗﺮﻃﺐ ﻭ ﺍﻟﺠﺮﺍ ﻋﻠﻰ ﺍﻟﻮﺭﺍﻕ ﻭ ﺩﺍﻛﺸﻲ ﺍﻧﺎ : ﺍﻓﻔﻒ ﺍ ﺳﻴﻬﺎﻡ ﺍﻧﺎ ﻏﺪﺍ ﻏﺎﻧﺘﺰﻭﺝ ﺑﺮﺍﺟﻞ ﻣﺎﻛﺎﻧﻌﺮﻑ ﻋﻠﻴﻪ ﺣﺘﺎ ﺳﻤﻴﺘﻮ ﻭ ﺷﺎﺭﻑ ﻋﺮﻓﺘﻲ ﺣﺎﺳﺔ ﺑﺮﻭﺣﻲ ﻏﺎﺗﺰﻫﻖ ﺳﻴﻬﺎﻡ : ﺳﻜﺘﻲ ﺍ ﺻﺎﺣﺒﺘﻲ ﺩﺍﺑﺎ ﺗﻮﺍﻟﻔﻴﻪ ﻭ ﺗﺤﺒﻴﻪ ﻭ ﺗﻮﻟﻲ ﻫﺎﺩﻱ ﻛﻠﻬﺎ ﻏﺎ ﻫﺪﺭﺍ ﺍﻧﺎ : ﺑﻐﻴﺖ ﺷﻲ ﻗﺼﺔ ﺣﺐ ﺑﺤﺎﻝ ﺩﺑﺎ ﺍﻟﻬﻨﻮﺩ ﻣﻲ : ﻻﻭﺍﻩ ﺍﻟﺸﻴﻨﻮﺓ ﺍﻟﻰ ﻛﺮﻣﺎﺕ ﺍﻟﺤﻨﺔ ﻗﺸﺮﻳﻬﺎ ﻭ ﺩﻭﺯﻱ ﺗﻨﻌﺴﻲ ﺭﺍ ﺗﺎﺑﻌﺎﻧﺎ ﺗﺎﻣﺎﺭﺓ ﻏﺪﺍ ﻣﺸﻴﺖ ﻧﻨﻌﺲ ﻭ ﺍﻧﺎ ﺩﺍﻳﺮﺓ ﻳﺪﻱ ﻋﻠﻰ ﻧﻴﻔﻲ ﻛﺎﻧﺸﻢ ﺭﻳﺤﺔ ﺍﻟﺤﻨﺎ ﺍﻧﺎ : ﺷﻮﻓﻲ ﻋﺎﻓﺎﻙ ﻣﺎﺗﻘﻮﻳﺶ ﻟﻴﺎ ﺍﻟﻤﺎﻛﻴﺎﺝ ﺑﺰﺍﻑ ﻭ ﺩﻳﺮﻱ ﻟﻴﺎ ﺷﻲ ﻣﺸﻴﻄﺔ ﻏﻴﺮ ﺧﻔﻴﻔﺔ ﻭ ﺳﺎﻣﺒﻞ ﺍﻟﻜﻮﺍﻓﻮﺭﺓ : ﻛﻮﻧﻲ ﻫﺎﻧﻴﺔ ﻏﻴﺮ ﺭﺗﺎﺣﻲ ﻣﻦ ﺑﻌﺪ ﻣﺎ ﺳﺎﻟﻴﺖ ﺷﻔﺖ ﻑ ﺍﻟﻤﺮﺍﻳﺔ ﻋﺠﺒﻨﻲ ﺭﺍﺳﻲ ﺟﺎﺕ ﺩﺍﺗﻨﻲ ﺑﻨﺖ ﻋﻤﺘﻲ ﺑﺎﻟﻄﻮﻣﻮﺑﻴﻞ ﻣﻦ ﺍﻟﺼﺎﻟﻮﻥ ﻃﺎﻟﻌﺔ ﻓﺎﻟﺪﺭﻭﺝ ﺳﺘﻘﺒﻠﻮﻧﻲ ﺑﻨﺎﺕ ﺧﻮﺍﻟﻲ ﻭ ﻋﻤﺎﻣﻲ ﺑﺎﻟﺰﻏﺎﺭﻳﺖ ﻭ ﺍﻟﺼﻼﺓ ﻋﻠﻰ ﺍﻟﻨﺒﻲ ﺍﺣﺴﺎﺱ ﺯﻭﻳﻦ ﺍﻟﺼﺮﺍﺣﺔ ﺩﺧﻠﺖ ﻟﺒﺴﺖ ﻗﻔﻄﺎﻥ ﺑﻴﺾ ﻛﻠﻮ ﺣﺠﺮ ﻏﺰﺍﻝ ﻣﻊ ﺍﻧﺎ ﺳﻤﺮﺓ ﺟﺎ ﻣﻌﺎﻳﺎ ﻫﻮ ﻫﺪﺍﻙ ﻭ ﺳﺒﺎﻁ ﻃﺎﻟﻮﻥ ﺑﻴﺾ ﻫﺎﺩﺷﻲ ﻛﻠﻮ ﺳﻠﻔﺎﺗﻮ ﻟﻴﺎ ﺑﻨﺖ ﺧﺎﻟﺘﻲ ﺍﻟﻠﻊ ﻳﺨﻠﻒ ﻋﻠﻴﻪ ﺑﻘﻴﺖ ﺟﺎﻟﺴﺖ ﻓﺎﻟﺒﻴﺖ ﻭ ﺣﺸﻤﺎﻧﺔ ﺷﻮﻳﺔ ﻛﺎﻧﺴﻤﻊ ﺍﻟﺪﻗﺔ ﺍﻟﻤﺮﺍﻛﺸﻴﺔ ﻭ ﺍﻟﺰﻏﺎﺭﻳﺖ ﻋﺮﻓﺖ ﺍﻟﺪﻓﻮ ﺟﺎ ﺍﻧﺎ : ﺍﻭﻳﻠﻲ ﻗﺮﺻﻴﻨﻲ ﺍ ﻣﻲ ﺍﻧﺎ ﻑ ﺣﻠﻢ ﻭ ﻻ ﻋﻠﻢ ﻫﺎﺩﺷﻲ ﻛﻠﻮ ﻋﻠﻰ ﻗﺒﻠﻲ ﺍ ﺳﻌﺪﻱ ﺍ ﻓﺮﺣﻲ ﻣﻲ : ﻭ ﻣﺎﻟﻚ ﺍﻟﻬﺒﻴﻠﺔ ﻣﺎﺗﺴﺘﺎﻫﻠﻴﺶ ﻫﺎﺩﺷﻲ ﺑﺼﺎﺍﺡ ﺍ ﺑﻨﻴﺘﻲ ﻭ ﻧﺘﻲ ﺭﺍﻙ ﻏﺎﺗﺰﻭﺟﻲ ﻟﻴﻨﺎ ﺍﻧﺎ ﺣﺸﻤﺖ ﻭ ﺣﺪﺭﺕ ﺭﺍﺳﻲ ﺍﻟﺤﺎﺟﺔ ﻭ ﻣﺮﻳﻢ ﺩﺧﻠﻮ ﻋﻨﺪﻱ ﻟﻠﺒﻴﺖ : ﺗﺒﺎﺭﻛﻼﻩ ﺍﻟﻠﻪ ﻳﺤﺠﺒﻚ ﺍ ﺑﻨﺘﻲ ﻣﺮﻳﻢ ﺩﺍﺭﺕ ﻟﻴﺎ ﻭﺍﺣﺪ ﺍﻟﺸﺎﻝ ﺑﻴﺾ ﻓﻮﻕ ﺭﺍﺳﻲ ﻭ ﻗﺎﻟﺖ ﻟﻴﺎ ﺑﺎﺵ ﻧﺨﺮﺝ ﺍﻟﻌﺪﻭﻝ ﺟﺎﻭ ﺧﺮﺟﻮﻧﻲ ﻣﻦ ﺍﻟﺒﻴﺖ ﺑﺎﻟﺼﻼﺓ ﻭ ﺍﻟﺴﻼﻡ ﻭ ﺍﻧﺎ ﻋﻴﻨﻴﺎ ﻑ ﺍﻻﺭﺽ ﻭ ﺣﺸﻤﺎﻧﺔ ﻫﺰﻳﺖ ﺭﺍﺳﻲ ﺑﺎﻥ ﻟﻴﺎ ﻭﺍﺣﺪ ﺍﻟﺮﺍﺟﻞ ﺟﺎﻟﺲ ﻣﻊ ﺑﺎ ﺣﺪﺍ ﺍﻟﻌﺪﻭﻝ ﻻﺑﺲ ﻛﻮﺳﺘﻴﻢ ﻛﺤﻞ ﻭ ﻗﺎﻣﻴﺠﺔ ﺑﻴﻀﺎ ﻭ ﻛﺮﺍﻓﺎﻁ ﻛﺤﻠﺔ ﺳﻨﺎﻧﻮ ﺑﻴﻀﻴﻦ ﻭ ﻣﺴﺘﻔﻴﻦ ﺷﻌﺮﻭ ﺭﻃﺐ ﻭ ﻛﺤﻞ ﻭ ﻣﺨﻠﻂ ﺑﺎﻟﺸﻴﺐ ﺩﺍﻳﺮ ﻟﻴﻪ ﺟﻴﻞ ﻭ ﺭﺍﺩﻭ ﺍﻟﻠﻮﺭ

ﺍﻟﺒﺎﺭﺕ :6

ﻛﺎﻳﺒﺎﻥ ﺯﻭﻳﻦ ﻭ ﺍﻧﻴﻖ ﻗﺎﻟﺖ ﻟﻴﺎ ﻣﺮﻳﻢ ﻓﻮﺩﻧﻲ ﻫﺎﺩﺍ ﻫﻮ ﻳﺤﻴﻰ ﺭﺍﺟﻠﻚ ﺑﺘﺎﺳﻤﺖ ﻭ ﺣﺪﺭﺕ ﺭﺍﺳﻲ ﺩﺍﺭ ﻟﻴﺎ ﺑﺎ ﺑﻼﺻﺔ ﺣﺪﺍﻩ ﺑﺪﺍ ﺍﻟﻌﺪﻭﻝ ﺍﻻﺟﺮﺍﺀﺍﺕ ﺩﻳﺎﻝ ﺍﻟﺰﻭﺍﺝ ﻋﻄﺎﻩ ﻳﺴﻨﻲ ﻭ ﺗﻌﻄﻞ ﺑﻘﺎ ﺷﺎﺩ ﺍﻟﺴﺘﻴﻠﻮ ﻭ ﻣﺰﻳﺮ ﻋﻠﻰ ﻳﺪﻳﻪ ﺍﻧﺎ ﺗﺰﻳﺮﺕ ﻭ ﺣﺒﺴﺎﺗﻨﻲ ﺍﻟﺒﻜﻴﺔ ﺑﺪﺍ ﺍﻟﻌﺪﻭﻝ ﻛﺎﻳﻜﺤﺐ ﺑﻠﻌﺎﻧﻲ ﻋﺎﺩ ﺳﻲ ﻳﺤﻴﻰ ﻓﺎﻕ ﻣﻦ ﺍﻟﻘﻠﺒﺔ ﻭ ﺳﻨﻰ ﺳﻨﻴﺖ ﺧﺘﻰ ﺍﻧﺎ ﻭ ﺑﺪﺍﻭ ﺍﻟﺰﻏﺎﺭﻳﺖ ﺻﺎﻓﻲ ﻭﻻ ﺭﺍﺟﻠﻲ ﺩﺍﺑﺎ ﻛﺎﻧﺸﻮﻑ ﻓﻴﻪ ﺑﻨﺺ ﻋﻴﻦ ﻛﺎﻳﺒﺎﻥ ﻟﻴﺎ ﻣﺎﺣﺎﻣﻠﺶ ﻫﺎﺩﺷﻲ ﻛﻠﻮ ﻭ ﻛﺎﻟﺲ ﻋﻠﻰ ﺍﻋﺼﺎﺑﻮ ﺍﻟﺤﺎﺟﺔ ﻧﻌﻴﻤﺔ : ﻧﻮﺩ ﺍ ﻭﻟﺪﻱ ﻧﺘﺎ ﻭ ﻣﺮﺍﺗﻚ ﻫﺪﺭﻭ ﺷﻮﻳﺎ ﻭ ﺗﻌﺮﻓﻮ ﻋﻠﻰ ﺑﻌﻀﻴﺎﺗﻜﻢ ﺩﺧﻠﻨﺎ ﻝ ﺑﻴﺘﻲ ﺟﻠﺴﺖ ﻓﻮﻕ ﻧﺎﻣﻮﺳﻴﺘﻲ ﻭ ﻫﻮ ﺟﺮ ﻛﺮﺳﻲ ﺟﻠﺲ ﻋﻠﻴﻪ ﻭ ﺳﺪ ﺍﻟﺒﺎﺏ ﻭ ﺟﺒﺪ ﻛﺎﺭﻭ ﻛﺎﻳﺘﻜﻴﻒ ﻭ ﻛﺎﻳﺨﻨﺰﺭ ﻓﻴﺎ ﻭ ﺑﺎﻳﻨﺔ ﻓﻴﻪ ﻛﺎﻋﻲ ﻋﻠﻰ ﺍﻟﻮﺿﻌﻴﺔ ﻳﺤﻴﻰ : ﺷﻨﻮ ﺳﻤﻴﺘﻚ ﺍﻧﺎ : ﻋﺎﻟﻴﺔ ﻗﻠﺘﻬﺎ ﻭ ﺣﺎﺩﺭﺓ ﺭﺍﺳﻲ ﻳﺤﻴﻰ : ﻣﺎﻋﻠﻤﻮﻛﺶ ﺩﺍﺭﻛﻢ ﺑﻠﻲ ﻣﻦ ﻗﻠﺔ ﺍﻻﺩﺏ ﺗﺪﻭﻱ ﻣﻊ ﺷﻲ ﻭﺍﺣﺪ ﻭ ﻋﻴﻨﻴﻚ ﻑ ﺟﻴﻬﺔ ﺧﺮﺍ ﺗﺼﺪﻣﺖ ﺍﻭﻳﻠﻲ ﻫﺎﺩﺍ ﻣﺎﻟﻮ ﻳﺎﻻﻩ ﻏﺎﺩﻱ ﻧﻬﺪﺭ ﻭ ﻫﻮ ﻳﻘﻮﻝ ﻳﺤﻴﻰ : ﺷﻮﻓﻲ ﺑﺎﺵ ﻧﺠﻴﻚ ﻣﻦ ﺍﻟﻠﺨﺮ ﺍﻧﺎ ﺍﻟﻮﺍﻟﻴﺪﺓ ﻟﻲ ﺑﺰﺍﺗﻚ ﻋﻠﻴﺎ ﻭ ﻗﺎﻟﺖ ﻟﻴﺎ ﻫﺎ ﺍﻟﺴﺨﻂ ﻫﺎ ﺍﻟﺮﺿﻰ ﻣﺎﻋﺮﻓﺘﺶ ﺍﺵ ﻋﺠﺒﻬﺎ ﻓﻴﻚ ﺑﺮﻫﻮﺷﺔ ﺻﻐﻴﺮﺓ ﻏﺎﺗﺰﻭﺝ ﺑﻴﺎ ﺍﻧﺎ ﻫﺎﺩﺷﻲ ﻟﻲ ﺑﻘﺎ ﻭ ﻻ ﺑﺎﻳﻨﻴﻦ ﻟﻘﻴﺘﻮ ﺍﻟﻮﺍﻟﻴﺪﺓ ﻧﻴﺔ ﻭ ﻛﻠﻴﺘﻮ ﻟﻴﻬﺎ ﺩﻣﺎﻏﻬﺎ ﺃ ﺍﻟﻌﺎﺋﻠﺔ ﺍﻟﻄﻤﺎﻋﺔ ﻣﺎﺣﺴﻴﺘﺶ ﺑﺮﺍﺳﻲ ﺗﺎ ﺗﻼﺣﻴﺖ ﻋﻠﻴﻪ ﺑﻐﻴﺖ ﻧﺼﺮﻓﻘﻮ ﻛﻴﻔﺎﺵ ﺗﺠﺮﺃ ﻳﻘﻮﻝ ﻋﻠﻴﺎ ﻫﺎﺩ ﺍﻟﻬﺪﺭﺓ ﻣﺎﻗﺪﺭﺗﺶ ﻧﺴﺘﺤﻤﻞ ﻫﺪﺭﺗﻮ ﻛﻲ ﺍﻟﻘﺮﻃﺎﺱ ﻳﺤﻴﻰ ﻭ ﻫﻮ ﺷﺎﺩ ﻟﻴﺎ ﺍﻳﺪﻱ : ﺍﺵ ﺑﺎﻏﺎ ﺩﻳﺮﻱ ﺍ ﺍﻟﺒﺮﻫﻮﺷﺔ ﺑﺎﻏﺎ ﺿﺮﺑﻴﻨﻲ ؟ ﻟﺼﻘﻨﻲ ﻣﻊ ﺍﻟﺤﻴﻂ ﻭ ﺑﺪﺍ ﻛﺎﻳﻬﺪﺭ ﻣﻦ ﺗﺤﺖ ﺳﻨﺎﻧﻮ ﻫﺎﺩﺷﻲ ﻟﻲ ﻃﺮﺍ ﻏﺎﻳﺒﻘﺎ ﺑﻴﻨﺎﺗﻨﺎ ﺍﺻﻼ ﺗﺎ ﻭﺍﺣﺪ ﻣﺎﻏﺎﻳﺘﻴﻘﻚ ﺍﻧﺎ ﺑﺎﺵ ﻧﺪﻳﺮ ﺍﻟﺨﺎﻃﺮ ﻟﻠﻮﺍﻟﻴﺪﺓ ﻏﺎﻧﺘﺰﻭﺝ ﺑﻴﻚ ﻣﻦ ﺑﻌﺪ ﺍﻟﺰﻭﺍﺝ ﺏ 6 ﺷﻬﺮ ﺍﻟﻠﻪ ﻳﻌﺎﻭﻧﺎ ﻭ ﻳﻌﺎﻭﻧﻚ ﻏﺎﻧﻄﻠﻘﻮ ﺧﺮﺝ ﻭ ﺳﺪ ﺍﻟﺒﺎﺏ ﻭ ﺳﺪ ﻋﻠﻴﺎ ﺑﻴﺒﺎﻥ ﺍﻻﻣﻞ ﻟﻲ ﻛﺎﻥ ﻋﻨﺪﻱ ﺗﻔﺮﺗﻜﺎﺕ ﺍﻟﺠﻘﻠﺔ ﻭ ﺍﻟﻨﺎﺱ ﻣﺸﺎﻭ ﻭ ﺍﻧﺎ ﺑﺪﻟﺖ ﺩﻭﺷﺖ ﻭ ﻫﺮﺑﺖ ﻣﻦ ﺃﺳﺌﻠﺔ ﻣﻲ ﻭ ﺳﻴﻬﺎﻡ ﺩﺭﺕ ﺍﻟﺴﺒﺔ ﺑﺎﻟﻨﻌﺎﺱ ﻣﺎﺑﻐﻴﺖ ﻧﺪﻭﻱ ﻣﻊ ﺣﺘﻰ ﻭﺍﺣﺪ ﻑ ﺣﺘﻰ ﺣﺎﺟﺔ ﺍﻧﺎ ﺣﻴﺎﺗﻲ

ﺍﻟﺒﺎﺭﺕ :7

ﺣﻴﺎﺗﻲ ﻭﺻﻼﺕ ﻧﻬﺎﻳﺘﻬﺎ ﻭﺍﺧﺎ ﺑﺎﻗﺎ ﻛﺎﻋﻤﺔ ﺑﺪﺍﺕ ﺑﻘﻴﺖ ﻛﺎﻧﺨﻤﻢ ﻭ ﻧﺒﻜﻲ ﻭ ﻧﺪﻋﻲ ﺭﺑﻲ ﻳﺪﻳﺮ ﺗﺎﻭﻳﻞ ﺩﻳﺎﻝ ﺍﻟﺨﻴﺮ ﺍﻟﻴﺎﻣﺎﺕ ﻛﺎﺩﻭﺯ ﻭ ﺍﻟﻌﺮﺱ ﻛﺎﻳﻘﺮﺏ ﻋﺪﻭﺯﺗﻲ ﻭ ﻣﺮﻳﻢ ﻣﺎﺧﻼﻭ ﻣﺎﺷﺮﺍﻭ ﻟﻴﺎ ﻣﺴﺎﻛﻦ ﻣﻬﻠﻴﻴﻦ ﻓﻴﺎ ﺩﻳﻤﺎ ﻛﺎﻧﺒﻐﻲ ﻧﻔﺮﻛﻊ ﺍﻟﺮﻣﺎﻧﺔ ﻭ ﻧﻌﺎﻭﺩ ﺍﺵ ﻭﻗﻊ ﻭ ﻟﻜﻦ ﺑﻠﻲ ﻛﺎﻧﺸﻮﻑ ﺍﻟﻔﺮﺣﺔ ﻑ ﻋﺎﻳﻨﻴﻦ ﻣﺮﻳﻢ ﻭ ﺧﺎﻟﺘﻲ ﻭ ﺑﺎ ﻭ ﻣﻲ ﻛﺎﻧﺘﺮﺍﺟﻊ ﻭ ﻛﻨﺼﺒﺮ ﻭ ﻧﻌﻄﻴﻬﺎ ﻟﻠﺒﻜﺎ ﻣﺎﻗﺪﺭﺕ ﻧﻌﺎﻭﺩ ﻟﺤﺘﻰ ﻭﺍﺣﺪ ﺍﺻﻼ ﻫﺎﺩﺷﻲ ﻣﺎﻓﻴﻪ ﻣﺎﻳﺘﻌﺎﻭﺩ ﻣﺮﻳﻢ : ﻻ ﺍ ﺻﺤﺒﺘﻲ ﺍﻧﺎ ﻏﺎﻧﺪﻭﺯ ﻣﻮﺭﺍﻙ ﻭ ﻳﻮﺻﻠﻨﺎ ﻳﺤﻴﻰ ﻣﺎﻛﺎﻳﺖ ﻻ ﺍﺯﻋﺎﺝ ﻻ ﻭﺍﻟﻮ ﺍﻧﺎ : ﻭﺍﺧﺎ ﺍ ﺯﻳﻦ ﻟﻲ ﺑﺎﻥ ﻟﻴﻚ ﻳﺎﻟﻠﻪ ﺑﻠﻲ ﺗﻮﺻﻠﻮ ﻋﻴﻄﻲ ﻟﻴﺎ ﻧﻬﺒﻂ ﺍﻟﻠﻪ ﻳﺎ ﺭﺑﻲ ﻛﻲ ﻏﺎﻧﺪﻳﺮ ﻧﺘﻼﻗﺎ ﺑﺪﺍﻙ ﺍﻟﻜﻤﺎﺭﺓ ﺗﺎﻧﻲ ﺗﻔﻮ ﻳﺎ ﺭﺑﻲ ﺍﻣﺘﻰ ﻳﺪﻭﺯ ﻫﺎﺩ ﺍﻟﻌﺮﺱ ﻣﻲ : ﻋﺎﻟﻴﺔ ﻧﺰﻟﻲ ﺭﺍ ﺍﻟﺒﻨﺖ ﻛﺎﺗﺴﻨﺎﻙ ﻧﺰﻟﺖ ﻭﺻﻠﻨﺎ ﻛﺤﻞ ﺍﻟﻌﻔﻄﺔ ﻟﻮﺍﺣﺪ ﺍﻟﻤﻨﺘﺠﻊ ﺗﺠﻤﻴﻠﻲ ﻛﺎﻥ ﻻﺑﺲ ﺗﻴﺸﻮﺭﺕ ﺑﻴﺾ ﻭ ﺗﺠﻴﻦ ﺯﺭﻕ ﻭ ﻧﻀﺎﺿﺮ ﺍﻟﺸﻤﺲ ﺭﺍﻳﺒﺎﻥ ﻛﺎﻳﺒﺎﻥ ﺑﺤﺎﻝ ﺷﻲ ﻣﻤﺜﻞ ﺍﻟﻄﺮﻳﻖ ﻛﺎﻣﻠﺔ ﻣﺎﺩﻭﻳﻨﺎ ﻣﻦ ﻏﻴﺮ ﺍﻟﺴﻼﻡ ﻭﺻﻠﺖ ﺍﻧﺎ ﻭ ﻣﺮﻳﻢ ﺗﻬﻼﻭ ﻓﻴﻨﺎ ﻣﺰﻳﺎﻥ ﻗﺎﺩﻭ ﻟﻴﺎ ﺷﻌﺮﻱ ﺭﻃﺒﻮﻩ ﻭ ﺻﺎﻭﺑﻮ ﻟﻴﺎ ﺣﺠﺒﺎﻧﻲ ﻭ ﺿﻔﺎﺭﻱ ﻭ ﻻﺳﻴﻎ ﻟﻠﺤﻤﻲ ﻛﺎﻣﻞ ﺣﺸﻤﺖ ﻛﻨﺖ ﺑﺤﺎﻻ ﺧﺮﺟﺖ ﻣﻦ ﺍﻟﺤﺒﺲ ﺷﻜﺮﺕ ﻣﺮﻳﻢ ﺑﺰﺍﻑ ﻋﻠﻰ ﻫﺎﺩ ﺍﻟﻨﻬﺎﺭ ﺍﻟﺰﻭﻳﻦ ﺷﺪﻳﻨﺎ ﻃﺎﻛﺴﻲ ﻭ ﺟﺎﺕ ﻣﻌﺎﻳﺎ ﻟﻠﺪﺍﺭ ﻛﺎﻧﺖ ﺑﺎﻗﺎ ﻳﻮﻣﻴﻦ ﻟﻠﻌﺮﺱ ﺩﻭﺯﺗﻬﺎ ﻏﺎ ﺭﺍﺣﺔ ﻛﺎﻧﺤﺲ ﺑﺮﺍﺳﻲ ﺍﻣﻴﺮﺓ ﺍﻟﻐﺪ ﻟﻴﻪ ﻧﻘﺸﺖ ﺍﻧﺎ ﻭ ﻣﺮﻳﻢ ﻭ ﺻﺎﺣﺒﺘﻲ ﺳﻴﻬﺎﻡ ﻭ ﻣﺎﻣﺎ ﻭ ﻋﺪﻭﺯﺗﻲ ﺩﻭﺯﻧﺎ ﺩﻳﻚ ﺍﻟﻌﺸﻴﺔ ﻧﺎﺷﺎﻁ ﺍﻧﺎ ﻭ ﺍﻟﻌﺎﺋﻠﺔ ﺍﻟﺸﻄﻴﺢ ﻭ ﺍﻟﺮﺩﻳﺢ ﻧﻌﺴﻨﺎ ﺑﻜﺮﻱ ﻣﻊ ﺍﻟﻌﻴﺎ ﺻﺒﺢ ﺻﺒﺎﺡ ﺣﻠﻴﺖ ﻋﻴﻨﻲ ﻛﺎﻧﺸﻮﻑ ﺍﻟﺤﻨﺎ ﺣﻤﺮﺓ ﻓﺎﻳﺪﻱ ﺷﻤﻴﺘﻬﺎ ﻭ ﺗﺒﺴﻤﺖ ﻓﻴﻘﺖ ﺍﻟﺒﻨﺎﺕ ﺩﻭﺷﺖ ﻭ ﻓﻄﺮﺕ ﻭ ﺻﻠﻴﺖ ﻟﺒﺴﺖ ﺑﻘﻴﺖ ﻛﺎﻟﺴﺔ ﻣﻊ ﺍﻟﺪﺍﺭ ﺗﻐﺪﻳﻨﺎ ﻣﺮﻳﻢ : ﻋﺎﻟﻴﺔ ﻫﺎﺩﺍ ﺍﻟﻮﻗﺖ ﻟﻠﺼﺎﻟﻮﻥ ﻟﺒﺴﻲ ﺣﻮﺍﻳﺠﻚ ﻭ ﻳﺎﻻﻩ ﻧﻀﺖ ﻟﺒﺴﺖ ﺟﻼﺑﺔ ﺑﻴﻀﺎ ﺩﻳﺎﻝ ﺍﻟﺮﺍﻧﺪﺓ ﻭ ﺩﺭﺕ ﻓﻮﻻﺭ ﺑﻴﺾ ﺳﻠﻤﺖ ﻋﻠﻰ ﻣﻲ ﻭ ﺑﺎ ﺭﺿﺎﻭ ﻋﻠﻴﺎ ﻭ ﺧﺮﺟﺖ ﻟﻘﻴﻨﺎ ﻳﺤﻴﻰ ﻛﺎﻳﺘﺴﻨﺎ ﻟﺘﺤﺖ ﺑﺎﺵ ﻳﻮﺻﻠﻨﺎ ﺷﺎﻑ ﻓﻴﺎ ﻣﻦ ﺍﻟﻤﺮﺍﻳﺔ ﺍﻟﻘﺪﺍﻣﻴﺔ ﻳﺤﻴﻰ : ﻧﺘﻲ ﻣﺎ ﻋﻨﺪﻙ ﻟﻲ ﻳﻮﺻﻠﻚ ﻧﺒﻘﺎ ﺍﻧﺎ ﺩﻳﻤﺎ ﻏﺎﺩﻱ ﺟﺎﻱ ﺑﻴﻚ

ﺍﻟﺒﺎﺭﺕ :8

ﻣﺮﻳﻢ ﻗﻠﺒﺎﺗﻬﺎ ﺿﺤﻚ ﻭ ﺍﻧﺎ ﻣﺎﺟﺎﻭﺑﺘﺶ ﺩﺧﻠﻨﺎ ﻟﻠﺼﺎﻟﻮﻥ ﻗﺎﺩﻭﻧﻲ ﻣﺰﻳﺎﻥ ﺗﺼﺪﻣﺖ ﻓﺮﺍﺳﻲ ﺍﻭ ﻭﺍﺵ ﻫﺎﺩﻱ ﻫﻲ ﻋﺎﻟﻴﺔ ﺍﻟﺨﻮﻳﺒﺔ ﻻ ﻣﺤﺎﺍﻝ ﺟﻴﺖ ﻭﺍﻋﺮﺓ ﺑﻤﻌﻨﻰ ﺍﻟﻜﻠﻤﺔ ﻣﺮﻳﻢ ﺣﺎﻟﺔ ﻓﻤﻬﺎ : ﺍﻭﻳﻠﻲ ﻫﺎﺩﺷﻲ ﻓﻴﻦ ﻛﺎﻥ ﻣﺨﺒﻲ ﺍﻧﺎ : ﺻﺎﻓﻲ ﺭﺍﻩ ﻛﺎﻧﺤﺸﻢ ﺍ ﺻﺎﺣﺒﺘﻲ ﻫﻪ ﻋﻨﻘﺎﺗﻨﻲ ﻣﺴﻜﻴﻨﺔ ﻭ ﺑﺎﺳﺘﻨﻲ ﺟﺎ ﺭﺍﺟﻠﻬﺎ ﺩﺍﻧﺎ ﻣﻦ ﺍﻟﺼﺎﻟﻮﻥ ﻫﺎﺩ ﺍﻟﻤﺮﺓ ﺳﻤﻴﺘﻮ ﺍﺣﻤﺪ ﺿﺮﻳﻒ ﻭ ﻫﺒﻴﻞ ﺑﺤﺎﻟﻬﺎ ﻭﺻﻠﻨﺎ ﻟﻠﻘﺎﻋﺔ ﻟﺒﺴﺖ ﺗﻜﺸﻴﻄﺔ ﻓﺎﻻﺑﻴﺾ ﻭ ﻛﻠﺴﺖ ﻓﺎﻟﻌﻤﺎﺭﻳﺔ ﺟﺎ ﺍﻟﻌﺮﻳﺲ ﺣﻴﺪ ﻟﻴﺎ ﺍﻟﻔﻮﺍﻝ ﻋﻠﻰ ﻭﺟﻬﻲ ﻭ ﺑﺎﺱ ﻟﺒﺎ ﺭﺍﺳﻲ ﺑﺰ ﻣﻨﻮ ﻃﺒﻌﺎ ﺣﺘﻰ ﻫﻮ ﺟﺎ ﺯﻭﻳﻦ ﺑﺰﺍﻑ ﺑﻴﻨﻲ ﻭ ﺑﻴﻨﻜﻢ ﺗﺰﻋﻄﺖ ﻓﻴﻪ ﻫﺰﻭ ﺑﻴﺎ ﺍﻟﻌﻤﺎﺭﻳﺔ ﻭ ﺑﻘﺎﻭ ﻳﺸﻄﺤﻮ ﺑﻴﺎ ﻧﺨﻀﻮﻧﻲ ﻫﻬﻬﻪ ﺩﺍﺯ ﻋﺮﺱ ﻭﺍﻋﺮ ﻭﺍﺧﺎ ﻛﻠﺸﻲ ﻣﺰﻭﺭ ﻭ ﻟﻜﻦ ﺍﺣﺴﺎﺱ ﺯﻭﻳﻦ ﺗﺤﺴﻲ ﺑﺮﺍﺳﻚ ﻋﺮﻭﺳﺔ ﻟﺒﺴﺖ ﻻﻏﻮﺏ ﻭ ﺗﻮﺍﺩﻋﺖ ﻣﻊ ﻋﺎﺋﻠﺘﻲ ﺍﻟﺪﻣﻮﻉ ﻭﻻﻭ ﺑﺤﺎﻝ ﺍﻟﻮﺍﺩ ﺑﺎﺱ ﻟﻴﺎ ﺑﺎ ﺭﺍﺳﻲ ﻭ ﻋﻴﻨﻴﻪ ﻣﻐﺮﻏﺮﻳﻦ ﻭ ﺟﺮ ﻳﺤﻴﻰ ﻭ ﻗﺎﻝ ﻟﻴﻪ : ﺗﻬﻠﻰ ﻓﻴﻬﺎ ﺍ ﻭﻟﺪﻱ ﺭﺍﻩ ﻏﻴﺮ ﻫﻲ ﻟﻲ ﻋﻨﺪﻱ ﻳﺤﻴﻰ ﺑﻘﺎ ﻛﺎﻳﺸﻮﻑ ﻑ ﺑﺎ ﻭ ﺣﺪﺭ ﺭﺍﺳﻮ ﻭ ﺗﺒﺴﻢ ﺭﻛﺒﻨﺎ ﻑ ﺍﻟﻄﻮﻣﻮﺑﻴﻞ ﻭ ﻣﺸﻴﻨﺎ ﻟﺪﺍﺭ ﻳﺤﻴﻰ ﺍﻭ ﺩﺍﺭﻱ ﺍﻟﺠﺪﻳﺪﺓ ﺍﻟﻄﺮﻳﻖ ﻛﺎﻣﻠﺔ ﻭ ﺍﻧﺎ ﻣﺪﻭﺭﺓ ﻭﺟﻬﻲ ﻟﻠﺰﺍﺝ ﻭ ﺩﻣﻮﻉ ﻫﺎﺑﻄﻴﻦ ﻛﻲ ﺍﻟﺸﺘﺎ ﺣﺴﺒﺖ ﺑﺎﻟﺸﻤﺘﺔ ﻭ ﺍﻟﻐﺒﻴﻨﺔ ﻭ ﺍﻟﺤﻜﺮﺓ ﻭﺻﻠﻨﺎ ﻟﻠﺪﺍﺭ ﺣﻂ ﻟﻴﺎ ﺑﺎﻟﻴﺰﺗﻲ ﻓﻮﺍﺣﺪ ﺍﻟﺒﻴﺖ ﻭ ﺯﺩﺡ ﺍﻟﺒﺎﺏ ﻭ ﺧﺮﺝ ﻣﻦ ﺑﻌﺪ ﻣﺎ ﺗﺄﻛﺪﺕ ﺭﺍﻩ ﺧﺮﺝ ﻧﻀﺖ ﺑﺪﻟﺖ ﺩﻭﺷﺖ ﻟﺒﺴﺖ ﺑﻴﺠﺎﻣﺘﻲ ﻭ ﻃﺤﺖ ﺩﻭﺩﺓ ﻣﺎﻋﻘﻠﺘﺶ ﺍﻣﺘﻰ ﻧﻌﺴﺖ ﺣﻠﻴﺖ ﻋﻴﻨﻲ ﻓﺎﻟﺼﺒﺎﺡ ﻛﺎﻳﺒﺎﻥ ﻟﻴﺎ ﻳﺤﻴﻰ ﻣﻘﺎﺑﻞ ﻣﻌﺎﻳﺎ ﻋﻮﺩﺕ ﻏﻤﻀﺘﻬﻢ ﻣﺎﺣﻤﻠﺘﺶ ﻛﻤﺎﺭﺗﻮ ﻣﻊ ﺍﻟﺼﺒﺎﺡ ﺣﻞ ﻋﻠﻴﺎ ﺍﻟﺸﺮﺟﻢ ﻭ ﺣﻴﺪ ﻋﻠﻴﺎ ﺍﻟﻐﻄﺎ ﻳﺤﻴﻰ : ﻧﻮﺿﻲ ﺍ ﻟﻼﻟﺔ ﺳﺎﻻ ﺍﻟﻨﻌﺎﺱ ﻭﺟﺪﻱ ﺭﺍﺳﻚ ﻣﻦ ﺩﺍﺑﺎ ﺷﻮﻳﺎ ﻏﺎﺗﺠﻲ ﻟﻮﻟﻠﻴﺪﺓ ﻭ ﻣﻚ ﻳﻄﻠﻮ ﻋﻠﻴﻚ ﺗﺼﺮﻓﻲ ﺑﺤﺎﻻ ﻣﺎ ﻭﺍﻗﻊ ﻭﺍﻟﻮ ﻣﺎﺟﺎﻭﺑﺘﻮﺵ ﻭ ﻧﻀﺖ ﻛﺎﻧﻘﻠﺐ ﻋﻠﻰ ﻧﻀﺎﺿﺮﻱ ﻣﺎﻋﻘﻠﺘﺶ ﻓﻴﻦ ﺣﻄﻴﺘﻬﻢ ﺷﻮﻳﺎ ﺑﺎﻥ ﻟﻴﺎ ﻻﺣﻬﻢ ﻭ ﻛﻴﻌﻔﻂ ﻋﻠﻴﻬﻢ ﻳﺤﻴﻰ : ﺑﻠﻲ ﻧﻜﻮﻥ ﻛﺎﻧﻬﺪﺭ ﻋﻄﻴﻨﻲ ﻭﻗﺖ ﻛﺎﺗﻔﻬﻤﻲ ﺑﺪﻳﺖ ﻧﺒﻜﻲ ﻭ ﻧﺸﻬﻖ ﺍﻧﺎ ﻣﺎﻛﺎﻧﺸﻮﻑ ﻭﺍﻟﻮ ﺑﻼ ﻧﻀﺎﺿﺮ ﻭ ﺗﻌﺼﺒﺖ ﺟﺎﻧﻲ ﻧﻬﻴﺎﺭ ﻋﺼﺒﻲ ﺑﻘﻴﺖ ﻛﺎﻧﻀﺮﺏ ﻓﺮﺍﺳﻲ ﻭ ﻓﻴﻪ ﻭ ﻑ ﺍﻱ ﺣﺎﺟﺔ ﻗﺪﺍﻣﻲ ﺣﺘﻰ ﻃﺤﺖ ﺳﺨﻔﺖ

ﺍﻟﺒﺎﺭﺕ :9

ﻓﻘﺖ ﻟﻘﻴﺘﻬﺎ 9 ﺩﻳﺎﻝ ﺍﻟﻠﻴﻞ ﻟﻘﻴﺖ ﺍﻟﻮﺍﻟﻴﺪﺓ ﺣﺪﺍﻳﺎ ﻭ ﻛﺎﺗﻤﺴﺢ ﻟﻴﺎ ﻋﻠﻰ ﺷﻌﺮﻱ ﻗﺎﻟﺖ ﻟﻴﺎ ﺑﻠﻲ ﺟﺎﺗﻨﻲ ﻧﻮﺑﺔ ﻋﺼﺒﻴﺔ ﺣﻴﺖ ﻣﺎﺧﺪﻳﺘﺶ ﺩﻭﺍﻳﺎ ( ﻓﻴﺎ ﺍﻟﻌﺼﺎﺏ ﻭ ﻋﺎﻳﺸﺔ ﻏﻲ ﺏ ﺩﻭﺍ ) ﻭ ﺟﺎﺑﺖ ﻟﻴﺎ ﻧﻀﺎﺿﺮﻱ ﺳﻮﻛﻮﺭ ﻟﻲ ﻓﺪﺍﺭ ﻗﺎﻟﻴﻬﺎ ﻳﺤﻴﻰ ﺑﻠﻲ ﻫﺮﺳﺖ ﻧﻀﺎﺿﺮﻱ ﺍﻟﻜﺪﺍﺏ ﻻﺧﻮﺭ ﻣﺸﺎﺕ ﻣﻲ ﻭ ﻧﻀﺖ ﻧﻘﻠﺐ ﻣﺎﻧﺠﻐﺪﺩ ﺍﻟﻨﻬﺎﺭ ﻛﺎﻣﻞ ﻣﺎ ﻭﺍﻛﻠﺔ ﻭﺍﻟﻮ ﻛﺎﻧﺤﺲ ﺑﺎﻟﺪﻭﺧﺔ ﻗﻠﺒﺖ ﺍﻟﺘﻼﺟﺔ ﻟﻘﻴﺘﻬﺎ ﻛﺎﺗﺼﻔﺮ ﻃﻠﻊ ﻟﻴﺎ ﺍﻟﺪﻡ ﺗﻜﻴﺖ ﻓﺒﻼﺻﺘﻲ ﻭ ﺑﻘﻴﺖ ﻛﺎﻧﺒﻜﻲ ﺟﺎ ﻳﺤﻴﻰ ﺩﻕ ﺍﻟﺒﺎﺏ ﻭ ﺩﺧﻞ ﻋﻨﺪﻱ ﺍﻧﺎ : ﺍﺵ ﺑﻐﻴﺘﻲ ﻳﺤﻴﻰ : ﺻﻐﻴﺮﺓ ﻭ ﺧﻮﻳﺒﺔ ﻭ ﻋﻮﺭﺓ ﻭ ﻣﺴﻄﻴﺔ ﻣﺎﺯﺍﻝ ﺍﻟﻤﻬﻢ ﺭﺍﻩ ﻋﺸﺎﻙ ﻑ ﺍﻟﻜﻮﺯﻳﻨﺔ ﻻ ﺗﻤﻮﺗﻲ ﻟﻴﺎ ﻫﻨﺎ ﻫﺪﺭﺗﻮ ﺿﺮﺍﺗﻨﻴﻮ ﻋﺼﺒﺎﺗﻨﻲ ﺷﺮﺑﺖ ﺍﻟﺪﻭﺍ ﻻ ﻧﺪﻳﺮ ﻓﻴﻪ ﺷﻲ ﺟﺮﻳﻤﺔ ﻭ ﻧﻌﺴﺖ ﺍﻟﻐﺪ ﻓﻘﺖ ﻏﺴﻠﺖ ﻭ ﻣﺸﻴﺖ ﻟﻠﻜﻮﺯﻳﻨﺔ ﻭﺟﺪﺕ ﺍﻟﻔﻄﻮﺭ ﺣﻄﻴﺘﻮ ﻓﻮﻕ ﺍﻟﻄﺒﻠﺔ ﻓﻄﺮﺕ ﻭ ﺧﻠﻴﺖ ﻟﺒﻮﺭﻛﺎﺑﻲ ﻻ ﻳﺤﺴﺎﺏ ﻟﻴﻪ ﺟﻴﻌﺎﻧﺔ ﻭ ﻣﺸﻴﺖ ﻧﻘﺎﺩ ﺍﻟﺤﻮﻳﺞ ﻓﺎﻟﺒﻼﻛﺎﺭ ﺑﺎﻥ ﻟﻴﺎ ﻓﺎﻕ ﻭ ﻣﺸﺎ ﻳﻔﻄﺮ ﻣﺎﻗﺎﻝ ﺗﺎ ﺻﺒﺎﺡ ﺍﻟﺨﻴﺮ ﻳﺎﻛﻞ ﻓﻴﻪ ﺍﻟﺴﻢ ﺧﺮﺝ ﻟﺨﺪﻣﺘﻮ ﻭ ﻧﻀﺖ ﺍﻧﺎ ﺟﻤﻌﺖ ﺍﻟﺪﺍﺭ ﻭ ﺻﺎﻭﺑﺖ ﻟﻐﺪﺍ ﻭ ﻛﻠﺴﺖ ﻛﺎﻧﺘﻔﺮﺝ ﺍﻟﻨﻬﺎﺭ ﻛﺎﻣﻞ ﻭ ﺍﻧﺎ ﺑﻮﺣﺪﻱ ﺍﻟﺴﻲ ﻳﺤﻴﻰ ﻣﺎﺩﺍﺧﻞ ﺗﺎﻝ 11 ﺩ ﻟﻴﻞ ﻧﺎﺷﻂ ﻭ ﻛﺎﻳﻐﻨﻲ ﻭ ﺍﻧﺎ ﻛﺎﻧﺘﻘﻼ ﺑﺎﻟﺴﻢ ﺑﺪﻝ ﺣﻮﺍﻳﺠﻮ ﻭ ﺧﺮﺝ ﻛﻠﺲ ﻓﺎﻟﺼﺎﻟﻮﻥ ﻭ ﺧﺪﺍ ﻟﻴﺎ ﺍﻟﺘﻴﻠﻴﻜﻮﻣﻮﻧﺪ ﻭ ﺩﺍﺭ ﻓﻴﻠﻢ ﺩﻳﺎﻝ ﺍﻟﺨﻠﻴﻊ ﺧﺘﻜﻢ ﺧﻮﺍﻓﺔ ﻧﺘﻀﺖ ﻛﻨﺠﺮﻱ ﺳﺪﻳﺖ ﻋﻠﻴﺎ ﺍﻟﺒﻴﺖ ﻭ ﻧﻌﺴﺖ ﺑﻘﻴﻨﺎ ﻫﺎﻛﺎﻙ ﻣﺎﻛﺎﻧﺪﻭﻳﻮﺵ ﻣﻊ ﺑﻌﻀﻴﺎﺗﻨﺎ ﺣﺘﺎ ﻣﻦ ﺍﻟﺴﻼﻡ ﻫﻮ ﺍﻻﺧﻴﺮ ﻣﺎﻛﺎﻳﻨﺶ ﻭ ﺍﻟﻰ ﻫﺪﺭ ﻛﺎﻳﻌﺎﻳﺮ ﻭ ﺻﺎﻓﻲ ﻭﺍﺣﺪ ﺍﻟﻨﻬﺎﺭ ﺍﻧﺎ ﺟﺎﻟﺴﺔ ﻓﺎﻟﻌﺸﻴﺔ ﺗﺎ ﺩﺧﻞ ﻛﻲ ﺍﻟﻌﺠﺎﺟﺎ ﺷﻨﻖ ﻋﻠﻴﺎ ﻭ ﺯﺩﺣﻨﻲ ﻣﻊ ﺍﻟﺤﻴﻂ ﺍﻧﺎ : ﻃﻠﻖ ﻣﻨﻲ ﺍ ﺍﻟﻮﺣﺶ ﺑﻌﺪ ﻣﻨﻲ ﻫﻮ : ﺻﺎﻓﻲ ﻫﺎﺩﺷﻲ ﻟﻲ ﻋﻠﻤﻮﻙ ﻓﺪﺍﺭﻛﻢ ﻓﻴﻨﺎﻫﻮ ﺍﻟﺸﻴﻚ ﻟﻲ ﻛﺎﻥ ﻓﻮﻕ ﺍﻟﻄﺒﻠﺔ ﺩﻭﻱ ؟ ﻋﻄﻴﺘﻴﻪ ﻝ ﺷﻲ ﺑﺮﻫﻮﺵ ﺑﺤﺎﻟﻚ ﻭ ﻻ ﺧﺰﻧﺘﻴﻪ ﻟﺪﻭﺍﻳﺮ ﺍﻟﺰﻣﺎﻥ ﺍ ﺍﻟﺸﻔﺎﺭﺓ ﻣﺎﻗﺪﺭﺗﺶ ﻧﺴﺘﺤﻤﻞ ﻫﺪﺭﺗﻮ ﺩﺧﻞ ﻝ ﺑﻴﺘﻲ ﺭﻭﻧﻮ ﻛﺎﻣﻞ ﺣﻴﺖ ﻳﺤﺴﺎﺑﻨﻲ ﺷﻔﺎﺭﺓ ﺷﻮﻳﺔ ﻋﻴﻂ ﻟﻴﻪ ﺻﺎﺣﻴﻮ ﻗﺎﻟﻴﻪ ﺭﺍﻙ ﻋﻄﻴﺘﻴﻨﻲ ﺍﻟﺸﻴﻚ ﺑﺎﻥ ﻟﻴﺎ ﺗﻨﺎﺩﻡ ﻣﻌﺎﻩ ﺍﻟﺤﺎﻝ ﺩﺍﺭ ﻋﻨﺪﻱ ﺍﻧﺎ : ﺍﻧﺎ ﻣﺎﺷﻲ ﺷﻒ .. ﺑﺎﻗﻲ ﻣﺎﻛﻤﻠﺘﻬﺎﺵ ﺷﻬﻘﺖ

ﺍﻟﺒﺎﺭﺕ :10

ﺷﻬﻘﺖ ﺑﺎﻟﺒﻜﺎ ﻭ ﻃﺤﺖ ﺣﻠﻴﺖ ﻋﻴﻨﻲ ﻟﻘﻴﺖ ﺭﺍﺳﻲ ﻓﺎﻟﺒﻴﺖ ﻭ ﻣﺎﻛﺎﻳﻦ ﺗﺎ ﻭﺍﺣﺪ ﻓﺎﻟﺪﺍﺭ ﻣﻲ ﻓﻴﻨﻤﺎ ﻧﺒﻐﻲ ﻧﻌﺎﻭﺩ ﻟﻴﻬﺎ ﻛﺎﺗﻘﻮﻟﻴﺎ ﺍﻟﻤﺮﺍﺓ ﺧﺎﺻﻬﺎ ﺗﺼﺒﺮ ﻟﺮﺍﺟﻠﻬﺎ ﻭ ﺩﺍﺭﻫﺎ ﻛﺎﻧﻜﻤﺪﻫﺎ ﻑ ﻗﻠﺒﻲ ﻭ ﻧﺴﻜﺖ ﺍﻧﺎ : ﻋﺎﻓﺎﻙ ﺍﺧﺘﻲ ﻣﺮﻳﻢ ﺧﻴﺮﻙ ﻣﺎﻧﺴﺎﻫﺶ ﺍﻧﺎ ﺭﺍﻩ ﻋﻨﺪﻱ ﻻ ﻟﻴﺼﻮﻧﺲ ﻑ ﺍﻻﻗﺘﺼﺎﺩ ﻏﻴﺮ ﺷﻮﻓﻲ ﺍﻟﻰ ﻟﻘﻴﺘﻲ ﻟﻴﺎ ﻣﺮﻳﻢ : ﺍﻧﺎ ﻏﺎﻧﻬﺪﺭ ﻣﻊ ﻳﺤﻴﻰ ﻭ ﻧﺠﻮﺑﻚ ﻣﺎﻗﺪﺭﺗﺶ ﻧﺮﻓﺾ ﺧﻔﺖ ﺗﺸﻚ ﻓﺸﻲ ﺣﺎﺟﺔ ﻓﺎﻟﻠﻴﻞ ﺟﺎ ﻳﺤﻴﻰ ﻣﻦ ﺍﻟﺨﺪﻣﺔ ﻳﺤﻴﻰ : ﻋﻼﺵ ﻃﻠﺒﺘﻲ ﻣﻦ ﺧﺘﻲ ﺿﺒﺮ ﻟﻴﻚ ﻑ ﺧﺪﻣﺔ ﻣﺎﻟﻚ ﺍﺵ ﺧﺎﺻﻚ ؟ ﺍﻧﺎ : ﺧﺎﺻﻨﻲ ﻛﻠﺸﻲ ﺍﻟﺤﻴﺎﺓ ﻣﺎﺷﻲ ﻫﻲ ﺍﻟﻤﺎﻛﻠﺔ ﻭ ﺍﻟﻨﻌﺎﺱ ﻛﻲ ﺍﻟﺒﻬﺎﻳﻢ ﺍﻧﺎ ﻣﻠﻴﺖ ﻭ ﻣﺮﺿﺖ ﺑﻐﻴﺖ ﻧﺨﺮﺝ ﻣﻦ ﺍﻟﺪﺍﺭ ﺷﻮﻳﺎ ﻧﺒﺪﻝ ﺍﻟﺤﻴﻮﻁ ﻫﻮ : ﺗﺤﻞ ﻟﻴﻚ ﺍﻟﻔﻢ ﺍﻟﺒﺮﻫﻮﺷﺔ ﺍﻧﺎ : ﻧﺘﻰ ﻟﻲ ﺑﺮﻫﻮﺵ ﺷﺎﺭﻑ ﻭ ﺩﺍﻳﺮ ﺍﻟﻬﺒﺎﻝ ﻟﻲ ﺷﺎﻑ ﺍﻟﻜﺮﺍﻓﺎﻃﺎ ﻭ ﺍﻟﻤﺎﻛﺎﻧﺎ ﻳﻘﻮﻝ ﻫﻨﺎ ﻧﺒﺎﺕ ﻫﻮ : ﺻﺮﻓﻘﻨﻲ ﺗﺎ ﻃﺎﺭﻭ ﺍﻟﻨﻀﺎﺿﺮ ﻭ ﺷﺪﻧﻲ ﻣﻦ ﺷﻌﺮﻱ ﺩﺍﻙ ﺍﻟﻔﻢ ﻏﺎﻧﻬﺮﺳﻮ ﻟﻴﻚ ﺍﻻ ﻣﺎﺳﺪﻳﺘﻴﻬﺶ ﺍ ﺍﻟﻤﺴﺨﺔ ﺍﻟﺠﻴﻌﺎﻧﺔ ﺷﻔﺖ ﻓﻴﻪ ﻭ ﻋﻴﻨﻲ ﻛﻠﻬﻢ ﺩﻣﻮﻉ ﻳﺎﻻﻩ ﻫﺰ ﻳﺪﻳﻪ ﺑﻐﺎ ﻳﻀﺮﺑﻨﻲ ﺗﺎﻧﻲ ﻭ ﺍﻧﺎ ﻧﻐﻤﺾ ﻋﻴﻨﻲ ﻭ ﺗﻜﻤﺸﺖ ﺭﺩﺥ ﻳﺪﻳﻪ ﻣﻊ ﺍﻟﺤﻴﻂ ﻭ ﻗﺎﻝ ﻟﻴﺎ ﻧﺴﺎﻱ ﺍﻟﺨﺪﻣﺔ ﻭ ﺧﺮﺝ ﻳﺤﻴﻰ ﻣﺸﺎ ﻟﻮﺍﺣﺪ ﺍﻟﺒﺎﺭ ﻭ ﻛﻠﺲ ﻛﺎﻳﺸﺮﺏ ﻭ ﻳﻜﻤﻲ ﻳﺤﻴﻰ : ﺣﻴﺎﺗﻲ ﺑﻴﻦ ﻟﻴﻠﺔ ﻭ ﻧﻬﺎﺭ ﺗﺨﺮﺑﻘﺎﺕ ﻋﻼﺵ ﺍ ﺳﻴﺪﻱ ﺭﺑﻲ ﻋﻼﺵ ﺍﻧﺎ ﻋﻤﺮﻧﻲ ﻣﺎﻛﻨﺖ ﺑﺤﺎﻝ ﻫﺎﻛﺎ ﻋﻤﺮﻧﻲ ﺿﺮﺑﺖ ﺷﻲ ﺑﻨﺖ ﻋﻤﺮﻧﻲ ﺟﺮﺣﺖ ﺷﻲ ﻭﺍﺣﺪ ﻣﺎﻳﻤﻜﻨﺶ ، ﺣﻴﺖ ﻏﺪﺭﺍﺗﻨﻲ ﻭﺣﺪﺓ ﻧﻮﻟﻲ ﺑﺤﺎﻝ ﺍﻟﻮﺣﺶ ﺧﺎﺻﻨﻲ ﻧﺘﺤﻜﻢ ﻓﺮﺍﺳﻲ ﻳﺎ ﺭﺑﻲ ﺍﻳﻤﺘﺎ ﺗﻜﻤﻞ ﻫﺎﺩ 6 ﺷﻬﺮ ﻭ ﻳﺴﺎﻟﻲ ﻫﺎﺩﺷﻲ ﻣﺎﺑﻘﻴﺘﺶ ﻗﺎﺩﺭ ﻧﺼﺒﺮ ﺍﻧﺎ ﻣﺎﺑﻐﺒﺖ ﺗﺎ ﺑﻨﺖ ﻑ ﺣﻴﺎﺗﻲ ﻣﺎﺑﻐﻴﺖ ﻣﺴﺆﻭﻟﻴﺔ ﺣﺪ ﺑﻐﻴﺖ ﻧﺒﻘﺎ ﺑﻮﺣﺪﻱ ﺑﻮﺣﺪﻱ ﻋﺎﻟﻴﺔ ﻣﺎﻗﺪﺭﺍﺗﺶ ﺗﻨﻌﺲ ﺑﻘﺎﺕ ﺟﺎﻟﺴﺔ ﻓﺎﻟﺼﺎﻟﻮﻥ ﻛﺎﺗﺨﻤﻢ ﻋﺎﻟﻴﺔ : ﻋﻴﻴﺖ ﺑﺎﻟﻤﺸﺎﻛﻴﻞ ﻋﻴﻴﺖ ﺑﺎﻟﺼﺪﺍﻉ ﻭ ﺑﻠﺒﻜﺎ ﺧﺎﺻﻨﻲ ﻧﺪﻳﺮ ﺣﻞ ﻝ ﺭﺍﺳﻲ ﻫﺎﺩﻱ ﺭﺍﻩ ﻣﺎﺷﻲ ﻋﻴﺸﺔ ﺩﺧﻞ ﻳﺤﻴﻰ ﻏﻲ ﺷﺎﻓﺘﻮ ﻭ ﻫﻲ ﺗﻘﻔﺰ ﻛﺎﺗﻨﻬﺞ ﻭﻻ ﻛﺎﻳﺒﺎﻥ ﻟﻴﻬﺎ ﺑﺤﺎﻝ ﺷﻲ ﻭﺣﺶ ﻛﺎﺗﺨﺎﻑ ﻣﻨﻮ ﻫﻮ ﺑﻠﻲ ﺷﺎﻓﻬﺎ ﻫﺎﻛﺎﻙ ﻣﺎﺣﻤﻠﺶ ﺭﺍﺳﻮ ﺟﺮﻫﺎ ﻣﻦ ﺍﻳﺪﻳﻬﺎ ﺑﺠﻬﺪ ﻳﺤﻴﻰ : ﻣﺎﻟﻚ ﻗﻔﺰﺗﻲ ؟ ﺷﻔﺘﻲ ﺷﻲ ﻏﻮﻝ ؟

البارت 11:

ﻋﺎﻟﻴﺔ ﻣﺎﻗﺪﺭﺍﺗﺶ ﺗﺠﺎﻭﺏ ﺧﺼﻮﺻﺎ ﺑﻠﻲ ﺷﻤﺎﺕ ﻓﻴﻪ ﺭﻳﺤﺖ ﺍﻟﺸﺮﺍﺏ ﻋﺎﻭﺩ ﻏﻮﺕ ﻋﻠﻴﻬﺎ ﺑﺎﻟﺠﻬﺪ ﻳﺤﻴﻰ : ﻣﺎﺗﻌﺼﺒﻴﻨﻴﺶ ﺭﺍﻩ ﻛﺎﻧﺪﻭﻱ ﻣﻌﺎﻙ ﻋﺎﻟﻴﺔ ﺣﻴﺪﺍﺕ ﻧﻀﺎﺿﺮﻫﺎ ﻭ ﺑﺪﺍﺕ ﻛﺎﺗﻤﺴﺢ ﻓﻌﻴﻨﻴﻬﺎ ﻟﻲ ﻏﺎﺭﻗﻴﻦ ﺩﻣﻮﻉ ﺑﻄﺮﻑ ﻛﻤﺎﻣﻬﺎ ﺑﺤﺎﻝ ﺷﻲ ﺑﻨﻴﺔ ﺻﻐﻴﺮﺓ ﻋﺎﻟﻴﺔ : ﻋﺎﻓﺎﻙ ﻃﻠﻘﻨﻲ ﺭﺍﻩ ﺿﺮﻳﺘﻴﻨﻲ ﻓﻴﺪﻱ ﻃﻠﻘﻬﺎ ﻭ ﺩﺧﻞ ﻝ ﺑﻴﺘﻮ ﻭ ﺗﺎ ﻫﻲ ﺩﺧﻠﺖ ﻟﺒﻴﺘﻬﺎ ﻭ ﻫﻲ ﻛﺎﺗﻘﻔﻘﻒ ﺑﺎﻟﺨﻠﻌﺔ ﺟﺎ ﻳﺤﻴﻰ ﻛﺎﻳﺪﻕ ﻋﻠﻴﻬﺎ ﻳﺤﻴﻰ : ﻭﺍﺵ ﻧﻘﺪﺭ ﻧﺪﺧﻞ ﻋﺎﻟﻴﺔ ﺷﺎﻓﺖ ﻓﻴﻪ ﺑﺒﺮﺍﺀﺓ ﻭ ﺣﺮﻛﺎﺕ ﺭﺍﺳﻬﺎ ﺏ ﺍﻩ ﻛﻠﺲ ﺣﺪﺍﻫﺎ ﻭ ﺷﺎﻑ ﻓﻴﻬﺎ ﻭ ﺗﺒﺴﻢ ﻳﺤﻴﻰ : ﻋﺎﻟﻴﺔ ﺍﻧﺎ ﻛﺎﻧﻄﻠﺐ ﺍﻟﺴﻤﺎﺡ ﻋﻠﻰ ﻛﻠﺸﻲ ﺍﻧﺎ ﻋﺎﺭﻑ ﺭﺍﺳﻲ ﻋﻤﺮﻧﻲ ﻛﻨﺖ ﻣﻌﺎﻙ ﻣﺰﻳﺎﻥ ﻭ ﻋﺎﺭﻓﻚ ﻛﺎﺗﻜﺮﻫﻴﻨﻲ ﻭ ﻟﻜﻨﺒﻐﻴﺘﻚ ﺗﻌﺮﻓﻲ ﺑﻠﻲ ﺭﺍﻩ ﻣﺎﺷﻲ ﻟﺨﺎﻃﺮﻱ ﺍﻟﺤﻴﺎﺓ ﺍ ﻋﺎﻟﻴﺔ ﻗﺎﺻﺤﺔ ﻗﺎﺻﺤﺔ ﺑﺰﺍﻑ ﺧﺎﺻﻚ ﺗﻮﻗﻊ ﺍﻱ ﺣﺎﺟﺔ ﻭ ﺗﻜﻮﻥ ﻣﺴﺘﻌﺪ ﻝ ﺍﻱ ﺣﺎﺟﺔ ﺑﺎﺵ ﻣﺎﺗﺼﺪﻣﺶ ﻭ ﻣﺎ ﺗﻤﺮﺿﺶ ﻣﻦ ﺑﻌﺪ ، ﺍﻟﻤﻬﻢ ﺗﻘﺪﺭﻱ ﻣﺎﺗﻔﻬﻤﻴﻨﻴﺶ ﻧﺘﻲ ﺍﺻﻼ ﺑﺎﻗﺎ ﺻﻐﻴﺮﺓ ﻋﻠﻰ ﻫﺎﺩ ﺍﻟﻬﺪﺭﺓ ﺍﻧﺎ ﻣﻦ ﻟﻴﻮﻡ ﻏﺎﻧﺘﻔﺎﺩﺍ ﺍﻱ ﺻﺪﺍﻉ ﺑﻴﻨﺎﺗﻨﺎ ﻭ ﻟﺒﻼﺻﺔ ﻟﻲ ﻓﻴﻬﺎ ﻧﺘﻲ ﻧﺨﻮﻳﻬﺎ ﺍﻧﺎ ﺍ ﻟﻼﻟﺔ ﻧﺘﻤﻨﻰ ﺗﺴﻤﺤﻲ ﻟﻴﺎ ﺗﺼﺒﺤﻲ ﻋﻠﻰ ﺧﻴﺮ ﻣﺸﻰ ﻳﺤﻴﻰ ﻭ ﺧﻼﻧﻲ ﻏﺎﺭﻗﺔ ﻣﺎﻋﺮﻓﺖ ﻧﻀﺤﻚ ﻭﻻ ﻧﺒﻜﻲ ﺍﻧﺎ ﻣﺎﻛﺮﻫﺘﺶ ﻧﻜﻮﻧﻮ ﻣﺰﻳﺎﻧﻴﻦ ﺍﻩ ﻧﺘﻰ ﻣﺎﺷﻲ ﻟﺨﺎﻃﺮﻙ ﻭ ﺍﻧﺎ ﻛﺎﻧﺸﻮﻑ ﻑ ﻋﻴﻨﻴﻚ ﻭﺍﺣﺪ ﺍﻟﺤﺰﻥ ﻋﻤﻴﻖ ﻭ ﻛﺒﻴﺮ ﻭ ﻫﺪﺭﺗﻚ ﻓﺎﻫﻤﺎﻫﺎ ﻳﻤﻜﻦ ﺍﻧﺎ ﺻﻐﻴﺮﺓ ﻓﺎﻟﻌﻤﺮ ﻭ ﻟﻜﻦ ﻣﺎﺗﺨﺎﻓﺶ ﻋﻨﺪﻱ ﻋﻘﻞ ﻛﺎﻳﻔﻬﻢ ﻣﺰﻳﺎﻥ ﺍﻩ ﻛﻮﻥ ﺗﻘﺪﺭ ﺗﻔﻬﻤﻨﻲ ﻭ ﺗﺤﺲ ﺑﻴﺎ ﺍ ﻳﺤﻴﻰ ﺩﺍﺯﺕ ﺷﻬﺮﻳﻦ ﻋﻠﻰ ﺯﻭﺍﺟﻨﺎ ﻭ ﻣﺎﺑﻘﻴﻨﺎﺵ ﺩﺍﺑﺰﻧﺎ ﻓﻌﻼ ﻣﺎﺑﻘﺎﺵ ﻛﺎﻳﻌﻤﺮ ﺍﻟﺪﺍﺭ ﻛﻴﻒ ﻗﺎﻟﻲ ﻋﻄﺎﻧﻲ ﻭﺍﺣﺪ ﺍﻟﻜﺎﺭﻁ ﻛﻴﺸﻲ ﺑﺎﺵ ﺍﻳﻠﻰ ﺧﺼﺎﺗﻨﻲ ﺷﻲ ﺣﺎﺟﺔ ﻣﺎﻛﺮﻫﺘﺶ ﻧﻘﻮﻟﻴﻪ ﺭﺍﻙ ﻧﺘﻰ ﻟﻲ ﺧﺎﺻﻨﻲ ﻣﺎﺷﻲ ﻟﻔﻠﻮﺱ ﺑﺎﺵ ﻧﺘﻔﺎﺩﻯ ﺍﻟﻤﻠﻞ ﻋﻤﺮﺕ ﻭﻗﺘﻲ ﺑﺎﻟﻨﺘﺮﻧﺖ ﻛﺎﻧﺘﻌﻠﻢ ﺍﻟﻠﻐﺔ ﺍﻻﺳﺒﺎﻧﻴﺔ ﺣﻴﺖ ﻛﺎﺗﻌﺠﺒﻨﻲ ﻭ ﻛﺎﻧﺘﻌﻠﻢ ﻧﻄﻴﺐ ﻧﻬﺎﺭ ﻛﻠﻮ ﻭ ﺍﻧﺎ ﻧﺮﻭﻥ ﻛﻨﺎﻛﻞ ﻭ ﻧﺨﻠﻲ ﻝ ﻳﺤﻴﻰ ﻋﺎﺭﻓﺎﻩ ﻋﺰﻳﺰ ﻋﻠﻴﻪ ﻃﻴﺎﺑﻲ ﻭﺍﺧﺎ ﻋﻤﺮﻭ ﻗﺎﻟﻬﺎ ﻟﻴﺎ ﻭ ﻋﻤﺮﻧﺎ ﺗﺠﻤﻌﻨﺎ ﻋﻠﻰ ﻃﺒﻠﺔ ﻭﺣﺪﺓ ﻋﺎﻟﻴﺔ : ﺷﻜﻮﻥ ﻣﺮﻳﻢ : ﻋﻤﻲ ﺍﻟﻐﻮﻝ ﺣﻠﻲ ﺍ ﺯﻳﻦ ﻋﺎﻟﻴﺔ : ﻋﺎﺵ ﻣﻦ ﺷﺎﻓﻚ ﺍﻟﺨﺎﻳﺒﺔ ﻓﻴﻦ ﻏﺒﺮﺗﻲ ﻋﻠﻴﺎ J

البارت 12 :

ﺗﻮﺣﺸﺘﻚ ﻭ ﺗﻮﺣﺸﺖ ﺧﺎﻟﺘﻲ ﻣﺮﻳﻢ : ﺣﺘﻰ ﺣﻨﺎ ، ﺍﻭﺍ ﺍ ﻟﻼﻟﺔ ﺭﺍﻩ ﺟﻴﺖ ﻧﻘﻮﻟﻴﻚ ﻧﻬﺎﺭ ﺍﻟﺴﺒﺖ ﻋﺮﺱ ﺑﻨﺖ ﺧﺎﻟﺘﻲ ﺯﻳﻨﺐ ﻗﻮﻟﻴﻬﺎ ﻝ ﻳﺤﻴﻰ ﻫﺎ ﻫﻲ ﺍﻟﺪﻋﻮﺓ ﺑﺎﺵ ﺗﺠﻴﻮ ﺍﻧﺎ : ﺍﻟﻠﻪ ﻳﻜﻤﻞ ﻋﻠﻴﻬﺎ ﺑﺎﻟﺨﻴﺮ ﺗﻮﺣﺸﺖ ﻧﻴﺖ ﺷﻲ ﻋﺮﺍﺳﻴﺔ ﻧﻔﻮﺟﻮ ﺷﻮﻳﺎ ﻣﺮﻳﻢ ﻭ ﺍﻟﻠﻬﻴﻼ ﻟﻤﻬﻢ ﻧﺨﻠﻴﻚ ﺩﺍﺑﺎ ﺍﻛﺪﻱ ﻋﻠﻰ ﻳﺤﻴﻰ ﻳﺠﻲ ﺍﻧﺎ : ﻛﻮﻧﻲ ﻫﺎﻧﻴﺎ ﻛﻠﺴﻲ ﻗﺎﻻﻙ ﺑﺴﻼﻣﺔ ﻭﺍﻟﻠﻪ ﻣﺎﺗﻤﺸﻲ ﻫﺎ ﻫﻮ ﺧﻮﻙ ﺩﺍﺑﺎ ﻳﺪﺧﻞ ﻣﻦ ﺍﻟﺨﺪﻣﺔ ﻭ ﺷﻮﻓﻴﻪ ﻧﻴﺖ ﻣﺮﻳﻢ : ﺍ ﺻﺎﺣﺒﺘﻲ ﻣﺎﺷﻲ ﻣﻮﺷﻜﻴﻞ ﻣﺮﺍ ﺧﺮﺍ ﺍﻧﺎ : ﻛﻠﺴﻲ ﻭﻧﺴﻴﻨﺎ ﺭﺍﻡ ﻣﺎﺷﻲ ﺑﺮﺍﻧﻴﺎ ﺑﻘﺎﺕ ﻣﻌﺎﻳﺎ ﻣﺮﻳﻢ ﺍﻧﺎ ﻛﺎﻧﺼﺎﻭﺏ ﺍﻟﻜﺎﺳﻜﺮﻭﻁ ﻭ ﻣﺠﻤﻌﻴﻦ ﻭ ﻧﺘﺒﺎﺩﻟﻮ ﻓﺎﻟﻮﺻﻔﺎﺕ ﺗﺎﺩﺧﻞ ﻳﺤﻴﻰ ﻣﺸﻴﺖ ﻋﻨﺪﻭ ﻗﻠﺖ ﻟﻴﻪ ﻋﻠﻰ ﺳﻼﻣﺘﻚ ﻭ ﺳﻠﻤﺖ ﻋﻠﻴﻪ ﺳﺘﻐﺮﺏ ﻭ ﺍﻧﺎ ﻧﻘﻮﻟﻴﻪ ﻣﺮﻳﻢ ﻫﻨﺎ ﻭ ﻓﻬﻢ ﺭﺍﺳﻮ ﺳﻠﻢ ﻋﻠﻰ ﺧﺘﻮ ﺣﻄﻴﺖ ﺍﻧﺎ ﺍﻟﻘﻬﻮﺓ ﻭ ﺍﻟﻜﻴﻜﺔ ﺍﻟﻤﺴﻤﻦ ﺍﻟﺒﻐﺮﻳﺮ ﻋﻤﺮﺕ ﺍﻟﻄﺎﺑﻠﺔ ﻧﻬﺎﺭ ﻛﺎﻣﻞ ﻭ ﺍﻧﺎ ﻓﺎﻟﺪﺍﺭ ﻧﺤﺪﺍﻙ ﺷﻮﻳﺎ ﻫﻬﻪ ﻣﺮﻳﻢ : ﺍﻭﺍ ﺍ ﻳﺤﻴﻰ ﻧﺘﺎ ﻟﻲ ﺻﺎﺩﻗﺔ ﻟﻴﻚ ﻋﻨﺪﻙ ﺷﻤﻴﺸﺔ ﻓﺎﻟﺪﺍﺭﻳﺤﻴﻰ ﺿﺤﻚ ﺿﺤﻜﺔ ﻣﺼﻄﻨﻌﺔ : ﺍﻩ ﺍﻟﻠﻪ ﻳﻌﻄﻴﻬﺎ ﺍﻟﺼﺤﺔ ﺍﻧﺎ : ﺑﺼﺤﺘﻜﻢ ﻣﺸﺎﺕ ﻣﺮﻳﻢ ﺟﻤﻌﺖ ﺍﻟﻄﺎﺑﻠﺔ ﻭ ﺍﻟﻤﺎﻋﻦ ﻭ ﺟﻴﺖ ﻟﻠﺼﺎﻟﻮﻥ ﻋﻨﺪ ﻳﺤﻴﻰ ﻋﻄﻴﺘﻮ ﺍﻟﺪﻋﻮﺓ ﻟﻲ ﻋﻄﺎﺗﻨﻲ ﻣﺮﻳﻢ ﻭ ﻗﻠﺖ ﻟﻴﻪ ﺑﻠﻲ ﺑﻨﺖ ﺧﺎﻟﺘﻮ ﻋﺎﺭﺿﺎﻧﺎ ﻳﺤﻴﻰ : ﺳﻴﺮﻱ ﻧﺘﻲ ﻭ ﻣﺮﻳﻢ ﻭ ﺍﻟﻮﻟﻴﺪﺓ ﺍﻧﺎ ﻣﺎﻛﺎﻧﻤﺸﻴﺶ ﻟﻠﻌﺮﺍﺱ ﺍﻧﺎ : ﺍﻧﺎ ﻣﺎﻧﻘﺪﺭﺵ ﻧﻤﺸﻲ ﺍﻭﻝ ﻣﺮﺓ ﻋﻨﺪ ﺍﻟﻨﺎﺱ ﻣﺎﻛﺎﻧﻌﺮﻓﻬﻤﺶ ﺑﻼ ﺭﺍﺟﻠﻲ ﻭ ﺯﺍﻳﺪﻭﻥ ﻣﺮﻳﻢ ﺍﻛﺪﺍﺕ ﻋﻠﻴﻚ ﺑﺎﺵ ﺗﻤﺸﻲ ﻳﺤﻴﻰ : ﺭﺍﺟﻠﻚ ؟ ﺿﺤﻚ ﺑﺎﺳﺘﻬﺰﺍﺀ . ﻭﺍﺧﺎ ﺗﺎﻧﻔﻜﺮ ﺍﻧﺎ : ﺍﻩ ﺭﺍﺟﻠﻲ ﻭ ﺿﺤﻜﺖ ﺿﺤﻜﺖ ﺍﺳﺘﻬﺰﺍﺀ ﻭ ﻃﻠﻌﺖ ﻭ ﻫﺒﻄﺖ ﻓﻴﻪ ﻣﺸﻴﺖ ﻛﻨﺠﺮﻱ ﻟﺒﻴﺘﻲ ﻻﻳﺪﻳﺮ ﻓﻴﺎ ﺷﻲ ﻛﺎﺭﻳﺘﺔ ﻳﺤﻴﻰ : ﺷﻲ ﻧﻬﺎﺭ ﻏﺎﻧﻘﺘﻠﻚ ﻭﻻ ﻧﻬﺮﺱ ﻟﻚ ﺩﺍﻙ ﺍﻟﻔﻢ ﺑﺪﻳﺖ ﻛﺎﻧﻔﺮﻧﺲ ﻋﺮﻓﺖ ﺍﻟﺴﻴﺪ ﺗﻘﺮﺱ ﻳﺤﻴﻰ : ﻭﺟﺪﻱ ﺭﺍﺳﻚ 9 ﻏﺎﻧﻤﺸﻴﻮﺍﻧﺎ : ﻓﻴﻦ ؟ ﻳﺤﻴﻰ : ﻟﻠﻌﺮﺱ ﺑﻨﺖ ﺧﺎﻟﺘﻴﺎﻧﺎ : ﺍﻟﻤﻌﺮﻭﺽ ﻓﻨﻬﺎﺭﻭ ﻳﺒﻘﻰ ﻑ ﺩﺍﺭﻭ ﺍﻧﺎ ﻣﺎﻏﺎﺩﺍ ﻓﻴﻦ ﻋﻠﻤﻨﻲ ﻗﺒﻞ ﻳﺎﻻﻩ ﻧﻮﺟﺪ ﻳﺤﻴﻰ : ﺑﺪﻳﻨﺎ ﺗﺎﻧﻲ ﻓﺎﻟﺘﺒﺮﻫﻴﺶ ﺩﻳﺎﻟﻚ ﺑﻼ ﻣﺎﻧﺘﻌﺼﺐ ﻋﻠﻴﻚ 9 ﻧﺼﻮﻧﻲ ﻋﻠﻴﻚ ﻫﺒﻄﻲ ﺍﻥ ﻏﺎﻧﺪﻭﺯ ﻋﻨﺪ ﺍﻟﻮﺍﻟﻴﺪﺓ ﻭ ﻧﻠﺒﺲ ﺗﻤﺎ ﻭ ﻧﺠﻲ ﻧﺪﻳﻚ

ﺍﻟﺒﺎﺭﺕ :13

ﺗﻐﺪﻳﺖ ﻭ ﺟﻤﻌﺖ ﺍﻟﺪﺍﺭ ﻭ ﻣﺸﻴﺖ ﻟﻠﺼﺎﻟﻮﻥ ﺻﺎﻭﺑﺖ ﺷﻌﺮﻱ ﺑﻮﻛﻠﻲ ﻭ ﺟﻴﺖ ﺩﺭﺕ ﺍﻟﻤﺎﻛﻴﺎﺝ ﻓﺪﺍﺭﻱ ﻣﺎﺑﻐﻴﺘﺶ ﻧﺠﻲ ﻣﺰﻭﻗﺔ ﻣﻦ ﺍﻟﺼﺎﻟﻮﻥ ﺻﺎﻭﺑﺖ ﻋﻴﻨﻴﺎ ﺩﺭﺕ ﻟﻴﻬﻢ ﺍﻱ ﻻﻳﻨﺮ ﻭ ﻣﺎﺳﻜﺎﺭﺍ ﻫﻮﻣﺎ ﺍﺻﻼ ﻛﺒﺎﺭ ﻭ ﻣﺸﻔﺮﻳﻦ ﻭ ﺑﺎﻳﻨﻴﻦ ﺑﻼ ﻭﺍﻟﻮ ﻭ ﺩﺭﺕ ﻭﺍﺣﺪ ﺍﻟﻌﻜﺮ ﺑﻮﺭﺩﻭ ﺟﺎ ﻟﻴﺎ ﻣﻊ ﻟﻮﻥ ﺑﺸﺮﺗﻲ ﻛﺎﻧﺒﺎﻥ ﺑﺤﺎﻝ ﺷﻲ ﺑﺮﺍﺯﻳﻠﻴﺔ ﺷﻌﺮﻱ ﺩﺭﺕ ﻟﻴﻪ ﻣﺸﻴﻄﺔ ﺩﻳﺎﻝ ﺍﻟﻐﺠﺮﻳﺎﺕ ﻭ ﻟﺒﺴﺖ ﺗﻜﺸﻴﻄﺔ ﻛﺤﻠﺔ ﻭ ﻣﻦ ﺍﻟﻔﻮﻕ ﺟﻴﻬﺖ ﺍﻟﺼﺪﺭ ﻭ ﺍﻟﻈﻬﺮ ﻛﻠﻬﺎ ﺷﺒﻜﺔ ﻭ ﺍﻟﺘﺨﺖ ﻋﺮﻳﻀﺔ ﺑﺤﺎﻝ ﺍﻟﻜﺴﻮﺓ ﻭ ﺻﺒﺎﻁ ﻋﺎﻟﻲ ﻛﺤﻞ ﻭ ﺻﺎﻙ ﺷﺎﻧﻴﻞ ﻛﺤﻞ ﻫﺎﺩﺷﻲ ﻛﻠﻮ ﺟﺎﻧﻲ ﻓﺎﻟﺪﻓﻮﻉ ﻫﻬﻪ ﺍﻣﺎ ﺍﻧﺎ ﻣﺎﻧﻜﺴﺎﺏ ﻭﺍﻟﻮ ﺩﺭﺕ ﺍﻛﺴﺴﻮﺍﺭﺍﺕ ﺧﻔﺎﻑ ﻭ ﺻﺒﻐﺖ ﺿﻔﺎﺭﻱ ﺑﺎﻟﺤﻤﺮ ﻛﺎﻧﺒﺎﻥ ﺑﺤﺎﻝ ﺷﻲ ﻧﺠﻤﺔ ﻋﻠﻰ ﺍﻟﺒﺴﺎﻁ ﺍﻻﺣﻤﺮ ﻣﺎﺩﺭﺗﺶ ﻧﻈﺎﻇﺮﻱ ﻏﺎﻳﺨﺴﺮﻭ ﻟﻴﺎ ﺍﻟﻤﻨﻈﺮ ﻫﺰﻳﺖ ﺍﻟﺘﻴﻠﻴﻔﻮﻥ ﻛﺎﻧﻠﻘﺎ 5 ﻣﻜﺎﻟﻤﺎﺕ ﺩﻳﺎﻝ ﻳﺤﻴﻰ ﻧﺎﺭﻱ ﻗﻔﺮﺗﻬﺎ ﻟﺤﺖ ﺍﻟﻔﻮﺭﻳﺮ ﻋﻠﻰ ﻛﺘﺎﻓﻲ ﻭ ﺭﺷﻴﺖ ﺭﻳﺤﺘﻲ ﺍﻟﻤﻔﻀﻠﺔ ” ﺳﻮ ﺍﻟﻴﻜﺴﻴﺮ ” ﻭ ﻫﺒﻄﺖ ﻛﺎﻧﺴﻤﻊ ﻏﻮﺍﺕ ﺭﺍﺟﻠﻲ ﺍﻟﻀﺮﻳﻒ ﻣﻦ ﺍﻟﺪﺭﻭﺝ ﻫﻬﻪ ﺍﻟﺪﻭﺭﺓ ﻟﻲ ﺩﺍﺭ ﻋﻨﺪﻱ ﺻﻘﻞ ﻭ ﺍﻟﻬﺪﺭﺓ ﻫﺮﺑﺎﺕ ﻟﻴﻪ ﺑﺤﺎﻻ ﺻﺮﻁ ﻟﺴﺎﻧﻮ ﺍﻧﺎ : ﺳﻤﺢ ﻟﻴﺎ ﻣﺎﺳﻤﻌﺘﺶ ﺗﻴﻠﻴﻔﻮﻥ ﺭﺍﻩ ﻳﺎﻻ .. ﻗﺎﻃﻌﻨﻲ ﻳﺤﻴﻰ : ﻻ ﻣﺎﺷﻲ ﻣﻮﺷﻜﻴﻞ ﻳﺎﻟﻼﻩ ﻧﻤﺸﻴﻮ ﺭﻛﺒﺖ ﺣﺪﺍﻩ ﻭ ﺗﺤﺮﻛﻨﺎ ﻭ ﺍﻧﺎ ﻛﺎﻧﺤﺲ ﺏ ﺍﻟﺸﻮﻓﺎﺕ ﺩﻳﺎﻭﻟﻮ ﻏﺎﻳﺎﻛﻠﻮﻧﻲ ﺣﺘﻰ ﺍﻧﺎ ﻛﺎﻧﺨﻄﻒ ﺷﻮﻓﺎ ﻣﺮﺓ ﻣﺮﺓ ﻛﺎﻥ ﻻﺑﺲ ﻛﻮﺳﺘﻴﻢ ﻛﺤﻞ ﻭ ﻗﺎﻣﻴﺠﺔ ﻭ ﻛﺮﺍﻓﺎﻃﺎ ﻛﺤﻠﻴﻦ ﻭ ﺷﻌﺮﻭ ﻟﻲ ﻛﺎﻳﻬﺒﻠﻨﻲ ﻣﺮﺟﻌﻮ ﻟﻠﻮﺭ ﻭ ﺩﺍﻳﺮ ﻭﺍﺣﺪ ﺍﻟﺒﺎﺭﻓﺎﻥ ﺟﺪﺍﺏ ﻳﺤﻴﻰ : ﻳﺎﻟﻠﻪ ﻧﺰﻟﻲ ﺭﺍﻩ ﻭﺻﻠﻨﺎ ﺍﻧﺎ : ﻭﺍﺧﺎ ﻧﺰﻟﻨﺎ ﻭ ﺷﺪﻳﺖ ﻓﻴﻪ ﺑﺤﺎﻝ ﺭﺍﺟﻞ ﻭ ﻣﺮﺍﺗﻮ ﻛﺎﻧﻮ ﻳﺪﻳﻪ ﺑﺎﺭﺩﻳﻦ ﻋﻜﺴﻲ ﺍﻧﺎ ﻟﻲ ﻳﺪﻱ ﺷﺎﻋﻠﺔ ﻓﻴﻬﻢ ﺍﻟﻌﺎﻓﻴﺔ ﻭﺭﻛﺖ ﻟﻲ ﻋﻠﻰ ﻳﺪﻳﻪ ﺑﺤﺎﻝ ﺷﻲ ﻃﻔﻠﺔ ﻋﺎﺩ ﻛﺎﺗﻌﻠﻢ ﺗﻤﺸﻲ ﻭ ﺧﺎﻳﻔﺔ ﻃﻴﺢ ﻛﺎﻧﺒﺎﻧﻮ ﺯﻭﻳﻨﻴﻦ ﻣﻮﺍﺗﻴﻦ ﺩﺧﻠﻨﺎ ﻟﻠﻘﺎﻋﺔ ﻭ ﺍﻟﻌﻴﻨﻴﻦ ﻛﺎﻣﻠﻴﻦ ﻋﻠﻴﻨﺎ ﻭ ﺣﻨﺎ ﺩﺍﺧﻠﻴﻦ ﻣﺸﺎﺩﻳﻦ ﻟﻲ ﺷﺎﻓﻨﺎ ﻳﻘﻮﻝ ﻫﺎﺩﺍ ﻫﻮ ﺍﻟﻜﻮﺑﻞ ﺍﻟﻤﻴﺘﺎﻟﻲ ﺟﻠﺴﻨﺎ ﺣﺪﺍ ﻋﺪﻭﺯﺗﻲ ﻭ ﻣﺮﻳﻢ ﻭ ﺷﻲ ﻋﻨﺎﺻﺮ ﻣﻦ ﻋﺎﺋﻠﺔ ﻳﺤﻴﻰ ﺗﺤﺪﺭ ﻟﻴﺎ ﻳﺤﻴﻰ ﺣﺪﺍ ﻭﺩﻧﻲ : ﻋﻨﺪﺍﻙ ﻳﻘﻮﻟﻚ ﺭﺍﺳﻚ ﺗﻨﻮﺿﻲ ﺗﺸﻄﺤﻲ ﺗﺸﻮﻫﻴﻨﻲ ﻣﻊ ﺍﻟﻌﺎﺋﻠﺔ ﺍﻧﺎ ﻣﺎﺟﺎﻭﺑﺘﻮﺵ ﺑﺘﺎﺳﻤﺖ ﻟﻤﺮﻳﻢ ﺍﻟﺒﺎﺭﺕ :14 ﻭ ﺣﺪﺭﺕ ﺭﺍﺳﻲ ﺍﻟﻌﺮﺱ ﺯﻭﻳﻦ ﻭ ﻟﻜﻦ ﺷﻨﻮ ﺍﻟﻔﺎﺋﺪﺓ ﺍﻟﻰ ﻣﺎﻧﻀﺘﺶ ﻧﺸﻄﺢ ﺟﺎﻧﻲ ﺍﻟﻤﻠﻞ ﻳﺤﻴﻰ ﻣﻌﺮﺕ ﻓﻴﻦ ﻧﺎﺽ ﻭ ﺍﻧﺎ ﻧﻌﺘﺎﺩﺭ ﻝ ﻣﺮﻳﻢ ﻭ ﻋﺪﻭﺯﺗﻲ ﻭ ﺧﺮﺟﺖ ﻟﻠﺠﺮﺩﺓ ﻭ ﻭﻗﻔﺖ ﻛﺎﻧﺘﺄﻣﻞ ﻓﺎﻟﻨﺠﻮﻡ ﻭﺍﺣﺪ ﺷﻮﻳﺎ ﻭﻗﻒ ﻗﺪﺍﻣﻲ ﻭﺍﺣﺪ ﺍﻟﺒﺎﺳﻞ ﺑﻐﺎ ﻳﺘﻌﺮﻑ ﻋﻠﻴﺎ ﻗﺎﻟﻚ ﺍﻧﺎ : ﺳﻴﺮ ﺑﺪﻝ ﺍﻟﺴﺎﻋﺔ ﺑﺎﻟﺨﺮﻯ ﺭﺍﻧﻲ ﻣﺮﺕ ﺍﻟﺮﺍﺟﻞ ﺍﻟﺒﺎﺳﻞ ﺷﺪ ﻟﻴﺎ ﻑ ﺍﻳﺪﻱ ﻣﻊ ﺍﻟﺸﺪﺓ ﻣﻊ ﻗﺸﻌﻨﺎ ﻳﺤﻴﻰ ﺟﺎ ﻛﺎﻳﺠﺮﻱ ﻓﺤﺎﻝ ﺷﻲ ﺗﻮﺭ ﻫﺎﻳﺞ ﺿﺮﺏ ﺩﺍﻙ ﺧﻴﻨﺎ ﻃﺎﺡ ﻟﻼﺭﺽ ﻭ ﺟﺮﻧﻲ ﺍﻧﺎ ﺟﻴﻬﺖ ﺍﻟﻄﻤﻮﺑﻴﻞ ﻳﺎﻻﻩ ﺑﻐﻴﺖ ﻧﻬﺪﺭ ﻭ ﻫﻮ ﻳﺼﺮﻓﻘﻨﻲ ﺷﻌﺮﻱ ﺗﺤﻞ ﻭ ﻏﻄﺎ ﻟﻴﺎ ﻭﺟﻬﻲ ﺑﺪﻳﺖ ﻛﺎﻧﺘﺮﻋﺪ ﺑﺎﻟﻌﺼﺎﺏ ﻭ ﻛﺎﻧﻬﺪﺭ ﻭ ﺍﻧﺎ ﻣﺨﻨﻮﻗﺔ ﺍﻧﺎ : ﻣﺎﺩﺭﺕ ﻭﺍﻟﻮ ﻫﻮ ﻟﻲ ﺟﺮﻧﻲ ﻟﻌﻨﺪﻭ ﺍﻧﺎ ﻣﺎﺩﺭﺕ ﻭﺍﻟﻮ ﺭﻓﻌﻨﻲ ﺑﻘﻮﺓ ﻣﻦ ﺍﻻﺭﺽ ﻭﺷﺪﻧﻲ ﻣﻦ ﻋﻨﻘﻲ ﻳﺤﻴﻰ : ﺑﺎﻏﺎ ﺗﺸﻮﻫﻴﻨﻲ ؟ ﻫﺪﺭﻱ ﺑﺎﻏﺎ ﺍﻟﻌﺎﺋﻠﺔ ﺗﺸﻮﻑ ﻓﻴﺎ ﺷﻮﻓﺎ ﻧﺎﻗﺼﺔ ﻛﻠﻜﻢ ﺑﺤﺎﻝ ﺑﺤﺎﻝ ﻛﻠﻜﻢ ﻏﺪﺍﺭﺍﺕ ﻭ ﺑﺎﻏﻴﻦ ﺍﻟﻔﻠﻮﺱ ﺻﺎﻓﻲ ﻭ ﻟﻜﻦ ﺍﻧﺎ ﻣﻦ ﺍﻟﻴﻮﻡ ﻏﺎﻧﻌﻴﺸﻚ ﺍﻟﻤﺮﺍﺭ ﻓﻜﻴﺖ ﺭﺍﺳﻲ ﻣﻨﻮ ﻭ ﺑﻘﻲ ﻛﺎﻧﻐﻮﺕ ﺍﻧﺎ : ﻧﺘﺎ ﻣﺮﻳﻴﻴﻴﻴﺾ ﺑﻌﺪ ﻣﻨﻲ ﺍﻧﺎ ﻏﺎﻧﻘﺘﻠﻚ ﻭ ﻧﻘﺘﻞ ﺭﺍﺳﻲ ﻭ ﻧﺘﻬﻨﺎ ﺍﺵ ﺩﻧﺒﻲ ﺍ ﺳﻴﺪﻱ ﺭﺍﺑﻲ ﺍﺵ ﺩﺭﺕ ﺍﻧﺎ ﺑﺎﺵ ﻧﺴﺘﺎﻫﻞ ﻫﺎﺩﺷﻲ ﺑﻘﻴﺖ ﻛﺎﻧﺒﻜﻲ ﺑﻬﻴﺴﺘﻴﺮﻳﺔ ﻭ ﻫﻮ ﺣﺪﺍﻳﺎ ﺑﻘﺎ ﻛﺎﻳﺸﻮﻑ ﻓﻴﺎ ﺗﺎ ﺳﺎﻟﻴﺖ ﻭ ﻫﺰﻧﻲ ﺧﺸﺎﻧﻲ ﻓﺎﻟﻄﻮﻣﻮﺑﻴﻞ ﻭ ﺍﻧﺎ ﻛﺎﻧﺘﺮﻛﻞ ﻭ ﻛﺎﻧﻐﻮﺕ ﻋﻠﻲ ﻳﺒﻌﺪ ﻣﻨﻲ ﺑﻠﻮﻛﺎ ﺍﻟﺒﻴﺒﺎﻥ ﻭ ﺩﻳﻤﺎﺭﺍ ﺍﻟﻄﻮﻣﻮﺑﻴﻞ ﻭﻗﻒ ﺣﺪﺍ ﺍﻟﺒﺤﺮ ﻭ ﺑﺪﺍ ﻛﺎﻳﻌﺎﻭﺩﻳﺤﻴﻰ : ﺍﻭﻝ ﻣﺮﺓ ﻋﺮﻓﺖ ﺍﺑﺘﺴﺎﻡ ﻛﺎﻧﺖ ﻫﺎﺩﻱ 10 ﺩﺍﺑﺎ . ﻛﺎﻧﺖ ﻣﺴﺆﻭﻟﺔ ﺣﺴﺎﺑﺎﺕ ﻋﻨﺪﻧﺎ ﻓﺎﻟﺸﺮﻛﺔ ﺑﻐﻴﺘﻬﺎ ﻟﻠﺤﻼﻝ ﻣﺎﺷﻲ ﻟﻠﺘﻔﻠﻴﺔ ﺗﻌﻠﻘﺖ ﺑﻴﻬﺎ ﺑﺰﺍﻑ ﻭﻻﺕ ﻫﻲ ﻛﻠﺸﻲ ﻋﻨﺪﻱ ﺑﻐﻴﺘﻬﺎ ﻝ ﺩﺭﺟﺔ ﻛﺒﻴﻴﺮﺓ ﺗﻌﻤﺎﻭ ﻟﻲ ﺍﻟﻌﻴﻨﻴﻦ ﻛﺎﻧﻬﺪﺭ ﺑﻴﻬﺎ ﻧﻔﻴﻖ ﺑﻴﻬﺎ ﻭ ﻧﻌﺲ ﺑﻴﻬﺎ ﻋﻤﺮﻧﻲ ﺗﺨﻴﻠﺖ ﺭﺍﺳﻲ ﻏﺎﻧﺘﺼﺪﻡ ﻓﻴﻬﺎ ﺣﺘﺎﻝ ﺍﻟﻨﻬﺎﺭ ﻟﻲ ﻏﺎﻧﺤﻞ ﻣﻜﺘﺐ ﺍﻟﻤﺪﻳﺮ ﻋﻠﻰ ﻏﻔﻠﺔ ﻭ ﻧﻠﻘﺎﻫﺎ ﻛﺎﻟﺴﺔ ﻟﻴﻪ ﻓﺤﺠﺮﻭ ﻭ ﻛﺎﻳﺘﺒﺎﻭﺳﻮ ﺗﻤﻨﻴﺖ ﺍﻻﺭﺽ ﺗﺸﻖ ﻭ ﺗﺒﻠﻌﻨﻲ ﺩﺍﺭﺕ ﺭﺍﺳﻬﺎ ﻣﺎﻛﺎﺗﻌﺮﻓﻨﻴﺶ ﺍﻧﺎ ﻛﻨﺖ ﻏﻴﺮ ﻃﺮﻳﻖ ﺑﺎﺵ ﺩﻭﺯ ﻟﻠﺮﺋﻴﺲ ﺩﻳﺎﻟﻲ ﺣﻴﺖ ﻫﻮ ﻣﻠﻌﻖ ﻋﻠﻴﺎ ﺗﺄﺯﻣﺖ ﺑﺰﺍﻑ ﻣﻮﺭﺍ ﺩﺍﻛﺸﻲ ﻟﻲ ﻃﺮﺍ ﻣﻦ ﺗﻢ ﻭ ﺍﻧﺎ ﻑ ﺍﻟﺪﺍﻧﻤﺎﺭﻙ ﺣﺘﺎﻝ ﺍﻟﻨﻬﺎﺭ ﻟﻲ

ﺍﻟﺒﺎﺭﺕ 14

ﺍﻟﻮﺍﻟﻴﺪﺓ ﺣﻠﻔﺎﺕ ﺗﺎﺗﺰﻭﺟﻨﻲ ﻭ ﻗﺎﻟﺖ ﻟﻴﺎ ﺍﻟﺴﺨﻂ ﻫﺎ ﺍﻟﺮﺿﺎ ﻭ ﻟﻜﻦ ﺍﻧﺎ ﻣﺎﻗﺪﺭﺗﺶ ﻧﺴﺎﻫﺎ ﻭﺍﺧﺎ ﻏﺪﺭﺍﺗﻨﻲ ﻭ ﻭﺍﺧﺎ ﻧﺴﺎﻫﺎ ﺍﻟﻌﻴﺎﻻﺕ ﻛﻠﻬﻢ ﺑﺤﺎﻟﻬﺎ ﻛﻠﻬﻢ ﻏﺪﺍﺭﺍﺕ ﺍﻧﺎ ﺻﻮﺗﻲ ﻣﻘﻄﻊ ﺑﺎﻟﺒﻜﺎ : ﺩﻳﻲ ﻧﻲ ﻟﻠﺪﺍﺭ ﻋﺎ ﻓﺎﻙ ﻳﺤﻴﻰ ﺷﺪ ﺭﺍﺳﻲ ﺑﻴﻦ ﻳﺪﻳﻪ ﻭ ﺑﺎﺳﻨﻲ ﻑ ﺟﺒﻬﺘﻲ ﺯﺩﺕ ﺍﻧﺎ ﻛﺎﻧﺒﻜﻲ ﻛﺘﺮ ﺣﻂ ﺭﺍﺳﻲ ﻋﻠﻰ ﺻﺪﺭﻭ ﻭ ﺑﻘﻰ ﻛﺎﻳﺴﻜﺘﻨﻲ ﻭ ﻳﻄﻠﺐ ﻟﻴﺎ ﺍﻟﺴﻤﺎﺣﺔ ﺣﺴﻴﺖ ﺑﺎﻟﺤﻨﺎﻥ ﻭ ﺍﻻﻣﺎﻥ ﻭ ﺷﻔﺖ ﺍﻟﺠﺎﻧﺐ ﺍﻻﺧﺮ ﺩﻳﺎﻟﻮ ﻟﻲ ﻛﺎﻥ ﻣﺨﺒﻲ ﻋﺮﻓﺖ ﺍﻧﻪ ﺣﻨﻴﻦ ﻭ ﻃﻴﺐ ﻭ ﻟﻜﻦ ﻫﺎﺩﺷﻲ ﻣﺎﻛﺎﻳﺒﺮﺭﺵ ﺗﺼﺮﻓﺎﺗﻮ ﺍﻧﺎ ﻋﻴﻴﺖ ﺑﺰﺍﻑ ﻣﺎﺑﻘﻴﺘﺶ ﻗﺎﺩﺭﺓ ﻧﺰﻳﺪ ﻧﺘﺤﻤﻞ ﻛﺘﺮ ﻣﺸﻴﻨﺎ ﻟﻠﺪﺍﺭ ﺩﺧﻠﻨﺎ ﺣﻴﺪﺕ ﺣﻮﺍﻳﺠﻲ ﻣﺴﺤﺖ ﻭﺟﻬﻲ ﻭ ﻭﻗﻔﺖ ﺣﺪﺍ ﺍﻟﺸﺮﺟﻢ ﻛﺎﻧﻄﻞ ﻭ ﻛﺎﻧﺸﻮﻑ ﺍﻟﺸﺘﺎ ﻫﺎﺑﻄﺔ ﺧﻴﻂ ﻣﻦ ﺍﻟﺴﻤﺎ ﻭ ﻛﺎﻧﺸﻢ ﺭﻳﺤﺖ ﺍﻟﺘﺮﺍﺏ ﻣﺨﻠﻂ ﺑﺎﻟﺸﺘﺎ ﻟﻲ ﻛﺎﺩﺧﻞ ﺍﻟﻔﺮﺣﺔ ﻋﻠﻰ ﺍﻟﻘﻠﺐ ﺗﻨﻬﺪﺕ ﻭ ﺑﻘﻴﺖ ﺳﺎﻫﻴﺔ ﻳﺤﻴﻰ : ﻭﺍﺵ ﻋﻤﺮﻧﻲ ﻗﻠﺖ ﻟﻴﻚ ﺷﻌﺮﻙ ﺯﻭﻳﻦ ﻭ ﻃﻮﻳﻞ ﺍﻧﺎ : ﻻ ﻣﺎﻗﻠﺘﻴﻬﺎﺵ ﻭ ﻟﻜﻦ ﻗﻠﺘﻲ ﺣﻮﺍﻳﺞ ﺧﺮﻳﻦ ﻭ ﺿﺤﻜﺖ ﺑﺎﺳﺘﻬﺰﺍﺀ ﻳﺤﻴﻰ : ﻋﺎﻟﻴﺔ ﺳﻤﺤﻲ ﻟﻴﺎ ﺳﻤﺤﻲ ﻟﻴﺎ ﺑﺰﺍﻑ ﺍﻧﺎ : ﻣﺎﺷﻲ ﻣﻮﺷﻜﻴﻞ ﻣﺎﺑﻘﺎ ﻗﺪ ﻣﺎﻓﺎﺕ 3 ﺷﻬﺮ ﺩﻏﻴﺎ ﺩﻭﺯ ﻭ ﻳﺴﺎﻟﻲ ﻫﺎﺩ ﺍﻟﻜﺎﺑﻮﺱ ﺩﻭﺭﻧﻲ ﻋﻨﺪﻭ ﻭ ﺣﻂ ﺍﻳﺪﻳﻪ ﻋﻠﻰ ﻓﻤﻲ ﻭ ﺑﻘﻰ ﻛﺎﻳﺸﻮﻑ ﻟﻴﺎ ﻓﻔﻤﻲ ﻫﺒﻂ ﺍﻳﺪﻳﻪ ﻭ ﻫﻮ ﻳﻘﺮﺏ ﻟﻌﻨﺪﻱ ﺣﻂ ﺍﻳﺪﻳﻪ ﻋﻠﻰ ﺭﺍﺳﻲ ﻣﻦ ﺍﻟﻠﻮﺭ ﻭ ﻳﺪ ﻋﻠﻰ ﻇﻬﺮﻱ ﻭ ﻃﺒﻊ ﺑﻮﺳﺔ ﻃﻮﻳﻠﺔ ﻓﻔﻤﻲ ﺷﺎﻑ ﻓﻴﺎ ﺑﺘﺎﺳﻢ ﻭ ﻗﺎﻟﻲ ﺗﺼﺒﺤﻲ ﻋﻠﻰ ﺧﻴﺮﻋﺎﻟﻴﺔ : ﻭﺍﺵ ﺍﻧﺎ ﻛﺎﻧﺤﻠﻢ ﻻ ﻣﺎﻳﻤﻜﻨﺶ ﺯﻋﻤﺎﺍ ﻳﻜﻮﻥ ﻛﺎﻳﺒﻐﻴﻨﻲ ؟ ﻻ ﻫﻮ ﻛﺎﻳﺒﻐﻲ ﺑﺘﺴﺎﻡ ﺍﻓﻔﻔﻒ ﻏﻨﺘﺴﻄﺎ ﺣﻄﻴﺖ ﺍﻳﺪﻱ ﻋﻠﻰ ﻓﻤﻲ ﻛﺎﻧﺘﺤﺴﺲ ﺑﻮﺳﺘﻮ ﻭ ﺑﺪﻳﺖ ﻛﺎﻧﻀﺤﻚ ﻧﻌﺴﺖ ﻧﻌﺴﺔ ﺣﻠﻮﺓ ﻓﻘﺖ ﻋﻠﻰ ﺻﻮﺗﻮ ﻛﺎﻳﻬﺪﺭ ﻓﺎﻟﺘﻴﻠﻴﻔﻮﻥ

ﺍﻟﺒﺎﺭﺕ15

ﺍﻧﺎ : ﺻﺒﺎﺡ ﺍﻟﺨﻴﺮ ﻳﺤﻴﻰ ﻳﺤﻴﻰ : ﺻﺒﺎﺡ ﺍﻟﻨﻮﺭ ﻋﺎﻟﻴﺔ ﺷﻮﻓﻲ ﺭﺍﻩ ﻋﻨﺪﻱ ﻭﺍﺣﺪ ﺍﻟﺴﻔﺮﻳﺔ ﺩﻳﺎﻝ ﺍﻟﺨﺪﻣﺔ ﻻﻛﺎﺩﻳﺮ ﻭ ﺍﻟﻮﺍﻟﻴﺪﺓ ﻗﺎﻟﺖ ﻟﻴﺎ ﻧﺠﻴﺒﻚ ﻣﻌﺎﻳﺎ ﺑﺎﺵ ﺗﻜﻠﺴﻲ ﻣﻌﺎﻫﺎ ﺷﻮﻳﺎ ﺍﻟﻤﻬﻢ ﺟﻤﻌﻲ ﺣﻮﺍﻳﺠﻚ ﻏﺎﻧﻜﻠﺴﻮ ﺳﻴﻤﺎﻧﺎ ﺍﻧﺎ : ﻭﺍﺧﺎ ﻛﻮﻥ ﻣﺎﻛﺎﻧﺖ ﻣﻚ ﻛﺎﻋﻤﺎ ﺩﻳﻨﻲ ﻣﻌﺎﻙ ﺍﻟﻠﻪ ﻳﺪﻳﻚ ﻟﺠﻬﻨﺎﻡ ﺍﻭﺟﻪ ﺍﻟﻨﺤﺲ ﺟﻤﻌﺖ ﺍﻟﺪﺍﺭ ﻭ ﻓﻄﺮﺕ ﻟﻴﻮﻣﺎ ﺍﻟﺤﺪ ﻳﺤﻴﻰ ﻣﺎﺧﺪﺍﻣﺶ ﻭ ﻟﻜﻦ ﻣﺎﻛﺎﻳﻨﺶ ﻓﺎﻟﺪﺍﺭ ﻣﺎﺗﺴﻮﻗﺘﺶ ﻟﻴﻪ ﺟﻤﻌﺖ ﺣﻮﺍﻳﺠﻲ ﻭ ﻛﻠﺴﺖ ﻣﺎﻛﺎﻳﻦ ﻣﺎﻳﺪﺍﺭ ﺷﻮﻳﺎ ﻏﺮﻧﻲ ﺍﻟﺸﻴﻄﺎﻥ ﻭ ﻗﻠﺖ ﻋﻼﺵ ﻣﺎﻧﺪﺧﻠﺶ ﻟﺒﻴﺖ ﻳﺤﻴﻰ ﻧﺒﻘﺸﻮ ﺷﻮﻳﺎ ﻭ ﻳﺎ ﺭﻳﺘﻨﻲ ﻣﺎﺩﺭﺗﻬﺎ ﺩﺧﻠﺖ ﺑﺪﻳﺖ ﻛﺎﻧﻘﻠﺐ ﻣﺎﻟﻘﻴﺖ ﺗﺎ ﺣﺎﺟﺔ ﻣﻬﻤﺔ ﻃﺎﺣﺖ ﻟﻴﺎ ﺣﻠﻘﺔ ﻣﻦ ﻭﺩﻧﻲ ﻫﺒﻄﺖ ﻧﻘﻠﺐ ﻋﻠﻴﻬﺎ ﻭ ﺍﻧﺎ ﻧﻠﻘﺎ ﻭﺍﺣﺪ ﺻﻨﻴﺪﻳﻘﺔ ﺻﻐﻴﺮﺓ ﺟﺒﺪﺗﻬﺎ ﺣﻠﻴﺘﻬﺎ ﻟﻘﻴﺖ ﻓﻴﻬﺎ ﺗﺼﺎﻭﺭ ﻳﺤﻴﻰ ﻭ ﻭﺣﺪ ﺧﻴﺘﻲ ﺍﻛﻴﺪ ﻫﻲ ﺑﺘﻴﺴﺎﻡ ﻭ ﻭﺍﺣﺪ ﺍﻟﺨﺎﺗﻢ ﻣﺎﺭﻳﺎﺝ ﺩﻳﺎﻝ ﺍﻟﺪﻫﺐ ﻭ ﺭﻳﺤﺔ ﺩﻳﺎﻝ ﺍﻟﺪﺭﺍﺭﻱ ﻳﺤﻴﻰ : ﺍﺷﺪﺍﻙ ﺗﻘﻴﺴﻲ ﺍﻟﺤﺎﺟﺔ ﻟﻲ ﻣﺎﺷﻲ ﺩﻳﺎﻟﻚ ﻫﺰﻧﻲ ﻣﻦ ﺩﺭﺍﻋﻲ ﻭ ﺷﻨﻖ ﻋﻠﻴﺎ ﻳﺤﻴﻰ ﻛﺎﻳﻬﺪﺭ ﻣﻌﺼﺐ : ﻳﺎﻛﻤﺎ ﺭﺍﻙ ﺗﻴﻘﺘﻲ ﺭﺍﺳﻚ ﻣﺮﺍﺗﻲ ﺩﻳﺎﻝ ﺑﺼﺢ ﻣﺎﻛﺎﻧﺒﻐﻴﺶ ﻧﺘﻌﺪﺍ ﻋﻠﻴﻚ ﻭ ﻟﻜﻦ ﻧﺘﻲ ﻣﺎﺷﻲ ﺩﻳﺎﻝ ﺍﻟﻀﺴﺎﺭﺓ ﻧﺴﺎﻱ ﺩﺍﻛﺸﻲ ﻟﻲ ﻃﺮﺍ ﺍﻟﺒﺎﺭﺡ ﺍﻧﺎ ﻣﺎﻛﻨﺘﺶ ﻋﺎﺭﻑ ﺍﺵ ﻛﺎﻧﺪﻳﺮ ﺑﻄﺎ ﻋﻠﻴﺎ ﺍﻣﺘﺎ ﺗﻜﻤﻞ ﻫﺎﺩ 6 ﺷﻬﺮ ﻭ ﻧﺘﻬﻨﺎ ﻣﻦ ﻛﻤﺎﺭﺗﻚ ﺧﺮﺝ ﻭ ﺧﻼﻧﻲ ﺣﺘﺎ ﻛﺎﻧﻘﻮﻝ ﻛﻮﻟﺸﻲ ﺗﻘﺎﺩ ﻭ ﻛﺎﻳﻀﺮﺏ ﻛﻮﻟﺸﻲ ﻑ ﺯﻳﺮﻭ ﺗﺎﻧﻲ ﺑﺎﻗﺎ ﺷﻬﺮﻳﻦ ﻭ ﺗﻜﻤﻞ 6 ﺷﻬﺮ ﻓﻴﻨﻤﺎ ﻛﺎﻧﺘﻔﻜﺮ ﻫﺎﺩﺷﻲ ﻗﻠﺒﻲ ﻛﺎﻳﺘﻘﻄﻊ ﺍﻧﺎ ﻛﺎﻧﺒﻐﻴﻪ ﺍﻩ ﻛﺎﻧﺒﻐﻴﻪ ﻭ ﻭﺍﺧﺎ ﻋﻤﺮﻭ ﻋﺎﻣﻠﻨﻲ ﻣﺰﻳﺎﻥ ﻭ ﻟﻜﻦ ﺍﻧﺎ ﻋﺎﺭﻓﺎ ﻗﻠﺒﻮ ﻣﺰﻳﺎﻥ ﻏﻴﺮ ﺍﻟﻮﻗﺖ ﻭ ﺍﻟﺤﻴﺎﺓ ﻟﻲ ﻣﺎﻣﺰﻳﺎﻧﺎﺵ ﻳﺤﻴﻰ : ﻳﺎﻻﻩ ﺍﻟﻤﺼﻴﺒﺔ ﻟﻲ ﺳﻠﻄﻬﺎ ﻋﻠﻴﺎ ﺍﻟﻠﻪ ﻏﺎﻧﺸﺪﻭ ﺍﻟﻄﺮﻳﻖ ﺩﺍﺑﺎ ﻫﺰﻳﺖ ﺻﺎﻛﻲ ﻭ ﻣﺎﺟﺎﻭﺑﺘﻮﺵ ﺷﺪﻳﻨﺎ ﺍﻟﻄﺮﻳﻖ ﻻﻛﺎﺩﻳﺮ ﻏﻴﺮ ﺭﻛﺒﺖ ﻓﺎﻟﻄﻮﻣﻮﺑﻴﻞ ﻧﻌﺴﺖ ﺑﺎﺵ ﻧﺘﻔﺎﺩﺍ ﺍﻟﺼﺪﺍﻉ ﻣﻊ ﻳﺤﻴﻰ ﻳﺤﻴﻰ ﻣﻊ ﺭﺍﺳﻮ : ﺍﻓﻔﻒ ﻻ ﺍﻧﺎ ﻣﺎﻳﻤﻜﻨﺶ ﻧﻜﻮﻥ ﻛﺎﻧﺒﻐﻲ ﻫﺎﺩ ﺍﻟﺒﺮﻫﻮﺷﺔ ﻫﻲ ﻣﺎﻋﻨﺪﻫﺎ ﻋﻘﻞ ﺑﺎﻏﺎ ﻏﺎ ﺗﻠﻌﺐ ﻭ ﺗﻔﻼ ،ﺑﻠﻲ ﺷﻔﺖ ﺩﺍﻙ ﺧﻴﻨﺎ ﺷﺎﺩﻫﺎ ﻓﺎﻟﻌﺮﺱ ﺣﺴﻴﺖ ﺑﺎﻟﺴﺨﻮﻧﻴﺔ ﻃﺎﻟﻌﺎ ﻣﻌﺎﻳﺎ ﻛﻴﻤﺎ ﻛﺎﻥ ﺍﻟﺤﺎﻝ ﻣﺎﺑﻘﺎ ﻗﺪ ﻣﺎﻓﺎﺕ ﻭ ﻧﺘﻬﻨﺎ

ﺍﻟﺒﺎﺭﺕ :16

ﻳﺤﻴﻰ ﺳﺎﻳﻖ ﻭ ﻛﺎﻳﺸﻮﻑ ﻑ ﻋﺎﻟﻴﺔ ﻟﻲ ﻧﺎﻋﺴﺔ ﺑﺤﺎﻝ ﺷﻲ ﺑﻨﻴﺘﺔ ﺻﻐﻴﻮﺭﺓ ﻭ ﺍﻟﺸﻌﺮ ﻣﻐﻄﻲ ﻟﻴﻬﺎ ﻭﺟﻬﺎ ﻭﻗﻒ ﺍﻟﻄﻮﻣﻮﺑﻴﻞ ﻭ ﺑﻘﺎ ﻛﺎﻳﺘﺄﻣﻞ ﻓﻴﻬﺎ ﻳﺎﻻﻩ ﻏﺎﻳﺪﻳﺮ ﻳﺪﻳﻪ ﻳﺤﻴﺪ ﺍﻟﺸﻌﺮ ﻋﻠﻰ ﻭﺟﻬﺎ ﻭ ﻫﻲ ﺗﻔﻴﻖ ﻛﺎﺗﺤﻞ ﻋﻴﻨﻴﻬﺎ ﺑﺸﻮﻳﺔ ﺟﺎﺕ ﻋﻴﻨﻴﻬﺎ ﻑ ﻋﻴﻨﻴﻪ ﺗﻮﻗﻒ ﺑﻴﻬﻢ ﺍﻟﺰﻣﻦ ﻭ ﻫﻮﻣﺎ ﻛﺎﻳﺸﻮﻓﻮ ﻑ ﺑﻌﻀﻴﺎﺗﻬﻢ ﺣﺪﺭﺍﺕ ﻋﺎﻟﻴﺔ ﻋﻴﻨﻴﻬﺎ ﻭ ﻳﺤﻴﻰ ﻋﺎﻕ ﺑﺮﺍﺳﻮ ﻭ ﺩﻳﻤﺎﺭﺍ ﺍﻟﻄﻮﻣﻮﺑﻴﻞ ﻭ ﺯﺍﺩ ﻳﺤﻴﻰ : ﻭﺻﻠﻨﺎ ﻟﺪﺍﺭ ﺍﻟﻮﺍﻟﻴﺪﺓ ﻫﺒﻄﻲ ﻫﺒﻄﻨﺎ ﻃﻠﻌﻨﺎ ﻋﺪﻭﺯﺗﻲ ﻣﺴﻜﻴﻨﺔ ﺳﺘﻘﺒﻼﺗﻨﻲ ﺑﺎﻟﺜﻤﺮ ﻭ ﺍﻟﺤﻠﻴﺐ ﺣﻴﺖ ﺍﻭﻝ ﻣﺮﺓ ﻧﺠﻲ ﻋﻨﺪﻫﺎ ﺗﻌﺎﻣﻠﻨﺎ ﻃﺒﻌﺎ ﻛﺰﻭﺝ ﻭ ﺯﻭﺟﺔ ﻋﺎﺩﻳﻴﻦ ﻓﺎﻟﻠﻴﻞ ﻋﻄﺎﺗﻨﺎ ﻋﺪﻭﺯﺗﻲ ﺑﻴﺖ ﻣﺮﻳﻢ ﺍﻟﻘﺪﻳﻢ ﻧﻨﻌﺴﻮ ﻓﻴﻪ ﺍﻭﻳﻠﻲ ﻛﻲ ﻏﺎﺩﻧﻴﺮﻭ ﻫﺎﺩﺷﻲ ﻣﺎﺿﺮﺑﺘﺶ ﻟﻴﻪ ﺍﻟﺤﺴﺎﺏ ﻳﺤﻴﻰ ﺩﺧﻞ ﻭ ﺗﻼﺡ ﻓﻮﻕ ﺍﻟﻨﺎﻣﻮﺳﻴﺔ ﺑﻜﻞ ﺃﻧﺎﻧﻴﺔ ﻭ ﺑﻘﻰ ﻛﺎﻳﻠﻌﺐ ﺑﺎﻟﺘﻴﻠﻴﻔﻮﻥ ﺍﻧﺎ ﻣﺎﺭﺿﻴﺘﺶ ﻫﺰﻳﺖ ﻛﺮﺳﻲ ﺩﺧﻠﺖ ﺍﻟﺒﺎﻟﻜﻮﻥ ﻭ ﺳﺪﻳﺖ ﻋﻠﻴﺎ ﻭ ﺑﻘﻴﺖ ﺟﺎﻟﺴﺔ ﻭ ﺍﻟﺒﺮﺩ ﻛﺎﻳﻨﻔﺦ ﻓﻴﺎ ﻛﺒﺮﻳﺎﺋﻲ ﻣﺎﻳﺴﻤﺤﺶ ﻟﻴﺎ ﻧﺨﺮﺝ ﻋﻨﺪﻭ ﻭﻻ ﻧﺸﺎﺭﻙ ﻣﻌﺎﻩ ﺍﻟﻔﺮﺍﺵ ﻳﺤﻴﻰ ﻣﻊ ﺭﺍﺳﻮ : ﻧﺸﻮﻓﻮ ﺍ ﻟﻼﻟﺔ ﻋﺎﻟﻴﺔ ﻭﺍﺵ ﻗﺼﻮﺣﻴﺔ ﺭﺍﺳﻚ ﻏﺎﺗﻨﻔﻌﻚ ﻣﻌﺎﻳﺎ ﺍﻧﺎ ﻣﺎﻗﺪﺭﺗﺶ ﻧﻌﺲ ﺑﺎﻟﺒﺮﺩ ﻣﺎﺑﻘﻴﺘﺶ ﻛﺎﻧﺤﺲ ﺑﻴﺪﻱ ﻭ ﺭﺟﻠﻲ ﻭﺟﻬﻲ ﺯﺭﺍﻙ ﻭ ﺣﺴﻴﺖ ﺑﺎﻟﺤﻜﺮﺓ ﻭ ﺍﻟﻐﺮﺑﺔ ﺩﺍﺗﻨﻲ ﻋﻴﻨﻲ ﻭ ﻏﻤﻀﺖ ﺷﻮﻳﺎ ﺣﺴﻴﺖ ﺑﺸﻲ ﻳﺪﻳﻦ ﻫﺎﺯﻳﻨﻲ ﻛﺎﻥ ﻳﺤﻴﻰ ﺣﻄﻨﻲ ﻓﺎﻟﻨﺎﻣﻮﺳﻴﺔ ﻭ ﻏﻄﺎﻧﻲ ﻭ ﺑﺎﻳﻦ ﻓﻮﺟﻬﻮ ﺍﻟﺨﻮﻑ ﻭ ﺍﻧﺎ ﻛﺎﻧﻘﻔﻘﻒ ﺑﺎﻟﺒﺮﺩ ﻣﺎﻗﺪﺭﺗﺶ ﻧﻨﻌﺲ ﺿﺮﺑﻨﻲ ﺍﻟﺒﺮﺩ ﻭ ﺑﻘﻴﺖ ﻛﺎﻧﻜﺤﺐ ﻭ ﻧﻌﻄﺲ ﻳﺤﻴﻰ ﻛﺎﻟﺲ ﺣﺪﺍﻳﺎ ﻭ ﻛﺎﻳﺘﺤﺴﺮ ﺣﻴﺖ ﻫﻮ ﺍﻟﺴﺒﺎﺏ ﻭ ﻣﺎﻛﻠﻒ ﺭﺍﺳﻮ ﻧﺎ ﻳﻄﻠﺐ ﺍﻟﺴﻤﺎﺣﺔ ﺍﻧﺎ ﻛﺎﻧﺸﻮﻑ ﻓﻴﻪ ﺑﺤﻘﺪ ﺻﺒﺢ ﺍﻟﺼﺒﺎﺡ ﻭ ﺍﻧﺎ ﻣﺎﻗﺪﺭﺗﺶ ﻧﻮﺩ ﺑﺎﻟﺪﻭﺧﺔ ﻭ ﺿﺎﺭﺑﻨﻲ ﺍﻟﺒﺮﺩ ﻣﺰﻳﺎﻥ ﻋﻴﻨﻲ ﻣﺎﻗﺎﺩﺍﺵ ﻧﺤﻠﻬﻢ ﺧﺎﻟﺘﻲ : ﺍﻟﻠﻪ ﻳﺎ ﺑﻨﻴﺘﻲ ﻣﺎﻟﻚ ﻳﺎﻛﻤﺎ ﻛﺎﻳﻦ ﺑﺎﺱ ﺍﻧﺎ ﻛﺎﻧﺸﻮﻑ ﻑ ﻳﺤﻴﻰ ﻭ ﻛﺎﻧﻬﺪﺭ : ﻻ ﻏﻴﺮ ﻣﺎﻛﻨﺘﺶ ﻻﺑﺴﺔ ﻣﺰﻳﺎﻥ ﻭ ﺍﻟﺒﺎﻟﻜﻮﻥ ﻛﺎﻥ ﻣﺤﻠﻮﻝ ﻭ ﺿﺮﺑﻨﻲ ﺍﻟﺒﺮﺩ ﻳﺤﻴﻰ : ﻧﻮﺿﻲ ﻧﻤﺸﻴﻮ ﻟﻠﻄﺒﻴﺐ ﺍﻧﺎ : ﺑﻼ ﻣﺎﺗﻌﺬﺏ ﺭﺍﺳﻚ ﻳﺤﻴﻰ : ﻧﻮﺿﻲ ﺑﻼ ﻗﺼﻮﺣﻴﺔ ﺍﻟﺮﺍﺱ ﻣﺎﺑﻐﻴﺘﺶ ﻧﺒﻘﺎ ﻧﻜﺘﺮ ﻣﻌﺎﻩ ﺍﻟﻬﺪﺭﺓ ﺣﺪﺍ ﻋﺪﻭﺯﺗﻲ ﻣﺸﻴﻨﺎ ﻟﻠﻄﺒﻴﺐ ﺍﻟﻄﺮﻳﻖ ﻛﺎﻣﻠﺔ ﻭ ﺍﻧﺎ ﻣﺨﻨﺰﺭﺓ

البارت 17

ﺩﻭﺯﺕ ﺷﺮﺍ ﻟﻴﺎ ﺍﻟﺪﻭﺍﺀ ﻭ ﺭﺟﻌﻨﻲ ﻟﻠﺪﺍﺭ ﺑﻘﻴﺖ ﺍﻧﺎ ﻭ ﻋﺪﻭﺯﺗﻲ ﻓﺎﻟﺪﺍﺭ ﻣﺴﻜﻴﻨﺔ ﻗﺎﺑﻼﺗﻨﻲ ﺑﺤﺎﻝ ﺑﻨﺘﻬﺎ ﺍﻟﻠﻪ ﻳﻜﺘﺮ ﺧﻴﺮﻫﺎ ﺟﺎ ﻳﺤﻴﻰ ﻓﺎﻟﻠﻴﻞ ﺩﺧﻞ ﻋﻨﺪﻱ ﻟﻠﺒﻴﺖ ﻟﻘﺎﻧﻲ ﻣﻜﻤﺸﺔ ﻭ ﻧﺎﻋﺴﺔ ﻏﻄﺎﻧﻲ ﻭ ﻋﺎﻭﺩﺕ ﺣﻴﺪﺕ ﻋﻠﻴﺎ ﺍﻟﻐﻄﺎ ﺍﻧﺎ : ﺍﻟﻰ ﻃﻠﻘﺘﻴﻬﺎ ﻣﺎﺗﻮﺭﻳﻬﺎﺵ ﺩﺍﺭ ﺑﺎﻫﺎ ﻳﺤﻴﻰ : ﺭﺍﺳﻚ ﻗﺎﺻﺢ ﻣﺎﺟﺎﻭﺑﺘﻮﺵ ﻭ ﺩﺭﺕ ﻟﻠﺠﻴﻪ ﺍﻻﺧﺮﻯ ﻭ ﺧﻠﻴﺘﻮ ﻫﺰ ﺣﻮﺍﻳﺠﻮ ﺩﻳﺎﻝ ﺍﻟﻨﻌﺎﺱ ﻭ ﺧﺮﺝ ﻧﻌﺴﺖ ﺗﺎ ﺍﻧﺎ ﻓﻘﺖ ﻓﺎﻟﺼﺒﺎﺡ ﺣﺴﻴﺖ ﺑﺮﺍﺳﻲ ﻣﺰﻳﺎﻧﺔ ﺟﻤﻌﺖ ﺍﻟﻜﻮﺯﻳﻨﺔ ﻭ ﺻﺎﻭﺑﺖ ﺍﻟﻔﻄﻮﺭ ﻓﺎﻗﺖ ﻋﺪﻭﺯﺗﻲ ﻭ ﺷﻴﺨﻲ ﻳﺤﻴﻰ ﻣﺎﺑﺎﻳﺘﺶ ﻓﺎﻟﺪﺍﺭ ﺣﻨﺎ ﺟﺎﻟﺴﻴﻦ ﻛﺎﻧﻔﻄﺮﻭ ﺗﺎﺩﺧﻞ ﻛﺤﻞ ﺍﻟﻌﻔﻄﺔ ﻳﺤﻴﻰ : ﺻﺒﺎﺡ ﺍﻟﺨﻴﺮ ﺍﻟﻜﻞ : ﺻﺒﺎﺡ ﺍﻟﺨﻴﺮ ﺍﻧﺎ : ﻧﻜﺐ ﻟﻴﻚ ﻗﻬﻴﻮﺓ ؟ ﻫﻮ : ﻻ ﺷﻜﺮﺍ ﺧﺎﻟﺘﻲ : ﻭﻟﺪﻱ ﺧﺮﺝ ﻧﺘﺎ ﻭ ﻣﺮﺗﻚ ﺷﻮﻳﺎ ﻭﺭﻳﻬﺎ ﺍﻟﻤﺪﻳﻨﺔ ﻭ ﺗﺴﺎﺭﺍﻭ ﻳﺨﻴﻰ ﻣﺎﻗﺪﺭﺵ ﻳﺮﻓﺾ ﻟﻤﻮ : ﻭﺍﺧﺎ ﺍﻟﻮﺍﻟﻴﺪﺓ ﺍﻧﺎ ﻓﺮﺣﺖ ﺣﻴﺖ ﻏﺎﻧﺨﺮﺝ ﻳﺤﻴﻰ : ﻋﺎﻟﻴﺔ ﺍﺟﻲ ﻋﻨﺪﻱ ﻟﻠﺒﻴﺖ ﺑﻠﻲ ﺗﺴﺎﻟﻲ ﺟﻤﻌﺖ ﺍﻟﻄﺒﻠﺔ ﻭ ﺍﻟﻤﺎﻋﻦ ﻭ ﻣﺸﻴﺖ ﻋﻨﺪﻭ ﻳﺤﻴﻰ : ﻋﻠﻰ ﺍﻟﺴﻼﻣﺔ ﺑﻠﻲ ﺗﻔﻜﺮﺗﻲ ﺭﺍﻩ ﻋﻴﻄﺖ ﻟﻴﻚ ﻣﺎﺟﺎﻭﺑﺘﻮﺵ ﺩﺭﺕ ﻳﺪﻱ ﻋﻠﻰ ﺧﺼﺮﻱ ﻭ ﺗﻜﻴﺖ ﻋﻠﻰ ﺍﻟﺤﻴﻂ ﻭ ﻫﺰﻳﺖ ﺣﺎﺟﺐ ﻭ ﻛﺎﻧﺸﻮﻑ ﻓﻴﻪ ﺯﻋﻤﺎ ﻫﺪﺭ ﺧﻼﺹ ﻃﻠﻘﻨﺎﻳﺤﻴﻰ : ﻭﺟﺪﻱ ﺭﺍﺳﻚ ﻭﺍﺣﺪ ﺍﻟﺴﺎﻋﺔ ﻭ ﻧﺮﺟﻊ ﻧﻠﻘﺎﻙ ﻭﺍﺟﺪﺓ ﺍﻧﺎ : ﺍﻭﻛﻲ ﺧﺮﺝ ﻳﺤﻴﻰ ﻭ ﺟﺎﺕ ﻋﻨﺪﻱ ﻋﺪﻭﺯﺗﻲ ﻟﻠﺒﻴﺖ ﺗﻄﻤﺄﻥ ﻋﻠﻴﺎ ﺷﺪﻳﺘﻬﺎ ﺑﻘﺎﺕ ﺟﺎﻟﺴﺔ ﺣﺪﺍﻳﺎ ﻭ ﻣﺠﻤﻌﻴﻦ ﺧﺎﻟﺘﻲ : ﺍﺣﻴﺎﻧﻲ ﺍ ﺑﻨﻴﺘﻲ ﻋﻠﻰ ﺍﻟﻮﻗﺖ ﻛﺎﺗﺮﻳﺐ ﺑﻨﺎﺩﻡ ﺍﻧﺎ : ﻋﻼﺵ ﺍ ﺧﺎﻟﺘﻲ ﺧﺎﻟﺘﻲ : ﻛﺎﻧﺘﻔﻜﺮ ﻭﻟﺪﻱ ﻛﻲ ﻛﺎﻥ ﻛﻴﻮﻟﻰ ﻗﻠﺒﻲ ﻛﺎﻳﺘﻘﻄﻊ ﻗﺒﻞ 10 ﺳﻨﻴﻦ ﺍ ﺑﻨﻴﺘﻲ ﻛﺎﻧﺖ ﺍﻟﻀﺤﻜﺔ ﻣﻜﺎﺗﻐﻴﺒﺶ ﻋﻠﻰ ﻭﺟﻬﻮ ﻭ ﻧﺎﺷﻂ ﻭ ﻛﺎﻳﺒﻐﻲ ﺍﻟﺤﻴﺎﺓ ﻭ ﺟﺎﺕ ﺧﺎﻧﺰﺓ ﺩﻳﺎﻝ ﺍﻟﺨﻠﻰ ﺩﻣﺮﺍﺗﻮ ﻭ ﻛﺮﻫﺎﺗﻮ ﻓﺮﺍﺳﻮ ﻭ ﻓﺎﻟﺪﻧﻴﺎ ﺟﺎﻩ ﺍﻛﺘﺌﺎﺏ ﺣﺎﺩ ﻭ ﺗﺼﺪﻡ ﺻﺪﻣﺔ ﺧﻴﺒﺔ ﻣﺸﻰ ﻟﺪﺍﻧﻤﺎﺭﻙ ﺣﻴﺖ ﺑﻐﺎ ﻳﺘﻔﺎﺩﻯ ﻳﺘﻼﻗﺎ ﻣﻊ ﺩﻳﻚ ﺧﻴﺘﻲ ﻭﺍﺧﺎ ﺻﺪﻓﺔ ﻭ ﺑﻐﺎ ﻳﻨﺴﻰ ﺍﻧﺎ ﺑﻠﻲ ﺣﺴﻴﺖ ﺑﻮﻟﺪﻱ ﻏﺎﻳﻀﻴﻊ ﻣﻨﻲ ﻗﺮﺭﺕ ﻧﺰﻭﺟﻮ ﺑﺎﺵ ﻧﺘﻬﻨﺎ ﻋﻠﻴﻪ ﻛﺎﻥ ﺩﻳﻤﺎ ﻛﺎﻳﺮﻓﺾ ﻭ ﺑﻠﻲ ﺷﻔﺘﻚ ﺍ ﺑﻨﺘﻲ ﻗﺮﺭﺕ ﺍﻧﻚ ﻧﺘﻲ ﻟﻲ ﻏﺎﺗﻜﻮﻧﻲ ﻋﺮﻭﺳﺘﻲ ﺣﻴﺖ ﻛﺎﻧﻌﺮﻑ ﻋﺎﺋﻠﺘﻚ ﻭ ﻋﺎﺭﻓﺎﻙ ﻣﺮﺑﻴﺔ ﻭ ﺑﻌﻘﻠﻚ ﻭﺍﺧﺎ ﺻﻐﻴﺮﺓ

ﺍﻟﺒﺎﺭﺕ 18

ﻗﻠﺖ ﻟﻴﻪ ﻫﺎ ﺳﺨﻂ ﻫﺎ ﺭﺿﺎ ﻭ ﺑﻄﺒﻴﻌﺔ ﺍﻟﺤﺎﻝ ﺩﺍﺭ ﻟﻴﺎ ﺧﺎﻃﺮﻱ ﺍﻧﺎ ﻋﺎﺭﻓﺎﻩ ﻣﺎﺑﺎﻏﻴﺶ ﻫﺎﺩ ﺍﻟﺰﻭﺍﺝ ﻭ ﻳﻤﻜﻦ ﺣﺘﻰ ﻧﺘﻲ ﻭ ﻟﻜﻦ ﻟﻲ ﺑﻐﻴﺘﻚ ﺗﺄﻛﺪﻱ ﻣﻨﻮ ﺍ ﺑﻨﺘﻲ ﺑﻠﻲ ﻳﺤﻴﻰ ﻭﻟﺪ ﻣﺰﻳﺎﻥ ﻫﻮ ﺑﻠﻲ ﻛﺎﻳﺘﻌﺎﻣﻞ ﺑﻌﺼﺒﻴﺔ ﻭ ﻗﺴﻮﺓ ﻏﻴﺮ ﺑﺎﺵ ﻳﺒﻴﻦ ﻟﻠﻨﺎﺱ ﺑﻠﻲ ﻫﻮ ﻗﻮﻱ ﻭ ﻟﻜﻦ ﻫﻮ ﺭﺍﻩ ﻣﺤﻄﻢ ﻣﻦ ﺍﻟﺪﺍﺧﻞ ﺍﻟﻰ ﺑﻐﻴﺘﻴﻪ ﺍﺑﻨﺘﻲ ﺭﺍﻩ ﺗﻘﺪﺭﻱ ﺗﺮﺩﻳﻪ ﺣﺘﻰ ﻫﻮ ﻛﺎﻳﺒﻐﻴﻚ ﺍﻧﺎ ﻣﺎﻛﺎﻧﻘﻮﻟﺶ ﻫﺎﺩ ﺍﻟﻬﺪﺭﺓ ﺑﺎﺵ ﻧﺪﺍﻓﻊ ﻋﻠﻰ ﻭﻟﺪﻱ ﻭ ﻻ ﺑﺎﺵ ﻧﺴﺘﺎﻏﻠﻚ ﺑﺎﺵ ﺗﺮﺩﻳﻪ ﻟﻠﺤﻴﺎﺗﻮ ﺍﻟﻄﺒﻴﻌﻴﺔ ﻛﺎﻧﻘﻮﻟﻬﺎ ﺣﻴﺖ ﻛﺎﻧﺸﻮﻑ ﺍﻟﺤﺐ ﻟﻲ ﻓﻌﻴﻨﻴﻚ ﻟﻴﻪ ﺍﻧﺎ ﺗﺼﺪﻣﺖ ﻣﻦ ﻛﻼﻡ ﺧﺎﻟﺘﻲ ﻭ ﺑﻘﻴﺖ ﻏﻴﺮ ﻛﺎﻧﺸﻮﻑ ﺑﻘﺎﺕ ﻓﻴﺎ ﻭ ﺑﻘﻰ ﻓﻴﺎ ﻳﺤﻴﻰ ﻭ ﺑﻘﻰ ﻓﻴﺎ ﺣﺘﺎ ﺭﺍﺳﻲ ﺣﻴﺖ ﺣﺴﻴﺖ ﺑﺮﺍﺳﻲ ﺿﺎﻳﻌﺔ ﻭ ﻣﺨﺮﺑﻘﺔ ﺑﺘﺎﺳﻤﺖ ﻟﺨﺎﻟﺘﻲ ﻣﺴﺤﺎﺕ ﻟﻴﺎ ﻋﻠﻰ ﺷﻌﺮﻱ ﻭ ﺧﺮﺟﺎﺕ ﻟﺒﺴﺖ ﺳﺮﻭﺍﻝ ﺗﺠﻴﻦ ﻛﺤﻞ ﻛﻮﻧﻔﻴﻐﺲ ﺑﻴﻀﺎ ﻗﻤﻴﺠﺔ ﺑﻴﻀﺔ ﻭ ﺗﺠﺎﻛﻴﻂ ﻛﺤﻠﺔ ﺩﻳﺎﻝ ﺍﻟﺠﻠﺪ ﺩﺭﺕ ﻟﺸﻌﺮﻱ ﺿﻔﻴﺮﺓ ﺩﻳﺎﻝ ﺍﻟﺴﺒﻮﻟﺔ ﻭ ﺍﻛﺘﻔﻴﺖ ﺑﻤﺎﺳﻜﺎﺭﺍ ﻭ ﻛﺤﻞ ﻭ ﻛﻠﻮﺱ ﻓﻠﻮﻥ ﻓﻤﻲ ﺟﺎ ﻳﺤﻴﻰ ﻳﺤﻴﻰ : ﺍﻟﻮﺍﻟﻴﺪﺓ ﻓﻴﻦ ﻋﺎﻟﻴﺔ ؟ ﺧﺎﻟﺘﻲ : ﺭﺍﻩ ﻓﺎﻟﺒﻴﺖ ﺍ ﻭﻟﺪﻱ ﺳﻴﺮ ﻋﻨﺪﻫﺎ ﻭﻗﻒ ﺣﺪﺍ ﺑﺎﺏ ﺍﻟﺒﻴﺖ ﻭ ﻭﻗﻒ ﻣﺪﻫﻮﻝ ﻛﺎﻳﺸﻮﻑ ﻑ ﻋﺎﻟﻴﺔ ﻛﺎﺩﻭﺭ ﻓﺎﻟﺒﻴﺖ ﻛﺎﺗﻘﻠﺐ ﻋﻠﻰ ﺷﻲ ﺣﺎﺟﺔ ﺑﺤﺎﻝ ﺍﻟﻤﺴﻄﻴﺔ ﺿﺤﻚ ﻋﻠﻴﻬﺎ ﻛﺎﻧﺖ ﺍﻭﻝ ﻣﺮﺓ ﺗﺸﻮﻓﻮ ﻛﺎﻳﻀﺤﻚ ﺿﺤﻜﺘﻮ ﺯﻭﻳﻨﺔ ﻭ ﻫﻮ ﺯﻭﻳﻦ ﻭ ﻛﻠﺸﻲ ﻓﻴﻪ ﺯﻭﻳﻦ ﺍﻧﺎ : ﺍﺵ ﻛﺎﻳﻦ ﻣﺎﻟﻨﺎ ؟ ﺍﻓﻔﻒ ﻭﺍﺵ ﻣﺎﺑﺎﻧﺶ ﻟﻚ ﺻﺎﻛﻲ ﻳﺤﻴﻰ : ﺩﺍﻳﺮﺓ ﺍﻟﻨﻀﺎﺿﺮ ﻭ ﻣﺎﻛﺎﺗﺸﻮﻓﻲ ﺗﺎ ﻭﺯﺓ ﺭﺍﻩ ﻣﻮﺭﺍﻙ ﺿﺤﻜﺖ ﻋﻠﻰ ﺭﺍﺳﻲ ﻫﺰﻳﺖ ﺻﺎﻛﻲ ﻭ ﺧﺮﺟﺖ ﺳﺒﻘﺘﻮ ﻳﺤﻴﻰ : ﻛﺎﻳﻌﺠﺒﻚ ﻟﺒﺤﺮ ؟ ﺍﻧﺎ : ﺍﻩ ﻛﺎﻧﻤﻮﺕ ﻋﻠﻴﻪ ﻳﺨﻴﻰ : ﺳﻌﺪﺍﺗﻮ ﺣﺸﻤﺖ ﻭ ﻫﺒﻄﺖ ﺭﺍﺳﻲ ﺑﻘﺎ ﻛﺎﻳﺸﻮﻑ ﻓﻴﺎ ﻭ ﻳﻀﺤﻚ ﻣﺸﻴﻨﺎ ﻟﻮﺍﺣﺪ ﺭﻳﺴﻄﻮ ﺣﺪﺍ ﺍﻟﺒﺤﺮ ﻳﺤﻴﻰ : ﺗﻌﺼﺒﺖ ﺍﺵ ﺩﺍﻧﻲ ﻧﺪﻭﻣﻮﻧﺪﻱ ﺍﻟﺤﻮﺕ ﻛﻲ ﻛﺎﻳﺪﻳﺮﻭ ﻳﻨﻘﻴﻮ ﻫﺎﺩ ﺍﻟﻌﺠﺐ ﺍﻧﺎ : ﻫﻬﻬﻪ ﻭﺍﺵ ﻧﺘﺎ ﺩﻳﻤﺎ ﻫﺎﻛﺎ ﻣﻌﺼﺐ ﻣﻌﺼﺐ ﺣﺘﺎ ﻋﻠﻰ ﺭﺍﺳﻚ ﻳﺤﻴﻰ : ﺧﺸﻲ ﻓﻮﺟﻬﻚ ﻭ ﺳﻜﺘﻲ ﺟﺮﻳﺖ ﻟﻴﻪ ﻃﺒﺴﻴﻠﻮ ﻭ ﻧﻘﻴﺖ ﻟﻴﻪ ﺍﻟﺤﻮﺕ ﻭ ﺭ i ﺩﻳﺘﻮ ﻟﻴﻪ ﻳﺤﻴﻰ : ﺷﻜﺮﺍ ﻋﻼﺵ ﻋﺪﺑﺘﻲ ﺭﺍﺳﻚ ﺭﺍﻩ ﻛﺎﻧﻌﺮﻑ ﻧﻘﻴﻪ ﺍﻧﺎ : ﻫﻬﻪ ﺑﺎﻳﻨﺔ ﻣﺎﺷﻲ ﻣﻮﺷﻜﻴﻞ ﺍ ﺳﻴﺪﻱ ﺍﻟﺼﺤﺔ

البارت 19

ﻛﻤﻠﻨﺎ ﺍﻟﻐﺪﺍ ﻭ ﺧﺮﺟﻨﺎ ﻛﺎﻧﺘﻤﺸﺎﻭ ﺣﺪﺍ ﺍﻟﺒﺤﺮ ﻳﺤﻴﻰ : ﺷﻔﺘﻲ ﻫﺎﺩﺍﻙ ﺍﻟﻜﻠﺐ ﻟﻲ ﻟﻬﻴﻪ ﻛﺎﻳﺘﻌﺘﺎﺑﺮ ﻣﻦ ﺍﺧﻄﺮ ﺍﻧﻮﺍﻉ ﺍﻟﻜﻼﺏ ﻛﺎﻥ ﻋﻨﺪﻱ ﺑﺤﺎﻟﻮ ﻏﻴﺮ ﺳﻤﻌﺖ ﺍﻟﻜﻠﺐ ﺗﺨﺒﻴﺖ ﻭﺭﺍ ﻳﺤﻴﻰ ﻭ ﺷﺪﻳﺖ ﻟﻴﻪ ﻓﻴﺪﻳﻪ ﻛﺎﻧﺘﺮﻋﺪ ﺍﻧﺎ : ﻓﻴﻨﺎﻫﻮﺍ ﻓﻴﻦ ﻳﺎﻻﻩ ﻧﺤﻴﺪﻭ ﻣﻦ ﻫﻨﺎ ﻋﺎﻓﺎﻙ ﻳﺤﻴﻰ ﻛﺎﻳﻀﺤﻚ ﻋﻠﻰ ﺍﻟﻤﻨﻈﺮ ﺩﻳﺎﻟﻲ ﺗﺎ ﺩﻣﻌﻮ ﻟﻴﻪ ﻋﻴﻨﻴﻪ ﻋﻤﺮﻭ ﻣﺎﺿﺤﻚ ﺑﺤﺎﻝ ﻫﺎﻛﺎ ﻣﻦ ﻧﻬﺎﺭ ﻋﺮﻓﺘﻮ ﻳﺤﻴﻰ : ﻣﺎﺩﺍﻡ ﺍﻧﺎ ﻣﻌﺎﻙ ﻣﺎﻋﻨﺪﻙ ﻣﻨﺎﺵ ﺗﺨﺎﻓﻲ ﻓﺮﺣﺎﺗﻨﻲ ﻫﺪﺭﺗﻮ ﻭ ﺣﺴﻴﺖ ﺑﺎﻷﻣﺎﻥ ﺍﻧﺎ : ﻳﺎﻻﻩ ﻧﻤﺸﻴﻮ ﻓﺎﻟﻄﻮﻣﻮﺑﻴﻞ ﻳﺤﻴﻰ : ﻏﺪﺍ ﻏﺎﻧﺮﺟﻌﻮ ﻟﻠﺪﺍﺭ ﻓﺎﻟﺼﺒﺎﺡ ﺳﺎﻟﻴﺖ ﺧﺪﻣﺘﻲ ﻫﻨﺎ ﺍﻧﺎ : ﺍﻓﻒ ﻣﺎﺳﺨﻴﺘﺶ ﺑﺨﺎﻟﺘﻲ ﻳﺤﻴﻰ : ﺣﺘﻰ ﻫﻲ ﻣﺎﺳﺨﺎﺗﺶ ﺑﻴﻚ ﻧﺘﻲ ﻋﺰﻳﺰﺓ ﻋﻠﻴﻬﺎ ﺑﺰﺍﻑ ﺍﻧﺎ ﺑﺎﺑﺘﺴﺎﻣﺔ : ﺍﻩ ﻋﺮﻓﺖ ﻭ ﺣﺘﻰ ﻫﻲ ﻭ ﺍﻟﻠﻪ ﻭﺻﻠﻨﻲ ﻳﺤﻴﻰ ﻟﻠﺪﺍﺭ ﻭ ﻣﺸﻰ ﻳﻘﻀﻲ ﺷﻲ ﻏﺮﺍﺽ ﻭ ﻃﻠﻌﺖ ﺍﻧﺎ ﺟﻤﻌﺖ ﻣﻊ ﺧﺎﻟﺘﻲ ﺷﻮﻳﺎ ﻭ ﻃﻠﻌﺖ ﻧﺠﻤﻊ ﺣﻮﻳﺠﻲ ﺍﻟﻐﺪ ﻟﻲ ﻏﺎﻟﺼﺒﺎﺡ ﺍﻧﺎ : ﺗﻬﻼﻱ ﻓﺮﺍﺳﻚ ﺍ ﺧﺎﻟﺘﻲ ﻭ ﺳﻠﻤﻲ ﻋﻠﻰ ﻋﻤﻲ ﺑﺰﺍﻑ ﺑﻠﻲ ﻳﺠﻲ ﺧﺎﻟﺘﻲ : ﺣﺘﻰ ﻧﺘﻲ ﺍ ﺑﻨﻴﺘﻲ ﺗﻬﻼﻱ ﻓﺮﺍﺳﻚ ﻭ ﻓﺮﺍﺟﻠﻚ ﻭ ﻣﺎﺗﻐﺒﺮﻭﺵ ﻋﻠﻴﺎ ﻳﺤﻴﻰ : ﻭﺍ ﺻﺎﻓﻲ ﺑﺤﺎﻻ ﻏﺎﺩﻳﻴﻦ ﻟﻠﻐﺎﺑﻮﻥ ﺷﺪﻳﻨﺎ ﺍﻟﻄﺮﻳﻖ ﺷﻌﻞ ﻳﺤﻴﻰ ﺍﻟﺮﺍﺩﻳﻮ ﻛﺎﻧﺖ ﺑﺎﺩﻳﺎ ﺍﻏﻨﻴﺔ ﺩﻳﺎﻝ ﻋﻤﺮ ﺩﻳﺎﺏ ” ﺍﻧﺎ ﻋﺎﻳﺶ ﻭ ﻣﺶ ﻋﺎﻳﺶ ﻭ ﻣﺶ ﻗﺎﺩﺭ ﻋﻠﻰ ﺑﻌﺪﻙ ، ﻭ ﻻ ﻋﺎﺭﻑ ﻓﻴﻮﻡ ﺍﻧﺴﻰ ﻭ ﻻ ﻋﺎﻳﺰ ﺣﺒﻴﺐ ﺑﻌﺪﻙ ” ﻃﻔﺎﻫﺎ ﻭ ﻋﺎﻭﺩﺕ ﺷﻌﻠﺘﻬﺎ ﻭ ﻋﺎﻭﺩ ﻃﻔﺎﻫﺎ ﻳﺤﻴﻰ : ﻭﺍﺵ ﻳﺪﻳﻚ ﻛﺎﻳﺎﻛﻠﻮﻙ ﺍﻧﺎ ﻛﺎﻧﻜﺮﻩ ﻫﺎﺩ ﺍﻻﻏﻨﻴﺔ ﺍﻧﺎ : ﻭ ﺍﻧﺎ ﻣﺎﻟﻲ ﺍﻧﺎ ﻛﺎﺗﻌﺠﺒﻨﻲ ﻳﺤﻴﻰ : ﻛﺎﻳﻬﺪﺭ ﻣﻦ ﺗﺤﺖ ﺳﻨﺎﻧﻮ ﻭ ﻋﻴﻨﻴﻪ ﻣﻐﺮﻏﺮﻳﻦ ﻛﺎﻧﺖ ﻛﺎﺗﻐﻨﻴﻬﺎ ﻟﻴﺎ ﺍﺑﺘﺴﺎﻡ ﻭ ﻓﻨﻤﺎ ﻛﻨﺴﻤﻌﻬﺎ ﻛﺎﻧﺘﻔﻜﺮﻫﺎ ﺍﻧﺎ : ﺳﻤﺢ ﻟﻴﺎ ﻣﺎﻗﺼﺪﺗﺶ ﻭﺻﻠﻨﺎ ﻟﻠﺪﺍﺭ ﺳﺘﻔﺖ ﺍﻟﺤﻮﻳﺞ ﻭ ﺻﺒﻨﺖ ﻟﻲ ﺧﺎﺻﻮ ﻳﺘﺼﺒﻦ ﻭ ﻭﺟﺪﺕ ﻏﺪﺍ ﺧﻔﻴﻒ ﻣﻊ ﺍﻟﻌﻴﺎ ﺗﻐﺪﻳﺖ ﻭ ﻣﺸﻴﺖ ﻧﺘﻜﺎ ﻳﺤﻴﻰ ﻣﺎﻛﺎﻳﻨﺶ ﻛﻲ ﺩﻳﻤﺎ ﻓﻘﺖ ﻟﻘﻴﺘﻬﺎ 5 ﺩﻳﺎﻝ ﺍﻟﻌﺸﻴﺔ ﻭ ﻳﺤﻴﻰ ﺑﺎﻗﻲ ﻣﺎﺟﺎ ﺟﻤﻌﺖ ﺣﻮﺍﻳﺠﻲ ﻭ ﻣﺸﻴﺖ ﻟﻠﺤﻤﺎﻡ ﻧﻜﻤﺪ ﻋﻈﺎﻣﻲ ﻧﺤﻴﺪ ﺍﻟﻌﻴﺎ ﺩﻳﺎﻝ ﺍﻟﺴﻔﺮ ﻳﺤﻴﻰ ﺩﺧﻞ ﻟﻠﺪﺍﺭ ﻭ ﻣﺎﻟﻘﺎ ﺗﺎﻭﺍﺣﺪ ﻛﺎﻳﻘﻮﻝ ﻣﻊ ﺭﺍﺳﻮ ﻳﺤﻴﻰ : ﻓﻴﻦ ﻣﺸﺎﺕ ﻫﺎﺩﻱ ؟ ﻳﺎﻛﻤﺎ ﻃﺮﺍﺕ ﻟﻴﻬﺎ ﺷﻲ ﺣﺎﺟﺔ

البارت 20

ﺍﻟﻰ ﻭﻗﻌﺎﺕ ﻟﻴﻬﺎ ﺷﻲ ﺣﺎﺟﺔ ﻣﺎﻏﺎﻧﺴﻤﺤﺶ ﻟﺮﺍﺳﻲ ﺣﻮﺍﻳﺠﻬﺎ ﻫﻨﺎ ﻭ ﻟﻜﻦ ﻫﻲ ﻓﻴﻨﻬﺎ ﻣﺎﻣﻮﺍﻟﻔﺎﺵ ﻛﺎﺗﺨﺮﺝ ﻭ ﺗﻌﻄﻞ ﺑﺤﺎﻝ ﻫﺎﻛﺎ ﻋﺎﻟﻴﺔ ﻣﻦ 5 ﻭ ﻫﻲ ﺧﺎﺭﺟﺔ ﺩﺍﺯﺕ ﻟﻠﺼﺎﻟﻮﻥ ﻣﺎﺭﺟﻌﺎﺕ ﺗﺎﻝ 9:30 ﺩﻳﺎﻝ ﺍﻟﻠﻴﻞ ﻣﻊ ﺍﻟﺪﺧﻠﺔ ﻟﻠﺪﺍﺭ ﺟﺮﻫﺎ ﻳﺤﻴﻰ ﻳﺤﻴﻰ : ﻓﻴﻦ ﻛﻨﺘﻲ ﺍﺵ ﻫﺎﺩ ﺍﻟﺘﻌﻄﻴﻠﺔ ﻭﺍﺵ ﻣﺎﺣﺸﻤﺘﻴﺶ ﻋﻘﻠﻲ ﻛﺎﻥ ﺍﻳﺨﺮﺝ ﻭ ﺗﺨﻠﻌﺖ ﻋﻠﻴﻚ ﻛﻮﻥ ﻃﺮﺍﺕ ﻟﻴﻚ ﺷﻲ ﺣﺎﺟﺔ ﻛﻮﻥ ﻣﺖ ﻋﺎﻟﻴﺔ ﺑﺼﺪﻣﺔ : ﻛﻴﻔﺎﺵ ؟ ﺗﺨﻠﻌﺘﻲ ﻋﻠﻴﺎ ؟ ﺗﻤﻮﺕ ؟ ﺍﺵ ﻫﺎﺩ ﺍﻟﻬﺪﺭﺓ ؟ ﻣﻦ ﺍﻳﻤﺘﻰ ﻛﺎﻧﻬﻤﻚ ﺍﻧﺎ ﺍﺻﻼ ﺿﺤﻜﺖ ﺑﺎﺳﺘﻬﺰﺍﺀ ﻭ ﺩﺭﺕ ﻋﻨﺪﻭ ﺍﻧﺎ ﻛﻨﺖ ﻓﺎﻟﺤﻤﺎﻡ ﻭ ﻣﺎﻛﺎﻳﻦ ﻻﺵ ﺗﺨﺎﻑ ﻧﻤﻮﺕ ﻛﺎﻉ ﻋﺎﺭﻓﺔ ﺯﺍﻳﺪ ﻧﺎﻗﺺ ﻋﻨﺪﻙ ﺯﺩﺕ ﻭ ﺧﻠﻴﺘﻮ ﻳﺤﻴﻰ : ﻛﺎﻧﺒﻐﻴﻚ ﺟﻤﺪﺕ ﻓﺒﻼﺻﺘﻲ ﺑﻠﻲ ﺳﻤﻌﺖ ﻫﺎﺩ ﺍﻟﻬﺪﺭﺓ ﻳﺤﻴﻰ : ﺍﻧﺎ ﻛﺎﻧﺒﻐﻴﻚ ﺍ ﻋﺎﻟﻴﺔ ﺍﻧﺎ : ﻻ ﻧﺘﺎ ﻣﺎﻛﺎﺗﺒﻐﻴﻨﻴﺶ ﻧﺘﺎ ﻛﺎﺗﺒﻐﻲ ﻏﻴﺮ ﺭﺍﺳﻚ ﻟﻲ ﻛﺎﻳﺒﻐﻲ ﺷﻲ ﻭﺍﺣﺪ ﻣﺎﻛﻴﺠﺮﺣﻮﺵ ﻟﻲ ﻛﺎﻳﺒﻐﻲ ﺷﻲ ﻭﺍﺣﺪ ﻣﺎﻛﻴﺘﻜﺮﻓﺴﺶ ﻋﻠﻴﻪ ﻟﻲ ﻛﺎﻳﺒﻐﻲ ﺷﻲ ﻭﺍﺣﺪ ﻣﺎﻛﺎﻳﻀﺮﻭﺵ ﻭ ﻧﺘﻰ ﻫﺎﺩﺷﻲ ﻛﺎﻣﻞ ﺩﺭﺗﻴﻪ ﻭ ﺭﺩﻳﺘﻲ ﻟﻴﺎ ﺣﻴﺎﺗﻲ ﺟﺤﻴﻢ ﺧﺮﺟﺖ ﻛﺎﻉ ﺩﺍﻛﺸﻲ ﻟﻲ ﻓﻘﻠﺒﻲ ﻣﻦ ﺟﻴﻬﺘﻮ ﻛﺎﻉ ﺩﺍﻙ ﺍﻟﺤﺰﻥ ﻭ ﺍﻟﻈﻠﻢ ﻟﻲ ﻛﻨﺖ ﻛﺎﻧﺤﺲ ﺑﻴﻪ ﻗﻠﺘﻮ ﻟﻴﻪ ﺧﺮﺝ ﻭ ﺧﺒﻂ ﺍﻟﺒﺎﺏ ﺑﺎﻟﺰﺭﺑﺔ ﺩﺍﺯﺕ ﻳﻮﻣﻴﻦ ﻭ ﺑﺎﻗﻲ ﻣﺎﺟﺎﺵ ﻟﻠﺪﺍﺭ ﻳﺎﻛﻤﺎ ﻭﺍﻗﻌﺔ ﻟﻴﻪ ﺷﻲ ﺣﺎﺟﺔ ﻻ ﺍﺳﻴﺪﻱ ﺭﺑﻲ ﺣﻔﻈﻮ ﻟﻴﺎ ﻛﻴﻔﻤﺎ ﻛﺎﻥ ﺍﻟﺤﺎﻝ ﺍﻧﺎ ﻛﺎﻧﺒﻐﻴﻪ ﺍﻟﻨﻬﺎﺭ ﺍﻟﺮﺍﺑﻊ ﺩﺧﻞ ﺣﺎﺩﺭ ﺭﺍﺳﻮ ﻭ ﺑﺎﻳﻨﺔ ﻓﻴﻪ ﻋﻴﺎﻥ ﻭ ﻣﺎﻧﺎﻋﺴﺶ ﻣﺪﺓ ﻣﺘﺒﻘﺎﺵ ﻛﻴﺪﻭﻱ ﻣﻌﺎﻳﺎ ﻭﻻ ﻳﻌﺎﻳﺮﻧﻲ ﻭﻻ ﻭﺍﻟﻮ ﺑﺤﺎﻻ ﻣﺎﻛﺎﻳﻨﺎﺵ ﻭﺍﺧﺎ ﻛﺎﻧﺨﻠﻲ ﻟﻴﻪ ﺍﻟﻤﺎﻛﻠﺔ ﻣﺎﻛﺎﻳﺎﻛﻠﻬﺎﺵ ﺑﻘﻰ ﻓﻴﺎ ﺍﻟﺤﺎﻝ ﻣﻦ ﺟﻴﻬﺘﻮ ﺩﺍﺯ ﻭﻗﺖ ﻭ ﺣﻨﺎ ﻋﻠﻰ ﺩﻳﻚ ﺍﻟﺤﺎﻟﺔ ﻟﻴﻮﻡ 5 ﺷﻬﺮ ﻭ 25 ﻳﻮﻡ ﺩﺍﺯﺕ ﻋﻠﻰ ﺯﻭﺍﺟﻨﺎ ﻳﻌﻨﻲ ﺑﺎﻗﻲ 5 ﺍﻳﺎﻡ ﻛﺎﻧﺤﺲ ﺑﺎﻟﻜﺘﺌﺎﺏ ﻭ ﺍﻟﻌﻴﺎ ﺑﺤﺎﻝ ﺷﻲ ﻭﺍﺣﺪ ﻋﺎﺩ ﺭﺍﺟﻊ ﻣﻦ ﺍﻟﺤﺮﺏ ﻣﺎﺑﻘﻴﺖ ﺑﺎﻏﺎ ﻭﺍﻟﻮ ﺑﺎﻏﺎ ﻏﺎ ﺍﻟﻨﻔﺴﻴﺔ ﺩﻳﺎﻟﻲ ﺗﺮﺗﺎﺡ ﺑﺪﻳﺖ ﻛﺎﻧﺠﻤﻊ ﻑ ﺣﻮﺍﻳﺠﻲ ﻣﺎ ﺑﻘﺎ ﻭﺍﻟﻮ ﻭ ﻧﺮﺟﻊ ﺑﻤﺮﺓ ﻟﺪﺍﺭﻧﺎ ﻳﺤﻴﻰ ﻛﺎﻳﺸﻮﻑ ﻭ ﺳﺎﻛﺖ ﺑﺎﻗﻲ ﻧﻬﺎﺭ ﻏﺪﺍ ﻏﺎﻧﻤﺸﻲ ﺑﺤﺎﻟﻲ ﺩﺧﻠﺖ ﻋﻨﺪ ﻳﺤﻴﻰ ﻟﻠﺒﻴﺖ ﺑﺎﺵ ﻧﺪﻭﻱ ﻣﻌﺎﻩ ﺍﻧﺎ : ﻫﺎ ﻫﻲ 6 ﺷﻬﺮ ﺳﺎﻻﺕ ﻛﻴﻔﻤﺎ ﻛﻨﺘﻲ ﺑﺎﻏﻲ J

البارت 21

ﻫﺎ ﻫﻲ 6 ﺷﻬﺮ ﺳﺎﻻﺕ ﻛﻴﻔﻤﺎ ﻛﻨﺘﻲ ﺑﺎﻏﻲ ﻭ ﻫﺎﺩ ﺍﻟﻤﺴﺮﺣﻴﺔ ﺗﺎ ﻫﻲ ﻣﻦ ﻟﻴﻮﻡ ﻏﺎﺗﻮﻟﻲ ﺩﻳﺎﻝ ﺭﺍﺳﻚ ﻭ ﻏﺎﺗﻬﻨﺎ ﻣﻦ ﻫﺎﺩ ﺍﻟﺒﺮﻫﻮﺷﺔ ﺍﻭ ﺍﻟﻤﺼﻴﺒﺔ ﻟﻲ ﻻﺻﻘﺔ ﻓﻴﻚ ﻋﻤﺮﻧﻲ ﻣﺎﻛﻨﺖ ﻛﺎﻧﺘﺨﺎﻳﻞ ﺭﺍﺳﻲ ﻏﺎﻧﺘﺰﻭﺝ ﺑﻬﺎﺩ ﺍﻟﻄﺮﻳﻘﺔ ﻭ ﻏﺎﻧﻄﻠﻖ ﺑﻬﺎﺩ ﺍﻟﻄﺮﻳﻘﺔ ﻳﻤﻜﻦ ﻫﺎﺩﺷﻲ ﻟﻲ ﻣﻜﺘﺐ ﻟﻴﺎ ﺍﻟﻠﻪ ﻛﺎﻧﺘﻤﻨﻰ ﻟﻴﻚ ﺍﻟﺴﻌﺎﺩﺓ ﻭ ﻛﺎﻧﺘﻤﻨﻰ ﺗﻠﻘﻰ ﺍﻟﻤﺮﺍﺓ ﻟﻲ ﺗﻨﺴﻴﻚ ﻓﻜﻠﺸﻲ ﺍﻧﺎ ﻛﺎﻧﺒﻐﻴﻚ ﺍ ﻳﺤﻴﻰ ﻭ ﻳﻤﻜﻦ ﺣﺘﻰ ﻧﺘﺎ ﻭ ﻟﻜﻦ ﻫﺎﺩﺷﻲ ﻣﺎﻛﺎﻓﻴﺶ ﻧﺘﻰ ﻧﻔﺴﻚ ﻋﺰﻳﺰﺓ ﻋﻠﻴﻚ ﻭ ﺍﻧﺎ ﻛﺮﺍﻣﺘﻲ ﻣﺎﺗﺴﻤﺤﺶ ﻟﻴﺎ ﻧﺼﺒﺮ ﻝ ﺍﻹﻫﺎﻧﺔ ﺗﻀﺮﺑﺖ ﻭ ﺗﻌﺎﻳﺮﺕ ﻭ ﺗﻈﻠﻤﺖ ﻭ ﺗﺤﻜﺮﺕ ﺻﺎﻓﻲ ﻣﺎﻧﻘﺪﺭﺵ ﻧﺼﺒﺮ ﻣﺎﺯﺍﻝ ﻛﺎﻥ ﻛﺎﻳﺤﺴﺎﺏ ﻟﻴﺎ ﺍﻟﺰﻭﺍﺝ ﻏﺎﻳﻌﻮﺿﻨﻲ ﻋﻠﻰ ﺷﺤﺎﻝ ﻣﻦ ﺣﺎﺟﺔ ﻛﻴﻔﻤﺎ ﻗﺎﻟﺖ ﻟﻴﺎ ﻣﻲ ﻭ ﻟﻜﻦ ﺑﻌﺪ ﺍﻟﻤﺮﺍﺕ ﻛﺎﻧﻐﻠﻄﻮ ﻓﺎﻟﺤﻜﻢ ﺩﻳﺎﻟﻨﺎ ﻋﻠﻰ ﺍﻟﻌﻼﻗﺔ ﺍﻟﺰﻭﺟﻴﺔ ﺣﻄﻴﺖ ﻟﻴﻪ ﺧﺎﺗﻤﻮ ﻭ ﺧﺮﺟﺖ ﺩﺧﻠﺖ ﻟﻠﺒﻴﺖ ﺳﺪﻳﺖ ﻋﻠﻴﺎ ﻭ ﻛﻠﺴﺖ ﻣﺎﻫﺒﻄﺎﺕ ﻟﻴﺎ ﺗﺎ ﺩﻣﻌﺔ ﺻﺎﻓﻲ ﻧﺸﻔﻮ ﻭ ﻋﻴﻨﻴﺎ ﻃﺎﺑﻮ ﺧﻠﻴﺖ ﻟﻴﻪ ﺣﻮﺍﻳﺠﻮ ﻟﻲ ﺷﺮﺍ ﻟﻴﺎ ﻭ ﺍﻟﺪﻫﺐ ﻭ ﻛﻠﺸﻲ ﺳﻤﻌﺖ ﺍﻟﺘﻬﺮﺍﺱ ﻓﺎﻟﺒﻴﺖ ﻟﻲ ﻓﻴﻪ ﻳﺤﻴﻰ ﻣﺸﻴﺖ ﻛﺎﻧﺠﺮﻱ ﻟﻘﻴﺘﻮ ﺷﺨﺸﺦ ﻛﻠﺸﻲ ﻭ ﻛﺎﻟﺲ ﻓﺎﻷﺭﺽ ﻭ ﻳﺪﻳﻪ ﻋﺎﻣﺮﺓ ﺩﻣﺎﻳﺎﺕ ﺟﺒﺖ ﺍﻟﻌﻠﺒﺔ ﺩﻳﺎﻝ ﺍﻻﺳﻌﺎﻓﺎﺕ ﺍﻻﻭﻟﻴﺔ ﻣﺴﺤﺖ ﻟﻴﻪ ﺍﻟﺠﺮﺡ ﺑﻼ ﻣﺎﻧﻬﺪﺭ ﻣﻌﺎﻩ ﺩﺍﻭﻳﺘﻬﺎ ﻟﻴﻪ ﻭ ﻟﻮﻳﺖ ﻋﻠﻴﻬﺎ ﺍﻟﻔﺎﺻﻤﺔ ﻫﺰﻳﺖ ﺭﺍﺳﻲ ﻟﻘﻴﺘﻮ ﻛﺎﻳﺒﻜﻲ ﺑﻬﻴﺴﺘﻴﺮﻳﺔ ﺑﺤﺎﻝ ﺷﻲ ﻭﻟﺪ ﺻﻐﻴﺮ ﻫﺮﺑﺎﺕ ﻋﻠﻴﻪ ﻣﻮ ﻣﺴﺤﺖ ﻟﻴﻪ ﺩﻣﻮﻋﻮ ﺑﻐﻴﺖ ﻧﻮﺽ ﻭ ﺷﺪﻟﻴﺎ ﺍﻳﺪﻱ ﻳﺤﻴﻰ : ﺍﻧﺎ ﻛﺎﻧﺒﻐﻴﻚ ﺍ ﻋﺎﻟﻴﺔ ﺗﻴﻘﻴﻨﻲ ﺑﺼﺢ ﺍﻧﺎ ﺟﺮﺣﺘﻚ ﻭ ﺩﺭﺕ ﺷﺤﺎﻝ ﻣﻦ ﺣﺎﺟﺔ ﺧﺎﻳﺒﺔ ﻭ ﻟﻜﻦ ﻋﺮﻓﺖ ﺑﻠﻲ ﻣﺎﻧﻘﺪﺭﺵ ﻧﻌﻴﺶ ﺑﻼ ﺑﻴﻚ ﺗﺎ ﺩﻗﻴﻘﺔ ﻧﺘﻲ ﻛﻠﺸﻲ ﻋﻨﺪﻱ ﻧﺘﻲ ﺗﺴﺘﺎﻫﻠﻲ ﻳﺒﻐﻴﻚ ﺍﻟﻮﺍﺣﺪ ﺍﻧﺎ ﻣﺎﻏﺎﺩﻳﺶ ﻧﺴﻤﺢ ﻓﻴﻚ ﺣﻴﺖ ﻛﻨﺒﻐﻴﻚ ﺍﻩ ﻛﻨﺒﻐﻴﻚ ﻧﺴﺎﻱ ﺍﻟﻄﻼﻕ ﻧﺘﻲ ﻣﺎﻋﻨﺪﻙ ﻓﻴﻦ ﺗﻤﺸﻲ ﺑﻼﺻﺘﻚ ﻫﻲ ﻗﻠﺒﻲ ﻫﻨﺎ ﻭ ﻛﻴﺸﻴﺮ ﻟﺼﺪﺭﻭ ﻏﺎﺗﺒﻘﺎﻱ ﻓﺪﺍﺭﻙ ﺣﺪﺍ ﺭﺍﺟﻠﻚ ﻫﺎﺩ 6 ﺷﻬﺮ ﻋﺘﺎﺑﺮﻳﻬﺎ ﺳﻄﺎﺝ ﺩﻳﺎﻝ ﺍﻟﺰﻭﺍﺝ ﺣﻴﺖ ﻏﺎﻧﺘﺰﻭﺟﻮ ﺩﻳﺎﻝ ﺑﺼﺢ ﺗﺨﻠﻄﻮ ﻟﻴﺎ ﺍﻟﺪﻣﻮﻉ ﻣﻊ ﺍﻟﻀﺤﻜﺔ ﻋﻨﻘﺘﻮ ﺣﻄﻴﺖ ﺭﺍﺳﻲ ﻋﻠﻰ ﺻﺪﺭﻭ ﻭ ﺑﻘﻴﺖ ﻛﺎﻧﺒﻜﻲ ﻭ ﺣﺘﻰ ﻫﻮ ﻛﺎﻳﺒﻜﻲ ﺩﺭﻧﺎ ﺟﻨﺎﺯﺓ ﻫﻬﻪ ﻗﺮﺭﻧﺎ ﻧﻨﺴﺎﻭ ﻛﻠﺸﻲ ﻭ ﻧﺒﺪﺍﻭ ﻣﻦ ﺟﺪﻳﺪ ﺟﻤﻌﻨﺎ ﺑﺰﻭﺝ ﺍﻟﺮﻭﻳﻨﺔ ﻟﻴﺪﺍﺭ ﻭ ﻣﺸﻴﺖ ﻟﻠﻜﻮﺯﻳﻨﺔ J

البارت 22

ﻛﺎﻥ ﻛﺎﻳﺤﺴﺎﺏ ﻟﻴﺎ ﻏﺎﻧﺒﻘﺎﻭ ﺩﻳﻤﺎ ﻫﺎﻛﺎ ﻭ ﻟﻜﻦ ﻛﻨﺖ ﻏﺎﻟﻄﺔ ﻓﻘﺖ ﺍﻟﺼﺒﺎﺡ ﻣﺎﻟﻘﻴﺘﺶ ﻳﺤﻴﻰ ﺣﺪﺍﻳﺎ ﻧﻀﺖ ﺩﻭﺷﺖ ﻭ ﻟﺒﺴﺖ ﻭ ﺧﺮﺟﺖ ﻧﻮﺟﺪ ﺍﻟﻔﻄﻮﺭ ﻳﺤﻴﻰ ﻣﺎﻛﺎﻳﻨﺶ ﻓﺎﻟﺪﺍﺭ ﺍﻭ ﻫﺎﺩﺍ ﻓﻴﻦ ﻣﺸﻰ ﺟﻤﻌﺖ ﺍﻟﺪﺍﺭ ﺑﺎﻧﺖ ﻟﻴﺎ ﻭﺍﺣﺪ ﺍﻟﻮﺭﻗﺔ ﻓﻮﻕ ﺍﻟﻄﺒﻠﺔ ﻛﺎﻧﺖ ﺍﺳﺘﺪﻋﺎﺀ ﻣﻦ ﺍﻟﻤﺤﻜﻤﺔ ﻋﻠﻰ ﻭﺩ ﺍﻟﻄﻼﻕ ﻻ ﻣﺎﻳﻤﻜﻨﺶ ﻻ ﻳﺤﻴﻰ ﻛﺎﻳﺒﻐﻴﻨﻲ ﺗﺤﺸﻮ ﻋﻠﻴﺎ ﺍﻟﺮﻛﺎﺑﻲ ﻭ ﺩﻳﻚ ﺍﻟﻬﺪﺭﺓ ﻛﺎﻣﻠﺔ ﻭ ﺩﺍﻙ ﺷﻲ ﻟﻲ ﻋﺸﻨﺎﻩ ﺍﻟﺒﺎﺭﺡ ﻣﺎﻳﻤﻜﻨﺶ ﻫﺎﺩﺷﻲ ﻛﻠﻮ ﻳﻜﻮﻥ ﻛﺪﻭﺏ ﻣﺎﻗﺪﺭﺗﺶ ﻧﺴﺘﺤﻤﻞ ﻫﺰﻳﺖ ﺣﻮﺍﻳﺠﻲ ﻭ ﻣﺸﻴﺖ ﻟﺪﺍﺭﻧﺎ ﺳﻮﻟﻮﻧﻲ ﺍﻟﺪﺍﺭ ﻗﻠﺖ ﻟﻴﻬﻢ ﻏﺎﻧﻄﻠﻖ ﻣﻲ ﻣﺎﻗﺪﺭﺍﺗﺶ ﺗﻨﺎﻗﺶ ﻣﻌﺎﻳﺎ ﺑﻠﻲ ﺷﺎﻓﺖ ﺣﺎﻟﺘﻲ ﺧﺎﻓﺖ ﻳﺠﻴﻨﻲ ﺍﻧﻬﻴﺎﺭ ﻋﺼﺒﻲ ﺗﺎﻧﻲ ﻣﺸﻴﺖ ﻟﻠﻤﺤﻜﻤﺔ ﻓﺎﻟﻨﻬﺎﺭ ﺍﻟﻤﻮﻋﻮﺩ ﻭ ﺍﻧﺎ ﻛﺎﻧﻘﻮﻝ ﻓﺮﺍﺳﻲ ﺍﻛﻴﺪ ﻛﺎﻳﺘﻔﻠﻰ ﻳﺤﻴﻰ ﻛﺎﻳﺒﻐﻴﻨﻲ ﻫﺎﺩﻱ ﻏﻴﺮ ﺷﻲ ﻣﻔﺎﺟﺌﺔ ﻭ ﻟﻜﻦ ﺩﺍﻛﺸﻲ ﻛﺎﻥ ﺑﺼﺢ ﻗﻮﻳﺖ ﺭﺍﺳﻲ ﻭ ﺩﺧﻠﺖ ﻟﻠﻤﺤﻜﻤﺔ ﺍﻟﺠﻠﺴﺔ ﻛﺎﻣﻠﺔ ﻣﺎﺷﻔﺘﺶ ﻓﻴﻪ ﻭ ﻟﻲ ﺿﺎﺭﻧﻲ ﻫﻮ ﺍﻧﻪ ﺿﺤﻚ ﻋﻠﻴﺎ ﻋﻠﻰ ﺍﻻﻗﻞ ﻧﻌﺮﻑ ﻏﻴﺮ ﺍﻟﺴﺒﺐ ﺩﺍﺯﻭ ﺍﻟﺠﻠﺴﺎﺕ ﻭ ﻃﻠﻘﻨﺎ ﺍﻩ ﺍﻧﺎ ﺩﺍﺑﺎ ﻣﻄﻠﻘﺔ ﻭ ﺍﻧﺎ ﺑﻨﺖ 22 ﻋﺎﻡ ﺍﺵ ﻏﺎﻳﻘﻮﻟﻮ ﻋﻠﻴﺎ ﺍﻟﻨﺎﺱ ﺩﺍﺭﻧﺎ ﻣﺎﺣﻴﻠﺘﻬﻢ ﻟﻴﺎ ﻟﻲ ﻣﺮﺿﺖ ﻭ ﻏﻲ ﻛﺎﻧﺨﻤﻢ ﺍﻟﻤﺎﻛﻠﺔ ﻗﻄﻌﺘﻬﺎ ﻣﺎﺣﻴﻠﺘﻬﻢ ﻟﻬﺪﺭﺍ ﺩﻳﺎﻝ ﺍﻟﻤﺠﺘﻤﻊ ﻟﻲ ﻣﺎﻛﺎﻳﺮﺣﻤﺶ ﺩﺍﺯﺕ 4 ﺷﻬﺮ ﻋﻠﻰ ﻃﻼﻗﻲ ﺩﺍﺑﺎ ﻣﻲ : ﺑﻨﻴﺘﻲ ﻭﺍﺵ ﻣﺎ ﺭﺩﻳﺘﻲ ﺍﻟﺒﺎﻝ ﻟﻮﺍﻟﻮ ﺍﻧﺎ : ﻻ ﺍ ﻣﻲ ﺷﻨﻮ ﻣﻲ : ﻣﻦ ﻧﻬﺎﺭ ﺟﻴﺘﻲ ﻣﺎ ﺟﺎﺗﻚ ﺣﻖ ﺍﻟﺸﻬﺮ ﺳﻴﺮﻱ ﺩﻭﺯﻱ ﺍ ﺑﻨﻴﺘﻲ ﺭﺍﻙ ﺣﺎﻣﻠﺔ ﻭﺍﻗﻴﻼ ﺍﻧﺎ ﻣﺼﺪﻭﻣﺔ ﻭ ﻛﻨﺒﻜﻲ : ﻭ ﻟﻜﻦ ﺍ ﻣﻲ ﺍﻧﺎ ﻣﺎﺑﺎﻏﺎﺵ ﻧﺤﻤﻞ ﺍﻧﺎ ﻣﺎﺧﺼﻨﻴﺶ ﻧﺤﻤﻞ ﻣﻲ : ﻗﻀﺎﺀ ﺍﻟﻠﻪ ﻫﺪﺍ ﺍ ﺑﻨﺘﻲ ﻟﻲ ﺑﻐﺎﻫﺎ ﺭﺑﻲ ﻣﺮﺣﺒﺎ ﺑﻴﻬﺎ ﻭ ﺗﺎ ﺍﻟﻰ ﻛﻨﺘﻲ ﺣﺎﻣﻠﺔ ﺭﺍﻙ ﻣﺎﺟﺒﺘﻴﻬﺶ ﻣﻦ ﺍﻟﺰﻧﻘﺔ ﺍ ﺑﻨﺘﻲ ﻣﺸﻴﺖ ﻟﻔﺮﻣﺎﺳﻴﺎﻥ ﺟﺒﺖ ﺗﺤﻠﻴﻞ ﺍﻟﺒﻮﻝ ﺍﻟﻐﺪ ﻟﻴﻪ ﻓﺎﻟﺼﺒﺎﺡ ﺩﺭﺗﻮ ﻭ ﺗﻮﻗﻌﺎﺕ ﻣﻲ ﻛﺎﻧﺖ ﻓﻤﺤﻠﻬﺎ ﺑﻜﻴﺖ ﻭ ﺧﺒﻄﺖ ﻓﻔﺨﺎﺩﻱ ﺣﺘﻰ ﺷﺒﻌﺖ ﺑﺎ : ﺣﻠﻲ ﺍ ﺑﻨﺘﻲ ﻫﺎﺩ ﺍﻟﺒﺎﺏ ﺣﻠﻲ ﻭﺍﺵ ﺑﻐﻴﺘﻲ ﺗﻘﺘﻠﻴﻨﺎ ﺑﺎﻟﺨﻠﻌﺔ ﻋﻠﻴﻚ ﻣﻲ : ﺣﻨﺎ ﺳﺒﺎﺑﻚ ﻳﺎ ﺑﻨﻴﺘﻲ ﻏﻴﺮ ﺣﻠﻲ

البارت 23

ﺣﻠﻴﺖ ﻭ ﺗﻼﺣﻴﺖ ﻋﻠﻰ ﺑﺎ ﻭ ﺑﻜﻴﺖ ﺣﺘﺎ ﺑﺮﺩﺕ ﻫﺰﻳﺖ ﺭﺍﺳﻲ ﻓﺎﻟﻤﺮﺍﻳﺔ ﺷﻔﺖ ﻓﻮﺟﻬﻲ ﻣﺰﻳﺎﻥ ﻣﺎﺑﻘﻴﺘﺶ ﻛﺎﻧﺸﺒﻪ ﻟﺮﺍﺳﻲ ﺿﻌﺎﻓﻴﺖ ﻭ ﺗﺒﺪﻟﺖ ﻋﻼﺵ ﺣﺘﺎ ﻧﺪﻳﺮ ﻓﺮﺍﺳﻲ ﻫﺎﺩ ﺍﻟﺤﺎﻟﺔ ﻳﻨﻌﻞ ﺑﻮ ﺍﻟﺪﻧﻴﺎ ﻣﻦ ﺩﺍﻙ ﺍﻟﻨﻬﺎﺭ ﺣﻠﻔﺖ ﻣﺎﻧﺒﻘﺎ ﻧﺰﻝ ﺩﻣﻌﺔ ﻭﻟﺪﻱ ﺍﻧﺎ ﻗﺎﺩﺓ ﻧﺮﺑﻴﻪ ﺧﺮﺟﺖ ﻛﺎﻧﻘﻠﺐ ﻋﻠﻰ ﺧﺪﻣﺔ ﻭﺍﻟﻮ ﻭ ﺗﻘﻮﻝ ﺷﻮﻳﺎ ﺩﺧﻠﺖ ﻟﻮﺍﺣﺪ ﺍﻟﺸﺮﻛﺔ ﻭ ﺗﻼﻗﻴﺖ ﻣﻊ ﺳﻴﻬﺎﻡ ﺻﺎﺣﺒﺘﻲ ﺗﻌﺎﻧﻘﻨﺎ ﺣﺘﻰ ﺑﻜﻴﻨﺎ ﻋﺎﻭﺩﺕ ﻟﻴﻬﺎ ﻛﻠﺸﻲ ﺑﻘﻴﺖ ﻓﻴﻬﺎ ﻭ ﻗﺎﻟﺖ ﻟﻲ ﺑﻠﻲ ﻫﻲ ﺧﺪﺍﻣﺔ ﻫﻨﺎ ﻭ ﺗﻘﺪﺭ ﺗﺸﻮﻑ ﻟﻴﺎ ﻣﻊ ﺍﻟﺤﺎﺝ ﺍﻟﻤﺪﻳﺮ ﺩﻳﺎﻝ ﺍﻟﺸﺮﻛﺔ ﻳﺸﻮﻑ ﻟﻴﺎ ﺷﻲ ﺑﻮﺳﻂ ﺍﻧﺎ : ﺍﻟﻰ ﺩﺭﺗﻲ ﻓﻴﺎ ﻫﺎﺩ ﺍﻟﺨﻴﺮ ﻋﻤﺮﻧﻲ ﻧﺴﺎﻩ ﻟﻚ ﺳﻴﻬﺎﻡ : ﻧﺘﻲ ﺧﺘﻲ ﺍﻟﺤﻤﺎﺭﺓ ﺧﻠﻲ ﻟﻴﺎ ﺍﻟﺴﻴﻔﻲ ﺩﻳﺎﻟﻚ ﻭ ﻛﻮﻧﻲ ﻫﺎﻧﻴﺎ ﻣﻦ ﺑﻌﺪ ﺭﺑﻌﻴﺎﻡ ﻋﻴﻄﺎﺕ ﻟﻲ ﺳﻴﻬﺎﻡ ﻭ ﻗﺎﻟﺖ ﻟﻴﺎ ﻧﺠﻲ ﻧﺪﻭﺯ ﺍﻭﻧﻄﺨﻮﺗﻴﺎﻥ ﺑﺎﺵ ﻧﺒﺪﺍ ﺩﻭﺯﺗﻮ ﻭ ﺗﻘﺒﻠﺖ ﻓﺮﺣﺖ ﺑﺰﺍﻑ ﺑﺪﻳﺖ ﺍﻟﺨﺪﻣﺔ ﻓﻘﺴﻢ ﺍﻟﻤﺤﺎﺳﺒﺔ ﻛﻨﺖ ﺧﺪﺍﻣﺔ ﻓﺠﻮ ﺯﻭﻳﻦ ﻭ ﺣﺘﻰ ﺍﻟﺨﻠﺼﺔ ﻛﺎﻧﺖ ﻛﺎﻓﻴﺎﻧﻲ ﻭ ﻣﻘﻨﻌﺎﻧﻲ ﺩﺭﺕ 7 ﺷﻬﺮ ﻛﺮﺷﻲ ﻭﻻﺕ ﺳﺎﺑﻘﺎﻧﻲ ﻫﻪ ﻏﻼﺿﻴﺖ ﺧﺮﺟﺖ ﻣﻦ ﺍﻟﺨﺪﻣﺔ ﻣﻊ 6:00 ﻭ ﻣﺸﻴﺖ ﺩﺯﺕ ﻟﻠﻘﻴﺴﺎﺭﻳﺔ ﺧﺪﻳﺖ ﺷﻲ ﺣﻮﺍﻳﺞ ﻟﻠﺒﻴﺒﻲ ﻗﺎﻟﺖ ﻟﻴﺎ ﺍﻟﻄﺒﻴﺒﺔ ﻋﻨﺪﻱ ﺑﻨﻴﺘﺔ ﺩﺍﻛﺸﻲ ﻛﺎﻳﺤﻤﻖ ﺷﺮﻳﺖ ﺷﻲ ﻟﺒﻴﺴﺎﺕ ﻭ ﺭﺟﻌﺖ ﻟﻠﺪﺍﺭ ﺩﺧﻠﺖ ﻭ ﺗﻔﺎﺟﺄﺕ ﻟﻘﻴﺖ ﺧﺎﻟﺘﻲ ﻭ ﻣﺮﻳﻢ ﻛﺎﻳﻨﻴﻦ ﻣﻊ ﻣﺎﻣﺎ ﺍﻧﺎ : ﺍﻟﺴﻼﻡ ﻋﻠﻴﻜﻢ ﻋﻨﻘﺎﺗﻨﻲ ﺧﺎﻟﺘﻲ ﻭ ﺑﺪﺍﺕ ﻛﺎﺗﺒﻜﻲ ﻣﺴﻜﻴﻨﺔ ﻭ ﻣﺮﻳﻢ ﺣﺘﻰ ﻫﻲ ﺧﺎﻟﺘﻲ : ﺳﻤﺤﻲ ﻟﻴﺎ ﺍ ﺑﻨﺘﻲ ﺳﻤﺤﻲ ﻟﻴﺎ ﻣﺎﻋﻨﺪﻱ ﻭﺟﻪ ﺑﺎﺵ ﻧﺠﻲ ﻋﻨﺪﻙ ﺍﻧﺎ : ﻣﺎﺗﻘﻮﻟﻴﺶ ﻫﺎﺩ ﺍﻟﻬﺪﺭﺓ ﺍ ﺧﺎﻟﺘﻲ ﻣﻌﺰﺗﻚ ﺑﺎﻗﺎ ﻑ ﺑﻼﺻﺘﻬﺎ ﻻ ﻧﺘﻲ ﻻ ﻣﺮﻳﻢ ﻣﺮﻳﻢ : ﻣﺎﺗﻘﻠﻘﻴﺶ ﺣﻴﺖ ﻋﻤﺮﻧﺎ ﺟﻴﻨﺎ ﻧﺸﻮﻓﻮﻙ ﻣﺎﻣﺎ ﻛﺎﻧﺖ ﻋﻨﺪﻫﺎ ﻋﻤﻠﻴﺔ ﻑ ﻓﺮﻧﺴﺎ ﻭ ﻳﺎﻻﻩ ﺭﺟﻌﺎﺕ ﻫﺎﺩﻱ ﺷﻬﺮﻳﻦ ﺑﻠﻲ ﺑﺮﺍﺕ ﺷﻮﻳﺎ ﺟﻴﻨﺎ ﻋﻨﺪﻙ ﺍﻧﺎ : ﺳﻤﺤﻲ ﻟﻴﺎ ﺍ ﺧﺎﻟﺘﻲ ﻣﺎﻛﺎﻧﺘﺶ ﻑ ﺧﺒﺎﺭﻱ ﻣﺎﻳﻜﻮﻥ ﻋﻨﺪﻙ ﺑﺎﺱ ﺧﺎﻟﺘﻲ : ﻟﻬﻼ ﻳﻮﺭﻳﻚ ﺑﺎﺱ ﺍ ﺑﻨﻴﺘﻲ ﻛﻴﺪﺍﻳﺮﺓ ﻧﺘﻲ ﻣﻊ ﺍﻟﺘﻘﻞ ﻭ ﺍﺷﻨﻮ ﻋﻨﺪﻙ ؟ ﺍﻧﺎ : ﻭﺍﻗﻴﻼ ﺑﻨﻴﺘﺔ ﻫﺎﺩﺷﻲ ﻟﻲ ﻗﺎﻟﺖ ﻟﻲ ﺍﻟﻄﺒﻴﺒﺔ ﻣﺮﻳﻢ : ﻫﻪ ﻫﻲ ﻧﺰﻭﺟﻬﺎ ﻟﻮﻟﺪﻱ ﺍﻧﺎ : ﻭ ﻓﻴﻦ ﻧﻠﻘﻰ ﺷﻲ ﻧﺴﺎﺏ ﺑﺤﺎﻟﻜﻢ ﻣﺮﺣﺒﺎ ﻧﺘﻲ ﺭﺍﻙ ﺧﺘﻲ ﺍ ﻣﺮﻳﻢ

البارت 24

ﺧﺎﻟﺘﻲ : ﺍﺣﻴﺎﻧﻲ ﺍ ﺑﻨﻴﺘﻲ ﺭﺍﻧﻲ ﻣﻜﻮﻳﺔ ﻣﻦ ﺟﻴﻬﺘﻚ ﻣﻦ ﻧﻬﺎﺭ ﻣﺸﻴﺘﻲ ﻭ ﺍﻧﺎ ﻣﺮﻳﻀﺔ ﺍﻧﺎ : ﺧﺎﻟﺘﻲ ﺍﻧﺎ ﻣﺎﻣﺸﻴﺘﺶ ﻭ ﻟﺤﺪ ﺍﻻﻥ ﺍﻧﺎ ﻣﺎﻋﺎﺭﻓﺎﺵ ﻻﺵ ﻃﻠﻘﺖ ﻗﻠﺒﺎﺕ ﻣﺎﻣﺎ ﺍﻟﻤﻮﺿﻮﻉ ﻭ ﺑﻘﻴﻨﺎ ﺩﺍﻭﻳﻴﻦ ﻣﺮﻳﻢ ﻓﻮﺩﻧﻲ : ﻧﻮﺩﻱ ﺑﻐﻴﺖ ﻧﺪﻭﻱ ﻣﻌﺎﻙ ﻣﺸﻴﻨﺎ ﻟﺒﻴﺘﻲ ﻣﺮﻳﻢ : ﻋﺎﻟﻴﺔ ﺍﻧﺎ ﻋﺎﺭﻓﺔ ﺳﺒﺎﺏ ﺍﻟﻄﻼﻕ ، ﻳﺤﻴﻰ ﻣﺮﻳﺾ ﻫﻮ ﺩﺍﺑﺎ ﻑ ﺍﻟﺪﺍﻧﻤﺎﺭﻙ ﻣﺸﻰ ﻳﺪﻳﺮ ﻋﻤﻠﻴﺔ ﺗﻤﺎﻙ ﻋﻠﻰ ﺍﻟﻘﻠﺐ ﻧﺴﺒﺔ ﺍﻟﻨﺠﺎﺡ ﻛﺎﻧﺖ ﻋﻨﺪﻭ ﺿﻌﻴﻔﺔ ﻭ ﺧﺎﻑ ﻻ ﻳﻘﻮﻟﻬﺎ ﻟﻚ ﻭ ﺗﺨﻼﻱ ﻋﻠﻴﻪ ﻫﻮ ﻛﺎﻥ ﻋﺎﺭﻑ ﺭﺍﺳﻮ ﻣﺮﻳﺾ ﺑﻠﻲ ﻣﺸﻴﺘﻮ ﻋﻨﺪ ﺍﻟﻮﻟﻴﺪﺓ ﻻﻛﺎﺩﻳﺮ ﻣﺎﻛﺎﻧﺘﺶ ﻋﻨﺪﻭ ﺧﺪﻣﺔ ﻏﻴﺮ ﻛﺪﺏ ﻋﻠﻴﻚ ﻛﻴﻒ ﻛﺪﺏ ﻋﻠﻴﻨﺎ ﻛﺎﻣﻠﻴﻦ ﻛﺎﻥ ﻣﺘﺒﻊ ﻣﻊ ﺍﻟﻄﺒﻴﺐ ﺩﻳﺎﻟﻮ ﻭ ﻛﺎﻳﺪﻳﺮ ﺷﻲ ﺗﺤﺎﻟﻴﻞ ﺍﻟﻌﻤﻠﻴﺔ ﺩﺍﺯﺕ ﻭ ﻫﻮ ﺩﺍﺑﺎ ﺑﻴﺨﻴﺮ ﻣﺎﺑﻐﺎﺵ ﻳﺮﺟﻊ ﻟﻠﻤﻐﺮﻳﺐ ﺣﻴﺖ ﻣﺎﻋﻨﺪﻭﺵ ﺍﻟﻮﺟﻪ ﻫﺎﺩﺷﻲ ﻓﺨﺒﺎﺭﻱ ﺍﻧﺎ ﻭﻳﺎﻙ ﻓﻘﻂ ﺍﻟﻰ ﻋﺮﻓﺎﺕ ﺍﻟﻮﻟﻴﺪﺓ ﺭﺍﻩ ﻣﺮﻳﺾ ﺗﻘﺪﺭ ﺗﻤﺸﻲ ﻓﻴﻬﺎ ﻭ ﻧﺘﻲ ﻋﺎﺭﻓﺎﻫﺎ ﻣﺎﻋﻨﺪﻫﺎ ﺻﺤﺔ ﺍﻧﺎ ﺑﺼﺪﻣﺔ : ﻭ ﻟﻜﻦ ﻭ ﻟﻜﻦ ﺍﻧﺎ ﻣﺎﻛﻨﺘﺶ ﻏﺎﻧﺘﺨﻠﻰ ﻋﻠﻴﻪ ﻛﻴﻔﺎﺵ ﻓﻜﺮ ﻫﺎﻛﺎ ﺍﻧﺎ ﻛﺎﻧﺒﻐﻴﻪ ﻫﺎﺩﺍ ﻣﺎﺷﻲ ﻣﺒﺮﺭ ﺑﺎﺵ ﻳﺨﻠﻴﻨﻲ ﻣﺮﻳﻢ : ﺍﻧﺎ ﻓﺎﻫﻤﺎﻙ ﺍ ﻋﺎﻟﻴﺔ ﻫﺎﺩﺷﻲ ﻗﻠﺘﻮ ﻟﻴﻚ ﻏﻴﺮ ﺑﺎﺵ ﻣﺎﻳﺒﻘﺎﺵ ﺿﺎﺭﻙ ﺭﺍﺳﻚ ﻭ ﻣﺎﺗﻘﻮﻟﻴﻬﺎ ﻝ ﺣﺘﻰ ﻭﺍﺣﺪ ﻫﻮ ﺩﻳﻤﺎ ﻛﺎﻳﺴﻮﻟﻨﻲ ﻋﻠﻴﻚ ﻭ ﻣﺎﻧﺎﺳﻴﻜﺶ ﻏﺎﻳﺘﺴﻄﻰ ﻋﻠﻴﻚ ﺍﻧﺎ : ﻫﻮ ﻋﺎﺭﻑ ﺑﻠﻲ ﺍﻧﺎ ﺣﺎﻣﻠﺔ ؟ ﻣﺮﻳﻢ : ﻻ ﺗﺒﻐﻲ ﻧﻘﻮﻟﻬﺎ ﻟﻴﻪ ؟ ﺍﻧﺎ : ﻻ ﻋﺎﻓﺎﻙ ﻭ ﻭﺻﻲ ﺣﺘﻰ ﻣﺎﻣﺎﻙ ﻣﺎﺑﻐﻴﺘﻮﺵ ﻳﻌﺮﻑ ﻋﺎﻓﺎﻙ ﻣﺮﻳﻢ : ﺍﻭﻛﻲ ﺧﺘﻲ ﻟﻲ ﺑﺎﻥ ﻟﻴﻚ ﻣﺸﺎﺕ ﺧﺎﻟﺘﻲ ﻭ ﻣﺮﻳﻢ ﻭ ﺧﻼﻭﻧﻲ ﻛﺎﻧﺨﻤﻢ ﻛﻴﻔﺎﺵ ﻋﻄﺎﺗﻮ ﺧﺎﻃﺮﻭ ﺍﻧﺎ ﻛﺎﻧﺒﻐﻴﻪ ﻣﺴﺘﺤﻴﻞ ﻧﺨﻠﻴﻪ ﻛﻴﻔﺎﺵ ﻗﺪﺭ ﻳﻔﻜﺮ ﻫﺎﻛﺎ ﺑﻌﺪ ﻣﺪﺓ ﺍﻧﺎ : ﻣﻲ ﺭﺍﻩ ﺑﺎﻗﻲ ﺍﻟﺤﺎﻝ ﻋﻠﻰ ﺍﻟﻮﻻﺩﺓ ﺑﺎﻗﻲ 10 ﻳﺎﻡ ﻣﻲ : ﻭﺍﺵ ﺍﻟﻮﻻﺩﺓ ﻏﺎﺗﻌﻠﻤﻚ ﻛﻠﺴﻲ ﺍ ﺑﻨﺖ ﺍﻟﺤﺮﺍﻡ ﻭﺍﻟﻠﻪ ﻛﻮﻥ ﻣﺎﺟﻴﺘﻴﻨﻲ ﻭﺍﺣﻠﺔ ﻓﺮﻭﺣﻚ ﺗﺎﻧﺸﺘﻒ ﻋﻠﻴﻚ ﻋﻠﻰ ﻗﺼﻮﺣﻴﺔ ﺭﺍﺳﻚ ﺿﺤﻜﺖ ﻋﻠﻰ ﻣﻲ ﻣﺴﻜﻴﻨﺔ ﺧﺎﻳﻔﺔ ﻋﻠﻴﺎ ﺍﻧﺎ : ﻛﻮﻧﻲ ﻫﺎﻧﻴﺔ ﺍ ﺯﻫﺮﺓ ﻣﺎﻋﻨﺪﻙ ﻣﻨﺎﺵ ﺗﺨﺎﻓﻲ ﻣﺸﻴﺖ ﻟﻠﺨﺪﻣﺔ ﺳﻴﻬﺎﻡ ﻣﺎﻛﺎﺗﺤﻴﺪﺵ ﻣﻦ ﺣﺪﺍﻳﺎ ﺧﺎﻳﻔﺎﻧﻲ ﻧﻮﻟﺪ ﻫﻪ ﻛﻠﺸﻲ ﺧﺎﻳﻒ ﻋﻠﻴﺎ ﺣﺴﻴﺖ ﺑﺸﻲ ﻭﺟﻊ ﺧﻔﻴﻒ ﻣﺎﺩﻳﺘﻬﺎﺵ ﻓﻴﻪ J

البارت 25

ﺧﺮﺟﻨﺎ ﻣﻊ 6:00 ﺍﻧﺎ : ﻻ ﻣﺎﻳﻤﻜﻨﺶ ﻣﺎﻳﻤﻜﻨﺶ ﻳﻜﻮﻥ ﻫﻮ ﻣﺎﺧﺎﺻﻮﺵ ﻳﺸﻮﻓﻨﻲ ﺷﺎﻓﻨﻲ ﻳﺤﻴﻰ ﻭ ﺟﺎ ﻛﺎﻳﺠﺮﻱ ﺍﻧﺎ ﻣﺎﻗﺪﺭﺗﺶ ﻧﺠﺮﻱ ﻣﻊ ﺍﻟﺘﻘﻞ ﻳﺤﻴﻰ ﺷﺪ ﻟﻲ ﺍﻳﺪﻱ : ﻋﺎﻟﻴﺔ ﻛﻴﺪﺍﻳﺮﺓ ﻣﺎﺗﺼﻮﺭﻳﺶ ﺷﺤﺎﻝ ﺗﻮﺣﺸﺘﻚ ﻋﻼﺵ ﻣﺎﻗﻠﺘﻴﺶ ﻟﻴﺎ ﺣﺎﻣﻠﺔ ﻋﻼﺵ ﺍﻧﺎ ﺭﺟﻌﺖ ﻭ ﻋﻤﺮﻧﻲ ﻣﺎﻏﺎﻧﺨﻠﻴﻚ ﻣﺎﺯﺍﻝ ﺍﻧﺎ : ﻃﻠﻖ ﻣﻨﻲ ، ﺳﻤﺢ ﻟﻴﺎ ﺍﻧﺎ ﻣﺎﻛﺎﻧﻌﺮﻓﻜﺶ ﻧﻄﺮﺕ ﺍﻳﺪﻱ ﻭ ﺩﻭﺭﺕ ﻭﺟﻬﻲ ﻏﺎﻧﻤﺸﻲ ﻭ ﺟﺮﻧﻲ ﻋﻨﺪﻭ ﺑﺎﻟﺠﻬﺪ ﻳﺤﻴﻰ : ﻧﺘﻲ ﻣﺎﻋﻨﺪﻙ ﻓﻴﻦ ﺗﻤﺸﻲ ﺑﻼﺻﺘﻚ ﻫﻲ ﺩﺍﺭﻙ ﺍﻟﻰ ﻣﺎﺷﻲ ﻋﻠﻰ ﻗﺒﻠﻲ ﻏﻴﺮ ﻋﻠﻰ ﻗﺒﻞ ﺩﺍﻛﺸﻲ ﻟﻲ ﻓﻜﺮﺷﻚ ﺍﻧﺎ : ﺳﻴﺮ ﻓﺤﺎﻟﻚ ﻫﺎﺩﻱ ﺑﻨﺘﻲ ﺍﻧﺎ ﺑﻮﺣﺪﻱ ﻏﺎﻧﻮﻟﺪﻫﺎ ﺑﻮﺣﺪﻱ ﻭ ﻧﺮﺑﻴﻬﺎ ﺑﻮﺣﺪﻱ ﻧﺘﺎ ﻣﺎﻋﻨﺪﻙ ﺗﺎ ﺑﻼﺻﺔ ﺑﻴﻨﺎﺗﻨﺎ ﺷﺪﻧﻲ ﻣﻦ ﺩﺭﺍﻋﻲ ﺑﺠﻬﺪ ﻭ ﻛﺎﻳﻬﺪﺭ ﻣﻦ ﺗﺤﺖ ﺳﻨﺎﻧﻮ : ﻋﺎﻟﻴﺔ ﻣﺎﺗﺨﻠﻴﻨﻴﺶ ﻧﻔﻘﺪ ﺍﻋﺼﺎﺑﻲ ﺍﻧﺎ : ﻣﺎﺷﻲ ﺷﻐﻠﻲ ﻋﻄﻴﻨﻲ ﺍﻟﺘﻴﺴﺎﻉ ﺍ ﺳﻴﺪﻱ ﺍﺵ ﺑﻴﻨﻲ ﻭ ﺑﻴﻨﻚ ﻳﺤﻴﻰ ﺣﻂ ﻳﺪﻳﻪ ﻋﻠﻰ ﻛﺮﺷﻲ : ﻫﺎﺩﺷﻲ ﻟﻲ ﻓﻜﺮﺷﻚ ﻭ ﺑﻴﻨﺎﺗﻨﺎ ﺣﺐ ﻛﺒﻴﺮ ﻣﺎﺗﻘﺪﺭﻳﺶ ﺗﻨﻜﺮﻳﻪ ﻏﺮﻏﺮﻭ ﻟﻴﺎ ﻋﻴﻨﻴﺎ ﻣﺸﻴﺖ ﻭ ﺧﺎﻳﺘﻮ ﻭﺍﻗﻒ ﻭﺻﻠﺖ ﻟﻠﺪﺍﺭ ﻭ ﻋﺎﻭﺩﺕ ﻟﻤﻲ ﺍﺵ ﻭﻗﻊ ﻣﻲ : ﺑﻨﻴﺘﻲ ﻛﻮﻥ ﻣﺎﻛﺎﻧﺶ ﺑﺎﻏﻴﻚ ﻣﺎﻳﺠﻴﺶ ﻋﻨﺪﻙ ﺭﺟﻌﻲ ﻟﺮﺍﺟﻠﻚ ﻭ ﻣﺎﺗﺨﻠﻴﺶ ﻫﺎﺩ ﺍﻟﺒﻨﻴﺔ ﺗﻜﺒﺮ ﺑﻼ ﺑﺎﻫﺎ ﺍﻧﺎ : ﺑﺎﻫﺎ ﻏﺎﺗﺸﻮﻓﻮ ﺍﻣﻲ ﺍﻧﺎ ﻣﺎﻓﺎﺭﻗﺎﺵ ﺑﻴﻨﺎﺗﻬﻢ ﻭ ﻟﻜﻦ ﻣﺎﻧﻘﺪﺭﺵ ﻧﺮﺟﻊ ﻟﻴﻪ ﻣﻲ : ﺩﻳﺮﻱ ﻋﻘﻠﻚ ﺍ ﺑﻨﻴﺘﻲ ﺗﺎ ﺑﺎﻙ ﺭﺍﻩ ﻣﺎﻛﺮﻫﻜﺶ ﺗﺮﺟﻌﻲ ﻟﺪﺍﺭﻙ ﻓﻜﺮﻱ ﺍ ﺑﻨﻴﺘﻲ ﺍﻟﻠﻪ ﻳﺮﺿﻲ ﻋﻠﻴﻚ ﺍﻟﻐﺪ ﻟﻴﻪ ﺟﺎﺕ ﺧﺎﻟﺘﻲ ﻭ ﻣﺮﻳﻢ ﻭ ﺷﻴﺨﻲ ﻭ ﻳﺤﻴﻰ ﻫﺪﺭﻭ ﻣﻊ ﺑﺎ ﻭ ﻣﻲ ﻭ ﺗﻐﺪﻳﻨﺎ ﻣﺠﻤﻮﻋﻴﻦ ﺧﺎﻟﺘﻲ : ﺑﻨﻴﺘﻲ ﺍﻧﺎ ﻣﺎﻏﺎﻧﺒﺰﺯ ﻋﻠﻴﻚ ﻭﺍﻟﻮ ﻭﺭﺍﻙ ﻋﺎﺭﻓﺔ ﻣﻌﺰﺗﻚ ﻋﻨﺪﻱ ، ﺍﻧﺎ ﺑﻐﻴﺖ ﻧﺸﻮﻓﻜﻢ ﻣﺠﻤﻮﻋﻴﻦ ﻭ ﺗﻜﺒﺮﻭ ﺑﻨﻴﺘﻜﻢ ﺑﻴﻨﺎﺗﻜﻢ ﻧﻌﻠﻲ ﺍﻟﺸﻴﻄﺎﻥ ﺍ ﺑﻨﺘﻲ ﻭ ﻣﺎﻋﺮﻓﺘﻲ ﺍﻟﺨﻴﺮ ﻓﻴﻦ ﻛﺎﻳﻦ ﺷﻴﺨﻲ : ﺍﻟﻠﻪ ﻳﻬﺪﻳﻜﻢ ﺍ ﺑﻨﻴﺘﻲ ﻋﻠﻰ ﺑﻌﻀﻴﺎﺗﻜﻢ ﺍﻧﺎ : ﻳﻜﻮﻥ ﺧﻴﺮ ﺍﻥ ﺷﺎﺀ ﺍﻟﻠﻪ ﻓﺮﺣﻮ ﻣﺴﺎﻛﻦ ﺑﻬﺪﺭﺗﻲ ﺧﺎﻟﺘﻲ ﺑﺎﺳﺖ ﻟﻴﺎ ﺭﺍﺳﻲ ﻭ ﺑﺪﺍﺕ ﻛﺎﺗﺒﻜﻲ ﻣﺴﻜﻴﻨﺔ ﺣﺸﻤﺎﺗﻨﻲ ﺑﺎ : ﺳﻴﺮﻱ ﺍ ﺑﻨﺘﻲ ﻧﺘﻲ ﻭ ﺭﺍﺟﻠﻚ ﻟﻠﺒﻴﺖ ﻫﺪﺭﻭ ﺷﻮﻳﺎ ﻣﺸﻴﺖ ﻭ ﺗﺒﻌﻨﻲ ﻛﺤﻞ ﺍﻟﻌﻔﻄﺔ ﻛﻠﺴﺖ ﻭ ﻛﻠﺲ ﺣﺪﺍﻳﺎ ﺍﻧﺎ : ﻧﻮﺽ ﺑﻌﺪ ﻣﻨﻲ ﺭﺍ ﺗﻴﺴﺎﻉ ﻋﻄﺎﻩ ﺍﻟﻠﻪ

البارت 26

ﻳﺤﻴﻰ : ﺍﻧﺎ ﻣﻮﺣﺶ ﻣﺮﺍﺗﻲ ﻭ ﺑﺎﻏﻲ ﻧﻜﻠﺲ ﺣﺪﺍﻫﺎ ﺷﻲ ﻣﻮﺷﻜﻴﻞ ﺍﻧﺎ : ﻫﻪ ﺷﻔﺘﻚ ﺗﻴﻘﺘﻲ ﺭﺍﺳﻚ ﻣﺮﺍﺗﻚ ﻏﻴﺮ ﻓﺎﻟﻮﺭﺍﻕ ﻧﺘﺎ ﻣﺎﺑﻘﻴﺘﻲ ﻛﺎﺗﻌﻨﻲ ﻟﻴﺎ ﻭﺍﻟﻮ ﺷﻮﻑ ﻟﻲ ﻧﻄﻮﻟﻮﻩ ﻧﻘﺼﺮﻭﻩ ﺍﻧﺎ ﺭﺟﻌﺖ ﻋﻠﻰ ﻗﺒﻞ ﺑﻨﺘﻲ ﻳﺤﻴﻰ : ﺑﻨﺘﻨﺎ ، ﻣﺎﻛﺎﻳﻬﻤﺶ ﺍﻟﻤﻬﻢ ﻏﺎﻳﺠﻤﻌﻨﺎ ﺳﻘﻒ ﻭﺍﺣﺪ ﻭ ﺍﻻ ﺍﻧﺎ ﻣﺎﻛﺎﻧﻌﻨﻴﺶ ﻟﻴﻚ ﻧﺘﻲ ﺭﺍﻙ ﻛﺎﺗﻌﻨﻲ ﻟﻴﺎ ﺍﻧﺎ : ﺍﻓﻔﻔﻔﻔﻔﻒ ﻛﺎﺗﻌﺼﺒﻨﻲ ﺻﺎﻓﻲ ﺳﻴﺮ ﻓﺤﺎﻟﻚ ﺩﺍﺑﺎ ﻣﻦ ﺑﻌﺪ 5 ﺍﻳﺎﻡ ﺩﺭﻧﺎ ﺍﻟﻌﻘﺪ ﻭ ﺭﺟﻌﺖ ﻟﺪﺍﺭﻱ ﻣﺎﺗﺒﺪﻝ ﻓﻴﻬﺎ ﻭﺍﻟﻮ ﻛﻠﺸﻲ ﺑﺎﻗﻲ ﻛﻴﻒ ﺧﻠﻴﺘﻮ ﻳﺤﻴﻰ ﺣﻂ ﺍﻳﺪﻳﻪ ﻋﻠﻰ ﻛﺮﺷﻲ ﻭ ﻗﺎﻝ : ﻣﺮﺣﺒﺎ ﺑﻴﻜﻢ ﻓﺪﺍﺭﻛﻢ ﻗﺮﺻﺘﻮ ﻓﺎﻳﺪﻳﻪ ﺗﺎ ﻃﺎﺭ ﺍﻧﺎ : ﻣﺎﺗﻤﺴﻨﻴﺶ ﺍﻟﻠﻪ ﻳﺮﺣﻢ ﺑﺎﻙ ﻳﺤﻴﻰ : ﻋﺎﻟﻴﺔ ﺳﻤﺤﻲ ﻟﻴﺎ ﺑﻠﻲ ﻋﺮﻓﺖ ﺭﺍﺳﻲ ﻣﺮﻳﺾ ﻭ ﻧﺴﺒﺔ ﻧﺠﺎﺡ ﺍﻟﻌﻤﻠﻴﺔ ﺿﻌﻴﻔﺔ ﺧﻔﺘﻚ ﺗﺨﻼﻱ ﻋﻠﻴﺎ ﺑﻠﻲ ﺗﻌﺮﻓﻲ ﺣﻴﺖ ﻧﺘﻲ ﺑﺎﻗﺎ ﺻﻐﻴﺮﺓ ﻭ ﺑﺎﻏﺎ ﺗﻌﻴﺸﻲ ، ﻭ ﺣﺘﻰ ﺍﻻ ﻣﺎﺗﺨﻠﻴﺘﻴﺶ ﻋﻠﻴﺎ ﻧﺘﻲ ﺗﻨﻬﺪ ﻭ ﻗﺎﻝ ﺧﻔﺖ ﻧﻤﻮﺕ ﺍﻧﺎ ﻭ ﻧﺨﻠﻴﻚ ﺩﺍﻛﺸﻲ ﻋﻼﺵ ﺑﺎﻥ ﻟﻴﺎ ﺍﻟﻄﻼﻕ ﻫﻮ ﺍﺣﺴﻦ ﺣﻞ ﺧﻨﺰﺭﺕ ﻓﻴﻪ ﺍﻧﺎ : ﻣﺎﺑﻐﻴﺘﺶ ﻧﺘﻨﺎﻗﺶ ﻓﺎﻟﻤﻮﺿﻮﻉ ﻭ ﻫﺎﺩﺷﻲ ﻣﺎﺷﻲ ﻣﺒﺮﺭ ﻧﺘﺎ ﺗﺨﻠﻴﺘﻲ ﻋﻠﻴﺎ ﻭ ﺻﺎﻓﻲ ﺍﻟﻤﻬﻢ ﺍﻧﺎ ﻏﺎﺩﺍ ﻧﻌﺲ ﺣﻴﺖ ﻋﻴﺎﻧﺔ ﺑﻼ ﻣﺎﺗﻔﻴﻘﻨﻲ ﻳﺤﻴﻰ : ﻣﺎﻏﺎﺗﺎﻛﻠﻲ ﻭﺍﻟﻮ ؟ ﻣﺎﺟﺎﻭﺑﺘﻮﺵ ﻭ ﻣﺸﻴﺖ ﺿﺮﺑﺎﺗﻨﻲ ﺍﻟﻔﻴﻘﺔ ﻣﻊ 7 ﺩﻳﺎﻝ ﺍﻟﻌﺸﻴﺔ ﻟﻘﻴﺘﻮ ﺣﺎﻁ ﺍﻟﻤﺎﻛﻠﺔ ﻓﻮﻕ ﺍﻟﻄﺒﻠﺔ ﻭ ﻛﺎﻳﺎﻛﻞ ﻣﺸﻴﺖ ﺟﻠﺴﺖ ﻓﺎﻻﺭﺽ ﻣﺨﻨﺰﺭﺓ ﻭ ﺷﻌﺮﻱ ﻭﺍﻗﻒ ﺟﺮﻳﺖ ﺣﺪﺍﻳﺎ ﺍﻟﻄﺒﻠﺔ ﻭ ﺑﺪﻳﺖ ﻛﺎﻧﺎﻛﻞ ﺑﺤﺎﻻ ﺧﺎﺭﺟﺔ ﻣﻦ ﺍﻟﺤﺒﺲ ﻫﺎﺩﻱ ﺗﻨﻔﻊ ﻫﺎﺩﻱ ﺗﻀﺮ ﺣﺘﻰ ﻋﻤﺮﺗﻬﺎ ﻣﺰﻳﺎﺍﻥ ﻭ ﺩﻓﻌﺖ ﺍﻟﻄﺎﺑﻠﺔ ﻭ ﺳﺮﺣﺖ ﺭﺟﻠﻴﺎ ﻣﺒﻘﻴﺘﺶ ﻗﺎﺩﺭﺓ ﻧﺘﺤﺮﻙ ﻣﺎﺯﺍﻝ ﻳﺤﻴﻰ ﻛﺎﻳﺸﻮﻑ ﻓﻴﺎ ﻭ ﻛﺎﻳﻀﺤﻚ ﺷﺤﺎﻝ ﻛﺎﻳﺒﺎﻥ ﺯﻭﻳﻦ ﻭ ﻫﻮ ﻛﺎﻳﻀﺤﻚ ﺍﻧﺎ : ﺿﺤﻚ ﺍﻟﻀﺤﻚ ﺭﺍﻩ ﻓﻴﻚ ﻳﺤﻴﻰ : ﺷﺤﺎﻝ ﻛﺎﺗﺤﻤﻘﻲ ﻭ ﻧﺘﻲ ﻛﺎﺗﺎﻛﻠﻲ ﻫﺎﻛﺎ ﺍﻧﺎ : ﺷﺤﺎﻝ ﻛﺎﺗﻌﺼﺒﻨﻲ ﻭ ﻧﺘﺎ ﻛﺎﺗﻬﺪﺭ ﻫﺎﻛﺎ ﺟﺮ ﺍﻳﺪﻱ ﺑﺎﺳﻬﺎ ﻭ ﻧﺎﺽ ﻛﺎﻳﺠﻤﻊ ﺍﻟﻄﺒﻠﺔ ﻣﺸﻴﺖ ﻟﺼﺎﻟﻮﻥ ﺷﻌﻠﺖ ﺍﻟﺘﻠﻔﺎﺯﺓ ﻭ ﺟﻠﺴﺖ ﻧﺘﻔﺮﺝ ﻳﺤﻴﻰ : ﻧﻘﺪﺭ ﻧﺘﻔﺮﺝ ﻣﻌﺎﻙ ﺍ ﺯﻳﻦ ؟ ﺍﻧﺎ : ﻣﺴﻴﻨﺎ ﻋﻠﻰ ﺍﻟﻠﻪ ﻳﺤﻴﻰ : ﻋﺎﻟﻴﺔ ﻣﺎﻏﺎﺗﺴﻤﺤﻴﺲ ﻟﻴﺎ ؟ ﺍﻧﺎ : ﻻ ﺍﺑﺪﺍ ﻏﻴﺮ ﻧﺴﺎ ﻭ ﺩﺍﺑﺎ ﺳﻜﺘﻨﺎ ﺧﻠﻴﻨﻲ ﻧﺘﻔﺮﺝ

البارت 27

ﻳﺤﻴﻰ : ﺍﻭﻛﻲ ، ﺍﻳﻴﻴﻴﻴﻲ ﻗﻠﺒﻲ ﻏﺎﺩﻱ ﻧﻤﻮﺕ ﺍﻧﺎ ﻧﻀﺖ ﻣﺨﻠﻮﻋﺔ ﻛﺎﻧﺘﺮﻋﺪ : ﻳﺤﻴﻰ ؟ ﺣﺒﻴﺒﻲ ﻣﺎﺍﻟﻚ ؟ ﺑﺎﺵ ﻛﺎﺗﺤﺲ ﻻ ﻣﺎﻏﺎﺗﻤﻮﺗﺶ ﺍﻧﺎ ﺳﻤﺤﺖ ﻟﻴﻚ ﺻﺎﻓﻲ ﻏﻴﺮ ﻧﻮﺽ ﻣﺎﺗﺨﻠﻴﻨﻴﺶ ﻋﺎﻓﺎﻙ ﻳﺤﻴﻰ ﺟﺮﻧﻲ ﻋﻨﺪﻭ ﺗﺎ ﺗﻼﺻﻘﺖ ﻣﻌﺎﻩ : ﻭ ﺑﻠﻲ ﻧﺘﻲ ﺧﺎﻳﻔﺔ ﻋﻠﻴﺎ ﻭ ﻣﺴﺎﻣﺤﺎﻧﻲ ﻻﺵ ﺩﺍﻓﻌﺔ ﻛﺒﻴﺮ ﺍ ﺣﺒﻴﺒﺔ ﺻﺮﻓﻘﺘﻮ ﻋﻠﻰ ﺣﺮ ﺟﻬﺪﻱ ﺗﺼﺪﻡ ﻭ ﻛﻠﺴﺖ ﻛﺎﻧﺒﻜﻲ ﺑﻬﻴﺴﺘﻴﺮﻳﺔ ﺍﻧﺎ : ﺣﺮﺍﻡ ﻋﻠﻴﻚ ﻧﺘﺎ ﻛﺎﺗﻠﻌﺐ ﺑﻴﺎ ﻛﻴﻒ ﺑﻐﻴﺘﻲ ﺍﻩ ﺍﻧﺎ ﻛﺎﻧﺒﻐﻴﻚ ﻭ ﻛﺎﻧﻤﻮﺕ ﻋﻠﻴﻚ ﻭ ﻧﺘﺎ ﻛﺎﺗﺴﺘﻐﻞ ﻫﺎﺩﺷﻲ ﺑﺎﺵ ﺩﻳﺮ ﻓﻴﺎ ﻣﺎﺑﻐﻴﺘﻲ ﻭﺍﺵ ﻋﺎﺭﻑ ﺷﺤﺎﻝ ﻗﺎﺻﻴﺖ ﺑﻠﻲ ﻗﺮﻳﺖ ﻭﺭﻗﺔ ﺍﻟﻄﻼﻕ ؟ ﻛﻨﺖ ﻏﺎﻧﻤﻮﺕ ﻭ ﺍﻧﺎ ﻣﺎﻋﺎﺭﻓﺎﺵ ﺍﻟﺴﺒﺐ ﻛﺎﻧﺘﻤﻨﻰ ﺍﻟﻤﻮﺕ ﻭ ﻻ ﻧﺘﻔﺎﺭﻕ ﻣﻌﺎﻙ ﺑﻠﻲ ﻋﺮﻓﺖ ﺭﺍﺳﻲ ﺣﺎﻣﻠﺔ ﻣﺎﻋﺮﻓﺖ ﻧﺒﻜﻲ ﻭﻻ ﻧﻔﺮﺡ ﻛﺎﻧﺤﺲ ﺑﻄﺮﻑ ﻣﻨﻚ ﻛﺎﻳﻜﺒﺮ ﻭﺳﻂ ﻣﻨﻲ ﻭ ﻟﻜﻦ ﻧﺘﺎ ﻣﺎﻣﻌﺎﻳﺎﺵ ﺍﻧﺎ ﻋﻤﺮﻧﻲ ﻧﻔﻜﺮ ﻧﺘﺨﻠﻰ ﻋﻠﻴﻚ ﻧﺘﻰ ﺭﺍﻙ ﺍﻟﺮﻭﺡ ﺩﻳﺎﻟﻲ ﻭﺍﺧﺎ ﻣﻌﺮﺕ ﺍﺵ ﻳﻄﺮﻯ ﻋﻤﺮﻧﻲ ﻧﺨﻠﻴﻚ ﻭ ﻏﺎﻧﺒﻘﺎ ﻧﺒﻐﻴﻚ ﺩﻳﻤﺎ ﺟﺮﻧﻲ ﻟﻌﻨﻨﺪﻭ ﻋﻨﻘﻨﻲ ﻭ ﺣﻂ ﺭﺍﺳﻲ ﻋﻠﻰ ﺻﺪﺭﻭ ﻳﺤﻴﻰ : ﺻﺎﻓﻲ ﺗﻬﺪﻧﻲ ﻛﻠﺸﻲ ﻓﺎﺕ ﺩﺍﺑﺎ ، ﻋﺎﻟﻴﺔ ﺳﻤﺤﻲ ﻟﻴﺎ ﺍﻧﺎ ﺍ ﻟﻼﻟﺔ ﺣﻤﺎﺭ ﻭ ﻣﻜﻠﺦ ﻭ ﻣﺎﻛﺎﻧﻌﺮﻓﺶ ﻧﻔﻜﺮ ﻭ ﺑﺮﻫﻮﺵ ﻭ ﻣﺎﻋﻨﺪﻱ ﻋﻘﻞ ﻭ ﻛﺎﻧﺒﻐﻴﻚ ﺍﻧﺎ : ﻫﻬﻪ ﺣﺘﻰ ﺍﻧﺎ ﻛﺎﻧﺤﻤﺎﻕ ﻋﻠﻴﻚ ﺩﻭﺯﻧﺎ ﻟﻴﻠﺔ ﺭﻭﻣﻨﺴﻴﺔ ﺑﻜﻞ ﺍﻟﻤﻘﺎﻳﻴﺲ ﻋﻮﺿﻨﺎ ﻓﻴﻬﺎ ﻫﺎﺩ ﺍﻟﻤﺪﺓ ﻛﺎﻣﻠﺔ ﻭﺍﺧﺎ ﺑﻮﻗﺎﻟﺘﻲ ﺑﺮﺯﻃﺎﺗﻨﺎ ﻫﻬﻪ ﻓﻘﺖ ﺍﻟﺼﺒﺎﺡ ﻟﻘﻴﺖ ﻳﺤﻴﻰ ﻛﺎﻳﺸﻮﻑ ﻓﻴﺎ ﻭ ﻳﻔﺮﻧﺲ ﺑﻮﺣﺪﻭ ﻳﺤﻴﻰ : ﻫﻬﻪ ﻋﺎﻟﻴﺔ ﺑﻠﺘﻲ ﻑ ﺣﻮﻳﺠﻚ ﺍﻧﺎ : ﻟﻬﻼ ﻳﺤﻴﻚ ﺍﻭﻳﻠﻲ ﺍﺵ ﻫﺎﺩﺷﻲ ﻻ ﻣﺎﻳﻤﻜﻨﺶ ﺑﺎﻗﻲ ﺍﻟﺤﺎﻝ ﻋﻠﻰ ﺍﻟﻮﻻﺩﺓ ﻳﺤﻴﻰ : ﻏﺎﺗﻮﻟﺪﻱ ؟ ﺍﻧﺎ : ﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻱ ﻭﺍ ﻣﻴﻴﻴﻴﻴﻴﻴﻴﻴﻴﻴﻲ ﻏﺎﻧﻤﻮﻭﻭﻭﻭﻭﻭﻭﺕ ﺍ ﻋﻴﺒﺎﺩ ﺍﻟﻠﻪ ﻋﺘﻘﻮ ﺍﻟﺮﻭﻭﻭﻭﻭﻭﺡ ﻳﺤﻴﻰ ﺗﻠﻒ ﻭﻻ ﻳﺪﺧﻞ ﻭ ﻳﺨﺮﺝ ﻓﺎﻟﻬﺪﺭﺓ ﻳﺤﻴﻰ : ﺑﻼﺗﻲ ﺍﻧﺎ ﻏﺎﻧﺪﻳﻚ ﻻ ﺻﺒﺮﻱ ﺍ ﺣﺒﻴﺒﺔ ﺑﺎﺵ ﻛﺎﺗﺤﺴﻲ ﺍﻧﺎ : ﻭﺍ ﻋﺘﻘﻨﻴﻴﻴﻴﻴﻴﻴﻴﻲ ﺍ ﻭﺟﻪ ﺍﻟﻨﺤﺲ ﺭﺍﻩ ﻛﺎﻧﻤﻮﻭﻭﻭﻭﻭﻭﺕ ﻫﺰﻧﻲ ﻳﺤﻴﻰ ﻓﺎﻟﻄﻮﻣﻮﺑﻴﻞ ﺩﺍﻧﻲ ﻟﻠﻜﻠﻴﻨﻴﻚ ﻛﺴﺮﺕ ﺍﻟﺪﻧﻴﺎ ﺑﺎﻟﻐﻮﺍﺕ ﺣﺴﻴﺖ ﺑﻮﺍﺣﺪ ﺍﻟﻮﺟﻊ ﺧﻄﻴﻴﻴﻴﺮ ﺍﻟﻠﻪ ﻳﺴﻤﺢ ﻟﻴﻨﺎ ﻣﻦ ﺍﻟﻮﺍﻟﻴﺪﻳﻦ ﻭ ﺻﺎﻓﻲ ﻭﻟﺪﺕ ﻋﺎﺩﻳﺔ ﺩﺍﺯﺕ ﺍﻟﻮﻻﺩﺓ ﻋﻠﻰ ﺧﻴﺮ J

البارت 28

ﺭﺟﻌﺖ ﻟﻠﺪﺍﺭ ﺍﻧﺎ ﻭ ﺣﺒﻴﺒﻲ ﻭ ﺑﻨﺘﻲ ﻧﻮﺭ ﺑﺎﻫﺎ ﻟﻲ ﺧﺘﺎﺭ ﻟﻴﻬﺎ ﻫﺎﺩ ﺍﻟﺴﻤﻴﺔ ﺣﻴﺖ ﻧﻮﺭﺍﺕ ﻟﻴﻨﺎ ﺣﻴﺎﺗﻨﺎ ﺍﻧﺎ : ﻋﻼﺵ ﻫﺎﺩ ﺍﻟﺨﺴﺮﺍﻥ ﻛﺎﻣﻞ ﺍ ﻳﺤﻴﻰ ﻏﻴﺮ ﻛﺎﺿﻴﻊ ﻓﺎﻟﻔﻠﻮﺱ ﻫﺎﻛﺎﻙ ﻳﺤﻴﻰ : ﻣﺎﺷﻲ ﺳﻮﻗﻚ ﻫﺎﺩﺍ ﺳﺒﻮﻉ ﺑﻨﺘﻲ ﺍﻟﻐﺰﺍﻟﺔ ﺧﻠﻴﻨﻲ ﻧﻔﺮﺡ ﺑﻴﻬﺎ ﻣﺎﻝ ﺍﻟﺪﻧﻴﺎ ﻣﺎﻳﺴﻮﺍ ﻭﺍﻟﻮ ﻗﺪﺍﻣﻬﺎ ﺍﻧﺎ : ﻫﻪ ﺩﺑﺮ ﺭﺍﺳﻚ ﺍ ﺳﻴﺪﻱ ﺣﻴﺪ ﺧﻠﻴﻨﻲ ﻧﻮﺽ ﻳﺤﻴﻰ : ﻻ ﺭﺍﻙ ﺑﺎﻗﺎ ﻋﻴﺎﻧﺔ ﺭﺗﺎﺣﻲ ﻟﻴﺎ ﻣﻊ ﺭﺍﺳﻚ ﺑﺎﺵ ﺗﺒﺮﺍﻱ ﺩﻏﻴﺎ ﺭﺍﻧﻲ ﺗﻮﺣﺸﺘﻚ ﺍﻧﺎ : ﻫﻬﻬﻪ ﻻ ﻏﺎﻧﺘﻌﻄﻞ ﺷﻮﻳﺔ ﺍ ﺣﺒﻴﺒﻲ ﺍﻟﻨﻔﺎﺱ ﻏﺎﻳﺪﻱ ﻟﻴﻨﺎ ﻭﺍﺣﺪ 40 ﻳﻮﻡ ﻳﺤﻴﻰ ﺣﻞ ﻓﻤﻮ : ﻻ ﻣﺎﺗﻘﻮﻟﻴﻬﺎﺵ ﺷﻨﻮ ﺯﻋﻤﺔ ﺍﻧﺎ ﻧﻀﻴﻊ ﺩﺍﺑﺎ ﺍﻧﺎ : ﻫﻬﻬﻪ ﺍﺵ ﺑﻐﻴﺘﻴﻨﻲ ﻧﺪﻳﺮ ﻟﻴﻚ ﻫﺎﺩﺷﻲ ﺑﺴﺒﺎﺏ ﺑﻨﺘﻚ ﻧﻮﺭ ﻳﺤﻴﻰ : ﺍﻓﻔﻒ ﻧﺼﺒﺮ ﺍﻟﻼﻟﺔ ﻧﺼﺒﺮ ﻋﻠﻴﻚ ﺩﺍﺯ ﺍﻟﺴﺒﻮﻉ ﻭﺍﺍﺍﺍﻋﺮ ﺑﺎﻟﺪﻗﻴﻘﻴﺔ ﻭ ﺍﻟﺠﻮﻕ ﻳﺤﻴﻰ ﻓﺮﺣﺎﻥ ﺩﺑﺢ ﺟﻮﺝ ﺣﻮﺍﻟﺔ ﻛﺒﺎﺭ ﺩﺍﺯ ﺍﻟﺴﺒﻮﻉ ﻣﺰﻳﺎﻥ ﻭ ﺭﺟﻌﺖ ﺍﻧﺎ ﻭ ﺣﺒﻴﺒﻲ ﻟﺤﻴﺎﺗﻨﺎ ﻟﻲ ﺗﺰﺍﺩﺕ ﻓﻴﻬﺎ ﺍﻟﻐﺰﺍﻟﺔ ﺩﻳﺎﻟﻨﺎ ﻧﻮﺭ ﻣﺴﻜﻴﻦ ﻳﺤﻴﻰ ﺩﻳﻤﺎ ﻛﺎﻳﻔﻴﻖ ﻣﻌﺎﻳﺎ ﻓﺎﻟﻠﻴﻞ ﺑﻠﻲ ﻛﺎﻧﻮﺽ ﻥ ﺭﺿﻌﻬﺎ ﻭ ﻋﻤﺮﻭ ﻣﺎ ﺗﻌﺎﻣﻞ ﻣﻌﺎﻳﺎ ﺧﺎﻳﺐ ﺑﻠﻌﻜﺲ ﻛﺎﻧﺖ ﺣﻴﺎﺗﻨﺎ ﺣﻠﻮﺓ ﺿﺮﻭﺭﻱ ﻣﻦ ﺷﻮﻳﺔ ﺍﻟﻤﺸﺎﻛﻞ ﺑﺤﺎﻝ ﻛﺎﻉ ﺍﻟﻨﺎﺱ ﻭ ﻟﻜﻦ ﻋﻠﻰ ﻭﺟﻪ ﺍﻟﺤﺐ ﻛﻠﺸﻲ ﻳﻬﻮﻥ ﻣﺎﻏﺎﺩﻳﺶ ﻧﻘﻮﻝ ﻫﺎﺩﻱ ﺍﻟﻨﻬﺎﻳﺔ ، ﺣﻴﺖ ﻫﺎﺩﻱ ﻳﺎﻻﻩ ﺍﻟﺒﺪﺍﻳﺔ