Skip links

قصة : الوحش وذات القزحتين الجزء 2 ( عشق جبابرة) ج 58

 40,139 عدد مشاهداات

■□تتمة الجزء 510■□

جبار غووت ) علاش مستهينة بيا لهاذ الدرجة يا ساندرا …كاتتعاملي على أساس أنك نتيييي هي أقوى كيان خارق فصنفك وأنا أضعف واحد فصنفي !! فييقي وحلي عيينيك راك قلبتي الآية… كل القوة والذكاء فيدي فآخر مرة تستهيني بيا …

ساندررا غوتاات ): جباار أنا عارفاااك قوي ولكن هذاااك الكتاب أقوى مني ومنك وهاذي هي الحقييقة بغيتي ولا لا…

جبار تنهد ): خالفتي كلمتي وخرجتي من جناحك عاد هاذ نصف ميترو لي لابسة وهاذشي لي فوجهك فا وجدي راسك لعقابك ودابا تحركيي قدامي..

ساندرا قاطعاتو كاتغوت) مااابغييتش لا سمعتي (غوتااات) لالالا ومااغاتبقاااش تتحكم فيااا وماغااانبقاش ندير داكشي لي كاتقولياااا ماااغااانبقاااش فجنااحي…و مااغانتحرك من هنااا حتى تسمح لياااا وتعتاااذر مني على معاملتك ليا طول هاذ الأيااام سمعتي وإلا …

جبار هز فيها حاجبو ) : وإلا …؟؟

ساندرا مخننزرة فيه وضرباتو لصدرو بقوة بدون مايتزعزع وهي كاتبكي وكاتغوت ) وإلا غاااانمشي فحااالي يا جباار …غاااانمشيييي وهااذ المرة غااانمشي باش نخلييك حييت وصلت للحد فصبري… لازدت معاك غير يومان بهاذ التعااامل ديااالك المستفز غانتاحر ….فاااا دااابااا غااتعتااااذر مني وغااتواعدني عمرك تعااود تتعامل معاايااا هكاااا …. ولا غاانمشي فحااالي ونتا عااارف وااخا تحبسني فالتلث الخالي بتعويذة وحدة غانتنقل لفين بغيت …ونقدر نخفي مكاني بطريقة عمررك تلقاااني وااخا تستاعن حتى بالسحرة ماشي غالمتحولين …

جبار ابتاسم ) : نعتاذر …!!(شدها من دراعها مخننزر فيها وجرها حتى تقابل وجهو مع وجهها…حط يدو على خدها والأخرى دورها على خصرها ونطق ببرووود ) علاياش نعتاذر بالضبط هاااا عالشمتة لي شمتيني.. وعلى انعدام تقتك فيا لدرجة خايفة وعايشة فحرب نفسية خلاتك تفكري تغذريني وتاخدي حبوب منع حمل وأنا آخر من يعلم …ولا أكما بغيتي نعتاذر على تفكيرك فأنك تمشي مع خالتك وهذاك عمك (زيير على خصرها ..وبيدو الأخرى لي على خدها كايمسح كل دمعة طاحت منها )…ونعتاذر على غباااااائك ونتييييي عااارفة أن هذاااك الشماااتة الخواف دثيون وباقي سحرة السحر الأسود كايتسناو غير امتى تخرجي من المغرب ومن نطاق حمايتي باش ياخدوووك …فا قووولي ليا علاياش خاس نعتاااذر فهاذو بالضبط …

ساندرا ساهية فعينيه وهي كاترجف بين يديه ) : ولكني أناا قاادرة نحمي راااسي …

جبار : بصااح (دفعها) إذن سيييري …

ساندرا كاترعد بالأعصاب وسرطات ريقها ونطقات بصدمة ) أشنوو ؟

حبار غوووت وكايهضر بصراااخ تسمع فكل المكاان ) سييييري ياااك قاااادرة تحمي رااااسك ؟؟ يااااك ماكاااتيقيييش فيااااا وفقدراااتي..؟؟؟ إذن تحركييي من قدااامي سيييري فحاالك سيييري …

ساندرا غوتات ) نتاااا أنااااني (ودفعاتو من صدرو وكاضرب فيه بكل جهدها وهي كاتبكي بدون وعيها ) ومغرووور نتاااا نرجسييي …ماااغااديش نسمح ليييك يااا جبااار ماغااانسمحش وإيييلا كنتي نتاااا اللوووورد الأول أنااا المختااااارة سمعتييي والكووونتيسة وفيدي مصييييرك نتا وصنفك … فاااابغييتيني نمشييي غااانمشييي (وبسرعة حيدات خاتمها دالزواج ^قلب الأبدية ^ من صبعها ضرباتو بيه بالجهد لصدرو كاااتغوت حتى بحات ) غااااانمشييي غااانمشييي وعمرك غاااتلقاااني

جبار شد ليها يديها باش كضربو و غوت وهو مخننزر فيها) : سااااندرااا …🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 511🕯

جبار شد ليها يديها باش كضربو و غوت وهو مخننزر فيها) : سااااندرااا …

ساندرا غوتات ) ماااغاتخلعنيييش سمعتي مااابقييتش كنخاااف منك ومااعمرني غاانعاود نتييق هضرتك وكلمات حبك وغزلك حييت كووولشي كدوووب نتا مكااتبغينييش على كل هاذشي لي خليتيني نعييشووو مكااتبغينييش نتا راك…(وسكتات مخرجة عينيها وحطات يدها على كرشها ملي حسات بالطاقة الغريبة داخلها مرة أخرى وهاذ المرة مجههههدة وحسات بعدها بلوووجع حتى غوتاات بألم )

جبار كايشوف فيها صفارت وهي شادة كرشها كاتغوت ) مالكي ؟

ساندر (تحنات مدورة يديها على كرشها ) : أي أي لا لا لا (شافت فيه ) لا لا …

جبار غوت ): أشنو لا ؟مااالكيي؟

(ساندرا ميلات فمها وبدات تبكي من حر لوجع ومن احساسها بهاذ الكم الهائل من طاقة المتحول داخلها فا غوتات وهي كوولها كاترجف ) وااا لا مااابغييتش لا لا لا غاايموت لياااا وغاانموت أنااا مابغييت ندي معاايا تاواحد ..
مااابغيت يموت فطريقي تاواحد لا مابغييتووووش مااابغيييتووووش …

جبار شد يدها مخنزر فيها ) أشنووو كاتخربقيي ؟

(ساندرا شافت فيه ويالاه غاتهضر حتى بدأ كايبانليها منو جوج ..وبعدها أربعة وبعدها ولات تشوف ستة منو ..وكولشي كايضور حولها وبزز كاتنفس …وجبار كايشووف فيها كيفاش عينيها كايتقلبو …ثواني حتى غيبات وهو بسرعة شدها وغوت)

جبار : ساااندرااا ( ويالاه غايهزها غير حط يدو على بطنها وهو يجمد مكانو مبلووكي ..وهو كايحس بطاقة غير طاقتها السحرية… طاقة جد مرتفعة لهجين وتقريبا ضعف طاقتو ..نزل نظرو لبطنها وفعل قوة رادار استشعارو للقوى وهو يزيد يخرج عينيه وسرط ريقو وعاد فهم كلامها …بدأ كايتنفس بسرعة وعينيه غير على بطنها خذا يدها بسرعة قلب نبظها من بعد هز مونطوها لواهليها على رجليها حيت الكسوة قصييرة …عاد هزها وتحرك كايجري ولونو مخطوف حتى وصل لسيارتو ..حطها لور وركب وكسييرا ….
🍀🍀🍀🍀🍀
في مستشفى لستاركس وبالضبط فغرفة الفحص متكية جمانة على سرير الفحص ..وواقفة عليها هاندا معرية ليها كرشها لي مدهونة بجيل خاص وكادوز عليها جهاز …وواقف جنبهم فارس وبتلاثة بيهم عينيهم على الشاشة …

هاندا ابتاسمات ) هاااهوا بان شفتوه …

جمانة :مابان ليا واالو …

هاندا : حيت مزاالو صغييور شفتي ديك نقييطة صغييورة ..

جمانة : يااه دبا ديك النقطة هي حيدر..■□تتمة 511■□
في مستشفى لستاركس وبالضبط فغرفة الفحص متكية جمانة على سرير الفحص ..وواقفة عليها هاندا معرية ليها كرشها لي مدهونة بجيل خاص وكادوز عليها جهاز …وواقف جنبهم فارس وبتلاثة بيهم عينيهم على الشاشة …

هاندا ابتاسمات ) هاااهوا بان شفتوه …

جمانة :مابان ليا واالو …

هاندا : حيت مزاالو صغييور شفتي ديك نقييطة صغييورة ..

جمانة : يااه دبا ديك النقطة هي حيدر..

هاندا :ههه آه (شافت ففارس لي مبتااسم وهو كايشوف فالشاشة ) تبغيو تسمعو نبظ قلبو …

جمانة : آه آه خدمييه…

هاندا خدمات جهاز وبداو يسمعو نبض قلبو ..فارس غمظ عينيه وجمانة عينيها دمعو )

جمانة : واش صحتو مزيانة ياك هو بيخير ؟

هاندا : آه بييخير جنين قوي ..وتقريبا فعمرو أسبوع ونصف

جمانة شافت ففارس لي ساااهي فالشاشة ) شفتييي قلتهاااا ليك من المرة لولا حملتيني ألخوينز …

فارس ساااهي فالشاشة ) آه ..

جمانة : أيي علييك أفرفووسي ماعندي موشكيل نبقا نولد ليك ونزيد نولد تاتشبع

هاندا تزنكاات ) أحم …

فارس عاد فاق وشاف فجمانة مخننزر بمعنى سكتي )

جمانة هزات فيه حاجبها ) :امبقااش تخنزر فيا راه غاتخلعلي حيدر ومايبقاش يحملك ..

فارس مسح على وجهو وشاف فيها مخنزر ) ماغانعاودش

جمانة شافت فهاندا لي بزز حابسة ضحكتها ) راه كليت بزاف من تراب عنداك يكون ضرو …

هاندا حركات راسها بلا ) هو بخير وصحتو مزيانة وغير يخرجوليك التحاليل نشوف صحتك نتي ونعطيك نظام غذائي خاسك تبعيه …

فارس :علاش واش عليها شي خطر…

هاندا :لا غير باش تدوز فترة حملها بخير ونوريها الأكل لي مخاسهاش تاكلو والأشياء الأساسية لي خاسها تاكلهم ..وبالنسبة للتراب خاسك تردليها البال ماتكترش منو يعني شويا باراكا ..أنا غانمشي دابا نشوف تحاليلها غايكونو خرجو ونرجع عندكم (وخرجات غير سدات عليهم الباب جات طبيبة كاتجري وقفات أمامها )

الطبيبة :هااندا …

هاندا : أشنو وااقع أنعيمة شووفي جيت غير مع ولد عمي وبنت عمي مراتو نفحصها حيت حاملة ماغانجلسش شويا وغانمشي معاهم فا إييلا كانت شي عملية مستعجلة حوليها للطبيب خليد ولا الطبيبة نورة أنا كونجي …

نعيمة (الطبيبة) ماااشي هاذشي جيت نقوليك راه الدكتور جبار عاد دخل دابا للمستشفى وهو كايغوت بعصبية على المكلفين جهزوليه غرفة المستعجلات كان هاز بنت مغيبة ..راه دخلها لهاذيك الغرفة (وأشارت ليها على غرفة فأول لكولوار ) وطلب تاحد مايدخل عندو كانظن كايفحص لبنت بنفسو ..الدكتور عدنان والدكتور غسان أصحاب المستشفى مكاينينش فا مالقيت لمن نقولها …

هاندا مخررجة عينيها ) أويلي ساندرا واش ماعرفتيش اش عندها …

نعيمة :لا وحتى الدكتور جبار معصب تاحد ماقدر يسولو …

هاندا : واخا شكرا غير سيري أنا نتصرف (الطبيبة مشات ..وهاندا تحركات كاتجري في اتجاه الغرفة لي فيها جبار حتى بدأ تيليفونها كايصوني جبداتو لقاتها شيماء وبسرعة شدات الخط ونطقات )

هاندا :عمتييي مال ساندرا أشنو عندها ؟

شيماء باستغراب ) ساندرا ! كيفاش ؟ أنا عيطت عليك نسولك على جمانة ونقوليك تسناونا هانا جاية أنا وعمك جاسم وتابعنا سليم ومراتو ووسيم ومراتو نشوفو جنين جمانة ؟ فا آش جاب ساندرا للهضرة ؟

هاندا وقفات مكانها قظام غرفة الفحص كاتسرط ريقها بتوتر ) أ أ عمتي أحم أنا دب دبا جمانة بيخير ..

شيماء : هاااندرا هضري مقااد أشنو وااقع ؟كييفاش ساندراا مالها وفينها ؟

هاندا :ماعرفتش يالاه كملت فحصي لجمانة وخرجت من عندها حتى كايقولوليا بلي جبار عاد دابا دخل ساندرا للمستعجلات ماعرفتش ؟

شيماء : اويلييي صافي هاحنااا جايين ..(وقطعات)🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 512🕯

شيماء : اويلييي صافي هاحنااا جايين ..(وقطعات)

هاندا تنفسات بعمق وبقات واققة مكانها ماعرفات دق تدخل أو تتسناه يخرج )

🍀🍀🍀
قبل لحظات …

وداخل الغرف جبار العاري الصدر واقف جنب سرير ساندرا …هاذ الأخيرة لي مزالها مغيبة علق ليها صيروم خاص …وطلع ليها الكسوة حتى عرى ليها كرشها دهن ليهاجيل وبدأ كايدوز الجهاز وعينو على الشاشة أمامو حتى ابتاسم …. وبقى سااهي كايشوف فالشاشة وخدم الصوت وبدأ كايمسع لأصوات دنبض القلب ..هو مبتاااسم ..
حتى سمع دقان ..اختفى من مكانو ظهر جنب الباب حلو ولقاه واحد من ليكارد البشريين هاز ساشيات مدهم لجبار )

الكارد : أوامرك لورد ؟

جبار : انساحبو مابغيت حتى كارد ضاير بيا …(وسد الباب وتحرك حل الساشيات جبد بودي لبسو مع فيست فالأسود..وجبد وفستان طويل ومستور فالأزرق الغامق حطو جنب باش غير تفيق ساندرا يلبسوليها ….ووقف تاني أمام الشاشة كايشوف وهو مبتاسم ورجع خدم الجهاز لي كايخليه يسمع صوت قلب الجنين …

…أما ساندرا لي بدات تصحى حلات عينيها بتثاقل وهي كاتسمع فصوت النبض …حتى شافتو واقف عليها وكيفاش ساهي أمامو وشافت الإبتسامة لي مزينة وجهو …سرطات ريقها ودورات راسها بشوييية شافت فالشاشة وهوما يعمرو عينيها بالدموع ورجعات شافت فيه ..و غير تحرك غمظات عينيها)

جبار حنا راسو شاف فيها ظنها مزال مفاقت ..وهز كلينيكس مسح ليها كرشها مزيان ..وهبط ليها الفستان ..غطاها وهز إبرة عمرها بمحلول خاص ودقو ليها فالصيروم وبعدها جلس جبها ..وهي مزالها مغمظة عينيها حتى حسات بيه شد يدها باسها وعاودت عدت مرات …وبعدها حسات بيه كايقرب منها حتى خشا وجهو فعنقها كاياخد نفسو ويعاود بطريقة أنه كان مخنوق وهاد كايسترجع أنفاسو …وهي مزالها مغمظة عينيها وكاتسررط فريقها محافظة على هدوئها باش مايعيقش بيها فايقة …حتى جمدات ملي حط شفايفو على شفايفها وبدأ كايبوسها بحنية وهي زييرات على ليزار بيدها باش ماتتحركش … وهو غير كايبوس فيها بشغف حتى شبع وروى شوية من عطشو عاد فصل القبلة ونطق بهمس ظنا منو أنها مغيبة )

جبار : كنعتاذر غلطت وقسيت عليك بزاف فا كنعتاذر …

(ساندرا مزيية على ليزار مابقاتش قادرة تتظاهر أنها ناعسة ويالاه غاتحل عينيها حتى تدق عليهم الباب …جبار دور راسو مفعلا قوة الرؤية خلف الجدار وهي تبانليه هاندا …ووقف وتوجه للباب حلو وخرج عندها وخلاه مردود ….وساندرا عاد حلات عينيها كاتتنفس بسرعة ومززنكة …ونطقات بهمس )

ساندرا : لا لا مابغيتش لا …(دورات راسها شافت فالباب وبسرعة غمظات عينيها منلي بانليها جبار طل عليها بانتليه كما هي ..من بعد سد الباب )

عند جبار لي واقف أمام هاندا)

هاندا كاتسرط فريقها وماقاداش تهز فيه الراس ) أ أشنو واقع لورد قالت ليا طبيبة بلي دخلتي ساندرا للمستعجلات ؟

جبار تنهد ) ساندرا حاملة …

هاندا شافت فيه مخرجة عينيها )أ أ ب بصح وا واش هي بيخير وحملها بخير ؟

جبار ساهي أمامو مخننزر) : حاليا حملها مامستقرش ولكني غانحرص على أنها تبقى بخير هي وولادي …..

هاندا :و و ولاد ؟

جبار : توأم مختلف بقدرة استنساخ 99 قوة للواحد ..🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 513🕯

جبار : توأم مختلف بقدرة استنساخ 99 قوة للواحد ..

هاندا حلات فمها عالجهد مخرجة عينيها …وجبار ابتاسم وهو كايتذكر ولادو ليشاف فشاشة الفحص )

هاندا وسعات ابتسامتها ) وااااااو ..و شحال عندها ؟ حيت حتى جمانة حاملة (أشارت ليه لغرفة مابعيداش عليهم ) رااهيا تما هي وفارس عاد فحصتها عندها تقريبا أسبوع ونص وعمي جاسم حدد قوة جنينهم ^فالتحكم بالجاذبية ^ …

جبار ابتاسم ومسح على وجهو بعدم تصديق) جمانة حاملة !

هاندا :هه آه ..وراه عيطاتلي خالتي شيماء وهوما جايين فالطريق …

(جبار تحرك بخطوات سريعة للغرفة لي فيها جمانة وفارس ..وهاندا تابعاه وهي فرحاانة )

عند ساندرا لي حالة عينيها ساااهية فالسقف ببرود ..ودموع معمرين عينيها سرطات ريقها وحطات يدها على بطنها وهي كاتحس بطاقة جنينيها داخلها وهاذ المرة بوضوووح …قدرات تميز أنها طاقة عالية لهجين وقدرات تميز حتى حجم طاقتو فأنها ضعف طاقة جبار تقريبا … تكعدات ببرود ونترات خيط الصيروم من يدها وقفات بانليها حذائها محطوط جنب لبساتو وهزات مونطوها لبساتو …وحلات الباب مابانليها تاواحد وهي تمشي كاتجري بخطوات سريعة مخلية باب الغرف موراها محلول …خرجات من المستشفى بلا عقل وبلا وعي وبقات واقفة أمام الشارع كاتنهج وهي كاتشوف فالسياارات والناس …حتى مدات يدها شيرات لطاكسي لي وقف ليها ..وهي ركبات وكسيرا ….

🍀🍀

داخل الغرفة لي فيها جمانة هاذ الأخير لي معنقة جبار مزييرة عليه وهو مبتاسم باسها فراسها )

جبار :مبروك ليك أصغيورة ديالي …

جمانة : غاتولي خاال خالو جبار وعرفتي غانسميه حيدر …

جبار : حتى تولدي وقرري الإسم حيت راه مزال جنس جنينك ماباينش …

جمانة : حاساه ولد وغايكون ولد دابا تشوفو …

جبار ابتاسم ليها ) اذن حيدر آل ستارك .. زوين كإسم قوي جا مع قوتو…

جمانة هزات راسها شافت فيه ) وشوف أنا من دابا طالبة راغبة فيد بنتك لولدي حيدر …

(فارس لي واقف جنب الباب مربع يديه مخنزر حيت جبار معنقها ليه وهي مخشية فيه نااااسينو ..غير سمع كلامها خرج عينيه …أما جبار حنا راسو شاف فيها مخنزر )

جبار : حاليا ماعنديش بنات عندي فقط توأم مختلف وعرفتهم ذكرين حيت كل واحد منهما بقوة استنساخ 99 قوة.. ونهار غانولد بنتي ويقرب ليها ولدك غانعدمو واقف ..فا طلبك مرفوض من داباا …(وابتاسم) 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 514🕯

جبار : حاليا ماعنديش بنات عندي فقط توأم مختلف وعرفتهم ذكرين حيت كل واحد منهما بقوة استنساخ 99 قوة.. ونهار غانولد بنتي ويقرب ليها ولدك غانعدمو واقف ..فا طلبك مرفوض من داباا …(وابتاسم)

(جمانة وفارس خرجو فيه عينيهم )

فارس : كيفاش توأم ولاد واش زعما الليدي ساندرا حاملة ؟

جبار ابتاسم وحرك راسو بآه وفارس ضحك وعنقو )

فارس : مبرووك أصاحبي …

جمانة : فينها واش هي هنا ؟

هاندا : في الغرفة لي جنبكم ..

جمانة :هااااح هي أنا وياها حملنا فنفس الوقت ؟

جبار سرط ريقو) لا هي سابقاك بأسبوعين …

فارس : يعني هي بحال سميحة تقريبا سميحة سابقاها بأسبوع ..؟

(جبار سااهي وهو مخنزر ومزيير على يديه بدون مايجاوب حتى نطقات جمانة بعينيها الدامعين )

جمانة : بلاتي علاش مابغيتيش تخلي ليا بنتك لولدي زعما علاش مالو حيدر نتاعي آش ناقصو هانتا راه على مزيناتو شوف غافرفوسي قداش وشحال زوين وتخيل حيدر كيغايكون ومع بنتك غاطلع سميمرة وصغيورة ومطيبزة بحال ساندي وتيتيزة أحح غايتزعط فيها ولدي وي…

(فارس طار عليها سد ليها فمها …وجبار مخنزر فيهم)

جبار : حسن نمشي نرجع عند ساندرا …

فارس طلق من جمانة) : أحم كيبقات واش هي بخير ؟

جبار : خليتها ناعسة نتا بقا مع جمانة شويا غايوصلو لواليد ولواليدة …

( وخرج وتبعاتو هاندا ..وجبار غير هز راسو بانليه باب الغرفة ليكانت فيها ساندرا محلول …وهو يزيير على يديه وتحرك كايجري دخل مالقااهاش … )

هاندا لي تبعاتو كاتجري ) أويلي فينها …

جبار غووت ) فااااك ماخاااسهااش تتحرك…

( واستدار خرج كايجري ….وهاندا بانليها تقرير ساندرا الطبي لي كتبو جبار ..وهزاتو بسرعة كاتقرأ فيه ..وعضات شفتيها ….وخرجات كاتجري تابعة جبار ….هاذ الأخير لي خرج من سبيطار كايشوف حواليه مابانتش ليه ….غمظ عينو وتنفس بعمق ضابط أعصابو وبدأ كايتحسس طاقات الخوارق لي فمحيطو …حس بطاقة هاندا لي قريبة منو ..وطاقة جمانة وفارس داخل المستشفى..وطاقات مو وباه وسليم وسميحة ووسيم وسماح لي قراب من لبلاصة لي هو فيها فقط …ماحسش بمرة بطاقتها دليل على أنها مابقاتش فمحيطو …حل عينيه كااينهج بالأعصاب وبسرعة جبد السماعة الخاصة درئيس كل العشائر من جيبو..ولي عن طريقها كايتواصل مع كل رؤساء العشائر وكذى أعضاء فرقة العدالة ركبها فأذنو وشغلها ونطق بصراخ آمر )…

جبار : لكل أعضاء فرقة العدالة لي فكازا تحركو حااااااالا فكل المدينة وخصوصا السونطر وتحسسو ليا الطاقة السحرية ديال الليدي الأولى ساندرا …بغييت نعرف مكانها ..لي لقاااها يعلمني فالحال… (غووت) وممنوووع تقربو منها أو تهضرو معاااها نهااائيا فقط راقبووها من بعيد حتى نوصل …(وحيد السماعة من أذنو كاينهج وكولو عرقان ..ويالاه غايركب سيارتو حتى وقفات جنبو سيارة جاسم وسيارة وسيم وسيارة سليم …وبسرعة خرجو وقفو جنبو كايشوفو فيه باستغراب )

شيماء : جبار فين ساندرا ومالها ؟

(جبار سرط ريقو بلا مايجاوبها مزروب ويالاه غايركب حتى وقفو جاسم)

جاسم : جبااااار أشنو واقع سمعت أنا وخوتك عبر السماعة أوامرك لأعضاء فرقة العدالة ؟؟فين ساندرااا ؟

جبار نطق بصراخ ) واالو ألوااليد ماوقع واالو من غييير أنا صدقت اكبر حمااار مرااتي حاملة بتوأم عندهم تلاث أسابيع وأنااا عااااد عرفتها…. (وركب خبط الباب وكسييرا..)■□تتمة الجزء 514 ■□

جبار نطق بصراخ ) واالو ألوااليد ماوقع واالو من غييير أنا صدقت اكبر حمااار مرااتي حاملة بتوأم عندهم تلاث أسابيع وأنااا عااااد عرفتها…. (وركب خبط الباب وكسييرا..)

سليم شاف فهاندا ) هااندا ؟

هاندا سرطات ريقها ) ساندرا حاملة بتوأم مختلف تنائي المشيمة أي مشيمة لكل جنين وحسب ماقالي اللورد جبار (سرطات ريقها مبتاسمة ) توأمو بجوج عندهم قوة استنساخ 99 قوة للواحد ..وشفت تقريرها الطبي.. حملها مامستاقرش مهددة بالإجهاض خاسها الراحة والعناية والتغذية…ودابا مع دخلت أنا واللورد لعند جمانة خلينا ساندرا ناعسة فغرفتها ملي رجعنا لعندها مالقيناهاش خرجات …

(سليم ووسيم شافو فبعض وبسرعة ركبو سيااراتهم تبعو جبار )

سماح : أويلي فين مشات ؟

( وشيماء لي بدات تتنفس بالجهد مخرجة عينيها ) جاسم فينها وفين مشات عنداك يلقاوها السحرة وهي حام ح حاملة طول هاذ الوقت وهي حاملة طول هاذ الوقت و و…. (وسكتات ملي ضارت بيها الدنيا وكانت غاطيح كونما جاسم لي شدها هزها وهو مخننزر وهي بين يديه دايخة وحول نظرو لسماح وسميحة )

جاسم : تبعوني (ودخل للمستشفى والبنات بتلاثة تابعينو)….
🍀🍀🍀
عند ساندرا لي مزالها فالطاكسي …حاطة راسها عالزجاج وساااهية فالطاقة لي كاتحس بها داخلها وهي ضامة بطنها بيديها بجوج ..ومول الطاكسي كل شويا كايشوف فيها من المراية لي فوقو ونطق ) مزال ماقلتي ليا فين نديك أ آنسة ؟

ساندرا ساهية ماسمعاتوش …وهو عاود سوولها )

مول الطاكسي :واا آنسة فين نديك راه غادية لنصف ساعة وأنا غير سايق ولكونتور كايتحسب عليك ؟

ساندرا جاوباتو بالعربية ) لا أعرف …

مول الطاكسي دور راسو شاف فيها ) نعام ؟ نتي ماشي مغربية ياك ؟ ..

ساندرا تنهدات بملل ) فقط لا تتوقف …

🍀🍀🍀

عند جبار فسيارتو كايسوق بسرعة وهو كايتحسس الطاقات لي حولو و كل شويا كايضرب مقود السيارة بيدو صااعر فاش مكايحسش بسحرها خايف عليها بل مرعوب وكايضورو فراسو ألاف الأفكار ..عنداك دير فراسها شي حاجة وتآذي راسها هي والجنينين …..عنداك تكون خفات طاقة سحرها بشي تعويذة باش مايلقاهاش والخاتم ديالها لي فيه الجبس لاحتو بقا فالحديقة دالقصر …جبار غممظ عينيه كايتنفس بزربة حتى بدأ هاتفو يرن ..شد الخط لي كان مشترك بين خوتو بجوج )

وسيم : مالقيت والو أجبار والو كانضور فنواحي المستشفى بلا مانحس بوالو …

سليم : أنا شفت كاميرات المستشفى راها ركبات فطاكسي ولكن ماواضحاش اللوحة ديالو باش نعرفو مولاه …

جبار يالاه غايهضر حتى بدأت السماعة ديالو كاتسيني بضوء أحمر …هزها دارها فأذنو ونطق )

جبار :نعاام ؟

أحد متحولي فرقة العدالة ) لورد ستارك عاد دابا حسيت بطاقة سحر الليدي الأولى.. فشرق المدينة جنب الكورنيش لكبير وحسيت بها غير للحظة بسرعة اختفات كانظن حيت هي راكبة فشي سيارة دازت من حدايا ..أوامرك لورد …

جبار ساهي ) الكورنيش (ابتاسم ) صافي عرفت فينها انساحبو كلكم حتا نتوما يا سليم ووسيم (وقطع عليهم ودور السيارة بسرعة وبطريقة محترفة وكسيييرا ) 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 515🕯

جبار ساهي ) الكورنيش (ابتاسم ) صافي عرفت فينها انساحبو كلكم حتا نتوما يا سليم ووسيم (وقطع عليهم ودور السيارة بسرعة وبطريقة محترفة وكسيييرا )
🍀🍀🍀

عند ساندرا لي مزالها فالطاكسي كاتشوف فالشارع من الزجاج حتى بانليها لبحر وهي توسع عينيها )

ساندرا : توقف توقف …

مول الطاكسي : نعام ألالة ؟

ساندرا خنزرات فيه ) قلت لك توقف ألا تفهم ؟

مول الطاكسي : أييه نتوقف هنا ياك مرحبا (وحبس جنب وشاف فلكونتور ورجع شاف فيها ) وهاانا توقفت عندك 200 درهم ألالة راه دورتك كل كازا تقريبا وعييت نقولك لكونتور لكووونتوووور ونتي ساكتة فا أري ليا رزقي و لا نعيطلك للبوليس و…(سكت كايشوف فيها باستغراب وهي كاتحيد من يدها كورميط غليضة من الذهب ..ومداتها ليه وهو شدها كايقلب فيها مخرج عينيه) واش ذهب دبصح ؟ واايلي تشا باينة فيها غااليا أماداام …

(ساندرا تنهدات بملل وحلات باب الطاكسي وخرجات زادت مع رصيف الشارع …بزز كاتمشى وزايداها بالكعب عالي …هبطات مع درج تما دلكورنيش وبقات غاديا قاصدة لبحر …حتى وصلات للرملة وتحنات حيدات سباطها بدون اكتراث خلاتو موراها وزادت كاتمشا حافية فوق الرملة وهي مكمشة المونطو عليها حيت البرد والريح مجهد …حتى وقفات مباشرة أمام لبحر فمكان خاوي من ناس … وغمظات عينيها تنفسات بعممق وجلسات مكانها على الرملة ظامة عندها رجيلاتها وهي سااااهية فالبحر وغايصة فأفكارها السوداء …وإحساسها بطاقة المتحول داخلها مزالو مجهد …حتى حسات بطاقتو ..ورغم هذا ماتزعزعاتش بقات على وضعها حتى جلس جنبها كايشوف فيها وهي مشافتش فيه فقط كاتسمع صوت تنفسو العالي دليل على أنه كان جاي بزربة )

جبار :نتي بيخير ؟

ساندرا مجاوباتوش حتى أنها ماشافتش فيه…وهو شافها مكمشة حيد الفيست نتاعو دارهاليها على كتافها )

جبار : خاس نمشيو البرد عليك غاتمرضي ..

ساندرا على حالها ماجاوباتوش وهو تنهد بعصبية ونطق )

جبار : عارف قسيت عليك ماغاديش ننكر ولكن عاد عرفتك حاملة غير هاذ الصباح كون عرفت من قبل كنقسم ماكنتش غانتصرف معاك كيما تصرفت …

ساندرا نطقات بهمس ) غايموت معايا ملي ندمر لكتاب غانموت وهو غايموت معايا …■□تتمة الجزء 515■□

ساندرا نطقات بهمس ) غايموت معايا ملي ندمر لكتاب غانموت وهو غايموت معايا …

جبار سرط ريقو وشد ليها وجهها بيدو دورو تاشافت فيه) لا ماغانسمحش بهاذشي تيقي فيا ولو شويا أساااندرا تيقي فيااا كنقسم ليك حتى غانحميكم بروحي …

ساندرا : ونتا تقتي فيا ها ؟ (ودفعاتليه يديه ووقفات كاتغووت ) تقتي فيا ملي قلت ماشربتهمش ؟ تقتي فيا ؟ هااا تقتي داابااا ؟ شحال حلفت شحال حزرت تقتي فيا ؟ تقتيييي ؟

جبار وقف مخنزر ) تهدني مامزيانش ليك تتعصبي …

ساندرا : ياااك أسييي …عاد بانليك أنه مامزيانش ليا نتعصب وملي كنتي قااهرني هاذ الأيام كنعس معصبة وكنفييق معصبة ديك ساااعة نستاهل ياك وداابا لي عرفتيني حاملة مامزيانش ليا نتعصب ..

جبار غوت ) سااااندرااا باراكا …

ساندرا غوتات ) لا سمعتيي لا سيير بعد مني خلييني بوووحدي علالاش تااابعني راه قلت ليك ماغاااديش نسمح لييك سييير لعبليك سبور مع زليخة زمرة نتاعك …

(جبار كان معصب غير نطقات زليخة ابتاسم ابتسامة لي فقصااتها وغوتاات وهي ضربو لصدرو )

ساندرا :أعلاش كاااضحك علاش وااش كنعاودلك فالنكة أنا هنا وااسير غااسير مااغااديش نسمح لييك وماغاااديش نرررجع معااك لقصرك ياك قلتي ليا سيييري هااني مشييت لاش تابعني لاش ولا داابا حيت حااملة ليك بولي العهد ؟

جبار : غير غوتي براحتك حتا تبردي ويالاه نمشيو …

ساندرا غوتات ) وااااماغاااداش معاااك أبنااادم منين كاتفهم ياااك كتر من خمس أيام ونتا قالب علياااا وهاجرني فا أشنوو بغيتي دابا ولا مابقيتيش مقلق حيت حاملة … ياااك أنا غير كدااابة ومستاغلاك ومااانعرف آش …

جبار مسح على وجهو ) ماهجرتكش كنت كل ليلة كنكون حداك ونتي ناعسة …

ساندرا دفعاتو من صدرو ) كداااب ..

جبار : مكاانكدبش عاقبتك بطريقتي ولكن عمرني خلييتك كنت كل ليلة كنجي نشوفك وعمرني نويت نخليك …

ساندرا : ياااك قلتي ليا غاااطلقني أشنو هاذ التناقض فييك ؟

جبار : ساااندرا من نيتك ياك قلتي لخالتك بلي كاتعرفيني مزياان امتا كنهضر بجدية وامتا كنقول شيء ماقاصدووش ولا دابا مابقيتيش كاتعرفيني ؟

ساندرا سرطات ريقها ) ولكن قلتييها قصدتي ولا لا قلتييها …

جبار : واخا ماعنيتهاش كنعتااذر حيت قلتها …

ساندرا : مكاايهمنيش اعتذااارك دااابا مااابغيتكش وماغانبقاش معااك ألخائن ألقتااال ..

جبار هز فيها حاجبو ) خائن ! وقتال !🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 516🕯
جبار هز فيها حاجبو ) خائن ! وقتال !

ساندرا كاضربو فصدرو ) آه خنتييني مع زليييخة علاش تدييها معااك لروما علاش تتريني معاااها عمرني نسمحلييك …

جبار :واخا وشكون قتلت ؟

ساندرا : قتلتييي لياااا لوونا ألحكاار (بدات تبكي بقوة ) أشنووو دارليك هو أشنوو علاش تقتلو حرام عييك عمرني نسمح ليك …

جبار تنهد وشدليها يديها باش كاضربو لصدرو ) قردك لحمار كان مريض بزاف وهزيتو ديتو لعيادة بيطري وهو مزال عندو راه ولا بيخير كنت غانردوليك هاذ الليلة ….

ساندرا كترمش فيه عينيها الدامعين): يعني ماقتلتيهش ..

جبار : بقالي غير قردك فلحساب ؟

ساندرا دفعاتو حتى طلق يدها ) غااانهزو وغااانمشي فحاالي نتاا قاسي عرفتك من الأول قاسي ومكاترحمش ولكن عمرني توقعت قسوتك تكون حتى عليا واخا مااادرت والو نستاهل علييه كل هاذ القسوة ..

جبار :مادرتي والو ؟

ساندرا مسحات دموعها ) درت ولكن مااشي لهاذ الدرجة ودابا سالينا سير بعد منيي( واستدارت غاديا حتى شدها من دراعها دورها وشدها من خصرها وحنا راسو حتى تقابل وجهو مع وجهها)

جبار : لفيين ؟

ساندرا غوتات ) ماااشي سووقك ..

جبار : ياك كاتبغيني لدرجة مستحيل تخليني ..

ساندرا :: نتاااا لي خليتيني لول …

جبار قرب فمو من أذنها وهمس ) عمرني خلييتك كنتي فعييني فكل ثااانية أساندرا كل نهار كنشوفك كل ليلة كنتكا حداك لساعات ونتي ناعسة وأنا فايق وحاضيك …

ساندرا كاترجفليه بين يديه ) ولكنك قسيتي عليا أجبار مانستاهلش منك كل ذاكشي …مادرتش علاش نستاهل كل هذا …

جبار : فكرة أنك كنتي ناوية تاخدي موانع الحمل ..فكرة أنك ماباغاش تولدي مني واااخا شنووو مكااانو يكوونو أسباابك يا سااندرا جهلاتني خرجتيني عن طووعو جبدتي الشيطان لي فيا عليك فا ماتقوليش أنك مادرتي والو …

ساندرا : وأشنو دابا زعما سمحتي ليا ولا حيت حاملة …

جبار : إيلا بغيتي نزيد نطول فعقابي ليك ماعنديش مشكل (وباسها فأذنها )ولكن دخليها لبالك ندير لي درت ونقول لي قلت عمرني نخليك …

ساندرا غوتاات بغيض مفقوووصة كاتنتر منو ) واااطلق منيي طلق أزبل بعد منييي …

جبار زير عليها عندو ) ششت تهذني …

ساندرا :نتا مكتسوااش..

جبار :عارف غير تهدني ..

ساندرا : واااا مامهدنااش طلق مني ..

جبار : سااندرا حملك بتوأمين مامستاقرش فا ممنوع تتعصبي من اليوم …

ساندرا جمدات فحظنو مخررجة عينيها وهزات راسها شافت فيه بزز كاطلع النفس ) ت توأم !!

جبار شاف فيها مبتااسم وباينة الفرحة فعينيه وحرك ليها راسو بآه ) ذكرين بقوة استنساخ 99 قوة للواحد …

ساندرا الدموع طاحو ليها وعضات شفايفها ونطقات بصوت مرعو ) غايموتو معايا …

جبار خننزر فيها وغوووت ) سااااندرا آخر مرررة تقووولي هاذ الهضرة تاااواحد ماغااايموت ماغانسمحش تتآذاي لا نتي لا ولادي وهذاك الكتاااب ياك مزال مابين ليك كيفاش يتدمر مزال ماتحكمتي بعنصر الهواء مزال كاتحاولي تتدربي علييه إذن وقفي تدريبك ولكتاب غانأجلو تدميرو لحتى تولدي ومن هنا لتما كنواعدك ماغاايقدر حتى ساااحر يوصل ليك او يحط رجلو فالمغرب فا تييقي فياااا …

ساندرا سرطات ريقها ) مابغيتهمش يموتو أجبار ماغانصبرش ماغان…(جبار سكتها ببوسة قوية ونطق )

جبار : تيقي فيا …

ساندرا مزنكة : تايقة فيك …

جبار : أمم هكا قلتي فآخر مرة ومن بعد بينتي ليا نييت شحال راك تايقة فيا (وهزها وهي فاشلة بلعيا وتوجه للشارع في محبس سيارتو)

ساندرا فحظنو وعينيها كايتسدو ومكمشة بالبرد ) راني مزال ماسمحت ليك …

جبار : عارف وحتى أنا مزال ماساليت معاك فموضوع الثقة …

ساندرا : ماغانساهااش ليك دزليخة بربي مغانساها لاليك لاليها ..

جبار ابتاسم ) غير ظلمتيها ..وجيتي زوينة بزاف ونتي غايرة و معصبة وكاضربيها …

ساندرا :مااغرتش عليك ..

جبار :أمم

ساندرا : كااانكرهك …

جبار :كنموت فيك …يتبع♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 517🕯

■□ رجولتكَ يا وَلدي مضمومنها أنَّ التي تُحبكَ صُونها …وقوتكَ الحقيقية يا وَلدي هي حجمُ ابتسامة امرأتك حين تكونُ معك َ ■□

^تتمة أحداث الجزء السابق ^

جبار من بعد ماهز ساندرا من جنب البحر وهي نعسات فحظنو ردها للمستشفى لقى خوتو وواليديه مزالين تما كايتسناوهم …حطها فغرفتها ورجعليها الصيروم لي ضروري خاسها تكملو…وبقا واقف جنبها هو وجاسم وشيماء )

(جاسم مبتاسم وعينيه غير عليها ..شاف فجبار ونطق بهمس )

جاسم : مبروك أشيطان ..

جبار : واغير هضر بالجهد ألواليد راه نعاسها تقل من دلواليدة …

شيماء :أحح على توأم استنسااخ (وتحنات باست ساندرا من خدها ) مسكينة كانت حاملة طول هاذ التلاث أسابيع (شافت فجبار مخننزرة ) ونتااا كتعدبها وهي حاملة …

جبار خنزر فيها ) لواليدة ماكنتش عاارف و سدي هذاك الموضوع ..

شيماء : أييه هاذشي لي لقيتي تقول بحالك بحال باك …

جاسم : دابا أشنو دار باه؟

شيماء :واالو متخلينيش نفكرك فياماتك تانتا …

جبار : دابزو دابزو شحال مابقيت شفتكم مدابزين منلي كنت صغير ..

جاسم : حلم .. ( وقرب من سرير ساندرا وقف عليها ومد يدو باستعماال قوة رادار استشعار القوى حطها على بطنها كايتحسس طاقة الجنينين)

جبار قرب منو مخنزر ليه فيديه) وراه قلت ليك ألواليد نوع قوتهم غير باش ماتشوف بنفسك …

جاسم حل عينيه مبتاسم ) غايكونو أقوى متحولين فصنفنا أقوى حتى منك …

جبار :كانبقى أنا الأصل ألواليد..

(جاسم شاف فيه داير نصف ابتسامة )

جبار :من بعدك أكيد ..

شيماء لي عينيها غير على ساندرا ) هاندا قالت لينا أن حملها مامستاقرش…

جبار : غايستاقر ألواليدة خاسها غير الراحة ..

شيماء خنزرات فيه ) إواا هيا لاتتنازلتي عن عصبيتك شويا ودرتيليها خاطرها …

جاسم : شيماء راه قلت ليك ماتدخليش بيناتهم …♥️الجزء 2 من قصة ♥️

■#وحش_ذات_القزحيتين ■
والذي بعنوان :
♡قصة : #عِڜْڦُ_ٱڷﭳٻَٱٻِږهﮧ♡
☆ ️#أَحمِـلُ قَلبكٍَ مَعــيِ : متحولينVsسحرة ☆

📜الكاتبة•: °chaymae ouaj°
🕯الجزء 518🕯
جاسم : شيماء راه قلت ليك ماتدخليش بيناتهم …

شيماء حطات يدها على بطن ساندرا ) غانتدخل ونزيد نتدخل راها كتر من مرات ولدي هي وحدة من بناتي ولي مانبغيهش لجمانة وسميحة وسماح ماغانبغيهش ليها (رجعات نظرها لكرش ساندرا ) أحح على توأم غايكونو ينيس وأنيس ولا أمجد وماجد على سمية بابا… ولا أشنو بانليكم فيزيد وزيدان على اسم جدي زيدان غايفرح بزاف مسكين وهو مريض ولا أشنو بانليكم فعَمْر وعُمر ..(وهزات راسها لقاتهم دايرين نفس الوقفة مربعين يديهم ونفس التخنزيرة فيها ) اجيو كولوني نتوما حسن …

جبار : خلي الأسماء لمن بعد ماشي وقتهم ألواليدة …

جاسم شاف فجبار ) : خاس نهضرو دابا هي حاملة كل شيء غايتبدل ….

جبار : غير يكملها الصيروم نمشيو للقصر …وغدا فالصباح نجتامعو ونهضرو

🍀🍀🍀🍀
خارج الغرفة واقفين كايتسناوهم كل من وسيم وسماح ..وفارس وجمانة ..وسليم وسميحة )

جمانة معنقة كرشها وفرحاانة ) ياااو حيدر نتاعي غايجيوه تلاثة دلخوت قدووو فلاج أححح على لستاارك أحح ملي يسمعو باقي العشائر بقوة حيدر وقوة توأم جبار بربي ماكاين بحال أجيال لستاركس فالقوى حنا العشيرة الوحيدة لي عندنا الإستنساخ والدرع …عااد مزال نشوفو ولاد أميرة وهاندا وزوزو (شافت فسماح ) حملي حملي تانتي باش نولدوهم قد قد

سماح شافت فوسيم لقاتو كايشووف فيها مبتاسم بمكر وغوتات ) ألا لا لا مزاالني صغييرة بعدي مني حملي غانتي..

وسيم : صغيرة !

سماح : ومالك مزال تمكملت 20 فا خلي لولاد تااندير ديك 26 عام ونولدليك شيواحد باراكا …

وسيم خنزر فيها )لوااه تاديري 30 ولوااه نص واحد ماشي واحد..

سماح : دبا مالك ياك اتافقنا..

وسيم : اتافقناا نتسناو شويا (غوت) شويااا ماشي ست سنييين كولها واتافقنا على ربعة مااشي واحد ..

سماح : خههه لواه عشرة ..

وسيم : وأشنو فيها ..؟

سماح :مافييها والو كاتهضر بحاالا نتا لي غاتهزهم وتتقل بيهم وتتوجع عليهم…وتتعدب معاهم…

وسيم قرب منها خشا راسو فعنقها ونطق بهمس ) ومالك راه لخدمة لكبيرة غانديرها انا غان..وي عليهم..

سماح تزنكات كاتشوف فجنابها) وييلي سكت سكت ..
🍀🍀🍀
وجنبهم واقف سليم ساهي فسميحة وهو هاز حاجبو ) مالكي ؟

سميحة لي متكية على الحيط ولونها صفر وفمها بيض والرؤية كاضبب ليها ) كنحس بلعيا والبرد ..■♤تتمة الجزء 518■♤

سميحة لي متكية على الحيط ولونها صفر وفمها بيض والرؤية كاضبب ليها ) كنحس بلعيا والبرد …

سليم قرب منها شدها وحط يدو على بطنها محاولا يتحسس طاقة جنينو بدون فائدة ) هاندا مشات تجيب تحاليل ساندرا أشنو بانليك نمشيو ديري فحصك حتى نتي ونشوفو وضع الجنين…

سميحة : عاد درت فحص غير الأسبوع ليفات وقاتلي الطبيبة كولشي عندي مزيان …

سليم كايشووف فيها مخننزر لونها صفر عاد خسرات بزاف دالوزن فهاذ الأسابيع ) حنا ماخاسرين والو واخا نقولهم يفحصوك كل نهار المهم نتأكد أنك بخير ( وهزها وشاف فخوتو ) غانديها عنط طبيبتها دير فحص إيلا تعطلنا غير سيرو مع جبار و لواليد ( وتحرك غادي مع لكولوار ..حلات ليه ممرضة باب لغرفة دفحص حط سميحة وغطاها ..وخرج برا وسيفط رسالة لهاندا ..لي ثواني جات عندو كتجري )

هاندا : هانا نعام ..
🍀🍀🍀
ونمشيو لمرركز كازا فالحي الصناعي فين كايتواجد فرع من فروع شركة مالك القابضة لتصميم الأحدية ….الشركة ليحل فرعها وحول مجلس إدارتها من الباكستان بلدو وبلد عشيرتو ..للمغرب على قبل أميرة ….هاذ الأخيرة ليكانت جالسة فمكتب مالك ..لي هو مكتبها حاليا حيت تكلفات كليا بالشركة أثناء انشغال مالك بمهامو فمحكمة المتحولين باعتبارو أحد العظماء الأربع…

أميرة حانية راسها بتركيز فالحاسوب حتى تدق عليها الباب ودخلات السكرتيرة ) مدام عيطولينا من معمل الأحذية كاين مشكل ..

أميرة : أشمن مشكل ؟

السكرتيرة تقدمات حطات ملف قدام أميرة ليهزاتو كاتقرأ فيه ) آخر تصاميم السيد مالك وباقي مصممي الشركة .. لأحذية الشتاء ..التصاميم دالأحدية لي عاد كايتصنعو فمعملنا… خرجو مصنعين اليوم من معمل صيني تابع للشركة المنافسة لي ادعات أن التصاميم دياولها …

أميرة مخرجة عينيها ) ك كيفاش بغيتي تقولي ليا أن اكتر من عشرين تصميم تسرقولينا ؟

السكرتيرة : مع الأسف وتصنعو ملفوق وبجودة خاايبة وحسب مصادرنا لي خبرونا بأن الأحدية راه بداو كاينزلو للأسواق الصينية …

أميرة سرطات ريقها ) خرجي …

(السكريترة خرجات وأميرة بزربة هزات تلفونها صونات لمالك لي جاوبها فلبلاصة )

أميرة :مالك عتق عتق عتق ..

مالك : مالكي ؟

أميرة : التصاميم بربعة دياولك و 16 تصميم لاخرين دمصممي الشركة تسرقو ..

مالك : كيفاش غايتسرقو مافهمتش

أميرة وقفات كاتعض فظفرانها ) ا دببا الشركة الصينية المنافسة ماعرفتش كيفاش ولكن راه وصلو للتصاميمنا دأحدية هاذ الشتاء وصنعوهم قبل منا فوقت قياسي وبجودة رديئة وبداو ينزلوهم للبيع فالأسواق الصينية …

(مالك ليكان جالس فمقر محكمة المتحولين كايدرس ملفات العشائر مع خليل ..وقف من بلاصتو صاعر وغوت)

مالك :كيييببفاش أمييييرة وااش كاضحكيييي ياك هااذي يوومان باش عطيتك ووقعتليك كل الأوراق والمستندات المتعلقة بحق ملكية التصاميم ووصييتك ألف مرة تديهم او تسيفطيهم للموثق ..ماتقووليش ليا التصاااميم لدااابا ماعندناش عليهم شهادة دحق الملكية ؟

أميرة سرطات ريقها) ك كنت غانديهم مساليتش و..(سكتات مزيرة على عينيها ملي سمعاتو غوت )

مالك :كيييفاش^ كنت ^ كيييييفاش أشنو هاذ الإستهتاااااار ونتي عااارفة أنه أول مااكانوافق على التصاميم أ أمييرة وقبل ماااايتسيفطو للمعمل كايتحفظو وكاتدارليهم شهادة الملكية باسم الشركة لي كااتضمن لينا التصاميم والحق الفكري لمبتكر التصميم …..

أميرة لي عينيها بداو ينزلو بدموع وكاتشهق ) غير نسيت ماقصدتش والله ..

مالك سمع بكائها ومسح على وجهو وحاول يهدن نفسو ) علميهم يوقفو تصنيع هاذوك التصاميم فالمعمل ويتخلصو من كل القطع لي تصنعو يحرقوهم ..

أميرة غير كاتبكي ) كيفاش بهكا غانتعرضو لخسارة كبيرة و غايضيع لينا موسم الشتاء الشركة هكا غاتضرر بزاف وتقدر توصل للإفلاس..

مالك لي كايمشي ويجي ) ماغااايضيعش الموسم علني على اجتماع عاجل للمصممين هانا جاي ….

Leave a comment