Skip links

قصة : الوحش وذات القزحتين الجزء 2 ( عشق جبابرة) ج 76

 37,785 عدد مشاهداات

♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 738🕯

زليخة مديقة فيها عينيها ) كيفاش وعلاش ؟واش شفتي شي كابوس …

ماريانا حركلت راسها بلا ولونها مخطوف وحظنات نفسها ) لا ماشي كابوس حيت الكابوس مستحيل يرعبني هاكا …وكانصوني على سام مكايجاوبنيش وبزز قدرت نتحرك وجيت نشوف ساندرا …

زليخة بسرعة دورات راسها شافت فباب الحمام ونطقات ) كادوش ونتي خاسك الراحة هاذشي غير من الحمل ومع كنتي ناعسة غاتكوني شفتي شي كابوس وماعقلتيش عليه وفقتي مخلوعة …

ماريانا حطات يديها على وجهها كاتمسح دموعها ) زعما ؟

زليخة : آه نوضي لجناحك رجعي نعسي وارتاحي ومنلي تفيقي طبيبة سميحة تشوفك …

(ماريانا تنفسات بعمق وحركات راسها بواخا وهي مزال دايخة …)..

زليخة تحركات هزات فيكس الجناح ) غانعيط للخادمات يوصلوك لجناحك حيت مانقدرش نتفارق مع ساندرا …(وداكشي لي دارت جاو خادمتين يوصلو ماريانا المرهقة لجناحها ..وخرجوها بعدما وصاتهم عليها زليخة مايفارقوهاش حتى تنعس ويبقاو يطلو عليها كل نصف ساعة …وغير خرجو زليخة مشات كاتجري وبدات تدق الباب بجهد على ساندرا )

زليخة : حليييي غانهرسووو سااندرااا …حلييييي

🍀🍀🍀
(ساندرا لي كانت مزالها جالسة على الأرض فاشلة متكية على الحيط وفقط كاتشوف فالكتاب المليوح قدامها ودموعها غير كايطيحو حتى قفزات بسبب خبيط الباب من طرف زليخة … توگضات جمعات الوقفة مشات غسلات وجهها مزيان و هزات الكتاب رداتو تحت القبية ديالها مشدود بسروال…سدات القبية ومشات حلات الباب..)

((زليخة غي حلات ساندرا الباب وهي تخرج فيها عينيها منلي شافت وجه ساندرا الأصفر وعينيها منفوخين وحمرين بكترت ما بكات ))

زليخة : أشنووو وااقع مااالكي واش كنتي كاتبكييي (طلعاتها وهبطاتها بنظرة كلها شك ) وياك قلتي كادوشي !!!!!!

(ساندرا غي واقفة وكاتشوووف فيها ببرود و بلا ماتجاوبها غير كاتشوف مدة طويلة وهي هكاك تاخلعات زليخة و حركاتها وغوتات )

زليخة: ساندراا !!! اش وااقع !!

ساندراا شافت فيها شويا نطقات) خرجي..

زليخة:كيفاش …!!

ساندرا : بغيت نبقا بوحدي خاسني نفكر ؟

زليخة : واش كاتسطاي عليا كيفاش تبقاي بوحدك وفأشنووو غاتفكري هااا ؟؟؟ وماالكي ؟؟

ساندرا ابتاسمات بتعب) ماماليش غي خرجي اصلا شويا غايجي جبار …

زليخة (حطات يدها على جبين ساندرا ) واش فيك سخانة ها ! باش عرفتي أصلا جبار مسالي وغايجي.. وعلاش مكاتجاوبينيش على أسئلتيييي…؟؟؟

ساندرا تنهدات بتعب ): غانسيفط ليه ميساج بغيت نشوفو توحشتو…

زليخة : أهاه طارت لحشمة وليتي تقوليها بصريح العبارة (ديقات فيها عينيها ) أجي نجلسو ياك وتجاوبيني على كل أسئلتي مالكي وفين تدواش لي قلتي غاديريه…؟ والأهم هو خالتك لي عاد كانت هنا صفرااا كولها كاترعد مرعووبة ومصدومة ومقاداش تحرك و عرفتي فيمن فكراتني ؟

(ساندرا سرطات ريقها )…

زليخة : فييييك وفحاالتك فا ياغاتجاوبيني يا غانعيط لجبار وديك الساعة تجاوبينا بجوج …♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 739🕯

زليخة : فييييك وفحاالتك فا ياغاتجاوبيني يا غانعيط لجبار وديك الساعة تجاوبينا بجوج …

ساندرا : واخا غانجاوبك ولكن قبل يالاه للبيسين بغيت نسبح

(وماتسناتش ردها ….تخطاتها
مشات لدريسينغ نتاعها…دخلات وموراها زليخة …ساندرا ماتسوقاتش ليها بدات كاتبدل حوايجها وهي غير كاتفكر وتبلاني لداكشي لي ناوية ديرو ………لبسات شورط جينز قصير وستيانات بحر فالأبيض دارت فوقهم بوليرو بلكمام طويييل وواسع …وخرجات غاديا فالكولوار تجاه قاعة لبيسين المغطى وهي ساكتة غير كاتفكر..وأكيد زليخة تابعاها فكل خطوة ….
نزلو للطابق فاش كاينة القاعة المغطات تاع البيسين وصلوها دخلو.. ساندرا مباشرة حيدات لبوليرو وتلاحت فالبيسين كاتعوم متجاهلة لزليخة لي غير كاتسول فيها وتهددها بجبار …هاذ الأخيرة لي غير تلاحت سانظرا فالماء ..هي جلسات فواحد الكرسي كاتفرج فيها حاضياها وحالفة حتى اليوم تجاوبها ساندرا على كل أسئلتها …..ودماغها ماحبسش من التفكير والمقارنة بين الوضعية لي كانت فيها ساندرا قبل ساعات …والوضعية لي شافت فيها ماريانا قبل لحظات ….لدرجة مابقاتش صابرة ووقفات كاتمشي وتجي وهي كاتسنا ساندرا تكمل سباحتها ….

وفعمق المسبح لي غااارق ساندرا غاطسة بكل سلاسة حتى وصلات لأرض المسبح ..وتكومة حول نفسها فوضعية الجنين حاضنة ركبتيها عندها …غمظات عيونها وشعرها الطويل طالع مع الماء ودماغها خداام كاتفكر فالخطة لي غاتبع باش توصل لمكان تدمير الكتاب بوحدها …..وفنفس الوقت قاطعة نفسها لأطول وقت ممكن باش تزيد تأكد وتعرف راسها انها متمكنة من عنصر الهواء كليا…. هكا دوزات ساعة تقريبا فالغطس وتدريبها.. وكل ربع ساعة كاتطلع لسطح البيسين غير باش تتنفس…وترجع تغطس مامسوقاش لزليخة لي حلقها بح وهي كاتغوت وتقولها تخرج من الماء راها غاتخنق..خصوصا منلي كاتطول ….))

(زليخة واقفة جنب حافة المسبح حالة عينيها عالجهد وهي كاتشوف فطيف ساندرا فعمق لبيسين )

زليخة : اويلي أويلي فاتت ربع ساعة هاذ المرة اويلي واش طبيعي هاذشي راه مستحيل …مستحييل يقدر شي شخص يحبس نفسو طول هاذ الوقف …(غوتات ) ساااندرااا (ويالاه حيدات لفيست ديالها تتلاح تجبدها …حتى بانت ليها ساندرا كاتسبح طالعة ….هاذ الأخيرة لي وصلات لسطح الماء ومباشرة خرجات من لبيسين كاتقطر …)

زليخة وقفات قدامها وغوتات ) دااأااابااا غاتشرحيليااا كل هاااذشي وإلا غانعيط لجبااار…
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 740🕯

زليخة وقفات قدامها وغوتات ) دااأااابااا غاتشرحيليااا كل هاااذشي وإلا غانعيط لجبااار…

ساندرا نطقات ببرود ): يلاهي معايا لي طواليط..

زليخة : كيفاش ؟ علاش ؟

ساندرا بصيغة الأمر) قلت يالاهي معايا… ودااابااا ….(وتخطاتها تاني بخطوات سريعة وزليخة لي حسات بهضرة ساندرا انها كتأمرها ماشي كاطلب منها تمشي معاها..تبعاتها باستغراب …وغير دخلو لي طواليط دقاعة البيسين ساندرا طرقات الباب من الداخل وحيدات الساروت دالباب ….شداتو فيدها واستدارت شافت فزليخة مخنزرة )

زليخة لي كاتشوف فيها باستغراب ) شنو كاديري ؟أشنووو وااقع …

ساندرا مخنزرة) انا كنآمرك تسمعيني حتى اللأخير و ماتقاطعينيش.. وماتخرجيش من هنا تانكمل هضرتي……

زليخة حسات بجدية الوضع سرطات ريقها ) واخا …

ساندرا نطقات وبدون مقدمات ) : أنا طول هاد التلاث ايام لي دازو واكتر …..وأنا كانتدرب على التحكم بآخر عناصري السحرية …عنصر الهواء (زليخة خرجاات عينيها وماجات تسول كيفاش ^ حتى جاوباتها ساندرا ) .. هاد اليوغا لي كنت كاندير طول هاذ الأيام راه ماشي بغرض تهدئة النفس او شي حاجة اخرى….بل غرضي الوحيد منها هو أني نتدرب على عنصر الهواء …..عن طريق حبس أنفاسي لأطول وقت ممكن ….وهاد الصباح فاش طحت سخفت…وكانت حالتي هكاك …راه حيت نجحت وأخيرا تحكمت فيه..وسبب الرعب ليكنت فيه هو أن الكتاب بين ليا كيفاش وفين وايمتا خاصني ندمرو …

زليخة لي تصدمات والصدمة واضحة على وجهها …نطقات بصدمة )إذن ن ن نتي ك كنتي طول ها هاذ الوقت ك ك كاتستاغليني أنا و ولبنات با باش تستري تدربك…

ساندرا بكل برود حركات راسها بآه ) مكانش عندي شي طريقة وحدة اخرى للتدريب …وكان خاسني بسرعة نتحكم بعنصر الهواء باش نقوم بمهمتي وندمر لكتاب حيت من غير هكا سميحة وجنينها غايموووتو راه ماكاينة لا ثغرة لا خلل فالنبوءة و هادي هي الحقيقة لي لانتي لا جبار لا سليم لا تا واحد من ال ستارك مابغا يتقبلها…..(زليخة يالاه غاتهضر حتى غوتات ساندرا ) الحقيقة هي أن هاااااديك النبوءة مافيهاااش ثغرة.. والحقيقة هي انكم كووولكم مكاديرو تاااا حاجة من غير انكم كاضيعو الوقت وكاتغامرو بحياة سميحة وجنينها كل نهار اكتر ..والحقيييقة هي أن سميحة لازادت غير أسبوع واحد والكتاب حي هي غاااتموووت …

((زليخة مصدووومة لدرجة مابقاتش قادة توقف …جلسات مكانها على الأرض ..وساندرا تحنات قفازية قدامها ونطقات )

ساندرا: عرفتي ازليخة وتوقع شي حاجة لسميحة أنا غانتبعها.. حييت مغاديش نقدر نتحمل ذنبهاااا وذنب ولدهااا وراجلهااا وماغاديش نقدر نعيش ونكمل حياتي ونولد توام ونولي أم على حسابها هي ….. وفكرة أنها تموت هي وولدها بسبابي انا.. فكرة لي كلما فكرت فيها كانحس أني غانحمااااق…وجباار أزليخة فنظرك إذا سميحة ولي فكرشها ماتو ..هو غايقدر يكمل حياتو عادي ويتعايش مع ضميرو ؟ و غايقدر يشوف مرة أخرى فعيون سليم او اللورد جاسم او الليدي شيماء …
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 741🕯

(زليخة حنات راسها وبلا خاطرها طاحو الدموع من عينيها …وساندرا مدات يدها حطات أصبعين تحت ذقن زليخة هزات ليها راسها ..ومسحات ليها دموعها ونطقات وهي كاتشوف فعيون زليخة الزرق )

ساندرا : أنا تحكمت بعنصر الهواء ..وآخر ورقة فالكتاب عمرات وبيناتلي طريقة تدميرو …فا غانمشي فدربي نفد مهمتي… غانمشي ندمر الكتاب وبووووحدي ..لي بغيت منك هو مساعدة صغيرة …

زليخة حركات راسها بلا و و قفات ..مسحات دموعها وغوتات ): ساندرا واش حماقيتي كيفاش تمشي بوحدك ؟

ساندرا تنهدات ..ووقفات ) : الكتاب عاطيني مهلة يوماين بالحساب…. يومااااين خاصني نكون وصلت للبلاصة لي غايتدمر فيها…… يوماااان يا زليخة لماحطيتش رجلي فالجزيرة لي غايتدمر فيها الكتاب فظرف هاذ اليوماين….. سميحة غاااااتموت هي وولدها (غوتات ) وماااااااشي غير هاااااادشي ….عندي مهلة يومااااين فقط يوماااين إييلا أنااااا ما اتاجهتش للجزيرة حسب الخريطة لي عطاني الكتااااب… إييلا المختارة ماشداتش طريق جزيرة المتاهة بنية تدمر الكتاااب فظرف يومان ….غااايتأجلي موعد تدميرو حتى للعاااااام الجاي أي بعد سنة كااملة …حييت جزيرة المتاهة لي كشفات عن نفسها بعد تحكمي في عنصر الهواء … غاتتحجب بعد يومااان إيلا انا ماوصلتش ليها ….و غايتأجل ليا موعد تدميرو لبعد سنة كااااااااملة عاد هي (الجزيرة) غاتفتح أبوابها فوجهي مرة ثانية و فنفس النهار وفنفس الوقت غايخصني نكون فديك البلاصة تاني (جزيرة المتاهة ) ….. وإيييييلا مامشيتش عاود بعد سنة غايتأجل ليا تدميرو ثاني لبعد سنة اخرى….وغانبقا هاااكا …

زليخة مكاترمشش من الصدمة ) : ي ي يعني الكتاب عندو واحد النهار محدد فالسنة خاصك نتي تكوني داك النهار فبلاصة تدميرو ؟

ساندرا: تماما.. ونتي غاتعاونيني نمشي …بخاطرك ولا بزز منك ….
غاتعاونيني يا زليخة وهذا أمر مباشر من الليدي الأولى فصنفك …

زليخة غير كاتحرك راسها بلا ) كاتحلمي (واتاجهات للباب عاطياها بالظهر كاتحاول تحلو ) حلي عليا (غوتات ) جباااار…

ساندرا اتاجهات ليها وشداتها من دراعها ضوراتها بعنف ونطقات بكل برود )..ماعندكش حل آخر من غير تعاونيني…وفكلا الحالتين سواء عاونتيني أو لا أنا غااانخرج من القصر..وبوووحدي ….(زليخة يالاه غاتهددها حتى غوتات ساندرا مسكتاها ) وإييييلا مشيتي حتى قلتيها لجبار
….الخطر ديك ساعة مغايكونش على سميحة وولدها بوحدهم غايكون عليكم كااااملين.. حيت #بمجرد #أناااااا #مااااا #نخطي #أول #خطوة #فالطريق #قاصدة #هاذيك #الجزيرة #لي #غايتدمر #فيها #الكتاب #كل #ساحر #وساحرة #في #هاذ #العالم #غايحسوووو #بأن #المختااااارة #في #طريقها #لتدمير #كتاااب #التعاوييييذ …. واش فهمتي ولا لا ….خطوتي الأولى فطريقي للجزيرة لي عندي فخريطة الكتاب خطوتي الأوووولى بنية تدمير الكتاب … غاتخلي كااااأااع السحرة فالعالم سوا سحرة السحر الاسود ولا سحرة الخير غااايحسو بيا غادية لتدمير الكتاب …. وغايعرفو انه بين ليا الطريقة والشروط ونزيدك هم بإحساسهم السحري غايعرفو الطريق للبلاصة دتدميرو ولي هي جزيرة المتاهة فين خاسني نلقا الشجرة باش ندمر الكتاب.. يعني لمعاونتينيش …نقدر مانوصلش لييييهاااا حية وهااااكا ماغايتدمرش الكتاب.. فا أشنووو أحسن ا…أنك تعاونيني وتسرحي ليا طريقي و ضمني ذهابي ووصولي لوجهتي….. أو تخليني نمشي بوحدي ونتي ماغاتعرفيني حية او ميتة وصلت او لا …
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 742🕯

زليخة لي مع كل كلمة كاتنطق بيها ساندرا …هي كاتسرط فريقها بصدمة …) : علاش هادشي ماتقوليهش لينا كاملين هاا ؟ …جبار وكل الشباب ونتجمعو ونلقاو الحل… علاش خبيتي علينا تدريبك ودبا ناوية كاع تمشي بوحدك ؟

ساندرا مخننزرة ونطقات بعصبية ) : انا رانيييي قادرة ندمروووو بوحدي… انا ماشي شي وحدة لي ضعيفة انا راني مختاااارة…. وجميع عناصر الطبيعة كانستمد منهم سحري فأنا قوية وأكثر مما كاضني.. ومن هادشي كااااامل انا مابغيتش نعرض شيواحد منكم للخطر وخصوووصا جبااار …… و نتي عااارفة طبعو ..فاغاتكووني متأكدة انه إييلا مشا حتى عرف غايلوح راسو للخطر بلاصتي وبلا مايفكر ….وغايدير كل جهدو باش أنا مانتآذاااش لدرجة يقدر يضحي بروحو …(سكتات شويا كاتشوف فعيون زليخة الدامعة ولي باين فيها بزز حابساهم ماينزلوش ) أنا عارفة انك كاتبغي جبار (ابتاسمات ) حب أخوي..او حب أبوي..أو ربما حب صداقة حب عشرة ماعرفتش ولكني متأكدة من حبك ليه…و كاتبغيه لدرجة كبيرة فا واش غاتقبلي انه يضحي بنفسو ويموت بلاصتي ؟

(زليخة حنات راسها بدون رد ودموعها لي حابساهم هربو من عيونها )..

ساندرا : أنا بحالك بل اكتر منك يا زليخة …عالأقل نتي عندك ست إخوة آخرين… وعندك عصمان وعندك أب كإيفان لي حبو غير هو بوحدو كافي يغرقك حنان وعمرك تحسي بالنقص ..أما أنا شكون عندي من غيرو شكون يا زليخة ..غاتقوليلي عندك عمك ..عمي بالكاد ولا يشوفلي فعيني ويهضر معايا … وصعب بزاف علاقتي معاه تتطور لدرجة يولي بالنسبالي كالأب …ولكن جبار عندي فيه الحبيب والزوج والأب والإبن وكل الرجال لي أنا محتاجاهم فحياتي عندي فيه هو بوحدو ..فا عذريني إيلا ضحيت أنا ومنعتو هو من التضحية …

زليخة مسحات دموعها وهزات راسها شافت فيها ) : ااه انا خايفة عليه وماغانكرش اني مابغيتوش يتعرض للخطر ومستحيل نسمح بهاذشي …ولكن حتى نتي مهمة بالنسبة ليا يا ساندرا … وبما انك متأكدة وعارفة راسك قادة على تدمير الكتاب علاش ماتقوليهاش ليه وتشرحي ليه هادشي… مايمكنش تلعبي مورا ظهرو بهاذ الطريقة مايمكنش تخوني ثقتو هكا ..وماتنسايش هو كايبقى اللورد الاول عليا وعلييك وقبل كل شيء كايبقى راجلك…أشنو غايوقع لعلاقتكم إذا وقعات شيحاجة لولادكم ..!

ساندرا ابتاسمات بحزن وحطات يدها على بطنها ) غاندير جهدي وفووق جهدي باش نمنع أذية أجنتي..ولكن مانقدرش نجلس ونتفرج من بعيد يا زليخة …(شافت فيها ) فا غاتعاونيني وهذا أمر مباااشر غاتطبقيه إييلا كانت عندك ولو ذرة ولاء ليا غاتعاونيني.. وإييلا بقيتي مقصحة راسك وماعاونتينيش ….فا غانمشي بووحدي ويوقع لي يوقع ماعمرني فحياااني غانعتابرك صاحبتي ولادراعي الأيمن …وماعمرني نثيق فيك مزال او حتى نهضر معاك…..
(وسكتات كاتشوف ف زليخة لي مدارت حتى رد فعل وباش ثبتها وتقنعها كثر قررات تخلعها وتوهمها بحوايج ماشي صحاح)

ساندرا: نتي كاتطلبي مني نقولها ل جبار ونتي جاهلة لبزاف دلحوايج …. عرفتي إييلامشا معايا جبار ولا شي واحد منكم رااه ممكن توقع ليكم شيحاجة … حييت الكتاب سحري مئة فالمئة والمهمة متعلقة بالسحرة …وإييلا تواجد شي متحول فلبلاصة لي غايتدمر فيها الكتاب…ماعرفتش أشنو ممكن يوقع ليه ..

زليخة كاتشوف فيها ) ماتستغبينيش يا ساندرا أنا متأكدة أن جبار هو أحد شروط تدمير هذاك الكتاب كما قالت النبوءة (ساندرا خرجات عينيها ناسية أن لي قدامها ذكائها ماشي عادي بل نابغة ) وحتى إيلا مكانش له دور فتدمير الكتاب (حلات يديها ) حنا المتحولين أصلنا هو تعويذة ساحرة … لي بها تحول بعض البشر لمتحولين بقوى وهكا تبنا صنفنا ..فا كيفاش كاتقولي دابا انه حنا ماعندناش علاقة بهاذاك الكتاب لي هو بنفسو هاز داخلو تعويذتتا …تعويذة تحويل بشري لمتحول بقوى …
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 743🕯

ساندرا تنهدات وابتاسمات ) ذكائك مبهر أصاحبتي (وشدات يد زليخة ) هاذشي علاش غانهضر معاك وبكل صراحة ..(تنفسات بعمق ) مهمتي انتحارية يا زليخة و واخا انا تايقة من نفسي وقوتي ماعرفتش واش غانعيش بعدها أو لا… وإذا مشا معايا جبار كنظمن ليك أني غانعيش ولكن هو لا ….وهاذيك الجزيرة لي سميتها جزيرة المتاهة هي بنفسها عبارة عن وعاء سحري أي …جزيرة حية ساكنينها أراح كل السحرة القدامة و منهم ألكساندرا… والجزيرة كانت خافية وحاجبة نفسها عن العالم طول هاذ آلاف السنين..عاد بينات عن نفسها بعد ما الكتاب حدد شروط تدميرو …..وأنااا ماعارفاش المخاطر لي فيها وعلاش أصلا تسمات بجزيرة المتاهة …فا كوني على يقين أنه لامشيتو معايا صعيب تخرجو منها حيين لانتوما لا أنا هاذي لاخلاتكم الجزيرة أصلا تدخلو ليها …..فا خليني نمشي بوحدي أزليخة … خليني نفذ مهمتي بسلام وعالأقل غانكون مرتاحة وأنا متأكدة انه جبار ونتوما بخير وأن سميحة غاتولي بخير …

زليخة كاتشووف فيها ) إيلا وقعاتليك شيحاجة جبار عمرو غايكون بخير يا ساندرا …

ساندرا ابتاسمات ) عالأقل غايكون حي …

(زليخة حنات راسها كاتفكر )…

ساندرا كاتشووف فيها ) فكري يا زليخة غير ديري فبالك ونتي كاتفكري انني اكثر من ساحرة أنا مختارة وهاذي مهمتي وأشنو ماوقع أرواح الجزيرة وألكساندرا غايكونو فصفي …فا فكري أساسا فجبار ومعزتو عندك… واش تقبلي أنه يتصاب بشي أذى … تقدري تشوفيه كايضحي بنفسو …تقدري تشوفيه كايمو…

(وقبل ماتكمل كلامها زليخة هزات راسها ونطقات )

زليخة : أشمن مساعدة بغيتي مني بالضبط ؟

ساندرا تنهدات براحة ونطقات مبتاسمة ) انا بغيت منك حاجة وحدة هي اليخت ديال باك…. نهار عيد ميلادك انا شفت كاع يخوت آل ستارك…. ويخت باك النبيل إيفان هو أصغرهم وأسرعهم وهو لي بغيت

زليخة سرطات ريقها ) ولكن…

ساندرا قاطعاتها ) انا سمعت من قبل لبنات قالو أن النبيل إيفان هذاك هذاك اليخت يعني هو ديالك بغيتك تخربقي نظام جبس ديالو حتى يتلغى وتخليه ليا فمكان محدد أنا غانوريه ليك (ومدات ليها يدها ) عطيني هاتفك جبديلي فيه خريطة المدينة….

(زليخة نفدات ..جبدات هاتفها ودخلات تطبيق خاص جبد ليها خريطة كل كازا …مع نقطة حمراء عليها وهي مكانهم الحالي ..قصر آل ستارك )

ساندرا شدات الخريطة وزومات على نقطة معينة )بغيت اليخت يكون محطوط هاذ الليلة ..هنا فالشاطئ لي مورا الغابة د القصر…… فا نتي غير وصلي ليا اليخت تما وخليه فاليابسة صافي هادشي باش غاتعاونيني..

زليخة سرطات ريقها ) ياك قلتي أن اول خطوة ليك فالطريق لي راسموليك الكتاب بنية تدميرو …غاتخلي كل سحرة العالم يحسو ان المختارة غاديا فطريقها لتدمير الكتاب ..فا راه غير غاتخرجي من القصر سام وحتى ماريانا وكل هاذوك السحرة العجائز لي فالمحكمة غايحسو بيك وغايقولوها لجبار و..

ساندرا قاطعاتها ) عرفت لهذا أنا حرفت طريق جزيرة المتاهة (حطات يدها على نقطة فالخريطة ) هاذي هي الطريق الصحيحة للجزيرة لي راسملي الكتاب …خاسني نمشي غربا لمينائ المدينة ومن تما نركب ونقطع شمال المحيط الأطلسي ونبقا غاديا ونقطع مديق أو قناة باناما… لي بين باناما وكولومبيا حتى نوصل لجنوب المحيط الهادئ تما غانلقا الجزيرة …ولكن أنا ماغادييش ندير هاذ الطريق بل غانركب من شمال المدينة أي من الشاطئ لي خلف غابة لستارك …وغانهبط مع جنوب المحيط الأطلسي وغانبقا غاديا وغاندوز من تحت الأرجنتين والشيلي عااااد غانشد الطريق لجنوب المحيط الهادئ فين كاينة الجزيرة …

زليخة حالة فمها ) أ أ أي أن السحرة ماغايحسو بيك حتى تكوني ضربتي نصف الطريق او وصلتي …
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 744🕯

زليخة حالة فمها ) أ أ أي أن السحرة ماغايحسو بيك حتى تكوني ضربتي نصف الطريق او وصلتي …

ساندرا : تماما حيت ماغانسلكش الطريق لي لكتاب راسم ليا باش يحسو بيا شديت الطريق لتدميرو..بل غانسلك طريق مُعْوجٌّ آخر حتى نوصل لجنوب لمحيط الهادئ عاد نمشي فالطريق لي راسم الكتاب ….وعلى حساب الحسابات لي حطيت غانوصل بعد يوم ونصف اليوم إييلا أنا تحركت اليوم مع لفجر ….

زليخة: ومن بعد …اشنو..

ساندرا ابتاسمات ) : غاندخل للجزيرة غانقلب على الشجرة وغانحاول نستحضر أرواح سحرة الجزيرة باش يسمحولي ندمر الكتاب مع إلغاء شرط جبار …

زليخة : أشمن شجرة وأشنو هو دور جبار بالضبط فتدمير الكتاب …

ساندرا : معلومات ماعندعم باش ينفعوك فا دابا واش نعول عليك او لا …

زليخة : وإذا هاذ الأرواح ماقبلوش أشنو غايوقع لسميحة ..

ساندرا :أنا متأكدة أنه بمجرد نحط رجلي فالجزيرة سميحة غاتتحسن حالتها …..آه الغرض أني أنا ندمر الكتاب باش هي تعيش ولكن تواجدي فالمكان المخصص لتدميرو هو ربع المهمة لي غايتم بنجاح منلي غانوصل .. فا صحتها غاتتحسن أنا متأكدة ..

(زليخة سرطات ريقها وشدات راسها بحيرة )

ساندرا خنزرات فيها ) زليييخة الوقت لي غانزيد نضيع فالهضرة معااك ماعنديش (شافت فالساعة فتلفون زليخة ) داابا 6 دلعشيااا يالاه نوجد نفسي للفجر …

زليخة كاتشوف فيها شويا نطقات باقتناع ) صافي واخا..

ساندرا بتاسمات ليها ابتسامة خفيفة) وغايخسني وقود كتير …فاديري احتياطك …

زليخة : عرفت …

ساندرا عنقاتها ) شكرا بزاف من نهار تلاقيتك اول مرة واخا ماحملتينيش أنا كنت حاسة ومتأكدة أنك غاتولي ليا الصديقة لي نقدر نعول عليها وأنا مرتاحة فا شكرا …
( ومشات حلات الباب وخرجات مشات لجناحها توجد نفسها …..أما زليخة فا خدات هاتفها ورسلات رسالة لرئيس لبوديكارد دالقصر آمراتو يسيفط شيواحد يوجدليها اليخت ديالها غاتجي تاخدو من المينائ …..
🍀🍀🍀

((ونرجعو لمحكمة المتحولين …وبالضبط لداخل قاعة المحاكمة عند جبار سام عصمان وسليم …))
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 745🕯
((ونرجعو لمحكمة المتحولين …وبالضبط لداخل قاعة المحاكمة عند جبار سام عصمان وسليم …))

عند سليم لي كان طول الوقت لي جبار كايتغاوت هو وسام فيه ….كان هو واقف كايتنفس بسرعة وعروق جبهتو مطراسيين وهو حاااضي ومركز كليا مع يد جبار لي حامل بيها إبرة دم عصمان وفنفس الوقت مركز فتحسسو لطاقة المتحول دجبار …. لدرجة كاعمة استوعب كل كلامهم هو وسام …..فقط واقف كايتسنى الفرصة المناسبة لتشتت ذهن جبار …هاذ الأخير لي كان واقف مبعد عليهم كايهضر مع سام ولكن عينو على عصمان وسليم حتى هما باش مايتحركوش …وكايتغاوت مع سام … حتى فجأ خرررج سليم عينيه منلي حس بأن جبار خفظ مستوى طاقتو للحد أي انه أبطل وألغى طاقة كل قواااه التسعة والتسعووون وخلا فقط طااااقة قوة وحدة لي ماعندها حتى طابع لا هجومي لا دفاعي …وهي قوة #الإستنساخ ….وهنا فههم سليم خطة جبار وأنه غايستهدف بالحقنة قوته الأصلية وهي قوة الإستنساخ الخاصة به… )

جبار : علاش الجنين غايموت إذا واحد من شروط تدمير الكتاب تلغااا ..(غوت ) بااراكا ماتخربق حيت أنا فكرت وحللت الأمر مزيان …أنا متأكد أني غانكون واحد من أهم شروط تدمير هذاك الكتاب …يمكن بكل قواي او بوحدة منهم… فا إذا مابقات عندي حتى وحدة هنا النبوءة ماشي غير غاتخرق بل غاتدمر وتدمير الكتاب غايتأجل …

سام : نتا مامستوعبش عاقبة تدمير النبوءة ..

جبار ابتاسم ) ياك هاذ العاقبة غاتحل عليا بوحدي المهم الخطر يبعد عن ساندرا وسميحة ..(وهز الإبرة لي عامرة تالفم بدم عصمان وخشاها فعنقو ….وفهاذ اللحظة تحرك سليم بسرعة الضوء عن طريق قوة الجري السريع فأقل من نصف الثانية كان واقف أمام جبار وبسرعة قصوى شد يدو وجرها بقوة حتى خرجات الإبرة من عنقو قبل مايقدر جبار يحقن الدم فجسدو ….وبقوة دفعلو سليم يدو حتى طاحت ليه الإبرة وتدحرجت مستقرة في ركن القاعة ….)

سليم كاينهج ..وهو شاد يد جبار …وعيونهم الزرق متقابلين )

سليم نطق بهدوء عكس النار لي شاعلة فقلبو ) : مستحيل نخليك ديرها ولو على جثتي..مستحييل نسمح ليك تضحي باستنساخك فا قتلني وديك الساعة سير خود الإبرة …

جبار مخنزززر فيه بنظرة مرعبة …بدأ يرجع طاقات قواه المئة لي أبطل لدرجة فعل كل طاقتو دالمتحول لي كاتساوي ضعف طاقة سليم …فعل جسدو الفولاذي وبلا مايهضر .. وجه لكمة قويييية لسليم لي ترفع من مكانو وتدفع بقوووة جا مزدوووح مع الحيط لي خلفو وطاح دايخ حيت واخا كان هو الآخر مفعل قوة جسدو الفولادي لي طاكات عليه لكمة جبار القوية وماتعوجليهش حنكو او تفركع ليه راسو…إلا أن طاقة جبار ضعف طاقتو وهادشي مخلي كل قواه المئة اقوى من قوى سليم الخمسين بالضعف….سليم شد حنكو كايتنفس بسرعة وهو دايخ …وفهاذ اللحظة ظهر وسطهم وسيم وغوت وهو كايضور راسو من جبار لسليم مافاهم والو …)

وسيم: أشنووو وااااقع

(جبار عطاهم بالظهر وتحرك فاتجاه الحقنة لي مليوحة فركن القاعة …وهنا دخلو باقي الشباب ووقفو كايشوفو مافاهمين والو حتى نطق سليم بصراااخ وهو مخنزر فيهم كلهم )…

سليم : مااااتخلييييوهش ألقل..وي تحركوووو حبسووه…
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 746🕯
سليم : مااااتخلييييوهش ألقل..وي تحركوووو حبسووه…

(فارس خليل مالك وسيم …حولو نظرهم لجبار مافاهمين والو …هاذ الأخير لي تحنا هز الإبرة ونطق ببرود وهو عاطيهم بالظهر )

جبار : لي قرب ليا منكم ماغانعقلش عليه… ( وتنفس بعمق مغمظ عيونو وهو كايبطل طاقتو مرة اخرى للحد باش يلغي كل قواه المستنسخة ..وتبقا مفعلة فقط قوة الاستنساخ باش منلي يحقن نفسو بدم عصمان ..الدم يتوجه فقط لقوة الاستنساخ ويمحيها ….حل عينيه وشاف فالحقنة …حتى قاطعو صراخ سام )

سام : بلالاتي …

(جبار استدار شاف فيه مخنزر )

سام قابلو بتخنزيرة وغوت ) واش يحسابليك إذا مسحتي قوة استنساخك بدم متحول كامل هكا غاتكون كسرتي النبوءة ونقدتي الكونتيسة والليدي سميحة !

(فارس مالك خليل وسيم خرجو عينيهم فجبار منلي فهمو الوضع ..وسام كمل كلامو وهو كايشوف فيهم كلهم )

سام : إذااا كنتو بسهوولة كاتلعبو بقواكم يا متحولين تلغيو طاقاتكم وتردوها كيما بغيتو تمسحو قواكم بدم بعض كيما بغيتو فا الأمر مختلف كليا عندنا ( وركز فجبار ) السحر مستحيل يقبل يتم التلاعب بيييه …وحدهم السحرة المبتكرين لي من حقهم يتلاعبو بالتعاويذ يطوروها ويبتاااكرووها ولكن النبوءات هي محرمة وممنوعة على كل السحرة شنو مكانت مكانتهم فالسحر او درجة سحرهم فا كون أكييد يا لورد أنك إذا تلاعبتي بالنبوءة غاتخرب كل موازين الطبيعة وهاذشي غايكون عندو عاقبة وخيمة على العالم كولو …..

جبار كايشوف فيه ) المهم عندي هييي ساندرااااا مايوقع ليها واالو …

سام قاطعو ) ساااندرا غاتكوون اكتر وحدة متضررة من هاذ الخطوة حيت هي المختاااارة وتدمير الكتااب مهمتها لي عندها شرووط نتا واحد منهم واش مافكرتيش إذا تلغى شرطك أشنو غايوقع لييييها يقدر لكتاب ينقالب علييها ومايبقاش متقبلها كمختارة ويلعنها لعنة تقدر تقتلها باش هو (الكتاب ) يتفك منها وتتولدلو مختارة غييرها بشروط أخرى …

جبار غوووت حتى بح صوتووو ) باااراكااا مااتخربق علياااا ياااا سااااحر النبوووءة مذكوور فيها أنا بقواايا المئة إذا تلغيت أنااا كشرط غاتتكسر النبوووئة وهاااذا هدفييييي باش يعيش ولد سلييم حيت النبووءة لي مهددة حيااتو ماشي الكتاااب…أمااا هو (الكتاب ) مزااال مابين طريقة تدمييرو وشرطي مزاال ماتحدد فااا عندي الوقت نلغييييه بتدمير النبوووءة هكاااا شرووط تدميرو تلقااائيا غاتتغير وهاااذشي استنتجتووو من قرائة كتبكم …تغيير موازيين السحر ممكن بتغيير شرووطو فا الكتاااب غاااايتدمر سواااء قريبا او بعد سنييين غاااايتدمر وبنفسيي غانسهر على هاااذشي أما داابا المهم هو ندمرووو هاذيك النبوووءة لي كاتقول أنني أقوى كيان خارق فصنفي باش يتولد من هو أقوى مني …… ( ويالاه هز الحقنة تاني حتى بسرعة اختفى سليم من مكانة وظهر مباشرة أمام جبار ضربلو يدو مرة أخرى حتى طاحت الحقنة ..ويالاه غايضربو جبار حتى هاذ المرة تفاظاها سليم …جبار غووت بعصبية وبدأ كايوجه لكمات قوييية لسليم لي كايتفاداهم بسرعة الضوء …فحين الباقين واقفين غير كايشووفو ….جبار استدار بقوة حول نفسو بسرعة قصوى ووجه ضربة قوية لسليم لي طاكا على كرشو بيديه ولكن الضربة دفعااااتو لبعيد …وجبار بسرعة تحنا يهز الحقنة مالقاهاش …فا وقف كاينهج وهو كايشوف فيهم واحد بواحد مخننزر حتى استقرو عيونو على وسيم والحقنة فيدو )

وسيم مخنزر : بغيتيها قتلني وخودها …
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 747🕯

وسيم مخنزر : بغيتيها قتلني وخودها …

جبار طرطق رقبتو ونطق بهدوء ) علاش مابغيتوش تفهمو أن هذا هو الحل (وتحرك في اتجاه وسيم لي بقا واقف مكانو …وجبار غووت ) رااااه مكااااينش شي حل آخر …..

سليم كاينهج كولو عرقان شاف فالآخرين وغووت ) وااااا منعووووووه ….

(فارس تحرك بسرعة قاطع الطريق على جبار وقف بينو وبين وسيم)

فارس : كوسيم وسليم غانقول ليك قتلني عاد خود الابرة وكانعتاذر لورد …

جبار وقف كايشوف فيه ) قلت ما تتدخلووش ولا ماقلتهاش …(ومجا يكمل كلامو حتى بسرعة وقف عصمان وسام ومالك وسليم ..جنب فارس وخلفهم وسيم فيدو الحقنة )

(جبار مخنزر فيهم وحرك راسو يمن شمال فرق أصابع يدو مع بعض وعينو عليهم )

جبار : نتوما لي بغيتو…..(واختفى من مكانو بسرعة الضوء ظهر خلف وسيم يالاه غاياخد الحقنة منو حتى اختارقات يدو يد وسيم لي كان مفعل لقوة الاختراق …جبار خنززر فيه ويالاه غايواجهو بالدرع يبطل اختراقو حتى اختفى وسيم من مكانو بالتنقل ظهر بعيييد عليه …ويالاه غايتبعو جبار بالتنقل حتى جا قدامو فارس حاول يشدو ولكن جبار ضربو ضربة قوة بالركبة حتى تدفع بعييد عليه ويالاه غايتحرك في اتجاه وسيم حتى شدلو سليم يديه بجوج من الخلف حاكمو وبسرعة جا مالك قدامو مفعل قوة التنويم الميغناطيسي )..

جبار ابتاسم بلا خاطرو ) من نيتك.. (ودفع راسو للخلفو وبعدها للأمام بقوووة ضرب مالك بكنك للجبهة حتى طاح دايخ …وجبار فعل قوة الإختراق خرج بها من بين يدين سليم واستدار مفعلا قوة التحكم بعنصر الجليد ..والتي عن طريقها خرج جليد كثيف من بين يديه وجهو لرجلين سليم جمدهم حتى طاح هاذ الأخير برجليه كلهم جليد …وجبار دور راسو شاف فوسيم يالاه تحرك ناحيتو حتى وقف قدامو عصمان وفارس …خنزر فيهم وفعل قوة جسدو الفولاذي للحد حتى تضاعف حجم كل عظلاتو لدرجة البودي تمزق علييه لا هو لا السروال من الركبتين ..وتحرك كايجري في اتجاه فارس …. حتى تساطحو جسديهما الفولاديين لي عندهم نفس حجم القوة الشيء لي سبب صوت ارتطام جد قوي والأرض تحفرات من تحت رجليهم …..)

جبار : مخننزر فيه ) كعادتك كاتركز عالهجوم وكاترخي دفاعك..مركز طاقة جسدك الفولاذي على يديك ورجليك فقط وهذا خطأ لي يقد فمعركة حقيقية يأدي لموتك… (وزرب عليه بضربة قوية بركبتو لبطن فارس حتى طاح هاذ الأخير كايتلوا ..ويالاه استدار جبار شاف فوسيم وتحرك ناحيتو حتى بسرعة ظهر أمامو عصمان )

عصمان : جبار باراكا تهدن …

((جبار ماخلاهش يكمل كلامو وهجم عليه بنار حااارقة تفاداها عصمان بقوة تنقلو …لي سرع منها للحد فا بقا كايختافي ويظهر ويرجع يختافي ويظهر بسرعة الضوء وهو كايضور بجبار …ناذ الأخير لي غوت بعصبية )

جبار : عصمااان(واختفى حتى هو بقوة التنقل …فا غير ظهر عصمان مباشرة ظهر خلفوو جبار لاوي دراعو على رقبة عصمان وزييير عليه بقوة قاجو حتى عصمان شهق مخررج عينيه ….

(عند سليم لي كاينهج بسرعة وهو كايشوف فيهم شعل يديه بقوة النار وبدأ كايدوب الجليد لي على رجليه …حتى وقف جنبو سام وتحنى قفازي ونطق بهمس )…

سام : إيلا بقيتو هكا عمركم توقفوه وهو بعصبيتو ماواعيش انه كايآذيكم ..يقدر يفوت شي ضربة فشيواحد منكم

سليم شاف فيه مخننزر وغووت بعصبية)عندك شي حل آآآخر قوولو ولا ق…د من حداااياااا…
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 748🕯

سليم شاف فيه مخننزر وغووت بعصبية)عندك شي حل آآآخر قوولو ولا ق…د من حداااياااا…

سام لي عينيه غييير على جبار نطق بتأكيد ) نقدر نوقفو بتعويذة خاسكم غير تشدوه وتبتوه ليا …

سليم : فهمت (وجهد حدت النار لي كاتخرج من يديه حتى فثواني أذاب كل هذاك الجليد الصلب لي كان ملتف حول قدميه ..وبسرعة ناض بقوة الجري السريع انقض على جبار من الخلف …هاذ الأخير لي كان كايتصارع بقوة مع فارس ومالك وعصمان يحيدولو من طريقو باش يدوز لوسيم ….باغته سليم من الخلف ودور ليه يديه من مور ظهرو حاكمو بقوة وغوووت )

سليم : فااارس…

(فارس انقض على جبار من الأمام ..وتحاما هو وسليم حكموه مزيرينو بكل مالهم من قوة ….وهنا تحرك سام قاصدو وهو يتمتم بكلمات تعويذة )..

جبار وسطهم كاينهج غووووت ) بربي تانقتل ز..مل بوكم كااااااااااااااملين ألكلالاب…….(ويالاه غايتحرك …حتا وقف أمامهم سام فاصلاه عنهم غير خطوة وحدة…ونطق بسرررعة )

سام : بليفاسمانواس بلوفا مانوا أرياس

(وتحنا ضرب الأرض بيدو لي تشققات وخرجات منها زهرة باللون الأخضر الغامق …لي بسرعة خطفها سام وتحولات بين يديه لغبار أخضر ووقف بزربة أمامهم …. وفهاذ الوقت جبار فعل قوة الإختراق تسل من بين يدين فارس وسليم… وبيديه بجوج وجه جوج بونيات وحدة وجهها لسليم والأخرى لفارس لي تدفعو بقووة طايحين على الأرض …ويالاه استدار جبار حتى لقا سام خلفو مباشرة …هاذ الأخير لي غير ظار جبار ساط ليه على وجهو هذاك الغبار الأخضر ليكان مكمشو فيدو ….)

(جبار غمظ عينيه بقوة كايحرك راسو يمين وشمالا وتحنا حط يديه على ركبتيه وبدأ كايكحب بقوة )

(سليم وفارس مالك وعصمان ليكاينهجو وهم كايشووفو فيه وكايتسناو منو شي هجوم آخر …ولكن هو كايكحب بقوة …هز راسو..حل عينيه لي ولاو حمرييييين وبزز كايرمش مخننزر فسام لي كان بعد عليه بمساافة خوفا منو …ولكن جبار وهو كايكحب اختفى من مكاانو بسرعة الضوء ظهر أمام سام وهزو بقجة بيد وحدة …حتى رفع جسدو عن كل الأرض ….)

جبار وهو كايكحب بقوة وبزز نطق ) أ أشنو ه هاذشي در درتي…(وزييير على عنق سام لي النفس تقطع فيه لدرجة بدأ كايفركل…وسليم وفارس وعصمان خرجو عينيهم وتحركو بسرعة يفكوه من قبضة جبار …وغير وصلو ليهم …سام تلاح على الأرض شاد عنقو كايتنفس بسرعة …وجبار بقا واقف مكانو لخمس ثواني حتى غمظ عينيه ومال ..وبسرعة شدوه فارس وعصمان قبل مايطيح على الأرض …..اما سليم فا غير شاف خوه غيب هجم على سام شدو من كول لفيست رفعو من على الأرض وغووت فوجهو )

سليم : أشنوووووو درتييي ليييه هاااا…
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 749🕯
سليم : أشنوووووو درتييي ليييه هاااا…

سام لي بزز كايتنفس ) تهدن غانشرح..

(وبسرعة تدخل وسيم دفع سليم عن سام ..وشاف فيه مخنزر )

وسيم : أشنووو درتي لييه …

(سام هز يدو بمعنى يصبرو …تنفس بعمق وكل رقبتو كاضرو ونطق )

سام : تعويذة تنويم وهي من خصائص سحرة عنصر التراب بوحدهم …وهي تعويذة لي نقدر نطبقها مرة وحدة فحياتي كباقي سحرة عنصري..(تنهد ) وكنت مخبيها للق..اد دثيون … تعويذة كاتنبت ليا زهرة إيلا شيواحد استنشق غبارها كاينعس فلبلاصة (شاف فجبار لي شادو فارس من يدو مدورها على عنقو وعصمان من الاخرى بنفس الطريقة باش قادرين يهزوه ) ولكن اللورد قوي لدرجة مانعسش فلبلاصة بل قاومها حتى قرب يقتلني عاد كرات فيه …

(وهنا سمعو التصفيق ..استدارو كلهم لمصدرو بان ليهم خليل لي جالس بعيييييد عليهم فآخر طاولة فكل القاعة داير رجل على رجل وشاد طاس قهوة..شاف فساعة يدو ونطق )

خليل : ساعتاين دالمصارعة ليشحفكم فيها عاد قدرتو طيحوه وماشي بالعدل ملفوق (أشار باليد باش هاز لاطاس لسام )بل بتعويذة خبيثة من طرف ساحر خبيث…

(و جغم من لاطاس دالقوة …عاد حطها ووقف كايقاد شعرو بيديه بشويااا عليه عاد تحرك ناحيتهم ونطق بكل برود )..

خليل : غير غايفيق غايصفيها ليكم كلكم خصوصا نتا (وأشار لسام ) غايديرليك قتلة بطريقة عمرك تخيلتي راسك غاتموت بيها …و غايعلق عضوك الذكري على شي عود فأعلى جبل فالمغرب باش يالاه يضربوليك لبرد مزيااان…(غوت بعصبية ) وأنااا غايصفيهالي معاكم حييييت وكيما ديما ومن نهار عقلت على راسي وأنااااا كانتخلط معاكم فزبايلكم وأنا مادااير والو …..

سليم مخنزر فيه ) ديك الساااعة بلاصت ماتبقا كاتفرج قرب واقتارح علينا شي حل آخر باش نهدنوووه …

خليل شاف فيه مخننزر ) هو اللورد الأول فصنفنا لي أوامرو ماكاتقبلش النقاااش فا شكووون نكون أنا أو نتااااا او نتوووما حتى تخالفووووو أوامر اللورد الاول ….لا وباغييني نوقف فوجهو ونتصارع معاه … وفالأخير نغيبو عن وعيو !! (غوت ) واااش حماااقيتو …

وسيم هو الآخر مخنزر ) درناا لي كان خاسنا نديروه بصفتنا خووتو وهو خوونا الكبير ماشي بصفتو لورد علينا ( وزير على إبرة الدم لي بين يديه حتى طرطقات ودم عصمان ساح فيد وسيم لي أشعلها بقوة النار باش يحرق هذاك الدم ) كان ولابد نوقفوه حيت الخطوة لي اختار يدير غلط..

خليل : وعلاش نتوما كلكم متأكدين من أن قرارو غلط (شاف فيهم كلهم ) نتوما عارفين مذى ذكاؤو وحكمتو وقوتو ….وأنا جبار لي كانعرف مستحيل يدير خطوة بحال هاذي وهو عندو شك ولو بسيط فأنها غلط او غاتآذي ساندرا او سميحة …

Leave a comment