Skip links

قصة : الوحش ذات القزحتين ج 51

 37,064 عدد مشاهداات

🎩#وحش_ذات_القزحيتين🎩

✏للكاتبة ✏ chaymae ouaj

💎الجزء 355💎

❤❤❤توضيح بسيط❤❤

سولتو بزاااااف فموضوع جمانة واخا راه كل شيء شرحتو عن طريق حوار جاسم مع خوتو …ومستحيل نجاوب عن بعض الأسئلة حيت غانفرش خبايا الجزء 2… لي نقدر نفسر ليكم هو :

جمانة صديقة طفولة شيماء : هي فعلا كانت #ساحرة …فعلا من أم وأب وسلالة سحرة السحر الخير(بحال الساحرة ليتلاقاها جاسم) …أي ماشي سحرة السحر الأسود … وتحطات فالميتم مع شيماء عمدا ولغرض معين …باش تحمييها …عقلتو معايا على على الرؤية ليقالت الساحرة العجوز لجاسم على جبار وأنه هو لي غايرجع التوازن ويبرم السلام بين السحرة والمتحولين …هاذ الرؤية راه قدييييييييييييمة مئااات ومئااات السنين فااا كل ساحر ولد إلا و كايشوف هاذ الرؤية فحلمو…. أن وحش المتحولين غايتزوج هجينة وغايولدو الجبار لي غايكون هو الخلاص للسحرة ….وفهذااك الوقت كان أي هجيين بان كايتقتل سواء تولد أو مزالو جنين …وهذا كان من أسمى قوانين المتحولين لي توارثوه أبا عن جد حتى وصل لنيكولاي لي كان كايصفيها لكل هجين .. وسالا مع جاسم ….ومدام أي طفلة هجينة ولدت كاتمووت فا السحرة فقذو الأمل من تحقق هاذ الرؤية فيوم من الأيام وتعرضو لإبادة جماعية من طرف المتحولين نجاو بعض الأفراد قلالال من معاشر مختلفة للسحرة …وخلصو ضريبة كبييرة على نجاتهم وهي لابغاو يبقاو حيين خاس يعيشو فالظلام وحانيين الراس طول حياتهم وكل أجيالهم نفس الشيء …حيت المتحولين كايفوقوهم قوة وعدد وماعندهم حتى فرصة ولو صغييرة للتغلب على المتحولين لي منتاااشريين فالعاالم ومترأسيين أقوى الدول والقطاااعاات …ماكاينش شي عشيرة متحولين فقيرة بالإظافة للقوى.. والعدد.. عندهم قوة المااال لفلوووس …المعادن …الثروات السلاح ..الإقتصاد …السياحة …الإخترااع …الصناعات …أكبر شركات العالم …أهم أطباء ومستشفيات العالم …أهم المخترعين ….وأكثر
يعني السحرة أمام المتحولين كايسوااو اللاشيء ….وبالمختصر حياة السحرة فيد المتحوليين وييلا بغاو يخرجو للضوء ويعيشو حياتهم عادي خااسهم يبرمو صفقة سلام مع المتحولين ويتعهدولهم بالولالاء …ولكن ناضو معاشر السحر الأسود ضضد هاذ الفكرة مستحييل يتنازلو للمتحولين أو يحنيو الراس فظلو يعيشو متخفيين ومخبعين على أن يعيشو حياة طبيعية تحت الخضوع لقوانين المتحوليين لي أسمااهاااا هو قانون عدم أذية البشر …فكيف لساحر وخصوصا السحر الأسود أن يخضع لهكذا قانون وهو تعويذة قوية وحدة باش ينفذها خاسو تضحية بروح إنسان ….فا هذا هو السبب علاش عاشو مخبيين كايحاولو طول هاذ السنين يقوييو سحرهم ونفسهم باش يقدرو يواجهو المتحولين شينهار .. ..حتى توصلو لتعويذة قذرو عن طريقها يخفيو رمز التنين من على جبهتهم وولا أي ساحر ولد …تلقى عليه هاذ التعويدة وهكا قدرو يتخفاو ويخرجو من جحورهم …ولكن ماكااافييش واخا وشم التنين اختفى ومتحكمين بضهورو يقدرو يبينوه وقتما بغاو … ولكن واخا هكاك المتحول لاتلاقا ساحر كايحس ناحيتو بشيء غريب كالاحساس بالرهبة خصوووصا إيلا كان الساحر يمارس سحره …عقلتو معايا نهار خرجات الساحرة العجوز أمام شباب لستاركس وكلهم قالو أنهم حسو ناحيتها بإحساس غريب …فهذا لي قصدت واخا ماعندهاش الوشم لكنها ساحرة متمرسة فالسحر فا حسو ناحيتها برهبة وبمجرد هاذ الإحساس جاسم قشعها ساااحرة … ولكن غير حيت متمرسة فالسحر اما ماغايحسو بواالو …
وسحرة السحر الخير ماكاارهيينش يباانو ويتحناو للمتحولين ويعيشو معاهم عااادي تحت قوانينهم حيت هم أصلا فتضحياتهم كايضحيو بالحيوانات الأفاعي القطط … ماكايضحيوش ببنادم وهذا هو الفرق بين السحر الأسود ليكايحتاج تضحيات بشرية والسحر العادي لي كايحتاش تضحيات بحيوان ..والسحر الأسود أقوى أضعاف السحر العادي …هاذشي علاش السحرة العاديين ساكتين حيت خايفين من معاشر السحر الأسود لييي عمرررهم يكونو ف سلام مع المتحولين خاس فالعالم يبقاو يا المتحولين يا السحرة …وكايهددو السحرة العاديين وعمرهم غايقبلو بتحقق النبوءة على جباار حيت هاذ النبوءة كاتعني نهاية سحرة السحر الأسود ….أما السحرة العاديين ماكرهوش النبوءة تتحقق ودايرين أكتر من جهدهم خدمتا لهاذ الشيء … هناااا غاترسل جمانة لعند شيماء ….غاتقولولي كيفاش …؟

السحرة كيما سبق وذكرت كايشوفو أحلام على شكل رؤى فالحاضر فالماضي أو المستقبل …نهار ساحرة شافت ولادة شيماء الهجينة ..شافت كيفاش إيميليا خدعات نيكولاي ووهمااتو ان هجينها ماات …نهار شافت شيماء تحطات فميتم… هاذ الساحرة خبرات معشرها عن الرؤية لي شافت على إيميليا⚜تتمة الجزء الفقرة 1 من نفس الحزء ⚜
… وهم مباااشرة سيفطو وحدة من معشرهم للمغرب وهي الرضيعة جمانة …جمانة كانت بمثابة الملاك الحارس لشيماء ..واش فنظركم درع شيماء لي كان يخفي طاقت المتحول فيها كان ديييما مفعل وهي غير متحكمة بيه ماعارفاهش حتى واش كاين …. لا شحاال تحيد ليها من مرة بانت طاقتها وهما وسط سوق أو أماكن عامة ..وأي متحول داز جنبها كان ممكن يحس بيها ويعرفها …فاجمانة لي داائما معاها كانت بطريقة أو بأخرى كاتفعل ذرع شيماء وتخليه دائما مفعل …
كبرات معاها من الصغر وولاو صحابات وأكتر من أخوات …امكن شيماء كانت المنفعلة العصبية القوية والجريئة والصبورة ليماكاتخاافش …وجمانة السكوتية البكاية الضعيفة لخوافة …ولكن فالواقع جمانة ماشي لخاطرها هكا …هي فكل مرة كانت تنعس كاتبقا تحلم…الساحرات كانو كايتواصلو معاها فأحلامها كايقولوليها أشنو ديير وكايوصيوها بضرورة حماية الهجينة وبلي خاسها توصلها للستاركس آمنة …كايعطيوها التعويذات لي كايعاونوها مثلا فأن تقوي درع شيماء وتخليه ديما مفعل يحمي طاقتها ماتبانش …حيت جمانة باش تنفذ تعويدة خاسها تتعلم ليها فهم كانو كايعلموها كل ليلة فأحلامها …التعويذة دالنار باش قدرات تخرج شيماء من لبيت ليحبسوها فيه وتعتق حياتها … وتعويداات إخفاء الموقع ….موقعها ومكانها هي وشيماء …حيت كيما هي ومعشرها دالسحرة كايشوفو أحلام …حتى سحرة السحر الأسود كانو كايشوفوها هي وشيماء …ولو كانو يقدرو يوصلوليها كون قتلوهم …أي التهديد ماكانش عليهم فقط من نيكولاي ورباعتو بل حتى من السحرة السحر الأسود …..فا هي كانت كاتحمي شيماء من قريب والسحرة دمعشرها كانو حاميينها هي وشيماء بسحرهم من بعيد ….. وحيت عمرها ضحات بحتى حيوان باش تقوي سحرها هاذشي رجع على صحتها كانت ضعيفة البنية ..ومور أي استعمال للسحر كاتسخف وتمرض لأيااام ..واخا تاكل تاتعيا ماتغلاضش وهاذشي وضحتوووو فالأجزاء الأولى ….السحر كطاقة الجسد عند المتحولين جزء منهم ومن وجودهم ….
بالإظافة لهاذشي جمانة شافت جاسم فأحلامها أكثر من مرة شافت تربعو على عرش المتحولين وجنبو شيماء …وشافت ولادة جبااار وشافت كذلك ولادة شخص آخر لي مهم جدااااا شخص ضروووري باش تتحقق النبوءة ديال جبار …وباش هاذ الشخص يتولد خاس تتولد #هجينة #أنثى وتكون #أخت #الجبار …..

ركزو معايا : العالم شحال فيه من هجينة حاليا هجييينة ماشي هجيين؟؟ ==> شيماء بوووحدها
والهجين الثاني هو جبار ودابا زاد سليم
نهار الساحرة العجوز قالت النبوءة لجاسم …ماقاااالتهاااش ليه كاااملة عطااتو غير المعلومات لي غاينفعووه أما النبوءة الكاملة = هي موضووووع الجزء الثاني من القصة : باش تتحقق خاس جبار آه ولكن ضروري من ولادة ثاني هجينة أنثى وتكون أخت جبار ماشي هجينة أخرى ….فا نهار تتولد أخت جبار غايوقع شيء لي غايكون هو وجبار سبب إبرام السلام بين السحرة والمتحولين …فهمتو دابا إصرار جمانة الساحرة على شيماء باش تولد بنت …حيت نهااار تتولد هاذ لبنت غايوقع شيء معين خطير وغامض شيء هو تتمت النبوووءة شيء لي بدونو وبدون وجودو جبااار عمرووو يكوون ملك لا على عرش المتحولين وا لا السحرة فهمتو ؟ ….ماتركزوليش على الإسم راه واخا تسمي شيماء بنتها باسم آخر غير اسم جمانة ماغايتغير وااالو … المهم والأساسي والضروري هو أن تولد ثاني هجينة فالعالم او تالث أو رابع هجينة ماكايهمش رقمها المهههههم هو تكون بنت وتكون أخت جبار ختوووو من مو ومن باه ماشي شي هجينة أخرى مثلا ماشي بنت باربرة وإيفان بل بنت شيماء وجاااسم …هاذشي علاش جمانة كانت مصرة …وبااش تبرر إصرارها أمام شيماء …قالت لشيماء سميها علية كعهد بيناتنا ولدي بنت وسميها علية …

وجمانة نهار شافت هاذ الرؤية على جاسم وشيماء وجبار والشخص الرابع لي مانقدرش نقوليكم عليه وااالو من غير عرفوه ب #حامي #الكتاب …من بعد هاذ الرؤية جمانة تواصلات مع معشرها دالسحرة وخلاتهم بسحرها يشوفو هاذ الرؤية لي هي شافت … وتما قالوليها بضرورة توصل شيماء لجاسم فأقرب وقت …ويمشيو بجوجات لكازا وجمانة تعاود كل شيء لجاسم لي أكيد كان غايحميها هي وشيماء … وهاذشي جا نيت مع الرحلة ليكان منظم الميتم لكازا ….//

اما موت جمانة ماكانتش هي عارفة بيه أو متوقعاه او ديجا شافتو فحلمها …هي كانت فمهمة وغرضها الأول والأساسي أن تصل هي وشيماء لعند لستاارك وتحمي نفسها وصديقتها وهذا هو سبب اصرارها يبقاو فكازا … ولكن بسبب عناد شيماء فهذاك اليوم ركبو لكار يرجعو لمكناس وقالت دير لخاطر لشيماء ولكن و بعد تلاث أشهر يرجعو لكازا وأكييد ديك ساعة غاتوصل لجاسم ..
⚜الفقرة 2 ⚜
…ولكن وقع مالم يكن متوقع …الحادث لي ماتت فيه… ولكن قبل موتها ابتاسمات حيت واخا عرفات راسها مييتة مييتة و فشلات فمهمتها ماوصلاتش شيماء لجاسم لكن عالأقل ..شافت أمامها إن شيماء عالأقل مازالها حية ونجات من الحادث … جمانة مكانتش شريرة أو عندها سوء نية بل عاشت حياتها وهي كاتقدم الحماية لشيماء بطرييقتها …حماتها من السحر عن بعد …نقذاتها عدة مرات …وكلما طاقت درع شيماء كاتنخافظ كانت هي تقويه …وهادشي كولو بدون حتى ماتعرف شيماء…واخا على حساب صحتها وفلخر كاتجيبها فراسها وتشد لفراش لأيام ..لكن كولو فسبيل شيماء وفسبيل أن شعبها ومعشرها يخرجو للنور فيوم من الأيام ..صداقتهم تعدات الصداقة لأخوة وتعدات الأخوة لأمومة …كانت كل وحدة منهم كاتحس نفسها مسؤولة عن حماية الأخرى …جمانة ماتت وهي ماعارفاش أنها فعلا نجحات فمهمتها حيت بسبب أن تنقذ شيماء حياتها مشات كاتجري فالغابة طلب المساعدة حتى خرجات فمتحولي لستارك …أي أن الغرض لي نهار لول حطو فيه السحرة جمانة جنب شيماء تقضاااا …. وجدة جمانة مع الساحرة العجوز لي تلاقات جاسم كل وحدة رئيسة معشرها دالسحرة هما ليكانو مور هاذشي كوولووو ولولاهمااا كون شيماء وهي طفلة لامقتلهاش نيكولاي غايوصلوليها سحرة السحر الأسود ويقتلوووها حيت حتى هم كانو كايقتلو الهجناء باش عمر النبوءة تتحقق …. لكن بفظلهما وبمساعدة جمانة شيماء عاشت ووصلات لجاسم ….ومن نهااار ماتت جمانة تقطع الإتصار بينها وبين جداتها والساحرة الأخرى … وهكا مابقاتش كاتوصلهم أخبار شيماء …ظنو أنها غبرات او ماتت في الحادث أو لقاها نيكولاي وقتلها …أو لقاوها سحرة السحر الأسود ….ماتوقعوهاش طاحت فيد وحش لستاركس …فا فقذو الأمل ثاني وظنو ان كل محاولاتهم بائت بالفشل وماغايتولدش جبار …حتى للنهار لي تعلن فيه خبر زواج جاسم بهجينة وبعدها خبر ترؤسو لعشائر المتحولين …خبر لي زرع الرووح والأمل عند سحرة سحر الخير …وزرع الرعب والحقد عند سحرة السحر الأسود لي كون قدرووو كون قتلو شيماء … حيت دابا مابقاتش عندهم علامة التنين تقدر ببساطة ساحرة تنكر كخادمة ودخل لقصر لستارك وبمحاولة وحدة تقتلها أو تقتل جبار وهو رضيع …. ولكن لالالا
قلت أنه واخا وشم التنين حيدوه لكن المتحولين مستحيل مايحسووش بيهم خصوووصا أن سحرة السحر الأسود كيما سبق وذكرت سحرهم أقوى أضعااااف سحرة سحر الخير …ولاحظتو الساحرة فهذاك اليوم واخا سحرها خير أي ضعيفة مقارنة مع ساحر يمارس السحر الأسود جاسم قشعها فلبلاصة ساحرة …مستحييل جاسم تدار بييه ويوقف أمامو ساحر سحر أسود بدون ماغايعرفوووو + السحرة مابغااوش يبينو نفسهم حاليا حيت غايبان غير واحد منهم غاينوضولهم كل المتحولين وبسهوولة يرجعو يصفيوهاليهم …وهم ينتظرووون شيء خطيير ليهو عبارة عن #تعوييذة محتاجينها إييلا بغاو يتغلبو على المتحولين 😉😏 ….ماعااارفيينش ان تلك الساحرة أصلا باانت قدام جاسم …وسرهم تكششف

وشيء آخر : حلم شيماء بجمانة …الحلم لي فيقها من صدمتها مكانش عادي ..كان سحري عن طريقو قدرات روح الساحرة جمانة وبمساعدة جداها الساحرة والساحرة ليتلاقات جاسم … قدرات تتواصل مع شيماء وتشوفها لآخر مرة فحلم وتذكرها بضرورة ان تلد بنت …والأهم تفيقها من صدمتها حيت لولا ذلك الحلم شيماء كانت غاتبقا عايشة كالميتة أو غاتبقا تحاول تنتاحر حتى تنهي حياتها ..حيت مستحيل كانت تتقبل موت جمانة وبسبابها …فا جمانة ومرة أخرى عن طريق حلم عتقات حياة شيماء…

==لي بغيتكم تعرفو من كل هذا : أن جمانة ماكانتش شخصية شريرة ويلا شيماء كانت كاتعتابرها بنتها …فاجمانة كانت كاتعتابر شيماء كل شيء والحياة بالنسبة لها وللسحرة وكانت تفديها بروحها وصداقتهم كانت قوية بزاااف وجمانة مااااااتت
+ ليبغيتكم تعرفو تاني أن النبوءة ليقالت الجدة الساحرة لجاسم على جبار ماكاملاش قالتليه غير نصفها
+ وأيضا قضية الإسم …شيماء ماشي ضروووري تسمي بنتها جمانة لي ضروري هو أنها تولد هاذ لبنت لي نهار تتولد غايوقع شيء معين لي هو جزء مهم من تحقق النبوءة ….وإصرارها على اسم جمانة غير بااش تبرر لشيماء علاش بغاتها تولد بنت باش زعمة تخلذ ذكراها …
============

الرجوع للقصة …

جبار وبعدو فارس لي بيناتهم شهراين والآن خليل وسليم لي تولدو فنفس اليوم…أربع أحفاذ للستاركس لي خبرهم داع صيتو فكل العالم …وكل العشائر (والسحرة ) كايشوفو بلي آل ستاركس ماكايزيدو غييير قوة …وهاذشي مفرح البعض (المتحولين) وعاطي أمل للبعض (السحرة العاديين) وزرع الررررعب فالبعض الآخر (سحرة السحر الأسود) لي شافو على عينيهم تحقق جزء من النبوءة وتولد جبار …وهم الآن عندهم مهمة أن يحرصو على عدم تحقق الجزء الآخر من النبوءة ….///

مرت أيام …وفيها خرجت شيماء وأيار من المستشفى و تقام حفل سبوع وختان لسليم وخليل ..حفل عائلي لي حضروليه فقط أصدقاء مقربين من العائلة كعشيرة آل روجو وعشيرة أوزاويا …
وبعدها رجعو أبطالنا للحياة العادية …

شيماء تلهات كليا بسليم وجبار ورفضات بمرة فكرة المربيات …حيت جاسم كان بغا يجيب مربيات يعاونوها لكن هي امتانعات كليا وقالت بلي تربية والاهتمام بولادها مهمتها هي ومستحيل تخلي واحد من ولادها يولف امرأة أخرى غيرها⚜الفقرة3 ⚜
تتمة )
…حظنها حنانها وكلامها صوتها وغنائها ليهم وتربيتها ليهم مهام لي مستحيل تسمح لأنثى أخرى ديرهم مكانها وتربي ليها ولادها …. ومعاوناها أكيد هيلدا وإيميليا ….وإيفان وباربرة كذلك ..وأصلا جبار ماشي طفل صعب وذكائو خلا منو طفل مطيع أي شيء قالتوليه شيماء وجاسم كاينفذو بالحرف …ولكن غيرتو من سليم وجاسم ما ليها حدود خصوصا من ناحيت شيماء لي كاتبقا شادة سليم كاترضعو وتنعسو حداها الشيء لي خلا جبار ولا عصبي غير يشوفها باست سليم كايبقا يغوت حتى كاينوض ليه جاسم غير يخنزر فيه كايسكت …و ولا لاسق فييها طووول الوقت بليل وبنهار كأنو لاخلاها غاياخدهاليه سليم فا حاااضييها تايقوليهم ماما تاعي أنا وكذلك جاسم غير يقرب منها او يبوسها قدام جبار كايبقا جبار غير يخنزر فيه نهار كولو حيت مكايقدرش يغوت على باه او يعلي صوتو أمامو حيت جاسم بتخنزيرة وحدة بلا حتى مايهضر كايخليه يسكت وكايطيعو بلا مجابدات …جبار وسليم متعلقين بيها بزاااف خصوصا جبار لي هي ضوء عينيه وفينما مشات كايتبعا …فصالة سبور معاها ..فجلسات المساج معاها …اليوكا معاها … يالاه كايغبر ملي مايكون كايقريه باه أو أحد عمامو ….وجاسم جالس مربع يديه ويتفرج استعمرووها ليه ماكايلقاش الفرصة حتى فين يبوسها أو يعنقها فينما قرب ليها كايجي جبار كايجري يتخشى وسطهم …..وبزز صاابر كل حبو التملكي لها كل غيرتوو الماليها حدود ضربوهاليه فالصفر خصوصا جبار … لدرجة جاسم كايشوفها كاترضع فسليم من صدرها وعيا يصعر ويتعصب ولكن ماتسوقاتلوووش بمرة وكاترضعو قداام جاسم ماشي خزنة كيمة كانت كادير مع جبار وفينما هضر جاسم كاتقوليه خرج تانرضعو ورجع ….وكايخرج حتى استسلم فالأخير وسكت وجلس يتفرج …. أش عندو مايدير

وأيار كذلك لي رفضات بمرة المربيات وقررات تتعلم تقابل ولدها راسها بمساعدة سوزي أمها وجداها وعمتها هيلدا ….تعلمات هي وغسان يبدلوليه ليكوش يدوشوليه ..وترضعو …ولكن غيير يبدأ يبكيي ماتاعرف ماادير و ماكاتقدررش تصبر كاتحطو فوق نموسية وتجلس تبكي حداه تاتجي سوزي تهزو تسكتو او غسان ….
خليل ليمنبعد مادار شهر فعمرو ظهرات طاقت المتحول داااخلو وجاسم قدر يعرف ان عندو قوة #التجميد ( #خليل #قوة #التجميد) لي هي نفسها قوة الخارجة عن القانون سامارا ..وهي وحدة من قوى جاسم الخمسة والخمسين …قوة كاتخليه بلمسة يد يخلي الغير جاامد مكانو بدون حركة فقط كايتنفس ويرمش ويحرك عينيه وباقي جسدو جامد كالأصنام ..ولو ماتبطلاتش غايبقا الشخص جامد مكانو حتى يموت

#جاكلين كذلك غير مع فارس …رجعات تزاول سبورها بشكل يومي هي ودياب كل صباح فصالة سبور لي فالقصر ودائما مايدخلو معاهم فارس ويحطوه يبقا يتفرج فيهم وهما يلعبان سبور وأحيانا المصارعة بينها وبينو وديما غالباه او كايخليها تغلبو …وفارس كاايتفرج ..وهاذي طريقة باش يعودوه من الصغر على الرياضة باش يقدر يتحكم بجسدو وقواه ….

#باربرة لي دارت فحوصات مختلفة وكلها خرجاتليها إيجابية أي قالت ليها الطبيبة أن رحمها تعالج فا خاسها تقطع الأدوية ليكاتاخد وتقطع مانع الحمل فرحمها مستعد يهز جنين …هاذ الخبر لي فرحهااا وخلا إيفان طاير من السعادة ودارليها حفلة فالقصر بمناسبة هاذ الخبر رقصو فيها حتى للصباح مشاركين فرحتهم مع العائلة

أما #تارا لي حالتها كاتزيد سوووء كل نهار ..عيات من شرب عشوب الجدة رجاء وعيات فكل مرة تجرب تيست ويطلع سلبي⚜الفقرة 4 ⚜
تارا كلما كاتشوف … شيماء هازة سليم فحظنها وجبار شاد يدها وكاتسارا بيهم فأرجاء القصر وفحديقتو …وتشوف كيفاش جاسم كايعاملها كالملكة وولادو كالأمراء فالقصر وجبار الملقب #بولي #العهد لقب لي انتاشر ماشي غير عند العشائر دالمتحولين بل حتى عند البشر فالصحف والمجلات لقبو جبار الصغير بولي عهد صناعات شركة ستارك كار starkcar و ومعارض سيارات لستاركس المنتشرة فكل العالم حتى فالقصر كايعيطوليه يا ولي العهد … ..والجد ففمو غير نوارتي وشامة ديالي وولي عهدي … تارا كلما كاتشوف أيار كاتشكى من عدم معرفتها تتصرف مع خليل او تبدليه والعائلة يبقاو يضحكو معاها وكل سيدات العائلة كايعاونوها تتعلم تتعامل معااه ….تارا كلما كاتشووف فارس وفرحت جاكلين .. و دياب به ديما هازو وفينما مشا يديه معاه ..كلما شافت هاذشي كاتحس بجمرة تحطات على قلبها ..هي آه غاااايرة وبزاااف ولكن ماشي لخاااطرها …خصوووصا أنه ماعندها حتى شي مانع تحمل ..ولكن فقط مازال ماكتابش وهاذشي لي دائما ويومياااا كايحاول عدنان يفهمها ولكن وااالو قصحات راسها وغيرتها تحولات لسم ترجم لنظرات كره وتخنزيرات كاتظل تشوف بيهم فأيار وجاكلين وخصووووصا شيماء ..حيت هي وولديها ليعندهم النصيب الأكبر من الإهتمام والمدح من طرف العائلة …وكذلك ضريب لمعاني والبرووود …وهاذشي كلهم ملاحظيينو وأحياانا كايكونو مجمعين على طاولت الأكل وتقول شيء ساخر على شيماء كأنها كاتمازح معاها لكنها فالأصل سخرية بحال ^ واش مزال ناوية تولدي ^ أو ^ شحال قدك تولدي واش نتي قنية ^ …وجاسم حتى الآن ساااكت ليها ..وحتى شيماء ولبنات حتى الآن متفهمينها واخا شيماء كايبقا فيها لحال لكنها ماكاتشدش فخاطرها وبالعكس حااولات تهضر معاها هي ولبنات وخوها دياب وباها العم علي ..الجدة وهيلدا وسوزي ..ولكن واااالو عينيها تعماو بالغيرة ورغبتها تولي أم طغات على باقي أحاسيسها ومابقات كاتعقل على حد حتى من جاسم ماكاتحتارمش وجودو كرئيس العشيرة …وهاذشي مرعب عدنان وعيا يههضر معاها بحنية وبهدوء ولكن واالو حتى ولا غير كايتغاوت هو وياها وكاينبهها تبعد على شيماء ولبنات أو ونهار ينوضليها جاسم غايخليها منها ليه …ولكن لا حياة لمن تنادي …هي عاد ماكاتزيد فيه وحتى الآن كلهم ساكتين مخليينها …

مرت أيام دازت فيها مرحلت النفاس او الرببعين دشيماء ..ورجعت لحياتها الزوجية العادية هي وجاسم وكل آمالها تحمل للمرة التالثة وكل آمالها فبنت هاذ المرة ومامسوقة لحد … كل ليلة من بعد ما تنعس جبار وسليم فجناح خصصو ليهم جاسم جنب جناحهم هو وشيماء (وخلا الجناح الفريد من نوعو لي كان قاد لجبار و
لي كايتواجد فالطابق التالث حتى يكبر جبار شوي عاد يحولو ليه ) .. فاغير تنعسهم جنب بعض باش يولفليها جبار على سليم ….وتمشي تقاد نفسها بطريقة مثيرة لجاسم فا كل لياليهم هي ليالي حمراء …
وفكل مرة تجرب تيست حمل وكادعي من قلبها تكون حامل …. ودعائها ماخابش فبعد ست 6 أشهر على ولادتها لسليم حملات وماكانتش عارفة حتى لواحد من الأيام ليكانو فيه كل العائلة مجموعين فالأفسل فإحدى صالات القصر …و هي ناضت طل على سليم لي ناعس فالطابق الثاني فجناحهم وتبعها جبار ..فاغير دخلات للجناح وهي طيح سخفانة على الأرض وجبار صفار من لخلعة عليها عيا يفيق فيها ووالو فا هبط كايجري بخطوات معكلة وهو كايغوت وماوصلش لزر تشغيل المصعد لي عالي عليه فا هبط كايجري مع الدرج تاطاح مكركب من لفوق تالتحت دروج كلهم تشقلب فيهم تاوصل لآخر درجة عاد ناض دايخ وتشقف فجبهتو وواخا هكاك ناض وكمل الجري وهو كايغوت تادخل عليهم للصالة هكاك ودم هابط من جبهتو وكايغوت بماما ماما …جاسم ناض مرعوب وهزو سولو فين هي وجبار قالو الجناح واختفى به ظهرو بجوج فجناحهم لقاها مزال سخفانة وسليم فوق السرير كايبكي …جاسم حط جبار وبسرعة هزها للمستشفى وتبعوه كلهم ..بعدما داوت أيار جبهت جبار بقوتها قوة الشفاء اختفى الجرح وأثرو … وبعدما فحصو شيماء الطبيبة أكداتلهم انها حامل فأسابيعها الأولى ….ردت فعلهم كانت مضحكة بحيث كلهم تزلعو بالضحك إلا تارا…والجد تاني ماااقدااتوووش الفرحة …وجبار من بعد مافحصوه تاهو وتأكدو أن ماعندو حتى كسور او إلتواء فقط زراقوليه بعض مناطق فجسدو بتكركيبة فدروج … ولكن مامسوقش كل همو هو شيماء ومن ذلك اليوم ولا كايخاف عليها بشكل كبير وفينما مشات كايتبعها وخصوصا ملي ماتايكونش جاسم تايبقا معاها وحاضيها …وغيرتو عليها كاتزييد كل نهار …. بذكاؤو فهم أن شيماء حامل وغاتجيبليه أخ آخر وهي بدورها كاتشدو وتهضر معاه بحنية وتوصيه على سليم حتى تقبلو وفهم أنو خوه الصغير وولا يخاف عليه وينعس حداه ويلا بكا ييبقا حداه حتى يسكت .. وكذلك تاتقوليه غانجيبليك أخت…أجل شيماء رجعات ليها الحالة النفسية دأنها حامل ببنت واصرارها على هاذشي فينما ضارت تقول بنتي بنتي …تيقات تاني أن عندها بنت وكلهم فرحاانين لييها وجاسم كايعيا يصعر عليها ويقولها ماتتأمليش بزاف فأن الجنين هاذ المرة بنت ولكن والو بنت هي بنت الشيء لي خلاه فقط ساكت …⚜الفقرة 5⚜
حملها هاذ المرة مكانش صعب فقط عانات من الإغماء فكل مرة طيح سخفانة فقنت …و توحمات على أكلات عادية ومتبعة حملها بشكل طبيعي..وجاكلين مع مدربة سبور خاصة معاونينها بسبور خاص بالحوامل يوميا كل صباح ساعتان عالأقل دسبور الخاص لشد الصدر والأرداف باش مايطيحش ليها الصدر ولحمها يترخا بهاذ الولادات المتتابعة …تبعات سبور خاص يوميا وأكل صحي وبعدات عن أي شيء كايزيد فالوزن ….هادشي بلا مدربة يوكا الحوامل لي عندها معاها حصة ساعتان كل مساء ..ومختصة تجميل وبشرة لي مقابلاها غير هي وكل يوم كاتعتاني ليها بالبشرة بأغلى الماسكات الطبيعية … والشعر بأغلى المستحضرات والصيرومات …. وحصص المساج والكريمات الغالية لشد البشرة … والصيرومات والفيتامينات لتقوية الشعر والأظافر ونظارة الوجه …الشيء لي خلا جسدها منحوت وصدرها واقف ومنفوخ وبشرتها صافية كاتشعل وشعرها قوي … واخا حاملة وولدات جوج متابعين والتالث جاي فالطريق ولكن مهليية فرااسها وبزااااف وجاسم ماكايخلي مايجيبليها أغلى لكريمات والصيرومات كايتحطو على جسدها وشعرها وأظافرها … ومدربات سبور ومختصات تجميل وشعر ويوكا وتغذية …كلهن عاملات لي حطهن جاسم فقط تحت امرتها ومهتامين بيها غيير هي ….الشيء لي مخلي جمالها كايزيد يوما بعد يوم بكثرة الإعتناء … 👇

((((( وهذا جواب للبنات ليكايقولو صدرها يترخا وشعرها يطيح ويجيها لكلف ويديها يتكمشو ويشرفوها لولاد وتوساااع😂😂 وااع وجه الله واش من نيتكم 🤦🏻‍♀️…لفلوس ألبنات راه كادير طريق فلبحر وبلفلوس راه تصايب جسدها كيما بغات وتزرع حتى الشعر وتفش لبزازل وترجع تنفخهم لابغات ….ولغرازي راه تقنياتهم تطوروو لاعندك لفلوووس وولدتي فكلينيك خمس نجوم عمرك توساعي واخا تولدي ديناصور 😂😂

…. شوفولي غير المغنية سميرة سعيد 😂 ولدها كايبان خوها لكبير … ومشاهير هوليوود بلا مانذكر الأسماء ….. هذا فقط مثال…. فاا ماتقارنوليش امرأة عادية تصبح على شقة وتنعس على شقة والدة خمسة وهازاهم بوحدها ظفرانها مكرضين بكترت غسيل لماعن وتسياق .. ووجهها ناشف وصفر بقلة أو انعدام الإعتناء … توكل هذا وتصبن لهذا وتجمع بول هذا وتهز هبال هذا … وزائد عليها مسؤولية دار وشقاء وطياب ……وكل 15 يوم يلوحليها بوكرش ليمزوجة 10 دراهم دلحمام ويييلا بقاليها لوقت لراسها فلخر دسيمانة تفكر تمشط شعرها ودهن فازلين ليديها أما رجليها بلا ماطلو عليهم وشعرها لالاتهلات فيه طليليه لحنة ولا بصلة محكوكة 🤦🏻‍♀️ وتبغي تشري غير فيت تحيد زغب تبدأ تضرب أخماس فأسداس بالتفكير واش عندها لوقت ولا واش عندها لفلوووس …. ولاوقعات شي معجزو وجااها شي كادو من بوكرش دراجلها يجيب ليها ريحة مزورة دميات درهم … وملي يبداو دراري يكبرو تموت غير بتخمام فقرايتهم ومدارسهم وحوايجهم ….وفلوس هاذشي كامل ….هاذي ليقولو عليها تشرف بلا وقت وصدرها يطيح لاماطيحو راجل بكترت تجباد ولمصان يطيحوه لولاد وتوساع..وشعرها يشيب بلا وقت …..ومكنطنزش ألبنات هذاااا هو الوااااقع المعااش دمئات النساااء وخصوصا ربات البيت وفمختلف المجتمعات لي من كترت الهم وشقاء ودراري وراجل حاشا واش يكون راجل ….. كاتنسااا رااسها كليا ….💔

أما شيماء راه عايشة فقصر آل ستارك عااايشة معيشة أكثر من الملكة…وقبل حتى ماااتزوج بجاسم من نهار حطات رجلها فالقصر وفي عز صدمتها بسبب موت جمانة وهي متكية جسد بدون روح والخبيرات والممرضات ضايرين بيها كايعتانيو بيها رضوها كاااتشعل ……عساك دابا وهي الليدي الأولى لكل العشائر وزوجة رئيسهم …كاتصبح على دوش بأغلى المستحضرات وفليل قبل ماتنعس كايدهنوها كلها بأغلى لكريمات… أغلى الهذايا من جاسم كل يوم وتفيق على جناحها مزوق بأرقى الديكورات والورود …وسبور …اليوكا …مساج يومي …..عناية خاصة بشعرها وجهها .كوووولهاااا….وملي كاتحمل كايجيوها كريمات ومستحضرات خاصة بالعناية بالبشرة والشعر للحوامل …وضحت هادشي ملي قالت لجاكلين غانعطيك كريم خاص بخطوط تمزقات لحم الحامل يخفي تلك الخطوط …..إلخ هي بصح مابغاتش المربيات ومقابلة ولادها راسها مابغاتش يولفو شي امرأة من غيرها وهاذي غييرة منها على ولادها وراجلها … ولكن راه ذكرت أن جبار ماشي صعب ذكي كايدير كولشي راسو تامن دوش ..جاسم من غيرتو مكايخليهاش دوشلو باش ماتشوفش قشاوشو كايعومو هو ويبدليه هو كل صباح …أو إيفان ملي كاينعس حداه …وهيلدا وإيميليا معااونينها على سليم فوقت سبورها واليوكا وحصص المساج والتجميل … كايشدوهليها ومعظم اليوم …هي يالاه كاتشدو ترضعو وتبوس فيه وتلعب معاه ….

فا يا صديقاتي ماتقااارنوليش وحدة حاطها راجلها الميلياردير فمرتبة ملكة زمانها وماكاينش بحالها معتبرها جوهرتو النادرة كاتمشي على الريش والذهب وتامن ثيابها الداخلية مرصعة بالألماااس … ولي شافت فيها ديالها …وتنعس على لحرير …وحتى من خادماتها لي عجباتها شيحاجة كاتعطيهاليها بلا حتى ماتفكر فالقيمة المادية دآشنو عطاات ومامسوقاش حيت أي شيء عندها منو العشرااااات .⚜الفقرة 6 ⚜
وحاطها شيخها (زيدان) فمرتبة أحسن بنت فالقصر ماكايخلي ماايجيب ليها …. ماتقارنوهااااااليش بسيدة أو زوجة عادية يالاه مكافية مع زمان هي وراجلها لاتهلا فيها كاع كايخرجها نهار فشهر ياكلو برا ولاغلا عليها فشي كادو ياخدليها سنسلة ولا خاتم ذهب..ولكريمات كاتشري غير العاديين والتقليد وطلي لوجهها مكياج رخيص …وتقارنوها بشيماء …. راه لالالامجاال للمقارنة ولو شويييييية ….وديرو فبالكم راه حنا ف 2020 وفمجال التجميل والجمال ماكاينش فيه مستحيل راه الراجل يحولوه بسهولة لمرأة وتشوفيها تقولي أنا لي راجل…خاسك غير لبينكة لحبة لفلوووس وعينيك تبدلي ليهم اللون لابغيتي… وجاسم راه مخترع ومتحكم بصناعة السيارات معارض ومصانع سياراتو منتشرة فالعالم ماشي غير المغرب بلا اختراعاتو ليكايبيع بزبااابل دلفلوس …وهاذشي بلا أعمال ومشاريع عمامو وماركات ثياب ومكياج وتصاميم مو هيلدا …وفيرمات وأملاك وأراضي جدو وشركات الأمن د دياب ومستشفى وأعمال خوتو …عائلة كلها متكونة من الأطباء والمهندسين والهاكرز والمصممين والمخترع ….كل لستاركس راه كايلعبو بلفلوس لعب وهاذشي وضحتو غير من القصر والهذايا ليكايجيو للبنات وخصوصا شيماء لي غير دريسينغ عندها ساوي لملالالاير د دولارات صحيحة 😂 عاد غايغلا عليه كريم او عملية شد الصدر 😂 … … وماشي غير لستاركس …كل عشائر المتحولين خااانزين فلوس …. فا غير بغيت نوضح لبعض لبنات لي ضحكوني بعض تعاليقهن بغيت نقوليكم ..شوفو لبعييد راه الحياة دسيدة عايشة فالثراء الفاحش كاتلبس الألماس والدياموند من راسها حتى لرجليها …. عندها لفلوس شيء ماكاتعييش نفسها حتى بالتفكير فيه او تسول عليه آخر همها فالحيااااة هو لفلوووس … مااااااشي هي حياة سيدة عادية …. ونصيحتي لكن لا لي متزوجة لا لي عازبة ولا لي أم …تهلاي فرااسك ولو بالقلييل …كوني أنانية في الإعتناء بنفسك بجسدك بجمالك ))) فا نسدو هاذ القوس ونرجعو لقصتنا 🥰

⚜⚜⚜⚜⚜
بعد شهراين على حمل شيماء …..ظهر حمل باربرة لي كان كقنبلة من السعادة انفاجرات وسط قصر لستارك ..إيفان وحتى هي كان الخبر صدمة العمر بالنسبة لهما …وبعد فحص طبي أكدات الطبيبة على أن حملها ماغايكونش سهل ابدا و خاسها كل العناية حيت هي فمرحلة حساسة ورحمها يقدر مايتحملش الجنين فاخاسها عناية خاصة حتى تفوت أربع أشهر الأولى …. فا كلهم تكلفو بالإعتناء بها وبشيماء حتى لي هي من فرحتها ماخلات ماخدات لباربرة من ثياب حوامل وكريمات …. فا باربرة ولات كاتجلس غير فجناحها معززة مكرمة كل شيء كايوصل حتى لعندها بأربع ممرضات مكلفين غير بيها وطبيبة خاصة بيها عطاوها جناح جنب جناحها مقابلاها طول الوقت … لدرجة باربرة مكاتمشيش على رجليها أي شيء احتاجتو كايوصل تالعندها دوش وطواليط هوما لخرين كايهزها إيفان ليهم ..
إيفان لي ماقاداه فرحة و داير كل جهدو معاها خلا الشركة وخلا مهامو في محكمة المتحولين وولات باربرة هي شغلو الشاغل الوحدييد مقابلها 24 ساعة وهي تنعس وهو يبقا فايق لاحتاجت شيحاجة …مخنتها لأقصى درجة وكل نهار يدير ليها مفاجآت وهذايا كايفرحوها …ولكنو فداخلو مرعوووب كايقول غير امتا تفوت الأربع أشهر الأولى ويتبت حملها عاد غايتهنا حيت إيلا جهضات هاذ المرة غاتمشيي فييها وهو غايتبعها…..// والجد زيدان كذلك لي اهتمامو بيها زااد وأي شيء تشهاتو كايطلعوليها بيديه حتى لجناحها ويوكلها بيدو …
⚜الفقرة 7⚜
أما #جبارو لي كلما كايكبر وكلما ذكائه كايزيد لدرجت ذكائه ولا مخيف …كايفهم كل شيء وكل الحوارات …و كايقرأ لغة العيون لدرجة شيماء بلا ماتهضر كايفهمها … والنطق والمشي أتقنهم فسن جد مبكر 2 السنتين قل شي أشهر .. وهاذشي خلا جاسم حيدليه كل ألعابو العادية ونظم ليه جدول دراسي خاص هو وفارس …وفعمر السنتين وبداو شباب لستارك كايعلموهم …الحساب والرياضيات وعلم الهاكر أنواع الفنون القتالية تكلف بيهم دياب ساعتان فاليوم …….والكتابة والقرائة لي فغضون شهر جبار ولا كايكتب العربية بخط صحيح ويقرأها بنطق سليم وهاذشي تكلف بيه فيليكس كايعلمو هو وفارس ساعة فاليوم …أما الجغرافيا والفلسفة وعلم الإجتماع والسياسة والتكتيكات الحربية للدول تكلف بتدريسهم كل من العمين معاذ وعلي هاذ الأخير لي سبق وذكرت أنه جنرال الجيش المغربي ……

بالإضافة للغات خصوصا الفرنسية الإسبانية والألمانية تكلف بيهم إيفان تلاث ساعات فاليوم ساعة لكل لغة حتى يشدوهم عاد غايدوز للغات أخرى أما الإنجليزية فراه كايهضرو بيها فالقصر … أما الفيزياء والكيمياء تكلف بيهم غسان لي كايحط حتى ولدو خليل وولد خوه سليم واخا دي بيبي كايحطهم جنب فارس وجبار ويبدأ يقريهم بربعة ….. أما أساسيات الطب والإسعافات الأولية الأدوية والطب البديل تكلف بيهم عدنان …..
أما جاسم تكلف بكل ماله علاقة بنظام العشائر والمتحولين وقوانينهم …والقوى… تركيز الطاقة وكيفية التحكم بها ..شرح شنو هي القوى وماهيتها وأنواعها …شرح لجبار شنو هي قوتو وشحال من قوة ممكن لو يستنسخ وكيفة تتم عملسة الإستنساخ …وشرح لفارس شنو هي قوتو وكيفاش سمنتو غاتتحول بالتدريب لجسد فولاذي مفتول العظلات … ..شرحليهم عن قوى كل أفراد لستاركس كل واحد وشنو هي قوتو …. عاود ليهم على تاريخ المتحولين ….وهاذ الشرح فقط عن طريق الكلام والكتابة وعن طريق أنو كايقراليهم كتب عن المتحولين بحالا كايقرأ ليهم حكاية …مزااااال مرحلة الصح وهي التدرييب على أرض الواقع …ومايمكنش يبدأ يدربهم وقواهم مزال مابانت خاس جبار يبان استنساخو وفارس بين على جسدو الفولاذي …عاد ممكن يبداو كل لستاركس فتدريبهم …..

جاسم حيد لجبار كل الالعاب العادية نونوسات فرادا ….ألخ وبدااالهم عطاه ورقة وقلم وبدأ كايرسم وكايقلد رسومات باه …رسم محركات سيارة وسيارات بإثقاان كأن جاسم لي كايرسمهم … كما أنه عطاه ألعاب الذكاء من أهمها
أشهر 7 ألعاب ذكاء و تنشط عقلك مثل
الشَّطْرَنج
السودوكو Sudoku.
باجل Boggle.
كين كين KENKEN.
الكلمات المتقاطعة Crossword puzzles.
اللوحة المفرغة Jigsaw puzzles.
مكعب روبيك Rubik’s Slide.
.
هاذ الألعاب لي بين فيها جبار على مستوا عاالي من الذكاء والإحترافية ككل المواد لي كايقريوه أعمامو وماتنساااوش انه طفل نابغة ….أما فارس واخا بكاي وكايجيه نعاس وسط الحصص ومعطل فالنطق وماقدرش يستوعب بعض المواد إلا أنه وفعمرو لابأس به قدر يتأقلم مع بعض المواد ف الدراسة المبكرة …وهاد السيستيم غايكبرو عليه كل أشبال آل ستارك كل واحد من الشباب والأعمام كايدرسهم مادة وعلم فشكل …هكا كبرو جاسم وخوتو وهكا غايكبرو ولادهم وهاذا هو البرنامج لي متبعينو كل العشائر بحيث مستحيل يرسلو طفل متحول لمدرسة مختلطة مع البشر وهو مزال ماكايتحكم فقواه
⚜الفقرة 8⚜
..فالتدريس كايكون فالقصر وسط العشيرة حتى كايبلغ الطفل سن محدد فاهم طبيعتو كمتحول وفاهم قوتو ومتحكم بها وفاهم قوانين المتحولين ..عاااد كايسيفطوه للمدارس ويخليوه يختلط مع البشر …

و مع مرور الأيام والأشهر شيماء كرشها كاتكبر وصلات لتلاث أشهر وامتانعات عن الكشف عن جنس الجنين عياو فيها كلهم لكن هي مابغاتش أصرت أنها حامل ببنت و تالنهار تولد ويشوفو ….
ظهرات طاقت جنينها داخلها ليكانت من نفس نوع طاقت جاسم وجبار وسليم وملي كانقول نفس نوع الطاقة مانقصد نفس القوووة …وبلا ماتحتاج تسول جاسم عرفات أن جنينها مرة تالثة عندو الإستنساخ …وهاذشي علن عليه جاسم أمامهم كلهم أن هاذ الطفل التالث عندو هو الآخر قوة الإستنساخ وأضعف استنساخ حيت هو فدرتو يستنسخ فقط 20 قوة الشيء ليخلا شيماء مزااالها كاتأمل فأنها تكون بنت حيت مقارنة بسليم وجبار وجاسم 20 قوة هو استنساخ ضعيف … كلهم تصدمو تاني من قوى الجنين والجد ماقداتو فرحة ماكاينش شي رئيس عشيرة ماعلموش بالأمر تلاث أشبار متتابعين بقوة الإستنساخ شيء زرع الرعب عند كل العشائر وخلا أي متحول كايفكر يخالف القانون أو عندو نوايا شريرة يفكر ألف مرة قبل ويتكمش …أما السحرة كلما كايسمعو بحمل شيماء كايشدهم الرعععب من أنها تكون حامل ببنت…. وحاولو يآذيوها بالسحر عن بعد ولكن أحجار الحماية من السحر عن بعد حاميين كل القصر بحث جاسم …هرس تلك الأحجار وصايب منها أساور كل إسوارة بيها عقيقة او طريف صغير من الحجر ..وضح سوار فيد جبار وواحد فيد فارس وسليم وخليل كذلك ..وصايب خاتم بيه قطعة من الحجر السحري حطو فاصبع شيماء ومنعها تحيدو بمرة …وكذلك لبنات وااسيدات كلهن كل وحدة عطاها راجلها خاتم به قطعة من ذلك الحجر وممنوع يحيدوه …وإيميليا كذلك ..وكل هذا حماية لهن وللأشبال الصغار من امكانية التعرض لأي سحر عن بعد ……
فا شيماء رفضات كليااااا تخضع لأي فحص تشوف عن طريقو شنو هو جنس الجنين الشيء لي خلاها دخلات فصراعات مع جاسم خصووصا وأنو كايشوف مدى تشبتها بفكرة أنها حامل ببنت..عيااا فيها ولكن واالو حتى لليوم لي طاحت فيه من الآلة الرياضية د المشي السريعة …طاحت سخفانة والمشكل أنها طاحت على بطنها …وكانت غير هي وجاكلين ومدربة الرياضة ….فاهزوها مباشرة للمستشفى …حتى لحق عليهم جاسم ليكان فالشركة..مرعووب ..وجبار لي دارعليهم حالة بالبكاء حتى دخل يشوفها عاد سكت …ولحسن حظها البيبي بخير ومأتراتش فيه الطيحة …ولكن تما قالتليهم الطبيبة أن ولدكم بخير وأكدات على أنو ولد …نعم تالث ولد لشيماء وجاسم …خبر لي فرح الجد وخلاه كايشطح نهار كولو …ولكن شيماء دخلها فصدددمة صدمة لي تحولات ليها لإكتآب …ولات غير ساكتة وغير ساهية ..فقذات الأمل كليا من أنها غاتولد بنت شينهار …عيااا جاسم فمحاولات عديدة وبشتى الطرق يخرجها من اكتآبها ولكن وااالو …إييلا هضرات وضحكات كاتهضر مع جبار ومع سليم …فا واخا نفسيتها تأزمات ماتبدلاتش مع ولادها …هي فقط كرهااات فكرة أنها تولد مرة أخرى واستسلمات وقررات داخلها أنها مستحييل تحمل مرة رابعة صاف باراكا لبنت ومامكتاباش ليها وهاذشي اقتاانعات بيه وفكرة أنها ماوفاتش بوعدها لجمانة دخلاتها فاكتآب كملات فترة حملها وهي مكتئبة واخا جابليها جاسم نفس الطبيبة النفسية ليعالجات نفسيتها بعد الاختطاف … ولكن مانفعاتها بوالو… صاف استسلمات للأمر الواقع وكاتسنا فقط امتا تولد ولدها التالث وعمرها تفكر تولد مرة أخرى وهاذشي قالتو لجاسم ولكل العائلة تلاث أولاد متتابعين وأقوى تلاث هجائن فالعالم …ويكفي ….

أما #باربرة لي تبث حملها وعرفات أنها حامل ببنت …أول حفيذة للعائلة ولي هي الأخرى هجييينة فا ماتنساوش أن باربرة تخلات على قواها وهي الآن بشرية عادية فابنتها غاتكون هجينة من أب متحول إيفان وأم بشرية باربرة … فا كونها هجينة خلا باربرة تحس بطاقتها القوية داخلها .. وجاسم بقوة رادار تحذيذ نوع القوى …حدد نوع قوة الهجينة الصغيرة فأنها عندها قوة #الكهرباء ..أي كاتحكم بعنصر الكهرباء وتقدر تطلق شرارات كهربائية وصواعق من يدها …فا واش غاتولد قزحية أو بشعر أبيض أو طبيعية الشكل وعبقرية الذماغ كجبار وسليم؟ …. باربرة وصلات لشهرها السابع وحملها ماعليه حتى خطورة …أما شيماء فاوصلات لشهرها التاسع وشدها وجع الولادة فأول الشهر … بحيث كانت متكية فجناحها حتى بدات كاتغوت وطرطقات ليها السقية وكان جنبها غير جبار وسليم لي ترعبوو عليها …وجاسم كان فمحكمة المتحولين هو وكل خوتو وسط محاكمة تجرى لأحد خارجي القانون …. فا جبار بسررعة خرج يعيط ليهم ودخلو عندها لبنات كلهم والسيدات والطبيبة الخاصة ب باربرة والممرضات …وحالتها كانت صعبة حيت راس لبيبي كان خارج فاماعندهمش الوقت لي يديوها للمستشفى فا ولداتها الطبيبة فالجناح وطبيعيا حيت أصلا راس لبيبي خرج …وباربرة بسرعة صونات لجاسم لي كان وسط المحاكمة وهو القاضي وماقدرش يجاوب فا رسلاتليه رسالة لي غير قراها وقف مرعوب ونطق بتأجيل الجلسة واختفى بقوة التنقل خلاهم مبربقين عينيهم …ظهر فالجناح لقاها كاتولد ومعاها الطبيبة والممرضات وجنبها جالس جبار ليشاد يديها وكايبكي مع كل صرخة كاتخرج منها وعينيه غير على بطنها⚜الفقرة 9 ⚜
…فابسرعة شد جاسم يدها الأخرى وهي فتلك اللحظة خرجات البيبي وطاحت فاشلة صاف تقاداوليها فتلك اللحظة حلفاات لاعاودااات.. وقالت فنفسها فتلك اللحظة : ^^ شيماء فنفسها): والله منعاااود حتى ولو بعد عشر سنين صااف ماكاين لا جمانة لا نبكة أهياناري واخا نكون مسخووطة واخا نكون قاتلة كينيدي وهتلر …ناري واخا ماوفيتش بالوعد ماشي بيدي ومماكانتحكمش فالأمر مامكاتبليش نكون أم لبنت وهاذ الوحش لي مزوجة بيه كايولد غالولاد أشنديير أنا نموت لاهيلا تلاثة متتابعين فخطرا واخا نكون قنية ^^ بعد ترديدها لهاذ الكلمات فنفسها غيبات وطلع ضغطها بزااف … اضطرو يهزوها على وجه السرعة للمستشفى …جاسم كان غايسكتليه القلب بالخلعة ..أما جبار وسليم ماسكتوش من البكاء …حيت هزوها فحالة خطيرة للمستشفى وبزز رجع انتاظم ضغطها…كل العائلة تخلعو عليها …فا بقات أسبوع كامل فالمستشفى تحت العناية المركزة ….وجاسم وجبار مافارقوهااش حتى ذقيقة وولدها الصغير الجديد أيضا جنبها أما سليم وباقي العائلة كايجيو يشوفوها كل صباح ويشوفو الصغير الجديد لي فتح عويناتو ..كان قزحي بعين زرقاء وأخرى عسلية ..صغير وبيوض وزعر قزحي طفل وسييم بكل ما للكلمة من معنى فا لهذا قرر جاسم يسمي تالث أولادو #وسيم …والآن عندو تلاث أشبال صغار أولا : #جبار ذو قدرة استنساخ مئة قوة الطفل العبقري العصبي الغيور الصغير لي حاليا عندو تلاث سنوات قل خمس شهوور
تانيا : #سليم الصغير ذو قدرة استنساخ خمسين قوة العبقري المسالم الهادئ الحنون لي حاليا عندو عام وتلاث أشهر (ماتنساوش جبار وسليم نوابغ أي أذكياااء)

وأخيرا وليس آخرا 😉 تالثا : #وسيم الوسيم اسم على مسمى الهجين القزحي الصغير لي يالاه تولد ولي عندو قدرة استنساخ عشرين قوة
==
#خليل ولد أيار وغسان قوة التجميد
==
و#فارس : ولد جاكلين ودياب قوة الجسد الفولاذي
==
( ومزال جاي الخير …حفضوهم راهم أبطال الجزء ٢ )

شيماء لي فرحات بوسيم كفرحتها بجبار وسليم وكايحمقها تتأمل عيونو ..بقات فالمستشفى لأسبوع …حتى تأكدو من أنها بخير عاد رجعوها للقصر … دارو حفل سبوع وختان للصغير وسيم الوسيم فقاعة محكمة المتحولين …حفل فخم بحظور كل رؤساء العشائر كلها وبحضور بعض أفراد العشائر لي تعرفو على وسيم وسليم وشافو ولي العهد جبار … جاسم وقف أمام كل رؤساء عشائرو و كانو أشبالو التلاث فيديه وهو مفتااخر بيهم أمام كل العشائر …وقف و وسيم هازو فيد وبيدو الأخرى شاد يد سليم وفجنبو الآخر واقف جبار شاد ليه فسروال …وجنبهم واقفة الليدي الأولى وأم الأشبال وزوجة الوحش ..شيماء بكاامل أناقتها … بخمسة بيهم وقفو بشموخ أمام كل العشائر حتى لستاركس لي تحناو ليهم كلهم وجددو الولاء التام ليهم …منظر لي ترسخ فذهن جبار وهو كايشوف أمامو أكتر من أربع مئة شخص محنيين على ركبهم لباه وليه ولخوتو ولماماه …وكلهم هازين يديهم كعلامة على الولاء …اكتفى بأنو يشوووف فيهم وهز راسو شاف فجاسم ولقاه نيت كايشوف فيه بنظرة عندها بزاااف دالمعاني لي جبارو الصغير فتلك اللحظة حس بالرهبة من نظرة جاسم ومافهمش معناها …نظرة جاسم ومنظر الرؤساء محنيين …ترسخو فذهن وذاكرة جبار…..
⚜⚜⚜
مرت شهران فيهما دازت مرحلة النفاس دشيماء ..ليتخلات كليا على فكرة الإنجاب مرة أخرى…نسات أو تناسااات كل شيء كايتعلق بالوعد لي بينها وبين جمانة …خرجات من اكتآبها ورجعات حيويتها ونشاطها … داياها فولادها وفنفسها ومعتانية بجسدها وجمالها وراجلها فقط …تبعات حمية والسبور و فغضون شهراين دخلات ليها لكرش ورجعات رشاقتها وجسدها المنحوت ….أما باربرة لي وصلات لشهرها التاسع وركبها الرعب حيت الطبيبة نصحاتها تولد طبيعيا حيت رحمها غايتضرر من لفتيح فا قررات تولد طبيعيا ولكنها خااايفة وغير كاتخمم …..
⚜⚜⚜⚜⚜

الصباح الساعة 12 …فأحد بالكونات القصر وبالضبط فبالكون مطل على الباب الخارجي دالقصر …واقفين بتلاثة وهو جالس قفازي أمامهم باش يتساوا مع طولهم …
إيفان جالس قفازي أمام جبار فارس وسليم لي واقفين قدامو كايقريهم فتحراميات )⚜الفقرة 10 ⚜
الصباح الساعة 12 …فأحد بالكونات القصر وبالضبط فبالكون مطل على الباب الخارجي دالقصر …واقفين بتلاثة وهو جالس قفازي أمامهم باش يتساوا مع طولهم …
إيفان جالس قفازي أمام جبار فارس وسليم لي واقفين قدامو كايقريهم فتحراميات )

إيفان وعينيه على جبار عطاه حجرة ونطق ) سمع أجبارو أهم درس باش تكون شيطان خاسك دير زبلة ياك ولكن مااتهربش خاسك تواجه

جبار : نواجه أنا لاجل (راجل)

إيفان : أييه نتا راك جباار الجبابرة ولي العهد ولكن ماتنساش أنك أيضا .. you are the devil و المواجهة هنا ماشي أنك دير زبلة وتقول أنا لي درتها

جبار : وشنو خاص نديل (ندير)

إيفان شاف ففارس لي ماهواااش هنا شاد واحد لكلاص دشكلاط قداااش ومخششع معاه كايااكل فيه كولو مجلخ وحناكو وكرشو قداااش )

إيفان : سمع دروسي لي كانقريهملك راه موهييميين فا باش تكون شيطاان the devil خاسك تزبلها وتلصقها فغيرك (وشير بصبعو لفارس)

جبار وسليم شافو ففارس )

(سليم نطق وهو معنق فلوكي عقلتو عليه الكلب البومسكي لي أهذى الجد لشيماء …لي ولا كلب سليم فحين جبار خذا ليون الشبل )

سليم : أقلا نبابا (غانقولها لبابا)

إيفان خرج فيه عينيه ) تشا مالك أصاحبي فراش مالك لاقلتيها لباك مانعاودش نعلمك دوروس تاشيطانيت هاه غانبق نعلم غير جبار (شاف فجبار ) ونتا أصاحبي هاذشي لي كانعلمك تقدر تطبقو على أي شخص فهاذ العاالم كاامل إلا بااااك هاني نوصييك راه باك يقلعك فلبلاصة راه فاش كنت فالنخبة شحال حاولت نصيدو ولكن ولد لادينا دماغ ديما مفشلني وسابقني بخطوات فهمتي

جبار حرك ليه راسو بآه )

إيفان : مزياان دابا ندوزو للدرس

سليم : أقلا نبابا (غانقولها لبابا)

إيفان : أمشطباا معاك

جبار خنزر فسليم ) سكت نتا خليني نتعلم

سليم : واخا

إيفان : مزياااان ودابا عرفتي ديك لحجرة لي عطيتك شغادير بيها

جبار حرك ليه راسو بلا )

إيفان : غاطل من لبالكون ياك شوية غايخرج عمك فيليكس وغير يخرج غاتشير على والديه بلحجرة …فلقو ياك وملي يطلع لعندكم لهنا غاتقوليه بلي فارس لي ضربو ماشي نتا فهمتي

جبار تزلع بالضحك : هههههه واخا عجباتني⚜الفقرة 11⚜
جبار تزلع بالضحك : هههههه واخا عجباتني

سليم حول تعابيرو للبكاء وهو كايشوف فلمطرنن دفارس لي لهضرة عليه وماهوااش هنا غير تاياكل فلكلاص وبقا فيه )

سليم : أقلا نبابا(غانقولها لبابا)

إيفان وجبار خنزرو فيه )

إيفان : لاقلتيها لباك مانديكش معايا أنا وجبار للصيد فلويكاند وراه خاسك تكون راجل والراجل ماكايوصلش لهضرة

جبار : سلييم تلجل (ترجل ) أصاحبي

سليم : واخا

إيفان : يالاه أنا غانتخبع لهيييه ونتوما فلقووه ليا لمفرعن لاخر أصلا من شحال وأنا محلفها فيه وماتنساش أجباري ملي يطلع عندك وتتواجه معاه خنزر فييه باش ماتبانش كاتكذب ولسقها فطبيبيز دفارس وماتنسااش you are the devil

جبار : im the deviil 😈

إيفان: رضاااا

إيفان .. مشا بسرعة دخل وتخبا وراء نافذة حاضي الصغار ليبقاو فلبالكون )

جبار ولحجرة فيديه طل من لبالكون كايتسنا عمو يخرج)

فارس كمل كلاصو عاد رجع للواقع ..وشاف فيهم )

فارس : يالاهو نعبو كولا مع كاليل (يالاه نلعبو كورة مع خليل )

جبار : سكت تانسالي الدلس ديالي (الدرس)

فارس : أسمن دلاس(أشمن درس)

جبار : دلس مهم دكيفاش نكون شيطان

سليم شاف ف فارس وميل فمو بقا فيه فارس )

سليم : كوحللثيها (كحلتيها)

فارس شاف فيه بعدم فهم …أما جبار بان ليه فيليكس خارج من القصر والهاتف فيديه كايهضر …هز لحجة تالسماء ونيش عليه بالجهد جابهاليه فالراس )
⚜⚜

عند فيليكس ليخارج من القصر بسرعة والهاتف فيديه كايهضر مع أليشا داير معاها يجيبها من مدرستها ومعطل عليها ماحس تاجاتو حجرة للراس دوخاااتو )

فيليكس : صبري تسنايني تما فلكافي لي قدام مدرستك عشر دقائق تلقايني عند

أليشا فالخط ومعصصبة ) وااش عاد خارج من القصر أفيليكس نصف ساعة وأنا كانتسنا نسيتيني يااك

فيليكس : كنعتاتذر والله غرقت وسط ملفات واحد الصفقة ونسيت ماشفتش فالساعة

أليشا :بناقص غير بقا فالقصر أنا نشد طاكسي

فيليكس غوت) : وا لا قلت ليك تسناي هي تسناي أععع (جاتو لحجرة للراس وغوت ) أععع الله ينعععل
(وشد راسو واستدار كايشوف شكون ضربو)

أليشا فالخط) : كاتعايرني دابا

فيليكس راسو كايوزوز شاف يديه ليكان حاط على راسو لقا الدم )

فيليكس: واااع الله ينعمل زامل بوكم

أليشا فالخط ) : ياك أفيليكس يااك وليتي تعايرني ببا

فيليكس : أمااشي معاااك سمعي تسنايني ربع ساعة هاني عندك (وقطع عليها دار الهاتف فجيبو وبقا كايدور راسو يشوف شكون ضربو ولكن شاف حولو غير ليكارد لي حابسين الضحكة ومستحيل يتجرأ شيحد منهم يديرها …هز راسو تاشافهم بتلاثة معلقين فلبالكون تاهما كايشووووفووو فيه مخرجين عينيهم جبار وفارس وسليم ..)

فيليكس غوت ): يااك أجنوون هانا طالع لوالديكم

(وتحرك بخطوات سريعة صاعر وغير دخل للقصر وغبر على ليكارد ..اختفى من مكانو بقوتو قوة التنقل وظهر عندهم فالبالكون ..وسليم بسرعة تخبع خلف جبار …

فيليكس مخننزر فيهم ) شكوون ضرب بالحجرة

جبار بسرعة أشار لفارس👈 لي خرررج عينيه فجبار )

فارس : ناااالي (ناري)

⚜الفقرة 12 ⚜

فارس : ناااالي (ناري)

فيليكس شاف ففارس بتخنزييرة ) ياااااك أفاارس نتا لي ضربتي

فارس بدأ يبكي وجبار رد فارس خلفو و مخننزر ف فيليكس )

جبار : ماتغوتش علييه

فيليكس جابليه جبار الضحكة بديك تخنزيرة فا تحنا قفازي أمامو )

فيليكس : بصح أمرك مطاع your highness يا ولي العهد …ولكن يلا غوت عليه أشنو غادير

جبار حول نظرو لإيفان لقاه داير يدو على شكل لكمة بمعنة قوليه غانضربك …ورجع شاف ففيليكس مخنزر )

جبار : أنضلبك يالاه

فيليكس بزز صابر وحابس الضحكة ) وااايلي راني عمك ألبعلوك ولكن ضرب نشوف

(جبار عينيه مشاو مباشرة ليد فيليكس وحس بإحساس غرييب حااس بالطاقة المنبعثة من فيليكس طاقت المتحول حس برغبة قوية بل جد قوية فأنو يشد يد فيليك وفعلا لا إراديا طار على يد فيليكس شدها مزيير عليها ..وفيليكس خررج عينيه وشهق وهو كايحس طاقت جسدو تستنزف ..ماشي طاقت المتحول بل طاقت الجسد …كأول عملة استنساخ لجبار فاهو فشل فيها وبدل ما يستنسخ قوة فيليكس ..استنزف طاقة جسدو امتص كل الإينيرجي ديال جسد فيليكس ….

فا طاح فيليكس سخفان أمامو …وإيفان ليشاف كل شيء طرررطق عينيه فجبار ومشا كايجري لعندو حيت هو مافهمش أشنو وقع ليه وبدأ كايبكي وبسرعة تبعوه سليم وفارس كايبكيو وفيليكس مغيب على الأرض…إيفان بسرعة عنق جبار وطارو عليه حتى فارس وسليم معنقينو

فارس : ناالي ناالي

جبار : هئ اشنو وقع هئ مالو

إيفان : ششت والو ماوقع والو

جبار : واش قتلقتو

إيفان : لالا نتا غير استنزفتي طاقتو هو غير سخف فا ماتخافش

جبار : هئ بابا أيتقلق

إيفان يالاه غايهضر حتى وقف عليهم دياب وجاكلين لي غير شافو فيليكس طايح سخفان وجبار كايبكي دياب مباشرة فهم ماحدث…

جاكلين : أويلي أشنو وقع

فارس بسرعة عنقها تايبكي )

فارس : امو فيكس مات (عمو فيليكس)

جاكلين خرجاات فيه عينيها ….وإيفان عاودليهم أشنو وقع وكيفاش جبار تفعلات قوتو واستنزف الاينرجي بدل قوة المتحول عند فيليكس ..

فا دياب بسرعة هز فيليكس لجناحو تكاه على سرير وعيط لعدنان وغسان ليكانو فطريقهم للقصر …أما جبار فا مرعوووب من باباه جاسم وردة فعلو …فاطلق من إيفان ومشا كايجري لعند شيماء وتبعو سليم..دخلو عندها للجناح ….هي ليكانت كاترضع فوسيم وفنفس الوقت كان جاسم فشركتو خدام على ملفاتو وحاضيها من الكاميرات صوتا وصورة …حتى تحل عليها لباب ودخل جبار كايبكي وتابعو سليم ….)

شيماء رعبوها وحيدات لبزولة لوسيم بسرعة وحطاتو على السرير وقادات حوايجها وبسرعة وعنقاتهم بجوج )
⚜الفقرة 13⚜
شيماء رعبوها وحيدات لبزولة لوسيم بسرعة وحطاتو على السرير وقادات حوايجها وبسرعة وعنقاتهم بجوج )

شيماء : شنو واقع مالكن أحبابي

جبار : هئ هئ سخفتووو

شيماء : شووت تهدن أحبيبي وبلا بكاء قولي مالك

سليم : اقنلا نبابا

شيماء : شنو غاتقول لباباك أسليم

جبار : هئ امو فيليكس

شيماء : مالو واش ضربك

جبار : لا انا لي ضلبتو فلقتو بلحجرة

شيماء طرطقات فيه عينيها ….وعاودليها جبار أنو كان كايلعب وضرب فيليكس بلحجرة..بدون مايقوليها أن لبلان كولو من تخطيط إيفان …. وعاودليها كيفاش شد فيدو وفيليكس طاح سخف…

⚜جاسم لي فشركتو وكايشوفهم ويسمعهم عبر كاميرات جناحو …. غير سمع هادشي عرف بلي استنساخ جبار بدأ وخاسو يتدرب وإلا بدل استنساخ القوة دالمتحول غايبقا يتسنزف طاقة الجسد …جاسم وقف من مكانو هز هاتفو واختفى بقوة التنقل ظهر مباشر فالجناح وجبار غير شافو صفاار و بسرعة تخبع خلف شيماء وسليم لي هو ماداير واالو تاهوا غير شاف تخنزيرات جاسم تخبع مور شيماء )

شيماء شافت فجاسم ونظراتو عرفاتو عرف بعملت جبار فا ووقفات أمامو وولادها خلفها )

شيماء :: ج جاسم هو ماقصدش هو

جاسم قاطعها ) جبار أجي

شيماء : جاسم دري مزال صغير و..

جاسم قاطعها تاني ) شيماء تهدني ( غمزها و شاف فجبار ليكايطل عليه خلفها ) جبار كانظن قلت ليك أجي

جبار سرط ريقو ومسح دموعو وتقدم بخطوات بطيأة حتى وقف أمامو وحاني راسو ماقدرش يهز راسو بمرة فباه)

جاسم تحنا قفازي حتى تقابل معاه ونطق) باش كاتحس

جبار جاوبو وهو حاني راسو ): بالقوة

جاسم نطق بحدة حتى قفزو وقفز سليم ) هز رااااسك شووف لياا فعييني مليي نكوون كاانهضر معاااك عيينك فعييني

جبار بسرعة هز راسو ولا وجهو مقابل مع وجه جاسم وعينيهم مقابلين )

جاسم : هكا نبغيك يوقع لي وقع
عمررك تحني الراس سمعتي وعمرك تخاف

جبار : و واخا

جاسم : ملي شديتي فيد عمك قلتي حسيتي بالقوة فا أشمن نوع دالقوة كاتحس بها فجسدك

جبار : كنحس بأني نشيط

جاسم : هاذيك أجباار قوة جسد عمك الإينيرجي ديالو بدل ما تستنسخ قوتو دالمتحول استنزفتي كل طاقت جسدو دابا هو غايبقا نهار كامل سخفان بسبابك وحتى إيلا فااق ماغايقدرش حتى يوقف على رجليه حيت الطاقة ماعندوش وخاسو التغذية ونهار كوولو دااراحة باش يرجع طاقتو

جبار سرط ريقو وعينيه دمعو )

جاسم : استنساخك بدأ ويلا ماتحكمتيش فييه وماعرفتيش تفرق بين استنساخ القوة واستنزاف الطاقة عمرك غاتتحكم بقواك …أنا ملي كنت بعمر الخمس سنوات بدأ استنساخي وبحالك فالمرة الأولى بدل ما نستنسخ القوة استنزفت طاقة الجسد لكن بالتدريب قدرت نتحكم بالأمر..نتا مزال صغير على التدريب ولكنك ذكي وعاارف أنك كاتفهم كل كلمة كانقولها فا تدريبك غايبدأ

جبار : و واخا

شيماء تاهي تحنات قفازية أمام جبار لي وقف جنبو سليم )

سليم : ثانا ندلب

جاسم ابتاسم ليه وعنقو ) نت باقي صغيور نبدأ بخوك أولا علاماتكبر شوية

شيماء : أنا عندي تلاث هجائن أقوياء (باست جبار فخدو ) وجباري أقوى هجين وأنا متأكدة بلي غايقدر بسوهلة يتحكم بقواه ياك أحبيبي

جبار وسع ابتسامتو وهو كيشووف فيها وفعويناتها لي كايحمقوه و ورد ليها القبلة فخدها وهو كايضحك )

سليم شافها باست غير جبار وهو يحول تعابيرو للبكاء ) و أنفقرة 14 ⚜
سليم شافها باست غير جبار وهو يحول تعابيرو للبكاء ) و أنا

شيماء ضحكات وشداتو هو كاتبوس فيه وتعاود وهو كايضحك )

شيماء : ياختي ياختي سعدااتي بهاذ لمغيارين ليعطاني الله

جاسم هز جبار وخون قبلة من شيماء )

جاسم : ودابا يالاه نشوفو عمك فيليكس وغاتعتاذر منو ومن كل العائلة

جبار حرك ليه راسو بواخا وهو يختافي بيه جاسم …أما شيماء لي بسرعة لبسات عليها فستان طويل وهزات سليم وتبعاتهم )
⚜⚜⚜
فجناح فيليكس وأليشا …فيليكس مزال سخفان عطاه عدنان عدت حقن دمقويات وفيتامينات وعلق ليه غسان صيروم مغذي ..فحين أيار داواتليه بقوتها جرح راسو …وأليشا لي وصلات للقصر فطاكسي وكاااعية ظناتو نساها تاني …حتى عاودوليها أشنو وقع وهبلات بالضحك تشفات فيه نيت …وجالسة جنبو هي ومو سوزي وكل العائلة حتى ظهر وسطهم جاسم هاز جبار لي معنقو وكايشووف فيهم وهو خايف

دياب : البطل ديالنا بانت قواه

الجد : وليدي غانبداوليه التدرييب

جبار شاف ففيليكس لي مزال سخفان وحول نظرو لأليشا لي وقفات أمامو وابتاسمات )

أليشا : حبيبي ماتخلعش على عمك دابا يفيق وبيني وبينك عجبتيني فيه ههههه

أيار لي هازة خليل ) أييه على ولي عهدنا وحبيبنا غايبدأ في الإستنساخ

سوزي : أييه أحبيبي صغير ماتخافش عمك غايفيق ونتا عادي ماتحكمش بقواك من أول مرة

غسان : آه والأمر طبيعي وعادي دابا تعلم تتحكم فقواك وماغاتبقاش تتغالط ليك طاقت الجسد مع قوة المتحول

عدنان : وهكا غاتولي تقدر تستنسخ بسهولة

شيماء دخلات لعندهم هي وسليم لي طلق منها ومشا كايجري عند إيفان هزو )

شيماء وقفات جنب جاسم ): امتا غايفيق فيليكس

تارا : هاه تالدابا عاد جاية كاتسولي على فيليكس ماكايبانش ليك حالتو.. فين كنتي ملي ولدك استنزف كل طاقتو ملي ماقادراش تقابلي ولادك بتلاثة علاش كاتزيدي تولدي

شيماء شافت فيها مصدومة …وإيميليا خنزراات فيها ولات ماكاتحملهاش من كترت ماكاتهاجم فشيماء وضرب ليها لمعاني …..فحين جاسم ضرب فيها وااحد تخنزيرة وهو مزيير على يديه مثبت نفسو على وجه باها عمو علي وخوها دياب وخوه عدنان اماااا هو صبرو من ناحيتها بدأ كاينفذ …وهي شافت كلشي مخنزر فيها وخصووصا نظرات جاسم و سكتات …

دياب مخنزر فيها وغوت فوجهها )

دياب : تاااراا من الأحسن تلزمي حدودك

وعدنان مارضاش بتصرفها وصلات فيه لعضم معاها … زير على يديه ونطق مجاوبا على سؤال شيماء )

عدنان : كانظن فالليل خاسو يكمل الصيروم أحم راه طاقت جسدو استنزفت كليا

جبار حول تعابيرو للبكاء ) أنا ماقصدتش ماعلفتش هئ (ماعرفتش ) أشنو وقع ليا هئ (شاف فباباه ) مانعاودش

جاسم : كأول مرة أجبار غانعذرك عادي أنك ماتتحكمش وماتنجحش فأول استنساخ لكن من بعد خاسك تتعلم تستنسخ ماشي تستنزف

العم علي : وحنا كلنا معاك أوليدي غانعاونوك وندربوك

فارس : ماتعوتوس (ماتغوتوش ) علا زبار( جبار)

جاكلين : ههه واقاد غير هضرتك أطبيبيز تاعي

دياب هزو كايبوس فيه ) يخليليييااا حبيب دياالي لي كايحامي على خووه

باربرة لي واقفة جنب إيفان حسات بلوووجع وهي تخرج عينيها وبدات تغوت حتى كلهم التفو وشافو فيها ..وإيفان بسرعة عطا سليم لشيماء وشدها جلسها على فوطوي تما )

إيفان : نعيطلك لطبيبتك

باربرة لي مخرررجة عينيها ولوجع كايزيد غوتااااات ) واااااع غااانوللللللد

⚜الفقرة 15 ⚜
باربرة لي مخرررجة عينيها ولوجع كايزيد غوتااااات ) واااااع غااانوللللللد

كلهم خرجو عينيهم ودياب بسرعة عطا ولدو لجاكلين لي بزز كاتهزو ثقيل …ومشا بسرعة هز باربرة وخرج كايجري بيها هو وإيفان والتوأم ..وتبعوه هيلدا وناصر وإيميليا والجد…

جاسم شاف فسوزي : عمتي ردي بالك لوسيم (وشاف فشيماء)
يالاه

(خرج وهو هاز جبار وشيماء هازة سليم وركبوهم بجوج فالخلف وركبات شيماء وكسيرا تابعهم للمستشفى …دقائق وصل لقاهم دخلوها للغرفة تولد ومعاها إيفان وغواتها كايتسمع ..شيماء جلسات فكراسي الإنتظار وعنقات عندها سليم …وجنبها إيميليا لي فرحتها كبييرة بحفيدتها الرابعة فاهي ولات جدة لتلاث هجائن من شيماء والرابعة جاية فطريق من إيفان ….و هيلدا لي كاتبكي ومعنقها ناصر حتى هو عينيه مدمعين … فحين جاسم لي شادلو جبار فيدو … وخوتو واقفين بتوتر …أما واحد الجد كايشطح من الفرحة…

⚜⚜⚜

داخل الغرفة باربرة ولات كلهاااا حمرااء وكاتقطر بالعررق وإيفان فرحااان جنبهااا)

الطبيبة : زحميي دفعيي

باربرة : وااااع واااا راااه كاندفااااع واااايييايييييياي

إيفان : دفع ألحب دفع خرجيلي بنتي خلاص تسع شهور وأنا نتسنا

باربرة : واااااع الله يعطييك حبة فطرماااا

إيفان : غير عايري ودفعييي خووديي رااحتك المهم تدفعييي

(مشا كايجري خشا راسو مع طبيبة طل وهو يخررج عينيه وصفااار )

إيفان : ناااااري نااري (رجع جنبها وهو كايشطح بلخلعة ) ناري دفعي دفعي بنتي بنتي مزالا لداخل

باربرة : واااااع سكتنيييي أزمممررر واااااع كنموووت اااااااع واااااا ميييي

الطبيبة : دفعيي امداام رااك مكدفعييش بقوة

إيفان : آه مكدفعييش بقوة هانتي ديري هكا (كوز مقوص ضهرو وبدأ كايتعصر )أععععع دفعي هكا أععععع أعععع (وبدأ كااايتعصصصر كايوريها زعمة كأنو فايتليه والد …كايتعصصصر تاطلقليهم واااحد لحزقة من النوع القنبوولي المسمووع …والشموووم برائحة كريهة … تسمعات فكل الغرفة طوووووووووز … ولحظة صمت رهييب فالغرفة الطبيبة والممرضات مخرجيين فيه عينيهم حتى من باربرة سكتات من لغوات وبقات حالة فيه فمها وعينيها …وهو تزنك )

إيفان ابتاسم ) أحم غير كنت كانوريك وصاف

باربرة غوتااااات تانقزاتو من مكانو وصوتها تردد فكل المستشفى )

باربرة : وااااااااخرااااج عليااااااا واااع واااالحزااااققق وااااااااااا

إيفان (بدأ كاينقز مكانو ) : شووت شوووت فضحتيني حميمتك سكتي

باربرة : وااااع خرررج ولالا نرتاااكب فيييك جريييمة ألمسرفاااق وااااا مييي واااا لحزاااق واااااع

إيفان : أييه نخخرج ياك باش تشوفي لبنت نتي لولا بغيتي تقولبيني ساهل ليك أنا ياك

باربرة : واااااا عييباااد اللله وااا وييك ويييك أشدووووه علياااااا

إيفان : أسكتيي راه غايحسابليهم شادك كانغطاصب فيك ونتي راه غير تاتولدي

الطبيبة : ها رااس خاارج أمداام زيدي دفعييي

باربرة : واااا بلفقصاااااااا غاااايولدنييي زععتر بلفقصااااااع

الطبيبة : تهدني شهيق زفير ودفعي راه راس لبنت خارج

إيفان : وحلفيي (ومشا كايجري خشا راسو كايشوف ) لاهيلا خارج راس بنتي (شاف فباربرة ) دفع ألحب دفع راها زعرة واخا فيها دم باين شعرها ذهبي ألحب

باربرة لي غايقتلها بلفقصة خنزرات فييه ودارت دفعة وحدة ) : أععع واااااااعععع بلالاتيييع عععلا وااالدييك أععععععع إييفااااان

(وخرجات لبيبي لي كاتبكيي وطار إيفان بغا يهزها هكاك بدماياتها ..لكن منعاتو الطبيبة وهزاتها قطعات الحبل السري وعطاتها للممرضات ينقيوها وهي تكلفات بلغراز …إيفان تبعهن وهو حااضي بنتو كاينقز بالفرحة ..تانقاوها وعطاوهاليه شدها بشوية كايبووس فيها وهي تاتبكي عاد داها لعد باربرة لي فاااشلة وحطهاليها على صدرها وهي دموع فرحتها ماقدراتش تحبسهم …

إيفان : عندها شعر ذهبي وعوينات زورق بحالك وهكا نيت تمنيتها (عينيه دمعو ) عندي دابا جوهرتان صفراوتان

باربرة : هئ هي ماشي قزحية إذن بنتي هئ غاتكون نابغة بحال سليم وجبار

إيفان : آه

(كملات ليها الطبيبة ..و غيروليها ثيابها مشطوليها شعرها وهي الأخرى بعدما دهنوليها كريم خاص على بطنها لواو ليها سمطة كادخل الكرش ..عاد حولوها لجناحها الخاص فالمستشفى ليكووولوو بديكورات زهرية اللون ودخلو كل العائلة شافوها وباركوليها هي وإيفان …الجد زيدان حطليها تاجها الدياموندي على راسها …..وشافو الطفلة الهجينة الجديدة…هيلدا وناصر وإيميليا مااقدروووش يخبيو دموعهم أما إيفان هز لبنية وتمشى تاوقف جنب جبار وتحنا حتى لمستواه وراهاليه ….)

إيفان : شفتيها

جبار ابتاسم وهو كايشوف فيها حالة عويناتها ) : زوينة (شاف فإيفان ) هي ختي كيما قلتي ليا

إيفان :آه هاذي بنتي و ختك

سليم وقف جنبهم كايشووف فيها ونطق ) : ونانا (وأنا )

خليل حتى هو تنتر من أيار حطاتو ووقف جنبهم كيشووف فيها ولحق عليهم فارس )

فارس (ولد دياب وجاكلين) : زوييييينة

خليل (ولد أيار وغسان وهو سكووتي ومزال مكاينطق ) مد يدو وحط صبعو على حنكها بعج فيه )

إيفان : زويينة عاد راها بنتي وهي ختكم كاملينالفقرة 16 ⚜
شيماء خداتها من عند إيفان ) فنة فنة هه كاتحمق حبيبة عمتهااا

باربرة ابتاسمات ليها )

الجد خداها من عند شيماء : حبسو خليوني نفكر

إيفان : فاش أجدي

الحد : فالإسم

كلهم خرجوو فيه عينيهم)

إيفان : أحم لورين أجدي

الجد : لا

إيفان : أنجلكا

الجد : لا

إيفان : إذن فلورا

الجد : لا

أيفان : ماريا ..أورورا …سيلينا كلوريا. لاما …فريا …تيراني ..بلانكا

الجد خنزر فيه وغوت ) ألبعااابع لاسميت بنيتي بسمية دجنيااات

باربرة ابتاسمات ) غير اختار أجدي اناااا تااايقة فاختيارك

الجد ابتاسم : أصلا اختااريت بنيتي غاتكون ذكية وقوية أييه سهلتو قوة الكهرباء فااا أنا اختاريتليها اسم قوي

هيلدا :شنو هو أبا

الجد : زليخة (شاف فيهم) حفيدتي غايكون اسمها #زليخة فتاة الكهرباء الصاعقة

كلهم خرجو عينيهم وباربرة جاتها لبكية …وإيفان وإيميليا ماعرفووش حتى ينطقوها)

إيفان كايحاول يعاود الاسم ) : زخا ز زوز زيخيخا ..(شاف فيهم باستغراب ) أشنووو

العم علي : ولكن أبا هو اسم قديم شوية وأحم شوف لبنية زعرة وعوينات زرقين وتسميها زليخة

جاسم ابتاسم ) أنا عجبني (شافو فيه كلهم ) وفعلا اسم قوي وتاريخي وجا معاها

باربرة : هه مدام جسوم عجبو فا حتى أنا عجبني

شيماء : فعلا اسم زوين

إيفان مزال واحل فنطقو ) : ز ز ز ز ز

شيماء شافت فيه وشدات يدو ):
شيماء : هانت غيير بشوية نطق ز ل ي خ ة قول زليخة

إيفان : زيخة

جبار : زليخة

سليم : زيخيخيا

فارس : زخراا

شيماء : برافو 10 لجباري وصفر لإيفانو وسليمي وفارسي

إيفان خنزر : دابا أشنو نبقاا نعيط ليها أنا

إيميليا : زوزو ههه أنا نبقا نعيط لحفيذتي الصغيرة زوزو

إيفان ابتاسم وشدها عندو كيشووف فعويناتها ) زوزو صاعقتي الصغيرة زيخة ديالي

شيماء : وا زليخة

إيفان : زوزو

بقاو طول المساء مع باربرة حتى لليل وبإصرار منها خرجوها من المستشفى هي وزليخة الصغيرة …رجعو كلهم للقصر ….
⚜⚜

فالقصر إيفان باربرة وبنتهم فجناهم الخاص ..وباقي العائلة مجمعين فالصالة كلهم فرحانين والصغار كايلعبو مع بعض حتى دخل عليهم فيليكس مرخييي كأنو واكل لخميرة ..وجلس جنبهم… وجبار غير شافو وهو يتسمقل …

سوزي : هههه باربرة ولداات وخرجناها من المستشفى ونتا عاد فقتي

فيليكس ابتاسم وهو كايشوف فجبار ) دزت شفتها هي وبيتها وباركت ليها

جاسم كايشووف فجبار ) جباار

جبار سرط ريقو وفهم أشنو بغاه باه يدير فاتقدم حتى وقف أمام عمو فيليكس )⚜الجزء 17⚜
جبار : عمو

فيليكس عياا يترزن ويبين زعمة راه كاعي ولكن والو …تزلع بالضحك وطار عليه عنقو كايبوس فيه )

فيليكس : ياحبيب عموو يالخنفووس ..ماتحتاجش تعتاذر على استنزافك لطاقتي ولكن قولي علاش ضربتيني بالحجرة ولسقتيها ففارس

كلهم خرجو عينيهم وجاسم خنزر فجبار )

جبار : كنا لعبو

فارس : اه نعبو

سليم : نيعناك (تيعنداك)

جباار وفارس خنزرووو فيه غايفرشهم راه كايتعلمو دروس تحراميات من إيفان …فا خنزرو فيه وهو يسكت …وجاسم دياب وكل الشباب ملالاحظين كل شيء فارس وجبار منساجمين واحد يكدب ولاخر يكمل لكدبة وسليم كايبغي يفرشهم لاكنو كايخاف منهم ويسكت )

فيليكس ابتاسم ) هاذي دازت مرة أخرى ضرب بلحجر نعلقك من رجليك

جاسم : أو نعلقو أنا

جبار سرط ريقو ) أنعاودش

…شيماء لي جالسة جنب هيلدا وإيميليا حتى وقفات عليها سوزي )

سوزي : بنتي وسيم فاق خاسك ترضعيه

تارا : إيلا مامسالياش تقابليه كون شديتي مربية

شيماء شافت فيها وقفات ونطقات ) ولادي قادة عليهم أتارا مامحتاجااش للمربية (شافت فولادها ) جبار وسليم وصل وقت نعاسكم يالاه حبيباتي

إيميليا وقفات مخننزرة فتارا ) بنتي انا نديهم لجناحهم تاينعسو غير سيري عند وسيم

جبار : لا نعس حدا ماما

سليم : نانا (تانا)

جاسم : جباار سلييم لجناحكم

(ماعاودوش معاه لهضرة وتبعو إيميليا أما شيماء مشات لجناحها عند وسيم )

(عدنان لي ملاحظ تخنزيرات ليدايرهم جاسم فتارا …فا وقف واستأذن من خوتو وباه وعمامو … وشدها من يدها وقفها وجرها موراه بلا هضرة بلا جوج ومشا وهو صااعر وجارها خلفو حتى دخلو لجناحم وهو يخبط لباب بالجهد وغوت )

عدنان : علايااش كااتقلبييي هااا وااش كاتقلبي داابزيني مع خووية (جاسم) ولا كاتقلبي على شيماء تتجاوب معاك باش دابزو وتبرديي فيها سمك

تارا جاوباتو بلغواات ) مااتغووتش علياااا وأنا مكانقلب على واالو أعدناان ماقلت تاحاجة فيها لعيب قلت ليها لمقاداش على لولاد تشد مربية

عدنان : ونتييي سوووقك هااا شغغلك أتاارااا عييت نسكت ليك ولكن زدتيي فيه بهاذ السم والحسد لي ولا عاميك

تارا : أنا ماافيا لا سم لا حسد راك غالط

عدنان : أشنووو دارووليك لبنات هااا جاوبيني واش هن السبب فأننا مزال ماولدنا هااا أشنو دارت ليك شيماء ولا جاكلين ولا أياار ودابا زدتي عليهن باربرة حيت ولدات قبيلة كلهن باركوليها بحفاوة إلا نتيي بروودك راه كل العائلة ملاحظينوو أتاارا زدتي فيه

تارا حنات راسها ) هن ماداروليا والو

عدنان : إذن شنووو جاوبي شنووو مالك ..شفتي باربرة ولي داز عليها ها شفتي اجهاضها جووج مراات وآخر مرة جهضات تلاثة تواائم وواخا هكاك جلسات عامااين وهي كاتعالج على أمل 50 فالمئة أنها ممكن تحمل واخا هكاك ما استسلماتش حافظات على صفاء روحها وقلبها .. عمرها حسدات أو حقدات أو لامت شيماء على اجهاضها او تحسسات من ولادات شيماء المتتابعة … وفالأخير هاهي عندها بنت شووفي جاكلين هي الأخرى شحال عانااات تاحملات وملي حملات شحال عانات تاولدات ..علاش أتارا علاش تانتي ماتصبريش بحالهم … واش كايحسابليك أنا فرحاان راني بحالك وأكثر ولكني صابر تالنهار يكتاب

تارا خنزرات : دابا وليتي تقااارنني بشيماء

عدنان مسح على وجهو ) دابا من كل هاذ هضرتي هادشي لي بانليك ولي شديتي

تارا لارد)

عدنان : سمعي أتارا وسمعيني مزيان بربي وينوووضليك جاسم هاذ المرة تايندمك سمعتي وبربي ماغانمنعو غانخليك بينك وبينو حييت (هز يدو) هاذا لله معاك عييت ونتي كل نهار كاتزيدي كره وحقد بحالا لبنات هوما سبابك ولكن راه نتيي ليفييك المشكل ونتي أتارا ليضاغطة على نفسك وبلاصت ماتديها فراسك ونفسيتك حاضية لبناات فا تحملي نتائج تصرفاتك (خنزر فيها وخرج)…يتبع

Leave a comment