Skip links

قصة : تزوجتها بوصية زوجها ج5

 4,286 عدد مشاهداات

60🥀
تزوجتها بوصية زوجها 📜

حس بريقوو حصل لييه بداا يكحب بشويا..وجهوو تزير وهوا كيسمع لها..

شاف فاخلاص قارن حجبانو

أسيرم:على مكولتيش لها راني جراح ددماغ ماشي د

هز يدو مدوزها على راسو معرف ميقول

فحين اخلاص.شادة ضحكتها..بدورها مصحابهاش سيدة غتسولو داك سؤال

نطقات لمرا وهيي تتشوف فيه
…..:اواا ابني قل لي وش متنفعنيشيي

أسيرم(شاف فيها مخنزر)أناا جراح ددماغ ماشي ددشي حاجة خراا

…:اه طبيب داخر زمان..الله يرحم الحااج.كاان يختن..ويقلع ضروووس..ويكويي على بوزلوم..كن جيتي فزمانو ابني كن دفلك فيدك تتنفع ببراكتو

شاف فيهاا وشاف فيدووو لي رجعها مور ضهرو

أسيرم:ياك نتي جيتي فزمانو ومال الباروك منفعك؟

إخلاص(شادة ضحكتها..منين شافت اسيرم تفقص)هانتي أخالتيي معليك غير بدنجاال…سخنيييه فلفراان وحطيه فلبلاصة لي ضراتك

أسيرم:مخرج عينوو فيهااا

…..:ايه ابنتي ومن بعد مانعملو اش نعمل بيه ناكلو؟

أسيرم:باااركاا باركاا

حل صدفة قاميجتوو..كمارتو تزيرات سرط ريقو وكمل هضرتو

أسيرم:غنتعطلووو

إخلاص:(كتهضر بسيف وهي شادة دضحكة)لا اخالتي متاكليهاش حيديها ورميها وومرة مرة دوزي بثلج وزيت زيتون..نخليك انمشي

….:الله كثر من مثالك (شافت فاسيرم بنص عين)اه ماشاء الله .. دفليي على يدين راجلك تعطيه لبركة..راه الطب مجاشي بلقراية جاا بالبركة

مشات سيدة فحين هما طلعو لوطو..مع طلعة جبد قرعة المعقم كيعقم فيدوو..هضرتهااا حسساتو بلي خصوو يدوش…ويتغمس فجافيل

اخلاص غير تتشوف فيه شادة..ضحكة …بالنسبة لها حاجة زوينة يتفقص بلا مدير مجهود..

شاف فيها مخنزر

أسيرم:مداام دنجالة

شارت لراسها

إخلاص:أناا؟

أسيرم:ديري سنطة

حرك راسو بلاحول.

أسيرم:كن كان دنجال يحيد لبواسر كن حيدهم لراسو.

فهاد لحظة مقداتش تشد ضحكتها…طلقاتها مجهدة.. كضحكك من اعماق قلبها تا سالو دموعها…هوا بدورو مبتاسم مراقبها..

هزات راسها فيه..ودموعها نازلين بضحك

إخلاص:تبغي ندفلك فيدك نعطيك الباروك؟.

#يتبع
61🥀
تزوجتها بوصية زوجها 📜

مساافة طريق..وقفاات لووطوو..ديالو نزلوو..بجوج..
نزل سابقها وهي تابعاه.

إخلاص:مجاوبتينيش؟مبغيتيش بركتي؟أااا…أااا براكتي؟

وقف مخنزر فيها

أسيرم:مغتطفايش؟
إخلاص:بغيت غير نعطيك لبركة(جبدات ضحكتها)

أسيرم:باركتك خليها عندك غتنفعك..ودابا غندخلو لسوبر ماركيت بحال ناس لي بعقلهم اك؟

دورات راسها..حركات راسها باه

إخلاص:كن هانييي
زادو داخلين بجوج.

توجه لجهة ليي فيها داكشيbio
أسيرم:خودي أش خاصك.
هزاات راسها كدورو
إخلاص:مخصني والو من هنا لخصاك شي حاجة خودها نتا

حرك راسو بلا حول..وزااد كيهزز تقدياا..اي حاجة محطوطة فهاد جهة هي طبيعية بلا مواد حافضة..
عمر أش خاصوو وشاف فيها
أسيرم:صافي؟
حركات راسها باه
غادي متوجه لاكيس..وقفو صوتها
إخلاص:اسبحان ابنادم على اساس راني تقديت؟

أسيرم:وش نسينا شي حاجة؟

خنزرات فيه
إخلاص:تبعنييي
زااد تابعهااا…توجهات لجهة دسقااطة .
بدات تجمع فشيبس ها لحارة ها لمالحة ها دتومة
شافت فيه وهي معنقاهم..

إخلاص:نسينا هادوو

حرك راسووو بلااا

إخلاص:بغيييت هادوووو

أسيرم:بغيتيني نشري لك سم بيدي؟

إخلاص:ماشي سوووقيي بغيت هادوو ولا منتحركش..

أسيرم:غتحطيهم وغنتحركوو خودي شنو بغيتي من جهة دbio راه تماا شكلاط
إخلاص:شكلاط ديالهم مر بغيت هادو

زادت حطاتهم فشاريو

أسيرم:حطييهم قلت لككك خايبين..

إخلاص:ماشي سوقك فياا صحتيي ديالي انا بغيتهم..
حيدهم من شاريو ردهم لبلاصتهم

أسيرم:سم متيتكالش عندي فدار

إخلاص؛ناكلهم فزنقة؟
أسيرم:لاااا
زاادت دااخلاا فشاريوو
أسيرم:اشش تديريي وش حماقيتي
إخلاص:لمعطيتيهمش ليي والله لا نضت..
كان حداهم راجل كبير فلعمر كيسمع لصداعهم

نطق الراجل..
…..:غير دير اولدي لخاطر لبنتك
أسيرم:بنتي؟
(خنزر فيها) كن كانت عندي بنت اتكون بعقلها عليك.
إخلاص:مغنوووضش
تنهد بصوت مسموع..كيحاول يكالمي فراسو.
أسيرم:نجيب لك شكلاط حلو من جهة دbio وتنوضي؟

حركات راسهاا بلاا

إخلاص:بغيت هادوك
أسيرم:(بنفاد صبر)غتاخدي وحدة تافقنا وحدة

إخلاص:ككف
قاطعها
أسيرم:فدار غنديرهاا لك..دابا غتاخدي وحدة

إخلاص(تنهدات )صافي وخاا..

زااد هزهاا..ولاحها عليها..

معاينهاش تنوض ودفع شاريوو..بيهاا
أسيرم:اخرر مرة نعاود نجيبك معايا لشي بلاصة
إخلاص(هزات راسها فيه)فين شكلاط لي كولتي لي
.طلقهاا وزاد يجيب لها شكلاط…وقف داير بزرباا منين سمعهاا تتغوت…شاريووو غاادييي بها وهيي تتغوت ووتشير بيدهاا..

سد عين وحل عين منين سمع ناس قالو ارسول الله
62🥀
تزوجتها بوصية زوجها 📜

حل عينووو كيشووف ..

شاريو طاح..وهي طاحت فواحد جبل دبابي جينييك

زاد عندهاا بزرباا..

كيشووف فيهاا طايحاا وهازا رجلهاا..

مدد يدوو لها

أسيرم:(كارز على سنانو)نوضييي

شدات فيه نايضاا..

شاف فيها

أسيرم:تقصحتيي؟

حركات راسها بلا

إخلاص:طحت على لكاغيط دطواليط.طاكا عليا

شاف فلكااغيط لي طايح..ومشتت فلارض..شيي تبزط وشيي تقطعات لو ميكتوو..وشيي غير ترماا وتشتت

هز عينو ف شخص خدام فسوبر ماركيت كيشوف فييه ويشوف فلكاغييط..

نطق وهوا باقي كيشوف فاسيرم..

……:شي سعتاين وانا كنستف فيه.

أسيرم:غنخلص الخسارة كن هانيي

شااف فيهاا ..وشاف فشاريوو..لي تقلب..وداكشي لي شرا كلوو تزعلع ..

أسيرم:غتمشيي لطومبيل…منسنعش صداعك وخاا (عطاها ساروت)
تحركي

هزات راسها..حركاتو بوخاا..تمات غادة..رجعات تتجري..هزات شيبسها

إخلاص:متنساش تخلصها تا هي..

وزادت خارجا

فحين هواا كلس يخلص نتيجة خطيتوو..ورجع عمرر شريوو ..

كالساا فلوطوو…تتاكل شيبس…طالقااا رجليهااا…..

حسات بلملل وهوا باقي مخرج..

شافت فساروت لي عطاها باش ركبات

كلسات بلاصتوو .

إخلاص:ميكونش زعما بناتهم لي يديماريهاا

بدات تجرب تا ديمارات. لوطو..ضربات فيدهاا..

إخلاص:يااااس ولكن كفاش كيسوقوو هادشيي؟؟

عاودااات ديمارتهااا…بدات تخربق هبطات لفرامان تا تحركات لووطووو..طريق نازلاا ودغيا نزلات

ضربااات فلوطوو لي مسطاسيونا قبل منووو..
تردخات فبلاصتها..رداتو لبلاصتو..وشدات لفران موقفا لوطو
نترات يدهااا..مخرجاا عينيهاا..

شافت رااجل جااي كيجري عندك لوطو ديالووو…شاف فيهاا شاد فراسووو..وجاا كيدق على إخلاص..

حلات لباب ..نزلات عندو

إخلاص:شيباااس

شافت فلوطو ديالوو كاع هرساتها من لور

كملات هضرتها بهمس

إخلاص:مكاااين
63🥀
تزوجتها بوصية زوجها 📜
كيشووف فيهاا مخنزر

…..:فاش كنتي تتفكري اشريفة فاش دايزاا لي فحديدتي؟

إخلاص:سمحلي مصحابنيش غتوصل تا لعندك

…..:معرفاااش تسوكيي اشداااك لشي خرشاشة ..دااابااا اششش غندير انااا فهاد روينة.اااا…بربييي تا تخلصيي لخطية
جااي بثقالة جار شاريو…متوجه لوطو ديالو…شاف فراجل لي كيغوت..ويعطعط .

زاد عندهم أسيرم بزرباا..

أسيرم:اش واقع هنا؟

…..:ونتااا مالك اشش دخلك بيني وبينها

أسيرم:(شار بعينو لوطو)ديالي هادي

…..:هاااد سيدة دااازت فحديدتييي بربيي ومتخلصهاا بربييي ومتخلص
شاف اسيرم فاخلاص..مطلع حاجب مهبط اخر
أسيرم:دخلتي فيه أاخلاص؟

حنات راسها..
إخلاص:درت كسيدة..

أسيرم:نتي بيخير موقع لك والو؟

إخلاص:لاا ولكن قصتها لو غير شويا
…..:كفاااش قستيهاا ليي غير شوياا شوف شوف كيف رضاتهااااا هرسات بوهاا
أسيرم:بلاا متغوت عليهاا خسارتك اناا انخلصهاا..

شاف فاخلاص
أسيرم:دخلي
زادت بغا دخل ..وهوا يشدهاا داك راجل من يدها..شافت فيه مخرجاا عينيهاا
….:برب متحركيي من حداياا والا مخلصنييش أااا؟
كيشوووف فيه كارز على سنانو…شاف فيدوو لي شادينها بعيون حوومررر..
زااد ناتر يدوو من عليها…مزير عايهاا باقصى قوتوو…لدرجة سيد حسس برووحو اتخرج
أسيرم:متتتقييييسهااااش
تحولات نبرتو لاسترجالية لنبرة طلب ورجاء.

…..:يديي اخويااا يديييي مغنقيسهااااش غير طلق غييير طلق.
أسيرم:اخرر مرة تهزز صوتك عليها وترجل علييهاا فهمتيييي(مرجع ليه صباعووو لور)اخرر مرة
…..:والله منعاود والله منعاود نهز صوتي على شي مرا
طلق منووو…خلاه شاد فيدوو تيتوجع…جبد شيك ولاحوو ليه فلارض..يصلح بيه لوطو ديالو…
شاف فاخلاص لي واقفا شادة فكتفها..تتشوف فيه ..وهي مصدومة من تصرفو

أسيرم:قلت لك دخلي!
زادت داخلا فحين هوا زاد ببروة…خوا شاريو..وركب..
كسيرااا بجهد متوجه لدار فجوو دسكات..
هرسات هاد السكات منين نطقات..بتمتة
إخلاص:أنااا
شاف فيها مخنزر
أسيرم:نتييي سكتييي دابااا تا لدار ونتفاهمووو
عضات على شفايفها..عارفا راسها تبرهشات مكانتش بغا توصل لهاد درجة…ونطقات وهي تتشوف فيه
إخلاص:سمحلي وداكشي لي ضيعتي انا انخلصوو

أسيرم(عينو على طريق)كلتت لكك سكتيي

سكتات…شادة على جنبهاا..تتوجع..حاسة بلحمها تم تيتقطع..شاداا على فمها..مبغاش تزيد تهضر تعصبوو…صبرات تاا عياات لوجع تزاد عليهاا…غوتات لربيي لي خلقهاا..

اراءكم وتوقعاتكم بون نوي
64🥀
تزوجتها بوصية زوجها 📜

فلكلينيك

كان كالس فلكافيتيريا..شاد تيليي كيخربق فيه…

هزز راسوو..كيتجبد..بانت ليه جاياا..هازا لقهوة فيدها
خطوات قلال وقفات عليه .
شافهاا بغاا تكلس فلكرسي لي حداه..سبقهاا حط رجلوو
عليه.

مخنزرا فيه إيناس:قليل الادب

عدنان:متشرفين

إيناس:مشفتيش أسيغم؟

عدنان:لا ازين انا ماشي بركاك بحالك باش نبقا حاضي أسيرم.

إيناس(حطات يدها فجنبها)ميي ممولفاش ليه يغبر على لكلينيك ..غنصوني عليه نشوف مالو

عدنان:مغيجاوبكش..(محتاقرها بنظراتو)

ايناس:مالك تتشوف فيا هكدا؟

عدنان:حنا رجال لبنت لي تتعيط لنا ليل ونهار ولي تتبقاا تسول وتسول وتسول كطلع لنا فراسنا ازين.(تنهد)عزيها تعزك

إيناس:اووه وش اناا سولتك؟مي مسولتكش دونك دخل سوق غاسك

عدنان(كيعيبها)غااسي داخل سوق غاسو نتي لي دخلي سوق غاسك

إيناس:ولكن علاش كتعيب هضرتي؟علاش كضحك عليا حيت تنطق غا بلاصة را

عدنان:تتنطقي اش بلاصت اش؟
إيناس:غا بلاصة راا

عدنان:وعلاش تتنطقرا غا بلا را

إيناس:تنقول غا حيت متنقدرش نقول راا

عدنان:وعلاش كولتيها دابا(هز صبعو مشكل3)كولتيها ل3 دلمرات

إيناس:حييت…

قاطعها

عدنان:(تم نايض)لاغلبية فهاد لكلينيك قاري براا ماشي غير نتي لي قاريا ففرانسا ازين..ولكن هنا لمغرب مغاربا ماشي فرنساويين..يعنيي غاا ديالك ودونك وبغكوا وباغسكوو خليها تنفعك لهيه..ماشي هناا.

ضحكات بجهد..وقفات مقابلا معاه..مخنزرا فيه

إيناس:وش سوووقك؟نهضر تا بجابونية سوووقك.نتاا متتشوفش بليي كنحاول ديما مدخلش لفغونسي ولكن واحد بحالك مغانعاينوش يفهم..اصلا كن كان فيك لخير مغتخليش عائلتك البناج

هز عينوو مخنزر فيها..خشاا يدو فجيبو.

عدنان:واحد بحالي ممحتاجش لعائلتو..لسولتي عليا فلكلينيك..غيقولوو عدنان..ولد من؟منعرف؟

ولسولنا عليك شكون ايناس؟بنت بنيس .
.وش طبيبة؟ اه..
ديالاش؟دلاورام السرطانية..
اووه واو..دابا لمريض بورم سرطاني تدير ليه لعملية وتحيدو ليه؟

(حرك راسو بلا)لالا سيدة طبيبة ولكن عمر حطات رجلها فغرفة العمليات..دكتورة صنمة فهاد لكلينيك..اه ولكن عادي هي بنت عائلة بنيس باباها طبيب نفسي مشهور وماما كانت بحالها ..عادي تكوون هنااا..حيت لوتاد لي موقفينها صحاح

كتشوف فيه بعيون محجراا بدمووع..

سكت كيشوف فيها

عدنان:بقا فيك لحال؟فرحتيني

دفعها وزاد..دار منين عيطات ليه..محس غير بلقهوا سخونة على كمارتو

إيناس:زييد فرح..

ردخات لكاس وزادت
65🥀
تزوجتها بوصية زوجها 📜

شاااف فييه مصدووم..نطق وخوفو عليها باين على ملامح وجهوو

أسيرم:مااالك اش وقع لك؟

شادة على جنبهاا…تتغوت..ودموعها نازلين.

إخلاص:معرفتش ولكن تنتقطع تنقطع

وقف لووطو..جنب..حيد سنطة..وقرب منها..

أسيرم:وش تقسحتي فاش ضربتيه بلوطو؟

حركات راسها بلا

إخلاص:تهزيت فبلاصتي متضربت فتا جهة .

أسيرم:هزيي طريكوك

هزات عينهاا فيه..حركات راسها بلا

أسيرم(بنفاد صبر)وش داباا وقت لعنااد؟راني طبيب ماشي زلايلي

حطات راسها على زااج..تتوجع..

هز ليها طريكوهاا ..بشوياا..كيشوف فجنبها.. مكاينش اتر ضربة..

حسات باطراف اصابعو لباردين تحطو على لحمها..تهزات من بلاصتها..

أسيرم:ضريتك؟

حركات راسها بلا..

أسيرم:غنقيسك..لضريتك كوليها

برك على جنبها بشوياا…
غوتاات بجهد..شدات يدوو غرسات ظفارها فيهم

إخلاص:(تتبكي)ضريتيينيي ضريتيينيييي

أسيرم(دوز يدو على شعرو نطق..بزعاااف ) عندك
Appendicitis

هزات راسها فيه..ودموعها نازلين

إخلاص:اش هادشي؟

أسيرم:التهاب زائدة الدودية..خصناا نمشيو لكلينيك دغياا

كسيراا لكلينيك..بزربااا…

طريق كلهاا وهي تتوجع…حاساا بروحهاا اتخرج…

وقف لوطوو قدام باب لكلينيك..

نزلات..تتجر رجلهاا…وجهاا ولا صفرر لون تخطف منوو..والوجع باين فملامحهاا..

أسيرم:مغتقدريش تزيدي..غنهزك

إخلاص:كفاش اتهزنيي لااا قادا نتمشاا..

أسيرم:مكنسولكش غير كنعلمك..

محساات براسهاا..غير جمعهاا هازهااا بين يدوو..

إخلاص:نزلني خليهم يجيو هما يدخلوني

أسيرم:لاا مغيحاولوش عليك ..غتوجعي غيضروك ..يديي مغضركش

تمم دااخل بيها..فحين هي ساكتاا…تتوجع بصوت مهموس..

للحظة تزاد عليهاا..لوجع…حطات راسهاا على صدروو..تتشهق بصوت مهموس.

شافتووو داخلا هزز بنت بين يدوو..لاغلبية كيشوفو فيه ممولفاش ليه يدخل شي وحدة وبين يديه..تا مرضاه مكيهزهمش..

كيشوفو ويتساؤلو..الى هي كتشوفوو..وقلبهاا كيتوجع..

زادت عندوو بجرا..

إيناس:أسيغم شكوون هادي؟

أسيرم:(بلا ميعطيها اهتمام)مرتييي
66🥀

تزوجتها بوصية زوجها 📜

زاد بزرباا متجنب اناس..

شاف فسناء فلاستقبال

أسيرم:وش دكتوور علي كاين؟

سناء:آه ادكتووور(عينيهاا على إخلاص)

واقفااا مكوانسياا..كلمة مرتيي تتعاود فودنهاا…

إيناس:مغتووو؟؟(حركات راسها بلا)مسمعتش مزياان ..سمعيي ولا ضعيف هاد ليام ضعيف بزاف

بعد لحظات..واقف على راسها..وعلي كيفحصها..هز راسوو فيه..

علي:تقدر تجي معايا

إخلاص:وش مغتعطينيش شي حاجة تحيد لي لحريق؟

علي:لاا ابنتيي (تنهد )غيخصك عملية..

شافت فيه وشافت فاسيرم

إخلاص:عملية؟؟كككفاش

أسيرم(بحسرة)شي لي بغيتي تكولو ليا على انفراد غير كولو معاها..

علي:عندك التهاب الزائدة الدودية..

إخلاص:ولكن انا كنت بيخير؟

علي:غالبا تحركتيي شويا مع لحركة ونشاط .كيجي لوجع..وهادي فيها خير ليك..ضروري خصك عملية..مخصش نتعطلو حيت لتعطلنا وقدر الله تطرطقات غادي

إخلاص:غنموت؟

حرك راسو باه

أسيرم:وجد غرفة العمليات ..هي غديرها

علي:وخاا وعائلتها فين يبداو لاجراءات؟

أسيرم:انا عائلتها

علي:(مطلع حواجبو )غنوجد

زاد واقف على راسها

أسيرم:التهاب الزائدة دودية هوا التهاب جزء من المصران الغليظ فاسفل لقسم ليمن من لكرش…بزاف دناس كيتصابو بيها وبلاكتر لعيالات…كيخص ضروري تدخل طبيي سريع..باش مطرطق لطرطقات غيوقعوو مضاعفات خطيرين…هي عملية بسيطة سهلة وسريعة..

هزات عينيهاا فيه..بصوت خافت ..نطقات

إخلاص:وشش دابا وقت لمحاظرات أااا؟؟لخص شنو بغيتي تقول بلا متعرض عليا دروسك

شاف فيهاا..مطول..تنهد

أسيرم:بغيت نكول لك

زاد خطوة مقرب لهاا.

أسيرم:”متخااافيش”

هزات عينيها فيه محجرين بدموع..

إخلاص:وشش غنموت؟

أسيرم:مكنضنش عندي زهر لهاد درجة

إخلاص:ولكن كولتو لطرطقات غنموت..حسيت بشي حاجة طرطقات

سرط ريقو ميل راسو كيشوف فيها

أسيرم:هادشي كيعني ان..

إخلاص:لخصصصص

أسيرم:حزقتي أإخلاص!
67 🥀
تزوجتها بوصية زوجها 📜

كانت راكبااا فلوطو..لابسا لافيست وسروالها فلبيض..دايرا نظاضر فلكحل..مكياج خفيف..وشعرها لقصير كيف لعادة مطلوق..

طرييق مبلووكياا…مكاينش فين تحرك لوطو..

نااس كيغوتوو ويطوطو..

هزات رجلهاا..مجبدا..
شافت ف لبيتزا لي حداها

نضال:غناكلك دابا ازين ديالي حيت فلكلينيك مغيكونش عندي وقت..

هزات منهاا تتاكل..وتببنن

بعيد على لوطو ديالها بخطوات…كان فلوطو ديالو لابس سروال كري وتيشورت زرق ..

كالس لور
معنقهاا عندوو ومتكيي…من وجهوو باين فيه نعاس ولفشلة..شاف فصاحبو لي سايك بيه

داوود:منتصر مالك اساط وقفتي

شاب فثلاتينيات من عمرو بشرة حنطية ولحية وشعر قهوي نازل شويا على ودنيه مطولو..شخص لي عندة مجموعة من دلمحلات دلحوايج فمدن متفرقا وفنفس لوقت عندو مطاعم وقهاوي فبلايص مفرقين فرباط.

منتصر:وهانتا تتشوف طريق مبلوكياا

تنهد بصوت مسموع شاف فبنتو لي تتشوف فيه.
شارت لساعتو

داوود:فيروزة حبيبة متخافيش غتقيدي فمدرستك..الا ماشي ليوم غدا (جرها من حناكها)

منتصر:وش صافي غتبقا معاك؟

داوود:اه مشيت جبتها باش تبقا معايا لوليد ولوليدة راك عارف ناس كبار بحرا يقدو براسهم

منتصر:وعلاش مبغاوش يجيو يسكنو هنا؟

داوود:مبغاوش يبدلو لمدينة والو.

منتصر؛وخلاص زوينة فيروزة اتبقا عندي فدار.

(شاف فيه ضاحك)حيت باباك عطا داروو لواحد الاخت

داوود:على منشدو لي كيدور بيهاا.

شاف ففيروزة لي كتهضر معاه بلاشارة

فيروزة(بلغة الاشارة)علامن كيهضر عمو منتصر؟

داوود:والو احبيبة غير شي حاجة دلخدما..منتصر ها فيروزة معاك نزل نشوف اش هاد روينة غتعطل وغنتعطل على لخدمة.

نزل مخلي فيروزة مع منتصر..

زااد لقداام..قبالو صفف ديال طومبيلات…فلقدام كاع..كان طومبيل قايساا وحد خرا..مبلوكيين طريق…راجل ومرتو عندها لكرش تا لفمها واقفين تيتغاوتو مع راجل اخر

داوود(شار ليهم بشارتو)اش واقع هنا؟

نطق راجل لمرا

….:ها لبوليس حضر…سمع اشاف قصتو بلوطو وقلت لي نخلص اش بغيتيي..غير يخليني نديي لمراا لسبيطار.ومبغااش

شاف داوود فراجل تاني

….:باش عرفت مرتو بصح اتولد ومتتوجعش بلعاني لمتفتحش لمحضر مغنتحرك ..

قبل ميكمل هضرتوو طااحت لمرا لارض تتغوت..لربي لي خلقهاا.خرجو عينيهم منين شافو دم تحتها

بونوي أرائكم
68🥀

تزوجتها بوصية زوجها 📜

عينيهااا خارجين..وفمهاا محلول..

هكدا منظرها وهي تتشوف فييه..

قرب منها ..سد لها فمها براس صبعو

أسيرم:غير لخصت
دورات عينيهاا..وجهاا ولا حمر..سخونية طلعات معاها

إخلاص:نتااا نتاا نتااا

أسيرم:اه اه اناا اش؟

إخلاص:ياك نتاا جراح دماغ اشش فهمك فدودة لي فيا؟

شاد ضحكتو أسيرم:سميتها الزائدة الدودية ماشي دودة

إخلاص:بحال بحال
أسيرم:اه مالي انا غنعرف اش فيك حسن منك؟

إخلاص:(كارزا على سنانها)وكنطنز عليا من لفوق ..نتاا غير خليك فدماغ ناس وبعد مني انا

قلبات وجها لجهة تانيا كاعيا

زاد بخطوات تقال لجهة فين قلبات وجها
أسيرم:تقلقتي؟
خنزرات فيه:سوقك؟

أسيرم:اك خديت جوابي(دخل يدو فجيبو) ليووم قلقتينيي بزااف اني نقلقك شويا انتصار كبير بالنسبة ليا

إخلاص:اه اه عصبتك وهاا دنوبك خرجو فياا رتاحيتيي؟ومتنساش دعي باش نمو
نزل لمستواها بزربا سد ليهااا فمهاا..كتشوف فييه مسوعا عينيهاا..
كيشوف فيهاا عاقد غوباشتوو..نطق كارز على حروفو
أسيرم:غنضربك.

دفعاتوو مبعداه

إخلاص:غضربنيي ؟؟وحدا على فراش ل(سكتات منين شافتو مخنزر)
أسيرم:غنضربك لعودتي جبدتي لموت

إخلاص:(مخنزرا)غضربني؟

أسيرم:معمرني ضربت شي وحدا ولكن نقدر نضربك لجبدتيه.
كلساات مقادة..عاطياه حنكها

إخلاص:يلااه ضرب ضرب لمهرست لكك يدك ..بحا اخر مرة
ابتاسم بجنب:اه اخر مرة قصحتيني بزااف…بزااف كاع

إخلاص:يلااه ضرب لمدخلوك بلاصتيي
هززز يدووو..حطها على حنكها بشويا..
هزات عينيها فيه..

حول يدو لراسها..عنكش لها شعرها وهوا كيطبطب عليها
أسيرم:شفتي نسيتي لحريق ونتيي تدابزي معايا..

سرطات ريقها مستغربا ..فعلا نسات لوجع وهي تتعاطا معاه..كان مسكن وجعها

أسيرم:محد لحوايج لي كيضروك كتنسايهم ونتي تتنكديها علياا..(ابتسم)غنكون فرحان لبريتيي دغيااا ورجعتي لمشاكيلك
إخلاص:(كدور فعينيها)مشاكيلي كيفرحوك؟
نتر يدو من راسها منين تحطات وحد دبانة على خصلات شعرها.
سرط ريقو .وهوا كيحرك فصباع يدو..جبد معقمو كيعقم يدو
أسيرم:شويا طبيبك غيجيي..متهضريش بزاف
نترات منو لمعقم
إخلاص:عفتينيي أاا؟كتعقم يدكك أا
حرك راسو بلا
أسيرم:معفتكش ولكن شعرك

إخلاص:مالووو شعريي أاا؟عفتيه أاا
حلات لمعقم..تهزات…خواتوو لييه على راسو

إخلاص:ماشي مشكل شعري لمهم شعرك يكون معقمم

#يتبع
69🥀

تزوجتها بوصية زوجها 📜

كاالس شااد كيس ثلج على وجهوو…
وهي واقفاا على راسوو..

عندنان(حيدو من على وجهو)وشش حمرر أاا حمر؟

حياة:كحل كحل شكون هاد لحمارياا لي قلاتك

تهز من بلاصتو
عدنان:خصني طبيب جلد
حياة: تا اوااكلس كلسس..راه مفيك والوو حميمر غاا شويا على مزيناتكك

عدنان:بصح اناا زوين؟

حياة:فن فن

عدنان:تزوجيي بيا؟

حياة:تعطيني 3 من الحاجة؟

عدنان:وعلاش3 نعطيك غير جوج

حياة:حيت غتاخدني انا ولي فكرشي وراجلي

عدنان:(تنهد)صافي صافي مبقيتش باغييك

حياة:اييه يالحيماري ضحكك مكيسالي..

عدنان:غنوض عندي وحد لعملية دابا..بقاي بوحدك مع هاد لمرضى النفسين

كيعيبهم بوجهو

عدنان:كلشي مخنزر يكول واكلين لهم حقهم

زاد غادي بحالوو

حياة:بنادم راه مريض نوغمال يغوبش

عدنان(دار عندها شار لوجهو)أنااااا مريض وضااحك

حياة:قلت بنادم ماشي نتاا سير سير
مشا بحالو فحين حطات يدها على جنبها..

حياة:هاد بنادما هادي فين تعطلات ومرضاها كيعاينو

هزات تيلي تتصوني عليها
كانت بقاا تتاكل..وتدندن بصوت مهمووس..هزات تيلي منين سمعاتو كيصوني

نضال:اش بيتيي عندي
حياة:اه ناقصك غير تعياب فينك راه لمرضا كيعاينو
نضال:حاصلا فطريق(كتمضغ وتهضر)
حياة:حاصلا وتتكلي؟
نضال:لواحد هوا لي يستغل لفرص
حياة:وهي لطلقتي راسك قبل متنوض روينة
نضال:اوه صافي وخا

قطعات وتمات نازلا..توجهات لقدام..
بانت لها مرا طايحا حاملا..زادت بجرا..حنات عندها..هزات يدها مدات ليه طرف دبيتزا
نضال:شدد
شاف فيها وشاف فيدها..شدها

داوود:ناس مكيفطروش بلبيتزا؟
هزات راسها فيه..مخنزرا
نضال:ماشي سوقك..

شافت فلمرا.

نضال:حاولي تنفسي..مم تنفسي انا طبيبة متخافيش

نزلات على ركابيها..تتفحصها..شافت فراجلها.
نضال:غيخرج مغنقدوش نقلوها لسبيطار خص تولد دابا…خصنيي شي يزار نقي وفوطة..وما سخون وشي ومقص..
زاد راجل كيقلب من ناس لي حداه…ومن طومبيلات..
لاغلبية لقاه الا مقص..
شاف فيها
…:ملقيتش مقص
جبد سلاحوو…مدو لها

داوود:ديباني بهادا
70🥀

تزوجتها بوصية زوجها📜

دق علي لباب وتم داخل..شاف فيهم مخرج عينوو..شاف فاسيرم لي لمعقم نازل من راسوو..
وإخلاص لي دغيا وقفات على رجلها

علي:أسيرم

أسيرم(كيمسح راسو)موقع والو بلغلط زلعتو عليا..تقدر دخل

علي:بلغلط ..ايه أنيسة

أسيرم:مدام

علي:مدام (حرك راسو بشويا)شويا غيجيو عندك لممرضات غيوجدوك لعملية..وش باقي فيك لحريق

إخلاص:خفاف شوياا

علي:(شاف فلبنات داخلين)هاهما جاو..غيوجدووك وان شاء الله دغيا نبداو..

أسيرم تنهد تم خارج..محس غير وهي شاداه من ضهرو جابدا قاميجتو عندهاا

دار شاف فيهاا..

أسيرم:متخافيش هيي ساهلاا متخافيش.

إخلاص:(هزات عينها فيه)دخل معايا

أسيرم:نتي عارفا فاش انا متخصص

إخلاص:فتفقصنيي

أسيرم:معند حد لحق يدخل فعمليات شي حد فهاد لكلينيك..(سرط ريقو)كولشي غيدوز

تم خارج…شاف فلممرضات

أسيرم:وجدوها..

حركو راسهم بوخا..ووحدا تتشوف فلخرا..بعيونهم كيتساءلو شنوو علاقتوو بيهاا…حيت باينا فيها ماشي مريضة عاديا…

توجهوو لعندهاا كيوجدووها..

بعض لحظاات…خرجوووهاا وداوهاا لبلووك…

هزات عينيهاا..فضوء دغرفة لعمليات…

نطقات بهمس

إخلاص:مجرد لحظة

يلاه كانت تنقز وتدير فلمشاكيل اخر حاجة توقعاتهاا انهاا..بعد سويعات غتوليي…فغرفة لعمليات..يمكن حياتها كلها عمر متوقعات هادشي..

دقات قلبهاا عند فمهاا..خايفااا…تسد عينيها متحلهم..بصح كانت بغاا تموت بصح بغاا تمشيي عند راجلها…ولكن داباا خايفا..
.الموت لي كتمناي بلسانك ماشي نفسوو..ونتي تتعيشيه..

سدات عينيهاا ودمعة حارة نازلا على خدهاا..

إخلاص(فنفسها)تااا هواا مكانش يتوقع بليي غيموت..كانوو عندنا بزاف دلاحلام..وبزاف دلوعود لي وعدني بيهم..مكانش عارف بليي مغيصبحش..كنا مخططين نمشيو فلغد لييه لبحر..مكانش عارف كيف انا مكونتش عارفا غنكون هنا..شحال مزال من حاجة غتوقع فهاد دنيا وانا معرفهاش..شحاال…عارفاها عملية بسيطة .عارفا لموت صعييب..ولكن أنااا توحشتوووو ..ياربييي لكنتي تتسمع لي خلي هاد لعملية تف

حلات عينيهاا..منين حسات بيدين مسحوو دموعهاا لي طايحين..شافت فيه.

أسيرم:غنبقاا معاك..مغندير والو ولكن غنبقاا حداك

بشفايف كيرجفو ..وعيون دامعها تتشوف فيه..كملات هضرتها وعينيها عليه

إخلاص:تتنجح

شداات فيدييه مزيرااا عليييه

أراءكم وتوقعاتكم بون نوي
71🥀

تزوجتها بوصية زوجها📜

هزات راسهاا تتشوف فييه

نضال:منيتككك؟؟(طلعات حواجبها)السلاااح؟بغيتينيي نقتلهاا بلاصة منعتقهاا

تنهد..رجعو لجيبوو..

داوود:غير بغيت نعاون

نضال:بغيتي تعاون نزل عندي هنا..

شاف فيهاا مستغرب

داوود:علاش؟

شافت فراجل لمرا :وش تتعرف لاسعافات لاولية؟

حرك راسوو بلاا..نفس سؤال طرحاتو على راجل لي واقف تماا..وكان جوابو لا

نضال:هاا علاش غتنزل نتاا

نزل عندها

نضال:داك لزار لبيض شدوه نتومااا غطيوها من البشار..(شافت فداوود)بقا معاها غنمشي نشوف وش لقا لمقص فلوطو ديالي..

داوود:اشش غندير لهاا اناا؟؟؟

نضال:دير لها داكشي لي كنتي تدير مني كنت تنولد اناا
تمات غادة..فحين لمراا شدات على يديه مزيراا تتغوت لربيي لخلقهاا
شاف فيهاا تلفان معارف ميدير معارف ميقول..كيهضر وصافي..وتوتر باين عليه

داوود:تنفسيي تنفسي..متخاافيش هاديي غير لبداية مزال غتولدي بزاف دلمرااات كلشيي غيفوووت

……:اربيييي ربيييي مبغيييتش عمرر نعااود عمررر الله اربيي الله …الله ياربييي الله

داوود:صافيي الحبيبة ديالي تنفسيي
دار راجلها مخنزر فيه

…..:كفاش لحبيبة ديالي؟

داوود:(بالغوات)اش عرفنيي اناا هي قالت لي نكولها اش كنت نكول لمرتي
…..:ولكن راهاا مرتيي هادي؟
داوود:وكولها راسك مرتكك نتااا انااا لاش حاصل هناا(كيشوف فيدوو لي سالو بدم بلقميش)أااا لاااااش؟
…..:غيررر كول لها اش بغيتي خود راحتك اخويا

عطاه بضهر…وصلات عندهم نضال بجراا..
نضال:الحمد الله لقيتوو..ولقيتوو حوايج خرين..ينفعونا….يلاه يلاه تنفسي(شافت فداوود)شد لهاا فراسها..
رجع هواا يشد فراسهاا ويدوق قماشهاا..فحين هييي بقااات معاهااا تتولدهاااا….

لحظااات ولحظااات وهي معاها

صوت لكلاكصون وصوت غواتها..
وصوت ناااس لي نازلين يعرفو اش واااقع…

هادشيي كولوو تلاشااا…منين تسمعااات غوتاا وحدة منووو
غوتااا دولد صغيير يلاه طل على دنياا..ولد بريئ كيبكيي كانه عارف بلي دنيا ماشي شي حاجة لي ساهلا باش تولد تضحك…
شادااه بين يدهاا..ملوياا عليه فووطاا لبيضة.بعد مفصلات حبلو السري على موو.لعرق نازل من جبهتها..ودم قااس لبستها لبيضة..ولابتسامة على وجها وهي تتشوف فهاد صغيور بين يدها
لحضات كانت صعيبة نوعا ماا…لكن مجرد دمعة دطفل..وابتسامة أمم..محاو كاع ديك صعوبة

كيشوف فيهاا مبتاسم..
داوود:(سرط ريقو)ولد ولا بنت؟
نضال:ولدد
مداتو لمووو .لي شداتوو معنقاه..
…..:ولديي حبيبي
شاف لاب فراجل لي كان مدابز معاه

….:وليييت أبب ووليييت أب

زاد عندوو راجل معنقووو

….:مبروووك عليك اصاحبي مبرووووك

هزات راسها فيهم..ودموع محجرين فعينيها
….:شكرا لكم بلا بيكم معرفتش اش ندير..(شافت فداوود)اشش سماك الله

داوود:داوود

ابتسمات ليه:ولدي غنسميه داوود عليك
شار لراسو:عليا ولكن انا مدرت والو سمييه عليها هي لي ولداتو اصلا سميتها نضال دلولاد
نضال:(مخنزرا فيه)اه على الله يطلع مرجل بحالي
ابتسمات لهم:لشي نهار تزادت عندي بنت غنسميها عليك..شكرا ليك انا متأكدة غتكونيي أم عظيمة

شافت فيها ودموع تحجرو فعينيها..

داوود:عظيمة بزاف..
تم نايض منين لاسعاف وصلات ولمسعفين جاو عندها
غادي وهي تابعاه بجراا..شداتو من يدو موقفاه
نضال:بغيت نشوف بنتيي
72👑

تزوجتها بوصية زوجها 📜

سدااات عينيهاا وترخات..منين شد فيهاا لبنج..

تنهد بصوت مسموع وهوا كيشوف فيدها لي شاداه..وقبضتها لي ترخات..حط يدها ..

زاد عندو الطبيب

علي:شفتك متوتر..نتا عارف بلي هادي من اسهل لعمليات

أسيرم:عارف وعارف بلي نتااا من افضل الاطباء(حط يدو على قلبو)ولكن …(تنهد)

علي:غنبدااو

أسيرم:غنخرج …هي امانة عندك

خرج من غرفة لعمليات..

نتر سكراب…وتم غادي..شاد جهة كتفووو ..لي مخصوش يجهد عليه ولكن هزهاا متجنب هضرت طبيب.

بان ليه فوزيي..غادي جاي فلكولوار غير شافو زاد عندو

فوزي:سمعت مرتك عندها عملية هنا

أسيرم:اه

فوزي:دخلتي معاها؟

أسيرم:اه

فوزي:(تنهد)يالاه خرجنا من مشكل بلا متزيدنا وحد اخر

أسيرم:كنضن تا حد معندو مشكل فاني ندخل مع مرتي حيت خايفا على ما يشد فيها لبنج ؟(قرن حواجبو )ولمشكل لول راه عطيتك اسي فوزي استقالتي

فوزي:راني قلت لك مرفوضة وقلت لك خود لك سيمانة دلعطلة على مترجع عقلك..مبقيتيش عاجبني هاد لياام تبدلتييي بزاف اولدي

أسيرم(حرك راسو وزاد)

فوزي:ولد لحاج قبل ميمشي طلب مني نشكرك حيت متخليتيش على باه فهاد لمدة. قالو غيدفنوه فلبلاد..وكيشكرك.

أسيرم(دار كيشوف فيه)هدا هوا سبب لي خلاك ترفض استقالتي فصبح ؟

فوزي:انا ماشي حمق باش نتخلاا على طبيب بحالك..بغض النظر اني عمكك…انا مدير المرابطين والمرابطين متتسوا والو بلا أسيرم مرابط

زاد بثقالة ضرب فكتفوو..

فوزي:بصفتي عمك فوق ما غتشوفك تتغلط غنبهكك..وبصفتي مدير المرابطين مستحيل نتخلا عليك …والله يشافي مرتك

تم غاديي..وقف شاف فيه للحظة

فوزي:لكونتي مسالي عيط لعبلة يلاه كيف عرفات بلي تضربتي بموس ..تشطنات عليك..قالت تاصوني ومكتجاوبهاش .

حرك راسو بوخا..وزااد مخليييه…

غادي بثقالة..توجه لمكتب ديالو…هز تيلي..شعلو كانوو بزاف دلزابيل مزلعين عليه تماا…عنكش شعرو ودوز اخر رقم معيط عليه

أسيرم:ألوووو…عيطت باش نعلمك بلا متعايني مغنقدرش نجي ليوم..غنخليوها لمرة خراا..

قطع بعد مخدا جوابووو..

حط تيليي ..وكلس شااد على راسووو…

هزز يدوو كيشوف فيهااا..ليد لييي كانت شادة..حول يدووو لجهة قلبوو..حاطهاا..علييه…قلبو لي حس بيه غيوقف منين تفكر شدتها

نطق وهوا موسع عينو

أسيرم:وش أناا وليت مريض بلقلب؟
باي حبوباتي🥰
72🥀
تزوجتها بوصية زوجها 📜

شاف فيها وشاف فيدها
داوود:بنتك؟؟؟على أشمن بنت تتهضري؟؟(شد يدها مزير عليها)بنتك تخليتي على وصايتهااا …وسحبتي حقك فانك تكوني ماماهاا
نتر يدها بجهد..وتوجه لوطوو ديالو..

كتشوف فيه كارزاا على سنانها..تتزفر بجهد..زادت تابعااه..بخطوات سراع…
يلاه جا يحل لباب يركب..وقفات قداموو
نضال:بنتييي ومن حقييي نشوفهاا…كنت صغيرة فاش تخليت عليهاا..كنت غير بنت18 لعاام متتعرف والوووو ..ولكن دابا انااا بغاا بنتييي..انا محتاجة لبنتي
كيشوف فيها ويشوف فلوطو..
داوود:فاش هي كانت محتاجاك مكونتيش معاها ..ودابا بغيتيها تكون معاك حيت نتي محتاجاها ..طول عمرك انانيا
نضال:اه انا انانية..مكنسواش..خايباا…غير فين بنتي؟نتا مبغيتيش تسمح لي شغلك هداك ..ولكن ممنحققش تحرمني من بنتي .فين هي؟

كانت فلوطو ..شادة دفتر تتلون…وترسم …
شافت فمنتصر بضجر بغا تسولو على باباها..لكن فين لسان لي يهضر…

هزاات راسهاا..كطل من زاج…بان ليهاا باباهااا…واقف ..
داوود:باركا متبلوكيي فطريق…تحركي خليي ناس يتحركووو..وبنتي راها بيخير بلا بيك

نضال:مساليناش هناا

بعدات من قدام لباب..وقفات عليه بعيدة تتشوف فيه..

نضال:مغتقدرش تفرقني عليها ودابا تشوف..

كتشوف فباباها لي كيهضر مع مرا…بمجرد مبعدات لمرا على باب وضحو ملامحها…وسعات عينيهااا..

قرباب لزاج….بغاا تنزلو وتحل لباب لكن بلا جدوى…بدات ضرب فيه بيدهااا..وتحرك شفايفها بلاا صوت…

زادت نضال بحالها..وبحكم زاج لوطو لي كيحجب اش كاين لداخل ملحضات والوو…
فحيين…دااوود..حل..لباب …ركب..

شاف ففيروزة…كتشير على نضال ليي غادة..

سد لباب وخلاها تكحز لبلاصتها..

داوود:مالكيي؟

جبدات…صورة مخبعا فكتابها..وراتها ليه..وهي تتشير لبرا..

دموعهاا نازلين ..وانينها مسموع .

فيروزة(بالإشارة )هاديييك ماما يااك ابابا علاش مشات هيي ماما علااش مشات أااا؟

داوود:لا ماشي هيي غير تشبهات لك

شارت لصورة

فيروزة:ولكن هي تتشبه لتصويرة ماما أاا؟نتا قولتي بلي ماما فبلاد بعيدة تداوي ناس وغترجع ليا شي نهار..وش مزال مغتجي ماما

داوود:غتجييي قريييب غتجيي

فيروزة(دفعاتوو)وامتاا ااا امتااا؟وشش ماما متتبغينيش وش تخلات عليا؟
كيشوف فيها كفاش تتحرك يدها بزعاف ودموعها نازلين..قرب ليها مسح لها دموعها وعنقهاا..عندوو.

دااوود:وش كاين شي حد ايتخلا على هاد زين أاا؟هي دابا تجييي ..غير رتاحي لي ازوينة ديالي..

شاف فمنتصر لي بدورو كيشوف فيه…تنهد بصوت مسموع وزااد..

“بعد يومان”

دازوو يوماين…كل واحد غرقان فخدمتوو..الا اسيرم غرقان مع إخلاص…بعد ما سالات عمليتهاا لي كانت بسيطة وناجحاا..باقي مقابلهاا..يمكن كانت هي من اصعب لمرضى لي دازو عليه..

كالسا تتشوف فيه..وجهاا باقي صفرر…ولمرض باقي باين فيهاا..شعرها معنكش..
إخلاص:مالك تتشوف؟

أسيرم:نتي لي مالك تتشوفي؟

إخلاص:حتاش نتاا تتشوف.

أسيرم:يلاه اخر معلقة كولي لاصوب ديالك ونوض ..مغنشوفش..

إخلاص:مبغيتش قهروتني يكول راني مريضة

أسيرم:وراكي مريضة.

إخلاص:كنحس بياا بيخير..

أسيرم:اه حيت مشفتيش وجهك فلمراية.

إخلاص:(حطات يدها على وجها )مالو وجهي؟فين صاكي لي جابت نضال فين مرايتي؟

أسيرم:(بزعاف)كولييي تابعاني خدمة كولي باش نوض

حلات فمهاا..كتاكل من يدوو
إخلاص:علاش تتوكلني بيدك وانا بيدي

أسيرم:حيت عارفك مغتاكليش

ناض حط لبلاطو..حداها…
مد ليهاا صاكها..جبدات لمراية..شافت فوجها..غوتات بجهدد
إخلاص:شكوووووون هادي
73🥀
تزوجتها بوصية زوجها 📜

إخلاص:وشش هادي انا ااا اش درتو ليا ؟ياكما سرقتو لي لاعضاء أاا؟

أسيرم:اعضاءك مغينفعوناش غير رتاحي.

إخلاص:تحت عيني وليت بحال داك دب لي داير لكحول

أسيرم(تنهد)اه دب دب

حطات لمراية..وبدات تجمع شعرها..

إخلاص:كولو تعنكش..

شدات على جنبها موجعها

أسيرم:متحركيش بزاف جرحك مزال مبرا..
زاد عندهاا..كلس جنبها
أسيرم:انا غنجمعو لك.
.إخلاص:مبغيتش
أسيرم:مسولتكش
جبد مشطاا من صاكها..وكلس يمشط لهاا..
أسيرم:شعرك طويل.
إخلاص:قول تبارك الله لضربو لي بلعين
أسيرم:مكنضنش عيني غيضروك..

قرب نيفو كيشم

أسيرم:بحالا ولات فيه ريحت لغموليا؟
دارت مخنزرا فيه

إخلاص:كفااااش؟وش فيه رتيلات
ابتاسم .جنب.

أسيرم:لا معششين فيه لعاصفير وداكشي..

إخلاص:(معنكشا وجها)حامض

شافت لقدام..

أسيرم:غنجمعووو..

بقاا يدور فيه بغا يجمعوو لها مبغاش يتجمع..
بقاا يدابز معاه..بحراا تشد..ليه. .

تم نايض.
اسيرم:غنشوف خدمتي شويا ورجع عندك
إخلاص:وش صافي قاديتيه

أسيرم:هواا ممولفش نجمع شعر لبنات..ولكن كنضن هكداا كيعجبكم
تم خارج فحين هي هزات لمراية كتشوف..مخرجا عينيها…جاامع ليها شعرهاا لفوق بحال قبة الجمل…ومخرج من سفنجة..زغيبات شادين رادار..وداير لي لكصة دعبد الحليم حافيظ فيامو..

إخلاص:أششش عرفك فلبنات نتاا اششش عرفك
تحولات فقصتها..لضحكة وهي تتشوف فراسهاا…
قدات راسها..وتكات ناعسا..فحين هوا مشا يشوف وحد من مرضاه..غير سالا معاه..رجع عندهااا..
توجه لبيت فين كاينا..

حل لباب…وسع عينووو من باان لي شخص واقف على راسهاا كيقرب وجهو من وجهاا…

عروقووو برزوو وعيونو ولااو جمرة حمرة…دقات قلبووو تيتسااارعووو..حس بجمرة دلعافية تحطات على قلبوو
غوت بجهددددد..وهوا مخرج عينو

أسيرم:اشششش تديررررررر
هزز فيه راسوو..محس غير بكروشي على وجهوو…

هوا:(شاد على خدو)نتاا شكون

اسيرم:نتاا لي شكون ياا ولد لكلبة..ليي مقرب من مرتي
ضربوو براس جااا طايح..لارض..طاح فوووقو ..نزل علييه كروشيات…خلاا دم نيفو يسيح..ووجهوو يتجلخ دمايات

تهزات من بلاصتها مخلوعة.شافت فيه نازل شانق على بنادم..
إخلاص(بتمتمة)اشش شش وااقع شكون هدا؟ا

أسيرم:(نازل عليه كروشيات)قستيهااا اااا قستيهااااا
الشخص:عتقيني اختيي انا غير مريض نفسي..والله مقستهااا والله

أسيرم:نويتييي تقييسهااا نويتيي(شنقوو بجوج يدين) هنتاا اتعرف شكون لي مريض فينا..
ناضت تتجر فاسيرم….لي مكيشووف قدامو والو بلعصب من غير لقطة لي كان قريب من مرتوو فيهاا..

إخلاص:غتقلوو طلق طلقققق

هزز راسوو فيهاا

اسيرم:اوووه بقاا فيك سمحيي لي الالة مخليتوووش يكمال خدمتو سمحيي لي على الازعاج رجعو كملوو اشش تديرو..رجعوو جيبوو لنا شي عائلة زوينة

إخلاص:(بصدمة)شش تتقول شش كان بغا يدير

أسيرم:غنصفيهااا لووو والى قربتي انجمعك معاه..

خشاا يدو فسكراب جبد المشرط .

أسيرم:بغيتيي تبوسهاا بدااك لفمم يااك ؟…

الشخص(كيحرك راسو بلا)ليحفظك اخويااا…عيني عماهم شيطان والله عمرنيب نبووس شي حد انا غير مريض نفسي

أسيرم:متخافش مغتلقاش أصلا شفايف باش تبوس …لمريض مكيلقا دواه غير عند لي مريض بحالو
حطط لمشرط على شفايف الولد..مخلي دمو يسيح.
تتمة البارت 73 🥀

شداات لييه يدييه…مانعاه يزيد يجرح فيه

إخلاص:وششش حماقيتيي ولا رجع عقلكك راااك طبيب طبييب

الشخص(كيحرك راسو بلا)ليحفظك اخويااا…عيني عماهم شيطان

اسيرم:متخافش تاهما انطيرهم.(خنرز فاخلاص)فهاد ساعة انا مرييييض…

نتر يدو منها..حولات تمنعو لكن بلا جدوى.

زادت بزربا حلات لباب..كتعيط عليهم يعاونوها…

ورجعات دخلات بجرا منين سمعات لاخر غوت..

حطات يدها على فمهاا…منين شافت لدم لي خارج من فموو..ودموعو نازلين

اسيرم:لفم لي يتحط على مرتيي غنطييروو لمكك

هزز راسوو منين سمع عموو غوت باسمو بصوت عالي

فوزيي:أسيرررم أشش تدير وش حماقيتي

أسيرم:سي فوزي بدل ساعة بخرا

زااد جاروو..
فوزي:اششش تدير وشش بعقلكك

أسيرم:طلق غن..ق تل بوووه

فوزيي:اش هاد لهضرااا..نتاا راك طبيب ماشي شمكار..

اسيرم(كيسووط بجهد باغي غير يبعد)بعد معنديش مشكل نولي شمكااار..

فوزي:نتاا راك لجراح ولوجه ديال لكنينيك وش باغي ضرب سمعتنا لارض..باغي تخرج على مستقبلك طبي؟رجع عقلك لبلاصتوو (بالغوات)رجعووووو

أسيرم:(مخنزر فيه)اشمن سمعة واشمن مستقبل ؟؟علاا اشمن خراا تتهضرر؟ سيد لقيتو باغي يتعداا على مرتيي..مقرب من مرتييي أنااا وشش تفهم ..كلينيك هداا ولا زريبة مقاادر تحضيي تا شكون كيدخل ويخرجج منووو…فبلا متلومني داباا فهمتي

فوزي:هادشي مكيخليكش دير هكدا كاين شي حاجة سميتها القانون

اسيرم:قانوني أعمي مرتيي لي بغاا يضرهاا غنصفيي…..ها ليييه ….. هدا هوا قانوني ونتا مغتفهمش فهاد لقانون حيد من قدامي

فوزي:هاد زواج خلاك تهتر مبقيتيي طبيب مبقاا عندك مستوى دطبيب…مبقيتش تنعرفك..على مشكل بسيط داير حالة

اسيرم:(ضحك باستهزاء)مشكل بسيط..الى بالنسبة لك مشكل بسيط يقيس مرتي اعمييي فجيب لييه مرتك أااا جيييب لييه مرتكك وخلييه يبوسها لمعندكشش نتاا مشكلل حييييت أنااا عندييي مشكل ومشكلل كبيرررر

فوزي(هزز يدوو باغيي ينزل عليه بتصرفيقة..محس غير بيدوو تشدات..شاف فيهاا)اش تديري؟

إخلاص:(حانيا راسها)معندكش لحق ضرب راجلي
74🥀
تزوجتها بوصية زوجها📜

فوزي:(شاف فيهاا وشاف فييه)صبرر اربيي صبررر

نتررر يدوو بجهد دافعهاا

رجعات خطوة لور شادة على جنبهاا..متوجعا

زاد عندها اسيررم …بزربا

أسيرم:علاااش وقفتييي؟؟؟راااك دايراا عملية ماشي قامشااك قطة لااش واقفاا لااااااش

إخلاص:كن موقفتش كن قت .لتييه

أسيرم:خليييه لمهم نتي متوقفييش(هز راسو ففوزي)عارفهاا يلاه يوماين باش دايراا عملية علاااش دافعهااا أااااا؟؟؟

فوزي(تنهد)غير سمحيليي ابنتيي شوياا دلاعصاب وصافي

أسيرم:لفيك لاعصاب شرب دوااء متخويهومش فيهاااا

إخلاص:موقع والوو انا بيخير

قرب لييهاا متكيها عليه

أسيرم:رجعي لبلاصتك

زاادت معاه شافت ففوزي شارت ليه باش يخرج لولد لي سخفان ..

بانو ليه لحراس عند لباب..

فوزي:خرجوووه

زادوو مخرجينوو

عاونها تكلس..شاف فيهم مخرجينوو

أسيرم:فييين دايينوو؟؟رجعووووه باقيي مساليت معاااه.

وقفووو

فوزيي:أششش مزاال غدير لييييه؟

أسيرم:اناا لي عارف

يلاه بغا يتحرك وهوا يوقف منين سمع اخلاص تتوجع .

شادة على جنبهااا

إخلاص:ااايي اربييييييي كنتقطععع

أسيرم:(بخوف)ياااك قلت لك متنوووضيششش من بلاصتكك ..خلينيي نشووف جرحتكك..

نزل راسو عندها فحين هي شارت لفوزي يخرجووه دغيا.

خرجو راضين لباب موراهم..

اسيرم(عينوو على جرحتها)بلاصة لغرااز صافاا…غير وعكاتك حيت تحركتيي…أناا غنعطييك شي ابرأة دلحرييق

هزات راسها فيه

إخلاص:ابرة؟؟هههه لالا اناا بيخيير كنحس بياا مزيااان

أسيرم:لالا اناا كنحس بييك ممزيااناش ياك تتقطعييي؟

إخلاص:اصلاا نتاا ماشي طبيبي كفاش اتعطيني ابرأة والا قتلتيني؟

أسيرم:متخافيش هاد لابرة يقدر يعطيها لك غير ممرض ماشي شي حاجة لي تستدعيي لخوووف

تمم نااايض…عاطيهاا بضهرر…وهييي تتشوف فيييه.

إخلاص:انا بيخير والله تااا بيخيرر نقدرر نجريي كاااع..

دار عندها شاف فيها ولابرة فيدوو

اسيرم:ياك يلاه قلتيي تتقطعي لالا خصك ابرة نتي تعرفي حسن من طبيب؟

إخلاااص:نتااا تعرف حسن مني فصحتييي أاا

حناا عندهاا جاار يدهااا

زيرات على عينيهاا

إخلاص:مفيااا والوو متوجعتش غيرر كدبت عليييك باش يخرجووو لولدددد ونتا ملهيي معايا
75🥀

تزوجتها بوصية زوجهاا📜

هز راسو فيهاا

أسيرم:صافي ساليت..(طلع حاجبو)أها أش قلتي

حركات راسها بلا

إخلاص:والوووو مهضرتش انا كاع

أسيرم:كاااع كااع

إخلاص:اه

أسيرم:تبوحطتيي علياا يااك باش تعتقيي دااك لحيوااااان ياك؟

إخلاص:اه أا نااا؟لا بلعمااااا علااش غنتبوحط ههه لا

أسيرم:(ببرودة)كنت عارف ..(خنزر فيها)هاد لمراا منين تشيري لبنادم شيري ليه بيدك بلا متغمزيي ليه بعينيك

وسعات عينيهاا

إخلاص:اناااا غمزت؟؟؟
.أسيرم:لااا أنااا لي غمزت لسي فوزي

إخلاص:أنااا غمزت لعمككك.. أاااا؟؟؟.أششش غيقووول عليااا دابااا أشششش

أسيرم:غيعلم مرتو بلي مرت ولد خووه كتغمز لييه ومرتووو غتجيي عندك غتكووولكك بعديييي من راااجليييي

إخلاص:(حطات يدها على فمها)خالتييي عبلة غتقولي هكداا

أسيرم:اه وتقدر تريشك وفاخر يااامك غتوليي دابزيي على عمي فوزييي منبغيهااش لككك

هزات عينيهاا فيه

إخلاص:كطنززز عليااا ياااك

حرك راسوو باه مبتااسم

ضحكات بجهدد

إخلاص:اصلا عمك مغيعاودش يشوف لجهتييي شديت لييه يدوو

أسيرم:متقييش راجلييي (غمزها )من امتاا كتحسبيني راجلك أاا.؟

إخلاص:(خنزرات فيه)غير دافعتيي علياا وقلت ندااافع عليييك ..رضييت صرف..ايي واحد بلاصتك اندافع عليه

أسيرم(حرك راسو باه)فكرة زوينة؟

إخلاص:شنو هي؟

أسيرم:ديريي جمعية سميهاا متقيش راجليي ودافعي على رجلات بنات ناس

إخلاص:هااااء؟

أسيرم:ايي واحد بلاصتي ادافعي عليه يااك. ..اوااا باااليي.. ومتنساايش دافعيي تا على زغيندات لي بحال هداااك لكمااارة

تم نايض خارج..

إخلاص:(تحت لسانها)زغينداا أشش كيعني بيها؟(بصوت عالي)وخاا ازغيندة كن هانيييي

تصبحون على خير أرائكم حبيباتي
77🥀
تزوجتها بوصية زوجها📜

زادت عندو موقفاه..دار عندها

قربات عندوو وهي واقفاا مخرجا صدرر..وميلا راسهاا مع شعرها

سكينة:دكتوور أسيرم مرابط

أسيرم :فاش نقدر نعاونك؟

سكينة:اوووه اناا معجبة بيييك…كنتااابع كاع اخبار فجوغنال…اي مقال ديالك كنقراه

أسيرم:اهاه شكرا.. اشنوو بغيتي توقيعي ولا؟

ابتسمات ليه..

سكينة:علاش لاا أاا لبغيتيي توقع لي وقع

أسيرم:تبعاني لخدمة نخليك

سكينة:(مدات يدها)انااا سكينة طبيبة امراض لقلب وشرايين..لضرك قلبك أناا في الخدمة ..تقدر تقولي سوكااا

اسيرم:سلوكاا؟

سكينة:لي جات من فمك زوينة

أسيرم:اه اختي متشرفين..وخصني نمشي تبعاني لخدمة…

تم غاديي..وقف شاف فيها

أسيرم:كنصحك تشوفي طبيب لمفاصيل قبل متخرجي من هنا هاد لقسم عندنا متطور يقدوو ينفعووك

زاد مخليهاااا..تترمش

سكينة:يخوي لكك ضرووس .. تعوجت باطل.

قدات وقفتها..وزادت لاستقبال.
سناء:كيعاينك فمكتبو
سكينة:مغسيي كبيييدة
سناء:وش عارفاا فين جات مكتبو ولا نوريك؟

سكينة:لا عارفا

تمات غادة…بان لها وحد لممرض زوين واقف..وقفات عليه

سكينة:وش عارف فين جا لمكتب دفوزي ؟مدير لكلينيك

شاف فيهاا..دايب

….:فطابق تانيي لباب لولا على يدك ليمن
سكينة:مم نخاف نتلف

جبدات تيلي

سكينة:عطيني نمرتك لتلفت نعيط لككك
خداات نمرتوو وتوجهات عند فوزيي..

مسافة طريق…وصلات عندو..دقات وتمات..داخلا..

استقبلهاا وكلسات تتهضر معاه
فوزي:نورتيناا بحضورك
سكينة:نوورك سااابق

فوزي:انا فرحان حيت خليتي لكلينيك لول وقررتي تخدمي معاناا حناا محتاجين لمؤهلات بحالك
سكينة:ههه ثمنكم عالي..على داكشي قبلت..محد كاين لفلوس كايناا أنااا…وزييد نتاا قبلتيي اني نحل كابينيي خاصة بيا ونخدم هناا..يعني دوبل دلفلوس يعني انا موافقاا
فوزي:ههه الفلوس مهميين

سكينة:أكييد الفلوس والجمال همااا باش تيتحرك لعالم اسي فوزييي
فوزي:زوين نشوف وحدا فهاد لعمر تتفهم فدنيا
سكينة:كنضن راني فتلاتينات يعني فهمت وشبعت

فوزي:مبيناش عليك

سكينة:ههه على داكشي دايرا لمكياج ومضيعا زبابل على لبوطوكس ولفيلر
فوزي:شرف ليا تخدمي فلمرابطي..اوا امتا نوقعو لعقد

سكينة:امتا محبيتيي
فوزي:غداا مم؟

سكينة:موافقة
مدات يدهاا…
خرجات من عندو..طلعات فلاسانسور بغاا طلع دور فلكلينيك..

مع دخلا بان لهاا شاد تيلي لابس سكراب فزرق..ابتسمات ليه..
سكينة:عفاك وش نقدر ناخد ندوز ابل بتيلي ديالك

هز راسوو فيها موسع عينو

عدنان:اه خودي تا قلبي

سكينة:قلبكك مم علاش لا(ابتسمات)

شدات تيلي وشافت فيه ..نطقوو فدقة

“ديجااا شفتك فشي بلاصة يااك”
76🥀

تزوجتها بوصية زوجها📜

وقف مخنزر فيها

أسيرم:بحالاا عيرتيني؟

إخلاص:هاااء أصلا اش تتعني زغيندا باش انعرفها انا معيور؟؟

هزز كتافووو

أسيرم:واشش عرفنيي اناا أشش كتعنيي

إخلاص:كتعاير بشي حاجة معرفهاش اش كتعني

أسيرم:بغيتينيي نكول شي حاجة لي عارفا اش تتعني؟

إخلاص:لااا لاااا لاا

تمم خارج فحين هيي تنهدات

إخلاص:زغيندااا دكتووور زغيندااا

ضحكات بجهددد

وقفااات لوطووو فلحمرر …قدام باب لكلينيك..

تحلات لباب ونزلات ..بكعبهاا العالي لي فلكحل…وكسوتها لي فوق ركبة..مزيرا عليهاا..

شعرهاا طويل مرجعاه لور..دايراا مكياج باين..وبارفان ريحتها سابقاهاا..

سدات لباب..وزادت بخطوات تقااال..تتمااايل..

ليي يشوفهاا يقول هاربا من عرض ازياء.

دخلات لكلينيك ..وزااد لاستقبال..

شافت فيها طلعاتها وهبطاتها

سناء:فاش نقدر نعاونك؟

نطقات بصوتها رقيق

….:ميسيووو فوزيي كااين؟

سناء:أه كاين وش ديجا عندك معاه رونديفو؟

حركات راسها بلا

سناء:اوا منقدرش نفعك

ابتسمات لهاا..حطات يدهاا..على حنكها..مرجعاا شعرها لوور

….:قولييي ليه سوووكااا…الدكتورة سكينة سليمانيي بغااات تشوووفك

سناء:دكتووورة؟(وسعات عينيها)متأكدا؟

خشات يدهاا فصدرهاا

سكينة:اط اط

جبدات لهاا ..بطاقة..

سكينة:هاهي سكينة سليمانيييي طبيبة لامراض القلب وشراييين

سناء :وخا غنعلمو

دورات وجهاا متكياا…تتحنزز وتخنزر

سكينة:لكلينيك عندكم زاهيااا تيتيز

حطات رجل على رجل…باان ليها أسيرم ..دايز…خرجات عينيهاا

سكينة:أسيرم مراابط
78🥀

تزوجتها بوصية زوجها📜

بقلم حنان فارس

ضحكات وضحك بجهد..

مد يدوو ..

عدنان:انا عدنان طبيب انعاش وتخدير

شدات فيدو..ضاحكا..

سكينة:وانااا سكينة طبيبة أمراض لقلب وشرايين.

عدنان:طبيبة؟(ميل راسو)مبيناش فيك

سكينة:علاش مالي منستاهلش ولا

عدنان:لالا حاشاا…طبيية لقلب(حط يدو على قلبو منهد)قلبيي هااد لياام كيضرنيي بزاااف

سكينة:بزااااف!
عدنان:بزااف بزااف

سكينة:اوا صبر تا نخدم فلكلينيك وتكون نتا اول مريض ليا

عدنان:غتخدمي هنا

سكينة:الا قبلتي عليا

عدنان:الله اوديي غتنوري المرابطين

سكينة:هوا اصلا منور بنورك

مدات ليه تيلي ديالو

عدنان:مبقيتيش ادوزي ابل؟

سكينة:بلاااش..(بصوت خافت)خليت لك نمرتي تماا لتزير عليك قلبك معليك غير تعيط

شاف فتيلي ديالو مقيدا نمرتها بسوكا

عدنان:سوكاا

سكينة:اه ناس لي قراب لياا كيعيطو لي سووكاا..(ضحكات بجهد)ديباني دابا بسووكاا شكون عرف شي نهار تبدلها وتكتب طبيبة قلبيي

ضحكات بجهد بصوتها لانثوي وزادت..خارجاا..فحين هوا بقاا واقف كيرمش..مباتسم.

عدنان:طبيبة قلبيي ..واخيراا المرابطين غتجيب ناس فيهم ضوء

شد تيلي بدل سمية من سوكا
“لطبيبة قلبي” خشاه فجيبو وزاد ضاحك

دخلات لمكتبهاا بثقالة ..حيدات صباطها رامياهم ..وزادت كالساا..تتميل فراسها يمين وشمال…

حاسا بعضامهاا مهرسين عليهاا…ليل كان عندها عامر وصبح تاهواا..

نضال:الله اربي الله بنادم مكيلقا ميدير كينوض يولد

ساطت بجهد…شافت فتصويرة لي قدامهاا..هزاتهاا تتشوف فيها…هي وبنتها..

حلات لكادر…وجبداتها…من جهة لخرا كانت صورة داوود…طاوياهاا..ومبيناا غير بنتها وهي..

حطاتها وشدات على راسهاا…

كتصارع مع افكارهاا..

هزات تيلييي ..بعد صراع طويل..دورات نمرة ونطقات .

نضال:الووو وش هدا سي منصف المحامي؟

جوبها ونطقات..

نضال:ايااه انا هي نضال كنت ولدت مرتك..عفاك انا محتاجة لاستشارة قانونية منك..وش نقدرو نتلاقاو؟

Leave a comment