Skip links

قصة : الوحش ذات القزحتين ج 53

 36,719 عدد مشاهداات

⚜الفقرة 1 ⚜من نفس الجزء
…..ديما التي تطمح لبزااف دالأشيااااء مستقبلا…وخصوووصا أنها حاليا حامل فأشهرها الأولى وعندها بنت 😈 …ومهم عندها بزااف يكون ولدها قريب من ولي العهد(جبار) كيما جوكار قريب حاليا من جاسم …ولكن بلا ماتحتاج تخطط أو تحبك … الأطفال اصلا قراب من بعض وصداقتهم من الصغر كاتبنا على الصح على التضحية وعلى الصدق …

أما تارا لي من بعد اليوم ليكان غايموت فيه وسيم غرقا…نفسيتها تأزماااات وبزااااف ..واخا ماقالتش ليها شيماء والو او بيناتليها أصلا أنه فخباارها آش وقع لوسيم ….ولكن تارا عيانة ووضعها النفسي كايخرج عن السيطرة يوما بعد يوم ..هي بصح اعتاذرات من شيماء ومن أيار …وبعدهما اعتاذرات من جاكلين وباربرة وقدام كل العائلة ..مابقاتش كاتكلاشي أو تجرح أو تتدخل فيما لا يعنيها …وعطات تيييساع للبنات ..لكنها ولات عايشة كالشبح …قلييييل فاش كاتهضر …ماكاضحكش …حتى من عملها فالشركة خلاتو وولات عاطياها غير للنعاس وغير فجناحها إيلا ماجاوش عندها لبننات ماتمشيش عندهم …حتى فحفل سبوع زوزو فعلا لبسات بينك ودارت صواب حضرات نصف ساعة من الحفل ومن بعد سلتات لجناحها وسدات عليها ….ماماتقدددرش تتحمل تتجمع مع لبنات حيت معهن ديما لي غيير كاتتفاخر بحملها الجديد …فا تارا تاتجلس معاهم خمس دقائق وتنوض فحالها …وعدنان لي قرر أنه بعظ سبوع يجيبليها طبيبة نفسية تلازمها ..ولكن تلقا الرفض التااااام من طرف تارا مابغاتش وهو بزز عليها العلاج النفسي ..لدرجة تشاادو نيت حتى طاحت سخفانة بالأعصاب …فا قرر يخليها مدة حتى تهدن عاد يعاود يفتح معاها موضوع الطبيبة النفسية

⚜💗⚜💗⚜

بعد مرور أسبوع على حفل سبوع زليخة …ليفيه انتهى عقاب جبار وفارس وحتى عصمان وخرجو من الحجز ….جاسم نظم ليهم اول تدريب على التحكم بقواهم قواهم …تدريب لي موزع على مراحل ولي غانشوفو أول مرحلة منو ….وبدأ بولي العهد بجبار لي خاسو أولا يفرق بين استنساخ قوة المتحول من استنزاف إينيرجي او طاقة الجسد ….👑

اليوم الساعة 9 صباحا و في قاعة محكمة المتحولين الضخمة والواااسعة … جبار جالس على كرسي وكايشوف أمامو كان واقف جاسم وجنبو شيماء …جاكلين وجنبها دياب وفارس …عدنان وجنبو غسان …فيليكس وجنبو أليشا … وإيفان …وجوكار وولدو عصمان ….وكل الكبار واقفين أمام جبار بخطوات و كايشوفو فيه بملامح جدية ومربعين يديهم وهو كذلك جالس على كرسي أمامهم و مخنزر فيهم..)

جاسم : استرخي وحس بطاقة كل واحد مننا من غيري أكيد وتمعن فيها مزيان شوف أكثر طاقة(قوة) جذباتك تستنسخها أولا

(قال له من غيري حيت سبق وشرحت أنه مستنسخ لايمكن له استنساخ قوى مستنسخ آخر)
جبار تنهد وهو كايشوووف فيهم واحد بواحد وكايحس بكمية طاقة كل واحد منهم على حدى حتى استقرو عيونو الزرق على عمه دياب)

جبار أشار باصبعو له وهو مبتاسم ) : عمو دياب

دياب ابتاسم وتقدم حتى وقف أمام جبار وتحنى قفازي أمامو وباسو فخدو وعطاه يدو …وجاسم كذلك وقف جنبهم)

جاسم : شد يدو غاتحس بالقوة دالمتحول وكذلك طاقة أو إينيرجي جسدو وغير تحس بيهما بجوج وجه استنساخك لقوة المتحول ماشي لطاقة الجسد

جبار شاف فيه وسرط ريقو ) ويلا ماعلفتش واش انسخفو بحال عمو فيليكس داك نهال

فيليكس اختفى من مكانو وظهر جنبهم وتحنى قفازي أمام جبار ) وحتى إيلا سخفتيه كاع أش غاوقع غاينعسليه شوية ويفيق ههه هاني قدامك ألبطل ماوقعليا والو وحتى عمك دياب ماغايوقع ليه والو (وباسو فخدو )

جاسم: هانا معاك وجنبك أجبار إيلا حسيت بيك كاتستنزف الاينيرجي دعمك ماعليا غير نفصل يدك من يدو وغاينتاهي الأمر قبل ماتستنزفها كليا (لعب ليه بشعرو) فا ماتخافش ألبطل ماغايوقع والو
(شيماء كاتشوف فيهم وهي مبتاسمة كيفاش جبار ..كل أعمامو كايعاملوه كا ولدهم ماشي ولد خوهم ونفس الشيء بالنسبة لفارس خليل وسيم وسليم وزوزو )⚜الفقرة 2 ⚜

دياب : يالاه أصاحبي خلي أول قواك تكون هي قوتي وهذا شرف ليا يا ولي العهد

جبار شاف فيه ) أنا بغيت قوة فالس هو غايكون أقوى منك ولكن غيل خفت نسخفو هو أو نضلو (نضرو) داكشي باش اختاليتك نتا بدالو أعمو حيت نتا كبيل (كبير)

كلهم خرجو فيه عينيهم من دهاؤو ودياب ضحك)

دياب : لهاذ الدرجة عزيز عليك فارس أحبيبي

جبار : فالس خوية وعزيز عليا وبزااف وماغانخلي تاحاجا ضلو (ضرو) كيما كاتوصيني ماماتي كل ليلة بهادشي

(دياب وكلهم شافو فشيماء لي مبتاسمة وجاسم ابتاسم ليها ونظراتو كلهم افتخار ..غمزها وهي تزنگات )

فارس لي واقف جنب جاكلين وفرحان وكاينقز ) واا ثووكلان ثووكلان أخويا ثوكلان أثاحبي (شكرا)

عصمان نطق بالتركية ) وأنااا أجبال (جبار)

جبار شاف فيه ) وا حتا نتاا أعصمان بحال فالس وخليل وسليم ووسيم وزوزو

جاسم ابتاسم ) يالاه اختار أجبار دياب أو فارس هما بنفس القوة التى هي الجسد الفولاذي غير هو طاقة فارس عالية على طاقة دياب ولكن ماتنساش أنك ملي غاتستنسخ القوة غاتولي ديالك وطاقتها نتا لي غاتحكم بيها وبمداها تقدر تولي القوة طاقتها داخلك أكبر من طاقة صاحبها الأصلي حتى…. وتتحكم بها أحسن وهذا على حساب طاقتك نتا

♦️(أي أن المستنسخ ملي كايستنسخ قوة كاتولي جزء من جسدو وجزء من طاقتو يقدر يستنسخ قوة كانت عند صاحبها ضعييفة ولكن هو مع طاقتو الكبيرة غاتولي عندو القوة جد قوية …وذكرت هادشي مع جاسم من الأجزاء الأولى أنو كايستنسخ القوى وكايتحكم بها أحسن حتى من أصحابها وأقوى أيضا …قوة النار عندو أخدها من عدنان لكن نيرانو أقوى بكثيير من نيران عدنان ..وتنقلو أسرع من تنقل فيليكس …وجليدو أبرد وأسمك من غسان …أي قوة استنسخها كاتضوبل طاقتها فجسدو حيت هو أصلا طاقتو دالإستنساخ أكبر من كل طاقات القوى الأخرى =هذا غير جاسم ليعندو 55 قوة فما بالكن بجبار لي غاتكون عندو 100 قوة … فأي قوة استنسخها غاتولي نتاعتو وقوية بالدوبل على صاحبها الأصلي ) ♦️

جبار : عالف أباباتي واختاليت أمو دياب

دياب : إذن شد يدي أولدي وركز واستنسخ

(جبار تنهد وشاف فماماه ..وشيماء غمزاتو وهو ابتاسم وشد يد دياب وغمض عينيه ..ثواني حتى شهق دياب وخرج عينيه وهو كايحس بكل إينيرجي جسدو تسحب منه …وجاسم بسرعة فصل يد جبار عنو ..هاذ الأخير لي فشل مرة أخرى واستنزف بدل ما يستنسخ ..عينيه دمعو وشاف فباباه)

جبار : ماعلفتش

جاسم : الأمر ماشي سهل أجبار راه التحكم بالقوة أصعب شيء حدك تتحكم بيها وتفرق بين القوة والإينيرجي ماغاتلقا حتى صعوبة من بعد فا حاول مرة أخرى

دياب عطاه يدو تاني ) ركز أجبار ياك كاتحس بطاقتي

جبار حرك ليه راسو بآه ) كنحس بالطاقة دالمتحول وبالاينيلجي بجوج

دياب : إذن استنسخ هاذ الطاقة لي نتا كاتحس بيها ديال قوتي يالاه ألبطل

(جبار شد يد دياب حاول مرة أخرى بدون فائدة بدأ بامتصاص إينيرجي جسد دياب بدل قواه واضطر جاسم يحيد يدو من على يد دياب ..وحاول لمرة تالثة ورابعة بدون أي استنشاخ فقط استنزاف …الشيء لي خلا جاسم يبدل دياب بجوكار …ونفس الشيء عدة محاولات في استنساخ قوة التفجير لذى جوكار ولكن واالو …حاول جبار مع فيليكس يستنسخ قوة تنقلو ولكن والو مجرد عدة محاولات فاشلة ..جاسم بدلو تاني بغسان …)

غسان جلس قفازي أمام جبار لي مميل فمو وعينيه عامرين دموع …وغسان عطاه يدو )

غسان : يالاه ألبطل حاول معايا انا وغير ركز وغاتنجح

جبار حرك ليه راسو بلا وشاف فباباه وبزز صابر مايبكيش ) جبار : مابقيتش بغيت ماعرفتش وماغانعرفش

جاسم يالاه غايهضر حتى تدخلات شيماء )

شيماء : جبار حبيبي (تمشات حتى لأمامو وجلسات قفازية وعنقاتو ..وغسان وقف ومشى رجع لمكانو )
⚜الفقرة 3⚜
شيماء : جبار حبيبي (تمشات حتى لأمامو وجلسات قفازية وعنقاتو ..وغسان وقف ومشى رجع لمكانو )

شيماء : تهدن أحبيبي حنا مازربانينش امتى مانجحتي المهم أنك فالأخير غاتنجح ومابغيتكش تتشائم وتقول ماغاتعرفش نتا راك قوي وأنا معاك وباباك وعمامك..كلنا معاك وحتى حاجة ماغاتجيك صعيبة

جاسم هو الآخر تحنا أمامو مبتاسم ) طاقتك كبيرة أجبار أقوى استنساخ وأقوى قوة عرفها جنسنا فهذا هو السبب ليخلاليك صعوبة التحكم بها وغاتحتاج لعدة تداريب بحال هذا …وتداريب من نوع آخر فميدان حي(بحال التدريب لي دربو شيماء ملي بقا جاسم كايهجم عليها بعدة قوى ) ..هاذ التدريب لي غانبداوه ولكن حتى تكبر حاليا خاسك غير تتحكم باستنساخك

جبار : وكينديل

جاسم : مانقدرش نجاوبك على هاذ السؤال حيت كل واحد مننا وكيفاش كايتحكم بقواه بطريقة معينة أنا مثلا ملي كنت أكبر منك بسنتين اكتاشفت طريقة خلاتني بسهولة نميز بين الإينيرجي دالجسد وطاقة المتحول وهاذ الطريقة هي ملي كنكون كانستنسخ كانركز كل تفكيري فرغبتي بامتلاك تلك القوة وهاكا مباشرة كانستنسخها ونتا خاسك تكتاشف طريقتك الخاصة فالإستنساخ

شيماء باستو فخدو ) وأكيد حبيبي غايعرف

جبار ابتاسم وشاف فيها ) بصح غانعلف

شيماء : أكيد ما أنت جباري الجبار (عطاتو يدها ) أنا محيدة درعي أكيد كاتحس بطاقتي فا نبغيك أحبيبي تستنسخها

جاسم شاف فيها ) : شيماء

شيماء شافت فيه وغمزاتو )

جبار كايحرك راسو بلا ) : ماغانعلفش وغانضلك أماماتي وأنا مستحيل نضلك ماغانقدلش نآذيك مابغيتش هئ لا ماشي نتي عطيوني خالو إيفان

شيماء مسحاتلو دموع ):لا أحبيبي بل غاتستنسخ قوتي أنا ..وأيضا أنا عارفة أن جباري مستحيل يآذيني ومتأكدة من هادشي ولهذا نتا غاتركز باش ماتآذينيش وتستنزف الإينيرجي نتاعي فا غاتستنسخ الطاقة الصح دقواي ماشي دجسدي وأنا تااايقة فيك وديما كانتيق فيك أحبيبي

جبار سرط ريقو وهو كايشوف فيدها )

شيماء : نت شجاع أجبارو يالاه

جبار شاف فباباه ) ماتخلينيش نضلها أبابا

جاسم ابتاسم ليه ) واخا ماتخافش فا ركز أجبار

(جبار رجع شاف فشيماء وشد يدها وهي مبتااسمة وعينيهم فبعض … سهى لحظة فعيونها عاد غمض عويناتو بجهد وهو كايسرط فريقو وجه كل تركيزو على قوة الدرع ..ثواني وهو مغمض عينيه … حس كأنو واقف فمكان خاااالي من أي شيء بووووحدووو كأنو واقف في الفرااااغ واللاشيء والظلام .. وفجأة ظهرو أمامو طريقين لا يلتقيان … واحد يؤدي للشرق وآخر للغرب .. وهو واقف في مفترقيهما … وكلا الطريقين كايجرووه لعندو ولكن طريق كايجرو لعندو أكتر من الآخر فا خاسو يختار طريق واحد يمشي فيه … بقا واقف فالمفترق وهو كايفكر فماماه وكلام بابا كايتعاوذ فذهنو ملي قال له /^جاسم : ملي كانكون كانستنسخ كانركز كل تفكيري فرغبتي بامتلاك تلك القوة فا مباشرة كانستنسخها/^
…جبار شاف في الطريق لي كايتجر ليه بقوة… وابتاسم ومشا عكسو …مشى للطريق الآخر وفهاذ اللحظة شيماء حسات بيدها فااااشلة عليها وجبار كاينهج وحل عينو عالجهد وهو كايحس بقوة #الدرع ديال شيماء كاتغلغل فأعماااقو كأنه اكتسب جزء جديد منو …الطريقين لي شاف واحد منهم قوة الدرع لي مشا فيه ..والآخر إينيرجي الجسد ليكان كايجروو ليه يستنزفها ولكن هو مشى عكسو وهاذي هي طريقة جبار فالإستنساخ أنه يختار عكس الطاقة ليكاتجرو بقوة وهكذا غايستنسخ بدل مايستنزف …

شيماء وكلهم وسعو ابتسامتهم وهي عنقاتو عندها بالجهد )

شيماء : كنت عارفة أنك غاتقدر كنت عارفة أنا كانتييق بيك حبيبي الشجاع⚜الفقرة 4 ⚜
شيماء : كنت عارفة أنك غاتقدر كنت عارفة أنا كانتييق بيك حبيبي الشجاع

جاسم : عقل على كيفاش قدرتي تستنسخ وكيفاش فرقتي بين الإستنساخ والإستنزاف حيت هاذ الطريقة لي اتابعتي الآن هي لي غاتستنسخ بها قواك المئة

إيفان : حبيبي جبووري البطل دخاالو براافو

كل خوت جاسم وإيفان وجوكار وجاكلين وأليشا صفقو ليه وكايضحكو …أما جبار لي فحظن شيماء ابتاسم ليهم وهو فاااشل و عينيه كايتسدو حتى غيب ليها فيديها وهي تخلعات وغوتات …حتى هزو جاسم عندو وقاليها ماتخافش .. الأمر عادي كلما استنسخ قوة غايجيه الإرهاق حيت مزالو طفل ولكنو ومع الوقت غايتعود وملي يكبر غايجيه عاادي …جاسم هز جبار فحظنو و قال لخوتو وإيفان وجوكار يتسناوه واختفى بجبار وبشيماء ظهرو فقصر لستاركس …ليمابعيدش بزاف على مقر محكمة المتحولين …وحط جبار على سريرو هو وشيماء ..وقاليها تبقا جنبو حيت غير غايفيق غايجيه جوع وعطش حيت ضيع طاقة بزاف فالتدريب ..وبعدها اختفى رجع للمحكمة وجات نوبت فارس فالتدريب …فارس مشى جلس على الكرسي مكان جبار …وجاسم هز إبرة خياطة ووقف أمامو )

جاسم : فارس البطل

فارس شاف فيه وهو كاايضحك متحمس ) ههههغغ ناام (نعام)

جاسم ابتاسم وتحنا باسو فخدودو لمطبزين ..وبعدها هز أمامو الإبرة )

جاسم : نتا هزيتي سرير ثقيل بيد وحدة فتلك اللحظة كانت قوة جسدك الفولادي وقوتك البدنية مفعلة بغيتك يا فارس ترجع تفعلها بحيث نخشيليك هاذ الإبرة فيدك وتتعوج وماتختارقش جلدك

فارس خرج فيه عينيه وكايهضر بصوتو غليض ) وا راه نسييط (نسيت) كيدرط(كيدرت) ليها دييك لملا (المرة )

جاسم : ملي هزيتي السرير أول مرة باش حسيتي قبل ما تهزو

فارس : حسيت بلقوا(القوة) فجسدي وبلي بعييت نهزو وخاسني نهزو

جاسم : إذن هاكذا كاتتفعل قوتك غير برغتبتك ففعل شيء معين …فا حتى دابا شوف فهاذ الإبرة وحس بالقوة داخلك القوة لي عمرها تخلي إبرة صغيرة كهاذي تخترق جسدك

فارس : واش أيخلجلي دام (غايخرجلي الدم)

جاسم : آه وبزاف ددم إيلا مافعلتيش قواك

فارس شير لباباه ) وا جلب (جرب)
فبابتي بعظا (بعدا) عاض(عاد) أنايا

جاسم ابتاسم) : باباك ماغانفعنيش معاه إبرة أ فارس (ووقف واختفى من مكانو وثواني رجع ظهر وهو هاز خنجر من الحجم الكبير)

فارس شاف الخنجر وخرج عينيه) : ناااااالي

جاسم : دياب

(دياب تقدم وهوا كايضحك ووقف جنب جاسم هاذ الأخير لي بسرعة هز الخنجر بيدو تاللسماء وضرب بيه فصدر ذياب ومع جسدو الفولاذي الخنجر تهرس على جوج طاح النصل بوحدو (الجهة الماضية) ويد الخنجر بوحدها …وولا خدش على جسد دياب كأن الخنجر ضرب فالفولاذ )

فارس : واااو (وقف ناشط ) تانا تانا تانا تانا

جاسم تحنا قفازي أمامو ) نتا (شد يدو الصغيرة لمطبزة وبعدها خدا أصبعو الصغير ) غانجرب غير فصبعك الصغير بهاذ الإبرة وييلا فعلتي قوتك والإبرة ما اختارقاتش جلدك ..من بعد ندوزو لإبرة أكبر ومع التدريب كل مرة نجربو آلة او سلاح جديد

فارس تنهد ) واخا جلب دابا بلبلا واخا أنايا بعيت لمووس لكبيل بحال باباتي أعمو ثاثم(جاسم)

(كلهم تزلعو بالضحك ..ودياب تحنى هو الآخر أمامو كايضحك )
⚜الفقرة 5 ⚜
(كلهم تزلعو بالضحك ..ودياب تحنى هو الآخر أمامو كايضحك )

دياب : ههه فارس …بلاتي ركز أحبيبي وفعل طاقتك راك غاتحس بالقوة كاتغلغل فجسك وبأنك خارق وغاتحس بلي جسدك كايقصااح ..عظامك لحمك عظلاتك غاتحس بيهم كلهم قااصحين

فارس : سوبلمان ؟

دياب : آه بحالو و نتا هو سوبر مان ديالي

(فارس ابتاسم وغمض عويناتو وهو مبتاسم مدة ..ركز تفكيرو على الإبرة لي مابغاهااش تجرحو .. عاد بدأ كايحس بالقوة كاتعمر وتتدفق داخلو ..جسدو قصااح ..و حل عويناتو وشاف فيهم )

فارس : عيل(غير) خشيها لاني وليت دابا سوبلمان

(جاسم شاف ثقة فارس بنفسو شحال عالية فا ….مباشرة خشاليه الإبرة فصبعو بالجهد ولكن بدون جدوى كأنو كايخشيها فصخرة …وخشاها فدراع فارس بقووة تا تعوجاات الإبرة وما اختارقاتش جلد فارس)

دياب ابتاسم وعنقو ) برااافو حبيبي براافو

جاكلين جات كاتجري عنقاتو حتى هي ) براافو فارسي الشهم

جاسم لعب ليه فشعرو ) عقل على الطريقة باش فعلتي قواك وهي ^الرغبة ^ فأنك دير شيء او ما ديروش …حيت هاذ الطريقة غاتمشي عليها دائما فتفعيل قواك ومزال تدريبات أخرى أفراس لك ولجبار

فارس كايضحك بفرح) دلتها (شاف فعمامو ) سفتوووني سفتوو

هزو غسان كايضحك وباسو )

جاسم شاف فعصمان لي مخبع مور جوكار حيت عرف نوبتو وصلات )

جاسم : عصمان دورك

عصمان بدأ يبكي ) وا لا لبلا لا (الإبرة)

جوكار هزو كايضحك) ألخوااف ههه أشمن إبرة ونتا عندك قوة التنقل

جاسم : عصماان أجي جلس مكان فارس

عصمان الصغير مسح دموعو وتمشى تاجلس فالكرسي ليكان فيه فارس وشاف فجاسم و ميل فمو بغا يبكي )

جاسم تحنى قفازي أمامو ) مالك

عصمان : مابيتش لبلا (مابغيتش الإبرة)

جاسم : الإبرة ماشي ليك لفارس أما نتا عندك قوة التنقل فا تدريبك ماشي بالإبرة

عصمان : وباياش

جاسم : قالي جوكار أنو فايت أخذك للملاهي فمدينة اصطمبول تركيا

(جوكار رئيس العشيرة التركية وأحد العظماء الأربع ويد جاسم اليمنى وعصمان ولدو عندو قوة التنقل السريع )

عصمان حرك ليه راسو بآه ) جوز ملات (جوج مرات)

جاسم : وفالمرة التالثة شكون خداك

عصمان بدأ كايضور فعينيه ) لاصي (راسي)

جاسم : كيدرتي حتى مشيتي من جناحك فقصركم لي موقعو خاارج مدينة اصطمبول بنصف ساعة حتى لمدينة الملاهي لي فصونطر المدينة ؟

عصمان : وا بابا لي ماباش يعاود يديني ومسيت لاسي (مشيت راسي)

جاسم : أمم وكيدرتي ليها

عصمان كايضور فعينيه بتوتر )

جوكار : ههه عصمان جاوب عمك قوليه أشنو درتي يا صاحب المشاكل

عصمان : كنت باعي نمسي نلعب وهوا ماخلانيش فاغمضت عيني وفكلت فالألعاب وملي حليت عيني لقيت لاسي وسط الملاهي (شاف فجاسم بعينين مدمعين ) واا و الله مادلتها بنعاني (مادرتها بلعاني) مااعلفتش تالقيت لاسي تما إوا ودخلت نلعب⚜الفقرة 6 ⚜
جوكار : هههه راه شرحتليك أعصمان..أنك فهذاك اليوم تنقلتي أول تنقل لك اختافيتي من القصر وظهرتي وسط البشر لحسن حظك الناس كانو ملاهيين وماكاينينش كاميرات مراقبة أما كون وقع مشكل

جاسم : عصمان فهمتي أنك فعلتي قوة تنقلك وتنقلتي من جناحك لمدينة الألعاب ياك ؟

عصمان حرك ليه راسو بآه )

جاسم : وعرفتي شحال الأمر خطر عليك (شد ليه يديه لي فيها سوار من الأساور لي صايب جاسم وعليها قطعة من الحجر الحامي من السحر لي سيفطاتوليه الساحرة …ونفس السوار عند كل الأطفال حتى من زليخة ركبليها واحد وفنفس الوقت الأساور كلها مزودة بجبس )

جاسم : كونما السوار (جبس) كان جوكار غايلقاك بصعوبة أعصمان قوتك تفعلات ونتا فسن صغيرة فاخاسك تتحكم بتنقلك فأسرع وقت

فيليكس قرب منو وتحنى قفازي شاف فيه) عصمان نتا عارف بلي عندي أنا وياك نفس القوة ياك

عصمان حرك ليه راسو بآه )

فيليكس : أنا فاش كانبغي نتنقل لمكان ما… ماعليا غير نفكر فالمكان بالضبط لي بغيت وفثواني كانتنقل ليه وهادشي لي درتي نتا رغبتك فالألعاب واللعب خلاوك كاتفكر غير فالملاهي حتى تنقلتي ليهم وهاذشي خطير خاسك تتحكم بالأمر وتتحكم بتنقلك ماشي قوتك لي تتحكم بيك …حتى إيلا فكرتي فمكان معين تكون متحكم واش تتنقل ليه ولا لا …ماتنقل حتى تبغي نتا

عصمان : هيو كينديل(كيندير)

جاسم : قولي شي مكان بغيتي تكون فيه دابا

عصمان سكت شوية كايفكر حتى ضحك ) زوزو بعيت زوزو

إيفان وجوكار خرجو فيه عينيهم )

جاسم باستغراب ): زوزو!

عصمان كايصفق بيدياتو ) أييه هي زوييينة مسيت نسوفها صباح ونبوسها ولقيتها نااعسة وقاتلي عميتو بالبلة (باربرة) تاتفيق ونزي عندها فا ماسفتهاس ومابستهاس بعيت نسوفها ونبوسها

إيفان شاف فجوكار ) واش ولدك كايهضر على زوزو نتاعي أنا

جوكار : هههههه وهانتا تشوف

جاسم : إذن أشنو بانليك أنا ونتا نتنقلو لعندها للجناح

عصمان : آه آه بعيتها(غ) نلعبو ونبوسها

إيفان : أبلاتي هاو كلاك بعيتيها وتبوسها …
( سكت حيت جاسم خنزر فيه)

جاسم : يالاه فكر فالجناح لي فيه زليخة وغير تتنقل ليه نتبعك

عصمان غمض عينيه فرحاان وكايفكر غير فزليخة ..مرت دقيقة وجوج وخمسة بدون نتيجة …حل عينيه وشافهم كايشوفو فيه)

عصمان : مابغاس(ش)

جاسم : فاياش كنتي كتفكر

عصمان : ههه فزوزو

إيفان : زوزو نتاعي أنا

جاسم :خاسك تفكر فمكان إيلا بغيتي تتنقل له أعصمان ماشي فشخص

فيليكس : فكر فالجناح ألبطل ماشي فزليخة فكر فالمكان

عصمان : واخا نعاودوها

جاسم : يالاه وركز هاذ المرة
❤❤❤❤❤

فالقصر وفجناح شيماء لي فاقليها جبار ووكلاتو هو وسليم ورضعات وسيم ..وجاو كل الأعمام والعمات والجدة والجد شافو جبار وهنؤوه على أول استنساخ له …وبعدها رجع نعس حيت متعب ونعس جنبو سليم على سرير ماماهم وباباهم …شيماء بقات معنقاهم مدة تانعسو عاد هزات وسيم وخرجات فاتجاه جناح تارا …دقات مرة وجوج بدون رد وحلات لباب لقاتها جالسة فلبالكون وسااهية وجلسات جنبها شيماء وبدات تهضر وتعاودليها على عدة أشياء فقط كاتخلق الحوار باش تخلي تارا تهضر … وتارا كاتسمع ليها بدون جواب وعيونها غير على وسيم وساااهية فيه وهي مبتاسمة )⚜الفقرة 7 ⚜
شيماء شافتها ساهية فوسيم ) : تارا تبغي تشديه

تارا سرطات ريقها وأخيرا نطقات ) لا غير خليني هكا كنشوف فعيونو سبحان الله كنشوف فيهم كانحس بالرااحة(تفكرات أنو كان غايغرق بسببها وبداو دموع يطيحوليها ….وشيماء شافت دموعها عرفاتها تفكرات الحادث ومايمكنش تهضر معاها عليه حيت تارا كايحسابليها أن شيماء ماعارفاش بأمرو ..)

شيماء : أحم جبار اليوم استنسخ اول قوة له وهي قوتي هه ماتخيليش شحال فرحت

تارا ابتاسمات ) دائما ملي كنت صغيرة كنت كانتخايل أشنو هي القوى لي غاتكون عند بناتي ولا ولادي ههه كنت كنحلم تكون عندهم نفس قواي ولا قوة أيار كانحلم كيفاش غانعاونهم فتدريبهم ونهار نشوفهم استعملوها أول مرة

شيماء شدات يدها ) تارا غاتولدي وغايكونو ولادك أقوياء أنا متأكدة

تارا شافت فيها ) فقدت الأمل بمرة أشيماء فقدت الأمل تماما و بحالك

شيماء : ب بحالي!!

تارا : كنتي باغيا بنت ياك علاش مابقيتيش كاتحاولي؟

شيماء حنات راسها )

تارا: شفتي ..فاش كاتحاولي توصلي لشيء ما نتي باغيااه من أعمااقك ..وكاديري كل جهدك وفووق جهدك ..كاتحلمي تخططي وتبني وفالأخير تصدمي بلي مانجحتيش ..وتعاودي المحاولة مرارا وتكرارا وفكل مرة تتصدمي باللاشيء بالفشل ..غايجي وقت وتستسلمي وأنا أشيماء استسلمت

شيماء : إذن أجي نحاولو أنا ونتي مرة أخرى ونتغلبو على فشلنا

تارا : مابغيتش نتصدم مرة أخرى أشيماء …جاية دابا لأربع سنوات من الزواج عمرني خديت شي مانع حمل وكل نهاية أسبوع نجرب تيست ونلقاه سلبي ….جربت عشراات وعشراااات لي تيست بدون فائدة …فا أنا مابقيتش غانجرب شي تيست حمل آخر ..غانعطي لعدنان كل حقوقو كزوج وقتما طلب ولكن مابقيتش غانتوقع أو نتسنا أو نطمح لأني نحمل …خديت كفايتي من هاذ الموضوع

شيماء : ت تارا أحم ع علاش ماتحاوليش تبدلي من تفكيرك حاولي تشوفي طبيبة نفسية

تارا لي كاتكره سيرة الطبيبة النفسية وقفات ) ماتخليش جبار بوحدو أشيماء أنا بخير فا ماتشغليش بالك معايا

شيماء وقفات وعنقاتها ) واخا على راحتك غير ماتنسايش أني ديما معاك … نتلاقاو فالمساء على طاولت الأكل …

(ابتاسمات ليها وخرجات….سدات عليها لباب …تارا تنهدات وتوجهات لسريرها تحنات تحت السرير خذات علبة دواء مخبعاها بحرص …خدات منها حبة سرطاتها ورداتها أسفل السرير …ووقفات تكات على سريرها وتغطات وغمضات عينيها وفلبلاصة نعسات ..كتاخد منومات قوية باش تبقى غييير ناعسة وماااااتفكرش وهذه هي طريقتها باش ماتقهرش نفسها وتحماق بالتفكير ..وهاذشي بدون علم عدنان )

⚜⚜⚜

عند شيماء لي هبطات لأسفل القصر وجلسات فالصالة مع مها وهيلدا وسوزي والجدة وجنبهم باربرة شادة بنتها ومخنززرة فديما لي جالسة دايرة رجل على رجل وخاطة يدها على بطنها لي بارزة وكيدييما غير كاتتباها بمجوهراتها وبحملها …وجنبها أيار شادة خليل وكايتفرجو كلهم ف فيلم كوميدي )

ديما كاتشوف غير فشيماء وثيابها ومجوهراتها كلاتها بعينيها ….أما شيماء ساااهية كل تفكيرها تارا …ووسيم بين يديها كيشووف فزليخة لي جنبو بين يدين باربرة وحتى هي كاتشوف فيه …حتى مد يدو وشدها من زغيبات شعرها وجر بقووة تاطلقات غوتة قفزااتهم)

باربرة: ويلي ويلي ويلي

شيماء شداتلو يدو كاتفك زغيبات زليخة ولكنو مزيير عليها وكايجر …وزليخة كاتبكي )

شيماء : وسيم لا أطلق أولدي ويلي

باربرة : هاااح كرمليا عليها بنتي مسكينا مابغاش يطلق ويلي عتقولي زغيبات بنتي

خليل كيشوف فيهم وبدأ يضحك) : هههه ز ز ز

أيار حلات فمها) : سعدي فرحي بولدي بدات تسرحليه لهضرة هضر أحبيبي هضر

الجدة ناضت فكات صبيعات وسيم من شعر زليخة لي والو واش بغات تسكت)

باربرة وقفات كاتراري بيها ) ناري ناري كيندير نسكتها دابا

ديما : ههه راها غير بيبي وجاتك صعيبة تسكتيها ؟

باربرة حنزرااات فيها …وهيلدا خداتها من عندها)

هيلدا : أريلي حفيدتي الصغيرة أنسكتهالك.

شيماء خنزرات فوسيم ) شفتي شدرتي ألبجغووط

وسيم غير كايشوف فيهم )

ديما : أحم تعطلو الرجال مانعرف أش دار ولدي كنت بغيت نحضر للتدريب وماخلانيش جوكار

شيماء :أنا خليت التدريب فبدايتو مرة أخرى وحضري

ديما : أكيد غانبقا لاسقة فيك ملي يوصل وقت تاني تدريب ليهن ويلا بغيتي نتي تديني فا ماعند جوكار مايقوول ههه أش بان ليك أشيماء نخرجو أنا وياك للمول

باربرة بالداريجة وبصوت منخفظ )يخ على لسقة ياربي كولا سبيسياال ومادارتهاش

⚜الفقرة 8 ⚜
باربرة بالداريجة وبصوت منخفظ )يخ على لسقة ياربي كولا سبيسياال ومادارتهاش

أيار والسيدات حبسو الضحكة وشيماء نطقات بالداريجة وبهمس ) باربرة تهدني (شافت فديما ونطقات بالإنجليزية ) ولدي عيان شوية أديما استنزف كل طاقتو فالتدريب ومستحيل نخرج وجاسم ماكاينش ومافخباروش فا خليها لمرة أخرى

ديما : أكيد ههه

باربرة بالداريجة ) : وجنييي مكاايحملش هاذ لموخلييقة كاتفقصنييي (خدات بنتها لي بدات تهدن من عند هيلدا) أحسنلي نمشي لجناحي نعس زليخة …لازدت جوج دقايق مع هاذ ختنا غانرتاكب فيها شي جريمة (ومشات)

ديما مخنننزرة نطقات ) واش كانت كاتعايرني بلغتكم ياك حيت أنا ملاحظة هي كيفاش كاتشوف فية؟

شيماء خنزرات فيها ) لا كانت كاتهضر غير على زوزو تاحد ماهضر عليك أديما فا تهدني

ديما : أمم أوك (ووقفات جلسات جنب شيماء وخدات منها وسيم ) هه كايحمق الهجين الصغير (وباستو)

⚜⚜⚜

فقاعة المحكمة

عصمان لي حاول وحاول يتنقل لجناح باربرة وإيفان عدة مرااات دون فائدة )

جاسم : عصمان راك مكاتفكرش فمكان بل فزليخة وهذا هو سبب فشل تنقلك

عصمان : وحيت بعيتها

إيفان : وا أشنو كايقووول هاذااا أشنوو بغيتيها أصاااحبي زوزو راه ديالي أنا فكر فشيحد آخر

فارس : زوزو ختنا

عصمان : وأنايا

فارس : تانتا

جاسم : إذن يالاه أعصمان

عصمان تنهد وغمض عينيه ثواني حتى اختفى من مكانو ..ومباشرة جاسم هز فارس عندو واختفى به هو الآخر تبع عصمان )

إيفان شنق على فيليكس ) سربي سربي سريي تنقل بيااا للقصر جري جري جري زيخة نتاعي مشات

فيليكس : ههه واخا غير تهدن (شاف فدياب وجاكلين و جوكار وأليشا والتوأم ) كانظن التدريب كمل لليوم فا غير رجعو للقصر (وشد أليشا من خصرها وإيفان من يدو واختفى بهما تنقل بيهم للقصر..وااباقين ركبو سياراتهم يرجعو )

⚜⚜⚜

فجناح باربرة لي دخلات وحطات زليخة على السرير ومشات دخلات للحمام كاتوجد دوش دوش هي وياها وغير كاتبركم )

باربرة: لبعرة الأخرى يخ على ماركة الغروور كايتمشا على رجليه تفو (خرجات وهي تشهق لقات جاسم واقف ومربع يديه وعصمان وفارس متكيين على السرير جنب زليخة كل واحد كايبوس فيها من حنك)

باربرة : خ خلعتيني

جاسم شاف فيها ) شكون كنتي كاتعايري

باربرة تزنكاات و شافت فعصمان ورجعات شافت فجاسم ونطقات بهمس ) ديما أخوية كنكرههااا ديك سيدة مكتسرطش ليا

جاسم : واش واقع شي مشكل

باربرة : لا غير ماعنديش معاها وصاف

جاسم : إذن تهدني وماتنسايش هي ضيفة واجب عليك احترامها ويلا شفتي منها تصرف غير لائق علميني (شاف فالأطفال ) عصمان وفارس يالاه

عصمان : أسيلو (سيرو) خليوني معاها

جاسم هزو ) لا هذا وقت الأكل..وخاسك ترتاح نتا وفارس وماتنساش تدريب اليوم … (شد يد فارس واستأذن من باربرة واختفى بهما ظهر فالصالة لي فيها النساء …عطى عصمان لمو وفارس للجدة واختفى)
⚜⚜⚜
عند إيفان لي ظهر بيه فيليكس هو وأليشا فالقصر وبالضبط كولوار طابق الأجنحة..و.إيفان طلق من يد فيليكس ومشا كايجري لجناحو ..)

أليشا شافت ففيليكس : هذا مالو

فيليكس كايضحك بدموع ) هههه مشا يفك بنتو من قبلات عصمان هههه هاذي حالت لي يولد بنت قرطاسة غايبقا غير تابعها وحاضيها لايطيروهاليه

أليشا : ويلي من نيتكم ولبنت مزال ماكملات تاشهر

فيليكس : واخا يكون عمرها تانهاار أنا بعدة بنتي ماغانخلي تابعلوك يقرب منها وغانحضيها فكل خطوة لي قرب ندبحو وملي توصل سن زواج غانختارليها الراجل بنفسي وبعد عدة اختبارات كتابية شفوية جسدية عاطفية وعقلية شكلا ومضمونا

أليشا ميقات فيه ) وحسن عوان هاذ لبنت معاك

فيليكس هزها بين يديه واختفى و ظهرو فجناحهم ) وازيدي نخدمو عليها خلاص

أليشا : لا اتافقنا حتى نكمل دراستي ونولي مهندسة ديكور ناخد الشهادة نتاعتي أفيليكس وبعدها نجلس فالقصر ونولدليك تاتشبع

فيليكس : هي خاسني نزيد نتسنى سنتين ياك

أليشا لي مهزوزة بين يديه حطات يدها على خدو) : عافاك أفيليكس بغيت نحقق ذاتي أولا مستحيل نقدر نوازن بين لقراية والأطفال او نخلي ولدي ولا بنتي فالقصر ونمشي نقرأ نهار كولو نبقا نشوفو من ليل لليل

فيليكس تنهد ) هاهوا صابر أ أليشا ولكن كنشوف ولاد خوتي كانحس بإحساس زوين متشوق نشد بنتي بين يدي

أليشا : بنت

فيليكس : ماكرهتش بنت جاسم دياب وغسان ولدو ولاد فا أنا بغيتها أميرة

أليشا : حتى يجي الوقت المناسب

فيليكس : حتى من أمير مراتو سلمى قربات تولد وعندهم ولد

أليشا خرجات فيه عينيها ) ويلي وغاتولد فتلك الجزيرة لي فيها لحبس
⚜الفقرة 9⚜
أليشا خرجات فيه عينيها ) ويلي وغاتولد فتلك الجزيرة لي فيها لحبس

فيليكس ابتاسم ) جزيرة كارولاين أ أليشا لي بنينا عليها سجن المتحولين امير هو رئيس السجن وخاسو يبقا فالجزيرة جاسم عطاه فيلة كبيرة ومجهزة فالجزيرة وعندو خدم بالإظافة لأن تلك الجزيرة من أجمل جزر العالم وماشي خطيرة بل بالعكس خلابة شكون بحالو عايش فجزيرة على قدها غير هو ومراتو (باسها فخدها) وبعض السجناء لي مسجونين و تحيدات قواهم وولاو بشر … ولكن حتى أنا رئيس هذاك السجن ..أنا وأمير عندنا نفس المهام وقائدان لنفس الفرقة (فرقة العدالة لي مهمتها القبض على خارجي القانون وحراسة سجن المتحولين) ومن غدا لابغيت نهزك ونهرب بيك لتلك الجزيرة

أليشا : لالا مستحيل افيليكس مابغيتش نخلي لستاركس ولبنات والقصر وقرايتي

فيليكس :عارف غير قلت نهار تكملي قراتك ونعمرليك هاذ لكريشة غانمشيو نجلسو تما بدل أمير وسلمى ..وتما غاتولديلي بنتي ودابا عطيني حقي راني موحشك (ولاحها على السرير …)
⚜⚜⚜
عند إيفان لي دخل كايجري لجناحو كايلهث ..مالقا لا باربرة لا زليخة ..وبسرعة دخل للحمام لقاهم فلبانيو …وبقا كايضور وجهو كايقلب…

باربرة كاتشوف فيه كايلهث وغير كايضور فراسو ) جيتي ؟ علامن كاتقلب!

إيفان : داك لبعلووك دعصماان (جلس جنب البانيو وخدا زليخة من بين يدين وهي عريانة وفازكة عاد غسلاتليها باربرة كايشووف فيها ) أميرتي ذهبية الشعر (شاف فباربرة صاعر) باسها لمسخوط ياك

باربرة : شكاتقوول مافهمت والو
إيفان : علاه ماشي لبعلوو طايح ليا فالبنت

باربرة : واش من عقلك أ إيفاان لبنت مزال مكملات حتى شهر وعصمان يالاه طالع فربع سنين

إيفان شاف فيها مخنزر ) وااو من بعد هااا سيد كانقولوليه فكر فمكان تتنقل ليه وهو كايفكرلي فبنتييي طاح على راسووو

باربرة وقفات وخدات فوطة لواتها على جسدها ومداتليه يديها ) أراليا زليخة نشفليها ونلبسها غايضربهالي لبرد من لحماق

إيفان خدا بينوار أمر دبنتو لبسوليها ) غالبس ليها راسي (شاف نيفها حمر وهو يتقندش ) وماالها شكون بكاها

باربرة قفزات ) أناري غابشوي عليك راها بيبي طبيعي تبكي

إيفان : علاش بكات

باربرة : وسيم نتفها وتقصحات ماسكتاتها ماما غير بزز

إيفان : واخا عليه تايكبر ونوريه ماغانساهاش ليه القزحي لاخر ونتي (شاف فباربرة مخنزر) تعاوديش تخلي داك عصمان يبوس فيها ملي مانكوونش

باربرة : إيفان بلا ماتفقصني ياااااه ها جبار وسليم وخليل وفارس كايبوسوها وقدامك ونتا تفرنس مالك صعرتي على عصمان بوحدو

إيفان : واهاذوك خوووتها من عشيرتها وهذاك عصمان ماشي خوها

باربرة : باز أرالي بنتي لهنا

إيفان : نبق لي نعطيك (ووقف هازها وخرج بيها من دوش خلا باربرة مخرجة عينيها )

باربرة : ويلي حاي
(ناضت كاتجري تبعاتو للدريسينغ لقاتو حاط زليخة على فوطوي ومحيد ليها لبينوار وهاز كريم أطفال وكايدهن ليها جسدها برفق وهو غير كايبوس غاياكلها)

إيفان : أعييو أعييو زوزو تاعي

زليخة غير كاتشوف فيه بعويناتها الزرق)

إيفان هز لاكوش قادهاليها باحتراف وبعدها وقف أمام رف طوييل من الفساتين الصغيرة كايختار ليها وهز فستان أبيض مرقط بالأسود (الصورة👗) ورجع جلس جنبها كايلبسوليها

إيفان : زيخة نتاعيي نخرجو انا وياك ألعمر

باربرة غيير كاتشوف فيه ) هيوا وأنا

إيفان شاف فيها ) لابغيتي تمشي معانا أنا وحبيبتي يالاه

باربرة خنزرات فيه ) شفتك بحالا نسيتيني أ إيفان

إيفان كمل لبس لزليخة وهزها ) أجي جلسي هنا بغيتك

باربرة فرحات وبسرعة جلسات جنبهم وإيفان مد يدو حيد ليها لفوطة من على صدرها عراه وحط عندها زليخة )

إيفان : رضعيلي القمر نتاعي غايكون فيها جوع

باربرة خنزررااات فيه حتى سكت ورداتليه زليخة وقادات لفوطة على صدرها ووقفات ) يالاه رضعتها فالحمام (ومشات تلبس وهي معصببة)

إيفان : ماغاتخرجيش معانا

باربرة : لا

إيفان شاف فزليخة ونطق بهمس ) ماماك كاتغار منك أحبيبتي مابغاتش تخرج إذن مانخرجوش ياك ألعمر هاااح ناكلك أنا (ووقف خرج بيها من دريسينغ حطها على السرير وشغل موسيقى فهاتفو وهزها وبدأ كايرقص بها وهو مستمتع وهي مهدنة بين يديه ..)
⚜⚜⚜

عند جاسم لي من بعد ماعطى عصمان لمو وفارس للجدة رجاء تايجيوليه دياب وجاكلين …اختفى بقوة التنقل و ظهر فجناحو لقا جبار وسليم عريانين غير بسليبات ..ووسيم غير بلاكوش ..وبتلاثة بيهم جالسين فوق الفوطويات …)

جاسم ربع يديه كايشوف فيهم ) مالكم عريانين
⚜الفقرة 9 ⚜
جبار : أتعومنا ماماتي

شيماء خرجات من الحمام وشافت فيهم ) يالاه أحبيباتي عمرتليكم بانيو لكبيير ودرت فيه الورد الألعاب

جبار وسليم ناضو كايتجاراو دخلو للدوش..وجاسم عنق شيماء من الخلف ) حبببتي

شيماء ابتاسمات واستدارت شافت فيه ) جسومتي كيداز تدريب فارس وعصمان

جاسم : مزيان راه مزاال خاسهم عدة تداريب من هاذ النوع عاد ندوزو للتطبيق

شيماء : التطبيق ؟

جاسم : آه وفي ميدان حي كالتدريب لي درت ليك

شيماء خرجات عينيها ) كاتقصد تواجههم ويتبارزو بقواهم ضدد بعض لا لا لا هاذشي خطيير وهم صغاار

جاسم : فعلا صغار على الميدان الحي .. خاس يزيدو حتى لعمر الست سنوات أما حاليا غانكتافي بالتدريب الفردي على التحكم بالقوى وتركيز الطاقة ..وكل واحد بوحدو بدون مواجهات

شيماء : واخا ودابا جبار شحال خاسو دالوقت عاد يمكن له يستنسخ قوة أخرى

جاسم : على حساب طاقتو هو… أنا فطوفلتي كنت كانستغرق مدة طويلة بين قوة وقوة ولكن ملي وصلت للمراهقة وليت نقدر تستنسخ حتى تلاث قوى فنفس الشهر

شيماء : واخا أنا ندخل عندهم نعومهم (واستدارت تدخل حتى هزها بين يديه ولاحها بخفة فوق السرير جنب وسيم وهي مخرجة فيه عينيها خلعها )

جاسم وهو كايحيد ثيابو ) فين عمرني خليتك دوشي ليهم أشيماء او تشوفيهم عريانين كليا من نهار كملو السنة فا ماتعصبينيش

شيماء : ناري على مغياار ومصعوور

جاسم حيد لبودي وسروال بقا غير بلبوكسور وهز وسيم عندو وباسو )خلي تانكمل دوش أنا ورجالي الصغار ونجي نوريك أحبيبتي معنى كلمة مصعور (وغمزها …ودخل للدوش لقا جبار وسليم تايتراشقو بالماء فبانيو كبيير من الرخام دائري الشكل بحال بيسين صغير وتخشى معاهم وهو هاز وسيم وبقا مدة غير كايلعب معاهم وهو فرحان …حتى دخلات عندهم شيماء ..)

شيماء : ساعة ونتوما غير كاتلعبو ماشفت بو عومان

جاسم : خرجي راك داخلة على رجاال

جبار : أيه أماما خلجي حشومة

سليم مدليها يديه ) أنا بعيت ماماتي ني(ل) تأومني (تعومني)

شيماء : أييه أحبيبي نعومك

جاسم : غاتخرجي ولا غانخرجك بطريقتي آ شيماء

سليم : وا لا بعيتها

جاسم خنزر فشيماء حتى خلعها وهي ابتاسمات لسليم ) حبيبي مرة أخرى نعومك أحم سربيو راه قنطت بوحدي (وخرجات سدات عليهم لباب )

جاسم شاف فسليم لي قرب يبكي) سليمو حبيبي نتا راجل ياك

سليم حرك ليه راسو بآه)

جاسم : إذن ماخاسكش تخلي ماماك دوشليك حيت هي امرأة

جبار : وكانقولهالو أبابا حنا لجااال ماخاسش الملكة نتاعنا تعومنا هي لاها الملكة نتاعنا حنا بلبعة (ربعة) لجالاتها(رجالاتها) بحال جنود الملكة وهي حبيبتي ماماتي خاسها ماتعييش لاسها الملكات لايشتغلن وماماتي ملكة الملكات نتاعي

جاسم شاف فيه وغوت تاقفزهم ) شنااهوااا رااك فهمتي الدرس غلط أجبار ماماكم نتاعتي أنا

سليم : وأنايا

جبار خنزر فجاسم ) ماماتي تاعتي

جاسم شاف فوسيم ليبين يديه ) وهضر تانتا قوول تانتا بلي هي نتاعك

سليم : أنا بعيت ماما

جاسم مسح على وجهو وشاف فيهم ) أبطالي سمعوني حيت ماغانعاودش هاذ الدرس فا فهمووه ماماكم لي هي مراتي حبيبتي نتاع باباكم لي هو أنا ياك وحتى نتوما ملي تكبرو غاتوليو رجال وتتزوجو

جبار : أنا مابغيتش نتزوج بغيت غيل ماما

سليم : وتانايا

وسيم بدأ يصفق بيدياتو )

جاسم نطق بهمس ) الله ينعل ديلمي أنا لي والد رجال

جبار : أنا بعدة غانبقا ديما مع ماماتي

سليم : تانايا

جبار : وملي نكبل أنديها فلحلة حول العالم

وسيم : تانايا

جبار : ونشري ليها تاج الملكة كليوباترا

سليم : تانايا

جاسم حط يدو على خدو وجلس يتفرج فيهم ) غير جيتوني صغار وولادي

⚜⚜⚜⚜
فجناح أيار …لي جالسة ومجلسة أمامها خليل لي كايشووف فيها )

أيار : م ا م ا قول ماما

خليل كايبتاسم)

أيار : ياك غير شوية هاذي ملي وسيم نتف زليخة كنتي غاتنطق زليخة فا قول ماما أحبيبي

خليل : ز ز ز ز

أيار عينيها دمعو ) وا لا هئ وا أول كلمة خاسك تقو هي ماما ماشي زليخة هئ ولا قول با با

خليل :ززز

أيار بدات تبكي ) وا لا هئ هئ وا وماما مامااك لي هي انا وا والله تا أنا هي ماماك هئ هئ واقول ماما ونعطيك شكلاطة

خليل شافها كاتبكي وميل فمو وبدأ يبكي حتى هوا … وبداو بكية منها وبكية من ولدها …حتى تحل لباب ودخل غسان لقاهم جالسين أمام بعض مربعين رجليهم هي تشوف فيه وتبكي وهو يشوف فيها ويبكي تاوقف عليهم وجلس جنبهم كايشوف فيهم)

غسان : واش دايرين شي تحدي دالبكاء⚜الفقرة 10 ⚜
غسان : واش دايرين شي تحدي دالبكاء

أيار : هئ هئ هئ مابغااش يقولي ماما هئ هئ كانقوليه قول ماما وهوا كايزنزن عليا ب زززز هئ هى

خليل : هئ هى زززهئ هئ

غسام مسح على وجهو من لفقصة وهو حابس الضحكة ..وهز عندو خليل عنقو كايسكت فيه) ششت أحبيبي (شاف فأيار ) كيفاش ززز

أيار : هئ هى وا زليخة هئ ولدك أول كلمة غايقولها هي زليخة هئ ماشي لحگرة هاذي هئ علاش مزالو ماكايهضر هئ ياك سليم قدو تزادو فنفس نهار هىء وشوف سليم كيكايهضر واخا هاربين ليه الحروف

غسان : أيار فهميني عافاك هضرنا فهاذشي من قبل سليم نابغة طفل خارق الذكاء طبيييعي يكون أكبر من عمرو فكل شيء ..أما خليل طفل عادي الذكاء سبق المشي والأسنان نوضهم كلهم ولكنو متأخر فالنطق وهادشي طبيييعي..فا دابا يهضر (شاف فخليل لي متكي على كتف غسان وساااكت كيشووف فيهم ) ياك أبابا

خليل : بابا

غسان وأيار خرجو عينيهم )

أيار غوتات تانقزاتهم بجوج ) : وااااع هئ هئ هئ واااااهضر والله تاهضر

غسان شدو كايبوس فيه ويهرو فكرشو وخليل كايضحك حتى طيراتو ليه أيار وشداتو معنقاه)

أيار :خليلو نتاعي حبيبي ودابا ماما قول ماما أحبيبي م ا م ا

خليل : بابا

أيار : لا ماما أحبيبي لي هي انا

خليل : بابا

أيار : هئ وا ماما والله تا أنا هي ماماك قول ماما

خليل : زززز

أيار غوتات ): واااا هئ هئ هئ علاش ياربي علالالاش هئ هئ هئ كاديرها بلعاني يااك أولدي هئ هئ (عطاتو لغسان ووقفات كاتبكي وتمسح خناينها ودموعها بكم البودي ومشات فاتجاه لباب )

غسان لي بزز سكت من الضحك ) :هههه أفين غادة هههههههخ

أيار :هئ هئ بعدوو مني نتا وولدك هئ أنا غادة فحالي عند بابا أنا گاع هئ هئ

غسان : ههه أرجعي هههه أياار ههههخ ناري دارتها بصح هههه (ووقف تابعها كايضحك وهو هاز خليل )….
⚜⚜⚜⚜

وهكذا مرت أسابيع وأشهر …بالضبط سنتان 2 ans كاملتان….سنتاان لي دازو بالساهل عند البعض …وبالصعب عند آخرين ….

نبداو ب : #جبار، #فارس ،#عصمان لي حاليا عندهم تقريبا خمس سنوات …بالإظافة #لسليم لي ظهر استنساخو و#خليل لي ظهرات قوة تجميدو ولي عندهم حاليا أربع سنوات تقريبا … كايخضعو لتدريب بحال لي شفناه… تلاث مرات فالشهر وكل شهر طيلت هاذ السنتين…فارس ولا يتحكم بجسدو بسهولة …وجبار كذلك ولا يتحكم باستنساخو …فهاذ السنتان استنسخ قوة الجليد دغسان ..وقوة النار دعدنان ..ولكن منع عليه جاسم استعمال هاذ القوتان بمرة حيت خطيرتان يقدر يجمد او يحرق القصر كولو ..واستنسخ قوة فارس الجسد الفولاذي …وقوة أيار الشفاء …وقوة إيفان الألم …. فإلى جانب الدرع جبار الآن عندو فرصيد استنساخو ست 6 قوى… .. أما خليل لي تسرحات ليه الهضرة ولا كاينطق عادي وبطبعو هاااادئ ..ظهرات قواه فيوم لي كان كايلعب فيه مع خوتو(جبار سليم فارس) ومعاهم عصمان … بلبيكالات فحديقة القصر حتى دابز فارس وعصمان على بيكالة وجا بغا يفكهم هو وجبار وسليم..وخليل غير قاصهم بيدو وجمدو مكانهم بدون حركة بحيث تجمد جسد عصمان وجسد فارس ولاو كالأصنام … فالأول ترهب لكن من بعد وفررررح عجباااتو قوتو وشاف فجبار وسليم بشر … …سليم جا يهرب وزرب عليه خليل قاصو وهو يجمدو …أما جبار الأخير لي تخلع وفعل الدرع فا خليل قاصو حتى هو يجمدو ولكن ما تأثرش حيت حامي نفسو بالدرع دشيماء لي استنسخ منها ..فاخلاه جبار ودخل كايجري للقصر..مباشرة طلع لجناح باه ومو (ليكانو خداامين 🔞) وبقا كايدق عليهم مدة عاد حل ليه جاسم وهو لابس غير شورط قاليه جبار أشنو وقع ..ونزلو كايجريو خرجو لقاو سي خليل كمل من خوتو وداز لحراس القصر …جمد كل ليكارد لي حارسين البوابة الأمامية للقصر غادي لي داز من حداه كايقيصو وكايتجمد (ماشي معنيت القوة أنه كايتگلاصا بالجليد بل لا قوة التجميد كاتخلي الجسد مشلل عن الحركة بحيث الشخص يالاه كايقدر يرمش عينيه ويتنفس أما باقي جسدو مشلل كالأصنام حتى فمو كايتشلل عليه) ⚜الفقرة 11⚜
…خرج غسان وأيار ودياب وباقي العائلة حتى هم تصدموو من خليل …فا جاسم بسرعة فعل الدرع وهزو عندو ..هاذ الأخير لي كايضحك فرحاان بآش داير وحط يدو على حنك جاسم زعما يجمدو …لكن الدرع أوليدي …اظطر جاسم حيت عندو حتى هو قوة التجميد ضمن قواه …أن يفك تجميد أكتر من عشر باديغارد بشريين .. وعاد نومهم ميغناطيسيا ينساو أش دارليهم خليل ..وفك تجميد فارس وسليم وعصمان … وعاقب خليل حيت جمد ليكارد …وبعد انتهاء عقابو خداه حتى هو يخضع للتدريبات ….

أما #سليم قوة استنساخو ظهرات ونهار بانت كان غايتسبب فكارثة …..//فعطلة صيفية جاسم نظم رحلة بحرية لعائلتو الصغيرة فقط هو وشيماء وجبار ووسيم وسليم …رحلة بحرية على يخت جاسم الحديث و الفاخر والمجهز ..فشواطئ المغرب …بحيث جلسو فالبحر لشهر كامل غير هم فقط …جاسم علم جبار وسليم السباحة …الصيد …وعدة رياضات بحرية أخرى ….وفآخر يوم عندهم فالرحلة باش يرجعو لمينائ كازا ….جبار وجاسم نزلو يعومو فالبحر …أما شيماء فاجلسات كاتدهن لسليم واقي الشمس باش تنزلو لجاسم يعوم حتى هوا ومن بعد كانو مخططين يتغداو ويدور جاسم اليخت يرجعو لكازا … فهذاك اليوم شيماء و هي كاتدهن لوسيم لومبر صولاي او واقي الشمس على جسدو …هو كان وضعو غريب فقط ساااااهي وكايحس بمدى طاقتها حيت هي مكاتفعلش درعها ملي كاتكون مع جاسم وولادها …. سليم وهو كايحس بطاقتها …يدو كاتجر ليدها كالميغناطيس …فا وبدوون أي إرادة أو تحكم منو طار شدها من يدها وهي شهقاات ….بقا مدة وهو شاد فيدها كايستنزف فإينيرجي جسدها حتى طاحت سخفانة أمامو …فشل فالإستنساخ واستنزف طاقة جسدها كوولها عالإخير لدرجة نزل ليها الضغط ودقات قلبها تباطؤو ..وهو مع تخلع ومافهمش أشنو وقع ليه بقا كاايغوت بأعلى صوتو ..حتى طلع جاسم وجبار من الماء بسرعة ومرعوبين لقاوها هكاك ..جاسم تخلع عليها هزها من الأرض حطها على لفوطوي ..وكانو غير هم فاليخت وبعيد على اليابسة ..فابسرعة دور اليخت يرجعو وفنفس الوقت عيط على خوتو يتلقاوليه فاليابسة بسيارة إسعاف وخبرهم بأشنو وقع …أما جبار لي جلس جنبها كايبكي وكايحاول يفيق فيها بدوون نتيجة ..وسليم حتى هوا مخلوع كايبكي عرف أنه هو السباب ووسيم لي بعمر السنتين حتى هو كايبكي وبتلاثاهم كايشوفو فيها مكتحركش ولونها صفر وفمها بياض …جبار مسح دموعو ووقف صااعر كايغوت على سليم فقد أعصابو و هجم عليه عطاه بونية تارعفو وكان غايزيد ليه لكن جاسم بسرعة شدو وغوت عليهم وخنزر فجبار وهددو آخر مرة يهز يدو على خووه …بعد ربع ساعة وصلو لليابسة لقاو عدنان مع أومبيلونص فانتظارهم …وباربرة وإيفان ودياب وجاكلين كذلك ..فابسرعة طلعو شيماء فسيارة الأسعاف لقا عدنان بلي ضغطها طااايح ودقات قلبها كاتتباطىء فا نقلوها على وجه السرعة للمستشفى …أما جاسم عطا سليم ووسيم لإيفان ودياب يردوهم للقصر ..وجبار تايفركل وكايغوت حلف مايخليها حتى ثانية … فاركبو معاها هوا وجاسم فسيارة الإسعاف …وصلوها للمستشفى ودقو ليها إبر ومقويات وصيروم…حتى رجع ضغطها طبيعي …وانتاظمو دقات قلبها … لكنها فاااشلة وسخفانة لدرجة الطبيبة ترعبات ومافهماتش كيفاش استنزفت طاقتها كليا للحد بحال هكاك … شيماء مافاقت على يوماين عاد حلات عينيها ومزالها ضعييفة ..وجبار جنبها لي ماسكتش وماتهدن وما ارتاح حتى تافاقت …وجاسم كذلك ليمافارقهاش وسليم لي سد على نفسو فجناحو فالقصر بحزن وبزز كايوكلو إيفان او باربرة او هيلظا لي مقابلينو طول اليومان لي شيماء جلساتهم فالمستشفى …من بعد استيقاضها ردوها للقصر عاد سليم رجعات فيه الروح نهار كولو وهو معنقها وكايعتاذر منها وهي كاضحك وتقولو ان الخطأ ماشي ديالو ..أما جبار بقا لأيااام وهو صاعر على سليم فينما شافو كايغوت عليه أو ماكايهضرش معاه كااع وغير مخنزر فيه ..وسليم عيا يعتاذر منو وكايتبعو فينما مشى ويبقا يبكي يوقوليه خوية ووالو جبار حاس بغضب كبير من ناحيتو ..حتى هضرات معاه شيماء وجاسم عاد سمح لخوه …وواخا هكاك خوفو زاد كبر على ماماه وولا حاضيها أكثر وفينما حس بطاقتها كايقوليها ^^ ردي درعك علاش حيدتيه لوكنتي مفعلاه فاليخت ماكانش سليم ينجح فاستنزاف كل طاقتك ^^ جبار عاش أحداث كثيرة شاف فيهم شيماء كاتعاني وحس عدة مرات انو غايخسرها ..فولادتها الأولى لسليم وبعدها ولادتها لوسيم لي تولد قدام عينيه ..وشحال من مرة كطيح سخفانة أمامو ملي كانت حامل بوسيم …والآن طاقتها لي استنزفها سليم كليا …أشياء لي جبار كرههم وولا متحسس منهم وحبو لكبير لها خلاه يحس بنوع من الرعب من أنها ممكن تخليه شينهار فا هاذشي علاش مابقاش كايفارقها وعلى أبسط شيء متعلق بها يتعصب …(ركزولي على شخصيية جبار)
⚜الفقرة 12 ⚜
وتعلقو بها كايزيد يوم على يوم …أما جاسم لي تعصب بزاف من جبار ونبهو انه عمرو يمد يدو على أحد خوتو مرة أخرى لو شنو ما كانت الأسباب …. وجبار واعدو مايعاودش واعتاذر منو ….فابعد هادشي سليم حتى هو خضع لعدة تدريبات حتى ولا يميز بين الإستنزاف والإستنساخ …..

أما #تارا ….لي فهاذ السنتين عانات بزاف خصوصا فالسنة الأولى كونما شيماء كون حماقت …شيماء ماخلاتهااش بمرة يوحدها … كاتزورها كل نهار كاتخرجها واخا بزز ولو غير لحديقة القصر … وديما شيماء كاتتعمد تهز وسيم معاها ملي تكون غادة عند تارا لي كاترتاح بالنظر فوسيم ….
عدنان لي لاحظ نومها الدائم والقوي وشك وبقا حاضيها حتى حصلها كاتشرب فمنوم قويي ليكانت مخبياه تحت سريرها …ولكن ماقاليهاش انو عاق بيها ..بل خلاها تانعسات وبدل ليها الحبوب المنومة بحبوب مقوية وفيتامينات …الشيء لي خلاها بلاصت ماتولي عاطياها غير لنعاس ولات موكضة ونشيطة ورجعات لمزالولة عملها فالشركة …وعام كامل وعدنان وكذلك شيماء وخوها دياب وباها علي .. كايحزروها تبع علاج نفسي بدون فائدة حتى تدخل جاسم وبزز منها جابليها طبيبة نفسية حتى للقصر وبزز منها كايجلسها تحضر لحصص العلاج النفسي بزز وهاذ العلاج النفسي بظاتو فالسنة التانية ..وبعد عدة حصص الطبيبة قالت ليهم شيء لي كان صادم بالنسبة للبعض ..بحيث أكداتليهم أن السبب الرئيسي لي ربما مخليها مزال ماحملات هو سبب نفسي خطيير لي هو الخوف تارا باغية تولد آه لكنها كاتظن وفقرارات نفسها كاتفكر انها نهار غاتولد نهار غاتموت …كيما وقع مع سميحة مها لي نهار لدات تارا ماتت…فا فكرة الموت والرغبة فالإنجاب والخوف الشديد منو …فنفس الوقت …خلاوها تدخل فحالة تناقضات وصراع قوي مع نفسها …و نفسيتها تأزماات كلها ماكاترتاحش غير كاتخمم الشيء لي خلاليها الأعصاب غالرحم …. فا تارا كاتفكر في …: // ..هاني حملت نهار غانولد غانموت …بنتي ولا ولدي غايترباو بحالي ..بلا أم …..لا خاسني نحمل بغيت نكون أم خاسني نحمل … لا لالا لاولدت غانموت …//

هادشي لي مرض تارا …تناقضات وصراعات نفسية قويية دخلات فيهم وعايشااهم غير بوحدها ومن نهاار تزوجات وهي كاتعاني من هادشي…وحيت سكتات عليه لمدة طويلة … المشكل النفسي تفااقم عندها الشيء لي خلاها تتأخر فالإنجاب …عامل نفسي قوي …هاد المعلومات اكداتهم طبيبتها النفسية … وباها علي تقهر عليها وشحال بكى …وكذلك ودياب حيت هما كانو كايظنو أنها فعلا تجاوزات العقدة لي عندها من صغرها دأنها هي سبب موت مها … ولكن من هاذ المشكل هم تأكدو عرفو أن تارا مزاال مانسات موت مها ومزالها دااخلها مقتانعة أن سمييحة ماتت بسبابها …فا الطبيبة النفسية دارت كل جهدها تعالج هاذ النقطة أولا فنفسية تارا ..ومع مرور الأيام والشهور تارا بدات تاتحسن نفسيتها وكاتقتانع انه فعلا كان قضاء وقدر وماشي بسبابها ماتت مها …وبعدها عالجات ليها الطبيبة النفسية نقطة الحمل أنها لاحملات ملي تولد ماغاتموتش كيما هي موهمة راسها …وأنها غاتكون أم جيدة لي غاتكبر ولادها وتربيهم … فا سنتان الأولى دازت على تارا فالعذاب النفسي … والتانية فالراحة النفسية …وبمساعدة راجلها عدنان لي عمرو خلاها وعائلتها كذلك والطبيبة قدرات تتجاوز كل ما مرضها فنفسيتها…وولات وحدة أخرى كليااااا….بأفكار جديدة وكلها تفائل وفرح ..

أما #أليشا لي نجحات وخدات شهاداتها بامتيااار…داروليها حفل فالقصر حضروليه مها وبابها…وبمساعدة فيليكس وشامان باها افتاتحات شركتها الخاصة فكازا لتصميم وهندسة ديكور …وترئساتها كرئيسة مهنديسي الديكور ..وكيما واعدات فيليكس ..وقفو كل موانع الحمل ..وهي مستعدة تنجب ..
⚜الفقرة 14 ⚜
اما #باربرة وإيفان لي حياتهم محورها هي زليخة لاغير ….على الرغم من أن باربرة حملات مرة أخرى فهاذ السنتين لكنها خسرات الجنين فأسبوعو التالث ..والطبيبة قالت ليها بلي رحمها هش وضعيف أي حمل غايطيح …فا إيلابغات تحمل تاني خاسها مدة سنتان أو أكتر من العلاج عاد ممكن تحمل …..لكنها واخا بقافيها جنينها ليطاح .. كاعمة تأثرات بزاف ..حيت أصلا ماكانتش مخططة لهذاك الحمل…كما أنها عندها زليخة ومقتاانعة بيها وكاتحمد عليها الله بليل وبنهار حتى لو ماقدراتش تولد مرة أخرى هي مامهتماش فقط عايشة بقناعة بلي عندها وماكاتطمحش للمزيد …. و واخا هكاك وبطلب من إيفان ..رجعات كاتاخد أدوية تعالج رحمها لا كتاب تحمل تاني …أما إيفان لي قيييييصو فعينيه وسلخو شرشموو دير فيه لي درني … وماتحطش صبع واحد على بنتو …حساس جدا من ناحيتها لدرجة كايبقا حاضيها بليل وبنهار كايمووت فيها كاينعسها جنبو دائما كايوكلها من يدو …كايديرلها كل شيء بيدو …كايمشي لأعمالو سواء للشركة او لمحكمة المتحولين …ساعة ويتم راجع عندها كايجري …. ملي كايتجمعو عليها الأطفال جبار سليم وسيم خليل كااايفرح أن بنتو عندها إخوة عزييزة عليهم من صغر …ولكن غيير كايقرب منها عصمان كايولي إيفان الشرس الشرير …وخصووصا ملي كايبوسها عصمان لي كاتحمقووو زوزو وكايضور يضور ويرجع عندها …وإيفان يحيدها ليه ويهرب بيها …بالمختصر زوزو هي محور حياة إيفان وأهم شيء عندو ….

أما #أيار و#غسان لي مكتافيين غير بخليل…غسان ماكرهش يزيد لكن لخوافة دأيار رفضااات ..غير كاتفكر المعاناة لي دازت عليها فحملها بخليل كاتبقا تبكيليه تادار بناقص ..واكتفى بخليل و كايحماق عليه …

أما جاكلين ودياب …لي بعدما ظهرات قوة فارس ..نظموليه تدريب خاص بنوع قواه ..التدريب البدني بحيث كل صباح كايتدرب معهما فصالة سبور لي فالقصر ..بداليه دياب بالآلات الرياضية السهلة الخفيفة
…حيت خاسو يكيف جسدو على حساب قوتو فكل متحولي الجسد الفولاذي كايكونو فشكل واحد ضخاااام وعظلات مفتووولة ..كدياب حيت قوتهم هاذيك ..وفارس خاسو ينمي عظلاتو من الصغر باش يتكيفو مع حجم قواه..⚜اافقرة 15 ⚜
أما #شيماء لي مداومة على حبوب منع الحمل…واخا مرة تشربهم مرة تنساهم لكنها حتى فالعلاقة الحميمية حريصة باش ماتحملش (كاتقوليه مايقذفش داخلها ) …فاهي فعلا مابغاتش تزيد تولد ومع الوقت ومرور الأيام نسات وعدها لجمانة واخا مرة مرة كاتتفكرو وتتحسر عليها ولكن فالأخير كاتقنع نفسها أنه ماشي بيديها …حتى من جاسم طلبها يعاودو محاولة أخرى لكنها كاترفض وكلما كاتقولو مايقذفش داخلها كايتعصب مرة يدير لها الخاطر ومرات عديدة كايدير لي قالو راسو ….حبو ليها كايزيد نهار على نهار … وغيرتو كذلك بحيث ولا كايتعصب فعلا من تعلق ولادهم الشديد بها خصووووصا جبار لي تعلقو بها وااضح وكلما كبر وزاد فهم الأمور كلما زاد تشبتا بها ….
جاسم دارليها أكبر مفاجاة فحياتها ..وهو حفل الزفاف الخيالي لي واعدها بيه فقصر ديزني ….بحيث فبداية السنة سافرو كل لستاركس لكاليفورنيا حيث يوجد ديزني لاند أو أرض ديزني لي فيها القصر الشهير بأميرات ديزني …وجاسم خلا أمر الحفل مفاجاة للكل وبرر ليهم السفر بسياحة ويديو الأطفال يشوفو ديزني لاند …حجزو أجنحة ملكية فأفخم أوطيل فكاليفورنيا ..وجاسم كرى قصر ديزني كولو حط فيه فلوس صحيحة باش يكريه …وجهزوه بشكل خيالي لإقامة الحفل …عاد علم كل عشيرتو بأمر الحفل وحقيقة انه حفل زفاف له ولشيماء … من غيرها هي فا تجهزو كلهم بلباس سهرات لبنات والسيدات لبسو فساتين بتصميم أميراات والرجال أطقم ملكية …وحتى من الأطفال فتلك الليلة تأنقو بشكل جميل ..جوكار ديما وولدهم عصمان وبنتهم الصغيرة #هاندا لي عندها سنتين وكاتتميز بقوة التحكم بعنصر الماء ) …وأمير وسلمى وولدهم مالك (مالك ولد أمير وسلمى وعندو قوة التنويم الميغناطيسي )…وآرجون والعم عرفان وعشيرتيهما …بالإظافة لجد جاسم بريان …..كلهم لحقو عليهم لكاليفورنيا بدعوة من جاسم يحضرو لحفل زفافو …. وفي يوم الحفل سبقو كلهم لقصر ديزني وداو معاهم جبار سليم ووسيم ……فحين جاسم خذى لشيماء فستان الأحلام عروس (الفيديو) ورسل ليها دي ميك أب وهير آرتيست لجناحها …لي قادوليها المكياج والشعر بطريقة راقية ..وهي ظنات أنهم معزومين لشي حفل عادي… ..حتى دخل عليها جاسم بكاامل أناقتو وحل أمامها فستان الأحلام ..بقات غير حالة فمها من الصدمة فجمالو ..كان فستان تصميم أميرة وتصمم خصييصا لها كاايحمق كولو مرصع بأحجار من الألمااس واااسع وطوييل (شوفو الفيديو) …عاونها فلبسو وهي حاالة فمها فستان عرووس ملكي بامتياااز … والصدمة الثانية ملي حل أمامها علبة راقية بها حذاء كريستالي من الكريستال اللامع كحذاء السندرلا تمااما (الصورة) ..وتحنى على ركبتيه لبسوليها وحطليها تاج دياموندي على راسها والعقذ لي من اللؤلؤ ليكان ديال ريبيكا أمو حول رقبتها…وعطاها باقت الورد الخاصة بالعروس ..ولي ماكانش ورد حقيقي بل باقة من ورد دياااموندي (الصوووورة ) شداتها بين يديها وعينيها مدمعين …. جات فعلا كإمبراطورة الملك …حورية فثوب أبيض كاتفتن …هو بقا كايتأملها مدة عاد وهزها بين يديه وهو غير كايتغزل فيها …أما هي ماقدرات حتى تهضر فقط كاتشوف فيه وتشوف فنفسها مامتيقااش حسات نفسها فحلم وردي عنقاتو بقوة وبحب …..جاسم لبسها ألماس وديامون ولؤلؤ وكريسطال من راسها تالرجليها لبسها كنز ولكن فالواقع كنزها الحقيقي هو جاسم …..

وتوجه بها لخارج الفندق ..خرجو وتما لقات مفاجأة أخرى والتي هي عربة بيضاء رااقية بأربع أحصنة بيضاء وأربع سائقين ..كعربة اليقطينة ديال السندرلا تتمة الفقرة 👑
وركبها وجلس جنبها وهي منبهرة …ولكن صدمتها كانت ملي دخلات بيهم العربة لقصر ديزني الخياالي…كأنها السندرلا وداخلة لقصرها ..جاسم خلاها تحس فعلا كأنها أمييرة هاربة من إحدى قصص ديزني وهو ملكها الوسيم …. وصلو للقصر وأول ماهبطات من العربة بحذائها لكريستالي لقات أمامها جبار سليم ووسيم ليكانت هازاه إيميليا عندها ..بتلاثاهم ببدل سوداء كايشوفو فيها بانبهاااار …تقدم جبار أولا وتحنى أمامها برقي خدا يدها وباسها وقاليها بلي هي أجمل امرأة شاف أو غايشوف فحياتو كوولها وبلي غاتبقا دائما رقم واحد فحياتو (ركزولي على شخصية جبار) …وهي عنقاتو فحظنها ودموع الفرحة على خدودها ..وبعدو تقدم سليم فرحاان هو الآخر باس يدها بجنتلمانية وقاليها ماماتي كاتحمق ..عنقاتو هو الآخر وباستو ..وباست وسيم لي مزالو مكايهضر …وخشات يدها فيد جاسم ودخلو للقصر وولادهم بتلاثة جانبهم …حتى لقاو باقي العائلة فانتظارهم والأصدقاء في انتظارهم … ..لي كان واااضح عليهم ملامحهم الإنبهار وهم كايشوفو شيماء خصووصا ديما لي ماقدراااتش تسد فمها من الصدمة أو تبعد عينيها على شيماء ولحسد وااضح عليها … دوزو يوم خياالي والا في الأحلام …وقصر ديزني كولو لهم … حفل جمع فقط عشيرة لستاركس وأصدقاء جاسم المقربين وولادهم لي كلهم فرحانين ليهم …رقصو فقاعة القصر رقص ملكي كل واحد شد حبيبتو وكايرقصو برومنسية حتى من الجد ترومانسا فهذاك اليوم هو والجدة رجاء.. ووسطهم شيماء وجاسم …لي طول الحفل وابتسامة الفرحة مزينة وجهها ونظرة حب وامتنان لجاسم فعيونها …وصل منتصف الليل وتطلقو الألعاب النارية ودخلو المكلفين بالقصر أكبر قاالب حلوى للعرسات …وبعدها انتهى الحفل بجاسم لي هز شيماء وهرب بيها مباشرة للمطار ركبو طائرتو الخاصة وخداها لجزر المالديف …دوزو أسبوعان كاملان فالمالديف .. حب ورومانسية غيير هي وهوا …فالصباح كايظلو يتساراو الجزر ويعومو مع بعض فالبحر ..وفالمساء كايبقاو متكيين كايراقبو غروب الشمس ..والليل كايسهرو على فيلم الجميلة والوحش لي واخا يعاودوه ألف مرة عمرهم يملو منو ..الفيلم الذي يمثلهما معا ..الجميلة طيبة القلب محبة المغامرة ليطاحت فيدين الوحش لي وحش شكلا وفوجه كل الناااس ولكن في داخله أحن أمير لي بينو غير لها وخلاها تتربع على عرش قلبو وحولها من بنت عادية لإمبراطورة على جنسو ومملكتو وقلبو ….(الصور) …ويكملو ليلتهم بممارسة الحب لدرجة شيماء نسااات كليا موانع الحمل وعاشت معاه كل اللحظات فكل ليلة بكل جوارحها وبدوون مبالاة …وكانو غايكملو الشهر فالجزر مع بعض …لكن جبار صدعهووووم ماقدرش يصبر بدونها …وكذلك وسيم وخصوصا صغير فيهم سليم لي غير كايبكي ليهم فالقصر …فا اضطرو بعد أسبوعان يرجعو للمغرب ..وفعلا رجعو لقصر لستارك وشيماء خذات علبة زحاجية كبيرة خبعات فيها فستانها الألماسي بتاجو ..مع حذاء الكريستال ..وباقت الورد الدياموندي ..وعقذ ريبيكا اللؤلؤي …وخبعات العلبة ككنزها القيم وأجمل ذكرى فحياتها..وقررات أن هاذ العلبة غاتكون هذية منها للبنت لي غاتسرق قلب الجبار ….❤

هاذشي لي وقع فهاذ السنتان لي مرو …
فبعد مرور أسبوعان على رجوع شيماء وجاسم من شهر عسلهما فالمالديف ….يتبع للجزء الأخير 💋 🎩#وحش_ذات_القزحيتين🎩

✏للكاتبة ✏ chaymae ouaj
💗الجزء 359💗 🎉 ما قبل الأخير 🎉
🎉
إن عاد بي الزمن مرة أخرى سأختارك في كُل مرة .JC 🖤🎉
🎉

كنذكرم بلي مرت سنتان كاملتان وأهم ما مر فيها هو : ظهور قوة خليل وسليم ..وتحكم جبار عصمان وفارس بقواهم عن طريق تدريب مستمر تحت إشراف جاااسم شخصيا وكل خوتو …علاج تارا النفسي وتحسنها …وتخرج أليشا بامتياز وافتتاحها لشركتها الخاصة بهندسة الديكور …. وأيضا حمل باربرة وإجهاضها بسبب ضعف رحمها …جوكار وديما ولدو بنت اسمها #هاندا قوتها التحكم بعنصر الماء ..هي دابا الكوبل #جوكديما عندهم #عصمان و#هاندا …وأمير وسلمى ولدو ولدهم الصغير #مالك لي كايتميز بوحدة من أقوى القوى وهي التنويم الميغناطيسي….// عطلة صيفية بحرية بامتياز .. ليقضاوها عائلتنا الصغير من الأبطال الوحش وإمبراطورة قلبه جاسم شيماء♡ وأشبالهما التلاثة ..و فهاذ العطلة ظهرات قوة استنساخ سليم بحيث بدل ما يستنسخ استنزف طاقة ماماه شيماء كليا حتى كان غايسكتلها القلب …وبسباب هادشي جبار أول مرة غايهز يديه على خوه سليم ويضربو بقوة ..وبقا كارهو ومكايهضرش معاه لمدة .. وبعد تحسن شيماء خلاتو هي وجاسم يصالح خوه …ويواعدهم عمرو يضرب واحد من خوتو مرة أخرى ولو شنو ماكان السبب.. وهو عطاهم وعد حر بهاذشي ….وأخيرا حفل عرس الأحلام الخيالي لي أقامو جاسم العاشق لمعشوقته شيماء ..حفل أسطوري بكاليفورنيا بقلعة أو قصر إميرات ديزني ..بحيث جاسم أهدى لشيماؤو فستان أبيض ملكي بتاجو وحذاء كريستالي وباقت ورد دياموندي وعقذ الؤلؤ الخاص بأمو …حفل فخم وراقي ..حظرو فه فقط لستاركس مع العشائر الأربعة المقربة منهم الباكستان عشيرة ناميكخ / الهند عشيرة آل روجو/ تركيا عشيرة توركانوس/ وروسيا عشيرة أوزاويا /…وعنذ نهاية الحفل أخذ جاسم حبيبته لشهر عسل فجزر المالديف غير هما معا قضاو فيها أسبوعين كلهما عشق.. حب..وهيام…ومساريات ..وطبيعة ..وبحر ..وسباحة ….وكذلك صداع من طرف ولادهم وخصوصا جبار… ووسيم حيت مزالو صغيور بغاو ماماهم وباباهم فا اضطرو يرجعو للمغرب قبل مايكملو شهر ….
🎶🎶🎶🎶🎶🎶
بعد مرور أسبوعان على رجوع شيماء وجاسم من شهر عسلهما فالمالديف …..❤

الساعة 9 صباحا ..فاقت شيماء مدووخة تكعدات شافت جنبها جاسم لي نااااعس ويدو محطوطة على بطنها ..حيدات ليه يدو بشويية من عليها … وناضت بتثاقل وفااشلة لبسات بينوار طوييل وواسع فوقمن الشوميز وخرجات مباشرة للجناح لي جنب جناحهما ..طلات على وسيم وسليم لقاتهم مزال ناعسين غطاتهم وباستهم وخرجات .. توجهات للمصعد وطلعات للطابق التالث لي فيه أجنحة ..جناح جبار لي كان قادليه جاسم ..وجنبو جناح فارس ..وجناح عصمان لي مخليه جوكار عندهم فالقصر على قبل التدريب وحيت متعلق بجبار وفارس .. ..و أيضا جناح خليل …
فا توجهات مباشرة لجناح جبار دخلات بالحس … لقاتو فايق وجالس فمكتبو عاطيها كايخطط فورقة … قربات منو بشووية تفاجؤو حتى نطق)🎀الفقرة 1 من الجزء 359🎀

جبار : صباح نور ماماتي

شيماء خرجات عينيها حيت عاطيها بالظهر ودخلات عندو بلححس فا كيفاش عرفها)

شيماء : ب باش عرفتيني

جبار حط القلم واستدار شاف فيها مبتاسم ) عطرك سابقك أماما

شيماء ابتاسمات ووقفات عليه وعنقاتو وهو كذلك) أشنو كدير عالصباح

جبار هز لورقة ليكان يخطط فيها وعطاهاليها وهي مافهماتش أش مرسوم فيها )
شيماء : هذا بحال المحركات وداكشي لي كايرسم باباك ياك

جبار : هو محرك آه ولكن ماشي بحال محركات لي كايرسمهم بابا حيت هذا ماشي دسيارة هذا محرك طائرة (وهز ورقة أخرى عطاهاليها ) وهذا دصاروخ(وهز ورقة أخرى ) وهذا قمر صناعي دقيق ..كلهم رسمتهم وغايجي نهار لي نختارعهم

شيماء خرجاات عينيها ) ك كيفاش شكون علمك هاذشي

جبار : راسي أماماتي أنا بغيت نتخصص فصناعة الطائرات والأقمار الصناعية..والصواريخ وخصوصا النووية

شيماء حطات الرسومات على المكتب) : جبار حبيبي نتا مزال صغيور على هاذشي ركز حاليا على قواك وقرايتك فقط واللعب والمرح والسفر ككل الأطفال

جبار ابتاسم ليها وهز رسوماتو ) هذا هو لعبي أماما ومرحي و شغفي هاذ المحركين والقمر الصناعي رسمتهم من راسي وغانبقا كل مرة نجدد فيهم ونزيد أفكار أخرى عليهم حتى نكملهم كليا وغانختارعهم راسي أسرع طائرة .. وأسرع وأحدث صاروخ نووي وأدق قمر صناعي للتجسس

شيماء : جباري هاذشي ماعاجبنييش حيت هادشي كبير عليك حاليا

جبار قاطعها : حتى من سليم كايرسم هياكل الطائرات بإتقان أماما وكايحماق على الطائرات ..وفارس على الصواريخ والأسلحة وحتى عصمان وأنا وياهم كلنا قررنا أننا ملي نكبرو غانتخصصو فهذا المجال بعيدا عن ستارك كار وكل اختراعات بابا والشركات القابضة دصناعات السيارات ومعارضها ديال بابا .. وبعيدا عن مجال الأمن ولي باديغارد والهاكرز دعمو دياب… أو الطب ومستشفى أعمامي عدنان وغسان …وبعيدا عن مناجم الذهب دعمي جوكار …حنا غايكون عندنا مجالنا وتوجهنا الخاص أماماتي

شيماء فقط كتشووف فيه وكاتفكر كلام جاسم لها فكل مرة كايقوليها ويعاود أن جبار وسليم وكذلك زليخة هجائن نوابغ ماشي اطفال عاديين وعمرهم يكونو عاديين داكشي باش هي خاسها تتعامل معاهم على أساس أنها كاتتعامل مع أذكياء لي معدل ذكائهم كايفوق سنهم بتلاث مرات …ولكن هي كااتشوفهم كأطفالها الصغار مهما كان عقلهم كبير..)

جبار كايشوف فيها سااهية وشاف فرسوماتو ) : عارف رسوماتي دابا عاديين وماشي أفكار مبهرة باش تتسمى اختراع وخاسني نزييد نخدم عليهم …هذاكشي علاش ماوريتهمش لبابا حيت خجلان منهم ولكن (شاف فيها) كلما غانكبر كلما غانبحث أكتر وغانزيد فهاذ الرسومات أفكار وحسابات وقطع وامتيازات …حتى نختارع شيء جديد ليماكاينش فالسوق العالمية وغاندير أنا وفارس وسليم وعصمان ماركة صناعات خاصة بنا … وخصوصا صارووخ نووي مدمر والأول من نوعو فالعالم أماما… ونهار نشوف أن هاذ الرسومات متقونين غانوريهم لبابا ونقوليه كل أفكاري انا وخوتي ..فا حاليا خلي الأمر سر بيني وبينك

شيماء سرطات ريقها وجلسات أمامو على حاشية المكتب ) حبيبي عارفاك كبر من عمرك ولكن مابغيتكش تكلف نفسك فوق طاقتك نتا مزال صغيور على هاذشي بغيتك تلعب أجبار أما هادشي غايجي وقتو من بعد …وأكيد باباك ماغايقوليكش لا أو يلزم عليك تتخصص فصناعات السيارات غير حيت هو مجال عملو ..نتا أجبار غاتختار كل ماهو متعلق بحياتك الخاصة ونوع دراستك وعملك ونفس الشيء بالنسبة ل سليم و وسيم

جبار ابتاسم : عارف وحتى بابا كايقولي نفس الكلام

شيماء باستو فخدو )خلي هادشي دابا ونوض دوش تابعينك دروس مع عمامك جدولك هاذ اليوم عامر نتا وكل خوتك يالاه أحبيبي أنا نوجلديك دوش
(ملي كانقول خوتك ..مكنقصدش بيهما فقط وسيم وسليم بل فارس خليل عصمان زليخة …كل الأطفال )

جبار هز الرسومات دارهم فمجر ) : لا راه جاو خادمات قادولي دوش ونظفو الجناح كولو فا بلا ماتعيي نفسك أماماتي

شيماء : واخا جباري إذن غانمشي نفيق باباك وخوتك

(جبار خدا يدها باسها وهي وقفات تمشي ولكن غير وقفات جاتها دوخة قوية وبسرعة شدات بيد فحاشية لبيرو باش ماطيحش..ويدها الأخرى حطاتها على راسها …جبار وقف قافز وشدها من دراعها وهو مخلووع)

حبار : ماالك ها مالكي

شيماء : والو متخافش حبيبي

جبار : بابا غانعيط ليه تسناي هنا

شيماء جلسات مكانو على كرسي لبيرو وشادة راسها على ماتفوتها الدوخة ) بلاش اجبارو غير حيت ماكليت والو من لبارح فلغذاء ودختChaymae Ouajdad
🎀الفقرة 2 🎀
جبار : علاش مابقيتيش كاتاكلي مزيان أماما (عينيه دمعو ) انا لاحظت الأمر غانعيط لبابا نديوك لوبيطال (واستدار يمشي وهي بسرعة شدات يدو)

شيماء عنقاتو فحظنها ) مكاين لاش أحبيبي غير غاتخلع باباك ..راه فاتتني الدوخة وغانفطر نولي بيخير

جبار عنقها بقوة ) واش متأكدة

شيماء : أكيد حبيبي

(غير كملات كلامها ظهر أمامهم جاسم مربع يديه ومخنزر)

جاسم : صباح الخير

جبار طلق منها وعنقو وزيير عليه )

جاسم استغرب منو وعينيه مدمعين) : مالك أجبار

جبار شاف فماماه لي غمزاتو بمعنى سكت ) والو صباح الخير أباباتي

شيماء لي فاتتها الدوخة وقفات ) جاسم أحم كنت جاية نفيقك

جاسم : جباري دوش وهبط تفطر مع العائلة ماتنساش عندك حصة علوم فيزياء كيمياء ورياضيات مع عمامك وعندك تمرين بدني جدلك عامر فا ماضيعش وقتك أبطلي

جبار : واخا أنا نمشي بسرعة ندوش

(طلق من جاسم وعنق شيماء..عاد مشى كايجري دخل لحمامو..وجاسم شد شيماء من يدها واختفى بها ظهرو فجناحهم وهو باين فيه معصب)
🎶🎶🎶
جاسم ظهر بقوة التنقل فجناحو هو وشيماء وطلق يدها

شيماء : مالك

جاسم : شيماء ماشي بزاف ها فقتي ونيشان مشيتي عند جبار….نسيتي أني قلت لك فليلة الأمس أنه عندي اجتماع مهم هاذ صباح ملي فقتي لقيتيني مزال مافقت عالأقل فيقيني وسيري عندوو

شيماء رجعات لها الدوخة شدات راسها ولونها مخطوف ) نسيت والله أجاسم نسيت كليا أمر اجتماعك كنعتاذر

جاسم بسرعة شدلها يدها ) مالك واش كايضرك راسك ماالكي

شيماء : والو مزال فيا نعاس غانرجع ننعس

جاسم : أشنو كايضرك أشيماء هاذ اليومان لاحظت انك مبدلة حتى من أكلك نقص

شيماء : والو كنحس بنفسي مرخية وصاف غير حيت دورتي الشهرية قربات

جاسم هزها بين يديه وحطها فالسرير وحيدلها لبينوار وحط يدو على أسفل بطنها كايماصي ليها برفق )
جاسم : واش فيك لوجع

شيماء ابتاسمات وحطات يدها فوق يدو ) لا مافياش لوجع فيا نعاس

جاسم : إذن علاش فقتي بكري أشيماء كملي نعاسك

شيماء : درباتني الفيقة ونضت طليت على دراري لقيت سليم ووسيم ناعسين وجبارو فايق

جاسم : هاذ المرة تفيقي ماتقدريش تنوضي فيقيني وأنا نوض نتفقدهم ..يالاه نعسي دابا أنا غانوصي مي وماماك عليهم فاغير خودي راحتك فالنوم وأنا عندي اجتماع مهم بزاف فمحكمة المتحولين ولكن ماغانتعطلش كنواعدك

شيماء عينيها كايتغمضو ) أمم واخا غير سير وقول لعدنان ماينساش اليوم لقاح وسيم يعطيه ليه .. وعنداك يبكي حبيبي الصغير كايخاف من الإبرة وقول لعمتي هيلدا تبقا معاه غير نعس شوي ونوض عندو أو لابكا تجيبوليا

جاسم كايمرر يدو على راسها وكايتأمل وجهها ) : واخا غير ارتاحي نتي أنا غانحاول نرجع قبل موعد لقاح وسيم… وخلي هاتفك حداك نصوني جاوبي وطول الوقت غانشوفك من الكاميرات

شيماء لي ماسمعاتش كلامو الأخير حيت نعسااات …وهو ابتاسم وباسها برفق فشفتيها عدة مرات عاد ووقف ..دار روتينو الصباحي ولبس بدلة رسمية وخرج طل على ولادو لقا جبار والأطفال كلهم عدى وسيم وزليخة لي مزال صغار … فدرسهم مع غسان…وطل على وسيم ليكانت كاتفطرو إيميليا …وذكر عدنان بموعد لقاح وسيم ..عاد مشا خرج لأعمالو ….//

👑👑👑
🎀حِبري أنتَ دُون رَاء ، ‏تسكُن قلمِي والمِيم بَاء ، ‏فهَلْ لِي مِنك يا رفِيق عنَاء ، ‏قُلبت همزتهُ لِقاف؟. ‏ ‏🎀

فجناح عدنان وتارا …..

عدنان لي كايقاد أوراقو بزربة باش يخرج حيت معطل بزاف على عملو وتارا جااالسة فوق السرير مربعة يديها ومخنززرة فيه قربات طير عليه )

عدنان استدار يهز ورقة وضرب فيها بدوك تخنزيرات خلعاتو ): تارا تهدني مابغيتكش تقلقي مني على شيء تافه

تارا : شيء تاافه !! اعدنان إيلا فعلا مابغيتينيش نتقلق إذن ديرلي خاااطري و خرجني قنطت وااه وبغيييت البحر

عدنان : علاش مابغيتيش تفهمي أتارااا واقلتهالك أكتر من عشر مرات وبأكتر من خمس لغاات وااااعندي عملية فالمستشفى جد مهمة وخطيرة وأنا الطبيب الأسااسي المشرف فيها ماكاينش بديل ليا وغسان مشغوووول وعمي معاذ فمؤتمر طبي فكندا هو ونصف أطباء مستشفانا ..يعني مستحيل نخلي هاذ العملية لي غانستغرق فيها تلاث ساعات عاد نرجع .. علاش فهاذ التلاث ساعات ماتمشيش نتي لعملك فشركة جاسم تانكمل ونجي عندك ونديك فينما بغيتي

تارا : ماراشقاليش عالخدمة بغييت نخررج بغيت لبحر ديني للبحححر بغيتو دااباا أعدنان ديني نجلس قداامو ونبقا غير نشوف فيه ويشووف فيا

عدنان خنزر فيها ) آه والمرييض لي كايتسناني وعمليتو المستعجلة يمووت هو ياك أتارا ياك باش لالاتي تجلس قدام لبحر يشوف فيها وتشووف فيه
الصورة : تارا🎀الفقرة 3 🎀
تارا وقفات صاعرة ) دابا مالك مالك ها واش كاتقلب عليااا هااا

عدنان : لاحولة ياربي لابقيت زدت معاك شوي غانحماق ونتي فهاذ الآونة الأخيرة وليتي كاتقلبي غير على سبة دابزي معايا وأشنو جاك على البحر ماعرفتش اللهم نمشي لشغلي أحسن (وهز حقيبتو دالعمل وفيسط لبسها)

تارا شافتو خارج وغوتات) : واااااا والله أووووما خرجتييييني للبحر ودابااا أعدنان تانخرج مع راسي يااالاه

عدنان استدار و خنزر فيها وهز صبعو أمامها كتهديد) : وبربي وتخرجي بووحدك للبحر تانتفاهم معاك أتاارااا الجو بارد ولبحر فكازا فهاذ الوقت من السنة كايكون خاااوي غاتلقاي غير شماكرية وسكايرية فاتبتي فالقصر حتى نرجع أحسن لك وإلا غانتفاهم معاك (وخرج)

تارا ضربات رجلها مع الأرض بقووة ) : أوووف وا بغيت لبحر هئ هئ (وجلسات كاتبكي من نيتها ) هئ بغيت هئ نمشي لبحر هئ وا والله هئ تانمشي

(مسحات دموعها وخرجات كاتجري فاتجاه جناح أيار مالقاتهاش لقات غير الخادمات كاينظفوه وعلموها أنها لتحت مع باقي السيدات ..فاهبطات كاتجري للصالة لقات باربرة وأيار وأليشا وإيميليا وجاكلين مجمعات وشادين فيلم ..وزليخة و وسيم جالسين على موكيط من الريش كايلعبو بألعابهم …وجلسات حداهم كاتبكي )

تارا : هئ لبنات هئ

أيار : ويلي مالك

باربرة : أشنو واقع معاك

تارا : قنطت تخنقت تخنننقت هنا هئ بغيت نخرج بغيت نمشي للبحر هئ بغيتو ألبنات بغيت نتمشى على رماالو ونستنشق هواؤو ويضربلي فوجهي ويطير ليا شعري هئ وبغيت نشوف طيورو وأمواجو بغيت نتمعن فزرقتو هىء

لبنات وإيميليا شافو فبعض باستغراب)

جاكلين : لبحر فهاذ البرد

تارا : واحنا غير فلخريف مكاين لا شتاء لا برد …وااااه ماتزيديش فيه

باربرة : إوا خرجي شكون شدك

تارا : وااا عدنان مخلانيش هئ وحلف عليا وهددني لامشيت بوحدي..فا يالاهو معايا حميمتكم

باربرة : أنا مانقدرش نخلي زليخة

إيميليا : غير خليها لية أنا أصلا مقابلة حبيبي وسيم حيت ولدي جاسم قالي بلي إيفلين (شيماء) عيانة شوي وقالي خلاها ناعسة وتاحد مايزعجها فا غانبقا أنا مقابلة حفيدي الصغير وحتى سليم وجبار نهار كولو وحتى زليخة غير كوني هانية عليها وهيلظا شوية وغاتجي حتى هي فا غير سيري إيلا بغيتي أبنتي

تارا : آه آه (شافت فأيار) وخليل وفارس حتى هوما وسليم وحتى عصمان عندهم اليوم كولو عامر بالدراسة فا يالاهو كاملين ألبنات هئ عافاكم واغير ساعة ونرجعو

أيار : أحم خفت من غسان مايبغيش والله وراهوا دابا كايقري دراري

باربرة : وإيفان حتى هو ماغايبغينيش نخرج ونخلي زليخة بوحدها

جاكلين : دياب ماعندو مايقوليا نقدر ندير لي بغيت وقتما بغيت

أليشا لي غير ساااهية تنهدات ) لاخرجت بلا خبار فيليكس غايصفيها ليا هاذ المرة مافيهاش بربي تاغايفوت فيا شي دقة

(شافو فيها كلهن باستغراب )

أيار : علاش مالو خوية معاك تاني

أليشا عينيها دمعو ) الشركة ديالي لي افتاتحت هاذي شهراين هئ هئ مشات ألبنات هئ فهاذ الأسابيع الأخيرة وظفت قسم من المهندسين وكلهم رجال وعطيتهم مكاتب جنب مكتبي ..هئ وملي جا عندي فيليكس للشركة ولقاهم دارليا حااالة كايخبط ويهرس هئ وهو يجري عليهم كاملين قالي يا وظفي النساء وخدمي معاهن ولا جلسي فالقصر هئ هئ واش أنا تابديت نبني عملي الخاص وخديت اول بروجي نخدم عليه هئ تكلفت بهندسة ديكور لفندق مهم هئ وجاء هو ردملي كل شيء هئ وسحبو مني القائمين على الفندق لبروجي هئ حيت لقاو الشركة تفتقر لمهندسين هئ جرالي عليهم كلهم كأنني غانلقا نساء مهندسات غير مزلعات كايتسناوني نوظفهن هئ أنا كانوظف على حساب الكفائة والخبرة ماشي على حساب واش الجنس واش راجل ولا مرأة هئ ضيعلي كل شيء ومن تما ماهضرتش معاه هئ وحتى هوا منفخ عليا هئ عييت من هاذ الضغط والغيرة نتاعو بزاف هئ حتى قلت حققت حلمي وهاهوا غايسدلي تلك الشركة هئ

باربرة : أودي لستاركس فيهم كلهم واحد لعرق تايضرب سميتو الغيرة..من جاسم وجبد
الصورة : باربرة🎀الفقرة 4🎀
باربرة : أودي لستاركس فيهم كلهم واحد لعرق تايضرب سميتو الغيرة..من جاسم وجبد

أليشا : هئ لا بزاف أنا مانقدرش نصبر لهكذا غيرة بحال شيماء هئ

أيار : ههه كاتقارني غيرة جاسم بفيليكس واحمدي الله نتي كاتلبسي لي بغيتي وتخرجي ودخلي كيبغيتي ووجهك كاطليليه لي بغيتي وقريتي لي بغيتي وكاتعراي كاع فيليكس مكايقوليك والو حتى من قرار الإنجاب مخليه لك نتي ههه وكاتقارنيه بجاسم اللهم غيرتو عليك والا غيرة جاسم على شيماء

جاكلين : وأصلا شيماء متفهمة غيرة راجلها عليها ومتقبلاها وكاديرليه لي بغا فا مكتسماش متحملاه أو متحملة غيرتو كأنها غير دايرا ليه الخاطر أو بسيف عليها ..لا هي مقتانعة كقناعة داخلها أن كل غيرتو هي حق من حقوقو…مقتانعة أنها كامرأة متزوجة وأم مخسهاش تعرى أو تخرج ودخل بكيفها …مقتانعة أنه من حقو يقولها لبسي هكا ولا ماتخرجيش بلا شوار …وراه حتى أنا لو قالي دياب شيء كهذا مستحيل نعارضو حيت من حقو ونتي أ أليشا من حق فيليكس مايخليكش تختالطي بالرجال فا ديري إعلان خاص فالجرائد والمواقع الإلكترونية طلبي توظيف مهندسات نساء وتهناي

باربرة : جاكلين عندها الحق حتى من إيفان تعادى بالغيرة دخوتي كون تشوفو أشنو كان دايرلي منلي كنت خدامة مع جاسم قبل منولد زليخة لدرجة حطلي مكتبي فنفس غرفة مكتبو وأي موظف رجل هضر معايا كايرعف لدرجة ولاو يشوفوني رجال ويقلبو طرييق

أليشا : أنا مكنفكرش هكا بحالكم مانقدرش نصبر لبحال هاكا ..راه دابزت معاه قلتليه مستحيل نخليه يحبسني على خدمتي ويدمر شركتي وهوا صعر قالي ياخدمي بنات ولا نسااي شيحاجة اسمها العمل ..وامزاال تاماقلت بسم الله جرالي على أكتر من عشر مهندسييين وجرا عليهم بلبونية وركيه هئ هئ شوهني داك نهار قدام موظفيني هئ تاهربولي هئ

تارا لي دقااائق وهي صاابرة وكتسمع لهن وقفات وغوتات تاقفزاتهن ) : دابا واش ماغاتديييييونييييش للبحر واااعيباد الله وااابغيت البحر

شافو فيها كلهن مخرجين عينيهم )

باربررة : إيفان

أيار : غسان

أليشا تنهدات ) زعتر دفيليكس

جاكلين : أنا نمشي معاك ماعنديش مشكل خوك (دياب أخ تارا) عمرو يغوت عليا حيت خرجت لشي بلاصة ..وغايعرفني خرجت معاك ماغايقولي والو أصلا عمرو يمنعني مانمشيش لشي بلاصة هو كايتيق فيا كليا

أيار أليشا وباربرة خنزرو فيها)

أليشا : كيفاش زعمة

باربرة : يعني نتي لي راجلك كايتيق فيك وحنا رجالاتنا لا

أيار : ولا حيت دياب مكايغارش عليك صاف راه كايتيق فيك أش جاب الغيرة للثقة

جاكلين : ناري مالكم تعصبتو وضورتوني أنا ماقصدتش هادشي بمرة أنا قصدت أن طباع الرجال مختلفين دياب ماشي هو فيليكس أو غسان او إيفان

تارا : هئ حرام عليكم والله تاحراام هئ أنا عمرني طلبت شيحاجة من شيوحدة منكن ودابا طلبت غير لبحر كترتوه عليا هئ

إيميليا : عندي ليكم الحل لهادشي كولو (شافو فيها كلهن) ماتنساوش عندكم رئيسة العشيرة إيلا هي خرجاتكن ماعند رجالاتكم مايقولو أمامها بمرة ماعندهم حتى حق في المعارضة

باربرة : عندك الصح

أليشا : هااح بغيت نيت نفقص فيليكس ونعصبوووو بلا مايغوت عليا لاخرجنا بأمر من شيماء ويلا هي خرجات معانا مستحيل يعارض شيواحد من رجالاتنا أوامرها أو قراراتها ماهي رئيسة العشييرة ههه

أيار : أييه وجاسم نسيتوه فين عمرها عتبات باب القصر بدونو ها ؟ أو وبدون رغبتو وبدون حراسة منو لا هي لا كل ولادهم واش من نيتكم غاتجبدو للبنت مشاكل مع راجلها

أليشا : نسيتو لخرجة فالهند فا ماعند.خوية جاسم مايديير

باربرة خنزرات فيها ) : آه ونسيييتي الضريبة لي هي خلصاتها على تلك الخرجة… كان جاسم غايخلييها ويتفارق معاها …قلب عليها كأنها عمرها كانت فحياتو أو عمرو عرفها حتى من دموعها مانفعوش قدامو !! بزز سمح ليها تاعذبها وعلمها الدرس … فحين حنا أنا وخصوصا نتووما حتى وحدة منكن ماوقع ليها شي مشكل مع حبيبها على تلك الخرجة …هي لي هزات الدقة كلها على الرغم من أن الخرجة خرجنا فيها كلنا وكان خاس كلنا نتعاقبو

تارا : ومالكي دابا كاتجبدي القدييم وراه كل شيء تبدل دابا راهم مزوجين وعندهم ولاد مستحيل جاسم يخليها أو يآذيها او يجلس بلا بيها تانهاار …فا يالاهو نسولوها عالأقل ونحزروووها عافاااكم هئ

إيميليا : أيلا بغات تخرج أحسن تبدل الجو من نهار رجعو من المالديف وهي غير فالقصر فامزيان تبدل الجو شوية وسيرو ساعة ورجعو قبل حتى مايرجع أحد اللوردات من رجالكن وحتى ولدي جاسم

باربرة : ههه واش من نيتك أ خالة إيميليا شفتي فاللحظة لي غاتعتب فيها شيماء باب القصر غاتوصل لخبار لجاسم

تارا وقفات كاتبكي ) هئ هئ علاش كاديريلي هكا أباربرة علالاش هئ هئ علالاش حرام عليك هئ يالاه عالأقل نسولووها هئ ولابغات نخرجو ديك ساعة هئ تعيط لجاسم و تاخد إذنو هئ ونخرجووو هئ واخا يسيفط معانا ميات كارد هئ المهم نخرجو واااا عوك عوووك بغيت لبحر هئ

باربرة : اووف صاف سكتي من لبكاء شحال فيك دصدااع أووف مانعرف شجاك على لبحر هكا (شافت فلبنات ) نوضو نسولوها نشوفو (شافت فإيميليا ) خالتي الله يعطيك لخير لاما ردي لبال لزليخة رااه يلقا فيها إيفان خدش واحد حريرتي معاه حريية غايبات كايغوت عليااا
الصورة : أليشا🎀الفقرة 5 🎀
إيميليا : غير سيري أبنتي (هزات زليخة عندها ) هي فعيني وأصلا ها ماماك نصف ساعة غاتجي

باربرة :واخا
✏✏✏✏✏✏

فجناح شيماء لي مكرررشخة ناااااعسة وراسها عوج مايل من السرير الشيء لي خلاها كاتشخر مافيقها غير رنين هاتفها حلات عين وحدة و هزات راسها شافت في هاتهفها جاسم لي متاصل وشدات الخط حطاتو على ودنها ورجعات تكات غمضات عينيها )

جاسم : حبيبي

شيماء : أمم

جاسم : ههه وليتي تشخري من قبيلة وانا حاضيك من الكاميرات شخايرية شخيرك واصل حتى لمكمة المتحولين

شيماء جاوباتو بصوت تقيييل وهي مغمظة عينيها ) : شخايري هو نتا ألخراي

جاسم تزلع بالضحك ) هههه نوضي باراكا من نعاس

شيماء : أمم واش مزال مغاتجي

جاسم : مزال عندي محاكمة أخرى وبعدها اجتماع مع العظماء الأربع يعني ممكن نطول حتى للمساء

شيماء : أمم

جاسم : نوضي وقت الغذاء قرب وخاسك تاكلي

شيماء : أمم

جاسم : شيمااء

شيماء كعدات راسها وجلسات مشعككة نيت شعرها شاد ريزو وهزات الهاتف واستدارت شافت فالكاميرة المقابلة مع سريرها حيت كايشوفها منها ..وشافت فالكاميرة وهي حالة عين وحدة ومخنزرة )

شيماء : هااني نضت ياه

جاسم : ههه من شخايرية لجنيية راك غادا وكاتخيابي ههه ألمشعككة

شيماء : يااك مابقيتش عاجباك وااخا غير عقل بلاتي تاتجي ونوريك غير عاير دابا

جاسم : كانحماق عليك

شيماء : أييه بردني بهاذ الكلمة ونتا سبقيتي العيب أنا خايبة أزعر لمزعتر يااك

جاسم :هههه إذن حبيبتي تقلقات من مزحتي

شيماء : آه

جاسم : واخا حتى نجي ونتصالحو

شيماء : أحنا غانشوفو

جاسم : يالاه أنا نقطع ماترجعيش تنعسي أو تغذتي وكولي ورجعي نعسي

شيماء :واخا

جاسم : كنحماق عليك (وقطع)

شيماء حطات الهاتف وبدات تكسل وتقاد شعرها بيديها حتى سمعات دقان فالباب ..دارت عليها بينوارها وناضت حلات لباب لقات عصابتتها مستفات وحدة حدا وحدة )

شيماء كاتشوف فيهن وحدة وحدة ) مالكم

تارا لي غير شافت شيماء وهي تخنزر ودورات وجهها كرهات حتى تشوف فيها ونطقات ) : هئ لبحر بغيتو!

شيماء : شنو!

باربرة : بغات تخرج وبغاتنا نخرجو معاها و..

شيماء قاطعاتها ) : ششت بلاتي (سدات باب جناحها على حساب الكاميرات باش جاسم مايشوف أو يسمع عن طريقهم والو وبقات واقفة مع لبنات قدام باب جناحها )

شيماء : هضرو دابا

تارا بدات تهضر بعصبية وبصيغة الأمر) : بغيت نخرج وبغيتك تخرجينا كوولنا ودابا بصفتك رئيسة عشيرتنا باش رجالنا مايقولو والو فا نتي لي غاتخرجينا ودابااا

لبنات حلو فيها فامهن و شيماء هزات فيها حاجبها )

شيماء : شناهوا..؟؟!

باربرة : تارا مالك ليوم واش واكلة شي خرية…؟ لاغاتهضري بعصبية هكا سكتي أحسن وخليني نهضر (شافت فشيماء ) من صباح وهي تبكي علينا بغات تخرج للبحر وعدنان مامساليش و نبه عليها ماتخرجش بوحدها وأنا كذلك ماغيخلينيش إيفان نخرج ونخلي زليخة ..وأيار كذلك ماغايخليهاش غسان …وأليشا أصلا مدابزة مع فيليكس يعني ماغايخليهاش فا قلنا لاخرجنا بأمر منك ومعاك كرئيسة العشيرة هم مستحيل يعارضوك..!

شيماء تعصبات وخنزرات فيهن ) أييه وفنظركن جاسم هانية عندو ياك غانخرج بلا إذنو ونخلي ولادي بتلاثة ونخرج نضور و ملي نرجع غايستقبلني بالأحضان..واش من نيتكن بحالا ماكاتعرفوهش ألبنات ..؟

باربرة تنهدات ) أنا قلت لهن هادشي

تارا طرطقات بالبكاء وكاتشوف فشيماء بحققد ) هئ عقليي فييها أشيماء هئ عقليي أصلا نتي ماكاتحملينييش هئ وأنا عاارفة من نهار دخلتي لهاذ القصر ونتي هي مولات الكلمة وشوار والإهتمام هئ ديتي كل شيء كل شيء ..غريبة على عشيرتنا ودخلتي تربعتي على عرش كل العشاائر هئ وواخا هكاك تقبلناك وعاملناك كأخت هئ ودابا كنطلب منك طلب بسيط رديتيه فوجهي هئ آخر مرة تهضري معاية فهمتي (وضربات فيهن ومشات كاتجري خلاتهم مطرطقين عينيهم ..)

باربرة : ل ل لا هاذي صاف حماقت

أليشا : جهلات هادي

جاكلين شافت فشيماء لي عينيها مدمعين وكاتشووف فتارا غادة تادخلات لجناحها وخبطاات لباب)

جاكلين : شيماء

شيماء مسحات وجهها بعصبية وشافت فيهن ) لبسو حوايجكم غانمشيو لهاذ لبحر (شافت فأيار ) سيري عندها قوليليها تلبس

باربرة : وجاسم

شيماء : ماعرفتش (وخلاتهن ودخلات لجناحها وسدات لباب )

أيار : أشنو ديك لهضرة قالت تارا واش رجعات تاني لعقدها اووف منها والله

باربرة : بقات فية شيماء والله هاهي تاني غاضحي على قبل زبلة دتارا لي ماكادير واالو غير تهينها اووف (ومشات صاعرة لجناحها )

جاكلين : غانمشي نبدل
(مشات لجناحها وأليشا كذلك ..أما أيار دخلات عند تارا لقاتها كاتبكي بجهالة ..وعلماتها بلي غايخرجو عاد نشطات وفرحات ..وأيار غوتات عليها على كلامها الجارح لشيماء وخرجات خلاتها )
✏✏✏✏
❤🎀
” لسنا بحاجة لتجارب عاطفية كي نتقن الحب ، هو يأتي بصورة عشوائية تماماً مع شخص ترتاح له .”
🎀❤

عند شيماء لي دخلات لجناحها وجلسات وكلام تارا كايتعاود فبالها وقفات بعصبية وهزات الهاتف وصونات لجاسم ..مرة وجوج عاد جاوبها)

جاسم : حبيبتي مانقدرش نهضر دابا انا وسط المحاكمة

شيماء : سمعني غير جوج دقائق أجاسم

جاسم : اوك مالك

شيماء : ب بغيت أحم نخرج

جاسم باستغراب ) لفين ؟

شيماء : غير غير لبحر (عرفاتو ماغاايخليهاش ولو فالأحلام تمشي للبحر غير هي ولبنات فهاذ الجو البارد حيت كايكون خاوي فا تداركت كلامها وكذبات ) كانقصد لريسطو شي ريسطو ويكون جنب البحر نتغذاو تما أنا وكل لبنات.. وراه ماغانديش دراري معايا فاعافاك

Leave a comment