Skip links

قصة : تزوجتها بوصية زوجها ج7

 6,799 عدد مشاهداات

98🥀

تزوجتها بوصية زوجها📜

بقلم حنان فارس

كيشوف فيهاا بلا ميرمش..وبلا مينطق..جاار يدهااا كييف شيي..حمق مزير عليهاااا..

أسيرم:عمركك طلقييي من يديي عمرك.

إخلاص:(تتجر يدها)ضريتيني طلق

“كارز على سنانوو..”

أسيرم:عمرررك تقولييي طلق عمرك طلقيي من يديي

تتشوف فيه مفاهماا..والووو …مزير عليهاا يقول خايفهاا تهرب…بسيف باش كيطلع نفس وبسيف باش قادر يهضرر..

إخلاص:مغنقوولش طلق عمر نقولها…ضريتينيي..

رخف قبضتوو…شاف فيدها حمرا..

أسيرم:سمحيلي أناا.

شادة على يدها .هزات راسها فيه

إخلاص:أشش واقع؟شكون هداك لي عيط..!؟علاش كنتي تغوت عليه..وتقولو متقيسهاش علاش؟

أسيرم:موااقع والوووو

شاف فيها مخنزرا.

أسيرم:فااش غنقدر نشرح انشرح..ولكن دابا معارف منشرح..

إخلاص(حركات راسها بوخا)صافي وخا مغنسولش.

تنهد بجهد ..

كسيراا بلا مينطق.

فلكلينيك..

عدنان:كفاااش مبغاااش تعالجي أاا؟وش كضحكييي معايا انضال

نضال(تمات نايضة)اناا بيخيير…مكاين لاش تشطن..

عدنان:كفاااش نتييي بيخير؟وش نتييي مريضة ولااا اشش؟؟هداااك راه قلب قلب ممعاهش لعب..نتي ماشي فيك رواااح هداااك راه قلب..انااا طبيب انعااش..اناا ليي عارف قيمة دقات القلب…حيت منين كيوووقف رااه صعيب يرجع انضال ..منين كيوقف كيسالييي كولشيي …نتي قلبك باقي كينبض…باقيييي..

كلسات..شادة على راسها .دموعها نازلين. ..هزات راسها فيه.

نضال:قلبيي انا وقف من زمان؟انعاشك مغيفيدنيش…تيقنيي انااا عيييت…عييييت بزاااف..مبقيييتش قادة…من جهة خويااا ليي ماات ..ومقدرتش نبكي عليه بحال ناس..حيت انا قوياا أااا..حيت انا خص نمسح دموع ناس أاا..ومن جهة ماما..لي مرا تقولي ختي مرا ماما ومرا متعرفنيش….ومن جهة بنتييي ليي تخليت عليهااا..كنت حمارة كنت بغاا رسم مستقبلي وخليتها..نهار تقبلت فطب برا لبلاد تسدو عيني.. نهار هوا رفض نكمل براا..ونبقا فلمغرب..خديتها كتحدي انيي نوصل..وخليتو وخليت وبنتي…ودابااا انا بغيت غير نشوفها ..بغيت غير نسمع كلمت ماما من فمهاا ..ولبغات لموت تجي تجي…ولكن هوا مبغاااش….(هزات راسها شافت فسقف)من حقوو اه..جرحتوو عدبتوو..عندو لحق انا ام ممزياناش يمكن احسن حاجة لي ولبنتي هوا موتي قبل متعرفنيي..

شاف فيهاا..ودموع محجرين فعينيه

عدنان:هادشي كولو انضال…هادشي كولو

نضال؛عيييت تييق بيااا..عيييت..خلينيي نمووت عفااك(حطات يدها على قلبها)بغيتو يحبس بغييت رتاااح..مبقيتش قادة…والله معندي جهد مزاال..
99🥀
تزوجتها بوصية زوجها📜

بقلم حنان فارس

بعد سااعات..

نازل من بيتوو بخطوات تقال…توجه لكوزينة…

بانت ليه واقفاا تطيب..

إخلاص:على سلامة نزلتي..

أسيرم:سيري رتاحي انا نكمل..

إخلاص:لا انا بيخير..ليوم طيبت طاجين بلبرقوق….طلعلي فراس داكشيي صحي درتي مزيا منين منزلتيش

شافت فيه حاط يدوو على البوطاجين مفيكسي نظروو..لبعيد..

إخلاص:كنقولك طاجين ااسيرم طاجين دلبرقوق..

أسيرم(شاف فيها)أاا؟

إخلاص:درت طاجييين..

أسيرم:مزيان..

بعدات عليه تتشوف

إخلاص:يزين يامك.

زااد لتلاجة..جبد لماااء..نزل..على لقرعة..كيبرد جوووفووو..وهيي عينيهاا عليه.

إخلاص:مكنضنش صهد تا لديك درجة..(ميلات راسها..بهمس نطقات)خصني نعرف اش واقع..ننن وعدتوو منسولشش…

إخلاص:أسيييرم

أسيرم:نعام؟

إخلاص:نشوفووو شي فيلم؟ليوم غيبداا واحد كيحمق

أسيرم:لي بغيتيي..

إخلاص:صافي سير كلس..غنجييب لعشا ونجيي..

زااد كاالس فصالة…

حطااات لعشاا…وشعلات تلفازة..قلبات لقناة لي بغات..

إخلاص:هاهواا بدااا

هز عينو فتلفازة

أسيرم:طوم وتجيري فيلم؟

إخلاص:اه فيلم..هدا نسختو جديدة..

زاادت كالساا..حدااه..تتاكل وتفرج..فحين هوا حاط يدو على جبهتوو…ساهيي…

إخلاص(هزات راسها فيه)مغتاكلش؟

أسيرم:مفياش

إخلاص:توئ توئ كيعجبك غيير منين اناا كناااكل …داك لعجب ديالك أااا؟تا نتا غتاكل..بسيف عليك

أسيرم:مفياش أاخلاص.

هزات بيدها..مداهة لو

إخلاص:متخاافش يدي مغسولة كووول.

كيشوووف..فيهاا بعيونوو نعسانين..كيقراا فملاميحها بسكات.

خرجات عينها..فيه.

إخلاص:خووود(قرباتو من شفايفو) كول مترضهاش فوجهيي

حلل فموو..دايق منهاا دغمة..ضحكات بجهدد…تهزات من بلاصتها..

إخلاص:والله تااا كليتيهااا…لالا اناا ممتيقااااش (حطات يدها على فمها مصدومة)

هزات دغمة خراا..

إخلاص:زيدك هادي..

بلفرحة مكرهاتش توكلو طاجين كامل ودير لو وحد اخر..لسعا داق دغمات قلال…وناض..توجه..لدوش غسل سنانو..ويدوو فحين هيي..جمعات ..طبلة ورجعات كلسات..مكملا رسومها..

خارج..بانت لييه تضحك..بجهدد…منساجمة مع القط والفار…

جات عينوو..على طوم لي شاد تجيري…كيلعب بيه..

تفكر..هضرتو
“القط كيلعب بلفار عاد كياكلوو”

زااد بزعاف طفااا لهاا تلفازة
100🥀

تزوجتها بوصية زوجها📜

بقلم حنان فارس

غادي جاي فلكولوار..بانت لي خارجا من بيتها .

عدنان:كيف بقات؟

سكينة:راها كترتاح..ولكن نتا عارف ضروري خص نديرو لقسطرة باش نعرفوو حجم لانسداد ونشوفو نوع لعلاج لي اتاخد

عدنان:معرفتش كفاش انقنعها بسيف باش بغات تكلس ليلة فلبيت..

سكينة:يكون غير صديقتك اتولي بيخير

عدنان(ضحك باستهزاء)اشمن صديق أاا اناا مصاحب متوزاااا…هيي كانت تعدب طووول هااد لمدة..كانت تقطع..قدامي ودبل قدامي..وانااا معااارف والووو معااارف والو

ضرب يدوو مع لحيط بجهد

عدنان:امتاا كنت انعرف وش تا تموت هادي هي صحبة أاااا

“حط راسو على لحيط كيضرب فيه بيدوو ودموعو نازلين..وهوا كيردد امتا”

زادت عندو سوكا جاراه .

سكينة:منين اتعرف نتا وهي مقالت والووو…الله يديك وش نتا تتعلم لغييب تهدن

شاف فيهاا…

عدنان:يااك صحاب كيحسو ببعض كان خصني نحس بيهااا

زادت عندووو معنقاه..تتحاول تخفف عليه..حالتوو قطعات قلبهاا ..يمكن منين شافتو اول مرة…قالت بلي هدا شخص لي زهواني وضارب دنيا بركلة..شخص لي باغي غير يضحك ويدوز وقت بحالها…ولكن حالتووو دابا..وكفااش دبلان بين يدها..عرفات ان هاد شخص قلبووو بيض من لحليب .وعلى عكس المظاااهر..شخص لي نهار طيح تلقاه..

شاافت فيه مخنزرا..

إخلاص:علاااش طفيتيه؟

أسيرم:طلعي لفوق تفرجي

إخلاص:ولكن تلفازة هنا؟

أسيرم:خودي لبيسي من بيتي تفرجي..انا باغي نقرا

إخلاص:وخا غير ليوم اندوزها لك.

زادت طالعا لبيتو..تفرج فحين هواا…كلس..ساهيي كيفكرر فهضرة داك راجل..

جوج دلحوايج مقادرش يمسحهم من بالو..ان صاحبو مات مق.توا..وانه مات بسبابوو…

حط يدو على راسو..كالس فضلمة..على ديك لحال..كيتسارع مع افكارووو…

دازت كتر من ساعة وباقي متحرك..ناااض شاعل ضوء .طلع بثقالة توجه..لبيتووو…

بانت ليه نااعسا على سريرو ..ولبيسي محلول حداها..

تنهد تقالة..هز لبسي من حدااهاا..حطوو جنب..وكلس كيشوف فيهاا.

قرب ريوس صبعانو من خصلات شعرها..نطق وبحة خاصة فصوتو

أسيرم:مغنخلي تاا حد يضرك تااا حدد…غنفديك بعمري أإخلاص.

شدات يدييه..نطقات وعيونها مغمضين

إخلاص:انا مبغيتش عمرك.أنا بغيتك نتا

اراءكم وتوقعاتكم بون نوي
101🥀
تزوجتها بوصية زوجها📜
بقلم حنان فارس

وسعع عينوو من هضرتهاا…كيشوف فيدها ليي شداه مزيراا عليييه..للحظة حس بدقات قلبوو كيتسارعوو..حس بقلبوو غيووقف..او بالاحرى غيخرج من صدروو.

..كملات هضرتها وهي مدوخا بنعاس

إخلاص:لعطيتيني عمرك فاش غيفيد..انا بغييتك بغييت نكدهاا عليك مزااال..(نفضات يدو)بسباابك ضيعت فيلميي (غمضات عينها)زغينداا المسموم.

بلا ميرمش كيشوف فيها..مبتاسم..تنهد بجهد..حرك راسوو بلا حول .

ناااض جار عليهاا لغطاا..قادها باش تنعس..مع غيحط لها راسها على لوسادة.حلات عينها

إخلاص:اشش تدير.؟

أسيرم:قادي نعستك باش ميضركش ضهرك..

دورات عينيها..لي كيتسدو بوحدهم..

إخلاص:اشش كندير فبيتك..انا غنمشي لبيتي..

تمات نايضا كتجر رجلها..فحين هوا كلس.

أسيرم:درتي فيا خير..

حلات لباب..وسداتهاا..ورجعات جارا رجلها .كيشوف فيها كيفاش تتمشا كيف شي زومبي.. بغا يفهم لاش راجعا فلوقت لي قالت غتمشي لبيتها..

وصلات لناموسية..تلاحت عليها ..نطقات وعينيها مسدودين

إخلاص:الواحد مكيرتاح غير فبيتو حسن من بيت المسموم

حط يدو فشعروو..نطق وعينو عليها

أسيرم:نتي فبيتي أاخلاص باقا فبيتي..

شافها صافي غيبات….ساط بجهد..كيكره لي يستوطن لو بيتو

أسيرم:داري حوايجيي كوزنتي ودابا بيتيي..فين زايدا فين ..

ناض غادي جااي..فلبيت معرف يخرج معرف يكلس

اسيرم:جري عليا وتهناي

زااد غطاها ..وقادها وتم خارج…وقف كيشوف فلباب ..مزير قبضت يدو عند فمو…

أسيرم:غير ليوم غدا غرجع لكك

(لمس بيدو حيط بيتو)

زااد لبيتها حل..لباب..دور عينو فلبيت..لحيط لي غوز واميرات ديزني..كولشي فيه دلبنات ..شاف فيه وحنا راسو كيشوف فراسوو..

أسيرم(حرك راسو بلا)ننن…ننن.هادشي رطب كتر من لقياس..

رجع لبيتو..هز غطاا ووسادة…وشاف فيهاا..معنكش وجهوو….وتم خارج وقف فلباب منين سمعها هضرات.

إخلاص:دااك طرف عندهاا كبير كبير بزاااف

دااار عندها مصدووم…شافها باقا ناعسا..

كملات هضرتها.

إخلاص:ووداك صدر عندهاا صغير من دزغيندا غير شويا فاش كانو كيفرقو هادشي فين كنت اناا فين

شاف فيها مخرج عينو وشاف فصدرو.
102🥀
تزوجتها بوصية زوجها📜

بقلم حنان فارس

أسيرم:صدر ؟(ضحك بجهد..ضحكة دبزز)هادوو رااه ليزابدوو ابناادم رااه سنين دلونطريمووو..

إخلاص:زوينة اه باينا تتعجبوو

صغر عينو..قرب منها خطوات..عرفها تتهضر فنعاسها..نطق .

أسيرم:شكون هادي لي زوينة؟

إخلاص:هاديك طبيبة لمطرفا…من حقك تعجبك..انا وعجباتنيي.

أسيرم:عجباتك؟

إخلاص:اه زوينة وعامراا..تتشهيي

أسيرم:تتشهيي(بقاا غير يرمش.ميل راسو)

زاد مقرب لها..بهمس نطق.

اسيرم:وش نتيي أاخلاص لزبيانة؟

إخلاص:لا كنبغيي دراري..ولكن

أسيرم:(مخلوع من جوابها)ولكن أششش أششششش؟

تقلبات على جنبها ناعساا.

إخلاص:زين حبو مولانا

ابتسم بمكر..زااد كالس..مربع حداها..كيشوف فيهاا..ناعساا..وتتهضر ..بغا يستغل الفرصة

أسيرم:وش أنا كنجييك زوين؟

إخلاص:غير زينك لي مخليني صابرا عليك

ضحك بجهد..تا بانو نيابو

أسيرم:بصح؟وش نتي بقا تت..(تنهد)ك رهيني بحال لول؟

إخلاص:لااا ..علاش غنكرهك

(سكتات لثواني ورجعات نطقات)

نتاا ضريف وخا مسموم

حك لحيتو :لوجيك عندك واعر.(قرب وجهو منها..متلهف لجوابها)وش تقدري تكرهيني عاود شي نهار؟

إخلاص:لاااا … اناا وليت عارفاك مزياان نتاا متتكرهش. نتاا

أسيرم:اشش

.(سكتات لثواني )

إخلاص:تخلقتيي باش تبغاا

ابتسم بلا شعوور ..كيشوف فيهااا..مصغر عينوو..الدبلانين فيها..وهي مغمضاا عينها..وخصلات شعرها نازلين على وجها..

أسيرم:وش بصح؟

إخلاص:اه ..خص نلقا ليك شي وحدة تبغيك..ديك لعامرا مزيانة لك.

أسيرم:لا مبغيتهاش

إخلاص:نشوف لك غيرها

أسيرم:مبغيتش غيرها ومبغيتهاش…أش بان لك تبغيني نتي؟

قرب وجهو منها ..حاس بانفاسها سخونين على وجهو.

أسيرم:بغيني أاخلاص
103🥀
تزوجتها بوصية زوجها📜

بقلم حنان فارس

فغرفة مظلامة…كان كالس..على كرسي..غادي جاي بييه ….

كيضرب بصباعوو…فيه مشكل..اقاع..اربع ضرباات..

ضوء الكمرة لي مختارق الضلام …مبين اصابعووو لي تتحرك..اصابعوو الاربعة بحكم صبعو لكبير..فليد لي تيحرك مبتووور..شفايفوو كتدندن بهمس..

ربعا دضربات..ودندانا..

قاطع هاد لاقاع..صوت لباب لي تحل… باب.باينا فيه قديم نتيجة صوت لي دار.

دخل شخص بخطوات تقال .وقف عند راسو..

….:شنو الخطوة التانية لي خص نديرو أسيدي؟

…..:لقيتووووها؟

حرك راسوو بلاا..

….:شحال قدها تخبع منييي…(ابتسم بمكر)فاش تلقاوهااا..قت.لوهاااا…ود فنوهااا حدااا قرانهاا..راه طولات.

….:وخا اسيدي واش غنديرو مع طبيب؟

….:غنخلعوه شويااا..محد لانسة هربانة جيب لي مرت طبيب تونسني

“عند اسيرم”

إخلاص:لا منقدرش انا غنبقا ديما مخلصة لمعاد..وعدتوو بلي مغنبغي حد موراه..والا قلبي ضرب لشي حد من بعدو..غنحبسو.

بعدد عليهااا…سرط ريقوو وعينوو باقيين عليهاا..

زير لكمة يدوو..عروق راسوو برزوو…دوك لملامح لباردين…تحولوو لعصب..

ناض بزرباا من حداهاا

خرج من لبيت نزل..لتحت..توجه لدوش..

غسل وجهوو..وكلس يشوف فلمراية..
هوا متقلقش من جوابها..تقلق من راسوو..
شي طبيعي تبقاا وفية لراجلها.

ولكن هوا؟حس براسووو معندوو علاقة بالصحبة…فلوقت لي خصو يتاكد وش صحبو بصح مات ولا لا..وشكون قتلووا..كالس يطلب من مرتوو تبغيييه…

صاحبوو لي مكانش صاحب عاديي..دوزوو سنين مع بعض..وكفاش هوا ايقدر ينساه وباقي مكمل تا عام مقاد على موتو

فهاد لحظة احتقر راسوو..ولعن لافكار لي استحوذاتو منين سولها..

خرج من دووش..بزرباا..توجه لبيتو..هز كويرة فلكحل..لبسها..عليه..هز سوارت لوطوو..وتم خاارج…سورت لباب..وزاد..نازل..

ركب فلووطوو…جبد تيلي مدور نمرة داوود.

أسيرم:الووو..وش راك فدار؟

داوود:لا راني مزال فلكوميسارية …ياك لاباس؟

أسيرم:انا جاي.

توجه…لعندو..مسافة طريق…

وصل لوجهتو…تم داخل..زاد دريكت لمكتب داوود..

مع حل لباب ..بان ليه داوود واقف..كيطل

داوود:وش عاودو هجموو عليك؟خلعتيني اساط اش واقع؟

أسيرم:بغييت نشوف لملف ديال قضية موت معااد.

دااوود:موووت شكووون؟
104🥀
تزوجتها بوصية زوجها📜
بقلم حنان فارس

أسيرم:موت معاد

خرج عينوو فيه..الون تخطف من.وجهوو..

ميل وجهو..والصدمة باينا عليه

داوود:أشمن معاد؟..(بهمس)متكوولش.

أسيرم:معاد مات هادي شهور فاكسيدون وش نتا..(قوس حواجبو)وش مفخباركش

داوود:(كيضحك بجهد)كضحككك يااااك ..كضحككك معاياا كفاااش مات معاد اصاحبييي معااد وش نتاا عارف علامن كتهضر كفاااا؟

قاطعو

أسيرم:ياريت كن كنت تنضحك..

حط يدووو شاد فرااسوو…صدرووو كيطلع ويهبط مقادرش يخرج نفسووو.كينهج بجهد..عيونووو تحجروو بدمووع…

دااوود:معاااد هواا كلشي بالنسبة لهاا كلشييي(حرك راسو بلا)لالا هي مغتقدرش تصبررر…هوا باباها خوها كلشيي..انااا قلت..

سكت..زاد بجرا..

هززز تجاكيط..وشاف فاسيرم..

دااوود:غدا اي حاجة بغيتيها نجيبها لك.

أسيرم:سير عندها

زااد خارج..بجرااا…ركب..فلوطوو…ديالووو ..مكسيرييي…توجه..لدارهاا

فحين أسيرم..تم راجع لداار..

وقفات لووطوو قدام باب دارهاا..نزل كييف شيي حمق كيدق…

لسعاا لامجيب ..رجع لوطو مكسيري لكلينيك على امل تكون عندها مناوبة ليلية

حلات عينيها بثقالة..بان لهاا عدنان..ناعس فلفوطوي..لي فبيتها….نااضت بلخف….

وتمات خارجا..من لبيت بلحس سدات لباب

نعاس مشا منها..وملات من لكلاس نهار كولو كالسا..

زادت لمستعجلات..بانت لها لاوضاع هادئة ليوم..وتا من حياة مكيناش تشد معاها ناب..يلاه اترجع..بحالهاا .وهييي تسمع لغوات…

وحداا من لعيالات لي جاها لمخاض..داخلا تتغوت زاادت عندهاا بجرااا..

جابوو لها لبياص..زايدين بها بجرا وهي تتغوت.

نضال:تنفسييي تنفسيييي…(شافت فلراجلها)وش مرتك متبعا فهاد لكلينيك

راجلها:اه متبعا مع دكتورة سارة

الممرضة:سارة مكيناش

نضال:انا معاها ونتي عيطي لسارة..

زاادوو بها..كيجريو…دااخل لكلينيك..وقف منين بانت ليه..كتجريي مع المريضة..وهي كتردد “تحركو دغيااا”

تحركو هما وهي وقفات لور..شادة على قلبها…تتكحب بجهددد…ونفسهاا بصوبة قادة تخرجوو…هزات راسهاا..دنياا كلهاا تدوور بيهاا..

….:دكتورة دخلي مع مرتي

نضال:اه انا ..غندخل..

يلاه بغات تزيد خطوة..رجلها تلوات بيها وطاحت على طولتها..

سايق مركز على طريق…هز تيلي منين سمعوو كيصوني..بانت ليه نمرة اخلاص
أسيرم:الو..خرجت غير نقضي شي شغل راني قربت نوصل لدار..رجعي تنعسي اش مفيقك دابا

شدددد لفران بجهددد…منين جاوبوووو…صوت راااجل..
106🥀
تزوجتها بوصية زوجها📜

حس بقلبووو عند فمووو…قلبوو ليي تهزز من بلاصتوو..منين جاوب شخص اخر غيرها…هضر بلغواات

أسيرم:فييييين اخلااااااص.

نطق شخص لاخر..وهوا مبتاسم

….:وش انا لي خصني نعرف فين مرتك ولا نتا؟؟يااا كلت لككك غنلعب بييك مزيان اسي طبيب

أسيرم:بربييي وتقيييس شعرااا منهااااا..

قطع عليه قبل ميكمل هضرتو…شااف فتيلي..

غوت بجهد “ولد لكلبة”

لاح تيلي ورجع مكسيري لداار.

قلبووو باقيي كيضرب…كيضرب له كتر من لول…لاول مرة أيتجمع عليه احساس الخوف..والعجز.

خايف من انها توقع لها شي حاجة خايبا جميع سيناريوهات الخايبين طاحو فبالو فهاد لحظات..

وعااجز من انه يوصل دغيا ..مكرهش كن كانت لوطو كطير..وكن وصل دغيا لعندها..

المسافة لي كانت بقات بينو..وبين دار قصيرة نوعا ما…لكن حس انها اطول مسافة غيضرب فحيااتوو..

وقفات لوطو منين وصل لموبل..شد لفرااان بجهد…

زاااد داااخل…بجراااا….بغااا يركب فلاسانسور..لقاه خاسر..اضطر يطلع على دروج..ولاول مرة ايكره انه كيسكن فاخر طابق..

كل طبقة كيطلعهاا…كيحس برووحووو أ تخرج..

واخيرا وصل لدارو…

بانت ليه لباب محلولة ..ترماا داخل بجهد..دخل وهوا كيغوت باعلى صوتوو…عليها

أسيرررم:إخلاااااااص إخلاااااااااااص…

كيدوور فبلاصتو كيف شي حمق شاد على راااسووو..ظن بلي صافي ايكوونو دااوهاا..وموصلش فلوقت..

نازلاا من دروج..كتحك عينيها…جارة رجلها..هضرات بصوت لي غالبو نعاس

إخلاص:اش واقع مالك تتغوت خلعتينيي..

داار كيشووف فيهااا…

خداااا نفس طويل .. حسس بروحووو رجعاات ليه..

نازلا .وقفات عند اخر درجة..تتشوف فيه ..تتشوف لعرق لي مفزك خصلات من شعروو…وعيوونو لكحلاا..لمجبدين..ليي كيحركهم..بزربااا…وهوا كيشوف فيها كأنو كيتأكد وش هيي لي قدامووو بصح..

كتشوف فصدرو لي كيطلع ويهبط .وكفاش كيتنفس بجهد .

إخلاص:اششش واقع ياك لاباس؟

سرط ريقوو..وبصوت مبحوح نطق اسمها”إخلاااص” اسمهاا لي تبعاتوو تنهيدة طويلة…زاااد عندهاا..بجوج خطوات طوال…وصل عندها….جرهااا عندوو….

جرهاا من دروووج…معنقهااااا…معليها من لارض نفس لمسافة لي كانت معلياها درجة لي كانت عليها..

جامعاا ملامحها مفاهما والوو…كتقلب على لارض بصباع رجلهاا..محسات غير وهوا معليهاا كترر..معنقهااا بجهد كتر من جهد لول..خااشي وجهوو فعنقهااا..كيردد اسمهاا…برجفة…

مكان قدامهاا غير تا هي تعنقوو…وتشبط..فيه ..ظنا منها ان المسافة بعيدة بينها وبين لارض وتقدر طيح.حوطاتوو بيدهاا..وبرجلهاا..شادة فيها شدة لعماا فضلما.

نطق بنفس رجفة :أشش درتيي فيا اش
107🥀
تزوجتها بوصية زوجها📜

خرررج عييينووووو..نطق اسمها وصدمة باينا على وجهووو..

داوود:نضااااااال

زاااد عندهااا بجرااا….قبل ميوصل عندها..وصل عدناان..زاااد بجرااا نازل عندها كيفحصهااا…

موجه هضرتوو لممرضة:عيطييي لسكينة تجييي دابااا

نطق راجل لي مرتوو بغاا تولد

…:ومرتي شكون ايولدها؟

الممرضة:دكتورة سارة خمسا دقايق وهي هنا.

عدنان:مرتك خمساا دقايق مغتقتلهاش..ولكن تقدر تفرق عندها..(شااف فلممرضة)دغياااا جيبووو لبياااص

وااقف كيسمع لهضرتوو…زاااد بخطوات سرااع هزهاا بيين يدييه..

داوود:فييين انديهاا

عدنان(تفكر نهار ضربو)نتاااا.

داوود:فييييييييييين

عدنان:لغرفة الفحص تبعنييي.

زاادووو بجرااا..مدخلينهاا..

حطهاا على لبيااص…تقدم عدنان كيفحصها…

دااوود:اش عندهاا قلتيي خمسا دقايق اتفرق بالنسبة لها اشش عندهاا؟

عدنان:شكوون نتااا لي نقولك اش عندها؟

دخلات بجرااا…

سكينة:اششش وقع لهااا

عدنان:فقت ملقيتهاش منين خرجت لقيتها طايحا..
سكينة(تتفحص نبضها) قلبهاااا راااه ضعيييف اييي مجهووود غيضرهااا…

ضربات لهاا اباريي….وعبرات لهااا ضغطها

عدنان:نزل شويا على قبيلا

سكينة:اه منزلينو بدوايات..

بعدات عليها.شافت فعدنان.وفداوود لي غير كيشوف ..والخوف باين على ملامحو

سكينة:خليها ترتاح دابا..نخرجو نهضروو برا..

داوود:اشش عندها؟

سكينة:تفضل برا

زاادوو خارجين..سادين لباب عليها..

عدنان:نضال وش غتبقاا هكدااا؟مغتلقايش لها لحل أاا؟

سكينة:هادشي ولا عادي يوووقع كيف قلت قلبهاا ضعيف..خص ضروري نديروCardiac catheterization
(قسطرة قلبية)بااش نعرف حجم الانسداد ونشوف لعلاج..محدها هي مبغاش معنديي مندير

عدنان:نديرو بسيف عليها

سكينة:الله يهدييك اعدنان راك طبيب زعما..

ميل راسوو كيشوووف فيهم…
موسع عينووو..نطق وهوا مزير على مخارج حروفو

داوود:أشش عندهاااا.

سكينة:نضضاااال م.

قاطعها عدنان

عدنان:مكاين لاش تكولي ليه كيف..قلت مكنهضروش عل مرضانا لغراب..شكون نتا باش تعرف ؟

زااد شااانق على عدنان…كيزفر بلعصب نطق بلغوات

داوود:شكووووون نتاااا لي تمنعنييي أاااا شكووون نتااااا أنااااااا راجلها ومن حقييي نعرف حالتهااا من حقيييييي

سكينة:(تحت سنانها)دوماج مزوج

عوجات عينيهاا..خرجاتهم بزرباا منين شافت عدنان دفع دااوود بجهد ونزل.عليييه ببونيا لوجه

عدنان:,علييييك كنت نقلب … عليييييك
108🥀
تزوجتها بوصية زوجها📜

بعدد علييهاا..شاااد وجهااا بييين يديه بجووج…كيششوووف فقلب عينيهاا..بؤبؤ عينو تيتحرك مع بؤبؤ عينهااا..والخوف باااين فعينيه..

أسيرم:مقاااسوووكش ياااك..موقع لككك والووو أاااا

تتشوف فيه مفاهماا والوو.

إخلاص:اشش غيوقع ليي متلااا.

بعدات عليه..وزاادت جارا رجلها..كلسات على لفطوي…زاااد عندهاا..كلس حداها..

أسيرم:جااوبيني أاخلاص فيين تلفووونك؟

هزات كتافها: معرفتش

أسيرم:كفاااش معرفتييش؟

إخلاص:راااه يمكن لفوق فبيتك..ولا يمكن نسيتو هنا لتحت..معرفتش…

تهزز من بلاصتو منين شاف تيلي ديالو كيصووني..ونمرة اخلاص..

بعد على اخلاص بخطوات لووور..حط تيلي على ودنو..

نطق الشخص بنفس النبرة المستهزءة

…..:توحشتينيي ياااك؟أكييد تتسول لاااش مخديتش مرتك..ممم بصارحة كنت ناوي ناخدها..ولكن مكونتيش تماا..واناا شخص عجيييب..منقدرش ناخد مرااا بلا اذن راجلهاا…نهار انبغي نهزهااا..خص تكون نتاا حداها.

أسيرم:نتاااا معرفش اششش نقدر ندييير على قبلهااا وحسن لك بلااا متعرف…بغيتي تاخد خودنيي أناااا خلينييي نشوفك

….:توووئ توووئ قلت لككك غنشوفك منين انا انبغييي.لعبة لعبتي..والقوانين انا لي كنديرهم…ومرتككك اناخدهاا قدام عييينييك..ومغتقدرر تدير والوو…جربتيي شويااا دلعجز ليوم ..وغتجرب بزاااف من بعد

أسيرم:جرب تعااااود تقرب لهااااا و..

قطع عليه..

ردخ تيلي مع لارض…بجهد ..غوت بحررر جهدوووو..

أسيرررم:غن..د…فننننن مكككككك

تتشوف فيه…وتشوف فتيليي…غواتووو خلعهااا…

إخلاص:مالك اش واقع؟

زااد راد لباب ددار مسورتها…عاطيها بضهر..

أسيرم:مواقع والوووو..رجعي تنعسي.

زادت واقفا اونفاص معاه..

إخلاص:وشش مكتوبة لي حمارة فجبهتي؟ منين جاك لابيل فاش كونا فلوطو..ونتا مبدل…مرة تغوت مرة تخاف..مرة تعنق..مرة تعصب…أسيرم دوزت معاك شهووور .. .شهور كانت كافيا باش نعرفك مزيان..واقعاا شي حاجة…وشي حاجة خايباا بزاف..ومن حقييي نعرفها..

أسيرم:ماشي شي حاجة مهم غير طلعي تنعسييي..

تم غادي..شداتو من يدوو .موقفاه..هز عينو فيها

إخلاص:أي حاجة تتعلق بيك مهمة بالنسبة لياا..انا مرتك ومن حقي نعرف
109🥀

تزوجتها بوصية زوجها📜

رجعات لوور..خايفا لتيجها شي ضربة فلكمارة.

ميل وجهووو…شااد على حنكووو…

علا راسوو فعدنان ..

داوود:ضربتينيييي؟؟؟

عدنان:لا بستككككك

على يدووو…زاادووو لكمة..خراا…

شي لي جعر داااوود..وزاااد داااخل فيه…جرووو..عندوو وضربوو براس..لنيفوو ..خلا دموو سايح…

دفعوو عدنان..بجهد..مطيحووو…لارض..ترماا فوق وكلس عليه ..

هزز يدووو نازل عليه بلكمة خراا لوجه..

عدنان:راااااجلهاا ومخليهاااا تتقطع وتعدب بوحدهاات..نتااا شماااااتة ماشي راجل

قلبووو داوود ولا هوا لي لفوق..ضربووو..وشنق عليه

داوود:اهةشماااتة حيييت بغيييتهااا ودرتهااا فقلبيي وعقلييي وحطيتهاااا..فوق راسيي…شماااااته حيت عمر شفت فبنت لمرااا وانا معاها..ولا من بعدهاا..يمكن حيييت انا شماتة هي مشااات وخلاتنيي…

هززز رجوو ضربوو بركلاا…مبعدوو عليه..

عدنان:متتعرفش شنووو هي ندامة أاا؟ مممتعرفش شنووو هي بنادم يطلب سماااحة ليييل ونهاااار…ولكن نتااا حماااار فاااش بنادم كيطلب سماااحة..خصك تساامحووو ماشي تزيد على لي بيه

ناض داوود من لارض..جاروو شانق عليه..ملصقو مع لحيط.

داوود:وششش صحابك تعطلات عليااا..ولا مجاوباتنيش…ولاا بلوكاتنييي أااا..؟وشش صحابك كلمت سمح لييي اترجع لي اش ضيعت دووك سنين…غيجييي نهار اتعرف بلييي سمح ليي كداويي جروح صغااار..ولكن جروح لكبااار لاا

دفعووو عدنان..مخنزر فيه

عدنان:اه وبنتهاا باشمن حق تبعدها على لبنتت.أاا؟باااشمن حقققققق؟؟؟

داااووود:لبنت لييي تخلاات عليها ااا

عدنان:لغلطة غلطتك لي مزج وحدا مراهقةة…غلطتككك نتااا ماشي هي…هيييي كانت فعمرررر لي باغاا تقرااا وتووصل..نتااا لي مباغيش تمشي معاهاا برا لبلاااد..وتخليها تحقق احلامها…نتاات لي مزوج بيها ومخليها تولد فعمرر لي اصلاا هيي باقا بنت صغيييرة.

داوود:لي سمعك يقووول رااها كانت بنت12 لعاام…نضال كانت بنت باالغااا سن رشددد كاانت بعقلهااا..

عدنان:18 لعام لي فهاد لعمررر راه بااقي كينقزووو ويلعبوووو …لي فهااد لعمر اكتر حاجة تتفرحهم انهم يشدو لباك ديالهم..ويبداو يخططو لحياتهم…ماشي يشدوو لولااد ويربييو ويتخلاو على احلامهم…

دااوود:وشش انااا كلت لهاا تخلاي على احلامك…؟كلت لهااا تكمل طب هنااا فلمغرب بحال خووووهاااااا…مكاااين لاااش تمشييي لبرااا…

عدنان:اششش فيها لمشااات لبرااا اششش فيهااا أااا هي من حقها تختار فين اتقرا؟

دااوود:هي بصح ختااارت …ختارت تخلاا عليا وعلى بنتهااااا…ختاااارت..

عدنان:بنتهاااا(زاد شااادوو من لكول)فييين بنتهاا…نضااال مبغاااااش تعيييش نضااااال عياااات…بنتهاااا هي لحل…فيين بنتهااا خليهااا نشوفهااا..من حقهاااااا..

دااوود:بصححح ك..رهت نضااال …وك..رهت أنهااا تخلات علينااا…ولكن على قبل دااك شويااا …شوياااااا ددد دلحب لي كنت كنكنووز لهاا..مبغيتهاااش تشوووف فيروزة
110🥀

تزوجتها بوصية زوجها📜

ميل وجهووو كيشوف فيه

عدنان:أششش تتقصد أااا علااااش وش صحاابك كدير فيهاا لخير منين مغتشوفش بنتهاا أااا.

داوود:آه

ضحك عدنان بجهد…بسرعة تغيرات ملامحوو وعنكش كمارتووو…زااد باغيي يضربوو ومغدد عليه

عدنان:نتااااا..

حبس لكمتووو…وسكتت منين نطق داوود

داوود:الى فنظرك غتصبر منين اتعرف بلي بنتها متتهضرش أنااا مستعدد نخليهااا تشوفهااا

حسس بقلبوووو تهززز..منيي قالت “مرتك”كيشوووف فيهاا بعيون ناعسيين..فملامحها ..

هزات راسها فيه…نظراتو وتراتها..نطقات..بتوتر

إخلاص:معاك بصح..يعني بصح زواجنا غير على لوراق..ولكن أناا كنحسبك بحال خوياا أيي حا

قاطعها..مخنزرر

أسيرم:كفااااش خوووك أااا؟؟مااما وبابا ولدوني غير أنااا مولدوكش معايااا..

إخلاص:وزعماا نتااا عزيز علياا بحااال خو(شافتو مخنزر سرطات ريقها)بحاااال صاااحبيي

أسيرم:صااااحبككك؟

ساااطت بجهدددد..

إخلاص:وششش غتقولي اشش وااقع ولااا لااا أاا…حسب راسك خويا صاحبي راجلي ولدييي بابا..شنووو مبغيتي غير قولي اشش واقع .

أسيرم:فاااش غنعرف اش واقع انقول لككك..ونتييي لي خصكك تقرري أشش انا بالنسبة لك ماشي أناا ااخلاص.

شافت فييه :هاااء ؟نتااا غنحسبك ب

أسيرم:ماشيي ولدك..وماشييي خووووك..أإخلاااص.

دورات عينيهاا…قربات وجهاا منوو..

إخلاص:نتااااا

أسيرم:أناا؟

إخلاااص:بحااال بابا..(ضحكات بجهد)

أسيرم:اه وخاا تا هادي فكرة..

جرها من يدها تا ضربات مع صدرو..شاف فيها مبتاسم..

أسيرم:غنطلع بنتي لبيتهاا تنعس

إخلاص:هاااااا

زاااد جااارهااا…طلعهاا مدخلهاا لبيتهااا…

إخلااص:غتمشي تنعس ياك.

أسيرم:حيديي حوايجك اناا جاي.

تم خارج

إخلاص:ككك ككك فاااش حيدي حوايجك…رجعنييي مك رجعنيي مكك هادشيي متافقناش عليه

غااديي..نطق بصوت عالي..

أسيرم:مغنزيييدش معاك لهضراا..انجيي لقااك حيدتيهم.. دقيقة غنحيد حوايجي وانا معاك

دوك الاراء..وتوقعات.والاشهارات ديالكم
111🥀
تزوجتها بوصية زوجها📜

نزل لكمت يدوو..خررج عينوووو فيييه..نطق بتمتمة.

عدنان:ششش..أششش..ششش تتخربق نتاا؟أاا كفاااش متتهضرش كفاااش؟

داوود:بنتيي ممتهضرش..نضااال عمر اتسمع منها كلمة ماما…(سرط ريقووو…هزز عينوو فيه..)بنتييي بكماا

زادت لقدام…مخرجا عينيهاا..حالة فمها مصدومة..شافت فعدنان .لي ملامح وجهووو..تبدلووو…رجع خطوات لوور وتم غادي بزرباا.

عيطات ليه بلغوات

سكينة:عدنااااااان

تمات غادة بغا تبعوو..وقفها داوود شادها من كتفها..

داوود:نضاااال اشش عندهااا..؟

هزات فيه راسهاا.

داوود:(كارز على سنانو)يااا غتجاوبيييي يااا غنقلبب على بوكم هاد لكلينيك

سكينة:هي مريضة عندها مشكل فشرياان القلب ..خص ضروري ندير لها قسطرة قلبية باش نعرف حجم لانسداد..ونشوفو ديك ساعة نوع لعلاج لي ناخدو

داوود:كفاااااش انسداد؟؟ماشيي شي حاجة خطيرة يااك…ديري اشش بغاا ديريي مهم داويهاا

سكينة:دوماج منقدرش ندير شي حاجة بلا نوافقة لمريضة..هي مبغاااااتششش..وبصارحة قلبهاااا ضعييف…ودغط دمها مراتفع…قد ما بديناا بكري كان حسن..

داوود:وش تقدر تمووت ؟لمتعلجاتش تقدر تموت؟

تنهدات :للاسف لقلب ممعاهش لعب…مكتعرف امتاا يغدرك ويحبسوو دقاتوو..موت لمريض شي حاجة لي مكنستبعدوهاش فبحال هاد لحالة..وبالاخص فاش مكيتلقاش لعلاج..

تمات غادة..فحين هواا..بقاا وااقف…شااد على راااسووو…

وهضرتهاا تتعاود فودنووو

زاااد جاار رجلووو…لحل باب…غرفتهاا…داخل..شافت فيه لممرضة..

…:مطولش عندها لمريضة خصها ترتاح

زادت خارجااا…فحين هواا توجه…عندهاا واقف على راسهااا..كيسوف فيهااا..

ملامح وجهووو تزيرااات…وهادشي باين من عروقو لي باينين فجبهتوو…ولونو لي تحول لحمر…

عيونووو محجرين بدموووع…

كيشوووف فيهاا..كفاش ناعسااا..وجهاا صفر ولمرض باااين عليه…نطق بصوت مبحوح

داوود:متفقناااش هكداااا ….نتيييي كلتييي غتمشييي تحققي أحلامك…نتييي كلتيي غداويي ناس ماشي تحتاجي لدوااء…متفقناااش هكدااا…نهااار لول ليي خليييتككك…خلييييتككك بااااش توصلييي فييين بغيييتيي…بصححح آه بصحح تعدبتتتت..ولكن (حط يدوو على قلبوو)هدا كان مرتااح حيت كنتيي عايشااا بيخييير…ولكن هوااا داباا كيتقطع…كيتقطع كتر مكان يتقطع سنين لي دازت..

قرب يدووو من خصلااات شعرهاااا..

داوود:ملقيتكش مور كاع هاد سنين بااش تموووتيي.
🥀112

تزوجتها بوصية زوجها📜

بعد لحظات..داخل لبيت…لااابس..كيطمة كحلاا..ومخليي صدروو عريااان..

شاف فيها باقا على سرير كاع متحركات.

أسيرم:باااقا محيدتي حوايجك؟

هزات راسهاا فييه…شافت فصدروو ليي عرياان..سرطات ريقها…نطقات وهي متجنباا تشوف فيه..

إخلاص:لااااش غنحيدهم..شوووف متفقناااش هكدااا نهااار لول…زواااجنا..

هزات راسهااا..فييه..منين حساتوو واقف حداهاا..كيشوف فيهاا..

أسيرم:مالووو زواجنا؟

وسعات عينيها فيه..

إخلاص:هااااء مماالووووش..(سداتهم عااود)

أسيرم:وشش مغتحيديش حوايجككك؟طلقينا خلاص راه باغييي نعس

إخلاص:سييير عطااا الله لبنااات لاااش باغييي تنعسسس معاااياااا أنااااا..

ميل راسوو ..مطلع حواجبوو

أسيرم:ولكن أنااا مباغيييش نعس معااك !

وسعات عينهاا فيه

إخلاص:هااااء!

أسييرم:(شاد ضحكتو)تفكيييرك ..

إخلاص:مالووو تفكيري مالووو؟؟

.أسيرم:مكااانش صحابنيي سافل لهاد درجة .أنااا بغيتك تبدليي ..حيييت قبيلااا نعستي بحوايج لخروج..لبسي حوايج داار ..وخليني نشوف جرحتك…باش نمشي نعس..

إخلاص:نتااا مقولتيش هادشييي قولتيي حيدي حوايجك…لنتااا معندكش مع تعبير تعلم ليييه…(عنكشات وجها)رااه اكيد عقليي غيفكرر بلخايب واحد كيكول لوحداا حيديي حوايجك ..أكييد مغيقراااوش لادعية..

شافت فيه موسع عينووو…رمشات فيه..جرات ضحكتها بزز..

إخلاص:تا لغدات وشوف لي جرحتيي انا فيااا نعاااس..بون نوي

شافتوو واقف..باقي موسع عينوو فيهاا..عرفات راسها زبلاتها فلهضرا ..تا صدماتو..

ناضت تدفعووو..برااا لبيييت ….

بقااات تدفع ودفع….هزات راسهاا فييه تتلهت..شافت فييه متحركش من بلاصتوو

إخلاص:تقدر تفضل تخرج؟مم بليييز

أسيرم:كاان عليك طلبيهااا قبيلاا..علاش كالسا تتهريني؟

إخلاص:حيييت عزيز علياا نهرك..عندك شيي مشكل..؟

حرك راسوو بلاا.

أسيرم:تقدي تزيدي تهريي..ماشيي مشكل

إخلاص:خرجج عليا لبس حوايجك ونتاا(غززات سنانها)

أسيرم:علاش فين لمشكل الا بقيت عريان؟يااك عزيز عليك تشوفي صدر لكبييير

113🥀

تزوجتهاا بوصية زوجها📜

حلات فمهاا..فيه..ضحكات بجهدد..وخنزرات فيه

إخلاص:شنوووهواااا؟؟؟كفاااش كفاااااش.؟اش تتقصددد؟

حرك راسو بلا

أسيرم :والووو(هز كتاافو ) مقصدت والوو..خلينيي نشوف جرحتك وغنخرج بسكات.

خنزرات فيه…زادت كالساا مخنزراا…

هزز علبة الاسعافات..وزاد كالس على ركابيه..حداهاا…طلع لهاا لحوايج شوياا .باش تبان ليه جرحة…لبس ليكاات…

حيد لهاا لفاصمة..

كدور عينيها تتسوط بجهد..فحين هوا عينوو على جرحتها تيتفحصهاا…هزز دوااء..كيعقم لهاا جرح..

أسيرم:حاولي تقللي لحركة.. على الاقل تا تحيدي لغراز ..فهتيي.

إخلاص:وإمتاا أيتحيدوو؟

أسيرم:لماكسيمون وحد10j

إخلاص:وش أترهم كيبقاا باين ؟

أسيرم:فأغلب الحالات آه

سكتات..هز عينوو فيهاا من ملامحها عرف معجبهاش لحال..

ركب لهاا لفاصمة..ونزل لها حوايجها..داار عاطيها بضهر..

أسيرم:شوووفي وش جرحتيي أنا باينا؟

هزات عينيهاا فيه..

إخلاص:شوياااا..

أسيرم:اه دوووماااج..كنفكر ندير عملية تجميل..؟

تم نايض كيشوف فيها..شادة ضحكاا…بدات تضحك بجهد

إخلاص:سمحلي مقديتش نشدهاا..على جرحا قد لبزقاا..كتفكر(بدات تضحك من جديد)

أسيرم:كوليهااا لراسك لي مغوبشاا على ود سيكاتريس…

جمعات ضحكتهاا..قرب منهاا..حط يدووو على صدروو ..مشاار لجرح قدييم..باقيي أثروو

أسيرم:هااد جرحااا كانت فكسيدة وقعاات لي مع ماما..ماما من ناس لي كانوو يعشقووو سرعة…كنا خرجنا مع بعض..ودرناا كسيدة…وزاج دلوطوو جرحنيي …داااك لوقت ديك جرحااا ضراتنييي…واترهاا ديرونجاني…ولكن داباا..منين كنشوفهاا…كنفرح..تيقيني متنتفكرش كاع لوجع وزاج مغروس فيا..لحاجة لوحيد لي فباالي ..هييي قداش كان داك نهااار زوين…مستعد نعاود نتجرح ونعيشو من جديد(هزز سروال كيطمتوو كيوريها جرح ملامحوو باينين فركبتو)
وهدااا كاان نهار كنت تنتعلم ركب لبيكالاا…مع بابا..طلقنيي..وطحتت..بكييت داك نهار بزاف كنت باقي صغير…وكلت ليه اخر مرة غنعاود نخليك تعلمني…

دابااا منين كنشوفوو كنتمناا يعاود يعلمنيي…كنتمنااا يجي يهزنيي من لارض حيت اناا باقي طايح تم..

شاف فيها ودموع محجرين فعينيها..ابتسم لهاا..

أسيرم:خليي اثر جرح يبقااا…حيت غيجيي نهار داك الأثرر ايفرحنااا…فاااش غيغبر شخص لييي كان معانا منين تحفرر داك جرح..

خشاا يدوو فجيبوو..وتم..خارج..وقفهاا..صوتها

إخلاص:ولكن نتااا عمرك أتغبر عليا؟

تنهد:تاحد مدايم ااخلاص..

زاااد خااارج…مخليها تحسس دموعها لي نزلو وهوا كيعاود لها على جروحو
114🥀

تزوجتها بوصية زوجها📜

بعد ساعات..حل عينوو بثقالة منين سمع..صونيط تيليي…

تهزز من بلاصتوو..ميل راسوو يمين ويشامل حاس بعضاموو تهرسوو…هز راسو فساعة..بانت ليه 7 دصبح قل عشرا دقايق…

شاف فيهاا باقا ناعساا…

هزز تيلي لقاا..بوليسي معاه لي كيعيط…تم خارج..مبغاش يجاوب لداخل ..يصدعهاا..

داوود:ويي أحمد.؟

أحمد:كوميسير رااه لقيت لملف ديال لاكسيدو دمعااد…وهناا كاتبيين بلييي هواا مات فاكسيدون..داز فيه شخص كان سكران…وسيد راه معتاارف بجريمتوو.وكيتحمل عقوبتووو. يعني مكاين والووو فهاد لقضية تسدات من زمان..

داوود:أك أحمد شكراا.

أحمد:آه ولي ضربوو استافد من ظروف تخفيف..حيت معاد مكاانش داير صيانة لوطوو..ديالوو…ولفرانات كانوو عندووو مقطعييين..

وسععع عينوووو فيييه…

داوود:عاااود عاااود أشششش تتكووول؟

أحمد:لفرانات مقطعين

داوود:لفرانااات مقطعييين…ودايرييين مشكل صياانة أاا؟

أحمد:آه حيت على حساب شهادة مرتوو معاد مكانش عندوو لوقت يتفحصص سيارتو كان ديماا مشغووول.وديجاا تعكل ليه لفران قبل لاكسيدون وطلبات منوو يشوف اشمن مشكل فيهم ورفضض.

دااوود:مرتووو كالت هكدااا؟؟؟

أحمد:وي مرتووو..وهاد لهضراا راه معتارضش عليها لمحامي ديالهم ولقضية تسدات..

داوود(حط يدوو شاد راسو)شكووون لي خداا شهدتها أااا؟؟؟

أحمد:لكومسير لي كان قبل منكك..الله يرحموووا..

داوود:لهلاااا فيين يرحم بووووه…قلب ليي شكووون كااان معاااه…فاش مشااو ياخدوو شهادة مرت معاد طلقنااا..

قطع علييه..وتم خااارج..هزز تيليي معيط..لأسيرم..

كان واقف كيطل من سرجم..كيستمتع بنسمة الصباح الباردة…شاد كيف العادة كاس دشايو الأخضر..بزاف دلافكار..كيتصارع معاهم..وأول فكرة..هييي “يشد شخص لي كيعيط عليه” ولكن قبل ميدير تاخطوة خصوا يتأكد بليي بصح كيهضر بلي بصح ق.تل معاد

تلفت منين سمع تيليي..زاد هازوو..مجاوب

داوود:أجييي لكوميساريا دابااا…
115🥀
تزوجتها بوصية زوجها📜

بعد أكثر من ساعة ..

كان واقف قدامووو..كيسمع ليييه….نظراااتوووو…حادين من سيف…مزير على لكمة يدووو…..
داوود:غنحاول نشوف مرت معاد ونفهم اش قالت لهم فاش قدمات شهادة..
أسيرم:معااد تق.تل

داوود:تيق بيا المجرم غيتشد ولقانون أيتطبقك

أسيرم:(ابتسم باستهزاء)على أشمن قانون تتهضر؟لماااتش كان مبيوووع من لول..مستحيل نتيق فلقانون من جديد…غنلقااااه…وغلعب معاااه..بنفس ..طريقة لعبووو.
داوود:كنتفهم باش كتحس ولكن هواا راه ماشي شخص ساهل لبصح ضمص القضية فراه ماشي واحد لي ساهل
هزز عينوو فداوود..عيونوو لي ولا غالب عليه لاحمرار…وبرودة نطق…ببرودة..

أسيرم: لقااا لي قتلوو قبل منيي حيت فاش غلقاااه أناااا (هزز عيونو فداوود)مغنبقاااش طبيب غنولي ق.تااال

تممم خااارج…بزرباااا…
ركب فلوطووو..مكسيري .مخلي داوود متوتر..من جوابووو..وبرودتوو خلعاااتو..

توجه لدار…نزل..من لوطوو…باغي يدخل..وقف منين سمع لعساس كيعيط لييه..
وقف..ليه..مد ليه لعساس تيليي..

العساس:جاا وحد راجل قالي نعطيك هدا..راه قال طاح لمرتك.

شدوو من عندوو..كيشوف فييه..وسع عينووو…زااد بجرااا داخل…مخلي لعساس مفاهم والوو…

طلع فلاسانسور…خرج كيجري منين حبس بييه…دخل لداار..كيدور كيقلب عليها كيف شي حمق..

تلفت بزرباا منين بانت ليه داخلا..شادة لباكيط..فيدها..
زااد مزيررر على يدهاا.بالغوات نطق

أسيرم:فييييين كنتيييي لاااش خارجااا بلاا خباريييييي

إخلااص:(بالغوات)طللللق ضريتيييينييييييي

رخف قبضت يدووو…ونطققق بصووت أعلى من صوتها

أسيرم:آخرررر مرة فهمتيييي آخر مرة تعاااودي تخرجيي لشييي بلاصة بلاا متعلمينيي

حلاات فمهاا..تتشوف فيه..ضحكات بهمس وصدمة باينا على وجهاا..جمعات ضحكتها ونترات يدهاا..

إخلاص:أششش واااقع لكك أاا وشش نتااا مريض ولا؟مشيييت غييير لحانوت اشش فيهاا لتشهيت نفطر بلكومير؟وششش هادشي يستاهل ديري عليه هاد لحالة وهاد شوهة كلهاا …ياكمااا باغيي تحبسنييي ولااا؟؟نتااا مبقيتيش هوااا هدااك سير شوف لك شيي طبيب حسن لك..وانا فاش غنبغيي غنخرج..نتاا ماشي سوقك

تماات غادة..جرهاا..دافعهاا على لحيط..حاط يدوو محاوطهاا….مخنزر فيهاا..

أسيرم:جربييي تخرجيي بلا بياا وانا لي غنصيفطك لطبيب

إخلاص:غضربيي متلاا؟

شاف فيها مطول..سرط ريقوو ونطق
أسيرم:وعلى أناا نقدر؟وشش كضنيي نقدرر نضرك أأخلاص؟ليد ليي تحط عليييك نهرسهاا قبل متوووصل لك..أنااا(سرط ريقوو سكت لتواني ونطق)مباغييش نحبسككك..أناااا خااايف عليييك

هزات عينيهاا فيه..بهدوء نطقات

إخلاص:منااش خايف علياا؟

كيشووف فعيونهاا بؤبؤ عينها المايل لاسود كيلمع وهي تتعاين تفسيروو …
أسيرم:خااايف لمنبقااش نشووف عيوونك…كيشوفوو فياا هكداا..خايف لنشوووف دمووع فيهمم…خاااايف (حط يدو على شعرها كيتلمسوو)ليد غييير يديي تحط على شعرك..خااايف
(قرب نيفو من عنقهاا كيستنشق عطرها )لشي غرييب يشم ريحتك ويعشقهااا…(شبك يدووو مع يدهااا)خااايف لشيي يد تلمس يدك وتحسسها غيير يديي…

هزز راسوو فيهاا..بعيون ناعساا..كيشوف فيهاا..ملامحها لهادئين لي ختارو سكات تتسمع لهضرتوو تتحاول تستوعب اش كيقول.
أسيرم:خااايف عليييك من لهواا لي تتنفسي ليضرك ..ومن نسمة الباردة ليي تتلمسك تخطفك منيي…خااايف منيي ومنكك ..ومنهم خايف من كولشييي…

كتشوف فيه..نطقات بصوت شبه مهموس
إخلاص:أسيرم
حط صبعوو على شفايفهاا…منزلوو بشوياا

أسيرم:خااايف لشفااايفككك ينطقووو سمية غير بنفس طريقة لي نطقتي بيهاا سميتي.دابا..ويعشقوو يدوقهم كيف عشقتهم انا دابا

نزل صبعوو بشوياا..ونزل وجهوو عندهااا..حاسة بانفاسوو كيقربوووو…تمبقات قادة تفرق بين انفاسها وانفاسو .منين حسات بحرارة ورجفة شفايفوو لي تحطو على شفايهاا..

116🥀
تزوجتها بوصية زوجها📜

كانت داخلا لكلينيك..لابسا سروال كحل توب مع قميجة..بيضة صدايفها محلولين جهة صدرها…وكعب عالي فلكحل…

شادة ملفات فيدهاا…كيف عادتها دايرا مايكاب خفيف…وطالقااا شعرهاا…

صوت كعبهاا مسموع فلارجاء…شعرهاا كيتهزز..مع خطواتهاااا…متوجهاا دريكت لمكتبهاا…بعد مغابت عليه لكتر من اسبوع..

وقفات منين سمعات فوزي كيعيط لها…وقفات تتشوف فيه مبتاسماا.

فوزي:واناا كنقول مال لكلينيك ليوم منوراا

إيناس:بنووورك سي فوزيي

فوزي:كييف كاانت خدمتك برا لبلاد…خبارك رااه وصلات عنديي نتيي راكيي ملكة تشخيص دهاد لكلينيك..

ابتسمات ليه:بما ااني مكندخلش لغرفة العمليات..فاانني نشخص الحالة أقل حاجة نقدر نقدم لمرابطين..

فوزيي:نتيي راكي حسن بزاف من نااس لي كيدخلوو لعمليات.. مهم من بعد غنشربوو انا وياك كاس دلقهواا وكوليلي بضبط..اشش وقع فباريس..

إينااس:دااكووغ ميسيوو فوزييي

فوزي:آه برافوو عليك ابنتيي مرة خراا…

إيناس:Je fais juste mon travail Mr Fawzi

فوزي:كديري خدمتك وكتر!اه يلاه نخليييك..غنمشيي نشوف خدمتي..ونتي تقدري تمشيي تشوفيي صحابك..

إيناس:أسيغم وش كاين فمكتبو؟

فوزي:(شاف فساعتو)تا ل9 هوا عاد كيجييي..

حركات راسهاا..بوخاا…مشاا بحالووو فحيين هيي…كملاات…طريقهاا..

زادت لاسانسور راكباا…

هزات عينيهاا منين وقفات يدو..لاسانسور…داخل لابس سكراب طبي كحل..وفيدوو كاس دلقهوة..

طلعاتوو وهبطاتو

إيناس:لبناااج.

عدنان:سبحنااا على الله وانا كنقول مال هاد لكلينيك..مخنوقة هاد صبح

إيناس:اه مخنوقة بوجوودك..

عدنان:خنزر فيهاا..

إيناس:وش خدمتي فليل؟شفتك مبكرر ولابس حوايجك ممولفاش لك؟

عدنان:لااا مخدمتش فليل ولكن بقيت هناا..وغير هبطت ناخد قهوة رجع دماااغيي..ولكن شوفتكك وحلاتها لي

هزات حواجبها فيه:تشغغب سممم

وسع عينووو فيهاا..هززز لكاس مقربووو لها.

عدنان:لكان هداا سمم فخصنيي نستغلووو..يلاه شربيي لمكككك

دفعااااتووو….وهواا بااغييي يشربووو لهااا..بززز….بقااات ضارب معاه .تا زلعووو عليهاا

غوتاات بجهد:أييي حماااااار حرقتينيييي..

هزات راسهاا فيه..ولقهوة مزلعاا على صدرهاا..

عدنان:أوووه كن تشوفييي لعافية د جهنمم….هااديي غيرر صرف عقلتيي نهار زلعتيه على وجهيي زوين..اوا شديي..

تحلات لباب..وخرج..فحين هي..بقات واقفا..دموع تحجروو فعينيهاا..حاساا بلحمهاا تشوط…

وقف منين شافهاا..كاع متبعاتو وهضرات..دار كيشوف فيهاا..

كفاش تتسوط..ودموعها نازلين..

عدنان:وشش تحرقتيي بصح؟

زااد عندهااا..

إينااس:بعددد منييي حيوااان

جرهاا من يدهاا…وهيي تتحاول تنتر منو
117🥀

تزوجتها بوصية زوجهااا📜

هزااات يدهاا دافعااه بجهد مبعداه عليها…كتشوف فيه مصدومة…

إخلاص:أششش تتحاول ديرر نتااا؟؟؟

ضربااتووو فصدروو مبعداه خطوة

إخلااص:قوووولييي اششش تتحاول ديييير….؟؟أنااااا رااانييي مرتت صاااحبك…مرت معاااد…باااقيي مداااز تاااعام على موتووو…كفاااش قدرتييي تقرب منييي كفاااش عطاتك..خاااطررررك….(بالغوات)آخرررررر مرة تعااااااود تقرب منيييي آخررر مرة.

حطط يدووو فشعرووو..كيتنفس بجهددد…كيشووف فلارض بلا ميهز عينو فيها..سرط ريقوو.

أسيرم:أول وآخر مرة غنعاود نقرب منك…(هز راسو فيها)كانت مجردة لحظة..مسحيها من بالك.

تتشوووف فييه وداتهاا كلهااا..تترعد…عيونهاا محجرين بدموووع..

أسيرم:جمعيي حوايجك..ماكسيمون حوايج د3 يام غندييك لڤيلااا.

وسعاات عينهاا..فيه..

إخلاص:علاااش؟أششش تتخربق نتاا؟

أسيرم:خمسا دقايق لقاك لتحت

زاااد مخليهاا..واقفاا مفهماا..والوو. .

طلعاات لبيتهاا.بجراا…مع دخلة جااات..عينيهاا فصورة معاد..زادت بجراا هزاتها معنقاااهاا.

إخلاص:سمح ليي احبيبي سمح ليي…تيقنيي عمر انخلييي شي حد من بعدك يقرب ليي..وعمررر قلبيي غيضرب لشيي حدد من غيررك..

دوزاات يدهاا كتمسحح شفاايفهاا بزغاااف..تتسمح فيهممم بجهد بظفارها..تااا سال دمهاا.

واقف حدااا لوووطوو…جمع لكمة يدووو..ضرب فييهااا بزعااف.

أسيرم:أشششش درت أناااا أششش درت

جمععع نفس لكمة وكلس يضرب جهة قلبووو

أسيرم:تبتتت منين تكوون حدااها تبت..(جهد من ضرابيه)تبتتتتتتتت ولاااا غنطيرررر مكككك

هزز راسوو منين شاف لعساس..زاد عندوو بجرا

أسيرم:رااجل ليي عطااك تيليي كيف داير

العساس:معرفتش مشفتوش..وقفات طومبيلتو زدت عندو كنشوف لاش وقف هنا. نزل شويا زاج عطاهليي..

أسيرم:أشنوو رقم لوطو؟

العساس؛معرفتشش

أسيرم:(هز عينوو فلكاميرة )غتكون شداتو لكاميرة

العساس:لكاميرات دلموبل خاسرين..يلاه عيطنا لسيد يقادهم .معرفت كيف تا خسروو

تفكرر نهار دخلوو…لدااار..غالبا ديك ساعة..خصروهم

تم زايد..وقفو لعساس

العساس:آه أولدي..سيد لي عطاانيي..تيلفون عندوو غير ربعاا دصبعان
118🥀

تزوجها بوصية زوجها📜

أسيرم:كفااااش ربعاا دصبعان؟

العساس:معرفتشش ..ولكن ليد لي مد لي بيها تيلفون فيها غير ربعاا وحد يمكن تقطع

أسيرم:معرفتش معرفتش اشش عارف نتااا(خنزر فيه..تنفس بجهد )صاافيي سير سير شكرا

رجعع راكب فلوووطوو..شااد على رااسووو

هز راسو منين شاف لباب تحلات..دلور…دخلات صاكها..ودخلات..كالسا لووور..

بلا متنطق…

أسيرم:ديري سنطة

جراتها دايراها بلا متزيد معاه لهضراا…

كسيراا بجهدد..لجهة لفيلااا..

“فلكلينيك”

فمكتبوو كان واقف على راسها

عدنان:حطيي عليك ثلج اتلقاي راحتك..بتجربة

إيناس:بعددد منييي لااش جايبني هناا اصلاا

تمات نايضاا…جرها من يدها..دفعها مكلسهاا.

عدنان:كلسي تبتيي..على متجيب حياة بوماضة دلحرق

تحلات لباب دخلات حياة تتجري..

حياة:هاهيي هاديك لي درتيي ديك لمرة

شدها من عندها..حط شويا على يدوو

قرب لايناس:هزيي عنقك

نتراتها من عندوو..

إيناس:غنديرها لراسي..

حياة:رتاحيتي الحماري هانتاا مشوط بنت عمك

عدنان:هاا على اساس هي ديك لمرااا مشوطاتنيش

حياة:وهيي رطباا ماشي بحالك حرششش من الحرشة

عدنان:سيريي شوفيي خدمتك سيري ..معرفتك صحبتي ولا عودتيي سيري

خنزرات فيه حياة:اه منديش عليك ابو بنات

زادت خارجاا..

خشاا يدوو فجيبووو..متكي على مكتبوو كيشوووف فيهاا..

عندنان:هشيشة

هز راسوو منين شافهاا داخلاا.

عدنان:ونتيي قوياا

لابسا سروال جينز كحل سليم مزير مع تيشورت بيض..لابسا طابليا بيضة..وكعب عالي..وكيف عادتها طالقا شعرها ومكياج قوي..

سكينة:لقيت لباب محلولة..وقلت(شافت فايناس تترض صدايف قاميجتها)أووو بان لي جيت فشي وقت ماشي هوا هدااك سمحليي

عدنان(شاف فيها قارن حواجبو)لااا جيتيني فوقتك

سكينة:الله اودي حسبني كاع مجيت..كمل كمل ينعل بو لي يقاطعك

تمات خارجا
119🥀

تزوجتها بوصية زوجها📜

إيناس:لقيتينيي غادة غير أجيي.

دارت تتشوف فيهاا..

إيناس:(مخنزرا فعدنان)حيوااان متعاودش تقرب لجهتييي حسن لككك (هزات ابوماضة قدامو ضرباتوو بيهاا) وهاااادييي كولها..

تمات خارجا..وسكينة متبعاها بلعنين..وموسعا فمها..

سكينة؛(بصوت خافت)تاا قلت دنيا ضحكات لك..وحسدتك لسعا

عدنان:قولتيي شي حاجة؟

سكينة:أاا شكون هاد لمجنونة؟

عدنان:إيناس طبيبة وهنا وبنت عميي للاسف

سكينة:ومالها تتغوت اش درتي لها

عدنان:والو غير تبوحيط دريا رطبا

طلعات حواجبها فيه

عدنان:غير حركتها غير شويا

زادت عندو..شدات وجهوو من فكوو..عوجاتو يمين وشمال

سكينة:سبحان الله بحالا مكليتي تادقة

عدنان:مغيبانش دابا ..تا لغدا واصلا انا ضربتوو كتر

سكينة:اه مسكين قالت لي لممرض تا لصبح عاد مشاا ليل كولو بقا عند نضال

عدنان:طفرو

سكينة:تبعتك لبارح وملقيتكش؟فين كونتي؟

عدنان:والوو كنت غير فجردة دلكلينيك..وش طليتي عليها كيف بقات؟

سكينة:مزياناا غتكون فاقت خلينا نمشيو عندهاا

تموو غاديين عندهاا..

وقف لوووطوو…حداا لڤيلااا…نزل..من لوطوو…حلوو لي لكارد الباب..

نطق واحد منهم

….:سي أسيرم وش ندخلو لك طومبيل؟

أسيرم:لا غنخرج دابا..عمي كاين ؟

….:لا كاينا غير مدام عبلة

زااد داخل وهي تابعاه..

بانت لييه كالساا فجردة قدام طبلة دفطوور ..مراا فلخمسينات من عمرهاا ..شعرها قصير فييه بعض خصلات شايبين..عيونها سودا محاكين بتجاعيد..خدودها مايلين لحمر وجها بشوش…باقا محافضا على جمالها…وحروفوو باقيين باينين…

هزات لخدامة .لي كانت تتخوي لها لقهوة راسهاا…منين بان لها أسيرم جاي..

الخدامة:لالة ولدك ومرتوو جااو.

تهزاات من بلاصتها. تتشوف فيه..زاادت عندوو تتعرج ..بخطوات سراع توجه..عندها..شادها لطيح

أسيرم:خالتييي..ياك لاباس مال رجلك

الخدامة:كاانت طاحت وتهرسات يلاه كيف حيدات جبيرة ..

أسيرم:علااش معلمتينييش؟

عبلة:مبغيتش نشطنك..ونتا كيف بقيتي قالي عمك تضربتي بموس..مقدرتش نزورك..

أسيرم:أنا بيخير

شافت فاخلاص

عبلة:ونتيي أبنتي اش خبارك كنت ناوياا نزورك فاش نحيد جبيرة ومزيان منين جيتي..

إخلاص:أناا بيخير

عبلة :الحمد الله على سلامتك

زادت اسيرم موصلها تكلس..

كلسات اخلاص معاها..كيهضرو ويسولو على بعض..

أسيرم:أنا مشيت..ها اخلاص معاك متخرجوو فين

عبلة:فين غنخرج وانا مقدا نوقف..ونتا فين اتمشي كلس تفطر

أسيرم:أنا شبعاان..

تم غاديي…

عبلة:أش واقع لراجلك أبنتي بان لي مهموم

هزات كتافها:معرفت ليه..

ضرباتها فكتافها

عبلة:الهم أيتحيد نهاار تجيبي ليه شي ولد وشي حفيد يعمر عليا دار..وراكم تعطلتوو علياا مغنطلقك ترجعي معاه تا تهزي حفيدي فكرشك

أراءكم وتوقعاتكم باي
120🥀

تزوجتها بوصية زوجها📜

حسااات بسخونية طالعاا معاها..ملامح وجهااا تبدلووو…

عبلة(ابتسمات لها)حشمتييي احيانة عليييك

إخلاص:آه(كدور فعينها)نورة مكيناش؟

عبلة:خرجااات فصبح..رااكي عارفاهاا. مكتبتش فدار

إخلاص:آه مزيااان..

عبلة:أنااا فرحانة منين جيتوو..والله…هاااد ليلة غيكوون عشاا خااص وآخراا ولاديي تجمعوو بعد مدة

عيطات لخدامة

عبلة:وجديي شيي عشاا فاعل تارك…أناا وفوزيي وجديي لنا شي طاجيين دلحم ولبرقوق..نورة شويي لها شوياا..لحم

الخدامة:وولدك الالة؟

عبلة:ولديي رااك عارفاه شي صلااد..وشي عصير طبيعي..وديري ليه لحوت مع لخضراا فلفراان …

الخدامة:وش لخضرا نصلقها ولا نديرها نشان فلفران

عبلة:لالا ديريها نشان فلفران هوا كيصلقها نص صلقة غير فاش كيكون مزروب..باش طيب دغيا..نتي ديريها بكري خليها طيب على خاطرها

الخدامة:وخا الالة هادشي لعشا ولغدا؟

عبلة:لغدا راه غير انا وإخلاص ونتيي لي حبات إخلاص ديريها

إخلاص:ليي كاان

الخدامة:غنقليي شيي دجاجة مع شي دغميرة فاعلة تاركة وشي موناضة بارداا

عبلة:محد مكاينيش الاطباء هادي احسن حاجة اديريي (شافت فاخلاص)اش بان لك

إخلاص:هه منقولش لاا

عبلة:قهرك ولدي بربيع باينا

مشات لخدامة .فحين إخلاص..بقات مع عبلة

إخلاص:نتيي حافضاا تفاصيل مكلتوو…باينا عزيز عليك

عبلة:(شارت لعينها)هوااا عيينيااا ..موو الله يرحمهاا كانت صحبتييي..ومنين ماتت خلات ليي أسيرم كان مراهق..تحرم من والديه ..درتووو فعينيي ..وقررت منزيدش نولد..باركا هوا ونورة..نعطي ليه محبتيي ونعوض ولو غير شويا مقام ماماه..وفوزي مقام باباه..

إخلاص:وش كنتو صحابات فاش تزوجتي ولا قبل

عبلة:قبل قبل جوج دصحابات داو جوج دلخوت..اصلا بسبابها تعرفت على فوزي..(ابتسمات لهاا)تمنيت كن قدرت بصح نعوضوو…عاش معاياا سنين قليلاا…وطااار لكنداا يكمل قرايتوو. ومنين رجع دار دارو بوحدو..وكيف تتشوفييي..كنشوفوو بعض غير فلمناسبات ديمااا مشغول

إخلاص:آه هوا ماشي شخص لي اجتماعيي

عبلة:بمرة ابنتي بمرة…هوا حدودي..ولكن لدخلتيي فقلبووو..غتشوفيي حاجة..خرا عندووو..تلاتة دوجوه..وجه لغريب ليي كيشوفوو بارد ومعقد ومنعرف اشش ووجه لقريب لي كيشوفو نعم الصديق لي تعول عليه وعمروو يفوتك

إخلاص:ولوجه الثالت؟

عبلة:وجه لحبيب..هواا منين كيعشق كيولييي شخص آخررر كيعشقق لدرجة نفس متقدرش طلع ليه وهوا بعيد على شخص لي عشق

إخلاص:وش سبق لكك شفتيي هاد لوجه؟وش أسيرم عشق شي وحدة لهاد درجة لي تتقولي؟

121🥀

تزوجتها بوصية زوجها📜

عبلة:ولديي ديالك داباا لباقي مكيهم(بصوت عالي كتعيط لشيفور)عبد القادر أجيي طلع هاد شانطة لبيت أسيرم

إخلاص:متقيلاش أنا نطلعهاا.

عبلة:كلسييي كلسسي تفطري معايا خليه هوا يطلعها..كوليي كوليي

إخلاص:غنوض نغسل يدي

تمات نايضا..وعبلة ضاحكا..

عبلة:آه عداكي بنقااا.

جمعات ضحكتها منين تلاشات من قدامها

عبلة:كتهضريي بزااف أعبلة كتهضري بزاف..كاينا شي وحدة كتجبد ماضي ولدها لمرتو

كان داخلا لكلينيك..بخطوات سراع…توجه لاستقبال..

سناء:صبح الخير دكتور

أسيرم:صبح الخير…جيبيي ليي لبروغرام ديال ليوم

هزات راسها فيه مسغربا

سناء:آه وخا ادكتور.نجيبو لمكتبك

أسيرم:جيبيه لكافيتريا..ومنين تجيي نضال علميني

حركات راسها بوخا..

شافت فلممرضة لي حداها

سناء:شفتيييه ..طلب لبروغرام..عمر طلبووو ديما خدمتوو محفوظة فعقلوو

الممرضة:باينا شي حاجة شاغلاه..آه وفين دكتورة نضال مبانتش لي؟

سناء:معرفتشش لكلينيك قدو قداش وش صحابك انا هي لمراكشية عارفا صغيرة ولكبيرة ولاا..؟

زااد داخل..لكافيترياا…توجه كااالس..جبد تيليي ديالووو..دوز نمرة وحط تيلي على ودنو كيعاين شخص يجاوبو…بعد ثواني رد شخص بلهفة

….:دكتووور أسيرررم نهار كبير هداا لي معيط

أسيرم:بغيت نشوفك…بغيتك من خدمة..لكونتي مسالي أجيي عندي لكلينيك..

….:وخااا شوياا ونكون عندك..

قطع تيليي..وهز عينوو فسناء..لي جابت ليه ملف لبروغرام دنهار .

شدو من عندها دار نظاراتوو وبداا يقراه .

جمع لملف..هز تيلي كيعيط لنضال…يلاه جاا يقطع جوبات..

Leave a comment