Skip links

قصة سادية الحب… ج 5

 8,031 عدد مشاهداات

بقلمي انا #bibaline
#ممنوع_النقل_منعا_باتا_ولا_اقتباس_اي_حدث

باسم الله:
تحكي قائلة :”ترى ما دنبي لتعدبني هده الحياة بشتى الانواع ، لم احس بحنان الاب يوما ~ ولم استطع يوما معرفة مداق حنان الام ، لم انسى يوما داك الوحش الدي اخد مني نصف ما امللك من شرفي تتعدى صورته كل يوم بين اعيني عدبني ولم يرق له جفن ، ولكنني اتوعد لاانتقام من داك الشيطان فقد دمر حياتي وماضي وحاضري و معه مستقبلي وهاهو اليوم امامي ، نعم انه هو ابن عمي الي كان لازم يكون بينتنا قدر و احترام ، رايته ولاول مرة بعد تللك السنوات المريرة و عند رايته كأن آلاف السكانين اخترقت قلبي و عقلي ، ترى هل سيتدكرني💔
___عند اسلام :___
يحكي قائلا :”سكنت عقلي وحسستني بتأنيب الضمير ، هل يا ترى لانني فعلتها بدون رضايتها ؟ ، تعدت السنوات وصورتها لم تفارق دهني يوما ترى هل ساجدها ذات يوم ..~ ، تعدت السنوات واليوم انها تقف امامي ترى من تكون ايعقل انها هي لا ابدا مستحيل ، قاطع جدي تفكيري قائلا :”عسلامة وليدي جيت ، سلم عاى بنت عمك” ، انصدمت لكلامه و كأن صاعقة قد حطت عليه ،ترى هل ستعرفني ؟ يحاوز نفسه قائلا (و الله لم أظن أنه سيحل بنا هكذا يوم عرفت انك ابنة عمي ترى هل ستسامحيننى دات يوم يا جميلتي _____ 🔥
__تحكي اية ___:” ايعقل ان يكون ابن عمي يا لحرقتي ، لمدا فعلتي بي هكدا ايتها الحياة ما دنبي ليحدث معي هدا و من اههه ابن عمي 💔 ، اظن انني لن اعرفه ، صوته الرجولي ، و جسمه و طريقة كلامه وساديته ، في لحظة مر شريط تلك الليلة المشؤومة ،تري هل ستنتقم منه و تخبره تخبره انها تدكرته 🖤🖤 وانها تكرهه وتحس بالرعب و الخوف عند تواجده معها ، ام انها عند معرفتها لحالته النفسية ولانه ابن عمها ستسامحه مع الايام و يزول الحقد ام ان الكره سيكبر كل يوم اكثر من اي يوم مضى ؟ ترى هل سيجمع القدر بينهما ، وهل سيتمكن اسلام من تمالك نفسه عندما يكون معها ، هل سيقعان على رؤسيهما و يتحول الكره الى حب و عشق ام ان اية ستنفد انتقامها ، وهل ستتمكن من تنفيد وعد جدها ؟؟ ….______
فقط هل سيستطيعان ؟!كرونيك سادية الحب 🔥🔥.
بقلمي انا..👹👹 #bibaline 🌚🌚
الحلقة 101🌚🌚:
هي تعنڨ فيها حتى تسمع صوت الباب تحل بالمفتاح …يشوفو يلقاوه اسلام مدوخ كامل …غير شاف ليفاليز لتحت و هي موجدة روحها تشوكا …
اسلام بصوت عيان:سيرين شبيكم مع صباح ربي …
سيرين بدموع :اسلام راهي رايحة عيشك قوللها تقعد …
شافت اية في سيرين …
اية :قتلك نجيك و نتلاقاو جامي ننساك …
اسلام مدوخ كامل ….:كيفاه هدي تاع جامي ننساك وين تروحي مشي اتافقنا ؟
اية :اتافقنا مدة 24 ساعة ابن عمي …انا ني رايحة …اتهلاو في رواحكم …
قربت عند اسلام حطت يدها على كتفو ..و مسحت عليه …و سيرين تبكي …
اية :اتهلا في روحك وليد عمي …و ميرسي بزاف على واش درت كامل ….
كان مدوخ كامل ….غير جات تبعد عليه …شدلها ليفاليز بيديه و رجعهم لطرفو …
اسلام:وين تروحي حبسي …انقطعت على الدار يوم كامل و ني بلا رقاد يومين و نتي تقولي رايحة ..و الله مكي خارجتها …
اية:هات ليفاليز تاوعي نروح …
اسلام : و شكون يديك أصلا لي في وقت كيما هدا …
اية :سيارة اجرى راهي عند الباب ….
اسلام رفع حواجبو و مسح جبينو بيديه …صيب ليفاليز …و شدها من يدها ….
اسلام :تزيدي تستناي 10 دقائق …نروح نبدل القش هدا لي راني لابسو نغسل نفيق من نعاس هدا و نجيك … بلاااكي وتخرجي راكي وعدتيني …
اية :ني نقولك ما وفيتش بوعدك صاااي مكانش واش دير …ما درتهاش في الوقت لي لازم أصلا متقدر دير والو …
شاف اسلام في سيرين ….
اسلام :سيرين طيري لاشومبر تاعي …حلي لخزانة تلقاي تريكوات اجبدي برك …تزيدي تلقاي سروال اجبدي برك تاني ….اجبدي من كلش حاجة و ازربي ….
سيرين تشوكات من وقتاه يخليها تدخل لشمبرتو …راحت دارت واش قااللها و رجعت تجري ….
شد عليها القش ….و شاف فيها…..
اسلام :تخرج من الباب تخلا عليك …
راني حا ندخل لادوش لهنا لي برا لي جامي دخلتها في حياتي ندخلها اليوم ….بلاااكي و تخرج نبدل و نجي …
راح غلق الباب تاع برا باش متخرجش و دا المفتاح معاه ….راح غسل بزربة ..بدل حوايجو و خرج يتمايل في مشيتو تالمو عندو يومين ما رقدش …
حط القش في يدين سيرين ….و شد اية من يدها و هي تشوف فيه …
اسلام :سيرين القش لي فليفاليز نحتاج كي نرجع نلقا كلش في بلاصتو …و نرجع نرجعهالك باذن الله …
سيرين فرحانة :ربي يخليك رجعها ….
خرج يجر فيها و هي تحاول تنحي يدو من يدها ….
خرجها من الباب ..لقا سيارة الاجرى لي طلبتها اية تستنا …
اسلام :هيا نركبو …نقدرش نسوق مش نروح نفري شغل نزيد وحدوخر ندير كارثة نموتو على ضربة …
دخلها من لور زاد هو تاني من لور ….و قال لسائق يديهم لاكلينيك حلت عينيها اية …شاف فيها بتاع واش بيك ..
اية بصوت منخفض :وين ؟ واش ؟ ديريلي زكارة و الله نهبط هنا ….
اسلام :باش نديلك حقك ياخي ني نعرف واش ندير …
غير شافها سكتت ….
اسلام هدر السائق :خو ربي يخليك سوق بلعقل …
شاف فيها …حتى تشجع و سطح روحو ..و حط راسو على رجليها ….و هي تشوكات بقات حالة فمها و تشوف في السائق حشمانة ….باش ينحي توتر هداك …حط يدو على ركبتها و حط فوقها راسو و غمض عينيه باش يغفا شويا …
اية بقات تقرص فيه باش ينوض بصح والو …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 102🌚🌚:
غير لحقو لشركة …ناض مدوخ كامل …خرج خلص سائق الاجرة و حل لباب خرجها بسيف …
اية :نحي يدك حشمت برك نهدر قدامو تزيدش تقدم مني و لا تمسني و لا تخمم حتى ديرها خلي جدي …
اسلام:ياو دوك قادر نرفدك و نجري بيك …الطفلة لقيتها موجدة قشها و انا عندي يومين مرقدتش علاجال نرجعلها حقها …امشي دوك برك نفريوها و نرجعو لصوالح هدو
اية :مشي قتلك انا نزيدش نحط رجليا لهنا ؟
شدها من يدها يمشي و يمشيها معاه و هي تجبد روحها لور ….
دخلها معاه و العيباد لي لحقو كامل يشوفو فيهم ….و يهدرو عليها كيفاش رجعت …
و هو غير يجبد فيها و هي تمشي بسيف عليها ….منبعد ولات سڨمت مشيتها كي شافتهم كامل شعلت فيهم …ولات رفعت صدرها و تمشي بكل انوثة …اسلام تشوكا دور راسو ليها شاف فيها و زاد مشا شويا …دخلها فلاسونسور …
اية :ا نونونونونو نخرج اصبر بلاااك تغلقها ا نووووو لالا نروحش معاك …
دخل و غلق لاسونسور و عبز على زر ….
اية :هوووووووووف علاااه ….
سكت حط يديه في شعرو يمسح فيه و مسح في وجهو ….
اسلام بصوت عيان :منيش حا ناكلك ….
شويا و يتحل الباب …خرج و خرجها معاه ….شادها من يدها و يمشي ….لحقو لبيرو تاع هيثم لقاتو فارغ …شرعت عينيها ….زاد جبدها معاه لحقو لسكرتيرة …غير شافت اية تشوكات …
اسلام :تجمعي اعضاء الإدارة كامل …و اعضاء التسيير …(و باباه و عمو ) في اجتماع في قاعة لي يديرو فيها اجتماعات و دراسات …..
سكرتيرة :بصح موسيو يوسفي مزال ملحقوش …
اسلام :بعد ساعة مش دوك …ساعة يلحقو كامل خبريهم و مكانش يقولي واحد عندي شغل….قوليلهم مدة 10 دقائق …
اسلام :اوك …
بقات سكرتيرة تشوف في اسلام كيفاش شاد اية من يدها …شافتها اية ابتاسمتلها ابتسامة سامطة …
كمل اسلام طريقو و معاه اية لحقو لبيرو تاعو …دخل و دخلها معاه ….غلق الباب و مزالو شادها من يدها…..
اسلام :زيدي مديلي ساعة برك و الله كلش يرجعلك مش غير حقك نرجعلك مام حقك لي باباك و عايلتك نساوك فيه ساعة برك
اية :نحي يدك …أصلا شكون نتا باش دير كيما تحب ..قلنا 24 ساعة مقلتش 48
اسلام :علاه معندكش رحمة ؟ ياخي نتي حنينة …علاه معايا برك قاسية …علاه متفاعلتيش هكا مع هيثم و ادهم …علاه هوما قلتي نخلي قضيتهم لربي سبحانو و انا تعاتبيني …علابالي غلطت معاك …كون جيتيش (جا يقول عزيزة عليا سكت تلعثم منبعد كمل ) و الله ما نديرها …عندي غير نتي و سيرين ندير عليكم العجب هدا كامل نحسكم عائلتي و شرفي …و راجل يوفي بوعدو قتلك رجلي على رجلك ميخصك والو تسما نديرها … و علابالي بلي قدر ما هدرت تقولي مش حجة باش تولي عنيف هكاك…بصح نرمالمو طبيبة نفسانية و تعرفي واش معنتها …و الله ني نتحكم في روحي قدامك قد ما نقدر ….و جامي وصلت لدرجة نبقا نحلل في واحد كيمنهك باش ميخرجش من دار ….حتى درتها معاك باسكو صح غلطت …و ادا قالولي اكثر واحد غلط معاه نقول اية ….
كانت اول مرة يقولولها اسمها ….بقات تسمع في هدرتو حتى صدمها باسمها …..
اسلام :ساعة برك يتجمعو كامل ….نديرلك واش تحبي و منبعد ادا حبيتي ترجعي لدار ترجعي تريحي …برك ساعة ..تكونيش قاسية كيما كنت قاسي معاك …علابالي تكرهيني …بصح اني نقولك نرجعلك حقك منيش نقولك حبيني و لا …انا لي درتها بيديا ….غير اصبري ساعة يلحقو كامل ….ساعة برك ….متخليش تعب 3ايام بلا رقاد يروح هكا برك …و تخلينيش نسكت على حقك …طلبتي حاجة كنت نخدم عليها قبل ما تطلبيها مني ….نهار هداك لي مرجعتش فيه لدار قبل متشرطي مني لي بديت نخدم عليه …و زدتي شجعتيني باش نديرها ….
بعد عليه …و نحاتلو يدو من يدها …و راحت قعدت فوق كرسي ….
تنهد كي معانتدش و يبست راسها …راح قعد فوق بيروه …خدا ليدوسيي لي بقاولو باش يسينييهم و بدا يخلص فيهم بزربة …و يخرج صوالح لي خدمهم بلبيسي فالدار ….و هي قاعدة فوق الكرسي تخدم بتلفونها …و تحس بلي حرقها بعينيه و بخزراتو …و مكانتش كامل مكونسونطريا لواش كان فتلفون …غير هدرتو كانت دور في وذنيها …
اية بينها و بين روحها :تستالميش …حقك رجعيه …و كملي خطط تاعك …تسمعيش لعاطفة تاعك ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 103🌚🌚:
جازت الساعة …طبطت عليهم سكرتيرة …
سكرتيرة :موسيو اسلام ..الاغلبية جمعتهم كيما قلت …
اسلام :اوكي اغلقي الباب كي تخرجي …
غير خرجت ناض عند اية ….لي كانت تشوف فيه واش حا يدير ….
قعد فوق الكرسي لي بحذاها …حط يدو على يدها و زير عليها باش متنحيهاش …
اسلام :لي حا يصرا دوك لتحت ….بلاااكي و تتخلعي و لا تقولي لالا و بلاااكي ترحمي ..كيما راكي قاسية معايا كوني قاسية معاهم …حابة القساوة لي تخرجيها معايا كامل تحاربيهم بيها لتحت ….
ناض سڨم قشو و ناضت هي تاني ساكتة برك تستنا واش حا يدير
اسلام :ديريش على الهدرة العيانة تاعهم ادا هدر كاش واحد ترجعيش تعاملي معاهم بالبارد حتى نحققلك واش حابة …
بقات غير ساكتة …خرجو مع بعضاهم و هبطو لوين اجتمعو كامل …
حط يدو على ظهرها مشبكها ليه و دخلو هكاك …
باباه و عمو غير شافوهم هكاك تشوكاو و العيباد لخرين تشوكاو كثر …..
جبد الكرسي لي فلوسط قعد فيه اية ….و هو حط يدو على كتفها و هي غير تشوف فيهم قلبها يضرب و كرشها دور ..تحوس على هيثم لقاتوش ….شافت فيه ..من نظراتها قلق بلي متوترة و مش عاجبها خزرات تاعهم و حابة تفهم واش حا يصرا …
اسلام :صباح الخير عليكم جميعا …بلا ما نطول في الهدرة ..ملخر جمعتكم على لافار تاع الخطرة لي فاتت …
(جبد يدو و عاود حطو فوق كتفها) و قال
اسلام :هدي لي قدامي تعرفو شكون ياخي …لي معلابالوش راهي بنت عمي و بنت عمي تعرفو واش معنتها ؟ معنتها لي يقيسها نقيسو و تخلاص عليه …حلفت عليكم كامل بلي نلقا لي دار المهزلة هديك حياتو ندمرهالو …كون جات درتوها ليا عادي هدرة و نفريوها …بصح طفلة ؟ تحشموش مزال تمشو بلعقلية هدي …كي شغل معلابالكمش بلي الحق يبان …. و لي فرحو كي ضربتها قدامكم ….عتاذرت منها على واش درت غير على جال ضحكتو و فرحتو …كون مجاتش عزيزة عليا و منيش مهتم بيها و الله ما ندير هدا كامل …تسما مكلاه تفرحووو …..الحق بان و كلش بان ….و نكمل انا نفري كلش …..و في هذا اليوم …اعلن و لاول مرة في كلينيك هدي نديرها …اقصاء السيد هيثم @_@_من العمل في هذه المؤسسة و من اي مؤسسة تخص عائلة يوسفي …..شراكت ابوه لي راه مقابلنا ….فريتها معاه ….نص اسهم تاعو شريتهم …و نص لخر يبقى لباباه …. و هدا بتهمة تزوير الصور و نشر المشاكل …
(صفق بيدو …و يبدا صوت تاع مكالمة هيثم مع المريض …يسمعو كامل مشوكيين …و اية كثر اول مرة تسمعها …كانت تشوف فيه عيونها معمرين دموع …حط يدو فوق شعرها و درالها براسو لالا )
اسلام بصوت منخفض :توتوتوتوتوتو بالاكي …
حبس الهدرة في النص …و عرضو محاولات شركة تصوير في انشاء الفوطو ….

اسلام : و بهذا نجبد روحي من شركة هدي و نلغي شراكتي معاهم …و الطفلة هدي قولولهم بلي ما يزيدوش يشوفو وجهها عندهم ….هكا باش يكون درس لكل واحد فيكم يدير عجااااائب و يخبي روحو …كل واحد فيكم يخمم يدير حاجة ….راكم مع اسلام يوسفي و مشي تمسخير …..و بالمناسبة الطفلة لي معايا دوك تظلمت …و انا كيما قتلكم منقبلش تتظلم …الاسهم لي شريتهم …كتبتهم باسمها …..اي تولي شريكة معانا تاع صح ….مش بحجة هي حفيدة يوسفي …بل بحجة عندها اسهم من هاد الشركة …..و بهذا يتجرا برك واحد يقرب منها ندير بيه كثر …خطرة هدي ملحقتش لحالة لاجوستيس فريت شغل مع المحامي برك و خطرة جاية غير اتجرؤووو نشوفو ….
اية تشوكاتتتت …و بقات رافعة راسها تشوف فيه تالمو هو طويل و هي قاعدة …كانت حابة تدمع متوقعتهاش منو ….
راح عند المحامي لي كان حاضر معاهم …ستناه مدلو الكواغط …و داهم عند اية لي كانت مصدومة …حطلها الوراقي فوق الطابلة غير بحذاها ….شافت فيه زاد مدلها ستيلو ….
اسلام :هاكي سينيي (امضي) و تكوني شريكة في كلينيك …
شدت ستيلو برجفة و تشوف فيه …تدنا ليه حاط يدو على الطابلة و يشوف فيها ….
اية برجفة :اسلام بصح قتلكش هكا ..منيش طامعة فيكم أصلا لي لخر نرجع عند بابا ….
اسلام :هيا سينيي ا مصيبة ني نقولك يومين رقدتش …
ابتاسملها و شجعها سينيات و ضربها بضحكة ….
صفق بيدو خطرة ….و قال
اسلام :مسرورون بشراكتنا معكم …
شاف في باباه و عمو لي كانو مشوكيين ….
اية بابتسامة :ليا الشرف ….
اب هيثم حشمان من وليدو : اسمحولي نيابة عن وليديكرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 104🌚🌚:
خلاص الاجتماع بداو كامل يخرجو …
اب اسلام:علاه مخبرتناش اسلام …
اسلام : و كان عندي الوقت باش نخبركم ؟ مهم جدي علابالو بقصة الاسهم قلتلو البارح عيطتلو قبل ..
فؤاد:بصحتك اية …
اية مزالها تاع صدمة :عيشك ….
خرجو كامل ….بقاو غير هوما في زوج …شاف فيها و هي تاني …هي تشوف فيه مصدومة و هو يضحك وحدو ضحكات تاع انتصار …
اسلام :رايحة دوك و لا قاعدة و توفي بوعدك كيما وفيت انا …
حطت راسها فوق الطابلة و خبات روحها بيديها ….ضحك عليها بصوت عيان …اول خطرة تشوفو يبتاسم هكاك كامل معاها ….يحس بلي و أخيرا دار حاجة مليحة …
طلعلها وجهها ….
اسلام : هيا معايا لفوق ….نديلك سمانة روبو تاع مرض ..نزيد نكمل خدمتي شويا منبعد نرجعو …
اية :لا علاه …نخدم نرمال نيش مريضة …
اسلام :طبيب قال ترتاحي و تبعدي على الوسط …سمانة بلخف جوز …
ناضت من بلاصتها متعرف لا تفرح لا والو …مشوكية من كل كلمةةةةة قالها …
داها لوين ياخدو ليكونحي و الاجازات …دار واش قاللها زاد ليه سمانة ….
كي جاو رايحين لبيروه …
اية : و نتا علاه سمانة ؟
اسلام :عييت …كونجي تاعي شهر راني ديت دوك سمانة و يبقاو لخرين لمنبعد ان شاء الله ….نيش قادر حتى نخمم و لا نكونسونطري..
هي أصلا علابالها بلي ملازمش يزير روحو بزاف في الخدمة و يدخل في اكتئاب و كره من وسط الخدمة …
لحقو لبيروه …حل البيسي يكمل الوراقي ….
اية :علاه شراكة ؟واش ندير بيها انا ؟ مشي قتلك حقي برك؟ ….مكنتش طامعة في املاك تاعكم مكنتش نقصد هكا …علاه انا طماعة و لا …
اسلام :تبدايها تاني ؟ تقلقينيش ربي يخليك …شوفي كيفاش ديري منبعد تقولي نخرج من دار …انا أصلا شويا برك في راسي …زيديلي …قتلك انا طماعة ؟ قتلك طمعتي في الاسهم ؟ يااا ربي وقتاه قلت هكا …كنتي حابة نرجعلك حقك …و انا هكا عندي هو الحق …مكانش يستحقهم هو …هاهم ليك دوك ….حسبت تفرحي درت حاجة جامي درتها في حياتي …اسلام لي ميصلح لوالو دار هدا كامل 😒و نتي تتفلسفي …باش برك تقلقيني و تلحقي وين حابة نوليو مانهدروش …ربي يخليك مينوشة (😌😂)ديرينيش في مواقف نفقد فيهم اعصابي و نبدا نعيط و نزيد نغلط …اوقفي معايا نتي تاني مش انا برك لي نشد روحي باش منغلطش ….نتي تاني خففي من قساوتك معايا ….
اية :😌😌😌يااا ربي شحااال تهدرررر …صاي قلت والو ….ني حابة نرجع لدار …
اسلام :😒😒10 دقائق نخلص نروحو ….
بقات نستنا فيه عيانة فرحانة قلبها يوجع على واش صرا كامل …و تشوف فيه كيفاش يخدم و كيفاش عيان يبان بريئ و تخمم علاش دار هكا كامل ….ماشي يكرهها…ماشي يحبهاش …ماشي اغتصبها ….بصح …..
خرجو من شركة …و بقاو يستناو …
اية حاطة يدها في عينيها باش تبعد اشعة الشمس …:بواش نروحو دوك ؟ ياخي جينا بسيارة اجرى
اسلام قريب عينيه يتغمضو من العييا
اسلام :شحال تخممي يا محاينك …كيما جينا نرجعو طلبت وحدة دوك تلحق يا شاطرة ….
اية :😌😌😌😌
…..
كي لحقت طونوبيل ركبو خطرة هدي ركب لقدام و هي خلاها لور ….
لحقو لدار …خلص السائق …استقبلتهم سيرين بلعياط و تعنق في سيرين ….
شافت في اسلام لقاتو ضحكلها ….و من الفرحة دمعت و ترمات عليه حضناتو ….و هو تاني بادلها الحضن و يضحك معاها ….
اية من شوك دمعة قريب طاحتلها كي شافتهم هكاك ….
جبدت روحها سيرين من خوها تشوف فيه مشي مصدقة …
سيرين :يااااي رجعتي متروحيش ياخي يويويويوي هههه شحال فرحت كي قالي جدي ….
دخلو كلاو في زوج برك باسكو محبوش يفطرو برا و لا في ريسطو …
الجد كان منبعد يشوف فيهم ….و فرحان كي شافهم هكاك ….غير شاف اسلام ناض مزروب لشمبرتو حبسو …
و اية و سيرين يشوفو فيهم ….
الجد :وين رايح اسلام …
اسلام :رايح نرقد …تعرفو ينوضني كاش واحد نديرلو عرس …عياتني بنت ولدك ا جدي …يومين عينيا ما تغمضوش …
شاف فيها لقا سيرين تضحك عليهم…..و اية واقفة برك …
الجد :هههه روح مهم رجعتها ….
اسلام :أيا باي منبعد ….
غير طلع اسلام و يسمع صوت عماتو لحقو …تنهد تنهيدة طويلة ….و دخل لشمبرتو يرقددد…..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 105🌚🌚:
سلمت على عماتها من فوق القلب….و طلعت مع سيرين كل وحدة لاشومبر تاعها …راحت ديراكت ترقد ….كانت عيانة بزاف نفسية تاعها مزالها توجور عيانة …مش معنتها كي قبلت تقعد فدار يعني راهي سافا ….
ناضت على صوت الهدرة لتحت …
راحت غسلت رجعت صلات …و هبطت لتحت ….لقاتهم مجمعين …راحت دارت قهوة و قعدت مع سيرين تشرب ….
ليندة عمتها:واش ديتي الاسهم ياخي ؟ راجل خرجتيه من دار و ليوم مزال مبانش و حرقتي كبدة يماه و نتي قاعدة تشربي القهوة هنا فوق كلش ديري الاسهم لي متستاحقيش تديهم نتي …اسلام لي ميهدر مع حتى وحدة و لا يهتم بيها شاف فيك …منبعد نشوف واش درتيلو حا تنكشفي تخافيش …دوك ينقلب السحر على الساحر
حطت الكاس فوق طابلة ….جات تشوف فيها …شافت يد تحط على الباب واحد واقف عند الباب مكشرد كامل ….
اسلام :وي عمتي شفتي كيفاش سحرتني ههه و بسحر قوي تاني …غرقتني في عينيها الشابين شو شو كيفاش تجبدني ليها …و الله غير شوفي واش دارتلي نحسها مغناطيس وحق ربي
العمة تشوكات …سيرين شدتها ضحكة …و اية تشوف فيه حالة فمها …
خرجت العمة متغششة ….و هو شاف في اية و سيرين …
راح قدم ليهم …جبد كرسي …و قعد بحذاهم ..
اسلام شاف في سيرين :شفتي خوك شحال شاطر …كون دوك راكي تندبي كي راحت
سيرين مشوكية كيفاش يهدر معاها مقدرتش ترجعلو…نوضي صبيلي نشرب قهوة …بصح من لي طيبت مينوشة لي قدامك (غمزلها ) من يديها تجي بنينة ….
ناضت سيرين تضحك على اية لي مشرعة عينيها …و هو لي يهدر و ميشوفش فيها يحط عينيه لطابلة باش يستفزها ….
حطتلو بدا يشرب …
اسلام :هففف غير يجو سامطات تاع عماتي ترجع الغمة لدار …واش رايكم نخرجو نهملو من دار ؟ نرجعوش حتى صباح ….
سيرين بلا ما تحس لروحها:ياااي صح واقيلا فيك الحمى ؟
اسلام :😒ني سيريو سقسي بنت عمك برك ادا مهيش عيانة …
سيرين بعيون تترجى فيها اية
سيرين :يووو اية و الله نفسي ضاق من لي لحقو و هوما نميمة و تمنشير عيشك نروحو معاه عيشك
اية:اوك …
اسلام :طيرو وجدو رواحكم نص ساعة توجدو
سيرين :يووو نوضي نوضي اية
اية:و الله حتى نخلص قهوتي توجور هكا يقولي منبعد نخلص انا و نبقا نستنى فيه 😒
اسلام :😒اصبرو نقوللكم نتوما زوج برك تقولوش لبنات لخرين صينو مكلاه ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 106🌚🌚:(حلقة هدي ربي يستر من رقمها 😑😂)
راح كل واحد لشمبرتو …بدلو قشهم بلخف 15 دقيقة وجدو كامل …هبطت سيرين و اية مع بعضاهم غير شافوهم بداو يسقسيو فيهم …الجد :وين بيكم رايحين ؟ غير لخير
سيرين :ممممم (كانت خايفة تهدر )أية :جدي اسلام قاللنا نخرجو ….
بداو يخرجو كامل في عينهم و يزيرو على رواحهم ….
هكاك و يهبط اسلام ديراكت للباب ….
اسلام :سيريييين …مينووووشة هيااااا
الجد :روحي برك قوليلو يجي …راحت سيرين جابت معاها اسلام و رجعت …دخل عليهم لصالو ….
اسلام :انعم جدي غير لخير …
الجد :من وقتاش وليت تخرج و تدي معاك لبنات بلا ما تشاورنا ….
اسلام رفع حاجبو ….:علاه ختي تاني نشاور فيها ؟ سيرين ختي و (شاف في اية دار بوجهو ليها ) هديك باينة بلي لازم تجي 😑صينو تحلاش الخرجة هدا مكان نقدرو نخرجو ؟الجد :اتهلا فيهم …
اسلام :علابالي بلا ما توصي …و رانا مطولين تسما تستناوناش و لا زعما تتقلقو و تبداو تالفو قصص …..هيا بنات ….
خلاوهم هكاك غير خرج تبعوه لبنات من خلف يبتاسمو وحدهم …..
غير خرجو من الباب …جبدو نفس بكل فرحة …
حللهم الباب …دخل هو و بقا يستنى فيهم …حتى عاود خرج كي محبوش يدخلو …لقاهم يدابزو …
اسلام:شبيه جدكم ؟ تسما تندموني لي قلتلكم نخرجو …
اية :و نتا شبيه جدك …تقدرش تهدر بلعقل و لا …
سيرين شافت فيه …:نقوللها اركبي نتي لقدام محبتش …و انا حابة نركب لور ….
اسلام :على هدي طولتو ؟؟ادخلو برك ….نتي تاني ادخلي لقدام من وين جبتو هدي تاني هيا رابيد …
اية :ندخلش ….
اسلام رفع حاجبو ….:ادخلييييييييييي ….
راح لجيهتهم …دخلها و غلق عليها الباب و سيرين دخلت لور تضحك عليها …كانت حابة تنحي شويا على قلبها و على نفسيتها هي تاني ….
دخل لقاها تشوف في سيرين لور و تتوعد فيها ….
حط لاسانتور و هي تاني …و بدا يسوق و في 3 ساكتين …
اية :حللنا طواقي بركاك ما تحافظ عليها زعما تتوسخ من الغبرة …
اسلام :😑ياك لاكليم شاعلة ….
اية:تسما هربتني من الموت لقيت قباط الارواح …خرجتني من دار رجعتني لطونوبيل مغلوقة …حا حللي طاقة نشوف العيباد ….
اسلام :علاه تشوفيش فيا 😑😒
شعلت عينيها اية …هكاك و يحللها طاقة …و سيرين غير تضحك عليهم …
دار بوجهو عند سيرين و هو يسوق …
اسلام : صيبورصا حبيتي تقعدي تماك باش تشدي كلش و تبقاي تضحكي ….
اية :😑😑😑ياخي تخمام ياخي تخدم راسك غير في حوايج تافهين حبت تضحك منبعد
اسلام : ياخي طفلة ياخي تحب غير تلقا سوجي تشد فيه باش دابز معايا….
سيرين :ياخي توم و جيري ياخي ….
ضحك اسلام غير بلعقل …و دور وجهو لطاقة ….
بقا يسوق و اية تهدر مع سيرين مدورة راسها ليها و يهدرو ….و هو غير يسمع و خطرة على خطرة يدخل روحو و تاكلو اية و يخزرها بلخزرة الواعرة هديك تاعو …
لحقو لافيل …حبس بحذا بوتيكات ….
اسلام :سيرين اهبطي معايا نستحقك رابيد و نتي بلاكي تخرجي منا (يهدر لاية )
اية :😑😑😑نيش ميتة على الخرجة معاك …
اسلام 😑😑😑😑
خرج اسلام و هبطت معاه سيرين …دخلو لبوتيك تاع اكسسوارات ….و شويا عاودو خرجو ….
راجعين الطونوبيل يمشيو بحذا بعضاهم …حتى تحس سيرين روحها وحدها و تشوف اسلام يزيد من فيتاس تاع مشيتو ….شافت لطونوبيل تلقى…..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 107🌚🌚:
خلا سيرين وحدها تمشي و هو راح يجري يلحق لجون لي واقف بحذا طونوبيل تاعو و يطبطب على طاقة باش تحلو اية و يكحل عليها ….
غير شافتو اية جاي خبات وجهها بيديها ….و تستنا برك واش حا يصرا ….
راح جبدو من طرف تريكو تاعو …دابز معاه و نوضها كبيرة ..و سيرين دخلت لطونوبيل خايفة من واش شافت …اية غير مخبية وجهها …
سيرين:يييي خلاااتت علينا
اية :يااا ربييي شفتي …دوك ميحبسش كامل ..يااا ربي جمعلنا العباد كامل …شوفي يدخل بلاااكي تقولي حتى كلمة …هاني قتلك …
بقاو يشوفو كيفاش يبعدوه ناس عليه و هو يعاود يهجم على لجون ….حتى صاي داو عليه الجون ..رخسو كامل و غسلو غسيل دوارة ….و بقاو الرجال شادوه عندهم
اسلام :و الله و ترجع غير رجليك نكسرهملك ….رخيييس تكحل على بنات ناس من طاقة يا رخيبيس …روح روح تكحل على ختك كون جيت راجل ديرهاش ….
سڨم قشو ركب طونوبيل …خبط الباب و البنات لداخل تفزعو و بقاو ساكنين …اية قريب يخرجو عينيها كانت تستنا برك وقتاه يعيط كيما العادة ….
جبد لاسانتور بكل غش ….حط يدو على مقود السيارة و بدا يسوق …صوت نفس تاعو كي يجبدو و يرجعو كان يدوي في طونوبيل …جبد قارو شعلو و بدا يتكيف …و سيرين و اية كرشهم تتقلب برك و يستناو وقتاه ينفجر بركان تاعو……
بقات غير تشوف فيه من تحت عين …فاقلها بصح محبش يهدر معاها و هو مقلق يغلط تاني و يحصل فيها خطرة هدي مكانش كيفاش يهديها….أصلا غشو منها كبير …
شاف فيها و تلاقات عينيه مع عينيها قهرلها بعينيه…هي من الخلعة دورت راسها لطاقة ….
شويا و حبس دخل داخل بارنكينڨ تاع واحد المول كبير …نحا سانتور تاعو و شاف في اية منبعد سيرين من المراية ..كان مزال معڨد حواجبو …
اسلام :تهبطو دوك تتحرك وحدة من قدامي نرجعو لدار …ديروها برواحكم منبعد تقولو اسلام لي واعر و اسلام هو لي مش مليح …و نزيد نشوف وحدة منكم تلبس لبسة مش مليحة نحرقهم …خطرة هدي شديت روحي عليكم خطرة جاية تتعاود نشوفو …اهبطو …
هبط خبط الباب …و هوما خرجو بخلعة خايفين منو …
راحو بحذاه …مقلقين في نفس الوقت شادتهم الضحكة منو …..
دخلو المول لي كان كبير …كان مقسم الى بزاف أجزاء …و كي كانو لتحت غير كيما دخلو غير صوت اللعب من لايتاج لفوق لي يتسمع ….شعلت عينيها اية …
اية :ييي سيرين واش كاين لفوق يا مامي ادا لعب نروح نلعب …
سيرين :و الله جامي جيت لبلاصة هدي اول مرة هدي هي …
كانو يمشيو بلعقل و هو متقدم عليهم …حبس و دار عليهم معقد حواجبو …شدت سيرين اية من يدها و جرات بيها عندو ….
سيرين :😁هانا جيناك 😁…
اسلام :قدامي برك ..و متمشوليش كيما باربي لهنا
اية تشجعت و هدرت:كي تمشي سع نتا كيما العباد ماشي صدرك مرفوع كي شغل حا تقابل بيه وقتها نمشي كيما تحب 😑😑😑
رفع حاجبو و شافها بخزرات تاع اسكتي خيرلك …
اسلام :مزالكي تهدري ؟ نرمالمو يوم كامل تسكتي
اية :ڨول و الله …مكانش علابالي …شوف اسلام نحبسو هنا …ادا راك مقلق و مش على بعضاك و حا تخسرلنا الخرجة غير مكلاه نكملو نرجعو لدار خير مع عماتي ادا راح معول تبقى هكا و الله غير نرجعو خير …مش انا درتها و تقولي انا لي نكبر صوالح نتا لي تكبرهم ..يعني كون انا خرجت عندو عندك الحق أصلا نتا خليتني وحدي مش انا لي قتلك روح و خليني فطونوبيل وحدي في بلاصة كيما هديك …قلتش طفلة حا تخاف و لا ؟….
بقا يشوف فيها ساكت و هي تاني تشوف لعينيه …و سيرين تشوف فيهم في زوج تستنا برك تندلع الحرب بيناتهم
اسلام :صاي هيا …..😑
اية :نهياش حتى تقول بلي تنحي تعاقيد وجهك هديك كي ندير حاجة انا وقتها صح تزعف عليا ….
اسلام :ني نقولك هيا الوقت يمشي
اية.:😑😑😑😑😑
اسلام : هففف اسيدي هاه هني ضحكت سافا دوكا ؟
اية:😊هكا سافا…كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 108🌚🌚:
يمشو في السوبر ماركت و لي يشوفوه يعجبهم يحبو يشريوه …هبلوه باتم معنى الكلمة …عيطلو جدو جبد تلفونو ريبوندا هدر معاه …كي غلق تلفون و رجعو لجيبو …شاف هكا ملقاش البنات قدامو …شاف فلجيهة الاخرى …يلقى اية داخل سلة تسوق لي تتحرك …و سيرين تسوق بيها و يضحكو …تشوكا و شاف في ناس لقى كاين لي يشوف فيهم و كاين لي نو ….راحو لوين كاين شوكولا و ليجو و الحوايج لي يحبوهم …اية تخير و سيرين تجبد و تحطهم في حجرها …و يضحكو …
راح عندهم شد سيرين عندو …
اسلام :هبلتو ؟
شافت فيه اية بنظرات شاف فيهم براءة طفلة صغيرة …
اية :خلينا نزهاو شويا …ملي كنت صغيرة كنت حابة ندخل في هاد سلة مخلانيش بابا 😒نتا خليني …و لي جبناه انا نخلصو تخافش …😒
اسلام : منعرف واش نقول جبت معايا طفال صغير 😑😑
اية :هكاك خير اسكت و خلينا هههه …
جات دور روحها …دورها هو و بقا يدور فيها و هي شادة من يدو و تضحك ….
اية :اسلاام حبسسسسس خلاص دخت …ايييي نطيح بالاك تخليني …بلاك تخليني ….
صيب يديه …تشوكات حسبت يضربها و يخلي السلة تمشي وحدها (منعرفش كيفاش يسموها 😑😂)
غير تقدمت شويا حط رجلو في المقدمة …و شدها بيديه …رجعها كيما كانت ….شعرها كامل طاح عليها …كانت مدايرة طوماطة خفيفة تنحات ….
شافت فيه …كان شاد من سلة و تشوف فيه و تضحك و هو تاني غير يبتاسم ….
حطت يدها على يدو و غرزت اظافر تاعها خايفة يعاود يدوخها
اية بشهقة تاع ضحكة :هههه صاي بلاك تعاودها ييي بلاك تخليني …اصبر نخرج ..ياااي كيفاش نخرج …
اسلام :هاقعدي برك دوك صاي دخلتي …
اية :ماه حابة نخرج نجبد واش حابة و نروح نخلص …سيرين ارواحي خرجيني …
جات سيرين و شادة البكية ….تاثرت عندها شحاااال مشافتش الجانب هداك من شخصية اسلام …
اسلام دارلها بيديها تاع اتخباي ….ضحكت و جرات راحت تخبات …
اسلام :اووو وينها سيرين مهيش هنا …
دورت عينيها عليه …و شافت لور لقاتهاش شعلت عينيها…
عاودت شافت في اسلام …
اية :وين راحت ؟ وجه الكوكوطة وين راهي ؟
اسلام :منعرف ….
اية :سيريييين سيريييين ارواحي عاونيني نخرج يا وجه الهم
اسلام :دار باباك و لا تعيطي كيما تحبي …اي بلاك راحت للحمام دوك ترجع ….
اية : هففففف
اسلام :قولي اسلام بليز خرجني نخرجك …
اية :😒😒من نيتك ؟ هدا كامل باش تخرجني …نبقا هنا و نقولهالكش …
اسلام :ممم ابقاي تماك مالا …
حاولت تخرج ..غير جات تخرج رجلها باش تحطو على لرض …دزها و دخللها رجليها باش تقدرش تخرج وحدها حتى يخرجها هو …ولات مطفسة 😁😂
اية :يعععع و يشدوك يديا …اعععع اسللاام اسلاااام شدتني كرومب …ياااي رقبتي اسلاام شوف كيفاش راني مطوية …اسلاام خرجني ….اوووووووو اععع رجلييي خرجني
دخل راسو و قرب ليها ….
اسلام :نووووو نخليك هكاك جيتي شابة هكا 😁😂
شعلت عيينيها و شدتو من يديه غرست ظفارها فيه …..
اسلام :نحي ظفارك يوجعو تجرحي فيا برك …
اية :ههههه خرجني اوو لالا خرجني ني معوجة كامل اااييييييي رقبتي ايييييييي
قرب عندها خرجلها رجليها …و جبدها من يديها ولات قاعدة ….حط يديها بين ذراعها تحت الابطين باش يجبدها و يرفدها …و هي حطت يديها عند رقبتو و بقات متمسكة فيه ….غير خرجها و بقا رافدها ضربت السلة برجلها بلعقل بعدت فيها …و منبعد حطها للارض …و شاف فيها و هي تاني …بقاو هكاك هو يشوف و هي تشوف …حتى جبدت يديها عليه …و بعدتلو يديه …و سيرين كانت تشوف من بعيد و تتامل هداك المقطع المتوتر بينهم ….
اية :ميرسي 😁
اسلام :بيناتناش ….
رجعت سيرين و اية بقات غير تتوعد فيها …راح اسلام خلص واش كانو حابين يدو …و دا كلش لطونوبيل و هوما بقاو يستناو فيه حتى رجع لقاهم ياكلو في شيبس …حط يديه في شيبس تاع اية خدالها شويا منبعد رجع لتاع سيرين نحالها شويا تاني و كلاه و هوما غير يشوفو فيه ….
اية :حمممم حمممم اسلااام
اسلام :غير لخير …
اية :نطلعو لفوق نلعبو بليييز بليييز
اسلام :قلتلكم قبيل نو …كاين بزاف رجال لفوق
اية :😞بلييز اسلام ني حابة نحي على خاطري ..زيد حنا تاني معانا راجل لالا ؟
اسلام :بصح الراجل هداك جاب معاه دراري مياخذوش الراي …
اية: يوووو علاه علاه اسلام حتى نبوسلك رجليه و لا ربي يخليك شويا برك نلعبو و نخرجو …بلييييز😞وعد ناخذو راي و منديروش حاجة مش مليحة أصلا حنا عاقلات
ضربت سيرين بذراعها و تشوف فيها …
سيرين :وي و الله منديرو والو نلعبو برك …
اسلام 😑😑😑
…..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 109🌚🌚:
المحل كان مقسم في بزاف طوابق …و طابق لخر فيهم كامل تاع الالعاب و مطاعم صغار …وين ياكلو و يلعبو …طلعو فدروج يجريو و هو يتبع فيهم …يخمم من وقتاه و لى هكدا …..دخلو لاصال تاع الالعاب مع بعضاهم ..كان شاد وحدة من يدو و لخرا من يدو لخرا …
غير شد ليتيكي …مدلهم جاو يشدو الهربة و الحالة معمرة عيط عليهم …
اسلام :واش قلتو لتحت
اية :اووه تحمسنا برك صاي و الله هيا
جبداتو من يدو مسندة عليه و تمشي كي طفلة صغيرة و هو يشوف فيها ….دخلو وسط العباد و صوت طرطاق تاع الالعاب مداير حالة …
شافو ترومبولين …و شعلو عينيهم داوه جيهتو غير لحقو …
نحاو سبابطهم ضرسة لعقل قريب تبان ملفرحةو..طلعوا وبسممم اللله ويبدااو
اية : ياااااي نييي نطييير سيييريييين ني طايرة وقاعدة تقفز وتضحك…
هي تضحك ووتقفز و تضحك …و هو يشوف فيها و يعاود يجيه تانيب الضمير و يوكلو قلبو …كل لحظة لازم يستمتع بيها ….يكون نرمال مستمتع حتى يجيوه الذكريات يخربو عليه كلش …
بعد وقت خرجو …خدودهم كامل حمارو …و يتنفسو رابيد صدرهم طالع هابط و يضحكو …لبسو صباطهم و اسلام غير يشوف فيهم و يحاول ينحي و يبعد شريط الذكريات لي رجعلو باش يستمتع بالحلقة و يأثرش عليه ….
بقاو يمشو شرالهم جو يشربو و هوما غير يضحكو و يشوفو في الحالة برك …عينيهم قريب يخرجو …
حطت يدها على ضراعو و حركاتو
اية :بلييز نروح نخاطر طفلة هديك في لعبة حل اللغز بليييز 😞
اسلام :تقدريلهاش واعرة
اية :نرمال مهم نحاول ……
اسلام :هاه روحي ….
اية:يوووي ميرسي سيرين او قبل هيا نروح نحاول نربحها
راحت تجري …قعدت مع طفلة في طابلة … و بدات اللعبة تاع حل اللغز حسب تعليمات لي يمدوها ….
كانت مقلقة حابة تربح … متوترة و ممكونصنطرياش حتى حست بيد تحط فوق كتفها يزير عليها عرفت بلي اسلام …..حطت يدها لي تستخدموش على يدو و دارت ليه بزربة ابتاسمتلو عاودت شافت مع اللعبة …
قرب ليها و قاعد يهمس : مينوشة شوفي مع المركز هداك متخمي في والوا شوفي فيها غير هياا و تلقاي الحل راهو غير تماك أيا مينوشة قريب يخلاصلك الوقت …..
خلاص الوقت و خرجت البارتية تعادل لقاو في زوج الحل …مدولها دبدوب صغير خيراتو هي حساب ذوقها و ناضت تضحك وحدها ….
زادوا مشاو لعبوا بزاف العاب الكترونية كل واحد وحدو بصح …اية غير لمحت البولينڨ هبلت وراحت ديراكت طايرة ليها….هي لعبتها الخاصة تموت عليها…وجامي وحد غلبها فيها….تبعها اسلام وسيرين….شافوها رايحة جيهة اللعبة ….كانت حتهز البالون… تع لبولينڨ …حتى جاتها فكرة خبيثة…تبسمت وجبدتها بضعف زعما متعرفش … خلات إسلام يضحك عليها …حتى شافها جاية عندهم …اية : علاه راك تدحك حطت عينها فعينوا ونطقت …زعما تعرف تلعب خير مني ؟
اسلام : بففف ياك مشفتيش روحك…كيفاه جبدتيها و ناض يتمخسر عليها
اية :😑😑صحا نتحداك لي من خطرة يطيح القراع هدوك كامل يدير لخر واش يحب …..
سيرين :يااااا انا نلعبش معاكم نعرفش و الله و نشدها عضامي يتكسرو😁😂
اية :معلش نتحدى لي راه يتمخسر عليا ..
اسلام :تمسخريش انا نتحدى طفلة ؟
اية :اني قتلك لي يخسر يدير لخر واش يحب تسما كون نخسر
اسلام :اوك روحي
راحو بحذا لكريات …هزت البالون بمهارة وقفت وقفة انثوية وقعدت تخزر فيه وتضحك …..بوممم طيحتهم كامل قعد مشوكي فيهاا حتى سيرين حارت …مرة 1 عدات اسلام قال بلاك زهر بك …مرة ثانية و ثالثة ……ربحتهم اكل..اسلام حار فيها وقعد حال فموا …يعني هي تعرف تلعب ملول ….
اسلام 😑😑😑:كون قلتي بلي تعرفي علاه تلعبيها تعرفيش
اية :باسكو نتا رجعتني منعرفش ….روح العب….
شد البالون شاف فيها و رماها طاحو كامل …و ضحك
اية 😑😑😑😑😑و كيفاه دوك ؟
اسلام :😒تعااادل بيانسور و لا حسبتي نخليك تربحي😒
اية: 😑😑😑صاي ….هيا نروحو جعت …
سيرين :انا كثر ….
….داوهم تعشاو …و هوما غير يتمهبلو و هو يشوف فيهم و ياكل ….
كي خلصو زادو دارو شويا برا …شرالهم كرام آتاي كاوكاو …لي يشوفوه يطلبوه ….
اسلام :جبت معايا طفال صغار …زيد مكراشات ا جدي زيدو كولوني انا و صايكرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 110 🌚🌚:
زادو دارو بطونوبيل …حتى عياو صاي ….رجعو لدار …دخلو بلعقل برك باش ميديروش الحس
اسلام : و دوك تخرجلكم ليندة من اي لا تتحتسبون تبدا تسقسي فيكم
ضحكو البنات ….و كل واحد فيهم طلع لشمبرتو ….
اية راحت الدوش غسلت …راحت صلات منبعد جبدت بيجاما غوب …طلڨت شعرها و دخلت لسرير …بقات دير فتلفون نعسانة و عيانة…..هكاك حتى تسمع صوت طبيطيب …غير شويا و يتحل عليها الباب و يدخل راسو من الباب …
اسلام بصوت منخفض :معلش ندخل ؟
انتافضت من بلاصتها سڨمت روحها ….و هدرت بتوتر
اية :واش كاين غير لخير ….
دخل و غلق الباب بلمفتاح غير بلعقل شعلت عينيها و بقات تشوف فيه بشوك مزيرة على ليدرا لي كانت شادتها …غير قرب ناضت من سرير هبطت ….و بقات واقفة غير شافها بقا يتمعن فيها كيفاش تهبل كي جي ترقد …يحسها طبيييعية ….
اسلام دار بيدو حركة تاع تخافيش …
اسلام :نيش حا ناكلك تخافيش جيت نقولك حاجة و نروح ….
اية تنهدت ..:و شني هي هدي الحاجة ….
زاد قرب عندها …حتى ولات بيناتهم نص ميترة برك …بقات مطلعة راسها تشوف فيه تالمو طويل …
حط يدو على شعرها لامسو بلخف برك ..و هي تشوف فيه مستغربة …غلفت عينيها و عاودت حلتهم ….
اية :اسلام واش كاين ….
اسلام :اية غلطت و اعتاذرت قبلتي اعتذاري و لا مقبلتيهش معلاباليش المهم راكي دوك قدامي هداك مع الوقت بلاك تغفريلي و يتنحالك زعاف مني ….مهم جيت نزيدلك حاجة برك و نخرج ….
بقات شادة روحها بسيف …جسمها يقشعر كي يهدر معاها يهديك الطريقة …و شريط ذكرياتي يعاود يتعاودلها و نتمنى كون مصراش هداك الكابوس و راهي عادي معاه ….
حط يدو داخل جيبو …و خرج بواطة صغيرة ….بقات تشوف فيه …حلها و جبد سنسلة من ذهب ابيض منها …شاف في عينيها لي مشوكيين و يلمعو …
اسلام :في حق لي كسرتها و ضربتها على وجهك …جبتلك وحدة جديدة …و رمز تاعها كيما لي فلبراصلي تاعي (مالا نهاية )نحبك ديريها تنحيهاش …ادا نحيتيها نعرف بلي صح تكرهيني كره حقود …و مزالكي زعفانة مني مليح …
بقات مصدومة …حطت يدها على يدو تتلمس في السنسلة …جات تهدر تلعثم لسانها ….
دورها ….و خلاها تواجهو بظهرها …حطلها شعرها على طرف و بقا يشوف فيها و كيفاش متوترة و ترجف ..دارلها سنسلة ..سڨملها شعرها …و عاود دورها ليه ….
هي شافت ديراكت فيها و شدتها تتلمس فيها من بعد عاودت شافت فيه ..ابتاسمت ابتاسمة تدي العقل …
اسلام :كل عام و انت بالف خير ….بلاكي تنحيها هاني قتلك …
اية :ههه ميرسي اوك نحيهاش …ربي يخليك ميرسي بوكو ….
اسلام : بيناتناش ….حط يدو على خدها قرصها قرصة قوية ….
و هي غير ضحكت مكانتش شادة في روحها …كانت متوترة متعرف واش دير ….
اسلام : نخليك ترقدي و تريحي …
قرب ليها شاف في عينيها و حطت يديها على صدرو تبعد فيه ….مدلها بوسة قوييية على خدها خلاتها تحس بقاع كرشها دغدغ …و نفس راحلها ….
بعد عليها ….
اسلام :بونوي مينوشتي تصبحي على خير …..
خلاها هكاك و راح خرج …..
بقات مصدومة في بلاصتها …بعد شحال من سنة كتب ربي عاود باسها مغتصبها …مكانتش حاسبة هكاك كامل …كانت حاسبة كي يزيد يقرب منها تحس بنفس للاشمئزاز تاع لول و تحس بنفس الغصة تاع لول …بصح الخطرة هدي !!!! شعووور مختلف تماااااماااااا. …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 111 🌚🌚:
يوم جديد….احداث جديدة بانتظار الشخصيات ….
جازو 3 أيام تاع روبو …و اية و اسلام بقاو مريحين فدار ينحو العيا …و كل واحد فيهم ريح راسو و لو بشويا …اسلام كل لحظة تزيد تعدي يقتلو عذاب الضمير كثر من اي سنة فاتت ….اما اية فشجعت روحها و رجعت حيوية تاعها …و رجعت تكمل مغامرتها بكل قوة و تحدي ان شاء الله ….
ناضو صباح بكري وجدو رواحهم ….هبطت اية راحت لكوزينة ملقات حتى واحد …شعلت الضوء تاع الكوزينة …و حطت طيب قهوة …و وجدت بواش تشرب …هكاك و تسمع صوت تاع خطوات تعرفهم و حفظتهم تاع شكون …خبط قلبها كي العادة …تحدات كلش بصح مشاعرها تجاهو و مشاعر الخوف مزال متحداتهمش و مقدرتش تتعداهم ….
دخل لكوزينة لقاها وحدها …معرف واش يدير …دخل و جبد كرسي قعد و هي تشوف فيه …
هكاك و يقول :صباح الخير
اية :صباح نور …
اسلام :وينو جدي ؟ مناضش و لا
اية :منعرف وينو …نضت لقيت حتى واحد …( كانو يهدرو بتوتر )
اسلام :اوك …كي ديري قهوة صبيلي نشرب …
اية :اوك …
كانت تستنى في القهوة و تشوف في الطاقة لي مقابلتها كيفاش يشوف فيها من لور ….كانت متوترة …غير طابت القهوة …صبتلو للكاس زادت ليها …و قعدت فلكرسي لي مقابلها ….
كانت تاكل بلعقل من توتر هداك بسيف باش يهبط القاطو لي كانت تخلط بيه …و هو كان يشرب و يحاول ميشوفش فيها قدر المستطاع باش مياثرش عليها ….
هكاك و يدخل عليهم الجد …حط يدو على ظهر اسلام و ضربو ضربة خفيفة ….
الجد :صباح الخير عليكم ….
دار اسلام ليه و شافت فيه اية ….و قالو مع بعضاهم :صباح نور جدي ….وين كنت ؟
و شافو في بعضاهم ….
الجد :كنت نهدر لي تلفون مع خويا ….
اسلام :مع صباح ربي ؟ علاه ؟
الجد : راضي وليدو راجع من فرنسا ياك خدا مدة شهر برك اجازة و لا نسيت …عرضنا لعشية لدارو … و زيد رايح معاه نجيبو وليدو من المطار …
اسلام :علاه معروضين ؟
الجد :هو و مرتو حابين يجمعونا …أصلا عندنا شحال تجمعناش كيما العباد في دارو …الدنيا راهي تمشي كون يروح واحد فينا يكون الواحد مشبع خوه …
اسلام :هيه بصح حنا علاه …
الجد :قال ارواحو كامل ….و بلاك تكسر كلمتو كيما العادة خطرة هدي ارواح على الأقل تتعشى …
حط اسلام كاش القهوة و تافف …
اسلام :هففف تاني …و الله ما وقتها كامل ….
الجد :كي تخرجو من الخدمة جيب اية تدي قشها و ارواحو …
شاف فيه اسلام :علاه تجيب قشها ؟
الجد :باسكو حا نباتو تماك …..
اسلام :هههه اوك ان شاء الله بربي …(قالها بتمسخير )
اية كانت تشوف فيهم برك ما فهمت والو …
اسلام : ستت نتي ادا خلصتي هيا نروحو …
اية :اوك دقيقة برك ….
……غير خلصو شغلهم فدار …خرج هو لول ….و خلالها الباب تاع دار محلول …خدات قرعة تاع الماء تاعها من فريجيدار …و خرجت تجري تبعاتو …
لقاتو غير كيما خرج طونوبيل من ڨاراج ….دارلها زكارة …راح قدم بطونوبيل و بقا يسوق فيها و هي بقات مشوكية حسبت نساها …كي فاقت لروحها بدات تعيط و تتبعو كي المهبولة ….سمعت العمة من طاقة لعياطها خرجت تقرعج ….
العمة :اسكتي يا بنت الشارع …دار باباك و لا راكي برا …ربي يعطيهالك في حنجرتك …
تشوكات اية منها هي صح عيطت قالت حبس بصح مش لدرجة هديك …
شافت اسلام حبس من بعيد و عاود دار مارشاريار ….تغششت منو ..غير حبس راحت تجري حلت الباب و طلعت خبطت الباب ….
اسلام :كسريه خير
اية :قولي برك وقت التمسخير هدا ؟؟ علاه علاه تعرف غير تحصل جدي …هاي علاجالك سمعت كلام يتسمعش …
اسلام :باش تفطني شويا راكي راقدة كامل …
جبدت سانتور دارتها و دارت هفففففف
اسلام :شكون سمعك هدرة مشي مليحة
اية :ليندة
اسلام :هه صار تسمعك ما قلتيش عمتي تخرجلك العجب
اية :معندها ما دير مع صباح ربي عندها الوقت تدعي ..بصح شح عليا لي نامن واحد كيفك قريب حبستلي قلبي …دقيقة فرفر
اسلام :هاكي قلتيها شح عليك 😑
اية :قولي شكون راضي ؟ و شكون خو جدي و لوين رايحين ؟
اسلام :😑😑مكانش فواش تفكريني ….
جبد ڨارو يتكيف ….
اية :هففف اصبر نلحقو منبعد تكيف كيما حبيت …و جاوبني على سؤوالي …
شعل القارو و خرجو من طاقة بيد …و عڨد حواجبو يسوق …
اسلام :رايحين عند خو جدي …عندو فيلا قدام البحر …في كل خطرة يروحو يتجمعو و عندهم شحال متجمعوش …عرضهم يروحو …
اية: و شكون راضي ؟
اسلام ؛😑😑😑وليدو مسمعتيش ولا ؟
اية :علابالي وليدو بصح فهمني كثر ؟
اسلام :نروح نخطبهولك و خلاص ني نقولك وليدو واش حابة نزيدي
جبدت كيتمان تاعها و دارتهم خلاتو هكاك ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 112🌚🌚:
لحقو للخدمة …تفارقو و كل وحدة لخدمتو …و في زوج دخلو بكل قووووة ….
جازت الفطرة الصباحية …خدات اية بوز صغيرة في المكتب تاعها …كانت مريحة وتشوف فطاقة …حتى تسمع صوت طبطيب….
اية :انعم ادخل …..
سمعت لصوت الباب تحل ..شافت لقات اميرة ..
اية بابتسامة :سلام اميرة عسلامة ادخلي …
اميرة :عيشك اية …
غلقت الباب و راحت سلمت عليها ….شدتها اية من يديها وشافت لعينيها …
اية :مزالكي هكاك …مشي قلتيلي بلي حا تكافحي ….
اميرة بابتسامة من فوق قلبها …
اميرة :قتلك و ني نكافح ..حبيبتي حابة نديك عند اسلام عندي هدرة معاكم …ناخذ شويا برك من وقتك و صاي. .
اية :اسلام ؟ اوك ياخي غير الخير …
اميرة :خير باذن الله …
اية :صحا اصبري …
جبدت المفتاح تاع البيرو تاعها …خرجو غلقت الباب و راحو طلعو عندو ….و في زوج لابسات بلوزات بيضاء …
طبطبت اميرة على باب اسلام …شويا و سمعو كلمة ادخل ….
دخلت اميرة و زادت اية من موراها و غلقت الباب …
اسلام :اه اميرة عسلامة كنت نستنا فيكم …
اية :كيفاه ؟ تسما علابالك ؟
اميرة :ايه علابالو قلتلو بلي جاية …
اسلام :اقعدو ….
قعدو فوق الكراسى لي كانو لتم و هو بعد كلش عليه و بقا يستنى في اميرة تلحق
اميرة:بو اسمحلي قتلك نلحق بكري بصح مقدرتش حتى لدوك باش خلصت شغالاتي تعرف كيفاه …اسلام نتا علابالك بكلش ..بصح ابو قلتلهاش …
اسلام :هيه على راحتك …
اية:واش تاني تصدمونيش عيشكم …
اميرة :ههه تخافيش مكان والو …
اية :مالا …
اميرة سكتت شدتها الغصة …
اسلام :اميرة حا تنتاقل لكلينيك وحدوخرا …وين راح هيثم يخدم و وين انتقل يعيش …
شرعت اية عينيها …
اية :يا علااااه …
اميرة ابتاسمت ابتسامة من فوق القلب و شدتها الغصة تاع البكية :اية حكيتلك قصتو …وعيطلي باباه و قالي بلي من عرفتو ميخرجش و بدات تترجعلو …و رغم واش دار كامل يبقى عزيز عليا و نقدرش نسمح بيه …و منقدرش نسمح بصداقتي مع اسلام و نخليه يدير حاجة مش مليحة ليكم …نروح نخدم لتم و نعاود نوقف معاه ان شاء الله …نتمنى منكم تدعولي ربي يوفقني …و نتمنى ميزيدش يعاود يدير حاجة ليكم كيما هديك …و باش تعرفو ادهم خرج للخارج …هدا آخر يوم ليا هنا ..اسلام صاي وجدلي كواغط تاعي و قنع الدار مع بابات هيثم باش نروح ننتاقل نخدم لتم …
اية :اصبري اميرة ادا خايفة عليا يعاود يدير حاجة باش ينتقم انا نبعد من الوسط و نرجع من وين جيت …
ضرب اسلام جبهتو بيدو و اميرة ضحكت من تخمامها …
اميرة :ني حابة نضرب عصفورين بحجرة …نروح أولا لانو عزيز عليا و علابالي بلي واحد ما يوقف معاه رغم واش دار كامل نخاطر و هدا بيانسور بعد ما وعدني باباه بلي حا يوقف معايا …و حا نروح تاني باش نشوف صديق طفولتي لي كان سند في حياتي ..الأخ لي مجابتهوليش ماما و كان بابا و كان كاش …فرحان و خاطئ المشاكل و يحافظ على ناس لي عزاز عليه(تقصد اية )
اية ملقات واش تقول غير خبات وجهها بيديها و تشوف فيها ….
اميرة : نطولش عليكم بزاف …نقوللكم اسمحولي الف خطرة في بلاصتو …و اسلام بلاصتك عندي تعرف كيفاه جامي نزيد نتعرف على واحد كيفك رغم انك واعر بزاف ههه …(كانت تهدر بغصة بكاء ) و نتي اية صح معنديش بزاف من لي عرفتك بصح و الله حبيتك اسمحيلي ادا كاش خطرة استفزيتك بتصرفاتي فأنا هكاك نتصرف …سمحولي سمحولي على واش دار …ان شاء الله كي تكون عندي اجازة نجي نشوفكم و مدابيا نلقاكم في علاقة مليحة مش كيما القط و الفار …اسلام اتهلا في مينوشتك كيفها مكانش …و نتي مينوشتو ههه حافظي عليه مش حا تلقاي سند كيما هو ….
اية دمعت عينها و مسحت دمعة …
اية :ييي شحال نكره لحظات هدو …سماح حبيبتي و ربي يوفقك …و ديري في بالك بلي ربي راهو معاك …تاع تخاطري بحياتك على جال واحد عزيز عليك جهاد و الله …و نتي مدرتي والو سماح دنيا وواخرة …ان شاء الله كاش نهار نزيدو نتلاقاو ادا رجعتش لدارنا صينو يجي نهار باذن الله نشوفكم ….(شاف فيها اسلام غير يسمع كلمة نرجع قلبو يرفرف من الخلعة )
اميرة :عيشك حبيبتي ان شاء الله ….و ان شاء الله نتزوجو كامل في نهار واحد ههههههههههه
اية :يخااااه ههههه
اميرة:اسلام مدلي كواغط لي بقاو نديهم …
جبد اسلام الكواغط ….و ناضت من بلاصتها ناضو كامل ….
عنقت اية و هي دمعة طيح ….
اميرة :اتهلاي في روحك ….
شافت في اسلام و خلات الدموع يطيحو …راحت عندو و عنقتو تعنيقة خفيفة برك …تعتابرو كثر من خوها
اميرة :اتهلا في روحك اسلام و بلا ما نوصيك على مينوشة هههه تلفون بيناتنا و ميرسي بزاف على واش واجهت و سوفريت معايا كامل ….و مخاوف تاعك اتحداهم صديقي …
اسلام ما لقى واش يقول …
اسلام :نتي تاني اميرة …و نتي تاني ميرسي بوكو على واش درتي معايا كامل …و على الخطرات لي سترتيني فيهم هههه …و واش نقولك لا تنسي اخااااااك
اميرة :هههه جامي ننساك …أيا نطولش عليكم مواااااااح اتهلاو في رواحكم ….و بلاكو تتخلاو على بعضياتكم ..كي نرجع نلقاكم اصدقاء باذن الله ⁦❣️⁩
اسلام و اية :بسلامة ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 113🌚🌚:
غير خرجت اميرة …اية طاحتلها دمعة …و عاودت قعدت فوق الكرسي …و جبدت القرعة تاع اسلام لي كانت فوق بيرو تاعو و شربت الماء و هو يشوف فيها كيفاش لونها تخطف ..
اسلام :شبيكي ؟غير لخير ؟
اية :غاضتني….
راح عندها قعد بحذاها معقد حواجبو ….
اسلام :علاه تغيضك ؟ ياخي تروح برك و ترجع
كانت مهبطة راسها و تشوف لارض …و هو قاعد بحذاها يستنى منها إجابة
اية :نو مش هكاك انا تاني جيت و خليت مرضى عزاز عليا و حا نزيد نرجع و نخلي عيباد عزاز عليا بصح هدي سنة الحياة غاضتني على حاجة وحدوخرا
اسلام :شوفي نقولك بلاكي و تزيدي تقولي هدي تاع نروح ونرجع باسكو مكانش منها ….
اية :هه هدي سنة الحياة ..صح صعيبة تفارق وحد عزيز عليك …بصح هدي هي السنة …
اسلام :هيه على واش غاضتك مالا …
اية :سمعتش لصوتها كيفاش باينة بلي تكوات ؟ سمعتش لصوتها كيفاش تهدر بغصة ؟ سمعتش كيفاش تهدر و حابسة شهقة تاعها لداخل …سمعتش واش قالت ؟ تخاطر بحياتها باش ترجع توقف لي يستحقهاش …في بلاصة تشوف حياتها و تكمل مسارها كي العيباد تروح تتمرمد معاه باش توقف معاه مع انها تعرف بلي صعيبة و واعرة …علاه هكا ؟علاه واحد ما يحس بينا ؟ علاه تروح تتحدى خوفها منو و تتحدى كلش و توقف معاه …علاش هو ما يتبدلش وحدو و يسڨم روحو و يحاول يراضيها و يطلب منها سماح …علاش كي نديرو حاجة في بالنا تخرجلنا حاجة وحدوخرا…علاش نسمعو العاطفة تاعنا و نركزوش على هدفنا ؟ علاه نتخلاو على مبادءنا علاجال عيباد …و لا كي أطباء نفسانيات معندناش واحد يسمعلنا و يفهمنا و يعرف واش نعانيو …اقسم برب العرش العظيم غير لي نعانوه حنا كثر من قضايا المرضى تاعنا …قسمتلي قلبي ما يحس بلجمرة غير لي كواتو
جبدها ديراكت ليه حشرلها راسها في حضنو و بقا يمسح على شعرها ..جات تبعد روحها زاد زير عليها …كل كلمة قالتها خلاتو يتوسوس بلي هي عارفة بحقيقتو …و خلاتو يعرف واش راهي تعاني و لو غيرررر شويا من المشاعر تاعها لي لحقولو …
اسلام بصوت رجولي قوي و حاول يركز في هدرتو و يثبت هدرتو باسكو ميعرفش يلحق مشاعرو العباد بطريقة سلمية …
اسلام : اية …اميرة صح راهي كيما تقولي …بصح هي تحبو لهيثم …لحوايج لي دارهم مع البنات لخرين بسبب مرضو هوما لي خلاوها تكون عندها الرهبة و لجئت ليا باش نحميها …بصح دوك كي لحق وقت الصح …لازم تنحي الخلعة هديك و توقف مع لي حباتو صح و تخلات عليه على جال في بالها كان يتمسخر برك ..و رغم انو طلب سماح شحال من خطرة سامحاتو بصح محبتش ترجع …هي لازم دير هكا …لازم تكونش انانية تاني ..لازم قبل ما تحكم عليه تعرف واش يعاني …صح هي راهي مقيوسة ضايعة متعرف واش دير …بصح ناكدلك من غيرها هي واحد ما يقدر يرجع هيثم لعقلو ..غير يشوفها يحس روحو رجع عبد …غير يشوف في عينيها و تهديه يولي عادي ….و رانا كامل جوزنا صوالح مش ملاح بصح كل واحد و سبب تاعو و كل واحد شكون كان سبة باش حطمو …قبل ما نحكمو على واحد لازم نعرفو السبب …و رغم انو يبقى كابوس يروادنا الا انو يلحق وقت لازم نوقفو معاه …باسكو فينا انسانية … و ديري في بالك بلي هيثم راه نادم على واش دار …و يحوس برك من وين تخرجلو و يلقى الفرصة كيفاش يحافظ عليها …و الهدف تاعو يولي يحوس يرجعها تاعو و ميخليهاش و يكون سند تاعها …و بالطبع كي يدير الهدف هدا يولي الصوالح لي كانو يشغلولو بالو يخفو و يتفكرهم غير كي متكونش …

بقات ساكتة و تشم في ريحتو …و هدرتو قاستو خافت لا يكون فاقلها و لا غلطت في كاش حاجة و بدا يفيق …باش تنحي توتر هداك …بعدت عليه و شافت فيه ابتاسمت …
اية :هيا نبدلو الخدمة لازم تخرج طبيب نفساني تعرف هدا كامل و مخبيه عندك …
اسلام :يقولولك سقسي المجرب متسقسيش الطبيب
اية :ياههه يا حوجي على السنين لي قريتهم ..زيد نتا واش جربت ….
ضحك اسلام ضحكة ماتتفهمش …
اسلام :خلييييك مني تتهتميش …كيما قتلك كل واحد همو كثر من لخر …و تزيديش تتاثري بصوالح هدو و ديري في بالك بلي لي يدير حاجة مش مليحة تانيب الضمير يقتلو و يخليه خطرات يخمم في عمليات إنتحار….
شعلت عينيها ….و بقات تشوف فيه …
اية :نروح نكمل نخدم نتلاقاو كيما العادة نفس الساعة و نفس الوقت باش نروحو هكا ؟
اسلام :هكاك …
اية :ههه صحا نروح اتهلا في روحك تشااااو منبعدكرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 114🌚🌚:
خلاصت الفترة المسائية و لحقت المدة لي فريق يخرج فريق يدخل يدير مناوبة ….خرج اسلام و اية تلاقاو وين متعودين ركبو طونوبيل و بدا يسوق اسلام
اية :نروح قبل لدار ياخي ؟
اسلام :علاه ؟
اية:واش قالك جدي ؟
اسلام :من نيتك تباتي تماك ؟
اية :كيفاه مالا ؟ قالك رايحين كامل…
اسلام : و حنا نرجعو …
اية :كيفاه نرجعو يبقاو كامل لتم ؟ و انا نرجع ؟ تتمسخرش بيا ….
اسلام : تقلقينيش اه و من وقتاااه نتمسخر انا في حوايج كيما هدو قتلك نرجعو معنتها نرجعو …
سكتت خلاتو هكاك …أصلا امبوسيبل يخليوها ترجع معاهم وحدهم …
أية: و تسما انا نروح لدار العيباد هكا جيعانة و لا كفاه …
اسلام :تلحقي تاكلي تهدري غير على كرشك …
اية :كيفاش عيباد منعرفهمش و نخرج جوعي لتم …أيا تتمسخري رجعني لدار ناكل منبعد ….
شاف فيها ….و تمعن فيها ….
اسلام :خيري كرواصو و لا حاجة اخرى …
اية :كلش…
اسلام :🤦نيش نتمسخر باش نحبس نشري …
اية ؛نيش نتمسخر اي تجيبو ناكلو و متجيبليش حاجة صغيرة غير نحط سنيا عليها تروح …
اسلام :كي شغل جامي كليتي في حياتك……دوك نهبط نشري …
زاد ساق شويا حبس نحا سانتور تاعو و جبد دراهمو و المفتاح …حل الباب جا خارج ….
اسلام :بلاك و ديري حاجة …و ادا تعاودت لافار تاع الخطرة لي فاتت الخطرة هدي نتي لي تخلصي …
حطت يديها على ظهرو دزاتو خرجاتو و غلقت الباب هداك …و رجعت سڨمت بلاصتها …و هو يزيد يعاود يحل الباب …
اسلام :كي نلحق تشوفي كون شافني كاش واحد كيفاش ؟ مكانتي كامل و هيبتي طيريهالي …
خرجاتلو لسانها و خبط الباب راح …و هي شدت تلفون رجعت لمسياج لباباها لي بعث سقسا عليها …و حطت راسها على الطاقة تخمم و تتنهد …كيماااا دييييير غير تبقى وحدها تخمم و حاجة جامي تنساها يا لوكان يصرا واش يصرا ..
شويا و قت و رجع …شاد معاه بواطة تاع قاطو و زوج كيسان قهوة ….
اسلام :توسخي طونوبيل نتفاهم معاك …الحاجة لي نكرها ياكلي واحد فطونوبيل …
خدات البواطة من يدو و دورت عينيها عليه …
اية :نيش بيبي صغير و زيد نتا لي محبيتش ترجعني لدار …أيا خليني دوك ناكل. ….
حلت البواطة و تلقا قاطو شوكولا بلاموس …حلت فمها …
اية:يااا ربييييي نشربش القهوة صاييي ههههه يعععع ربي يخليك ميرسي بوكو ….
اسلام دور راسو …:كوليهم كامل راهم ليك …
اية :ماشي لدرجة هديك نخليلك تخافش دوك اسكت عليا و خليني نستمتع ….
……..
شربت قهوة اي جابهلها و هو تاني كان يشرب في القهوة و يسوق….خلصت ماكلة تاع القاطو ..جبدت قرعة ما شربت …
اية :اححححح حمد الله هاك تكمل تاكل نتا راني خليتك شويا هههه (شرا دي بياس )
اسلام :نقدرش ناكل و نسوق كمليها نتي برك …
اية :انا شبعت …هاك تاكل …
شدت مغرف دارت شويا قاطو و رفعاتو شويا عندو تستنا فيه ياكلو …
شاف فيها تشوكا …
اسلام :من نيتك ؟ و لا تتمسخري ؟
-اية :تاكل و لا نو …
-مخلصتش هدرتها و كلا لي دارتلو في المغرف و بقا يبتاسم وحدو هكاك حتى خلصت لابياس هديك …
جمعت كلش …و مدتلو القرعة يشرب ….
اية :ياخي الماء تاني تقدر …
نحالها القرعة ….اسلام :نحي برك البوشون نقدر …
……..
كملو طريقهم ….هي كملت بلكيتمان و هو يسوق و ساكت حتى وين وصلو …هبطو من طونوبيل ..راح هو في المقدمة و هي تبعت موراه …
اية:هففف نلقاوهم هنا كامل ياخي …
اسلام :تلقايني انا برك مالا ..راهم كامل هنا مام عماتك 😑😑
صوناو و بقاو يستناو يديبلوكيولهم الباب …كي تحل دخلو و بقاو يمشيو …كانت فيلا بحذا البحر …
اسلام ؛ دوك يبداو يخرجو من حجور تاعهم اصبري نعيط لجدي يخرج يدخلنا …
اية :علاه ؟
اسلام :حسبتي غير نتي لي تحشمي و لا ؟
ضحكت اية …تسنات عيط لجدو ..حتى خرج واحد جامي شافتو في حياتها …راجل يبان قد اسلام …يهبلللل ….
شافت في اسلام لقاتو يشوف فيها و يتافاف …..
قدم ليهم الراجل …سلم على اسلام و بقا يشوف في اية راح فيها ….
اسلام :واش راضي سافا حمد الله على سلامتك …
راضي :عيشك خو …هيه شكون لي جبتك معاك …قالها و يشوف في اية صفن فيها …اية حست حرقها تالمو حشمت بقات تشوف في اسلام باش ما يقولولهاش نتي ….
اسلام :بنت عمي ….
راضي :اااااااه ….مدلها يدو ….خزرت في اسلام وومدتلو يدها صافحاتو …و اسلام يحك لحيتو …و يشوف فيها …تاع تكثريهاش بزاف معاه …
راضي :انا راضي و يعيطولي ايمن ….
اية :تشرفت ايمن …انا اية ….
اسلام بصوت منخفض :بدا دصارة تاعو زيد قوللها واش دير في حياتك و صاي …
ابتاسمتلو اية ….و هو بقا يشوف فيها برك ….
شدها اسلام من يدها و قربها ليه ….
اسلام :راضي ماشي ناوي تدخلنا و لا ؟
راضي فاق لروحو …:اه مرحبا مرحبا دار داركم تعرف طريق هيا معايا ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 115🌚🌚:
دخلو مع راضي (ايمن ) و اسلام شاد اية من يدها و يشوف فيها ..بتاع تعرفي واش ديري بلا ما نوصيك …
سلمو على العايلة كامل …و قعدو معاهم ….
مرت خو الجد :وليداتي نحطلكم تشربو قهوة …
اية :لا خالتي عيشك شربنا و كلينا ربي يخليك….
مرت خو الجد :معلش تزيدو عندي ….
اسلام :خالتي غير متشقيش روحك و الله غير شربنا الحمد الله …
بعد شحال من حجج باش آمنت بلي صح استقهواو …
كانو قاعدين يهدرو …اية بحذا سيرين و بنات عماتها …بصح تهدر غير مع سيرين …و اسلام بحذا ايمن يهدرو …و يشوف غير في اية بنص عين و هي تاني …
الجد :هييه أيمن نسيت مقتلكش …هدي هي اية لي حكيتلك عليها قبيل ..بنت وليدي …
شاف ايمن في اية ضحكلها و شاف في الجد …
ايمن :مشاء الله عمي….ربي يخليهالك …هدي هي طبيبة تاعنا ياخي …
الجد :هدي هي ههه …شاف في اية لي كانت غير ترجع الابتسامة و تشوف في اسلام لي هابط شويا راسو يشوف فيها و رافع حاجبو ….
الجد :اية هدا ايمن وليد خويا …راح لفرنسا كان عندو عمليات في سبيطار لتم …زاد دار اجازة …طبيب الجهاز التنفسي ….
اية بحشمة منهم كامل …شافت في ايمن رابيد برك …
اية :الله يبارك ربي يوفقك ..تشرفت …
ايمن :ليا الشرف الاكبر ….
اسلام غير يجول بخزراتو بيناتهم ….هكاك و يسمعو صوت كعب (صغير برك ) من دروج …شافو كامل و دارو كامل …هبطت بكل خطى ثابتة…و الابتسامة مرسومة على وجهها ….بقاو يشوفو فيها كامل ….
سهى :عسلااامتكم عسلامة اسلام نورت الدار ….
ابتاسملها اسلام ….
راحت عندو سلمت عليه (مش مصافحة تسلام عادي ) …سلم عليها و في نفس الوقت يشوف في اية لي نشوف فيهم ….
راحت عند اية سلمت عليها …و شدت كرسي قعدت بييه …و بقات تضحك معاهم …
خو الجد :هدي بنتي الصغيرة اية ….
ابتاسمت اية بخفة برك …أصلا كانت حشمانة و مش عاجبها الحال تبان غريبة …
اية :تشرفت حبيبتي ….
سهى :عيشك انا تاني ……
(سهى اخت ايمن )
بقاو كاااامل يهدرو ..و يجبدو موضوع مورا خوه …غير اسلام و اية لي بقاو ساكتين غير ادا هدرلهم كاش واحد يجاوبو عليه ….و كل واحد يشوف في لخر …و واحد ما يبعد عينيه على لخر ….
و ايمن لي يشوف في اية كيفاش رزينة و ضحكتها شحال تهوبل …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 116🌚🌚:
لحق وقت العشا …و راحو نسا بداو يوجدو طابلة …اية مراحتش قعدت مع رجال و الجدة ….
و الجدة كانت قاعدة مع اسلام تهدر معاه ….
الجدة : اية ا مصيبة ارواحي لهنا نهدر معاك عندنا شحال هدرناش ….
رفدت روحها و راحت قعدت بحذاها ..يعني هي في جيهة اسلام في جيهة و الجدة في الوسط ….
حطت الجدة يد على ركبة اسلام و لخرا على ركبة اية …(الرجال لخرين كانو يهدرو و يقصرو و راضي معاهم يشوف في اية من بعيد )
الجدة :يا مصيبة كل يوم تزيدي تزياني لي تلبسيه و لي ديريه يجي عليك …خرجتي ليا كي كنت صغيرة قدك هبلت الغاشي كامل …و داني جدك في لخر …
ضحكت اية و اسلام بقا يشوف فيها …
اية :عيشك ماني …ليا شرف نخرج لوحدة كيفك …
قربت عندها و باستها ….
الجدة :هيييه بصح انا خير عليك شويا تعرفي علاه …
اية :ههههه نعرفش …
الجدة :انا مكانش عندي مشاكل كيما لي عندك نتي وين تحطي رجلك يخرجلك مشكل …
كان اسلام مسند يدو لفوتاي و حاط كفو على صبعو ….و يشوف في اية كيفاش تبدلت ملامح وجها كي قالتلها هكاك ….
اية :ههههه في هدي عندك الحق بصح شوفي تاع مشي عاقلة انا عاقلة بصح الله غالب المشاكل يحبوني ههههه …
الجدة:كون جيتيش عاقلة كون نشوفوش سمسومة كيمنهك و يسايسك معاه ….
شرع عينيه من كلمة سمسومة …
اية تضحك.:شكون سمسومة بصح ههههه
قرصاتو من خدو ….
الجدة :هدا المصيبة لي قدامي ….
اسلام :ماني مشي شحال من خطرة قتلك تعيطيليش هكا زيد قدام كاش واحد …
دورتلو بوذنها (حشااكم ) و شاف في اية …
الجدة:ياخي هدي مشي كاش واحد اسكت عليا حابة نعيطلك سمسومة تسالي ؟
اسلام :هففففف ……………..
الجدة :شوفي مرت لوسي (مرت راجلها ..مامات ايمن ) راهي من صباح تشكر فيك على رزانتك و تصرفاتك …و ايمن من صباح يشوف فيك (و غمزتلها غمزة خفيفة برك خفاوها التجاعيد تاع وجهها.) …الفرصة راهي في يدك وري شطارتك و كملي كيمنهك برك و انا نزيد نشكرك ….
اية :كيفاش مفهمتش ؟؟
سڨم روحو اسلام بزربة :تحوسيش تفهمي …ماني علاه انا مرا قدامك باش تهدري معاها في صوالح هدو قدامي و لا كيفاه ؟
الجدة :اسكت نتا منبعد نشوفلك سهى تتزوج و تهنينا ….خليني دوك نفريها مع اية و تتزوجو في نهار واحد باش نتهنى على وليداتي …
اسلام :بديتي تخرفي واقيلا خليني ماني ربي يخليك تعرفي نحبش يطيح القدر بيناتنا … و نتي (اية ) اسكتي تسمعيلهاش ….
الجدة :😒😒😑😑واش دخلك ياك نهدر معاها
اسلام :ها نووو تهدريش معاه في صوالح هدو قدامي …أصلا بلاك عندها كاش واحد في حياتها …واش دخل دوك الشطارة ؟باش تعجب الراجل تبداوش تسمطوها …
اية كانت مشوكية و بدات تفهم بلعقل منبعد ولاتلها ضحكة …
اسلام :تضحكي ياك عجبك الحال ….😑😑😑اسكتي نقولك …
الجدة :هيه نسيت …دوا تاع معدتي خلاصلي …روح اشريلي واحد من لافارماصي كنت نستنا فيك من قبيل و جدك محبش يشدك باش نهدر معاك لي تلفون ….
اسلام :و دوكا باش تتفكري؟
الجدة. عادي غير كيما راحو يوجدو الحالة يعني مزال الحال للعشا …واحد ساعة باش نتشعشاو مهم تلحق في الوقت …..
اسلام :اوكي هاتيلي اسمو نسيت نروح نحوسلك عليه ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 117🌚🌚:
خرج اسلام راح يشريلها دوا ..و بقات اية تهدر مع الجدة …و بقات تهدر معاها مع ايمن …و الجد و خوه خرجو لجنان
دارت الجدة اية لحضنها …
الجدة :ايمن عرفوك على بنتي صغرونة ياخي العاقلة تاعنا
ايمن :هيه ههههه ربي يخليهالك عمتي ….
الجدة :🌚🌚هههه ان شاء الله ….هدي اول مرة تجي عندكم …جامي جات لهنا …
ايمن :هاه صحااا أصلا انا تاني جامي شفتها حتى ليوم …
الجدة :ضيعت بزاف هههه كون جات قبل كون راحت معاكم كي تروحو كامل تخرجو لبحر تهولوه
ايمن :شي نهار ان شاء الله نعاودوها و تجي هي تاني …
الجدة :خطرة هدي مام انا نهبل معاكم
ايمن :ههههه مشي خسارة …هي عمتي انا تغميت من دار نروح نضرب دورة و نرجع ….
الجدة :صحا …ها ادي معاك اية 😒و لا تخمم برك في روحك و دورها و ريلها الحالة …
شاف ايمن في اية ….ايمن :تجي اية ؟
اية ملقات واش تقول تفكرت ديراكت اسلام …
اية:مكلاه ميرسي روح برك براسك خير ههه خطرة جاية ان شاء الله …
الجدة :نوضي برك من قدامي تبهدلينيش و تبهدليش الراجل روحي تنحي على خاطرك شويا …
معرفت كيفاش تقوللها بلي كون يشوفها اسلام يتقلق …منبعد قالت بينها و بين روحها أصلا شكونو…
اية :اوك ني جاية 😄
ايمن :هيا 😄…..
خرج من صالون وين كانو قاعدين و خرجت معاه …دار عندها ابتاسمتلها …
دار بيدو للباب باش تخرج هي لولة ….
خرجت و خرج مواراها …و بدا يمشي و هي بحذاه و غير تشوف من كل الجهات من وين يخرجلها اسلام …
خرجو من لافيلا …غلق الباب و تنهد …
ايمن :تجي معايا لبحر ياخي معلش …نقعدو برك شويا و نرجعو …منيش حاب نديك لبلاصة وحدوخرا الحال راح …
اية :هيه معلش ههه مشي مشكل ….
ايمن :صحا هيا مالا …نعبرو طريق و بلاكي سيارات ..تبعيني بنفس الخطوات ….
اية :ههه صحا …😄(كانت حشمانة منو و هو تاني يحوس كيفاش ينحي الجو هداك المتوتر بيناتهم )
عبرت طريق معاه …و شعرها كامل يطير ….حتى لحقو لدروج صغير …لي يهبط للشاطئ….
هبطو مع بعضاهم و ساكتين في زوج …
اية :يييي يهبللل المنظر هدا تاع غروب الشمس …نطلب منك حاجة معلش ههههه ….
ايمن :انعم بيانسور ادا قدرت عليه وي …
اية :هههه تاخدلي تصويرة برك مع المنظر هدا عجبني …
ايمن :هدا مكان هههه …هيه عادي …خيري بلاصة لي حابة برك ….
اية :ههه صحيتي …راحت تقدمت شويا و زادت مشات تستنشق الهواء هداك لي يريح بريحة البحر المتميزة ⁦عن الروائح الاخرى ⁦❣️⁩و المنعشة …بقات تسمع لصوت المواجي …و عينيها مغمضين و مكمشة روحها …..و تتفكر صوالح لي جازو عليها راسمة ابتسامة صغيرة ….
بقا ايمن واقف بحذاها بعيد عليها شويا محبش يديرونجيها …مربع يديه و يشوف مع البحر …..
حلت عينيها و شافت فيه ضحكتلو ضحكة صغيرة و هو رجعهالها …..
ايمن :هاه هاتي نصورك …
مدتلو تلفون …شدت بوز وهو شد بلاصة مليحة باش تجي فوطو شابة و صورها ..
كانت تشوف فيها …جات تقول تهبللل …. و يصوني تلفونها ….شافت زادت تمعنت ….تعرفت على الرقم بلي تاع اسلام …مكانتش مسجلاتو باسمو خلاتو هكاك …
طولت باش جاوبت عليها تالمو مش عارفة واش حا يقول ….
غير درت عليه حطت تلفون لوذنها و يصرعها ….
اسلام :اليوم خلات عليك …عندك زوج دقايق تجي تلقايني عند الباب زوج دقايق تلحقيش خلات عليك ليلة هدي ….
و كوبا عليها ….شافت في ايمن مقلقة …
اية :يييي أيمن ني راجعةةةة بااااااي ….
ايمن :اسلام هداك ؟ …
كانت تمشي بزربة و هو يتبع فيها ….
اية :ايه بلييز تجيش معايا صينو يفهمها حاجة غالطة …
ايمن:انا جبتك انا نرجعك زيد نفهمو تخافيش ….عندي ختي و علابالي واش معنتها ….
زربت لي المشية …و راحت تعبر الطريق بلا ما تشوف …حبسها ايمن و شدها من يدها ….ستنى حتى جازو طونوبيلات …باش جوزها ….و هكاك يشوفهم اسلام لي كان متكي على طونوبيل يستنى فيها ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 118🌚🌚:
كان مقلق لدرجة كبيرة …..غير شافو شادها من يدها زاد تقلق كثر كان حا يروح ليها هو ميستناهاش …غير شافها شافت فيه دارلها بيدها تاع ارواحي ارواحي نحوس عليك انا …..
خلات يد ايمن و راحت ليه تجري ….غير لحقت ليه ….لقاتو حاط يديه على الباب تاع الطونوبيل مسند روحو و مزير روحو عينيه قريب يخرجو ….
اية :اسلام و الله
اسلام بصوت طالع شويا و يخلع :اسكتيييي ….
حطت عينيها للارض و سكتت ….
لحق ايمن ….ايمن :اسلام خو تفهمهاش ناقص …جدة تاعك هي لي قالتلي اديها معاك و ديتها غير للشط …
اسلام ما قال والو …و ايمن راح خلاه …مهم هو وضحلو و الباقي عندو …
بقا يشوف فيها مقلق …و شاد روحو ….و هي تشوف للأرض تعرف بلي راه مقلق كون تقولو حاجة يهجم عليها …رفعت عينيها بلعقل و شافت في عينيه بنظرات تاع طفل صغير ….
اية بصوت منخفض :و الله كيما قالك ماني سيفتلي نروح معاه و حق ربي قلتلهم نو و الله …😞
اسلام :اسكتيييي قتلك مش ديري صوالح منبعد ترجعي عليا كلش كي ندير ردة فعل
اية :ياخي وعدتك بلي نديرش حاجة تحبهاش باش متقعدوش كيما القط و الفار ….بصح و الله يا اسلام مش انا ماني سيفت علي …
اسلام :ني نقولك اسكتي تخلينيش ندير حاجة تكبر تاني …و نتي قالتلك روحي رحتي 😑اسكتي خير
اية :و الله و الله قلتلها نروحش أصلا عادي ياك وليد عمنا …يعني دار بهدرة جدة برك مكان والو …
اسلام : اييييييةةةة اسكتييييييييي …..تهدريششششش خيرلك ….هاني نقولك خيرلك و لا نقولك خيرلي باسكو في لخر تحصليها فيا …
اية :صاي سكتت 😞ني رايحة ….
راحت دخلت و خلاتو هكاك تعرفش أصلا علاه ردات فعلو يكونو هكاك في صوالح يخصوها ….غير دخلت لقاتهم تجمعو لطابلة ….طلبت منهم الأذن تغسل يديها و طلعت الدوش ….خلات الباب شبه مفتوح …حطت شويا صابون ليدها … و بدات تغسل حتى تشوفو واقف موراها …شهقت من الخلعة …كملت غسلت بزربة و شافت فيه ….
اية :واش جابك ؟
اسلام :جيت نغسل كيفك 😑…شوفي نقولك راهم بقاو زوج بلاصات …وحدة ليا وحدة ليك … و الله و نلقاك شديتي بلاصة لي بحذا ايمن …..
مخلاتوش يكمل …..قاطعاتو ….اية : نكسرلك رجليك و نوريلك زنباع وين يتباع …شدتها ضحكة من بعد كملت …
اية :أوكي ابن عمي حا نقعد بحذاه …
شعل عينيه …حاولت تستفزو ندمت …..
اسلام :ايييية ….
اية :صاي و الله منقعد غير خليك عاقل ….غير ادا سيفت عليا ماني
اسلام :تحرم غير تستناي ….نهبطو مع بعضانا ….
اية :يخاااه هل العار …
اسلام :عار و لا مشي عار قتلك استناي ….
غسل يديه بزربة و هي شدتها ضحكة من واش يصرا معاها ….
مسح يديه …و خرج ….تبعاتو هبطو مع بعضاهم …جبدولها الكرسي لي بحذا ايمن تقعد ….دارلها بعينيه و حواجبو تاع متقربيش …شدو هو و قعد هو بيه …وهي راحت قعدت بحذا سهى….
تعشاو و اسلام غير يشوف فيها كيفاش تاكل و يخزر برك واش دير …..
خلصو العشاء …جمعو المواعن …و تعاونو غسلوهم ..و منبعد عاودو تجمعو للقصرة …الرجال كانو يهدرو وحدهم و النساء كيف كيف ….
كانت شادة تلفونها تهدر مع سيرين …حتى شافت بلي لحقلها ميساج ….شافت فيه سيرين …حلت تلفونها لقاتو ميساج من عندك اسلام …
سيرين :يااااا اسلام بعثلك ….
دارت روحها اية ماشافت والو باش ميفيقش بلي سيرين فاقت ..و بقات تهدر لها بلعقل باش تنحيلو شك باسكو كان يشوف فيهم …
اية معبزة على سنيها …:اسكتي راهو يشوف فينا اضحكي برك كي شغل مشفتي والو و اتصرفي عادي …
سڨمت روحها سيرين و بقات شادة الابتسامة …و تهدر بلعقل
سيرين :ييي و الله تشوكيت من وقتاه يبعث ميساجات ..هاه برك اقرايهولي هههه
اية :صحا ديري روحك تشوفي لكاش بلاصة وحدوخرا ….
سيرين :تم …
دخلت لميساج و شافت فيه لقاتو يهدر مع ايمن ….
سيرين :هاه واش قالك …
قراتلها اية الميساج…..
اية :مينوشة …10 دقائق نروحو ..مدابيك كي يقولك جدي ابقاي تخرجيلو بكاش كذبة مش صباح نجي نديك ني عيان ….
ضحكت سيرين …:علاه مروحين ؟
اية :هو حب يروح و مرجعنيش لدار ندي قشي ….
سيرين :هيه تروحي خير واش ديري مع جماعة شر هدو …
اية :صحا و باباك و عمي فؤاد يجو و لا نو …
سيرين :لا راهم هنا …حنا تاني عندنا ابارتومو لهنا قدام لبحر راهي غير هنا …تسما كي يجي وقت رقاد يروحو لتم …
اية :يووو سيرين نقدرش نروح معاه وحدنا …
سيرين:علاه عادي ..مش حا يديرلك حاجة ..أصلا كون مجاش يهتم بيك يخليك و ميهتمش بيك …
اية :منعرف هكا يعني تجيش ..
جاز شويا وقت و يهدر اسلام …
اسلام :أيا جماعة انا عيان …لازم نروح …كان يوم مليح معاكم عطيكم الصحة على العشا و القصرة …
الجد : راك مروح تسما صح ؟
اسلام :هيه جدي ياخي قتلك قبيل …عندي شويا شغل لازم نفريه بلبيسي فدار ….
الجد :نوض صباح و روح ….
اسلام :منقدرش راك تعرف بلي بعيد الحال و لازم نرجع لدار نلبس ….
الجد :هيه و اية كيفاش تخدم ؟
اسلام :تجي معايا دوك …أصلا هي تاني مجابت والو قش …مرجعناش قبيل لدار باسكو كنا متأخرين …
مرت اخ الجد :ياا زينة تاعنا تروح ؟ خليها اسلام تبات …القش تمدلها سهى …
شاف في اية بمعنى اهدري ….بصح مقالت والو. ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 119🌚🌚:
اسلام دور عينيه عليها : مشي حاجة تاع قش بصح لازم تجي لخدمة غدوا ….
هدر ايمن …:اي هدا مشي مشكل نجيبهالك انا صباح بكري …أصلا عندي شويا شغالات نفريهم قبل ما نرجع نخدم …
سهى :هيه صح خليها اسلام نزيدو نتعرفو عليها ….هاو قالك خويا نيجيبهالك ….
شاف فيها اسلام لقاها ماتقدر تقول والو يحللو فيها كامل تبقى ….

الجد :خليها اسلام أو قالك ايمن نوصلها …و قالولك نمدولها قش …
اسلام شاف في جدو بمعنى من وقتاه يدبر عليا واحد خاصة كي جات من ايمن لي دخل روحو بلي حا يوصلها ….
شاف في اية خزرة تخلع ..تاع قتلك اهدري و نتي حبيبتي تبقاي ….
اسلام :باي ….

ما خلصش كلامو و خرج مقلق من ايمن ….و مقلق من اية لي خلاتو هو وحدو يهدر …خايف بلي كون تبقى يتقرب منها ايمن و تبدى تتعرف على شخصيتو المليحة و تطور العلاقة بيناتهم مع الوقت …
خرج طرطڨ الباب ….و هي ناضت تطل من الطاقة تشوف ادا لحق لطونوبيل تاعو و حالتو كيفاش …و لي كانو تماك بداو يتوزعو يوجدو وين يرقدو و يجمعو المواعن بقات غير الجدة و الجد و سيرين لي بحذا اية تشوف هي تاني اسلام …غير لحق لبورتاي الكبير ….خبط رجلو ليه …و حلو خرج خبطو خبطة قوية …..

بقاو يشوفو فيه مخلوعات …جمع يدو على شكل بونية …و خبط يدو للحيط لي تماك 4 خطرات ……و اية غير تشوف فيه ….و مشوكية …علاجال حاجة تافهة دار هكاك كامل …تسما كي يعاود يتلاقى معاها هي واش يديرلها …
سيرين :يااا ربي مهوش مليح …علاه اية كون رحتي معاه تعرفي ميحبش يتدخل واحد غريب في حاجة يقولها …علاه هدرتيش اتافقتو كون شديتي في اتفاقك …
اية :تسما دوك انا الغالطة ديريليش تانيب الضمير
سيرين :شوفي نتي واش ….اتافقتو و قالك بعثلك ميساج و في لخر باش يدورو عليه كامل و هو أكثر حاجة يكرهها انو يتدخل واحد غريب في حاجة يقولها و لا واحد يقولو نديرو حاجة منبعد يخليه في نص طريق ….هففففف
خلاتها و راحت عند جدها ….
اية :جدييي لازم نرجع لدار .. لازم لازممم بلييز لازم نروح …
الجد :علاه ؟
اية :هكا لازم ( و غمزتلو تاع منبعد نفهمهك)
الجد : و شكون يديك …
اية :قول برك دوك راك قابل و صاي ….
…….
ركب طونوبيلو خبط الباب ….دار سانتور تاعو و بقا يشوف يدو لي توجع من ضربات هدوك و ولات حمراء …ضرب تلفونو الكرسي لي بحذاه ….و ستنا وقت تسخن طونوبيل تاعو باش يديماري ….جا يقلع سمع تلفونو يصوني ….لقا “مينوشتي”….كوبا عليها …و ديمارا بكل سرعتو …عاود صونا ..جبدو ريبوندا عليها ….
اية بصوت تشهق فيه …:اسلااام حبيسسس راني برا ارجع نجي معاك …ارجع راني برا عيشك ني نستنا فيك …
كوبات عليه …و بقات تستناى فيه يرجع ….مفهمش عليها كان حا يكمل طريقو بصح قتلو الفضول يعرف واش صرا …رجع لفيلا …و لقاها صح تستنا فيه …غير حبس طونوبيل راحت تجري …حلت الباب …و دخلت تتنفس بقوة …دارت سانتور و هو يشوف فيها بعيون شبه مفتوحين تالمو مقلق …..
اسلام : واش صرا لجدك ؟ ماشي قبيل بلعتي لسانك و محبيتيش تهدري واش جيتي ديري دوك …
اية:و انا نخلي سمسومة يروح وحدو ؟قالي ترجعي معايا معنتها نرجع معاه ….زيد دار سامطة بلا بيك ..😄قلت لجدي حبيب قلبي قالي روحي معاه 😄…و حبستلي قلبي كنت نجري نقاطعك ماقدرتش …😄
اسلام شاف فيها بشوك ….
اسلام :مشي وقت تمسخير تاعك 😑هكا متعودة ديري نتي ؟ تاخذي قراراتك آخر ثانية ؟
مخلاتوش يكمل قاطعاتو …كي حطت يدها على ذراعو و تشوف فيه ….
اية :صاي قلنا ياك ني جيت …و لا حاب نرجع نرجع و الغدوا يجييني ايمن …
غير سمع كلمة ايمن ..بعدلها يدها عليه …و ديمارا …هي تنهدت ….
بقا يسوق و هي تشوف برك في يديه المخبوشين كامل و علابالها بلي يوجعو من خبطات هدوك لي خبطهم …بقات ساكتة و مسندة راسها على طاقة و هو ساكت و فرحان كي رجعت معاه و مش واحد اخر يجيبهالو منبعد …
….بعد مدة …لحقو لدار …هبطو من طونوبيل …ساكتين في زوج …حل الباب تاع لافيلا …دخلت و هو تبع موراها بعد ما غلق الباب ….و كل واحد راح لشمبرتو….
راحت غسلت بدلت لبست بيجاما صلات ….و راحت تحوس على صوالح تاع دوا وين حاطينهم …لقات علبة اسعافات فدوش …خداتها خدات قطن و شويا دوا حمرا و ملقاتش بوندو …..و طلعت عندو لشمبرتو ….لحقت عند الباب تنهدت و دقت على الباب …حللها الباب و هو يدخل في التريكو تاعو ….
شاف فيها و بقا ساكت …اية :معلش ندخل ؟
اسلام :هادخلي ….

,كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 120🌚🌚:
دخلت و خلاو الباب محلول ….بقا واقف و وقفت قدامو …
جبدتلو يدو لي كانت مخبية من لور ….شافت في اليد منبعد شافت فيه …
حطت الحوايج فوق لارض ..و عاودت سڨمت روحها و بقات تشوف فيه …
اية :علاه درت هكا ؟ مشي قلتلي بلي تتحكم في روحك …
اسلام :باسكو نحبش واحد يدخل روحو في حاجة نقررها انا …و منحبش واحد يوصللي و لا يهتم بحاجة تاعي …
شرعت عينيها و ندمت لي سقسات …
حطتلو يدو فوق يدها الصغير و جبدت دوا الحمرا مع القطن و هو يبتاسم بلخف برك كيفاش مشوكية من واش قال …
حطتلو الدوا ….بلا ما تشوف فيه و هو غير يتأمل في ملامحها ….منبعد شافت فيه كي خلصت ….
اية :عنديش بوندو بواش نشدلك القطن و ندورهولك كيفاش …
اسلام :عادي أصلا حبيتي برك تعيي روحك متعود على صوالح كثر …
اية:صوالح لخرين مش انا سبة …بصح خطرة هدي كي شغل دخلت في السبة …عندكش بوندو نتا ؟
اسلام :نرمالمو عندي في تيروار لي منهيه …..
شدتلو يدو لخرا حطتها فوق يدو لخرا باش يشد لقطن ..و راحت تحوس على بوندو في تيروار …كانت تحوس و هو يشوف فيها …حتى شافها حبست ….و شادة في يدها بوندو …و تشوف فيه تغلق عينيها و تعاود تغلقهم ….شاف فيه مليح …لقاه هداك لي جمعو شحال من سنة باسكو بيه غلقلها فمها هداك نهار ….شرع عينيه …و راح عندها …
نحاهالها من يدها و حاول ينوضها …عاودت جبدتها و غلقت تيروار …..
اية :علاه نحيتهالي جبدتها باش نديرها لك …..
شاف فيها يشوف في عينيها يتحسس الخوف هداك لي بان من عينيها ….
اسلام :معلش بصح هداك نقدرش نديرو بدليه …
اية :علاه …
اسلام :هكا ….
اية :علاه هكا ؟
اسلام :منقدرش نقولك علاه ….
اية :علاه ؟
اسلام :هكا ….باسكو بيه اذيت شخص …و مقدرتش نتخلص منو باسكو توجور يفكرني بالعبد هداك …و زيد بيه اذاوني عيباد
اية :هاه هدا مكان معلش تحكيليش بصح لازم تتحدى الاحساس هداك لي يخالجك و يقولك احتافظ بيها و متحبش تستخدمو …هاك عادي ديرو ….
اسلام :اوووف قتلك اية نديرو وش نقدرش نديرو …رجعيه ….نقدرش تفهميش ؟
بدا يعلي في صوتو و بدات تجيه كي شغل كريز ….
اسلام :أصلا خبيتو علاه جبدتيه رجعيه و لا نقولك تحوسيش كامل …رجعيه قتلك رجعيه ….شد راسو بيدو و يحركو يمين شمال …
اية بينها و بين روحها (بلاصة انا لي ندير كيفو هو لي تأثر كثر مني اه يا ربي كون معايا )
زادت قربت ليه …….. نحاتلو يدو من راسو و شافت في عينيه …
اية :هششش اسلام صاي …صاي دوك نرجعو و نديرو واش تحب ششش صاي تزعفش تقلقش روحك و الله دوك نرجعها …و ادا حاب نرميها نرميها …قولي حاب نتخلص منها ؟
اسلام :تتخلصيش منها خليها باش كل ما نحب ننسى تفكرني بواش صرا ….و لا كل خطرة نعاود نخمم نعاود ندير عفسة هديك …نشوف فيها رجعيها اية رجعييييها …
حلت تيروار و رجعتها غلقاتو بلعقل ….
شافت فيه لقاتو كي الطفل الصغير صرالو اضطراب و بدا يتقلق …..و حست بلي ضعف ..و لى ضعيف فهديك اللحظة …خلاها بلاصتها و راح قعد في الزاوية تاع السرير يشوف للارض …راحت تبعاتو ..و قعدت فالارض …و تشوف فيه من تحت لعينيه ….
اية :اسلام شوف فيا نقولك حاجة ..
طلعتلو راسو لفوق ..و بقات تشوف فيه …شجعت روحها تنهدت و حضناتو …..
يديه كانو في الهوا …تصدم من واش دار …و هي شادة روحها باش تحط يديها على ظهرو و تزير عليه و تتغلب على الخوف تاعها ….و دارتها …منبعد دارها هو …حطت يد على راسو و بقات تمسحلو على شعرو …كان كي الطفل الصغير معنقها و مزير عليها …و حاب كون تروحش عليه كامل …..
اية :هشش اسلام صاي …تمرضش روحك على حاجة هكا …يجي نهار كلش يرجع لحالتو …صاي اسلام …اسلام اسمعني مخاوفك لازم تتحداهم و اني نقولك ني معاك نتحداهم معاك …انا تاني عندي صوالح نخاف منهم ..عاونني نعاونك هكا باش متحسش روحك ثقيل ..تبقاش تخبي كلش و تخلي كلش في قلبك ..هاني هنا معاك احكيلي فرغلي …شبيك اسلام شكون رجعك هكا ؟ ….اسلام و الله جامي نخليك …احكيلي شكون خلاك تتقلق هكا …وعد تبقى بيني و بينك ..اسلام نحبش نشوفك هكا …نحب نشوفك توجور الراجل هداك لي يعيط عليا و يخاف من حتى واحد ….و يتحدى كلش …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 121🌚🌚:
اية :هشش اسلام صاي …تمرضش روحك على حاجة هكا …يجي نهار كلش يرجع لحالتو …صاي اسلام …اسلام اسمعني مخاوفك لازم تتحداهم و اني نقولك ني معاك نتحداهم معاك …انا تاني عندي صوالح نخاف منهم ..عاونني نعاونك هكا باش متحسش روحك ثقيل ..تبقاش تخبي كلش و تخلي كلش في قلبك ..هاني هنا معاك احكيلي فرغلي …شبيك اسلام شكون رجعك هكا ؟ ….اسلام و الله جامي نخليك …احكيلي شكون خلاك تتقلق هكا …وعد تبقى بيني و بينك ..اسلام نحبش نشوفك هكا …نحب نشوفك توجور الراجل هداك لي يعيط عليا و يخاف من حتى واحد ….و يتحدى كلش …و يقولي نتي شرفي …و مدايراتك مسؤولية ..تعرف بلي بابا و مقالهاليش ..و جامي قالها لي حتى واحد حتى قلتهالي نتا ليا ….
اسلام بصوت منخفض و متقطع ..:نقدرش اية ..نقدرش ..كون نحكيلك جامي نزيد نشوفك قدامي …بسيف باش راني شادك هنا …خطرة هدي مكانش كيفاه ….
بعدت عليه …رجعت قعدت بحذاه …و حضناتو هكاك و هو قاعد ….
اية :قسما برب العرش العظيم ..قسما برب الكعبة …قسما بالله العلي العظيم …غير نبقى نسمعلك و واش يصرا و واش تقول جامي نخليك اقسم لك بالله و ربي يحرقني كون نكذب عليك و لا نخليك …
كان شاد راسو بيديه و يحرك شعرو بتوتر ….و عينيه رجعو لداخل من الحالة لي تصرالو توجور كي يتفكر …
زادت حضنتو هكاك و هو قاعد و شادة فيه باش تحسو صح بلي متكذبش و حابة تسمع و تعرف سر لي رجعو في الحالة هديك …
اسلام :اييية خليني روحي اخرجي …نيش حابك تروحي كي تعرفي أصلا كون تعرفي العيباد كامل يعرفو و تعرفي واش معنتها وقتها ؟ اسلام يسموه ينتاحر …الطريقة الوحيدة لي تسلكو ….فهمتي اخرجي انا مش مليح روحي …روحي اخرجي….
اية :و اقسم لك بالله اقسم لك بالله غير تبقى بيناتنا و الله و الله …اسلام ني نقولك بيني و بينك …أصلا ادا قلتليش نحوس نعرف و خير تحكيلي نتا خير منعرف من كاش وحدوخر …اسلام راني قسمتلك جامي نخليك على حاجة …و يا لوكان تكون اجرام …ني هنا باش نوقف معاه …علاه تقلقت كي جبدت البوندو؟ ياخي بوندو برك ؟ و نزيدلك علاش ليمينوت هدوك المعلقين طرف سرير …قولي واش سرهم ..علاه كي تشوف ليمينوت عينيك يتلمعو …و علاه كي جبدت البوندو تتقلق ….
بدا يحرك في راسو يمين شمال و يشد روحو باش ميحكيلهاش ….
حطتلو راسو على صدرها …زادت زيرت عليه …و بقات تمسحلو على جبهتو و شعرو كي شغل طفل صغير …
اية :اسلام ادا خايف نخدعك عندك الحق …صاي منيسيفش عليك باش نعرف …بصح دير في بالك بلي أنا طبيبة نفسانية و علابالي بلي كاينة حاجة مخبيها …و هدي الحاجة كون نكتشفها كاش نهار وحدي و نسمعها من كاش وحدوخر …جامي نسامحلك باسكو نتا محكيتليش ..و وقتها صح نروح نخليك …وقتها صح متزيدش تلقاني قدامك…و دير في بالك وقت لي تحب تفرغ فيه المكبوتات لي داخلك لي خبيت …تلقاني قدامك وقت ما حبيت …جامي جامي نروح و منسمعكش ..بصح يقولهالي وحدوخر …جامي نسامحك وقتها و جامي نقعد معاك …باسكو اعتابرتك قريب عليا …و حبيت نوقف معاك و نتا لي تحكيلي محبيتش …
اسلام :اوعديني …
حطت يدها على يدو ..شبكتها …و خلات راسو فوق صدرها ….
اية :وعد اسلام انو الشي لي حا تقولو جامي يعرفو حتى واحد ….و جامي طيح من عيني و لا نتبدل عليك …و نكون اللولة لي توقف معاك و ديرلك واش تحب مش كيما لخرين ….
اسلام :شحال عندك من عم ؟كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 122🌚🌚:
استغربت اية من سؤالو و قررت تسايسو برك ….
اية : زوج …
اسلام :راكي غالطة …
اية :كيفاه ….
بعد راسو لي يوجع فيه عليها ..و بقات شادة فيه من يدو …شاف ليديهم و شاف فيها بعيون دخلو لداخل …و بصوت ضعيييف مخلط بخنقة تاع الغصة ….
دور راسو بنو …
اسلام :اية عندك 3 اعمام …..
اية :كيفاه ؟
اسلام :صحا قوليلي من لي لحقتي لهنا كيفاه تقولي مديلي ترتيب تاعهم ….
اية :باباك عمي الكبير … …و عمي فؤاد الوسطاني …و بابا لخر
اسلام : هانو مش هكا ……؟
خممت لقات عقلها ميخدمش …و شدها ستراس …تنفست بسيف ….و دارتلو براسها كيفاش ….
دور راسو و شاد روحو …خايف يحكي يندم …و يخبي في ملامح وجهو و شاد روحو …قادر في اي لحظة يطرطق …..
اسلام :اية …عندك 3 عمام …الاول بابا ….الثاني عمي فؤاد …3 باباك …الصغير كامل عمي اسماعيل ….
غير قال كلمة اسماعيل …شد راسو بيديه و يحركو يمين شمال ….و يتفكر صوالح جازو عليه …زاد زيرت على يدو ..و تحرك راسها بنو هي تاني …مفهمت والو …
اية بتردد:وينو؟
رفع راسو بزربة و شاف فيها و عينيه حومر ….
اسلام :ماات ….هو توفى تهنى و انا خلاني نتكوا …هو مات و تهنى من الحياة هدي …و انا خلاني ضحية من ضحاياه …و انا خلفت ضحايا كيما دار هو ….
اية غير تحرك راسها ما فاهمة والو …و دور في وجهها غاضها من صوت لي كان يهدر بيه و في نفس الوقت متعرفش واش يقصد و متعرف بواش حا يصدمها ….
اسلام : اسماعيل …وليد جدي …خو بابا …خو باباك …..مدلل العائلة ….و كابوس حياتي ………
اية بصوت مخنوق بدموع ….بدات تفهم واش يقصد …
اية :علاه مخبرونيش بيه ؟ علاه نعرفوش …شحال في عمرو وقت مات ؟
اسلام :باباك كبير عليه بعام …تعرفيهمش خاطر مش شخص يفتاخرو بيه في العائلة ….و صاي مات ربي يرحمو ….و هكاك خير كي تعرفيهش ؟دخل يديه داخل شعرو و يجبد فيه )
اية :بلعقل اسلام …بلعقل …احكي ني نسمع ….
اسلام بصوت متقطع ….:هو تاع سهرات …شراب خمر …و حوايج مش ملاح …مات آكسيدو و هو ثمل …صيبورصا يحبوش يهدرو عليه ….
اية : و نتا علاه تحبش تهدر عليه ؟
شاف في اية و ضحك ضحكة تاع تمسخير ..غيضة تاع لي تغيضو روحو ..و تاع حسرة …
اسلام :دمر حياتو …دمرلي حياتي …و بسبتو دمرت حياة شخص ….هكا دوك صاي ؟ تشوكييتي ؟ هاه دوك تروحي علابالي …واش جابني نحكيلك …
زاد زيرت على يدو …..
اية :نروحشششش ني معاك كمل جامي نروح …علاه دمرلك حياتك ؟
اسلام بصوت منخفض كثر تاع قبل …و عينيه يلمعو …يبان مظلوم من العيون هديك ….حرك راسو يمين شمال بتاع نقدرش نقولها….
حطت راسها على كتفو و بقات تمسح على ظهرو و مزيرة على يدو …لي خلاه يحس بالأمان …و يحس بلي صح مهتمة …
اية :احكي اسلام ..ابكي مش عيب …احكي فرغ قلبك واش كاين ….
اسلام : كان واعر …واعر بزاف …و كي انا لكبير في العائلة يعني لحقت عليه …كنت كي نرجع من ليكول …ادا شريتلوش دخان يضربني و لا ادا مشريتلوش حاجة ليه يحبها يضربني …و انا كنت معنديش دراهم و هو ميدمليش باش نشريلو …كنت نرجعش لدار بكري غير باش منلقاهش و نروح نتخبا …بصح توجور يشدني …و غير العذاب لي يعذبني …كان يقول لبابا خلي نقريه ….(سكت …شداتو الغصة و حرك راسو …و اية عينيها بداو يلمعو بدموع …) اية :كمل ني نسمعلك ..(حركت يدها على ظهرو و مسحت عليه زادت غطست راسها في رقبتو كثر ….)
اسلام بصوت متقطع :يقول …يقول نقريه ….و بابا يقبل ….يديني لشمبرتو ……….و …و ….سكت
سكتت اية و خلاتو على راحتو يكمل يهدر…برك زادة زيرت عليه …
اسلام : يقول نقريه بصح كان يدير العكس …يدخلني معاه …يشعل التلفزيون ..يقعدني معاه ….و يخليني نتفرج ….يخليني نتفرج صوالح مخلة بالحياء …(+18)..و حوايج تاع عنف ….اول خطرة دارها …بقيت سمانة مانهدر مع حتى واحد ….طفل صغير بهداك الوقت …جامي شفت صوالح هدوك …وليت نكره دار كامل …و نبعد عليهم كامل …و كل يوم تتعاود الحكاية …عاودت السنة 2 خطرات علاجالو ……جا نهار ….جا نهار …
اية دموع طاحولها ….غير طيح دمعة تمسحها بيديها و شادة الشهقة لي كون يبعد برك عليها تشهق شهقة عظيمة …
اسلام :جا نهار لي جدي انقذني من هداك الميليو …بصح وقتاه ؟ كي فات الاوان …….وقتها صاي …راح الحال …هداك الشهر لي رجع فيه من الخارج …..بعد ما تهنيت منو لشويا سنوات ….وين راح و مابان عليه حتى خبر …حتى رجع و عاود دمرني ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 123🌚🌚:
Flash back:
كان نهار الجمعة …دار كامل راحو لعرس تاع الجيران …و اسلام رجع من ليكور لي دخلو جدو يدير باش يولي يقرا …و هوما ماعلابالهمش بلي كان يعاني من صدمات برك …..جبد مفتاحو حل الباب كيما علماتو يماه ….و دخل …نحا كرطابل تاعو …راح لكوزينة لقى يماه وجدتلو ماكلة …كلا شويا …و راح يجري فدروج يطلع لشمبرتو يريح شويا …باش يروح يقرا …كاش ما يسترجع العامين لي راحولو ….
جا داخل لاشومبر تاعو …و يحس بواحد شدو من تريكو تاعو من لور …حس بقلبو طاح لرجليه ….كرشو حسها انفاطرت على زوج …تفكر بلي عمو رجع للدار ….ندم على اللحظة لي رجع ليها لدار ….ندم على اللحظة هديك لي طلع لفوق …كركرو عمو للشومبرة لي كانت قدامهم …و اسلام غير يتخبط بين يديه و يترجاه يخليه …و يجبدو من سروالو بكل قوتو باش يحبسو …بصح العم اسماعيل والو …كان مش في وعيو ثمل ….و حاب يفرغ شهوتو …
بدا يجرد اسلام من ملابسو …و جبد ليمينوت شدلو يديه …و زاد غلقلو فمو بلبوندو باش ميباقش يعيط و يطلع صوتو ….اسلام كان يتخبط …طفل في عمر 10 سنين ….يتعرض لحاجة كيما هديك ….و بدا يجردو من قشو ….و العم فاقد سيطرتو …و اسلام صدمة مورا صدمة …..على شعرررة ….سلك اسلام من عملية الاغتصاب و القضاء على طفولته ….و ذلك كي دخل عليهم الجد …..و شاف هذاك المنظر …….على شعرة ….دخل عليهم …..
……..
✓END FLASH BACK
(هدا كامل حكاه لاية )
….
اية كانت تبكي و بشهقات صغيرة …شادة شهقة هديك الكبيرة …..و اسلام يشوف في الارض …شاعل عينيه ….و شاد روحو باش مينهارش …..
اية بشهقة ….:تسما كون مشي جدي كون …..
اسلام بحسرة :هيه ….
بعدت عليه و خلات دموع تاعها كامل يطيحو ……
اسلام :علاه تبكي ؟حكيتلكش باش تشفقي عليا …
اية :نبكي باسكو انا تاني انسان …نبكي باسكو …(قدرتش تكمل و تقولو ضلمتك )
اسلام بقا صافن في الارض برك ….و يعاود يتفكر ….
ناضت من بلاصتها …و نوضاتو معاها بسيف ….كان مش شاد روحو مرة ….عرفت بلي كي رجع تفكر …رجع انهار ….
حطت يديها على خديه و تشوف فيه و عينيها معمرين دموع ….
اية :قتلك جامي نخليك و انا راني قد كلمتي …علابالي دوك بتكملة القصة …و علابالي بواش تعاني …نتا تاثرت بواش صرالك …و كي بلغت رجعت شخصية وحدوخرا …و هدا لي خلاك تاذي شخصية وحدوخرا ….شوف اسلام ….الشخص لي اذيتو …بلاك كان يكرهك و متمني يقتلك …كيما نتا راك متمني تقتل عمك …بصح دير في بالك بلييي عمك تاني عندو سبب خلاه يدير هكا واش هو ؟ منعرفوش ….اسلام بركا ما تقتل روحك بتخمام …و خلينا نحلو صفحة جديدة …اسلام خلي الماضي تاعك في طرف …و ابدا صفحة جديدة …خليك من عذاب الضمير …خليك من الذكرياات …مام علابالي بلي صعيبة …بصح ني نقولك راني معاك و حا نوقف معاك ….
اسلام بصوت منخفض و عينيه عيانين …. و مكانش ملامح فوق وجهو ….
اسلام :قصتي اية تهمنيش ….صاي خلاص فاتت ..و انا راجل ….الحاجة لي تقتلني …و خلاتني منقدرش نكمل و نولي وحدوخر ….هو انو رجعت كيفو ….هو انو خليت شخص وحدوخر يجرب واش جربت ….هو انو البكا لي بكيتو الشخص لي درتو نفس الشي بكا كثر مني …هو انو الشخص لي اذيتو تكوا كثر مني ….هو انو منقدرش نطلب السماح من الشخص هداك و نفهمو …باسكو علابالي مش حا يسامح …كيما انا مش قادر نسامح عمي ….هي انو علابالي واش معنتها …هي انو كنت كابوس واحد فيهم ….كيفاش نبدا صفحة جديدة ….؟ نبدا صفحة جديدة و عبد وحدوخر خليتو يعاني؟ ….نبدا صفحة جديدة و انا غير نقول نتبدل نتفكر عمي نولي وحش ؟ ….واش ذنب الشخص لي اذيتو كي طلع يشبه لعمي ؟ و لا بالاحرى يشبه لكابوس حياتي …(يقصد انو اية تشبه لعمها)كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 124🌚🌚:
كانت اية تشوف فيه و تبكي …دموع هدوك جامي سيحتهم في زوج دقايق كيما هديك الخطرة …و هو يشوف فيها وجهو مكانش فيه تعابير من الانهيار لي عاود شدو …كل ما يتفكر هكاك …..قفزت عليه عنقاتو …..
حاوطت ظهرو بيديها بكل قوتها ….و هو تاني بعد شويا ثواني …حاوط ظهرها بيديه و عنقها ليه …بكل قوتو …حتى قريب تدخل فيه …و حشر راسو في رقبتها …و دموع تاعها شمخولو تريكو تاعو ……
كانت تهدر بالشهقة ….و كل كلمة تقولها تزيد تزير عليه و تدخل اضافرها فيه ….
اية :دير في بالك بلي السماح واعر …و راك قلتها بفمك …بصح دير في بالك الوقت ينسي ….و لكل حاجة سبب ….غلطت…بصح كان عندك سبب …متبقاش تلوم روحك ….كمل حياتك …انسا مالقري نسيان صعيب (شهقة ) ماشي حاجة ساهلة اسلام ….بصح كون تبقى هكا ما تربح والو في حياتك …اسلام تخليش قضية تعدي ..و لا قضية شبه اغتصاب تدمرلك حياتك …اسلام نتا راجل و راك قدها …دير في بالك ادا نتا تحسنت حالتك …نفس الشيء مع الشخص لي كانت ضحية بسبتك نتا …و السبة الكبيييرة كامل تبقى عمي ….اسلام عيشك …تمرضش روحك …و بلااااك تخمم في حاجة مش مليحة ….اسلام ربي يجربنا …و زيد ربي غفور رحيم …اسلام بلاك يجي نهار نزيد نشوفك في الحالة هدي ….الحل الوحيد انو تتقرب من ربي سبحانو ..لا انا ما نقدر نخرجك من حالة هدي لا وحدوخر ….اسلام يد لي يد و نتعداو المرحلة هدي عيشك ….و الله منخليك حتى دقيقة …
زاد زير عليها …و هي تاني سكتت ….بقاو معنقين بعضاهم ….مام واش دارلها كامل …غير انو إنسانية لي داخلها …قدرت تتغلب الحقد هداك لي كانت تشعر بيه اتجاهو …..
هو رايح فيها …و هي غالقة عينها لي شبعو دموع و تتمتع بالحضن هداك ….
اية بينها و ببين روحها :
الى مغتصبي
هه يالا سخرية القدر، قبل قدومي الى منطقتي المحرمة قديما و منزل عائلتي حاليا، كانت مشاعري متضاربة ، لماذا؟ لانك و بكل بساطة قد دمرت حياتي ،كسرت روحي البريئة في بداية سنوات مراهقتي، مع انه لديك اخت يا رجل ،لديك اخت تخاف على شرفها ،فلماذا بحق الله لم تخف علي، لم يرف لك جفن وانت تقوم بفعلتك الشنيعة ، لا زالت كلماتك العنيفة الخبيثة تتكرر في ذهني كل مرة اتذكر فيها الحادثة ،هه دعني استبدل مصطلح التذكر لانني لم انساها قط ؛لكن الان ماذا يجري لي،لماذا تغيرت مشاعري من الكره ،الحقد و الرغبة في الانتقام الى مشاعر لا افهمها و لا ارغب في فهمها….حسنا ربما فقط الان، لماذا اشعر كانك مسؤوليتي، انه يجب علي العمل على مساعدتك، اخراجك من هذا المستنقع الذي وقعت فيه و انت على هذه الحالة لسنوات، بدا قلبي يعطيك اسباب لفعلتك الشنيعة و يريد مسامحتك لانه ليس بيدك ،لكن هاهو عقلي يتدخل كالعادة ليمسح جميع الاسباب التي قُدمت من قبل لانه في رأيه تبقى جريمة لا تغفر . هل سيكون لنا مستقبل معا ،قصة حب لا تنسى مثلا ،قصة دفاع عن الشرف بمصطلحك يا مغتصبي …….هل لما عرفت قصتك ساتفهمك ؟ لكن ما ذنبي انا ؟ هل هذا ما يسمى بسادية الحب؟!.
(شكرا للقارئة المتالقة ماريا التي تطوعت لي بهذه الاسطر و كتبتها ⁦❣️⁩)كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 125🌚🌚:
بعدت عليه شويا .. و بقات تشوف فيه ..
اية :تحل صفحة جديدة معايا؟ و تحاول تتحدى كلش ؟
اسلام بصوت عيان …:منعرف …
اية : كون واثق بيا ….بلي كون تشوف حياتك كيما لازم …كلش يتبدل ان شاء الله …
اسلام :ان شاء الله
اية :صحا اول خطوة نديروها ….
قاطعها و مخلاهاش تكمل ….
اسلام :اية …واحد معلابالو بقصتي …غير نتي و جدي …و واحد طبيب نفساني داني جدي ليه بعد ما اذيت الشخص لي قتلك عليه باسكو دخلت في انهيار عصبي و حالة نفسانية ….كوني قد وعدك و بلاكي يعرف بيها كاش واحد …و الله و نعرف بلي كاش واحد سمع …نقتل روحي ….
اية :هششش تزيدش تقوللها هدي …منقول متنتاحر ..و ادا نتاحرت شكون يبقى يعيطلي مينوشة 😄…
ابتاسم ابتسامة بسيف و هي تاني ….
اية :هيه نرجع لهدرتي …اول خطوة نديروها دوك …هي انو تجي معاها …ليمينوت و البوندو هداااك …تتخلص منهم …
اسلام :خليهم هكاك باش نعرف واش درت …
اية :هانووو قلنا صفحة جديدة أصلا راك عارف واش درت …
راحت لتيغواغ جبدت البوندو هداك …و زادت جبدت ليمينوت و هي ترجف …مش مصدقة بواش صرا معاها و مش مصدقة بانها عرفت قصتو ….و رجعت ليه برجفة تمشي …شافت فيه و هو يشوف فيها بخزرات ميتفهموش …حسب تسبو تروح و تخليه …حسب تزيد تدخلو في حالة نفسانية …
شداتو من يدو ….تجر فيه ….
اية :هيا عاونني امشي عيشك ..حابة نتا ترميهم بيديك باش نتا لي تحل الصفحة الجديدة بيد و ليد لخرى تشدها فيا و انا مش حا نخليك دير حاجة مش مليحة بروحك …هيا …
هبطو لتحت ….و هو في حالة مش فاهم روحو مصدوم و ساكت …خرجو لابوبال حاشاكم لي كاينة برا لفيلا …حلتها …مدتلو صوالح شدهم بيديه …و بقا يشوف فيهم و يشوف فيها ….
اية :هارميهم اسلام ارميهم عيشك …ارميهم بكل قوة نحي فيهم غشك و ارميهم …
شاف فيها ابتاسم ابتسامة بوجيعة و رماهم ….ابتاسمت ابتسامة قريب بانت ضرسة العقل تاعها ..محسبتش ياخذلها راي تم تم …غلقت لابوبال …
و رجعو دخلو لافيلا …و في زوج كي شغل حاجة تنحات من الحقد تاعهم و تانيب الضمير تاعهم …بصح عوضو احساس الاستغراب ..احساس التوتر …احساس الخوف …
اية :اسلام حبس ….
حبس بلاصتو و دار ليها …..
اية : خطوة الاولى باش نخطو اول خط من الصفحة لي حليناها ….تقبل نديروها دوك ؟….
دارلها براسو ايه …..
اية :هي انو تتقرب لربي سبحانو …و تطلب منو العفو على حاجة درتها بسيف عليك و تعرف واش ….(محبتش تعاود تهدر ) …و تولي تحرص على صلاتك …قابل ؟
بقا يشوف فيها و هدر بصوت مبحوح و عيان :نعرفش نصلي …
اية :يعمري هدا مكان نعلمك ….
اسلام :همممم ….
اية :اسلام ادا راك خايف نقول لكاش واحد و الله جامي نقول …و ادا ندمت لي حكيتلي باسكو حا طيح من عيني …و الله يا اسلام غير زادت قيمتك و الله ….انا مشي منافقة لي فقلبي على لساني ..
اسلام : عطيك الصحة ….شكرا كي سمعتيني …
اية :بيناتناش …قول تصلي دوك ؟ و نبداوها بدعاء استغفار و طلب التوبة ؟
اسلام :مكانش مشكل …..
اية :روح دوش رابيد بنية الاستعداد للصلاة …و تلقاني نستنا فيك ….
اسلام :اوك ….
…..هو طلع يدوش كيما قالتلو …كان يدوش و رايح فيها ..يخمم كيفاش امناتو …كيفاش وعداتو توقف معاه …أصلا من هدرتها باينة بلي تعرف هي المقصودة …كانت تحت ماء المرش …شد في شعرو يدوش فيه و يهدر بصوت منخفض …
اسلام :اه يا اسلام عليك …طلعت الطفلة تعرف …طلعت الطفلة تعرفت عليك ..اه يا اسلام كيفاش تسامحلك …اه يا اسلام الطفلة راهي قدامك و ماتقدر دير والو …اه يا اسلام هي بالذات حبت توقف معاك بعد ماكنت غارق في بحر احزان و تانيب ضمير قبل ما تجي عندكم ….ااااااه ربي كيفاش ندير …..اه ربي كون تروح عليا ….(كان يمرر يديه على وجهو و يزير على راسو ينحي الافكار المش ملاح ) ….اه يا ربي واش درت بالطفلة كامل …طلعت عفيفة و اعف امراة عرفتها ….
اما هي طلعت لادوش لخرا …غلقت الباب عليها ..راحت قدام المراية و طرطقت بالدموع و في نفس الوقت تضحك من الفرحة كي عرفت سرو ….
اية بينها و بين روحها :اية اية نجحتي ..اية عرفتي واش بيه ….اية طلعتي مش غير نتي لي تضلمتي …يا ربييي كيفاش ندير …يا ربي انا لي كنت معولة ننتاقم …راني نبكي كية عليه و عليا …و نبكي فرحة كي لقيتلو السبة في واش دارلي …يا ربييي كيفاش ندير يا ربي كون معايا …يا ربي نقدرش نروح و نخليه ..يا ربي قلبي ميمدليش نخليه …حسبت بلي غير انا لي نعاني طلع هو مكوي من عذاب الضمير …يا رب كون معايا يااا رب ….
غسلت وجهها و تبتاسم للمراية كي عادتها تشجع في روحها …..منبعد توضات باش تكمل واش قالتلو….
وجهها كامل ولى حومر من الدموع …و عينيها منهدروش مبطبطين (منفخين 😂)كامل …..

Leave a comment