Skip links

قصة سادية الحب… ج 9

 8,163 عدد مشاهداات

كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 206🌚🌚:
هبطت لتحت لقاتهم الاغلبية عند الباب يستناو فيهم يهبطو يستقبلوهم ….تفكرت ماماها وقتها و تمنات كون هي تاني تجي و يعاملوها هكاك ….
دخل خالد سلمو عليه …زادت مرتو سيفيليزي تبان مليحة سلمت عليهم و تبان حشمانة منهم …و منبعد زادت دخلت طفلة تكون قد سيرين ….
سيرين بصوت عال مفاقتش لروحها :صااار طلع منك ا عمي بنتك راهي كثر مني واقيلا ..
ضحكو عليها البنات و تشوكات من واش قالت راحت جرات تسلم عليهم باش تسلك روحها ….
و زاد دخل وليدو لي في عمر يناهز 15 …..
كي لحقت اية تسلم عليهم ترمات في حضن خالد لي عنقها تعنيقة طويلة …و عرفها على مرتو …زادت سلمت على ولادو و رجعت لور ….
هكاك و يسمعو صوت طونوبيل اسلام لحقت …هوما دخلو لصالون يهدرو ..و هي حلت الباب عليه كي جا يدخل …
غير شافها ابتاسم …
اسلام :السلام عليكم اختاه ….
اسلام تشوكات منو …أصلا عندو شحال ولى ميهتمش بيها كيما قبل و زادلها باختاه هدمها ديراكت …
اية :هاااه ؟
اسلام :شبيك علاه نتي مشي ختي ولا ؟ لحق القوم ياخي ؟
دروت عينيها و جات رايحة …اية :هيه لحق …
راحت دخلت عليهم لصالون ..و بقات تستنا فيه يدخل ..بصح راح من الجيهة الاخرى …تستنى برك وقتاه يدخل جازو 25 دقيقة و هي تهدر مع البنات و تعرفو كامل على عائلة خالد و حاولو ينحيولهم الحشمة هديك ..حتى تشم ريحة تعرفها ….
دخل عليهم لابس سورفات فنوار …شعرو مشمخ من تدواش بصح ممسوح …و ريحتو عمرت الصالو….
شافت فيه ذبت و غير شافت خزرات بنت خالد ليه حست بالدم حبسلها …
كان محبس عند الباب يشوف فيهم كامل و طلقها بضحكة …
اسلام :عسلامتكم ..
و قدم يسلم عليهم …سلم على عمو …زاد مرتو …و زاد على وليدو …راح لعند الجدة باسها من جبهتها و زاد يماه
الجدة :اسلام نسيت مسلمتش على عبد جا عندنا لاول مرة …
دار اسلام هكا و هكا ماروماركاش …
اسلام :شكون ماني…..
اية حست روحها حا تدوخ كي شافت بنت خالد ناضت من بيناتهم ….
…:انا هي هههه …
دار اسلام و شافها. .
اسلام :هاه اسمحيلي مشفتكش و الله …
…:عادي ههه
خالد:اسلام هدي بنتي …
اسلام :الله يبارك عمي …..قربت ليه و هو قرب ليها يسلم عليها …
تصافحو برك باليدين …و كانت خزراتو كامل لاية لي وجهها ولى حووومر …و غير تشوف فيه …
…:بالمناسبة انا منال …
اسلام :تشرفت و انا اسلام ….
ابتاسمتلو و رجعت لبلاصتها و هو حصل وين يرجع من الحشمة و من خزرات اية لي حرڨوه …شد بلاصة قدام حسن و ادم لي كانو قاعدين لتم …و هدر معاهم شويا و غير يشوف في اية لي تشوف فيه و تشوف في منال و مشي على بعضاها ….
قروو و أخيرا يروحو يتعشاو …و كيما الدار معمرة …الكبار كامل قعدو في الصالون ياكلو …و لي جون خرجو لطابلة لي وجدوها البنات في الجنان …راحو قعدو كامل اية شدت بلاصة بحذا سيرين …و اسلام قعد الاخير لي التاحق بيهم لطابلة …قعد بحذا ادم و امامو مقابلاتو منال تبتاسملو ….اية تاكل و تشوف في منال …لاول مرة تشعر بالازعاج هداك كامل …باسكو قرات في عينيها خزرات اعجاب ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 207🌚🌚:
كي خلصو الماكلة كامل …تعاونو البنات و النسا نظفو الطوابل و رجعو كلش لبلاصتهم …اية و الين راحو يغسلو المواعن …سيرين خدات تمسح الارض وين كلاو …رهف و ترغيد بقاو يوجدو في لاتاي و الصوالح لي حا يسهرو بيهم ….و منال و عايلتها راحو يغسلو و يبدلو …
كي خلصو نقاو الحالة كامل …طلعت اية لشمبرتها تبدل باسكو تشمخت …راحت غسلت ..منبعد رجعت جبدت جبة تاع دار سامبل تكمل بيها سهرة منبعد صاي …كانت تجمع في شعرها حتى تسمع صوت الباب يطبطب….
اية :انعم …ادخل ….
حلت ترغيد الباب (بنت عمتها):اية رانا كامل لفوق في تيراس مجتمعين نلعبو شويا و نحيو الغمة هدي اطلعي اوك ؟ اسلام يقولك اطلعي
اية.:اوك ترغيد شويا و نجي قلتي لكاش وحدة بلي وجدنا كلش ياخي
ترغيد :صاي حطينالهم كلش ..و دينا تاني لينا لفوق لتيراس
اية :صحا دوك نجي …
راحت ترغيد و اية كملت سڨمت شعرها دارت شويا ريحة ..شدت تلفونها عيطت لماماها سقسات عليها رابيد و خرجت طالعة لتيراس …تلاقات في طريقها منال لابسة غوب قصيرة حمرة و مطلقة شعرها و ريحة تريح من بعيد …ابتاسمتلها فوق القلب و طلعو مع بعضاهم و الجو بيناتهم متوتر …
لحقو لتيراس …لقاو الجماعة فرشو على الارض و قاعدين كامل و كل واحد وين شاد بلاصة …و دارو دويرة …كان ناقص غير خو منال الصغير لي كان مريض و راح يرقد …
غير دخلو عليهم شافو كامل ليهم …و اسلام حط عينيه على اية منبعد شاف لمنال لي تبتاسملو رجعلها الابتسامة منعبد دور راسو حك شعرو …و شافت فيه سيرين ضحكت ضحكة خفيفة و هو غمزلها شاد ضحكتو بسيف …
كانت منال تحوس زعما وين تقعد و تشوف في البلاصة لي بحذا اسلام …نحات اية بليغة تاعها و راحت شدت البلاصة هديك و شافت في اسلام ابتاسمتلو ابتسامة خفيفة …و منال راحت شدت بلاصة وحدوخرا …
اسلام بصوت بلعقل تسمعو غير أية :زعما كون خليتيها تقعد قدامي واش حا تخسري هاه زعفتيلنا الزين هداك كامل ….
شافت فيه اية غاضتها روحها …اية :اسلام من نيتك ؟
اسلام :هففف صاي تعيي خاينا نستمعتعو بالسهرة هدي و تقلقينيش
بلعت ريڨها و تشوف فيه كانت حابة تنوض من بلاصة هديك ندمت علاه قعدت تماك و بقات تشوف فيهم كامل حست روحها ضاق خاطرها ..بقات تسمعلهم واش يهدرو ..و تسمع اسلام كيفاه يجاوب منال و يضحك …
تمتمت بصوت غير مسموع ….
اية :تسما تضحكلهم كامل غير انا لي توجور تعكسها معايا …انا باش رجعنا نهدرو حتى شفت المرار …و هي ثانية وحدة خالتك تضحك كيما تحب ….معلش 😞
حبس هدرتو عمدا و حاول يفهم واش تمتم …شد بعض الكلمات برك …و منبعد كمل هدرتو مدارلهاش قيمة كامل …
سيرين :جماعة واش رايكم نلعبو اكسيو فيريتي عندنا شحااال ملعبناهاش …
اسلام :تعيي بصح كي جات منك معلش نلعبو …
حسن :روح انا تاني معنديش مشكل …
بعد ما اقتانعو كامل يلعبو …راحو جابو العفسة لي يحطوها في الوسط بش تحدد الطرفين …و اية غير ساكتة تسمع لقلبها لي يتزير كي تسمع ضحكات اسلام و منال و كيفاه يقصرو و عيات من هلوسات عقلها لي يحسسها بالندم كي اقتاربت منو و خلاتو يكون كلش في حياتها ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 208🌚🌚:
بداو يلعبو و غير ضحك …اية قررت تضحك و تلعب عادي ….حتى لحقت اللعبة بين اسلام و حسن …
حسن :اسلاااام هههه شديييتك صراحة و لا جراة ازرب
اسلام :واش زعما خايفك اضرب صراحة …
حسن :هههههه صراحة ياخي
سڨم روحو حسن يضحك …
حسن : اسلام لي عندو شحال ما ضحكش هكا و عندو شحال ميڨصرش معانا كيمنهك تبدل كامل واش سبة في تغيرو ؟
اسلام :ياخي سامط ياخي سؤال هدا ؟ هيه تبدلت حبيت نتبدل
حسن :عندك شحال مقعدتش معانا نلعبو كفاه اليوم قبلت …
اسلام:صاي نقولك هيه صح تبدلت و اليوم جيت نلعب بسبة برك عبد واحد و هو يعرف روحو …
شاف في منال و ابتاسملها ….
حسن :شكونو …اسلام :عندك الحق في سؤال واحد أيا صاي العبو ….
اية من الشوك بقات تشوف فيه و في منال كيفاه تضحكلو و تتمعوج كامل ….
شدت روحها و كملو لعبة …حتى لحقت بين اية و ترغيد …
ترغيد :اية صراحة و لا جراة …
اية :روحي جراة …..
ترغيد :حممم حمممم ههههه تروحي تجيبي بيضة من الكوزينة لازم تدخلي بتسلل و تبقاي دوري بلعقل هنا …حتى تلحقي للعبد لي تقدري تضربيه بالبيضة بلا ما يفيقلك كسريها عليه ….
اية :هييييه هدا كامل …
ترغيد :هي وي عمري هيا ههههه …حطت تلفون تاعها …خلاتو لتم بحذا اسلام و راحت تجيب البيضة …
و شويا و ترجع ليهم ….دخلت عليهم و بقات دور و كل واحد يستنى في روحو …كانت تخمم على شكون تكسرها شافت في منال عاودت استغفرت و بقات دور ..لحقت وين قريب اسلام شافتو ضحك لمنال .دو تفكرت كامل الاستفزاز لي كان يستفز فيها من قبل …لحقت ليه تعداتو تنهد …رجعت لور و ضربتها بكل تردد على راسو بلعقل تكسرتش من لول عاودتها بزربة ساحت على جبهتو …رفع يديه شدها من يدها زير عليها و بعد رجليه فرقهم باش ميتوسخش كامل …
اسلام :تحشميييييييييييييييييييش بغلة و الله ما تحشمي واش درتلك انا باش تكسريها عليا ….
شاف فيها بخزرات يخلعو و هدر بصوت تاعو لي موالف يعيط بيه …
اسلام :مشي شحال من خطرة قتلك تلعبيش معايا واش اللعب السامط هدا تاعك لي راهم هنا كامل شفتيهمش شفتي فيا انا ؟ علاه انا صاحبك و لا صديق تاعك ؟ تزيديش تعاودي اللعب السامط هدا تاعك سمعتي يااااااااه
بقاو يشوفو فيهم كامل مشوكيين من وقتاه يعيط عليها هكاك ….
منال :ياااا اية مسكين غير كيما دوش خسرتليو حمامو كون غير كسرتيها على وحدوخر ….
اية من الغصة لي شدتها حاولت قدر الامكان تتحدى دمعة تاعها باش طيحش قدامهم كانت تحس بقلبها يرجف مشي برك يخبط …
اية :هاه و نتي واش دخلك جيت نكسرها عليك قلت غير كيما جات زيد راهي حطة ياخي جات فيه و مجاتش فيك واش دخلك حابة تزيدي ليصونص للنار و لا كيفاه ….
دورت عينيها عليها و شافت لي ميشوفش فيها و جاي ينوض من بلاصتو يشنف كامل عليها …كانت شادة الغصة هديييك بكلللل قوتهااا …شحال صعيبة كي تحب الدمعة تهبط و تقاوم فيها باش مطيحش ….
ناض من بلاصتو يشنف كامل …هكاك و تنوض منال من بلاصتها شادة بابيي موشوار بزاف …و راحت تجري بكل انوثة ليه …
منال:حبس اسلام تزعفش عادي اصبر نمسحلك شعرك باش متديهش هكاك منبعد روح اغسل
شافت اية في الجماعة لقاتهم مشوكيين كثر منها ..حست الدم حبسلها محبش يطلع سورتو كي حبس و خلاها تمسحلو شعرو ببابييي موشوار …
كانت منال شادة اسلام من ذراعو بيد و يد اخرى تسمح بيها …شافت اية في يدها لي شداتو بيها من ذراعو و زادت تقلقت اكثر …
اية :يااا حبسي حبسي …
راحت جبدتلها يدها …..و شافت فيها …
اية :وين لقيتي براصلي هدا راهو تاعي ….
جبدت منال يدها عليها :لقيتو في الدوش عجبني خديتو درتو معلاباليش تاع شكون منبعد نرجعو لصاحبو …
اية :هيه راهو تاعي هاتيه ….
اسلام :منال خليه عندك
شاف في اية …اسلام :هكا باش يتعلمو العباد يجمعو صوالحهم عندهم …
اية :بصح انا رحت توضيت و غسلت نحيتو و نسيتو برك
جبد اسلام يد منال طلعو لفوق شويا …
اسلام :جماعة براصلي هدا ياخي متافقين كامل بلي تاع راجل و هو تاعي
دارو براسهم كامل ايه ….
شاف في اية ابتاسملها ابتسامة سامطة …اسلام :صاي دوك تقدري ترجعي لبلاصتك و منال خليه عندك حتى تعياي رجعيهولي و اديه كامل …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 209🌚🌚:
طلعت منال رجليها و بقات واقفة على اصابع رجلها مدتلو بوسة صغيرة على خدو خلاتو يتشوكا ….
منال :ميرسي …
اية حست بشواربها رجفو لا اراديا جامي تصورت واش معنتها تمر لقطة كيما هديك قدامها و تتاثر …
شافت للجماعة موراها و راحت تمشي بزربة رايحة لشمبرتها حابسة الدمعة و تحارب فيها باش ما تهبطلهاش …
لحقت لاشومبر تاعها دخلت خبطت الباب غلقاتو بالمفتاح ….و بقات شادة روحها مشي حابة تضغف …راحت جبدت لانجات مسحت يديها و راحت جبدت بيجاما تاعها تلبس باش تدخل لسرير و تحاول ترقد …وقفت عند المراية …عينيها يلمعو و قلبها يوجع …عياطو يتعاود برك بين وذنيها …تغمض عينيها و تعاود تحلهم رجفو شواربها جات تبكي زيرت على راسها باش تبكيش …
اية بصوت مخنوق :من وقتاه اية ..مشي كنتي تقولي كل واحد حر في حياتو ..علاه اسلام هكا علاه بعد ما (جات تكمل ما قدرتش )
اية :واش داك ا اية واش داك أصلا هكا هوما رجال اليوم منال غدوا تعرفيش شكون …😞😞
غلقت باب الخزانة كيما لازم …جبدت بيسي تاعها و تسمع لصوت الجماعة لي فوق كيفاش يضحكو بلعقل …هبطتلها دمعة سخونة مقدرتش تقاوم حطت يدها مسحتها …و خبطت البيسي غلقاتو ..بقات تتقلب و شادة البكية …و محضنة المخدة تاعها لصدرها تتفكر برك كيفاه عيط عليها قدامهم و بهدلها كامل بعد ما صاي قالت تبدل معايا زاد رجع كيما كان اول مرة ….
هكاك و تسمع صوت الباب يدق …قفزت من بلاصتها و هدرت بصوت مخنوق …
اية :شكوووون ….
سيرين :هدي انا حبي حلي الباب مستحقاتك رابيد عيشك …
ناضت من بلاصتها هكاك محضنة المخدة تاعها …دورت المفتاح …و بقات مور الباب …
اية :صاي سيرين تقدري تدخلي ….
تحل الباب …و تشم ريحة غسول شعرو و ريحتو هو …غير شافتو طلعت حاجبها …
اية :واش جابك مشي سيرين ..سيريييين نشدك نقتلك …
اسلام :هششش الجماعة راقدين اسكتي …
غلق الباب زاد دور المفتاح …و بقى يشوف فيها …
اية :علاه تغلق حلو حلو معنديش الوقت نهدر معاك ..تزيدش تهدر معايا اني قتلك متعرفتي منعرفك فهمت (كانت تهدر حتى شدتها الغصة تاع الدموع و لات حبست هدرتها )
قرب ليها شويا برك …اية :ابقى تماك تقربش فهمت تقربش روح عندها عيشك تبقاش عندي انا هنا صاي انا نعرفكش و نتا كيف كيف ياخي …
اسلام :اية …اية :منييش اية منيش اية روح روح اخطيني تهدرش معايا علاه علاه روح اخرج و لا مي منقدرش نخرجك ديرلي الزكارة هاه و لا كي جيت نحتارمك و مخلية الاحترام بيني و بينك نقدرش عليك …اخرج عيشك اخرج …
خبات وجهها بالمخدة و خلات الدمعة طيح …و بقات مزيرة على المخدة مشي حابة تشوف فيه و لا حتى تضعف معاه …
ابتاسم ابتسامة خفيفة و في نفس الوقت قلبو وجعو عليها …
قدم عندها و جبدلها يد و اليد لخرا شادة بيها المخدة …
اية :خلي ا ربي خلي ملخر تخلينيش نعيط هاني قتلك خليني عيشك روح عند منال واش دير عندي
رفع حاجبو و يضحك …جبد البراصلي من جيب تاع سورفات تاعو …و دارهالو …
اية :نحتاجوش نرميه رجعو لصاحبو انا نديروش ياخي مشي تاعي ياخي تاعك ياخي ديرو هي بعد عليا نحيه نديروش انا جامي ندير حاجة مشي تاعي …
اسلام :هششش اية صايي شوفي رحت دوشت رابيد في 10 دقائق غير باش نحيت ريحة البيض و جيت نجري …علابالي غاضتك روحك مني و حابة تبكي و راكي بكيتي أصلا …و البراصلي قلت لسيرين نحاتهو من يدها تبهدلينيش دوك …
نحالها المخدة رماها لسرير و بقى شادها من يدها يشوف ليها و هي تشوف للحيط …
اسلام :صح بكيتك غالية بصح هكا حسيتك صح مرا ههه اسمحيلي اية و الله مقصدت نبكيك كنت برك حاب نلعب معاك شويا و نشوف كيفاش ديري … و جامي قصدت نبكيك و الله …
اية :خليني روح هيه ياخي كنت تلعب روح نولو نلعبو كامل …
حطت يدها على وجهها مسحت عينها بكل قوة …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 210🌚🌚:

اسلام :ديرولها العقل بلي راني نبغيها و مزالني يا عمرييي و راني معاها انا فيدال جامي نشونجي ههههه …شوفي نقولك حاجة ياخي و منبعد ادا حابة الوحش تاع اسلام يخرج نخرجو انا …شوفي اية نهدرو شويا سيريو …من لي لحقتي لهنا و بديت نتعرف عليك صح كنت شويا مختل عقليا …بصح شاد روحي عليك باتم معنى الكلمة ..درتك شرفي و مزالني حاسبك شرفي …درتك بنتي صغيرة …جامي تعاملت مع وحدة كيما تعاملت معاك ..صح كنا اصدقاء …بصح كون نشوف من جيهة اخرى تشوفي بلي معاملك كثر من صديقة …و بسبتك تبدلت كامل ديريش عليا قبيل كي لعبنا كنت حاب برك نقلقك …هيه نكمل …رحتي و كان معنديش حاجة تشدني نروحش نشوف طفلة وحدوخرا نحاول نكون معاها كيما كنت معاك اما نو بلاصتك نتي وحدها …صح قصتنا معڨدة و صعييبة تاني …بصح قلتيلي هداك نهار نقدرو مشي هكا ….مشي قلتيلي ننساو و ها نسينا ….نقولك كلمات حابة تتقبيلهم على الرحب و السعة مشي حابة نعاودهملك بلاك تقولي نستسلم هههه …وقد نهفو إلى زمن بلا عنوان وقد ننسى وقد ننسى فلا يبقى لنا شيء لنذكره مع النسيان ويكفي أننا يوماً.. تلاقينا بلا استئذان…هيه مالا هكا حنا …عذبتيني في كل حلم نشوفو …خليتيني نهترف باسمك حتى في الدار …حبيتك طفلة صغيرة حبيتك مراهقة هديك تاع هداك نهار و حبيتك اية تاع دوك …نحبك مش حب صديق لصديقة و لا اخ لاختو …رغم كلش تشجعت و راني نقول الهدرة هدي مكنتش حاب نقولهم قبل باسكو مكنتش متاكد و حاجة حرام نحبهاش …هكا علمتني وحد الطفلة قدامي بكيتها قبيل …بصح اليوم نقولهالك …نحبك نحبك نحبك …فان سالوني عن وتيني صرخت بكل رجولة باسم ايــة …قالولك الراجل بيان في حبو من اهتمامو و المرأ من الغيرة تاعها … و نتي شحال و نتي كي الحجرة متغيري ماوالو و اليوم عمدت باش نستفزك شويا و لحقت لوين حاب …
كانت تبكي و تسمح دموعها بيد وحدة و تضحك بلعقل …
اسلام :هههه تبكيش …و اسمحيلي على قبيل و ادا نتي تبادلينيش نفس المشاعر منعرف واش ندير نهمل و صاي
ضحكت و عينيها معمرين دموع ….جبدها من يدها ليه و حشرها في صدرو …بقى يمسح على شعرها و يضحك وحدو …
كانت مزيرة عليه من الخلف من تريكو تاعو …
اسلام :اهدري بلعتي لسانك و لا ….رغم لي تعرفيه كامل عليا تقدري تتقبلي الهدرة لي قلتها و لا نو ….
تشبكت كثر في تريكو تاعو و تضحك في نفس الوقت تبكي ….
بعدها شويا عليه …شدها من وجهها يديه على وذنيها شادها ليه و مقربها لراسو هو بعد ما نقص من طول تاعو …
يشوف فيها بنظرات قوية و هي تاني ….
اسلام :قابلة و لا نن اهدري صينوو نحسبها السكوت علامة الرضا ….
دارت براسها ايه و زادت في البكاء …ضربها بضحكة خلات ضرسة تاع العقل تاعو تبان …
باسها من جبهتها بوسة طوووويلة …شاف فيها …
اسلام :ايوووتة نقدرش نزيد نقعد احترام لي كان بيني و بينك يكمل هكاك ..علاقتنا ماعندهاش اسم انا نروح نخليك ياخي مينوشة بلاكي و تزعفي حبككك موووووووت موووووت …نقدرش نقعد دوك معاك حتى منبعد اوك ….
دارتلها براسها ايه و تضحك ……
خلاها و راح خرج ….اما هي خلات الدموع يكملو يهبطو و بقات تشوف للبراصلي لي في يدها ..تبكي و تضحك في نفس الوقت ….
ايية بينها و بين روحها :معندي ما نقول غير من غير قدر الله منقدر ندير والو اه ربي شكون قال يجي نهار هدا ….
مسحت دموعها خرجت تتوضا …و رجعت جبدت سجادة تاعها تصلي و تبكي و تدعي …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 211🌚🌚:
غير خرج من لاشومبر تاعها يضحك و وجهو مبسوط شاف في آخر الرواق سيرين تستنى فيه شافت فيه راسمة علامة استفهام على ملامحها …ضحكلها وحد الضحكة خلاتها تجري عندو و هو يمشي اتجاهها ….
غير لحقت عندها حبست و بقات تستنى فيه يهدر …
سيرين:قولي واش درت ؟راضيتها؟اعترفت ؟ هاه اهدر قلبي حا يحبس ….
عنڨها ديراكت و بقى يدور فيها و هي تضحك ….عاود هبطها على الارض ….
اسلام :قلت كيما قلتيلي الخطرة لي فاتتتتت …قلتلها و تقبلت ….
سيرين من الفرحة شدتها ضحكة هيستيرية ….عاود عنقها زيرت عليه و خلات الدمعة طيح ….فرحة لخوها لي ولى فرحان كي قبلت اية بيه و فرحة باسكو اول مرة يعنقها هكاك و يشاركها فرحتو ….
بعدت عليه شويا و هدرت بلهفة :تسما اسلام غدوا ديني لخياطة ياخي نجيب منها واش طلبت ياخي تسما نقوللها توجد روحها تجي معانا ….
اسلام :ههههه قوليلها …ادا محبتش خليها راهي قريب تموت من الحشمة …
سيرين :نهدرش معاها دوك كامل الصباح نوض بكري نقوللها ….
اسلام :صحا على 8تاع صباح نروحو ياخي انا غدوا نخدمش بصح انا تاني عندي شغل فهمتي …
سيرين :يويويوي هههه فهمت فهمت على 8 ان شاء الله نكون واجدة ….
تفارقو كل واحد لشمبرتو ..و واحد مرقد كيما لازم ….
…..
لحقت 6 تاع صباح و يبدى الجيش لي فدار ينوضو بالواحد …باش يكملو يوجدو للحفلة الصغيرة تاع الخبطة لي حا يديروها فدار ….كانت اجواء لا مثيل لها …ريحة تاع الدار و تبدلت …و حاولو قدر الامكان يحققو وصية الجد و يبكيوش …فمدة الحزن 3 ايام اما الايام الاخرى فهي أيام حنين و شوق و لازمش الواحد يكفر بمشيئة ربي سبحانو …ناضت اية رقبتها تعوجت تالمو رقدت بلهبال هداك …غير حلت عينيها تفكرت واش صرا ضحكت …و حست بالهواء لي تتنفسو بااارد من شدة الفرحة ….
خرجت غسلت ….و هبطت لتحت …لقات البنات غير كيما ناضو مكشردات كامل …تعاونت معاهم وجدو القهوة و واش لازم لفطور الصباح لي مزال مناضوش و العماات راحو يكملو لشغالات لخرين لي مزااالووو ….
هكاك و تجيها سيرين لي كانت في دوش دوش ….تجري راحت خلفها و دغدغتها ….
تنفضت و خلات المغرف لي في يديها يطيح و بدات تضحك …هكاك حتى تشوف منال دخلت عليهم لكوزينة غير كيما ناضت …
منال :صباح الخير عليكم …
البنات :صباح الخير منولة اقعدي تشربي قهوتك …
شافت اية في سيرين تضحك نحاول تشوفش في منال …
اية :هيه ا عروسة تاعنا كفاه صبحتي …
سيرين :هممم حمد الله ههه نقولك حاجة ان شاء الله ترفضيهاليش …
اية :هاه قولي ….سيرين :ني رايحة نجيب واش خيطت من عند الخياطة ان شاء الله برك نلقاها خلصاتو عيشك تجي معايا
اية :يااا ني حابة نجي بصح راكي تعرفي شغل كيفاه لازم نعاونهم
سيرين :هي نهدر معاهم عيشك عيشك عيشك
اية :صحا معلش نجي ان شاء الله ….
سيرين :حطي واش في يديك مالا و روحي تلبسي …
اية :علاه مزال الحال
سيرين :نووو مزالشششش روحي نقولك اسلام هو لي يدينا صينو يعيط راكي تعرفيه
غير سمعت اسمو حست كرشها دارت …كانت حا تقول منجيش….سيرين :دبري راسك عيشك عنديش ختي تجي معايا غير نتي بلييز روحي …
خلات واش في يديها نحات طابليي لي كانت مدايراتو …مسحت يديها …جبدت حلوة حطتها في فمها و راحت تمشي رايحة تخرج من الباب …طلعت راسها و تشوفو جاي معرفتش واش دير …ترجع لور تقدرش تتقدم متوترة …هو غير شافها ضحك …زاد زرب حتى لحق ليها كانت عند الباب و البنات كامل يشوفو فيهم …هبطت راسها ….و قريب الحلوة حصلتلها ….
جات رايحة هدر بصوتو المبحوح للبنات موجه هدرتو …
اسلام :شوف شوف دصارة تروح بلا ما تقولي صباح الخير حتى …
ضحكو البنات و شافت اية ليه بخزرات تاع علاه علاه تبهدلية …حط يدو على راسها خربطهالو و خلاها تروح تجري ….خلى منال تتشوكا …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 212🌚🌚:
طلعت توجد روحها …نفس الشي سيرين و اسلام ….
خلص راح لطونوبيل خرجها من قاراج …و بقى يستنى فيهم ….
هبطت سيرين راحت تجري تلحقو لطونوبيل قبل ما يتقلق … و شويا تزيد اية راحت ودعت عماتها و البنات و خرجت …لقات منال قدام طونوبيل …شدتها ضحكة ضحكت ….
راحت زربت في المشية حتى لحقت ….كان اسلام حال طاقة تاعو يسمع …
اية:واش جابك نتي علاه تجي ؟
منال :قولي لاسلام يستناني نروح نسيت دراهمي و نجي ….
راحت منالل و اية راحت للجيهة الاخرى وين راكبة سيرين و قدامها اسلام …خبطت على المراية خبطات صغار و في يدها براسلي هداك سڨماتو مليح و يبان ….
حلت الطاقة سيرين من اللور و اسلام محبتش تهدر معاه و بقى غير يبتاسم …
اية :كي تجي سيرين علاه قلتيلي نجي انا ؟
سيرين :و الله مشي انا قلتلها قولي لاسلام يقولك و ازربي شدي بلاصة لي لقدام راهي معولة تقعد تماك ….
قدمت خطوة و لات بحذا الطاقة تاع اسلام لقاتو مسند راسو على يدو شاف فيها وحد شوفة خلاتها تنسى واش كانت حابة تهدر …
ابتاسم بخفة و بكل رجولة …اسلام :اركبي عمي لي قالي اديها معاكم عندهاش صباط نسات مجابتوش لازم تشري للخطبة هيا اركبي ..
اية :نبصملك بعشرة غير راهي تكذب عندها كلش غير باش جي …دارت للجيهة الاخرى و ركبت لقدام بحذا اسلام و غلقت الباب بكل قوتها …
شافت في اسلام لي يشوف فيها بخزرات مختلفين عن قبل ما يعتارفلها زاد فضح روحو كثر و كثر بلي يحبها و ولات تحشم كي تشوفو يشوفها هكاك …دورت راسها لسيرين لي تضحك …اية :سيرين تضحكي ياك 😒😒😒
اسلام :اية واش رايك نروحو و نخليوها نقولو نسيناك أصلا راهي طولت …
اية :هيه روح هيا واش تستنى …
بقى يضحك عليها مع سيرين …دور براسو لسيرين :شفتي كيفاه تبدلت هههه اية نروحو ياخي
اية :😒تكرررررررز ….راحت تجيب دراهم قالتلك و تجي
اسلام :علابالي كانت تستنى في خوها بصح طول
اية :تسما خوها تاني كان حا يجي …اسلام :يا ودي يجيبلها برك دراهم …
اية :😒😒هاه تعرف كلش …
هكاك و تلحق عندهم منال شافت لقدام شكون ركب …
منبعد حلت الباب الخلفاني و ركبت بحذا سيرين …
اية بصوت شبه مسموع :ياخي صحيحة الوجه ياخي …
شاف فيها اسلام يضحك :هششش اسكتي تبهدليناش ……
منال :صاي اسلام تقدر تروح ميرسي بوكو اسمحلي برك طولت
اية :لالا كون زدتي شويا طولتيش و الله …و علابالو بلي قادر يروح روح اسلام ديماري و عيشك حلي الطاقة باسكو تعرف كيفاه …
اسلام و سيرين غير يضحكو و يبتاسمو و اسلام عاجبو الحال هكاك …..
اسلام :منال واش قلتي حابة تشري سباط ياخي ؟
شافت في اية شادة على راسها و دور في شواربها و تزير عليهم ..
منال :وي سيلتوبلي نسيتهم درتهم في شكارة نجيبهم نسيتهم …
اية :ممم صباط في شكارة كون قلتيلي كون مديتلك عندي بزاف و جداد تاني زعما ادا تقولي حابة جديد مي معلش …
منال :ههه ميغسي شيغي …..
……
طريق كامل و اية و منال لي تهدر ترجع لخرا الهدرة بمعنى الكلمة اية خلاتش اسلام يهدر …و لا حتى سيرين …
لحقو للخياطة ….حبس اسلام …اسلام :هنا سيرين ياخي
سيرين :هيه هنا هيا سيرين اهبطي معايا عيشك …
اية : هيا نتي تاني منال اهبطي تشوفي …مناال:روحو برك نتوما انا ني هنا نرمال ….
هطبت اية من طونوبيل و حلت الباب على منال. .
اية :كاين حانوت هنا تاع صبابط تسما لازم تجي هيا هيا حبيبتي ….
هبطتها معاها و سيرين غير تضحك و اسلام حرقها بخزراتو …كي غلقت الباب الخلفي …عاودت حلت الباب لي لقدام تاخذ الساك تاعها تلاقاو عينيها مع عينين اسلام …حشمت جات خارجة سمعت واش قال زادت زربت غلقت الباب …اسلام :هكاك نحبك ….
شافت في البنات وجهها احمر و راحو داخلين عند الخياطة ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 213🌚🌚:

دخلو للخياطة …قعدو استناو حتى خرجو كامل لي كانو لتم …حتى لحقت دالتهم …
سيرين :طاطا عيشك ياخي وجدتيلي واش هدرنا عليه
الخياطة :و الله سمانة هدي كامل غير هدوك لي خيطت ههه بيانسور كلش واحد ان شاء الله
سيرين :طاطا واش نقولك علابالي عييتك معايا …حابة تمدي الحاجة لي قتلك خيطيهالي فروج لطفلة هدي تعرضها باسكو ياخي قتلك ليها (لاية) و انا نروح خويا يعيطلي برا منعرف واش يحتاج شوياااا برك و نرجع
الخياطة : بيانسور راحتك بنتي ….راهم عندي امانة
خلات اية مشي فاهمة و راحت تجري خرجت عند اسلام ركبت الطونوبيل معاه و راحو لوين حابين …
اما اية داتها الخياطة مدتلها القفطان العصري لي خيطاتو و طلبت منها تعرضو …لبساتو و لقات جاها مليح …
خرجت تشوف روحها في المراية لقات روحها تهووبل …
اية :عيشك طاطا شكون قالك خيطيه و لشكون هدا ؟
الخياطة :و الله سيرين هي طلبت مني زوج واحد ليها واحد قالتلي بنت عمي هاه طلعتي نتي
اية :بصح علاه يعني منعرف ؟
الخياطة :و الله معلاباليش و جابتلي غوب تاعك قياس دوك نرجعهالك …
راحت جابت لاغوب و اية تشوكات صح غوب تاعها راحت تنحي القفطان هداك و منال غير تشوف فيها …
بدلت قشها و مشي فاهمة والو تستنى برك وقتها تجي سيرين تتفاهم معاها …
قعدت مع منال يستناو …هكاك حتى يسمعو صوت الباب تحل و صوت سيرين تتنفس رابيد باينة عليها شبعت ضحك …
سيرين :اسمحولي طولت عليكم اية عجبك ؟
دارت ليها اية :سيرين بصح علاه هداك كامل ؟
سيرين :حياتي كامل تمنيت تكون عندي ختي و كي نجي نتخطب تلبس كيفي سرقت غوب تاعك من خزانة تاعك يعني عادي ههه و خيطتلك واحد كيفي تلبسي كيفي يعني هههه
اية :يعمرييي بصح كون قلتيلي كون قلقتيش روحك هكا كامل …
سيرين :عادي أصلا جامي درتلك حاجة مليحة . ناضت اية من بلاصتها راحت عنڨتها ….و منال غير تشوف فيهم …
اية :هيه وين رحتي ؟
سيرين :رحت مع اسلام لبوتيك تلاقينا مع مروان و خيرتا الخاتم يياااا يما و كون تشوفي قلبي
اية :تتمسخريييييي …سيرين :اقسسسم بالله يااا ربييي شوفي هاتي يدك اسمعي قلبي ههه يا ربييي عرڨت عرڨت ….
اية :يااا ربييي راطيييييييت …سيرين :ههه معلش أصلا مهدرناش ووااالو و انا كي شفتو تخلعتتتت حسبتش نلقاه و لا يديني نخيرو الخاتم نسيييت كامل يااا مامييي مدلي يدو تصافحنا برك قريب ذبت قدام اسلام ياا ربيعي تبهديييلة
بقاو يضحكو و ضحكو الخياطة معاهم …داو الحوايج و خرجو حطوهم في طونوبيل …دخلت اية و سيرين راحت مع منالل لحانوت الصبابط
بقات اية وحدها في طونوبيل اسلام كان هابط لحانوت يشري دخان …
غير دخل لقاها تبان متوترة ….اسلام :هيه واش عجبك واش وجدتلك سيرين ؟
اية :علاه نتا تعرف ؟ اسلام :هيه هي قالتلي دوك برك يعني …
اية :ممم يهوووبل بصح منعرف نلبسو على خاطرها برك هكاك نبان انا العروسة …
غمزلها و قال:كي اليوم ا الكبدة ….شعلت عينيها و دورت راسها …جبد ڨارو و شعلو …
شافت فيه …اية :تسما مشي ناوي تحبس الدخان ياخي …
اسلام :منعرف كي نقدر نحبسو نحبسو كيما رجعتيني نصلي نولي نحبسو هدا تاني أصلا نقصت منو …
اية :هيه تفكرررت …ني حابة نقولك حاجة …
اسلام :هاه اهدري …كانت تهدر بتوتر …كلش تبدل من اللحظة لي قاللها نحبك …
اية :يعني كبرت و …منعرف منين نبداهالك ملخرررر ني حابة نتحجب و حجاب طويل يعني مشي بسروال …يعني عشت حياتي لبست كيما حبيت ماكييت كلش درتو….اما مربحت والو …كل ليلة تلحق عليا نقول كون نرقد نوضش نموت هكاك مشي متحجبة …اليوم لي نلبس فيه مليح يجي ليل صاي كلش يفوت كي شغل ما لبست ما والو ..لهذا قررت ندير حجاب …و ادا درتو يعني تزعفش مني باسكو حا نتبدل كامل ههه يعني ادا كنت نسلم عليك نولي نسلمش …
طفا اسلام الڨارو …و ضحكلها …اسلام :قولي و الله غير معولة
اية :و الله العظيم أصلا بديت نوجد نشري صوالح بصح قدرتش نخبي عليك …هكا باش كي نديرو نتبدل يعني مشي حابة تزعف و تحسبها حاجة اخرى
اسلام :يا ودي ادا حبيتي انكريني ڨاع غير ديريه و الله تزيدي تحفري اسمك في قلبي برك ..صح حبيتك كيما كنتي بصح تزيدي من بلاصتك كون تتحجبي برضايتك
اية :😒😒واش جاب الحب دوك ..ني قتلك برك ..
اسلام :ديريه ديريه أصلا درتيه و لا درتيهش تبقاي تسلمي عليا
اية :هنووو ادا درتو نسلمش صاي …
غمزلها و ضحك …اسلام :نشوفو يا لالة 😏😏
اية :نشوفو …
قرصها من خدها حست وذنها صونات من القشعيرة هديك …
اسلام :منا لهداك نهار اشفاي على هدرتك هدي تاع نشوفو تسلمي عليا و متقدري تقولي والو 😏😏
حطت يدها على يدو …و نحاتلو يدو من خدها …و بقات شادة فيه بلا ما تفيق …
اية :هيه نشوفو قتلك صاي خليني حلي الطاقة حلي …بقى يشوف كيفاه شداتو من يدو و يبتاسم شافت ليدها فاقت لروحها خلاتو و ابتاسمتلو ابتاسمة خفيفة …
اسلام :كون مشي البنات لي راهم جايين كون بقيت شاد من يدك نرمال 😏😁…
اية 😏😏😏😏😏😏😏😏😏كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 214🌚🌚:
رجعو لدار …و ملي لحقو و هوما شغل …اسلام خرج برا تاني مرجعش …كل واحد واش كان يدير …غير تعشاو صلاو كل وحدة وين طاحت ترقد باسكو كانو فري عيانين …صباح بكري بداو ينوضو بالواحد …النسا دخلو الكوزينة بداو يطيبو …باسكو حا يديرو فطور بيناتهم برك …و البنات راحو تعاونو خملو الدار تم تم باسكو سيقو كلش اليوم لي قبل …و الرجال كملو شغلهم في الجاردان …
لحقت ال10 تاع صباح بنات راحو يدوشو …وسيرين بقات تستنى في اية باش تروح معاها للحفافة …
سيرين طبطب على باب اية …سيرين :هيا اية ازربي …
اية :اصبري نلبس صباط برك و ني خارجة …
لبست صباطها و خرجت مزروبة لامة شعرها المشمخ …غلقت الباب …و خرجت مع سيرين يجرو في دروج يضحكو و في نفس الوقت متوترين …
لحقو لتحت راحو للجاردان لقاو اسلام يعاون في رجال …
سيرين :اسلام اسلام ارواح عيشك …
شافهم دارلهم بيدو تاع راني جاي …اسلام :حسن هاك شد هدي دوك نرجع ….
راح عندهم …اية تشوف برك فيه تقدرش تهدر …ولات تتبكم كي تشوفو …
سيرين :عيشك اسلام توصلنا للحفافة معلش …
اسلام :دوك ؟ سيرين :هيه دوك برك لي نقدرو نروحو …
اسلام شاف لاية: اية نمدلك مفتاح و تسوقي تروحو بطونوبيل تاعي معلش ؟ راني مشغول صينو تاني يقولو يتهرب …
اية :هيه صحا نروح نجيب بيرمي مالاا ….اسلام :زيدي ادخلي لاشومبر تاعي تلقاي داخل جيب جاكات تاع سورفات المفتاح و تلقاي الجاكاات فوق السرير شديه و روحو و بلاكي في الطريق
اية :صحا ميرسي ….دوك نرجع سيرين ….
راحت طلعت لاشومبر تاعها جبدت بيرمي تاعها …و راحت لاشومبر تاعو شدت سورفات تحوس على المفتاح شافت مورا الباب شافت موجد في سانتر واش يلبس راحت قرعجت …تحمست وقتاه تشوفو لابس هكاك …و خرجت تجري …..
ركبو طونوبيل و بقاو يهدرو و في زوج متوترات …
اية :و الله فرحانة و مستريسية كي شغل انا لي نتخطب
سيرين :خلي برك كون تشوفي انا ماكلة و منقدرش نهبطها نفس و ضاقلي ههه اما كرشي نهدرش عليها
اية :هههه كيف كيف قوليلي هدرتي مع مروان و لا والو
سيرين :و الله والو يعيط نكوبي عليه منقدرش اية و الله منقدر ههه زيد كنت نلعبها عليه كي رجع خلي ادا كتب ربي نشوفو اليوم و نهدرو هههه ….و الله ماني مامنة و حق ربي ههه
هدرت و مقدرتش تكمل من دموع الفرحة …اية :شحال مليح كي تحبي واحد و يطلع فحل و راجل يعمري صاي دموع الفرحة مزال يستناوك تاني هههه
…لحقو للحفافة دارو نفس الشي …و رجعو لدار …دارو غير شعرهم ماكياج حبو يماكييو وحدهم …لقاوهم يفطرو …حشمو كي دخلو عليهم هكاك …راحو لجنان وين كاين جماعة تاع ليجون يفطرو …غير شافهم اسلام بقى يشوف في اية و منال تشوف فيهم راحت ليه رجعتلو مفتاح تاعو و شدت بلاصة قعدت …فطرو معاهم و اية و سيرين غير يضحكو مع بعضاهم وبسيف باش هبطتلهم الماكلة ….غير خلصو تعاونو كامل بلخف هزو كلش …و غسلو المواعن بلخف …و في لحظة الطابق السفلي ولى فارغ …بسبة راحو كامل يغسلو و يلبسو….
سيرين و اية كانو في شمبرة سيرين داو كلش ليها باش يلبسو يكملو يوجدو رواحهم و يبقاو تماك حتى يجي الوقت لي لازم تخرج فيه العروسة …كان جو وحدو …ريحة الفرح تريح من بعيد …كانت اية تماكيي لروحها و غير تشوف لسيرين يضحكو و يجبدو النفس من الستراس ….لبست سيرين هي لولة …غير شافتها اية بدات تهوي في عينيها باش دموع ميطيحوش ….اية بصوت مخنوق :تهبلي تهبلي تهباي شكون قال بلي لي كانت تحكيلي على قصة نوتيلا العام لي فات دوكا راهي حا تتخطب لصاحب النوتيلا
سيرين :ياااا اية عيشك هههه صاي تبكينيش و روحي نتي البسي نشوفك ….
اية :صحا دوك نلبس اغلقي عينيك هههه
دورت سيرين للجيهة الاخرى تشوف روحها في المراية و اية تلبس ورا الخزانة …غير خلصت شافت في روحها من لفوق لتحت تشوكات ….
اية:سيرييين بزاااف كي شغل انا العروسة و الله و الله بزاف
دارت سيرين و تشهق ….سيرين :ياااا ماماااااا ههههه
راحت عندها تجري بلعقل عنقتها ديراكت ..
سيرين :تهبلي تهبلي تهللي تهباي هكا حبيتك تخرجي أصلا يشوفك اسلام يتخلع …
بعدت عليها اية و شافت فيها :واش جاب اسلام يعني
سيرين :هههه والو هكا برك هههه. يا ماما ني حابة نبكي و الله ….
هيا زيدي البسي الطالون تاعك و صاي يا ماما هههه و الله نزيد شويا نبكي ….
راحت اية لبست طالون تاعها و راحت بحذا سيرين لمراية شافت في روحها ضحكت …
منبعد شافت في سيرين عاودت حضنتها …اية:صح بزاف هدا كامل مي و الله علاجالك نلبسو ميرسي بوكو سيرين تتصوريش شحال راني فرحانة ليك …ربي يدموم علينا الفرحة هدي ان شاء الله …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 215🌚🌚:
بعد ما تاكدو بلي صاي وجدو رواحهم …شدت اية سيرين من يدها حلت الباب و حابين يهبطو لاشومبر تاع جدتهم باش يفرحوها شوي …و يشوفو ردة فعل النسا لي كانو لتحت صاي وجدو رواحهم ….
سيرين :يا ماما نشوف في دروج يتحرك من الحشمة
اية :انا حاسة روحي حا نفرغ كلش هههه هيا شويا كوراج برك نتي ديريلي الكوراج و انا نديرلك و تجوز هههه
لحقو لتحت …سمعت سيرين لصوت باباها في الصالون و حا يخرج حست قلبها تحط للارض مشي متعودة باباها يشوفها هكاك ….
كانو يستناو في نضير يخرج و قلبهم يدق و يحسو رواحهم حا يطيحو ..هكاك و يخرج اسلام لابس سروال كلاسيك يشوف لور و لفوق تريكو نرمال و شاد في يدو شوميز تاعو ….اية نفس راحلها من الحشمة ….
غير دور راسو شاف فيهم حبس بلاصتو و بقى يشوف فيهم …هوما ساكتين و هو ساكت مشوكيين في 3 …كانت حالة اية فوقهم كامل …
اسلام :احاااي واش هدا …يماااااااااااا باباااااا ارواحو تشوفووووووو
سيرين :اسلاااااام (مزيرة على سنيها )
خرج باباه مستيكي روحو تاني كان يڨصر مع يماه و خواتاتو داخل صالون …و هكاك يخرجو كامل ….
مامات سيرين حبت تبكي …بقاو يشوفو ليهم و اية غير تشوف في اسلام لي يشوف فيها مشوكي ….
راحو كامل يبوسو فيهم …حتى حسو خدودهم طارو …
مامات سيرين طاحتلها دمعة ..مسحتها راحت عنڨت سيرين عناڨ طويل و زادت باست اية و بقات شادتها من يديها
مامات سيرين :صحيتي اية كي قبلتي تلبسي كيفها تتصوريش شحال فرحت جيتو تهبلو مشاء الله خموس عليكم
اية ‘:بلا مزية طاطا هههه و عيشك ميرسي بوكو ..
دارت ماماهم لاسلام لي يشوف لعماتو و يضحك …ستناتو حتى شاف فيها ضحكتلو …من الحشمة راح طلع لفوق يكمل لبس تاعو ….
كملو البنات طريڤهم و راحو عند جدتهم لي كانت في شمبرتها تلبس …طبطبو على الباب غير قالت ادخل دخلو عليها و عيطو …
اية و سيرين :وععععععععع ههههه ههه شدتهم ضحكة هيستيرية من حالة الجدة كي شافتهم ….
تصنمت بلاصتها و راحو يبوسو فيها و يعنقو …طاحولها دموع سخونين ….مسحتهم بلخف …الجدة :اليوم ني حابتكم تفرحو و تزهاو هدا يومكم تخليوهش يخرب ياخي هكا كانت وصية جدكم ربي يرحمو ملازمش نزعفوهش ياخي …
اية و سيرين توجعو بصح دارو روحهم مكان حتى حاجة …زادو باسوها و راحو للكوزينة عند البنات لي كانو تم و محففين روحهم مع العمات تاني و نسا الاعمام ….
يضحكو و يحاولو ينحيو ستراس و الحشمة …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 216🌚🌚:
لحظات برك فصلتهم ..حتى يسمعو صوت طونوبيلات لي لحقو و صوت الزغاريت بداو ….سيرين زيرت على يد اية و تبدل لونها و لات تتنفس بالزربة …النسا كامل خرجو ..غير أية و سيرين لي بقاو في كوزينة كبيرة كامل …و كانو موجدينلهم كلش للقهوة غير يطيبوها …و تديها منبعد سيرين …
اية و سيرين غير يتمهبلو داخل الكوزينة …و صوت الضحك و الهدرة لي جاية من صالون قلقتهم و زادتلهم من ضغط ….
حتى لحق الوقت لي طلبت منو سهيلة ام مروان تدخل عليهم ….
سيرين :يااااااااا ايييية ندووووووخ ….
اية :صبر صبر بلعقل …اصبري هاكي شدي سنيوة مليح واصبري يجي اسلام يدي هدي و نخرجو …
بقاو يتنفسو بلقاوي ….حتى دخل عليهم اسلام زاد فشل اية من جمالو جامي شافتو هكاك كامل …ضربها بابتسامة ليها ….
و شد عليها سنيوة تاع القهوة لي يديها للرجال …باش سيرين من جبهتها ….
اسلام :تخافوش تخافوش هدي خطبة برك مشي حاجة اخرى توجور هكا الحلال يجي صعيب هيا اخرجو تبهدلوناش …
راح و خلاهم …بقاو يشوفو في بعضياتهم و أخيرا تشجعو …يمشيو و قلبهم قريب يخرج …الاوكسجين حسوه خلص …غير لحقو الباب هدرت اية.
اية :ماما راهي هناااا !!!سيرين :علاه لدوك عرفتي هيه جات عرضناها …
اية :تتمسخري علاه قلتيليش …سيرين :كان في بالي عمبالك …
اية :يا صح ؟ هيا هيا انا ندخل روحي ادخلي ….
كانت فرحانة بزاف و مشوكية كيفاه ماماها جات و مشافتهمش كيفاه كان اللقاء بينها و بين العائلة …
غير دخلت سيرين شافوها زادت اية من موراها …زغرتو عائلة مروان …اما عائلة الدار حبوش على جال الجدة بصح سيفت عليهم و قالت الحزن 3 أيام مشي حياتنا كامل …المهم راهو في القلب …
سيرين حست روحها حا تطيح من الحشمة و اية غير تشوف في ماماها لي تمسح دموعها كي شافتها هكاك و تشوف في فرح و خوها صغير ايهاب …راحت سيرين جازت عليهم بالوحدة تسلم عليه و تحس في اي لحظة تقدر تطيحلها سنيوة …و اية نفس الشي سلمت عليهم و تبتاسم حتى لحقت عند ماماها عنڨتها و عنقت فرح و خوها و شدت بلاصة معاهم و تشوف في سيرين كيفاه تسيرفي حشمانة قريب تدوخ …سهيلة مامات مروان سلمت عليها و عنقتها فرحانة بعروستها … و تضحك برك و كامل يضحكو جامي تصور يجي نهار يخطبو لكاش واحد من وحدة ساكنة في دار وين ترباو …يعني ما تصوروش بلي ولادهم يتزوجو زواج الاقارب …جو هداك وحدو …سيرين غير تشوف في اية و اية غير تسقسي يماها كيفاه جات ..
هيبة :ا بنتي تقلقيش روحك و الله لحقت مور عايلة الخاطبين …و سلمو عليا عادي و الله نهدرو حتى حاجة مشي مليحة …استقبلوني كيما لازم …
اية :هاه صحا و شكون وارلكم الطريق و كامل ؟
هيبة :جدة تاعك عيطتلي عرضتني و تعرفت عليها و كامل و منبعد اسلام ورالنا طريق و استنانا في نهاية المنحدر لي عند المنطقة ….و تبعنا موراه حتى لحقنا….
اية :هاه بصح علاه قلتيليش …هيبة :حسبت علابالك أصلا نتي كنتي حابة تتسڨم العلاقة و هاه الحمد الله ..بالمناسبة جيتي تهوبلي بنتي و الله متتصوريش كيفاه فرحت كي شفتك هكا حمد الله يا ربي حمد الله
اية :هههه عيشك ماما حبيبتي نتي تاني تهبلي …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 217🌚🌚:
لحق وقت يدخل مروان باش يعلق الخاتم لسرين يعد ما قراو الفاتحة …طلبو من سيرين تروح للجيهة وين كاين الطابلة و وين حطو عليها الخواتم لقاطو لجو و كامل ..و طلبو من اية تروح معاها توقف معاها ……ناضو من بلاصتهم يجرو في رجليهم من الحماس و الخلعة ….سيرين شادة من يدة اية تزير عليها بكل قوتها ….و اية شدتها ضحكة هيستريية في زوج محبوش يامننو واش راه صاري …لحقو للطابلة طلعو صدورهم يتنفسو بكل قوة و يضحكو …و يشوفو لي يشوفو فيهم و يحسو بكاش واحد يدغدغ فيهم من كرشهم …و شدتهم فشلة تاع كي نستنى نتائج الباك ….
لحظات برك ….و يدخل عليهم اسلام يهبل مهبط عينيه للارض …و الضحكة لي شداتو وحدها حتى حس بفكو حا يطرطڨ…اية رجعت الزفير بسيف اما سيرين بقات مطلعة صدرها تجبد في النفس حتى شافت مروان تبع اسلام بنفس المشية و بنفس الطريقة تاني …برك هو بان عليه الاحمارار تاع الوجه عكس اسلام لي كان يضحك ….غير شافتو شافت في اية و استرخت …و بدات مرحلة قلوبهم يزيدو في الدقات ….اسلام لحق عند الطابلة حبس …و طلب من مروان يروح يدخل و يوقف بحذا سيرين لي حست كون تزيد شويا من الخلعة تبول (حاشاكم ) …اما اية كي لحق مروان عندهم …خرجت للجيهة الاخرى و ولات مقابلة لاسلام …..
لحظات ساكتين كامل …حتى ناضت الجدة من بلاصتها …و راحت وين كاين الطابلة و بقات واقفة في الوسط …و بين اسلام و اية و مقابلة مروان و سيرين لي وجوههم قريب يطرطقو من الخجل ….
الجدة بصوت مخنوق بدموع من الفرحة ….
الجدة :يا سعدي يا فرحتي على ولادي شكون قال بلي يجي نهار مروان يخطب سيرين صغيرتنا يا فرحتي عليكم …مبرووك مبروك مبروك …علابالي مزروبين تعلق الخاتم و كلنا مزروبين …اما قبل لازم ندير حاجة انا دوك …باش تولي فرحتنا كامل فرحتين….اسلام مهبط عينيه للارض و كي يشوف في اية يضحكلها و يعاود يهبط راسو ….
دارت الجدة للنسا …و خصوصا لام اية ..
الجدة :هيبة بنتي ..قدام ناس كامل نطلب منك سماح و نفس الشي بناتي تاني …
فتيحة :اية اسمحيلي على كلش كلش على كل غلطة غلطتها معاك
سهيلة :و انا تاني اية كي محبيتش نامنك …
ليندة :الكارثة كامل انا هههه انا تاني اسمحيلي اية
العمات في 3 :و اسمحيلينا هيبة نتي تاني .
الجدة :بناتي غلطو في حق بنتك و هاهم طلبو سماح قدامنا كامل و نتي تاني نتمنى تسامحينا على كلش …
اية من شوك معرفت واش دير …بقات غير تشوف فيهم حالة فمها و تشوف لسيرين و لاسلام لي يتبادلو النظرات و يضحكو …بصح واحد مشاف فيها …
هيبة :سماح خالتي سماح كامل …و شكرا على الاستضافة تاعكم
الجدة :صحييتي بنتي اونتي اية صفحة جديدة ؟
اية بصوت متلبك :مكان والو أصلا و الله انا عندي مكان والو مي نقول سماح و الله نحبكم كامل ….
الجدة بصوت تاع جدية :كان عندنا واحد الشقي في دار ميحبش كامل موضوع الزواج و الخطبة و شكون قال يجي نهار يطلب منا نخطبولو …هيبة انا ني نطلب منك يد بنتك و بنتنا اية لوليدي الشقي اسلام ………كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 218🌚🌚:
الجدة بصوت تاع جدية :كان عندنا واحد الشقي في دار ميحبش كامل موضوع الزواج و الخطبة و شكون قال يجي نهار يطلب منا نخطبولو …هيبة انا ني نطلب منك يد بنتك و بنتنا اية لوليدي الشقي اسلام ………
هيبة ضحكت و ابتاسمت تشوف برك في اية لي بقات تشوف فيهم مزال مفهمتش حتى فاقت على روحها على واش سمعت …شافت في اسلام لقاتو يشوف فيها يبتاسم و وقتها صح وجهو ولى احمر قريب يطرطق …و من ضحكتو بانت سيكاتريس لي في وجهو على خدو ..بقى يشوف فيها و يبتاسم برك و عينيه يعبرو على الااااف المشاعر ….شافت لسيرين و مروان لقاتهم يضحكو …و شافت للعمات و العائلة كامل لقاتهم كامل يستناو منها الإجابة و يبتاسمو كامل و لي جاو يحظرو الخطبة من عائلة مروان مشوكيين كيما حالة اية …من الشوك ولات تضحك ضحكة تاع تمسخير …
اية :تتمسخرو بيا ياخي ..ماني ههه تتمسخري بيا هدا ياخي مشي تمسخير هههه
هيبة :مهمش يتمسخرو بنتي …اسلام هدر معايا قبل و علاجالك جيت نحضر ..راهم صح …اسلام ناوي يخطبك …
مامات اسلام :اية صح بنتي هههه ديتيلو عقلو هدي علابالنا كامل و اليوم حب يرجع الفرحة فرحتين و طلب منا كامل يخطبك و قبلنا كامل بصح الكلمة الاخيرة ليك …تشوفيش كيفاش كان يوجد لنهار هدا ؟ هيا مينوشة كيما يعيطلك هههه جوابك يهمني خلي فرحتي تولي 10 …خلي نفرح بولادي في زوج في نهار واحد ……
حست بشواربها رجفو و الدوخة دارت بيها حالة …تامن ماقدرتش و تامنش يفهمو فيها كامل …
الجدة : اااا زهري دوك تفكرت كيفاه كنت نجيبلك الخطابة و كيفاش كان يدير في المصايب باش يخليك ليه و هيا دوك ني حابة نسمع جوابك هيا هيا …
حطت يديها على وجهها تحبس الدمعة لي حصلتلها محبتش طيح من شوك …و رجفة تاع شواربها لي كشفتها ….شحال صعيبة باش يتقبل الواحد واش راه يعيش ….تفكرت كامل واش جاز عليها ….
اية بصوت متقطع :بصح بصح علاه قلتوليش …
رفع اسلام راسو و وجهو مزالو حومر ..عروق رقبتو يبانو …خبى الابتسامة و رجع ملامحو تاع جدية …..
اسلام :لي فدار كامل شاهدين كيفاش كان اسلام …و كيفاش رجع ..و هدا كامل بفضل ربي سبحانو و بفضلك نتي …يعني لي درتهولك كامل و وقفتك معايا تستحقش مني نجازيك و لو بشويا و نفاجئك …صح حاجة تاع سيريو بصح ….
شداتو ضحكة …و ضحكهم كامل …جبد يديه لي رجعهم للور و ضربهم …و قال بضحكة …
اسلام :هيا اقبليييييييي هههههههههه الرجال يستناو يقراورلك الفاتحة و لي هنا كامل قلوبهم لحقو لرجليهم ….
ضحكت من قلبها و طاحتلها الدمعة السخونة هديك …
تمتمت كلمات الا و هي :حمد الله يا ربي ….
حطت يدها على خصلات شعرها سڨمتهم …شافت في جدتها و ماماها ….
اية :ني قابلة ………
ويويويوويويويويويويويويويويويوويوييييييييييكرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 219🌚🌚:
ضربها بوحد الضحكة …من الشق لشق ..لي تزغرت تزغرت و لي طاحتلها دمعة طاحت و لي تبكي تبكي …ماماها دموعها محبوش يحبسو …سيرين و مروان شدتهم ضحكة هيستيرية …..و اية تسمح في دمعة هديك برك لي طيح و تحس روحها حا طيح في أي وقت ….
كي حبسو النسا الزغاريت …شاف اسلام في خو منال لي كان عند الباب يستنى منو اجابتو دارلو اسلام بيدو تاع ايه …..
راح خو منال و رجع بمعنى صاي قلتلهم ….و هكاك قراو الفاتحة …و اية غير طيح في دموع و تشوف فلي محبش يشوف فيها صاي …و هو قرا الفاتحة مع مروان قدامهم …يعني مرجعش عند الرجال ..غير خلصو شاف فيها ضحك وحد الضحكة …..
راح لعندها بلعقل و النسا كامل شدة بلايصهم و راحو البنات يصورو ….و منال شادة بلاصتها برك متصورتش كامل بلي حا يصرا هداك كامل ..و طلعو اتافقو كامل و هي ماعلابالهاش ….. و اخيرا استسلمت لقضائها و ونحات فكرة الاعجاب من بالها ….
لحق اسلام عند اية …شاف فيها ضحكت هكاك بالدموع …مدلها يدو يضحك بلعقل ..و راسو على الارض كي تشدو الضحكة باش ميكشفش روحو كثر …مشا بيها وين كاين سيرين و مروان ….اسلام سلم على مروان …و اية و سيرين تعانقو تعنيڨة طويلة ..اية بصوت مخنوق بدموع تاع الفرحة :منبعد نتفاهمو على اللعبة هدي ياخي هههه
سيرين :ههههه بربي روحي خلينا نفرحو …
تبعت اية اسلام …و لات اية و سيرين في الوسط …و كل طرف كاين مروان و اسلام ..واقفين يصوروهم البنات …حالة سيرين استقرت …اما اية كانت تشوف كلش يدور من الحشمة و الفرحة شوك و كلش …
اسلام بهمس باش يبانش و يكملو تصوير ….
اسلام :بلاكي و طيحي ههه …اية ميتة بالحمشة:علاه قتليش علاه هكا …
اسلام :باسكو نحبك …غير خلصها حسها تبكمت ابتاسم ابتسامة قوية و شاف ليها بقا يشوف ليها حتى حشمت و حطت عينيها …..
كي صوروهم هكاك ….جبد كلا من مروان و اسلام بواطات وين كاين الخواتم ….و بقاو شادينهم في يديهم …سيرين غير تشوف في مروان و حابة تبكي …و هو كلاها بعينيه ….اما اية كانت حالتها حالة كي حل البواطة و شافت الخاتم …اية بصوت بلعقل :وقتاه شريتو …
اسلام :العيباد يفرحو و نتي ابقاي تسقسي البارح كي ديت سيرين زدت شريت ليك حساب ذوقها هي …اضحكي تشو
دورت راسها عليه و خلات الضحكة هديك تخرج ….
مدت سيرين يدها لمروان …شدها بكل روح رجولية …شاف في عينيها …شد الخاتم بعد ما حط البواطة على الطابلة …و دخل الخاتم غير بلعقل …بقات تشوف غير في اصبعها كي كان يركبلها في الخاتم ….لحقت دالتها هي شدت الرجفة هديك تاعها …جبدت الخاتم ….شافت فيه تضحك كيما يضحكلها هو …تتفكر نهار كانو يلعبو لعبة عريس و عروسة …
علقتلو الخاتم و بقات شادة في يدو ….سلم عليها …..
مروان :هاني وفيت بوعدي عينيا …
في التسليمة الاخيرة …تشجعت سيرين و قالت :نموت عليك مروان و الله ….
خلاتو خطرة هديك هو لي يفشل و يفرح كثر ….
نفس الشي عند اسلام و اية …بصح اسلام خطرة هدي نحى الحشمة و خلاهم يضحكو كامل من صحة وجهو ….
شد الخاتم و شد يدها بكل قوتو …شاف فيهم و قال …
اسلام :من شدة ترجف و مقلقة خايفة تهرب ههههه
كان حاب برك يغير الجو و يخليهم يفرحو كثر ….شاف فيها غمزلها …و ركبلها الخاتم بلعقل …طاحتلها دمعة سخوووووووووونة تعبر على كاامل واش كاين لداخلها …
شدت خاتم تاعو …شدت اصابع تاعو برك تالمو يدو طويلة …دخلت الخاتم لصبعو و ركبتهولو بلعقل و بقات تشوف فيه عينيها معمرين دموع ….و هو عينيه يلمعو ….في زوج يتكفرو اول لقاء كامل ليهم كي كانو صغار كيفاه تخربت علاقتهم و كيفاه كتب ربي و تسڨمت و راهم فرحانين دوك …العباد يسلمو …اسلام لالا سلم عليها و في النفس الوقت حضنها ….
اسلام :اية و الله يا عمري غير نموت عليك ….
اية بصوت مخلط بالضحك و الدموع :انا تاني و الله …
مسحت على ظهرو و جبدت روحها عليه تمسح في دموع …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 220🌚🌚:
بعد ما زادو صوروهم …مدولهم موس بواش يڨطعو القاطو ….حط مروان يدو هو لول زادت سيرين زاد عليها اسلام زادت عليه اية يدها … و اتجمعو في 4 في صورة لا مثيل لها تعمها الضحكة …و ملامح المحبة فرحة حماس كلش يبان من وجوههم …فما احلى لذة الحلال ….
كل واحد فيهم مد لآخر ياكل و شربو جو وحدهم و الضحكة قتلتهم ….زادو تصورو مع النسا تاع العايلة كامل …اسلام شاد ليه اية من ظهرها ..و سيرين شادة مروان من ذراعو بصح خطرة هدي بلا خوف …خطرة هدي بكل افتخار….يصورو و ليكوبل غير يهدرو فيما بيناتهم …كي جا وقت يخرجو ….
اسلام قال لاية:مينووش ههه استمتعي نحبك نموت عليك منبعد ان شاء الله …
ورالها الخاتم …دار معاها سيلفي بتلفون تاعو …و راح خارج
نفس الشي مروان قبل ما يجي يخرج …مروان :دوك هاني وفيت بوعدي العشية تاني تجاوبيش على التلفون ياخي 🙂
ضحكتلو و قالت ‘:نجاوب نجاوب هههه …
و راح تبع اسلام ………الرجال فرحانين و النسا كثر …و المخطوبين كثر و كثر …..
شدت اية سيرين تلاوم فيها و سسيرين غير تضحك …راحت اية سلمت على ماماها لي كانت بحذا ام اسلام قاعدة و تهدر و زادت باستها …زادت اختها ….
شدت مامات اسلام اية من يدها و اية ميتة بالحشمة :اسمحيلي اية اليامات لي فاتو كي كنت نقولو متدخلش روحك بزاف تجيب المشاكل اما كان وقتها خوفي عليه كبير …بصح حمد الله كي شفت وليدي بدا يحل عينيه و يفيق الدنيا وقتها صح عرفت بلي كنتيلو كثر من صديقة …قدمتيلو صوالح انا مقدرتش نوفرهم ليه
اية :مبيناتناش طاطا كامل عادي أصلا مدرت والو كان ليا سند كنت معاه صديقة لا اكثر و الحمد الله تقلقيش روحك كامل حمد الله كلش تحسن …
جات عليهم الجدة :هيبة بنتي ياخي علابالك بلي لازم تقعدي تحضري الحنة لي حا نديرها البنات لعشية …
اية:وشمن حنة ماني…الجدة :نحنيلكم مشي تخطبتو
اية :بصح مشي وقتها و راح الحال …الجدة :تسما تزوجتو زواج اقارب في باطل و لا ؟ ياك رانا بيناتنا برك نديرو لي نحبوه واحد ما يسال فينا نتي روحي لسيرين تفهمك و بداو وجدو رواحكم العشية بعد العشا ان شاء الله هيا نوضي خليني نهدر مع يماك ا مصيبة لي خليتيني نتدابز شحال من خطرة مع اسلام علاجال الخطابة لي يجيوك
ضحكت اية شافت في ماماها …اية :ماما عيشك اقعدي بلييز
دارتلها هيبة ايه ان شاء الله ….
هيبة :فرح باباك يجاوبش على تلفون تاعو روحي لوين كاينين سقسي عليه و قوليلو ادا نقدرو نقعدو …
الجدة :قوليلو نباتو واش هدي نقدرو نقعدو هيا روحي ..
اية:فرح روحي و منبعد ارواحي عندي تقعدي معايا ياخي
فرح :ههه صحا ….
راحت فرح تسڨم في شعرها ..شافت في لاشومبر وين كانو قاعدين الرجال لقاتها فارغة عرفت بلي خرجو لجنان …
حطت رجلها لبرا …بقات تحوس على الرجال …و تحاول تسمع صوتهم …بقات تشوف ….حتى سمعت واحد يعيطلها …
…:ستتت معلش نسقسيك …دروت مفزوعة لقات جون عند الباب الصغير تاع الفيلا يكون عندو 19 عام هكاك …
فرح بابتسامة :انعم غير الخير …
راح قدم ليها …وبقى شويا بعيد عليها …حك على شعرو ….
…:معلش تدخلي النسا تقولي ليما واش حا نقولك …
فرح :وي بيانسور عادي ….كان حشمان حتى يهدر معاها تبان عاقلة بزاف و زيد خرجت تهوبل بغوب هديك و شعرها لي يطاير مع الريح هداك
….:عيشك قوليلها قالك رمزي لازم نروحو عندي شغل …
فرح :هاه صحا و شكونها باسكو نعرف حتى واحد …
رمزي : سليمة @_$@& فهمتي واش تقوليلها !
فرح بابتسامة و خجلانة منو …فرح :ههه ايه نقوللها قالك رمزي لازم نروحو عندي شغل
رمزي :و زيدي قوليلها تزرب شويا عيشك …فرح :ههه صحا مكانش مشكل مممم انا تاني نطلب منك حاجة…
رمزي :هاه و لي هي ؟
فرح :انا تاني نحوس على بابا لقيتوش و زيد حشمانة نحوس عليه وسط الرجال معلش توصلو واش نقولك انا تاني …
رمزي :هههه مكانش مشكل هاه قولي …
فرح :اسحاق _#_@&قولو تقولك فرح بابا الجدة قالتنا تقعدو باسكو البنات حا يحنو عيشك خلينا نحضرو حنة اختي و جاوب على التلفون
رمزي يعاود فيها :تقولك فرح صحا و اسمو هو اسحاق ياخي ؟
فرح :هيه هههه
رمزي :صحا طيري نتي تاني و نجيك نرجعلك الخبر ياخي ….
فرح :ههه صحا …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 221🌚🌚:
شويا و ترجع فرح تجري لبلاصة وين خلات رمزي …
بقات تستنا فيه قلبها يضرب تالمو جرات خافت طولت ..شويا و تشوفو جاي ليها يحرك في ساعة تاع يدو ..غير شافها ابتاسملو …
لحق عندها …رمزي:بو اللولة الرجال ادا سحقيتي كاش حاجة تلقايهم في جيهة لور لفيلا وين كاين جاردان و باباك قالك اقعدي عادي و دوك نحل تلفون …
فرح :يا صحيتي ..و نتا ماماك تقولك تصبر عليا 10 دقائق نجيك باسكو خالتك تاني لخرا حا جي معاكم و قالتلك مرت خالك سهيلة قول لمروان ادا حب يرجع لدار يرجع هي تقعد تاني ….
رمزي :صحا صحيتي فرح ميرسي بوكو …
فرح بابتسامة :بلا مزية نتا تاني ميرسي…….
رمزي :هههه عادي بلا مزية ….
فرح تمشي رايحة تخليه دارتلو بيدها باي ووتضخك …و رفد يدو دارلها باي و راح ركب طونوبيل يستنى في النسا ….
________________________⁦❣️⁩🐈🏇😂🤷_______
راحو عمات مروان لي جاو …و راحو رجال لي جاو من عائلة مروان و مروان تاني رجع حشم يقعد …قعدو صحاب دار برك و مامات مروان و مامات اية و خواتاتها ….
اية دات معاها فرح لشمبرتها تريح و خوها صغير تاني …كانت ميتة بلعيا ….و منبعد راحت نحات واش كانت لابسة لبست جبة تاع دار نرمال و هبطت تعاون فيهم يفرزو دار …و يوجدو للحنة و السهرة لي معولين يديروها في الجاردان …
كانت اسلام و سيرين يجرو رواحهم جر من العيا و اية كل دقيقة تشوف في يدها و تضحك ….
حتى عيات صاي راحت لصالون لقات نسا لتم يهدرو راحت بحذا ماماها جبدت كرسي و قعدت بحذاها ……هكاك حتى لحق وقت العشا …تجمعو كامل دارو زوج طوابل كبار في الصالون …و حتى وقتها باش دخل اسلام لدار …لقاهم يوجدو في طابلة مر على اية ضحكلها و هي تقدرش مامبا تشوف فيه …راح غسل صلى بدل و رجع عندهم ….لقاهم قعدو و بداو يتعشاو شد بلاصة بحذا سيرين و قعد يقصر معاها ياكل و يشوف في اية و يحاول يستفزها مع سيرين ….
_____________________________________________كي خلصو العشا اية و سيرين راحو ئحوسو على حاجة تكون سامبل و شابة يلبسوها يديرو على خاطر جدتهم لي حبت تحنيلهم …و الباقي اتعاونو على المواعن …
لبست اية عاودت مكياج خفيف برك و خرجت في طريقها تلاقات مع اسلام يمشي و يشوف لتلفونو …حبست بلاصتها و حاولت ترجع للور …
طفا تلفون و طلع راسو من ريحتها عرف هي …ضحكلها …
اسلام :روحي روحي جوزي تخافيش من وين جاك الخوف هدا كامل منعرفش الوقت لي لازم تخافي فيه تخافيش هههه روحي سع تڨصرو منبعد نهدرو شوفي كي تخلصي عيطيلي ني حاب نهدر معاك بلاك نرقد نوضيني
اية :هنووو نوضكشششش…اسلام :تنوضينيش !
اية:هيه واش تقول نقتلك و لا رجليك نكسرهملك ؟هههه
اسلام :شح فيا لي داسرتك صاي تنوضينيش روحي برك منبعد نتفاهمو هيا جووزي …..
اية بابتسامة :روح اطلع نتا باش نجوز انا
اسلام :مشي تخافيش روحي جوزي نطلعش حتى تجوزي منا و قدامي تاني ….
اية :هههه نخافش بصح روح ههه ني نقولك اطلع نجوز
اسلام :و الله متحركتها منا حتى تجوزي
جبدت نفس و راحت تمشي بلعقل غير لحقت عندو جات تهرب …شدها من يدها و قربها ليه ….
مدلها بوسة بكل قوووتتووو خلاها تحس بكرشها تجري من الحشمة كي بعدت عليه فقدت توازن تاعها ….
اسلام بصوت مبحوح و بلعقل ….اسلام :جيتي تهبلي تهبلي كثر من اي وقت كان
اية بصوت متلبك :هيه صاي خليني نروح عيشك …..
صيبها من يدها و خلاها تروح و هو غير يضحك ……..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 222🌚🌚:
تجمعو كامل النسا في الجاردان …فرحانين كامل كي الجدة حبت ديرلهم حنة و تفرح بيهم …قعدت اية بحذا سيرين لي مزال مامنتش حتى بلي تخطبت ….
اية :و الله يا ربي راني عايشة في حلم و لا؟ منبعد نتفاهم معاك سيرين على لي حيكتيه من مواريا …
سيرين :نتي لي تتفاهمي معايا و لا انا لي نتفاهم معاك باسكو خبيتي عليا قلتيليش بلي تحبيه ؟
اية ضحكت :هنا عندك الحق واش نقولك و الله انا و معترفتش لروحي قدرتش حتى نتخيل لحظة هدي و الله ….
سيرين :هي مالا كيف كيف اسكتي انا تاني مكانش علابالي بهدا كامل حتى قاللنا هو و خليه هو منبعد يحكيلك كيما تتفاهمو عادة ….
هكاك و يشوفو الجدة جابت معاها تاع الحنة و تضحك مع بناتها …و مامات اية فرحانة فرحة لا مثيل لها ….
لحقت عندهم الجدة تدندن في غنية ليهم كيما يغنو بكري ….بدات باية حنتلها و غير ضحك و فرحة لا مثيل لها منبعد حنت لسيرين لي بقات غير تشوف في اية لي بحذاها ….
كي خلصو بقاو يضحكو و يدورو بيديهم …محبوش يشعلو غنا و لو خفيفة على جال جدتهم و تاني الجيران …و لهذا كملو السهرة غير ضحك و قصرة فيما بيناتهم و سيرين و اية بقاو بالحنة طيلة السهرة …اما اسلام فكان في سابع نومة رقد كان عيان ….حتى ناض على صوت تلفون لي يصوني …ناض عيان تفكر بلي هو لي ريڨلا التفلون باش ينوض يهدر مع ايةة…سڨم روحو و سمع الهارج لتحت فاق بلي مزال مخلصوش سهرتهم …راح لبروفيل اية في تلفون تاعو كتب ميساج و يعثو …حتى يشعل تلفون تاع اية لي كان في حجرها غير شافت اسم ~سندي ~ ابتاسمت …حلت تلفون و شافت الميساج …
اسلام :~~رقدت و نضت مزال مخلصتوش سوق نسا تاعكم كي يروحو كامل يرقدو اطلعي لتيراس و بلاما تيبسي راسك صينو نجي عندك انا ..هاني نضت غير علاجالك …~~
_____________________________________________
كي خلاصت السهرة و عياو كامل …بداو يروحو واحد واحد بعد ما تعاونو لمو كلش …تلفون سيرين دار حالة حتى مروان هبلها …بنات شبعو عليها ضحك ..اية تاني راحت غسلت و بقات تتفكر برك واش صرالها …راحت لاشومبر تاعها وين كاين ماماها متسطحة باش ترقد و خاوتها
اية :اسمحيلي ماما ناخذ برك واش نلبس اليوم راني راقدة عند سيرين ياخي ارقدو كيما تحبو هنا واحد ميقلقكم و ادا سحقيتي حاجة عيطيلي ياخي ……
هيبة :صحيتي اية و اسلام وينو مبانش قالي نقصرو بانش
اية حشمانة:عيان راح رقد هههه ….
هيبة :أنا نرقد و غدوا رايحين كيما علابالك تجي و لا نن
اية :لازم نجي ههه نقدرش نقعد هنا و نخلي ماما هههه
هيبة :هيمالا نوضي برك شويا بكري قبل الفطور نروحو ….
اية :صحا ماما فرح منبعد نهدرو ياخي ههه
شدت بيجاما تاعها و واش تستحق …راحت غسلت بدلت …و كي تاكدت بلي صاي راحو كامل ليشومبر تاوعهم ….
راحت لتيراس و بقات تستنى فيه و مقدرتش تبعثلو ميساج ..شويا و يرن تلفونها …
اسلام بصوت مبحوح و عيان :مزاااال ؟ اية:علاه تعيط دوك ؟راني في تيراس …
اسلام :علاه بعثتيليش ميساج؟اية :هاني قتلك دوك …
كوبا عليها …لبس بليغة تاعو …لبس تريكو تاعو …جبد السنسلة في تيراوار تاعو زاد تلفون و خرج يمشي بلعقل ..لحق لتيراس حل الباب …و….

راح للجيهة لي مواللفين يقعدو فيها غير شافها ضحك و منبعد رجع ملامح سيريو و راح لجيهتها …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 223🌚🌚:
كوبا عليها …لبس بليغة تاعو …لبس تريكو تاعو …جبد السنسلة في تيراوار تاعو زاد تلفون و خرج يمشي بلعقل ..لحق لتيراس حل الباب …و….
راح للجيهة لي مواللفين يقعدو فيها غير شافها ضحك و منبعد رجع ملامح سيريو و راح لجيهتها يمشي كيما موالف مطلع صدرو و عضلاتو المفتولة …سمعت لصوت تحل بصح من الحشمة تصنمت مقدرتش تدور ليه …لحق موراها …حاوطلها كرشها بيديه و دورها عندو ….من القشعيرة ولات تقدرش حتى تهدر …بقات تشوف فيه مقابلها و قريب ليها ….
اسلام :مصباح و انا نستنى فيك قدرتيش تقوليلي بلي راكي هنا ؟
اية:هاه حسبت تجي وحدك …اسلام :😒قولي حشمت مشي ….بعد يديه عليها و خلاها تسقم روحها و توقف باريحية …وقف بحذاها و حط يديه على صور تاع تيراس و يشوف لتحت منبعد شاف ليها كيفاه شادة تلفونها و مزيرة عليه …عرف بلي حشمانة …..شاف في عينيها شافت فيه ابتاسمت ابتسامة خفيفة و هو غير يزيد يوترها بخزراتو ….عاود شاف فالخاتم لي في يدها …حط يدو على يدها جبد يدها ليه و حلها شاف الحنة بقى يمسح على يدها و ضحك …عاود شاف فيها ….هي من الحشمة حطت عينيها علابالها يوجد روحو يهدر ….
اسلام :مكانش في بالي كلش يجوز هكا …و مكانش علابالي بلي يجي عام نجتامعو هكا ..و جامي جا في بالي نحب نخطب كاش طفلة …المهم علابالي حابة تفهمي كلش …انا نهار هدرنا على الخطبة تاع سيرين …كي بقيت مع جدة وحدها هدرت معاها ….في لول شبعتني ضرب تقول خبيتو عليا و قلتلها بلي نتي و معلابالكش …منبعد هي وزعت الخبر و انا اختفيت من الدار زعما حشمت …و هكا كي جيتي لهنا ..عيطت لماماك و هدرت معاها ….و اليوم صرا لي صرا …..برك ….
طلعت حواجبها و هدرت بصوت حنين :ههه برك ياخي …
اسلام :هيه برك ….اية :مممم صح تخلعت و تصدمت تشوكيت و كنت حابة كون يجي هاد نهار نوجد روحي مليح بصح تبقى أروع حاجة صرات في حياتي …
اسلام :ممم بربلام كان نتي ..نتي كنتي كي الحجرة تهدريش كامل و كون نهار لي قتلك فيه نحبك مشي متقبلة كون لغيت كلش …
اية :هاه بصح علاه جامي هدرت كامل معايا على حاجة كيما هدي
اسلام :كنت حاب تبقى علاقتنا كيما هي برك أصلا تعرفي كيفاه كنا بلا ما نزيد و زيد مشي حاجة ساهلة نهدرها معاك موضوع الخطبة بسيف باش تجرات هدرت مع ماني …كون جاات وحدوخرا بلاك نهدر معاها بصح نتي خفت تتوتري تزيدي توتريني معاك
اية :مممم نتا لي راسك حجرة و تفهمش ههه هدرنا شحال من خطرة و قلنا صاي كلش نسيناه و الحاجة لي تحبها قولها بصح نقولك هكا خير …
اسلام :هههه علابالي هكا خير …هيه واش نقولك ياخي دوك كي يخلاص العام هدا تقدري تخدمي طبيبة مختصة ياخي ؟ تولي تخدمي وحدك كيما اي طبيب مشي تدرسي حالة المرضى لي فسبيطار …
اية :هيه ان شاء الله الكتاب لي كتبتو عن خبرتي في كلينيك تاعنا قدمتو للمعهد وين قريت و نقولك حاجة ؟
اسلام :هاه …اية :كتاب هداك درست فيه حالة شخصين
اسلام :و لي هوما ؟ اية :انا و انت بصح مقلتش الاسماء و لا حتى اي تلميح برك خديت حالتنا النفسية لي كنا نعانيو منها
اسلام :مممم معلش ان شاء الله يمدولك شهادتك في اقرب وقت ….وقتاه ترجعي لداركم ؟
اية :اليوم الصباح ان شاء الله قبل الفطور …
اسلام :تتمسخري ؟ اية :و الله ماما رايحة تسما انا تاني لازم نروح نقدروش نقعدو في دار وحدة
اسلام:تعرفي بناقص و الله كون غير زدت طولت شويا ههه تسما نولي نشوفكش بزاف غير في الخدمة …
اية :هيه كيفاه مالا ؟اسلام:اسمعي نقولك قبل ما يخلاص الصيف تاع العام هدا انا نتزوج دبري راسك
دورت راسها اية عليه و ضحكت من هدرتو …اية:تتسمخر بيا ..اسلام : و انا نتمسخر ؟ و الله راني سيريو علاه سقسيتك على واش درتي في قضية اختصاص تاعك مالا …
اية :اسلام بركاك وش راك تهدر …اسلام :و الله ماني نتمسخر الدار كامل علابالهم قلتلهم بعد الخطبة شهرين و نص نتزوج 😏
اية :هاه حسبت الزواج تمسخير!!!!
اسلام :لا انا نقعد نستنى فيك ياخي انا كبرت و نتي كبرتي و لا نديرو سنوات ضياع !
اية:هاه بصح ! اسلام :مكانش بصح 😒 منبعد العائلات يتفاهمو و نتفاهمو معاهم ادا طولنا 3 اشهر و تلقايليش سبة في صوالح و القش باسكو حاجة ساهلة 🙂
اية :عيشك مشي دوك نهدرو راسي قتلني من العيا خلي منبعد نهدرو …
اسلام :تشوكيتي ياك 😏هيه مهم نهدرو اليوم و لا غدوا و المهم كامل نتزوجو ….
ضحكت اية بلعقل مشوكية من واش راه يهدر …
اسلام : و الله يا اية منعرف شبيا تالمو فقدتك شحال من خطرة وليت نخاف في أي وقت تروحي و ترجعيش هكا خاطبك و خايف ني حاب نعوض كلش كلش فات …و تم صح نبداو صفحة جديدة …شكون قال يجي نهار نهدر انا مع اية على موضوع الزواج معاها هههه ….المهم منبعد نهدرو و يرحمها ربي ان شاء الله ….
اية :ان شاء الله ….اسلام :تسما صح الصباح تروحي ..اية :هيه و الله …اسلام :تسما يولي دار ظلمة تاني
اية :هههه لالا عادي اصلا ياخي تعودت نرمالمو …اسلام :تعودتش خليني هاه تفكرت براصلي رجعيه نرجعلك سنسلتك توحشت نديرو و نشوفك مدايرة سنسلة و عندنا نفس الرمز …
ضحكت اية …نحات البراصلي بلعقل …مد يدو ركبتهولو و سڨماتو …
اية :صاي 😊شد اسىلام من جيبو السنسلة ضحكت اية دار ليجهة الخلفانية …رجعلها شعرها لطرف …ركبهالها و غلقها ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 224🌚🌚:
عاود وقف امامها شادها من يديها و يشوف فيها بخزرات كلها حب و حنان ….
قربلها راسها ليه باسها من جبهتها بوسة طويلة … و ضمها لصدرو …خطرة هدي اية شاداتو بلا خوف و بكل اريحية …بقى يمسح على شعرها و هي تزير على تريكو تاعو من لور…..

اسلام :نحبك و الله جامي تصورت نكون مع طفلة و نشد روحي هكا كامل …بالمناسبة اميرة تقولك نستعرف بيك ايوتة …شفتي ناس كامل امنتش بلي يجي نهار هدا و ما ادراك نتي و انا مهما شكرتك ليل و نهار نقدرش نوفيلك و لو حاجة صغيرة من واش درتيلي كامل نحبك صغيرتي …

اية:وقفة اب …دلال اب …حنان اب …كلهم لقيتهم فيك صاي اسكت ….
زادت زيرت على الحضن هذاك …حط راسو على راسها و بقاو هكاك ….اسلام :عندي شحال مخبي حاجة مقدرتش نقولها لك بسبب خفت تزعفي ..اليوم نقولها في شعرك ريحة ندور كامل شعر العيباد نلقاهاش كي شغل طفلة صغيرة …كي رحتي بقيت نشم في مخدة تاعك حتى وخدوني و غسلوها …
ضحكت اية …و قالت :عيشك و فيك نتا تاني ريحة وحدها …
ضحك و زير على الحضن بقاو هكاك مدة …اية:اسلام عييت و الله ني حابة نرقد …
اسلام :و الله مام انا …بعدت عليه شويا …
شافت فيه تضحك …اية :ميرسي على اليوم هدا …
رفدت روحها على اصابع رجليها …
سلمت عليه و حضناتو حضن خفيف برك …
اسلام :حا نتوحشك …اية:ياخي حا نتلاقاو و كاين تلفون ههه منبعد أن شاء الله اتهلاي في روحك مواااح …باي باي
راحت خرجت هي لولة بعد ما دارتلو بيدها باي باي و خرجت تضحك راحت ديراكت لاشومبر تاع سيرين دخلت معاها في سرير لقاتها صاي رقدت و رقدت هي تاني بلا ما تخمم في والو و عاودت كل حدث صرا لي حلمها ….
. …………
……
….

و هكذا توالت الايام …يوم بعد يوم تزداد محبتهم …كلينيك كامل علابالهم بلي تخطبو لي فرحلهم فرح لي حقد عليهم حقد …..
جازو 15 يوم على الخطبة ….و تحددت لاداات تاع العرس لي حا تكون آخر الصيف تاع العام …كان خبر صادم لاية بسيف باش تقبلاتو …ولات في ضغط وحدو ..من الخدمة للخياطة …لحوانت تشري صوالح ….
كان ويكاند يخدموش …كانت حابة تروح لبلاصة من لي كانت مراهقة و ملقاتش شكون يديها …على 6 و نص تاع صباح …خدات تلفون …و عيطت لاسلام ..نوضاتو مفزوع …
اسلام :غير الخير اية واش كاين …
اية:و الله خير اسلام صباح الخير علابالي هبلت مع صباح ربي نطلب منك حاجة …
اسلام :هاه واش حابة ؟اية :ني حابة نروح للبلاصة لي هدرت عليها الخطرة لي فاتت معاك و اليوم راني فارغة نقدرو نروحو ؟
اسلام :تتمسخري بيا و حتى دوك باش تقولي ؟زيد نوضتيني دوكا كنت حاسب نشبع رقاد
اية :صاي ديزولي نوضتك روح ارجع ترقد منبعد اسمحلي …
و كوبات عليه….مسح وجهو …جبد المخدة دارها من موراه سڨم روحو و لى قاعد و عاودلها ….
اسلام :شبيك صباح ربي خلصتش هدرة كوبيتي
اية بتردد :حسبت حا ترقد مزال نزيد نهدر و انا هبلت صباح هدا ؟
اسلام :وجدي روحك نوجد روحك نجي نديك ….
اية :يااااا قول و الله …
اسلام :نتمسخر !! أيا باي ساعة و نص نكون عندك ادا كتب ربي …
اية : مواااااح ربي يخليك ….
كوبات عليه ناضت سوطات من الفرحة ..اما هو ناض دار روتينو خرج طونوبيلو و راح لدراهم يجيبها …..
____________________________😻😻___________
لحق ليها بعد مدة زمنية …ڨارا الطونوبيل و عيطلها تخرج….سلمت على ماماها لي غير كيما ناضت و خرجت تجري عندو …دخلت قعدت للقدام …و سلمت عليه تضحك ….اسلام :صباح الخير …اية :صباح نور …
دارت حزام الامان ….و ديمارا غير يشوف فيها …
اسلام :واش درتي فيها …اية :هاه كيما كل يوم برك
اسلام :علاه قلتيليش البارح و لا كون وجدت روحي مليح رهجتيني مع صباح ربي ؟
اية :يعني قدرتش نرقد عندي شحال منرقدش مليح جاتني الفكرة مع 3 تاع صباح برك …
شاف فيها غمزلها ….اسلام :و علاه ترقديش واش كاين !
اية :منعرف يجينيش من تخمام بزاف…اسلام :و علاواه تخممي ؟
اية :ممم خايفة متوترة كلش تخلطلي ستراس كل يوم يزيد على خوه …
ابتاسم كان عارف بلي من قضية العرس صرالها هكاك كامل …حط يدو على يدها و حط يدها على ركبتو و بقا يزير عليها و هي غير قاعدة كي الحجرة متصنمة …
اسلام :و علاه تخافي ؟ ياخي يوم و يجوز ؟ و الوقت هدا كامل غير تجهيزات خلصتيش مشي حاجة هامة ياخي نعرفك مكلاه تعمري راسك بزاف … و ادا كفاكش الوقت على القش راني نقولك تشريش بزاف صوالح راكي معايا عادي أصلا لازم تعاودي تعاودي تقلقيش روحك ….و خليك من الضغط ديريش في بالك كامل بلي عرس ….
اية :ههه هكا نقول اما هكا برك يعني تجربتي الاولة هاه منعرف …
اسلام :شحال حبيتي تكون مرتبة التجربة مالا بيانسور اللولة و تكون الاخيرة تاني باذن الله هيا خليك …
ڨارا طونوبيل ….اسلام :دوك نرجع نهبط نشري و نرجع اوك
ابتاسمتلو قرب عندها باسها من خدها و هبط يشري …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 225🌚🌚:
رجع شرالها جو و شوكولا مدهم ليها ضحكت …شغل الغنى و عاود ديمارا ….شبعو تمهبيل مع الغنى هديك …و غير يشوف فيها يبتاسم ابتسامة وحدها مع عينيه شبه مغلوقين …..
لحقو للمول حبسو يشرو واش حبو ….خرجت اية و زاد هو …شدها من يدها و دخلو …حست وقتها صح تقدر تشد بيدو كيما تحب متخاف من حتى واحد …كانت تزرب في مشيتها متحمسة و تجبد في اسلام كي شغل طفلة صغيرة كي تشوف حاجة عجباتها ….راحت جيهة الالعاب …صيبت يد اسلام …جبدت الشاغيو لي يحطو فيه الصوالح و بدات تجبد في الالعاب و اسلام يشوف فيها برك مطلع حاجبو و يبتاسم على طرف …
اية :اسلام هدي مليحة ياخي …..اسلام :هيه مليحة بصح لي بحذاها خير …اية :نديهم في زوج ههه مشي مشكل ههه
زادت جبدت اللعبة هديك ….اية :اسلاااااام نونوووورس عيشك نوصلش ليه اجبدلي 3 و مع صغارهم يااا اسلام عيشك ..(نونورسات كانو في لايتاج لخر كامل متلحقش ليهم )….
اسلام :نو طلعي روحك شويا توصليلو هيا اشطاري …
اية:يااا علاه علاه زكارة هففففف
خلاها دارت و بدات تطلع في روحها …راح عندها رفدها طلعها من الخلعة شهقت منبعد ولات تضحك …شدت شحال حبت و هبطها …شاف فيها ..اسلام :خطرة جاية تاففيش بزاف …اية:هاه صاي ميرسي هه خلينا دوك نروحو وين كاين القش نزيد شويا و نروحو وعد …
بدات تجر فشاغيو هداك و تضحك و اسلام يتبع من موراها …لحقو جيهة القش و بدات تجبد برك لي يعجبها تجبدو من كل الأنواع و من كل الاعمار…..
اية :خطرة هدي نرمالمو صاي هههه أصلا بزاف خطرة جاية ان شاء الله ادا رجعنا نزيد …
اسلام :مزية فقتي لروحك كون نتبعك نخرجوش كامل …بصح انا تاني عندي حاجة نديرها هيا معايا وين كاين الحلويات و الشوكوولا …
اية :علاه ؟ اسلام :هيا و صاي ….
شد هو سلة صغيرة و راحو للجيهة تاع الشوكولا و الحلويات و بدا يجبد برك حتى تعمرت السلة. ..
اسلام :خديتي كلش نسيتي بلي دراري صغار يحبو صوالح هدو …
اية :هاه و الله نسيت ….اسلام :هيا نخلص …اية :واش تخلص ؟اسلام :واش خديناه ..اية :غير ريح ني حابة نشربهم بدراهمي..اسلام :خطرة جاية تخلصي انتي ..اية :لالا عيشك اسلام من لي كنت صغيرة نحلم ندير عفسة هدي عيشك تخربهاليش ..اسلام :و انا تاني ني حاب نساهم مالا نخلصو بالنص و لا غير نتي لي تدي الاجر…اية :هيه هكا معلش بصح باش تخلص كلش وحدك لالا ني حابة نشارك بدراهمي …
اسلام :هههه اوك اتافقنا هيا ………
راحو خلصو حطولهم كلش في ساشيات و بواطات …
و خرجو ركبو طونوبيل …حطت راسها على كتفو و كمل يسوق و يدو على يدها مزير عليها ….
__________________________😊😊😊__________
لحقو للميتم و أخيرا ….شافت في بوابة تاعو اقشعر بدنها …ابتاسمت ابتاسمة عريضة و تنفست بالقاوي متحمسة ….خرج اسلام و خرج معاه القش …و عيط الحارس لي كان تم يحللهم الباب باش يدخل لقش لداخل و يولي يرجع ليهم يوصل بشويا ….
دخلو مع بعضياتهم ….اسلام شاد شويا من ساشيات و اية تاني شويا …و لي بقاو خلاوهم وين كاين الحارس منبعد يرجعو ليهم ….طلعو لطابق وين كاين الإدارة…استقبلتهم المديرة لي لتم …احر استقبال ….و اسلام راح رجع يكمل واش بقى من صوالح لتحت ….و رجع ليهم …
اية :اسلام كنا نستناو فيك المديرة قبلت تدخلني ياخي تجي
اسلام :هيه بيانسور نجي روحي تبعيها و انا نتبعكم ….
عاونتهم المديرة شدتلهم شويا شكارات راحت في المقدمة و تبعوها …اية غير تمشي تتنفس بالقااوي و تشوف لاسلام لور ….
غير لحقو حلت الباب …و يشوفو من بعيد ايمن …اسلام غير شافو عڨد حاجبو و شد اية من يدها حبسها …
اسلام :واش جابو هدا ؟واش يدير هنا ؟…
اية :هاه شكون ؟اسلام :ني على ايمن تكوفيش روحك …
شافت ليهم المديرة و قالتلهم ادخلو …خلى اسلام اية دخلت …غير غلقت الباب المديرة عاود شدها …
اسلام :ني نقولك مشي حا نرحمك كون نعرف بلي راكي عارفة راهو هنا و مقلتيليش ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 226🌚🌚:
اية من الشدة لي شدها بقوتو تقلقت …
اية :هيه نعرف سافا هكا دوك خليني علاه فدقيقة تتقلب هكا و تحب تفسد كلش ….
نحاتلو يدو و راحت توزع على الاطفال الصغار واش شراو …و تبوسهم و تلعب معاهم …متجاهلة كلا من ايمن و اسلام لي كانو في الوسط ….
راح اسلام شد طفلة صغيرة عينيها كستنائية كيما تاع اية وبقى يلعب معاها و يشوف غير في اية لي قلقاتو و شاد روحو مليح …حتى راح عندو ايمن يصافحو …شاف فيه اسلام مدلو يدو تصافحو …ايمن :واش اسلام وليت تهدرش معانا و ولا ولينا اعداء
اسلام :علاه قتلك ولينا أعداء ؟ المهم نتا واش راك دير هنا
ايمن :ههه انا عضو من جمعية خيرية برك و نجي لهنا نتفقدهم علاه مقالتلكش اية ؟
اية كانت موراهم غير سمعت تصنمت بلاصتها و علابالها بلي اسلام حا يفهمها حاجة اخرى ….كملت لعبة مع الاطفال هدوك ….و اسلام غير يشوف فيها يستنى وقتاه تدور عندو و يقهرها بعينيه …
اسلام :نو قالتليش يعني منهدروش عليك باش تقولي …
ايمن :هيه كي جيتو برك حسبت قالتلك هدا مكان …باسكو خطرة لي فاتت حكيتلها على الميتم هدا و بلي تقدر تمد مساعدات
ناض اسلام من بلاصتو ….راح عند اية …شدها من يدها بقوة … اسلام :تزيدي شويا تهبطي و تهدري معاه اعرفي واش يصرالك كي تجي نتفاهمو كيما لازم …
خرج و خلاها….شافت في ايمن خزرة تاع علاه علاه …دارت على الاطفال كامل لي كانو فرحانين من واش شراتلهم باستهم كامل ….ودعتهم و وعدتهم تعاود ترجع عندهم ….
راح تجري لحقت لطونوبيل ركبت لقاتو يتكيف …غير غلقت الباب طفى القارو …و ديمارا معقد حواجبو ….زاد شويا في طريق حبس راح شرا سوندويشات …رجع عاود ركب رمالها سوندويش تاعها لركابيها .. و تاعو حطو في الدرج الصغير لي فطونوبيل تاعو ….هبط نواظرو …و جا حا يديماري …هدرت غاضتها العفسة هديك تاع يرميلها الماكلة كي شغل محتاجة لشفقتو …
اية :شبيك غير لخير ؟ وقت لي تحب تكون مليح و الوقت لي تحب تتبدل كامل و تكرهلي في حياتي و الله سيريوز شبيك …
اسلام :كي تتعلمي تشاورني في صوالح و تحكيلي كلش و تخبيش على حاجة وقتها تهدري معايا فهمتي ؟ تسما انا نوضتيني صباح و جبتك و معلااباليش مامبا بلي ايمن راح يكون لهنا
اية :هفففف علاه انا علابالي ؟ علاباليش …علابالي برك بلي فرد من جمعية خيرية تعاون في الميتم هدا وماقالهاليش ليا وحدي كي كنا نفطرو الخطرة لي فاتت كان يحكيلنا عليهم ….
اسلام :كيف كيف فهمتي و دوك تسكتي عليا خيرلك خلي كي نولي مليح نتفاهم معاك هكا نتخاسرو هاني قتلك
اية :اسمع نقولك غير شك هدا لي نكره جدو فهمت حبيت تامن امن محبيتش الله لا تامن مشي توجور نجري موراك باش تامن و مشي اي حاجة نسمعها لازم نقولهالك منيش ببغاء لحوايج المهمة صح عندك الحق بصح صوالح فارغين نهدرش عليهم …
اسلام :هيه شح فيا انا صغيرة الكبيرة لي تصرا نحكيهالك منخلي حتى حاجة …دوك نولو نخبو كامل مليح هكا ياخي هكا حبيتي ادا زدتي سمعتي حاجة مني يسمونيش اسلام ….علابالك بعلاقتك معاه و واش صرا و كامل و تقوليلي حاجة فارغة ؟
جات تهدر تفهمو بلي مقصدتش …اسلام :بلاكي و تنطقي هاني قتلك تخلينيش نولي وحدوخر بلعي عليا و منيش مستحق تزيدي تهدري معايا و لا حتى تحكيلي و انا تاني تزيديش تسمعي مني حاجة …
مقدرتش ترد عليه و لا حتى تسڨم سوء تفاهم لي بيناتهم …ديمارا بكل قوتو يسوق …حطت سوندويتش على طرف مقدرتش تاكلو و بقات تشوف فيه برك متقدر دير والو …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 227🌚🌚:
لحقها لدارهم جات تهدر …اسلام :تهدريش اهبطي ادا جازت الحاجة مكلاه تهدريلي عليها و كيما تفاهمنا
اية:بصح …اسلام :قتلك اهبطي قبل ما نقول حاجة مجيش ….شدت ساك تاعها هبطت خبطت الباب و راحت لدارهم بلا ما تشوف حتى لور تشوفو …عسها دخلت و ديمارا ديراكت راجع لدارهم …طريق كامل
و هو يتكيف و هي لحقت لدار سلمت عليهم و طلبت منهم تروح ترقد سماطلها كلش …جازو 3 أيام يتشاوفو في الخدمة يهدرلهاش كامل …هي برك تتفقدو من بعيد …
______________😻😻😻😻_________
ناضت الصباح بكري …دارت روتينها .. .استقهوات و قلبها مزير ستنات اسحاق خلص روتينو …ركبت معاه فطونوبيل و داها للخدمة …..طريق كامل و هي تشوف فليفوطو تاعها و تاع اسلام و تضحك …توحشت تهدر معاه
اية بينها و بين روحها :هكا نتي أية علاه هو يحكيلك كلش و في كل خطرة يحاول يتفهمك كي تقلق هو قدرتيش تفهميه علاه ا ربي هكا علاه و الله توحشت نهدر معاه …
لحقت للخدمة …راحت طلعت لبيرو وين تخدم لبست بلوز تاعها …وجدت واش تستحق …و بقات تستنى تشوف طونوبيل تاعو من باركينڨ تاع كلينيك بصح والو …جازو السوايع راحت خدمت رجعت شافت بصح ملقات والو …طونوبيلو مكانش و هو مكانش …راحت تفطر و تسمع هدرة الناس و يجبدو اسلام على لسانهم ….جبدت وحدة ممرضة تخدم لتم …
اية :مدام عيشك نسقسيك واش كاين …الممرضة:علاه معلابالكش
اية :كون جا علابالي نسقسيك ؟ الممرضة:نيش حابة نخلعك باسكو موسيو اسلام كي كان جاي صباح للخدمة دار آكسيدو
ضحكت اية مشوكية و مشي مامنة …عقدت حواجبها خلات الممرضة و راحت تجري لبيرو تاعها ..غلقت الباب تاع البيرو شدت التلون ترجف شواربها يبسو من الخلعة و تدعي يكون واش سمعت مشي صح ….
بقات تعيطلو لتلفون بصح والو يجاوبش خارج نطاق التغطية …حست بكرشها فشلت …قعدت فوق الكرسي …جات تعيط لسيرين خافت متكونش علابالها ….
تفكرت عمومها لي يخدمو لفوق …راحت طلعت فلاسونسور …غير حبست خرجت تجري بزربة …لحقت لبيرو تاع نضير بابات اسلام …جات تحل الباب لقاتو مغلوق ….
راحت لبيرو تاع فؤاد لقات راجل آخر شدلو بلاصتو ..اية :سلام موسيو معلش تقولي وين راه موسيو فؤاد يوسفي
السيد لي كان تماك :مراهوش هنا راح يتفقد على وليد خوه موسيو اسلام لي دار آكسيدو …
زادت تصدمت و حست روحها تزيد شويا تطيح ..شدتها الغصة تاع البكاء ….
اية :و تعرفش واش صرالو؟
السيد :و الله معلابالي مزال معاودليش يطمنني عليه ….
دات الإجابة و هبطت من دروج خطرة هدي تمشي بلعقل و تدعي مصرالو والو ….
جا لبالها مروان …سندت روحها للحيط شادة تلفون ترجف
..عيطتلو يصوني و يكوبي عليها ….عاودت 3 خطرات و نفس الشي
اية :تبا ا ربيي واحد ميلقاكم ….زادت تقلقت كثر و حست روحها ضعيفة صح ….
عيطت لسيرين املها الوحيد …3 خطرات و هي تعيط متجاوبش كي جات تكوبي رفدت عليها ….
اية :سيرين سيرين راكي معايا ياخي …
سيرين بصوت عيان و متوتر :هيه اية انا سيرين
اية تبكمت خافت تقول واش صرا تصدمها ….
سيرين :انعم اية سمعتي بواش صرا ؟ اية ساكتة برك مقدرتش تهدر تستنى برك واش تقول
سيرين :اية ني كيفك دوك خبروني ني مع عماتي في دار معلابالنا بحتى حاجة ماما جا بابا داها و مقالولنا والو من غير اسلام دار آكسيدو …
اية حست لسانها تلعثم :تعرفيش وشمن سبيطار راهم …
سيرين :ني نقولك والو و الله محبش يهدر بابا كان مقلق و قدرناش نهدرو معاه بصح ان شاء الله فيها خير مقلقة عليه غير باسكو صباح راح بسكوتور مشي بطونوبيل و داوه لاقرب استعجالات لي هنا و مجاوبهش عندكم لكلينيك هدو معلومات مروان مدهملي برك و دوك غالق تلفونو قالي كي يجيني خبر نزيد نخبركم معايا
حسبت اية بقلبها يوجع و الدموع شادتهم بسيف ….:اوك سيرين ادا صرات حاجة قوليلي دوك شويا نوجد روحي نشد بوس و راني جاية عندكم …
كوبات عليها و خلات دموع يطيحو …راحت استاذنت من الدكتور لي علمها بزاف صوالح من لي بدات تخدم تماك ..جبدت صوالحها ترجف و خرجت لطريق تستنى في كاش bus باش تروح لفيلا تاع العايلة ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 228🌚🌚:
حبسلها البوس فلاري و كملت مشيا المسافة لي بقات للفيلا بسيف باش لحقت ….غير شافت الباب من بعيد عجزت تكمل …شافت طونوبيل فؤاد زادت فشلت كثر …بقات تجبد في النفس و ترجع الزفير بقوة …كملت جرات لحقت للباب حاسة روحها تزيد شويا طيح …
بدات تصوني و طبطب …بسيف باش حلو عليها غير حلت عليها ترغيد …شافت فيها بعينين تاع ترجي …
اية :ترغييييد واش صرا …ترغيد :تقلقيش ادخلي راه لحق خالي فؤاد …
سڨمت ساك تاعها رجعت شعرها للور و دخلت عندهم لصالون …سلمت عليهم بزربة و في نفس الوقت تردد برك جملة بين شورابها …اية :اسلام شبيه واش صرالو ….
شدتها سيرين و شافت فيها …
سيرين:مصرالو والو اية مصرالو والو آكسيدو و منع حمد الله
غير قالت هكاك ترمات في حضنها تجبد النفس بصعوبة و في نفس الوقت بزربة ….
الجدة فشلانة :دوك لحق فؤاد و طمننا عليه كنا كامل كيفك دار آكسيدو بسكوتور كي جا حا يدور من رومبوا …خرجلو واحد سكران بطونوبيل حكمو و تقلبت الموطو عليه حمد الله مصرالو والو بصح راهم يديرولو الفحوصات ….
حطت اية يدها على صدرها من شدة الخلعة …
اية بصوت مخنوق حابة تبكي :عيشكم قولولي وشمن سبيطار نروح عندو و لا وشمن استعجالات و الله نروح قولولي برك الاسم ….
ليندة:قال فؤاد استعجالات @_@_&-@
اية :هاه تسما دار آكسيدو غير لهنا منصفش مامبا طريق تسما رومبوا لي كاين غير هنا …
ليندة :هيه تماك ….
اية :انا ني رايحة نستنا في حتى واحد …
ليندة :شكون يديك …
اية :نشد بوس منا و كي يلحقني لبلاصة قريب نحبس و نكمل برجليا ….
ليندة :اصبري نجي معاك انا تاني حابة نطمن عليه …
اية :ها تجي روحي البسي رابيد عيشك صينو نلقاوش بوس منبعد …
مرت فؤاد :اصبرو ينوض فؤاد من رقاد يديكم رجع عيان راح رقد
اية :خلي برك ادا جا يرجعني نقدرش نصبر
راحت ليندة غسلت رابيد و لبست قشها و اية قعدت فوق لفوتاي تشرب في الماء و تحاول تنحي الرجفة هديك تدعي من ربي يكون مصرالو والو …
غير هبطت ليندة خرجو و شدو طريق لسبيطار لي فيه اسلام ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 229🌚🌚:
بعد مدة لحقو بسيف عيانات في زوج …شدت اية يد عمتها لي جامي حسبت تتفاهم معاها كاش نهار …راحو سقساو لي يخدمو في استقبال …قالولهم وشمن غرفة يلقاوه …و راحو يجرو بالقوة لي بقالتلهم يطلعو دروج بسبب سونسور معمرة ….اية يد شادة بيها عمتها و اليد لخرا على صدرها لي تحسو قريب يخرج من شدة التنفس تاعها ….لحقو لاشومبر لي قالولها …طبطت ليندة …و حلت الباب …و تلقى نضير و مرتو قاعدين على كراسا ….
اية بقات تشوف غير في لي محطوط على السرير هداك متسطح مجروح كامل …حست بكاش واحد فيقها من سرحتها و شافت لخرين لقات يماه لونها تفسخ و شعرها يبان من الخيمار …اما باباه في حالة يرثى لها تاني …
ليندة جرات عند اسلام لي مسطح راسو و عينيه لفوق مطلعم و شداتو من اصابعو برك ….
ليندة دمعة في عينها :واش كاين نضير واش بيه واش قال طبيب
نضير :هاكي تشوفي حالتو كسر في اليد و راه
قاطعاتو مرتو بصوت مخنوق بدموع :و راهو في حالة هذيان كي تقلب عليه سكوتور ضرب راسو للارض ضربة قوية و راكي تشوفي وشبيه
و خلات دمعة طيح …اية من شوك مقدرتش حتى تهدر و لا تشتغل تبكي …رمات ساك تاعها الارض ..و راحت تشوف فيه ..يدو فيها بلاتر كاملة ..عند حاجبو جرح دارولو فاصمة …و شواربو مجروحين و ولاو زرقين …اما عينيه مطلعهم لفوق يبان غير الابيض ….
شافت في امو و خلات الدمعة طيح …هكاك و يدخل عليهم مروان …
غير شافو هو تاني تشوكا ….غلق الباب و بقى يشوف فيهم ….
اية بصوت تاع عتاب مصطحب بخنقة الدموع :علاه مقلتوليش بلي صرا هدا كامل علاه خليتونا متحيرين علاه نتا مروان تجاوبش على تلفون علاه انا آخر وحدة عرفت …علاه قاللنا عمي فؤاد بلي مصرالو والو آكسيدو خفيفة برك …
مروان مشوكي :و الله اية ريزو مكانش و الله زيد انا دوك شفتو خلاونيش ندخل
مامات اسلام بصوت شبه مسموع :حنا و دوكا برك دخلونا و فؤاد مشافوش حتى حنا دوك برك قالولنا واش بيه و نتي قلتلهم يقولولك من الخلعة مقدرتش نهدر مع حتى واحد
ليندة شدت كرسي و بقات شاعلة عينيها مشوكية ….
مسحت دموع اية بكل قوة …و هدرت بصوت خشين لي يجي بعد دموع :مروان خود تلفون عيط لسيرين طمنهم عليه و لا منعرف واش تقوللهم راهم قريب ياكلو لحومهم من الحيرة…
دارلها بعينيها تاع ايه …و خرج ديراكت يعيط لسيرين
اما اية حطت روحها قعدت نص قعدة برك على سرير هداك بحذا اسلام …
حط يدها بلعقل على اصابع يدو لي تكسرت …و بقات تمسح عليهم ….
اية بخرزات قوية تشوف ليه بصح هو والو عينيه مطلعين لفوق …و تشوف برك لشواربو لي تحس كون تحط يديها عليهم يتعصرو و يفيضو نرمال …
عاودت شدت راسها باش تشد البكا …و غلقت نيفها باش تحبس الخنقة هديك و ميطيحوش الدموع ..الوقت هداك مكانش اسلام يكون سندها لازم عليها هي تكون سند روحها و توقف معاه …و تكونش كيف لخرين بينو ضعفهم و خوفهم …
اية :عمي قالولكش وقتاه نقدرو نخرجوه ؟
العم :مقالوش شكيتش يخرجوه دوكا …
اية :ني حابة نهدر مع طبيب عيشك اديني ليه …
العم :نعرفش وينو بصح دوك شويا يرجع يشوفو كل شويا يجي يطل عليه …
اية :اوك ني نستنا ….
ناضت من بلاصة هديك و راحت عند راسو تشوف في عينيه كيما لازم …حطت يدها على جبهتو لقاتها سخونة …غلقتلو عينيه و عاود فتحهم اقشعرت من المنظر هداك …قرب عند وذنو متحدية الحشمة هديك قدام عمها مرتو و عمتها …
اية بهمس :اسلام اسلام هاني مينوشة انا اك تسمع ني جيت رجع عليا عيشك …
اسلام بصوت يشبه العياط :هممممممممممممم
تشوكات و شافت ليهم من الخلعة شدتها ضحكة …كتمتها و تحيرت منو قالت بينها و بين روحها
اية :اخاااه اخااه غير نسلكو من حاجة نوليو لاخرى
صبر صبر يا رب …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 230🌚🌚:
لحظات و يرجع يدخل مروان …من الشوك هو تاني ولا كي القارص …اية:عيطتلهم ؟ مروان :هيه
راحت عند رجلين اسلام و قعدت تشوف فيه و ساكتين كامل في مواقف كيما هدو كل واحد يعرف واش كاين واحد ميقدر يصبر لخر …سمعت اية صوت تلفونها يصوني ..شد مروان ساك تاعها لي رماتو على الارض داهو ليها جبدت تلفون و لقاتها ماماها …عيطت تسقسي عليها و خبرتها اية بكلش …
اية :ماما نيش راجعة لدار اليوم و منعرف وقتاه نرجع اتهلاو في رواحكم ياخي منبعد نعاودلك و الله ماني قادرة حتى نهدر
هيبة :صحا بنتي ادا كاين كاش حاجة قوليلي عيشك راني مشي مامنة
اية :اوك ماما باي منبعد مواح ..كوبات عليها و بقات مخبية وجهها بيديها و تمسح عينيها و تحاول تشد روحها لا فطور لا والو غير كاس ما شربتها …
فاقلها مروان ….مروان :اية هيا نشريلك كاش حاجة تاكليها هيا تمرضيش روحك …
اية دارت براسها لالا …نضير :روح اشري مروان و زيد لمرت خالك هاك نمدلك دراهم
مروان :خسارة عليك دوك نروح و نرجع ان شاء الله …
__________🌛🌛🌛🌛🌛🌛🌛🌛_______
غير خرج مروان دخل الطبيب و اية ناضت من بلاصتها …
سقسى عليهم ادا بخير و طلب منهم يخافوش ….
الطبيب :موسيو يوسفي شبعت تحلال باش تخرج وليدك و يكمل الفحوصات في كلينيك تاعكم …نقولك حاجة تقدر تخرجو بصح ادا صراتلو كاش حاجة تقلقوش صوا رجعو صوا لديه لكلينيك كيما قلت مهم تخليهش فدار ..اليوم مقدرتش نديرولو فحوصات لراسو لازم يمر شويا وقت على الحادثة باش يخرجو الفحوصات ملاح …لازم على الأقل تجوز 24 ساعة باش يبان كلش …يعني كي نسمحلكم تخرجوه تديه لدار و لازم تخافوش من حالتو هاني قتلك و صباح تديه لكلينيك و مختص الاعصاب لازم باش يديرولو فحوصات و يعرفو بالضبط واش صرالو …
نضير :بارك الله فيك دكتور ميرسي بوكو و كيما تقول ندير باذن الله ….
اية حست نوعا ما بالفرحة ..لحق عليهم مروان مدلها قرعة جو تشرب شويا و ووزع عليهم كامل ….
بقاو كامل قاعدين يشوفو فيه ميقدرو يديرو والو حتى رجع الطبيب كي غربت الشمس صاي سمحلهم يرخجوه و ذلك بمساعدته طلعلو راسو و عاونوه يمشي ….
كان يمشي يتمايل ….باباه شادو من طرف طبيب من طرف مروان و اية من لور يعسو فيهم …حتى لحقو لطونوبيل ….دخلوه لور حطوه في الوسط عينيه يحلهم يعاود يغلقهم ….قعدت يماه و اية بجانباه و ليندة بحذا اية …مروان لقدام مع خالو ….
اية شادة يدو قريب تعصرها و يماه مقدرتش تشدو من يدو لخرا باسكو مكسرة …كان مرجع راسو شويا لور و ميقدر يقول حتى كلمة من شدة وجيعة راسو …يحس راسو فيه حجرة و بسيف باش يطلعو …
و باباه كان يسوق بلعقل ….لحقو للفيلا و كل واحد و حالتو كيفاه كامل حالة ما يتحسدوش عليها …
غير خرجو من طونوبيل و تعاونو خرجوه ..و هو يستجيب برك بالافعال اما الهدرة مكانش غير همهمة يهمهمها .(هممم)
غير صونا مروان هبطت سيرين فدروج تجري باش تحل غير حلت تشوكات كثر ما تشوكات كي استقبلت الخبر …..
رجعت لزاوية كامل و خلاتلهم البلاصة يدخلو باريحية …
تعاون مروان و خالو دخلو اسلام و لي يشوفو يشهق …اية عنقت ديراكت سيرين
اية :تتشوكايش كتب ربي صرات و صاي و الله ما نقدر نهدر و نصبرك و انا كثر منك بصح ديري في بالك بلي قضاء و قدر حمد الله كي خرجت هكا و راه معانا
خلاتها و راحت طلعت جبدت غوب خلاتها لتم راحت دوشت بالما البارد …مشطت شعرها بالخف. ..و طلعت لشمبرتو لقاتهم كامل مجمعين لتم …و سيرين و مروان واقفين بحذا بعضاهم عند الباب …شافت في اسلام لقاتو متسطح و في نفس الوقت قاعد و الجدة و لي كانو تماك شبعو ضحك …
اية :سيرين مروان واش كاين ؟
سيرين بصوت تاع حيرة :روحي قدمي تسمعي بروحك واش راه يهدر اخاااه ربي علاه هكا علاه
قدمت اية دخلت عليهم غير شافها خبى ابتسامة لي كانت مرسومة على وجهو و سكت …
جبدتها فتيحة ليها …و هدرت بهمس :يا اية راهو يخرط برك و يضحك على صوالح تافهة شوفي رانا نضحكو و قلبنا يتعصر يهدر هدرة مشي مفهومة حتى
اية :هيه أصلا طبيب قاللنا تتخلعوش …راحت قدمت اية عند اسلام حطت يدها على رجلو و ضحك
اسلام :يديك باردين نحي يديك …
اية توسوست تحسست يديها لقاتهم مشي كيما يقول شافت فيهم كامل لقاتهم مشوكيين و يضحكو من شوك
الجدة :يخاااه حاجة ڨراف نضحكو هم يضحك هم يبكي ..
اية :تقلقوش الطبيب قال تقلقوش تخافوش ياخي ان شاء الله منبعد يولي كيما كان هذا هذيان برك
….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 231🌚🌚:
زادو معاه شويا يسمعو لواش يهذي و يسمعو لهدرتو لي مشي مفهومة …حتى حط راسو على المخدة و غمض عينيه …خرجو كامل و خلاو تماك اية برك غلقت الباب …سڨمت الحالة و هو كان مغمض عينيه …كي سڨمت كلش …راحت قعدت بحذاه قلبها يضرب …
بقات تشوف فيه …حطت يدها على جبهتو بلخف ..و بقات تهدر بهدوء برك …
اية :اسمحلي و الله مكانت نيتي نقلقك ربي يشفيك و يرجعك ليا كيما كنت يا رب
حل عينيه بلعقل برك و محلهمش على وسعهم غير شويا …
شافت فيه بنفس الطريقة باسكو هي تاني عيانة …
اية بصوت حنين و خفيف :اسلام😇
اسلام :هممممم
اية :بخير ؟ واش تحس ؟
لقى يتمتم كلمات مشي مفهومين …اسلام :قولي لجدي يشريلك انا نقدرش
اية :اخاااه شبيه جدي ربي يرحمو واش يشريلي اسلام
حست بلسانو تلعثم …زادت قربت ليه و حضنتلو راسو و بقات شاداتو من يدو تزير عليه
اية :صاي اسلام صاي راك مش على بعضاك ارقد عزيزي مكانش جدي هنا و انا مقتلكش اشريلي ني معاك
اسلام :مممممم ماء ماء
اية :وشبيه الماء ؟ طلعتلو راسو بشويا برك و شافت في عينيه ..
اية :نمدلك تشرب ؟ دارلها براسو ايه …
حطتلو راسو على المخدة و دورت جبدت القرعة تاع الماء ..عاودت رجعت حطتلو راسو على صدرها و شربتلو الماء حتى شبع ضرب القرعة بلخف تاع صاي …
غلقت القرعة و رماتها على سرير و بقات تشوف فيه و تمسحلو على وجههو بلخف جوزت يدها على حاجبو بلخف برك وين كاين الجرح …و بقات تشوف في شواربو لي خايفة حتى كون تحط يدها يتعصرو ….
بقى يشم في ريحتها يجي يهدر يتلعثم حتى لسانو …و الهدرة لي يقولها ميعرف من وين يخرط (هذيان) و الحمى خبطاتو خبيط
بقات تمسحلو على وجهو و شعرو و تبوس في من جبهتو …
و تستنى فيه يفيق و لو شويا …حتى غفى على صدرها زادت غفات هي بلا ما تفيق لروحها و رقبتها معوجة كامل …محبتش تحط راسها على راسو خافت يكون يتوجع تزيدلو هي….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 232🌚🌚:
فاقت على روحها على صوت المؤذن ياذن …حست حاجة ثقيلة على صدرها و رقبتها معوجة حلت عينيها شافت اسلام تفكرت واش صرا …استغفرت …و سڨمت روحها شويا …حطت يدها على جبهتو لقاتو سخون يحرڨ …تقلقت عليه …راحت توضات صلات ..و جابت معاها فوطة شمختها بالماء البارد و رجعت عندو…حطتها بلعقل على جبهتو غير حس بالبرودة هديك تحرك و تمتم بكلمة :اححححح …
من شدة الحمى مكانش قادر يحل عينيه يحس كاش حاجة تجبدو باش يغلقهم …
عاودت هبطت زادت حيلة صغيرة عمرتها بالماء و زادت فوطة صغيرة اخرى من لي عندها (سربيتة صغيرة )
و رجعت عندو…غلقت الباب بلعقل ..و راحت عندو جبدت لغطا عليه …و طلعتلو تريكو بشويا …مكانتش قادرة تنحيه على جال البلاتر ..و لهذا طلعاتو برك …
شمخت الفوطة و حطتها غير بلعقلللل و تالمو جسم تاعو سخون و الفوطة باردة اقشعر و تحرك من بلاصتو …
مد يدو السخونة اكثر و شد بيها يد اية زير عليها ….
تمتم كلمات بسيف باش فهمت :بلعقـــــلللللل
حطت يدها لخرا على يدو زيرت عليه ..
اية :صاي بلعقل سافا ؟ ….اسلام :هممممممم
اية :يا ربي يا ربي و شفيه و الله نقدرش صاي
بقات تشمخ في الفوطات و تبرد فيه خطرة تمسحلو وجهو خطرة رقبتو خطرة عنقو ….. و هي حابة طيح ترقد بصح تقدرش ….
جابت قريب ساعة و هي هكاك …حتى حساتو برد شويا …و بدا يرجف …رجعتلو تريكو كيما كان …حطت كلش للارض …و رجعت عند راسو تشوف فيه و تشوف لشواربو لي زادو زراقو …رجعتلو راسو على صدرها تمسحلو على شعرو و هو فايق مشي راقد …
اسلام بصوت مبجوح :ارقدي صباح تخدمي ….
حطت يدها على شواربو بلغلطة و زيرت عليهم باش تقولو هشششششش فاقت على روحها غير كي قال اححححح
اية :اييييي اسمحلي ياا راك مليح ؟
اسلام :همممممم ارقدي …اية:تسما عقلتني دوك مشي كيما قبيل
اسلام :همممم …اية :صاي ارقد انا صاي رقدت …
زادت حشراتو لصدرها كثر و بقات تشم في ريحتو كي شغل ضامة طفل صغير …
رفعتلو راسو بلعقل برك كان مغمض عينيه …حطت شواربها بحذا شواربو و مدتلو بوسة طويلة و خفيفة …رفعت راسها بلعقل برك ..اية :اسمحلي ..
حل عينيه جات تبعد حط يدو عند رقبتها جبدها ليه بلخف و خذاها في بوسة طووويييييلة خلاها تتصنم بلاصتها و خلى شواربو يوجعو فيه ….
اية بصوت متقطع مدوخة كامل :اسلام ا عمري شبيك كل دقيقة تزيد تقلقني عليك مشي كنت تهتري و تهدر هدرة عندهاش معنى و دوك …
اسلام بصوت عيان : و دوك بستك نرمال صاي اية نقدرش نهدر ارقدي …
زير على يدها و غمض عينيه راح فيها اما هي بقات مصدومة مشوكية و تمسحلو على شعرو …حتى زادت غفات هي تاني …
_____😇😇😇😇😇😇😇______🤣🤣🤣____كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 233🌚🌚:
صباح بكري ناضت على صوت تلفونها يصوني كانت متمنية تزيد و لو شويا حست عظامها كامل يوجعو فيها …باستو على عينو حطتلو راسو المخدة و هو كان فايق …اية :اسلام ني رايحة مع عمي فؤاد ياخي ادا راك تسمع و تفهم واش نقول نتلاقاو تم ان شاء الله كي تجي دير فحوصات حبك حبك اتهلا في روحك ياخي …
حل عينيه بلعقل غير شاف فيها ابتاسمتلو و خرجت توجد روحها ….
اما هو بقى يشجع روحو باش ينوض و يديرش على الوجيعة و الدوخة لي في راسو….
دارت روتينها استقهوات و راحت مع عمها غير لحقت بدات تخدم بلبيسي تستنى يلحق الدكتور محمد (لي تخدم معاه ) باش يبداو مع بعضاهم
_____😇😇😇😇_____💕💕💕💕___
تخدم شويا و تعيط لسيرين تسقسي على اسلام …حتى قالتلها بلي جاي عندكم باش تنهدت …زادت عيطت ليماهة سقسات عليها ….و كملت خدمتها ….
حتى سمعت صوت الغاشي برا مجتمعين …خرجت لقات اسلام لي داخل مروان شادو من جيهة و باباه من جيهة يعسو برك خايف يطيح.و لا ..غاضها من المنظر هداك مشي متعودة تشوفو ضعيف هكاك كامل …خلاتهم طلعوه لطابق وين يخدم طبيب الاعصاب و وين كاين ليماشين تاع الاعصاب …كملت واش بقالها من خدمة بلخف و راحت تجري طالعة عندهم …لحقت عليهم لقاتو في لاصال دارولو الحقنة تاع ل Irm و وجدوه باش يدخل …
لقات مروان و باباه معاه ابتاسمتلهم و راحت عندو …
حطت يدها على طرف يدو بلعقل برك على الابرة …
اية :اسلام تخافش علابالي مشي من نوع لي يخاف بصح هكا برك تقلقش ميصرالك والو و مهما واش صرا ني معاك
غلق عينيه عاود حلهم بلعقل برك بمعنى تاع ايه برك محبش يهدر
اسلام بصوت مبحوح و بلعقل :تقلقيش نتي انا لي كتبو ربي يصرا
ابتاسمتلو و خلات الممرضة تدخلو …تسطح بلعقل و حط راسو على البلاصة لي لازم يحط فوقها راسو …شاف في اية من المراية و شاف فيهم كامل رسم ابتسامة على وجهو ينحيلها الخلعة هديك و شغلت لاماشين …غلق عنيه و بقى يسمع لصوت الصادع تاع الآلة هديك …حل عينيه عاود غلقهم و بقى يتفكر اية كي كانت معاه حتى صباح و يحاول يتفكر واش كان يقول …هكاك حتى فاتت المدة لي كانت ليه طويلة تالمو مكانش واش يدير لداخل و الصوت هداك يصدع ….
و اية كانت رجعت تكمل خدمتها ….و هو كملولو دارولو تحاليل …
كي خرجوه ولى يمشي وحدو و يحاول يشد روحو من الدوخة هديك …شاف لباب تاع اية لقاها تغلقو باش تخرج ..غير شافتهم راح تجري عندهم
اية :اسلام راك بخير مليح دوك ؟
اسلام :هيه بخير حمد الله
اية :عمي واش قالك …نضير :مزال ميرخجوش التحاليل بصح مدلو مسكن يحبسلو الوجيعة تاع راس شويا
اية :و حالتو تاع البارح واش قالك عليها
نضير :قال من شدة الصدمة و الحمى لي شداتو ولى يهترف و يهذي ..
ابتاسمت اية لاسلام …و عاودت شافت في عمها
العم :مروان نمدلك طونوبيل ترجعو و انا يرجعني صاحبي و بلاك منرجعش كامل اليوم باسكو خدمتش خدمتي تاع اليوم بلاك نطول و لا منعرف مهم نتوما تلحقو بخير
مروان :صحا خالي على راسيكرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 234🌚🌚:
لحقهم لدار …اسلام قعد معاهم شويا باش ميتقلقوش و طمنهم عليه شويا ….و اية راحت غسلت صلات صلاتها و هبطت عندهم تعاونو وجدو الطابلة و تجمعو كامل يتعشاو …اية عينيها مفارقوش عينين اسلام …و سيرين و مروان كيف كيف …
كان ياكل بيد وحدة و يحاول يشد روحو باش ميدوخش بزاف من راسو …كي خلص شرب دوا تاعو و راح قعد في صالون …تعاونو البنات غسلو المواعن …و راحو هوما تاني يقعدو في صالون …حتى لحق عليهم نضير رجع من الخدمة عيان ..حطولو يتعشا و راح يرقد ..
كي كانو قاعدين …الجدة :كيفاه دوك تلغو العرس و لا كفاه …
اية :علاه ماني …اسلام بصوت مبحوح :علاه واش كاين
الجدة :يعني نتا راك بلبلاتر و مزالك مريض تقدرلكش اية وحدها بلاك مشي حابة
اسلام :هاه هديك قرارها ادا مشي قادرة عنديش مشكل
اية :نو عنديش اصلا علاه شكون قال مريض ؟ و لا كي دار آكسيدو كلش يتخرب حاجة كانت قضاء و قدر و حمد الله مزالو معانا و مشي على حاجة كيما هدي نخرب كلش أصلا منا لهداك الوقت يشفى باذن الله كيما حدد هو لادات تاع العرس تبقى هي هي 😌 عنديش مشكل انا
الجدة ضحكت :اي طلعت مرتك فحلة حسبت تقولك نقدرش
ضحكلها اسلام و بقى يشوف في اية وسط العائلة حتى حشمها و طلبت منهم تروح لشمبرتها تريح ….
_____💕💕💕💕💕________🤣🤣🤣🤣🤣__
كانت في شومبرتها تتفرج و تخمم غير فيه …حتى تشوف ميساج لحق منعدو …
الميساج ‘مينوش نيش نقدر حتى نطلع راسي ارواحي لشمبرتي نستحقك …
حطت تلفون و زربت حلت الباب و طلعت عندو …لقات سيرين غير كيما دخلت لشمبرتها و تهدر في تلفون مع مروان لي رجع لدارهم جا صاحبو داه …
طلعت عندو تجري …حلت الباب لقات كلش مظلم …
اية :اسلام اسلام نشوفش ني خايفة نطيح و مجبتش معايا تلفون …
مردش عليها …راحت تمشي بلعقل محبتش تشعل عليه ضو …تمشي و تتمايل حتى لحقت لاتابل دونوي تاعو حطت يدها على لافايوز بقات تتحسس فيها حتى شعلتها …
شافت في سرير لقات حتى واحد …
اية :هفففف يا ربيييي و الله عييت و الله 🙀🙀🙀
حتى تحس بواحد جبدها من كرشها ليه تنهدت و جبدت نفس رابيد …
شافت في الاصابع هدوك و سمعت لواش قاللها
رفعت روحها على اصابع رجلها من القشعيرة لي شدتها هدرتو و هو كان قريب عندها
اسلام :هشش علابالي عييتك صاي تتعاودش بصح نستحق العيا تاعك نو ياخي مشي خصارة فيا
اية :هممم علاه تخلع فيا ؟ و الله عييت اسلام من الخلايع و الله و نتا الوحيد لي تعرف بهذا
اسلام :و انا واش نقول ؟ هاه دوري نقدرش نشدك بيديا في زوج …
دروها بيد وحدة و بقات تشوف فيه و هو يشوف ليها
اسلام :علاه قلتي البارح اسمحلي خليتيني حتى وليت درويش نعرفش واش نهدر قلتي اسمحلي
حطت عينيها و عاودت طلعتهم و ضحكت …
اية:هيه اسمحلي على خطرة لي فاتت و الله مكانش قصدي و نتا تعرف هدا كثر من اي واحد كون جيت حا نشوف فيه كون شفت فيه من قبل و قبلتش بيك نتا
اسلام :مممم و باش نامن كيفاه وعلاه انا نخبيش عليك
اية :هيه انا تالمو مشي مهتمة بيه تفكرتوش أصلا برك
اسلام :مممممممممم
اية :هيه مهم واش راك احكيلي كيفاه صرات و وليت هكا
اسلام :كنت نسوق نرمال حتى لقيت روحي هكا تقلبت عليا الموطو
اية :بصح علاه رحتش بطونوبيل
اسلام :توحشتك قلت نتفكرك بسكوتور و شوفي وين لحقت
ضرباتو ضربة خفيفة على صدرو :بركاك تمسخير …
اسلام ؛ههه و الله و زيد حبيت نبدل و كان مكتوب ربي كتب هكا …
اية : و السكوتور واش صرالو
اسلام :تسما انا خممتيش فيا
اية :تتمسخري ياخي واش
قاطعها بهدرتو يبتاسم …اسلام :صاي صاي صاي نڨصر برك راهو عند ميكانيسيا يسڨمو مام هو دا خبطة
ايية :هههه مسكييين ههه و الله سكوتور يتعوض كلش يتعوض بصح ….
حبست هدرتها …اسلام :بصح واش انا نتعوضش ياخي
ضحكت و هو تاني ضحك …اية :هيه هكاك سكوتور يروح واحد نجمعو دراهم نزيدو وحدوخر بصح كون بعيد شر يروح اسلام اية تهبل ومكانش كيفاه تلقى اسلام وحدوخر يا ربي حمد الله
اسلام :وااااو قولي و الله هههه …اية :ههه و الله
اسلام :كيفاه صراتلك كي عرفتي ؟اية :و الله النفس نحسو يقدرش يدخل لصدري و رجليا نقدرش عليهم و الفشلة هديك يا ربي تفكرنيش عيشك
قرصها على خدها قرصة قوية خلاها تتاوه …
اسلام :علابالك بلي نعشق فيك و لا نن
تصمرت بلاصتها و حست كرشها دور …قدرتش تكتم الضحكة خرجتها …
اية :و انا نموت عليك ….
اسلام :مهما قليتها تبقى كل خطرة بنينة خير من اختها بصح رغم كلش نبقى انا لي نحبك كثر و كثررررررررررررررر
اية :انا تاني هكا نقول ….
جبدها من رقبتها و داها في بوسة طوووووييييل هكاك و شواربو يوجعو فيه حتى ضاقلها النفس
خبطاتو خبطات خفيفة باش بعد عليها بقات تجبد في النفس حاطة عينيها للارض و هو بقى يشوف فيها …طلعلها راسها عاود باسها …خطرة هدي غير بعدت عليه …باستو هي بوسة خفيفة و هربتلو ……
ضحك و خلاها كي جات حا تغلق الباب ….
اسلام:مينوش نحبك …اية :انا تاني سمسوووومة حبك مووووت
اسلام :موااااح ..اية :بركاك صاي ههه باي موااااحكرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 235🌚🌚:
بعد ما أقرت التحاليل انو اسلام حمد الله مصرالو والو غير من الصدمة و الخبطة القوية صراتلو هكاك كملو التجهيزات للعرس …
_______⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩_________🤣🤣🤣_
ناضت الصباح بكري …دوشت و راحت دارت شعرها لقات يماها و فرح نايضين …
هيبة تحرك في الكرسي المتحرك و تضحك لاية:علاه مصفرة بنتي تخافيش كلش يجوز ان شاء الله ياخي صاي مزال برك تلبسي
اية :ههه خلعة برك هكا منعرف علاه هيه نلبس برك و ندير مكياج خفيف و صاي
هيبة :تقلقيش عقد برك رابيد يجوز و الله مكانش كيما لحظات هدو تخافيش راكي مع اسلام و اسلام سيد رجال
اية :ههه صحيتي ماما مواااح انا نروح نكمل قبل ما يلحق ياخي
هيبة :هيه روحي و دوك نجي نشوفك …
راحت اية كملت دارت مكياج خفيف غير خلصت راحت تجبد واش تلبس حست روحها جاتها دمعة بصح خلاتهاش تهبط هدرت بينها و بين روحها …اية :اه يا ربي شكون قال اليوم يوم ندير العقد و مع شكون ؟معاه هو مع اسلام ….
ابتاسمت ابتسامة عميقة و لبست واش وجدت …طلڨت شعرها شافت في المراية و بقات تضحك حتى طبطب عليها فرح …غير شافتها دارت يديها تخبي وجهها منبعد راحت تعنڨ فيها فرحانة
فرح :ياااا جيتي تهبليييييي ختيي حبك و الله
اية:ياا عيشك فروحة عينيك لي يهبلو انا نموت عليك و الله
بعدت عليها شويا فرح و بقات تعيط :ماما ماماااا ارواحي تشوفي ايييية
سمعت هيبة لي كانت في الكوزينة دير الفطور حركت الكرسي المتحرك و راحت بزربة و قلبها يضرب …
غير شافتها حست بدنها اقشعر …و عينيها تعمرو دموع
هيبة :يمشاء الله يمشاء الله بنتي لي عندي شحال من سنة نستنى نشوفها راني حا نحضر عرسها يمشاء الله و اليوم حا تعقد تهبلي تهبلي تهبلي
حلت يديها و راحت عندها اية ضمتها و عنقتها ….
اية:عيشك ماما هههه حشمتيني ….
بعد عليها شويا و بقات تشوف فيها برك ..
اية :فروحة هاكي صوريني معاها هكا عيشك
هيبة :نتي راكي مستيكية روحك شوفي برك انا
اية :ييي ماما ياك لحظات هدو قلتي يرجعوش ….
شدت تلفون فرح و صورت اية و ماماها و زادت سيلفي معاهم ….
حتى سمعت صوت الصوناط تاع الطونوبيل ….تنفست اية و فرح راحت تجري تحل الباب …
حلت الباب فرح :اسلاام ادخل ادخل ماما حابة تشوفك
هبط من طونوبيل لابس شوميز فالنوار و سروال تاني نوار …و شعرو مسڨمو …و يدوخ بريحة …وجهو قريب يطرطق من الحشمة …دخل سلم على فرح و دخلاتو لصالون ….هكاك و تخرج اية تحرك في الكرسي المتحرك تاع يماها ….
اسلام غير شافها مهبطش عينيه عليها و هي غير مهبطة راسها و جها حووومر منبعد طلعاتو و طلعت شعرها شافت فيه لتم فاق لروحو و شاف لهيبة و ضحكلهم …
سلم على هيبة منبعد سلم على أية دوخاتو هي تاني بريحتها …
هيبة:اسلام غدوا العرس هههه هاك درت واش حبيت ههه شوف تخلصو العقد رجعلي بنتي هههه
اسلام :اي هدي معلوم وقت العقد برك و الطريق نرجعهالك ههههه
هيبة :أيا اية روحي و بلاكي تبدلي رايك تقولي مشي قابلة
اسلام :ههههه تقول مشي قابلة ياك
ضحكت اية باست ماماها خوها صغير و فرح …و خرجت هي لولة و تبعها اسلام ….
حللها الباب دخلت دارت سانتور و تحرك يديها تدير شويا هواء باش تهوي روحها تحس وجهها حا يطرطڨ ….
زاد دخل اسلام بقاو يضحكو لفرح و هيبة لي كانو عند الباب …غير ديمارا و بعد على الباب شاف في اية واحد الشوفة …..و ضحك وحد الضحكة …و هي تاني نفس الشي و شدتها ضحكة هيستيرية
بقى يشوف فيها يضحك و يشوف لطريق
اية :ههههههههه شبيك
اسلام :يا ودي جيتي تهبلي …اية :ههه عيشك نتا تاني
اسلام :علابالي انا هههه يا ودي ني فرحان كيما طفل صغير
اية:هههه هدا عقد برك مشي حاجة كبيرةة
حرك الساعة لي في يدو ….طلع حاجبو و شاف فيها :مشي حاجة كبيرة ؟ ادا في عيون العباد مشي كبيرة انا في عيني عظييمة مشي برك كبيرة باش لحقنا للنقطة هدي حتى تذوقت المرار ….
اية :ههههه صح صاي ….قربت عند خدو مدتلو بوسة طووويلة ….كي بعدت عليه مسحتلو طراس تاع غوجالافغ ….شدها من يدها قربها عندو و بقا ضامها ليه و يضحكو ….

Leave a comment