Skip links

قصة : الوحش ذات القزحتين ج 25

 44,492 عدد مشاهداات

🎩#وحش_ذات_القزحيتين🎩

✏للكاتبة ✏ chaymae ouaj
🔥الجزء 211🔥

فجناح شيماء لي وصلولها الخادمات علبة عامرة بحلوة الماكانا وجلسات تاكل حبة مور الأخرى ولبنات حتى هن كياكلو معاها وكيتفرجو فالحيوانات حتى داها نعاس ونعسات وخرجو خلاوها …..باربرة دازت شافتها وأمرات الممرضة دخل تجلس معاها فالجناح علاما تفيق ومن بعد مشات لجناحها وهي فرحانة حيت جدها هضر معاها وحسات بأنها عاونات جاسم بالمعلومات لي عطاتو الشيء لي فرحها ولكنها مزال مصدومة من أنها عندها حل أنها تهنا من قوتها وكلما كتفكر فهاذشي كيجي على بالها مباشرة الشخص المجهول البشري حسب ظنها إذن يمكنلها حتى هي تولي بشرية عادية وتعيش بحرية وتختار لي بغات ….هزات هاتفها ورسلات رسارة لمجهولها شكراتو حيت شجعها ونصحها تسنات الرد ولكن مجوبهاش استغربات وعاودات رسلاتلو رسالة كتسولو فينو ولكن بدون رد حسات بإحساس خايب حيت موالفة كيجاوبها فلبلاصة حطات هاتفها وبدلات عليها وهبطات لعند مها …..

عند أليشا لي مشات لجناحها كتفكر ففيليكس وفنصائح لبنات ماعرفاتش آش دير ماكرهاتوش ولكنها خايفة يدمرها مرة أخرى ويلا عاود ضربها أو خانها ماغاتقدرش تصبر مرة أخرى حارت فأمرها وقررات تخلي الأمور كيما هي حيت بالنسبالها لحد الآن ماتلقات منو حتى اعتذار واحد يخليها تشفعليه كل مادار معاها

☘☘☘☘

فالشركة جاسم كمل نقاشو مع خوتو وجوكار ووزع عليهم مهام دياب يدرس الملف لي جاب الجد وفيليكس يتواصل مع العشائر لي كتتواجد فالجزء النائية
وجوكار يكمل عمليت تجسسو على آل رومانوف فواخا خلا ألمانيا والنخبة إلا أنو ترك أعين مراقباليه كل شيء
أما عدنان وغسان فكلفهم جاسم يقومو ببحث عن ألكزندر وكل المتحولين أمثالو لي كارهين قواهم وكيتميزو بقوا شيطانية واقفة عائق بينهم وبين حياتهم …..كملو نقاشهم وناضو كل واحد لشغلو ….جاسم طول الحديث وهو حاط أمامو حاسوبو كيتفرج فشيماء ولبنات حتى شافها نعسات هز هاتفو وفيست نتاعو وخرج لقا السكرتيرة برا ..)

السكرتيرة وقفات : لورد عندك اجتماع منهنا لساعة

جاسم : أجليه للغد

السكرتيرة : ولكن السيد سميث جا من أمريكا باش يشوف سيادتكم وعلى قبل هاذ الاجتماع اليوم وهو غايوصل من دابا لنصف ساعة لورد

جاسم خنزر فيها وغوت ) قلتلييك أجلييه حجزي للسيد سميث جناح ملكي ففندق باسمي واستقبليه مزيان وعلميه أن الإجتماع غايتقام فالغد واش فهمتي ولا نهضر بلغة أخرى

السكرتيرة كترعد ) أ آه فهمت لورد كنعتادر

جاسم زاد صاعر وخلاها وهي تبعاتليه العين حتى استدار مع لكولوار )

السكرتيرة : ناري مي عالعوينات ملي كيخنزر ناري كل نهار كنزيد نتزعطت فيه لالا خاسني حل خاس نضور بيه قبل ماطيرو شيوحدة بحال هادو مكيطولوش فالعزوبية دغيا كيتزوجو ناري كنحلم راسي مرتو أححح ..
فالقصر عند جاكلين لي منبعد ما خرجات من جناح شيماء بدلات ثيابها لسبور واتاجهات لصالت الرياضة وتايغر غير تابعها فينما مشات دخلات ومباشرة طلعات لحلبة البوكس لبسات قفازاتها وبدات كتريني بوكس لمدة دقائق وبكل قوتها كضرب فكيس البوكس حتى سمعات تسفيق حبسات واستدارت لقات جوكار لي تاهو لابس سبور واقف وراها بابتسامتو الخلابة وكيشووف فيها قرب لعندها ونطق

جوكار : ^جاكلين آل سيدريك ^ إنه لشرف أني نتلاقا وحدة من أقوى المتحولات وعميلة مخابراتية أمريكية

جاكلين كتلهث ابتاسماتليه ) عميلة سابقة أغا جوكار راه استاقلت

جوكار : بلاش أغا عيطيلي غير جوكار

جاكلين : علاه ياك غير مؤخرا وليتي أغا تركيا وخديتي رئاسة عشيرتك سيد جوكار

جوكار : أهاه يعني متبعة أخباري (وغمزها)

جاكلين ضحكات بصوت مرتفع ) وعلاش غانتبع أخبارك أنا غير سمعت الجد زيدان قالها نهار خديتي الرئاسة نتا وخوية جاسم وآرجون سيد عشيرة ناميكخ في باكستان من أصغر أسياد العشائر فالعالم فباقي الأسياد كلهم شراف

جوكار : أمم المهم آش بانليك فشي كومبا

جاكلين على نفس الإبتسامة حيدات القفازات لاحتهم ) واخا ولكن عنداك تبكي فالأخير

جوكار كيضحك تا تقج وبدا يكح ) ههههه أوك ماغانبكيش يلاه

بظاو كيتبارز هو وجاكلين بمهارة وبحركات قتالية من فنون متعددة جاكلين غير كتهجم وضرب أما هو مكتفي بالصد وأي ضربة وجهاتهاليه مبباشرة كيصدها فاجأها بمهارتو ووقفات كتلهث…

جاكلين : وااو فين تعلمتي الصد بهاذ الطريقة ببلاتي ياكماا

جوكار : حتى أنا كنت عميل فالمخابرات التركية ومن نهار عيطلي جاسم ننضم للنخبة هادي تقريبا تلاث سنوات استاقلت

جاكلين أدهشها ) واو مهاراتك أحسن من مهاراتي (ابتاسمات ومشات كتجري وجهاتليه لكمة قوية تفاداها وشدلها يدها دورها حتى تساطحات ضهرها مع كرشو ولوالها يدها مور ضهرها ويدو الأخرى شدها من كرشها العارية ونطق حدا ودنيها )

جوكار : ملي تهجمي ماتطبقي الحركة حتى تقربي للخصم أما نتي موجدة اللكمة من بعيد وجيتي كتجري تضربيني بيها خليتيني نتوقع هجومك ونصدو بسهوولة حتى تقربي للخصم عاد ضربيه بيدك أو رجلك ماغاتخليش ليه فرصة فين يتوقع أو يصد هجومك

(جاكلين توترات وهي كتحس بيديه على كرشها وبأنفاسو كضرب فعنقها توترات حتى أنها جمدات مافيقها غير تصفيق قوي عاد طلق منها جوكار واستدارو بجوج لقاو دياب جنبهم بلامح شرسة وكيصفق ليهم وكيشووف فيهم….

☘☘☘☘

عند جاسم لي وصل أمام بوابة القصر حل سيارتو وخرج وقف عليه رئيس الكتيبة …

جاسم : واش وصل

رئيس الكتيبة : كيما أمرتي لورد راه فالمقطورة واش نخرجوه

جاسم : غانخرجو بنفسي

☘☘عند شيماء لي نعسات نيت والممرضة جالسة جنب سريرها على كرسي حتى تفتح باب الجناح ووقفات وحنات راسها

جاسم : تقدري تخرجي

الممرضة خرجات وجاسم توجه لعند شيماء لقاها ناعسة وجناب فمها كلهم ملونين بالحلوى ضحك وتحنا كيلحس ويبوس شفتيها ويديه حطها بشوية على كرشها وهو كيبوس حتى فاقت فتحات عيونها شافت فيه وعنقاتو وتجاوبات معاه فالقبلة وهو كيبوس مدة عاد بعد حط جبهتو على جبهتها سهى فعوينانها

شيماء : تعطلتيي توحشت نشم ريحتك

جاسم : كنعتادر ولكن راه الوقت كولو وأنا حاضيك

شيماء : وصلاتني لحلوة كليت وعطيت لبنات

جاسم : أي شيء بغيتيه غير أمري

قاطعم صوت زئير خفيف بصوت رقيق خلا شيماء طرطقات عينيها وشافت فجاسم ..)

شيماء : جبتييه

جاسم آه (شافها بغات تكعد وشدها ) غير بشوية أشيماء (عاونها تا تكعدات شوية وهي كضور عينيها فالجناح كولو وحدا لباب مابانليها والو )

شيماء : فينو ؟

جاسم تنهد وهو يتحنا حدا السرير هزو وحطو أمامها وهي طرطقات عينيها فيه )

شيماء كتشوف أمامها شبل أسد صغير وسمين جالس أمامها وكيشووفيها بعوينانو لعسليين وهي كترمش فيه حولات نضرها لجاسم لي حابس ضحكتو بزز وهو
كيشوف تعابيرها المصدومة …)

☘☘☘☘☘

فصالة سبور فالقصر… عند دياب لي منلي رجع من الشركة مباشرة بدل عليه لبس سبور واتاجه لصالة الرياضة يلاه غايدخل حتى سمع ضحكة جاكلين استغرب ودخل بانتليه واقفة كاتهضر مع جوكار سمع كل الحديث تقريبا حتى بداو فمواجهتهم وهو واقف كيتفرج حتى شافو كيشد جاكلين وشاف يديه على بطنها العاري وهو كيتلمس فيها …دياب كره الموقف تعصب وبدأ كيسفق ليهم حتى استدارو وبعدو عن بعض وشافو فيه…جاكلين توترات من الموقف كولو وخافت يكون دياب فهمها غلط وتمشات حتى وقفات أمامو خلعوها ملامحو …)

جاكلين : أنا لورد كنت كندرب

دياب قاطعها ) شفت التدريييب ومزيان (وتخطاها ووقف أمام جوكار ) شي كومبا معاية أنا حسن (ونطق بالداريجة باش مايفهموهش ) باش بحرى نشبع فوالدين مك ضرب

جوكار : هه لا أصاحب نت قوتك هاديك أما أنا غير فنون قتال وتعلمتهم (أشار ليه لحديد) ولكن يلاه نهزو لحديد (وتمشا خلا موراه دياب مخنزززر)

(دياب رجع شاف فجاكلين بتخنزيرة واستدار تبع جوكار وبداو كيهزو لحديد …أما جاكلين خرجات وخلاتهم واتاجهات لجناحها ….)

دياب كلما كيتفكر منظر يدين جوكار على جاكلين كيصعر حط الوزن لي هاز وشاف فجوكار لي متكي على طابي وكيهز لحديد ويحطو بزز وهو كيلهث …دياب ابتاسم بخبث وهز وزن أثقل بالضعف منلي كيهز جوكار هزو غير بيد وحدة بفضل قوتو وتوجه لعندو وبخفة هزعليه الوزن ليشاد وحطلو الوزن الأثقل …

دياب : تمرنليك مزياان أصاحبي(وخرج خلا جوكار مخرج عينيه كيغوت باسمو وهو بزز هاز دلك الوزن لي قريب يطيحلو على صدرو )

جوكار : ديااب ولا شهاد اللعب وارجع هزعليا لقل… أصاحبي واااع دياب

(دياب خرج صاعر فاتجاه حناح جاكلين ….ودخل بلامايدق غير هز راسو استدارت شافت فيه مخرجة عينيها تاطاحتليها الفوطة بالصدمة أمامو…..)
☘️الوحش وذات القزحيتين ☘️

🔮الجزء:212🔮

جاكلين لي خرجات معصبة وخلاتهم عصبوها نظرات دياب …دخلات لجناحها لقات تايغر مزال كياكل فاللحم جلسات حداه وعطاتو الماء يشرب وناضت حيدات كل ثيابها بقات صولو ويلاه هزات فوطة قصيرة لواتها على جسدها باش دخل دوش و هو يتحل عليها لباب بالجهد تاقفزات استدارت شافتو ومع التلفة حيدات يدها من الفوطة وطاحتليها وبقات واقفة عريانة كلها أمامو …..دياب علاه حشم خرج فيها عينيه كيتمتع كيتمنضر شافها كلها بقوامها من الخلف وحتى استدارت شافتفيه وشافها حتى من الأمام ….أما جاكلين تبلوكات هبطات عينيها بشوووية شافت راسها كيعريانة وهي تغوت وطارت هزات ليزار ليفوق السرير كتفتف وهي كتلويه عليها وكوولها مزنكة أما دياب ربع يديه وكااايتفرج فيها كتفتف وكتلوا فليزار

دياب : سالييتي

جاكلين ولات كيماطيشة وكترعد من الموقف لوات عليها ليزار مزيان واستدارت كتجنب تشوف فيه )

جاكلين : ششبغيتي لاش مادقيتيش لباب

دياب قرب حتى وقف موراها ومد يديه دورها عندو وهو مخنزر )

دياب :جاكليين الموقف ليشفتك فييه مع جوكار مايتعاودش ماتنساايش أنك جييتي لهنا كخطيبة وليا

جاكلين : وولكن نت مابغيتيش و

دياب : غيرت رأيي

جاكلين طرطقات فيه عينيها )

دياب : شوفي أنا غلطت معاك وبزاف كنعتاذر على كل كلمة قلتهاليك وعلى شكي فأنك ضربتي شيماء بلعاني كنعتادر عن كل شيء نتي أحم زعمة كتعجبيني خلينا نعطيو فرصة لبعض

جاكلين مامتيقاش ابتاسمات وهي طير عليه بتعنيقة تعلقات فيه كلها صدماتو )

جاكلين : أخييرا فهمتي راسك ألمكلخ

دياب ضحك وضور يديه عليها تاكايلقاها بلا ليزار تعرات تاني ملي طارت نقزات عليه عنقاتو طلقات ليزار وطااااح )

دياب : مكلخ ياك (بدأ كيتلمس فضهرها حتى هبط يديه لخصرها من بعد لمؤخرتها العارية وعطاها صلية فيها بيدو حتى شهقات وطلقات منو مخرجة عينيها تبلوكات تاني حيت حسات بليزار ماعليهاش عاد الصلية ليعطاها فمؤخرتها.. بقات واقفة جامدة أمامو …دياب جابتليه الضحكة ..تحنى بسرعة هز ليزار من الأرض وضوروعليها وهو كيسرط فريقو وتحنى حتى تقابل وجهوو مع وجهها لمزنك ونطق )

دياب : مرة أخرى تبغي تعرااي سديعليك لباب من الداخل وخرجي داك لحلوف لي حال فمو فيك

جاكلين : ششكون واش واش نتا ؟

دياب خنزر فيها ) وااا داك لحلوووف دنمرك كلاك أنا (ونطق بالداريجة ) أححح وصدقتي توتة وعندك طرف ماضايرش وملي نشدك شندير فيك

جاكلين : ششنو

دياب : طار باسها بوسة من فمها وبعد شافيها كيلحس شفايفو ) يلاه أخطيبتي نخليك وغير نخرج سدي عليك لباب من الداخل (رجع باسها من خدودها وتوجه للباب حلو وخرج )

دياب خرج سد لباب وبقا وااقف مصدوووم وحط يديه على قلبو لي غايسكت نزل عينيه شاف فحجرو منفووووخ )

دياب : يالاه هادشي ليكان خاس وهي واقفة قدامي هكاك كون غير شديتها تم نيت أحح وشحال مثيرة توتة سير أجدي الله يعطيك لعز وتبقا ديما لفوق لفوق سير أجدي الله يعطيك شي قصرية دكسكسو وتبقا تاكل فيها تالصباح

الجد : أميين أوليدي أمييين غير تبرى شامة بنتي ونطلبها تصايبوليا الله يرضي عليك كدعي مع جدك كنت عااارفك مرضي غير كدير راسك مسخوط

دياب استدار مخرج عينيه لقا جدو موراه )

الجد : شفتك مزنك ألمسخووط وواقف قدام باب جناح جاكلين أش درتي لطفلة

دياب : والله اجدي تاهي ليدارت ليا

الجد : شدارتليك

دياب : أحم والو أجدي

الجد : اه إوا حيد من طريق خاس نهضر معاها نيت غانخطبها لخو جداتك عصام

دياب : طرطق فيه عينيه وغوت تاقفزو ) أ لالالا أجدي

الجد مد يديه كيضرب فدياب : الله يلعنك قفزتيني أطبوزي واش غالي جا فيكم ألخنازر يبدا يغوت عليا راني أنا ليجدكم ألكلاب أناا

دياب : واخا أجدي حق الله منعاود ولكن ياك جاكلين جبتيها ليا

الجد : وياك مابغيتيهاش

دياب : أحم وليت بغيتها اجدي

الجد : اهاه إوا علا سلامتك ألمكلخ بلمكلخ عاد فقتي هي غير نهضر مع باها نحددو موعد العرس

دياب : اه وماتعطلوهش أجديدياب : أحم وليت بغيتها اجدي

الجد : اهاه إوا علا سلامتك ألمكلخ بلمكلخ عاد فقتي هي غير نهضر مع باها نحددو موعد العرس

دياب : اه وماتعطلوهش أجدي

الجد : شاف فحجر دياب وميق فيه ) حيد من قدامي ألمسخووط نت راه خاسك تزوج دابا نيت على حالتك أمسكين سير سير خوي عليك الماء بارد ونتا قدك قداااش حسن عوان ديك الطفلة معاك غانصدق داي دنوبها ونت خاسك شي طبوزية بحالك يلاه تقد على هاذ السخط ليعندك أشارليه لحجرو وهو يتخطاه ومشا كيعاير )

دياب : شاف فحجرو ) صاف عجبك لحال هانت شوهتيني مع جدي أحح ولكن كلشي بسباب التوتة ديالي

☘☘☘☘☘
نرجعو عند شيماء وجاسم

شيماء كتشوف أمامها شبل أسد صغير وسمين جالس أمامها وكيشووفيها بعويناتو لعسليين وهي كترمش فيه حولات نضرها لجاسم لي حابس ضحكتو بزز وهو كيشوف تعابيرها المصدومة …)

شيماء : بصوت باكي ) كطنز علياااا أجاسم هئ جايبلي سيمبا بزقووول ومطبز ملفوق

جاسم قرب منها وشد يديها وباسها ونطق) شيماء عندي جوج أسود شرسة وبالغين كباار مايمكنش نجيبهم ليك حيت أنا حاطهم فحديقة خاصة بها غابة راهم موالفين الغابة مايمكنش نجيبهم ونحبسهم فقصر (شاف فالشبل ) هذا شبل أحد الأسود ديالي تولد هاذي شهر واللبوة الأم ماتت حيت كانت مريضة ولداتو هو وأربع أشبال أخرى وهزيتو من محيطو وجبتوليك هو صغير حتى يلا تربى فقصر وولف أحس من أني نجيبلك أسد بالغ مامولفش كترت البشر أو أنو يتحبس فجناح…

شيماء : مسكيين ماتت مو ولكن ياك تايغر كبير وعايش وسط البشر عادي

جاسم : تايغر أشيماء كان عند جاكلين منلي يلاه تزاد وتربى وسط البشر مولف الجو فنفس الشيء غانديروه مع هاذ الشبل الصغير غاتربيه وغايكبر وغايكون أسد قوي وحيت ربيتيه من الصغر فغايكبر مولف حياتو وسط البشر ماشي بحال إيلا جبتوليك بالغ وكبير راه حتى هم أشيماء كائنات وفيهم الروح وكيحسو واش تبغي أني نحيدو من وسطو لي مولفو ونجي نحبسو هنا حتى ولو تحكمت بدماغو فراه غايفتاقد الطبيعة والوسط ليكان فيه

شيماء : فهمت (شافت فالشبل ليكيشوفيها وضحكات وهزاتو ) ويينو كيحمق

جاسم : يلاه عندو شهر والأشبال كتفطم فعمر السبع شهور يعني غايبقى يشرب غير الحليب ولي هو من نوع خاص فتغديتو غانخليها على جاكلين

شيماء : واخا وإمتا غايكبر

جاسم : خاسو تلاث سنوات حتى لأربعة عاد يصبح أسد كامل ناضج وبالغ

شيماء : واو يعني غايكبر مع بنوتي وغاتبقا تلعب معاه هي صغيورة وهو صغيور

جاسم : إذن صاف سدينا موضوع الأسد

شيماء : كضحك مع الشبل ) أييه صاف وينو كيوت (قاطععم مواء خفيف خلا جاسم يشوف أسفل السرير)

جاسم : نسيتها

شيماء : شنوهي

جاسم مد يديه وهز قطة بيضاء صغير ذات عينين قزحيتين وتماما كلون عيون شيماء هزها حطها أمام شيماء )

جاسم : وحتى هاذي من أفخم أنواع القطط كنتمنى تعجبك

شيماء طارت شداتها كتشووف فعينيها وكدوز يدها على فروها الأبيض الكثيف ) واااو عندي سيمبا وهيلو كيتي وتايغر النمر المقنع

جاسم ابتاسم ) خاسهم أسماء باش يولفوها وفينما عيطتيليهم يجيو عندك

شيماء : ليون للشبل وكيتي للقطة

جاسم : مزيان إذن (شاف فالقطة والشبل ومباشرة ناضو من حضنها هبطو من السرير واتاجهو للباب حليهم جاسم وخرجو )

شيماء : فييين مشاااو

جاسم : لجناح جاكلين خاس ياكلو وغير يكملو غايرجعو عندك راني متحكم فيهم كليا (دخل للحمام ودقائق عاد رجع عند شيماء وهزها بشوية دخلها وحطها متكية على الفوطوي ومد يديه كيحيدلها الفستان …شيماء حابساها بولة وحشمات وهو شافها مزنكة ومزيرة نفسها فهم الأمر …خلاها غير بدوبيات وهزها بشوية حطها على طواليط العصرية ومد يديه نزلها سترينك وهي مزنكة

شيماء : صصاف غير خرج حتى نعيطليك

جاسم : لا أشيماء ماعندك لاش تحشمي مني يلاه باش ندوشو أنا وياك

شيماء : ججاسم عافاك غير نعيطليك ورجع عافاك

جاسم طار عليها ببوسة وشاف فيها ) عنداك أشيماء تحاولي توقفي أو تحركي من مكانك

شيماء : متخافش غير خرج
شيماء : متخافش غير خرج

جاسم خرج ورد عليها لباب عاد خدات راحتها قضات حاجتها ونقات راسها عاد عيطات ليه هزها وحطها بشوية متكية فالبانيو ليوجدوليها عامر بالورد وجيلدوش والزيوت المغذية للبشرة حيد حوايجو كلهم وتخشى موراها تكاها عليه ضهرها على صدرو ومد يديه حيدلها سوتيانات وبقا كيتلمس فيها وكيبوس كيما بغا وهي كضحك مد يديه حطها على كرشها كيدوزها بحنية ونطق

جاسم : شيماء يلا كانت بنت بغيتها تشبه ليك وفكل شييء

شيماء : لا مابغيتش عينيها يكونو بحالي بل بلون واحد بحال لون عينيك عرفتي أنا راه فصغري كنت معقدة من عيني عانيت بزاف كانو كيعيطوليا جنية وكيشوفوني كيقولو بسم الله الرحمان الرحيم منين ما دزت شي كيقولي لحولة شي جنية واخا مكنتش كنتسوق غير الأمر داخلي كيجرحني

جاسم قاطعها ) هذاك تخلف أشيماء عينيك مجرد حالة طبية عادية كتسمى تَغَايُرُ تَلَوُّنِ القُزَحِيَّتين أو Heterochromia بالانجليزية يعني تباين أو اختلاف لون القُزَحِيَّتين، وكتنتج هذه الحالة عن نقص ولا زيادة في صبغة الميلانين.فعند البشر العاديين ممكن تكون هذه الحالة وراثيّة، أو نتيجة خلل جيني كالفُسَيْسَائية Mosaicism أما عندك هاذ الحالة نتجات عن كونك هجينة نصف بشرية ونصف متحولة

شيماء : عرفت واخا هكاك مابغيتش بنتي يكونو عينيها بحالي

جاسم : وأنا راه كنحماق على عينيك وبنتي غايكونو عندها عوينات ماماها

شيماء ضحكات وباستو فحنكو وهو شدها ببوسة فمها ماطلقهاش مدة وهو كيبوسها ويديه كيتلمسوها كلها وغير بشوية وهي كتحس بعضوو الذكري منفوخ تحتها عرفاتو هاج …بعد فمو عيها كينهج صعر بزز متحكم فنفسو …خدا مشط وشامبو وغسلها شعرها مزيان وهو كينهج من بعد غسلها جسدها كولو ومنينما داز كيبوس كملها لواعليها بينوار وفوطة رأس ولوا عليه فوطة وهزها وشيماء مخرجة عينيها كتشوف حجرو من تحت لفوطة منفووخ داير خيمة …

جاسم شافها فاياش كتشوف حطها متكية على السرير )

جاسم : شفتي اش كديري فية

شيماء : اا تزنكات )أحم اش اش درت

جاسم : والو غير شعلتيني وخاس نطفيه بالماد البارد ماغايدوز هاذ الشهر تانجهل (خلاها متكية ورجع للحمام دخل تحت شرشار وطلق ماء باااارد بزز برد راسو اختفى من مكانو للدريسينغ روم ولبس عليه بسرعة وهزليها ثياب خفيفة عاد ظهر جنبها ولسبها بشوية وهو كيسرط ريقو وكيتجنب يشوف فمفاتنها حتى كمل نشفلها الشعر وناض

جاسم : خاسك تاكلي جدي راه دبح البقرة على قبلك واش نجيبليك لهنا

شيماء : لا بغيت نهبط نجلس معاهم

جاسم : واخا (جابليها كسوة طويلة لبسهاليها وحذاء خفيف وهزها بين يديه وغير بشوية واختفى بها ظهر فإحدى الصالات الفارغة فالأسفل وحطها متكية على سداري طويل وشافيها )

جاسم : حاليا أشيماء خلي درعك ديما محيد ماتبقايش تفعليه أو تحيديه غاتستنزفي طاقتك وترهقي نفسك والارهاق غايضر الجنين

شيماء : بنتنا قول غايضر جنينتنا وبنتنا

جاسم تنهد : وااخا أشيماء واش سمعتي لي قلتو

شيماء : اه سمعت متخافش

دخلو كل العائلة للصالة تجمعو جاكلين ليمزال مزنكة مكتقدرش حتى تشوف فدياب ولكنها داخلها غاطير بالفرحة ولبنات لاحظوها وسولوها بعينيهم ولكنها قالتليهم تالمن بعد ….أليشا لي غير ساهية ومرة مرة كتشوف ففيليكس لي باين فيه العياء … وباربرة لي بالها حتى هي غير مع إيفان حيت مجاوبهاش على رسائلها وموضوع قوتها لي كتفكر فيه شغل كل بالها …..الجد لي غير مجمع مع شيماء وفرحاان ومرة مرة كيهضر مع كرشها بصيغت المذكر وهي كتكعا وكتشوف فجاسم لي كيغوت على جدو يبعد منها والجد مامسوووقش فرحان بحفييدو…. حتى دخلو الخدم متابعين هازين أطباق عديدة كلها لحوم مفورة محمرة مشوية أطباق عديدة …تجمعو على المائذتان وشيماء غاكاتاكل مرة تعطيها باربرة ومرة يوكلها الجد وجاسم صدماتو بشحال كلات داللحم حتى ناض صاعر حيدوليها وبدات تبكي وعدنان وغسان كيهدنو فيه وكيشرحوليه أن الأمر عادي ولوحم خاسها تاكل داكشي علاياش كتوحم وجات حتى الطبيبة عطاتها الدواء وقاتليهم غير يخليوها تاكل ليبغات عاد تهدن جاسم وجلس كيتفرج فيها كيكاتاكل فاللحم وخلاها على راحتها ……..✨الوحش وذات القزحيتين ✨
الجزء:213

🌊🌊🌊🌊🌊🌊🌊🌊🌊
💜هكذا مر أسبوع كامل على كل أبطالنا أسبووع ليدازوفيه أحداث كتيرة منها
علاقة جاكلين ودياب ليي تطورات بشكل واضح مابقاوش كيتفارقو بمرة دايها معاه ديما للتدريب وحاضيها كيخيالها …وحتى فالقصر كلهم عرفو بقبول دياب لهاذ الزواج كلهم فرحو والجد تواصل مع أب جاكلين وحددو موعد الزفاف بعد شهر وجاكلين غاتبقا مع لستاركس فالقصر حتى لموعد الزفاف حيت غايتكاتبو قبل أي غايكتبو عقدهم فالمغرب بحفلة بسيطة وبعد شهر غايديرو زفاف فخم بحظور كل العائلتان فأمريكا …

أليشا لي قررات تهضر مع فيليكس ويحلو كل شيء ولكنها تفاجآت من هروبو الدائم فينما بغات تهضر معاه كينساحب بسرعة مافهمااتش مالو لاحظات دبولو يوم بعد يوم تاني حمقها وفقصها وعصبها كل مرة كيزيد يصدمها فيه أكتر حتى حطات سلاحها تاني معاه وقررات تنساحب ….

أيار وتارا لي تحدد يوم خطبتهم من التوأم وهو نفس يوم كتب كتاب جاكلدياب وكلشي كيوجد للحفل البسيط ليغايدار غير فحديقة القصر ويركبو فيه لخواتم أما الزفاف خلاوه حتى يديروه فنفس اليوم مع جاكلين ودياب يديرو زفاف واحد فأمريكا …

باربرة ليرجع إيفان كيتراسل معاها طوول الأسبوع كتعاودليه ويعاودليها عاوداتليه على خوتها بأسمائهم وعلى معزتهم عندها وإفان كذلك كيعاوليها كل شيء دارو فنهارو وعلى تغير مو من ناحيتو وحنانها لي غرقاتو به طول هاذ الأسبوع لدرجة كيفيق كيلقاها كتلعبليه فشعرو كأنها زرعات فيه روح جديدة …..إيفان لي سمع لكلام مو وماقال والو لجدو حول جوكار بل بعد كليا عن نيكولاي وخططو ….أما باربرة فطول الاسبوع وهي كتفكر فاقتراح جاسم وواخا كتهضر مع إيفان ماعاوداتليه والو وحتى هو مابقاش مصر أو كل شوية يقوليها عاوديليا …

تارا لي كيوصلها عدنان يوميا للمدرسة هي وأليشا لي مرة كتركب معاهم ومرة مع أيار وغسان
عدنان وغسان كيوصلوهم وكيبقاو حاضيينهم حتى كيدخلو عاد كيتحركو وفالرجعة كيدوزو موراهم…
أليشا لي ماعاوداتش تواصلات مع أمير منلي هرسلها فيليكس الهاتف ….

شيماء لي طول الأسبوع وهي متكية على ضهرها واخا كتعيا وكتقنط حيت لبنات أليشا وتارا وأيار بداو الدراسة وكيغيبو نهار كولو وهي حسات بالحزن حيت ماغاتقدرش تبدأ الموسم الدراسي ولكن جاسم واعدها غير يتبث حملها وتسمحلها الطبيبة وغايسجلها ويبدأ يوصلها يوميا للمدرسة ….اهتمات طول هاذ الأسبوع بحملها ونفسها جابوليها فيتامينات ومثبتات حمل فعالة من أمريكا لي عاونوها وتحسنات مع رعاية جاسم ليماخلاهاش بمرة وطول الأسبوع يلاه كيغبر ساعة فالصباح الباكر ملي كتكون مزالها ناعسة هو كيتوجه لشركتو كيخدم ساعة ويرجع لعندها …حتى هيلدا وباربرة ليمكيخليوهاش حتى دقيقة ملي متيكونش جاسم هيلدا فرحانة بيها وبزاف والجد لي فينما جا كيجيبليها شيحاجة مرة نونوسات ومرا فرادا داللوعاب عمرليهم الجناح بالالعاب كيقولك كيجمع لوعاب باش يبقا يلعب مع حفيدو منلي يتزاد وشيماء كيعصبها ملي كيهضر بصيغت المذكر وكتبدأ تبكي تاكايجري عليه جاسم من الجناح وينوض يسكت فيها ويحزر اهتم بها كليا …كيدوشليها كيدخلها لطواليط فهاذ الأمور كيديرهم ليها هو رااسو وبنفسو ماكايخلي لا مو لا الممرضات يشوفوها عارية …وهي فرحانة ومع النمر وشبل الأسد والقطة كدوز أغلب وقتها وعاد زادليها الجد جابلييها كلب صغير أبيض بعيون زرق من نوع pomsky بومسكي وهو نوع نادر لأنو هجين بين نوعين من الكلاب الأول pomeranian بوميرانيان /والنوع التاني husky الهوسكي وملي زاوجو هاذ النوعين عطاونا البومسكي كلب على شكل ذئب صغير (الصورة) وكيتعتابر من الكلاب الهجينة الأليفة الملكية شيماء حمقهااا خصوصا بعويناتو وكضل مجمعة عليها حيواناتها ^ليون^ الشبل ^تايغر^ النمر و^كيتي^ القطة والآن ^فلوكي^ الكلب الهجين أربع حيوانات لي مبقاتش كتقدر تستغنا عليهم غير كتفيق خاسها يتجمعو عليها وجاسم متحكم كليا بدماغهم ورغم ذلك حتى هم تعلقو بها وخصوصا الشبل حديث الولادة والكلب أما القطة كضل دور حول الجدة لي حماقت عليها ….شيماء مع نهاية الأسبوع هزها جاسم حتى للمستشفى دالعائلة داروليها فحص شامل والطبيبة استبشرات بتحسن حالتها وحالة الجنين الان هي فأسبوعين وشي أيام من الحمل وحملها غادي مزيان بفظل العناية قالتليهم الطبيبة أنو يمكن لها توقف وتتمشى ولكن غير شوية ومزال ممنوع عليها تجري أو تلبس الكعب أو تطلع وتنزل فالدرج ….شيماء فرحات أخيرا مغاتبقاش غير متكية نهار كولو وولات عالأقل كتنوض كدخل لطواليط راسها وكتمشى فقط بضع الخطوات ماشي حيت ماقاداش بل احتياط منها على الجنين ..وجاسم فرحان حيت كيشوفها كدير كل ما فجهدها باش تحافظ على جنينهم ….
🍀🍀🍀
بالنسبة لجوكار لي كيتنقل مابين المغرب وتركيا طول هاذ الأسبوع …

💜💜💜💜💜

اليوم هو اليوم الموعود يوم خطبة أيار وغسان وتارا وعدنان ونفسو اليوم لي غايتكاتبو فيه دياب وجاكلين…..يتبع🎩#وحش_ذات_القزحيتين🎩

✏للكاتبة ✏ chaymae ouaj
🌊الجزء 214🌊

اليوم هو اليوم الموعود يوم خطبة أيار وغسان / وتارا وعدنان ونفسو اليوم لي غايتكاتبو فيه دياب وجاكلين…. ويوم غايشهذ أحداث عدييييدة …..❤

الصباح الساعة 8 فجناح شيماء وجاسم ::

شيماء لي تحسن وضعها ولات كتنعس كيبغات ناعسة على كرشها غير بستيانات وشورط قصير ناعسة فوق جاسم العاري الصدر خاشة راسها فعنقو وناعسة براحة أما هو فايق كيشوف فسقف الجناح …ودماغو ماكايتوقفش عن التفكير فبزاااف دالأمور …. ساهي فالسقف وكيمرر يدو بحنية على ضهر شيماء هبوطا حتى لمؤختها …استذار شاف فالساعة ورجع حول نظرو لشيماء وهزها من عليه بخفة وبشوية وحطها على السرير باسها من فمها وتحنى باس كرشها غطاها وناض …دوش ولبس ورجع جلس حداها يعلمها أنو خارج كيما كيدير طول هاذ الأسبوع …

جاسم كيفيقها بشوية وهو كيبوس فكتفهها وكيمرر يدو على بطننها ) شيماء شيمائي

شيماء حلات عينيها فيه بزز مخنزرة )
شيماء : آش

جاسم ضحكاتو كتفيق خاسرة ) هانا غانمشي للشركة

شيماء : واخا

جاسم : غانتعطل اليوم ماغارجع تايقرب الحفل غايوصلوك مجموعة فساتين ومجوهرات كلهم من اختياري اختاري منهم لي عجبك..وغايجيو عندك للجناح مختصات تجميل وشعر غايجهزوك

شيماء : بلاش نصايب راسي

جاسم : باس يديها ) خليهم يجهزوك بلاما تعدبي راسك غايتكلفو بكلشي عليك تختاري الفستان وعنداك تلبسي شيواحد ماشي من الكوليكشن لي اختاريتليك

شيماء : واخا أجاسم

جاسم : عنداك تلبسي الكعب وماتوقفيش بزاف نجي لقاك واجدة

شيماء : واخا

جاسم : إذن أنا غانمشي

شيماء : بغيت ليون وفلوكي وكيتي وتايغر

جاسم : غير نخرج غايدخلو عندك نعسي تاتفيقي على خاطرك
الفطور و الغذاء غايوصلك حتى للجناح بلاماتهبطي لتحت وأنا طول الننهار غانبق حاضيك من الكاميرة

شيماء : خليني نهبط نتفرج فالتجهيزات وديكور الحديقة

جاسم خنزر فيها : شيماء تفرجي من البالكون ماعندك ماديري فالأسفل منظمي الحفلات ولي سيرفور رجال فممنووع تهبطي ويلا هبطتي غايتبعك تايغر والحيوانات وغايرهبو العمال البشريين ويخلعوهم خصوصا تايغر غايصدقو كلهم هاربين

شيماء : وااخا

جاسم :يلاه حبيبتي رجعي نعسي ملي نشوفك فقتي غانعيط ليك

شيماء : واخا بغيت فلوكي وليون

جاسم باسها من فمها ) هانا نحليهم الباب وغايدخلو (ودعها وناض حل الباب لقا كل الحيوانات مستفين كيتسناوه يخرج باش يدخلو عندها ككل صباح حيت جاسم مانع عليهم يدخلو ملي كيكون هو معاها فالجناح… دخلو متابعين طلعو فوق السرير ضارو بيها وهي جرات الشبل عنقاتو وتاهو تمخشش فيها ونعسات …جاسم بق واقف أمام الباب حاضيها تاشافها نعسات عاد خرج …..

🍀🍀🍀🍀

فنفس الوقت ألمانيا برلين قصر آل رومانوف وبالضبط فمحكمة المتحولين لي كيتواجد مقرها فنفس قصر آل رومانوف …..
محكمة المتحولين ومقر النخبة جاو فالطابق السفلي من القصر بحيث المحكمة عبارة عن قاعة كبييرة بل وضخمة دائرية الشكل تهز حتى 400 شخص كتتوسطها طاولة سوداء طوييييلة وعرييييييضة بها 196 كرسي خاص أي 196 رئيس عشيرة و196 دولة فالعالم(حيت آل رومانوف مستثنيين العشائر لي مستوطنين الجزر والعشائر المتخلفة والهمجيين ) وكل كرسي محفور عليه ومنقوش فيه اسم رئيس العشيرة وملي كيتبدل الرئيس كيتبدل الكرسي بكرسي جديد عليه نقش اسم رئيس العشيرة الجديد …. وأمام الطاولة مباشرة أربع كرااسي ملكية من الذهب مزخرفة ومنقوشة من الذهب الكرسي الأوسط هو أكبرهم وعليه نقش الأسد وفجنابو نقش النمر والفهد كرسي فخم مخصص لرئيس المحكمة لي كيتعتابر رئيس كل عشائر المحولين الدستور وواضع القوانين …بحيث القوانين ليكيحط لا تناقش ولحد الآن هاذ المنصب هو لآل رومانوف ومن قديييم الزمن كتوارتو عشيرة آل رونانوف أبا عن جد ….يمكن هو منصب مغري وكيدل على القوة التحكم والجبروت ولكنووو ماشي منصب سهل … فصاحب المنصب عندو مهام لي ماشي أي واحد يقدر عليها …ضبط المتحولين التحكم بميزان القوة بين جنسي البشر والمتحولين السهر على تطبيق القانون توجيه النخبة ومراقبة كل المتحولين فكل العاالم….مهام كثير كتخلي المنصب بكترة ماهو مهم بكترة ماهو مرهق وهذا هو السبب لي مخلي أغلب المتحولين كيتجنبو الترشح لنيلو ومخليين عبؤو على آل رومانوف وحتى ملي كيبان شيمتحول رئيس عشير كيبغي يترشح ماكاصوتوش عليه حيت مكتكونش عندو القوة والنفوذ والمال والغنى ليعند آل رومانوف باش ينافسهم…حتى ترشح جاسم ليعندو كل هاذ الصفات وأكتر فهو مؤثر ماشي غير فعالم المتحولين بل هو شخصية بارزة حتى عند البشر وهادشي كيخليه عندو شعبية ونفود أكتر من نيكولاي لي منغير أنو هو رئيس عشيرة ومحكمة ففي الحياة العادية كيتعتابر مجرد شخص فاحش الثراء ماعندوش شهرة كبيرة وسط البشر …..جنب كرسي الرئيس أربع كراسا كرسيين من كل جانب …الكراسى الأربع الخاصة بأعضاء المحكمة لي كايتاخذو القرار مع نيكولاي ولي كيصوتو معاه على القوانين …. وهاذ الاربعة ملقبين ب الأربعة الأقوياء أو العضماء الأربع …وهم :🍀أولا : ^الدوق ليوجين^ هو متحول عجوز من دولة ماليزيا ^^ عقلتو على التوأم المرعب لي فالنخبة بوكا ودانيال ^ هما ولدا ليوجين وعشيرتهم اسمها عشيرة ^^مانوكوليانا^ وهو رئيسها ، عشيرة لي عندها عدااوة قديييمة مع لستاركس ولحد الان المانكوليانا ممنوع عليهم يدخلو للمغرب ولستاركس ممنوعة عليهم دولة ماليزيا والعداوة سببها قديم قبل حتى مايتولد الجد زيدان ومن تما والعشيرتان كيتجنبو الصراع وخصوصا المانكوليانا كيتجنبو آل ستارك كليا …وهاذ العشيرة مزااالة مستمرة معانا طول القصة ) الذوق ليوجين هو متحول بقوة ^التنويم الميغناطيسي^ كبير فالسن قد نيكولاي شخص متعجرف وعندو القتل كيف اللعب وكيتلذذ في القتل وهو ماكايختالفش عن أفراد عشيرتو وولادو كلهم متوحشين (الصور )

🍀الشخص الثاني هو ^السيد سكاي^ متحول من فرنسا هو الآخر عجوز ورئيس عشيرتو من عشيرة كورنيليا^ بفرنسا وقوتو كتكمن فالتحكم بالصخور وتحريكها ولكن مع سنو المتقدم قوتو ضعافت لاهو لا ليوجين

🍀الشخص الثالث هو ^النبيل براندون^ من كندا وعشيرتو اسمها عشيرة ^كارما^ وهو أيضا عجوز وقوتو ضعيفة بسبب سنو قوة التحكم بالنار

🍀الشخص الرابع والأخير هو ^سالفادور ^ عجوز ورئيس عشيرة ^تشيليا^ في دولة تشيلي وعندو قوة التحكم بالرعد

((نيكولاي وليوجين وبراندون وسكاي وسالفادور كيمثلو أعضاء المحكمة نيكولاي الرئيس والعضماء الأربع نوابو وفنفس الوقت مستشاريه لي هو بنفسو عينهم وهم معاه منلي أخد رئاسة المحكمة من باه يعني هم الخمسة مجموعين منليي كانو شباب وهم الخمسة أيضا رئساء على عشائرهم ليكايتعتابرو من بين أقوى عشر عشائر فالعالم إلى جانب لستاركس فالمرتبة الأولى بجاسم قوة الإستنساخ حيت هو كيتعتابر أقوى متحول ضمن كل المتحولين وعشيرة روجو الهند وعشيرة ناميكخ الباكستان وعشيرة جاكلين^ سيدريك^ أمريكا وعشيرةجوكار فتركيا ==> أقوى عشر عشااائر وميزان القوة هنا هو تنوع القوى يعني كل عشيرة أفرادها عندهم قوى مختلفة كل فرد بقوتو وبعض القوى نادرة كتلقاها عند غير داك المتحول / أما باقي العشائر فأغلبهم كل أفرادهم كتكون عندعم نفس القوة …..)

نيكولاي جالس على كرسي في الطاولة الضخمة وجالسين معاه الأربعة ونيكولاي واضح عليه التوتر ….))

نيكولاي : مكااانش خاسني نسمع منكم راه مستحيييل ينقاالب على عائلتو

ليوجين نطق بشر ) نيكولاي تهذن هو أكتر من 23 سنة ماحط رجلو فالمغرب وكيكره عائلتو فسهل ينقالب عليهم وغااايدير لينا ليبغينا خاس غينلعبوليه بعقلو

براندن : ماتنساوش أنيكولاي أنو كان ديما على خلاف مع أسد وديما مدابزين هو وياه وكنضن أنو كان بغا رئاسة عشيرتو ولكن زيدان كان ناوي يعطيها لأسد وهو تما هجرهم والآن جاسم ليعندو الرئاسة رغم أن زيداان عندو ناصر ومعاذ وعلي أبناؤو وكلهم كبار وحكماء وهو رغم ذلك عطى الرئاسة لحفييدو جاسم ليمزاال سنو صغيير باش يترأس عشييرة وترئسها هاذي تلاث سنوات منلي كانت عندو 26 سنة كأصغر رئيس عشيرة فالعالم حتى لمن بعد عاد بانو رؤساء صغار كأرجون والآن جوكار أخد رئاسة عشيرتو وكلهم فنفس سن جاسم يعني عندوو تأتير قوي وهم غاديين على خطاه خاسنا نتحركو أنيكولاي حنى غانلعبو لناصر بعقلو فأنو هو لي كيستحق الرئاسة أكتر من جاسم بحكم أنو الإبن البكر لزيدان وهو أقوى واحد فلستاركس من بعد جاسم خاس ندخلوليه هاذ الأفكار لراسو وغايعاونا نطيحو بجاسم وفالمقابل نعطيوه رئاسة عشيرة آل ستارك

السيد سكاي : مامتافقش معاكم جاسم ماشي شخص عادي باش يلعب عليه عمو ويتيقو وحتى زيدان مزال حي وهو عندو كل الحرية يختار الرئيس الأنسب بعدو كيكان من ولادو ولا حفادو وراه اختار جاسم لي ماشي غبي باش يتلعب عليه بجوج كلمات من طرف عمو

الذوق ليوجين ضحك بسخرية ) وشكوون قالك غانسيفطوووه يلعب عليه

نيكولاي طرطق فيه عينيه ) اش كتخربق

ليوجين : جبد من جيبو إبرة بها دم وهزها أمامهم )

نيكولاي مصدوم : هذا دم دم

ليوجين : دم آخر هجيين قتلنا عرفتو يلا تغرسات هاذ الإبرة وتخوات فجسد اللورد ستاارك آش غايطرا باااح للخمسيين قوة هاهاها

نيكولاي وقف وخبط الطبلة ) واااش تسطيتي بغيتي تفضحنااا اشمن تفسييير غانعطييو لكل المتحوليين عن سبب اختفاء كل قوى وحش المتحولين ليوجين : ماغااايبقاااش حي بااش يتفضح سرنااا وأن قواه اختفااات حيت(جبد من جيبو إبرة أخرى فيها دم ) فهاذ الإبرة الأخرى فيها دم ألكزندر السااام ناااصر غايحقن جاسم بدم الهجين الرضييع يعني غاتختافي قواااه ويلا تصرف أو علم العشائر غايعاود ناصر يحقنو بدم ألكزند السام و دقائق من بعد مايتحقن غايموووت وماغايعرف حتى واحد أن قواه اختفات قبل مايموت

نيكولاي والتلاثة الآخرين تصدمو ونيكولاي بسرعة طير الإبرة من يد ليوجين )

نيكولاي : فالأول أسد ودااابا ولدوووو أليوجيين

ليوجيين غوت : أناااا غيير عاااونتك كووون ماقتلتش أسد ومراتو ماكننتيييش تكون بلاصتك دااابا كان غايفضح سرنا وكلشي غايتفضح مااتنساااش راه كان اكتاشف سر الهجناء وداك نهار ركب الطائرة يوصل مراتو لروسيا من بعد غايجي لهنااا يطيرك من كرسيييك ويفضحنااا كاملييين

نيكولاي : كيعراق ) جاسم ماشي بحال باه (لاح الإبرة على الطاولة ) هو ماغايسمح لحتى متحول يقرب منو أو حتى يدخل حدودو ماشي بحال أسد كان طيب ونية وعندو بزاف دالأصدقاء ها الطماع ها الغدار ها المنااافق بحااالك أليوجيين كنتي كتمثل علييه الصداقة وهو تيقك وتايق فييك وغضرتييه قتلتيييه هو ومراتو أما جاسم كل أصدقاؤو مخلصين ليه ومستحيل نخلييك دخل عمو ناصر فالأمر

ليوجين : تيقني أنيكولاي ناصر طماااع ونرجسييي أكييد غايبغي يعاونا فمقابل ياخد رئاسة عشيرتو

نيكولاي : واخا وأشمن سبب غاتعطييه هاا آش غاتقوووليه كاين فالإبرة

ليوجين : سم

نيكولاي : لا نت تصطييتي هه غايبغي يقتل ولد خوووه

ليوجين : هو حتى ولادوووو ليمن دمووو ولاحهم عساك يفكر فولد خوووه تيقني أنيكولاي

نيكولاي : مماعرفتش الأمر خطيير يلا عاق جاسم غانمشيو فيها كولنا

ليوجين : واااش بغييتينا نديييرو باقي أقل من أربع أسااابيع للتصوييت كلهم ماالو لعندووو وغاايصوتو علييه شاب وقوي وغني بنفوووذ وسلطة فنظرك غايصوتووو علييك نت أنيكولاي يلا ماحيدناهش من طريييقنا كيما درنا لباه غايفضحنا

نيكولاي غوت وكيغوت تاقرب حلقو يخرج) كيييما درتييي نتااا نتااا ليقتلتيي أسد وريبيكا هادييي أربعة وعشروون سنة نتااا و بدووون علمي أو أمري نت ليسيفطتيليهم متحول بنفس قوى أسد التحكم بالمعااادن وداك المتحول ركب معاااهم فنفس الطااائرة وفجر محركهااا وطيحهااا بيهم رااك تسببتي فقتلو هو ومراااتو وأربعين راااكب بشري فتفجيير الطائرة وكووونمااا أسد لي سيطر عليييها بقوتو وتحكم بمعدنها ووجه مكان سقوووطها كانت غاطييييح على سونطر مديينة باريس وغايمشيو فيييها نصف سكااان المدييينة ليغاطيح الطائرة فوق ريوسهم أسد وججهها واستنزف كل قوتو فالتحكم بها باش ماطيحش على المديينة حتى طاحت فالغابة وانفاجرااات . أنااا ماقتلييكش قتلووو أليووجيين عمرنيييي فكرت نقتلوووو ماكنتش ناويي نقتلووو هو كان صاااحبك ونت غدرتييه أنا عمرني فكرة نقتلووو واخا كان واحليا فحلقيي ومكنتش كنحملووو بحاال ولدو ولكن عمرنيي نافقتو ومثلت عليه الصحبة والإخلاص بحاالك نت ليقتلتييه أليووجين فماتجمعنيييش معاااك نهار يعرفو لستاركس بالأمر تيقني جاسم غايقطععك طراااف وهو ماااشي نية بحااال باه أليوجين تيقني مليي شفت فعينيه شفت القوة والدهاء ماغااديرهاش بيه كيما درتي لأسد أليوجيين

ليوجين وقف كيغوت وصفار ) : هاذا هو شكرك ليااا يااااك قلبتيي وجهك واش عارف يلا تفضح سر قتل الهجناك اش غايطراااا أنا نقووليك آش غايطرااا غاينقااالبو كلهم ضددنا غايقتلوونا واحد واحد وأولهم نت أنييكولاي غايصفييوهالينا ولكل أفرااد عشائرنا وااش يحسابلك ملي غايعرفو أن كل هاد الوقت وحنا مخبيين سر الخلاص من القوى الشيطانية وساكتين وكاتميين الأمر وأن الهجناء لي قتلنا منهم مئات ماشي وحوش وإنما دمهم طاهر ونقي وأقوياء بحالنا وكتر واش عرفتي شحال من عشيرة غايجهلو وغايبغييو يقتلووونا ماغايبقا لا قانون لانخبة لا محكمة غاينوضو الفوضى وحتى أكتر من نصفهم غايتخلاو على قواهم والعالم لي مسيطرين حنى عليييه غايوليو فيه المتحولين ناذرين غايسيطرو عليه البشر والهجناااء ومااتنساااش أسيي بلي يلا تفضح كل شيء غاتفضح تابنتك إيميليا لي ولدات هجيين ونت طمستي الأمر ههه رئيييس المحكمة واضع القانون هو أول مخالف القانون

نيكولاي جلس شاد راسو غايحماق بالتفكيير ) : فينو هاذ ناصر الآن
نيكولاي جلس شاد راسو غايحماق بالتفكيير ) : فينو هاذ ناصر الآن

ليوجين : ضحك بشر )

سالفادور : عندو جزيرة صغيرة باسمو غرب آسيا عايش فيها وعلى ماسمعت هاذي أكتر من 23 سنة وهو فيها

النبيل براندن : غريب آش كيدير طول هاذ الوقت فجزيرة

ليوجين : هو مهووس بقوتو التحكم بالرمال واشترى جزيرة صغيرة كيتحم بالرمال فيها بحرية كنظن هذا سبب عيشو فيها ماتنساوش أنو كيبقا واحد من لستاركس وعندو حق الدخول للمغرب ولقصر آل ستارك وأنو يكون قريب من جاسم ويفاجأو ويحقنووو بالدم الهجين هو أنسب شخص ممكن ينجحلينا فهاذ المهمة أنا تكلفت ورسلتليه طلب رسمي يحظر أمامنا

نيكولاي خرج فيه عينيه ووقف كيغوت ) بآشمن حق تستعمل ختم المحكمممة بدون إذدني ليوووجين تجاوزتي كل حدووودك

ليوجسن : واااش كضن يلا رسلتلو طلب مامختومش غااايجييي أنيكووولاي راه الختم دليل على أن المحكمة استدعاتو وعدم الإمتتثال لطلب المحكمة يعد مخالفة لقانونا الدستوري
فبالطلب المختوم لي رسلت ليه غايجي وبزز منو تيقني أنيكولاي غييير يسمع بعرضنا غايوافق يعني غذا أو بعد غد بالكثيير غايجييي

نيكولاي : واش عندك عينة أخرى من دم الهجين

ليوجين : لا رد

نيكولاي : سمع كتلعب بالنااار يلا طاح الدم فيد الغير غانمشييو فيها تخلص منو كتسمع خليي غير العينة ليغانعطيو لناصر وتخلص من الاخر …..
🍀🍀🍀

وجنب الباب كانت مخبية سمعات كل حديثهم وبفضاعت مخططهم خرجات كتجري طلعات لجناحها كتلهث خاسها تصرف فأسرع وقت هزات هاتفها ودوزات الخط …)

إيميليا : فينك

إيفان : أنا فالمدينة أمي مالك

إيميليا : عرفتي فيلتي لي حدا البحر ياك

إيفان : اه

إيميليا : من دابا لأربع ساعات لقاك تما بوحدك وعندااااك تعلم جدك كتسمع أ إيفان (وقطعات )

(إيميليا عيطات لخادمة ليجات كتجري …..)

إيميليا : فين وصلتو فتجهيز للعزيمة لي درت

الخادمة : السيدات وصلو ليدي إيميليا وهن لتحت كيتسناوك

إيميليا : قدمي الضيافة أنا غانزل عندهن( الخادمةحنات راسها وانساحبات )

إيميليا مع نفسها ) خاس غير نتأكد من صدق وطيبة وقوة جاسم آل ستارك غير نتأكد وغانهي كل شيء ولي غايأكدولي الأمر هن لبركاكات ليعرضت عليهن ….
(توجهات لدريسينغ روم ديالها لبسات أحسن ماعندها برقي مع ميك أب وعقد من الدياموند رشات عطرها الفاخر وهبطات وقفات فباب الصالة كتشووف فيهن
…. عدة سيدات متحولات من الطبقة المخملية كلهن جايات بعزيمة من الليدي إيميليا آل رومانوف شخصيا كل وحدة منهن لابسة أحسن ماعندها كيستعرضو ثرائهم بمجوهرات وثياب
متحولات من أغنى العشائر ومنهن أربع زوجات للعضماء الأربع أعضاء المحكمة لي مع نيكولاي ….تقدمات إيميليا ألقت عليهن التحية جلسات معاهن فجلسة شاي أو حفل شاي وبداو الحديث فأمور تافهة الموضا والمجوهرات وإيميليا ساكة حتى ملات منهن وهي تنطق ….

إيميليا : سيدااتي سمعتو الخبر المتعلق بترشح اللورد ستارك للرئاسة

المتجولة زوجة ليوجين : أووه ليدي إيميليا ماتخافييش أزواجنا وبابك ماغايسمحووش بالأمر

إحدى السيدات : آل ستارك أقوياء ولكن ماشي أكتر منكم سيدة إيميليا

إيميليا : أحم أنا سمعت أنو جاسم آل ستارك شخص ضالم وقاصي ومكيرحمش أوووه وقبيح وحتى أنو عندو كرش

🎈الوحش وذات القزحيتين 🎈

الجزء:215

إيميليا : أحم أنا سمعت أنو جاسم آل ستارك شخص ضالم وقاصي ومكيرحمش أوووه وقبيح وحتى أنو عندو كرش

إحدى السيدات طرطقات فيها عينيها : بلعععكس أنا شفتو جوج مرات فجوج حفلات فأمريكا هو شخص متواضع حتى أنو عندو بعض الأعمال مع زوجي وعاوننا فأزمة مالية أحم يعني شحال هاذي وهو وسييم وفاتن راه صورو معمرة النت والمجلات ليدي إيميليا راه مفتول العضلات

سدية أخرى : على ماسمعت أنو قوي بزااف ووسييم كنشوفو غير فالصور أزعر بعيون زرق وعندو كاريزمة مرعبة

إحدى السيدات : فزيارتي للمغرب أنا وزوجي من أجل بزنس تلاقينا اللورد ستارك قبل منرجعو واستقبلنا بفخامة وسييم بزاف وباين فيه القوة تحسست طاقتو الهائلة يعني كيما كيقولو كيانو هاز أكتر من خمسين قوة أنا ماكنتش متيقة حتى شفتو ومع ذلك متواضع

زوجة سكاي : وحتى ولو هو ماشي مناسب لرئاسة المحكمة هو مزال صغير وماعندووش الخبرة لمنصب عملاق بحال هذا لبراهش دهاد الوقت بغاو رئاست العشيرة لا والمحكمة هاهاها

إحدى السيدات : ولكنو قوي وحكيم وعلى ماسمعت كيسير أكتر من سبع شركات شركتو فالمغرب وفروعها فالعالم بلا المعارض دالسيارات ليعندو وأسهمو فأقوى الشركات شخص يقدر يسير كل هاذشي ويتحمل مسؤولية حراسة حدودو وعشيرتو فنفس الوقت الشيء كيدل على أنو جيد فالتسيير والتحكم بزمام الأمور والأمر ماشي صعب عليه

إحدى السيدات : آم متافقة معاك وماتنساوش عندو خوتو بزاف رجال وعلى ماسمعت عندهم قوى مختلفة من شخص الآخر عشيرتهم كلها كل واحد وقوتو ماشي بحال عشيرتي عندنا نفس القوة كنتمنى يتزوج وحدة من بناتي أو نزوج بناتي لخوتو

إحدى السيدات : أنا سمعت أنو متوحش ومكيرحمش (ونطقات بصوت منخفض ) وقالو بلي يلا شد الرئاسة غايبدل القوانيين كلها يعني غايبدل كل شيء من النخبة وأعضائها لأعضاء المحكمة للقوانين

إحدى السيدات : سمعت نفس الشيء

إيميليا غير كتشوفيهم وكتسمع عطاوها كل المعلومات ليمحتاجة وأكتتتتر تأكدات وعزمات على قرارها سايراتهم فحديثهم حتى مرت ساعتان عاد ناضو مشاو وهي كذلك خرجات مباشرة متاجهة لفيلتها تتلاقا إيفان….

🍀🍀🍀

المغرب قصر آلستارك

10 دالصباح شيماء فاقت وصوناعليها جاسم هضرات معاه اطمأن عليها ومن بعد ناضت وكلات القطة والشبل والطلب البومسكي حطاتلهم الحليب وسيفطات النمر لعند جاكلين تعطيه اللحم ….دوشات وجلسات حابوليها الفطور فطرات هي وباربرة وأليشا ليجاو عندها أما جاكلين وتارا وأيار مشاو لسونطر بيوتي مع هيلدا وسوزي ….شربات دواها …..من بعد ناضو لبنات مشاو وشيماء جلسات كتفرج دوز الوقت وحيواناتها ضايرين بيها ….
🍀🍀🍀🍀

باربرة مشات لجناحها وهزات كتشاطي مع إيفان عاوداتليه على الحفل دالليلة وقالها توريه الفستان لي اختارت تلبس صوراتو وراتوليه وهو كيتغزل فيها وفالفستان وهي عيات تقنعو يقولها اسمو أو يوريها صورتو ولكنو كيتهرب …. باربرة كتحس بأنها معجبة بهاذ المجهول وحتى أنها كتفكر جديا فالتخلي عن قواها نهائيا باش تقدر تلاقا معاه كبشرية عادية ضنا منها أنو بشري …

🍀🍀🍀🍀

وصل وقت الغذاء وشيماء جابوليها تغدات بوحدها ومن بعد دخلو عندها الخادمات جارين عرااام دالفساتين سواريات بمختلف الألوان لي مستورة طبعا حيت كلها من اختيار جاسم …حطوهم أمامها وهي قالتلهم يخرجو وجلسات كتفج فالفساتين ليحمقوها حتى قاطعها طرقات على الباب ….توجهات وحلاتو ولقات الجد ليهاز علبتين وجنبو هيلدا …

الجد : بنتي واخا ندخلو خاس نعطيوك شيء مهم

شيماء : آه مرحبة أجدي

دخلو الجد وهيلدا وجلسو على فوطوي فجلسة بالجناح وشيماء وسطهم

الجد شد يدها : كنت قلتليك منلي غانرجع من طنجة غانعطيك هذية ياك

شيماء : أ آه أجدي

الجد حل العلبتين وشيماء حلات فمها و وعينيها كتشوف أمامها حذااء راااقي لامع وكعبو عبارة عن يد من الذهب وجنبو علبة بها عقد وخاتم من اللؤلؤ الخالص والألماس ….شيماء مدات يديها وهزات الحذاء ليبانليها ماشي جديد ديجا ملبوس وحتى علبتو قديمة وحتى العقد ..)

الجد : هذاك الحذاء أبنتي من تصميم ابني أسد لبنتي ريبيكا هو لي رسمو هو لي شكل معذن الذهب على شكل هاذ اليد ووضعو بنفسو على كعب الحذاء وعطاهليها هذية منبعد مرور سنة على زواجهم

هيلدا : ختي الله يرحمها كان كيحمقها هاذ الحذاء لدرجة مكانتش كتحيدو عندها مئات الأحذية وكانت كتلبس غير هذاك
الجد هز العقد كيشوف فيه بعينيه لي دمعو ومد يديه ركبو لشيماء حول رقبتها ونطق بصوت مخنوق) وهاذ العقد أنا بنفسي اختاريتوليها وجبتوليها ملي ولداتلي أول حفيذ وأقوى حفيد ولدي جاسم… وعجبها مكانتش كتحيدو هو وهاذ الحذاء حتى جاسم ملي كان صغير كيتعلق فيها وكيلعب بهاذ اللؤلؤات لينازلين من العقد كان كيعجبو كانت ريبيكا كتقول أن هاذ العقذ هو والحذاء أغلى أغراضها كتحافض عليهم وعازاهم بزاف وديما فاش كتبغي تسافر كتخليهمليا نخبيهم ليها حتى ترجع ولكن آخر مرة عطاتهملي حتى ترجع (حنى راسو ) ومارجعاتش مشات هي وولدي ومارجعوش (الجد ماقدرش يكمل وناض وقف عطاهم بالضهر )

الجد : هادو ديالك دابا أشيماء حافظي عليهم وعطيهم لبنتك من بعدك (وانساحب خرج من الجناح )

شيماء بداو يطيحوليها الدموع شافت فهيلدا لي كتر منها غير كتبكي …هيلدا مسحات دموعها وشافت فشيماء )

هيلدا : أنا تكلفت بكل تربيتو منلي ماتت ختي أنا ماشي غير خالتو بل حتى فاش كان صغير رضعتو جاسم أشيماء كان متعلق بمو وباه بزاف ملي ماتو ربما كان صغير عندو يلاه خمس سنوات ولكنو كان فاهم مزيان شنو هو الموت عرفهم عمرهم يرجعو من تما تبدل كليا ولا قاصح مبقاش كيتقبلني نعنقو أو جداتو أو سوزي أو سميحة الله يرحمها نفر مننا كلنا وتوسوس بالوسواس القهري طفل خمس سنوات ربا راسو براسو رفض اهتمامي رفض حناني توسوس من كترت مكان مرتبط بربيكا من كترت مانفر من كل النساء من بعد ما ماتت … كان صغيور وكنت كنوض فليل كلقاه جالس فجناح مو وباه على سريرهم ولي هو نفسو جناحكم الحالي و كيبكي سد على راسو فهاذ الجناح ومكيخلي حتى واحد يدخل ليه حتى فاش كبر مكيخلي حتى واحد يدخل … طفل و ماقدر تاحد فينا يعاونو أو يخرجو من الحالة ليدخل ليها حتى خرج منها بنفسو من ديك الليلة عمرني شفتو كيبكي مرة أخرى كان جدو وعمامو كيدربوه بخشونة على التحكم بقوتو كيجيبوه للقصر مهرس وكولو مجروح واخا هادشي مكيبكييش أو يتشكى …. شخصيتو تبدلات كليا نفر من كل النساء كنبغي غير نعنقو نواسيه مكيخلينيش …كنا كنقولو عمرو يرتابط حتى جيتي نتي راك عوضتيلو حظن مو وغيرتيه كليا أشيماء ولا كيضحك وفرحان وليت كنحسبيه عايش أنا كنشكرك بزاف

شيماء مسحات دموعها وابتاسمات ) عمتي ماعندك لاش تشكريني هو راه عطاني ما أكتر عطاني عائلة ..ولكن هوما كيفاش يعني كيفاش ماتو

هيلدا : ريبيكا ختي ملي تزوج بها أسد هي ماشي بحالي ماقدراتش تبعد عن روسيا وعن بابا كانت متعلقة ببابا بزااف أسد كان رجل طيب وحنون وفنفس الوقت قوي ومكيخسرشليها خاطرها فينما كتبدا تبكي من اشتياقها لبابا لغد ليه كيديها لروسيا واخا يكون يلاه جابها
حتى لذاك اليوم كان أسد مضغوط بالعمل المتعلق بالمحكمة والنخبة حيت كان عضو فعال فيهم وكان غايترشح للرئاسة دالمحكمة كان كيوجد باش يترشح وهملها وهي حساسة بزاف وباش يراضيها قالها غايديها ويخليها تجلس أيام مع بابا فروسيا علامايكمل أشغالو فألمانيا كان غايوصلها لروسيا ويمشي هو لألمانيا … وكانو غايديو جاسم معاهم هئ كان غايمشي معاهم فنفس الطائرة .. ولكن فداك الصباح صبح مريض وحرارتو مرتفعة وأنا ماخليتهمش يديوه فخلاتوليا ريبيكا غير بزز تفرقات معاه ومشاو …من بعد كيعلمونا أن الطائلة طاحت ففرنسا فغابة ….وحسب التقرير وبعدما فحصو الصندوق الأسود للطائرة لقاو المحرك تفركع والطائرة كان خاص طيح فوق مدينة باريس مباشرة حتى المختصين والبشريين مافهموش كيفاش الطائرة بقات كطير بدووون محرط والعافية شاعلة فيها حتى تجاوزات كل باريس وطاحت فالغابة …با زيدان وعلي ومعاذ وكلنا فهمنا الأمر أسد كانت عندو قوة التحكم بالمعادن كان كالمغناطيس للمعادن وهو تحكم فالطائرة ومكان سقوطها وباش يتحكم فطائرة ضخمة ماساهلش عالأقل نقد حياة المئات وماطاحتش عليهم الطائرة فوسط باريس بل تحكم فمسارها حتى بعدها عن البشر وطاحت وانفاجرات فغابة هو راه نقذ المدينة ومات فيها هو وربيكا وكل الركاب البشريين والطاقم

شيماء عينيها شلال سرطاتت ريقها ونطقات كتشهق : واش تقدري توريني صورهم

هيلدا : كلها عند جاسم أبنتي فاش يجي وطلبيه غايوريك (وقفات ) غانمشي دابا حافظي على العقذ والحذاء لبنتك خليهم إرث من ريبيكا وأسد لشيماء وجاسم لبنتك وزوجها إن شاء الله نخليك توجدي راسك أبنتي…

هيلدا خرجات وشيماء هزات الحذاء كتشوفيه وهي كتبكي قيصاتو وجاها بنفس مقاسها ابتاسمات بحزن …وقررات تلبسو هو والعقد فالحفل ….
🎩#وحش_ذات_القزحيتين🎩

✏للكاتبة ✏ chaymae ouaj
❄الجزء 216❄

عند أليشا لي كانت فجناحها كتعزل ففساتينها تقيس وتختار آش تلبس حتى دخلات الخادمة علماتها أن الكوافورات ومختصات التجميل وصلو وتجمعو كلهم فجناح أيار وبداو كيجهزو لبنات وراهم كيتسناوها …أليشا تنهدات وبدات تختار فالفساتين حتى بانتليها علبة جنب سريرها توجهاتليها وحلاتها باستغراب لقات فيها فستان أحمر لامع راقي ومثير بقلب في الصدر وفتحة حتى الفخض ومعاه زوج حلق من الألماس… حمقها بل هبلها هزاتو كضحك واختاراتليه حذاء يجي معاه وخرجات كتجري فاتجاه جناح أيار دخلات لقات لبنات بتلاثة جاكلين وتارا وأيار شادينهم موظفات مختصات كيصايبوليهم … ودقائق حتى دخلات عليهم شيماء وحيوانتها من غير تايغر ليخلاوه فجناح جاكلين باش مايخلعش الموضفات …شيماء دخلات هازة بوشيط فيها الفستان لي اختارت من المجموعة ليجابليها جاسم ومع حذاء وعقد ريبيكا وجلسات جنب لبنات حتى دخلو المكلفات ليغايتكلفوبيها ولي سيفطهم ليها جاسم جلسات شادة فحظنها كيتي وهم بظاو كيقادوليها شي شاداها كتقادلها مناكير وبديكير ليدها ورجليها وأخرى مكلفة بالشعر وأخرى الميك أب …ولحضات حتى دخلات باربرة حتى هي هازة فستانها وجلسات وجاو تاهي كيقادوليها …

جاكلين فرحانة بزاف ونطقات )

جاكلين : لبنات نقوليكم واحد السر

أيار : آه قولي

جاكلين : دياب ملي وراني الجد صور الشباب ما اختاريتوش غير هكاك دياب من نهار كانت عندي 17 سنة ووليت مهووسة بفنون القتال حطيتو كنمودج وقدوة ليا فالمجال لدرجة عشقتو عندي ألاف الصور ليه فجناحي فإمريكا ..كنت كنتدرب بحدة وكل نهار كنقول شينهار نتلاقاه ونتبارز معاه دخلت للمخابرات باش ندير تانا اسم كبير فمجال الأمن باش نهار نتلاقا بيه يكون فخور بية

شيماء : وشفتي المكاتيب ها جدي جمعكم

جاكلين : آه وملي جيت فالأول لهنا وملي أبدالي رأيو فهاذ الزواج وأنو ماباغينيش حسيت بقلبي تهرس ولكن تقبلت الأمر عالأقل شفتو وغانبقا معاه كمدربة فالشركة ولكن داك نهار ملي قالي قابل بالزواج حسيت نفسي كنحلم

تارا : راه خوية فيه غير النفخة عالخوة أما تلقايه منلي شافك عجبتيه وبقا معفر

أيار : بحال داك لمكلخ دخوية عور عور (فيليكس)

أليشا سرطات ريقها وقررات تقلب الموضوع بانتليها باربرة لي غير خاشية راسها فالهاتف ) باربرة شفتك مؤخرا غير الهاتف ومكتخرجيش بزاف من جناحك

باربرة توترات ) أ لا أحم غير متبعة مسلسلات على هاتفي

(شيماء لي جالسة كدوز يدها على القطة وكتسمع لحوارهم حتى حسات بشيء غريب …حسات بطاقة غريبة صادرة من كرشها طاقة قوية خلاتها غوتات ووقفات بسرعة تاطارت القطة من يدها ومخرجة عينيها ولبنات ليكياصاوبوليها الشعر والاظافر كلهم رجعو لور مافهموش مالها ولبنات تجمعو عليها …

تارا : شافتها كيحاطة يظها على كرشها تخلعات) ويلي مالك

أيار : جري جري عيطي لجاسم دغية

باربرة غوتات عليهم ) لا بلاش (شافت فشيماء وجلساتها على السرير ) باش كتحسي

شيماء : ششيحاجة داخ داخلي فشكل كنحس بطاقة ولكن أنا محيدة درعي ماشي طاقتي ولكنها داخلي

باربرة : تهدني غير الجنين ماتخافيش عادي

أيار : كيفاش

جاكلين: كيفاش مستحيل تحس بطاقة جنين راه تاكايتزاد وكيفوة شهر عاد كتبان قواه وطاقتو

باربرة خنزرات فيها وكتشوف فالعاملات البشريات ليكيشوفو فيهم بغرابة ونطقات بصوة منخفض) لبناات هضروو بشوية (شافت فشيماء ) الحمل بهجيين مختالف عن الحمل بمتحول كامل راني كنت حامل وعارفة آش كنقوول شيماء واش هادشي ماشرحوليكش جاسم

شيماء : أ لالا ماقالي والو

باربرة : إذن تهدني ماتخلعيش غاتبقاي تحسي بطاقتو فكل ثانية وغاتولفي من بعد

شيماء نزلات عينيها لكرشها وابتاسمات ) ماخايفاش إحساس زوين بزاف

باربرة : ابتاسمات ) آه يلاه نكملو بقات غير ساعتاين للحفل

🍀🍀🍀فالشركة فغرفة الإجتماعات جالس جاسم وكل خوتو وعمامو معاذ و علي لي جاء يحضر خطبت بنتو تارا وكتب كتاب ولدو دياب ومعاهم جوكار وهارون لي جاء من الهند ويلاه وصل جاعندهم للشرركة نيشان …

جاسم هاز ملف عامر بالوثائق الرسمية للأصوات وكيتفحصو ….)

دياب :160 صوت لي عندنا راه كافي وموفي أجاسم وكلهم أصوات خديتيهم بالإرادة دأصحابهم وعن اقتناعهم بيك ومزال حتى ماوصل وقت التصويت ليمازال ليه أربع أسابيع راه من غدة تقدر تخرج آل رومانوف من القصر فألمانيا

فيليكس : 29 عشيرة دأعضاء النخبة ماصوتوش وغايصوتو على نيكولاي أكيد وباقي العشائر مزال ماصوتو يعندي عندنا 160 صوت ضدد29 المعركة حاسمة وخسااارة كبيرة من جهة نيكولاي

جاسم : عشائر الجزر النائية مزال ماتحركو

هارون : زرت عشرين عشيرة أجاسم راهم تلقاو تهديد مباشر من نيكولاي والأربعة لي معاه بدعوى أنهم مقصيين من التصويت مامنحقهمش يصوتو فماتعولش عليهم يتحركو

جاسم زيير على يديه ) غسان غانكتبليك بلاغ رسمي بخط يدي ودعوى رسمية كتعطيهم حق التصويت وغانختمها بختمي كرئيس عشيرة بغيتك ترسلها ليهم لكل الجزء والعشائر لي مستوطنينهم

غسان : واخا

العم علي مد لجاسم وثيقة ) هذا صوت من طرف الأمازونس صوتو عليك (عشيرة في غابة الأمازون^

عدنان : غريب ياك هم من أنصار نيكولاي وفينما كيتنفى شي متحول كيتنفى عندهم؟

جاسم : هانت قلتييها أعدنان فينما كاين شي مجرم خاسو لحبس كيسيفطو نيكولاي وينفيه للأمازونس وكيوليو متحمليين مسؤوليتو وهاذي كتسمى الحكرة شحال قدهم مايستقبلو من المنفيين ويبقاو حاضيينهم الامازونس ملو من سياسة نيكولاي لمخربقة

جوكار : أنا راه مستغرب من هدوء نيكولاي ولي معاه هم مكتفيين بترهيب وتخويف العشائر الضعيفة مايصوتوش عيلك فقط مادارو حتى حركة

جاسم : نطق بحدة ) عينيي علييه وييلا كيخطط وكيخلوض غاتوصلنيي خباروو

دياب : أحم المهم محتاجني أجاسم حيت خاس نمشي نشوف واش وجدولي لكوستيم

دراري تزلعو بالضحك)

غسان : سير أسي لعريس

عدنان : عنداك يكون لكوستيم مزير عليك أساط يتشرك عليك ونتا كتركب الخاتم

دياب خنزر فيهم : ويمكن تانتونا خطبتكم اليوم واقييلا

عدنان وقف : نسيييت لورد

غسان : وأنا خديت الورد ونسييت الشوكولا

جاسم : إذن سيرو نتلاقاو فالحفل

خرجو دياب وعدنان وغسان …وبقا جاسم وعميه وفيليكس وهارون و جوكار …)

هارون كيشوف فجاسم والعمين علي ومعاذ توتر وتزنك وبزز نطق )

هارون : ججاسم أحم بصراحة بغيت نفاتحكم نت والعمين فموضوع واخا يمكن ماشي وقتو

العم معاذ : تقدر تهضر أولدي

هارون شاف فجاسم ) باربرة بصراحة أنا بغيت نطلب يدها

العمين خرجو فيه عينيهم وجاسم خنزر )

جاسم : هارون كنظن أنك عارف بلي باربرة…

هارون قاطعو : عارف أجاسم عارف وماعنديش مشكل أحم كنتمنا توافقو

جاسم : هارون ماشي أنا ليغانوافق أو نرفض القرار فيدها

العم علي : ولدي هارون تواصل معاها ويلا وافقات مرحبا

جاسم : فحفل الليلة هضر معاها وهي تعطيك الجواب

هارون فرح : واخا شكرا

فيليكس شاف فهارون : أحم خالي اش درتي فآش قلتليك

هارون ضحك : واهضر مع باها نيشان أنا ماعندي مانقولك

جاسم مخنزر ففيليكس ) حتى تكون أليشا موافقة وديك الساع هضر مع شامان والسيدة شيتال

فيليكس تنهد : غاتوافق أجاسم

جاسم : ليلة نشوفو
عند لبنات لي كملو تقريبا لبسو بتلاثة أيار وأليشا وتارا كلهن بفساتين حمراء راقية (الصور ) أما جاكلين لبسات فستان عروس أبيض وحذاء مرصع بالألماس لي لقاتو حاطولها دياب وكاتب عليه عبارات خلاوها دمعات كلمات بخط يدو مكتوبة على أسفل الحذاء (الصورة ) ولبنات كلهن حمقهم وعجباتهم الخطوة ليدار دياب ….

شيماء لي تألقات ففستان تصميمو مورميد أي بشكل عروس بحر فالأخضر الملكي لامع جمعوليها شعرها بتسريحة فجنب مع مكياج سموكي والعقد دأم جاسم جات كتحمق والبنات مكيقلوش عليها جمالا …وسوزي وهيلدا كذلك تأنقو بفساتين أنيقا وهيلدا طول الوقت كتغير فلون فستانها مامقنعها تالون أما الجدة حمقاتها المشة كيتي غير شاداها وكضحك مع لبنات ….كملو لباسهن وتجهيزهن وكل وحدة توجهات لجناحها علامايجيو الشباب
🍀🍀🍀🍀
ألمانيا برلين ….
توقفات سيارة سوداء أمام فيلة صغيرة على شاطئ وخرجات إيميليا منها وهي كتشوف وراها ياكما تابعها شيحد توجهات لباب الفيلة كتجري وكتشوف موراها ويلاه غادور تالقات إيفان واقف أمامها كانت غاتساطح معاه خلعها تاغوتات وهزات يدها ليتحولاتليها لحديد كانت غاضربو تفلقو كونما هرب راسو شافيها مخرج عيينيه

إيفان : مطرطق فيها عينيه ) ميييي معيطالي لهنا باش تصفيييها ليا
[ ] إيميليا شادة قلبها ) سكتييلي لقلب كيحسابني شيواحد من ليكارد دجدك ماتلفتهم تاسخفت ساعة وأنا كنسوق وهم تابعيني
إيفان باستغراب : علاش جدي غايسيفط لي يراقبك
إيميليا: حيت مكيتيقش فية يلاه ندخلو وغانعاودليك كل شيء

إيفان كيشووف فيدها لي مزالة حديدية اليد كلها من الحديد كأنها ملوي عليها الألومينيوم )

إيفان : شحال مابقيت شفتك مفعلة قوتك أمي

إيميليا بطلات قوتها ورجعات يدها عادي وخنزرات فيه ) من زينها قوة يلاه ندخلو أ إيفان عندي ببزااف مانعاودليك

تخطاتو وجبدات المفتاح حلات باب الفيلة ودخلات وهو تابعها …))تخطاتو وجبدات المفتاح حلات باب الفيلة ودخلات وهو تابعها …))

❄الليدي إيميليا آل رومانوف هي متحولة ألمانية من سلالة وعشيرة إل رومانوف وعندها قوة تحويل جسدها لحديد ….فاش تزادت وكانت صغيرة كانت كتقدر تتحول كلها لفتاة من حديد كل جسدها كيتغلف بطبقة قاصية من الحديد وكلما كتكبر والمساحة من جسدها ليتقدر تحولها لحديد كتقلص حتى ..تزوجات فسن صغيرة ومع كان راجلها كيضربها بزاف كانت كتفعل قوتها بزاف وديما باش تحمي نفسها منو مكيلقا مايضرب غير الحديد واستعمالها لقوتها بشكل دائم ويوميا خلاها كتستنزف كل طاقتها حتى كتهد وكيشوفها استنزفات طاقتها يعني ماغاتفعلش حمايتها وجسدها الحديدي وكيجي يسلخها ….إيميليا فقدات كل طاقتها وقوتها تقريبا فوقت لي كانت فيه تقدر تحول كل جسدها لحديد والآن مع تقدم السن ومع استنزافها لطاقتها ولات تقدر تحول غير يدها فقط ولمدة محدودة ….إيميليا قوة الجسد الحديدي ❄

دخلات إيميليا وإيفان للفيلا وجلسو فصالة فالأول جلسات إيميليا مقابلة مع إيفان وهو كيشوفيها باستغراب ..)

إيفان : مي هضري سيمانة وأنا كنتسناك تعاوديلي آش غاتعاودي آش واقع علاش قلتيلي مانتيقش فجدي مالك معاه أمي

إيميليا وقفات من بلاستها وتوجهات جلسات حداه وشدات يديه ونطقات بجدية )

إيميليا : إيفاان غاتسمعني تاللخر ماتقاطعنيش بمرة واعدني

إيفان تقاد فالجلسة وخنزر ) مي هضري

إيميليا : لا حتى تواعدني غاتسمعني حتى للخر وحكم ديك الساعة وتيقني غانعاودليك كل الحقيقة

إيفان سرط ريقو : واخا كنواعدك

إيميليا : كنت شابة وكانو عندي أحلام ومخططات كنت بغيت ندير براند ميك أب باسمي ونطورها للعالمية كنت بغيت نسافر ونجول كل العالم وبزاااف دالأموور أ إيفان بزاف دالأحلام لي هرسهملي جدك فرمشة عين عطاني لباك صاحبو لي قدو فلعمر باك ^ألخندر^ زوجني ليه بزز وألخندر داني بزز مني لروما لاحني فقصر وكيسد عليا كيجيني غير بليل (سرطات ريقها وعينيها دمعو ) عشت معاه عام دالعداب عام دالضرب عام دالاغتصاب حتى من قوتي تخلات عليا كنت فداك العام كنحول كل جسدي لحديد كنحمي نفسي من ضربو واغتصابو من كترت ماكنت كنفعلها ديما فالصباح وفاللليل قوتي ضعفات تامابقيتش كنقدر نحول كل جسدي فقط يدي …دار فية ليبغا حتى حملت بيك عاد فرح وبعد مني دوزت حملي فسلام ولكنو كان كيجي كيهددني يلا ولدت بنت غايقتلني هو باغي وريث لي يهزلو اسمو و عشيرتو
خوتو ومو كانو كيتفرجو فية وتاحد ماهضر دوزت تسع شهور وأنا خايفة وكندعي نولد ولد …ملي تولدتي و ملي بانت قوتك با نيكولاي هو الاخر طمع فيك تهز اسمو وعشيرتو حيت نتا أقوى من عمامي خوت جدك وناض كناك عليه بآل رومانوف بدل كنية باك الاصلية آل رومانيا يعني وليتي محسوب حفيد رومانوف وواحد من عشيرة آل رومانوف بدل عشيرة باك آل رومانيا هادشي علاش نت مسجل بكنيتي بدل كنيت باك الشيء لي عصب ألخندر وتفقص ولكن ماقدرش يهضر وشكوون يقدر يهضر أمام نيكولاي الطاغية … باك برد كل سمو فية أنا بالضرب الشتم الاغتصاب بكل أنواعو كان كيربطني فالقبو لأيااام ونت غير رضيع ماخلاني تانرضعك هئ ماكفاااهش هادشي حتى أنو كان كينوض يضربك وأنا كنخبيك منو …..طلبت مساعة با شحال من مرة وماتسوقلييش قالي غايتسناك تكبر شوية وغايديك عندو لألمانيا ويخليني أنا مع ألخندر .. هئ غاياخدك ليا عشت فالرعب من جهة با ومن جهة ألخندر حتى حمقوني وكنت كنحاول ننتاحر ماتهنيت تانهار فحياتي بمرة تالمووت مابغاتنيش …مات باك وكنت غانهزك ونهرب لكن با ماخلاليش الفرصة دانا معاه وردنا لألمانيا وبدأ كيدرب فيك بقوة بدأ كيغسلك دماغك ويردك وحش بحالو … هئ وأنا ماالقيت جهد تيقني حاولت نهرب ونهرب بيك ولكن مالقيت حهد تعقدت وهبلت كنت غانحماق حتى للنهار لي ….

🎩#وحش_ذات_القزحيتين🎩

✏للكاتبة ✏ chaymae ouaj

💞الجزء 217💞

إيميليا : كنت شابة وكانو عندي أحلام ومخططات كنت بغيت ندير براند ميك أب باسمي ونطورها للعالمية كنت بغيت نسافر ونجول كل العالم وبزاااف دالأموور أ إيفان بزاف دالأحلام لي هرسهملي جدك فرمشة عين عطاني لباك صاحبو لي قدو فلعمر باك ^ألخندر^ زوجني ليه بزز وألخندر داني بزز مني لروما لاحني فقصر وكيسد عليا كيجيني غير بليل (سرطات ريقها وعينيها دمعو ) عشت معاه عام دالعداب عام دالضرب عام دالاغتصاب حتى من قوتي تخلات عليا كنت فداك العام كنحول كل جسدي لحديد كنحمي نفسي من ضربو واغتصابو من كترت ماكنت كنفعلها ديما فالصباح وفاللليل قوتي ضعفات تامابقيتش كنقدر نحول كل جسدي فقط يدي …دار فية ليبغا حتى حملت بيك عاد فرح وبعد مني دوزت حملي فسلام ولكنو كان كيجي كيهددني يلا ولدت بنت غايقتلني هو باغي وريث لي يهزلو اسمو و عشيرتو
خوتو ومو كانو كيتفرجو فية وتاحد ماهضر دوزت تسع شهور وأنا خايفة وكندعي نولد ولد …ملي تولدتي و ملي بانت قوتك با نيكولاي هو الاخر طمع فيك تهز اسمو وعشيرتو حيت نتا أقوى من عمامي خوت جدك وناض كناك عليه بآل رومانوف بدل كنية باك الاصلية آل رومانيا يعني وليتي محسوب حفيد رومانوف وواحد من عشيرة آل رومانوف بدل عشيرة باك آل رومانيا هادشي علاش نت مسجل بكنيتي بدل كنيت باك الشيء لي عصب ألخندر وتفقص ولكن ماقدرش يهضر وشكوون يقدر يهضر أمام نيكولاي الطاغية … باك برد كل سمو فية أنا بالضرب الشتم الاغتصاب بكل أنواعو كان كيربطني فالقبو لأيااام ونت غير رضيع ماخلاني تانرضعك هئ ماكفاااهش هادشي حتى أنو كان كينوض يضربك وأنا كنخبيك منو …..طلبت مساعة با شحال من مرة وماتسوقلييش قالي غايتسناك تكبر شوية وغايديك عندو لألمانيا ويخليني أنا مع ألخندر .. هئ غاياخدك ليا عشت فالرعب من جهة با ومن جهة ألخندر حتى حمقوني وكنت كنحاول ننتاحر ماتهنيت تانهار فحياتي بمرة تالمووت مابغاتنيش …مات باك وكنت غانهزك ونهرب لكن با ماخلاليش الفرصة دانا معاه وردنا لألمانيا وبدأ كيدرب فيك بقوة بدأ كيغسلك دماغك ويردك وحش بحالو … هئ وأنا ماالقيت جهد تيقني حاولت نهرب ونهرب بيك ولكن مالقيت جهد تعقدت وهبلت كنت غانحماق حتى للنهار لي …غانكتاشف فيه شيء خطير بخصوص جدك سر لي مخبي هادي مئات السنين (إيميليا سكتات كترعد ولونها صفار وإيفان ناض بسرعة جابليها كاس ماء وعطاهليها وجلس حداها كيشوفيها بخوف )

إيفان : مي خاسك ترتاحي و علاش مابقيتيش كتاخدي دواك

إيميليا خنزرات فيه ) : حيت أنا ماشي حمقة أ إيفان باش نشرب دواء دالحمااق راه جدك لي بغا يردني حمقة بزز

إيفان شافها انفاعلات وحاول يكالميها ) واخا أمي تهدني وتيقيني أنا عمرني قلت عليك حمقة أو ضنيتك حمقة

إيميليا شدات يديه وعينيها دمعو ) والله ماعمرني كنت حمقة هئ راه جدك لي حبسني عام وربع شهور فسبيطار الحماق فالمغرب أنا عمرني كنت حمقة هئ

إيفان تصدم ) ششنو كيكيفاش والمغرب

إيميليا مسحات دموعها ) خليني نكمليك بعدة واش مابغيتيش تعرف السر ليقلتليك اكتاشفت حول جدك وسلالتنا كلها

إيفان : بغيت نعرف

إيميليا : من بعد موت باك رجعنا جدك لألمانيا أنا حبسني فالقصر فجناحي مانخرجش باش يلقا الحرية يدير فيك مابغا وخداك ليا ونت عندك 8 سنين وبدأ كيحولك لشيطان بحالو أنا كنت معقدة وداكشي ليدوز عليا باك ألخندر مساهلش مرضني فصحتي فنفسيتي وكمل عليا بابا ملي حبسني ماقدرت ندير والو نمنعو يردك وحش هئ والله وماقدرتش حتى نتقرب منتك كنتي كتفكرني فباك حيت كتشبه ليه كنت كنخاف منك تيقني مكنتش فوعيي كان خاسني طبيب نفسي علاج نفسي باش نتجاوز مخاوفي ونتخطى كاع لي داز عليااا كنت مكنعسش من الخوف بسباب الكوابيس مرضت وباش نيكولاي يعاوني كمل عليا وحبسني فجناحي هئ حتى لنهار لي عييت فيه وفرعت قفل جناحي بيدي الحديدية وخرجت سولت عليه فينو ..كنت بغيت نقوليه بلي مغانبقاش هنا فألمانيا غانديك ونمشيو لمكان آخر …سولت عليه قالولي الخدم بلي هو فالطابق السفلي عرفتو غايكون مجمع معا الأربعة البلدااء لي معاه فمقر المحكمة وهبطت كنجري ولكن وقفني الكلام لي سمعتو وقفت جامدة بلاصتي ملي سمعت حديثهم ..إيفان أنا غانسولك وجاوبني بصراحة

إيفان باستغراب : مي اش سمعتي

إيميليا : غانسولك أ إيفان وجاوبني واش نت راااضي على أعمالك على أنك رئيس نخبة وشحال من واحد مات على يديك
إيفان باستغراب : مي اش سمعتي

إيميليا : غانسولك أ إيفان وجاوبني واش نت راااضي على أعمالك على أنك رئيس نخبة وشحال من واحد مات على يديك

إيفان خنز ) ميي هادييك خدمتي كنطبق القاانون كونما النخبة كون النص فالمتحولين سابو طغااو وكون راهم استعبدو البشر دمرو الدنيا ودارو مابغااو فالعالم أمي راه كنطبق غير القانون لي مخلي العالم متوازن وفيه تعايش بين البشر والمتحولين بشكل طبيعي وعااادي

إيميليا : واخا متافقة معاك حيت كاينين شي متحولين سايبين وطاغيين خاسهم لي يوقفهم عند حدهم ولكن أ إيفان آش داااروليك دوك الأطفاال والرضع أ آش دارو علاش يتقتلو أش ذنبهم أ إيفان ضميرك مرتااح ونت كتشد بيبي صغيور بين يديك وتدييه لجدك يخنقو ولا يلويليه عنقو جاوبني ضميرك مرتااح أ إيفان ونت كتقتل جنين فكرش مو

إيفان : مي هادا القانون

إيميليا غوتات وشداتو من شوميز وكتغوت عليه) آشمن قااانووون على أيي أساااس بني هاذ القااانون أ إييفان واااش عااارف سباب هاذ القانون ولا أصلووو علاش أ إيفان كيتقتلو الرضع الهجنااء اش دااارو باش يتقتلوو

إيفان : مي تهدني هذا قانون قديم والهجناء كيتقتلو حيت وحوش وخطر على جنس المتحولين

إيميليا : وحووش وخطر ياك شحال من هجين شفتي حتى للآن أ إيفان عشرة عشرين خمسين مئة ولا مئتي هجين بانلييك ولو وااحد منهم عندو قروون شيطان أو تحسستي منو
طاقة هائلة وجبارة وشيطانية ولا عمرك شفتي شي هجيين رضيع قتل متحول أو آذى شي متحول

إيفان حنى راسو )

إيميليا : فإذن آش لي فيهم كيدل على أنهم وحوش أو خطر أ إيفان جدك غسليك دماغك وتكحم فيك كاللعبة فيديه كيما داير لأغلب العشاائر في العالم إلا القلييل وقبل جدك كان باه داير نفس الشيء وقبلو باه وقبلو باه والسلالة غادا هكاك إيفان سمع راه كل شيء كدوووب الهجناء ماشي وحوش ماشي خطر واش عرفتي علاش كيقتلووهم جدك والاربعة ليمعاه بسبب دمهم أ إيفان دم الهجنااء

إيفان : ككيفاش واش دمهم سام

إيميليا : دمهم نقيي أ إيفان دمهم هو الخلاص ..سمعتهم بودنييي با والاربعة لي معاه كيهضرو دم الهجناء أ إيفان إيلا دخل فجسد متحول المتحول وفلبلاصة كيفقد كل قوااه كيما بغات تكون هاذ القوة كيتحول لشخص عادي بشري عااادي ماكاتبقاش عندو طاقة المتحول أو قوة المتحول
دم الهجين لي هو نصف بشري ونصف متحول كيخلي المتحول يرجع بشري
والهجناء أ إيفان أقوياء وبزاف عرفتي علاش جدك والاربعة لي معاه كيخافو منهم ومن انتشاارهم حيت المتحول بسهولة يفقد قوتو بسبب دم الهجين أما الهجين قواه دائمة ومستحيل يفقدها واخا يتحقن بدم هجين آخر كتبقااليه قواااه الهجناء قواهم خالدة وتاحاجة ما تقدر تخفيها أو ضعفها وفهاذ النقطة الهجناء أقوى من المتحولين وبزاف ونزيدك الهجين كلما كبر كلما قواه كتضاعف وكتطور من خاصية لعدة خصائص كيتطورو متميزين بقوى لي واخا تكون ضعيفة فطفولتهم وصغرهم مع الوقت كتطور وتكبر معاهم ومتميزين بدم نقي وخالص وقواهم أغلبها كتكون حميدة ونافعة ماعنهمش السم أو النار أو القوى الشيطانية أغلبهم بل كلهم قواهم نافعة ونقية بحال دمهم يعني أ إيفان …الهجناء عمرهم كانو وحوش أو آلات للدمار حيت أصلا قواهم ماشي مدمرة بالعكس هم الخلاص ل مئات المتحولين لي كيعانيو من قواهم الشيطانية وباك ولي معاه مخبيين الحل الحل الوحيد للتخلص من هاذ القوى وعيش حياة عاديية

إيفان الصدمة خلاتو جامد وإيميليا حطات يديها على حنكو وكتشوف فعينيه بحزن)
إيفان الصدمة خلاتو جامد وإيميليا حطات يديها على حنكو وكتشوف فعينيه بحزن)

إيميليا : داك نهار ملي سمعت هادشي تصدمت كتر منك نت دابا با ولي معاه تلاعبو بكل المتحولين بدون حق وبسبابهم بزااف دالاطفال الابرياء ماتو ..داك نهار الصدمة خلاتني طحت سخفت حدى الباب ليكنت واقفة كنتصنت عليهم منو وملي فقت لقيت راسي فجناحي وبا واقف عليا عرفني سمعت كل شيء هههه وهددني نسكت وأنا مابغييتش كنت غانفضحو وهو عرفتي اش دار …هددني أنو غايقتلك يلا هضرت الشيء لي خلاني مرة أخرى عاجزة سكت ولكن ماقدرتش نتحمل اش سمعت زاد على وضعيتي ونفسيتي وحاولة ننتاحر تمى قطعت شرايني مرة خرى ولكن كيديما الموت مكتقبلنيش ..فقت لقيت راسي فسبيطار والطبيب النفسي قال لنيكولاي بلي أنا محتاجة لجو مريح ونفسيتي ترتاح واقتارح عليه أني نسافر هه وبا لقاها فرصة مناسبة ليه يبعدني باش يتهنى نني ويدير فيك ما بغا وتما سيفطني للمغرب سياحة …أنا كنت مدمرة كليا ماعارضتش قلت أخيرا غانرتاح منو ومن كمارتو والشر ليضاير بيه ومن هاذ الدوامة كلها فرحت حيت خلاني نسافر جمعت حوايجي وحوايجك حتى كنتفاجأ بأنو منعني نديك هئ تيقني ماخليتكش لخاطري والله حيدك ليا بزز تما تراجعت عن السفر قلتليه مستحيل نخليك ليه وضربني وسيفطني بزز مع ليكارد ديالو بوحدي ..جلست الأسبوع الاول ففيلة فالعاصمة دالمغرب ودائما تحت عيونو ليكارد كانو كيوصلوليه كل شيء …دوزت شهر تما ارتاحيت شيئا ما وقررت نحاول نسا ونبدأ ندير شيحاجة شي مشروع لي يعطيني القوة باش نقدر نواجه نيكولاي وناخدك منو وفعلا كريت أتوليي ودخلت ليها مصممين وبديت كنخدم كنصمم الشهر التاني تشهرات لاتوليي ديالي بزاف وبداو كيجيوني عروض عمل مع شركات كبرى لتصميم الازياء ونيكولاي ملي شافني مكنتصرفش ضد إرادتو شافني خداما وبديت كنتشهر كمصممة بعد مني وسحب كل المراقبة لي كان حاط عليا ارتاحيت وعشت بحرية كنت كنقول غانكبر عملي ونقوي شخصيتي ونرجع لألمانيا نجيبك معايا للمغرب والله ماكنت ناوية نخليك والله هئ كنت مقطعة لأطراف كل ليلة كنبات نبكي وأنا عارفة مزياان نيكولاي غايحولك لنسخة منو يقتليك قلبك باش ملي يعاودليك سر الهجناء تتقبلو عادي وتكمل على مابداه هو وملي يعطيك رئاسة المحكمة تكمل على نفس طريقو وأنا مكنتش غانخليك تولي بحالو ولو على جثتي … (حنات راسها وكملات كتهضر وهي كتبكي وكتشوف فالأرض ماقداتش تشوف فيه )… الشهر التاني تلقيت عرض عمل مغري كمصممة رئيسية فشركة كبيرة فمدينة اسمها الدار البيضاء وقبلت خليت لا توليي ديالي وتوضفة فالشركة فالأول كان العمل مزيان … كل شيء مزيان تعرفت على كل طاقم العمل و حتى ( تنهدات وهي كتشهق سرطات ريقها وكملات) مدير الشركة (بداو دموعها كيطيحو شلال ) كان سميتو ماجد كان شاب فأواخر العشرين كان طيب وخلوق شفت منو غير الخير خدمنا مع بعض شهراين تعرفنا مزيان ولينا أصدقاء و من بعد ..(سكتات )

إيفان مد يديه كيمسحليها الدموع حاول يهزليها راسها تشوف فيه لكنها مابغاتش ونطق ) كملي أمي اش وقع بينك وبينو

إيميليا هزات راسها و شافت فعيون إيفان مباشرة ) بغيتو أ إيفان إحساس الحب لي قلت عمرني نعرفو و قلبي المكسر لقطع لي قلت عمرو يبرى نفسيتي المأزمة كل شيء اختفى ملي عرفتو هذاك الشخص بدلني رجعني للحياة بغيتو من أعماقي وحتى هو وأكتر مني كان كيحتارمني كان كينصحني كان كيتحاور معايا وكيعاوني أشياء لي عمر شي راجل دارهم معايا لا با لا راجلي كان كيحتارمني كيعاملني كملكة ماشي كعاهرة كيما كان كيعاملني باك وماشي كعبء وكغرض كيما كايعاملني با … ماجد كان رجعل دبصح كل صفات الرجولة تجمعات فيه … طلب مني الزواج هههه وأناا أش غانقوليه نقوليه لا راني متحولة وراه عندنا قانون كينص على أنو مايمكنش نتزوج بيك حيت نت بشري وبا هو ليحط هاذ القانون … رفضت طلبو وحطيت استقالتي ورجعت فحالي للرباط وكنت قطعت تذكرة باش نرجع فآخر الاسبوع لألمانيا ولكن ..مكاملاش يوماين حتى لقيتو أمامي راكع وشاد خاتم و كيترجاني فهاذيك اللحظة ماقدرتش نرفض أ إيفان كنت كنبغيه كتر حتى من راسي وفنفس الوقت ماقدرش نكدب عليه

إيفان : عاودتي ليه
إيفان : عاودتي ليه

إيميليا حركات راسها بآه وهي كتشهق ) وياريتني ماعاودت ليه ياريتني ماعرفتو من الأساس هئ عاودتليه كل شيء علينا على المتحولين على العشائر والقانون عليك أنك ولدي لي خليت مورايا وعلى نيكولاي وعلى ألخندر باك عاودتليه كل شيء داز عليا وريتو قوتي ….قلت غايتخلع غايهرب ولكن ردت فعلو صدماتني تقبل الأمر وقالي مكيهموش لي كيهمو هو يكون معاية أنا كنقوليه راه غايقتلوه وهو كيقولي كنبغيك هئ وافقت وقبلت قلت نغامر هئ قلت غانقدر نقنع با يبعد منا ولو ينفيني أنا وياه ونت لبعيد قلت يلا رفض با غانهددو نفضح سر الهجناء وملي نهددو هو غايخليلي ماجد وغانمشي أنا ونتا وهو ونعيشو بعيد قنعت ووهمت راسي بهادشي وقبلت بالزواج ….تزوجنا أنا وهو وطلبت منو يخلي زواجنا سري عشت معاه أسعد شهر فحياتي كلها ……عمرني شفت معاه نهار واحد خايب حتى للنهار لي كان عرض عليا لواحد الريسطو فخم وماجد كان شخص مشهور كرجل أعمال واحد الصحافي شافو وخدالينا صورة وحنى كنتعشاو فجو رومنسي ولغد ليه الصورة عمرات كل المجلات نحت عنوان رجل الأعمال المشهور ماجد سقراط وحبيبته الأجنبية ” فديك اللحضة عرفت بلي كلشي سالا نيكولاي خذا أول طائرة وجا حتى للفيلة دماجد فين كنا عايشين وماجد وقف فوجهو وتحداه قالو إيلا غير على سر المتحولين هو غايكتمو ولكن با ماتيقوش وفنفس الوقت مايقدرش يفضح الأمر أمام كل المتحولين أو يدير محاكة ويحاكم بنتو على مخالفة القانون فقال لماجد يطلقني مقابل أنو يخليه عايش وبغا يديني معاه بعنف ولكن أمجد ماخلاهش حتى يقرب مني وجرا عليه وغوت فوجهو وهددو يلا قرب مني غايندمو ..هئ نيكووولاي آل رومانوف وقف ليه بشري فوجهو لا وجرى علييه ملفووق وهددو … نيكولاي ماتسرطااااتش ليه …أنا بسباب داك الخوف والصدمة وأنا كنشوف ماجد جرى على نيكولاي وسد عليه البتطاب فوجهو طحت سخفت ملي فقت لقيت معايا ماجد وممرضة ….ماجد كان فرحان بزاف هئ قالي على الخبر لي زاد غرقني هئ قال قالي أني أنا هئ

إيفان : مي هضري

إيميليا سرطات ريقها ومسحات دموعها وشافت فإيفان ) حاملة

إيفان طرطق فيها عينيه )

إيميليا شدات فيديه ) كانت عندي أرب أسابيع فالحمل ماجد كان فرحان وبزاف هئ مكاانش واعي بمرة بحجم المصيبة لي طايح فيها بسبابي أنا كنت متأكد نيكولاي ماغايدوزهاااش ..ماجد حلفني نحافض على الجنين هئ طلب مني نحميه ونواعدو بهادشي كأنو كان حاس بآش غايوقع هئ وفعلا لغد ليه كلقاو نيكولاي والأربعة ليمعاه أمامنا ..كنعقل على نظرت ماجد ليا داك نهار هئ قتلوه قدامي دبحوه تحاماو عليه الاربعة وليوجين نومو مغناطيسيا باش مايقاومهمش هئ دبحوه وهو كيشوف فيا عييت نغوت قتلوه وقتلولي روحي ونيكولاي كيتفرج هئ بست ليه رجلييه غير يخليوه ونمشي معاهم ولكن قتلوه ليا دبحوه أ إيفان أنا تسببتلو فهادشي كون رفضتو مكنت ندخلو لهاذ العالم كان يعيش عادي كان غايعيش حياتو حتى تسلطت عليه هئ ولكن بسبابي مات مات وهو كيشوف فية مبتاسم هئ ابتسامتو وهو مدبوح كلما كنتفكرها كنبغي نحماق هئ ودمو على الأرض منضرو عمرو حيدلي من قدام عيني …..و نيكولاي شدني من شعري وداني لفيلة صغيرة فالخرجة دالمدينة لاحني فيها ودور عليها ليكارد خلاني تما ورجع الألمانيا مادانيش حيت كان خاص موضوع الصورة يتنسى حيت كل العشائر ناضو ضدو ملي عرفو بأمر صورتي مع ماجد هئ نيكولاي أكدلهم أني ماعندي علاقة بماجد لاحني فديك الفيلة وخلاني الشهر الأول التاني التالت هئ كنت عايشة على قبل الجنين على قبل وعدي لماجد بقيت حية حتى على قبلك أما والله مانزيد نهار واحد من بعد ماجد ..بكيت تانشفو دموعي بقيت تسع شهور وأنا مخبية كرشي على الخادمة لي كانت معايا فالفيلة وعلى ليكارد ليكيوصلو خباري لنيكولاي يوميا
حتى لليلة لي بدأ كيجيني لوجع عرفت بلي قربت نولد هئ ويلا ولدت فالف

Leave a comment