Skip links

قصة : الوحش ذات القزحتين ج 8

 42,264 عدد مشاهداات

🎩#وحش_ذات_القزحيتين🎩

✏للكاتبة ✏ chaymae ouaj
👑البارت 25👑

في الغابة ::
فالغابة شيماء مزال كتجري سخفات ماعرفاتش شحال كاع دالوقت جرات ولا أشمن اتجاه خدات بدات كدوخ وحركتها تقالت ولات غير كتلاوح من شجرة لأخرى حتى خارت قواها وجلست على الأرض وتكات على شجرة كتلتاقط أنفاسها وكتحس بيدها شاعلة لها فيها لعافية وركابيها وجبهتها كيحرقوها
جلسات كتنفس بسرعة وكلها عرق مخلط مع الدم والتراب والدموع
شيماء : ياربي ياربي (كتلهت ) ياربي عاوني
غمضت عينيها للحظات حتى سمعت صوت انفجار قوي حلت معاه عينيها على جهدهم وتنفضات من مكانها وهي كترعد
شيماء : للللا لا مايكنش ممايمكنش يكوون لكار للا خاص خاصني نسربي خاصني نجري ننقلب ععلى لللمساعدة
(كلها كترجف بالخلعة ) لللا خخاصني رججع لعند ججمانة
(استدارت ترجع للكار ووقفت تاني كتناجي نفسها آش دير تكمل وتقلب على المساعدة أو ترجع ولكن صوت الإنفجار أرعبها عنداك يكون لكار لي انفاجر )
كتتنفس بسرعة وهي واقفة ماعرفات ترجع ولا تكمل حتى
تبتات نفسها أخيرا وقنعات راسها بلي داك الصوت ماشي دانفجار لكار ومشات كتجري مكملا طريقها بحثا عن النجدة
شيماء : رجعات كتجري تاني داك الصوت وكضها وصحصحها كتجري بسرعة محدودة بسبب حالتها ويديها اليسرى لي غير مدليا كتقطر بالدم
داز وقت لا بأس بيه وهي كتجري حتى بدات تسمع صوت واخا خفيف ولكن قدرات تميز أنو صوت موسيقى
الشيء لي زرع فقلبها نوع من الأمل وسرعات كتجري فاتجاح الصوت حتى بدات كتخرج من الغابة ومن الأشجار ووضحات لها الصورة كيبانو لها أضواء بعيدة نتاع شي بناية كبييرة وضاير بيها صور عملاق فرحت وابتاسمات ومشات كتجري فاتجاهو
بقات كتجري وتحبس تلتاقط أنفاسها وترجع تجري حتى وصلت أخيرا أمام بوابت قصر لي عملاقة وبقات تخبط فالبوابة بكل جهدها وتغوت ولكن ولا من مجيب حدها كتسمع صوت الموسيقى
شيماء : وااا حلووو هىء هىء وااا عاونوني هئ الله يرحم لواليدين حلووو وااا حلوووو
(بقات تصرخ بدون فائدة حاولات دفع البوابة ولكنها بوابة ضخمة وكتفتح بطريقة إلكترونية عيات معاها وشافت فجانبيها بانلها باب آخر أصغر من البوابو ببزاف باب عادي وبعيد منها بمسافة فالجهة الأخرى (باب منين كيدخلو الخدم للقصر ) مشاتليه كتجري بقات تخبط فيه تاني ولكن هو الآخر مقفل بقفل شافت فجانب الشارع شجرة كبيرة حدى الصور ومشاتلها حاولات تتسلقها ولكن يد واحدة لا تصفق عيات تقاتل بيد وحدة تطلع للشجرة ووالو مقدراتش خارت قواها وجلست في الأرض هي كتسمع الموسيقى والقصر كولو ضواو يعني فيه ناس ماشي مهجور داكشي باش مافقداتش الأمل
شيماء : هئ شيحد يعاوني عافاكوم هئ هئ جمانة
(وشافت جنب الشجرة خشبة قاصحة هزاتها بين يدها وشافت فقفل لباب ومشات كتجري ليه وبدات تخبط فيه بكل قوتها تخبط وتعاود وتستارح وترجع تخبط حتى سخفت وجاتها دوخا عاد تهرسلها فالأخير : حلات داك لباب كتبانلها بناية ضخمة بعيدة شوي أمامها معرفت واش دار ولا فيرمة ولا فيلا ولا شهادشي وأصلا آآخر همها حالياتتمة جزء 25❣️

توجهات ليها كتجري دازت من ممر لي كيدزو منو السيارات ملي كيدخلو من بوابت القصر لي فالسور ومشات مع ديك الطوالا كتلهت وكتنفس بصعوبة تاوصلات لباب القصر الضخم وبقات تخبط فيه تاني حيت كان مسدود ماحليها حد حيت أصلا كلهم فالحديقة خلف القصر وحتى الخدم لي غايحلو ليها أو لكادر لي غايقلعوها ملي حطت رجلها فالغابة عن طريق أجهزت المراقبة أو لكارد لي كيحرسو جوانب السور وحتى لي كارد لي كيكونو واقفين أمام البوابة كلهم إجازة اليوم )
عيات دق وتغوت تابح صوتها أو والو كتسمع غير الموسيقى لي ولات مجهدة حيت قريبة لمكانهم مجهدة وقررت تاني تبع صوت هاد الموسيقى (ياختي شحفوك )
تبعات صوت الموسيقى وضارت مع القصر سخفات بالمعقول مع حجم القصر
وهي كتقدم والرؤية كتوضاح ليها تاوقفت فالحديقة وبالضبط خلف جاسم بمسافة وقريبة شوية من عدنان وغسان
وفجأة حبست الموسيقى وحبس معاها كلشي
🍀🍀🍀🍀🍀🍀🍀🍀🍀

عند تارا لي متحكمة بجهاز ديدجي
وقفات الموسيقى :
: تارا : حبسو بلاتي نقلب على واحد ديسك كيحمقني
أيار ندير أريانا كراندي ولا سيلينا كوميز
أيار : …..
تارا : أجاوبي
أيار : ……
تارا هزت فيها راسها يلاه بغات تهضر معاها تا شافتها حالة عينيها على جهدهم وكتشوف لقدام ضارت لفين كتشوف وهي تحل تاهيا عينيها
الجدة رجاء وقفت من بلاصتها مصدومة ف آش كتشوف وكدلك سوزي وهيلدا
أما واحد دياب طاحولو طونوبيلات من يدو بالصدمة
وفيليكس وجاسم وقفو حتى هما من أماكنهم لا يقلان صدمة
وعدنان وغسان لي كانو وسط معركتهم تا حبس عدنان حال٠ فمو
غسان: تامالك وفقتي يلاه زيد
)شافو مصدوم وهو يلتافت وراؤو يشوف آش لي صدم خوه وحل فمو تاهو
🍀🍀🍀🍀🍀🍀🍀تتمة الجزء 25❣️

🍀🍀🍀🍀🍀🍀🍀

جاسم كان جالس تاحس بلي شيحد مراقبهم وهو يلتف وراؤو ووقف من الصدمة
شافو فيليكس وتاهو شاف وراه وهو يوقف تاهو حال فمو فآش قدامو

نعم كانت شيماء (ديديكاااس لكل بنات لي نجحو فتوقع أنها هي 👄👄)
شيماء لي وقفات فالحديقة تاكاشوف جوج رجال
لا بلاتي واش هادا كيطلق لعافية من يديه
ولاخر شداكشي ثلج أويلي
شافت فالناحة التانية دياب هاز جوج سيارلت حلات فمها وهزات يديها كتحك فعينيها ورجعت تتأكد ورجعت تاني كتشوف فعدنان وغسان
هادشي زادها صدمه على صدمتها ولات كترعد وكتشوف فيهم حتى حبسو ودارو شافو فيها وحولت بصرها للأمام وتلاقات عينيها بعينيه
جاسم : (كيشوف فيها مصدوم وغير من عينيها عرفها فتاة لكافي )
شيماء مع فستانها قصير باينين ركابيها كلهم مجروحين مسلوخين بشدة ومع الدم جمعلها تراب ولصق فيها
يديها ليسرة كلها دم مكتبانش كاع من وسط الدم
جبهتها مضروبة ونزل منها الدم على عينها ونيفها ونصف فمها
فستانها لي مقطع من جيهت لكتف ليمن ملي كانت كتخرج أصدقائها وكتفها باين ومخبوش خبشة عميقة نوعا ما
شعرها كولو منكوش ولاسق عليها من الأمام بسباب الدم
بالإضافة لكلها تراب وعينيها منفوخين وحمرين ودموعها مكيحبسوووش
كلهم شافو حالتها لعيالات ولبنات شهقو ودراري مصدومين
شكون ههادي ومالها فهاد الحالة ؟ ومنين جات ؟
كيفاش دخلات ؟
كلها أسئلة كانت كتطرح فدماغهم هوما

آش هادشي ؟ آش واقع ؟ فين أنا ؟ واش هادو بشر ؟ لالا مستحيل يكونو بشر ؟ هاد جنون اه جنون ؟
واش أنا فشي كابوس ؟ لا أنا فايقة أنا حماقيت؟
لا أنا ماشي حمقة ؟
هادشي لي كانت كتفكر فيه شيماء
ببساطة مستحيل دماغها يستوعب آش شافت
كيفاش ممكن لشخص يطلق لعافية ولا ثلج من يديه ولا كيفاش واحد هاز جوج سيارات بيديه بحالا هاز قرعة دلما ودلميكة ماشي تا زاج تكون يدو مايلة شوي
هادشي غير منطقي لا هدشي مستحيييل ؟
شيماء : فعلا الصدمة خرساتها ولات كلها كترعد وهي كتشوف فوجوههم مرة فوجه جاسم لي أمامها ومرة ففيلكس لي جنبو ومرة فعدنان ومرة فغسان وفدياب
خاافت آه خافت بزاف وبدات ترجع بخطوات للوراء حتى استدارت كليا تهرب ولكن….!!🎩#وحش_ذات_القزحيتين🎩

✏للكاتبة ✏ chaymae ouaj
👑الجزء 26 👑

صدمتان فيوم واحد وبجوجهم من العيار التقيل
شيماء لي ماهتماتش بنفسها ولا بجراحها بلللمرة ومشات كتجري لمدة ساعة كاملة وهي كتجري فالغابة ومحاساش بشحال نزفات ومامهتماش بيدها لي تقريبا ماتت عليها
كل تفكيرها جمانة كل همها جمانة كانت تدعي فنفسها تموت هي ومايوقع لصديقتها والو
حتى وصلت أخيرا لمكان فيه حيات فرحات وقالت أخيرا لقيت لي يعاوني لي ينقدلي رفيقة روحي
حتى كتصدم للمرة التانة بالشء لي شافتو عينيها
هي واعية هي ماشي حماقت ولا كتحلم هي بصح شافت شافت أبطالنا وهما كيستعملو قواهم
الصدمة خرستها واحتلها خوف رهيييب من هاد الأشخاص لي بالنسبالها مستحييييل يكونو بني آدم
الخلعة خلاتها تتراجع مستديرة ومحاولة للهرب حتى كتشهق
شيماء : ( ضارت باش تهرب وهي تلقا جاسم لي خلات وراها ولا أمامها )
شهقات وحلات فمها وعينيها وولات صفرا بلخلعة رجعات خطوات للخلف كترعد وهي كتشوف فيه
كيفاش ياك ضارت وخلاتو وراها وبعيد علييها بخطوات كيفاش ولا أمامها؟؟ )
جاسم : (تكلم بصراخ وحدة وعصبية ) شكووون نتيييي
شيماء : (صاف كملات ليها هبطلها لما لركابي وولات متأكدة أن هادو جنون ) أأ أنا ممب جما جمانة تتتع تق
جاسم مافهم تاحاجة من هضرتها ولات كادخل وتخرج فلهضرة
فيليكس كان وراها مباشرة عاطياه بضهر حيت كانت حالة عينيها فجاسم وتاتفتف وهو يشدها من يدها السليمة وضورها عندو بقوة تا شهقت )
فيليكس : شكوون نتي وشكون مسيفطك ومنيين دخلتي دوييي

شيماء : (حالة فيه عينيها هو الآخر وكترعد وتم تم حتى تفكرات صحبتها والحالة فاش خلاتها وهي تجر يديها منو بقوة ورجعات لو ولات وسط من جاسم وفيليكس حاولات تبت نفسها ونطقات
شيماء : (كتحول نظرها بين فيليكس وجاسم والدموع بداو ينزلو لها وأنفاسها كتتسارع ) عاو عاونوني صصاحبتي كت كتموت ع عتقوها عافا كم كن كنترجاكم عاو عاونوني هئ هئ
جاسم وفيليكس شافو فبعض ورجعو شافو فيها وقرب لها فيليكس
فيليكس : آخر مرة نسولك شكون نتي
شيماء شافت فيه وكأنها تأكدات أن هاد الأشخاص شنو ماكانو يكونو مغيعونوهاش وقررت تهرب وخرجت من بيناتهم واستدارت بغات تهرب ويلاه غتجري
=جاسم حرك يدو بسرعة مستعمل قوة الجليد ووجه الجليد لرجلها باش يجمدهم ليها ويوقفها ولكن يالها من الصدمة : جاسم : (لي كان واقف قدامها شافها كيفاش تحركت وخرجات من بينو وبين فيليكس وعرفها باغية تهرب وفعلا غير استدارت وهي تجري )
ولكنو تحرك بسرعة موجه ليها الجليد لقدميها باش يتبتها مع الأرض ولكن هنا كانت الصدمة ليه ولكل العائلةتتمة جزء 26❣️

بحيث ضربة الجليد انطلقت من يد جاسم ولكن غير وصلت لرجلها واختفى ذلك الجليد كأنو عمرو كان
وهي بالصدمة وقفت مكانها وكتشوف فرجليها حست بالبرد ولكن كان غير بفعل اقتراب الجليد من رجليها ولكنو اختفى قبل حتى ما يلمس أقدامها
غسان : لي هو صاحب القوة الأصلي مامصدقش آش وقع وحتى العائلة )
غسان : مايمكنش

شيماء التفت تاني كتشوف فيهم وشافت فجاسم هاد الأخير لي مامصدقش وقرر يعاود التجربة ولكن هاد المرة بالنار
جاسم : شاف فيها بحدة وتحدي وهز يدو قدام وجهو واشتعلت يدو بالنار 🔥🔥
شيماء كانت كتشوف فيه شغايصنع حتى شافت كيفاش أشعل يدو بالنار حلات عينيها القزحيتين فيه لآخرهم وبدات أنفاسها تتسارع حتى شافتو موجه يدو ليها وفجأة أطلقت نار قوية فاتجاهها شافتها وطلقت صرخة تسمعات فالقصر كولو والعائلة حلو عينيهم كيشوفو مستحيييل تنجو من ديك النار
شيماء شافت النار متاجهة نيشان لوججها حتى ظهر انعكاس اللهيب فعينيها غوتات على جهدها من الخوف وغطات وجهها بيدها بزوووج حتى المصابة منهما
: ولكن ويالها من صدمة أخرى تلاثية الأبعاد
النار اتاجهات مباشرة ليها بسرعة وقوة حتى فيليكس ليكان بعيد قليلا على جاسم حس بحرارتها ولكن غير وصلات لشيماء وهي تنداثر واختفات بحالا عمرها كانت
عدنان : ماقدرش يصدق بلي نيران جاسم لي كتفوق نيرانو بالأضعاف ماأترتش فيها بلمرررة )
عدنان :هادشي هادشييي راه مستحيل
وقرب منها هو وغسان وحتى دياب وفيليكس وجاسم وولاو محيطين بها فدائرة هي وسطهم كأنها خروف وسط ذئاب
حتى من تارا وأيار وسوزي وهيلدا وباربرة جاو كيجريو وقفو بالقرب منهم وتارا وأيار دخلو مع دراري فالدائرة
شيماء مزالة على حالها مغطية وجهها بدراعيها بزوج ومغمضة عينيها

الصورة غسان قوة الجليد🎩#وحش_ذات_القزحيتين🎩

✏للكاتبة ✏ chaymae ouaj

👑الجزء 27👑

شيماء من بعدما شافت النار متاجهة لها بديك القوة صرخت برعب شديد وغطات وجهها كردت فعل غير إرادية باش تحمي نفسها وغمظت عينيها كتنتاظر فمصيرها
وفجأة حسات بسخونة ولكن ماشي شيحاجة قوية ولا مؤدية سخونة عادية (كانت ناتجة عن اقتراب النار منها ولكن فالأصل غير وصلات لها وبقا فارق بينها وبين النار مسافت خطوات وهي تختافي النار)
بقات مزيرة على وجهها بيديها عينيها مغمظاهم بقوة وكترتاعش حتى أن أسنانها كتلاقاو بالرعشة دالخوف والصدمة وكلشي مخلط عليها للحظات وكتسمع غيير سكات بدات طل بين أصابعها تتأكد من النار ملي ملقات والو حيدات يديها من وجهها وشافتهم كيفاش مدورينا وانتابهات حتى لتارا وأيار لي حالين فامهم فيها
عدنان : وهو كيشوفيها بصدمة : هادشي راه ممستحيل ميمكنش
غسان : وجه سؤالو ليها ) واش نتي متحولة ؟
دياب : مايمكنش مكنحس بحتى طاقت قوة من جيهتها وحتى لو كانت متحولة هاد النار راه كانت تحرقها كليا حتى متحول كيفما بغا يكون مستحيل ينجو منها
فيليكس : هادشي عجيب ماعندو حتى شي منطق

شيماء : غير كتحول نظراتها بيناتهم وبدات كترعد صاف وصلات لحدها )
شيماء: ججننوون ننتووما ججنون جنو ن يا ربي ج نون (تي كتشوفي تيتز مزلع حداك وكتقوليلهم جنون )
دراري ب 5 هزو فيها حاجبهم من النعت باش نعتاتهم )
شيماء بدات ضور راسها بيناتهم كيف الحمقة بطريقة هستيرية وكترعد وتاتبكي حتى صاف داخت وطاحت على طولتها سخفات وسط منهم
تارا وأيار و باربرة مشاو كيجريو وقفو عليها وكذالك دراري
أيار شافت يديها وجبهتها كلها دم وتخلعات
أيار : حبسو جبسو بلاتي خاص نعالجها ظغية جروحها خطيرين خليوني نجرب أنا قوتي
(نحنات وجلست على ركابها حدا شيماء ومدت يديها لجبهتها ودوزت يديها عليها ولكن كباقي القوى مأترتش فيها
أيار : هادشي مايمكنش
)دوزات يدها تاني على جبهت شيماء وركابيها لمسلوخين وحتى يدها لي مكتبانش من وسط الدماء ولكن والو
أيار : وقفت بالصدمة ) هادشي مستحيل هادشي فشكل
تارا : بلاتي نجرب أنا
تحنات هي الأخرى على ركابها(قوة الإختراق )
مدات يدها لبطن شيماء على أساس مغتلمسش بل غتختارق يدها البطن ولكن لا لمساتها عادي
تارا حتى هي تصدمت وبدات تلمس فشيماء لي مغيبة وكتحاول تختارقها ولكن والو
هيلدا : حيدو نشوف
قربت هي وسوزي وهيلدا مدت يديها لفستان شيماء الأحمر لي ولا كرونة بالدم والتراب وحاولات تغير لونو ولكن والو
هيلدا حلات عينيها بالصدمة يحسابلها غير صاف شرفات وقوتها ضعافت و دارت لتارا ليحداها لي لابسة فستانها الأسود وحولاتو لها لغوز بسهولة هاذ الأخيرة لي مرداتش لبال ) ورجعات تاني تحاول تعير لون فستان شيماء أو والو
هيلدا : يارب شكون هاد لبنت
جاسم : صرخ بحدة ) باراكا
تلفتو ليه كلهم ولبنات جمعو لوقفة وبعدو منها )
جاسم قرب وتحنى حدا وجهها )
شكون ماكانت تكون قريب غنعرفو
الجدة رجاء : قربات منهم و هضرات بعصبية وحدة ) واش مكتشوفوش لبنت كيفاش حالتها واش مكتحسوش شوفو كلها دم يعلم الله آش طرالها واش شي حد حاول يقتلها ولا يتعدى عليها ونتوما كملتو عليها ونتا (وجهت كلامها لجاسم ) واش تصطييتي كيفاش هاجمتيها بالنار واش حماقيتي شهاد الوحشية
جاسم : محاولا يهدئ نفسو ) جدة راه…تتمة جزء 27❣️

جاسم : محاولا يهدئ نفسو ) جدة راه…
الجدة رجاء : وصلت عصبيتها للحد وقاطعاتو ) عمرني عرفتك بهاد الوحشية وكون تحرقات أأ مكيهمش لاشكون هي لاشكون جابها لهنا لاواش متحولة ولا بشرية عادية كتبقى إنسان كيفاش عطاك خاطرك أأ لا وشوف حالتها ملفوق كيفاش كلها جروح وباينة مصدومة وكملتي عليها ونتوما أطاسيلت سلاكط <عدنان ودياب وفيليكس وغسان> دورتوها وسطكم كيشي قردة وجالسين تلعبو بيها (أودي عرفي شتاتقولي ألحاجة )
جاسم : كره أن جدتو تنعتو بالوحش(وراك وحش نيت ) وهو ينطق بصراخ تاقفزهم كاملين
جاسم : جددددة باراكا راني عارف آش كندير فلأول وجهتلها غير الجليد وغير نفحة ضعيفة وشفتي بعينيييك كيفاش اختفى قبل حتى ما يلمسها هاذ لبنت راها ماشي عادية ملي هاجمتها بالنار كنت متأكد أنها غاتختافي بحال الجليد : وأنا مغنتهنا تانعرف بالضبط آش قصتها وكيفاش حتى قوة فقوانا مأترات فيها
(تحنى غسان عند شيماء قلب نبظها غسان وعدنان أطباء )
غسان : لبنت حالتها صعيبة بزاف
عدنان : قلب يدها لي كلها مجروحة ) الجرح فيدها غارق بزاف وقريب للعصب خاصها ضروري تخيط إلى تقاصلها العصب عمرها غاتحرك يدها تاني
جاسم : تحنى عندها وحط يد ورا راسها ويدو الأخرى تحت ركابيها وهزها بخفة وتاجه للقصر بخطوات سرية وكلشي تبعو…..!!!!🎩#وحش_ذات_القزحيتين🎩

✏للكاتبة ✏ chaymae ouaj
👑الجزء 28 👑

من بعد ما حمل شيماء بين يديه
جاسم دخل بخطوات سريعة للقصر ( فبعد سماعو عن وضعها من أولاد خالتو حس بقلبو تزير ماعرفش علاش ولكن بقات فيه وهزها واتاجه بسرعة للقصر ) حتى أنه مع التلفة نسى المصعد واتاجه طالع فالدروج بسرعة خلاهم وراه كيشوفو فالمصعد وخلاوه تاهما وتبعوه فدروج
جاسم وهو طالع فيديه شيماء لي كيتحسس ضهرها وأسفل ركبها كانت حرارتها مرتافعة بزاف وبدى يسرع فخطواتو أكتر
شيماء : ( بين يديه حلات عينيها بشوية كتحس بألم رهييييب فيدها غطى على كل آلام الجروح الأخرى والرؤية مضببة يلاه بان ليها خيال وجهو نطقت بصوت ضعيف ) وااش غت غت قت لني (وبعد نطقها لهاد الكلمات غيبت تاني )
جاسم : سمع آش قالت نزل عينو لها كانت غيبت تاني ضعط على أسنانو بعصبية وأسرع فخطواتو )

وصل لواحد من الأجنحة الفارغة الفخمة المخصصة للضيوف
ودخل ليه وحطها فوق السرير وبدا كيتأمل فالجروح لي فجسدها ويدها حتى دخلو دراري وباقي العائلة
تارا وأيار وباربرة جراو لجيهتا
تارا : عينيها دمعو بقات فيها ) وااش غاتخليوها هكا
أيار : (حاولات تاني تشافي جروحها العميقة بقوتها ولكن وااالو وتكلمات بصوت مخنوق بالدموع ) هادشي فشكل هئ كيفاش مقدرتش نشافيها وأنا هاد الليلة فأوج قوتي نقد نشفي حتى أخطر الجروح ولكن هي مقدرتش نشفيها
جاسم : حول نضرو لغسان وعدنان ونطق بصراخ تاقفزهم تاني ) وااااااش كتسنااااو نعرض علييكم داويوها خلاص راكم نتوما لي أطباء هنااا
عدنان تحرك جيهتها وغسان مشا بسرعة لجناحو يجيب معداتو الطبية
عدنان : ( أول حاجة دار خوا لها محلول صيروم طبي على يدها بحالا كيغسلها من الدم والتراب وقطع لها كم اليد كولو تما وضحلهم الجرح مزيان كانت يدها محلولة من لكتف حتى للمرفق والجرح غارق
لبنات وسوزي وهيلدا والجدة مقدوش يستحملو المنظر وخرجو من الجناح مشاو لصالة أمامو وجلسو كيتسناو

جاسم واقف عليهم ومخنزر أما فيليكس ودياب اتاجهو لفوطوي أمام سريرها وجلسو
فيليكس : هاد لبنت فشي شكل لحد الآن ما قادرش نتيق أنها ما تأترتش بقوانا بلمرة وأنا متأكد هي مااشي متحولة ماحسيت من جيهتها بحتى طاقت قوة

💢كتوضييييح المتحوليين راه كيتعرفو على بعضهم كيحسو بطاقت قوة تجاه بعض يعني لا تلاقا متحول بآخر فالشارع غيعرفو بعضياتهم ويميزو بعضياتهم
هم كيحسو بنوع من الطاقة تجاه بعض ولكن ميمكلهمش يعرفو آشمن قوة عند كل واحد فقط كيحسو بديك القوة ولكن باش يعرفو شناهيا لا 💢

دياب : المشكلة الكبرى هي أنها شافتنا كنستعملو قوانا يعني ولات خطر علينا
فيليكس : أكيد مغنخليوهاش تمشي فحال سبيلها مستحيل
جاسم : عصبوووه وصرخ ) واااا هادي ماشي هو المهم حتى يلا تكلمت عن قوانا تاحد ماغايتيقها غيضنوها مجنونة لي مهم الآن هو السر وراء عدم تأترها بقوانا
🌿🌿تتمة الجزء 28❣️

🌿🌿
عدنان : غسان أنا غنداوي ليها ركبها تكلف وخيطلها جرح يدها
غسان : الجرح عميق بزاف وناتج عن شي آلة حادة لي شركاتلها اليد هكا
عدنان : تأكد بلي ما تقاصش ليها العصب
راه حتى الخدش لي فكتفها الأيمن وصدرها عميق
(عدنان حيدلها لكسوة لي مشركة لها من جيهت لكتف من على كتفها وبدا منزلها تا كان غيعري لها صدها ووقفاتو يد جاسم
جاسم : مخنزر فيه تخنزيرة دلقتيلة ) آش كدير
عدنان : فهمو قصد صدرها ) راه خاصني نشوف الخدش فين واصل
جاسم : إواااا وتعري لها صدرها
عدنان : حشم ) أحم راه هادي خدمتي راني طبيب زعما
جاسم : مخنزر وغوت ) طبيب مختص فأمراض الدماغ والأعصاب ماااشي صدرهاا
عدنان تصدم منو : إوا راه الخدش واصل لفوق صدرها شكون غايداويه ليها
جاسم : تعصب ) داويو ليها باقي الجروح وخليو هاداك تايدخلو لبنات ولا لواليدة ويعقموه ليها

وداكشي لي دارو داوى ليها عدنان جبهتها والخدش فكتفها ملفوق وجاسم حاضي معاه فين كيحط يدو

بحيث غسان دق ليها حقنة مخدر خيط لها الجرح فيدها ودق ليها حقنة لتخفيض الحرارة وأخرى ضد التعفنات وكذا مسكنة للآلام واتاجه لركبتها
غسات : ركابيها مسلوخين وعامرين تراب خاص ضروري نمسحهم لها بالماء واحد فيكم يجيبلي الماء فشي بانيو وفوطة نقية دغيا
شاف فيليكس فدياب ودياب ففيليكس وكل واحد كيقول للآخر بعينيه نوض نتا تا قفزهم صوت جاسم لي وصل عند لعيالات برا
جاسم : ونوووضو تقودوو تحركو خلاص
د ياب وفيليكس قفزو صدقو نايضين بزوج وتاجهو لحمام الجناح يجيبو لي تطلب منهم
دياب : بصوت منخافض ) مالو معصب هكا
فيليكس : واييه تانا مفهمتش مالو
ثواني وتمو راجعين بزوج وقفو عليهم واحد هاز فوطة وجيل دوش فيدو ولاخر هاز بانيو فيه الماء
خداهم من عندهم غسان وتعاون هو وعدنان مسحو لها ركابيها برفق وعدنان كان مركز كيمسح وشاف بقعة دم لفوق ففخضها وطلع يدو لي فيها لفوطة يمسحها تاشدو جاسم تاني من يدو وهاد لمرة زيرليه عليها تاغايهرسها
جاسم :وضاغط على سنانو وتكلم بعصبية ) وااش نتاا زملتييي ولا زمل عليك الضمير
عدنان : أححح طلق أصحبي واغيبغيت نمسح لها الدم من فخضها
جاسم : لا تبارك الله أضور تقود لا ساليتي شغلك ونتا (شاف فغسان ) طلق راسك خلاص
حناو راسهم يكملو لها تعقيم ركابيها ومزادوش معاه لهضرة تاكملو
عدنان : واحد فيكم يعيط لبنات خاصني نوريهم كيفاش يعقمولها خدش لي فصدرها وآشمن دواء بالضبط يديرولها
بداو تاني فيليكس ودياب كيشوفو فبعضياتهم وهاد المرة ماتسناهمش جاسم واختفى من أمامهم باستعمال قوة فيليكس وظهر أمام النساء فالصالة قالهم زوج كلمات
جاسم : لميمة تبعوني للجناح
(واختفى )
وظهر تاني أمام دراري كيخنزر فيهم🎩#وحش_ذات_القزحيتين🎩

✏للكاتبة ✏ chaymae ouaj

👑الجزء 29 👑

جاسم ظهر أمام السيدات لي جالسين على أعصابهم فالصالة وتكلم مع أمو قالهم يتبعوه للجناح لي فيه شيماء وهو يختفي تانية وظهر مكانو حدا دراري

ثواني ودخلت هيلدا وسوزي شادين فالجدة وتارا وأيار وباربرة لي مشاو كيجريو وقفو أمام شيماء
لي ركابها وجبهتها ويدها كلهم ملفوفين بلفاصما
وكيبانو آثار بعض الكدمات فرجليها ويدها السليمة لي ولا لونهم أزرق
الجدة قربات لها كتتأملها وعاد شافوها مزيان حيت إضاءة الجناح جيدة على إضاءة الحديقة :
الجدة : الله وعلى بنية من زيناتها وشطرالها تا ولات فهاد الحالة
سوزي بدات تبكي : مسكينة علم الله شكون هاد لحمار لي دارلها هاكا ( أودي راه كسيدة 😑)
هيلدا : الله يحسن عوان واليديها كوراه مهولين عليها مسكينة
باربرة : دموعها شلال ) حرام هاد لحالة ليفيها لبنت
تارا : شافت فالتوأم ) واش حالتها بيخير
عدنان : وضعها الجسدي مستقر حاليا يدها لي واكلة الدق وغايخصها مدة باش يتجمع ليها الجرح لي غيبقا أترو ظاهر فيدها غاتحتاج من بعدو تجميل باش يتحيد لاطراس واحتمال كبير غاتلقا صعوبة فتحريك يدها وغاخصها تمارين ترويضية ليدها
غسان : بالنسبة لجبهتا الضربة مخطيراش ومغتخليش لها الأثر ولكن ركابيها لي تسلخو واخا الجروح فيهم ماشي عميقة
عدنان : (شاف فجاسم تكلم ) أحم بقالها خدش راه فكتفها داليد السليمة اليمنى راه داويتو لها من الكتف ولكن راه الخدش نازل أحم يعني نازل تال صدرها وحدة فيكم نوريها كيفاش تعقمولها
(تارا سمعات الصدر وقلشات ودنها )
الجدة رجاء : وحنا شفهمنا فهدشي ياك نتا لي طبيب واعقم للبنت صدرها من تفلية
جاسم : (قرب ياكل جداه بعينيه وضار خنزر فعدنان ليشاف تخنزيرتو وبدا يتفتف )
عدنان : ألا أجدة مخلانيش جاسم أحم قصدي واخا طبيب راه ماشي اختصاصي
الجدة رجاء : ميقات فيه ) ماشي اختصاصك مالني قتليك تفتحلها على لوالدة راه غير خدش غاديرلو بيتادين
جاسم بداو يتنفخو عروقو بالأعصاب
عدنان : أأ تء راه أحم (شاف فجاسم تاني شداتو لخلعة )
هانتي أجدة ها غسان يداويه لها أنا نمشي نجيب صيروم لي غاتحتاج (وهو يعلق )
غسان صدمو : وا زرب عليا ولد لحرام
أيار : أنا نداويها أجدة ماقدرتش نعتقها بقوتي أقل حاجة نديرها نعقم ليها الجرح
وحنات راسها بأسف وعيونها عامرين دموع
فيليكس شافها وكان غادي اتجاهها يواسيها تاقطع طريقو غسان وقف جنبها وتكلم

الصورة : غسااان قوة الجليدتتمة الجزء 29❣️

غسان : واش نتي هبيلة متحمليش نفسك المسؤولية حنا أصلا معرفناش آش لي موصل البنت لهاد لحالة وراك شفتي بعينيك كل قوانا مأتراتش فيها راه ماشي غير قوتك
أيار شافت فيه وابتاسمات تا قاطعاهم لحاجة رجاء وياريتها مادوات
الجدة رجاء : واييه أوليدي أغسان عندك الصح علم الله آش وصلها لهاد الحالة بلاتي بعدة واش قلبتيها يكما اغتاصبوها
)أودي سكتي الله يهديك راه واحد البركان حداك غاينفاجر عليك ليلة )
غسان : حل فيها عينيه )
جاسم : صافي وصل لحدو ) وااااا جدددة واش من نيتك
قاطعو غسان حيت عرفو غايخصر لهضرة
غسان : أ جدة أحم جدة راه لبنت بيخير غير كوني هانية وفصباح غنجيبو طبيبة لي غتكلف بديك المسألة
الجدة رجاء : آه إيوا صاف مسيكينة على من زيناتها

بدأ غسان كيوري لأيار وتارا كيفاش يعقمولها الجرح ولي برودوي لي يستعملو
جا عدنان وعلق لها صيروم لي محتاج الجسد ديالها
عدنان : من الأحسن تحيدو لها ديك لكسوة ومسحولها جسدما بفوطة فازكة ولكن عنداك تحركو لها يدها المصابة ولا تقيصوها لا هي لا ركابها لا جبهتها
أيار وتارا أشاروليه بآه
فيليكس : (تقدم حتى لأمام شيماء وحنى راسو حتى لقدام وجهها وتكلم )
واش لاحظتو اختلاف لون عينيها ولا غير أنا (ماحس تاتجر من قرفادتو )
جاسم : جرو وهضر بعصبية وهو كيخنزر فيه ) تحركو خرجو خليو لبنات يكملو لها التعقيم ( خنزر فيهم وخرجو دراري واحد واحد حتى هيلدا والجدة وباربرة وبقات سوزي تساعد لبنات
🍀🍀🍀
فالجناح

سوزي زولات لشيماء الفستان لي كلو مقطع غير بشوية وفحين تارا مشات تعمر لبانيو وتجيب فوطة أخرى
وأيار واقفة شادة المعقم وكتقرا مكوناتو والقطن
إلتاحقات بيهم تارا هازة لبانيو فيه لماء وحانية راسها وكتكلم معاهم

تارا :عمتي هيلدا حولاتلي كسوتي للغوز وخلاتها هكا كنحس براسي كيف المهرج بهاد لكسوة (هزت راسها غير شافت شيماء وشهقت تا طاحلها لبانيو )

جاسم والآخرون خرجو للصالة لي أمام الجناح وكل واحد جلس إلا جاسم مشا للبالكون المقابل مع الصالة وجبد الهاتف نتاعو ودوز الخط لشركتو دالسيكيريتي والبوديكاردز
الكارد المسؤول : ألو لورد
جاسم : دابة بغيت كل طاقم حراسة القصر وفريق المراقبة وحتى الخدم كل واحد يلتاحق بمكانو
الكارد : أمرك لورد
وقفل الخط والتاحق بالعائلة جلس وملامحو حادة ومرعبة خلاتهم كلهم يضربو الطم إلا جداه لي تقول واش تحشم

الجدة رجاء : وليدي خاسنا نعلمو لبوليس
دياب : مايمكنش أجدة لبنت شافتنا وراه خاصنا نفهمو منها سبب عدم تأترها بقوانا راه نسبة كبيرة تكون متحولة واخا ماحسينا بحتى طاقة من ناحيتها

الجدة : والله أوليدي من فمك لربي على مزيناتها بحرى نزوجها لولييدي فيليكس
فيليكس قلش وديناتو كيدورها فراسو واش قالت جداه تزوجو ولا كان كايحلم أما واحد جاسم ملامحو جامدين ودماغو غاكافكر ويطرح تساؤلات واحتمالات حولها

فيليكس : الله يهديك أجدة راه يلاه عندي 20 عام
الجدة: آه بصح هي نزوجها لوليدي غسان
غسان تصدم : أ لالا أجدة أحم شوفيلك عدنان
عدنان بغا ياكلو : تاعنداك أجدة أحم (تفكر موقفو مع جاسم فاش مخلاهش يقيصها ) هانتي ها جاسم هو لكبير حشومة نسبقوه
كلهم شافو فجاسم كيتسناوه يرفض كي ديما هاذ الأخير لي دماغو مامعاهمش بمرة وماسمع تا كلمة من آش قالو
تا قاطعاتهم تارا لي جات كتجري وقفات عليهم لونها مخطوف ومخرجة عينيها فيهم
الصورة : عدنان🎩#وحش_ذات_القزحيتين🎩

✏للكاتبة ✏ chaymae ouaj

🌿الجزء 30🌿

فالجناح الفخم لي فيه شيماء كانت هاد الأخيرة على سريرها مغيبة عن الدنيا والعمة سوزي كتنزلها فلكسوة بشوية باش ماتعكرهاش حتى هبطاتلها لكسوة كلها وهزات راسها على صدى سقوط لبانيو لي هازة تارا
(تارا لي حلت عينيها فشيماء)
تارا: عم عمتيي شوف شوفي
(شافو فين كتشيرلهم تارا)
سوزي وحتى أيار شافو فين كتشير ليهم وتفاجؤو
سوزي : أويلي فين مضروبة واش هاد دراري مقلبوهاش شوف على ضربة قداش ومارضوش ليها لبال
أيار : ماما ماشي وقت لهضرة هادي شوفي الضرب كتبان معادياش تارا جري خرجي عيطي ليهم

خرجات تارا بسرعة تاجهات لجيهتهم كتجري وقفات عليهم صفرا بلخلعة
شافوها كلهم وفقو وجاسم مشا وقف قدامها تخلع من حالتها
جاسم : آش وافقع مالك واش ديك لبنت وقعت ليها شيحاجة
تارا : دب دبا عمتي حي حيدات ليها كسو تها وحنا نشوفو شفنا
جاسم : كتفتف عصباتو وغوت تا قفزها ) وااا دوي
عدنان : محملوش يغوت عليها وجا وقف جنبهم وشدها من كتافها دورها لعندو ) تهدني وهضري بشوية باش نفهموك
تارا : أشارت ليه بواخ ) دابا عمتي حيدات ليها لكسوة وحنا نشوفو جنبها (وبدات توريهم المنطقة بالضبط علياش كتهضر وكتوريهم فنفسها ) جنبها كولو من هنا (أشارت لتحت صدرها ) حتى لهنا (حتى لفوق فخضها بشوي ) كوولو زرق لحمها ديك لبلاصة كلها زرقة باينة كلات شي ضربة مجهدة هئ زرق زرق بزاف
جاسم : حل عينو على جهدهم )
الجدة : أويلي هالي قلت كان خاصكم تقلبوها كاملة
دياب : عنداك تكون مهرسة من ضلوعها هادشي خطير
فيليكس : عدنان ولا غسان راه نتوما لي أطباء هنا يلاه ندخلو نشوفوها (تحرك بغا يمشي يدخل تاجرو جاسم تارجعو بلاصتو )
جاسم :مستحيل تكون مهرسة من ضلوعها
الجدة : وعلاه مستحيل
عدنان : راه بصح كون كانت مهرسة من ضلوع مستحيل كانت تقدر توقف أولا تجري
هيلدا : واخا هكاك خاصكم دخلو عندها تشوفو الضربة وتكشفو عليها
عدنان : (وازغبي ماغايمشي تاياكلها ليوم )
عدنان : أنا ندخل نكشف عليها وتحرك اتجاه لبيت)
جاسم : حببببس(صرخ بقوة)
عدنان ضار عندو : جاسم راه هادي خدمتي راه
جاسم : مخلاهش يكمل وصرخ ) خدمتااااك خدمتتتتك تبقى تتلمس فبنات الناااس
عدنان : صدمو ) أش كتقول أصاحبي راني طبي
جاسم : قاطعو تاني ) طبيييييب أه وترضاااا لختك ولا مك يتلمس فيها طبييييب على قلت طبيباااات هااا ؟ إيلا عندك عااادي أسي طبييب أنا لا مستحييييل نخلي مي ولا ختي ولا مرتييي يقيس فيها شي راجل حتى ولو كااانت كتموووت واش كتفهههم (ضرب فيهم وزاد مع لكولوار وركب فالمصعد وخلاهم حالين فامهم )

الصورة : فيليكس قوة التنقلتتمة الجزء 30❣️

هيلدا : جلسات بالصدمة على لفوطوي
هيلدا : واش واش قال مرتي ولا أنا لي وليت كنهتر
باربرة : والله إيلا قالها
دياب : تتانا سمعتو قال مي وختي ومرتي والله تا قال مرتي
الجدة رجاء : يااا سعدي يافرحي بولدييي
غسان: واش حماقيتو هو راه غاعطى متال ماقصدش بيها لبنت لي لداخل
فيليكس : تانا هادشي لي فهمت
عدنان : تعصب بزاف ) وعلاش هاد العصبية كلها مافهمتش
غسان: تهدن أصحبي راه عندو الصح ماتعرف لبنت ملي تفيق وتعرف راجل قرب لها واخا طبيب ومتبغيش
أولا باها ولا خوها يكونو مكيسمحوش بهكا
عدنان : اقتانع ) عندك الصح
تارا : إييوا واش أتخليوها هكاااك ؟؟

غاكملات كلامها بان ليهم جاسم جاي ووراؤو طبيبة ومعاها زوج ممرضات لي تابعينو وكيلهتو من حالتهم باينة جايين كيجريو وقف أمام باب جناحها ووقفو وراه إلتف لعندهم ووجه كلامو للطبيبة
جاسم : ديري ليها فحص شامل وأي شيء خسك سواء جهاز أو دواء علمي الخادمة وغيوصلك فالحين
الطبيبة : وهي حانية راسها ) أمرد لورد ستارك
دخلت الطبيبة والممرضتان للجناح وبعدها خرجت أيار وسوزي
هيلدا : ولدي واش رجعو الخدم
جاسم : كلشي رجع لعملو
الجدة : أحسن حاجة أصلا مابقا لا احتفال لا والو ومشى لحال راه 12 دالليل
سوزي : واش معيطلكش با ألميمة (قصدها الجد زيدان)
الجدة رجاء : والله ماعرفت أبنتي تيليفوني بقا فجردة
جاسم : تاواحد فيكم مايقوليه حتى كلمة على هاد لبنت حتى نعرف السر ورائها
الجدة : كون هاني لقتهالو أيتم جاي كيجري ويبدى علينا تاني العشائر الأعراف اللهم خليه تم وزايدون أنا ديك لبنيا عجبااااتني ياربي غير تكون متحولة نزوجها لوليدي عدنان
تارا حلات فمها مصدومة وحسات بقلبها تعصر وحتى عدنان
جاسم : شناااااهواااااااا
)قفزهم تاني )
الجدة : شادة من قلبها ) ببسم الله عليك تا مالك من قبيلا تغوت عليينا
جاسم : من تحت سنانة ) ججدة واش كيعجبك غير تصعري دين ميييي واش لبنت ماعارفة تااا سميتها وكالسا تخططييي تزوجيييها وشكووون قاالك بلييي ماشي شي حد لييي مسييفطها لييينا من شي عشيييرة تدي خبارناااا من بعد لعملة دباربرة ؟؟؟

كلهم حلو عينيهم حيت ماطاحش ليهم هكدا احتمال فبالهم
أيار : مستحيل (كلهم شافو فيها )
واش مشفتوش حالتهاا وزيدون شفتو شحال تصدمات ملي شافتكم كتستعملو قواكم وبدات دخل وتخرج فلهضرة وقالتلينا جنون
كاين شي متحول أيتصدم من قوة متحول آخر ؟
جاسم : وشكون قالك بلي هادشي كلو ماشي من تخطيطها ومتلات علينا
فيليكس : تانا كنقول نفش الشيء وبربي وتكون جاية تاخد أخبار باربرة لباقي العشائر تانقتلللها
(قاطعم لباب لي تفتح خرجت الطبيبة ووقفت أمامهم
الطبيبة : أنا فحصتها كلها كيما طلبتو مني لورد
عدى الجروح لي ديجى معقمين تدارت ليهم الفاصما
الضربة لي فجنبها الحمد لله مكاينش شي كسر غير مقصحة ولحمها كيشد ليطخاس دغيا دكشي باش زراق هكاك
الجدة : بنتي واش قلبتيها ياكما تعداو عليها ولاد لحرام (هادشي ليهامك )

الطبيبة : أحم لا الآنسة مازالها بنت ومافيهاش أبدا آثار على محاولت اغتصاب أو اعتداء جنسي
كل الجروح وحتى الضربة كيأكدو على أنها تعرضت لحادث ما أو طاحت من شي مرتفع

الجدة ولبنات وسوزي وهيلدا ارتاحو نسبيا حيت كانو كيضنوها مغتصبة
الطبيبة : عدا هادشي لاحظت بلي ضغطها وضربات قلبها مامنتاضمينش هادشي راجع لصدمة قوية تلاقتها أكيد حالتها النفسية غتكون صعيبة بزاف خاصها مراقبة طول هاد ليلة وملي تفيق كذلك
جاسم : وأنا لاش جبتك باش نراقبوها حنا
الطبيبة : أأ
جاسم : غاتبقاي معاها تقابليها بنفسك
الطبيبة : أمرك لورد🎩#وحش_ذات_القزحيتين🎩

✏للكاتبة ✏ chaymae ouaj

🥀الجزء 31🥀

❄❄❄🍂
ما كتب من أجلك سوف تناله رغم ضعفك، وما لم يكتب من أجلك فلن تناله رغم قوتك
دَعِ الأَيَّامَ تَفْعَل مَا تَشَاءُ وطب نفساً إذا حكمَ القضاءُ وَلا تَجْزَعْ لنازلة الليالي فما لحوادثِ الدنيا بقاءُ
❄❄❄🍂

هاذ اليوم أو هاذ الليلة بالضبط مرت صعبة على البعض ومتعبة للبعض وصادمة ومدمرة للبعض الآخر بأحداث طويلة وصدمات متتابعة
في القصر :
الجدة أنهكها التعب وتوجهت لجناحها
كذلك هيلدا وسوزي من بعد ما رجعو دخلو عند شيماء وطمنو عليها هاذ الأخيرة لي معاها الطبيبة فالجناح مراقباها باستمرار اتاجهات كل من هيلدا وسوزي لجناحيهما فحين بقاو البنات والشباب مجمعين فالصالة ديال نفس الطابق
كانو كلهم جالسين كيتناقشو وكيطرحو تساؤلات
شكون هاذ لبنت ؟ منين جات ؟ واش متحولة ؟ من أي عشيرة ؟ وشكون سيفطها ليهم ؟ وكان كل واحد كيطرح منهم احتمالات لهاد الأجوبة وافتراضات ولكن السؤال الوحييد لي مالقاوليه لا افتراض لا احتمال هو سبب عدم تأترها بأي من قواهم ؟
باربرة : (كانت جالسة وغير كتسمع لحوارهم حانية راسها وكتخمم فكلام جاسم زعمة ممكن تكون هاد لبنت مسيفطها لهم شيحد من شي عشيرة أو من النخبة المكلفة بالمتحولين لي كيخالفو القانون العشائري سمع بخبر أنها حبلت من بشري عادي وخالفات واحد من أسمى قوانينهم
يلا كان بصح فراه غيكون وضعها خطير كل العشائر غايعرفو بمصيبتها وغيعرفو أن عائلتها ماعقباتهاش حسب القوانين وهكا ماشي غير وضعها لي غيكون صعب بل حتى عائلتها غايتعرضو للعار وغيتجمعو أسياد العشائر ويكلفو النخبة وغيسيفطوليها لي يقتلها
فقط التفكير بهدشي خلاها تخاف من شيماء ماقدرتش تبقى ساكته وتكلمت بصوت مرتعش ودموعها ظايزين من عينيها )
باربرة : دابا لكانت بصح مسيفطينها ليا العشائر هئ واش صاف أيقتلوني
غسان : (مقدرش يكمل مسرحية التجاهل وهو كيشوف اختو الوحيدة فديك الحالة قرب وشد يدها ) تهدني أباربرة واش مكتيقيش فينا حنا حتى الآن مامتأكدينش من حقيقة هاد لبنت وحتى لكانت من طرف شي عشيرة ماعندها ماتصور منا بلمرة
عدنان : راه ماكاينش لي يقرب ليك خوي بالك من هادوك الأفكار
تارا : أصلن منضنهاش متحولة
مستحييل تكون متحولة راكم شفتو كيفاش خافت وكل تعابيرها ورعشتها ورعبها راااه مستحير تكون كتمثل
أيار : بصح يعني لكان كاع لي وقع فالحديقة تمثيل فهي غتكون أحسن ممثلة فالعالم
جاسم لي ملي جلسو وهو ساكت غير كيستامع لحديثهم وتساؤلاتهم وافتراضاتهم وقف حتى شافو فيه كاملين )
وجه كلامو للبنات)تتمة الجزء 31❣️

وجه كلامو للبنات)
جاسم : حقيقة وهوية ديك لبنت خليوها علينا نتوما كل وحدة تمشي لجناحها ارتاحو وراه مكاينش لي غيآدي شي حد فعايلتي حدني حي (كان موجه الكلام لباربرة حيت مازلو مقاطعها وماساهلش بلمرة يسامحها )
لبنات أشارو ليه بآه وباربرة ابتاسمات ليه بحب أخوي وبتعابيرها النادمة أيضا
وقفو لبنات يتاجهو لأجنحتهم تا وقفهم عدنان ملي نادى على تارا
تارا : سمعات عدنان نادى عليها والتفت ليه هي وأيار وباربرة كذلك
عدنان : (أطلق ضحكة ساحرة خلاتها سهااااااات فيه حتى صدمها بآش قال )
وا جاااا معاك لغوز هههههه
(دراري غسان وفيليكس ودياب شافو فيها عاد ردو معاها لبال بلي كسوتها حولاتها ليها هيلدا من الأسود لغوز ملي كانت كتجرب قوتها فشيماء وما أترتش جرباتها فتارا باش تتأكد واش قوتها مفعلة ومع تلفة والصدمة ماردوشلها لبال )
فيليكس : ههههههه ويلي مي كرشي هادا راه يوم تاريخي وااا شي واحد يصورها
دياب : وااااايلي على ختي أخيرا ولات بنت وتلبس لغوووز ياا لوووز جيتي تيتيزة
غسان : لالا ههههه مقدرتش نصبر ممممي كرشييي
عدنان صعر عليهم : توما تحامييتو عليهااا ولا بلاتي حبسووو (جبد تيليفونو وصورها بينما هي كتشوف فيهم مصدومة وتشوف فلكسوة )
عدنان : قولي تشييييز
أيار : هههه هااا دنوبي خرجو فيك شحفتيني باش متلبسين لكحل فلخر لبستيه وياالاه هانتي بلغوز يالاه
باربرة حابسة الضحكة
تارا : تزنكات وعراقت وكتشوف فلكسوة ودعي فهيلدا فخاطرها )
عدنان (غاكايصور فيها ووقف ومشا وقف حداها وتحنا وخدا معاها سيلفي هو مبتاسم وكيشوف فيها وهي حالة فمها ومصدومة جات الصورة مضحكة
عدنان : وها أول وآخر سيلفي مع لون غير الأسود والآنسة تارا
دياب : صبر صورني تانا معاها نسيفطها للواليد غايتصدم
فيليكس : خهههه غايقولكم بدلتولي لبنت ردولي سودائي خههه
(تارا شافت دياب نايض وهي تعلق بجرية لجناحها وتبعوها لبنات خلاو دراري كيضحكو
جاسم : مخنزر فيهم وتكلم بصراخ (واتا ضحك شوي هياناري) سااليتووو
شافو فيه كلهم
جاسم : لاسالييتو تبعوني للمكتب

الصورة: تارا قوة الإختراق🎩#وحش_ذات_القزحيتين🎩

✏للكاتبة ✏ chaymae ouaj
💥الجزء 32 💥

فالقصر :
الساعة 1 والنصف من نفس الليلة بعدما توجهو لبنات لأجنحتهم

دخل جاسم لمكتبو الفخم لي فنفس الطابق (مكتب آخر خارج لي فجناحو حيت سبق وذكرت مكيخلي حد يدخلو لجناحه)
المكتب لي كان غالب فيه اللون الأسود الغامق وفيه جهة المكتب وجلسة رجالية منفصلة عنو لي جلس فيها جاسم ولحق عليه كل من دياب عدنان غسان وكذلك فيليكس .
جلسو فصمت وبعد دقائق دخلت لهم خادمة قهوة حسب طلب جاسم
كل واحد أخد قهوتو رغم الوقت المتأخر من الليل إلا أنهم محتاجينها تساعدهم فالتركيز
نطق جاسم وهو موجه سؤالو للجميع .
-جاسم : واش تاواحد فيكم ماحس بشي طاقة أو قوة ولو خفيففة من ناحية ديك الفتاة ؟
(كلهم أشارولت ب لا )
((للتذكيييير
كل المتحولين كيحسو ببعضياتهم يعني لاكانت مثلا هناك ساحة فيها مئات الناس أي متحول بين دوك الناس غيحس بالمتحولين الآخرين
يعني لاحطيتي لمتحول ناس مخلطين بين عاديين ومتحولين غافرز المتحولين واخا مستحيل يعرف نوع القوة بالضبط لي عندهم ولا حدت ومدى تلك القوة ولكن كيحسو بقوى بعض ))
كلهم أشارولو بلا
جاسم : هادشي غريب بزااف قريت بزاف دالكتب القديمة عن العشائر وبزاف دالسيرات الشخصية الذاتية لأهم قياد العشائر منذ زماان وعمرني قريت شيحاجة بحال هكا
دياب : مادام حتى حد ما حس بيها إذن هي ماشي متحولة
فيليكس : إذن كيفاش قوانا مأترتش فيها ؟؟
عدنان: تقدر تكون من السحرة يعني مخدمة تعويدة لإخفاء قوتها
غسان : نتا عارف أن السحرة من ذاك النوع انقرضو مند مئات السنين
جاسم : مستحيل تكون من السحرة
السحرة كانو ألذ أعداء المتحولين مند زمن بعيد وكانو كينفدو سحرهم على المتحولين هاد السحر لي كانو أقوى من قوانا
شحال من عشيرة تمحى لها الأثر بسبابهم وشحال من متحول مات بسبابهم
ولكن كان عدد السحرة مقارنة مع عدد المتحولين قليل بزاف وهذا هو الشيء لي ساعد المتحولين تضامنو بيناتهم وقضاو على كل السحرة حتى آخر ساحر منهم وهدشي راه كان قبل 700 سنة ودوك السحرة كانو متميزين عن البشر وعن المتحولين بوجود وشم على جبهتهم كيتولدو بيه كان وشم خاص هاذ الوشم لي كان مسهل على المتحولين التعرف عليهم فهذاك الوقت
وهاذ البنت مستحيل تكون من السحرة كما أنها مستحيل تكون بشرية عادية
فيليكس : عينيها (شافوفيه كلهم ) عينيها فشكل بصراحة ملي كنا فالحديقة وكانت واقفة من وسطنا وكتشوف فكل واحد فينا ملي شافت فيا ركزت فعينيها كانو فشكل فيهم حزن وقوة وتحدي ورعب حتى أني ظنيت للحضات أنها غاطلق علينا ليزر أو شيء ما من عينيهاتتمة الجزء 32💋

البنت باينة مسهلاش ومكتخافش ويلا كانت متحولة السر غيكون فعينيها
عدنان : منظنش راه غير خلل فالجينات لي كينتج عنو كل عين فلون راه شيء عااادي جدا
فيليكس : إوا آش سر هاد لبنت
قاطعههم الطرق على الباب تعجبو حيت الوقت فايت 3 دالليل وكل سيدات العائلة نعسو
نطق جاسم بصوتو الخشن بحدة سماحا بالدخول حتى تفتح لباب وأطلت منو واحدة من الخادمات حانية راسها

✏✏✏✏✏
في الجناح لي فيه شيماء:
بدات ترتافع لها الحرارة مرة أخرى ودقاتلها الطبيبة حقنة من نوع آخر مجهدة على لي كان عطاها عدنان
وراقبات ليها الجروح مرة أخرى
بحيث كانو الممرضتان كيمسحوليها جسدها فالمناطق غير المصابة بمياه باردة فيها معطر باش ينقيو جسدها من بقايا التراب
حتى أنهم تعاونو وغسلو لها شعرها ونشفوه
فحين دخلو زوج خادمات كينقيو الجناح من لفاصمات وكل الأشياء لي انتهاو الممرضتان وحتى الطبيبة منها باش يبقى جناحها نقي
حتى انتابهات الخادمة لفستان شيماء لي حيداتو ليها سوزي وكان محطوط فوق لفوطوي
هزاتو قلباتو بانلها كلو ممزق وكولو تراب ودم وقررت تلوحو ولكم لقات فيه جيوب وقلباتو قبل رميه حتى لقات فيه هاتف لي شاشتو كلها مكسرة (هاتف منير المؤطر لي خداتو منو شيماء باش تصور جمانة فالمتحف وخلاتو عندها ونسات معطاتولوش ملي طلعو فلكار )
شافت الهاتف والفستان وربطات الإتصال عبر سماعتها بكبير الخدم وعلماتو بالأمر وأمرها تتوجه للمكتب لي فنفس الطابق لي متواجدين فيه اللوردات ستارك وتطرق بابو وتعلم اللورد جاسم بالأمر
الخادمة امتاثلات واتاجهات مباشرة للمكتب لي مكانش بعيد على الجناح وفيديها الهاتف والفستان

الصورة : فيليكس🎩#وحش_ذات_القزحيتين🎩

✏للكاتبة ✏ chaymae ouaj
👑الجزء 33 👑

فالمكتب كانو الشبان كيتناقشو حول هذه الفتاة القزحية الغامضة كيفما سماوها حتى قاطعم طرقات خفيفة على الباب
أعطى جاسم اذن الدخول تحت استغرابهم من هوية الطارق فهذا الوقت المتأخر من الليل
تفتح الباب ودخلت خادمة بكل احترام وحانية راسها بحيث ممنوع على أي خادمة تهز راسها فلوردات ستارك الرجال
تقدمت ووقفت أمامهم فالجلسة
جاسم : آش كاين
الخادمة : صوتو خلعها ) أحم لورد آسفة على إزعاجكم أنا وحدة من الخادمات لي تكلفت بتنظيف جناح الآنسة الجديدة وأنا كنظف لقيت فستانها (وهزات الفستان أمام أعينهم وراتو ليهم ) الفستان كولو دم وممزق ومتسخ بالتراب فقررت لوحو وقبل قلبت جيوبو ولقيت هاذ الهاتف (وحملت بيدها التانية هاتف منير)
وحتى الهاتف محطم الشاشة
استشرت كبير الخدم أمرني نجيبليكم هاذ المقتنيات أوامرك لورد
جاسم : أري الهاتف ولوحي الفستان
(تقدمت الخادمة ومادتليه الهاتف شدو من بعدها خرجات لعملها )
جاسم : مسك الهاتف بين يدو كان موديلو قديم كيف سبق وذكرت وشاشتو كلها محطمة بسبب الحادث رغم هكاك شعلو وتشعل وبانت على الشاشة صورت منير
والهاتف كان بلا كود
دراري كلهم ناضو وقفو على راس جاسم كيشوفو معاه
دياب : شكون هاذا لي فالصورة (منير)

غسان : مدام الهاتف ديالها تقدر تكون هاذي صورة حبيبها
فيليكس : وعلاش متقولش خوها دغيا طرتي لحبيبها
جاسم :(خنزر فيهم وسكتو)
دخل لسجل المكالمات وأرقام الاشخاص تفقدهم كاملين ولكن لا دليل أو اسم كيدل على عشيرة وحتى الميساجات لي كانو أغلبهم بين المؤطرين وكيتكلمو فيه على الرحلة لي دارت للمتحف
عدنان : أشمن رحلة هادي زعمة لبنت تكون أطرت شي رحلة و إدا كان بصح أش جابها لعندنا
غسان : ماشي لبنت لي أطرت الرحلة أصلا الهاتف ماشي ديالها شوفو المسجات مزيان كلهم موجهين لرجل بصيغت المذكر
دياب : حتى أنا عندي نفس الملاحظة
جاسم رجع حل جهة الصور حتى كيضربو فصور جمانة
فيليكس : أهاه وشكون هاد شينوية تاني
حاسم بقا كيدوز صورها مع التحف وحدة وحدة كانت كتبان بريئة وجميلة وضحكاتها نابعة من قلبها حتى وصل لفيديو قصير كانت مسجلاه لها شيماء
وفتح الفيديو كان عبارة عن
( شيماء : جماااانة ههه هانتي أنا حليت فيديو واخا هاد طييلي فيه ميموار قليل كيمولاه /كانت كتبان غير جمانة فلفيديو لحد الآن حيت شيماء لي كتصورها /
جمانة جات كتجري وعنقات شيماء تا تزعزعت الكاميرا وحيدات لها تيلي ردات الكاميرا سيلفي ولاو كيبانو بزوجات /
شيماء : مبتسمة وكتبان فاتنة /هههه آش كديري هبيلة خليني نصورك غير نتي أنا ماعندي مندير بهاد ليهود نتصور معاهم راه دغيا غيتبلوكا لينا بسباب لميموار
جمانة : لا نتصور تا معاك هاذ اليوم أحسن يوم عندي ملي جيت لهاد المتحف كنت نحلم نزورو
شيماء : قلبت تعابيرها من فرح لتخنزير : من نيتك تامتحف ليهود يحلمو بيه ناس ضنيتك غتقولي أحسن يوم حيت أنا معاك
جمانة : عنقاتها بيد وشادة تيلي بيد : أكيد أحسن حاجة فحياتي هي نتي شيمائيييي
شيماء: هههه إوا هكاك يلاه حبسي لفيديو أري نصورك باش نخرجهم لك كاملين ملي رجعو فحالنا
جمانة : والله مكرهت نبقا هنا فهاد المتحف منخرجش
شيماء : بحرى يسكنك جن يهودي أري تيلي لهنة
جمانة : خلييي نزيدو نتصورو أنا وياك فين أتجينا فرصة بحال هادي نشدو تيلي بيدينا ونديرو بيه لي بغينا
شيماء : كتجابد تحيدلها تيلي وكتبان فلكاميرا كتنقز وصدر يتهز ويتحط كتبان قوووقة
شيماء : وا أري يالمسخوطة كرمتي عليه طيحيه يتهرس نخليك منك للمؤطر منير
جمانة : هاكي منزيناتو لاهو لا تيليه / تقطع لفيديو هنا

دراري كانو حالين عينيهم فالفيديو

دياب : إذن هاديك لبنت سميتها شيماء
عدنان : هاد لفيديو مصور ليوم فالصباح مع 4 دلعشية
غسان : فهاذ الفيديو مكاين تاشي دليل على عشيرة أو متحولين بلعكس لبنات عاديين وكنظن كانو فزيارة للمتحف اليهودي لي فسونطر كازا حسب مافهمت
فيليكس : كانو كيبانو فرحانين بزاف آش غيكون طرا ليهم وفينها لبنت الأخرى
جاسم : دياب بغيتك تتكلف شخصيا بأجهزت مراقبت الغابة تشوفلي لبنت من أي اتجاه دخلات دخلات لحدودنا وفيليكس (مد ليه تيلي) بغيت كل المعلومات عن صاحب الرقم والهاتف
و عدنان بغيتك تعيط على مسؤول المتحف اليهودي وتجيبلي أخبار واش تنظمت له شي زيارة ومن طرف من
غسان بغيت كل المعلومات الصغيرة والكبيرة عن البنت
فالصباح قبل الفطور يكون عندي كلشي
كلفو المجموعة رقم 1 من لكارد ولهاكرز بهادشي وكل واحد يمشي لجناحو يرتاح
وفيليكس نقل كل صور البنات والفيديو من هاذ الهاتف لحاسوبي الخاص ونبغي معلومات على لبنت الأخرى
كلهم أشارولو بالموافقة وخرج جاسم وتبعو كل واحد ينفذ ما طلب منهم

الصورة : ديابتتمة للجزء 33💃

❄🍃لا شكّ أنّ الصّباح هو بعث جديد لحياةٍ جديدة، ومن واجب الإنسان أن يطرح ثوبه القديم، ليلبس لصباحه المختلف ثوباً آخر، وأن يصحّح كثيراً من أخطائه، ويتخلّى عن كثيرٍ من عاداته، ويتطلّع إلى يومٍ متميّز يكون فيه أكثر صدقاً مع عقله وقلبه🍃❄

أشرقت الشمس باعثتا نورها حول العالم ومعلنتا على حلول صباح جديد
💎يرتدي الصّباح لون النّقاء بعد عتمة الليل، فيبثّ أنفاسه بِنسمات تنفث في الرّوح أملاً بأنّ القادم أجمل
هذا بالنسبة لأغلب الناس
أما بالنسبة لبطلتنا التي بدأت في فتح عينيها بتثاقل
تفتح عينها وتغمضها استمرت على ذلك الحال بضع دقائق حتى حلت عينيها كليا حاولت تنوض من مكانها وهي كتأمل حولها وتقول في أفكارها فين أنا ؟
استقامت جالسة وهي كدور عينيها فهاد الجناح الملكي وفسريرها الفخم لي بلموف كانت كتسائل داخلها واش كنحلم ؟
نزلت عينيها لنفسها شافت جسدها شبع العاري غير بستيانات وشورط قصيير ليكانت لابسة تحت لكسوة
شافت يديها لي كلها فاصمة وضماضات طبية
وركبها كذلك لي مكانتش كتحس بأي ألم فيهم بفعل المهدئات والمراهم
حتى فجأة هاجمت ذاكرتها كل الأحداث البشعة لي وقعات ليها ليلت الأمس
بدأت بتذكر كل شيء وقع بالتفصيل: الممل حتى ولات كلها كترجف وبداو تاني الدموع كينزلو لها شلال وفمها كيترعد وحولت عينيها للنافذة جانبها كان داخل منها ضوء ونور الشمس لي كدل على أن الصباح حل
يعني هي مرجعاتش ديك الليلة تنقد صديقت عمرها
مارجعاتش ليها خلاتها الليل كولو تماك ؟
كلها تساؤلات انصبت بغزارة على ذاكرتها خلاتها كلها ترجف وبدات عليها صدمة قوية وهي كتسائل أين صديقتها فين جمانة واش فكوها واش هي بيخير
مشعراتش بنفسها أبدا وناضت بسرعة مكانها متجاهلة ألم ركبتيها ويدها لي بدا كيرجعلها
ناضت وقفت واتاجعات لباب الجناح بسرعة
ماداتها فتااااحاجة لا أنها شبه عارية لا جرح يدها لي بدا يبان الدم من لفاصمة حيت تحركة بالجهد ولغرازي مزال جداد بداو ينزفو
: ولا حالتها ولا المكان لي هي فيه حتى من الأشخاص لي صادفاتهم ليلت أمس وغرابتهم كلشي تنسى ليها ذاكرتها توقفت عند الحادث وعندما خلات جمانة وحدها فالغابة بعدما واعداتها ترجع تنقدها وبس …..!💥الجزء 34💥

( ركزو معايا فالوقت شيماء فاقت مع 10 صباحا )

نخليو شيماء و
نرجعو ساعتان قبل ماتفييق
في صباح اليوم ومع الساعة 8 صباحا
ناض جاسم من سريرو منعسش الليل كولو وهو كيفكر وكيستنتج ويحلل ويحط احتمالات كيفاش وأي نوع من الصدف هذه لي جمعاتو مع نفس الفتاة قزحية العينين مرتين وبطريقة غريبة حتى صبح عليه الصباح
ناض من سريرو اتاجه لحمامو الخاص فجناحو قام بروتينو اليومي
خرج من الحمام بفوطة ملوية على نصفو واتاجه لغرفة الملابس الفخمة لي كلها إلكترونية
لبس طريكو فالأخضر الملكي وسروال جينز وضع ساعتو المصممة خصيصا لو وبرفانو (سوفاج😎الأصلي أكيد)
وتوجه لمكتبو خارج الجناح وجلس في نفس الجلسة ليكان جالس فيها بالأمس مع أولاد أعمامو
دخلت الخادمة وحطاتليه قهوتو وخرجت وبعدها دخلو دياب فيليكس عدنان و غسان متابعين صبحو عليه وجلسو أمامو وكل واحد وتعابير وجهو
مكتفسرش
تكلم فيلكس أولا : بالنسبة للهاتف الرقم مسجل باسم منير التاقي هو معلم ابتدائي كيشتاغل بمدرسة بمدينة مكناس فنفس الوقت عضو فعدة جمعيات وهو المؤطر المسؤول عن تلاميذ الباكالوريا لي كانو فالرحلة لي كانت فيها البنت لي فالصورة (جمانة) وحتى لبنت لي عندنا !
عدنان : أنا تكلمت مع مدير المتحف شخصيا أكدلي أن متحفهم استقبل طلاب من ميتم من مدينة مكناس جاو زيارة لمتحفهم !
جاسم شاف فيه ونطق: ميتم ؟
غسان : آه ميتم
(جبد ملف مدو لجاسم )
لبنت اسمها شيماء عبدالله تلقات هادي 18 سنة كرضيعة حديثت الولادة عندها شهر تقريبا فكونتها أمام بوابت ميتم اسمو ^لميمة^ بمدينة مكناس تكلفو ظباط الحالة المدنية عن طريق الكشاف من اختيار ليها اسم شيماء وكناوها عبد الله

( كمعلومة أنا بنفسي مكنتش عارفاها تاسولت بابا بحكم خدام ضابط الحالة المدنية ==>كل أطفال الميتم لي كيتلقاو مجهولي الهوية كيتكلفو ضباط الحالة المدنية عن طرق مرسوم من وكيل الملك باختيار أسماء لهم بحيث كيكون عندهم كشاف ليهو عبارة عن ضوصي أو ملف متظمن لعدة أسماء كيختارو منها اسم لذلك الرضيع وكشاف تاني كيكون متضمن لأسماء عائلية أغلبها كتكون عبد الله عبد الحي عبد القادر …. أسماء عائلية كتبدا بعبد +أحد أسماء الله الحسنى كإسم عائلي وكيسميو ذلك الرضيع ** المعلومة أكيدة ** )

عاشت كل حياتها بذلك الميتم وعندها 18 سنة كانت ضمن الرحلة لي تكلم عليها عدنان بحيث جات هي وطلاب الباكالوريا لكازا لزيارت المتحف اليهودي

دياب : أتا راقبت كل الكاميرات لي فالغابة بنفسي كيما طلبتي وشفت الحادث لي نجاة منو لبنت شيماء
فالجهة الغربية للقصر ومن منحدر لي فوقو الطريق الرئيسية طاحت منو حافلة لي كانت فيها لبنت وحتى زملائها
سقطت الحافلة من على المنحدر للغابة المكان لي طاحت فيه داخل حدودنا وملكيتنا وكانت كاميرة قريبة من الموقع ماصوراتش بزاف يلاه بانت لبنت غاديا كتجري دخلت للغابة ودازت من جانب الشجرة لي معلقا بها الكاميرة
(ناض ركبلهم يوسبي فالحاسوب ووراهم صورة لشيماء ملتقطة من الكاميرة واخا الليل إلا أن الكاميرات حديثة جدا وتقدر تصور تحت أي ظرف
بانت شيماء فصورة مقربة وهي واقفة مستندة على أحد الأشجار ملي دخلت للغابة)
: وزيد دياب الصورة لفيديو فيه وهي كتجري وتبكي دازت من جانب الشجرة وكملت طريقها )
دياب : بعدها قلبت لكاميرات الأخرى ووحدة منهم صورت انفجار مهول لحافلة بنصف ساعة من مغادرت لبنت لمكانها

(دوزلهم فيديو آخر لكاميرة كانت بين أشجار قريبة من الحافلة المقلوبة ودقائق حتى انفاجرات )

الصورة : ديابتتمة الجزء 34💋

(دوزلهم فيديو آخر لكاميرة كانت بين أشجار قريبة من الحافلة المقلوبة ودقائق حتى انفاجرات )

أرسلت مجموعة من لكاردز لعين المكان يتحققو من الحادث وآخر خبر وصلني أن الحادث كان فضيع ماتو فيه ناس وأنا مزال كنتاظر أخبار أخرى
غسان : بالنسبة للبنت لي فالصور قدرت نوصل لكل معلوماتها هي اسمها جمانة الموذن حتى هي من الميتم
ماتت أمها عند ولادتها وأبوها كان ميت قبل أمها فحادث سيارة
ومعندها لي يكفلها ونقلوها للميتم وهي رضيعة
حسب المعلومات لي وصلاتني من داخل الميتم أن البنتين بزوج كانت كتجمعم صداقة جد قوية
جاسم : وفينها لبنت واش ماتت
غسان : معلومات الضحايا عند دياب
شافو فدياب لي هز تيليفونو ودوز الخط للهاكرز في الشركة وطلب منهم المعلومات وقالو بلي سيفطوليه كلشي فإيميل فحاسوبو
فتح دياب حاسوبو أمام الشباب وحل الإيميل وكيقرا عليهم
دياب : الحادث كان فضيع كانو 16 شخص فالحافلة 8 بنات و 6 أولاد باكالوريا والسائق والمؤطر صاحب الهاتف
لقاو الحافلة منفجرة ومشتعلة تأخر الإسعاف فالوصول بحكم المنحدر لقاو صعوبة
لقاو كل لي بقاو فالحافلة المشتعلة ميتين و3 دراري وبنت خارج الحافة مغيبين ولكن حيين ونجحو فانقادهم فحين لقاو بنت أخرى بعيدة عليهم شوي ولكن للأسف ماتت بسبب اختراق الزجاج لراسها وبطنها
جاسم : ولبنت لي كانت فالصور فالهاتف مع هادي لي عندنا
دياب : أنا نفتح الإيميل التاني فيه صور الضحايا ونتأكدو

)فتح دياب الملف طلعولو صور كل لي كانو فالحادث ومقسمين لشكون حي وشكون مات
وجمانة كانت ضمن الميتين
دياب : للأسف ماتت وهي لي قلت تخشى لها زجاج فالرأس
(جاسم وحتى دراري كلهم تأسفو للواقعة)
فيليكس : بلاتي ولبنت لي عندنا شيماء سميتها ياك
دياب : مدكور فالتقرير أنها مفقودة وصرح أحد الناجين من بعد مافاق أنها هي لي نقداتهم
عدنان : يعني جات لعندنا بالأمس باش تطلب المساعدة
غسان : وحنا زدنا صدمناها بقوانا مسكينة عنداك غير تحماق هدشي كتير على بنت فعمرها
دياب : كون ماهي كون ماتو حتى دوك الأربعة لي لقاو حيين حيت قالو بلي هي لي خرجاتهم من الحافلة
دياب وصلو إيميل آخر )
دياب : بلاتي الشرطة كيقلبو عليها وراه طلبو إدن الدخول لغابتنا باش يقلبو عليها
جاسم 🙁 ساكنت كيفكر وكيستنتج وكلهم كيشوفو فيه)
جاسم : عطيهم الإذن لكن قبل سيفط رجالنا يمحيو أثرها من الغابة كليا و نبه حتى أحد من رجال الشرطة ما يقرب لي من القصر
فيليكس : وعلاش ياك تأكدنا أنها معندها حتى علاقة بالمتحولين آه بصح شافتنا ولكن شكون غيتيقها ومع المصيبة ليطراتلها غيتأكدو أنها فعلا حماقت غير نسلموها للشرطة أحسن
عدنان : ويخليك ضميرك تتصرف عكا لبنت حالتها لا الصحية ولا النفسية خايبة بزاف خصنا نعاونوها
فيليكس : وراها بشرية عادية واش غنخليوها فلقصر وجدي ملي يجي
قاطعو جاسم لي خبط بقوة فالطاولة
جاسم : قلت لييييييكم خفييييو أثرها من الغابة الشرطة مغيوصلولهااااش وهي غاتبقا هنا واش نسييتو مشكلت أن قوانا مكتأترش فيها ؟

دراري كلهم استدركو الأمر حيت بصح نساوهاذ النقطة حيت كانو بغيين يتأكدو غير واش شيحد مسيفطها أو لا
غسان : بصح هذا لغز وخاصنا نحلوه
دياب : لبنت ماشي متحولة نقولو عندها قوة خفية تخليها محصنة ضظ قوانا إذن كيفاش تاحد فينا ماحس بهاذ القوة ؟
جااسم : شاف أمامو بنظرة عميقة وتكلم )
البنت يتيمة ! يعني مامعروفش شكون أبوها وأمها ! يعني ممكن وأكتر من ممكن أنها تكون بنت متحول أو متحولة من بشري !
دراري كلهم حلو عينيهم من الصدمو تاحد فيهم ماطاحتلو هكذا فكرة فبالو
دياب : مستحييل يعني بغيتي تقول هي هي زعما هي ..

جاسم : تمااما ^هجينة ^
علاش فنظركم أسمى قانون عندنا هو ممنوع يتزاوج بشري بمتحول وكيبررو هاذ القانون بحماية المتحولين والمحافظة على نسلنا كمتحولين
علاش كيقولو بأن أي طفل هجين عندو دم متحول ودم بشري غيكون وحش وغيكون سبب هلاك كل المتحولين
علاش فينما عرفو متحول خالف هاد القانون كيقتلوه مباشرة وكيقتلو الجنين الهجين حتى قبل مايتزاد ؟؟؟

عدنان : دددابا ببغيتي تقول أأن سبب عدم تتأثرها ببكل قوانا ههو أنها هجينة

فيليكس : زعما كاع لي هجين كيكون منيع ضد قوى المتحولين ؟؟؟
جاسم : هادو مجرد افتراضات وقضية أن أي هجين كيكون محصن ضد المتحولين وقواهم ماشي أكيدة أنا عمري قريت أو سمعت شي معلومة بحال هكا عن أي هجين داكشي باش خاسنا نتأكدو من الأمر قبل مايجي جدي وخاصنا نخليوها معانا بيناتنا وفسر عن أي متحول أو عشيرة

غسان : وولكن كيفاش غنتأكدو كيغانديرو نعرفو ؟

جاسم : حتى أنا ماعرفتش ولكن غلقاو حل

قاطع حوارهم لي استمر ساعتان طرقات فالباب : كانت الخادمة قالت لهم أن الفطور جاهز وأن كل السيدات والآنسات فالمائدة كيتسناوهم

فيليكس : بالنسبة للعائلة فالأسفل (سوزي هيلدا رجاء أيار تارا باربرة ) وعمي علي وبابا معاد واش نخبروهم بالأمر ؟
جاسم : أنا مكنخبي حتى شيء على عائلتي أكيد النساء بعد الفطور خبروهم بكل شيء أما عمي علي وعمي معاذ حتى يرجعو
ولكن ممنووووع تقولو ولو كلمة لجدي
حركولو ريوسهم بالإيجاب
جاسم : دار ابتسامة جانبية ) بالنسبة للأمر الآخر آش درتو
فيليكس : ههه هو فضيافتنا معزز مكرم
دياب : ويي راه كيتبرد فديبو وقتما بغيتي نمشيو نديرولو شي زيارة

جاسم : وراء لفطور نمشيو نشوفو هاد سيهم حمزة 😈😈🎩#وحش_ذات_القزحيتين🎩

✏للكاتبة ✏ chaymae ouaj
💖الجزء 35 💖

نزلو شباب آل ستارك للطابق الأول من القصر وبالضبط لقاعت الطعام الفخمة
لقاو كل السيدات والآنسات على طاولت الأكل كيتسناوهم للفطور صبحو عليهم وجلسو مكانهم
الجدة رجاء : ولادي كيف بقات ديك لبنت واش طليتو عليها
جاسم : لا أجدة ولكن راه معاها الطبيبة
فيليكس : اه و من بعد الأكل نمشيو نشوفوها كيف بقات
هيلدا : واش خبرتو با زيدان بالأمر
جاسم : لا وعنداك شيحد يقولو كلمة وحدة بخصوص شيماء
هيلدا : شكون شيماء ؟؟
دياب : أحم عمتي عرفنا بلي ديك لبنت سميتها شيماء
الجدة رجاء : تبارك الله لبنت تفتن بالزين وتا سميتها زوينة شامة
فيليكس : شيماااء أجدة
الجدة : ونتا سوقك أنا نبقا نعيطلها شامة ولاهيلا كنت نحلم نزوج واحد فيكم لمغربية ونديرلها لعرس ولحنة ولعمارية ماشي بحال باواتكم وبسباب القوانين كلهم تزوجو من أجنبيات ما كاين لا قفاطن لا حنة لا عمارية
: عدنان : وا جدة وراه لبنت ماشي متحولة واش حسيتو بقوتها حسيتو بشيحاجة

💢المتحوليين كيحسو ببعضهم يعني المتحول كيعرف المتحول الآخر كيحسو بقوى بعض 💢

سوزي : أنا لا

هيلدا :تانا لا ماحسيت من جيهتها بحتى قوى كدل على أنها متحولة
تارا وأيار وباربرة أشارولو بلا
الجدة : ميقات فيهم ) ومن ببعد كيفاش تاما تأترتش بقواكم يالاه ؟ المهم أنا عندي لاكانت متحولة والله ما غانتفك تا نزوجها لواحد فيكم
سوزي : تانا عجباتني ومكرهتهاش لولدي فيليكس إيلا كانت متحولة
فيليكس وحلات ليه بدا يكح
جاسم : تعصب وماحسش علا نفسو تاخبط فطبلة تا زعزعم ) عمتتتي جددددة من الأحسن نكملو فطورنا بسكااات حيت من بعد غنهضرو مجموعين فآخر ما توصلنا ليه بشأنهااا

حناو راسهم كياكلو فهدوء حتى قاطعهم

🔥🔥🔥🔥🔥🔥🔥🔥
: نرجعو لجناح لي فيه شيماء
هاذ الأخيرة لي وقفات وتحركات كتجري فاتجاه باب الجناح متجاهلة ألم يدها لي مع تحركت بقوة بدات تنزف من مكان لغرازي
ومتجاهلة أيضا ألم ركبتيها وغير واعية على نفسها أنها غير بحمالات صدر لي مبينين كلشي وشورط قصير كل تفكيرها وهمها هو جمانة
فتحات باب الجناح بقوة وخرجات شافت يمينها ويسارها بغات أي باب أو مكان تخرج منو بان ليها درج أمامها فآخر الممر
وتوجهات ليه كتجري ودموع بداو ينزلو لها
هبطت مع الدرج بسرعة حتى وصلت للآخر الدرج حبسات كتشوف منين تخرج شافتها إحدى الخادمات وشهقت من منظرها وتوجهات ليها بسرعة بحيت شيماء مزال واقفة كدور راسها تشوف منين تخرج
الخادمة : آنسة واش نتي بيخير واش تلفتي على الجناح ديالك
شيماء : شافت فيها ودموعها شلال ونطقات بصوت كولو كيترعد ) ببغيت نخ نخرج ججمانة كت كتسناني
الخادمة : مافهمتش أ آنسة ولكن اللوردات وسيدات القصر راهم فالمائدة (وأشارت ليها على الاتجاه) كيفطرو غير أجي معايا لجناحك يكملو فطورهم ونعلم اللورد ستارك أنك فقتي
شيماء : خنزرت فيها ومشات كتجري فالإتجاه لي نعتات ليها الخادمة هاذ الأخيرة لي تخلعات ومشات تعلم رئيس الخدم )تتمة الجزء 35💃

شيماء مشات كتجري حتى وقفت عليهم وهم كيفطرو وصدمتها كانت قوية بحيث يلاه استوعبات وتدكرات داكشي لي شافت فالأمس
—–
كانو حانيين ريوسهم كياكلو فهدوء حتى سمعو خطوات مسرعة اتجاههم هزو ريوسهم وشافو أمامهم حتى جاسم لي كان عاطيها بالضهر استدار عندها وكلهم حلو عينيهم من الصدمة
كانت شيماء واقفة وراء جاسم مباشرة بيناتهم بعض الخطوات
شعرها منكوش ولابسة غير ستيانات وشورط صدرها كلو خارج الدم واضح من فاصمات يدها
والزروقية فكرشها فجنبها
واقفة حالة عينيها فيهم من صدمتها تاشافت وجوههم عاد تذكرات آش شافت فالامس

أما الرجال شافوها غير بحمالات الصدر حلو عينيهم على الجعد استدرك كل من عدنان وغسان نفسهم وحناو عينيهم (حيت لقليب عندهم عااامر ) أما فيليكس حوال ودياب تصمر وجاسم
أحم جاسم يا جاسم حس بنفسو غينوض يكمل عليها يسيفطها للقبر نيشان
شيماء : من صدمتها رجعت خطوة للوراء لي عن إثرها وقف جاسم بقوة ووقفو حتى فيليكس ودياب وعدنان وغسان وهي غير شافتهم وقفو تصدمااان وضارت تهرب تاني ولكن لقات جاسم بقوة التنقل لي كان وراها ولا قدااامهاا شهقات وولات صفرة وكترجف
شافت وراها وجنابها لقاتهم ضوروها تاني بحال الليلة الماضية فالحديثة وتفكرت هجوم جاسم عليها بالنار ولات كترعد بقوة
شيماء : شششكون نتتوما ششبغييتو عن عندي
عدنان : كيتكلم ومنزل عينو من عليها ) أحم خاصك تهدني باش نتكلمو معاك
شيماء : شافت فيه وتفكراتو كيفاش كيطلق النار من يديه وبدات تشوفليه فيديه ودماغها كيحاول يستوعب كيفاش ولكن هي متأكدة من آش شافت هي مستحيل تكون حمقاء
شيماء : ببغيت نم نمشي فحالي صاحب تي كت كتسناني
جاسم : تقدم ناحيتها خلاها تشهق وترجع لور ودير يديها على وجهها حماية لنفسها ظنا منها أنو بغا يهاجمها بالنار كيفما دار بالأمس
بهاد ردت الفعل لي دارت هو توقف مكانو قبل مايوصلها وحيد لفيست نتاعو ولاحها عليها
جاسم : نطق بصوت زعزعهم كاملين أما هي لبولة قربات طلقها بلخلعة ) واش شفتييي نفسك آش لابسااا
شيماء : تلاحت عليها لفيست على راسها وشداتها ونزلت عينيها لجسدها وشهقات وبسرعة غطات صدرها وكرشها بديك لفيست وعنقاتها عندها وشافت فجاسم لي كان قريب منها وبدات تنفس بسرعة ومشات عندو بجرية شدات فيدو بيدها تاغرسات أظافرها فيه أما العائلة تصدمو من آش دارت
شيماء : شدات فيد جاسم بيد وحدة والأخرى ضامة بيها لفيست ساترة صدرها ) ععافاك كنت كنترجاك خليني نمشي راه (دموعها شلال ) راه صحبتي كت كتسناتي غتموت خاصني نعتقها الله يرحم ليك لواليدين عاونوني نمشي نعتقها
جاسم : عينيه فعينيها وكيف كترجاه وخصوصا فكراتو فأمو وأبوه لي ترحماتلو عليهم مع ذلك قرر يواجهها بالأمر الواقع
تكلم ويدو مزال فيدها حتى أن العائلة استغربو كيفاش خلا شي بنت تلمسو

[[جاسم طبعو متحفظ من جيهت جسدو مكيحملش شي بنت أو أي شخص يلمسو
حتى فعلاقاتو الجنسية مكيبوسش المرأة أو يتلمس جسدها بيدو أو يسمحلها تلمسو
كيجي مباشرة ويخشي لمعلم 🙈 بدون حتى اندار وملي كيكمل أي علاقة كيندم بعدها ويلعن فنفسو ويعيف جسدو
عمرو اشتهى يقبل شفاه أنثى أو اشتهى يلمس مفاتنها دايمن المتحولات من العشائر الأخرى كيلوحو نفسهن عليه كيقضي الغرض مكيكمل نعاهم حتى ساعة
معمر شي بنت عنقاتو أو باستو حتى فخدو
من غير أمو وجدتو وخواتاتو وعمتو سوزي وهم غير كيعنقوه
أما الآن شيماء مقابلة معاه وشادة يديه غارسا ظفارها فيه والعجيب هو إحساسو عجبو الأمر ومكرهش تبقا شاهداه ]]

جاسم نطق بصوت هادي ) : الأمر صعيب ولكن هذا هو الواقع وكيبقا قضاء وقدر صاحبتك راه ماتت الله يرحمها
شيماء : طلقات من يدو وطلقات لفيست طاحت وحلات فمها من الصدمة وكدورها فراسها
((كيفاش ماتت ؟
علاه هو شكون وباش عرف صاحبتي ؟ ))

عقلها ماستوعبش شافت فيه وشدات هاذ المرة يدو بيديها بزوج تحت صدمت العائلة للمرة التانية وضماتهم لصدرها كترجي 👏🏻
شيماء : عاافاك خليني نمشي أنا راه واعدتها واعدتها نرجع ليها واعدتها مانخليهاش ندمت والله تاندمت كون سمعت كلامها كون هربنا وبقينا فكازا مكناش نتعرضو لداك الحادث هئ أنا سبااااب
جاسم : يدو بين يديها ومزيرة عليها وقريبة من صدرها وكيتحسس حرارة يدها وصدرها )
جاسم : مكتوب الله وصديقتك جمانة ماتت خاصك تدعي ليها بالرحمة
شيماء : تصدمات تاني وتعصبات طلقات من يدو وبدات ترعد وبعدات منو
وكتسائل كيفاش عرف سميت صاحبها مستحيل جمانة تموت لا
شافت وراها كان فيليكس ووراه طاولت الأكل توجهات كتجري جيهت فيليكس هو لي حل عينيه فيها مافهمش آش غدير وحتى العائلة
شيماء كتجري تخطاتو للطاولة وهزات موس وكحزات منو وبعدات عليهم وهي هازة لموس أمامها وكاترجف
شيماء : بع بعدو مني لي قرب مني غنقتلوو

الصورة : شيماء كيف نزلت عندهم غير تخيلو شورط بلاصت سترينك 🙈🎩#وحش_ذات_القزحيتين🎩

✏للكاتبة ✏ chaymae ouaj
❤الجزء 36❤

🥀لا يوجد وهم يبدو كأنّه حقيقة مثل الحبّ، ولا حقيقة نتعامل معها وكأنّها الوهم مثل الموت🥀

شيماء : (وصلت لآآآخر حدود احتمالها فكرة مجرد فكرة أن صديقة عمرها صافي ماتت مجرد الفكرة خلاتها تفقد آخر ذرات العقلانية والتركيز خلات قلبها يتعصصصر من الداخل
صعييب أنك تفقد شخص دوزتي معاه كل سنوات حياتك بساعاتها ودقائقها وثوانيها
ماشي المهم رابطة الدم راه شحال من وحدة فينا كيموت ليها أحد أقربائها ومكتحزنش عليه ببساطة حيت واخا قراب برابطة الدم إلا أنهم كانو متباعدين فالحياة شفتيه مرة ولا زوج فحياتك
أما بالنسبة لشيماء وجمانة فراه معمرهم تفارقو حتى نهار رباو بعضياتهم صهرو على مرض بعضياتهم شيماء لي كانت تعتبر نفسها مسؤولة على جمانة ومسؤولة على كل شيء فحياتها كانت تضحي بنفسها من أجلها
حيت لي جامعهم خاجة عظيييمة وولات نادرة فوقتنا
جامعاهم صداقة حقيقية

ولكن شيحاج فالداخل نتاعها ممتيقاش كلام جاسم مستحيل تيق وتتخيل أن جمانة صافي ماتت
واقفت أمامهم كللهاا كترجف وصفرة وخدودها غيطرطقو بلحمورية ودموعها شلال يديها المصابة فيها الفاصمة عمرات بالدم وحاملة بيدها اليمنى السليمة لي كترجف سكين فواكه وكتشوف فيهم واحد واحد
شيماء : بعدو خلي خليوني نم نمشي فحالي لي قرب غن غنقتلووو

(لبنات تارا وأيار وباربرة بقات فيهم وغير تيبكيو وسوزي كذلك أما الجدة حست بدوخة وشاداها هيلدا ونطقات )
الجدة : بنيتي تهدني راه مكاينش هنا لي يآديك ولا يضرك ماغانخلي حد يقرب ليك أبنيتي
شيماء : حولت نظرها للجدة رجاء وشافت فيها من وجهها عرفاتها سيدة طيبة وشبهاتها لمديرة الميتم لالة خديجة الشيء لي خلاها تتكلم معاها بنبرة صوت كلها ألم وتعب وهي كترجف وحتى صوتها كيرجف ودموووعهاا
شيماء : خخالتي قولهم يخليوني هىئ نخرج أخالتي راه صاحبتي كتسناني عاونيني
الجدة : أبنيتي غير شوفي حالتك بعدا شوفي يدييك وخلي موضوع صاحبتك من بعد
شيماء : بصرااخ ) وااالالا هئ لا ررراااه كانت سخ سخفااانة أخالتي لوقعات ليها شيحاجة نموت فيهاأنا سباااااب قالت قالت ليا نهربو من المؤطر ونبقاو فكازا ونخدمووو وأنا لي رفضت أنا سبابهاااا أنا خفت عليها من كازااا خفت منقدش نحميها هئ من لوحوش لي هنااااا والله أخالتي خفت غير عليها أمااا أنا مكيهمنييش راااسي قلت ليها نجمعو فلووس ونجيو هئ كون سمعت ليها كوون غير سمعت ليها ومركبناش ومرجعناااش أنا أنا هي سباااب واعدتهااا قلت ليها غن غنحميها كان فيها دم دم بزااف خاص خاصني نمشي عندها راه حلات عينهااا
)شيماء ولات دخل وتخرج فلهضرة والعائلة كلهم بقات فيهم حالتها كانت خايبة بزاف كلهم تأترو بآش وقعلها حتى الشباب )
شيماء شافت فجاسم بحدة وبتخنزيرة وسط دموعها وغوتات عليه )تتمة الجزء 36😍

شيماء شافت فجاسم بحدة وبتخنزيرة وسط دموعها وغوتات عليه )
كداااااااب نتااااا كدااااب راااه ماااماتتش ألكداب راه حلاتليي عينيها والله لعظيم تاحلاتهم لاش قلتيلييي ماااتت
رجعت حولت عينيها لدراري كلهم لي كانو واقفين أمامها وبقات كتشير عليهم بلموس)
وااا حيييدو خليوني نمشييي واحيدووو بعدوو منيي ماكانعرفكمش لاش تحبسوني هنا صاحبتييي كتسنانيي
جاسم : تمشى خطوات لجيهتها وهي شافتو وبدات تتنفس بسرعة )
شيماء : بع بعد والله تانضربك بعد
جاسم : حبس ما بينو وبين لموس لي موجهة ليه والو لدرجة راس لموس لمس صدرو بحكم فرق الطول بيناتهم ونطق )
جاسم : لاكنتي غاتهدني ملي ضربيني إذن ضربي
شيماء : هزات عينيها القزحية وتقابلات مع عينيه ومازالها كترجف من الحرارة لي طالعا ليها والصدمة ) شن شنو بغيتي مني مكنعرفكش واش حيت شفتكم لبارح شفتكم كتخرجو لعافية من يدكم شففتكم وااش نتوما جنون ولا سحارة أنا مسوووقيش فيكم مكنعرفكمشش غير خليني نمشي فحالي
جاسم: معندك فين تمشي
شيماء : غات غاتحيد ولا نضربك بلموس
جاسم : ضربي
شيماء : سرطت ريقها ويدها ليفيها لموس كترجف هزاتها تال سما
شيماء هزات يدها ليفيها لموس تالسما
هيلدا ولبنات وسوزي والجدة شهقو ودراري تصدمو من جمود جاسم ولكن ماخايفينش عليه بكل القوى لي جامع عاد غايأتر فيه موس لي استغربولو هو جمودو )
شيماء : ضنت أنها فاش غاترفع لموس غايتراجع ولكن بقى جامد )
شيماء : دموعها شلال ويدها مرفوعة أمامو وهي هازة لموس ) هئ هئ واحيد من طريقي مابغيتش نضربك حيييد
جاسم : ماغانحيدش يلا كنتي غاتهدني غير ضربي
شيماء : طاح لها لموس من يدها للأرض ولكن يدها بقات مرفوعة وهي تنزل عليه بيها بتصرفيقة )
كلهم شهقو من فعلتها وكانو متأكدين مغيدوزهاش ليها جاسم بالساهل
جاسم : كان متوقع ضربها ليه بالسكين ولكن صرفقاتو متأترش بضربتها حتى أن وجهو ما استدارش من أتر الضربة وهز عينيه فيها )
شيماء : تراجعات خطوات للوراء كترجف وبدات تحس بدوخة وشافت يسارها كانت نافدة محلولة ومشات كتجري ليها وقبل ماتوصل ليها حسات بألم رهيب فصدرها ليخلاها توقف وتشد فطاولة عليها مزهرية كانت فطريقها بقوة حتى طاحت ديك المزهرية وصرخااات )🎩#وحش_ذات_القزحيتين🎩

✏للكاتبة ✏ chaymae ouaj
💢توضييح 💢
💢بنات هذا توضييح 💢
للي مافاهماش العلاقة العائلية بين الأبطال
🌿🌿🌿🌿🌿

هانتوما ركزو معايا وتخيلو العائلة فمخيلتكم

جااااسم علاقتو بعدنان غسان وباربرة ؟

عدنان غسان وباربرة هم إخوة من نفس الأم (هيلدا)
ومن نفس الأب (ناصر)
الجد زيداان عندو ربعة دالأولاد

أسد لي كبير

ناصر

معاااذ

عليي

واخا فهمو مزياان
ولاد زيدان ناصر وأسد خوت وراه تزوجو جوج خواتات هييلدا (ماين التوأم وباربرة ) تزوجات بناصر

وريبيكا (ماين جاسم )تزوجات أسد خو ناصر وولد زيدان

❄يعني جاسم والتوأم وباربرة هم أولاد عم وأولاد خالة فنفس الوقت
غير هو ملي ماتت ريبيكا وأسد هيلدا رضعات جاسم حيت كان مزالو صغير وهي كانت يلاه ولدات توام وماشي غير رضعاتو رباتو راه كيعيط ليها لواليداا

ريبيكا لي هي خت هيلدا ومرات أسد مااتت هي وراجلهاا أسد فحادث تحطم للطائرة وهناك لغز هنا غاتعرفوه من بعد
هييلدا وريبيكا هما روسيتان من عشيرة أسكانيا )

الجد زيدان بلا ناصر وأسد عندو جووج وااد خرين

معاااذ لي هو طبيب هو راااجل الهندية سوزي وباين فيليكس وأيار

يعني فيليكس وأيار خووت وولاد عم جاسم لي كيعتابر عمو معاد بمثابة أب

الولد الرابع للجد زيدان هو

علييي : عليي هو ليقلت ليكم جنرال الجيش المغربي هو باين دياب بو عضلات وباين تارا لي مبلية باللون الأسود
دياب وتارا خوت أمهم هي سميحة ماتت ملي كانت تولد تارا وهي داكشي باش تعقداات كتقولهم كون ما تزاديتش ماتموتش مي والعقدة ديالها فرغاتها فاللون الأسود كلشي بيتها حوايجها شعرها مكياجها كلشي أسود

وسميحة هي متحولة مصرية

يعني جاسم ولد عم دياب وتارا
💢💢💢💢💢

لي مفهماتش شيحاجة تسولني🎩#وحش_ذات_القزحيتين🎩

✏للكاتبة ✏ chaymae ouaj
💢💢وهاذا توضيح حول المتحولين وقوانينهم 💢💢

المتحوليين فالعالم منعزلين وغالقين على نفسهم كجنس يعني كنوع
واضعين قوانين من لي كانت موجودة من مئاااااات السنين قوانين لي كيطبقوووها بالحرف
وهي السبب لي خلاتهم عايشين فالعالم بحرية وبدون خوف حيت لاعرفو البشر العاديين بوجودهم احتمال يبغيو يستاغلوهم ويستاغلو قواهم فالحروب بين دولة وأخرى يعني غيوليو المتحولين كسلاح للدول أو احتمال يخافو منهم ينوضو عليهم الحرب يبغيو يقتلوهم …….. هاداكشي باش خافيين نفسهم .

وعندك فالعالم كووولووو كل عشيرة كتعيش فدولة وحدة يعنيي مستحييل تلقاي جوج عشارئر أو عائلات دالمتحولين عايشين ومستقرين فنفس الدولة علاش
حيت بحالا قلتي كل عشيرة كتحكم فدولة ومسؤولة على دولة
يقد مثلا متحول ماشي من آل ستارك يدخل للمغرب ويقتل فالناس ويعرفو العشائر أن متحول هو مول لفعلة
شكون غايتحمل المسؤولية فهاذ الحالة ؟
جااسم حيت هو رئيس عشيرتو وغاتسبا فعشيرتو حيت هو لي ماحضاش حدود دولتو
داكشي باش كل رئيس عشيرة مراقب الدولة فياش عايش وممنوع أي متحول من عشيرة أخرى يدخلها دون إذن كيدخلو سياحة ولا من أجل صفقات أعمال ولكن باذن رئيس عشيرة تلك الدولة
🍂🍂🍂
بالنسبة للزواج
هم من أسمىى قوانينهم أنهم مانعين يتزوج بشري عادي بمتحول باش مايتكشفش سر المتحولين عند البشر
لناض كل متحول تزوج بشرية فراه غايولي كلشي عارف بوجود المتحوليين …

أما الهجين

ففي اعتقادهم أنهو لاتزاوج متحول من بشري غايولدو هجين لي غايكون وحش يقدر يكون عندو قوى لي دمرهم كامليين سواء البشر والمتحولين أي أنهم
الهجين عندهم بحال الوحش غايكون سبب هلاكهم لا البشر لا المتحوليين

داكشي باش العشائر ظايرين واحد النخبة كتكون من فرد من كل عشيرة كيقودهم متحول قوي من عشيرة بألمانيا (غنطرقو للأمر فالقصة)
هاذ النخبة مكلفة بقتل المتحوليين خارجي القانون وقتل أي هجين سواء جنين فبطن أمو أو تولد

وأي واحد خالف القانون من المتحولين كيتجمعو رؤساء العشائر فكل العالم كيتجمعو فقصر بألمانيا وكيحددولو عقاب
لكان مثلا استعمل قوتو أمام البشر كينفيوه
لكان ضر البشر بقوتو أو قتلهم كيقتلوه .لكان تزاوج مع بشري كيقتلوه هو والبشري

وهاذ النخبة لي مكلفة بمراقبت كل العشائر وصيد المتحولين خارج القانون كتألف من المتحولين الأكتر وحشية

كلشي هدشي غيكون هو مجرى القصة بغيتكم غير تفهمو 💢💢💢🍂🍂🍂🍂🍂

Leave a comment