Skip links

قصة : الوحش ذات القزحتين ج 22

 43,633 عدد مشاهداات

الوحش وذات القزحيتين ❤️
الجزء 181💋

شيماء : أحم واش ندخل

جاسم حاني راسو وكيسرط ريقو : تفظلي

شيماء : دخلات وسدات لباب وهو مزالو مكيشوفش فيها توجهات لأمام مكتبو ووقفات كتشوف فيه هو لي تجنب يشوفيها ومزال حاني راسو )

شيماء : كترسم

جاسم : آه

شيماء : كترسم سيارة

جاسم : محرك سيارة

شيماء : أحم أنا بغيت ترسمني

جاسم : غير نكمل

شيماء : لا دابا وراه لبست هكا باش ترسمني

جاسم هز راسو يشوف آش لبسات غير شافها حل فمو وعينيه مكيرمشش جمد والقلم طاح من يديه )
شيماء شافتو تبلوكا عرفات خطتها نجحات وهي تحط يديها بزوج على لبيرو وتحنات حتى كل صدرها بان مغطيين غير ريوس وهي دوز يديها أمام وجهو تفيقو..)

شيماء : جاسم هيييهووو واش ترسمني ولا نمشي تالمن بعد

جاسم: أحم (رجع كيتأملها كلها هبلاتو بل جعراتو بل جنناتو وأكتر حس براسو فعلا ماقادرش يصبر ولا كينهج وغير كيسرط ريقو والعرق كيهبط من جبهتو وعينيه كيشوفو غير فصدرها وقف وتمشى حتى وقف جنبها وجلس على المكتب كيشوووف فيها بزز مصبر نفسو ميطيرش عليها )

جاسم : لبستي هكا باش نرسمك

شيماء كتهضر بكل ثقة ) آه (حطات يديها على جنابها وكضور حول نفسها أمامو ) كييجيتك (وقفات وشافت فيه بحدة مع مكياج أسود على عينيها بانت فاتنة وقوية ومبتسمة بفمها لي كيبري) أحسن من الممثلات لي فايت عرفتي أو بحالهن

جاسم : كان ساهي فيها وهي كضور أمامو بقوامها المثير ولكن استغرب من سؤالها وشاف فيها هاز حاجبو )

جاسم : شكون هاذ الممثلة لي غاتكون أحسن من شيمائي

شيماء : مخنزرة ))شوف نتا أبو عيالات امكن شحال هاذي ماخليتي لا ممثلة لا مغنية ياك هادشي وفيك الوسواس القهري كون مكانش فيك كون دزتي على كل بنات الكرة الأرضية ياك

(جاسم طرطق فيها عينيه عرفها غتكون سمعات شيحاجة من مغامراتو في الماضي وحس بغيرتها وهو كيشوف فيها مستمتع بشكلها وبتخنزيرتها وبغيرتها الظاهرة مد يديه شدها من خصرها وجرها حتى تساطحات معاه ووجها أمام وجهو وهو كيشوف تارة فعيونها المكحلة وتارة ففمها اللامع )

جاسم : أنا الآن عندي غير نتي دائما وأبدا ومكتفي بك وكلك ديالي وبوحدي وهنيئا للكرة الأرضية بباقي نسائها..

(شيماء مخرجة فيه عينيها صدمها ملي جرها لصقها معاه هي عولات غير تغريه وتسمعو جوج كلمات وتخرج وتخليه وعاد كتحس بيديه كيتحركو على ضهرها وفخضها وكتحس بجسدو سخوون وأنفاسو ساخنة متسارعة سرطات ريقها حسات نفسها فخطر وهي تحط يديها على يديه لي فظهرها تحيدها )

شيماء : أحم ييلا ماغاترسمنيش نمشي نخليك تكمل خدمتك ببلاش مابغيتش نترسم كاع

جاسم عيونو دايبين وكينهج وهو كيتلمسها ففخظها نقل يدو حطها على صدرها كيبغج فيه ونطق بصوت هادىء ) تت ماحزرتيش

شيماء : ششنو (مزال مكملتها حتى هزها بين يديه واختفى بها بسرعة وظهر بيها فجناحهم جنب السرير وحطها على رجليها ومزال شادها من خصرها )

شيماء : ططلق نمشي نبدل عليا

(جاسم طلقها من خصرها ولكنو مزال شاد يديها ورجع خطوة للوراء كيشووف فيها ودورها حول نفسها وهو كيتأملها بشهوة وحب من رجليها لراسها )

جاسم : كتحمقي بل كتهبلي وأنا معاك كنحط كل أسلحتي وكنفقد كل سيطرتي امتلكتني وامتلكتي كل مملكتي وعلى عرشها تربعتي

(شيماء كتشوفو كيقرب ليها حتى رجع لصقها معاه وكتشوف فعينيه حتى بدأت كتحس بالفستان كيهبط جات تحني راسها تشوف ولكن مخلاهاش وانقض عليها بقبلة قوية ويديه كيحيدوليها الفستان حتى نزلو كولو طاح على الأرض وهزها بين يديه تكاها على السرير ……

ساعة من المداعبة تلتها ساعة من الممارسة حاول عليها بقدر إمكانو واخا كيفقد السيطرة على نفسو بقوتو ووزنز ليكيفوقو قوتها ووزنها أضعاف المرات حتى كتغوت أو تعضو عاد كيرخف عليها
أما هي حاربات خوفها وتوترها ورخاتليه نفسها قدر الإمكان حتى أكتر من المرة الاولى خلاتو هو المتحكم يدير لي بغا واخا تألمات ملي كيفقد سيطرتو ويفورصي عليها ولكن دغيا كيتذارك الأمر وكيرخفتتمة الجزء 182

عاملها بكل رقي وحب حتى فوسط ممارستهم كيعبرلها عن مدى حبو وعشقو ليها
ساعتان بين المداعبة والممارسة وأكتر وماطلقها تا قربات تسخفليه عاد حبس وهو ماساخيش وهزها للدوش تخشاو بزوج فالبانيو خلاها فحظنو مدة وهم فالبانيو تا استراحت وترخات وشدها تاني كملو ماتش آخر فالدوش وخرجو تعشاو بزوج وهو فرحان بل وبزاف حيت كان عندو تخوف أنها تصدو أو ماتخليهش وباش أنو يجبرها أو يعنفها فالممارسة مستحيل واخا راجلها ولكن ملي سلماتو نفسها كليا وتجاوبات معاه حس باستمتاعها الشيء لي كيخليه غير مكيزيد يغرق فيها أكتر وأكتر
تعشاو عشاء رومنسي فجناحهم ونعسو …….

☘☘☘☘

فقصر آل ستارك مجمعين على طاولت الأكل كياكلو بسكات وشي مخنزل فشي وشي حاني راسو وشي مامسوقش وشي كيتبادل نظرات الحب

جاكلين لي كتاكل ومخننزرة فدياب حيت موفاش بوعدو قالها غايكمل غرضو مع جدو ويرجع يديها للشركة لبسات وجلسات كتسناه ساعة جوج تلاثة وصل وقت الغذاء تغدات معاهم وجلسات تاني كتسناه وحتى باش تعيطليه معندهاش رقمو شافت الجد رجع للقصر ولكن مجاش معاه دياب تسناتو حتى بدأ كيضلام الحال وماجاش أو حتى كلف شيحد يعلمها ماتسناهش فكعات وبزاف حيت هي بطبعها شخصية عملية وملتزمة وكتحتارم الأوقات والمواعيد ..

دياب كياكل ومرة مرة كيشوف فيها كيلقاها دايرة فيه شوفات دلقتيييلة ماعرفش مالها أو علاش مخنزرة فيه حيت نسا أمرها كليا ملي خرجو من عند جاسم هو والتوأم عيطوليه من شركتو دالكارد علموه أنو هناك مشكل تقني فسيسطيم حواسيب الشركة ومحاولة اختراق نظامهم الأمني وملي جاو الهاكرز يصدوها تفعلو فيروسات بلوكاو كل النظام الأمني فالفرع المخصص بالهاكرز كولو فا توجه للشركة بأقصى سرعة وملي دخل وهو كيخدم لقا بلي هناك محاولة اختراق لنظامهم الأمني وخصوصا لكمرات القصر شخص ما من خارج المغرب حاول يختارق الكاميرات ولكنو فشل رجع دياب النظام للعمل وفعل مقاومة قصوى حماية لكل كمرات القصر وفعل أنتي فيروس مجهد هو لي صايبو بنفسو رجع كل سيسطيم الشركة للعمل وعلم الهاكرز الطريقة لي اتابع باش يلا وقع مشكل بحال هذا مرة أخرى يتصرفو
ماكمل حتى لوقت العشاء خرج من الشركة وهو مستغررب حيت عمر شيحد قدر يختارق نظامهم الأمني ركب سيارتو وهو مستغرب حاول يختارق نظام الحاسوب ديال الشخص لي حاول يختارقلهم الكاميرات لكنو فشل ومالقا حتى معلومة عن هاذ الشخص أو مكانو الشيء لي خلاه حاير وحس أن هناك شيء غير طبيعي وسيفط مباشرة إيميل لجاسم خبرو بالأمر وعطاه تقرير مفصل عن آش وقع وكسيرا للقصر …))

باربرة لي جالسة فآخر كرسي فطاولت الأكل جنب أمها هيلدا لي مغطياها مكتبانش للجد حيت كتحاول كل جهدها تتفاداه وفحضوورو مكتهضرش بمرة ملي كيكون فالقصر كتبقا غير فجناحها
جاسلة كتاكل بهدوك وكل تفكيرها فالشخص المجهول لي معاودش رسليها والو فظولها مامهنيهاش بغات تعرف شكون …

فيليكس لي من بعد موقفو الصباح مع أليشا ملي سداتليه المصعد فوجهو خرج صاعر توجه لفيلتو حيت كل واحد من شباب ستارك عندو فيلتو خاصة بيه كيما سبق وذكرت حتى لبنات يلا عقلتو غير مؤخرا هداهن جاسم كل وحدة بفيلتها الخاصة فحفل الراكشا بندن …فيليكس دخل صاعر لفيلتو توجه لصالت الرياضة لي عندو تما ومباشرة لحلبة دالبوكس حيد البودي ولبس قفازاة البوكس وجلس كيبرد كل الغضب لي فيه فالملاكمة ساعة وجوج وتلاثة أربعة خمسة جلس كيفرغ كل طاقتو السلبية لعشية كولها وهو كيتريني بدون انقطاع حتى تسخسخ نيت وجاتو السخفة وطاح مجبد على أرض الحلبة كولو عرقان وكيلهث وكيفكر فحل خاسو حل سريع ميمكنش يبقا كيتفرج فيها كضيع من يديه ….
ناض دوش وطاح نعس من التعب مفاق حتى ليل وجاء نيشان للقصر لقاهم يلاه حطو العشاء وجلس عدما أمامها ولاحظ أنها ماتسوقاتش بمممرة حتى أنها ماشافتش فيه ولو بالغلط
حس بقلبو كيتحرق ماصبرش العشاء كولو وهو غير كيشوف فيها كيتمناها تهز عينيها فيه ولو مرة …تتمة الجزء 181

عدنان لي كياكل ماشي الأكل كياكل تارا بعينيه ومرة مرة كيشوف فجدو حتى كيبغي يطلقها ويقوليه زوجني تارا وكيتراجع …

وغسان ماشي أقل منو هو كيسهى فأيار حتى كتخنزر فيه بمعنا عيقتي عاد كيبعد نظرو منها …

الجد لي ملي جلس وهو غير كيشوف فالأكل وكل بالي مع جاسم وشيماء لي واخا جلس معاها غير وقت قليل وبحكم سنو وخبرتو فالحياة فهو كيعرف الناس غير من أول نظرة كيحكم عليهم وهو عرفها غير من هضرتها وتعاملها وكيفاش كانت كتهضر معاه حانية راسها وملي حيدات درعها أمامهم يعني تايقة فيهم حتى أنها رغم كل لي قال عليها دخلاتو لفيلتها وعملاتو بكل احترام الشيء لي خلاه عرف أنا بنت طيبة قوية وحساسة فنفس الوقت وماتستاهلش تتعرض للخطر عزات عليه وقرر بل وعزم على حمايتها ومساعدة جاسم بقدر الإمكان
الجد شارد فتفكيرو وكيتمناها تقدر تقنع جاسم ويرجعو للقصر..

الجدة كتشوووف فراجلها السيد زيدان لي غير شارد مكياكلش )

الجدة : هيوا سبحاان الله ياك منلي جيتي ونتا مصدعني بغيتي أكل مغريبي بغيتي أكل مغريبي واليوم لعشية كلها وأنا واقفة على رجلي صاوبتلك لحريرة ولبريوات ونت كتفرج فيهم

الجد : تاحريرتك لمسوسة ولباسلة ياكلوها ناس بعقلهم

الجدة طرطقات فيه عينيها ) ياااك (شافت فدياب لي كيشرب لحريرة ) ولدي دياب حريرتي مسوسة

دياب : أ أحم شوية زعمة واخا هكاك صحية أجدة المداق ماشي هو كلشي المهم أكل يكون صحي

الجد : تاهادا بعقلو حتى تاتسوليه قاليك صحية كول الصحي مع راسك أنا باغي لبنة

الجدة : هيوا لعاودت طيبتليك عكرلي

الجد : على زين طيابك

الجدة : فقصها ) عقل فيها ألحاج

الجد : هاهو عاقل

عدنان : أحم جدي حاولينا على جدة راه هي نوارت الدار

غسان : جدي راها مراتك خاسك تكبر بيها

الجد : تحاميتو ألحلاقم إوا دابا نزوجكم ونشوفو طياب عيالاتكم أو واش ملي غادوقوه غاتكبرو بيهم ولا لا

غسان وعدان حلو فامهك كيضحكو وأيار وتارا كيندبو أشمن طياب هما عمرهم تاحطو رجليهم فلكوزينة )

غسان : بصح أجدي تانا بغيت نتزوج

عدنان : تانا أجدي

الجد : غاخليونا ندوزو عرس الطبوزي ونشوفليكم شي عريسات

دياب وحلات ليه وبدأ يكح)

دياب : جدي أحم أنا مزال ماوافقت

الجد : وأنا مووراك و كنتسنااااك تااا توافق على خااطرك وها بنتي جاكلين فقصري يكمل شهر عقد عليها

دياب : أجدي

الجد قاطعو : هضرة وحدة وقلتها واش نتا عمى ولا مكلخ أش فلبنت ماعجبكش ياك اختاريتها بحالك تاهيا كتخدم دكشي دلبيسي ومجهدة ففنون القتال ضريفة وحدودية آش بغيتي

دياب : أحم واجدي راه حياتي وأنا خاس نختار

الجد : تختااار نتسناك أنا تااااا ترشقليكم عاد تزوجو تااا تشرفو ياك شووفو كااع قياد العشائر عندهم ولاد لحفاد إلا أنا بربي تا تزوجها شهر جاي وفأقرب وقت بغيت القصر يعمر بدراري صغار العشيرة خاس تكبر

دياب وكلهم مطرطقين فيه عينيهم إلا جاكلين وأليشا لي مكيفهمو فالداريجة والو )

عدنان : غازوجني أجدي ومن غدا نبقا نولد ليك فلحفاد تاتقولي حبس باراكا

غسان تانا والله أجدي

لبنات فاااتو تزنيكة لهيه قربو يبكيو )

الجد : طلقها بضحة ) ههههه إيوا شفتي هانتوما مابقيتوش مساخط من غدا نقلبليكم على عريسات

عدنان : لا أحم قصدي عندييي أجدي متحولة وكتحمق

غسان : تانا عندي

الجد تقاد فلجلسسة ) أييه شكون ومن إينا عشيرة

عدنان وغسان شافو فبعضياتهم ويلاه غايهضرو حتى تدخلو لبنات ودغيا بدلو الموضوع )

تارا : أجدي أحم ماقلتيليش كيجاتك شيماء

أيار : آه أجدي

الجد : زوينة وحنينة راه اعتادرت منها خاس غاداك لمسخوط يحن

تارا : غاتقنعو أجدي كون هاني راه مكيخسرش ليها خاطرها

أيار : آه مكيقولهاش لا

الجد : إوا أنا شفتو غير كيغوت عليها لمسخوط بربي ويعاود يغوت عليها قدامي تانعميه

دياب : أجدي الله يهديك عنداك يرجعو للقصر وتبقا تدخل بيناتهم

الجد : والله لاكانت ليه ولا ليكم كاع لعريسات ديال آل ستارك يتعاملو باحترام وتقدير نتا ملي غاتزوج جاكلين ونشوفك كتغوت عليها نحيدها ليك وتانتوما (شاف فالتوأم ) نهار تجيبو عريساتكم نشوفكم كتعاملوهم خايب نحيدهمليكم وتا داك الوحش والله منخليها ليه يلا شفتو غوت عليها

دياب : أجدي حنا هانية ولكن جاسم منصحكش

الجد : هانت غاتشوف…يتبع🎩#وحش_ذات_القزحيتين🎩

✏للكاتبة ✏ chaymae ouaj

💜الجزء 182💜

الصباح والساعة 9 باربرة كانت نااعسة أو يلاه غمضات عيونها تنعس وكيفاش غاتنعس وهي الليل كولو والكوابيس تراودها من نهار بان فحياتها إيفان كل ليلة كتظل فايقة بسبب الخوف من مصير مجهول هو الآن عارفها كمتحولة خرقات القانون كل نهار كتقول ها النخبة غايجيو يديوني
مغمضة عيونها حتى فيقها رنين هاتفها معلن على وصول رسالة هزاتو وغير شافت بلي من الشخص المجهول وهي توكض جلسات وفتحاتها …)

المجهول : ‏-كانت تذهب إلى النوم لكنها كانت تعرف أنها لن تستطيع النوم، إن الأفكار الأشد سوادًا تحاصرها عندما تكون على فراشها ظلت مستيقضة طوال الليل وأنا ظللت أراقبها طوال الليل فلا هي نامت ولا أنا نمت…

(باربرة وقفات من الصدمة كيفاش هذا وشكون وكيفاش عرفها منعساتش الليل كولو ..؟ بعتاتليه رسالة فيها ..)

باربرة : شكون نتا

المجهول : أنا من سأكون الصديق لمن لا صديق له.. صديقك
وإن احتجتي كتفي لتستندي عليه.. سأمد لك قلبي إذ قبلت به ؟

(باربرة بدأت كتمشي وتجي مكانها وكتشوف فالهاتف وكتسرط ريقها حسات بنوع من الخوف ومجوباتش حتى وصلاتها رسالة إخرى )

المجهول : هلا نكون أصدقاء ؟

باربرة : أنا معنديش أصدقاء مجهولي الهوية قولي شكون نت هو الأول

المجهول : يمكنك دعوتي ^بعاشق ذهبية الشعر^

باربرة : هذا سميتو تبرهيش شكون نت ومنين كتعرفني

المجهول :” أنا الذي جعلتني اضحگ من صميم قلبي في هذا العالم الكئيب،فكيف لا احبك

باربرة : إذن مابغيتيش تقول شكون

المجهول : أنا شخص كنت أسمع عن جمالك و تبعكتك من بلد لآخر وعندما رأيتك أيقنت أن كلما سمعت كان تقليلا في حق كل ذلك الجمال فهلا قبلتي صداقتي ؟

باربرة : بدون ألغاز قولي ببساطة شكون نت

المجهول : أنا الذي انتزعت من جسده قلبا ميتا وزرعتي مكانه قلبا ينبظ بالحياة فهلا قبلتي صداقة شخص يعشقك

باربرة قررات تسايرو حتى تعرف شكون هو )

باربرة : واخا أسي المجهول قابة أنا اسمي باربرة آل ستارك وعندي 23 سنة وأنت ؟

المجهول : أنا اسمي أعشعقك وعمري وقت قصير يبدأ من يوم إلتقيتك

باربرة : الحب بالنسبالي شيء ناذر كالمعجزة حيت الحب الحقيقي فعالمنا قلييل لي كيلقاه فا متهضرليش عن الحب أو العشق هضرلي على شيء نقدر نكون مآمنة بيه

المجهول: اغلى ما تملكينه في هذه الحياة هو -قلبك- فانتبهي جيدا ان تهابيه لشخص لا يستحق وحتى إن فعلت وخاب ظنك استرجعيه ودعي أمر معالجته لمن يسحقه فهلا أعطيتني هذا الشرف ..؟

باربرة : أنا فقدت كل ثقتي بالحب والرجال والزواج وكنفظل نعيش كل حياتي بوحدي فيلا كنتي شخص باغي تتفلا أو شيحاجة راك غير كضيع وقتك معايا

المجهول : يقال أن الصډيق اﻟﺟيد هو من يجدُڰ ﭬﻲ الظلآم
فيُعيدُک مُجدداً ٳلى النور … قلت لك أريد صداقتك فهلا أعدنا بعضنا إلى النور …؟

باربرة : ماغانقبلش صداقة شخص مكنعرف عليه والو مستحيل

المجهول : إذن سأعطيك كل ليلة لمحة عني ومع مرور الأيام ستتعرفين علي ؟؟

باربرة : واخا يا سيد مجهول

المجهول : إلى المساء يا صديقتي ذهبية الشعر

(باربرة عاودات قرات محادثتها مع هاذ الشخص من الأول مافهمات والو شكون هذا كيفاش عرفها منعساتش الليل كولو ناضت وقفات كضور فجناحها كامل وكتقلب لقنات والهاتف فيديها ظنا منها لربما مديورة ليها كاميرة فالجناح خافت وقررات تطلب مساعدت ذياب أو تسولو ….؟☘☘☘

^ألمانيا برلين ^

إيفان جالس فمكتبو لي فجناحو وكيشوف فشخص أمامو
كان ولد تقريبا فالخامس عشر من عمرو قصيور ومطبز وداير نظارات قاع لكاس جالس فجلسة أمام المكتب الكاسك فراسو وبيسي أمامو وأصابعو كيتحركو بسرعة على الحاسوب وشيبس فجنبو كل مرة كيمد يدو كياكل وكيخربق فالحاسوب فكل المكتب كيتسمع غير صوت الشيبس وصوت أصابعو على لكلافيي

إيفان داير رجل على رجل وكايتفررج فيه نطق بصوة حاد))

إيفان : وااش مزال مساليتي ساعتاين ونتا طاق طاق طاق فرعتيلي راسي

الولد : أحم قربت نبيل إيفان غير نحصن سيسطيم باش مايعيقوش بمصدر الإختراق

إيفان : دابا نقدر غير من هاتفي نشوفها يوميا بحال لبارح

الولد : خاس غير يكون هاتفها شاعل يعني ماطافيش أو مديشارجي وتكون هازاه معاها أو حاطاه جنبها وكاميرا السيلفي ديال هاتفها غاتبقا تصور ليك كل شيء فمحيطها وهي هازة الهاتف منين مادازت يمكنلك تشوف كل شيء كأنك جالس معاها ولكن غير صورة دون صوت صعيب بزاف نأبليكي الصوت غايخصني ضاروري ندخلها فيروس لهاتفها وباش ندخلو خاسني الهاتف حيت ميمكنش عن بعد

إيفان : بالنسبة لسيسطيم شركة ستارك كاردز لي اخترقتي باش قدرتي تاخد رقمها وتختارق هاتفها راه بربي ويعيقو بية تاندبحك ألبرهوش

الولد : كون هاني نبيل إيفان رقمها محصن وهاتفها مدخلين فيه فيروس يمكن لشخص معين يتوصل بكل مكالماتها ورسائلها (جاسم) أنا لغيت الفيروس لي حط ليها هاذ الشخص ودرت بلاصتو الفيروس لي عن طريقو يمكنلك تراقبها عن طريق كاميرت السيلفي فهاتفها ودخلت لحواسيب شركتهم نشرت فيروسات وخصوصا فنظام كاميرات القصر كتمويه مستحيل يعيقو بأنو غرض الإختراق هو هاتف الآنسة غايحسابلهم المخترق لي هو أنا اتسهدفت الكاميرات وفشلت ماغايقلبوش نظام أرقام هواتف العائلة وحتى يلا قلبو ماغايلقاوش شيء مختلف الفيروس كان أصلا فهاتفها غير أنا حيدة لي دايرين ليها هم وحطيت بلاصتو واحد آخر لي كيمكنك من نراقبتها من هاتفها

إيفان : متأكد مكينة حتى طريقة تقدر توصلهم ليا

الولد : آه نبيل إيفان حتى من رقم هاتفك حصنتو بنظام خاص واخا يقلبو على الرقم مستحيل يتعطاهم صاحب الرقم أو من أي دولة بالنسبة لأنهم يكتاشفوني مايمكنش (هز بيسي آخر مشخشخ حطو أمام إيفان ) حيت الحاسوب مناش اختارقت نظام شركتهم هاهو هرستو كون خليتو غير شوية كون وصلولينا حيت مكملاش ربع ساعة باش اختارقت النظام رجعو صححوه وحطو نظام حماية أقوى حتى منلي كان أنا وماعرفتش نوع اللوجيسيال باش خمدو وباينة شخص محترف فالمجال لي حطو

إيفان : ذياب آل ستارك ولا غايكون الوحش بنفسو راه بربي ويعيقو بية تانقطعك طراف

الولد كيترعد ) لالا كون هاني راه هرست الحاسوب باش اختارقتلهم النظام وهاذ الحاسوب الآخر هو باش خدمت على هاتف الانسة باربرة وغير نكمل غانهرسو حتى هو

إيفان : مزيان ^جوليان^ كنت عارفك نتا لي تقضيلي الغرض (سنا شيك على بياض وحطو قدامو ) هاك كتب المبلغ لي بغيتي ولكن سمع مزيان جديي ولا جدك ولا النخبة ولا الجن لزرق مابغييتو يسيق لخبار لهادشي كتسمع حتى واحد ولا غانحييك نتا وجدك وعشيرتك كلها

جوليان :كيترعد ) أحم كككون هاني نبيل إيفان ^^التحكم بالحواسيب وقرصنة أنظمة الشبكة العنكبوتية ^^ هاذي قوتي كتسمحلي نتوسع فعالم الأنترنيت ونتحكم به عن بعد فا مستحيل نغلط فيها حيت هي ماشي مهارة اكتسبتها أو خبرة تعلمتها هادي قوتي وأنا عارف آش كندير غير هو عنداك مثلا تصوني على الآنسة لي اخترقنا هاتفها
بمجرد ماتصوني عليها غايتعطل نظام الكاميرة وحتى يلا صونات عليك هي ماتردش يلا تفعل لباف دهاتفك مع رقمها وتشد الخط بيناتكم غاتبطل الكاميرة

إيفان : يعني غانكتافي غير بميساجات

جوليان حركليه راسو بآه )

إيفان : مزياان واش ساليتي

جوليان رجع نظرو للحاسوب حتى كمل تحميل شيء ما وهو يجبد من الحاسوب شاريو صغير جبد منو كارطة صغيرة فالحجم وعطاها لإيفان )

جوليان : صاوبت هاذي هي بمثابت هوية مزورة لرقمك يلا ركبتيها فهاتفك وهي قلبات على صاحب الرقم غايخرجوليها معلومات بلي صاحب الرقم مغربي ومتواجد فالمغرب

إيفان شدها : أممم مابيكش مطور يلاه نوض سير فحالك ماتنساش تهرس داك الحاسوب دوز من الباب الخلفي غاتلقا ليكارد يوصلوك حتى للمطار وتلاح لدولتكم وماتنساش نسمع كلمة وحدة على هاذشي غانشدك نشدك

جوليان : ككون هاني نبيل إيفان تشرفت بمعرفتك(وناض خرج)

إيفان شاد هاتفو بين يديه كيشوف فصورها لي خداهم ليه جوليان من هاتفها عشرات وعشرات الصور كيدوز وحدة بوحدة وهو كيحس قلبو غايخرج من مكانو …أكيد فهمتو شكون هو مجهول باربرة إيفان ملي عجزو كل التقنيين وأتباعو يجيبوليه رقم باربرة فكر حتى تذكر جوليان صبي متحول من دولة أو اتحاد بروناي وكيف ذكرت عندو قوة خارقة للعادة ونادرة كتمكنو من^^التحكم بالحواسيب وقرصنة أنظمة الشبكة العنكبوتية ^^ أي أن عندو دماغ رقمي بدون مايحتاج يتعلم اختراق الانظمة أو القرصنة هو تولد بهاذ الميزة
إيفان تواصل معاه شخصيا وأمرو يجي حالا وفأول طائرة لألمانيا وفالمقابل واعدو بشيك يكتب فيه المبلغ لي بغا وماهو إلا يوم حتى كان عندو جوليان فالقصر وكل هاذشي تم بسرية …)☘☘☘

المغرب الدار البيضاء فيلة جاسم والساعة 11 صباحا

جاسم ناعس على ظهرو عاري تماما وشيماء ناعسة فوقو راسها على صدرو العريض وشعرها مغطي وجهو ومغطيين غير بليزار خفيف
فاق وهز راسو مبتسم وهو يشد شعرها استنشقو وشاف فيها هي ريوكها طالقاهم على صدرو وبدأ كيضحك بصوت مسموع ومع الضحك صدرو كيتهز الشيء لي خلاها تحركات فنومها وحطات ركبتها على المعلم وهو غمض عينيه و سرط ريقو ومد ديديه هز ركبتا من عليه وبدأ كيفيق فيها كيهرها فوجهها وضهرها العاري

جاسم : شيمائي شامة شيماء شيمائي

شيماء كتخسر ملامح وجهها وهي كتحس بيه كيهرها حلات عينها العسلية وهزات راسها شافت فيه مخنزرة ووجهها منفوخ بنعاس ومشعككة وريوك فجنب فمها ونطقات بصوت غليض بنعاس

شيماء : شنووو

جاسم رجع راسو لور وطلق ضحكة مجهدة ماقدرس يحبس وهي كتهز فوق صدرو مع ضحكو خنزرات فيه ورجعات عنقات صدرو تكمل نعاس جاسم مزال كيضحك هز راسو شاف فيها )

جاسم : أنوضي راه 11 هادي واش مابغيتيش نمشيو للقصر

شيماء غير سمعات لقصر وهي تنوض قافزة نسات الأمر كليا ناضت بجهد حتى قاستو تاني فلمعلم وعاد صدرها منفوخ وعاري قدامو وهي فوقو وشافت فيه مخرجة عينيها )

شيماء : ويلي نسيت نوض نوض

جاسم: أححح

شيماء : مالك

(مجوبهاش بل طار على صدرها خشا فمو كيمص وهي خرجات فيه عينيها )

شيماء : جاسم عافاك واش مشبعتيش ليل كولو هئ واطلق راه خاسنا نمشيو

جاسم بسرعة قلبها تحتو وخشا راسو فعنقها ونطق حدى ودنيها ) والله حتى نتي لي كتجبديني (ودخل معاها فقبلة تلتها أخرى وأخرى لعبو ماتش مجهد على الصباح ماطلقها تاني تا قربت تبكي تاشبع عاد ناض كيضحك وهزها بين يديه للدوش …

☘☘☘☘

فقصر آل ستارك من بعد ما فطرو جلسو كل الشباب والجد فالصالة بحكم يوم السبت يوم راحتهم من أعمالهم
كانو جالسين والجد غير مخنزر هو وفيليكس)

الجد : هاذا واش ماغايجيش ضنيتو غايقتانع ويجي

دياب : أحم تهدن أجدي أكيد شيماء غاتكون قنعاتو يقدو يجيو فأي لحظة

(قاطعهم دخول عشرات ليكارد كل واحد هاز أكياس كتيرة ومباشرة طلعو مع الدرج
الجد وكل الشباب وقفو واتاجهو لعندهم حتى دخلات رئيسة خدم فيلة جاسم السيدة نعيمة ووقفات أمامهم

الجد : شاف ليكارد دجاسم وفرح ) لمسخوط رجع

السيدة نعيمة : سيد ستارك اللورد آمرني نجهز جناحو بنفسي وهاذو أغراض المدام

هيلدا جات كتجري وقفات جنب الجد ) واش ولدي غايرجع

رئيسة الخدم : خليتهم فالفيلة أمدام ماعنديش معلومات خاسني نطبق أوامر اللورد (وراتهم كارط عطاهلها جاسم ) عطاني هاذي باش نفتح جناحو خاسني خادمات يساعدوني نصايب دريسينغ روم للمدام

هيلدا : تفظلي إنا نجي نعاونكم ونجيب معايا الخادمات

دياب : كنت عارفها غاتقنعو

عدنان كيضحك ) إذن لقينا لكود للسي الوحشالوحش وذات القزحيتين ❤️
الجزء 183💋

☘☘☘☘

عند كوبل 🍁JC🍁

خرجو من الحمام هازها كيديمة وهي ملوية ففوطة وهو نصو عليه فوطة هو كيضحك وهي مخنزرة )

شيماء : حرام عليك

جاسم باسها فمها ) سمحيليا ولكن نتي لي حلوة

شيماء : ليل كولو وصباح وفدوش أجاسم ضريتيني

جاسم : خاس شيمائي تولف على هاذ الوضع (وغمزها)

(شيماء خرجات فيه عينيها دخلو لدريسينغ روم وحطها على رجليها تلبس تحركات أمامو وهي كتمشي عوجة وهو تيضحك)

شيماء : ضحك ضحك

جاسم : عنقها من الخلف ) قبل منعرفك كنت نادرا فين كنضحك ولكن نتي دخلتي لحياتي بزاف دالأشياء جداد (باس عنقها ) من نهار لول فين شفتك ضحكتيني

شيماء خدات دوبياش وشافت فيه ) نهار لول لي شفتك فيه حاولتي تشوطني بقوتك كلاك ضحكتك

جاسم تحرك هو الآخر كيلبس وكيهضر ) لا ماشي هاذيك المرة الأولى فاش شفتك

شيماء شافتو حيد الفوطة وهي ضور واخا كل هاذ الممارسة مزال كتحشم تشوفو عاري كليا ) أحم ووشنو هي إيمتا المرة الأولى

جاسم : فصباح تلك الليلة نيت فريسطو على الشارع شفتك سلختي تلاثة دالكلاب

شيماء طرطقات فيه عينيها تذكرات دلك اليوم بالتفصيل )

شيماء : ككنتي فالريسطو دك نهار

جاسم : آه وضحكتيني من قلبي داك نها وداخلي تمنيت نعاود نتلاقاك ومكملش النهار حتى لقيتك واقفة قدامي (كمل اللبس وشاف فيها هي لي عاطياه بالظهر مزال ملبسات واقفة كتسمعليه تمشى حتى لعندها وضورها شافيها بحب )

جاسم : القدر كلها لعبة من القدر نتي قدري ونصيبي ملي شفتك فالريسطو تمنيتك ليا وجيتي حتى لعندي وبين يدي ووليتي ديالي فأنا هو أكتر رجل محظوض فهاذ العالم

شيماء غير كتشوف فيه ابتاسم وباسها فحنكها )

جاسم : أنا نختارليك ماتلبسي

شيماء : وواخا

جاسم تحرك كيقلب فالثياب فحين هي لبسات دو بياس ونشفات شعرها ووضعات ميك أب خفيف وملمع شفاه جابليها فستان أبيض راقي مستور طويل ويديه طوال وفيه فتحة تالفخض ولكن عندو كينز كيتلبس من الأسفل
لبسها بنفسو وعينيه غير على الأثر ليخلف لها جرح الحادث على كتفها كمليها اللبس وشاف فوجهها وهو يخنزر )

شيماء شافتو مخنزر ) ممالك تاني

جاسم طار عليها ببوسة تامسح ليها كل لكلوس )

جاسم : آش قلت على هادشي ليكيلمع ماتحطيش منو على فمك فاش نبغيو نخرجو بمرة

شيماء : أحم واخا واش غانمشيو دابا

جاسم : آه
.شيماء استدارت هزات صاكها فيه هاتفها وعطرها وبعض الميك أب وبقات واقفة كتشووف فدريسينغ روم حتى هزها بين يديه ))

جاسم : راه غايكونو قادوليك واحد أحسن من هذا فالقصر

شيماء : طرطقات فيه عينيها ) حلف

جاسم كيضحك : والله

شيماء :وغانتوحش خالتي نعيمة ولفتها

جاسم : عرفت راه تاهي سيفطتها ليك للقصر

شيماء : حلف

جاسم : دايها على عقلها ) والله

شيماء : وبلاتي خلخالي مهزيتوش

جاسم : خلخالك وكل مجوهراتك تحولو للقصر حاجة وحدة غانقولها ومانعاودهاش لبااسك وسط القصر منشووفكش معرية جزء من لحمك تحركي فالقصر بحرية ولكن انتابهي للبسك فجناحنا وتعراي كيما بغيتي

شيماء : واخا

جاسم : وخووتي مانشوفكش مجمعة مع شيحد فيهم أو كضحكي ليه

شيماء خرجات فيه عينيها ) ويلي

جاسم وقف وغوت فوجهها تا خلعها ) شيمااااء مكنضحححكش مانشوووفكش مجمة معاهم أو كتضحكي ليهم

شيماء : وواخا

جاسم : عندك كل الحرية مع لبنات ولكن الشباب لا وبمرة

شيماء : واخا

جاسم : شيماء ماتخلينيش نعاود كلامي راه طيحي بهضرتي غانوريك وجه ماغايعجبكش بمرة

شيماء سرطات ريقها ) واخا أجاسم فهمت

(جاسم ابتاسم وطار باسها من فمها عاد خرجو من باب الفيلة لقا سيارتو أمام الباب مباشرة وليكارد كلهم حانيين راسهم مانع عليهم بمرة يشوفو فيها
دخلها لسيارتو وقادليها السمطة وسد عليها عاد تقدم عندو رئيس كتيبتو)

جاسم : تحولو كلكم للقصر وخليو الأعضاء الجدد فحراسة الفيلة

رئيس الكتيبة : أمرك لورد

(ركب جاسم وكسيرا بسرعة متوسطة على حسابها وتوجهو للقصر …

☘☘☘☘

فالقصر وقت الغذاء جالسين كلهم على الطاولة كياكلو بهدوء إلا الجد لي داير يديه على حناكو وكيشووف فالأكل وكيتنهد)

الجد : داك لمسخوط الصباح سيفط ليكارد والخدم يقادولو جناحو وهو مزال مجا

الجدة :و ملي ماقادرش تجلس فالقصر بلا بيه وغير مخنزر وطالعليك زعاف وتوحشتيه لالاش جريتي عليه من لول

الجد خنزر فيها وغوت : أماجريتش عليه وماتوحشتووش

الجدة ميقات فيه : باز

الجد : منك

عدنان وغسان ودياب بزز حابسين الضحكة وهيلدا غاطير بالفرحة حيت عرفاتو غايرجع أما لبنات كيتسناو شيماء بفارغ الصبر أما باربرة بالها غيير مع صديقها الجديد المجهول … يتبع🎩#وحش_ذات_القزحيتين🎩

✏للكاتبة ✏ chaymae ouaj

💜 الجزء 184💜

تفتحات بوابة قصر آل ستارك العملاقة ودخلات منها سيارة جاسم المحاطة بعشرات سياراة ليكارد
جاسم وقف سيارتو أمام باب القصر وجاء الكارد حليه الباب وخرج وهو مخنننز كون جات عليه عمرو يعاود يحط رجليه فالقصر ومايتراجعش عن كلمتو ولكن مايقدرش يخسرلها وهو عارف مدى تعلقها بلبنات عاد هو عارف شحال غايكون مشغول فهاذ الأيام فأحسن يخليها وسط عائلتو من أنها تبقا بوحدها … استداار حليها باب السيارة من جهتها وخرجات بالضحكة مزينة وجهها وشافتو مخنزززر..

شيماء : جاسم وا مالك دابا

جاسم تنهد ) والو ماتنسايش آش وصيتك

شيماء : واخا مغنساش

(جاسم شد يديها وهما يدخلو حلاتليهم الخادمة الباب وشيماء سولاتها…)

شيماء : فين جدة ولبنات

الخادمة : كل العائلة مجموعين على طاولت الأكل كيتغداو أ آنسة

جاسم نطق بصراخ تسمع فكل القصر ) مدااااام آل ستااارك ماااااشي آنسة

شيماء والخادمة قفزو )

شيماء زيرات على يديه ) ويلي جاسم (شافت فالخادمة لي قربت تبكي وهي ضحك معاها ) ههه سيري أختي لخدمتك

☘☘☘

على الطاولة كانو كلهم كياكلو تاقفزهم بغواتو على الخادمة )

الجد :سملهرحمان راحيم جاي بعجاجتو

هيلدا وسوزي والجدة ولبنات ناضو من الطبلة كيجريو ناحيتهم وكيضحكو وناض حتى الجد والشباب )

شيماء وجاسم ليي مخنزززر يلاه غايتحركو فاتجاء صالة الأكل حتى شافو لبنات والسيدات جايات كيجريو شيماء طلقات يد جاسم وتلقات لبنات لي عنقوها وكل وحدة كتبوس وكيتسالمو وكيضحكو وهو ربع يديه كيتفرج فيهم طيبولها حناكها بلبوسان
هيلدا جات كتجري عندو والدموع بغاو يخرجوليها وهو شد يديها باسها ..)

هيلدا : ماتعاودش تخليني أولدي

جاسم : مانعاودش غير تهدني ويلا مشيت مرة أخرى نديك معايا

سوزي جات تاهي وخنزرات فيه ) وتانا

جاسم ابتاسم ليها وباس يديها هي الأخرى أما الجدة حيدات شيماء لبنات وجلسات غير تبوس فيها )

الجدة : رجعتييييه أبنيتي ماعندي مانتسالك

شيماء عنقاتها ) والله تا توحشتك أجدة

هيلدا جات وشدات شيماء من يدها ) مرحبا بعروستي

شيماء : هه شكرا أعمتي

سوزي هي الأخرى تقدمات ورحبات بيها وحتى الجد قرب ووقف أمام شيماء لي غير شافتو تزنكات وحنات راسها )

الجد مد يديه هز ليها راسها وجاسم طرطق فيه عينيه )

الجد : مرحبا بك أبنتي فقصرك

شيماء : شكرا أسيدي

الجد : سيدي تاني واعيطيلي جدي

شيماء : أ واخا

الجد : شافها غير مزنكة وبدا يضحك وهو يشوف فجاسم لي قرب يطير عليه ) نتا مسخووط وعطاك الله مرضية باش تعرف عندك الزهر

جاسم تقدم وهو يجرها وخنزر فجدو لي غير كيضحك
الجدة شافت جاسم كيغلي وهي تجرو )

الجدة : يلاه حطينا الغذاء أجيو نتغداو مجموعين …

(توجهو كلهم لطاولة الأكي وجاسم جلس مترأس الطاولة فكرسيوو وأمامو جدو مترأسها من الجهة الأخرى وجلسات حداه الجدة والسيدات
وجاسم جلس حداه شيماء شاد يدها مطلقهاش جلسها جنبو ولبنات تستفو حداها وحدة وحدة
والشباب أمامهم))

الجد : بنتي لباس عليك متعارفناش مزيان كتباني صغيرة شحال فعمرك )

جاسم : عندها 18 ومابقا والو وغاتكمل 19

الجد : أمم تبارك الله وكبرتي فمدينة مكناس

جاسم : فميتم بمدينة مكناس

الجد : آه وخديتي باكالوريا ديالك

جاسم : خداتها

الجد : واش نت مكتحشمش خلي لبنت تجاوب

جاسم : جديي خلينا نتغداو

الجد : ومالي حبستك ها لماكلة دالنصارة قدامك كولها تاتشبع

(طول حوار الجد وجاسم وكل أفراد العائلة غير كيتفرجو فيهم )

الجد شاف فالأكل تاني أطباق أجنبية اللازانيا والبايلا والسوشي والسمك بأنواعو…وهو يتنهد بصوت مرتفع حتى شافووفيه كاملين حاط يديه على حناكو مقلق وهو شافيهم ونطق )

الجد : والله ماعرفت واش حنى فالمغرب ولا شمال كوريا واش مالقيتو ماطيبو

الجدة : هااهو غايبدا تاني أهاد الراجل كول وسكت

الجد : وا لا وا بغيييت أكل مغربيالجد : وا لا وا بغيييت أكل مغربي

شيماء كتشوف فالجد غير سمعات طلبو هما يتحلو ليها لعوينات وكيبريو وهي ضحك حتى شافو فيها كلهم وهي تجمع الضحكة وتزنكات وبدات تفتف )

شيماء : أأ أنا نقادليك أجدي أش بغيتي تاكل

(كلهم طرطقو فيها عينيهم وجاسم زييير على يديه وخنزر فيها هي لي كتشوف فالجد لي حل عينيه فيها )

الجد : كتعرفي طيبي أبنتي

شيماء : آه ولكن ماشي بحال هدشي العصري كنطيب دكشي تقليدي الطواجن كسكس العدس واللوبيا والبيصارا البسطيلة والمروزية الدجاج محمر دلعراسات والمرقة بالبرقوق آه الرفيسة الصفة وكنعرف نصاوب حتى لخليع آه والبغرير و مسمن والمخمار والمحراش وحتى الفقاص والغريبة الله يخلف على خالتي رحمة علماتني هادشي كولو فالميتم أجدي وراه طيبت لجاسم هو يقوليك

(شيماء هي كتهضر والشباب ولبنات والسيدات مطرطقين فيها عينيهم والجد كيشووف فيها لقلوبة خارجين من عينيه وريوقو سايلين أما واحد جاسم تزنك تزنك تا قرب يطرطق بالأعصاب ندم على الدقيقة لي قرر فيها يرجع كون خلاها فالفيلة ليه بوحدو كلها وبطيابها )

الجد وقف مكانو كيضحك وكيهضر وهو كيشالي بيديه ) حلفي أبنتي تا بصح كتعرفي ديري هادشي كولو

شيماء : والله أجدي وكيحمقنيي الطياب مكرهتش نبقا نطيب نهار كامل

الجد شاف فجاسم لي كيعض شنايفو بالأعصاب ) شفتي نتاا درتيي شيحاااجة فحياتك تاجازاك الله بهاذ لبنية (شاف فالشباب ) شفتو شفتو كنقوليكم ديمما ديرو الخير تايلا كنتو نتوما مساخيط يعطيكم الله نوارات مرضيات (شاف فشيماء ) الله يرضي عليك أبنتي واخا تصايبي لجدك الشارف شي طويجين راه ملي جيت من أمريكا وأنا جالس بالجوع

شيماء لي نسااات البركان لي جنبها ملي سمعات طلب الجد وقفات بالفرحة وشافت فيه حالة عينيها )

شيماء : مرحبا أجدي غانصايبليك هادشي كووولوو لي قلتليك عليه و دابا

الجد وكلهم تاني طرطقو فيعم عينيها )

الجدة : بنتي واش كتهضري بصح

شيماء : آه أجدة كنعشق الطبخ وغانكون فرحانة لاخليتوني نطيب غاندير كل هادشي

الجد : بنتي طيبي لي كووولشي وكترييي و بزاف

الجدة ضارت فيه ) والحاج راه هادشي كتير على لبنت وهي عروسة كون تحشم

شيماء : لا أجدة ماغانخدمش بوحدي

هيلدا : الخادمات يعاونوك

شيماء : لا أعمتي ماغانخلي الخادمات يتدخلولي فطيابي غايعاونوني لبنات

(أيار وتارا ولاو صفرات وكيشوفو فيها وباربرة بدات تفتف أما جاكلين وأليشا مافهمو والو من الداريجة وشيماء هضرات بالإنجليزية )

شيماء : أليشا جاكلين تارا أيار وباربرة حنى لي غانقادو العشاء وغانديرو وليمة للجد

لحظة صمتتتت رهييييبة حتى كسراتها ضحكات التوأم لي شدو كرشعم وكيضحكو )

عدنان : هههههخخخخ وامي كرشي

عدنان : هههه يلاه نوضو وريونا حنت يديكن

دياب : هههه

الشباب طلقوها بضحكة مقدوش يحبسو حتى خنزرات فيهم شيماء )

تارا شافت فظفرانها وهي ترجع شاف فشيماء )
تارا : والله ماغانعرف نديرليك والو وظفراني أشيماء

أيار : أنا مكنعرفش والله

أليشا : أنا نعااونك غير وريني

جاكلين : أنا كنعرف نقاد دي سالاد صحيين نصاوبهم لك ؟

باربرة : أنا كنعرف ندير إندومي

شيماء خنزرات فيهن : ماكاين لا ظفران لا سالاد لا إيندومي قدامي للكوزينة أنا غانعطي لكل وحدة آش دير

(التوأم كيعيبوهم )

غسان : هههه جوسوي برانسيس جونو طرافاي با

عدنان : واظفراني

(أيار وتارا وشيماء خنزرو فيهم )

الجد : كيفرنس قرب ينقز بالفرحة ) بنياتي نوضو عاونو عروستنا (شاف فشيماء ) حظيهم أبنتي عنداك بقنبلولي الكوزينة

شيماء : كون هاني أجدي وقت العشاء غايكون كل شيء واجد ويلا كملت بكري غانقادليك لفقاص ولغريبة تبقا تفطر بيهم

الجد : لمسمن أبنتي لمسمن ماتنسايهش سيري الله يرضي عليك

شيماء : أميين واخا أجدي (شافت فلبنات لي مزال جالسات كيشوفوها كتهضر من نيتها يحسابهم غير كضحك وهي تخنزر فيها وهضرات تا قفزاتهن ) أنوووضوو

لبنات معاودوش معاها الهضرة ناضو بسرعة والدراري تيضحكو عليهن تامن فيليكس ضحكاتو أليشا )

شيماء جات تحرك حتى شدها جاسم لي مزال جالس بلاصتو من يديها تاوقفات وشافت فيه مخرجة عينيها غير سمعات الطياب ونساتو كليا )

جاسم بصوت حاذ ومخننزر فيها تا قفزها من بلاصتها ) ومعااامن تشااورتي

لبنات واقفات كيتسناوها و كلهم طرطقو فيه عينيهم والجد خنزر فيه )

شيماء سرطات ريقها وابتاسمات ليه ونطقات بصوت حنون ) غير نطيب العشاء أجاسم

جاسم : خبط فالطبلة غوت تا قفزهم كامليين) واا معااامن تشاااورتيييجاسم : خبط فالطبلة غوت تا قفزهم كامليين) واا معااامن تشاااورتييي

الجد : أداك لمتوحش أطلق من لبنت وماتغوتش عليها

جاسم شاف فجدو وغوت ) : جديييي مراتي مااشي خدامة يلا بغييتي طباخات مغربيات دقائق يكوونو عندك أكبر لي شاف (شاف فشيماء لي عينيها دمعو ) غاتجلسييي حسن لك

الجد : وا طلق من لبنت واش الطياب عييب

شيماء : جلسات أمامو وكترمش فيه عويناتها لمدمعين) أنا لي بغيت كيحمقني نطيب عافاك (حطات يديها على يدو كدوزها بحنية وكترمش فيه عويناتها ) ياك لي قلتيها كنديرها وخليني نطيب عافاك

جاسم تبلوكا أمامها وهو كيشوف فعينيها كيكتحركهم سحراتو كليا حتى أن كل عصبيتو اختفات وكيشوف غير فعويناتها نسا كل شيء محيط بيهم وحط يديه على حنكها ونطق بصوت حنون )

جاسم : غغاتعيي راسك أشيماء ومزال تابعك تدريب على التحكم فقوتك

شيماء كضور عينيها كتشوف فكووووولشي كيشوف فهم تزنكات وحيداتلو يديه من على حنكها وشداتها بين يديها )

شيماء : بلعكس الطياب والله مكيعيني كيفرحني وها لبنات يعاونوني راه حنا ب ستة ماغانطيبش بوحدي.

جاسم تنهد ) غير الطياب ماتغسليش لماعن وداكشي الآخر خليه للخدم

شيماء وسعات ابتاسمتها وكضحك خلاتو ابتاسم ليها وخلاو بجوجهم كول العائلة مصمرين فجاسم لي وفلبلاصة هزيتي واحد وحطيتي لاخر )

شيماء : واخا

جاسم : خلي هاتفك عندك ملي نعيطليك تجي عندي وفالحال

شيماء : واخا

جاسم (باس يديها عاد طلقها خلاهم حلو فامهم أما هي تزنكات ومشات كتجري شدات فلبنات ومشاو للمطبخ )

جاسم رجع شاف فيهم لقاهم كلهم مصدومين فيه وخنزر فيهم)

الجد : إوا سبحااان الله عشت وشفت السي الوحش كيتقلب فلبلاصة لا وكيضحك ملفوق

جاسم : جديييي

الجد : واللهيلا برافو عليها كيفاش دوخاتك تقول ساطت عليك ببايكو

الجدة وسوزي كيضحكو وهيلدا فرحانة وهي كتشوف فولدها ليباين فيه العشق أما عدنان وغسان تنهدو كيقولو تاهما غايمتى يفرقعو الرمانة )

جاسم ماتسوقش ليهم وقف وشاف فجدو ): خاسنا نهضرو فأمر مهم أنا فجناحي نصف ساعة نتجمعو فالمكتب ديالي (وتحرك فاتجاه جناحو)

☘☘☘☘

عند شيماء ولبنات لي مشاو كلهن للمطبخ شيماء سولات الخادمات على كل آش غايخسها لقات بعض المكونات ناقصة وأمراتهم يجيبوها وقالتهم هي غاتكلف بالعشاء وخرجو خلاوليها المطبخ
استدارت شافت فلبنات أمامها كطلع وتهبط فيهن
الطالو والمكياج وطالقين السوالف والظفران طوال ولكساوي كلاس )

شيماء : غاتمشيو كل وحدة لجناحها غاتلبو سبور أو لبس مريح غاتحيدو الطالو وكلكم ديرو ضفيرات منبغيش الشعر مطلوق

لبنات مطرطقين فيها عينيهم )

تارا : ماتقوليش ليا نحيد ظفراني

أيار : واش نلبس كسوة ولا سروال

باربرة : ناري مكنحملش نجمع شعري

أليشا : ياس شاف

جاكلين : شناهي ظفيرة

(شيماء سكتات كتشووووف فيهن وحدة وحدة خلعاتهم بتخنزيراتها وهي ضور هزات لمدلك دالحلوة يلاه غاضربهم تا طارو كل وحدة مشات كتجري لجناحها تديرو آش قالت …)

شيماء : يخ جنس كاموني (حطات لمدلك وتوجهات حتى هي تبدل عليها طلعات فالمصعد ونسات ودخلات للجناح ليكانت جالسة فيه فاش يلاه جات للقصر و كانت مريضة بقات واقفة أمام لباب كتشوووف فالجناح تبدلو ملامحها للحزن وحسات قلبها غايخرج تفكرات كل آش داز عليها بسبب موت جمانة لي ماتخطاتو غير بزز بقات واقفة مكانها كتبكي وتشهق حتى حسات بيديه على كتافها ضورها وخشاها فحظنو … جاسم لي طلع توجه جناحهم ودخل حتى فكر أنها غاتبغي تبدل عليها وهو يهز هاتفو شاف المطبخ من الكانيرات لقاه فارغ عرفها غاتكون طلعات توجهات للجناح الخطأ)

جاسم : شوووت عرفتك غاتجي لهنا نيشان🎩#وحش_ذات_القزحيتين🎩

✏للكاتبة ✏ chaymae ouaj

💜الجزء 185💜

شيماء مشات كتجري للمطبخ دخلات لقات لبنات جالسات كيتسناوها وهي تزنننك وتوترات)

لبنات شافوها تزنكات وفمها حمر ومنفوخ فهمووها طايرة )

تارا : فيين كنتي أ أ ا

أيار : هاي هاي لحنيكات موردين

شيماء خنزرات فيهم ) حشمووو راه كنت غير كنبدل (شافت تيابهم لبسو سبور وثياب مريحة كيما قالتلهن والشعورات تجمعو شي دارت ضفيرة شي سفينجة وتوجهات لبلاكار حلاتو جبدات منو طابليا عطات لكل وحدة طابلية ولبسات هي ديالها )

باربرة : جينا كيلخدامات (جبدات هاتفها تسيلفا وهي طيروليها شيماء )

شيماء : ليعندها شيمشقوف تعطيهلي الطيلي والشقا مكيتلاقاوش

تارا : راه جاسم فلغذا فاش قالك واخا على الطياب وقااليك يعيطليك جاوبيه يعني خاسك تخلي تيليفونك حداك

شيماء خدات هواتفهم دارتهم فمجر فلبلاكار ) خليه وقت الطياب هذا وأنا ملي كنبدأ نطيب كنسى الدنيا يلاه أو حاجة غسلولي دوك ليدين مزيااان يلاه …

☘☘☘☘

عند جاسم لي منبعد الماتش الساخن مع عشقو وصلها للمصعد وهو توجه مباشرة لمكتبو دخل لقا جدو والشباب جالسين كيهضرة وكل واحد شاد طاس قهوة

الجد شاف فيه مخنزر ) أسي قلتي نصف ساعة وماجيتينا تا دازت ساعة فين تعطلتي

جاسم هز فيه حاجبو وتوجه جلس على مكتبو ونطق…)

جاسم : جدي بغيت نعرف كل المتحولين لي دخلو للمغرب هادي 18 سنة وبالضبط فشهر فبراير

الجد : كيفاش

جاسم : شيماء تلقات هاذي 18 سنة أمام بوابت الميتم تلقات فشهر 3 وهي كانت عنذها شهر يعني تزادت فأول شهر 2 بغيت نعرف كل المتحولين ليكانو فالمغرب فهاذ الشهر خصوصا النساء قبل 18 سنة

الجد حك راسو ) الأمر صعيب أنا واخا كنحتافظ بهكدا معلومات فسجل خاص ولكن كنسجل فيه غير أسماء المتحولين البارزين أو لي من عشائر غنية أو مشهورة ولي دخلو للمغرب من أجل التجارة أو الأعمال
وغير المتحولين المعروفين يعني مكنسجلش لي جاء سياحة يوماين ويمشي يعني مكنسجلش كل شيء

جاسم : جدي غير عطيني الملف نقدر لقا شيء مهم

الجد : واخا هاذ الملفات خصوصا القديمة منها كنحتافظ بها فالفيرمة لي عندي فطنجة خاس نمشي نجيبهم لك بنفسي

جاسمحول نظرو و شاف فذيياب ) وصلتي للمخترق

دياب : حاولت مرة أخرى لبارح قبل مانعس نوصليه ولكن والو الشخص ماساهلش بمرة والغريب فالأمر أنو حاول مرة وحدة فشل ومباشرة انساحب و خلا وراه مجموعة فيروسات اظطريت نصحح النظام الأمني من الأول ومالقيت حتى دليل ولو صغير يوصلني ليه

عدنان : إذن هاذ الشخص ما استفاد والو من هاذ محاولة الاختراق

فيليكس : شي إن تم عمر نظامنا الأمني تعرض للإختراق بهاذ الطريقة المحترفة

جاسم ساكت وكيفكر ) الشخص ماعاديش هذا لي اختارق نظام أمني معقد و ضخم بهاذ السهولة والسرعة شخص ماعاديش

فيليكس هز فيه حاجبو : بغيتي تقول متحول

جاسم : داكشي

دياب : غانبحث فالأمر

جاسم : حوليا نظام كاميرات القصر لي تختارق لحاسوبي غانقلب بنفسي

دياب جبد حاسوبو ينفذ الأمر )

الجد : آش درتي بالنسبة للمحكمة

جاسم : غانقدم طلب ترشحي من هنا لشهرجاسم : غانقدم طلب ترشحي من هنا لشهر

الجد : غاتكون نت فمواجهة نيكولاي فالإنتخابات والتصويت غياخد الوقت أجاسم راه 196 دولة يعني 196 عشيرة

جاسم : 196 عشيرة وماتنساش العشائر الصغار لي مستوطنين الجزر النائية أجدي راه عدد العشائر فالعااالم فايتين 240 عشيرة

الجد زيدان طرطق فيه عينيه : ولكن العشائر لي فالجزر هم مقصيين من التصويت ومامحسووبينش

جاسم خنز: وعلاش هم ماشي متحولين بحالنا ولا صاف حيت عشائر فقيرة وجديدة وأعضائها قلال نقصيوهم من اتخاد القرار ومن بعد نوضو نتحكمو بحياتهم ونفرضو عليهم يتبعو قانون (ضحك باستهزاء ) هم حتى ماشاركوووش فالتصويت عليه فهاذ التصويت أجديي كلشي غايشارك كل العشائر غاتدلي بصوتها تاحد ماغايتقصى

الجد : جاسم راه هادشي غاياخد وقت ونيكولاي يلا حس بنفسو مهزوم غايبقا يتماطل يضيع الوقت حتى يحصل عليك شيحاجة لي تمكنو باش يقصيك والوقت هو لي ماعندناش ماتنساش خبر زواجك ماشي صعب يتنشر وغير غايسمعو بيه غايبغيو يعرفو بيمن تزوجتي …!

جاسم : جدي أنا حاسب حسابي والتصويت أنا ماغانتسناش هاذ الشهر كووولو حتى يقبلووو طلب ترشحي للمنصب عااااد نبدأ فجمع أصوات العشائر

كلهم طرطقو فيه عينيهم)

الجد : ككيفاش زعمة واش بداو يصوتو عليك وكيغادير راه الصوت الشفوي مامقبولش أجاسم خاسك وثيقة رسمية فيها كيعلنولك الولاء وأنك أنت هو رئيس محكمة المتحولين الجديد لي اختارو وخاص هاذ الوثيقة تختم بختم رئيس العشيرة باش تعتابر صوت…

جاسم ابتاسم ) عندي حتى الآن خمسين وثيقة من هادو أجدي يعني خمسيين صوت (جاسم وقف وجبدليهم ملف لاحو أمامهم والجد فتحو وهو يتصدم)

جاسم : أول شيء درتو هو أني نشرت إشاعت ترشحي للمنصب وأرسلت بعض المتحولين الأصدقاء لكل الجزر النائية لي فيها العشائر الفقيرة والمقصية من التصويت خبروهم نيابة عني أنو من ولا من حقهم يصوتو وخليتلهم الأختيار بيني وبين نيكولاي الشارف… وحتى الآن مزال ماتحركو يصوتو خايفين من آل رومانوف
من بعد بديت بعشيرة مي الله يرحمها وخالتي هيلدا عشرة ^أسكانيا^ بروسيا لي غير سمع جدي ^بريان^ (أب هيدا وريبيكا أم جاسم )) بإشاعة ترشحي للمنصب تواصل معايا أكدتلو الخبر ومباشر رسليا وثيقة كيدلي فيها بصوتو ليا مع خالي^ هانتر ^ (أخ هيلدا وريبيكا وخال جاسم والتوأم وباربرة )
من بعدها عشيرة عمتي سوزي^ آل روجو ^ غير وصلت للهند خديت الوثيقة من السيد عرفان
من بعد عشيرة جدة ^أوزاويا^ فالجزائر رسلي أخ جدة ^عصام^ لي هو الرئيس الحالي للعشيرة الوثيقة
من بعد عشيرة عمتي سميحة(ماين تارا ودياب) الله يرحمها ^آل محمود فمصر ^ رسلولي الوثيقة
عشيرة ^كوريانا^ بكوريا الجنوبية عشيرة جاكلين^ آل سيدريك ^ السيد^ روجو ^بنفسو رسلي الوثيقة مع حفيذتو وجاكلين بنفسها سلماتها ليا
عشيرة : ^جبوركس^ باسبانيا
عشيرة ^ناميكخ^ الباكستان
عشيرة :^ تولاوز ^ تونس
عشيرة :^ شينهاي^ بالتايلاند
غير قارة إفريقيا بها أجدي 54 دولة وصوتو عليا منها 40 عشيرة أي ربعين دولة منلي وصلهم الخبر ووثائق صوتهم كلها عندي ….
أتا ماغانتسناااااش تماطل أعضاء المحكمة فترشيحي حيت نيكولاي والأربعة ليمعاه غيديرو كل مافجهدهم باش يعطلو الأمر والأغبيااااااء كيحرضوووو علياا العشائر وكيجمعو الأصوااات الشفوية من العشائر لي نفسهم كيسيفطوليأنااا أصواتهم الكتابية الرسمية وأنا ماغانتسناش حتى يكمل الشهر غير نجمع أكبر عدد من الأصوات غانمشي بنفسي مباشرة نخرج أعضاء المحكمة من مناصبهم

(كلهم الصدمة سكتاتهم ماعرفوش إيمتا جمع هاذ الخمسييين صوت )

ذياب : عععلاش ماقلتيش لينا نعااونوك

جاسم : هادشي كنديرو بسرية تااامة عندي متحولين أصدقاء لي كيجيبولي الوثائق بسرية يلا تحركتو نتوما فالدول الأخرى غانلفتو الانتباه مابغيتهمش يعرفو الدقة منين جاتهمالجد : أحم المهم أنا غانتواصل مع الرئساء لي كنعرف باش يسيفطيلو صوتهم

جاسم : لا أجدي خليني خدام بطريقتي وأنا مكنننننطلبش الأصوات أو نحزر عليها بممممرة هم كيصوتو عليها بإراااااادتهم

الجد : النخبة أجااسم كل أعضائها من عشائر قوية جدا خاس ضروري تتواصل معاهم

جاسم ضحك باستهزاء ) الصوت أجدييي ما كيهمش واش العشيرة قوية أو لا كيهم عدد الأصوات أجدي وأنا عندي صوت عشيرة تركيا ^ آل آشين أوغلو^

فيليكس : جوكااار

جاسم : بينغوووو وهو بنفسو لي كيتنقل ليا من دولة لأخرى و لي جابلي أغلب الأصوات

دياب : جوكار صديق مخلص

عدنان : جاسم يلا عاقو بيه النخبة جاسوس وسطهم يقدرو يصفيوهاليه

جاسم : ماغايتجرؤوش هو قريب غايكون عندي فالمغرب طلبتو يقدم استقالتو من النخبة

غسان : أصلا هو دخليها تبعا لأمرك واش وصليك شي أخبار أحم قصدي إيفان هو الآن متأكد من أمر باربرة

الجد غير سمع اسمها خنزر )

جاسم : إيفان مافيدو مايدير حاول يحرض النخبة ضضدي وبلانا لخطة فاشلة ولكن تاحد ماتجرأ ينفذها ليه بالنسبة للعشائر التلاثين ليمسيفطين أفراد منهم ك أعضاء النخبة أنا متأكد ماغايصوتوش عليا وحتى يلا صوتو أنا ماغانقبلش أصواتهم حيت ملي غناخد الرئاسة أول حااااجة غانديرها هي نحيد النخبة ونهااائيا (النخبة كتكون فالأصل من تلاثين عضو وكل عضو من عشيرة أو دولة )

الجد : شيماء خاسك تخبيها أجاسم هاذ الفترة حتى تترأس المحكمة ديك الساعة وبينها ليهم

جاسم وقف وخبط فالطبلة ) : ماغانتخبااااش أجدي وماغانخبيهاااش أنا غير نجمع مئتي صوت غانحييي آل رومانوف كلهم

الجد : سرط ريقو ) واغير تهدن أحم قولي شنو هو سر الهجناء أ جاسم نت عارف خاسك تشرحلينا آش فيهم لي كيخليهم يقتلوهم

جاسم : الدم دمهم أجدي فكر فالأمر علاش كيقتلوهم بدون إراقة ذماء علاش آل رومانوف كاتميين سر الهجناء كل هاذ السنين مكنهضرووش على عاااام ولا عشرين عاام رااه مئاااات السنين أجدي والسر كيتوارتوه آل رومانوف جيل بعد جيل وهم حاكمين ومتحكميين بكل العشااائر إلا القليل لي مامنصاااعش ليهم
كلشي كيخاف منهم كيحللو لي بغاو ويحرمو لي بغاو بدعوة القانون والحفاظ على نسل المتحوليين علاش موهمينا أن الهجناء غايكونو نهاية لجنس المتحولين فنظركم ؟

الجد : واش الدم مسموم يعني دم شيماء مسموم

جاسم : بلعكس أجدي

الجد : جاسم بلا ألغاز

فيليكس وقف من الصدمة )يييعني دم دمهم هو هو هو

جاسم : هو الخلاص هو السر ورااااء عيش حياة عادية بدون قوى أو امتيااازات حياة كبشريين عاديين

(كلهم وقفو من الصدمة )

ذياب : الأمر أخطر من المتوقع سر بحال هذا مخبينو على كل العشائر وكل هاذ السنين

جاسم : عطاو لنفسهم حق القرار عن كل العشائر كيقتلو فهجناء أبرياء باش ماينوضوش المتحولين يستعملو دمهم لعيش حياة عادية
حييت كون عطاو الإختيار عشرااات المتحولين خصوصا لي كيعانيو من قوى مؤذية غايختارو يوليو بشر عاديين ويتخلاو عن طبيعتهم كمتحوليين آل رومانف اتاخذو قرار عن كل متحول كاين فهاذ العالم باشمن حق هاا بزاااف دالمتحولين كيعانيو وبزاف منعازلين بسباب قوى شيطانية فوقت لي عندهم حل يتخلصو نهائيا من هاذ القوى ويعيشو عاديين قوااانا مكتعطينااااش الخلود مكتعطيناااش امتيازات لي هي هائلة مايمكنش ترجعنا من الموت أو تخلينا نسافرو عبر الزمن أو نطيرو أو منعرف آش فا علاش لالالا من حق كل متحول يقرر بنفسو يحتافظ بهاااذ القوة ولا لا علاش كاتميين هاذ السر كل هاذ السنييين فقط من أجل مصالحهم باش يبقاو فالصدارة ويتحكمو بالمتحولين كيبغاو ويبقا جنس المتحولين هو لي كيسير العالم علاش مانعين العشائر الفقيرة والضعيفة من التصويت ومهمشيينهم ولا حيت مستوطنين جزر صغيرة ماشي دول كبرى لي غاتخليهم يتحكمو باقتصادها وبمواردها المالية
آل رومانووف بغاو المتحوليين يطغاو فالعالم ويتحكمو بأقوى الدول باش دايما تبقااا فكرة أن المتحول متميز عن البشري ماشي غير بالقوة بل حتى بالسلطة والنفوذ أما كون خلاو الاختيار للمتحوليين كون أكتر من نصف المتحولين اختارو يتخلاو عن قواهم باش يعيشو حياة طبيعية

الجد وقف كيمشي ويجي ماقادرش يتيق ) ييعني كل هاذ الوقت كاين الحل وهم مخبينوالوحش وذات القزحيتين ❤️
الجزء186

الجد وقف كيمشي ويجي ماقادرش يتيق ) ييعني كل هاذ الوقت كاين الحل وهم مخبينو

جاسم : آل رومانوف ارتاكبو جريمة شنيعة فحق كل متحول وقررو عنا كاملين قرار لي مامنحقهمش عاد قضية قتلهم لمئات الأطفال وتوهيم المتحولين أن الهجناء وحوش وشياطين

الجد : وواش متأكد من الأمر

جاسم : متأكد وكليا واليقين غانعطيهم دليل نهار نكشف السر فالعلن

الجد : آشمن دليل

جاسم : باربرة

كلهم طرطقو فيه عينيهم تاني والتوأم وقفو )

عدنان : خختي مالها

جاسم : باربرة كتكره قوتها عمرها تقبلاتها وعمرها غاتقبلها وبزز كتحكم بيها أنا غانعطيها الاختيار ومتأكد غاتفظل تتخلص منها وغانهنيها منها عن طريق عينة من دم شيماء وكاينين عشرااات بحال باربرة وملي غايعرفو السر دقتل الهجناء كلهم غايثورو على آل رومانوف

غسان : جاسم خاس تتأكد من سلامة الأمر حنى ماجربناش ماعارفينش واش القوى بصح كتختافي واش ماكاينش شي تأثير جانبي

جاسم : ابتاسم بشر ) وشكون قاليكم ماجربتش الأمر

شافوفيه مخرجين عينيهم )

جاسم : استنتاجي عن كون الدم كيحول المتحول لبشري عادي ماجبتوش من الخيال جبتو من تجربة

الجد : ففففيمن جربتي

جاسم تنهد وجلس على حافت مكتبو ) الجدة بوجا

دياب : ككيفاش

جاسم : داك نهار ملي شافت الجدة ماضي شيماء كانت آخر مرة استعملات فيها قوتها
قبل ماندي شيماء عند الجدة تلاقيت بيها شخصيا وحكيتليها كل شكوكي حول دم الهجناء وهي حكاتلي أن قوتها كلما كتكبر فالسن ونهار على نهار كتفقد السيطرة عليها لدرجة مكتنعسش وكلما نعسات كترجع تشوف كل الرؤى لي شافت فحياتها كلها والأمر كيتسبب ليها ألم رئس فظيع هي بنفسها طلبات مني تتخلص من هاذ القوة لي بسبابها فظحات شحال من متحول وتسببات فقتل عشرات الهجناء طلباتني نعاوها تتخلص منها وتعيش الباقي من حياتها فسلام فا وافقت وهي ملي شافت ماض شيماء وديت شيماء للمستشفى بسبب النزيف خديت عينة من دمها وملي رجعت للقصر تلك الليلة جربت العينة على الجدة وكان معايا السيد عرفان فقط وهو عارف كل شيء حقنتها فالأول غير بنقطة نقطة واااحدة من دم شيماء وفلبلاصة حولات الجدة من متحولة لبشرية عااادية بدون ألم أو مضاعفات مابقيناش أنا والسيد عرفان كنحسوو بولللو شوية دالطاقة من قوة الجدة حتى أنها جربات تطبق قوتها معايا ولكن ماقدراتش أو بالأحرى قواها اختفات وللأبد

((الشباب والجد الصدمة خلاتهم مسمرين))

جاسم : نقطة دم هجين واحدة كفيلة بتحويل متحول لبشري عادي

الجد : آل رومانوف ارتاكبو خطأ كبير فحق المتحولين خطأ غايخلصو ثمنو وغاالي

جاسم : أكيد وقريبا أجدي غانحييهم وكاااملين

الجد : خاسني نجيبلك الملف فأقرب وقت خاسنا نعرفو شيماء من أي عشيرة

جاسم : غااانعرف وقريبا

الجد : غدا فالمساء يكون الملف عندك وحتى تصويت أربع عشائر أخرى ماتقوليش خليني نخدم بطريقتي أنا ملي سمعت السر لي مخبيينو آل رومانوف عاد عزمت على تدميرهم من ديما باك أسد كان كيبحث خلف هاذ السر ومن ديما كان كيهدف للتخلص من تلك القوانين كان خاسني نعاونو ونوقف جنبو ولكن ماكتابش فا خليني نعاونك نت

جاسم حرك ليه راسو بواخا ) الأمر خليوه سري تاوحدة فلبنات أو النساء أو أي شخص آخر مابغيتو يعرف

عدنان : إمتا غاتفاتح باربرة فالأمر

جاسم : قريبا

الجد : أنا غانمشي لجناحي نجري بعض الاتصالات (وضحك ) علامااا يوصل الليل باش ناااكل هههه وأخييرا غاناكل الأكل لي بغيت (وخرج كيضحك )

جاسم حرك راسو بلا حولة وجلس فمكتبو وهز حاسوبو )

دياب : فنظرك شكون اختارق الكاميرات وعلاش

جاسم : ماعرفتش ولكن غانعرف واش تإكدتي من أن النظام آمن

دياب : كولو آمن متأكد

عدنان : أحم جاسم خاس نهضر مع جدي على تارا

جاسم : هضر مع عمي علي أولا

عدنان : هضرت معاه سولتو امتا يجي قال مزال معطل وأمر كهذا ماجاتش يتقال فالهاتف

جاسم : واغير خود اذنو فالهاتف راهو عارفك طايح فيها

عدنان وقف من الصدة وهم خرجو عينيهم فيه )

عدنان : ككتهضر بصح

جاسم هز عينيه من على الحاسوب وخنزر فيه )

عدنان : هههه هي هو مواافق

غسان : بلاتي وأنا عمي معاذ عارفني بغيت أيار

جاسم : عااارف

غسان طار نقز عنق خوه وجلسو يضحكو )

دياب : اذن بقالكم غير السيد زيدان

جاسم : فالعشاء قولوهاليه

عدنان : بصح خصوصا يلا طيباتليه شيماء داكشي وعجبو غيكون فرحان وتما نقولوهاليه

جاسم خنزر فيه تخنزييرة دلقتييلة )

عدنان : أحم قصدي المدام شيماء

جاسم : رجع حنا راسو على الحاسوب )

فيليكس : اعلم الله كيردو داك المطبخ

عدنان : ياك المطبخ كولو كاميرات يلاه نتفرجو فيهن

((كلهم شافو فبعضياتهم وحولو نظرهم لجاسم لي مركز مع الحاسوب كيحاول يكتاشف المخترق ملي لقاوه مامسوقش وهما يضورو على ذياب لي حط الحاسوب على الطاولة أمامهم وهو يحل ليهم كاميرة المطبخ صوت وصورة وجلسو يتفرجووو ……يتبع🎩#وحش_ذات_القزحيتين🎩

✏للكاتبة ✏ chaymae ouaj

💜الجزء 187💜

فالمطبخ عند شيماء لي بدات الشقا جبدات لحم ودجاج واستدارت شافت فلبنات كل مرة وحدة منهم كتهز خصلة من شعرها تردها مور ودنيها ففقصوها وهي تخرج توجهات للصالة فين جالسين السيدات كيتفرجو فسامحيني وهي طلب من الجدة تعطيها زيوفة دالراس أو درات الجدة عطاتها ست شيلان وهي ترجع للكوزينة وشداتهم وحدة بوحدة عكفاتلهم الريوس وهم غير كيشوفو فيها وكيضورو عينيهم
جمعاتلهم الشعر كولو داخل الشيلان وعقداتهم مزيان وجمعات حتى شعرها ولوات الشال على راسها على شكل عكسة ووقفات كتشوووف فيهم ويديها على جنابها وهن مستفات أمامها …)

شيماء : جاكلين كتعرفي تخدمي لموس ياك

جاكلين : أ آه كنعرف

شيماء حطات أمامها شبكة دالبصلة ) غاتكرضيلي كل هاذ البصلة شلضيها صغيرة

جاكلين شافت عرام دلبصلة وهي تصفار ) ككلشي هذشي

شيماء دارت يديها على جنابها ) كاع هاذكشي ليعاودولي عليك لبنات ديك لقصوحية كلها وخلعاتك بصلة !

جاكلين : أأ لا مخلعاتنيش أنا نشلض مها

☘☘☘☘

ذياب والشباب غير حلو الكاميرا شافو لبنات بالشيلان وطاحو شادين كروشهم كيضحكو تامن فيليكس ليطايراليه شاف أليشا بلعكسة وهو يتزلع بالضحك (العكسة ولا العكفة هي ديك الشدة دالشال كتلويه على الراس للي معرفاتهاش حيت كل منطقة وآش كيسميوها )

جاسم خنزر فيهم : آش تم مالكم

الشباب مجوبوهش كيموتو بالضحك الشيء لي خلاه هز حاسوبو لي خدام فيه ومشا جلس جنب دياب كيتفرج معاهم غير شاف هو الآخر شيماء بزيف وهو يبتاسم )

دياب : والي شافها طيحات داك السخط فالتدريب يقول هادي كتعرف لكولشي وهي بصلة خلعاتها (على جاكلين)

فيليكس : سكتو خليونا نتفرجو

☘☘☘☘

شيماء هزات صينية خوات فيها لعدس وأخرى خوات فيها اللوبية وعطات لأيار لعدس وتارا اللوبيا )

شيماء : نقييوهم ومزيان من لحجر

أيار : كتشووف فدك عرام دلحبات دلعدت ) غير خليه بحجرو راه الدراري كياكلو لحجر

تارا : آه وخصوصا خوية دياب كيطحن كولشي

شيماء هزات لمدلك كتشر بيه عليهن ) غااانلقا حجرة وحدة نوكلها ليكم يالاه

طارو جلسو كل وحدة كتنقي صينيتها )

شيماء هزات لكرشة مغسولة ونقية مع الرية… وحطاتهم فلاطة وحطاتها قدام أليشا لي سدات نيفها )

أليشا : يييع يع يع شهادشي

شيماء : سي لا كرشة دي حولي إي لا رية دي موطون أزين غاتقطعيهمليا باش نقاد تقلية لجدي يلاه

أليشا بدات تبكي ) وااا هئ هئ عطيتيهم داكشي ساهل وأنا عاطياني هادشي الخانز

☘☘ ☘☘

فيليكس كيضحك تابدا يبكي ) هههه ويلي والله تاعبرات علييها على آش دوزات عليا هاذ اليوماين

☘☘☘أليشا بدات تبكي ) وااا هئ هئ عطيتيهم داكشي ساهل وأنا عاطياني هادشي الخانز

شيماء : سكتي صاف نقطعها راسي (هزات لبرقوق ولمشماش المجفف) هاكي غانقوليك كيديري وعسليهم

أليشا : مسحات دموع ) هه شفتي دابا أري

شيماء : خدات سلة وعمراتها بالخضرة دكسكس وهي تحطها قدام باربرة ) غاتنقيلي الخضرة دكسكس

باربرة : ممممكنعرفش

شيماء : هزات لمدلك ) ودابا كتعرفي

باربرة : كااانعرف (هزات السلة وهي تكمش حدا لبنات كتنقي )

شيماء استدارت هي الأخرى وبدات تنقي دجاج واخا منقي وواجد ولكن لي فيها ماهناها
لاحت اللحم يطيب قسماتو على طبقين غاديرو بالبرقوق والمشماش وغادير لاخر مروزية
لاحتهم يطيبو وهي ضور تشوف لبنات وهي تشهق ….

باربرة لي ماشي نقات الخضرة طحنااات الخضرة (مشات عندها شيماء كتري تعتق الموقف ووراتها كيدير تنقي عاد دازت لعند لبنات لي جلسو عام باش ينقيو دكشي وقفات تا تأكدات راه نقاوه مزيان وهي تنوضهم وحطات كوكوت لكل وحدة فيهم )

شيماء : غانقوليكم كيفاش وغاتنصبوه وحدة تنصب لعدس والأخرى اللوبيا

تارا : شششيماء والله مغايصدق راه اليوم نسيفطوووهم جملة للسبيطار

أيار : راه قوتي نشافي الجرح ماشي التسمم راه جدي اليوم يجري علينا

شيماء غوتات ) وااا سكتو (قفزاتهم ودراري لي كيتفرجو هبلو بالضحك )

شيماء حطاتلهم بصلة وماطيشة ) حكوهم فلكوكوت والتوابل أنا نديرها راسي
حكو البصلة هي الأولى

لبنات : واخا

أليشا غوتات ) وااا عتقي عتقي هادشي لسق

شيماء مشات كتجري عندها حيدات الطاوة من لعافية وخنزرات فيها ) شوطتييه

أليشا كضور فعينيها )

شيماء : ياك قلتليك بقاي تحركيه

أليشا : نسيت

شيماء : عاودي لاخر تشوطيه هاذ لمرة نشوطك

جاكلين : هئ هئ هئ

شافو فيها كلهم أول مرة يشوفوها حزينة وكتبكي ملفوق شيماء وقفات عليها ) تي مالك

جاكلين : لبصلة حاااارة

شيماء شافت فالبصلة لقاتها مكرضاها قطع كبااار وهي تشهق ) ويلي ويلي ناري والله كتفقصو حيدي لهيه (ناضت جاكلين وشدات شيماء الموس كتكرض البصلة بسرعة وخفة واحترافية كترضها طريفات جد صغار ولبنات تجمعو كيشووفو فيها

باربرة: واااو

شيماء كملات البصلة وهي تشوف فيهم ) شكون كملات تشرمل دجاج (كلهم هربو وهي حركات راسها بلا حولة وتوجهات لطاوة كبيرة شرملات الدجاج ولاحتو يطيب ودازت لتقلية كتقطع الكرشة )

أليشا : يع بازليك كتقيسي دكشي بيديك

شيماء : خنزرات فيها ) وعنداك تاكليه

أليشا كضور عينيها ) ناااكل

جاكلين تنهدات ) ماترينيتش اليوم ولبارح بحالا ناقصاني شيحاجة

شيماء : راه كاينة صالة دسبور قداش لفووق ديك الساعة تريني فيها

تارا : علاه خوية مداكش لبارح للشركة

جاكلين غير سمعات اسمو خنزرات وهزات لموس جنبها ونيشاتو بمهارة تاجا مخشي بالجهد فلكرعة الكبيرة (اليقطينة) لي محطوطة جنب باب المطبخ قسماتها على جوج تاقفزات لبنات ودراري لي كيتفرجو طرطقو عينيهم )

جاكلين : علاه هووو عندووو الكلمة وا نساااني وأنا لعشية كلها كنتسناه ولكن كون غامشيت راسي وندربهههم ماقدرتش نخالف هضرتوو

☘☘☘
دياب حل فموو : ناري والله تانسيتها مع مشكل الإختراق

عدنان: إوا وجد نفسك للإعتدار ولا ترضك كيديك الكرعة

☘☘☘

تارا : دابا نتي وخوية غاتزوجو دبصح واش عجبك دياب

جاكلين ابتاسمات ) عادي هذاك قرار الكبارجاكلين ابتاسمات ) عادي هذاك قرار الكبار

شيماء شافت فيها ) هذاك زواج ارتباط بشخص وقرار مصيري قرارك نتي وهو ماشي قرار شيحد آخر

جاكلين: كنعقل الشيء الوحيد لي قررتو فحياتي كلها هو انظمامي للمخابرات الأمريكيا وغير فالسر تاالمن بعد عاد اكتاشف جدي وخوتي الأمر وحيت المجال خصوصا الفرقة فين كنت كانو كلهم رجال أنا بوحدي بنت وخافو قالك نربط علاقة مع بشري هههه وكانو غاينفيوني حيت عصيت أمرهم وعرفتو شكون فكني منهم الجد زيدان حيت كان كيزورنا ديما وهو لي وقف فوجههم وتما قال لجدي غاياخدني عروس لأحد أحفادو وقالهم مدام غانولي من لستاركس فا يبعدو مني ويخليوني ندير لي بغيت عاد بعدو مني وقدرت نكمل خدمتي فالمخابرات بحرية حتى للنهار لي غنتضرب فيه بالرصاص وكونما زميل بشري فنفس فرقتي لي عتقني كون مت وملي هزوني للمستشفى وقف معايا وملي جاء جدي وخوتي لقاوه فغرفة المستشفى لي أنا بها وعرفوه هو لي عتقني داروليا قصة أنه عندي علاقة معاه وهددوني بالنخبة هههه والزميل غير عتقني صدقو كانو غايقتلوه كونما الجد زيدان لي دخل مرة أخرى وجدي ماتيقنيش وقالي مدام غانولي عرووس للستاررك ف غانشوهووو معاهم لامشيت عندهم عروس وأنا ماشي عذراء عرفتو أش دار
دارلي كشف طبي يكشف واش راني عذراء حتى تأكد من الأمر عاد سكت أما كان كيوجد ينفيني مرة أخرى وأنا فالأول ظنيت الجد زيدان قال هكاك غير باش يحميني ولكن صدق فعلا مقرر يزوجني لأحد أحفادو حتى ليوم لي جااء وجابلي صور التوأم وذياب وقالي نختار هههه

تارا : ويلي

أيار : ناااري هادشي لي دزتي منو مساهلش

جاكلين : كنت غارفض ولكن ماقدرتش حتى يلا عصيت جدي فلبلاصة كان يجيبلي أي متحول آخر نتزوج بيه ويلا رفضت يجيبلي آخر يعني شيء أنا ماعندي أي كلمة فيه لاش غانحمق راسي بالرفض واخا بغاو يزوجوني لشخص مباغينيش عادي المهم عندي هو عملي مانخليهش وملي شفت الصور اختاريت ذياب حيت هو أصلا مشهور فعالم الشرطة والهاكرز وليكارد لي كيدرب معروفين عالميا بكفائتهم ومهارتهم وهو كنت كنحلم نتلاقاه أو ندرب على يديه ملي يلاه كنت طالبة فسلك المخابرات لقيت أنو هو الشخص الأقرب لشخصيتي العملية وقلت للجد بغيتو هو

شيماء : وأحسنتي الإختيار (شافت فيها ) دياب شخص نبيل ومتخلق أكيد غايعاونك تزيدي للأمام فمجال عمل نتوما كتبغيوه بجوج فا غير تهناي وجدك الآن مابقالو حكام عليك نتي وحدة مننا

☘☘☘

دياب سمع كل آش مرات بيه جاكلين حس بقلبو كينبض بقوة ونوع من الحزن اكتاسحو حتى كيسمع كلام شيماء عليه وهو يضور عينيه شاف فجاسم لي كيعض شفايفو من الأعصاب ونطق باش يبرد الجو)

دياب : هه ختي شيماء الله يحفظك أختي

جاسم خنزر فيه وهو يسكت )

☘☘☘

جاكلين : حتى لو تزوجنا غايكون غير فالأوراق

(لبنات طرطقو فيها عينيهم والشباب لي كيتفرجو كذلك أما دياب تزنك كيدعي تسكت)

شيماء : كيفاش تاني

جاكلين : هو قال ماباغينيش واقتارحت عليه أننا نتزوجو فالاوراق أمام الجدين وهو يحتافظ بحياتو الخاصة أنا مغندخلوش فيها ومن بعد مدة يطلقني

تارا : وآش قال

جاكلين : مانعرف جاوبني بالعربية مافهمتوش

تارا : ضحكااات ) هههه غايكون عايرك

جاكلين : إوا هذا هو الحل ليكاين

أيار : ولكن لا طلقتو من بعد ماغاتبقايش محسوبة علينا غايخسك ترجعي لعشيرتك تاني وماتنسايش المطلقة فالمتحولين عمرها تحلم تتزوج مرة أخرى

جاكلين : حنات راسها ) معندي مندير هاذو القوانين شحال فكرت من مرة نهرب ولكن خوتي على سبة أي شيء كيهددوني بالنخبة وبسهولة غايلقاوني بغيت غير نخدم فالمجال لي كنعشق والله مابغيت لا قوة لا زواج

شيماء : حطات آش فيديها وتوجهات لعندها شدات يدها وابتاسمات ) حيدي من بالك فكرة الزواج فالأوراق أو الطلاق بغيتي تخدمي طلبي المساعدة من دياب أنا متأكدة ماغايمنعكش وهو مارافضكش نتي شخصيا رافض فكرة الزواج ويلا وافق على زواجكم فا تقبليه كزوج بصح أما يلا ماوافقش جدي وجاسم مغيخليوكش أنا متأكدة

جاكلين ابتاسمات ليها ) أنا كنعشق فنون القتال

شيماء : وأنا كنعشق الطبخ يلاه راك جلستي تهضري بلا خدمة (عطاتها الدجاج طايب ) فرتتيلي هذا غانعمر بيه البسطيلة

أليشا : هاهوووووااا تعسل ياااي والله تاصدق (وجلسات تنقز )

شيماء توجهات لعندها داقت من لبرقوق ) مم زوين زيديليه نصف ملعقة صغيرة قرفة

أليشا : شناهيا قرفة

شيماء تنهدات وزادتها راسها )

أليشا : آش ندير دابا

شيماء : تفتلي الكسكس

أليشا : غير مايكونش شيحاجة خانزة وأريأليشا : غير مايكونش شيحاجة خانزة وأري

تارا : أح أح كتحرق أح عيني

أيار : أح وا البصلة البصلة عيني (جات تحك عينيها بيديها فيها البصلة وزاادت دخلات البصلة لعين وهما يحميييوها لغوات والدراري كيتفرجو مزلعين بالضحك)

جلسو كينقزو وسادين عينيهم كيدمعو بالبصلة وشيماء مشات كتجري غسلات لكل وحدة وجهها وجلساتهم وخنزرات فيهم )

شيماء شحفوها ) هااالعار غاجلسو وتبتو للأرض مديرو واالو غانكمل راسي

تارا : نطلقليكم موسيقى الشعبي

شيماء :طلقيي
ناضت تارا خدات هاتفها وهي طلق تأغنية بلال لعرودي فوق الشواية ^ لي كلهم حافظينها حتى شيماء وجلسو كيشقاو وكيدندنو مع الأغنية وشيماء كتحرك خصرها وكتغني وكدير حركات بيديها وحتى لبنات أيار وتارا ناضو كيشطحو

شيماء كتغني وكترقص وكدير حركات قليان السم بيديها ) : ياااوماعنديش معااهم ماعندهمش معياياا ندووز ونخليهم ياوفووق شواية

تارا : فوق الشواية

أيار : فووق الشواية

الدراري تزلعو بالضحك أما جاسم تعصصصب وهو كيشوفها كترقص والشباب حداه كيتفرجو يلاه مد يدييه يطفي الحاسوب وهو يشوفها حبسات ورحعات للشقا وهو يتراجع وكيتحلف عليها )

شيماء : مزيان الكسكس واجد واللحم بالبرقوق ولمروزية واجدين البسطيلة واجدة التقلية كطيب الكرعين واجدين بقالي نحمر الدجاج ونقاد لحريرة ولمسمن للرفيسة ويلا كملتهم بكري نهزو نصايبو الفقاص

لبنات مطرطقين فيها عينيهم )

باربرة : ويلي ماعيتيش أنا عييت

شيماء غوتات : ماكاااينش لعيا تانكملو تارا غاتهزي تقادي عصير الليمون وأيار غاطحني الباربرا مع لحليب
جاكلين صايبي سالاد بالخص ولخيار وباربرة غاتقطعي الفواكه لسالاد فخوي يلاه وألييشا غاتزوقي ديك البسطيلو بسكر كلاصي والقرفة يلاه …

ناضو تاني كيشقاو تا غوتات تارا )

تارا : وااا صبعي صبعي (أيار طارت عندها استعملات قوتها حتى شافاتليها الجرح )

شيماء : واش فيك بوتفتاف غير كتهزي لموس كتجرحي صبعك.

تارا : راه مكنعرفش نشدو

شيماء : أييه ونفتارضو مثلا نتي وعدنان تزوجتو ووليتو فقراء وكريتو بيت فالسطح وناض قالك فيه الجوع نوضي طيبيليه آش ديري

(تارا طاح فمها للأرض ولبنات طرطقو فيهم عينيهم أما عدنان مسكين سرح بخيالو كيتخيل الواقعة وكيتسنا جواب تارا )

تارا : غان غانقوليه يديني لريسطو

لبنات تزلعو عليها بالضحك)

شيماء : كضحكو نتوما طفرتوه (خنزرات فتارا ووراتها كيدير تشد لموس وتقطع)

شيماء : هانتي هاه تعلمي غير شيحاجة تقدر تنفعك حتى يلا قالك طيبيليه تعرفي

تارا : مانطيبش والله منطيب وراه تاهو مكيعرفش يطيب

أيار : تا غسان مكيعرفش وقبيلة جالسين كيضحكو علينا ماشافوش ريوسهم

باربرة : جاسم ودياب كيعرفو

شيماء شافت فيها ) بصح

باربرة : آه دياب كيدير دكشي دريجيم سالاد ودكشي وجاسم شفتو واحد المرة كنا عندو ففيلتو أنا وماما ومكانوش عندو خادمات كان كيطيب لراسو

تارا : آه قولي لعدنان ينوض يطيب والله لا ناض لمعكاز لاخر

أيار : واييه

شيماء : وا باز لوجهكم نتوما ليبنات ومكتعرفوش بقا غير هم

(قاطعهم رنين هاتف وحدة منهم كان دأليشا ومشات كتجري هزاتو وجاوبات )

أليشا : أمير سلام /…/ لا أنا ماشي فالهند أنا فالمغرب /…./ بصح نتا تما دوماج واش دزتي للقصر عند جدي /…./ إوا غير دوز /…./ لا ماغانرجعش غانكمل قرايتي هنا /…./ أجي مرحبا بك يلاه باي (وقطعات استدارت لقات لبنات كلهن كيشوفو فيها )

شيماء : أمييرالوحش وذات القزحيتين ❤️
الجزء188

شيماء : أميير

أليشا ضحكات ) صديق هو متحول من باكستان كان خطبني لعام لي فات ومابغيتش وبقينا أصدقاء هو فالهند حليا وسول فيا قالي غايدوز للمغرب ويتلاقاني

تارا : أمير أمير بلاتييي ماشي هو هداك الممثل لي كنتي وريتينا

أليشا : هو

أيار : كنعقل جدي عرفان كان بغا يزوجك ليه نتي لي راسك قاصح

أليشا : خنزرات وزيرات على يدها ) وغيرت رأيي يلا عاود فاتحني أمير فالموضوع غانوافق

(كلهن طرطقوفيها عينيهم أما عند الشباب فيليكس كيمشي ويجي وهو كيسمع كلامها وسمع محادثتها الهاتفية مابقاش قادر يستحمل كيعراق وعروق جبهتو تنفخو وجاسم كيشوووف فيه)

جاسم : غاتهضر مع لبنت أو تقرب منها غانخلي دار بوك.

فيليكس خبط راسو مع الحيط وغوت ) لالا هييي كتخطط تزوج زوييينة هاذي

جاسم غوت تاقفزو وقفزهم ) واااش بغيتييها تسناااا سيااادتكم نتا تستاهل هااادشي أي شخص كيتكبر علي شيحاجة كيخسرها وأليشا ماتستاهلهاش فا بعد منها

فيليكس عينيه عمرو دموع كيحس قلبو كيتحرق ) مانقدرش أجاااسم مانقدرش آه غلطت عااارف كنعتااارف كنبغيها وبزااف فامتقوووليش بعد واش نت تقدر تبعد على شيماء

جاسم كيشوف فيه سد حاسوب دياب ليكيتفرجو منو على لبنات ووقف ) عندك آخر فرصة معاها أفيليكس ماقبلاتكش غاتبعد فهمتيي ويلا ميديتي عليها صبع واحد غاندمك وأنا بنفسي غانزوجها لهاذ أمير (ضرب فيهم وخرج فاتجاه جناحو ) والشباب كذلك ناضو كلها لجناحو

☘☘☘
دازو خمس ساعات أخرى
فالمطبخ كملو تقريبا كل شيء لبنات عياو وغير جالسا كيتفرجو فشيماء لي والو واش جلسات أو عيات أكتر من ثمان ساعات وهي واقفة كطيب كملات وهزات عجنات عرام دلمسمن وطيباتو وقسماتو نص فرتتاتو للرفيسة والنص خباتو للجد يفطر بيه فالصباح))

باربرة : ناري بازلك هدشي كتير

أليشا : واش معيتيش

شيماء : أممم ويلي نسيت ما شعلت فران على دجاج يسخن شحال فالساعة ألبنات )

تارا : تسعووود راه جدي جا وجالس فالصالة

شيماء شعلات الفران وشافت فيهم عرقانة وطابليتها عامرا بليطاش دالطياب ) هانا نحط

لبنات وقفو ) خلي الخادمات يحطو يلاه ندوشو ونبدلو حوايجنا

شيماء شافت فراسها) أ آه يلاه

(هزو لبنات هواتفهن وخرجو من المطبخ توجهو للمصعد ودخلو الخادمات يحطو كل تلك الأطباق)

وصلو للطابق ليفيه الأجنحة وكل وحدة دخلات لجناحها

شيماء غادة فاتجاه جناحها هي وجاسم حلات لباب ودخلات وهي حانية راسها على الهاتف كتبقشش فيه ولقات أربعين مكالمة من جاسسم وهي توقف مكانها مصمرة كتشوف كل تلك المكالمات حتى حسات بيديه عنقها من الخلف وحط ذقنو على كتفها وكيشوف معاها فالهاتف..)

جاسم : أمم ربعين مكالمة من الوحش بدون ولا رد واحد من الجميلة

شيماء سرطات ريقها واستدارت شافت فيه ) راه راه كان فلبلاكار وفيه لفيبرور نسيت ماحيدتو

جاسم غوت فوجهها ) 8 دسواااايع أشيمااااء ماااطحتليييكش كاااااع فبااالك تقووولي نشوفو أو نسول فييه

شيماء : ججاسم تهدنشيماء : ججاسم تهدن

جاسم استدار وخبط كوافوز حداه حتى قفزها ) مااامهدنش نتي مراااتي أنا ماااشي لبنات جلستييي معاااهن ثمن ساعات كلهااا

شيماء : جاسم راه راه ماشي لبنات كنت كنطيب لجدي و..

جاسم قاطعها ) جدييي واااش نتي مرااتي أنا ولا مرات جديي

شيماء كتشوفو غادي وكيزيد يصعر وهي تشدو من يديه بزوج وعصراات واحد جوج دميعات طلقاتهم )

شيماء : هئ ياك تا الطبخ مانطيبش أجاسم حرام عليك هئ

جاسم عنقها وصدق هو لي كيهدنها حيت دخلات فالدور نيت أو ولات تبكي وتشهق)

جاسم : صاف منعاودش نغوت عرفتي بززز صبرت نفسي ماندخلش نقلب عليكم ذاك المطبخ

شيماء : هئ تا الطبخ ماغاتخلينيش هئ ياك هئ حرام عليك

جاسم : غانخليك غير سكتي

شيماء دغية طارو الدموع وشافت فيه حالة عينيها وكضحك ) حلف

جاسم : والله ولكن غاتبقاي طيبي وغييير ليا

شيماء يلاه غاتبدأ تبكي تاني وهو يطير عليها ببوسة وعضها ففمها وقرصها فمؤخرتها تا غوتات)

شيماء : أيييي (خنزرات فيه شادة فمها ويدها الأخرى حاطاها بلاصة القرصة ) علاش

جاسم : باش تعاوذي تمدحي شي راجل آخر لا وترقصي ملفوق (وتخطاها جلس على السرير كيخدم فحاسوبو )

شيماء شافت فيه : ششكون مدحت ووفين شفتيني رقصت

جاسم : شوفي نتييي

شيماء : أحم غانخل ندوش

جاسم شاف فيها وابتاسم : غاندوش ليك

شيماء طرطقات فيه عينيها خافت يشدها تاني ومشات كتجري للحمام دخلات وسداتو عليها بالساقطة من لداخل وكتلهث وهي كتحيد فحوايجها تدوش دغية ) ناري ناري مكيشبعش ولايني… (ماكملاتش كلامها بسباب الصدمة شافتو اختارق الباب بقوة تارا (الاختراق) ودخل عندها مبتاسم بشر ومربع يديه وكيشوفيها بشهوة وهي عارية تقريبا قرب وشدها من خصرها )

شيماء : جاسم راه خاس نهبطو دابا راه خليت الخادمات كيحطو العشاء هئ واجاسم (هو دخل راسو فعنقها كيبوس مامسوقش)

شيماء بزز هزاتليه راسو وقابلات وجهو مع وجهها ) واش مكتشبعش صباح ففليتك قبل مانجيو وقبل مانبدأ نطيب ودابا تاني بلا لبارح ليل كولو أوو

جاسم : أمم مكنشبعش

شيماء : واعافاك راه خاس نهبطووو دابا

جاسم : اووووف واخ ولكن فليل ماغانتفاكش معاك هاني علمت ( باسها وطلقها واستدار اختارق الباب تاني وخرج)

شيماء جلسات على حافت البانيو ) ناري ناري …

☘☘☘

عند أليشا لي دخلات دوشات لبسات كسوة فالموف مع مكياجها جات كتحمق طلقات شعرها ورشات عطرها وخرجات هازة هاتفها بين يديها ركبات فالمصعد ودخلات سداتو وحنات راسها على هاتفها كتخربق فيه وكدندن بأغنية هنذية حتى توقف بيها المصعد هزات راسها لقاتو أمامها وهو لي برك على زر إيقاف المصعد )

أليشا مطرطقة فيه عينيها ) ككيفاش دخلتي

فيليكس هز فيها حاجبو ) امكن عندي قوة التنقل

أليشا قلبات عينيها بعدم اكتراث ومدات يديها تشغل المصعد حتى شدهاليها وطير ليها الهاتف من يدها
أليشا شهقات وكتجابد معاه تاخد هاتفها ) أرا أفيليكس من لبسالة

فيليكس : كيخربق فهاتقها (صبري وغانعطيك )

أليشا : فيليكس أش كدير واش ماباغيش تبعد مني أبنادم أرا داك طيلي

فيليكس : (جبد من جيبو شريحة صغيرة على شكل كارط ميموار وخشاها فهاتفها وكيخربق فيه )

أليشا ؛كتشووف فيه باستغراب ) آش كدير

فيليكس شاف فيها كمل ومدليها الهاتف) أي مسج وصلك غايوصلني أي مكالمة فهاتفك غانسمعها (قرب حتى تقابل وجهو مع وجهها ) دخلتلك فيروس لهاتفك عطاهليا دياب واخا تفورماطيه مايتحيدش وداك ميخي الباكستاني تعاودي تهضري معاه (قرب حتى لحدى ودنيها غمض عينيه كيشم عطرها وهمس ) غانتفاهم معاك ماشي بالضرب تت بحاجة أخرى (وباسها فحنكها بقوة ورجع للخلف وهو مبتاسم واختفى من أمامها خلاها مطرطقة عينيها ووجها أحمر من الخجل سرطات ريقها وهي كتنفس بسرعة حطات يديها على حنكها فين باسها وهي تخنزر )

أليشا : ماشي بهاذ السهولة أفيليكس (شافت فهاتفها وقلباتو لقاتو مبلوكي ليها رقم أمير وبلوكاه ليها من فيس وأنستغرام وهي تشهق حاولات ديبلوكيه ومابغاش حيت هو لي ولا متحكم بهاتفها

أليشا : واخا اأحنااا نشووفو أفيليكس (شغلات المصعد وهبطات)
☘☘☘
عند شيماء لي دوشات وخرجات ملوية ففوطة ودازت من أمامو كتجري خافت يشدها دخلات لدريسينغ روم خلاتو وراها كيضحك / لبسات فستان أزرق مع ميك أب خفيف طلقات شعرها ووضعات عقدها الدياموندي مع خاتمها لي مكيفارقهاش وبراسليها فاليد الأخرى رشات عطرها ويلاه غادور حتى لقاتو واقف فالباب ومربع يديه كيتأملها
شيماء تمشات تاوقفات أمامو ): خاس نهبطو

جاسم : تنهد وشد يديها باسهم ) كتحمقيي

شيماء ابتاسماتليه شابك يديه مع يدها كيديما )

جاسم : حيدي الذرع

شيماء : واخا (غمضات عيونها القزحية مدة وهي تحلهم وشافت فيه وهو ابتاسم واختفى بيها ظهرو جنب المصعد مدات يدها تضغط على الزر باش تفتحو وهو يجرها اختارق الباب دالمصعد بيها وهي شهقات)

شيماء : وواااو فنة القوة

جاسم : أمم كنستعملها بزاف هي والتنقل

شيماء : عاودها عفاك

جاسم ابتاسم وعاود فعل قوة الاختراق واختارق بيها لباب خرجو من المصعد وعاود اختارقو مرة أخرى ودخلو )

شيماء : واو سعدات تارا

جاسم : أمم قوة زوينة

شيماء : أنا متوترة عنداك الجد مايعجبوش طيابي

جاسم خنزر فيها ) مزيان نيت باش عمرك تعاودي طيبي لشي حد آخر ….يتبع🎩#وحش_ذات_القزحيتين🎩

✏للكاتبة ✏ chaymae ouaj

🏰الجزء 189🏰

فجناح باربرة هاذ الأخيرة لي دخلات لاحت الهاتف فوق سريرها ودخلات دوشات بالخف تحيد عليها ريحت طياب وخرجات بفوطة قصيرة وشعرها كيقطر ويلاه غاتمشي لدريسينغ روم ديالها تلبس حتى سمعات زنت هاتفها يعلن على وصول مسج جلسات على السرير بفوطتها وهي شادة فيديها الهاتف فتحاتو ولقات الرسالة من طرف المجهول فتحاتها …!)

المجهول إيفان : وليشهد مسائي
أن لك في قلبي عبث واشتياق
وكأني أشتاقك رغمآ عني ..!!! يا صديقتي ذهبية الشعر كيف حالك يا فاتنة

باربرة خنزرات طلعات حاجب وهي كتشوووف فالرسالة تنهدات وقررات تسايرو تاني وكتباتليه ) بيخيير يا صديقي المجهول ونت؟

إيفان: أنا حياتي عبارة عن فترات صداع متقطعة ولكني أجتازها كلها وأنا أنظر الآن لعينيك..

باربرة كتباتليه باستغراب ): أهاااااه وفين كتشوف عيني مثلا؟؟

إيفان :هي الآن أمامي وأنا مسحور بعينيك ورموشك المبللة نعم يا جميلتي يحدث أن يلمسك أحدهم بعينيه.. بعينيه فقط

باربرة مع كل كلمة كتقراها منو كيزييد استغرابها كتباتليه ) : واش نتا هبيل؟ ولا مسطي ؟

إيفان: ربما الإثناان وياااله من شرف أن أجن بك

باربرة تنهدات وقررات تبقى تسايرو حتى تعرف شكون هاذ الشاعر الأحمق ليتسلط عليها كتباتليه ) : آش سميتك

إيفان : عاشق ذهبية الشعر

باربرة : بلا طنز قولي شكون نت وآش بغيتي مني ؟

إيفان : قلت لك من قبل أنا عاشقك وأريد صداقتك

باربرة تنهدات ودرات عينيها بمعنا حااامض وهو كيشووف فيها من كاميرا سيلفي دهاتفها وكيبتاسم كتباتليه) : عاودلية عليك ؟

إيفان : ليس هناك شيء مفرح في حياتي التعيسة كي أحكيه لك..!

باربرة استغربات ) مستحيل تكون عشتي كل حياتك بحزن ومادازت حتى لحظة واحدة منها سعيدة ؟؟!!

إيفان :نعم هناك لحظة سعيدة واحدة فقط لحظة لمست شفتيك..

باربرة فقصهاااا): واش حماقيتي ولا آش أنا مكنعرفكش ناري على باطل…

إيفان : حسنا يا جميلتي سأحكي لك مقتطف من حياتي أنا ذلك الطفل الذي شاهد أمه تضرب آلاف المرات وبقي واقف يتفرج أنا الذي شاهد أمه تغتصب عشرات المرات من طرف أبيه وبقيت واقفا أتفرج أنا الذي شاهدت أمي تحاول الإنتحار عدة مرااات وبقيت واقف أتفرج أنا ذلك الذي كنت منبوذا من طرف أب قاسي ومتكبر ونرجسي ومن أم ضعيفة وحساسة ومنغلقة ترى فية صورة مصغرة عن ذلك الزوج القاسي الذي أجبروها على الزواج منه عشت طفولتي أشهد كل يوم على عنف أبي لأمي وأكتم ألمي في قلبي
عشت شبابي ومراهقتي وأنا مكروه من طرف المرأة الوحيدة التي أحببت في حياتي أمي
عشت حياتي أستعطف منها الحب وأترجى منها الإهتمام لكنها تمنحني البرود واللامبالاة
وأنا أعذرها فكم تستطيع وردة رقيقة أن تتحمل من قساوة محيط بارد في الآخر ستذبل وأحيانا أفكر في كم كنت أحمقا لأني بقيييت واقفا أتفرج ليتني أنقذتها ليتني تصدية له ومنعته عنها ليتني كنت آن ذلك بالقوة التي أنا فيها الآن وأنقذتها لربما أحبتني لربما تقبلتي لكني أحصد نتائج وقوفي وأنا أتفرج نعم أحصدها لأني أنا الآن ذلك الرجل الذي يرى أمه التي تكرهه تموت يوما بعد يوم وتذبل ومااازلت واقف أتفرج وما في يدي حيلة فقط أتمنى لو عاد أبي من القبر لكنت قتلته من أجلها حياتي كلها ظلام وأنا وجدت فيك نقطة النور الوحيدة يا ذهبية الشعر فلا تحرميني منها …

((باربرة مع كتقرأ رسالتو أو المقتطف من حياتو دموعها هبطو ماعرفاتش علاش ربما مشكلتو بعيدة عن مشكلتها ولكنها هي عاشت فترة من حياتها لي حسات بكل خوتها ماحاملينهاش بسبب آش ظارت يعني جربات إحساس تكون منبود وهي الأخرى شهدات على معاناة أمها بسبب أب ظالم لي هي الآن كتكنوليه كل الكككره /شادة الهاتف بين يديها لي كيرجفو وكتشوف فالرسالة و كتبكي وتشهق عيونها ونيفها حمارو شعرها مبلول كيقطر على كتيفيها العاريين … حتى وصلاتها رسالة اخرى منو )

إيفان : فاتنة بابتسامتك وخلابة بدمعتك أيا ترى تبكيين من أجلي أم أن الأمر هو كما يُحكى فقط أن نِهآية تِلك الابتسآمة المرسومة دائما على شفتيك تكون دَمعة تنفَجر لتَحكي ألمآ يُسكنُه ألم أتبكين لألمي أم لألم خاص يسكنك ..؟

باربرة مسحات دموعها باستغراب وكتقرأ فالرسالة باستغراب ) باش عرفتيني كنبكي

إيفان : أنت أمامي

باربرة ماتسوقاتش ومافهماتش ) أنا غانمشي الآن عندي عشاء عائلي

إيفان : ألن تحكي لي عن ألمك

باربرة ابتاسمات وكتبات ليه )كل ألمي سبابو قلبي الغبي أنا حقا كنتمنى لو كان مكانش عندنا القلب وبلاصتو توسعات المعدة واش ماشي غاتكون الحياة أحسن !

إيفان : ضحكاتو ) لما لا تقوي قلبك واجعليه مقاوما وأنا سأكون محاربك الخاص لك ومن أجلك

باربرة ابتاسمات ) خاس نمشي يا صديقي المجهول

إيفان : سأنتظرك

باربرة مجوباتش وحطات الهاتف فوق السرير وناظت توجهات لدريسينك روم لبسات وهبطات بسرعة حيت تعطلات على العشاء …)☘☘☘

ألمانيا برلين بالظبط قصر آل رومانوف فجناح إيفان لي اليوم كوولو مخرجش من الجناح جالس وحاط أمامو الهاتف مشغل الكاميرة وكيتفرج فيها ملي فاقت حتى فطرات ورجعات لجناحها وملي هبطات تغذات مهزاتش الهاتف معاها حتى رجعات بدلات عليها ملي سيفطاتهن شيماء يبدلو باش يشقاو عاد هزاتو وهبطات للمطبخ
كان كيبانليه كل شيء صورة بدون صوت حتى أنو شاف شيماء واستغرب للأمر خصوصا شافها دارت الطابلية يحسابليه سكرتيرة وخادمة حتى ملي قربات لباربرة خداتليها الهاتف ملي بغات تسيلفا وشداتو وشافت فيه يعني تقابل وجهها مع وجه إيفان وللمرة الثانية ملي شافها حس باحساس غريب وبقا كيشووووفيها حتى خبات الهواتف فالدرج
جاه الفظول عن آش كدير هي فقصر آل ستارك ولكنو ما اهتمش للإمر فكل شغلو هو باربرة
ظل جاس لمدة ساعات وهو كيشوف فالهاتف فقط الظلام حيت كان هاتف باربرة فالدرج دالمطبخ كل الوقت ليكانو لبنات كيطيبو فيه وهو كيتسنا يشوفها بدون ملل بالعكس حس بالنقص مع مرور كل تلك الساعات وهو ماشافهاش حتى جائه الفرج أخيرا ملي كملو لبنات وكل وحدة هزات هاتفها
باربرة هزاتو وهي مزال بالعكسة وغير قابلاتو مع وجهها إيفان شافها وهو يتزلع بالضحك وبسرعة صور شاشة هاتفو سكرينا الصورة وهو كيضحك وبقا كيشوووف فيها في كل خطواتها حتى طلعت لجناحها وشافها حطات الهاتف ومشات للدوش لي مقابل مع السرير والهاتف محطوط على الوسادة كيبانليه كوولشي حتى شافها خرجات بذلك الشكل المثير وفلبلاصة رسلها الرسالة وجلسات هازة الهاتف أمامو وهو كيلتاهمها بنظراتو وتمنى لو كان يقدر يخرج عندها من الهاتف
حكاليها نبذة عن طفولتو التعيسة ظنها ماغاتباليش أو تهتم بالأمر حتى كيتفاجأ بدموعها لي خلاوه تصدم نوعا ما وكون كانت أمامو أو عارفاه كيشوفها وبكات هكا غايظنها كتمثل عليه أو مايصدقش بلي دموعها صادقين ولكن لا هو شاف ذموعها الصادقة حس باحساس غريب أول مرة كيبكي عليه شيحد حس من وراء دموعها بحزن دفيين كأنو ملي حكاليها عن نفسو فكرها بنفسها حس بقلبو كينبظ بقوة مع كل دمعة أحاسيس غريبة كتهجم عليه هو ماشي هادشي لي باغي هو باغي يجرلها لسانها باغي دليل واعتراف مباشر منها باغي يدمر عشيرتها عن طريقها بغا يغرقهم فالمشاكل ولكن علاش كيحس بنفسو هو لي كيغرق فيها ….)
☘☘☘☘

المغرب كازا فقصر آل ستاركس:

تجمعو كلهم على الطاولة الراقية للعشاء وكلهم حالين فامهم فالأطباق لي صوبات شيماء وعددها نوعات وكترات (الصور) كل الأطباق أكل مغربي تقليدي مئة بالمئة الخدم كيحطو طبق مور طبق ومع كل طبق تحط الجد كيطلق ضحكة من القلب وعينيه كيبريو شيماء قدات كل شيء تامن الخبز عجناتو راسها

التاحق بيهم جاسم وشيماء لي جاو مشادين اليدين ومشابكين أصابعهم فبعض هو مكيطلقش بمرة يدها جلسو وحتى جاسم حل عينيه فالطبلة وكل تلك الأطباق وحتى الشباب أما شيماء كدعي ماتحشمش معاهم قلبها كيزدح خافت تكون زكلات شيحاجة واخا كلما طيبات كذوق باش ماتنقص والو ولكن مزال فيها الخلعة )

الجد شاف فيها : أبنتي درتي هدشي كولو راسك تباااارك الله عليك

شيماء : أا للا عاو عاونوني لبنات

الجد : أييه عاونوك بصداع

تارا مخنزرة ) : جدي أنا لي حكيت مطيشة لداك لعدس والله تا أنا

أيار : وأنا حكيتها للوبية وملي جيت نحك لبصلة حرقوني عيني أما كنت نحكها حتى هي

أليشا كتشر لطبق اللحم بلبرقوق ولمشماش كتوريه للجد وهي فرحااانة بإنجازها ) وأنا أجديي عسلت هذ البرقوق وراتني شيماء واخا تحرقاتلي الطاوة لولة ولكن الثانية صدقات ليا والله تا أنا

جاكلين : أحم وأنا قطعت البصلة

الجد : أييه تبااارك الله راكم عاونتوها وبزااف كاااااع (الشباب حبسو الضحكة بزز)

(الخادمات كملو حطان الأطباق كلها وشيماء شافت أمام الجد لقاتو حاطينليه قدامو شلايد وهي توقف وكلهم شافو فيها )

شيماء : أحم غانقادلك صحن أجدي (الجد كيضحك الفرحة خلاتو كيفرفر أما جاسم زيير على يديه وهو كيشوف فيها كيكتهتم بالجد وهو مخننننز فجدوو
شيماء توجهات لعند الجد حيدات كاع شلايد من حداه وهزات صحون فارغة عمراتليه الأول بالكرعين وكتهزليه غير الطروفة زوينين والصحن التاني بالملج داللحم بالبرقوق والتالث بالسفة والرابع بالدجاج محمر والخامس بالكسكسو والسادس قطعاتليه طرف كبير دالبسطيلة حطاتوليه وستفاتهم قدامو وهزات خبزة حطاتهاليه )

شيماء : هاذ الخبز دالشعير أجدي عجنتو بيدي

الجد :غيير كيضحك شاف فيها ونطق ) نسيتي ماحطيتيليش تقلية أبنتي ولمرووزية وديك لكرداسة لي وسط لوبية بغيتها

(كلهم مطرطقين عينيهم فيه واش غاياكل كل دكشي )

شيماء : ويلي نسيتهم ودرتهم غير ليك (هزات صحن آخر عمراتوليه بتقلية وحطاتو أمامو وكحزاتليه زلافة دالبيصارة وطبسيل دالعدس ولاخر داللوبية ولاخر دلمروزية )

شيماء : بصحتك أجدي كول ونزيدك (ورجعات جلسات بلاصتها )

الجد : كيضحك بصوت مرتافع قرب ينوض ينقزليهم بالفرحة وهو يشوف فجاسم لييي مخخنز فيه ونطق ) كووولني ألمسخوووط كووولني شفتي نتا زهر لي عندك كيهرس لحجر (شاف فشيماء ) سيري أبنيتي أنا راااض عليك (كفظ كمام يديه ويلاه غايبدا ياكل تاقفزاتو الجدة )

الجدة : أألحااج واش غاتاكل كل دكشي

الجد تسيف وهو يعنق طباسلو وخرج فيها عينيه) أدخلي سوق راسك غاخليني ناكل ويلا مت الله يرحمني (وهو يبدأ كياكل عاد بداو حتى هم أكلهم )(شيماء استدارت شافت فجاسم لي مزااالو مممخخنزرر فجدوو سرطات ريقها من نظراتو وهي تهز صحنو الفارغ وناضت تاني وكلهم شافو فيها وبقات تعمر ليه هو الآخر حطاتليه من كل شيء والجد كياكل وكيشوفيها كتعمر صحون أخرى فرح يحسابليه غاتزيدو ساع شافها حطاتهم أمام جاسم لي عاد طلق تخنزيرة وابتاسم ليها )

الجد خنز فجاسم ونطق وفمو عامر ) حاااسدني ألمسخوط نوضتيها صايبات ليك بحالي زعمة

جاسم : غوت ) واااا جديي خليني محتارمك

شيماء شدات يد جاسم تهدنو وشافت فالجد وابتاسمات ) غير كول أجدي ويلا خصك نزيدك ويلا خص نوض نطيبليك لاخر

الجد رجع كيضحك حال فمو تالودنيه وجاسم ملي سمع كلامها غوت تاقفزهم تاني )

جاسم : والله لاكااانت لييه (خنزر فجدو) غاااكول أجدي داابا وفررح مع راسك حيت مراتي أول وآخر مرة غاطيب ليك

الجد تبلوكا وفمو عااامر و جاتو لبكية وشاف فشيماء ونطق بصوت مقهووور ) بصح أبنيتي

شيماء : أأ (كتحول عينيها من جاسم للجد وحلات بيناتهم )

الجدة : واش ماغاتهنيوناش راه أتحمقو لبنت خليوها تاكل فخاطرها

(سكتو كلهم وجاسم كياكل وهو مخنزر فالجد هاذ الأخير لي غير كياكل وكيضحك حمقو الطياب شوية وبداو الشباب حتى هما وصلات نوبتهم )

دياب : الله يعطيك الصحة أختي تقنتييي لحححم

غسان : أحسن كسكس كليت أختي ماكرهتش كل جمعة ديريلي قصرية

عدنان : أححح على رفيييسة من داكشي أختي الله يعطيك الصحة بقاي ديريلي منها كل سيمانة

فيليكس : أنا حمقني اللحم ولبرقوق لمعسل (وكيشوف فأليشا لي مخنزرة فيه )

جاسم لاح الخبز من يديه وخنزر فيهم ونطق بحدة )

جاسم : يااوبربيي لاعاود طاح فكروووشكم ألكلاب غاتاكلو بسكات ولا غاتنوضو ضرقو عليا كمامركم

(حبسو الضحكة وكملو أكلهم فسكات حتااا بدأ الجد تاني )

الجد : أنااا بعداااا والله لاعاودت كليت من غير طياب بنيتي شامة ولي بغا يموت يموت (على جاسم )

جاسم ابتاسم ) إييوا حلللمليييك أجدييي ححلم

الجد ميق فيه وشاف فالجدة ليدخلات فالبيصارة معاوداتش هزات الراس ) شفتيييي نتييي تزرررفت فيييك وعشت حيااتي وأنا كنشرب فحريرتك لمسوووسة

الجدة : حلات فيه عينيها عالجهد : يااااك ألحاج

الجد شاف فشيماء : بنيتي علمي جداك شوية

شيماء : اا أحم

الجدة : وا والله لابقيت طيبتليك ألحاج

الجد : ربحي بطيابك عندييي شامة نوارتي طيبلي

((جاسم خبط الطبلة ووقف وشيماء طارت شداتو من يديه بزووج وجلساتو وهي كتشوف فيه بمعنا عااافاااك))

جاسم : كيشوف فيها ضاااغط على سنانو ويديه مزييرة عليهم بين يديها حساتو غايقلب ديك الطبلة
جاسم تنهد وخنزر فجدو وغوووت ))

جاسم : جديييي شيماااء سمييتهااا شيماااء وااااش بغيتيني نقلب عليك هاذ الطبلة عاااد تهنا

الجد : ببرووود ) تقلبها نحيدك والديك من الحالة المدنية وندير بنتي شامة بلاصتك

شيماء : هضرات بسرعة قبل مايطير عليه جاسم ) ججدي كول لعدس راه درت فيه خيزو غاعجبك
(وشافت فجاسم وهزات بسرعة دغمة دالخبز فيها لحم ويلاه جا يغوت وهي تلوحليه الدغمة ففمو سداتليه الفم وكلهم طرطقو عينيهم فيها وهو شاف فيها مزنننك بالأعصاب وهي ابتاسمات ليه بحب )

شيماء : غانوكلك غير جلس وتهدن أناا نوكلك

الجد : بنتي وأنا (بغاها توكلو )

شيماء شافت فيه مطرطقققة عينيها وجاسم مزيييد على يديه فشكل بونية و كيمدغ بسررررعة يسرط باش يغوت )

الجدة : أواش بغيتيه ينوض يدخلك فداك الحيييط واماكاتخلي حد يحشم منك واكول بسكاات أهاذ الراجل

الجد : خنز فيها ) هاهووووا ساكت (كيتبنن ) أحلاه واتقنتي أبنيتي تقلية من ظاكشي

شيماء غير مبتاسمة بتوتر وكتزرب على جاسم فيما شافتو سرط كتلوحلو دغمة أخرى باش يسكت )

(تعشاو فجو مشحوون جاسم لي كل مرة يخنزر فواحد من خوتو ملي كيتبننو الأكل بصوت مرتافع أما جدوووو قربب يقتلو بنظراتو
الجد ليي ماامسوقلوووش كياكل من كولشي خلط الأكل كلا بحالا عمرو كلا
هيلدا وسوزي حتى هما شكرو شيماء ولبنات على الوليمة ولبنات لي دايرا شي ريجيم ضرباتو فالصفر حتى من جاكلين حمقها الأكل المغربي فيليكس لي كلا كل البرقوق والمشماش لمعسلين لقطهم وكلاهم وأليشا رداتليه لبال وابتاسمات …
كملو العشاء وجاو الخدم كيجمعو الأطباق الجد مفطح على كرسيه شاد كرشو وكيضحاااك )كملو العشاء وجاو الخدم كيجمعو الأطباق الجد مفطح على كرسيه شاد كرشو وكيضحاااك )

الجد : الله شحال مابقيت كليت بحال هكا أبنتي الله يرضي عليك

شيماء : بصحتك أجدي راه صايبتليك لفقاص ولمسن للفطور

الجد حل عينيه فيها تاني : ولبغرير أبنتي

شيماء : أ مماكفانيش الوقت غانوض صباح نصايبوليك

جاسم : خنزر فيها وشاف فجدو ))وااا حلم أجدي والله لا دقتييه

الجد : مالك مسموم مالك

جاسم خنزر فيه )

الجد شاف فالخادمة : جيبيلي طبسيل دالفقاص وكاس أتاي(طرطقووو فيه كلهههم عينيهم )

الجدة : أوييلي واش ماشبعتيش

الجد وقف : أهااذ لمرأة دخلي سوق راسك (شاف فالخادمة ) جيبيهلي للصالة (شاف فشيماء ومد ليها يديه ونطق وهو ضاااحك ) أجي أبنتي يا نوارة القصر جلسي معايا فالصالة نعاودليييك على حياتي ملي كنت صغير

شيمماء مطرطقة فيه عينيها وكتشوف فيه وكتحس يديها ليشادهاليها جاسم غطرطق بين يديه مزيير على يدها بقوة )

شيماء : أأ

جاسم كيعض فشناايفو بالأعصاب )

الجد : أييه عندي شلا مانعاودلييك أشامة

جاسم وصل لطوب مابقاش قادر يتحمل وقف ومع شاد يدها وقفات معاه وهو شاف فيها )

جاسم : الدرع

شيماء : أأ ششنو

جاسم غوت فوجهها تا قفزهم ) وااا حيدي ااالدرع

الجد خنزر فيه وصعر : أدااك لمسخوط تعاود تغوت على شامة نزرقلك العين

جاسم خنزر فجدوو كيغلي بالأعصاب وشاف فشيماء لي بسرعة حيدات الدرع غير حس بطاقتها وهو يختافي بيها )

الجد حل عينيه عالجهد وغوت ) أرردلي لبنت ألمسخوووط

الجدة : ميقات فيه ) واااخليي للدري مرتو واش هبلتييي

الجد : بحزن) وكنت بغيت غير نعاودليها نهار طحت فلبير

الجدة : وا باز

غسان بهمس بينو وبين دراري )ناري ناري كنا غانترحمو على جدي ليوم

عدنان : ناري عمري شفتو متحكم بأعصابو حتى لليوم (على جاسم)

دياب : أحح سعداتو غايبقا ياكل ديما طيابها يديها بنينة

فيليكس : هادي عندك أديب مزيان بعدة حنا كليناه لأول وآخر مرة فحياتنااا

عدنان : ها جاسم ناض واختفى وجدي ناض إوا وموضوع زواجنا حنا

غسان : مشكيلة هادي غدا فالفطور أو مور الفطور نخبروهم كلهم

عدنان : مشااات مغنزيدش نأجل الأمر حتى نهار آخر

☘☘☘☘

جاسم ظهر مباشرة فجناحهم هي جلسات على السرير كتفرج فيه غادي جاي بالأعصاب ماهضرش كيغليي غير بوحدو وهي سكتااات خافت تهضر

جاسم حيد الفيست ديالو ولاحها بالجهد على الأرض عرااق من كترت ماتعصب مابغاش يخسرليهم العشاء وبزز تحمل كل مدحهم ليها وكيفاش تياكلو ويشوفو فيها ويشكروها وتدليع جدو لإسمها بشامة ماقدرش يتحمل عارفهم ماناويين حتى شيء سيء وعائلتو وجدو الآن حطها فعينيه ولكن الأمر مزعج بالنسبالوو مستحييل يتقبل الأمر

Leave a comment