Skip links

قصة : تزوجتها بوصية زوجها ج6

 4,442 عدد مشاهداات

79🥀
تزوجتها بوصية زوجها📜

بقلم :حنان فارس

بعد ساعاات…واقفاا تطل من سرجم..كتحاول تشم هواا نقيي…ريحت لكلينيك خنقاتهااا..
بغات تخرج منها ولكن تا من اسيرم من صباح مشافتو باش طلب منوو يخرجها

حل لباب وتم داخل..نطق وعينوو عليها.

أسيرم:قلت لكك متوقفيش

دارت شافت فيه

إخلاص:ولكن لممرضة قالت لي بلي مزيان نوقف نتمشا شويا

أسيرم:حيت معارفاكش..متوقفيش تا نكون معاك..

زاادت كالسا مخنزرا فيه

أسيرم:كليتي؟

حركات راسها باه

إخلاص:من صبح مبنتي فين كنتي

زاد كالس اونفاص معاه.

أسيرم:كانت عندي عملية

تكاا راسووو…تنهد بجهد..

إخلاص:وش فشلات؟

أسيرم:لا نجحات

إخلاص:ولكن لي يشوف وجهك يقول راه فشلات

أسيرم:حييت (دوز يدوو على شعرو شاف فيهاا )كيبقاا فياا لحال ..منين كنقدر نعتق ناس يلاه جداد..ولكن اول مريض ليا فهاد لكلينيك .مقدرتش نعتقوو…منين دخلت لغرفة العمليات..جاا فبالي ..رجعت عقلي لووور…فكرت وفكرت ..شنووو لغلط لي درت؟شنووو نسيت فاش غلطت لاش فشلت..(حرك راسو بلا)وملقيتش جواب

تم واقف..زاد كيطل .

إخلاص:نتااا طبيب ماشي الله …ربي منين كيبغي ياخد روح شي حد نتا معندك مدير ديك ساعة…منين مات معااد..لمتك ..علاش معتقتيش صاحبك..هكدا قولت ياك؟

كنت معصبااا..كنت خايفا وتالفاا..كنت بغاا لوم شي حد ..ولكن منقدرش نلوم ربي حيت خدا روحو..ربي بغااه..وربي بغا ولدي…هوا لي خلقهم وهوا لي خداا روحهم ..منقدرش ندخلو فالقدر..لواحد نهار كيتزاد كيتكب ليه امتا كيموت..

هاد لهضرا لي كنقول..مجاتش هكداك .جات بعد ليالي دلبكاا…بعددد (تنهدات)متعلمت نصبر راسي…ودابا كنقول بلي هوا فبلاصة حسن من هادي أكيد هوا فجنة..كان راجل مزيااان..(حطات يدها على قلبها)وانا شاهدا على هادشيي

داار كيشووف فيه ..

نطق بصوت مبحوح

أسيرم:توحشتيييه؟

حركات راسها باه ودموعها نازلين…

اسيرم:لبسي حوايجك نمشيو نشوفوه اناا غنعلم طببيك..بلي اتخرجي..اصلا كان خص تخرجي لبارح ولكن بغيتك تبقاي قدام عيني فدار مغنقابلكش مزيان..

زاد خارج..وقف شاف فيها

أسيرم:غنسيفط لك ممرضة تعاونك فلباس

خرج وهي غير تترمش..وتمسح دموعهاا..

كان سايق..متوجهين لقبر..وقف لوطوو ونزل..

اسيرم:شويا ونجي

إخلاص:وخا

لحظات معدودة…رجع عندهاا..وفيدوو بوكي دلورد حمر..

إخلاص:هاااه وش جبتي لي لورد لحمر حيت خرجت من سبيطار…ولكن غير خليه عندك انا متيعجبنيش

أسيرم:مجبتوش لك

كسيرا بجهد مخليها غير تترمش
80🥀

تزوجتها بوصية زوجها📜

بقلم حنان فارس

مسافة طريق..وقف لووطوو قدام باب لمقبرة…نزل وعاونها تنزل..شاف فيها

أسيرم:تكاي عليا

حركات راسها بلا

إخلاص:انا بيخير مكاين لاش مكنتوجعش

خلاها على خاطرهاا

شافتو شاد لورد فيدو

إخلاص:حطووو فلوطو مغنسرقوش متخافش..اه ياكما خايف منهاا ضربك لنسيتيه؟؟

أسيرم:اه

زادت متوجها لقبر معااد..

واقفيين..بجووج..قدام قبروو

كيشووفوو فيه..فجوو دسكات…
منظر غروب شمس…وريح لخفيفة .لي تضرب فييهممم…زادت للجوو الهادئ هدوء كتر من هدوءو..

نطقات بصوتها الباكي

إخلاص:معااااد(سرطات ريقها) توحشتكك بزاف

كيشوف فيها وفخصلات شعرها لي تطير ريح..نطق وهوا ساهي فيها

أسيرم:تاهواا..توحشك بزاف.

إخلاص:نتمنا تكون مرتااح..وفرحان فلبلاصة لنتا فيها

أسيرم:هوا فرحان لفرحتك.. ومرتاح لراحتك

إخلاص:شفتيي اناا كاع مكنبكي عليك..انا قوياا كيف ديماا ..

أسيرم:وعمرك تبكيي

إخلاص:عارفا متتحملش نبكي(مسحات دموعها)اناا بيخير بغيتك تعرف بلي انا بيخييير ..دكتور زغيندة(ضحكات فعز دموعها..وبدورو اسيرم بتاسم)مقابلتي مزيان..وختك معاياا..وتا ماماك بيخير..كن نتاا بيخير..

دوزات يدها على سميتو المحفورة فلقبر..

دارت تتشوف فاسيرم..

إخلاص:شكرا لييك حيت جبتيني..لفراق شي حاجة صعيبة بزاف نتماا عمرك تعيشوو عمرك تخسر شي حد..قريب لك

حرك راسو باه..مدور عينوو..بلا ميشووف فيهاا..

قراو عليه ما تيسر من القران وتموو خارجين متوجهين لوطو..عاونها تركب..

أسيرم:عاينيني هنا شويا ونجي

حركات راسها بوخ بلا متسول..

تكات راسها على لوطو فحين هوا..دخل لمقبرة…

زااد بثقالة..متوجه..لقبرهم…شاااف فيييه مطول كلس بيناتهم…

وعينوو محجرين بدموع..

أسيرم:عييد زوااج سعيد ماما وبابا..

حط لورد على قبر ماماها

أسيرم:بابا جاب لك لورد لحمر لي كيعجك كيف ديما اماما

شاف فقبر باباه غمزو مبتاسم

أسيرم:كن هاني كيف ديماا وخا نتا تنسا لورد انا نتفكرو..
81🥀

تزوجتها بوصية زوجها📜

بقلم حنان فارس

بعد لحظات..
رجع لووطوو…بانت ليه متكياا ناعساا..على زاج..

ركب بسكاات ..وتوجه لداار…حلات عينيهاا…تترمش..

إخلاص:وش وصلنا لدار

أسيرم:اه

إخلاص:محسيتش امتا تحركنا

أسيرم:نطلعو لدار ورتاحي.

حركات راسها بوخا..

ديبلاصا لوطو..ونزل..حليها لباب منزلها..

أسيرم:تكااي عليا.

إخلاص:مك.

قبل متكمل هضرتها..جرها من كتفهاا عندوو..

هزات راسها فيه..بان ليها مهواش شي لي خلاها تسكت..

زادوو لاسانسور..طالعين لدار..حل لباب وتمو..داخلين..تنفسات بجهد..

إخلاص:الله اربييي

أسيرم:طلعي لبيتك ترتاحي..نوجد لعشاا ونجيبوو لكك

إخلاص؛خليني نعاونك..

أسيرم:منيتك؟سيري طلعي سيري

إخلاص:ملييت بلكلاس عفاااك ندير غير عصير عفااااك

أسيرم:عصير وصافي.

إخلاص:وخاا

زادت بزربا لكوزينة…فحين هواا زاد واقف…قداام تصاور لي مزينين لحيط..

صور ماماه وباباه..وهوا فصغروو…الصور الوحيدين لي كيملك لعائلتوو..معلقهم قداموو باش يحس بوجودهم وبقربهم..

توجه ..لكوزينة..شاف فيها

أسيرم:اش تشهيتي؟

إخلاص:اي حاجة من غير لاصوب

أسيرم:ندير لك لاطا دلحوت فلفران؟

حركات راسها باه..

إخلاص:واناا غندير لعصير دلكيوي وليمون..

توجه لتلاجة جابد لحوت..فحين هي بدات تتوجد لعصير…قداتوو وخواتو فلكيساان..

إخلاص:غنحطوو على طبلة

أسيرم:غير طلعي لبيتك تا نجيبو.لكك

إخلاص:لا غناكل لتحت

زادت داياا لعصير..حطاتو..وهزات كاسها تتشرب منو

شافت فجرامافون..

ناضت متوجها ليه

إخلاص:معرفت هاد لعجب وش خدام ولا لا..

بدات تخربق…فيه..تا نغزاتها لغرزاا..بزرباا حولات يدها شادة .على جنبها…لحركة..لي خلات لعصير يتنتر ..ويتكب على تصاااور لي فوق جرامافون..
82🥀
تزوجتها بوصية زوجها📜

بقلم حنان فارس

وسعات عينيهاا…

إخلاص:ناري وسختهم..ضيعت ليه ديكور..

زادت هزات مشوار..تتمسح..فيهمم..ومحدها تتمسح وهوا كيتقشروو..كاع ديضعات لهم..لملامح

إخلاص:كن غير خليتهم ينشفو بلا منمسح..

دارت منين سمعات أسيرم عيط..

شافت فيه ولكاغط فيدها

شاف فيهاا وشاف فتصاور..

أسيرم:أشش درتييي؟

إخلاص:أأا غير زلعت عليهم لعصير وو..

قاطعهاا بلغوات تا تهزات

أسيرم:أششششش قربككك ليهممم…يااك قلت لكك طلعييي لبييييتك

زاااد كيشووف فيه بحال شي حمق…حط يدوو على راسوو ..

إخلاص:غير بغيت نجرب جرامافون وش..

قاطعهاا..

أسيرم:يااااك متتعجبكش لموسيقى لكلاسيكياا لالااش اتقربيي لجرامافون…أاااا…وششش رتاحيتييي دابا أااا؟كترتااااحييي منين كضرينيي يااااك كترتااااحي

إخلاص:مقصدتش …لبغيتي نشري لك بحالهم عطا الله تصاور لقدام..

أسيرم:وشش فنضررك هادوو غير تصااور قدام أاا هاادوو ذكرياااتيي هااادوو تصاور لوحديين لييي عندي من ماما وبابا …لوحيدين ااخلاااص..ومغنقدرش نعاود نتصور معاهمم مغنقدرشش
ضرينييي كيييف بغييتيي منقووولش لااااا ولكن ماشيي هكدااا ..ماشييي هكدااااا ااخلاص ماااشييي هكداا

شافت فييه ..تترمش.

إخلاص:مقصدتش والله مدرتهاا بلعانيي

أسيرم:سيريي طلعي لبيتك ااخلاص ..سيريي قبل منضرررك(غوت تاهزها) سيرييييييي

حط يدووو على لحيط ..كيشوف فلارض كينهج..صدرو كيطلع ويهبط..وعروقوو قربوو يطرطقو

حطات يدهاا .. على ضهروو..

دار عندها مخنزر..شاف فيهاا..ودموعها محجرين فعينيها

ببصوت خافت نطقات

إخلاص:سمحلي مقصدتش

شاف فيهاا مطول..

إخلاص:والله م

قبل متكمل هضرتها
محسات غير وهوا جارها عندوو ..ضاربهاا فصدروو ..معنقهاا

أرائكم وتفاعلكم تصبحون على خير
83🥀

تزوجتها بوصية زوجها📜

بقلم:حنان فارس

جمدات بين يديه…مقداا تبعدوو .مقدا تغوت عليه..نطقات بصوت خافت

إخلاص:وش هما مسافرين أاا..تقدر تصور معاهم منين يرجعو لبلاد..

أسيرم:هما عمر ايرجعوو..عمررر..أنااا دفنتهممم..بجووج بلا منودعهم..كن كنت عارف ..بلي غنخسرهم كن تصورت معاهم بزااف..

خشاا وجهوو فعنقهاا..مخليهاا تهزز..

أسيرم:ليوم عيد زوااجهم …بحال ليوم كنا كندوزوه فدار فرحانين..بحال ليوم كانت ماما طيب لحوت حيت بابا كيبغيه..وبابا كان يجيب لكادو ليها ولكن كينساا لورد لحمر..لورد لي تتعشق ماما..

وكنت تنفكرو فيه..ولا نساه كنشريه..ماما كانت تتعيق بينا..ولكن تدينا على قد عقلنااا…

(زيرر عليهااا)نتيي عندك لحقق…الفراق صعيب بزاااف بزاااف

هزات يدها معنقااه..ودموعهاا نازلين..مقداش تهضر ولا تنطق..معنقاه وتتسمع لييه..

أسيرم:توحشتهمم بزااف أإخلاص بزاااف..

إخلاص:انا حاسا بيك..بصح مكانوش عندي والدين..ولكن نااس لي رباونيي..كانو متابة والديا وو تاهما ماتوو

سكتات…خاشيا راسهاا فصدروو…تتبكيي…

إخلاص:سمحليييي مكونتش بغااا نخربقهم والله مكنت بغاا سمحليي..

بعد عليهاا..شد وجهاا بين يديه.

أسيرم:عارفك مقصدتيش مم..سمحيلي غوت علييك..ولكن متبكيش..(مسح لهاا دموعها).عفاااك متبقاايش تبكييي..عفاااك

بعد عليهاا هاز تيليي..منين سمعو كيصوني..قطع وشاف فيها

أسيرم:جاتني حالة اغجونص غنمشي لكلينيك كولي ونعسي..ومتنسايش دوااك..

إخلاص(كتمسح وجها)يلاه خرجتي من عملية تا لمكلا مكليتيي …وغترجع..رتاح

أسيرم:وقت راحة بالنسبة لياا ..يقدر يكون اخر دقايق..بنسبة لغيري..

زاد خارج .

مخليهاا..واقفا تتشوف..نطقات بحرقة

إخلاص:متتستاهلش نضرك ..

خرج رااكب فلوطوو..مكسيري..
لكلينيك..بجهدد…باغيي يوصل دغياااا…

وميتعطلش على لمريض

بالوو مع تصاور لي ضاعوو ضاع طرف منو ماشي غير تصاور عاديين..

أسيرم:خاايف بعد سنين منعقلش على ملامحكم ..بصح نتوما محفورين فقلبي ولكن لعقل كيخووون..كيخووون..

دوز يدوو على وجهوو..حيدهم..وسعع عينوو..منين بانت ليه اوطوو تابعاه..تتدفع فيه جنب

أسيرم:وششش مريييض فدماااغك..

بلاا سابق اندار..خرجات طومبيل من جنب تانيي…نزلات زاجة ..خرجات يد منهاا..شادة سلااح…طلقاات رصاص عشوائيي…عليييه…خلاتوو يفقد سيطرة على لوطووو.
84🥀
تزوجتها بوصية زوجها📜

فقد سيطرة على لوطوو ديالووو…لي بقات دووور فطرييق…بعد عدة محاولات ..واخيراا قدر يوقفهااا…

هزز راسووو كيلهتت…دفع لباب نازل…طومبيلات لي هجموو عليه شافهم بعدوو.. غير ضوء خافت هوا لي باقيي كيباان منهم..

ححطط يدوو على راسوو مرجع شعروو لور..شااف فلوطوو..لقاا لاغلبية دلقرطاس جاا فلباب..حمد الله منين متقاسوش روايض..

يقدر يمشي لكلينيك..

ركب مكسيري لمرابطين بحالا تا حاجة موقعاات.

مسافة طريق…وقف..لووطوو..زااد دااخل…بجراا..شاف فسناء فلاستقبال.

أسيرم:فينو لمريض؟

سناء:جااا نزيف دماغيي..رااه كيوجدوه لغرفة لعمليات.

أسيرم:مزيان عيطي على عدنان..وجمعي لكروب

سناء:ديجا دكتوور ..عدنان راه وصل وتا شي وحدين من لكروب وصلوو..

حرك راسوو بمزيان ..وزاد بجراا..

بعد ساعات..كان خارج من لكلينيك..هوا وعدنان ..بعد مسلاو عمليتهم..

أسيرم:خصناا نحيدوو لورم..لبقاا هكدا نزيف يجيه فكل مرة..يقدر نخسروه قبل لعملية

عدنان:هواا مريض قلب ..كان متبع علاجو مع معاد الله يرحمو ومنين مات كمل مع دكتور لشقر وتا هواا تقاعد..

أسيرم:خص نشوفو طبيب اخر

عدنان:كاينااا ..دكتورة قلبي

خنزر فيه أسيرم

عدنان:زعما طبيبة دلقلب غتبدا فلمرابطين تعوض لخصاص..لي كاين..اناا غنهضر معاها على لحالة دلمريض

أسيرم:خصنا طبيب فلمستوى

عدنان:أكيد رااه لمرابطين تيخدم غير لي فلمستوى.

أسيرم:صافي هضر معاها قد مزربتي قد مكان حسن.

توجه لوطو ديالو..وقف عدنان لي عينو على لوطو

عدنان:مال طومبيلتك هكداا؟

أسيرم:اه(حك لحيتو)والوو كانو هجمو عليا شي وحدين بلقرطاس وصافي.

ضحك عدنان بجهد

عدنان:نكتة زوينة هادي

شاف فتعابير اسيرم لجدية..قرب من اتر ضربات..خرج عينو فيه

عدنان:والله تااا ضرابي دلقرطااااس..شكووون هادووو واش بغاااو منكك ؟

أسيرم:معرفتش
عدنان:مشيتي لبوليس؟

أسيرم:لا مكانش عندي لوقت.لحالة كانت اغجونص

عدنان:مريض نتااا لاا؟راااه كانوو غيق..تلووك ابناادم..ماشي كيلعبوو معااك..

أسيرم:مشاا لحال دابا تا لغدا فصبح ونعلمهم

عدنان:اسبحان الله اشريف راه لكوميسارية خداما 24 ساعة..تعلمهم…لمصفاوهاش لك

أسيرم:(دوز يدو على وجهوو)غنمشي لدار رتاح..دابا نعلمهم فطريق غير تهنا

زاد راكب..
فحين عدنان بقا واقف..باقا فيه صدمة

عدنان:القرطااس ولينا مريكانيين صافيي(حط يدو على قلبو)هادشي خلعلي قلبي خصني طبيبتوو
85🥀
صباح جديد ونهاار جديد…حلات عينيهاا..بثقالة…ناضت من بلاصتها..
شافت بلاطوو محطوط فيه ..لفطور..ودواها..

ناضت تتجر رجلها..خرجات من بينتها..شافت فبيتوو ملقاتوش..

نزلات لتحت…شافت دنيا مجموعة ونقيا..لبارح داتها عينيها قبل ميرجع .خلات دنيا مرونا..

شافت فتصاور..تنهداات.

صغرات عينيهاا…حيداتهم..وطلعات لبيتها بيهم..

دااخل لكوميسارية…لابس سروال فزيتي وقبية فزرق الغلوق لاصقا عليه..

توجه..بثقالة لمكتب داوود..

دق ودخل..

كان كالس ..بدورو لابس قاميجة فلبيض وسروال كحل..

غير شافو ناض.

داوود:من صبح نعاينك..خليتيني مشطون من لبارح

زاد سلم عليه

أسيرم:قلت لك متشطنش

داوود:كلس كلس..كولي اش واقع؟لبارح صونيتي وقلتي غدا ادوز..ومعودتيش تفاصيل

أسيرم:لبارح..منين كنت غادي لخدمة….

عاود ليه اش وقع…خرج داوود عينيه فيه

داوود:قرطاس أاسيرم قرطاااس

حرك راسو باه

داوود:وتا لدابا عاد جااي تعلمني…وشش خديتيي نماري ديال طومبيلاتهم

أسيرم:لا منين نزلت هما مشاو

داوود:وش عندك كاميرا فلوطو؟

اسيرم:وي ضروري

داوود:صافي تا رجعو لها..وغنجبدوهم..ولكن دابا حضر معايا عقلك..شكون هادوك؟وش عندك عداوة مع شي حد

أسيرم:عدااوة؟ اناا طبيب اصاحبيي ماشي مفيوزيي..معنديي تا فكرة عليهمم..كن عندي كن مشيت نخلي دار بوهم منجيش عندك

داوود:نتا معندكش ولكن هما عندهم..ممكن نتا تكون زطمتي عليهم بلا متحس.

اسيرم:اش تتخربق عليا؟

داوود:شي لي وقع ماشي صدفة اكيد مجاوش وهجمو عليك غير هكداك…اكيييد جاو قاصدينك ومحدهم جاو قاصدينك الا وانهم غيعاودوو يقصدو

أسيرم:(حط يدوو كيحك لحيتو )ولمطلوب؟

داوود:حاول تبعد على ليام على لخدمة..كلس فدار على الاقل تا نشدوهم

أسيرم(شاف فساعتو)فكرتيني فلخدمة..خصنيي نمشيي..عنديي موعد ضروري.

تم نايض

أسيرم:لكاميرا دلوطوو وش بغيتيهاا دابا؟سيفط معايا شي حد يجيبها لك

بقا داوود غير كيخنزر فيه

داوود:(تنهد)وخا وخااا

خرج..اسيرم..فحين داوود..ناض..تابعو..صيفط معاه وحد من البوليس..وتم راجع لمكتبو…بان ليه شخص واقف فباب مكتبوو.

داوود:اش بغيتي؟

هز راسو فيه

….:سلام انا منصف محامي لانسة نضال..جبت لك اندار من لمحكة..نتااا رافض تخليي موكلتي تشوف بنتهاا..فلوقت لي لقانون عاطيها هاد لحق..وخا لوصاية عندك ولكن خصك تحتارم ايام زيارتها..ولا غنظرو نرفعو دعوة بااش ناخدو لبنت..
86🥀
تزوجتها بوصية زوجها📜

كانت كالساا..فمكتبو تتلعب بتيلي…لابسا طريكو بيض قصير مبين كرشهاا..وسروال جينز لاصق عليهاا….

هزات راسها منين بان لها لباب تحل…ابتسمات ليه

سكينة:هااي من صبح كنعاين فيك

شاف فيها ضاحك..

عدنان:على حنا ماشي فصبح

سكينة:هادي لعشرا اشريف صبح كيبداا مع6 غير نتا نعاس..

عدنان:اوا سمحي ليي

سكينة:خصك تخلص لحق(ضحكات ليه)

عدنان:شي عشاا؟

سكينة:اهااه وانا نختار فيين

عدنان الله اوديي ختاريي. فين مبغيتي.

زاد ناتر تجاكيتوو..لبس مريولو الطبي لبيض فوق تيشورتو لكحل..

سكينة:سمحلي..دخلت لمكتبك بلا اذنك

عدنان:دخلييي تا لقلبي لبغيتي

شاف فيها ضاحك بدورها..مبتاسمة وهي تطلعو وتهبطوو..فصالتوو وزينوو ولباسوو..وريحتوو شي حاجة لي من نوعها..

سكينة:اها لبارح لقيت مساجك

عدنان:كان مشا لحال مبغيتش نصوني..

سكينة:قلتي عندك شي حالة محتاجني فيها؟

عدنان:وي وي..وش قاديتي امورك مع لكلينيك

سكينة:وي فصبح…(ابتسمات)صبح بتوقيتي

زاد بثقالة..هز ملف لحالة..وتكا على مكتبو

عدنان:ها ملف المريض..عندوو ورم دماغيي..وفنفس لوقت مريض قلب..شي لي معكل لنا لعملية..

هزات لملف..تتقرااه..

سكينة:وش نقدر نفحص لمريض؟؟

حرك راسو باه.

عدنان:تفضلي معايا

سكينة:مورااك الزين

شاف فيها

ابتسمات ليه بتحلوين

سكينة:ومالي كدبت راك زين

عدنان(تنهد)عيوونك ليي زوينين..اجي اجي متشوفيش من حال هاد لمريض عاد هداك

ضحكات لييه..بجهد

سكينة:تحرك تحرككك

كانت فلبيرو ديالها..مشغولة مع حياة

نضال:وي وي غتولد بعملية قيصرية

حياة:اه وش بو بنات لي غيدخل معاك؟

نضال:معرفتش لمكانش مشغول لكان..نشوفو دكتور تخدير اخر..مهم منين توصل لمريضة علميني..

حياة:وخا وخا..انا مشيت

خرجات حياة..فحين نضال بقاات مركزاا مع ملف لمريضة ..هزات راسها منين شاف لباب تحلات مرضوخة

نضال:ابشويا احي..

سكتات منين بان ليهاا هوا…

داوود:اششش تتحاوليي ديريي أاااا

نضال:لاااش داخل بلا.

قبل متكمل هضرتها ..شدهاا من فكهاا..دافعها ملصقها مع لحيط
87🥀
تزوجتها بوصية زوجها📜

بقلم حنان فارس

مزير لهاا على فكهاا…عينووو كيشووفوو فيهاا باحتقار كارز على سنانوو…مقرب وجهوو منهاا..انفاسو لحارقة على وجهاا..

داوو:(بصوت خافت)بغيتيي تلعبيي معايااا أااا؟؟بغيتيي تلعبي معايا؟؟(بالغوات)دوييييييي

كتشوف فيه بتحديي..

نضال:بغيت بنتيي

زااد زير تا حسات بعضام فمها ايتهرسوو

داوود:بنتك؟؟بنتكك ليي تخليتي عليهاا وهي ممكملاا تا عام أاا؟بنت لي مسولتي عليهاا وش عايشاا ولا ميتاا..بنتكككك (ضحك بجهد)بنتك ..؟نتيي عمرك كنتي أمم ليهااا وعمر أتكوني نتيي غير وحدة انانية كتسبق مصالحها فوق كلشي

دفعهااا..مبعدها عليه

داوود:مبغيتش وجهيي يعاود يشوفك فهمتيي..بعديي من حياتي حسن لككك

عطاها بضهر هضرات بلغوات

نضال:مسولتش حييت نتاا مخليتي لي فين نسول فوق مكونتي تسيفط لي شي صورة ليها كتبلوكيني قبل منهضررر…بصحح تخليت عليهاا حيت حمارة ..كنت وحدا صغيرة ومعندهااش عقلل…كنت وكنت وكنت..كاع لحوايج لخايبين كنتهم…ولكن انا طلبت سماحة أا..نتا مبغيتيش تسمح لي شغلك هداك ..ولكن من حقيي نشوف بنتيي..

دار عندها بزربا…طاكاها مع لحيط ..كيشوف فيهاا..ودموو كيفور بلعصب

داوود:سمحليي اااا سمحلي؟؟وشش تعطلتي على موعد أاا؟ولااا مجاوبتيش على مسااج…باش تكولي سمحليي؟(مخرج عينوو فيها)سمحليي كيقولهاا لي تعطل مجاااش نهااار يوماين تا سيمانة…ماشيييي11 لعاااام 11 لعااام ونتي مبعداا على بنتككك11 لعاام وعااد جاات فبالك ..نتييي معارفاش أشش وقع فهااد سنيين…؟معارفااش بنتي اشش تتبغي واشش تتكره معرفااا والووووو…

معرفاش شحال طحت ونضت وطحت ونضت باش نحافض على بنتي فهاد سنين.. ودابا باغا تاخديهاا أااا؟؟

دوز يدوو لعنقهاا..قاجها

داوود:برب الكعبة تاا غند…فنك لعودتييي فكرتيي تبعديي بنتيي علياا…داوود لي كنتي تتعرفيي مبقاااش..دااوود ديال داباا يقدرر يزطمم عليك بكل سهولة

كضرب فيدووو..بااش يبعدد…وجهاا حمر وبسيف باش قاداا تنفس

داوود:فهميها بلخاطر ولمبغيتش غنفهمك بسيف

دفعهاا..وتم خارج..خلاهاا شادة على عنقها تتحاول تنفس..

شافت فمكتبها.لفاز دلورد تماا .
هزاتو خاوياه من لور..

قبل ميحل لباب يخرج..

نضال:تا نضااال لي تتعرف مبقااتش ..واخر مرة تعاود تهزز يدكك علياا الحيوان..واخرر مرة تمشيي بلاا متسمع ليااا

هزات لفااز لفووق ..شيرااات علييه بييه

دخلوو لغرفة..دلمريض..شاف فييه..تنهدات بجهد

سكينة:مسكيين شحال زوين

شاف فيها عدنان..

عدنان:كن تشوفيي ختووو..

سكينة:قولي وارتين الزين من العائلة..شووف كييف نااعس..الله يشافيه كيقطع لقلب..

عدنان:تا انا كنحس بقلبي مقطع…متشوفيش مالو زعما..

شافت فيها..ضاحكا..

سكينة:دابا نخيطو كن هانيي..

زاادت تتشوف المريض

سكينة:امتا غيفيق؟وش مخدر.

عدنان:نوغمال شي سعتاين ويفيق..

سكينة:غنرجع عندو فاش يفيق..خصو شي فحوصات..ضروريين

عدنان:اك..نفحصوه ونمشي ندورك فلكلينيك..اش كلتي؟

سكينة:منرضهاش فوجهك

موعدنا بليل❤️
88🥀

تزوجتها بوصية زوجها📜

شاف فلباز لي تضرب فلحيط بعيد عليه بسنتيمترات…دار شاف فيهاا..

جبد سلاحووو مصوبو جهتهاا

داوود:نتيي غلطتيي..ولكن اناا لاا…بعديي من بنتيي حسن لك..

قربات منووو..تتشوف فيه بتحدي..

نضال:ضربب

شدات يدوو حطااها على راسها

نضال:ضرب قت..لنيي حسن متبعد فيروزة عليا

داوود:لعجب باقا متفكرا سميتها

نضال:اناا لسميتها

داوود:اه ونتي لي تخليتيي عليها قبل متسمعك كتعيطي لها..بسميتها

نضال:خلينيي نشوفها

داوود:فاحلامك…مبغيتش تحرقي بنتي بانانيتك..مبغيتهاش تقرب منك..حرقي غير ناس لي قراب منك..خوك مك..باركا عليك..بنتيي خليها بعيدة..

حيد سلااحوو..وزاد..خارج..رادخ لباب موراه..

واقفا بلا اي حركة…بلا متنطق او ترمش..

هزاات يدهاا…حطاهاا على قلبهاا..مزيراا…قبضة يدهاا..

توجهات لمكتبهاا..حلات المجر .جبدات دواها وهي تترجف ..قبل متشربو طاحت على طولتها..لارض..مخلياه يتزلع.

داخلاا لكلينيك…لابسا كسيوة..فلبيض..فوق ركبة..مع صبرديلة بيضة..طالقا شعرها..ودايرا مكياج..خفيف..

توجهات لمكتبوو..

وقفات فطريقها..منين بان لها واقف..مع ..مع عدنان وسوكا

عدنان:هاهي طبيبة لي قلت لك

اسيرم:اه عرفتها..وش شافت لمريض؟

سكينة:كنعاينو يفيق

حرك راسو بوخا

أسيرم:اك منين تفحصيه ..سيفطي لي ملفو..

سكينة:كن هاني..

عدنان:مشينا.

زاد عندنا معاها..وعينيها على اسيرم..فحين اسيرم بعد عليهم..

بانت ليه واقفاا..تتشوف..توجه عندهاا بخطوات سراع.

أسيرم:اش تديري هناا؟؟(شاف فلباسها)

شدهاا من يدها..مزير عليها..داها.لمكتبوو..دخل وسد لباب..

إخلاص:مالك جريتيني؟

أسيرم:بغا توقفي تماا بهاد لباس؟

إخلاص:هاهاها على اساس لي كنتي واقف معاها لابسا..بعدا انا متعرفني غادة ولا جايا شنو ملبست ميبانش فياا ماشي بحالها(قربا وجها منوو)لهاا جبتيي لورد لبارح ياك يااك غااا كر

مطلع حواجبوو كيشوف فيهاا..صدماتو بهضرتها..وسعات عينيها تترمش..عاد عاقت براسها..

إخلاص:أنا غادة .

جرهاا من خصرها تا ضربات معاه.

أسيرم:يلاه جيتيي فين غادااا
89🥀
تزوجتها بوصية زوجها📜

بقلم حنان فارس

شاافت فييه ..مبتاسمة

سكينة:اواا فيين غديني؟؟

عدنان:قبل منطلعو لفوق نمشيو عند نضال

سكينة:شكون هدا وش شي صاحبك؟

عدنان:(ضحك بجهد)هاديي بنت ..مي تقدي تكولي صحبيي (تنهد)هي وخوها من لولين لي عرفت فلكلينيك..خوها الله يرحمو كان طبيب قلب..

سكينة:الله يرحموو..وش دكتور معاذ؟

حرك راسو باه

سكينة:سمعت عليه مسكين فاش مات ..خبر موتوو نتاشر..خاصة عندنا حنا اطباء الله..اه يلاه خلينا نشوفوهاا.

توجهوو لمكتبهاا..

عدنان:غتفااهميي معاها.

ابتسمات

سكينة:اوا على الله حيت انا صعيب بنادم يتفاهم معايا

عدنان:.نضال تتفاهم مع كولشي فهاد لكلينيك ..كيف مبغات تكون شخصيتك معدنهاش مشكل(حط يدو على باب مكتبها ضاحك)كان خصها تكون بصارحة طبيبة نفسية غا ضايعة فقسم توليد

حل لباب داخل وضحكة بقا على وجهوو..تلاشات منين باانت ليه نضال طايحا لارض..

زااد بجراا عندها..

عدنان:(بالغوات)نضاااااال نضاااااال

حنااا عندهاا…شاف فسوكاا..وشاف فدوا لي مزلع.

عدنان:ياكما حاولات تنتاحر..شوفي ديالاش داك دواء..

هزز يدوو كيفحص نبضهاا..

سكينة(شدات دواء تتقراه)هااد دواء كنعطيوه لناس لي مراض بلقلب

هزهاا عندنان بين يديه..

عدنان:ولكن هي ممرضاش بلقلب..(شاف فسوكا)نبضهااا ضعيييف

زااد كيجريي..بيهاا وسوكاا تابعاااه.

جارهاا لعندووو…كيشوف فعيونها وهوا معلي حواجبوو..كتحاول تنتر منو لكن بلا جدوى

أسيرم:لباارح اشش قلت لككك؟

إخلاص:شش كلتيي

أسيرم:لورد جبتوو لماما..

حركات راسها باه

إخلاص:اه عرفت غير قلت زعما تكون حيدتي شي وردة من لبوكي(تدور فعينيها)اه ماشيي سوقيي طلق منييي

أسيرم:واششش كلت لك اخر؟؟
(دفعها عندو كتر من لول)

يتبع لبغا ريزو
90🥀
تزوجتها بوصية زوجها📜
بقلم حنان فارس

هزات راسها فيه..

إخلاص:كلتي بزاف تا مبقيت عاقلا على والو..غير بعد

أسيرم:كلت لكك عطيي راحة راسك..مكملاش 4 يام باش دايرا لعملية.

إخلاص:اه مقدرش نكلس..كنحس بيا بيخير..ومقدرش نعاين تا تجي.

صغر عينوو كيشوف فيها

إخلاص:أااا غير جبتك لك شي حاجة..

دفعاتو مبعداه .
إخلاص:متعاودش تجرنيي لعندك يااك نتااا مهووس بنقاا اوا بعد مني تا انا
حرك راسوو بوخا

أسيرم:اك

حلات صاكها…جبدات جوا ..مدارتو ليه..
إخلاص:جبت لك هادوو..
أسيرم:اشش هداا؟؟

إخلاص:شد وشوف

شدوو منهاا..حلوو…لقااا ..تصااورووو مقااديين…شااف فييها..وشااف فيهمم..

إخلاص:بصارحة كنت تنتبع وحد لباج فلفايس كيقادوو تصاور لناس..صيفطت لهم تصاور ورجعو قادوهم..ووخرجتهم لك من جديد..شي وحدين مقدوش يقادوهم..حييت دوماج لملامح تقطعو كلهم..ولكن لاغلبية..تقااد..مهم ماشيي بحال لولين..ولكن..ضيب..

قبل متكمل هضرتهاا…جرهاا معنقهاا..

وسعات عينيهاا..

إخلاص:قلت لك متبقااش تقرب لياا

حوطهاا بيدوو…

أسيرم:شكرااا ليييك..نتيي معرفاش هاد تصاور قدااش غاليين علياا..
بعد عليها…دوز يدوو..على شعرهاا..بحال شي بنت صغيرة حداه..
إخلاص:لعفووو اصلا انا لي ضيعتهم..غير سمح لياا..مقدرتش نصلح كولشي(كتقاد شعرها)

اسيرم:ماشيي مشكل..

عنكش لهاا شعرهااا..

إخلاص:(سااطت بجهد..شافت فيه محنزرا)كاااع عنكشتينييي.

اسيرم:نمشطوو لك؟

تفكرات اخر نهار مشط لهاا..ضحكاات بجهدد…

إخلاص:لاا لاا شكراااا

أسيرم:(ضاحك لضحكتها)غنقادو لك..

قرب لهاا..ملسوو بيديه..
أسيرم:رتاحيتيي..

هزات راسهاا فيه..تتشوف فيه وفبتسامتوو..وملامحوو..عيونوو سودااا…ولمعة لي تتبان فيهم..منين تيضحك..

ضحكات ليه .

إخلاص:اه….غنمشيي..نشوف خالتي..ونضال ..محدي جيت جيت..

طلعها وهبطهاا..حيد طبليتو البيضة..ولبسها لهاا.وهي مقاااتلا معاه باش يبعد ..جاتهاا طويلة تا ركبة.
إخلاص:علاش لبستيها لي

اسيرم:سيري شوفيهم فاش تسالي اجي لعندي نوصلك لداار..

خنزراات فيه..قلبات تخنزيرتها لضحكا

إخلاص:تجيي معاياا نكون طبيبة يااك..

اسيرم:اه دلباسر

خنزراات فيه..وخرجات..غير سدات لباب..طلقات ضحكة مجهدة على هضرتو..

تمات غادة عند ماماين ..معاد..وهي فرحانة بلبستها..
محسات غير بيدين شادينهاا..فجنبها..نطق شخص لي شادها بلغوات..

…:دكتورة بابا بااااابااا بغااا يقتل راسو

تصبحو على خير 🍑🌸
91🥀

تزوجتها بوصية زوجها📜

جاارهاا وهي تابعاه..دخلها لغرفة..توجهو لبالكون..

بان ليها راجل واقف على لحافة..

شافت فيه مصدومة

إخلاص:والله تاا باغيي يمووت..

شاافت فلولد..

إخلاص:سيري عيط لدكتور اسيرم..هواا غينفعك انا معندي فاش نفعك

الولد:وششش نتيي ماشي طبيبة أااا تانتيي طبيبة عفاااك عفااك مبغيتش بابا يموت

نطق باباه..

….:تاااشييي طبيب مغيقدررر يعاونيي فهمتييي…تا واحد انااا منقدرش نعيييش بلا بيهاا منقدرش..

الولد:غنمشيي نقلب على هاد طبيب…غنعتق بابا.

زاااد بجراا..

شاف لاب فلولدوو لي مشاا..كيجري.

….:غرمي راسي داباا قبل ميرجع..فاش يجي بغيتك تقولي ليه بلي انا كنبغيه بزااف.

إخلاص:اه وعلاش غنكدب عليه؟؟

شاف فيهاا..

…:انا مكنكدبش انا بصح كنبغي ولدي

إخلاص:نتااا كداب …كن كنتي تتبغيه مغتفكرش تموت وتخليه.

شاف فيها ودموعو نازلين

….:نتيي معرفاا والووو…اناا منقدرش نعيش بلا بيهااا…اناا سباب فموتها..كن ركزت شويا فطريق كاع متموت..

إخلاص:اناا عارفا ..تا انا كنت بلاصتك…باقي مكمل تا عام على موت راجلي ..تا فكرت نموت..وشخص لي نقدني هوا لي صيفطت ولدك يجيبو..(ضحكات وعيونها محجرين بدموع)عارفااا مزيان احساسك عارفاا شعورك..مغاديش نقولك غتنساا…حيت مغتنسااش..بصح الجرح كيخفاف مع لوقت ولكن مكيمشيش…عرفتي اكبر غلط درت فحياتي اني كنت بلاصتك(حطات يدها على كرشها)خسرت ولديي لي مجاش لدنيااا..ولديي لي كن كنت عارفاا بلي كاين مغنفكرش فلموت..

….:مغنقدرش نعيش بغيت رتاح

إخلاص:يلااه رميي راسك اش تتعاين شخص لي كيبغيي لموت..كيرمي راسو بلا تفكير..نتاا مبغيش تموت .نتاا باقي باغي تعيش..وش كضن مرت اتكون فرحانة بيك؟اكيد لاااا…هي تتبغيك ولكن تتبغي ولدكم كتر منك .هوا باقي غير مراهق..هوا فعمر ليي محتااج لك وليها…ولكن شوف خليتيه يتجارا يقلب على لي يعتق…باباه..شوووف كيف خليتي ولدك بلاصت متعنقو عندك وتخليه ينزل دموعو على ماماه..كنضن نتا هوا لمراهق ماشي هوا

…:(كيمسح دموعوو)هواا غينساناا وغيعيش باقي صغير .

نطف بصوتوو …المبحوح .خلاهاا دور تشوف فيه.

أسيرم:شكوون كدب عليك.؟مغينساااش..غيبقاا يتفكرك ويتفكرهاا..فكل فرح وفكل قرح .وفكل نهاار…غيبقاا ديما يسول راسوو شنو ذنبي..اشمن دنب درت…علاش هكداا تعاقبت علاش منهم تحرمت…غيقلب عليك..نهار غيشد لباك..ونهار ايتخرج..ونهار ايخدم..ومغيلقاكش لنتا ولا ماماه..شي لي غيحسسو بلي مدار والوو..

ونهار غيدير طومبيل..غيبغيك تكون نتاا اول واحد تركب حداه ومغيلقاكش ..نهار يمرض ايبغيي ماماه تكون عند راسو ومغيلقاهاش..ومغيلقاش تا باباه..نهار غيعياا ايبغيي يشاارك اش معييه معاك ومغيلقااكش..نهار غيتزوج ايبغييك..تكون فعرسوو ومغيلقااكش..
عمرر اينساا..حيت الوالدين..كنبغيوهم ديما يكونو معانا..تا فنهارناا تاافه..اناا خسرتهم كتر من20 عام هادي..وباقي نهار كنحط رجلي فدارناا لقديمة..غير كنحل لباب..كنكول ماما بابا جييت ..وكنعااين يجاوبوني ويستقبلوني بحال فصغرر..

زاد لولد عند باه ماد يدو ودموعو نازلين..نزل عندوو لاب معنقوو عندوو كيبكي بجهد..

سرط ريقوو..باغي يسرط حرقتوو..دوز يدو على وجهوو..وخرج..شافت فيه اخلاص تبعاتو بخطواتها سراع..

سبقها طلع فلاسانسور..قبل متسد لباب..وقفاتها بيدها دخلات عندو..شافتو بارك على اخر طبقا

إخلاص:مفيا لي يطلع دروج.
92🥀

تزوجتها بوصية زوجها📜

فغرفة الفحص

كانت واقفاا عند..راسهاا…كتشوف فنبضها..

سكينة:راه رجع نوغماال..

عدنان:الحمد الله..

سكينة:اه نخليوها ترتاح شويا نقدرو نهضرو برا..

شافت فلممرضة

سكينة:بقاي معاهاا

خرج معاها..لبراا..

شافت فيه…خرجات دواء من جيبها..

سكينة:هااد دواء..كنعطيوه لناس لي عندهم انسداد طفيف فشرايين..ولكن من خلال الفحص كنضن بلييي لانسداد عندها مبقاش صغير ..يعني دواء مبقاش نافع..غيخص ندير لها عملية قسطرة للقلب نشوف نسبة لانسداد..ونشوف وش نحلوه بقسطرة تانية..ولا خص عملية..

عدنان(حط يدو فشعرو)صبري عليااا…صبرييي داباا نتي تتكولي بلي نضال مريضة بلقلب أااا؟؟؟؟

حركات راسها باه

عدنان:ولكن هادشي مستحيل…نضال كانت بييخييير..يعنييي كن كانت مريضة مكانتش اتخبي علياا.نضاال تتكول لينا كلشي

سكينة:كتكول شي لي باين..ماشي شي لي فقلبها..اغلبية ديال الحالات كيكونو ناس لي كيجمعوو فقلبهمممم ..هادشي كيخلي ضغط دمهم يرتافع كيف نضال ضغط دمهاا راه واصل ل19 ..وللاسف مع لمدة كيتصابوو…بامراض لقلب..انسداد شرايين..يا كيكون وراتي يا بسباب الكولسترول يا بسباب ضغط دم لمرتافع لي كيجي بسباب المشاكل لي كيعيش بنادم..
حرك راسو…ملقااا ميكووول…شاف فسكينة..ودموع محجرين فعينوو

عدنان:مغتموووتش يااك..باركاا خصرنا معاااد..مبغييتش ختوو تا هي تبعووو..

قربات عندوو….تتشوف فيه

سكينة:غندير جهديي نتماا ميوقعو تا مضاعافات.
حط يدوو على وجهوو.حاجب دموعوو..

عدنان’:هيي كتر من ختيييي باقي حرقة موت خوها مبرات مغنقدرش نزيد حرقتها تاهي
قربات عندوو..معنقااه…حطات يدها فشعروو. كتماصي بصباعها

سكينة:ششش غتبرااا ان شاء الله غتبراا

شاف فيهاا..

أسيرم:متخافيش مناويش نتاحر.
إخلاص:اه عارفااك نتاا شخص قوي لانتحار خليه لضعاف بحالي
أسيرم:نتي ماشي ضعيفة اي واحد كيجيه وقت كيفكر بليي موتوو حسن من حياتوو..

تنهد بجهد..تحل لباب .وخرج..غادي..
باغي يشم لهوا وملقا غير سطح لكلينيك..

زااد كيطل من لحيط..وهي واقفاا حداه تتشوف..مخلياه ياخد راحتوو..عارفاه باغي يبقا بوحدو..وفنفس لوقت بغا تخفف عليه .عارفا بلي هوا موجوع..

نطقات وهي تتشوف فيه..

إخلاص:باش نقدر نخفف عليك؟محدي لابسا سكراب ديالك وحاسا بلي انا طبيبة وخصني نداوي ناس.

خشاا يدو فجيبو..تنهد..شاف فيهاا..

أسيرم:قربييي

قربات عندوو.
أسيرم:زيديي قربي
قربات عندو..تا بقات بينها وبينوو سنتيمترات قليلا..شاف فيها..

أسيرم:بقاي ديما فرحانة هكدا اتخففي عليا
رجع كيشوف لجهة .لخرى..
زادت واقفا حداه

إخلاص:أسيرم
أسيرم:مم

إخلاص:انا خصرت ولدي ونتا والديك..علاش متكونش ولدي؟
93🥀
تزوجتها بوصية زوجها📜
بقلم حنان فارس

شااف فييهاا مصدووم من هضرتهاا…الصدمة لي بانت على ملامح وجهوو

أسيرم:ولدكك
طلعهاا وهبطهاا بنص عيين ..تتبان شبر ونص قدامو وبغا تكون ماماه.

أسيرم:ولدك ولدك
دورات عينيها..تتفكر فهضرتها..حركات راسها بلاا

إخلاص:ميمكنش يااك..(حطات يدها فشعرها)لالا ميمكنش

شاااد ضحكتوو…عارفها بغات غير تخفف عليه..
أسيرم:لاا يمكن علاش ميمكنش.؟نتييي غتكونيي أحسن ام فلعالم..

قرب منها .وقف اونفاص معاها.

أسيرم:مااما
إخلاص:هاااه!

أسيرم:فيااا جوع اماما ..متوكليش ولدك..ولدك لي يلاه تزاد (شاف فحوايجو)وتا حالتي توسخات متغسليش لولدك؟أاا
خرجات عينيهاا فييه مصدوومة…عنقاات صدرهاا عندها..راجعاا لور

إخلاص:مامت حدد أناااااا

زاادت بزربااا..هربانة بخطوات سراع..وهي باقا معنقا راسها..مظرهاا خلاه..يضحك عليهاا بجهد..

أسيرم:اماما اجييي غيير تنضحك معااك…فاول خطوة تخليتي على ولدك تي ام تيي

تبعهااا..بجراا وهوا ميت عليهااا بضحك..

كيضحك من قلبووو…وغير هادي دقايق قليلاا كاان كااعيي…وحااس بروحوو تتقطع…فلحظة نسااا راسوو وحوالتوو لشخص مأزم لشخص ضحكتوووو…مسمووعة من بعيد

زااد تابعهاا..بانت واقفاا حداا لاسانسوور…

أسيرم:نتيي اول ام اتهرب من ولدهااا…

إخلاص:مولديييش

أسيرم: هوا كنت..

حطات يدها على ودنها..تتغني بصوت عالي …

إخلاص:متنسمعش….لالااا لاااا لاااا أجمل مييين فيي الحفلة ميييين…دبدووبة تييخيناااا….يالييي لابساا فستان ويييين

مطلع حواجبوو فيهاا…مصدوم من اغنيتها..ولا شااك فعمرهاا..

تحلل لاسانسوور دخلات وهي باقاا تتغني…برك هوا طبقا لتحتانية كاع…جبد معقموو عقم يدوو..

مدو لها باش تعقم يدها..

إخلاص:(حركات راسهاا بلا)مبغيتش

أسيرم:..قستي شحال من حاجة وقستيي وجهك .(تنهد)شديي

شداتوو من عندوو مخنزرا.عقمات يدهاا…وعينيها على شعرو..تفكرات نهار زلعاتو على راسو

إخلاص:شعرك…بان لي نفعوو المعقم(صغرات عينيها)

أسيرم(ميل راسو ممطمأنش لتخنزيراتها)شعرييي؟مالووو شعريي (دوز يدو على شعرو)؟

هزات يدهاا لشعروو …

إخلاص:ياااك عاد كنتي تتكول ماما دوشي ليي اااا أااا…بحال تعقيم بحال تدواش أاا اا(تتراوغو باش توصل لشعرو)

أسيرم:تبتييي شعريي لاااا…

إخلاص(عمرات يدها معقم)انعقمم ولدييي أنعقمووو أرااا دااك الراس اراا(تتشبط فيه باش توصل)علاش نتاا طويل بزااف..أااا

جرهااا لعندوو…

اسيرم:باش نحكر على لقزامين لي بحالك..

يتبع
94🥀
تزوجتها بوصية زوجها📜
بقلم حنان فارس

جرهااا لعندوو…

اسيرم:باش نحكر على لقزامين لي بحالك..

مقربهاا عندو..محاوطها بجوج يدين..كيشوف فيها وهي مخرجا عينيهاا..

إخلاص:قلت لك متبقاش تقربنيي لعندككك

كيشوف فعيونها.القهويين لي كيلمعوو.عيونها لي تدور فيهم..عيونها لي ديما كيعبرو على حالتها وفاضحينها….وكيستنشق ريحت عطرهاا …لي تغلغلات لنيفووو..منين قربها عندو عطرها لي خفيف..ومكيستنشقو تا تتقرب ..

.ابتسم ابتسامة خفيفة وهوا كيسرق نظراتوو منها وهي قريبة منوو..نطق ولبسمة بقا مرسومة.

أسيرم:ولكن لولد ميقدرش يبعد على مو؟

إخلاص:(هزات يدها)بصحححح

حطاتهم على شعرووو..تتمسح فيه لمعقم.

هز عينوو..راد ليها لبال..كرز على سنانو..تنهد .حلف تيخرجها منها..

أسيرم:(بهدوء)عقمتي ولدك أماما؟

شافت فيه ضاحكا

إخلاص:أه

أسيرم:(بنفس النبرة الهادئة)ومتوكليييش ولدك أمااااماااا؟

خرجات عينيهاا..فيه.دفعاتو.بغااا تفلت منوو..حاوطهاا بيدوو…ممخليهاش تحرك..تضرب فصدروو..مبعداا .وجها..مغمضا عينيها

إخلاص:مولدييييش غييير سمح ليي والله منعاااود. نخربق لك كويبتك..طلق طلققققق…والله مولدييش نتاااا مولديييش..نتاا راجليي غير بعددد..بعدد مولديش

دفعهاا عندو تا قدات وقفتهاا..

أسيرم:أناا شنووو

حلات عينيها فيه..بؤبؤ عينهاا كيتحرك مع بؤبؤ عينوو..وانفاسهاا فسباق مع انفاسوو..

إخلاص:نتااا

قبل متكمل هضرتها..تحل باب لاسانسور..هزات عينها..فلباب..بان لها فوزي..مع مجموعة دلاطباء..وناس لابسين كوستار..باينا من لباسهم ووقفتهم..مهميين.

شافت فأسيرم.بصوت خافت

إخلاص:بعد عمك ونااس.

أسيرم:(شاف فيهم وشاف فيها)لبقاو فيك هضري باش يطلعو
95🥀
تزوجتها بوصية زوجها📜

إخلاص(كتبعدو..بصوت خافت)قلت نتاا راجلي ماشي ولدي غير طلق

بعد منهاا قاد وقفتوو…

دخلووو…وهماا كيقدموو تحية..ويحركوو ..راسهم .
زادوو كيسلموو عليه..

….:دكتوور أسيرم هداا نهار كبير منين شفنااك..

…:سي فوزي كالنا مغيضمنش لنا موعد معاك ولكن من حسن حضناا لقيناك..

…:دكتور اسيرم…سمعت بزاف على عملياتك ولياا شرف نقابلك شخصياا..ومكرهتش نحضر لشي عملية لييك

كيجاوبهم ويسلم..عليهم..

فوزي:كترتوو عليه…(شاف فأسيرم)لعندك شي وقت شرفناا لندوة .من غير هاد لاطباء ايكونو وحدين خرين من سبيطارات خرين

اسيرم:معنديش وقت مراا خرا ان شاء الله(شاف فاخلاص )مشينا

شاف فيه فوزي حرك راسو باه..
فوزي لي مرضاش يشوفو اسيرم مقرب لهاا هكداك..وهي بسكراب طبي وغيضنوها طبيبة..سمعة لكلينيك غتضرب لارض

زادت عندوو…شددها من يدها جارها..شاف فيهم..

أسيرم:بلمناسبة هادي ماشي دكتورة فلمرابطين هادي مرتييي

(ابتسم لهم وزاد)
خرج …مخليهم غير يشوفوو..

نترات يدها منووو..
إخلاص:نتاااا حمققققق…

أسيرم:اووه نتي مولات لعقل..

إخلاص:شكون هادوك ..طلعوو كيعرفوك وش تتعرفهم؟

أسيرم:لا يمكن شفت شي جوج منهم شي مرة
إخلاص:ممم زعما نتاا طلعتيي مشهووور متعطينيش توقيعك ؟

أسيرم:مم دابا نفكر فلموضوع

إخلاص:وعلاش كلتي لهم انااا مرتك..؟واش اي واحد تتشوفو تتكولو اناا مرتك.
أسيرم:(ضحك عليها)اه علاه مخباركش هاديي

داز فيه شخص فكتافو تا تهز..

أسيرم:(شاد على كتفو)وقف..
قاد كرافاط كوستاروو لكحل..ودار بثقالة..

….:نعام؟

إخلاص:(شدات اسيرم من كتفو)غير قاسكك..

أسيرم:مفخباركش هادييي مرتيييي(شاف فيهاا ضاحك)شفتي اي واحد كنشوفو كنكولها لووو..

إخلاص(شارت لسيد )سمح لنا مديش عليه مواخدش دوااه.
جراتو…

إخلاص:معرفت مالك ليوووم…جيتينييي ماشي هوا هدااك..

أسيرم:علاش وش مخصنيش نضحك؟

هزات راسها فيه

إخلاص:بلعكس ضحكتك زويناا.

أسيرم:شكراا عارف راسي زوين(دوز يدو على شعرو بفخر)

زااد مخليهاا..تتشوف..

خرجو من لكلينيك..توجه لوطوو..ديالوو..

إخلاص:وش معندكش خدمة؟

أسيرم:دابا لا تا لعشية ..غنوصلك لدار..ونقضي شي شغل ورجع.

إخلاص:اوووه مشفتش خالتي ونضال

أسيرم:غدااا جي بحوايجك واجي تشوفيهم.

شافت فيه .

إخلاص:علاه مال حوايجي دابا كي جاوك .
أسيرم:(تنهد)مفهمتش علاش نتوما لبنات تتاخدو دجاجة قدوة ليكم.

زاد لوطوو خلاها واقفاا تتشوف..

إخلاص:اش جاب دجاجة ليا؟؟(حنات شافت فرجيلاتها لي تيبانو..وهزات راسها فيه)زغيييينداااااااا
96🥀

تزوجتها بوصية زوجها📜

حلاات عينيهاا بثقاالة…هزات راسها بان لهاا عدنان كالس حداها.

تهزات باغا تنوض

عدنان:كلسييي راااكي عيانة.

نضال:انا بيخير مفيا والوو.

عدنان:نتييي مبيخيرش نتيي عمرك كونتيي بيخييير..امتاا كنتيي ناوياا تكولي لي بلي راك مريضة بلقلب.. أااا؟

نضال(تنهدات..حطات يدها على راسها)مبغيتش تعرف(هزات راسها فيه)مبغيتش نشطن شي حد عليا..كنت متبعاا لعلاج مع خويا كنت بيخير

عدنان:مور مامات معاد وش تبعتي شي طبيب اخر؟

حركات راسها بلا

عدنان:(ابتسم باستهزاء)عندك بالي حنا صحاب وعشران وخوت…انااا غييير لجرحت صبعيي كنجيي بجرا نكولهاا لكك ولكن نتييي..

(ضرب يدووو مع لحييط زعفان)علااااااش حناا صحاب لموقفناااش مع بعض أاااا؟؟؟؟لمخففناش على بعض؟؟؟نااس مكيحتاجوش صحاب غير باش يضحكو معاهم ويخلقوهاا معاهم..حيت فضحك اتلقاااي معااك بزااف .كيحتاجوووه فلقرح انضااااال.. نتييي حمااارة انضال برب تاا حمارة

حلاات يدهاا

نضال:اجييي عندييي

نزل عندها معنقهاا..شاد دموعو بزز

عدنان:يلاااه الحمارة…غتعالجيي دغيااا ورجعووو نكملوو مشارعناا…

نضال:سمحليي ولكن مبغيتش نتعاالج .

ساايق لووطوو..مركزز على طرييق..

شااف فيهاا ساكتاا..

أسيرم:شفتك ساكتا؟

إخلاص:اشش غنقول؟

أسيرم:معرفتش غني متلاا دبدوبة ديالك؟

إخلاص:يكماا عجبك صوتيي؟؟

أسيرم:مم اه زويين زويين بزاااف كااع

إخلاص:عارفاا متحتاجش تكولها

دورات وجها لسرجم..شاف فيها مصغر عينو

أسيرم:بحالاا..كترضي صرف أاا؟

إخلاص:اجمل مين في الحفلة مييين(كدور فعينيها..شافت فيه)

حرك راسو بلاا حول..

شاف لتيلي ديالو كيصونيي..هززو.مجاوب.

أسيرم:ألو

…..:شفتككك فرحان معاهاا

اسيرم:(عنكش وجهو)شكوون معاياا؟

…:نسيتيني ولكن انا عمرني أنساااك…دكتور أسيرم .شنوو احساسك..ونتاا ضاحك وفرحان مع مرت صاحبك .بعد متسببتي فموتو أااا؟؟

أراءكم وتوقعاتكم بون نوي..موعدنا فاش لقاا وقت راه ختكم غارقا مع راط🙂
97🥀
تزوجتها بوصية زوجها📜
بقلم حنان فارس

فرااااناااا لوووطوو…تااا تهزات من بلاصتها…شافت فيه مصدومة..مفهما والو..مفهماش اش واقع..وشي لي بدل ملامح وجهووو…

أسيرم:(كارز على سنانو)شكوووون نتااا أاااا شكووون نتااااا؟؟

…..:اشنو نسيتيني مم كفاش طبيب دماغ دماغو على قد لحال؟ عجييب؟

أسيرم:(ابتسم باستهزاء..متجنب هضرتو)مبقيتش باغي نعرف !..سير لعب مع ليي قدك ..ممساليش لك

بعد تيلي على ودنو….ورجعوو بزربا منين سمعو نطق

….:بصح عزيز عليا لعب..كنعش نلعب بسلاااح..بااااو باااو (ضحك بجهد..وسكت.).بصح رجالي مفكروكش فياا ؟ولكن شكون عرف تقدر تفكرني لمرة جاياا ؟

تفكر رجال لي هجموو علييه..عرف بلي شخص لي كيهضر هوا لي مراهم..يعني كاينا قصة موراه.

نطق بجدية

أسيرم:أش بغيتي؟

……:الذكاء أصلا انا كنت متأكد بلي الاطباء ذكيين..ذكيي حيت تتسول دريكت اش بغيت…ولكن بصح اناا اش بغيت منك؟؟؟(ضحك بهستيرية)بغيييت رووووحك..

(سكت للحظة ونطق)روووحك لي كان خصني ناخدها شهور هادي.. ولكن مشاا بلاصتك صاحبك ..دووومااج

عيونووو خرجوو..وعروقوو برزوو..حس بقلبوو تهززز من بلاااصتوو..والعافية شعلاات فيه..وخلات دموو يفور..
بلل شفايفو ونطق.

أسيرم:نتاااا تتقصد بل..

قاطعو.

….:اه بصح..معاد مماتش موتا عادية معاد تق.تل…وشكووون ق.تلووو؟(ضحك بجهد)نتااا..بسباااابك ماااات.

غوت بجهددد..باعلى صوتوووو…

اسيرم:شكووووون نتاااا الحمااار. لكونتي راجل خلينيي نشووووفك….خلينييييي نشووووووفككك الشمااتاا خلينييي نشووووفك

…..:رولاكس روولاكس..الاعصاب ممزيانينش لك اسي طبيب..غنتشاوفوو غنتشاوفوو بزاااف دلمراات…متخاافش مغاديش نق..تلك بسهولة..القط مكاياكل الفار تا تيلعب بيه مزيان.

..غنتشاوفو ولكن فاش غنبغيي اناا…(ابتسم بشر)بالمناسبة مرتك زوينة…واناا كنعشق زييين..

صوووت ضحكتووو ..علات ضحكتوو لي استفزات..اسيرم وخلات لعافية تشعل فقلبوو..

شاف فاخلاص..وهي قدااام عينيه خاف علييهااا…خاف ليضرهاا…خاصة ان شخص لي كيدوي معاه جاه مريض فدماغو..

هزات عينيها فيه تتشوف فيه باستفهام…مفاهما والوو..

سد عينووو..وحلهم..كانووو حوومر..بلعصب..زير على لكمة يدو..سرط ريقوو ونطق..وعيونو عليها..

أسيرم:معرفتش شكون نتاا..معرفتش امتا زطمت عليك ..ولكن تيقنيي..لقربتيي منهاا..ولقستيي شعراا وحدا منهاا..مغاديش غير نزطم عليك..برب الكعبة تا غادي ندددددفنك..وتيقنيي غنجبدك غنجبدك وخا تكون فقااااع لارض.

….: الحب زوين ياااك؟..زوين لدرجة كيخليك تعطيي وعود مغتقدرش توفيي بيهم؟ آه عجيييب …خليناا نشوفو وش غتبقاا شادة هي فيدك..بعد متعرف بلي نتاا مور موت راجلهاا..

قطع..عليييه…

أسيرم:الووووو الووووووو (بالغوات)الوووووووووووو

رمااا تيلييي ..لارض ….بزعاف

حطط يدوو على راسو..كيتنفس بجهد صدرو كيطلع ويهبط….ولعرق نازل من جبهتووو..

حطات يدهاا على ضهروو..مصدومة من حالتو..

إخلاص:أشش واااقع لك؟

هز راسو فيهاا..بزرباا شد يدهاا مزير عليهاا
هو

Leave a comment