Skip links

 6,464 عدد مشاهداات

🍂بقلم 🖋📜: Hasnae Hk

💕💕 من بعد قصتي معاناة انثى لي الحمد لله عجبات القارئات جيتكم بقصة تانية من نسج افكاري 

 

وهي قصة تحت عنوان 🍂صديقي من العالم الثاني 🍂🖋📜

اعيش لنفسي وكما احب …⚠💀

تمر ايامي كما يجب..⚠💀

لا صديق ولا حتى من احب…⚠💀

حتى ارى شيئا كانه لا احد …⚠💀

عجيب بشكل ضباب لا ينجدب…⚠💀

انسان ام جن من عالم العجب …⚠💀

صديق ام حبيب فانه لا ينكسب …⚠💀

احس باشياء لا يمكنني ان استوعب …⚠💀

حتى وان فكرت بالهروب لا يمكنني ان انسحب …⚠💀

اصبحت مثل زهرته يشتم بها عطره العدب …⚠💀

مذا يحدث ومن يكون ..⚠💀

هل حلم ام بدات بالجنون …⚠💀

اراه دائما في حياتي ..⚠💀

شخصيته كسِر مكتوم ..⚠💀

رفيق من عالم مجهول …⚠💀

💀انه هو صديقي من عالم مدفون ..💀

💥 بارت 1💥

بقلمي : Hasnae Hk

الام : واش عاجباك هاد لحالة لي فيها بنتنا

الاب : اهديك الله اش كتقولي

الام: بنتنا كضيع دير شي حل

الاب: واش انا كرهت راه بنتي هاديك مخليت اطباء مخليت فقها هيا رافضة تعالج

الام: ماشي شغلي انا كبدتي متبقاش هكاك اصلن كولشي منك

الاب: اهديك الله وعرفي اش كتقولي

الام: ومالي كدبت عليك ياك خدمتك هيا سباب

الاب : ياك خرجت على ودكم نوض نبدل ساعة بأوخرى حسن ليا

……. يتبع….🍁بارت2 🍁

بقلمي : Hasnae Hk

تحت عنوان : صديقي من العالم الاخر

…….الاب ناض دخل لعند بنتو : بنتي حتا لامتى غتبقاي هكا داك المجرم راه تعاقب

…….:هو تعاقب وشرفي ايرضولي عقابو حياتي لي ضاعت ايرضهالي قول

الاب : ولكن ابنتي غتحبسي حياتك على هادشي راه ميستاهلش

……: ميستاهلش ياااك ميستاهلش كولشي بسبااابك كوولشي نتاااا السباااب نتاا

الاب : ساارة عرفي اش كتقولي

سارة : مالي كدبت عليك كون مدخلتي لداك الخدمة الزفت غاع مينتاقمو منك ويضبعوني انا

الاب : نتي عارفة ديك لخدمة دخلتلها قبل متزادي

سارة : قبل منتزاد ياااك قبل مبانلك غي مافيا العقار لخدامي تسالاو

الاب : صافي سكتي ياك خرجت منها على قبلك باش مضعيش

سارة: هاهاههاهاهاهاهاا على قبلي علي قبلي قلتي نتا ديتيلهم فلوسهم وهما داولي شرفي فرح دبا فرح

الاب : ساااارة صافي منسمعش صوتك

سارة : خرج علياااااا خررررررررج مبغيتش نشوفك خررررررررج

الاب ناض توجه لباب وضار شاف فيها هادي حالتو ديما ملي كيبغي ادوي معاها ولكن عارف بلي عندها الصح

كون مادخل مافيا العقار ودا لناس رزقهم مغينتاقموش منو فبنتو خرج وسد لباب وهو متحصر على حالتها

……..يتبع…..🍁بارت3 🍁

بقلمي :Hasne Hk

تحت عنوان : صديقي من العالم الاخر

رجعات سارة لحالتها وتكمشات فبلاصتها من نهار الحادثة وهي هكا على هاد الحال

…….. هيه سارة

سارة : شكون نتا اش كدير عندي هنا منين جيتي

……… متخافيش انا صديقك وكنبغيلك غي لخير وباغي نعاونك

سارة : سير بحالك ممحتاجاش مساعدتك

……. ولكن الى مبغيتينيش نعاونك خاصك تكوني قوية وتواجهي مخاوفك

سارة: سير بحالك ماشي شغلك اصلن نتا معارف والو وااالو

……. انا عارف كولشي ولكن نتي لي معارفة والو جبانة

سارة: انا مشي جبانة كتسمع انا مشي جبانة

……. هاههاهاهاهاها جبااانة كون مكنتيش جبانة كنتي اتخطاي ديك اليلة

سارة: بعدنييي سييير بحااااالك انا مجبااناااش اناااا قوييية بعدنييي

فجأة ملقاتوش حداها جابلها الله واش كانت هي كتخايل ورجعت لحالتها تكمشات ونعسات

………..يتبع ……..📍بارت 4📍

بقلمي :Hasnae Hi

تحت عنوان: صديقي من العالم الاخر

……. دازت مدة اسبوع وبطلتنا على نفس الحالة كيجي عندها باها نفس الموال كيتعاود

……… : هههههه غبية وضعيفة وغتبقاي ديمة ضعيفة

سارة:(كتغوت) شكون نتا شكووووون

……..,نهار نشوفك مستعدة تعرفي انقولك شكون انا

سارة : بعدني بعدنييييي مبغيتش نعرف انا بعدو منيييي

………. : هادشي علاش كنقولك جبانة ومعمرك اتخطاي هاد لمرحلة من حياتك

سارة: هوما السباب هما باش انا هكا هوما

………. ادن خاصك تنتاقمي من لي دار ليك هكا ماشي تبقاي كتبكي

سارة : اه اه خاصني نتاقم منهم حيت هوما السباب هههههههه انقتلهم لا لا انعدبهم اش بانلك

ههههههههههه

…….. اوا شتي دبا مزياااان

سارة: ولكن شكون نتا علاش مكنشوفكش

……… ملي نشوفك مستاعدة انبان ليك ودبا ردي لبال لراسك خاصني نمشي

سارة : لا لا فين غادي فين اجي علاش مشيتي جاوبني فينك اجي

……..يتبع…..📍 بارت 5📍

بقلمي: Hasnae Hk

تحت عنوان : صديقي من العالم الاخر

……. واقفة حدا لباب وشادة على فمها كاتمة شهقاتها وهي كتسمع فبنتها كتدوي بوحدها

احسابها صافي حماقت قلبات طريق لبيتها كتجري

الاب : امالك اهاد لمرا

الام: بنتي بنتي الحاج اهئ اهئ

الاب : مالها هضري مالكي اش كاين

الام: بنتي حماقت صافي كتهضر غي بوحدها

الاب : اهديك الله اهاد لمرا واش هيا مكتهضرش حتا معانا بقا هي تهضر بوهدهل

الام: الحاج 😭 راني سمعتها كتدوي وحدها واميييي على كبدتي حماقت ليا ميييي عوينة

وحدة لي عندي الله ياخد فيكم الحق رزيتوني فبنتي (كتضرب ليه فصدرو) نتا محاسش بيا

قلبي كيتشوا على بنتي

الاب : الله اهديك راه حتا انا بنتي هاديك وهيا لي عندي اش بغيتي نظير غي قولي

….. يتبع……بارت 6

بقلمي: Hasnae Hk

تحت عنوان: صديقي من العالم التاني

الام: مشي شغلي بنتي ترجعلي ولا غتندم كتسمعني غننندمك نتا السبااااب نتاااا

الاب : دبا عاااد بنتلك انا سباب من نهار لول عرفتي خدمتي وكنتي سااااكتة دباا اناا السبااب

واش انااا مااااشي كبدتيييي واااش ماااشي بنتي

الام: اييه نتاااا سبااب نتاااا

الاب سكتي صااافي سكتييي منسمعش صوووتك. (زدح لباب وخرج مفقوص معمرو توقع

مرتو وحبيبتو اتاهمو وتحملو مسؤولية لي وقع لبنتو )

……..نخليوه ونرجعو لجيهة اوخرى وبضبط لعند بطلتنا🍓 تتمة بارت 6🍓

سارة : تتفكر (زعمة اكون بصح لا لا ميمكنش غي كنتخايل ويلا كان بصح منين جا ومنين

عرفني ) ناري راصي درني بالتفكير نعس حسن ليا انا من هاد تفكير زايد

……….بعد مرور 5 ساعات……

ناعسة بطلتنا وحااالة فمها شوية كتحس بشي واحد تيشوف فيها حلات عينيها بشوية ورؤية

عندها باقة مضببة بسباب نعاس

سارة : اويلي ياكما كنحلم

…….. لا مكتحلميش

سارة: أعوذ بالله من الشيطان الرجيم منين جيتي اويلي

……… واش كتنعسي كتفورماطاي ولا شنو

سارة: لا اويلي هههه هدا نتا يعني مكنتش تنتخايل

…….. اوا شوفي نتي اش بانلك

سارة: دبا متقوليش اسمك وعلاش جيتي

…….. (ميل راصو): نتي غبية

سارة : اييه قالك غبية انا راه كنت تنجي انا لولة فلقراية

……. منعرف كي درتي ليها

سارة : دبا مغتقوليش شني اسمك

…… اسمي هوا ….

. …….. يتبع…….بارت 7

بقلمي : Hasnae Hk

تحت عنوان صديقي من العالم التاني

…. اسمي هوا مارت

سارة : ههههه مارت سميتك زويينة ههه

مارت: وعلاش تضحكي

سارة: حيت بحال هاد سمية قليلة مكيناش بزاف

مارت : هادشي طبيعي فين كاين لمشكيل

سارة : الا لا مكينش موشكيل

مارت : امممم وخا الالة

سارة : بغيت نسولك

مارت : اه سولي

سارة : نتا شنو بغيتي مني وشنو لهدف ديالك من هاد لمجية عندي

مارت : سارة انا من شحال هادي وانا كنبغي نجي عندك ولكن فعالمنا صعيب علينا نبانو لشي

بشري بلخصوص فهيئتنا لدلك كيخصنا نتقمصو شي شكل انساني وهادي اصعب حاجة

حيت اقدر اي واحد فينا اموت وهو كيدير هاد عملية التقمص

سارة: الى كان هدشي خطر عليك علاش درتيه؟!

مارت : باش نعاونك

سارة : ولكن انا ممحتاجاش مساعدة

…….. يتبع……📍بارت 8📍

بقلمي: hasnae Hk

مارت: وهاد لحالة لي نتي فيها عاجباك

سارة : انا عاجبني رااصي هكا

مارت: حيت نتي ضعيفة وجبانة داكشي علاش

سارة: انا ماشي ضعيفة هوما سباب لي رضوني هكا

مارت : هوما سباب ونتي اش درتي كملتي على راسك

سارة: اش بغيتيني ندير متلا

مارت : اممممم نتاقمي منهم رضي حقك بيدك

سارة: ههههه ساهلة عليك تقولها حيت ماشي نتا لي تغتاصبتي ومشات منك اغلى شيئ

مارت : اوا لنتقام هوا الحل الوحيد باش تشفي غليلك

سارة: منقدرش هوما قوا مني

مارت : وانا هنا باش نعاونك

سارة : هههه كي غدير تعاوني ونتا معارف عليا والو والاهم اشنو هدفك من هادشي اش

غتربح من مساعدتي؟!

مارت : انا عارف عليك اصغر وابسط لحوايج لي امكن نتي ممنتابهاش ليهم اما بنسبة لأش

غنربح معا لوقت اتعرفي كلشي

…….. يتبع….📍 بارت9📍

بقلمي : Hasnae Hk

سارة : وخا احنا غنشوفو

مارت: نوضي يلاه

سارة :فين

مارت : مبغاش تنتاقمي ؟!

سارة : اه اه باغة

مارت: يعني لي قلتها اديريها بلا نقاش

سارة: ههه موافقة

مارت: يلاه دوشي. ولبسي حوايجك

سارة : هه حاااضر مون شااف

…….مشات تتجري لدوش. خدات دوش خفيف ولبسات عليها ورجعات عندو

مارت بصحتك الالة ودبا اول خطوة لينا باش تخرجي من هاد الحالة لي نتي فيها هي….

……. فنضركم اشنو هيا نتلاقاو فلبارت جاي وخليو ارائكم……🍁 بارت 10 🍁

مارت : هي انك. تخرجي من دار تخرجي من القوقعة لي نتي فيها خرجي لعالم الخارجي

سارة: لا منقدرش نخرج لا لا غيأديوني لا

مارت : وانا علاش كاين هنا قولي شوفي في

سارة: امممم

مارت : انا هنا باش ميأديك حتا واحد مفهوم انا نضحي بحياتي باش نتي متأدايش

سارة: علاش كدير هادشي كامل هااا

مارت : معا الوقت اتعرفي كلشي

سارة : زعما انا نقدر نسا

مارت: لوقت قادر اشفي غااع الاجراح والاوجاع وكاينة نعمة النسيان لي كتساعدنا نساو اي.

حاجة قبيحة دازت فحياتنا

سارة : بصح عندك الحق

مارت: دبا اتنوضي لعند باباك وماماك وطلبي منهم السماحة على اي حاجة قبيحة قلتيها ليهم

سارة: لا مغنمشيش هوما السباب

مارت : لا ماشي هوما ونتي اتاخدي نتقامك وهدا وعدي ليك ولكن خاصك اي حاجة كنقولها

تنفديها متفاهمين

سارة : وخا متفاهمين

………يتبع……..آراؤكم……….⛔ بارت11 ⛔

مارت: يلاه دبا نوضي لعند ماماك وباباك وطلبي منهم السماحة

سارة : اووووف وخا هاني انمشي

مارت : متبقايش تأفأفي ولا نتفاهم معا مك

سارة : ههههه وخا وخا هاني ماشية

مارت : يلاه وتزيدي شي كلمة ماشي هيا هاديك انتفاهم معاك

سارة : ولكن فين ماشي نتا ايشوفوك

مارت : مال مك على هاد الكلاخ نتي بوحدك لي كتشوفيني وتسمعيني

سارة : ايييه عليها ..يلاه زيد

مارت : يلاه قدامي

……..نمشيو لصالة فين غالسين الام والاب كل واحد قالب وجهو لجيهة وكيفكر حتا تصدمو

من بنتهم لي جات عندهم وهيا من نهار لحادثة مخرجات من بيتها….

الام: سارة بنتي ماالكي يااكما وقعاالك شيحاجة

الاب : بنتي بنتي مالكي الحبيبة دباباك شنو خاصكي

سارة : احم مخاصني والو بغيت نهضر معاكن

الام والاب: ايه احنا كنسمعوك ابنتي

سارة : سمحو ليا

الام: علاش ابنتي مالكي اش درتي

سارة : سمحولي على تصرفاتي معاكم فهاد المدة كاملة

……..يتبع…..🍁 بارت12🍁

الام: لا بنتي علاش كتقولي هكا نتي مدرتي والو

سارة :لا انا درت بزاف بلخصوص ليك ابابا سمح ليا اهئ اهئ ماشي لخاطري والله ابابا

الاب: لا متبكيش ابنتي لا عافاك ماشي لخاطرك وانا عادرك ماشي لخاطرك

سارة :(عنقات باها ) شكرا ابابا شكرا شكرا ليكم نتا وماما مخليتونيش بوحدي

الام : (كتمسح دموعها) نتي راك بنتنا الهبيلة واش كاين شي واحد كيسمح فولادو

سارة: اه اه اماما انا انمشي لبيتي دبا

الاب: وخا ابنتي سيري

الام: سيري احبيبتي خودي راحتك

…….. مشات سارة لبيتها وبقات الام والاب……

الام: شكرا اربي الحمد لله بنتي بدات تحسن حالتها وهدشي بفضلك يا ربي

الاب : الحمد لله ربي كبير منساش بنتنا

الام : الحاج سمحليا على الهضرة لي قلت ليك قبيلة

الاب : اهديك الله كاين شي واحد كيتقلق من حبيبت قلبو

الام : (حنات راسها حشمانة)

……… يتبع…..⛔ بارت 13 ⛔

……بعد مرور شهر…..

فهاد شهر سارة ومارت تقربو من بعضياتهم ولات كتعتابرو اخ وصديق لي كتستمد منو الحنان

والطمأنينة وهو بداتو عاونها خرجات من الحالة النفسية لي كانت فيها وكدلك عاونها نتاقمات

من الشخص لي غتاصبها حيت غي خرج من الحبس استأجرات شخص دربو بالطوموبيل وقتلو وهكا

شفات غليلها بموتو و ولات لطبيعتها كونات صداقات وتعرفات على واحد الشخص لي بدا

كينسيها فمارت وهوا طبعا معجبوش هادشي

…… كانت كتقاد مكياجها وهو حاضيها

مارت : فين ماشية فهاد لوقت

سارة : خارجة معا اشرف

مارت: هاد اشرف وليتي نتي وباه غي خارجين داخلين وهادشي معاجبنيش

سارة: مالك مالك راه غي صديقي بديتي كطلع ليا فراسي بهاد التدخل ديالك بزاااف

اااو عيقتي

مارت: صافي صافي سيري انا غنمشي حتا ترجعي ونجي عندك

سارة : اوففف وخا وخا سير

….. مشا مارت وهيا خرجات لعند اشرف …

اشرف : اووووو اش هاد الزين كامل

سارة ، هاهاها متزيدش فيه غي شوية وصاف

اشرف : كتقتليني بهااد التواضع ديالك نتي راك اجمل وحدة شافت عيني

سارة : هاهاها شكرا شكرا

اشرف : نمشيو ؟!

سارة : اه يلاه

……. فتح ليها باب طوموبيل وركبات وتوجه لكرسي السائق ونطالقو لوجهتهم وهيا كافي

راقية كطل على البحر وصلو ونزلو شادين فبعضياتهم توجهو لطاولة لي كان حجزها قبل

ميجيو

…….. يتبع…..🌌 بارت14🌌

…..غلسو مستمتعين بلمنضر لي قدامهم وكيتصنتو على امواج البحر لي كتريح النفوس حتا

دوا اشرف كاسر داك الصمت

اشرف: احم سارة بغيت ندوي معاك فواحد الموضوع

سارة : اه مرحبا قوليا انا كنسمع

اشرف : هاد لموضوع فكرت فيه بزاف ونتي فكري عاد عطيني جوابك النهائي

سارة: قوليا اش كاين خلعتيني

اشرف:( ناض وغلس على ركبتو) سارة انا حاولت منكر ونكدب على راسي ولكن انا كنبغيك

من اول نهار شفتك فيه. سارة تقبلي تزوجي بيا

سارة 🙁 شدات على فمها بصدمة وفرحة وكلشي تخلط عليها فداك اللحضة ). اه اه موافقة

هههه وحتا انا كنبغيك بزاااف

(لبسها الخاتم وناض هزها وتيضور بيها فرحان ومقادام فرحة هاد نهار لي شحال وهو كيحلم

بيه من نهار تلاقاها فيه . حطها وهوما فرحانين رجعو كلسو وساكتين كيشوفو فبعضياتهم

فقط اعينهم لي كتعبر حتا كسر داك الصمت طلبهم لي وصل من بعد مكملو خرجو من الكافي

وتساراو لعشية كاملة دوزوها معا بعضهم وصلها لحدا الدار دخلات وهوا مشا فحالو معا

دخلة تلاقات ماماها)

الام : اهلا اهلا منورة ليوم الزغبية اش تما

سارة : هههه لا والو هي كنت خارجة بدلت الجو وصاف

الام : اممم الله اجعلني نتيق كون هي مكنت ماماك وحافضاك

سارة: وصااافي كون كانت شي حاجة كون قلتهالك

الام: يلاه بدلي واجي تاكلي

سارة: لا كليت برا هي بصحتكم

الام : يلاه سيري ترتاحي

سارة: مواااح💋

……….يتبع ……بارت 15 والاخير

سارة :(داخلة كتغني وناشطة حتا لقاتو قدامها خلعها)

مارت: فين هاد تعطيلة

سارة : اويلي مالك كنت غي معا اشرف

مارت : كيفااش اشرف مكنبغيش نبقا تابعك كنخليك على راحتك ونتي مكتفهميش

راسك الالة

سارة: اشرف دبا مبقاش براني عليا فهمتي

مارت : كيفاش كيفاش عاودي

سارة: كي سمعتي اشرف ولا خطيبي دبا هوا طلبني لزواج وانا قبلت

مارت: (مبقا كيبان ليه والو عينيه تعماو وتحول لصورتو الحقيقية)

(شدها من عنقها قاجها وعلاها) حنا ملي كنشوفو شي وحدة وكنبغيوها كتولي ديالنا

مبقالهاش حق تكون معا شي واحد ونتي خالفتي القوانين ادن مصيرك الموووووت

(بقا قاجها وهي كتلفض انفاسها الاخيرة حتا ماتت عاد طلقها) ودبا نوبتو هوا ايمووووت

بحالك حيت دخل بغا ياخدك مني هاهاهاهاهاهاهاهاهاها تحديتوني معرفتوش معاكم

……..نمشيو عند اشرف كان باقي فصيارتو فجأة فقد الصيطرة عليها حتا نحرفت على مسارها

وطاح من الجرف وقبل ميلفض نفسو الاخير بان ليه شيئ صدمو طبعا مارت

مارت: نتا قربتي لحاجتي وهادي نهايتك Good Bey

#النهااية