Skip links

قصة : تزوجتها بوصية زوجها ج8

 7,067 عدد مشاهداات

122🥀

تزوجتها بوصية زوجها📜

أسيرم:ألو نضال فينك.

نضال:أنا فلكلينيك علاش؟

أسيرم:وش نتي بيخير صوتك معجبنيش؟

نضال:آه بيخير بيخير غير خدمت لبارح فليل عييت..وش باغي شي حاجة ياك لاباس؟

أسيرم:هوااا بغيت نمرة لمحامي لي شد قضية معاد

نضال:علاش ياك لقضية تسدات؟

أسيرم:غير بغيتو فشي حاجة.عجباتني خدمتو

نضال:وخا انا نسيفط لك نمرتو فلواتس..نخليك .

قطعات عليه…تمات نايضا من سرير..نترات صيروم .

رضات شعرهاا ..وقفات..بصعوبة..زادت جوج خطوات لقدام..وقفات حسات بدنياا كدور بيهاا…

رجعات خطوة لور على وشك انهاا طيح…تحلات لباب..توجه عندها بجراا شادهااا…

نطق بخوف عليهاا .

داوود:لااااش وقفتيي ونتي مريضة؟

هزات راسها فيه ويديه ضايرين بخصرهاا…

كتشوف فيهاا بصدمة .بؤبؤ عينها كيتحرك بزرباا..

نضال:شش تدير هناا؟

داوود:كلسي بعدا عاد هضري

نضال:غنعرف نكلس بوحدي غير جمع يدك..

داوود:لحيدتهم غطيحي

نضال:(ضحكات باستهزاء)هادشي غيفرحك أولا كدبت

دفعاتوو وزادت خطوة لقدام وطاحت كالسا على سرير..كتحل عينيها وتسدها…

داوود:متحركتيش مدة عادي فاش توقفي بزربا دوخي

نضال:هادشي انا عارفاه مسولتكش أك!(شارت لباب)يلاه يلاه خرج

داوود:البركة فراسك من جهة معاد..مكونتش عارف

نضال:والا كنتي عارف ااشش غيتبدل متلاا؟خويااا تحت تراب..وتاحاجة مغترجعوو..وكتنتمنااا نتجمع معاه فاقرب وقت..

محسااات بييه غير وهواا ساد ليها فمهاا

داوود:آخررر مرااا تجبديي شي حاجة بحال هكدا على لسانها(مخنزر فيها)آخررر مرة فهمتييي…نتييي غتعالجييي…وهاد لعناد ديالك غنديرو ليه حد

دفعاتووو ..كتشوف فيه موسعا عينها

نضال:قالها لك عدنان..؟(ضربات فبلاتصها بزعاف)علمتوو ميعلم حددد .

تمات نايضاا ..زاد عندها..واقف اونفاص معاها

نضال:حيد من قدامييي

داوود:نتي مريضة كلسي

نضال:شغلك؟دييك شفقة ديالك خليهااا عندك فهمتيي..

داوود:اناا مكنشفقش عليك

شافت فيه باحتقار….تمات غادة..وصلات لباب جهدات..عليها دوخة..شداات فلباب بلا متحرك..

شدها من يدها جارها…حطات يدها على صدرو مانعا راسها أنها تفقد توازنهاا..وطيح..
سادة عينها بدوخة…حاسة بانفاسووو القراب على ..وعطروو لي ختارق نيفها…نطق..وعينو عليها

داوود:أنا مكنشفقش عليك..أنا خايف عليك

كترو من دوك تعاليق ولا نمشي نعس كيف ناعسين
123�

تزوجتها بوصية زوجها�

نضال:أنا ممحتاجة لا شفقتك ولا خوفك..محتاجة نشوف غير بنتيي..ومحدك مانعنيي بلااا متورينيي وجهككك..فهمتييي…

بعدات عليه..شادة فلحيط…زاد شادها بزز..

داوود:تبتييي باركا من لعناااد..

نضال:وش متتفهمش لعربية ولاا قلت لهاا بعد منيي..

داوود:لدرتيي عقلككك…وتبعتيي علاجك ..غنبعد عليك..

زااد معاونها تكلس..

داوود:ولكن محدك مبغاااش تداواي غتشوووفيي وجهيي بزاااف

مقرب وجهوو منها .كيشوف فعينيها..

داوود:لوجه لي متتحملي غتشوفيه كل نهااار..أنا فهادي بصح شفقت عليك…حيت تاحد مغيبغي يشوف شي حد مكيحملو(صغر عينو)يلاه قبليي لعلاج وتهناي مني أششش كلتي؟

كتشوف فيه..بسكات .قربوو منهاا وترهااا…كتشوف فملامحوو وحركة عيوونوو..وحركة شفايفو وهوا كيخرج حروفو

حطات يدهاا على خدوو…وبلا سابق إندار طبعات قبلة على شفايفوو..

فبلاصة بعيدة على أجواء لكلينيك..بعيدة على غوات لمرضى وصوت الاسعافات..بلاصة لي كيتسمع فيها غير صهيل الاحصنة وتغريدات العصافير كان واقف…شخص طويل..لابس سروال كحل مع طريكو فلكحل فوقو لاڤيست دسروال…شعرو مايل للبني كثيف..عيونوو عسلية..ملامح وجهوو سوداا..مع بشرة حنطية..

واقف قدام واحد من الأحصنة ..كيدوز..عليه يدوو…
وفجنبوو واقف واحد من رجال…

هزز عينوو فيه..

…..:اشمن خبار عندك؟

الراجل:سي يونس لكومسير جديد بحالا بداا ينبش الملف دلقضية.

يونس:ومن بعد؟خلييه ينبش…مغاديش يضرناا وإلا شفتيه غيزطم عليناا قطع ليه رجليه.

الراجل:هواا أسي يونس امتا اترجع برات لبلاد..مديرهاش مني قلة صواب ولكن راه خص نسدو قضية طبيب قبل مترجع

يونس:فاش غتسد فرجع(خنزر فيه)نتاا غيير نفد هضرتيي..معندك مناش تخاف…لمخزن.دغيا كيتشرا..سير وجد شي بوكي دلورد..فلحمرر وسيفطوو لمرت طبيب.

الراجل:رااه مشاو لڤيلااا دعموو

يونس:(ضحك بجهد)هههه زعما هربها مني…سيفط لورد وأناا غنقولك أشش تكتب…

الراجل:وخاا أسيدي

تم غادي ..وقفووو

يونس:أرااا سلاحك..

شاف فيه مستغرب مفاهم والو

يونس:سلاااااحك

حيدو مدوو عليه…قرب وجهوو من لحصان..طبع قبلة على راسوو

يونس:مبقيتيش تتقدر تجريي وليتيي تقيل..خسرتيني آخر رهان…ولي يخسرني أناا كاع مكيبقاا فهاد دنيا..

حط سلاح على راسهاا..وطلق رصاصة…

زااد مخليهااا طايحاا..تتفركل..وتصدر صهوتهاا…لي باين من خلالها انها تتوجع..
لثواني..تا ما.تت

مسح دمها لي تناتر عليه..منزلو لشفايفو

يونس:قلهم يهزوها…ويطيبو لحمها ويعطيوه لداك لحمار لي كان راكب عليه فسباق..

عطاه سلاح وزاد..

أراءكم وتوقعاتكم باي..كترو من تعاليق�راه بحالا عيقتوو بقلة تعاليق؟؟؟
124🥀

تزوجتها بوصية زوجها📜

تتشوف فيه ساهيااا …بلا مترمش..أو تنطق

داوود:وشش تتسمعيني؟

فيقها من سهوتها سدات عينيها وحلاتهم…نعلات أفكارهااا..وهرموناتهاا..دوزات يدها على وجهاا…

نطقات بلغوات

نضال:خرجججج علياااا خرججججج

(شارت لباب)

بغااا رتااح يلاه خرج..

داوود(حرك راسوو بوخا)غنخرج دابا ولكن غنرجع.

تم خارج..حل لباب بزعاف..شاف فسكينة وعدنان حداا لباب .خنزر فيهم وزاد.

تموو داخلين..

عدنان:زيين دلعالم كيف صبحتي

نضال:زمررر دلعاااالم…لاااش قلتيي لداوود على مرضي؟ياااك كلت لكك مبغييت حد فلكلينيك يعرف؟؟؟

سكينة:ماشي هوا لي قال أنا..باعتبارو راجلك خصو يعرف حالة لمريضة

نضال:راجلي؟(ضحكات باستهزاء)والله الالة انا وهوا طلقناا11 لعام هادي

سكينة:(هزات كتافها)وباش غنعرف أنااا…هواا قال راجلك وسيد ليل كولو ناعس هنا مقابلك..يعني مضنيتش طليق يدير هكدا..

نضال:فاخر يامي يشفقو عليا ناس(ساطت بجهد،)

عدنان:صافيي خليك منووو…

نضال:ماعلينا انا بغيت نخرج نخرج من هنا..ولكن دوخة مجهداا…

عدنان:فين غتمشي بسلامتك؟

نضال:لداري ..

عدنان’حماقيتي ولا؟معندك فين تمشي غتبقاي هنا تحت عيني

نضال:والله منقدرش..نصبر كل مرة يجي يزورني واحد..مبغيت نشطن حد

عدنان:اصلا تاحد معرفك هناا..

نضال:وخاا بغيت نمشي لدار

سكينة:عدنان عندو صحح…محد مدرناش لقسطرة…معندك فين تمشيي

نضال:على هاد لحساب باغييني نبقا داكشي لي بقا لي من حياتي هناا ؟

عدنان:وشش متتفهميش راكيي مريضة…لخدمة وكترة لحركة راه غضرك

نضال:اك غناخد كونجي اك.ولكن غنمشي لداري رتاااح.

عدنان(حط يدوو على راسووو)ربي ربيي اشش هاااد لعنااااد.(شاف فسوكا)هضرييي معاااهااا نتييي راه غتحمقق بويااا هضري

سكينة:صافي وخا غتمشي ولكن غديي معااك شي ممرضة تقابلك

نضال(حركات راسها بلا)لااا باش توصل خباري لكاع لكلينيك

عدنان:هانتي كانو معاك ممرضات وخبارك باقي موصلات..انضال.شوفي ديك معاك حياة راها حاملا وتاهي خاصها كونجي…اشش كلتيي؟؟

نضال(ساطت بجهد)صافيي وخاااا..

بعد ساعة…كان كاس فمكتبووو…كيدرس ملف لمريض..قبل ميدخل لوحدا من عملياتو لبساط

نطق وعينو باقين على لوراق منين سمع دقان

أسيرم:دخل.

حلل لباب .بيديه..لي هاز فيها تسبيح…تمم داخل..صوت صبااطوو الكحل..تسمع فلارجاء شي لي خلا أسيرم يهز راسو فيه..

كاان دااخل راجل فلواخر ربعينات من عمرو..لابس كوستار فلكحل …
هز عينوو سودة فاسيرم..دوز بديه على موسطاشو طويل ..ونطق.

…..:سيي طبيب زمااان هدا متشاوفنا

#يتبع بانو هنا ولا نمشي نقد* نعس
125🥀
تزوجتها بوصية زوجها📜

أسيرم:عزوووز نهار كبير هداا

ضحكك لييه بطلاقة .زاااد مسلم علييه..بيدوو

عزوز:والله مكرهتش نعنقك..ولكن عارف فلقرب معندكش

أسيرم(مبتاسم ليه)كلس كلس .تشرب شي حاجة؟

عزوز:لااا …لااا..اخر بلاصة نبغيي نشرب فيها هي سبيطار
…ايييه معليناا كوليي فاش بغيتيني؟

أسيرم:غيررر واحد كيلعب معايا وبغيت لعب معاه تا أنا

عزوز(قاد كلستو)شكون هدا ليي كيلعب معاااك..ماشي غير غلعب معاه غنصفيها ..

سكت منين شاف أسيرم مخنزر

عزوز:والله تبت أخوياا تبت..غير غنضربوه ماشي شي حاجة ..

أسيرم:كييف بقااا أنير ؟

عزوز:بخيير راه مع ماماه هاد ليام مشاو يزورو عائلتها…باقي مفكرك كل مرة يقولي نزورو عمو أسيرم

أسيرم:هي لشي نهار جبتيه لياا

عزوز:الله اودي يجي نجيبوو..(سكت للحظة ونطق)ولدي راه عايش بسبابك..نهار لي كحالت عليا دنيا وتزيرت…تا من لقراب غدروني..وتحبست بين ربعا دلحيوط..قدر الله ان ولدي مرض بورم..فراس..راك عارف داك لوقت لحبس ..وتزيرت مكانوش عندي ليدين باش نخدم ونجيب فلوس لعملية..باقي عاقل..نهار لقيت جورنال فيه مقال عليك.منين تواصلت معاك..آخر حاجة تصورت انك توافق دير لعملية لولد واحد فلحبس. وعلى حسابك…(ضحك بجهد)اييييه الحمد الله داباااا وقفت على رجلي وغنانا ربيي من فضلووو..والله ادكتور لطلبتيي عمري نعطيها لك

أسيرم:أنير بحاجة عمرك كتر مني.

عزوز:اه وقولي اشش باغي مني بضبط..رجالي وأناا فخدمتك .

أسيرم:بغيت نخرج لحنش من لغار ونتا غتعاوني

فوزي:باش يخرج لحنش من لغار خص نحططوو ليه طعم يخرجوو

أسيرم:ولكن قبل منحطووو ليه طعم خص نعرفو اشمن نوع من لحناش هوا

فوزي:بااش نحطوو طعم مناسب ياك(ابتسم ليه)وش عندك شي ريوس لخيط لي يوصلوناا لحنشش أسي طبيب؟

أسيرم:(حرك راسو باه) على داكشي عيطت لككك ..

عزوز:عاود ليي من لول..وشكون هاد ريوس لخيط ..وانا لي عليا نجيبهم بين يديك.
126🥀

تزوجتها بوصية زوجها📜

بعد ساعات

كانوو كالسين فصالة..دلڤيلا يهضروو ويضحكوو…

شاف فساعتها.

عبلة:بحالااا أسيرم تعطل

فوزي:كانت عندووو عملية

عبلة:خلييي لولد يرتاح شويا لااش تتعمر ساعاتو راه باقي مزوج جديد

فوزي:قداش كلتيها على أساس ..أنا لي معمرهم

زاادت عندهم إخلاص..شادة لبلاطو دلقهوة ..حطاتوو ومدات لهم..لكسان

عبلة:شكرا ابنتي لاش عدبتي راسك

إخلاص:مكاين لا عداب لا والوو

فوزيي(دوقهاا)مم..هاد لقهوة هي لي كترجع ليي لعقل مور لخدمة(شاف فاخلاص)إوا ابنتي شحال غتبقاو هنا؟

إخلاص:معرفتش مقالي والوو

فوزي:كن بقات عليااا كن حبستوو هناا..دارر متيسعااااا…وبيتكم كاين..ولكن اش ديري مع واحد راسو قاصح

عبلة:الله اربييي غير تخيلتها فرحت نتاا تتبقاا فلخدمة ونورا تتجري على بروجي ديالها..كنبقا بوحدي..كن سكنو معايا كن ونساتني إخلاص..

دارت تتشوف فيه منين سمعاتها هضرات.

نورا:الله يسترر..داكشي لي ناقصنا

عبلة:كونيي تحشميي

زاادت داخلا لابسا كسيوة سميطات فوق ركبة فلكحل..مع كعب عالي فنفس لوون..دايرا مايكب خفيف…زادت كالسا حاطا رجل على رجل..شافت فاخلاص

نورا:أشش تديري هنا؟

فوزي:بحالا هادي دار خوك تاهوا ومن حقوو يجي امتا مبغا

ساطت بجهد’:ويي ويي نورتيناا(ابتسمات بمكر)نتمناا يعجبك لوقت لي غدوزي فهاد دار.

إخلاص:أكيد غيعجبني ونتي كاينا(ابتسمات لهاا)

ساطت وهي تتقلب فعينها..ردات شعرها لور.

نورا:معليناا..خصنا حفلة..حيييت وآخيراا لماركة ديالييي غتخرج لوجود

عبلة:وشش بصححح

نوراا:أكييييد ..بعد سنين دلقراية واخيرا حققت حلمييي وغندير لماغك دياليي

بادلوهاا المباركة…بعد دقايق دلهضراا على مشروعهاا…هزات كاس دلقهوا .غير داقتوو دفلاتووو…لاحت دفالهاا على حوايج إخلاص ..

نورا: مداقها مر..

هزات ماغيط مداتو لاخلاص.تمسح كسوتها لي كانت فلكرونة طويلة وبليدين..لابساها مع صندالة فلكحل..

عبلة:وشش حماقيتي

إخلاص:موقع والو اخالتي

نورا:بيان سوغ موقع والو..اصلا هاد لكسوة غير تقليد..مصممها كاع مصمم وحدا فهاد لون فيها غير لكحل ولبيض..اه ولكن اش بينك وبين تصميم كاع ممعلما هادشي

دارت مخنزرا منين سمعاتو نطق

أسيرم:هادوو لي علموك تصميم معلموكش لأدب ….؟معلموكش بلي لحوايج دارو غير باش يغطيو لحم….ودابااا غطلبي منها سماحة..

نورا:(وسعات فمها)هااا غن

قاطعها

أسيرم:شفتك بعد مدة مبغيتش نتخاصر معاك…فهاد ليلة

كرزات على سنانها بهمس نطقات

نورا:ديزولييي

أسيرم:بلعربية وبصوت مسموع
127🥀

تزوجتها بوصية زوجها📜

نورا(بصوت عالي)سمحييي لييي مقصدتش نزلعهاا عليك..

قلبات وجها مخنزرا

إخلاص:مكاين تا مشكل أزين..(شافت فيهم )غنطلع نبدل.

تمات طالعا..هزات عينيها فأسيرم ليي واقف خاشي يدوو فجيبووو..شااف فيه ..ودغيا حيد عينو..منين عيطات ليه عبلة يكلس..

عبلة:مديهاش فختك راك عارفها

نورا:ابحال راني مزال هناا

أسيرم:شكوون غيديها فديك لحمقا

نورا(عنكشات وجها فيه)لمارك ديالي اتخرج…وجد لكادو

أسيرم:أشش بغا؟

وسعات عينيها..ضاحكا..زادت كالساا حداه..

نورا:بغييت بحال هاد لوطو..

جبدات تيلي تتوري ليه…

فحين فوزي كيشرب قهوتو بسكات..شاف فعبلة

فوزي:شفتيهم كيدابزو ديما وكيرجعوو غير بلا متبقاي تشغلي راسك معاهم

عبلة:علا انا دميي بارد بحالك

هبطات..من دروج لابسا سروال جينز..فزرق مع قاميجا فزرق ولغوز..

توجهات عندهم..صغرات عينيها منين شافت نورا كالساا حدا أسيرم..تتوري ليه أشش بغات..وهوا متجاوب معاه .

إخلاص:سبحان الله..

عبلة:جيتي ابنتيي..اجي تكلسي حدا راجلك..اجي..نوضي من حدا خوك خلي مرتو تكلس حداه.

نورا:هي ديما كالسا حداه تصبر ليوم…(شافت فيه)وهاديي لونها واو

أسيرم:ختاري لي بغيتي..صيفطي لي تصويرة من بعد..

توجهات عندهم لخدامة..علامتهم على لعشا لي تحط…ناضوو مجموعين تعشااو..وكل واحد توجه لبيتو مور لعشاا…دخل لدووش كيدوش…خرج لابس كيطماا فلكحل..وصدرو عريان..شاد فوطة بيضة كينشف بيها شعرو..شافها تتفرش فلارض

أسيرم:أش تديري؟

إخلاص:غير كنفرش باش نعس

زاد نترو منهاا ..

أسيرم:نتي مريضة نعسي فوق ناموسية …أنا غنعس لارض

إخلاص:ولكن.
أسيرم:صافي هضرت.

زادت ناعسا ..فحين هوا كمل تفراش وتكاا..حاط يدوو فوق راسوو كيشوف فسقف..كيتصارع مع أفكارو. دازو ساعات وهوا باقي على نفس لحال…وتقول وش نعاس زارو..

تقلب جنب كيحاول ينعس..وسع عينو منين حس بيدين محاوطينوو…

دار بثقالة …جااا وجهوو حدا وجهاا حاس بانفاسها بكثرة قربهاا..كيشوف فملامحها لي كيبانوو..نتيجة ضوء لكمرة لي داخل من سرجم..
نطق بهمس

أسيرم:إخلااص نوضي لبلاصتك….

لاحت عليه..رجليها..ويديها..حطات راسها على صدروو معنقاه…تخشات فيه وهي مغمضا عينها وغارقا فنعاسها

باي
128🥀

تزوجتها بوصية زوجها📜

سرررط ريقووو..حاس بسخونية طالعاا معاه ..ودقات قلبوو كتزااد..

حاس بلييي صدروو غيتفتح ويحرر قلبوو لي علن ثورة فهاد ساعة..

نطق بصوتوو لي أقرب من الهمس..نطق اسمهااا..ورجفة فشفايفوو..

أسيرم:إخ..لااااص.

تنهد بجهد..منين شافهاا ناعساا متتجاوبش..

تنهد أكثرر منين شافهاا كيف مكمشاا مخشيااا فيه..

مكرهشش يعنقهاا أكثررر..ويخشيهاا فيها..أكثرررر

نعل أفكااارووو…

حطط يدوو على خصلات شعرهااا…كيشوووف فيهاا. نزل عينوو كيشوف ف.شفايفهااا الموردين…تفكرر قبلتوو لولى ليهااا…نطق بصوت أقرب من الهمس

أسيرم:أشش تديري فياا أاا؟علااش مكنقدرش نتحكم فيا ونتي معايا أاا؟؟جربت بزااف دلاحاسيس..وكنقسم لك بلي كلهم كنت قادر نتحكم فيهم..ولكن هداا..(حط يدوو على قلبو)كيتحكم فياا.وانا معاك…..عارف بليي نتيي مرت صاحبيي ..مخصنيش نشوف فيك..وكنلعن راااسيي على كل نظرة..كنخطف منك..(سرط ريقوو..بلل شفايفو وكمل هضرتو)كنلعن راسي على لقرب لي قربت منك بلا حق..

كنوااعدك بليي نتي غتبقاااي آمانتوو..عمري غنضرك.. ولا نخلي شي حد يضرك..وهاد الاحساس أنا متأكدا مع لوقت غيولي بحال غيروو ..اناا متأكد غنقدر نتحكم فيه…خص غير شوياا دلوقت…شويا دلوقت مزال وغيخفاف

تمم ناايض من حداهاا…شاف لتيلي ديالوو كيصونيي…زااد هازو..خارج من لبيت يجاوب .

أسيرم:وي سناء

سناء:دكتور أسيرم جااتك حالة أوغجونص.

أسيرم:اناا جاي عيطي لعدنان ولكروب

سناء:وخا دكتوور.

تم راجع..لبيت..هز حوايجو وتوجه..لدوش..بلحس يبدل…

لبس قبية فلكري وسروال جينز كحل مع صبىديل بيضة..مرجع شعرو لور كيف لعادة ..وتم خارج..

وقف مكوانسيي…منين شافهاا واقفاا قداموو…شعرهاا معنكشش نازل على وجهاا…شادة عكار فيدهاا موجهااه عليه..

ميل وجهو كيحاول يفهم مالها..

اسيرم:بسم الله عليك اش واقع؟

نطقات وهيي مخنزرا فيه

إخلاص:درتيهااا يااك درتيهااا
129🥀

تزوجتها بوصية زوجها📜

وسع عينوو فيها:اشش درت؟؟

إخلاص:أصلااا كان خصني نفهم من لول..نتا من داك نووع…فلول بايسنيي ودااباا(عنكشاات وجهاا)نتاااا وحد متتسوااش
معندك ذرة دلانسانية….

(هزات فوجهو عكارها)غنصفيهاا لكك…

شاف فلعكار وشاف فيها..تنهد بجهد..حرك راسو بلاحول

أسيرم:إخلاص رجعيي تنعسي…أنا مقصتك مقربت لك..نتيي لي جيتيي طحتي فبلاصتي

شارت لراسهاا ضحكات بجهد..

إخلاص:هاهاها طحت من لاموسية لارض ومفقتش…علامن كطنز نتاا كضحك على وحدة نعاسهاا خفيف…لغير حزقات حدايا نملة كنسمع لها

حرك راسو باه..منين تفكر نهار دخلو عندها لدار..ومساقت لخبار..

عقد حواجبو…وشاف فيها

أسيرم؛أش قولتي مال نملة؟

إخلاص:مالهااش مالهااااش ..داباا نتااا قوليي مقربتيش ليا يااك؟

أسيرم:سيري شوفي وجهك فلمراية..عاد أجيي هضريي

زاادت تتشوف راسها فلمراية…وسعات عينها مصدومة

إخلاص:هاداا ماشي اناا غير قرينييي…(شافت فيه..دايرا نص ضحكة)شوف انا زوينة فصبح والله..ودابا باقي مجا صبح هدات غير وقت قرينيي..

أسيرم:دابا نتي قرينة إخلاص

قدات وقفتها:آه طبعا فاش تلقاا إخلاص زوينة..هاديك إخلاص ..فاش تشوفها بحال دابا…هداك القرين.

حرك راسوو…متبع هبالها

أسيرم:اك مستر قرين ولا مدام قرينة..أناا مقصتك مقربت لك نتاا لي طحتي

إخلاص:ههه تتوقع تتوقع فاحسن العائلات..اصلا سمعت فليل متتبقاش لجادبية يعنيي عاديي بنادم يطيح

أسيرم:اهاا لجادبية متتبقاش فليل؟شكون قالها لك؟

إخلاص:علاش ضروري شي حد يكولها..يمكن مرت هداك لي اكتاشفها حطات بوسط فلفايس

أسيرم:مرت نيوتن؟آه ممكن شافت لجادبية ديالك وهربات

رجعات يدها مور ضهرها .كتحرك..كلها وتحرك راسها باه.

إخلاص:ممكن.

أسيرم:إخلاص سيري تنعسي يرحم بااك خليني نمشي لخدمتي

إخلاص(بهمس)قرينها

أسيرم: كن لي بغيتي تكون سير تنعسسس..ومعمرك تعاود تفيق فليل..ماشي لجاذبية لي تتغبر عقلك لي تيغبر..

زاد خارج..فحين هي زادت..لمراية…تتقاد عكارها. وتقاد راسها.تم راجع..شاف فساعة لي كتشير لربعا دصبح..وليها هي لي تتقاد عكارها .

أسيرم:اشش تديري؟؟؟

إخلاص:والوو غير كنعيط على إخلاص
130🥀
تزوجتها بوصية زوجها📜

تنهد بجهد:صبر اربي صبررر
زااد خاارج…ساد لباب فحين..هي بقات تتشوف فجيهتوو.

إخلاص:مال هدا؟

(شافت فلمراية..رمات لعكار وجرات لبلاصتها)

إخلاص:بسم الله الرحمان الرحيم ذكرنا سمن ولعسل ..

جرات غطاها ناعساا..

“صباح جديد ونهار جديد..”

نازلا من دروج لابسا كسيورة ..دلحرير فلبلون كاصي..مع كعب عالي فنفس لون..طالقا شعرهاا ودايرا مايكاب خفيف …
توجهات لصالة…بانوو ليها مجموعين على طبلة دلفطور…ولخدامة متوجها لجهتها

الخدامة:هاهي جات الالة

عبلة:صباح لخير يلاه كنت مسيفطاها عندك.

إخلاص:صباح نور..

توجهات كالساا…

فوزي:فينو أسيرم؟

إخلاص:مشاا لخدمة عيطو عليه بكري.

فوزي:آه غالبا شي حالة صعيبة…(تم نايض)قهوتي شربتها ونوض لخدمتي

عبلة:حبس نوصلك لباب.

فوزي:وش نسيتي رجلك

عبلة:ياك طبيب قالي خص نحركها اوا

حرك راسوو بوخا بقلت حيلة

تمات نايضاا ..معاه..فحين إخلاص..بقاات مع نورا لي نازلا على طبسيلهاا ..هزات راسها فاخلاص

نورا:شنو إحساسك؟

إخلاص(ميلات راسها بعدم فهم) شش تتقصدي

نورا:إحساسك ونتي تتنعسي بين يدين خويا بعد مكونتي شهور قليلا كتنعسي بين يدين صاحبوو..وماشي بعيد بعد شهور خرا..نلقاك بين يدين وحد آخر

جمعات يدها مزيراا عليهاا…سرطات ريقهاا..كتحاول تنزل لحرقة لي ركبات فيها هضرتها..ابتسمات لها..وبرودة نطقات

إخلاص:والله حسن من إحساس وحدا كتنعس معنقااا لوسادة..ملاقياا لا حضن راجل وتا نص راجل

نورا:قليلة لادب

إخلاص:متشرفين مقولتش لك عرفيني عليك..

دخلات عبلة وهي تتعيط لاخلاص..فحين نورا ناضت..

عبلة:فين غادا كملي فطورك

نورا:شبعت..

توجهات عبلة عند إخلاص وهي شادى بوكي دلورد لحمر فيدها..

عبلة:يخلي لي رومانسي…تافخدمتو تفكرك

إخلاص:اش هدا؟

عبلة:ورد..منين وصلت عمك تلاقيتهم جابوه بسميتك..باينا سيفطو أسيرم (مداتو لها)شديي شديي وقراي اش فلبطاقة..

شداتوو…شمات ريحتوو..

إخلاص:زوينة…

هزات لبطاقة حلاهاا…

وسعات عينيهاا منين قرات اش مكتوب فيها .

عبلة:أشش مكتوب؟

صغرات عينيها منين شافت ملامح إخلاص تبدلو..وكلهاا تترعد..

عبلة:ياااااك لااااباس؟؟؟اش مكتوب؟

غوتات بجهد..منين شافت إخلاص طاحت من لكورسي سخفانة
#بون نوي
131🥀

تزوجتها بوصية زوجها📜

فالمرابطين وبضبط فغرفة العمليات…كاان كيختم عمليتو..العملية لي احتاجها المريض بشكل استعجالي..

عينوو مفيكسين على راس .لمريض…كيسدوو وينهي عمليتو لي كانت ناجحا

أسيرم(موجه هضرتو لممرضة)قطعيي

قطعات لخيط بلمقص..

أسيرم:قطعي..

قطعات بقاات مركزا معاه تابعاه كتحاول تواكب سرعتو.

بعد لحظات خرج من الغرفة…نتر سكراب دلعمليات…لاحو فزبل.

وزاد كيغسل كيدووو…ويعمهااا..

شاف فجنبو منين وقف حداه عدنان..

أسيرم:لمريض دلقلب..وش طبيبة دارت ليه لفحوصات؟

عدنان:معرفتش!

أسيرم:سولها..راك عارف داك لمريض مخصش نزيدو نتعطلو عليه..والا طلقات راسها ايكون حسن

عدنان:وخاا (كيحرك راسو يمين وشمال)

أسيرم:عيتي سير ترتاح

عدنان:غينقلو لمريض لانعاش نشوف معاه ونمشي رتاح

أسيرم:غير سير..أنا غنتكلف..

حرك راسو بوخا..زاد جار رجلووو قالتووو نعاااس…

تفكر بليي خصووو يهضر مع حياة على ود نضال .توجه يقلب عليها فلمستعجلات…

كيدور عينوو…باقاا دنيا هادئة هاد صباح فلمستعجلات…عيط لوحدة من الممرضات.

عدنان:مبانتش لك حياة؟

الممرضة:اتلقاها تتسرط فشي جهة

عدنان:اه منين تبان كلها دوز عندي..اتلقاني ناعس فغرفة لاطباء لفوق

حركات راسها بوخاا…تم غادي..وقف..منين سمع غوات شخص…داخل بجراا هااز بنت صغيرة فيدووو…ودم نازل من راسو ولبنت سخفانة.

كيغوت باعلى صوتو

…..:شييي حد يعاونييي شي حد يعتق بنتيي دكتووور .دكتوووور

ابتسم باستهزاء

عدنان:نعاس نعسناه قبل منديرو الطب..

هزز سماعة وتوجه بجراا ..عندوو..

عدنان:اش وقع لك

….:درناا كسيدة .

هزهاا من عندوو وزاد كيجري بيها لبياص…حطهاا دغيا كيفحصهاا..

عدنان:بنتك بيخير مؤشراتها لحيوية مزيانين…غنديروو لها سكانير نتأكدو بلي معندها والو..وغالباا سخفات حيت خافت…وش نتا لي كونتي سايق؟

..:الحمد الل.

قبل ميكمل هضرتوو طاح على طولتو.

داار كيشوف فيه مصدوم..حنا عندوو كيفحص نبضوو .خرج عينو منين لقاه ضعييف…بالغوات موجه هضرتوو لممرضين

عدنان:أجييييو لهنااا دغيااا دغياا..خصص نهزوووه….

توجهوو عندوو معاونينو يحطو على لبياص..شاف فلممرضة..

عدنان:وجدي الانعاش لكهربائي…يلاااه طلقيي راسك
132🥀

تزوجتها بوصية زوجها📜

حلل عينوو بثقالة..تهزز من بلاصتوو كيدور فعينوو…منين لقاا جوج درجال ..واقفين على راسوو..

نطق بتمتة ورجفة

….:شكووون نتوماا نتومااا شكووون

ضحك بجهد..

عزوز:وش كاع المحامين ممولفينش بضيف الله(شار لرجال يحيدو من قدامو)حيدوو خليوني نبان..

شاف فيه كالس.على لكرسي
.هز رجلو حطها على سرير..وتسبيح فيدو..

دوز يدو على مسطاشو

المحامي:لاااش داخلين لدار ..وش نتوماا معارفينش عقوبة تهجموو على دار ناس.. غنتابعكم واحد بوااحد…غنجرجركم فلحباسات

ضحك بجهدد..ورجالو كيضحكوو معاه

عزوز:اول مرة يهددني شي حد بداريي..(قرب وجهو منو)الحبس هواا داريي …ولواحد مكيلقا راحتو غير فدارو..معنديش مشكل نقت.لك..ونمشي رتاح فدار.

المحامي:اسش باغي مني

عزوز:معاد اصالحي عرفتيه ياك؟

المحامي:لا..

عزوز:(حرك راسوو باه)فكروه فيه ادراري.

المحامي:عرفتوو عرفتوو انا شديت قضيتو وصافي تسدات كانت اكسيدون عادية..

عزوز:شكون عطاك لفلوس؟باش طمس دغيا لقضية

المحامي:تا حد اش من فلوس انا محامي بشرفوو

شاف فلكارد

عزوز:سمعتوه ..بشرفوو..(ضحك بجهد)رجاليي عزازين عليهم لي ڤييغج..(دوز يدو على لحيتو)

الحامي:انا راني راجل اش تتقول نتا

عزوز:نتا راجل؟(ضحك بجهد)مبناش فيك..وحتا لكونتي راجل..رجالي يجمعو تا لحمير معندهمش مشكل

شار لهم بعينوو…زادو عندو
فحين هوا بداا يترعد ويحرك راسوو بلاا.

غير قربو ليه..قلب وجهو..ولبولة نازلا منوو

المحامي:مشفتوووش مشفتوووش..هضر معايا بايميل…مشفتوووش والله مشفتووو غنقول اش عارف..وسمية ليميل وكولشييي غير متقربوش..

دوز يدو على مسطاشو..

عزوز:دابا هضرتي

وقف لوطو…قدام..وحدا من العمارات ..نزل منها..تمشا بثقالة…طلع لپارطما تانيا.يلاه جا يدق خرج..شخص لابس لبسا دلبوليس..

داوود:نتااا هوا مروان؟

مروان:اه شكون نتااا..

ابتسم ليه..داودو.

ضربووو بضربا راس…جابوو طايح..لارض…جروو..دخل ..وسد لباب..

شاف فبنت واقفا مصدومة تتشوف..هز قدامها بطاقة خدمتو

داوود:انا صاحبو من لخدمة..بلفرحة شافني سخف..وجدي لنا شي كاس دلقهوة

#يتبع
133🥀
تزوجتها بوصية زوجها📜

حلاات عينيهاا بثقالة…شافت فعبلة ولخدامة كيشوفو فيهااا…واقفين على راسها..

عبلة:إخلاااص بنتي تتسمعيني

الخدامة:زديها شويا دلماااء توكض مزيان..وعطيها لماء وسكر

تهزات من بلاصتهاا…حاسا بدنيا كدور بيهاا…

عبلة :شىربي هدا شربي..

شدات منها لكاس شرباتو

عبلة:(شافت فلخدمة)شوفيي شيفور واش وجد طومبيل دغيا نديوها لكلينيك

إخلاص:مكاين لاش أناا بيخير.

عبلة:اشش وقععع.؟هادشي يمكن حيت مفطرتيش..(شافت فلخدامة)حادة جيبي لهاا تفطر دغيا.

سكتات تتشوف فيهم..جسمها حاضر وعقلها ساهيي…موسعاا عينهاا وشفايفهاا كيرجفو..وجها صفر نقطة ددم متتبان فيه…

تفكرات أشش كان مكتووب فاورقة…لكلام لي خلا رجلها كيترعدو ومقدوو يوقفوها مزال..

نااضت بجراا..لجهة لپوكي..هزات لبطاقة لي كانت طايحا فلارض..

وتمات خارجا بجراا..

عبلة:فيين غاداا صبريي؟تجيب لك حادة تفطريي

تلاقات مع شيفور داخل.

إخلاص:ديني لكلينيك.

زادت معاه فحين عبلة بقات واقفا

عبلة:اش كتب لها فديك لورقة بلخلعا عليها كاع مقريت…اشداك اولدي لشي رومنسية اشدااك

مسافة طريييق…وقف لوووطو قدام لمرابطين . داخلا..بجرا..

توجهات لمكتبووو…حلاات لباب بجهد …مكاينش ليه لاثر..

يلاه جات تخرج بان لها داخل.يلاه سالا خدمتو لي فلانعاش..حاط يدوو على عنقوو حاس بعضامو تهرسو عليه…نعاس مشافوش ليل كولووو..

هز راسوو فيها منين شافها واقفاا
قداموو…
كيشوف فصدرها لي يطلع ويهبط..عيونها لمحجرين بدموع..وجها لي صفر وشفايفها البويض لي كيرجفو

أسيرم:إخلاص!أشش واقع؟

زاد عندهاا..بخوف..شارت بيدها باش يوقف..

إخلاص:وقف تم…غنسولك وغتجاوبنيي بصارحة..

زادت عندو بخطوات سراع .وقفات حداه..تتشوف فعينوو ..بؤبؤ عينها كيتحركو مع بؤبؤ عينو

إخلاص:أسيرم وش معاد مات مق.تول؟
134🥀

تزوجتها بوصية زوجها📜

ملامح وجهوو تبدلو..من سؤالها..شااف فيهاا بجدية…
نطق وهوا كارز على سنانو

أسيرم:شكوون كاالك هاااد لهضراا

إخلاص:ماشييي مهم…شكون ماشي مهم..المهم هوا وش هاد لهضرا بصح…وش معااد تقتل .؟

أسيرم:سمعيي بالنسبة لي مهم نعرف منين جبتي هاد لهضرا

(شادها من يدها)منين جبتي هاد لهضرا ااخلاص؟

نترات يدها بزعاف..نطقات بلغوات.

إخلاص:وااااش معااااد تق.تل آه لاااا؟جااااوبنييي على قد سؤالييي جاوبنيييي أاسيرم جاوبنييييي وش راجليي قت.لووووه

أسيرم(بصوت عالي)آه راجلك تق.تل..معاااد ماااات مق.توول.
(سد عينوو مزير عليهم كيتنفس بجهدد..حلهم شاف فيها)كنت غنعلمك فا..

قاطعاتو..تضرب فصدرو..

إخلاص:إمتااا أااا؟إمتاااا كنتييي أتعلمنيييب أااا..(غوتات بجهد)إمتااااااا اناااا مرتووو اناا من حقييي نعرف من حقييي..

كضرب فيه بجهددد…ودموعها نازلين

إخلاص:إمتااا أااا إمتاااا..

بعدات عليه شادة على راسها…

كتحرك راسها بلاا…دموعها نازلين بسكات وصدمة باينا فوجها..

إخلاص:هوااا عمروو ضر شي حدد عمرر
.علااش علااااش..عمررر أذى شيي حد لي كان يشوفو كيكول الله يرحم ليي ربااك..كان كيقولي ميقدرش يضر شي حد ويجيب لعنة لوالديه..علاااش هواا أاا؟؟؟علااااش هوا علااااش…اناا من نهار مات وانا كنصبر راسي انا الله بغااه..وخداا روحو..ولكن هوااا تغدر هوا تقتل..(حطات يدها على صدرها تتماصي..وبحرقة تتهضر)حبيب قلبيييي غدروووه..وحرقوو قلبي علييبه..

كيشوف فيهاا كفاش كالساا تتبكي..بحرقة..وتهضر..وداتها كلهاا تترجف..حسس بقلبووو كيتقطع على حالتها ..سرط ريقوو..وزير لكمة يدوو…

خدا انفاسو لثواني وزاد عندهاا..

أسيرم:إخلاص

هزات راسها فيه..عيونها حومر بلبكااا…مدات لييه لبطاقة لي جات مع لورد.

إخلاص:اول حاجة تكتبات هنا صحيحة يعنيي تانيا صحيحة

هز من عندها لورقة

أسيرم:”شنوو إحساسك ونتييي مزوجاا بلي كان سباب فان راجلك لول يتقتل..راجلك الحالي عارف كولشي سوليه لمتيقتيشش هضرتي ”

كمشهااا فيدووو بعد مقراهااا….عروووق راسووو بانوو فجبهتووو…كيتنفس بجهددد…

أسيرم:غتندممم…كنحلف لك غتدم(سد عينووو كيحاول يكبث عضبوو)

حلهم منين نطقات

إخلاص:من حالتك يعني ان هضرتو بصح..نتااا سباب فم.وت معاد

صغر عينوو كيسوف فيهاا مصدوم من هضرتها…شدد فيدها مقربهاا عندوو…تا ضربات فصدرو..كيحرك بؤبؤ عينو مع حركت بؤبؤ عينها

أسيرم:شوووفيي فعينييي..شوووفيي مزيان…وش كضني أنيي نقدر نضر ..معاد..وش هاد شهور لي عشنا مع بعض مخلتكش تعرفيني…

إخلاص:كووولشيي بنيتوو عليك هاد شهووور تهرس ليوووم…نتاا كدبتيي عليااا…نتاا عرفتييي وخبيتي علياا..الا مكونتيش سباب لاش اتخبي أاا؟كن مجاتنيش هاد لورقة ليووم..شحال مزال كنتي غتخليني فدار غفلووون؟؟اناا جيت عندك ليووم باش تكدب شيي لي مكتوووب..جيييت عندك بااش تقول كولشي كذوب..ولكن نتاا طلعتيي كدبة…صورة لي خديت عليك هاد شهووور طلعات غير كذبة…

دفعاتوو وتمات غادة..شدها من يدها موقفهاا…

أسيرم:تيقيني..كنت غنعلمك فاش نشد لي قتل..مبغيتكش تعدبي..

إخلاص:كن علمتيني مكونتش انتعدب بحال هكدا..كن سمعتها منك..كان لعداب ايكون خف

نترات يدها ومشااات…

هزز يدد قدام عينوو كيشووف فيهاا..ويتفكر لهضرا لي كان قاليه

“الحب زوين ياك ؟زوين لدرجة كيخليك تعطي وعود مغتقدرش توفي بيهم؟ آه عجييب
خلينا نشوفز وش غتبقا شادة هي فيدك بعد متعرف بلي نتا مور موت راجلها”

نطق بصوت مبحوح

أسيرم:نتا ربحتي هي خلات يدي
135🥀

تزوجتها بوصية زوجها📜

جمعع لكمة يدووو…كارز على سنانو

أسيرم:ولكن أنا عمر أنخليي يدهاا….غنخلي غير دار عشتك

زااد خارج منين سمع نداء باسمو

“دكتور أسيرم مرابط مطلوب لمستعجلات..دكتور اسيرم مرابط مطلوب لمستعجلات”

توجه لمستعجلات…

بان ليه عدنان..واقف على راس لمريض…

زاد عندو.

أسيرم:عند بالي اتكون ناعس

عدنان:(كيلهت)جيت ندير اشهار خفيف بين لحلمة وختها..

أسيرم:تقرير حالتو؟

عدنان:دار اكسيدون..هوا وبنتوو…كان واقف نورمال..شويا طاح..جاتو سكة قلبية بزز باش رجع..واكل ضربا فراسوو..

قرب عندوو..حل عينوو كيشوف مؤشر عينوو..

اسيرم:خودوه ..غديرو ليه راديو لراس..وجيبو لي تقرير.
احتمال الضربة سببات نزيف ولا كسر فلجمجمة..على كل غيبان كولشي.(شاف فيه)فين لبنت؟

عدنان:راها ..حالتها مستقرا.

طالعا فلاسانسور..تتبكي بسكات…خرجات منين تحلات لباب…زادت متوجها لبيت دماماين معاد..

حلات لباب..بلحس..بانت لهاا..ناعسااا…زادت واقفا على راسهاا..

نطقات بحرقة..

إخلاص:خالتي الحبيبة..لاول مرة غنحسدك..كن غير كنت مريضة بحالك كن غييير نقدر نسااا شي لي وقع كن غيييي..

زادت بثقالة تتشوف..فلاڤوكا لي زارعا…شافت لنبتة لي بدات تفتح..وتربتها لي فازكا

إخلاص:نسيت حتا انيي نجي ونسقيهاا…مزيان مني نضال كاينا..(دوزات صباعها عليها)خصكك تحوليي لارض كبيرة باش تقدي تكبريي..

مسحات دموعها..ودارت منين سمعاتها هضرات

….:شكون نتي؟…بعدي بعدي من تم متقيسيش ربيع ولدي.

دخلات الممرضة فهاد لحظة…جايبا لها لفطور .

الممرضة:خالتيي هاني جبت لك فطورك

….:فين ولدي؟هوا لي كيوكلني.مغناكلش بلا بيه

الممرضة:دكتور أسيرم راه عندوو خدمة..معيطين ليه فلمستعجلات..لجا دابا يقدر يموت لمريض.

حركات راسها بوخا

…:غناكل..ولدي بطل(شافت فاخلاص)ولديي كيعتق ناس..بطل بطل.

إخلاص:نتيي عمرك مكولتي لمعاد ولدي ولا حتا لنضال ..كفاش

(حطات يدها على وجها تتبكي خرجات بجرا).
إخلاص:هواا سباب..كفاش هوا سباب اربيي غنحمااق غنحماااق..

زادت بزرباا غادة فلكوروار…تتبكي وتشهق بجهد..

شدات على راسهاا…حاسا بودنها كيصفروو ودنيا كدوور..بيهاا..مقدوش رجلها مزال يهزوها..طااحت على طولتهاا…

جااو كيجريو عندهاا…

الممرضة:شيي حد يجيي..

سكتات منين شافت ممرض جايب كورسي..متحرك..نطق وعينو عليها..

….:أنا غنتكلف..غنوصلها لمستعجلات

حركات راسها بوخا…زادت مكملا خدمتها

طلع كمامتوو.كيدور فعينوو…هزهاا بين يدو .حطهاا على لكرسي وزاد بيها..

نطق بهمس.

يونس:اشنو لفايدة يكون راجلك طبيب؟..وفاش طيحي متلقايهش

ابتسم بمكر..وزاد مدخلها فلاسانسور

شي 200 تعليق البنات لتحت 👇 باش نكمل ليكم ان شاء الله
لكوفر من ابداعNăssïma ERrais مشكورة😍
136🥀
تزوجتها بوصية زوجها📜

بقات واقفا تترمش..معرفات تشوف مال راجلها..ولاتيق بيه وتمشي تقاد قهوة..

هزز عينوو فداوود..شادد.على نيفووو لي مقصح فيه..وقف عندوو..مخنزر .فيه..حط يدو على جهة سلاحوو..

قرب عندوو داوود بزربا..معنقوو..همس ليه فودو

داوود:منصحكش تجبدوو..مبغيتش مراتك تشوف راجلهاا كيودع قدامهاا..داباا بلكالم غتعنقني وتقولي زمان مشفتك

حطط يدوو معنقوو..قال بصوت عالي..

مروان:زمان مشفتكك

حركات مرتو راسها بلا حول..نطقات بهمس”لعب البناية”وتوجهات لكوزينة..

غير دخلات جبد سلاحو موجهو على داوود..

مروان:شكون نتا؟باشمن حق مهجم علياا فداريي..؟

ابتسم ليه بهدووء..جبد بطاقتوو هزا قداموو..

داوود:خلينا نهضروو

هز عينوو كيدورها فدار..بان ليه صالون توجه ليه كالس..ومروان تابعوو..

مروان:الا كونتي كومسير هادشي مكيعطيكش لحقق تهجم علياا وضربني من لفوق..وش نتاا معارفش عقوبة هادشي لي درتي؟باشمن حق تهجم عليا..

جامع يدوو بجوج..كيسمع لهضرتوو..كالس بهدوء..بحالا دار دباه..هز عينو فيه.

داوود:عزيز عليك القانون يااك؟ولعقوبة يااك .فكرني فعقوبة تزوير المحررات؟

شاف فيه مصغر عينو:اشش تتقول؟

داوود:نسيتي معليش نفكرك..كينص الفصل362_ والفصل453 من القانون الجنائي المغربي انه”اذا وقع تزوير المحرر بتغييؤ الحقيقة فيه من قبل شخص قاض او موظف عمومي او موثق.او عدل اثناء قيامه بوضيفته فان العقوبة (ناض واقف اونفاص معاه)هي السجن من 10 ل20 عام

مروان(ميل راسو)وعلاش تتقولي هادشي

ابتسم ليه..حط يدوو على كتفوو بارك عليه بجهد…

داوود:كنوريك اش كيعاينك….قضية معااد الصالحي لي مات هادي شي9 شهور..نتاا كونتيي مع لكمسير لي خداا أقوال مرتوو..لهضرا لي تكتبات لاعلاقة بلي قالت المراا..

مروان:معرفتش خرج عليا

ابتسم ليه..بسرعة تحولات ابتسامتوو لتخنزيرة نقز على عنقوو قاجوو

داوود:اخر مرة تهضر معايا بلا رسميية..معلموكش تحتارم لي زايد كراد عليك..هادي لولاا تانياا…شوف اناا واحد مريض فمخووو واااحد معصببب وعلى سبة..فالا كنت مكالمييي فحمدد ربييي وبلا متجهل ميييي…ودابااا عندك جوج حلول يااغتبت وتعاود اش وقع..ياا غنجر مكك لبنيقة ونخليك تغرق فلحبس ..دييك جبهة لخاويا مغتنفعكشش معاياا…فهمتييي

طلقوو منين شاف مرتوو داخلا…بداا يكحب بجهدد..شاد على عنقوو..

زاد هز كاس دلماء

مروان:خرجي ومدخليش خليني نهضر مع سيد

تمات خارجا فحين هوا زاد كالس

مروان:تيقني انا مكونتش عارف..بلي غيزور شهادتها..انا كنت نسول ولكومسير يكتب..سيدا اصلا مقداتش تهضر حدها سولاتها على صيانة وقالت بلي راجلها ديماا حاضي لوطو ديالوو..وسواقتو مزيانة ماشي من ناس لمتهورين..

صافي خرجنا عادي..فاش ركبت مع لكومسير..هزز تيليي..كيهضر..وشديت لملف كنقرا..ديك ساعة تصدمت بليي شي لي مكتوب لاعلاقة بشي لي تقال.غوت عليه ..وطلب استفسار..صافي لغد ليه لقيت راسي تحولت لجهة خراا..عرفت بلي داك شارف هوا سباب..ومن بعد شهور سمعت بلي مات ولقضية تسدات

داوود:لاش مهضرتيش؟لاش سكتي

مروان:قلت كلمة وحدا لقيتو حولنيي…كن هضرت يعلم الله اش يدير..كان يسيفطني لشي قنت..ولاا يخليني نخسر خدمتي..انا يلاه كان عندي لعرس مكونتش مستعد نخسر خدمتي..

داوود:كفاش نتاا بوليسي أاا؟مقادر تحمي تا راسك كفاش ادافع على حق ناس..فعلا تستاهل انك تخسر خدمتك..هاد لخدمة مخصاش لجبناء لي بحالك.هاد لخدمة نهار لي دخل فيها خسك تكون مستعد انك تخسر كولشي ماشي غير عرسك انما تاروحك.

مروان:كاين لي تيدخل لها غير باش يترزق الله

داوود:سير ترزق الله فبلاصة خرا..بلاصة لي وخا تسد فمك مغضر حدد..حيت دابا بسكوتك مخليي مجرم يلعب بحياة ناس

تم نايض..غادي

مروان:يونس
137🥀
تزوجتها بوصية زوجها📜

داخل لسانسور معاها..كلس على ركابوو كيشوف فيهاا مبتاسم..بغيظ

يونس:كاين قلب لحليب وكاين قلب طبيب(ضحك بجهد..حط يدو على شعرها)نتييي هيي لي ساكنا فقلبوو…(حرك راسو بشويا)كتباني بريئة ..بريئة بزاااف..وانا كنكر.ه البنات البريئات..حيت حواء متخلقاتش باش تكون بريئة..لبراءة عندكم غير قناع..ولكن عند اول فرصة كنلقاكم بنات لحرام .(شد مزير على فكها)كتبقاي فيااا حيت نتي دمدومة لوحيدة لي فهاد لقصة…نتي لمظلومة لوحيدة فهاد لقصة..وغلطتك لوحيدة..(ميل راسو بشويا)انه معندكش زهر .تاا اناا (سكت للحظات وكمل هضرتو)تا اناا كانت عندي وحدة فقلبيي و هربات من يدي…(كرز على سنانو)

ناض جابد تيلي ديالو معيط لرجالو.

يونس:لقيتوهااا.

…:لا اسيدي تكول لارض سرطاتها..ولكن كن هاني غلقاوها وخا تكون تحت لارض غلقاوهااااا..ونقت.لوها

يونس:لا..بدلت رأيي..لقاوها وجيبوها لي بين يدي..انا غنتكلف بروحها..

قطع..عليه..شاف فاخلاص..خدا لها جوج تصاور بتيلي..وشد فلكرسي منين شاف لباب تحلات..دلاسانسور..مع لحلا يبان ليه سكريتي..

هزز راسوو فيه..حول عينوو لجهة تانيا..وتم غادي..مخرجها بلكالم ..وقف منين وقفوو صوتو.

…..:فين دايها

عاطيه بضهر..محافظ على لكالم.

يونس:لمستعجلات

….: ياكما نعاونك؟

يونس(حرك راسو بلا)لا شكرا.

زااد جارها فحين..لباب دلاسانسور تسدات على السكيريتي

“فلمستعجلات”

كيهضر مع واحد من الممرضين.

أسيرم:غديروو لهاا هااد تحاليل..ومنين يجي دكتور علي..علمنيي..

….:وخاا دكتور

عدنان:وش شاك فشي حاجة؟

أسيرم:كنضن عندها أنيميا حادة..وجها وعينيها شاحبين..

عدنان:آه يقدر يكون بسبابو سخفات يعني ماشي لخلعة

أسيرم:لخلعة؟(طلع حواجبو)سير تنعس سيير اناا غنتكلف..

عدنان:(تنهد)اناا غاديي..خلي ناس دطب العام يتكلفو بيها نتا بقا غير مع باباها

اسيرم:وي غنكلف علي

عدنان: .لوقعات شي حاجة مستعجلا عيط لي..وسير تانتا ترتاح خلي لمستعجلات لماليه

أسيرم:المستعجلات ديالنا كاملين

تم غادي كيتفوه
عدنان:(بصوت عالي )متجمعش

..نطق.بهمس

عدنان:آه فينك امعاد الله يرحمك يامات كنتي مسير هاد زمر(دور عينو فلارجاء)دابا لمستعجلات براسو خصو مستعجلات

شاف قداموو منين تضرب مع لكرسي لمتحرك..شاف فيها سخفانة وشعرها مغطي وجها هز عينوو فيه.

عدنان:مالها ؟

يونس:سخفات فلكولوار

تنهد بجهد..هز يدو مشير لجهة اسيرم
عدنان:خلي دكتور اسيرم يتكلف

زاد بلا ميعطي لموضوع اهتمام. .فحين يونس توجه عند أسيرم.راسم ابتسامة حاجباها كمامة وجهو..

شافوو مشغول مع لمرضى ..حط يدوو على ضهروو..نطق بصوتو الخشن

يونس:سيي طبيب
138🥀
تزوجتها بوصية زوجها📜

وقف بزربا دار عندو.

داوود:شكون يونس؟

مروان(تنهد)داك نهار قلت لك كان لكوميسير يهضر فتيلي..باقي عاقل بلحرف قاليه”درنا جهدنا باش تخرج من لحبس هادي شهر .ومغنضيعوش داك جهد ورجعك ليه..نتا عارف مكانتك قداش ايونس “من بعد ضحك وقاليه”لالا حاشا نتا ماشي فلوسك اوا لقضية عتابرها تسدات خديت شهادة دمرتو واكيد وقعات على اش بغيت”

داوود:كان كيهضر حداك ؟بلا ميخاف

مروان:نفودو كبيرة ويدو واصلة لاش غيخاف من واحد غير بوليسي عادي خدمتو يجيب لي كاس دلقهوة..كن كان يخاف مغيخليش لملف بين يدي..

داوود:يووونس

مروان:آه كنضن شخص لي خلا لكومسير يزور لاقوال سميتو يونس..ومنين قاليه بلي فكوو شهرر يعني ديجا معاونو..

داوود:هضرتك..(ضرب فكتفو)عاوناتني بزاف

زاد غادي..تم واقف

مروان:سي لكومسير..إلى تحل ملف لقضية من جديد انا مستعد نقدم اقوالي

داوود؛وخدمتك؟

مروان:هماا لي خصهم يحشموو حيت حطو واحد فبلاصة ميستهلهاش..انا معليا والو..غنتحمل مسؤوليتي

داوود:ملف القضية غيعاود يتحل..ولكن انا ممحتاجش لشهادتك..اناا متاكد هاد يونس غارق فمصايب ما كبر..يعني سواا شهدتي ولا لا ..انا غنغرقوو..(ابتسم ليه)

وتم خارج…جبد تيلي ديالو

داوود:الوو احمد..جبد ليي ملفات دلقضايا لي كان شاد لكومسير لقديم .

احمد:اوااه كاع لقضايا اسيدي؟

داوود:لا.شوف تاريخ دلاكسيدون دمعاد صالحي..وجبد لملفات لي قبل داك تاريخ بشهر…

احمد:وخا اسيدي..وعلى لبنت لي تعرضو لها شماكريا..شدينا شي وحدين..خصها تشوفهم

داوود:آه سامية..(حط يدو فراسو)كفاش نسيت بلانها..صافي وخا انا غندوز عندها لدار نجيبها..

احمد:تحياتي شاف.

قطع عليه..هزز يدوو..كيتكسل..

داوود:يونس شكون وشنوو بلانك..قريب غنعرف

سااط بجهدد..ونزل متوجه لوطو..

حلو ليه باب لوطو..كيشوف فواحد من رجالو

عزوز:اش لقيتي فداك لاميل؟

….:والو اميل عادي..بسمية “محسن”مكنضنش غيكون دار سميتو اسيدي

عزوز:ديه لمول سيبير يعرف لناا هاد زمر منين جاي وشكون مولاه وبلاصة مولاه

شافوو فبعض.نطقو دقة

“سيبييير”

عزوز:هداك ليي كيجبد لنا بنادم من تلفون.

ضحكوو عليه بجهد

…:الهاكر اسي عزوز

عزوز:تهجروه كيبقا مول سيبير ارا متزوقو فيه (شاف فواحد من رجالو شاد تيلي كيتمساجا) اش بغات عاود؟

الرجل:الخبز اسي عزوز

عزوز؛هاد مرتك هادي متتعجنش ديما لخبز.

الرجل:فيها روماطيزم فيدين اسي عزوز

عزوز:طييزم..لسمعك سي طبيب غينتاحر لنا قبل ملقاو سيد..سميتو برد العظام الحمار.اشمن روماطيزم .

الرجل:عندك الحق اسي عزوز

عزوز:اكيد عندي لحق راه صاحبي طبيب اي حاجة طبية رجعو لعندي…تحرك عند مرتك..

طلع لوطو سدوو عليه..لباب.بقاو يضحكوو..عليه بلحس..نطق شيفور ضاحك

شيفور:تحرك عند مرتك…ومتنساش تقولها راك كدوز على الاخضر وليابس

زاد بجرا..ركب.مكسيري منين دق..عزوز فزاج.
139🥀

تزوجتها بوصية زوجها📜

زااد لغرفة لاطباء..تم داخل باغيي غير ينعس ويرتاح وحد سويعة ..حيد لفوقانيي دسكراب…بقاا بصدرو عريان..هز كينة دراس..من لخزنة ددوايات..

زاد بثقالة هاز لماء .باغي يشربها
.صغر عينوو منين بان ليه شخص ناعس بلاصتوو.. ومغطي..كولو بلغطا..

عدنانء:(شاف فساعتو)شكون هدا لي مزال ناعس تا لهاد لوقت وفبلاصتي من لفوق..

زاد بثقالة..نتر لغطاا..على لوجه..تهزات مخلوعة .. من بلاصتهاا..

كتشوف فيه وهي تترجف صدرها كيطلع ويهبط..وكدور فعينيها بخوف.

نطقات وشفايفها كيرجفو

سكينة:نتاا

عدنان:اه انا بسم الله عليك مالك تخلعتي.؟

سكينة:هاء عادي نتخلع (شافت لساعة)تعطلت غنوض نشوف خدمتي

عدنان:وش نعستي هنا؟

سكينة:اه سمح لي شديت بلاصتك ولكن نتا عارف انا بقا جديدة مزال مقادو لي بلاصة.

عدنان:لا خودي راحتك..ولكن كن خديتي وحد من لغرف ونعسيتي فراحة

سكينة:لا منقدرش نعس بوحدي..هنا لوناسة حسن

عدنان:ولكن مكانتش عندك لخدمة فليل؟

سكينة:آه انا كنعس هنا حيت باقي ملقيت شي دار قريبة لكلينيك داري لولى بعيدة.

عدنان:آه الا بغيتي نعطيك سوارت داري..وداري لفوق ولتحت جيران يعني مغتخافيش

ابتسمات ليه..

سكينة:هوا مكرهتش ولكن حشمت منك.

عدنان:انا هاد ليام راني عامر يعني خوديي راحتك

سكينة:صافي وخا..على ما لقا شي دار قريبة لمرابطين..(هزات عينها فصدرو لعريان)صدرك

عدنان:آه غلبس..

توجه لخزنتو هز تيشورت..لابسوو

سكينة:زوين بزاف

عدنان:(شاف فيها ضاحك)اه كان كادو من نضال..

سكينة:مكتهضرش على تيشورت

عدنان:وعلاش؟

سكينة:نخليك غنوض لخدمة…

عدنان:اك فلعشية نتلاقاو نديك تشوفي داري

ضحكات بتحلوين:كتقصد دارناا

هزات طبليتها وخرجات..خلاتوو واقف مبتاسم..

عدنان:دارنااا.آه اطبيبة لقلب آه منك ومن ضحكتك..

تلاح ناعس فبلاصتوو وضحكاا مرسومة على شفايفو..

خرجات معندو بزربا توجهات لاول حمام…دخلات تتغسل وجها وتنفس بجهد

سكينة:رجعييي عقلك..مكاين لاش تخافي..هوا اكيد مغيتبعكش لهنااا (رجعات شعرها لور )موقع والو رولاكس ازوينة ..لخلعة متصلاحش لك

ابتسمات وخرجات
140🥀
تزوجتها بوصية زوجها📜

بقا ساكت للحظات..عاود نطق يونس ..بلغوات

يونس:سيي طبيب

صوتوو دااك الصوت لي مغريبش..عليه..كيقولو الجراح هوا اكثر شخص كيميز..واكثر شخص كيركز..حيت بلا هاد جوج..مستحيل يولي جراح.

فهاد لحظة .قدر يميز نبرة الصوت..ميزها من اول حرف..وتأكد منين عاود عيط ليه.ببساطة..نبرتوو لي خلات ودنو يحسوو برجفة وخلات قلبووو يبغي يخرج بلخوف على إخلاص..نبرة لي مستحيل ينساها…

دار بزربااا…كيشوف فعيون يونس العسليين..

لحظة صمت بينهم..لحظة..لي حركة بؤبؤ عينهم كانت هي لسان الناطق..

من نظراتو ليه عرفو بلي عرفو

سرط ريقوو..حس بسخونية طالعاا معاه..اخر حاجة توقع انه ايعرف بمجرد مينطق..

يونس:مرتكك أسي طبيب..

دفع عليه لكرسي..وزاد راجع لوور.
شاف فيه مبعد .وشاف فاخلاص سخفانة..
غوت بجهد .

أسيرم:إخلاااااص(شار ليونس لي مبعد )متخليوهششش يخررررج..

هزز اخلاص بين يدوو..كيجري بيها لبيااص..فحين بداو يتجراو..وسكريتي..جاو كلشي كيتجارا..ومعارفينش شكون غيشدوو..جهة لي شار لها مكانش واقف فيها غير يونس.

بدورو كان كيجري…جا سكريتي قدامو..زاد بجرا كيلهث..

يونس:هبيل هبيل دخل لمستعجلات راه داز من هنا..جريو..

زادو كيجريو فين قال لهم..فحين هوا تم خارج..بهدوء .توجه لوطو..وصا رجالوو لي كانو يعاينو يكسيرو .حيد لكمامة رماها كياخد نفسوو …

يونس:شويا دلحشرات(حط يدو على راسو)قدر يعرفنيي من نبرة صوتي..كنت حاكرك اسي طبيب…حكرتووو…

كيفحصهاا بخووف..ويغوت كيف شي حمق…هوا اكثر طبيب هادئ وكالم ..فخدمتوو..وحالتوو دابا متتبشرش بلخير ..

متوجها عندو بجرا وحدا من الممرضات لي وصاها على نوع من الابر..مداتها ليه..شدها ويدو كيرجفوو..تا طاحت من يدو..

شافت فيه مستغربا..

…:انا نضربها لها ادكتور..

ضرباتها لها فحين هواا شدد على راسوو…كيتنفس بجهدد…

أسيرم:تاكدي من ضغطها من جديد مور خمسا دقايق

شاف لسكريتي لي جايين كيجيرو..

اسيرم:شديتوه؟

سكريتي:لاا اسيدي لهبيل هرب

اسيرم:هبيل..(ضرب بجهد طبلة ددوا لي كانت حداه خلاه يطيح لارض) وش بااغيين تحمقووو مييي فهاد لكلينيك…وش ولااا زريبة ولا اشش ليي كاليه راسوو يدخل ليييه ..ديك لمرا مخلين مريض نفسي يدخل ودابااا مجرم أااا؟آخرررر مرة فهمتووو آخر مرة لعاود دخل شي حد مهواش لهاد لكلينيك مغتزيدوش دقيقة هناا..ايي واحد حط رجلوو هناا تاكدوو من هويتوو مزيان..فهمتووووو..اي واحد

السكريتي:وخا اسيدي وش نتأكد من لي خارجين دابا؟

أسيرم:غيكون وصل لدارو..

دار بزربا لجهة..إخلاص..منين علماتو طبيبة بلي بدات تحل عينها..

زاد واقف على راسها..

حلات عينيها بثقالة..كدورها فلارجاء.هزات راسها فيه..نطقات بصوت عيان

إخلاص:أسيرم.
حط يدو على يدها وعينو كيشوفو فعينيها بخوف..

أسيرم:انا حداك (دور يدو على شعرها بلطف)غير هبط لك طونسيوو رتاحي

تكعدات كالسا..تتشوف فيه بصمت

أسيرم:رجعي تكاي.

زيرات على يدو..بجهد كتشوف فيه بنظرات ممفهومينش .نطقات برجفة

إخلاص:نتا بيخير ياك

كلس حداها كيشوف فيها ..مفاهمش مالها ..

أسيرم:هاد سؤ.

قبل ميكمل هضرتو دخلات فيه معنقاااه..

خاشياا راسها فعنقوو..حسس برجفة شفايفها..ودموعها..على لحمو..

داخلا لمستعجلات..تتمايل..

زادت عند وحدة من لممرضات.

إيناس:قالو لي اسيغم هنا في.

قبل متكمل هضرتها شارت لها لممرضة..فين هوا..هي ولي معاهاا كانو يتفرجوو..فرومانسية الطبيب لي معتابرينو ثلجة دلكلينيك..وسعات عينيها..

إيناس:?C’est quoi ça
141🥀
تزوجتها بوصية زوجها📜

شاف فيه مصدومة..نطقات برجفة.

إخلاص:ك.فااش.؟

أسيرم:هوا لي سيفط لك لورد..ومنين سخفتي جابك..لمستعجلات..كيهددني غيخطفك..على داكشي باغيك تبقاي فدار..مكولت والو فلول بغيت تا نشدو.ولكن محدك عرفتي ..عرفي كولشي.(شاف فيهاا )شي سؤال آخر؟

إخلاص(دموعها نازلين)علاش؟قت..لوو علااش؟.

أسيرم:معرفتش..كيكول بسبابي..(شاف فيها)فاش غنعرف علاش .وشنو علاقتي فلموضوع غنكول لك.(رجع شاف فطريق)لبوليس شادين لقضية..متخافيش هوا غيتشد .ونتي بقاي فدار مغيقربش لك.

إخلاص:علاش بسبابك؟اشش علاقتك نتاا بمعاد أاا..فاش ضرك باش ضروو

أسيرم:معنديش جواب.فاش غيكون غنجاوب.

إخلاص:بغيتوو يتشد بغيتوو يتعفن فلحبس..

غطات وجها تتبكي بلحس..

فحين هوا بقاا سايق..نطق بعد لحضات

أسيرم:هوا كان صاحبي..أنا عمر نفكر نضر صاحبي ولا شي حد قريب ليا..ناس لي معاشر محسوبين على رؤوس صباعي..ومستعد نعطي روحي لااي واحد فيهم.

هزات راسها فيه..دار كيشوف فيها.

أسيرم:بمعنى محد دخلت بنادم لحياتي إلا وانا قادر نعطيه حياتي..عقليي على هاد لهضرا .حيت مغناودش نكولها .

دوزات يدها على وجها..كتحاول تجمع..نفسها..مدات يدها.

إخلاص:عطيني تيليفوني

أسيرم:مهرس

إخلاص:كفاش مهرس.ونتا عاد هضرتي بيه.

هزز لاحوو من سرجم دلوطو..شاف فيها

أسيرم:قلت لك مهرس.

وسعات عينيها وحلات فمها فيها.

إخلاص:ز.غين .(كرزات على سنانها)أسييييييييرم وقاااف وقااااااااااف.

شعل راديو ..مجهدوو..مخليها تغوت..وتدابز بوحدها ..

🥀بعد ساعات🥀

كانوو مجموعين كلهم على طبلة دلعشاا..كيااكلوو ويهضروو..

فوزي:هاد سيمانة عندك عامرا؟

أسيرم:آه

عبلة:علاه هوا فين عمر كان عندو لوقت خاوي

فوزي:آه ولكن فهاد سيمانة عندو شي عامليات كياخدو لوقت.

عبلة:الله الله شوف ولدي مسكين كيف ولاا مبقاش كيشوف نعاس.ويزيد يعمر

أسيرم:كلها سيمانة وغدوز.

فوزي:تا انا عندي عامرا..راك عارف كنحاول نبني غرفة مستعجلات..تكون كبيرة..فساحة لي قدام لكلينيك..تكون خدامة 24/24 هكدا غنحيد ضغط على لي عندنا..

عبلة:وامتا اتبداو فلبني؟

فوزي:نتافقو مع مول لارض ويكون خير..

نورة:على هاد لحساب مغنديرش لحلفة فسيمانة جاية..نتا مشغول وخويا تا هوا.لمن انديرها؟

أسيرم:سوا درتيها دابا ولا من بعد مغنجيش

إخلاص:(مخنزرا فيه)ديريها لراسك ماشي ليه

نورا:اول مرة تكولي شي حاجة فحياتك هي هاديك.

أسيرم:داك لكادو.ل

نورا:آه لحفلة بلا خويا مستحيل دار (خنزرات فاخلاص)

عبلة:لكادو..نتاا باشمن وجه تتهضر؟
أسيرم(مستغرب)أنا؟
عبلة:آه نتا انا بلاصة إخلاص منزيدش معاك دقيقة كن طلقتك(شافت فاخلاص)لاش باقا صابرا عليه طلقيه .

Leave a comment