Skip links

قصة : الوحش وذات القزحتين الجزء 2 ( عشق جبابرة) ج 55

 39,782 عدد مشاهداات

■□تتمة الجزء 488■□

 

(ساندرا لي من بين كل تلك السيارات عينيها على وحدة ..وهي السيارة البرتقالية ديال جبار ..تذكرات نهار ركبها فيها أول مرة فاش داها لهذاك الجرف لي فكو فيه تعويذة الربط ..وقالت لها شيماء أن هاذيك السيارة أحسن سيارة عندو حيت هي أول ما اختارع ودار فيها تقنيات معقدة حتى جاسم ماعرفش ليها… سرطات ريقها وزييرات على المضرب بيدها لي كاااايرجفو ويالاه تحركات ناحية السيارة حتى وقفات قدامها زليخة )

 

زليخة لي شافتها فأي سيارة كاتشوف وصفارت ) شوفي هاذوك العشرين سيارة لي لهييييه كووولهم نتاع جبار بوحدو تقدري تهرسيييهم كوووولهم ولكن حتى لسيارتو الأورنج لا …

 

ساندرا نطقات ببرود ) وسوقك ؟

 

زليخة :كنهضر لمصلحتك …

 

ساندرا :أشنو غايدير غايضربني (شافت فباقي البنات لي كايتفرجو فيهم ) واش لاهرستها غايضربني ألبنات ؟

 

جمانة : لا غير غايدفعك تاني ولا ممكن يعلقك من رجليك وشكون شاف يقدر ينفيك لشي خلا شي شهر…

 

سميحة :نهار ركبناليه فيها حنا فاش كنا صغارات وبالت ليه فيها أميرة حبسنا فقفص ليون نهار كامل …

 

أميرة خنزرات فيها ) وا نسايها خلاص ونتي ماخليتي لمن قلتيها…

 

ساندرا : إذن صافي أصلا ليون كنقدر نتحكم فيه بسهولة حيت راني متحكمة بعنصر الحيوانات (شافت فزليخة ) حيدي من قدامي…

 

زليخة حيدات وجلسات جنب سميحة على الأرض مخننزرة فيهن) هرسوو مع راسكم ماسوقييش …

 

(ساندرا تقدمات أولا …وباقي البنات كايتفرجو فيها …وقفات أمام سيارتو البرتقالية وهي كاتضرب بعصى البيسبول مع الأرض …وكاتشوووف فيها ونطقات بهمس )

 

ساندرا :كانعتاذر يا جباري ولكن خاسك تجي خاسنا نهضرو راه عييت (وهزات العصى تاللسمااء وهي تضربها وبكل جهدها مع الزجاج لقدامي للسيارة ولكن العصى طارت من يدها وطاحت على الأرض …وزليخة طلقاتها بضحكة كاضحك بدموع )

 

زليخة :ههههخ من نيتك سيارتو وبغيتي زجاجها يكون عادي وراه مضاض لأقوى أنواع الرصاص غااااخبشيها ليه شويا ودوزي تجلسي حدايا هههههه

 

(ساندرا مخننزرة فيها …ابتاسمات باستهزاء …وبعدات خطوتان عن السيارة ومدات يديها بجوج للأمام موجهاهم للسيارة ونطقات )

 

ساندرا : فاكسيموس لاهارفيست فاكسيموس بلارافيست (وركزات نظرها فالزجاج الأمامي للسيارة و بوووم تزلع ..وفلبلاصة حولات نظرها لعجلاتها الأمامية ومرة أخرى بوووم انفجرو كالقنابل ….وكله بتعويذة تكسير الأشياء لي ولات كاتطبقها بكل سهووولة وسلاسة وبلا ماتحتاج تقول كلماتها وتعاودهم )

 

زليخة ولبنات حاالين فامهم كااايشوفو فيها …وسماح غوتاااات بحماس وشافت فختها )

 

سماح : أععععع طلقي طلقي ليا شي مزيييكاااا مناااسبة للجو (وطااارت كاتجري وقفات أمام سيارة وسيم الجديدة وبدات تاتخبط وتخبط وتخبط فيها بعصى البيسبول …وسميحة طلقاتليهم أغنية swalla …كايهرسو على إقاعها ….

هاندا هي الأخرى مشات كاتجري لسيارة خليل الثانية ..وهي السيارة البيضاء الجديدة للمشاهير باش كايحضر لأغلب عروضو العالمية وبظات تخبط وتخبط بغيض …وأميرة حتى هي بعصبيتها وقفات أمام سيارة مالك التانية الزرقاء وبدات تخبط ….وجمانة تنهدات وهزات داك المظرب وتوجهات لسيارة فارس السوداء وهي أكبر كل تلك السيارات ونقزات طلعات فوقها وجلسات مربعة رجليها كاتشوووف فيها وهي كاتنغزها بالمضرب )

 

جمانة :نهرسك ولا بلاش ؟….🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 489🕯

 

جمانة :نهرسك ولا بلاش ؟….

 

الأغنية خدااامة عالجهد ..وساندرا واقفة مربعة يديها أمام سيارة جبار ويكفيها تشوف فأي جزء منها بغات ..وكاينفاجر ….وسماح كاااتشطح وتضرب خربات كل السيارة تقريبا إلا زاجها حيت مضاض للصدمات والرصاص ….وأميرة كاضرب وهي كاترعد …وهاندا كااتضرب بدون تردد …وجمانة مزالها جالسة فوق السيارة كاتتشاور معاها واش تهرسها ولا لا ….)…..

 

ساندرا خربات كل السيارة تقريبا مبعوجة بقاليها غير روايض لورانيين …وركزات فيهم الشوفة وبوووم …وبعدها سمعو صوت باب الكراج الإلكتروني كايتحل ….كلهن وقفو ..وسميحة بسرعة حبسات الموسيقى وبقاو مخرررجين عينيهم فباب الكراج لي كايطلع ….كايطلع …حتى بانليهم خليل …هاذ الأخير لي واقف ويديه فجيابو …دخل كايشووف فيهن بكل برود وهو غادي فاتجاه هاندا لي مكوانسية وهي هازة المضرب على سيارتو …وقف جنبها وشاف فالسيارة ونطق بكل برود )

 

خليل : حشووومة عليك وعلميني قبل باش غير ندوموندي وحدة أخرى بعدا حيت راها صنع خاص …

 

هاندا تزنكات ) أ أ …

 

(وسكتو ملي سمعو صراخوو ..دورو راسهم لقاو وسيم لي ظهر بتنقلو واقف خلفهم ومخخخرج عينيه فسايرتو وشاد راسو )

 

وسيم : لالالا أكييد كاااانحلم ….

 

(وظهر جنبو سليم وعصمان …ودخل فارس كايجري وخلفو مالك لي حل فمو فأميرة وفسيارتو )

 

سماح ضحكات وتمشات تاوقفات أمام وسيم ) لا مكاااتحلم ألوسيم (لاحت ليه عصى البيسبول ليديه وشدها ) هاذي على تدريبي للأطفال لي منعتيني منووو وهو فكرتي أنااااا ونتا خداام عليها مع راسك بلاصتي ومجلسني فداار ولكن هاني كنقوووليك من غدا غانرجع ندربهم وسيير شريليك سيارة جديدة (وخنزرات فيه وزادت خرجات وهو لاح لعصى ومشا كايجري وقف أمام سيارتو كايتحسر …حتى خنزر معصصب واختفى من مكانو )

 

سميحة الجالسة على الأرض كاترمش عويناتها فسليم ) أنا مادرت والو غاطلقت ليهم الموسيقى راااهاااا طنوبيلاتك ماقستهمش ليك…

 

سليم ابتاسم ليها ..وغير شاف سيارة جبار وهو يخررج عينيه)

 

عصمان وقف جنب زليخة ) كون هرستيها كون هرست موك على ربعة …

 

زليخة خنزرات فيه ) كون عرفتك غاتقول هكا كون شخشخت ديلمها ونتبعك ليها ولكن تدابا مزال الحال (وتحنات هزات المضرب ويالاه غاتحرك حتى شدها حيدو ليها لاحو ورد ليها يدها للخلف وقرب وجهو من وجهها ونطق بهمس )

 

عصمان : هداااي

 

زليخة وسعات ابتسامتها وشافت فخوتها مستغلة انشغالهم وهي تطير عليه ببوسة ففمو حتى خرج عينيه ..وبعدات ودوزات لسانها على شفتها)

 

زليخة : هانا هديييت (وغمزاتو ) 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 490🕯

زليخة : هانا هديييت (وغمزاتو )

 

عصمان سرط ريقو ونطق بهمس ) آخر مرة ديري بحال هاذ التصرف نتي عارفة مابيناتنا واالو فا ماتخربيش ليا علاقتي بخوتي …

 

زليخة : نتا لي مابغيتيش أما كوراه حنا مزوجييين (ويالاه غاتقرب منو تاني حتى بسرعة طلقها متوتر وخرج …وهي ضحكات عضات شفايفها وتبعاتو )

 

عند فارس وقف أمام سيارتو لي جالسة فوقها جمانة )

 

جمانة : أماقستهاش متخافش ماسخيتش نعصبك أفرفوسي …

 

(فارس ضحك ومد ليها يديه وهي نقزات جات فحظنو مدورة رجليها حول خصرو )

 

جمانة :منعاودش نعصبك (وباستو فخدو)

 

فارس : أمم الوعد المستحيل ..

 

عند مالك لي وقف على أميرة مخنزر فيها) علاش ؟

 

أميرة : شوف نتا …

 

مالك :مالي أنا لي غالط ولا نتي ؟

 

أميرة : أنا …

 

مالك :إوااا ؟

 

أميرة : إوااا نتا لي منفخ عليا علاش تتنفخ راه كاينة واحد الحاجة سميتها الحوار أجي جلس نهضرو نحلو المشكل ماشي تقلب عليا …

 

مالك خدا يدها باسها ) كنعتاذر …

 

أميرة ابتاسمات ) ماشي بالساهل …

 

مالك : أشنو بغات سمو الأميرة ؟

 

أميرة : نخرجو ولا نسافرو …

 

مالك هز فيها حاجبو ) وكتوبك وامتحاناتك ؟

 

أميرة : طلعو ليا فالراس (مالك ابتاسم وعنقها …..وجنبهم واقفة ساندرا لي سمعات كل حوارهم وحنات راسها بحزن …حتى خرجات عينيها ملي حسات بطاقتو استدارت بانليها واقف وسط الكراج …ظهر من العدم بقوة تنقلو ….وهو مربع يديه ومخنننزر كايشوف فسيارتو أو بقاياها ….

 

سليم بسرعة هز سميحة لي دورات يديها على عنقو واختفى بها …وتبعوه كلهم خرجو بسرعة …بقا فقط هو وهي …)

 

ساندرا ابتاسمات حيت أخييرا قدرات تخليه يجي …شافت فيه بتحدي ..وحتى هو شاف فيها مخننزر…سرطات ريقها من وجهو الواضح عليه التعب ..والهالات السوداء لي وضحولها قلة أو انعدام نومو …ابتاسمات ليه وشافت فسيارتو ونطقات)

 

ساندرا : فاكسيموس لاهارفيست فاكسيموس بلارافيست (وبووم انفجرت السيارة كلها أو ما تبقى منها وأمام عيونو )

 

ساندرا :نقدرو نهضرو دابا ؟

 

(جبار كايشوووف فسيارتو لي شاعلة فيها العااافية ..دار نصف ابتسامة ومد يدو مفعلا وحدة من قواه ..قوة تحويل الصلب إلى سائل ودوب كل سيارتو بكل بروودة دم ….وساندرا مخرجة عينيها فالسيارة لي كادوب …وشافت فجبار فهمات أنه قصد بهذه الحركة أنه مامسوقش لتلك السيارة ..وحركتها هاذي مازعزعاتوش حتى…. ) ■○تتمة الجزء 490■○

ساندرا :جبار (ويالاه تمشات ناحيتو …حتى عطاها بالظهر غادي خارج ..وهي سرعات من خطواتها وتحركات كاتجري تبعاتو ولحقات عليه شداتو من دراعو وسط الحديقة دالقصر ..حتى وقف وجات قدامو كاتلهث )

 

ساندرا : خلينا نهضرو …

 

(جبار نتر دراعو منها مخننزر فيها ويالاه غايزيد حتى غوتات )

 

ساندرا :علاش هااذ القصووحية كولها (حطات يدها على خدو كاتشوف فيه بعينيها الدامعين ) سمعني غيير لمرة وحدة انا غير هاذشي لي كانطلب …

 

جبار نطق ببرود ) : كدوبك ماغاتعاوديش دوزيهم عليا …

 

ساندرا :والله ماكدبت عليك والله ماشربتهم ماااشربتش هانتا خليني نهضر أجي لجناحنا نجلسو أو غير حل واتساب واقرأ كل مسجاتي …

 

جبار شد يدها لي على خدو حيدها ليها ونطق مخننزر ) ماتعاودييش تحطي يدك عليا يا ساااحرة …

 

ساندرا سرطات ريقها ) دابا ولييت سااحرة مابقيتش ساندي ساندرا سمرائك… وليت سااحرة وهاذشي كولو علاش ؟ وااش هذا هو حبك ؟ هذا هو هوسك وتملكك وعشقك ؟ ولا كنتي كاتفلا ؟

 

جبار ابتاسم باستهزاء ونطق ببرود ) ماتلصقيش ليا صفاتك …

 

ساندرا زييرات على يديها بعصبية ) أنا ماتفلييتش عليك مااكدبتش ومااخدعتكش عالأقل مااكنتش قااااصدة …ماااشي بنيتي مااقصدتش …

 

جبار قرب حتى قابل وجهو مع وجهها ونطق ) مكاايهمنييش ودابا دخلي للقصر وممنوع تخرجي منو ياك من كل هاذ التمثيل ديالك بغيتي غير حمايتي حتى تدمري كتابك إذن غاتتحركي بشرووطي يا ساحرة نتي وكل ساحر آخر من معشرك …وصلاحياتك كالليدي على المتحولين غايتحيدو ليك نهائيا حتى نختم قانوني وهو ماشاملكش لانتي لا صنفك …

 

ساندرا شدات يدو زيراات عليها ) نتا عارفني مزيان يا جبار ..وعارف أن صفة الليدي أو الكونتيسة آخر همي …

 

جبار : بصح ؟

 

ساندرا: جبار باراكا من هاذشي واش كاتهضر هكا باش تجرحني باش تخليني نفر منك راك غاالط بزااف حيت أنا بغيتك نتا ماشي صفتك كسيد المتحولين ومكانتك ومنعرف اش و…

 

جبار قاطعها ) شششت بلا مماتحاولي حيت محاولاتك كلهم فاشليين يا سااحرة وكل هاذ الهضرة لي كاتنطقي بيها تحت قناع الخجل والبرائة مابقاتش دوز عليا غير كاضيعي الحجرة …

 

ساندرا : أنا مكاانكدبش علييك راني مراتك و…

 

جبار قاطعها ) مراتي لي من غدا غانطلق …🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 491🕯

جبار قاطعها ) مراتي لي من غدا غانطلق …

 

ساندرا خرجااات فيه عينيها ولونها صفار ) م ما ماتقدرش ما…

 

جبار :مانقدرش ….(ضحك باستهزاء وقرب منها دور يديه على خصرها وجرها حتى تساطحات مع صدرو وخشا وجهو فعنقها وأخذ نفس عميييق مغمظ عينيه كايشم فعطرها ونطق بكل برود عكس البركان المتفجر داخلو ) أنا هو اللورد الأول يا ساحرة أنا الدستور الأول وواضع القانوون ..وقانوني مزال ماتختم باش يتسد ويولي غير قابل للتغيير أو الحذف …من غدا نقدر نطلقك ونمنع التعاون مع السحرة وإضافة أي قانون لصالح معاشرك ..من غدا نقدر نجري علييك ..من حياتي قصري ودولتي وبمجرد ماتخرجي حدود دولتي غانرسل متحوليي موراك نتي وسحرتك يصطادوكم ويقتلوكم واحد بواحد ونتبع ليكم سحرة آل جوفر ….. كل شيء فيدي يا ساحرة فا ماتتحداينيش وتقولي مانقدرش حيت غاتندمي وبزااااف …. (وحل عينيه لي حمريين وأنفاسو ساخخنة كاتضرب فعنقها … وهي جامدة بين يديه مخرجة عينيها وفمها كايرجف ..حسات بالرعب بل أكتر من الرعب …دموعها بداو كايطيحو وبزز كاتهضر بعربية معكلة وهي كااتشهق بصوت شبه مسموع )

 

ساندرا : الوعد وعد نحن لبعض وممنوع البعد …سنبقي معا لبقية العمر لن استسلم ولن تستسلمي .. هذا عهد بيني وبينك….ااانت حقي وانا لا أترك حقي لأحد… أنت تكتبتي ليا وبإسمي من نهار تولدتي ..أنتِ امنيتي الحالية و المستقبلية…وكل شيئ قد اتمناه يوما متمثلا فيكِ… انت…أمنيتي لي كنت كانتمناها تتحقق فكل يوم كنت كانكتب فيه رسائل غزلي للواليدة كل رسالة كاننهيها بتمنيك بأني كنقوليها اللهم قلبٌ كقلبكِ…وأنا مالقيتش قلب نادر بحال قلبك باش نخليه ولو لثانية وحدة فكانواعدك أنه مستحيل نخليك واخا يوقع لي وقع …(وسكتات كاتشهق …كانو أهم كلماتو ووعودو لها لي حافظاهم …وجبار مزالو مستغل الفرصة وغاطس وجهو فعنقها …ابتاسم وبعدها خنزر وبعد منها شاف فيها بنظرة مرعبة )

 

ساندرا : محاولتك باش تحطمني وتعاقبني هكا وتخليني نتيق أنك مابقيتيش كاتبغيني ومابقيتش هاماك وباش تخلعني فشلات حيت نظرتي ليك عمرها غاتتبدل و واخا تقول لي قلتيه ودير لي درتيه …ماغاتخلعنيش حيت نتا مستحيل تآذيني …

 

جبار : بصح ؟ (شاف فيديها لي كايترعدو بالجهد ) إذن علاش كاترجفي هكا وعلاش لونك صفر (وابتاسم ومد يدو حطها على خدها كايلمس فيه وعينيه فعينيها مخننزر ) قلت ليك تجنبي الشيطان لي فيا طلبتك وعاودت ماتخلينيش نتعامل معاك خايب ونتي آشنو درتي (وابتاسم)

 

ساندرا : جبار …

 

جبار : ماتتصرفيش على أساس راك الليدي الأولى حيت هاذ الصفة قريبا غاتتحيد لييك ودابا لجناحك ماتبقايش تضوري ليا فقصري على أساس راه قصرك وديك السيارة لي فجرتي يا ساحرة واخا زايدة ناقصة عندي غاتخلصي ثمنها قريبا (واختفى من مكانو ■□تتمة الجزء 491■□

جبار : ماتتصرفيش على أساس راك الليدي الأولى حيت هاذ الصفة قريبا غاتتحيد لييك ودابا لجناحك ماتبقايش تضوري ليا فقصري على أساس راه قصرك وديك السيارة لي فجرتي يا ساحرة واخا زايدة ناقصة عندي غاتخلصي ثمنها قريبا (واختفى من مكانو خلاها جامدة ومكاترمشش …سرطات ريقها وزادت بخطوات ثقال وكل كلامو كايتعاود فدماغها وهي ماقادراش تستوعبو …دخلات للقصر ..وزادت حتى لجناحها دخلات وسداتو عليها وجلسات على الأرض جنب السرير وهي ساااهية فنقطة وحدة …لدرجة ماحساتش بالوقت وماسمعاتش شيماء لي عيات دق عليها ملي مجوباتهاش ساندرا مشات وهي كاظنها ناعسة …فا بقات جالسة هكاك حتى حسات بشيواحد واقف عليها هزات راسها لقاتها ماريانا … )

 

ساندرا : خرجي جبار مكايحملش لي يدخل ليه لجناحو …

 

ماريانا مخنزرة فيها ) ااا باااز مزال كاتذكري اسمو وهازاليه الهم لأشنو كايعجبو اشنو لا …

 

ساندرا : خرجي

 

ماريانا : راه سمعت كل شيء قالوليك واش ماعندك نفس ؟ وما سمعتيش تهديدو المباشر ليك ..واش غاتسناايه حتى يجري علييك وراه قاليك هكاك باش تفهمي راسك براسك …

 

ساندرا سدات ودنيها كاتبكي بالجهد ) هااذشي ماشي بصح هو ماعنى تاحرف من هضرتو وهاذشي كان باين على ملامحو فا خرجي أماريانا خليني بوحدي …

 

ماريانا : هاهيا غادا…ومن هنا لنص ساعة غانمشي أنا وسام خاس نرجعو لمقر المعاشر السبع نصف ساعة يا ساندرا غانتنقلو بالأشجار غابة بغابة دولة بدولة حتى نوصلو …ونتي حتى لو بغيتي تبعينا من بعد ماغاتقدريش حيت المعشر محمي بأقوى تعاويذ إخفاء الموقع فا بغيتي تعرفي مكانو خاسك تجي معانا أنا وعمك ..وكيما قلت ليك مابقا عندك والو هنا حيت أصلا ماكان عندك والو فا يالاه لعند بني صنفك …

 

(ساندرا لا رد مزززنكة وغير كاتبكي)

 

ماريانا تنهدات )راه ودعنا اللورد جاسم والليدي شيماء بعد نصف ساعة غانمشيو ووقتما احتاجيتينا عارفة كيفاش ديري تتواصلي معانا وغانجيو حنا وكل سحرة السحر الخير تحت أمرك يا مختارة (واستدارت وقفات أمام الحيط ألقت بتعويذة واختارقاتو خرجات كيما دخلات )

 

(ساندرا سرطات ريقها وتكعدات من على الارض جلسات على السرير وهزات هاتفها من فوق لكوافوز …ودوزاتليه الخط وحطات الهاتف على أذنها كاتشهق )

 

ساندرا : جاوبني جاوب غير جاوب وغانبقا جاوبني وماغانمشيش جاوبني غير مرة والله مانمشي….

 

(وسكتات كاتتسنى ..ولكنو صونا وصونا وصونا حتى حبس بدون رد منو …ساندرا حطات الهاتف ومسحات دموعها …وناضت بزز كاتمشى دخلات للدريسينغ هزات كاب سخون لبساتو …وحيدات الحذاء دالطالو لبسات سبرديلة ..جمعات شعرها اسفنجة وهزات كتابها السحري ..مع قلادة مفتاح التنين لي عطاتها ماريانا … وبقات واقفة قدام المراية كاتشوف فنفسها وهي بزز حابسة دموعها …نزلات نظرها لخاتمها دزواج ..خاتم قلب الأبدية ..مدات يدها كاترعد باش تحيدو ولكن ماقدرااتش …من نهار لبسوليها عمرها حيدااتو نهائيا …سرطات ريقها وحيدات الحلقات دالألماس لي كانت دايرة وبراسلي من الذهب ..حطاتهم …خلات فقط خاتمها وزادت خرجات من جناحها …ومن القصر كولو بخطوات مترددة ..وتجنبات تشوف أي واحد منهم …من عائلتها …خرجات بلا ماتشوف موراها …وضارت مع القصر حتى للحديقة الخلفية ..بانتليها ماريانا وسام واقفين بعييد عليها جنب شجرة كبيرة….)

 

ماريانا ابتاسمات ) كنت عارفاها غاتجي ؟

 

سام تنهد ) هاذشي غلط يا ماريانا حيت هي بلاصتها هنا

 

ماريانا : not anymore sam

 

(ساندرا بقات واقفة كاتشووف فيهم لثواني …عاد زادت في اتجاههم )……يتبع 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 492🕯

(تتمة أحداث الجزء السابق )

♡●

ساندرا: انا وقعت ف حب رجل جعلني متأكده أن الدنيا كلها لا تسوى شيئا مقابل أن يبقي هو معي طول العمر ….

●♡

 

ساندرا بقات واقفة كاتشووف في ماريانا وسام لثواني …عاد زادت في اتجاههم…غادية وقلبها كاينبض بسرعة كأنو غايوقف ….وقفات مباشرة قدامهم واستدارت كاتشووووف فالقصر …)

 

ماريانا ابتاسمات ) مشينا …

 

(ساندرا وعينيها الدامعين على القصر…تنفسات بعمق وهزات راسها للسماء كاتتأملها مع غروب الشمس عطاها لون برتقالي ساحر ونطقات )

 

ساندرا: غانمشي معاكم ولكن قبل (دورات راسها شافت فماريانا ) بغيتك تعرفي أن هضرتك ما أثراتش فيا نهااائيا ..أنا عارفة أنك قلتي ليا كل هاذوك لهضور غير باش نجي معاكم وعارفاك درتي هكا على مصلحتنا كولنا حيت أولى أولوياتنا حاليا هو ندمرو لكتاب وأنا إيلا بقيت هنا فهاذ الظروف ماغانركز لا فعنصر الهواء لا فالكتاب وا لا فسحري كولو ….وغايبقى شغلي الشاغل هو جبار ..كيما أنا متأكدة أنك نتي وسام فهاذ المدة لي جلستو فيها فالقصر شفتو على عينيكم جبار شحال كايبغيني من قلبو ماشي غير هو بل كل لستاركس (ابتاسمات بحزن ) وأنا وليت حاسباهم عائلتي الحقيقية فا هضرتك أماريانا فأنه جرا عليا مكايبغينيش وكااع داك تخربيق لي قلتيليا غير باش نجي معاك… مازعزعنيش …حيت أنا كنعرفو كتر مكانعرف راسي وكنعرفو مزيااان فاش كايهضر ويعني هضرتو بجدية ..وفاش كايقول شيء ماعانيهش شيء فوق قلبو وفوق خاطرو ونزيدك هو مستحيل يخليني …

 

ماريانا : م مافهمتش ؟ إذن أشنو كاديري هنا ؟واش ماغاتمشيش معانا ؟

 

ساندرا : غاانمشي …راه قلت ليك إيلا بقيت هنا فهاذ الظروف دخصامي معاه ماغاندير والو..مستحيييل تكون عندي القوة والشجاعة والتركيز وهو قريب ليا وفنفس الوقت بعيد عليا …وهو حدايا وأنا ماقادراش حتى نقرب ليه ..وأنا كنشوف فعينيه هاذيك النظرة دالخذلان وأنه مقلق مني وبزاف وفوجهو هذاك التعب والارهاق بسببي… مانقدرش نصبر كلما شفت هاذشي كانتقهر كنحس براسي بلا روح وضعييفة حيت هو كل قوتي .. فا أنا قبلت نجي معاكم ونبعد عليه غيير باش نقدر نركز ولو غير شويا باش نتحكم بعنصر الهواء بسرعة وندمر عليا هذاك الكتاب الملعون وديك الساعة إيلا بقيت حية نرجع لراجلي وعائلتي ونعيش براحة …. (سرطات ريقها ) أنا ماعرفتش حسب النبوءة أشنو غايكون دور جبار فتدمير الكتاب وكانتمنى من أعماااقي مايكون عندو حتى دور وكااااااانتمنى مايكونش حاضر منلي نكون كاندمرو لا هو لا حتى واحد من لستاركس …. حيت مستحيييييل ثم مستحيييييل نسمح يتآذاو أو تتآذى شعرة منهم بسبب هذاك الكتاب … فا شحال ما طال أو قصر الأمر فالأخير غااندمرو ويلا بقافيا شي عرق حي ديك الساعة غانرجع لجبار حيت مستحيل نخلييه …. مستحيل نكون حية بعيدة عليه ….

(ابتاسمات وهي ساااهيا ونطقات بهمس ) واخا أنا متأكدة أني غانمووت مع لكتاب ..

 

ماريانا سرطات ريقها ) قلبك زوين يا ساندرا فا مابغيتش نكدب عليك ولا نخدعك فا قبل مانمشيو خاسك تعرفي أنه ملي نوصلو للجبال لي فيهم المعاشر غاتختافي كليا بحالا راك ماكايناش فهاذ الكوكب راه مستحييل يقدر يلقاك لا بجبس لا بأي جهاز آخر متطور أو وسلية و…■□تتمة الجزء 492■□

ماريانا سرطات ريقها ) قلبك زوين يا ساندرا فا مابغيتش نكدب عليك ولا نخدعك فا قبل مانمشيو خاسك تعرفي أنه ملي نوصلو للجبال لي فيهم المعاشر غاتختافي كليا بحالا راك ماكايناش فهاذ الكوكب راه مستحييل يقدر يلقاك لا بجبس لا بأي جهاز آخر متطور أو وسلية و…

 

ساندرا : عاااارفة يا ماريانا راه السحرة أسياد التخفي وعشت 19 سنة مع أقوى ساحرة في إخفاء المواقع (ميبهار) …

 

ماريانا : هو غايظنك تخليتي عليه …

 

ساندرا :عارفة…

 

ماريانا : ويلا مكانش حضورو شيء ضروري كشرط لتدمير لكتاب واش فعلا غاتدمريه بلا ماتعلميه قبل ويكون معاك ونتي عارفة أنك تقدري تموتي فيها غاتكوني بوحدك ؟

 

ساندرا : كاانتمنى مايكونش حضورو مهم حيت ديك الساعة هو غايدير كل جهدو ينقذني ..وواحد فينا غايخسو يعيش ديك الساعة حيت أنا متأكدة أن الكتاب غاتخسو تضحية بطاقة باش يتدمر كأحد شروطو (ابتاسمات) وأنا مستحيل نعرضو للأذى وهذا واحد من الأسباب لي خلاوني نقبل نمشي معاكم تدمير لكتاب غايكون عليا بوحدي فا غاندمرو بوحدي و تاحد اخر مغايتآذى …

 

(سام لي مركز غير فعينين ساندرا..وهو من بداية الحديث حاسس بأنهم مراقبين فا هز راسو كايشوف فكل القصر ونواحيه حتى لمح فسطحو خيالين واقفين حااضينهم ولكن مع البعد ماواضحش ليه نتاعمن …فا سرط ريقو وحاول يستشعر الطاقات لي فمحيطو ..وماحسش بطاقة جبار ..تنهد ورجع شاف فساندرا ونطق ببرود )

 

سام : إذن غاتعاودي نفس الشيء لي دارتو الساحرة الأولى ألكساندرا ..غاتقدمي روحك كتضحية للكتاب بدل التضحية لي خاساه باش يتدمر…. نفس التضحية قدماتها ألكساندرا فتعويذة تحويل بشر لمتحولين كان ممكن هي تضحي ببشر لكنها فظلات تضحي براسها و….

 

ساندرا قاطعاتو )حيت ألكساندرا كون ضحات ببشر فتلك اللحظة من أجل تعويذة كانت غاتتحول لساحرة سحر أسود غاتتحول للصنف لي طول عمرها كاتكرهو للي دمرو حياتها وللي صوبات متحولين غير باش ينهيوهم فا كون كنت بلاصتها كون درت نفس الشيء أعمي نموت ومانوليش ساحرة سحر أسود …

 

سام ابتاسم ) إذن نتي مقررة ديري نفس الشيء وهاذشي حيت ماغاتقبليش شيواحد آخر يموت كتضحية وخصوصا ^هو^ حيت أكيد غايمنعك تضحي براسك فاغايضحي براسو بلاصتك …

 

ساندرا شافت فيه مبتاسمة وحركاتليه راسها بآه ) هاذشي علاش مستحيل نسمح بحضورو منلي نكون غاندمر الكتاب خصووصا إذا مكانش حضورو شرط ..فاراه ماغايحضرش واخا نعرف نستعمل كل سحري ونحبسو داخل حقل طاقة ماغانسمحش يحضر وماغانسمحش يتآذى وماغانسمحش يشوفني كنموت أعمي …

 

سام ابتاسم ليها ) كاتهضري بدون حتى ولو نظرة خوف وحدة فعيونك ..أو تردد فصوتك واش ماخايفاش من الموت أساندرا ؟…

 

ساندرا : من نهار شديت هاذاك الكتاب فيدي وأنا خايفة عشت كل هاذ الفترة كنعس ونفيق وناكل مع خوفي حتى قدرت نولف عليه ونتعايش معاه أعمي… فا على راسي ماخايفاش نهائيا كايبقى مصيري وتقبلتو…. ولكن مستحيييل نجر معايا شيواحد خصووصا جبار أو (سرطات ريقها ) ولدي ولا بنتي وهاذشي علاش مابغيتش نولد حاليا وهاذشي هو لي خالعني …

 

سام مبتاسم ) فطبعك كاتشبهي لهابيك باباك وبزاف كان دائما شغلو الشاغل يحمي معشرو و المعاشر الثمانية وماماك وآخر همو هو راسو وأشنو ممكن يوقع ليه .. وشكلا كاتشبهي لآنجلا ماماك وبزاف …(ومد يدو يمسح ليها دموعها ولكن تراجع )

 

(ماريانا لي كاتشوف فيهم مخرررجة عينيها وبدات تصفق تاشافو فيها )

 

ماريانا : أييه وديرها من الأول أسام (طارت عليه باستو من حنكو بالجهد ) كنت متأكدة أنك غاتهضر معاها كنت متأكدة حيت كولما كاتشوفها كانحسك باغي تهضر معاها وكاتتراجع فكل مرة ولكن اليوم هضرتي ياااي

 

(سام ابتاسم وهو كايشوف فساندرا لي هي الأخرى قابلاتو بابتسامة ..ودورات راسها كاتشوف فالقصر وقلبها لي شاعلة فيه العافية مترجمة على شكل دموع بداو تاني كايطيحو من عينيها وماريانا وسام كايشوفو فيها )

 

ماريانا : عالأقل عيطي ليه قوليها ليه قوليليه راك غاديا معانا هو معصب منك وبزاااف يقدر من غضبو يقوليك سيري …

 

ساندرا : جربت نعيط ليه ماجاوبنيش ومزيان ملي ماجاوبنيش حيت كون سمعت صوتو كون تراجعت واخا يقولي سيري كنت غانبقا … وحتى عائلتي لبنات العمات والأعمام والليدي شيماء واللورد جاسم ماودعت تاواحد منهم حيت ماقدرتش ماغايخليونيش نمشي دوزت أجمل أيام حياتي معاهم هاذ العائلة دافية بزاف كلهم حنان وكلهم كايهتمو ويحميو بعض وكايعطيو بلا مايتسناو منك مقابل… والرابط لي بيناتهم عمرني شفت بحالو …فاغاندير كل جهدي مايتآذاوش مستحيل نسمح لآل جوفر يوصلو لدكشي لي باغيين ويوليو سحرة خالدين مستحيل نسمح يتآذاو المتحولين .. فا يالاه نمشيو تابعني كتاب ندمرو ….

 

(سام تمتم بكلمات تعويذة التنقل وتحل جذع الشجرة الكبيرة لي جنبهم ) 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 493🕯

(سام تمتم بكلمات تعويذة التنقل وتحل جذع الشجرة الكبيرة لي جنبهم )

 

ماريانا :نتي ساحرة كل العناصر تقدري تتنقلي بكل العناصر فايالاه بمباشرة ماندخلو فالجذع غانتنقلو لغابة خارج كازا ومنها نتنقلو تاني لغابة أخرى وغانبقاو هكاك حتى نخرجو من المغرب لإسبانيا وبعدها فرنسا حتى نوصلو غايخسنا نهار كامل دالتنقل السحري السريع …

 

(ساندرا حركات ليها راسها بواخا …دخلات ماريانا وسام فالجدع )

 

ماريانا :دخلي …

 

(ساندرا بدات تتنفس بسرعة ودورات راسها تاني كاتشووف فالقصر ..وحنات راسها كاتشوف فالخاتم لي فيديها لي كايرجفو بقوة )

 

ماريانا : ساندرا يالاه راه التعويذة خدامة خاسنها نتنقلو دخلي !

 

ساندرا سرطات ريقها ولونها صفر وحاسة بالنفس كايتقطع فيها ونطقات بهمس ودموعها كايطيحو )

 

ساندرا : كون هزيت معايا غير ريحتو كيغاندير نعس بلا بيها كيغاندير نتنفس بلا بيها ..

 

ماريانا : ماسمعتكش !

 

ساندرا شافت فيها ) و والو …

 

ماريانا : ساندرا التعويذة خدامة ورله غير كاضيعي فطاقة سام هكا فا دخلي فالجدع …

 

ساندرا غير كاتسرط فريقها …دورات راسها شافت فالقصر تاني وهي كاتشهق زيراات على يديها وهي تحرك فاتجاه الجدع ويالاه لاحت الخطوة الأولى تدخل ليه …حتى شافت فوجه ماريانا وسام أمامها لي خرجو عينيهم …ومباشرة حسات بشيحد خلفها…وشمات ريحة عطرو لي خلاتها سدات عينيها وابتاسمات …عرفاتو هو لي واقف خلفها ……//سام لي كان خدام على التعويذة دالتنقل وماريانا جنبو كايشوفو فساندرا لي يالاه غاتدخل حتى ظهر جبار من العدم واقف خلفها ..ومخنزززر فيهم .. وماكاتصدر منو حتى طاقة دالمتحول الشيء لي خلا سام حبس التعويذة وسكت …فهم أن أحد الخيالين لي كانو حاضيهنم من الاول هو خيال جبار .. فا هز راسو يشوف الخيال التاني وبانليه وهاذ المرة بوضوووح جاسم لي واقف فالسطح مربع يديه كايشووف فيهم …وماريانا ساندرا وسام ماحسوش بيهم حيت هوما مفعلين قوة الدرع لي هي قوة بالإضافة لأنها كاتخلي صاحبها منيع ضد كل قوى المتحولين فهي كاتخفي طاقتو ..سام حنا راسو لجاسم ..ورجع شاف فجبار ……وماريانا لي بالخلعة من شكل جبار بسرعة تخبات مور سام …وجبار لي واقف مور ساندرا قرب ودور يدو على بطنها وجرها حتى لسق ظهرها بصدرو وعينيه على سام مخنزر فيه ونطق ببرود )

 

جبار : لفين بسلامة ؟

 

(ساندرا مغممظة عينيها وابتاسمات وهي كاتتنفس بسرعة …دورات راسها وشافت فيه فرحااانة ومبتاااسمة بدون أي رد منها )

 

جبار دور راسو شاف فيها مخنزر ) آخر مرة أنا أشنو قلت ليك همم أشنو قلت …

 

(ساندرا لا رد …مبتااسمة بطريقة كاضحك وهي ساهية فوجهو لي قريب من وجهها )

 

جبار سهى لثواني فابتسامتها من بعد غووت ) قلت لجنااااحك وقلت ماااتخرجييش منووو ونتي فين غاديا دابا ومعامن تشاورتي تتحركي لشي قنت ؟ (وشاف فماريانا وسام ) ونتوما شفتكم سالتين بحال الشفارة ؟

 

ماريانا نطقات وهي خلف سام ) وا لا راه ودعنا اللورد جاسم والليدي شيماء فراسهم راه حنا غاديين و…..

 

جبار غووت حتى قفزات ) أناااا هو اللووورد الأول وراااك عطيتيني ولائك يا ساااحرة فاااا قبل ماتمشي قبل ماتتحركي خاسك تاخذي إذني أنااااااااا ولكن على مابانليا ولاء السحرة ماعندو قييمة وماعندو مصداقية ونتوما بطبعكم ماشي مخلصين والغدر والتمرد كايتمشى ليكم فالدم…يعني أشنو الفرق بينكم وبين سحرة السحر الأسود ….. فا غانعطي أوامري لمتحوليي يزيدوكم سواايع يشرحوليكم مزيااااان مفهوم الولاء الخالص …

 

(ماريانا وسام بسرعة خرجو من الجدع وتحناو أمامو على ركبهم حانيين راسهم)

 

ماريانا : م م ماشي هكا ك كانعتاذرو لورد ك كنتي معصب بزاف و و وبصراحة خفت نهضر معاك وسام راه عارض دهابنا بلا اذنك ولكني خفت نهضر معاك فهاذشي علاش ودعنا غير اللورد جاسم ….

 

جبار شاف فساندرا لي مزالها كاتشووف فيه مبتااااااسمة وساااهية وهي حالة فمها )ونتي ؟ بلا الدروس دالولاء والصدق والصراااحة والثقة والإخلاص كنظن خاسك دروس أخرى فالتعامل وإطاعة الأوامر !!…

 

ساندرا حطات يدها على يدو لي فوق بطنها وهي سااهية فعينيه ومبتااسمة ) مزيان ملي جيتي حيت كنت من قلبي كنت كانتمنى نشوفك لآخر مرة قبل مانمشي ….

 

جبار ابتاسم باستهزاء ) وأيضا خاسك دروس فالإستيعاب ..🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 494🕯

جبار ابتاسم باستهزاء ) وأيضا خاسك دروس فالإستيعاب …(شاف فماريانا وسام الراكعين أمامو ونطق مخنزر ) حاليا سيرو ولا بقاو … ولكن هاذي آخر مرة يا ماريانا بيثروفا غاندير فيها راه ماشفت والو معاك …مرة أخرى غاتخالفي أوامري غاتعلي صوتك فحضرتي أو تتصرفي بتعالي ومن راسك وقراراتك كأنك حاكمة الصنفين ….راسك غايطير ومانصحكش تتحدايني …فنصيحتي لزمي حدك حيت صبري عليك تسالا …

 

(ماريانا لي كاتترعد وكاتسرط فريقها سكتات مقطوع فيها النفس …فحين سام وقف وعينيه على ساندرا ونطق )

 

سام : دهابك معنا غلط يا كونتيسة حيت بلاصتك هنا فا وقتما احتاجيتينا غاتلقاينا جنبك… راك كونتيسة السحرة وسهل عليك بزاف تعرفي مكان المعشر وتتواصلي معانا عكس داكشي ليقاتليك ماريانا …( هز راسو للسطح شاف فجاسم ورجع شاف فجبار ) وبغيتكم تعرفو أنه عندكم فصفكم أقوى أربعين ساحر مدربين على يدي بسحر متطور حتى عن سحر آل جوفر …(شاف فساندرا) غانكونو معاك فلحظة تدمير الكتاب وإذا احتاجت الظروف أكتر من أربعين ساحر غانجيو كولنا حتى عجائز وأطفال المعاشر السبع مستعدين للتضحية على قبلك وفسبيل يتدمر الكتاب …. فا النظرة دالقوة لي شفت فعينيك حافظي عليها…

 

(جبار كايشووف فيه مخنزر ..وساندرا طاحو دموعها ويالاه قربات منو حتى جرها جبار بالجهد رجع لسقها معاه..وهي يالاه غاتهضر …حتى سام جر ماريانا لي جامدة انسحبو وبسرعة دخلو للجذع لي تسد عليهم دليل على تنقلهم)

 

ساندرا غوتات مخرجة عينيها فالشجرة ) : ب بلاتي ب..(وسكتات حيت جبار اختفى بها وظهرو وسط جناحهم ..وطلقها وهي بسرعة شدات يدو) تسنى راه راه خاسني نمشي معاهم خ خاس ن…

 

جبار قاطعها وغوت حتى حلقو غايخرج ) خاااااااااسك تسكتي سمعتي سكتتتتتتي يااا ساااندرا سكتييي حيت غير مكاتزيدي تصدميني فيك من كدابة وماكرة لأنانية…

 

ساندرا خرجات فيه عينيها و زيرات على يدو ) لا ماشي هكا أنا راه ماكنتش غاديا معاهم باش نخليك والله أنا كنت غانمشي باش نقدر نتحكم بعنصر الهواء بسرعة وندمر لكتاب ونرجع ليك وهاذي هي الحقيقة أنا ما…

 

(جبار قاطعها بأنو تنتر منها وتحرك غادي للدريسينغ ..وهي تبعاتو وكاتهضر بزربة … وهو دخل وحيد لفيست لي كان لابس بقا عاري الصدر وهي وقفات جنبو )

 

ساندرا : غ غير سمعني و…

 

(جبار استدار شاف فيها مخخنزر وجرها من دراعها لسقها مع الحيط بين يديه وقرب وجهو من وجهها بعيونهم متقابلين و نطق بعصبية )

 

جبار :نتي لي غاتسمعي ممنوع عليك تخطي خطوة وحدة برات هاذ الجناح..ماغانخرجش ونسد عليك حيت عارفك تقدري تخرجي بسهوووووولة بسحرك ..فا كنبهك سمعتي كانبهك يا ساندرا تخالفي هضرتي حيت هاذ المرة ماغاديش نتساهل معاك ماغانعقلش عليك وكنقسم ليك حتى غاتندمي …. (وحيد يديه من على الحيط واستدار خارج وهي تبعاتو كاتجري وكاتنهج وفنفس الوقت كاترعد منو )

 

ساندرا : ك كيفاش مانخرجش واش دابا كاتحبسني ؟

 

جبار وقف واستدار شاف فيها مخننزر ) كانظن سجنك فجناحك أحسن لك من سجنك فسجن المتحولين !

 

(ساندرا سرطات ريقها ..وهو تحرك لسريرهم وتكا على ظهرو وحط دراعو على عينيه …وهي واقفة كاتشووف فيه ..تحركات وجلسات على السرير جنبو )

 

ساندرا : واش واش قريتي مساجاتي ؟

 

(جبار لارد)

 

ساندرا: والله ماكنت غاديا معاهم باش نخليك ولا نخلي عائلتي أنا بغيت نمشي غير ندمر لكتاب ..عمرني نويت نخليك ولا نخليكم تقدر تسول خالتي وعمي؟

 

(جبار لارد )

 

ساندرا مسحات دموعها ) لكينات ماشربتهمش وشريتهم من لول ماشي باش مانولدش منك ماشي حيت ماباغاكش و ماشي حيت جالسة معاك على قبل حمايتك ليا بل حيت أنا خايفة خايفة نحمل ومن غدا يبانلي كيفاش ندمر لكتاب وغانضطر ندمرو وأنا حامل أي مغانموتش غير أنا غايموت حتى ولدي و …(سكتات مخرجة عينيها ملي تكهد بسرعة وشدها من خصرها حتى تساطحات مع صدرو وضغط بقووة على ظهرها حتى غوتاااااات بألم….■○ تتمة الجزء 494■○

 

ساندرا مسحات دموعها ) لكينات ماشربتهمش وشريتهم من لول ماشي باش مانولدش منك ماشي حيت ماباغاكش و ماشي حيت جالسة معاك على قبل حمايتك ليا بل حيت أنا خايفة خايفة نحمل ومن غدا يبانلي كيفاش ندمر لكتاب وغانضطر ندمرو وأنا حامل أي مغانموتش غير أنا غايموت حتى ولدي و …(سكتات مخرجة عينيها ملي تكهد بسرعة وشدها من خصرها حتى تساطحات مع صدرو وضغط بقووة على ظهرها حتى غوتاااااات بألم مخررجة فيه عينيها وهو مخننزر فيها كاينهج بالأعصاب ونطق ببرود )

 

جبار :غاااتزيدي حرف واحد حرف وااااحد غانضربك يا ساندرا وغانسد عليك فكراج السيارات … فا بغيت سكااااات سمعتي صوتك مانسمعووش حسك مانحسش بييه سكتي …واش فهمتي ؟

 

ساندرا :ض ضريتي فظهري …

 

(جبار زاد زيير على ظهرها حتى غرسات ظفرانها فصدرهو من الألم ودموع طاحوليها وهو مخننزر )

 

جبار :واش فهمتي ؟

 

ساندرا : ف فهمت غانسكت ..

 

جبار :وأشنو آخر ؟

 

ساندرا: م ماغاديش نخرج من الجناح …

 

جبار : برافو ملي كاتفهمي ….(وطلق من ظهرها ورجع تكا حاطط دراعو على عينو …أما هي كاتتنفس بسرعة وهي حاطة يدها على جنبهها فين كان ضاغط عليها كاتماصي فيه …سرطات ريقها وهي كاتشووف فيه بانليها تنفسو منتظم امكن حيت نعس … وللحظة ابتاسمات حيت كانت كاتتمنى من أعماقها يجي يوقفها مايخليهاش تمشي ..وتبقى معاه ولو لساعة أخرى ولو ليوم آخر أو شهر آخر … تكون معاه فآخر لحظاتها قبل ماتموت … مدات يديها كاترجف يالاه غاتحطها على راسو تمس شعرو حتى تراجعات فالأخير من خوفها منو …اكتفات أنها تتكا جنبو وهي كاتشوووف فيه مبتاسمة مرت دقائق عاد تحركات بالحس قربات منو وحطات يدها على دراعو وخشات وجهها فعنقو مبتاااسمة وهي كاتشوف فيه حتى غفات….. )

🍀🍀🍀🍀

 

في جناح فارس وجمانة …هاذ الأخيرة لي جالسة فدريسينغ روم نتاعها وهي لابسة غير بودي ميني بوط مخطط بالألوان وسترينغ أحمر ..جالسة أمام لوحدة كبيرة وهي شادة فيديها باليط دالسباغة عامرة بالألوان وبانسو كاترسم وهي ساااهية ..هزات راسها فالرسمة وتنهدات بعينين دامعين …. كانت راسمة منظر طبيعي فيه التراب وغار نمل شافت فالساعة كانت 9 دليل )

 

جمانة : دابا كيغاندير نخرج فهاذ لوقت للجردة نجمع تراب (وقفات بعينين دامعين وهي كاتحك فكرشها وكاتمشي وتجي بتوتر ) صافي هاذ لمرة حماقيت مافيهاش ويلي ويعيقو بيا كناكل التراب غايحطوني ديريكت فسبيطار لحماق …(قربات للنافذة وطلات فالجردة بانوليها خوتها سليم ووسيم مع مالك وعصمان وخليل مجمعين فجلسة تما وكايتعشاو …)فاااك ماعنديش تااا كيندير نخرج وهوما فجردة (بداو دموعها كايطيحو وكاتشهق حتى تحل عليها الباب ..ودخل فارس وهي بزربة مسحات دموعها ) 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 495🕯

فارس :جمانة يالاه نتعشاو ؟

 

جمانة :مافياش جوع غاسير …

 

(فارس قرب منها ودورها عندو وخنزر فاش شاف عينيها فازكين بدموع )

 

فارس : بكيتي علاش تبكي مالكي ؟

 

جمانة ميلات فمها ) بغيت تراب …

 

فارس هز حاجبو ) نعام ؟

 

جمانة خرجات عينيها وبدات كاتفتف حتى شافت فاللوحة لي رسمات وأشارت له عليها) باش نكمل رسمتي خا خاسني تراب زعما غانلون بيه …

 

(فارس استدار شاف فاللوحة لي رسمات وابتاسم ) زوينة ككل رسوماتك يا مبدعتي …

 

جمانة بسرعة شدات يدو ) جيبليا التراب عااااافاك…

 

فارس : واخا خلي تالغذا وكمليها دابا يالاه نتعشاو مع خوتك ون…

 

جمانة قاطعاتو وغوتات وهي كاتحك فكرشها ) وااا لا جيبليا ترااب ترااب بغيتو دابا واغير جيبو وسير نتا تتعشى أنا مابغيتش…

 

فارس :واخا تهدني غانمشي نجيبو …

 

جمانة :من جردة عمر ليا شي طاسة كبيرة …

 

فارس : واخا مغانتعطلش (ومشا خرج …وجمانة رجعات كاطل من النافذة على الجردة ..حتى بانليها فارس خرج وضحك مع خوتو لي عيطوليه ..ومشا حتى وقف عليهم …كايهضرو ….)

 

جمانة : ونااري صاف بقا تما معاهم ماغايجيني تالغدا (حلات السرجم و خرجات منو نصفها العلوي كولو وغوتااات )

 

جمانة : فااااااااارس …

 

(فارس وكل الشباب لي فالجلسة هزو راسهم شافو فيها )

 

جمانة مخننزرة فيهم وغوتات ) وااااا سربييني ياااه …

 

سليم شاف ففارس )هاذي مالها ؟

 

(فارس حال فمو فجمانة لي بقاليها شوية وتخرج كولها من شرجم ) :ها والو غير كاترسم لوحة وبغات تلونها بتراب غانديه ليها ….(وخذا صحن كبير فارغ مع ملعقة من فوق الطاولة وتحرك للحديقة وتحنا كايجمع ليها فالتراب )….

 

سليم : جمانة من نهار دارت ست سنين وهي كاترسم و كاتخربط بسبايغ مكاينش شي حيط فالقصر ماخربقاتوش بسباغة ولكن عمرني شفتها كاتلون بشي مادة أخرى من غير السباغات …

 

وسيم : حتى أنا هاذي دالتلوين بالتراب جديدة تاني ….

 

خليل : ومالها راه الفنان كل مرة أشنو كايقوليه راسو مالكم كاحتاقرو الفن وصعييب عليكم تقدرو الجمال …

 

(كلهم شافو فيه مخنزرين ..حتى وقف عليهم فارس هاز صحن عامر بتراب ) تصبحو على خير ألخوت

 

سليم : فارس …

 

فارس : وي

 

سليم :واش نتا متأكد أن جمانة بغات التراب تلون بيه ؟

 

فارس : ههه وآش غاتكون بغاتو تاكلو مثلا هههه

 

وسيم : هههه وشكون شاف …

Leave a comment