Skip links

قصة : الوحش وذات القزحتين الجزء 2 ( عشق جبابرة) ج75

 37,142 عدد مشاهداات

♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 727🕯
(فارس وهو مخنزر مجاوبوش جلس و جبد تلفونو كايتراسل مع جمانة…ونفس الشيء دايرو مالك ..حتى من وسيم جلس حداهم وجبد هاتفو دخل للواتساب يرسل ليها رسالة لقاها مزال أصلا ماقرات هاذوك التلاثين رسالة غزل وحب لي مسيفطليها قبل منهم ..فا هز حاجبو ونطق بتعجب )
وسيم : هاذي مالها !
(مالك وفارس وخليل شافو فيه …وهو شاف فيهم ونطق )
وسيم : سماح هاذي تلاث أيام وأنا كانسيفطلها ميساجات ماجاوبات على حتى واحد …
مالك : حتى أنا أميرة هاذي تلاث أيام وهي مبدلة كاطلع ليا ل vu او كاتجاوبني بكلمة ولا جوج …
فارس ابتاسم بحب وهو كايشوف فهاتفو ) : جمانة كاتجاوبني و فلبلاصة …
خليل: شوفو نتوما أشنو درتو ليهم !
مالك : والو مادرت ليها والو وحتى لو كنت داير شيحاجة مستحيل نخليها تبقا مقلقة حتى نهار فما بالكم لتلاث أيام فا أنا متأكد من نفسي أني مادرت ليها والو …
(شافو كلهم فوسيم )
وسيم : صبرو نتفكر واخا أنا متأكد من أني ماداير والو …
خليل نطق بكل برود : أصلا ماحدكم متأكدين وقاطعين الشك فأنكم مدايرين والو هاذشي بالنسبة لجنس البنات أنكم مزبلينها ودايرينها قد روسكم وكبر …
(مالك ووسيم شافو فيه )
مالك : إوا أشنو الحل ؟
خليل : تعتاذرو ..
مالك : علاياش غانعتاذر وأنا ماداير والو مافهمتش ؟
خليل شاف فيه ) هي ماشي سوقها مدامها مقلقة إذن راك درتي وخاسك تمشي عندها وتقوليها سمحي ليا …
وسيم : ويلا سماح سولاتني ..علاياش اش نقول ؟

خليل شاف فيه ) غاتقوليها على كولشي وهي أكيد غاتقوليك شنو هو هاذ كولشي وغاتبقا عليك تاتقوليها الغلط لي درتي وتعاود تقوليها من بعدو سمحيليا ….
مالك خنزر فيه ) وهنا نرجعو للسؤال الأول لي هو أنا براسي ماعارفش راسي أشنو داير فا علاياش غانعتااذر ..

خليل : إوا شوفو نتوما أشنو درتو ليهم حيت ملي هي غاتسولك علاياش غانسمح ليك….. ونتا نضتي غلطتي تاني وقلتي ليها سمحيلي عالغلط لي هو الغلط الخطأ ماشي الغلط لي هياااااا باغيا تسمعك كاتعتاذر عليك…..هنا غاتكون كحالت عليك برو …و غاتكون زدتي غلط على الغلط لي قبلو وقفرتيها ..وحسب قانون ومنطق المرأة أنك تعتاذر على غلط لي أصلا ماعارفوش هو كفس من الغلط نفسو وكفس من انك تغلط يعني بعنى آخر غاتندمك على حياتك عاد تقوليك اشنو الغلط لي درتي فا على حسب طبيعة العقل والفكر النسائي خاسك دائما وباعتبارك زوج ..تعتاذر غادي جاي تعتاذر ناعس ولا فايق تعتاذر واكل شارب مريض عيان ماشي سوقها هيا المهم هو تعتااذر وعلاش ..ماشي سوقك نتا المهم تعتاذر وحبذا لو تعتادر وشي هدية فيديك غايكون اعتذارك عندو قيمة اكتر وهاذشي ماشي دائما كايصدق حيت وعوتاني راه على حساب حجم الغلط لي درتيه ولي نتا أصلا ماعارفوش حيت وحسب الفكر النسائي ال…( وسكت منلي غوت سيم بعصبية فوجهو )

وسيم : أسييي سكتنااا ونتا بديتي تفلسف علينا كاع بقاليك غير ديكارت وافلاطون لي شافك كاتهضر بهاذ الثقة يقول راك سوبر كول نتا وهاندا وفوق السلك …♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 728🕯

خليل شاف فيه ببرود ) دابا اش جاب هاندا للهضرة ..

وسيم غوت ) واالو غير مرضتينا بفلسفتك عن الغلط ونتا تلقاك معرگها أغلاط معاها وتلقاها تاهيا مكاتجاوبكش واتساب …

خليل هز فيه حاجبو ) أصلا أنا واخا نعيا نغلط جمالي غايشفع ليا معاها ودائما كاتسيفطلي واتساب كل ساعة كتسولني على أحوالي واش كليت واش شربت واش خباري وواش مرتاح كتر من 400 ميساج فنهار …لدرجة تبلوكالي واتساب غير بميساجاتها وأنا كاانخليهم معلقين مكانجاوبهاش ….

وسيم مخسر وجهو وهو كيشوف فيه ) آه قيْصَرُ زمانك ولا روميو الموحدين… إوا ورينا نشوفو هاذ 400 ميساج أسي شاروخان…

خليل هز فيه حاجبو ) أنا غانوريك (وجبد هاتفو ) غير هو دير فبالك أني أنا أجمل من هاذ الشاروخان وبشهادة مجلة new generation لي صنفاتني من أجمل عشر رجال فالعالم وهو ماتذكرش فيها كاع …ونزيدك فيه غير 1,69 يعني قدو قد مراتك فالطول فحين أقصر واحد من رجال لستاركس ولي بطبيعة الحال هو نتا وفيك 1.72 فمابالكم أنا أجمل واحد منكم لي فيا 1.80…

وسيم تنهد بملل ) وري ولا قو..د عليا نتا وجمالك …

خليل كايشوف فيه ببرود …حل هاتفو بالبصمة ودخل مباشرة لتطبيق واتساب …وخرج عينيه منلي لقا هاندا مبلوكياه هاذي يوماين ….)

خليل : وايلي …

(وسيم بزربة تكعد حيدلو الهاتف..وغير شاف فيه وهو يتزلع بالضحك ..فحين خليل مارضاش بزربة خدا منو تلفونو مخنزر )

وسيم بزز سكت من الضحك فاشل ) بلوكووووتوووني هههه عبرات عليك أصاحبي باش نيت تجمع ما تبقا من جمالك ودوز قدامنا تحزر حقك …

خليل مخنزر فهاتفو …ونطق بهمس ) زعما شنو غاتكون صافي ملات …

(مالك لي غير كايخمم فالوضع لي هم فيه حاليا وأيضا فتغير أميرة معاه لي شتت ليه كل تفكيرو وتركيزو …وقف وشاف فيهم )

مالك : واش نمشيو للقصر …

فارس سد هاتفو ردو لجيبو ووقف ) لا جبار قالينا نخرجو من القاعة ماشي نمشيو للقصر …

مالك مسح على وجهو ) أميرة شاغلة بالي خاس نشوفها …

وسيم : حتى أنا وخاسني ضروري نمشي نشوفها ون…(وسكت منلي سمعو صوت ارتطام قويييي صادر من داخل محكمة المتحولين لدرجة الأرض تحركات تحت أقدامهم … . وبالأضافة لطاقة متحولين اثنين قريبين منهم لي حسو بيها تضاعفات أضعاف الضعف ..ووسيم بسرعة فعل قوة الرؤية ما خلف الجدار وشاف فبناية المحكمة وخرج عينو مني بانولو جبار وسليم مشادين …وجبار ضرب سليم بلكمة جد قوية مفعلا قوة الجسد الفولاذي …لكمة خلات سليم يتهز من مكانو و يتخبط بقوة مع حيط القاعة حتى حفْرو وطاح …فا وسيم غووت )

وسيم : أشنووو كايديييرو هاااذو (واختفى بسرعة من مكانو بقوة التنقل )

(فارس وخليل ومالك شافو فبعض وتحركو بسرعة كيجريو يدخلو للمحكمة )
🍀🍀🍀🍀
ومازلنا فنفس هاذ الوقت ولكن هاذ المرة
نمشيو لقصر ال ستارك و بالضبط لجناح جبار وساندرا……. هاد الاخيرة لي بثياب سبور كولون وميني بوط ديالو فالأبيض …. جالسة على طابي ديال سبور مربعة رجليها فوضعية اليوغا لي كاتستر بيها تدريبها على عنصر الهواء.. فالوقت لي أكيد زليخة لي كاتقوم بمهمت حراستها … جالسة مقابلة معاها فواحد الفوطوي… شادة كتاب بين يديها كاتقراه واكيد معايقاش وماحاساش بمرة بأن بساندرا…
كاتدرب …حيت كاتبان ليها كادير اليوغا وصافي.. ..♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 729🕯

ساندرا لي سادة عينيها مركزة على تدريبها وكاتقطع نفسها باستمرار…التدريب كيما شرحوليها سام كاتطبقو بالحرف……فا قبل تلاث أيام كانت كاتنجح فأنها تقطع نفسها لمدة أربع دقائق … دبا ولات توصل تال ست دقايق بلا ماتنفس ولكن مكاتجي تفوت هاذ الستة دقايق حتى كاتبدا تخنق ومعدل دقات قلبها كايرتافع..فا كاتوقف تدرببها حيت مكاتقدرش تزيد تصبر كاتحبس وكاتعاود من جديد.. تقطع نفسها وهي كاتحسب شحال كاتبقى بلا تنفس حدها كاتوصل ست دقايق كاتخنق وكاتحبس وكاتعاود مرة اخرى…..

….سادة عينيها كاتدرب …..و بقات هكاك لازيد من ساعة د المگانة بلا ادنى تطور او تقدم ملحوظ …… فقط كاتقطع فنفسها وتعاود ….وهي مركزة كليا حتى جات فبالها صورة سميحة كيشافتها فآخر مرة زارتها فيها مستلقية على سريرها وخيط الصيروم لاسق على يديها كيفاش صفرة وكيفاش ضعاافت لدرجة عظامها كايبانو تحت الجلد بحالا قربو يخرجو ….الصورة لي خلاتها حلات عينيها عالجهد ووقفات فبلاصتها جامدة و معصبة لدرجة يديها كيرجفو وهي ساهية فنقطة وحدة وكاتفكر فشيء واحد …أنها فشلات ..أنهااات مانجحاتش فتدريبها وأنا غير ضيعات هاذ التلاث أيام في الاشيء وأن الوقت لي تزيد تضيعو ماعندهاش…….
وزليخة لي كانت غي جالسة وكاتقرا فكتابها غي شافتها وقفات نطقات..)

زليخة: فين غادة ؟

ساندرا خنزرات فيها) غي للبالكون غي نشم شويا د الهواء..
((وبلا ماتسنى منها تجاوبها توجهات ديريكت للبالكون مخنزرة ومعصبة…. اما زليخة فا تبعات ليها العين تا شافتها خرجات للبالكون وهي ترجع تركز مع كتابها.. ..))

ساندرا….. شدات فحديدات فدريج لبالكون مزييييرة عليهم بعصبية ….وهي غير كاتفكر وقربات تحمااااااق جاتها البكية من قلة الحيلة والعجز لي كاتحس بيهم …… كل شيء تجمع عليها عيات ومابقاتش قادرة تزيد تصبر على هادشي لي هي فيه وعلى الوضع لي تحطات فيه وعلى الحل لي فيديها ولكن ماقاداش تطبقو …….. عينيها دمعو وهي كاتفكر حتى ف جبار لي تلاث أيام هادي مجاش فيهم للقصر وهي عارفة ومتأكدة انه فهاد الأيام هو مانعسش ومشافوش وكاتقول مع راسها علم الله كي غاتكون حالتو واش كياكل ماكلتو او لا….. وسليم حتى هو لي مابقاش قادر يشوف سميحة فهاذيك الحالة …وباقي الشباب ….

فقط واقفة مزييرة على يديها ودموع كيطيحوليها وكل مكاتزيد تفكر فهادشي… نفسيتها كاتزيد تدمر كثر ماهي مدمرة.. بقات كاتلوم فراسها كاتبكي وكاتقول مع نفسها كون ماتولداتش كاعما يكون هاد الكتاب تابعها وكون مجاتش للقصر كاعما يطيحو المصايب على هاد الناس كاملين لي وبسبابها وبسبب كتابها ومهمتها ولا تاواحد منهم مامهني لا جبار لا سليم لا سميحة لا باقي الشباب لا آبائهم لا أمهاتهم ….العشيرة كلها ترونات بسبابها فا بقات غير كاتلوم فراسها تاشبعات بكاء بحسرة وهي تمسح دموعها وتوگضات…. رفعات راسها للشمس كاتشوف فيها مدة تاحرقوها عينيها عاد سداتهم وتنهداات حيت خذات طاقة سحرية كبيرة من عنصر الشمس.. بقات مغمظة عيونها وهي فقرارات نفسها مصممة انها تجرب تتدرب و تقطع نفسها لاخر مرة اليوم …. وتضغط على راسها باش تقطعو لاطول مدة……♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 730🕯

فا سادة عينيها والشمس كاضرب فوجهها كاتزودها بالطاقة.. وفنفس الوقت مستغلة عنصري التراب والاعشاب لي فالجردة قدام البالكون كتاخذ منهم تاهوما الطاقة السحرية ….. خذات نفس عميق و زيرات على حديدات البالكون بين يديها وقطعات نَفَسها وهي كاتحسب فخاطرها شحاال غاتقدر تحبسو دالوقت….. بقات كاتحسب كاتحسب تا ضربات ديك خمسة دقايق وهي تحبس من الحساب مابقااتش مركزة مع الحساب بالمرة.. بل مركزة غير مع ديك الحرارة ديال الشمس لي كاضرب فذاتها وكاتحس بطاقتها وبالطاقة لي كايعطيوها عنصري التراب والأعشاب…..وهي فخضم تدريبها دخلات فحالة تخيُّل لاواعية …فا بدات كاتتخيل راسها بكسوة بيضاء صيفية وإكليل ورد أبيض مزين شعرها الأسود البوكلي …جالسة فحديقة على العشب بكرشها الكبيرة فرحانة وجنبها جبار كايشوف فيها بكل حب وهو مبتااسم بفرح ….حتى كاتبدل ليها الصورة ولات كاتشوف راسها ولدات جوج ولاد توأم ذكور ببشرة فاتحة كلون بشرة أبوهم وبشعر بوكلي أسود بحال شعرها ..وعيونهم زرق فاتح كلون عيون جاسم … واقة كاتشوف فيهم هي وجبار …حتى تحولت الصورة للمرة التالثة فخيالها وبدأت كاتشوف راسها كاتجري معاهم هي وجبار فحديقة كبيرة وهم كايضحكو ويجيو ينقزو عندها يعنقوها …وجبار بغيرتو المفرطة كايبعدهم عليها ويهزهم وهو مخنزر فيهم وهم كايبكيو باغيينها وهو كايهدد فيهم يبعدوليه منها وهي واقفة كاضحك على جبار وغيرتو وكاتسيفط قبل لولادها …..حتى وقفات مكانها وهي كاتشوف فجبار لي بدأ تاني كايلعب ويتسابق مع أشبالو … والضحكة مكاتفارقش وجهو …شافت ف عينيه واحد الفرحة عمرها شافتها فيهم من قبل كايهزهم ويلاعبهم فيديه وهي فقط واقفة كاتتفرج فيهم بتلاثة ….. كلها أشياء ولقطات لي كاتمناهم وكاتمنى تعيشهم لدرجة هرباتليهم من الواقع للا وعي ….. ولكن باطنيا هي مٱمنة انها لحظات من السعادة لي مستحيل يتحققو بسبب مهمتها الإنتحارية ………

(وطول وقت هاذ الأحلام اللاواعية لي بدات كاتخيلهم…..ونَفَسها مقطوووووع…. بقات كاتخايل وتخيل تا حلات عينيها وهي مزالها قاطعة النفس لقات راسها بلي راه راها أكثر من ست دقائق وأكثر حتى من عشرة دقائق …ولي كان باها هابيك كايقدر يقطع نفسو فيها …. وهي قاطعة نفسهااااا…. حلات عينيها وهي قاطعاه ولما يقارب ربع ساعة ومزالها قاطعاه… وماتخنقات ما والو…..نفسها مقطوع …وهي مكاتحسش بالاختناق بالعكس كاتحس أنها تتنفس الطاقة السحرية لعنصر الهواء ….. و هنا عرفات راسها تحكمات وتمكنااات من عنصر الهواء…. حيت وكيما قال ليها سام بمجرد… تبقى بلا ماتنفس لعشرة دقايق أو اكثر وبلا ماتخنق غاتكون صاافي تحكمات بعنصر الهواء…..

ساندرا ابتاسمات بفرح وهي مزالها قاطعة التنفس ومكاتخنقش بمرة لدرجة نقزات من الفرح مامتيقاش نفسها انها واخيرا الحل فيدها وخاسها فقط غير تطبقو…..

حطات يديها على لحديدات عاد شهقات طلعات النفس بجهد وهبطاتو بجهد حيت بقات بلا هواء مدة طويلة.. وغير دارت عملية الشهيق والزفير تبلوكات مخرجججة عينيها عالجهد الابتسامة تمحات من وجهها لي ولا صفر ورمز التنين ولي هو وشم السحرة …بان من تلقاء نفسو مطراسي فجبهتها بين حاجبيها لثواني عاد اختفى …..وهي كاتحس بواحد الرعب داخلها عمرهاااا فحياتها حسات به من قبل حتى منلي تحطات وسط المتحولين اول مرة ….إحساس قوي خلا كل عظلاتها تتصلب لدرجة غير فمها لي بدأ كايرجف بقوة ومعدتها تشنجت وتسببات ليها بوجع قوي بزاف وعينيها مكايترمشوش والعرق كايهبط من جناب جبينها حتى جاتها الدوخة وطاحت على الارض غيبات.. ….♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 731🕯

و فداخل الجناح …وعند زليخة لي استغربات من تأخر ساندرا ويالاه غاتنوض تطل عليها حتى سمعات الزدحة أو صوت ارتطام قوي مع الأرض وشيء تهرس ….فا ناضت كاتجري للبالكون غير خرجات لقات ساندرا على الارض مغيبة وجنبها فاز كبير مهرس …قاستو منلي طاحب .. فا قربات منها زليخة بسرعة كتقلب فيها أكما تجرحات وكاتحاول تفيقها بدون نتيجة …فا خشات يديها بجوج تحت كتفي ساندرا لي عاطياها بالظهر وجراتها بخفة دخلاتها للجناح حطاتها على سريرها لي مابعيدش …
….. وغير تكاتها فسريرها وغطاتها ..خلاتها ومشات كاتجري تعيط للطبيبة …وهي قلبها غايسكت بلخلعة على ساندرا والجنينين ..وايضا بالخوف من جبار حيت تهاونات فمهمتها …)

زليخة وهي كاتجري قاصدة جناح سميحة ) ناري وتوقع ليها شيحاجة فين غانصدق (غوتات ) فاااااك كان خاس عيني ماتغفلش عليييها ناضت للبالكون نتبعهااا فيينما تحركاات نتبعها فاااك

(وسرعات فخطواتها ثواني حتى دخلات للجناح دسليم عيطات على الطبيبة لي كانت جالسة جنب سميحة …لاهي لا باقي البنات كلهن.. وثواني حتى رجعات لجناح جبار ومعاها الطبيبة والبنات …. الطبيبة قربات لساندرا كاتفحصها والبنات واقفين حدا زليخة كايشوفو فيها…كيفاش متكية حالة عينيها عالجهد كاتشوف فنقطة وحدة بلا ماترمش والدم هارب من وجها كولها صفرة وتنفسها سريع …..)

(جمانة شافت فساندرا من بعد شافت ف زليخة ونطقات )

جمانة: مالها علاش غيبات ؟ ومالها مخلوعة ومصدومة هاكا واش جاوها نوبات الهلع عاوتاني وعلاش ؟

زليخة: ماعرت مالها كانت خرجات للبالكون تشم شويا د الهواا كيما قالت ليا و بقات فيه كثر من ربع ساعة تاسمعت الزدحة جيت نشوف لقيتها مغيبة ودابا فاقت و وضعها هكا مافهمتش علاش !!

هاندا لي جنب الطبيبة وحتى هي كاتفحص فساندرا ) تهدنو غايكون إغماء عادي بسبب الحمل صبرو نتآكدو ..

سماح : ومالها صفرة ؟!…

أميرة : هيهو ساندرا واش كاتسمعينا ؟!

هاندا خنزرات فيهم ) : أصبرو نكملوليها الفحص ياه .. ( لبنات سكتو وهي خدات جهاز الضغط كاتعبرو لساندرا …حتى كملات هي والطبيبة من فحصها…هاذ الأخيرة شافت فالبنات ونطقات)

الطبيبة : عندها نقص فالاكسجين ذاتها بقات مدة مادخلش ليها الاوكسجين الكافي الشيء لي خلاها تفقد الوعي بهاذ الشكل ..(شافت فهاندا ) إذا كانت كاتتخنق هكا دائما راه عندها مشكل فالتنفس وخاسها علاج وإذا اول مرة فا باش نطمنو عليها خاسها دير تحاليل نعرفو واش عندها شي حساسية من نوع ما هي لي خنقاتها …

هاندا : حتى ضغضطها نزل بسرعة ..

(البنات كلهم شافو فبعض استغربو وزليخة تاهي عيات تحلل فهاد نقص الاكسجين مافهماتش كيفاش تاوقع.. شافت فهاندا ونطقات )

زليخة: كيفاش هاذ نقص الاكسجين من ذاتها تاني ؟

اميرة شافت فهاندا ): مدامها كاتنفس الا وذاتها كاتحصل على لي يكفيها من الاكسجين فا مافهمتش كيفاش نقص من ذاتها وهي ماعندهاش تا شي مشكيل فالتنفس وعلى مكانعرفو ماعندها حتى حساسية حيت خويا جبار متبع وضعها الصحي بنفسو عمرو قالينا عندها حساسية ؟ !!

(ساندرا أخيرا رمشات عينيها و سرطات ريقها خافت تجاوب الطبيبة او هاندا على اسئلة البناات وتقوليهم شي حاجة تشككهن فانها عمدا قطعات نفسها ولا شي حاجة..فا شافت فالبنات ونطقات..)♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 732🕯
(ساندرا أخيرا رمشات عينيها و سرطات ريقها خافت تجاوب الطبيبة او هاندا على اسئلة البناات وتقوليهم شي حاجة تشككهن فانها عمدا قطعات نفسها ولا شي حاجة..فا شافت فالبنات ونطقات..)

ساندرا: انا بخير ماوقع واالو (شافت فالطبيبة ) كانشكرك تقدري تمشي دبا راني بخير وكانحس براسي مزيان..وماخاسكش تخلي سميحة …

الطبيبة شافت فهاندا ) غانخليها فعهدتك دكتورة هاندا …

(و مشات خرجات من الجناح رجعات عند سميحة حيت عندها امر مباشر من عند سليم ماتفارقهاش بالمرة.. )
////
ساندرا شافت فالبنات ونطقات وفمها كايرجف ) حتى نتوما سيرو….

جمانة جلسات على جنب السرير): لا مانمشيو فين تاتقولي لينا مالكي كيفاش تادختي (شافت فهاندا ) مالها اهاندا يعني بلا لهضرة دالطبة …

هاندا : ماعرفتش بصراحة (وشافت فساندرا ) واش تخنقتي واش فيك شي حساسية او حسيتي بصعوبة فالتنفس ولا اختناق بسبب شي رائحة ؟

ساندرا غير كاتسرط فريقها وهي صفرا وكاتنفس بسرعة ) لا وراني قلت خرجو هي خرجو …

زليخة شافت فيها بشك) كيفاش خرجو (نطقات بحدة ) أقولي لينا مالك وكيفاش الاكسجين نقص من ذاتك ؟ اش كنتي كاديري فالبالكون ؟ (وجبدات هاتفها رسلات رسالة )

(ساندرا وثروها أسئلة لبنات المتكررة ونظرات زليخة……وفهمات انها شاكة فيها فا خافت انها توصل لشي تحليل ولا تعيق بها.. و تغطي على توثرها دارت راسها معصبة ..تكعدات جالسة وغوتات عليها هي و جمانة….)

ساندرا: وااااش غااااتبقاو ديما تابعيني بهاد التحقيق وهاد الاسئلة التشككية نتاااااعكم أأأ ؟!! وااااااه بزاااأف (خنزرات ف زليخة ونطقات) فاش كنت كاندير اليوغا حسيت بغصة فقلبي وتخناااااقت داااااكشي باش قلت ليك غانخرج للبالكون نشم الهوا وغير خرجت جاتني الدوخة وزدت تخنقت ..وغيبت حيت طاحلي طونسيو …هاااذشي لي ووقع لا اكتر ولا أقل ( شافت فيهم وحدة بوحدة وبانو ليها ثيقوها فا. كملات هضرتها) ودبا خرجو بغيت نرتاح شويا ….

سماح: ااه خاصك ترتاحي شوياا شوفي وجهك كي صفر بحالا شفتي شي جن. …وأصلا أنا فيا جوع غانمشي وغانسيفطليك مع الخدم شيحاجة حلوة تاكليها (ومشات )

هاندا: حاولي تتهدني وارتاحي وإذا حسيتي بدوخة أو اختناق جلسي ماتبقاش واقفة باش ماطيحيش على الأرض وحاولي تبقاي تشربي الماء بزاف غير نشوف اللورد جبار نقولو نديروليك تحاليل دم نتأكدو من صحتك …

ساندرا خنزرات فيها ) ماااتقوليليه واالو حيت مافيااا وااالو فهمتي ؟

هاندا سرطات ريقها ) واخا ..

أميرة حطات يدها على كتف ساندرا ) : واش تقسحتي فاش طحتي ؟

(ساندرا حركات راسها بلا وهي غير كاتسرط فريقها ودقات قلبها غير كايزيدو لدرجة حيدات يد اميرة من عليها باش ماتحسش أميرة برجفة جسد ساندرا…هاذ الأخير لي دورات وجهها جنب مخرجة عينيها ومبلوكية وهي كاتشوف فمجر لكوافوز ديالها… )

هاندا : قلبت ليها جنبها علاياش طاحت ماتضرراتش …(شافت فساندرا ) ياك مكايضركش ؟!…

(كلهم شافو فيها …وهي لي كانت مخرجة عينيها وكاتشوف فنقطة وحدة ..وهي لمجر دكوافوزها ….زليخة هزات فيها حاجبها وغوتات)

زليخة : ساندرا ؟♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 733🕯

زليخة : ساندرا ؟

ساندرا وهي مطرطقة عينيها فلمجر لدرجة مكاتسمعهمش اش كيقولو نطقات بهمس) صافي بانت الطريقة……

جمانة لي جالسة حداها ماسمعاتهاش مزيان) اش بان ؟ ماسمعتش مزيان ؟

ساندرا شافت فيهم قافزة وتداركات نفسها) : و و واالو غير أحم ..بغيت بغيت نرتاح عافاكم ألبنات..

اميرة: ااه واخا نخليوك ترتاحي دبا تانرجعو عندك من بعد نشوفو كي بقيتي..

جمانة ميلات فمها وعنقاتها )ماعرفتش مالك ولكن ماتخافيش حيت عندك أنا وكل لبنات و واخا راك معصبة مني ولكن راه دائما عندك أنا وباختراقي ماغانخلي تاواحد يقيصك …

ساندرا غير كاتسرط فريقها وقلبهاكاتحسو غااايسكت…ماجاوباتش جمانة
هاذ الأخيرة لي قفات ومشات مع اميرة وهاندا خرجو من الجناح بقات فقط زليخة مع ساندرا …)
زليخة تحركات للفوكوي لي مقابل مع السرير وجلسات حالفة ماتحيد عيونها عن ساندرا مرة أخرى …
أما ساندرا فا كاتشوف غيير فلمجر دلكوافوز لي قريب من سريرها وهي تنطق فنفسها )

ساندرا : ااه وأخيرا بنتي ليا …. هاد الاحساس كولو وهاد الرعب كولو لي كانحس بيه ولي عمرني حسست بيه فكل حياتي (حطات يدها على قلبها ) وقلبي لي غادي يسكت ولا يطرطق …. كل هاذشي من الكتاب.. لهاذ الدرجة خايف من أنك تتدمر يا كتاب التعاويذ لهاذ الدرجة قويتي وحصنتي نفسك ضضدي …ولهاذ الدرجة طريقة تدميرك مرعبة يا أقوى وعاء سحري … ولكن صافي بانت طريقة تدميرك ..(ابتاسمات باستهزاء وهي كاترعد )أنا المختارة تحكمت بعنصر الهواء وهو آخر عناصري السحرية ..إذن آخر أوراقك وهي الورقة الفارغة صافي بانت وتكتبات عليها طريقة إعدامك يا كتاب التعاويذ السحرية ….ومابقا غير القليل…(دورات راسها شافت فزليخة وهي مزالها فالمونولوج ديالها أو حوارها الداخلي مع نفسها ) خاصني ضروري نهزو ونحلو نقرأ طريقة تدميرو … الوقت والمكان والشروط والكيفية ( زيرات على يديها ) ومااعنديش الوقت لي نضيعووو (شافت تاني ف زليخة لقاتها حاضياها وكملات ف حوارها مع ذاتها) كيفاش غناخذ الكتاب قدام عينيها… لا لا ضرووري خاصني ناخذو ضروووري…..

(وبقات كاتفكر وتعاود كيفاش غتاخذ الكتاب بلا ماتعيق زليخة… والرعب غير مكايزيد فداخلها بسبب هداك الاحساس الغريب المرعب لي مزالها كاتحس به …. كاتفكر وتفكر حتى …قفزات فاش صونا ليها تيليفونها لي كان تااهوا فنفس لمجر لي فيه الكتاب…..

🍀🍀🍀🍀

ونرجعو لمحكمة المتحولين داخل قاعة المحاكمة …وبالضبط نرجعو للحظة لي طلب فيها جبار من الكل يخرجو باستثناء عصمان وسام وسليم …وبعد امتثالهم للأمر وخروجهم كلهم ….جبار بقا واقف كايشوف بالضبط وفقط فسام …هاذ الأخير لي بدأ يتوتر وخصوصا أن جبار طول وهو غير ساكت وكايشوف غير فيه لدرجة عصمان وسليم شافو فبعض باستغراب …ومافهموش نظرات جبار الباردة لسام …كأنه سااارح كايفكر فشيء وهو كايشوف غير فسام …

أما سام فا مابقاش قادر على نظرات جبار وهالة الشيطان المحيطة به فا حنا راسو كايفكر ويعاود سبب نظر جبار ليه غير هو ..لدرجة أنه قال صافي جبار عاق انه كايعاون ساندرا فتدريبها مور ضهرو ..وانه كان كايتواصل معاها سرا فهاذ التلاث أيام لي مرو ومواكب تطور تدريبها …فا سام بدا كايتنفس بسرعة وهو حاني راسو لي حاسس انه غايطير فأي لحظة …فا سرط ريقو ويالاه غايهز راسو يشوف فجبار ويسولو عن سبب نظراتو له بهاذ الطريقة …حتى جمد مكانو مخررررج عينيه عالجهد صفار ورمز التنين لي هو وشم السحرة …بان من تلقاء نفسو مطراسي فجبهتو و بين حاجبيه لثواني عاد اختفى …..وهو كايحس بواحد الرعب داخله …تماما كالرعب لي حس بيه مرة وحدة من قبل فحياتو ..وهي المرة لي كان فيها طفل 11 سنة وشاف قدام عينيه عائلته أو أفراد معشرو كايطير راسهم واحد بواحد من طرف سحرة السحر الأسود ….إحساس قوي خلا كل عظلاتو تتصلب لدرجة فمو بدأ كايرجف بقوة ومعدته تشنجت وتسببات ليه بوجع قوي بزاف وعينيه مكايرمشوش والعرق كايهبط من جناب جبهتو ….نعم هو نفسه إحساس ساندرا لي اجتاحها هي وسام وكل ساحر و ساحرة فكل بقاع العالم …سواء سحرة السحر الخير أو سحرة السحر الأسود …..كلهم بدون استثناء وفنفس الوقت حسو بنفس هاذ الإحساس غير هو الفرق بينهم وبين ساندرا ….أنهم جاااهلين تمااااما لسبب هاذ الاحساس الفظيع ععكس ساندرا لي عارفة أن سببو هو الكتاب بين طريقة تدميرو ….

(سام بدأ كايتنفس بسرعة وهو كايتسائل فداخله مالو …مد يديه مسح العرق لي كايهبط مع وجهو حتى هز راسو منلي نطق جبار )♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 734🕯
جبار : سام
سام سرط ريقو وحاول يركز مع جبار ويتجاهل هاذ الرعب لي مخلي قلبو رجف )…
جبار تحولو نظراتو لتخنزيرة …منلي شاف تغير وجه سام وتوترو الواضح …لكنو ماتسوقش ونطق )
جبار : ثغرة النبوءة عندي …
(سليم وقف وعصمان خرج عينيه ..وسام زادلو جبار على ما بيه لدرجة حس ودنيه كيصفرو ونطق بزز)
سام : ش شنو …
(جبار حس بفيبرور هاتفو فجيبو …جبدو لقاها رسالة من زليخة …حلها لقاها رسلات ليه تقرير بكل ماوقع مع ساندرا بالتفصيل ..زير على يدو وشاف فيهم ) صبرو خمس دقائق ..ودوزليها الخط وعطاهم بالظهر تحرك وقف جنب نافذة …وهو مخنزر )
🍀🍀🍀🍀..
نرجعو للقصر وعند
ساندرا لي شافت فالمجر لي فيه تيليفونها وفين الكتاب تاهو وقفات قربات منو عطات بالظهر لزليخة حلات المجر هزات الكتاب بالخف ودارتو تحت القبية نتاعها عاد هزات تيلي وشدات الخط….
جبار بعصبية ): مالكي اش واقع علاش سخفتي ؟
ساندرا: كاترجف ) مكاين والو غادرت اليوغا واحد شويا وتخنقت وخرجت نشم الهوا وبالعيا سخفت ماشي شي حاجة..هاندا قالت انه طاحلي طونسيو ..
جبار: انا جاي عندك دبا نشوفو سبب هاذ انقطاع الاوكسجين من داتك
ساندرا قاطعاتو بسرعة دورات وجهها للكاميرا بتاسمات ونطقات) لا لا ماتحتاجش تجي انا بخير شافتني طبيبة ومعايا زليخة ماتخافش..غاناكل دابا ونعس
جبار: باش كاتحسي دبا ؟
ساندرا: انا بخييير وكانحس براسي مزيانة غاكون هاني وغي رجع لخدمتك انا غانرجع نرتاح شويا..وراه زليخة معايا …
جبار: متأكدة …؟
ساندرا كاتشوف فالكاميرا) اش بان ليك فيا ؟ انا بخير ! واصلا شافتني طبيبة م ! وداكشي را طبيعي فالحمل راك عارف زعما راك طبيب مانحتاجش نشرح ليك..
جبار: نكمل اش مورايا ونجي
ساندرا مزالها مبتاسمة حركات ليه راسها حيت كظنو كايشوفها من الكاميرات ) مم واخا..
🍀🍀🍀
(قطع جبار الخط ….ورجع لمكانو وقف مقابل تاني مع سام كايشوف فيه
سليم : جبار…أشنو قلتي أشنو هي الثغرة أشنو خاسنا نديرو ..!!
جبار شاف فيه مخنزر ونطق بصراخ ) خليتك هنا غير حيت القضية كاتعنيك شخصيا بحالي … ماشي لشيحاجة أخرى فا كانبهك تتدخل فقراراتي يا سلييم (شاف فعصمان ) ونتا خليتك هنا حيت محتاج منك شيء مهم لا غير ورأيك خليه عندك (وشاف فسام ) ونتا حيت بغيت رأيك واخا راه زايد ناقص عندي …
سام سرط ريقو ويديه كايرجفو ) أش اشنو هي الثغرة …(شاف فالكتب وبزز كايهضر حيت صدمة احساس الرعب لي مزال كايحس بيه مأثر عليه كليا )ال الكتب السحرية ك كلها لي قري قرينا مافيهمش ثغرة و و..
جبار قاطعو ) الثغرة مالقيناها فحتى كتاب حيت هي ماكايناش ..والبحث عنها فالكتب السحرية كان غير أمل تأكدت من أنو زائف وغير محاولة باش مانندمش على هاذشي لي غاندير … (وخشا يدو فالجيب دسروالو وتحرك قاصد عصمان )آه الثغرة مكايناش و ولكن أنا غانصنعها (ووقف خلف عصمان وحط يدو على كتفه هاذ الأخير لي قلبو بدأ كايضرب بسرعة … وكلهم كايشوفو فيه وهو غوت ) أناااا هو الثغرة ….(وبسرعة جبد إبرة فارغة من جيبو خشاها في عنق المتحول الكامل عصمان ..وسحب منو كمية كبيرة من الدم بسرعة كبيرة وخرج الأبرة ….عصمان حط يدو على عنقو ووقف بصدمة ..أما سليم فالدم هرب من وجهو نطق بصراخ )
سليم : جبااار…♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 735🕯
سليم : جبااار…
جبار غوت بأعلى من صوت سليم ) قلت تفرااااج و ماااااتتدخلش (وشاف فسام لي مزال لونو مخطوف وغير كايشوف فيهم ) أشنو غايوقع للنبوءة لي مذكور فيها جبار متحول المئة قوة لي عمر غايتولد شي متحول أقوى منو او متساوي معاه فعدد القوى …إذا ….هاذ المئة قوة اختفاو يا سام …وولا جبار مجرد بشري عادي …
سام وقف ونطق بسرعة وبهستيربا ) لا لا..
جبار غوت ) جاااوبني ..فسحركم إذا أنا كنت الثغرة واش سميحة وساندرا ماغايوقع ليهم والو …
سام غوت ) لا هذا أكبر ضرب لقانون الطبيعة تقدر ديرو يا لورد وهذا خطأ كبير بزااف ..
جبار مخنزر فيه وغوت ) علاش جنين سليم ماشي ضرب لقانون الطبيعة هااا !؟
سام حرك راسو بلا وحلقو ناشف فا كاينطق بصوت مجروح) الجنين هو خرق لقانون الطبيعة اه …ووهو كسر النبوءة آآآآآه …ولكنه خرق طبييعي لقااانون الطبيعة اما الشيء لي كاتفكر ديرو هو تلاعب خطيييير بالسحر وتلاعب بقانون الطبيعة ….إذا تخليتي عن كل قواك تقدر تتسبب فكارثة غاطيح علينا كاملين حيت نتا عنصر أساسي فتدمير الكتاب بكل قواك المئة …
جبار غوت ) ماتحااولش تستغبييني يا سااحر قريت كل كتبكم.. إذا ساندرا ماشي هي الساحرة المختارة لي غاتدمر هذاك الكتاب ..فا بعد سنين غاتتولد مختارة أخرى بشروط أخرى لي أكيد أنااا ماغاديش نكون واحد منهااا…الكتاب غايبقى حي حتى يتدمر على يد مخارة سواء ساندرا او غيرها فا أشنو غايوقع كاع إذا أنا منعت تدميرو بتضحيتي بكل قواي …
سام غير كايحرك راسو بلا ) للسحر ميزان مايمكنش تميل وحدة من كفتيه الكتاب غاينتاقل من مختارة لأخرى إذاااا ماتت المختارة الاولى ماشي إذا نتاااا وليتي بشري ..بالعكس تما الكتاب يقدر يزيد خطورة على دابا او يلقي شي لعنة على كل صنف المتحولين أو السحرة او ممكن بمجرد تضحيتك بقواك جنين سميحة يمووت فلبلاصة حيت النبوءة مذكور فيها جبار المئة قوة ماشي هجين بقوة الاستنساخ اللامحدود..
جبار : علاش الجنين غايموت إذا واحد من شروط تدمير الكتاب تلغااا ..(غوت ) بااراكا ماتخربق حيت أنا فكرت وحللت الأمر مزيان …أنا اكيد غانكون واحد من أهم شروط تدمير هذا الكتاب يمكن بكل قواي او بوحدة منهم فا إذا مابقات عندي حتى وحدة هنا النبوءة ماشي غير غاتخرق بل غاتدمر وتدمير الكتاب غايتأجل …
سام : نتا مامستوعبش عاقبة تدمير النبوءة ..
جبار ابتاسم ) ياك هاذ العاقبة غاتحل عليا بوحدي المهم الخطر يبعد.عن ساندرا وسميحة ..(وهز الإبرة لي عامرة تالفم بدم عصمان وخشاها فعنقو ….يتبع ♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 735🕯
(تتمة الأحداث )
جبار ابتاسم ) ياك هاذ العاقبة غاتحل عليا بوحدي المهم الخطر يبعد عن ساندرا وسميحة ..(وهز الإبرة لي عامرة تالفم بدم عصمان وخشاها فعنقو ….
🍀🍀🍀🍀
نمشيو من محكمة المتحولين لقصر آل ستارك …
ونرجعو لعند ساندرا لي بعدما قطعات الخط مع جبار حطات تيلي نتاعها …سرطات ريقها وهي عاطية لزليخة بالظهر وحاطة يدها على بطنها …بالضبط على الكتاب لي من تحت قبيتها الواسعة …تنفسات بعمق واستدارت غادية في اتجاه حمامها حتى نطقات زليخة )
زليخة : فيين غاديا تاني (ووقفات تمشات حتى وقفات قدامها )
ساندرا : للطواليط…
(زليخة بقات واقفة ليها فطريقها مخنزرة وهي كاتشوف فعيون ساندرا…هاذ الأخيرة لي تاهيا كاتشوف فيها مخنزرة حتى غوتات )
ساندرا : واحيدي من قدامي واش بغيتيني نبول تحتي ؟
(زليخة شافتها شادة كرشها وهي تبعد ..وساندرا تخطاتها وزادت داخلة ونطقات )
ساندرا : غاندوش بربي وتبقاي دقي عليا كل جوج دقايق تانعلقك فالصقف تاني وقولي لجبار يجي يهبطك …
زليخة : تفوتي ربع ساعة نفرع عليك الباب ..
(ورجعات جلسات مكانها
فحين ساندرا دخلات للحمام لي مافيهش الكاميرات وهي هازة معاها الكتاب.. وغير دخلات سدات الباب دغيا من الداخل …وبسرعة وهستيرية حلات الكتاب لي غير تحل تحركو أوراقو راسهم وبداو يتقلبو بسرعة كبيرة حتى استقرو على آخر ورقة فيه لي فعلا عمرات بالكتبة …أي تكتبات عليها طريقة تدمير الكتاب بالتفصيل … كيفاش… وفين..وإيمتا ….خاسها تدمر هاد الكتاب…..
ساندرا لي شاداه بيديها لي كايترعدو بقوة …سرطات ريقها وبدات كاتقرا فداكشي لي مكتوب وكلما قرات كلما لونها كايتبدل وعينيها كايخرجو بالصدمة لدرجة .. فشلو عليها ركابيها وجلسات على الارض والكتاب بين يديها وهي مزالها كاتقرا فيه شوياا بشويا حتى بدات تبكي بالحس ودارت يدها على فمها باش ماتسمعش زليخة صوت بكائها ….. بقات كاتبكي وتبكي وهي كاتقرا وكلما قرات كاتزيد فحدت بكائها حتى وصلات لآخر كلمة مكتوبة على هذاك الكتاب وغير قراتها هزاتو تالسماء وخبطاتو مع الارض بقووة …… وبقات كاتهزو و كاتخبطو وتعاود وهي غير كاتبكي وكاتنطق بحسرة ) ♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 736🕯

ساندرا وهي كاتخبط فيه ) علااش ؟ علاش ؟ علاش حرام عليك علاش ?…

( وبسرعة شداتو بيد حاطاه على الأرض وبالأخرى كاااتجر فأوراقو كاتحاول تقطعهم..عاضة على شفتها السفلية بأسنانها وهي كاتعصر كاتجر أوراقو ودموعها ماحبسوش..بدون نتيجة وراقو ماابغاوش يتقطعو ليها….. بانو ليها الشموع فالحمام مشات كتجري بسرعة ألقت تعويذة النار شعلو وعرضاتو ليهم مابغاش يتحرق النار بمرة مكاتشدش فيه …فا خبطاتو بعصبية مع الحيط …..وتحركات كاتجري عمرات البانيو بالماء وحطاتو فيه باش يتقطع ويتفرتتو أوراقو بالماء ولكن هيهااات … ماوقع ليه واالو ولا خدش واحد …ومستحيل يتضرر حيت عندو طريقة تدمير خاصة بشروط خاصة في مكان وزمان خاصين .. ومهما جربات ساندرا فا هي غير كاتخوي الماء فالرملة ….. جلسات تاني على الأرض غير كاتبكي وكاتهزو بيد وحدة وتخبطو مع الأرض وترجع تهزو وتخبطو وهي فاشلة وساهية فنقطة وحدة كاتبرد حرقت قلبها من آش قرات فآخر صفحاتو …..ونطقات بصوت مبحوح وهي مكاترمشش )

ساندرا: علاااش ! (سرطلت ريقها ودموعها غير كايطيحو ) علااش… (لاحت الكتاب تاني بقوة حتى تخبط مع الحيط لي قدامها وطاح على الأرض وهي كاتشوف فيه وكاتهضر بحرقة ..تخاطبه كانه سيجيبها ) ..علاش أشنو درت نستاهل كل هاذشي علاش واش لهاذ الدرجة باغي تشوفني كانتعذب (حنات راسها مغمظة عينيها كاتبكي وغير كاتهضر ) علاش طريقة تدميرك متضمنة جبار… (غوتات ) عــلاااش هو أهم شروووط تدميرك علالاش هواااا !!(حطات يديها على وجهها كاتشهق ) علالالاش ..أناااا انا مابغيتش ماابغيتش ندخلو فهااادشي قويت راسي وسحري درت كل جهدي باش نكون قد المهمة وحلفت ماندخل جبار أو غيرو فهاذشي فااا علاش تافهاذي جيتي ضددي ودخلتيييه (تحاور الكتاب ) علاش علاش…. (وطارت تاني شدات الكتاب كاتخبطو وضربو بكل جهدها) مستحييل نخليك تدخلو فهادشي مستحيييل نخليك اصلا تقرب ليه أو تٱذيه او تٱذي واحد من المتحولين.. فااا علاااش تجرو معااياا علااش ! يااك نتا كتااب سحري خاص تكون ليك علاقة بالسحرة فقط فعلااااااش جبار واحد من شروط تدميرك علاااااش ؟!! هو هجيين أنااا لي ساحرة وأنا لي خاس ندمرك بوووحدي ونتحمل عبء هاذ المهمة ماااشي هو …. ياك نتا بغيتيني اناا بغيتي تقتلني انااا.. فاااا علاش جباار علالاش …. ياك انا اصلا تولدت غير باش نموت على يديك فعلااااش تجر معايا جبار علااش ؟ علاش باغي تقتل معايا نقطة النور الوحيدة لي فحياتي…. (مسحات دموعها بيديها ونطقات بعصبية وفقصة ) ♥️الجزء 2 من قصة ♥️
■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆
📜الكاتبة•: °chaymae ouaj°
🕯الجزء 737🕯
ساندرا مخرررجة عينيها فلكتاب ) : مغانخليييكش سمعتيني عمري نسمح بهادشي يوووقع انااااا لي غاندمرك و بووووووحدي اناااا ماشي غيري….. جبااار ماغايمشيش معاايا ماغايعرفش أصلا وشرط وجودو فتدميرك غايتلغاااا واخا نعرف نترجا روح ألكساندرا وكل أرواح قدماء السحرة لي ساكنين هاذيك جزيرة المتاهة ….ماتحلمش يا كتاااب ماغااااتوصلش لخصلة من شعرو يا ملعون….واخا نعرف ندفنك فعمق هاذيك الجزيرة ونتحبس فيها طول حياااتي جباار ماغاتوصلش ليه يا كتااب يااا ملعووون … جبااار ماغايتآذاش وإلا ياويلك مني …غانمشي وبوحدي وغانمدرك وبوحدي وإلا غانمشي نلوح راسي ونتا معايا في فوهة بركان هاذيك الجزيرة لي وريتيني صورتها فآخر أوراقك …غاندير المستحييل وفوق المستحيل باش جبار مايعرفش أصلا بهاذشي ..مستحيل نسمح ليك يا سحر… مستحييل…. هو متحول ماعندووش علاقة بهاذشي أنا لي ساحرة فا علاش دخلتيه هو فكل هذا …
(((وبقات ساندرا هكاك كااتهضر مع الكتاب بواحد الجنون والحسرة وكاتلومو وهي مغددة كاتحاول تقطعو بين يديها…..حتى سمعات الدقان فلباب.. كانت زليخة لي كاتسناها تخرج من الحمام وسمعات الحس وجات كاتدق عليها تشوف مالها..
زليخة وهي كادق فالباب) ساندرا مالكي ؟ اش واقع ؟
ساندرا جاوباتها بصوت باكي ) واالو هاني خارجة …
🍀🍀🍀
خارج الجناح زليخة خنزرات )
زليخة : أشنو كاديري اكما دختي تاني (وبدات كاتحاول تحل عليها باب الحمام حتى سمعات الدقان …تنهدات ومشات بخطوات سريعة حلات باب جناح جبار وهي تلقا ماريانا واقفة مخرجة عينيها ولونها صفر ….
زليخة قلبات عينيها بملل ) نعام ؟
ماريانا سرطات ريقها ونطقات بزز ) س ساند درا ..
زليخة تنهدات ) كادوش …(زليخة ردات لبال للون ماريانا لي مخطوف وكيفاش كاترجف )مالكي ؟
ماريانا جاتها الدوخة ..ومالت كانت غاطيح حتى بسرعة شداتها زليخة )
زليخة : صافي كملات على دنمي اليوم .. (وجراتها دخلاتها وماريانا بزز كاتمشا …جلساتها على لفوطوي وبزربة عطاتها كأس ماء )
(ماريانا شداتو بيديها لي كايرجفو وبزز شربات جغمة ودموع بداو يطيحوليها )…
زليخة كاتشوف فيها باستغراب ) امالكي ؟
ماريانا حركات راسها بلا وكاتهضر وهي كاتبكي ) ماعرفتش …
زليخة :كيفاش ماعرفتش تاني !
ماريانا شافت فيها وهي مزالها غير كاتبكي ) كنت ناعسة حتى فقت قافزة منلي حسيت بواحد الرعب عمرني حسيت بيه من قبل فكل حياتي (شافت فيديها ) جسدي وكرم عليا ماقدرت لا نتنفس لانتحرك (وشافت فزليخة ) إحساس فايت الرعب …
زليخة مديقة فيها عينيها ) كيفاش وعلاش ؟واش شفتي شي كابوس ……

Leave a comment