Skip links

قصة : الوحش وذات القزحتين الجزء 2 ( عشق جبابرة) ج77

 38,408 عدد مشاهداات

♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 750🕯
(سام نطق بهدوء وهو كايشوف فجبار لي تكاوه عصمان وفارس على واحد الفوطوي تما )..

سام : ولكنو هاذ المرة هو غالط يا سيد خليل ((شاف فيهم ))النبوءة مافيهاش ثغرة …وتدمير نبوءة عندو عاقبة وخيمة على مدمرها وعلى كل صنفو …وهو بفعلتو ليكان ناوي يدير فانه يمحي قوة استنساخو كان غايتسبب ماشي غير فتدمير النبوءة بل أيضا فتدمير ومحو اهم شرط من شروط تدمير الكتاب (غوت ) آه فعلا الكتاب مازال مابين شروط تدميرو ولكن النبوووءة ذكراات شرط تواجد جبار ذو المئة قوة وأنه هو وساندرا غايدمرو الكتاب بجوووج كيفاش ؟ مزال ماعرفنا ….ولكن لي انا وكل السحرة متأكدين منو أن جبار غايكون عندو دور ..فا هو بمسح قوة استنساخو غايقلب كل موازين السحر ماغايدمرش غير النبوءة بل غايمحي حتى شرط من شروط تدمير الكتاب..وهاذشي لا أنا لا هو لاشيواحد آخر نقدرو نعرفو عاقبتو ولكن كساحر كانقوليكم أنها خطيرة وبزاااف وماغاتحلش غير عليه بوحدو كيما هو متخيل …بل على كل صنفو وشكون شاف على ساندرا وعلى معاشر سحر الخير …

خليل : كل هاذشي لي قلتيه مكايعطيكش الحق فأنك تخدرو بهاذيك الطريقة يا ساحر (شاف فخوتو ) ونتووما تهاجموه بهاذيك الطريقة حيت منلي غايفيق ماغايدوزها حتى لشيواحد منكم وخصوصا نتا (وأشار لسام ) غيير شهد على روحك …

سليم لي مزال كاينهج غوت ) باااراكا (شاف فيهم مخنزر ) قرارو هذا غلط أو لا… مكااايهمنييش ….مستحييييل كنت نخليه يتخلى عن قوة استنسااخو لو شنو ماوقع …حتى لو كان الثمن أن سميحة تولي بخير (سرط ريقو ) مستحيل نسمحلو يضحي بكيانو كمتحول …

وسيم وقف قدامو ) وحتى انا اخويا وداباا (دور راسو شاف فسام ) خاسنا نلقاو شي حل قبل مايفيق …

سام تنهد ) مكاينش حل يا إما يتدمر الكتاب فأقرب وقت ممكن يا إما النبوءة غاتقتل الجنين ذو قوة الاستنساخ اللامحدود وحاملته …(وسكت ثواني كايتذكر الإحساس دالرعب القوي لي شدو فالصباح ..ولي لدااابا مافاااهمش سببو …حتى قاطع أفكارو سؤال عصمان )

عصمان وعيونو على جبار ) شحال غايبقا ناعس ؟

سام شاف فساعة يدو كانت 7 مسائا ) عالأقل عشر ساعات عاد غايبدأ يسترجع وعيوو (وشاف فجبار ) …

خليل ابتاسم باستهزاء ) إذن عندك الوقت فين تعلق يا ساحر وكنصحك تقصد شيوحدة من هاذوك الجزر المحجوبة بسحركم باش تضمن انه ماغايلقاكش …

( سام خنزر فيه بلا مايجاوبو …وسليم بالتعب جر كرسي جلس وشد راسو بين يديه كايفكر …ونفس الشيء داروه الباقون جرو كراسي وجلسو )….

عصمان : أشنو غانديرو دابا …

سليم شاف فيه بقلة حيلة …وبدون رد…زير على يديه وعم السكوت لثواني حتى بدأ هاتف جبار لي فوق الكاولة كايرن ..ناض سليم هزو لقاها ساندرا ……يتبع♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 750🕯

❤تتمة❤

سليم شاف فيه بقلة حيلة …وبدون رد…زير على يديه وعم السكوت لثواني حتى بدأ هاتف جبار لي فوق الطاولة كايرن ..ناض سليم هزو شاف المتصل لقاها ساندرا ……
🍀🍀🍀

ونرجعو لقصر لستارك وبالضبط عند زليخة…لي بعدما كملات مكالمتها للبوديكارد باش يجهزلها اليخت ….قطعات عليه وبقات واقفة فبلاصتها شحااااال وهي غير كاتفكر فهاذشي كولو….لدرجة تنادم معاها الحال على ديك الموافقة لي وافقات تعاون فيها ساندرا.. دمعو عينيها وحسات بإحباط كبير..ولأول مرة كاتحس بنفسها حايرة لدرجة التلفة … خرجات من لي طواليط دقاعة البيسين المغطى ..وهي كاتجري توجهات لجناحها دخلات سدات الباب وجلسات على سريرها ….كاتبكي وتبكي بجهد لدرجة صوت بكائها مسموع فكل جناحها وهي كاتحس بنار شاعلة فقلبها حيت فاهمة ومستوعبة أن ساندرا مشات تضحي براسها بلاصت جبار …مشات بلا رجعة….فا زليخة غير كاتبكي والذنب كياكل فيها والحيرة مدوخاها لدرجة بظات تلوم فنفسها حيت مادامها وافقات تعاونها …إلا أنها اختارت حياة جبار وضحات بساندرا …..

زليخة سكتات من نواحها مخنزرة ومسحات دموعها بيديها بعصبية )هي لي اختارت طريقها و هي لي مقصحة راسها فا شنو ماوقع ليها ماشي ذنبي… أنا مادرت والو فا إذا وقعات ليها شيحاجة أنا أ أ أنا أ أ أنا غان أنا غان…… (وسكتات سرطات ريقها وحركات راسها بلا وغوتاات ) أناااا ماااانقدرش ماانقدرش لاوقعات ليها شيحاجة ضميري غايقتلني وبأشمن وجه غانشووف فجبااار مرة أخرى (وقفات شادة راسها وكاتمشي وتجي بلاصتها ) أش ندير أش نديير…(وبسرعة طارت على تلفونها …دوزات الخط لجبار لقاتو طافي عضات على شفتيها وحلات واتساب وبدأت تكتب رسالة لجبار كاتعاودليه فيها كل شيء بالتفصيل …لدرجة نص ساعة وهي كاتكتب بزربة كتبات جريدة و ختمات رسالتها بخطة ساندرا ليناوية دير باش توصل لجزيرة المتاهة بلا مايحسو باقي السحرة بأن المختارة فطريقها لتدمير الكتاب …..ويالاه غاتحط اصبعها على سهم الإرسال حتى جمدات ولعرق كايهبط مع جبينها )

♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 751🕯
زليخة : لا م مانقدرش غير غانعقد الأمور (وجلسات على سريرها وبلا خاطرها بداو تاني دموعها كايطيحو وهي غير كاتهضر مع راسها ) جبار مستحيل يخليها تمشي بوحدها والوقت مكاينش فا أكيد غايمشي معاها وحيت الوضع خطير غايمنعنا كولنا نمشيو فا هاذشي كايعني أنه غايضحي هو براسو ومستحيييل نسمح بهاذشي ..(حنات راسها ودموعها غير كايطيحو ) فا يا هي يا هو وأنا مستحيل نصبر توقعلو شيحاجة وفنس الوقت مستحيل نسمح ساندرا تضحي على قبلنا(غوتات ) أشنووو ندييييير (وسكتات منلي تفتح عليها الباب ودخلات عندها هاندا…هاذ الأخيرة لي وقفات مكانها مخرجة عينيها فالحالة دزليخة لي خلعاتها..)
هاندا تحركات كتجري جلسات حداها) زيلي ماالكي !! اش وااقع !!
(زليخة خنزرات وبدات تمسح دموعها وهي مزيرة على فمها ونطقات بعصبية )
زليخة : وااالو وعلاش مدرمة عليا عالأقل دقي …
هاندا غير كاتشوف فيها باستغراب ) د د دقيت وكتر من مرة قولي ليا مالكي واش عصمان تاني .. …
زليخة زفرات بعصبية ودموعها غير كايطيحو ) خرجي خليني بوحدي …
هاندا : اويلي مالكي ؟ ماعمرني شفتك كاتبكي هكا من نهار وقع بينك وبين جبار هذاك المشكل فلكلينيك دلستاركس زشافطم عصمان منلي كانت ساندرا عيانة بسبب فك الربط و…..
زليخة غوتات ) وا بااراكا خرجي خليني بوحدي راسي كايحرقني ماتزيديليش …
هاندا سرطات ريقها وكاتهضر بهدوء ) تهدني (شدات يدها ) قوليلي أشنو واقع ماتنسايش أنا ونتي صحابات من الطفولة وكنتي كاتعاوديلي كل شيء حتى فعز عصبيتك كنتي كاتجي عندي أنا بوحدي من دون كل لبنات تخويلي قلبك فا أشنو تبدل دابا ؟..(وسكتات كاتشوف فيها ..أما زليخة فا غير ساهية وماراضياش تبكي قدام هاندا أي دمعة طاحب ليها كاتمسحها )
هاندا ماتلقات منها حتى رد فا تنهدات ) واخا أنا نخرج نخليك براحتك (ابتاسمات ليها ) وقتما بغيتي تعاوديلي غاتلقايني كانتسناك ..(ويالاه جات تنوض حتى شدات زليخة يدها وهي تنفاجر كتبكي بصراخ… مابقاتش قادة تصبر على هذاك الثقل لي هازة فقلبها ..فا وبسرعة عاودات لهاندا كووولشي وبالتفصيييل …كل شيء على لعنة الكتاب لي غايلقي على ساندرا لادمراتو…..وأشنو هي قوة جنين سميحة لي مابانتش ليهم حيت هو كسر النبوءة لي كاتقول أن جبار هو أقوى متحول فصنفو …. وأن الكتاب خطر كبير على حياة سميحة وهو السبب فتراجع صحتها هي وجنينها وإيلا ماتدمرش فأقرب وقت باش تتدمر داخلو تلك النبوءة …سميحة غاتموت لاهي لا الجنين ….ومخطط الشباب المستحيل فأنهم يلقاو ثغرة للنبوءة … والأهم تحكم ساندرا سرا بآخر عنصر سحري بقاليها وبهذا وراها الكتاب فين وكيفاش تدمرو ومخطط هاذ الأخيرة باش تمشي بوحدها و انها طلبات منها اليخت دباها …. سرسبات ليها كوولشي وبالتفصيل..لدرجة هاندا جاتها اللقوة )
زليخة مزززنكة بكترت مابكات وهي كاتشوف فهاندا ومزالها كاتبكي ) ماقدرتش ندمت حيت قلت غانعاونها وفنفس الوقت ماقاداش نهز تلفون ونقول كل شيء لجبار حيت بحالا غانسيفطو للموت بيدي وفنفس الوقت (حطات يدها جهة قلبها ) قلبي كايحرقني على ساندرا هي يتيمة وماعندها غير حنا وبيدي غانعاونها تمشي تقتل راسها ..أشنو نديير ..♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 752🕯

هاندا : ب ب بلاتي أحم (سرطات ريقها وهي ماقاداش تسرط كل ماسمعات ) بلاتي الكاميرات دجناحك غايسمعونا وو..

زليخة غوتات ) واااماكاينيينش كاميرات فجناحي معلقين غاديكوور أنا كنتحكم فتشغيلهم وقتما بغيت ودابا قوليلي أشنو الحل أشنو لي صحيح وأشنو لي غلط ..

(هاندا تكعدات للجلسة لي فالجناح خدات كأس ماء من فوق الطاولة ورجعات مداتو لزليخة لي شداتو منها كاتشررب )

هاندا : من هاذشي كولو لي قلتي وكيفاش عاودتيلي على الليدي ساندرا (ابتاسمات ) واضحلي أنو هي ولات قوية بزاف ..

زليخة حركات راسها بلا ) هي كاتتظااهر القوة وكاااتتظاااهر أنها ماخايفاش ولكن أنا شفت فعينيها العكس…شفت فعينيها الرعب …

هاندا : وعلاش ماغاتخافش… أنا لو كنت بلاصتها كوراني حماقيت ولا قطعت شرايين يدي وتهنيت من كل هذا … ولكن هي لا …هي اختارت تقوم بمهمتها بكل ثقة فالنفس (زليخة يالاه غاتهضر حتى قاطعاتها هاندا لي كاتهضر وهي مبتاسمة ) آه الليدي ساندرا ولات أقوى يا زليخة وأحيانا الثقة فالنفس كاتكون بحد داتها قوة ….فا لي خاسك ديري هو أنك تييقي فيها وتعاونيها هي طلبات مساعدتك فا ماتخذليهاش آه اللورد جبار هو اللورد الأول وبحال هاذشي خطير بزاف يدار مور ضهرو ولكن ساندرا هي أيضا الليدي الأولى ومساعدتها غاتكون من واجبك ولاءا لها وحتى للورد جبار ..عالأقل غايعرف من بعد.أنك عاونتيها وكنتي سبب حتى وصلات لهاذ الجزيرة بخير …

(زليخة لي ساااكتة كااادور كل كلام هاندا فراسها..حتى وقفات قافزة كاتلبس سبرديلتها البيضاء وكاتهضر بالزربة )…

زليخة : عندك الصح أنا غانعاونها على قبلها وعلى قبل جبار (شافت فهاندا ) وبنفسي غانسهر على أنها تكون بخير (تكعدات كاتجمع شعرها اسفنجة ) غانمشي دابا نحطلها اليخت فين قالت …

هاندا لي مزالها جالسة بلاصتها ) نجي معاك …

زليخة خرجات فيها عينيها وغوتات ) لالا … وعنداك ساااندرا تعرف أني عاودتليك او نتي تقوليها للبنات واااصحك توصل لسميحة..حيت سليم غايقتلني أنا ونتي …

(هاندا حركات راسها بواخا …وزليخة هزات صاكادوها وخرجات كاتجري قاصدة باركينك سيارات لستاركس لي تحت القصر تهز سيارتها …..مخليا موراها هاندا لي اختفات ابتسامتها ..وخرجو عينيها …حطات يدها على قلبها لي غايخرج بالخلعة بسبب كل ماسمعات من زليخة لي تظاهرات أمامها بالبرود والتبات غير باش تهدنها …..أما داخلها فا الصدمة من كل ماسمعته خلات قلبها يرجف )

هاندا : ه هادشي خطير ب بزاف مسكينة ساندرا (سرطات ريقها ) مستحيل تواجه كل هذا بوحدها (حنات راسها بعيون دامعة ) آه هي قوية ولكن ماشي لدرجة تنجح في اختبار بهاذ الخطورة(سكتات منلي تفكرات خليل الشيء لي خلا دموعها يزيدو غزارة) لو كنت بلاصتها كنت غاندير نفس الشيء باش مانشوفش الشخص لي كانبغي كايضحي بسبابي ..(سكتات وهي تخبط حناكها بجوج بيديها بجوج مصرفقة راسها ) سكتي ألحمارة أشمن حب وأشمن تضحية حتى يكون خليل أصلا كايشوف فيك غير الشوفة هي الأخيرة عاد يموت على قبلك او موتي فسبيلو (بدات تبكي بصوت مسموع ) وواخا يديها فيك أصلا مستحيل تقارنيه باللورد جبار حيت هذاك بارد القلب خاسو يزيد للقدام بسنواات ضوئية عاد يوصل لدرجة حب اللورد للكونتيسة فا فيقي أشنو مزال كاتسناي منو (ووقفات كاتبكي ) أنا متأكدة واخا يشوفني كانمووت ماغاتحرك فيه حتى شعرة (حلات باب جناح زليخة وتحركات كاتمشى بخطوات سريعة فلكولوار دالاجنحة وهي كاتبكي وتهضر بعصبية ) وواخا نمشي مع سااندرا ويعرف أني فخطر ماغايجيش ينقدني حيت ماكانهموووش هو قاالها هو هاانني وبزاااف و…(قاطعها صوت من الخلف )

…… :اشمن خطر و علاش فين غاتمشي ساندرا ؟

♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 753🕯
…… :اشمن خطر و علاش فين غاتمشي ساندرا ؟
(هاندا استدارت لقات موراها سماح هاذ الاخيرة شادة طاسة دلهريسة فيد والأخرى فيها باگيطة او الخبز كدوزو بلحار وغير كتاكل…هاندا كاتشووف فيها وغير كاتبكي )
سماح : اتي مالك ؟
هاندا نطقات بزز غالب على صوتها الاختناق بسبب البكاء ) : دابا ل لاكنت أنا بلاصت ساندرا مثلا و وأنا لي محطوطة فهاذ الحالة وضاير بيا كل هاذ الخطر (شهقات ) واش واش خليل غايحن قلبو عليا ولا ما ماغايتسوقش ليا مت ولا عشت ؟
سماح كاتشووف فيها والخبز ففمها )أشمن حالة وأشمن خطر (حيدات لخبز من فمها وجراتها جلساتها فصالون عصري كان قريب ليهم ) عاوديلي عاوديلي ونقولك واش خليل غايخليك تموتي ولا لا …
هاندا هزات عينيها شافت فقنت حيط الصالون كاميرة …وهي تقرب من سماح تامابقا فاصلهم والو ونطقات بهمس )
هاندا : وواعديني الأمر يبقا سر حيت لاعرفات زليخة غاتدبحني …
سماح غمسات طرف من لباكيطة فلهريسة ) كوني هااانيا (وخشات الطرف ففمها …اما هاندا فاقربات ليها وبدأت تهمس ليها فأذنها …عاوداتليها كل شيء سمعاتو من زليخة وبالتفصيييل …سماح تبلوكات بفمها لعامر وصفارت بالخلعة …دورات راسها شافت فهاندا )
سماح : ي يع يعني ل لكت لكتاب هو هو سباب سميحة ووممم(طارت عليها هاندا سدات ليها فمها ونطقات بهممس)
هاندا : شششششت ازمرة لكاميرات فوقنا …
(سماح ماجاوباتهاش …وهاندا تنهدات ونطقات وكل كلامها هامس )
هاندا : رتاحيت فاش عاودتليك ولكن عندااك توصل للبنات وخصوصا ختك اللورد جبار واللورد سليم مانعين بمرة لهضرة توصل ليها حيت وضعها الصحي مايسمعش …
سماح لي ساهية فنقطة وحدة ) سميحة عندها غير يوماين فحياتها ..
هاندا خرجاات عينيها ونطقات بهمس وهي معصبة ) وااا لا ازمر حييت للييلة مع لفجر ساندرا غاتمشي وغير توصل لهاذيك الجزيرة الخطر غايبعد عن سميحة وهاذشي أكداتولي زيلي …
(سماح سرطات ريقها وشافت فيها )
هاندا تنهدات ) حمقة أنا(ضحكات على نفسها )ههه عرفتي للحظة تمنيت كون أنا لي بلاصت الليدي ساندرا غير باش خليل يحن قلبو عليا ولو شفقة منو …(ووقفات ) كايبانلي خاس نجبد قلبي نشويه وناكلو وإلا غانبقا مدلولة فحبو طول حياتي (تنهدات ) أنا فجناحي (وخرجات من الصالون )
(سماح لي بقات جالسة مكانها بصدمة كاتحاول هي الأخرى تسرط كل ما سمعته ..وفكرة أن حياة توأمها رهينة بتدمير الكتاب والنبوءة لي داخله …خلات يديها كايرجفو بالخوف …نطقات بهمس وفمها كايرجف )
سماح : وأنا لي يحسابلي وضعها الصحي هكاك غير بسبب الحمل (حركات راسها بلا ) مايمكنش (ووقفات حتى تقلبات طاسة دلهريسة على لموكيط فالأرض ) دابا ساندرا غاتمشي تموت على قبل سميحة تعيش وإيلا هي بقات …يوماين زايدين سميحة غاتموت ( تحركات كاااتجري في اتجاه جناح توأمها …وثواني حتى وقفات أمامو كااتنهج وهي غير كاتبكي وماقدراتش تحل الباب وتدخل تشوفها فقط واقفة قدام الباب كاتبكي وكاتحرك راسها بلا )
سماح : أشنو ذنبك نتي مادرتي والو أشنو علاقتك أصلا بالسحر (شهقات ) علاش نتي كان خاس تكون أنا عالأقل أنا نستاهل طول حياتي غامعصبة وكانغوت حتى عليك أما نتي واخا تكون واصلة فيك لعضم كاتكوني ضاحكة وضحكتك هي لي منورالي حياتي فا علاش نتي ( تحنات قفازية قدام باب الجناح …حظنات ركبتيها كاتبكي وتبكي …حتى تفتح الباب )
…. : أبسمله عليك مالكي ويلي ؟
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 754🕯

…. : أبسمله عليك مالكي ويلي ؟

(سماح هزات راسها لقات أميرة واقفة عليها ..وهي توقف حتى هي )

أميرة : مالكي ؟

سماح : والو (وجرات باب الجناح دختها لي خلف أميرة سداتو )

أميرة : ماغادخليش تشوفي ختك إذن علاش جيتي ومالكي كاتبكي ؟

سماح : مانقدرش نشوفها …

أميرة : راه عاد تعشات والطبيبة وعمتو تارا وعمتو أياير معاها ماكايفارقوهاش فا ماتخافيش ( وعنقاتها ) ماتبكيش هي غاتكون بخير..

سماح عاد مازادت فبكائها وبزز نطقات ) لا هي ماغاتكونش بيخير وإيلا مشات غانتبعها مانقدرش بلا بيها ..

أميرة بعداتها عن حظنها ) أوييلي مالكي كاتهضري بتأكيد وتفايلي عليها…

سماح : حيت ..( وسكتات كاتشوف فجنابها …شدات أميرة من يدها وجراتها للبالكون لي كان قريب ليهم ..خرجو وقفو فيه وهي تبدأ سماح كاتعاود ليها كل شيء هي الأخرى بالتفصيل …كاتعاود وهي كاتبكي )

سماح :يومان يا أميرة إيلا ماكانتش ساندرا فهاذيك الجزيرة سميحة غاتمووت وأنا متأكدة أن ساندرا ماغاتوصلش حيت خويا جبار لاعاق بيها ماغايخليهاش والوقت أصلا فاش غايناقشو هاذشي كولو من جديد مكاينش حياة ختي يا أميرة علاش تتربط بهذاك الكتاب علاش ..هي بعيدة على هاذشي علاش هي اشنو دارت (غوتات بعصبية ) وأصلا منلي عرفووو هاذشي كااامل كاان خااس سلييم يقرر يجهضوو لييها مااشي تافاات لفووت ودخلات فالشهر الرابع..كلهم أنااانييين علاش يخليييوه ليها بناااقص من نسل الاستنساااخ إيلا كان غايودي بحياة ختي …

أميرة كاتشووف فيها بضدمة من كل ماسمعته ومن كلام سماح) ختك ختك ختك (غوتات) أهااه … إوا وهاذيك المسكينة لي غاديا لموتها برجليها باش ختك تعيش …ماكاتفكريش فيها هي كااع ولا حيت يتيمة وماشي هي لي ختك !

سماح حركات راسها بلا) بالعكس راه هاااذشي لي كيزييد يحرقني ولكن عالأقل ساندرا ساحرة وهذاك الكتاب ديالها و..

أميرة قاطعاتها ) آه فعلا ساندرا ساحرة ولكن واش نسيتي أنه حنا صنفنا كوولو أساسو تعويذة وحدة من تعاويذ السحرة ؟ فا ديري فباالك أن ساندرا مامسؤولاش على وضع سميحة وإصحك تمشي شينهاار تلوميها حييت كيما تدمير هذاك الكتاب السحري مهمة وقدر ساندرا ….فاراه حمل سميحة بجنين عندو قوة الاستنساخ اللامحدود وخرقه للنبوءة هو قدرر سميييحة حتى هي وتاوحدة منهما ماعندها ذنب …فا ساندرا مااااشي هي السبااب

سماح حنات راسها كاتبكي ) مالمتهااش وماعمرني غانلومها بالعكس مانقدرش نشوفها كاضحي براسها وفنفس الوقت مانقدرش بلا سميحة (غوتات كاتبكي ) غانحماق ….

أميرة لي تاهيا بداو ينزلو دموعها عنقاتها مزيرة عليها ) شششت تاوحدة منهم ماغايوقع ليها شيحاجة وساندرا قوية خاسنا نتيقو فيها كيما هي تاقت فنفسها….
♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 755🕯
(وماشي بعيد عليهم واقفة مدركة بحيط البالكون وهي جامدة مكانها ومخرجة عينيها من كل ما سمعات …. آه هي كانت عااارفة بنوع قوة جنين سميحة ..وبالخطر لي ضاير على حياتو هو وسميحة بسبب الكتاب …وكانت متأكدة من أن ساندرا ماغاتجلسش مكتوفة الأيدي ومادير والو كيما وهماتهم كلهم وهاذشي علاش كانت حاضياااها طول هاذ الأيام وملي ماحصلات عليها والو بدأت كاتيق نوعا ما أن ساندرا فعلا ماغادير حتى خطوة متهورة الشيء لي خلاها ميكات عليها شويا …ولكنها حاليا …عرفات أن ساندرا كانت كاتتدرب على عنصر الهواء باش الكتاب يبين ليها طريقة تدميرو …وكانت كاتتدرب قدااااامهم وتاوحدة منهن ما حاسة …وأكتر من هاذا …هي غاديا فطريقها لتنفيذ مهمتها هااذ الليلة …….
جمانة الواقفة خلف الحيط مخرجة عينيها بصدمة… سمعات سماح وأميرة تحركو يدخلو ..ومشات كتجري لجناحها قبل مايحسو بها …أما هما دخلو من البالكون وتحركو كل وحدة لجناحها ….)
🍀🍀🍀🍀
ونمشيو لجناح ساندرا ….هاذ الأخيرة لي بعدما خلات زليخة …توجهات مباشرة لجناحها …دخلات للدريسينغ روم غيرات ثيابها لمبلولة ولبسات سترينغ أسود و فستان أيضا فالأسود بعدما دهنات لحمها …نشفات شعرها لبوكلي وخلاتو مطلوق ..وحطات رشات من عطرها دالخزامة وهي مبتاسمة مع مكياج خفيف….خرجات من الدريسسنغ وجلسات مربعة رجليها فوق سريرها مبتاسمة وهي كاتفكر وتعاود فخطتها …والطريقة باش غاتخرج من القصر ….ساعة وهي غير ساكتة كاتفكر حتى نقز عندها قردها لونا حظناتو عندها ونطقات بلغة السحرة وهي كاتشووف فيه )
ساندرا :مانقدرش يا لونا مانقدرش نمشي ومانشوفوش ولو لآخر مرة فحياتي (ابتاسمات ) بغيت نشوفو ولكن كيغاندير(تنهدات كاتفكر ..حتى ابتاسمات وهي تهز تلفونها بسرعة ) غانقوليه يجي توحشتو وأكيد هو غايبان قدامي فرمشة عين (ضحكات ) وعارفة غايبقا معايا غير لساعة او ساعتان حتى ننعس ويمشي ولكن ماشي مشكل حيت عالأقل غانشوفو قبل مانمشي ياك …
(القرد بدأ كينقز ويصفق بيديه كأنه كايوافقها الرأي ..وهي بسرعة دوزات الخط لجبار …وبدأ كايرن ويعاود حتى استغربات حيت دائما كان كايجاوبها دغيا …حتى قالت ماغايجاوبش وهو يتشد الخط )
🍀🍀🍀🍀
وفنفس اللحظة ولكن في محكمة المتحولين … وبالضبط قاعة المحاكمة …كل الشباب جالسين على كراسي إلا سليم لي واقف وهو هاز هاتف جبار لي كايرن ….وهو كايشوف أن المتصلة هي ساندرا بحيث جبار كاتب على رقمعا♡سمرائي♡ ….)
فارس : شكون ؟
سليم تنهد وشد الخط ) ليدي ساندرا ….
🍀🍀
فالجناح …
(ساندرا غير تشد الخط أخيرا ابتاسمات ولكن هاذ الابتسامة تبخرت منلي سمعات صوت سليم …فا حيدات الهاتف من على اذنها وشافت فيه أكما غلطات فالنمرة ..ولكن لا …استغربات ورداتو لأذنها )
ساندرا : س سليم …
سليم : آه ..أحم جبار خرج ونسا تلفونو هنا فالمحكمة …
ساندرا وسعات ابتسامتها ) خرج إذن جاي للقصر علاش ماجاش بقوة التنقل و..
سليم قاطعها ) لا مامشاش للقصر ( دوز يديه على شعرو وواضح عليه التوتر سكت لثواني كايفكر فشي كدبة حتى نطق ) خرج للمينائ حيت أحم خالي جاب حراس السجن وخاس نستجوبوهم أحم راك عارفة على حساب اختراق نظام الحراسة ..
ساندرا ابتسامتها اختفت ) آه وماعرفتيش امتا غايرجع …
سليم : أحم غايتعطل ..واش محتاجة لشيحاجة أنا فأمرك ..
ساندرا سرطات ريقها) لا لا غير بغيت نسول احم صافي حتى يكمل بسلامة ( ومع قطعات الخط طاحو دموعها …شافت فالقرد لي كايشوف فيها ونطقات بلغة السحرة وهي حاطة يديها على بطنها ) تحرمت حتى من أني نشوفو (ابتاسمات وسط دموعها ) كنت باغيا غير نشوفو لآخر مرة …..(وتكات خاشيا راسها بين لوسايد وهي كاتحاول تقاوم دموعها ولكن بدون فائدة

الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 756🕯

🍀🍀🍀

في المحكمة …:

(سليم حط الهاتف على الطاولة ويالاه رجع جلس جنب خوتو حاط يدو على حنكو لي بدأ كايزراق …حتى بدأ هاتف جبار كايرن مرة تانية ..تنهد بعصبية وهاذ المرة اختفى من مكانو ظهر جنب الطاولة هزو لقاها مارال هاذ المرة …شد الخط ودار مكبر الصوت )

سليم : نعام !؟

مارال : لورد سليم ..

سليم : آه أشنو واقع هضري بسرعة …

مارال : أحم فين اللورد جبار …

(سليم يالاه غايغوت فالهاتف حتى خداه عصمان منو ونطق )

عصمان : مارال جبار مشا للقصر يرتاح وهاتفو بقا هنا قولي أشنو كاين غانوصلو الميساج …

مارال : عصمان أنا كملت المهمة… الخمس سجناء لي تبع اللورد جاسم شدهم وملي جابهم للسجن لقاني أنا وماريو وفرقتي قتلنا كل الخمسة عشر سجين لي تما …(سرطات ريقها ) غ غوت عليا بعصبية ولكن غير وريتو ختم اللورد الأول جبار وقلت أنها أوامره كيما درت مع باقي اللوردات …هو سكت وماقال حتى حرف ..وماريو تكلف بإعدام الخمسة الآخرين لي جاب ..أما اللورد جاسم فا شد الليدي شيماء واختفى بها ظهر فسطح السجن فين كاينين لي هيليكوبتر باش يرجع ولكن …

سليم غوت ) ولكن شنوووو…

مارال : لقا بلي كاع لي هيليكوبتر محركاتهم دايبين بقوة تحويل الصلب إلى سائل ..ووحدة ناقصة …

عصمان : كييفاش ؟شكون خربهم ؟

مارال : جوج إخوة هجائن من حراس السجن هم لي خداو الهيليكوبر هربو بيها بعدما خربو البقية وكنظن أنهما هما لي اختارقو نظام السجن هربو السجناء وملي أعلن النبيل إيفان قدامهم وقدام باقي الحراس أنهم غايخضعو للإستجواب من طرف اللورد الأول هربو …

سليم لي غير مازاد عصبية غوت ) وفينو لواليد دابا ؟

مارال : فأحد الأجنحة لي فالسجن مع باقي اللوردات …

سليم : غانرسل ليكم فرقة من أربعين متحول فدي هيليكوبتر جداد ترجعو بهم للقصر وهم غايبقاو تما نصهم يبقاو فالسجن …والنصف يتبعو الهجينين الفاريين …

مارال : كيفاش واش هاذو أوامر اللورد جبار ؟

عصمان نطق قبل مايغوت عليها سليم ) مااااراال نفدي بسكااات… خاس اللورد جاسم والليدي وباقي الاعمام والسيدات يرجعو للقصر…ومهمت القبض على الفاريين خليها علينا …

مارال تنهدات ) غانعلم البقية بهاذشي ولكن ماعرفتش واش غايوافقو وخصوصا اللورد جاسم هو معصب بزاف بعدما لقانا قتلنا كل السجناء ….وعرف أني أنا المكلفة بالمهمة تعصب لدرجة مكايهضر مع تاواحد حتى من الليدي شيماء عيات تهدن فيه مكايجاوبهاش …فا ماعرفتش فأشنو كايفكر يقدر مايتسناش لي هيليكوبتر لي غاترسلو وياخد أحد اليُخوت أو يتبع بنفسو الهجينيين الفاريين …

وسيم قاطعها ) لا …لواليد معصب آه…وملي عرف أنه نتي قائد المهمة ماشي هو كان بغا ينساحب و يرجع بحالو … ولكن مدامك وريتيه ختم جبار وقلتيلو أنك كاتنفدي غير أوامرو هو ماغايدير والو لخرق هاذ الاوامر فا كلكم تسناو لي هيليكوبتر …

مارال :واخا (سرطات ريقها ) واش هاذ الأوامر صادرة من اللورد جبار وعلاش هو مايقولهمش ..

سليم شاف فعصمان ونطق بغيض ) هاذ بنت عم باك غير ديال لقتيلة ..
❤الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 757🕯
سليم شاف فعصمان ونطق بغيض ) هاذ بنت عم باك غير ديال لقتيلة ..
عصمان نطق بسرعة ) ماارال نفدي بالسكاات…
مارال لي سمعات كلام سليم ) و و واخا …
(سليم خدا الهاتف من بين يدين عصمان وقطع عليها …وطفاه فاللحظة لي صونات عليه فيها زليخة و لقاتو طافي …وحط الهاتف على الطاولة …ورجع جلس مخنزر )
سليم : فارس سير لمقر شركتنا flystark تكلف شخصيا بارسال لي هيليكوبتر لجزيرة كارولاين …

فارس : كنظن كون سيفطنا ليهم طائرة X-15 لي هي أحدث و أسرع طائرة عندنا وغاتوصلهم للمغرب فأقل من خمس ساعات و..(سكت منلي شاف سليم وعصمان مخرجين فيه عينيهم )
عصمان :من نيتك
سليم : باش يفيق جبار يبدأ بنحيرك نتا لول…
عصمان : هو بنفسو أمر أن ديك الطائرة ماتتقاااصش لغبرة هي لخرة وماتتمسحش منها غير باش مايقيصوهاليهش ومنع علينا نحطو عليها حتى يدنا وتجي نتا دابا تغفلو وتهزها …
خليل لي مامسوقش ليهم حادر راسو على تلفونو كايقرأ إيميلاتو )غامازايدين فيه بغيتو تسلخوه تاسلخكم و نضتو غيبتووه لا والزوينة هي هازينلو تلفونو وهاضرين مع مراتو وكملتوها بأنكم كاتصدرو الأوامر باسمو ودابا (هز راسو شاف فيهم ونطق بكل برود ) باغيين تهزولو الطائرة لي اكتر من خمس سنوات وهو خدام على اختراع وتصنيع محركها ولي مازالها أصلا فطور التجربة (رجع حنا راسو على تلفونو ) زيدو زيدو غرقوني معاكم (دوز يدو على شعرو ) قولوليه يفوتلي غا شعري ويشوط …(وشاف فسام ) ونتا كون تسمع وسير تهرب حد.مزال عندك الوقت حيت راه بمجرد هو يحل عينيه نتا غاتسدهم وللأبد…
( سام خنزر فيه ومداهاش فهضرتو ككل الشباب …حتى وقف فارس )

فارس : غانمشي نسيفط لي هيليكوبتر ونرجع حيت خاسنا نلقاو شي حل قبل مايفيق …
وسيم تنهد : غايفيق غايحاول يتخلص من قوة استنساخو تاني …
سليم : ماغانخليهش (شاف ففارس) سير قضي شغلك ونتوما جلاسكم هنا ماعندو فائدة سيرو للقصر …

عصمان وقف ) غانرتاح غير ساعتاين نعاس دوخني ساعتاين ونرجع خاس نكون ملي يفيق ….(واختفى بقوة تنقلو …فحين ناض خليل ومالك وسام خرجو متابعين يمشيو للقصر يرتاحو )

فارس : أنا غير نتأكد من انطلاق لي هيليكوبتر في اتجاه جزيرة كارولاين غانرجع لهنا ماغانخليهش ..( وشاف فجبار النائم لثواني عاد تحرك خرج )
سليم شاف فخوه الصغير لي بقاو غير بجوج وجبار فالمحكمة ) نوض سير…
وسيم ابتاسم ) ماغانخليكش …

سليم : خاسك ترتاح يوماين مانعستيش …

وسيم تنهد وهو كايشوف فجبار ) لا (وشاف فسليم ) نتا خاسك تمشي طل على مراتك يوماين مازرتيهاش …وأنا غانبقا مع جبار
(سليم سرط ريقو..وحرك راسو بلا بدون مايهضر … حط راسو على الطاولة متكي عليها …أما وسيم فا عرف أن سليم مابقاش قادر يشوف مراتو سميحة فهذاك الوضع …وفنفس الوقت بجوجهم مستحيل يخليو خوهم لكبير بوحدو …تنهد وحتى هو حط راسو على الطاولة وغمظ عينيه )
🍀🍀🍀
ونرجعو لعند ساندرا فجناحها …لي بقات متكية وهي شادة تلفونها كاتتفرج فمئات الصور لي عندها …صور لكل واحد من عائلتها ..جاسم شيماء ..عدنان تارا ..غسان أيار ..فيليكس أليشا ..دياب جاكلين ..إيفان باربرة ..سليم سميحة ..وسيم سماح …فارس جمانة ..أميرة مالك … وصور كتيرة لزليخة مع عصمان ومع باقي الشباب ..وسيلفياتها مع هاندا وكل البنات ..وصور لخليل وهاندا من الاشهار لي جمعهم..وصور قليلة لخالتها وعمها لي مكايحملش يتصور ..وسيلفياتها مع لونا ومع الجد زيدان والجدة رجاء ….وآخر شيء صورها الكتيرة مع جبار …من حفل زواجهم نهار عطاوها رؤساء عشائر المتحولين ولائهم وصور كتييرة وكتييرة أخرى جامعاهم مرة سيلفيات ليهم بجوج مرة هي مصوراه وهو ناعس أو جالس شاد.حاسوبو خدام … لدرجة بقات بسوايع وهي غير كاتتفرج فهاذوك الصور بدون ملل تزومي وتصغر وهي مستمتعة كأنها كاتحاول تشبع من كل واحد منهم …عائلتها الكبيرة لي من ديما وهي كاتحلم تكون عندها ..وهاهي ذي الآن غاتمشي وتخليها …وحبيبها راجلها عشقها أو قلبها لي غاتقتالعو من وسط صدرها وتخليه وتزيد ….تنهدات مبتااسمة وهي كاتشوف فصورتو بحب ونطقات بهمس )

ساندرا : ما كُنت يومًا خائنة ولكنني عاشقةٌ…. عاشقةٌ قادمة باتجاه كل شيء أخبروني عنه بأنه مستحيل …عاشقة أدمنتك حد الجنون ..فلا تلمني إذا اعتبرت نفسي درعك في الحياة..
❤الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 758🕯
ساندرا : ما كُنت يومًا خائنة ولكنني عاشقةٌ…. عاشقةٌ قادمة باتجاه كل شيء أخبروني عنه بأنه مستحيل …عاشقة أدمنتك حد الجنون ..فلا تلمني إذا اعتبرت نفسي درعك في الحياة…
(وشافت فالساعة …كانت 2 دليل تكعدات مسحات دموعها وناضت توجهات للحمام بسرعة حيدات كل ثيابها وتخشات تحت الرشاش وطلقات عليها ما باااارد …دوشات بالخف لوات عليها فوطة …وتحركات بخطوات سريعة للدريسينغ ديالها لبسات سيرفيط فالأسود كانت موجداها ..ولي عبارة عن سروال أسود وسوفيطمة سوداء مع قبية سوداء سداتها ….نشفات شعرها لبوكلي وجمعاتو اسفنجة ودارت قب لقبية …ولبسات تقاشر وسبرديبة حتى هي سوداء …هزات صاكادو كبير كانت موجداه وحاطة فيه بعض الأغراض ….وتحركات خرجات من الدريسينغ تمشات حتى لجنب لكوافوز لي حدا سريرها …حلاتو وجبدات منو كتاب التعاويذ دارتو فجيب خاوي فصاكادوها …وهزات لونا )
ساندرا : غاتمشي معايا ياك …

(القرد كايشووف فيها وهي ابتاسمات وحطاتو فالصاكادو وسدات السنسلة حتى بقا غير راسو لي خارج …تنهدات وهي تشوف فلمجر لمحلول لي كان فيه الكتاب ..ونطقات وهي كاتشوف فشيء آخر كانت حاطاه تما حدا الكتاب )

ساندرا : ماكاين لاش نديك حيت غانمشي بوحدي ..وبدون متحولين فتلك الجزيرة فا ماعندك قيمة (ابتاسمات ) فا بقا هنا (وسدات لمجر على ذلك الشيء …خدات ورقة كتبات فيها )

ساندرا ^^ستمضي الأيام ، و ستكتشف أنه من السهل التخلي عن أشياء أدمنتها ، وأنك لم تمت حين تركك أحدهم ، بل تغيرت و غيّرت أحلاماً كثيرة ، وتقبلت واقعاً مراً ومضيت قُدماً…فما أسهل النسيان الناتج عن جرح أدمى القلب … وما أسهل العيش بلا ثقل يقتل العقل …فدمت لي عشقاً كان وسيبقى دائما أبدياً …ودمت لي حبيباً جبارا يحمل قلبي معهُ حتى لو انسلت روحي من الجسد … ^^

(حطات ستيلو بيديها لي كاترجف ودموعها لي عمرو هاذيك الورق …تنفسات بعمق وحيدات الخاتم دزواج لي فيدها حطاتو على الورقة وحطات جنبهم تلفونها لي فصورة شاشتو جبار..وشافت لآخر مرة فجناحها ..وسريرها وهي تبتاسم بحزن ونطقات بأول تعويذة عنصر هواء لها )
ساندرا : فلايبراي ليثبورث فلايبراي ألمارديناي (وفرمشة عين اختفت من الجناح ..ومن القصر ككل …….)
🍀🍀🍀🍀
قبل نصف ساعة تقريبا …لبسات كاط فالأسود وصوت تنفسها مسموع فكل الجناح ..هزات صاكادو لي وجدات دارتو فظهرها ونظارات شمسية سوداء دارتهم فوق راسها وتحركات خرجات من جناحها كاتجري فهذاك لكولوار حتى وقفات أمام باب جناحو وهي كاتلهث …حلات لباب غير بشويا ودخلات بان ليها متكي على سريرو عاري الصدر وناااعس …قربات منو وجلسات جنبو على السرير …هزات هاتفه لي كان محطوط جنبو بغات تحلو طلبوليها لكود ..وبلا ماتفكر جوج مرات كتبات ^ذهبية الشعر ^ وابتاسمات منلي تحل ليها الهاتف …كتبات فيه شيء عاد سداتو وحطاتو مكانو وتحنات بشويية حطات فمها على فمو مغمظة عيونها وهي كتبوسو بكل راحة وهي متأكدة أنه ماغايفيقش ليها حيت شحاال مانعس …الشيء لي خلاها طولات فقبلتها عاد تكعدات والدموع فعينيها …وخرجات من جناحو وهي كاتجري بأقصى سرعتها ..ركبات سيارتها وانطالقات ….)❤الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 759🕯

🍀🍀🍀

بوجه جامد وعيون باردة ….وإرادة مسلوبة من طرف القدر…تحركت جسدا بدون روح …وتمتمت بكلمات تعويذة التنقل بعنصر الهواء…..هاذ التعويذة لي خلاتها تختافي من مكانها ومن كل قصر آل ستارك بدون حتى ماتشوف موراها وبدون ما تفكر جوج مرات خلات المكان لي كان بالنسبالها دارها ومملكتها …وخلات موراها الناس لي كانو بالنسبالها عائلتها القيمة والشيء الوحيد لي كانت محظوظة أنها حضات به فحياتها ،عائلتها، و أيضا خلاتو موراها …..وهو قلبها ذاتها وعقلها وإحساسها وكلها خلات جبارها ……وتنقلت لوسط الغابة وغير ظهرت تمتمت تاني بكلمات تعويذة التنقل بعنصر الهواء باش تكمل طريقها لي اختارت …الطريق لي هي عااارفة ومتأكدة أنه ماعندوش رجعة …غاتخرج منو يا حية يا ميتة وحتى إذا خرجات منو حية غاتخرج بخسارة كبيرة غاتخليها مستحيل تقدر ترجع لعند عائلتها ..ومستحيل تشوف فعينيه مرة أخرى وتواجهو …..ولكن رغم كل هذا الفكرة الوحيدة لي مرسخة فعقلها ولي كاتحركها هي أنها إذا مامشاتش… إذا تراجعات وإذا ماقامتش بمهمتها…غاتندم ندم مستحيل تتعايش معاه…فا عالأقل تضحيتها غاتضمن أنها إذا عاشت غاتعيش حياتها ببال وضمير مرتاحين….#هكذا #هو #قلب #الساندرا….

بتنقلها التاني ظهرات على ظفاف الغابة وبقات واقفة مكانها وهواء البحر كايضرب فوجهها ويطير شعرها …ضوء القمر المكتمل منور طريقها كأنه يقول لها …زيدي وماتحبسيش …

مابقاش ليها بزاف حتى أن القارب السريع ديال زليخة كايبانليها من بعيد ..فقط بعض الخطوات تقطع الشانطي وتهبط تتجاوز بعض الصخور غاتوصل للشاطئ وتتمشى على الرمال بعض الخطوات وهاهيا وصلات للقارب …سرطات ريقها ونزلات عينيها لرجليها كاتشوف فيهم باغيا تزيد ولكنها كاتحس أنهم تشللو عليها…وللحظة جات قدام عينيها صورة لجبار وهو مبتااسم كايشوف فيها حتى ضحك ليها ضحكة خلات عينيها ينزلو بدموع لاحت الصاكادو لي فظهرها وطاحت على ركابيها حانية راسها وحاظنة كرشها وكاتبكي بصراخ بصوت مجروح مقاداش تهز راسها تشوف طيفو الواقف قدامها …وكل شهقة حرقة ودمعة ندم كاتنزل من عينيها كايزيدوها يقين واستيعاب أنها بفعلتعا هاذي…هي طعناتو فظهرو وخانت ثقتو وكدبات عليه وأنه صعيب حتى لمستحيل يسمح ليها خصوصا إذا وقعاتليها وللأجنة شيحاجة وهذا شيء هي ماضامناهش بمرة ….ولكن فنفس الوقت إذا ماتت مرات وولد خوه هي مستحيل تقدر تصبر على أنها تشوف الندم والحصرة وقلة الحيلة فعينيه …. فيقها من أفكارها صوت القرد لي كايحاول يخرج من الصاكادو يجي عندها ….مسحات دموعها ونطقات بصوت مرعود )

ساندرا : جبار عرفتك النهار الاول جبار وغاتبقا دائما أمامي وأمام كل المتحولين والسحرة جباار ….فا مستحيل نسمح أنك تحني راسك بقلة حيلة قدام خوك وعشيرتك او كل عشائرك … ومستحيل نسمح أنك تتهد و تهز لوم وندم شيء نتا أصلا ماعندكش علاقة به (وقفات وركابيها كايترعدو ) الكتاب السحري قدري مصيري أناااا وأنا قااااادة بيه (مسحات آخر دمعة نزلاتليها ) واخا الكتاب بنفسو قال العكس فشروط تدميرو وبغا يجرك فكل هذا يا جبار …. ولكن أنا ماغاديش نخليه …أنا مستحييل نسمح أنك أو غيرك من أفراد العشيرة يتضرر…أنا غاندمرو وبوحدي (وهزات صاكاضو نتاعها وتحركات كاتجري فاتجاه القارب السريع ….لي دقائق قليلة وقفات على الشاطئ قدامو كاتلث …طلعات ليه بسرعة واول شيء دارتو هو …

جبدات بعض الأغراض من صاكادو نتاعها …ميكة عامرة برمل أبيض وتحركات كاتجري عمرات كل قناتي اليخت ليكان متوسط الحجم وكايضم غرفتين أسفلو …وبعدها بدأت كاضور على كل سطح اليخت وهي تتمتم بكلمات تعويذة ..كاتقولها وتعاودها لثواني…عاد تنهدات براحة منلي تأكدات من تفعيلها ..وتحركات كاتجري لكابينة القيادة لقات زليخة مريكلا ليها السائق الآلي وكل شيء حتى أنها بلوكات ليها الجيبس باش مايقدر تاواحد يتتبع موقع اليخت الشيء لي خلا ساندرا تبتاسم )

ساندرا : حتى جبس أو رادار أو قوة أو تعويذة ماغايقدرو يحددو موقع اليخت حيت فعلت أقوى تعويذة إخفاء موقع وإخفاء طاقتي السحرية وأي طاقة خارقة للطبيعة محيطة باليخت …فا مستحيل يلقاني شيواحد …(وديمارات اليخت شاقة طريقها فعرض البحر …..يتبع

Leave a comment

  1. واختي شتي كون حيدتي داك ولد سميحة مغيوقعش هاكا

  2. Waaaaaaaw l Hamas w taxwiii9 9essa room❤️❤️❤️❤️