Skip links

قصة : الوحش ذات القزحتين ج 41

 38,618 عدد مشاهداات

🎩#وحش_ذات_القزحيتين🎩

✏للكاتبة ✏ chaymae ouaj
❤الجزء 339 ❤

#بعد #مرور #تلاث أيام أي أن الحفل بقالو فقط #أربع #أيام

وفي صباح الساعة 7 صباحا …

فجناح #دياب لي ضرباتو الفيقة وناض قافز شاف جنبو لقاها ماكايناش ثاني وبلاصتها مرتبة مما يدل على أنها مارجعاتش طول الليل يعني مانعساتش حداه مرة أخرى وهو بقا كايتسناها حتى لوقت متأخر تاني و ماحس حتى نعس وهي لي مابايتاش أصلا حداه ككل ليلة فهاذ التلاث أيام وكل مرة عذر فشكل وكل مرة فين كاتبات مرة مع تارا مرة مع أيار …سرط ريقو ماعرفش مالها تبدلات هكا معاه وفينما قرب منها كاتنفر منو وتبعد كايبغي غير يهضر معاها كاتهرب منو قال يعطيها وقت يصبر لكنوو عيا من تعاملها الجديد معاه …وفين باتت هاذ المرة تاني ….عروقو تنفخو بالأعصاب ناض صااعر لبس عليه بودي وخرج فاتجاه جناح ختو تارا حلو بانتليه ناعسة بوحدها سد الباب ومشا لجناح أيار حلو لقاها حتى هي ناعسة بوحدها سدو وهو كاينهج بالأعصاب فيين باتت ؟ توجه بسرعة لصالة سبور دخل كايقلب عليها بعينيه ولكنها مكايناش بانوليه غير عدنان وغسان كايترينيو …بقا واقف تالف كيشوف فكل أنحاء صالة سبور ماكاينش حسها وهي لي مولفة كاتريني يوميا فهاذ الوقت
….. غسان شافو تالف ومشا لعندو

غسان : دياب صباح الخير مالك

دياب شاف فيه ) جاكلين مولفة كاتريني كل صباح فهاذ الوقت واش ماجاتش للصالة

عدنان وقف جنبهم ) لا من ستة صباحا وأنا هنا وعاد شوية باش جاء غسان وهي مابانتش ليا من لبارح

دياب : واش غاتكون خرجات كون خرجات كون علمني عماد فين غاتكون مشات

عدنان : ياك لباس ؟

دياب : مالابااس واالو مرااتي وماعارفهااش فين وهااذي تلاث أيام وهي هاربة مني ومكتنعسش حداايااا

عدنان شاف فغسان باستغراب ويالاه غايهضر حتى شافوها داخلة بحوايجها دسبور وكاتمشا سااهية وبتثاقل ..دياب بسرعة وقف أمامها مخننزر شدها بالجهد من دراعها وغوت )

دياب : فييين كنتيي وفيين بتيي؟؟

جاكلين شافت فيه بزز حالة عينيها نترات يدها منو ونطقات ) فجناح الظيوف نعست تما مابغيتش نعيق على لبنات ونعست فواحد من أجنحة الظيوف

دياب : كييفاش علالاش واش ماعندكش جناااحك هااا وااش عاااجبك هاذ الوضع أشنوو معنااااه باش نفييق كل نهار فهاذ التلاث أيااام ومالقااكش حدااياا

جاكلين نطقات بلا مبالاة ) ماقدرتش أديااب ماقادرااش ندخل لجناحنا أو نقرب منك ريحتك خانزة كتخنقني خاانز ووجهك شحاال خايب

دياب وغسان وعدنان خرجووو فيها عينيهم )

دياب : ش شنووووهواااا؟؟

جاكلين يلاه غاتهضر حتى جاتها الدوخة وتوازنها اختل طاحت بين يديه مغيبة …دياب شدها مخرج عيينيه مافاهم والو عقلو تبلوكا وكلامها خربقو ..غسان وعدنان تحناو عندهم وغسان فحص نبظها )

غسان : فشكل

عدنان ابتاسم ) امكن راهي حامل (شاف فدياب لي تسمقل ) ماشي امكن هي حاامل ونبظها نبض امرأة حامل أنا مستحييل نغلط ففحص نبظ الحامل

دياب وغسان شافو فبعض حيت عدنان ماعارفش بموضوع أنها مكتولدش )

دياب سرط ريقو وعينيه عليها وهي بين يديه) : ل لا غ غاتكون غالط غير غير سخفات

غسان : علاش أدياب ياك هي كملات دواها ونسبة أربيع فالمئة تكون تعالجات علاش ماديتيهاش تدير الفحص ليقلت ليييك ضروري خاسها فحص

عدنان : كيفاش من آش غاتتعالج وأشمن فحص

غسان عاود ليه كل شيء)

عدنان : أمم ولكن تصرفها دامرأة حامل (شاف فدياب ) وحتى نبضها وأناا متأكد حيت هي كاتوحم عليك
دياب : ك كيفاش تاني عليا

عدنان : ماغاتحملش ريحتك حوايجك وجهك أي شيء متعلق بيك غاتولي سريعة الغضب معاك راه وحم من هاذ النوع خايب والرجل لي ماكايفهمش تصرفات زوجتو وأنها كاتوحم عليه كايولي يظنها مابقاتش باغاه وأغلب هاذ الحالات كايوصلو للطلاق وهو راه غيير الوحم ليداير ليها هاذ الحالة وشهر غايفوتها وترجع معاك عادي وماشي لخاطرها

غسان : باش تتأكد جيبليها دابا تيست من صيدلية تديرو وغير نكملو خدمتنا فالشركة نديوها لمستشفى العائلة وأنا نفحصها

قاطعاتهم جاكلين لي فاقت تعدات لقات نفسها بين يدين دياب وعدنان وغسان كيشوفو فيها وهي تنتر من دياب وسدات نيفها )

جاكلين : أعع حيد عليا مابقاش تقرب مني مالك وليتي معفوون واا سير دوشالفقرة 1 من نفس الحزء 🍀

جاكلين : أعع حيد عليا مابقاش تقرب مني مالك وليتي معفوون واا سير دوش

دياب لي مزال مصدوم ) أ آه و واخا ن نبعد ون ندوش

عدنان وغسان حبسو الضحكة بزز)

جاكلين وقفات ويلاه غاتمشي تريني حتى شد يدها )

دياب : جاكلين سمعيني بلا ماتريني اليوم ومابقايش تريني يوميا باين فيك عيانة سيري لجناحنا نعسي

جاكلين سادة نيفها حيت قرب منها ) لا ماغانعاودش نرجع لداك الجناح ريحتو خاانزة بحالك غانبقا فجناح الظيوف حتى تحيد منك ديك الريحة و إلا عمرني نعس حداك مرة أخرى (ضربات فيه وخرجات خلاتهم)

عدنان : خههههه وااا والله تاحاملة ونتخااطر معااكم عليها

غسان ابتاسم ) هه حتى أنا مابقا عندي شك

دياب مزالو مصدووم وسع ابتسامتو وعينيه دمعو)

غسان : سمع أدياب خاسك تصبر علييها هذا زهرك في وحم مراتك ماعندك مادير وباش تتفهم الأمر مزيان دير بحوث واقرأ على الأمر باش تعرف كيفاش تتصرفف معاها وقوليها غاتجيبها عندي للمستشفى ضروري من فحص نتأكدو

دياب : واخا (وخرج بسرعة توجه لجناحو لبس عليه بودي وهز كونطاك وبسطامو وخرج كايجري للصيدلية يجيبليها تيست)
🍀🍀

عند شيماء لي فاقت على نفس الكابوس تاني …الكابوس ليقالت تهنات منو هاهو ذا رجعليها ناضت قافزة كاترعد شافت جنبها مالقاتوش حتى بانليها خارج من دوش ….جاسم ليخارج لاوي فوطة على نصو وأخرى كاينشف بها شعرو شافها كلها عرقانة وكتشووف فيه مخرجة عينيها وفمها كايترعد وبسرعة مشى عندها جلس جنبها ..)

جاسم : مالك أشنو كايضرك (حط يدو على بطنها) واش فيك لوجع ولا شنوو

شيماء ابتاسمات ) و والو مماليش

جاسم : كتكذبي وا هضري أشيماء

شيماء : غير حلم خايب

جاسم : واش نفس الحلم الظلام ونتي كاتغرقي وأنا عامر دم !

شيماء حركاتليه راسها بآه وعينيها دمعو وهو عنقها)

جاسم : تهدني ماغايوقع والو من هاادشيي أنا معاك ودييما معااك

شيماء : عارفة

جاسم : نتي أقوى من أن حلم يخلعك أشيماء أو أي شيء او شخص يغلبك نتي بهاذ القوة وأكتر

شيماء : تنهدات براحة) آه أنا قوية بحالك

جاسم : بل أكتر مني وهاذ الحلم والو أمامك هكا خاسك تفكري باش تغلبي عليه

شيماء : واخا

جاسم شد حنيكاتها بين يديه وقرب منها دخلو فقبلة فرنسية )
🍀🍀🍀الفقرة ۲

عند جاكلين لي منبعد ماخلانهم مشات لجناحها هي ودياب ودخلات ساادة نيفها جمعات كل ثيابها ليغاتحتاج وأغراضها ف فاليز وهزاتها داتها لجناح الضيوف دخلات ومباشرة مشات تكات كاتحس راسها ضرها ومرخية … بقات متكية ساعة حتى دخل عندها دياب غير شافتو صعرات

جاكلين : خرج أديااب

دياب : وااخا غانخرج غيير تهدني وأنا خانز وخاايب غير ماتعصبيش

جاكلين : أش بغييتي دابا

(دياب قرب منها فرحاان ومتحمس وحطليها صاشية جنبها مع وردة حمراء وهي شدات ساشية وقلباتها لقات فيها حوالي عشرين اختبار حمل خرجات فيه عينيها)

جاكلين : أش أشهادشيي؟؟

دياب : شوفي غير جربيهم عافاك ماخاسرة والو ولا عرفتي شنو جربي ياك وواخا يخرجو سلبيين حيت ماكايعطيوش النتيجة صحيحة مئة فالمئة قالتهالي الصيديلية وغير جربي نشوفو ونديك تديري فحص فمستشفى العائلة

جاكلين وقفات ) خرج أديااب خرج

دياب : جاكلين غاتجربييهم وقدامي ودابا

جاكلين : ياااك أنا عااقرة ماشي هاادي هي هضرتك ودابا جايبلي اختبارات حمل مالك متناقض

دياب : واااا الله ينعل النهاار ليخرجت فيه هاذ الكلمة من فميي أجااكلين اعتاادرت منك ألف مرة وااا والله ماعنييتها واش بغيتيني نركع لييك باش تسمحيلياا ؟

جاكلين حنات راسها)

دياب : سمعيني داابا نتي راك كتوحمي علياا هي غاتكووني حاملة فاجربيي عافاك

جاكلين : كانبگ ماشي كانتوحم عليك واخرج عليا أبنادم ريحتك كاتخنقنيي

دياب : هاااه شفتيي ريحتي فنة والله وكانت كاتعجبك وحيت راك كتوحمي عليا ولات تجيك خانزة ووجهي وليت نجيك خايب ياك قولي آه

جاكلين : آه

دياب : إوااا شفتيي حيت كاتوحمييي

جاكلين : ديااب مابغييتش ندييرهم وماغااندير حتى تيست مابغيييتش نتصدم والتحااليل ماغاندييرهمش و إييلا كنت فعلا حامل راه غايباان راسو أما باش نعقد الأمل ونفرح فالأخيير أناا ليغاانتصدم ونجييبها فرااسي

دياب : ياك كنتي مقتاانعة أنك غاتحملي ياك كنتي وااثقة من راسك أش تبدل دااباا

جاكلين : إوا الشكر وكل الفظل كايرجع لييك أراجلي هرستيني وهرستيلي كل ثقتي بنفسي (عطاتو بالضهر) خرج أدياب

دياب : واخا مابغيتيش نديك ديري التحاليل فالمستشفى وااخاا ولكن جربي هادو عالأقل كنترجاك أجاكلين وأنا غانتسنا جوابك (ومشا خرج)

(جاكلين جلسات كاتشهق بالبكاء هي فعلا تعطلات عليها الدورة بأسبوع وكاتحس بتغيرات فشهيتها نعاسها أحاسيسها … الدوخة الصباحية كاتجيها وكلها عوارض حمل باديين علييها ولكنها خااايفة يكون مجرد عوارض ^للحمل الوهمي^ لي كايصيب نسبة كبييرة من النساء خصوصا العاقرات والحمل الوهمي هي قرات عليه بزااااف وداخلها خااايفة بزاف تصدم ماغاتقدرش تتحمل ….
🍀🍀

فجناح جاسم لي لبس لباس رسمي يمشي للشركة واقف أمام المرآة كايقاد لحية بماكينة خاصة وشيماء غير واقفة جنبو كتشوووف فيه وهي غير ب بينوار حمام وفوطة راس (الصورة)…)

جاسم : غير طلقيها هضري أش حب الخاطر هاذ المرة

شيماء : وااالو غير بغيت نمشي مع لبنات

جاسم : لفين

شيماء : للسونطر بيوتي خاص راه حجزات لينا عمتي هيلدا كاملات غانديرو مساج سوان فيزاج مانيكير… وكل شيء و غدا ليلة الحنة وبعد يوماين العرس

جاسم : عندك فالقصر غرفة صونة ومساج وبغيتي سونطر بيوتي يجيوك العاملات حتى لعندك ويقادوليك كيما بغيتي (شد يدياتها باسهم ) أححح متشوق نشوف الحنة على هاذ ليديات

شيماء : تنترات منو كاتغوت ) وااا جاااسم حرااام علييك هئ هئ واااع ألحگااار هئ واكانكرهك ألمسموووم هئ

جاسم شاف فيها لقاها تاتبكي من نيتها دمووع نيت )

جاسم : صااف سكتي وااخا سييري ولكن بشررط

شيماء طارو دموع)شنووو هو ؟

جاسم : معاياش غاتمشيو بعدا

شيماء : بعد الفطور وغانجلسو فيه صباح كولو ولعشية غانمشيو عند شي بائع مجوهرات كاتتعامل معاه عمتي سوزي وغانتغداو برى

جاسم : واخا لبسي شيء دافىء وملي تبغي ترجعي غانجي نرجعك

شيماء : واخا وشنو هو الشرط واش ليكارد ماعنديش مشكل واخا يجيو معانا

جاسم حط لماكينة وشاف فيها ) : آه ليكارد أحبيبتي ولكن ماشي بشريين

شيماء خرجات فيه عينيها )
الصورة : جاكلينالفقرة 3 ❤
🍀🍀🍀

عند جاكلبن لي شبعات بكاء وقررات ماتجربش لي تيست مابغاتش تصدم حتى تكون واجدة نفسيا للأمر …ناضت جمعاتهم وخباتهم دوشات ولبسات وهبطات تفطر لقات العائلة جالسين وجلسات وسط لبنات بعيد على دياب لي عينيه غير عليها ماعرفش واش دارت لي تيست ولا لا ومتشوووق للنتيجة …

🍀🍀

عند باربرة لي فاقت هاذ المرة هي الأولى بكري خلات إيفان ناعس ودخلات للطواليط كاترد والدووخة قتلاتها استغربات من الأمر هاذي أسبوع وهي على نفس الحالة والدورة الشهرية معطلة عليها بأسبوعين ابتاسمات وهزات كاب دارتو عليها وخرجات برات جناحها لقات الخادمات كاينظفو وعيطات لوحدة منهن عطاتها لفلوس وأمراتها تسخر ليها للفرماسيان تجيب ليها تيست لإختبار الحمل (سيري عند جاكلين راه عندها عشرين ) …الخادمة ماتعطلاتش عليها ربع ساعة كان التيست بين يدين باربرة دارتو فجيبها ورجعات لجناحها لقات إيفان فايق..

إيفان شافها دخلات ) فين كنتي و بلاتي يااه فقتي بكري اليوم معجزة هاذي

باربرة : أحم غير ضرباتني الفيقة

إيفان شافها متوترة ) مالك

باربرة : والو واش ماغاتخدمش اليوم راه مشا لحال أنا غانمشي للسونطر بيوتي مع لبنات غذا ليلة الحنة

إفان : غذا غاطليو داكشي لخضر فيديكم مكايعجبنييش ماديريش دكشي

باربرة : هذاكشي لخضر سميتو الحنننة وأنا كاتعجبني ومشهياها وغانديرها

(خنزرات فيه واستدارت دخلات للحمام وطرقاتو عليها …دارت تيست وجلسات تتسنا النتيجة وقلبها كايضرب بالجهد حتى سمعات دقان قفزها )

إيفان خلف باب الحمام ) بااربرة أش كديريي راه خسني ندوش تعطلت حلي ليا

باربرة بزربة خبات التيست فجيبها وحلاتليه الباب ) دخل سربي غايمشي عليك لحال أنا غالبس باش نزلو نفطرو
(خلاتو ومشات بجرا دخلات للدريسينغ سداتو عليها )

إيفان تبعليها العين ) تشا مال هاذي تاني

((باربرة جبدات تيست من جيبها ولقاتو عطى النتيجة جوج شرطات حمريين شرطة واضحة وأخرى لونها باهت شوي وبحكم خبرتها حيت ماشي أول مرة تحبل عرفات غاتكون عندها أسبوعين أو تلاث وشكات أنها حملات من أول أو تاني ممارسة …حلات فمها وولات ضحك وعينيها دمعوو وهي كاتخيل ردة فعل إيفان ..ابتاسمات بحب وخبات التيست بين ثيابها وقررات ماغاتقوليه والو حتى لنهار عرسهم وتقولهاليه وتعطيه التيست كهدية .. لبسات وخرجات لقاتو لبس وكايتسناها وطارت عليه بتعنيقة والإبتسامة مافارقاتهاش وهو كايضحك مافهم والو … هبطو بجوج يفطرو وجلسو مع العائلة ..إلتاحق بيهم جاسم وشيماء فطرو كلهم وناض كل واحد لشغلو … شيماء ولبنات غاتمشي معاهم إيميليا وهيلدا ناضو كلهن كل وحدة مع حبيبها وخرجو برات القصر لقاو صفين من ليكارد

لبنات خرجوو عينيهم )

جاسم : شيماء هاذ ليكارد غايمشيو معاكم ويحضيوكم من بعيد أما من قريب غايحرسوكن أعضاء من فرقة العدالة

(تقدمو ثمان بنات متحولات بلباس رسمي ووقفو أمام شيماء وتحناو على ركبهن …. عماد وليكارد كيشوفو فيهن تحناو لشيماء مافهمو حتى وزة )

فيليكس : هاذي الآنسة سلمى وفرقتها (نطق بشوية باش مايسمعوهش ليكارد ) هن من أقوى المتحولات غايحرسوكن وغايمشيو معكن فكل خطوة هن من فرقتي دالعدالة وتايق فيهن

أليشا خنزرات فيه ورجعات شافت فلبنات سلمى وفرقتها غير لقوقة لختها وهي تعصصب )

شيماء كتشوف فيهن محنيين ليها تزنكاات كاتكره ليتحنا ليها نطقات ) وقفووو

سلمى وفرقتها وقفو ) أوامرد ليدي شيماء

شيماء شافت فجاسم ونطقات بشوية ) قولييهم مابقاوش يتحناوليا شوف ليكارد البشريين كيكايشووفو و مافاهميينش

جاسم خنزر فليكارد نتاعو تاحناو راسهم ) آنسة سلمى كنظن أوامري مفهومة وكل نصف ساعة نبغي تقرير

سلمى : وااضح لورد أمرك

جاسم : عماد ونتا فهمتي ولا نعاود

عماد (حال فمو فسلمى ): أ أحم أوامرك لورد❤الفقرة4 ❤

عماد (حال فمو فسلمى ): أ أحم أوامرك لورد

جاسم : مزيان(شاف فشيماؤو) غانوصلكم للسونطر عاد نمشي للشركة

(ركبو سياراتهم كل واحد وصل حبيبتو وإيميليا وسوزي ركبو فليموزين صغيرة سايقها عماد …
🍀🍀
فسيارة دياب لي بزز ركبات جنبو جاكلين غير مابغاتش تحرجو قدام خوتو أما الردة شاداها حلات كل زجاج السيارة وخرجات راسها

دياب : جاكلين واش جربتيه وريه ليا واش جوج شرطات

جاكلين : ماجربتوش أنا خايفة أدياب مامستاهداش خايفة يكونو عندي أعراض الحمل الوهمي

دياب : شنو هو هذا تاني

جاكلين :هو حمل كاذب، يعرف كذلك باسم الحمل الوهمي، أو الهستيري، أو مخاوف الحمل (Pseudocyesis) كاينتج عنو ظهور أعراض وعلامات مرتبطة بالحمل الدوخة الوحم وراه توصل حتى لإنتفاخ البطن ولكن المرأة ماكاتكونش حاملًا في الواقع فقط أعراض كاذبة و السبب ديال ظهور
الحمل الوهمي حسب ماقريت كايكون نفسيًا بالكامل و في بعض الأحيان هرمونيا ينتج عن تغيرات في جهاز الغدد الصماء في الجسم لي كايؤديو لإفراز هرمونات تؤدي لتغيرات جسدية مشابهة لتلك التي تحدث في الحمل. ، وينتج ذلك ربما عن الهرمونات التي تزيد من مستوى الإستروجين والبرولاكتين والكورتيزول … يعني راه نسبة كبييرة يكونو أعراض وهمية أدياب

دياب زير على مقود السيارة ونطق ) لا عدنان قال نبظك نبض امرأة حامل وأنا تاايق فتشخيصو أجاكلين خليني نديك للمستشفى نتأكدو

جاكلين : ديااب ماضغططش علياا راك ماحاسش بالنار لي داخليي إييلا فعلا صدقت فالحمل الوهمي غانحماق أدياب مابغييتش مامستاعدااش حاليا نتأكد من والو خليني بخاطري نهار نبغي غانجي عندك بنفسي وديني ديرلي الفحص

دياب : واخا غير تهدني وأنا داخلي متأكد أنك حاملة أجاكلين

(جاكلين ماجاوباتوش غمضات عينيها وتكات كادعي من قلبها تكون بصح حامل ماشي وهم)
🍀🍀🍀

وصلو و حبسو أمام باب السونطر بيوتي لي محجوز خصيصا لهن …جاسم كايوصي فشيمااء ويعاود وهي فرحاانة وغير كتقوليه فآه …غير خرجات من سيارة جاسم ضارو بيها سلمى وجوج متحولات من فرقتها فحين الخمس متحولات ضارو بباقي البنات …. جاسم وخوتو تسناو لبنات حتى دخلو عاد كسيراو …والسونطر دارو بيه ليكارد من كل الجوانب الحراسة مشددة …دوزو لبنات وإيميليا وهيلدا وسوزي أربع ساعا فالسوطر بين تدليك ومساج سونة وليسوان المختلفة ولاو كايشعلو من راسهن لرجليهم …وشيماء فينما دازت واقفة عليها سلمى مع متحولتان واخا شيماء أمراتهم يخرجو يتسناو برى أو عرضات عليهن يحيدو حوايجهم ويجيو ينظمو لبنات لستاركس ويديرو حتى هوما عناية بالجسد والبشرة والشعر ولكن سلمى رفضات كليا دايرة خدمتها ومطبقة أوامر جاسم بالحرف لدرجة دخلات مع شيماء للصونة وبحوايجها ولات كلها عرقانة وماتسوقاتش المهم عينيها ماغفلووش على شيماء ولو ثانية كيما أمر جاسم …. كملو من السونطر وخرجو لقاو سياراتان من نوع ليموزين صغيرة (الصورة) لي تقسمو لبنات والسيدات ركبو فيهن وسلمى وفرقتها كل وحدة بموطورها ضارو بالليموزينات وكسيراو وليكارد تابعينهم …حتى لريسطو راقي جلسو فطاولة عائلية وسلمى والسبع متحولات خداو طاولة جنبهن وحاااضيين لدرجة لي سيرفوور ماخلاوهمش يقربو خصووصا لشيماء بل خداو ليموني والأطباق وسيرفاو لبنات بنفسهم وجاسم كل نصف ساعة كايوصلو تقرير بلا لي ميساج لي كل دقيقة كايسيفط لشيماء وهي كاتجاوبو …تغداو فجو مرح ناششطات من بعد توجهو لقيصارية ضارو على أصحاب الذهب شراو طل وحدة أش خدات وهيلدا خدات للبنات كل وحدة منهن طقم دهب وإيميليا اختارت لكل وحدة منهن طقم ألماس وصلات حتى لعند باربرة لي اختارت طقم خفيف وحيداتوليها إيميليا )

إيميليا : خفيف خاسك طقم ثقيل

باربرة : أ أحم لا أخالتي غير خلي هذا لي اختاريت

إيميليا ابتاسمات ) لا أبنتي لحد الآن ماهديتك والو وبصراحة الطقم لي خديتليك اختارو ايفان وأصر عليه

باربرة : لصفر ياك أخالتي

إيميليا ابتاسمات وهي تشير لكارد وتقدم هاز بواطة عطاهاليها وهي عطاتها لباربرة لي حلاتو وحلات فمها فيه)الفقرة 5 ❤

إيميليا : خديتو ليك من ألمانيا بصراحة كنت اختاريت واحد بلون عيونك لكن راجلك لمصندل بدلو ليا بهاذا

باربرة : ههه زويين (كان عبارة عن طقم ألماسي مزين بدياموندة صفراء وخاتم نتاعو /الصورة/ )

إيميليا : تستاهلي كل خير بفظلك وبفظل حبو ليك تبدل وفاق من الطريق ليكان دايو جدو فيها هو باش يوصل ليك دار كل شيء تهلاي فيه أبنتي ويتهلا فيك وعوضو بعضكم على كل الأيام الصعبة لي عشتوها

باربرة عنقاتها ) كوني هانية ولدك فعيني أخالتي وراه حتى أنا كنبغيه ووليت مستحيل نستغنا عليه ونقوليك واحد السر

إيميليا : قولي

باربرة همسات فأذنها ) أنا حامل

((إيميليا خرجات عينيها وهي توسع ابتسامتها وطارت على باربرة تعنق وتبوس وباربرة طلباتها تخلي الأمر سر حتى لنهار الزواج وتعلنو لإيفان وكل العائلة …كملو شراء المجوهرات وشيماء غير كتشوف خداتليها هيلدا طقم ومها طقم ككل لبنات وسوزي خدات لهن كل وحدة خلخال من ألماس وسرتلات ذهب وخرجو توجهو لمول كبير ومباشرة لمحل راقي لبيع الملابس الداخلية …. أليشا تارا أيار باربرة وحتى جاكلين خداو ثياب مثيرة شوميزات دونوي ودو بياس والسيدات كايعاونوهم فالإختيار ..شيماء غير كضور وتشوف حتى رن هاتفها ولقاتو جاسم …)

شيماء : جسوومتي

جاسم ؛ لي عجبك فداكشي هزيه

شيماء خرجات عينيها ) شنو هو هادشي

جاسم : هذاك الأحمر لي أمامك غاتجي فيه كاتحمقي خوديه

شيماء شافت أمامها شوميز على شكل غوب مثيرة فالأحمر معلقة على مانكان أمامها )

شيماء : ويلي واش كاتشوفني

جاسم : المتحولة سلمى عندها جهاز بيه كاميرة كنشوفك منو غاتعطيك كارط كيشي ديالك وخودي أي شيء بغيتيه خاسني نقطع ماتنسايش الشوميز الأحمر كنبغيك (وقطع)

شيماء : يااه شحال كنبغيه

(قربات منها سلم ى وعطاتها بطاقة ذهبية وشيماء شداتها حالة فمها )

سلمى : بطاقتك ليدي شيماء

شيماء : أحم م ماعرفتيش شحال فيها دلفلوس

سلمى ابتاسمات) رصيد غير محدود ليدي شيماء

(شيماء وسعاات ابتساامتها بشر واستدارت طارت على ديك الروب الحمراء لي عجباتو هي لولا ومشات كاتجري هجمات على لحوايج…. من الملابس الداخلية دازو للأحدية وبعدها الميك أب عاد دازو للقفاطن حيت بززات عليهن الجدة يلبسو قفاطن خضراء للحنة …اختارو كل وحدة قفطان باللون الأخضر الملكي وشيماء اختارت تلاثة عجبوها داتهم بتلاثة قالت يختارليها جاسم ليتلبس ومعا عندها لكارط غيير كاتشري مامسوقاش ختارو سبابط لقفاطنهم كملو كل الشوبينغ حتى للثامنة مسائا عاد خرجو من لمول لقاو كل الشباب واقفين كايتسناوهم شيماء وباربرة طارو على رجالاتهم مامسوقيينش شيماء نسات راسها كاع وباستو ففمو تاعاقت فين هي وشكون معاها عااد تزنكات وهو كايضحك دخلها لسيارتو وطار عليها كايبوس … رجعو للقصر وتعشاو مجموعين والجدة فرحانة حيت داروليها خاطرها وخداو قفاطن …توجهو كل واحد لجناحو وجاكلين جناح الظيوف…

🍀🍀

فجناح C&J … شيماء فرشاتليه لقفاطن بتلاثة فوق السرير )

شيماء : اختارليا واحد لبسو غدا

جاسم خنزر وهو كيشوف الأول هابط من لكتاف التاني مفتوح من الصدر والتالث في فتحة حتى للفخض )

جاسم : حتى واحد ماغاتلبسيييش ليا هاذ لمسخ وتخرجي بيه مستحييل

شيماء خرجات فيه عينيها ) ويلي بلاتي نشرحليك راه حنة وهي حفلة غانكونو فيها غير أنا ولبنات جدة وعماتي ومي ماغايكوون حتى راجل غيير لبنات غاينقشو وناكلو لحلوة ونشطو ونشطحوو

جاسم :كييفااش وأناالفقرة 6 ❤

جاسم :كييفااش وأنا

شيماء : لا جدة منظمة كل شيء حسب التقاليد وهاذ الحفلة ممنوع فيها حضور الرجال باش لبنات كاياخدو راحتهم فاللبس والحديث نتوما غاتقاد ليكم جدة جلسة فالطابق لي لفوق وممنوع شيحد منكم ينزل للطابق السفلي يعني غانكون غير أنا ولبنات

جاسم : وأنا بغيت نشوفك كاتنقشي ضروري نحضر والشطيح ممنوع

شيماء : أحم ولكن أنا مابغيتش نقش (خنزر فيها) ص صاف غاندير شي وريدة على قبلك ونجلس معاهم شويييكيك ونطلع للجناح وأجي نورييك واش صافي

جاسم تنهد : واخا نقشي بغيت نشوف الحنة عليك وغاتشطحي ليا انا …. (مد يدو اختار واحد وهزو عطاهليها ) لبسي هذا هو لمستور فيهم

شيماء : هه واخا حقا نسيت (جبدات لكارط من صاكها مداتها ليه) راه شريت بزااف

جاسم : بصحتك وخليها عندك وأي شيء بغيتيه استعمليها وخوديه

شيماء طارت عليه بتعنيقة وهو خشى راسو فعنقها كايبوس )

جاسم : وفين الغوب الحمراء لبسيها ليا دابا

شيماء : واخا غالبسو دابة ولكن غاتحاول عليا

جاسم : واعدتك وغانتحكم فنفسي

شيماء : واخا تسناني هنا

(جمعات روينتها وتوجهات للدريسينغ لبسات الغوب الحمراء مع حذاء كعب عالي فضي دهنات لحمها رشات عطرها واكتافات بأحمر شفاه بلون الفستان طلقات شعرها وخرجات عندو لقاتو واقف متكي على الحائط ومبتااسم كايتأملها قربات كاتمشى ناحيتو وكاتمايل بجسدها المثير حتى وقفات أمامو وهو بسرعة وبخفة جرها من خصرها حتى تساطحات معاه وكايدوز يديه على الفستان ثوبو رطب وجا متناسق مع ثنايا جسدها هزها بين يديه ومشا بيها لسريرهم حطها متكيا وتكا جنبها كايتأملها لمدة كيشوف فيها وهي كتشووف فيه مبتاسة وساكتين كلاها بعينيه عاد تحنا كايبوسها وهي كاتتجاوب معاه حتى ولاو بدون ثياب …..
الفقرة 7 ❤
🍀🍀🍀

فصباح اليوم الموالي وهو يوم الأحد لي ليلتو هي ليلة الحناء الجدة وااقفة على شغالها منعات كليا الشباب الجد الأعمام كل رجال العائلة من أن يحضرو لحفلة الحناء وغير فاقو صدراتهم للطابق التالث وحااضيا معاهم لاينزل شيواحد … …جابت لعابات لي كايغنيو ويعزفو بالبنادر والطعارج وقادات صالة كبييرة وفخمة بمساعة نگافة بحيث صايبو لكل وحدة من الست عروسات مكان فين غايجلسو ينقشو وطاولات عامرين بالحلوات المغربية التقليدية والشاي ووسط الصالة جلسة فخمة فالأرض على وسائد من ريش فيج جالسات اللعابات منشطين الجو … حفل تقليدي مئة بالمئة حتى من سوزي إيميليا وهيلدا لبساتهن الجدة قفاطن …. كل شيء جاهز ودخلو النقاشات وجلسو كايغنيو ويشطحو مع اللعابات وهن كايتسناو فبنات آل ستارك ينزلو …

عند لبنات لي كلهن تجمعو فجناح واحد وهو حناح باربرة وكل وحدة بميك أب آرتيست كايقادولهن الشعر و المكياج …لبسو قفاطنهم وولاو جاهزات ست عروسات كايهبلوو ..قبل ماينزلو قالت لهن شيماء يتصورو كل وحدة تسيفط الصور لراجلها يفقصوهم …وهن فرحوو كايعجبوهم خطط شيماء الشريرة تصورو عدة صور مثيرة وكل وحدة منهن سيفطات صورها لحبيبها ..عاد نزلو للأسفل وجلسو كل وحدة فبلاصتها وكل وحدة بنقاشتها …جاكلين لي كل شيء جديد عليها حمقووها الأجواء والقفطان والمكياج وكل شيء …

🍀🍀🍀

فالطابق التالث من القصر وبالضبط فغرفة فيها البيلياردو وعدة ألعاب مجمعين الشباب والأعمام والجد … عدنان وغسان ودياب تايلعبو البيلياردو .. الأعمام بتلاثة مقصرين على السطرنج فحين الجد وفيليكس وإيفان جالسيين معصبيين دايرين يد على حنك وتايخممو …أما جاسم جالس بوحدو بعييد عليهم فالفوطوي وخدام بحاسوبو وكايشرب قهوة ..الجدة حبساتهم فالغرفة وطلعات ليهم غداهم وكوطيهم باش ماينزلووش ))

إيفان : الظلم هذا نزلت بغيت غيير نطل حصلاتني جدة سيفطاتلي صباطها فلقاتني بيه

الجد : ياربي يخليولي حقي دالحلوة ودوك لعابات حتى هووما على مزيناتهم كون غير خلاتني نجلس حداهم نضرب ليهم لبندير والله ماندير لبسالة غير نتفرج

فيليكس : ناااري لحنة كانكرهااا نااري ودييرها أليشا مانقربش منها تاضحك

إيفان : زيدني علييك داكشي خضرة هكاك وجااري فكرني غير ف يع

الجد : نووضو نهبطو أنا ناكل ونتخبع وسط اللعابات ونتوما جرو عيالاتكم ماينقشوش

إيفان : آه مستحيل نخلي باربرة طلي داكشي لخضر هكاك كون كان غير صفر بعدا هانياتون

جاسم غوت تانقزهم): غااايحط شييحد منككم رجلووو عند لبنات غانطيرها ليه

خرجو فيه عينيهم )

الجد : ألمسخووووط أرانيي جدددك هاو وااا لعاداو راني أنا جدك❤الفقرة 8 ❤

الجد : ألمسخووووط أرانيي جدددك هاو وااا لعاداو راني أنا جدك

فيليكس : جااسم وااش من نيتك أصاحبي تخيل شيماء مراتك دايرة الحنة

إيفان : أييه خضرة وجارية وخانزة

جاسم خنزر فإيفان وشاف ففيليكس وابتاسم) الحنة زوينة كاتعجبني ياريت غير ديرها راه هي ماكاتحملهاش

فيليكس والجد حلو فامهم )

الجد : هي مكتحملهاش ونتا كاتعجبك وااا انقلاب خطير فالأدوار

فيليكس : يا شمس العشية

إيفان : دابا ماغانزلووش

فيليكس : جاسم أصاحبي نطلوو غير من بعيد

(جاسم يلاه غايهضر حتى رن هاتفو وهاتف دياب فيليكس عدنان غسان وإيفان معلنا على وصول رسالة …الشباب حلو هواتفهم وبداو كايوصلوهم صور لبنات ..كل واحد صور حبيبتو بالقفطان الأخضر الملكي بتسريحات شعر عرائس وميك اب صارخ ومتقون

إيفان حال فمو تالودنيه فصور باربرة ) أحححح لخضر يالعمر (الجد خشا راسو كايشوف معاه)

فيليكس : واااو هكا حسن من الساري الهندي غاناخدليها دريسينغ كولو قفاطن (الجد خشا راسو كيشوف معاه حتى هو)

عدنان : كاتحمق والشعر الأسود مع لون القفطان وااو (الجد وقف تايجري حتى لعندو كيشوف معاه)

غسان : يخليلي حفييرات زيين حبيبتي كاتحمق فأي شيء لبساتو (الجد حيد من عدنان وخشا راسو كايشوف مع غسان)

دياب : جميلتي أمريكية في قفطان مغربي كاتحمق (الجد عيا يتعلا وكاينقز باش يشوف ولكن دياب طوييل عليه ومفوورمي حتى طير ليه الهاتف وشاف عاد ردوليه استدار لقا جاسم كيشووف فهاتفو وماكايرمشش ومشا كايجري بالحس وقف موراه كايشوف معاه فصور شيماء )

الجد تنهد ونطق ) واللله حتى نتووما كلكم مساااخيط عندكوووم زهر فلعيالات دايين غير لقوقة لختهاا كانعقل أنا على رجاء فعرسنا بقفطان الحنة جات كي علال لقلدة كتافها كتر من ديالي وباش كملاتها دارت تطليسة دالحناء لفراقشها ويديها لبنات كاتولي ليهم الحنينة حميمرة فاليد هي ولات ليها كحلالا كيجرانة أعيباد الله وطلات دكشي حمر لحناكها جات بحال شي جنية شابعة تسرفيق سيمااانة وأنا كنووض مخلوع من كمارتها تقووولبت فيها نهار لول ضرباتني على الشعة وكلاتني مخ الضبع تاتزوجت بيها

كلهم حالين فامهم فيه )

العم علي : أبااا راك تاتعاير فالواليدة

الجد : تشااا راه موووك واحد لخايبوعة ماضايرااش (طير الهاتف لجاسم ) خليييونيي نتمنظر فالزين

جاسم وقف وطير هاتفو لجدو ) جدييي واش ماكاترتاح حتى كانغوت علييك

الجد : نتااا مسخووط واخليني نشوف شامة نتاعي

جاسم : منييين جااتك نتااعك

الجد : شوووو لمسموووم

جاسم حرك راسو بلا حول وجلس رجع لعملو ومرة مرة كيشوف صورها ويبتااسم
الفقرة 9 ❤
🍀🍀🍀

عند لبنات )

شيماء : أعععع ماديريش ليا أنا مابغيتهاش

الجدة : ويلي قلاك أعع تي خلي لبنت تنقش ليك

شيماء : واااجدة مكنحملهاااش وريحتها كاتخنقني

الجدة : يااك أبنيتي شوفي خواتاتك كلهن كاينقشوو إلا نتي بغيتيني نتقلق منك

شيماء سرطات ريقها وتفكرات حتى جاسم باغي يشوف النقش على يديها ) : واخا ديري ليا وردة ولا قلب صااف ماتكترييش وحتى رجلي ديري شي وردة وصاف ماتعمريش

النقاشة ) واخا ألالة

شيماء غمضات عينيها وعطاتها يديها )

(الجدة جلسات جنب النقاشات لي كاينقشو لهيلدا وسوزي وإيميليا وهي تكفض يديها لي عاامرين دبالج سرتلات ذهب وعرات رجيلاتها لبيوضين لمطبزين )

الجدة : أنا ديرولي تطلييسة طللسووو (شافت فاللعابات ونطقات بغناء ) هااوطلس وزييد طلس والحنة وحنتيي يانا ويا لعروسة عرووستي يانا (وبداو لعابات يغنيو ويضربو لبنادر والجدة تاتعاونهم)

العابات : هاو مولاي السلطان

الجدة : وافين هوااا

اللعابات : ياو هااهواا واها لالة لعروسة ياو بالحنة منقووشة رضى وستر علييها ….

عند لبنات ليجالسات وحدة حدا وحدة كاينقشو )

باربرة بصوت منخفظ ) لبنات عرفتو واحد لحاجة

لبنات شافو فيها )

باربرة : الفيديو ديال إيفان وشيماء ملي كانو كايغنيو صورتو بهاتفي والتصوير ممتاز صوت و صورة عاودتو ديك الليلة أنا وإيفان تفرجنا فيه عدة مرات وقالي نسيفطوليه وقلتليه حتى لغدا هيوا صباح جيت نسيفطوليه لقيتو مكاينش فهاتفي تفقصت لي عندها تسيفطوليا

جاكلين مخرجة عينيها ) حتىىى أناااا ديك الليلة لييل كوولو وأنا كانتفرج فيه حمقنييي إيفاان وصووتو هبلني وصباح جيت نشوفو تاني لقيتو مكاينش فهاتفي ياوشحال بكيت على إيفان مسكين

الفقرة 10 ❤

جاكلين مخرجة عينيها ) حتىىى أناااا ديك الليلة لييل كوولو وأنا كانتفرج فيه حمقنييي إيفاان وصووتو هبلني وصباح جيت نشوفو تاني لقيتو مكاينش فهاتفي ياوشحال بكيت على إيفان مسكين

باربرة حنزرات فيها ) تي بقالك تقولي غير كانبغي إيفاان واااجمعي راسك قبل ماريش ختي

أليشا : لبناات راه حتى أنا تمسحلي لفيديو من طيلي مافهمتش كيفاش

تارا : تانا

أيار هزات هاتفها باليد لي مافيهاش الحنة وقلبات مالقاتوش شافت فيهن ) حتى أنا مابقاش عندي

شيماء تزلعات بالضحك كاضحك بدمووع حتى كلهن حبسو وجلسو يشوفو فيها ) خخهههههه واااع عالمغيار نتاعي ههههه (تفكرات فصباح اليوم لي غنات فيه مع إيفان ملي فاقت لقات جاسم حداها وهاز حاسوبو خدام عليه (كايهاكي فهواتف لبنات )طلات تشوف أش كايدير بانليها كايتفرج ف فيديوها هي وإيفان منيين جابو ديك الساعة هي مافهماتش وماتسوقاتش … ومع سمعات حوار لبنات عاااد عرفات وفهمات هو غير فاق مزال تاماغسل وجهو هز حاسوبو دخل لهواتف كل وحدة من لبنات هز الفيديو ومسحو من عندهن كلهن خلاه غير عندو ….شيماء كاضحك على غييرتو كايكون بعقلووو غير كايغار عليها كايولي كيلبيبي ….)

باربرة : مالك ضحكي

شيماء : ههه والو والو

(كملو نقشهن وناضو لعبات مع نقاشات كايشطحو ويغنيو ناضت سوزي تشطح معاهم والجدة جرات إيميليا وهيلدا بزز يشطحو ولبنات غير كرمات لهن الحنة ناضو حتى هن كايركزو ويلويو ويشطحو وجات كاميرا وومن أو عاملة مختصة فالتصوير صورات لبنات عدة صور فردية وأخرى جماعية ….شيماء نسااات جاسم ونسات انها واعداتو غير تنقش طلع عندو وماتجلس تاليل مع لبنات وهو جالس على أعصابو كايتسناها وكل شوية كايصوني عليها وهي مع الموسيقى وكاتشطح وتلوز ماسمعاتووش ….ظلو ناشطين عركوها شطيح وماكلة وشيماء هزات لبندير وجلسات ضربليهم سخنوو الطرح حتى للثامنة ليلا عاد كملو وتعشاو مع نكافة واللعابات والنقاشات ضربو دجاج محمر من داكشي … عاد ناظو اللعابات والنقاشات والنكافة مشاو بعدما ضورات معاهم الجدة خداو فلوس صحييحة … ولبنات والسيدات جلسو كايشوفو نقش بعض وكايهضرو على نهار العرسالفقرة 11 ❤
🍀🍀🍀

عند الشباب لي تعشاو حتى هوما وجالسين شوف فيا نشوف فيك أطاجين لحوت نهار كولو ماخرجوش من غرفة الألعاب )

دياب : لحگرة هادي

عدنان : قنطت

العم علي : غايكونو كملو الحناء زعما

الجد : واخا يكونو كاينقشو للموغريب كامل مايتعطلوش هكا

العم معاذ : خليهن ياخدو راحتهن

فيليكس : واش ماشي بزاف ألواليد راه من لعشرة دالصبااح حتى لثمنية دالليل

غسان : وحنا محكوم علينا بالحجز

الجد : ريحت دجاج محمر واصلة تالهنا ياكلوو فيه جغديد كوولشيي من جنية دجداااكوووم عمرني ضربتها منهار تزوجتها كل هاذ الأعواام دزواج وحالف مانموت تانعطيها شي دقة

إيفان : وا يالاه نهبطووو

شافو كلهم فجاسم )

دياب : خوية نهبطو

جاسم : لا

إيفان : واش دابا نتا وحش نتا قدك قد هكا وحابساك جدااك

جاسم : ماشي على جدة وماغايهبط حتى واحد حتى يكملو لبنات ( وهز هاتفو كايصوني على شيماء …ماخلاهمش يهبطو حيت قفطان شيماء مفتوح من لقدام ومابغا حتى راجل يشوفها …

الفقرة 12 ❤
🍀🍀

عند لبنات و السيدات والجدة لي ناضو عياو كل وحدة مشات لجناحها وخلاو الخدم يجمعو روينة ….

شيماء دخلات لجناحها وشافت هاتفها لقات عشرات الإتصالات من جاسم خرجات عينيها ومباشرة سيفطاتليه ميساج ومشات تكات على سريرها )
🍀🍀

عند جاسم حتى صعر عاد وصلو ميساجها قالتليه هي فجناحهم عاد ابتاسم ووقف شاف فيهم ونطق )

جاسم : تقدرو تهبطو لبنات كملو (واختفى)

عدنان وقف خرج كايجري)

غسان : أخييرا فك الحصار (تبع خوه كايجري )

فيليكس وقف مبتاسم واختفى )

الجد : وااا تشا بلاتيي الحلوة الحلوة

إيفان : صبر أجديي قاساماااا قسم بالننص

خرجو هو والجد كايتسابقوو ويتدافعو شكون يوصل للطبلة ليخلاو لبنات لول )

وتبعوهم دياب والأعمام )

🍀🍀🍀

جاسم ظهر فجناحو وبانتليه بقفطانها الأخضر متكية فوق السرير ويد على بطنها والأخرى على راسها …تقدم حتى جلس جنبها وهز رجيلها بحذاء ذهبي لامع كايشوف فالنقشة وسع ابتسامتو وتحنى طبع قبلة على قدنها فوق النقشة ..وهي حسات بيه وتكعدات …)

شيماء : جاسم

حاسم شاف فيها ورجه نظرو للنقشة كايدوز يدو عليها حيدلها سباط و وقفها خدا يدياتها كايشووف فيهم نقش خفيف والحنة عطات لون جميل وباسهم مرة وجوج عدة قبلات متفرقة )

جاسم : كاتحمقي(ودورها من يظها وهو كايتأملها )

شيماء : تعطلت عليك ماحسيتش بالوقت ههه سهرة زوينة دازت مع لبنات

جاسم : واعدتيني غاتشطحي ليا

شيماء تزنكات ) أحم عييت والله خلي حتى لمن بعد

جاسم : إذن ندوزو للشيء ليكنا غانديروه بعد الرقص

شيماء : شنوو هو

جاسم وقف أمامها ومد يدو كايحيد ليها كل إكسسوا راتها وحيد ليها القفطان …)

الفقرة 13❤
🍀🍀

عند فيليكس ظهر فجناح أليشا لقاها كاتحيد فمجوهراتها ومشى بسرعة شد يديها غير شافهم و خرج عينيه وتحنا قفازي هز لقفطان وخشى راسو طل على رجيلاتها زاااد خرج فعينيه)

أليشا : مالك كاتفلي فيا

فيليكس وقف مصدوم) نااري شحاال درتييي من هااادشيي ناااري شحال دلخطووط فيديك ورجليك

أليشا : هادشي سميتو حنة ونقش مااشي خطووط

فيليكس : تخربيق قلاك نقش دوزي غسلي وبجاافييل

أليشا : واخا نغسلها بالماء القاطع غاتبقا واحد المدة عاد تمشي

فيليكس : شحال المدة

أليشا : ماعرفتش جوج سيمانات هكاك

فيليكس ضحك بالفقصة ) ههه دابا أنا عرسي معاك بعد يومااان وكنقوول غير إييمتا نشدك وخاس نتسنااا جووج سيمانات آخريين

أليشا خنزرات فيه ) مااالني حنييت ط أحم (بغات تقوليه لفشلوق وحشمات ) راه غير يدي ورجلي أفيليكس وزويينة هانت شوف

فيليكس شاف فيديها وتنهد ) ماعجباتنيش

أليشا : وااع وأناا عجباتني حييد خليني نبدل (خلاتو ودخلات للدريسينغ )

🍀🍀

عند إيفان ليهبط هو والجد كلا تااعركها ماخلاو والو دازو على دكشي كيجراد …عاااد تفكر مراتو طلع عند باربرة لقاها متكية بقفطانها نعسااات …جلس جنبها وسد نيفو عاد هز يديها كيشوف فيهم وكايقلب حل عينيه عالجهد الحنة خرجاتليها بلون خفييف قريب للبرتقالي الفاتح وهو جاه صفر ..عاد فرح وجلس يبووس فيديها ويعااود تافيقها وناضت عندو عنقاتو وكملو ممارستهم الحميمية

🍀🍀

عند دياب لي غير خرج من حجز الجدة رجاء مباشرة توجه لجناح الظيوف حيت عرفها ماغاتكونش فجناحهم ….دخل لقاها كاتشم فيديها عجباتها ريحت الحنة وهي مارداتليهش كااع لبال )

دياب : جاكلين

جاكلين شافت فيه وناضت فرحااانة وقفات أمامو ووراتو يدياتها وكدور أمامو)

جاكلين : شووف هذا لباسكم التقلييدي عجبنيي بزااف وهاذي فيدي سميتها حنة ريحتها عجبااتني (هزات القفطان على رجيلاتها ) شووف داروها ليا حتى فرجليي حمقاتني

دياب مبتاسم وهو كايشوف شحال فرحانة كي شي بنيتة صغيرة خدا يدياتها باسهم بحب )

دياب : بصحتك وجيتي كاتحمقي

جاكلين: عرفتي قاتلي الجدة راه النقشة ماكاتبقاش ديما غاتحيد وأنا مابغيتهاش تتحيد

دياب : غير تحيد ونجيبليك نقاشة وتعاودليك الأخرى

جاكلين : وحتا رجلي نعاود فيهم

دياب عينيه تعسلو وهو كايشوف فيها وكايقرب منها شوية بشوية ) دياب : آه مرحبا لي بغيتي

(شدها من خصرها وحط فمو على فمها كايبوسها وهي مابغاتش بعدات فمها وهو انتقل لعنقها كايبوس فيها ويلحس وهي كاتحاول تبعدو بيدها لكنو شاادها ومزير عليها حتى غوتاات )

جاكلين : أح ديااب وااحيد عليا هئ واريحتك مازويناش بعد منيي واا بععد

(دياب على إثر صراخها طلقها كاينهج ومزيير على يديه وبلا مايقول والو واستدار مباشرة خرج وهي جلسات على السرير كاتبكي مافاهماش أش وااقع معاها لهاذ الدرجة ماحاملاهش)
الفقرة 14❤
🍀🍀

بعد مرور يومان كاملان لي دازو غير فإتمام تجهيزات العرس الأسطووري لي غايدار فنفس نهار نهاية السنة وبداية نيو يير او سنة جديدة … قصر آل ستارك عااامر بالظيوف … أربع عشائر جاو …جوكار وديما وعشيرتهم توركانوس … و آل روجو العشيرة الهندية عائلة أليشا وسوزي كلهم …وجاو أمير وآرجون وبعد الأفراد من عشيرتهم الباكستانية آل ناميكخ …. وآل سيدريك عشيرة جاكلين خوتها رجال وباها من أمريكا ….. جاسم واقف على الحراسة دالحفل والتنظيم واستقبل ظيوفو العشائر الأربع فقصرو استقبال راقي …..والجدة والسيدات وجدو كل شيء أما لبنات فاغير لي سوان ولي ماساج وشوبينغ … والشباب وقفو كل أعمالهم وأشغالهم حتى لبعد العرس …..

🍀🍀🍀

صباح يوم الزفاف شيماء فاقت بحماس لقات جناحها كوولو مزوق بالبالونات فالأبيض والزهري ..
عضات على شفايفها وشافت حسو ماكاينش فكل الجناح وناضت كااتنقز فوق السرير وتلعب بالبالونات وتنقز بالججهد حتى تلوات ليها رجل وكانت غاطيح من السرير للأرض حتى ظهر جاسم من العدم وشدها بين يديه قبل ماتوصل للأرض و مخرج فيها عينيه وغوت حتى قفزها )

جاسم : وااااش حمقااااء ولا مالك كاتنقزي هكااا ونتي حامل وكوون طحتي فالأرض

شيماء مبتااسمة ببين يديه حطات يدها على قلبو لقاتو كاايخببط بالجهد )

جاسم : مووتي غايكون بسبابك غاتسكتيلي لقلب كونما شفتك من الكاميرات كاتنقزي هكاك وماظهرتش أمامك كون طحتي أشيماء

شيماء : أححح ليووم نيوو يير وعرسنااا

جاسم : مااشي عرسنا عرسناا مزال وماشي فالمغرب

شيماء : واا نديرو جوج عراس أش خسرنا حنا بلاتي بعدااا فين كسوتيي

جاسم : خليتي لدينمي شيعقل أووف أشيماء آخر مرة تبقاي تنقزيي غير ولديي وديري ليعجبك

شيماء : وااخا واصاصف مالك كاعي راه ليوم عرسناا خهههه

جاسم ابتاسم ) بغيت نوريك شيحاجة

شيماء : لكسوووة

جاسم : لا لكسوة مزال ماوصلاتني شيء آخر

شيماء : شناهواا

جاسم شاف آش لابسة كانت بشوميز دونوي مثير بلغوز ) شيء بلون شوميزك المثير (غمزها) حيدي درعك

شيماء : واخا (حيدات الدرع وهو مباشرة اختفى بيها وظهرو فموقف سياراتو لي فأسفل القصر …شيماء شافت حواليها أكتر من خمسين سيارة جداد وأنواع فخمة وهي أول مرة تدخل لموقف السيارات شافت فجاسم بعدم فهم )

شيماء : واش جيبتيني توريني شحال من طونوبيل عندك ألمفرعن

الفقرة 15 ❤
شيماء : واش جيبتيني توريني شحال من طونوبيل عندك ألمفرعن

جاسم ضحك حتى دمعو عينيه وباسها بجهد من حنكها ) لا جبتك نوريك سيارتك لي طلبتي مني

شيماء : بصح راه غير كنت ضاحكة

(جاسم جرها كايضحك حتى وقفو أمام سيارة مغطات وجر عليها لغطاء وشيماء حلات فمها وبقات واااقفة مبلوكيا كاتشوف أمامها سيارة أكتر من خيالية فخمة فالبينك ولامعة وأبوابها مرصعين بأحجار لامعة …جاسم عنقها من الخلف وحط ذقنو على كتفها ونطق ..)

جاسم : آخر ما اخترعت سيارتك مطلية بالألماس محركها آخر محرك اخترعتو أقوى من أي سيارة أخرى حتى من سيارتي مضاضة للرصاص وكل نظامها إلكتروني (جبد لكونطاكط من جيبو وضغط على الزر وترفعو أبواب السيارة للفوق وشيماء خرجات عينيها )

جاسم : من الداخل واسعة كيما طلبتي باش تركبي معاك كل حيواناتك بها نظام سائق آلي متطور

شيماء : ب بلاتي (استدارت شافت فيه) راه غير ضحكت فاش طلبتها والسوقان مكنعرفلوش وبصراحة خايفة ماغانقدرش نسوقها

جاسم خدا يديها باسها) غانعلمك ونعاونك تحداي خوفك من السيارات والسرعة وتسوقيها

شيماء : حتى يلا سقتهاا واش من نيتك سيارة مطلية بالألماس وفلمووغرييب شوف كيتاتبري وبربي ونخرج بيها برات القصر تايطيروها وأنا داخلها راه غير شفار لخووه تشاا راه لماليك يشوفها يطمع فيها هاذ لبلاد راه غير طماع لخوه

جاسم غايسخف بالضحك ) ههه واخا شوفي (ضغط على زر وتغير لون السيارة من لبينك اللامع لبينك ماط )

شيماء : إوااا دابا دوييتي ولكن ماغانقدرش نسوق

جاسم : واخا نسوق بيك أنا سائقك الخااص وقتما بغيتي ولأي مكان بغيتي

شيماء عنقاتو ) مابقاش تكلف نفسك بحال هكا

جاسم : كل شيء ديالي هو ديالك أميرتي وكل طلباتك مجابة(واختفى بها رجعها للجناح )

جاسم : فستانك تصميم فرنسي غايوصلك فأي لحظة وفطورك غايطلعوه لك للجناح هو وغذائك ماتخرجيش القصر فيه ظيوف بزاف مخلط فطري وجلسي غايجيو دي ميك أب وهير آرتيست حتى لعندك أنا غانمشي عندي بزاف مايدار وغانجي عندك فبداية الحفل نديك للقاعة

شيماء : واخا

جاسم باسها من فمها واختفى )

الفقرة 16
🍀🍀🍀
خارج أسوار القصر جالس فسيارتو كوولو عرقان وكايترعد حتى رن هاتفو وجاوب …

…. : شنوو بغييتو عنديي

دانيال : ههه والو أسي عماد بغيت غير نقولييك أننا فالحدود بين المغرب واسبانيا وساعة وغاندخل للمغرب

عماد : رااه مستحييل دخلووو بلاما يعيق بيكم اللورد حيت ليهااكر ديالو متحكمين بسيسطيم كل حواسيب الموانئ والمطارات ومحطات القطار .. ماكاينش شي أجنبي لي كايدخل للمغرب بلامايوصلوهاليه

دانيال : بلا بلا بلا دابا كاتقوليا غير نقتل الكتكوتة عبير ياك أخاالووو

عماد : سمع خرجني من هادشي(سكت ملي سمع صراخ قوي نعم كان صراخ عتاب كاااتغوت دليل على الألم عماد قلبو غايسكت وغوت ) وااااخااا صاف عافاك

دانيال : مزييااان نتاا رئيس ليكارد والهاكرز وكاتحكم فييهم سمعنيي مزيااان غاندخل للمغرب في طائرة هيليكوبتر عسكرية بباسبورات مزورة بغييت دخوولي و خرووجي يكوونو سريين كاتسمع تصرف فأمر الهاكرز مابغييتش اللورد يحس أو يعرفنيي دخلت حركة غالطة منك ودع لقطقووطة نتاعك غاترسلي فميساج إحداثيات المكان فين غايتقام الحفل ووريني فين نهبط بالهيليكوبتر فشي مكان قريب لي مافيه حتى واخد كانتسنا ميسااجك تيك توك (وقطع)

عماد حط راسو على مقود السيارة فاااشل كايحس نفسو مربووط وماعندوش حل)

🍀🍀🍀

السابعة مسائا كل البنات وجدو أليشا أيار تارا شيماء جاكلين وحتى ديما بفساتنهن البيضاء باربرة بفستانها الأصفر …تسريحات شعر وميك أب للعروس جاو كالحورياات … كل شيء جاهز الظيوف عمرو قاعة العرس لي بعيدة عن القصر بنصف ساعة ..كل العائلة باستثناء الشباب مشاو للقاعة يستقبلو الظيوف …. جاسم وكل خوتو وإيفان وجوكار فأسفل القصر كل واحد منهم بأبهى حلة غير الوسييم للي أوسم منوو كايتسناو عرائسهم … وماهي إلا دقائق حتى هبطو متتابعات سابقة باربرة بفستانها الأصفر كاضحك تخطات كل خوتها وطارت بتعنيقة على إيفان وهو عنقها غايطير بالفرحة ..)

إيفان : عرووسي الصفراء

#باربرة : على قبلك ولا يعجبني هاذ اللون

الفقرة 17 ❤

#باربرة : على قبلك ولا يعجبني هاذ اللون

(تبعاتها #أيار مزنننكة حشمات من خوتها وتبلوكات بقات واقفة جامدة فالدرج حتى تقدم غسان كايضحك عليها وهزها هبطها …تبعاتها #تااراا كاضحك شافت عدنان وحلات فمها من وسامتو ومع فستانها بشكل حورية بحر وطويل كانت غاتجي على وجها ومشا عدنان كيجري شدها عاونها تهبط ….بعدهم هبطات #جاكلين بخطوات متناسقة في فستانها المثير وحانية راسها حتى وقفات أمام دياب لي خدا يدها وباسها وهمس فوذنها )

دياب : ^^ كاتحمقي وأنا عاارف راه ريحتي خانزة ولكن هالعاار غير صبري غير هاذ الليلة وماتقوليهاش بصوت مرتفع ^^

جاكلين حبسات الضحكة وابتاسمات له)

…. هبطات بعدهن #ديما وحتى هي فرحااانة عرس فخم ومشترك مع بنات آل ستارك أقوى عشيرة وهاهو حلم من أحلامها سيتحقق تمشات حتى وقفات أمام جوكار لي شبع فيها غزل …. بعدها ظهرات #أليشا فأعلى الدرش وهي الأخرى بفستان خلاب ويلاه غاتحط رجلها فدرجة تهبط حتى اختفى فيليكس من مكانو وظهر أمامها )

فيليكس : وأخييرا (نطق فأذنها ) ليلة نااكلك لمووك وكااع جعرة لي جعرتيينيي طول هاذ الأسبوعين نفديها فيك

أليشا تزنكات وجاتها البولة بلخلعة هي خايفة من الدخلة وهو كايزيد يخلعها )

أليشا : حميمتك واالله ماننعاود

فيليكس : أحح ليلية لييلة ياا ألييشااا

شيماء خلفهم ) بتقوولوو كلام فاحش

أليشا وفيليكس خرجو فيها عينيهم)

شيماء : خوية فيليكس طلقنا خلاص

فيليكس : أ أحم آه واخا (شد أليشا من يدها واختفى بها ظهرو فالأسفل جنب باقي لي كوبل )

الفقرة 18 ❤

فيليكس : أ أحم آه واخا (شد أليشا من يدها واختفى بها ظهرو فالأسفل جنب باقي لي كوبر )

(شيماء وقفات فأعلى الدرج بفستانها لي هبلهااا (الفيديو) فستان تصميم أميرة وكوولو كايبري بلا يدين ولكنو مستور من الصدر كييما طلباتو تسريحة شعر أنيقة ومكياج خفيف وعقد وتاج من دياموند مع خاتمها دالزواج بقات واقفة ونطقات …)

شيماء : ماايتكرمش عليا وحشي والوسيم ويجي ينزلني راني لابسة طالون قدااش وهاذ الدرج كتيير لاجيت نهبط راسي مانوصل عندك حتى لغذا

(جاسم لي واقف فأسفل الدرج كيشوف فيها مبتااسم ويديه فجيابو كايتأملها بحب سااهي فييها اختفى من مكانو وظهر أمامها وتحنا بجنتلمانية باس يدها )

جاسم : أوااامرك ملكتي سمعا وطاعة (هزها بين يديه واختفى بها ظهرو فالأسفل وبقا خارج هازها وتابعينو ليكوبل دارو بحالو وكل واحد هز حبيبتو بخفة وتبعوه إيلا إيفان لي ولا يضور فعينيه)

باربرة : هز

إيفان : جي نتسابقو لي وصل للسيارة الأول هو لي يسوق

باربرة : واا هز لوالدييك

إيفان هزها كايتعصر )

باربرة فرحاانة ) عندي لك هذية اليوم غاتفرحك بزااف

إيفان : أععع شمن هذية

باربرة : تالنهاية الحفل ونقووليك

إيفان : وااخا وااع كتافي واا خااسك تنقصيي لماكلة

باربرة : خاااسك ترييينيي

🍀🍀
(خرجو براا لقاو سياراة الشباب جدااد كايبرييو ركب كل واحد حبيبتو وكسييراو متتابعين بقيادت جاسم وماهي إلا نصف ساعة حتى حبسو السيارات أمام قاااعة ضخممة وفخخمة جات فلخرجة دكازا مطووقة بليكارد والصحفيين من أهم المجلات والمواقع كايصورو بجهالة وليكارد مانعينهم من الإقتراب للقاعة مغطيين الحفل تغطية صحفية واسعة حيت حاضرين فيه شخصيات مهمة من البلد ومن كل العالم وأغنى الأغنياء تجمعو فهاذ القاعة …خرج جاسم أولا وانهالت عليه أضواء فلاش الكاميرات والصور استدار وحل باب السيارة وخرجات أميرته بفستانها الساحر ودايرة كاب عرائس لفوق من البرد وااصحفيين غير كيصوروهم … خشات يدها فدراع جاسم برقي ودخلو والصحفيين غير كايطرحو أسئلة وجاسم لارد منو وليكارد مطوقينو هو وشيماء حتى دخل للقاعة …عاد تبعوه لي كوبل وحتى هم نفس الشيء ماعطاو حتى تصريح للصحافة …دخلو للقاعة العامرة بالظيوف والعائلة ..قاعة مزينة بديكور فخم ولي سيرفور غير كايضورو بأرقى وأفخم المشروبات والمقبلات ….جاسم ألقى كلمة شكر فيها كل المدعووين على حظورهم للإحتفال مع عائلتو بعرس خوتو وكذا بنهاية السنة … من بعد كل العرسان جلسو فالإماكن المخصصة لهم كل كوبل فطاولة خااصة … حتى من شيماء وجاسم ودخل لعدوول بداو بتارا وعدنان بعد كلام لعدول وشهادت العمين وقعو عقدهم ..وبعدها أيار وغسان نفس الشيء اما باقي لي كوبل وقعو غير شكليا حيت دييجا دايرين العقد … لبسو العرسان عريساتهن خواتم أخرى جنب لي ديجا ركبوليهم وناضو كل واحد طبع قبلة على جبين عروستو وتعالات التسفيقات والتهاني وبعدها تطلقات موسيقى راقية توجهو لوسط القاعة وبداو الرقص وانظمو لهم الضيووف ….)الفقرة 19 ❤
🍀🍀
جاسم كايرقص مع شيماء وسط القاعة وضايرين بيه خوتو كل واحد مع مراتو والظيوف)

جاسم : لو خطفتك ودرنا شي رحلة لفرنسا أو روما أحسن من هاذ الحفل الممل

شيماء : لالا بالعكس هه وااعر بحال داكشي دالأفلام والموسيقى زوينة والمهم أني معاك فينما كننا

جاسم باس يديها ) نتي لي واعرة وفنة وكاتحمقيي

شيماء : جاسم

جاسم : أمم

شيماء : أنا كنبغيك بزاف بغيتك دييما ديرها فبالك وغانبقا نبغيك حتى لآخر نفس فحياتي نتا بوحدك

جاسم : عارف ومتأكد ونتي ديري فبالك أني مادمت حي عمرني نسمح ليك تبعدي من جنبي ولو خطوة نبظ قلبي مرتبط بوجودك معايا

شيماء حطات يدها على قلبو ) وأنا دييما معاك

🍀🍀

عند باربرة وإيفان لي كايرقصو …إيفان كيشوفها شحال هي متحمسة وفرحاانة لدرجة غير كاضحك)

إيفان : كاع هاذ الفرحة بسبب الحفل

باربرة : ههه لا حاجة أخرى وأنا متشووقة نقووولهالييك

إيفان : قوولي

باربرة : لا حتى ل 12 دالليل ملي نقوليك هابي نيو يير غانقوليك أش عندي

إيفان : أييه واخا ازوينة نتاعي

باربرة : إيفان قداش كاتبغيني

إيفان : أمم سؤال صعييب بزاف

باربرة : ههه هبيل

إيفان : كنبغيك إلى اللا نهائية وما بعدها

باربرة : بااز ههه

إيفان : باز يطيير

باربرة : شنوو ههه

إيفان : باز يطير سمية وااحد لكرتوون غانبقا نتفرج فيه أنا وولدي ولا بنتي وهو ليي كايقول إلى اللا نهائية ومابعدهااا بااز يطيير

باربرة : مخرجة فيه عينيها) خاااس والديك غير لميخيات كملالالات

🍀🍀

خارج قاعة الحفل وفمكان ماشي بعيد بزاف عليها مكان خاااوي ومظلم لخلا ولقيفار وقفات هيليكوبتر ونزلو منها بتلاثة وبنظرة شيطانية فوجههم …

سامارا: أنا خاايفة

دانيار : ماعندك مناااش كل شيء تحت سيطرتي يالاه تحركوو

أنجلا : خاس نسربيو المكان خاوي والهيليكوبتر باينة أي واحد يقدر يشوفها

دانيال : هي لاتحركتوو

تمشاو مسافة بسيطة حتى بانت ليهم القاعة كلها أضواء وتخشاو بين الشجر
🍀🍀
فجوانب القاعة ليكارد جراو على كل الصحافيين وخلاو المكان من أي شخص غير مدعوو بقاو كايضورو غير هوما خارج القاعة والمتحولين لي من فرقة العدالة مكلفين بحراسة داخل القاعة ….

عند عماد ليشاد هاتف بين يديه وهو كايترعد وصلو ميساج ومشا بسرعة وقف خلف القاعة ونطق كأمر لليكارد لي تما )

عماد : توجهو لحرااسة الجهة الشرقية من القاعة وحااالا خليو عليا هاذ حراسة هاذ المكان …

(ليكارد عطاوه التحية ومباشرة انساحبو وهو بقا واقف بتوتر تما بوحدو حتى ظهر دانيال وأنجلا وسامارا من خلف الأشجار )

دانيال : هاااي خاالوو

عماد : نتاا

دانيال : آه أناا وييلا بغييتيي تشووف بنت ختك مرة أخرى أمن ليينا الطرييق ندخلووو واش حيدتي الكاميرات

عماد : لا إلا عطلتهم غايعيقو بينا فلبلاصة ولكن حيدت ليكارد لي كايراقبوهم عطيتهم مهمة أخرى وحولت كل الكاميرات لحاسوبي أنا كراقبهم بوحدي كاميرات داخل وخارج القاعة فحاسوب فسيارتي

الفقرة 20 ❤

عماد : لا إلا عطلتهم غايعيقو بينا فلبلاصة ولكن حيدت ليكارد لي كايراقبوهم عطيتهم مهمة أخرى وحولت كل الكاميرات لحاسوبي أنا كراقبهم بوحدي كاميلرات داخل وخارج القاعة فحاسوب فسيارتي

دانيال : مططور مع راسك يالاه دخلناا

(عماد سرط ريقو ودخلهم من الباب الخلفي ويالاه غايضورو مع جانب القاعة حتى بانتليهم المتحولة سلمى جاية ناحيتهم هي وجوج متحولات من فرقتها ودانيال سمارا وأنجلا بسرعة تخباو أسفل طاولة وعماد بقا واقف حتى وقفو أمامو التلاث متحولات )

عماد : أش كااديري هنا

سلمى : كاانحرس هاذي مهمتي

عماد : مااشي موقععك هذاا مهمتك حرااسة قااعة الحفل يالاه

سلمى : وبصفتك شكووون كاتأمر

عماد : بصفتي الرئيس الأول لفرقتي ليكارد والهاااكر للورد جاسم آل ستارك ويلا بغيتي تشوفي لبادج نجييبوليك

سلمى : إييلا كنتي رئيس فرقة ليكارد إنا راني رئيسة فرقة العدالة للمت(وسكتات)

عماد : رئيسة شنو ؟؟

سلمى : واالو

عماد : من الأحسن ترجعي لمركزك ولا غانرفع بك مخالفة أوامر للورد ونصيحة راه كايكره لي يتصرف من راسو عندك موقعك التاازمي بيه

سلمى خنزرات فيه واستدارت راجعة فحالها هي والمتحولتين لوسط قاعة الحفل )

دانيال وسمارا وأنجلا خرجو من تحت الطبلة )

أنجلا : كيفاش ماحساتش بطاقتنا قلت مشينا فيها

دانيال : حييت الحفل عاامر متحولين يا ذكية كيفاش غاتحس بينا وطاقة المتحولين مالية المكان غير اللورد بوحدو طاقتو غالبة على طاقت كل المتحولين هنا

عماد كيسمعهم وكيشوف فيهم بأشكالهم لي كاتخلع مافهم واالو )

عماد : ش شمن طاقة وشنو هي متحولين

أنجلا : ههه عقلك الصغير لن يستوعب فاخليك مافاهمش حسن

عماد : الإتفاق ودرت بيه هانا دخلتكم سيرو مع هاذ لكولوار غاتخرجو فالحفل ودابا فين عتاب

دانيال : مالك زربااان إتفاقناا واضح دخلنا نخطفو الهجينة وتخرججنا ديييك الساعة تاخد لقطيطة نتاعك ودابا لقا شي طريقة واستدرج لينا زوجة اللورد لهنا

عماد خرج فيه عينيه ) حماااقييتووو طلووو تشووفوه كيملسقهااا معاااه ماكايخلييها تبعد منوو حتى خطووة

دانيال وأنجلا وسمارا شافو فبعض)

أنجلا : أشنوو دابا

دانيال : سمع سير راقبهم غيير تشوفها بعدات منوو سيفطلي ميساج وأنا غانتصرف
الفقرة 21 ❤
🍀🍀

فقاعة الحفل
أجواء الحفل مرات عادية من بعد العقد والرقص دخلو ليهم لي سيرفور طاارط كبييرة بل ضخمة بأكتر من عشر طواابق …ضارو بيها الأزواج كل واحدة من لبنات شدات سكين وزوجها حط يدو على يدها وقطعو الطارط وكلو بعض عات جاو ليسيرفور وزعوها على الظيووف .

العم علي عنق تارا ودياب وعطاهم هذايا وكذالك معاد وسوزي مع أيار وفيليكس

ناصر وهيلدا مع التوأم وباربرة وجاسم

وبعدها تقدمو الظيوف كايهنؤو العرسان ورؤساء العشائر كذالك وقفو مع جاسم كايهضرو معاه ووقف معاه جدو وكل الرؤساء كلامهم غير عن جنين جاسم وكايهنؤوه عليه وكلهم متطلعيين لولادت هاذ الهجين الخارق لي غايكون رئيس عليهم فيوم من الأيام … بقات فقط ساعة لبداية سنة جديدة وغير يتطلقو الألعاب النارية غاينتاهي الحفل وكل واحد ياخد عروستو لشنو مخطط ليها من مفاجأة ….

جاسم تجمعو عليه رؤساء العشائر وهو داير صواب معاهم وجدو معاونو وبعض رجال الأعمال كذلك كايقتارحو عليه الدخول فمشاريع مشتركة وشيماء فجنبو شاادها وكايهضر معاهم قنطات ومافاهمة حتى كلمة حيت كايهضرو بلغات مختلفة ….شيماء قربات لودنو وهمسات )

شيماء : جاسم

جاسم شاف فيها )

شيماء : خليك مع الظيوف انا نمشي طواليط ونيت نصلح ماكياجي

جاسم : تسناي غانديك

شيماء شافت لبنات واقفات كلهن فطاولة بوحدهم وحولات نظرها للشباب حتى هم مجمعين عليهم ظيوف أصدقائهم من متحولين كايتحاورو ونطقات)

شيماء : غاندي معايا لبنات غير خليك مع ظيوفك

جاسم : واخا ماتعطليش أشيماء

شيماء : واخا يلاه طلق يدي

(جاسم شاف يدوو لقا شادها بقوة من يدها وهو يطلقها ويدو كاترعد وهي ابتاسمات ليه بحب وغمزاتو استدارت مشات وبقا متبع ليها لعيين وقفات مع لبنات شوية من بعد تمشاف فاتجاه لي طواليط هي وباربرة وأليشا وبقا تابعها بعينيه حتى غبرات
🍀🍀
شيماء وقفات مع لبنات فطاولتهن..

شيماء : بنات هه شكون تمشي لطوااليط

أليشا : أنا خسرلي لعكر ملي كان فيليكس كايوكلني لاطارط

باربرة : أنا فيا بولة

جاكلين : تسناو نمشي معاكم ماتمشيوش بوحدكن (قاطعها باها لي واقف مع دياب وعيط عليها)

شيماء : سير عند باك أنا نمشي مع باربرة وأليشا

جاكلين : واخا
تارا : ماتعطلووش رااه قربوو الألعااب النارية

ديما : أحسن حفلل عرفتو عرسنا طوب وان فالعالم ولويساتي مفقوووصات حيت أنا صاحبتكن خههه وشحاال قليت ليهم السم

شيماء حركات راسها بلاحولا على هاذ لموخليقة لي كايهموها غير المظاهر …و مشات هي وباربرة وأليشا دازو من وسط القاعة حتى لكولوار ودازو على عماد ليواقف تما وتمشاو حتى لجيهت ليطواليط دالنساء دخلو لغرفة لي طواليط الخاصة بالنساء وهن كاايضحكو كانو طواليط رااقيين ونقيين ومافيهم حتى واحد …شيماء وقفات أمام المرآة كاتقاد كحل عيونها وأليشا كاتعكر وباربرة دخلات تبول)

شيماء : ههه عرس وااعر

أليشا : آه أنا خاايفة من ليلة فيليكس محلفها فياا

شيماء : نااري صكعة نسييت مافكرت لييك فخطة لليلة

أليشا : عتقيي بأفكارك

(شيماء يلاه غاتهضر حتى تحل عليهم لباب ودخلو وشيماء وأليشا غير شافوهم الأبتسامة اختافات وشيماء حسات بالخوف …)

الفقرة 22❤
(شيماء يلاه غاتهضر حتى تحل عليهم لباب ودخلو وشيماء وأليشا غير شافوهم الأبتسامة اختافات وشيماء حسات بالخوف …)

دانيال : سييربرااايز هاابيي وييديين دااي هاابي نيووو يير

أنجلا : أحح تيتيزات لستارك

(أليشا ولات صفرااا خصوصا وهي كاتشوف دانيال وأنجلا موجهين ليها ولشيماء سلاح فردي من نوع الكاتم الصوت أي الرصاص كايخرج منو بدون إصدار صوت )

شيماء غير شافت سلاح بسرعة ردات أليشا خلفها وخنزرات فيهم ونطقات بحددة )

شيماء : أش كاايحساب لييكم رااسكم نتووما ماامعرووضينش للعرس فااسيرو حسن لييكم وبرربي حتى جييتو لموتكم برجلييكم هااذ المرة

دانياال : غاانمشييو ألحب ولكن قبل غاندييوك مععااانا (وغمزها)

(شيماء يالاه غاتهضر حتى تحل باب وحدة من طواليطات وخرجات باربرة غير هزات راسها وهي تشهق )

دانيال : أهااه تلاثة فدقة

برابرة ولات كاترعد وشيماء خرجات عينيها فدانيال ملي شافتو وجه سلاح لباربرة وغوتااأاات وهي كاترعد لكن مامبيناش خوفها )

شيماء : لالالا بععد منهااا أشنو بغييتو واش واش بغييتوني أنااا هاني قدامكم خلييو لبنات يمشيو وغاندير ليي بغييتوه ونمشي معاكم بهدوء

دانيال : وهو جيت على قبلك أزوينة ولكن عندي جوج عقبات فالطريق خااس يتمحااو ومنها نييت نرد لرااجك الصااع بصااعين

(شيماء حركات راسها بلا وعينيها دمعو وهي مخبية أليشا موراها أما باربرة بعيييييدة عليها …..باربرة شافتو موجه ليها السلاح غوتاات بأعلى صوتها وياااه شحال ندماات فهااذ اللحظة على نهاار ليحيداات فيه قوتها لو كانت مزال محتفظة بقواها لو أنها قتلاتهم قبل حتى مايتجرؤو يهضرو وغير صرخة وحدة منها طيرهم أو تصمكهم باربرة كاتشوف سلاح موجهو ليها وبسرعة حضنات بطنها وكاتغوت بإسموو بأعلى صوتها ولكن الموسيقى مجهدة )

باربرة : إييفاااان هئ إيييفاااان جااااسم

(كاتغوت بصوت مرتفع وكلها كاترعد …وشيماء شافت دانيال ضغط على زناد المسدس الكاتم الصوت ومشات كاتجري فاتجاه باربرة تتعرض للرصاص بدالها ولكن فات الفوت والمسافة بعيدة باش توصل عليها ..دانيال بسرعة باش يسكت باربرة ضربها ب رصاصاتان متتابعتان فالبطن طاحت على الأرض مخرجة عينيها ومدات يديها كايترعدو حطاتهم على بطنها وهي كاتشهق وكاتفكر غير فجنينها …شيماء وقفات مصدووومة تبلووكات وقلبها غايسكت وهي كاتشوف فباربرة لي غرقات فدمها .. استدارت شافتو موجه السلاح هاذ المرة لأليشا لي بالخلعة جلسات على الأرض مخرجة عينيها وكاتشهق )

شيماء : هئ ل لا كانترجااك ض ضربني أنا ل لا عافاك هئ غاندير لي بغييتووه هئ (غوتات) جااااسم هئ جااااسسم هئ

(دانيال ماتسوقش لترجيها وضرب أليشا برصاصة لجنبها حتى غوتات وطاحت شادة جنبها وكاترعد أما شيماء الصووت وحل ليها فالحلق وعينيها ضببو ..دانيال يلاه غايعاود يضرب أليشا برصاصة أخرى حتى دخل عماد كاينهج وكوولوو عرقان …)

عماد : سربييو راه الطرييق خاوية كاع ليكارد سيفطتهم للجهة الشمالية من القاعة ماعندناش الوقت و (سكت ملي شاف باربرة وأليشا غارقين فالدم وهو يحرك راسو بلا مخررج عينييه وغوت)

عماد : م ماااشي هاادشي علاش تاافقنااا

(شيماء خرجات عينيها فعماد ودموعها شلال فهمات إنو متعاون معاهم ) عمااد هئ حمااار هئ غداااار هئ غاانقتلك أناا قبل ماايقتلك جااسم هئ يحسااابلييك غااتفلت منوو لانتاا لاهاااد لكلالاب هئ بربيي تاغايشرب من دمممكم ألحيواناات

(يالاه غاتحرك فاتجاه عماد صاعرة وكاترعد حتى وجه ليها دانيال سلاحو وقفات جامدة فمكانها ودموعها شلال )

دانيال : سمععع نتااا بغيييتيي بنت ختك سسد فممك حسن لييك

عماد شاف فيها ونطق )

عماد : كنعتااذر أنا مجبر على هادشي

دانيال : غوت ) سكاات

(ومباشرة مشا فاتجاه شيماء وهي راجعة بلور كولها كاترعد وكاتحول عينيها بين أليشا وباربرة غاتحماق وكاتغوت باسم جاسم ..يالاه قرب منها دانيال وهي ضربو بقوة بلكمة لوجهو تادفل الدم ومشات كاتجري تخرج حتى شدها من شعرها ودورها عطاها تسرفيقة قوية حتى طاحت مخبوطة مع الأرض وغيبات وطاحلها تاج على الأرض ..وهو هزها بسرعة فوق كتفو وخرج كايجري هو وآنجلا وعماد خلاو باربرة سخفانة وغارقة فدماياتها وأليشا هي الأخرى لي حالة عينيها وشافتهم تاداو شيماء بقات كاتشهق حتى غيبات ….يتبع

Leave a comment