Skip links

قصة : الوحش وذات القزحتين الجزء 2 ( عشق جبابرة) ج 61

 39,011 عدد مشاهداات

□■تتمة الجزء 534■□

ساندرا نتفات راسها و غوتات ) وااا لا ماتسمعيش منهم راه غااتتديريها غاتخرجي على راسك أهاندا ماشي هكا تبينيلو حبك عمر الجنس كان دليل على الحب ….

جمانة كاتهضر ببرووود ) : أتييعنداك أنا نقوولكم واحد لحاجة سرية (وخفضات صوتها ) راه ألبناات ..الرجال نص تفكيرهم غير فلفراش وألبنات شفتو الرجاال يقدرو يتحكمو بكل عظلات جسدهم إيلا لعصبة د لمعلم ..هو كايوقف غاااابوحدو وبدون سابق إنذار وكايبدا يشطح وهو كايتحرك يمين ويسار كايقلب على لفشلوووووووق …وحق مولانا مطنكدب عليكم راه قالتها ليا ماما (دارت صبعها على فمها ) ششت ألبنات ماتقولوها لتواحد …

سميحة مخرجة عينيها طارليها نعاس ) لاهيييلا وأنا نقول مال سليم ..ويالبنات تانكونو جالسين بيخير وهانية راه لهيه خاشي وجهو فبيسيه كايخدم تكايوقف ويحيد سروالو ويتم جاي عندي مقيم بحالا ديشارجا وجاي يركبو فلبرييز ألبنات ….

جمانة :لعز نتي لي كاتفهميني…

(ساندرا ولبنات مخرجين فيهم عينيهم وزليخة مسحات على وجهها وبدات تضحك بفقصة وهي كاتحس براسها وسط سبيطار دلحماق)

سماح : هاذي عندك أجوجو أنا متافقة معاك…(شافت فهاندا ) زعمي أهاندا وهو ملي غايشوفك مستسلمة ليه هذا هو أكبر دليل على أنك باغياه ومتنسايش حنا ماشي بشر حنا عشائر متحولين وعندنا قانوننا الخاص … ومعندناش تزوج طلق وقتما قالهالك راسك …. بل عندنا تزوج وإلتزم بشريك حياتك مدى الحياة يعني لمتحولة أو الهجينة أو نزيدو الساحرة فينا كاتعطي راسها للي غاتبقا معاه طول حياتها …

ساندرا :ماااشي هنا بقات (شافت فهاندا ) بقات فتصرفك أهااانداا فأنك غاتمشي برجليك تعرضيلو راسك فطبق من ذهب و مرخصة نفسك هذا غلط أهاندا ماديريهاش …

جمانة :ديريها

ساندرا : لا

جمانة :آه

ساندرا :لا

(وبقاو ساندرا وجمانة كايتناقرو ولبنات كيتفرجو فيهم ..وهاندا سااااهية كاتفكر فهضرتهم تلفات ماعرفاتش اشنو الصح من الغلط واش تتبع رأي جمانة وسماح هو لي صح ولا هضرت ساندرا….تنهدات وبقات كاتسمع ليهم ..حتى دخلات أميرة فرحانة وهي هازة أوراقها وأقلامها وجلسات على وسادات جنب السرير وبدأت ترسم وساندرا كاتتفرج فيها وكاتشجعها )

ساندرا : واش كاترسمي بوت ؟

أميرة :آه حيت الكوليكشن خاصة بأحدية موسم الشتاء …

ساندرا : وأشمن ألوان غاديري ؟

أميرة : كحل… التصاميم لي تسرقو كانو موزعين بين اللون لكحل وكري غامق داخل فيه شوي دالأبيض ومارون غامق لامع …هاذ الألوان لي اختار مالك لهاذ الكوليكشن …

ساندرا : وضروري تلتازمي بهاذ الألوان (ديقات عينيها فالبوت لي رسمات أميرة ) هذا زوين ولكن ماشي بهاذ الألوان لي قلتي (سهات كاتخيلو ) هانتي تخيليه معايا من الجلد اللامع بالأزرق الملكي والمقدمة ديالو بالأحمر وسيور بال…..(ساندرا كاتوصف وأميرة كاتلون بسررعة بالألوان لي قالت ساندرا وهي متبعة هضرتها ومتحمسة تاكملات أول تصميم وهي ضحك بفرح ووراتو للبنات )

زليخة : زوين ملي يتصمم بغيت منو …♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 535🕯

زليخة : زوين ملي يتصمم بغيت منو …

جمانة : جا مع زليخة وشخصيتها ولكن أنا ماعجبنيش بزاف هانتي بغيت أنا ميني بوت وسباط فنفس الوقت … ويكون كولو سميطات وعاااالي وطالونو سبيشل يعني طالون فشكل ماشي تقليدي …(وهي كاتوصف وأميرة هزات تاني ورقة جديدة وبدات ترسم وصف جمانة )

أميرة وهي كاترسم ) : عندي فبالي تصميم بهاذ المواصفات أجمانة تسناي نكملو …

ساندرا شافت فزليخة مخننزرة ) ونتي واش ماحشمتيش عاجبك لحال ملي كنتي كاضوري مع جباري وأنا جالسة ندمع هنا ياك …

زليخة قلبات عينيها بملل ) هاهيا غاتبدأ…(وتكعدات مخنزرة فيها ) شوفي غانعاود نقولهاليك للمرة الألف ماكنا كانضورو ماكنا كانزمرو لاكنتي نتي جالسة تبكي هنا هو راه كان كايقتل راسو لهيه فديبو ديالو ولا بحال الوحش الروبو مكاياكل ومكاينعس وماكايهضر غير سبور فسبور ونزيدك كنت لاصقة فيه غير على قبلك حيت كنت كنحاول نقنعو بدل ماهو لهيه فالديبو ونتي هنا …يجي عندك وتجلسو تهضرو وعييت نقنع فيه أنك ماشربتيش موانع الحمل يعني كولشي درتو على قبلك …

ساندرا مقابلاها بتخنزيرة ) ألالة غاخليه مقلق مني ومعصب مني وماتلصقيش ليا فيييه…

زليخة :واش من نيتك وراه ولد خالي وولد عمتي فنفس الوقت راه تربيت معاه و…

ساندرا قاطعاتها بصراخ ) : أ هاذ لهضرة عاوديها لييهم ماسووقييش أنا جبار دياالي بوحدي غاتقربي منو مرة أخرى نريش ختي كتر من تريشة لي عطيتك آخر مرة …

سماح :خخههه خوية جبار عادى ساندرا بالغيرة ..

ساندرا غوتات ) :وااااا مكاانغاارش علييه…

جمانة : عاداها تابلغوات لمعصب لاخر …

هاندا :ألبنات راه غير الحمل لي رادها معصبة هكا …

ساندرا :بحمل ولا بلا حمل (وخنزرات فزليخة ) نشووفك مقربة منو تاني نطليك خضرة هانا علمتك …

زليخة خنزرات فيها ) :وسرِّي نيت نستااهل لي شبعت منو سبان فهاذاك الأسبوع و على قبلك …

ساندرا غوتات ):على قبلي هيا كون جيتي قلتييها ليا ..وجيتي قلتيلي عن وضعو و فيينو وأنه كايجي عندي كل ليلة للقصر يبقى حدايا تايصبح لحال ويمشي بلا مانشووفووو وأنا لي يحسابلي خلاني لأيام بوحدي عمرو مجااا…

زليخة غوتات) :وعلى قبلو حتى هوااا وقفت جنبووو ولا شنوو كنتي باغيا هااا ؟بغيتي كل العشيرة يوقفو غير معاك نتي إوا ؟ وهوااا ؟ تامن عمتي شيماء ضرباتو لوجهو غابسبابك وهي لي عمرها هزات يدها على واحد.من ولادها خصوصا جبار ولكن بسبابك نتي ضرباتو …

ساندرا خرجات فيها عينيها ) ك كيفاش ؟

جمانة تنهدات ) :أييه أساندرا حيت منلي خرجك من جناحو دك نهار دفعك بالجهد ازغبيا كان راسك غايتقسم مع الحيط على عشرة وعلى هاذشي صرفقاتو ماما ولكن منبعد عرفنا أنه كان متحكم فيك ذهنيا يعني غايوقفك قبل ماتخبطي مع الحيط وماما ندمااااات حيت عمرها مدات يدها علينا تا فاش كنا صغار لا هي لا بابا… وبقات مأزمة ومقلقة يوماين حيت غبر من بعد دكشي وشحال بكات ماتهنات تاجا وهضرات معاه

(ساندرا سرطات ريقها وعينيها دمعو … وزليخة مخنزرة فيها ونطقات )

زليخة :واش فهمتيني دابا ؟

ساندرا شافت فيها مخنزرة وغوتات) مكايهموونيش الأسباب ديااالك راجلي ماااتقربيش لييه غاخليه معصب منييي ..

زليخة مسحات على وجهها ) : وامشطبا معاك واش جاك لوحم عليا ؟

ساندرا :اش جاب لوحم للهضرة ….

زليخة : اوا مالكي شاعلة غامعايا أنا ؟

ساندرا : حيت غانتي لي لاسقة ليا فراجلي …

زليخة : الله يهديك واراه على قبلك والله..

ساندرا : واااش شكيت عليك ألالة بعديلي من جباري

زليخة : يااك حيت مابغيتكمش تتخاصمو ..ونتي تعميتي بالغيرة ونضتي نتفتيني قدامو وقدام عصمان حمدي الله راك رئيسة العشيرة أما كون فديك اللحظة فقدتك الذاكرة بصعقة كهربائية وحدة

ساندرا :تفقديني الذاكرة ههه وأنا بحركة يد وحدة نهزك من بلاصتك ونحطك فالتلث الخالي وبربي واخا يقلبو عليك بجبس مايلقاوكش …

زليخة : هاي هاي على ساحرتنا الصغيرة تعلمات شويا دالأبرا كدابرا وبغات تخلعنا… كونما كنتي حاملة كون قلت ليك تبعيني لملعب لستاركس فمبارزة …

ساندرا ابتاسمات ودارت رجل على رجل ) بلا منحتاجو نمشيو حتى لملعب لستاركس غيير هنا نقضيو الغرض يا شقراء ….

زليخة هزات فيها حاجبها ) بصح إذن وريني اش فجهدك ديري يا سمراء (وشعلات يدها بشرارات كهربائية )♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 536🕯

زليخة هزات فيها حاجبها ) بصح إذن وريني اش فجهدك ديري يا سمراء (وشعلات يدها بشرارات كهربائية )

ساندرا : (مدات يد وحدة ونطقات بزربة ) تيراميسورابي نايتورابي تيراميسورابي…..

(وسكتات مبتاسمة ولبنات مخرررجين عينيهم فزليخة كايتسناو اش غايوقع ليها ..وهي كاتشوف فجنابها مخنزرة ومستعدة لأي هجوم تماوقع والو وهي تطلقها بضحة استهزاء )

زليخة :هههخ واش تقاضاولك الحجرات دالسحر ولا هههخ إوا هاذشي علاياش قدرتي هههه على والو و …

(قبل ماتكمل كلمتها غوتات ملي ترفعات رفعة وحدا تهزات من بلاصتها فوق لفوطوي بسرعة وبالجههد …وفرمشة عين لسقات على ظهرها مخبوطة مع السقف ليفوقها و لي جرها كالميغناطيس …. جات بحالا متكية على ظهرها فالسقف وشعرها بوحدو لي هابط )

زليخة مخرررجة عينيها وكتشوف فلبنات تحتها لي هازين راسهم كايشوفو فيها حالات فامهن …أما هي كاتنهج مافهمات والو )

زليخة : ويلي…

ساندرا مبتاسمة وهي كاتشوف فظفيراتها ) وا خليك معلقة دابا …

جمانة :هههع وا نااااري على تعليقة من داكشي فييين يبانو تعليقات جبار …

زليخة غوتاات ) :واااهبطيني …

ساندرا : غاخليك شوية ونهبطك …

(زليخة خنزرات مزننكة بالأعصاب وحاولات تجر يديها وتفعل قوتها ولكن بدون نتيجة لاسقة كليااا مع السقف مقادراش نهائيا تحرك جسدها وهي تغوت )

زليخة: واااا هبطيييني (شافت فكاميرة معلقة فسقف أمامها وغوتاات ) جباااااااار …

ساندرا خنزرات فيها وتزنكاااات بالأعصاب وغوتات ) وااا زبلة وااازعرة زمرة وااااش مزال زايدة فيه تاتعيطي ليا لراجلي وااا عيطي عصمااان عصماان ماشي جباار حييت جبار راه دياالي أناا …

زليخة تنهدات بملل ) : ساااندرا واش من نيتك أصاحبتي راك بعقلك زعما هبطيني من اللعب …

ساندرا : لا (وشافت فلبنات ) نوضو نشطحو ألبنات …

(لبنات ابتاسمو وحركوليها راسهم بواخا وهي ناضت هزات تليكوموند صغير ضغطات على زر ونزلات مع الحيط تيفي كبيرة الحجم خدمات ساندرا فيها أغاني شرقية على يوتيب …وجلسات فالسرير )

ساندرا : هانتوما شطحو شطحو مزياان تحركو بحرية فكل الجناح رونو هرسو زلعو لييي عجبكم ديرووه لي فيها شي جنون تبردهم براحتها …ولي زعمات تدخل للدريسينغ روم رونوه تاهوا غا فوتو جيهتي رونو جيهة جبار وعلييكم لاماان ألبنات غا خودوليا رااحتكم …

جمانة :ونتي ؟

ساندرا :مايصلاحليش نتحرك وندردك بسبب حملي غاشطحو بلاصتي ورونو حقي …انا نتفرج ..

زليخة لي لاسقة فالسقف فوقهم ) وا ساندرا هبطيني نشطح معاهم …

ساندرا هزات راسها شافت فيها ) لا مزال غاتبقاي معلقة نوريك تدوزي لوقت مع جباري حبيبي (شافت فلبنات مخننزرة ) واااشطحو نتوما …

(سميحة لي هلكها نعاس تحركات للسرير وتكات بلاصت ساندرا وتغطات ونعسات فلبلاصة ..وأميرة جالسة كاترسم تصميم بعد تصميم وهي كاتحرك راسها مع الموسيقى…. فحين سماح وجمانة وهاندا كايشطحو باستمتاع فكل الجناح وساندرا جالسة فالسرير كاتحرك كتافها مع الأغنية…وزليخة عيات تحزر فساندرا تهبطها بدون فايدة وجلسات غيركاتتفرج من السقف …)■□تتمة الجزء 536■□

🍀🍀🍀🍀

ونمشيو لداخل محكمة المتحولين وبالضبط في مكتبتها الكبيرة والضخمة …ليهازة داخلها عشرات الآلاف من الكتب والمستندات القديييمة لي مدون فيها كل تاريخ المتحولين مند القِدَم حتى للآن ..وبعض الكتب القليلة لي كاتهضر على السحرة لي عُمرها ألف سنة حيت كما سبق الذكر معلومات المتحولين عن السحرة قلييلة …

وكتب وملفات ومستندات عن العشائر ..وكل قوى متحولين …والقانون العشائري …وسيرات ذاتية عن كل الرؤساء دمحكمة المتحولين لي كانو من قبل نيكولاي وجاسم وجبار ….وأيضا كتب عن الهجائن وكل المعلوممات عليهم ….هاذ الكتب والمستندات القيمة لي مرتبة ترتيب متقون فهاذ المكتبة لي ممنوع يدخل ليها شيواحد من غير رئيس محكمة المتحولين والعضماء الأبع ….

جالس على طاولة وسط المكتبة وناشر عليها عشرات الكتب وفيديه كتاب كايقراه بسرعة وبتركيز ومخنزر بعيونو الزرق …..وخليل لي واقف أمام رف عامر بملفات العشائر ..هز ملف وجلس كايدخل المعلومات لي فيه لحاسوبو ..ومرة مرة كايهز راسو كايشوف فيه باستغراب ..حتى تنهد بملل ونطق )

خليل :سليم ؟

سليم كايقرأ فالكتاب بتركيز ولعرق كايهبط مع جبهتو ماسمعوش…وخليل تنهد ووقف من مكانو وجلس قدام سليم دار يديه بجوج تحت ذقنو وطل كايشوف اش كايقرأ سليم …لقاه شاد كتاب كايهضر عن أنواع قوى هجائن المتحولين وحدودها …كتاب لي كاتبو جاسم …)

خليل :هاذ الكتاب راك كاتقراه لاماخفت نكدب للمرة لعاشرة ياك…

(سليم سد لكتاب بالجهد …ومسح على وجهو مخننزر وهز كتاب آخر حلو كايقراه )

(خليل طل تاني لقاه كايقرأ كتاب عن كيفاش كادوز فترة الحمل عند المتحولة …والحمل عند الهجينة ..والفرق بين الحمل بهجين والحمل بمتحول كامل …)

خليل: المعلومات لي فهاذ لكتاب كولشي عارفها و..(سكت ملي هز سليم فيه راسو بنخنزييرة )

سليم : سير لشغلك أخليل …

خليل تنهد بملل ونطق ببرود ) ولدك غايكون بيخير غير نتا لي مكبر الموضوع …

(سليم يالاه غايغوت فوجهو حتى ظهر أمامهم جبار مربع يديه ومخننزر فيهم بجوج ..وهما غير شافوه وقفو حانيين راسهم …جبار نزل نظرو للروينة دالكتب لي داير سليم وخنزر )

جبار : نقدر نعرف علاياش كاتقلبو حتى مخليين شغلكم ؟

خليل : ماشي أنا هوا …أحم كنستأذن لورد ( وتحرك رجع جلس بلاصتو قدام حاسوبو كايكمل خدمتو ..وجبار قرب من سليم وهو كايشوف فالكتب لي كان كايقرأ )

سليم لي غير كايعراق وباينة فيه معصب ) ماقادرش نجلس ونبقا غير كانتفرج فيها وشيحاجة داخلي كاتقول ليا فكل ثانية أنه حملها ماشي عادي أخوية …

جبار حط يدو على كتفو ) صبر شويا غير نشوف كل فحوصاتها وتقريرها الطبي ونهضرو فواش عادي ولا لا …فا بلا مادخل الوسواس لراسك أنا طلبت من المستشفى كل تحاليلها غايكونو وصلو للقصر ملي نرجعو غانشوفهم بنفسي …

سليم حرك ليه راسو بواخا )

جبار : ودابا غاترد كل هاذ الكتب بلاصتهم كييما كنت مرتبهم …ربع ساعة تبعوني لقاعة الإجتماعات كاين مشكل فجزيرة كارولاين فسجن المتحولين ….

خليل : أشنو واقع تما ؟

جبار ابتاسم وهو مخننزر ) والو غير المجرمين السجناء شبعو خبز وراحة وبغاو شوي دالرعب وكايقلبو على الشيطان
(واختفى بقوة التنقل )

سليم وخليل شافو فبعض )

خليل : مافهمتش اش قال ؟

سليم طرطق عظام رقبتو ) قاليك وصلوه معلومات من داخل السجن أن السجناء كايوجدو لشي تمرُّد …

خليل حل عينيه عالجهد ) امتا قال هاذشي ؟ ♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 537🕯

خليل حل عينيه عالجهد ) امتا قال هاذشي ؟

سليم : عاد دابا ..

خليل : ماشي هاذشي لي قال !!

سليم وهو واقف بلاصتو و كايهز الكتب بقوة التحريك الذهني كايتهزو ويتستفو بسرعة مكانهم ) : كون كنتي كاتفهم لغة ما بين السطور كنتي غاتفهمو …

خليل : قصدك لغة الألغاز لستاركية خليتهاليكم يا نوابغ أنا بقاو فيا غير دوك المجرمين السجناء …

سليم : علاش ؟

خليل ابتاسم ) كانو عايشين بيخير فقانون العم جاسم لي كان موفر ليهم كل شيء فالسجن تامن الانترنيت .. بحالا جالسين فأوطيل سانك إطوال جزيرة كارولاين كولها ديالهم ..وقاليك بغاو يتمردو .. (ابتاسم باستهزاء ) بربي تاحلو على ريوسهم باب جهنم معاه جبدو عليهم الشيطان وشحال تعطي حتى غايبدل كل قانون السجن دالعم جاسم وغايحيد ليهم كل هاذوك الامتيازات ليكان عاطيهم عمي … جبار غايخليهم يوليو ينعسو عالضس ويشربو الماء وياكلو لخبز …

سليم ابتاسم ) هه قصدك لخبز لكارم …خليهم هوما لي قلبو عليه … (كمل تستافو للكتب وشاف فخليل ) أنا مشيت للإجتماع …

خليل : تسنى ديني معاك (ووقق سد لابتوبو وهزو وتحرك وقف جنب سليم لي حط يدو على كتف خليل وتنقل بيه ظهرو فقاعة الاجتماعات لي فالمحكمة نيت )
🍀🍀🍀🍀

نرجعو لجناح جبار عند البنات …. زليخة مزالة معلقة فالسقف …وسميحة لي واخا الموسيقر مجههدة ناااعسة بلاصت ساندرا وكاتشخر …وأميرة مزال جالسة بلاصتها وغير كاترسم ..وفينما كملات شي موديل فلبلاصة كاتصورو بتيليفونها وتسيفطو واتساب لمالك لي كايطلع ليها vu …مكاتلقا منو حتى رد من غير انه شافهم وكاتقول مع راسها ماعجبوهش وكاتبدأ ترسم موديل اخر ولحد الان سيفطاتليه أربع تصاميم جوج منهم ملونين …

وساندرا جالسة فطرف السرير وكاتحرك جسدها مع الموسيقى وشادة تيليفونها كاتميساجا مع خالتها .. فحين هاندا واقفة كاتشطح بلاصتها …وسماح كاتشطح وهي كاتتحرك فكل الجناح وكاع لوسايد زلعاتهم …أما جمانة كاتشطح وغير كاتهز وتلوح لي جات قدامها كاتشخشخها حتى وصلات لطاولة راقية فيها لمجورة بزاف حلات أول مجر لقاتو عامر بملفات كلهم باللون الأسود وغير من اللون وتستيفة لي مستفين عرفاتهم ديال جبار …

جمانة كاتشطح وهي كاتشوف فالملفات ) نزلعكم ولا لا ؟

(ساندرا غير شافتها واقفة قدام ديك لكوافوز وهي توسع ابتسامتها وغوتات باش تسمعها حيت الموسيقى مجهدة )

ساندرا :لعزز أجوجووو واازلعييهم زلعييي…

زليخة فوقهم ) اش فدوك الملفات ..

ساندرا هزات راسها شافت فيها مخنزرة ) وسووقك …

(جمانة حلات اول ملف جبدات منو ورقة وهزاتها فيدها وراتها لزليخة هاذ الاخيرة لي خرجات فيها عينيها وغوتات )

زليخة : واااا لا بربييي أجمانة وتقيصيهم تااايقصمك على مئة طرف وماتبردش لييه… والله واخا يعرف يتسناك تااتولدي عاد يتحااسب معاك مغايزكلكش …وااحطي واش عرفتي قيمة هاذوك التصاميم راه راسمهم بيدوو.. راهم ماشي فوطوكوبي بل التصاميم الأصلية لي رسم من نهار بدأ فمجال الاختراع ..التصاميم لي مكايقبلش يبيعهم لكبار الشركات وتجي نتي تخربيهم ليه (شافت فساندرا ) زدتيي فييه أسااندرا راااه غايندمك نتي ويااها حتى للخدمة لا…

ساندرا مخننزرة فيها ) وااش سووقك …♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 538🕯

ساندرا مخننزرة فيها ) وااش سووقك …

(جمانة لي صفارت وردات ديك الورقة بشوووية للملف ورداتو بلاصتو وسدات لمجر بشويية وشدات كم لبودي ديالها مسحات بيه لكوافوزة كوووووولها ومشات كتجري جلسات جنب ساندرا كاضور فعينيها)

ساندرا كاتشووف فيها ) ياه على خوااافة …مسحتي بصماتك كاع …

جمانة : أختي لامع راجلك غاخليني نكون خوافة …

ساندرا : واهانتي نوضي حميمتك رونيليه حوايجو لي فدريسينغ روم غاخسري ليهم الطويان ورجعي جلسي …

جمانة كاضور عينيها) والله مكرهت راه هذا واحد من أحلامي منلي كنت طفلة و كنختارق جناحو …ولكن منقدرش صعيب راه فيه وسواس ترتيب الاشياء غايقصمني على مية كيما قالت زوزو …

ساندرا : ورااه الدريسينغ فيه غاااحوايجو ماشي وراق خدمتو وااا غالحوايج اجوجو عافااك ..

جمانة : أ لا هاو سيري رونيهم ليه نتي …

ساندرا : وأنا كرهت ورااه مانعني من أني نوقف ونتحرك…

زليخة فوقهم)هانتي هبطيني ونرون ليك حوايجو أنا …

(ساندرا وجمانة هزو راسهم للسقف شافو فيها )

جمانة : وليني مكاتحشميش بغيتي تظلي تتلمسي فحوايج أخي في حضرة زوجة أخي …

زليخة خرجات فيها عينيها ) واش تسطيتي تانتي كاتتوحمي عليا ولا؟

جمانة : تف تف تف شكيكو نتوحم عليك مالي تسطيت نخلي فرفوسي ونتوحم عليك أزعرة لبعرة ..

زليخة : يااربي الصبر … واا ساندرا بغيتي غاتروني ليه دريسينغ روم وحوايجو وهاذشي لاش جايبة لبنات واغاهبطيني ونفرجك اش ندير للدريسينغ …

ساندرا كاتشووف فيها ) واش بنتليك عندي لكرون ؟ باغا تقولبيني… نتي زوزو زمرة توقفي مع حزبنا حنا لبنات ضدد جباري و وتروني حوايجو ! …ونتي لي كاظلي دافعي على عشرانك وديما ضايرة فلبنات على قبلهم …علامن باغيا ضحكي نتي نهبطك باش تهربي ؟

زليخة ابتاسمات) وملي فيك هاذ الذكاء كاملو خاسك تكوني عارفة أنه ملي غايجي يشوف لبنات فجناحو وكيفاش ردوه ليه غايعاقبهن بسبابك.. ويالاه هبطيني نعاونك نرتبوه بحالا تاحاجة ماوقعات …

جمانة شافت فساندرا ) لعار خليها معلقة واحد لعام …

ساندرا :واخا …■□تتمة الجزء 538■□
ساندرا :واخا ..دابا ماغاترونيش ليه دريسينغ روم ؟

جمانة قلبات عينيها ) واااخا بشرط نوضي نرونوه ليه بجوج …

ساندرا : زيدي ( وناضو متتابعات دخلو للدريسينغ )

زليخة تابعاهم بعينيها ) نااري أجبار وفارس اشمن دنب درتو فحياتكم تا خديتو هاذ جوج عقوبات …

🍀🍀🍀🍀

داخل الدريسينغ روم ..وبالضبط فالجهة الخاصة بجبار واقفة ساندرا وجمانة قدام رف زجاجي عرييض شاد كل الحيط معلقين فيه كل بذل جبار الرسمية من أرقى ليكوستيم …)

ساندرا : بداي …

جمانة : بداي نتي …

سانردا : واا غير بداي نتي راك ختوو قلبو وبحال بنتو …

جمانة : ونتي راك مرااتو وصاحبتو وراك الدم لي كايجري فعروقو ومامات ولادوو فاغابداي عليك لامان…

ساندرا : زعما؟

(جمانة حركاتليها راسها بآه ..وساندرا غمظات عينيها ومدات يديها جرات الكوستيم لول لاحتو فالارض وتبعاتليه التاني والتالث والرابع والخامس حتى ساست ليه كل ليكوستيم ولاو منشورين فالأرض أكتر من ربعين طقم …عاد حلات عينيها كاتنهج )

ساندرا : نااري لاهيلا درتها ..

جمانة كاتصفق ليها ) براافو ودابا ندوزو للبودياات (وتحركو جيهة لبوديات لي كانو بالعشرات و مرتبهم بيديه مطويين ومرتبين ترتيب متقون حسب النوع دالثوب وحسب التصميم والألوان)

جمانة وهي كاتحرك راسها مع الموسيقى ) : غاغمضي عينيك وديري ليهم جرة وحدة بحال كيدرتي لليكوستيم…

(ساندرا غمضات عينيها وبدات تهز وتلوح على الارض حتى خواتليه كل لبلاكارات )

جمانة كاتصفق ) برافو احح حققتيلي واحد من أحلام الطفولة نتاعي ودابا ندوزو لليبوكسور ولا لي كرافاط ؟

ساندرا شافت فيها مخرجة عينيها )هاء قاولبتيني رونت بوحدي ونتي لا ؟

جمانة : وراه أنا غاااختو نتي رااك مراااتووو …

(ساندرا خنزرات فيها وتحركات ناحيتهة كاتكفض كمام الكسوة وجمانة كاترجع بلور هازة يديها )

جمانة : نااري حبسي نقولك نااري اصكعة راك حاملة وأنا حاملة خلي غاتنولدو وريشيني …

ساندرا : قاولبتييني فا مغانخرجو منهنا تاترونيلو حقك …ولا غانعلقك تعليقة زليخة

جمانة سرطات ريقها ) لا صاف غارصاي أنا غانرون …

ساندرا : هيا دابا نيت…

(جمانة كاضور فعينيها وهي تحنا هزات بودي دجبار من على الأرض وهي تزاوطو تلاح فالسماء وعاود طاح فالأرض بينها وبين ساندرا )

جمانة : هانا شاركت فالجريمة هانتي راه البودي فيه بصماتي (وابتاسمات )

ساندرا: كضحكي عليا ؟

جمانة : اتي لا راك توأم الرووح …

ساندرا يالاه غاتهضر حتى وحلات ليها الهضرة ملي حبسات الموسيقى ليكانت مجهههدة وولا كايتسمع فقط سكااات وهي وجمانة كايحسو بطاقتو العالية فالجناح …)

(جمانة خرجاات عينيها وشافت فساندرا ودارت ليها حركة بيدها بمعنى ^قفرتييها ^ وساندرا خرجات فيها عينيها يالاه غاتهضر حتى تحركات جمانة كاتجري ناحيتها اختارقات جسدها ومشات كتجري اختارقات الحيط الأمامي د الدريسينغ صدقات فلكولوار ومشات كاتجري هاربة لجناحها وهي كاتشوف موراها )

ساندرا بقات واقفة مكانها مخرجة عينيها كاتشوف فنقطة وحدة فالحيط لي اختارقات جمانة حتى سمعات صراخوو باسمها وهي تقفز من مكانها ومشات كاتجري خرجات من دريسينغ لقاتو واقف مخنننزر وهو مربع يديه وأمامو واقفات لبنات مستفات… أميرة وهاندا وسماح …حانيات راسهم وسكااات كايتسمع غير صوت شخير سميحة ….)♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 539🕯

جبار دور راسو شاف فساندرا مخنننزر ) قربي …

(ساندرا سرطات ريقها وقربات حتى وقفات جنبو …وهو رجع حول نظرو للبنات لي ماقاداتش يهزو فيه راسهم )

جبار : اش واقع هنا ؟ (وغووت )و اييييمتا سمحت لشييي وحدة منكن تعتب باااب جناااحي ؟

(لبنات تقطع فيهم النفس وجاتهم لبكية مخلطة مع لبولة والسخفة …حتى وقفات ساندرا قدامهم بينو وبينهن وربعات يديها مخنزرة )

ساندرا : عاود شقلتي …

جبار هز فيها حابجو وغووت ) ساااندراا…

ساندرا قفزات ) أنعاام …

جبار : حيدي من قدامي…حسابك غايكون من بعدهن ..

ساندرا : لا وكيما هذا جناحك راه تاهوا جنااحي ندخل ليه لي بغيت ووقتما بغيت وبلا ماتغوت على لبنات حيت مكانوش بغاو يدخلو أنا وبصفتي رئيسة العشيرة أمرتهم …

سماح بزز نطقات ) آه آه اخوية احم لورد جبار ويلا ماتيقتيش راه كاميرات لباب سجلو كل شيء الليدي ساندرا عطاتنا أمر مباشر وإجباااري ندخلو ودخلنا …

(ساندرا وهاندا وأميرة حركوليه راسهم بآه وهو مسح على وجهو بعصبية وخنزر فييهن ونطق بصراخ وبنبرة تهديد )

جبار : هاذ حجج لبراهش خليوهم عندكن وأول وآخر مرة غاندوزها …ودابا (غوووت ) برااااا…

(لبنات لي كايقفزو مع كل كلمة كايقولها ..وغير نطق برا تحركو يخرجو و شي غادي لليمن وشي غادي لليسر وشي غاديليهم بجوج حتى دخلو فبعضياتهم وجاو طايحات بتلاتة منشورات قدامو وهو زيير على يديه وساندرا مخرجة فيهن عينيها …عاد جمعو الوقفة هاندا وسماح خرجو كايجريو وأميرة بقات واحلة قدامو محنية كاتجمع فوراقها وأقلامها لي تشتتو…جمعات لوراق ولكن الأقلام بلخلعة يديها مكايجمعوش لي هزاتها كاطيح ليها …)

جبار مزير على سنانو وغووت ) أميييرة …

(أميرة قفزات وسمحات فأقلامها وخرجات كاتجري وهي هازة أوراقها ..وسدات موراها لباب )

(جبار شاف فساندرا مخنززر ويالاه غايهضر حتى سمع صوت ^أحم ^ جاي من فوقو وهو يهز راسو )

زليخة معلقة فالسقف فوقهم ) سلام جبارو …

ساندرا غوتات ) واااش نتي مكاتحشمييش …

زليخة : الله يهديك واش مانهضرش معاه كاع ..

(ساندرا شافت فجبار لي هاز راسو كايشوف فزليخة كايحاول يفهم كيفاش تامعلقة ليه فسقف جناحو ..وتعصباات حيت كايشوف فيها وهي توقف قدامو وحطات يديها على حناكو حنات ليه راسو حتى ولا كايشوف فيها هيا وغوتاات )

ساندرا : آه ماااتهضرييش مع رااجلي …□■تتمة الجزء 539■□

ساندرا : آه ماااتهضرييش مع رااجلي …

جبار هز فيها حاجبو وزليخة تأفأفت )

زليخة : وااخا والله منشوف فيه ولا نهضر معاه غاهبطيني …

ساندرا :لا خلييك تم …

جبار : كيدرتي حتى علقتيها ؟

ساندرا : تعويذة ^الجذب ..^ تعويذة كاتسمحلي نخلي جسد أي شخص كالميغناطيس كايتجدب لأي شيء بغيت أناا ويلسق معاه حتى نبطل أنا التعويذة ..وطبقتها علييها …

جبار : وعلاش ؟

ساندرا خنزرات فيه )حييت مابغاتش تفرق عليها راجلي …

(جبار يالاه غايهز راسو يشوف فزليخة حتى زيراتليه ساندرا على خدودو ماخلاتوش يهز الراس ..وشاف فيها لقاها مخننزرة فيه )

جبار : نزليها ..!

(ساندرا ياالاه غاترفض حتى خنززر فيها وهي تتنهد وجراتو من يدو حتى بعدو خطوة على لفوطوي …وهي تهز يدها موجهاها لزليخة وحركاتها دائريا )

ساندرا : تيراميسورابي نايتورابي….(وفثانية تفصل جسد زليخة عن حيط السقف وهي تغوت منلي طاحت وجات مخبوطة على وجهها فوق الفوطوي ..وهي تتكعد جالسة حتى طرطقوليها عضام الظهر )

زليخة :أحح حرام عليك أساندرا ولكن غاندوزهالك وغير على قبل لوحم …

ساندرا : هاذ المرة تقربيلي لجباري ننفيك..

زليخة : أويلي (شافت فجبار ) واش غاتبقا ساكت ..

ساندرا جات قدام جبار باش درقو على زليخة وكاتهضر بعصبيية وهي كاتحرك يديها ) آه غايبقا ساكت عندك شيهضرة قووليها لياا أنااا و.. (سكتات ملي شدها من دراعها وجرها حتى كل جسدها ضار ..ضورها عندو ملسقها مع صدرو ودور يد وحدة على خصرها …وشاف فزليخة مخنزر )

جبار : خرجي …

زليخة تنهدات ) أمرك ..(ووقفات شادة ظهرها وزادت خرجات وسدات عليهم الباب )

ساندرا حاولات تنتر منو ) وااطلق مني …

جبار زير عليها فحظنو وغوت ) أشنو هاذشي هااا وأشنوو قلت ليك أنا قبل مااانخرج !!! قلت ممنوع كترة الحركة ممنوع تبقاي واقفة وتتعصبييي ….

ساندرا : وراه ماتحركتش أنا بزاف راه ماشطحتش لبنات لي شطحو (وحاولات تحيد ليه يدو ) وااا طلق منيي…

جبار : قبل ثواني جباري وراجلي ! ودابا طلق مني !!

ساندرا تزنكات وهي مخنزرة فيه ) حييت وااخا هاذشي مزاالني مقلقة منك ..

جبار : بصح (وقرب منها حتى قربو شفايفهم يتلاصقو وحبس كايتسنى ردت فعلها ..وساندرا بلا ماتحس على راسها دورات يديها حول عنقو ميلات راسها وتعلات على صباع رجليها …كاتستنشق فعطرو وباستو فعنقو … وهو ابتاسم ويالاه غايبوسها حتى سمع صوت الشخير لي تجهد …ساندرا خرجات عينيها حيت نسااتها كليا وشافت فالسرير …وجبار دور راسو باستغراب حتى بانتليه سميحة ناعسة ليه فوق سريرو وعلى وسادتو ولايحة كل رجل فجيه …وهو يعض شفتو بعصبية ورجع شاف فساندرا مخننززززززر )

ساندرا مزنكة ) غانسيتها والله أنا نفيقها (ويالاه تحركات ناحية سميحة حتى شد يدها وقفها …وبلا مايهضر توجه للسرير ومد يدو حطها على جبهة سميحة تفقد حرارتها ..وبعدها هزها بشويية بين يديه وهي ناااعسة وشاف فساندرا لقاها مخنزرة فيه …)

جبار : شويا وغانرجع بقاي هنا حتى نرجع باش نعطيك عقابك …

(واختفى من مكانو وهو هاز سميحة بين يديه …ظهر فلكولوار وتمشى بخطوات سريعة فاتجاه جناح خوه …)♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 540🕯

🍀🍀🍀🍀
عند جمانة لي بعدما خرجات كاتجري هاربة من دريسينغ خوها …اختارقات حيط جناحها ووقفات كاتنهج …)

جمانة : ناري ناري ناري فلتت منها لاهيلا …غايكون زعمة دفن لبنات حيات ..ولا يكون حنطهن ..ولا زعما يكون غاعلقهم حدا زليخة وجلس كايتفرج فيهن ….لاهيلا فلتت منها بدكائي الخارق (ابتاسمات بشر ) أولبنات كايظلو يقولو جمانة مكلخة أررررررعد خلييهم دابا يفكوها معااه نوريهم شكون لي مكلخة …او بقات فيا غا توأم الروح كان خاسني نجرها معايا ملي هربت نهربو بجوج ولكن الخلعة نساتني ..(سكتات قافزة منلي نطق )

فارس :معامن كاتهضري ؟

جمانة دورات راسها بانليها واقف قدام باب الدوش لاوي فوطة على نصو ….)

جمانة : غامع راسي أفرفوسي …

فارس قرب منها تاوقف قدامها مخنزر ) أشنو درتي هاذ المرة ؟

جمانة كضور فعينيها ) : أش درت ؟

فارس : آه أشنو درتي ؟

جمانة ابتاسمات بشر وهي طير ليه الفوطة تاولا عريان ..وهي بسرعة حيدات لجينز ولبودي بقات غابدو بياس ) أجي أجي نعاودلك أش درت…(وهي طير عليه ببوسة وهو ماعطلهاش هزها كالريشة من خصرها لاوي ليها رجليها على خضرو وهو كايبوسها وتحرك بها للسرير… )

🍀🍀🍀🍀
عند أميرة لي دخلات لجناحها وهي هازة كل التصلميم لي رسمات …حطاتهم على السرير وبقات واقفة كاتشوف فيهم )

أميرة : ناري اللورد شينهار يسكتلي القلب ..وكل ملوناتي بلخلعة خليتهم مزلعين فجناح ساندرا ..باش غانكمل التصاميم دابا..خاس نكملهم قبل مايرجع مالك …ماعندي ماندير غانخرج نشريهم (تنهدات وتحركات للدريسينغ لبسات كاب طويل وهزات صاكها وسوارت وحدة من سيارات مالك ..وخرجات من لقصر وقفات قدام واحد من ليكارد وعطاتو كونطاكط السيارة )

أميرة : ممكن تخرجهالي من لباركينغ…

الكارد حنا راسو ومشا ينفد ..وهي بقات واقفة مكانها قدام باب القصر حتى وقفات قدامها سيارتو ..وخرج بملامحو الوسيمة الباردة ..تحرك تاوقف قدامها )

خليل : سلام ..

أميرة ابتاسمات له ) سلام …

خليل شاف فساعتو كانت 10 ليلا ) خارجة فهاذ الوقت ؟

أميرة :أحم آه خاسني ناخد شيحاجة ضرورية …

خليل : فين مالك ؟ ماجاش اليوم كامل للمحكمة حتى من الاجتماع لي دارلينا اللورد جبار ولي كان مهم بزاف هو ماحضرش ليه …

أميرة سرطات ريقها ) : هو فالشركة أحم كاين مشكل فلخدمة كايحلو …

خليل : قولي اش خسك لليكارد يجيبوه ليك ودخلي للقصر ..

أميرة :لا خاس نختار راسي غانمشي دغيا نرجع ماغاديش نتعطل …

خليل تنهد وحل ليعا باب سيارتو ) ركبي …

أميرة : نعام ؟

خليل : ركبي غانديك فين بغيتي ونرجعك ماتمشيش بوحدك فهاذ الوقت …

(أميرة تفكرات تهديد مالك وتنبيهو لها تبعد من خليل وماتشاركش معاه لهضرة…ويالاه غاترفض حتى ماعطاهاش خليل فرصة ..شدها من دراعها دخلها لسيارتو وسد عليها الباب وركب وكسييرا )

خليل نطق بلا مايشوف فيها ) لفين بغيتي تمشي ..؟

أميرة :خليل غير حطني غانمشي بوحدي …

خليل : فنظرك مالك غايعجبو تخرجي فهاذ لوقت بوحدك ؟ وواش ماشي ناقصة إيلا عمي فيليكس عرفني خليتك تخرجي بوحدك فهاذ لوقت ؟

أميرة شافتو خرج من بوابة أسوار القصر ) واصافي غير رجع رجعني غانسخر ليكارد …

خليل دور راسو شاف فيها لثواني من بعد رجع كايشوف فالطريق ) إذن مالك مانعك تهضري معايا ؟…

أميرة خرجات فيه عينيها وماجاوباتش ..وخليل ابتاسم ونطق ببرود )

خليل : مكايهمنيش اش قال مالك ..كاتبقاي بنت عمي ووحدة من عشيرتي مغانخليكش تخرجي بوحدك فهاذ الوقت …

أميرة : واخا غير سربي …

خليل كسيرة زايد فالسرعة ونطق ببرود ) واش نديك لمرجان ؟ بغيتي تاخدي أولويز ؟ ■□تتمة الجزء 540■□
خليل كسيرة زايد فالسرعة ونطق ببرود ) واش نديك لمرجان ؟ بغيتي تاخدي أولويز ؟

أميرة دورات راسها مززنكة ومخرجة فيه عينيها ) ك كيفاش..؟

خليل : خارجة مع لعشرة دليل باش تاخدي شيحاجة لي هي مستعجلة فا أكيد هاذ لحاجة هي فوط صحية ؟

أميرة مسحات على وجهها ) زيد لأكبر مكتبة فكازا زيد ..

خليل : وايلي خارجة فهاذ لوقت تقلبي على كتاب وا راك فعلا تبليتي لي شافك يقول كاتكمي لكتوبة ؟

أميرة غوتات ) خلييل وااا كسيري طلقني…

خليل تنهد وزاد فالسرعة للحد …)
🍀🍀🍀🍀

(نرجعو لعند جبار لي اختفى من مكانو وهو هاز سميحة بين يديه …ظهر فلكولوار وتمشى بخطوات سريعة فاتجاه جناح خوه …وغير وصل وهو يتحل الباب فوجهو وخرج سليم مخنزر وغير شافو هاز سميحة وهو يخرج عينيه )

سليم :مالها ؟ وفين كانت …؟

جبار : ششت تهدن هي بخير غير ناعسة وكانت فجناحي مع ساندرا ولبنات ….

سليم عاد تنفس براحة ) خفت بزاف ملي مالقيتهاش بلاصتها وعاد الطبيبة لي قالت ماشافتهاش مافهمتش لاش جايبها ملي خلاتها بوحدهاا …

( جبار خنزر فيه يهضر بشويا حيت سميحة ناعسة …و دخلها للجناح وسليم تابعو ..و بانتليه طبيبة سميحة واقفة جنب السرير مزننكة وحانية راسها فهم أن سليم غوت عليها ملي مالقاش سميحة ….جبار حطها بشوية على سريرها وسليم غطاها …)

جبار شاف فطبيبتها) واش وصلو كل تحاليلها…؟

الطبيبة حركاتليه راسها بآه وتوجهات لكوافوز هزات ملف مداتوليه )

جبار شدو وشاف فيها )والإبر لي طلبت ؟

الطبيبة : راهم فوق لكوافوز لورد …

جبار : غانتبع وضعها هاذ الليلة فا خودي باقي اليوم إجازة يمكنليك تخرجي …

(الطبيبة خرجات وجبار حل الملف كايقرأ فيه بتركيز وسليم وقف جنبو كايقرأ معاه ومافهم والو فيه )

سليم : أشنو ..

(جبار حط يدو تحت ذقنو وعينيه على الملف باستغراب …حطو جنب وتحرك كايركب لسميحة الصيروم ..وسليم غير تابعو بعينيه )

سليم : جبار ؟

جبار كايهضر وهو كايركبلها الصيروم ) كيما كنت متوقع ..كل مؤشراتها الحيوية عادية ماعندهاش فقر دم وماعندهاش ضعف فجدار الرحم او غشائه..أو ف الرحم ككل …

سليم : إذن أشنو سبب ضعف الجنين لي حسب ماقالت الطبيبة كلما كايكبر داخلها كايضعاف ؟ وأشنو سبب ضعفها هي شوف شحال خسرات دالوزن .. وواش بصح غاتولد بلفتيه وولادة مبكرة وعلاش ؟

جبار هز إبرة دقهاليها فالصيروم ) : علاش..؟ سؤال لي مايقدرش الطب يجاوبنا عليه أ سليم حيت أي طبيب فالعالم قرأ هاذ التقرير (وهز الملف ) غايقوليك بلي مراتك ماعندها وااااالو (لاح الملف وتحرك جلس فالسرير جنب سميحة …وسليم كاينهج مخرج عينيه)

سليم : يعني كيما قلت ليكم صباح فالاجتماع ..حملها ماشي طبيعي ياك …

(جبار تنهد ومد يدو حطها على بطن سميحة وغمظ عينيه بتركيز تااام و حوَّل كل طاقات قواه التسعين …لقوة وحدة وهي قوة ^ قوة رادار استشعار القوى ^ بحيث صخّر كل طاقتو الهائلة لهاذ القوة بوحدها ..وبدأ كايتحسس الطاقات لدرجة حس بكل قوى المتحولين لي فكل مدينة الدار البيضاء وقدر بسهولة يحدد نوع قواهم فرد بفرد ومدى حدتها ودرجتها …كل متحول ومتحولة وهجين وهجينة …كايتواجدو فلمدينة حتى من الأجنة ..ولادو التوأم وجنين جمانة حس بطاقاتهم وعرف أشنو هي قواهم …ولكن ماحس حتى بذرة طاقة لجنين سميحة …..

جبار زير على عينيه لمغمضين بملامح عصبية حتى عروق جبهتو تطراساو وهو كايزيد يضغط على نفسو محاولا يتحسس ولو شعرة طاقة للجنين بدون نتيجة….حل عينيه كاينهج وهو مخنننزر وساااهي كايفكر …

سليم : حسيتي بشيحاجة ؟

جبار وقف كايشوف فخوه) مابغيتش نعطي حكم مسبق ونقول أنه عندك الصح وحمل سميحة ماشي طبيعي نهائيا …

سليم : إذن ؟

جبار مسح على وجهو ) : ولكن مادام طاقة جنينك مابايناش و لهاذ الدرجة خفية ..فا يا إما غايكون أقوى متحول بقوة الدرع … وعندو طاقة درع فائضة..وهذا احتمال ماشي وارد حيت قوة الدرع ماعندها حتى علاقة بضعف الجنين او تراجع صحة سميحة ..أو ياا إما غاتكون عندو قوة …(وسكت )

سليم : قصدك غاتكون عندو قوة سامة ؟♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 541🕯

سليم : قصدك غاتكون عندو قوة سامة ؟

جبار شاف فيه ) : ممكن …القوى السامة خطيرة بزاف من أخطر القوى … وبعضها خطير لدرجة كاتقتل حتى صاحبها لي مكاتكونش عندو مناعة ضدها .. ممكن تشوه أو تشلل أو تاكل جسد صاحبها…وهنا مادام سميحة حامل بهجين أي ماشي متحول كامل لي ماغاتبان قوتو حتى يتولد ^بل هجين لي سميحة طبيعي غاتحس بقوتو وتأتر عليها طول فترة الحمل ..ممكن تكون هاذ القوة السامة هي السبب فضعف الجنين وهي لي مأثرة على صحة سميحة … هذا مجرد افتراض أسليم

سليم : راه فكرت فهاذشي وهاذي يوماين وأنا كاندرس كل الكتب لي كاتهضر عن كل القوى السامة لي شهدها تاريخ المتحولين وأخطرها… وماكاينة حتى قوة سامة عندها خاصية إخفاء الطاقة ..فا أ جبار نقوولو ولدي عندو قوة سامة … علاش لداابا مزال مكانحسوو بطاقة هاذ القوة …

جبار ابتاسم ) : واش بحثتي فالقوى السامة المنقرضة ..؟

(سليم خرج عينيه )

جبار تنهد ) لستاركس أسليم أول عشيرة كايتولدو أفراد أجيالها بقوى منقرضة كانت فقط قبل ألف سنة وكولشي عارف هاذشي …من لواليد(الاستنساخ) ..للواليدة (الدرع) ..ودابا لولد فارس (جنين قوة التحكم بالجاذبية ) لي كل العشائر تصدمو ملي عرفو أشنو هي قوتو لي آخر واحد عندو بحالها هو أحد أقوى الرؤساء لي مرو عبر التاريخ فالعشيرة ^البلغارية ..عشيرة آلبلوغريس^ ولي عندو حاليا كتر من 100 سنة وهو عجوز ومريض …ومنو أنا استنسختها ..وغيرو هو فكل هاذ العالم عمر شي متحول تولد بهاذ القوة حتى لجنين فارس ….فا حط احتمال أن ولدك ممكن تكون عندو قوة سامة منقرضة ونادرة …وبحث فهاذشي مزيان أسليم …خاسنا نلقاو هاذ القوة السامة لي عندها خاصية إخفاء طاقة المتحول …

(سليم لي معالم الصدمة مرسومة على وجهو ) غ غانبحث …

جبار شاف فسميحة وهو ساهي فبطنها ) ويلا مالقيتي والو ديك الساعة غايكون وضع سميحة عندو تفسير واحد …

سليم : أ أشنو هو ؟

جبار : السحر …

سليم خررج عينيه ) كييفاش ؟؟

جبار : قلت مابغيتش نعطي حكم مسبق يا سليم (شاف فيه ) وإيلا كان وضع سميحة عندو علاقة بشي تعويذة تلقات عليها عن بعد …أو بالسحر ككل كانت ساندرا غاتحس بهاذشي فا حتى هاذا كايبقا احتمال بعيد …دابا ارتاح وصباح غير تفيق قصد مكتبة محكمة المتحولين بحث مزيان فالقوى السامة المنقرضة…

سليم حرك ليه راسو بواخا …وجبار وقف واختفى من مكانو …ظهر وسط جناحو لقاها جالسة على السرير مخننزرة فيه ..ابتاسم وربع يديه )

جبار : فين خليناها ؟

ساندرا هزات وسادة ضرباتو بيها وغوتات ) علالاش ؟

جبار شد الوسادة وشاف فيها ببرود ) علاش آش يا سمرائي ؟

ساندرا وقفات منعلى السرير ومشات بخطوات سريعة وقفات قدامو وضرباتو لصدرو ) وااعلاش تهز سميحة علاش واش ماعندها راجلها يهزهااا واش من زليخة زمرة لسميحة الزعترة وااش كديرها بلعاني …

جبار ابتاسم ) وحمك هذا عااجبني (وغمزها )

Leave a comment