Skip links

قصة : الوحش ذات القزحتين ج 9

 42,852 عدد مشاهداات

🎩#وحش_ذات_القزحيتين🎩

✏للكاتبة ✏ chaymae ouaj

💢💢 آخر توضيح حول قوى الأبطال آل ستارك💢💢

جاااسم : قوة الاستنساااخ كيستنسخ قوة أي متحول كتولي ديالو
ويقد يستنسخ قوة المتحول بلا حتى مايحس بيه هاذ الأخير
ولحد الآن هو وحدو لي عارف شحال من قوة مستنسخ الشيء لي مخليه وحش المتحولين
وماماينش فالعالم متحول لي جامع جوج قوى فمابالك بجاسم لي يقد يكون جامع حتى لتلاثين قوة
هذا سبب مخلي كل العشائر خايفين منو

عدنااان : قوة التحكم بعنصر النار

غسان توأمو : التحكم بعنصر الجليييد

باربرة ختهم : قوة الصوت راه شرحتها بفيظيو فالاجزاء لولة

دابا ولاد معاد

أيار : قوة الشفاء يمكلها تشافي أي جرح
ماااشي مرض أو وباء الجروح تمزقات اللحم الجرح كتشافيه وكيختافي بحالا عمرو كان

فيليكس : قوة التنقل يمكنلو يتنقل من مكان لآخر راه شرحت القوة مزيان فالاجزاء الاولى

أولاد علي :

دياب : لي عندو قوة بدنية كبيرة خارقة للعادة يمكنلو يحمل أتقل الأوزان
يهز دار سيارة … بحالا هاز كاس دلماء

تارا : عندها قوة الإخترااق راه شرحتها بفيديو

🍀💢💢🍀💢🎩#وحش_ذات_القزحيتين🎩

✏للكاتبة ✏ chaymae ouaj

❄الجزء 37❄

شيماء ملي شافت النافذة أمامها توجهت ليها كتجري وبدون تفكير المهم عندها تخرج ترجع عند صديقتها ندمت أشد الندم حيت خلاتها وحدها فالغابة كون بقات يا يموتو بزوج ولا يحياو بزوج مكتفكرش فنفسها بتاتا ولا جروحها كتشوف أمامها غير جمانة
وهي كتجري حست بألم ضرب صدرها بقوة خلاها تتوقف وتشد في طاولة جنبها وطاحت على ركابيها شادة من صدرها جيهت القلب
وغوتت ربي لي خلقها بسبب الألم
جاسم ودراري طارو كيجريو عندها وصلها جاسم أولا غير تحنى عندها غيبت وشدها قبل ماطيح
لحق عليه عدنان وغسان تحناو عندها كدلك شد لها عدنان يدها كيقلب نبضها
حتى بدات ترعد بطريقة هستيرية وكشكوشة بيضاء كتخرج من فنها
عدنان : بصراخ ) جاااتها كريز قوية تسببات ليها فأزمة قلبية خاصنا نسعفوها ضغية ون
قبل ما يكمل كلامو هزها جاسم بين يديه وحاول يتنقل بيها مباشرة لجناحها بقوة فيليكس ولكن ومرة أخرى ماكاتأترش بقواه حتى وهي مغيبة الشيء لي خلاه يصرخ بقوة
جاسم : fuuuuuuuuuuck
هزها ومشا كيجريي هازها و تاني تلف خلا المصعد وطلع بيها فالدرج كيجري وكلهم تابعينو وصل لقى الطبيبة كترعد هي والممرضة
حطها فوق السرير وجر عليها ليزال وضار
جاسم : واااااش كتفرجييي فياااا وااا عتقييها دييري خدمتك وخرجييي تق*و*د*ي عليااا مليييي
جااااك صعييب تحضيييها وخليتييها بوحدهااا واااش جايبك تسارااااي ليا فلقصر .
الطبيبة : كترعد) سمحلي راه كنت ف
جاسم : واااا ضوووري تق*و*ذي عتقيييها
امتاثلات الطبيبة لأوامرو وضارت تتكلف بحالت شيماء تفكها لالقات ماتفك
فحين كلهم خرجو من الجناح توجهو لنفس الصالة لي أمامو وجلسو
الجدة : دابا شرحولي مال لبنت وشكون هاد صاحبتها وفينها واش بصح ماتت
باربرة : لبنت ماغاتفاكش راه باين فيها متعلقة بصديقتها واش بصح ماتت ولا قلتو ليها هكاك باش تبقا هنا ؟
دياب : ماكدبناش صديقتها بصح الله يرحمها أنا غنعاودلكم كل المعلومات لي توصلنا بيها (…..)
عاود ليهم كلشي بدون ماينسى حتى تفصيل
سوزي : مسكينة ويتيمة ملفوق الله يعاونها تتجاوز هاد المحنة
هيلدا : دابا نتوما شاكين فكونها هجينة
تارا : هئ لكان بصح غايقتلوها العشائر والله مايخليوها حية
أيار : مسكينة والله متستاهل لكانت بصح هجينة خاصنا نحميوها منخليوهمش يوصلو ليها
الجدة رجاء : لكانت بصح هجينة وخليناها عندنا نهار يعرفو بوجود هجينة و فعمرها ماكاتأترش بها قوة المتحولين وعلم الله يلا عندها قوى أخرى
راه كلشي غيسعى وراها حنا لاحميناها غنفتحو علينا أبواب الجحيم راه بحالا غانخليو قنبلة موقوتة معانا
باربرة : آش كتقولي أجدة واش نخليوها ليهم إذن خليوني تانا قدموني ليهم عالأقل أنا درت الغلط بيدي أما هي آش دنبها فهادشي كامل هي بعيدة كليا على عالمنا هئ
جاسم : كان جالس وشاد من راسو وكيسمع لكلامهم هز راسو فيهم ونطق
جاسم : كنظن نسيتو أني سيد هاد العشيرة وللمرة لألللللللف غانقوووولها
ماخالعنييي حد ولي قرب من حاجتي غايلقانييي هاذ لبنت لكانت هجينة ولا متحولة وحدي مزال مكتاشفت سر عدم تأثرها بقوانا غتكووون تحت حمايتي ولي قرب منها غايلقاني وملي نتأكد من هويتها وطبيعتها بالضبط ديك الساعة أناااا غنقرر مصيرهااا
(( كلهم حناو روسهم
أيار وتارا غير كيبكيو عدنان قرب من تارا وتكلم : تهدني راه غتكون بيخير ماشفتيش كيف كانت مخرجة فينا عينيها باينة فيها قوية
تارا : وصاحبتها واش دفنوها وكفاش غنقنعوها بلي بصح ماتت
أيار : هئ والله تا بزاف أنا بلاصتها منصبرشتتمة الجزء 37😍

أيار : هئ والله تا بزاف أنا بلاصتها منصبرش
غسان قرب منها : تهدني أ أيار راه مكتابلها تعيش هادشي ومكتاب لصديقتها تموت حنى مافيدنا والو
قاطعاتهم الطبيبة خرجات كلها عرقانة وشافت نضرات جاسم ولات ترعد تاني وقفو عليها كاملين )
الطبيبة : جاتها كريز قوية وأزمة قلبية بسبب الضغط وصعوبة التنفس
لحس الحظ سعفناها بسرعة راه حالتها مامستاقراش بمرة واحتمال كبير ترجع تتعرض لأزمة أخرى يلا فاقت ودارت ردة فعل عنيفة خاصها الراحة التامة وكنصحكم تجيبو طبيب نفسي يتعامل معاها ملي تفيق
بالنسبة ليدها أغللب لغرازي تحلو ولحمها طايب غيخلي صعوبة باش يتجمع ليها بسرعة أنا عاودت ليها لغرازي وعقمت الجرح وتبتت يدها بحمالة باش متحركهاش تا تبرى

عدنان : غانجيب ليها مرهم قوي غندوموندي عليه من أمريكا يوصلني فغضون يومين غايلم لها جرح يدها بسرعة وحتى من ليطراس كيساعد فإخفائهم
غسان : واش علقتي ليها صيروم و عطيتيها إبرة مهدأة من الدرجة الأولى
الطبيبة : عطيتها مهدئ من الدرجة الثانية
غسان رجعي ديريلها مهدئ الدرجة الأولى فالصيروم
الطبيبة واخا (استدارت تمشي ووقفها صوت الوحش )
جاسم : وقفييييي (قفزهم)
غاتجمعي شطايطك وتق*و*دي عليااااا كووون درتيي خدمتك من لول كون كاعما وصلنا لهاد الحالة يلاه برااااا
الطبيبة مشات كتجري وجاسم أمرهم من السماعة يجيبو طبيبة أخرى
وماهي إلا نصف ساعة تا دخلات الطبيبة لي كانت سيدة فالأربعين وكانت طبيبة ممتازة وذات خبرة
دخلات عاودات فحصات شيماء كليا وشافت كل جروحها وخرجات قالت ليهم نفس كلام الطبيبة الأولى
الطبيبة: هادي هي حالتها بالضبط لورد ستارك وراه احتمال كبييير ملي تفيق وعلى حسب موت صديقتها المقربة كيف قلتولي أنها غاتعرض لنوبة أخرى غتأدي بيها لكريز تانية وهاد المرة غتكون خطيرة
داكشي باش كنأكد لكم على طبيب نفسي ضروري فحالتها
جاسم : بقاي معاها وماتفارقيهاش تا دقيقة
الطبيبة : أمرك لورد بالنسبة للطبيب النفسي معايا فكلينيك الدكتور معاذ عمكم واحد من أحسن الأطباء النفسيين أنا متأكدة أنها غتعالج على يدو
جاسم : ببرود ) وهاد الطبيب النفسي راجل ؟
الطبيبة استغربات : أأأ آه هو الدكتور عمر خريج كلية الطب بأمريكا ومتمرس فعملو
عدنان : الدكتور عمر من أحسن الأطباء النفسيين فالمغرب راه معانا فالمستشفى غايعاونها
عدنان : آه وهو من نفس لاج نتاعنا الشيء لي غيخليها تيق فيه
جاسم : تعصب وعروقو تنفخو وخنزر فخوتو والطبيبة ) ألالا ديري غااا خدمتك ونتوما (خوتو) شوفو الطبيب النفسي يكون مرأة أما راجل لا وبلا مانبقا نعاود فكلاميي … ضرب فيهم وزاد لجناحو خلاهم مبربقين عينيهم

الصورة : تارا أخت دياب قوة الإختراق🎩#وحش_ذات_القزحيتين🎩

✏للكاتبة ✏ chaymae ouaj

🔥الجزء 38❄
جاسم توجه لجناحو بدل عليه (الصورة) وخرج بخطوات مسرعة خارج القصر لقى أخوانو وولاد أعمامو كل واحد فسيارتو ابتاسم باستهزاء حيت كلهم بغاو يتفرجو فلمسخوط دحمزة (المرحوووم🤣) وزاد ركب سيارتو ^الوحش الأبيض^ وانطالق فالشارع الفارغ وتابعينو فيليكس ودياب وعدنان وغسان من الوراء كل واحد بسيارتو

بعد نصف ساعة كانو أمام ديبو دجاسم لي فارغ مخليه كيحط فيه قطع سياراتو لي ماصالحاش
خرج من سيارتو وكذلك الباقين وتقدمو لأمام بوابت الديبو تلقاو لهم جوج كارد
الكارد 1: لوورد كلشي كيفما أمرتو
الكارد 2: مد لجاسم ضوصي ) كل المعلومات هنا كيفما طلبتو لوورد أوامرك ؟
.جاسم : مزيان خرجو كلكم من ديبو بقاو براا تانخرجو ومايدخل حد
(الكارد حناو ريوسهم )

جاسم تقدم ودخل هو لول وتبعوه دراري وقفو وسط الديبو كيشوفو فحمزة لي مغيب
كانو لكارد مجلسينو فكرسي مربوط يديه ورجليه مع لكرسي ولابس غير سروال ملفوق معري وكولو جروح ناتجين عن ضرب لكارد واخا ماشي شي ضرب مبرح ولكن عطاوه المقبلة وخلاو لجاسم الطبق الرئيسي والتحلية لدراري 🤭
جاسم دار ضحكة استهزاء وقرب تا تقابل معاه خدا كرسي وجلس دار رجل على رجل وكيتفرج فيه
وكدالك دراري خداو كل واحد كرسي وجلسو فصف واحد
جاسم فجنو ليمن عدنان وليسر غسان وفالجوانب فيليكس ودياب
كلهم مخنزرين فيه تخنزيرة كون كانت قرطاس كوراه فرتتوه

جاسم : فيليكس فيقليي تااا*مل

فيليكس اختفى من فوق كرسيه وضهر حدى شي براميل خدا إناء عمرو ماء واختفى وظهر وراء حمزة خوا عليه الماء حتى شهق
واختفى تاني وظهر جالس على كرسيهتتمة الجزء 38💃

فيليكس اختفى من فوق كرسيه وضهر حدى شي براميل خدا إناء عمرو ماء واختفى وظهر وراء حمزة خوا عليه الماء حتى شهق
واختفى تاني وظهر جالس على كرسيه

حمزة : شهق كيتلفت يمين ويسار شاف أمامو وحل عينيه بالصضمة كيشوفهم مستفين قدامو كاملين واحد حدى واحد صفار بلخلعة وبدا يترعد هو عمرو شافهم أو التقا بيهم حتى صدفة كان كيشوف مجرد صورهم بالجرائد والمجلات وكيسمع فقط بنجاحاتهم وأعماالهم
ولكن دابا هاهما واقفين قدامو

جاسم : صباح لخير

حمزة : جججاسم آل آل آل ستارك

جاسم : مزيان ملي عرفتي سميتي ودابا نعرفك على شخصيتي شبانليك ؟

حمزة : خخلينا نتكلمو أحم أأنا راه كنت كنت

فيليكس :عصبو كيتفتف) وااا علا كمارة بغيت نعرف باربرة آش عجبها فكلب بحالك

حمزة : قفز منو ) أنا راه نادم والله غير طلقوني ونجي نخطبه…

ماكملهاش بسباب لكمة قوية عطاهالو غسان جا طايح فالأرض بكرسيه
غسان : بعصبية شدو وكعدو من الأرض بكرسيه وشانق عليه ) آش يحساب لزاا**مل بوووك ألكلببب ختييي شايطة بربي تانربييك ليوم

قاطعو جاسم
جاسم : غسان طلقو مزال ماوصل وقت الدم

حمزة : سمع الدم وهو يخضار ويصفار عرف نفسو ق*و*دها

غسان طلق منو ورجع جلس فمكانو
جاسم خدا الملف ليعطاه لكارد وفتحو
جاسم : دار ابتسامت استهزاء ) حمزة زموري مدير تنفيدي لشركة أكوا للتصدير واا ضوووصي عندك عااامر أسيهم حمزة

حمزة : سمعو سمعوني غنتفاهمو

جاسم : شاف فيه بنظرة خلاتو يسرط لسانو )
جاسم : مليكة النوري ، مروى لعروصي ، سكينة كوثر حنان مريم … بففف شحال من وحدة ضوصيك موسخ هادو كلهم ضحكتي عليهم تفليتي عليهم بفكرة الزواج وربعة كانو حاملات منك ودارو كورطاج بلا لي اغتاصبتي وعندي فيديواتهم

حمزة : تصدم كيفاذ جاب عليه جاسم بحال هاد المعلومات
حمزة من نوع الزهواني لي ملي كتعجبو شي بنت مكايفلتهاش واخا يوهمها بحبو لسنين مكيتهنا تاياخد منها غراضو ولي مكتشدلوش بالخاطر كيغتاصبها ويصورها فيديو يهددها بيه وضحك على بزاااااف دلبنات ضيعهم فشرفهم وباربرة وحدة منهن //

الصورة عدنان قوة النارتتمة الحزء 38💋

منهن //

أما دراري مابقاوش قدو يصبرو ناض عدنان كيعطيه فلكروشيات يتلاح كيهزو غسان يكمل عليه
عدنان وهو كيضرب فيه : ختيي يا زا*م*ل ختيي يالقوااا*د

غسان : شدو يعطيه حقو من الضرب : تاتفلا على بنات نااااس مابانتلك غاختي ليوووم نح .. مك

(ماحسو تاطارلهم حمزة من بين يديهم لي ولا كيشرويطة
كان جاسم لي جرو ولاحو فوق لكرسي

جاسم عصبوه : واا تهدنو مزاااال اللعب طويل

جاسم قرب منو وشدلو فكو بعنف وحمزة حال فيه عينيه على جهدهم والدم كيخرج من نيفو وفمو وجبهتو

جاسم : غلطتيي وغلطت عمرك غاتخلص علييها بحيااتك قربتيي لحاجتيي ختيييي وأنا عائيلتي خط أحمممر ولي مس شعرة منهم غندخلو لجحييييمييي وعمررو يخرج منووو
جاسم ابتاسم باستهزاء وهو كيشوف فيه كيفاش كيترعد تا طلقلهم لبولة فسروالو
جاسم بعد منو وهز يديه بزوج أمام وجهو
الشباب ابتاسمو عرفو اللعب بدا
جاسم أشعل يد باللهيب 🔥🔥ويدو الأخرى بالجليد ❄

أما واحد حمزة لخرية غتخرجلو وهو كيشوف فيديه مامصدقش عينو وشكايشوف
قرب غسان وعدنان لي عملو كجاسم اشتعلت يدا عدنان بالنار 🔥
وتجمدتا يدا غسان بجليد ❄❄

حمزة ولا غير مبربق عينيه

حمزة : ششهادشي نتوما نتوما ششنو بالضبط

جاسم : حنى نهايتك
أطلق جاسم نار قوية توجهات مباشرة لعضو حمزة الذكري
حمزة صراخو تسمع حتى لنواحي ديبو لعافية قوية شداتليه فحجرو
وبعدها تبعلو جاسم ضربة قوية من الجليد
خلاه شوطلو تبو وكلاصاهلو فنفس الوقت
أما حمزة صاف ضبابة ولات تبانلو

جاسم : باش تعلم تحط عينك على حاجتي وتفلا على بنات الناس

فيليكس اختفى وضهر أمام حمزة مباشرة عطاه لكمة قوية للأنف هرسوليه واختفى وظهر فجنبو عطاه لكمة قوية لجنب واختفى تاني ظهر أمامو عطاه لكمة للكرش وبقى هكاك كيختافي ويضرب وبسررعة أما حمزة مافهمش كاع منين كيتلقى الضربات ولا من من تا خلاه كولو دمايات وعاد تبو لي مشوط ومكلاصي
قرب عدنان وجهلو هجمة بالنار شوطلو رجلو
وغسان جمدلو الأخرى
حمزة بقاو فيه غير لعينين لي صحاح أما تا الصوت مشالو بالصدمة ويحتضر

دياب مخنزر فيهم : هيوا شرشمتوه ماخليتولي والو

فيليكس : خاصو يتعدب أما الموت المباشر راه رحمة ليه وكون خليناهليك ضربة وحدة تصيفطو للقبر

جاسم تقدم وانحنى عند حمزة لي بزز باش كيحل عينو )

جاسم : صبر بلاتي حيت ماكس و جورج (الأسدان) كيبغير اللحم حي

جاسم وضع أصابعو في جهاز الاتصال بأذنو وتكلم

جاسم : دخلوهم

دقائق تاكايتسمع زئيير مرعب وقوي دخلو 10د لكادز وجارين قفص كبير بيه جوج أسود بالغين من النوع الممتاز
الكارد ٠غير دخلو القفص خرجو
أما الأسود غير شافو جاسم وبداو يزأرو ويقفزو تقدم ناحيتهم جاسم

جاسم : وهو كيفتح القفص ) هووه على أبطالي غبرت عليكم (جاسم مستنسخ قوة سوزي التكلم مع الحيوانان )

الأسود كيزأرو

جاسم حل القفص وخرجو كيضورو عليه وهو كيلعب بشعرهم الكثيف
كان حجمهم كبير كيوصلو لخصرو
تقدم لجيهت دراري والأسدان فجانبيه وصل حدى حمزة ليحال عينيه على الجهد وبدا يبكي

جاسم تحنى عندو : بطبعي مكنبغي نآدي حد خصوصا الأضعف مني ولكن ملي يتعلق الأمر بعايلتي مكنعقل على حد كنقدمليك ماكس وجورج ربيتهم مليي كانو أشبال وكنفهم لغتهم وحتى هما وأي شيء قلتو ليهم كيديرو تبغي تجرب

حمزة كيبكي يبكي

جاسم : وجه كلامو للأسدين ) تقدرو تتمتعوليكم بهاذ الوليمة وملي تكملو رجعو للقفص باش يردوكم لكاردز للحديقة

(ناض جاسم واستدار مغادرا للمكان وحتى الشباب ومع استدارتهم بدى يتسمع صوت صراخ حمزة لي يفترس من طرف الأسدان لي من بعد ماكملو منو رجعو بنفسهم للقفص لي تغلق أوطوماتيك ودخلو لكاردز ردوهم للحديقة لي حاطهم فيها جاسم وجمعو بقايا المرحوم 🤭

جاسم بطبعو ماشي حكار أو يستقوي على الضعيف أو يظلم
ولكن عائلتو بالنسبالو خط أحمر ملي كيتقاص منهم فرد كيولي وحش متوحش وخصوصا الفتيات لي معتابرهن أخواتو ❤

تفرقو الشباب دياب مشى لشركة لهاكرز ولي كارد وفيليكس مشى لستارك كار أما عدنان وغسان توجهو للمستشفى فحين جاسم مشى للمصنع يشوف العمل كيف ماشي وكل تفكيرو فشيماء قزحية العينين .
وهكذا انتهى اليوم🎩#وحش_ذات_القزحيتين🎩

✏للكاتبة ✏ chaymae ouaj

🦄الجزء 39🦄
🍂🍂🍂🍂🍂🍂🍂🍂🍂🍂
في بعض الأحيان نحتاج إلى مقبرة داخل أرواحنا ،
للأشياء الكثيرة التي تموت بداخلنا ..🥀
فكم هو سئ جداً أن تحمل هموم ليست مناسبة لسنك ..
في وقت المفروض أنك في أجمل أيام حياتك🥀
وتبقى هكذا هي الحياة :-
لا البدايات التي نتوقعها..
ولا النهايات التي نريدها ..🍂🍂

صبح صباح اليوم الموالي وكيف دايمن تجمعات عائلة ستارك على مائدة الطعام إلا تارا وأيار وكذلك باربرة لي دازو يطلو على شيماء فجناحها

جاسم كان باين فيه معصب وبزاف ليل كولو وهو كيحلل وكيفكر فطريقة تعاونو يعرف طبيعة شيماء واش متحولة بحالهم إذن علاش مكيحسوش بيها من المتحولين وكون كانت متحولة علاش محسش بقوتها ياك شدات يدو أكتر من مرة وهو كيستنسخ القوى عن طريق لمس يد المتحول
كون كانت عندها قوة أكيد كان حسها ملي كانت غارسا أظافرها فيه استنسخها وعرف ماهيتها
أو هي هجينة
أو هي مجرد بشرية ؟
قاطح حبل أفكارو سوزي
سوزي : لبنات مع شيماء فالجناح غير نفطرو تاينزلو
فيليكس : واش جبتو شي طبيب نفسي حيت علاما قالت الطبيبة لبارح غاتفيق هاذ الصباح ومعرفناش كيتقد تكون ردة فعلها
عدنان : جبنا طبيبة نفسية راهم كلهم معاها فجناحها
الجدة : بالنسبة لعمامكم علي ومعاذ غايرجعو سيمانا جاية
جاسم : هضرو معايا وماقلت ليهم والو حتى يجيو ولكن جدي مابغيتش حس لخبر يوصلو

(كملو فطورهم وتوجهو لجلسة جلسو وجابولهم الخدم قهوة الصباح )
هيلدا موجهة كلامها لجاسم : ولدي خاصنا نعاونو لبنت حتى يلا كانت ماشي متحولة وغير بشرية عادية لبنت خسرت كولشي عندها مانخليوهاش وحدها
الجدة : لالا ماتفايليش نشاء الله تكون منا ونزوجها لوليدي عدنان
🌱عدنان كان يشرب فقهوتو تابدا يكح خرجتلو من نيف 🌱
سوزي : ياك ألحاجة قلتي تزوجيها لولدي فيليكس!!

الجدة : ولدك مزالو برهوش تايكبر وياخدلو تاهو شي هندية أما شيماء بدوك عوينات تجي مع ولدي عدنان بعينها لعسلية وتجي تامع ولدي غسان بعينها زريرقة بحال عويناتو خليها غير تبرا وهي تختار لي بغات فيهم
(الشباب غير كيشوفو فالجدة أما واحد جاسم كيحس برغبة شديدة باش ينوض يخنق جداه )
سوزي : ولدي ماشي برهوش ألحاجة راه عندو 20 ولبنت18 هي هاديك ومواتيين نزوجوهم ويكبرو مع بعضياتهم
الجدة : تي مالك لصقتي ولدك معصب ولبنت كتخرج عينيها بغيتيه يضربها يصدق جاليها
لبنية خاصها شي ضحوكي و حنين بحال ولدي عدنان وغسان
سوزي : وفهادي عندك الصح ألميمة معصب عندي داك لولد صاف غي خليها لعدنان حسن
فيليكس : وااا لواليدة وااا جدة واراه حنا هنا وكتهضرو بحالا حنا مكينينش

الجدة : هاه شفتي كيخرج فعينيه
سوزي : ناري ولدي غايبقالي بلا زواج
جاسم : صاف عيا يصبر يلاه غايغوت تاشافو باربرة جايا كتجري ودموعها دايزين وقفات عليهم
🥀🥀🥀🥀

عند شيماء فالجناح بدلو ليها لفااصمات وعاودو عقمولها كل الجروح … ودخلو خادمات بأمر من جاسم دوشوليها تحت مراقبة وأوامر الطبيبة باش مايقيصوشلها الجروح
نشفولها شعرها ولبسوها بجامة
(الصورة )
وعطروها خرجات الطبيبة والممرضتان ودخلات الطبيبة النفسية ومن بعدها دخلو لبنات بتلاثة وجلسو جنبها وأمرو الخادمات يجيبولهم فطور خفيف عبارة عن كيك شوكولا قطعة للوحدة وعصير طبيعي وجلسو فالجناح عندها كياكلو وكيتسناوها تفيق بغاو يكونو معاها يعاونوها يحسسوها بالأمان قدر المستطاع فكرو فأنها تفيق على بنات فسنها ويعاملوها بحنان ماشي بحالا فاقت على 5 شباب كل واحد قدو قداش وكلهم مخنزرين
مر بعض الوقت ولبنات كيتكلمو وكيفطروتتمة الجزء 39😍

شيماء ؛(بدات تحل عينيها بتتاقل وغير حلاتهم بداو دموع تاني كينزلو بلا حتى مجهود منها بدات صور الحادث ولكار مقلوب ومشخشخ والطريق والسرعة
وجمانة بدمائها وكلام جاسم على أنها ماتت وحتى صورت بطنها مخشي فيه زاج ودمها فيدين شيماء كلها صور وذكريات هاجمات ذاكرتها خلاتها كلها بدات تترعد ودقات قلبها تسارعات جدا خلات واحد من الأجهزة جانبها لي موصول بيدها كيسيني ويصدر صوت خلا لبنات وقفو بسرعة وجراو عندها وحتى الطبيبة النفسي والطبيبة دخلو كيجريو عندها
الطبيبة النفسية 🙁 بدات تتكلم معاها بصوت مريح كتحاول تهدنها وتكالميها ولكن
شيماء متجاوباتش معاها بلمرة والطبيبة النفسية بحكم حكاولها أن نفسيتها تأزمات بسبب موت صديقتها
فحاولات طمنها وتقولها أن الموت علينا حق …. ولكن شيماء عاد مزادت جهلات ملي سمعات كلمت الموت وبدات تصرخ بكل قوتها وكتحرك بالجهد وتنتف فشعرها وكتضرب وجهها بكل قوة الشيء لي خلا
الطبيبة أسرعت تعمر إبرة مهدئ فحين لبنات ترعبو من حالتها وباربرة خرجات كتجري تعلم العائلة
فوقت لي جات الطبيبة والممرضتان حاولو يشدوها باش ترصالهم دقليها الطبيبة الإبرة ولكن دفعاتهم بكل قوتها وناضت وقفات بانت ليها الطاولة ليكانو كيفطرو عليها لبنات واتاجهات ليها وهزات السكين مرة أخرى
💎💎💎💎💎
فالطابق السفلي من القصر
باربرة خرجات من المصعد كتجري وكتصرخ باسم جاسم
وقفات عليهم

جاسم على إثر مناداتها باسمو وقف من مكانو وكذلك باقي العائلة وكيشوفو فباربرة جاية كتجري ناحيتهم
باربرة : والدموع فعينيها ومتوترة ) جاااسم لبنت لبنت فاقت وراها غير كتصرخ وكتضرب نفسها بقوة الطبيبة مقداتش تحكم فيها

جاسم : (على إثر كلامها اختفى من أمامهم باستعمالو قوة فيليكس دالتنقل وحتى فيليكس كذلك اختفى أما باقي أفراد العائلة توجهو بسرعة للمصعد )

الصورة : باربرة🎩#وحش_ذات_القزحيتين🎩

✏للكاتبة ✏ chaymae ouaj
🍃الجزء 40🍂
✏✏✏✏✏

فالجناح ليفيه شيماء :

واقفة فقنت الجناح هازة سكين وحاطاه على عنقها
مقابلين معاها ممرضتان والطبيبة والطبيبة النفسية لي كتكلم معاها وكتحاول توعيها بخطورة آش غدير
وحتى أيار وتارا
أيار : حبسي عافااك هاحنا معاك وغنعاونوك مكينش لي يآديك
تارا : هانتي حنا غنوليو صحابات ومنتفارقوش غير تهدني عطيني لموس واش واخا

شيماء :(مكانتش كتسمع أصلا آش كيقولو دماغها مبلوكي حاجة وحدة لي كتسمع هي كلام جاسم
^صاحبتك راه ماتت الله يرحمها^
جملة كتعاود وتتعاود فدماغها لعشرااات المرات وبسرعة لدرجت خلاتها ماتسمع حتى شي صوت آخر
هزات عينيها فيهم ودموعها شلال مكيحبسووش ونطقات
شيماء : ببغيت تانا نموت (وضغطات بالسكين على رقبتها تاخرج الدم الشيء لي خلا لبنات غوتو بالجهد وفهاد اللحظة ظهر جاسم ووراه فيليكس واقفين خلفهم (ماشافوهش ملي ظهر بقوة التنقل حيت بان من موراهم الطبيبتان والممرضتان وتا لبنات وشيماء كانو قدامو )وتقدم جاسم بسرعة ضرب ليها يديها بقوة تا طار لموس وشدها بعنف من يدها السليمة وجرها تتا تساطحات مع صدروو
جاسم : معصب لأقصى درجة ) آش كتحاولي ديري هااااااااا واش باغا تموووتي خليي غييير تانعرف طبيعتك وحقيقتك وموووتييي
شيماء : جاوباتو بصراخ ) واااا ماااشييي سوقك واا بعد منييي بغييت نتبعهااا

(فهاد اللحظة دخلو كل العائلة )

جاسم : بدا يمخض فيها كيديها ويجيبها بسرعة تاحسات دماغها تزعزع وبزز متحكم فنفسو ميضربهاش حيت هو ماشي من نوع الرجال لي يضرب بنت لأي سبب كيفما كان )
جاسم : واااا صاااحبتك ماااتت واش مكلخة مكتفهمييش وافييقي ماتت هي مااااتت ونتيي مااااازالك حية
شيماء : جرات يديها منو وحطاتها على ودنها أما اليد الأخرى مزيرينهاليها بباندة من نوع خاص مكتقدش تحركها
وكتحرك راسها بلا)
شيماء : لالالالا يانعيشو بزوج يانموتو بزووج وهي حية حية ويلا مشات نتبعهاا (بظات تشوف حولها فالأرض تاتقلب على لموس بعينيها )
جاسم : مابقاش قاد يضبط أعصابو وشدها تاني من يدها ودفعها تا تخبطات مع لحيط وهو شادها وقرب تحنا تاولا وجهها مقابل مع وجهو وكيشوف مباشرة فعينيها لحمرين لمنفوخين )
جاسم : ديري ليي درتيه واخا تحزني تا 100عام أخرى عمرك تغيري الواقع
صاحبتك م ا ت ت
ومقدر ليها تموت فداك اليوم فداك الحادث وبديك الطريقة ونتيي راه بفضلك عاشو ثلاتة دالأشخاص من ديك الحادثة ولكن صاحبتك مكتابش ليها تعيش ماااتت
ويلا بغيتي من دابة نديييك تزوري قبرهاا وترحمي عليهاتتمة الجزء 40💃💋

شيماء فكرة الموت بدات تغلغلها لدماغ حنات عينها من عينيه وهو بعد منها وطلق يدها وتراجع كيتسنا ردة فعلها
أما هي بدات كترعد تاني بشكل قوي حتى أن احتكاك أسنانها ببعض كيتسمع فالجناح هزات عينها فيه فعينيه حتى بدات تشوف الضبابة وطاحت بين يديه مغما عليها مرة أخرى
جاسم : وقف كيشوف فيها حتى بظات تميل عرفها غتسخف وتعرضلها طاحت بين يديه هزها بسرعة حطها فوق السرير جاو الطبيبتان بسرعة كيقلبوها
عدنان :غوت) جاااتها كريييز تاني دكييلها المهدئ دغياا
جاسم : بالعضب كان واحد لكوافوز حداه ركلو بالجهد حتى تضرب فالحيط بقوة وتخشى فالحيط لي كولو تشقق وتحفر بحالا ضربوه بقنبولة
)جاسم مستنسخ القوة العضلية ديال دياب )
الممرضتان لي شافوه ولاو صفرات بلخلعة
دراري عرفوه خرج عن أعصابو حيت هو عمرو تعصب لدرجة تخليه استعمل قوتو دون إدراك
سارع دياب وفيليكس لعندو أشارولو بعينيهم جيهت الممرضتان
جاسم : شافهم مصدومات فيه وغوت ) وااااا ديرو خدمتكم ولا قو*دوو*اا عليا
الممرضتان قفزو وحتى الطبيبتان
جات هيلدا بسرعة وقفات أمامو
هيلدا : جاسم تهدن ماتنساش نفسك أجي نخرجو خليهم يديرو خدمتهم
جاسم : تخطاها وخرج وتبعوه واحد واحد

الممرضتان ما تنفسو تاخرج
الممرضة 1: وواش واااش شفتيييبه أويلي شوفي لكوافوز مزال لاصق فلحيط
الممرضة 2: ويلي طلقت لبول فسليبي بلخلعة عمرني شفت بحال هكا
الممرضة 1: زعمة يكون كيلعب المصارعة
الممرضة :2وشفتي شحال صحيح ممكن ولكن أختي واخا متيييتز ولكن تاايخلع أنا مستحيل نقدر على بحالو ويليي شفتي قبيلة كيجالس يمخض فالدرية أنا قلت صاف غتموتلو فيدو
الممرضة1: وا ييه ولكن فسسر ياختي كنت نشوفو غير فالمجلات محمقنيي
الممرضة 2: أنا خلعني ياختي وكيعجبني الدكتور غسان عييت نحاول نصيدو فلوبيطال ومكيديهاش فيا

الطبيبة مخنزرة فيهم : لا تبارك الله شي براد دأتاااي نعناع ولا شيبا ؟ وااا تحركو الله يحرقكم واش باغيين تخرجو علينا عارفين هاد ناس ليشادين فيهم النميمة شكوون يلاه نتي جيبيلي صيروم علقييه للبنت ونتي تحركي ركبيلها جهاز دقات القلب

خارج الجناح كانو كلهم واقفين إلا جاسم لي خرج معصصب ومشا مباشرة لجناحو مابغا يتكلم مع تاحد )
باربرة : لبنت لبقات هكدا غتحماق
عدنان : نفسيتها عيانة بزاف
هيلدا : أنا لي بغيت نفهم مال جاسم لاش تعصب لهاذ الدرجة عمرني شفتو هكا لدرجة يفقد السيطرة على نفسو ؟ واش شفتو كيلسق لطوافوز مع الحيط وأمام البشريين لهاد الدرجة معصب تاماردش بالو ؟
سوزي : تانا خلعني بردة فعلو
فيليكس : بلا متخافو هو أصلا تعصب من قضيت أن قوانا مكتأترش فيها بغا يعرف طبيعتها هظشي لاش مصر أنها تبرا🎩#وحش_ذات_القزحيتين🎩

✏للكاتبة ✏ chaymae ouaj
💥الجز 41 💥

جاسم ملي خرج من جناح شيماء اتاجه مباشرة لجناحو لي مبعيدش عليه وغير دخل بدا يضرب ويشخشخ أي شيء جاي أمامو حتى هرس الدنيا عاد جلس فسريرو وداير يدو على راسو كيحس قلبو كيزدح بسرعة ومزال صورة شيماء هازة السكين على نفسها بين عينيه حس بنوع من الخوف عليها إحساس خلاه يرتابك ويتعصب علاش يحس هكاك

جاسم : (علاش فينما شفت هاد لبنت كنتلف علاش كنحس بلي أنا لي كنتألم بلاصتها علاش محملتش عدنان يقرب منها غير يداويها علاش فينما سمعت جدة كتقول غتزوجها كنبغيي نحماااق علاش خفت عليها تقتل نفسها علاش فاش كنشوف عينيها كنسها وكنسى آش ضاير بيا وكنحس نفسي فعالم آخر أووووووف هادشي مخصوش يكون هكا لالالا هي مجرد بشرية مخصنيييش نحس بهاد الأحاسيس)

💢جاسم فأعماقو متيقن أن شيماء بشرية حيت أول ماشك أنها متحوولة حاول يستنسخ قواها كون استنسخ قوتها غيكون أكبر دليل على أنها متحولة ولكن لا ماحس بحتى قوة أو نوع من الطاقة حسها عادية جدا كأي بشري هادشي باش فكرة أنها متحولة مستحيلة فنظرو ولكن هجينة ممكن وهو عمرو عرف أو التقى شي هجين ولكن لي متأكد منو وحسب ما قرأ فالسيرات الذاتية لكبار المتحولين وكتب عن تاريخهم بلي حتى الهجناء لي كلهم تقتلو على يد المتحولين كانت لهم قوى إذن لكانت هجينة فين هي قواها ؟ جاسم كيحس بنفسو فدوامة وأحجية خاص يلقالها حل فأقرب وقت قبل مايجي جدو لي غيضيعلو كلشي إيلا عرف بإمكانية كونها هجينة 💢

ناض من مكانو وتوجه لحمامو الفخم وبقا مدة طويلة واقف تحت الماء البارد وهو مزال كيفكر فشيماء لي حس كأنها فيروس وهاجماتلو عقلو

أمام جناح شيماء :
خرجت الطبيبة طمأناتهم باستقرار حالتها واستشارت كل من عدنان وغسان فامكانية يحقنوها بمهدئ قوي نوعا ما باش حتى يلا فاقت يتجنبو تجيها كريز مرة أخرى
وعطاها عدنان الإدن
بعدها توجه فيليكس لعملو فشركة ستارك كار ودياب توجه لشركة لكارد والهاكرز
أما عدنان وغسان قررو يبقاو فالقصر.

في المساء
أيار وتارا كانو جالسات وساكتات ومعاهم باربرة فالحديقة الأمامية للقصر أمام بيسين ضخم
باربرة : بنات صافي بارا كا من الحزن ديك لبنت غاتبرا
تارا : أنا بقات فيا بزاف صعيب بزاف إحساس تكون يتيم أنا الحمد لله وسطكم وعندي بابا وخويا ونتوما وخالتي سوزي أكتر من أم واخا هكاك أحيانا كنحس بالنقص وبوحدة قاتلة حيت تاحاجا مكتعوض الأم ولكن عالأقل عندي صورها كنبرد بيهم قلبي أما شيماء ماعمرها عرفت أو شافت أمها وماعندها حد لي كانت عندها هي صديقتها وراها ماتت
أيار : شظات يدها ) نتي عندك أنا وباربرة والعائلة كلها
وشيماء حتى هي ولا عندها حنى كاملين أنا من قلبي كندعي تكون بصح متحولة أو عالأقل هجينة عمرنا نتخلاو عليها غنعوضوها على هادشي كامل أما لكانت غير بشرية عادية هنا الأمر غيكون فوق طاقتنا مغنقدروش نحتاويوها فعائلتناتتمة الجزء 41💋
باربرة : صعيب بزاف تكون بوحدك وماتلقا حد لي يوقف معاك أو علامن تحط لكتف
حتى لو كانت لبنت مجرد بشرية عادية مغنخليوهاش غنوقفو معاها حتى تستقر حياتها
أيار : اه يارب غير تكون متحولة
تارا : راسي ضرني والله غنوض ناخد شي دواء
أيار : غير جلسي أنا نوض نجيبلك واحد لكينة كان عطاهالي غسان واحد لمرة و (تفكرات موقفها مع غسان وهي تزنك وسكتات )
باربرة فهماتها : هههه نوضي نوضي جيبي لكينة ونتي تزنكتي
أيار : أأ آه لكينة أنا نوض

ناضت أيار واتاجهات للقصر دخلات ومشات للمصعد باش طلع للطابق التالث فين كاين جناحها
دخلت وضغطات على زر الإقفال وقبل مايتقفل باب المصعد دخل غسان على وجهو ابتسامة ساحرة أما أيار حلات عينها على جهد وتزنكات
أيار : أحم ممالك جاي تزاحم ركب فالمصعد التاني
غسان : قرب منها وضغط على زر توقف المصعد أما هيا حلات عينيها على الجهد
أيار : لالاش حبستيه واش هبلتي
غسان : حيت بغيت نقوليك شيحاجة راه الصبر عندو حدود وأنا راه 18 عام وأنا كنشوفك قدامي وصااابر
أيار : وواش حمقتي آش كتقول أحم حيد خليني نشغل المصعد راه تارا كتسنا
غسان : قرب منها وحاصرها مع الحيط بين يديه ) ويلا مابعدتش أصلا مانقدرش نبعد حاولت وماقدرتش ومستحيل نبعد على بلسم قلبي (ملقبها ببلسم قلبو بسبب قوتها قوة الشفاء ملي يلاه تزادت وفصغرها دايمن كيعيطلها غير بلسمي )
أيار : توترات من قربهم ومن شوفاتو ومن اللقب حيت شحال مابقا عيطلها هكا ) بباراكا من ضحك لباسل ومابقاش تعيطلي هكا حيد
(دفعاتو وضغطات على الزر وتحرك المصعد وبقات عاطياه بالضهر تا حسات بأنفاسو كضرب فشعرها بدات غير ضور فعينيها تا تحل المصعد وهي تخرج كتجري بسرعة
غسان : (ملي دفعاتو وعطاتو بالضهر قرب منها وحط أنفو كيستنشق عبير شعرها لي برائحة وردة الليمون لي دايما ومن صغرها كتحماق على عطر هاد الوردة وكل معطرات جسمها وشعرها وحتى عطرها مصنوعين لها من هاد الوردة
وهو كيهباال على هاد العطر فيها لي منكترت مكديرو من صغرها لسق فيها ماحس على نفسو تا شافها كتجري هربانة منو
قلبو تعصر من صغرو كيبغيها بل كيحمااق عليها ولكن كاتم حبو فقلبو خوه بوحدو لي عارف حيت حتى هو كيبغي تارا وهما كيعاودو كلشي لبعضهم
ولكن حبهم صعيب حيت العائلة كيعتابروهم إخوة وهو كيكره هاد الفكرة فينما كيفكر أن أيار ممكن تكون لغيرو كيبغي يحمااق
نفض نفسو من هاذ الأفكار وتفائل أن غيجي اليوم لي يعتارف لها بصريح العبارة وأمام عائلتو )

أيار دخلت لجناحها وهي كتلهت وسدات لباب وتكات عليه شادة قلبها
أيار : ويلي ويلي قلبي غايسكت ويلي هادا مالو دك نهار باس يدي ودابا هادشي
واش زعمة يكون كييبغيني لالالا مستحيل هو راه بحال خوية آه خوية ويلي مال قلبي كيضرب هكا أووف ناري كون شافنا فيليكس ولا جاسم ويلي لا منقدش نتخيل أوف
(جلسات فسريرها كتفكر وتحلل تصرفات غسان معاها فهاد الآونة الأخيرة لي تبدلو بزاف شحال هادا كانو دايمن شادين فيهم غسان وعدنان هي وتارا ديما مشانقين ولكن مؤخرا تبدلو تصرفاتو معاها كليا

الصورة أيار🎩#وحش_ذات_القزحيتين🎩

✏للكاتبة ✏ chaymae ouaj

💎الجزء42 💎

فالجلسة لي فيها باربرة وتارا

باربرة : كتشوف فيها ) تارا
تارا : نعام
باربرة : علاش
باربرة : علاش أختي خانقا نفسك باللون الأسود منهار كنتي ف 13 من عمرك ماعودنا شفناك لابسة أي لون آخر
تارا : تصدقيني لاقلتلك بلي نفسيا كنحس بالخنقة فهاد اللون ولكن كنضن أني منستاهلش لبس شي لون آخر
باربرة : هانتي غترجعي لنفس الموضوع خالتي سميحة الله يرحمها ما ماتتش بسبابك مقدر لها تموت وهي كتولدك
تارا : هانتي قلتيها أباربرة كون ماتولدتش كوراه ماما عايشة عرفتي شحال من مرة أباربرة كندخل عند بابا لجناحو كلقاه شاد تصاور ماما وكيبي واخا هاذ السنيين كلها لي دازت ولا خوية دياب لي شفتو شحال من مرة هاز مذكراتها كيقراهم واخا قاريهم كيعاودهم للمرة لألف هووف (بغات تجنب الموضوع حيت عينيها عمرو دموع و فينما تجبد لها هاذ الموضوع كتخنق ) أيار تعطلات غانوض نشوفها
ناضت من مكانها ودموع عمرو عينيها وتوجهات للقصر تدخل ومع الدخلة تساطحات مع شيحد بالجهد تارا رجعات بلور تاكانت غاطيح ولكن جرها من يدها تا دخلت فصدرو )
تارا : فصدرو مغمضة عينيها وودنها علا قلبو كتسمع نبضو لي بسرعة وغير من ريحتو عرفاتو الشيء لي خلاها تبعد منو بسرعة رجعات للوراء
تارا : أحم عدنان سمحلي كنت زربانة دخلت فيك
عدنان : شاف عينيها فازكين بالدموع تخلع وقرب شد وجهها بين يديه ) تارا مالك واش قلقك شي حد واش غوت عليك دياب تاني
تارا : حشمات من قربهم وحيدات يديه منها ) ماماليش
عدنان : شدها من يدها وجرها تمشاو تالإحدى الصالات لي كانت خاوية) قوليلي مالك شكوم بكاك
تارا: عدنان قلت لك ماماليش أنا بيخير
عدنان : مسح دمعة من عينها ) هاد لعيون ماتخلقوش لدموع أتارا دموعك كيحرقوني
تارا : حلات فمها فيه وتوترات ) أ أنا غنمشي نشوف أيار راه كتسناني
(استدارت تمشي لكنو شد يدها )
عدنان: تا لإيمتا أتارة ها قوليلي تالإيمتا راه عييت وأنا نتسنا تحسي بيا واش لهاد الدرجة عميا ولا كتعاماي
تارا : عدنان آش كتقول مافهمتش
عدنان : وماغاتفهمي تاتجهلي ديلميي (قرب منها كتر وشدها من خصرها وتحنا ولا وجهو مقابل وجهها وما فارقهم والو لدرجت كيتنفسو من بعض )
عدنان : شوفي فعيني شوفي مزيان على الله تفهميني
تارا : تزنكات وهي كتشوف نظراتو واضحين كلهم حب ولكن هيا صعيب تقبلهم حيت بالنسبالها عدنان ككل أولاد أعمامها ترباو مع بعض كإخوة )
تارا : حيد طلقني (عدنان عقد حاجبيه و زاد ضغط على خصرها تا تأوهات )
تارا : ضرها فخصهرها منين شادها وعاد أجسادهم ملاسقين الشيء لي خلاها تترعد مالقات حل غير تستعمل قوتها واختارقات يدو باش مزيرها وخرجات من بين يديه وهربات دخلات فحيط الصالة اختارقاتو وخرجها مباشرة أمام المصعد لي ركباتو ومشات كتجري سدات عليها فجناح أيار ليكان قريب منها كيحسابلها خاوي )

الصورة تاراتتمة 42💋

تارا : فتحات باب جناح أيار ودخلت وسداتو وتكات عليه مزنكة وكتلهت مخرجة عينيها
تارا : ناري لا واش كنحلم لا هادشي ميمكنش واش زعما عدنان معجب بيا لالالا غير كنتخيل
وا لا مكنتخيلش بصصح ولبارح فالحفل باسني فحنكي

أيار : أشنوووووووووو
تارا : قفزان تا طاحت )

أيار كانت فحمامها سمعات باب جناحها تحل بجهد يحسابلها غير غسان وخرجت كتسلت تشوف تالقات تارت كتكلم مع نفسها وسمعاتها شقالت

تارا تخلعاات من أيار : وا بفو عليك ألكلبة قفزتيني
أيار (جات عندها كتجري جلسات حداها فالأرض )
عاودييي شقلتيي واش بصح عدناااان
تارا : أوووف منعرف مؤخرا كيتصرف معايا فشي شكل
أيار : هيا ماشي غير أنا
تارا : كيفاش مالك نتي ؟
أيار ؛ هو أحم هانتي غانعاودلك كلشي ليطرا لبارح فالحفل ولي طرالي هاد صباح فالمصعد مع غسان ولكن ويييلك توصل لشي حد راه جاسم يدبحنا
تارا : وا طلقي خلاص ماغنقول والو
أيار : هانتي لبارح …..(عاودات لها كولشي )
تارا : عرفتي والله تاكنت شاكة عرفتي غسان كيدير فيك شي شوفات فشكل ونها صورناهم فيديو كيضحكو على جدي ملي شنق عليك باش نعطيه تيلي وقلتيلو طلقني عرفتي طلقك فلبلاصة بحالا دوختيه والله
أيار : ونتي عاوديلي كيفاش عدنان باسك
تارا : آه هانتي لبارح …..(عاوداتلها كولشي )
أيار ؛ دابا شنو نديرو بلاتي عنداك يكونو متافقين علينا وشي مقلب هادا كيديما
تارا : منظنش عدنان تعصب بزاف ملي قتلو يبعد مني
أيار : حتى غسان قالي 18 عام وهو صابر
تارا : ونتي كتحسي بشيحاجة من جيهت غسان
أيار : هو عزيز عليا بزاف ولكن أوووف معرفتش ونتي
تارا : حتى أنا هادشي راه غلط أ أيار واش فنضرك العائلة غيبغيو راهم معتابرينا خووووة
أيار : عندك الصح آش نديرو دابا
تارا : هانتي فينما تعرضلك غسان أو هضر معاك تجاهليه بمرة صافي وحتى أنا ندير نفس الشئ مع عدنان
أيار : واخا هادا أحسن حل🎩#وحش_ذات_القزحيتين🎩

✏للكاتبة ✏ chaymae ouaj
🔥الجزء 43 🔥

🍀🍀🍀🍀🍀
🌷عدنان تارا🌷
🌹غسان أيار 🌹

^^أحبك بصمت..احبك واكتفيت بك ..ولم اكتفى منك
احبك بكل تنهيدة ..احب كل حروف اسمك ..واحب كلامك
احبتتك بأحلامى وتمنيت ان امضى عمرى معك
أو امضى عمرى نائما لتظلي معى في حلمي
إن حبى وعشقى لك ليس له حدود فلا تخبريني أن أتوقف لأني لن أتوقف عن حبك ولو أنهو حياتي ومات كل حبيب
أحبك دائما وأبدا وإلى مالا نهاية أو جمود
🍀🍀🍀🍀🍀

عدنان ملي خلاتو تارا وهربات تعصب بزاف وخبط يدو مع لحيط وخرج خدا سيارتو وكسيرا

🔥🔥🔥

فجناح جاسم * هاد الأخير لي كان فورشتو كيرسم وكيحاول ما أمكن يشغل نفسو ولكن دماغو استعمره فيروس شيماء ماقدرش يبعد تفكيرو عنها تا تعصب ولاح الأوراق وناض خرج من جناحو متجها لجناحها
دخل لقا الطبيبتان معاها شافوه حناو راسهم قرب منهم وقف أمامها
جاسم : كيبقات ؟
الطبيبة : حالتها الجسدية مستقرة عطيتها المهدئ كيما طلب مني الدكتور غسان ومغاتفيق تالغدا فالصباح
جاسم : ويدها
الطبيبة : الصراحة لورد يدها الجرح عميق غتحتاج شهر عالأقل باش تبرا وغاتخلي لطراس
استعملت لها مرهم خاص بتوصية من الدكتور عدنان هو لي غايساعدها يبرالها الجرح بسرعة
جاسم : ماتفرقيها تا دقييقة واش سمعتي أمرت الخادمة غتجيبلك جهاز صغير وضعيه فودنك بغيتك كل ساعتاين توافيني بجديدها
الطبيبة : أمرك لورد

خرج جاسم توجه لجناحو بدل عليه
(الصورة ) وخرج ركب سيارتو البيضاء وانطالق كيف الرعد وهو كيحس بنفسو مخنوق وكاره فكرة أنو كيفكر غير فشيماء
هكدا انتهى هاد اليوم
بشيماء لي معوداتش فاقت والطبيبتان ما كيفرقوهاش
فحين أيار وتارا لي بقاو فجناح أيار مخبيين حتى أنهم تعشاو فيه تفاديا لأي لقاء مع كل من عدنان وغسان
جاسم لي دوز ليلتو تقريبا كلها أمام البحر محاولا ينظم أفكارو ويلقى أي حل أو طريقة تساعدو يعرف بالضبط طبيعة شيماء الحاجة الوحيدة لي متأكد منها أنها ليست ببشرية عادية وفنفس الوقت ليست متحولة إذن هي هجينة ولكن كيفاش يتأكد وآش يدير لكانت بصح هجينة غايخصو يسلمها للعشائر يحددو مصيرها لي أكيد غيكون الموت
وملي كيفكر هكا كيتعصب بزاف

أما فيليكس ودياب دوزو يومهم فالعمل ملي رجعو للقصر فيليكس توجه لجناح شيماء شافها ووصا الطبيبتان هو الآخر عليها وخرج
وهكدا انتهى هاذ اليوم وجانا صباح جديد بأحداث جديدة 🍃🍃

الساعة9 صباحا كانو العائلة ككل يوم مجموعين على مائذة الإفطار إلا تارا وأيار لي لاحظو عدنان وغسان غيابهما ماشي غير في إفطار اليوم بل حتى فعشاء ليلت الأمس

عدنان : أحم فينهما لبنات
هيلدا : راهم مع لبنت شيماء فجناحها

فيليكس : لبنت غاتفيق هاد صباح عنداك ديرلينا شي حالة تاني

غسان : إيلا جاتها هاد المرة كريز غيسكت لها القلب مباشرة

جاسم : (كلما كيسمع ليهم كيحس قلبو كيتعصر الشيء لي خلاه نتافض من مكانو وقف وهما كيشوفو فيه
جاسم : من الأحسن نكونو معاها ملي تفيق باش نقدرو نضبطو ردة فعلها هاذ المرة
توجهو كلملين للطابق التالث فجناحها دخلو كانو لبنات تارا أيار باربرة والطبيبة والطبيبة النفسية واقفين عليها حيت بدات تفيق
تخطاهم جاسم وفيليكس ووقفو جنبها

🍂🍂
شيماء : بدات تفتح عينيها وهي كتذكر آخر مرة شافت فيها جمانة تذكرات لما فتحات ليها عينيها وكذلك ابتاسماتلها تذكرات ابتسامتها لي كانت بمثابت وداااااع آه داك اليوم ودعاااتها وابتاسمات لها آخر مرة
شيماء وكأن عقلها تقبل أخييرا فكرة الموت فكرة أن جمانة ماتت
تقبلات الفكرة وهاذ التقبل نتج عنو برووود من ناحيتها
فتحات عينيها وشافت مباشرة فجاسم كان واقف أمامها
العائلة كلهم وحتى الطبيبتان كانو كيشوفو فيها كتشوف فجاسم وكيتسناو ردة فعلها آش غدير
شيماء : مبكاتش كيف ديمن ماطاحت حتى دمعة وحدة منها بالعكس تعابيرها باردة تتنفس عادي وكتشوف فيهم بجمود

الصورة :عدنان🎩#وحش_ذات_القزحيتين🎩

✏للكاتبة ✏ chaymae ouaj
🍀الجزء 44🍀

قربات منها الطبيبة النفسية وحطات يدها على شعرها كتمررها بحنية وتكلمات معاها بصوت مريح
الطبيبة النفسية : شيماء واش كتسمعيني باش كتحسي دابة
شيماء شوفي فيا باش كتحسي
واش كضرك يدك ولا جبهتك شيماء ( الطبيبة النفسية كانت كتحاول تهضر معاها تستفسرها كتسولها وتكرر السؤال عدة مرات ولكن شيماء كانت ساكنة مادارت حتى ردت فعل فقط كتشوف أمامها ومكتحركش بمرة
الطبيبة شافت فعدنان وغسان لي فهموها وخرجو كل العائلة خارج الجناح حتى جاسم )
الطبيبة النفسية : للأسف الصدمة كانت جد قوية ععليها و
قاطعاتها الجدة رجاء : وااش مابقاتش تهضر مرة أخرى
عدنان : جدة لبنت دخلت فحالت كتسمى في طب النفس ب الصدمة النفسية أو الجرح النفسي حالة كتنتج على حدوث ضرر ولا أذى للعقل بسباب التوتر الشديد ولا بسباب شي حدث مفاجئ ولا عنف ولا اعتداء وقع وتسبب للشخص فصدمة فهمتي يعني وقع نوع من الهزة النفسية هي لي خلاتها فحالت جمود تام وكتمان يعني ردات كلشي لداخلها هروبا من الواقع
الطبيبة اانفسية : تماما لبنت فحالت صدمة قوية غنحاول جهدي كولو نخرجها منها ولكن نسبت نجاحي فالمهمة قليقة
جاسم : بحدة ) كييفاش وأنا لاش جايبك يمكن راك طبيبة وهادي خدمتك ؟
غسان : تهدن أصاحبي الطبيبة قصدها بلي أغلب المرضى فهاذ الحالة كيخرجو من صدمتهم بنفسهم شيماء فقدات كل تواصلها مع العالم الخارجي وسدات على نفسها فعالم خيالي ماغايخرجها منو حد غيرها
جاسم : fuuuuck يعني دابا لبنت عايشة بحالا ميتة ولا سولناها ماغاتجاوبش معانا بمرة
عدنان: تماما
غسان : وجه كلامو للطبيبة : تقدري تفضلي وماتخليهاش بوحدها بمرة
الطبيبة: أمركم لورد وانساحبات والعائلة جلسو فالصالة )

هيلدا : دابا شحال دلوقت غاتبقا فهاد الحالة راه خاصنا نعرفو طبيعتها قبل مايرجع با زيدان
عدنان : لواليدة راه الشئ ليدازت منو لبنت طبيعي توصل لهاد الحالة راه الحمد لله لي مسكتلهاش لقلب أو حماقت راه تعرضات لكريز مرتين متابعين
غسان : هيا دابا حبيست اللا وعي ديالها مغاتجاوبش معانا بمرة
دياب : أصلا تايلا كانت صاحية وواعية كيفاش غنعرفو واش بصح هجينة ولا آش طبيعتها
سوزي : كنظن عندي ليكم الحل

(شافو كلهم فيها )
جاسم : آش كتقصدي أعمتي
سوزي : شافت فيه ) فعشيرتي فالهند ^عشيرة روجو ^ كاينة سيدة تقدر تعاونكم
هي جدتي من جهت الأب
أيار : واش كتقصدي الجدة بوجا أماما
سوزي : آه هي الجدة بوجا هي فزمانها كانت من أقوى المتحولين بحيث كانت كتمتاز بقوة رؤية الماضي
كانت من ضمن البعثات لي كيسيفطوهم دايمن كانت من
🍂 النخبة 🍂 العشائر باش يشدو المتحولين لي خالفو القانون
مثلا ملي كيربط متحول علاقة مع أي بشري وكينكر أو يمتانع يقولهم شكون البشري بنظرة وحدة فعين المتحول كانت كتشوف ماضيه كاملو منهار تزاد حتى لليوم لي هم فيه كتشوف كلشي بحال شي فيلم وكتقولهم شكون البشري أو واش كانت هناك علاقة جنسية بين الطرفين واش كاين حمل
هي السبب حتى قبضو على بزاف المتحولين الخارجين عن القانون وبفظلها شدو أكتر من20 هجين سواء جنين أو طفل وقتلوهم حتى أنها بسبب قواها تعرضت لمحاولات قتل من طرف المتحولين خارجي القانون العشائري ولكن كبار العشائر فداك الوقت كانو دايمن كيحميوها حيت كانت قوتها بمثابت كنز بالنسبة ليهمتتمة 44💋
كانت قوتها بمثابت كنز بالنسبة ليهم
هي دابا كاينة فالهند واخا راه شرفات بزاف شي كيقول كملات 100 سنة وشي كيقول 160 سنة الله وأعلم ولكن آخر مرة وصلاتني أخبارها قبل زواجي كانت مزالا كتمتع ببعض من قواها
جاسم : يعني تقدر تشوف ماضي شيماء فالبحث عرفنا بلي شيحد وضعها وهي رضيعة بعمر الشهر أمام بوابت الميتم
يعني فداك الشهر فين كانت ومعامن نقدرو نعرفو

سوزي : تماما خاصها غير تتجاوز صدمتها باش توافق وتمشي للهند تلاقا بالجدة بوجا

الجدة رجاء : كنضن هادشي ما كافيش
يقدر ماضيها مينفع بوالو
خاصكم حل لي يعطيكم نتيجة أكيدة كنقصد خاص يشوفها ني..
جاسم : شافيها بحدة وقاطعها بصراخ ووقف ) واش حماقيتي أجدة بغيتيني نديها ل نيكولاي بيدييي

فيليكس : وقف كذلك ) مستحييل أجدة والله تايقتلوها نسيتي بلي نيكولاي داك شارف هو رئيس النخبة لي مكلفة بقتل الخارجين عن القانون هو وداك المتكبر دحفيدو إيلا عرفوها أو شكو حتى بوجود هجينة غيصفيوهاليها

الجدة رجاء: ولكن حنا مامتأكدينش بلييي هجينة راه إمكانية تكون متحولة كاملة وزيدون نيكولاي هو المتحول الوحيييد بين كل المتحولين لي عندو القوة لي كتخليه يعرف قوى باقي المتحولين ويلا شافها غايعرف أشمن قوة بالضبط عندها

الصورة🎩#وحش_ذات_القزحيتين🎩

✏للكاتبة ✏ chaymae ouaj
🍃الجزء 45🍃

الجدة رجاء: ولكن حنا مامتأكدينش بلييي هجينة راه إمكانية تكون متحولة كاملة وزيدون نيكولاي هو المتحول الوحيييد بين كل المتحولين لي عندو القوة لي كتخليه يعرف قوى باقي المتحولين ويلا شافها غير مجرد يشووف فيها بدون حتى مايقرب منها غايعرف أشمن قوة بالضبط عندها

دياب : قصدك غتيصفييها ليها أجدة دوك ناس راه متوحشيين راه مكيعرفو لا ربي لاعبدوو ماغيرحموهاش غيردوها فأر تجارب حيت مكتأترش فيها قوتنا والبنت غيعدبوها أشد العداب تاتقولهم بنت من وشكون ومن إينا عشيرة وهي بريئة منا حياتها كلها فميتم يعني بريئة منا ومن عالمنا ونتي باغا نعطيوها ليهم فطبق من ذهب
الجدة : هانتا قلتيها مكتأترش بها قوتنا وبوجا قواها غاتأتر فيهاا ؟ نيكولاي ممكن حيت قوتو غير ملموسة يعني ميحتاجش يلمسك أو يوجه ليك نوع من الطاقة وقوتو غير مباشرة ممكن تنفع معاها ونعرفوها

سوزي : حتى جدتي بوجا ألميما قواها غير ملموسة راه تشوف غير فعينيها ماتحتاج لا تلمسها لا تآذيها غير نظرة فعينيها كيما كنشوفو فيها كاملين

جاسم (خبط طبلة ) : مستحييل كتفهمو مستحييل نيكولاي ولا داك شماتا دحفيدو مابغييتهمش يشمو خبارها ولي قرب منها غنحييييه
غانتسناو تاتبرى لبنت وبيدي غنديها للهند و بيدي نردها لهنااا مغنخلييها لا لنيكولاي لا لغييييرو كيكانت هجينة متحولة ولا حتى بشرييييية

(كلهم تصدمو والدراري عدنان غسان دياب شافو فبعض )

هيلدا : آش كتقصد أولدي لبنت لاكانت هجينة ولا متحولة نعاونوها ولكن لكانت بشرية شغانديرو معاها
الجدة : ومافكرتييش فجدك راك عارفو مزيااان أجاسم لجا وعرف وشك فكونها هجينة راه مستحيييل يخليها ضمن عشيرتنا وهو راه مابقالو والو ويرجع
جاسم : واااا جدةةة واا أنااااا أجدة رئيييس عشيرتنا مااشي جديي وماخالعني حد
جدي فالأخير غيعرف ولكن ماغايعرف تاااا نكون عرفت طبيعتهااا
ويلا بصح كانت هجينة ماغانخلي حد يمس شعرة منها حتى النخبة برب الكعبة تا نصفيها ليهم كاااملين

(تحرك بعصبية جيهت جناحو وخلاهم مصدومين )

الجدة : ياربي شهادشي راه لاكانت هجينة كاع العشائر غيتقلبو ضددنا

فيليكس : جدددة راه جاسم جامع كل قوى دوك العشائر لي خالعينكم نتي وجدي راه هما بنفسهم مرعووبين منو ماشي غير خايفين تاحد ماكايقد تايهز فيه لعين حتى من شراااف العشائر هازين ليه الهم بقا غير يتجرؤو عليه ولا علينا

هيلدا : وااش تانتا زايد علييه راه بعض العشائر كيتسناو غير الفرصة لي يدوزو منها لينا ومنهم نيكولاي نيت وعشيرتو عشيرة ^آل رومانوف^ (عقلو على هاد العشيرة غيكون عندهم دور كبييييييير فقصتنا ) لي رئيسها هو نيكولاي نيت

فيليكس : عمتيي جدةةة ولوالييدة سمعوو وفهموو أنا بحال جاسم ماخايف من حد ولي قلب علينا غيلقانا مدام لبنت عندنا فهي تحت حمايتنااا

عدنان غسان دياب أيار تارا باربرة كلهم حركو ريوسهم بالموافقة

سوزي : أنا مع دراري لبنت محتاجانا وحنى معاها متنسايش ألميمة عشيرتي فالهند من أقوى العشائر هي الأخرى ولي مساندانا دايمن وهم بنفسهم كانو غايعينو جاسم رئيسهم وهو لي رفض يعنو كون قبل غايولي أول رئيس لجوج من أقوى عشائر العالم تاحد ماغايقدر يوصلينا بالأذى ألميمة

هيلدا : أنا معاكم تانا عندي بنت وغلطات وحميناها فكيفاش مانحميوش شيماء لي بريئة وماعندها حتى دخل

الصورة : جميلت القصر سوزيتتمة 45💋
الجدة رجاء : أنا خالعاني غير ردت فعل جدكم ولكن كنتيق فيكم وفوليدي جاسم وهاد لبنت عجباتني فغنوقف معاها أكيد

ابتاسمو ليها وكل واحد انصارف لأشغالو وتارا وأيار وباربرة توجهو للجناح عند شيماء
ا🍀🍀🍀🍀🍀🍀

في مكااان آآخر بالضبط في جُمهُورِيَّة أَلمَانِيَا الاِتِّحَاديَّة التي تعد من أقوى دول الاتحاد الأوروبي وأوسعها نفودا

وفي العاصمة وأكبر مدن ألمانيا ^برلين ^
كيتواجد واحد من أهم القصوور بالعالم لي كيتعتابر معلمة تاريخية فريدة من نوعو القصر لي فملكية ^آل رومانوف^ أو عشيرة رومانوف

كانت جالسة فجناحها ككل يوم طيلت هاد السنين خدات دوائها وجالسة فكرسي هزاز أمام النافذة كتأمل السماء وشاردة فأفكارها حتى سمعت طرقات خفيفة على الباب أمرت بالدخول
فدخلت خادمة
الخادمة : باللغة الألماني ) أستسمح على إزعاجك مدام ^النبيل إيفان ^ وصل من السفر وطلب رؤيتكم مدام

…… : (بدون ما تلتفت لها ) قوليلو لقيتيني ناعسة خرجي وسدي عليا لباب

الخادمة حنات راسها وخرجات سدات لباب استدارت حتى كان إفان ورائها مباشرة وسمع الحديث كامل
الخادمة حنات راسها
إيفان بنظرة صارمة : تقدري تمشي
الخادمة مشات بحالها

إيفان حط يدو وراسو على الباب المقفل دجناحها صرط الغصة فقلبو غمض عينو بقوة كيطرد الدموع والضعف وقف مستقيم وتوجه مباشرة للطابق العلوي لمكتب جدو دق ودخل

نيكولاي : مرحبا بولدي أخيرا جيتي طولتي هاد المرة

إيفان : غير عيطتيلي جيت ياك لاباس
نيكولاي : كلشي ممتاز كنظن سمعتي أخبار المتحور ^ لي سونك^ من عشيرة =شينزين= الصينية

إيفان : سمعت بلي استعمل قوتو لي هي التحكم بالماء أمام البشر العاديين وتسبب فهيجان البحر وموت بعض البشريين

نيكولاي : تماما رؤساء العشائر الكبار غايديرو اجتماع هاد لويكاند يحددو مصيرو بغيتك تكون حاضر أكيد غيحكمو عليه بالموت وبغيتك تكلف بهاذ المهمة
إيفان : داك المتحول قوي بزاف وحتى عشيرتو
نيكولاي : عشيرتو لاحماوه بغيتك تصفيها ليهم كاملين وأكيد مغتكونش بوحدك كل عشيرة غترشح عضو منها وغاتمشيو كاماين كيف دائما تلقيو عليه القبض وتقتلوه

تاصورة : هيلدا🎩#وحش_ذات_القزحيتين🎩

✏للكاتبة ✏ chaymae ouaj
❄الجزء 46❄
ألمانيا برلين في قصر آل رومانوف : فمكتب نيكولاي

إيفان : ضحك بسخرية / ههه متأكد كاع العشائر غايحضرو للإجتماع أجديي

نيكولاي : كتقصد لستاركس ؟

إيفان : أمم آل ستااارك

نيكولاي : مكيهمنيش أحسن حاجة ملي مكيحضروش وحنا كنتاخدو القرار ات أما كون كان جاسم ستارك وحش المتحولين كيحضر لإجتماعاتنا أكيد كان غايعارض أغلب القرارات ليكنتاخد وغيغر قوانينا لي ماشيين عليها طول هاذ السنين والعشائر كيخافو منو كانو غايوافقوه الرأي وغيتحكم بالنخبة كيف بغا

إيفان : خبط الطبلة : هداك ماخالعنييش ومن وااجبو كرئيس عشيرة عالأقل لماحضرش لإجتماعاتنا هو بنفسووو يسيفط واحد من دوك خووتو لي ينووب عليه

نيكولاي : إيفان تهدن أنا دايمن كنحاول نتجنب لستاركس ومدامهم مبعدين منا خلينا بعاد عنهم

إيفان : أحنا نشوفو تا لأيمتى سي الوحش غايتجاهلنااا

نيكولاي : آش كتقصد ؟

إيفان : وصلاتني معلومة بلي أختو المتحولة باربرة داوها لمستشفى عائلتهم فحالت نزيف لحد الآن مزال ماعرفت سبب النزيف أو نوعو ولكن غينعرف لكانت شيحاجة مغرحمهمش

نيكولاي : بعصبية ) واااش حماااقيتييي واااش حاطط لي يراقبهم واش عارف لاحس بيك جاسم فين غانصدقوووو

إيفان : ببرود) تهدن أجدي ماحاطش متحولين يراقبوهم حاطط بشر عاديين حيت لاحطيت متحول غايحسو
ومتنساش أني أنا رئيس نخبة القبض على خارجي القانون ومهمتي مراقب كل العشائر علاش غانستثني لستارك؟

نيكولاي : انتاااابه أ إيفااان نتا عااارف مزيان جاسم وعارف مكانتو وسط العشائر فمتخليناش نوقعو فمشاكل ماقدنااش

إيفان : أنا كنديير خدمتييي ومكيهمنييش داك لوحش لي خالعكم أنحصل عليه ولو حاجة بسيطة غانطبق عليه القاانون كباااقي المتحولين

نيكولاي : عنداااك تفكر مجرد التفكير ترسل شي متحول للمغرب عندهم نتا عارف أنو مانع على أي متحول يدخل للمغرب دون إذنو بلا ماتجبد علينا صداع

إيفان : عارف وعيوني لي عليهم بشرية كون هاني

نيكولاي تنهد : واش دزتي شفتيها؟

إيفان : ابتاسم باستهزاء / علاه هي كتشوفني ولا معتابراني كاين أصلا

نيكولاي : تهدن خاصك تصبر عليها راه…
إيفان قاطعو : جدي ماحاملش نتكلم فالموضوع غنمشي نستارح

الصورة : نيكولاي ❤🎩#وحش_ذات_القزحيتين🎩

✏للكاتبة ✏ chaymae ouaj
💎الجزء 47💎

نتعرفو على نيكولاي وإيفان فهاذ الجزء 🥀

نيكولاي سالفادور رومانوف : هو متحول ألماني عمره59 سنة وعندو/ قوة التعرف على القوى/ قوة لي كتخليه ملي يشوف فعين المتحول كيعرف أشمن قوة عندو بالضبط وبأي عنصر كيتحكم وكيعرف حتى درجت هاد القوة حيت ماشي كل المتحولين قواهم مجهدة كاينين متحولين قواهم ضعيفة ومحدودة وهو عندو إمكانية تحديد درجة القوة الشيء لي كيخليه يعرف كيف يتعامل مع المتحولين والرؤساء العشائر لي قوي بزاف كيسايس معاه ولي ضعيف كيحاول يتحكم فيه وفقراراتو كان فشبابو رئيس النخبة

النخبة هي : فعالم المتحولين مقسمة لجزئين الاول كالمحكمة محكمة كتحاكم خارجي القانون وكتكون من رؤساء كل العشائر كيترئسهم نيكولاي ومقرها هو قصر آل رومانوف بألمانيا بحيث كيحددو عقاب كل خارجي القانون
أما الجزء التاني هو النخبة عملها كالشرطة ورئيسو إيفان بحيث كيطارد كل المتحولين لي تقرر فحقهم حكم معين وكيطبقو عليهم وكيراقب كل العشائر كيصهر على احترام العشائر لهاذ القوانين لي كتسير عالم المتحولين

كانو بزاااف لي ضد قوانينهم وبزااف دالمتحولين والعشائر لي بغاو يتحكمو بالبشر ويرضوهم عبيد أو يقتلوهم باش يبقى العالم فقط للمتحولين
وكان لابد من أنهم ينشؤو نخبة من المتحولين لي عملها هو القبض على خارجي القانون وقتلهم حتى أنهم كيقتلو أي بشري عرف بوجود المتحولين والنخبة أفرادها من كل العشائر
يعني واجب على كل عشيرة وقتما بان شي مخالف للقانون يسيفطو واحد منهم لي كيترأسهم إيفان وكيوججهم للقبض على ذلك المتحول وضبطو بحيث لا استسلم كيحاكموه حسب نوع القانون لي خالف إيلا كان بسيط فكيقررو بالإجماع نفيو ويلا كان قانون مهم كيقتلوه
أما إيلا واجههم وما استسلمش كيتحاماو عليه وكيقتلوه
الجد زيدان ملي كان صغير وكان رئيس عشيرتو كان دايمن كيشارك معاهم فإجتماعاتهم وفأحكامهم وفالنخبة كان دايمن كيسيفط ولدو علي
ولكن ملي أخذ جاسم الرئاسة بعد كليا عليهم دايمن كيتوصل باستدعاءاتهم للمحاكمات وطلبهم بارسال أحد من ستاركس للنخبة
ودايمن كايجاوبهم بالرفض ونيكولاي لقاها من الجنة والناس حيت كان قبل كيلقا صعوبات مع زيدان حيت كان الوحيد بين الرؤساء لي كيخالف قراراتو فالقتل وكيقول بالتأديب أو النفي بدل القتل
فبالنسبة لنيكولاي إيلا كان الجد هكا كيفاش أيكون الحفيد وهو دايمن كيسمع على جاسم ونفوذو وشافو مرة واحدة وعرف نوع قوتو ومداها لدرجة تخلع من جاسم ومن عدد القوى لي شاف عندو وكيف أنو متحكم فيها بدرجااات أقوى وأحسن حتى من أصحابها
يعني جاسم ماشي غير كيستنسخ القوة بل يقدر يدمج تلك القوى الشيء لي كيخليه فعلا وحش وماكاينش لي عارف هاد الحقيقة أكتر من نيكولاي حيت هو لي عندو قوة كتسمحلو يشوف قوى غيرو وحدتها (هادشي لاش اقتارحات الجدة يديو شيماء لنيكولاي حيت بشوفة وحدة فيها غايعرف أشمن قوة عندها وسبب عدم تأثرها بيهم )
نيكولاي مستغل غياب لستاركس وخصوووصا جاسم من اجتماعاتهم وكيتحكم بالعشائر كيف بغا ولكن بحكم سنو حول رئاست النخبة لحفيدو ^إيفان ^ ولكنو مازال رئيس عشيرة آل رومانوف ورئيس المجلس في المحكمة لي كيتكون من رؤساء كل عشائر العالم ملي كيتجمعو عندو فالقصر باش يحاكمو الخارجي عن القانون وكيكلفو النخبة بامساكهم وبتطبيق الحكم لي قرروه على خارج القانون وعشيرتو إيلا حماوه

الصورة : نيكولاي ❤🎩#وحش_ذات_القزحيتين🎩

✏للكاتبة ✏ chaymae ouaj
💎الجزء 48💎

نتعرفو على نيكولاي وإيفان فهاذ الجزء 🥀

نيكولاي سالفادور رومانوف : هو متحول ألماني عمره59 سنة وعندو/ قوة التعرف على القوى/ قوة لي كتخليه ملي يشوف فعين المتحول كيعرف أشمن قوة عندو بالضبط وبأي عنصر كيتحكم وكيعرف حتى درجت هاد القوة حيت ماشي كل المتحولين قواهم مجهدة كاينين متحولين قواهم ضعيفة ومحدودة وهو عندو إمكانية تحديد درجة القوة الشيء لي كيخليه يعرف كيف يتعامل مع المتحولين والرؤساء العشائر لي قوي بزاف كيسايس معاه ولي ضعيف كيحاول يتحكم فيه وفقراراتو كان فشبابو رئيس النخبة

النخبة هي : فعالم المتحولين مقسمة لجزئين الاول كالمحكمة محكمة كتحاكم خارجي القانون وكتكون من رؤساء كل العشائر كيترئسهم نيكولاي ومقرها هو قصر آل رومانوف بألمانيا بحيث كيحددو عقاب كل خارجي القانون
أما الجزء التاني هو النخبة عملها كالشرطة ورئيسو إيفان بحيث كيطارد كل المتحولين لي تقرر فحقهم حكم معين وكيطبقو عليهم وكيراقب كل العشائر كيصهر على احترام العشائر لهاذ القوانين لي كتسير عالم المتحولين

كانو بزاااف لي ضد قوانينهم وبزااف دالمتحولين والعشائر لي بغاو يتحكمو بالبشر ويرضوهم عبيد أو يقتلوهم باش يبقى العالم فقط للمتحولين
وكان لابد من أنهم ينشؤو نخبة من المتحولين لي عملها هو القبض على خارجي القانون وقتلهم حتى أنهم كيقتلو أي بشري عرف بوجود المتحولين والنخبة أفرادها من كل العشائر
يعني واجب على كل عشيرة وقتما بان شي مخالف للقانون يسيفطو واحد منهم لي كيترأسهم إيفان وكيوججهم للقبض على ذلك المتحول وضبطو بحيث لا استسلم كيحاكموه حسب نوع القانون لي خالف إيلا كان بسيط فكيقررو بالإجماع نفيو ويلا كان قانون مهم كيقتلوه
أما إيلا واجههم وما استسلمش كيتحاماو عليه وكيقتلوه
الجد زيدان ملي كان صغير وكان رئيس عشيرتو كان دايمن كيشارك معاهم فإجتماعاتهم وفأحكامهم وفالنخبة كان دايمن كيسيفط ولدو علي
ولكن ملي أخذ جاسم الرئاسة بعد كليا عليهم دايمن كيتوصل باستدعاءاتهم للمحاكمات وطلبهم بارسال أحد من ستاركس للنخبة
ودايمن كايجاوبهم بالرفض ونيكولاي لقاها من الجنة والناس حيت كان قبل كيلقا صعوبات مع زيدان حيت كان الوحيد بين الرؤساء لي كيخالف قراراتو فالقتل وكيقول بالتأديب أو النفي بدل القتل
فبالنسبة لنيكولاي إيلا كان الجد هكا كيفاش أيكون الحفيد وهو دايمن كيسمع على جاسم ونفوذو وشافو مرة واحدة وعرف نوع قوتو ومداها لدرجة تخلع من جاسم ومن عدد القوى لي شاف عندو وكيف أنو متحكم فيها بدرجااات أقوى وأحسن حتى من أصحابها
يعني جاسم ماشي غير كيستنسخ القوة بل يقدر يدمج تلك القوى الشيء لي كيخليه فعلا وحش وماكاينش لي عارف هاد الحقيقة أكتر من نيكولاي حيت هو لي عندو قوة كتسمحلو يشوف قوى غيرو وحدتها (هادشي لاش اقتارحات الجدة يديو شيماء لنيكولاي حيت بشوفة وحدة فيها غايعرف أشمن قوة عندها وسبب عدم تأثرها بيهم )
نيكولاي مستغل غياب لستاركس وخصوووصا جاسم من اجتماعاتهم وكيتحكم بالعشائر كيف بغا ولكن بحكم سنو حول رئاست النخبة لحفيدو ^إيفان ^ ولكنو مازال رئيس عشيرة آل رومانوف ورئيس المجلس في المحكمة لي كيتكون من رؤساء كل عشائر العالم ملي كيتجمعو عندو فالقصر باش يحاكمو الخارجي عن القانون وكيكلفو النخبة بامساكهم وبتطبيق الحكم لي قرروه على خارج القانون وعشيرتو إيلا حماوه

الصورة : نيكولاي ❤تتمة 48💋
أما^ إيفااان ^

إيفان سالفادور آل رومانوف : هو حفيد نيكولاي الوحيد بحكم نيكولاي عندو بنت وحدة كان زوجها رغما عنها لعشيرة من روما وعطاها ليهم وملي حملات بإيفان ولداتو وملي وصل لسن 8 سنوات مات راجلها أبو إيفان فقرر باها نيكولاي يرجعها لعندو هي وحفيدو وعاشت معاه من ذلك الوقت فقصرو فألمانيا

إيفان رغم أن عندو أعمامو لي من عشيرة رومانوف
إلا أن جدو نيكولاي معتامد عليه كليا وعينو هو رئيس نخبة المتحواين
وكان غايعينو رئيس حتى على عشيرة آل رومانوف ولكن ناضوليه ولادو لي هما أعمام إيفان وقالو أنهم أحق بالتعيين وباش يتفادا نيكولاي المشاكل قرر يحتافظ برئاست العشيرة
إيفان ومن لا يعرفه : هو كجاسم من أشهر المتحولين بين العشائر مشهور بحدتو وتوحشو وملقب بقاتل المتحولين
بحيث على يدو ماتو أغلب المتحولين خارج القانون بفضل قوتو لي كتسمحلو يقتلهم بلى حتى ما يلمسهم أو يدير أي مجهود عضلي
إيفان عندو 26 سنة فطفولتو شهد صراع قوي بين الأب والام نتاعو
شهد على تعنيف أبوه لأمو شهد على كره أمو لأبوه وحيت هو طلع كيشبة كليا لأبوه الشيء لي خلى أمو تنفر منو وهو طفل
وملي انتاقلو بعد موت أبوه للعيش مع جدو أمو سافرات وخلاتو سنتين كاملتين بدون ماتسول أو تهتم بيه وحتى ملي رجعات رجعات شخص آخر سدات على نفسها فعالم آخر بحيت رجعت وهي كتعاني من صدمة نفسية ودخلاتها فحالت اكتآب حاد
كان إيفان دايما كايسمع صراخها مع أبها أو جدو نيكولاي دائما داخلين فمشاحنااات ومخاصمات وغوات ومكانش عارف السبب وراء هادشي كامل لدرجة أمو حاولات تنتحر وقطعت شرايينها
أكتر من مرة وملي كيسول جدو عن الأسباب لهادشي كيجاوبو جدو بلي علاقتها الفاشلة مع زوجها أب إيفان هي السبب وهي لي خلاتها دخل فحالة الإكتآب
ولكن إيفان كان حاسس وعارفهم مخبيين شيحاجة حيت غير منطقي أن أمو من بعد عودتها من السفر لي دخلات فهاذ الحالة علاش كانت عادية قبل ماتسافر وآش وقع فهذاك السفر خلاها فهاديك الحالة ؟

الصورة : إيفااان ❤❤❤❤🎩#وحش_ذات_القزحيتين🎩

✏للكاتبة ✏ chaymae ouaj

🍂الجزء 49🍂

إيفان رغم برود إمو فتعاملها معاه إلا أنه كيحماااق عليها حيت عانات فزواجها عمرو شافها سعيدة مع باه وكانت دايمن تحظنو و تجلس تبكي تبكي فحظنو وهو واخا كتصدو بسبب شبهو لأبوه فالشكل إلا أنه كيبغيها متفهمها وكيحتارمها وأي شيء قالتوليه كيدييرو
ومتفهم وضعها ونفسيتها رغم أنو ماااعارفش السبب لهاذ الحالة لي هي فيها وماعمرو تيق المسرحية لي كيعاودلو جدو على أنا سبب حالتها النفسية هو باه
شحال حاول وحااول يكتاشف مال مو ولكن عمرو طاح على شي راس خيط
دايما كيتقرب منها وكيسولها مالك وكتجاوبو بالصد
بالنسبة لقوتو : 💢إيفان عندو قوة الألم 💢
أي بمجرد يشوف فعيون الشخص البشري أو المتحول كيحس هاد الشخص بألم فظيييع من داخل جسدووو ألم لي كيخليه يسقط على الأرض ويتكوم على نفسو ويصرخ من الألم وكلما ركز إيفان نظرو على الشخص كلما تزاد الأمل حتى كيأدي للموت
وبهاذ القوة قتل إيفان رئيس النخبة عشرااات من المتحولين الخارجي عن القانون حتى بدوون ما يلمسهم الشيء لي خلا له سمعة متوحشة بين العشائر وأي شخص كيبغي أو يفكر يخالف القانون كيتفكر إيفان كيتراجع

من حيث شخصيتو إيفان شخص ماكر وغير مبالي بحيت ملي ولا رئيس النخبة وفينما شك فأحد كيحط بشريين مراقبينو وهدشي لي داير مع لستاركس حتى وصلاتو معلومات بدخول باربرة للمستشفى

إيفان كيكره جاسم حتى بدون مايعرفو حيت جاسم كيمتانع عن حضور اجتماعاتهم أو إرسال أحد لستاركس للنخبة وإيفان كون لقا الفرصة كون انقالب على جاسم وطبق عليه قانون العشائر ويجبرو يحضر للاجتماعات بحالو بحال باقي الرؤساء ولكن مالقا منين يدوزليه وكيتسنى منو غلط واحد باش يطيح منو قدام العشائر

🥀🥀🥀🥀🥀
العودة للأحداث:
بعد مرور أسبوع
الاسبوع كلو وشيماء على نفس حالتها عيات معاها الطبيبة النفسية ولكن مكتستاجبش معاها بتاااتا حتى من لبنات تارا أيار باربرة كيزوروها يوميا ويجلسو معاها اليوم كامل كتحكيلها كل وحدة على نفسها سميتها عمرها آش كتبغي آش لا باش تتعرف عليهم وكيحاولو يخلقو لها جو سعيد ومرح ولكن هي غير كتشوف مكدير حتى ردت فعل طيلت الاسبوع منطقات بحتى كلمة
كتزورها هيلدا وسوزي والجدة لي كظل تمشطلها وتمدح جمالها وسوزي كتحاول ضحكها وهيلدا كتنصحها أنها تتجاوز الأمر ومضيعش نفسها وتدفنها فالحياة وتصبر ولكن وعلى قول أحدهم :
ما أسهل الحديث عن الصبر عندما لا تكون المصيبة مصيبتك …💔💔تتمة 49💋
شيماء حتى الجدة وهيلدا وسوزي مكانتش كتجاوب معاهم بمرة أو حتى كتشوف فعينيهم فقط كتشوف أمامها وكترمش
جسد بدون روح

🦚🦚🦚🦚

^^”أحياناً…
نتمنى ان ننام كي ننسى.
وأحيانا…
نتمنى ان ننسى كي ننام”.^^^

🦚🦚🦚🦚🦚

جاسم مازارهتش طيلت هاد الأسبوع هاربا منها بل هاربا من نفسه كان يوميا كيتلقى أخبارها من السماعة ديالو بالتفصيل وحالتها كيفاش ذبلات كيفاش ضعافت
ماشي هادي لبنت القوية لي شاف فالمقهى أول مرة ماشي هي ليسلخات تلاث رجال ماشي هي لبنت لي شاف أول مرة فحياتو القوة والاصرار كتخرج من عيونها وملامحها البرئة الجميلة

ماشي هي لبنت لي ضحكاتو من قلبو فذلك اليوم….
كان كيحس بالاختناق وهو كيسمع أخبارها لي لا جديد ولا تحسن وكيصبر نفسو بزز ميزورهاش وكيحاول كل جهدو يخرجها من أفكارو …

فنهاية هاذ الاسبوع
رجع كل من العم معاذ إبن زيدان و زوج سوزي وأب أيار وفيليكس .

ورجع كذلك العم علي أب تارا ودياب لي حكالهم جاسم وكذا الشباب عن شيماء ووضعها وشكوكهم حول إمكانيت كونها متحولة أو هجينة
وحكالهم جاسم كذلك عن لغز عدم تأثرها بأي من قواهم استغربو علي ومعاذ حيت فحياتهم عمرهم صادفو هاذ الحالة
حتى علي ليكان دائما كيرسلو أبوه زيدان للنخبة وكان كيساهم فالقبض على المتحولين خارجي القانون تحت قيادة نيكولاي أكد ليهم أنو عمرو صادف شخص منيع ضد قوى المتحولين

🌷🌷🌷
كانو الشباب والعمان جالسين فصالة وكيتحاورو

العم علي : أنا بصراحة مع اقتراح مي كنظن أحسن حل لي نهائي باش نهرفو طبيعت هاذ البنت هو نيكولاي !

جاسم بعصبية : عمييي واش حتا نتا يااك نتا أكتر شخص فينا كتعرف نيكولاي وكتعرف وحشيتو وبغيتي نعطيه لبنت فطبق من ذهب

علي : جاسم نيكولاي من نهارو كيخاف منك ماغيقد يدير لها والو ولكن منضمنش لك حفيدو إيفان

فيليكس : عمي لا نيكولاي لا حفيدو ماغايوصلو لشعرة منها حنا لي لقيناها وحنا لي غنحلو لغزها لبنت يتيمة وحنا مغنلوحوهاش لجهنم ديال عالم ماشي عالمها

جاسم :(كان ملاحظ تعصب فيليكس وهو كيهضر عليها حس بنوع من الإهتمام بادر من فيليكس نحوها الشيء لي خلاه يتعععصب )🎩#وحش_ذات_القزحيتين🎩

✏للكاتبة ✏ chaymae ouaj
🦚الجزء 50 🦚

علي : أنا متفهمكم ومانبغيش الأذى لبنت بريئة ولكن شافتكم شافت قواكم ومكتأترش بيها راه مستحييل تكون عادية والاحتمال الراجح أنها تكون هجينة

عدنان : حتى أنا أعمي كنقول نفس الرأي وجدة عمتي سوزي غاتعاونا عالأقل نعرفو ماضيها واخا مامتأكدينش أصلا واش قوى الجدة بوجا غاتأتر فيها هي الأخرى

جاسم : أنا متأكد أنها غتأتر فيهاحيت القوى المحسوسة ماشي بحال الملموسة وهادشي غنعرفوه ملي تلاقاها الجدة بوجا

غسان : خاصها غير تتجاوز هاد الصدمة لي فيها باش توافق تمشي وحنا كلنا نديوها كلنا غنتعاونو ونعاونوها تعرف حقيقتها وطبيعتها

معاذ : البنت يتيمة وعندها 18 سنة يعني لكانت هجينة أحد أبويها غيكون عضو من شي عشيرة وجا خلاها فالمغرب فميتم كنوع من حماية نفسو أو يحميها من النخبة يعني ممكن جدا يكونو واليديها تقتلو على يد النخبة وهي مقدوش يوصلو ليها !!
دياب : ممكن جدا النخبة مكيفلتو حتى حاجة ويلا وصلو ليها الآن أكيد غيقتلوها

علي : داكشي لي قلت نيكولاي راه عندووو دواء أما النخبة كلهم متوحشين أنا حضرت لطرق قتلهم مكيرحمووش

جاسم : بابتسامت استهزاء ) هه هيوا يتجرأ شيحد فيهم يقرب غنردو مشلض كيما درت لدوك لكلاب لي كان حاط سيهم إيفان مراقبين لقصر

(كلهم حلو عينيهم عالجهد بالصدمة )

عدنان : ككيفاش واش إيفان رومانوف كان حاط لي يراقبنا وعلاش

جاسم : عرف بدخول باربرة للمستشفى وسيفط لي يشمشم ليه الأخبار يحسابلو ناعس ليه من أول محطو رجلهم بالمغرب قلعتهم واحد واحد وخليتهم يضورو تاشبعو وصيدتهم واحد واحد وسيفطتهم مقطعين لإيفان فبواط كادو
ولكن ماعليهش دكي مسيفطلي بشريين عاديين باش منحسش بيه ولكن نسا أن أصلا كل أخبارو عندييي ويلا هو حط عليا خمس بشريين يراقبوني أنا حاط عليه عشر متحولين كيوصلولي خبارو ومن عشيرتو
سيفطت ليه تهديد هاد المرةإيلا عااااود قرب من عائلتي هو لي غيتقطع المرة القادمة
ويلا كان هو قاتل المتحولين أنا وحشهم

الصورة : عليتتمة 50💋
(علي ومعاذ والشباب مصدومين كيفاش هادشي إيفان كان قريب منهم وكون عرف ولو شمشم خبر بسيط عن باربرة مكااانش يرحمها)

عدنان : واش متأكد أجاسم بلي مابقا تاحد من طرفو فالمغرب

جاسم : شاف فيه بحدة ) : واش عندك شي شك أعدنان

عدنان : أأ لا غغير خفت على ختي و

جاسم : قاطعو ) وأنا ماختيش امكن ختك وحدك ياك

عدنان : ماقصدتش هكا أنا
جاسم : قاطعو تانية ) الأمور كلها تحت سيطرتي والهدية لي سيفطت لنيكولاي وحفيدو غتأدبهم ويلا مأدباتهمش أول اجتماع عشائري غايديروه غنحضرلو بنفسي وغنتلاقا بكل رؤساء العشائر ونطالب برئاست النخبة ديك الساع نشوفو آش يدير سي إيفان ديك النخبة لي فرحان بيها وجاي يطبقها عليا غانحيدهالو بسهووولة كل العشائر غايصوتو عليا ديك ساع يجلس ينش الدبان
عاطيهم التيساع لاقلبو عليا غايلقاوني

علي : كون غي درتيها كل العشائى كارهين سياست إيفان الوحشية وكلهم غايفرحو لاتوليتي رئاست النخبة

جاسم : ماغانختالفش عليييه أعميي حيت القانون كيبقا قانون وبعض المتحولين بصح كيستاهلو الموت بأبششع الطرق واخا أحكامهم قاسية إلا أنه كون ماكانتش كل المتحولين غايسيبو ويبغيو يتحكمو بالبشر و بالعالم وأنا مابغيتش نعمر يدي بالدماء حاجة وحدها لي مامعاهمش فيها هي قتل الأطفال حتى لو كانو هجناء
معاذ : أنا معاك ماتخليوو حتى فرصة لأيفان أو غيرو يتدخلو فعشيرتنا وأحكامهم يطبقوها عليهم حنى بعاد كليا عن النخبة ومحاكماتهم الوحشية

جاسم : كونو هانيين لا باربرة لا شيماء تحت حمايتي ولي قرب ماغارحموووش

معاذ : الصراحة شوقتوني نشوف شيماء ونجرب قوتي فيها نشوف كيفاش مكتأترش

جاسم خنزر فيه : هي راه ماشي فأر تجارب أعميي رااها إنسااانة

كلهم استغربو من ردة فعلو
معاذ : عاق بيه طايح ) ابتاسم : واغير نشوفها أولدي مغناكلهاش ليك ههه

فيليكس : كيفاش

جاسم : أحم إذن نوضو نشوفوها !🎩#وحش_ذات_القزحيتين🎩

✏للكاتبة ✏ chaymae ouaj
🎊الجزء 51 🎊

للي مزال مافاهماتش الرابط العائلي بين الشخصيات
و باش نذكركم واخا قلتها فالجزء الثامن لي عرفت فيه شخصية وقوة ونوع عمل كل من علي ومعاذ

علي ومعاد ولدا الجد زيدان و عما جاسم

علي جنرال الجيش المغربي 49 سنة وكيتميز بقوة تحويل 💎الصلب � إلى سائل 💦
هو أب دياب وتارا ومرتو ماتت أثناء ولادة تارا .

معاذ ولد الجد زيدان 40 سنة وكذلك هو أب أيار وفيليكس وزوجتو الهندية سوزي هو الطبيب المسؤول ورئيسال مستشفى الخاص بالعائلة فاياش خدام عدنان وغسان
قوتو التحكم بالرعد والصواعق ⚡⚡

ناضو الشباب والعمان متاجهين للمصعد يصعدو لجناح شيماء وفطريقهم مرو على جلست النساء فالصالة لي كانو جالسين فيها البنات شادين فيلم فتيفي والسيدات كذلك طارت أيار عنقات باها معاد
وكذلك تارا تخشات فعلي

علي : سودائي حبيبت باباها ههه
تارا : واا مبقاش تقولي هكا أنا بلقا بحال هكا وكتقولي سوداء
دياب : أخوها ): سوداااااء وغاتبقاي سوداء تالنهار تلبسي الأبيض أو الغوز
علي : وسووقك نتا خليها كتحمقني بالأسود (وباس خدودها)
عدنان ماكرهش يكون مكان باها فهاذ اللحظة وغاااار من ديك القبلة ودار فعلي شوفات دلقتيلة لي ردلهم علي لبال وحبس ضحكتو )

تارا : (كتقلي سم لدياب لي كيتحلف عليها)

سوزي موجهة كلامها لزوجها : نضتو كاملين فين غاديين

دياب مشا عنقها من لور ) غاديين لجناح شيماء بغا سي راجلك وعمي يشوفوها

معاذ : هاد سي راجلها غيجي ينطحك لمبعدتيليش من مراتي يحسابك تغلبني بدوك العظلات

سوزي : ههه مغيار عمرو يتبدل
دياب : ولي عندو هاد زين ميغييرش
معاذ : أهيا راه غنجيليك شهدو عليه
الجدة : شدات ولدها معاذ من يدو ) زيد أولدي نمشيو كاملين نشوفو لبنت وخلي هاد لهبال

دياب : ياااك أجدة
🌷🌷🌷
توجهو كاملين لجناح شيماء ودخلو كانت ناعسة ومعاها ممرضة طلبو من الممرضة تخرج وخرجات

جاسم أول مرة يشوفها مباشرة من أسبوع حس بقلبو ضرو فغضون هاد الأسبوع بان عليها الفرق وزنها نقص بزاااف وبشرتها شاحبة حس بدقات قلبو تسارعات وصوت داخلو كيقولو يجري يعنقهاا
خرجو من أفكارو عمو معاذ لي تقدم ناحيتها وهز ملفها الطبي ليفيه حالتها طبيا كيقرأ فيه
فحين تقدم علي عندها ودوز يدو على راسها بحنية الشيء لي خلاها تفيق

الصورة: الزوجين سوزي ومعاذتتمة 51💋
شيماء كانت ناعسة حتى كتحس بيد حنينة على راسها حلات عينيها شافت أمامها لقاتهم كلهم أمامها
جاسم دياب فيليكس عدنان غسان أيار تارا سوزي هيلدا باربرة الجدة رجاء وعلي ومعاذ لي أول مرة غاتشوفهم

شافتهه كيواقفين عليها تفزعات وتكعدات جالسة وحلات عينها على الجهد باين فيها رعبوها
جاسم : شافها تخلعات تقدم ناحيتها وتكلم بهدوء ) : تهدني هادا عمي علي وهاذا عمي معاد

(شيماء غير كترمش بعويناتها

قرب معاذ وجلس فالسرير جانبها )

معاذ : شد يدها وكيتأمل عويناتها ) يا سبحان الله لي خلقك ماشاء الله أبنتي

شيماء : لا رد

معاذ : ابتاسم لها ) حسبيني عمك أنا معاذ أب أيار وفيليكس وتانا بحالهم عندي قوى تبغي نوريك

شيماء : لا رد (غير كتشوف فيه)

معاذ : بابتسامة حنونة ) هز يدو أماها وبداو شرارات كهربائية كيبانو فيديه شيماء كتشوف فيديه ببرود
هز يدو لي كلها كتطاير منها شرارات رعدية كهربائية وشد بيها يدها واختفى كل الكهرباء تحت أعين العائلة
معاذ تصدم حيت كون كان بشري آخر كان غيتصمك بحالا ضربو الضوء ولكن هي اختفات كل قوتو أمامها

علي هو الآخر تاهو مامصدقش عينو قرب وجلس فجنبها
شيماء شافت فيه

علي : شيماء وأنا علي أب تارا ودياب

شيماء : لا رد

الصورة : تاراتتمة التانية للجزء 51

شيماء : لا رد

علي : وتانا عندي قوة كنقدر نحول أي صلب كيما كان وكيما كانت المادة مناش مصاوب لسائل واش تبغي تشوفي ؟

شيماء لا رد

علي شاف فتارا بنتو كانت دايرة فيديها زوج دبالج راقيين من الذهب الأبيض

علي : تارا بنتي سلفيني دوك جوج أساور تاناخدلك وحدين أحسن

تارا تمشات عندو حيدتهم وعطاتهم ليه
علي : شدهم وشاف فشيماء ) هانتي شوفي هادا
شد دبليج فيدو وثواني حتى ذاب وانصاهر من يدو على الأرض بسهولة
شيماء : ماظارت تا ردت فعل غاكاتشوف فيه

علي : واش نقدر نجرب معاك قوتي ؟

شيماء لا رد

علي ابتاسم ليها : خدا يدها ولبسها الإسوارة
وحرك يدو فوق الإسوارة على يدها على أساس دوب الإسوارة ولكن ماوقع والو
حاول مرة وجوج دون حتى نتيجة

علي هو الآخر استغرب وشيماء غاكاتشوف نضرات باردين وفقدات كل اهتمامها داخليا كتقول تاحاجة مابقات تهمني لي كتهمني ماتت ودابا يطرا لي بغا يطرا

جاسم شافها كترمش فيها نعاس بحكم الادوية دالاكتآب لي كتاخد

جاسم : من الاحسن نخليوها ترتاح

جاو لبنات باسوها وخرجو كلهم بقا غي جاسم هو الأخير كيشوف فيها وتشوفيه تا دخلات الطبيبة
جاسم : بحدة موجه كلامو لطبيبة ) مالها ضعافت هكااا ؟؟

الطبيبة : أأ غير غير مع الأدوية لورد

جاسم : واش مكتشوفييش شحال ضعافت مكااانش هكا بغيتها ترجع كيكانت عطيوها فيتامينات مقويات أي شيء

الطبيبة : أمرك لورد

جاسم : نرجع مرة أخرى ماااااالقاهاش هكااا بشرتها شعرها وزنهااا بغيتكم تعتانيو بكووولشييي

الطبيبة : أمرك لورد

(شيماء غكتشوف فيه

جاسم شاف فيها مطولا نظراتو كيعنيو بزااااف دالأشياء
بغا يقوليها نوضي توكضي عيشي مدفنيش نفسك بغا يقوليها أنا معاااك وديمما معاك وعمري نخليك أنا نحميك وبروحي نتي قوية شفتك أول مرة قوية وخاااصك تبقاي قوية
ولكن فينو اللسان لي يقولها هادشي وفينو العقل لي يتقبلو ويعتارفلو بهادشي وهو داخليا كاااااره هاد الأفكار ومكرهش يتحرر منها رااافض أنو يوقع فمتاهة الحب
نفظ أفكارو وخنزر فالطبيبة وخرج تبع العائلة

(فالصالون إلتاحق بيهم جاسم وجلس
حطو ليهم الخدم مكسرات وعصائر وانساحبو )

علي : هادشي غير طبيعي فحياتي وملي كنت عضو فالنخبة شفت وتلاقيت مئات المتحولين و كنت حاضر ملي تقتلو بعض الأطفال الهجناء ولكن عمرنيي صادفت شخص مكيتأثرش بقوى المتحولين

جاسم قرب منو وجلس : عمي تقدر توصفلي الهجناء لي صادفتي فحياتك

علي : كانو أطفال عاديين أكبرهم كان عندو الشهر
أطفال عاديين شكلا مكاينش شي اختلاف ولكن كانت عندهم قوى عادية بحالنا
نيكولاي قبل قتلهم كان كيشوفهم وبقوتو كايتعرف على قواهم لي كان كيقول عنها قوى ملعونة
كنتذكر مرة لقينا القبض على أم بشرية كانت حامل من متحول والطفل كان عندو شهر جبناه لنيكولاي وملي شد الطفل وشاف فعينيه تخلع
كلنا استغربنا وكلشي سول آشمن قوة عند ذلك الهجين ولكن نيكولاي قال عليه ملعون وقواه شيطانية وآمر مباشرة باش يتقتل ولكن كلشي بغا يعرف اشمن قوة عند ذلك الطفل ونيكولاي حيت كان رئيس النخبة جادلهم وامتانع عن قول حقيقة تلك القوة
قال فقط هاد الكلمات
^هاذ الطفل إيلا بقا حي غيكون هو سبب هلاك جنس المتحولين مثلو مثل باااقي الهجناااء ^
وملي كيتعلق الأمر بالهجين مكيرحموووش كيقتلوه فلبلاصة بدون ولا ذرة شفقة رغم أن كل الهجناء كانو مجرد أطفال رضع

جاسم : عمي تذكر شكل دوك الاطفال مكانوش فيهم شيحاجة مميزة

علي : أممم هو مرة واحدة

علي : هو مرة واحدة لي كنت شديت رضيع هجين بين يدي وكان لون شعرو أبيض ماشي زعر بل أبيييض كليا رغم أن أبوه المتحول أسمر وأمو البشرية حتى هي والطفل شعرو كثيف وأبيض استغربت من الأمر

جاسم : خاصني ضروري نديها للهند عند جدة عمتي سوزي حتى إيلا مانفعنا ماضيها بوالو أو مأترتش قوى الجدة فيها تقدر الجدة تتعرف عليها كهجينة حيت هي أكتر متحولة تلاقات بالهجناء

معاذ : أنا كنعرف الجدة بوجا شخصيا كل مرة كندي فيها سوزي للهند كندوز نزورها هي عرفات فحياتها عشراات الهجناء
وغيكون من السهل عليها تعرف على شيماء كهجينة

عدنان : خاصها غير تبرى

معاذ : قريت ملفها الطبي حالتها النفسية لي متأزمة

غسان : وبزاف جاتها كريز زوج مرات وانهيار عصبي فقدات السيطرة على نفسها وحاولات دبح راسها
جاسم : تعصب حيت فكروه فيوم هزات السكين على نفسها
ووقف شاف فيهم ): أنا عندي شي خدمة غنمشي للشركة

فيليكس : أنا واحد الساعة ونتبعك

(أشارلو جاسم بواخا وخلاهم وزاد يلاه غايخرج تاسمع اسمو

معاذ : (ملي ناض جاسم يمشي تبعو ) جاسم ولدي

جاسم : استدار ) نعام أعمي

الصورة : أيار

Leave a comment