Skip links

قصة سادية الحب… ج 8

 7,788 عدد مشاهداات

كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 181🌚🌚:
راقد متغطي …شاد مخدتو عندو …غلقت الباب بلعقل و تمشي على طرف رجليها …شعلت فلاش كلش مظلم …غير ضربتها ريحتو جاتها القشعيرة و حست قبلها طاح للارض …كان قلبها يخبط بالقاوي حتى كانت حابة تتقيى (حاشاكم ) …بقات هكاك تمشي بلعقل حتى لحقت لسريرو …شافت فيه لقاتو ميبانش مليح غير شعرو …من شدة معرفتش واش دير و من شدة حست روحها مشلولة …و قلبها و كرشها لي قريب يديرو عرس بالاجواء هديك لي داروها داخلها بقات تشوف فيه و تزيد تتمعن …قفزت عليه هكاك و هو متسطح قفزة بكل قوتها …..خلاتو يحس عظامو تحركو …طاحت للجيهة الاخرى قدامو و فوق يدو …..
جا يتقلب و يعيط ….و يشم ريحة هديك لي عندو شحال و هو مشتهي يشمها …و يسمع صوت تنفس المخلوقة لي علمتلو معنى الحياة …و يسمع صوت ضحكة الخفيقة تاع مينوشتو ….من شوك محبش يشوف حسب روحو بدا يتهلوس ….
طلعت راسها شويا …و حط يدها على ذراعو بلعقل باش تطلعو ….غير حس باللمسة هديك …حس بواحد شعور خالجو …كي شغل طفل صغير كي يبعدوه على يماه منبعد يعاود يشوفها ….
طلع راسو …شاف فيها متسطحة قدامو و قريب طيح من القفزة هديك و يدو حسها مشلولة كي طاحت عليه ….
بقى يشوف و يزيد مش فاهم واش صرا ….و هي غير تشوف و ساكتة تقدرش تهدر …تحس صوتها مخنوق ..
سڨم روحو و بقى يشوف فيها ….و هي تاني سقمت روحها و بقات تشوف فيه ….
شافت فيه بنظرات عبرو على حنانتها كي العادة اما خطرة هدي هدرتها كشفتها بلهفة لي كانت تبين بلي توحشاتو …
اية :اسلام هدي انا اية …😢
مادار حتى ردة فعل …بعد ما فاق لروحو …طلع يدو بشويا حطو فوق راسها يتحسس شعراتها خصلة خصلة و يشوف فيها هكاك مزال مفطنش كيما العباد ….
اية :اسلام شبيك هدي انا هاني جيت نشوفك هاني وفيت بوعدي …
بعد يدو عليها …و حط يديه على راسو حك شعرو …يحك عينيه و يعاود يشوف فيها و يضرب راسو بلعقل …
وجعها قلبها عليه ….شداتو من يدو و قربت ليه حضناتو بكل قوتها ….حط يدو على شعرها يمسح عليها …و مفاهم والو ….
اية تضحك ضحكة خفيفة:اسلام هدي انا اية و حق ربي هاه شوف راني معاك هاني قدامك ….
بقات معنقاتو تشبع روحها من ريحتو …جبدت روحها عليه و تشوف فيه كيفاش يشوف فيها بخزرات تاع تخلصيها غالية …ناض من سرير خلاها …خرج هكاك بلبسة تاع نوم تاعو هبط حتى سيرين …و اية خلاها وحدها مشوكية …
لقى سيرين غير كيما خرجت من دوش..شاف فيها كي البهلول ….
اسلام :سيرين واش صرا ؟
سيرين:واش صرا ؟…اسلام مستغرب و بصوت هادئ :تسما انا هبلت ؟
سيرين. ههنننه هبلتش اسلام اية جات …اية جابها عمي و غير كيما وصلت دارتلنا مفاجأة…..
كي فاق لروحو …رجع لشمبرتو …لقاها جاية تخرج من شومبرو مطاطاة راسها تشوفش فيه …جبدها من يدها رجعها لاشومبر غلق الباب و عنڨها ديراكت …حتى حست عظامها حا يطرطڨو …..
اسلام :يا ربيي واش جابك …حسبت هبلت …واش رجعك ؟
حطت يدها على شعرو تسمح عليه كيما يدير هو …
اية:ههه بعقلك من صباح و انا نقولك انا تقولي هبلت …هاني جيت …هاني رجعت …مشي حسبت بلي خدعتك و رحت …مشي كي كنت نقنع فيك بلي مش رايحة علاجالك كنت تتفلسف عليا …مشي قتلك نريح و يجي نهار نرجع …مشي قتلك نقدرش وقتها نقدرش …هاني رجعت و رجعت عادي و حافظت على علاقتنا كون بقيت كون كلش فسد …رحت عرفت قيمة بزاف صوالح …هاني رجعت اسلام ههههه
بعدت عليه شويا …بقى راسم ابتسامة على وجههو و في نفس الوقت معڨد حواجبو يشوف ليها بخزرات تاع سيريو ..و يثبت نظرو عليها و هي غير تضحك من الفرحة …
اسلام :و متزيديش تروحي ؟ و متزيديش تكوبي على تلفون كي نعيط …؟متزيديش تبكي بسبتي ؟ تزيديش تروحي و تخليني …
اية :ني جيت نبقى يامات و منعرفش كيفاش …جينا نشوفو جدي …اما خطرة هدي مام كون نروح نرجع على تلفون و الله هههه اسلام انا خليتكش و جامي خدعتك و الله جامي …برك كنت مخلطة و كون زدت دقيقة لهنا كون فسدت علاقتنا باسكو مكنتش مليحة ….خدعتكش و الله …..و مشي استغليتك ديت واش حبيت و رحت تعرفني منيش هكاك ….
بقا حاط يديه على وذنيها يزير عليها و يزيد يتأمل فيها ….عاود حشرها في حضنو خطرة هدي في زوج يضحكو مام واش كاين لداخل و واش عانو كلش راح في لحظة …بقى مزير عليها و هي تاني ….
اسلام :توحشناك …توحشناك لدرجة تتصوريهاش خليتي دار ظلمة …و خليتيلنا فراغ كبيييير ….
اية :انا تاني توحشتكم …
اسلام :ني خايف نوض نلقاه حلم …..
قرصاتو هكاك و هي معنڨاتو و ضحكت….شويا و تخلي دموع الفرحة هدوك يطيحو ….رفدها شويا و هو معنڨ فيها ….و مبعد رجعها كيما كانت ….بعد عليه روحها شويا …
اسلام :تجي معايا للخدمة ؟ اية بضحكة :هبلت نتا ؟ ههه نروح نرقد درت نوي بلونش
اسلام :😑😑ياودي درتي نوي بلونش درتيها خلي كملي لخيرك و خلي الفرحة تكمل …
اية :نيش قادرة حابة نرقد …….
اسلام :نغسل نلبس قشي نلقاك موجدة تجي معايا و ترقدي ادا حبيتي فطونوبيل ..
ضحكت ضحكة خفيفة …..و دورت راسها باش يشوفهاش …
اسلام :شبيكي ؟
اية :عندي شحال سمعتش واحد يامرني ….
باسها من خدها بوسة قوية و خلاها كي جا يخرج …
اسلام :هدرتي نعاودهاش …نوجد روحي نلقاك تستناي فيا ….
ولات تضحك وحدها و هو ملامح وجهو كامل تبدلو و رجع يشوف مليح …و رجعلو دار نور ..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 182🌚🌚:
تلاقاو في الكوزينة …سلم اسلام على عمو بلاك لاول مرة يحضى معاه بتسليمة كيما هديك …جامي شافو كي جا جابها و لا حتى كي جا رجعها …طلب الاذن منو يدي اية معاه ….و قبل ….
سيرين كانت معنڨة اية و يشوفو في اسلام لي يستقهوا …
سيرين :اسلام يا ربي رجعت هاهي رجعت …
شاف فيهم في زوج و ضحك ضحكة تقتتتتتلللللل سيرين بلا ما تفيق علاه ضحكت وحدها …اما اية غير يشوف فيها تذوب مش كيما قبل يعني كانت جريئة تقدر تشوف ليه عادي اما كي بعدت عليه و رجعت تغيرو بزاف صوالح …..
غير خلص ناض غسل …و جاو خارجين …
اية :بصح شفتش جدي …
اسلام :راه راقد ومينوضش بكري و كي ينوض يديه بابا و لا عمي لطبيب ….تسما حتى لعشية باش تشوفيه ان شاء لله
اية :اوك ….
راحو يدخلو لطونوبيل خلاتها سيرين تركب للقدام …ركبو في 3 و فرحة اسلام تتصورش ….
بقاو يهدرو …و يحكيو واش صرا كامل …و اية غير تشوف في طونوبيل …اية :هههه توحشت طونوبيل هدي …
اسلام :نتي توحشتي كلش غير حنا توحشتيناش ….
سيرين :هي و الله حنا مقبيل و نقولو توحشناك و هي والو غير توحشت هدي توحشت هدا ….
اية:خطرات العبد كي يلحق لاقصى حالة من الاشتياق يقدرش يعبر على واش داخلو ….
شاف فيها اسلام …اسلام :ابداي اشعري دوك …قولي توحشتكمش و صاي ….
اية :صاي توحشتكمش خلوني …
ربعت يديها …و تشوف في سيرين من روتروفيزور تضحك بلعقل ….و اسلام يشوف فيها بنص عين ……
….وصلو سيرين لوين تقرا هبطت و الفرحة تبان من وجهها …غير غلقت الباب و ديمارا اسلام …تشاحنت الحالة بيناتهم في زوج ساكيتن …في زوج ميهدروش …برك واحد يسرق نظرات من لخر ….شاف ليدها شاف براسلي تاعو مزالت معلقاتو …ابتاسم ابتسامة خفيفة و مشي مامن لوقت هداك بلي رجعت …
حط يدو على يدها ….نفضت من بلاصتها و بقات تشوف فيه ….اسلام :تخافيش توحشت براصلي تاعي برك كيما توحشتي نتي صوالح لخرين …
اية 😏😏😏😏😏….زير على يدها و تحسسها بخفة منبعد خلاها محبش يوترها ….
كي لحقو لاكلينيك ….هبطو في زوج يستنشقو في الهواء هداك لي يفكرهم في بزاف صوالح …
شدها من يدها كيما كان يديرلها …. و دخلو مع بعضاهم …غير شافوهوم شهڨو كامل … و كل واحد واش كان يقول ….
اسلام :خطرة هدي تطلعي معايا سونسور مكانش اعتراض …
ضحكتلو بلعقل …و بقى شادها كي طفلة صغيرة دخلها سونسور و دخل معاها …و بقات تشوف فيها …
اسلام : يا و الله طلعتي توحشتي كلش …
ايية :هيه حسبت نتمسخر الولف صعيب ……
اسلام :الولف صعيب مع العيباد مش مع الحوايج ….
اية :و كي توالف عبد تولي كل بلاصة تشوفها تفكرك بيه ياخي 😏
خرجو من سونسور و قعد يحكي …اسلام :تسما تقعدي توجور تعرفي تهدري و غير تيري جملة تسكتيني ….
اية :هيه باسكو نتا تضرب برك ..قال الولف صعيب علاه انا علاباليش ….هاه اسلام حابة نشرب جو …..روح لبيرو تاعك و دوك نجيك …(كاين غير لتم ماشين لي يدخلو ليها دراهم و تدي واش تحب )
شاف ليها و مش مصدق…اسلام :عندي شحال مسمعتش كلمة اسلام جعت …اسلام حاجة نشرب …اسلام حبس ني حابة نتقيا ….
داها لاماشين و جبد جو ليها زاد ليه …و زادلها شيكولا .
شدتهم تضحك ….اية : و انا عندي شحال مشراليش واحد شيكولا بلا ما نقولو بلي حابة ناكلها ….
اسلام :شححح فيك نتي رحتي ….اية :هه معلش ..عندك الحق ….
…..يوم كامل و هوما في البيرو يخدم و هي تعاون فيه و غير تضحك و هو مش مامن …اما في زوج مدايرين في بالهم كلي مصرا والو …لحق وقت الفطور دوموندا لفطور عندو ….كلات شويا …و كي عيات …جبدلها الكراسى حطهم بحذاه …و طلب منها تتسطح …دارت كيما قاللها و حطلها راسها على ذراعو ….
اسلام :ارقدي و تخافيش ..كان وعدنا انو نبقاو هكا و نخسروش معزتنا و عشرتنا تخممي في والو …و قتلك بلي وقت ما تجي تلقايني كيما خليتيني ….ارقدي بلا تخمام باسكو علابالي حا ديري سيناريوات ….
حطت راسها مليح على كتفو …و شبكت يدها في ذراعو زيرت عليه و خلات عينيها تغمضو وحدهم ….
اما اسلام فواحد ما يقدر يفهمو …لي كان يحلم كل يوم بلي رجعت و ينوض صباح يلقاهاش و يكره حياتو خطرة هدي لقاها صح …الفرحة هديك تاع لي كان واثق بيها رجعت و مخانتش ثيقتو وحدها ….الفكرة تاع لي حسب دات منو قلبو لي غلقو على العيباد كامل و راحت منبعد طلع غالط و مخدعاتوش وحدو الاحساس هداك ….

……العشية بعد ما تجمعو كامل في غرفة الجد ….لي كان من سريرو يتحركش ….اما كي شاف اية ولى يضحك شويا و يهدر معاهم ….عناق لي عنقاتو كي دخلت عليه و لقاتو مخرجينو لبرا و يعسو فيه وحدو ….هي غاضها و راحت تبكي بعيد باش ميشوفهاش و هو يستنا برك وقتاه يتجمعو كامل …..
…..كل واحد شاد بلاصتو في لاشومبر تاعو كامل مجمعين بعد ما طلب منهم هو …و كان اسلام مقابل اية … هو كان بحذا عماتو و هي بحذا البنات و سيرين ….
كانو يستناو في الجد واش حاب يقول و قلبهم كامل يتزير عليه …..
الجد بصوت عيان يبان مريض و يتنفس بصعوبة : نطولش عليكم كيما العادة …نقدرش نهدر بزاف راكم تعرفو …منعرفش ادا غدوا حا يلقاني ….تسما نفرو كلش دوك خير ….ادم روح حل الباب تاع الفيلا و الشخص لي تلقاه تم جيبو و دخلو معاك و بدون نقاش روح وليدي ……كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 183🌚🌚:
الجد بصوت عيان يبان مريض و يتنفس بصعوبة : نطولش عليكم كيما العادة …نقدرش نهدر بزاف راكم تعرفو …منعرفش ادا غدوا حا يلقاني ….تسما نفرو كلش دوك خير ….ادم روح حل الباب تاع الفيلا و الشخص لي تلقاه تم جيبو و دخلو معاك و بدون نقاش روح وليدي ……
راح ادم مستغرب يحل الباب …و لي كامل داخل لاشومبر يخممو فواش حا يدير تاني …سورتو اية كي علابالها بلي جدها يحيك بزاف صوالح ….
الواحد يشوف في لخر …هكاك و يدخل عليهم ادم ..شافو كامل للباب …شويا ثوان برك ..و يشوفو واحد جاي …راسو مهبطو للارض منبعد طلعو ….مربي اللحية و ملامح التعب باينين عليه ….
امو تشوكات و هدرت بلهفة …
سهيلة :مرووااااااااان …و ناضت من كرسي تاعها …زربت ليه و عنقاتو ….كانت محضنها و عينيه على عينين اسلام لي قريب يطرطڨ ….
اية كانت تشوف في اسلام بلاك يشوف فيها و تقولو بلاك دير حاجة … اما اسلام نظراتو كامل لمروان و مزير على يدو ….شاف لي جدو رابيد و عينيه قريب يخرجو …جا يهدر ….
هدر الجد بصوت بلعقل و حاط يدو على قلبو …و بسيف يهدر …
الجد :تصبر اسلام كيفهم كامل و خليني نكمل شغلي منبعد دير واش تحب ….
بقا اسلام مزير على يديه و يحرك ركابيه …راح مروان سلم عليهم كامل خالاتو عنڨوه كامل …كي لحق لسيرين لي قريب يخرج قلبها …ابتاسملها ابتسامة خفيفة و صافحها برك كان خايف من اسلام …. و كي لحق لاية حياها من بعيد برك و كيف كيف اسلام .. و أخيرا لحق لجدو سلم عليه من جبهتو باسكو كان الجد متسطح و ميقدرش يدير بزاف حركات يعني مريض صح …
قعد بحذا الجد و امو غير تبكي …كان يحوس على ختو صغيرة لي توحشها …اما فاق بلي كانت راقدة ….اسلام كان ثاقب مروان بخزراتو اما مروان مهتمش …
الجد : تسمعو مني مليح …منيش قادر نهدر بزاف ….مروان رجعتو انا ..كيما انا لي خليتو يروح …
مخلا حتى واحد يقاطعو و كمل…..
الجد :الحادثة لي كانت بينو و بين اية …مدارهاش برضايتو انا طلبت منو …انا طلب منو يدير هكاك …و دليل كون جا مش انا لي قلتلو كون اية عاقبتها كاي وحدة دير حاجة كيما هديك اما انا عاقبتها عقاب خفيف برك …كان عندي اهداف من لي درتو و واحد ما يسالي …منهم انو نشوف ترابط أفراد العائلة …اما شفت العكس …لقيت بلي غير 3 في العائلة هدي قدرو يحافظو على محبتهم بعد حدوث الحادثة …
رفد يدو و دار 3 اصابع :اسلام …اية …و سيرين ..و هدو 3 بضبط لي كانو مستهدفين من خطتي …بصح طلعتو نتوما لي شعلتوها ..و رغم ذلك قعدو كيما كانو و لا نقولو تحسنت علاقتهم خير … و واحد ما يناقشني …و مروان يرجع كيما كان …اسلام منحتاجش تسيئ لو هاني قتلك ..و نتي اية نتمنى تفهميها …باسكو انا وعدتو بلي حا نحسن العلاقة بيناتكم …
اسلام بصوت منيرفي :و صوالح هدو تاع تمسخير جدي ؟ تلعب بشرف طفلة ؟ من وين تخرجلنا بلخرجات هدو ..زيد علاه هو ؟ علاه كي شفتني معاملو كيف خويا جبدتو هو.
الجد :باسكو هو تاني عندو مني مقابل و هو لي شفتو قد المسؤولية ..فبعدك نتا كاين هو لي يحكم الاسرار و ميحكي لحتى واحد …
اسلام :مكانش دليل باش نامن هدا مش تمسخير …
جبد مروان ساكودو تاعو … و خرج ملف ….مدو لخالو و خالو جوزو لاسلام .
مروان :شوف و اقرأ اسلام …انا مكانش كيفاش نخدعك و لا نخدع عائلتي ….شوف و اقرأ مليح …المدة هدي كامل لي غبت فيها عليكم …كنت نرافق طبيب من معارف جدي …و جدي لي بعدني عليكم …و مشي انا …الحاجة لي منرضيهاش لاختي نرضاهاش لواحد آخر ….
الجد :هوليك عندك …قتلك انا لي بعدتو اسلام تكثرهاش كيما راهم ساكتين كامل اسكت نتا…..مزال عندنا هدرة بزاف و اهم ….
فؤاد :يا بابا اسلام عندو الحق صوالح هدو مش تاع تمسخير ….
نضير(بابات اسلام ):صاي فؤاد خليه يكمل راه مريض تضغطوش عليه ….
سكتو كامل و اسلام غير يشوف في مروان و في اية لي معنقة سيرين ..و تشوف في اسلام بمعنى صاي اسكت …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 184🌚🌚:
الجد :بقالي موضوع واحد نخلص حكايتو صاي ..ادا حب ربي يدي امانتو راني واجد …قصة عندها سنين و سنين محفورة …و واحد ما علابالو بيها من غير خالد (بابات اية )
بداو كامل يتهامسو فيما بيناتهم و وجدو رواحهم للخبر لي حا يجيهم ..كيما المعلومة على مروان …
الجد : اية بنتي ..نتي عزيزة عليا بزاف و تعرفي معزتك عندي …هدا كامل لشخصيتك المثالية …جا هاد نهار …لي لازم فيه نقابلك نواجهك و نقولك الحقيقة ….
حست اية بكرشها تجري …خلات سيرين و سڨمت روحها مليح …و حست كي شغل واحد مسحلها على وجهها فيقها …
دورت برسها تاع واش كاين …..
الجد :خالد تحكي و لا نحكي ؟ …..
خالد :كيما تحب ادا مراكش قادر نحاول انا …
الجد :خليها عليا علابالي صعيبة عليك كثر ماهي صعيبة عليا ….
الجد بصوت مرهق …و صوت تاع مريض …:اليوم اولادي و بناتي …نقوللكم بلي العلاقة المتوترة لي كانت بيني و بين خالد …كانت بسبب قضية في الماضي صرات لخوه ..خوه و خوكم عمكم و خالكم …اسماعيل ربي يرحمو ….كانت بسبب خوه ربي يرحمو …خوه غلط و هو خبا أثار غلطتو …و انا بطبيعة الحال كان لازم عليا نخبي معاهم …و توقف مع خالد …و نخبي على اسماعيل ربي يرحمو …انا و خالد كنا نتواصلو عادي …اما القضية هي انو ….
سكت الجد مقدرش يكمل …و حط يدو على قلبو يتنفس بالبقاوي …ناضو ليه ولادو و اسلام مدلو شرب ..عينين اسلام مخطاوش عينين اية كي كان يقول اسم اسماعيل…
خالد :بابا ريح …بعقلك خلي انا نكمل …ريح ….
سڨم روحو الجد …و بقى شاد في يد خالد وليدو .. و خالد تلفتلو الهدرة ….
خالد :سهيلة ليندة فتيحة فؤاد و نضير …علابالي طحت من عينيكم من نهار لي حسبتوني درت غلطة و غلطت بلا زواج ….اما معتقداتكم خاطئة …كي كنت نخدم في كلينيك وين راني نخدم دوك ..وقتها مشي انا لي كنت المسؤول عليها …كنت واقف عليها مع اسماعيل ربي يرحمو و مع صاحب بابا …ياخي هكا بابا منيش غالط …
دار الجد براسو ايه …و لخرين مش فاهمين والو ..غير اسلام يحك لي راسو و خطرة يخبي راسو بيديه …و يعاود يشوف في اية ….لي تشوف ليه تشجعو و كرشها تحسها تجري متعرفش علاه ….
خالد :كيما كان الحال …خوكم اسماعيل رحمه الله تعرفوه كيفاش كان مداير ….بلا ما نهدرو عليه مشي مليح نهدرو على واحد ميت …اما حقيقة و كامل تعرفوها ….اية ادا كنتي تعرفيهش هدا اسماعيل خونا مات آكسيدو و دوك نكمللكم الحكاية ….هيه كيما كان الحال …خطرة دخل سكران لكلينيك …و كانت العشية …سبيطار شبه خال …كانت عندنا وحدة صغيرة في العمر …كان عندها 19 سنة …تقرا و العشية تجي تخدم عندنا عاملة نظافة بسبب ظروف معيشتها …كانت تقرا في جامعة في نفس المنطقة …و ظروفها خلاوها تخرج تخدم باش تقرا …و عايلتها من نوع لي الاب يدير واش يحب الأم دير واش تحب الواحد يخون لخر ..خاوتها كيف كيف …غير هي فضلت تحافظ على روحها و تاسس حياتها ..و تعتامد على نفسها ….لحق عليها اسماعيل ربي يرحمو …و كان في حالة ثمل …و هو شحال من خطرة حاول يتعدى عليها اما نحبسوه …خطرة هديك للأسف مقدرنا نديرو والو ..كانت تنظف في المرحاض ….و تعدى عليها ….يامات يجوزو …حاولت تنتاحر …حاولت دير تقتل روحها اما توجور يحبسها اسماعيل و لا نحبسها انا ….ولات في حالة لا يرثى لها ..تقطع القلب …فاتو شهرين كرشها بدات تبان ..كي فاقت لروحها حامل من اسماعيل ….تدهورت حالتها اكثر ….كنت موفرلها كلش ..دار صغير ماكلة ..و كلش …اهتميت بيها كي شغل اختي …خبيت على خويا بلي رفدت منو …و هو كان هنا عندكم هنا….بسبب انا رجعتو كان يدير غير في المشاكل و حالتو تسوء كل خطرة كثر …بسبة الطفلة مقبلتش تكون معاه …
….تفكر اسلام بلي كي رجع عمو و كرهلو حياتو كان يردد اسم امراة …و كي حاول يتعدى عليه تاني همس بيه …بدا يحرك في راسو و اية غير تشوف فيه و تجبد نفس بسيف …تحس بلي حاجة حا تصدمها ….و قلبها يوجع على المرأ هديك ..و اسلام لي يهدرولو على كابوس حياتو و ماعلابالهمش بواش يعاني هو ….
خالد :موضوع هدا نرمالمو ملازمش نجبد عليه …اما لازم علينا باسكو …..باسكو معتقد انو اية بنتي خاطئ …اية اسمحيلي على معاملتي معاك …مقدرتش نكون ليك اب باسكو صح انا مشي باباك ….و كل ما نشوف فيك نشوف صورة باباك لي خلى ماماك تتعذب …و كي عرف بلي حامل و خبات عليه …عاود تعدى عليها ..و ضربها ضربة خلاتها تفقد عقلها و صوابها ..اسمحيلي اية …نتي مش بنتي …نتي بنت خويا …نتي لي وصاتني يماك عليك نهار ولدتي ….اية نتي بنت اسماعيل …اية انا وفيت بوعدي ليماك…لي كي ولداتك …نحاولها الحق باش تربيك هي و داوها لسبيطار الامراض العقلية …خلاتلي ياك و نتي رضيعة منعرف حتى نشدك ….كي عرف باباك بلخبر هبل …عامين فاتو و مشافكش …و في العامين هدو لي دار آكسيدو ….اية اسمحيلي …اية نتي مش بنتي …نتي بنت خويا لي فديت بواش قدرت باش كبرتك وحدي …صح موفرتلكش الحنان و كلش اما هدا لي قدرت عليه …انا تاني عندي عائلة و تصورو درت عائلة و واحد معرف و فرحلي من غير بابا هدا كامل على غلطة دارها خويا و خلصت انا …هذا كامل باسكو كنت مضطر نخبي و نستر …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 185🌚🌚:
لي كانو كامل لتم مشوكين …الجدة الضغط طاحلها …و كامل شدتهم الخلعة من كيفاش حا تكون ردة فعل اية .. كامل مشوكيين من القصة لي خفاوها …اما اية في هداك الوقت …حست بواحد غرسلها سكين في قلبها و الفاجعة لي تحطت عليها مش بلحاجة ساهلة …اسلام من بشاعة الخبر …حس النفس ضاقلو ….و كي شغل واحد شد قلبو و كسرهولو …و حالتو تتحسدش عليها …
بقات تشوف فيهم اية كيفاش يشوفو فيها …حاولت قدر المستطاع تبان قوية بيناتهم و تحاول تفهم بلباقة ..و تشد روحها مام ادا طلعو يتمسخرو فهي حقيقة توجع ….
اية بضحكة هيستيرية من شوك ….:تتمسخرو بيا ياخي …ها نقولو صح …هاتولي الدلييل ….
جبد خالد بتاسف …تحاليل لي تدارو كي ولدت باش يعرفو ادا صح اسماعيل باباها …لقات صح …شادة الورقة ترجف …تقرا و تعاود ..و تشوف في سيرين لي قدامها شاعلة عينيها برك متقدر دير والو ….
اية :هاه هههه صح …هههه و الله صح نتا مش بابا …هههه و الله صح 🤦🤦🤦
شافت فيهم و شافت في جدها ….
اية :دوك فهمت علاه كي نطلب منك شهادة الميلاد تخليونيش نشوفها ياخي ..دوك تفكرت بلي توجور نتوما لي تخدمولي كواغطي غير باسكو مجهولة الهوية … …تمنيت يجي نهار و تقولي بابا بلي تزوجت بماما …اما طلعتش مامبا بابا ….ههههه هه و الله حاجة تضحك و الله ….ههههه …
بقات تضحك ضحكة هيسترية من حياتها و من الأمور لي يصراولها و مش ضحكة نرمال …ضحكة تاع انهيار و شوك ….كان اسلام يشوف فيها و يتفكر عمو …يشوف فيها كيفاش تضحك كي شغل هبلت …عرف واش معنتها كي قالتلو نسامح بصح باش ننسى نقدرش …تفكر كامل واش دارلو عمو …و بقى يشوف فيها بتاسف ….
الجد :اية بنتي …محبيتش نقولك كي كنتي صغيرة و كي كبرتي مكنتيش تحبي تجي …و كون مشي سيفت على خالد يجيبك بحجة يروح لكيلينيك لخرا كون مجيتيش و كون جامي عرفتي …اسمحيلي بنتي …اسمحولي كامل .. علابالي صوالح لي درناهم مش ملاح ….اما هدا لي قدرت نديرو …غلطة وليدي …كلفتلي بزاف صوالح …و خلاتني ندير بزاف صوالح مش شابين و خليت بنتو تتعذب و بعيدة على يماها …..
اية:ماما !!ماما عايشة ؟ ماما كاينة ؟ ماما …عندي ماما ؟
خالد :خليتها في مستشفى الامراض العقلية …نهار رحت نحوس عليها ملقييتهاش …و الى يومنا هدا مزالني نحوس عليها …
اية :ههههههههههه 🤦🤦🤦صحا صحا معلش…سماح جدي سماح …هههه هات بابا ..و لا عمي اسمحلي …مدلي تحاليل تاعي نجمعهم عندي ….شكرا ليكم بزاااف بزاااف ….
كانت تضحك حتى غلبتها الخنڨة تاع دموع ….غمضت عينيها تشدهم و تزير عليهم اما هبطولها . ..
اية بشهقة و رجفة تاع شوارب : حياتي كامل راحت في لككذب و المشاكل …باش يطلع مام بابا مش بابا …و باش تطلع ماما هي البريئة ..خليتوني نكره في يما ..و هدا كامل بسبب …بسبب ….
قدرتش تكمل …خرجت و خلاتهم ….تمشي و دموع عمرو عينيها ….تهبط دروج تمسح في دموع و تضحك …
ناضت سيرين متقدرش تتحرك من الخلعة تبعتها …و اسلام غير فاق لروحو ناض …طيح الكراسى لي كانو قدامو و بقى يعيط …و الحوايج لي كانو قدامو كامل طيحهم ….يضرب في للخزانة برجلو و يزيد يضرب ….
اسلام :و الله غير معنديش شرف نتمنى العائلة كيما هدي و الله …..الدنيا غراتكم و خلاتكم تهتمو برواحكم برك …جامي سمعتو لاولادكم واش يهدرو و لا تسمعو لهمهم ….هاه واش درتو هاه …علاه نتا وليدك خبيت عليه واش دار و محكيتو لحتى واحد …علاه هي تخليوها تعاني علاه …علاه ….سنين و سنين و نتوما تسمعو فيها كلمة لقطة …و كلمات مش ملاح …و كلمة راكي كيما يماك ….(يضرب في الخزانة بيدو و كل دقيقة يزيد يقوي في الضربة)هاه دوك واش ربحتو ؟ و نتا جدي راك علابالك واش نقصد …هدمتوني انا لول ….وليدك كان السبة تاني بصح جامي هدرت …و هدمتوها هي …و كي كبرت و بدات تنسى و تحسب عندها صح بوها …طلع كلش كذب كلش كذب …..يا ريت كون قتلتوني كي ولدت و مخليتونيش نعيش وسطكم …هدو صوالح تاع انانيين برك ……اشبعو كذبكم …اشبعو هاه واش دوك ..هذا جزاءها الطفلة ؟ معلش جدي معلش عمي ….و ان شاء الله انا تاني يجي نهار تقولولي مش وليدكم كامل …ادا عندكم كاش كذبات مزالهم مخبيين هاه زيدو ….
الجد كان يزير برك على قلبو … و يتنفس بصعوبة كانو يعيطو كامل لاسلام باش يسكت …اما مسمع لحتى واحد حتى خرجو ادم حسن و مروان …غير خرجوه من شومبرة هديك …دزهم بعيد عليه …و راح هابط ….راسو قريب يطرطڨ ….
هلوسات اسلام :هي …هي بنتو ..هي بذات بنتو …اسلام بنتو هي …اية بنتو …اسلااام بنتو تقدرش اسلام تقدرش امبوسيبل …هو لي تعدى عليك …بنتو هي …
شد راسو بقا يبعد الهدرة هديك لي تجيه من لا وجود … و بقى يجري في دروج …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 186🌚🌚:
لحق لتحت لقى باب الصالون لي يخرج لجنان محلول …خرج منو …و بقى يشوف في سيرين من بعيد قاعدة مع اية فوق المقاعد لي لتم ضامتها لحضنها و يبكو في زوج …..
اسلام بينو و بين روحو :تشفى نهار زعفت كي قالتلك نسامح بصح ما نقدرش …هاه علاه دوك نتا تفكرت كلش …علاه كي عرفت بلي بنتو تشوكيت …اااا ربي علاه علاه …نقدرش حتى نعيفها …ا ربي علاه كي نتعلق في واحد تخرج حاجة تخربلي كلش …
بقا يحك في شعرو و يشوف فيها من بعيد تبكي …قلبو مزير عليها …كانت حالتو لا يرثى لها …اما هي كثر ….
اسماعيل تعدى عليه و هو تعدى على اية بنت لي تعدى عليه ….معادلة صعبة …….
بقى يشوف من بعيد كيفاش تمسحلها دموع سيرين و متقدرش تتعامل معاها بسبة كانت تبعدها عليها ….زير على يديه و راح يمشي بالقوى لي بقاتلو بعد ما عرف الحاجة لي محبش و مقدرش يامنها …
غير لحق ليهم …شافتو زادت قوات في البكيا …شاف فيها بعيونو برك و خلى عيونو يعبرولها على واش يحس الهدرة تلفتلو …يوانسها و لا توانسو …شكون لي يغيض اكثر بيناتهم ترجع قضية فلسفة ….
شاف في سيرين بمعنى خليهالي و روحي …خلاتها سيرين و راحت …جا يقعد بعدت عليه ….شاف ليها و قعدت و هي بعدت عليه …
بقى يشوف للحيط لي كان مقابلو و يسمع برك فيها كيفاش تجبد في شهقات هدوك باش تحبس البكا …
شاف فيها بعيون تعبر على بزاف صوالح …غير شافت في عيونو …عاودو عيونو تغرغرو دموع ….و حركت راسها بلالا ….
اسلام :ابكي خليهم يهبطو …واش تحبسي فيهم بكا تاني تبكيش …..
اية بغصة تاع بكا :صح اسلام …نيش مامنة 😭😭😭😭
اسلام :هيه صح واش ندير انا و لا واش ديري انتي 😭😭
اية :علاه هكا ..😭😭علاه ..(جبدت تريكو تاعها خبات بيها وجهها و خلات دموع هدوك يطيحو بصمت )
شاف فيها ..و ضحك ضحكة تاع حسرة و تاع مكان واش يدير ….
اسلام : كيما كنتي تقوليلي الوقت ينسي .مالا استناي دوك …انا راني مشوكي كثر منك …باش تعرفي ..بلاك نتي تقستي كثر صح …بصح شوك مشوكي كثر منك …في الاخير نتي ما غلطتي في والو في حياتك …بصح انا غلطت ديجا ….
حطت يدها على يدو بعد ما خرجت راسها …و دور براسها بلالا …..
بقى يشوف فيها …منبعد رمالها يدها …و جبد يدو عليها …من شوك حبست ديراكت دموع ….
اسلام :تزيديش تتقربي مني …و تزيديش تمسيني …و تزيديش تهدري معايا …تزيديش حتى تعيطي باسمي ….انساي بلي عرفتي واحد يسموه اسلام …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 187🌚🌚:
اسلام :تزيديش تتقربي مني …و تزيديش تمسيني …و تزيديش تهدري معايا …تزيديش حتى تعيطي باسمي ….انساي بلي عرفتي واحد يسموه اسلام …مدامكي ضعفتي قدامهم ..و واجهتيهمش …نعرفكش هكا انا …نعرفك بلي نتي خرجتي اسلام لقديم من ظلمات حياتو …نعرفش بلي تنهازمي بسهولة …مهيش بلحاجة الساهلة لا عليك لا عليا …رجليا و يرجفو من الخلعة …بصح فشلتش قدامهم …كيما هوما مهتومش بينا …و مسهروش باش يجرحوناش …و عمدو يخبيو صوالح كيما هدو …فحنا ملازمش نبينو بلي تقسنا …حابة تتقواي و ترجعي توقفي على رجليك …و تكملي حياتك عادي كي شغل مسمعتيش هدرة قبيل …نقولو غاضك الحال طلع معندكش باباك ياخي لالا …بالعكس ربي عوضك مش غير بأب واحد …عوضك بعمي ..و كاين جدي عاملك كيف بنتو …بابا يحبك كيما سيرين ..و عمي فؤاد مدايرك صديقتو مش حتى بنت خوه …و فوق كلشي انا …انا لي من وصلتي عاملتك كيف بنتي …لا اراديا مفقتش حتى لروحي…و مشي كنتي تقوليلي حسيتك وقفت معايا وقفة اب …نوعدك بلي كون تولي كيما كنتي …نكون ليك مش غير اب …و ادا بقيتي هكا منهارة …و تبكي و يشوفوك …غير انسايني …حابة تبكي ابكي وحدك و قدامي معنديش مشكل مع سيرين تاني عنديش مشكل …اما قدامهم نحتاج الضحكة هديك لي سحرتينا بيها كامل كي جيتي …و لي خليتيلنا التشويق باش نعرفو من وين تجيك القوة باش تبقاي 24 ساعة تضحكي …هوما داروها علاه حنا نخلصو …علاه ادا هوما دارو حاجة حنا نخلصو ….و ادا مشي حابة ني قتلك غير انسايني
حست بالدم رجع تدفقلها لجميع انحاء جسمها …كي بدا يهدر تشوكات …مسحت دموعها بكل قوتها …جبدت لاستيك لي في شعرها …جمعاتو كامل و شداتو كيما لازم …سڨمت قعدتها …و بقات تشوف لقدام ..عينيها محلولين و تسحهم تجبدو من الدموع …و الشهقة هديك مزالها لداخل في صدرها …
اسلام :و الجبدة لي جبدتي روحك قبيل كي جيت منبعد تخلصيها …
هدرت بصوت خشين من دموع و بدون اي ملامح في وجهها …تبان تماك مشوكية و منهارة .
اية :حسبت مراكش حاب تهدر معايا …..
اسلام:اوكي صاي …فكينا …روحي البسي نخرجو …
شافت فيه …اية :نقدرش …اسلام :و انا امرتك مشي قتلك تقدري و لا نن …ني رايح نلبس صباط برك ..نتي تاني البسي رابيد و البسي مليح …روحي …
ناضت من بلاصتها تمشي بلعقل و تبعها …دخلت لشمبرتها و هو راح يلبس تاني ….
غير خلص …هبط بلا ما يدخل لاشومبر تاع جدو باش يقوللهم رانا خرجنا …راح لاشومبر تاعها ..طبطب عليها و دخل …
لقاها تسڨم في شعرها تشدو كو دو شوفال و وجهها منفخ من دموع ….و مصفر …
اسلام :خلصتي ؟ ..اية :ممم ….
جبدلها جاكات تاعها لي كانت ورا الباب ..لبسهالها و هي فشلانة كامل …
اسلام :هيا اخرجي ….
خرجت تمشي بلعقل و مشي قادرة حتى تهدر ….مشوكية لحد حاجة ڨراف تضحك عليها …..
بقات تمشي هكاك و هو تاني ….حتى خرجو من دار …راح خرج سكوتور تاعو ..مدلها تحط الكاسك و هو جبد تلفون خلا ميساج لسيرين …ركب و ركبت موراه ….و ديمارا . …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 188🌚🌚:
يسوق سكوتور …كل واحد وين رايح بالو …حاطة يدها على كتفو برك مزيرةةعليه ….باش تتشبك فيه كثر تقدرش ….بقات تخمم و تصارع وحدها …فكرة انو خالد مطلعش باباها …و باباها الحقاني طلع مغتصب …محبتش تدخلها لراسها …
الهواء و البرد لي كانو يضربو فيها و محستش بيهم …من شدة فقدانها لصوابها …اما هو يسوق و يشوف فيها من روتروفيزور ….
لحق لبلاصة خالية ….لبلاصة فيها حجر و لتحت بحر …هبط و هبطها معاه ….
اسلام :هيا نقعدو شويا .. كي نستوعبو واش صرا نشوفو واش نديرو …
غمضت عينيها و عاودت حلتهم بمعنى ايه …
راحو قعدو بحذا حجرة كبيرة…..
كانت مجمعة رجليها لصدرها ..و هو خلاهم عادي …
حط يديه على رجليها و بعدهم على صدرها …
اسلام :جبتك باش تسترخي مش باش تزيدي …خلاص انساي …انساي كلي مكان والو …مشي كنتي تقوليلي الوقت ينسي ؟ هاه انساي تراح …كيما كنتي تقوليلي …(كان يقلدها)اسلام شويا وقت برك ..امن بلي الوقت ينسي …هاه انساي هههه
شافت فيه بعيون هدوك المنفخين …اية :مش كيف كيف ..
اسلام :كيما تقولي نتي …هنووووو كيف كيف …
اية : منيش مامنة ..صورة التحاليل مزالت بين عينيا ..والله ما يهمني والو …غير كي كنت ظالمة ماما لي ماعلابالهمش وين راهي …غير ..غير كي تسڨمت علاقتي معاك و قدرت نعرفك و نحاول ننسى …خرجلي بلي بابا كان سبة في كلش …منيش مامنة بلي لي جابني لدنيا هادي هو سبب كل لي صرالي في حياتي ….نسامح روحي ..تسامحلو هو …تسامحلي ليا انا …منيش قادرة حتى نخمم نحس راسي مخدر …الهدرة و منقدرش نهدرها …كيفاه تقدر تقعد مع بنت لي كان سبب في تعاستك و كرهك للحياة …و محاوالاتك باش تنتاحر …
اسلام :شوفي اسمعي هدرتي لآخر مرة نعاودها …كيما نتي قبلتي تقعدي و توقفي مع لي خلاك تكرهي حياتك …انا تاني نقعد معاك عادي و واحد ميطحلك من قيمتك عندي …شوفي و اسمعي مليح …انا آخر مرة نعاود و الله …ني حاب القصص هادو منزيدوووش كامل نجبدو عليهم …مشي حاجة دارها باباك تخلصي عليها ..تبقى حاجة وحدة برك ادا نتي تقدري …انا كون نلقى حياتي كامل نكملها معاك …منيش ناكر خير …و من بكري و انا نستنى فيك …رجعتي و حفرتي اسمك وحدك في حياتي ..مشي وحدوخر …كيما نتي حفرتيها لازم نتي لي تحافظي عليها …و مشي وحدوخر لي ينحيك من حياتي …برك ادا نتي مقدرتيش و عندك الحق …انا كي وعدتك نحل صفحة جديدة كنت واع على واش كنت نقول …اخبار تاع اليوم صح صدمتني و لدوك مزالني مش مامن كيفك ….صح في لول محبيتش …بصح تفكرت هدرتك ….واش ذنبنا حنا ؟ انا حبيت العفة لي فيك ..و الشجاعة لي فيك …محبيتكش على جال بنت خالد ..و لا وحدوخر …برك باسكو نتي أية …و صاي …و دوك منا و رايح نتي اية يوسفي لا زيادة و لا نقصان ..شكون باباك منعرفش …شكون نتي منعرفش …برك نعرف بلي نتي أية لي اقتحمتي حياتي و رجعتيها نور …برك …فهمتي …انا ني معاك وقت ما تحبي …اخ ..صديق ..اب …و كلش ….و نحترم كل ارائك …بصح خممي مليح …خطرة لي فاتت قلتيلي نقدرش …خطرة هدي تخلينيش ننهار كثر مرانا دوك فيه …المكتوب لعبها بينا …و خلا القصص يتشابكو …تزيديش نتي تشبكيها ….
اية :اوك صاي …صاي نيش بنتهم و ميهمنيش …ياخي ..نبقاش نشوف في صوالح مش ملاح ياخي ..نشوف في صوالح لي لازم نشوف ليهم تاني ياخي …هههه صاي و الله ..نخلي الصدمة لجانب كالعادة و العوايد …و نتشجع باش نكافح و نكمل ياخي …صاي و الله …
اسلام :ترجعي اية لي جات صباح متبدلة كامل …
سكتت …في الاخير يبقى شي صعب باش تعديه ……
اسلام :كيما انتي قدرتي تخفي عليا في نهار و تتقبلي حقيقي في نهار اتقبلي لي صرا اليوم تاني و انا تاني نتقبل برك علاجالك …نقدرش نخسر علاقتي معاك على حاجة كيما هدي ….و الموضوع يتغلق هنا …فهمتي …تقدري و لا ماتقدريش لآخر مرة نسقسيك …
شافت فيه …
اية :ادا نتا تقدر انا تاني نقدر ….
ابتاسملها رغم زعاف لي زعفو …و التوتر لي فيه …و رغم انو قلبو مزير محبش يصرا العجب هداك كامل و مزالو مصدوم من واش صرا ….
اسلام : هههه نقدر … …شوفي نقولك …من نهار هدا …نتي بنت عمي …و انا وليد عمك …عمي مات ربي يرحمو …عمي كان ناس ملاح …و مات موت عادي …و مكان والوووو …تعرفي حاجة تعرفيش …نعرف حاجة نعرفش ….فهمتي …
اية بابتسامة موجوعة :صعيبة بصح …
اسلام :مشي دوك قلتي نقدر …
اية :ههه صاي نقدر …نتا وليد عمي …و انا بنت عمك …اتلاقينا التقاء عادي … و جامي عرفتك و لا عرفتني من قبل حتى جيت عندكم العام هدا ..ياخي …
ابتاسملها ابتسامة خلااو عينيه الناعسة يتغمضو و حدهم ….
اسلام :كم لبثت من ليال باش نسمعك تقولي هكا .. شكون انا ؟
اية :ههه وليد عمي تعرفت عليك مدة قريب عام ….و شكون انا …
اسلام :هههه ام العيون الكستنائية ….و مينوشة ….وعد نبقاو هكا صاي فقدنا الذاكرة ؟
اية بصوت مبحبح :وعد …انا فقدتها صاي ….
اسلام : و انا فقدتها شحال بسبة هدرتك لي تخدر الواحد …
طاحتلها دمعة صغيرة مسحتها …اسلام:خليها تكون آخر دمعة حزن و تكون اول دمعة فرج ….
اية بصوت مخلط بدموع :ههه ان شاء الله واش نقولك دوك ؟
اسلام :واش تقولي ؟
اية :قد ما هدرت نقدرش نعبرلك …متصورتش يجي نهار هدا أبدا أبدا ….و فوق صدمتي كامل قدرت تضحكني و لو بشويا …
اسلام :كيما قدرتي ديريها نتي قبل …صاي قتلك بدلي سوجي نشوف …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 189🌚🌚:
عم الصمت بيناتهم … و الجو كل ثانية يزيد يتبدل….صوت مواجي البحر كانت تخليهم يحسو بلي غسلتلهم كامل واش كاين لداخل من حقد …هكاك شويا و يسمعو صوت البرق و الرعد …شافت اية السماء …كمشت روحها و شافت فيه ..و هو تاني شاف فيها …
اسلام :نروحو ؟ اية :كيما تحب دوك طيح شتا نحصلو …
اسلام :عادي طيح شتا خير ما نرجع لدار …
اية :ههه هيا معلش ..ناض من بلاصتو …ضرب يديه ضربة خفيفة نحا الغبرة هديك … و مدلها يدو نوضها هي تاني ….
غير لحقو للسكوتور …بدات شتا طيح …لبسو ليكاسك و و يتقوى صوت الرعد … و البرق يزيد كثر و ولى يخلع …
اية :اسلام عيشك ازرب كون يشدنا البرق فطريق نباصيو …
اسلام :عادي ميصرا والو …و ادا صرا مكتوب هيا اركبي….
ركب …و بقى يستناها تطلع …اسلام :هااطلعي ازربي هاكي تشمختي كامل ….
اية :هي خليلي بلاصة ….اسلام :يا مصيبة اركبي لقدام ازربي ….
اية :علاه بصح …جبدها ليه …و ركبها قدامو و هو موراها …جمعها ليه كيما لازم ..و كيفاه مطيحش ….و بدى يسوق بكل قوتو …حست كرشها قريب تهدر …و قلبها تحت رجليها …
اما هو غير مزير عليها …و مخلي الشتا تقوى و تزيد تهبط عليهم …..كانت حابسة حتى نفسها من الخلعة هديك تاع ركبها لقدام ….و هو غير يركز لقدام ….جاكاات تاعهم كامل تشمخو ….و هي بقات جامعة يديها لي تكونجلاو عندها و تحاول دفيهم ….بزربة …خدالها يدها بيدو المبلول كامل ..حطو فوق هداك تاع سكوتور وين يحط يدو باش يسوق و بقى مزير عليها ….بيد وحدة …حاولت قدر مستطاعها نحات الكاسك و قريب طاحلها حتى حبس لطرف الطريق ….
اسلام :شبيك علاه نحيتيه …
دارت ليه بخفة ..اية :حابة نتشمخ ..اسلام :ا جدك تمرضي واش نديرلك …
اية :عادي أصلا ني مريضة ..خليني نستمتع ههه نحس روحي ريحت ….
زاد نحا كاسك تاعو و رجعهم لور …اسلام :هكا نمرضو في زوج و منلومش روحي منبعد وحدي….
رجعو كيما كانو و كمل سياقة ..يحسو رواحهم في دوش برا (😂)…تشمخو كامل ..هي شعرها ولا خفيف كامل و هو بعض من خصلات شعرو هبطو على عينيه …صح كان مشي وقت تاع يضحكو و مكانش عندهم الارادة حتى باش يبتاسمو …اما رغم ذلك حاولو في زوج في اللحظات هديك برا يستمتعو ولو بشويا …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 190🌚🌚:
عند مروان و سيرين بعد ما خرج اسلام و اية :
كانو قاعدين كامل واحد يندب واحد مشوكي و احد يتناقش …كي رجعت بعد ما خلات اية لاسلام …رجعت لاشومبر وين جدها و وين اجتامعو كامل ….قعدت معاهم تزيد شويا و تحاول قدر المستطاع تشوفش في مروان …..
جا الوقت لي لازم يخرجو كامل يخليو الجد يرقد بعد ما حسوه تعب و النفس بدا يروحلو …زيد يومين كاملين مكلا حتى حاجة و من لي صاي خلاص فض السر و حكا لي في قلبو و لى يطلب غير في الماء باش يشرب ….
خرجت سيرين …و راحت تغسل الدموع لي حستهم حرقولها وجهها ….راحت لشمبرتها صلات و استغفرت …و بدات تحاول تشد روحها و متناهرش هي تاني …تفرح باسكو طلع مروان مخدعهاش ؟ و لا تفرح باسكو طفلة لي حسبتها اختها تعاني و في صمت ….
خرجت من شومبرتها بنية تروح لكوزينة تدي صوالح لي كانو في شمبرتها باش تغسلهم و ترجع ….
لحقت للكوزينة لقات مروان حسن و ادم مجمعين لتم ….و كل واحد شاد تلفونو و علامات الصدمة باينين على وجوههم من واش صرا كامل …راحت غسلت صوالح لي داتهم معاها و مروان غير يشوف فيها بنص عين ….
قبل ما تخرج خرج هو اللول .. باش ميشكوش بيهم …راح طلع لفوق ….و بقى يستناها ….
كانت تطلع دروج و ركابيها فشلو علابالها بلي يستنى فيها و تعرفو علابالها بلي حاب يهدر معاها …لحقت لتم دارت روحها كي شغل متاثرتش ….
مروان بصوت منخفض :اطلعي لطيراس عيشك عندي هدرة معاك …
سيرين :خلي منبعد …ني عيانة …
مروان :قتلك دوك وشمن منبعد …خوك راهي شاعلة فيه عليا و نتي تقولي منبعد ؟
سيرين :هيه واش نديرلك انا ؟ مروان :تطلعي لتيراس زوج كلمات برك و ترجعي لتم ادا لقانا كاش واحد نهدرو عادي مش كيف هنا ….
سيرين :روح نتا لول …مروان :بلا جدك غير تمشي قدامي …هيا ازربي ….
دارت روحها تاثرتش و راحت طلعت معاه …خلى الباب محلول باش ادا شافهم واحد عادي …بقاو مسندين على الصور و يشوفو لتحت و لجنان و ساكنين في زوج و هي غير تشم في ريحتو بلعقل باش ميفيقلهاش….
مروان :واش راكي ؟ رجعتي لقراية سلكتيها شويا …
سيرين :العام قريب يفض و يسقسي علي لقراية …(و دروت عينيها عليه )
مروان :صار شبيك غير لخير ..و انا قلت توحشتني ..طلعتي ميهمكش …
بقات ساكتة …مروان :و لا واش ؟ مزالك زعفانة و لا فرحانة كي طلعتش نكذب و طلعت بطل مغوار (قالها بضحكة )
سيرين :ممم والو ..تخرط برك منعدك أصلا يهمنيش …
عقد حواجبو تاع سيريو …مروان :سيرين نيش نتمسخر منك صح تدوري عينيك عليا و ترجعي بسماطة الهدرة ؟
سيرين :علاه ني نهدر عادي …
مروان :تقلقينيش سيرين …سيرين :علاه واش درت انا نتا لي راك طرطڨ وحدك و نرمالمو انا لي نتقلق مش نتا
مروان :هاي بديناها علاه تتقلقي …سيرين :باسكو راك مقلق وتحوس تنحي قلقك عليا …
مروان :الله اكبر صاي ..هيه واش صرا لاية ….
سيرين :واش يصرالها يعني هدمتو طفلة صاي …كل واحد بواش خلاها تكره
مروان :ا جدك شبيك انا تاني درتها ؟
سكتت سيرين باش تشعلش بيناتهم ….بقاو ساكتين في زوج …
مروان :هففف روحتيلي كامل عزيمتي حسبت نلقاك توحشتيني كيما توحشتك و تستناي برك وقتاه نجي
سيرين :ستنيت و ستنيت شحال …كي توحشت توحشت اما دوك صاي …تعودت …بعدت و لا ما بعدتش كيف كيف ….
مروان :صااار …طلع منك ا سيرين …
سيرين بصوت قاسح:اسمع مروان نيش مليحة زيد كملي نتا هاه واش طلع مني انا هاه ؟انا درت والو …نتوما لي طاع منكم غير لخير ياخي …أيا خليني خير ….
مروان :اوكي معلش راكي مقلقة مي معلش …ديري في بالك بلي توحشتك بزاف …و جامي خممت حتى نوفيش بوعدي ليك شوفي نتي برك ادا وليتي تكرهيني …المهم مدة هدي لازم نبقاو بعاد حتى تتسڨم حالتي مع اسلام …اتهلاي في روحك
سيرين :اوك بونوي …رجعتلو بكل سماطة خلاتو يشك فيها و يحس بدلاتو …
مروان :لهنا عميتيها …من وقتاه وليتي هكا و الله ادا كاينة كاش حاجة قوليلي ….
سيرين :و حق ربي ضحكتني علاه تتبدلو كامل غير انا حرام عليا …زيد متبدلت ماوالو روح روح ترقد …
بقى يشوف فيها مشوكي جازت من قدامو و خلاتو في تيراس رجعت لاشومبر تاعها …خبطت الباب و غلقاتو بالمفتاح …
سيرين: مش غي نتوما لي عندكم اعذار هاه دوك نشوفو واش معنتها و شكون سيرين ..مشي كي نحبك نبوسلك رجليك …اه ا سيرين وليتي تهدري وحدك …و الله يا اية غير نرجعلك حقك و لوو بشويا

…لحقت ال 5 تاع صباح …كانو كامل راقدين ..و اسلام و اية تاني غفاو في نومة طويلة بعد ما دخلو لدار مشمخين كامل …راقدين متغطيين في سابع نومة …حتى ينوضو على صوت عيطة في الدار خلات الفيلا تهيج …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 191🌚🌚:
نعم …كانت صيحة الجدة لي ناضت باش تنوض الجد يوجد روحو يروح لطبيب و لقاتو ميت …من الخلعة بقات تضرب فيه ضربات خفيفة و تحلل فيه ينوض …اما من المتستحيلات السبع يرجع ميت حي ….كانت غير تزيد في الصراخ ….خرجو كامل من بيوتهم يجريو…و عارفين كامل بلي كاش حاجة صرات الجد …العمات كل وحدة كيفاش هبطت الدروج ….سيرين من الخلعة بقات فوق سرير مقدرتش تحرك روحها ….اسلام مفاقش من العيطة الاولى …فاق بعد ما ولاو يعيطو كامل …كان قلبو يضرب …جبد نفس استغفر و حس بواحد ضربو و فيقو بلي حاجة صرات لجدو …حل لباب يجري …و في طريقو لقى اية طايحة على الارض مكمشة روحها …رجليها عند صدرها …و لونها اتخطف ….
راح ليها يجري …اسلام :شبيكي اية نوضي تخلعيش واش كاين …
حركت يدها برجفة …و هدرت و شواربها ييسو من الخلعة :اسلام ..او مات ..جدي مات …
و طرطڨت بالكاء ….صح كان علابالو بلي حاجة مش مليحة صرات …بصح توجور كي يموت واحد يكون الامل هداك تاع مماتش ….كي قالتهالو اية …حس الدم لي كان طالع لراسو عاود هبط ….حس النفس راحلو …تنهد و قال بصوت مبحوح و مخلوع ….
اسلام :ان لله و ان اليه راجعون ……هم السابقون و نحن اللاحقون باذن الله ….
كانت تبكي بكاء خفيف …هداك البكاء لي يجي بحنان على الميت …لذلك الوقت و مزال مامنتش ….
اسلام :شفتيه ؟ اية :هنووو قدرتش ..خايفة نقدرش …
كانت ترجف وحدها …هكاك و تخرج سيرين من شومبر تاعها تعبز على يديها و تمشي بسيف …هدرت بصوت مخنوق …سيرين :تقولوليش ….(و سكتت بسبة الغصة تاع الدموع )
اسلام :ارواحي نتي تاني …صاي تتخلعوش ادعيولو برحمة ..اقعدو هنا نروح نشوف و نرجع …
اية :هاااه اصبر ني جاية معاك …أسلام :خليكم نتوما راهم يندبو كامل خليو يتهداو أصلا راكم في حالة اقعدو مشي نتوما تاني تصرالكم حاجة ….
سقم روحو و راح فشلان اتجاه لاشومبر …و سيرين راحت تتقيا (حاشاكم )
ناضت اية من بلاصتها تمشي بزربة كي سمعت صوت لومبيلونص تقرب …لحقت لاشومبر لقات غير كيما نضير(بابات اسلام )شدلو فكو …و كان اسلام عند الباب متكي مشوكي …غير شافت المنظر هداك حطت يديها على وجهها و طرطڨت تاع صح ….سورتو كي زادت شافت الجدة داخت …و العمات محضنين روحهم و يبكيو ….اسلام غير سمع واحد طرطڨ بكا خلفو دار لقاها هي ….جبدها ليه حضنها و بقات تبكي هكاك و تشوف في جدها كيفاش ولى ….
كي لحڨت لومبيلونص …خلاها مسندة على الحيط و راح مع مروان ..يحلو الباب و يدخلوهم يديو جدتهم لي داخت …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 192🌚🌚:
زوج سوايع برك …و الدار تعمر حتى ميقدرش الواحد يتحرك ….الجد جابولو شكون غسلو .و داروه في صندوق و حطوه في الصالة وين تجمعو النسا كامل …و الجدة رجعوها من السبيطار و كل شويا طيحلهم …بناتو يقدروش حتى يتنفسو …خواتاتو يندبو نديب ..اما اية و سيرين تنفخو من دموع …و يحاولو يعاونو في الشغل لي كاين و لو بشويا ….الرجال تاني كانت حالتهم حالة اما كي العادة يبقاو هوما الاقوياء في كلش …لحق وقت يديوه يدفنوه …الوقت هداك لي مبكاش و كان قلبو حجر طاحتلو دمعة ….دخلت الجماعة و بيناتهم كان اسلام …في هذيك اللحظة بذات كي تعاونو باش يخرجوه و مع نديب النسا ….طاحتلو دمعة سخووونة تاع جا نهار يخرج العبد لي شدلو سرو سنين و سنين ميت …شافتو اية كي مسح الدمعة هديك زادت تقوات في البكية و طلعت لفوق كي حست روحها صاي تقدرش تزيد و لو دقيقة في الوسط هداك …..
جازت مراسيم الجنازة ….اية جابت نص نهار لي بقى رقاد ….و ناضت كي بدات تتهدى الحالة من النديب …راحت طلت طلة عليهم …لقات كل وحدة مسندة راسها للحيط فشلانة …و جدتها معصبة راسها و متسطحة …سقسات ولقات بلي ملي ناضو و مكلاو حتى حاجة …راحت دخلت الكوزينة في الزحمة هديك …جبدت سينيوة حطت فيهم ياهوغت و مغارف …و راحت جيهة عماتها …شافت فيهم لقاتهم في حالة …
اية :عمتي ليندة هاكي كولي واحد …نتي تاني عمتي فتيحة شويا برك …نتي تاني عمتي سهيلة مشي حق هكا ..كون جا جدي ربي يرحمو هنا كون زعف عليكم ….أصلا حرام تبقاو هكا …هكا راكم جهلتو …شويا برك مغرف برك باش برك متديوش الاثم تاع منعتو روحكم من الماكلة علاجال حاجة في يد ربي …
حطتلهم الياهوغت في حجورهم …اية :خلاص كولو صدقة على روحو ربي يرحمو باش تلحقو صدقة جارية …مشي علاجالكم على جالو هو و على جال ربي سبحانو ….
بعد ما قنعتهم ياكلو شويا جبدت الين معاها بنت عمتها وطلبت منها تكمل واش كانت تدير و هي راحت لجدتها وكلتلها شويا بسييف …..
كملو نسا و الجيران تهلاو في لي جاو و كي لحق وقت الرقاد تعاونو كامل البنات فرشو في البيوت …و فرشو لي الصالون لي حا يبقاو يباتو …اية و سيرين حسو رواحهم صاي مايقدروش حتى يزيدة يتحركو …غير خلصو راحو كلاو شويا باش يطيحوش على الأقل كي يمشيو …و راحو شدو بلاصتهم في لاشومبر تاع اية فرشو تماك اجتمعو لبنات كامل ….
طاحو كامل رقدو غير أية كانت تدور في تلفونها …حتى سمعت صوت الرجال دخلو من برا …و شويا تسمع كحة اسلام و صوتو المبحبح طالع لشمبرتو و كان يهدر في التلفون مع كاش واحد عيط يصبرو ….
هكاك شويا حتى تفيشالها في تلفونها نيميرو تاعو يعيطلها …
هزت عليه بفشلة :انعم اسلام …
اسلام :وينك ا مصيبة …اية :راني مع البنات راقدين في شمبرتي …
اسلام :ياخي راكي خير من قبيل …
اية :منعرف سافا و نتا …اسلام :كيفي كيفك حا ترقدي و لا نن ..
اية :منعرف كي يجي نعاس نرقد …اسلام :صحا نطلب منك حاجة ..اية:هيه ..اسلام :اهبطي لكوزينة جيبيلي كاش حاجة تتوكل و يا لوكان ڨرلو و الله ني نشوف في الحالة دور و حشمت ندخل للكوزينة و نعدي على النسا …
اية بصوت عيان :ههه صحا وين نلقاك ….
اسلام :تلقايني في شومبرتي …اية :في شومبرتك و علاه تهدر بلعقل …اسلام :كي تجي تعرفي ازربي ني نستنا فيك …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 193🌚🌚:
راحت للكوزينة …سخنتلو شويا ماكلة دارتها في بواطة صغيرة …شويا خبز و راحت طالعة ليه تجبد في روحها بسيف ..لحقت لشمبرتو طبطبت بلعقل ..حللها ديراكت …كانو عينيه حومر …و يبان عيان مليح …
اية :هاك جبتلك …ادا خصك حاجة قول ..
اسلام :ها ادخلي سع و لا حا تهربي …
اية:هنو يعني …سكتت
اسلام :ادخلي باش كي نخلص ترجعي واش جبتي ادا مكانش مشكل …
دخلت بخفة و تشوف 3 مطارح صغار على الارض و عيباد راقدين لتم مغطيين …
اية :ياا اسلام شكون هنا …اسلام :مشي قلتيلي علاه تهدر بلعقل روحي شوفي شكون …
راحت نحات الغطا لقات بنت فؤاد ..خو و اخت مروان …ضحكت بخفة …
اية :واش جابهم …اسلام :الله اعلم دخلت لقيتهم هنا ..
اية : هاه دوك تفكرت قبيل كانو عيانين مدينالهم سرير و قلنالهم يروحو لشمبرة لخرا جاو عندك …
اسلام :ههه خلي معلش اول مرة يدخلو …المهم واش راهي سيرين
كان قاعد عند بيروه ياكل و يهدر بلعقل و هي مسندة روحها عند الحيط….
اية :هاه راهي مليحة برك ..كيفاش تكون يعني …
اسلام: و نتي تحسنتي شويا ..
اية :هاني قدامك ..اما جامي نسامح روحي …
بدا يكح حصلتلو الماكلة …شاف فيها بعينيه لي قريب يخرجو …كي هبطت الماكلة هدر …
اسلام :علاه واش درتي ؟ .واش كاين …
اية : كون غير البارح في مثل هاذ الوقت قعدت معاه و تناقشت معاه …كون غير طلبت منو سماح ادا كاش نهار غلطت معاه …كون غير في هداك الوقت كي اتصدمت مخليتوش و خرجت ..بلاك انا السبة …جامي نسامح روحي ….(مسحت الدمعة لي طاحتلهاو هو حبس ماكلتو )
ناض ليها …و بقى يشوف فيها وهي مبعدة عينيها عليه تشد بالدمعة هديك بكل قوتها …
اسلام :علاه واش صرا البارح ..مصرا والو ياخي ..و زيد تجهلي و ترجعي روحك نتي السبة …جدي ربي يرحمو من بكري و هو عندو مشكل لي القلب …و كي زاد كبر علاباك واش صرالو ..بركاكي اية خطرات منعرف واش يصرالك …قد ما تحاولي توقفي مع واحد و تسانديه نتي تضعفي كثر …مات ربي يرحمو …معندنا ما نديرو غير ندعولو بالرحمة …زيد مدرتيلو والو باش تطلبي منو سماح …انا صح عندي الحق نندم لي لمتو و بقيت نعيط قدامو …اما مكتوب ربي …منعرفوش بقيمة العبد حتى يروح …
حط يدو على خدها …و صبعو على عينها مسحلها الدمعة بخفة و بقى يشوف فيها … شدها من راسها حشرلها راسها في صدرو و عنقها بكل قوتو …و بقى يمسحلها على شعرها …
اية :بعد ما كنت عايشة عند بابا …و منبعد رجعوني ليه بحجة مش بابا مات و خلاني …وين نروح انا دوك ؟ مشي هو لي كان يدافع علينا في زوج …وين نروح ..نسكن هنا مع عيباد يحملونيش امبوسيبل …نرجع لدار لي حسبتها تاع بابا امبوسيبل …كيفاه ندير ..راح و خلاني في حيرة …مخلانيش مامبا نكمل هدرتي معاه و نعرف منو صوالح …اااا جدي اه علاه علاه …
اسلام :راح جدي ربي يرحمو …و بقى اسلام و الوقت لي نكون انا فيه يعني ميصرالك والو ادا بمشيئة ربي …تبقاي عندنا و حاجة ما تخصك …و ادا مش حابة كاين حلول …هدرة هدي ماتتهدرش اية …خليك منها …كي نوليو كيما كنا و تخلاص الجنازة نشوفو لصوالح هدو …و توجعيش راسك …
بعدت عليه بلخف …مسحت وجهها و طلعت شعرها لفوق عاودت خلاتو يطيح …
اية :انا نروح اسلام عييت …منبعد ان شاء الله هات ادا خلصت نرجع لبواطة لي جبتها …
اسلام :روحي برك تقلقيش روحك عليها نرمال خليها …روحي ترقدي و تريحي راسك …و ادا كاشما يوجع فيك راسك و لا قوليلي نمدلك دوا تاع راس …
ابتاسمت ابتسامة توجع …اية :صحيتي منبعد ..
خلاها خرجت …جبد شعرو بلخف ..كمل شغلو و تسطح يرقد ….

فاتو 3 أيام تاع العزاء …و بدات الحياة ترجع لمجاريها ..الضيوف الكل رجعو لديورهم غير لي عندهم علاقة قرابة مع العائلة …و لحق نهار لي لازم يفرزو فيه قش الجد ربي يرحمو و الحوايج تاع الصدقة يصدقوها و صوالح لي لازم يتجمعو يتجمعو ….حتى ولات الغرفة صح فارغة كثر و كثر …كانت الجدة تماك متسطحة مع اية و سيرين لي قعدو معاها يخففو عليها شويا و النسا لخرين كماو غسيل المواعن تاع العشا و فرشو باش يرقدو …دخل عليهم مروان شاف في اية ابتاسمتلو ابتسامة عادي اما سيرين شافت فيه عادي قعد معاهم و قعد يهدر مع الجدة….هكاك شويا و يزيد يدخل اسلام ..شافو دار روحو مشافوش محبش يزيد يشغل روحو فيه في هداك الوقت و تشعل …

كرونيك سادية الحبكرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 194🌚🌚:

اسلام :ماني واش راكي بخير شويا …
الجدة :راني في يد ربي …اسلام :هيه كاش ما خصك نجيبلك و لا نشريلك ؟ …
حط يدو على راس سيرين يلعب بشعرها هي من الشوك ولات تسعل …ضحك بخفة ..و بقى يشوف في اية و يهدر مع جداتو …
سقمت الجدة روحها و حلت التيروار تاع كوافوز تاعها …
جبدت ورقة مطوية على زوج …شافت في اسلام …
الجدة :عندها سمانة من لي كتبها ..واش كاين لداخل منعرف …خلاهالي امانة قالي كي يجي الوقت مديها لاسلام و لا لاية ..مكنتش علابالي بلي يقصد كي يروح و يخلينا ..المهم شكون فيكم حاب ياخذها …
شافت اية في اسلام …اية :خليه ياخذها هو …هو الراجل ..
قرب عندها اسلام و شد الورقة …و بقا شادها في يدو و في نفس الوقت بدل السوجي و تخمامو غير مع الورقة واش كاين لداخلها …
كي دخلو العمات يقعدو مع يماهم خرج هو …و في نص الدروج حل الورقة غير شافها فقرة كبيرة و قرا اول جملة ..عاود دار و رجع لاشومبر تاع الجدة و الجد ربي يرحمو …
اسلام :اية عيشك مستحقك دقيقة معلش …
ناضت اية من بلاصتها و راحت عندو بتسلل …اية :انعم اسلام …
حرك الورقة و شاف فيها .. اسلام :قال اقراوها مع بعضاكم …
اية :غير الخير عيشك خليها منبعد خايفة ..اسلام :بركاكي خرطي عيشك هيا نقدرش نبقى شاد فيها و نقراش …
طلعو لتيراس غلقو الباب و بقاو مسنديش على الصور هداك ….
اسلام :نحل نقراو ؟ اية :حل باسم الله …
حل الرسالة …و بانت الكتيية هديك لي تبان مكتوبة من واحد عيان و ميقدرش يشد الستيلو هداك مليح ..غير شافت الكتيبة هديك طاحتلها الدمعة و هو حس قلبو يوجعو …
شدت روحها و ابتاسمتلو ….
~~~~~~مضمون الرسالة~~~~~
الى حفيديا اسلام و اية …
هذه الرسالة موجهة اليكما …فإذا كاش واحد اخر راه يقرا فأنا نقولك مارانيش حا نسامحك دنيا و اخرة …
ادا اسلام لي راه يقرا وحده راني نقولك عيط لاية تجي تقرا معاك …و ادا بنيتي اية هي لي شادة الورقة بيديها اللطيفتين فأنا نقولك روحي عيطي لسمسومة وليدي باش تقراو مع بعضاكم ….
يحكى ان انسانا …تزوج و دار دارو و انجب دراري …كبرو و ولاو رجال تزوجو هوما تاني و دارو عيال ….كان للانسان هادا راجل وليدو مختلف على الآخرين …كان يدير مصيبة ورا مصيبة …عشق في وحدة اسمها هيبة ..كانت طفلة متربية بزاف و تخدم عندهم في كلينيك لي عندهم باش تعتامد على نفسها و تكمل قرايتها …اما هو من شدة جهلو ..و من شدة عنفو و ساديتو …اعتدى على الطفلة و خلاها تولي حامل ….و كي عرف ماخرا شبعها ضرب حتى ولات فقدت اعصابها …و كي عرف زاد هبل هو تاني ….و باباه منعو من يشوف بنتو بسبب انو توعد كون يشوفها يقتلها …الطفلة اعتنى بيها عمها …اما الام داوها لمستفى الامراض العقلية و نحاولها الحق لي تربية بنتها ….باباها من شدة تأثرو…كان يدير صوالح مش ملاح …و خلف ضحية وحدوخرا الا و هي وليد خوه الكبير …في سن صغير تعدى عليه …و كون مشي جد الطفل دخل عليهم كون راح فيها …جازت السنين توفى العم السيء لي اغتاصب ام بنتو و لي حاول يتعدى على وليد خوه …جازت السنين و السنين …و شاء القدر انو بنت الراجل تتلاقى مع وليد عمها في عرس العائلة ….و دار حاجة خلات الموازين تختل …بقى الجد يحرص على وليد وليدو لي يسموه اسلام …و لاحظ بلي من نهار راحت الطفلة هديك تبدل و لى يهلوس وحدو و شحال من خطرة حاول يقتل روحو و لا يحبس قرايتو ..داه لطبيب نفساني ….و بقى يداوي فيه …جازو سنين …و حب يتاكد من حاجة قالهالو الطبيب النفساني …هي انو اسلام اعتدى على طفلة و مقدرش ينساها و عذاب اىضمير قتلو و ادا ملقاش الطفلة مش حا يكون مهني طول حياتو حتى يطلب منها سماح (كانت هدرة اسلام وقتها مع طبيب النفساني تاعو )…تفكر الجد بنت وليدو و تفكر بلي من يوم راحت و هو على هذيك الحالة …تححج بحجج و خلاها ترجع ليهم و تعيش عندهم …من تصرفاتهم مقدرش يتحقق ادا صح الطفلة هديك هي …ادا صح اية هي المقصودة …دخل مروان وليد عمتهم في الوسط …غير باش يشوف ردة فعل اسلام …و من هذاك النهار تحقق بلي صح هي ….اسلام لي جامي دار ردة فعل كيما هديك حتى على اختو دارها عليها هي … و كانت كيما قالو طبيب ….قرر يبعد مروان على العائلة …و يخلي اسلام و اية يسڨمو علاقتهم ….
……اية بنتي اسمحيلي بزااف بزاف على واش خليتك تجوزي بيه ..اما كان هدا كامل باش نسڨم علاقتكم في زوج و نخليك تعرفي بلي اسلام معندو اي ذنب ..علابالي بلي من الحوايج لي مش ملاح توسخ سمعة الطفلة …اما كان حلي الوحيد باش نجمع شملكم ….اسلام وليدي …نتا تاني اسمحلي بزاف كي سكت على واش دار عمك …اما هو تاني كان مريض …و مقدرتش ندير حتى حاجة كنت بين نيران …و كانت قضية كي كانت صغير شاغبنتي …اولادي متخليوش اوليائكم يكونو السبة باش تكرهو حياتكم …و تخليوش غلطة تاع كبير تخليكم نتوما الغالطين …وصياتي الاخيرة هوما :
_علاقة مروان و اسلام ترجع كيما كانت لانو مكانش ناوي على ذلك انا سيفت عليه ….
_كي تخلص سيرين العام هدا تتخطب لمروان لاني وعدتو بلي غير هو لي يديها و وعدت باباه تاني لي جا طلب يدها مني ….
_اسلام و اية نقدرش نسيف عليكم حتى حاجة اما اذا كتب ربي و درتو مستقبل مع بعضياتكم فخليو اسمي يتحيا بيناتكم …سميو كاش ولد من اولادكم على اسمي
_اسلام اية في رقبتك ..اتهلا فيها كثر مكنت متهلي فيها … و امها مزالت عايشة …ملقبة باسم هيبة _@_@قاطنة بمنطقة @$@_متزوجة مع واحد من عائلة @_@$ …بعد ما خبرناها بلي بنتها ماتت …و هذا كامل بسبب التهديدات لي تلقيناهم من عائلتها ….
…دمتهم حفيديا المفضلان …ممتخلاوش على بعضاكم …اسمحولي ……و ادعيولي بالرحمة …..كان حلمي نشوفكم مع بعضاكم اما ربي مكتبش و منعرف وقتاه نودع الحياة …اية اسلام راه معاك راجل نتي تاني كوني معاه فحلة كيما نعرفك ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 195🌚🌚:
خلص القراية هو اللول …بقى مزير على قبضة يدو …و حس روحو مخنوق …جامي حب يصرا اعتراف هكاك و يعاودو يتفكرو كلش بعد ما تواعدو بلي صاي …كان يشوف فيها كيفاش يطيحولها دموع و يدها فوق فمها تكتم الشهقات …كي خلصت حطت يدها على خدها و مسحت الدمعة هديك لي وصلت لرقبتها و شافت فيه بعيون معمرين دموع حتى هو ما شافتوش مليح …
اية بصوت مخنوق مخلط بالحزن و شويا فرحة و شوك …
اية:اسلام …هيبة ماما …شكونها هيبة ..بلاصة نعرفهاش ..اسلام ويني هيبة هدي …اسلام ماما عايشة …
حط يدو على يدها لي كانت ترجف و زير عليها و دار براسو ايه …و عاود قرا الاسطر هديك الاخيرة …
اية بضحكة هيستيرية تاع شوك :ههههههه ماما ياك انا نشوف ماما ؟ ماما لي كرهوني فيها ..علاه كانو محملينها الغلطة و خلاوني نكرهها علاه كي كنت عايشة مع عمي يقولي مديريش كيما يماك و لا بلاكي تجيبلي رجال كيما دارت يماك …كرهوني فيها و دوك خرجوهالي ..نيش مامنة …(كانت تمسح دموع و يعاودو يطيحو )
اسلام :هششششششششششش
جبدها ليه و حشرها في صدرو ….اية :بلاك يشوف كاش واحد رسالة صينو نتهدمو في زوج …
اسلام : هششش صاي تخمييش ….
بعدت عليه شويا و ضحكت ضحكة خفيفة …
اية :اسلام ياخي انا و اياك تسڨمت علاقتنا حمد الله و مخلينا حتى سر بيناتنا عيشك اسلام قولي تسڨم علاقتك مع مروان ياخي و تخليه صح يخطب سيرين ياخي طلبها الحلال مشي تمسخير …
دارها اسلام براسو تاع ايه بشوك من واش قرا كامل …
اسلام:هيه بصح تاع خطبة منعرف نشوف قبل ادا صح منو ..علاه مقالوش ليا و لا لبابا …
اية :جدي ربي يرحمو و لا عمي و لا انت ياخي كيف كيف …عيشك اسلام تخليش علاقات يزيدو يتخربو ..و الحاجة لي دارها مش بارادتو هاه كون مشي هو بلاك جامي نوليو هكا …و كلو بفضل ربي سبحانو طبعا …
اسلام :فكيني دوك من الموضوع هدا ساهل …تعرفي المنطقة وين حط لادراس وين كاين ماماك ؟
اية بخنقة و دارت براسها لالا ….
اسلام :راهي عند مخرج المنطقة تاعنا كامل بصح بعيدة شويا ….
اية :نيش مامنة اسلام …نقدرش نامن بلاك كذب …نقدرش اسلام ماشي حياتي كاملة تربيت بلا ام و دوك تخرجلي ..نيش مامنة و منعرف كون صح بلاك نشوفها نحبهاش ..بلاك تبقى الحرقة لي داخلي هي هي باتجهاها …
اسلام :بلاك كي تزيدي تسمعي منها قصتها تحبيها كيما تبدلت وجهة نظرك عليا …هدي ماماك اية ..مشي تمسخير ….
مسحت الدمعة هديك و شدتها ضحكة مع رجفة الشوارب …
اية :هه منيش مامنة و الله قلبي يخبط خايفة و منعرف واش بيا …
اسلام :انا و ركابيا فشلو اسعد خبر سمعتو في حياتي بعد خبر عودتك …
مسحت وجهها و يديها يرجفو …شدها من يديها زير عليها و يشوف فيها و هي عينينا يلمعو …
اسلام : ماماك اية هدي ماماك هدي عادي تكون ردة فعلك انا مشي ماما و راني فشلان و قلبي قريب يخرج ..هدي عادي تكون ردة فعلك هكا ….
اية : و كيفاه ندير …ني حابة دوك نعرف شكون …
أسلام :دوك نهدر مع مروان هو يصلح فهاد صوالح …مع كاش صحابو يحوسلونا وين جاية العائلة تاع زوجها منبعد كي نلحقو لتم نزيدو نحوسو ….
طرطڨت دموع و تضحك ….ابتاسم …جبد تلفون عيط لسيرين ….
اسلام :سيرين حوسيلي على مروان و ارواحو لفوق لتيراس ….
سيرين كرشها جرات من الخلعة …كانت لي شمبرتها هبطت تحوس عليه لقاتو لي صالون مع رجال لخرين …
سيرين بصوت هادئ :مروان عيشك ارواح اسلام يعيطلك …
من الفرحة تاع هدرت معاه ..ناض بزربة و خرج عندها …لقاها ترجف …
مروان :واش كاين سيرين …واش بيك …
سيرين :يييي مروان اسلام عيطيلي قالي نعيطلك و نطلعو عندو لتيراس ….
مروان :هيه منبعد علاه تخافي ..
سيرين :هاه والو ني طالعة 😑كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 196🌚🌚:
طلعو الفوق …لحقت سيرين هي لولة حلت الباب شافت اية في هديك الحالة زادت تخلعت كثر …
قربت شوي بصح بقات بعيدة عليهم …
سيرين :واش بيك اية واش صرا تاني ….
راحت اية ليها تضحك ديراكت عنقتها ..بادلتلها العناق سيرين و تشوف في خوها لي شاد الورقة بين يديه و يشوف ليها …
بقات تمسحلها على شعرها …
اية :سيرين ماما سيرين ماما عايشة هنا ماما مشي هي خلاتني ….سيرين مروان حا يخطبك سيرين نتي لمروان …
هكاك و يدخل مروان عليهم و يسمع الجملة هديك …
جبدتها سيرين و بقات تشوف فيها مفاهمة والو …
سيرين :شبيك ححبيتي شبيكي اية …واش راكي تهدري …
جبدتها اية من يدها و داتها عند اسلام لي كان يشوف في مروان الواقف عند الباب ….لي صاي جمع الورقة في جيبو …
اية :قولها اسلام ياخي ماما عايشة هنا و مخلاتنيش ياخي مش هي حبت تخليني وحدي …
حط يدو على شعرها يمسح عليه و شاف في سيرين …
اسلام ؛هيه ماماك هنا و نروحو ليها ان شاء الله …مروان قدم نستحقك …
مروان من الفرحة تفزع …راح تقدم ليهم و وقف بحذا سيرين لي قلبها قريب يخرج من بلاصتو …
اسلام :جدي خلالي رسالة وفيها بزاف صوالح …
رفد يدو تاع يصافحو بطريقة تاع صحاب …ابتاسم مروان و مد يدو هو تاني و صافحو …سيرين من الفرحة قريب ضاقلها النفس ….
جبدو ليه اسلام و عنقو التعنيقة تاع الخاوة …مسحلو على ظهرو مروان …منبعد جبد روحو …
مروان :رغم اني مدرت والو …بصح نطلب منكما سماح في زوج اما كان امر منو …و كان ربي يرحمو وعدني بحاجة باش يقنعك فيها كي تخلاص لافار و تبان الحقيقة اما مات …
غمض عينيه اسلام و عاود حلهم …
اسلام :كلش مكتوب تتقلقش اما هديك خدرة بيني و بينك مش هنا ….و من جيهتي سماح …
اية : ههه و انا تاني سماح …اسمحلنا حنا تاني كنا سبة بعدك على داركم …
مروان :بلا مزية مرت خويا ….
ضحك اسلام و سيرين و اية تصمصمت بلاصتها …
اسلام : بالمناسبة كيما قتلك خلى بزاف صوالح …و من بينهم بلاصة وين كاين ام اية ..نمدلك البلاصة و اللقب و قول لصاحبك يحددلنا المنطقة على الأقل برك و حنا كي نلحقو الحي هداك ساهل ..
سيرين و لات تضحك ضحكة غريبة تاع شوك …
سيرين :تسما صح صح يا ربييييييييييييييي
عيونها تغرغرو دموع من الفرحة و عنقت اية بكل قوتها و مروان و اسلام يشوفو فيهم يبتاسمو برك …
مروان :اصبر نمدلك نيميرو تاع صحبي نهدر معاه انا زيد اهدر معاه نتا …
اسلام :صحا هيا نخرجو و نخليوهم ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 197🌚🌚:
كي خرج اسلام و مروان برا سكتو في زوج …
اسلام :مروان صح طلب باباك يد سيرين ليك من جدي هكا كان مكتوب …
مروان :هيه صح ….كان علابالي بلي كي ندير واش طلب مني جدي جامي تقبل حتى نعاود ندخل لدار هدي …و باش قبلت درت المهمة وعدني جدي بلي كون متقبلش يفهمك كلش …ان شاء الله متفهمهاش حاجة مش مليحة …باش نجي نهدر معاك مزال الحال …و بلاك تحسبها حاجة اخرى ..انا تاني عندي اختي و علابالي واش معنتها …و دوك نقلل قدر ما نقدر نبعد على الدار …حتى تقبل انت و ادا قبلت انت و قبلت هي هديك هي فايدتي …علابالي مشي وقتها بصح جيت طلبت الحلال مشي حاجة اخرى ..و علابالي صغيرة بصح تعرف دوك خير …هي معلابالها بوالو …هي كيما كانت صغيرة راهي دوك و جامي حتى قللت احترام معاها …و يما راهي ميتة عليها …هي لي شجعتني حتى باش هدرت لبابا و اسمحلي اسلام ادا تحسب حاجة اخرى …اما دير في بالك كون جا لاية اخ و رحت طلبتها منو يعني عادي. .. قاصد الباب و الحلال مشي تمسخير …
اسلام :واش دخل اية …مروان :هههه مشي كي غبت عليكم مدة معنتها معلابالي بوالو …صح معنديش خويا لكبير بصح عوضني ربي بيك و مشي كي توترت علاقتنا شويا يعني صاي نسيت العشرة ….نتا علابالك واش دخلها و انا علابالي ….
اسلام :صحا و تعرف واش قال جدي في الرسالة!
مروان :لا مقريتش …
اسلام :يعني كون انا منخليكش تخطب حتى تخلص قراية …اما جدي قال كي تخلص عامها هدا ربي يرحمو …الامر يبقى بيني و بينك …ميخرجش …مام علابالي مصيبة تاع اية تحرڨلها الخبر …بصح لازم تنحي الشكوك ..و تبقى بيني و بينك منيش حابتها تضيع قرايتها سورتو مع موت تاع جدي …و زيد قريب الامتحانات و قريب كلش يفض ….شويا صبر برك …
مروان :تسما قابل …اسلام :قابل هي برك لازم تقبل باسكو وصيتو هكا .. و لي يحب يشوفها منبعد نوريهالو …(يقص المقطع هداك برك )
جا مروان يقولو اي راهي حا تقبل بنص كلمة رجعها ….
بقاو في الجنان يهدرو مع صاحب مروان باش يحوسلهم …و البنات لفوق دارو حالة بالبكا من واش صرا …
عند البنات في شمبرة سيرين وحدهم ..و يقفزو على السرير ….
اية :و حق ربي سيرين و الله هكا مكتوب …و اسلام حا يقبل تخافيش يااااا ربييي …
قعدت سڨمت روحها …و سيرين عيونها تنفخو دموع من التاثير سورتو موضوع ام اية و تاع مروان …
سيرين :ربي يرحمك جدي😭😭😭😭😭😭😭
اية :😭😭😭صاي سيرين صاي …..
سيرين :اية خبيت عليك حاجة مقدرتش نقولها لك بصح دوك نقولها …
تشفاي نهار لانيفارسار تاعك مشي جيت ليك جبتلك كادو صغير ..فهديك سمانة قبل كي كنتو برا مشي فدار …جاني مروان و هدر معايا …و قالي بلي جدي ربي يرحمو سيفو يدير هكاك و قالي توعديني متقولي لحتى واحد و مقدرتش ننقولك و في نفس الوقت مقدرتش نامنو ..و في هداك نهار قالي نحبك و جامي قلتهالك باسكو مكنتش حاب نخرب علاقتنا و حابتها تتبنى على القدر و نشوف في مستقبلي معاك …بصح و الله مامنتو و الله و في نفس الوقت مقدرتش نخلف بوعدي اسمحيلي اية منيش متعودة نحكيلك ….
اية :يعمرييي ههه و الله كون جيت في مورال مليح و كون مشي توحشت جدي ربي يرحمو كون راني نزغرت اما كلش جا يفرح بصح هو فارقنا …كون غير راه معانا 😭…مطلبيش سماح علي هدي …حاجة مديتي وعد و كي تمدي لواحد عهد جامي تخلفي في وعدك و جامي تحكي سرو لحتى واحد ….كيما راني انا مخبية عليك بزاف صوالح أسرار مع اشخاص وعدتهم …يعني هدي حاجة عادية …
سيرين ؛هيه صحا اية ويني الرسالة ؟
اية :راهي عند اسلام قال بلي اسلام برك يقدر يقراها …بصح قال ادا حابين تتاكدو نوريلكم المقطع هداك
سيرين :مممم صحااا
بقاو يهدرو يبكيو يضحكو …مشاعر غير مفهومة …من جيهة فرحانين على الاخبار و من جيهة اخرى يتفكرو بلي جدهم مات ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 198🌚🌚:
جازو يومين …..وجدت روحها ….و قلبها قريب يخرج …كانت سيرين موراها متسطحة غير كيما ناضت من رقاد ….
سيرين :مروحين دوك ؟
اية:هيه صاي استقهوينا نستنى برك في اسلام يعيطلي يا ربي و الله منقدر سيرين ني رايحة لعياد منعرفهمش زيد متزوجة و الله منعرف كيفاه ندير …كون نتقبلش تاع تكون ماما كون منلقاهاش مليحة …
سيرين :مهم تحققي حلمك و تشوفي ماماك …مشي هكا كنتي حابة مشي كنتي تقولي علاه معنديش ماما هيا كوراج حبيبتي و ان شاء الله تلقايها تماك و تبكو من الفرحة و ان شاء الله تحبيها و تحبك ….
هكاك و ينقز تلفونها شافت لقاتو اسلام …
اية :صحيتي سيرين على وقفتك معايا هيا منبعد ان شاء الله مححح ادعيلي عيشك
سيرين :محااااات باي ختيتو …ان شاء الله ربي يفرحك …
شدت ساك تاعها ….كيتمان تاعها جبدتهم و هبطت تجري …ودعت عماتها و جدتها لي يستقهواو … و لي مش مامنين أصلا بلي صح ماماها كاينة كيما هي مشوكية و محبتش تامن بصح حبت تسمع لهدرتهم و تروح تحوس مراحش تخسر والو
..لحقت لطونوبيل عند اسلام ركبت ضربتها ريحة هديك تاع طونوبيل لي مخلطة بريحتو هو لي تحبها ….
اسلام :شرفتي علاه طولتي كنت نستنا فيك
اية :هاه و الله انا تاني كنت نستنى تعيطلي هكا قالي مروان .
اسلام :هاه معلش …صحا جبتي شكارة و لا كاش عفسة باش في حالة تدوخي و تحبي تتقياي تتوسخيش و لا والو ..
اية :جبت جبت هههه ياخي مشي بعيدة …
اسلام :هيه مشي بعيدة بصح كاين بزاف منحدرات و كامل زيد راكي مخلوعة كامل ..
اية :ههه صحا روح ديماري و ني حا نحل طاقة نفس حا يروحلي …
اسلام :ههه حلي على راحتك …
ديمارا و هو غير يشوف فيها و ما ما يقربو لونها يزيد يتخطف …كان شادلها يدها حاطو فوق رجلو و كل خطرة يزير عليها و يكوراجي فيها اما كل دقيقة يزيد ستراس تاعها و تحس بكاش واحد يجبدها من كرشها …و صدرها تحسو خال من الاكسجين حست احساس تاع نهار نتائج امتحان الباك (بالمناسبة بالتوفيق لكل وحدة و لا واحد حا يجوزو نقوللكم مبقاش بزاف ان شاء الله تفرحو و تفرحونا معاكم انتم قدها)
….لحقو لبلاصة بعد ساعة و نص طريق …كانت طويل طريقة و صعيبة …كي لحق شاف فيها لقاها تبدل لونها كامل و لات صفرة كثر من قبل …قرصها من خدها قرصة خفيفة …و شاف فيها بلخزرة هديك لي تخليها تتشجع
اسلام :مينوشة تضعفيش …
هدرت بصوت مخنوق حابة تبكي ….
اية :كون نلقاوهاش
اسلام :عندك ساعات و نتي تقولي كون كون كون …شوفي لحوايج لملاح هيا اهبطي …
كحت باش تنحي الغصة تاع الدموع و ابتاسمت ابتسامة خفيفة و هبطو …شدها ليه من يدها و قربها ليه ..بقى مزير على يدها بكل قوتو و يشوف برك كيفاش صرالها ….
دخل لواحد لحانوت و دخلها معاه …
اسلام :سلام موسيو معلش نسقسيك …
مول الحانوت :عليكم سلام بيانسور اتفضل ..
اسلام :عائلة @_@_معلش تقولي دارهم وين كاين ؟
مول الحانوت :كاين بزاف منهم هنا ..بصح لي كاين في الكارتيي هدا …هو هداك (اشار بيدو للدار لي كانت في آخر الحي )
شافت اية في اسلام و رجعت النفس بقوة ….
اسلام :صحيتي عطيك الصحة ميرسي بوكو …..
رجعو لطونوبيل شدو واش شراو باش يدخلو بيهم …و راحو تقدمو لدار هديك …و لحقو عند الباب …حطت يدها على وجهها منبعد نحاتو جبدت شهيق كبييير …و بقات تشوف في الباب ….
هزها اسلام بلعقل …اسلام :اية بلعقل ني خايف يحبسلك قلبك هنا …ياخي نقدر نطبطب ..
اية :هيه طبطب …و لا خلي انا نديرها …
تقدمت عند الباب طبطبت برجفة …تقدم هو و عبز على صونات بسبة هي ملحقتش …
رجعو لبلاصتهم بعدو على الباب اسلام و كان قلبو قريب يخرج كي شافها هكاك …
بقا مزير عليها و كي سمعو صوت بلايغ تاع واحد جاي زادلهم الضغط …زعما كي يتحل الباب شكون يبان …شكون حا يشوفو …اسئلة راودت مخيلتهم ….فيا ترى من ؟ ….

تحل الباب …شافو شكون حللهم شافت اية في اسلام بخيبة امل …….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 199🌚🌚:
تحل الباب …شافو شكون حللهم شافت اية في اسلام بخيبة امل …….
شاف فيها اسلام تاع شبيك …شاف في الطفلة لي حلتلهم الباب …
اسلام :سلام ختي معلش نسقسيك …
…:انعم بيانسور 😄😄
اسلام :تقدري تقوليلي وين نلقا مدام هيبة @_@$
….:هاه ماما تقصد هيبة ماما هنا دارها ادخلو مرحبا ….
شاف اسلام في اية يبتاسم لقا شواربها يرجفو و حابة تبكي …
حط يدو على ظهرها و دخلها معاه ….استقبلتهم الطفلة و دخلتهم لصالون …و اية ترجف برك …و قبلها قريب يحبس …
مدتلها الحوايج لي شراتهم الطفلة شدتهم حشمانة أصلا متعرفهمش …
قعدت معاهم في صالون ….
اسلام :اسمحلينا برك …جينا نشوفو ماماك انسان عزيز علينا و نروحو ان شاء لله منكونوش قلقناكم
…:خسارة عليكم مرحبا و الله نورتو بصح نقدر نعرف شكون …
اسلام :خلي كي نتلاقاو بماماك نتعرفو كثر …
….:هاه صحا كيما تحب بالمناسبة ماما و بابا خرجو داو خويا صغير لطبيب بقيت غير انا فدار …ان شاء الله تتقلقوش …
اسلام :عادي نستناو …
…:ختي علاه راكي هكا علاه عيونك معمرين دموع ياخي غير لخير …
اسلام :ههه خير خير ان شاء الله من شدة ستراس و الحماس متقدرش تشد روحها ….نتي بنت مدام هيبة لكبيرة ياخي
كانت اية متشبكة فيه و تمسح الدموع برك و متقدرش حتى تقول كلمة ..
…:هيه يعني نقدرو نقولو انا بنتها كبيرة حاليا ….
اسلام :علاه …
…:هيه باسكو فقدت طفلة قبلي ….
اسلام :هاه صحا …
….:بالمناسبة عندي 16 سنة و يسموني فرح بصح يعيطولي فدار اية ….
اية غير سمعت هكاك خلات دموع لي شدتهم من لي لحقت يطيحو و بغزارة …
جبدت يدها لي كان مشبك بيد اسلام و خبات وجهها و زيرت عليه باش تحبس البكا …جبدت الشهقة مسحت الدموع …و شافت في الطفلة بابتسامة ….
اسلام من شدة تأثر مام هو تخنق …و معرف واش يقول …
اية : اية و لا فرح معلش نسلم عليك …
غنية باستغراب :أكيد اختي بصح شبيكي علاه تبكي ..
ناضت فرح من بلاصتها و زادت اية ….راحت عنڨتها تعنيڨة طويلة و بقات غير تشم ريحتها و تسمح على شعرها و فرح تشوف غير في اسلام مشوكية متعرف واش صاري …
جبدت روحها اية شوي …و بقات تشوف في الطفلة لي خرجت اختها صغيرة ….
اية بصوت مخنوق :اسمحيلي خلعتك علابالي غريبة اطوار …اما ظروف لي خلاتني نرجع كيمنهك ..معلش تقوليلي سبب لي خلاوهم يعيطولك اية…
اية صغيرة :يعني كيما علمي ختي كبيرة ربي يرحمها سماتها ماما اية منعبد كي توفات ربي يرحمها …كي جابتني انا سماتني فرح على جال بابا و تعيطلي باسم اية باش تحيي الاسم ..
شافت اية في اسلام تضحك :اسلام ربي يرحمني هههه …رافقتها بدمعة سخووووونة هبطت بلخف …
عاودت حضنت اختها تحضنية طويلة و خلاتها ترجع لبلاصتها ….
رجعت قعدت بحذا اسلام لي قعد مزير على يدها و يحاول يهدي فيها ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 200🌚🌚:
فرح غير تشوف في اية ما فاهمة والو …وتشوف في اسلام كيفاش يمسحلها دموعها و يهدي فيها ….
فرح :اصبرو دقيقة نعيط لماما و نرجع ياخي …
اسلام:صحيتي اختي و الله ديري مزية …
غير راحت فرح تجبد تلفون و تعيط …شاف اسلام في اية …
اسلام :اية بلعقل اية علابالي مشي ساهلة و شوك و فرحة اما بلعقل هدا دوك مزال ملحقتش المرا …
مسحت دموعها و زيرت على وجهها لي ولى منفوخ و عينيها حومرين ….
بقات تكح و هكاك رجعت فرح فرحانة ….
فرح :راهم قريب يلحقو هكا قالتلي قالتلي راهي غير هنا ..
اية حست بالنفس راحلها و كرشها تدور برك …
اسلام :صحيتي فرح ان شاء الله دوك تلحق و نشوفوها و تعرفي شكون حنا و ميرسي بوكو كي وثقتي فينا و دخلتينا …
فرح :بلا مزية ان شاء الله برك يكون فيها خير
اسلام :هههه خير خير تقلقيش ….
هكاك و يسمعو صوت صونات تر تر تررررررر (صوت صونات لقيتش كيفاه 😂🤦)
اية حست قلبها ولى بين رجليها و اسلام الحماس لي فيه وحدو …ناضو من بلاصتهم كردة فعل لا ارادية …و فرح راحت مزروبة تحل الباب …
بقات اية تشوف في اسلام شادة روحها و هو يشوف فيها بخزرات تاع تتوتريش بزاف ….
حلت الباب فرح …و يتسمع صوت لي دخلو …اية قبلها كل دقيقة يزيد خبيط …
فرح :عسلامتكم هزربي ماما عندك ضياف كيما قتلك و منعرفهمش شكون ….
هيبة : صحا فرح شدي خوك و جيبيه معاك عييت و الله …
شدت فرح عليها خوها …و بقات تلعب معاه و تتحسسو ادا هبطتلو سخانة ….
شويا برك …غمضت عينيها تتنفس بقوة …غير حلتهم …شافت راجل يحرك في كرسي متحرك …و الكرسي المتحرك هديك قاعدة فوقو المرا لي جات باش تشوفها ….
بقات مشوكية متقدر حتى تهدر ….حست بيديها فشلو …رجليها تاني ….حست بقلبها حبس عن الخبيط …و الخبيط لي كان يخبطو قبل كامل حبس …تشوف غير في المرأ لي في الكرسي المتحرك و تشوف في ابتسامتها …
اسلام من واش شاف تاني جبهتو بعد ما كان مقوسها يستنى ولات مسطحة ….
هدر بلا ما يفيق لروحو بصوت بلعقل …
اسلام :اية عيون كستنائية ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 201🌚🌚:
بقات اية مشوكية و هيبة و اسحاق راجلها يشوفو فيها و يشوفو في اسلام …و فرح شادة خوها تشوف فيهم من بعيد …
فرح :هادو هوما ماما قالو بلي جاو يشوفوك بصح انا عرفتهمش …
بعد ما فاق اسلام من سرحتو …هدر بكل روح رجولية …
اسلام : سلام عليكم …ياخي نتي مدام هيبة ..
هيبة :هيه انا هي وليدي بصح نتا شكون و الطفلة زينونة لي معاك شكون …
اسلام :قصة طويلة نتمنى تخليني نحكيلك و تعرفي كلش و تعرفي شكون حنا …
شافت هيبة في راجلها تاع ياخي معلش …شاف فيها راجلها تاع ايه …
اسحاق : عسلامتكم ان شاء الله فيها خير …دوك نقعدو و نهدرو …اية بنتي هاتي ايهاب (خوها صغير ) نشدو و نتي روحي جيبيلنا حاجة نشربوها …
تقربت فرح مدت ايهاب لباباها …و اية و هيبة غير يتشاوفو …هيبة حاسة بعيون اية يحرقوها …و حاسة احساس غريب تاع حابة تبكي كي شافتها في الحالة هديك علاه ماعلابالهاش …..
عاون اسحاق هيبة لحقها وين كاين اسلام و اية صافحوهم برك …و اية سلمت على هيبة …بزربة برك مقدرتش حتى تحط خدها على خد هيبة …
و شدو بلايصهم …اية كانت شادة البكا و الشهقة بسيف و مهدرت حتى كلمة و هيبة حست روحها مشي مليحة و حابة تبكي كل دقيقة يزيد الاحساس هداك و تشوف برك في اية كيفاش تشبه لاسماعيل ……
لحقت عليهم فرح حطتلهم جو صبتلهم و طلبت منهم يشربو …
اية بصوت مخنوق :اسمحيلي انا نقدرش …و سكتت
اسلام :صحيتي اختي فرح …اسمحيلنا عطلناك معانا ..
سڨمو كامل و رواحهم و اية غير تمسح في دموع سخونين لي يهبطو بخفة ….
اسلام :المهم ندخل ديراكت لصلب الموضوع …و ان شاء الله ميكونش صدمة ليكم …مدام هيبة و لا نولي نقولك خالتي خير ..المهم لي جات جات ههه …تعرفي عائلة يوسفي ياخي ؟
هيبة تخطف لونها …اسحاق :هديك قضية في الباصي و مراناش حابين نجبدو عليها مرة …هوما السبة في واش راه تعاني فيه مرتي دوك …
اسلام :علابالي و علابالي بكلش تاني …علابالي بلي هوما السبة باش نحاولك الطفلة الاولى …خالتي انا اسلام يوسفي حفيد العائلة و نتمنى تخافيشش مني جيت نوضحلك أمور و نروح ….جدي مات ربي يرحمو هاد سمانة برك و خلالي وصايا و توضيحات …و من بينهم نجي عندك و نفرو بعض الامور …
هيبة من الشوك معرفت واش تقول :ربي يرحمو كان ناس ملاح …هو لي عاونني باش لقيت اسحاق …بسبتو هو خرجوني من سبيطار و نحاولي تهمة تاع هبلت مام نقدرو نقولو كانو هوما السبة مي في الوقت لي ملقيتش فيه عائلتي لقيتو هو و موسيو خالد …قولي نتا وليد خالد الكبير ياخي ….
اسلام :عيشك ..لالا أنا وليد نضير الكبير كامل فيهم …خالد حقيقة منعرفش حتى عايلتو باش منكذبش عليك …
هيبة :مالا لي قدامك بنتو …باسكو كان علابالي بلي كي تزوج جاب طفل و طفلة …و علاش تبكي قسمتيلي قلبي بنتي تباني محروقة كثر ماني محروڨة انا
اية كانت غير تشوف فيها و تبكي …
اسلام :لالا هدي تاني مش بنتو …خالتي منيش حاب نفتحلك جروح بصح تقدري تحكيلي قصة بنتك كبيرة ….رغم اني نعرفها و كاملة يعني مكلاه تقولي بلاك تخافي زعما و لا
شافت هيبة في اسحاق …و في في فرح و ايهاب و لادها صغار …
هيبة بداو دموع يطيحولها :ههه بنتي ياخي وليدي …بنتي لي شفتها غير خطرة في حياتي و نحاولهالي و انا نبكي في رواق سبيطار …بنتي لي مخلاونيش حتى نرضعها لمرة ….بنتي لي خلاوني على جالها نتقهر ….غير ولدتها حطوهالي على صدري شفتها سمعت عياط تاعها نحاوهالي ….و قالولي وجدي روحك لمستشفى الامراض العقلية …هدا كامل لاني كي تعرضت للضرب و التحرش قريب فقدت صوابي …بصح كون مشي بنتي لي داخلي كون درت حاجة في روحي شحال و كي صبرت و ولدتها و قررت ندير كلش علاجالها تحاولي الحق في باش نربيها …(كانت تبكي و اية تبكي من جيهة اخرى ..فرح دموع طاحولها و راحت عنڨت ماماها و اسحاق عيونو يلمعو اما اسلام حالتو حالة نهدروش عليها )…كان عمك خالد هو لي داني لسبيطار و كي سمع الخبر تشوكا ….وصيتو على بنتي و خليتهالو امانة .. منبعد زدت عرفت بلي بابات طفلة توفى …زدت انهرت اكثر …و بنتي مشي سامعة بخبارها كامل …هملوني فترة طويييلة ..قرايتي راحت كلش تهدم و بنتي جا نهار لي قالولي توفات السبب قالو الحمى …و هدي لي جامي نامنها ….بنتي ريحتها لاول مرة شميتها مزالت في نيفي …احساس الامومة عندي ….منعرف نبقى عادي تجيني هديك ريحة …و يجيني صوتها كي بكات اول مرة …بنتي منعرف وين راهي بلاك صح ماتت مكتوب ربي …انا انا منعرف علاه عندي سنييبين و سنييييين كملت حياتي غير على امل بنتي مزالت حية ….و هدا كي عرفت بلي عائلتي هوما سبة في دخولي للمستشفى …و ني متاكدة بلي هوما تاني تدخلو في قضية بنتي …جامي نسامحهم واحد واحد …كيما كواوني و حرقولي كبدة تاعي ربي يرجعهالهم …حرموني حتى من فوطو تاعها كي نتوحشها نجبدها نشوفها ….حمد الله يااا ربي حمد الله كان جدك يبعثلي في مساعدات عن طريق اسحاق …و هاني تزوجت و جبت منو دراري حمد الله ربي يخليهملي …صح ربي عوضني اما بلاصة اية بنتي لولة جامي تروح من قلبي …راهي هنا (ضربت صدرها جيهة قلبها وبقات تبكي و بشهقة و اية شهقاتها كثر ) ….صح قالولي ماتت اما هي جزء جامي يتفصل من روحي …و بلاك الا راهي عايشة تحسب بلي أنا خليتها …و انا كون نلقاها رجليها نبوسهملها …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 202🌚🌚:
اية زاد بكائها حتى ولات تقدرش تتنفس …راحت عنها فرح مدتلها كاس ما شربت …مسحت هيبة دموعها كي شافتها هكاك تبكي حست قلبها يتزير عليها …
هيبة :اسمحيلي بنتي ادا بكيتك بسبتي …صاي عيشك بنتي قلبي وجعني عليك من لي لحقتي و نتي تبكي …زيد فيك ملامح يفكروني بالماضي تاعي …كون جيت نقدر نمشي و مشي في هاد الحالة كون راني جيت عندك و دخلتك لحضني …اما منقدرش من الصدمات لي تعرضتلهم شدني شلل …
اسلام مسح عينيه …و بقى يمسح على شعر اية …
اسلام :خالتي نمدلك نتي و راجلك تقراي وحد الحاجة …و منبعد نقولك …
جبد من ساك تاع اية الملف لي فيه تحاليل تاع هيبة لي دارتهم مع اسماعيل رحمه الله باش يعرفو ادا صح بنتو …
و مدو لفرح تديه ليماها …
شد اسحاق الملف و بدا يقرا و وراهالها غير شافتو طلعت عينيها لاسلام …
هيبة :بصح من وين جبتو هدا انا و خباوه عليا ….
اسلام :كان عند عمي خالد و قبل بايام برك جابو و كشفو علينا حقائق و هي انو ….شاف في اية ….
اسلام :هدي لي قدامي كنا حاسبينها بنت عمي خالد …اما قبل ما يموت جدي ربي يرحمو تبدلل كلشششششش …و طلعت هدي لي قدامي …بنت عمي اسماعيل ربي يرحمو …و مشي بنت وحدوخر و خباو الامر عليك و علينا غير باش ميديروش المشاكل مع عايلتك …و يحميوها ….خالتي هدي لي قدامي اية …بنتك …اسمك كان في وصية جدي و خلالي وصاية نجيبلك بنتك و نلاقيك بيها و حمد الله يا ربي قدرت عليها ….
هيبة من شوك طيحت التحاليل ..فرح وولات تضحك بهستيرية …و اسحاق شاد يد مرتو خايف عليها من صدمة ….
و اية صوتها تقطع من شهقات الدموع ….
اسلام :كلش كاين دلائل …وصية جدي اولهم ..و احداث لي نخلي اية تحكيهملك و ادا حابة شهادات الميلاد تاعها و كل وثائقها باش تتاكدي نجيبلك مكانش مشكل ….
كان مزير هو تاني على يد اية و يشوف فيها تاع صاي حبسي بكا …
اما هيبة كانت تشوف برك في اية …مشوووووكية …متقدر تقول والو …و حست لسانها تلعثم من قوة الصدمة …
اية بصوت متقطع :علابالي مش حا تامنينا (شهقة ) كيما انا امنتهمش …سنين و سنين عايشة وحدي عند عمي خالد لي طلع مش بابا حتى ….حياتي كامل طلعت كذبة …(شهقة ) و ني كيفك مصدومة مشي متصورة نتي أمي …نتي ماما لي كنت نقعد نبكي و نقول علاه معنديش ماما ….جا نهار لي ….لي(تقطع صوتها وشهقت ) جا نهار لي قالولي ماماك مدارت والو و كشفولي كلش …كنت حابة نقتل روحي …حياتي كامل تمرمدت فيها و في لخر يطلع كلش كذب ..مكانتش عندي ماما تمشطلي …تلبسلي …طيبلي ….حتى تعيط عليا و تضربني ….جابوني لهنا بحجة نخدم عندهم اما طلع كلش تزوير …كبروني على كذبة …و هذا كامل باش بلاك يحميوني …ادا نتي مدام هيبة _@_@فانا نقولك تشرفت ماما …..😭😭😭😭😭😭و فرحة كبيرة كي جاتني الفرصة باش نشم ريحة أمي لاول مرة هكا….الريحة لي كنت متمنية نشمها و لو لثانية و هي راحئة الام …ريحة لي كنت نحوس عليها في العباد كامل و ملقيتهاش …علابالي مشي حا تتقبليني و جامي تامني كيما امنتش انا و خفت يطلع كلش كذب …اما خليني نسلم عليك و لو لمرة كيما لازم …و مبعد عندك الحق في كلش ….
هيبة شواربها يرجفو …و حست روحها حا تدوخ …حركت الكرسي المتحرك بكل قوتها باش تروح ليها و تلحق ليها ….حاجة لداخلها خلاتها تزدم بلا ما حتى تتاكد 100 بالمئة بلي بنتها ….
شاف اسلام في اية تاع نوضي ….ناضت اية من بلاصتها و نصفت طريق ليها …و هبطت على ركابيها باش تلحقها …
حطت هيبة يدها على شعرها …و شافت في الخانة لي في رقبتها كيما باباها …و شافت في عيونها لي كيف تاعها …بعيون معمرين دموووع …و تشوف كلش يتحرك …
و اية كانت شادتها من يدها تتحسس يدها …
اية بصوت تاع بكا و تحرك راسها باش تحبسهم …
اية :انا تاكدت بلي ماما …منطلبش منك تبوسيني و لا تحضنيني حتى …باسكو مزال متاكدتيش اما خليني انا نبوسك و نشبع روحي بريحتك لي تحرمت منها 25 سنة …
باستلها يدييها و دموع يسيحو ….بقات تبوس في يديها بكل لهفة و هيبة غير مصدومة و تبكي …..
اسلام من هول المشهد مقدرش يشد روحو ناض من بلاصتو و بعد شويا مسح عينيه لي كون يزيد شويا يولي يبكي كيف اية و ماماها عادي ….زاد عاود دار ….لقى اية ترمات لي حضن يماها حاطة راسها على صدرها حشراتو تبكي و بشهقة و تردد كلمة ماما …..
اما هيبة غير مزيرة عليها بكل قوتها و تقول اسمحيلي …و تبوس فيها بكل قوتها على راسها و تشم ريحة شعرها…حست وقتها صح بكبدتها لي كانت ميتة شحال و محروقة و لات تحركت من بلاصتها و كتبلها حياة جديدة …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 203🌚🌚:
اجواء دموع فرح ….كيما لقاء الوالدين مكانش …3 سوايع و هوما هدرة و بكا ….25 سنة كامل في 3 سوايع هدرو على كلش و اية حكاتلها حكايتها كاملة ….من لول للخر باش قدرت تامنها …حكاتلهاش برك على قصة اسلام لي توعدت تديه سر معاها للقبر ….
جا الوقت لي لازم فيه يروحو يرجعو لدار بعد ما حرقو عليهم تلفون فرحانين كامل ….
هيبة :اسلام وليدي خليوهالي …تحرقت 25 سنة خلوني نشوفها و نشبع منها …خلوني نامن واش صرالي اليوم …خلوني نشم ريحتها في الدار
اسلام :انا معنديش مشكل و الله هدا حقك …بنتك راهي ..صح يوم بلا بيها فدار من لي جات يجوز كحل بصح نتي عندك الأولوية ….بصح الغدوا خدامة كيفاه نديرو ….
اسحاق :مكانش مشكل …سنين و سنين و انا نتحرق مع هيبة راهي بنتي دوك …خليها انا نوصلهالك حتى وين تخدم ….فرحتي و الله متتصورهاش. …عندي شحال مفرحتش هكا و عندي شحال ما طاحوليش دموع كيما ليوم ….
اسلام :معلش خلي تعييش روحك نوض صباح بكري نجي نديها ….مشي مشكل …
اسحاق :تقلقش روحك راني هنا بزاف تجي و تعاود ترجع ….
اسلام :هههه صحا …..
هيبة بلعقل لاية لي مزالت في حضنها :قوليلو يجيبلك قشك تبقاي يامات عندي …انا ني خفتو و ختمتها بضحكة …
رفدت راسها من صدرها و شافت فيها بعيونها لي شبعو دموع ….
اية :و نرمال نقعد عندكم …
سمعلها اسحاق هدر هو بلاصة هيبة لي مبقاتلهاش القوة باش تزيد تهدر …
اسحاق :و هدرة هدي ههه شبيك …راكي بنتي قتلك …كل حاجة تخص هيبة راهي تخصني ….ابقاي شحال ما تحبي …راكي في داركم و عندك امك ….
اية :اسلام ههه عيشك قوللهم نبقى ….
شاف فيها اسلام بضحكة و تاع صااار عرفتي كيفاه تهربي
..
اسلام :هيه علابالي واش حابة تقولي …مبعد قوليلي واش نجيبلك نجيبلك …مشي خسارة فيكم …عندي شحال و انا نستنى يجي نهار يطلع عندك ام هاهي عندك …
ناض من بلاصتو ….اسلام :أيا انا نخليكم راح الحال لازم نروح دوك باش نلحق ان شاء الله ميرسي بوكو كي سمعتونا ….و راني فرحان بزاف كي تلم كلش …اية راكي مع ماماك ..و نتي خالتي نعتاذر منك من كااامل واش صرالك و واش دارولك …
بعد ما ودعهم راح ركب طونوبيلو يسوق و يتفكر واش صرا يضحك وحدو و يجيوه الدموع ….
4 شهور جازو …و اية في دار اسحاق عند ماماها …يديها صباح اسحاق تخدم و ترجع لعشية بلكار ….تعاون يماها في كلش …تلبسلها تغسللها كلش اي حاجة تقددرش ديرها ديرها هي …..كل دقيقة تروح تبوسها و تبكي مزال مشي مصدقة ….تلعب مع خاوتها صغار و تشريلهم صوالح …شبعت ماماها كادوات …و تتعاون في الشغل مع فرح …و خطرات تعيط الام اية يضحكو البنات في زوج مايعرفوش لشكون تعيط …..عوضهم ربي بسنين لي فاتو كامل …كي يخرجو مع بعضاهم تشبع ضحك و توجور تحمد ربي كي تصلي و ببكاء …..و كل خطرة تحس روحها مشي مامنة كامل واش صرا لها …رغم كلش الا انو كل ما يزيد يمر يوم تزيد تتوحش اسلام ….تشوفو غير شويا في كلينيك …و مع الضغط تاع الخدمة لي ولاو يخدمو سيريو و هي لي عندها امتحان في المعهد لي كانت تقرا فيه توجد فيه باش تمدو ليهم و ذلك يهدر على سيرتها كامل من لي بدات تجربة تاعها تاع الخدمة …باش يمدولها شهادة تاعها و تولي تخدم كاي طبيب مختص ….
كان يعيطلها كل يوم يسقسي عليها و كي يتلاقاو يهدروش بزاف غير سافا سافا …بصح واحد ما نسى اخر واحد ما قدر حتى ينسى لخر …توجور تلفون بيناتهم ……..
…..قاعدة مع اختها و ماماها في شومبرة تاع ماماهم يقصرو …حتى تسمع صوت تلفونها شداتو لقات سيرين ريبوندات و سمعتها تعيط ……الحلقة 204🌚🌚:
سيرين :ياااا ايييييية وعععععع يا ماماااااااا
و بقات تعيط و تتمهبل ….
اية :واش بيك سيرين واش كاين ….
كانت اية تهدر و تشوف لماماها و لفرح مشي فاهمة والو …
سيرين :ههههه و الله صح و الله صح اية و الله دارها اييييية واااا ربييييي (بقات تتنفس رابيد و متحمسة تقولها )
سيرين :ايييييييييية طلبووووو يدييييي من اسلام و بابا ياااا ربيييي
قفزت اية من بلاصتها فرحانة …
اية :مروان ياخي ههههه ههه ياخي قتلك
سيرين تبكي :راني في شمبرتي غير كيما قالولي و قالولي خمي و رجعيلنا بلخبر يااا ربي شبعوني هدرة يااا ربي كيفاش نقول قابلة و هوما مكانوش عارفين بلي نحبو ..هو و مقلتهالوش ..يا ربي عندي 4 شهور مانهدرش معاه كنت حابة يخلص كي بعد هو …كيفاش نقابلو اييييية (و طاحتلها دمعة من الفرحة )4 شهور و هو يقرا و انا نقرى مشفتو مشافني كيفاه نقابلهم …
اية من الفرحة طاحتلها الدمعة …مسحتها و هدرت معاها …
اية :بلعقل سيرين بلعقل بلاك يحبس قلبك ..حاجة عادية صاي أصلا بزاف عليك …ياخي هو مادار والو و هاه طلع راجل معاك و مع عايلتك جا ديراكت يخطب …صاي سيرين بلعقل ههههه حا يحبس قلبك …نتي الصباح تخرجي عندهم اجبدي ماماك قولي راني قابلة …
سيرين :ياو ماما راهي تبكي ههههه ياااا ربي كرشييييي يا ربييي
اية :ههههه الف الف الف مبروك سيرين لعقوبة تتزوجو ان شاء الله …و الله متتصوريش شحال فرحتك …
سيرين تمسح الدموع :لعقوبة ليك و لعقوبة لخويا اسلام تاني …ميرسي بوكو اية و الله جامي ننسى وقفتك معايا …
اية :مشي قلنا خاوات …صحا احكيلي دوك كيفاش هدرو و كيفاش صرا هدا الكل …
سيرين :صحا دوك نحكيلك …
FLASH BACK:
قاعدين متجمعين لطابلة يتعشاو و اسلام يشوف في بلاصة اية و جدو رحمه الله لي عندهم شحال فارغين و يستنى في باباه يهدر …
نضير اب اسلام :العشية انا و اسلام نسحڨوكم كي تخلصو شغلكم اجتامعو لي الصالون حاجة خفيفة برك …
بقاو يتشاوفو كامل و اسلام كمل ماكلتو برك …كي خلصو راح غسل و توضا صلى صلاتو …كان يطوي في سجادة الصلاة و يشوف لكادر لي في شمبرتو لافوطو تاعو وتاع اية …شدو و بقى يشوف فيه …ابتاسم رجعو لبلاصتو …و راح هابط لتحت …لقى نصهم اجتامع …بقى يهدر مع جداتو …حتى لحقو كامل …بقاو يهدرو عادي حتى جبد باباه على الموضوع …
نضير : ندخلو ديراكت لصلب الموضوع اسلام تهدر و لا نهدر
اسلام :أبدا نتا الأولية ليك …
نضير :سيرين بنتي …قرايتك تاع هاذ العام خلصتيها ياخي متافقين ….
سيرين بتوتر تفكرت هدرت اية :هيه بابا صاي حمد الله بصح مزال مشواري طووويل ….
نضير :صحا …و نتي و خوك كبرتو …و جدك قبل ما يموت ربي يرحمو خلى لاسلام وصية
اسلام :كيما تعرفو الشي لي دارو مروان كامل كان بطلب من جدي ربي يرحمو باش يختابرنا كامل …و مروان قبل ما يدير واش طلب منو جدي رحمه الله …طلب منو مقابل …
سڨم روحو و شاف في سيرين ..
اسلام :هي انو جاب باباه و طلب من جدي بلي كي تتسڨم العلاقة يصرى واش يصرى سيرين يخطبها مروان باسكو طلب يدها و مشي على جال طلب جدي منمدوهالهاش …
نضير :و الصباح عاود طلب مني رزيق (بابات مروان ) يدك سيرين لمروان ….
سيرين من الشوك حست ريڨها جف و تشوف برك في اسلام كيفاش يشوف فيها ….
ماماها من الفرحة و الصدمة في نفس الوقت طاحولها الدموع نفس حالة الجدة و مرت فؤاد و هي تشوف لعموما باباها و اسلام حشمانة …
اسلام : سيرين الراي يبقى رايك ..بصح وصية جدي هي انو تتخطبو في اقرب وقت كي تخلصي عامك و هو قرار صواب …و مروان جا طلب الحلال مقدرش يقعد مدايرك في عينيه و نتوما مشي مخطوبين ….صح في لول جاتني بيزار بصح وصية جدي هكا تقول ..و انا تعرفي نقبلش تكوني معاه بلا ما تكون حاجة رسمية بيناتكم فيبقى حرام …و ادا قبلتي بعد سمانة لويكاند نديرو خطبة صغيرة بيناتنا و منحتاجش حزن عيشكم نحبكم كامل زاهيين باش جدي يفرح ربي يرحمو ياخي
حست الدم لي حا يطلع لراسها محبش يطلع و السخانة تطلع …من شدة احمرارها وذنيها تحسهم تحرڨو …
جبدتها ماماها حضنتها و الجدة خدات التلفون تعيط لسهيلة ام مروان باش تفهم منها كثر و بهدلتها كامل علاه خبات عليها …..
بقاو يضحكو و يعمرولها راسها و هي لاعبتها مشي حابة و مشوكية …
سيرين :ماما هدا مروان ياخي مشي تمسخير ..راني مشوكية و الله …كيفاه مروان و انا ..ييييييي انا نطلع لشمبرتي نقدرش نزيد راني تحت تأثير الشوك صباح نرجعلكم الخبر مام هي وصية جدي بصح لازم نقنع حتى راسي و نقدرش ندير حاجة بسيف عليا علابالك ..(واش طلع منك ا سيرين 🏇🏇🤦😂)
خلاتهم هكاك و طلعت تجري لشمبرتها ديراكت تلفون لاية قريب طير من الفرحة ….
و الباقي بقاو لتحت يكملو هدرتهم …

END FLASH BACKكرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 205🌚🌚:
سيرين : و هدا مكان ههههه يا ربي منعرف واش ندير يااا ربي
اية :يعمرييي ههه شوفي تخافيش نتي مدرتي والو يزعف ربي …و حاجة مشي مليحة بالعكس نرمالمو تفتاخري بقيتو اصدقاء و كان ليك سند كي كان خوك مشي مليح و طلع راجل جا يخطب نتي تقبلي عادي و تبينيش بلي كنتي تحبيه و هو خلي كي تتخطبو اعتارفيلو
سيرين :يااا ماما كرشي هههه اية عيشك انا صباح نقدرش نقوللهم عيشك قولي لماماك تخليك تجي و زعما نتي تقنعيني و تقوليلهم قابلة و توقفي معايا سمانة هدي عيشك عيشك …
اية :هههه صحا مكانش مشكل نقوللها خسارة فيك هههه و الله ني فرحانة
سيرين :ياماما انا ني نرجف كامل …
…..
بقاو يهدرو و يضحكو و هيبة و فرح يشوفو فيها برك كيفاه يطيحو لها دموع من الفرحة …
كي خلصت الهدرة طلبت من يماها تروح تجوز سمانة لتم و توقف معاها ….و بطبيعة الحال قبلت ….
اية:تجوز سمانة برك ان شاء الله نرجع و نوليو نتعاونو على شغل دار هنا تاني ياخي فرح …
فرح :تقلقيش روحك استمتعي و كلشي مبروك ليها و العقوبة ليك
هيبة :ههه ان شاء الله …كون غير نتي تاني هكا نزيدو نفرحو فيكم في زوج …
اية بحشمة :هههه مزال الحال مشي كيف كيف هي هدا من لي كانت صغيرة و هي يحبها و انا عندي مزال الحال كلشي في وقتو
هيبة :ان شاء الله حبيبتي كلش مكتوب ربي …كي تروحي سلمي عليهم بلاصتي مام بلاك ميحملونيش حتى
اية :و الله لالا قبل بلاك وي بصح كي حكا جدي ربي يرحمو كلش حبو كامل يشوفوك و يتعرفو عليك أن شاء الله شي نهار تتلاقاو كامل
هيبة :ان شاء الله …
اية :هيا فرح نروحو نخليو طونطو اسحاق يدخل يرقد سور عيان …و نتي ماما تصبحي على الف خير
…..
جاز اليوم هداك ..و كامل فرحانين …اسلام مقدرش حتى يرقد برك يتقلب و يخمم فيها …و سؤال واحد يدور في بالو تحبو كيما يحبها و لا نن …عندها مشاعر تجاهو كيفو و لا والو …
الصباح داها اسحاق تخدم …خدمت نهار كامل مشافتش اسلام و كي لحق الوقت باش تخرج …راحت عندو لقاتو يغلق باب بيرو تاعو …
اسلام:عسلامة مينوش تجي ياخي قالتي سيرين بلي حا جي معايا
اية :هيه نجي باذن الله ….
اسلام :هيا أصلا توحشوك كامل …
اية :ممم يتوحشهم الخير انا تاني توحشتهم ….
ركبو طونوبيل و بقاو يهدرو…و خبرها كامل بواش صرا ..
اسلام :هيه فوق هدا كامل عمي خالد راهو جاي و جايب معاه عايلتو
اية :يااا صح …متحمسة نشوفهم و هو توحشتو و الله لدوك كلمة عمي منقدرش نقولهالو رغم كلش يبقى هو لي وقف معايا و رباني و لو قصر معايا …
اسلام :هيه و انا تاني متحمس نشوف العائلة هدي لي خباوها علينا و نعرفو كلش …
اية:فيها خير ان شاء الله ….
كي لحقت لدار سلمت عليهم كامل تسليمات حارة …و طارت لشمبرة سيرين….غير حلت عليها قفزت عليها تعنق تبوس و يقفزو مع بعضاهم …..
العشية كامل …كي تجمعو النسا برك ….
اية ليمات سيرين :طاطا ماني ..هدرت مع سيرين و قنعتها بلي من غير مروان جامي تلقى واحد خير و تعرفو كيفاه علاقتي معاها و خليتها ناخذ قرارها بلا ما تندم منبعد …هي حشمت تقوللكم هي قابلة …..
فرحو كامل …و الجدة غير كيما فاتت عدة تاعها و مزالت الوحشة هديك تاع راجلها مقدرتش تزغرت خلاتها في قلبها برك ….
……
اية تنوض صباح تروح مع اسلام للخدمة و ترقد في طونوبيل بسبة ليل كامل و هوما يطيبو في القاطو و الصوالح لي لازم للعلم ان العائلة كامل اتجمعو لي القيلا من غير عائلة مروان و فتيحة لي راحت تعاون اختها و توجد معاها تاني و تعاونها في دارها …الباقي كامل في الفيلا …
كي بقاو نهارين على الخطبة …اية دات اجازة مدة يومين و تزيد الويكاند …خرجت مع البنات كامل يشريو واش يلبسو …و سيرين داتها يماها تكمل واش خصلها ….
و العشية اجتامعو كامل في الدار …كل وحدة واش راحت دير باش يكملو يوجدو العشا مع النسا …كانو يجرو كامل باسكو عائلة خالد حا توصل ….
اية غير خلصت غسيل المواعن لي كانو معمرين الحالة …راحت طلعت تغسل تصلي و تبدل …
غير كملت شغلها كانت تشد في شعرها …حتى تسمع صوت الطونوبيل لحقت …شافت من الطاقة …لقات خالد لحق ….

Leave a comment