Skip links

قصة : تزوجتها بوصية زوجهاج 3

 5,981 عدد مشاهداات

البارت🥀21
تزوجتها بوصية زوجها 📜

حيد طريكوو ديالوو..بقاا بصدروو..عريان..تا كيمشي يلبس .وكيرجع لمعقم..

دوز يدوو على وجهوو..

أسيرم:موقع والو..موقع والوو

سمع لدقان..

أسيرم:ويي دخل

تمات داخلا..خرجات عينيهاا..منين شافتو كيلبس..عينيها مشاو نشان لزابدوو..

هز راسو فيهاا..وكمل سدان قاميجتو

إيناس:هواا صدرك

أسيرم: كفااش؟

إيناس:آه لبغد غيضربك لبغد..ماعلينا قالي عدنان بغيتيني

أسيرم:انا بغيتك؟

إيناس:اه هوا هكدا قال

أسيرم:غير كذب عليك

إيناس(عينها على صدرو)آها داكووغ غنمشيي

تمات خارجا..

أسيرم:إيناس

إيناس(شافت فيه بلهفة)ويييي؟

أسيرم:باباك Psychiatre ياااك

إينااس:ويي ميي علاش تتسول؟

أسيرم:سيفطي لي نمرتووو.

تم خارج..حل لباب .شاف فيه مستغرباا

إيناس:ولكن لاش غتحتاجو؟

أسيرم:مغنحتاجوش داباا ولكن قريب انحتااجوو ..حيت غير لمراض لي دايرين بحياتيي..

زااد خاارج..متبعاه بعينيها..هزات يدهاا تتقيس صدرهاا..

إيناس(باسف) ديالوو كباار على ديالييي

كانت غادة جاياا فلكوروار..كتعاين نضال تساليي..خدمتها…
زادت عندها بجراا..منين شافتهاا خارجا..

وقفات تتشوف فيها مصدومة

نضال:إخلااص؟مالك اش تديري هنااا

إخلاص:وشش بصحح أااا بصححح خوووك وصاا صاحبوو يتزوجتي

نضال(حطات يدها على كتفها)زيدي من هنا ونهضر

نترات يدهاا..

إخلاص:غيير جاوبينيي عفااك..وش بصحح معاد وصااه

حركات راسها باه

نضال:معاد وصاا اسيرم علييك وهوا على فراش لموت..

حطات يدها على راسها..دموعهاا نزلوو شلال..من عينها..
زادت عندها نضال معنقاها..

نضال:صافيي احبيبة صافي

إخلاص:علاااش دار لي هكدا علاش طلب شي حاجة لي نموت ومنحققها علاش..

نضال :متقوليش هكدا

إخلاص(شافت فيهاا بحدة)نقتل راسيي ولا نتزوج بدااك لمريض

نضال(بالغوات)باااركاا أااا كلنااا حرقناا مووت معااد..ولكن متزديش فيييه..بلاا متبقااي تقوليي تقتلي فراسك..اخر مرة جربتيي تقتليي راسك مااات ولد خوياا فكرشكك..كن ماا..

سكتات مصدومة..من اش قالت..

#يتبعالبارت22🌸

تزوجتها بوصية زوجها 📜

الصدمة بانت فوجهااا…داتها كلهاا تترجف..نطقات وشفايفها كيرجفو

إخلاص:اشش تتقولي نتي؟اشش تتقوليي؟

نضال:(حطات يدها على راسها)مقصدت والو هوا.

إخلاص:وش أناا كنت حاملا أاا؟داك لوجع وداك دم..مكانوش من صدمة كانو حتاش قتلت ولديي أاا..وشش أناا قتلت ولديي..قتلت آخرر طرف خلاا لي معااد أااا(حطات يدها على كرشها)قتلتوو قبل ميجيي لهاد دنيااا …قتلتوو

نضال:كولشي كان مكتاب أاخلاص كولشي ..

إخلااص:قتلت ولدييي أناا قتلت طرف من كبدتيي…قتلت اخر حاجة بقات ليي من معاااد…قتلتوو قتلتوو

نضال(شاداها فكتافها)متقوليش هكدااا لولد ماات حيت صدمة كانت عليك قوياا..ربيي بغاااه…معندك مديري

إخلاص(تتحرك راسها بلا)قتلت ولدييي قتلتووو….اناا قتلت ولدييي

دفعات نضال..

عطاتها بضهر

إخلاص:متبعينيش..متخافيش مغنقتلش راسي

زادت غادة..مرفوووعة..تاا دمووع مبقااوش باغيين يخرجووو..لهاا.

نضال:إخلاااص …إخلاااص(نتفات شعرها) اوووف اربيي اشش درت أناا أششش درت..

غاادة بخطوات تقال…بملامح مطموسة..صدمة بانت على وجهاا…كااع دووك نااس..ودااك لغوات..

متتسمع منوو والوو..حاجة وحدا تتردد فودنها..

هي منين نضال علماتها..بلي طيحات ولدهااا

حطات يدهاا لي تترجف على كرشهاا..

كان واقف فلاستقبال..

أسيرم:مهم متنسايش تعلميي لمريض بلي عمليتو غتاجل..لكتر من يوماين..خص ضروري يتقاد ليه السكر

سناء:وخا الدكتور

أسيرم:شكرا

زااد مبعد..بانت ليه جاياا..غيير شوفة فييهاا..حس بلي شي حاجة ماشي هي هاديك..

من مشيتهاا وملامحهاا عارف واقعاا شي حاجة…شافهاا شادة على كرشهاا…عرف بلي غتكون عرفات بموت لبيبي

زاادت لاسانسوور …بركات على اخر..طابق…

يلاه لباب كانت اتسد..وهواا يحبسهاا بيدوو..دخل وتسدات..

هزات راسهاا فييه..

أسيرم:مفياا لي يطلع دوك دروج عاود

البارت23🌸

تزوجتها بوصية زوجها 📜

إخلاص:مغنتاااحرش غييير بعد منيي..بغيت غير نطلع نشوف لبلاصة ليي قتلت فيهاا ولديي

أسيرم:غنشوف معااك

شافت جنب..تتبكي بسكات..مبغاتش مزال تهضرو معندهاش جهد…باش تخسر رااجلك لي كان كولشي فحياتك هواا مكك ..وهوااا بااك..هوا خوكك.وخت..هواا كلشييي..وبعد مدة تعرف بلي قتلات ولدهاا بيدها…

فصعيب على شخص عادي يصبر على هاد الالم..

ولكن شخص قد ماا كتروو مصايبوو قد ما زاد قصااح وولا بحال شي حجراا..بلا نبض وبلاا حياة..فين مالحتيها تلااح..

تحلات لباب وزادت .بجراا وهوا…تابعها…

زاادت..واقفاا حدا لحيط.كتقيسوو بيدها

إخلاص:عمرنيي فكرت فلموت..عمر..فكرت نقتل راسي..وخاا تربيت وكبرت فلميتم..كنت تنعشق لحياة..وقلت ضحكات لي دنيا منين لقيت عائلة تبناوني..ولكن دغياا ماتوو..ولحياة فعز الالم عطاتنيي نور…عطاتنيي معاااد..ميي لي تبناتنيي كانت صاحبت موو..ومور ما ماتت..هوا ولا بلاصتهاا..كان كولشيي..يعني كلشي..اكبر احلامي كانت هي دار..معاه..انا وولادناا..ولكن فلحظة .وبلاا وداااع..مشااا..مقدرتش نودعوو..نعنقوو..نقوليه كنبغيييك..مقدرتشش..وفلحظة ضعف منيي فكرت نموووت..صدقت قالتلاا ولديي…أناا ماشيي وحداا مكترضاش بقضااء الله وقدروو..ولكن هااادشيي كيضررر بزاااف.. كيضرر

داارت تتشوف فيه..ودموعها تيتلاقاو عند اخر خدهاا..

إخلاص:معرفتش علاش كنعاود لكك ونتاا مستحيل تحس بياا حيت معشتيش اش عشت..هواا مشا على غفلاا وولديي مشاا على خفلا وكولشي مشاا على غفلا

زادت حاطا راسها على صور تتبكي..

واقف كيشوف فيه..قلبووو ضروو..قلبووو كيتقطع عليهااا…هوا اكتر واحد حاس بيهاا..اكتر واحد عارف مووت لغفلة قدااش خايباا..هوا لي كان كيعاين ماماه وبابا يجيو يديوه من لمدرسة..صدق دايهم لقبووور..عينو تحجروو بدموع..دوز يدوو عليهم..دغيا..

دارت عندوو تتشوف فيه.

إخلاص:مقدااش نبكيي على ولديي…حيت معنديش لحق نبكيي عليه واناا قتلتو بيدي
…انا غنتعااقب على موتووو.. غنتعاقب

زاد عندهاا..بجهد..شدها من كتفهاا

أسيرم:فنضرك عقابك هوا ترمي راسك؟

إخلاص:لاا مكونتش أنرمي راسيي..عقابيي هوا نتزووج بييك

شااف فييه مصدوم

إخلاص:غنفد وصية معاد أنا قابلا بعد شهراين نتزوج بيك…على داكشي متوفيش بوعدك رفض هاد زواج وبعد من حياتيي..تخلاا على وصيتو…
حيت لتزوجتيني غنحرقك

“ابسم باستهزاء”

أسيرم:(ميل راسو)رمااد كااع متيتحرق

إخلاص:غتندم على هاد لهضرا..غنرد حياتك جهنم تيق بياا

أسيرم:(طلع حواجبو)اصلا عادي رماد بلاصتو فجهنم..(قرب منهاا كيشوف فدموع عينيها).وتيقي بياا غنرض حياتك جنة

إخلاص:اناا ميتاا معنديش حياة مت..داك نهار..نهار لي عتقتيني فيه..

أسيرم:على هاد لحساب داك نهار عتقت جسمك..ودابا غنعتق روووحك ..مغنتخلاش على وعدي ..التخليي مغيجيش من جيهتيي.. أنا ويااك غنتزوجوو

إخلاص:غتندم على هاد لقرار لي خديتي.. غتخلص غالي

أسيرم :معنديش مشكل نخلص اصلا معزيزش عليا لفابور .

اراءكم وتوقعاتكم
البارت24🌸

تزوجتها بوصية زوجها📜

#العودة-للحاضر

سااايق بجهددد…عييينوووو على طريييق….كااارز على سنانو…كيزفر نفسووو بجهد..
شادة فلباب..دلوطوو…تتهزز من بلاصتها..بحكم السرعة..

إخلاص:بشويااا …وش باغيي تقتلناا ولاا

أسيرم:لييي خارجاا فنص ليل فهااد شتااا…راه بغاا تموت..

قلبات وجهاا..لجهة شرجم..
أسيرم:ولكن لمووت ماشي بهاد سهولة..ماشي بهاد سهولة.

نقص من السرعة..

شافت فيه..بنص..عين..هزات يدهاا تتسوط فييها..داتهاا تترعد..
شاف فيها من المراية…شد لفران بجهد..محبس لوطو..

حيد لافيست ديالو..لاحها لها
أسيرم:لبسي هدا محد لوطو تدفا

إخلاص:مبغيتش شكرا

أسيرم:أنا مسولتكش وش بغيتي..أناا قلت لك لبسيي..
شااف قداموو..وديمارا لوطوو..
عين فطريق وعين عليها مركز فطريقو تا هزات لافيست لبساتها..

شافت من زااج..مستغربا

إخلاص:ولكن هادي ماشي طريق لفيلا دعمك؟
أسيرم:مغنمشيوش تم

إخلاص:ولكن ناااس ولعرس .اكيد غيتشوشو.

أسيرم:تاحد مغيتشوش عليك..من غير نضال..

هز تيلي ديالوو..مدو لهاا..

أسيرم:عيطي لها .

شدات تيلي من عندو..
إخلاص:وشيماا.

أسيرم:مدايرهاش

فلفيلاا دفوزي..فين كان العرس دأسيم وإخلاص.
لعرس لي كانو رافضينو بجوج..لكن تحت إصرار مرت فوزي وافقو يديروه..كانت حفلا..صغيرة فيهاا..حضور قلال أغلبهم من العائلة..اشخاص بعاد على الكلينيك..
لوحيدين لي عارفين بزواجو من ناس لكلينيك..هما نضال وفوزيي..
غادياا جايا…تتسوط بجهد…وقفات عليها بنت ف24 من عمرها…بكسوتها لبيضة..وكعبها العالي..طالقا شعرها الماروو..دايراا مايكاب خفيف..
تطلعها وتهبطها بعيونها لماروو..
…..:أشش واقع؟

نضال:(هزات راسها فيها)نوورة لاا والوو..
نورة:بانت لي لعروسة مور موقعوو لعقد غبرات..وتا من أسيرم غبر..
نضال:معرفت..

سكتات منين سمعات تيلي كيصوني..هزاتو بزربة

نضال:الوو أسيرم

إخلاص:هادي أناا.
نضال(بالغوات)هوااا نتييي(خفضات صوتها منين شافت فنور)فينك احبيبة

إخلاص:انا بيخير راني معاه متشطنيش.
نضال:أوك حبيبة..وغير رتاحي لك غدا بلا متمشي لكلينيك عند ماما ..أنا غنتكلف.

إخلاص:وخاا.
قطعات.

نورة:مم لعروسة تفكراتك.
نضال:هي بخير راها مع خوك
البارت25🌸

تزوجتها بوصية زوجها📜

نورة شارت لكارصون بيدها..هزات جوج كسان دلعصير..مدات واحد لنضال.

نورة:أشنو رأيك فهاد زوااج دزربة أاا؟

نضال:حياتهم هاديك أنا ماشي سوقي

نورة:(ابتسمات)ولكن هاديك مرت خوك أو..لاا؟

نضال:خوياا مات الله يرحموو..وهي من حقها تعيش حياتها

نورة(كدوز راس صبعها على لكاس)كن كنت انا مرتو كن بقيت مخلصا ليه تا بعد موتوو.اييه ولكن فحياتو معرفش يختاار.

نضال:القلب لي كيختار انورة لقلب

ابتسمات لها

نورة:فنضرك أسيرم قلبوو لي ختار مرت خوك(ضحكات بجهد )هواا معندوش لقلب..عندو حجرة جامدة بلاصتو..ماعليناا (رجعات شعرها مور ودنها )فنضري
هاد زوااج مستحيل يصدق…هوا وهي بينهم فرق لارض وسماا..هوا ماشي بحال خوك مغيقدرش يبغيها ..بحالو مغيقدرش يخاف عليهاا بحالووو. هواا حياتو كلها غير خدمتوو هواا مكعب دثلج… مشاعر واحاسيس هاد لكلمة غريبة عليه وش عمرك شفتيه كيبغيي؟وش عمرك شفتيه كيبكي؟وش عمرك شفتيه تاسف على موت شي مريض؟وش عمرك شفتيه تيشكي؟أكييد لاااا .وش كاينا شي مرة اتقدر تعيش مع وااحد بحال هكداا؟اكييد لاا؟حنا لعيالات كيخصنا لي يبغيناا..ويحبنا بيديه وبفمو..وبقلبو.ماشي حجرة.

وبصراحة من شكلها وشكل لباسها باينا فيها من نوع لي كيشوف غير لتحت..وعمر يطلع لفوق.. من نوع لي عندو مع كترت العلاقات وصداقات داكشي عندها فلمركز لول(تنهدات )
بصح أسيرم خويا و عزيز علياا ولكن مغيصلاحش لمرت خوك وهي مغتصلاحش لعائلتنا عائلتنا عملية لحاجة لي مغتجيبش لنا ربح معندنا منديرو بيها.

نضال:شنوو زعما عائلتكم كيصنعوو النواوي؟

نورة:لاا ..ولكن هادي هي صراحة هي مغتناسبش لبيئة ديالنا.نيفوو ديالها شويا لتحت…واصلا خليها تمشي تلبس لبيض على موت راجلها اش داها لشي زواج باقي تا تراب راجلهاا منشف..

نضال:علاش تتقولي هكدا أاا؟راجلهاا مات 5 شهور هادي ترابوو راه نشف الا الى كنتي تتفزكيه؟ واصلا علاش تتهضري على اسيرم بحال هكدا؟ بصح هوا شوياا حدودي..ولكن..اكيد عندو احاسيس وماشي ضروري يوريهم لنا؟ماشي ضروري بنادم يوريك اي حاجة فقلبو ربي خلق وفرق..وعوتاني ماشي ضروري بنادم يزلع سموو..(حركات راسها بلا)ماشي ضروري ..اما بالنسبة لااخلاص بلا متقللي منها عفاك .بصح خويا مات ولكن هي غتبقاا بمثابة ختييي..وطبقات ولعائلة ولبرستيج ولخدمة هادشي مكيوقفش قدام القدر وهما قدرهم بزووج.

حطات لكاس وتمات غادة..وقفات..دارت عندها..

نضال:آه قولتي عائلتكم (ضحكات باستهزاء)على حساب معارفا اسيرم كيشوفكم غير من لعيد لعيد

رجعات شعرها لور وزادت

نورة:(ابتسمات بزز)كيف ما حرقات قلبي نهار تزوجات بمعاذ غنحرق قلبها..بصح القدر..هادي هي عدالة القدر جابها لبين يدي..

رضخات لكاس مع طبلة وزادت
البارت26🌸

تزوجتها بوصية زوجها 📜

وقفات لوطوو قدام واحد من لي موبل…
شاف فيهاا.
أسيرم:وصلناا
حلات لباب نزلات..وبدورو..نزل..وقفات هازا راسها تتدور فعينيها..

إخلاص:فيين حناا؟
أسيرم:داري.
زادوو داخلين..ركبو فلاسانسور طالع لطابق الخر..

شافت فيه وهي تترمش
إخلاص:علااش نتا تتعيش فطابق لخر؟

أسيرم(معلي حاجبو)هوا لي قريب لسطح لبغيتي ترمي راسك
إخلاص:خنزرات فيه وقلبات وجها..

حبس لاسانسور .وزادت تابعاه..حل لباب وشعل ضوء..دخلات تدور فعينها…
على دخلا كاين فين تيحط صبابطو..حيد صباطو لي عمر غيس ولبس..صندالة..

دارت بحالو..وبقات تتشوف فرجلهاا..
إخلاص:هوا مجبتش حوايجي.

أسيرم:تقدي تلبسي شي حاجة من تم..
هزات صندالتوو..تتجر فيهاا..
توجه لدووش كيغسل يدووو…فحيين هيي..بقات دور فعينيهاا..

تمات داخلا لصالا..كان عصرية..فيهاا فوطوي..قدامهم تلفازة..بلازما.وطبيلة متوسطا دزاج
وفجنبها..كايناا كوزينة محلولة على..الصالا..

زادت بخطوات تقال تتشوف فلكوزينة..كاانت بيضة..ومرتبة..تتشعل..
وجنب لكوزينة كاين دوش..فين دخل يغسل يدوو..وفلحيط لي حدااه..
معلقيين بزااف دتصااور..

وقفات حداهم تتشوف.
اغلبهم تصاور..مرا وراجل …وفبعص تصاور معااهم ولد..

بقات تتشوف..تتساءل شكون هاد لعائلة السعيدة..
هزات يدها..تتقيس..شافت تحت دوك تصاور..كااين..جرامافون
هزات يدها تتحسسو

إخلاص:شكون باقي فهاد زمان كيسمع الموسيقى من حاجة قديمة..بحال هادي..

تهزات من بلاصتها منين سمعاتو قال

أسيرم:أناا ..الحاجة القديمة ..لواحد مخصوش يفرط فيهاا..

هزات عينيها فيه..

إخلاص:اه كيقولو الجديد جدة والقديم لاتفرط فيه.

أسيرم:هااا جداك

إخلاص: والو والو..شفت هناا عندك صالة وكوزينة..ودوش ولكن فين تتنعس..؟

أسيرم:مالكي مزروبة على نعاس
خرجات عينيها فيه
إخلاص:كفاااش؟

تم غادي ..طالع فدروج..
إخلاص:اشش تيقصد هاد بنادم..
زادت تابعاه..هازة كسوتها..وسعات عينيهاا فدروج..ليي فحيطوو كااينا مكتابا على قدهاا..
ميلات راسها

إخلاص:وش كايبيع لكتوبة فلوقت لي متيخدمش..؟
طلعات بزربا منين سمعاتو عيط..
كان لفوق عبارة على جوج بيوت حدا بعض..وبينهم دووش..
دخلات لواحد منهم..كانت بابو محلولة..
شافتوو واقف عاطيها..بضهر..دورات عينيها فلبيت..كان مطليي بلغووز ..وفييه تصاور اميرات ديزني .سرير فلغووز..كولشيي ميلونج بين لبيض ولغووز…

هزات عينيها فيه.

إخلاص:وش عندك بنت؟
طلع حاجب ..مهبط اخر..شاف فيهاا مستغرب

أسيرم:كفااش؟

إخلاص:عندك شي بنت صغيرة؟حيت لبيت غووز دلبنيتات
أسيرم:اه فرشتو قبل متجيي على قبلك..

ضحكات تا تكمشو عينيها

إخلاص:عنديي 25 عام اشريف ..ماشي9 سنين
شاف فضحكتها ابتااسم بلا شعور..من نهار عرفهاا مشاف ضحكتها.

جمعات ضحكتها .وزادت..تتشوف..
أسيرم(خشاا يدو فجيبو)اش عرفني انا ..لي عارف بلي لبنات كيعجبكم هادشي.
إخلاص:عاطياه بضهر تضحك عليه
أسيرم:ماعلينا.حيدي حوايجك
البارت27🌸

تزوجتها بوصية زوجها 📜

عنقات داتهاا…رجعات لوور..تتشوف فييه. مخرجا عينيها.

إخلاص:ككك كككفاااش حيديي حوايك

أسيرم(ميل راسو مستغرب من حالتها)حيديهم حيت فزكوو غتمرضي.

تنهدات بجهد..

إخلاص:قولي غتمرضي بدلي عليك..وش نتاا مقريتيش المقدمات فصغرك..كفاش كنتي تتنجح أاا

حط يدو فراسوو

أسيرم:لمقدمات كتكون عليهم نقطة ولا جوج كنت كندخل نشان فلعرض

إخلاص:هااااا (عنكشات كمارتها)

أسيرم:غنمشي لبيتي .ونتي حيدي حوايجك

تم غادي ..
وقف منين عيطات ليه

إخلاص:حوايجي مجبتهومش نتا جبتيني لهنا ديريكت..وش نقدر ناخد شي حاجة من حوايجك لبسها؟

سرط ريقوو..شاف فيهاا..كيغزز سنانو..هوا لي اعداا حاجة عندو شي حد يقيس حوايجوو.

أسيرم:غيير ليووم..غيير ليوم.

تم خارج.

إخلاص:هدا مالوو يقول غيعطي لكليا ديالو ماشي حوايج..

توجه لبيتوو…لي كان بيت متيسع ..ميلونج بين لبيض ولكري..معامرش بزاف..حدوو فيه لاموسية..وماريو..بيض..متوسط..وجوج دلفطوي وطبيلة. دزاج.فوقها بيسي..

توجه لماريو..ديالو..

جبد فييست..وسروال كيطمة كري..

هزهم وتم خارج..داهم ليها..

تم داخل شافها كالسا على سرير..غير شافتو ناضت

أسيرم: هاكي هادو ضيباني بيهم.

شداتهم من عندو..بلا متشوف فيه.

إخلاص:شكرا.

أسيرم:تهلاي فيهم.

إخلاص:(طانزا)متخافش غنديرهم فعيني

حرك راسو بمزيان..وتم خارج..قبل ميسد لباب..دار كيشوف فيها

إخلاص:غنتهلا فيهم غنتهلا فيهم..

أسيرم:هوا(شار للاموسية)كلستي عليها و كسوتك فازكا وفيها ترااب..متنسايش تبدلي لغطا قبل متنعسي..

زادت قااست فين كلسات.

إخلاص:ولكن مفزكتوش هانتا شوف

حط يدو كيحك لحيتو

أسيرم:قستيها بيدك ..متنسايش تغسلي يدك..ومتقيسيش حوايجي بديك ليد.

زاد خارج..وهي حالة فمها فيه.

إخلاص:هدااا وش صحابو دار غرفة لعمليات ولا؟بكثرة معايش فسبيطار مكرهش يعقم تا لهواا الله يستر.صبر اربي صبر..

#يتبع

#يتبع
البارت28🌸

تزوجتها بوصية زوجها 📜

صبااح جديد ونهار جديد..حل عينوو بثقالة..شاف فساعة..بانت ليه 9 تهز من بلاصتو بزرباا..

خرج من بيتو باغي يدخل لدوش..قبل ميحل لباب..وقف..منين سمع تقرقيب جاي من لتحت..

زااد بلحس..لتحت..بان لييه شخص لابس سورفييط..فلكري..داير لقب .ديالها واقف حدا تلاجة فلكوزينة..

زااد بلحس..وقف موراه..وبزربة شنف عليه..بيد وحداا..

أسيرم:شكوون نتاا ااا؟فيك جوج عضيمات وجاي داخل لداري؟

تضرب فيدوو باش يطلق..عضاتوو بجهدد..تا نتر يدوو..

نترات لقب وشاف فيه..زغفانة.

إخلاص:هاااديي انااا ابنادم اناا

حط يدو كيحك راسوو..

أسيرم:هادي ..هوا هوا(تنهد)نسيتك

إخلاص:(مخرجا عينها فيه)نستيني؟؟

ميل راسو ..

أسيرم:غير ممولفش بزواج مديش عليا..(شار لفوق)غنطلع ندوش خود راحتك .

طلعات حواجبها.

أسيرم:زعما خودي راحتك.

زااد طالع ..تيسووط..

إخلاص:(بالغوات)قالك عضيمات رااه نتاا لي قدك قد لعجل

حطات يدها على عنقهاا..

زاد بزربا لدوش..عقم بلاصة لعضاا..

أسيرم:هاادي غير تدفل وتعض..كن ربي خلقنا مقلوبين كن شبعت خ(سكت شاف فلمراية)ولكن كفاش نسيتها؟ ….علميا هادشي كيعني اني مكونتش واعي وصافي..غير تأتير نعاس بحكم كتر من تلت يام مشفتو(تنهد)الحمد الله مقتلتهاش..

زاد كيحيد..حوايجو…غسل بلخف..لبس بينوار ددوش بيض..وخرج..توجه ..لبيتو…لبس قميجة فلبيض..وسروال..كري مغلوق…وهز لابيست ديال سروال فيدو..
دار ريحتو..ورجع شعرو لور .وتم نازل..
نزل..بزربا..وقف للحظة..كيشوف فيها فلكوزينة.
أسيرم:(فنفسو)أنا مزوج..مزوج.

شافتو..ونطقات..
إخلاص:كلس تم انا غنجيب لك لفطور..بلا متجي لهناا..(حطات يدها على عنقها)

زااد كالس..شاد جورنال فيدو

جايا هازا لبلاطو فيدها.
إخلاص:لقيتو حدا لباب هوا وشفت مول لحليب كيفرق لحليب خديت من عندو يطرو تا تخلصو
حطات كاس دلقهوة ولحليب..ولبيض مقلي..
إخلاص:ملقيتش عندك لخبز .نزلت جبتو من المحلابة لي لتحت.
طلعها وهبطهاا..سورفيت ديالوو جاياهاا كبيرة. رابطاها فكرشها..وهوا لي صحابو غير شي مريول جااي يسرق
أسيرم:خرجتي هكدا؟
إخلاص:اه صحابهم صاحبك..(معنكشا)
خديتو كريدي فاش دوز خلصهم
حرك راسوو..كارز على سنانو
أسيرم:غنخلص لخبز ليي عييت منفسر لهم اضرارو.اهاه.
إخلاص:لقيت عندك غير لخضرا فتلاحة..ولخضرا مصلحاش لفطور..
أسيرم:مكانش عندي لوقت نتقدا لك..تا نخرج من لخدمة
إخلاص:معلش كل لبيض.
قليتو فزيت لبلدية

شاف فلبيض..مقليي..
أكثر منظر مرعب بالنسبة لطبيب..

بيض مقلي فزيت..وخبز..وحليب..كلوو دسم
لعرق نزل من جبهتو وهوا كيشوف هاد لمنظر لمرعب..سرط ريقوو .

أسيرم:غندير شويا دشاي أخضر
إخلاص:غتعطي قهوة فاتاي خضر. لا مداق لا زين
تم نايض لكوزينة ..مع دخلا بانت ليه مقلوبة..

رجع خاارج..بزرباا..مشا لبس صبرديلتو لبيضة
إخلاص:ولفطور
أسيرم:غيير بصحة عيطو لي من لخدمة.
زاد خارج…واقف حدا لباب كيلهث..
أسيرم الله يدوز هاد لحلمة على خير

اراءكم وتوقعاتكم بون نوي
البارت29🥀

تزوجتها بوصية زوجها 📜

فلكلينيك..كيف كل صباااح..غرفة المستعجلات بدات تتعمر..خاصة ان المرابطين معروف بلي مكيردش المرضاا..لي كيحتاجو لاسعافات اولية..وموقعوو لي فوسط لمدينة..وصيت اطباءو كيخليه الوجهة الاولى ..

كاان دااخل..شااد على يدوو..ودم خاارج..منها…

زايد براسو العالي..دافع صدروو. غادي بثقالة.شاب فتلاتينات من عمرو..سمر وحروفو سودة..عاقد غوباشتو..لابس تيشورت فزرق ولبيض..وسروال باج مغلوق

زايداا معاه..تتجري..بنت ملامحها زوينين. لابسا سروال دجين..وتيشورت بيض قصير مبين مفاتن جسمها البارز…شي لي خلا لانضار ..موجهاا لجسمها..

توجهات بجرا جرات

سامية:الله يخليكم عاونونا

زادت عندهم ..بخطوات تقال..

شافت فيهاا وشافت فيه…غير كيدور عينو طاالق يدوو لي تتسيل بدم.

الممرضة:اش اوا واقع للسيد؟

سامية:ضرباا دلموس

الممرضة:ايوا خص نعيطو للبوليس..الى ضربا قاست ليه لعرق..خص ضروري مالين الحال يحضرو

زااد عندهاا وقف..عليهاا..طلعها وهبطها..

هوا:اش سميتك؟

الممرضة:أناا؟
هوا:اه نتيي.
الممرضة:اش بيتي اوا بسميتي(شافت فيه مخنزر)
حيااة..انا شافة دلممرضين فهاد المجمع

هوا:مم حياة..سميتك زوينة..ولكن نتي لا.

خرجات عينيها فيه.

هوا:حياة مقراوكش بلي كن تقاس لعرق مغالقاينيش واقف؟مم (شافها عامرا)اه غالبا كان دحاس..ماعلينا

خشا يدو فجيبو..جبد شارتو..دلبوليس

…..:مكاين لااش تعيطي لناا جيت تا لعندك.

حياة(جمعات وقفتها مبتاسمة)اه سمح ليا نعام اسي تفضل اناا غنشوف جرحتك

حرك راسو بلاا.

…..:نن حياتي مرخيصاش عليا باش نسلمها لك عيطي لي لطبيب..

حركات راسها بوخا..

حياة:وخا نعام اسي

ابتاسم جنب

….:ماسميتيش نعام اسيي سميتي داووود.
البارت 30🥀
تزوجتها بوصية زوجها 📜

كاالس بوحدوو فلكافيتريا..كيدور عينوو…رجع بيه زمان لور. يامات كانو يفطرو مجموعين..ويطلق عليهم نكاتو الحامضين..وكان معاد اول من يساندوو ويضحك من قلبو على حموضتو..
من مور مامات متجمعوو..
ولا يفطر ويتغدا بوحدو غير هوا وشي ممرضات.
نضال مبقاتش تجمع..وطلقها تسرح كيف مولفا..واسيرم غرق فخدمتو..وبيما ان اسيرم مكاينش..فتا إيناس مكايناش.

تنهد بجهد..حط يدو على خدوو..كيشوف فكاس لقهوة..تهز من بلاصتوو..منين تضرب فضهروو

نضال:صباااحوو ..مال زين دلعالام مقلق

طلعها وهبطها..لابسا سروال بوي فريند واسع فزرق فاتح..وفيست قصيرة فزرق مغلوط..مع بروطكال ..وكاسكيط..فنفس لون

عدنان:بغيت نقول لك..نفس لهضرا ولكن لكدوب حرام
.عزري دوار

نضال:غير كدب عليا كيف كدبت عليك ابب

كلسات حداه..جامعا رجلها على لكرسي..

عدنان:شفتها راشقا لك ليوم؟

نضال:انها فترة راحة البيولوجية يا جورج..نقصات عليا لخدمة شويا هاد ليوماين..اييه نتاا مخدام مرداام؟فوق منشوفك لقاك معشش هنا؟

عدنان:وش بغيتي بنادم يتبنج بسيف؟ولا يوقف ليه قلبو زطاطا…خليني اشريفة رتاح..راه داك أسيرم كيوجد لشي عمليات غا ليستر ندخل بنادم نخرج حيوان.

نضال(تنهدات)اك الحيوان نوض جيب لي معاك شي قهوة نص نص..وبتيبان شكولا الله يرضي عليك..مقداش نحرك رجلي..

عدنان:صباطك كبر من كراوعي وبغيتي تحركيهم..غير حيت شحال هادي مفطرنا مجموعين غنوض.

تم نايض..تضرب فضهروو تا حناا

أسيرم:جيب معااك شي كاس داتاي خضر.

زاد جار لكرسي كالس

عدنان(شاد على ضهروو كيشوف فيهم ضاحك)برب تا تفرعت..ولكن فرحت..توحشت لمجمع..غنجيب لكم شنو مبغيتو ليوم ولكن غير ليوم…

حيد يدوو من ضهروو..يلاه بغا يزيد..وهي تجروو من سكراب ديالو..

حياة:تا اوا فين غادي ابو بنات.

عدنان:اش جاكم هاد صبح عليا(دفعها)

حياة:وكاع طبا مزال موصلو.اجي يواا فكنيي من واحد لحيماري صحاب راسوو مبارك اوباماا..جاي يتعنتر علياا..والله ياباباه كن محشمت شوياا يا تاا نهزوو نقسموو

كيشوفو فيهاا بتلاتة مخرجين عينيهم.

عدنان :مالو؟(كيعيبها)تيي اش بييه؟

حياة:نص جرحا فيديه..خيطها لحماري دبوه يمشي بحالو من هنا

ساط بجهد

عدنان:وش عاودو ليك عليا كنخيط؟الزين الى بيتيي لي يخدر..الى شي حد وقف ليه لقلب وبيتي لي يدير لانعاش انا حاضر..ولكن اش بيني وبين تخياط..يلاه تجمعوو لعشران وقلت غنفطر معاهم ونتي تسلطي

حياة:يااك اخانز لبيطان..هما عشرانك واناا..لا نسيتي الحماري..شحال شتت نمرت على الممرضات ااا؟نسيتي خيري؟

شاف فأسيرم ونضال..

عدنان:غير كنداويهم متفهموش غلط.(سد لها فمها )عشيرتيي ومنخلي لي يعصبك..زيدي وريه لي زيدي..لمخيطت ليه المخيخ على المخ منتسماش.

زاد دافع صدرو ..معاها.

تنهد..
أسيرم:المخيخ والمخ كيتبرا منو.
نضال:مديش عليهم هادو ديماا هكداا..ماعلينا غنوض نجيب لفطور.

أسيرم:غير كلسي انا غنجيبو
نضال:ولكن علاش مفطرتيش فدار وش معجبك فطور اخلاص؟
أسيرم:لا زويين..بنيين(تم نايض..جار ابتسامتو)وااعر واااعر
البارت31🥀
تزوجتها بوصية زوجها 📜

زااد..معاها..دخلو لمستعجلات

عدنان:وريه ليي فينوو لي قلق ليي طبيبزتيي

شارت ليه.

حياة:(شارت ليه)راهوا بن لحماري لاخر..

عدنان:اناا غنتكلف بييه..

تم زايد..عندو

حياة:اويلي على لكداري راه من لمخزن..

زادت بجرا..عندوو منين سبقها ومسمعها..

كالس على البياص..وسامية على راسو

سامية:سمح لي هادشي بسبابي..وشكرا لك كن مطاكتيش لموس بيدك كن ضاعت كمارتي

دااوود(بملامح مطموسة)هانيا

زاد عدنان واقف عليه.

عدنان:اش حب لخاطر؟

هز راسو فيه.

داوود:قهوة كحلا بلا سكار.(كارز على سنانو)خيطها

عدنان:جلابة ولا لقفطان؟

داوود(هز يدو)سلهام

عدنان:مم ضربة بلموس؟وخاا وخا كلس كلس

هز لقطن ولالكور كيعقم جرحا..برك عليه بجهد..

كان ساهي..مع لبركا.ولحر ديالها…نزل عليه بونيا بليد لخراا جابو طايح لارض.

فلكافي..جااب لفطور..حطوو..

نضال:شكرا.

أسيرم:العفو..ولكن لبعدتي من داكشي غيكون حسن

نضال:اه ان شاء الله ربي

هز اتاي كيدوق منو.

نضال:اوا العريس كيف دازت ليلتك؟

لاحوو من فموو..بدا يكحب..بجهد

مدات لييه كاس دلماء.

نضال:قصدت كيف دازت من بعد مغبرات اخلاص

شرب.ومسح فمو..شاف فيها.

أسيرم:لقيتها فلقبور. وديتها لدار.

نضال:اه(تنهدات)جبت حوايجها..فاش تمشي نعطيهم لك راهم فلوطو.

حرك راسو بوخا.

نضال؛هي منين مات خويا ممشات لدارو..كانت تكلس عندي ..وصبح عند لوليدة هنا..ليوم مشيت لدارها وجمهت لها حوايجهاا…كنتمنا تقدر تكمل حياتها..كنتمناا تقدر..تعيش فرحانة..وتبدا من جديد

أسيرم:هي امانتي بلا متشطني راسك بيهاا.ولكن ونتيي أاا؟وش مغتبدايش من جديد أاا؟مغتنسايش الماضي؟

يتبع
البارت32🥀

تزوجتها بوصية زوجها📜

طايح شااد على حنكوو…زادت عندو حياة بجرا..حنات عندو

عدنان:هااا بحالا ضربني؟

حياة:حركات راسهاا باه

عدنان:كمارتي بلاصتها؟

حياة:حركات راسها باه

عدنان:انا نوري لبوه شنو هي يهز يدو عليا

حياة:اداك الحماري راه من المخزن.

عدنان:المخزن؟وعلاش مكولتيهاش قبيلة..قبل منبرك على جرحتو..

حياة:علاه درتيها بلعاني

حرك راسو

عدنان:لا بصح…تكعدي تكعدي..

تم نايض..شاد على وجهوو..شااف فلي تيشوفو فيه

عدنان:مدارهاش بلعاني مسكين مدرهاش بلعاني

رجع عينو لفين كان داوود..كاع ملقاه.

عدنان:فين مشاا؟

سامية:معرفتش اتكونو عصبتوه..اجي عبر لي طونسيو.

شاف فيهاا..وفطايتهاا

عدنان:وجهك صفر ازين..خصني نعبر لك دقات لقلب..هما لوالين

ابتسمات ..

نضال:مغنقدرش..لخطأ لي درت مستحيل يتغفر..كنتفكرو كل نهار

أسيرم:خصك تنسايه.

نضال:كنحاااول ولكن مقداااش…صعيييب ..صعيب نتقبل انه ولاا شخص غريييب …صعيييب نتقبل انه مبقاااتش تربطنيي بييه شي علاقة صعيييب..نقبل ان زمان فرقنا بمرة..وتحرمت تا من شوفتوو صعيب

أسيرم:عطيي فرصة لغيروو ..نتي كتستاهلي فرصة خراا

نضال(ببتسامة)حاولت وش فنضرك محاااولتش؟…ولكن فكل مرة كنفشل…فوووق ماا كنتلااقا مع شي حد..فوق ماا كنبغيي نبدا مع شي حد…كيبداااو دوك لمقارنات ..هدااا ماشي بحال دااوود ..هوا كان غيدير هكداا..وهدا دار هكدا….داوود كان غيخاف عليا هكداا كان غيسول علياا هكداا ..ماشي بحال هداا.هداا محنينش بحالو..هداا قلبوو مكبيرش بحالوو..(حطات يدها على راسهاا)حتاا ضحكة ونبرة صوووت تنقااارهاا …حتاا لمشية وريحة تنقاارنهااا…ولييت تنقلب عليه فاي واااحد..فاي وااحد..ومنين متنلقااهش تنبعددد (هزات راسهاا …شادة دمعتها بزز )هااادشي كيضر بزااف أاسيرم…هاد لمقارنات تيتعاودوو بزاف دلمرات فكل مرة هادشي كيضرني كثر من لمرة ليي قبل(تمات واقفا)ولكن ماعليناا خصنيي نقتااانع بليي هواا مبقاااش رااجليي خصنييي نقتانع ونتقبل لامر..بلي خصرت أسرتي الزوينة(هزات كتافها)يقدر شي نهار يجييي ومنحسش بقلبيي كيتقطع منين نتفكرووو شكون عرف..هوا بعيد يقدر لزاد بعد لسنين خرا غنساه..

وسعات عينيها منين سمعاتوو نطق سميتها

نضال(ضحكات باستهزاء)شفتي تا من صوتو تنتخايلوو وليت حمقة ااسيرم

اسيرم:(طلع حاجبو)مكنضنش مزعوط فيه تا انا باش نسمع صوتو معاك

داارت بزرباا مصدومة
البارت🥀33

تزوجتها بوصية زوجها 📜

داارت بزرباا..وقفات مصدومة..وسعات عينيها..حاسة بقلبهاا عند فمهاا…عيونها تحجرو بدمووع..وهي تتشوف فيه..

باقي هواا نفسوو..ملامحو وشكلو متبدلوش بزاف..هوا نفسو راجلهاا..حبيبهاا..لي كان يعشقهاا ويمووت عليهااا…حبيبهاا لي خلاتو باش تكمل قرايتها براا لمغرب…خلاتووو هوا وبنتها لي مكملاش تا عام..

سرطات ريقهاا…ميلات راسهاا..ودموعهاا نازلين..نطقات بتمتة..

نضال:داااوود؟

كيشوف فيهاا..بلا اي حركة..غير كيشوف..

يلاه جا ينطق..محس غير وهي مرميا عليه..

معنقاااه..بجهد..عندهاا…خاشياا راسهاا..فيه..تتشم ريحتو..باقاا نفس ريحا..لي كانت تتشم فيه هادي سنين..

دموعها نازلين بلحس…
هزات راسها تتشوف فيه.

شدات وجهو بين يدها..

نضال:فين كنتي أاا فين كنتي هاد سنين كولها فين..

كيشوف فيها بلا ميدير اي حركة..

طبعات بوسة فخدوو ليمن وليسر..ورجعات معنقاه.

كان كيشوف فيهم..غير بدات فلبوسان قلب وجهو .

شاف تيلي ديالو كيصوني.نمرة لفيكس ددار

أسيرم:ألووو؟

كيسمع لغوات

إخلاص:أسيرررم أسيرم سراااق سرااااق

تهز من بلاصتووو..واقف..مصدووم

أسيرم:كفاااااش سراااق عنديي فدااار؟

إخلاص:اه اه

أسيرم: عيطي لبوليس..أناا جاي متخافيش

إخلاص:خفتو يطلع علياا

أسيرم:(مخرج عينوو)كفاااش يطلع علييك كيفاااش يطلع علييك

إخلاص:وكيعض ..

أسيرم:لقرب منك انقتلووو..غنقتلوو

غوتااات بجهد…

أسيرم:ألو اخلااص .ألووووو

إخلاص:وكيطيير كيطيير

أسيرم:شفار كيطير؟

إخلاص:اشمن شفار راه سراق زييت

أسيرم(سرط ريقووو)سراق الزيت ااخلاص سراق زيت(مخرج عينو)كفااااش سرااق زييت فداااري أناااا..اش كيدير تماا؟

إخلاص:اش عرفنيي اناا ماليي عرضتوو.

أسيرم:أناا جاااي…غادي نعيط لهم يعقموو دار..متحركيش من لاصتك..

شافوو داوود .بعدها عليه..متجاهلها

داوود:أسيرم
أسيرم:دااوود فرحت حيت شفتك..ولكن خص ضروري نمشي لدار. نقتل سراق..

زااد بجراا .

داوود :سرااااق…عندااك تقتلوو عنداك

زاد تابعوو..بجرا.

نضال:كفاش دخل شفار لدار أسيرم وإخلاص..واسيرم غيقتلو(غوتات )عاينونيي

زادت بجرا موراهم وهي تتمسح دموعها.. لسوء حضها لحضتها رومانسية تحولات للحظة أكشن.ولقاء منتظراه لسنين سالاه سراق زيت.

اراءكم وتوقعاتكم بون نوي
البارت🥀34

تزوجتها بوصية زوجها 📜
مسافة طريق..وقفات لوطو ديالوو..قدام الموبل..نزل بجرااا..داخل..
لحظات قليلة.موراه..وقفات لوطوو..دداوود..نزل منها..

بانت ليه لوطو دنضال بدورها وقفات..
زااد داخل..بجرا..وهي..تابعاه..

شاف فيها.
داوود:فاشمن طابق؟
نضال:لخر
زادو بجوج للاسانسور..

بالهاا كان مشطون على اخلاص..مكانش عندها لوقت لي تهضرو..

حاطة يدها على فمها
نضال(بصوت مسموع )يااربيي ميوقع والو لاخلاص..ياربي..ميقتلووش ويصدق غارق فلمشاكل ياربي..

داوود(بلا ميشوف فيها)بلا مدخلي نتي..انا غنتكلف.
واقف حدا لباب..حلها..ودخل..بجراا..كيعيط عليييها

أسيرم:إخلاااااص.

شااافهاا طالع..على لفطووي..واقفاا..مخربقاا كاع لمخااد لي حداها..
سررط ريقوو..هوا شخص لي مهووس بنضام صالتو ولات ساحة حرب..شااف فيها..مطلع حواجبو
أسيرم:فيينوو فينوو؟
إخلاص:معرفتشش..معرفتششش.
أسيرم:كفاااش معرفاش يااك كنتي معاه
إخلاص:مالي ماماه باش يكولي فين تيمشي(شارت لتحت طبلة)اخر مرة شفتوو لهيه ومبقاش بان.
أسيرم:ماعليناا متخافيش..غتنزلي..تمشي لبيتك..وانا غنقلب عليه
إخلاص:اش غدير لوو؟
أسيرم:(جار ابتسامتو بزز)غنبووسو..اش غندير لييه متلاا غنقتلوو.

إخلاص:اه اه
زادت على ريوس صباعها..تتحرك من فطوي لاخر..باش تنزل..زايدا بشويا..كيطمتوو لي لابساا كاع طاحت لها تجرجر
مع نزلاا..تعكل فيهااا..طااحت على طولتها..
أسيرم:عنداااك

إخلاص:أنا بيخير..
زااد عندها بغا ينوضها..فهاد لحظة تحلات لباب..
داخل هااز سلاحو..لمنضر لي قدامو. فسرو بلي اسيرم شاد السراق..
هز سلاحوو عليهم
دااوود:كتحركشش .أسيرم بلااا متقتلووو..أناا غنتكلف .عنداك دير شي حاجة لي تندم عليهاا..عندااك
شاافت فاسيرم..لي بدورو ضار كيشوف فداوود
أسيرم:أش وااقع؟
داوود:(شار لاخلاص لي طايحا عاطياه بضهر )هداا هواا شفار لي لقيتي فدار..؟هادشي كيوقع انا غنتكلف.
أسيرم:شفااار؟
هزهاا من لقب نوضهاا..موقفها .قداموو..

أسيرم:هاديي مراتي أصاحبيي

دخلات بجراا
نضال:مقدرتش نبقا براا..

شافت فاخلاص..زادت عندها بجرا..

معنقاها..

نضال:اخلاص حبيبة ياكما دار ليك شي حاجة..أاا ؟

شافت فيهم وشافت فيها.

إخلاص:تخبع تحت طبلة ..ومبقيتش لقيتوو.

نضال:كفااش تحت طبلة؟

زادت بغا تشوفو

إخلاص:عنداك تقربي راه كيطير
نضال:كيطيير علاه امتا ولاو شفارة يطيرو؟

أسيرم:مفهمتش شكون قالكم شفار راه غير سراق زيت

حرك راسوو بلا حول..جمع سلاحو
دااوود:آه سلاح مجبدتوش صبح على شفارة لي كريساو لبنت وجبدتو على سراق زيت..

شاافت فييهم..نظرة دواش من نيتكم.

نضال:سرااق زييت .هااد لحالة على سراق زييت.
حركاات راسهاا..تطلعوو وتهبطوو..فهاد لحظة كن لقاتو قدامها كن غززاتوو بسنانها..
زاادت كحزات طبلا..حنات تتقلب عليه

نضال:والله وطيييح بيين يديي يا نشرح مكك

إخلاص:بلا متقتليه للقيتيه ..تقدر تكون عندو عائلا
أسيرم:(طانز)اه وتقدر تكون مرة حاملا بولادهاا.؟ولاا غير مراهقة جاياا دير شوبينغ عندي فدار..ويمكن ولد صغير جاي يلعب عندي كورة هنا(خنز فيها دواش من نيتك)
إخلاص(خنزرات فيه)بارد القلب

نااضت..شافت فيهم..هزاتو قدامهم كيفركل..

نضال:شفتووه يااك

زادت عند اخلاص.
نضال:جايباني على هدا ياك..(هزاتو قدامها )اش بان لك ديري اخر سليفي مع لمرحوم.
غوتات بجهد..وزادت مخبعاا موور أسيرم..

البارت35🥀

تزوجتها بوصية زوجها 📜

واقفاا موراه.شادة فحوايجو من ضهر..

إخلاص:حراام علييك

نضال:هاني غنخرجو خوافة

زادت مخرجاه…تفنن فقتلو برا دار..

كان واقف ..متكي على لحيط كيشوف فهاد لفيلم فين ايخرج..

سهاا للحظة منين شافها خرجات سراق زيت بيدها..رجع بيه زمان.ل11 لعام قبل..

وااقفاا على سرير..تتغوت لربيي لي خلقها..دخل عندها بجرا

داوود:مالكي اش واقع؟

نضال:سرااق ززييت اداوود سراق زيت

دااوود:فينوو؟

نضال:كان فلكتاب..

زاد هز كتابها..شافو تيتمشاا فوقو..زاد مخرجو..

ورجع عندها

داوود:صيف بدا يدخل وقتهم هدا..راه واحد مووراك

غوتات لربيي ليي خلقها ..وترمات عليه..معنقاه ومعلقاا..رجلهاا فضهرو..عنقهاا عندو

دااوود:غير تنضحك معاك الخويويفة دياليي

هزات راسها فيه

نضال:حرام علييك خلعتيني

داوود:متخافيش .انا هناا فوق ما يقرب..سي سراق زيت من مرتي زوينة انقتلوو

ابتسم ابتسامة جانبية..تنهد.

هز راسو منين سمع اسيرم كيهضر معاه

أسيرم:سمح لنا على هاد روينة

داوود:لا بلعكس اسقبال زوين..وبلمناسبة مبرووك زوااجك

أسيرم:الله يبارك فيك ..فين كانت غيبتك..11 لعام منين مشيتي من لمدينة.ولكن على الاقل كنتي تفكرنا ..بشي مساج ولا ابل..ولكن هادي عماين …يقول لارض سرطاتك .تا من نمرتك تبدلات.

داوود:(ابتسم)موضوع طويل..دابا انا هنا..وليت خدام هنا ..من بعد ونتلاقاو ونهضرو..

حرك راسو وخا

داوود:يلااه نخليك تبعاني لخدمة..

تم خارج..رد لباب..كانت جايا دخل..بان لها خارج

طلعاتو وهبطاتو..شافت فيديه لي ملويي عليها شاش طبي ..ودم باقي خارج منها..

بلا شعور..زادت عندو..شداتها

نضال :مال يدك؟

شاف فيها وشاف فيدو

داوود:ماشي شي حاجة تتهمك

نضال:خليني نداويها

داوود:تا داوي جروح لي تسببتي فيهم نتي عاد فكري فجروح لي سببوهم ناس

نترر يدوو ومشاا..متبعاه بعينيها

نضال:غنداويهم غنداويهم..

دخلات لدار. شافت فيهم

نضال:قتلتو

أسيرم:الله يرحمو

البارت 36 🥀

تزوجتها بوصية زوجها 📜

زادت كالسا حدا اخلاص..فلكراسا دلكوزينة.

نضال:حوايجك راهم فلوطو..جيت جيت هزيهم.

إخلاص عينيهاا على اسيرم ..لي كيقاد صالوون..وسادة بوسادة ..وكيمسح طبلة بلمعقم .

زااد لدوش ..شاف فيهم..

أسيرم:تا لارض خصها تعقم..معنديش وقت دابا من بعد ونعقمها ولا نعيط لهم يعقموها

زاد لدوش يغسل يدو .شافت اخلاص فنضال

إخلاص:لمن غيعيط؟

نضال:لشركة لي تتعقم لنا لكلينيك مرة مرة تتجي تعقم دارو.

إخلاص:هااا. وش لهاد درجة سراق زيت تيخلع؟

نضال:كوليها لراسك .ليي دايرا روينة

إخلاص:هوا بصارحة تنتعفن منو

نضال:اوا الحبيبة هوا تيتعفن من كولشي .كيكره لوسخخ..وبما ان لحشرات كاينا يعني الوسخ ..ومهوووس بنضاام ..لحاجة خص تكون بلاصتهاا..متبدلش..اه ونزيدك..لبغيتي تقتليه كولي شي حاجة ماشي صحية

إخلاص:اه وانا نفهم علاش صبح تصدم منين شاف لبيض مقلي فزيت

نضال:زيت مقليا؟(ضحكات بجهد)وااعر وااعر

إخلاص:ولكن راك طبيبة بحالو علاش تتكلي شنو ماكان؟

نضال:هوا انا ولفت هكداا قريت برا وبوحدي ولوقت والو فتبليت بلمكلا دزنقا..وتا خويا مسكين كان يموت فيك تعطيه سم ياكلو..ولكن اسيرم لاا..من نهار عقلت عليه وهوا هكداا مستحيل يتبدل..

تنهدات بجهد

إخلاص:مريض وغيمرضنيي معااه.

شافت نضال فتيلي ديالها ..كيصوني

إخلاص:لولد لي صحابو انا شفار بحالا ديجا شفت..

قاطعتها

نضال:كيعيطوو لي من لكلينيك..خصني ضروري نمشي من بعد ونعاود لك

إخلاص:وحوايجي؟

سمعها منين خرج

أسيرم:غنحطهم لك فلاسانسور..عاينيه وهزيهم

نضال:غتمشي تا نتا لكلينيك؟

أسيرم(حرك راسو باه )عندي عملية مور ضهور.

نضال:اذن نمشيو بجوج

إخلاص:سيرو سيرو..وانا غنعقم داار

شاف فيهاا

أسيرم:غديري خير

ابتسمات ليه:أكييد الله اودي

زادو خارجين..جمعات ابتسامتها

إخلاص:كيموت على نضام ونقا ولمكلا صحية..أوكييي أوكييي(ابتسمات بمكر)

البارت37🥀

تزوجتها بوصية زوجها 📜

بعد لحظاات ..

كانت واقفا فلاستقبال..تتوقع على شي وراق.

هزات راسها منين سمعاتو عيط

داوود:ساامية

زادت عندو.

سامية:فين غبرتي؟خلعتيني عليك

داوود:مكاين والوو..اش تديري فلاستقبال؟

سامية:غير خلصت

داوود:علاه امتا دواوني باش تخلصيهم؟

سامية:لاا ماشي عليك..انا لي دوزت…هبط لي طونسيوو وقلبي ضرني يمكن لخلعة دصبح

دااوود:الا كونتي مرتاحة..دوزي معايا لكوميسارية خص نحلو محضر..لي تشد ياخد عقابو ولي هرب نبداو نقلبو عليه

حركات راسها بوخا..

سامية:هي لي متعاودش اسي الكوميسير

داخلاا بجراا..لكلينيك..تابعها اسيرم بخطوات تقال.

توجهات هي عند حياة لي عيطات لها فحين هوا توجه لمتكبو .

زادت عند حياة لي مكانتش بعيدة على الاستقبال.

وقفات عليها

نضال:اشش وااقع؟ياااك لاباس؟

حياة:اش بيت نكولييك..
(هزات راسها فداود)اش مزال يدير هنا هاد لحماري..

هزات راسها شافت فين كتشوف ..خرجات عينيها منين شافتوو واقف مع سامية..طلعاتها وهبطاتهاا.

حياة:لبييت نكول ليييك

نضال:نعام نطقي

لسانها كيهضر وعينيهاا معااه..مكرهاتش تكون حداه وتعرف اش كيقول لهاا…مكرهاتش تمشي تجرها من دوك جوج زغبات وتجري عليها.محملاتش تشوفو معاها.

حياة:ديك لبنيا لي حاملا بتوام اوا نعام اوا عيط راجلهاا كالك جاها شي حريق فكرشها وش نعلمها تجيي؟

نضال(عينيها على لبنت لي حطات يدها عليه)حيديهم حيديهمم

حياة:اش بيتيني نحيد. وش توام ولكن باقيين فشهرر تامن

نضال:(كارزا على سنانها)حيدييهمم يعطييك لكردد

حياة:تيي واا بعقلاااك كيف غندير لهم نتي لي طبيبة ماشي انا

نضال:شوووف كيييف تتقرب

حياة(رجعاة خطوة لور)لاش بييت نقرب لييك..اوا تا راني بعيدة عليك

نضال:(سااطت بجهد منين شافت لبنت لي معاه بعدات)تااكليي فييه سممم اصلاا غير شياطتيي

حياة(كترمش)تيواا من ديك دانونا لي عطاتني ديييك لمرييضة مجغضت شي حاجة

شافت فيهاا نضال ..

نضال :اش تتقولي نتيي؟اشمن دانون؟

حياة:اناا (شارت لراسها)بلعما مدويت

نضال: سيري سيري قولو يجيب مرتوو..

زادت وخلاتها

حياة:الله يستر اربيي. كلشي تفليبا فهاد لكلينيك.غير انا وبو بنات لي بعقلنا
البارت38🥀
تزوجتها بوصية زوجها 📜

سامية:وشكرا لك مرة خرا..مهم تا ندوز لكوميسارية.

مشات فحين هواا..حرك يدو لي عاطياه لحريق..تنهد..وخشاها فجيب..يلاه بغا يتحرك..وهي توقف عليه.

نضال:خصنا نهضرو.

داوود:معايا انا؟

نضال:لا مع لحيط

داوود:معندنا فاش نهضرو

تم غادي..شداتو من يدو موقفاه

نضال:بنتيي (تحجرو عينيها بدموع)كييف راها وش هي بيخير

ابتسم باستهزاء

داوود:بنتك؟اشمن بنت عندك؟بنتيي مبقاتش بنتك نهاار لي طلبتي طلاق مقابل تخلاي لي على لوصاية

نضال:كنت (سرطات ريقها)كنت غير مراهقة …مقدرتش نتخلا على حلم..اني نقرا برا

داوود:ولكن قدرتي تخلاي عليها

نضال:كن رجع زمان لور مغنتخلاش عليكم

ابتسم باستهزاء

داوود:دوماج زمان كاع مكيرجع لور..وكملي حياتك كيف كنتي تمنايها ونساي عليك بنتي

نضال:عارفاا بليي نتاا بديتي حياتك مع غيرري عارفا..ولكن من حقي نعرف وش نتي بيخير عماين م مصيفطتي لي شي طوف ديالها

داوود:هي بيخير.. بيخير وممحتاجاش لك..

نتر يدوو وزاد.

وقفات شادة على قلبهاا دموعها..نازلين .
زادت بزربا لمكتبها..وهيي تتبكي.

بعد ساعات..فاكلينيك..

كان خارج من غرفة العمليات..زاد كيحرك راسوو يمين وشمال..

حااس بداتوو دكدكات باغي غير يرتاح.

دار موراه منين سمع عدنان كيهضر

عدنان:غدا ايكون لمؤتمر على لعملية دالحاج يااك؟

أسيرم:اه حيت لعملية فلعشية

عدنان:باينا فيك عيتي كانت معقداا ..هادي دليوم. كن غير رتاحيتي ليوم .باعتبار دلحاج كاينا غدا.

أسيرم:داك الوقت لي نتا بالنسبة لك راحة يقدر يكون بنسبا لمريض آخر لحظات حياتو.

عدنان:(كيحك راسو)اه ودابا ساليت..غنمشي لدار ..تا لصبح ونتلاقاو بون نوي

أسيرم :وخا صافي..بون نوي

عدنان:ونتا مغتمشيش؟

أسيرم:غنطل على شي مرضا ونمشي

عدنان:اك

مشاا عدنان بحالو فحين اسيرم توجه..لمكتبو..
تكا على كورسيه..هز راسو فساعة..كانت 9 دليل..تعطل وهوا فلعملية..تا من جوع جااه..

تفكر اخلاص..هز تيلي كيصوني عليها .بعد لحظات جوباتو

إخلاص:اش بغيتي؟..

أسيرم:سمحيلي

البارت39🥀
تزوجتها بوصية زوجها 📜

وسعات عينيها مستغربا

إخلاص:علاش اش درتي؟

أسيرم:كنت قلت لك انتقدا لك ليوم..سعا غرقت فلخدمة..على داكشي سمحي لي .

إخلاص:اه عادي..حوايجي جاو فخديت غير شي حاجة من برا

أسيرم:كفااااش؟؟كليتييي لمكلا دزنقاا

إخلاص:اه غير فلغدا ولعشا

سرط ريقووو..
أسيرم:باش تغديتي؟

إخلاص:شفتك مجيتيش لغدا وانا ناخد لي غير اندومي..

تهزز من بلاصتو لعرق نزل من جبهتوو…

أسيرم:كفااااش؟مسمعتش مزيااان لالا مسمعتشش مزيااان؟بعقلك ااخلاص بعقلك؟

إخلاص:علاه فين لمشكل؟مال لاندومي ماشي راجل

أسيرم:لا راجل وسيد رجال..اخر مرة تاكلي شي سم بحال هدا صحة مكيلعبوش بيهاا ناس..بغيتي تلعبي لعبي بشي حاجة خرا..اندوميي راه مرض فيه
الدهون الضارة لي تتراكم فالاوعية الدموية وهادشيي غيمرض لك قلبك ..وكطلع سكر فدم وكتمرض لمعدة حيت متتهضمش دغيا

إخلاص:(كتسوط)غير هادشي
أسيرم: المصيبة فيه مادة جلوتومات الصديوم E621 لي كضر جسمك بشكل كبير وكتسبب.

قاطعاتو

إخلاص:اهاه..شكرا على المحاضرة ولكن متتهمنيش

أسيرم:(تنهد)مزروبة على موتك ولا كفاش؟

إخلاص:موتي وحياتي مكيهموكش كيف ما موتك وحياتك مكيهمونيش..ماعلينا غنقطع غنمشي نكمل عشايا

أسيرم:(بدلل شفايفو..نطق كارز على سنانو)باش كتعشاي؟

إخلاص:خانز وبنين وكوكا باردا.

قطعات عليه..فحين هوا سد عينوو كياخد انغاسو كيحاول يكالمي راسو..

زاد بزربا يطل على المرضى..ديالو باش يمشي عندها دغيا عندها لدار .

بعد لحظات..غادي فلكوروار..بعد مشاف مرضاه .وطل على الحاج لي عندو لعملية غدا..

وقف للحظة.منين بانت ليه..وحدا من الغرف دلمرضا محلولين..توجه بثقالة بغا يسدها..تكوانسا منين سمع انين جااي من لداخل..حل لباب ..بزرباا..

بانت ليه مراا ..حاطا وسادة تتخنق المريض.

أسيرم:ااش تديري؟

زاد بجراا دفعهاا..شااف فلمريض..لي لونوو تبدل..

ركب ليه لاوكسجين..وبدا يسعف فيه

جبدات مووس من صاكها
هااازها و.يدها كترعد…

بعيون حمرة محجرة بدموع تتشوف فيه

هي:خليييه يموووت…خليييه يمووووت..هواا كان باغي يضيع لولدي كمارتوو باااش فاش يكبر ميلقا خدما ويخدمو فلحرام معااه خليه يمووت

أسيرم(شاف فيها )انا كندير غير خدمتيي

شاف فراجل لي تيتهزز..
تشغل بيه بحالا هي مكايناش

لموس ..فيدها..شفايفهاا كيرجفوو..وعيونهاا مفكسين عليه..ووهي تتفكر كااع اش دوز عليها

هي:(بهمس)خليه يموت..لعاش غيخرج لي على حياة ولدي..هوا ماشي باه هوا مجرم..غيخرج لي عل ى ولدي باغيه يكون حشايشي بحالوو خليه يموت

مداهاش فيهاا…مشغول براجل. كيحاول يسيطر على نوبة لي جاتو..

هي:(بالغوات)قللتتتت لككك خليييييه يموووت…

أسيرم:(عينو على لمريض)أنااا طبيب طبيييب ماشي قتال.كندير خدمتي

هي:وانا أم غندير خدمتي كأم..نتا لي مبغيتيش تحيد

زادت عندووو بزرباا…نزلات عليه بموس.

اراءكم وتوقعاتكم

Leave a comment