Skip links

قصة : تزوجتها بوصية زوجها ج2

 7,223 عدد مشاهداات

البارت 11🌹

 

تزوجتها بوصية زوجها 📜

 

 

 

تفكرر اخر جملة قالهاا ليه فصبح.. قبل ميمشي..

 

 

 

أسيرم(زاد علق ليه سماعات..بطنز)سمع لدقات قلبك نخاف يوقف بكثرة مموحش مراتك

 

 

معاذ(ضحك بجهد)كتقول هكداا حيت متتبغيش نهار تبغي اتعذرنيي

 

أسيرم:اه اه ان شاء الله غير سير(شاف فنضال وايناس)هاهوا عاود ايبات هنا وهوا كيعاود لناا على قصة زواجوو الرومانسية

 

إيناس:صاا سيي نوغمال

 

معاذ:هاني غادييي غا عنداك تقلب عليااا..وهاد القلب لوقف ديك ساعة سماعات ديرهم نتا معندهم فاش يفيدوني

 

 

شار لهم بيديه وزاد ضاحك

 

 

أسيرم:هدا مالو هضر بجدية وش كاين شي حد غيوقف ليه لقلب حيت توحش مراتو

 

نضال:كلس كلس اش فهمك فحبهم

 

زاد كالس

 

اسيرم:بصح اش فهمني

 

 

 

 

حطط يدووو على قلبوووو…مزير عليه…حاااس بجمرة تتحرقووو

 

 

باغي ينطق مقادرش ينطق..باغي يقول كن غير ممشيتيش ومقادرش يخرجها من فمو…باغييي يغوت مقااادرش..حتاا يخرج ولو نص كلمة .

 

تم غادي مكمل طريقوو لغرفة لي فيها معاد…

 

 

بقاا واقف منين وصل…كيطل عليه من زااج…دقات قلبو وانفاسو باقا تتطلع غير بالاجهزة لكن هاد لانفاس مغتبقاش لساعات اتختفي بحكم موتو الدماغي…

 

كانت ختوو طايحا حداا لباب تتبكي وتشهق…والطاقم معاها من لي عاشرو معاذ وعارفينو..مشاركينها دموعهاا…

 

 

ناضت عند اسيرم

 

 

نضال:خوووويااا مشااا ااسيرم معاذ مشااااا …وش صافي مغنبقاش نشوفوووو؟وش صافيييي؟هاد دنيا مغيبقاش فيها شي حد نعيط لوو بخويا معاذ..أااا راااس لحنين مشااااا…ليي كاان فيه بابا وخويااا وصاحبيي مشااااا مشاااا حبيب قلبييي مشااا خوياا لحبيب مشاا

 

 

زادت معنقاه تتشهق..وتررد

“مشاا”

 

فحين هوا مدار تا ردة فعل..عينو غير على معاذ…

 

 

كانت جااايااا مع وحداا من لممرضات تتجري…شعرها لاسود…معنكش…نازل..على وجها… عيونها البنية الغامقة عامرا بدموع..دموعهاا لي كينزلوو بصمت..على خدهاا..وشفايفهاا كيرددو برجفة.

 

“ياربي تحفظو”

 

كانت حاسا وقعات شي حاجة لراجلها منين قطع…واحساسها تاكد منين علموها…خرجات بجامتها…تا لقات راسها قدام باب لكنينك..

 

رجعات شعرها لور…ويدها تترجف..دمووعهاا نازلين. على خدودها الحومر ..

 

زااادت بخطوات تقال…

 

بعدات نضال على اسيرم. منين شافت اخلاص ..

 

نطقات برجفة

 

نضال:ااااخلاص..

 

 

زادت بلا متعطي اهمية..ليها…

 

وقفات قدام زاج..حطات يدها …تتشوف فراجلها لي دايرين بيه لاجهزة…

 

بقات تتشوف فيه..لمدة بلا متهضر..ولا دير اي حركة…

 

دارت عندهم بثقالة…

 

شافت فيهم..هزات يدها لي تترجف شارت لمعاذ..

 

ميلات راسهاا ..

 

 

إخلاص:هوااا إمتاااا غيفيييق ؟؟؟أااا؟

البارت 12🌹

تزوجتها بوصية زوجها 📜

 

 

 

شااافوو فيهااا بأسف ..وحزن باين على وجهم..تاحد مقدر يجاوبهااا..تاحد مقدر يقولها. راجلك..مااات..وعمرو باقي يفيق..

 

 

زادت عندها نضال بعد محاولات تجمع راسهاا..

 

حطات يدها على كتفهاا..تتشوف فيها..ودموعها كيتلاقاو عند اخر خدها..

 

 

نضال:أجيي تكلسيي و..

 

قاطعاتها

 

إخلاص:أشمن كلاس علامن تتهضري أاا؟؟وش شفتي خوووك كيييف دايرين بييييه لاجهزة شفتيه يااك؟خوووك داباا مقصحح اكيييد داتوو كضرووو اكيييد تيتوجع..ونتي تتقولي لي كلسيي..عفااك انضال قولي لي امتاا ايفيق..فين طبيب لمسؤول عليه فينووو؟؟؟بغيت نشوف راجليي بغيت نعرف امتا يفيق ؟ من حقيي اعباد الله نعرف امتا يفيق راجلي

 

 

هزاات نضال عينيهاا فاسيرم لي واقف بلا اي حركة…

 

 

شافتها اخلاص وزاادت عندوو بزربة…وقفات اونفاص معاه..

 

 

 

إخلاص:نتااا هوا طبيب لمسؤول على راجلي؟قولي امتا غيفيق أاا؟

 

 

هز راسوو فيهاا..شاف فيهاا بعيونوو السووداا..بلا تاشي جواب..كيشوف فدموع عينيهاا كفاش تترجف وهي تتهضر.

 

رفعات صوتهااا..

 

إخلاص:رااااه كنسولكك جاوبنيي من حقيييي نعرف جاااااااوبنييي رااه..

 

قاطعها.

 

أسيرم:مغيفيقش..

 

إخلاص:(بتمتة)كككفاااش ووو ..شش هوا فغيبوبة؟(دموعها تيتلاقاو عند اخر خدها)شحال غيبقا فيها شهر شهراين عام شحااال ااا؟

 

 

شافت نضال فاسيرم كطلبو بعينيها يحاول عليهاا..مبغاتش يواجهاا بلحقيقة بلا تاشي مقدمة..

 

 

أسيرم(سرط ريقو)راجلك مااات

 

 

ضحكات بجهدد…كتشووف فيهم واحد بواحد وضحككك..بحال شي حمقة

 

 

إخلاص:شيي لعبة هادي؟؟ههه بصح اه بصح مكنفهمش فطب ولكن قلب راجلي كينبض(شارت لجهاز)راجليي عايش..وش معااد دار ليي هادشي غير لعبة ولا كفاش أاا(شافت فنضال)وخاا عليك ونتي مشاركة مع خووك ياااك

 

أسيرم:(شاف فمعاد..كارز على سنانو.تا عروق راسوو بانو ..نطق بصوت عالي)معااد دار اكسيدوون ..مات دماغيا يعنيي قلبوو غيبقا ينبض لساعات قليلا..باقي كينبض غير بالاجهزة…الى حيدناهم غيوقفوو .خليناه تحت لاجهزة حيت فهاد لحالة لمريض كيقدر يتبرع باالاعضاء كيبقا هدا لقرار ديالك غنعاينو رضك..وخصك تزربي حيت لتعطلتيي لاجهزة مغينفعوش لقلب غيوقف …ومغاديش ينغعونا اعضاءو(هز راسو فيها)البراكة فراسك فقدناا لمريض

 

 

زاد بخطوات لووور..وتم غادي..مخليهاا واقفاا مصدومااا…مالميحها مطموسين…بلا اي حركة..غير تتشوف فيه وهوا كيبعد…وجهوو قدام عينيها. .وصوتوو وهوا كيعاود على حالة راجلهاا…

 

 

صوتو وصورتو لي عمر ايتنساو حيت كانو لاكثر شخص بلا قلب صادفاتو فحياتها كلهاا..شخص لي كيعاود لها على موت صاحبو كانو كيعاود على نتيجة مباراة

البارت13🌹

 

تزوجتها بوصية زوجها 📜

 

صوت خطواتو وهوا كيبعدد…هوا شيي الوحيد لي تتسمع…واقفاا بملامح مصدومة…بلا مدير اي ردة فعل..

 

زاادت عندهاا نضال …كتزعز فيهاا..تتبكيي بصوت عالي .فحين اخلاص بقات بلا اي حركة

 

نضال:لاااش هكداا علمهاا لاااش ..لاااش …اخلاص حبيبة اخلاااا..

 

هزات عينيهاا فيهااا ..

 

إخلاص:وش خوك مشااا. ؟داكشي لي قال بصح راجلي صافي مات؟

 

نضال:(كتنخصص)ربييي .ربي…بغااا…

 

قبل متكمل جملتهاا..سكتاتهاا غوتاا دلاخلااص…لي طاااحت على طولتهاا…

 

طاحت لارض..تتغوت بجهدددد

 

وهي تتردد

 

“لا لاااااا متخلينيش” وتررد اسموو بالغوات

 

طاحت عندها نضال تتحاول تكالميي فيها…وهيي غير تتفركل..وتغوووت لربيي لي خلقهااا…قطعات قلب كاع لي دايرين بيها..كفاش لا وموت معاد قطع قلبهم..وهما بعاد فما بالك بيها هي لي مرتو..

 

نضال:(شادة وجه اخلاص)صبري احبيبة صبرييي كوني قوية .

 

اخلاص تتزعزع راسهاا بلاا

 

إخلاص:لالا ماماتش ماامتشش عفااك عفااك مامتش …يلاه هضرت معاه يلاه هضرت معاااه عفاااكم قولووو كيكدب عليااا عفاااكم

 

تتبكييي بجهدد وتغوت لربيي لي خلفهااا…كضرب فراسهاا باش تفيق من الحلم..وتلقاا راجلها حي..

 

معناقاها نضال…تتحاول تهدن فيهاا…تا سخفات بين يدها…عيطات لهم بالغوات

 

نضال:عونووونييي عاااونونيي..(تضرب فوجها)اخلاااص فيقييي اختيي فيقيييي..

 

زادو عندهاا بجراا.

 

كان داخل لمكتبوو..سد عليه لباب…حطط يدوو على راسووو..عينووو حومرر كينهج

 

أسيرم:مقدرتشش نعتقكك..مقدرتش

 

بدااا يهرس فاي حاجة قداااموووو…وهواا كيردد

 

“مقدرتشش …مقدرتششش”

 

طاااح متكيي حدااا لباب…مقدرررش يشددد..دمووعووو…دموعوو لي نزلوو على صاحبوو عشيرووو…من زمان وهما صحاب…من بعد فرقاتهم الدنياا وحد كمل قرايتو فلمغرب ولاخر براا…وعاود تجمعوو فكلينيك وااحد…ودابا تفارقوو بمرة…

 

مفيكسيي عينووو…بلا ميرمش…عيونو لي مغرغرين دموع..

 

نطقق بصوت مبحوح

 

أسيرم:كلهم مشاااو كلهممم مشاااو

 

بدااا يضرب فراسوو كيف شيي حمق…

 

اسيرم:مقدرت نعتق تااشي حد فيهم تاااااحددد..

 

قبل سنوات..كان طفل ف15 لعام من عمروو…كالس قدام لبلوووك..نااض بجراا منين شاف طبيب خارج

 

أسيرم:عمييي فوزييي كييف بقاا بابا..

 

زااد عندو بخطوات تقال…

 

فوزي:غيكوون بيخيير باباك سبع بحالك..لعملية دازت مزيان

 

اسيرم:(بفرحة)وش بصح الحمد الله وماما؟

 

فوزي:هيي شادهاا دكتور معتز متخاافش حالتهاا كانت مزيان اتلقاها وقفات على رجلها..نتاا عارف ماشي هادي اول كسيدة لماماك..هاحنا نمشيو نشوفو كيف بقات..(هز راسو بان ليه معتز)ها دكتور معتز جاا..عايني هنا غنمشي نسولوو ونجي متحركش

 

زااد لجنب لكولوار..

 

فوزي:كيف دازت عملية مرت خويا؟

 

معتز:للاسف قلبهاا وقف قبل تاا منبداو لعملية

 

فوزي(حط يدو على راسو)ان لله وان اليه راجعون

 

معتز:وخوك؟

 

فوزي:(بعيون دامعة)جاتوو سكتة قلبية مقدرتشش نعتقووو(بدات يبكيي)خلاااو ولد بحال لوردة خلاوه يتييم..معرفتشش كفاش غنكول ليه بلي والديه ماتوو

 

داار وهوا شاد على راسو ودموعو نازلين..وسع عينوو منين بان ليه اسيرم وااقف..كيسمع ليييه..

 

فوزي:اسيرررم ولديي..

 

زاااد بجرااا ..وهوا كيبكي

البارت🥀14

تزوجتها بوصية زوجها📜

“بعد ساعات”

 

داااخل كيجرييي…دااز لاستقبااال…

 

عدنان:معاااد معاااد فيينووو

….:فالانعاش ادكتوور…

 

يلاه بغا يزيد سمعهاا تتعيط…دار عندهاا بانت ليه جايا بجراا..وقفات حداه تتشهق بلبكاا

 

إيناس:معاااد

 

عدنان:فالانعاش

 

زادوو بجراا بجوووج..

 

توجهوو لانعاش…

 

كانوو باقيين مجموعين تماا بعض من الاطباء والممرضين..

 

وقف عليهم عدنان ونفسوو تطلع وتهبط .لسانوو تعقد..مقادرش ينطق.

 

عدنان:واااش؟؟…بصصصح..

 

نطقات وحدة من الممرضات

 

هي:ذكتور ماات ..موت دماغي..

إيناس(حطات يدهاا على فمهاا..ودموعها نازلين

فحين عدنان رجع خطواتوو لووور…طااح على طولتوو…متكي على زااج..

 

حطط يدوو على راسوو ودمووعوو نازليين..

 

كيبكييي ويضربب فلارض بيدوو بحال شيي حمق..

 

كانت حداها فوحدة من الغرف تتشوف فيهاا..

 

نضال:علاش مزال مفاقت؟

دكتورة:عطيتها مهدئ باش ترتااح..شويا غتفيق..ودرت لها شي تحاليل شويا ويخرجو نتائجهم

 

نضال:حركات راسها

 

دكتورة:تانتيي خصك خصك مهدئ

 

نضال :لا انا بيخير

 

دكتورة(ضربات فكتفها)البراكة فراسك..كان واحد مناا

 

شدات على يدها

 

نضال:شكرا..وسمحيلي امروة عدبتك..فهاد لوقت ولكن معنديش لعقل باش نفحصها..

 

مروة:الله اوديي..متقوليش هكدا..نخليك نمشي نشوف تحاليل وش خرجو ..

 

زااد خارجا..حلات لباب ..ابتسمات وحنات راسها شويا ..

 

مروة:سي فوزي

 

داخل راجل فاواخر..الخمسينات من عمروو..لابس كوستار فلكحل..وسكارب طبي فلبيض شادو فيدو..

فوزي:كيف بقات؟

 

مروة:راك عارف ..ماشي ساهلا

 

 

تنهد وتم داخل..

 

فوزي:نضال

 

هزات راسها فيه..تمات نايضة

 

فوزي:لا غير كلسي كلسي ابنتي

 

زاد واقف اونفاص معاها..

 

فوزي:ليوم لكنينيك ديالنا خصرات واحد منهاا..دكتور معاذ كان من بين احسن اطباء القلب لي عندنا..ومنساو خدمتو لي كان يقدمها فلمستعجلات..كان بمثابة ولدي..بحالو بحال اسيرم الله يرحمو

 

نضال(دموع محجرين فعينيها)امين

 

فوزي(شاف فاخلاص)خلااها بحالها بحال الوردة..صعيبا عليهاا..ولكن حنا خصنا نفكرو فناس لخرين..ناس لي يقدوو يخصرو حبابهم

.ومعاد يقدر يعتقهم…نتيي عارفا بليي مبقاش بزاف..يقدر قلبو يوقف..ونتي عارفا بلي معااذ..من ناس لي مسجلين وباغين يتبرعو بالاعضاء..ولكن خصنا موافقة مرتووو..حاوليي تقنعيهاا قبل ميفوت لفووت..

 

هزاات عينيهاا فيييه..كارزة على سنانهاا…داتها كلها تترعد

 

فوزي:تقدر هضرتي متعجبكش..ولكن فكري كيف طبيبة..الميت ميقدرش يرجع..فحين لحي يقدر يتنقد

 

نضال:حالياا انا مكنفكرش كطبيبة انا وحدا مات خوهاا ومرتوو طايحا قدامهاا..ومزال معرفاش كيفاش غدير تعلم ماماهااا..

 

تمات نايضة..خرجات بزربااا

البارت15🌸

 

تزوجتها بوصية زوجها 📜

 

 

خرجات من عندوو وتوجهات لبيت ماماهاا..

 

 

كانت كالساا متكياا..كيف عادتها..تتشوف فتلفازة.

 

 

هزات راسها منين دخلات نضال

 

 

نضال:قلت لك شحال من مرة متبقايش تفرجي فتلفازة على صبح…

 

هزات راسهاا ضاحكة

 

…:رسوووم دياليي كيبداا داباا.

 

زادت كالسا حداهاا..شادة على يدها

 

نضال:ماما(دموعها نزلو)معاااذ مااات

 

 

عينيها على تلفازة.

 

…..:شكون معاد؟

 

نضال: طبيب لي كان كيجي عندك ديماا

 

شافت فيه وعيونها فيهم دموع

 

…..:داك لولد زوين لي تيوكلني ويشربني ويقابلنيي.

 

نضال:اه ولدك

 

دموعها نزلوو.عليه.لثواني..

 

 

مسحاتهم بيدها

 

….:علاش كنبكي؟

 

نضال:على معاد اماما

 

 

.عينيهاا على تلفازة..

 

……:معرفت شكون هاد معاد..ونتي لاش تتقولي لي ماما ونتي قد ماما..خليني نكمل رسوومي سيري بعدي منيي.

 

تمات نايضة..خارجاا من بيتها..تكات حدا لباب .تتبكيي

.

مسحات دموعها

 

نضال:مبقييتش قادة..مبقييتش قادة…ياربيي غير شوياا دصبر غير شويااا. عطيني غير شويا مزال

 

ناضت تتمسح دموعها…زادت لاسانسور..مبغاش يخدم..اضطرات تنزل على رجلها..

 

 

توجها لبييت اخلاص…مع حلات لباب ..خرجات عينيهاا منين ملقاتهااش..

 

 

زاادت بجراا..تتقلب عليهااا…

 

 

زادت لفين كاين معاذ .ملقاتش لهاا أتر…

 

علموهات بليي وقفات تماا بلا اي حركة..لثواني ومشات..

 

توجهات لاستقبال تتسول…بدورهم علموها بلي شافوها مع فوزيي ومعاوداتش بانت لهم..

 

بان ليها فوزي زادت عندوو بجراا..

 

نضال:مرت خوياا ك..

 

قاطعها

 

فوزي:وقعات الموافقة على نقل لاعضاء..شكراا ليك حيت قدرتي تقنعيهاا.

 

حطات يدهاا على راسهاا..دنيا بدات تدور بيها..شافت مروى جاياا عندهاا..

 

مروة:نضال تحاليل خرجو معرفتش وش هادا خبار يفرح ولا حزين…ولكن مرت خووك حاملاا

 

البارت16🌹

 

تزوجتها بوصية زوجها 📜

 

 

 

معرفات تفرح ولا تبكي..ولكن الاهم تلقاها..

 

زادت تتجري…تتقلب عليهاا..مبانش ليهاا لاثرر..

 

كان خارج من البيروو ديالووو ..بانت ليه تدور..وهي شادة على راسها..

 

زاد عندهاا..بخطوات سراع

 

أسيرم:اش واقع؟

 

نضال:مرت خويااا مرت.. خوياا غبرااات..عييت نقلب..والوو غبرات..مشات عند معاد ووافقات على التبرع..وغبرات(حطات يدها على فمها)هي حاملاا تحاليل خرجوو دابا هي كانت حاملا وكاع معرفا.

 

 

وسع عينووو..فيهااا..

 

زااد بجراا باغيي يطلع ف لاسانسوور..مبغااش يخدم وهواا يزيد طالع على دروووج…

 

كل درجة كيطلعها كيرجع بييه زماان لوور كاان بحالهاا..كاان بلاصتهاا…فكر فشي لي فكرات فيه هي داباا..حس بليي غدير نفس تصرف لي دار هوا فلماضي..

 

 

 

زاااد بجرااا…هارب منوو..طلع فلاسانسور متوجه لاخر طابق…موصل فوزي تا كان لاسانسور سد..واضطر يطلع على رجلووو ..

 

 

وصل لسطح دلكلينيك…طلع على لحييط..كيبكييي بجهددد..كيشوووف لتحت…لي لتحت بعاد تا حد مرد لييه لبال…

 

رجليييه كيترعدوووو…

دموعو تيتلاقاو عند اخر خدووو..

 

أسيرم:(بالغوات)علااش مشيتوو وخليتونيي علااش؟ …حراام عليكم…ياك قلتوو غتجيو تجيبوني من المدرسة علااش مشيتو علاش..انا مغنقدرش نعيش بلا بيكم..انا غنجي لعندكم

 

(حط رجل فلخوا يلاه بغا يترما..جروو عموو طاحو بجوج لارض)

 

أسيرم:طلق مني بعد منيي نتاا كدبتيي عليا قولتيي غيعيشووو طلقق منييي طلققق الكدااب قولتي كسيدة دماما عادية بحال لي وقع لهاا قبل وفلتات منهاا وطلقق الكداب طلق

 

فوزي:وش هكداا تتجازي باباك ااا؟بهاد ضعف باباك لي كان باغي يخلي موراه طبيب كبير بحالووو…وولد قويي يشرف بسميتوو هكدا كتجازيه

 

أسيرم:بعد منيي الكدااب بعد منيي بابا ماات بابا مشاا بعد منييي بعد بغييت نمشي عندهم..بعد

 

 

عنقووو عندوو

 

 

فوزي:الى باباك مات عمك عايش…نتاا من ليوم ولديي فين غتمشي وتخلي عمك فييه اولدييي

 

 

 

 

واقفاا فووق الحيط..تتشوف فسمااء…بلا متنطق…بلا متهضرر..

 

نزلات عينيها لتحت..دنيا دارت بيهاا…

 

نطقات وشفايفها كيرجفو

 

إخلاص:يانكونو بجوج فهاد دنيا يا تواحد .

 

 

سدات عينيها ورخات راسهاا..

 

 

 

وصل لاخر درجة..وهوا كيلهث العرق نازل من جبهتوو…زاد بجراا.. دافع لباب..خرج عينوو منين بانت ليه طايحا غرقانة فدمها

البارت17🌸

 

تزوجتها بوصية زوجها 📜

 

كانت طاايحاا لارض ودمم ناازل من تحتهات…طاحت من صور لسطح..من زهرها دوخاا لي شداتها طيحاتها لداخل ماشي برا..

 

 

زاد بجراا…عندهاا هزززهاا بين يدووو…

 

وتم غاديي بيهاا كيجري…هااابط بيهاا فدروووج..

 

حلات عينيها بثقالة..وهي بين يدو…هزات يدهاا حطاتها على وجهوو تتحسس لحيتو.

 

نطقات بصوت خافت..

 

إخلاص:حبيبي..متخلينيش

 

اسيرم(مكوانسي)غتكوني بيخير

 

إخلاص:متخلينيش ا معا..

نزلات يدها مغيباا

 

 

وصلو لتحت ..زايد بيهاا بجراا…غير شافوه تجمعوو..عليه..

 

بداا يغوت على نضال بجهد

 

بدورها شافتو جات عندوو بجراا..

 

نضال:مالهاا اشش وقع لهاا؟

أسيرم:لقيتها طايحاا غرقانة فدمهاا. غالبا خسرات لبيبي

دخلوهاا للغرفة بزربا…ودخلات معاهاا..نضال..ومروة

فحين هواا بقاا براا..

 

شااف فحوايجوو..كلهم عمر بدم

دم معااد..ودم اخلاص…

لطخووو حوايجوو..

 

نترر لكرافاط وقميجتوو..وزاد لمكتبووو بصدرو عريان

 

“بعد ساعة.”

 

خارج..من البيرو ديالو لابس سكراب طبي فزرق..

 

توجه لانعاش..بانو ليه باقيين تماا..

 

بصوت عالي نطق

أسيرم:مرتووو وافقاات على نقل لاعضاء..لعملياات دنقل خصهم يبداو دغياا..مور متودعوو عائلتوو..وحنا خصنا نعلمو سبيطارت لخرين..وغنسبقوو لمرضى لي عندنا…وقلبو غياخدوه لمرضى ديالو..(دوز يدوو على وجهو)ولكن النسيج الجلدي وغيرو من الاختصاصات لي معندناش غيستافدو منو لوخرين .

 

كيشوفوو فييه..بصدمة

أسيرم:بلاا متخليو مووت معااد..يمشي غير هكداك ..خليوه يكون طبيب تا فموتو…

خشاا يدوو فجيبوو وتم..غادي..وعدنان تابعو

 

عدنان:وقف ..وقف

تم غادي مداهاش فيه

أسيرم حل غرفة دواحد المريض..

المريض:(ضاحك)دكتور اسيرم.

 

أسيرم:حنا لقيناا لكك قلب لقينا لك متبرع

 

شاف فيه ولفرحة فعينيه

 

المريض:وش بصحح يعنيي انااا غنقدر نرجع كيف كنت ؟..نرجع لخدمتيي وحياتي.؟.ممتيقش..عند بالي بلي حلمي نكمل فالصحافة سالا مع مرضيي ممتيقش..فينو دكتور معاد هواا غيفرح عرفتيي هوا كان يقولي لملقيتيش قلب نعطيك قلبيي فينو صاحبك

(ضحك) هوا مكانش مبغانيش نضيع فشبابي

 

جاامع قبضة يدوو..عيونوو حوومرر…

 

زاد عندوو عدنان .

 

عدنان:مالك سكتيي قوليه فين معاد قوليه

 

أسيرم:معاااد وفاا بوعدو..(بصوت مبحوح)معاد عطااك قلبوو

البارت18🌼

 

📜تزوجتها بوصية زوجها 📜أسيرم:معاااد وفاا بوعدو..معاد عطااك قلبوو

 

المريض(كيشوف فيه بصدمة)كككفاش

 

أسيرم:القلب لي غتاخد دمعاد..لبارح معاد مات موت دماغيي..معاد مات وقلبو غيعيش فيك

 

تمم خاارج..

 

متبعوو عدنان بعينوو ..ودموعو نازلين..

 

المريض:وششش بصح..بصح معاد مات؟

 

عدنان:حرك راسو باه

 

خرج من عندوو وتوجه..لعند نضال..كانت خارجاا..من عند اخلاص..

 

أسيرم:كيف بقات؟

 

نضال:خسرنااه تبع باه…مقدرتش نعتقو

 

أسيرم:وشش علمتيهاا؟

 

نضال:لااا مغنقدرش نعلمها دابا غنكدب لعرفات اتموت

 

جروووو بجهدد…من كتفوو

 

عدنان:مكانش خصك دير هكداات اصاحبيي

 

أسيرم:(شاف فيدو وشاف فيه)أش درت؟

 

نضال:أش واقع؟

 

عدنان:علم مريض معاد بلي غياخد قلب معاذ

 

نضال:(بعدم تصديق)أسيييرم نت..

 

سكتات منين سمعات صوتها..

 

إخلاص:خليه معاد كان يبات يحلم باش يلقا قلب مناسب لداك لولد خليييه حبيب قلبيي تحققات امنيتو

 

زادت عندها نضال معنقاهاا..

 

نضال:لااش نضتي لااش؟حرام عليك تانتي فكرتيي تخليني حرام عليك

 

إخلاص(بملامح مطموسة)سمحي ليي

 

تمات غادة دخل..وقفات منين سمعات صوت النداء لاسيرم

 

“دكتور أسيرم مطلووب لغرفة العمليات ”

 

عدنان:اشمن عملية هادي عندك؟

 

يلاه جا يجاوب سكت منين شاف لممرضة جايا عندو..تتجري..

 

الممرضة:دكتوور اسيرم طالبينك فغرفة لعمليات

 

أسيرم:اش واقع؟

 

الممرضة:المريض لي جا مع دكتور معاه جاه نزيف دماغي..دكتور بن جلول خصو نص ساعة باش يوصل ودكتورة قالت لتعطلنا ايموت

 

عدنان:كفاش كفااش؟

 

نضال:وش بغيتي اسيرم يعتق ليي قتل صاحبوو؟صيفطووه لشيي كلينيك اخر

 

الممرضة:..غيموت فطريق قبل ميوصل وتا لوصل مغيبغبوش يشدوه..

 

نضال:ماشيي سوقناا ..اسيرم مغيعتقش ليي قتل خويا

 

الممرضة:أنا غنعلمهم يخليو لمريض يموت

 

أسيرم:وقفيي

 

دارت عندهم.شاافت فيه بعيووون حووومر..ومنفوخين بدموع…

 

إخلاص:كفااش وقفيي؟مغاااديشش نخلييك تعتقووو فهمتيي مغاديش نخليك..(تتشهق)هوااا هواا لي ضرب معااد كفاااش باغيي تعتقووو هوا متيستاهلش يعيششش

 

هزز عينوو فيهاا..نطق ببرودة

 

أَسِيرم:حنا ماشيي قضاة باش نحكمو على بنادم حنا أطباء لي كيهمنا هوا نعتقو بنادم(شاار للي معاه بعينيه)الى هما نساو هادشي انا منسيتوش

 

تمم غاديي…فحين هيي متبعااه..بعينيهاا..نظرتها لي كلها كره..غوات باعلى صوتها

 

إخلاص:مجرررم بحالك بحالووو الله ياخد فيك الحق

 

طاحت على طولتهاا تتشهق بجهد وهي تتردد.

 

“.الله ياخد فيك الحق”

البارت19🌸

 

تزوجتها بوصية زوجها📜

 

“بعد مور 3 أشهر”

 

الحياة متتوقف عند تا شي حد..بعد موت معاد كاين لي نساا فشهر لول..وكاين لي نساه فتاني..وكاين لي مزال محفور فقلبووو وكيحاول يتناسى..

صوت الاسعاف .وغوات المرضى…هوا الصوت الموحد في المرابطين…

دااخلاا تتجريي…جاراا مريضة..معاهاا..لي تتوجع وتغوت لربيي لي خلقها

نضال:تنفسيي تنفسيييي

 

المريضة:الله يااربيي الله كن غيير مت دييك ليلة ولاا نعست مع هاد خاانز لبيطاان الله ياربيي الله

زاد راجلها باغيي يسد لها فمهاا..عضاتووو..فيدو

 

المريضة:طلق منييي بغييت ليك العجززز بغيتوو ينعس مينوووض الله ياربيي الله…

فجهة خراا كان كالس فلكافيترياا مع الممرضات..وقفات عليه حياة وحداا من الممرضات لي معاشرين معاه..

 

حياة:عدنان اش تدير هناا؟

 

عدنان:كنعاود لهم على جدي أياام الاستعماار.

 

حياة:عهد لاستعمار هوا لي غيسيفطك ليه أسيرم منين يسالي ندوة ونتا مقرد هنا

 

عدنان:أشمن ندوة؟(تم نايض)متقوليش لي ليووم لكروب وااايليي

 

حياة:اه اه

 

ناااض بجرااااا..

 

حياة:تكعدو لخدمتكم يلااه

 

وااقف قدام مجموعة من الاطباء ولممرضين البعض منهم من لكروب ديالو ولبعض جاي غير يشوف ..

لابس طريكو كحل بلعنق وسروال فنفس لون ..مع سكراب(طبلية) بيض وصبرديلة فنفس لون

 

هاز قلم فيدوو..كيشير للورم لي فطاطاشو.

 

أسيرم:كييف تتشوف منقدروووش..ندخلوو من الجنب ولا من لقداام..لورم تماا منتاشر بزااف..على داكشي خصناا ندوزو لييه من لوور..

هز يدو وحد من الاطباء

 

….:بروفيسور هاد لفكرة زوينة بزاف ولكن متنساش لمريض كبير فلعمر ومريض بسكري يعنيي مناعتو ضعيفة..مغيقدش على لبنج لوقت طويل..

 

أسيرم:عرفت على داكشي غنقصوو ساعات العملية من 6 ل4

شافو فبعض..مدهولين

 

أسيرم:كنتييق بليي لكروب دياليي غيقدر يديرها…غنعطيكم وقت كل واحد فيكم..بغيتوو يعلمني من هنا لغدا..شحال اقل وقت ممكن يدير فخدمتوو..وانا عارف بلي غنجحووو.

 

تم غاديي..وهماا بقاو يتناقشوو بناتهم..كل واحد فيهم باغي يبين مهارتو لاسيرم كل واحد باغي يكون عند حسن ضنو..

خارج غادي فلكوروار..

 

صونا تيلي ديالو من الاستقبال..

اسيرم:وي سناء؟

 

سناء:دكتور راها جات دخلات عند ماماين معاد كيف مولفا ولكن خرجات دغيا يلاه كيف خرجات من الباب

زاد بجرااا ..ضرب فعدنان

 

عدنان:أاا

 

أسيرم:من بعد

زاد لبراا بانت ليه غادة..توجه عندها..شدها من كتفها موقفها

 

هزات عينيها فيه..لي عامرين كره لجهتو

 

إخلاص:اشش بغيتي؟؟

 

أسيرم:خصنا نهضرو

 

إخلاص:معندي فاش نهضر مع واحد بحالك

 

تمات غادة..جرها بجهد تا ضربات مع صدروو..

 

شاف فيهاا..بصرامة

أسيرم : أنا وياك غنتزوجو

البارت🥀20

تزوجتها بوصية زوجها 📜

 

خرجات عينيهاا فيه مصدومة..

 

إخلاصء:(مطلعا حواجبها)عااود شنوو كولتي؟عاااود عاااود

 

أسيرم(بجدية) اناا ونتيي غنتزوجوو

 

 

شاارت لراسهاا براس صبعهاا..

 

إخلاص:أنااااااا…غنتزووج بيييك نتااا(شارت ليه)

 

أسيرم(سرط ريقوو)أه انااا ونتيي..

 

قبل ميكمل هضرتوو دفعاتوو مبعدد عليهاا…هزات يدهاا بجهددد نزلات عليه بتصرفيقة…

 

ميلل وجهوو جنب..مزيرر على قبضة يدووو…

 

إخلاص:نتااا ماشيي طبيب نتااا مريييض..نتااا براسك خصك طبييب..كفاااش قاادر طلب زواااج من وحدة باااقي تا لعدة ديالهاا مسلاات (بالغوات)كفااااش كطلب زوااااج من وحدة باااقي تا تراب قبر راجلهاا منشف(حطات يدها على راسها)هواا كان كيقول ليي بليي عندوو صاحبوو جاا لمغرب وغيخدم معااه..كاان فرحان بييك..كااان كيعتاابرك كتر من خوووه

 

(شنقاات عليه)نتاا مكفاكش نقدتيي لي قتلووو .شفتيي تاا فمرتووو أااا شفتييي تاااا فمرتووووو قلييل الاصل ولعفة اطفف عليييك(دفلات على وجهووو)وعلى لي بحالك

 

دفعااتوووو..وهي كتنهج صدرها كيطلع ويهبط حاسة براسها غيطرطق بلعصب

 

عرووقووو خارجيين..مزير على لكمة يدووو…كاارز على سنانوو..دوز يدوو على وجهوو. ماسح دفاالها..شااف فيهاا ببرودة نطق

 

أسيرم:ساليتي؟

 

إخلاص(ميلات راسها)نتاا..

 

قاطعها

 

أسيرم:آه أنااا ..ونتيي غنتزوجوو..ماشيي حتااش أناا باغييك وكنحمااق علييك..وماشي حتااش طامع فمرت صاحبيي…ولكن هادي كانت اخر وصية وصاهاا معاد..هواا طلبني نتزوج بيك..فبغيتي ولا كرهتيي أنا ونتي غنتزوج..وبالنسبة لعدة فعدتك سالا..

 

سكت للحظة..كان باغي يقولها بلي عدتها سالات..نهار طاح لبيبي..وتفكر نضال لي قالت بلي غتخبع لموضوع عليها..

 

أسيرم:قرباات تساليي..معنديش مشكل بعد شهر ولا شهراين المهم غنتزوجو

شافت فييه.بعيونها مصغراهم…ضحكات بجهد..

إخلاص:بصح نتاا مرييض بصحح. والله تاا مرييض..داباا.رااجليي اناا غيطلب من واحد بحالك يتزوج بمرتوو..وشش بغيتينيي نتيقكك ولاا كفااش؟أااا بغيتينيي

 

قاطعها

أسيرم:معنديش سبب يخليني نكدب علييك..وتقدي تسولي نضال كاانت تماا.كنضن تتيقي فيها.(خشاا يدوو فجيب سروالو..شاف فيها بصرامة)مهم هاهيا فراسك أنا غنتزوج بيك

عطااهاا بضهررر غاديي…تبعاتوو بعينيهاا ..

 

إخلاص:معااد مستحيل ..مستحيييل يوصي واحد حمق مرييض بحال هدا عليا اناا ..مستحيييل..

 

زادت داخلاا بجراا داخلا لكلينيك..بغاا تقلب على نضال ..

فحين هوا دخل بثقالة توجه لمكتبوو…هزز لمعقم..

كيمسحح وجهووو..كيف شي حمق.

بزعاااف رماااه فلارض

أسيرم: ناااقصنييي مراااض انااا فحياتييي ناقصنيي مرااض..ناااس كيتزوجوو بناس ونتاا امعااد معرفت فين(جامع يدووو لهضراا تلفات لييه دار منين سمع لباب تحلات)

أسيرم:اشنووو اشنوووو..

عدنان(ضاحك)جييت غيير

أسيررم:(بالغوات)شحاال قلت لك متبقاااش دخل بلاا مدقق شحااال من مرة؟؟

عدنان:مالك معصب؟صافي وخا

 

خرج..

 

سد اسيرم عينوو..كيحاول يتهدن..سمع دقان…تنفس بجهد

 

أسيرم:ويي دخل

عدنان:دكتووور أسيرم

 

 

دار عندو مبتاسم

 

أسيرم:أش بغيتي؟

عدنان:ندوة فاتت وانا مكونتش ..

قاطعو

أسيرم(بنفس لابتسامة)ماشي مشكل

عدنان:نتاا مالك مهدن؟

أسيرم:علاش امتا كنت معصب؟

عدنان:اناا غنخرج..غنبدل ساعة بخراا

أسيرم:علااش؟

عدنان:حيت ونتاا مهدن كتخلع كتر من ونتا معصب.بحاال شي قنبولة موقوتة مغنكونش ضحيتها ننن ننن

أسيرم(مزير ابتسامتو لي بزز.شار ليه لباب زعماا خرج)

خرج بجرااا.

زااد غاديي فلكورواار…بانت لييه جااياا هازاا لملفات فيدهاا..

إيناس:اووو البناااج

وقف حداها..مطلع حاجب مهبط أخرر

عدنان:ويي مدموزيل اينااس اش حب لخااطر

إيناس:وشش أسيغمم سالا ندوة ديالو؟

عدنان:ويي سالااهاا قبيلاا دووماااج جيتي غوووطااغ(كيعيبها)

إيناس:ماشي مشكل مرة خرا ان شاء الله نمشي ندي هاد لوراق لاداغة

تمات غادة..وقفهاا..

عدنان:أووه ايناس

 

دارت عندوو

 

إيناس:ويي؟

عدنان:اسيييغم كان كيقلب عليك

إيناس:بصاااح؟

عدنان:وييي وييي

زاادت عندوو بزرباا

عدنان:على الله القنبولة غطرطق عليك ..شكون عرف يقدر يتقاد لك داك لسان..اداااغة يخخ معامن مشاارك الاوكسجين

 

#يتبع

موعدنا غدا ان شاء الله توقعاتكم بنات🌸

Leave a comment