Skip links

قصة سادية الحب… ج 7

 7,998 عدد مشاهداات

كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 151🌚🌚:
اية :نو خفتش .. علاه نخاف ؟ نخاف من البلاصة و لا نخاف منك ؟
الطفلة :خليني تبعنييش ….
اية :نخاف من بلاصة كيما هدي تهوبل !علاه ؟ و انا توجور نطلع نهرب من الواقع لي نعيشو بصح جامي استفدت من حاجة …و لا نخاف من وحدة قمر كيفك …
الطفلة :هههههه قالت قمر ههههه ….تعرفي بلي أنا لي خليت لي هنا يبهدلوك كامل و يتهموك بشرفك و لا نو …هيا دوك صاي روحي خليني و نطلب منك سماح …اسمحيلي ….نتمنى تسمحيلي دوك قبل ما ….
قاطعتها اية ….
اية :هيه علابالي بلي نتي …. علابالي بلي نتي لي دارو بيك حاجة من فوق قلبك ….علابالي بلي نتي لي راكي محروڨة لداخل …علابالي بلي نتي لي دخلتي لبيرو تاعي تبكي بشهقة و رميتيه و خرجتي …علابالي بلي بيك حاجة مقدرتي تحكيها لحتى واحد …و هدا كامل بسبب احدهم ….تحبي تخرجي واش فيك بصح مكانش كيفاش …و تحسبي بلي ادا قعدتي لهنا و درتي حاجة بروحك حا يكون حل و تتهناي …اما راكي مترددة …باسكو عقلك مزالو صحيح …و الصحيح ميقدرش يدير الفعلة لي راكي حابة ديريها …راكي تعاني من صراع تاع ديريها … و مديريهاش …..(حطت يدها على كرش الطفلة ) قوليلي واش ذنب لي داخل كرشك يتعذب هكا كامل …واش ذنبو كي يلحقو الاحساس تاع امو كارهة حياتها على جالو …و على جالو حابة دير حاجة بروحها ….واش ذنبو هاه قوليلي …الدنيا تجارب ..مصاعب …صراعات ..لازم نتحداو كل موقف … و نجوزو نزيدو نصارعو مع مواقف وحدوخرا …أبدا جامي تخممي تهدمي روحك و تدي بروحك للتهلكة …و لي غلط فيك تخليه يكمل يعيش حياتو عادي ….حبيبتي لي دار بيك هدا كامل لازم يخلص …لازم يحس بواش دار …بصح مش بفعلتك هدي …باسكو حا يستشفى برك …لازم تكوني قوية …و لازم تبينيلو بلي مش بفعلتو حا يهدمك ….
الطفلة تبكي و ترجع شعرها لور ….و شهقاتها يتعالو ….
الطفلة :كون غير جيت نقدر نرمي روحي …😭😭كون غير جيت صح نقدرش نديرها …كون غير نقدر نسمع لي راهو يوسوسلي و يقولي ارمي روحك …عيييبيييت عيييييييييت 😭😭😭كون غير جا الانتحار حلال 😭😭😭منقدرشششس منقدرششش نكمل 😭😭😭عييييييييت عيييييت عيييييت. ….قلبي محروق …واش ذنبي انا ؟ واش ذنبي …واش ذنبي يخطبني ..يغتاصبني و دقيقة يروح و ميبانش كامل ….واش ذنبي عايلتي تتبرا مني ….خدعني و خدعووووني 😭😭😭كيفاش ندير هاااه كيفاش ندير ….نبقى نسوفري وحدي اااااااه ربي واش ندير ….واش نديرررررر ….نبقى ننتفرج ؟ عائلتي تبرات مني …لي كان خطيبي راح و إختفى …. و انا نبقى هكا كي المتشردة …..واش ندير …مشي نرمي روحي خير و نخليلهم حرڨة لي ڨلبهم كيما حرڨوني هوما …على الاقل يحسو و لو بشويا من واش راني نحس ….
(اسلام كي شاف الموقف هداك قرب شويا و بقى مخبي خلف حوايج لي كانو تماك و يحاول يسمع و لو شويا من هدرتها و في نفس الوقت يسرق نظرات ليهم …خايف يصرالهم كاش حاجة و رجال الإدارة مجمعين عند الباب يشوفو من بعيد برك و مستغربين )……كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 152🌚🌚:
حطت اية يدها على يد الطفلة تزير عليها بكل قوتها ….
اية : واش ذنب لي راه في كرشك …لي راه في كرشك وليدك …باباه يجي نهار يندم يرجع يبان …فانتي تبقاي خطيبتو …و اعرفي كل واحد دار حاجة يندم عليها و يطلب سماح بصح وقتها نتي تكوني تبدلتي و متحتاحي حتى واحد يطلب منك السماح …عايلتك لي تبرات منك بلا ما تفهم تحسبيهاش عائلة و تستناي ترجعي ليهم …حتى يجي نهار لي يعرفو بلي خسرو بنتهم على جال واحد رخيس ….الطفلة جامي مدولها حقها تعبر على واش صرالها و تدافع على روحها …كيفي كيفك كيف وحدوخرا صرالها شي كيما هدا …يحسبو بلي اغتصبت دارتها برضايتها و يحسبو لي حملت مباشرة بعد عملية الاغتصاب …كي شغل دارتها بيديها ….راكي تخدمي …كملي خدمتك …ارسمي مستقبلك بيديك ..تولدي وحدك و تكبري وليدك و لا بنتك وحدك واحد ما تحتاجيه يوقف معاك وقتها باسكو تولي خشينة و تعودتي صاي ….لازم تبيني المجتمع بلي نتي قوية ….والديك تخليهم يندمو ….و خطيبك يرجع …كوني متاكدة …وقتها ما تحتاحي لحتى واحد ….والديك تسامحيهم يتفهموك و يسامحوك هوما تاني على حاجة درتيهاش برضايتك …خطيبك يشوف بين يديك ثمرة تثبت بلي بيناتكم حاجة عظيمة …صح في الحرام …بصح كاين التوبة ليك ….و ليه بينو و بين ربي سبحانو ….كوني قوية و كافحي كلش …كوني مرا ب 10 رجال ..كوني مرا يولو يهدرو عليك كامل . كوني مثيلا للمراة القوية الصامدة حتى يفرج ربي سبحانو ….
الطفلة ببكاء مدمرة كامل :واش من خدمة بقاتلي ؟ تهدمت صاييييي …مشي قلتي لي دارو بيك هدا كامل ترفعي عليهم قضية …هاه وشمن خدمة بقاتلي …وشمن لذة حياة بقاتلي 😭😭😭نكافح على لي في كرشي برك 😭😭😭علاه علاه ….ني موجوعة نقدرش حتى ندير حاجة نقدرش ….منيششش متعودة …نقدرشششش 😭😭😭😭عييييييت عييبيت قلبي محروووق …..منقدرش 😭😭😭😭😭😭
…وقفت اية و طلعت فوق الصور …وقعدت واقفة و الطفلة تبكي تشوف فيها ….مدتلها يدها و تشوف ليها و اسلام تخللع يستنى برك وقتاه يخرج …و جدها عمومها تاني …راحت تجيبها معاها ….طلعت هي فوق الصور و كون يتوشيها كاش واحد طيح ….
اية :تقدريش تكافحي ياخي تقدريش ؟…..المكافحة تقدريش و باش ترمي روحك تقدري ……ادا عندك الشجاعة هاتي يدك و هيا انا لي حا نجي معاك ….باسكو انا تاني عيييييت انا تاني ملييييييييييت ( و بقات تعيط و الرجال كامل دخلو و اسلام قرب عندهم و يقول اية بلاكي ….)
دارت اية ليهم :اسكتوووو كامل واحد ما يهدر معايا ما نعرفكم ما تعرفوني …علاه ديرو بالعيباد هكا ؟ علاه المرأ عندهاش حق دافع على روحها ….علاه راني هنا انا دوك …علاه لي راهي معايا لحقت لهاد المرحلة ….اتهلاو في ولادكم و تهونوهمش ….راهم ولادكم و بناتكم علاه تجيبوهم لدنيا باش في لخر تخليوهم يعانو …و يذوقو مرار الدنيا (شافت الطفلة بعيون تاع سيريو )
اية :و نتي حابة تبداي صفحة جديدة و توريلهم كامل بلي نتي تقدري تكافحي تقدري ترجعي كلش …تقدري تزيدي تعيشي ….تهبطي معايا ….و ادا كيما كنتي تقولي تاع ماتقدريش …فادا كنتي صح حابة تموتي هاتي يدك و هيا راني معاك ….ادا كنتي صح تقدري تحطي رجليك و تطلعي كيما راني طالعة هكا ….و ترمي روحك فديريها ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 153🌚🌚:
اسلام :اية اية اييييية شبييكيي…اهبطي …مشي تواعدنا ….اهبطي اية علاه راكي ديري هكا …اية ديريها نتبع ….اية تروحي واش يصرالي ليا انا ….اية وشا تخرطي ….اية اهبطي ….
مشافتش فيه اية ….لقا يهدر و الكلمات بسيف باش يخرجو من فمو …و اية تشوف في طفلة تلح عليها …باش تشدها من يدها ….الطفلة كانت مترددة ….كانت ترجع شعرها لور ….و في نفس الوقت تشوف في اية تزيد تسمع لاسلام و تشوف لخزراتو لاية و كيفاش مقلق عليها ….
الطفلة رجعت بدات تبكي ….
الطفلة:شفتي …شوفي كيفاش عندك شكون يهتم بيك …انا والو …شوفي طلعتي لهنا تبعك و راهو يحلل فيك …اما انا ….انا واش !!😭😭😭😭😭صاي نطلعش ….حا نهبط صاي صاي 😭😭😭😭😭😭😭اهبطي ……
اية :راكي سور مش حا ديريها ؟ الطفلة و هي تبكي و تشوف لكرشها و تحرك راسها بنو :نقدرش نديرها علاجالو برك 😭😭😭كيما نتي تقدريش ديريها على جال هدا لي قدامنا خايف عليك 😭…..
ابتاسمت اية ابتسامة نصر ….قفزت من الصور هداك ….لي خلى الرجال كامل يرجعو تنهيدة ….و اسلام ركابيه فشلو و رجع تنهيدة كبيرة كثر من لي كانو يتفرجو كامل …..
شدت الطفلة من يديها و خلاتها تهبط و توقفها قدامها ….حضنتها بكل قواها …و خلاتها يهبطوها لتحت يديروها لسبيطار بعد ما شجعتها بلي مش حا يصرالها والو ….شاف في اسلام لقاتو متكي على الحيط في آخر الجيهة كامل فشلان ….و يشوف فيها بخزرات يتفهموش …راحت تقدم ليه بخطى هادئة و برجفة تمشي مخلوعة من واش صرا …..غير بدات تقرب عندو ..راح هو يمشي جيهتها ….
اية بابتسامة :قتلك تدخلش روحك …بصح بلاك تدخل تاعك هو لي جاب نتيجة و خلاها تتقنع بلي لازم تبقى و تجاهد على جال العزاز عليها ….
مخلاهاش تكمل هدرتها ….جبدها ليه حضنها …و بقا يشم في شعرها …و هي تاني مزيرة عليه تنحي الخلعة هديك ….و الجد من بعيد يشوف فيهم بعد ما هبطو العباد كامل هو بقى يشوف فيهم ..طاحتلو الدمعة من واش شاف ….حط يدو على قلبو يخفف على الوخزة هدي و خدا طريقو يهبط …
اسلام بصوت مبحوح و خايف عليها :تزيديش تخلعيني …حسبت صح حا ديريها …حسبت صح ثقة لي حطيتها فيك تروح …حسبت حا تروحي و تخليني نص الطريق ….قلت صاي مش حا توفي بوعدها ….تزيديش ديريها اية …قلبي حسيتو تحت رجليا ….
جبدت روحها عليه شويا و حطت يديها على وجهوو تمررهم على خدودو بخفة …و تشوف فيه بنظرات فرحة ..و تحاول تهدي من روعو ….
اية :علاه تخاف ؟ مشي قتلك جامي نخليك غير الموت تاع الصح لي تخليني نبطل …و ياخي قتلك جامي نلحق لدرجة الانتحار ….حمد الله …كنت نهدر معاها باش تفهم و نقنعها …باسكو كنت متاكدة بلي راسها صحيح و تعرف واش دير …كنت نقوللها هكاك باش تعرف واش معنتها إنتحار …و نخليها تشم بشاعة رائحة الفعل هداك …واش معنتها تشوف واحد ينتاحر و نتا واش رجعت كيفها ههه و هدا زعما تعرف علاه رحت عندها ….
حط يديه على خدودها هو تاني …و حط جبهتو على تاعها …
اسلام : و من الخلعة هديك شفت كامل الطفلة هديك ؟ و لا تفكرت علاه جيتي عندها ….كنت نستنى برك فيك وقتاه ترمي روحك و انا نبقى نتفرج ….
اية بابتسامة : هههه صاي خطرة هدي فاتت و خطرة جاية اعرف بلي هدي هي سر المهنة ….
اسلام :تزيديش ديريها أصلا ………..علاه تتمناي تعاود تصرا …
اية :هنووو قلت برك ههه ….
حط يدو على راسها و عاود عنقها …خطرة هدي حضن خفيف و حنين برك ….
اسلام :يجي نهار نرجعلك خلعة هدي …
مررت يديها على ظهرو بزربة ….اية :ههه صاار نفيقلك تخافش …صاي دوك تخليش راسك يخمم برك ياك هاني معاك و راني قدامك ما بيا والو ….و من وقتاه وليت تخاف عليا 😒…أيا نيش متعودة ههه صاي ….
اسلام :نكارة خير باسكو …..بلاك خوفي قبل كنت نعبر عليه بطريقة العنف و دوك علمتني وحدة كيفاش نتصرف زعما ….و خلات شويا من طرق لي نتعامل بيهم يتبدلو و لو بشويا ….
ضحكت اية بخفة ….:نستعرف بيها ههههه
اسلام :انا تاني …..
جبدت روحها عليه …و بقات تبتاسملو و هو غير يرجعلها شعرها لور و يشوف فيها ….قرب لخدها طبع عليها بوسة قوييييييية …و بعد شافها توترت …اسلام :في خاطر رجعتي بسلامة …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 154🌚🌚:
خرجو من سطح بعد مع راحو الأمن …و الباقي كان مجمع لتحت كامل ….لقات بلي الطفلة قبل ما يدوها استعرفت بلي هي لي رمات لتاست …غير شافوها معرفو واش يقولولها سورتو مع كي شافو اسلام مجمعها ليه بكل قوتو…لي كانو يكرهوها دخلت لقلبهم …و لي كانو يغيرو منها زادت شعلت فيهم ….كي كانو جايين يهبطو ….لقاو بابات ادهم مع الجماعة قاعد …
مد اسلام مفتاح تاع سكوتور لاية و طلب منها تخرج دير الكاسك يسقسي واش كاين و يتبعها ….
راحت كيما قاللها كانت تستنى فيه حتى لحق يجري بلخف …نحالها الكاسك لي في يدها …جا يديرو سقساتو …
اية :هيه اسلام واش جاب بابات ادهم …
اسلام :طلعت الطفلة خطيبة ادهم …
اية :تتمسخر …اسلام: و الله ماني نتمسخر هو قالي هكا …
اية :علاه خدعها علاه دارلها هكاك علاه يشوف في نسا وحدوخرين …
اسلام:هدي قصة طويلة و كنت سامع بيها بصح مكنتش علابالي بلي هدي هي الطفلة …
اية :هاه قولي واش كاين …
اسلام :هو انو ادهم كي كنا نقراو كان يعشق الطفلة هدي و محبتش تخرج معاه و لا تمشي معاه … و دار كلش علاجالها …بصح دخلو بيناتهم ناس و اتهموها بشرفها …و كي كبرو خطبها ….و ابهرنا كامل ….بصح دوك منعرف واش صرالو …بلاك كيما قالي باباه …العيباد لي دايرين بيه زادو عمرولو راسو و خلاوه يشك فيها …و فسخ الخطبة عندو شحال …و دار فعلتو منبعد ….
اية :لا حول و لا قوة الا بالله العلي العظيم …و دوك كيفاش
اسلام :باباه قال بلي راجع …و حا يعاود يخطبها و يتزوجو في اقرب وقت ….
اية :هفففففففففففففف علاه علاه 😟😟
دار يدو فوق يدها …اسلام :تقلقيش روحك ..يعشق فيها و مشي كي دار حوايج مش ملاح و تبدل و كان يشوف ليك معنتها صاي مهوش يحبها ….برك كان حاب ينتاقم بلاك منها …و هي تاني تحبو …يعني شويا وقت برك و يتصلح كلش …و نتي تقلقيش روحك نقولك تكسريش راسك بزاف على صوالح تاع العيباد
اية :ان شاء الله ….
ركب سكوتور قبل ما يديماري ….اسلام :ايوتة قربي نقولك ….
قربت عندو …اية :نعم …اسلام :مديلي رايك ..صحابي عرضوني لسهرة بيناتنا في البحر …يوم و نرجع نروح ولا نو ….
اية :ياا روح روح …اسلام :و مش حا يصرالك والو ؟
اية :هنوووو عادي …واش يصرا أصلا …
اسلام :اوك مالا نروح يوم برك و نرجع …
اية :اقعد شحال ما تحب ادا حبيت حتى تخلاص الإجازة …
اسلام :نقدرش …اية :علاه …اسلام :نتوحش شي عيباد …
سكتت و حست قلبها خبط …شافها من المرأية تسڨم زعما في الكاسك …ضحك و ديمارا ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 155🌚🌚:
راح اسلام للبحر قعد يومين …و اية يومين استغلتهم في تخطيط خطة تاعها …يومين كامل و هي تخرج تشري و ترجع مع سيرين يكملو خدمتهم ….
كانو يستقهواو بعد ما ناضو من القيلولة …حتى دخلت عليهم مامات سيرين …
ام سيرين :سيرين ..و اية حنا كامل رايحيين لدار خو جدكم ..(دار بابات ايمن ) …حابين تجيو ارواحو …صينو تبقاو وحدكم حتى يجي اسلام العشية …و حنا الغدوا بلاك نرجعو ….
شافت اية في سيرين باش تهدر هي …سيرين :نجيوش ماما مكانش واش نديرو ..روحو برك نتوما مهم ياخي يرجع اسلام و كاين شكون يقعد معانا في دار …
مامات سيرين :صحا …مالا العشاء مكانش شوفو واش ديرو تتعشاو …و ادا ملحقش اسلام بكري تتقلقوش …غير كيما عيط قال اليوم نرجع ..
سيرين :اوك ماما …اتهلاو في رواحكم ….
غير خرجت الام …شافت سيرين في اية … و ضحكو …
اية :يا ربييي كل ما يقرب الوقت كرشي تزير كثر …
سيرين :ادعي برك تكون ردة فعلو عادية…..
اية:هههههههه ان شاء الله ….هيا نكملو صوالح لخرين برك و منبعد نجيو نطيبو حاجة خفيفة و صاي …
سيرين :اييي على كرشي …خلي انا ندير العشا و نتي روحي كملي صوالح لي بقاو …هكا باش نخلصو في وقت واحد ….
اية :هههه صحا نروح لشمبرتي .. و كي يخرجو نكمل لي بقى ….
سيرين :😂😂😂اجري ….
….راحت اية طلعت لاشومبر تاعها ….تجبد صوالح لي شراتهم و لي خلاتهم باش تركبهم في لخر …خلات العايلة بلكل راحت …خرجت راحت سقمت صوالح لي بقاو …زادت حطت واش شرات فوق كوافوز لي فلاشومبر …رسمت ابتسامة خفيفة على وجهها …غلقت الباب …راحت وجدت قش تلبس ..راحت دوشت مشطت …و هبطت عند سيرين لي كانت فلكوزينة …
سيرين :ياااي خلصتي ؟
اية :ههههه وي روحي تشوفي …
سيرين :يحيييييييي ههههه دوك نروح زيدي للماكلة 5 دقائق عيشك خلطيها و شويا طفي عليها نروح نشوف و نغسل كامل و نرجع ….
اية :صحا روحي ……….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 156🌚🌚:
كي خلصت سيرين ….عاودت هبطت لقات اية توجد في طابلة باش يتعشاو …
سيرين :ياااا ايببببة قنبلة درتيييها يحاااي انا يدخل نهرب . نقدرش نواجهو….
اية :هههه خلي برك كرشي راهي تزغد كامل ..اقعدي نتعشاو ظاهر مزال ميلحقش …
سيرين :شهية راحت من الحماس ….
اية :اهوووووه سيرين تكمليليش ههههه ….اقعدي قتلك ناكلو….
قعدو يتعشاو و كرشهم تدغدغ و متحمسات …و يضحكو في نفس الوقت .. خلصو غسلو المواعن بلخف …راحو غسلو صلاو …وعاودو تلاقاو في الصالون ….كانو يهدرو و يضحكو …حتى يسمعو صوت الڨاراج تحل …يعني اسلام لحق …اية حست قلبها حا يخرج و احساس غريب خالجها كي عرفت بلي لحق بسلامة و رجع ليهم ….
شويا و يسمعو صوت الباب تحل و تغلق …….سيرين شادة الضحكة …و اية كثر منها ….دخل عليهم محروق كامل من الشميسة …شاف فيها الخزرة هديك لي يومين و هو يستنى يشوفها ….خرج كامل وحشو في الخزرة هديك و طمن عليها ….يومين برك حسهم عامين ….
اسلام بصوت مبحبح راسم ملامح سيريو على وجهو …
سيرين :عليكم سلام …
اية شادة روحها و هدرت بعد ما تلفتلها الهدرة بعد ما شافتو :عسلامة 😁
رفع حاجبو شاف فيها ابتاسم :عيشك …وين راهم دار صاي راحو ؟
سيرين :هيه راحو مقبيييل …
اية :يستناوك يعني ؟
اسلام :😑😑لازم برك تشركي في فمك و تخربي جدها …
ضحكت سيرين بخفة …و هو راح طلع يدوش …غير شافتو طلع …شافت في سيرين شادة كرشها …و يضحكو بلعقل …. و متحمسين لواش حا يصرا و في نفس الوقت خايفات …
لحق لشمبرتو …حط يدو على لباس يحل الباب و هوووب تشوكا من واش شاف …..دخل و معقلش لاشومبر تاعو …بقى يجول فيها حط ساكودو تاع القش تاعو …و قدم فوق لاكوافوز لقا فيها بواطة فيها ساعة تشبه الساعة لي كسرتها سيرين الخطرة هديك ….و بقا يشوف في الحيوط ….و الستائر كلش تبدل …..حس بروحو مش في شومبرتو ….راح لاتابل دونوي …لقى كادر صغير …فيه فوطو لي دارها فونديكرو لتم …يدور راسو هكا و يزيد هكا ….و يضربها بعيطة……
اسلام :اييييييييييييييييييييية ……كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 157🌚🌚:
Flash back
اية :اقعد شحال ما تحب ادا حبيت حتى تخلاص الإجازة …
اسلام :نقدرش …اية :علاه …اسلام :نتوحش شي عيباد …
سكتت و حست قلبها خبط …شافها من المرأية تسڨم زعما في الكاسك …ضحك و ديمارا ….
…كي لحقو لدار …راحت اية و سيرين تعاونو وجدولو شويا ماكلة ….و منبعد طلعو لاشومبر تاع سيرين قعدو مع بعضاهم ….
اية :سيرييين اسمعي …عندي شحال نستنى في الفرصة تجيني باش نفذ خطة لي في راسي
سيرين :بلعقل برك ..حسبتي انا عقلي يطير كيف تاعك فهميني بلعقل …واش هي الخطة
اية :شوفي سيرين …حابة نبدل ديكور لاشومبر تاع اسلام
سيرين :علاه ؟ يقتلك ا طفلة تعرفي واش راكي تقولي اتفكري برك نهار كسرتلو ساعة و لاكواريوم هديك
اية :هيه هديك وقتها اما دوك نو …عيشك سيرين تعاونيني برك نتي مندخلكش انا لي نتحمل واش حا يدير منبعد ….شوفي قلت نشري هدوك لي يلصقو في الخيط كي شغل صبغة بصح نشريه في الابيض و سامبل باسكو نقدرش نعاود الصبغة باسكو مش حا تجف في الوقت المناسب …زيد هكاك كي يكون كاغط هداك ادا دار ردة فعل كبيرة نحيه ….زيد نبدلو ليريدو و ليدرا تاع سرير تاعو …يا بنتي كلش تاعو في الاسود ..لي يدخل لتم يحس روحو مكتئب …تعاونيني برك نلصقو صوالح و نسيقو لاشومبر …انا ندير كلش برك ننتي ادا حتجتك و تعسيلي في العائلة الكريمة بلاك تشوفنا عيشك ….
سيرين :ياااااا ماااااميييييي من وين خرج هدا كامل ..رانا شحال فدار و كل واحد شحال عندو من عام و جامي تجرا واحد منا يديرها ….و لا حتى يجرب يديرها ….و نتي حابة ديريها …تعرفي ياخي بلي هديك شومبر تاع اسلام مش تمسخير …
اية:هيه راكي قلتيها نتي …نتوما تجراتوش …بصح انا اية نتجرا و نديرها ….عادي أصلا اسلام هيه منبعد ؟ علاه هو مشي عبد و لا ؟ صح متجيش نديرها بلا ما ناخذ اذنو …بصح ادا قلتلو جامي يقبل …تسما لازم نديرو تحت الامر الواقع 😁😁😁
سيرين :يحااي ديري لي تحبيه و حا نعاونك بلي نقدر عليه …بصح دخلينيش هاني قتلك ….
اية :ياااا صحيتي …و شوفي دومونتيت ساعة تشبه لهاديك لي تكسرتلك كي دخلتي لاشومبر تاعها دومونديتها يجيبوهالي لدار 😁😁😁….
سيرين :و الله شوكيتيني ….هدرة تلفتلي …صحا اية علاه هدا كامل …علاه راكي مهتمة بيه هكا كامل .. مشي كنتي تكرهيه …
اية:شكون قالك كنت نكرهو ؟ جامي نكره عبد انا و الله …مهما واش يدير يبقى عبد و مكانش علاه نكرهو …زيد اسلام كنت كي شغل نحملوش على واش كان يدير…اما جامي كرهتوا ….
قاطعتها سيرين :كنتيش تحبيه و مكنتيش تكرهيه …بصح دوك وليتي تحبييه يعمريييي اهدري كيما تحبي .. حسبتوني طفل صغير و لا ….هو تبدل و نتي تبدلتي …معامتلو تبدلت معاك و معاملتك تبدلت معاه ….و زيد شوفي لواش راكي تخممي ديري . حاجة واحد ما خمم يديرها ….
اية بتوتر :بيانسور نحبو …علاه منحبوش ا ربي و شي لي نخمم فيه لمصلحتو برك 😁😁😁يعني ….
سيرين :ترررررر ياربيييي بربييييييييييي فهمتي يااه بربي نيش طفلة صغيرة ….
جبدت سيرين تلفون تاعها دارت غنية …و بدات تقفز و تشطح
سيرين بتمسخير تحوس تشوف ادا تتقلق و لا نو باش تتاكد …
سيرين :احاي يويويويوي خويا و مينوشة تاعو طاحو على ريسانهم …يويويوييوبووييييي 😂😂😂😂😂😂😂
اية مقلقة …:هففففف سيرييييين واش جاب لجاب. …يعني انا تعرفيني هكا مع العيباد كامل …زيد مكانش حاجة تخليك تحسبيها حاجة وحدوخرا …يعني عادي …علاه تتوسوسي في باطل ….
سيرين بحركة مستفزة:يا قيييييييييو يويويويويويوي قريب نولي عمة يويويويوي
جبدت المخدة رماتها عليها و جات تخرج وجهها ولى حومر ….
شدتها سيرين من يدها تضحك ….سيرين :ارجعي تسمطيهاش …علاه تقلقتي هاه علاه خدودك حمارو 😁..هاه صاي كنت نتمسخر برك تعرفيني خطرات منعرف واش يصرالي ….زيد درت هكا باش نحي على قلبي برك …اقعدي صاي حا نعاونك …😁بلي نقدر عليه ….
…..يومين كاملين وهوما غير يخلصو شغل دار و يروحو لخرين يديرو قيلولة …يدخلو يلصقو في الورق هداك لي كان ابيض ….سيقوها كامل …و بدلولو كلش ….(كلش طلباتو وصلوهالها حتى الباب … و لي يسقسيها تقول ليها ) كانت تجمع في شومبرتها و تخرج بلعقل كي يدخلو لحجورهم كامل ….و في اللحظات الاخيرة زادت المسات الاخيرة برك ….

END FLASH BACK……كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 158🌚🌚:
هبط من دروج يجري …و سيرين هربت تخبات في الكوزينة …و اية قاعدة فوق الفوتاي شادة لمخدة لصدرها تكتم ضحكتها …و في نفس الوقت متوترة من العيطة هديك …غير لحق لايتاج تحتاني …دخل لصالون لقاها بهذيك بوزيسيو …ضامة رجليها لصدرها و شادة المخدة ليها عينيها برك لي بانو …حبس بلاصتو و بقى يشوف فيها و هي تشوف فيه …
اية بصوت كيوت كي شغل مادارت والو :انعم 😁واش كاين سمسومة
ابتاسم ابتسامة رغم شوك تاعو من واش دارت …و راح بزربة ليها …شدها من رجلها و يجبد فيها و هي تضحك ….
اسلام :تحشمييييش حسبتي منفيقش نتي يا مصيبة واش درتي ….بدلتي كلش علاه ….
كانت متشبكة بلفوتاي رجليها بين يديه يجبد و هي تجبد تشد في الفوتاي و تضحك …حتى مقدرتش تهدر ….هكاك و تخرج سيرين من الكوزينة و تسللت لباب الصالون تشوف فيهم …
اسلام : و الله غير تخلصيها ….
كان يجبد فيها و يضحك و هي تضحك كثر و غير تشد روحها كثر ….
اسلام :زعما نقدرلكش ولى ….زير على رجليها و جبدها بكل قوتو حتى ولات في الارض …بدا يضرب فيها ضربات خفيفة بالمخدة و خربلها كامل شعرها …..
اسلام :ضربتيني في نقطة الضعف …تعرفي نقدرش نضربك و درتيها واش نديرلك دوك ؟ علاه درتي هكاك فهمي جدي ….
يهدر زعما عاقد حواجبو مقلق بصح الابتسامة لي كان شادها كشفاتو ….
شافت فيه زعما تتمسكن ….اية :هاه درت والو قلت زعما تقولي ميرسي …بدلت برك الالوان هدوك لي يخلو العبد يدخل في دوامة اكتئاب 😌😌😌😑….حسبت تفرح و زعما وجدتلك مفاجأة شابة …و تقولي ميرسي و نتا جيت تعرشششش….
طلع الضحكة هديك بخفة ….و عاود شاف فيها سيريو ….
اسلام : و الله سيريو اية دوك…علاه درتي هكاك تعرفي نحبش صوالح هدو …مش كي …
مجاش يكمل حتى لاحظ بلي تشوف فيه تاع اسكت و شوف لور …شاف لقى سيرين تضحك عليهم ….فاق لروحو و شد هدرتو ليه ….
مدلها يدو نوضها من الارض ….اسلام :نروح ندوش ديريلي نتعشى …و منبعد نتافهم مع جد راسك ……
اية :على عيوني و راسي أبن عمي ….قالتها بصوت مستفز و تضحك ….
شاف فيها تاع تتمسخري بيا …جا يضربها بالمخدة هربت منو تضحك و راحت للكوزينة و فمها قريب يتبرا منها من شدة الضحك ….
تبعتها سيرين …..سيرين:يويويويويويبييي نقولك حاجة نروح نرقد …و تزيدي تقوليلي وليد عمي نخرجلك عينيك يا قيييييو يويويويوي باااااييييييي
راح سيرين تجري طلعت دروج و خلاتها هكاك مشوكية منها و خلاتلها حجرة فصباط و طلعت …سيرين كان احساس تاعها يتفهمش …تشوف في خوها لي تبدل 360 درجة …و هي عندها شحال تتمنى تشوفو هكاك …صح مكانش مليح معاها …اما يبقى خوها …سندها ….و من دمها و لحمها ..و تبقى كبدة الاخت لخوها دايمن تتحرك كيما تاع الام ……..
وجدتلو العشا و هو دوش رابيد لبس صلى كيما علمتلو …و هبط يجري ….دخل للكوزينة لقاها ضافية …بدا يعيط باسمها …اسلام :ايية اييييية ارواحي ….
كانت في الدوش سمعتلو …خرجت هكاك مبللة …وقفت عند دروج و تهدر …
اية:واششششش ….اسلام :اهبطي نستحقك في حاجة …
اية ::اصبر شويا نجي ….
اسلام :تزيدي كثر من 5 دقائق نجيك ….
خلاتو يهدر راحت كملت غسلت …مسحت …غلقت الباب تاع دوش …و هبطت تجري بوجه سيريو علابالها دوك وحدهم تسما يعرش كيما يحب …
دخلت لكوزينة لقاتو قريب يخلص الماكلة …غير حس بلي دخلت شاف فيها بخزرة متتفهمش ….
اية :انعم …اسلام :اقعدي بلاكي تروحي نخلص نهدر معاك …
اية :اوك ….وقفت مسندة عند البوتاجي …تستنى فيه يخلص و هو ياكل و ميشوفش فيها باش يخلص رابيد ….شرب الماء …و دا يغسل بواش كلا …

اية :خلي انا نغسلهم …مدارش عليها …و غسلهم …مسح يديه …راح قدم ليها شدها من يدها زير عليها ….و خرج من الكوزينة يمشي بيها بعد ما طفى الضوء …
طلعو الدروج مع بعضاهم …و هي غير ساكتة …لحقو لشمبرتو …حل الباب دخلها معاه و غلقو وراه ….
نحا يدو على يدها ..و ربع يديه ….و يشوف في لاشومبر منبعد يشوف ليها …بنظرات تاع سيريو و هي تاني ملامح تاعها رجعتهم تاع سيريو ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 159🌚🌚:
اسلام :هيه ا لالة فهميني علاه درتي هكا …تعرفي من شدة شوك نقدرش نقول حتى حاجة و لا حتى نخمم علاه درتي هكا … و لا حتى القوة باش نعيط …
حطت عينيها تشجعت تهدر …عاودت طلعت راسها و ثبتت عينيها على عينيه ….
اية :اسلام …أولا نطلب منك السماح باسكو درت حاجة بلا ما ناخذ اذنك …و عندك الحق تقول ضحكت معاها خطرة حسبت روحها حاجة كبيرة …اما و الله مشي حاجة اخرى لي نقصد نديرها ….انا مخديتش الاذن منك باسكو علابالي جامي تقبل تخليني نديرها ….(شافت في لاشومبر عاودت شافت فيه ) يعني انا هكا نشوفها تزرع الامل و التفاؤل في العبد …مش كيما كانت قبيل …كي ندخل ليها كي شغل رايحة للموت ….واحد الخوف يخالج العبد كي يدخل لاشومبر هدي قبل وحدو …يعني منعرف كلش اسود …كلش مظلم …زيد مع الحوايج لي كنت مدايرهم …تخلي روحك دور برك في دوامة تاع ذكريات …تخمام …اكتئاب …و غير صوالح لي مش ملاح ….ياخي قلنا صفحة جديدة ….يعني من الافضل هكا …منروحوش لصوالح بعاد و نخليو البلاصة لي ندورو فيها توجور مظلمة …و نخلوها كيما كانت …منعرف انا هذا رايي …و ادا مش عاجبك الحال و لا زعفان مقلق …تقدر تنحي كلش …و نرجعلك كلش كيما كان …اي مبدلتش الصبغة هدا كاغط لي يلصق برك …و الستائر و السرير تاعك شريت كلش جديد …ادا مش حاب تستعملهم نستعملهم انا ….بصح يا ريييت كون تخلي كلش هكا …و لو لمدة سمانة برك …منبعد نحي كلش …تشوف برك الاختلاف لي حا يصرا …و نزيد نقولك اسمحلي باسكو مخديتش الاذن منك …بصح هاني قتلك علاه درت كيمنهك …😁علابالي مكان مدخلني باش ندير حاجة كيما هدي اما وعدتك … و هدا داخل ضمن الوعد …يعني مش كي قتلك نوقف معاك …يعني نوقف معاك بالكلام برك ..و لا نبقى نعاودلك برك القصة ….نحاولو نديرو صوالح تغير من مورال تاني كيما هدو صوالح …
بقى اسلام يشوف فيها برك كيفاه تهدر كيما العادة تهدر تهدر تقول كلش و متخليلو والو باش يقولو …
اسلام :يا ابن عمي شحال تهدري ..سقسيتك برك صاي درتيها درتيها ….واش ندير أصلا رايك درتيه …و كي كان تخمامك هكا فيعطيك الصحة ….بصح ني حاب نعرف برك هدرتك من وين تجيبيها ….غير تهدري تقنعي الواحد …من وين تجي الهدرة هديك كامل …(زاد قرب عندها ) و من وين تجيك الجراة في كل خطرة تردي عليا الهدرة و تقنعيني …و كيفاه تقدري تثبتي عيونك على تاعي بلا ما تترددي …من وين تجيك شجاعة هدي كامل برك حاب نفهم …تعرفي بلي شحال في عمري …28 سنة و جامي تجرا واحد دار لي درتي كامل نتي …كلهم يكرهو خليقتي و كلهم يخافوني ….واحد ما يهدر معايا و ما ادراك يدخل لشمبرتي ….من وين ؟ هاه من وين هادا كامل .. نعرف طبيبة نفسانية …اما رحت لطبيب نفساني و مكانش هكا …فوق خدمتو يزيدش …..
حطت عينيها …تشجعت و عاودت طلعتهم تشوف فيه بملامح بريييئة : نهدر باش نفهمك و متفهمنيش غالط و لا تحسب ندير هكا باش نسوء ليك …و لا نخدعك في نص الطريق …و الجراة مشي جريئة حاجة تاع لازم نهدر برك …و نتا لي رجعتني جريئة كيمنهك …قبيل مكنتش هكا …فالازمة تلد الهمة ….صح كنت نخاف منك و نخاف حتى من صوتك و نكره نسمع حتى اسمك في دار يدور تالمو تخلع …بصح حاجة لداخل كانت تدفعني باش نستفزك و نقدر نرجع علليك الهدرة …كيما دير نتا …و الهدرة تجي منا (حطت يدها على قلبها ) هدرتي كامل تخرج من قلبي ….مش معنتها كي لي فدار كامل يخافوك و يقدروش يهدرو معاك كيما لازم …معنتها انا تاني نكون كيفهم …قتلك كنت كيفهم ..بصح دودة لي داخلي خلاتنيش ….من عيونك اسلام تبان بلي عندك 1000 حكاية و حكاية …و حاجة تاع طبيبة نفسانية صح طبيبة و الحمد الله …بصح انا تاني الحاجة لي نديرها مع المرضى تاعي و معاك مش كيف كيف …المريض مريض …اما انتا في بالي مش مريض …ياخي مش كي قتلك نوقف معاك تفهمها بلي نتا مريض و انا طبيبة …هنووو ….مشي هكاك …انا جامي حسبتك مريض و جامي نحسبك مريض …فوق كللللشيييي تبقى وليد عمي …من دمي و لحمي …و بلاك نقولو انتا اقرب واحد لازم نوقف معاه ….وقفت معاك باسكو وقفت معايا بطريقة نتا ما فقتش بلي كنت تساند فيا …صح كنت تضرب و تعرف واش ….اما في الاونة الاخيرة …كون جيت كبير و منعرف …كون وليت نعيطلك بابا …تعرف واش معنتها واحد يقولك بابا ؟ ….حسيت روحي صح عندي سند نسد عليه …و الشجاعة و الجراة لي راهم فيا دوك نتا سبة تاعهم …..متزيدش هدي تاع كنت عند طبيب نفساني بصح مش هكا …هداك كيما قلت طبيب نفساني …اما دوك راك مع اية …اية طفلة بسيطة …جربت مرارة الحياة كيما جربتها انت …اية طفلة بسيطة كانت غارقة في كابوس الذكريات …منبعد قدرت تتغلب على الكوابيس و لو بشويا …نحسبك وليد عمي فوق كلشي و مش مريض افهمها هدي ….و كيما راك واقف معايا نوقف معاك …بلاك نتا متعرفش بلي حضن بابا جامي استمتعت بيه …بصح حنان هداك لقيتو في حضنك …و تاع نقول لواحد اشريلي هكا و اشريلي هكا جامي جربت بنتها حتى جربتها معاك …و تاع يدللني واحد تاني كيف كيف….ههههه فهمت دوك علاه ….فهمت دوك علاه ندير هكا ….وعدتك و ها انا اوفي بوعدي …. و لو بشويا من لي نقدر عليه …فنترجاك عيشك خلي لاشومبر هكا 😁😁عيشك سمسومة …
اسلام ملقى واش يهدر ….حس الكلمات راحولو ….قرر يتشجع كيما تشجعت و يرجع الصاع صاعين ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 160🌚🌚:
اسلام :ااممممم صحا اسمعي واش نقولك انا تاني …تعرفي واش معنتها تولي تهدر و تضحك مع العيباد و لا نو …تعرفي واش معنتها تولي تعرف تصلي و لا نن …تعرفي واش معنتها تولي تحس بالمسؤولية و عندك قيمة في الحياة و عندك اهداف …كنت نعيش برك باش نعيش …كنت نخدم غير باش نخدم …بلاك باسكو ربي كتب تجي نتي و تبدلي كلش .. حياتي كامل و انا نستنى في اليوم لي نعاود نسترجع كلش و معرفتش واش ندير ….جيتي ..بدلتي كلش …تروحي و لا تروحيش نعرفش …و هدا الموضوع لي منحبش نهدر فيه كامل …و انا منيش نشوف في روحي نديرلك في حاجة مليحة …منعرف …كل واحد و واش يشوف …الحاجة لي علابالي بيها …بلي بلاصتك وحدها …و كون نعاود حياتي كامل و نحوس على وحدة كيفك جامي نلقى …شكون قال يجي نهار نحكي سري لكاش وحدة و تشدو هكا … و شكون هدي ؟ هدي اية بحد ذاتها …شكون قال بلي اية و اسلام يجي نهار يتفاهمو ….المدة هدي نتمنى طول . و نتمنى نبقاو هكا و لو كل واحد ساكت و مخبي صوالح … و خايف من نهار لي يتفجرو القنابل و كل واحد في طريقو …حياتي كامل راحت في هداك شي ….(حك شعرو بلخف و كمل يشوف فيها بنظرات تاسف و هي قلبها يوجع على واش يقول) تسما كي قلتي نحلو صفحة هاه حليناها …بصح حاجة ما دوم …و الماضي جامي يتمحى …و كيما قلتي نتي كاين صوالح تسامح و متنساش ….خلينا كيمنهك مالا ….كيما قلتي نتي . انا نحسبها وقفتي معايا كابنة عمي و مشي طبيبة …و نتي ديري في بالك تاني راني معاك وقت لي تحبيه …و اعتابرتك صغيرتي صح من قلبي مش باش نكفر عن ذنبي …باسكو ديري في بالك وجهة نظري كامل بدلتيها و الله ….قلتي انسى كلش …درت روحي نسيت و راني ندير في روحي ننسى …كي يجي نهار لي تحبي تخرجي كلش .. وقتها نكون مجبر نواجه …بصح ديري في بالك مهما واش صرا …و مهما واش حا يصرا …تبقاي اية مينوشة و صغيرة هديك لي بدلتلي حياتي كامل …في كل وقت حاضر …و مهما واش يفرقنا …عزتك تبقى هي هي …و تنسايش بلي ندمت و تبدلت ….
حطت اية راسها شادة دمعة …الغصة تاع دموع خنقتها …كل ما يقولو صاي يولو لنفس النقطة ….
شافت فيه بابتسامة موجووووعة و هدرت بصوت مخنوق …
اية :مشي قلنا الوقت يداوي و ينسي خلي مع الايام نشوفو ….💔….
حط يدو على راسها …مررو على شعرها بلخف …و يتصور هداك نهار لي يجي و تفرغ واش راهي مخبية كيفاش يتصرف …جبدها ليه بلخف …حضنها بلخف. ….
اسلام :جزاك الله الف خير يا اعف امراة عرفتها في حياتي …
بقات ساكتة شادة الغصة هديك …منبعد هدرت
اية : قطعتا ثلج لوثتا ببشاعة الاغتصاب و التحرش …هما انا و انت …
غير سمع واش قالت حس كي شغل كهرباء في قلبو …زير عليها بكل قوتو بيد وحدة و غمض عينيه بكل قوتو غير باش ميشوفش فيها ….
بعدت عليه شويا …مشي قادرة تكمل حابة تقعد وحدها و ادا طاحو دموع يطيحو و هي وحدها …
اية :انا نروح اسلام …منبعد ان شاء الله نهدرو …بونوي
اسلام مكانش واش يقول …:اية اوعديني ترقدي ديراكت مشي تبقاي تخممي و لا تبكي …
رجفو شواربها رجفة خفيفة جات تهدر شدها من يدها عاود قربها ليه ….
اسلام : و الله و كون عرفت بلي الرجفة هدي تجي بسبتي كون قتلت روحي صافي شحال ….
اية دور في راسها :نوووو مشي بسبتك اسكت نتا تاني مشي كل حاجة تقولي نقتل روحي علاه علاه …(بصوت مخنوق ) ….
نقص من الطول تاعو و عنقها ليه …منبعد بعد عليها شويا …
اية :عيانة برك …نرقد منبعد نهدرو و الله …تصبح على خير
اسلام :و انت من اهل الخير يا ام العيون الكستنائية …
رسمت ابتسامة صغيرة و خرجت لشمبرتها ….شادة في روحها …
غلقت الباب بالمفتاح …قعدت فوق سريرها منبعد تسطحت شادة المخدة عندها لصدرها ضامتها ….غمضت عينيها تحاول تخممش في حاجة مش مليحة …باسكو والفت و الولف صعيب …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 161🌚🌚:
جازو يامات …لي كان في فاكونص رجع يقرا ..و لي كان في اجازة رجع يخدم …سيرين رجعت للجامعة تقرا …تخرج صباح مع اية و اسلام و ترجع معاهم العشية …ايمن تاني رجع شد خدمتو …مروان و لا خبر عليه بعد الحدث الاخير ….و اية ولات عندها بلاصة في السبيطار ولاو يحتارموها الكل …و نقصت من الضحكة لي تضحكها معاهم كيما وصاها اسلام …ولاو كي يدخلو من الباب يدخلو بنفس الملامح تاع سيريو و بنفس الخطى ….و عرفت تاني بلي حبيبة ادم هي سهى …
….في الفيلا عند طاولة العشاء بعدما تجمعو كامل …
كانو يتعشاو …النص فيهم عيان من الخدمة و القراية ….جبد الجد نفس بطريقة تقلق …و رجع الزفير بكل قوتو ….حط المغرف لي كان شادها ….
الجد :العشية نسحقكم كامل بعد العشاء في صالون …قلت كامل يعني كامل مش تقولولي عييت نرقد ….
الجدة :علاه غير الخير ….
الجد:كون جيت نقول دوك علاه نقوللكم نجتامعو مالا ..
سكتت الجدة بعد ما قصفها قدامهم وء سيرين اسلام و اية يسبتاسمو عليهم في زوج ….
اسلام :اوك جدي صحا مكاش مشكل ان شاء الله برك خير ….
…..خلاصو العشاء …تعاونت سيرين اية و مرت فؤاد جمعو طابلة و غسلو المواعن ….بعد ما غسلو و صلاو …بداو يجتامعو بلواحد للصالون …غير يدخل واحد يزيد لخر …..و كامل متحمسين يعرفو واش حا يصرا …و واش حا يقولللهم الجد …و واش هاد الامر لي خلاه يجمعهم كامل باش يهدر عليه معاهم ….
تجمعو كامل …كل واحد شد بلاصتو …اية شدت بلاصة بحذا سيرين … و كي لحق اسلام رمى روحه بحذاها قعد و سطح يدو على للفوتاي مورا ظهرها ….و قعد بهديك بوزيسيو دوخها بريحتو و بقى يسرق خزرات ليها كي كانت تهدر مع سيرين ….و بقاو يستناو وقتاه يدخل عليهم الجد …
هكاك كل واحد فواش يهدر …غير شافوه دخل …سكتو كامل ….شد بلاصتو بحذا ولادو …في وسطهم …بقاو ساكتين كامل يستناو يهدر هو … و اية خطرة على خطرة تشوف في اسلام تبتاسملو …كي شغل تتونس بيه و تنحي سترارس هداك بخزرة من عيونو …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 162🌚🌚:
الجد :أولا ….ادهم حا يتزوج و راكم معروضين للعرس بعد يومين …
الجدة :كلشي مبروك عليه ….
شافت اية في اسلام مبتاسمة و هو تاني رجعلها الابتسامة ..تفكرت ديراكت الطفلة هديك و فرحتلها مام علابالها بلي حاجة صعيبة و حا يعانيو في البداية مي علابالها بلي الوقت ينسي و يداوي ….
الجد :هيه …المهم …مشي على هدا لي جمعتكم …جمعتكم على جال طلب خويا ….(بابات ايمن ) …
حبس هدرتو خرجلهم قلبهم كيما لازم …باش كمل هدر ….
الجد :خويا طلب يد اية باش يخطبها لايمن وليدو …و هدا طلب منو بطبع ….
كان يهدر و يشوف في اية و اسلام و معقد حواجبو ….
اسلام كان فاتح فمو يبتاسم لاية غير سمع واش قالو تلاشت الضحكة ….و الدم طلعلو للراس و بقا مزير على يدو ….و مشافش في اية ….
اما اية حست رجليها فشلو …..جامي جربت واش معنتها يخطب واحد و هي فهديك الحالة مشي فاهمة روحها أصلا ….
الجدة ابتاسمت …و قريب طير من بلاصتها …و سيرين تشوف برك في اية و اسلام لي ملامح وجههم تبدلو و حست كرشها تجري من الخلعة و خايفة على اسلام كون يدير حاجة …و خايفة كون اية تقدرش تقول حاجة …
اما الآخرين فجاتهم عادي …..
الجدة :يويويويويي على بنتي كبرت و جاو يطلبو يدها يخطبوها ….
اية حست روحها النفس راحلها جبدت النفس بسيف و دارت صوت كي رجعت الزفير …و بقات شاعلة عينيها و زعما رسمت ابتسامة على وجهها ….
فؤاد :انا معندي منقول الراجل مشاء الله عليه …
بابات اسلام :و انا كيف كيف …راجل و فحل تاني و جامي خلانا وقت ضيق تاعنا …اما بابا القرار النهائي يبقى لاية…..
الجدة :اي ادا راكم قابلين نتوما هداك هو صح …الباقي عليا و على نسا ولادي نقنعو اية تاعنا ….و كاين وحدة تقبلش بايمن ؟ جا حتى الباب يخطب و حنا نقولو لا ! عار هدا كون تقبلش أصلا اية نعرفها بلي دير على خاطرة جدة تاعها و تحبها و نحبش تكسرلها الكلمة ياخي اية ….
اية معرفت واش تقول …حابة تخرج تهرب من الموقف لي تحطت فيه …تحس راسها حا يطرطق من الحشمة و راسها باش ترفعو تشوف في اسلام مقدرتش ترفعو ….بقات غير تجبد في النفس و ترجع الزفير ….و تبتاسم ابتسامة سامطة الجدة لي خلاتها تتمنى تروح تهجم عليها تخنڨها ….
الجد :عندكم يومين ترجعولي الخبر …نهار عرس ادهم نرجعولو الخبر …و اية القرار قراراك حابة قولي ايه مشي حابة تتاثريش بهدرة النسا ….بصح مشي تقولي نو منبعد تندمي …الهدرة هدرة وحدة برك ….
ناض الجد من بلاصتو بعد ما خلص هدرتو …و شويا تبعوه ولادو ….
و دارو على اية (الجدة ..مرت فؤاد و مامات اسلام )
مامات اسلام :اية خممي مليح …بلاك معندكش بزاف ملي تعرفيه بصح و الله لا تمنيت كون يطلب بنتي …و هاه طلب يدك نتي …و الله جوهرة الراجل هداك ….
مرت فؤاد :هيه و الله زيد هدا وقت تتخطبي كون يفوتك القطار تلقاي روحك بايرة …
الجدة :بلا جدك تقبلي ….راجل فحل بنبون مكانش كامل واش تقولي عليه ….و ادا راكي تستناي في حبيب القلب ادا عندك غير قوليلو يشد بلاصتو …كون جا يحبك كون خطب شحال ….هاه ابنتي راه حاب يخطب يخطببب …يااا عمري على الكبدة تاعي …العقوبة نفرحو لاسلام هكا …وقت يقرر هو تاني …..
اسلام ناض من بلاصتو …حس روحو كون يزيد شويا يطرطق عليهم …و حس روحو مش بنادم قدامهم …مشي لي دارو كامل باش يحميها و يخليها ليه يجي واحد برمشة عين يديها عليه …..غير خرج تبعاتو اية بعينيها معرفتش واش الاحساس هداك لداخل ..لي يوجع في القلب ….هكاك و تتبعو سيرين ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 163🌚🌚:
راحت سيرين تجري تلحقو …لقاتو في تيراس يتكيف ….راحت ليه مترددة …شافها كمل يتكيف ….
اسلام :واش بيك واش جابك نتي تاني . .
سيرين :مممم جيت نقولك حاجة برك بلاك تفيدك و نروح علابالي تحبش تشوف خليقتي بصح خطرة هدي بلاك تستفاد من واش حا نقولك ….
كمل يتكيف و هي سندت على صور هداك وين مسند هو ….
سيرين :اسلام …رغم كلش تبقى خويا …و من هدرتك و لا افعالك نفهم و لو شويا بواش بيك …صح قبل مكنتش نهدر معاك و نتناقش معاك اما دوك لحق الوقت لي لازم نتدخل فيك و نمد رايي و لو بشويا …اسلام اية مشي لايمن …اسلام اية ملازمش تكون لايمن …اية كرهت جنس رجال تعرف و لا نو …اسلام ..اية لي جامي تتاثر من راجل ..اسلام لي جامي تهدر على راجل و تهمتهم بيهم ولات تهتم بيك ….اسلام اية مهيش لايمن …وقت لي كنت تسهر عليها و تعيط عليها لمصلحتها هو مكانش هنا كان في الخراج يستمتع باجازة تاعو ….و انت لي مخليتهاش في الاوقات الصعيبة في الآونة الاخيرة مش هو …هي من حقك نتا …و مش من حقو هو …بلاك اسلام بلاااااك و تخليها ….هي تحب حتى واحد هدي ديرها في بالك …الوحيد لي حساتو قريب ليها هو انت ….بلاك من جدة ماما و طاطا (مرة فؤاد ) عندهم هدرة كي شغل حمض نووي …يقدرو يلعبولها على الاحاسيس تاعها و تراف عليهم و تقبل ….تعرفها حنينة ة تخممش في روحها مهم تشوف غيرها فرحان …حبيت برك نعاونك بلمعلومة صغيرة هدي …بلي المرأ لي كانت عندها عقدة من رجال …ولات تهتم لامر واحد …و لي هو خويا …و لي هو انت اسلام …نعرفك قدها …تخليش ايمن يديهالك بين يديك ….اسلام علابالي مشي هدرة تهدرها اخت لخوها .. سورتو نتا تحبش صوالح هدو …اما ادا مدرتش معاك انا واحد ميهدر معاك …هدا هو الوقت اسلام …فيق لروحك …
اسلام كان مثبت عينيه على عينين سيرين لي كانت تهدرلو و يشوف فيها بكل تمعن و يسمع لكل كلمة قالتها بشغف …..
اسلام :و هي تقدرش تقول نو …اي الراي رايها في للخر انا نقدر ندير والو
سيرين :ياااا ربيييي اسلام ربي يهديك واشمن راي رايها …نيي نقولك راكم مش فايقين لرواحكم …و هي ادا مدرتش نتا حركة هي تديرش واش بيك اسلام ….في الاخير تعرفها بلاك خير مني ….مام قالت نو ..لازم واحد يوقف معاها باش تقول نووو هديك ….المهم راهي بين يديك …و انا نقولك واحد ماهو في قلبها …و اول واحد تعلقت بيه هكا هو نتا …و نتا تاني جامي شفتك تتصرف هكا حتى جات هي عندنا …اسلام كاين صوالح نتا علابالك بيهم و انا علابالي ….تسما فيق لروحك قبل فواات الاوان خير …..
اسلام مزير على يديه :علابالي ….
سيرين :واش علابالك ….
اسلام :بكلششششش………..سيرين :مالا ربي معاك و خلاص و ادا حتجت حاجة راني معاك ….
اسلام :ميرسي ….بصح كفاه عرفتي….
سيرين :ني نقولك في لخر تبقى خويا …و هي تبقى حبيتي صديقتي و نعتبرها كي اختي ..و منديرش روحي تعميت …عينيكم اسلام …عينيكم 💔💔فضحتكم …دوك مش راح تستعرفو …بلاك مزالكم في البداية …بصح الولف صعيب …و مشي محبتكم كامل تروح هكا برك و نتوما بسيف باش وليتو كيمنهك …برك خليها ليك …منبعد كلش مع الوقت يجي ساهل ….
ابتاسمتلو و خلاتو هكاك …و راحت رجعت عند النسا …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 164🌚🌚:
اية راسها حساتو حا يطرطڨ ….كل وحدة واش تقول. …
الجدة :شوفي اني نقولك ادا تستناي في لي تحبيه غير مكلاه باسكو كون حبك كون راه جا يخطب مشي يبقى يتمسخر بيك هاه شوفي ايمن كيفاه ….
اية :ني نقولك ماني انا نخممش في زواج دوك فهمتي مشي حاجة تاع نحب و لا منحبش …كي نحب نتزوج نقول إيه …
الجدة :ااااااه على زهري من وقتاه البنات ولاو يهدرو هكا على زواج و هوما لي يقولو منيش نخمم في زواج دوك …ياخي قرايتك صاي خلصتيها و راكي تخدمي واش تلقاي سبة …و لا نقولو لوليد ناس بنتنا راهي تستنا حبيبها يجي يخطب ….
هكاك و يسمعو صوت اسلام …
اسلام :خلي يقول لي يحب ..علاه تزيرو على طفلة خليوها هي تقرر راه عندها يومين و هي تعرف صلاحها على كل …اية نحتاجك في حاجة عرفتش نديرها …تلقايني لفوق موجد البيسي …تعطليش بزاف …
سيرين ابتاسمتلو …و سڨمت روحها …اما اية معرفت واش دير …
اية بصوت متوتر كامل ؛اوك ني جاية …
غير خرج ..ناضت من بلاصتها استاذنت عليهم …و راحت تجري كي شغل عصفور كي يحلولو لاكاج و يشم ريحة الحرية ….
راحت طلعت لفوق شافت في تيراس لقاتوش…شافت لشومبرتو لقات الضوء شاعل …راحت تمشي بلخف …طبطبت و ديراكت حللها بوحد طريييقة خلاها تفشل كثر من لي فشلوها بلخبر لي سمعوهالها ….
اسلام بصوت مبحوح و سيريو ليتراس تاع الابتسامة مكانش في وجهو ….
غلق الباب و دور المفتاح غلقو مليح ..شعلت عينيها ..و شافت فيه
اسلام بنفس النبرة و بنفس الملامح :واش مزال تخافي ؟ زيد خطرة هدي مكلاه صاي غلقتو و مش كل خطرة نقولك منيش حا ناكلك يا لي كبرت و بداو يجيو يخطبوها …
بقات ساكتة محبتش تنشع عليه و تنوض كبيرة و تفرغ عليه زعافها ….
اسلام :ملخر ….نسقسيك سؤال واحد …وي و لا نو
اية :واش ؟
اسلام :وي و لا نو
اية :واش نتا تاني وي و لا نو …شبيك نتا تاني …نتا تاني تزيديلي ؟ وشبيكم ! ياخي القرار قراري و الحياة حياتي …و لا حبيتو نقبل و تتهناو مني ….تزيدليش نتا عيشك …منيش قادرة نزيد على موضوع هدا يا ربييي راسي حا يطرطق …الله لا تربحلك يا ايمن ….
رفع حاجبو …اسلام :وشبكيي نتي نشعتي هكا …نيش نقولك اقبلي ني حاب نعرف تقبلي و لا نو ….
اية : و نتا واش دخلك هاااه ….
اسلام :واش دخلنييييييي….و نتي واش دخلك في واش دخلني …دخلني لي دخلك …أيا دوك قولي وي و لا نوو
اية :نقولش …ني نخمم
اسلام :تخممييييي !!!!من نيتككككك !!!!
اية :بركاك اسلام …يومين و تعرف الإجابة معاهم كامل …مشي غير ضغطك لي خصني افهمني نتا تاني …اي ني مصدومة و تحت شوك فهمتتت ااااا ….
اسلام : و انا ني حاب نوجد روحي …و نعرف ادا نوجد ليبارول نحفظ و نبدا نغني راني خليتهالك امانة و لا الكورتاج قلع ……
شعلت عينيها خممت فواش يقصد و ضحكت بلا ما تفيق لروحها …..طلع حاجبو …و هدر بنبرة سيريو …
اسلام :وي و لا نو …
اية :نقولششششششششششش مشي من جدة نلقاك انت هنا
اسلام :واش دخل ماني فيا ؟هاه ؟ انا لي من لي لحقتي و انا نتبع فيك و نحمي فيك …و نحاول نشد في روحي قدر المستطاع …و انا لي سهرت نشد روحي و منديرش حاجة مش مليحة …باش يجي هاد نهار تتمسخري بيا اية ياخيييي …..
اية :علاه نتمسخر اسلام ؟
اسلام :تعرفي واش معنتها يشد راجل روحو و لا نو تعرفيش باسكو نتي مرا …تعرفي واش معنتها يديرك راجل في عينو ياخي تعرفيش …تعرفي واش معنتها يدير عليك راجل المستحيل باش يقربك ليه و يضمنك ليه ….و يدير كلش باش يحسسك بلي نتي مشي وحدك و ليل و نهار يسهر على حمايتك …تعرفيش واش معنتها هدا كامل و منبعد يجي فيروس يدخل في الوسط …لي هو ايمن ….
ضحكت اية بلخف غلقت عيونها متعرف تضحك على هدرتو 💃 و لا تبكي على ضغط جدة تاعها ….
هدرتو محبتش تفهمها و تتعمق في المفهوم تاعها ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 165🌚🌚:
اية :علاه انا قتلك موقفتش معايا وقفة راجل و لا ؟
اسلام :واش جاب لجاب نهدر على حاجة اخرى …
اية :هيه هكا فهمت انا …اسلام :ملخر نتي تفهمي صوالح لي تحبيهم برك ….
اية :كون جيت تعرفني صح …تعرف واش هو قراري الاخير …و تعرف واش هي اجابتي ….تعرف بلي صوالح هدو مش تمسخير …و تعرف بلي لازم ناخذ القرار الصحيح و لازم الصواب برك …هدا يتعلق بمصير حياتي منبعد ….و مهبلتش ناخذ قرار يجيني مشي مليح ان شاء الله ناخذ قرار يرضي الجميع …..
اسلام :يااارلي اصبرييي …انا تدخلينيش ضمن الجميع هاني قتلك …بلااااكي …كاين زوج صوالح …قرار لي تاخذيه صوا يرضي الجميع غير اناااا باسكو انا منيش حا نفرح معاك و معاهم …صوا يسعدني انا برك ….هدي هي ….و ملخر هني نقولك …بلاكي و تقبلي مزالك صغيرة ..و بلاك كاين عيباد حاطين عينهم عليك ..بصح مزال مجاتهمش الفرصة …زيد نتي شابة و تخدمي …ادا بقيتي بايرة انا نروح نحوسلك شكون نخطبلك هاه غير اتهناي ….و زيد ماني لي راهي تغري فيك هي تزوجت لي تحبو و هي حبت تحشيلك هاه بلاكي هاني نقولك …بزاف كثرت الهدرة معاك …الإجابة عندي نو يعني نووووو …
ضحكت بخفة على هدرتو …غمضت عينيها و عاودت حلاتهم ….
اية 🙂 ان شاء الله اسلام فيها خير ….ميرسي بوكو 💕 على وقفتك معايا ههههه مام هدي مشي وقفة بصح بلاك عاونتني باش نندمش على قراري
اسلام :وشمن قرار ني نقولك مكانش كيفاه تصرا هدي تاع يخطبك ايمن …
اية :ههههه ان شاء الله …..صاي هدا لي حبيت و قلتلي حاجة في بيسي …
اسلام :هيه 😑😑😑حتى يفيقولي كامل و لا كيفاه ….
اية :ههه اوك نقدر نروح ؟
اسلام :تروحيش حتى تقوليلي ….
اية :واش نقول خليتلي حاجة نقولها انا ؟
اسلام :تسما مافيهاش ايمن ياخي ..بلا جدك كون تطلعي تعشقي فيه غير ايمن ميديكش هاني قتلك ….حسبتي واقيلا صح ..أصلا دوك نروح نوسوس لجدي شويا هدرات و تعرفي وقتها شكون اسلام يوسفي ….
حطت يدها على وجهها خبات روحها ……و بقات تضحك بلخف ….
اية :اوك اسلام يوسفي …معله دوك نشوفو كيفاه ….
ضربها ضربة خفيفة على راسها حركلها شعرها …اسلام :اييية خيرلك اية دوك و الله ماني نتمسخر …و الله ا اية مشي تمسخير ….مكانش تسما مكانش …متهددينيش ….
اية :علاه وين هددتك …اسلام :هدرتك شوفي كيفاه مدايرة زعما تستفزيني ….
اية : و الله نو برك منيش على بعضي ….اسلام :هيه مالا نو
اية :هنووو اسكت نتا تخلي مكتوبي يروح و لا
دار عليها و شبك يديه حطهم فوق راسو …
اسلام :ضحكتيني …نشوفو قلت و تعرفيني ….
اية :اوك بسلامة بعد يومين نشوفو ….
جا يدور خلاتو حلت الباب و راحت راسمة ابتسامة على وجهها ….وفي نفس الوقت حست روحها ضاقت …من صوالح لي يصراولها … و متقدر دير والو و لا تحكم على حالتهاكرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 166🌚🌚:
جازو اليومين ….اية تروح تخدم و تتجنب قدر الامكان تتلاقاش مع ايمن ….يومين و اسلام يهدرش معاها بعد ما قلقاتو الخطرة لي فاتت ….لحق نهار العرس تاع ادهم …ناضت اية صباح مع سيرين يوجدو رواحهم و وحدة تعاون في لخرا…..و اية تخاممها غير على اسلام لي تقلق منها ….كانت الحفلة لعشية مش صباح …يعني صباح كامل مشافتوش خرج مرجعش ….
لبست واش نقات …سڨمت شعرها ..بعد ما دارت مكياج سامبل و شباب …خرجت تهبل …و بقات تستنى مع نسا و سيرين يعيطولهم رجال يروحو ….
فؤاد دا مرتو و راح …سيرين راحت مع باباها و ماماها …و اية قعدت مع جدها و جداتها لي كانو حا يڨلعو تاني …هكاك حتى يخرج اسلام لابس كلاسيك يهبببل…و ريحتو تضرب 10 ميترات لقدام …بقات تشوف فيه و هو يشوف في جدو …
الجد :تجي معاك و لا تجي معانا ….
اسلام :روح برك انا نجيبها معايا …….
راح الجد و الجدة …و اسلام بقى يسڨم روحو قدام المراية لي كاينة لتحت ….و هي تشوف لرجليها و لاغوب تاعها برك تالمو مالقات واش دير ….و تفكرت بلي مرجعتش الإجابة لجدها و مفكروهاش ….
راح جيهة الباب تبعاتو …خرجو غلق البيبان و حل تاع طونوبيل …دخلت دارت سانتور زاد طلع هو بلا ما يهدر معاها ….كانت تسرق منو نضرات و تستنى يهدر معاها بصح والو …تفكرت ادا دارت حاجة لقات والو …اما هو مقلق برك من الخطرة الاخيرة لي هدرو فيها و محبتش تقولو واش إجابة تاعها ….و حس بلي تمسخرت بيه …….
طريق حستها طويلة كثر من لي كانت طويلة ….و محبوش كامل يلحقو …..
………
لحقو لاصال وين حا يديرو العرس …لقاو بزاف عيباد لحقو …هبط من طونوبيل زادت هبطت هي …ستناها تروح عندو …بصح بقات بحذا طونوبيل …
اسلام :نبقاو هنا ؟؟ ….غير سمعاتو هدر …راحت بحذاه…مدلها يدو …بقات تشوف فيه …شاف في عينيها ……اسلام :واش خايفة من لي خطبك و لا …تنسايش مزالك تحت اشرافي دوك …
شبكت يدها بيدو بكل قوة و دورت عينيها عليه …اية :كي شد حاجة تطلقهاش حتى تمل و تكره 😑😑😑….
مدارش على هدرتها …و دخلو من البوابة مع بعضاهم و يمشي بلعقل قيسها كي كانت لابسة الكعب ….
(حفلة كانت ميكست)…..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 167🌚🌚:
من لي لحقو و هي قاعدة بحذاه و بحذا الجد (يعني كانت في الوسط ) …مع العائلة كامل في طاولة وحدة …..
هدر الجد بلعقل لاية :اية ايمن حاب يهدر معاك و اهدري معاه باحترام و اسمعي منو …مام مشي حابة ياخي …
اية :صحا جدي …
اسلام في هداك الوقت كان يهدر في تلفون مع صاحبو الغش قتلو كي مسمعش واش قاللها الجد …و مع قوة الاغاني مربح لا هدرة صاحبو و مربحش تقرعيجة …….
لحق وقت يتعشاو …كانو يطلعو فرق لفوق وين كاين قاعة تاع الماكلة ….و كيما كان الحال طلعو كيما جاو … و اية طلعت مع اسلام … و كان شادها من يدو و يمشي بيها وسط ناس ….شداتو يماه من طرف و اية كانت تسمع ليهم ….
امو:اسلام خلي الطفلة مشي عيب يعني …الراجل راه حاب يخطب …متخليهش يبطل على حاجة كيمنهك …
اسلام :لي يحب يبطل يبطل ….
خلاها جبد اية و كمل طلع دروج معاها و يماه كانت صاي تعشات و هبطت …..و سيرين كي كانت هابطة (صاي تعشات )غمزت لاسلام …و ابتاسمتلو ….
لحقو لاصال تاع وين يتعشاو …شد آخر بلاصة كامل وين شبه فارغة و كاين غير البنات لي يعرفهم في مجال خدمة تاعو ….قعد و قعدها بحذاه …تعشاو و عيون البنات غير على اسلام …و غير يتهامسو عليه …و هو يشوف في اية لي تشوف فيهم بخزرات تقول حا تخرجلهم عينيهم و مشمئزة منهم …..
كانت تتعشى بلعقل …الماكلة محبتش تهبط ..مكانش على بعضاها و تحس روحها ضاقت …و بلي حاجة مش مليحة حا تصرا ….
خلص هو لول …كان يستنى فيها و يشوف فيها كيفاش ولات …
اسلام بصوت بلعقل بعد ما قرب ليها …اية :نوو صاي شبعت هيا نروحو …
شاف في البنات لي كانو يشوفو فيه …و عاود شاف فيها ..
اسلام :كملي ماكلتك سع منبعد نروحو انا منيش مزروب …
شافت فيه …اية :شبعت …اسلام :سووور ..اية :وي …
اسلام :اوك معلش صحا شبيك …اية :والو و الله هيا نروحو ….
عاود شاف في البنات بتاع الله لا تربحكم …ناضت بعد ما مسحت يديها …شداتو من ذراعو ..و بقاو يمشيو خارجين من لاصال وين تعشاو هديك …لحقو لوين كاين هديك وين يغسلو يديهم ..غسلت و خرجت خلاتو يغسل هو …و بقات تستنا فيه عند دروج …هكاك و يجي عندها ايمن …غير شافتو لونها تخطف …مدلها يدو تصافحو …
ايمن :عسلامة اية ..اية :عيشك ..واش راك سافا …ايمن :حمد الله سوال عليك …اية :حمد الله ياربي ربي يدومها علينا ان شاء الله .
ايمن :هيه معلش نهدر معاك ….ادا حابة بيانسور و ادا مشي ديرونجمو ..
شافت في الباب مقلقة …و عاودت شافت فيه …
غير قالت ممممم و يخرج عليهم اسلام …غير شافهم بسط جبهتو ….رفع شويا شوميز تاعو على يديه …و راح عندهم …
اسلام :هيا نروحو …(لاية يهدر ) …ايمن :اصبر شويا اسلام نهدر معاها برك شويا و تجيك …
اسلام غمض عينيه عاود حلهم :هيا نروحو ….
ايمن :اسلااام ني نقولك نهدر معاها شويا أصلا قلت لجدك و ياخي منيش نطلب في حاجة حرام …
دار عندو اسلام مزير على يديه و على فكو …
اسلام :حرااام …خلينا خيرلك …مناش برا باش تطلڨ سماطة تاعك ….
ايمن :واش ياخي جيت طلبت يدها منكم …
اسلام :و قلنالك ايه ؟
ايمن :هيه و ني حاب نهدر معاها كون جيتي ناوي للشر منتقدمش ليها ….
اسلام :ايييية هياااا نروحوووووو ….
شافت فيه خايفة ….بدا يتبدل و يتقلق بزرربة ….
اية :صاي ايمن منبعد نهدرو ….
شاف فيها اسلام بتاع اسكتي خيرلك ….
جات تهبط دروج …شدها ايمن من يدها حبسها ….
غير شافو اسلام ولى وحدوخر …
ايمن :قتلك هدرت مع عمي ….(الجد ) واش حاسب روحك نتا أصلا ….
نحالو يدو من يدها بكل قوتو ….و شدو من فكو و العيباد لي تماك كامل يشوفو …
اسلام مزير على سنانو …:متزيييدش تعاودها نتا واش حاسب روحك …رخيسسس تزيدش تمد يدها ليك …
بدا ايمن يدافع على روحو …و بدات تشبك و تتعقد بيناتهم ….
اية كانت حاطة رجلها على الارض هداك …و الرجل الاخرى فوق درجة …و شادة روحها بسيف ….حطت يدها على يد اسلام تجبد فيه بكل القوة لي بقاتلها …و قريب طرطق عليهم و ميفيقولهاش … بقات تجبد فيه ..و هوما كل ثانية تزيد تشعل فيهم …حط اسلام يدو على صدرها …و دزها بكل قوتوووو …بنفس القوة لي كان يدز بيها ايمن ….
تشبكت رجلها مع غوب …و تقلبت …و هوووب ….اية تولي تدحرج درجة درجة …و البنات لي كانو تماك يعيطو ….اللحظة هديك …شاف اسلام الدروج لقا اية لتحت طايحة على وجهها …و لاغوب تاعها طالعة شويا …و مكمشة كامل …و غير عياطها المخلط بالبكا لي عمر الحالة و غلب صوت الغنا …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 168🌚🌚:
وجهها على الارض تقدرش تطلعو ….تعيط بكل قوتها و تبكي تخرج كامل الوجيعة هديك ……اما اسلام لفوق مشوكي من واش شايف …حس كرشو تجري …و رجليه فشلو ….ضرب ايمن لور للجيهة الاخرى …و راح يهبط دروج بزربة …و تالمو زرب و يقفز درجتين درجتين قريب تبعها هو ثاني ……
لحق و أخيرا عندها ….و صوت عياطها و بكائها صونالو وذنيه ….لي كانو لتم كامل يعيطو …و بداو يتجمعو العباد لتم ….
معرف كيفاش يشدها …سورتو كي زاد شاف الدم على الارض ….
حط يدو يرجف على ذراعها ….و حاول ينوضها بكل قوتو و في نفس الوقت بلعقل …
اسلام بصوت مبحوح و يرجف و قلبو قريب يخرج …
اسلام :اية …مصيبة …مبيكي والو ياخي . ياخي مصرالك والو ….
قدر ينوضها شويا برك ….شاف لوجها تشوكا من واش شاف ….
مغمضة عينيها تبكي بشهقة …و نيفها ميبانش من الدم لي فيه …نيفها سال و مزال يسيل دم ….و راسها تقدرش تحركو …..غير تبكي بشهقة …هدا لي قدرت دير ….
لحقت عليهم سيرين تجري …و العائلة كامل …بصح واحد مقدر يقرب ليها ….كامل خايفين يديرولها حاجة و يوليو هوما الغالطين …الجد مشوكي شاد قلبو على جيهة …و كل واحد واش كانت ردة فعلو ….و ايمن كان الفوق مزالو مشوكي مهبطش …يسمع برك لشهقات لبنات لي كانو تماك …كي شاف وجهها كي طلعها اسلام …حس قلبو انفاطر على زوج …
و اسلام قعد يشوف في اية ميعرف واش يدير …برك حاط يد على وذن …و اليد لخرا على وذنها الاخرى ……و يزير عليها و يحاول يهديها …..
اسلام :اية اية قوليلي ياخي مبيك والو …قوليلي ياخي مشي حاجة ڨراففف …اية اهدري عيشك …ايييية ليييية تخلينيش هكا …..
بقا يحرك في راسها بلعقل و هي عينيها يتغمضو بلعقل و تبكي في نفس الوقت …و شواربها معمرين دم …..
اية بصوت ميتفهمش …تقدرش تهدر …و ممزوج بشهقة الدموع …..
اية :ننننن ….ققققق ……ددددد….ررررر….ششششش(نقدرش)😭😭😭😭😭😭😭😭😭(شهقة )
جا يحط يدو على نيفها فوق هداك الدم ….تررد و منبعد حطو …غير جا يزير ….ضربتها بعييطة هزتلهم كيانهم …….
هكاك و يهبط عندهم ايمن …رمى روحو على الارض ….و يحاول يهدي فيها باش تتنفس كيما لازم ….
شاف فيه اسلام تاع بعد خيرلك ….
ايمن :بعد خليني ندير خدمتي ………اية اتنفسي من فمك عيشك اية …اجبدي النفس من فمك بلعقل …و تقلقيش …خلي الدم يسيل معلش …هاه روحي اجبدي بلعقل ….
بقات غير تبكي …و يدها غرستها في ركبة اسلام ….و النفس بسيف باش تجبدو ….
(ايمن طبيب تاع الجهاز التنفسي قلنا )
مسمعتش لواش قاللها ايمن …عينيها برك على عينين اسلام …لي يشوف فيها كي طفل الصغير لي خايف …
سڨم اسلام روحو ….و بقاو يديه على وذنيها مزير عليها …ثبت عينيه على عينيها …
اسلام :روحي ..اية …شوفي فيا …حلي عينيك عيشك ابقاي معايا كيما دايمن …شوفي فيا و ديري كيما ندير …اتنفسي كيما راني نتنفس ….
بقى يشهق و يزفر بطريقة بطيئة باش دير كيفو ….اما هي كانت تجبدو بسيف …نيفها تحسو مكانشو …و حا يطرطڤ …تحسو ثقيل كي شغل حجرة …و تتوجع موت ….
شدها من راسها بلعقل حطلها راسها على صدرو …تعمر كامل دم …بقا يمسحلها على شعرها بلعقل و قلبو قريب يخرج من واش دار ….
اسلام :اية اتنفسي بلعقل …تخلينيش نتعذب معاك كثر من هكا …خليكي قوية كيف العادة ….هيا اجبدي نفس من فمك بلعقل بلعقل برك …باش تتعذبيش كثر …
يد شادها من راسها لصدرو …و اليد لخرا ..هي مشبكة يدها في يدو …و مزيرة عليه بكل قوتها ….و تشهق بكل قوتها و تحاول تبقى حالة عينيها كيما كان يهدر لها ايمن بصح اسلام مخلاهش …باش متدوخش ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 169🌚🌚:
لحقت سيارة الاسعاف و أخيرا ….رفدوها داوها وحدها …و اسلام دا طونوبيل تاعو و راح مع الجد و لخرين كامل قعدو يكملو العرس …سيرين كانت حابة تروح معاه …اما محبش يدييها…باش ميخسروش لادهم عرسو …و ايمن زاد شويا تبع …..
في طونوبيل :
الجد :واش درتلها هاه واش درت ؟ تعرف بلي يشكو فيك دوك …و يحسبو درتها بلعاني …راهم يهدرو كامل و يقولو نتا دزيتها ….
اسلام بصوت يعيط لاول مرة يرجع هكاك لجدو :اسمع نقولك لي يحب يقول انا يقول …السبة كامل هي نتا . واشمن حق تقول لرخيس تاع وليد خوك يهدر معاها…. قولي خبطها صح ؟ عقد عليها ؟ والو و هو يلصق ….
خبط مقود السيارة ….و يهدر بصوت مقلق و خايف عليها مكونسونطري على صوت هديك تاع الاسعاف لي قدامو و متمني كون خلاوه يروح معاها ….
اسلام :هاه شوف واش ديرو دوك …غير يحلي ربي الباب و يكتبلي نفرح …و ننجح و لو بشويا ….تخربولي كلش …هاه كون يصرالها حاجة تعرف واش ! …..
سكت و بقا مزير على سنانو و فكو ….
اسلام :كون يصرالها حاجة تفراش …و الله متفرا ….خلي لي حب يتفرج يتفرج عليا ….هدا كامل بسبتكم …..
بقا يخبط في مقود السيارة و الجد حاط يدو على جيهة قلبو ….
اسلام بصوت ضعيف مبحوح و مخنوق :واش ذنبها هي ؟ واش ذنبها …علاه مديت يدي عليها ..علاه كي جبدتني رحتش معاها …علاه رحت في هواء ايمن و خليتها هي تخلص …علاه توجور هكا …علاه علاه …علاه مشي انا لي طحت …
بقا يخبط برك على مقود السيارة و يلوم في روحو …حتى حسبت سيارة للاسعاف عند اقرب سبيطار …غير شافها حبست حبس هو تاني …هبط و خلا الجد يهبط وحدو ….و راح يستنا يحلو عليها الباب باش يشوفها ….
تحل الباب ….و هبطو الممرضين …و بداو يهبطو في سرير لي يتحرك هداك …و شافها … و يا ريت مشافهاش ….جبهتو وساعت …و قلبو تزير عليها …و رجليه حسهم مش ليه ….
الدم من نيفها قدرو يحبسوه في سيارة الاسعاف …اما عينيها 💔…عينيها ولاو لداخل ….و حولهم كامل زروقة …بلاصة الهالات السوداء …ولاو هالات زرقاء مخلطة بالاحمر و الاخضر (ليكولور تاع تزراق ) ……..
و كانت مغمضة عينيها و حبست دموع …و تتنفس بلعقل من فمها ….
دخلوها و هو بقى يتبع فيهم كي المهبول …يحس مشي هو لي يمشي …رجليه يتحركو وحدهم بطريقة غريبة من الفشلة و الخوف عليها ….
تبع الجد بلعقل …غير لقى كرسي قعد عليه …من شدة قلبو يوجع فيه …و من عظمة خوف واش صرا و واش شاف ….توجور كي يجيو يكحلوها يعميوها …
دخلو اية لاصال وين كاين الطبيب … و غلقو الباب …و اسلام بقى يدور هكاك معمر دم كامل من بلاصة لبلاصة يلوم في روحو و يخمم كيفاش يواجهها و لا واش يهدر معاها كي تفيق و تولي و لو شويا مليحة ….
هكاك و يلحق عندهم ايمن .. جا يهجم عليه اسلام حبسو الجد ….و بعثو يغسل يديه المعمرين دم ….
لحق لدوش هديك …شاف روحو في المراية …و شاف لي يديه ….يديه المعمرين بدم لي كان يسهر باش يحميها …لي سهر باش يوفرلها كلش و دارها شرفو و صغيرتو يسعى توجور باش يحميها …اما توجور زهرو يخرجلو عدوو …و قدرو هكا …توجور تخرجلو حاجة تخسرلو كلش …
بقى يغسل في الدم …و يشوف فيه كيفاش ولى على يديه …دار شويا صابون …و بقى يشوف روحو في المراية …يبان في كلش قوي ….اما كي يتعلق حاجة باية …يحملش يشوف روحو حتى في المراية …تالمو يبان اضعف واحد شهدته البشرية …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 170🌚🌚:
جاز الوقت و اسلام شاد بلاصة وحدو بعيد على ايمن و جدو …راسو غارسو بين يديه …و يمسح على وجهو …و ريحة الدم لي لاصقة لي شوميز تاعو دوخاتو …و كل ما يشوف ليها …يزير يزير على شعرو …كان يحرك رجليه بدالة من شدة ستراس ….
حتى خرجت ممرضة من لاشومبر وين حطو اية ….راح ليها يمشي بسيف من شدة الفشلة ….
اسلام :سلام مدام واش راهي لي داخل بخير شويا طمنيني عليها عيشك …
الممرضة: غالبا سافا ..راهي راقدة …بصح …كيما تعرف ⁦☹️⁩خشمها تكسر …و لا زملها وقت طووووييييل باش تشفى و تولي لحالتها ….طبيب دار خدمتو بسيف باش كمل حبس الدم و دارلها لي فوق نيفها باش متزيدش خطورة التكسر …ربي يشافيها ان شاء الله في اقرب وقت …
اسلام بقى ساكت و صافن للارض ….منبعد هدر …
اسلام :و نقدر نشوفها دوك ! …
الممرضة :منعرف …دوك نسقسيلك طبيب تعرف انا منقدر ندير والو …زيد راهي راقدة …
اسلام :عيشك روحي سقسيهولي …
راحت الممرضة و هو عيطلو جدو باش يقولو واش قالتلو …هدر مع جدو و يشوف لي ايمن تاع كون نشدك وحدك نقتلك ….
اسلام:و نتا واش دير هنا مكافكش واش صرا بسبتك كامل …و مزالك هنا واش دير واش عندك دير ؟ ….واش دخلك ….
ايمن مدارش عليه و بقى شاد تلفون يخدم بيه و ميشوفش فيه باش ميجيبش المشاكل كيما قبل …..
اسلام تقلق …و مقدرش يصبر …و باش مينفاعلش كثر …رفد روحو و خرج …..بقى يمشي في طريق …يلقى حجرة يضربها …و غير يضرب في رجليه يسيف على روحو يمشي ….تفكر سيرين عيطلها و …غير نقز تلفونها …راحت لجيهة فارغة و ميلحقش مليح صوت لغنا ليها …و ريبوندات عليه ….
سيرين :وي اسلام طمني ياخي غير لخير …
اسلام صوتو مخنوق ….:وشمن بخير ! …تكسر …….(سكت منبعد كمل ) خشمها …💔….
شهقت سيرين ….. و حست بغصة شدتها …
سيرين :ربي يشافيها و ربي معاها …و معاك اسلام …اسلام راهم هنا كامل يتاهموك نتا …و بوسيبل يديرولك استجواب و لا منعرف …راهم يقولو كامل نتا درتها اكسبري …و يقولو بلي يقنعو اية ترجع حقها و ترفع عليك قضية ….و لا منعرف …اسلام عيشك كونك قوي و بلاك تستسلم عيشك خويا ….
بلع ريقو بسيف …تنهد …. و هدر بلعقل …
اسلام :صحا باي قوليلهم يتقلقوش ………….
كوبا …شاف للسماء …حس الهواء هداك لي يضربو ثقيل .. و متمنى كون ممدش يدو و دزها بلغلطة …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 171🌚🌚:
رجع لسبيطار …دخل ملقاش جدو و ايمن …سقى لتم قالولو بلي دخلو عندها ….راه بكل زربة باش يلحق لاشومبر وين حطوها …كي لحق باش يحل الباب عجز …
حط يدو على لباص يحل الباب عاود نحاه …حك شعرو ..تفكر بلي ايمن راه لداخل و تفكر وعودهم …و تفكر بلي راهي تتوجع و لازم واحد يساندها …حط يدو طبطب و في نفس الوقت حل الباب ….
لقاها مقابلاتو ديراكت …و الجد و ايمن واقفين عند راسها …
تلاقاو عينيهم …هي بقات تشوف فيه قلبها يوجع …و هو بقى يابس في بلاصتو …
دخل كي فاق لروحو و غلق الباب موراه …راح تقدم بلخف….لحق لطرف السرير وين كاين رجليها لي شبكتهم …بقى يشوف فيها كيفاش صرالها و يشوف لواش دارولها في نيفها …و عينيها و وجها كيفاش ولا زرق كامل …. و شواربها لي يبانو طابو من الوجيعة …..
فطنو الجد على صوتو . ..
الجد :اسلام …قالو نقدرو نخرجوها بصح لازم كل يوم تشوف طبيب ….و ايمن لي حا يتكفل بيها …
كان كامل مليح غير سمع كلمة ايمن زير على يدو و بقى برك يشوف فيها باش ميتهورش ….مكانش قادر يقول حتى كلمة …بقى غير ساكت ….
الجد : اية ياخي راكي مليحة تقدري ترجعي لدار دوك …ادا مش حابة تقعدي …
دارت راسها ببطئ …تاع ايه نقدر …و مقالت حتى حاجة و بقات تشوف فيه بعيون شبه مغلقة …و هو غير يتثبتو عينيه يبعدهم عليها تالمو ميقدرش يقاوم يشوفها هكاك….
اسلام بصوت مبحبح و باين عليه قلقان فشلان و عيان :روحو نتوما اوقفو مع العريس يوم عرسو و انا نرجعها لدار …
شاف الجد في اية …الجد :اية اسلام معاك ..انا لازم نرجع طونوبيلي خليتها لتم …
دارلتو براسها ايه ….تدنى ليها ايمن …
ايمن :اية كيما قتلك تعييش روحك بزاف و متتقلقيش كي تتنفسي كونسونطري برك ..و اتنفسي بلعقل من فمك ..يعني لازم تعاوني نيفك بفمك باش متتوجعيش بزاف ياخي …
ابتاسمتلو ابتسامة بسيف باش خرجتها و دارتلو بعينيها تاع اوك …..
غير خرجو …بقى يشوف فيها ..ميعرف واش يدير …و هي غلقت عيونها وحدها ….الوجيعة لي في قلبها واحد ميحس بيها …و الوجيعة لي تحس بيها في نيفها و راسها واحد ميحس بيها تاني …
قرب عندها بتردد ….قعد بحذاها فسرير هداك …نص قعدة برك ..بقى يشوف ليها …و هي توجور عينيها غمضتهم …
كانت حاطة يدها على كرشها …
قرب يدو بتررد و حطها فوق يدها …حلت عينيها بلعقل …و شافت فيه بعينين يحس حا تعاتبو و عندها بزاف هدرة بصح تقدرش تهدر …
اسلام :اية …نروحو…!
هزتلو براسها تاع ايه ….ابتاسملها بوجيعة …و لاول مرة يحس بلي مهما اعتاذر ميلحقش …
نحى يدو ..راح حوس على طبيب و طلب منو يخرجو …
جا الطبيب نحالها الابرة هديك لي كانت في يدها …و مدلهم نصائح ….و عاون اسلام نوضوها …و تشبكت في اسلام بكل قوتها …و تحاول بكل مقدروها …تشد توازن تاع راسها ….و متحركوش بزاف ….
لحقو لطونوبيل بسيف باسكو كانو يمشو بلعقل …كان محاوطها ليه كي شغل محاوط بنتو صغيرة ….
لحق لطونوبيل …دخلها بلعقل ….بقات تشوف فيه بعيون ذابلة ….باسها على جبهتها بوسة خفيفة …غلق عليها الباب …و راح ركب بحذاها …و بدا يسوق بكل بطئ … و غير بلعقل باش ميحركهاش بزاف ….
كانت مسندة راسها للمخدة تاع كرسي السيارة و غير تاوهاتها لي يتسمعو ..و مع كل تنهيدة تتنهدها يشوف ليها اسلام …و هي غير تشوف للقدام و تدعي لربي يفرجها عليها …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 172🌚🌚:
لحقو لدار بعد ما شرالها دوا …و طريق كامل واحد مهدر …في زوج بلعو لسانهم …دخل الطونوبيل للقاراج …هبط و راح جيهتها ..شدلها ساك تاعها …و منبعد شدها من يديها شبكها ليه ….حاوطها بيديه … و عاونها باش تمشي ..و هي غير مطلعة راسها و متشوف والو بهداك لي في نيفها …
طلعها حتى شومبر تاعها …سطحها فوق سرير بعد ما نحالها سباطها…و هي غير تشوف فيه …و تحاول تشد توازنها ….
سڨملها المخدات و سندلها راسها ….كيما كانو مدايرينلها في سبيطار ….
اسلام :نروح نبدل قشي و نجيك تخافيش ياخي …
مجاوبتش عليه و لا حتى دارتلو حركة تجابوو …راح طلع لشمبرتو كاره حياتو ….
جبد قش و راح لدوش غسل و بدل ….و حط القش يتغسلو ….جبد معاه باكي تاع ليلانجات …و عاود ولى عند اية ….لقاها بنفس الوضعية لي خلاها ….
اسلام :اية …معلش نحل الخزانة …
مرجعتش عليه ..راح حلها .. جبد بيجاما ..و راح جيهتها ….
اسلام :هاتي نعاونك تبدلي باش تحسي روحك خفيفة …
مجاوبتش عليه …قعد بحذاها و بقى يشوف فيها و خزراتو ترجي ….
اسلام :اية …اهدري عيشك …مش كي رجعتلي البنة الحياة تروحلي …قولي و لو كلمة برك نسمع صوتك …اسمحيلي اية …و الله مدرتها اكسبري …علابالي مهما قتلك …و مهما اعتذرتلك نقدرش نسيفك باش تسامحي …بصح اعرفي برك الترردد هدا باش نهدر مع واحد جامي جاني …حتى جاني معاك …باسكو صح معلاباليش واش نقولك و لا نديرلك …توجور نجي نكحلها نعميها …توجور كي نقول صاي كلش مليح تجي حاجة تخرب كلش ….هكا هو اسلام يقدرش يقعد مع واحد بلا ميخربها …ميقدرش يخلي العبد لي قالو نكمل معاك يكمل …توجور يعميها ….لقطة تاع حط يدو عليك حب يجبدك ليه و يحسب روحو داك عليا ….خلاتني نفقد صوابي …كون غير وقت هداك انا لي طحت ..(حك شعرو )
خلاتوش يكمل حطت يدها على يدو تزير عليه باش تتقوى و تخرج الهدرة… و هدرت بصوت هداك لي يطلع بسيف ..تالمو نيفها يخدمش صاي ….
اية :هااااااه(شهقة) نقدر نقدرششش (شهقة )نهدر اسلام ..نقدرش ….(شهقة و تجبد في نفس بلعقل )خطرة برك حسو بيا ….(شهقة)تباقوش تخممو في رواحكم برك …ني مريضة ..ني موجوعة …خليني نريح ..هدرة هدي منبعد نهدرو عليها …عيشك (كانت تهدر بصوت عيان منهك متقطع و بشهقات )
اسلام :عندك الحق كون جيت نفهكك نديرش هكا كامل …صاي خليني برك نعاونك تلبسي …و صاي ….
دارتلو بعينيها تاع اوك …
جبدها حطلها رجليها فالارض …و بقات قاعدة …بقى يشوف ليها و يتعذب من خزرات تاعها ….
شد لانجات مسحلها رقبتها كامل …و زاد وحدوخرا زاد مسحلها …و مسحلها يديها … و وحدوخرا مسحلها جبهتها بلعقل …و لحق لشواربها حط لانجات …جا يمسح …حطت يدها على يدو ..شاف فيه بعينيها لي يتغمضو وحدهم …هدرت بصوت هداك لي يخلي الواحد يتعذب وحدو …
اية :بلعقل عيشك ……مسحلها بلعقل كيما قالتلو و بقى شادها من يدها ….
جبد الغطاء لي تتغطى بيها …حطها على رجليها باش ينحي لاغوب و ميحرجهاش …دخللها تريكو تاع بيجاما ….و منبعد دخللها سروال في رجليها …و خلاها هي ترفعو …
ابتاسمتلو بوجيعة ….اسلام :طلعيه و ادا مكيش قادرة نطلعوهولك انا …
اية بصوت عيان و بسيف باش تهدر :خلي انا نطلعو …
ابتاسملها …خلاها و راح وجدلها تيزانة …و رجع عندها …لقاها سڨمت روحها .. جمع قشها لي على الارض ..و قعد معاها …مدلها للكاس شداتو برجفة …و بقات تشوف فيه …..و تشوف في عيونو ندم كبير ..و في كل حاجة يديرها تحس بلي جرعة الاهتمام تزيد ..و جرعة حنانتو تزيد ….
نحالها المغرف من الكاس و بقى يعاون فيها تشرب ….و يمسحلها على شعرها غير بلعقل …..و هي برك تشوف فيه كي شغل تشبع و تبروفيتي من خزراتو ….و تخمم في حل لحالتها …..
كي خلصت زاد مدلها دوا …و بقى معاها كيما تتحرك يتحرك …جاب مطرح صغيرة حطها تحت سريرها …بقى شادها من يدها …قاعد على مطرح صغير و راسو حاطو على سرير تاعها و يشوف فيها ..و هي تاني .. هكاك حتى رقدو ….
كي رجعت العائلة من الحفلة لقاوهم يهديك الطريقة …واحد ما تأثر …غير سيرين و الجد لي بقاو شادين طرف الباب …متكيين عليه …الجد قلبو غير يزيد يوجع …اما سيرين دمعة طاحتلها …و لاول مرة تجرات دير حاجة …شدت تلفون .. و صوراتهم هكاك بلاك تخلد صورة هديك حبهم كاش نهار …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 173🌚🌚:
حوار اية بينها و بين روحها كي جات ترقد :
يا رب ….من لي كنت صغيرة و انا نكافح ..حياتي كامل جبتها صبر ..يا رب الحمد الله مزالني لحد اليوم مدرتش حاجة حرام …يا ربي مخليت لا صلاتي …و جامي نسيتك و لا ثانية …يا رب كيما كنت معايا في الخطرات لي فاتو كون معايا …جامي حسبت يصرالي هدا كامل …اااا ربييي شحال موجوعة …اا ربي شكون يفهمني دوك ..يا ربي و كون في عوني …(تفكرت كامل واش صرا حدث بحدث بينو و بينها …نهار لحقت و شافتو لاول مرة كيفاش كانت ردة افعالهم …تفكرت كي عزفت على القيطار و بهدلها …تفكرت كي راحو لدار الجبل …كي ساقت بسيارتو ..تفكرت نهار دخلت لشمبرتو اول مرة …و نهار ضربها …نهار ضلموها كامل على جال مروان و هو وقف معاها مام متاخر …تفكرت نهار دارولها الفخ ..و تعدى حدودو معاها في الضرب …منبعد رجعلها حقها و اعتاذر منها …تفكرت كل لحظة معاه لي شركة التصوير …تفكرت نهار ركبت معاه الخيل …و تفكرت كل خطرة ضاق خاطرها و خرجها من دار ….و سورتو نهار عرفت سرو الكبير )…يا ربي جيت باش نجوز فترة ..كان هدفي الانتقام و نرجع حقي ..و دوك واش …شعور مفهمتوش و عمري منحب نفهمو ….يا ربي شكون قال ترجع حياتي هكا ….كون مجاوش كاين صوالح ملاح .. كون قلت تحولت من السيئ الى الاسوء …يا ربي اغفرلي وعدتك بلي كون نلقى العبد لي دارلي هكاك في هداك الوقت نتاقم منو و جامي نقرب منو و لو نصافحو …اما …💔💔💔منقدرش …يا ربي و كيفاه ندير …نفسيتي تعبانة .. نقدرش نزيد …نفسي ضاق من دار هدي ….نروح نخليهم نقدرش والفتهم …نقعد هنا مع قوم اناني يخمم غير في روحو …نقدرش تاني صبرت بزاف …و قلت عادي …اما دوك جا الوقت لي لازم نشوف فيه لروحي …اية يا اية …بركاكي ما تخممي في ناس كيما يقولك اسلام …و خممي في روحك …يا ربي كون نكمل هكا نموت في سن صغير …شبعت لمرار تاع دنيا و ما قلت والو …و جامي شكيت لحتى واحد …..يا ربي نروح نخليه نقدرش …نقعد نقدرش …كيفاه ندير … عييت عييت …طبيبة نفسانية و مش قادرة على شقايا تاعي …من لي جيت لدار هدي غير مصيبة مورا اختها …نعرف كلش مكاتيب …اما خلي نبدل انا المكتوب بيديا …و يبقى كلش قضاء و قدر….علاه ربي علاه …علاه والفت لي جيت ننتاقم منهم …علاه تلاقيت بيهم أصلا …علاه هو اسلام …علاه اسلام 💔💔…….اااااه اااااه شكون قال يجي نهار هدا .كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 174🌚🌚:
الساعة 22 …هبط من دروج شاد ساكودو تاعو …ملامح تاع وجهو معمرة عبوس و حزن …جاز على الصالون …لقاهم كامل لتم مجمعين …يعاونوها تسڨم ليفاليز تاعها و يقصرو معاها آخر تقصيرة ….
اسلام :جماعة انا رايح عند صاحبي …(دار يدو على راسو دار تحية و قال )اية طريق سلامة …
دارت ليه تشوفو …لقاتو صاي راح …خلات لي كان في يدها استاذتت منهم …لبست بليغة تاعها و راحت تجري و شادة راسها باش متدوخش و كانت تزرب باش تلحقو قبل ما يركب طونوبيل و يقلع …
لحقت عليه غير كيما غلق الباب و خرج …حلاتو هي تاني و تبعاتو …غير سمع صوت الباب تغلق حبس بلاصتو …
اية بصوت مبحبح (كي يتغلق النيف)و نيفها يصفر كامل …و في نفس الوقت حزين :اسلام هكا يديرو العيباد ؟ متسلمش مامبا عليا …تسما كيما جيت حا نرجع …
راح حط ساكودو داخل طونوبيل …و رجع ليها …
اسلام بصوت عيان و ملامح حزينة :واش ندير ؟ هاه قوليلي واش ندير …نودعك باش نزيد الطين بلة ؟ …واش ندير و انا السبة لي حا ترجعك لداركم بعد ما كنت حاسب بلي جامي حا ترجعي و حا تعيشي عندها ..واش ندير و انا لي الخطرة هدي مقدرتش نقنعك باش متروحيش ….
حطت يدها على لي لي فوق نيفها سڨماتو و ضحكت ضحكة موجووووعة ….باش تلطف الجو برك …
اية :مشي قلنا نرجع .. اسلام :قلتي بصح جامي تصرا ..ادا صاي لحقتي جامي ترجعي …و لا نزيد نصبر 8 سنين تاني ..صاي اية ربي يسهل تزيديش عليا ..مشي ني رايح دوك نهمل باش منودعكش صباح جبتي تصعبيها عليا …نحملش الوداع انا …
اية :علاه انا ساهلة عليا و لا كفاه …معلش اسلام ..منيش حا نطول عليك . .برك حبيت نقولك شويا صوالح قبل ما نروح …
شدتها الغصة تاع البكية ..و طاحتلها دمعة ..ضحكت و شافت فيه و هي تضحك ضحكة مخلطة بالدموع …
اية :هههه و الله ماني قادرة و الله …
سكتت حاطة يدها فوق فمها تخبي الرعشة هديك تاع الشوارب كي يغلبوك الدموع ….نحات يدها صفقت صفقة خفيفة …بقات مزيرة على فمها ..اما الرجفة تاع شوارب غلبتها ….بقات تهدر و الخنقة هديك غلبتها …و كل ما تقول حاجة تحبس تغلبها شهقة هديك …
اية :منعرف منين نبداهالك ..اسلام و الله مشي عليك لي حا نروح …انا قتلك سامحتك …أصلا ما درت والو باش نسامحك ..يعني طحت عادي مشي نتا سبة …تعرف انا منحججش بالعيباد …بصح مشي على هدا لي حابة نهدر معاك (حطت يديها على وجهها بلعقل برك على نيفها و خلات الدموع يطيحو )
اية بشهقة لي تخنق في الحنجرة : و الله منقدر هههه …شوف اسلام …صح لقاء لي كان قبل أشهر مكانش مليح …و كنا كي القط و الفار …و جامي تصورت يجي نهار هدا نبكي باسكو حا نروح و نخليكم و لا بالاحرى يجيني فراقك صعيب …اسلام مهما هدرتلك نقدرش نوصفلك واش كاين في قلبي …و كاين صوالح نخليوهم في القلب خير …اسلام و الله و الله لهدي روحة مهي عليك …بصح سمعت بنصيحتك كي قلتلي اهتمي بروحك ..و هاني حابة نهتم بروحي و نبعد غير باش نريح .. و وعدتكم بلي حا نرجع نشوفكم ….
حبسها اسلام :و كيف كيف تاع ترجعي تشوفينا بعد ما كنت نشوفك دايمن و تعيشي معانا …هاه؟
اية و شواربها يرجفو : و كيفاش ندير ..نبقى هنا نتعذب برك …ني حابة نريح اسلام ..عيييت و الله عييت …و تعرف مش حتى نحكيلك …ملي لحقت غير مشاكل …تصعبهاش عليا و انا بسيف باش قنعت روحي …
اسلام بصوت مخنوق :عندك الحق …نتي تاني عندك الحق تريحي ..اسمحيلينا هبلناك معانا سورتو انا …
اية :هففففف اسلاااام ⁦☹️⁩⁦☹️⁩مشي هكا و الله علاه تصعبها عليا …
اسلام :منيش نصعبها عليك نتي جيتي تصعبيها عليا ..قرار خذيتيه …واش ندير انا ..حللت فيك ..سمانة و انا نحلل فيك واش نزيد ….
اية :صحا نقولك …خطبة حبو يسيفوني على واحد نحبوش أصلا …و دوكا ني نتداوى عندو ..كيفاش حبيتني نبقى هنا ..نتداوى عند واحد حاب يخطبني …و باش يتقرب مني ….هكا نروح نداوي بعيدة عليهم كامل ….و الله يا اسلام غير مشي عليك …و الله …😢المهم نروح لصلب الموضوع و منطولش عليك ….اسلام دمت ملاكي الحامي و سندي …مهما درت دنيا كامل . جامي نلقى عبد عوضني بحنان الاب كيفك …ندور دنيا كامل و منلقاش واحد حبلي الخير كيفك ….تجاوزنا بزاف صوالح انا و اياك باش لحقنا لمرحلة هدي …(الهدرة حصلتلها في حلقها) صح كانت مرحلة صعيبة بصح تجاوزناها …جامي حسبت يجي نهار نرجعو كيمنهك …ارادتك هي لي خلاتنا نتبدلو في زوج و تتبدل وجهة نظرنا ….كنت نحسب كي نجي نروح نفرح …اما دوك شوف حالتي ….اسلام اسمحلي ..قلتلك نوقف معاك و …(حبست الهدرة بسبة الدموع ) اما ظرفي الخطرة هدي ميسمحليش …نوعدك بلي حا نرجع …وقتها نلقاك هكا منعرفش …نلقاك متبدلتش منعرفش ….
اسلام بعينين يلمعو و وجهو احمر : صحا سؤال اخير اية واحد و اخير …عندي شحال و انا مخزنو عندي ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 175🌚🌚:
اسلام بعينين يلمعو و وجهو احمر : صحا سؤال اخير اية واحد و اخير …عندي شحال و انا مخزنو عندي …
اية :هيه قول سقسي لي حبيت ….
بلع ريقو .و شاف فيها نظرات جدية ….
اسلام :قصتي تعرفيها …كون صرات ليك …و تتلقاي بلي كان كابوسك و خلاك تشربي المرار و تعاني وحدك …تسامحيلو ادا طلب السماح …
جات تقاطعو بلبكاء …بصح حبسها ……..
اسلام :اصبري نكمل ….و ادا سامحتيه …كون يحبك تقبلي تكوني معاه …
طرطڨت اية بالبكا …..و خبات وجهها بيديها …..
ضحك ضحكة مخلطة بالغصة هديك و حط يدو على راسها يمسح على شعرها …
اسلام :هشششش تبكيش …..
كانت تشهق تنحي في الوجيعة لي خباتها شحال من عام …
اية :نعرفش …كل واحد و ظروفو …كون صراتلي ..😢😢😢نسامحو مع الوقت كي نعرفو ….و ادا يحبني …انا منعرفش ادا حا نحبو …و ادا حبيتو منيش حا نبينلو …و تبا لحب كيما هداك …تقدر دير والو غير على جال الخوف …اما منعرف ….منعرفش اسلام منعرفش مشي وقت الهدرة هدي 😭😭😭…مشي بلحاجة الساهلة …مشي حاجة ساهلة تسامح تنسى تحب و كلش خطرة وحدة ….منعرفش عنديش إجابة …
لاول مرة اسلام يفقد الامل …و يحس روحو صح صاي لي دارو كامل راح …
اسلام بصوت مخنوق و لاول مرة يجيوه الدموع و عينيه يلمعو ..و يدو مزالت على راسها يمسح على شعرها بلعقل …
اسلام :عندك الحق عندك …بلاكي و تتخلاي على مبادئك مينوشة …اسمحيلي على كلش ..اسمحيلي من نهار لول كاااامل لي شفتيني فيه … من نهار شفتيني لاول مرة و مكنتيش تعرفي بلي وليد عمك …اسمحيلي من نهار لي سمعتش لعياطك و خليتك تكرهي جنس الرجال …اسمحيلي لي انا كنت سبة في دموع لي حرقولك خدودك ..كي انا لي كنت السبة تفقدي حلاوة الدنيا و تعتازلي مجال يسموه الحب ….اسمحيلي اية من هداك نهار لهاد النهار دوك لي راني نفكر فيك في صوالح مش ملاح …اما هكا على الأقل ادا صراتلنا حاجة و فرقتنا لموت نكون طلبت السماح منك …و وقت تحبي تاخذي حقك مني راني هنا ….ميرسي على كلش ميونوشة ..ميرسي على وقفتك معايا مام واش درتلك كامل …ميرسي كي خرجتيني من عالم البؤس إلى العالم هدا المليئ بالحب …بصح للأسف رايحة …اما خطرة هدي لازمش نكون اناني …اسمحيلي …كنتي قطعة ثلج نقية بيضاء …و تبقاي هكاك …ادا في بالك توسختي بسبتي فأنا نقولك نو …و ربي يخليك و يعيشك اسمحيلي …سنين و سنين نستنا في نهار لي نعاود نشوفك فيه و جامي حسبتك بنت عمي …سنين و سنين و تصويرتك مراحتش من عينيا ….سنين و سنين و انا نستنى ترجعي نطلب سماح منك …هدرتك و عياطك جامي نسيتهم …تعذبت و قريب متت …كون مشي نتي لي رجعتي و مديتيلي الامل باش نبدى صفحة جديدة جامي نكون هكا دوك ….اسمحيلي يا انقى قطعة ثلج على هيئة انسان في العالم …اسمحيلي يا مخرجة اسلام من ظلمته …اسمحيلي يا عينين اسلام .. يا لي شعلتلي حياتي بنور وجهها و باملها حنانتها .طيبتها و كلش كلششش فوققق كلش كتمها لسر كان يمكن يحطمني انا قدام العائلة …و تفضيلها تعاني وحدها و تكتم معاناتها شحال من عام ….و الله يا روحي كون جيت نعرف يجي هاد النهار و نكره هكا كامل و نعيف روحي …غير لوكان هداك النهار شربت دوا و بقيت راقد …غير لوكان هداك نهار درت المستحيل باش نتلاقاش بيك …غلطة درتها بكري …خربطتلي كلش دوك ……..
اسمحيلي …ثم اسمحيلي ثم اسمحيلي هذا لي نطلب منك برك ..و الباقي عندك الحق في كلش …برك نطلب منك سماح …و سماح يخرج من قلبك مش كي حنينة و طيبة قلب تقولي سماح ….كنتي تشوفي لعيوني واقفة معايا و متحدية خوفك مني …و تتصرفي كي شغل عادي غير باش تجرحينيش …بصح كون غير فكرتيني …باسكو هكا زدتي عذبتيني بطيبتك اية …كون غير جيتي مش مليحة و درتي بيا حاجة مش مليحة كيفي …باش نكفر و لو بشويا على ذنوبي …اما للأسف نزيد نتعذب برك ..باسكو خرجتي خير مني …من لي رحتي عليا و انا نخمم عليك ..نقول واش بيها واش صرالها ..كون دير حاجة في روحها …و نتفكر بلي خليتك تذوقي المرار لي تذوقتو انا …
اية كانت غير تقوى في البكا و هو عينيه يلمعو …و صوتو غير يتخنق كثر و كثر….كانت مش قادرة تشوف حتى في عينيه …و ندمت على ثانية لي قررت فيها تروح …غير على جال الهدرة لي سمعهالها لي كانت مش حابة كامل تسمعها ….مكانش حتى قادرة تهدر ….
و هو راسو غير يدورو باش يضربو الهوا و يخبي لمعان تاع عيونو …و يحوس ينحي الخنقة هديك لي شدتو ..و يرجع صوتو عادي . …اما طريقة بكائها …خلاتو يقدرش حتى يتحرك …
خلات الدموع يهبطو وحدهم …شافت فيه هكاك و عينيها حومرين …تحرك راسها غير بلعقل يمين شمال …
اية :مكانش واش نقدر ندير انا دوك …كيما قلت غلطة في الصغر خربطت كلش دوك …السماح مشي بالحاجة الساهلة …اما انا سامحتك عندي شحال …من نهار عرفت بقصتك …السماح سماح اسلام ….😭😭😭اما (شهقة )باش ندير روحي مكان والو و نرجع عادي صعيبة شويا …و مشي دوك …حاجة نقدرش ننساها …و منحبش نتفكرها …اما تبقى عزيز عليا و جامي يدي واحد بلاصتك …ولا حتى يقدر يعوضها ….بصح ننسى و نتصرف عادي (حركت راسها بنو )..ربي يسامحك و يسامحنا كامل ….
حطت يدها على لي فوق نيفها سڨماتو بلعقل ….قدمت عندو ترمات في حضنو ….سلمت عليه …شدها ليه حضنها …غطست راسها بلعقل على رقبتو …و تسمح على ظهرو و هو يمسح على شعرها بلعقل و مشي مامن بلي نهار هدا جا ….
بعدت عليه بعد ما شبعت ريحتو …بعد ما خدات القسط هداك من الحنان …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 176🌚🌚:
بقات تشوف في عينيه ….
اية :باي باي اسلام …دمت ملاكي الحامي …يجي نهار ان شاء الله نرجع …نتمنى نلقاك هكا و متبدلتش و نتمنى كي تشوفني مديرش روحك تعرفنيش ….و تلفون بيناتنا ..امااا ما نقدرش …لا أستطيع
بعدت عليه شويا …باش تروح و تخليه و تصعبهاش كثر …
اسلام : بسلامة ..و ديري في بالك بلي كنتي اغلى انسان عندي في هذه الفترة و تبقاي هكاك …و ادا رجعتي تلقاي بلاصتك هي هي ….اسمحيلي على كلش و ميرسي على كلش …
راحت بزربة بلا ما تشوف فيه تقدرش تزيد حتى ثانية …و دموع يسيلو وحدهم ….
و هو دار رايح لطونوبيلو رجليه و ميقدرش يتحكم عليهم …مسح عيونو لي كانو يلمعو …زير علي يديه …و كمل مشيتو ركب الطونوبيل ….و ديمارا …يسوق و رايح فيها …يتفكر كلش …من اول خطرة شافها الى لحظة الوداع لي ودعها …و قلبو يوجعو ….و خطرة على خطرة يشوف للكرسي لي قدامو و يتفكر كي كانت تقعد تماك و تعاندو ….كان يتنفس بسيف ….حس روحو ضاق و ميقدرش يكمل …حبس الطونوبيل و خرج يستنشق الهواء …حس الدنيا ضاقت بيه …يجي يندم و يكره يتفكر هدرتها لي بدلاتو كامل …بقا يرمي الحجر برجليه ….و كلامها يجي لوذنيه ….
…اما هي راحت من جيهة دروج باش متخدلش من صالون و يشوفوها …راحت لدوش …تبكي و تخرج في كلش …و تكتم صرخاتها و شهقاتها …..حتى سمعت طبطيب …مسحت بلعقل على نيفها ….حلت لقاتها سيرين …
سيرين غير شافتها حست بقلبها تزير عليها …
سيرين :شبيك اية راح صاي …
حركت اية راسها بايه راسمة ابتسامة بكل وجيعة …
خرجتها سيرين داتها لشمبرتها ..قعدت تنحي عليها شويا …اما مقدرتش ..كانت تهدر بسيف….رجعو لتحت ليهم بعد ما خبات شويا أثار البكاء …اما الجد بقى برك يشوفها ……
العشية كامل العباد رقدو …اما هي محضنة سيرين بكل قوتها …سيرين راقدة و هي شادة باليد الاخرى تلفون تشوف لي ليفوطو تاعهم و فوطو لي شدتها سيرين آخر مرة …و دمعة تتبع اختها ….راحت جيهة ليميساج ..لقات ميساج كي كانو في دار ايمن كي قاللها شويا و نروحو وجدي روحك …رمست ابتسامة موجوعة و شواربها يرجفو …و غلقت التلفون ….حتى داتها عينيها بدموع …
اما هو راح عند صاحبو و ليل كامل و هو يتقلب في سرير …و خلص شحال من باكي دخان لاول مرة في حياتو ….كي يجي يكره و لا يجهل …يتفكر هدرتها …و خزراتها كيفاش كانت تشوف فيه باش تقنعو …من جيهة يقوي روحو …و من جيهة اخرى يحس بقلبو يتزير و يتعصر وحدو …و النفس يروح و يرجع ….يتقلب يعاود ينوض ..يعاود يرجع …يقلب المخدة …يسڨم رجليه …يسقم يديه ..هكاك و مجاش نعاس و جامي يجيه ….
________________😁😁😁😁|||||||||||
نرجعو بالاحداث شويا لور بسمانة :
بعد ما خممت اية مليح ….و رجعت من طبيب بعد ما خذاها اسلام …و طبيب كان ايمن …زاد كرهت روحها كثر ….قررت و أخيرا اقتنعت بقرارها .. طلعت عند جدها تمشي بالعقل ….طبطبت على الباب و دخلت عليه …
اية :جدي جيت نهدر معاك بلخف و نروح و منيش حابة تعارضني …عيط لبابا و قولو يجي يديني في اقرب وقت ..
الجد:وشبيك اية راه في كلينيك لخرا ياخي …و زيد راكي عندنا عزيزة مكرمة
اية :ههههه هيه كثر خيركم …و قول لايمن بلي مكانش خطبة نيش قابلة ملخر …و الراجل هداك صاحبك و لا منعرف لي بهدلني نص العيباد رفعت عليه قضية خليه يدبر راسو و قلت لاسلام يكملي القضية ….المهم وليدك عيطلو و قلو ارواح تدي بنتك ….و قولو يدبر راسو كيفاش يجي صينو نروح وحدي قولو برك يبعثلي المفتاح …مهم يدبر راسو …
الجد :لهاد الدرجة عيتي منا …و حابة تروحي ….
اية :شوف لحالتي …شوف كيفاش وليت …نزيد شويا نطرطق ….نقدرش صاي …على الأقل نروح نربح صحتي …و نتداوى مع طبيب خير من لي راني عندو دوك …المهم جدي قتلك ترفضنيش كيما انا جامي رفضتلك طلب ….
الجد :تسما حابة تروحي صاي …و ترجعيش ؟
اية:نرجع كي يكتب ….رجعلي الخبر في اقرب وقت و قولو لازم لازم يجي ….اني قتلك صينو نروح انا وحدي ….
عبس الجد و ملقى واش يقول ….وخلاها مهدرش ..و قال يدير على خاطرها ….أصلا لازم يخليها قبل ما يدير واش يحب …يخليها تريح شويا منبعد كلش ساهل في بالو ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 177🌚🌚:
لحق الصباح و أخيرا. ..صباح الرجوع الى دارهم …عند باباها …و الى الحياة للتعيسة وحدها ….
ناضت مع سيرين لي مكرفجة دموع كامل …لقات باباها لحق صباح بكري ….راحت ليه سلمت عليه عادي و عنقها تعنيقة خفيفة
باباها: سافا اية واش راكي …نيفك سافا شويا دوك …
اية:حمدا الله ….
كان الجو بيناتهم فري مقلق ….و لاحظت بلي باباها لاول مرة دخل الدار …و هدر مع الجد ..فعندها شحاال جامي شافتو يهدر معاه …حبت تسقسيهم اما لي في قلبها خلاهاش تهدر و تهتم بزاف …..
راحت وجدت روحها و سيرين غير تشوف فيها …لاغوب لي نحاتها اية …شدتها سيرين .
سيرين :عيشك خليهالي …كي نتوحشك نشم ريحتك ….عيشك …
شافت فيها اية …شادة روحها بسيف برك …فشحاااال صعييييبة لحظة الوداع ….مقدرتش تهدر غير حركت راسها بايه …هبطت القش لي بقاو فلاشومبر هديك و خلاتها فارغة ….قبل ما تهبط راحت طلعت لاشومبر تاع اسلام …دخلت تدور و سيرين وراها تمسح في دموعها ….
خدات بابي موشوار …عمراتو بريحتو …و جات خارجة حبستها سيرين …
سيرين :اية …اسلام خلالي امانة …و ان شاء الله ترفضيليش الطلب …
حلت سيرين يدها لي كانت مغلقتها …و تشوف اية البراسلي لي كان يديرو اسلام ….
سيرين:قالي بلي تواعدتو هو ينحيهش و نتي ماتنحيش السنسلة هديك ….قالي (بلعت ريڨها بسيف ) قالي قوليلها تدي البراسلي و تخليلي سنسلة تاعها …و قالي تاني ادا رجعتي رجعيه معاك و وقتها يرجعلك سنسلتك. ….
بلعت اية ريڨها بصعوبة …نحات ديراكت السنسلة لي كانت في رقبتها …مدتهالها و شدت البراصلي …حطاتو على يدها و سڨماتو …
سيرين :تنحيهش …خليه جا عليك ….و عيشك حافظي عليه و كي ترجعي جيبيه معاك …و بلاكي تنساينا ..
خرجو من لاشومبر غلقو الباب …و اية دمعة شدتها بسيف ..
هبطو فطرو مع بعضاهم و وشمن فطور …بسيف باش يهبط من خنقة تاع دموع ….
غير خلصو غسلو وجدو رواحهم …و لحق وقت يقلعو …..
بدات اية تسلم عليهم بالواحد …جاتها بزاف صعيبة اما كيف فراق اسلام مكانش ….سلمت على جدتها …منبعد نسا عمومها …و عمومها … و جدها لي سلمت عليهم و عنقاتو تعنيقة كبيرة ….و ما تقدرش تهدر غير دموع لي يطيحو …و وجها احمر …و خلات سيرين هي الاخرى …غير عنقتها في زوج يبكيو …و يتمايلو ….بسيف باش طلڨتها …و قدرت تدخل لطونوبيل . …و شحااال صعيبة كي دخلت لطونوبيل و بقات تشوف لفيلا و لبلاصة القاراج خزرات تاع وداع …و شحال صعيبة كي كانو يشوفو فيها كامل برا …و يديرولها بيديهم باي باي …..
…….طريق كامل و باباها يسوق و يشوف فيها و هي غير صوت نيفها لي يتسمع …و كانت مدايرة كيتمان رايحة فيها غير تتفكر في كلش كلش كلششش و تخمم في اسلام……كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 178🌚🌚:
يوم يجوز …يزيد خوه …سنين يجوزو بلخف و ما ادراك الايام ….جازو شهرين و نص …رجعت لخدمتها لقات كلش تبدل ….رجعت لتعاسة تاع تبقى وحدها فدار ..و باباها خطرة يكون خطرة ميكونش ….كل يوم تراسل سيرين و تهدر معاها و تهدر مع العائلة كامل ….غير انسان واحد …و هو اسلام …هي تبعثلو فسلام منعد سيرين و هو كيف كيف ….خطرة في شحاال برك يعيطلها يسقسي عليها و يكوبي يكثرش الهدرة معاها …هدا كامل على جالها هي لي تغلق للتلفون معظم الاوقات …باسكو حابة تريح و تنسى ….شهرين و نص …عرفت معنى اسلام….شهرين و نص عرفت معنى الاهتمام….شهرين و نص شربت مرار الاشتياق …..و مرارة تاع تفقد شخص كان يهتم بيك و مدايرك كي بنتو في ليلة و ضحاها ….و معنى البعد عن حضن واحد كان موفرلها كلش و كان مدايرلها لي تحبو و مدللها …ولات تتمنى واحد يقولولها تلبسيش هكاك و البسي هكا …واحد يقوللها واش حابة نشريلك …واحد يقولولها روحي ترقدي …و يبقى يتحكم فيها كي شغل باباها …و يتهلى فيها …..في الوقت لي كانت 24 ساعة على 24 معاه …مكنتش عارفة بقيمتو …اما كي ولات لتعاسة دارهم عرفت واش معنتها …عرفت واش كان يعنيلها اسلام …عرفت بلي كيف اسلام جامي تلقى واحد يديرلها هكاك ….و يدللها القد هداك كامل …الراحة لي كانت تلقاها معاه صاي مازادتش ريحت هكاك …توحشت واحد يتقلق عليها و يحوس عليها …و وين يروح يديها …توحشت شدة القوية هديك لي يشدها ليه كي تكون ضعيفة باش يساندها و يبرهنلها بلي مش حا يخليها و حا يبقى معاها ….
اما هو شهرين كامل و هو جسد بلا روح …كل بلاصة تفكرو في صوالح …شحال من خطرة يجي يكره و يخمم يولي كيما كان ..اما هدرتها توجور تجيه لبالو ….و زرعتلو روح الامل …شهرين كامل و هو يدخل لشمبرتها يشوف مليح و يخرج …شهرين كامل يروح للخدمة مع سيرين يحطها تقرى و هو يكمل وحدو …توحش يتهاوش معاها . .توحش العناد تاعها …توحش حتى حركاتها….ولى يشوفها في كل بلاصة …….و زيد فوق كلش وضع جدو مقلقو …جدو لي غير كيما راحت اية ب 15 يوم شد السرير مريض ……
…….
خرجت من دوش ..باش لغدوا تخدمش تقعد تريح …شدت تلفون تهدر مع سيرين ….و بالها مريحش …
سيرين :اية حبي نقولك حاجة …
كانت نستنى اية واش تقول ….
سيرين :جدي اية راه مريض …علابالي بلي علابالك بصح دوك ولى كثر ….كل يوم يديه اسلام لطبيب ….عندو مشكل في قلبو …مكنتش حابة نقلقك …اما دوك لازم نقولك …راه في سرير ميهدر بزاف ما ياكل بزاف كيف عادتو …ضاق خاطري و الله ….نتي رحتي ..و هو مرض …الدار راهي ظلمة ….ادعي ربي يشفيه و يرجع كيما كان …
اية حست بلغصة …و حست روحها كي شغل لي الغربة …
اية :ان شاء الله في اقرب وقت نجي نشوفكم و نجي نسقسي عليه …كل يوم نعيطلو انا يخبي عليا ….
سيرين :ان شاء الله ….أيا انا نروح ندير العشا …وكيما العادة اسلام يسلم عليك هههه
اية :هههه صحا سلامو في الجنة نتي تاني سلميلي عليه ….
كوبات على سيرين …و ناضت فشلانة كامل مشطت شعرها …و راحت صلات …و خدات وقت ادعي و تشكي همها لربي …و تطلب يعاوننها باش تقدر تكمل بلا ما تتعاود سيرة اسلام في بالها في كل خطرة ….
كي خلصت دخلت الكوزينة ….دير واش تاكل و باباه مكانش …سمعت تلفونها يصوني .. جرات تشدو لقات اسلام …ابتاسمت …و معرفت لا تريبوندي لا تخليه يصوني …جات تريبوندي كوبا ….
اية :هفففف اية …افهمي روحك …هففف هكا حا تخسري حتى صداقتو …يا ربي و كون في عوني يا ربي كل خطرة نزيد نتعلق يا ربي نيش حابة نتعذب ….
شويا و يعاود ….شدت رابيد ريبوندات عليه …
اسلام :حمد الله و أخيرا شديتك …سلام
اية بصوت متردد :عليكم سلام واش راك ..
اسلام :حمد الله سوال عليك برك …واش راكي…
اية :حمد الله سافا تاني …
اسلام :خلصتي ليفيزيت تاعك عند طبيب
اية:هيه السمانة لي فاتت …و نتا وينك ……
اسلام :ني برا ندور ….
اية :بواش ؟
اسلام :بسكوتور….ضحكت اية ضحكة تاع توحشاتو و تفكرت الايام …
اسلام :شبيكي …اية :هههه والو توحشت سكوتور هداك …
اسلام :صار ..روح هاه …سكوتور توحشتيه و حنا توحشتيناش …
اية :هههه هنووووو ….
اسلام :معلش …علابالي متحبيش تكثري الهدرة معايا …برك عيطت حبيت نسقسي عليك قدرتش نزيد كثر ….
اية :عيشك ميرسي …
اسلام :اتهلاي في روحك …و تعييش روحك بزاف باي …
اية :بسلامة …
كوبا حط تلفون في جيبو…..وديمارا بسكوتور حاس روحو تائه و معندو حتى معنى في الحياة ….
اما هي غير كوبا …حست روحها بلاك تقصر عليه و مش يهديك طريقة يرجعو العيباد …اما متقدر دير والو ….راسها مخلط كامل و مشاعرها مخربين ….واش تتبع ماعلابالهاش ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 179🌚🌚:
وجدت العشا …حطت روحها تاكل شويا ….و رايحة فيها في تخمام و تفكر كيفاه كانت قبل شهرين و نص تاكل مع العائلة ولات تاكل وحدها ….
كانت تغسل المواعن …حتى سمعت صوت الباب تفتح و عاود تغلق ….عرفت بلي باباها ….
نحى صباطو عند الباب …و دخل عندها ….
خالد (باباها):سلام عليكم …
دارت ليه لقاتو دخل الكوزينة….
اية:عليكم سلام عسلامة ..نحطلك تتعشى ؟
خالد :حطي …واقعدي هنا عندي هدرة معاك ….
حطتلو ياكل ….و قعدت معاه في الكوزينة …بدا ياكل و يشوف فيها ….
خالد :بابا مريض ياخي علابالك …و زادت حالتو كل يوم تدهور حالتو
اية 😞⁦☹️⁩:وي علابالي …تقلقت عليه ….
خالد :هيه و طلب يشوفنا في اقرب وقت …انا راني مقلع على زوج تاع صباح …ادا راكي حابة تجي وجدي روحك ….شويا يامات نرجعو نطولوش بزاف ……بصح بلاك يتغير كلش كي نلحقو …
اية :منعرفش كيفاش نخدم ؟ يا ربي كلش يتخلط تاني ؟
خالد :تنسايش بلي عندك اسهم في كلينيك لي كنتي تخدمي فيها …و في كلينيك هدي تاع هنا كاين بزاف أطباء حابين يخدمو …ادا صرات حاجة تقعدي تماك و الخيار خيارك …وقتها كلش ساهل …منعرفو واش يخرج جديد …و اني ناكدلك بلي كاين صوالح حا يصراو ادا كتب ربي حا يبدلو كلش ….
اية باستغراب :علاه ؟
خالد : المهم مدابيك تجي ….باسكو فريمو لازم تجي …حاولي توجدي روحك و ما تقولي لحتى واحد بلي رايحين بلاك نلقاو طريق مغلوق و لا و منلحقوش
اية :اوك نشوف ….
خلاها تضيع في تخمام …كملت غسلت المواعن بلعقل و راسها يخمم في حاجة اخرى …و قلبها يخبط خبيط قوي ….تروح ؟ تشوفو ؟ ترجع تشوفو ؟ ترجع تتلاقى بيه ؟ غير خلصت راحت لشمبرتها قعدت قدام المراية …و تهدر مع روحها برك وحدها …
اية بينها و بين روحها :شهرين و نص اية …شهرين و نص و مراحش دقيقة من بالك …مقدرتيش حتى تقضي ساعة وحدة بلا ما تخميي فيه ….اية خلي راسك يخمم مليح …خميي مليح …لازم تروحي تشوفي جدك …و ادا رحتي معنتها حا تشوفيه (حطت يدها على قلبها و تتنفس بابتسامة مشي فاهمة شعور هداك )….هاه اية شبيك ..علاه تقلقتي هكا كامل …علاه الفرحة هدي كامل …يخي تروحي تشوفيهم برك ….اه ربييي علاه …علاه احاسيس هادو يخليونيش …(شافت ليدها تحستت البراسلي هداك تاعو …غلقت عينيها و طلعت راسها لفوق . تحاول تهدي من روعها ..) …روحي اية روحي ارجعي تشوفيهم …علاه تعذبي في روحك برك…جدك مريض …سيرين و اسلام توحشتيهم ..تعذبيش روحك …(عاودت شافت فلمراية ) نروح و الله نروح …و خلي يصرا لي يصرا ..اسمحلي عقلي اما خطرة هدي نتبع احاسيس تاعي …بركاني ما نعذب في روحي ….شحال من وعد قطعتو لروحي بلي نرجعش و نتعلقش اما صاي والفت …..و منقدرش نكمل هكا …نقدرش نخدعو بعد ما حكالي واش في قلبو و حكايتو …كون دارها ليا …كون تدمرت ….
راحت جبدت فاليز رابيد …حلاتها و هي تضحك …كي شغل طفل صغير كي يفرح ….بدات تجبد صوالح من خزانة تاعها …شويا برك …أصلا نص قشها خلاتو لتم في شمبرتها في فيلا تاع جدها ….
وجدت قش واش تلبس …راحت دوشت ..و قريب طاحت من الحماس …كان قلبها يخبط صح(احساس غير المجرب لي حا يحس بيه )…كانت دوش و تتفكر الايامات و فكرة انو ترجع لروتين هداك خلى عبوس تاعها مدة شهرين و نص يروح كامل في فرحتها هذاك نهار ….
اما خالد كان في شومبرتو يوجد في الكواغط لي لازم و لي يستحقهم و كلش متعلق بيها ….و قلبو يوجعو …قدر يكبرها وحدو مام معرفش يتصرف كيما لازم اما قدر يوفرلها كلش ….
على زوج تاع صباح كان واجدة …دات الدوا تاعها تاع نيفها ..جبدت قرعة تاع ما …و خرجت مع باباها قريب تطير و تحس رجليها يمشو وحدهم …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 180🌚🌚:
3 سوايع و نص طريق …و هي غير تتحرك على الكرسي هداك …كي شغل فيه شوك …اما هو غير حماس …خطرة تجبد كتمان …خطرة تجبد تاكل ….خطرة تخرج راسها من الطاقة …غير باش تشغل روحها و تجوز الوقت …كانت متحمسة لاول مرة تتحمس هكاك …كانت ناسية كلش …برك في بالها بلي حا ترجع تشوف لي توحشت ريحتو لي غير تشمها تشم ريحة الحنان …و فكرة انو كابوس مراهڨتها مدارتش كامل لراسها …غير تحب تخمم تغلق عينيها …و ترسم ابتسامة ….كي قربو يلحقو …و لحقو لسونتر فيل …كل بلاصة تشوفها تتفكر كي كانو يخرجو مع بعضاهم و تبتاسم حتى حبت تبكي ….زادو دخلو المنطقة وين قريب يلحقو للفيلا …غير قربو حست صدرها يدخلو هواء باااااارد ….و حست بلي نفس ضاقلها من شدة الحماس …كرشها كانت معذبتها تاني …حطت يدها على البراصلي لي فيدها …ابتاسمت ابتسامة قريب تبكي …و بقات شادة عليه …
اية بينها و بين روحها :هاني رجعت ….
……..لحظات برك تفصلهم باش يلحقو …غير ڨارا طونوبيل عند الفيلا ….شافت ديراكت للقاراج …و منبعد طلعت راسها لطاقة تاع شمبرتها …..شافت في باباها ضحكت …نحات سانتور و هبطت …من زربة قريب طاحت …..
سڨمت سروالها …و بقات برك تشوف مع الباب …
ستنات باباها عيط بتلفون …شويا و تشوف حسن وليد عمتها حل الباب ….
راح سلم على خالو و منبعد سلمت عليه و سلم عليها عادي كي شغل مصرا والو من قبل ….(قصة مروان )
خلاتهم يهدرو و يهبطو ليفاليز ….و راحت دخلت نحات صباط عند الباب و بقات شادتهم تمشي ملقات حتى واحد …تاكدت وقتها بلي صح باباها مقاللهمش بلي جاي …صيبورصا عيط لحسن ….و من الصباط لي كاين فهديك لي يحطو الصباط حاشاكم …عرفت بلي عماتها كامل لتم بحجة الجد مريض …
طلعت لفوق …راحت حلت شومبر تاعها …لقاتها كيما خلاتها …ابتاسمت ابتسامة طويييلة و قريب طاحولها دموع مش مامنة ….
راحت تجري لشمبرة سيرين ….حلت الباب بلعقل و قلبها قريب يخرج …غلقت الباب …و راحت بحذاها بدات تدغدغ فيها ….
سيرين :ممممم اسلااام خليني نزيد شويا شويا برك أصلا همممممم مزال الحال ….
دورت روحها تكمشت و غير سمعت صوت ضحكة اية …بقات حالة عينيها بالحالة هديك …حست روحها شدها شلل ….غير دورت …لقات اية قاعدة تضحك عليها ….حلت فمها مشوكية ….معرفت واش تقول …..
قربت عندها اية و جبدتها حضنتها ليها ….سيرين من شوك بقات تعيط عليها و تضربها …و كي فاقت لروحها طرطڨت بكا …..
سيرين و هي تضرب فيها و في نفس الوقت معنقتها :تحشميش اية و الله متحشميش ياااا ربي شحال توحشتكككككككك 😢😭😭😭تزيديش ديري هكا علاه قلتيليش بلي جاية ….
اية :ههههه هششششش اسكتي هاني جيت صاي ….
بقات تحكيلها واش صرا ..و سيرين تمسح فدموع ….كي خلصت هدرة ….
سيرين :انا ني مشوكية و مش مامنة ..كاين عبد هنا فدار حا يحبس قلبو ….باسكو قطعنا الامل بلي حا ترجعي و نزيدو نشوفوك….تبدل كااامل اية ..ولى وحدوخر …ولى يهدرش بزاف ..و لا يعيطش… و لا يدابزش معايا …و لا يضربنيش …بصح فوق كلش ميهدر مع حتى واحد كثر من قبل …صح تبدل حاجة مليحة …اما من لي رحتي الهدرة هديك كامل لي كان يهدرها حبسها …و الضحكة نهدروش عليها …من لي رحتي مضحكش كي العيباد …ادا ضحك تقراي من ضحكتو الحزن و التعاسة …نحس بيه كي شغل يحس روحو تخدع …..
اية :هشششش صاي عيشك ياخي هاني قدامك …و قلتلكم بلي نرجع نشوفكم …وينو دوك ؟ زعما يقبل يشوفني يعيطش عليا ؟
سيرين :راقد يا بنتي راهي 5 و نص …قريب ينوض نروحو …والله يستنى فيك كيما لي يستناو البدر ..تعرفي واش معنتها كي يجي يعطيلي باش نروحو و لا يعيطلي باسمك ؟ و كي يجي يعيط ماما يقول اسمك …شحال من خطرة غلطت كي نجتامعو ناكلو باش يطلب حاجة يقول اية ….عيشك اية خطرة هدي تعاوديهاش …تضلموش رواحكم ….الولف صعيب …مش هكا يديرو …
اية :صحا صاي صاي عيشك …أصلا رحت باش نريح و الله ما ريحت ماوالو …أيا نوضي وجدي روحك و انا نروح عندو ياخي معلش …
سيرين :😢😢روحي روحي عيشك ….

Leave a comment