Skip links

قصة : الوحش وذات القزحتين الجزء 2 ( عشق جبابرة) ج63

 38,755 عدد مشاهداات

() هاد أجزاء راه فيهم غلط فالترقيم ()
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 551🕯

(جبار جاسم سليم ووسيم كايتنفسو بسرعة وهم كايسمعو فهضرتو بدون تصديق …أما ساندرا لي مزالها حانيا راسها مزنننننننكة كاتسمع فمصيرها لي هي أصلا عارفااااااااااه وكاتتحارب مع نفسها تقاوم الرعب لي كاتحس بيه داخلها ملي كاتفكر أن هاذ الكتاب لي بين يديها غايقدر يخسرها ولادها وحياتها..وحتى لاماخسراتهمش غايضربها بلعنة تعيش بها هي وكل خلفها من بعدها …وهاذشي لي كانت ساكتة عليه مخبياه حتى على جبار …هزات راسها بعينيها لي عامرين دموع شافت فآلبرت ونطقات )

ساندرا : دابا جيتي لهنا باش تفكرني فمصيري؟ غير عدبتي راسك حيت راني عاارفاه ومستوعبااه (ونطقات بتردد عكس الرعب لي كاتحس بيه ) وتدميرو ماخاالعنيييش (تنهدات وزيرات على الكتاب فحظنها ) وكايبقا الأمهم عندي هو يتدمر هاذ الكتاب ..وغااندمرو واخا يلقي عليا حتى بمئة لعنة غاااندمرو غير باش عمركم يا معشر آل جوفر تحلمو بتعويذة الخلود ..الكتاب كتااابي و كمختارة انا قاادة بيه …وخلي أمر حمايتي لتوأمي ليا أنا واللورد الاول باهم ولعشيرتنا لستاركس ..فا شكرا مامحتاجاكش نتا تفكر ليا فولادي وكيفاش غانحميهم من هاذ الكتاب ولعناتو ….

آلبرت سرط ريقو ) ماتيقيش فنفسك لهاذ الدرجة يا كونتيسة بيثروفا حيت مكاينش فهاذ الدنيااااا شيحد كايحس بحجم طاقة هذاك الكتاب بحالك نتي ..ونتي عارفة أنك ماغاتقدريش عليه ..

(ساندرا خنزرات فيه …وقربات كاتمشى ناحيتو وجنبها سليم ووسيم حتى قربات لجبار لي بزز مصبر راسو مايطيرش على آلبرت …ساندرا وقفات ومدات يدها شدات يد راجلها وعينيها على آلبرت كاتشوف فيه بنظرة عيونها الكحل لي عامرين دموع و تحدي ونطقات )

ساندرا : غاانقدر وغاااندمروو ومع الأسف ماغاتعيشش باش تشهد لحظة تدمييرو يا كونط آلبرت آل جوفر …

آلبرت نطق بهدوء وهو كايشوف فبطنها ) وتسخاي تضحي بيهم ؟

جبار ردها موراه ودفعو بالجهد حتى كان آلبرت غايطيح لور ) لا غانضحي بيك نتاااا وبكل أفراد معاشرك دالسِّحر الأسود وغانعطيها كل طاقتكم و قوتكم والقوة لي تكفاها وتزييد باش تدمر هذاك الكتاب الملعوون ولي من شروط تدميرو أكيد غايكون #التضحية حيت هاذشي فاش نتوما فالحين يا معشر السحرة غير تضحيو ببعضكم ….

آلبرت سرط ريقو ) نتا مامستوعبش معنى #لعنة_مابعد_تدمير_كتاب_التعاويذ يا لورد ستارك (شاف فساندرا ) وكنظن الليدي ماشرحاتليكمش هاذشي (ابتاسم بشر ) أو خباتو … راه مستحيل تقدرو تتعاملو مع اللعنة …

(جاسم حط يدو على كتف جبار وشافو فبعضياتهم بنظرات كأنهما تحاورا بيناتهم غير بالأعين … وفلبلاصة جبار تراجع وجا بلاصتو جاسم وقف قدام آلبرت وبعدها نطق بكل هدوء ) …

جاسم : وأشنو هو الحل في نظرك لتفادي هاذ اللعنة يا كونت آلبرت …

آلبرت ابتاسم بشر وقرب من جاسم يالاه غايهضر حتى …….)♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 552🕯

آلبرت ابتاسم بشر وقرب من جاسم يالاه غايهضر حتى …….)

🍀🍀🍀🍀🍀
وقبل دقائق في جناح فارس …فاقت جمانة مبتاسمة كاتكسل براحة وحطات يديها على بطنها )

جمانة : صباح نور حيدووري حيدووور حيدر حبيب مامي(قرصات كريشتها ) يييييي وشكون بحالك ألخنيفيس نتا بعلوك وماماك لي هيا أنا بعلوكة وباباك ..(وسكتات دورات راسها جنب شافت في فارس لي نااعس حال فمو وعاري الصدر هاز يد للفوق على شكل بونية ويدو الاخرى حاطها على كرشو ومفرق رجليه وبضخامتو وحجمو شاد أكتر من نصف ناموسية ….جمانة ميقات فيه وكملات كلامها لجنينها ) وباباك معلئسف حلووووووف (حنات راسها شافت فبطنها مخنزرة ) شوف أولدي خليك فقوة التحكم بالجادبية نتاعك ماعندك مادير بشي حديد ولا سبور ولا عظلات أصلا بااااااراكا عليا غالحلوف دباك ماغانقدرش على حلوفان اثنان في حياتشي الحلوفية….(وناضت من بلاصتها وهي غير بشورط كري قصير وسوفيطمة بيضاء ميني بوط ..لبسات بنطوفتها ولاحت عليها بينوار أبيض طويل من الحرير …توجهات للبالكون حلاتو وهي كاتكسل مغمظة عويناتها الملونين وكاتستنشق فهواء الصباح النقي حتى تبلوكات مكانها كاتحسس الطاقات لي حولها …)

جمانة حلات عين وحدة ) وايلي هاذي طاقة سحرية كبيرة وماشي دساندي …

(حلات العين الأخرى وتمشات تالحاشية الحيط دلبالكون وغير طلات …جاو عينيها على آلبرت وهي تحل فمها …لدرجة مابان ليها لا باها لا خوتها بتلاثة لا ساندرا بانليها غااا آلبرت )

جمانة : بشااااااخ ناري مي ويلي لا هذا ساحر تاهوا ناري مي اش هاذ معشر السحرة فيهم غاتوت لخوه من عم ساندي خضر لعيون لهاذ لبوكوص بو وشوم … (زادت تحنات كاطل لدرجة نصفها العلوي تدلا من لبالكون ورجليها تهزو من الأرض وهي تعلقات فسور البالكون ) لا لا هاذ زين كولو خاسني نشاركو مع صحاباتي منكونش أنانية نشوف بوحدي ونخليهم بلاش…ويالاه حنات راسها تابانوليها خوتها وباها وهي تخرج عينيها منلي شافت جبار هز آلبرت بقجة وهي تقفز كانو رجليها غايتقلبو فالسماء وطيح من داك لبالكون تجي مزلعة قدامهم بزز شدات راسها ونزلات من سور لبالكون شادة قلبها لي غايسكت ) ويلي ويلي التوت مشا فداكشي (وتحركات كاتجري دخلات لجناحها ومشات نقزات على فارس جات جالسة حداه وشداتو من شعرو كاتجر ) فيييق وا فيييق واتا فييق عتق لالقيتي ماتعتق … ♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 553🕯

فارس حل عينيه ورجع غمظهم تاعاودات جراتو من شعرو عاد بزربة تكعد مخلوع وحط يدو على كرشها ) مالكي واش بيخير كاضرك شيحاجة …

جمانة :وا ما بيخييرش

فارس : مالكي ..

جمانة : وا التوووت …

فارس : تشهيتي التوت نجيبوليك ؟

جمانة : واا لا وا التوت لي لتحت مشااا فداكشي فا واش ماتعتقوش لابغيتي زعمة غير باش نزوجوه بديك ليتيمة دزليخة لي قربات تبور …

(فارس هز فيها حاجبو مافهم والو ويالاه غايسولها حتى حس هو الآخر بالطاقة السحرية لكبيرة ديال آلبرت وناض طافج تحرك بسرعة طل من لبالكون وغير شافهم استدار بزربة هز سوفيطمة لبسها وشاف فجمانة مخنزر )

فارس : ماتخرجيش من الجناح …(ومشا بخطوات سريعة خرج )

جمانة بقات واقفة بلاصتها متبعالو العين تاخرج ونطقات كتعيبو ) ماتخرجيش من الجناح نيني ني ني ويااااك أسي نتا تخرج وتشوف وتهضر مع التوت لا نتا لا لعتارس دخوتي وانا ولبنات نبقاو فالجناح أييه واخا….
(تحركات كتجري لدريسينغ ديالها بزربة لبسات عليها فستان بليدين فالأزرق الغامق مع سبرديلة بيضاء ..دارت نظاراتها الطبية وجمعات شعرها كوتشوفال وتحركات كتجري وهي كاتختارق حيط بحيط كادوز جناح بجناح حتى وصلات لجناح وسيم خرجات من الحيط دحمام الجناح وهي تبان ليها سماح ناااعسة ومشات كاتجري جلسات جنبها كاتفيقها…

جمانة : فيقي فيييقي فييقي مك مك مك توت غايمووت وماغاتشوفيه تايفوت لفوت ويردوه خوتي كفتة دلحوت …

سماح تكعدات مخنزرة وشعرها الطويل لبوكلي طالع للسماء وهي غابدوبياس فلموف ) أصبحنا عالله اش كاتقولي أزمر (شافت جنبها ) وفين وسيم …؟

جمانة : راااه لتحت مع خوتي ولواليد تلقايهم شواااو التوت ….
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 554🕯

جمانة : راااه لتحت مع خوتي ولواليد تلقايهم شواااو التوت ….

سماح شافت فيها مخنزرة ) اش داك لشي حمل أزبلة لحمل زاد حمقك ….

جمانة : نوضي نوضي كلاك حمقة (ووقفات كاتجرها توقفها ) نووضي وأنا غاااا بغيتك تمتعي عويناتك قبل مايكزرووه مسييييكن …

(سماح وقفات) : واشكووون هوااااا

(جمانة طارت على قبية فلكري دوسيم كانت مليوحة على لفوطوي جنبهم هزاتها لبساتها ليها جاتها حد لفخاض )

جمانة : واااا التوووت الذي لن يمووت حتى نتمعن في جماله …

سماح مخنزرة ) جماانة واش شي بلان من بلاناتك لخاوية هذا تاني واش ماغاديري عقلك تاينفيك اللورد …

جمانة طارت كاتجري للدريسينغ دسماح وهي كاتهضر ) وااا لا والله مادرت والو أنا هاذ المرة وماشي أنا لي عيطت ليه وا هوا لي جا لخليان ضاربوه برجلييه …(ودخلات للدريسينغ)

سماح غوتات ) وااا شكون هوااا …

جمانة خرجات من دريسينغ كتجري هازة بوت كحل طوييييل حد لفخاض حطاتو قدام سماح وجاوباتها )

جمانة : التووووت وداابا لبسي طلقينا مزال تابعيني لبنات خاسني نحضَّركم كلكم …

سماح تحنات كاتلبس) لاياش تحضرينا ؟

جمانة : للدبيحة …

سماح كملات لبس وتكعدات ) : غانسولك نتاعمن وغاتقولي لي نتاع التوت غانبربقها مع ختي فا نتاعمن الدبيحة ؟

جمانة ابتاسمات ) دالتووووت …

(سماح هزات يديها يالاه غاتجمعها مع جمانة بصلية وهي تزرب عليها جمانة شداتلها يدها وجراتها وهي كااتجري فاتجاه الحيط وسماح مجرورة موراها مخررجة عينيها فالحيط )

سماح :وااااع لا لا غااااتختارقيه نتي وأنا نتخبط معااه واااطلقي يعطيك …(وشهقات ملي نجحات جمانة فأنها تختارق الحائط بسماح لي جاراها معاها بحيث ولات جمانة كاتتحكم في قوة اختراقها بكل سلاسة وبسهولة تقدر تخلي أي شخص شدات فيدو قابل للإختراق بحالها ….صدقو لبنات بجوجات فجناح سليم ووقفو على سميحة لي نااعسة …)

سماح ميلات فمها ملي شافت فتوأمها لي واخا ناعسة براحة إلا أن لونها صفر )

سماح نطقات بهمس ): جوجو غاخليها ناعسة باينة فيها عيانة مسكينة …

جمانة : تي لا راني وفية لصديقاتي ومنقدرش نخون سميحتي ونخليها ناعسة بلا ماتشوف …

سماح : اش تشوف ؟

جمانة نطقات بترقيق التاء وإطالة حرف الواو ) : التووووووووت ..♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 555🕯

جمانة نطقات بترقيق التاء وإطالة حرف الواو ) : التووووووووت …

سماح مسحات وجها بفقصة ) :اللينعلدلمي أنا لي سولتك وإيلا عاود سولتك الليعطيني لغراااق …

جمانة ميقات فيها وتحنات كاتفيف فسميحة بشوية )

سميحة فاقت بشعرها القصير المنكوش لابسة سروال سيرفيت أسود وسوفيطمة سوداء تكعدات جالسة كاتشوف فيهم ) مالكم …

جمانة : نووضي نوووضي جري معانا تشووفي ..

سميحة كتحك فعويناتها وبزز كتهضر بصوت غالب عليه نعاس) أ آش نشوف …؟

ويالاه غاتجاوبها جمانة بفرحة حتى نقزات سماح لي مربعة يديها ومخنزرة نطقات بغيض )

سماح :التووووت

(جمانة حركات راسها بآه )

سميحة : فين ؟

جمانة : لتحت قدام باب لقصر فجردة سربي قبل مايقتلو بابا حبي وفرفوسي واللود جبارو ولعتارس دخوتي …

سميحة : شكون لي غايقتلوه ؟

نقزات سماح تاني وغوتات وهي ناتفة شعرها ) وااا التوووت …

جمانة : ومالك كاتغوتي على ختك ألمصعورة (وبزربة هزات جاكيط لفيست كتلبسها لسميحة )

سميحة لي غير كاتفوه ) غاسيرو ماقديتش …

جمانة :غير نووضي ماغاتندميش على المنظر …(ووقفاتها وشداتها من يد وسماح من يد وتحركات جاراهم كاتختارق جناح بجناح حتى صدقو فجناح هاندا…هاذ الأخيرة لي لقاوها لبسات حوايجها مقررة أنها تتوقف عن الهرب من خليل وتتجاهلو حتى تلقى جواب على طلبو …وتخرج اليوم ترجع لخدمتها كطبيبة فمستشفى لستارك…حتى هجمات عليها جمانة وماعطاتهاش فرصة شداتها من يد وجراتها غاديين فكولوار القصر ولبنات تابعينها …تادخلو على أميرة لقاوها عاد خارجة من دوش وغير بفوطة …تا لقاتهم قدامها …..)

أميرة :مالكم عالصباح اناري راه يالاه 8 ؟

جمانة : فين جوجك ؟

أميرة : ماباتش فالقصر (تنهدات بحزن ) لبارح دابزنا بسبب خليل تاني واخا تا خليل مدار والو راه بسبابي مكانش خاسني نقبل يديني فداك ليل نشري الألوان (حطات يدها على راسها ) مالك تعصب بزاف منلي شافني هابطة من سيارة خليل وبزز راضيتو ولسقت فيه يديني معاه لمحكمة المتحولين هو يخدم على ملفات العشائر وأنا نرسم تصاميم نعاونو ..

هاندا :إوا وداك معاه ؟

سماح :وكون داها كانت غاتصبح هنا كوراها معاه فالمحكمة

أميرة : وراه دااااني ولكن (تزنكات ) غاوصلنا هو هز يخدم وأنا هزيت نرسم وتكيت على لورقة علما نفكر ونتخيل شي تصميم زوين …

سميحة لي غير كاتفوه نطقات بملل ) إواا …

أميرة :إيييوا يوا مابقيت عاقلة على والو تافقت هنا باينة نعست ديك ساعة وهزني ردني للقصر ومشا …

جمانة : أودي ياودي غاخطية وطليتيها أخويا أمالك ..

أميرة خنزرات فيها ) شو شكون كاتهضر واخا نكون خطية تانعيا مانكونش بحالك …

جمانة خنزرات فيها ) دابا علاياش كاتقلبي ..

أميرة يالاه غاتجاوبها حتى غوتات سماح )

سماح : واااا بنادم واش تلاقيتو تاني نتي ويااها (شافت فأميرة ) لبسي نتييي طلقيينا (شافت فجمانة ) سكتي نتي هنينا تانشوفو هاد بلان توتك …♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 557🕯

سماح : واااا بنادم واش تلاقيتو تاني نتي ويااها (شافت فأميرة ) لبسي نتييي طلقيينا (شافت فجمانة ) سكتي نتي هنينا تانشوفو هاد بلان توتك …

أميرة : علاش نلبس فين غانمشيو …

سماح تنهدات ومشات كتجري لدريسينغ أميرة تجيب ليها ماتلبس )

جمانة : غانمشيو للجردة دالقصر …

أميرة : علاش

جمانة يالاه غاتجاوب حتى نطقات هاندا وسميحة وسماح لي جات..نطقو فدقة ) نشوفو التوت …

أميرة بدات كاتلبس دكشي لي عطاتها سماح ) شكون هذا تاني …

جمانة : توت ساحر …ولكن دوماج غايموت مسكين وغاتبقا زوزو كوين بايرة …

(لبنات شافو فيها هازين حاجبهم ..أميرة كملات لبس سيرفيت فالاسود فيها خطوط فجناب بالاحمر والابيض وسبرديلة …وتحركات جمانة وهن تابعينها مازال مافاهمين والو تاوقفات بيهم قدام باب جناح زليخة ….

سماح قلبات عينيها ) غاتفيقيها تاهيا تجريها معانا بحرا تجمعها معاك بصعقة كهربائية تنسيك سميتك …

جمانة ابتاسمات ) معلوووم غاانفيقها و أصلا أصلا كولشي هذشي على قبلها ..

أميرة : أربي غاقوليلي أجمانة فين عمر زليخة تجرات ليك فمصايبك تافاش كاتزبليها وكتبغي تجريها فالزبلة وتلصقيها فيها تااااااحد فالعائلة مكايتيقك …

سميحة :لاهيلا غازيدي أجوجو ورينا اش نديرو ونزبلوها بوحدنا بلا ماتعولي على زليخة ..(وشدات أسفل بطنها كتحس بوجع خفيف )

جمانة غوتات : أتوووما اشمن زبلة أعباد الله مادرت والو وااراني تبت واش مايتوبش معاكم بنادم اناري ….

أميرة :إذن فين جارانا عالصباح ؟

جمانة غوتات ) وبااش تمتعو عويناااتكم وتشوفوووو …

سماح غوتات مخنزرة ) غاتسولها شي وحدة منكم آش نشووفو غانخلي ضاربوها وبوكم ونزيد (شافت فجمانة ) دبا من لخر اش بغيتي زليخة ….

جمانة تنهدات ) ناري على مكلخات (غوتات ) واااا بغييتها تهبط معانا باش تشوف التوووووت وعينين التوت تجي فعينيها ياك ويتزعط فيها حب من أول نظرة ياكو وبلاصت مايشلضوه خوتي وراجلي وبابا حبيبي يصدقو مزوجينو ليها ياكو وهاااااكا غايدخل التوت الرِّجالي من فصيلة السحرة لعائلتنا ياكو وهاكا تاني الزوزو كوين مغاتبووووورش وديك ساعة يمشي يخر..ا لمعفر دعصمان لي معدبلي قليب بنت خالي (شافت فختو هاندا ) وااا أعتاادير …(شافت فلبنات ) فهمتو إوا تبعوني وسكتو (وحلات باب جناح زليخة ودخلات …لبنات بقاو واقفين بلاصتهم كايرمشو فعينيهم كايحاولو يستوعبو هضرتها …)

جمانة لقات زليخة مزالة ناعسة وهي تمشي كاتجري تخبطات ليها فوق سريرها المائي لي تهز وفاقت زليخة مخننزرة )

زليخة : واش حلمتي بيا ولا مالك عالصباح ..

جمانة عينيها مشاو غير لصدر زليخة المنفوخ لي غير بستيانات كحلين ولابسة كولون كحل )

جمانة : زدتي نفختيه ؟

زليخة :جمانة صباح هذا وماراشقاليش خرجي …

(جمانة دورات راسها بانت ليها قرعة د شراب نصها خاوي فوق لكوافوز لي جنب السرير ..وهوما يدمعو عينيها )

جمانة : كاتعدبي غابوحدك وقلبك ضارك ياك (طاحو دموعها ) ..ديك ساعة عيطيلي غير نتضامن معاك نشرب أنا غا كوكا …(كسيرات كاتبكي ) بنت خالي لي فنفس الوقت بنت عمتي كاتمحن غابوحدها …♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 558🕯

زليخة مخرجة فيها عينيها ) واا زمر واش تسطيتي ولحمل زادك ولا مالك أنوضي خرجي عليا وبكي فجناحك قلاك كانتمحن لواه كنتشروط …

جمانة مسحات دموعها ..ولبنات دخلو كلهم )

جمانة : ولكن ميبقاااش فيك لحال بربي تانزوجك وراجلك راه لتحت عتقيه قبل مايقتلوه ليك …

زليخة شافت فلبنات ) : واش هاذي طايحة على راسها شكون راجلي ؟

لبنات كلهن وحتى جمانة نطقو فدقة ) التووووت…

زليخة خنزرات فيهم وغوتات بعصبية ) أ9..ودو عليا من جناحي ولا غانجمعها معكن بصعقة تفيقكم …

جمانة شدات ليها يدها ) أغي سمعيييي راه زوييين ياختي الطولة والتجريدة ولوقفة وتخنزيرة والأهم تاطوااااج …

زليخة يالاه غاتغوت عليها حتى تسمرات بلاصتها و ولات صفرة )

هاندا : زليخة مالك ؟

زليخة شافت فلبنات وغوتات ) واااش ماكاااتحسووووش (وقفات طافجة بسرعة هزات بانضة كاتجمع فشعرها )

أميرة :أويلي باش غانحسو ؟

(زليخة هزات فيست حمراء خويطات لبساتها فوق ستيانات وبانطوفة فرجليها وغوتات فوجه لبنات باتفعال )

زليخة :وراااااكن متحولات وأول شيء تعلمناه كمتحولين هو اول حاجة ديريها ملي تفيقي هي تتحسسي الطاقات لي حولك (غوتات ) وااا تحسسو الطاقات لي حولكم ونتوما غغااغاديات حالات فامكن (وخلاتهم وزادت كاتجري …ولبنات كلهن لي خلعاتهن زليخة بداو يتحسسو الطاقات لي حولهن سواء دالمتحولين او دالسحرة ..ومنلي حسو بطاقة آلبرت خرجو عينيهم وتحركو كايجريو تابعات زليخة حتى من سميحة توكضات وكتجري ….)

جمانة تبعاتليهم العين تامشاو بقات بوحدها فالجناح كاترمش فعينيها )

جمانة : هاي هاي هاي هاذي هي أجي أمي نوريك دار خواالي…هاذو سبقوني للتوت وأنا لي وريتو ليهم و خلاوني لور أييه نستاااهل (غوتات) أتسناااوني (ومشات كتجري )
🍀🍀🍀🍀🍀♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 559🕯

🍀🍀🍀🍀🍀

نرجعو للحديقة : ..وعند رباعي الأستنساخ وساحرتنا السمراء وكونت آل جوفر الأول … …

جاسم : وأشنو هو الحل في نظرك لتفادي هاذ اللعنة يا كونت آلبرت …

آلبرت ابتاسم بشر وقرب من جاسم…ويالاه غايهضر حتى تفتح باب القصر وخرج فارس كايتمشى بخطوات سريعة ومخننزر وخلفو خليل ليحتى هو غير فاق تحسس طاقة آلبرت خرج كايتمشى بتعابيرو الباردة و يديه فجيابو وغير وقفو بجوج جنب جبار..ظهر جنبهم من العدم بقوتو : التنقل السريع : عصمان لي حتى هو غير فاق حس بطاقة آلبرت ومباشرة تنقل للمكان لي فيه هاذ الطاقة ولي هو حديقة القصر الأمامية …

فارس مخنزر فآلبرت ) آش واقع أ جبار شكون هذا ؟

عصمان مديق فيه عينيه ) واش هذا هو ز../مل د ثيون ؟

وسيم جاوبهم ) لا هذا هو تويمي ديالو لي مكايشبهش ليه …

خليل نطق ببرود ) : واش هاذ القبيح جا يسلم لينا راسو ؟

(جبار دارليهم إشارة بيدو باش يسكتو ورجع شاف فآلبرت لي عينيه على فارس وعصمان وخليل )

جبار نطق بنوع من الاستهزاء و بحدة ) : كانتسناو تتحفنا بجواابك ….

آلبرت شاف فيه وبعدها رجع نظرو لجاسم لي قدامو ونطق ) اللعنة هي الضريبة لي غاتتلقاها المختارة إييلا نجحات فتدمير الكتاب السحري (سكت شويا ويالاه غايكمل حتى تحل الباب دالقصر تاني وجات زليخة كاتجري وهي مخنزرة فآلبرت..حتى وقفات جنب ساندرا وجبار )

زليخة : شكون هاذ الساحر ؟

ساندرا نطقات بهمس ) آلبرت آل جوفر أحد التوأم قُيّاد معاشر آل جوفر …

(زليخة مخنزرة بعيونها الزرق فآلبرت لي حتى هو بقا كايشووف فيها لثواني …عاد رجع نظرو لجاسم وكمل ..)

آلبرت : هاذ اللعنة ماشي من ابتكار ألكساندرا أو شي ساحر آخر بل هي دفاع من الكتاب عن نفسووو داكشي باش قلت ليكم الكتاب حي ماغايقبلش يتدمر بالسهولة لي نتوما أو المختارة متوقعينها فا (شاف فساندرا ) بغيتي تعيشي حياتك مرتاحة من الكتاب ومن لعنتو ماعليك غير ت ….(وسكت حيت تحل الباب تاني وخرجو لبنات متتابعات كايجريو بحالا كايتسابقو كلهن إلا سميحة لي بقات لور مزال ماخرجاتش من لقصر حيت كاتجري شويا وتجلس تستارح فا سبقووها …)

جمانة وقفات جنب فارس لي خنززر فيها وردها موراه وهي شافت فلبنات.. وحوارهم بداريجة )

جمانة : هااهوا شفتو اش قلت ليكم …

أميرة نطقات بهمس وهي كضور عينيها ) : لاهيلا ت ت تو أحم…

سماح لي شادها وسيم من دراعها وكايتحلف عليها وهي مامسوقاش عينيها على آلبرت ) أناري سيفتو كاتخلع (شافت فجمانة ) امنين جاتو توت ولا حبلملوك نتي خاسك تمشي تعاودي فحص لعينيك

فارس نطق من بين سنانو) جججمانة ….

جمانة شافت فيه ) أمدرت والو أفرفوسي راه زليخة …
♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 600🕯

جمانة شافت فيه ) أمدرت والو أفرفوسي راه زليخة …

هاندا نغزات زليخة لي جنبها ونطقات بهمس فوذنها ) زوين أصاحبتي واخا غايبقا فيا عصمان خوية مسكين …

زليخة شافت فيها مخنزرة ) واش من نيتك تانتي؟

جبار استدار بجسدو كامل شاف فيهم كلهم مخننزر حتى سكتو الشباب ولبنات تخباو موراهم وقطعو الحس …عاد رجع نظرو لآلبرت …وجاسم عطاه إشارة بيدو يكمل كلامو )

(آلبرت لي كايشوف فشباب وبنات لستاركس لي أكيد كايعرفهم كلهم وكايعرف أيضا باقي افراد العشيرة بنوع قواهم ودرجة طاقتهم وباقي المعلومات الخاصة ديالهم ماشي غير لستاركس بل حافض كل المتحولين دكل العشائر …كيف لا وهو عاش حياتو كلها وهو متابع أخبارهم وتحركاتهم وصورهم …ابتاسم ونطق ) :

آلبرت : مكاينش شي حل أو مخرج أو طريقة لتفادي هاذ اللعنة من غير(وشاف فساندرا ) أنك تمرريها(اللعنة ) لمختارة من غيرك …

(ساندرا خرجات فيه عينيها ..أما جاسم وجبار وسليم وزليخة لي فهمو مبتغاه ترسمات على وجوههم نصف ابتسامة استهزاء ..فحين الباقين شافو فبعضهم البعض بعدم فهم…جاسم تنهد واستدار شاف فجبار ونطق بالداريجة ) …

جاسم : عندي اجتماع مهم فالشركة مع الروس وبعدها غانمشي لفيرمة جدك فطنجة خاسني نبحث فشي كتب فمكتبتو …فا خليت ليك الأمور هنا …(واختفى من مكانو بقوة التنقل)

آلبرت لي مافهم والو حتى شاف جاسم اختفى ووقف بلاصتو جبار )

جبار : أهاه زيد كمل …

آلبرت على نفس وضعيتو وتخنزيرتو شاف فساندرا ) تخلاي على الكتاب تخلاي على كونك نتي هي المختارة وعيشيييي حياتك مع ولادك بعيدا عن هاذ الكتاب ولعنتو وباش ديري هاذشي خاسك غير تعطيني الكتاب (شاف فجبار ) وأيضا غانتعهد ليك لورد بهدنة مقتضاها أنه تاواحد من سحرتي ماغايآذي أو يقرب لمراتك أو شي متحول من متحوليك..وأيضا ماغانقربوش لحدود دول عشائركم …فمقابل غير تعطيوني الكتاب…

جبار كايشووف فيه ) إذا خديتي الكتاب ماغاتبقاش ساندرا هي المختارة ؟ ماغايبقاش خطر على حياتها ؟ …

ساندرا بزربة شدات يدو مخرجة فيه عينيها ) جباار واش من نيتك تيقتيه راه ما..(وسكتات منلي شاف فيها جبار مخننزر ) …

آلبرت دار نضف ابتسامة ) غاتبقا هي المختارة حيت هي تولدات كمختارة ألكساندرا وغاتبقا مختارة حتى لآخر نهار فحياتها ..ولكن الفرق هنا هو أنها ماشي مجبرة تنفذ المهمة لي على عاتقها وتضحي براسها وتبقى عايشة حياتها مطاردة ومهددة من طرفنا ….لي عليها غير تعطيني الكتاب بعدها كانظمن ليكم أنه حتى ساحر من سحرتي ماغايقرب ناحيتها….(ويالله دور راسو شاف فساندرا تاني حتى تهز جسدو بلكمة قوية بسببها جا طايح فالأرض )

جبار طرطق عظام رقبتو ) هاذي حيت من صباح ونتا كاتشوفليا فيها ودابا وقف باش ندوزو نتفاوضو على طلبك …

Leave a comment