Skip links

قصة : الوحش وذات القزحتين الجزء 2 ( عشق جبابرة) ج 64

 38,827 عدد مشاهداات

♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 601🕯

جبار طرطق عظام رقبتو ) هاذي حيت من صباح ونتا كاتشوفليا فيها ودابا وقف باش ندوزو نتفاوضو على طلبك …

ساندرا شدات يدو ) جباار اشمن تفاوض واش تيقتييه انا ماغانتخلاش على الكتاب وعلى مهمتي وراه إييلا خداو الكتاب السحري تعويذة الخلود غاتكون فيديهم و…(سكتات منلي حط جبار يدو على خدها وعينيه على آلربت لي وقف مخنزر ودفل الدم من فمو )

جبار : سكتي …

ساندرا سرطات ريقها ورجعات خطوات للخلف وققات وسط لبنات …وآلبرت نطق بغيض )

آلبرت : بغيتي تعيش حياة سعيدة يا لورد ستارك ويكونو عندك ولاد ونتا متزوج من مختارة !! هذا أكبر تناقض شهدتو فحياتي ..(ابتاسم باستهزاء ) ولكن عاذرك حيت انتم عشائر المتجولين جاهلين وبزااااف فمعلوماتكم عنا حنا معاشر السحرة …

سليم غوت ) : كانظن نتا لي جاهل وغبي لدرجة جيتي برجليك لمقرنا و وقفتي قدام نوابغ المتحولين كاتحاول تستغبيهم ! من نيتك جاي تطلب الكتاب السحري فمقابل هدنة تخليو الليدي ساندرا تعيش حياتها فالتيقار …

فارس نطق باستهزاء )وإيلا كنتي ملاحظ أن جيشنا من المتحولين أقوى وأكبر عدد منكم فا هاذ الهدنة لي كاتهضر علييها حنا مامحتاجينهااااش …من غدا تنوض الحرب بين الصنفين غانمحيو ليكم الأثر …ديك الساعة توليو نتوما طالبين على هدنة

زليخة : ولا كايحسابلك راسك مطور لدرجة غانتيقوك ونعطيوك الكتاب فمقابل تبعد من ساندرا نتا وخوك وسحرتكم باش نتا تدي الكتاب وتخبيه فجزيرة مقر معشرك لي خافيها من على خريطة العالم بتعويذة سحرية .. وغرورك مخليك متأكد أننا حنا المتحولين عمرنااااا غانلقاو هاذ الجزيرة (ضحكات باستهزاء ) وممكن فعلا بعدما تاخدو الكتاب تبعدو من ساندرا واخا مانظنش حيت لغدر فدمكم فا كيفاش غاتلتازمو بتعهدكم …ولكتاب يبقى مخبي فجزيرتك ولو لبعد مئة عام على ماتتولد مختارة أخرى بعد ساندرا ب#شروط #أخرى وهاذ المرة نتوما أكيد وجيلكم الجاي لي غايتعلم من خطأكم مع المختارة السابقة فا غاتحرصو على أن المختارة الجديدة تتولد وسطكم وبهكذا ها لكتاب عندكم والمختارة حتى هيا فا آش بقاليكم لتعويذة الخلووود …

(آلبرت ابتاسم وهو كايشووف فيها…كان متأمل أن المتحولين ماعارفيينش حقيقة أنه ساندرا ماشي هي المختارة الوحيدة بل إيلا هي ماتت أو مادمراتش لكتاب بعدما تبان فيه طريقة تدميرو …غاتتولد مختارة أخرى #بشرووط أخرى لي غاتكون عندها نفس مهمة تدمير الكتاب وغايبقاو المختارات يتولدو حتى تنجح وحدة منهن في تدمير الكتاب … آلبرت ابتاسم وهو مخنزر فزليخة )

آلبرت : ذكية …

زليخة ابتاسمات وهي مخنزرة فيه ) بل نابغة .♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 602🕯

زليخة ابتاسمات وهي مخنزرة فيه ) بل نابغة …

آلبرت رجع نظرو لجبار ) كانظن كنتي فاهم هاذشي من الأول وحتى اللورد جاسم فهم …هاذشي علاش انساحب فا مدام عرضي مرفوض مرفوض من الأول علاش خليتيني نشرحو وضيعت وقتي فهاذشي ؟ …

جبار ابتاسم باستهزاء ) حيت كايعجبني نتبهر بغباء أعدائي قبل مانقتلهم .. فادير فبالك كتاب التعاويذ السحري عمرو ماغايطيح فيديكم يا ساحر واخا تكون ضريبتو ألف لعنة ماشي غير وحدة … عمرني نسمح بتعويذة الخلود تطيح فيديكم عمرني نضحي بعشائر المتحولين..حتى ولو على حساب نفسي … وها ساندرا..هي المختاارة الوحيدة لي غاتدمر الكتاب وماغاتكوونش مختارة من غييرها و إذا تجرأتي… قرب منها أو من الكتاب نشوف …

آلبرت على نفس ابتسامتو ) إذن مقرر أنك تخليها حتى تولد عاد تكمل تدريبها على عنصر الهواء وبهكذا غايكونو شروط المختارة كلهم استوفاو فيها والكتاب غايبين ليها كيفاش تدمرو ..وغاتدمرو …

جبار صفق ليه ) أخيرا هضرتي بشوية د الذكاء …

آلبرت : ناوي ماشي تضحي غير بيها بل بولادك لي غايتلعنو …

جبار نطق بحدة ) ساندرا ماغايوقع ليها واالو لا هيا لا ولادي..

آلبرت ابتاسم باستهزاء ) ماتخليش غرورك وثقتك الزايدة فنفسك تعميك عن الواقع يا لورد ستارك نتا وأنا وهي وكلكم عارفين انه مستحييل هي تفلت منها سالمة …(شاف فساندرا ) وتأجيل تدمير لكتاب حتى تولدي ماغااايحمييش ليك ولادك واخا هما متحولين ماشي ساحرين غايتلعنو واللعنة غاتتنقل لولادهم ولكل خلفهم من بعدهم …

ساندرا لي يديها كايرجفو ونطقات بصوت مرعود ) : شنو مكانت تكون هاذ اللعنة أنا غانتحملها وغانحمي منها ولادي …المهم الكتاب يتدمر …

آلبرت زير على يديه مخنزر وبعد خطوات من جبار ونطق بصرااخ ) الكتاب ماغااااايتدمرش ديريها فبالك يا سااندرا حيت لا أنا لا أي ساحر سحر اسود غانوقفو فطرييقك حتى لآخر سااحر فمعاشر آل جوفر و حتى من الكتاب غايوقف ضددك (كايهضر وهو كايرجع بالوراء ) وكنصحك يا لورد ستااارك تفكر مزياان فعرضي …الكتاب مقابل نبعدو عن المختارة ونخليوها ليك عيش حياتك معاها ومع ولادك فهناء عطينا غير الكتاب…

جبار لي واقف مكانو ببرود كايشووف فيه كيفاش كايرج بالوراء …شعل يديه بجوج بالنار فحين سليم ووسيم دورو ساندرا ..وباقي الشباب بعدو لبنات ..وآلبرت يالاه غايبدأ يتمتم بكلمات تعويذة ..حتى تفتح الباب دالقصر وخرجات منو سميحة كاتلهث شادة كرشها …)

سميحة : عقلو عقلو جريتو وخليتوني تاوحدة مافكرات فيا غير تجرني معاها ….أح فيا شي وجع …

آلبرت مباشرة شاف فيها وغير نزل عينيه لبطنها …جمد مكانو وولا لونو صفر وهو مخررررج عينيه فبطنها وطاح على ركابيه كايشوف غير فيها بالضبط فكرشها …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 603🕯

آلبرت مباشرة شاف فيها وغير نزل عينيه لبطنها …جمد مكانو وولا لونو صفر وهو مخررررج عينيه فبطنها وطاح على ركابيه كايشوف غير فيها بالضبط فكرشها ….
وثواني حتى تزلع بالضحك ..كايضحك بهستيرة وبطريقة غريبة …وبهاذ ردت فعلو خلا جبار حبس هجومو ..وكل الشباب كايشوفو غير فيه ويشوفوه فاياش كايشوف …سميحة لي مزيرة على كرشها ولوجع كايجهد عليها

سليم غوت ) مال هاذ ل9…لاوي ؟؟

(جبار أشار لسليم يسكت وهو مديق عينيه فآلبرت لي غير كايضحك لثواني عاد حبس ضحك ووقف على رجليه ونطق وعينيه مزال غير على بطن سميحة )

آلبرت :مستحييل نستوعب هاذشي لهاذ الدرجة قانون الطبيعة حتى هوا عاطيكم الولاء يا ستاااركس (وبدأ يضحك ) فعلا يا جبااار بهاذا..(أشار بيدو لي كاترجف لبطن سميحة ) غاتتكتبو فالتاريخ كأعظم عشيرة …(شاف فساندرا مبتاسم والششر كايخرج من عينيه ) ولكن الساحرة لي دخلتو لعشيرتكم هي لغاتمنع هاذشي وغاتسبب فموتو وموتها ( وأشار لسميحة ) …

سليم لي عروق راسو غايطرطقو ) اشنو كااتقصد نتااا ….

آلبرت شاف فيه ) ودع مراتك يا سليم آل ستارك حيت مابقاش ليها بزاااااف (أشار لساندرا ) وهي لي غاتقتلها ليك (وشاف فجبار وعلى وجهو ابتسامة مكر ) دوماااج ماغانكونش حاضر باش نشوف وجهك ياا لووورد نهار تضطر تختار مابين حياااة ولادك وحياة ولد ومرت خووك …(وطلقها بضحكة لي بعدها بسرعة تمتم بكلمات تعويذة تنقلو واختفى فالهواء …وفلبلاصة اختفى جبار عصمان سليم ووسيم تبعووووه ….وساندرا بقات واقفة مكانها مخرجة عينيها وودنيها مصمكيين كاتحاول تستوعب كلام آلبرت ..حتى شافت لبنات مشاو كايجريو ناحية سميحة لي طاحت سخفانة وهزها فارس داخل بها للقصر كيجري …
ثواني وهي غير واقفة مكاتحس بتاحاجة من غير الفراغ حتى فيقها خليل لي شدها من كتفها ضورها عندو غوت فوجهها عاد رجعات للواقع )

خليل : من قبيلة وأنا كنعيط باسمك مالكي ؟

ساندرا سرطات ريقها بدون رد…

خليل : دخلي للقصر وممنوع تخرجي حتى يرجع اللورد…راه متحولي فرقة العدالة فطريقهم لحماية القصر …غاتكونو فأمان

ساندرا غير كاتشوف فيه حتى مالت فاشلة قبل ماتوصل للأرض شدها خليل مخرج عينيه ونطق ببرود )

خليل :ليدي ساندرا فيفي تايجي راجلك وسخفي باش يهزك راه عاد برالي وجهي …(ماتلقا منها حتى رد حيت سخفات كليا ..تنهد وهزها بين يديه داخل بها للقصر ….يتبع♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 604🕯

الساعة 2 زوالا من نفس اليوم وفعمق غابة فالخرجة دكازا …ظهر آلبرت من العدم بتنقلو فالهواء لي هو عنصرو السحري …تكا على شجرة كايلهث وكولو عرقان وهو كايشوف فجنابو بتوتر …حتى خرج عينيه منلي حس بطاقتو و دور وجهو جنب بانليه واقف بعيد عليه بخطوات مربع يديه وكايشووف فيه مخنزر ….)

جبار : ساعة ونتا من تنقل لآخر واش مازال ما استوعبتي أنه مستحيل تهرب مني….

(آلبرت خنزر فيه ويالاه بدأ يتمتم بكلمات تعويذة التنقل تاني يهرب حتى زرب عليه جبار بهجوم ناري قوي ..اضطر آلبرت بسببو يبدل التعويذة من التنقل للنار وهجم هو الآخر بنارو السحرية لي صدات نار المتحول دجبار ….وبقاو واقفين بجوج بيهم ..وكل واحد منهم كاتخرج نار قوية من يديه بجوج فاتجاه الاخر ..لتلتقي النار السحرية ونار المتحول لوسط تتدافعان …

جبار ابتاسم وغوت )واش كاظن نارك هاذي صدات ناري …..(وجههد فحدة هجومو لدرجة نارو وصلات ليد آلبرت وحرقاتها )كون بغيتك ميت كونراك ودعتي قبل حتى ماتختافي من حديقة قصري ولكن مابغيتش نقتلك حتى تشرح آخر شيء قلتيه فا ماتضطرنيش ندييرها …واستسلم أحسن لك

آلبرت ابتاسم وهو كايلهث وغوت وهو مايزيد فحدة هجمو ) زربان يا لورد جبار دابا يوصل الوقت لي غاتفهم فيه كل شيء …وغايكون هو نفسه الوقت لي بزز منك غا تضطر تختار بين اختيارين وسواء اختاريتي ولادك ..وضحيتي بولد خوك يا شيطان المتحولين … ولا اختاريتي ولد خوك وضحيتي بولادك …. بمجرد الاختيار دواحد منهم غاتندم طووول حياتك(ابتاسم بشر ) ويلا اختاريتي راسك وولادك غاتخسر خوووووك …وفحالة اختاريتي خوك غاااتخسر ولادك ومعاهم عرش المتحولين …(ركزو مع كلام آلبرت)

(جبار مزيير على أسنانو ..شاف فيديه لي بجوج كاتخرج منهم نار حارقة …هز يدو اليسرى قدام وجهو وأطفئ النار الشاعلة فيها…وفعل فيها قوة الكهرباء ووجهها لآلبرت ..ولا هجومو عبارة عن هجومين مختلطين بين نار وكهرباء ..وهاذ خاصية دمج أكتر من قوة هي خاصية كايتميز بيها بوحدو كما سبق وذكرت هو بوحدو بقوة الاستنساخ لي يقدر يخلط قوتين أو أكتر فهجوم واحد …. حتى من جاسم مايقدرش ..خاس يهجم بقوة ويوقفها عاد يهجم بأخرى ..أما جبار هو هجين الاستنساخ الوحيد لي يقدر يفعل ويهجم بأكتر من قوة فهجوم ووقت واحد ….)

(آلبرت خرج عينيه وهو كايشوف ،إلى جانب نار جبار لي صادها بنارو، هجوم تاني ب صعقة كهربائية قوية جاية ناحيتو وفرمشة عين لي ماغايقدرش يصدو بالنار و باش يتفادى هجوم جبار .. دفع بجسدو بعيد عن الهجومين وتلاح بقوة خلف شجرة بعيد عنو…هو كايلهث وغوت )

آلبرت : بلا ماتحاول أكتر يا لورد ستاارك ماغاتاخد مني حتى معلومة تانية ….

جبار كايشوف فالشجرة لي موراها مخبي آلبرت ….وفرمشة عين اختفى من مكانو خلف الشجرة ظهر قدامها لقا آلبرت سبقو واختفى من كل هاذيك لغابة …)

جبار غوت صااعر ) فااااك آآآآآآلبرت غيييير هرب حييييت مابقااااش كايهمني نشدك حي سمعتييييي
♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 605🕯

🍀🍀🍀🍀

ونرجعو لقصر لستاركس عند سيدات وبنات العشيرة ومعاهم خليل وكلهم مجتمعين خارج جناح سليم….

(شيماء لي فاقت مخلوعة ومزالها بثياب النوم شوميز طويل باج ببينوارو وااسع بليدين ..متكية على الحيط وشادة راسها وبزز حابسة دموعها شافت فجمانة ولبنات مخنزرة وغوتات )

شيماء : علاش تاوحدة منكم ما فيقاتني ها …

جمانة لي دموعها كيطيحو ) وا غانسيتك أماما …

تارا ( زوجة عدنان وأم التوأم سميحات غير كاتبكي وهي كاتمشي وتجي قدام باب جناح بنتها سميحة ) مالها بنتي مالها تاني بغيت غير نفهم كل نهار كتزيد تمرض هاذشي بزاف على الحمل يكون دايرليها هاذ الحالة بزاف اكيد عندها شيحاجة ومخبيين عليا …

سماح لي تاهيا كاتبكي عنقاتها) مامخبيين والو أماما وغير تهدني ها الطبيبة وهاندا غايخرجو ويقولينا مالهم لا هي لا ساندرا راه تاهيا سخفات وحطها خليل مع سميحة لداخل ..

(شيماء لي فيديها تلفونها دوزات الخط لجاسم ولكن لقاتو طافي ونطقات بعصبية ) فيييينك يا جاسم …

خليل لي شافها كاترجف قرب منها وحط يدو على كتفها ) : تهدني أعمتي …العم جاسم كان مسافر لطنجة ولكن بعدما شاف فالكاميرا اش وقع ..وهَرب الساحر قلب الطريق ورجع و تبع اللورد جبار وباقي الشباب باش يشدو هذاك الساحر ..

(شيماء تنهدات وهي تحط راسها بتعب على كتف خليل لي خرج عينيه وهو كايشوف فكاميرات لكولوار ونطق بهمس )

خليل : هاذي لخرة ليك يا خليلُ الجميلُ إيلا ليوم ماقتلكش جبار يقتلك باه…

تارا شافت فسماح ومسحات دموعها بعصبية ) عاوديليا هضرت هذاك الساحر مافهمتهاش اش قلتلي قاليكم ؟ كيفاش الليدي ساندرا غاتقتل بنتي مافهمتش ؟

جاكلين (أم دياب ..عنقات تارا ) تهدني أتارا وحنا ماخاسناش نتيقو كل شيء قالو عدونا يقدر يكون جا عندنا غير باش يخلق الفتنة والشك بيناتنا و يسممنا بهضرة ماعندها أساس وغالطة …

باربرة(أم زليخة ) أنا من رأيك يا جاكلين..(شافت فتارا) أتارا هذاك الساحر غير كايخربق مستحييل الليدي ساندرا او اللورد جبار يكونو سبب فأذية فرد من عشيرتهم حتى و لو عن غير قصد مايديروهاش …فا خوي راسك من ديك لهضرة لي قال …

((أيار أم خليل وأليشا أم أميرة حركو راسهم بآه موافقة على كلام جاكلين وباربرة….
أما شيماء لي متكية على كتف خليل وسااهية فنقطة واحدة كاتتعاود فدماغها هضرة آلبرت حسب ماعاودوليها لبنات ..نطقات بهمس رداً على جاكلين وباربرة )

شيماء :مانظنش…!! (وقاطع شرودها باب الجناح لي تفتح وخرجات هاندا مع جوج ممرضات…وتجمعو عليهم لبنات والسيدات وخليل )

تارا : بنتي ك كيبقات …

هاندا : بلاتي أعمتي
( وشافت فخليل وسرطات ريقها عاد نطقات ) خلي ل أحم خاسني أحم خاس بعض الإبر و الفيتامينات وصيروم (أشارة للممرضتين ) غايجيبوهم من مستشفى لستارك فا واش ممكن تعلم ليكارد يوصلوهم ويردوهم…

خليل كايشووف فعينيها وكيفاش كاتهربهم وهي كاتهضر معاه ..حرك ليها راسو ببرود موافقا وشاف فالممرضتين )

خليل : تفضلو غانوصلكم لليكارد ..

شيماء : خليل ماتخليش القصر …

خليل قرب منها وهمس ليها باش مايسمعوهش الممرضتين البشريتين ) : كوني هانية أعمتي القصر والغابة لي ضايرة بيه مطوقين بمتحولي فرقة العدالة بقيادة فارس …دبانة ماتقدر تدخل لحدودنا مرة أخرى…

(شيماء حركاتلو راسها بواخا وهو زاد وتبعوه الممرضتين حالين فامهم فيه تادخلو فالحيط .. )

تارا :هاندا ..

شيماء : مالهم سميحة وساندرا ؟

هاندا تنهدات ) بالنسبة لليدي ساندرا جاتها Panic attack نوبة رعب أو هلع لدرجة فقدات وعيها و أصلا حملها ما مستقرش فا أي ضغط أو انهيار اخر غاتتعرض ليه هاذ المرة غايشكل خطر على التوأم باش حاملة فا خاسها الراحة ولو غير لأسبوع علامايستاقر حملها …

جمانة كاتمسح دموعها بكمام لغوب ) يعني تخلعات تاسخفات ولا شنو ؟

هاندا : تقريبا نوبة الهلع هي عرض نفسي كايظهر ملي الشخص كايتعرض لاضطرابات القلق الرهابي ولا الاضطراب الهلعي وهو ظاهرة هستيرية من الخوف الشديد كايصاحبها تعرق شديد وتسارع كبير فدقات القلب لي ممكن توصّل الشخص لأن قلبو يسكت غير بسبب الخوف والظاهر ليا أن الليدي ساندرا ماشي اول مرة غاتتعرض ل Panic attack

شيماء شدات راسها ونطقات بهمس ) لهاذ الدرجة أثر فيها كلام هذاك الساحر !

سماح :وختي ؟

هاندا سرطات ريقها ) الطبيبة المختصة بحالتها مزالها لداخل معاها و و ب بصراحة ا أ أ…

تارا غوتات ك :هاندا هضري ..

هاندا : الطبيبة ديالها تخلعات من التراجع الكبير لي بان فصحة سميحة و غير بين ليلة وضحاها ..مافهمناش السبب نبضات قلبها هي والجنين انخافضو فلحظة وحدة و بزربة وهاذشي خلا جسدها يدخل فصدمة فقداتها الوعي الطبيبة ديالها عطاتها حقنة خاصة ومجهدة رجعات دقات قلبها منتاضمين ولكن (وسكتات )

شيماء لي بداو دموعها غير كايطيحو ) ولكن اش ؟

هاندا : دقات قلب الجنين مزال منخافضين وكلمالو كايضعاف والسبب مامعروفش….♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 606🕯

هاندا : دقات قلب الجنين مزال منخافضين وكلمالو كايضعاف والسبب مامعروفش….

تارا لي غاتهبل بالبكاء شافت فشيماء وغوتات بدون وعي ) بسبب مرات ولدك أكيد بسبابها كيما قال هذاااك الساحر بسباابها هي غاتقتلي بنتي أكيد ألقات عليها شي تعويذة لعناتها ولا ذاك لكتاب لمسحور لي كاظل هازاه وضور بيه فالقصر أثر على بنتي ..

شيماء شافت فيها بتخنزيرة سكتاتها ونطقات ببرود ) هاذو لي لداخل بجووجات عيالات ولادي أتاارا وبجوجاات حاملات بأحفادي ولكن ساندرا لي كاتهضري عليها هاكا هي الليدي عليك يا تارا وعلينا كولنا…فا ردي بالك لآش كاتخرجي من فمك حيت ماشي غير نتي لي مقصحة من جيهت بنتك أنا راهم بناتي بجووجات وعارفة مزياان كيغاتولي حالة ولادي إيلا شيوحدة منهم تضررت (وشافت فيهم كلهم مخنزرة ) فا حدنا ما متأكدين من واالو من الأحسن بلا ماتبقاو تحطو افتراضات خاوية … (واستدارت كاتمشى بخطوات سريعة في اتجاه جناحها دخلات مباشرة للدريسينغ لبسات كسوة كحلة طويلة بلكمام وسبرديلة وخرجات كاتجري وفطريقها دوزات الخط تاني لجاسم بدون رد منو … زفرات بعصبية ونطقات بهمس )

شيماء : وليتي تخبي عليا مشاكل ولادي أجاسم واخا …(وخرجات مباشرة لقات قدامها متحولين من أفراد فرقة العدالة لي حارسين باب القصر أمراتهم يوصلوها دابا لفين كاين جاسم وجبار ..المتحولين رفضو ..هدداتهم ولكن بدون نتيجة فابدات تغوت عليهم حتى شافت سيارة خوها داخلة مع باب القصر حتى وقف سيارتو جنبها وخرج مخنزر فالمتحولين )

إيفان :إفلينتي //إيفلين=اسم شيماء الحقيقي//(شاف فالمتحولين ) أش كاين نتوما ؟

شيماء : مزيان منلي جيتي…

إيفان : مالكي ؟ومال هاذو معاك؟

شيماء :والو بغيت نمشي عند جاسم وجبار وماخلاونيش ( وتحركات زربات عليه ركبات فسيارتو ) ديني نتا …

إيفان خرج فيها عينيه ) هبطي هبطي أختي ولا عرفتي شنو (لاح ليها سوارت طونوبيل ) هاكي سيري راااسك (هز يديه باستسلام ) أنا واخا مازال شباب وتيتيز ولكن عضامي شرفووو وراجلك يديه عاد مازادو قصاحو فا أنا ماااقاد على عصى …يالاه Tschüss, Schatz
( ^وداعا حبيبتي^ ..بالألمانية )

شيماء غوتات ) إييفان نتا عااارف عندي فوبية من السرعة ومكنقدرش نسووق و …

(سكتات ملي شافت أيفان مامسوقش ليها وهي تتنهد مخنزرة فيه وغير تحرك يمشي جراتو بالجهد وهو كايتنتر منها وهي تجر تاخرجها من السيارة هي تجر وهو يجر والمتحولين كايتفرجو ….شاداه من قميجتو بيديها كتجر وهو حاط يديه على وجهها كايدفع فيها …)

إيفان :وااتي طلقي وااعتقو روح …

(و تاكان غايهرب منها زلق ليها من يد وهي طير عليه باليد الاخرى شداتو من شعرو نقطة ظعفو وهو يتكوانسا )

إيفان : هااح هااح شعري تاني لا لا …

شيماء : غادخل …

إيفان : غاندخل

شيماء غوتات ) غااادخل …

إيفان غوت ) : وا غاااندخل …

شيماء : يالاه زييد ( وجراتو من شعرو تادخلو للسيارة ربطاتو بحزام الأمان وطرقات عليه الباب دالسيارة من الخارج عاد طلعات ) وا كسيري …

إيفان كايضور فعينيه ) أحم راني ماعارفش فينهم …

شيماء : إييفان حاول تكدب كذبة سهلة التصديق

إيفان : دابا هوما مشاو تابعين الساحر نتي اش غاتمشي ديري تما …وأصلا أنا عندي مايدار يالاه تهلاي (ويالاه بدأ يتقاتل مع لحزام يحلو حتى جمد مكانو ملي سمع كلامها )

شيماء ابتاسمات بشر ) نسيت ماقلتش ليك الخادمة لي مكلفة بتنظيف جناحك ول بارح لقات قرعة ويسكي عتيق طراز 1960 تحت سريركم نتا وباربرة ..وبالإمارة القرعة مكتوب على غلافها بستيلو اسم ^حياة^ والخادمة كانت داياها لباربرة كونما شفتهاش وخديتها منها وأمرتها ماتقول والو لباربرة حيت أنا عارفة مراتك مزيان شحااال كااتكره شراب وريحتو ولي كايشربووو أسكااايري دخوويااا…

إيفان مباشرة تقاد فالجلسة وكسيراا )

شيماء مبتاسمة )غانغمض عيني غير زيد فالسرعة …

إيفان لي كايعراق ) تاتقولي ليا فينها …

شيماء : شكون هي ؟

إيفان : حياة …

شيماء شافت فيه ) قصدك لقرعة دشراب ماتخافش راها عندي خبيتها فجناحي …

إيفان خرج عينيه وغوت ) آشنوووو ( وكسييرا وفرانة فنفس الوقت تكان غايقلب السيارة بزز رجعلها توازنها وشاف فشيماء ) وااااش حماقيتي عرفتي لامشا تالقاها راجلك اش غايوقع …

شيماء : غايقتلك ..

إيفان : لالا غايقتلك نتي أختي حيت غايحسابلو أنه تقولب وطول هاذ السنين وهو عايش مع سكايرية كاتخليه تاينعس وتنوض ضرب الطاسة ومافراسو مايتعاد♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 607🕯
إيفان : لالا غايقتلك نتي أختي حيت غايحسابلو أنه تقولب وطول هاذ السنين وهو عايش مع سكايرية كاتخليه تاينعس وتنوض ضرب الطاسة ومافراسو مايتعاد

شيماء : وتايكون جاسم واكل مخ الضبع… ورااه عارفك سكايري بلي راك سكايري ودابا طلقني وكسييري…

إيفان عض شفايفو بغيض وكسيييرة بأقصى سرعة ….) بربي وتوقع شيحاجة لحياة تا ن ت تان تان ( وسكت منلي شافها خنزرات فيه )
🍀🍀🍀
وعلى جوانب نفس الغابة لي هرب فيها آلبرت من جبار …ظهر آلبرت من العدم وهو كايلهث ..شاف فيدو اليسرى لي تحرقات بنار جبار لي كانت أقوى من نارو والحرقة خطيرة و طالعة مع يدو حتى لكتفو … وبلا هاذشي طاقتو السحرية شبه مستنزفة حيت استعملها بزاف فتعويذة وحدة وهي التنقل من مكان لآخر وخاسو الوقت يرجع يشحن طاقتو السحرية بعنصره السحري لي هو الهواء …تنهد بعصبية ولكن سرعان ما تبدلات ملامح وجهه لإبتسامة ملي سمع صوت ارتطام الأمواج ..هاذ الصوت لي عرف آلبرت عن طريقو أنه فبلاصة قريبة للبحر ..فا تنهد وتنفس بعمق وهو كايركز فطاقتو السحرية المستنزفة وتمتم بكلمات تعويذة التنقل وغير اختفى هو من مكانو…. مباشرة ظهر سليم وبعدو بثانية ظهر عصمان ….

عصمان : فينو ؟

(سليم العاري الصدر بسبب كل عظلاتو لي متضاعف حجمها…مزننك بالأعصاب وكاينهج وهو كايشوف حواليه بعصبية كايقلب بعينيه عن آلبرت …ماجاوبش عصمان )

عصمان : أنا متأكد أنه عاد كان هنا…

(سليم تاني ماجاوبوش واختفى من مكانو ..كلهم تابعين طاقة آلبرت السحرية كايتحسسوها وتابعين مصدرها لي هو آلبرت …)

عصمان تنهد ويالاه غايختافي هو الآخر حتى سمع صوت موطورها بالإظافة لطاقتها لي حس بيها …تنهد بملل واستدار بانتليه جاية من بعيد بسرعة قصوى راكبة دراجتها النارية الحديثة لي سايقاعا بمهارة وهي كاتراوغ الأشجار حتى فرانات بالجهد قدامو بخطوات وحيدات لكاصك بلا ماتهبط من على موطورها )

عصمان : نقدر نعرف اش كاديري هنا ؟

زليخة : داكشي لي كادير حتى نتا كانتحسس الطاقة السحرية لي عن طريقها تابعة هذاك ل …

عصمان قاطعها ) ماعرفتش علاش كانسولك أو نتدخل فيك أصلا نتي حرة ياك هاذشي لي قلتيه ليا اخر مرة هضرنا فيها فا ديري لي عجبك وهاذي حياتك ومابقيتيش كاتعنيني ولا أنا كانعنيك كيما قلتي هذاك نهار فا حياتك هاذي عرضيها للخطر براحتك …

زليخة مخنزرة فيه وابتاسمات باستهزاء ونطقات بهمس ) نتا هو نتا عمرك غاتتبدل …

عصمان ماسمعهاش ) كاتعايري ؟

زليخة تنهدات ) كادق وتقول شكون غير راسك..و دابا حيد من طريقي ماشي وقت نهضرو فهاذشي …(ودارت لكاصك يالاه غاتكسيري حتى اختفى عصمان من مكانو ظهر قدام مقدمة دراجتها النارية ساد عليها الطريق بجسدو …)

زليخة مخنزرة تحت الكاصك ) حيد أعصمان …

عصمان : هذاك الساحر كايتنقل من مكان لآخر بسرعة قصوى ماغاتقدريش تلحقي عليه بدراجة نارية …

زليخة : ياك عاد قلتي ^حياتك هاذي عرضيها للخطر براحتك ^ ودابا حيد …

عصمان تحنا حتى قابل وجهو مع وجهها تحت الخوذة ) :اللورد جبار و سليم ووسيم وحتى من العم جاسم جا وكوولنا تابعين الساحر عن طريق تنقلنا فا حنا مامحتاجينكش ونزيدك اللورد جبار صااعر ماغايعجبوش تواجدك هنا …

زليخة ابتاسمات باستهزاء ) لا جبار لا خالو جاسم عمرهم عارضو تواجدو فوسط معارك لستاركس حيت عارفيني علاياش قادة ودابا ولآخر مرة حيد من طريقي …

عصمان سرط ريقو) الوضع أخطر منلي كاظني يا زليخة رجعي فحالك …

زليخة : خايف عليا ؟

(عصمان سكت بدون رد وهي طلعات الزاجة دلكاصك لي كانت مغطية عينيها الزرق ولي بانو لعصمان حمريين بكترت ماحابسة دموعها …و حيدات ليگة أو قفازتها الجلدية من يد وحدة وحطاتها على خدو ونطقات ببرود )

زليخة : آخر مرة جريتي عليا من جناحك بديك الطريقة يا عصمان أنا سرطتها على أساس راك جريتي عليا من حياتك وللمرة الثانية…..واخا فالمرة الاولى حزرتك ودرت كل جهدي وكتر تسمح ليا حيت فعلا كنت نستاااهل يا عصمان دكشي لي درتي فيا وتقلاقك نتا وجبار كنت نستاهلهووو ..ولكن المرة التانية لي جريتي عليا فيها من جناحك بحالا أنا شي شرويطة .. ماكنتش نستاهلها …كنتي باغيني نبعد وهاني بعدت فا لآخر مرة غانقوليك بعد من طريقي …

(عصمان ساهي فعيونها لدرجة تخدر وحس بالزمن وقف بيهم بزز حرك شفايفو ونطق بهمس)

عصمان :لا ….

(زليخة تحولو تعابير وجهها الحزينة لإبتسامة شيطانية ونطقات بهمس كهمسو وهي مفيكسية عينيها فعينيه )

زليخة : خمس دقائق …

عصمان لي سرط ريقو من نظراتها ليه ومن لمسة يدها على خدو )

عصمان : ها ؟

زليخة : غاتفيق بعد خمس دقائق
🍀🍀🍀🍀 ♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 608🕯
زليخة : غاتفيق بعد خمس دقائق (ومباشرة انطلقو شرارات كهربائية خفيفة من يدها لي حاطة على خدو..سعقاتو حتى خرج عينيه وبعدها طاح مغيب قدام دراجتها )

زليخة كاتشوف فيه ) كنعتاذر …(وكسيرات بأقصى سرعة وهي تابعة الطاقة السحرية دآلبرت لي كاتتحسس)
🍀🍀🍀🍀🍀
على قمة مرتفع حجري طفيف أي ماعاليش ..مطل على البحر …ظهر آلبرت من العدم..ووسع ابتسامتو بعدما شاف البحر …بدأ كايتمتم بكلمات تعويذة الاستدعاء … حتى ظهر خلفو سليم بشكلو المخيف ووسيم …آلبرت بزربة استدار شاف فيهم …

سليم غوووت ) : غانقتلك …

آلبرت ابتاسم ونطق بنبرة استفزاوية ) حتى لو قتلتيني ماغاتغيرش حقيقة أن خوك غايكون هو السبب فموت ولدك ومرااتك …

(سليم غوووت وهجم على آلبرت بقوة التحريك الذهني لي مستنسخها ..بحيث هز ذهنيا كومة كبيرة من الحجارة الثقيلة ووجهها لناحية آلبرت بنية يسحقو تحت لحجر )

وسيم غوت ) غااتقتلو يا سلييم وماغانستافدو وااالو منو وهو ميت وأوامر جبار كانت هي نشدوه حي ….

(سليم ماتسوقش لخوه واستمر فهجومو على آلبرت لي واقف بثقة وهو مبتاسهم أمام هجوم سليم القوي حتى فثانية بانو جانبي آلبرت عشرة سحرة..وهم الملقبين بالأقوياء العشر لمعشر آل جوفر ولي بيناتهم ^ماثيو^ يد آلبرث اليمنى …هاذ العشر سحرة كايتعتابرو أعمدة معاشر آل جوفر وأحفاد لأقوى قياد المعاشر الطاغية للسحر الأسود لي كلها تحت قيادة معشر واحد والأول والأساسي لي هو معشر ^ آل جوفر^ لي رئيسو هو آلبرث وثيون …
وأيضا هم ملقبين بالأقوياء العشر حيث هو السحرة الوحيدين لي طاقتهم متقاربة فقوتها مع طاقة آلبرت وثيون (قبل مايبدأ استنزافو ) …هاذ السحرة العشر هم نفسهم لي جاو مع آلبرث فاليخت ….وهو لي استدعاهم بتعويذتو تعويذة الإستدعاء لي كان يتمتم بها مباشرة بعدها تنقل لهاذ المرتفع…وغير ظهرو مدو يديهم صوب كومة الحجارة لي متاجهة ليهم بتحكم من سليم وبداو بعشرة بيهم يتمتمون بتعويذة تجعل الأشياء تطفو والساحر يتحكم بها…

السحرة بعشرة نطقو فنفس الوقت) : فيسمانوس لوبوريس أنيبيلوس فيسماتوس لوبوريس أنيبيلوس (وكومة الحجارة وقفات فوقهم فالسماء وقبل ماطيح على ريوسهم …ارتدات أو رجعات جهة وسيم وسليم هاذ الأخير لي مابقاش قادر يتحكم بها ذهنيا حيت قوة أو طاقة السحرة العشر اتحدت وفاقت طاقتو دالمتحول…

( وسيم وسليم حتى هما ماتحركوش بل فعلو قوة الاختراق ..وكومة الحجارة بدات طيح فوقهم وتختارق جسديهما بسلاسة …)

ماثيو شاف فآلبرت ) حنا هنا دابا كونت آلبرت غانأمنو هروبك تقدر تمشي وخلي لينا أمر هاذ المتحولين …

آلبرت شاف فيه ) ماتستاهنش بيهم يا ماثيو ..حتى إيلا قدرتو تقتلوهم..راه قبل ماديروها غايكونو قتلو كتر من النصف فيكم …

ماثيو : إذن أشنو هي أوامركم كونت …

(آلبرث شاف فسليم ووسيم لي خرجو بالاختراق من وسط كومة الحجارة…وماجا يهضر حتى ظهر أمامهم جبار وبعدو جاسم وعصمان ….وثواني حتى تسمع صوت لعجلات سيارة جاية ناحيتهم بسرعة حتى وقفات بعيد عليهم بشوي وبسرعة خرجات منها شيماء وإيفان )

آلبرت زير على يديه وشاف فسحرتو العشر ونطق بلغة السحرة )

آلبرت : باش نتنقل من هاذ الجرف حتى لليخت لي فوسط البحر خاسني شويا دالوقت نسترجع طاقتي السحرية المستنزفة …

( السحرة العشر حركو راسهم بواخا وهو تراجع خطوة للخلف وهو مبتااااسم وبعدها السحرة شافو فيه وتمتمو بتعويذة الحصر الدرعي لصالحو )

السحرة العشر وهم كايشوفو فآلبرت وكاينطقو فنفس الوقت وبسرعة ) جيلاهار جيلاهاريس جابوديان جيلاهاريس جيلاهار جيلاهاريس جابوديان جيلاهاريس جابوديان جيلاهاريس جيلاهاريس …

سليم ووسيم بسرعة اختفاو من أماكنهم وظهرو أمام ساحرين …وسيم فعل قوة الجسد الفولادي فيد ولكم بيها ساحر حتى تهز جسدو وتلاح بقوة بعيد عن الاخرين أما سليم بتفعيل قوة التحكم بالرمال وجه كومة رمال دخلات بسرعة لفم الساحر لي خرج عينيه والرمال غير كاتدخل مع فمو حتى تخنق وطاح جثة ….وباقي السحرة الثمنية تحاماو على سليم ووسيم بتعاويذ متنوعة كايتفاداها أخوي الاستنساخ يا إيما بقوة الاختراق أو التنقل السريع …. وفلحظة انشغال سليم ووسيم بمواجهة السحرة جبار وعصمان اختفاو من مكانيهما بقوة التنقل وظهرو مباشرة جانبي آلبرت هاذ الاخير لي واقف ببرود وسطهم مربع يديه كايتفرج فالمعركة …جبار يالاه غايهجم حتى حبس مديق عينيه فآلبرت… ولكن عصمان تحرك بسرعة بحركة قتالية موجه لكمة لآلبرت لي ماتحركش …

جبار نطق بحدة وبصراخ ) عصمان حبس …♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 609🕯
جبار نطق بحدة وبصراخ ) عصمان حبس …

(عصمان شاف فيه ويالاه غاييتراجع حتى تدفع بقوووة كقذيفة المدفع لدرجة تلاح من الجرف وبسرعة قبل مايطيح فالبحر فعل قوة تنقلو .. رجع ظهر جنب جاسم )

(آلبرت ضحك باستمتاع ..وجبار ابتاسم باستهزاء )

جبار : إذن تخبيتي كيالفار …

آلبرت شاف فيه وأشار لسحرتو لي كايتقاتلو مع سليم ووسيم ) عندي لي يتقاتل بلاصتي علاش غانعدب راسي …

جبار مخننزر فيه ) القائد هو لي كايكون أول محارب فساحة المعركة ويقاتل إلى جانب جنودو ماشي هو ليكايتراجع ويتفرج من بعيد فمحاربيه كايتذبحو …

آلبرت مبتاسم ) و القائد يا لورد ستارك عمرو أصلا كايدخل لمعركة عاارف راسو خاسر فيها غير باش يثبت لرعاياه أنه أقوى كيان خارق في الأصناف الأربعة هنا كيتحول من قائد لدمية حرب…

(جبار بسرعة استدار شد يد ساحر فيها خنجر من النوع الكبير كان ناوي يخشيه لجبار فظهرو وهو نفس الساحر لي طيحو وسيم ملي ضربو…وجبار بحركة سريعة شد الساحر من كتفو بيد وبالأخرى جرليه يدو ليهاز بيها الخنجر حتى نترهاليه من جسدو وبنفس الخنجر عطاه ضربة وحدة طير ليه رااسو…ورجع شاف فآلبرت مخنزر )

جبار : عالأقل عارف راسك آش كاتسوا يا دمية الحرب …(ولاح بحركة سريعة الخنجر على آلبرت لي كونما دائرة الدرع السحرية القوية لي فعلوها ليه السحرة العشر لحمايتو …كون الخنجر جاه فالحلق …ولكن بفظل دائرة الدرع لي كاتصد وترد كل هجوم تعرض له آلبرت …الخنجر ارتد بقوة على جبار لي فعل قوة الاختراق فا اختارقو الخنجر … وآلبرت ضحك باستمتاع )

جبار : غبي إيلا كاظن أن هاذ حقل الطاقة غاينقدك مني …وكملاحظة أنا مكانحاول نثبت حتى شيحاجة لحتى شيواحد حيت فعلا أنا هو أقوى كيان خارق ..

آلبرت : أمم إذن اختارقو إيلا قدرتي …

جبار ابتاسم ابتسامة شيطانية و بدأ كايختافي ويحاول بكل قوتو يظهر بتنقلو السريع جنب آلبرت داخل الدائرة ….
●/////●
وفأثناء مواجهة جبار وآلبرت…سليم ووسيم وعصمان مستمرين فمواجهة السحرة …

سليم قتل تلاثة بوحشية ووسيم واحد وعصمان طيح واحد مغيب بدون قتل و كايتصارع مع آخر ……أما جاسم فا مربع يديه وكايتفرج ..وإيفان وشيماء مزال جنب السيارة بعاد بمسافة إيفان كايتفرج وشيماء مغطية عينيها بيديها بجوج باش ماتشوفش ولادها كايتقلو ولكنها ماخايفاش عليهم حيت عارفة قدراتهم وقوتهم ….)

سليم لي يديه بجوجهم شاعلين بالنار وجهها لساحر لي أشار لصاحبو لي وقف خلف سليم ..وبعدها صد نار سليم دالمتحول بنارو السحرية …والساحر الآخر لي مور سليم استغل انشغالو وباستعمال تعويذة ^الدمج ^ لي عن طريقها دمج يدو اليمنى مع سكين صغير كان هازو ..فا تحولات يدو كلها لسيف وتحرك بسرعة يالاه قرب من سليم غايخشيه ليه فظهرو …حتى مباشرة ظهر أمامو وكحاجز بينو وبين سليم …^جاسم^ لي محول يدو لحديد بقوة تحويل الجسد لحديد صلب^ و بحركة سريعة هز الساحر صاحب يد السيف من عنقو ونطق مخنزر )

جاسم : طول هاذ المعركة واش بانليك واحد من ولادي ضرب فالظهر ؟

(الساحر مخررج عينيه وهو مهزوز مقجوج كيفركل ويالاه حاول يهز يدو السيفية يضرب جاسم …حتى زيير جاسم قبضة يدو مرة وحدة كانت كفيلة بأنه يفصل راس الساحر عن جسدو ………
وفهاذ الأثناء وسيم كان مواجه بصعقاتو الكهربائية الساحر ماثيو وساحر آخر لي مواجهينو بتعويذة رد الهجوم….حتى دور الساحر ماثيو راسو شاف فآلبرت ونطق بصراخ )

ماثيو : كوووونت …

آلبرت شاف فيه ونطق بلغة السحرة ) باااقي غير ثواااني ونكمل شحن طاقاي تراااجع وغير نعطيك الإشارة تنقل….♥️♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 610🕯
آلبرت شاف فيه ونطق بلغة السحرة ) باااقي غير ثواااني ونكمل شحن طاقاي تراااجع وغير نعطيك الإشارة تنقل….

الساحر ماثيو تراجع وهز على كتفو الساحر لي طيح عصمان غيبو ..وبقا كايشوف فالساحر لي خلاه كايتقاتل مع وسيم …هاذ الساحر لي بطل تعويذة رد الهجوم واكتفى أنه ينقز تفاديا لصعقة وسيم الكهربائية وبسرعة تمتم بتعويذة الإنبات وفجأة خرج من الأرض الصخرية ومن تحت قدمي وسيم أعشاب حية طلعات مع رجليه حتى لركابيه وشداتليه يديه رابطاه مع الأرض…الساحر ابتاسم ويالاه تمتم بتعويذة النار غايهجم على وسيم المكبل يحرقو … حتى طاح الساحر على ركابيه شاد راسو كاااااغوت بألم …وبان خلفو إيفان كايشوف فيه مركز مفعل قوتو ^الألم …والساحر شاد راسو بيديه وهو كايغووت وكايتلوااا فالأرض حتى بدأ الدم كايخرج ليه من عينيه وودنيه واستقر جسدو جثة هامدة …

(إيفان بعدما تأكد من قتل الساحر ..عاد بعد عليه نظرو وشاف فوسيم لي تخلص من الأعشاب بالاختراق )

إيفان غووت ) واااش حماقيتي راه نار الساحر قاتلة للمتحول علاش ركزتي على الهجوم ورخيتي دفاعاتك

وسيم :واا راه كنت غانقتلو أخالي غا كنت كنفكر واش نجمدو ولا نشوطو ولا نصعقو ولا نغرقو فالرمل …
●/////●
وفهاذ الاثناء وعند جبار لي ماقدرش يختارق الدائرة دالطاقة المحيطة بآلبرت بالتنقل عاد سمعو ملي كان كايتحاور مع ماثيو واخا مافهمش لأنهم هضرو بلغة السحرة إلا أنه شك ….فا توقف عن محاولة التنقل داخل الدائرة ووقف أمام آلبرت بعيد بخطوة …

آلبرت :أشنو ناوي دابا …

جبار مبتاسم ابتسامة شيطانية ) كانظن عندك كل المعلومات عن قواي التسعة والتسعون(وحل يديه ) فا اشنو هي أخطر قوة فكل قواي ؟

آلبرت خررج عينيه وغوت ) مااتقدرش راه غاتقتل حتى باك وخوتك …

جبار : لواليد وخوتي عندهم قوة التنقل يا غبي …(ومباشرة هز رجلو وضربها مع الأرض لي بدأت تهتز فالحال ^قوة تفعيل الزلازل ^ …سليم و وسيم لي شد دراع خالو تنقل به… وعصمان وجاسم حتى هم بسرعة تنقلو اختفاو من أماكنهم وظهرو جنب شيماء ….بعيدا عن الأرض لي كاتهتز وهي كاتتحل بشق كبير متجه لآلبرت لي مخررج عينيه فالأرض لي كاتريب تحت رجليه …دور راسو بسرعة شاف فماثيو لي شاد الساحر لي فاق دايخ )

آلبرت : داااابا …(ومباشرة آلببرت وماثيو والساحر الاخر نطقو بتعاويذهم دالتنقل ….آلبرت اختفى فالهواء قبل ما يطيح فالشق الأرضي لي تسببو زلزال جبار ..ونجح فالهرب …أنا ماثيو والساحر الآخر …فا يالاه غايلوحو راسهم فالبحر باش يتنقلو … حيت هما ساحري عنصر الماء وتنقلهم كايكون فالماء…حتى بسرعة وفرمشة عين وبقوة الجري السريع وقف قدامهم جبار وشد كل واحد منهما من عنقو …)

جبار مخننزر وغووت ) فييييين مشااااا…!!

(الساحرين لي مخرجين عينيهم فيه كايتخنقو بين يديه حتى ظهر جنبو جنبو جاسم )

جاسم : جبار بطل الزلزال راه كايتوسع نطاقو …

(جبار وهو مزال شاد الساحرين من عنقهم كل واحد بيد …هز رجلو ضربها مع الأرض مبطلا الزلزال )

جاسم : غانحتاجوهم حيين …

(جبار زفر بعصبية وبعدها بحركة جد قوية زدح ليهم ريوسهم مع بعض حتى طوش دمهم ولاحهم على الأرض مغيبين ..وبعدها زاد خطوة وقف على حافة الجرف كايحاول يتحسس طاقة آلبرت …ووقف جنبو جاسم )

جاسم : مكانحسش بيه ..الشيء لي كايدل على أنه غايكون فعرض البحر وحنا مانقدروش نتنقلو لبلاصة ماعمرنا كنا فيها من قبل …

(ظهر جنبهم سليم ووسيم وعصمان )

سليم : أشنو داابا صافي هرب !

وسيم : ماغانخليوهش متحولينا مزلعين فالبحر غانتبعوه ( واختفى ومباشرة تبعو سليم )

(عصمان لي شاف مخننزر فزليخة لي عاد وصلات و حبسات دراجتها النارية جنب سيارة باها إيفان)

عصمان : غاننتاشرو فالبحر أكيد غانلقاوه لورد أنا نوصل هاذ الجوج أولا لدار الضيافة(مقر محكمة المتحولين ) …وتحرك عصمان شد الساحرين لي مغيبين واختفى)

جاسم شاف فجبار ) اشنو فهمتي من كلامو لي قال على سميحة وجنينها وعلى ساندرا وتوأمكم ؟

Leave a comment