Skip links

قصة : الوحش وذات القزحتين الجزء 2 ( عشق جبابرة) ج65

 39,174 عدد مشاهداات

♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 611🕯
جاسم شاف فجبار ) اشنو فهمتي من كلامو لي قال على سميحة وجنينها وعلى ساندرا وتوأمكم ؟

جبار ماجاوبش وماشافش فيه …بل سااهي فالبحر حتى وقفات جنبهم شيماء )

شيماء : ممكن كل هضرتو لي قال تكون غير فخ وماشي حقيقة (شدات يد جبار ) حبيبي …

جبار نطق وهو ساهي فالبحر ) تعابير الرعب لي بانت على وجهو ملي شاف فسميحة حقيقة ألواليدة… وحتى اللعنة لي هضر عليها ولي كانت ساندرا و كداائما مخبياها عليا ..حقييقة …(ويالاه غايختفي حتى غوتات شيماء )

شيماء : جباار إيلا عندك شي عتاب ولوم وغواات لساندرا كانصحك تأجلووو حيت لبنت طاحت سخفانة بعدما مشيتو بسبب نوبة هلع سمعتي نوبة رعب وهلع كاتجيها للمرة الألف زرعتي فيها الخوف وولات حسااسة ويلا عاودات جاتها نوبة أخرى بحال هاذي غاااتجهض .. لبنت ميتة بلخلعة من مصييرها وحقيقتها ومن داكشي لي سمعاتو من طرف هاذاك الساحر ومنك فا ماااتزيدش عليها تانتا ماتخلعهااش …(وبمجرد ما كملات كلامها اختفى …)

شيماء دورات راسها شافت فجاسم مخنزرة )

جاسم : شكون خاسو يخنزر فالاخر !

شيماء : علاش مافيقتينيش منلي جا هذاك الساحر وعلاش كاتخبي عليا مشاكل ولادي …

جاسم دور راسو شاف فإيفان لي واقف كايعاود لبنتو اش وقع )

جاسم : هو لي خرجك من القصر وجابك لهنا ياك ؟

(إيفان سمعو وخررج عينيه وبزرببة ركب سيارتو وكسيييرة خلا زليخة واقفة كاترمش فعينيها ..وهي تركب سكوتر نتاعها وكسيرات …)

شيماء : واش هاذشي لي مهم أجاسم هااا ولادي كل نهار كايغرقو فأحجية ماعندها حل وأنا آخر من يعلم بأخبارهم و نتا عاارف وكاتخبي عليا و ..(وغوتات منلي قاطعها جاسم وهزها بيد وحدة لاحها على كتفو وحاول يتنقل لسيارتو لكنها صداتو بدرعها لي مفعلاه بلعاني …تنهد وزاد غادي على رجليه سااكت وهي كاتغوت عليه وتنكر ماسكتاتش حتى وصلو لسيارتو ركبها بزز وهو كايتحلف على إيفان وكسييرة
🍀🍀🍀
ونرجعو للقصر وبالضبط داخل جناح سميحة ….بدات ساندرا كاتحل عينيها شويا بشويا حتى رجعات للواقع ..شافت حواليها فالجناح لي عرفاتو دسميحة… وهي داروليها سرير طبي جنب سرير سميحة وسليم حيت ماقدرش خليل يدخلها لجناح جبار المقفل…
ساندرا دورات راسها جنب بانتليها سميحة ناعسة على كرشها فوق سريرها لي ضايرين بيه ألاجهزة الطبية ولخيوط لاصقين فصدرها ويدها …وجنب سريرها جالسة مها ..تارا..على كرسي وحاطة راسها على يد بنتها سميحة وناعسة حتى هي …

ساندرا سهااات بعيون دامعة فوجه سميحة الأصفر الذابل …حولات نظرها لكرش سميحة كاتشووف فيها وهي كاتحاول تفهم مغزى كلام آلبرت وتشوف داكشي لي هو شاف ….تنفسات بعمق وزيرااات على يديها وهي كاتشوف بتركييز فبطن سميحة حتى فجأة اجتاحها صداع قوي خلاها شدات راسها بيديها وهي كاتتنفس بزربة والرؤية تضببات ليها حتى فقدات وعيها مرة أخرى ….♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 612🕯
🍀🍀🍀
وعلى سطح يختو لي كما سبق وذكرت لي من النوع المتطور السريع…المركون وسط المحيط…ظهر آلبرت كايلهث بسبب استعمالو لطاقة كبيرة فتعويذة تنقلو الاخيرة الواسعة المحيط لي بفظلها هرب من زلزال جبار … جلس لثواني كايلهث وهو شاد يدو المحروقة لي عاطياه لحريق وغير استرجع أنفاسو ناض تحرك كايجري هبط لغرفتو أسفل اليخت حل حقيبة جلدية ديالو …جبد منها خريطة كبيرة للعالم لي غير من شكلها باين أنها قديييييمة وماشي من ورق بل مرسومة على الجلد … فرشها على أرضية الغرفة ..وجبد مجموعة من الشموع شعلهم ودورهم على الخريطة وجبد سكين جرح اصبعو وقطر دمو على مكان محدد فالخريطة ..ولي هو مكان يختو لي هو عليه حاليا فالبحر … جلس على ركابيه أمام الخريطة غمظ عينيه وبدأ كايتمتم بكلمات تعويذة ويعاودها ويعاود يعاودها لثواني حتى تطفاو الشموع بوحدهم عاد حل عينيه وناض مبتاسم خدا فاصمة لواها على يدو المحروقة وتكا على سريرو فاشل …)

آلبرت : ودابا بعدما خفيت موقعي وموقع طاقتي السحرية كانتحداك تلقاني يا شيطان المتحولين ( وبدأ كايضحك بهستيرية وهو مامتيقش راسو هرب لجبار …حتى فجأة تفكر شيء خلا ضحكتو تختفي وتكعد جالس ) خاسني نعلم كبار المعاشر بالشيء لي اكتاشفتو حول هذاك الجنين المعجزة ..(سرط ريقو وناض كايجري رجع طلع لسطح اليخت لغرفة القيادة وكسيرا …)
🍀🍀🍀
ونرجعو للقصر وخارج جناح سليم وأمام بابو ظهر جبار العاري الصدر… لي كولو عرقان وفيه رائحة لحريق كمخلفات للمعركة ….لقا أمامو هاندا ..

هاندا سرطات ريقها من شكلو ) لل لو ل ل ل…

جبار نطق ببرود ) ساندرا …

هاندرا : أ أ آآه را ه هي ل لداخل أحم ب راها بيخير دابا بعدما هرب الساحر وتبعتوه جاتها نوبة هلع وسخفات و لكنها ولات بخير دابا خاسها الراحة وسميحة حتى هي سخفات ولكن ولات بيخير غير هي أحم جنينها دقات قلبو منخفظة وماعرفتش علاش لا انا لا طبيبتها و…

((جبار قاطعها بأنو تحرك داز من جنبها واخترق بابا جناح خوه …دخل بانتليه أولا سميحة لي ناعسة فسريرها وعلى كرسي جنبها مها لي مغمضة عيونها ..وعاد سرير طبي جنبهم عليه ساندرا …قرب أولا من سرير سميحة وهو كايشوف فشاشات الاجهزة الطبية لي ضايرين بيها قراهم عرف وضعها…عاد داز لعند ساندرا حيد ليها خيط الصيروم من يدها وهزها بشوية باش مايفيقهاش ويالاه غايختفي بها حتى سمع اسمو ….)

تارا : جبار ….
🍀🍀🍀
♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 613🕯

تارا : جبار ….

(جبار وهو هاز فحظنو ساندرا استدار شاف فيها …وعمتو تارا قربات حتى وقفات قدامو ونطقات بعيون دامعة )

تارا : بنتي أجبار …

جبار : سميحة غاتكون بيخير أعمتي كوني هانية (ويالاه غايدوز من جنبها يمشي حتى حطات يدها على دراعو وجات قدامو تاني وهي كاتبكي ..نزلات عينيها شافت فساندرا ورجعات شافت فيه ونطقات بصوت مخنوق بالدموع )

تارا : واعدني أولدي واعدني أن سميحة غاتعيش وماغايوقعلها واالو ….

(جبار كايشووف فيها وهي مسحات دموعها وكملات كلامها )

تارا : إيلا كان الجنين ديالها كايشكل خطورة على حياتها نزلوه هافاك هضر مع سليم وقنعو جهضوها هي مزالة صغيرة ومزالة تحمل أجبار مابغيتش نخسر بنتي و…

جبار : عمتي …

تارا قاطعاتو وكاتهضر وهي كاتحرك راسها بلا ) ماغانخليكش تمشي حتى تواعدني وااعدني أن سميحة غاتعيش و ماغايوقعلها والو واعدني اولدي …واعدني عافاك أنا مابغيتهاش تموت ليا راك واخا كنتي صغيور ولكنك شهدتي على لعداب لي داز عليا حتى ولدتهم هي وسماح مابغيتش نجي دابا ونخسرها ماغانصبرش أجبار ما…

جبار قاطعها ) كانواعدك …

تارا ابتاسمات براحة وسط دموعها ) وأنا كانتيق فكلمتك ووعودك (ونزلات عينيها شافت فساندرا ) كانتيق فيك أولدي …

جبار : كانستأذن ( واختفى من مكانو ..ظهر وسط جناحو حط ساندرا على السرير غطاها واختفى ظهر فالدوش وطلق عليه ماء باارد……♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 614🕯

🍀🍀🍀🍀
نرجعو لوسط المحيط الذي تلونت سمائه بالبرتاقلي الغامق لي عاكس غروب الشمس وبريق مياه البحر ..واقف سليم العاري الصدر على مقدمة يخت كبير وفيديه منظار صغير رقمي كايشوف منو وهو غير كاايغوت على المتحول لي سايق بيهم اليخت يسرع …حتى وقف جنبو خوه )

وسيم : سليم خاسنا نرجعو …

سليم نطق بحدة ) ها الطريق قدامك ماشديتكش …

وسيم مسح على وجهو بعصبية) اكتر من سبع سااعات وحنااا كانقلبووو وبأكثر من تلاثين يخت لي توزعو حتى لشاطئ البرتغال …وحتى من مالك وخليل وفارس وعصمان كل واحد فيخت وكايقلبوو حيت مابغاوش يخليوك وظلام غايطيح وماكااينش ليه أثر فا اقتانع خلاص أنه هرب …

سليم طار عليه شدو من كول لفيست ونطق مخننزر ) ماااهربش غااانلقاااه وغااانشدووو وغاايشرحليااا داكشي لي قال على مراتي وولدي وبعدها أنا بنفسي غاانقتلووو

وسيم هاز يديه وكايحرك ليه راسو بواخا ) صافي تهدن غانلقاوه …

سليم طلق منو ورجع كايشوف بمنظارو وهو كايتنفس بزربة ) فين جبار …

وسيم : قالي فارس أنه رجع للقصر..

سليم دور راسو شاف فيه ) كيفااش يرجع للقصر وحنا مزال مالقينا الساحر …علاش يرجع ؟؟؟

وسيم خنزر فيه ) وتاتشووفو وسولو نتا نيت …

سليم غوت وهو كايشوف فغرفة القيادة ) طلقناااا نتاااا زيد فالسررعة …

وسيم تنهد بملل ) أخووية رحم راسك ويالاه نرجعو وااطل غير على مراتك لي خليتيها سخفانة ورجع ديك ساعة بقا ضور فالبحر حتى للعام الجاي …

سليم : وسيم ق…/ود من كمارتي هاذ الساعة بغيتي تمشي سير …

وسيم : قبل ساعتين هضرت مع سماح فالهاتف وقالت ليا أن وضع سميحة مامستاقرش فا يالاه أ صاحبي عالأقل منلي تفيق تلقاك جنبها …

سليم لي سرط ريقو لاح المنظار بعنف فالبحر ..ووسيم حط يدو على كتف خوه )

وسيم : غانعلم المتحول يرجع باليخت وغير نقربو لليابسة نتنقلو للقصر ….
🍀🍀🍀🍀♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 615🕯
العاشرة ليلا فجناح جبار ….بدأت ساندرا كاتحل عينيها فااشلة …سرطات ريقها وتكعدات كاتشوف حواليها فجناحها …شافت نفسها كان مبدل ليها كل ثيابها…و ملبسها شوميز من الحرير فالذهبي…سرطات ريقها وهي كاتحس بطاقتو جاية من لبالكون لي بابو محلول …حطات رجليها الحافيتين على الأرض ووققات مقاومة للدوخة لي جاتها وتحركات بخطوات مترددة ناحية البالكون ..غاديا عندو بعينين عامرين دمو وكلها كاتعراق وترجف وهي كاتحس بقلبها كايتعصر وخايفة من ردت فعلو .. وألف مطرقة أخرى كاضرب فراسها ..غير قربات ووقفات امام باب البالكون …بانليها جالس على كرسي.. بنصفو العلوي العاري كعادتو وعاطيها بالظهر …هاز راسو سااهي فالنجوم وفيدو قرعة ويسكي ….

ساندرا سرطات ريقها بعدما شافت شراب فيديه وبدأ كل جسدها كايرجف حتى قفزات منلي نطق بلا مايشوف فيها )

جبار بدون مايتحرك ) قربي …

ساندرا لي كايتسمع غير صوت تنفسها السريع ..قربات منو بعض الخطوات وهي كاتحك فيدها بتوتر ..ووقفات موراه حانية راسها بلا ماتهضر فقط دموعها كايطيحو وهي كاتسناه يغوت عليها ويحاسبها ويحدد عقابها …حتى نطق )

جبار : كيكاتحسي …

ساندرا بزربة هزات راسها شافت فيه باستغراب حيت ماشي هذا هو السؤال لي توقعاتو ) ها ؟

جبار : أكما فيك شي وجع …

ساندرا : ل ل لا….

جبار : ماخاسكش تبقاي واقفة بزاف …رجعي لفراشك…

ساندرا لي كاتشوف فيه باستغراب ودموعها غير كايطيحو )

ساندرا : جبار …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 616🕯
ساندرا : جبار …

جبار ماجاوبهاش بل حط القرعة ففمو تجرع آخر جرعات الخمر لي بقاو فيها ….وساندرا سرطات ريقها واستدارت تمشي فحالها …يالاه تحركات جوج خطوات …حتى وقفات مكانها واسدارت كاتجري تاوقفات قدامو ..وهو مزال على حالو هاز راسو كايشوف فالنجوم ….مسحات دموعها لي مكايحبسوش وجلسات على ركبتيها قدامو وحطات يديها بجوج على يدو لي حاطها على ركبتو ….)

ساندرا : جبار واش ماغاتحاسبش معايا واش ماغاتغوتش وتتعصب وتنهر فيا حيت خبيت عليك موضوع اللعنة ؟

جبار لارد و لا ردت فعل مزالو على حالو …)

ساندرا : جبار شوف فيا…

وتاني ماتلقات منو حتى رد وهي تحني راسها وزيرات على يديه وكسيرات كاتبكي بصوت مرتفع وهي كاتشهق وبزز كاتخرج الحروف )

ساندرا : واش يحسابليك لخاطري ..ولا يحسابليك كنت كانباالغ فاش كانقوليك فكل مرة مابغيتش هاذ الحياة مابغيتش نكون مختارة ولا ساحرة و علاش أنا ..واش يحسابليك كنت كنزيد فيه بخوفي من تدمير الكتاب ومن فكرة أني غانموت معاه ..ومنلي اقتانعت بحقيقتي كساحرة واقتانعت أني بقوتك لي عاطيني غانقدر ندمر لكتاب حتى كانكتاشف أن تعويذة تدميرو غاتخلف لعنة غاضربني أنا وكل خلفي إيلا دمرتو وأنا حاملة لا وصدقت حاملة نيت أجبااار وبتوأم ملفووق …فااا أشنو بغيتي ندير نجي نقوليك لا مابقييتش بغيت ندمرو أجبار راه غاتصيبني لعنة وتقدر تصيب حتى ولادي..أش كنتي غادير هااا تحيدلي الكتاب ونتسناو حتى تتولد مختارة أخرى لي ممكن ماتتولد تالبعد مئة عام أو أكتر ..والحرب بينا وبين آل جوفر عليا والكتاب غاتبقا كاطحن فينا نهار بعد نهار …باراكا أنا قربت نحماق بالخوف والتفكير مابغيتش نزيد عليك حتى نتا …أنا ماقصدتش نخبي غير ماعرفتش كيفاش نشرح …(وهزات راسها شافت فيه وهي كاتشهق ومع كل شهقة كايتهز جسدها لثواني عاد نطق)

جبار : ماتبكيش ..

ساندرا :جبار ماقصدتش نخبي..

جبار : ماتحتاجيش تفسري ( وأخيرا حنا راسو شاف فيها ) حيت أنا ولفت على طبعك الكتوم ولفت أنك وبسبب الخوف تقدري تخبي عليا كوارث …وفعلا كنت غانستغرب إذا جيتي قلتيها ليا قبل مانسمعها من هذاك الساحر …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 617🕯
جبار : ماتحتاجيش تفسري ( وأخيرا حنا راسو شاف فيها ) حيت أنا ولفت على طبعك الكتوم ولفت أنك وبسبب الخوف تقدري تخبي عليا كوارث …وفعلا كنت غانستغرب إذا جيتي قلتيها ليا قبل مانسمعها من هذاك الساحر

(ساندرا سرطات ريقها مزيرة على فمها حابسة الشهقة وحنات راسها ماقاداش تزيد تشوف فيه واكتفات بالبكاء وهي مزيرة على يدو حتى تهزات فحظنو …جبار لي هزها ووقف وتحرك يدخل للجناح )

جبار : قلت ماتبكيش….

(ساندرا بزز سرطات البكية وقلبها كايضرب بزربة وهي فحظنو..دورات يديها عيه معنقاه بقوة وهي كاتبكي …حتى حطها على السرير بشوية وشد يدها باش يقيس نبضها … وبعدها حط يدو على بطنها كايتحسس طاقة الأجنة لثواني عاد وقف واختفى من مكانو ..مخليها خرجات عينيها يالاه غاتعيط ليه حتى ظهر قدامها وهو هاز صيروم ..بلا مايهضر ركبو ليها ودق فيه إبرة مهدئ قوية …حيت لقا نبضها متسارع بشكل غير عادي عاد تنفسها السريع و الرجفة والتعرق لي فجسدها ..ولي كلهم أعراض لنوبة هلع اخرى قوية جاياها ..قاد ليها خيط الصيروم وغطاها وجلس جنبها…)

جبار : خاسك تنعسي …

ساندرا كاتتنفس بزربة ) واش مقلق مني ؟

جبار : لا فا ارتاحي …

ساندرا لي بداو عينيها كايتسدو ) ف فين غاتمشي …

جبار : حتى بلاصة أنا معاك…وغاتفيقي وتلقايني حداك (وقرب منها حط يدو على خدها وتحنى طبع قبلة مطولة على شفايفها ..وملي تكعد لقاها نعساات …مسح بأصبعو دمعة طايحة من عيونها وناض لبس عليه فيست بلا مايسد عقاديها واختفى ….)
🍀🍀🍀🍀
فجناح فارس هاذ الأخير لي يالاه رجع من البحر .. وككل شباب لستاركس عيااان ومعصب بزاف حيت قدر آلبرت يهرب ليهم…..
دخل داز من قدامها ديريكت للدوش ولأول مرة مشافش أو تغزل فيها أو حتى هضر معاها وضحكها كعادتو ….الشيء لي ثار دهشتها )

جمانة لي جالسة على فوطوي فالجلسة دجناحها مربعة رجيلاتها و شادة طبسيل دالسفوف أو الزميتة مخلطاها بالتراب وكاتاكل وقدامها تلفاز كبيييرة شادة فيها فلم فنيتفليكس …تاقفزات منلي دخل حيت حل الباب بطريقة عصبية …لكنها وسعاات ابتسامتها ويالاه غاتوقف تعنقو حتى داز من حداها بديك الطريقة لي بينات ليها أنه معصب نيت ودخل للدوش خلاها غير كاترمش فعينيها )

جمانة : ناري مالو … (مسحات فمها وناضت كاتختل تاوقفات امام باب الدوش …لي اختارقاتو بشوييييية وغير بنصف وجهها طلات بانليها عاري وهو تحت الرشاشة عاطيها بالضهر والماء الساخن كايهبط معاه… بقات حاااضياه وهو كايدوش لثواني وهي كاتحاول تفهم مالو حتى استدار وهي تخرج وجهها بزربة من الباب باش مايشوفهاش ..ومشات كاتجري رجعات جلسات بلاصتها وهزات طبسيلها …عاد هو حل الباب وخرج لاوي عليه فوطة وللمرة التانية ماشافش فيها او هضر ..توجه نيشان للدريسينغ …

جمانة خنزرات ..حطات داك الطبسيل وناضت كتجري اختارقاتو ووقفات ليه قدام باب دريسسنغ مانعاه يدخل )

جمانة وهي كاترمش فعويناتها لي كل وحدة بلون ) فرفوسي …

فارس مخنزر فيها وحركاتها مازعزعوهش كعادتو ) حيدي من قدامي ….♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 618🕯
فارس مخنزر فيها وحركاتها مازعزعوهش كعادتو ) حيدي من قدامي ….

جمانة استغرابها غير كايزيد) م م مالك ؟ اشنو واقع (خرجاات عينيها ) جباار جباار واش خوية وقعاتلو شيحاجة ها (وشدات فارس من دراعو ) ولا سليم ولا وسيم (زادت خرجات عينيها وغوتات ) باابااا واش باابا..

فارس قاطعها بلغوات ) جمااانة تهدني تاواحد فينا ما تآذى ولي وقع أنه التووووووت دياالك ألالة هرب لييينا ياالاه فرحي مع راسك ودابا ونقزي غير حييدي من طريقي …

(جمانة هزات فيه حاجبها ويالاه غاتهضر حتى شدها بيديه بجوج من خصرها وهزها كاللعبة من قدامو حطها جنب وزاد دخل للدريسسنغ وسد عليه الباب )

جمانة بقات كاترمش فعويناتها ونطقات بهمس ) توت ديالي (خرجات عينيها وغوتات ) أمادياااليش بييلاه ماديالي راه ديال زليخة (واختارقات باب الدريسسنغ دخلات عليه وهو كايلبس ووقفات جنبو )

جمانة :دابا هاذشي علاش معصب ؟

فارس ماجاوبهاش كايلبس بسرعة )

جمانة جاتها لبكية ) ودابا غير تهدن ونشرحلك …

فارس شاف فيها بتخنزيرة خلعاتها ونطق بغيض ) صباح منلي خرجت من الجناح أشنو قلت ليك ؟

جمانة سرطات ريقها وهي كاضور فعينيها ) دب دب دبا كيشفتي م مماقدرتش نبقا فالجناح فضولي ماخلانيش ياكا و …(قفزات مغممظة عينيها منلي غوت فوجهها )

فارس : جمااانة أشنووو معنيتها نقول ليك بقاااي فالجناح وماديريش بهضرتي لا والزويينة هي خارجة وجارة معاك كل البناااات وكاتغوتي بالتووت التووت وقداام باك وخوووتك من لفووق مادرتيي ليا حتى اعتبار إيلا كاااان هذاك الز…/امل توووت وأي واحد شفتيه غاتقولي عليه تووت علاش مزوجة بيا هااا …

(جمانة لمخنتة لي ماموالفاش هاذ المعاملة ولغوات وخصوصا منو …حسات باحساس خايب…بداو عينيها كايطيحو بدموع ووجهها ولا حمرررر شافت فيه ونطقات بفمها كايرجف )

جمانة : أنا ظ ظ ظنيتو ج جا جاي ي يسلم راسو ياك و و ويعاونا ويتحالف م معانا و (سرطات ريقها ) و و ق قلت م مع ر را راسي غ غ غايكون م م م مناسب لز لز ز زليخة ح حيت هي هي خ خلاها عص عصمان و وكاتعدب و(سكتات تاني مغمممظة عينيها ملي غوت )

فارس : ونتيييي سووووقك فزليخة وعصماااان هاااا سووقك و..(سكت منلي بدات جمانة كاتبكي بلغواات وخناينها بداو يسيلو ….فارس شد راسو وزفر بعصبية هز سوفيطمة سبور لبسها وخرج من دريسينغ …..جمانة غير خرج وخلاها سكتات مخررجة عينيها )

جمانة بصوت باكي ) نااري نااري مشا ليا الراجل نااري وإيلا خرج معصب هكا غايبقا مقلق مني لشحال وأنا ماغانصبرش اش ندير اش ندير …(زيرات على فمها حابسة لبكية وهي كاتشوف فيه جالس على سريرهم ومحني كايلبس فسبرديلة سبور باش يخرج ….وهي كاتفكر اش دير تمنعو يمشي حتى ديقات عينيها الدامعين منلي تفكرات لقطة فالفيلم لي عاد كانت جالسة كاتتفرج فيه )♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 619🕯
جمانة بصوت باكي ) نااري نااري مشا ليا الراجل نااري وإيلا خرج معصب هكا غايبقا مقلق مني لشحال وأنا ماغانصبرش اش ندير اش ندير …(زيرات على فمها حابسة لبكية وهي كاتشوف فيه جالس على سريرهم ومحني كايلبس فسبرديلة سبور باش يخرج ….وهي كاتفكر اش دير تمنعو يمشي حتى ديقات عينيها الدامعين منلي تفكرات لقطة فالفيلم لي عاد كانت جالسة كاتتفرج فيه )

جمانة وهي كاتبكي ): لقيتها ….( وشدات أسفل بطنها وخرجات من دريسينغ غير بانليها وقف متاجه للباب وهي طلقها بغوتة وحدة وهي شادة كرشها)

جماانة :عوووك عوووووك كااانولالاد وااا كانولاد

فارس تسمر مكانو ودور راسو شاف فيها ) : نعام ؟؟ …

جمانة تداركت نفسها ) ق قص قصدي واااا كرشي مي لوجاااع لوجااع

فارش تحرك عندها كايجري ) واش بزاف …

جمانة غوتات وهي كاتبكي ) أييي أيي أابابااا بااباا…

(فارس لي الخوف بان على وجهو وهو غير كايقلب كرشها بيديه ) تهدني تهدني …

جمانة كاتغوت بألم مصطنع وهي كاتبعدلو يدو على كرشها ) واااااي أيي حيااد عليااا بغيت باابااا أييي …

فارس زادت على الخوف لي فيه بأنها عصباااتو حيت كتنترلو يدو وغوت )

فارس :جماااانة …

جمانة سقرات لدرجة مبقاتش كاتوجع أو تبكي ..وهو هزها بشويا حطها على السرير )

فارس : غانعيط للطبيبة …

جمانة وهي كاتبكي بلحس وخايفة تتفرش ) : ب بلاش مابقاش فيا لوجع …

فارس خنزر فيها ) قلت غانعيط للطبيبة (وجا ينوض وهي تشدو من يدو وكسيرات تاني )

جمانة : أ والله بيلاه ماقصدت بديك التووت شيحاجة ماقصدتش بيها أنه عجبني أنا….فا علاش فهمتيها هكا أنا غا فكرة طاحت فبالي أنه غايولي فصفنا ويتزوج هو وزليخة و..

فارس قاطعها بلغوات ) آه ونتي سرحتيييي بخيالك وتخيلتيهم فالعمارية وهو لابس الجلابة وحنا كنشطحو ليهم وشويا هاهوما واقفين بجوج وهازين برهوش وسطهم …

جمانة كاتحرك راسها بآه وهي مخرجة عينيها الدامعين فيه ) وباش عرفتيها ؟

(فارس مسح على وجهو بفقصة وجا ينوض تاني لكنها شداتو وبدات تبكي تاني )

جمانة :ومااانعاودش غيير بقااا…

فارس : نفس لهضرة ونفس الوعد لي كاتكسريه فأول فرصة كاتجيك كاطيحي بهضرتي وكلمتي للأرض …

جمانة حركات راسها بلا ) والله منعاود مرة اخرى تقولي جلسي فالجناح نجلس منتحررركش ….

فارس نتر يدو منها ) إذن جلسي فالجناح نشوف (وجا يوقف تاني وهي طير عليه دورات يديها بجوج على دراعو وهي كاتغوت وكاتبكي )

جمانة :وااااواااافيين غااادي هاااو حراام علييييك راه غتنقوولها عليك لباااباا ولحيدر ونتاا كاتغوت عليا وأناا حاملة …

فارس كايحاول يفك دراعو منها وكيهضر بغيض) جمااانة تهدني وطلقي يدي خاسني نمشي…

جمانة كاتحرك راسها بلا ) غااتخلييني تااني ياااكا واااا والله بيلاه مااااا قصدت بديك التوت شيحااجة أصلا انا مكاناكلش التووت ونتا عاارف أنا كنموت عالفريز ونتا لي فرييز وااااااومنعاودش….

(فارس مسح على وجهو مفقوووص وشدها تبتها قدامو مقابل وجهو مع وجهها وهي سكتات من لبكاء ولغوات ….ولحظة صمت كايشووف فعينيها لحمرين لمنفوخين لي دايزين بدموع ونيفها لحمر لمخنخن ..وهي كاتشووف فوجهو لمخنزر ولعرق دجبهتو لمنفووخ )

فارس : تهدنتي..؟ مزيان ….ودابا سمعيييي أنا ماغادي لفيين غانمشي غيير لمكتب باباك عيط لينا جبار لاجتماع غير نكملو غانرجع عندك فهمتي …

جمانة حركات راسها بآه )

فارس : وهاذ المرة دااازت فوجه الوحم لي زاد خربقك ونتي أصلا مخربقة ..فا مرة أخرى غاتغزلي فشيحد قدامي أو نسمع أنك درتيها مور ضهري أو تكسري كلمتي… غايكون عندي معاك تصرف آخر ..وهاذي فهمتيها ؟

جمانة حركاتليه راسها بآه )

فارس : مزيااااان ودابا نعسي تانجي …

(جمانة حركاتليه راسها بآه وهو يالاه جا يوقف حتى طارت عليه بتعنيقة لي كان فعلا ووسط كل تعبو وضغوطاتو داليوم..محتاااجها …زير عليها فحظنو بقوة حتى شهقات مخنوقة ..وخشا راسو فعنقها لثواني …عاد خلاها وناض …. خرج وغير سد الباب …جمانة مسحات دموعها وناضت شعلات التلفازة وجلسات تكمل فيلمها…) …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 620🕯
🍀🍀🍀
فارس توجه مباشرة لمكتب عمو ..وغير دخل لقا خوتو كلهم بالإضافة لزليخة وباستثناء جبار كلهم مجتمعين مع جاسم وإيفان ودياب وعدنان ..بغياب كل من غسان وفيليكس لي مسافرين……

فارس حياهم وجلس فكرسيو بهدوء ..وكلهم ساكتين كايتسمع فقط صوت طرقات صادرة من سليم ..لي جالس ساهي وهو مخنزر وكايضرب أصابع يدو مرارا وتكرارا مع الكرسي الشيء لي كايوضح انعدام صبرو وشحال هو متوتر … وثواني حتى ظهر جبار بقوة التنقل وسطهم …وبلا مايهضر تحرك جلس فكرسي لي مقابل مع كرسي جاسم ….

جاسم كايشوف فيه ) كيبقات ساندرا ؟

جبار : بخير …

سليم نطق بزربة و بنوع من العصبية) واش قالت ليك شيحاجة ها ؟ واش فسرات ليك كلام هذاك الساحر ؟ اشنو قصد بهاديك لهضرة و…

جاسم قاطعو ) سليم …

(سليم زير على يديه وسكت ..وكلهم شافو فجبار )

جبار : ماقالت والو فالموضوع …أي أنها بحالنا مافهماتش هضرت هذاك الساحر …

سليم وقف وبزز ضابط أعصابو ) كيفاش أجبار مافهمات والو ياك هي ساحرة بل مختاارة كيفاش ماتفهمش وهو غير شاف فسميحة قال هكاك مايمكنش يهضر من فراغ شفتي شحال تخلع منلي شاف سميحة …

جبار هضر بلا مايشوف فيه ) ماسولتهاش أسليم حيت وضعها الصحي مامستاقرش غير فاقت بدات تبكي حتى كانت غاتشدها نوبة هلع أخرى ولكني متأكد أنها بحالنا مافهماتش اش قصد هذاك او كانت غاتقوليا قبل حتى نانسولها و على العموم غدا نهضر معاها و…

سليم قاطعو صاعر ) وضعها الصحي مامستاقرش يعني وضع سميحة لي مستااقر يااك أجبار … سيير طل عليها تشووف شحال وضعها مستاقر …

جاسم غوت ) سليييم جلس بلاصتك وخفظ من صوتك ونتا كاتهضر مع اللورد الأول …

سليم زير على يديه وجلس ) هاهوا ألواليد …

جاسم شاف فجبار ) أشنو فهمتي من كلام الساحر ؟

جبار كايهضر ببرود ) فهمت أن جنين سميحة خارق للطبيعة لدرجة خلا واحد من أقوى توأم السحر الأسود دمعاشر آل جوفر يركع وهو كايترعد …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 621🕯

جبار كايهضر ببرود ) فهمت أن جنين سميحة خارق للطبيعة لدرجة خلا واحد من أقوى توأم السحر الأسود دمعاشر آل جوفر يركع وهو كايترعد …

(كلهم شافو فيه مخرجين عينيهم وجاسم ابتاسم )

جاسم : وفنظرك أشنو الشيء الخارق فالجنين …

جبار : ماعرفتش وحتى احتمال من لي استنتجتهم ما قنعني …

خليل نطق ببرود ) زعما يكون ماشي هجين ؟

مالك شاف فيه ) وأش بغيتيه يكون مثلا وأمو متحولة كاملة وباه هجين ؟

فارس ساهي ) بجوج …

وسيم دور راسو شاف فيه ) بجوج زعما شنو متحول وهجين كيدرتي ليها ؟

فارس : لا أحم قصدي متحول وساحر …

سليم : قصدك ساندرا أثرت بطريقة ما على الجنين …

(جبار لي عاد دور راسو شاف فخوه مخنزر حيت نطق اسم ساندرا بطريقة عصبية وبدون كلفة بدون صفتها الليدي ….الشيء لي خلاه هضر بنبرة معصبة وبتهديد )

جبار : الليدي سااندرا أسلييم مكاتتحكمش بقانون الطبيعة باش تكون عندها القدرة تحول جنين فرحم أمو من هجين لساحر أو تزيدو صفة ساحر على صفة الهجين لي عندو… ونتا وكوولنا عاارفين أن تعويذة التحويل الوحييدة لي كاينة هي تعويذة ^تحويل بشري أسلييم بشرييي لمتحول كامل^….وساندرا مستحيل تكون هي السبب أو عندها دخل ولو بسيط فوضع سميحة المبهم …فا فكر بعقلك يا سليم وماتخليش هذاك الساحر يسمم أفكارك وكنصحك ترد بالك لهضرتك معايا ….

سليم مزيير على يديه وغوت) إذن علاش رجعتي للقصر علاش ماتبعتيهش بحالنا ملي هرب …نتا عارف أن تنقلك أسرع من تنقلي ومن تنقل وسيم كنتي تقدر تلقااه وتشدووو ويشرح ليينا كل شيء ديك سااعة …أو عالأقل تجيب مراتك لهاذ الاجتماع هي تشرح لينا

(جبار لي فعلا تعصب من نبرة كلام سليم الاستفزازية …فا وقف وقفة خلات سليم يسكت )

جاسم غوت ) سليييم

جبار : عهدي بك حتى فعز غضبك كاتكون مخدم عقلك وتركيزك يا سليم …فنظرك وسط المعركة آلبرت كان مخشي وسط هذاك الحقل دالطاقة الدرعي حيت كان خايف مننا ؟

(وسيم وعصمان شافو فبعضياتهم..وجبار كمل كلامو )

جبار : حقل الطاقة لي أحاطوه بيه سحرتو …ماكانش بغرض حماايتو بل كان بغرض يعطيوه الوقت الكااافي لي خاسو علاما يشحن طاقتو السحرية المستنزفة لي تكفيه ماشي غير يهرب بل يخفيييي موقع يختوو(اليخت ) ويخفي طاقتو السحرية عنا … يعني يا سليم الوقت لي ضيعتيه ونتا كاضور فالبحر تقلب عليه كان غبااء كبيير منك حيت كون كنتي غاتنجح وتلقا ساحر خافي موقعو وطاقتو بتعويذة …كووون شحااال هاذي نجحنا فأننا نلقاااوه ماشي غير هو بل حتى جزيرة معاشروو المخفية …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 622🕯

زليخة : فعلا جزيرة على قدها هو خافيها من على خريطة العالم بقا غير يخت صغير ….

(سليم حنا راسو وسكت …وإيفان تدخل )

إيفان : جبيبير أحم قصدي ولدي اللورد جلس أولدي ماتعصبش (وشاف فسليم ) من كووول هاذشي هذاك الساحر واخا تكون هضرتو بصح أكيد وباش يجهلنا ويخلق الفتنة بينك وبين خوك يا سليم .. غايكون زاد فيخرات أي زااد فيه وباالغ …

جبار : مانظنش أخالي (كلهم شافو فيه ) أنا ماحكمتش على هضرتو باش نعرفها واش صحيحة أو لا …أنا حكمت على ردت فعلو وتعابير وجهو …..

جاسم : إذن كاتقول ان كل هضرت الساحر صحيحة …

جبار حرك راسو بآه ) جنين سميحة ماشي عادي وعندو علاقة سواء من قريب ولا من بعيد بتدمير الكتاب السحري ( وشاف فسليم ) هاذشي مكايعنيش أن سااندرا دارت شيحاجة لسميحة أو أن سميحة حامل بجنين ساحر حيت المستحيل كايبقا مستحيل …

عدنان أب سميحة ) الجنين دقات قلبو انخافضو أجبار خاسنا نعرفو حقيقتو وسبب ضعفو وعلاقتو بالكتاب فأقرب وقت وكايبانليا تاواحد ماغايقدر يحل هاذ اللغز من غير بنتي ساندرا …

جبار تنهد وشاف فعصمان لي مباشرة فهمو ونطق )

عصمان : ساعتين من التعذيب أو واالو ..ماخدينا منهم حتى حرف عن مكان جزيرة معاشر السحر الأسود …قصدي الساحرين لي شد جبار قبل مايهربو وخديتهم لمقر المحكمة..فاش كنت كانستجوبهم عاودت ليهم كلام آلبرت عن الجنين دسليم وسولتهم عن اش ممكن يكون قصد بكلامو ..هم استغربو..ومافهمو والو…

مالك : ولاحظت شيء مهم (كلهم شافو فيه وهو كمل كلامو ) أنا كنت مع عصمان ملي كان كايستجوبهم ولي رديت ليه لبال أنهم كايجاوبو عن كل الاسئلة المتعلقة بآلبرت او ثيون بدون حتى مايحتاج عصمان يرفع صوتو عليهم..الشيء لي كايدل على أن ماعندهم حتى درة ولاء لقائدهم وخصوصا الساحر المدعو ماثيو لي من كلامو تحسست حقد كبير لآلبرت …و كل شيء داروه من تطبيق لأوامر و كان بسبب الخوف ..يعني مستعدين يخونوه فأقرب فرصة..والسؤال الوحيد لي ماجاوبوش عليه هو مكان الجزيرة ديالهم …

سليم : يعني ماخدينا منهم والو ..

زليخة قاطعاتو ) بل قالو معلومات واخا ثانوية ولكنها مهمة نوعا ما …

(كلهم شافو فيها وهي لي جالسة وسط الشباب بين سليم وخليل ودايرة رجل على رجل )..

عصمان مخنزر فيها ونطق بحدة ) كييييييفاش واش مشيتي عندهم ؟

زليخة كاتهضر بكل ثقة ) أمم خليتك تاخرجتي من غرفة استجوابهم ..وبعدما عرفت أنك ماقدرتيش تخليهم يكرو بوالو ودخلت عندهم … أنا نجرب حضي …( وهزات يدها كاتشوف فأظافرها المطلية بالأحمر ) وصدقت محضوضة شويش…

عصمان لي أصلا معصصب منهااا وبكلامها زااادت خلات دمو كايغلي وبدون وعي غوت )

عصمان : بأي حق تتدخلي فشغلييي آش هاااذ ل..(وسكت متدارك لنفسو حيت شاف إيفان وجبار خنزرو فيه و بزز كتم غضبو قدامهم وسكت )

جبار نطق ببرود ) زلييخة …

زليخة شافت فيه ) المهم بشوية صعقات كهربائية (وبداو شرارات كهربائية كايضربو من أصابعها وهي كاتهضر بتعالي وثقة ..حتى قاطعها خليل )

خليل : اشمن شويا ..وراه دخلت موراك لعندهم لقيت الأسمر فيهم شبه مشوي …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 623🕯

خليل : اشمن شويا ..وراه دخلت موراك لعندهم لقيت الأسمر فيهم شبه مشوي …

زليخة خنزرات فيه يسكت ) أحم المهم بشويا بزاف دالصعقاات الكهربائية خليت واحد منهم يعطيني بعض المعلومات عن جزيرتهم ولي هي …. اولا جزيرتهم قديمة بزاف يعني كانت من مئات السنين وهي موطن لكل معاشر آل جوفر يعني فيها مخبيين كل سحرة السحر الأسود … وتانيا هاذ الجزيرة محمية ب شي مفتاح سحري يعني حتى لو نجحو معاشر ساندرا دسحر الخير يكسرو تعويذة إخفاء موقع جزيرة ال جوفر ويلقاو لينا بلاصتها وموقعها بالضبط ..فاحنا كمتحولين ماغانقدروش ندخلو ليها او نحطو فيها رجليينا إلا إذا كان عندنا هذاك المفتاح حيت هي جزيرة مكاتتقبلش غير الساحر والمفتاح ديالها تااواحد من السحرة ماعارف مكانو من غير أحفاد آل جوفر التوأمين آلبرت وثيون ..حيت هذاك المفتاح كايتوارتوه آل جوفر حيل بعد جيل ..وتالثا وأهم شيء قدرت نخرجو من هاذ الساحر ..هو اسم جزيرتهم ملقبة ب ^الجزيرة المنسية ^ ….

إيفان لي حال فمو تالودنيه مبتاااسم ونقز ) هاااذي هي قنبلة الجماال دياالي عبقرية باباها شقرائي ذهبية الشعر

زليخة ابتاسمات ليه ) ولكن مع الأسف ماقدرتش ناخد منو معلومات أكتر…

مالك : وهذا شيء متوقع واخا نقطعو ليهم راسهم ماغايعطيوناش موقع هاذ الجزيرة ماشي ولائا لآلبرت هذاك ..بل خوفا على عائلاتهم لي مستاقرين فهاذيك الجزيرة …

(جبار ساهي كايفكر فكلام زليخة ..وملي هضرات على المفتاح تفكر مفتاح عين التنين لي عطات الساحرة ماريانا لساندرا..فا جبار نطق وهو ساهي بآش كايفكر …كأنه يفكر بصوت مسموع سمعوه كلهم )

جبار : مفتاح مستحيل ندخلو للجزيرة المنسية بلا بيه …مفتاح لي كاين غير عند قائدي وكونتات معاشر السحر الأسود …وساندرا نهار اعترفو بها المعاشر السبع دسحر الخير كالكونتيسة عليهم عطاتها ماريانا مفتاح عين التنين القرمزي وهو دليل على أنها الكونتيسة …ولكن هذاك المفتاح لي حتى ماريانا ماعارفاش الغرض منو وأشنو كايحل …يعني عندنا مفتاحين مفتاح عند آلبرت كايحل باب جزيرتو امام المتحولين والهجائن ..ومفتاح عند ساندرا … (وسكت ..فوقت لي كلهم مركزين مع كلامو )

جاسم : كمل استنتاجك فنظرك مفتاح ساندرا اش غايكون كايحل؟

فارس : ممكن يكون حتى هو مفتاح للجزيرة المنسية ..

جبار : لو كان للجزيرة المنسية مفتاحين ..كان واحد غايكون مع آلبرت والتاني غايكون مع هذاك لق..د دثيون ..ماشي عند كونتيسة سحرة الخير يا فارس فا لي متأكد منو أن مفتاح ساندرا غايحل لينا مكان آخر ( وسكت تاني كايفكر )

/_ #واركزوووو معايا ألبناااات باش تفهمووو ركزو معايا خدمو ذكائكم وخيالكم /_♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 624🕯

جاسم : وضح يا جبار …

جبار : مكانقولش شيء مامتأكدش منو الواليد الشيء لي فبالي خطير وغايجي الوقت لي نتأكد منو وديك ساعة نفسرو ليكم …

سليم وعينيه على جبار ) : دابا اش غانديرو فوضع سميحة وولدي مانقدرش نبقا بلا أجوبة على تساؤلاتي اجبار ووضع سميحة غادي و كايتراجع …

جبار شاف فيه ) الوعد لي عطيتو لعمتي تارا غانعطيه ليك قدام كل رجال العشيرة ..سميحة غاتكون بخير فا المطلوب منك حاليا هو تصبر وتخدم عقلك …

سليم : كيفاش غانصبر أجباار وحتى لإييمتا ..ساندرا تقدر بسهوولة تعرف وتفسر ليينا فا سير جيبها دابا لهنا ت..( وسكت منلي وقف جبار معصب وشاف فباه )

جبار لي فظل ينساحب ومايغلطش فخوه ) : هاذشي لي كاين اليوم الواليد كانستأذن (واختفى مباشرة لجناحو )

(سليم وقف مععصب وجاسم مخنزر فيه )

جاسم : واش ماسمعتيهش قال ساندرا عيانة وغير فاقت شداتها نوبة اخرى يعني هو قبل مايجي لهنا غايكون خدرها تنعس… ماعاهديش بيك أناني يا سليم فا كيما كاتفكر فمراتك وولدك ومخلوع عليهم لدرجة مابقيتيش كاتشوف أن هذاك لي كاتهضر معاه باستفزاز هو خوك لكبير لي عمرك حتى عليتي صوتك عليه عاد هو اللورد الأول … فكر فمرات خوك و ولادو ..وجبار واعدك فا تيق فيه…

(سليم تنهد شاد راسو لي كايحرقو بكترة التفكير واختفى من قدامو …وبعدها ناضو الباقين يخرجو متتابعين …حتى قاطعهم جاسم )

جاسم : إيفان وخليل م..(وقاطعو إيفان لي مخلاهش يكمل كلامو ومشا كايجري خرج … وجاسم تنهد وشاف فخليل ) غاتهرب تانتا ؟

خليل نطق ببرود قاتل ): علاش انا مادرت واااالو أعمي القزحية الجميلة ديالك هي لي تكات على كتفي وعااااذرها راه جمالي كايفتن وكايريح النفسية والعين وجمالي ..(قاطعو جاسم لي وقف من مكانو ..خليل سكت كيضور عينيه وهو كايشوف فجاسم جاي ناحيتو حتى وقف قدامو وحط يديه بجوج على كتفي خليل وزيير )♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 625🕯

جاسم : كنت غانقوليك نتا وعمك إيفاان تبلاصيوني غدا فاجتماع الشركة وتستقبلو بلاصتي الوفد الأمريكي حيت أنا مغانكونش هاذ اليومان ..ولكن (وزاد ويير على كتفي خليل حتى تقوص ) إيلا بغيتي تزيد تهضر ليا على جمالك الفاتن (وزاد زير ) لي فتن مراتي وريحها (وزاد زير ) أنا مستعد نزيد نسمعك …

خليل لي تعابير وجهو كادل على انه يتألم ) : ع ع ع عمي أ أنا ن نستقبل ل ال الوفد ب بلاصتكك كون هاااني …

جاسم طلقو ) مزياان ودابا ..(وسكت ملي استدار خليل كايجري هرب )
🍀🍀🍀
وخارج المكتب فالكولوار ..غاديا زليخة كاتمشى بكل ثقة وإثارة وسط فارس ووسيم ومالك …وكاتهضر معاهم حول عيد ميلادها لي بقاليه غير خمس أيام وكاتحزرهم يحتافلو منها نيت يبدلو الجو وينساو الهم …غاديا وسطهم وغير كاتهضر ماسكتاتش حتى تشدات من دراعها وتجرات من وسطهم وهما وقفو كايشوفو فعصمان لي جرها وملصقها معاه )

عصمان مخننزر فيها ) ممكن نهضرو …

فارس : غاتنوضوها تاني …(واستدار غادي فحالو ) بيناتكم …

مالك : أحم من ناحية فكرة عيد ميلادك يا زوزو أنا موافق كانستأذن ( ومشا تبع فارس )

وسيم لي بقا واقف كايشوف فيهم ) نتوما مكاتقاضاوش …المهم ضاربو ضاربو بغيت نتفرج…

عصمان ماجاوبوش بل اختفى بها وظهر وسط جناحو ..وبمجرد ماظهر زليخة تنترات منو )

زليخة : أسبحان الله ياك اخر مرة كنت هنا قلتيلي منشوفكش فجناحي تاني . …

عصمان : لاياش باغا توصلي هااا مكفاكش استعملتي قوتك ضددي وزدتيها بأنك تدخلتي فشغاالي وبينتيني صغير قدامهم كلهم …

زليخة خنزرات فيه ) صعقتك فالغابة حيت نتاا لي اضطريتييني نديرها ..ومابينتك صغيير ما واالو وهاذوك ماشي شغالك بووحدك الصلاحياات لي عندك عنديي بحااالهم فا كي استجوبتيهم نتا كي انا بحاال بحاال يا عصمان ماتكبرش الموضووع…

عصمان : متكبرة ومغرورة وكايهمك غيير راسك وانك تباني دائما وااعرة …

زليخة : متنااقض ومغرور وكاايهمك غير كبريائك يبقا عااالي العاال ومستحيل تتقبل اني نغلبك فشي حواايج مستحييل تقبل تخسر قدااامي ولكني غانعاودهاليك للمرة الألف ..ماغاتمشي تاتركع قداامي يااا آغااا ونتا كاتبكي وكاتتطلب مني غيير نبقى معااك …

عصمان : هاحنا غانشووفو يا قنبلة الجمال …

زليخة بنصف ابتسامة) هاحنا غانشوفو يا آغا(و زادت خرجات …

Leave a comment