Skip links

قصة : ثروات من شجرة الزقوم ج 1

 9,009 عدد مشاهداات

🌸🌸ثروات من شجرة الزقوم💐💐
🌿عقاب بلا ذنب
الجزء 1
“القابلة: مبروك عليك اسي التهامي..جابليك الله وليد بعد سبعة دالبنات.. الله يهنيك بيه..ويجعلو فرحة وعزوة ليه.. لولولولولوووي..
التهامي: الله يبارك فيك.. غانسميه الطاهر.. وهو اللي غايهز كاع الاملاك ديالي بعدي.. “
كبر الطاهر وخدا املاك باه كلهم.. ومخلا للبنات والو.. وكبرهم وخدم عليهم.. كان الابن المدلل لباه.. الطاهر كبر الاملاك ديالو.. وتزوج يامنة.. وولد هي وياها احمد.. وعبد الله.. وسعاد.. وفاطمة.. اللي كانو مكيتخيروش على باهم.. ولاد الشان والهمة.. ولكن الطاهر ارتكب خطأ باه من جديد.. وحرم البنات من التعليم.. وزوجهم بكري.. واخا كانو نسابو فيديه.. ومن المعارف ديالو.. ولاباس عليهم.. ولكن دارو زواج تقليدي.. الحظ كله كان من نصيب احمد وعبد الله اللي دار ليهم باهم الشركات .. والاراضي والفيرمات بسميتهم ومتعهم ففلوسه.. اما سعاد فتزوجات بالمعطي اللي كان طول عمرو وهو لاصق فديل عائلة الطاهر.. ولكن اصوله مكانتش من عائلة لاباس عليها.. اما فاطمة فتزوجات براجل مزيان من معارف باها.. انسان يمكن القول عليه بأنه مثقف.. ولكن ماشي لاباس عليه ابدا.. وسميتو محمود..
هادشي خلى اسرة احمد اللي تزوج بلالة حنان تبان على كلشي .. وتتمتع كما بغات.. وحتى اسرة عبد الله اللي تزوج ببنت عمتو.. لالة جوهرة.. اللي الامكلاك ديال الطاهر خلاتهم ميقدوش يتمشاو بنفس الصباط اللي لبسوه هادي نص ساعة،، ايوا يا سيادي.. عبد الله وحنا ولدو اسامة وهادي.. وريم.. اما عبد الله وجوهرة.. ولدو عماد وندى .. اجيو نشوفو بنات الحاج الطاهر.. سعاد والمعطي.. ولدو سارة وناريمان وايوب.، اما فاطمة ولدو بنت وحيدة اللي هي نسيم.. ايوا هانا فسرت ليكم شجرة العائلة ايوا عقلو على السميات مزيان..
🌸🌸ثروات من شجرة الزقوم
💐💐عقاب بلا ذنب
الجزء 2
الجيل الثاني
مدات يامنة الجلابة للطاهر وبدات كتعاونو يلبسها..
الطاهر: الله يرضي عليك ايامنة.. انا كنحمد الله حيت رزقني بمرا بحالك..
يامنة: انا اللي كنحمد الله حيت ربي رزقني بيك..
الطاهر: الحمد لله ولادنا تزوجو وتهنينا من جيهتهم..
يامنة: واش مغاديش تمشي تطل على بنتنا فاطمة.. راه عاد ولدات..
الطاهر: علاش نمشي.. كون غا ولدات شي دري بعدا.. وهي فرحانة ليا بداك البنيتة اللي عندها..
يامنة: حسن من والو.. راك شفتيها شحال من عام وهي عند الاطباء .. وكتمنى تحمل.. ونهار اللي عطاها ربي البنيتة نتشرطو مازال..
الطاهر: هي اللي لاصقة ليا فداك محمود.. انا قلتليها تطلق منو ونزوجها راجل اخور تولد معاه سوق ديال الدراري.. ماشي غا واحد..
يامنة: ايوا الطاهر.. هي باغاه وهو باغيها وكيتهلا فيها.. علاش غاتطلق منو على قبل الاولاد.. ها هي صبرات وربي جاب ليها اللي تمناتو..
الطاهر: بلا صداع الراس دابا.. سيري طلي عليها غا نتي.. وديلها معاك شي بركة.. انا مكتقبلش تشد مني..
يامنة: علاش حفادك الاخرين درتيليهم مهرجانات ماشي غا سبوعات وفرحتي بيهم.. اسامة وهادي.. وحتى عماد.. درتي لكل واحد فيلا فسميتو غا بزيادتو.. وغرقتيهم فخيرك..
الطاهر: هادو راه دراري.. اما البنات غادي يتزوجو ويديرو ديورهم.. اش غايديرو بشي فلوس.. وزايدون فلوسي ما يمشيوش للبراني..
يامنة: ايوا علاش ايوب ولد سعاد.. مدرتيلو والو.. ياك حتى هو ولد..
الطاهر: ايوب ولد البراني.. وزايدون سدي عليا هاد الموضوع مبغيتش نزيد نهضر فيه تاني..
يامنة سكتات حيت عارفة انه بحال هاد النقاشات لا جدوى منها معاه.. هو بحال باه نيت.. كيعتبر ان البنات معندهمش مقام.. غير انهم يكونو زوجات.. وعاء جنسي.. يولدو الولاد ويربيوهم ويكونو عيالات فديورهم..
خرجات يامنة من بيتها.. اللي كيعتبروه احسن بيت فالفيلا.. كانو جالسين عريساتها.. وكيهضرو…
حنان: لالة فاطمة ولدات.. واخيرا.. كون غا ولدات شي دري بعدا.. فرحانة لينا بالبنت.. وقالك غيدير ليه السبوع كبير..
جوهرة: وراه عمي الطاهر مابغاش يمشي يشوفها.. خاصها تحشم على راسها اصلا..
يامنة: احم..
ناضو جوهرة وحنان.. وقفو فجأة.. وهما مصدومين.. من امتا بدات كتسمع ليهم..
يامنة: انا غانمشي نشوف بنتي.. شكون غاتمشي معايا..
جوهرة: ااا.. خالتي راكي عارفة.. ندى راها صغيرة.. وكتبكي عليا.. وخاصني نقابلها.. وحتى عماد..
يامنة: (شافت فحنان) ونتي احنان.. شكون عندك صغير وخاصو يرضع..
حنان: اااا لا انا غانمشي معاك.. غانمشي.. ستنايني نوجد راسي..
شافت فيها جوهرة بفقصة.. بمعنى خسرتي التحالف.. مشات حنان كتجري لبيتها.، اما يامنة جلسات وجوهرة مرتابكة قدامها..
يامنة: اش خبار عبد الله.. كاع مبقيت نشوفو..
جوهرة: الخدمة واخدة كاع وقتو.. مكيلقاش وقت كاع انه يجي يشوفك..مع الفرع الجديد اللي فتحو فالمحمدية.. كيظطر انه يمشي يشوفو بنفسو.. كيجي عيان.. ونتي اخالتي كتكوني ناعسة..
يامنة: مم.. واخا.. الله يعاونو..
جوهرة: امين اخالتي..
بقات كتشوف فيها من تحت لتحت.. ويامنة وكتشوف فساعتها.. وكتسنى غا الوقت اللي توصل فيه لعند بنتها وتشوفها…
💐ثروات من شجرة الزقوم
🌸🌸عقاب بلا ذنب
الجزء 3
نزلات دغيا حنان..وجات عندها وجوهرة مازال حاقدة عليها..
حنان: انا واجدة اخالتي.. خلينا نمشيو..
ناضت يامنة ومداتهاش فجوهرة.. وهي بدورها بقات متبعة ليهم شوفات الحقد.. مشات لبيتها.. وخدات تلفونها.. وعيطات لعبد الله.. لقات تلفونو مشغول..
جوهرة: اوووف تشهيت شي نهار نعيط عليك نلقاك ..تشهيت نكون بحال المزوجات..دوزات المكالمة للشركة.. وجاوباتها السكرتيرة..
السكرتيرة: وي مدام..
جوهرة: كاين عبد الله ولا خرج تاني..
السكرتيرة: لا امدام.. كاين.. غانحاول ندوزوليك..
عبد الله كان فالشركة ديك الساعة.. جالس فالبيرو وفرد رجليه عليهم.. وكيهضر فالتلفون ديالو..
عبد الله:(بصوت رقيق) ايوا شنو.. مغاديش تقوليلي شنو لابسة دابا؟ ..ايوا غا قولي .. نتخيل؟؟ هههه نقوليك.. لابسة بيجامة؟ وشنو لابسة من الداخل.. ايوا قوليلي متحشميش..
صونا التلفون دالبيرو.. وهو يفيق من الكلبة..
عبد الله: بقاي معايا بقاي.. (جاوب فالفيكس) وي.. شنو؟؟ ااا بلاتي.. دقيقة ودوزيها.،
ارتبك وجمع الجلسة.. وقطع على البنت اللي كان كيهضر معاها.. وجاوب فالفيكس..
عبد الله: احم.. شنو كاين..
جوهرة: واش فوقما قلبت عليك مكنلقاكش.. خاصني نشكي على راجلي..
عبد الله: اشنو كاين اجوهرة تاني.. واش انا فالخدمة اللي تابعاني ولا فالمشاكل ديالك فالدار..
جوهرة: منشكيش؟ واخا…موك كتسول فيك.. قالك شحال هادي مشافتك..
عبد الله: ااه.. واخا غانشوفها انا مللي نجي..
جوهرة: وتوحشتك مغاتجيش؟
عبد الله: غانجي.. ولكن ماشي ليوما.. عندي الخدمة.. خاصني نشد الطيارة لطنجة.. نتلاقا شي عملاء..
جوهرة: واخا.. كنبغيك..
عبد الله: حتى انا كنبغيك.. تهلاي فوليداتنا..
قطع معاها وحط التلفون..
عبد الله: بففف.. قالك توحشاتني..
دوز المكالمة لنفس البنت..
عبد الله: الو.. ااه وغير سمعي.. قطع بوحدو.. شنو؟ غا الواليدة كتعيط تطمئن.. انا؟ لا حالتي ديال شي واحد مزوج؟ كوكنت مزوج كنت غانكون مرتاح… مازال كنقلب على اللي تنسيني همي.. وتكون بلسم لهاد القلب،. ايوا مقلتيش ليا.. شنو لابسة دابا.. امم صيفطي ليا دابا شي تصويرة ونتي واقفة..
🌸🌸ثروات من شجرة الزقوم
🌸عقاب بلا ذنب
🌸💐دودي العيساتي
الجزء 4
وصلو يامنة وحنان لدار فاطمة.. واستقبلوهم بحرارة.. حيت كانو فرحانين بزاف بالبنت..
يامنة: على سلامتك ابنتي…
فاطمة: الله يسلمك اماما.. تعدبت بزاف فالولادة.. ولكن الحمد لله..
محمود: الحمد لله مللي نتي لاباس افاطمة.، هادا هو المهم..
يامنة: مبروك عليك اولدي.. الله يجعلها تتربى فعزكم..
محمود:امين انسيبتي.. غانديرها هي وامها فعينيا.. هما اللي منورين عليا حياتي..
يامنة: الله يحفظكم لبعضياتكم..
فاطمة: علاش مجاش معاكم بابا..
يامنة: كيسلم عليك.. عندو مشاغل.. راكي عارفة..
يامنة: عارفة(بحزن) حيت انا ماشي ولد ومولدتش ولد..
حنان: متقوليش هكا.. هو راه مكيديرش فرق بيناتكم.. كلكم ولادو.. الحاج كيعزك بزاف نتي بالخصوص.. حيت نتي الصغيرة عندو..
بقات فاطمة ساكتة حيت عارفة مزيان باها.. وحتى يامنة سكتات.. واش غاتقول..
بقاو معاها. حتى جاو يمشيو.. مدات يامنة شي فلوس لفاطمة..
يامنة: هادي ابنتي عاوني بيها للسبوع..
فاطمة: لا اماما.. مبغيت نشد والو..
يامنة: لله يا بنتي مبغيتيش تشدي من ماماك..
فاطمة: معندك والو اماما.. فلوس بابا هادو.. وهو ماباغيناش نشدو منهم.. اذا بلا مناخد منهم.. والحمد لله راجلي كافيني..
سكتات يامنة.. حيت عارفة عقلها كيداير..مشاو رجعو للدار.. وبداو يوجدو العشا.. اما الحاج كان جالس وجا ولدو احمد يجلس حداه..
الطاهر: داك عبد الله مبقيتش كنشوفو..
احمد: هه.. خليه فهواه..
الطاهر:(بهمس) واش باقي تابع داك المتلوفة؟
احمد: داك المتلوفة مبقاتش معاه من نهار خدات من عندك الشيك.. دابا غايكون كيضور بشي وحدة اخرى..
الطاهر: اش خاصها مرتو مفهمتش…
احمد: اللي بحاله ميعمر عينو غا التراب..
الطاهر: الله يهديه.. ونتا اش درتي فالخدمة..
احمد: مزيانة وغادية مزيان.. الارباح كيزيدو نهار على نهار..
الطاهر: مزيان.. داكشي اللي بغيت حتى انا…
حطو العشا.. ويامنة غا ساكتة..
الطاهر: مالك الحاجة..
يامنة: والو الحاج..
حنان: ااا احم.. مشينا شفنا فاطمة ليوما.. تبارك الله البنيتة عندها كتحمق..
احمد: مبروك عليها..
جوهرة: كون غا ولدات الدري بعدا.. معرفتش دابا واش غاتقدر تزيد شي بيبي اخور.. حيت راكو عارفين.. الولاد عندها صعاب..
الطاهر: (بدل الموضوع)احمد.. شنو درتي فداك الارض اللي جات على الطريق..
احمد: سنينا العقد مع الشركة ديال الطرق السيارة.. باش بعطيونا تعويض.. عاد يديرو لوطوروت..
الطاهر: مزيان..
🌸🌸ثروات من شجرة الزقوم
عقاب بلا ذنب
الجزء 5
فدار المعطي وسعاد.. كانو جالسين.. وكيتسمع الغوات ديال بناتهم..
المعطي: غاتمشي تطلي على ختك ولا..
سعاد: اه غانمشي.. باش نعرف منها با واش مشا شافها وواش عطاها شي حاجة.. لا نصدق مشموتة..
المعطي: هاد باك معندو فين يركد.. محرم البنات من الورث.. ومخلي الدراري..
سعاد: راه باه اللي هو جدي.. حتى هو محرم البنات.. الله لا يريحو فقبرو..عليها خداها با منو قاعدة.. الورث عندهم مياخدوهمش البنات
المعطي: كون عرفتو محرمكم كاع منوحل راسي فيكم..
سعاد: ياااك اسيدي.. واخا…
المعطي: ماديت منكم غا المشاكل.. شوفي خوتك كيفاش عايشين ومرفهين… وشوفي نتي كيفاش عايشة.. شوفي بناتك وولدك..
سعاد: اش غاندير واش درتها بيدي انا.. راه با هو اللي دارها.. ولكن.. متسالني حلوف.. حتى نديرللي مايدار.. باش يرجع الورث ليدي.. البركة فوليداتي.. الله يخليهم ليا..
المعطي: دابا نشوفو..
سعاد: غاتشوف.. احم.. مغاديش تجي تنعس؟
المعطي: خليني نقاد هاد الراديو.. ونصاوبو..عاد نجي ننعس..
سعاد: الراديو غايستنى.. انا مغانستناش..
المعطي: الله ينعل شيطانك..

فبلاصة اخرى.. فدار مفرشة.. كان جالس عبد الله بين صحابو.. وكيسان الشراب قدامهم.. والفرقة الموسيقية على بعد خطوات منهم.. وكيتوسطهم ثلاثة العيالات.. من الحجم الكبير.. عامرين ولابسين الموزون.. وكيشطحو.. هادو كانو الشيخات.. وقصارين.. كان عبد الله وصحابو كيمتعو عويناتهم.. وكيسقيوهم باش يرويو تعطشهم لاجسام هاد العيالات.. اللي كانو كيتلواو.. والشحمة كتتحرك على عبايات لاصقة على الجلد.. مكيصبرش بزاف.. حتى كيجبد الفلوس وينوض يعلق ليهم.. باش يستغلها فرصة يحادي فهاد الجسم اللي كيتلوى قدامو.. والشيخة ماحدها كتشوف الفلوس زايدين عاد كتبدا تزيد تشطح وتتلوز اكتر..

بقا عبد الله الليل كله وهو كيشرب وكينشط.. مع هاد الشيخات.. عاد كيمشي من تما هو وصحابو وهما كيتناطحو بقوة السكرة اللي هما وصلو ليها.. غالبا ما كينتهي بيهم الامر ينعسو فالطوموبيل.. ويفيقهم ضو الشمس.. فالصباح..
عبد الله: فيق.. فيق اصاحبي.. ناري على حالة..
صالح: هانا فايق.. خاصنا اصاحبي نديرو شي دار لينا.. نباتو فيها بعدا .. ماشي كل مرة نتلاحو فالطوموبيل..
عبد الله: غانديرها( صوناليه التلفون) ناري هادا الواليد.. قطع الحس.. الو..
الطاهر: فين راك..
عبد الله: احم.. اا.. راني فالمحمدية..
الطاهر: لاواه النبك.. جي لدارك وخطيك من طريق الحرام.. الله يعطينا وجهك..
عبد الله: واخا الواليد..
الطاهر: مغانبقاش كل مرة نتستر عليك.. والله منعقل عليك..
قطع عليه وبقا عبد الله كيشوف..
عبد الله: الواليد مزير عليا.. كيغاندير ..
صالح: سير للدار.. باش متعيقش تاني..
عبد الله: غانوصلك ونمشي..
🌸ثروات من شجرة الزقوم
🌸 🌸 عقاب بلا ذنب
الجزء 6
الشوافة: عندك هنا جوج طرقان.. خاص تشدي واحد منهم..
حنان: شنو هما هاد الطرقان..
الشوافة: طريق الفلوس.. ولا طريق الولاد..
حنان: شنو غاندير.. شوري عليا الالة حنينة..
الشوافة:الحاج راه غايعطي لولادك الخير.. ويعطيهم من رزقو .. وغايتهلا فيهم.. ولكن خاصك تحاربي عدوتك.. تحاربيها..
حنان: جوهرة ياك؟
الشوافة: هي.. راه دايراليك الشوك فالطريق… وباغا تتفك منك باش ولادها وراجلها هما اللي ياخدو الورث.. وراه الشارف قريب يموت.. عولي على راسك ووقفي حالتك..
حنان: اويلي وحدي.. واش بالصح غايموت عمي الطاهر..
الشوافة: داكشي اللي بانلي والاعمار بيد الله..
حنان: مسكين غايبقا فيا.. وولادي هما اللي غاياخدو الغلا.. غايكتب ليهم ياك..
الشوافة: غايكتب.. عندك ولد شهب..وولد اخور..
حنان: ايه..
الشوافة: وراه كتضور بيهم..عدوتك كتحاول تضرك فيهم.. وانا كنشوف الدموع هنا.. الدموع الكتيرة..
حنان: الله ياربي اش بينا بشي دموع..
الشوافة: ايوا ها انا قلتهالك.. حضي راسك.. لا يتكشف المستور..
حنان(بارتباك): اينا مستور..
الشوافة: نتي تعرفي..
ايوا استفتحي.. وحطي الجواد المادة..
حنان: بسم الله( مدات ليها الجوا فيه الفلوس)
الشوافة: الله يخلف..ناضت ومشات بحالها للدار.. ولقات تما احمد..
احمد: فين كنتي الالة..
حنان: احم.. كنت كنزور واحد السيدة.. الوليدات كانو كيبكيو ولا..
احمد: مم.. انا خارج..
حنان: احمد..
احمد: شنو..
حنان: حنا مغانتفضحوش ياك؟
شاف فيها مخنزر..
احمد: شنو اللي فكرك بهادشي ..
حنان: خايفة..
احمد: نساي داك الموضوع.. ومتعاوديش تجبديه تاني..
خرج وزدح الباب.. وبقا كيفكر.. وكيرجع بيه الماضي لزمان.. نهار تزوج وحملات مرتو لاول مرة.. واهدو باه انه غايكتب ليه بسميتو 25% من اسهم الشركة..الى كان المولود ولد..وفعلا تزاد عندهم هادي.. وطمع احمد فما هو اكتر.. خصوصا بعدما تزوج عبد الله.. وولد حتى هو ولدو عماد.. وشاف انه ابوه كتب ليه عمارة فشارع رئيسي.. وهو عارف ان خوه عبد الله كيضيع الفلوس فالخاوي.. هو طمع فأنه يكون كلشي ديالو.. حملات مرتو مرة ثانية.. وولدات بنت.. ديك الساعة مهتمش بيه الحاج.. ومداهاش فيه.. كان غايحماق..
💐ثروات من شجرة الزقوم
🌸عقاب بلا ذنب
الجزء 7
احمد طمع اكتر.. وكان ضروري يولد تاني.. حملات مرتو.. وفشهورها الاولى مشاو يتطلعو على جنس الجنين ولقا انها بنت.. تما بقا احمد كيفكر لشهور.. مستحيل يولد بنت مفيها نفع.. بقا يفكر.. كيفاش غايدير.. نهار الولادة.. اتفق مع المصحة انهم يبدلو البنت بولد اخور.. وظغط على حنان انها تسكت.. هي كانت غاتحماق لان فلذة كبدها غاتمشي منها.. وغاتربي ولد ماشي من صلبها.. الا انها مقدراتش تدوي.. والحاج غا عرف انه تزاد عندهم دري .. احتفل كالعادة.. وكتب لولدو احمد نسبة من الاسهم ديال الشركة.. بحيث ولى ليه النصيب الاكبر..
رجعات بيه الذاكرة الى الحاضر.. وهو كيفكر.. انه اسامة ماشي ولدهم بجوج.. ولكن عزيز عليه حيت بسبابه قدر انه يمتلك نسبة مهمة من ثروة باه.. عينه على الشركة كلها.. ماشي غا عاى نسبة وصاف..
اسامة:بابا.. بابا.. هادي مبغاس يلعب معايا..
هزو بين يديه وبقا كيشوف فيه ويبتسم ابتسامة كتهز الكثير.. اللي بين يديه بالنسبة ليه استثمار.. استثمار مربح.. وقدر انه بيه يوصل لاحلامو..
احمد: غانجيب لولدي اللي بغا..
حنان اللي كانت كتشوف فيه.. وهي مزيرة على يديها.. قلبها كيقطعها على فلذة كبدها.. فين غاتكون ومعامن غاتكون.. كيفاش عطاها خاطرها انها تسايرو فداكشي اللي بغا.. هي شخصيتها ضعيفة.. خصوصا اما احمد اللي شخصيتو قوية.. ومكيخافش.. وكيملك حدة قوية.. حنان اللي كلما كتفكر فداكشي اللي دار كتترعب من فكرة انها اولا ممكن تتفضح.. وثانيا من فكرة انها لاحت كبدتها.. وكتتخيل انه هادوك اللي راها عايشة معاهم دابا غايكونو معدبينها..ومامعيشينهاش مزيان..
جوهرة: كيف خليتي لالة فاطمة..
قفزاتها جوهرة وهي موراها بهاد الهضرة..
حنان: خلعتيني.. بقاي ديري الحس..
جوهرة: واخا الالة غانبقا نديرو.. كيبقيتي بعدما لحستي الكابة لعجوزتنا..
حنان: هانتي قولتيها دابا.. عجوزتها.. يعني مافيها باس نلحسولها الكابة ونزيدو كتر..
جوهرة: تمحلسي ياختي تمحلسي..
شافت فالباب بانليها عبد الله داخل.. وتلاقا احمد..
جوهرة: ياي راجلي ابو ولادي وصل..
فالباب كان واقف احمد وعبد الله..
احمد: عينيك باينة فيهم التعربيد ديالك.. فنظرك الحاج الطاهر الزواتي غايخفى عليه ..
عبد الله: بلا متزيد عليا.. نشطنا نهار هجرتوه لينا..
احمد: نهار! ههه
عبد الله: خليني عليك.. معرفتيش فاش باغيني بابا..
احمد: لا معرفتش هه
جوهرة: حبيبي على سلامتك..
بدات تعنقو وهو كيتفادى يشوف فيها.. واحمد كيضحك ضحكة استهزاء..
🌸ثروات من شجرة الزقوم
🌸🌸عقاب بلا ذنب
الجزء 8
فجأة سمعو الحس بجوج.. ديال الحاج..
احمد: الواليد لاباس عليك..
الطاهر حرك وجهو وصاف.. وشاف فعبد الله.. باشارة باش يجي موراه.. ديك الساعة عبد الله بحال الى خرجات منو الروح.. دخل الحاج لغرفة المكتب.. وموراه بخطى مرعوبة عبد الله… شاف احمد بوجه يعلوه الاستهزاء فيهم.. وشاف فجوهوة وخرج بعدما لبس نظارته..
فالمكتب هضر الحاج وعبد الله موراه كيستناه يهضر..
الحاج: نهار سميتك عبد الله.. كنت كنتمنى انه تطلع سميتك اسم على مسمى.، عبد الله.. ولكن.. خرجتيلي عبد للشيطان.. وتابع طريق الفساد.. انا على اخر ايامي نعطي فلوسي لوحدة قوادة.. حيت صورات ولدي.. وهو كيعربد ودماغو مليوحة.. وكيشطح مع الشيخات.. انا نعطيها فلوسي الحلال اللي تعبت فيهم .. انا نتهدد من وحدة قليلة الشرف..
عبد الله: كتكدب.. كتكدب..
الطاهر: سكت اقليل الحيا.. سكت.. كون غا مشفتكش بعيني..
حنا عبد الله راسو.. وهو مقادرش يهضر قدام باه..
الطاهر: كون ما بوجه وليداتك.. ومرتك اللي من عائلة محترمة.. كون وريتك… هادا اخر انذار ليك.. انا مفهمتش اش كيديك لهاد النوع.. مالها مرتك.. مقصرة معاك فشي حاجة؟
عبد الله بدا يهضر فخاطرو.. واش قصرات؟
فجهة اخرى كانت جوهرة كتحاول تستمع الا ان خوفها من انه يحصلها شي حد فوت عليها تسمع مزيان.. حتى قفزاتها عجوزتها..
يامنة: اش كديري هنا..
جوهرة: كنستنى عبد الله.. قالي ستناي هنا.. راه كيهضر مع عمي الحاج لداخل..
يامنة: عبد الله كاين؟؟
جوهرة: اه هو وعمي..
يامنة مشات فتحات الباب.. شافت فيها الطاهر وبدل الموضوع.. حيت مكيبغيش يعصبها..
يامنة: ولدي.. جيتي.. هادي شحال مشفتك.،
عبد الله : اه جيت اماما.. غا شي خدمة..
شاف فيه باه.. وهو عارف انه مكاين خدمة.. وعبد الله حدر عينيه.. شدات فيه امه..
يامنة: ولدي غاتكون توحشتي الماكلة ديال الدار.. شوف تحت عينيك كيولى .. راه الخدمة مغاديش تهرب..
تمشى مع امه ومعاه جوهرة.. والطاهر بقا تابعو بعينيه ..وهاز همو..
حطو ومكيفكرش فداكشي.. وعقلو غا مع حياتو.. هو حاس انه كاع داكشي اللي كيدير غا كيهرب بيه من الواقع ديالو.. وانه حياتو اللي باغيها ماشي هي هادي.. اول واقع فحياتو هو زواجو من جوهرة.. ورجع بيه التفكير لايام ماضية..
🌸ثروات من شجرة الزقوم
🌸 عقاب بلا ذنب
الجزء 9
رجعات الذاكرة بعبد الله لايام كان كيبغي فيهم بنت كتقرا معاه.. كان كيبغيها بزاف.. وحتى هي..كانو متفاهمين بزاف.. وطلب من باه انهم يخطبوها.. ولكن باه مبغاش.. حيت هي كانت بنت فقيرة.. وعائلتها مفحالهمش.. كانت مأساة بالنسبة ليه.. وبقا يحاول يقنع الواليد ديالو الا انه رفض.. ولكن صدمتو نهار جاه خبر انها مبقاتش فالحياة.. وانها دارت كسيدة وماتت.. جن جنونو.. ومبقاش قادر يتنفس.. حتى الامل اللي بقا عندو انه مازال غايقنع باه بيها مبقاش.. مقدرش انه يستوعب انها صافي مبقاتش فالحياة.. وولات ذكرى فحياتو.. تقلبات حياتو ولات جحيم..ولى يشرب .. باش ينسى.. والحياة مبقا ليها طعم بلا بيها..
الطاهر: غاتجمع راسك.. ولا مغاديش يعجبك الحال..
هادا كلام الطاهر وهو كيلوح على عبد الله سطل الما.. باش يفيقو من السكرة اللي كان فيها..
يامنة: عفاك.. خليه .. غادي نهضرو معاه شوية بشوية..
الطاهر: مبقا عندي صبر.. الى بغا يكون راجل .. يقبل يتزوج بنت الحاج نعمان.. بنت دريويشة وبنت دارهم.. وبنت عائلة كبيرة.، ايلا بغا يبقا فالوسخ ديالو.. يخرج عليا من داري.. ومنعاودش نشوف وجهو.،
خرج وخلى يامنة كتمسح بالفوطة لعبد الله.. وهو دموعه فعينو.،
يامنة: عفاك اولدي.. عفاك.. نتا ماشي ديال التكرفيص.. وماشي ديال الزنقة.. خليه يرضى عليك… ولدي عارفاك معدب.. ولكن راها مغاترجعش.. مغاترجعش بالبكا.. تزوج وبني حياتك من الاول.. وغاتولد وليدات ينسويك حياتك.. وينسويك همك..
رجعات الذاكرة بعبد الله للحاضر وجوهرة كتحركو..
جوهرة: راني سولتك..
عبد الله: هاا. شنو..
جوهرة: مكتسمعنيش؟؟
عبد الله: سمحيلي .. غا حيت عيان.. محتاج ننعس..
ناض ومهضرش.. وتبعاتو جوهرة..
دخلات للبيت.. وبقات كتعاونو وتوجد حوايجو..
جوهرة: حبيبي.. توحشتك بزاف..
عبد الله: انا عيان دابا.. حتى نفيق..
جوهرة: تفيق وتمشي تاني.. وانا كاع مبقيت نشوفك..
عبد الله: (حمر فيها)جوهرة.. انا عيان..
جوهرة: صافي كما بغيتي..
نعس وتقلب للجنب لاخور وهي بقات كتشوف فيه بأسى.. دارت جميع المحاولات من نهار تزوجات بيه.. وهي مكتشوف تاواحد من غيرو.. ولكن ديما كتحس بيه بعيد عليها.. ديما كتحس بيه عقلو ماشي معاها.. كتحاول متبينش قدام الجميع باللي علاقتها مهزوزة مع راجلها.. وباللي كاين فجوة كبيرة بزاف فعلاقتهم ببعض.. الا انها كتحس بهاد الفرق.. حتى بينها وبين نفسها.. كتحاول انها متيقش هادشي.. وتمثل على نفسها دور الاسرة المتوازنة.. اللي مافيها شائبة.. ولكن.. نهار كتدخل هي وياه لبيتهم وكتسد عليهم باب واحد.. كتلقا انه بعيد عليها بزااف.. ومكينش تجاذب ابدا..
🌸ثروات من شجرة الزقوم
🌸 عقاب بلا ذنب
الجزء 10
الطاهر: جمعي العائلة للعشا..
يامنة: بغيتي تقول شي حاجة لولادك؟؟
الطاهر: اه.. بغيت نهضر ليهم على ولادهم..
يامنة: واش نعيط حتى للبنات..
الطاهر: واه.. حيت هادوك بناتي.. مهما كان..
يامنة: (فرحات).. الله يخليك تاج على ريوسنا.. ويخليك لينا بصحتك..
مشات يامنة كتعيط على بناتها اولا.. وفرحانة حيت عارضة عليهم.. عاد علمات عريساتها وولادها.. وبدات كتوجد.. وتعلم العيالات اللي فالكوزينة يوجدو الوليمة اللي غاتدار بالليل.. فنفس الوقت بدات كتفكر توجد لراجلها الجلابة اللي غايلبس.. والصباط .. والطربوش..، كأنها كتوجدو لشي مناسبة..
سعاد: غانلبس بناتي الكسوات اللي شرا ليهم جدهم فالعيد..
المعطي: معرفتيش علاش بغانا..
سعاد: لا.. ماما قالت انه بغانا للعشا كلنا..
المعطي: ايوا هي بغا يدير عقلو.. ويعطيكم شي بركة،، ولا حقكم..
سعاد: معرفتش.. حتى نوصلو ونعرفو..
فبيت حنان.. كالعادة كانت كتعطي جاكيت لاحمد.. وعقلها ماشي معاها.
احمد: مالك..
حنان: اا.. والو.. مالي..
احمد: مازال كتفكري فداكشي..
حنان: (تنهدات) كنفكر.. بنتنا.. كيفاش غاتكون عايشة.. كون غا عرفناها فين كاينة بعدا..
احمد(غوت عليها) واش مغانساليوش من هاد الموال..
تزعزعات حنان.. وحنات راسها وهي مرعودة..
احمد حس براسو وشاف فيها.. قربها عندها وخشاها فصدرو..
احمد: ولدك معاك.. اسامة ولدك.. الام ماشي اللي كتولد احنان.. الام هي اللي كتربي.. وتعطي الحنان لولادها.. ونتي اسم على مسمى.،
سكتات ومدواتش.. حيت خافت تدوي معاه ويقلبها معاها تاني..
احمد: ميمكنش نجبدو الماضي.. خلي الماضي مسدود.. راكي عارفة انه الحقيقة الى تعرفات غادي تهلكنا.. وتخرج علينا.. الله يرضي عليك.. سدي الموضوع.. وخلينا نعيشو هانيين.. شوفي فيا.. وطلقي الضحكة.. كنبغيك ونتي ضاحكة.. اعمارة الدار..
عنقها وهي كتفكر وخايفة بزااف..
احمد: خلينا نوجدو راسنا.. وتبان مرتي قدام العائلة اجمل وحدة فالكون..
فدار فاطمة.. كانت كتوجد راسها.. ومحمود حداها..
فاطمة: غاتمشي معايا..
محمود:نتي وعائلتك.. علاش غانتحشر انا..
فاطمة: حتى نتا من العائلة..
محمود: عمر باك محسب عليا من العائلة.. انا عائلتي هما نتي وبنتنا نسيم..
فاطمة: الله يخليك لينا.. يا اغلى ما عندي فالدنيا..
محمود: انا يكفيني.. انك تحديتي عائلتك على قبلي..وتزوجتي بيا..🌸ثروات من شجرة الزقوم
🌸 عقاب بلا ذنب
الجزء 11
كلشي تجمع للدار.. وكلشي بقا كيستنى الحاج وكيهضر..
جوهرة: فاطمة.. اجي معايا للبيت.. بغيت نعطيك شي حويجات ديال بنتي ندى.، غايجيو قد بنتك..
فاطمة: واخا اختي جوهرة..
دخلو للبيت.،
جوهرة: بغيت نهضرو على راحتنا.. داك الراقي اللي مشيتي عندو قبل متحملي.. واش غايقدر يحل ليا مشكلتي انا..
فاطمة: علاش لا.. راك شفتي شحال من طبيب.. وشحال من واحد مشيت عندو باش نحمل.. حتى مشيت عندو وحملت داك الشهر.. ولكن نتي شنو مشكلتك..
جوهرة: خوك.. مبقاش عندو ميل ليا.. معرفتش مالو.. واش كاينة شي وحدة فحياتو تابعاه..
فاطمة: واخا اختي.. غانديك عندو.. وانشاء الله خويا غادي يرجع ليك..
جوهرة: انشاء الله يا رب..
خرجو بعدما عطاتها حوايج لبنتها.. تقلبات الاية.. ولات العروسة هي اللي كتفرق رزق شيخها على بنتو.. مشاو ولاحظات جوهرة ان حنان جالسة مع احمد وهو شاد فيدها.. وكيشوف فيها بلطف .. عز عليها راسها.. حيت عبد الله شارد.. وعقلو ماشي معاه.. وكاع مكيهتم بيها كما كيهتم احمد بحنان.. واخا صعيبة شخصيتو الا انه فمسألة مرتو فهو كيبغيها.. رغم ان باه هو اللي ختارهالو كما اختارها لخوه.. ولكن هو كيتهلا فيها.. وعندو اولوية مرتو ولادو فالحياة.. كيرجع يوميا للدار.. ونهار يبغي يسافر للخدمة كيديها معاه.. فرق كبير بزاف بينو وبين خوه..
الطاهر: احم..
قطع صوتو شرود وحديث الجميع.. وكلشي انتبه عندو..
احمد: على سلامتك الواليد..
سعاد: با.. كيدايرة الصحيحة..
المعطي: توحشناك انسيبي..
الطاهر: الحمد لله.. نتمنى تكونو نتوما بخير.. ليوم جمعتكم.. حيت بغيت عائلتي تبقا مجموعة.. ومنبعدش عليكم..
يامنة: انشاء الله ديما نبقاو مجموعين..
الطاهر: باش نبقاو مجموعين.. خاص نلمو الشمل.. محدو صغير..
عبد الله: كيفاش محدو صغير..
الطاهر: يعني خيرنا ما يديه غيرنا..
احمد:مفهمناش الواليد.. شرح كتر..
الطاهر: حفادي غايبقاو فكنفنا.. هادي غايتزوج ندى.. واسامة غايتزوج نسيم.. وعماد غايتزوج سارة وايوب غايتزوج ريم..
جوهرة: سمحلي اعمي ولكن ماشي بكري شوية على هاد الهضرة… الوليدات باقي حتى مواعيينش للدنيا..
احمد: مايمكنش هادشي.. الوليدات باقي صغار..
الطاهر: انا اللي عارف.. راه ماشي غانعرسو ليهم دابا.. ولكن..غانكتب ليهم .. وغايكبرو مع بعض.. ومنها نضمنو انه فلوسنا مايمشيوش برا..
شافو فبعضياتهم كلهم.. ومهضروش..
الطاهر: كل واحد يجيبلي عقد الازدياد ديال ولدو ولا بنتو.. وانا غانتكلف بالشي اخور..
سعاد: طبعا موافقين ابا.. واش هضرتك تتناقش.. ولكن علاش بنتي ناريمان ملقيتيلهاش عريس.. واش غاتبقى بايرة..
شااو فيها بنظرة استهزاء.. ديال مكتفكرش فمستقبل ولادها .. والطمع عاميها..
يامنة.احم.. نوضو تتعشاو..
🌸ثروات من شجرة الزقوم
🌸 عقاب بلا ذنب
الجزء 12
سالا العشا وكلها ناض.. حتى من الحاج طاهر دخل لبيتو هو ويامنة…
يامنة: الحاج.. واش ماشي بكري على داك الهضرة اللي قلتي ليوما.. نخاف مللي يكبرو الوليدات مايكونش عندهم ميل لبعضياتهم..
طاهر: كان يحسابلي انه غايعجبك الحال.. مللي فكرت فالبنات.. وامنت ليهم مستقبلهم مع وليداتنا..
يامنة: اه ولكن انا خايفة..
طاهر: نتي خلي كلشي عليا.. وانشاء الله ما يكون غا الخير..
فبيت عبد الله وحنان.. حتى. هما كانو متكيين وحنان عقلها غايب كالعادة.. واحمد حداها..
احمد: كتفكري فقرار الحاج ياك؟
حنان: ممم..
احمد: خليه يدير ما بغا.. على الاقل هادشي غايطيح علينا بالنفع.. والفلوس ميخرجوش لشي حد براني..
حنان: ماشي غانكونو كنظلمو هاد الوليدات؟
احمد: من امتا الزواج كيتعتبر ظلم؟ الزواج راه رحمة.. وعسل ههه مناوياش تطلقيلي هاد التغوبيشة ؟ (هرها)
حنان: (ابتسمات) صاافي.. ههه متهرنيش..
فبيت جوهرة وعبد الله كل واحد منهم كان متكي لجهة اخرى..
جوهرة: عبد الله..
عبد الله: ممم
جوهرة: باك ناوي يخرج علينا.. واش انا بنتي مللي تكبر تلقا راسها مزوجة.. وبلا خاطرها..
عبد الله : شنو المعمول…
جوهرة: تهضر مع باك.. تقولو لا..
عبد الله: نتي عارفة با كيداير.. كوكان الخوخ يداوي كون داوى راسو..
جوهرة: كيفاش… علاه شكون وقعلو هكاك من غيرنا..
عبد الله: كنقصد انه كوكنت نقدر نهضر مع با ونتفاهم معاه كاع متلقاينا هكا..
جوهرة: مقادراش نتيق .. واش انا ولدي الوحيد.. نزوجو ببنت سعاد.. واش تسالاو البنات من الدنيا.. بنت سعاد كيفاش غاتخرج.. كيفاش بغيتيها تكون وهي امها سعاد وباها المعطي..
عبد الله: ردي بالك باللي هادي اللي كتدوي عليها راها ختي..
جوهرة: انا وياك كنعرفو مزيان سعاد كيفاش مربية بناتها..
عبد الله: خليني ننعس.. انا عيان وتابعاني الخدمة..
جوهرة: ااا عبد الله.. واش النهار كله غاتدوزو فالنعاس،؟؟
عبد الله: شنو خاصك؟؟؟
جوهرة:بغيتي حقوقي اسيدي.. واش غانبقاو هكاك بزاف عايشين بحال الخوت..
فدار فاطمة كانت غا كتخمم.. جا عندها محمود..
محمود: مالك افاطمة.. شنو وقع ليوما فدار باك؟
فاطمة: با عطانا قرار.. باللي الوليدات غايتزوجو محدهم صغار..
محمود: اينا وليدات؟؟
فاطمة: حفادو.. هادي غايتزوج ندى.. واسامة غايتزوج نسيم.. وعماد غايتزوج سارة وايوب غايتزوج ريم..
محمود: نسيم؟ انا نزوج بنتي وهي كترضع.. مالي تسطيت..
فاطمة: منقدروش نعارضو هضرة بابا امحمود..
محمود: اش بينا وبينو حتى يتحكم فبنتنا… انا مازال عايش.. وحتى واحد مغايتحكملي فبنتي من غيري..
فاطمة: ولكن؟
محمود: مكاين ما ولكن..
🌸ثروات من شجرة الزقوم
🌸 عقاب بلا ذنب
الجزء 13
بقات فاطمة كتقلب لكاع الجهات.. ومهزاتها حالة..
محمود: هداي افاطمة..
فاطمة: كنفكر .. محمود ربما يكون فمصلحة بنتنا هادشي..
محمود: (تنفس) باش غانجاوب بنتي مللي غاتكبر.. وتقولي انا مكنبغيش هاد بنادم.. ولا تجي تقولي انها كتبغي شي واحد اخور.. فاطمة نتي كنتي غاتموتي نهار كانو باغين يزوجوك بداك السيد من عائلتكم.. وشفتي شنو داز علينا.. عرضنا حياتنا للخطر انا وياك.. وشحال ونتي خايفك من باك لا يقتلك.. شحال خايبة يفرض عليك شي واحد حياة نتي ماباغاهاش.. فكري فبنتنا الوحيدة.. واش غاتفرحي ونتي شايفاها مقهورة..
فاطمة: اكيد لا…
محمود: غدا سيري لعند باك.. وقوليلو بنتي مبغاش باها يزوجها دابا.. ولا انا اللي نقولهالو الى كنتي نتي خايفة..
تنفسات بعمق..
فاطمة: واخا.. انا نقولهاله..

صباح يوم جديد.. فاقت جوهرة وخرجات بكري.. خلات عبد الله باقي ناعس.. مشات عند فاطمة.. ودقات عليها..
فاطمة: صباح الخير..
جوهرة: صباح النور.. انا جيت عندك باش نمشيو لديك البلاصة..
فاطمة: واخا..
ركبات معاها فاطمة وهي ساكتة..
جوهرة: مالك..
فاطمة: محمود رافض قضية الزواج..
جوهرة: عندو الحق.. كون شفتي انا شحال رافضة.. ولكن عبد الله لاويلي دراعي.. ومصر يدير ما بغا باه..
فاطمة: شنو ندير دابا.. واش نرضي عائلتي.. ولا نرضي راجلي..
جوهرة: واش هادي فيها تفكير.. راجلك طبعا.. هو اللي دايم ليك..
وصلو ونزلو.. ولقاو جوقة ديال العيالات.. كلها باغية تتداوى..
جوهرة خافت وشدات فاطمة..
جوهرة:انا خايفة..
فاطمة: تهدني ميكون غا الخير..
بقاو كيستناو الدور ديالها حتى دخلو.. وغا شاف فيها داك الراقي.. تبدلو ملامحو..مشات فاطمة حنات راسها عندو..
فاطمة: متخيلش شحال انا ممتنة ليك.. الدوا جاني على يدك.. حارو فيا الاطباء.. وملقاو ليا دوا.. حتى جاب الله التيسير على يدك..وولدت بنتي الحمد لله.. وليوما جبتليك مرت خويا.. حتى هي طالبة الدوا والعلاج على يدك..
الراقي: مالها..
جوهرة: راجلي.. مبقا ليه ميل عندي..
بقا الراقي كيحاول يرقيها وفاطمة كتشوف فيهم ببراءة.. وهو مرة مرة كيشوف ففاطمة .. وكيغمض عينيه..
الراقي: نوضي الله يشافي.. وهاد القرعة دالما بقاي تسقي منها راجلك..
فاطمة: الله يجازيك بخير..
🌸ثروات من شجرة الزقوم
🌸 عقاب بلا ذنب
الجزء 14
خرجو من تما.. وبقاو غاديين..
فاطمة: كيحسيتي..
جوهرة: حسيت باحساس زوين.. حسيت بالراحة.. زعما شي حد كان داير لينا الفراق..
فاطمة: ربما..
جوهرة: ولكن داك الراقي فشكل..كيفاش كيشوف فيك.. كان غاياكلك بعينيه..
فاطمة: اويلي السيد حامل كتاب الله وفقيه وراقي.. اشمن
جوهرة: ايوا كيبقا راجل.. ربما يكون معجب..
فاطمة: استغفر الله.. خلينا من هاد الهضرة.. خاصني نمشي معاك للدار نهضر مع الواليد..
جوهرة: مرحبا..
وصلو للدار..
يامنة: مرحبا ابنتي..
فاطمة: ماما توحشتك..
يامنة: الله يحفظك ليا ابنتي..
فاطمة : انا جيت نهضر مع بابا..
يامنة: اش كاين..
فاطمة: باش نقولو ان بنتي مغاتدخلش فالصفقة.. محمود مبغاش..
يامنة: واش تسطيتي.. بزز باش رضا عليك بعد داكشي اللي درتيه ورضا بيك.. دابا غادي تزيدي تكملي على ما داز..
فاطمة:وراجلي عندو الحق.. واش انا نضيع مستقبل بنتي.. مللي غاتكبر وتسولني اش غانقول ليها.. انا ضروري نقولها لبابا..
الطاهر: اش غاتقولي ليا..
ناضت وارتبكات.. ملللي شافت باها .. جاها الارتباك وبدات ترجف..
الطاهر: اش كاين..
يامنة: مكاين والو..
فاطمة: لا كاين..
الطاهر: دوي..
فاطمة:( بصعوبة) اا..
الطاهر: غاتدوي ولا لا..
فاطمة: رااجلي مبغاش انه نزوج بنتي من دابا..
الطاهر: مم.. ونتي شنو رأيك،،
فاطمة: انا رأيي من رأيه.. البنت مازال صغيرة،. ومكاين لاش نظلموها من دابا..
الطاهر: يعني انا كنظلم.. (بصوت يشبه الرعد) انا ظااالم!!!!
تفرعات فاطمة ويامنة.. وحتى جوهرة اللي كانت كتصنت من بعيد..
الطاهر: دوي..
فاطمة: مقصدتش ابابا.. ولكن..
الطاهر: اللي مبغاش هضرتي تكون.. مبغيتش يبقى فهاد الدار.. والهضرة على كلشي..
رفع راسو كأنه عارف ان كلشي كيستمع ليه.. وفعلا لقا احمد وحنان.. والجهة الاخرى عبد الله.. كانو كيشوفو فيه وكيستمعو لحديثو مع فاطمة..
الطاهر: مبغيتش نشوف وجهك فهاد الدار.. لا نتي لا راجلك..
مشا وخلاها حاطة يدها على فمها وكتبكي..
يامنة: (كتبكي) علااش هضرتي علاش..
هزات فاطمة صاكها ومشات.. وهي كتبكي.. حتى وصلات للدار.. لقات محمود هاز البنت وكيلعب معاها..
محمود: مالك..
فاطمة: بابا.. حرمني..
محمود: ماشي جديدة..
فاطمة: هاداك بابا وهاديك عائلتي.. انا حاسة اني مقطوعة من شجرة..
محمود:(حاول يهدنها)شوفي بنتنا.. شوفيها شحال زوينة.. مللي غاتكبر وتفتخر بيك.. غاتحسي انها عوضاتك على الدنيا وما فيها.. عفاك مسحي دموعك.. دموعك غالين..
🌸ثروات من شجرة الزقوم
🌸 عقاب بلا ذنب
الجزء15
الطاهر كان ساكت ويامنة كتبكي فصمت..
الطاهر: واش بديتي تاني..
يامنة: هادي بنتي.. كيفاش بغيتيني منبكيش عليها..
الطاهر: معرفتش علاش خرجات لينا هكا.. ومتمردة.. من دون خوتها كلهم.. عمر شي واحد معصا امر ليا.. ولكن هي من ديما..
يامنة: عفاك خليها على راحتها..
الطاهر: هاني خليتها.. عيطي لسعاد وقوليلها توحد حتى وراق بنتها الصغيرة.. باش نزوجوها.. كنت ناوي ندير قيمة لفاطمة.. ساعة هي مبغاتش..

فدار سعاد تسمع الزغاريت بالجهد.. حتى جراو ولادها وخرة المعطي كيحك فراسو.. وكيحك فجسمو اللي معمرو الشعر..
المعطي: اش كاين!؟؟
سعاد: حتى ناريمان غادي تتزوج.. غاتاخد بلاصة نسيم بنت فاطمة.. حيت الاخرى مبغاش راجلها .. ههه .. بناتي ضمنت مستقبلهم.. ها نتوما لا محمرتوش وجهي.. غانقجكم.. رجالكم خاص يكونو تحت رجلينا.. وحتى بنتهم ههه..
المعطي: ايوا هادي خبيرة زوينة..
سعاد: ديك الساعة..نشوفو خوتي.. كيفاش غايستقبلوني..
المعطي: انا اول حاجة.. غاندير طوموبيل… ونفتح قهوة ندير رجل على رجل فيها.. ونتباهى على الرجال صحابي..
سعاد: يا هاد الراجل طلبها غا كبيرة..

كلها وحريرتو.. كلها وتفكيرو.. كل واحد كيفكر فجهة.. والطاهر دار اللي فبالو.. ومشا زوج الوليدات الصغار اللي كيلعبو وهما معارفينش اش بيناتهم كاع..
فبيت جوهرة.. كانت كتوجد راسها.. ولبسات احسن شوميز عندها.. وقادات شعرها والماكياج.. وهي كتسنى عبد الله يدخل.. حيت العكس غايكون تحيد.. شعلات الشموع.. وحطاتهم فكل بلاصة.. وبقات كتشوف فالساعة وكتسناه يدخل.. حتى عيات وهي كتسنى.. هزات تلفونها وصونات.. المرة الاولى مجاوبهاش.. المرة الثانية جاوبها..
عبد الله: شنو كاين..
جوهرة: واش مغاتجيش للدار
عبد الله: لا…
جوهرة: علاااش.. عبد الله انا موجدة لينا صواغي.. وشحال وانا نوجد فيها..
عبد الله: سهريها بوحدك..
قطع عليها التلفون وهي تشدها الصدمة.. حطات يدها على فمها وبدات تبكي فصمت.. تقهرات من معاملتو الباردة معاها.. عيات وجميع الحلول دارتهم.. ووالو..
عبد الله اللي كان فالبار.. حداه كاس دالشراب وفيدو كارو..وكيشوف قدامو.
صلاح: افين ابا عبد الله.. فاش كتخمم ليوما..
عبد الله: دابا انا فين غادية حياتي.. معندها هدف.. معندها معنى..
صلاح: عندها معنى قالاك.. دابا هاد النشاط جاك عادي.. شكون بحالك.. راه الناس ملقاوش بحالك..
🌸ثروات من شجرة الزقوم
🌸 عقاب بلا ذنب
الجزء 16
صبح الصباح.. وجوهرة جامعة رجليها ويديها فالناموسية.. والكحل رسم طريقه على خدها مور ليلة من الدموع.. بدات تمسح دموعها وتشوف حالتها.. فجأة ناضت بدلات حوايها.. وخدات صاكها.. وخرجات.. مشافها حد.. اتجهات لبيت الراقي..حطات تلفونها فوضع التسجيل.. باش الرقية اللي غايقراها تتسجل ومللي تمشي للدار تبقا تسمع ليها.. دقات وفتح ليها..شاف فيها وتفاجأ..
الراقي: شنو كاين..
جوهرة: سمحلي اسيدي اللي جاية فهاد الوقت بكري..
شاف فكاع الاتجاهات..
الراقي: دخلي..
دخلات.. ومشا جلس.. وهي تشوف ..
جوهرة: جيت نشكي.. معندي لمن نشكي.. وناخد باراكتك.. راجلي واخا درت الرقية كينفر مني.. معرفتش اش غاندير..
ناض خدا قرعة دالما.. تمتم فيها.. وعطاهالها..
الراقي:هاكي شربي.. وايلا كان فيك شي جن راه غايبان تأثير الما المقروء عليك..
بدات كتشرب ودايرة النية.. باش تبرا.. وهو بدا يقرا تا هو وغادي جاي قدامها..محساتش براسها.. حتى غيبات ومعقلاتش على راسها.. الا وهي كتفيق وكتلقا راسها خاملة.. والراقي كيدوز يدو عليها..
الراقي: نوضي تمشي لدارك..
ناضت وهي راسها كيحرق.. ومامستوعباش حالتها.. بقات غادية فالزنقة بعدما خرجات من عندو.. وشدات طاكسي.. وهي حاسة انها باغا تنعس..وصلات ودخلات للدار مدوات مع حد.. مشات ديريكت لبيتها.. طاحت فالناموسية.. هزات تلفونها لقاتو باقي كيسجل.. سجلات المقطع.. وحطاتو.. وتكات تنعس..

فبيت حنان اشتدات عليها الخنقة.. وخرجات من بيتها.. مشات باتجاه المصحة اللي ولدات فيها.. ودخلات لعند ممرضة .. مدات ليها فلوس قبل متدوي..
الممرضة: مرحبا بلالة..
حنان: قالولي انه مكاينش اللي غايساعدني من غيرك.،
الممرضة: امرك..
حنان: انا ولدت هنا نهار 14/08/1995 اخر العنقود ديالي.. بغيت نعرف الوليدات اللي تزادو فداك النهار وحتى فاليوم اللي قبل منو.. كلهم باسماء عائلاتهم..
الممرضة: هي اللي متعاودش.. اعتبري اللائحة راها عندك.. غاناخدها من الارشيف.. ولكن.. متعرفيني منعرفك.. مشفتيني مشفتك..
حنان: كوني مهنية..
تسناتها شي ساعة عاد خداتها.. ومشات للدار.. بقات كتقلب على اسماء كتعرفهم.. فين ساكنين.. خصوصا اللي عندهم بنات.. داك النهار تزادو غا جوج دراري ومنهم اسامة.، ولكن تزادو ثلاثة بنات اخرين .. بقات كتفكر.. انه ربما وحدة من هاد البنات تكون بنتها.. سمعات حس احمد جاي وهي تخبع الورقة.. وحاولات تتصرف عادي..
🌸ثروات من شجرة الزقوم
🌸 عقاب بلا ذنب
الجزء 17
دخل احمد للبيت واستقبلاتو..
حنان: على سلامتك..
احمد: الله يسلمك.، مالك..
حنان(حمارت): هاا مالي.. عادي..
احمد: عصبك شي حد فالدار؟؟
حنان: لا لا.. معصبني حد..
احمد: متخلي حد يعصبك.. نتي مرت الكبير.. خاص كلشي يحتارمك..
حنان: اكيد طبعا.. ولكن.. انا شادة تيقاري.. مكنبغيش المشاكل..
احمد: على داكشي كنبغيك.. حيت حبيبتي قلبها كبير وطيب.. احم.. بغيت نمشيو نسافرو شوية واحد السيمانة انا وياك.. باش نبدلو شوية الجو.. ومنها باش تريحي اعصابك.. وتفوجي..
حنان: ولكن.. الوليدات.. كيغانديرو ليهم..
احمد: راهم مع جداتهم.. غايكونو فأمان متخافيش..
حنان: (حنات راسها)واخا..
احمد: الله يخليك ليا..

فاقت جوهرة.. حسات راسهت بحال الى كان فيها الجوع دالنعاس.. دخلات تدوش..وخرجات..
جوهرة: ااه يا عبد الله.. كاع الحلول درتهم معاك..
هزات تلفونها وطلقات التسجيل.. وبقات كتسمع ليه.. حتى شوية بدا يتباطئ الراقي فالقراءة.. وبدات كتسمع شوية بشوية.. حتى حطات يدها على فمها وهي كتسمع صوتو.. وهو كيمارس عليها.. وكينطق بشي كلمات بذيئة.. شداتها الرعدة من صبعان رجليها حتى راسها..
{{الراقي: حتى نتي زوينة.. بحال فاطمة.. }}
طلقات دموعها .. ومقداتها توقفهم وهي كترعد وكترجف.. مقداتش تستوعب انه كاين راجل اخور مسها.. وانه هاز كتاب الله.. وكانت كتوقرو.. بدات تلوم راسها.. علاش مشات عندو.. دموعها كانو بحال شي شلال.. طاحت فالارض وهي متقززة من نفسها.. خافت بزاف لا ينكشف امرها.. بقات غادية جاية فالبيت.. ومهازاها ارض.. وتندب وتضرب فحناكها.. اش غادير دابا.. اش غادير..
عماد: ماما ماما.. بغيت تشريلي بشكليطة بحال ديال هادي..
جوهرة توترات مللي شافت قدامها ولدها وخافت لا تتفضح بدموعها..
جوهرة:(بتوتر) واخا اولدي.. مللي يجي باباك نمشيو نشريوها..
مشا ولدها وسد الباب وهي مشات للطواليط وحلات الروبيني وبدات تضرب وجهها بالما باش تقدر تفيق..
جوهرة: يا ولد الحرام .. يا ولد الحرام.. يا ولد الحرام..
تحلات الباب عليها.. ولقات عبد الله.. شافت فيه وقلبها كيضرب.. حسات بحال الى عرف شي حاجة.. حبسات انفاسها وهي كتشوف فيه.. وهو هاز جاكيطو على ظهرو.. لاحها وتلاح على الناموسية.. وحط يدو مور راسو وحاول ينعس.. شافت فيه ودموعها بداو كيقطرو.. بدات تبكي.. وشافت انه السبب فداكشي اللي وقع ليها.. لو انه كيعاملها مزيان.. لو انه معاها بقلبها.. كاع متوصل لهاد الحالة.. كاع متوصل ليدين واحد منحط بحال داك الراقي.. ويوصل بيه يمسها ويدنس شرفها..
🌸ثروات من شجرة الزقوم
🌸 عقاب بلا ذنب
الجزء 18
يامنة كانت جالسة.. وقدامها كاس قهوة.. وكتشوف الاحفاد كيلعبو..وهي هازة الهم لعائلتها حتى جا عندها عماد..
عماد: جدة..
يامنة: نعام اولدي..
عماد: ماما كتبكي… يمكن قلقها بابا..
يامنة: واخا اولدي.. انا غانشوفها.. نتا سير تلعب..
بقات كتشوف يامنة وكتفكر.. حريرة ولدها عبد الله كاع مبغات تسالي..
مشات طلعات لعندها.. دقات فالباب.. ناض فتح عبد الله الباب وهو كيحك عينيه..
عبد الله: مي.. لاباس عليك..
يامنة: ولدي.. فين جوهرة.. واش تناقشتو؟؟
عبد الله تفكر انه مبغاش يجي باللي عندها وخذلها وهي اللي كانت موجدة تسهر معاه..
عبد الله: لا مدرت والو..
يامنة: اجي ندخلو.. بغيت نهضر معاكم بجوج..
عبد الله: واخا..
دخلو وكانت جوهرة جالسة على واحد الكرسي وهي تنوض وقلبها كيضرب ..هي بالها غا فشنو وقع.. وانه ممكن تتفضح..
يامنة: بنتي..بغيت نهضر معاكم بجوج..
جلسات جوهرة.. وعبد الله جلس حدا امه..
يامنة: سمعوني اوليداتي.. واخا كانو بيناتكم اي مشاكل.. حاولو تتخطاوها وتحلوها بهدوء..الوليدات راه كيحسو.. جوهرة ابنتي.. شنو وقع بيناتكم.. شنو دارليك عبد الله حتى بديتي تبكي.. عماد ليوما شافك ونتي كتبكي.. وجا قالهالي.. هادشي خايب.. والوليدات مخاصش يشوفو هادشي..
بداو يطيحو دموع جوهرة.. ومقداتش تسكت.. وعبد الله حاني راسو..
يامنة: عفاك ابنتي.. متبكيش.. شنو دارليك عاوديلي..
بدات جوهرة كتخصص بالبكا.. وتزيد فالبكا..
يامنة: عبد الله.. شنو درتي ليها.. انا عمري شفتها فهاد الحالة.. اش وصلها لهاد الحالة.. ياكما ضربتيها..
عبد الله: لا لاا.. مضربتش..
يامنة: ومالها هكا..
عبد: انا ..
جوهرة: انا بغيت نطلق.. بغيت نمشي لدار با..
يامنة: الله يا ربي.. علاش ابنتي.. علاش تشردي وليداتك.. الطلاق ماشي حل..
جوهرة: انا مبقيتش قادرة نعيش معاه.. بزاف على الذل..
يامنة: عبد الله.. خاص نهضر معاك..
ناضت وعبد الله تفاجأ بحالة جوهرة المفاجئة.. ومشا مور الام ديالو.. حتى وصلات لبيتها..
يامنة: جلس..
عبد الله: انا مدرت ليها والو..
يامنة: احمد.. نهار زوجناه بحنان معمرو كان كيعرفها ومعمرو فحياتو شافها… نزيدك.. شافها نهار العرس.. فبيتو.. لاول مرة.. شوف كيفاش كيعاملها.. معرفتش مشاعرو اتجاهها كيدايرة.. ولكن.. هي فوق كل شيء مدام هي ام لولاده.. على الاقل.. الى كنتي مكتبغيهاش.. فمتظلمهاش.. هي ام ولادك.. وكتقوم بدورها على اكمل وجه.. يكفي انها ربات ولادك وعمرها سولاتك شنو درتي ليهم.. هزات الحمل كله.. هادشي بوحدو كافي يشفع ليها ويخليك تحت رجليها.. يكفي انها مكتسولكش فين كتمشي ولا فين كتجي.. ولا معامن.. وانا متأكدة انها عارفاك اش كدير مزيان من موراها.. ومع ذلك.. راها باغا منك غا شوية الاهتمام.. تكون راجل..
عبد الله: فهمت..
يامنة: احمد ومرتو غايسافرو يبدلو الجو.. وولادهم غايبقاو معايا.. مغايكونش عندي مانع يبقاو حتى وليداتك.. وتمشي تفوج شوية على مرتك.،
عبد الله: واخا.. اوامرك امي..
🌸ثروات من شجرة الزقوم
🌸 عقاب بلا ذنب
الجزء 19
رجع عبد الله للبيت.. ولقا جوهرة حاطة يدها على خدها الفازك ..
عبد الله: (حط يدو على كتفها)نوضي جمعي حوايجنا.. نمشيو نسافرو.. نفوجو شوية.. ونكونو انا وياك بوحدنا..
جوهرة: سير فوج غا نتا..
عبد الله(تنهد) : انا عارف اني كنقسى عليك.. ومكنهتمش بيك.. ولكن.. كنواعدك اني غانتبدل..
جوهرة: ميهمش تتبدل.. عبد الله عفاك.. خليني عليك.. سير ترجع لحياتك وكيكنتي.. وانا والله لا هضرت معاك.. ولا قلتلك شي حاجة من هنا لفوق..
عبد الله: عارفك غضبانة مني بزاف.. ولكن كنواعدك..
جوهرة: متواعدنيش.. خليني وصاف.. وغانكون مزياااانة..

دوزو عبد الله وجوهرة ايام وهما هادا مكيهضر مع هادا.. وعبد الله حس بتأنيب الضمير.. اما هي فعلا باغا يبعد ساحتها.. ماشي حيت هملها ولكن حيت حاسة راسها غاتفركع من داكشي اللي وقع ليها وكلما تفكراتو كتكره راسها.. بقات كتعاود فراسها جملة قالها فالتسجيل.. حتى نتي زوينة.. بحال فاطمة.. يعني فاطمة حتى هي وقع ليها نفس الشيء وغا معاقتش بيه حيت مسجلاتش.. بلاتي.. هي مشات على قبل مكتولدش.. ومباشرة بعدما مشات عندو رجعات حاملة.. يعني.. البنت ماشي بنت محمود.. بنت الراقي الملعون.. وهما بجوج بيهم معارفينش هادشي..

احمد وحنان مشاو سافرو.. وتساراو مزيان.. ولكن حنان كانت متشوقة ترجع دغيا باش تبدا رحلة البحث ديالها.. على بنتها اللي افتقداتها.، وحسات انها باغا تشوفها وتعنقها..بعد ايام رجعو.. ورجعات للائحة.. مشات لاول عنوان.. ودقات فتحات ليها بنت صغيرة الباب وغاتكون فعمر اسامة.. حطات ليها يدها على راسها .، عينيها غرغرو..
الام: نور.. شكون كيدق..
حنان: سمحيلي.. كنقلب على دار واحد المرا.. سميتها ايطو..
المرا: مساكنة حتى مرا فهاد البلاصة..
حنان: سمحيلي بزاف..
الجزء 20
اعتذرات حنان من الناس.. وخرجات بحالها.. جات تركب فالطومىبيل وهي تلقا احمد.. تفزعات.. والورقة فيدها..
مد يدو وخدا الورقة وشاف فيها مزيان.. وطلع راسو بهدوء..
احمد: بغا تخرجي علينا!!
حنان حركات راسها بالنفي والرعب ممتلكها..
حنان: لا لا.. مكنتش غاندير تا حاجة..
مازال مكملات هضرتها حتى طلع معاها بطرشة.. خلاها ترعف..
احمد: ركبي..
ركبات وهو صاك الطوموبيل.. ومشاو للفيلا وطول الطريق وهما بجوج بيهم ساكتين.. حتى وصلو.. ونزلات حنان وهي حاطة يدها على فمها وكتبكي دخلات دغيا.. ويامنة شافتها..
يامنة: مالك احنان..
مشافتش جيهتها ودموعها على خدها مشا دغيا لبيتها.. دخل موراها احمد وهن كاعي..
يامنة : مال حنان احمد مالها..
احمد: تناقشنا شوية .. دابا تهدا..
يامنة: اش صابكم يا ولاد كرشي.. واش صابكم وكل واحد وهمو..
احمد: مكاين والو امي.. دابا نمشي نصالحها.. ميهونش عليا تانا نشوف دموعها..
يامنة: الله يهديكم.. الله يهديكم.. ويبعد عليكم كل شر يااا رب..
دخل احمد للبيت وولقا حنان متكية وكتبكي.. مشا جلس حداها..
احمد: تصرفاتك ممكن تخرج علينا احنان.. علاش مكتسمعيش..
حنان: لا جواب..
احمد: مبغيتش نصدمك.. وكنخاف على مشاعرك.. ولكن هاديك اللي كتقلبي عليها مكايناش..
قفزات حنان وشافت فيه بصدمة..
احمد: (حنا راسو) ماتت..
حنان: (خرجات عينيها)كتكدب عليا…
احمد: انا مجبتش اسامة من المصحة.. اللي دار معايا الصفقة خارجي.. وكنت كنطمئن على بنتي كل نهار.، وكنصيفط ليها الفلوس.. ولكن.. قدر الله.. توفات بسبب ضيق فالتنفس..
حنان(كتبكي): كتكدب عليا..
احمد: مكنكدبش احنان.. مكنكدبش.. نوضي معايا نديك لقبرها.،
فشلات حنان ومقدراتش تنوض..
احمد: واش كتحسابيني معنديش قلب حتى لهاد الدرجة؟؟ هاديك بنتي.. وضراتني فخاطري كتر منك.. ولكن.. معندي فيدي تا حاجة ممكن نديرها..

دخلات حنان فنوبة بكاء مستمرة.. منفعوش معاها تهدئة احمد ليها.. جوج بيوت كيعتليهم الدموع .. لنساء فيهم.. ولات الدار مظلمة وكئيبة.. وكلها وهمها..
فطاولة العشاء.. كان احمد والحاج وعبد الله.. ويامنة..
الطاهر: فيناهما عيالاتكم.. واش تافقو ليوما ميتعشاوش ولا..
عبد الله: احم.. جوهرة مريضة شوية.. عليها منزلاتش..
احمد: حتى حنان مريضة..
يامنة: مراضين بيكم..
الطاهر: شنو كاين الحاجة..
يامنة: خاص يبدلو معاملتهم مع عيالاتهم.. هادشي ماشي معقول.. مجبناش بنات الناس باش نتكرفصو عليهم..
الطاهر: عندك الحق الحاجة.. تهلاو فعيالاتكم وكونو رجال.. ولاد الحاج الطاهر ميكونوش هكا..
عبد الله: يكون خير الحاج.. نتا متهز الهم لوالو..
احمد: غاديها فصحتك نتا الواليد.. وميكون غا الخير..الجزء21
الجيل الثالث
عاشت الاسرة فروتين.. والعلاقة المتوترة بين الازواج.. بعد سنوات.. كبرو الدراري.. وقررو يصيفطوهم والديهم يقراو برا.. هادي وعماد ولحق عليهم اسامة.. اما البنات مامشاو لحتى بلاصة.، حتى ايوب ولد سعاد.. كمل قرايتو غا فالمغرب..

الحاجة كانت جالسة وحتى حنان وجوهرة.، كانو كيشربو القهوة ديالهم كالعادة.، حتى دخل ايوب.. كان شاب وسيم طويل.،عضلاتو بارزة.. ومستيلي حيت ديما فظهر جدو..وكيستفد من الغلة حتى هو الشيء اللي خلاه يهتم باناقتو حتى هو..
يامنة: ولدي.. على سلامتك.. فين هو جدك.،
ايوب: كيعضر مع الجارديني اجدة(باس راسها).. خالتي حنان لاباس عليك.،
حنان: لاباس اولدي.. ونتا لاباس.. عائلتك لاباس..
ايوب: مزيانيت هاد الساعة..
جوهرة: وانا مشفتينيش؟؟ خيال قدامك.. ولا حيت وحدة جداتك ووحدة نسيبتك..
ايوب: اا خالتي جوهرة.. والله مشفتك.. سمحيلي..
جوهرة: فيك فعايل موك.،
ايوب: احم.. خالتي حنان.. واش ريم فاقت..
حنان: مازال..
ايوب: غانمشي نفيقها..
حنان: سير اولدي.. ولكن عندك يشوفك خالك احمد.. راك عارف..
ايوب(غمزها): متخافيش..
طلع لبيت ريم.. وحل الباب بشوية.. وسدو.. دخل عندها كانت ناعسة بالشورط.. شاف فيها.. ومشا حل الريدويات..ضرب فيها الضو ديال الشمش.. بدات تحك عينيها..
ريم: سد.. وسير فحالك اش دخلك لهنا..
ايوب: اشمن اش دخلني.. نوووضي.. محد باك باقي ماجا..
ريم: سير فحالك.. واش نتا مكتعياش..
ايوب: مكنعياش.. وزيدون ياك انا وياك مزوجين..
ريم: (كتجبد)جدي كان سكران نهار زوجنا.. كون شافلي شي واحد من الناس اللي متفتحين .. يسفرني ويخرجني..
ايوب: الخروج نخرجو.. ولكن السفر لا.. خاصو الماني.. الدينيرو.. الدوفيز..
ريم: بعد نوووض.. سير .. مافيك نفع..
ايوب: اجي غير نقوليك.. نوريك واحد التلفون جديد شريتو.،
ريم: خرج بعد مني.. نوض..
ايوب: بشوية غا يسمعنا شي واحد..
تحلات عليهم الباب.. بجوج بيهم تصدمو.. حتى لقاو قدامهم ندى..
ندى: احم احم.. واش مكتحشموش.. كل مرة نبقى نحصلكم فقنت..
ايوب طلق من ريم وبعد غا بشوية ..
ايوب: احم.. غانستناك لتحت.. حدا جدي… نتغداو حداه.. (حنا الراس بشوية) كوكنتي كتهضري بشوية كاع مكان يحصلنا شي واحد..
ريم: سير اولدي سير..
ايوب: احم.. ندى بخير.. الصحيحة!
ندى: بخير الزويون..
ايوب: عارف راسي زوين.. ولكن بنت عمك معارفاش.. وعيها شوية..
ندى: هناك الله..
خرج وندى سدات الباب.. مشات تكات حدا ريم..
ندى: ايوا اش كتعاودي ابنت عمي.. قاطعتك نتي وراجلك..
ريم: بفف قولي عتقتيني.. دابا يرجع راجلك تا نتي احبيبة.. ونردهالك..
ندى: الصراحة.. معرفتش علاش جدي دار فينا هادشي.. خايبة بزاف هاد القضية.. هادي كبرت معاه بحال خويا.. كيداير هاد الزواج اللي غايكون بيناتنا..
ريم: نتي بعدا بحال خوك.. انا هاد بنادم مكنحملوش..
ندى: هههه واخا هكاك زوين.. وكيضحك..
ريم: ديه احبيبة عطيتولك .. عتقيني غا منو..
الجزء 22
عاد خرج ايوب من البيت كيتسلت.. حتى سمع احمد داخل..
احمد: احم.. احم..
جرا بسرعة تخبى فواحد القنت.. حتى داز عاد خرج كيتسلت.. غادي. حتى حط عليه شي حد يدو.. قفز من بلاصتو..
عبد الله: بشوية عليك..
ايوب: خالي.. خلعتيني..
عبد الله: فين كنتي المتلوف.. اكيد فبيت المدام..
ايوب: احم.. اودي..
عبد الله: منحقك.. هاديك مدامتك بالوراق..
ايوب: عار الله قولهالها.. مكتبغيش..
عبد الله: بغيتي تقنعني.. انه مكاين والو؟
ايوب(غمض عينيه) : بحال الخوت..
عبد الله: اووووف..مكتعرفش تتعامل مع العيالات..اجي لعند خالك يوريك..
ايوب: وريني اخالي وريني..
عبد الله: تبغي تخرج معايا بالليل.. غانديك بعدا تتمتع وتشوف اللي عمرك ما شفتيه.. ديك الساعة غاتعرف قيمة اللي بين يديك.. وتزهى..
ايوب: فييييفا خالي فيييفا.. عاش خالي عاااش.. من ديما كنقول انه نتا اللي فاهم للدنيا من هاد العائلة كلها..
عبد الله: هههه غنسول فيك بالليل..
ايوب: فيفا خالي..
مشا عبد الله لبيتو..وايوب نزل عند جدو..
الطاهر: دوك الولاد مبغاو مازال يجيو للدار.. هاد القراية مغاتساليش ولا.،
ايوب: احم.. قريب اجدي..
يامنة: خليهم يكملو قرايتهم..
الطاهر: انا خايف يكونو كيزهاو تما ومقابلين الطريق الخاوية..
يامنة: استغفر الله.. اشمن… حفادي انا مربيين على يدي..

فواحدة من اكبر الجامعات فالعالم.. كتلقى عماد موقف طوموبيل اخر موديل.. والبنات كلهم كيستناو اشارة منو.. كيخرج منها شامخ.. ومعاي راسو الفرق بجاكيطة دالجلد الغالي.. كيدوز يدو على شعرو ويقاد نظيظراتو وعينين البنات يبغيو ياكلوه..
فبلاصة اخرى.. فشقة كراء.. كاين هادي.. ومعاه صديقتو.. اللي مغربية حتى هي.. وعايش معاها الحب..
سحر: شنو ناوي دير.. بقات لينا غا شي شهورة قلالين ونكملو..نبقاو هنا ولا..
هادي: لا.. نمشيو للمغرب طبعا.. وتما غانبداو مشروعنا.. ونعيشو مزيااان..
سحر: (خدات كارو وشعلاتو) غاتقدمني لجدك.. فنظرك غايقبل يزوجك ليا..
هادي: جدي حنا عزازين عليه بزاف واي حاجة بغيناها كيديرها لينا..
قرب منها وهي كتسوط فوجهو الدخان..
سحر: ياك قلتيلي زوجكم فصغركم.. واش غايقبل دابا تتزوج بيا وتسمح فبنت عمك..
هادي: بنت عمي عمرها تعاملات معايا على اساس انا وياها مزوجين.. بالعكس.. من جيهتها مغانلقاش مشكل..
سحر: بغيت نعرف.. فحالة الى رفضوني.. واش غادير مجهود على قبلي.. انك تتزوج بيا وتغامر على قبلي..
هادي: نغامر ونفوت لهيه.. انا كنبغيك بزااف..
سحر: حتى انا كنبغيك.. ومنقدرش نعيش بلا بيك..
فبلاصة اخرى كان اسامة.. فكافي.. وقدامو كتوبتو.. والبيسي ديالو.. كيقرا.. وكيكتب.. ومحداه حتى واحد.. همو انه يجيب هو الاول .. تخصصو مختلف على الاخرين.. الى كمل دبلومو هاد العام.. يقدر يجي يكمل القرايا فالمغرب.. وفنفس الوقت يخدم فالشركة مع باه..

حنان: اااه.. توحشت الوليدات..
جوهرة: الله يحفظهم لينا..
شوية سمعو الصداع.. هادي سعاد جات مقلقلة..
سعاد: نتي قادي شعرك.. واش انا ديما نبقا تابعاك بقادي وما تقادي.. ناريمان قادي الوقفة.. هاكااااك..
الجزء 23
سعاد: لاباس عليكم اعيالات خوتي.. ونسيبات ولادي..
جوهرة: بخير.،
حنان: تفضلي اسعاد.. اجي اسارة ابنتي.. حتى نتي اناريمان..عيالات ولادنا..
سارة: خالتي جوهرة.. كتباني منورة ليوما..
جوهرة: معلوم.. زيني مغايمشيش.. ونتي.. علاش مكتهلايش فراسك.. واش باغا ولدي يضحك على حالتك ولا.. اش داك الصندالة دايرة.. خاص يولي عندك شوية الدوق..
حنات سارة راسها ومدواتش..
حنان: جوهرة.. عيب هاد الهضرة..
جوهرة: ايوا قلت غا اللي كاين..
ناريمان: كوكانت الاناقة هي اللي كتجبد الرجال.. كون راه خالي عبد الله معتكف فالدار..
جوهرة تقرصات.. وهي تحمر فناريمان..
جوهرة: مشاء الله كبرتي.. ووليتي كتردي الهضرة..
سعاد: احم مقصداتش اختي جوهرة.. اههه..
جوهرة: ربي بنتك اسعاد.. ربيها..
سارة: معليش اخالتي مسحيها فيا..
جوهرة: اودي..
ناضت جوهرة وخلاتهم.. وحنان ضحكات مع ناريمان..
ناريمان: انا بعدا عجوزتي بحال العسل..
حلات حنان يديها وعنقات ناريمان..
فجأة سمعو الغوات.. هادا ايوب.. داخل شاد فيدو جدو.. وهو مقادرش يتنفس..
ايوب: عيطو للطبيب دغيا..
ناريمان: جدي..
نزلو ندى وريم وهما كيشوفو.. ومخلوعين.. دغيا داوه لبيتو.. وعيطو للطبيب..
كلشي بقا مخلوع جاو احمد وعبد الله..
احمد: خاص نديوه للسبيطار.. حالتو خايبة.. انا غانعيط للاسعاف.
كلشي كان خايف ومترقب الحالة ديال الجد.. وهو مقادر حتى يتنفس.. دغيا جاو الاسعاف وهزوه.. مشاو معاه ولادو.. اما البنات بقاو فالدار..
جوهرة: (بهمس لحنان) واش الشارف غايموت؟
حنان: شششش.. الله يطول فعمرو..
جوهرة: معرفتوش اش كتب للوليدات.. خاص نتأكدو..
حنان: ماشي وقت هاد الهضرة دابا.. خاص نعيط ليهم يجيو يشوفوه..
جوهرة: اه اه عيطي ليهم.. وانا غانعيط لولدي..

فالمصحة كان الحاج الطاهر كيمر بأزمة.. والطاقم الطبي كيحاول يقدم ليه ما امكن من المساعدة..
الطاهر: (بصعوبة)احمد..
احمد: نعام الواليد..
الطاهر: بغيت نشوف… بنتي فاطمة..
احمد: غانجيبهالك الواليد.. متخممش..
شاف احمد فعبد الله.. وهما فاهنين بعضياتهم.. علاش مسولش عليها كل هاد السنين.. وعلاش دابا بالضبط.. واش كيموت.. واش باغي يتسامح معاها؟؟
الجزء 24
اتصلو الامهات بولادهم.. باللي غايجيو.. والحاج فالعناية المركزة..
الطبيب: منكدبش عليكم… عندهم التهاب رئوي .. تسبب ليه بضيق فالتنفس.. وهادشي اثر على وظائف القلب.. حالتو خاصها مراقبة..
احمد: قومو باللازم عفاكم..
عبد الله: ديرو جهدكم..
ايوب: خالي.. واش جدي غايعيش..
احمد: انشاء الله غايعيش..
جاو عيالات ولادو ويامنة.. وبناتهم..
حنان: كيف حال.. عمي الطاهر
جوهرة: كيبقا شوية..
ايوب: (حنا الراس)حالتو خايبة..
حنان: الله يا ربي.. الله…
يامنة: سكتو.. باراكة متنوحو..باركة.. الحاج غايكون بخير.. غايكون بخير..
جوهرة: يا ربي اخالتي..
قربات ريم من ايوب..
ريم:(بهمس) واش جدي غايموت..
ايوب: شش.. عندك تسمعك جداتي..باينة فيه غايديرها..
ريم: الله يا ربي مسكين…
ايوب: سمعيني.. واش كاين شي حد فالدار؟؟
ريم: لا.. كلنا جينا هنا..
ايوب: خلينا نمشيو للدار .. نستغلو الوضع محدو مكاين حد..
ريم: واش تسطيتي.. مازال عندك الخاطر وجدي مريض..
ايوب: وشنو علاقة داكشي بالحزن.. الحزن راه فالقلب ماشي ف..
ريم: ايوا الله يعطينا وجهك..
ايوب: ياك نتي مرتي..
ريم: سمعني.. متحلمش بشي حاجة قبل العرس.. والله ومادرتيليا العرس قدو قداش.. لا قستيني..
ايوب: هي خاص نستنى نوصل قد جدي عاد نقدر نكون راسي ونجمع داك المبلغ اللي نديرليك نتي بيه العرس قدو قداش..
ريم: ضبر محاينك..
بعدات منو وهو يبدا يسوط..
فجأة سمعو كلهم الغوات.. عادي سعاد جات كتمرمغ.. وكتغوت وتندب..
سعاد: ياااا و با لمن تخليني.. ياااااو با وغاتمشي وتخليني.. يااااااو با بنتك معندها حد من غيرك..
ايوب تحشم وهو كيشوف مو دايرة داك الشوهة.. مشا كيجري عندها.. وكيسكتها..
ايوب: امي.. اميي.. متشوهيناش.. هادي مصحة كلاس.. سكتي..
سعاد: بعد مني.. ابا الحبيييب.. ابا ..
احمد: جات تشوهنا..بففف..
كلشي بقا كيشوف فيها شي شوفات ماشي هما هادوك.. خصوصا انه اللي داز كيشوف فيهم.. بعد لحظات جات فاطمة.. ودموعها على خدها..
فاطمة: فيناهو بابا.. اش واقع ليه.. الله يا ربي..
احمد: تهدني افاطمة.. بابا بغا يشوفك من قبيلة وهو كيسول فيك….
فاطمة: نقدر ندخل عندو..
احمد: اه دخلي..
دخلات فاطمة.. ولقات باها كله خيوطة.. وكيتنفس بصعوبة.. بدات كتبكي.. ومشات باست يدو..
فاطمة: (بدموع)بابا..
الطاهر: بنتي.. (هز يدو وحطها على راسها..) توحشتك بزاااف.. (بدا يكح)
فاطمة: متهضرش بزاف .. حتى انا توحشتك بزااف.. توحشتك..
الطاهر: متغيبيش عليا.. انا مرضت.. بسبب قوة التفكير فيك.. مولفتش بناتي يكونو بعاد عليا.. غضبت عليك.، حيت عصيتي امري.. ولكن.. من الداخل ديالي.. راضي عليك.. متغيبيش عليا ابنتي.. متغيبيش..
الجزء 25
بقات فاطمة حدا باها.. كتسقيه وكتهدنو.. وحتى هو تحسن حيت راها حداه.. حيت فاطمة عندها مكانة كبيرة فقلبو.. اما ولادو كلهم.. بقاو كيستناو برا..
سعاد: معرفتش علاش خلى فاطمة بوحدها معاه..ياك حتى حنا ولادو وبناتو..
يامنة: هو بغاها.. سنين مشافها.. انا عارفاه معدب حيت مكانتش حداه..
جوهرة: ياكما باغي يتسامح معاها ويخالف وصية باه..
شافو فيها كلهم بنظرة خايبة..

بقاو تما مقابلينو..حتى وصلو حفادو.. هادي واسامة وعماد..
جوهرة: الحمد لله على سلامتك اولدي..
عماد: الله يسلمك اماما.. الله يسلمك.. جدي كيبقا..
جوهرة: راه مزيان..
يامنة: على سلامتكم اوليداتي.. جدكم غايولي لاباس .. ملي يشوفكم..
هادي: توحشتو بزاف.. بغيت نشوفو..
اسامة: حتى انا توحشتو بزاف..
يامنة: غاتشوفوه اوليداتي.. غاتشوفوه… يمكن مللي يشوفكم يولي لاباس ويبرا..
بقاو تما وبداو يدخلو بالدور يشوفوه تحت وصية الطبيب.. وفعلا بدات تتحسن صحتو مللي بدا يشوف حفادو وتتعطى ليه شحنات اجابية.. حتى حولوه لغرفة اخرى.. وديك الساعة كلشي بدا يدخل ويخرج عندو.. جوهرة وحنان بقاو كيشربو الكافي فالكولوار.. وكيهضرو..
جوهرة: ياختي الشارف كاع مبغا يديرها وها هو تحسن..
حنان: الله يعطيه صحيحتو.. مخلانا مخصىصين من والو الصراحة..
جوهرة: هاد الحنانة اللي نزلات عليه فجأة على بنتو فاطمة معجباتنيش.. عنداك يمشي يعطيها من الثروة ..
حنان: يمكن خاف لا توقع ليه شي حاجة بلا ميطمئن عليها.. ولا يتسامحو.. هاديك راها بنتو..
جوهرة: منعرف..
فاطمة كانت كتستمع للحديث مقدراتش تتحمل كتر وهي تجي قبالتهم..
فاطمة: واقيلة نسيتو راسكم يمكن.. انا سميتي فاطمة الزواتي.. بنت الحاج الطاهر.، ومنسمح لاي وحدة تهضر فعائلتي .. وايلا كنت زوينة معاكم راني بخاطري..
حنان: فاطمة فهمتينا غلط..
فاطمة: اللي فهمتو صافي فهمتو وخلاص.. واللي وقع وقع.. كنحذركم.. هاد الحوار ديالكم الى وصل لخوتي.. انا متأكدة مغايعجبهم حال..
خلاتهم ومشات رجعات لعند باها..
حنان: الهضرة معاك كتجيب غا المصائب.. بففف..
خلاتها ومشات.. بقات كتشوف جوهرة ..
جوهرة: دابا تشوفو المصائب.. هما اللي جايين من بعد..
كلشي كان مع الجد..
عماد: اهيا جدي.. اش هادا واش باغي تشرف ولا.. نوض من تما اصاحبي.. نتا مازال شاب..
الحاج: هههه واخا فيك العفريت..
هادي: عندو الحق اجدي.. نوض نوريوك الدنيا برا.. مازال محتاجينك.. هه
فجأة كلشي قلب انتباهو لبنت دقات الباب .، بنت غريبة وصغيرة..
فاطمة: نسيم!!
الجزء 26
كلشي شاف فيها وتفاجأ..
فاطمة: كيفاش حتى جيتي ابنتي.. نسيم:جابني بابا..جيت نشوفك حيت سيمانة مشفناك.،
فاطمة: اجي نعرفك على عائلتك.،بابا.. هادي بنتي نسيم..
مشات نسيم باست يد جدها..
الحاج: الله يرضي عليك ابنتي.. مشاء الله الله يصلحك..
فاطمة: وهادي جداتك ..
نسيم:(باست راسها) لاباس عليك اجدة..
يامنة: الله يرضي على بنتي تبارك الله..
فاطمة: هادا خالك احمد.. وهادا خالك عبد الله..
سلمات عليهم وهما بادلوها الابتسامة..
فاطمة: هادي خالتك سعاد..
سعاد: كبرتي يا المعصعصة..
فاطمة: احم..
تجاهلات جوهرة وحنان.. واتجهات لولادهم..
فاطمة: هادي ندى بنت خالك عبد الله.. وهادي ريم بنت خالك احمد..
نسيم: تشرفت بيكم.،
فاطمة: هادا ايوب.. ولد خالتك..
ايوب: مرحبا بيك فعائلتنا..
فاطمة: هادا عماد ولد خالك عبد الله.. وهادو هادي واسامة ولاد خالك احمد..
نسيم: عائلتنا كبيرة..
مشات جلسات قدام جدها.. والعيون عليها.. كلشي مستغرب من هاد الابنة الجديدة وكيفاش غاتكون..
فاطمة: (بهمس) بنتي واش باباك باقي..
نسيم: وصلني ومشا..
الدراري كانو جالسين حتى دخلات واحد البنت وكلشي شاف فيها..
جوهرة: شكون هاد البنت تاني..
هادي حمار.. وناض مشا عندها.. وشدها من دراعها..
سحر: نطمئن على جدك..
هادي: من بعد..
جرها وخرجو وكلشي بقا كيشوف فيه..
جوهرة: اي على هادي وكبر تا هو.. ياك زعما مزوج..
سعاد: يااو ندى يا بنتي واش معرفتيش تحكمي راجلك.. نوضي تكعدي تبعيهم.. وشوفي شكون هاديك اللي جات عندو..
حنان حشمات ومشات تشوف شكون هاديك..
قربات لقات هادي كيهضر وكيحاول يسكتها..
هادي: مكانش عليك تجي..
سحر: واش مستعر مني..هادي هي تقنعهم بالزواج..
هادي: كلشي كيجي بالهدوء..
سحر: اه بالهدوء زيد دخل وعرفني بيهم.. قوليهم هادي هي المرا اللي كنبغي.. بكل بساطة..
هادي: جدي عاد خارج من ازمة.. خلي بشوية..
حنان: هادي..
ارتبك هادي تاني.. وهو كيشوف مو..
حنان: السلام ابنتي.. هادي شكون هاد البنت..
سحر: السلام اخالتي.. انا سحر.. حبيبة هادي.. والمرا اللي كيبغيها..
حنان(بهدوء) :شنو
هادي(ارتبك اكثر) : سحر خلينا نمشيو.. ماما نهضرو من بعد..
حنان: متعطلش..
بقات متبعاهم بعينيها وكتشوف هادي اللي كيتمشى معاها ولدها.. حالتها.. الستيل مقطع.. والشعر مصبوغ نصو بالبنفسجي وشوية الخضر.. والحلقة فالنيف.. ومقزبة.. هادي كيفاش حتى طاح فوحدة بحالها.. ومرتو اللي مزوج بيها من الصغر.. دخلات وشافت جهة ندى.. اللي مداتهاش فيه كاع.. وبقات جالسة مداياها فالضحك مع ريم.. مشات جلسات..
جوهرة: فين ولدك..
حنان: شوية غايرجع..
جوهرة: شكون داك خيتنا..
حنان: غا كتقرا معاه..
جوهرة: مممم.. كتقرا معاه..
الجزء 27
عماد: احم.. غانمشي ندير شي كافي.. شكون بغا..
اسامة: غانمشي معاك..
ايوب: حتى انا.،
ريم: ديوني معاكم..
شافو فيها باستغراب..
ريم: ندى حتى هي غاتمشي معانا(شافت فايوب بمعنى نفذ)
ايوب: واخا.. اجيو تشربو شي حاجة..
مشاو البنات وهما فرحانين.. خداو الكافي.. وريم بدات تسول..
ريم: مم يعني دابا نتوما قريتو برا..وتساريتو مزيان..
عماد: اه..
اسامة: ايه..
ريم: نتا اعماد كملتي ولا مازال..
عماد: مازال.. ولكن قريب..
ريم: غاتجي تخدم هنا فالمغرب بعدا..
عماد: اه..
ريم: وكيجاتك العيشة برا..
عماد: زوينة..
ريم: مكرهتش حتى انا نمشي نتسارا ..
عماد: سيري شكون شدك..
ايوب: (تعصب)شديتها انا.. ريم جيتي معانا تشربي كافي ولا تتهاودي..
عماد: خليها تسول اصاحبي مالك..
ريم: كنهضر عادي..
عماد: بقا تخرج مرتك تتسارا .. شوف مسكينة كيفاش قنطانة.. وحتى نتا اسامة.. زعما هادي ختك.. (حط يدو على ندى) انا بعدا ختي غاندير انا وياها شي ضورة نساريها مزيان.. توحشتها بزاف ..
ندى: حتى انا توحشتك بزااف..
حنات ريم راسها.. حيت معرضش عليها..
ايوب: سيرو دابا .. انا والدراري غانخرجو شوية.. رجعو للشومبر ديال جدي..
مشات ريم بلا متهز راسها وتبعاتها ندى.. بقا يشوف فيها ايوب..
عماد: باينة فيك تزعطتي مزيان اصاحبتي.. وكتغير..
ايوب(تنهد) : مقدرتش نعمر عينها.. مخليت مدرت..
عماد: خرجها ودير ليها الحوايج اللي كيعجبو البنات.. وهي غاتبغيك لا اراديا..
بقا كيشوف ايوب وكيهضر فخاطرو. “كوكنت ولد الذكر باينة كانت غاتشوف فيا وتديها فيا.. ولكن انا معندي والو.. معدرها كتعزز راسها وكتدفع كبير..”
جاو يخرجو وهما يشوفو فاطمة خارجة وحاطة يد على كتف بنتها..
عماد: داك بنت العمة فيها شي حاجة مميزة.. زويونة.. وبريئة..
اسامة: اه ظريفة بزاف..
ايوب: زوييينة.. وقطيوطة..
عماد: اجيو نشوفوها..
قربو منها..
عماد: عمتي.. فين غاديين..
فاطمة: باغا نشد طاكسي لبنتي نسيم باش تمشي للدار..
اسامة: نوصلوها حنا.. كلنا عندنا طوموبيلات..
فاطمة: مبغتش نعدبكم..
ايوب: الله اودي اخالتي.. عدابك راحة.. عتابريها وصلات للدار.. واش حنا غانطمئنو عليها مع الغريب..
فاطمة: الله يرضي عليكم اوليداتي.. نسيم ابنتي سيري يوصلوك. . منها نطمئن عليك..
نسيم: واخا اماما..
مشاو كلهم ركبو فطوموبيل ايوب.. هي ركبوها القدام.. واسامة وعماد ركبو اللور.. بغاو غاديين..
ايوب: غاتوريلنا البلاصة بالضبط.. حيت معرفتهاش..
عماد: حيت معارفينهاش ايوب..
اسامة: اه حيت معارفينهاش..
نسيم: واخا.. سير حتى تدخل لدرب السلاطين.. وغانوريك فين..
عماد: غاتورينا فين..
نسيم: هههه..
الجزء 28
بقاو غاديين ونسيم حشمانة وفنفس الوقت كتوريهم فين.. حتى وصلات للحومة..
نسيم: راهيا الدار فين ساكنة انا..
نزلات من الطوموبيل.. ونزلو كلهم معاها..
ايوب: وصافي شي نهار نجيو نشربو شي قهيوة مع عمي محمود..
نسيم: شكرا بزااف..
عماد: الله اودي.. نتي راكي بنت العمة .. اللي حتاجيتيها طلبيها.. متحشميش..
نسيم: لهلا يخطيكم عليا.. انا غا فرحانة حيت تعرفت على عائلتي .. هادشي بوحدو مدخل الفرحة لقلبي..
اسامة: قريب نتلاقاو.. ونجتمعو فالدار مللي يخرج جدي من السبيطار..

مازال كيهضرو وهو يبان واحد الشمكار.. بدا يغوت ويعوج فمو..
الشمكار: الله الله على لالة نسيم.. كبرات وولات تركب فالطوموبيلات.. وماشي غا واحد.. جايبالي تلاتة.. الله الله..
نسيم حطات يدها على فمها وتخلعات.. هادا ولد الحومة.. وشمكار.. وطايح فيها.. ولكن هي عمرها معطاتو وجه..
عماد: شكون هادا.. وفين كيعرفك انسيم..
الشمكار(جبد موس): انا ولد حووومتها احبيبي.. وهاد البنت اللي كتعيط ليها بسميتها.. راها الجوجة الموستقبلية ليا.. ونعرف حس راجل هضر عندها نذبح والديه..
ايوب حيد اليد اللي فيها الموس ولواهاليه وطيحو على الطوموبيل..
عماد: كما كتشوف منحتاجوش نتعاونو عليك.. باش تفهم راسك.. (قرب عندو) نسيييم…
نسيم(بخوف): نعام..
عماد: واش بينك وبينو شي حاجة..
نسيم: لاا..
عماد: سمعني ابا العريس.. هادي اللي كتدوي عليها.. راه من عائلة كبيرة.. واللي بحالك ميخدموه حتى عساس عندهم.. وحنا حفاد جدها.. اللي الى عرف انك قربتي منها غايقطع لبوك الرجلين.. نسمع حسك قربتي لجيهتها شي مرة نمحيك من على وجه الارض.. سمعتي..
طلق منو.. وناض وهو كيضور يشوف فيها وفيهم.. وهي خايفة..
اسامة: متخافيش.. الى قرب منك عيطي علينا..
نسيم: خايفة يجمع صحابو..
ايوب: نتي دخلي للدار.. وسدي الباب.. ومتحليش الا للباك ولا لموك.. وايلا قرب منك عيطي علينا .. غانربيوه..
نسيم: واخا…
تمشات ودخلات للدار وسدات الباب.. مشات دغيا طلعات للسطح وبدات تطل منو.. واللي خافت منو وقع.. الشمكار جمع صحابو وجراو بالجناوى لعندهم .. اما هما ضارو بثلاثة.. يحاميو على بعضياتهم.. وبداو يتضاربو مع هادوك.. دقة من هنا ودقة من لهيه.. حتى وصلو انهم يغلبو عليهم..جاو البوليس جمعو كلشي.. اما نسيم كانت غاتحماق .. حتى جا باها وعاوداتليه كلشي..
محمود: صافي تهدني ابنتي.. انا غانمشي نشوفهم.، وداك السلكوط انا غانهضر مع باه.. يربيه..
نسيم: حشمت مع ولاد عائلتي وشوف شنو وقع فأول يوم كيجيو هنا..
محمود: نتي ماشي ذنبك.. خليني نمشي نشوف الدراري..
مشا دغيا.. ووصل.. لقاهم خارجين.. وكيضحكو..
محمود: السلام عليكم اوليداتي.. واش طلقوكم..
عماد: كتعرفنا اعمي..
محمود: انا عمكم محمود.. راجل فاطمة والاب ديال نسيم..
ايوب: اهلا اهلا اهلا.. لاباس عليك اعمي.. شحال وانا باغي نتعرف عليك..
محمود: نتا ايوب.. كنشوفك مع جدك بزااف..
ايوب: اه اعمي.. انا ايوب حفيدو..
الجزء 29
محمود: كنعتذر منكم على هادشي اللي وقع.. وبغيت تجيو معايا للدار.. تتغداو معانا.. ومنها ناس الحومة يعرفوكم ولاد عائلة نسيم..
عماد: طبعا.. ها حنا جايين..
عجبهم الحال ومشاو مع محمود.. دخلو الحومة.. وكاع العيون كانت عليهم.. كيستغربو مللي شافو مجمود معاهم يعني بالصح من العائلة.. خصوصا وانهم باينة عليهم لاباس عليهم.. ماشي من مستوى داك الحومة.. وماشي بحال محمود وعائلتو.. استقبلاتهم نسيم وهي فرحانة.. مشات توجد وتحط.. وهما ياكلو ويضحكو ويفوجو.. حتى مشاو وهما فرحانين..

فالسبيطار كانت فاطمة مامفارقاش باها.. وهو كيبرا ..
فاطمة: قالينا الطبيب انه بامكانك تخرج غدا..
الطاهر: الحمد لله.. بغيت نمشي لداري خلاص..
فاطمة: الله يشافيك لينا ابابا..
الطاهر: ويخليكم ليا اوليداتي وميوزيكم فيا نهار خايب ابدا..
فاطمة: امين..

فبلاصة اخرى كان هادي مع سحر.. وكيدابزو..
سحر: الى كتعتبر علاقتنا غا ديال اوروبا تونس بيها الغربة ديالك علمني.. ننسى عليا الحب بعدا..
هادي: اش هاد الهضرة كتقولي .. انا كنبغيك بزاف.. وبغيت نكمل معاك حياتي..
سحر: شفت كيفاش عاملتيني.. وشفت كيفاش تبدل فيك اللون مللي شفتيني دخلت لعندكم..
هادي: تهدني عفاك..
سحر: هادي.. غادي تفاتح عائلتك فموضوع الزواج.. والا.. غادي نتفارقو.. كلها يمشي فطريقو..
هادي: عمري نسمعك جبدتي حس الفراق مرة اخرى.. انا غانقولها لوالديا.. يكون خير.. وضحكي.. عفاك..مكنحملش نشوفك غضبانة..
سحر: دابا نشوف.. اووف.. خلينا نمشيو لشي بواط نحيد عليا هاد الغمة..
هادي: واخا..

رجعو الشباب للدار.. ولقاو تما عبد الله.. كان نازل باغي يخرج..
عماد: فين غادي ابا عبد الله..
عبد الله: جيتو..
عماد: اه جينا.. فين غادي!!
عبد الله: غادي فسوق راسك بعد من طريقي..
عماد: الدراري.. نمشيو معاه لسوق راسو.. فيها تقصيرة ليوما..
عبد الله: شوووووت .. واش باغين تفضحوني..
عماد: بلاتي نقلب على نمرة لالة جوهرة.. ولا نمرة جدي حسن..
عبد الله: صافي صافي.. اربي اش هاد بنادم ولدتو.، زيدو.، ولكن تشربو نقطع لباباكم الجدر واحد واحد..
اسامة: لا سيرو نتوما .. انا غانحفظ شوية وننعس..
عماد: ويتك ويتك على الكتكوت.. غاينعس بكري..
اسامة: اه عيان.. راه عاد جينا ومرتاحيتش..
ايوب: سير ع الله..
الجزء 30
فالسبيطار كانت فاطمة مقابلة باها.. حتى جا محمود.. وتردد باش يدخل..
فاطمة: محمود.. واش جيتي..اجي..
محمود: سمحولي بزاف على الازعاج.. الحاج جيت نطمئن عليك.. ونقولك الحمد لله على سلامتك..
الطاهر: لله يرضي عليك اولدي..
بقا كيهضر معاه وهو حشمان حتى شافتو جوهرة.. وخرجات.. بقات كتسناه حتى يخرج.. خرجات معاه فاطمة.. وقفات معاه شوية.. حتى دخلات.. وهو يمشي.. تبعاتو جوهرة.. وعيطاتليه..
جوهرة: السي محمود..
محمود: مرحبا الالة جوهرة.. لاباس عليك..
جوهرة: الحمد لله..احم.. كنت باغا نهضر معاك على شي حاجة..
محمود: طبعا مرحبا..
جوهرة: تفضل نجلسو نشربو شي حاجة فالكافي دالمصحة..
مشا معاها وجلس.. حتى بدات تهضر بتردد..
جوهرة: كنت ناوية نهضر معاك على شي حاجة.. وترددت.. وحتى مع فاطمة.. هادشي سمعتو.. وخفت نخليه عندي..
محمود: هضري الالة جوهرة شنو كاين.. مكاين لاش تترددي..
جوهرة:طبعا نتا وفاطمة ولدتو نسيم بعد ما شحفتو على الوليدات..
محمود: اه.. بنتنا نور عينينا..
جوهرة: كنعقل على فاطمة قبل متحمل بيها.. كانت مشات دير الرقية الشرعية..
محمود: اه فراسي.. سبحان الله..
جوهرة: داك الراقي.. مؤخرا.. سمعت انه كيتعدا على العيالات اللي كيديرو عندو الرقية..
محمود تبدل فيه اللون.. ولكن حافظ على انضباط اعصابو..
محمود: شنو كتقصدي الالة جوهرة..
جوهرة: مكنقصد والو.. غا جبت ليكم الخبار.. ولكن داك بنادم ماشي مبارك كما كتضنو..
محمود: نتي كتهضري فأعراض الناس الالة جوهرة.. هاديك مرتي.. ومستحيل تخوني.. ولا تخلي شي حد يقيسها..
جوهرة: هادشي انا متأكدة منو.. ولكن.. كيقولو انه كيشربهم ماء الرقية وكيدير فيه شي حاجة باش يدوخو العيالات ويدير شغلو..
ناض انتفض ديك الساعة.. ومقدرش يزيد يسمع..
جوهرة: الاطباء حارو فيكم.. جاني عجب انه واحد غا بالرقية غايقدر يدير المعجزة.. ايوا كلشي ديال الله عاود..
محمود دخلو الشك.. وفار دمو وولى كيغلي.. ومشا بلا ميدوي معاها.. جوهرة عرفات انه وصلات لمبتغاها.. وقدرات تخلق شرخ فثقة محمود بفاطمة.، اللي حلفات فيها باش تنتقم على قبل تطاولها عليها.. تغدات بيها قبل متتعشى بيها..

وصل محمود للدار وهو مرفوع.. ومقادرش يستوعب.. استقبلاتو بنتو نسيم.. للي بدا يشك انها ماشي من نسلو.. شاف فيها..
نسيم: بابا!! مالك.. ياكما واقعة شي حاجة لجدي…
محمود(حنا راسو) مواقع والو.. انا غانعس..
نسيم: واخا ابابا..
بابا!! هاد الكلمة اللي تهزات.. بعدما عرف هادشي ليوما.. كيفاش غايتأكد من الحقيقة.. كيفاش غايعرف ان هضرة جوهرة صحيحة.. وان نسيم بنت الراقي ماشي بنتو..
..………………
النشاط كان دالع فالكاباريه اللي قصر فيه عبد الله وعماد وايوب..
ايوب: الحياة هااا فين كاينة..
عماد: ابا عبد الله.. نسا باللي انا ولدك هاد الساعة.. وخليني نشرب..
عبد الله: لا واش باغي موك تقولي انه كنفلس ولدي..
ايوب: فيييين هي.. وفين هما.. وفين حنا..
عبد الله : سكرتي صافي؟؟؟
ايوب: لاا.. باقي شوييييية.. ونسكر.. وننشط.. هههه
عماد: حالتو.. وصل الكاو،.
عبد الله : نتوما دراويش.. مازال الدنيا بعيدة عليكم..الجزء 31
اسامة كان كيقرا فيبيتو.. حتى هز التلفون.. وبدا يصوني..
ناريمان: الو.. على سلامتك مللي تفكرتيني..
اسامة: راكي عارفة شنو وقع .. ومكانش عندي فرصة نسول فيك احبيبة.. المهم.. توحشتك..
ناريمان: حتى انا توحشتك بزااف.. مكرهتش نجتمعو خلاص..
اسامة: نشوفو جدي اش غايقول..
ناريمان: نستناو بجدي.. وقراراته.. اكيد غايبدا بهادي..
اسامة: ومتعرفي.. بحال والو يدير عرس جماعي..
ناريمان: ايوا لا.. انا بغيت عرسي بوحدي..بغيت ندير شحال من حاجة.. ونبان انا هي الستار ..
اسامة: اللي بغاتو حياتي غايكون ليها..
ناريمان: كنبغيك بزااف.. اكيد غانديرو شهر العسل فشي بلاد برا..
اسامة: واخا..
ناريمان: كنحماق عليها..
كانت حداها ختها سارة كتنغزها وكتسولها بالاشارة.. باش تسول اسامة.. وهي كتزير فمها بالاعصاب..
ناريمان: احم.. اسامة نسولك على عماد..
اسامة: مالو..
ناريمان: راك عارف ختي سارة .. مزوجة بيه.. ولحد الان مبان حتى خبار عليه.. مسول فيها ما والو..
اسامة:(تفكر انه مشا يقصر مع باه) راكي عارفة الظروف كيدايرا.. صعيب شوية باش يسول.. انشاء الله غير يخرج جدي من السبيطار غادي نتجمعو كلنا.. وغاتشوفو..
ناريمان: اا.. واش كان عندو شي علاقة مع شي وحدة فالخاريج..
اسامة: لا لا.. مكانش..
ناريمان: مزيان.. (شافت فختها بمعنى تهنيتي)
…..……
ريم : نوضي نمشيو نتفرجو فالكليبات ونشطحو.. نستغلو الفرصة ديال انه مكاين حد..
ندى: كاين خوك.. اسامة..
ريم: اسامة ميديهاش فينا..
ندى: واخا.. نوضي..
نزلو وشعلو التلفازة وبداو يشطحو ويحماقو معاهم.. حتى سمعو صوت الطوموبيل…
ندى: طفي طفي دغيا.. طفي..
طفاو وبداو يصاوبو خافو لا تكون جداتهم هي اللي جات .. وجدهم مكيبغيش هاد الحالة والمسخرة على حد قوله.. تخباو وبداو يشوفو شكون جاي.. لقاو هادي.. وكيحك راسو.. حاط جاكيطو على ظهرو.. وكيتمشى غا بشوية.. طلع لبيتو وسد الباب..
ندى: نرجعو نشعلو… ايلا قالينا شي حاجة هضري نتي معاه.. راه خوك…
ريم: وعلاش متهضريش نتي معاه بصفتك مرتو..
ندى: مرتو!!! منيتك.. نتي مشفتيش داك البنت اللي جات عندو الصبح.. باينة فيه كيبغيها..
ريم: يخخخ… شوف معامن كيتمشاو وحنا قاطعين فينا النفس..
ندى: زيدي نرجعو نشطحو واللي ليها ليها..
شعلو من تاني وبداو يشطحو.. شوية وهما يسمعو الطوموبيل..
ندى: بفف طفي طفي… لا يكون عمي ولا جداتي..
طفاو من جديد وبداو يتخباو لا يشوفهم شي حد.. وبداو يراقبو الباب.. حتى بانو ليهم داخلين وكيتناطحو.. وهادا كيدوز فهادا.. ايوب وعماد وعبد الله كيحاول يكون فيهم شوية فايق.. وكيشدهم.. وايوب قاتلو الضحك..
عبد الله: شش شش شووووت.. غاتفيقو ما مالين الدار..
.. ريم وندى كانو كيشوفو وحطو يدهم على فمهم.. ناري.. ولكن ريم مقداتش تتحمل.. خرجات عندهم وهما يتصدمو..
ريم: ايوب السكايري.. انا غانقولها لجدي..
عبد الله: سكتي ابنت خويا.. نعطيك اللي بغيتي.. غاتسكتي ياك..
ريم: شنو غاتعطيني..
بدا يجبد فلوس من جيبو وبلا ميحسب حطهالها فيدها..
عبد الله : اللي خصاتك غاتجيك..
هزاتها وضحكات.. ايوب جا يتلاح عليها وهو يشدو عبد الله..
عبد الله: زيد بلا فضيحة..
طلحو وهما فاقدين توازنهم.. وريم رجعات لعند ندى اللي حشمات وهي كتشوف باها وخوها فداك الحالة..
ندى: كتسمسري فبابا..
ريم: هاكي حقك.. ومالهم هما ينشطو ويفوجو وحنا يقطعو فينا النفس.. هاكي شدي..
الجزء 32
محمود دوز الليلة كلها وهو كيفكر.. كيفاش هادشي.. واش ممكن يكون الراقي دار علاقة مع فاطمة.. وهي باش حملات.. زعما نسيم متكونش بنتو.. هبطات عليه مصيبة مكانش داير بحسابها .. زعزعات علاقتو بمرتو اللي كيبغيها اكتر من نفسو.. واكتر من اي حاجة فالدنيا.. راسو كان غاينفجر.. هاد البنت اللي كبرات وكتقوليه بابا.. ممكن تكون ماشي بنتو.. الى تأكد من هادشي.. كيفاش غايقدر يتعامل معاها من بعد.. واش غايعيش عادي.. ويخليها تقوليه بابا عادي.. واش خاصو يتبدل من ناحيتها وهو اللي ولفها وضوات عليهم حياتهم هو ومرتو.. حس انه عايش فكابس ومقادرش يفيق منو.. حس انه باغي يقتل هادا اللي قرب من مرتو.. ولكن.. بلاتي.. ربما تكون هضرة جوهرة غا كدوب.. وميكون والو من داكشي وغا اشاعات.. ولا غا مزايدات.. ولكن.. شنو غادير الى كان بالصح..
حاول ينعس الليل كامل مجاهش النعاس ابدا.. وبقا عايش الجحيم..
………
الغد ليه.. جات للدار حنان وجوهرة.. ودخلو يوجدو راسهم حيت يامنة قالت انه الحاج غايخرج ليوما من السبيطار.. وغايجيو الناس يطلو عليه فالدار.. فضروري كلشي يكون مزيان فالدار.. جوهرة مشات طلات على ولدها لقاتو ناعس بحوايجو..
جوهرة: عماد.. فيق اولدي.. اويلي اش هاد الحالة.. واش نعستي البارح هكا.. حيد غا حوايجك..
عماد: خليني ننعس امي الليهديك..
جوهرة: ناري على حالة.، واش الولد تمنيتو يخرج مختلف على الاب خرج العكس..اودي يا ربي عفو عليا..
.. حنان مشات دخلات على ولدها لقاتو فايق وكيهضر فالتلفون..
حنان: صباح الخير اولدي..
هادي: نهضرو من بعد واخا.. يالله بالسلامة.،
حنان: معامن كتهضر..
هادي: صباح الخير اماما.. واحد صاحبي وصاف..
حنان: صاحبك ولا صاحبتك.. اجي جلس حدايا..
هادي: احم.،
حنان: بنت عبد الله اي واحد كيتمناها تكون فدارو مرا.. ونتا كتشوف برا..
هادي: اماما انا وندى كبرنا خوت.. لا علاقة.. كنعتبرها بحال ختي ريم..
حنان: وشنو بغيتي نتا..
هادي(حنا الراس): بغيت نتزوج بسحر..
حنان: واش نتا كتشوف انها من توبنا.. بحالنا.. بحال عائلتنا.. ولا غاندخلو شمكارة للدار..
هادي: سحر ماشي شمكارة.. بنت الناس ومربية ووقفات معايا فالحلوة والمرة..
حنان: فين وقفات معاك.. عاشرتيها.. !!؟
هادي: احم .. كنعرفها كتر من نفسي..
حنان: كانت عايشة معاك فدار وحدة؟؟
هادي: وشنو فيها..
حنان: اويييلي هادي دابا بنت الناس اللي تعيش معاك بلا زواج..
هادي: امي الليهديك .. حيت كتيق فيا..
حنان: بعدا بقا تسكت متقولش هاد الهضرة قدام باك وجدك.. ولا حتى جداتك.. اويلي على شوهتك يا حنان.. اللي مصيفطة ولدك يقرا برا..
هادي: امي .. عفاك عاونيني نتزوجها.. راه والله ايلا ندى براسها مبغانيش..
حنان: فين عرفتيها مباغاكش.. جلستي معاها.. البنت مكيتسمعش حسها..
هادي: نبوس يديك.. قنعي بابا.. وهو غايقنع جدي اني نتزوج سحر.. عفاك امي..
حنان: الله يستر..
………
بقاو كيوجدو فالدار حتى رجع الحاج ودخلها من جديد.. كلشي كان فرحان ليه.. وكيسلم عليه على سلامتك على سلامتك.. ديك الساعة كان كلشي فايق.. وسعاد حات هي وبناتها.. اسامة كان كيشوف فنرمين اللي كانت كتقاد راسها وكتحاول دير رجل على رجل وتبان عليه.. اما سارة بقات حانية راسها وعماد مامسوقش ليها كأنها مكايناش فالدنيا كاع.. وحتى ايوب.. كان كيراقب ريم.. اللي عارف انه البارح حصلاتو وهو شارب..
الحاج: الحمد لله اللي رجع شملنا تلم من جديد.. انا كنحمد ربي انه خرجنا من هاد الازمة..
فاطمة: الحمد لله ابا..
احمد: الحمد لله على سلامتك..
حنان: الغدا راه واجد.. نوضو تغداو..
الجزء 33
كلشي ناض يغسل يدو.. وايوب حاول يهضر مع ريم..
ايوب: حيت كنت معصب عليك.. شفتي شنو درت..
ريم: شنو درت ليك انا..
ايوب: كتدوي مع ولد عمك..
ريم: شنو علاقة هادشي بالسكرة..
ايوب: حيت كرهت راسي..وانا كنقرب منك ونتي كتبعدي وتصعيبيها عليا.. انا كنبغيك اريم كنبغيك..
ريم: ياك المرضي..
ايوب: ايه.. نتي محساش بالالم اللي فقلبي..
ريم: شوووف.. غاتقنع الواليد ليوما نخرج غا انا وندى.. والا غانقولهالهم..
ايوب: نقنعهم باللي غادي نخرج معاكم اه.. ولكن بوحدكم كيغاندير ليها..
ريم: ضبر راسك.. قنعهم باللي غانخرجو معاك.. ايوا مللي نخرجو ديك الساعة تفارق معانا حتى نعيطو عليك تجيبنا للدار تاني..
ايوب: فين باغا تمشيو..
ريم: سوقك..
ايوب: تمنيت شي نهار تهضري مقادة معايا..
.. بقا كلشي جالس حتى جات نسيم تاني.. للدار وكلشي رحب بيها.. وكاع الاهتمام تقلب عندها.. الا هادي..مكانش فهاد العالم كاع..وكيفكر غا كيفاش يفاتح جدو فالموضوع..
شويةدخلو شي ضيوف مكانوش متوقعين..
فتيحة: السلام عليكم..
حنان: وعليكم السلام..
فتيحة: على سلامة خالي طاهر..
حنان: مرحبا بيكم.. شكون نتوما..
كانت بنت فبداية الثلاثينات.. كتهتم براسها .. ومعاها شاب فاواخر العشرينات..
هضرات يامنة مور حنان..
يامنة: مرحبا بيكم.. دخلي افتيحة..
كلشي تفاجأ . شكون هاد الجوج.. مشات فتيحة سلمات على الطاهر.. وهو باين جدا انه كيعرفهم بجوج..
احمد: مرحبا بيكم.. واخا معرفتكمش شكون..
الطاهر: هادو ولاد ختي.. فتيحة وعادل..
عبد الله: متشرفين..لاباس عليك ابنت عمتي..
عادل: وولد عمتك نسيتيه..
عبد الله: الله اودي..
بقات فتيحة كتهضر مع الشباب.. وكتحاول تتعارف عليهم واحد بواحد..
ريم: شفت هادي جات تهضر مع العزارى.. باينة فيها باغا تضبر على راسها..
ندى: هههه… داكشي اللي بانلي..
قربات نسيم من بنات سعاد وبقات كتهضر معاهم..
نسيم: سارة.. مالكي حشمانة.،
ناريمان: حيت كاين عماد..
نسيم: ومالكي بارزة.. جلسي مقادة..
سارة: انا عادية.،
نسيم: شو كيولات حمرة.. طلقيها تسرح اصاحبتي.. شوفي اهو ناض يهضر فالتلفون.. تبعيه وهضري معاه..
ناريمان: نوووضي..
ناضت بزز ورجليها كيردوها اللور.. حتى وصلات عندو.. بقات كتسناه حتى كمل الهضرة ومدواتش.. وهو يضور ولقاها..تفزع..
عماد: شنو كاين..
سارة(ولات حمرة) : والو..
تخطاها وجا داخل.. وهي زادت حمارت..وحسات بالحكرة حيت كاع مداها فيها.. جات تدخل لقات اسامة..
اسامة: ميبقاش فيك الحال.. هو طبعو هكاك..
سارة: لا مبقاش فيا الحال..
اسامة: خلينا ندخلو..
………..
دخلو وتغداو كلشي.. حتى جاو يمشيو فتيحة وخوها.. خرجو.. وهو يتبعها عبد الله..
عبد الله: نتمنى تزورونا قريب انشاء الله..
فتيحة: اكيد طبعا.. غانجيو نحييو صلة الرحم اللي كانت مقطوعة..
عبد الله: علاش لا غانحييوها.. ..
فتيحة: بالسلامة عليكم..
جاو ماشين.. وركبو فطوموبيلتهم…
فتيحة: يتمتعو بالعز.. بحق امها وخوالاتي..
عادل: مكيعرفوش يستغلو النعمة..
فتيحة: نحلفليك.. ختى نرجع جزء كبير منها.. خاص غا الوقت.. وحتى نتا.. وحدة من الحفيدات تكون فيدنا..
عادل: هناك الله.. انا عرفت شكون باغي ..
الجزء 34
تجمعات الطبلة وكلشي جالس .. شي كيهضر مع شي. حتى هضر الحاج..
الحاج: بغيت نفرح اوليداتي.. يمكن وصل الوقت اللي خاص نعرسو فيه للوليدات..
كلشي قلبو ضرب مللي سمعو هاد الهضرة.،
احمد: اش بانليك ابا.. نديرو عرس جماعي..
الحاج: اه علاش لا…
شافت ناريمان فاسامة وهو يهضر..
اسامة: استسمح اجدي.. شنو بانليك نديرو عرس بعرس.. باش هكا كل واحد يعقل على عرسو.. ويتمتع فيه كما بغا.. ومنها تطول عندنا الفرحة..
عبد الله: فكرة زوينة..
الطاهر: واخا..
تنفسات نرمين .. وكمل الطاهر كلامو..
الطاهر: اذا نبداو بالكبير..هادي.. اللي غايتزوج ندى..
قاطعهم هادي بدون سابق انذار..
هادي: انا مبغيتش نتزوج ندى..
ناضت ندى وقفات وهي محاملاش يطيح بكرامتها..
الطاهر: شنو!!
هادي(استجمع طاقتو): انا بغيت نتزوج واحد البنت اخرى… كنبغي وحدة اخرى..
حنان حطات يدها على قلبها.. وبقات مرعودة من ردة فعل الجد..
احمد: واش ضربك الضو ولا مالك.. تسطيتي..
هادي: واش اللي يبغي يكون مسطي.. انا كنبغي واحد البنت اخرى.. ومغانتزوج حتى وحدة اخرى من غيرها..
جوهرة: بنتي بزاف عليك.. باش ترفضها..
انساحبات ندى من المجمع..
هادي: ندى بحال ختي.. عمري شفت فيها الا كما كنشوف ختي ريم..
احمد: باراكة.. سكت..
هادي: لا مغانسكتش.. غانقول لجدي شنو اللي فخاطري..
الطاهر: شكون هاد البنت.. بنت من؟! من اينا عائلة.. !
هادي(سكت شوية):هي عايشة مع امها.. هي بنت مزيانة بزاف.. غانجيبها تتعرف عليكم..
الطاهر: قلتلك بنت من؟؟ واش هي هاديك اللي جات عندنا للمصحة داك المرة؟؟
هادي: اه.. هي..
الطاهر: ماموافقش؟؟
هادي: علاااش؟؟؟ علااش؟؟
الطاهر: الى مبغيتيش تتزوج ندى.. وكتعتبرها بحال ختك.. ممكن نتفهمها.. ولكن باش تقولي تتزوج وحدة من داك النوع.. لا ..
هادي: (ناض وقف) عطيني سبب واحد.
الطاهر(شاف فولادو) : كلكم شفتو داك البنت داك النهار…
كلشي جاوبو باه..
الطاهر: واش كتشوفو انه هاديك ممكن تكون وحدة من عائلتنا؟؟
كلشي سكت وحنا الراس..
احمد: اكيد لا..،
هادي: انا غانتزوجها.. بزز منكم كلكم…
الطاهر: سير تزوجها ولا نبك.. سوقك هاداك.. ولكن متحلمش تدخلها لهاد الدار..
انسحب هادي ومشا يطلع لبيتو..وهو يسمع جدو كيدوي..
الطاهر: عرس من غانديرو…عماد وسارة.. ولا حتا نتا اعماد كتبغي شي وحدة.. قولها باش نفليو هادشي دابا..
عماد:(بارتباك) لا لا.. انا غانتزوج برغبتك اجدي..
الطاهر: الله يرضي عليك.. كتسالوني عرس كبير.. وكادو..
ناضت سعاد طلقاتها بتزغريتة.. وسارة انفرج وجهها.. كأنها بهادشي نسات القمعة ديال قبيلة.،
الجزء 35
دخل هادي لبيتو وبدا يجمع حوايجو.. وهو معصب.. دوز النمرة لسحر..
هادي: الو..
سحر: مالك..
هادي: هضرت مع عائلتي عليك..
سحر: خبر زوين..
هادي: ما زوين ما والو.. كلشي عارضني.. كلشي ماموافقش..
سحر: باغبن بنت عمك..
هادي : اه..
سحر: وجدك شنو قال..
هادي : قالي متحلمش تدخل داك البنت لدارنا..انا غانجمع حوايجي ونخرج من الدار.. غانجي عندك..
سحر(تنهدات) : اجي..
دخلات حنان على هادي وهو كيجمع حوايجو…
حنان: اش كدير…
هادي: انا غانخوي هاد الدار.. وديك الساعة تهناو مني..
حنان: واش حماقيتي..حط هاد الفاليز حط..
هادي: مكاينش اللي حماق قد جدي…يشبع بفلوسو يشبع بيهم..
حنان: عفاك اولدي غا بالمفاهممة.. غا بشوية.. غانقنعوه..
هادي:مكاين متقنعي..
حنان: عفاك اولدي..
احمد: خليه يمشي..
شافت فاحمد كيفاش قادر يستغنى على ولدو ..
احمد: سير عندها.. سير تزوجها.. وعرس معاها بوحدك.. ولكن.. قبل حط لاكارط بونكيغ.. وحط السوارت ديال الطوموبيل…وحط الحوايج اللي راك هاز.. سير عري على دراعك.. وخدم عليها.. ياك هي ليبيرالية.. خليها تخدم عليك هي.. الدنيا هانية..
شاف فامه وباه.. وحط الفاليز.. وخرج بلا ميشوف فيهم..
احمد: متعصبيش راسك.. غايضور يضور ويرجع.. اللي بحالو كابر فالعز.. صعيب عليه يعيش فالقحط..
خرج هادي من الباب اللوراني.. وبقا كيتمشى وهو كيفكر.. كيفاش غايقدر يعيش بلا فلوس باه وجدو.. ولكن.. ماشي مشكل.. كلشي يهون على قبل سحر.. تمشى على رجليه.. حتى طابو.. ومشا للشقة اللي ساكنة فيها سحر.. فتحاتليه امها.. ودخل..
.………
فالدار كانو مازال مجموعين… وحنان مهمومة.. حتى وكتفكر فولدها اللي خرج ومشافش قدامو.، تحولات الهضرة لعماد وسارة اللي غايعرسو قريب..
ايوب: واجدي.. شفتك نسيتيني..
الطاهر: تا نتا بغيتي تعرس.. حسابلي غاتعارض تا نتا.. وتكون كتبغي شي وحدة اخرى..
ايوب: انا اللي باغيها ليا جدي هي اللي باغي انا.. احم.. (تحنى لعند ريم) انا قنعت باك نخرجو.. ولكن حتى لغدا.. راكي شفتي مدى مسكينة شنو وقع ليها..
ريم: انا غانمشي نشوفها..
ناضت ريم ومشات لعند ندى.. وحلات الباب عليها..
ريم: حبيبة.. انا اسفة بزاف.. على داكشي لللي دار خويا..
ندى: حتى نتي..خليك منو..
ريم: خسرك ولله..
ندى: فلتت انا بعدا.. ونتي شنو درتي..
ريم: السيد فرحان وباغي يعرس..
ندى: طحتي طيحة الغدايد..
ريم: والله.. المهم فهادشي انه قنع بابا باللي غانخرجو معاه.. ونتي اكيد غايخليوك تخرجي حيت غايشوفو فيك مسكينة مدمرة نفسيا بعد داكشي اللي دار هادي… نخرجو غدا.. نفوجو على راسنا..
ندى: واخا هههه
الجزء 36
محمود مشا سول على الراقي.. لقاه انه تشد في ملفات ديال اعتداءات على النساء.. الشيء اللي زاد الشك ديالو كتر.. ومشا دوز عند الطبيب وعطاه تحاليل.. واكد ليه الطبيب انه الاشكال عندو ديال العقم كاين .. راسو كان غاينفجر ديال بالصح.. رجع للدار ولقا فاطمة ونسيم.. رجعو من دار الحاج..
نسيم: بابا.. توحشتك.. فين غبرتي ليوما..
محمود: تانا توحشتك ابنتي.. انا عيان شوية وغاندخل ننعس..
نسيم: بابا واش مغاتعشاش معانا..
محمود: لا غاندخل ننعس..
فاطمة: محمود.. مالك..
محمود: والو…
دخل البيت وسد الباب..
فاطمة: مالو…
نسيم: شوفيه اماما.. يمكن عندو شي مشكل..
فاطمة: واخا..
دخلات عندو ولقاتو كيبدل فحوايجو.. مشات بدات تعاونو وهو كيبعد..
فاطمة: مالك امحمود..
محمود: مامالي والو..
فاطمة: لامالك.. اش واقع..
محمود: والو.. انا غانعس..
خلاها ودخل فالكاشة نعس.. مفهمات والو.. خرجات عند بنتها وهي راسها عامر..
نسيم: مالو..
فاطمة: معرفتش..
نسيم: يمكن حيت خليناه بوحدو هاد اليوماين..
فاطمة: فنظرك؟؟
نسيم: ربما..
فاطمة: الله يستر من المجهول..
… طلع النهار.. وسعاد جات صبحات على الدار.. باغا توجد لعرس بنتها.. اما عماد مامسوقش.. والجد حط الفلوس .. واللي فجهدو وقدر يديرو باش يوجد وليداتو.. سارة فرحانة..
ريم: بابا.. انا غانخرج انا وندى شوية.. هي محتاجة انه تفوج.. محتاجة نوقفو معاها فهاد الوقت.. متخافش غايدينا ايوب.. يخرجنا ويجيبنا..
احمد: واخا.. سيري مع بنت عمك.. هاكي الفلوس.. الى بغيتو تشريو شي حاجة..
ريم: الله يخليك ليا ابابا..
مشات دغيا كتجري تعلم ندى.. اللي بدورها دارت نفس الشيء مع والديها اللي على بالهم مصدومة.. قادو راسهم وخرجو.. لقاو ايوب كيستنى فيهم..
ايوب: واو واو واو.. جيتو زوينات بزاف..
ريم: عارفين ههه زيد قدامنا..
ايوب: واخا الالة غا امري..
مشاو وصلو لوسط المدينة.. وهي تلفت عندو ريم..
ريم: ايوب.. صافي سير..
ايوب: فين غانمشي..
ريم: ياك اتافقنا..
ايوب: شنو فيها لا بقيت معاكم.. غانكون بحال البوديكارد ديالكم.. مغاندويش..
ريم: سير فحالك…
ايوب: ريم.. الى عيطلي باباك اش غانقوليه..
ريم: الى عيطليك متجاوبش.. مللي نكملو الضورة نعيطو عليك..
ايوب: بففف… واخا.. ولكن حضيو راسكم..
ريم: متخافش علينا..
.. خلاهم.. وهو فرحو بزاف.. بقاو كيضورو فالمدينة.. ويدخلو المحلات.. ويشريو اللي عجبهم.. وفرحانات.. شوية ريم سمعات سميتها.. تلفتات وتفاجئو..
ريم: نتا؟؟؟
عادل: متيقتش عينيا مللي شفتكم..لاباس عليكم.،
ريم: الحمد لله..
عادل: واش راكم بوحدكم؟
ريم: اه..
عادل: تسمحولي نعرض عليكم لشي كافي..
ندى: لاا… خاصنا نمشيو..
عادل: غا شوية.. متحرمونيش من فرصة اني تلاقيتكم… الكافي غا قريب هنا..
ريم:(نغزاتها) اههه قالك غا شوية.. مغانتعطلوش..
عادل: تفضلو..
مشاو معاه وندى مرعودة من انه يشوفهم شي حد من الدراري دالعائلة.. ديك الساعة غاتحرام عليهم الخرجة ابدا..
الجزء 37
جلسو مع عادل فالكافي وندى غا كتشوف هكا وهكا.. اما ريم بقات كتشوف فيه..
ريم: عقلتي علينا تبارك الله عليك..
عادل: فالعادة مكنعقلش على اي واحد.. ولكن.. معرفتش علاش نتي بقيتي فعقلي.. وحتى سميتك متحيداتش من بالي.، يمكن حيت فيك شي حاجة سبيسيال.. معرفتش.. يمكن…
ريم ديك الساعة ولات حمرا.. ومقدراتش تهضر..
عادل: قبل كل شيء بغيت ناخد النمرة ديال التلفون ديالك..
ريم: معنديش..
عادل: حفيدة الحاج الطاهر معندهاش تلفون..!! غريب..
ريم: اه مانعين علينا شحال من حاجة.. حيت بنات… دابا هزينا غا تلفون جدة .. باش نقدرو نعيطو لولد عمتنا يجي يدينا للدار..
عادل: نقدر انا نوصلكم.. ماشي مشكل..
ريم: لا.. مبغيتش يعرفو اننا تلاقيناك وجلسنا معاك فكافي..
عادل: واخا ماشي مشكل..
خدا كاغيط اللي محطوط على الطبلة.. وجبد ستيلو من جاكيطو..وبدا يكتب النمرة.. مدها لريم..
ريم: شكرا.. غانعيط ليك..
عادل: غايكون ليا الشرف..
شوية نغزات ندى ريم.. وهي حالة فمها قدامها ومخرجة عينيها..
ريم: مالك..
ندى: ايوب..
شافت غدامها ايوب اللي غا شافها جا جاعر عليهم..
ريم: ايوب متفهمش غلط..
عادل: لاباس عليك.. انا من العائلة.،
ايوب: حيد يدك نتا.. زيدو قدامي ولا ليوما مغايعجبكم حال..
عادل: تهدن اسي ايوب.. كلشي بالعقل..
ايوب: حيد ولا ندير فيك شرع يدي..
جر ريم من دراعها وندى خايفة تابعاها.. ريم كان غايطيح ليا الما فالركابي.. خلىافت لا ايوب يمشي يقولها ليهم.. وتصدق مقلوبة عليها..ركبها فالطوموبيل.. وهو كيسوط الدخاخن بالاعصاب..
ايوب: انا تقت فيك.. وخليتك تخرجي.. ورفضتي اني نتمشى معاكم.. صدقت لاقيكم مع راجل فكافي.. اش بغيتيني نفهم..
ريم: حشمنا منو.. وندى كانت غاترتاح.. وتبعتها.. شفتي شفتي اندى شفتي..
ندى حلات فيها عينيها وهي كتشوفها كتكدب..
ريم: عفاك ايوب.. عفاك.. متقولهاش ليهم فالدار عفاك..
ايوب: غاتسكتي.. دابا غاتسكتي.. حيت مغاديش نضمن اني ندير شي مصيبة..درتيها قد راسك ومازال كتهضري..
سكتات ريم وهي مرعودة من داكشي اللي كيستناها..
…………
محمود: الو.. بغيت منك خدمة.. عفاك ديرهالي..
الضابط: خيرك سابق..
محمود: واحد الراقي.. تشد مؤخرا.. بغيت معاه شي موعد.. نهضر معاه..
الضابط: غانرتبليك الموعد.. ويكون خير..
بقا محمود كيستنى على نار.. ومولاش هضر مع فاطمة رغم جميع محاولاتها.. حتى وصل الوقت اللي غايتلاقا فيه مع الراقي.. وجها لوجه..
محمود: نتا دابا تحبستي.. معندك متخسر.. ولكن.. بغيتك تقولي الحقيقة.. كما كان نوعها..
الراقي: اودي غا دوي.. كل نهار يجي عندي راجل فشكل.. مرتك جات عندي ياك؟؟؟ كون هاني مزكلتهاش.. ميمكنش تمشي من عندي مرا بلا متاخد براكتي..
محمود: ولد الحرام بأي حق..
الراقي:ردوني ردوني..
محممود: (بانفعال)واش البنت اللي ولدات فاطمة هي بنتك نتا..
الراقي: منعرف.. انا معمري خليت مورايا دليل.. ولكن.. متعرف.. داكشي ديال الله..
محمود(غرغرو عينيه بالدموع): واش كان برضاها؟؟ واش فاطمة عارفة شنو درتي..
الراقي: حتى وحدة معارفة.. حيت مكيكونوش فالوعي ديالهم..
محمود: الله ياخد فيك الحق.. الله ياخد فيك الحق..
الجزء 38
دخلات ريم للدار.. ومشات لبيتها وهي مرعودة.. خبات النمرة ديال عادل..وبقات غادية جاية فالبيت.. خايفة لا ايوب يفضحها.. جات عندها ندى..
ندى: اصاحبتي قفارت لا مشا قالها لجدي..
ريم: مغاديش يقولهالو.. خاص نلقا شي حل.. مغاديش نخليه..
ندى: الحل نتي راك عارفاه.. عارفة مزيان ايوب شنو باغي..
عضات ريم على قنانفها..وبدات تحك فيديها..
ندى: معندكش حل اخور..
ريم: واخا..
ندى: غانمشي نعيطليه..
خرجات ندى ولقات ايوب جالس فالجردة وحاني راسو وشابك يديه..
ندى: ايوب..
على فيها راسو..وهو اللي كان معصب.. ومحملش انه يلقاها جالسة مع راجل اخور وعطاتو وقت..
ندى: ريم كتعيط عليك.. راها فبيتها.. باغت تهضر معاك..
شاف فيها تاني وناض ..مشا واتجه لعند ريم اللي قليل فين كتعيط عليه هي.. ولكن فكر انه هادي فرصة وخاص يستغلها .. خصوصا وانها فموقف ضعف… وخايفة لا يفضحها.. مشا شاف فكاع الاتجاهات.. مشاف حد وحل الباب على ريم ودخل..
ايوب: قالولي بغيتيني..
ريم: اه بغيتك..
ايوب: شنو باغية..
قربات ومنو وهي مرعودة وباين فيها الرعب..
ريم: نتا ماباغينيش!؟
خنزر فيها وهو كيشوف فيها من تحت عينو .. خصوصا وانها قصيرة عليه..
ايوب: نتي شايفة انه داكشي اللي درتي ساهل وغايدوز عادي..
غير كمل الهضرة وقفات على اصابع رجليها باش توصل لعندو وباستو من حنكو
ايوب: صافي هادشي اللي قدرك عليه الله..
ريم: علمني..
شدها بيديه بجوج من وجهها ونزل عليها بالبوسان..
……
ندى كانت على برا وخايفة بزاف.. ومرة مرة كتقرب باش تسمع.. خايفة لا ينوضها ايوب غوات.، ودباز ويفضحهم..شافت عمها جاي وتخبات لا يشوفها ويسولها على ريم.، ولا يشك انه كاين فبيتها شي واحد.. حدا داز.. ورجعات للبيت.. وبدات كتصنت.. وبدات تسمع فأيوب كيرغب فريم.،
ايوب: عفااك.. ياك نتي مرتي.. حنا مزوجين.. متخافي من والو..
ريم: لا لا ماشي دابا.. ماشي دابا..
ندى حطات يديها على فمها.. ناري مشات فيها المزغوبة.. ليوما غايفدي فيها القديم والجديد ومتقدرش تدوي..
……
هادي كل صباح كينوض ويقاد سيفيات وكيمشي يقلب على خدمة.. بزز باش لقا واحد الشركة قبلاتو يهدم خصوصا وانه معندوش تجربة..
سحر: لقيتي خدمة..
هادي: اه لقيتها..
سحر: هادي.. خاص نرجعو نكملو قرايتنا.. والاشكال انه ماما مكافية مع مصاريفي بزز.. كيفاش غاتكافى مع مصاريفك حتى نتا.. نتا عارف داك الجامعة شحال كيخلصو فيها..
هادي: سيري نتي وانا غانلحق عليك مللي نجمع شوية دالفلوس..
سحر: فين غاتسكن.. اكيد ماشي مع ماما..
هادي(تنهد) : لا.. غانقلب على كرا مع الدراري دالخدمة.،
سحر: اوك… غانجمع حوايجي باش نمشي فأقرب وقت..
هادي: سحر.. نتي مغاديش تتخلاي عليا حيت مبقاوش عندي الفلوس..
سحر: انا مغانتخلاش عليك.. حيت كنبغيك..
هادي: تانا كنبغيك بزاف
الجزء 39
ناضت ايوب وبدا يلبس حوايجو.. وحتى ريم..
ريم: عندك يشوفك شي واحد.. عندك تقول لشي واحد شنو شفتي ليوما..
ايوب: الى غاتخليني كل مرة نجي سالت عندك .. اكيد غايجيني الزهايمر..
ريم: وهادشي اللي بيناتنا خليه سر..
ايوب: نتي راكي مرتي الهبيلة.. واش نهضر فمرتي..
ريم: واخا سير دابا قبل منحصلو سير..
ايوب: غانتوحشك.. مواح..
ريم: واغير سير.. اجي حقا نقولك..
ايوب: شنو احبيبة ديالي..
ريم: علاش انا وياك معندناش تلفونات..
ايوب: انا عندي.. نتي اللي معندكش..
ريم: واش كاين شي راجل مكيطمئنش على مرتو بالتلفون..
ايوب: عندك الحق.، نجيبليك تلفون.. ولكن.. خاصك… تشكريني..
ريم: شكرا بزاااف ..
ايوب: كنقصد شكر اخور.، من نوع اخور.. عاد دوزناه دابا..
ريم: مكتعياش…
ايوب: راني قلتلك لا..
ريم: واخا غا جيبولي نتا..
خرج وعاد ربم بدات تتنفس.. هزات داك الورقة..وبقات كتشوف فالرقم.. وكتفكر الى جاب ليها ايوب التلفون غاتخبيه على دارهم.. وغادي تسول فعادل بيه..
…………
محمود كان كيتمشى فالزنقة.. وهو مهموم.. مبقاش كما كان.. رجع للدار لقا نسيم مشات للمدرسة..ولقا غا فاطمة..
فاطمة : هادي فرصتنا باش نتفاهمو دابا.. شنو واقع.. مالك قالب وجهك عليا.. ماشي عوايدك..
طلع راسو فيها وطول الشوفة بحزن..
محمود: عقلتي على الراقي اللي داويتي عندو قبل متولدي..
فاطمة: اه عقلت عليه..الله يدكرو بالخير..
محمود: الله ينعلو.. شدوه حيت كيتعدا عاى العيالات اللي كيديرو عندو الرقية..
فاطمة حطات يدها على وجهها وقلبها وبدات ترعد.،
فاطمة؛ اويلي..
محمود: قال البوليس على كاع العيالات اللي دار ليهم الرقية.. منهم نتي..
فاطمة: مستحيل..
محمود: نسيم ماشي بنتي.. وانما بنت الراقي..
الجزء 40
بقات حنان غادية جاية… ومشتاقة لولدها.. خدات التلفون وعيطات عليه..
هادي: ماما..
حنان(غرغرو عينيها بالدموع) توحشتك بزاف اولدي..
هادي: حتى انا توحشتك بزاف..
حنان: رجع للدار اولدي عفاك..
هادي: لا..مغاديش نرجع.. حتى يوافقو على سحر..
حنان: وغا بالهدوء.. شوية بشوية.. غادي نوافقو عليه … غانقنعهم..
هادي: نهار تقنعيهم غانرجع..
حنان: واش انا مغاديش نشوفك حتى نقنعهم..
هادي: نتلاقاو برا.. وتشوفيني.. وتشبعي مني..
حنان:واخا.. انا غانجي عندك دابا.. قولي فينك..
.. قاليها هادي على بلاصتو ومشات عندو..بدات كتعنقو وتبوس فيه..
حنان: ولدي.. توحشتك علاش تقهرني عليك.. علاش..
هادي: تانا توحشتك..ماما .. اجي معايا خطبيلياا سحر.. عفاك.. بغيتها تعرف ان امي اللي كنعاود ليها عليها دايما.. ديك الحنينة راها معايا..عفاك.. جلسي معاها.. وهضري معاها .. غاتبغيها.. كما كنبغيها انا..
حنان شافت فيه مقاداش ترفض ليه طلب.. ولكن خافت من ردة فعل احمد ومن ردة فعل الحاج الطاهر..
هادي: ماما عفاك..
حنان: واخا..
بدون تفكير نطقات موافقتها.. وهو فرح هز تلفونو وعيط على سحر.. وهو فرحان وخبرها انه غايجيب مو دابا.
هادي: ماما.. نمشيو نشريو الورد..
حنان: واخا اولدي..
دازو شراو الورد.. ومشات حنان.. طلعو للدار.. ودق هادي وهز الورد وهو فرحان.. حلات سحر الباب شافت فيها حنان.. كانت لابسة شورط عريض وقصير فنفس الوقت.. وتيشرت .. وشعرها الملون ودايرة حلقة فالنيف بحال الثور..
سحر: دخلو..
دخلات وسكتات.. جات ام سحر.. شافت فيها حنان.. كانت حتى هي مكتختلفش بزاف على بنتها.. لابسة سروال مزير ومع هي غليظة.. كيبانو تضاريسها..
الام: تفضلو.. مرحبا..
حنان: شكرا ..
هادي: شكرا اخالتي..
هادي بقا يشوف فسحر ويضحك..عطاها الورد..
الام: مرحبا.. هادي نوض صاوب بماماك شي حاجة تشربها.،
حنان: شنو!! هادي؟
هادي: احم.. ماما عادي..
سحر: اه اخالتي.. هادي..
هادي: عادي.. غانوض..
حنان: جلس مبغيت نشرب والو.. احم .. انا جيت مع ولدي نتعرف على البنت اللي كيبغيها.،
سحر: اه كنبغيو بعضنا بزاف.. وعشنا مع بعضياتنا ربع سنين..
حنان استغربات من جرأة سحر خصوصا قدام امها اللي كتضحك لهاد الشيء..
الام: علاش مجاوش معاك عائلتك.. الحاج وراجلك..
حنان: مرة اخرى انشاء الله..
حنان كانت مخنوقة من الجلسة.. وحاسة راسها غاتفركع من تصرفات هاد الناس ومن ولدها اللي بحال البغل.. ومتيق هاد تريكة السوق..
…………
كان عبد الله فالسطاسيون.. وفجأة شاف طوموبيل حداه.. هبط الجاج وتفاجأ من الانسانة اللي شافها.. نزل عندها..
عبد الله: مستحيل.. اش هاد الصدفة.. كيدايرا بنت عمتي..
فتيحة: لاباس .. سبحان الله.. مدرناش بحساب هاد الخرجة..
عبد الله: كون عولنا عليها مكناش غانتلاقاو.. غانستغلها فرصة.. ونعرض عليك لشي كافي.. وعفاك مترفضيش هاد الطلب..
فتيحة: هه.. لا منقدرش نرفضو.. تفضل.. غانتبعك بالطومربيل..
تشوق عبد الله للمقابلة.. وركب دغيا اتجه لاقرب كافي.. ونزل فيه.. وتلاقا فتيحة…
البنات غانحط غا واحد ليوما فيا الموت دالعيا

Leave a comment