Skip links

قصة سادية الحب… ج 10 و الأخير

 8,759 عدد مشاهداات

كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 236🌚🌚:
لحقو لبلاصة وين يعڨدو ..شاف فيها ضحك …هبطو مع بعضاهم يهبلو …و هكاك تهبط سيرين من طونوبيل لي كانت مڨارية بحذاهم …و راحت تجري عندها عنقتها و باستها
سيرين :يماااااا جيتو تهبلو و الله منيش مامنة و الله …
زاد هبط مروان خالد و نضير …سلمت عليهم اية …و دخلو كامل مع بعضاهم و اسلام شاد اية من يدها و غير يشوشلها عقلها بهدرتو و كلماتو ….راحو لجيهة وين يعقدو …سقساو ادا يقدرو يدخلو و دخلتهم سكرتيرة لي تماك …دخل نضير و خالد …زادت اية و اسلام يد في يد …زادت سيرين و مروان …شدو كراسا قعدو …و اية و اسلام هوما لي شدو لبلاصة قدام البيرو هداك مقابيلن بعضاهم …
اسلام كي كان يهدر لي حا يعقدلهم …كان يشوف في اية و كل خطرة يغمزلها و هي غير حشمانة تحس روحها قريب طرطق من الحشمة …
العاقد :موسيو ياخي راك قابل ههه
اسلام :يودي بيانسور ههه
العاقد :مدموزال راكي سور بلي قابلة و حتى واحد ما سيف عليك
اية :حتى واحد ما سيف علي حمد الله قابلة 😊
ضحك اسلام …
العاقد : موسيو نضير و خالد …مدمزال سيرين و مروان تشهدو على عقد تاعهم قابلين بكل رضايتكم …
و هكا جبد الدفتر الكبير من عندو …قربو عند اسلام و مدلو يسينيي شاف في اية ضحكلها وحد الضحكة خلاتها تحس كرشها تجري …
مدو التلفون لسكريتيرة لي تماك صورتهم كي كانو لتم …
سينيا اسلام و تنهد تنهيدة طويييلة ….
و قرب الدفتر لعند اية …شافت فيه رجعت خصلات شعرها لخلف وذنها …تنفست بحماس …اية :حمد الله
زيرت على الستليو و ضربتها بامضاء بكل قوتها …
اسلام ولى حومر كثر من اية و بقى يضحكلها ………
زادو الشهود امضو و بعد لحظات مدلهم الدفتر العائلي و رسميا رجعو زوج و زوجة ….و جمعهم دفتر واحد
اية من الفرحة طاحتلها الدمعة مسحتها بلخف نفس الشي سيرين …
راح نضير و خالد يجيبو شويا قاطو يفرقوه على الخدامين لي لتم احتفالا و فرحة …
و في الوقت هداك …ناض اسلام شد اية من يدها و راحو للبلاصة الفارغة وين تقدر تصور فيها …
شدها من يدها ضمها ليه …حطت يدها على صدرها شادة الدفتر العايلي ضحكو ضحكة اسطورية و صورهم مروان ….كان قلبها يضرب و ترجف كامل …كان اسلام غير يزيد يزير فيها و يشم في ريحتها و فرحتو لا مثيل لها ….
زادو تصورو تصويرة جماعية و اية عنقها خالد من جيهة و يدها شادة بيه اسلام لي معنق ليه باباه و سيرين و مروان بحذاهم …..

________⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩______
بعد العقد …عادوت ركبت اية الطونوبيل مع اسلام باش يلحقها لدار و شادة البوكي دفلور في يدها و طريق كامل و هي تحل في الدفتر العائلي و تعاود تحلو ….
كي لحقو لدار …اية :تهبط اسلام تفطر تروحش هكاك
اسلام :خلي برك اية عندي بزاف شغالات نتي تباني عروسة انا نخلع ههه صحابي يستناو فيا مهم حلي التفلون نتواصلو و كلش صوريهولي هههه
اية :ههه صحا معلش نتا تاني صورلي كلش كلش كلش هههه
جبدها ليه عنقها و سلم عليها شدلها راسها …اسلام بصوت مبحوح :اية جمعنا دفتر واحد رغم كلش كلش شكرا لانك تقبلتيني رغم كلش
اية :و شكرا لانك تقبلتني ابنة غير شرعية …
غير قالت هكاك باسها بوسة طويلة زاد عنڨها كثر ….
اسلام :نحبك ..اية :انا تاني …..
اسلام :وجدي روحك غدوا ان شاء الله يسموك تاعي
اية:يييي صاي صاي ههه ني خايفة و الله و مستريسية
ضحك عليها ….
بعدت عليه ….ابتاسمتلو زيرت على يدو و خرجت تودع فيه …و راحت تجري لدارهم ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 237🌚🌚:
لحقت لدار فرحت مع يماها …راحت بدلت قشها و راحت ترقد تريح باش تعيياش نهار العرس …و تعيياش لغدوا منداك …
ناضت وقت العشا …خرجت مفزوعة حسبتش ترقد هكاك كامل …
خرجت عند ماماها و فرح لقاتهم يسڨمو في صوالح …
حكت عينيها …اية :يااا ماما بزاف خليتيني رقدت كون نوضتوني نكملو مع بعض واش بقى
هيبة :نتي لي حا تعيياي منبعد مشي حنا هكا خير رقدتي باش تعيياش بزاف و تقدري تشدي روحك حتى نهار العرس ….
اية :و الله يجيني فراقكم صعيب و الله بسيف باش لقيتكم و دوك نزيدو نتفارقو تاني
فرح :ييي تبكييينيش و الله جامي تصورت يجي نهار تكون عندي ختي نحط راسي على صدرها و نرقد
هيبة :اسكتو بركاكم ياخي تتزوجي برك و مع لي تحبيه و خلاكش حتى دقيقة في الوقت لي العيباد كامل كانو ضدك انا تاني تجيني أصعب بصح راكي قريبة و نتهنى عليك حمد الله ….
___⁦❤️⁩__⁦❤️⁩
كملو وجدو واش بقى كامل و اية ستراس يلعبلها على اوتارها …
جاز اليوم هداك ….ناضو صباح بكري سيقو الدار كامل و جاو بنات عمات اية و سيرين ليهم …و داهم مروان كامل و حسن الحمام حطهم و خلاهم …و رجع مع الجماعة يلحقو القش لخرين ….من دار هيبة للفيلا …..
____⁦❤️⁩⁦❤️⁩⁦❤️⁩⁦❤️⁩⁦❤️⁩____
دارو البنات جو داخل الحمام لا مثيل له …يضحكو و يستمتعو بللحظة …اما اية كان قلبها كل ثانية يزيد يضرب كثر …حتى شدتها الفشلة …و كل ثانية تجيها فكرة بلي حا تتزوج مع اسلام مشي تمسخير تشدها الفشلة في الركايب …و تحس النفس ضاقلها ….

……..كي خلصو راحو للفيلا كامل …غير فطرو …شدو كامل دراهم و راحو عند الحفافة لي شدو عندها رونديفو ….
و خلاو النسا في الفيلا يكملو يطيبو مع العائلة لي تجمعت كامل ….تحت اجواء عرس عائلي …و الرجال بانوش كامل …يسڨمو الحالة في الجاردان و يوجدو الطوابل و الكراسا ….
….⁦❤️⁩⁦❤️⁩⁦❤️⁩⁦❤️⁩….
الحفافة غلقت صالون تاعها ..و استدعت كامل خدمات تاعها كل وحدة لشكون اهتمت …دارو جو لداخل تاني وحدو …غنا ضحك و تسمخير على اية لي قريب تموت من ستراس…..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 238🌚🌚:
كي خلصو البنات من الحفافة …رجعتهم صاحبة المحل بطونوبيل تاعها باسكو عرضوها للعشا و للعرس بعد ما وجدت روحها سامبل برك ….
غير دخلو البنات استقبلوهم بزغاريت …اية غير سمعت صوت الغنا يدوي و صوت الرجال دار حالة برا …و ريحة الماكلة عمرت الدار حست كرشها تجري …راحو طلعو لشومبرتهم كل وحدة تلبس و تسڨم روحها …لبست اية قشها …و شافت روحها في المراية …حطت يديها على خدودها و بقات تحمد ربي و تشكرو …غمضت عينيها تعاودت كامل سيناريو حياتها في بضعة ثوان …حلتهم ابتاسمت …و راحت جيهة الباب حلاتو و خرجت تحوس على البنات تشد معاهم بلاصة …
لي تشوف وحدة تعيط و تبدا تشكر فيها …غير شافت ماماها راحت تجري تبوس فيها …
و كيف كيف عماتها …بقات مع البنات قاعدة فوق كراسا في الجيهة لي مكانش فيها نسا و يشطحو فيما بيناتهم برك و زاهيين ….حتى سمعو واحد يعيطلهم …
….:سيرين سيرين ارواحي ا مصيبة …
دارت سيرين لي كانت تشطح مع فرح ….و زادت حبست فرح من شطيحها و شافت فشكون يعيط ….
رمزي و شاد في يديه كومة من المواعن :هاكي سيرين شدي نروح نزيد اغسلوهم جففوهم و دوك نرجع نعاود نديهم باش نوجدو ليكم تاني تتعشاو …
سيرين :هففف هففف هفففف تخليوناش نزاهاو تاني
جبدت فرح من يدها ….و داتها معاها يشدو عليه المواعن …
شدت عليه سيرين المواعن و راحت و راح هو تاني بعد ما عيطت البنات لخرين يروحو يعاونوها يكملو الغسيل …و خلات فرح تستنى فيه باش تشد عليه المواعن لي حا يزيدهم …
تستنا قلبها يخطب و حشمانة …حتى تشوفو من بعيد جاي مقعد حواجبو …غير لحق ليها ابتسملها …
رمزي :فرررح واش راكي سافا …
فرح :حمد الله سوال عليك ….رمزي :حمد الله يا ربي هاكي شدي و قوليلهم يحلو الطاقة لي عند الكويزينة نجيب و نحط تماك ياخي
فرح :ههه صحا ربي نقوللهم …رمزي :هاكي و بلاكي تتوخدي فقشك بالجافال
شدت عليه المواعن و ضحكت و راحت تمشي و تتبع في لحن الغنية و هو يشوف فيها سارح حتى فاق لروحو و راح يكمل شغلو….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 239🌚🌚:
تجمعو البنات مع بنات الجيران لي عاونوهم ستفو المواعن و جاو الخدامات لي جابوهم لحقو متاخرا و غسلو و البنات يعاونو فيهم يمسحو المواعن …و بعثو فرح تعاون رمزي لي دخلوه لبلاصة وين حا يتعشاو النسا ….كانو يضحكو مع بعضاهم …و وجدو طوابل مع بعضاهم …و الحاجة الناقصة تروح تجيبها فرح و يكملو لي خص مع بعضاهم و زادو تعرفو على بعضياتهم شويا ….حتى شافتو مزروب …
فرح :رمزي عندك شغل ؟ادا تقدرش تكمل نعيط لكاش وحدوخرا تكمل معايا
رمزي :لالا برك راني حاب نخلصو قبل ما يجي وقت الحنة
فرح :ييي مزال حتى يخلصو كامل النسا أصلا جداه هي لي حا تحنلو
رمزي :هيه هديك هي قتلك منيش مزروب ههه كملي نخلصو مزال بزاف صوالح
____⁦❤️⁩😇😇😇_&&⁦❤️⁩

اية راحت لوين كاين النسا شطحت شويا مع سيرين …و شويا مع عماتها و مع البنات لي لتم ….
و كانو يتعشاو مجموعات …و اية ستراس لي كان فيها وحدو..كانت تشطح تضحك و تحاول دير بنصيحة يماها تعيش اللحظة باش تندمش منبعد بصح فكرة انو هدا عرسها يخليها تتوتر بمجرد تتفكر بصح توتر بلذة مختلفة😇⁦❤️⁩
____⁦❤️⁩⁦❤️⁩⁦❤️⁩⁦❤️⁩_😇😇😇😇_😇⁦❤️⁩
كي لحق وقت تتعشى مع صحاب دار برك لي قعدو و لي كانو يديرو شغل ….دخلت تعشات معاهم و شبعو تصاور …
كي خرجت كانت تدور مع فرح يشطحو بغوب تاعهم في الكولوار برك ….حتى تشوف واحد لابس كلاسيك و يحرك يدو بانت ساعتو و تلقاه اسلام لي مشافتوش حتى كيفاه خرج ….
دخل مزروب ووجهو حومر ….غير لحق لجماعة تاع البنات صافحهم كامل و قعدو يضحكو معاه كي لحق لاية صافحها بطريقة رجولية و حرقها بعينيه ….
اسلام :رهف ترغيد الين سيرين فرح شفتو مرتي كيفاه خرجت تهوووبل لي تلبسو يخرج شباب
ضحكو البنات و اية من الحشمة و الابتسامة حست فكها حا يطرطڨ ….
سيرين :علاه دخلت اسلام…
اسلام :دخلت ندي البرنوس باش منبعد نرجعش 😁 نكون واجد ياو ني متحمس …
ضحكو عليه …شد اية من يدها و شاف في البنات غمزلهم و قال …
اسلام :خطرة هدي اهدرو كيما تحبو راهي مرتي عقدت عليها و كلش تدار نديها شويا و نرجعهالكم ادا حوسو عليها قولو راهي مع اسلام
شاف في اية لقاها مخبية وجهها ضحكو..وطلعها معاه لشمبرتو …
دخل و دخلها معاه خلى الباب شبه مغلوق …
صيبها من يدها بقى يشوف فيها و هي كيف كيف …
اسلام :جيتي تهبلي …اية :عيشك انتا تاني
اسلام :تعرفي بلي منيش مامن …اية :هههه انا اكثر ..
اسلام : و الله توحشتك مينوش …اية:يتوحشك الخير 😇
اسلام :ياخي على السماطة مزية غدوا العرس و تشوفي واش نديرلك على سماطة هدي
حط يدو على كتفها و جوز يدو على لاغوب تاعها يشوف في لاغوب و يسرق نضرات من عينيها ….
اية :اسلام تعرف شكون محبش يخرجلي من بالي ؟
اسلام :هههه ادا حسب واش راني نحس انا تاني و نعاني فهو ….
اية :شكون هههه …اسلام:جدي ربي يرحمو …
اية :ههه و الله هو قدرتش نتفكروش كون مشي هو بمشيئة ربي سبحانو طبعا كون 😔….
سكتت قدرتش تكمل تعمرو عينيها دموع ….
اية بصوت مخنوق :كون غير راهو معانا اليوم و فرح بينا فهو اول واحد لازم يفرح من بعدنا
حل اسلام يديه و ترمات في حضنو بقى يمسحلها على شعرها و يبوس شعرها تاني من فوق …
اسلام :صاي اية حمد الله ربي جمعنا او مشي كلش نفرحو بيه و مشي كلش نشدوه مكتوب ربي سبحانو بلاك كون مماتش كون مصراش لي راه يصرا دوك و كون متبدلوش بزاف صوالح
اية:علابالي برك هكا يعني حنين و شوق
كانت محاوطة ظهرو و تزير عليه بكل قوتها و تشم ريحتو
اسلام بصوت مبحبح :نحبك …
غمضت عينيها ابتاسمت …جبدها من راسها باسها …منبعد جبد تلفون دار سليفي معاها …
و راح للخزانة جبد البرنوس و دارو على يدو …
اية :اسلام البسو هنا ني حابة نشوفك كيفاه يجيك
اسلام :منبعد تشوفيني …اية:ياا عيشك سمسسووم ني حابة نشوفك لولة هيا …
اسلام :نوووو …دورت شواربها تاع دارت شنوفة شافت في عينيه معقدة حواجبها و هدرت بصوت حنين …
اسلام :ياو ديريش هكاك ….
لبسو قدامها … و قعدت هكاك محسبتش يلبسو …جبدها من يدها جبدها ليه و دخلها للبرونوس و الشابو هداك جبدو غطاها بيه …و باسها بوسة طويلة و عنڨها …
اسلام :هه صاي دوك ؟ اية مدوخة:صاي شفتك روح خير
اسلام :هههه هيا نروحو في زوج….
اية بصوت متوتر:هاه روح برك نتا دوك نتبع نسترجع توازن تاعي برك
قرصها من خدها قرصة قوية و راح خرج يضحك عليها و كلو فرحةةة….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 240🌚🌚:
رجعت اية للنسا …و اسلام خرج لبرا للجاردان وين دارو صحابو حالة …. و الرجال كامل كانو تماك يقصرو و كل واحد واش يهدر …و اسلام مع صحابو يقصرو و يضحكو و صوتهم يضرب للبعد البعيد ….
اما نسا لفوق رجعوها غير شطيح و ضحك تاني …و اية و بنات العائلة مخلاو حتى بلاصة مصوروش فيها و مخلاو حتى نوع من ضحك مضحكوهاش (😂)كانت خاصة غير منال لي كان عندها ظرف خلاها مجيش العشية هديك
……😇😇😇😇….⁦❤️⁩…🤣
لحق الوقت وين بعثت الجدة خبر لاسلام باش يوجد روحو مع صحابو و تخرج عندهم تحنيلو …
غير سمعو الخبر دارو حالة بلمحارق …و الجدة جمعت كامل الصغار وزعت عليهم شموع …و وجدت صوالح تاع الجنة بعثتهم داوهم …اية كانت كرشها تتدغدغ …و اسلام كانت فرحتو لا مثيل لها …و يحس شعور تاع كون ماكانش الفرحة و تصرا حاجة واش نديرو و هدا شعوور يحسوه كامل صحاب الفرح خايفين تصرا حاجة تهدم و تخرب كلش ….
لبس البرنوس فوق قشو ….دارو بيه صحابو …و دخلوه للجاردان يصفقو ….و لي جابوه يغني عند الرجال بدا يلحن لي لحن تاع غنية الحنة .. حتى تخرج عليهم الجدة في الجاردان خلفها حشد من الطفال الصغار شادين الشموع ….و هي في عينها الدمعة فرحانة و في نفس الوقت تتمنى كون جى راجلها معاهم يفرح كثر منها …..
قعد اسلام على الكرسي لي وجدوه ….و موراه كامل صحابو و لحقت ليهم الجدة قعدت بحذاه …و جا باباه و عمومو قعدو معاهم و دارو كامل بيهم ….و كامل يتحركو حسب الغنية تاع الحنة هديك لي غير يسمعها واحد يقشعر بدنو
خلطت الجدة الحنة و في عينيها دموع …اية و نسا العائلة يشوفو و يتفرجو فيهم من تيراس …اية الدموع محبوش يحبسولها …سيرين بدنها اقشعر و تشوف في مروان لي يضحك مع اسلام و صحابو ….ماماه تحك تاني يديها بدنها اقشعر من اللحظة هديك من شدة الفرح …و مسحت الدمعة لي هبطتلها ….و زغاريت دارو حالة ….
مد يدو اسلام للجدة حناتلو …و كل ما تحط صبعها تدعيلو ربي يهنيه …كي حناتلو صاي …جبداتو من راسو سلمت عليه و باستو بوسات جامي باستو هكاك … و هو سلم على راسها ….و نوضهم يشطحو مع بعضاهم ….
كان شاد البرنوس بيد واليد لي محنية مطلعها يشطح …كانت اول مرة يشوفو اسلام يشطح هكاك …كان موالف يتمسخر …بصح لحظة هديك صدمهم كامل بشطيح تاعو …و مع الطريقة لي شاد بيها البرنوس خرج يهبل يهبل …دخل جداتو و بقاو يشطحو و العيباد كامل دارو بيه ….و لاول مرة يتجرا يجبد باباه و يولو يشطحو مع بعضاهم حتى كبرت المجموعة و ولاو يشطحو كامل و صوت البارود دار حالة ….محارق فوداغتيفيس حتى ولات الحالة تريح بريحة اىمحارق هدوك و تلونت الحالة بلون الاحمر هداك ….
حتى حبس المغنى الغنا و حبس اللحن و ولى الجو جو هادئ غير ضحكاتهم و هدرتهم لي عمرت الحالة …النسا رجعو لصالو كملو احتفال …اما اسلام خرج مع صحابو طريق طريق يصونيو بطونوبيلات و يحتافلو …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 241🌚🌚:
العشية الرجال كامل جمعهم اسحاق لدارو يباتو تم …و النسا كامل لي بقاو باتو في الفيلا …العيباد كامل رقدو …الا اسلام و اية باتو نايضين عينيهم متغمضوش كل واحد تخمامو فنهار غدوة كيفاش حايجوز .. باتو يحكيو في التلفون و يحاول ينحيلها القلقة من صوتها حاسها متوترة زيادة …حتى لحقت ال 6 تاع الصباح …ناضت اية من بلاصتها كرشها تدور فراشات يزغدو فكرشها شعور جامي جرباتو …دخلت ديراكت للحمام دوشت بماء دافئ برك و غير تضحك وحدها باش تنحي ستراس هداك زعما ….خرجت أشتمت ريحة القهوة و القاطو و سمعت صوت الهدرة بدات تشعل في دار ناس تجي وناس تروح كاين ماتعرفهومش جاو تسمع غير صوت سيشوارات وز٤ا دراري صغار جو يهبل …راحت لبست لاغوب السامبل لي وجدتها باش تروح بيها لاكوافوز .. لبستها رابيد و مستغربة من روحها كيفاه دارت نوي بلونش بصح مزالها ناشطة و متحمسة يعقب الوقت هداك و ترجع من كوافوز …شدت تلفون تاعها و خرجت لتحت …لقات النسا وحدة تغسل وحدة تستقهوا وحدة تنوض في ولادها …و البنات قاعدين عند الطابلة يستقهواو …و سيرين تجبد شعر عمتها …..و مامات اسلام و العمات لخرين كانو غير كيما خرجو لاكوافوز ….قعدت معاهم شربت كاس جو و كلات شويا قاطو بسيف باش هبطلها حصللها في البلعم تاعها شهيتها كانت مبلعة …من شدة الحماس ستراس و الجو هداك كانت متتشهاش كامل تاكل ….
اية بصوت مبحوح :أيا بنات شكون تجي معايا لاكوافوز …
سيرين :اية ياخي رحنا البارح نتي برك دوك العروسة تجي وحدة برك معاك نعمروش الحالة
فرح بصوت مبحوح :اية سيرين مشغولة نجي انا اصبري عليا دقيقة نقول لماما انا تاني نسقم شعري هههه
اية :هيا رابيد ههه سيرين دوك نروح وحدي بصح عسي تلفون تاعك كي نخلص لازم كاش واحد يجي يجيبني …..
سيرين:تقلقيش وقتها يلحقو الرجال نبعثولك كاش واحد ….
دات معاها فرح و راحت لاكوافوز لي حففت عندها اليوم قبل …
دخلت غلقت الصالون و تفرغت ليها برك ..عاودت جبدتلها شعرها …و فضلت تخليه مطلوق و شويا تغييرات …دارتلها مكياج مشي معمر بزاف و في نفس الوقت كلاس …و فرح سڨمولها شعرها و دارولها مكياج خفيف …
كان اية كل دقيقة تجبد الماء تشرب و طرطڨ اصحابع يديها رجفة شدتها من صبعها الصغير …و كل دقيقة تطلب من الحفافة تشوف روحها للمراية خايفة تخرج تخلع ….
اية لفرح و الحفافة :أيا ربي نفس وراحلي اصبري نتنفس
ضحكو عليها …و كملتلها زادتلها لمسات الاخيرة و شافت روحها مع المراية …حبت تبكي و تخرج كامل واش راه في داخلها بصح رجعتها ضحكة طووويلة تعبر على واش داخلها بدلا من الدموع مش مصدقة انو ليوم عرسها فرحتها مخلطة بستراس خلاتها ماتفهمش احساسها .مكانتش تتخيل يجي هاد.النهار ..عنقت فرح ….
فرح :و الله تهبلي تهبلي تهبلي ….
اية:يعمري عيونك لي يهبلو نتي تاني تهبلي ….
جبدت تلفون يديها يرجفو عيطت لسيرين تطلب من كاش واحد يجي يديهم يرجعهم لدار باش تكمل تلبس قشها و توجد روحها يجو يخرجوها ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 242🌚🌚:
كانت تدور في صالون تاع كوافوز حتى نڨز تلفونها …
ريبوندات ….اية :وي سيرين ….
سيرين :نيش نسمع فيك مليح حالة راهي شاعلة هنا راني بعثتلك عمي خالد جا يديكم اخرجي راهو لحق …..
اية :اوك صحا ….
فرقعت صوابعها قلبها تحسو حا يخرج .. غطاتلها الحفافة راسها بقطعة قماش المزينة لي يديروها للعروس كي تخرج من كوافوز
شدتها من يدها …الحفافة :تخافيش اية ياخي كلشي مبروك عليك و ربي يهنيك ان شاء الله
اية بصوت يرجف:عيشك حبيبتي ياخي تجي بلاكي نحبش نزعف عليك
الحفافة:معلوم نجي ههه نوجد روحي كي يجي الوقت ان شاء الله نجي
اية :صحيتي حبيبة أيا فرح نروحو …
حلت فرح الباب و عاونت اية خرجو ديراكت لطونوبيل دخلو …
طلعت شويا القماش هداك و شافت في خالد لي كان يشوف فيها و يسوق
خالد :اية بنتي سافا ….
اية:حمد الله …خالد :كلشي مبروك بارح برك كنت نمشطلك شعرك و تعيطي تبكي و اليوم راكي مشطتي تروحي عروسة
تحسست اية من هدرتو …شدت روحها و قالت بصوت مخنوق …
اية:ميرسي على كلش با…
جات تقول بابا …شاف فيها بمعنى كمليها ….
اية بصوت مخنوق :ميرسي بوكو على كلش كون مشي نتا بفضل ربي سبحانو بلاك جامي نولي هكا
خالد :كلمة بابا وقت ما تحبي تقوليها قوليها من بكري هكاك و تبقى هكاك عنديش مشكل …
حركت اية يديرها تهوي الحالة باش ميهطبوش الدموع …و ضحكتلو ..و فرح من موراهم تسمع برك و تتمنى تتحسن العلاقة بين العائلة كامل و فرحانة لاختها …
غير لحقو للفيلا …ڨارا الطونوبيل قدام الباب باش ميشوفوهاش العيباد ….
هبطت قطعة قماش هديك …و هبطت تجري حلتلها الباب فرح و دخلت تجري ….غير دخلت عليهم طلعت واش كان على راسها ….
و تحس بوذنها صونات قريب طير بصوت الزغاريت لي عمر الحالة ….
شافت ماماها لقاتها لبست سقمت شعرها و دارت خيمار على شعرها و دارت مكياج …و بقات برك تشوف فيها …راحت قدمت سلمت على جدتها زادت سلمت على ماماها و عنقتها كي حست روحها مخنوقة …راحت طلعت لفوق لشمبرتها باش تلبس …غير لحقت لفوق لقات البنات يجريو و يعيطو على المكياج و حوايجهم لي ملقاوهمش …
غير شافتها سيرين لي كانت قدام المراية تماكيي عيطت و ضربتها بضحكة
سيرين :يماااااااااااااا تههههبلييييييييي
ضحكتلها اية ….اية :عيشك نتي تاني تهوبلي ندخل نلبس منبعد ادخلي ياخي ….
سيرين :انا تاني نلبس هههههه ….
دخلت لاشومبر تاعها تجبد النفس بقوة ….حطت تلفون تاعها يشارجي …و بقات تتنفس بالقاوي …جبدت ملابسها الداخلية المعطرين لبستهم …و الحاجة لي تنحيها تحطها على طرف …جبدت لاغوب السامبل البيضة التقليدية لي خيطتها حسب رغبة جدتها ..لبستها و حلت الباب تاع شمبرتها خلات سيرين تدخل تعاونها …و لي حبت تدخل تدخل …
كانت سيرين متحمسة كثر من اية ..و كل حاجة يشدوها تطيحلهم من شدة مزروبات و متورتات …سيرين كل زوج دقايق تضربها بزغروتة ….
رجعتلها شعرها لطرف حطتلها كولي سااامبل …و رجعتلها شعرها لور …شافت روحها للمراية كيفاه رجعت ..صح توجور تماكيي بصح خطرة هديك تبان صح عروسة ….
قعدت على سرير حطت سباطها قدامها و بقات تلبس فيهم بلعقل و تعيش كل لحظة باش تنساهاش .. و تخمم غير في اسلام واش يدير ….و سيرين تسڨم في القش لي نحاتهم جمعتهم و بقات تصور معاها …
هكاك حتى تدخل عليها فرح لابسة غوب طويلة سااامبل و خارجة تهوبل …من سيرين و فرح حتى تعمرت لاشومبر بالنسا ….
ولاو شادين كامل بلايص في لاشومبر هديك …
اية واقفة في النص …على طرفها جدتها تسڨملها البرنوس …..و على طرف آخر مامات اسلام لي الفرحة و الستراس يبان من عيونها تسڨملها البرنوس من جيهتها …و سيرين من لقدام سڨمتلها شعرها من لقدام ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 243🌚🌚:
كي سمعو صوت الصوناط تاع طونوبيلات عمر الحالة …شدت الجدة يد اية لي قلبها قريب يخرج ..و رجليها فشلو ..و سيرين شادتها من جيهة اخرى …هبطوها لتحت ..و كل وحدة راحت جابت قشها و ليساك تاوعهم وين حطو قشهم باش غير تخرج يخرجو معاها يروحو …هيبة بدنها اقشعر و غير دموع يهبطو وحدهم …
هبطت دروج معاهم و كل درجة تهبطها تتفكر الذكريات و تبتاسم …لحقت لتحت ….داوها لبلاصة لي سقموها في صالون الكبير …بقات واقفة على جيهة جدتها و على جيهة لخرا هيبة و سيرين ….و النسا لخرين كامل واقفين لتم يزغرتو …..و الرجال برا دارو حالة بالطبل و المحارق و العياط …
واقفة قلبها قريب يخرج …رجليها فشلو ..تستنى برك وقتاه يسلموها لاسلام بلاك يخفف عليها شويا …
حتى تشوف من بعيد جاي خالد و اسلام داخلين …
بقات تشوف في اسلام لي يشمي يضحك و عينيه للارض حشمان ….خالد دخل مهبط عينيه ….اما اسلام قعد عند المخرج تاع الصالو لي يخرج لجنان و الساحة الصغيرة لي فدار …و مقدرش حتى يطلع راسو يشوفها …
كي سمع زغاريت …طلع راسو بلعقل ..و لقى خالد باسلها جبهتها قاستو اللقطة هديك علابالو بلي تتقاس و تتمنى كون جا باباها صح ….سقملها البرنوس و هبطلها الشابو على شعرها حتى خباها كامل ….و شدها من يدها بعد ما صيبتها جداتها ….هيبة زادت بكا …و اية قبلها قريب يخرج …دخلها خالد لحضنو و دار برنوسو عليها …و بقى يمشي حتى لحق لمخرج تاع صالون وين كاين اسلام يستنى فيهم ببرنوس تاعو هو تاني ….
اي غير شافت العقبة هديك باش تهبط تخرج من الصالو شافت صباط اسلام … قلبها و لا يضرب كثر من اي لحظة اخرى …
خالد يهدر لاسلام :اسلام بلا ما نوصيك اي تعرف خيري اي امانة في رقبتك اية تاعنا كامل اتهلا فيها
اسلام بابتسامة قريب تشقلو خديه مع الحشمة هديك :معلوم على عيني و راسي ….
خرجها خالد من برنوسو…و دخلها لحضن اسلام و زير عليها اسلام بكل قوتو و سڨم برنوسو ولات معاه ..خباها و بقى مزير على ذراعها ….
اية قريب يروحلها الصوت من الحماس و الستراس :اس …اسلاااااام
سمعلها اسلام قرب وذنو عندها …اسلام :مينووش هه ترجفيش هكا كامل مشي قلنا نستمتعو لحظة لحظة أيا صاي اضحكي و كلش يجوز
اية :يا ودي نفس ضاقلي طلع شويا برنوسك سخانة هدي كامل زدتولي برنوس فوق برنوس
اسلام :ههههه نخرجو برك صاي ….حبكككك
ضحكت اية ولات شجعت روحها طلعت صدرها خرجت الطاقة السلبية ……بعد ما صوروهم هكاك …بدى يمشي و يمشي فيها …كانو يمشيو بلعقل و يسايس فيها …
كانت فرحتهم لا توصف …اجواء فرحة كي شغل جامي تزوج واحد من قبل …هدا كامل لعظمة قصتهم …سورتو هوما في زوج …كانو في زوج يتفكرو كامل واش صرالهم و يمشيو فرحانين كي شغل ماصرا والو برك وافيين بوعدهم لبعضياتهم ….
خرجها من باب الفيلا وسط الأجواء هديك ….غير خرجو قربت ليه أكثر خايفة يحكموها بالمحارق و هي متشوف والو غير صباط العيباد ….
زاد زير عليها و يهدرلها يضحك باش تخافش ….
دارو الرجال حالة برا بشطيح البارود الطبل المحارق ….
بداو البنات يركبو فطونوبيلات لي يلقاوها يركبو ….اسلام حل الباب تاع طونوبيلو لي زينها كامل بالورد و صوالح تاع ديكور …دخل اية …سقملها غوب تاعها فرحان كي طفل صغير …خبط الباب …هدر مع مروان لي دا معاه البنات …و سيرين راكبة لقدام …كي شاف ركبو كامل طونوبيلات ….حل هو تاني باب تاع طونوبيل تاعو و دخل …لقى اية طلعت برنوس تاعها على وجهها كامل …شافها ضحك …ديراكت جبدها ليه ….عنقها تعنيقة قوية حتى حست عظامها تكسرو و هي غير تضحك ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 244🌚🌚:
ديمارا الكورتاج …و اسلام كان في الوسط …هو لي يسوق …حل الطاقة يسوق بيد و شاد باليد لخرا يد اية و كل دقيقة يبوسها و يضحكو …
يخرج راسو من طاقة يشوف لي يسوقو يضحك معاهم و يعاود يدخل راسو يضحك مع اية مشي مامن كامل …شاعل لموسيقى بصوت عال …و يتمايل عليها هو و اية و يضحكو …..
اية :اسلام تسمحلي ندير حاجة هههه بصح تتخلعش
اسلام :وش ديري
شدت تلفون تاعها تفيلمي دير سيلفي ….
بقات شادة من يدو و يشطحو على الغنية هديك و يضحكو فرحانين حتى تحل فمها و تضربها بزغرييتة قلبت الحالة ….
بقى حال فمو مخلوع اول مرة يسمعلها تزغرت …و زيد خرجتها من كل صميم تاعها ….
اسلام :مصيبة ناس واش يقولو ….
ضحكت كحت و شافت فيه ….اية :و الناس كون يعرفو واش عانيت و واش عقبنا من صوالح باش لحقنا للمرحلة هدي واش يقولو غير انا لي تعذبت و فرحتش مالا اليوم نخرج كلش …
جبدها من راسها ليه باسها على جبهتها ….
اسلام :عندك الحق صاي ديري لي حبيتيه و احسبي حتى 30 تشوفي واش يصرا 😬
اية متوترة :علاه واش كاين ….
اسلام :احسبي معايا و استناي نلحڨو لسونتر فيل …
اسلام :1 …2…
اية:3 …4…5…6..7…8..9..10 …11…12…13…
كانت تحسب و قلبها قريب يخرج و تضحك مع اسلام خايفة من واش حا يصرا …حتى لحقت ل 26 و وقتها لحڨو لسونتر فيل و بدا الكورتاج تاع الصح …بقاو يصونيو كامل ….
شدلها اسلام يديها و حطهالها على مقود السيارة و خلاها تصوني معاه بكل قوتها و يضحكو بلا ما ننساو لي فوطو …
غفلها شويا برك طلعت راسها كي سمعت صوت الخيل ….
شافت فطاقة ….و تشوف خيل و فوقهم لي يضربو البارود …و الخيل هداك يمشي بسرعة السيارات ….سيارات يصونيو من ..عيباد خارجين من طونوبيل من يعيطو …الطبل دار حالة من …ولي فوق الخيل يضربو البارود و لي دارو حالة بالمحارق وحدهم ….
حست بدموع حابين يهبطو …شافت لاسلام لقاتو يضحك ضحكة تاع انتصار …تاع كي شغل صبر شحااال و نال …تاع كي شغل اجتاهد و حصل على واش حب ….
ابتاسمت ابتسامة طويلة وبدات تحرك في يديها تضرب الهوا لعينيها باش يهبطوش الدموع ….
شدلها يدها باسها …يشوف فيها و يسوق….
اسلام :هزيدي استمعتي نتزوجو خطرة مشي 10 حرڨنا الحالة خليها تتحرڨ كيما لازم و يشهد العالم كامل بلي عانيينا بصح في لخر فرحنا حبكككك و الله …
ابتسامت ابتسامة عريضة و بقات برك تضرب في يدها في الهوا باش تنشف عينيها لي تغرغرو دموع ….
تشوف في المنظر هداك لي جامي تصورت تعيشو ..و تشوف قدامها تلقى روحها مع اسلام …اسلام لي جامي تصورت حتى تقيمو اي تزوجت معاه برضاها ….
……💞💞💞💞💞….
لحقو لاصال بعد مدة بسبة اسلام طول شويا في الطريق باش تلحق جدتهم لولة و تستقبلهم ….كانت الطريق لي خذاوها مختلفة عن اي مرة …خطرة هدي رايحين لاصال زوج و زوجة …
لي خرجت من الطاقة تقرعج خرجت و لي حبسو في طريق خلاوهم جازو تفرجو و لي تمنى يعيش لحظة هديك تمنى ….
هبط من طونوبيل و صحابو كامل خرجو روبولها الحالة لتم تاني …..نص النسا دخلو و النص لخر تبعو مور اية لي خرجها اسلام من طونوبيل يضحكو …وهي يديها يرجفو…زير عليها رجعها لحضنو كيما خرجها من الفيلا و بقى يمشي يضحك لكل واحد يشوفو …اولهم سيرين لي تضحك برك فرحانة ليهم في زوج …
دخلو من بوابة تاع ساحة لاصال و يمشو باش يدخلو لاصال …قابلتهم الجدة …بحذاها ام اسلام شادة سنيوة تاع الحليب و التمر و عمة اسلام من جيهة اخرى شادة غربالة صغيرة داخلها حلوة ….غير لحقو لتم طلعو لاية شويا برنوس هداك …وكلولهم التمر اسلام غير يضحك اما اية نستنى برك وقتاه يمدولها الحليب و هي متحبوش أصلا ….
اسلام شرب الحليب نرمال هي غير شمخت شواربها بعداتو …ضحك عليها اسلام و بقى يمضغ تمرة هديك
اسلام :جاهدي غير اليوم كون شربتيه و صاي
ضحكت رماو عليهم الحلوة ….و خلاوهم يدخلو …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 245🌚🌚:
كانت صال لوكس….كلش بلخدم …لي خدم اسلام كامل سنين صرفو نهار عرسو و تكلف بكلش هو باش يخير واش يحب و يا لوكان شويا يجازيها على صبرها معاه و مع العيباد كامل ….كانت صال لي لتحت مقسمة صال وين يقعدو الرجال و وين يفطرو …كوزينة وين يطبخو و حمام ليهم …..و الصال لي لفوق الكبيرة مقسمة تاني ..صال وين يقعدو نسا …صال وين تبدل العروسة و حمام ليهم ….
اية بقات في الشومبرا مع سيرين و بنات عماتها لي كل شويا يضربو عليها طلة مع فرح ….
كانت لي تصور تاني تطلع عندها تصورها و ترجع لنسا ….
حاولو البنات ينحيو عليها كامل ستراس هداك و شطحو معاها داخل شومبرة هديك …
كانت تضحك تستمتع لكل لحظة …و غير تتفكر اسلام لي كان يهبل و هدرتو تذوب وحدها …نهار هداك حست واش معنتها يحبك واحد و ينويك للحلال …هداك نهار عرفت واش معنتها صح لذة الحلال و واش معنتها يخرج معاك لي حبك راجل ….رغم كلش كان بيناتهم الا أنها سامحت …و هو سامح و القدر شاء بان يتلاقاو خطرة اخرى و يعيشو لحظة هديك ….
كانت قاعدة وحدها تستنى في البنات لي راحو يفطرو يجيبوها الفطور …في هداك الوقت كانت منال لتحت بعيدة على الصالة شويا تحوس على الموقع بالضبط و ملقاتوش ….واقفة قدام حانوت شادة تلفونها بيد باش تعيط لباباها لي محبش يريبوندي عليها يجي يديها ..و يدها لخرا داخل جيب سروالها كلاسيك لي لبساتو باش كي تمشي باريحية و كي تلحق تبدل …
حتى تسمع صوت رجولي يضحك مع مول الحانوت و جاي لطونوبيل لي كانت قدامها ….طلعت راسها لقات واحد لابس كلاسيك مستيكي روحو و شاد في يدو باكي تاع بابيي موشوار …و في هديك لحظة هو تاني شاف فيها ….جات تهدر ترددت فاقلها ….و هو كان من الجيهة لخرا …غير جا يدخل هدرت بزربة …
منال :موسيو عيشك معلش نسقسيك ….
ايمن :انعم وي بيانسور ….
منال :عيشك معلش تقولي وين جاية لاصال هدي …
دارتلو بلاكارط تاع انفيطاسيو للحفلة باش يشوف اسم لاصال ….
ايمن غير شاف لاكارط هديك عرف بلي رايحة عند عرس اسلام و اية باسكو هو تاني عندو نفس الكارط
ايمن :عرس العائلة يوسفي ياخي ….
منال: ايبيي و الله عيشك وين نلقى الصالة بابا عيطتلو مريبونداش و ني نستنا فيه بصح خايفة يجاوبش عليا ….
ايمن :انا ني رايح لتماك اي مشي بعيدة و مشي حاجة تلقايها وحدك تاني ….
منال :و كيفاه ندير …….ايمن :زيدي عاودي عيطي لباباك بلاك يرد عليك كون جيت نعرف باباك كون ديتك معايا بصح ….
هكاك و يصوني تلفون منال ….
منال بفرحة :يييي بابا بابا ….
ابتاسم ايمن علاه يعرفش ….ايمن لي مزال منحاش التبهدايل لي صراولو مع اسلام عاود ضحك بسبة طفلة اخرى ….
منال :بابا وينك ؟اني حصلت ..
خالد :وينك نتي نجي عندك …….
منال:ني بحذا حانوت قدامي طونوبيل ڨريز و كاين طريق عادي برك
ضحك عليها ايمن ….خالد :سقسي اسم البلاصة اي راهم حوانت كامل ….
شافت لايمن ……منال :عيشك موسيو قولي كيفاه نقولو …
سمعلها خالد …خالد :مع شكون راكي تهدري …
منال :منعرف بابا راني حبست واحد راهو جاي عندكم للعرس نعرفش شكونو اصبر يقولي اسم البلاصة
خالد :هاتي جوزيهولي …..
حشمت تقول لايمن ….منال:بابا نقدرش نقولو يعني نعرفوش مجاياش
غلق ايمن الباب لي كان شادو بيدو يستنى فيها …و راح جيهتها …
غير لحق لعندها حشمت أصلا غير شافتو خافت منو يبان سيريو و هي متحشمش وتحب تتسمخر بصح كي شافتو هكاك خافت منو
ايمن :هاتي معلش نهدر معاه
جوزتلو التفلون …..
ايمن :الو وي …
خالد :انعم عيشك معلش تقولي وين راهي الطفلة و راهي تقول راك جاي لهنا
ايمن :هيه أصلا انا من عائلة هديك انا واحد من العائلة يوسفي
خالد :كيفاه انا تاني منهم بصح شكون نتا …
ايمن :ايمن يوسفي وليد خو جد العائلة ………
خالد :نووووو نتا وليد عمي ؟
ايمن :هههه علاه شكون معايا ؟
خالد :خالد يوسفي وليد الجد ……
ايمن : يااا صحا اسمحلي و الله مكان علابالي
خالد :ههه انا تاني المهم ليا الشرف قولي تقدر تجيب بنتي معاك اي راني مشغول مع نضير و لا مراكش جاي
ايمن :لا عادي ادا نتا عندك نرمال و عندك ثيقة معنديش مشكل أصلا راني جاي عندكم
خالد :مالا جيبها ربي يخليك وليدي و راهي امانة عندك
ايمن :صحا وليد العم هههه نجيبها ان شاء الله بسلامة
كوبا عليه …و شاف في منال زوج خزرات و هبط عينيه
ايمن :قالك باباك نديك انا معايا اي راكي بنت خالد و معلاباليش
منال :صح هو قالك
ايمن :و الله هيا اركبي تلحقي أصلا رانا روتار ….
حللها الباب ….دارت سانتور زاد ركب هو و في زوج ساكتين …
ايمن :علاه تبحرتي؟
سڨمت روحها منال و هدرت بطريقة محتمشة …
منال :نسكنش هنا انا و نرمالمو نجي مع بابا و ماما و خويا بصح كان عندي تسجيلات و امتحان عبر انترنت قدرتش نجي حتى دوك …
ايمن :هاه صحا باسكو نعرفكش المهم ربي يوفقك
منال :ان شاء الله عيشك نتا تاني ….
ضحكلها و كمل سياقتو …حتى لحقو لاصال …دخل طونوبيل تاعو لباركينغ ….و هبط هو لول منبعد زادت هي …
راح جيهتها ….ايمن :شوفي هاهي الدخلة دوك ندخلو في زوج انا نروح ليمين و نتي تطلعي دروج ديراكت ياخي …..
منال:صحا يعطيك الصحة ربي يخليك موسيو ايمن …
ايمن :اي حسبتيني مدير ولا علاه الموسيو هيا نروحو هههه
راحت معاه دخلو …غير جات تطلع دروج ….
ايمن :ا طفلة حبسيييي
حبست و درات ليه …….لقات باباها جاي
ايمن :باباك يعيطلك ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 246🌚🌚:
رجعت ليه و ستنات باباها لحق …سلم على ايمن و شكرو و عنق منال
خالد :هدا نتا ايمن و الله معرفتكش صافي شحاااااال
ايمن :هههه نتا غبت علينا كنت حاسب عندك غير أية بنتك
تخطف لونو و حب يبدل سوجي و يخلي القضية هدي اية كي تحب تهدر عليها معاه تهدر عليها ….
خالد :هههه ظروف يعطيك الصحة كي لحقتها ميرسي بوكو
ايمن :بلا لمزية مكان والو ….
خالد :أيا منال اطلعي لفوق تتغذاي و تفرحي معاهم شويا
منال :صحا بابا
شافت في ايمن ضحكتلو ضحكة خفيفة برك و قالتلو :يعطيك الصحة
ايمن :عيشك بلا مزية …..
……💞….💞….💞..
اسلام فطر مع الرجال و الضحكة مفارقاتوش …منال لحقت بدلت و سڨمت روحها و راحت باركت لاية و قعدت معاها شويا مع البنات ….و يعاونوها تلبس اول لبسة من التصديرة …بعد ما فطرت شويا و غسلت سنيها عاودت الغوجالافغ ….
كان قلبها يضرب كي تلبس و تتفكر بلي لازم تخرج على الناس كامل و دير عرض ازياء و تشطح شويا ….
خرجو البنات بعد ما بدلو و راحو يشدو بلايصهم و يستناو فيها تخرج مع سيرين لي اصطاحبتها ….
شادة في يد سيرين لابسة كاراكو جزائري …متوترة كامل ….رغم انها محترفة تمشي بالكعب …زيرت على يد سيرين …و لحقو لدخلة وين كاين النسا ….شافت في سيرين تضحك ضحكة متوترة و سيرين تشوف فيها خزرات تشجع فيها ….بقات تمشي تضحك للعيباد كامل …لي تلقاه تضحكلو …شافت لعائلتها لي تلمو كامل لبلاصة وحدة حطت يدها على شواربها بعثتلهم بوسة و كملت تشمي و الابتسامة هي و سيرين فارقتش وجوههم بلا ما ننساو مشيتهم المتمايلة لي تتناسب مع الأغنية العاصمية لي داروها ….
كانت تمشي قريب تلحق الكرسي وين تڨعد …حتى تحس بوحدة حطت يدها على ظهرها …..
دارت و تلقاها اميرة ….تشوكات ….حلت فمها مخلوعة كي فات لروحها عنڨتها و سلمت عليها وسط الجمهور كامل و فرحانة بزاف …
اميرة :كلشي مبروك حبيبتي نستعرف بيك و الله نتي مرا و نص ربي يهنيك حبيبتي منبعد نهدرو و نحكيو كلش ان شاء الله ….
مسحت اية الدمعة بلعقل برك و دارتلها براسها تاع ايه و همست كلمة :عيشششك ….
قعدت فوق الكرسي هداك ….تضحك للعيباد كامل بطريقة لابقة و تشوف في العيباد كيفاش يشوفو فيها و تحاول تتغلب على خجلها و حيائها….بدات المصورة تصور فيها و سيرين قاعدة بعيدة عليها و تضحكلها برك ….
كي خلصت المصورة التصوار …راحو عماتها نوضوها تشطح …و شطحت معاهم بكل لطف و الابتسامة مافارقتش وجهها مرة …راحت جيهة ماماها لي تقدرش تشاركها الرقصة …شدتها من يديها و بقات تشطح هي و يماها فرحانة ببنتها …..
و هكا كملت التصديرة تاعها بكامل اللباس التقليدي في الجزائر المعروف بطريقة طرزه الاصيل و العميق ..و حاولت تتقيد بثاقفة كل لبسة ….💞💞💞💌💌💌💞 و كل خطرة تبدل تحس روحها حا تتطلع من الفرحة و الحماس …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 247🌚🌚
لحق الوقت تلبس لاغوب بلونش ..الوقت الحاسم …اللحظة لي خلات اية تستريسي كثر من اي لحظة اخرى ..دخلت مع سيرين لاشومبر تاع تبدال …نحات التصديرة هديك …و جبدت لاغوب بلونش …بدات تلبس فيها بلعقل ….غير طلعتها شافت روحها في المراية شهقت و بقات تضحك مع سيرين ….
سقمتلها سيرين مونش تاع لاغوب…و غلقتلها السنسلة تاع لاغوب …رجعتلها شعرها لور …عاونتها حطت براسلي خفيف و ظريف ….جبدتلها الصباط من لافاليز …و لبستهم …اية كانت غير تضحك و الدمعة خنڨتها …كل ما تتفكر بواش جازت كامل و تلقى روحها في صدد لبس غوب بلونش تتحسس و تحب تبكي فرحة …
كي خلصت شافت روحها للمراية ….و شافت لسيرين لي فرحانة كثر منها …
حلت يديها سيرين …و راحت عنقتها …بقات حاطة راسها على كتفها و تسمحلها على ظهرها …
سيرين :كلشي مبروك يا افضل اخت في الدنيا …كلشي مبروك حبيبتي ربي يهنيك ياااا رب ادا نكرو العيباد كامل تضحيات تاوعكم باش لحقتو لحظة هدي فأنا كافية باش نشهد على كلش …صح حا تخلولي فراغ كبير …بصح مكانش كيف سعادتكم ….
بعدت عليها مسحت الدمعة لي طاحتلها و بقات شادتها من يدها ….
اية:ربي يخليك سيرين ميرسي بوكو و انا جامي ننسى وقفتك معايا و لعقوبة ليك ان شاء الله
سيرين :ان شاء الله حبيبتي أيا انا نخليك نروح نبدل مع البنات و نتي دوك شويا يجي عندك راجلك العزيز يخرجك ههه
دارتلها اية براسها تاع ايه ….و مقدرتش تهدر …غير خرجت سيرين …شافت اية روحها في المراية …
مررت يدها على لاغوب و على وجهها تتحسس فيه …
اية بينها و بين روحها :شكون قال بلي نقدرو …
خدات تلفون تاعها …دخلت لتصاور بقات تمرر من صورة لصورة تشوف فيهم و كرشها غير دور …في كل صورة تلاحظ إختلاف من عبوس الى ابتاسمة من ابتسامة الى ضحكة من ضحكة الى سعادة ….
كانت تحرك يدها باش تهوي عينيها و تخليش الدمعة طيح …..
حتى سمعت صوت الباب يدق ….حست بكل حواليها دار و فرشات في كرشها ….
دارت للجيهة الاخرى مشي مقابلة الباب …اية:باسم الله يااا رب ….
غمضت عينيها ….شادة بوكي دوفلوغ بين يديها مع تلفون و في نفس الوقت تزير على اصابع يديها ….حتى سمعت صوت الباب تحل …و هديك الضحكة الرجولية لي تخليها تحس بقلبها يولي بين رجليها ….
غلق الباب …و خطرة هدي في زوج مشي خايفين ….
بقى في بلاصتو ميعرفش واش يدير من تأثير الفرح …..
اسلام بصوت مبحوح :مينوش اية هدي نتي ياخي ….
ضحكت و مدارتش عندو …..
قدم زوج خطوات …و زاد حتى لحق عندها …شاف نص من وجهها برك ….ضحك …حط يدو على ذراعها لي خلاها تحس بقشعيرة ….و دورهااا بلعققققل ليييه …و هي مغمضة عينيها برك …كي حست بلي صاي دورها كامل ليه و راهي مقابلاتو …حلت عينيها بلعقل …و يقابلوها خزراتو لي قريب يحرقولها …يشوف ديراكت لمركز عينيها نظرات يعبرو على كلش ….نظرات قدرت من خلالهم تفهم كامل واش راه حاب يقول ….
حط يديه على وجهو مسحو…..اسلام :يا مشاء الله ….
خبات اية وجهها و ضحكت …….فاق من صدمتو …جبدها ديراكت ليه و عنڨها ….حاوطتلو يدو بيديها و البوكي دفلوغ تحركو كي تمسحلو على ظهرو و هو غير يزير عليها و يزيد …..
بعدت عليه شويا ….حطت يديها على صدرو تتحسس في لكوستيم …
و هو يدو على ذراعها يشوف فيها كيفاه تضحك
اية :تعرف بلي جيت تهبل ياخي ههههه
اسلام :او نيش نبان قدامك ….ني شاد روحي بسيف عليك ….
اية:😸😸اسلام نيش قادرة و الله
اسلام :كيفاه ؟؟ على واش مراكيش قادرة ؟؟كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 248🌚🌚
جبدتلو يدو و حطتها وين كاين قلبها ….اية :شوف قلبي حا يخرج و الله نقدرش نخرج يا ماما قادرة نطيح نرمال
اسلام :خلعتيني حسبت بطلتي
اية :😒نعاودو برك و لا ….اسلام :هيا ياك راكي معايا انا تاني ني حشمان و كذا منا ملهيه بصح و الله تتنحا اليوم يومنا هيا يدك في يدي و نخرجو ….
اية:هههه و الله من وقتاه اسلام يحشم …اسلام :من لي عرفك زعما جيت نكحلها عميتها اسمعي نقولك جامي شطحت معاك و جامي شفتك تشطحي اليوم يسمونا نروبولها الحالة ني حاب نحي كلش و مكلاه تقوليلي حشمت 😸
اية :ههههههههههه هبلت ….اسلام :و شكون هبلني ؟
اية :منعرف … اسلام :اسكتي خيرلك …..
سرقلها بوسة خلاها تشهق باسكو مكانتش تسناها منو …
بقات تشوف فيه …اسلام :واش تاني ياك راكي مرتي ….
جبدها من راسها باسها على جبهتها …..و ضحك …
اسلام :هيا يدك مينوش و نروحو …..
اية:هووووف باسم الله ….اسلام :باسم الله و الحمد الله ههه
مدلها ذراعها …شبكت يدها فيه و لقات مزيرة على ذراعو و تشوف فيه و لعينيه و تبتاسم …
حل الباب …و خرجو من الباب …راحو من الجيهة الاخرى ….هبطو لتحت من دروج لي مفيهش رجال …و راحو للبلاصة لي لازم لعريس و لعروسة يروحو ليها ….
بقات تشوف فيه برك و تضحك و هو كيف كيف ….
دخلو لبلاصة هديك …(.و هي كي شغل مصعد ….يعني يدخلو و يوقفوا على واحد الحاجة و طلعلهم لطابق لي فوق …يخرجو ديراكت وسط لاصال تاع نسا )…غير حطو رجليهم في زوج بعث المسؤول امر باش يخليو المصعد يطلع ….كانت اية مزيرة على ذراع اسلام بكل قوتها و تستنى برك وقتاه يطلعوهم ….حاطة راسها على كتفو ….حتى يحسو رواحهم يطلعو بشويا …كانت تضحك و هو من ضحكتو حس خدودو قريب يتمزقو ….
سڨمت روحها كي شافت الضوء …و بدات تبان صال لي فوق وين كاين نسا …و هو تاني رفع روحو ….نحات يدها من ذراعو و شبكاتها مع يدو ….و زير عليها بكل قواه شافت فيه ضحكت …و هكاك يلحقو وسط صالة وين كاين نسا شافو هكا و هكا لقاو العيباد كامل يصفقو …و الالوان لي فالصالة تبدلو كامل و ولاو لون البنفسجي و الازرق النيلي و يتحركو مع بعضاهم ….و المفرقعات الملونة تاع الحفلات طاحو عليهم من فوق ….اية غير تغمض عينيها و تضحك ….
اسلام وقتها صح عرف واش معنتها تطلع قدام ناس هكاك …وجهو ولا احمر و غير يشوف في اية و يضحك …..
بقاو في هديك البلاصة يضحكو مع بعضاهم و العائلة كامل اقشعر بدنهم كي شافوهم هكاك …الجدة بكات و امهاتهم يمسحو في دموع الفرحة ….اما هوما فكانو يديهم يرجفو من الحشمة و الفرحة ….حتى يجيو مجموعة من البنات يجرو طابلة فيها لابياس مونتي ….لحقوها حتى عندهم …و هوما قدمو شويا برك …و اية غير تخبي في وجهها خطرة على خطرة بلبوكي دفلوغ تضحك لاسلام و تحس وذنيها قريب يطيرو من السخانة تاع الخجل ….
راحو البنات لي جابو الطابلة هديك ….و دارولهم أغنية سونتيمونتال زعزعت الحالة كامل …بقى يشوف فيها بنظراتو لي يذوبوها قدام العيباد كامل…شدو كامل تلفونات تاوعهم دارو فلاش و بقاو يحركو يديهم مع التفلون في السما و يدندو مع يعضياتهم الغنية هديك ….
شدت اية الموس ….زاد اسلام يدو فوقها و يشوف فيها ذوبها ….دخلو الموس داخل القاطو ….و قطعو شويا ….تعاونو حطوه لطبسي هداك لي كان محوط لتم …وكلها شويا زادت هي وكلاتو …شربو شويا جو …و بقاو يضحكو ….
جات عندهم الجدة و مامات اسلام ….الجدة خرجت من بواطة ڨوغمات تاع ذهب ابيض …علقاتو لاية ….و باستها بوسات حارة ….
اما ام اسلام فكان معاها باغوغ تاع ذهب …حطتها فوق الطابلة مع الصوالح …سلمت على اية و وليدها …باركتلهم و صورووهم مع بعضاهم ….

رجعو لبلايصهم و خلاو اسلام و اية في الوسط …بدلولهم الأغنية و دارولهم وحدة حساسة اكثر من لولة …جات لي تصور بدات تصور فيهم …حتى تروح عليهم تريسيتيكرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 249🌚🌚
بقاو كامل يدورو في ريسانهم و اية زادت تشبكت في اسلام ….
اية :اسلاام ني خايفة واش صرا ….
اسلام بصوت مبحبح و جبدها ليه لحضنو ينحيلها الخوف :منعرف ا عمري بلاك مشكل برك صغير دوك يسڨموه ….
اية:يا اسلام شكيتش و الله علاه هكا علاه …
دار جبهتو على جبهتها …اسلام :قتلك مكان والو تخافيش …
ضربها بنفس تاعو و حسسها بالامان ولات سكتت و شادة بيه برك …و مزير عليها بكل قوتو ….
حتى يسمعو صوت جماعة اطفال مايعرفوش منين جاي ….
و بدات الأضواء الملونة تطلع و صوت الغنا رجع …بصح الضو بقى بالالوان الملونة برك …..
جماعة الاطفال و هوما يقدمو بشويا كامل شادين وراقي مخبينهم ….و في وجووهم ماشين تاع مكرفون لي تتركب ….
غير شافتهم اية شهقت دارت يديها على وجهها و بقات تقول :نوووووووووو بصوت مخنوق ….
الاطفال :لهاديك لي جات عندنا تزورنا مع طونطو اسلام …لهاديك لي جات فرحتنا بزيارتها لينا …شراتلنا صوالح و فرحتنا بيهم …لهاديك لي خلاتنا نحسو باهتمام و علمتنا بلي العباد كامل كيف كيف …لهاديك لي مزالها لحد اليوم تبعث مساعدات للميتم وين رانا و خلاتنا نحظاو بجرعة من الاهتمام زيادة عن اي وقت مضى …طاطاااااا ايييية (بعياط ) كلشييي مبررروووووك ليك و لطونطو اسلام نحبووووك بزاف بزاااف بزاااف دخلتي لقبلنا بلا سابق انذار كيما دخلتي لقلب عمو اسلاام ….و الله يا انتي يا طاطا سكر و الله …كون غير جينا نعرفوك عندنا شحال ….
سكتو كامل …و بداو يهدرو بالواحد كلمة كلمة …
الاطفال بالدالة :طونطو اسلام ….طاطا اية …نحبوكم بزاف بزاف …كي قالولنا بلي حا تتزوجو …طلبنا من طونطو اسلام …نشوفوكم على الأقل من بعيد …و تكفل بينا و جابنا نحضرو و لو هذه اللحظة الاسطورية ….طاطا اية …طونطو اسلام يحبك بزاف بزاف بزااف كيما نحبوك حنا ….طلب منا نديرو حاجة هدي …..
كانت اية تدمع و تسمح فيهم ….لي كانو لتم كامل مصدومين لي يضحك يضحك و لي يدمع يدمع ……
اية تشوف لاسلام تبكي و تضحك في نفس الوقت ……
دارت براسها تاع ايه واش قاللكم ديرو ….دارو خط مستقيم …شادين كامل الوراقي هدوك بين يديهم ….و الحماس يبان من ضحكتهم هديك ….
قلب اللول فيهم كامل الورقة ….و هكاك تبع الثاني و تبعت الثالثة و الرابع و الخامسة …..
حتى بدات تتشكل الجملة ….حرف بعد حرف كلمة بعد كلمة ….قدرو كامل يفهمو واش كاين لتم ….كانت اية تقرا بصوت مسموع و مخنوق …..
و صوت الغنا كان خفيف مشي صاخب ….
اية بصوت متقطع و مخنوق:و من قال …و من قال يوما …اننا سنستطيع ….و ..و هذا فقط …ما يسمى…ما يسمى بسادية الحب ……
بقاو كامل يصفقو و اسلام عينيه حومر و تغرغرو دموع ….
شافت فيه مخلية دموع يهبطو ….قفزت عليه عنڨاتو …..زير عليها رفدها و بقى يدور بيها وسط الجمهور كامل ….دار دار دار و هي مطلعة رجليها و شادة فيه تضحك بكل صوتها …..غير هبطها للارض ….رماو الاطفال الوراقي للارض و راحو يجيرو ليها ……نقصت من طول تاعها و جراو كامل ليييها كل واحد منوين شد فيها عنڨتهم كامل و تضحك ضحكة ممزوجة مع الدموع …و غير عنقو اية ولاو قفززو على اسلام عنقوه هو تاني …..بقى اسلام يضحك لاية و هي تمسح دموعها شافت في سيرين و البنات لي لبسو كامل لبسة كيف كيف ….ضحكتلهم …و عيطتلهم …..راحت عندها سيرين تجري مدتلها بابيي موشرار مسحتلها دموع هدوك باش يتخربش وجهها ….
و شعلو الموسيقى تاع شطيح ….وقتها صح شعلت الحالة ….
بقاو كامل يشطحو و يعيطو ….فرح دات يماها تشوف اية و راحت عندها اية عنڨتها و شطحت معاها شويا هكاك فوق الكرسي برك …باستها و رجعت عند اسلام لي كان يشطح مع الجدة و يماه ….
دخلت بيناتهم اية و لاول مرة تتشجع تشطح قدامو ….
طلعت يديها و ضربتها بشطحة و ضحكة خلاتو يتشوكا كيما تشوكات هي لاول مرة شافتو …شدها من يديها قربها ليه و بقاو يشطحو و يضحكو ….يدور فيها و تقرب عندو ….و عينيهم دارو شغلهم ….خزارتو خلاوها تذوووب الف و الف و الف خطرة ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 249🌚🌚:
بقاو يشطحو حتى خلصت الغنا هديك و دارو غنية وحدوخرا …كان اسلام شاد اية من خصرها محاوطها ليه …جبهتو على جبهتها …كان الجو بيناتهم متوتر و كانو يحركو ريسانهم مع الغنية … و لخرين كامل دارو بيهم ….و المصورة كانت تصور فيهم …غلقت اية عينيها مقدرتش تقاوم خزراتو ….اية:صاي اسلام تشوفش فيا هكاك …
اسلام بصوت مبحوح :ممممم و شكون قال يجي نهار ندي ام العيون الكستنائية ….
اية:مممممم و شكون قال نولي نحب واحد عندو سيكاتريس في وجهو….
اسلام :نعشقك فيك ….اية:و انا نحبك ….
ضحكو مع بعضاهم و بعدو باسكو غير تزيد تشحان الحالة فيما بيناتهم ….النسا كامل تاع العايلة تجمعو عندهم …و تصورو كامل مع بعضاهم …و سيرين فرحتها اكثر من اي واحد سورتو كي البوكي دوفلور مدتهو ليها و بقات شادة فيه و تضحك …و تتخيل روحها هكاك مع مروان
اسلام :اية انا نخرج ياخي كي يجي الوقت تخلصو كاكا نتلاقاو …
اية :اوك سمسوم …غمزلها و قال :تخافيش كيما جاز العرس بخير يجوز كلش بمشيئة ربي نحبك….
ضحكتلو و راح خرج …و هي كملت تصورت مع لي حبو يتصورو معاها و مع الاطفال كامل لي كانو في قمة الفرحة و المديرة لي جابتهم تعس فيهم برك و تشوف كيفاه فرحانين …..
كل واحد كان لتم و مكانش يعرف بقصتهم قدر يحس و لو بشويا بحب اسلام لاية …و حب اية لاسلام …و معزتهم عند بعضاهم ….
…….⁦❤️⁩⁦❤️⁩⁦❤️⁩⁦❤️⁩⁦❤️⁩….
كي بداو العيباد يروحو …ولات الصالة فارغة ….وقتها صح زاد ستراس اية …حمد ربي لي فات كلش مليح و بقات مع ماماها و العائلة تضحك …و البنات لخرين راحو يسڨمولها قشها باش تديهم معاها ….و قش التصديرة تاني …
كانت شادة تلفونها تزير عليه …حتى تشوف نضير بابات اسلام خالد فؤاد ..مروان اخ الجد رحمه الله ايمن حسن و ادم …دخلو عندهم ….صافحو اية و باركوها ….وكي جاو البنات …منال كانت تضحك كي عادتها غير شافت ايمن شدتها الفشلة و و لات زعما سيريوز ….
اسلام غير يضحك لاية …..بقات اية قاعدة على الكرسي تاع العروسة …زاد ليها اسلام …زادو عندهم كااااامل ….و شدو فوطو عائلية كاملة خاصها غير الجد تاعهم ……
………⁦❤️⁩⁦❤️⁩⁦❤️⁩⁦❤️⁩⁦❤️⁩…..
كي جمعو كامل قشهم …حسو كامل بعظامهم يوجعو فيهم ….بداو كامل يركبو النسا في طونوبيلات
و اسلام خلى اية داخل لاصال و راح يجبد طونوبيل تاعو و يقربها عند المدخل و ميخليهاش تمشي بزاف ….
في الوقت هداك كانت تضحك و تحكي مع اميرة …..
اية:اميرة و الله توحشناك قطعتي كامل اخبارك علينا ….
اميرة :يا حبوبتي و الله اسمحيلي راكي تعرفي واش معنتها واش جاز عليا …كنت خطرات برك نعيط لاسلام و نقولو يسلم عليك و علابالي كان يقولك و الهدرة مكانش كامل عندي المورال باش نهدر و لا ….حتى اليوم قررت نجي و نباركلكم …..
اية :ربي معاك حبيبتي و ..و هيثم واش راه ؟ ….
اميرة:واش نقولك دوك الحمد الله …و راهم ناويين يعاودو يخطبوني منعرف واش نتبع عقلي و لا قلبي تعرفي بلي كون نقبلش يقدر يدير كثر من لي دار و نقبل ضرني بزاااف ….
اية:نتي قبل ما تروحي واش قلتيلي ماشي وصيتيني باش نلين قلبي و نتي تاني لينيه و صلي صلاة استخارة ….
اميرة:ههه هيه ان شاء الله يا ربي المهم كي يكون حاجة جديدة خطرة هدي نخبرك
اية:هيه و مجاش معاك …اميرة:محبيتش نقول لاسلام بلي جا معايا هو جابني بصح نتي نقولك راهو هنا برك يدور بصح غير حطني راح منعرف وين يدور …و دوك عيطتلو يجي يديني ….
اية :يا معلش مهم سلمي عليه ….
اميرة:ان شاء الله حبيبتي و نتي ربي يهنيك ان شاء الله و اليوم يومك استمتعي …
اية:ههه عيشك ….
هكاك حتى عاود دخل عليهم اسلام …و اميرة جات تخرج …
اميرة:اسلام اتهلا فيها و نقوللكم شحال خطرة نستعرف بيكم و الله
اسلام :ههههه بلا ما توصي ختيتي و نتي تاني اتهلاي في روحك ….
ضحكت اميرة بعثت لاية بوسة في السماء و راحت تمشي بلعقل تسڨم خيمارها خارجة ….
اسلام :ماني وماما نتوما برك لي بقيتو ياخي …
الجدة: هيه حنا برك و نتوما ….
اسلام :بابا راهو يستنى فيكم برا و انا ندي المدام معايا …
ضحكو …شد اية من يدها عاونها رفدلها شويا لاغوب بلونش هبطو دروج يضحكو و غير يحشمها بخزراتو ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 250🌚⁦❤️⁩:
غير خرجو من الباب …قابلهم ادهم معاه مرتو شادة طفلة صغيرة ….و وراه هيثم و اميرة مسندة على طونوبيل مخبية وجهها خايفة لا تنوض الحالة …اسلام تشوكا و اية غير تشوف في مرت ادهم و بنتهم ….
زيرت اية على يد اسلام …و قالت بصوت يسمعو غير هو …:بلاك دير حاجة عيشك اسلام ….
ادهم :صوت مبحوح و حشمان :كلشي مبروك عليكم العريس و العروسة نعرفو مشي وقتنا نجيو اما عاى كل حال فقنا بلي غلطنا في حقكم و جينا نهنيولكم و لو بكلمة و نطلبو منكم السماح ….
هيثم بصوت متقطع :اسمحلنا اسلام و خاصة اية و كلشي مبروك عليكم …
مرت ادهم :اية سبب رجوعي للحياة هكا باذن ربي سبحانو كلشي مبروك حبيبتي و نعتاذرو منكم في زوج شوفي شكون معايا طفلة لي خلاتني نكمل حياتي و طفلة لي خليتيها تعيش و تشوف ماماها و باباها ربي يهنيك حبيبتي و ان شاء الله تسامحي لي غلطو معاك …
ضحكت اية ليهم كامل …حطت يدها على صدرها …
اية :من جيهتي سامحتلكم نهار عرفت بظروفكم السماح ادا كان ربي يغفر فشكون انا باش منسامحش ما بيناتنا والو …..
ابتاسم هيثم و ادهم ميقدرو يقولو والو حشمتهم باللطف تاعها و التواضع تاعها …راحت سلمت على مرت ادهم و شبعت بوس الطفلة …اما اسلام بقى يشوف فيهم ….و راح صافحهم و سلم عليهم على وجه اية و هدرتها …
اسلام :كي هي سامحت فأنا تاني سماح و ميرسي كي جيتو
ابتاسم هيثم و ادهم ميقدرو يهدرو حتى حاجة و لا يزيدو يهدرو ….
ادهم :المهم ربي يهنيكم ان شاء الله نطولوش عليكم ان شاء الله ياربي يرزقكم بالضرية الصالحة و غير الخير لي تلقاوه في حياتكم و ان شاء الله يجي نهار نعاودو نجتمعو فيه كامل ….
اية:عيشك ادهم …ربي يخليك المهم هيثم اتهلالنا في اميرة هههه حبيبتنا كامل ..و نتا ادهم بلاك و بلاك عند زوج جوهرات بلاك و يروحولك حافظ عليهم كي عينك و كلش يتصلح باذن الله ان شاء الله ….
ضحك اسلام معاهم …..عاودو ودعوهم و سلمو عليهم و ضحكو شويا و كل واحد ركب طونوبيلو و راح …
اية غير دخلت لطونوبيل نحات الطالون …و يدها على ركبة اسلام مزير عليها بيدو لخرا …
اسلام :علاه نحيتي الصباط اي أصلا قريب نلحقو …
اية:نقدرش نزيد بيهم حتى دقيقة اي عييت جامي عييت كيما اليوم هدا
حك عينيه ….اسلام :و الله انا تاني عييت حمد الله جاز كلش مليح …
شافت فيه …لاحظ بلي تشوف فيه شاف فيها ضحكت و لى ضحك معاها علاه ؟ معاابالهمش ….
لحڨو للوتال و اية كرشها دور برك و مشي حابة تبين بلي خايفة و يحسبها حاجة اخرى و مشي حابة تتفكر حتى حاجة على ماضيهم ….حابة تقاوم وحدها و تخليش فرحتهم تزول ….
هبط هو لول …و راح عندها حللها الباب هبطلها ستار هداك تاع غوب بلونش شدها من يدها بعد ما لبست صباطها … و هبطت من طونوبيل و بقات شادة من يدو …دخلو لوتال من الجيهة المختصة للعريسان وين مكانش بزاف عيباد …غير لاجونس …دخلو بضحكة …دا معاه المفتاح لي مدتهولو لي تخدم لي لاجونس و اية حشمانة ميييتة ….
غير لحقو لباب لاشومبر هديك …قلبها كان يضرب بكل قوة ….
حلو و هو غير يشوف فيها و يضحك …اية:ازرب ازرب حل الباب يااا على تبهدايل
اسلام :وشمن من تبهدايل ….اية:يخخخ واش حالتنا هدي شومبرة وحدنا و ..يببييعععععع
ضحك عليها …اسلام :ياخي مشي حرام ياك راكي مرتي …
اية :تبهديلة و خلاص هيا رابيد …غير حل الباب دخلت تجري …
اسلام :نروح نطلعلك لافاليز و نرجع اوك …
اية:اوك بعقلك …..
راح اسلام عاود هبط لتحت …و هي راحت قعدت فوق السرير لي كان معمر بالورد الاحمر شافت في لاشومبر كامل تتامل فيها و تتامل في الشموع لي لاشومبر معمرة بيهم ….ناضت من سرير بعد ما نحات صباطها …
و راحت عند لاكوافووز …قعدت على الكرسي لي تماك …بقات تنحي في الصوالح لي على شعرها و تحركو بلعقل و تدخل اصابعها بين خصلات شعرها ….كان قلبها يضرب …و ستراس دار عليها حالة .. حتى حست روحها حابة تتقيا (حاشاكم )…هكاك حتى يدخل عليها و يغلق الباب بالمفتاح ….
لقاها تمشط شعرها …..غير سمعت صوت الباب تغلق زاد قلبها خبط و غير شافتو نحا الفاست تاع الكوستيم زاد ضرب اكثر ….
اسلام :هاهي لافاليز تاعك و ساكودو صغير هدا تاعي
اية :صحيتي …
اسلام :دوشي نتي لولة و لا نبدى انا ….
اية:نبدا انا 😋😋
اسلام :اوكي بعقلك …..
راح قرب عندها شدها من وجهها و باسها …و بقى يلعب بشعرها و هي عينيها قريب يتغمضو و تتنفس بطريقة مشي حابة يسمعلها ….
حط يدو على سنسلة تاع لاغوب و شاف في عينيها …
اسلام :نحلهالك تطلعي تدوشي ؟
اية:عنديش مشكل 😋🤣………..
جبدها بلعقللل حتى بدا يبان ظهرها شاف ليها لقاها عين مغمضة لخرا نو …ضربها ضربة خفيفة لظهرها…باسها و قال ….
اسلام :أيا روحي قبل ما تموتيلي هنا …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 251🌚⁦❤️⁩:
شدت فلاغوب باش طيحلهاش …راحت حلت لافاليز جبدت قشها و هو رمى روحو على السرير …ضحكت عليه …راحت دخلت لدوش ..غير غلقت الباب سندت روحها لباب. …حاطة يدها على قلبها ….و تهدر بينها و بين روحها :يااا ربييي و كون معايا يييي ني خايفة يا ربي ني حشمانة يا ربي كنت حاسبة تجيني ساهلة يا ربي نيش نقدر حتى نشوف في عينيه….
راحت شعلت الماء ..دارتو دافىء …دوشت بالصابون لي يحب اسلام ريحتو …استمتعت بدوش هديك تحاول تنحي ستراس هداك ….كي خلصت ….نشفت روحها كامل …حطت روحها في سوغتي دو با ….سڨمت شعرها …غطات روحها مليح جبدت نفس و خرجت عندو …
شافت لسرير لقاتو راقد …..اية بصوت هادئ :يماما راقد …
راحت قدمت ليه …حطت غوب بلونش تاعها فوق الكرسي …و زادت قدمت لسرير مزيرة على سورتي دوبا …قعدت على سرير ….حطت يدها على صدرو … و قربت وجهها على وجهو …باستو من خدو وبقات تمرر يدها بلاصة وين كاين سيكاتريس ….و بقات تهدر بصوت هادىء و حنين ….
اية:سمسووم اسلاامووو نوض ..اسلاامووو نوض سمسوووم
زيرتلو على خدودو و خلاتو ينوض …حل عينيه عاود غلقهم عاود حلهم بقى يشوف فيها ….بعدت عليه شويا ضحكتلو …اية:نوض اسلام تبدل قشك و ادا حبيت ترقد ارقد
اسلام :مممم قالو نرقد دوك نوض معرف كيفاه غفيت و انا نستنى فيك ….
جا ينوض باسها بوسة ذوبها و ناض بعد ما همسلها في وذنها ….
اسلام :نيش حا نطول عليك حبك ….
…..⁦❤️⁩⁦❤️⁩⁦❤️⁩⁦❤️⁩⁦❤️⁩…..هو دخل يدوش …و هي بدات تلبس في قشها و حشمانة منو بالقش هداك ….دارت شويا غوجالافغ و شويا ريحة خفيفة …..و قعدت فوق الكرسي تسڨم في شعرها و تجوز عليهم المشطة برك …جمعاتو …و جرات لبست لباس الصلاة ….سلكت بيه روحها …هكاك و يخرج عليها لابس شورط من لفوق معري حاط سربيتة على ظهرو و شعرو مشمخ …عينيه حومر من الماء ….شاف فيها ابتاسم ….كي شافها هكاك ….ضحكتلو ….
اسلام :نصلو ! واجدة ؟ ….اية :ايه اسلام واجدة ….
راح جبد قميص تاعو و هي حطت السجادات حطتهم و هو لبس القميص …..
ضحكو لبعضياتهم …..كانت موراه واقفة …كبر و بداو يصليو …و في زوج داخلهم فرحة لا مثيل لها …..
صلاو الصلاة هديك لي كانت لا مثيل لها …زادو قراو دعاء الزواج ….و بقاو قاعدين على السجادات …و هو يشوف فيها لور و هي تشوف فيه تضحك ….
ناضت من بلاصتو راح قعد بحذاها ….اسلام :علابالك بلي جامي تصورت تصرا معايا عفسة هدي …اية:هههه انا تاني ….
اسلام :الحمد الله هدا معندي نقول .. اية:هيه و الله الحمد الله ياربي اسلام جعت و حق ربي ….
اسلام :دوك نعيطلهم يطلعولنا العشا يا مكراشة ….
اية بعبوس مقلبة شواربها :مشي مكراشة و الله برك مفطرتش مليح و عندي شحال مناكلش كيما لازم ……
شدها من راسها باسها من جبينها ….
اسلام :علابالي عمري و انا قلتها برك و انا نخليك جيعانة 😒هههه
اية :هههه ازرب و حق ربي مشي تمسخير نزيد شويا نطيح من الجوع …
اسلام :صحا تقدريش تكذبي عليا تقدري طيحي من الخلعة و مشي من الجوع تخبيش عليا اني نعرفك كثر ما نعرف وحدوخر….
ضحكت اية …عنقها و ناضو مع بعضاهم …..
دوموندا منهم يطلعولهم الماكلة و هي بقات بلباس الصلاة …شاف فيها موسوس …اسلام :علاه بقيتي بيه …
اية :مممم حشمت و خايفة …
اسلام :من واش …اية :منك مشي كنت تقول تلبسيش قدامي حاجة مشي مستورة ….
قدم عندها يضحك …حط يدو على شعرها يتحسسو و هي تشوف في عينيه و تعض في شواربها حشمانة ….
اسلام :هديك كانت قبل ما تكون بيناتنا حاجة باسكو كنت خايف نزيد نغلط و نعاود نخسرك و مكانش كيفاه تسمحيلي اي نتي أكثر وحدة تعرفيني و مكلاه تحشمي دوك …..
عوجت شواربها ….اية :همممممم …اسلام :وشي همممممم ….اية:اوكي ….اسلام :واش لي اوكي تهبلينيش …
ضحكت عليه وهكاك يسمع صوت الباب….راح دخل الماكلة ….و في هداك الوقت نحات لباس الصلاة .. غير دار ضحك كي شافها هكاك …..
راح جبدها من يدها قعدها معاه ….باسها من عينيها ….
اسلام :هيا كولي مكراشتي …..
ضحكتلو ….و جبدت الماكلة ليها بدات تاكل …..
كي خلصو هي دخلت تعاود تغسل و تغسل سنانها و قلبها يزيد برك يخبط …..
خرجت لقاتو متسطح على سرير شاد تلفونو ….راحت قعدت بحذاه …ضحك اسلام …
اية:علاه تضحك …اسلام :تفكرت اول خطرة قعدتي على سرير كي جيتي تعاونيني في الكتيبة و حشمتي تسطحي رجليك ….
اية :😒 هيه كيفاه مالا نتسطح بلا ما تقولي و لا بلا ما ناخذ اذن تاعك ديجا واش دير بتلفون دوك …
ورالها تلفون لقات يشوف في تصاور تاعهم …..
ضحكت …حطت راسها على كتفو و بقات تشوف فيه …حل كاميرا سيلفي و تصور و هوما هكاك ….غير غلق التلفون و شاف في عينيها …. و بقى يركز معاها …طرطڨت بكا …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 252🌚⁦❤️⁩:
شاف فيها مشوكي …شاف لعيونها لي معمرين دموع مصدوم ….بعد عليها شويا و سڨم روحو …
اسلام :شبيكي مينوشة كاش ما درتلك ؟ كاش ما اذيتك ؟ شوفي ادا مشي حابة كامل نمسك و مشي قادرة تقاومي و حق ربي نبقى بعيد عليك حتى تقدري تتاقلمي ..اي نتي منلومك على والو قلتهالك شحال من خطرة حاجة درتها نصبر على عواقبها تبكيش صاي تعذبينيش معاك ….
مسحت دموعها و تضحك في نفس الوقت …ضرباتو ضربة خفيفة ….
اية بصوت تاع دموع و ضحك :على واش تحكي …
اسلام :على سبة بكائك …اية:علاواه في بالك بكيت ….
اسلام :تتمسخري بيا اية خليتي حتى نهار هدا طرطڨتي ….
شداتو من يدو كي شافتو بدا يتقلق …شافت في عينيه :اقسم لك بالله غير مشي عليك هكا برك انا و منعرف علاه بكيت و الله طرطقت وحدي منقبيل و انا شديتهم
حطت يدو على صدرها بلاصة قلبها ….اية:شوف اسمع اسلام قلبي قريب يخرج من الخلعة و الستراس و زيد مع الحشمة بكيت هاه و الله يعني منعرف اي حالتك مشي كيف حالتي ….
اسلام :تتسمخري بيا جاك هبالك نص ليالي 😐مشي وقت البكا كامل اي صاي كملي بكا تاعك و تزيديش تخلعيني …..
شافت فيه خدودها حمارو مقلبة شواربها …و مدايرة شنوفة زعما و تشوف فيه بخزرات يذوبو …
اية:تسما نزيد نبكي تسما نكمل حتى نولي نندب ماخي اوك 😐…و حق ربي اسلام معرف كيفاه بكيت اي تعرف مش بساهل نبكي بصح خطرة هدي و الله و الله منعرف كيفاه 😂😔
اسلام :تضحكيش …..اية:😔هاه صاي سكتت 😞
طلع حاجبو يشوف فيها كيفاه دير و تسمح دموع لي بقاو في عيونها …عاودت شافت فيه لقاتو يشوف فيها …شدتها ضحكة عبزت على لسانها و بانت بلي حابة تضحك ….
ضحك بصوتو المبحبح ….قلبها عندو و باسها بوسسسةة طووييييييييلة …..
………و هكا جازت اول ليلة ليهم تحت سقف واحد في الحلال بعد انتظار صبر تحديات مغامرات و عقبات …..
………⁦❤️⁩⁦❤️⁩⁦❤️⁩⁦❤️⁩⁦❤️⁩……
الصباح كي ناضو في زوج يضحكو ….وجدو رواحهم …و داها لاكوافوز تسڨم شعرها….و استناها حتى خرجت …و راحو للفيلا راجيعين عريس و عروسة …..
غير لحقو …شافت اية الباب ….اية:يا اسلام كيفاه ندخلو دوك يااااا
اسلام :شبيك تاني ابكي تاني دوك اهبطي اهبطي انا عندي شحال نستنى اليوم هدا نديرلك كيما نحب قدامهم و واحد ما يسالي و نتي تقوليلي يييي اسلام 😐
اية:هففف هدا ما تعرف تخمم …اسلام :انا على الأقل نخمم نتي تبكي ديراكت هيا اهبطي …
غمزلها …هبطو في زوج ….شدت في ذراعو تزير عليه و قريب تحشر روحها فيه حشمانة و مستريسية و هو غير يضحك …طبطبو…حلولهم الباب و استقبلوهم بالزغاريت ….دخلو بعد ما سلمو عليهم كامل و البنات يشوفو برك في اية و يضحكو ….و اسلام قاعد مع الجدة ….
تلمو كامل للطاولة فطرو كامل في رحبة و فرحة كانو كامل لتم …و اية شدت بلاصة بحذا اسلام و ماماها لي كانت لتم تاني …..
…….غير خلصو الماكلة لحقو عائلة الجد ربي يرحمو …جابهم ايمن ….اسلام خرج برا مع رجال ….و اية قعدت مع نسا لداخل و تتوعد في اسلام لي خلاها وحدها …..
كانت قاعدة بين البنات و ماماها ….يسقسيو فيها ….
اية بحشمة: واش نقوللكم شعور لي نعيشو دوك منقدرش نوصفو و الله يعني لدوك مزال مامنتتش بلي العبد لي راني معاه و تزوجنا البارح هو اسلام اسلام لي من لي جيت و انا ندابز معاه لدوك مزالني مصدومة و الله و تأثير الفرحة مزالو يخدم فيا راني كي شغل ثملة ووحق ربي لدوك مزالني نحس كرسي فيها فراشات ني حابة ربي يخلينا هكا و جامي تصرا حاجة تفرقنا دوك عرفت صح واش معنتها يتزوجك واحد و يخرج معاك راجل و الله احساس لا مثيل له سورتو في الحلال و الله يا ربي الحمد الله العام هدا جابلي غير الخير من غير وفاة جدي ربي يرحمو …تلاقيت مع ماما تحسنت علاقتي مع العائلة كامل تخطبت أواخر العام و دوك تزوجت ههه نهدر لصباح نقدرش نعبر كي نشوفو قدامي نامنش بلي راهو راجلي نروح فيها و نغيس مزالني تحت تأثير الفرحة و كلش كلش ههههه
البنات :يوووووووووو كيووووت العقوبة لينا و العقوبة لسيرين ان شاء الله
هيبة :حمد الله ياربي حمد الله ربي يهنيك بنتي
اية:أمين ماما ….ترغيد :حقا سيرين نسينا قلنالكش سيريييين
اية شافت في سيرين :شبيها سيرين ……
ترغيد :قالو بلي تزيد عامين تتزوج مع مروان قيس ما هو يجمع دراهم و يستقر في خدمتو
اية:يعمرييي صح …..ضحكت سيرين….
سيرين :و الله منعرف كيما كتب ربي اي البارح كي دخل بابا قالي هكا بلي تفاهمو زعما و منعرف كلشي مكاتيب قالو 2019 و منعرف …
اية:ياااا ربييي ان شاء الله ياا رب ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 253🌚⁦❤️⁩:
كملو اليوم مع بعضاهم غير تڨسار حتى لحق العشا تعشاو و لحق اسحاق يدي مرتو و بنتو ….و اية وجدت روحها تروح مع اسلام لدارهم لي جامي شافتها ….
ركبو فطونوبيل و دعو العائلة من بعيد ….غير بعدو على الفيلا شويا ….
اية:اسلام سيرين قالو 2019 ان شاء الله تتزوج سمعت بهذا ولا مزال
اسلام :هههه ايه سمعت دوك برك قالولي
اية:يييي فرحتلها بزاف ان شاء الله تنجح هي تكمل قرايتها و هو يخدم و تروحش علاقتهم هكا برك و ربي يهنيهم ….
اسلام :وشمن علاقة حا تروح ؟ ….اية:😐😐😐يعني راهم مخطوبين ..
اسلام :اية بلاك تحسبي بلي معلاباليش مروان يحب سيرين من بكري و مبينش برك اي أصلا توجور كي نكونو مع بعضانا نقولو بلاك اختي تقرب منها ديرلها حاجة او هو وفى بوعدو …
اية:هيه منبعد نرمال يعني …اسلام :هيه برك بلاك خايفة تقولي اي راني عارف قبلك و سيرين معلاباليش ادا تحبو و لا ننن بصح واش كان يدير لها كامل كي كنت انا نضرب فيها باينة بلي تلقاش كيفو ….
اية:ممممم مهم ني فرحانة ليهم و خلاص …
شاف فيها :و مش فرحانة لينا ياخي 😐…اية:هاه انا قلت هكا ؟
اسلام :ليوم مزال قلتيش بلي فرحتي و شوفي انا كيفاه نبان و نتي حشمة تخطيكش
اية:هففف اسلام كيفاه ندير مالا نشطح قدام العباد الله غالب نحشم واش ندير 😐
اسلام :صاي اسكتي ..اية:هيه وين جاي دار هدي ؟
اسلام :شويا و نلحقو ….اية:علاه جامي جبتني ليها 😐نشوف قبل …
اسلام :و الظروف خلاتنا ؟ أصلا مزالت ناقصة في شي صوالح كاين برك المهم
اية:مممممممم معلش ياخي فيها ماكلة 😋
اسلام :😐نرمالمو وصيت مروان و حسن يقضيو و يديوه
اية:كون بقينا في الفيلا مشي خير اليوم برك زعما
اسلام :الدار معمرة زيد لازم نوجدو رواحنا نروحو و لا نقعد برك نفكر فيك ….
اية:هيه صاي برك مشي موالفة نيش قادرة نعيش وحدي يعني 😋😐
اسلام :تسما انا مشي بنادم ….
ضحكت حطت راسها فوق كتفها و بقات هكاك و هو يسوق حتى لحقو ….
دخلو من بورتاي كبير دخل طونوبيل و هي غير تشوف في البلاصة و تستنى واش يقوللها …
اية:وين اسلام و الله مشي هكا كامل يديرو العباد خطرة جاية تزيدش تخبي عليا صوالح هدو 😐
اسلام :يسموها مفاجأة زعما 😐….
راح ڨارا في الباركينغ …..هبطو و راحت تشبكت في ذراعو ….كانت الساحة هديك معمرو ورد …و فيها بزاف ديوور …و مشي عمارات …..كي شغل حي شعبي محصور كامل في ساحة واحدة ….
بقات تشمي و تضحك وحدها و متوترة …و اسلام شاد في يدو لخرا لافاليز تاعها يجر فيها ….
لحقو لدار تطلع شويا درجات باش تلحق للباب ….مصبوغة من الخارج بالابيض و شويا ڨري ….شافت لفوق كامل شافت لطواقي و شافت لاسلام …
اية:هنا ؟ اسلام :هيه …اية:يماماااااا هيا ندخلو قلبي قريب يخرج ….
ضحكلها ..راحت خلاتو طلعت الدرجات القليلة مدلها المفتاح تحل الباب…و هو طلع لافاليز …حلت الباب بشويا نحات المفتاح من الباب مداتو لاسلام و حطت قدمها دخلت ……..
ضربتها ريحة نظافة تفكرت بلي البنات جاو نظفولها كامل دار و سڨمولها قشها …بقات حالة فمها و تشوف بلاصة بلاصة و دور في الطابق الاول …اسلام دخل و غلق الباب و شعللها الأضواء كامل …..
حاطة يدها على فمها مندهشة ….اية: يماااما اسلام يهبل تصورتوش هكا كامل يااااا ميرسي بوكو ….
راحت ليه عنڨاتو …صيب لافاليز و حاوطها بيديه و زير على الحضن هداك ….
اسلام بصوت هادئ و حنين :مزال طابق لي فوق وين كاين شومبر تاعنا و لي شومبر لخرين شي بسيط جدا قدرت نديرو في مدة صغيرة ان شاء الله لعقوبة لحاجة اكبر ….
زيرت على تريكو تاعو و تحرك راسها على صدرو بلعقل ….
اسلام :هيا نطلعو لفوق نغسلو و نبدلو نزيدو نصليو و تجي تاكلي ادا حبيتي ….
شافت فيه شدها من يدها طلعو لفوق في زوج بزربة غير لحق لاشومبر تاعهم حللها الباب دخلت متسللة و البسمة مفارقتش وجهها …..
دارت ليه تضحك ….اية : يمااااااااااااماااااا و حق ربي تهبلللللللللل ياااااا ميرسي اسلام ….
راحت حلت لخزانة لقات كلش في بلاصتو زادت شافت كوافوز و بقات تدور بيديها على الحيطان و كل شي تلقاه قدامها ….لقات اسلام يشوف فيها برك و عينيه يعبرو على كلشي ….زيرت على شواربها ….
اية :ياااا اسلام لقيتش واش نقولك …حلت يديها و راحت جرات عنقاتو …رفدها و بقى يدور بيها و هي غير تضحك …طيحها فوق السرير و بقى يدغدغ فيها و مزير على رجليها حتى قريب راحلها النفس خلاها تنوض كي جات خارجة تروح تغسل
اسلام :اسمعي مينوش ادا شفتي روحك تخافي و لا منعرف كيما البارح قولي اي قلنا نصارحو بعضانا في كلش و انا نحتارم واش تقولي كامل بصح ديري في بالك بلي تبدلت
اية :موااح دوك نرجع ميرسي كي راك متفهم ….
راحت و خلاتو هو يخير واش يلبس كي يدوش …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 254🌚⁦❤️⁩:
جازو10 ايام اللولة من العرس و اسلام و اية غير من بلاصة لبلاصة يحوسو …من ماناج لحديقة من حديقة لبلايص وحدوخرين و كانو كل يوم يرجعو قبل للفيلا يقصرو معاهم و يرجعو لدارهم ….سيرين تتلاقى مع مروان كي تروح تقرا و هو بدى يخدم كاية كي بدات تخدم يعني مساعد برك باش يزيد يدي الخبرة ….
لحق اليوم المنتظر …اسلام و اية كانو بايتين في الفيلا بعدها العشية ودعو هيبة و دعاتلهم ادعية مقبولة باذن الله …ناضو صباح بكري ….فرحانين في زوج …..حلمهم الثالث حا يتحقق ….بعد ما تسڨمت علاقتهم و تزوجو دوك لحق الوقت يطلبو التوبة من ربي سبحانو ….
دوشو في زوج مع صباح ربي ….اسلام لبس قشو و اية لبست حجابها الشرعي ….هبطو لتحت يجرو فليفاليز لقاو الدار نايضين يودعوهم و سيرين باش تروح تقرا ….
قعدو استقهواو مع بعضاهم كامل …و العائلة كامل فرحو منين شافو اية بحجاب شرعي و خاصة اسلام لي مخطاهاش كامل بهدرتو و بقى برك يشوف فيها ……
كي خلصو تحققو بلي وجدو كلش و منساو والو …شد اسلام فاليزة من يد و اية فاليزة من يد و فؤاد خرج يستناهم برا ….سلمو عليهم كامل ودعوهم عند الباب ….
الجدة :اسلام اية كيما وعدتوني خطرة هدي انا منيش قادرة نجي ني مريضة خطرة جاية ان شاء الله نروحو كامل تنساوش وعدكم زيدو عمرة لجدكم ربي يرحمو …
اسلام :معلوم ماني خطرة جاية نروحو كامل ان شاء الله يا ربي و مننساش تخافيش ….ادعولنا برك ياخي يما تنساوناش
ام اسلام :بسلامة عزيزي ان شاء الله تلحقو و ترجعو سالمين
اية صيبت لافاليز دخلها فؤاد لطونوبيل ….
دارتلهم بيدهم باي باي و تضحك …اية:مواااااح نحبكم كاااامل و قولو لماما تتقلقش صح شفتها البارح اما منعرف هههه
ركبو الطونوبيل …اسلام لقدام مع عمو و اية للور …بقات تودع فيهم حتى ولاو يبانوش و الفرحة لي شدتها هي و اسلام وحدها …كانت تشوف فيه من روتروفيزور و هو كيف كيف ….
كي لحقهم فؤاد للمطار …دخل معاهم حتى لداخل ستنى معاهم شويا حتى لحق وقت لازم يروح يخدم …ودعهم و راح خلاهم لتم ….
قعد اسلام مع لي رايحين للعمرة و اية بحذاه شادة في يدو يزير عليها …شاف ليها …
اسلام :تعرفي بلي جيتي شابة هكا خير من اي خطرة آخرى و الله زاد فيك النص الحجاب
اية:يعمري عيشك ههه و الله ني في حالة منعرف مشي متعودة هكا كي شغل خرجت غريبة وفي نفس الوقت فرحانة هههه
جبدها ليه حطلها راسها على كتفو ….اسلام :ان شاء الله ربي يكون معانا و يغفرلنا يا ربي 💕على الأقل ادا متنا نكونو كفرنا شويا على ذنوبنا سورتو انا
اية:أمين يا رب …..ان الله غفور رحيم ….الحمد الله يا ربي برك كي كانت لينا الفرصة نروحو اي هدا كامل نعمة من ربي و مشالنا حساب نيتنا
اسلام :ايه و الله الحمد الله على كلش ….
حان وقت لافيو تاعهم ….بعد الإجراءات كامل دخلوهم و هوما في قمة الفرحة و اسلام مخلاش كامل يد اية وين يروح يجبدها معاه حتى شدو بلايصهم و حزمو رواحهم واجدين باش يروحو للسعودية ادا كتب ربي …

____💕💕💕💕💕____
كي قربو لسعودية دارو كامل الاجراءات و هبطو في مطار السعودية جات عندهم الوكالة و فهمتهم كلش و وجهتهم …اول ما مدولهم ليبوس …عيط اسلام ليماه و خبرها بلي لحقو …..
________💕💕💕💕💕💕💕_____كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 255🌚⁦❤️⁩:
جازو اليامات …خلصو العمرة في مدة لا تتعدى 3 أيام اسلام دار وحدة ليه وحدة لجدو ربي يرحمو …اية دارت وحدة ليها و و وحدة لباباها رحمه الله ….لحظة وحدة تفارقوش فيها …في كل المناسك يد في يد و بحذا بعضاهم كان خشوعهم قوي لدرجة انو اسلام و بكى كي كان يدعي لربي سبحانو يغفرلو ….
و تواعدو في زوج بلي كون يكتب ربي سبحانو يديرو حجة خطرة اخرى ….كي خلصو مناسك العمرة …كانو يخرجو كل يوم يحوسو و يشريو صوالح لعايلتهم …حتى وفاو 25 يوم تاعهم …اليوم الاخير لي بقالهم لتم …وجدو رواحهم كامل و خرجو اخر خرجة لتم …بسبب انو اية جا علابالها آتاي تاع واحد المحل لتم و تخلطو مع تمر تاعهم و دارلها على خاطرها …حتى جا الوقت دخلو لغرفتهم و رقدو باش الصباح بكري ياخذو طريقهم يرجعو لبلدهم …..
…..⁦💕💕💕💕……
ناضو صباح بكري ….و قبل ما يروحو للمطار و بعد الاجراءات الاخيرة ….
و بعد ما كملو المناسك كامل ….
اسلام :يا ربي و اغفرلي على كلش جيتك بنيتي و طلبت التوبة بخشوع و الحمد الله على كلش شي حمد الله يا ربي كي خليت حياة تتبدل و رزقتني بنعم الزوجة الصالحة
حطت اية راسها على كتفو …..هكاك و يمشو حتى لحقو مع الوكالة سڨموهم كامل ….و ركبو مقلعين ….
طريق كامل و اية تتقيا و اسلام يتبع فيها فلافيو و العيباد لي كانو قدامهم يشوفو فيهم كيفاش كان يتبع فيها …
كانت لي الحمام لي كان غير مقابلهم …دخل معاها ….
اسلام :عينيا شبيكي واش صرالك ياخي كنتي مليحة بيك حاجة ؟
اية بصوت فشلان :والله معلابالي اسلام بلاك دوخة من حركة الطائرة برك
غسللها وجها و مسحولها بمنديل ورقي …
اسلام :ياخي دوك سافا ؟ اية:هيه عيشك نيش قادرة نشم روايح هدو ….
جبدتاو ليها حشرت راسها في صدرو و بقات تشم ريحتو
اسلام :هاه دوك نبقاو هكا و لا هيا نرجعو لبلاصتنا ديري ريحة
اية:ني حابة ريحة تاعك ….
بقات شادة فيه خرج رجعت لبلاصتها و موظفة الطيران لي لتم كانت تستنى فيها تشوف ادا مليحة و لا نن …
قعدت في بلاصتها زاد قعد اسلام …جبد ساكودو تاعو لي كان عند رجليه ….حوس لداخل جبد ريحتو …جبدلها يدها و دارلها …بقات تشم في ريحة هديك زاد هو دار شويا ليه ..و رجعها …حطت راسها على صدرو تشم في ريحة حتى راحتلها الدوخة غمضت عينيها و رقدت …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 256🌚⁦❤️⁩:
لحقو و أخيرا للمطار تاع البلاد ….خرجو بعد الاجراءات في زوج فرحانين كي تم كلش بخير و على خير …بقى شادها ليه و يجر فاليز تاعو و هي تجر تاعها …
هو كان مبدل كامل من تحفيفة لي دارها ….و هي صفارت من الدوخة …استقبلهم مروان و سيرين في المطار آحر استقبال ….عيطو لدار خبروهم بلي لحقو …
و ركبو طونوبيل …اسلام ركب لقدام مع مروان لي يسوق يحكيلو كامل كيفاه جازت المدة و اية لور مع سيرين
سيرين :اية شبيكي حبيبتي هكا ياخي غير لخير مصرا والو
اية بصوت عيان :و الله منعرف ا حبي أصلا نضنا بكري بزاف باش نلحقو دوك و منعرف واش صرالي عندي يومين شدتني دوخة بصح اليوم زادت عليا و شبعت قيا حاشاك و زيد كرشي عندي قريب سمانة توجع فيا منعرف علاه ان شاء الله فيها خير و صاي …
سيرين :اوووو تخمي في واش راني نخمم و لا ننن
اية:واش تخممي سيرين و الله ني عيانة و منيش طايقة نهدر حتى
سيرين :زمر كيفاه تخمييش خلي برك منبعد نفهمك …
سيرين :مروان عيشك كي تلحق لكاش صيديلية حبسني
مروان :علاه …دار عندها اسلام :علاه سيرين كشما بيها اية
سيرين :لالا حابة نشري برك حاجة ليا ….اسلام و مروان في نفس الوقت :وش هي
سيرين :اووووووه حاجة تاع نسا واش دخلكم نتوما كون جات حاجة تتقال كون راني قلت …
ضحكت اية من ردة فعل سيرين و اسلام دور راسو و مروان سكت …..
اية تضحك بلعقل :اخاااه ….
سيرين :هي و الله الواحد مهوش في عقلو و يقولو علاه
…….💕💕💕💕💕……كي لحقو للصيديلة ….هبطت سيرين رافقها مروان عند الباب و اسلام و اية داخل طونوبيل دار ليها لقاها مسندة راسها لطاقة …
ضرب يدو لور مرر اصابعو على خدودها ابتاسمتلو ….
اسلام :جعتي ياخي ..اية :مليح زيد ….
اسلام :تنحاتلك دوخة …دارت بعينيها ايه :حمد الله ….
اسلام :مبقاش بزاف و نلحقو ….
خرجت سيرين شافها مروان غمزلها….مروان :واش مكانش واش راكي حابة تشري ؟
سيرين :وي ملقيتش هيا معلش …..
ركبو طونوبيل …..شافو فيها اسلام و اية مجابت معاها والو ….
جبدت كيتمان دارتو باش يسقسيوهاش ….و حطت راسها لطاقة غلقت عينيها ….
……💕💕💕💕💕…..
لحقو للفيلا …هبطو كامل و استقبلوهم آحر استقبال كانت هيبة تاني لتم تستنى فيها تشوفها باش ترجع لدارها …
باسستهم كامل و سلمو عليهم كامل …و طلعو لاشومبر حطو حوايجهم دوشو صلو و هبطو لتحت يتعشاو …كانو غير هوما زوج لي يتعاشاو و خلاوهم على راحتهم باسكو كانت الساعة متاخرة …..كي خلصت راحت زادت قعدت شويا مع ماماها تڨصر معاها و مع فرح باش يروحو ….
اية:ماما علاه تقعديش توحشتكم فرح نتي تاني خويا تاني
فرح :علابالك بلي نقرا و خويا تاني يقرا ….منبعد نرجعو ان شاء الله
هيبة :منبعد نزيدو نشوفوك ان شاء الله …..
اية:هيه صح معلش مهم شفتكم اليوم و ميرسي كي جيتو منبعد ان شاء الله نجيبلكم واش شريتلكم دوك و الله عيانة ….
حضنتهم و ودعتهم حتى راحو باش دخلت رايحة طالعة دروج ….جات تدخل شمبرتها لقديمة تفكرت بلي دوك تزوجت ابتسامت وحدها .. هكاك و تسمع صوت سيرين ….
سيرين :اية اية مينوشتو ارواحي ….
دارت اية مستغربة و راحت تزرب عند سيرين لحقت عند باب. شمبرتها دخلتها و غلقت الباب ….
سيرين بابتسامة خبيثة …حلت يدها و تخرج تاست تاع حمل
اية عقدت حواجبها ….اية:واش يديرو عندك ….
سيرين :اية شوفي مراكي حا تخسري والو كون تجربيه و تبقى بيني و بينك برك ….شوفي صباح كي تنوضي لازم تجربيه باسكو بلاك دوك يخرجلكش بلاك راكي في بداية تاعك برك تاني …..
اية:بخاااه سيرين واش راكي تخرطي هدي دوخة نرمال برك ….
سيرين :و كيفاه كنتي تاكلي قبيل كي جيت نطل عليكم و القيا و دوخة و منعرف عيشك جربيه علاجالي
اية مخداتش الامر مهم :معلش نجربو و تشوفي بلي مكان والو اووو يعني لي تدوخ معنتها حاملة و لا كفاه
سيرين :هيه معلش صباح جربيه و رجعيلي بلخبر انا لولة اني قتلك عيطيلي باسكو انا رايحة نقرا ….
اية:هههه اوك معلش مهم اعرفي بلي مكان والو …..
سيرين :هيه معلش مام هكاك عيطيلي منخسرو والو ياخي …
اية:صحا انا نروح نرقد و الله ني عيانة منبعد ان شاء الله و مديريش امل ياخي
سيرين :صحا حبي بونوي ….
….طلعت اية الدرجات لي بقاو باش تطلع لاسلام فوق …و تشوف في تاست و تخمم في واش قالتلها سيرين….
خباتو و دخلت لاشومبر بقات اسلام يتفرج في بيسي خباتو بين قشها …بدلت لبست بيجاما و طلعت معاه فسرير رقدت بسيف في حضنو و تخمم برك في واش قالتلها سيرين …زعما صح …زعما قادر يكون الاحتمال صحيح و لا نن …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 257🌚⁦❤️⁩:
جازو يومين على حديث سيرين و اية ….عاشت اية في اليومين هدو ضغط كبير …اولهم فكرة الحمل و ثانية انها رجعت للخدمة تخدم ….
بعد ما وصلت الساعة 16 و نص …هبطت تضحك و تخبي ملامح لي يعبرو على حالتها كامل في هديك الدقيقة ….راحت عند طونوبيل اسلام ستنانتو لتم حتى لحق و كانت مسندة روحها على الباب حاطة يدها على على فمها و رايحة فيها تخمم و مشي قادرة حتى تفهم روحها .. …راح جيهتها سلم عليها …اسلام :واش اية سافا اية بصوت حماسي :حمد الله هيا نروحو …
اسلام : و من وقتاه وليتي تسقسيش عليا …..
اية:علابالي بلي راك مليح هههه هيا نروحو عيشك …
بقى مستغرب منها و من حالتها …ركبو الطونوبيل و طريق كامل و هي تضحك و تهدر نص هدرة و تتلفلها الهدرة تولي تضحك ….
اسلام :و الله يا اية غير تحيري اليوم واش يضحك فيك منعرف على كل ربي يدومها
اية:ههههه ان شاء الله منبعد تعرف علاه ……
______🤡🤡🤡🤡🤡______
لحقو لدار ڨارا اسلام طونوبيلو في باركينڨ …مدلها المفتاح و راحت تجري تحل الباب …..تبع موراها و يشوف برك فيها كيفاش خدودها ولاو حومرين و كيفاه ابتسامة مفارقتش وجهها بعد ما كانت يومين مستريسية و مقلقة كامل ….
______🤡🤡🤡🤡___
طلعت هي غسلت صلات منبعد هبطت توجد العشا …اما هو فرقد في شومبرتهم عيان ….كانت توجد العشا و متسحمسة بزاف ….
حتى تفكرت سيرين جبدت تلفون فورمات نيميرو تاعها …و عطيتلها …تستنى تريبوندي عليها و تدور في الكوزينة ….
حتى ريبوندات عليها ….
سيرين :وي ايوتة هاني كنت نريفيزي ….
اية:كيفاه مع الفيديو سڨمتيهولي ؟ ….سيرين :زوج لمسات صغار و يلحقلك أودي ننسى عفسة كيما هدي 😐
اية:هههه صحا و الله ني خايفة متوترة متحسمة و كلش و الله ني خايفة ميكونش حاب و تكون ردة فعلو كيما كانت انا في البداية ….
سيرين :ياخي تخمينات ياخي خويا و نعرفو و زعما نتي تعرفيه خير مني المهم دوك نسڨملك الفيديو مليح و نبعثهولك خرج يهبل يهبل يهبل ههههه و الله و تنسايش تصوريلي ردة الفعل اني قتلك 😐
اية:يعمري هههه صحا ني نستنا و الله كرشي راهي دارت بيا حالة من الحماس و ميرسي بوكو
سيرين :بيناتناش مينوشة أيا منبعد ان شاء اللهكرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 258🌚⁦❤️⁩:
بعد ما كوبات على سيرين ….راحت توجد الطابلة حتى تسمع لنوتيفيكاصيو لحقتلها …حطت الطبسي لي كان في يدها و راحت عاودت شدت تلفونها …لقات بلي سيرين بعثتلها الفيديو …حلاتو تتفرج فيه و قلبها يضرب …حتى لحقت اللحظة الحاسمة شافت واش كاين ….رجفو شورابها ….ضحكت …و هكاك تسمع اسلام هابط من فوق …غلقت تلفونها متوترة …..و رجعت توجد الطابلة ..
حتى حساتو موراها ….
اسلام :مينوش علاه خليتيني نرقد هكا كامل بزاف …
دارت ليه تحاول تخبي ملامح وجهها غير شافها عڨد حواجبو ….
اية:معلش خليتك ترقد باسكو عيان
حط يدو على جيهة وذنها و توجور معڨد حواجبو ….
اسلام :اية شوفي عجبتنيش يامات هدو دوك تفرغي واش راكي مخبية اني نعرفك مكلاه تخبي عليا ….
اية:ههههه ايه عندك الحق مخبية حاجة و وعد نتعشاو نفرغ كلش و نخبرك منخبي عليك والو ….
طلع حواجبو في زوج و شاعل عينيه يشوف فيها ….
اسلام :تسما صح خبيتي قولي برك دوكا منيش قادر نصبر ….
اية:تشوفش فيا هكاك عيشك نخاف نحبش
اسلام :هاه قولي واش كاين دوك نتعشاش انا حتى نعرف سورتو دوك كي عرفت بلي صح كاينة حاجة
اية :و حق ربي اسلام غير حاجة خير مشي مشكل و لا
اسلام :ني نقولك دوك مكانش كفاه نقعد نتعشا نكوف روحي كي شغل مكان والو و نتي ستعرفتي وحدك بلي مخبية حاجة
اية:يووووف اسلام عيشك نتعشاو نقولك ….
اسلام :اتعشاي مالا نتي انا ني خارج كي تتعشاي نرجع تقوليلي انا و الله متعشيتها حتى نعرف اني حلفت …
خدا مفتاح الطونوبيل حل الباب و جا خارج تبعاتو شداتو و جبداتو بيديها في زوج …..
اية:اصبر صحا نقولك ادخل يشوفوناش الجيران ….
دخلاتو و غلقت الباب ربع يديه يشوف فيها و يسنى واش تقولو …..
اية:صحا دوك نقولك برك نطفي على القدرة و شح فيا انا لي كشفت روحي حبيت حتى نتعشاو مي معلش خربت كلش ….
خلاتو واقف رجعت للكوزينة ….طفات على القدرة ….
اية:نروح نجيب البيسي و نقولك كلش ….
اسلام :علاه البيسي تاني …اية :ياخي راك حاب تعرف مالا خليني نفهمك و باش نفهمك نحتاج بيسي تاعي ….
طلعت دروج تبتاسم وحدها …متحمسة و في نفس الوقت متوترة …بدلت قشها لبست غوب بيضة مطبوع عليها يدين رضيع صغير…
طلڨت شعرها ….شدت بيسي تاعها ….و خرجت من شومبر تاعها تبتاسم ….هبطت الدروج لقاتو يدور في الصالون ……راحت حطت تلفون قدام تيلي مقلوب مشعلة الفيديو …و دارت روحها تشعل البيسي
اسلام :هيه اهدري دوك ….اية:اصبر سع شوف اسلام ني حا نوريلك فيديو صغير فيه تجميع لتصاورنا و فيهم تكتاشف حاجة خلاتني نولي هكا و نخبي عليك ….
اسلام :فهمتش زيد علاه راكي لابسة غوب هديك …..
اية:عجبتني لبستها و دوك تفهم باذن الله ….
ركبت البيسي لاتيلي … دخلت لموقع تاعها تيليشارجات الفيديو لي بعثاتو سيرين ….و دارتلو ترونسفيري باش يطلع في التيلي …غير بدا يمشي حبساتو ….كانت اول فوطو فيهم فوطو كي كانت اية نيفها مجروح و اسلام راقد على الارض يستنى فيها ….عقد حواجبو ….
اسلام :واش هدا ….اية :اني قتلك تجميع لصور تاعنا شوف اسلام ردة فعلك من واش حا تكتاشف منعرف كيفاه حا تكون …باسكو موضوع جامي هدرنا فيه نتمنى تتحكم في ردة فعلك و تجرحنيش …
اسلام :اهدري ازربي راكي طولتي بزاف …
شغلت الفيديو و بدى يمشي ….صور تاعهم في البحر و وسط العائلة مع بعضاهم …مع أغنية حماسية ….مركز على كل فوطو تجوز …و هي تفرقع اصابعها و قلبها يخبط بكل قوة …و تشوف برك فيه كيفاه يتفرج و تستنى اللحظة الحاسمة ….
خلاصو ليفوطو ….و ولات الشاشة سوداء …كان حاسبها تتمسخر عليه …
حتى يشوف فرقعات جاو من تحت و من كل جيهة من الشاشة فهم بلي مزال مخلاصش الفيديو ….زاد ربع يديه معقد حواجبو و هي حاطة يديها على نيفيها و فمها و تشوف فيه برك ….و يبداو كلمات يطلعو …..
و يقرا كلمة كلمة مكونسونطري حتى …..
كانت الكلمات كالتالي ….
اليوم و اخير….بعد ألام … بكاء …حزن.. ضعف.. قوة فرح و تضحيات سوف اجعل العالم يعرف بنظرة من عيني
حبي لك من خلال ثمرة احملها في احشائي الان ….
اسلام …….سمسووووم ….انا حامل ……
و تجي صورة التاست لي دارتو ايةكرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 259🌚⁦❤️⁩:
انبسطت جبهة اسلام …و حس بالدم هبط من راسو لرجليه بسرعة فائقة ……بقى يشوف في كلمة انا حامل يحوس يقتانع بلي صح …حتى خلاص الفيديو ….و فاق من غفلتو على صوت اية تبكي …..
شاف فيها مصدوم لقاها تبتاسملو و في نفس الوقت تمسح الدموع بيديها ….
اسلام بصوت متقطع :اية منك صح ! اية صح راكي اونسانت ؟ اية حا نولي اب !؟!!!!
دورت اية راسها متشوفش فيه و تسمح الدموع ….
راح ليها مزالو في صدمة ….شدها من يديها يحرك فيها
اسلام :قولي و الله نولي اب و نتي ام لي جاي قولي و الله ماهو مقلب قولي و الله مراكي تتسمخري
اية :و الله و الله و الله ماني نتمسخر و الله صح باذن الله تعالى و ادا سهل ربي حا نوليو والدين لنفس الرضيع ….
شاف اسلام لبدنو لي اقشعر ……و يشوف في اية لي تشوف فيه بعيون معمرين دموع ….
رفدها بلا ما يخمم كامل و بقى يدور بيها ….متشبكة فيه تضحك و تدمع في نفس الوقت و هو مزالو في صدمة
حطها للارض …..و بقى شادها من وجهها بكل قوتو …و يضحك و صراتلو كي البهلول يتمهبل ….
اسلام :نولي اب ياخي …..
خلاها و بقى يدور و يتمهبل و يعيط كي دراري صغار ….
عاود رجع ليها يجري عاود حضنها بكل قوتو و هي تضحك ضحكة مخلطة مع دموع …زيرت على الحضن تاعو …..
اية:ني خايفة اسلام كون ربي يسهلي يعيش ولدنا و لا بنتنا نفس لي عشناه انا و اياك
اسلام :هششششششش اسكتي ان شاء الله يتثبت و يطيحش و يولد عادي و نحققو وصية جدنا ….
اية :ياااااا ربيييي ان شاء الله 😭😭😭
اسلام :نحبك اية و الله نموت عليك ….
ضحكت اية ….اية :محسبتش حا تفرح حسبت حا تعيط عليا باسكو مزال الحال و دوك واش يقولو عليا فدار غير تزوجت رفدت
اسلام بتمهيبل :ياعمري يقولو واش يحبو هيه ياخي تزوجنا 5 و خميس في عينيهم ….
ضحكت اية ضحكة لا مثيل لها و فرحت بزاف كي شافتو هكاك جامي شافتو هكاك كامل ..
شعل غنيبة في تلفونو …شد اية من يدها و بقى يشطح و يتمهبل معاها كي طفل صغير و هي غير تضحك و تمسح دموع لي محبوش يحبسو ….
اسلام و هو يتمهبل :و دوك راني حاب نفهم كلش كيفاه عرفتي
ضحكت اية …..
اية :الخطرة لي فاتت كي طلبت منكم سيرين تحبس عند فارماسي انا كنت حاكيتلها بلي كان عندي شي يومين بدوخة و القيا حاشاك ….أيا بدات تتفلسف عليا و انا مدرتش عليها و هبطت شراتلي تاست مدتهولي العشية باش نجربو الصباح …كي نضت الصباح جربتو و مكانش في بالي يطلع صح كان قلبي يضرب و كنت حابة نعيط بصح محبيتش يفيقولي كامل وليت خبيت كلش و عيطت لسيرين خبرتها بصح مكنتش متاكدة خفت لايكون مشي صح كي رجعنا للخدمة خديت رونديفو و الصباح رحت تاكدت و قالتلي راكي في اسبوعك اللول
قرصها اسلام على خديها و باسها بوسة طويلة ….
اسلام : و يااااعمري على مينوشتي و الله نموت عليك و الله
قفزت عليه عنقاتو و جبداتو تديه راحو يتعشاو و هوما في قمة الفرحة ….و بعثت ردة فعل اسلام لسيرين. …كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 260🌚⁦❤️⁩:
جازو الاشهر …و كل يوم يفوت كرش اية تزيد تبان و تكبر…..كل مرحلة صورتها مع اسلام …..عوضهم ربي سبحانو كامل على واش عانو …بجنين في رحم اية اباه اسلام …..و شكون قال بلي اسلام و اية يكون عندهم حياة مع بعضاهم …..كان وحم اية صعيب .. كانت تعاني من الدوخة و من التقزز من بعض الاشياء … و لي عانى اكثر من اي واحد كامل اسلام ….فشحال من خطرة خرجاتو من لاشومبر تقدرش تشوفو ….و شحال من خطرة شعرو تنتفو نتيف ….يكون قاعد في أمان الله تضربو ….و في كل ساعة تشتهي تاكل حاجة حامضة و لا حتى حلوة ……..كانت الفرحة الكبيرة كي عرفو جنس الجنين و فرحو معاهم العائلة كامل . ….كانو كل أسبوع يخرجو مع بعضاهم يشرو صوالح للمولوود الجديد ….غرفتهم ولات معمرة بالصوالح تاع مولود جديد مخلاو حتى حاجة مشراوهاش ……..
_____💕____💕💕
قاعد في بيروه يخدم ….حتى سمع عياط من تحت و صياح و صوت هداك يعرفو .. كان الصراخ جد قوي لحد لحقلو لفوق …..خرج يجري من بيروه ….درجات كانت يهبطهم 4 …4 لحق لطابق وين تخدم اية …لقى الممرضات عندها يعاونوها تمشي و هي تمشي بلعقل منحنية ظهرها …..و تتاوه و تشد العيطة بسيف و مطلعة شويا حيجابها …..
راح يجري عند الممرضات و قلبو قريب يخرج من الخلعة كي شافها هكاك …..
و في نفس الوقت يعيط لي جتمعو كامل يشوفو ليها ..💌
اسلام :روحو تكملو خدمتككككمممممم نتوما روحوووووو …اية حبي اية مينوشة سافا بلعقل برك ياخي تخافيش
شافت فيه خزرة تاع بعد عليا خيرلك غمضت عينيها عاودت حلتهم. …تشوف فيه و متقدرش حتى ترجع نفس مليح …
اية:بعد بعد علياااااا …..
طلعوها الممرضات فلاسونسور و غير تتلوى كامل ….
ممرضة من الممرضات :وقتاه بداتلك الوجيعة
اية:4 سوايع و كرشي توجع بصح مشي هكا كامل حسبت عادي و 10 دقائق لخرين هدوووو ايييييييي منعرف واش ايييييي صارليييييييي ااااااا اسلاااااام نشدك اماماااااااا ارواحي تشوفي بنتك …..

طلعوها لاصال تاع الولادة و اسلام غلقو عليه الباب بعد ما خبروه يروح يجيبلها قشها …..كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 261🌚⁦❤️⁩:
راح كي المهبول يمشي يسوق و يعيط لدارهم يخبرهم و هوما يصبرو فيه باسكو مخلوع ….جاب الكابة لي فيه القش تاع الولادة لي وجدتهم اية من قبل …..
و راح يطير بطونوبيلو يسوق و يصوني لي لقى قدامو متوتر خايف عليها …..لحق هبط كي المهبول يجري ….طلع فلاسونسور …..لحق لطابق هداك …لقى ممرضة تجري ….
حبسها …اسلام :مدام حبسي …..الممرضة:اسمحلي معنديش الوقت
اسلام بعياط :قتلك حبسي واش كاين واش وضع مدام اية يوسفي ….
الممرضة :راهي تولد طبيبة راهي عندها اسمحلي ني مزروبة موسيو
خلصت جملة تاعها و طارت تجري….
…..بقى يحك شعرو و يدور حتى شاف عمو فؤاد جاي يضحك عليه ….ضربو على كتافو ….فؤاد :تقلقش اسلام كلش يفوت باذن الله فاتت كامل علينا
بقى يستفس بالقاوي و يحمد ربي بلي راهم في كلينيك و شدتها الوجيعة لتم و مشي في بلاصة اخرى …..
حتى تخرج ليهم ممرضة ….متجهة عند اسلام ..
فؤاد :شوف اسلام راهي جاية عندك ….
تقدم عندها اسلام و قبلو يخبط …………
الممرضة:موسيو مدام اية ولدت بالباركة عليكم ان شاء الله كلشي مبروك يتربي في عزكم ني محتاجة الكابة
مدلها الكابة و بدون ما يخمم كامل هبط للارض سجد يحمد ربي و يتنفس بالقاوي و فرحان الفرحة دارت بيه حالة حتى حس بلي قلبو يخبط بزاف و لازم يريح شويا
ضحكت الممرضة و فؤاد و هكاك يجي نضير من بعيد يشوفو هكاك حمد ربي عرف بلي خلاصت عملية الولادة …ناض اسلام من الارض و عيونو حومرين اسلام بصوت متقطع :و اية راهي بخير ….
الممرضة :ايه بخير راهي شادة الطفل في صدرها انا نروح و مبروك عليكم كامل …..

.اسلام غير شاف باباه راح عنقو …اسلام لي جامي تجرا يعنق باباه فهديك اللحظة و لا يدير كلش
نضير : بالباركة علينا كامل حمد الله يا ربي و كيفاه قررتو تسموه ……
اسلام : أمين بابا و كاين اسم اغلى من اسم جدي ربي يرحمو ياخي قلنا من غيرو مكانش ….
……….اية فوق السرير لابسة قشها مصفاارة ترضع في رضيعها تتحسس فيه و فرحاااااانة ناسية كامل الوجيعة …و تستنى تشوف اسلام لي راح يجيب النسا …..
لحظات و هي تسمح على شعر وليدها و تشم ريحتو و تشوف كيفاه يشبه لباباه في كلش ….حطت شواربها باستو بوسة خفيفة على خدو و بقات ترضع فيه و فرحة هديك مهما كتبت جامي نقدر نوصفها ..فاحساس الاموة افضل احساس في العالم ( ربي يرزقك كل محرومة ياااا رب )
هكاك و تسمع صوت جري ….و لحظة طلعت راسها و تشوف سيرين عند الباب قاعدة خدودها حومرين من الفرحة …تقدمت بشويا …
سيرين :اييييية ….اية:ههههه سيرين ارواحي تشوفي قدمي …..
قدمت سيرين فرحانة باست اية و منبعد شافت لي بين يديها …..
سيرين :يمااااا اسلام صغير ياااااا ….
و هكاك تلحق الجدة و ام اسلام …..دخلو فرحانات ….راحو سلمو على اية …..
اية :ماني هاني حييت اسم جدي ربي يرحمو ….شدي مولود جديد ان شاء الله يطلع يشبه لجدي
اسم الطفل الصغير مولود على اسم الجد ……
شداتو الجدة و ام اسلام يبوسو ….و هي غير تشوف فيهم و معنقة سيرين …..
هكاك و يدخل اسلام ….ديراكت نظراتو لاية …تشوكا من حالتها …استقبلاتو بابتسامة عرييييضة …..
اسلام :اييية …….
قعد مشوكي و مصدوم عند الباب ….اية بصوت عيان :هههه ادخل اسلام تشوف وليدك تتخلعش فيا هدي هي حالة النافس و عيط لعمي يجي يشوف حفيدو ….
دخل اسلام سلم على أية من جبينها و يشوف فيها ….رجع نظراتو لي بين يدين يماه …..بقى يمشي بلعقل غير شافو ضحك ……
اسلام :وليد باباه خرج يشبهلي
شاف في اية ضحكلها و الفرحة تاعو منقدرش نعبر عليها …..
سمى اسلام و بقى يردد التسمية و شدو من حضن يماه و بقى شاد فيه باستقامية خايف تصرالو حاجة…..
باسو كامل و بقى يتمهبل ……قرب فمو لوذنو كبرلو و اية بقات تمسح دموعها ….كرونيك سادية الحب 🔥🔥.
بقلمي انا..👹 👹 #bibaline 🌚🌚
الحلقة 261🌚⁦❤️⁩:
هابطين من الطونوبيل لي خلاها في باركينڨ….شاد يد اية و رافد وليدهم لي كبر ولى في عمرو عام شاد فيه بكل قوتو بعد ما عاونو هيبة خرجت من طونوبيل و معاها الجدة …..خارجين من الساحة هديك متوجيهن لبرا الباركينڨ…..غير خرجو قابلهم المطار ……توكلو على ربي سبحانو …و دخلو للمطار يضحكو كامل ….
اسلام :بابا تشوف برك كيفاه نحبك هكا صغير و نديك دير حجة ……
ضحكت اية …..شاف فيها ….اسلام :خطرة لي فاتت عمرة دعيت ربي يرزقني بطفل نسميه على جدي و دوك حجة باذن الله غير نوصل خطرة هدي ندعي يرزقنا بجيش من البنات ا عمري يشبهو لماماهم …..
ضحكت اية عليه …اية :انت ادعي و انا نسوفري هههه ….
طلعو الطيارة و توجهو السعودية مرة اخرة خطرة هدي قاصدين ربي بحجة …فبعد ما جمعو دراهم و دارو القرعة و كانت من نصيبهم الاربعة بطبيعة الحال بتدخل شويا معريفة (😂)
كانت الجدة قاعدة بحذا هيبة فرحانات في زوج
اما اية فكانت شادة في يدها وليدها لي نورلهم حياتهم و مقدرتش تخليه حتى لحتى واحد يعسو …و اسلام حاط يدو على كتفها مجمعها ليه ….و يشوف فيها و في وليدو ….
اسلام :اية نحبكم …….اية : حتى حنا نحبوك اسلام …
حشرت رسها في صدرها …..و بقات تشم ريحتو ….و هو مزير عليها …..
_______💕💕💕💕💕____
بعد ما جاز العيد الكبير ….رجعو لبلادهم و استقبلوهم بزغاريت في الفيلا ….دارو عزيمة كبيييرة ….عرضو العائلة القريبة ليهم برك ….بعد ما خذاو قسط من الراحة لبس اسلام قميص مشبوح و اية عباية شابة جابوهم من السعودية بدلو لوليدهم ….و هبطو عند العائلة يتعشاو و يقصرو معاهم ……
اسلام لمروان :واش عريسنا ياخي راك متهلي في ختي …
ضحكت سيرين لي كانت بحذا مروان ….
مروان حشمان :قول ادا هي راهي متهلية فيا انا منيش مڨصر ههههه
اسلام :اصبر برك كون تزيد تحمل و تجيب دراري تشوف كيفاه تتبدل ….
شافت فيه اية :صاااااار … اسلام :علاه نكذب نهار كامل و هي معاه و انا كي شغل منيش كامل فدار …
اية :يخاااه معندكم و الله والو اياااه منين جبت هدا تاني ….
ضحكو كامل …..و كي تجمعو لطابلة …شد مروان فرح ….
مروان :فروحة رمزي يسلم عليك
شعلت فرح عينيها و معرفت واش تقول خلاها و راح شد بلاصة بحذا مرتو …..
و اكتملت العائلة على طاولة واحدة يضحكو و يقصرو و في نفس الوقت ياكلو

شافت اية في اسلام لي شاد ليلوش وليدهم ..و كيفاه يضحك معاه و يلعب و يدلل فيه ….
قالت بينها و بين نفسها :
✨✨✨يا للقضاء و القدر ~ عشت في حياتي ايام بشعة كسواد الليل و عشت أيام مضيئة كالقمر و ضياء النهار ~ انا من تدمرت حياتها في عمر الزهور🍭 ها أنا اليوم اعيش اجمل ايام في حياتي ~ لم أظن أنني سأقع في الحب قط ~ انا تللك الٱنثى الثائرة التي كبرت روح الإنتقام و الثأر كل يوم من عمري ~ وحين جاء الوقت لإنتقامي 💔 لين قلبي و طيبتي الزائدة و انسانتيني وحبه لي ❤ محى كل اوجاع الماضي ~ حين عرفت ماضيه ادركت ان الدنب ليس ذنبه ولا دنبي ~ ~ انا بنت خلقت نتيجة زنى شخصين فما دنبي ~💔~ في رحلتي وجدت حبي الأول و الأخير كان لي بمثابة أبي هو سندي ~ مسندي ~ ملاكي الحامي ~ ✨اصبحنا روحا واحدة ❤ لن تفرقنا سوى الموت ~ وها نحن نعيش افضل اوقاتنا بعد آلاف المعاناة ~✨❤✨

…..و هكذا نكون قد تعرفنا على قصة اسلام و اية في هذه القصة الصغيرة تحت عنوان سادية الحب …..
و كيما كل خطرة بنااات نصيحتي كيما كل خطرة متتدمريش على جال شخص و متخليش العيباد يستشفاو فيك خلي سرك ليك وحدك واحد ما يشاركك فيه و جامي تياسي و تخلي العيباد ييتشفاو فيك …..الصوالح لي حبيت كامل نهدرهم ذكرتهم في القصة هدي فبلا ما نعاود الهدرة بزاف …..و العبد المريض عندو حق يعيش و حافظو على الأسرار هدا مكان …. و كيما كل خطرة نقوللكم نحبكم نحبكم نحبكم و ميرسي على وقفتكم معايا بزاف بزاف …كنت حا ندير نهاية حزينة تفكرت كامل واش صرا قلت خلي نهاية مفرحة ..⁩💕💕
الى اللقاء 💕⁦❤️⁩

#النهاااااااااااية

Leave a comment