Skip links

قصة : الوحش وذات القزحتين الجزء 2 ( عشق جبابرة) ج 54

 39,933 عدد مشاهداات

🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 481🕯

 

سليم : صباعك مشاو ودعهم ..

 

وسيم :عاارف …

 

عصمان هو الآخر قرب منها وحنا ليها راسو ) أي شيء احتاحيتيه تقدري طلبيه مني وأوامرك غاتتنفذ فقط ماتبكيش …

 

(ساندرا بزز ابتاسمات ليهم ..وسليم وعصمان وخليل ووسيم …شافو ففارس ومالك لي ماقربووش منها )

 

فارس سرط ريقو ) عمرني خالفت أوامرو ونتوما عارفين هاذشي ألخوت فا لا …

 

خليل :خواف ..

 

فارس خنزر فيه ) أنا غانوريك خواف ( وقرب منها بضخامتو وقف عليها حتى خرجات فيه عينيها ..وبدون مايتردد تحنى وهزها بطريقة جات جالسة على كتفو …وهي شهقات وخافت طيح وزيرات على تيشورتو .. والشباب حلو فيه فامهم )

 

وسيم همس لسليم ) أخييرا واحد منكم قودها كتاااار مني

 

فارس : الملكة مخاسهاش تمشي حافية أمرات خوية …

 

وسيم : هاااذي عندك تسناو (واختفى من وسطهم )

 

ساندرا مزننننكة غاطرطق بالحشمى وبزز حابسة لبكية ) غ غ غير حط ن ندخل …

 

فارس : لا ماغاتمشيش حافية …

 

(وثواني حتى ظهر وسيم هاز حذاء راقي كعب فالأبيض وكان جديد )

 

وسيم :هاهوا خديتو لسماح ولكن مزال ماعطيتوليها تاناخد ليها آخر كنتمنى يكون فمقاسك ويعجبك (وقرب من ساندرا لي مزالها جالسة فوق كتف فارس ويالاه غايلبسو ليها حتى وقفو مالك )

 

مالك وهو كايسرط فريقو )بلاتي أ أرا دك سباط لهنا …

 

وسيم : أييه أخيرا قررتي تشارك فالجريمة إذن هاهوا (وعطاه الحداء لي شدو مالك وقرب من ساندرا)

 

ساندرا مخرجة فيهم عينيها وغاطرطق بالحشمة ) ا أغير حطوني ندخل فيحالاتي ..

 

مالك هز راسو شاف فيها بجدية ) لا غاخليني نلبسك بعد إذنك ماي ليدي …

 

ساندرا مدات ليه يديها ) غير أراه نلبسو راسي (حنات راسها شافت ففارس ) وحطني أخوية …

 

فارس هز راسو شاف فيها ) لا أمرات خوية ماتمشيش حافية

 

مالك : و غير خليني عافاك ماي ليدي (وهز فردة بيدو لي كاترجف ولبسها ليها بشويية وهو مخرررررررج عينيه كايحاااول مايمسهاش وكووولهم مركزين مع يديه ورجلها )

 

سليم غوت ): واطلقنا ونتا كاترعد

 

مالك لبسها الفردة الأخرى وكولو عرقان …وفارس شاف فيها وابتاسم وحطها على الأض وسطهم وهي هازة راسها كادورو بيناتهم تالفة )

 

وسيم :نجيبلك معايا شيحاجة ؟

 

فارس : غانجيب لجمانة شكلاط وغانجيبليك حتى نتي ..

 

ساندرا : أ لا ب بلاش حيت جبار غايتعصب …

 

(الشباب شافو فبعض )

 

سليم :وهذا هو المطلوب أصلا …

 

ساندرا : ها ؟

 

عصمان : حنا خاس نمشيو غانقول لزليخة تسجل ليك كل أرقام هواتفنا فحالة احتاحيتينا برسالة وحدة و فأي وقت غاتلقاينا قدامك …

 

ساندرا ابتاسمات ليهم مزننكة ) ش شكرا بزاف…

 

كلهم تحناو ليها على ركبهم وبعدها وقفو واستدارو كل واحد غايركب فسيارتو…..وساندرا واقفة متبعالهم العين حتى فجأة حسات ولثاني مرة بطاقة داخلها غريبة عن طاقتها السحرية …لي ثواني واختفت ….وسليم لي يالاه حل باب سيارتو غايركب حتى حس بطاقة غريبة خلاتو دور راسو شاف فكل خوتو لي ركبو سياراتهم ماشي طاقتهم …واستدار شاف فساندرا هز حاجبو واستشعر طاقتها السحرية لقاها عاديا ..وبقا كايدور راسو فالمكان باستغراب كايقلب عن مصدر هاذ الطاقة لي حس بيها لجوج ثواني وبعدها اختفت …مالقا والو …ركب سيارتو وزاد … وكسيراو شبابنا ….وساندرا مبتاسمة كدير ليهم باي باي بعينيها العامرين دموع …تنفسات بعمق..واستدارت يالاه غا تدخل ..حتى هزات راسها وبانتليها ماريانا واقفة فإحدى نوافد القصر كاطل عليها ومخننزرة ….ساندرا سرطات ريقها …ودخلات للقصر كاتمشا وهي حانية راسها وكاتفكر ..طلعات فالمصعد للطابق التالث ..ويالاه تحل بابو حتى لقات ماريانا وسام قدامها ….)

 

ساندرا: مابغيت نسمع والو ..■□تتمة الجزء 481■□

ساندرا: مابغيت نسمع والو ..

 

ماريانا ابتاسمات باستهزاء ) ياك بعدا وصلتي على هضرتي هاهوا لاحك و من أول خطئ ماعقلش عليك ..ونتي تابعاه وتحزري فيه وغدا ولا بعدو يطلعليه تحزارك فراسو غايلوحك ويجيب أجمل متحولة فالعشائر يحطها بلاصتك ونتي بقاي كدمعي و…

 

(ساندرا لي مابقاتش قادرة تستحمل …فقط حانية راسها ودموعها كايطيحو وقلبها كايتحرق ..وماريانا غيير كاتهضر وكلام كالسم ….أما سام شاف دموع ساندرا ..وشد ماريانا من دراعها بقوة حتى سكتات ودورها عندو مخننزر فيها ونطق بهدوء )

 

سام : باراكا ….

 

ماريانا خنزرات فيه ونترات يدها ) علاش راه خاسها تسمع الحقيقة (واستدارت شافت فساندرا ) ماشي غير هو حتى عائلتو غايلوحوك …

 

(ساندرا مسحات دموعها ..وهزات راسها شافت فيها وخرجات من المصعد وتمشات حتى وقفات قدامها )

 

ساندرا : كانظن كنتي واقفة كاطلي عليا من داك الشرجم وشفتي خوتو كيفاش كانو كايحاولو يضحكوني شفتي تعاملهم معايا ؟ وشفتي قبل مايمشيو كيفاش بكل قوتهم وضخامتهم ورجولتهم تحناو ليا ..هاذشي بلا تعامل اللورد جاسم والليدي شيماء لي نعسات حداايا شادالي فيدي الليل كولو وأنا ناعسة على سريرها … فا فنظرك غايلوحوني ؟ …

 

ماريانا سرطات ريقها ) ولكن هو لاحك بكل سهولة وبرودت دم …

 

ساندرا : هو مقلق ومعصب ومجروح ماشي لاحني أخالتي حيت كون لاحني ماغايخرجنيش لبارح غير من جناحو ..كان غايخرجني من القصر كولو ديك الساعة قولي لاحك (وزادت غاديا حتى بسرعة شدات ماريانا دراعها …وساندرا شافت فيها )

 

ماريانا : امكن خلاك تفهمي راسك وكايتسناك تمشي بكارامتك ..فا يالاه معانا أنا وسام غانمشيو نرجعو لمقر المعاشر السبع يالاه معانا أساندرا حيت راه مابقا عندك والو هنا حيت أصلا مكان عندك والو هنا وغاتكوني غبييية إييلا فكرتي فالعكس …

 

ساندرا : واخا نسولك (وشافت فسام ) كاتبغي عمي ياك ؟

 

ماريانا هزات فيها حاجبها ..وسام خرج فيها عينيه حيت عيطاتلو عمي )

 

ساندرا : لو كنتي بلاصتي ..لو كان سام بلاصت جبار ونتي لي غالطة معاه نتي لي وصلتيه لديك الحالة لي كان فيها جبار البارح وفلحظة غضب جرا عليك واش غاتخليه وماتسوقيش وتزيدي ..

 

(ماريانا سرطات ريقها وشافت فسام …وساندرا نترات دراعها منها مخنزرة فيها )

 

ساندرا : إلا كنتي نتي ماتقدريش تخلي راجلك فا ماطلبيش مني أنا نخلي راجلي ..حيت ماغانخليهش …(واستدارت غاديا …)

 

ماريانا غوتات ) راجلي ساحر يا ساندرا وراجلك متحول بل رئيسهم المتكبر فا ماتقارنييهمش مع بعض وعرضي غايبقى قائم غانتسناوك أنا وسام شي أيام إذا بغيتي تجي معانا ..وماضيعيش الوقت مزال تابعك عنصرين تتحكمي فيهم …

 

ساندرا نطقات وهي غاديا ) هاذ التمييز لي دايرة بين المتحول والساحر أماريانا هو لي غايخلي المتحولين ديما يشوفوفيك بنظرة ناقصة فا كنصحك تغيري طريقة تفكيرك (دورات راسها شافت فيهم ) بلا ماتسناوني غاسيرو لابغيتو …

 

ماريانا ابتاسمات ) هاحنا غانشوفو يا ساندرا حيت راك غااالطة إذا ظنيتيه غايسمح ليك ههه الحب عاميك وماشفتيش امكن وجهو لي كوولنا شفناه البارح غانتسناوك لشي أيام بعدها غانمشيو …

 

ساندرا خنزرات فيها بدون ماتجاوبها ..ودخلات لجناحها لقات العمال كملو الحمام ردوه جديد وكايركبو فيه مراية جديدة …جلسات فالبالكون حتى كملو وخجرو …عاد دخلات للحمام حيدات كل ثيابها ودخلات جلسات تحت الرشاش فوضعية الجنين حاطة راسها على ركبتيها بجوج وكاتفكر …والماء كايهبط معاها …لساعتان وهي غير جالسة هكاك كاتفكر وداخلها حالفة ماتخليه حيت أصلا ماتقدرش ماشي حيت خايفة من اش غايوقع فيها إيلا خرجات من تحت جناحو ..ماشي على قبل المكانة لي عطاها كالليدي الأولى ..وماشي على قبل قصرو فلوسو وعائلتو …بل فقط حيت كاتبغيه … ابتاسمات بحزن ناضت غسلات شعرها بشامبو وجسدها مزيان ..وخرجات من دوش دخلات للدريسينغ لبسات فستان أسود حد ركبة وبلا يدين مع كعب فضي ..خلات شعرها بوكلي ووججها بلا مكياج …ويالاه خرجات من دريسيغ حتى سمعات الدقان توجهات للباب حلاتو لقات شيماء وجمانة وزليخة ) 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 482🕯

 

شيماء عنقاتها ) كيصبحتي واش بيخير وواش هضرتو …

 

ساندرا بزز حبسات دموعها ) ماهضرناش م مالحقتوش مشا غانتسناه حتى يرجع ونهضرو ..

 

زليخة : ماهضرتوش أو نتي هضرتي وهو لا بمعنى متجاهلك قالب عليك عاطيك النخال وبمعنى أدق لبس معاك واحد من أسمك أقنعتو وهو الشيطان البارد المتجاهل …

 

ساندرا شافت فيها ..أما شيماء خنزرات فيها )

 

شيماء : سكتي

 

زليخة : وا ماقلت والو ..

 

جمانة شدات يد ساندرا ) أجي نفطرو ماما صايبات لينا فطور زوين وبعدها نخرجو نجلسو فالحديقة نتفرجو فالنمل …

 

ساندرا ابتاسمات ) لا غير سيرو غانبقا غير فالجناح يقدر فأي لحظة يجي خاس نكون باش نهضر معاه …

 

شيماء : براحتك غانسيفطلك فطورك لهنا وبغيتك تاكلي …

 

ساندرا :غاناكل …

 

جمانة : نبقا معاك ؟

 

ساندرا : غير سيري …

 

جمانة :واخا

 

(جمانة وشيماء تحركو مشاو ..وزليخة بقات واقفة مربعة يديها )

 

ساندرا كاتشوف فيها )أشنو ؟

 

زليخة : شربتيهم ؟

 

ساندرا :لا …

 

زليخة : إذن علاش شارياهم من لول …

 

ساندرا :مافيا لي يهضر …

 

زليخة تنهدات ) بغيتي نصيحتي خليه ماتشحفيش راسك بالمحاولة تهضري معاه حيت الفكرة ترسخاات ليه فمخو …وحاليا هو كايعاقبك بالتجاهل ومزال غايسمعك السم وحدو كايشوف تجاهلو ضارك غايزيدك حيت مجروح منك فا باش تقلبي عليه القفة بدل ماتبقاي محكرة عليه وكاتحاولي تهضريه تجاهليه حتى نتي ضحكي لبسي لي بغيتي وكيما بغيتي وخرجي من الجناح هضري مع الشباب خوتو والأعمام وتجمعي معاهم براحتك تيقيني ديك الساع غاتخليه يتحول من بركان الجليد لبركان دالنار …

 

ساندرا كاتشوووف فيها ) وهاذشي كولو علاش ها ؟ واش حنا فحرب ؟ أنا كانبغييه وماغانديرش شيحاجة غاتفقصو وتمرضو نلبس لي بغيت قصدك نتعرى ..وكيفاش نخرج ونهضر مع شباب لستاركس ؟؟ نعصبو بخوتو ياك ؟ أنا ماشي هكا ومستحيل ندير ليه هكا …وحيدي من بالك هاذ الأفكار راهم غالطين ويلا كنتي هكا كاديري لعصمان فا معدرو فيك ..

 

زليخة خنزرات فيها ) ياك وأنا غير كانصحك زعما ؟

 

ساندرا : إييلا غير بحال هاذ النصائح غاخليهم ليك وديري فبالك الحب ماشي هكا ..إيلا فكل مرة دابزنا غانخرج ندير لي بغيت وهو يدير لي بغى باش نجرحو فبعض فهذا ماشي حب …

 

زليخة سرطات ريقها )نتي غالطة اذا ظنيتيه غايسمع منك أنا عطيتك الحل لي غاينفع معاه ويخليه هو يجي يهضر معاك

 

ساندرا : لا نتي عطيتيني حل يخليه يقتلني فمرة ويقتل راسو مورايا ..

 

زليخة :دبري لراسك (ومشات)

 

ساندرا دخلات وخبطات الباب موراها بعصبية ..توجهات للدريسينغ هزات ريحتو و رشات منها بزاف على كل جسدها عاد خرجات توجهات للسرير وتكات ثواني حتى غفات ….

🍀🍀🍀🍀

 

مسائا وبالضبط الساعة 4 زوالا …وفي الساحة لي خلف قاعة محكمة المتحولين ..واقف فارس بضخامتو وهو عاري الصدر مفعل جسدو الفولاذي للحد… أمام تلاث صفوف متكونين من تلاثين متحول بقوة الجسد الفولاذي ..كايدربهم ….كان مركز وهو كايشرح ليهم كيفاش يركزو كل طاقت المتحول دجسدهم فعضو واحد وهو يدهم أو رجلهم او ركبهم أثناء الهجوم …حتى قاطع شرحو صوت سيارات ..دور راسو هو وكل المتحولين وشافو خمس سيارات قربو حتى للساحة وحبسو ..خرج سليم من سيارتو ..وتبعو عصمان وخليل ومالك ووسيم …

 

فارس هز فيهم حاجبو ..وتمشا حتى وقف أمامهم ) مالكم علاش جيتو ؟ 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 483🕯

 

فارس هز فيهم حاجبو ..وتمشا حتى وقف أمامهم ) مالكم علاش جيتو ؟

 

سليم كايشوف فالمكان ) جبار سيفط ليا رسالة نجي لهنا …

 

عصمان : حتى أنا !

 

مالك : حتى أنا واش غانتجمعو فاجتماع ؟

 

فارس : أشمن اجتماع فساحة تدريب المجندين سيرو دخلو للمحكمة تسناوه ..

 

وسيم : الرسالة لي وصلاتني وااضحة قالي نجي لهنا …

 

خليل : وعلاش هنا اش بغانا نديرو هنا ؟

 

سليم خرج عينيه ) قودناها ..

 

(وقاطعهم صوت قوي لإحتكاك عجلات سيارتو بالأرض …شافو فمصدر الصوت بانتليهم سيارتو جاية بسرعة قصوى …حتى وقفها قدامهم بانو ضرب فران مجههد خلاهم سرطو ريقهم …وغير خرج ..التلاثين متحول تحناو ليه على ركبتهم …

 

جبار ديق عينيه فخوتو …حيد نظاراتو الشمسية لاحها فسيارتو ..وببرود حيد ساعتو اليدوية حتى هي لاحها داخل السيارة ..تبع ليهم لكرافاط وحيد الفيسط بقا عاري الصدر …سد سيارتو …شاف فخوتو وفعل قوة الجري السريع وتحرك فرمشة عين وقف فساحة التدريب قدام التلاثين متحول الراكعين …وفارس سليم وسيم مالك عصمان وخليل غير كايشوووفو فيه )

 

جبار غوت ) وقفووووو …

 

(التلاثين متحول وقفو منظمين تنظيم عسكري موحد فتلاث صفوف …وجبار حول نظرو لخوتو وكايهضر وهو كايفعل قوة جسدو الفولادي ..بحيث جسدو غادي وكايتنفخ وحجمو غادي وكايتضاعف )

 

جبار : اليوم أنا ولوردات آل ستارك ..وآغا آل توركانوس ..ونبيل آل ناميكخ .. غااااناخدو مكان اللورد فارس فتدريبكم (خنززر فخوتو ) كانظن تدربتو تطبيقيا بما فيه الكفاية (طرطق عظام رقبتو ) فا بغيتكم فقط تجلسو وتتفرجو ركزو على شرحي …ولاحظو حركاتي …

 

المتحولين نطقو بصراخ ) : أمرك لورد …(وجلسو مربعين رجليهم )

 

(جبار دار حركة لخوتو بمعنى أجيو )

 

فارس مخرررج عينيه ونطق ) جباار رااه من لعشرة دصباح وأنا كاندربهم غايكونو عياو غايالاه تالغذا وأجي دربهم …

 

جبار : غانبدأ بسليم ووسيم أجيو …

 

وسيم مخرج عينيه ) سليم تكلم …

 

سليم : ونتا ….

 

جبار غوووت صااااعر ) واااااتحركوووووو …

 

(سليم ووسيم بسرعة اختفاو من مكانهم ظهرو قدامو )

 

جبار دار نصف ابتسامة وبنظرة مرعبة نطق ) فعلو أجسادكم الفولالاذية نبداو التدريييب يا وحشا الاستنساخ …

 

وسيم : ص صبر نشرح ليك ..

 

سليم :ع عقلتي فاش كنا صغار وأول مرة أنا غاتبان قوة استنساخي صدقت مستنزف كل انرجي جسد لواليدة بدل مانستنسخ درعها وسلختيني فاليخت دلواليد عقلتي ومن تما واعدتي لواليدة ولواليد ماتعاود تسلخني لا انا لا وسيم واش نسيتي أصاحبي …

 

جبار ابتاسم وحط يديه على كتفي خوتو بجوج ) أصلا هاذشي علاش جبتكم لهنا غييير لتدريب المجندين الجدد ..فا علاش غانسلخكم (زييير على كتافهم حتى خسرو ملامح وجهيهما بألم ) علاش انشنو درتوووو ؟

 

سليم ووسيم شافو فبعض )

 

وسيم : والو غير تضامننا مع خليل…🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 484🕯

 

وسيم : والو غير تضامننا مع خليل…

 

جبار طرطق عظام رقبتو ) إذن فعلو جسدكم الفولاذي ودوزو تتضامنو معايا فتدريب هاذ المتحولين …

 

(سليم تنهد وفعل جسدو الفولاذي وبسرعة تضخمو عظلاتو حتى تقطع عليه البودي ..ونفس الشيء دارو وسيم ….جبار بعد رجع لور مبعد عليهم بخطوات ونطق بصراخ)

 

جبار : أول خطوة خاس يعرفها ذوي الجسد الفولاذي فالهجوم هي أن سرعة الهجوووم أهم شيء ..ماخاسش ثقل جسدك يكون عائق فطريق هجومك (خنزر فخوتو ) هجمو عليا ….

 

سليم : متأكد ؟

 

جبار غووت صاااااعر ) ماااابقااااش تترااادو معااايا ليي قلتها تتنفذ حااااالا هجمووو …

 

(سليم ووسيم خنزرو فيه وتحركو بسررعة كايجريو بضخااامتهم ناحيتو …وهو جاااامد مكانو وكل المتفرجين مخرجين عينيهم …غير قربو منو سليم ووسيم زيرووو يديهم على شكل لكمة فولاذية موجهيينها ليه لوجهو …وياالاه غايضربوه حتى بخفة وبسرعة واتقان تحنى أمامهم حاطط ركبتو على الأرض وعطاهم ببونية للواحد للبطن حتى تهزو وكحبو الدم ..وطاحو بجوج على ركبتهم ….وجبار وقف وعينيه على المجندين الحالين فامهم )

 

جبار : إذا تحكمتو فوزن جسدكم رغم ثقلو …غاتقدرو تتحركو بسرعة باش تتفاداو أو تردو أي هجوم آخر سريع فأي وقت بغيتو خصوصا اذا كان الهجوم عن قرب وصعب التفادي …كان بإمكان ثقل جسدي يخلي أمر تفاديي لهجوم خوتي صعب وردو فنفس الوقت مستحيل ..ولكني متحكم كليا بجسدي وسرعتو ووزنو …

 

أحد المتحولي حاال فمو وهز يديه ) كينديرو نتفاداو الهجوم ونردو فنفس الوقت لورد ستارك ؟

 

جبار : غانزيدكم مثال ..(وشاف فسليم و وسيم لي شادين كرشهم مخرجين فيه عينيهم من القوة باش ضربهم عرفوه مكايضحكش )

 

جبار وقف بيناتهم ) ضربو…

 

وسيم كايتنفس بسرعة ووقف ) جبار راه..

 

جبار قاطعو مخننزر ونطق ببرود ) هجمو بلكمات وركلات ممتابعة …

 

سليم : واش بجوجنا فدقة ؟

 

جبار : لا بتلاثة بيكم (وشاف ففارس لي مخررج عينيه ..وغووت) فااااارس ….

 

(فارس سرط ريقو ودخل لساحة التدريب ووقف هو وسليم ووسيم ..ووسطهم جبار مدورينو )

 

جبار : ضربو بكل جهدكم …

 

(هجم وسيم أولا كايوجه لكمات متتابعة وسرييييعة لجبار لي كايتفاداهم بكل سهولة وبرود …ويالاه غاتجيه لكمة وسيم للوجه حتى شدليه جبار يدو …وجا يضربو بالأخرى وشدهالو حتى هي مزييير ليه على يديه حتى تسمع صوت طرطيق صبعان وسيم ..ونطق ببرود )

 

جبار :من داائما كنقوليك درس وفكر فضرباتك عاد ضرب ماشي تبقا تضرب عالله …فكل جسدك الفولاذي كاتركز فهجومك على عضوين فقط وهما يديك..إذن خاسك تحول كل طاقتك وهجومك ليديك باش تعطيهم الأفظلية وتكون ضربتك قاضية

 

وسيم بزز نطق ): ضر ضريتسني فيدي جب جبار يديييي صبااعي …

 

جبار ابتاسم ) التركييز أوسييم التركييز من ديما ماكركزش (زيير ليه على يديه حتى غووووت كايتلواااا وجبار نطق بهمس وبداريجة ) ولا كايعجبك تركز غير فحناكها وشحال كيوت ومطبزيين وفرجليها وشحال كاتلبس…■□تتمة الجزء 484■□

جبار ابتاسم ) التركييز أوسييم التركييز من ديما ماكركزش (زيير ليه على يديه حتى غووووت كايتلواااا وجبار نطق بهمس وبداريجة ) ولا كايعجبك تركز غير فحناكها وشحال كيوت ومطبزيين وفرجليها وشحال كاتلبس…

 

(وسيم خرررج فيه عينيه وشهق مجا يستوعب حتى طلق ليه جبار يديه..ووجه ليه لكمتان متتابعتان لعينو بجوج حتى تهز وسيم وطاح منشور أمام المجندين..وهو كايتوجع وصبعانو كلهم معوجين وكايوزوزو ماعرف يشد يديه ولا عينيه)

 

جبار شاف فالمجندين وغوت ) لي كايركز فهجومو على عضو وااحد فكل جسدو إذن يركز عليه حتى فالطاقة… كاضرب غير بيديك ..إذن يديك خاس يكونو أقوى من باقي أعضاء جسدك وأهم شيء هو التركيز (شاف فسليم وفارس ) هجمو نشوف تركيزكم نتوما …

 

(سليم تنهد وهجم …وجه لكمة سريعة لجبار لي تفاداها ..وضربو طسليم بركبتو للبطن حتى تدفع هو وشد ركبتو وغوووت بألم …أما جبار ماتزعزعش )

 

جبار ابتاسم وشاف فالمجندين ) كانظن لاحظتو ولي ماافهمش هانا غانشرح فاركزو … فالأول سليم هجم بلكمة لي ماجيت فين نتفاداها حتى رد عليا فلبلاصة بركلة قوية لي مكانش عندي الوقت لتفاديها فا تصديت ليها بأني وجهت كل طاقت جسدي الفولاذي للبطن وهي لبلاصة فين ركلني …بحث ولات كرشي هي أقصى منطقة فكل جسدي الفولاذي أقوى من الفولاذ بالضعف وأقصى من ركبته الفولاذية ..وفعلا ضربي ولكن هو لي أخذ الضربة ..وهنا خاس تكون عندكم سرعة البديهة أما تحويل الطاقة فالجسد من منطقة لأخرى أمر سهل (وقرب من سليم لي شاد ركبتو وكاينهج ) وشيء آخر (خننزر فسليم ) فالهجووم ووسط أي معركة أو خطر واااخا تتضرب وتتقصح عمررك ترجع لووور حدك مزاال قادر تضرب ضرب أو غااتتضرب (وبسرعة عطاه بروسية للنيف طاح سليم منشور جنب وسيم شاد نيفو كايتلوى … وجبار تحنى ققازي أمامو وحط يدو على كتفو وزييييييير عليه حتى تهز جسدو ونطق بهمس وبداريجة ) هااذي دازت عليك بالساهل ..

 

سليم مخررج عينيه وبزز نطق ) أح واكتفي أصاحبي أععع…

 

جبار زاد زييير ليه على كتفو ) نعام ماسمعتش ؟

 

سليم تهز مخرج عينيه ) أععع جباار…

 

جبار : ومالك ياك تانتا كايعجبك شداان لكتاف (زيير عليه ) وهاذي المرة التاانية لي كاتحط فيها يديك على كتفهااا …

 

سليم مخرج فيه عينيه ودمو كايسيح من تقاب نيفو بجوج )

 

جبار ابتاسم ) كانتسناك فالمرة التالثة وكايقولو التالثة تابتة …

 

سليم : مسخوووط لعاودت …

 

جبار : هاحنا غانشوفو (ووقف ..وتحرك حتى وقف أمام فارس) فعل جسدك الفولاذي …

 

فارس سرط ريقو ) مفعلو …

 

جبار : تت فعلو للحد يا صنديد الصناديد …

 

(فارس تنفس بعمق ..وفعل جسدو الفولاذي للحد..وصل قوتو لذروتها )

 

جبار غوت ) أهم درس ليكم ولأي متحول ..هو التنفس …ملي تكون كاتهجم ..ملي تكون كاتطاكي وتصد الهجوم ………ماتنساش تنفسك لي خاسك تحافظ عليه منتظم ..كيما كاتعرفو التنفس هو واحد من أساسيات المحافظة على قوة طاقة المتحول طول مدت المعركة…(شاف ففارس ) هجم…

 

فارس سرط ريقو ) ممكن تهجم نتا ؟

 

جبار ابتاسم ) أكتر شيء كايعجبني فيك هو مكرك أفارس 🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 485🕯

 

جبار ابتاسم ) أكتر شيء كايعجبني فيك هو مكرك أفارس (وبسرررعة تحرك هاجم علي فارس لي تصدى ليه وجبار بسرعة استدار محولا كل طاقة جسدو الفولاذي لرجلو لي هزها وعطابيها لبطن فارس بقوووة …هاذ الأخير لي حتى هو ركز طاقة جسذو الفولاذي على بطنو وتسمع صوت اصتضام قووووي للفولاذ …خلا جبار وفارس تدفو عن بعض بقوووة …ولكن جبار بسرعة وفلبلاصة رجع هجم …بحيث فارس كاينهج يالاه هز راسو حتى ضربو جبار بركلة للوجه حتى طاح على ركابيه بكل ضخامتو …ويالاه غاينوض حتى بسرعة استدار جبار خلفو شادليه يديه بجوج بيد وحدة رادهم ليه لور مزييير عليه ومجبببدهم ليه حتى غوت وبيدو الأخرى شادو من عنقو من الخلف دافعليه راسو للأمام جبار وهو كايتنفس عااادي …فحين فارس كاينهج ……)

 

جبار : الحركات السريعة ب تنفس منتظم كايسرعو الدورة الدموية ومعدل ضربات القلب هاذشي كايخلي حرارة أجسادكم ترتفع وبهذا طاقة المتحول فجسدكم كاتتضاعف أي كاتوليو أقوى كلما ضربتو و كلما تحركتو أسرع بتنفس منتظم لي كايخليكم مكاتعياوش دغيا وأهم شيء فالتنفس الصحيح هو توسيع سعة الرئتين بالقدر الكافي ملي كاتنقلو بزاف دالهواء لدمكم عن طريق التنفس المنتظم(جر لفارس يديه للو بالجهد حتى تسمع صوت عضامو تفصلو و غوووت بالألم وجبار نطق ) فهمتي يا فارس ؟ هجومك مركز و منظم و حركاتك سريعة ..وكاتقدر تنقل طاقتك الفولاذية بسرعة لأي جزء بغيتي فجسد…ولكن تنفسك ناااقص غايخليك تعيا بسرعة فأي معركة …..

 

فارس غووت بصوتو الخشن ) : كتاافي أجبااار…

 

جبار : كتافك ؟ مالهم (وزاااد جر ليه يدييه بقوة حتى خرررج فارس عينيه كايغووت بألم )

 

جبار : ششت ماالك أصاحبي راه كتاافك قاصحييين (نطق بهمس وبداريجة ) تهز فيهم حتى مئة من ساندرا وعادي ياك (وجررررليه يدييه بقووة )…

 

فارس : غ غير طلق ونهضرو (غوووات ) واااا راه كانت حفيااااانة و..

 

(جبار بسررررعة استدرا ولا قدامو وجمع معاه بركلة للفم حتى طاح جنب سليم ووسيم شاد فمو )

 

جبار شاف فالمجندين ) كانعاود نأكد ليكم على التركيز حيت مع العدو… تغفل راسك طار …(وتحنى قفازي جنب فارس ونطق بهمس ) هاذي باش مرة اخرى تدخل سوق راسك حفيانة عريانة هذاك شغلي… (ووقف استدار شاف فعصمان وخليل ومالك وغووووت )

 

جبار : كاااااتسناو لعرااااضاااا …■□تتمة الجزء 485■□

 

جبار : كاااااتسناو لعرااااضاااا …

 

(خليل تنهد ببرود ..دار يديه فجيابو وتقدم دخل لساحة التدريب ووقف أمام جبار)

 

خليل : دابا غاشرح ليا نتا بجسدك الفولاذي وأنا بقوة التجميد كيغانديرو ليها اصاحبي ؟ هانت حيد عليا كل هاذ العظلات القبيحة نتاعك وفعل قوة التجميد وأجي نجمد فيك وجمد فيا تااااااالغذا و بلا عنف …أصلا عندي تصوير مهم لإشهاري أنا وهاندا الأسبوع الجاي فا لوجه لا ا…. (وسكت طاير فالسماء ملي جمع معاه جبار بلكمة قوييية للفم حتى طاح خليل فوق فارس وهو مغيب ..وفارس دفعو حتى طاح جنبو )

 

جبار : شخصيا كانكره كترة الهضرة فالمعركة ..فا العدو ملي يبدأ غير يبلابلي أحسن سكتوه فمرة (وشاف فعصمان مخخنزر ) تجي ولا نجي …

 

عصمان اختفى من مكانو جنب مالك وظهر أمام جبار ) هانتا أنا بوووحدي لي ماقصتهاااش صبع واااحد ماحطيتوش عليها راسي ماهزيتوش فيها فا علاش تشركني معاهم ؟

 

جبار شاف فالمجندين ) وحاجة مهمة فأي معركة ماتنساوش التضحية حنا متحولين أساسنا الولاء وولائنا قوتنا فا ماحد فيك الروح ماتخليش صاحبك طايح موراك وتهرب حتى لو خسرتي المعركة حتى لو عرفتي راسك غاتموت ماضورش ظهرك لمتحول آخر (وحط يدو على كتف عصمان لي قفز ) الكل للواحد والواحد للكل (ونطق بهمس ) ياك أصاحبي …

 

عصمان : أ أ أحم آه …

 

جبار زيير ليه على كتفو ونطق بهمس ) إذن تبع صحابك وأي شيء آخر احتاجيتيه غير أمر وفقط ماتبكيش …

 

(عصمان خرج فيه عينيه حيت نفس هاذ الكلام قالو لساندرا ….ويالاه دور راسو شاف فيه حتى جمع معاه جبار ببونية قوية للعين جا طايح جنب سليم ….)

 

(جبار شاف فمالك هاذ الأخير لي كايقرب خطوة ويتراجع جوج …حتى تعصب منو جبار واختفى من مكانو شدو شانق عليه من بوديه واختفى به ظهر وسط ساحة التدريب )

 

جبار شاف فالمجندين ) : شيء آخر وهو التردد مخاااسوش يكون ..فاللحظة لي غاتتردد فيها غاتخسر كل شيء ( شاف فمالك ) ياك أصاحبي (طبطب ليه على كتفو ) مالك مخلوع ؟

 

مالك كايسرط فريقو ) م ما مامخلووعش …

 

جبار حول نظرو للمجندين وأشار لواحد منهم ) نتا أجي طبق كل هاذشي لي شرحت ليكم دابا وخصمك غايكون هو مالك …

 

مالك خررج فيه عينيه ) ك كيدرتيليها راه هو جسد فولاذي وأنا تنويم ميغناطيسي وقوتي حتى ماشي هجومية مباشرة ماغانقدر لا نصد لا نهجم …

 

جبار ابتاسم ونطق بالداريجة ) أمم كاتقدر غير تلبس سباط لساندرا ديالي ياك ؟

 

مالك خررج فيه عينيه ) ب بلاتي هانتا ..

 

جبار قاطعو بصراخ وبداريجة ) وملييي تجلات ليك أميييرتك قوولها نقلب ليك على سندرلا أخرى أش داااك لساندرا ديالي ؟🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 486🕯

جبار قاطعو بصراخ وبداريجة ) وملييي تجلات ليك أميييرتك قوولها نقلب ليك على سندرلا أخرى أش داااك لساندرا ديالي ؟

 

مالك يالاه حل فمو يهضر حتى عطاه جبار بونية للحنك خلاتو تهز وجا منشور جنب خليل …..)

 

جبار شاف فالمجندين الجدد ) شكون مافهمش شيحاجة ؟

 

المجندين : كل شيء مفهوم لورد

 

جبار : تقدرو تمشيو …

 

(كلهم ناضو كاينساحبو صف بصف …وجبار شاف فخوتو الستة لي مزال على الأرض ونطق مخننزر فيهم )

 

جبار : ونتوما فهمتو ولا نعاود نشرح ؟

 

(كلهم شافو فيه شي شاد عينيه شي شاد كتفو شي نيفو شي كرشو ..من غير خليل لي مغيب …)

 

(جبار استدار غادي في اتجاه سيارتو صااااعر وهو كايعاير فيهم بتخسار الهضرة )

 

سليم تنهد وتكا على الأرض ) دازت بيخير …

 

وسيم كايسد فعينيه لي غاديين وكايزراقو ويحل وهو شاد صبعانو ) اش لي داز بيخير راه كانشوف غاضبابة ألخوت وصباعي عواجو كلهم مفدوعين …

 

فارس : كتفي تفصل شيواحد فيكم يجي يردولي بلاصتو طلقووو راه لابرد مغايرجعليش بسهولة …

 

عصمان شاد عينو ) حيدو عليا (شاف فخليل ) الله ينعل ز..ل بوك غابلاتي تفيق بربي تاتخلص هاذ لبونية لي كليت كاتعرف غير تسخف و كولشي بسبابك أبارد الدم …

 

مالك شاد حنكو ) الحمد لله لي جات فضربة وحدة أكيد حيت شاف أني ماقصتش ليها رجليها أما كون أنا لي تدفنت فيكم حي ألخوت ودابا فكرو معايا فشي كدبة نقولها لأميرة على حنكي لي غاتزراق ….

 

خليل فاق وتكعد جالس كايشوف حواليه ) صافي مشا (وجبد هاتفو يسرعة مخدم سيلفي كايشوف ففمو لي تحل من جنب وابتاسم ) هانية الجرح غاتجمعولي لواليدة بقوتها دالشفاء (أيار) وغاتبقا زروقية خفيفة دالضربة نخبيها بالمكياج (شاف فخوتو ) شفتو كيفاش غيران عليها كايتقلا غابوحدو أكيد فاش غايرجع للقصر غايهضر معاها ويلا ماهضرش غدا نعاودوها اش بانليكم هاذ المرة ناخدوليها كاضوات وواحد منا ياخد ليها مايو دالسباحة ولا دوبياس بسترينغ نديرو لعود شكون ياخدوليها ….

 

سليم ووسيم ومالك تكعدو جالسين …وكلهم حتى من عصمان وفارس شاافو فيه مخننننزرين وبسرعة طارو عليه كايضربو ويعاودو وهو كايغوت ….)

🍀🍀🍀🍀

12 ليلا وعند ساندرا لي جالسة فالبالكون بشوميز نوي أبيض شادة عندها قردها لي نعس …جالسة وهي كاتشوف فالدخلة دالقصر كاتسناه …تنهدات وهزات راسها للسماء شافت فالقمرة وابتاسمات ….تفكرات كلام ماريانا عن كيفية التدريب على عنصر القمر …بتتأمل نورو …تنفسات بعمق وركزااات نظرها عليه كليا كاتشووووف فيه بدون ماترمش حتى كايحرقوها عينيها عاد كتسدهم وفلبلاصة تحلهم ونظرها غيير عليه بتركيز …..بقات هكاك لدقاائق حتى يدات تحس بطاقتو ابتاسمات وبدأت تمتص سحرها من ضوء القمر كدليل على أنها نجحات فالتحم بالعنصر الما قبل أخير …ضحكات بحماس وهي تسمع أصوات سيارات ..وقفات بسرعة كاطل بانوليها فقط سيارات الشباب …لي يالاه وصلو خرجو كلهم وساندرا شهقات حاطة يدها على فمها من أشكالهم خصوصا وسيم لي عينه بجوج زرقين ..وخليل لي كملو عليه الشباب سلخوه وهو غادي وكيعاير فيهم ….ساندرا تبعاتهم بعينيها تادخلو وبقات كاتشوف فمدخل القصر كاتسنا سيارتو تدخل ..لدقائق وهي واقفة كاطل بدون نتيجة …دخلات للجناح بزز حابسة دموعها وجلسات على السرير هازة هاتفها شافت واش قرأ كل رسائلها لي سيفطاتليه فالواتساب ولي شرحاتليه فيهم كل شيء عن علاش خدات لكينات هضرات ليه على كل خوفها من أنها ماتخرجش من تدمير لكتاب حية وخافت تدي جنينها معاها هاذشي علاش فكرات فموانع الحمل ولكن ما خدااتوش …بزاف دالرسائل لي ماقراهمش نهائيا …🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 487🕯

ساندرا بدات تبكي وهي تصوني عليه لقات هاتفو طافي …هزات عطرو رشاتو فوسادتها وتكات معنقة وسادتها وهي ساااهيا حتى سمعات الدقات …ناضت كاتجري حلات الباب لقاتها شيماء )

 

شيماء : جا ؟

 

ساندرا حركاتليها راسها بلا )

 

شيماء : أجي نعسي حدايا بحال لبارح …

 

ساندرا : لا غ غايجي فأي لحظة ومابغيتش نصدعك تاني نتي والعم جاسم …

 

شيماء : جاسم ماعندوش مانع غير ماتبقايش بوحدك وباراكا من البكاء شوفي عينيك كيولاو …

 

ساندرا : غانبقا حيت هو غايجي أنا عارفة غايجي …

 

شيماء تنهدات ) تصبحي بخير (ومشات )

 

ساندرا سدات الباب ويالاه تحركات لسريرها حتى ضارت بيها الدنيا …حسات بدوخة قوية خلاتها طاحت على الأرض مغيبة ….مفاقت حتى للخامسة صباحا تكعدات قافزة لقات راسها فوق سريرها ومغطية … بقات كاتشوف حواليها باستغراب … مبانش ليها..شافت فالساعة وناضت كاتجري دخلات للدريسينغ مالقاتوش …حسو مكاينش فكل الجناح ..اذن مجاش …رجعات لسريرها ودفنات راسها وسط لوسايد كاتبكي …….)

 

وهكذا دازو تلاث أيام لي غبر فيهم جبار كليا عن القصر …ساندرا ماعاوداتش شافتو عيات بالبكاء وعيات تسيفطلو فالرسائل وتصوني ..وتسول عليه خوتو …وتتسناه كل صباح فحديقة القصر وكل ليلة حتى لوقت متأخر وهي عاسة على باب القصر بدون نتيجة … وتاواحد ماعارفوش فين كاين حتى من خوتو منهار عيط عليهم سلخهم معاودو شافو …. )….

■□

 

إنها من ذلك النوع الذي لا يمكن أن تُحب بعدها أبدًا ، إنها تأتي لتكون الأخيره….

■□

صباح اليوم التالث …الساعة 2 زوالا وعند ساندرا لي متكية فجناح التوأم القديم لي حاليا فيه سميحة …وجنبها كل البنات باستثناء زليخة ..وكلهن جالسات كايخممو كل وحدة مقفراها مع راجلها …

#جمانة مزالها منفخة على فارس لي زادت تقلقات منو حيت مابغاش يعاود يديها معاه لتدريبو للمتحولين ….و #أميرة مزال مالك مقلق منها وتاهيا حلفات ماتحزرو …#هاندا لي ولات غير ساهية ..ونفسيتها عيانة بكترة التفكير غير فخليل لي ماعاوداتش تلاقاتو من اخر مرة لدرجت حتى خدمتها مابقاتش كاتمشي ليها …و #سميحة لي مزالها مع الوحم لي محمقها …و #سماح لي صاااعرة حيت منعها وسيم من تدريب أطفال المتحولين بدعوى أنه كايعييها وماكايبقاليهاش وقت لي تخصصو ليه وخصوصا فالليل …فا بزز عليها تجلس فالقصر وهو كايمشي يدربهم رغم أن الفكرة فكرتها وكانت متحمسة بزااف ليها حتى صدق مجلسها فالقصر بزز منها ..فا طول هاذ التلاث أيام ماهضراتوش …..

أما ساندرا لي ولات قليلة الكلام ..تقريبا دخلات في اكتئاب ورغم أن البنات مكايخليوهاش بوحدها …وعاوداتليهم كل المشكل وأنها ماشرباتش مانع الحمل وهن كايحاولو يضحكوها ويواسيوها ولكن هي كاتبقى جالسة وسطهن بدون روح فقط ساهية …..

 

كل وحدة منهن فين متكية حتى تحل عليهن الباب ودخلات زليخة مبتاااسمة ..بثياب السبور وكلها عرقانة ..وتلاحت فالسرير متكية جنب هاندا )

 

زليخة : عييت اليوم أووف ماقدرتش على سرعتو …

 

جمانة : علامن كاتهضري وفين غابرة هاذ التلث أيام …■□ تتمة الجزء 487■□

جمانة : علامن كاتهضري وفين غابرة هاذ التلث أيام …

 

زليخة : والو غير كندير سبور …

 

(ساندرا لي متكية فالسرير الآخر تكعدات جالسة كاتشم وهي كاضور راسها فكل الجناح …ناضت كاتشمشم وكلهن كايشوفو فيها حتى وقفات على زليخة وتحنات كاتشمها )

 

زليخة : واش تسطيتي ؟

 

ساندرا خنزرات فيها ) فيك ريحت جبار ريحت بارفاانو …

 

زليخة سرطات ريقها ) و ومنين غاتجيني و…

 

ساندرا غوتات ) ماااتكدبيش عليا قلت فيك ريحتو هي فيك ريحتو واش جا؟ سلمتي عليه ؟ فينو ؟

 

زليخة : ماشفتوش …

 

(ساندرا مجاوبتهاش وخرجات كاتجري حتى وصلات لجناحها حلاتو ودخلات خلات الباب مفتوح …ومشات كاتقلب فالحمام مالقات والو ومشات كاتجري للدريسينغ وتاهوا والو)

 

ساندرا : زليخة كاتكدب عليا أنا متأكدة فيها ريحتو (ورجعات كاتجري خرجات من جناحها رجعات عند لبنات ووقفات على زليخة وهي كاتنهج)

 

زليخة :أشنو تااني ؟

 

ساندرا : زليخة ماديريش ليا هكا إييلا عارفة فينو قوليها ليا …

 

زليخة تكعدات جالسة ) مانقدرش كون بغا يشوفك كون كاعمة يخووي القصر …

 

أميرة :زليخة هي فعلا نتي عارفة فينو ؟

 

جمانة : واش حماقيتي نتي عارفة ماما شحال مشوشة عليه مكتنعسش ونتي عارفة فينو وساكتة مع راسك …!!

 

زليخة : كانفذ الأوامر راه هو اللورد الاول امكن …

 

ساندرا خنزرات فيها) حتى أنا الليدي الأولى ودابا كنأمرك توريني فييينو …

 

زليخة : الليدي الأولى آه ولكن كلمتو فوق كلمتك وهو مابغاش يشوفك تهدني وخلي ليه الوقت مزال و …

 

ساندرا غوتات مخرجة فيها عينيها ) هاااذي هي الصحبة أزليخة ياااك ديري ليا هكا (ودفعاتها من صدرها بعنف ) وزايدون علاش فييك ريحتو علاش ها …

 

زليخة مخرجة فيها عينيها ) تهدني علاش معصبة هكا واش من نيتك ..فيا ريحتو حيت مسحت بفوطتو طول هاذ التلاث أيام وهو كايتريني 24 ساعة على البوكس وبزاف دالفنون القتالية وأنا ملي عرفت فينو ماخليتوش بوحدو كنتريني معاه وليوم نسيت فوطتي استعملت ديالو …

 

ساندرا : قوولي ليا فينو ؟

 

زليخة : مانقدرش وحتى لو عرفتي راه هو عاطي أوامرو لليكارد والمتحولين المنتشرين حول القصر ماتخرجيش نهائيا

 

ساندرا غوتاات ) :زلييخة …

 

زليخة : قلت لي عندي وماغانقوليك والو تقدري تستعملي سحرك باش تلقايه ياك ..ولكن واخا تلقايه ديري فبالك ماغايخليوكش تخرجي من القصر … (وتكات مغمظة عينيها ببروود)

 

(ساندرا جلسات كاتبكي وكوولها كاترعد بالأعصاب ..وجمانة قربات ليها عنقاتها)

 

جمانة : تهدني أصلا كلهم مايسواوش …

 

أميرة :هاذي عندك …

 

سماح وقفات صاااعرة ) إواا عارفيينهم مايسواااوش وجالسين هنا نتباكاو ووحدا تشكي على لوخرا وااانووضو جمعو طراميكم وتبعوني ندموهم …

 

سميحة : لفين ؟

 

( سماح قربات جلسات على ركبتيها أمام ساندرا)

 

سماح : هكا غير كاتمرضي فراسك والله بغيتي ترتاحي عالأقل شويا تحسي بنفسيتك ارتاحت ؟

 

ساندرا حركات ليها راسها بآه )

 

سماح : عندي الحل لي محتاجينو كاااملات (ووقفات ) تسناوني هنا(ودخلات للدريسينغ)

 

هاندا :أشنو غادير بالضبط ؟

 

أميرة : أكيد غاتكون شيحاجة عادية حيت أصلا سماح دماغها نقي ماعندهاش دوك الأفكار الشريييرة …🖤الجزء 2 من قصة 🖤 ⚘#وحش_ذات_القزحيتين ⚘

والذي بعنوان :

⏳قصة : #عشق_الجبابرة ^⏳

♥️ ️#أَحمِـلُ قَلبكٍَ مَعــيِ : متحولينVsسحرة ♥️

📜الكاتبة : chaymae ouaj

🕯الجزء 488🕯

 

هاندا :أشنو غادير بالضبط ؟

 

أميرة : أكيد غاتكون شيحاجة عادية حيت أصلا سماح دماغها نقي ماعندهاش دوك الأفكار الشريييرة …

 

(وغير سكتات …خرجات سماح من دريسينغ هازة سبعة دالزرواطات أو المضارب دالبيسبول basball_bat…وغير شافوها لبنات خرجو عينيهم وقفو حتى زليخة )

 

سماح : هاهوما مخبياهم من يامات نادي البيسبول حيت عرففتني غانحتاجهم …

 

زليخة : من نيتك بغيتي تسلخيهم دايرالي فيها الهارلي كوين ؟

 

سماح : تت مالني تسطيت حنا آه فعلا غااادي نسلخوهم ولكن معنويا وماديا فقط …

 

جمانة :كيفاش هاذي تاني ؟

 

(سماح عطات لكل وحدة مضرب أو زرواطة وشافت فيهم مخننزرة)

 

سماح :وسيم عاد جاب سيارة جدييييدة من شركة عمو جاسم وكايظل يعاودلي عليها محمقاه لدرجة مساخيش يركب فييها فا أنا غانوريه أش غانخليليه فيها ولي بغات تتبعني لكاراج السيارات تبرد جنونها فحديدة راجلها ولي مابغاتش تجلس هنا تبكي تفقص مخها (ومشات خرجات )

 

سميحة شافت فأميرة ) قلتي غاتكون حاجة عادية وسماح عقلها نقي وماعندهاش أفكار شريرة ؟

 

أميرة مخرجة عينيها فعصى البيسبول ) ك كانسحب كل هضرتي أختي توأمك شريرة …

 

(ساندرا لي طاحت فبالها فكرة خلاتها ابتاسمات وتبعات سماح كااتجري …ولبنات غير شافو ساندرا مشات خرجوو عينيهم وتبعوها كلهم …. حتى وصلو قدام باب مرآب سيارات لستاركس لي جا تحت القصر ..سماح حلات باب الكراج الأوطوماتيكي غير ببصمتها ..ودخلات شعلات كل أضوائه وبقاو لبنات بمضاربهن واقفات كايشوووفو …كانو أكتر من خمسين سيارة أغلبهم سيارات جديدة متوزعين بين سيارات الشباب وآبائهم ….)

 

زليخة : ألبنات الله يهديكم شدو لرض …

 

سميحة جلسات مربعة رجليها ونطقات بملل ) غاهرسو أنا نتفرج فيكم أصلا مافيا مانهرس وسليم مادارليا والو ….

Leave a comment