Skip links

قصة : الوحش وذات القزحتين الجزء 2 ( عشق جبابرة) ج 57

 39,389 عدد مشاهداات

🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 501🕯
الخادمة :عندي أوامر مانخرج تاتاكلي أمدام ….

ساندرا مسحات على وجهها بعصبية وشافت فالكاميرات مخنزرة ) غاااناكل هاانا ( وتحركات بعصبية جلسات فالطببلة وهزات كتاكل بسرعة وهي كاتبكي وشافت فالخادمة ونطقات بفمها عامر ) ممكن تخرجي تقلبي ليا على لونا قردي ؟

الخادمة : أمرك ( وخرجات )

(ساندرا هزات الماء شرباتو وتنفسات بعمق …وناضت خرجات للبالكون حطات يدها على بطنها وهي ساااهية )

ساندرا : مستحيل لا أكيد غلط مايمكنش ماخاسش يمكن…و أنا ساحرة ماشي هجينة ومامعروفش حمل الساحرة من هجين كيكايدوز أي ماشي ضروري الطاقة الغريبة عن طاقتي لي حسيت بيها أكتر من مرة داخلي تكون دجنين (ضحكات بعدم تصديق )ههه لا مايمكنش ماخاسوش يمكن جمانة شوشاتلي كل أفكاري..ولكن مغانكونش حاملة
(تنفسات بعمق …ودخلات جلسات كاتكمل فأكلها …من بعد ناضت هزات كتابها السحري وخرجات جلسات فالبالكون على الأرض فوضعية اليوكا كاتحاول تركز على عنصر الهواء …ولكن غير كاتغمظ عينيها كاتجي قدامها صورة جبار كاتبتاسم ومن بعد صورة زليخة وكتخنزززر وتوقف تبقا تعاير فخاطرها وترجع تجلس تعاود المحاولة باش تركز بدون نتيجة ….
🍀🍀🍀

الساعة 9 وعند سليم لي دخل للقصر….وطلع مباشرة لجناحو غير حل الباب لقاها جالسة على سريرهم لي مفرشاه بسقاطة وغير كتاكل ….سليم وقف كايشووف فيها باستغراب منهار بداها لوحم ماعاودات دخلات لجناحهم )

سليم : سميحة ؟

سميحة شافت فيه وفمها عامر بشيبس ) فين كنتي ؟

سليم : كنت فالشركة …

سميحة سرطات ونقرات يديها ووقفات مخنزرة ) الشركة مع 9 دليل ؟

سليم خنزر فيها ) آه لخدمة كتيرة وجبار مكاينش وفارس مشغول …

سميحة : عجبك لحال ياك ؟

سليم : مافهمتش ؟

سميحة : عجبك أني بعدت بسبب لوحم وليتي كاتخرج ودخل براحتك وتسهر مع راسك أكما كاتخوني ؟

سليم ضحك ومد يدو حطها على جبهتها قلب ليها حرارتها ) طالعاليك شويا سخانة (شاف فداك لعرام دسقاطا لي فوق فراشو) امكن تعرضتي لتسمم بسباب كاع هاذ تخربيق لي سرطتي …

سميحة حابسة لبكية ) : غانقولها لعمي جاسم …

سليم : أشنو غاتقوليلو بالضبط أني خايب وخانز هاذشي راك قلتيه للعشيرة كولها تامن جدي زيدان ولا غير كايشوفني كايعيطلي ألخانز …■□تتمة الجزء 501■□

سميحة :لا غانقووليهم كاتخووني …

سليم مسح على وجهو ) سميحة راك غاتعصبيني (وقرب منها حط يدو على خدها ) مالكي واش نتي بيخير واش كضرك شيحاجة …

سميحة حركاتليه راسها بلا )

سليم : إذن مالكي ؟

سميحة :توحشتك …

سليم خرج فيها عينيه) : أهاه …متأكدة ؟

سميحة حركاتليه راسها بآه )

سليم : يعني عفى الله ياك ؟

سميحة حركاتليه راسها بآه)

سليم : يعني أخيرا ولدي طلق سراحي ؟

سميحة حركاتليه راسها بآه )

سليم : يعني وحمك لهبيل تسالا ؟وأخيرا ولدي غايخليني نقرب منك ؟

سميحة حركاتليه راسها بآه )

سليم :متأكدة يعني إيلا بستك ماغاتقيايش عليا بحال آخر مرة ؟

سميحة مبتاسمة وحركاتليه راسها بلا )

سليم : واش متأكدة (وقرب منها معنقها ) هانتي شمي عنداك نجيك خانز ؟

سميحة عنقاتو واستنشقات عطرو وباستو فعنقو ) أحلاه ..

سليم : أحح أخييرا ( وبخفة تكاها على السرير وخشا راسو فعنقها كايبوس وهو كايحيد ليها فحوايجها )

سميحة : ب بشويا راني حاملة وابشويا ….

🍀🍀🍀
ونرجعو عند ساندرا ..لي رجعات عندها الخادمة وقت العشاء جايباليها عشاها ..)

ساندرا : قلت ليك تجيبي قردي وماعاودتيش رجعتي عندي ؟

الخادمة حنات راسها بتوتر ) مالقيتوش أمدام …

ساندرا : ك كيفاش مالقيتيهش واش شفتي عند أميرة ؟

الخادمة :مالقيتوش أمدام أحم عندي أوامر نبقا واقفة عليك حتى تاكلي …

ساندرا خنزرات فيها ومشات كاتجري هزات هاتفها دوزات أبيل فيديو مشتركة بينها وبين أميرة وجمانة وسميحة و سماح وهاندا …وجاوباتها غير أميرة وهاندا وسماح )

سماح لي مجبدة شادة مسلسل فحاسوبها ) :ماي ليدي …

أميرة فطواليط جناحها ): ساندي …

هاندا مجبدة فجناح زليخة لي كاتخبى فيه من خليل ) ساندرا ؟

ساندرا : لبنات …

سماح : مالكي (وقفزات ملي جلس جنبها وسيم وخشا راسو فلهاتف )

وسيم : مرات خويا لاباس ؟

سماح : أحييد ماتهضرش من تلفوني راه حنا مدابزين زعما حيد لهيه..

وسيم : هاضر مع مرات خويا ماشي معاك …🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 502🕯
وسيم : هاضر مع مرات خويا ماشي معاك …

ساندرا تزنكات ) : أحم ع عيطت ب بغيت غير نسولكم واش ماشفتوش لونا ؟

وسيم : قردك ياك ؟

ساندرا : آه

هاندا : ماشفتوش أنا …

أميرة : حتى أنا كان مولف كايجي عندي وشي يوماين ماشفتو ..

سماح :ماشفتوش أنا وأصلا مكايحملش يجي عندي ..

وسيم :هه آش غايدير بيك تشخشخيه كيما درتي لسيارتي الجديدة ..

سماح : واش غاتبقا واااحلا ليك وانسا ياه لي شافك يقولك ناقصينك طونوبيلا ولا مافحالكش أمسكين …

وسيم شدها من خدها بقرصة حتى خرجات عينيها ) طلبت من شركة لواليد كاتصنع ليا سيارتي الخاصة بحااال هاذييك لي دغدغتي …

سماح طارت عليه شاداه من شعرو ) وغااانعااااود نهرسهاااا …

وسيم : بربييي تانهرسك هاذ المرة وطلقي شعري شوهتينا …

سماح :هاااي قالك يهرسني وهرررس نشووووفووو …

ساندرا تنهدات بحزن ) صافي صباح نسول عليه جمانة والخالة شيماء تصبحو بخير …

وسيم طلق من حنك سماح وحيد ليها الهاتف شاف فساندرا ) تسناي أحم هانتي راه قردك شفتو …

ساندرا : فيين ؟

وسيم سرط ريقو ) ولبارح كنت فقت بكري مع لخمسة دصباح كنتريني وملي كنت خارج من جناحي بانلي جبار كان خارج من جناحكم نتي وياه وهو هاز القرد …

ساندرا خرجاات عينيها ووقفات كاتتنفس بسرعة ) ش ش شنووو واش واش متأكد أخوية حيت جبار ماشفتو أنا تاللبارح مايمكنش يكون جا ولبارح ؟

وسيم : لا راه كايجي يوميا و أحم وآه متأكد …

ساندرا سرطات ريقها )

هاندا : س ساندرا تهدني أكيد غايكون دا القرد على شي سبب ؟

ساندرا بزز ابتاسمات ليهم ) آه ع عرفت ت ت تصبحو بخير (وقطعات الخط بينها وبينهم وشافت فالخادمة )

ساندرا : بأشنو كاتتواصلي مع جبار باش كايقوليك أوامرو واش تلفون ؟

الخادمة : عندي أوامر نبقا واقفة عليك أمدام حتى تتعشاي وخاسك تتعشاي …

(ساندرا بالأعصاب خبطات تلفونها مع الحيط حتى تزلع وغوتات)

ساندرا : عيطي عليه بغيت نهضر معاه …

الخادمة :مانقدرش أمدام …

ساندرا : واش ماعرفتيش علاش دا لونا ولفين ؟

الخادمة : م ماعرفتش أحم ممكن تجلسي تعشاي

ساندرا شدات راسها ) : ممكن تخرجي عافاك …

الخادمة : عندي أوامر أمدام نبقا ..

(ساندرا قاطعاتها بأنها شداتها من دراعها وجراتها حلات الباب ودفعاتها بشوية وهي مزززنكة بالأعصاب )

ساندرا : سمحيليا ماشي من طبعي كانتعامل هكا ولكن راه فعلا بغيت نبقا بوحدي وشوفي غانتعشا كنواعدك غايجيني جوع ناكل فا شكرا بزاف وكنعتاذر مرة أخرى وبونوي (وسدات عليها الباب ومشات كاتجري وقفات قدام الكمرات مخنزرة وبدات تبكي ) قردي يا جبار لونا ردوليا راه إيلا آذيتيه ولا رديتيه لهاذيك الجزيرة ولا حطيتيه فشي حديقة حيوان ماعمرني غاانسمح ليك أجبار وغاتندم على هاذشي لي كادير فيا فا ملي تجي ردوليا….غدا بغيت نفيق نلقاه حداايا (وتحركات بخطوات سريعة خرجات للبالكون وهي كاترجف بالأعصاب وجلسات مكمشة حيت لبرد وبقات لساعااات وهي غير كاتخمم حتى عيات عاد دخلات لجناحها نعسات 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 503🕯
🍀🍀🍀

°•°لا تستنزفوا ودّ الطيبين…
فإن في غضبهم ما لاتقدرون على احتوائه…وفي حزنهم ما لاتقدرون على تحمله°•° {J▪︎S}

صباح اليوم الموالي الساعة 9 فاقت ساندرا قافزة من كابوس …بقات مدة كاتشوف فجنابها … سرطات ريقها وناضت كاتميل دايخة خرجات للبالكون وتنفسات بعمق وهي مبتاسمة …)

ساندرا : اليوم غاتجي ياك إذن اليوم نساليو كل هاذ اللعب ديالك يا جبار و..(سكتات مخرجة عينيها فاش حسات مرة أخرى بطاقة غريبة داخلها ….حطات يدها على كرشها ومالت دايخة شدات فالحيط كاتتنفس بزربة ) اويلي أش اشنو هاذشي و ..(سكتات ملي شافت سيارتو داخلة مع القصر …(تحركات بزربة محنية من البالكون كاطل تابعة سيارتو بعينيها حتى وقفها قدام باب القصر …وخرج مخننزر …وتحل الباب لي جنبو وخرجات منو زليخة كاضحك فرحانة ….ساندرا دموع طاحوليها وكاتشووف فيهم مخنننزرة وهي كاتعض فشفايفها …زليخة وقفات أمامو كاتهضر معاه وهو قاليها شيحاجة ودخل …وهي تكسلات وملي هزات راسها بانتليها ساندرا ابتاسمات ليها وشيرات ليها …وساندرا قابلاتها بتخنزيرة واستدارت دخلات )

زليخة : هاء هاذي مالها ناري شويا وتاكلني بعينيها …. (هزات كتافها ويالاه غاتدخل حتى بانليها عصمان بثياب سبور خارج من القصر )

عصمان : جيتو ؟

زليخة : صباح الخير

عصمان : كيداز الإجتماع فروما ؟

زليخة : مزيان جبار ومالك قدرو يقنعوهم وباعو المحرك بالثمن لي بغاو ونزيدك جبار غايحل فرع جديد لشركتكم تما فروما ومالك لقا البناية لي بغاو وجبار غايشريها باش تكون هي مقر الشركة …

عصمان : أمم فكرة زوينة

زليخة : حتى نتا زويين ..

عصمان : هانتي غاتبداي …

زليخة :أهاه زعما ماتوحشتينش مانعستش حداك لبارح أكيد غاتكون حسيتي بالنقص …

عصمان خرج فيها عينيه) سكتي بررربي حتى غاتسببي ليا فشي قتييلة وباباك لي غايصفيها ليا بقوة الألم ديالو …ونزييدك نعست مرتاااااح لبارح

زليخة مبتااسمة ) تقدر تتنقل فرمشة عين هربا من قوتو غير هو ملي تهرب متنسانيش تخطفني معاك باش نبقا نعسك دائما مامرتااحش …

عصمان مسح على وجهو ) زليخة أشنو بغيتي بالضبط ؟

زليخة : بغيتك نتا ..

عصمان ابتاسم ) لا …

زليخة :ههههخ ماضحكنييش…

عصمان :علاش جاتك غريبة يا كوين تترفضي جربي الإحساس بالرفض يقدر يعجبك …

زليخة خنزرات فيه ) عصماان لصبري حد ديرها فبالك …

عصمان ابتاسم باستهزاء ودار نظاراتو الشمسية )شفتي شحال قاسحة تشربي من نفس الكأس (وتحرك كايجري فاتجاه الغابة )

زليخة : أععع واخا يا عصماان برررربي ماغانتهنى تاتركع لياا ونتا كاتطلبني للزوااج ديك سااع غانورييك …(وتحركات صااعرة دخلات )🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 504🕯

🍀🍀🍀🍀

عند جبار …ليغير دخل بخطوات سريعة للمصعد فعل قوة التنقل واختفى من مكانو ظهر وسط جناحو شافها جالسة على سريرها مخنزرة ..ومباشرة بعد نظرو عنها وتحرك للدريسينغ …وهي ناضت كاتجري شداتو من دراعو ووقفات قدامو مخنزرة )

ساندرا : لونا فينو ؟

جبار : حيدي …

ساندرا غوتاات ) جباار باااراكا عالأقل قووليا فيين قرردي أكما قتلتيه ؟

(جبار ضحك باستهزاء ..وفعل قوة الاختراق حتى حيد دراعو اخترقت يدها …وتحرك ودخل للدريسينغ …وهي بقات واقفة مكانها كاترررجف بالأعصاب …سرطات ريقها وتبعاتو دخلات لقاتو حيد كل ثيابو ولوا فوطة على نصو …قربات منو ونطقات بهدوء )

ساندرا : حتى لإيمتا غانبقاو هكا ؟

جبار مجاوبهاش )

ساندرا غوتات ) جبااار

(جبار مجاوبهاش …وهي باش تثير انتباهو هزات واحد من بارفاناتو الغالية خبطااتو مع الحيط حتى تزلع وتشتت زجاجو …عاد دور جبار راسو شاف فيها مخنزر )

ساندرا كولها كاترجف ) : كنظن غير أنا لي ممرضة راسي وكنموت فكل دقيقة ياك أما نتا مفوجليك مع زليخة فرووما ؟

(جبار ابتاسم وهي قابلاتو بتخنزيرة …وتحرك اخترق جسدها وداز خرج من دريسينغ ودخل للحمام …وهي تبعاتو مغددة وسمعات صوت الرشاش ..كايدوش …. وجلسات على سريرها كاتسناه وهي حاسة بالردة بزز مصبرة راسها …حتى شافتو خرج من دريسينغ روم وهو لابس عليه سبور …فهمات أنه تنقل من الدوش مباشرة للدريسينغ …ووقفات كاتحرك بزز وهي دايخة حتى وقفات قدامو قبل مايخرج )

ساندرا :كنعتاذر على لبارفان تعصبت وهرستو فا ممكن تجلس نهضرو …

(جبار كايشوف فيها لدرجة سهي فعيونها الدامعين المرهقين ..ووجهها الأصفر باين فيها مريضة …حول نظرو لفمها وبعدو لصدرها وسرط ريقو بدون رد )

ساندرا بدات تبكي وشدات يدو ): جبار حرام عليك باراكا علاش كادير ليا هكا علاش كل هاذ القسوة شحال من مرة خاسني نعتاذر منك ؟

جبار سرط ريقو ) حيدي من طريقي …

ساندرا خنزرات فيه وهي كاتبكي ) مدام محاملش تجلس معايا كون خليتيني نمشي مع خالتي ؟ أو علاش مقرب مني وأنا ناعسة (وأشارت ليه لعنقها لي مزال فيه بعض من آثارو ) أشنو هاذ التناقض ؟

جبار : كانظن راك مزالك مراتي ؟ نقرب ونقيصك كيفما بغيت ووقتما بغيت …

ساندرا :كيفاش هاذ مازاالك مراتي تاني…. ولا اشنو غاتقوليا راه غانطلقك إوا ماشفت والو ؟ يالاه طلقني نشوف وخليني نمشي فحالي ….

جبار زييير على يديه وابتاسم ) جلسي تاكلي حيت ضعافيتي وليتي كالشبح وكاتخلعي … (وزاد حل الباب وخرج وسدو خلاها مخرجة عينيها كاتشوف فنقطة وحدة لثواني …عاد استدارت كاتجري يالاه حلات الباب حتى حبسات مكانها ماقدراتش تخرج وتكسر كلمتو …فا رجعات دخلات ومشات كاتجري للبالكون غير طلات بانليها خارج هو وزليخة لي حتى هي بدلات حوايجها للسبور..وخارجة كاااضحك معاه وهو مخننزر …ساندرا فهمات أنه غايتريني معاها …)

ساندرا زييرات على يديها ودموعها كايطيحو ) واخا أجبار واخا نتا ويااها ..يااك أزلييخة وكنت حاسباك صاحبتي ونتي حتى ماسولتيش فيا وغير لاسقا فيه مستغلة كل الفرصة دأنه مبعدني عليه ولاسقة فيه .. أنا غاندمكم بجوووج ..قلتي شبح ياك أجباار أنا غاااانوريك الشبح مزيااان وبعدها غااانمشي فحالي وحااول تمنعني هاذ المرة …..(واستدارت دخلات صاااااعرة توجهات نيشان للدوش )🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 505🕯

🍀🍀🍀
ونمشيو لجناح فارس هاد الأخير لي نااعس وهو معنق جمانة ..حتى تكعدات فاقت قافزة وحطات يدها على بطنها مخرررجة عينيها )

جمانة : هاهيا جات جات حسيت حسيت لاهيييلا هيااا كانحس بيها ياااحلييلي لاهييلا (شافت ففارس وشداتو من شعرو كاتجر فيه وهي وكاتهضر بحماس )واااا فييق نووض نووض تشوووف فيييق نووض وااا دحش فييق …

فارس تكعد مخنزر شعككاتو ) اش واقع …؟

جمانة مخررجة عينيها ) لا لا خاسني نتأكد وااخا راني كااانحس بييها ولكن خاااسني نتأكد ضروري نتأكد (شافت ففارس لي مشعكك وهو كايشوف فيها باستغراب ) أجي معاايا (وشداتو من يدو ووقفات كاتجر فيه ينوض وهي كاتعععصر )

فارس حك عينو : ) فين غانمشيو ؟

جمانة : واااااع شحال تقييل وااانوض جري جري معاااياااا بلا ماتسول غاتبعني وجري جري جري …

فارس بسرعة وقف مخنزر ) اشنووو وااقع واش كضرك شيحاجة ؟

جمانة بزز جراتو كاتجري وهو دارليها الخاطر وجرا موراها ) غازيد جري جري خاسنا نتأكدو …..

فارس : جمااانة رااك غادا بيا للحيط ومن آش غاتتأكدي و (سكت مخررررج عينيه ملي جراتو وهي كاتجري فاتجاه الحيط حتى اختارقاتو بيه …….بدون وعيها نجحت فأنها تخلي فارس لي شادة يدو وجاراه موراها …بحالها أي قابل للإختراق ..فا هي وياه اختارقو حيط جناحهم … وبقات جاراه كاتختارق بيه حيط بحيط وهي مامستوعبااااااش وفرحاااانة وغير كاضحك..وهو مصدوم من كيفاش نجحات تخلي شخص آخر قابل للإختراق بلمست يد ..شيء لي عياو يدربوها عليه من صغرها بدون نتيجة وهاذي اول مرة تصدق ليها ….فارس لي غير تابعها مخرج عينيه مافاق على راسو حتى اختارقات بيه حيط جناح جاسم وطلقات يدو …وفارس غييير شاف قدامو جاسم وشيماء ناعسين فوق سريرهم …وهو يخررررج عينيه وبسرعة استدار كايتفتف باش يخرج لقا قدامو غالحيط لباب بعييييد عليه …سرط ريقو ويالاه غايتحرك للباب حتى شاف جمانة نقزات على باها ومها فوق سريرهم حتا فاقو قافزين …وفارس خررج عينيه وعطاهم بالظهر وهو واقف فقنت الجناح حاني راسو وكايدعي )…

جمانة مبتاااسمة فوجه جاسم وشيماء ) :عيييو صباح النوووور

(جاسم مسح على وجهو وشيماء خنزرات فيها )🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 506🕯

شيماء : أواش نتي حمقة ناري غاتسكتيلي القلب واش هاذي طرييقة كايفيقو بيها الناااس …

جاسم خنزر فيها ) جمااانة …

جمانة شدات يدو باستها وشدات يد ماماها ) هااانتوما غير سمعووني بعداااا راه عندي سبب مقنع بزاااف تاهجمت عليييكم على صبااح …

(جاسم حس بطاقة فارس وبسرعة دور راسو وشافو كيعاطيهم بالظهر مخشي فقنت الجناح …وهو يهز حاجبو مخننزر وبسرعة هز البينوار دشيماء لبسوليها معععصب ويالاه غايغوت باسم فارس حتى جراتليه جمانة يدو حطاتها على بطنها )

جمانة : بابا ديالي شوف شوف شوف حسيتي بيه ياك …

شيماء : باش غايحس ..؟

جمانة : حَيْدَر ولا شِهاب والله ماعرفت أماما مازال واحلة بين هاذ جوج سميات …وسميحة بنت لهم كرماتليا على اسم شهاب بغاتو لولدها إذن حبيب مااامي غايكون حيدر ولا أش بانليكم (شافت فباباها ) نسميه جاسر ولا جازم ؟

(شيماء كاترمش فعينيها …وجاسم شاف فجمانة مخننزر وبعدها حنا راسو شاف فبطنها )

جمانة : بابا فعل قوة رادار استشعار القوى …

(جاسم فعلها وشاف فبطن جمانة وخرج عينيه ) ….

شيماء حطات يدها على فمها ) و واش نتي نتي يعني …

جمانة : آآآآآآه.. وراني كااانحس بطاقتو داخلي داابااا وعاد أماما راني امكن كنتوحم على تراب عرفتي شحال وليت كناكل فيييه …

جاسم ابتاسم وعنقها وبدأ يضحك ) مبروك يا أميرتي …

جمانة : هيااا بصح يااك بصح أنا حاملة …واااااااااااع حاملة …

شيماء طارت عليها كاتعنق فيها وتبوس وفارس لي ماكرهش الأرض تتحل وتسرطو واقف جااامد بالحشمة تلف ..وغير سمع هضرتها دور راسو مخرج عينيه وتحرك بسرعة حتى وقف عليهم )

فارس : أ أشنوو ؟

(جمانة وشيماء هزو راسهم شافو فيه )

شيماء شافت فيه وشافت فالباب ) فارس منين دخلتي ؟

(جاسم خنزر فيه وفارس سرط ريقو ..حتى جراتو جمانة وجا جالس جنبها فوق السرير وهي بالفرحة نسات راسها وعنقاتو وجمعات معاه ببوسة جنب فمو وشدات حناكو كاتبعج فيهم وكل شويا تبوسو …هو مخرج عينيه )

جمانة : فرفوسي راني حاملة والله …(باستو بالجهد فحنكو ) أحححح عليك

فارس : أ أ (دور راسو بشوييية شاف فجاسم لقاه مخنززززززززززر فيه …سرط ريقو وحاول يبعدها ولكنها عنقاتو بالجهد ) ■□تتمة الجزء 506 ■□

فارس : أ أ (دور راسو بشوييية شاف فجاسم لقاه مخنززززززززززر فيه …سرط ريقو وحاول يبعدها ولكنها عنقاتو بالجهد )

فارس : ج جمانة أحم ب بصح؟

جمانة غوتات ) : آآآه والله هه أحح غاتولي باابااا أطبوزي تاعي (وباستو )

(شيماء بزز حابسة الضحكة وجراتها حتى طلقات فارس ..وبدأت تغمزها زعمة حشمي من باباك )

جمانة (شافت فباباها ) أشمن قوة عند ولدي أبابتي ؟

جاسم ابتاسم ليها وهو مخننزر ففارس ) جنينك عندو ^^قوة اللاجاذبية أو التحكم في الجاذبية ^^ وحدة من أندر وأقوى القوى الذهنية للمتحولين …

جمانة : عمرني سمعت بها ؟

جاسم : حيت كاينة عند متحولين عجوزين فقط فكل العالم حتى أنا مامستنسخهاش وحتى سليم ووسيم ..جبار لي استنسخها وغير مؤخرا …وهي قوة كاتخلي صاحبها بحركة من يدو يخلي أي محيط محدود .. هو فيه منعدم الجادبية كل شيء فيه يطفو من غيرو هو …أي المتحول هنا كايولي هو مصدر الجاذبية ..هاذ القوة جانبها الضعيف هي وحسب ماشفت عند المتحولين أنها كاتتطبق فمحيط محدود وديق… ولكن : (وركز فكرش جمانة وابتاسم مديق عينيه) هاذي كاتبقى وحدة من القوى النادرة لي عندها بزاف دالخصائص والمزايا الغير معروفة … وعلى مابانلي برادار استشعاري للقوى جنينك طاقتو عاليا بزااف غاتتجاوز محيط مغلق أو صغير لمحيط مفتوح وكبير …

جمانة حااالة فمها وعنقات كرشها ) ياااحليلي ولدي يقدر يرد من كوكب الأرض كوولو منعدم الجاذبية أح غايطيرليا بنادم …

شيماء :ههه جوجو باباك قاليك محيط محدود ماشي الكوكب كولو …

جمانة : وبابا قالي طاقة جنيني عاااليا بزاف يعني يقدر يكون نطاق قوتو كبير يشمل مدينة كولها ولا دولة كولها يخليها منعدمت الجاذبية أححح …

(جاسم حرك ليها راسو بآه وعنقها …وشاف ففارس هاذ الأخير لي ممرح ليهم فوق السرير حال فمو كايشوف فنقطة وحدة )

جاسم خنزر فيه ) فااارس …

فارس قفز ووقف بتوتر ) أحم ن نعام أعمي …

شيماء : هه فرفوووسي مبرووك أحبيبي …

فارس : أ أ ..(وشاف فجاسم لي مخننزر فيه ) الله يبارك فيك أحم …

جمانة لي فحظن جاسم ) واا فارس واش مفرحتيش ؟

فارس لي عينيه غير على جاسم كايسرط فريقو ) فرااحت بزاف أحم يالاه نمشيو …

جمانة : ومالك مخلوع مباينش فيك فرحان (شافت فباباها بعينين دامعين ) بابا مالو فارس نتاعي ؟

فارس خرج فيها عينيه ) ألا راني فرحااان غير سكتي …🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 507🕯

جمانة : ومالك مخلوع مباينش فيك فرحان (شافت فباباها بعينين دامعين ) بابا مالو فارس نتاعي ؟

فارس خرج فيها عينيه ) ألا راني فرحااان غير سكتي …

جاسم مخنزر فيه ) فارس م..

فارس قاطعو ) : والله أعمي تا جراتني ومع نجحات فأنها تخليني قابل للإختراق تصدمت وهي كاتختارق بيا لحيوط ماحسيت حتى اختارقات بيا حيط جناحكم أحم… نتا عارفني أعمي مستحيل نجي وندخل لجناحك بهاذ الطريقة فا كنعتاذر ….

جاسم :فاارس…

فارس : شيء لي ماغايتكررش أعمي وحتى جمانة (شاف فيها مخننزر حتى خرجات عينيها ) ماغاتعاودش تختارق الأجنحة وغاتولي تستأذن قبل ماتدخل لأي جناح ياك ؟

جمانة شافت فجاسم ) بابا…

جاسم شاف فيها ك: نعام يا أميرتي ؟

جمانة : فارس كايخنزر فيا …

جاسم شاف ففارس مخننزر فيه هاذ الأخير لي خرج فيها عينيه)

جاسم : فاارس …

فارس : ن نعام أعمي …

جاسم دار نصف ابتسامة ) : مبروك عليك غاتولي أب ل واحد من أقوى هجناء المتحولين …

(فارس عاد تفكر موصوع الحمل وخرج عينيه جامد مكانو …وشيماء لي كاضحك على شكلو بالحس شافت فجمانة ونطقات بهمس )

شيماء : جوجو …

جمانة لي معنقة جاسم ) نعام أماما ؟

شيماء : وقفي دي راجلك وجلسو وشرحيليه راك حاملة حيت مزال ما استوعب …

جمانة : واخا …

جاسم : مور الفطور ياخدك راجلك للمستشفى ضروري ديري تحاليل وتشوفي وضعية جنينكم ..

جمانة : شافت ففارس ) واخا أبابا ( وناضت وقفات قدامو كادوز يدها أمام وجهو ) هييهو فرفوس هل أنت هنا حول ؟

شيماء كتقرص راسها باش مضحكش ) هه احم جمانة ديه ديه …

جمانة : واخا أماما (وشداتو من يدو وجراتو فاتجاه الحيط حتى اختارقوه بجوج …وشيماء شدات كرشها كضحك )

شيماء : ههه ناري عمرني شفت فارس مصدوم بحال اليوم ههه غاتحمقوو جمانة …

جاسم مبتااسم ) أخيرا نجحات فالتحكم كليا بقوتها …

شيماء عنقاتو ) والأهم غانوليو جدين تاني ها سليم ها جمانة ( واختفت ابتسامتها ملي تفكرات جبار ) …

جاسم شاف فيها ) فرفوسك حبيبك ؟

شيماء :نعام ؟

جاسم : قلتي على فارس ولد خوية وراجل بنتك ..فرفوسك حبيبك ؟ إوا وأنا لي وليتي كاتعيطيلي باسمي عادي …

شيماء هزات فيه حاجبها كترمش بعويناتها ) ياك أجسومتي ..وليتي تنكر شحال كندلعليك فسميتك …

جاسم : ماغادوخينيش بعيينيك آخر مرة تعوجيليه سميتو لا هو لا جبار والا سليم واالا وسيم راه كل واحد منهم ولا بمرااتووووو …

شيماء : واخا غاتهدن …(تنهدات ) منعرف واش وصل جباري حبيبي ولا مزال ؟

جاسم غووت ) : شيماااااء ..

شيماء ققزات وهي تخنزر فيه وغوتات ) أماااالنا منخاافوش ولا ؟ ■□تتمة الجزء 507■□
🍀🍀🍀
عند جمانة لي غير خرجات فارس عن طريق الأختراق من جناح جاسم …وهو يوقف مبلووكي وهي شافت فيه )

جمانة : واتحرك نفطرو فيا جوع باش من بعد نمشيو للمستشفى نشوفو حَيدر آش خبارو …

فارس كايشووف فيها سااهي ونطق ) حيدر !

جمانة تنهدات ) هيييهوووو وااا فرفوووسي واراني حاااملة وحيدر هو ولدنا هاذشي لماسميتوش جاسر على بابا ديالي ….

فارس ابتاسم وهو ساهي ..وثواني حتى وسع ابتسامتو وهو كايشوف فكرشها وبزز نطق ) و واش متأكدة ؟

جمانة :أويلي واراه بابا لي أكد ليا بقوتو شاف اشمن قوة عند حيدر راك سمعتيه اش قال …

(فارس تحنا على ركابيه أمام بطنها مبتااسم وعنقها دور يديه على ظهرها وحط راسو على كرشها )

فارس : يعني فعلا غانولي أب وهنا كاين ولدي أنا ياك…

جمانة : آه حيدر ..

فارس هز ليها البودي كايتلمس فكرشها ) : مكانحسش بوالو ..

جمانة : طاقتو بوحدي لي كنحس بيها حيت هو داخلي أنا ..وغايحسو بيها غير بابا سليم و وسيم وجبار حيت هم بوحدهم فعشيرتنا لي مستنسخين رادار استشعار القوى نتا مغاتحسش بطاقتو حتى يتولد دابا غاتحس غير بطاقتي …

(فارس لي عينيه دمعو بالفرحة وهو كايشوف فبطنها لي طبع عليه قبلة )

فارس : حيدر…

جمانة : آه زوين الإسم ياك جا مع قوتو النادرة ..حَيدَر سيد الجاذبية ….أححح وغانزوجو لبنت ساندرا وتخيل معايا تكون هي ساحرة أححح غايجيو كمزيج وااعرين…

فارس مبتااسم …وقف وهزها وتحرك غادي بيها لجناحهم وهي غير كاتهضر مسكتاتش …)

🍀🍀🍀🍀🍀🍀
نرجعو عند ساندرا لي بعدما دوشات مزيااااان ….قادات شعرها مسررررح على طولتو ومكياج متقووون دارت داكشي لي بغات بدون ماتراعي لموافقتو …لبسات فستان أسود إفازي حد لفخاض لكن مستور من جهة الصدر …فستان راقي ومثير رسم كل جسدها ودهنات كريم لفخاضها وسيقانها العاريين….دارت مجوهراتها الذهبية مع حذاء بكعب عالي …وقفات رشات بزاف من عطرها دالخزامة لي كايعجبو ..دارت كتابها السحري ومفتاح التنين فحقيبة يدها …وهزات مونطو خفيف أسود فيدها على لبرد …ووقفات كاتنفس بسرعة مخنننزرة ويديها لي كيرجفو بالأعصاب…هزاتهم حطاتهم على أذنيها غمظات عينيها ونطقات )

ساندرا : فيسمابلوس بلوهار بيثين
فيسمابلوس بلوهار بيثين ..فيسمابلوس بلوهار بيثين 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 508🕯

ساندرا : فيسمابلوس بلوهار بيثين
فيسمابلوس بلوهار بيثين ..فيسمابلوس بلوهار بيثين

/تعويذة كاتخلي الساحرة يسمع كل الأصوات لي حواليه بوضوح ولكن لدقيقتين فقط … هي كقوة التنصت لذا المتحول غير أن هاذ القوة عند المتحول تدوم حتى كايوقفها هو ..أما التعويذة بالنسبة للسحرة فهي محدودة فدقيقتان /….

(وسكتات كااااتسمع كل شيء محيط بها بسرعة وكل الاصوات والحوارات لي معندها غرض بيها تتجاوزها حتى استقر سمعها على صوت ضحك زليخة وهي كاتهضر مع جبار …لي كايتسمع فقط صوت تنفسو العالي ….ساندرا عرفاتهم فين هوما وحلات عينيها مخنننزرة )

ساندرا : واخا اليوم غانوريك يا جبار اليوم غانورييك…. ( وهزات حقيبتها دارتها فكتفها ..ولمونطو فيدها ..وتحركات مخننزرة حلات الباب دالجناح وبدون تردد هاذ المرة خرجات قاصدة حديقة القصر ) …..

🍀🍀🍀
في الحديقة الخلفية للقصر لي خالية كليا من ليكارد ..وبالضبط جنب القفص الكبير دالأسد ليون …معلقين حديدات كبار وعاليين على الأرض …شاد فيهم جبار العاري الصدر … كايتعلى بجسدو وينزل كايريني عظلات يدو …وجنبو زليخة كدير نفس الشيء وهي كاتلهث وكاتهضر بزز كاتعلي جسدها بسرعة محاولتا تجاري سرعتو …كايترينيو بقوة جسدهم العااادية بدون قوى او طاقة المتحولين )

زليخة كاتهضر وهي كاتلهث ) : حسب أجباار حسب داابا شحال من نهار ونتا مقلق منها وقالب عليها واش ماشي زدتي فيه …

(جبار مخنزر وساهي فقط كايتريني كايعلي جسدو ويهبطو ببرود )

زليخة : ج جبار حتى لإيمتا غاتبقا هكا لانتا مرتاح لا هي وبيني وبينك ساندرا مكاتكدبش ونتا عارف …هي مكدباتش عليك …

جبار : كاتركزي على عظلة يدك اليسرى أكتر من اليمنى فرفع جسدك غاتزيدي غير تلاث دقائق هكا غايوقعليك تمزق عظلي فيدك اليسرى …

(زليخة خرجات عينيها وحبسات وطلقات من دوك لحديدات وجات واقفة على الأرض كاتشوف فيه مزالو كايتريني )

زليخة : أكتر من أسبووع أجباار منعستييش كاتجي لقصرك لجناحك عند مرااتك فالليل وبالحس بحالا كاتسرق وهاذشي كولو علاش …؟

جبار حبس وخننزر فيها ) ماتجاوزيش حدك وللمرة الألف غانقوليك دخلي سوق راسك (ونقز من دوك الحديدات جا متكي على الأرض كايدير طراكسيون / تمرين الضّغط : Push-ups) …بسرررعة كاينزل ويهبط …وزليخة تنهدات وتحنات جنبو كاديرها تاهي وكاتحاول تجاري سرعتو )

زليخة وهي كاتلهث ) و واش ماخفتيهاش تزعف منك ها ماخفتيها تقرر هاذ المرة تمشي نهائيا …■□تتمة الجزء 508■□

جبار مخننزر ) زلييخة سكتي ولا 9..و..دي من حدايا ..

زليخة :هاه نفس الهضرة كتقولهاليا يوميا فهاذ الأيام..9..و..دي عليا وعمرني 9..و..دت من حداك فا نتا مضطر تسمعني..ساندرا حساسة راه غاتوصل لحد تحملها غات…. (وسكتات خرجاات عينيها فاش دفع كل جسدو بيديه نقز من فوقها وجا فجنبها الآخر وهو مزال كايدير فحركات تمرين الضغط طراكسيون )

زليخة : وا لاش كاتزرب صبر شويا نتبعك ..وجبار ماتزيدش فقسوتك عليها تاواحد فيينا ما كامل حتى نتا بعيوبك وهي أكبر عيب فيها خوافا وكتخبي خوفها داخلها صريحة فكل شيء حتى لخوفها ونتا متسرع وعصبي ومكاترحمش فا قارن عيوبك بعيوبها وشوف شكون فيكم صاحب أكتر العيوب قبحا …(ونقزات فوقو بنفس الطريقة دفعات جسدها الخفيف بيديها بجوج حتى تعلات وتجاوزاتو جات جنبو كاااتلهث )

جبار : حبسي وإلا عظلة يدك غاتضرر …(ووقف كولو عرقان وهز فوطة …وزليخة وقفات كاتنهج النفس تقطع فيها)

زليخة : نااري أخووية بلا ماتستعمل قوى دالمتحول وسريع هكا وتنفسك منتظم تقول كنتي ناعس ماشي عاد ضربتي 300 طراكسيون ناري سخفت …

جبار : إذن تدربي على تنظيم تنفسك عاد أجي حاولي تجاريني فتمارين الضغط ..

زليخة ضحكات وخبطاتو لكتفو ) ههه وتواضع معانا أساط..وحيد عليك هاذ قناع البرود

جبار خنززر فيها ) ونتي حيدي عليك تبرهيش وقصوحية الراس والغرور .. ..

زليخة خرجات فيه عينيها ) أنا برهوشة هههه هانية غاملي قلتيها نتا كون شيحد آخر كون جندختو و…(سكتات مخررجة عينيها ملي شافت أمامها ساندرا لي جاية ناحيتهم بفستانها القصير وهي كاتمايل بكعبها العالي ..والريح كايلعب بشعرها الطويل ….)

زليخة : قفااااارت ….

جبار كايشوف فيها هاز حاجبو …استدار وخننزر فاش شافها …ولا كاينهج وهو كايشوف ففخاضها العريانين ..ووجهها المزين بالمكياج …..ساندرا لي كانت مدة وهي واقفة من بعيد كاتفرج فيهم كيفاش كايترينيو بجوج في انسجام ..داكشي لي دارو جبار كاديرو زليخة بنفس الكيفية..وعاد زليخة لي كلي شويا كاضحك كايبانو متاحدين الشيء لي خلا ساندرا فقدات آخر ذرات رزانتها ووعيها وتحركات ناحيتهم بخطوات سريعة وهي مخنننزرة فزليخة وكاتمتم بكلمات تعويذة حتى وقفات مباشرة أماامها ودفعااتها بقوة حتى دفعات زليخة للخلف وساندرا غوتاات بعصبية )

ساندرا : بعدييي منوووز ونتيي غيير لاسقة فييه

(جبار دار نصف ابتسامة وربع يديه …أما زليخة مخرجة فيها عينيها )

زليخة :أويلي واش حماقييتي ؟

ساندرا حركات راسها بآه وهي كاترجف بالأعصاب ) :أنا ليووم غانوريك نتي وياااه أشنو هو لحماااق (ولاحت صاكها ولمونطو على العشب وطارت بسرعة شدات زليخة من شعرها كاتجرررر فيها وزليخة كاتغووت….وجبار يالاه تحرك حتى لقا نفسو محاصر داخل نطاق ديق من الطاقة …أي بتعويذة ساندرا حبساتو حسب ظنها …الشيء لي خلاه وسع ابتسامتو وربع يديه كايتفرج )

ساندرا وهي كاااتنتف فزليخة ) هاااذي هي الصحبة هااااا مستااااغلة غضبو منيييي باش تبقاي معااه طول الوقت …

(زليخة مزنننكة بالأعصاب وماقدراتش ترد عليها يالاه كاتحاول تفك شعرها )

زليخة غوتات ) غااالطة بزااف ساااندرا وااش حماقييتي طلقيي خليينا نهضرو راك بعقلك زعما …

ساندرا : نتيييي وحدة غدارة سمعتيي عمرني نعااود نتيق فييك بعدييي منووو وسيري ديها فعصمااان شوياااا ونتي غاتابعة جبار وحالة فمك …

زليخة دفعاتليها يديها ) هاذشي ماااشي بصح راك فهمتي غلط (شافت فجبار ) أشرح ليها ونتا كاتتفرج …

ساندرا عاودات دفعاتها بقوة حتى كانت زليخة غاطيح ) ماااتشرحووليش بصحتك بيييه (شافت فجبار مخننزرة ) وبصصحتك بييها أصلا جييتو مع بعضياااتكم …

…….: أشنو واقع هنا ؟

دورو ريوسهم بتلاثة لقاو …
يتبع 🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 509🕯

ساندرا عاودات دفعاتها بقوة حتى كانت زليخة غاطيح ) ماااتشرحووليش بصحتك بيييه (شافت فجبار مخننزرة ) وبصصحتك بييها أصلا جييتو مع بعضياااتكم …

…….: أشنو واقع هنا ؟

(دورو ريوسهم بتلاثة لقاو عصمان..واقف بعيد عليهم بخطوات وكايشوف فزليخة وساندرا باستغراب …و هو الآخر بحوايج سبور وعرقان كان كايجري )

زليخة صفارت أما ساندرا ابتاسمات بشر وغوتات )

ساندرا :هاااي عصمااان أجي أخوية أجيييي نقوووليك أشنو وااقع …

زليخة نطقات بهمس ) سااااندرا واش تسطيتي تهدني غير نشرح لييك راه كل شيء درتو غيير على قبلك قسما بالله تاعلى قبلك …

(ساندرا شافت فيها وبسرعة تاني شداتها من شعرها كاتدي فييها وتجيب صااااعرة مزننكة بالأعصاب وكااتغوت بحر جهدها )

ساندرا : أشنوووو درتي على قبلييي هااا(جراتها بالجهد من شعرها حتى غوتاات زليخة ) كادوزييي كل وقتك مع راااااااجلي هاذشي لي درتي على قبلي بغيتي تطيريه وت مممم(وسكتات فاش طارت عليها زليخة سادة ليها فمها )

زليخة لي كااتنهج مزززنكة وهي كتشوف فعصمان وكتهضر مع ساندرا بهمس ) سكتييي راك فهمتي غلط حشومة عليك غاتخرجي عليا سكتييي راه هو على سبة تااني يتنفخ وبرربي هاذ المرة مايسمح ليا …

ساندرا تنترات منها ودفعاتها حتى تدفعات زليخة وزغبات من شعرها بقاو فيدين ساندرا لي غوتات ) بااراااكا ماغانزييد نسمع وااالو منك نتي ويااه…. (شافت فجبار مخننزرة فييه ) ولا شنووو شفتك ساااكت أساعدة اللوورد الأووول… ولا عااااجبك لحااال …

(جبار كايشوووف فيها …حول نظرو لزليخة لي عينيها غير على عصمان وأشار ليها براسو تنساحب …وهي سرطات ريقها وتحركات كاتجري وقفات أمام عصمان وهي كاترجف )

عصمان كايشوف فيها شعرها كولو طلع للسماء ومزنكة ح ) اشنو واقع مال الليدي ساندرا معاك ؟

زليخة شداتو من دراعو وابتاسمات بحزن ) و والو أجي معايا عافاك …

ساندرا لي مخننزرة وهي تابعاهم بنظرها غوتات ) علالاش كااتكدبي علييه قوووليليه أشنوووو واقع وقووليليه فين دوزتي لبااارح قوووليلييه أنك كنتي كااتفوجي فروووما ومع جباار …

(زليخة مسحات على وجهها بعصبية وعصمان هز راسو شاف فساندرا ورجع شاف فزليخة )

عصمان : كيفاش كاتفوجي !!

زليخة : واالو راه هي فهمات غلط يالاه نمشيو ونشرح ليك (وجراتو من دراعو وانساحبو)🖤الجزء 2 من قصة 🖤 ⚘#وحش_ذات_القزحيتين ⚘
والذي بعنوان :
⏳قصة : #عشق_الجبابرة ^⏳
♥️ ️#أَحمِـلُ قَلبكٍَ مَعــيِ : متحولينVsسحرة ♥️
📜الكاتبة : chaymae ouaj
🕯الجزء 510🕯

ساندرا رجعات نظرها لجبار مخننزرة فيه ) شفتك ساااكت وعاااجبك لحاال ظنييتك غااتعصب حيت قاطعت علييك لحظات تدرييبك الرومنسي مع بنت خالك وريشتها قدااامك …

جبار على حالو كايشووف فيها ونطق ببرود) كنصحك تخفظي نبرة صوتك …

ساندرا شافت أنه مازالو محاصر داخل حقل طاقة تعويذتها وغوتات ) يااااك أييه وااخا واابلاتي نمشي نعيطلييك ليها تكملووو تدرييبكم وتلمااسكم فبعض جييت غاانقوليك أنا غاااديا فحااااااالي …

جبار غمظ عينيه بالجهد كاتم غضبو ونطق ببرود ): صوتك عالي !

ساندرا غيير كاتغوت فوجهو ): بغيييت نغوت سوووقك ولانسييت آه نتااااا اللوورد الأول ولي غوت فوجهك راسو يطير يااك (غوتااات ) إذن هاااانا كانغغوت ياالاه ورييني أشنوو فجهدددك غااااااادير…

(جبار ابتاسم …واختفى من مكانو خرج من وسط حقل الطاقة لي حبساتو فيه …وظهر خلفها مباشرة وهي بسرعة استدارت كاتشوف فيه مخرجة عينيها بعدم تصديق )

جبار : عاودي دابا غوتي نشوف ؟

(سااندرا سرطات ريقها ..وعينها طاحو منهم دموع ودفعاتو من صدرو بدون مايتزعزع وهي كاتهضر بصراااخ وغير كاتبكي )

ساندرا : كااانكرهك سمعتيي وماغااديش نسمح لييك نتاا شخص قااسي ومكاتحسش كنت غاالطة فييك كان كايحسابلي كاتبغيني لدرجة مستحيل تآذيني ولكنك فهاذ الأيام عذبتيني نفسيا خنقتيني حتى كرهتك …

جبار كايشووف فيها ) أمم بصح حيت أنا لي كذبت عليك ونافقتك ياك ؟

ساندرا غوتات وهي غير كاضرب فيه لصدرو العاري ) ماااااكدبتش واااماكدبتش أناااا ماااشربتهههمش ماطاحوش فكرشي أشنووو بغيتيني نديير باش تييقني آه خدييتهم آه كااانت نيتيي نشربهم ولكن ماااادرتهاش على قبلك مااادرتهاااش فكرت فيييك ماابغيتش نطعنك فظهر (دفعاتو من صدرو كاضرب فيه ) ماااشربتهمش وااا مااشربتهمش واش بغيتي تحمقني حشومة عليك (وضرباتو لكرشو بدون مايتزعزع ) واااااا خدييتهم حيييت خاااايفة إييلا كنتي نتا مبرد وماامسوقش أناااا خااايفة من مصييري بعدما يتدمر هذاك لكتاااب خايفة واش ماكاتفهمش اشنو هي خاااايفة كييفاش غانولد فهاذ الظروووف حاول تفهمنييي ولو شوياااا…

جبار جاامد كايشووف فيها )كان ممكن ببساااطة تشاركيني خوفك تصارحيني ولكنك لدابا مكاتيقيش فيا …بل ماعندك حتى ذرة تقة فيا …

ساندرا سرطات ريقها وغوتات ) لا مااشي بصح أنا غير خايفة عليك …

جبار ابتاسم )هاذشي علاش كنتي غاتمشي …

ساندرا : كل شيء درتو وكنديرو وأنا كنفكر غيير فيك

جبار غووت ) علاش مستهينة بيا لهاذ الدرجة يا ساندرا …كاتتعاملي على أساس أنك نتيييي هي أقوى كيان خارق فصنفك وأنا أضعف واحد فصنفي !! فييقي وحلي عيينيك راك قلبتي الآية… كل القوة والذكاء فيدي فآخر مرة تستهيني بيا …

Leave a comment