Skip links

 2,092 عدد مشاهداات

قصة قصيرة مهيم من صورة باين عنوان زيدكم راها حقيقية

:انا هي لكان ايوقعليها بحال مسلسل سرقت زوجي كون ما عتقت لموقف مهم انعاودليكم وحكمو بلحق
كنت عايشة بخير وعلى خير انا وراجلي وولدي داك ساعة كان عندي غير ولد مهم واحد نهار كنهدر مع ماما عادي فتيليفون وهي تقولي واحد بنت عمتها كاتسول على نمرتي دخلني لعجب حيت داك ناس بيني وبينهم غير لخير مكنوصلهمش كااع فاش ايكونو بغاوني زعمة لعجب قلتها وخا عطيعالهم نشوفو اش كين ديك ليلة دخلو عندي فلواتساب الام ولبنات كاملين لبس لبس….. مهم وهي تجبد لموضوع الام قاتلي الا درتي فينا واحد لخير عمرني نساوه ليك قتلها الا قدرت مرحبا قاتلي بنتي فلانة راه عندها لمشاكيل مع رجلها وراها دافعة طلاق وخاصها مصاريف لمحامي …ودبا بغات تسافر لمدينة فين كنسكن انا ومعندنا احد تما واش ممكن تلاقايها تبقا معاك واحد سيمانة علامة تكري وضبر على خدمة وتستقر حيت عمرها جات لداك لمدينة وفكرنا فيك توقفي معانا هاد بنتها باقة صغيرة وزوينة وعندها ولد عندو 3 سنين قد ولدي مهم نرجعو لموضوعنا من لخفة لعطاني الله فبلاصة قتلها وخا مكين حتى مشكل مفكرت مشاورت راجلي موالو وهنا فين اتبدا لقصة

الجرء 2 و 3
جزء 2 : مهم جاء راجلي من لخدمة قتلو اش كين قالي حتى رسيتي معاهم عاد كتقوليها مهم دبر راسك انا ماشي سوقي قتلو انسان هو ليدير لخير حشومة ناس قصدوني نردها فوجههم مهم لسيدة ديك ليلة جمعات حوايجها هي وولدها غدا صباح شدات لكار مع ساعة دلغدا اتصول مشيت تقديت وجدت لغدا ماخليت مدرت فرحانة بيها لسيدة عمرها دخلات داري جمعت دار وقاديت لغدا وكلشي ومشيت لمحطة نتلاقاها حيت بيناتنا طيلي فين وصلتي… وصل لكار لقاتني كنسناها سلمنا لباس لباس شدينا طكسي مشينا لدار تغدينا جمعت كلسنا كنهدرو فرحت بيها مع انا فمدينة بعيدة على لعائلة كنقنط كنقول مصاب غير يطل عليا شي احد يونسني قتلها جابك الله تونسيني شويش عجبها لحال شكراتني خرجنا دراري يلعبو فواجد جريدة حدا دار بقات كتعاودلي على زواجها لفاشل وانا كنواسيها رجعنا لدار دخلت نوجد لعشا حيت راجلي كيجي مليل ليل وصل مول دار دخل دخلات عندي للكوزينة قاتلي انا مكنسلمش على رجال كنقول سلام لبس غير بلفم قتلها ايه عادي قلتها لراجلي باش ميمدش يدو يسلم ويتحرج كلسنا مجموعين تعشينا راجلي دخل لبيت بقا كيلعب مع لولاد خرجهم مخلا مشرالهم من لحانوت رجع لبيتو وانا وياها كنتهاودو ونتفرجو قاتلي غدا نخرجو نقلب على خدمة قتلها هي لمتكون حتى ترتاحي شويش مهم شي سيمانة وحنا غير دار ولخروج ولماكلة ساريتها لمدينة وريتها لقنوت كلشي عجبها لحال بزاف خوتها وامها كيعيطو يسولو ويهضرو معايا ويشكروني مهم كلشي على خير وصل نهار اتنين خليت دراري مع وحد جارتي ومشيت معاها كنقلبو وندفعو سيفيات غير والو والو…
تسناو

جزء3
‏e ليوم غدا غير والو سيمانة وحنا منين نخرجو صباح وحنا نقلبو حتى لعشية كنروحو مهدودين حتى واحد نهار واقفين قدام وحد شركة وهو يوقف علينا واحد خدام فيها بطوموبيل دشركة قالنا واش باغين تخدمو قتلو غير هدي انا لا قالنا والله ومكانت معرفة صحيحة فهاد لوقت لخدمت قالنا انقرا فيها حسنة ونوسطلها انا قديم معاهم يديرو بوجهي قلنالو الا درتي هاد لخير ربي يجازيك قالها عطيني نمرة غد اجي تخدمي على ضمانتي دارت نية وعطاتو نمرة مشينا فحالنا صونالها بليل كيسول حقا شنو كديري وشنو عندك ف مهم دارت معاه صباح ايديها لشركة جا موراها بطوموبيل عييت معاها متركبي مع احد سيري فطكسي مداتهاش فيا مهم فعلا خدمات وبقات كتهدر مع خانا تعارفو بدات تخرج معاه تيليفون مكيسكتش مزال حتى مطلقات لسيدة خدمات كملت شهر وزادت عليه وشفتها مقالت نكري موالو عجبها لكلاس وعلاش لا واكلة شاربة ومخليا ولدها ف لامان بدات كتجي فلعشية كتبدل وتكلس تفرج ولا تلعب فتيليفون وانا نسخن ونعطيها تاكل كتلقا ولدها واكل مبدل لله عالم كنت دايراه بحال ولدي هداك غير صبي كملت لسيدة شهراين تخلصات بدات كتصيفط لمحامي لفلوس وقفات على رجليها عرفات لمدينة مزيان مهم داك خانا معمرلهاش لعين قالتي عارفني انطلق خاصو غير يتفلى انا خاصني ليسترني انا وولدي ويتزوج سلات معاه راجلي لنهار الاول قاتلك مكتسلمش فين داكشي ناس ضسرو وهو كان يجي ياكل يدخل بيتو رجع يدخل يسلمو ويكلسو يهضرو مع مرور لوقت ضاسرو ورجعو تهاودو ويضحكووو وانا كنوجدلهم لعشا ونحط ليهم كيقولها هاد راجلك حمار لفرط فيك وفهاد لولد وهي تكركر وانا بديت كنتقرص بدات تطلع معايا سخونية جبت معاه لموضوع فبيتنا قالي منهدرش انا حر فداري ياك نتي جبتيها واصلا ضريفة وغير كنهدو عادي لسيدة ساكنة معانا مكيمكنش منهدرش معاها كجاتك بقيت كنتمتم وقلت نجبد معاها موضوع لكراء غير بلفن راجل حسيت بيه ولفهم وحتى لولد غير يجي يخرجهم لشرا لولدو يشري ليه لحوايج سبرديلات كلشي وهي عاجبها لحال ديما كتقولي سعداتك راجلك ضريف مصواب كلشي.. مهم كتبقى تشكر فيه مهم من زهر وحد سكنة حدانا خوات وكتكرى وتمن مناسب غير جات من لخدمة قتلها هدي همزة ادا فليتيها متلقايش ماحسن قريبة ورخيصة وزوينة فعلا كرات فيها بيناتنا غير درب شرات لخاصها قدات كلشي يدي بيديها وهنا فين غتبدا لمعاناة انا قلت صفي تهنيت ساعة هنا اتبدا لزملة..

لجزء 4 تحولات لسيدة ودات ولدها لحضانة رجعات كديه ليها صباح وفلعشية دوز عليه فرحت قلت لحمد لله سلكات على خير ساعة والو رجعات كل ماتكون جاية من لخدمة دوز عطيني هدي وعطيني هدي دريلي هدي فتلاجة على منشري تلاجة وخا لالا وانا مساعفا معاها مبغيتش نتعايب لا معاها لا مع ناسها ونحشم ماما مع عمتها بغيت نخرج من هاد لوحلة لخشيت فيها راسي باقل اضرار معليناش ولدها غدي جاي غدي جاي لباب مبقاتش كتسد ومبقيتش مرتاحة فداري بحكم كيقنط ويجي يلعب مع ولدي ندمت حتى ندم زغب فراسي ومكنبيغش نبين حيت درتها لراسي هي وخا فرقت بحال ساكنة معانا حتى كتمشي تنعس بعد لمرات تبات معانا علاقتها مع راجلي مبقاتش عاجباني نكت ضحك كتفرجو فسهرة شطيح ورديح بدا كيضرب عليها وضرب عليه فليل الا بغات تمشي كيخرج يوصل معا

جزء 5 والاخيير جمعت كري مكاين لا عائلة لا خرا لا تفركت شملي باش اينفعوني لمخير فيه يتشفا فيا مشيت دربتها بصبغة لشعر وسيشوار وقاديت لحالة مزيان مع انا خمرية ومقبولة (شكار راسو سلم عليا) عوالة انفركع لرمانة قلت بعدا يشوفني زوينة ماشي بريحت تومة لبست بيجامة مقزبة ومزيرة مهم داكشي متول لسيد دخل لاحض لفرق قالي بصحة قتلو شكرا منفخة تعشينا قتلو بغيت نهدر معاك قالي شنو قتلو مبقيتيش عاجبني تبدلتي بزااف وتصرفاتك مع فلانة بزااف وملي كنهدر كدور فيا ونرجع منسواش بلحق نستاهل انا درتها لراسي مبقا خير فهاد لوقت بقا كيحلق قالي والله مبيناتنا شي حاجة بالله نتي مريضة قتلو الا مكينش دبا عاد ناويين بلحق والله ما تلعبوها عليا والله حتى نشوهكم وندمكم يا شمايت بديت كنسب ونغوت كنخوي قلبي حيت كان عاااااااامر باش بدلتي هاي هاي لخانزة تقيل فطوموبيلات من هدا لهدا بلحق عزيز عليكم لخنز مخليت غير لنسيت صدمتو فيها ياربي تسمحلي شي كين شي ماكين غير زدتو من عندي فشيت قلبي ومشيت كنجمع حوايجي وحويج ولدي انا نجر وهو يجر نعلي شيطان لا والو نخليكم على راحتكم للهم نمشي بكرامتي ولا حتى تخرجني نتا لحمد لله باقي با بلروح نعيش معززة مكرمة ولا هاد لدل لرجعت فيه اه نسين بلاتي عليها ولله لا مشيت حتى نشوهها ويعرفوها على حقيقتها عاد نمشي مرتاحة لبست عباتي بزربة ومشيت كنجري هو يجر وانا نجر رجع فيا جهد لراجل مشيت دف دف دف حلات هو رجع وانا دخلت قاتلي مالك قتلها انا نقولك مالي قتلها انا عييت منخبي فقلبي انا راه ضرني لحال منجيهتك صرفت فيك لخير ونتي متسوايش وبقيت كنواجهها نهار خرجات مع راجلي ونهار دخلات وانا مكيناش……. مهم كلشي قتلها مبقيتيش مكتسلميش حتى لسلام رجعتي تبقاي فدار معاه غير بجوج وتخرجو غير بجوج… واش هادشي جاك عادي قاتلي اه عادي اش فيها حسبتو بحال صديق او خويا قتلها خوك منين خوك واصلا نتي قليلة نية كتلقايه مكتقوليلي كديري دكشي مخبع قاتلي واش كتاهميني قتلها انا سكت وسكت ولكن دبا صفي جيتي درت معاك لمديروش حتى اختك من دمك حتى وقفتي على رجليك ودبا الله يخلف انا منبغيش حتا ختي من دمي تخرج مع راجلي راس فراس وتبقا معاه فدار وزيد وزيد بقات كتمتم وسكتات قاتلي صفي سمحيلي منعاودش ندوز حتى محدا دارك قتلها احسن والا عاودت سمعت شي حاجة والله ميجبك حال نشوهك مع لعائلة ولخدمة ولحومة انا زوييينة ونفس لوقت منسواش بصلة تزنكت خرجت رجعت لداري كنكمل جميع لحوايج زعما انا مغادا فين غير داك لهدات انا نجر وهو يجر قتلو هنا خليتهالكم شوية انفجرت بلبكا بقيت نبكي حتى خويت قلبي وهو بقيت فيه بقا يطلب ويرغب ويبوس والله لا خرجتي سمحيلي عمري نعاود وانا كنتعفر خرجني قالي ضربك لهوا تعشينا على برا ومخلا مشرالي ورجعنا دوزنا ليلة رومانسية منعاودش ليكم من هاديك رجع غير يدخل يلقا عندي صحبتي او جارتي يبدل طريق وحتى معاملتو تبدلات كبر ولدي دخل لروض وولدت ولد اخر معاه وعاييش بخير واختنا فالله جمعت بكاجها ورجعات منين جات وقالتها لماماها ومها عيطات لماما كتشكي وماما قاتلي حشمتيني معاهم قتلها يميشو يقودو هاااهو تم هااهو اوا هاديك دارتلي راس لبقيت دخلت شي طحبة لداري لنهااية يا طحبات ليوم صباح كلو وانا نكتب خليتوني بلا شغل تلا