Skip links

 2,364 عدد مشاهداات

 

 


جيت وجبت لكم الجديد قصة مختلفة كل الاختلااف سيناريو جديد من سيناريوهاتي أول قصة ليا في عالم للقصص بالدرجة قبل تلت سنين كتبتها ولاكن اليوم قررت نحيها  ونعاود نشاركها معاكم هنا و أخيرا على :

     🔥  أمِــــــــيـــــــّــرآتُـــــــًــــــــ هِآنـــــــًٌسًــــــــلَ 🔥

كلنا في طفولتنا كيكيونو عنا أصدقاء سوى من العائلة سوى من المدرسة ولا حتى الجيران .. هادي حاجة طبيعية بنسبة لينا حتى بالنسبة الاشخاص لي كيكيونو إنطوائين على.راسهم كيكونو عندهم اصدقاء لي كيتيقو فيهم وخاصة في الطفولة يقدر يكون متلا شي حيوان أليف فحال قط ولا كلب صغير ولا حتى الألعاب كيكونو اصدقاء ديالنا حنا صغار في عمر خمس سنين ولا ست سنين ولاك واش يقدر يكون عندك اصدقاء من العالم  آلَتُـــــــًــــــــآنـــــــٌـــــّــي أي من عالم الجن ؟ هادي هي بطلتنا لي كبرات مع أعز اصدقائها من الجن كفاش غتكون قصتهم واش دايما صداقتهم ولا لا سوؤال غنجاوب عليه في القصة …..
  القصة فيها كل من :

#خـــــــيـــــــّــآلَ
#فــــــآنـــــــٌتُـــــــًــــــــآزيـــــــّــة
#جَنـــــــٌ
#صـــدآقــــــة
#خـــــــدلَآنـــــــٌ
#غـــــــدر

قصة بعنوان :. 🍷صـــديـــــــّــقــــــآتُـــــــًــــــــ مِــــــــنـــــــٌ                نـــــــٌوُعــــــــ آخـــــــر🍷

بقلم. : ذكَرى آلَطوُيـــــــّــلَ
    By : Dikra touil.

#قراءة_ممتعة

صديقات من نوع اخر 👑
بقلم : ذكرى الطويل/Dikra touil
البارت الأول

في المغرب ….

في أحد القرى بين مدينة طنجة ومدينة تطوان غنعيشو قصتنا مع أبطالنا
في احد المنازل القروية منزل صغير متكون من جوج طبقات محاط بالطبعية حيت بكل بساطة هادي راه قرية

منزل من طبقيتن بسيط ولاكن شكل ديالو جداب ومتير …. .داخل الدار الطبقة التحتانية متكونة من وسط الدار صغير وكوزينا صغيرة وصلا مونجي والطبقة لي لفوق متكونة من تلاتة بيوت من وسط هاد الدار  تسمع صوت رجل

   : نجاح نجاااااح  (بصوت عالي )

نجاح 🙁 من الكوزينة) وي خويا واش بغتي شي حاجة

   : فين الوليد واش الفطور واجد

نجاح : أه أعمران واجد وبابا راه خرج البقرة ترعى وهاهو قريب يوصل

عمران : صاف اختي

نتسناو الفطور يوجد واجيو نعرفكم على عمران ونجاح

عمران شاب في عمر 26 عام شاب زوين وزينو مغربي اصيل هههه ولاكن ماش عروبي وإنما جبلي ههه عيون كحلة وكبيرة وشفارو طوال تقول داير مسكارا شفايف (مكيتوصفوش 🙂) سنانو بيضين ومستفين حسن من حياتي ..عمران هو الأخ الكبير والوحيد ديال نجاح هو شخص عصبي ومتسرع ولاكن حنين وقلبو بيض

نجاح اخت عمران في عمرها 20 عام طايتها عادية عندها حقها من الزين شعرها طويل وزعرة  .. عيون صغار كوحال شفايف صغار وغوز منفوخين نيف صغير ومقاد بشرتها بيضة  هي البنت الوحيدة في الدار

عاشو مع الاب ديالهم لي هو سي مصطفى أما الأم ديالهم ماتت ملي كانت كتولد نجاح

يتبع ⁦🗯️⁩
👑 صديقات من نوع اخر 👑
بقلم : ذكرى الطويل/dikra touil
البارت التاني

دق دق دق دق (الباب كيتدق )

مشات نجاح تحل الباب كان باباها لي جا

نجاح : على سلامتك أبابا. كنا كنستناواك باش تفطرو

مصطفى (الأب ): هنا جيت أبنتي فين هو خوك

نجاح : في بيتو أبابا أنا غنعيطلو باش نفطرو مجموعين

عيطات نجاح لعمران وفطرو في جو هادئ ناضت نجاح تجمع الطابلة وخلات مصطفى وعمران كالس كيهدرو

مصطفى : أشنو درتو في ديك الشي فوقاش غيجيو الناس

عمران : كلشي واجد ألواليد عثمان صاحبي وأنا تايق فيه

مصطفى:( بصوت عالي) نجاح نجاااااح

نجاح : (جات حداه) وي بابا

مصطفى : (تقاد في الجلسة ،) غدا غيجيو والدين عتمان واش نتي موافقة

نجاح (حنات راسها حشمانة ) لي بأن ليك أبابا

مصطفى (ناض ) هي نتوكلو على الله (مع عمران) يلاه نشوفو ديك الزريبة آش فيها شحال هادي متنقات

عمران : على بركة الله يلاه (ناض)

نجاح : أنا نرتاح شوية ونوض نقاد لكم الغدا

مصطفى : (خارج) غير بشوية عليك أبنتي باقي وقت الغدا

مشات نجاح لبيتها وشدات عليها
كلسات فوق النامسوية
نجاح :(كتهدر وتشرح بيديها ) عرفتي ممتيقاش فرحانة بزاف وأخيرا غنتزوج اوووو(كتنقز فوق السرير) وعاد بعتمان فارس أحلامي وحبيبي من الطفولة ممتيقاش

اجي نتي غتحضري لعرسي ياك ومتحضريش راه غنسا أنني عندي صحبتي راه حدرتكم عندكم متجيوش وحتا خالتي عمي قولو لهم يجيو ممتيقاش وأخيرا غنتزوج بحبيبي وعمري وعندك تنساي  شمهروش حتى هو قولي ليه يجي

يتبع⁦🗯️⁩

عمران : ملي كدخلي لهنا مكتخرجوش (وجه نضرو لفين كانت كالسة نجاح : ونتوما واش ناوين تخليونا بالجوع؟ معندكوم مديرو بغيت غير نعرف فين هو فركوس. وشمهروش لي مخليكم عندي هنا

(جوج أصوات في مرة). : ،على الأقل هو راه مخلينا على راحتنا بففف ماش فحالك كدير لينا القوق في الرأس ملي كنديو معنا نجاح

مصطفى : صاف أبنتي صاف ههه نجاح غير صاوبي ماتكلو نتي وهاد الشياطين حنا راه مغدين وخارجين داب

(جوج أصوات ) : جنون اعمي جنون مالبغينا مشاكيل الله يخليك

مصطفى. ؛(ضاحك وهو خارج من البيت ) صاوبي أبنتي ماتاكلي نتي وهاد الشياطين

       : بفف نجاح شوفي باباك بفف اجي تمشي معنا

نجاح : واخة أجوان غير نصايب شي حاجة ناكلوها ونمشيو صاف

نخليو نجاح تصايب غداها واجي نوصف لكم جوان : أول حاجة هي بنت من الجن شعرها طويل وبيض  حجبانها رقاق عويناتها زوراق ومشفرين  بشرتها بيضاء شفايفها صغار او غوز سنانها شيبه مصاص الدماء ولاكن هي ماش من قبيلتهم   (الجن العلوي جن مسلم على عكس الجن السفلي جن غير مسلم)

أخت جوان : ليليان كدالك بنت من الجن شعرها بيض وقوي زائد  عويناتها كوحاال ومشفرين نيف صغير و فم صغير حميمر

يتبع ⁦🗯️⁩

هادي كانت غير بداية القصة كيف  جاتكم⁦👑ارائكم وتوقوعاتكم لي ماجي ؟

(أول معلومة عن الجن وهي أن الجن فيهم الجن العلوي والجن السفلي … باقي معلومات خرى غنكتاشفوها في بارتات خرى

👑 صديقات من نوع اخر 👑
بقلم : ذكرى الطويل/dikra touil
البارت الثالت

بقات نجاح كتهدر وتعاود حتى داز الوقت ومحساتش به …

عمران :(داخل للدار) فين نجاح شفت حسها مقطوع

مصطفى : تكون في بيتها زعمة ؟

مشا مصطفى وعمران لبيت نجاح لي كانت بابو غير مردودة ماش مسدودة كلها

نجاح : ولا أصحبتي وراه ماش هيداك بفف كفاش خصني نفهمك

دخل عمران ومصطفى
مصطفى : كنضن أبنتي أنه وقت الغدا فات
نجاح : ,(ناضت مخلوعة ) أشنو لا أبابا غير سمحلي راه نسيت والله

عمران : ملي كدخلي لهنا مكتخرجوش (وجه نضرو لفين كانت كالسة نجاح : ونتوما واش ناوين تخليونا بالجوع؟ معندكوم مديرو بغيت غير نعرف فين هو فركوس. وشمهروش لي مخليكم عندي هنا

(جوج أصوات في مرة). : ،على الأقل هو راه مخلينا على راحتنا بففف ماش فحالك كدير لينا القوق في الرأس ملي كنديو معنا نجاح

مصطفى : صاف أبنتي صاف ههه نجاح غير صاوبي ماتكلو نتي وهاد الشياطين حنا راه مغدين وخارجين داب

(جوج أصوات ) : جنون اعمي جنون مالبغينا مشاكيل الله يخليك

مصطفى. ؛(ضاحك وهو خارج من البيت ) صاوبي أبنتي ماتاكلي نتي وهاد الشياطين

       : بفف نجاح شوفي باباك بفف اجي تمشي معنا

نجاح : واخة أجوان غير نصايب شي حاجة ناكلوها ونمشيو صاف

نخليو نجاح تصايب غداها واجي نوصف لكم جوان : أول حاجة هي بنت من الجن شعرها طويل وبيض حجبانها رقاق عويناتها زوراق ومشفرين بشرتها بيضاء شفايفها صغار وغوز (الجن العلوي جن مسلم على عكس الجن السفلي جن غير مسلم)

أخت جوان : ليليان كدالك بنت من الجن
شعرها بيض طويل .بشرتها بيضاء اللون عوينات كوحال ونيف صغير وشفايف صغار وحميمر

يتبع ⁦🗯️⁩

هادي كانت غير بداية القصة كيف  جاتكم⁦👑ارائكم وتوقوعاتكم لي ماجي ؟

صديقات من نوع اخر 👑
بقلم : ذكرى الطويل/dikra touil
البارت الرابع

صاوبات نجاح غداء خفيف وتغدات وجمعات ماعن وغسلاتهم …..

نجاح : جوان ليليان يلاه نمشيو أنا ساليت

جوان : بفف وأخيرا زيدي تحركي

لليان : زيدي زيدي

شكلو نجاح او جوان او ليليان دائرة مشبكين يديهم ومغمضين عينهم تمتمات جوان وليليان بشي كلام ممفهومش وممسموعش …
شوية مبقاوش في ديك البيت  ….

حلات نجاح عينيها لقات راسها في بيت آخر شكلو مختلف على بيتها وغريب بزاف جوان وليليان ترماو قوق واحد النامسوية لي جات في وسط البيت كبيرة ونازلا عليها ستائر كبار في الصفر البيت كبير ووساع وسطو ناموسية وجنب الحيط خزانة كبيرة شادا الحيط كلو ومنقوش عليها {لَآ إلَهّ إلَآ آلَلَهّ}

وبعض الايات القرأنية {قٌلُِ هـوُ آلُِلُِهـ أحٍد}

خزانة كبيرة من خشب

ومراية كبيرة في الحيط لاخر شادا حتى هي نص حيط مراية من خشب كدالك منقوش عليها ايات قرأنية وفي ضوء خفيف منباعت من شموع منتشرة على الأرض شموع برائحة زكية ريحة لي كتشمها في كل بلاصة في هاد البيت ….

نجاح :جوان داب هادي تالت مرة نجي هنا لعالمكم وكل مرة كنسولك نفس السؤال ولكن ديما كتهربو من الجواب …. واش هادي دار ولا قصر … شنو نوع التروة لي كتملكو واش الجن كلو غني حتى للهدرجة كلشي من دهب كلشي مطلي بالذهب؟

جوان : بفف عاوتاني أه انجاح كلنا هكا عالم الجن ماش فحال البشر فيه الفقر والغنا واش فهمتي ممكن تبدلي الموضوع؟

نجاح : بفف واخة

يتبع ⁦🗯️⁩

صديقات من نوع اخر 👑
بقلم : ذكرى الطويل/dikra touil
البارت الخامس

ليليان : أشنو بالكم نخرجو من البيت ندورو شوية

جوان :  اكي يلاه

نجاح : يلاه متصوروش شحال توحشت خالتي 

جوان : حتى هي توحشاتك بزاف

خرجو جوان وليليان ونجاح مشاوو في ممر لي طويل لي هداك عالم اخر ممر طويل وخاوي كلو مضوي بضو خفيق كدالك ضوء شماع وشماع معطرة ريحة غيبة وفنفس الوقت زوينة رائحة لي كتهدئ النفس وتريحها  على طول الممر حيوط مزينين بلوحات تشكيلية مرسوم عليها لوحات غريبة زائد جداريات لي منقوش عليها ايات قرأنية ….

خرجو من ديك الممر وجبرو حداهم باب كبير بالدهبي وباين انه من الدهب الاصيل  …
دخلوو للغرفة لي كانت شبه غرفة جوان …

دازت مدة وابطالنا مدوزين الوقت مع بعضهم رفقة ام جوان

ناضت نجاح ….
نجاح : خاص نمشي داب تعطلت بزاف
جوان : وقفات أكي يلاه نوصلوك

ليليان : غير سيرو أنا غنبقى هنا

خرجات جوان ونجاح تمشاو على طول المرر

نجاح لي متقدمة وجوان موراها حتى نطق صوت من موراهم ….

       :(بصوت عالي ) جواااان

دارت جوان والصوت لي خلا نجاح توقف ولاكن مضورش ….

جوان :  وي خويا

       : (كارز على سنانو ) متنسايش وعد فيكتوريا  فيكتوريا فيكتوريا فيكتوريا (صدى بقا كيتعاود في الممر )

جوان : شافت فيه وشافت في نجاح عاودات تلفتات لمصدر الصوت من بعد كملات طريقها

نجاح ،(بعد صمت طويل ) علاش شمهروش مكيحملنيش ؟ وشنو هو هاد وعد فيكتوريا …

جوان : عطيني يدك راه تعطلتي

شافت فيها نجاح وومات براسها بواخة

   يتبع⁦🗯️⁩

صديقات من نوع اخر 👑
بقلم : ذكرى الطويل/dikra touil
البارت السادس

رجعات نجاح لدار وبالضبط في بيتها شافت جيهة الشرجم شافت الحال ضلام هزات عينيها في الساعة كانت 02:00. ديال الليل عرفات ان باباها وخوها غيكونو ناعسين

ترمات فوق النامسوية على ضهرها وفاتحة يديها وكتفكر في شمهروش علاش مكيحملهاش وشنو هو هاد وعد فيكتوريا لي كل مرة كتمشي لعالم الجن كتسمع به ومن نفس الشخص دائما
  وكلات امرها لله ونعسات

        أصبحنا وأصبح الملك للله

يوم جديد ….

اليوم هو يوم خطوبة نجاح لي من الصباح وهي في بيتها مع جوان وليليان  وفي الدار عمتها ديال نجاح وعمران غتحضر وهي لي غتكلف بأمور التحضير حيت نجاح كتعتابرها فحال مها ….

كلشي وجد ورقية (عمت نجاح ) كدور من هنا لهنا وتشوف واش كلشي هو هداك عمران ومصطفى كالسين كينسناو الضياف أما نجاح بقا مخشية في بيتها حشمانة هه (بعد مانسات كل لي وقع البارح حيت هادي هي عادتها دائما )

دق دق دق دق
ناضت رقية ومصطفى وعمران
رقية : مرحبا مرحبا بكم تفضلو
دخلو مرة وراجل لي باين من الشكل ديالهم البساطة والطيبوبة وشاب كبير معاهم يكون في عمر عمران
عمران عنق الشاب عناق رجولي ودخلو

   يتبع⁦🗯️⁩

صديقات من نوع اخر 👑
بقلم : ذكرى الطويل/dikra touil
البارت السابع

دخلو العائلات بجوج. وكلسو في الصالون إلا نجاح لي فبيتها كتمشي وتجي والتوتر غالب عليها …. بعد ما خلاتها جوان وليليان حيت كان خاص يمشيو ضروري لشي سبب مجهول

  نزهة : (ام عتمان ) لالاة رقية فين هي بنتتا نجاح واش حشمانة منا حشمانة من مها التانية ….؟

رقية : لا اختي رقية علاش شكون لي كيحشم من مو غير هو بنات هاد الجيل راك عارفة ….

بقاو هدرة كتجيب هدرة حتى نساو علاش جاو وناسين واحد الجوج لي كيتقلاو بوحدهم نجاح لي في. البيت وعتمان لي ….

عتمان حنحن

عتمان : أحم احم (كلهم سكتو ) الوليد جينا هنا باش نخبطو ماش باش نناقشو أتمنة ديال البقر في السوق .. الوليدة مجيناش باش نعرفو باش مصاوبة هاد الكيكة الله يرحم الوالدين

بقاو كيشوفو فيه كلهم هو عاد وعا على اش قال  شوية تسمعات ضحكت رقية تبعوها ضحكات الكل

إبراهيم : إوى ملي مزروب توكل على الله

عتمان : هي اللولة

رقية : ابلاتي نجيبو العروسة

عمران : كتبان لي مزروب الاخ

عتمان : الواحد هو لي يضرب الحديد محدو سخون

ناضت رقية دقات على نجاح في البيت

نجاح (: كتعض في سنانها  ) عمتي صاف واش مشاوو

رقية : تي أولي على واش مشاو الناس جاين يخطبو ولا جاين يشربو اتاي

نجاح :أه أه غير نسيت

⁦رقية : أويلي على البنت لي غتزوج تي زدي مكاين حتى حد غريب غير مك نزهة

يتبع

نشوفوكم غدا في جوج بارتات خرين 🚶😈

صديقات من نوع اخر 👑
بقلم : ذكرى الطويل/dikra touil
البارت التامن

دخلات رقية للصالون ومن وراها نجاح لي حشمانة وحانيا راسها

نزهة : ها بنتي جات لوووووووووووي. لوووولي (تزغريتة سمعوها كاع الجيران )

رقية : تي راك معرفاش البنت كانت حشمانة منكم

نزهة : أولي حي البنت حشمانة نجاح حشمانة مني أنا لي مك

نجاح : (وهي حانيا راسها ) لا أماما نزهة ماش هكاك

نزهة :  وماش مشكل اجي كلشي حدايا راه ولدي مزروب

نجاح زادات حشمات وهبطات راسها ومشات جلسات بين نزهة وإبراهيم

إبراهيم : هي داب نبداو ونتوكلو على الله ولدي عتمان قلتي نتا لي غتكلف يلاه على بركة الله بدأ

كلهم دحكو وعتمان تقاد في الكلسة.

عتمان :احم عمي مصطفى بغيت نخطب من عندك بنتك  لي هي مرتي المستقبلية

كلهم ساكتين

عمران : (حرك راسو بلا ) تئ تئ ماش هكاك كيقولو
كلهم حابسين الضحكة

عتمان : أحم واخة … بغيت نخطب من عندك بنتكم بنتكم نجاح ليا أنا

عمران : (حرك راسو بلا) لا ماش هكاك

عتمان :(بدأ كيتعصب ) جيت خاطب بنتكم ليا أنا

كلهم نفاجرو بالضحك على الحالة لي وصل ليها عتمام

إبراهيم  : (كيجمع الضحكة ) احم أنا نقول ونا عاود مورايا

يتبع⁦🗯️⁩
صديقات من نوع اخر 👑
بقلم : ذكرى الطويل/dikra touil
البارت التاسع

عتمان : أحم واخة

إبراهيم : جينا طالبين راغبين
عتمان : جينا طالبين راغبين
إبراهيم : في يد بنتكم نجاح
عتمان : في يد بنتكم نجاح
إبراهيم : لولدنا عتمان على سنة الله ورسوله
عتمان : ليا أنا  على سنة الله ورسوله

تسمعات ضحكة من عند العائلة كلها وعتمان قرب يطرطق ههه

دازت اجواء الخطوبة والعائلة كلها فرحانة بحاجات بساط إلى انهم فرحانين مع بعضهم

في عالم الجن

في بيت جوان وليليان

      جوان : بفف اليوم خطبة نجاح 

      ليليان : وي ولاكن راكي عارفة بابا بفف يلاه نمشيو

   في قاعة كبيرة قاعة لي كلها من زليج بين الأسود والدهبي حيوط منقوشين بالذهب الحر ….قاعة لي كيتوسطوها ساريات  من أكبر الأحجام حيوط مزينين بلوحات ونقوش ايات قرأنية وأحاديت نبوية كلها باللون الدهبي… مصابيح قلال كيضويو على القاعة شموع في مختلف الأماكن على الأرض

   في وسط القاعة كرسي كبر احمر من الشكل ديالو  انه عرش ملوك ..

جالس عليه شخص ملامحو مبيناش وممفروزاش ولاكن من الشيب لي فشعرو او لي على لحيتو تعطيه الخمسينيات كالس بكل إحترام وبكل هيبة وجوج حراس واقفين فوق راسو لي مكيبان منهم والو كلهم مغطين برداء ابيض كالس بكل شموخ وعلاش لي ميكلسش هو ملك الجن من أقوى الملوك حاكم احد أقوى قبائل الجن حاكم 49 قبيلة الملك “عبد الله مذهب ” من أقوى الملوك ومن الملوك السبعة لعالم الجن ….

خادم يوم الإتنين لي ديما حاضر ولاكن يوم الإتنين كيكون أقوى واقوى (معلومة صحيحة )

تفتحات باب القاعة ودخلوو منها حانين راسهم إحترما للملك عبد الله

يتبع⁦🗯️⁩

عبد الله مذهب : آش هاد الوقت لي جيتو فيه خاص تحتارمو الوقت

   جوان وليليان :(في نفس الوقت) نحن نأسف جلالة الملك

عبد الله مذهب : الوقت وصل (بصوت عالي )

جوان: نعم نعرف هدا نعرف أن اليوم يوم تجديد وعد فيكتوريا… ونحن جاهزات لهذا

ضهرو جوج ضلال في القاعة من العدم ..

شمهروش : اليوم غيتجدد وعد فيكتوريا ولكن ماش فحال كل عام

            : تماما غيتجدد قانون آخر في هاد الوعد

جوان : أنا أقبل بكل القوانين المضافة

عبد الله مذهب : نتوما كتعرفو ان وعد فيكتوريا وعد كيتم على يد ملك الجن … وعد كيسمح لأميرات الجن يعيشو مع البشر بشكل عادي ولاكن في إطار قوانين .. ومن جا أهم القوانين ان حتى إنسي او إنسية ميعرفو هاد الوعد … وكدالك إلى جا الوقت لي غيرفض فيه الإنس بقاء الجن معاه فهنا غيكون تبطل واحد من اهم الشروط وهنا غيتعاقب الجن ٱدن إلى الإنسية جا شي نهار ورفضات ان جوان وليليان يبقاو معها.فغيتم عقاب جوان وليليان عقاب الموت …(هدو بعض شروط. وعد فيكتوريا غنتعرفو على الباقي مع القصة )

جوان وليليان : نعم نحن موافقون

شمهروش : جوان !!

جوان : (شافت فيه. بنضرة حزن) في النهاية أنا تايقة في نجاح مستحيل يجي شي نهار او تنسنانا يعني الوعد مستحيل يتبطل وحنا في امن داب (إبتسامة شاحبة)

هادي نوع من الصداقة لي مبقاتش ولاكن واش غتدوم واش القدر غيكون منصف ويخلي هاد العلاقة المقدسة الدوووم !!

يتبع ⁦🗯️⁩
صديقات من نوع اخر 👑
بقلم : ذكرى الطويل/dikra touil
البارت التاني عشر

نجاح في بيتها كالسة وكتهدر مع جوان وليليان لي مكتشوفهم غير هي

   نجاح :(ويديها على كرشها ) فرحانة بزاف متصوريش متحمسة انني غنولي ام لأول مرة

جوان : هي غنولي خالة ياي. مكنتش متوقعة شي نهار انني غنولي خالة وغنجرب حتى أنا مشاعر البشر هههه

ليليان : حتى أنا عمري مكنت نتوقع هادشي

نجاح : (نعسات فوق السرير وطلقلقات يديها ) باقين عاقلين على نهار لي عرفتكم فيه

جوان: (تنهدات ) اااه. وزعمة غنسى مستحيل ههه اليوم لي كان من المفروض تخافي منا ولاكن نتي مخفتيش هههه

     فلاش باك…

     في سد صغير سد محاط بأعواد من الخشب كالسة بنت في عمر 15 عام على حجرة وكتبكي دموعها نازلين من عيونها الزمردية  …. وهي تبكي الجو بدأ كيضلام وهي ممهتماش حتى أنه البرد ولاكن هي ممهتماش كتبكي حيت تفكرات ماماها لي معندهاش كتبكي حيت صحباتها دحكو عليها في المدرسة … وهي كتبكي سمعات صوت من وراها علات راسها وهي تشوف جوج بنيتات فنفس سنها ولاكن شكلهم غريب كيوشوفو فيها كفاش مخافتش منهم … هادوك كانو جوان وليليان هنا بدأت قصتهم وقصة صداقتهم

جوان : (شافت فيها ) علاش كتبكي

نجاح : حيت معنديش ماما وصحباتي كلهم كيضحكو عليا

ليليان : حنا نكونو صحاباتك شنو سمتيك

نجاح : سميتي نجاح

جوان (عوجات راسها ) شنو سميتك كتبي لينا سميتك باش نعرف نقراها

نجاح : هزات عصا صغيرة كانت في الارض وكتبات “نجاح” “najh”

ليليان  : مشرفين نجاح

هنا بدأت قصة صدقة اسطورية بين إنسية واميرات الجن وفنفس النهار توقع أول وعد فيكتوريا …..

يتبع ⁦🗯️⁩

قصة صادقة جوان وليليان بدأت نفس قصة صداقتي مع ناس لي مكنعرفهمش وعمري شفتهم… ولاكن مخرجوش لي جنون خرج لي ميساج في فب ميساج لي كان محتواه كتب لي سميتك باش ندخلك للكروب 😂🤦 ومن ديك النهار دلخت لاحسن العائلات ولاكن مبقاتش نفس العلاقة لي قبل حيت حتى حاجة مكتدوم وبغيت نقول لناس لي باقين معيا راكم عزاز 💓 كلكم لوووف يوووو

صديقات من نوع اخر 👑
بقلم : ذكرى الطويل/dikra touil
البارت التالت عشر

العودة للواقع

   نجاح : ديك النهار كان من أحسن ايام حياتي
جوان : تماما

في هاد الاتناء كان عتمان واقف على باب الغرفة من الخارج وكارز على يديه على طول سنوات زواجو وهو كيشوف مرتو كل ليلة كتهدر بحدها ومعرفش علاش كيحاول يصارحها ولاكن مكيقدرش كيخاف تفهمو غلط

شحال من مرة قتارح عليها طبيب نفسي ولكن كترفض حيت مكيعطيهاش سبب مقنع باش تمشي ليه ولاكن داب حد هنا وسطووب خدا قرار باش يفهم آش واقع حيت مرتو حاملة خاف عنداك يكون عندها شي مرض لي ياديها هي ولدو ولا بنتو

عتمان : (دفع الباب) مع إبتسامة … نجاح انا خارج واش باغيا شي حاجا

نجاح : لا مابغيت ولو ولاكن فين راك غادي في هاد الوقت

عتمان :غنمشي غير عند عمران محتاجو في شي حاجة على قبل الخدمة مغنتعطلش

نجاح : واخة سلم على بابا وخويا

عتمان ومأ ليها براسو زعمة واخة

خرج من الدار وهو عازم على انه يعرف آش واقع والبداية غتكون من عند والدين نجاح باش يفهم آش واقع

يتبع⁦🗯️⁩

صديقات من نوع اخر 👑
بقلم : ذكرى الطويل/dikra touil
البارت الرابع عشر

وصل عتمان لدار عمران وسي مصطفى ….
      دق دق دق.   دق دق دق (الباب 🙂)

عمران : بلاتي هاني جاي (حل الباب )

عتمان : (بتفاجء نوع ما ) عمران
   ( تسالمو سلام رجولي )

عمران : عتمان بغيت نتكلم معاك ضروري نتا وعمي مصطفى

عتمان : مرحبا زيد دخل

دخل عمران لصالون هو وعتمان …
عتمان : (بصوت عالي) الوليد . الوليد

مصطفى (من الفوق ) هاني جاي اعتمان
مصطفى من الدروج ولدي عمران مرحبا بك

عمران : عمي مصطفى بغيت نتكلم معاك ضروري

مصطفى (كلس) اها اولدي تفضل

عمران : (شابك يديه بجوج ) مغنخبي عليكم والو نتوما عارفين ان نجاح مرتي وكنبغيها بزااف وهادئ تلت سنين وحنا مزوجين وعايشين هانيين ولاكن مأخرا في هاد العاميان اللخرة ديال الزواج في كل ليلة كنشوف نجاح كتكلم بوحدها معرفتش آش واقع وخفت نصارحها وفي الأخير تفهمني غلط

بغيت نستفسر من عندكم واش كانت هكا قبل متزوج واش عارفين شي حاجة فحال هكا….

عتمان : مكنتش عارف ان نجاح مخبية عليك أمور فحال هكا ولاكن معندك مناش تخاف كون هااني ماش شي حاجة

عمران : مصدوم كفاش ماش شي حاجة آش واقع؟

   يتبع⁦🗯️⁩
صديقات من نوع اخر 👑
بقلم : ذكرى الطويل/dikra touil
البارت الخامس عشر

مصطفى : أنا غنقول لك كلشي أولدي (عاود ليه كلشي من الاول الأخير أي حاجة كتخص جوان وليليان )

عتمان : داب مرتي كتكلم مع جن جنون معيا في الدار …. (مصدوم وماواعيش على راسو متاجه للباب متجاهل مصطفى وعمران لي كيعطيو ليه )

خرج عتمان من الدار مخلي وراه مصطفى في حيرة من امرو في نفس الصالون لي كانو كيدويو فيه بعد ماخرج عتمان عمران ومصطفى طلعو ينعسو موكلين امرهم للله
ضهر شخص واقف تما كارز على سنانو ومزير على يديه مكيبانو منو والو غير ضلو الكحل والعروق لي باريزن في عنقو ويديه في اللون الاحمر كدليل على قمة الأعصاب لي وصل ليها …

شمهروش :   (بصوت شبه مسموع بفحيح )وصل الوقت أه وصل اليوم غيتقض الوعد اليوم كلشي سالا !!!

عتمان وصل لدارو تاجه للبيت ديالو جبر نجاح ناعسة تأمل فيها بزاق ومن بعد توجه خارج البيت بعد ماهز مخدة وخرج نعس في الصالون

     اصبحنا وأصبح الملك للله

   يتبع⁦🗯️⁩

صديقات من نوع اخر 👑
بقلم : ذكرى الطويل/dikra touil
البارت السادس عشر
أصبحنا واصبح الملك للله

عتمان ناعس في الصالون ونجاح في بيتها
تسلالات اشعة الشمس للغرفة وبالضبط في عينين نجاح الشي لي خلاها تخسر ملامحها
وتبدا تفيق …

فاقت نجاح وهي كتشوف راسها بحدها في البيت تفاجئات حيت طول سنوات زواجهم عمرهم متفارقو في النعاس واخة يكونو مخاصمين …
ناضت مشات لحمام وبدلات حوايجها وقضات حاجتها وتجهات خارج الغرفة

زادت تصدمات ملي شافت عتمان ناعس فوق الفوتوي في الصالون … تمشات عندو بخطى تابتة وحنات شوية عندو وهزات غطاء خفيف وغطاتو بيه الشي لي خلا عتمان يفيق

عتمان فاق شاف فيها شوفات باردة  وتخطاها وداز مكمل طريقو للحمام وهي مصدومة من التغير لي طرا فجأة على عتمان

يتبع⁦🗯️⁩

صديقات من نوع اخر 👑
بقلم : ذكرى الطويل/dikra touil
البارت السابع عشر

نجاح باقي مصدومة من تصرف عتمان توجهات للكوزينة صايبات فطور وبالها مرفوع مع تصرف عتمان لي غريب بزاف

كملات وحطات الفطور في سال مونجي جلسات وعقلها باقي مرفوع حتى حسات بكرسي تجر حداها وهي دور عينها وتبسمات إبتسامة باهتة ملي شافت عتمان …

عتمان : متنسايش راكي حاملة متفكريش بزاف

نجاح : واش درت شي حاجة معجباتكش

عتمان : نو روحي أنا لي تسرعت نتي مدرتي والو

نجاح : وعلاش كتعامل معيا هكا

عتمان : كولي ومن بعد نهدرو

نجاح حركات راسها بواخة
وفطرو في جو هادئ وصمت مريب

في عالم الجن …

شمهروش كيمشي ويجي وسط بلاط ملكي (قاعة عرش الملوك) وجوان وليليان واقفين حداه وفي وجههم علامة الحزن

شمهروش :واش عارفين آش وقع ولا لا واش
عارفين ان أهم شرط في وعد فيكتوريا تخلف !

الكلمة الأخيرة جات مع دخول ملك الجن عبد الله مذهب. ..

عبد الله مذهب : هي صاف وصلنا للنهاية يا نتوما يا الضيف الصغير !!

يتبع ⁦🗯️

جوج بارتات باركا باش نبقاو مفكرين أحدات القصة حيت تفاعلكم مكينش الشي لي كيحبطني بزاااف واش بغتيو غدا تنزل النهاية ؟….. جاوبو كلكم

ذ
صديقات من نوع اخر 👑
بقلم : ذكرى الطويل/dikra touil
البارت التامن  عشر

  في عالم البشر …..

نجاح وعتمان سالاو فطورهوم عتمان هز تجاكيطتو وجا خارج حتى وقفاتو نجاح بصوتها ….

نجاح : عتمان واش مغندهدروش

عتمان :(زير على يديو ونطق وهو عاطيها بضهرو ) البارح عرفت كلشي عرفت معامن كتهدري كل ليلة (نجاح تصعقات ) خديت قرار وداب جات نوبتك نتي لي غتاخدي قرار يا أنا يا هوما !!

نجاح (مصدومة ) كفاااااش؟

عتمان : مغنقبلش مرتي تعيش مع جن او أنا كاين يعني يا أنا ياهوما من هنا لغدا ختاري والقرار لي ختاريتي هو لي غيكون !!!!
جا خارج وهو يدور عندها ردي البال لراسك ولودنا ….

خرج ونجاح نهارت وطاحت في الأرض كتبكي مزال ممتيقاش آش وقع كفاش حتى وقع هادشي واهم حاجة آش غتختار
،

في بلاصة خرى ماش بعيد بزااف غير في صال مونجي واقف شمهروش كارز على سنانو وحداه جوان وليليان لي كيشوفو في نجاح بحزن

شمهروش : واش شفتو آش وقع ….. هاحنا وصلنا للنهاية آش غيوقع داب باقي غير ساعات قليلة وكلشي غيسالي …..

يتبع ⁦🗯️⁩

صديقات من نوع اخر 👑
بقلم : ذكرى الطويل/dikra touil
البارت التاسع عشر

جوان : (بإبتسامة باهتة ) أنا غنتصرف مستحيل توقع شي حاجة لنجاح مساعدة نضحي بحياتي

شمهروش :  هي نتي غتضحي براسك من شان هاد البشرية التافهة آش هاد المشاعر الإنسانية لي كتحسي بهم لي خلاتك تعلقي بها لهاد الدرجة

ليليان : شي حاجة لي مغتفهمهاش
جوان وليليان تاجهو عند نجاح بخطى تابتة مخلين شمهروش واقف …

جوان : كون هاني غنكونو حاضرين في وقت الطقوس ومغنتعطلوش

شمهروش : كارز على يديه ونطق بصوت خافت وشبه مسموع ولاكن موصلش لمسمع جوان : مستحيل نخلي دمكم يضيع !!! غدفعو تمن على كلشي (بشبه إبتسامة )

نجاح حسات بشي  حد وقف عليها هزات عينيها وشافت فيهم مع إبتسامة باهتة

جوان (حطات يديها على كتفها ) كلشي غيكون بيخير

ليليان : ،(شافت فيها بحزن ) أكيد حنا مغنساواكش

نجاح :(, ناضت من الأرض ) كفااش آش كتوقولو

جوان : جينا نودعوك اليوم آخر يوم عنا معاك

نجاح (كتمسح دموعها ) كفااااش لا غير كضحكو ياك عتمان غير كان كيضحك هو مكيعرفكمش أه غير كيضحك حتى هو (كتهدر بهستيرية وكلام بالزربة )

جوان: علاش آش قال عتمان حنا راه وصل الوقت لي نمشيو فيه

نجاح :علاااااش أ علاااااش

جوان (شافت في لليان بحزن)واش عقلتي على وعد فيكتوريا

نجاح :أه

جوان : ،الوعد كيقول أننا ملي غنوصلو لواحد الوقت لي خاص نتزوجو فيه من أمراء من قبيلة خرى هنا غتسالا قصة صداقتنا

نجاح : ،واش غتزوجو

ليليان (,ومأت ليها براسها باه ) أه واش مباغاش تشوفينا فرحانين ودايرين عائلتنا حتى حنا. 💔

نجاح (كتمسح دموعها) أه أه زعمة لا هوووف زعمة بغيتكم تتزوجو ولاكن مبغيتش نتفارقو (دموعها نزلو),

ليليان : صاف انجاح  واش بغيتينا نبكيو حتى حنا (بحزن)

نجاح  : هي صاف غتمشيو وغتخليوني بوحدي

يتبع⁦🗯️⁩

صديقات من نوع اخر 👑
بقلم : ذكرى الطويل/dikra touil
البارت عشرون

جوان : شكون قال لك أنك بوحدك لا نتي معاك عتمان وباباك وخوك وولدك حتى هو غير حنا لي غنمشيو ولاكن متنسايناش ياك

نجاح (حركات راسها بأه )

جوان وليليان : اجي ندوزو هاد النهار مع بعضنا

نجاح (والدموع في عينيها ) واخة

.داز النهار ونجاح مع جوان وليليان كيتعاودو ويتفكرو ايامهم حتى دخل عتمان

عتمان كيسمع نجاح كتهدر وكضكط تصدم كيفاش خلاها في صباح كتبكي داب  هاهي كضحك توجه لصالون وهو بشوفها كالسة بوحدها عرف انها كتكلم معاهم جا خارج من الصالون حتى سمع صوت بنت كتنادي بسميتو

جوان : عتمان

الشي لي متيقش وخلاه يدور يشوف آش واقع …..

جوان : نتا مكتشوفنيش ولاكن انا كنشوفك نتا مكتعرفينش ولاكن أنا كنعرفك نتا كتهرني ولاكن أنا مكنكرهكش

عتمان : جن ؟ آش كتوقعي مني مرتي عايشة مع شياطين آش كتوقعي

جوان : جنون ماش شياطين ….

ليليان : لي غنطولوه نقصروه حنى غنمشيو ولاكن بشرط …

عتمان : لي هو …..

نجاح : أنا موافقة على شرطهم

عتمان : مغنوافاقش حتى نعرف آش كاين

جوان : إلى كانت نجاح حاملا ببنت غنسميها على سميتنا ؟ واش موافق

عتمان : علاش هاد الشرط

جوان : ماش مهم غير حيت بغيت شي ذكرى تبقى معاكم وصاف ههه (ضحكة خفيفة مع حزن كبير )

عتمان : مواافق

الكلمة لي على إترها ختافاو جوان وليليان بفرقعة اصابع من يد شمهروش الشي لي خلا نجاح طيح الأرض منهارة بالبكاء طايحا في الارض وعتمان معنقها وكيحاول يهدينها….

يتبع⁦🗯️⁩

صديقات من نوع اخر 👑
بقلم : ذكرى الطويل/dikra touil
البارت :   واحد عشرون

في عالم الجن ….

فتحو جوان وليليان عينيهم في قاعة كبيرة هي نفسها قاعة العرش على عرش الملك جالس بكل هيبة الملك الشمهروش اليوم هو يوم تتويج الامير شمهروش على عرش الملوك بحضور جميع ملوك الجن وأعضمهم….

عبد الله مذهب (كيشوف بفخر في ولدو لي اليوم هو يوم تتويجه (نطق بعد ماحول عينه للجوان وليليان ) وكدالك اليوم يوم عقاب الأميرات على غلطهم كلنا عارفين ان ملوك الجن ممنحقهومش يضهرو للبشر ولاكن هوما خالفو هاد القواعد وكدالك خالفو وعد فيكتوريا الأعضم اليوم هو يوم عقابهم

جوان وليليان : حنا مستعدين

بدأت مراسم تتويج الملك بإلقاء تعاويد مع بعض الأيات القرأنية مراسم لي كيتيرو الرعب في نفوس الموجودين من حرس الدخان حيت باش نشوف ملوك الجن السبعة بقوتهم وعضمتهم كالسين على الأرض مشكلين دائرة مع إضاءة من الشمع الاحمر ملوك لي بوقتهم كتهز الجبال بصوتهم كيتيرو الرعب في نفوس الحراس والراعية من الجن

المراسيم كتم والناس  في خوف كيف لا واليوم هو تجمع أقوى الملوك

الملك الشمهروش.الملك عبد الله مذهب الملك هارون الملك برقان (واسماء اخرى )

وليوم هو كدالك يوم نهاية وعد فيكتوريا ااوعد لي تخالف وأخيرا واليوم هو نهاية قصة جوان وليليان
توجهات جوان وليليان لوسط الدائرة طلعات على كرسي خاص ودلات على عنقها حبل المشنقة هي وليليان شافو في بعضهم في حزن والملوك باقي كيتليو نفس التعاويد حتى تحيد الكرسي لي كان تحت رجلهم وهنا النهاية الملوك باقين على نفس وضعهم اميراتنا كيقاومو وكيحاولو يفكو حيت الوقت لي كتوصل للوقت الموت عاد كتعرف آش درتي وفجأة شعلات عافية من تحت رجليهم وهنا الملوك حبسو وخلاو العافية تشعل وتلتاهم جسد لي هو أصلا من دخان جسد صدقات ضحاو براسهم هنا النهاية نهاية جوااان وليليان…..

شمهروش :(بخفوت ) حقكم مغيضعش مغيضيعش !!

يتبع ⁦🗯️

صديقات من نوع اخر 👑
بقلم : ذكرى الطويل/dikra touil
البارت :   التالت والعشرون

بعد خمس اشهر

في غرفة العميات ناعسة على سرير طبي وهي فاقدا الوعي الأطباء مجموعين على السرير الطبي

الطبيب : (عرقان ) سربيو راه غيتخنقو سربيو حالة الام خطيرة

الممرضة : ذكتور النبض نخافض

الذكتور : خاص نقدوهوم خاص يعيشو مستحيل يكبرو بلا ام

خارج الغرفة…..

ماشي جاي حدا باب غرفة متوتر كيحاول يعرف آش واقع مدة نص ساعة وهوما لداخل مع ان الولادة بالعملية كتسغرق مدة قصيرة ونجاح موالفاتهاش الولادة العادية

في نهاية الممر جاي كيجري وشاد في قلبو ومن وراه عمران كيحاول يوقفو

مصطفى (كيلهت ) كيف بقات بنتي

عتمان : اجي اعمي غير تهدن

تحلات باب غرفة العميات وخرجو منها جوج ممرضات مبتاسمين

عتمان (مشات عينو مباشرة ليدهم )

الممرضة 1 : مبروك عليك اسيدي
الممرضة 2 : يترباو في عزكم إن شاء الله

جات رقية كتلهت كتشوف في البنيتات الصغار نجاح ولدات توأم بنات هزات واحدة من عند الممرضة . ورات عتمان كيف يشدها وهو غيطير بالفرحة وهزات هي التانية

الممرضة :: المدام غنقلوها داب لغرفة خاصة …

عتمان (ومأ براسو بواخة )
كلشي تجمع على رقية وعتمان كيشوفو في هاد الملائكة لي قدامهم …

عتمان (كيتأمل ولادو وكيشوف فيهم نطق بهمس ) جوااان وليليان

يتبع

صديقات من نوع اخر 👑
بقلم : ذكرى الطويل/dikra touil
البارت :   الرابع  والعشرون

بعد خمس سنوات……

   كالسة في بيتها كتأمل في اشعة الشمس  لي داخلا من الشرجم وعقلها غايب كتسمع أصوات ديال الضحك في الخارج بلا شعور ترسمات إبتسامة على شفايفها وهي كتسمع صوت بيناتها  باقي في نفس جمالها الزمن مغير منها والو بالعكس الكبر في السن زادها جمال على جمال …

ساهية حتى حسات بيد حوطاتها من الخلف

نجاح : خمس سنين اعتمان

عتمان : ومتبدل والو من غير بناتنا لي كبرو

نجاح : اليوم هو …(للدموع في عينيها)

عتمان : غيكونو عايشين سعاداء داب تيقي بيا

نجاح : فحال هاد النهار مشاو

عتمان : غيكونو عايشين في سعادة هادي هي الدنيا

نجاح (مساحات دموعها ) يلاه نخرجو نشوفو جوان وليليان

عتمان ومأ بيها براسو بواخة وخرجو من البيت

في نفس البيت في ضهر من العدم الملك شمهروش : وصل الوقت !!!

خرجات نجاح وعتمان للخارج جاو جوج بنيتات صغار كيجريو عند نجاح وعتمان

جوان : مامي واش واخة نمشيو عند جدي

ليليان : بابي واخا نمشيو

نجاح : (حنات عندهم وعنقاتهم) واخة سيرو ومتعطلوش (دار نجاح قريبة بزااف لدار مصطفى قلتها لكم في البارتات الأولى غير فكرتكم حيت البنات في عمرهم خمس سنوات)

ووصلو جوان وليليان لدار مصطفى… لي كان هاد الأخير حدى الدار كيعطي الدجاج ياكلو

مصطفى : اهلا أهلا بناتي … زيدو ندخلو من الشمس…

تقدم مصطفى ومن بعدو جوان وليليان …..
      مصطفى حل باب الدار حتى تفاجئ بالشخص لي كالس في الصالون جا ينطق حتى …

مصطفى : ولدي شمه….

فجاة وقبل حتى ميكمل كلامو كان ترفع من على الأرض طاير في السماء الشي لي خلا جوان وليليان يشهقو بالصدمة ويرجعو للوراء بخوف وهوما كيوشوفو جدهم مهزوزو في السماء وشي حد غيرب كيتحكم فيه غير بيده شخص مكيبان منو والو غير ردائو الأسود وعينه الحومار

مصطفى كيحاول يتنفس وهو طاير وكيحس فحال لشئ حد خانقو بيدو  حتى ولا كيطير مبعد على الباب متوجه لباب الكوزينة لي مدلي منها حبل على شكل مشنفة دخل راس مصطفى في الحبل وهو كيقاوم بكل جهدو حتى ….  طلق منو وبقا معلق بوحدو في باب الكوزينة مشنوق وعينيه محلولة

هادشي كلو داز تحت عينين جوان وليليان لي مكمشين في بعضهم وخايفين لونهم مخطوف حتى شافو ديك الشخص خارج بخطى تابتة …..

بعد مدة لي كتعادل نص ساعة فاقت جوان وليليان من الصدمة على صوت غوات الناس وريحة الدخان ….

خرجو كيجريو من الدار بلا ميدورو من وراهم ونفس المنضر باقي قدام عينهم وصلو لدارهم وهما يتصدمو الدنيا عامرة بناس القرية والدخان في كل بلاصة والعافية في دارهم البوليس في كل بلاصة والإطفاء كيطفيو العافية ولومبيلوص واقفة ….

مشهد لي مكيتوصفش خصوصا إلى عاشوه بنات في عمرهم خمس سنين دازو من قدامهم جوج من الممرضين جارين باياصات مغطية مخلين البنات واقفين مصدومين ….

اصوات مختالفة وممفروزاش ضبابة في كل مكان الروئية موضحاش اصوات ممفهومينش من غير كلمات لي صعيب تفهم

  ( إن للله وإن إليه راجعون )
   (مساكن واليدهم ماتو )

وأصوات خرى ممفهوماش
الشوفة مبقاتش باينة حتى شوية طاحو في الارض ومعقلو على والوو….

يتبع ⁦🗯️⁩ ….

صديقات من نوع اخر 👑
بقلم : ذكرى الطويل/dikra touil
البارت :   الرابع والعشرون

شحال ديال الوقت داز معرفناش حلو عينيهم على سقف بيض وصوت جهاز تخطيط القلب

تيت تيت تيت تيت تيت

تحل الباب ودخلو منو جوج رجال لي من لباسهم باين انه واحد فيهم ذكتور والتاني شرطي ..

قالو شي كلام لي مسمعوهش ابطالنا حتى جبرو راسهم نايضين وخارجين مع الشرطي لخارح المستشفى

وقفات طموبيل شرطة قدام بناء كبير وشكلو قديم ومهترء بزاف نزل شخص من الطموبيل ومن الشكل ديال حوايجو باين انه من رجال الشرطة … رجع للباب اللور وحلها حتى خرجو منها جوج بنيتات صغار مكمشين في بعضهم وكيشوفو في الراجل وفين هوما عمرهم تقريبا خمس سنين

تقدم الشرطي لباب المبنى الكبير بعد ما سد باب سيارتو وتبعوه هما من الخلف بخوطى بطيئة

تحلات بوابة ديك المبنى وضهر آش كان مخبي من وراها جردة كبيرة وشاسعة كلها خضورية وشجار في كل بلاصة ووسط الجردة كاين ممر طويل كيأدي لباب خرى

تمشاو على طول الممر حتى وصلو للباب ستقبلاتهم سيدة لي تكون في الخمسينيات من عمرها.. رحبات بالشرطي ورمقات  البنيتات صغار بنضرة حزن …..

دخلو لمكتب خاص ….

السيدة :.  مرحبا بكم تلقينا خبر مجيئكم في الصباح وكلشي واجد غير تسنيو على هاد الوراق .. غيبقاو تحت حمايتنا حتى يوصلو للسن القانوني

الشرطي : (سنا على الواراق) أكيد وبغيتهم يتلقاو احسن رعاية واش مفهم

السيدة : كون هاني اسيدي حنا هنا كنهتم بهم فحال لأنهم في دارهم وماش كاأنهم في ميتم ..

الشرطي : أكيد غتكوني عارفة آش داز عليهم وعلى نفسيتهم …. ديك لشئ لي دازو منهم صعيب بزاف …باش تشوف عائتلك كتحرق قدامك … وباش تشوف جدك شانق راسو راه حنا ومكنتحملوش عاد هاد الملائكة

السيدة : حنات راسها بحزن أكيد هادشي ماش ساهل

هادشي كامل داز على مسامع البنات لي مفاهمينش فين هما …..

بهمس شبه مسموع في نفس المكتب …

   : صاف خلصتو الدين لي كان علكيم ومبقات حتى حاجة بلا خلاص غير إلى هاهاها (ضحك بصوت مسموع بالنسبة للبنات )
وماش مسموع للناس أخرين في داك المكتب ….

هنا سالات قصة #صديقات_من_نوع_اخر وبدأت قصة خرى قصة جوج بنات وحياتهم كفاش غتكون بلا والديهم زائد الذكريات المشأومة لي عاشوها واش غيعيشو حياة هانيا ولا غتكون شي !!!

نهاية القصة هي نهاية مفتوحة لي مجاتش من فراغ بلعكس جات بعد مدة من التفكير … وللقصة جزء تاني غيكون بعنوان #عشق الملوك  لي غيبانو فيه بزاف من الأسرار وإن شاء الله غتنزل ولاكن ماش داب 

نتمنى تكون عجباتكم قصتي وعشتو معها وتكون خفيفة ضريفة على قلبكم 👑💓

Teh and
النهاية 🍷🚬