Skip links

 3,222 عدد مشاهداات


الجديييييييييد ألكبيدااااااات 😍

#قصة_قصيرة_كوميدية🐸
#كاملة 😋

كتكوني عايشة حياتك بيخير و على خير تا كيزنزن ليك البعلوك درااسك بشي بلان فشكاااال ، نوضي الآلة و ماالي و تقرقيب السطالي نمشيو نتقداو بحالنا بحال الناس الهااي كلااس زعما 😐 و نتي بكل قوااك العقلية تتبعيييه و ماعارفة راسك فين غاتخرجي..!!!؟؟

قصتناا اليوم يا الكبيداات كوميدية رومانسية بامتياااز..! جزر المالديف ! شكون فينا ما حلماتش شي نهار تزوورهم ولو في الأحلام 🙄 و هدا حال بطلتنااااا الليلة.. لي حطت تلاجتها للبيع و ربحات تذكرة باش دوز اسبوع فاوطييل جزر المالديف..! ولكن العجيب فالأمر غتساافر ليه بلا طيارة بلا ڤيزا بلا پاسپور بلا والو غاتمشي غاا فالكار ! تصدمتو ؟ جاتكم عجب ياكو ؟ 😂 ماعلييينا قصتنا اليوم كتبتهاا بحب من قلبي ، باش تقراوها بحب و توصل لقلبكم نتمنى نكوون عند حسن ظنكم و تبعوها معايا من الأول إلى الآخر 🤍🤍

~هو .. عاشق للهدوء و الاسترخاء و الطبيعة 🧖
~هي .. عاشقة للفوضى و الصدااع و الطبيعة بالنسبة ليها حاجة عاادية 💃

ربطو الاحزمة باش تنطالقو معايا فغامرة جديدة ! تجسدات على شكل قصة قصيرة بعنوان #اوطيل_جــزر_الـمـالديــف بقلمي #آسية_بن_لمسلم {رفيسة بدجاج البلديي سابقا 🐸}

#جوطييييييم_بوكوو⁦❤️⁩
🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_1✨

_شبييك لبييييك انا جن بيين يدييك نتي آمريي و انا نفد لييييييك

~ايلا ما بعدتيش مني غانووض نضربهالييييييك

_تفو على زمرة كيدايرة ، طاطحطمي المعنويات العوجة

~نوض حيد من حداياا خختفو على ݣنس

_شاف فيها و عيبها .. انننننننن اننننن تي سيري تلعبي مع ݣرانك

~مااااامااااااا هضرري معااااااه رااااغانوووض نخبطوو مع الحيط

مها من الصالون .. تي تݣاااعدي تفطري راه غايمشي عليك الحال و خلي عليك البرهووش

ناضت مغوبووبشة.. حطات تيل فشارج و تݣعدات من بلاصتها و صايباتها.. خرجات غسلات وجهها.. قضات تخربيقها و رجعات مشطات شعرها مزيان و خلاتو مطلوق و لبسات حوايجها ، ستايلها فشكل.. ماهوا سپور ماهوا كلاس.. حوايحها ديما ميكس.. لبسات تقيشرات بيضين عاد هزت شال لاحتو عليها بعشوائية و شعرها خارج من الجناب كيف ديما ، هزت صاكها فييه تخربيقها و مشات للصالون.. لقاتهم ݣالسين و بداو ياكلو..

مها .. على سلامتك الآلة العروسة

هزات كاس دأتاي تتبرد فيه فتلاتة الكيساان .. الله يسلمك ازيين

شاف فيها خالتها تتاكل الزريعة .. ساانااااا

سناء .. هاااااا

حياة .. نزوجك فاتيح ولا محمود

سناء .. سيري بسعي مني يحموالديك و زايدون سميتي سناء ماشي ساااناااا

سعاد ماماها .. نوضي لخدمتك اديكاه

سناء .. صبري نااكل

سعاد .. تاااكلي جناابك راه طناش و نص هادي باقي ليك نص ساعة

سناء جمعات الوقفة .. ميي صايبي ليا داك الخبز ديري فيه زوبيدة و الحسن انمشي نلبس صباطي (مع خرجات من حدا الطبلة جابت الربحة) ااااااااي

شافت فيها جداها و عوجات فمها هنا و لهيه .. اودي ياااودي على القراية ، ما ضرني غا رااك خدامة

سناء وقفات تتعرج .. دابا اش جااب القراية للطيحة ؟؟؟!

الغضفة جدتها بصوت مدعدع بالݣارو .. سولك نتي الآلة لوستادااا

شافت فيها بنضرة دمن نتيك !؟ حركات راسها تتضحك و مشات لبسات لي بوط ديالها و رجعات هزات الخبز.. سلمات عليهم و خرجات تتزرب لقات الطاكسي تيتسناها…

ركبت و سلمات عليه بيدها .. السلام عليكم بااا صطووف

مصطفى تحرك .. عليكم السلاام ، تعطلتي بعشرة دقايق

سناء تتاكل و تهضر .. عشرة دقائق ديال ليستيراحاا

#يـــــتبع..🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_2✨

دقائق و وقف قدام أجونص ديال اينوي ، ودعاتو و نزلات.. دخلات تتزرب نيشان لبلاصتها لقات شااب فأواخر العشرينات جالس فالكرسي تيدور و طالق الموسيقى.. جرات الكرسي جلسات فالبيرو و حطات الصاك..

سناء .. احح عيييت ، صلمعلمكم بعدااا

سيمو .. عيتيي !! كنتي تتهزي الحجر متلا ؟

سناء .. تا سوووقك سووووووقك لا وااش سووووووقك غاا تعبيير مجازي و قلتو نتا اش مشاليك ياااه على بنادم…

سيمو غوت .. وااااصاافي برااكااا المرض سارطة كاسيطة ؟

سناء عوجات فمها.. العياقة

سيمو .. ديها فالجيهة ضارااك

سناء .. موهيم ماعلينا كااين شي جديد ؟

سيمو نعت ليها فشي وراق .. دوك الفاكتورات لي حداك جابتهم مادلينا اليوم و ݣالت ليك (بدا يعيبها و يعوج صوتوا ) هادو اليوم يكونو واجدين عاودي الحسابات و دخلي كولشي فالپيسي

سناء .. هههههههه ناري بغيتها شي نهار تحصلك تتعيبهاا هههخخ برربي تااتديرلك الشوهة

سيمو .. ما كتصرطش لياا شحال فيها ديال العيااقة و حاطة راسها مااعرت فيين و زايداها بنضيغ المسكة كرهاااتني فشي حاجة سميتها المسكة

سناء .. ياارها بنت مول لاجونص داينوي هههههه

سيمو .. هههههه خدمي خدمي

سناء هزات ستيلو و آلة حاسبة و بدات تتحسب و تقيد.. فنفس الوقت تتهضر معاه و يقشبو…

سيمو .. فراسك ، جات البارح سعيدة

سناء هزت راسها .. اويييليييي حلف !! شقااالت لييك

سيمو .. جات تتقلب عليك و ݣالت ليك غدا فالعشية سيري بلاصيها من الجوج لخمسة و شكرا مسبقااا

سناء .. هننننن لااااااا داانااا مصدووومة اويي غااندوز نص نهار فالجحيييم تاني

سيمو .. وا متزيديش فييه راه غا عيالات و رجالة كبار غتقريهم و صافي

سناء .. لهلاااا يوريييك اش كيديرو لياااا ، عرفتي السيمانة الفايتة واحد المرا قلت ليها الخبز بالفرونسي هو لو بان و المسمن ؟ جاوباتني بكل ثقة فالنفس le lapin ، اما راجلها قلت ليه عطيني حيوان ما فيهمش العضام قالي الكفتة !!!!

سيمو .. هههههههخخ شي نهار نمشي معااك

سناء .. سير بلاصتي غدا حميمتك

سيمو .. دوماااج عندي غونديڤوو

سناء تتعيبو .. عندي غونديڤو نننننن نننننن تا سييري صباطك بلشلاهي لآخر

و هاكا كملو نهارهم فالضحك و مرة مرة يقلبوها شد ليا نقطع ليك ، سناء و سيمو صحاب من يامات الكوليج.. هوا كبر منها بعامين فعمرو 27 عام.. كملو مع بعضياتهم تا وصلو لافاك و تما هوا قرا عام و خرج بدا يقلب على خدمة..! فحين سناء دوزات عامين و قلباتها تكوين مهني تا شدات ديپلومها و لحسن حظها لقات لاجونص ياله فاتحة فالسيكتور عندهم و دارت بلاصتها.. و مباشرة بعد شهرين البنت لي كانت خدامة معاها تزوجات و قدمت استقالتها و داك الساع دخل سيمو فبلاصتها و عاودو حياو دكريات الماضي و صحبة زمان…!

#يـــتبع🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_3✨

تعاشات العشية و ضربات الستة و نص الوقت فاش تيخرجو بجوج.. جمعو مسائلهم و طرقو البيبان عاد خرجو مجمعيين.. حتى صونا الفون ديال سناء..

سناء .. الوو !

الغضفة بصوت مدعدع بالݣارو كالعادة .. باك خرا فسرالو ! فينك ادييك الدايعة ؟؟

سناء .. فييي.. اصطغفر الله العظيم ، هانا جاية علاش اختي ؟ اش بغيتيني ؟؟

الغضفة .. ݣالت ليك مك غتسيفط ليك ميساج فيه التقدية لي خاصة ، دوزي لمرجان تقدايها و ما تعطليش راني حاضياك..!

سناء .. ءءء! {قطعت عليها} سبحان الله

سيمو .. اماالك ؟؟

سناء .. مالك كايكوي البعالك بحالك

سيمو .. شي نهار غنهرس لطاسيلة موك داك الفم

سناء .. ههههه زيد زيد خلص على ختك شي طاكسي لمرجان

سيمو .. كنخرا لفلوس انا ؟؟

سناء .. سيادتكم مزيود فكابينة ؟؟ تفو طليه داك الخرا ألخرا

سيمو .. وا صاااف هنينا تفو على زمرة

سناء .. حسن من صحيبتك ازديقي

سيمو وقف طاكسي ركبو بجوج و شاف فيها بنص عين .. ايييه تال المدام مستقبلا ما نسمحلييكش تهنينيها فوجودي !

سناء بتمياق .. اخرتك تزوج مادلينة بنت مول لاجونص ولا شي وحدة بحالها نتا تجر و هيا تقطع

سيمو .. فمك لاااحسو جرو مجهول ياختي تف تف قل اعود برب الفلق ، بنادم محساد

سناء .. شتي نتاا !! غاتمشي لجهنااااام غابلاتي

مول طاكسي .. الله يهدي الشباااب الله يهدي الشبااااااااب

طربو طم و كل واحد تيشوف لجهة.. مسافة دطريق و قف قدام مرجان و نزلات.. سدات الباب و طلاات عليه من شرجم…

سناء .. شتي نتا روجوولة ، بررب تا غدا نجيب لخويا مسمنة فيها زوبيدة و الحسن

سيمو فرنس .. العززز نتي برررب تا عشييري

مول طاكسي بتسائل .. كيفاش زوبيدة و الحسن ؟؟

سيمو & سناء .. زعما الزبدة و العسل تهلااا/ي

ودعاتو و مشات دخلات لمرجان جرات كروسة و جبدات الفون تشوف شخاصها تجيب.. بدات أولا بدانون و بيمو عاد دازت للزيتون و الحامض مسير.. و كيما العادة ما يمكنش تعزل بلاما تاكل.. دازت للجهة ديال المعجنات تبعاتها الصابون و أومو ماتيك.. و هي فطريقها بان ليها لاݣلاص مشات ليه تتفرنس و تقلب على ارخص واحد.. غا شافت من 20 درهم للفوق قلبات الدورة جيهة المعجنات و تتنݣر…

سناء .. ربعميادريال للفوق واخا يكونو دايرين فيه الكفتة ، اويلي ݣلاص غا صغييور بربعمياا كااملة ، تلاتة اللحسات و مصة و جوج عضات هاهوا كمل..

~استغفر الله ، اش هاد الجيل ما بقاش يحشم

تلفتات سناء لقات وراها مرا كبيرة فالعمر.. واقفة تتعبر الروز و الشعرية… يمكن سمعات اخر كلامها و فهمات الموضوع غلط..!!

سناء .. ا مايمشيش بالك بعيد ألحاجة ، كنهضر على لاݣلاص حقربي

الحاجة .. علاه مالو ؟

#يـــتبع#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_4✨

سناء هزات ميكة و جات حداها تتهز تاهي الفديوشات و الشعرية .. علاه ماشي مغلينوو ، ݣلاص بـربعميااادياال و كون غا كبير اويلي راه غا صغيير تفقصت

الحاجة .. ولاد الحرام ، تيضحكو علينا

سناء .. اييه اصلا لݣلاص ديالهم خايب لا مداق شكل ، مزوينش ݣااع

الحاجة بنيتها .. بصح !؟؟ ايوا نمشي عند ولدي نقوليه بلااش راه سيفطو يجيبو

سناء طلقاها .. ايه سيري سييري راه غادي غا ضيعو فيه فلوسكم و هوما دايرين غا الما و زغاريت اصلا لݣلاص كيتصايب بالحليب هوما تيقولبونا و يديرو معاه الماء

الحاجة على سبة تاهي .. ايه غا السيمانة لي فاتت جابو ليا ولدي و دار ليا واحد الموشكيل ، ما عرفتها تشحريجة ولا تحرزيزة دارها ليا هنا (أشارت لحلقها) سيمانة و انا مريضة ابنيتي

سناء جمعات الميكات و سلمات عليها .. اييوا هادشي لي عطا الله ، لابغيتي لاݣلاص شريه غا من زنقة تيكون رخيص و دوريجين اما هدا لي هنا غالي و غا ميطاسيو

الحاجة هزت ميكاتها تاهي .. ايه عندك الصح.. ياله خليت ليك الراحة و شوكران

سناء .. نهارك مبروووك

كل وحدة دازت من طريق و مشاو يعبرو… غا سالاو مشات الحاجة نيشان قاصدة ولدها لقاتو جاي و رجعاتو قالت ليه رجع لݣلاص غا كيضحكو علينا.. فحين سناء كملات طريقها تتعز و تخير داكشي لي باقي خاصها… نص ساعة و شي دقايق عاد سالات و مشات خلصات.. جرات الكروسة و مشات جهة الماكلة طلبات ليها بيتزا صغيرة و كانيطة و ݣلسات تاكل على راحتها… حتى كملات و خلصات. و مشات راجعة باش تخرج… و هيا فطريقها لفت انتباهها صندوق القرعة لي كيدار مرة فالشهر ولا شهراين..

سناء .. خويا نسولك ؟

العامل .. مرحباا اختي

سناء .. القرعة شحال خاص ؟.

العامل .. تكوني تقديتي كتر من 250 درهم ، كتبي النمرة ديالك فالورقة و لوحيها هنا.. كيتهزو تلاتة الناس ،. و كل واحد و شنو كيربح

سناء .. و شنو غنربح ؟

العامل .. هادشي لي نقدر نقوليك دابا اختي ، الجائزة ما كنعلنوش عليها دابا

سناء .. واخا شكرا لايحفضك

جبدات ورقتها نشوف لقات راسها مقدية 600 درهم و الصرف.. فرنسات و كتبات نمرتها و لاحت الورقة تما تاهي متأملة تربح هاد المرة..!

خرجات و صونات على سي مصطفى جا هز معاها الميكات و وصلها للدار…

#يـــــتبع🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_5✨

داز النهار طااير و جااا اللييل.. الليل يا ليييل و انا عمري و يا لييل طيرارارااا..

جوايه تسعود ونص العشا قرب يطيب و هوم امجموعين فصالون دايرين أم بي سي بوليوود.. الغضفة متكية فالقنت شادة حدا الشرجم تتبرم جوانها ما مسوقاش ليهم.. سعاد و مليكة ختها مخرجين عينيهم فالتلفازة متبعين الفلم باهتمام و الزريعة ما فارفاتهوومش… أما سناء شادة الفون تتخربق فيه..

جا عندها خوها صغير أسامة هاز فيديه دانون تياكلو بصبعو و جلس حداها…

أسامة .. عطيني لعب

سناء .. سير لعب حدا داااركم

أسامة .. اري غا طرح حموالديك

سناء شافت فيه مخصرة وجهها .. سير هز معيلقة أزمر شتاتاكل بصبعك ! مريض فمخك لا ؟؟

أسامة قلز ليها .. الصبع فيه البنة (قرفداتو) تي ماااالك ؟

سناء خنزرت فيه .. على التقليزة ألحيماري !

أسامة .. را غاااوريتك البنة

الغضفة .. هنييونا !

طربو الطم و هوما تيخنزرو فبعضيااهم… ناضت سعاد عمرات الزلاقة بزريعة و رجعات التي تتفرج… شوية نزل شاب ڤواهر العشرينات.. لابس و مريح و شاد الفون تيتميساجاا.. وقف على الغضفة و قال…

~شي ݣارو لايعفو علينا و عليك

الغضفة .. كيشريه ليا باك ؟ سير لايسهل عليك اوليدي سير عند موك

مليكة .. فاتيح نزوج ليك سناء

شاف فيها .. انا محمود ماشي فاتح ! و زايدون راني مصاحب (فاتح و محمود توأم)

شيرات عليه بجلوف الزريعة .. تتقول فيها. بوجهك حمر ! لاايمسخك

جا ݣلس حداها .. شي عشرة دراهم ألواليدة تا نردها ليك فاش نتزوج لاحااافضك

مليكة .. فين غادي بعدا ؟

محمود فرنس .. عند عروستك المستقبلة جاوها الهرمونات مسكينة و بغات سقاطة

مليكة ليعاتو .. يااااك أولد لحراااام انا نعطيك لفلوس و نتا خسرهم ليا على الخوينزات ! مااحشمتيييش ؟

محمود باس ليها راسها .. عافاك غا عاد المرة غا اري غا عشرين درهم و صافي

مليكة .. ياله قلتي عشرة دراهم !

محمود .. ءء ؟ غا اري عشرين يعوضك سيدي ربي

جبداتها ليه تتنݣر.. ناض باس راسها هيا و سعاد و الغضفة.. نتف سناء و قرفد أسامة عاد خرج مخليهم تيعايرو فيه… ناضت مليكة جابت العشا و تجمعو ياكلو… سناء كل تفكيرها مع القرعة و تتمنى تربح تاهي… توخرات هيا فالماكلة و هوما رجعت لور…

سعاد .. اللخر يجمع الطبلة و يغسل لماعن

مليكة .. تصبحو على خير

الغضفة .. طفيو الضووو

سناء .. ايوا لايخليها قاعيدة 🙂

أسامة .. ههههههه ارررعد

خنزرات فيه و ناضت بتذمر تتجمع الطبلة و تنݣر فخاطرها… بعد مدة جمعات الكوزينة و طرقاتها و طلعات تنعس.. ياله حلات باب بيتها تحل باب اخر و خرج فاتح تيبسبس عليها..

فاتح بهمس .. سسسسس اجي نقوليك

سناء بهمس .. شكاين ؟

#يــــتبع..🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_6✨

فاتح .. فين موك و مي و مهم ؟

سناء .. مي فبيتها و مك فطواليط و جداك شادة باقي ما سالت ليها الݣارو

فاتح .. ياك انا خوك عزيز عليك ياكي ؟

سناء .. لاااا

فاتح .. شوفي سلفيني غاااا خمسين ردهم

سناء .. شنووووو

فاتح .. ءء ربعين درهم (خرجات فيه عينيها) زعما تلاتين درهم

سناء .. تلاتين كاملة ؟؟؟

فاتح .. صافي اري غا عشرين نردها ليك فاش يتزوج خويا

سناء .. قهرتوني نتا و خوك تسنااا

فاتح .. العزززز

دخلات جبدات ليه عشرين درهم و خرجاتها ليه ، ذكرها و مشا تيتسلت تابع خوه… دخلات تاني لبيتها جمعات شعرها ضفيرة خفيفة و مشات تنعس…

صباح جدييد باحداث جديدة.. ناضت سناء على أنغام الطرب الأندلسي من حنجرة خوها الصغير لي ولف كل صباح مع العشرة يجي يصدعها بخربيقو تا تفيق تتعاير فيه و يهرب ليها… دارت تيل يتشارجا و مشات للطواليط قضات تخربيقها و رجعات جبدات حوايجها لي غتلبس و عاد نزلات…

لقاتهم فصالون كالعادة… حاطين الفطور صبحات عليهم و جلسات.. دراهم عادية كأس دار مغربية ، من جوج طبقات و سطح.. الطبقة الأولى فيها جوج صالونات واحد صغير تيجلسو فيه و تتنعس فيه الغضفة و مليكة و واحد اخر كبير شوية مسدود للضياف.. عاد كوزينة و طواليط و دوش.. اما الطبقة التانية فيه بيت صغير لسناء و بيت كبير لفاتح و محمود و بيت متوسط لسعاد و أسامة.. عاد طواليط وسطها دوش… و سطح..!

جمعات الطبلة و عاناتهم شوية فشقا فالكوزينة… عاد طلعات لبسات حوايجها لبيسة أنيقة فالغوز باارد و هزات صاكها و الفون و خرجات بعدما سلمات عليهم.. كل عليها أسامة من الشرجم و قال..

أسامة .. جيبي ليا معاااك پولوو اختي اازويينااا

سناء .. كولورادوووو

كملات طريقها تتضحك و مشات باتجاه المدينة تتقضا شي تويشيات ليها عاد تمشي للمدرسة.. و هيا فطريقها تبعها واحد من صحاب تشا و تشي.. نميلو و منطيحوش اعشيريي.. كل مرة يبسبس و يلوح ليها كليمة و صور تعايرو.. مابغاش يعطيها تيسااع و مازال زايد فيه تا نرفزها و دارت ليه طالع ليها الزعاف…

سناء .. شكاااين ابنادم ؟؟

هوا .. الغوز و الپوز و العشا بروز عجبتشينييي و بغيت النمرة

سناء .. سير عطيني تيساع !

هوا .. تشي غا عطيني ما يخصك معايا تشا خير ازين دياالي

الشمس قهراتها و هاد خائنة باينة ما غيعطيهاش تيساع.. شافت تا عيات و فتات عيله نمرة فاتح..

سناء .. ياله عطيني تيساع

هوا فرنس .. لاحااافضك ليا أحووبي ، تشهلاااي و رااك غاية بلا مراية

بقا واقف حاضيها تا دخلات المحل عاد مشا بحالو فرحان بالنمرة…

#يـــتبع…

لايحفااضكم ليا احبووباااتي 😂😂🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_7✨

بقا واقف حاضيها تا دخلات المحل عاد مشا بحالو فرحان بالنمرة…

دوزات نص نهار غا فدوران تشري هادي و تحط هادي تا وصلات وقيتة الغداا.. دازت لواحد السناك كلات داكشي لي قسم الله و خرجات سيفطات ميساج لمصطفى.. عشرة دقائق وصل عندها… وصلها للمدرسة و مشا هوا دا التقدية ديالها لدارهم…كانت مدرسة صغيرة فيها جوج أقسام و طواليط.. واحد لمحاربة الأمية و القسم لآخر كتحط فيه الأستادة حوايجها و تبات فيه…

و حيت ما كاين لا مدير لا والو فاش تيكون عندها شي شغل ضروري كتطلب سناء تجي تقريهم بلاصتها…

حطات صاكها بعدما لقات عليهم السلام.. كانو تلاتة الرجال و ربعة العيالات.. هزات روجيستر محطوط اما باش تعرف شنو خاصها تعلمهم اليوم..

سناء .. ادن اليوم انعطيكم الحروف و نتوما تعطيوني كلمة كتبدا بداك الحرف صافي ؟

الكل .. حاااضيير

سناء .. دواحة !

دواحة .. حاااضيييرة

سناء .. عطيني كلمة بحرف الألف

دواحة .. أهيااناري

سناء بنضرة من نيتك .. هادي كلمة ؟

دواحة .. و مالاااا كيجاااتك ؟

سناء غمضات عينها و تنفسات بعمق.. قالت يهمس .. ماغادييش نتعصب صافي ما غنتعصبش

سناء .. سي جيلالي

سي جيلالي .. هاااهوااا

سناء .. كلمة بحرف الباء

سي جيلالي .. فلول ولا فلخر ؟

سناء .. فينما كانت

سي جيلالي .. باراج

سناء مسجات وجهها ..ياربي تعطيني صبر ، ݣلس بلاصتك.. فاتيحة

فتيحة .. هاااهي اوستادااا

سناء .. كلمة بحرف الميم

فتيحة فرنست 😀 .. موك

سناء .. لاالة فاطيييم

لالة فاطيم .. حاااضيييرة

سناء .. كلمة بحرف الميم

لالة فاطيم .. ماااركييييز

سناء شهيق زفير .. صافي تهدنيي تهدنييي ماتعصبيشااااي ، ماعلينا عشوشة

عشوشة .. هانعاااام اوستادة !

سناء .. كلمة بحرف الكاف

عشوشة .. كابيناتون

سناء تفقصت .. ياربي معامن انا 😫

#يتبع….🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_8✨

سناء تفقصت .. ياااربي معاامن اناااا 😫 سي المعطي

سي المعطي .. حااضير

سناء .. عطيني جملة مفيدة

سي المعطي .. ماامنوع الكريدي و الرزق على الله

سناء .. سي لحسن ، كلمة بحرف النون

سي لحسن .. ناموسية

سناء .. دواحة ، كلمة بحرف الخاء

دواحة .. خرية

سناء .. اويييلااااي اويييلاااااااي يااويلاااااي ، عشووشة

عشوشة .. حاضيييرة

سناء .. جملة مفيدة و أول كلمة فيها تكون بحرف الشين

عشوشة .. شقوفة مبرومين أبنيتي

دواحة .. را جوان لي تيكون مبروم اخويتي ماشي شقوفة

عشوشة .. و السبسي ؟

لالة فاطيم جبداتو .. هاهوا سبسي اخويتي

سناء ضربات فالطبة .. هنيونااا ، لالة فاطيم حيدي السبسي

لالة فاطيم .. مال مك شارياه ليا باش نيحيدو ؟ غانطفيه تال ليستيراحاا و نشعلو

جبدات الروجيستر تاني تتشوف شنو كاين.. قررات تبدا تسولهم اسئلة تقافية..

سناء .. فاتيحة شكون لي سبق للأرض ، الدجاجة ولا البيضة ؟

فاتيحة .. البيضة

سناء .. و منين خرجات ؟

فاتيحة .. من خرزتك أبنتي

سناء زيرات سنانها بغيض .. عشوووشة

عشوشة .. حاااضيييرة

سناء .. حيوان ما عندوش السنان ؟

عشوشة .. جدة لايرحمها

طفح الكيل !! سدات الروجيستر و قفات عليهم .. ياله نوضو لديوركم

لالة فاطيم .. تي مالكي زربانو مازال ما قريتها مزيان اوستاداا

سناء .. عندكم عطلة غا نوضو

عشوشة .. و تسناي عفا بنيتي راني دايرة رانديڤو

#يتبع…

أراائكن 😂🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_9✨

عشوشة .. و تسناي عفا بنيتي راني دايرة رانديڤو

سناء .. نوضي ألحاجة لايهديك نوووضي

نوضاتهم كاملين جمعو ادواتهم و خرجو.. هزات صاكها تاهي و خرجات نيشان باتجاه دارهم.. فطريقها تلاقات سيمو و صاحبتو تياكلو حمص كامون ، مشات جلسات معاهم شوية و كملات طريقها للدارهم مسخشخة باغا غا امتا توصل باش تنعس…

دازو 4 أيام روتينية عند سناء.. كتمشي تخدم و ترجع تدوز باقي وقتها فالدار و تناسات القرعة.. كانت جالسة تتخربق فالتيل.. حتى طلع ليها واحد السيت و دخلات تشوف شنو فيه.. لقات انه لي تيحط فيه شي حاجة و تباعت فأقل من أسبوع و دار خمسة الإشهارات للسيت ديالهم كيدخل معاهم للقرعة..

سناء .. نحط الغضفة ؟ لا لا انحط خالتي حسن باش ما تبقاش تابعاني باش تزوج ليا ولادها ههههه

ناضت تتضحك على أفكارها السخيفة.. لبسات صندالتها و نزلات عندهم كانو مجموعين فصالون..

مليكة .. ساناااا

سناء .. هممم

مليكة .. نزوج ليك محمود ولا فاتيح ؟

سناء .. ياااربي تصبرني ، ماغانتزوجش بولادك ا مليكة غا تهناي و اصلا انا كبر منهم بعامين و انا باغا شي واحد يكون هوااا لي كبر مني

مليكة عوجات فمها .. سيري اخرتك يديك العربي مول الحانوت

سناء .. نشبع غاا سقاطة اختي ، حسدتيني ؟

الغضفة .. اهنيونااا ياااوااا ! ساناا جيبي ليا ديك الطفاية لايرضي على بنتي

سناء ناضت نجيبها .. الرضا و الطفاية ؟! سبحان الله

حطاتها ليها و مشات حدا الشرجم شادة جوانها.. جات سعاد حطات ليهم القهوة و كيكة صايباتها سناء.. دخلو التوام بجوج و أسامة لي كانو خارجين و لصق فيهم.. غسلو يديهم و جاو جلسو معاهم..

سناء .. مضروبين بمغرفة ؟

فاتح .. سولي مك

سعاد .. ومالها ما تسول مك تاانييت ؟

محمود .. ياله تلݣااا ههههخخ

مليكة لسناء .. تي ما خداماش ؟

سناء .. ناكل و نمشي !.

أسامة .. ديني معاك حميمتك

سناء .. تمشي تبعد مني لا ؟

أسامة .. سيري يالمسمومة العوجة

سناء .. العوجة هيا مك

سعاد شيرات عليها بمعيلقة .. حاشاك اكبيرت العوجات

#يتبع…🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_10✨

سناء ناضت تتحك يديها .. هانا نايضة ݣاع و خليييو ليا حقي تانجي فالعشية

محمود .. حقك فجهنم ءء جنة زعما

طلعات دوشات بزربة و بدلات حوايجها.. هزات مسائلها و خرجات تتزرب و فنفس الوقت صيفطات ميساج لمول الطاكسي باش يجي عندها.. دقائق و كان قدام الباب ركبات و مشا بيها نيشان للاجونص..

لقات سيمو ياله وصل تاهوا.. تشالمو و كل واحد شد بلاصتو.. ياله بغات تبدا خدمتها صونا الفون برقم ما مسجلش عندها..

سناء .. وي شكون معايا ؟

…… السلام عليكم ، مادموزيل سناء العبدي ؟

سناء باستغراب .. اه هيا انا كاين شي منقضيو ؟

… كنتي شاركتي فالقرعة لي كينضمها مرجان كل 3 أشهر ، مبروك عليك اسمك مع الفائزين فهاد القرعة

سناء بصدمة .. حلفييي ! قولي والله تا ربحت

…… ههه والله تا ربحتي ، ممكن تعطيني عنوان داركم باش نوصلو ليك الجائزة ديالك ؟

سناء .. ءء. ؟ اه واخا عرفتي شارع ******** الدار رقم 9 بابها كحل

… داكوغ مادموزيل شوية و جائزتك اتوصلك

سناء .. و و واخا شكراااا اختي

قطعات عليها مامتيقااش راها ربحاات ، ناضت ديك الساعة تتنقز بلاصتها و تغوت مخلية سيمو غا تيرمش ما فاهم والو..

سيمو .. شايلاه اموال بوزكري ، رجوع الله راك تشيرتي

سناء بفرحة .. ربحت ررررربحت فالقرعة ديال مرجاان اححح مازااال ما تيقت واااااااااععععععع ناااري مامتيقااش اوف شداتني السخفة

سيمو .. شنو ربحتي بعدا ؟

سناء .. ماݣالتلياااش ، شوف بالروجولة خدم بلاصتي ليوم انا غانمشي نشوف اش ربحت تال شي نهار و نعوضك لااايحفض ليك صاحبتك

قبل ما ينطق هزات صاكها و خرجات تتجري.. اول طاكسي لقات قدامها ركبات فيه مابطا عليها امتا توصل…

دقائق كانت قدام الدار غاو نزلات من الطاكسي تحرك كاميو بيض كبير من قدام دارهم.. مشات تتجري حلات الباب مبتاسمة.. ما إن لمحات داكشي محطوط وسط الدار بدات الابتسامة تتحول لصدمة..

سناء …اش ربحت

الغضفة حيدات الݣارو و نفحات الدخان فوجهها .. ثلاااجة ابنت سوعااد ، خساارة ماضرني غا راك قارية و تتخدمي جايبة تلاجة ايوا دخلي فيها ابنتي بردي الصدمة

#يتبع…
احاااااا 😂😂😂😂 صدمة قوية🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_11✨

دقائق كانت قدام الدار غاا نزلات من الطاكسي تحرك كاميو بيض كبير من قدام دارهم.. مشات تتجري حلات الباب مبتاسمة.. ما إن لمحات داكشي محطوط وسط الدار بدات الابتسامة تتحول لصدمة…

سناء …اش ربحت

الغضفة حيدات الݣارو و نفحات الدخان فوجهها .. ثلاااجة ابنت سوعااد ، خساارة ماضرني غا راك قارية و تتخدمي جايبة تلاجة ايوا دخلي فيها ابنتي بردي الصدمة

سناء بعد تصديق .. ءءء ؟ تلاجة ؟؟ اويلي حلفي بالله !

فاتح داز من حداها تيضحك .. ههههههخخ صدمة قوية طيرارارااا

بقا غا تتشووف ، جاتها البكية و الصدمة و الحݣرة كولشي تخلط عليها.. لاحت صاكها و ربعات فالأرض تتشوف فديك التلااجة تا وقفات عليها مليكة تتاكل الزريعة..

مليكة .. طلعي ديك التلاجة لبيتك عفا بنتي ، الكوزينة فيها جوج تلاجات ما كايناش البلاصة

سناء .. ديك التلاجة غنخرݣهاااا هننننن علااااااش اسيدي ربي علااااش

جمعات الوقفة و طلعات معصبة بدلات حوايجها.. تتفكر فديك التلااجة اش غديير ليها.. فجأة تفكرات السيت لي شافت الصباح.. وسعات عينيها بفرحة وهزات الفون نزلات طايرة تتصور فيها.. طلعات تاني و بدات تقلب عليه.. بزز باش لقاتو و دخلات ليه بالفايس و سجلات المعلومات ديالها.. حطات تصاور ديال الثلاجة و كتبات عليها للبيع.. طلع ليها ميساج من عندهم تيخبروها باش تدعمهم بخمسة الإشهارات و داكشي لي كان..دارت الإشهارات و نزلات جمعات تيليفوناتهم كاملين بربعة.. دخلت للسيت و مشات دعمات منشورها باش يطلع لكلشي و صونات لسيمو…

سيمو .. اش ربحتي ؟

سناء بحسرة .. تلاجة

سيمو بصدمة .. ءء ؟ من نيتك ؟

سناء بدات تغبن .. هننن وااييييه

سيمو .. هههههخخخ و اش غديري ليها دابا ؟

سناء ..غنجيبها ليك كادو فاش تزوج بمادلينة

سيمو .. لاينعل طواسلك

سناء .. هههههه اوففف لقيت واحد السيت تيحطو فيه داكشي يتباع و لي تباع فأقل من 5 ايام تيدخل للقرعة ، دابا بالروجولة انبارطاجي معاك السيت دخل ليه و دعم منشوري

سيمو .. اش ندير ؟؟

سناء .. الكالاااخ ، انسيفط ليك ليان و دخل لپوسطي دير شي كومنط و لايك و شي اشهااار و طاݣيني و شكرا مسبقااا

سيمو بعد تفكير .. لقيت ليك الحل واقيلة.

سناء .. لي هوا ؟

سيمو .. واحد السيد تانعرفو باغي يشري تلاجة ، نعطيك نمرتو ؟

#يتبع…🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_12✨

سناء .. لا لاا سيفط ليه السيت و قوليه راه واحد السيدة حاطة تلاجة باقا جديدة للبيع باش نربح و ندخل للقرعة

سيمو .. صافي ، اه و شحال بغيتي فيها ؟

سناء .. 120 ألف ريال

سيموو .. نعاااام ؟

سناء .. 100

سيمو .. ما سمعتكش

سناء .. 85 ألف ريال والله ما نقص واخا تولي صمك

سيمو .. صافي ياله تلاحي انهضر ليك مع السيد

سناء .. العززز

#بعد_مرور_تلاتة_ايام…

دازت 3 أيام ، تواصل السيد مع سناء و تفاهم على كولشي .. و هاهوا اليوم جا ياخد تلاجتو و عطاها فلوسها كاش.. دخلات للدار فرحانة بييهم و دورات مع مالين الدار كاملين و داكشي لي بقا ليها خدات 10 ألاف ريال خلاتها عندها و شي لآخر عطاتو لماماها تخزنهم ليها.. طلعات تتجري تشوف واش وصل شي ميساج.. و فعلا لقات اسمها دخل للقرعة لي باقي نص ساعة و غيتعلن شكون ربح و اش ربح..

نزلات تاني عندهم و ݣلسو مجموعين فالصالون.. شاف أسامة فيها و قال..

أسامة .. شتي نتي عزيزة عليا حق سيدي ربي ، نتي واحد الأخت مميزة ليس لكي متيل في هده الدنيا ابدا ابدا ابدااا يا اختي الزوينة

فاتح .. اللغة العربية في عداد المفقودين

أسامة .. تا سييير اش تتعرف فالعربية ، كلاخ

فاتح .. راا غنوض ليك ! غاانووض ليييييك

أسامة .. و مااااالك ، تصحااابني خاايف منك ؟

تحرك بلاصتو بحالا نايض ليه.. طار أسامة من بلاصتو تيجري جهة الغضفة لي ياله بغات تسد الجوان صدق ضارب ليها يديها و تشتت داكشي فوق الزربية.. بقات تتشوف فيه بصدمة ، كيما هوا تيشوف فيها بصدمة.. فالتالي بدا راجع بشوية لور ياله دار باش يهرب ما عرفها كي دارت ناضت جمعاتو بنص..

تهزو بالضحك و هوا مارضااش بدا يبكي.. عاد ناضت ليه سناء عنقاتو عندها و داتو للكوزينة تتهضر معاه باش ضحكو و عطاتو دانون عاد رجعوو.. حطاتو فصالون و طلعات ملي زنزن تيليفونها.. لقات رقم ما مسجلش عندها ، بلعات ريقها ببطئ و جاوبت..

سناء .. الو !

…….مادموزيل سناء العبدي ؟

سناء .. هيا انا ! شكون معايا ؟

……مبروك عليك ، تبغي نبشرك نتي لي فزتي فالقرعة ديال****

سناء بلهفة .. و اشنو ربحت ؟؟؟

…….تذكرة باش دوزي أسبوع فأوطيل جزر المالديف !!

سناء بعدم تصديق .. ءءءء ! نعاااام ج جزر المممممالديف حلفي ناااارييي قولي والله

………هههه صيفطنا ليك التدكرة فالإيمايل ديالك ، عندك يوماين جمعي حوايجك و جي ل**** باش تنطالقو فالرحلة ، نتي و الناس لي ربحو هاد الشهر تاهوما ، نهارك مبروك

قطعات عليها مخلياها فحاالة صدمة ، فرحة ، عدم تصديق ، ما تيقااتش راه بصح غتمشي لجزر المالديف دوز سيماانة… طارت جهة النارية تتضحك و تنقز و بدات تجمع حوايجها…

#يتبع…
أجزاء الغد فيهم والحد الصدمة سبيسيااال 😂😂😂 بونوي🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_13✨

………هههه صيفطنا ليك التدكرة فالإيمايل ديالك ، عندك يوماين جمعية حوايجك و جي ل**** باش تنطالقو فالرحلة ، نتي و الناس لي ربحو هاد الشهر تاهوما ، نهارك مبروك

قطعات عليها مخلياها فحاالة صدمة ، فرحة ، عدم تصديق ، ما تيقااتش راه بصح غتمشي لجزر المالديف دوز سيماانة… طارت جهة النارية تتضحك و تنقز و بدات تجمع حوايجها…

كل ما هوا ديال الصييف و البحر خشاتو فديك الباليزة.. هزات حتى الكاش و الطربوش و عاد تلاتة اللبيسات صيفيين ديال الخروج.. نزلات عندهم فرحانة و تسناتهم تا تجمعو بالصالون كاملين عاد قررات اخبرهم..

سناء هزات كاس و ضربات فيه بالفورشيط .. انتبااااه

شافت فيها كاملين… مليكة .. مالكي ؟

سناء .. احم خام بكل تواااااضع غانمشي لجزر المالديف

سعاد .. شناهوما هادو ؟

سناء و القلوية فعينيها .. والحد الدولة واااعرة فيها البحرررر وااااعررررررر

فاتح .. متأكدة ؟؟

سناء .. ياااااس

محمود .. و كيدرتي ؟

سناء بدات تعاود ليهم على التلاجة لي تبعات فالسيت و كيفاش ربحات .. هدا ما كااان

فاتح .. بالروجولة عطيني هاد السيت نحط فيه محمود نربح تانا شي تسافيرة

محمود قرفدو .. حط مك

فاتح .. تا ريح ، مي هيا مك

مليكة .. انا لي غانحطكم اولادي راكم كبرتو تبااركالله ، ماتترفو نربح شي حاجة نغسل غا عضيماتي

فاتح .. و تسخاي بولادك

مليكة .. امتا ولدتكم ؟ اصلا ما تنعرفكمش !

الغضفة .. وا سبحان الله

سناء .. وا سمعوووا ، غانمشي سيماانة لجزر المالديف و نرجع

أسامة .. جيبي ليا شوية ديال الرملة ديالهم حميمتك

سناء .. واخااا

سعاد .. دي معاك شي بوديزة و جيبي لينا المااا

سناء .. مالو ديال زمزم ؟؟

فاتح .. خوك انا ديري ليا شي ديديكاس من تماا

سناء .. واخااا

محمود .. و انا جيبي ليا شي. قنـ.ـبولة من تمااا

مليكة .. تتفر.ݣع عليك

محمود .. وااالاااا ، زعما شي قووقة توتوووزة

#يتبع….#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_14✨

فاتح .. اه اه تانا بغييت ، جيبي لينا شي جوجات الواحد

الغضفة .. مالها بغات تخطبكم متلا ؟

فاتح .. باش ايلا ما صدقات هادي تصدق هادي

أسامة .. وا شوفي ليا معاك اختي شي وحدة مطرفة و عينيها زرقين

سعاد ليعاتو .. تا سكت راك باقي صغيير ديها فقراايتك

أسامة تيحك القرصة .. وا بغيييت نكمل ديني بتيتيز

سعاد .. شحال فعمرك ؟

أسامة .. تمنية

مليكة .. كاملين النص اللول بقاا لبووك غا التاني

أسامة .. و ورااا بدييييت نصلي مالك

و هاكا بقااو كل واحد يقول ليها جيبي ليا هادي و ما تجيبييش هادي.. وصل الليل و تجمعو على طبلة العشاا.. كل هضرتهم على جزر المالديف و الغضفة دور دوور و توصي سناء ترد بالها فالطيارة….

دازو يوماين بسرعة البرق.. و هاهي اليوم سناء واقفة فالبلاصة لي عطاوها.. لقات بعض الناس واقفين تاهوما بصيكانهم و تايتسناو… شوية حتى بان ليهم الكار وقف حداهم مكتوب عليه اسم الموقع لي تابع لييه…

تبعات الناس و حطات تاعي لاكارط ناسيونال ديالها خداو لي زانفوو لي خاصهم و وراتهم البيي فتيل.. عطاتهم الباليزة و طلعات ركبات بلاصتها.. كانت الساعة 7 ديال الصباح.. عنقات صاكها عندها و غمضات عينيها تنعس بينما وصلو للمطار…

وصلات 12 ديال النهار و وقف الكار فواحد السطاسيون باش ينزلو يتغداو على حسابهم… تجمعو فطبلة وحدة و حطو ليهم دجاج محمر و المونادا.. كياكلو بسكات من غير لي تيعرفو بعضياتهم منغمسين فشي حديث.. كملو و جمعو الوقفة و تفرقوا.. لي مشا غسل راه مشا و لي دخل للطواليط راه دخل.. خلا ليهم 10 دقائق عاد كلاكسونا باش يتجمعو و ركبو تاني و داك الساع كل واحد شد جوج بلايص تكا فيهم… جبدات الفون هضرات شوية مع دارهم.. فالتالي درات الكيت و نعسات تاهي…

ما فيها غير يدين شي مرات تتزعزع فيها.. قالت ليها راه وصلو…ناضت فرحانة.. مع خرجات برا الكار ضربها واااحد سمييقلى تا تكورات فراسها..

سناء .. اححح البرررد فالمطااار ءء! بلاتي بلااتي

رجعات خرجات و بدات دور عينيها بصدمة على البلاصة لي واقفة فيها… كيبان ليها غا الجبال و الطبيعة.. عاد واحد الاوطيل داير بيه الثلج و فيه ضواو بزاف… مكتوب عليه #أوطيل_جزر_المالديف ، مافهماات والو…

سناء . اوييلييي فين اناااا ؟

وقفات حداها مرا سمعاتها و قالت .. مرحبا بيك ابنتي فأوطيل جزر المالديف ، هاد الاوطيل جا فهاد الجبل علامزينااتووو يابنتي ، كون تشوفي الواد لي دايز من حداه نقي و زرق تشوفي فيه وجهك و داير بيه الحجر بيض داكشي باش سماوه اوطيل جزر المالديف

سناء بصدمة .. ح حنا فالمغرييب ؟؟

المرة .. لاا في ميريكان ! هااء وا راااه باينة المغريب على ما شتيش الراية فالاوطيل ؟!!

بقات غا تتشوف.. الصدمة كانت قوية بالنسبة ليها.. لسانها تشلل ما عرفات ما تقول.. شافتهم تا يدخلو تنهدات و جرات باليزتها..

سناء . انااا لله اودا حمادي ، لي ماعندو زهر ما عندو تاافخلا داار بووووه !!!

#يتبع…
احاااااا 😂😂😂😂 أرائكن🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_15✨

سناء . اوييلييي فين اناااا ؟

وقفات حداها مرا سمعاتها و قالت .. مرحبا بيك ابنتي فأوطيل جزر المالديف ، هاد الاوطيل جا فهاد الجبل علامزينااتووو يابنتي ، كون تشوفي الواد لي دايز من حداه نقي و زرق تشوفي فيه وجهك و داير بيه الحجر بيض داكشي باش سماوه اوطيل جزر المالديف

سناء بصدمة .. ح حنا فالمغرييب ؟؟

المرة .. لاا في ميريكان ! هااء وا راااه باينة المغريب على ما شتيش الراية فالاوطيل ؟!!

بقات غا تتشوف.. الصدمة كانت قوية بالنسبة ليها.. لسانها تشلل ما عرفات ما تقول.. شافتهم تا يدخلو تنهدات و جرات باليزتها..

سناء . انااا لله اودا حمادي ، لي ماعندو زهر ما عندو تاافخلا داار بووووه !!!

دخلات تتخبط رجليها.. فجأة وقفات بلاصتها مخررجة عينيها بصدمة فور ما تفكرات الحوايج لي جابت..

سناء .. اويييليييي وحديييي جاييبة غا لبااسي ديال الصييف !! اويييلي على شووهتي 😩😱

كملات طريقها تتغبن تا وقفات فريسيبسيون.. لفت انتباهها الناس بزااف واقيفن و على ملامحهم عدم الرضى.. ما فهماتش اش واقع.. كحزات شوية جهة واحد المرا هي نيت لي هضرات معاها فلول و سولاتها..

سناء .. خالتي اش واقع ؟

المرة .. ݣاليييك تفرݣعو ليهم القوادز ديال الما فشي بيوت و بقاو غا 10 لي مصاوبيين

سناء .. ايوا شنو المعمول !!؟

المرة .. غيديرو تلاتة فكل بيت ! لي كيعرفو بعضيااهم راهم فقنت و لاخرين راه تيقسموهم

سناء .. وا تسافيرة زينة هااادي 🙂

المرة صغرات فيها عينيها .. اجي ! فايت لينا تلاقينا ؟

سناء .. والله ما عرفت ! تانا جاني وجهك مألوف فايت شايفاك

المرة .. انا سميتي الزوهرة و جيت مع ولدي

سناء .. متشرفييين أخالتي ، انا سميتي سناء جيت غابوحدي

الزوهرة بعد تفكير .. صافي اجي حدايا نتي ݣلسي معانا في البيت راه ولدي داخل سوق راسو ما يهزش فييك العين ، حاضي هوا غا الطبيعة و النباتات

سناء بتردد .. بصح !؟

الزوهرة .. اييه و مالي بينكدب علك ؟

سناء .. لا حاشااا ،صافي شكرااا

الزوهرة .. ااااااه تفكرتك ! تي لي تلاقيتك في مرجان و ݣلتي ليا ما تاخديش لاݣلاص

سناء .. ءء؟ ااااااه عقلت علييك هههه صدفة زويينة

قاطعه صوت احد الموضفين لي عطاهم لاكارط ديال سويت تاعهم.. هزات باليزتها ة هزات صاك المراه و طلعات سبقات عاد تبعاتها زوهرة.. وصلو قدام الباب ياله بغا تحل حتى وقف عليهم شاب فالتلاتينات ، هاز فيديه محبق صغير فيه وردة و صاكادو..

#يتبع…..

هااا حبقلبنااا جاااا 🤤🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_16✨

الزوهرة .. هارون وليدي ، جيتي على سلامتك ، هادي سناء غاتجلس معانا في البيت

هارون عقد حجبانه و قال .. مرحباا غا متقيسيش ليا محبقي أختي

سناء تترمش .. ءء ؟ و واخا

زوهرة .. تا ماالك تخنزر في الطفلة ، ݣول غا سالاام بعدا

هارون مد ليها يديه .. السلام عليكم ، معاك هارون سلمات..

قطعاته .. ولد المختار سلمات بو البنات ؟؟

هارون جمع يديه.. تبسم مفقوص على القمعة داليد .. لاااا ما تنعرفووش

سناء شافتو جمع يديه و مدات يديها جرات يديه تسلم بابتسامة غبية .. عليكمسلام معاك سناء العبدي موضفة فاجونص اينوي 😀

هارون .. متشرفين

الزهورة .. يا دخلو خلاص !

حلات الباب و دخلات سناء جارة الباليزة و الصاك.. دخلات الزوهرة عاد دخل هارون لي مشا نيشان حط المحيبق حدا الشرجم و رجع جلس فوق الفوطوي.. كانت ناموسية كبيرة ديال 3 الناس و جوج فوطويات.. شافت فيه مو و قالت..

الزوهرة .. عفا وليدي لاݣي دوك جوج فوطويات نعس عليهم و حنا العيالات غانشدو الناموسية

هارون وما براسه .. واخاا

الزوهرة .. دخل بدل عليك ولا خرج تا نبدلو حنا عفا وليدي

هارون تنهد و ناض .. غانخرج نهضر فتييل

الزوهرة . يرضي عليك المرضي

خرج و خلاهم بجوج.. تبسمات بسهولة على طاعته لمو.. فهاد الزمن ولات كلمة الابن لي تتمشي على الأم إلا من رحم ربي.. شافت فيها الزوهرة و قالت..

زوهرة .. بدلي خلااص دابا يجي تاهوا يبغي يرݣد (ينعس)

سناء بدات دور عينيها .. ما نلقاش عندك شي كولون سخون ؟

زوهرة .. و مالك جاية بلا حوايج ؟

سناء .. قصة طويييييلة

زوهرة تموت فالجموع.. جبدات ليها كولون و تريكو و قالت.. شدي لبسي هادو و زيدي عاودي ليا ، ديري بحال مييمتك

سناء فرنست و باست ليها راسها .. يعطيك الخييير !

#يتبع..

ارائكن 🤭⁦❤️⁩🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_17✨

سناء بدات دور عينيها .. ما نلقاش عندك شي كولون سخون ؟

زوهرة .. و مالك جاية بلا حوايج ؟

سناء .. قصة طويييييلة

زوهرة تموت فالجموع.. جبدات ليها كولون و تريكو و قالت.. شدي لبسي هادو و زيدي عاودي ليا ، ديري بحال مييمتك

سناء فرنست و باست ليها راسها .. يعطيك الخييير !

……….

الساعة تشير إلى 2:00 دليل.. هارون متكئ فالقنت جهة الحيط بعيد عليهم.. خاشي راسو تحت الوسايد حيت زوينات السمية حلفو لاهوما سكتو.. سناء تتعاود ليها كي دارت تا جات لهنا و الزوهرة جبدات الحمص و كوكاو تياكلو بجوج.. هضر معاهم ما مرة ما جوج.. تيسكتو دقيقة و يرجعو خش خش خش ياكلو و يهضرو بديك بشوية المجهدة..

زوهرة .. تقاولبتي

سناء .. اييه نصحاب راسي غانمشي فطيارة

زوهرة تتسولها بالفن .. و ݣوليها لراجلك يديك في الطيارة ، دوزو شهر العسل

سناء .. تي فيين هوا الراجل بعدا !

زوهرة .. مازالا عازيباا

سناء بدا يجيها نعاس .. اممم

زوهرة .. و شحال في عمرك ؟

سناء .. 25 عام

زوهرة .. اممم و ماعندكش صاحبك ؟

سناء .. بغيتي الغضفة تطويني على ربعة متلا ؟

زوهرة .. و اش فيها لا كان عندك صاحبك (بدات دور عينيها فداك الضلام) غتكونو غي الأزديقاء و صافي

سناء .. امم ازديقاء و صافي ؟ تضحكي عليا

زوهر.ة .. ايوا كون جيتي فياماتي مع مولاي عابد

سناء خرجات عينيها .. كنتي مدلولة أ خالتي؟

الزوهرة .. ايوا فاش كان يغضب كنت نحزرو شوي..ولكن غا نتصالحو دوز يوماين نتعفر عليه تا نجمع كرامتي تاني

سناء .. يحيا الدل

هارون .. واااش ما غاتسكتوووش ؟

زوهرة .. صافي اوليدي عا نعس هاحنا ساكتين

سكتو دقيقة و رجعت يهضرو تاني..

زوهرة .. دابا تي ساكنة مع موك و خالتك و جداك ؟

سناء .. ايه و خويا و ولاد خالتي بجوج

زوهرة .. شحال في عمرهم

سناء .. صغر مني بعامين بجوج ، هوما توأم

#يتبع…..🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_18✨

زوهرو .. و ما ناوياش تزوجي شي واحد فيهم ؟

سناء .. اوييلييي لاااا راه بحال خوتي و زيدون كل واحد فيهم بصاحبتو

زوهرة .. و تي فين صاحبك ؟

سناء .. هادي المرة العاشرة لي غنقوليييك انا ما مصاحبااش ، المصاحبة و انا ماتلاقيناش ، ما عنديش صاحبي ، الصاحب ما عنديش ، لم و لن اتصااااحب ، فهمتي أخالتي ؟

زوهرة عجبااتها سنااء من الشوفة اللولة و حطات عليها العين .. اممم لايرضي علييك و علاش توما ساكنين مجموعين و فين بوك ؟

سناء .. بابا الله يرحمو ، ما.ت فاش تزاد خويا الصغير أسامة ، و راجل خالتي خدام برا باسبانيا ، تيبقا تما 6 شهور و يجي يدوز هنا 6 شهور

زوهرة .. الله يرحمو . و شكون تا يصرف عليكم ؟

سناء .. ماما باقا تاتشد نص الخلصة ديال بابا و جدة تاهي باقا تاتشد نص الخلصة ديال جدي و عندها واحد المݣازة كبيرة كارياها لواحد مول الحوايج ، و راجل خالتي تاهوا مهلي فينا و انا خدامة فاجونص ديال انوي

زوهرة .. اممم ايوا الله يوفقك ابنتي ، عزيتي عليا و دخلتي ليا لخاطري ، تبارك الله على لي رباك

سناء فرنست .. لهلا يخطييك أ خالتي

هارون عينيه حمرين و معسلين بالنعاس .. صافي ا خالتها نعشي لايرحم من رباك نتي نيييت ، و تانتي نعسي لايخلي ليك خدمتك ما نعسي ، و سكتوونااااااا

سناء / زوهرة .. صافي واخا

غمض عينيه و غطا راسو بالمانطة.. ياله بدا يشد فيه النعاس سمع تخرشيش و النضيغ ديال الحمص.. غمض عينيه مفقوووص و سد ودنيه..

صبح الصباح بأحدات جدييدة.. حلات عينيها على صوت شي حاجة طاحت فالأرض.. ناضت تتحك شعرها و تعوج وجهها.. لقات البلاصة حداها خاوية و تا هارون ما كاينش بلاصتو…

ناضت جبدات فوطة و شيتة و دونتيفريس.. حلات الباب دالطواليط ياله بغات تحيد سروالها هضر معاها…

هارون .. شكاااديييرييييي ؟!!!

قفزات و زيرات على سروالها.. تلفتات عندو مخرجة عينيهااا.. مع شافتو زبط ياله قلع حوايجو كاملين زادت وسعاات عينيها و عطاتو بضهر..

سناء .. ويلاااااي شكادير هنا ؟

هارون عليها بضهر تاهوا .. كنصاوب رفيسة تاكلي ؟؟ ما تتعرفيش دقي ؟

سناء .. ما تتعرفش دوز ساقطة ؟

هارون .. علاه كون كانت كنت غنخليها ؟؟

سناء .. ديك الساعة دير لافتة قدام الباب ! و لا دير غا الكراطة دفع بيها الزمر !

هارون .. و دابا خرجي لايرحم باك اختي

سناء .. فين الباب ءء زعما سميتو هاديك صافي والو تفو ݣاع

ياله بغات تخطي خطوة تحل الباب و دخلات زوهرة.. وسعات عينيها فاش شافتهم بجوج.. هوا عريان و هي و شانقة على سروالها..

#يتبع…..
احاااااا 😂😂😂🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_19✨

ياله بغات تخطي خطوة تحل الباب و دخلات زوهرة.. وسعات عينيها فاش شافتهم بجوج.. هوا عريان و هي و شانقة على سروالها..

الزوهرة .. شكاااديروووو ألمسا.خيييط ؟؟!!

هارون / سناء .. متفهميييش غلط 😦

الزوهرة .. اوكي هه 🙂

………….

فوق الناموسية جالسين بجوج.. و قدامهم واقفة زوهرة كي العسكري.. مرة تشوف فيه مرة تشوف فيها.. و هوما بجوج تيعاودو شنو وقع ويلي فهمان غلط ولكن هيا عندها راي اخررر…

الزوهرة .. ما قتانعتش !

هارون تنهد .. و باش قتانعتي ؟

الزوهرة .. دابا هادشي لي شفت اليوم عطاو جوج تفسيرات و واحد منهم لي صحيييح !

هارون / سناء .. لي هوما !؟

الزوهرة .. التفسير رقم واحد احم يا اما نتي ابنيتي ما لقيتينش و دخلتي على ولدي ، لقيتيه بوحدو و مشيتي باغا تغتا.صبيه و ملي دخلت انا كنتي ناوية تحيدي السروال !

سناء بصدمة .. اويييلييييييييي ؟

الزوهرة .. تفسير رقم جوج احم اححممم يا اما نتا ا وليدي ما لقيتينش و حيدتي حوايجك و دخلتي على البنت تغتا.صبها و هيا دفعاتك و ملي دخلت انا هزات سروالها حيت خافت منك !

هارون بصدمة كتر .. يااااااااربيييييي صبرررر

الزوهرة .. دابا هيا دخلات و ما شافتكش داخل و نتا كنتي عريان شافت ممتلكاتك و هيا حيدات السروال و شفتي ممتلكاتها

هارون قاطعها بعصبية .. وااامشفت والو ! ياله بغات تيحدو حبستهاا

الزوهرة .. ياااك اشلااهبي كنتي تتمنضر غا شفتيها دخلات للصحيح و خفتيني نجي نحصلك و تا تقزليها هزي سروالك !

سناء .. تي نعلي شيطان أخالتي

الزوهرة .. سكتي اديك العوجة ، تاتي غا شفتيه زبط و مزنطط بقيتي تمنضري ، تا سمعتيني جاية عاد درتي و شديتي سروالك !

شافو فبعضياتهم تيحركو رأسهم بلا حول.. شدو وجههم تيشوفو فيها بيأس و يتسنطو للتفسيرات ديالها لي ماعندهم تا وجوود

#يتبع…

لهلا يسلط عليكم زوهرة 😂😂😂😂😂😂🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_20✨

الزوهرة .. سكتي اديك العوجة ، تاتي غا شفتيه زبط و مزنطط بقيتي تمنضري ، تا سمعتيني جاية عاد درتي و شديتي سروالك !

شافو فبعضياتهم تيحركو رأسهم بلا حول.. شدو وجههم تيشوفو فيها بيأس و يتسنطو للتفسيرات ديالها لي ماعندهم تا وجوود

هارون .. دابا شنو المعمول ؟

زوهرة .. نتا غاتمشي في ليمن و تي في ليسر ، نلقاكم مجموعين في قنا واحد نتفاهم معاكم ، ياله زيدو تفطرو

ناضت جمعو الوقفة و نزلو كامليين.. شدو طبلة و تحط ليهم فطور بادي على حقو و طريقو… أتاي و هارون خدا قهوة… الخبز و الزيت و الزبدة و العسل.. جلسو تياكلو فصمت.. مرة هيا تشوف فيه مرة هوا يشوف فيها.. بجوج تيحققو فملامح بعضهم…

و عيون الزوهرة ما فارقاتهمش.. تتشوف فيهم غا بالرييط.. مرة مرة تتبسم ملي يحصلو بعضياتهم..

زوهرة .. بقاو دورو عليا عينيكم كي بوبريص

هارون .. لايهديك

زوهرة لقاتها سبة .. شفتينيي تنلوح حواايحي ؟ لااواااش بنت لك تانضرب بالحجر ؟!

هارون صغر عينيه فيها .. وا سبحان الله آ مي ، ما كنتييش هاكا ؟

زوهرة .. دابا كتعايرني ؟ مالي كي كنت بالسلامة ؟؟ (بحسرة مصطنعة) ابيه ولدي و سهري و ربي و قري و دمري و كبري باش فلخر يقوليك كنت حمقة

هارون بقا غا تيرمش صدماتو .. ما قلتش ليك حمقة !

زوهرة بنص عين .. و داكشي لي كنتي باغي تݣول غا حشمتيي !

سناء تتاكل و كل مرة تشوف فواحد فيهم..

هارون عطاها طريف دالخبز فيه زبدة و العسل .. هاكي كواي راه تيعجبك

زوهرة دارتها ففمها تتنضغ .. ابيه سكتشني بخبجز بنتش لك بيجو

هارون ما فهمهاش .. ءءء ؟

زوهرة شربات اتاي دوزات الدغمة .. قلت ليك سكتني بالخبز بنت ليك باقا بيجو ؟؟

هارون .. صبر ياربي

سناء .. صافي أخالتي اجي تكملي فطورك

زوهرة .. اييه لايرضي عليك أبنيتي تتفكري فيا

هارون خرج فيها عينيه ما فهم فيها والو ، السيدة بحالا هرب ليها الفريخ.. فضل أنه يسكت ما يقول والو باش مايبقاوش مني منك ، ولكن معااامن هوا..

زوهرة .. شتك سكتي ! سرطي لسانك ؟

هارون تبسم مفقوص .. انوض نهضر و نجي

#يتبع…🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_21✨

زوهرة .. ايه معامم غاتهضر ، شي صاحبتك تاني ؟ شو رااا مانخلييكش تزوج بشي وحدة كنتي مصاحب معاها

هارون .. وا قلتها ليك 100 مرة ما مصااااحبش

زوهرة .. ايوا ݣعد للرض ، نكملو الفطور و ياله نخرجو

و هنا انتهى الحديث اخيراااا ، كملو فطورهك فصمت و ناضو خرجو.. تيدورو تما و يستكشفو المنطقة.. هارون و زوهرة ديجا جاو ليها و عاودو جاو هاد المرة.. عارفين القنات فيها.. اما سناء بحكم أول مرة ليها.. تبهرات من الطبيعة و الما لي فواحد الفنان جمد بقوة البرد.. بقات تيدورو و يتصورو تا وصل وقت الغداا و رجعو للاوطيل..

تغداو بدجاج محمر و طلعو يديرو القيلولة.. كيما العادة هارون فالفوطوي و هوما فالناموسية.. ناضت سناء ملي ما جاهاش النعاس و وقفات حدا الشرجم تتطل… لفت انتباهها المحيبق ديال هارون فيه واحد الوريدة ياله تتزهر.. مشات جابت الماء و سقاتها.. ياله بغات دور لقاتو قدلمها مخنزر فيها..

هارون بهمس باش ما يفيقش مو .. شكاديري ؟

سناء بهمس .. غا سقيتها ليك

هارون .. نعااام ؟

سناء .. ءء الوردة ، تانهضر على الوردة هيا لي سقيت

هارون خرج فيها عينيها .. و اش وصلك ليها اختشي ؟

سناء خرجات فيه تاهي عينيها ..و مااالك را غابانت ليا مسكينة هكاك و سقيتها ليك ، ݣول غا شكراا

هارون .. شحال كبيتي ديال الما ؟

سناء وراتو الغراف .. هادا كامل

هارون بصدمة .. مشا المشرووع ، مشاات التجربة ، اويلي ياوييلي ياويلي الما كنعطيه ليها بالحسااب

سناء .. يااك غا وردة ! ايوا صافي تانتا عطا الله النبتات و الوردات سير قطعها من التحت

هارون .. أولا خااصك تحتارمي الطبييعة ! تانيا ما كتحسييش بالوردة لي كتجي نتي و تقطعيها بعنف باش كاتحس هيا ؟

سناء بعدم تصديق .. اويلي تا مالك ؟ لي سمعك يݣول راك مراضع مع الطبيعة

هارون بحب .. الطبيعة شيئ مقدس ، خاصنا نحتارموها.. و مانخصروهاش

سناء بقا غا تترمش .. سبحان الله ، حيد اخويا خليني نمشي نعس حسن ليا

هارون تفكر النبتة .. دابا نتي ضيعتيني فپروجي ! فراسك ؟

سناء .. نتا جاردينيي ؟

هارون .. لا 🙂

سناء .. سقّاي ؟

هارون باستغراب .. كيفاش سقّاي ؟

سناء .. تصغير ديال جارديني ، زعما غا كتسقي

هارون .. لاا 😒

سناء .. و شنو ؟

هارون .. مهندس ديكور

#يتبع….🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم
✨الـجــــزء_22✨

سناء .. و شنو علاقتك بالورد ؟

هارون .. بكترة ما كنبغي الطبيعة و الهدوء لي فيها ، مرة مرة كنختارع شي حاجة ، متلا كاندمج جوج أو تلاتة النبتات و نشوف النتيجة لي غيعطيوني و نجحات ليا أول تجربة و وليت كل شهر كندير تجربة جديدة و نبيعها للشركات كبار مختصين فمجال الطبيعة و الورد و هادا كان پروجي ديال هاد الشهر و سيادتكم خصرتيه

سناء بقات تترمش .. سوموحات ألخاوة ، ياله تهلا نمشي نتسارااح

مشات دخلات للطواليط و خلاتو واقف…

هارون .. سوموحات ؟ الخاوة ؟؟ تهلاا ؟؟؟ هادي بنت ولا عزري ؟

زوهرة بهمس .. هادي مرتك مستقبلا اوليدي غا بلاتي

داز النهار و جا اللييل.. الݣمرة مضوية فسماها و الشتا تتنقط.. البرد داير خدمتو على أكمل وجه.. لي كوپل راهم لتحت معانقين و مستمتعيين بداك المنظر.. و العائلات مجموعين فقنيتة مع ولادهم و تيتصورو.. جبدات حوايجها تصبنهم دغيا ما حد هارون و الزوهرة لتحت.. دخلات للدوش و حطات بانيو فيه التيد و الما و بدات تفرك الحوايج الدخلانيين.. تا سمعات تيل تيصوني و مشات تجاوب مخلية داكشي تما محطوط…

سناء .. الوو !

المتصل لا رد فقط كيتنفس..

سناء باستغراب .. وا الو ! شكون معايا ؟؟

لا رد مرة أخرى غير صوت الانفاس

سناء بدات تنرفز .. واااحنش بوسكة تا جاوب ولا جاوبي !

أسامة .. تفو خليني متقمص الدور

سناء .. اينا دور ؟

أسامة .. متدرب ملي نتخاصم مع صاحبتي و نكون ندمان نصوني عليها بالپيرڤي و نبقا غا نتفس ، تقنتو ياك ؟

سناء .. خريتيه 🙂 شباغي ؟

أسامة .. مك لي بغاتك شدي

سعاد .. طلق طلق اهياااناااري دروك تقادي ليا دريهمات

سناء .. الو ماما

سعاد .. ابنيتي بيخيير ! كي وصلتي مع الطيارة

سناء .. تي اشمن طيااارة راا تقولبت

سعاد .. هااويلي شوقع لك ؟

سناء .. اجي نعااودلك

جلسات تما و بدات تعاود ليها… فداك الحين دخل هارون لقاها منغامسة فالحديث.. وقف شوية تايتسنط لداكشي لي وقع و بدا يضحك بينو و بين نفسو.. كمل طريقو للحمام… لمح انتباهو البانيو فالأرض مرغوي بزااف… و فضولو خلاها يدخل يديه يشوف اش كاين… مع جبدها بقا تيرمش فدوبياس… بدا يدورهم فيديه متعجب منهم.. ياله بغا يرجعهم دخلات سناء…

سناء بصدمة .. شكاديييير اوييلييي !؟

#يتبع…..
😂😂😂🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_23✨

سناء بصدمة .. شكاديييير اوييلييي !؟

هارون وسع عينيه .. ما تفهمييش غلط ! غا بغيت نشوف اش فالبانيوو

سناااء خنزرت .. و مااااالك اخويااا فيييك الفضووول ؟ داخل فممتلكاااتي !

هارون خنزر تاهوا .. اعنداااك طرطقي ! راااغاا حب استطلااع و صاافي !

سناء بدات تتقرب خطوة و توقف .. بنت لك انا جالسة لهيييه و البانيو هنا فيه التيد ادن فيه داكشي خاص بيا اناااا ، ادن ما عندك لاااش تقلبووو

هارون هز حااجب و نزل لآخر .. اصلا راهم غا بونج ! كنت مغشوش فيك

سناء .. كنتي مغشوش فيا ؟! {صغرت عينيها} العشير ضارب عليا خط زناتي و انا ما فراسيش ؟ و اصلا ماشي سووقك نكون دايرا للونج ولا متديروش اش مشاليك !؟

هارون نزل لمستواها.. بغا غير يتفك و قرر يقلبها علييها و يستفزها .. كتعتااارفي راك مسلوتة !

سناء مرضااتش .. بزاااااف علييييك تانكوون مسلوووتة ، و اصلاااا انا عاجبيينيي تاانتزوج و يكبرووو

هارون تيطنز .. مسكينة ! اتبقاااي بهاد جوج برقوقات تا تزوجي ! ويلي عييب

سناء عصبهااا و لعب ليها على اعصابها نيييت.. هيا اصلا معقدينها حيت صغار و موسوسة غا مع راسها و زاد هوا كمل عليها..

سناء .. و نتا سووووقك ! دييها فجيييهة الضارااك و اصلا بقات فالمفعووول ماشي الكبر ولا الطووول !

هارون هز راسو لفوق تيضحك من نيتو.. ضحكااتو بأخر جملة ليها… عجباتها ضحكتو و جاتها على الݣانة.. كانت غا تسهى ساعة سكت تيشوف فيها مبتااسم…

هارون بجدية مع ابتسامة حنينة .. تيقي بيا داكشي ما تيهمش ، كبار ولا صغار ولا منعدميين ݣااع ! الرجل ديال بصح تيهمووه أخلاق مرتو و تقافتها.. تيبغي مرة لي توقف معاه فوقت الحزن قبل الفرح ، فوقت الحزة و الشدة.. لي افكر فيه و فراحتو.. بصح داكشي تيبقا مهم من واحد الجهة حيت الهوا جزء من أساسيات الزواج ولكن كلما طوال داك الخط لي وسط تتولي البنت حاسة براسها حيت عندها كبار و الذكر لي مكلخ.. يجسد بغل و عقل عصفور عند بالو داكشي لي مهم.. كاينة لي تتلقايها طاي حوتة و زوينة و كاتعرف تلبس و مهلية فراسها ولكن ألمزوق من برا اش خبارك من لداخل ؟ تتلقايها مكلخة و ماعندهاش ولو ذرة تقافة ! {غمزها محاول يحيد نمط الجدية} و عن نفسي باغي شريكة حياتي يكون عنها غا صغاار ، داك الساع انا نكبرهم على يدييي

سناء تزنݣت .. قليييل ادب !

هارون .. و بزااااف ݣاااع ههههههههههه

بكلامه خلاها تيق فراسها ، و فكرة انه حاجة حد عادية يكون عندها غا صغار بدات تتزرع فدماغها و عطاتهاا طاقة إيجابية ، زادت خطوة أخرى عندو باش تاخد دو پياس ديالها لي بقاو فيديهم.. ياله مدات يديهاا ليهم زلݣات و تقلات عليه تا رجع معاها لور و تشبحو فالأرض.. تزامن وقعووهم مع دخول الزوهرة لي وسعات عينيها فيييهم… من لور تيبانو بحاالا معنقها و ملاقين شفايفهم…

زوهرة .. اوييييليييييي على المساخييييييييط !😳😱

هارون / سناء .. ما تفهميييش غالاااااااط !

زوهرة .. استغفر الله اش هااااد المنكرررر ؟؟؟؟

#يتبع…

وا اجيييو فهموها را ماكاين والو 😂😂😂😂😂😂🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم
✨الـجــــزء_24✨

ياله مدات يديهاا ليهم زلݣات و تقلات عليه تا رجع معاها لور و تشبحو فالأرض.. تزامن وقعووهم مع دخول الزوهرة لي وسعات عينيها فيييهم… من لور تيبانو بحاالا معنقها و ملاقين شفايفهم…

زوهرة .. اوييييليييييي على المساخييييييييط !😳😱

هارون / سناء .. ما تفهميييش غالاااااااط !

زوهرة .. استغفر الله اش هااااد المنكرررر ؟؟؟؟

حطات يديها بجوج على الارض باش توقف و بدون قصد منه بغا غير يدفعها من عليه صدق شادها من بزازلها.. تلفتات عندو مخرجة عينيها و عاودات زلݣات بيها رجليها تا صدقات خابطاه بركبتها لمولاي السلطان.. وسع عينيه كتر و زير على قنووفتو.. تقسح بالجهد و دغيا طلعات ليه التزنييݣة….

سناء تترمش .. و والله ما درتها بلعاني

هارون تيدفعها باش يشد ممتلكاتو لي تأداو.. نطق بزز .. تݣعدي

تكركبات بلاصتها تا نعسان فالأرض عاد ناضت تتسوس حوايجها.. أما هوا ما قدرت ينوض بقا مغمض عينيه و مزير بدييه على المركز..

زوهرة .. اويلي عالمسخوطة هرسات قشيوشات وليدي ! هاويلي هاويلي و شكون غيݣول ليا جدة !!

سناء .. و هوا لي شدهم ليااا

زوهرة ليعاتها .. و رااه غا شدهم ، مالو قرصك ؟ نتي رااك خبطتييي ليا حفااادي هاويلي هاويلي غانترزا فولاد ولادي

سناء .. ستاسمييح

زوهرة .. و اصلااااا نتوما كنتو ديرو فالمونكااار و حصلتكم !

سناء .. و والله ما كنا نديرو شي حاجة

زوهرة .. هادي المرة التااانية لي حصلتكم ! اللولة عسيلة و التانية سمينة و التااالتة شريعة النبي ! اااطونسيووووون ادوكاه ، ياله تݣعد تا وراه الما بار كمد بيه و تي زيدي ݣدامي ياله !

نفدو كلامها كيما بغااات… بعد دقائق طلعو ليهم العشا تعشاو مجموعين و كلها شد بلاصتو… بجوج بيهم بقاو فايقين.. كيشوفو جهة الشرجم و ساهيين.. كل واحد فيهم عندو هم ، عندو فرح ، عندو حزن ، و وسط تفكييرهم العميق فمشاغل الدنيا و مشاكلها..!! هي تتزور فكيرو و هوا تيستوطن تفكيرها.. تبسمات عاضة طرف لسانها و هيا تتفكر مواقفهم المحرجة ، حديثهم ، لقاءاتهم ، و الأهم حواراتهم القصيرة..! غمضات عينيها و نعسات.. متمنية نهار اخر زويين بطاقة و إيجابية… فحين هوا دار على ضهرو تيشوف فالسقف.. تبسم ملي تفكر جملتها {{ و نتا سووووقك ! دييها فجيييهة الضارااك و اصلا بقات فالمفعووول ماشي الكبر ولا الطووول }} تلفت جهتها.. ضوء القمر ضارب فيها.. بانت ليه ناعسة فراحة… بقا حتضيها حتى غفى بلاما يحس….

#يتبع…

⁦🖤⁦❤️⁩🤍🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_25✨

الشمس تطلع و النجوم تغيب.. و الصغير يكبر و الكبير يشييب…!! صباح جديد بأحدات جديدة… حلات عينيها تترمش بشوية مع ضو الشمس لي زينات السما وسط الغيووم… بانت ليها الزوهرة باقا متكية و شادة تسبيح… دورات راسها للجنة لاخرة و شافتو.. بفوقية بيضة عكسات سمورسة جسمو الرياضي… لحيته مازال تاتبان فازݣة و تيصلي بخشوع… فلتات ليها ابتسامة حنينة و ناضت تاهي… هزات لبسة اخرى مستورة و دخلات للدوش..

دقائق خرجات مبدلة و مشات هزات تقاشر لبساتهم.. لقاتو سالا تيسلم… هز راسو شاف و تلاقاو عينيهم.. تبسمو لبعضياتهم و نزلات عينيها مزنݣة ملي تفكرات موقفهم من لبارح… حدر راسو تيضحك تاهوا و ناض… و زوهرة فالقنت تتشوف فيهم غا بالريط و تضحك…

زوهرة .. الله يتقبل

هارون جت باس ليها راسها .. اميين

سناء .. الله يقبل

هارون تحرك جهتها .. آمييييييين (طولها)

سناء شافتو جاي جهتها.. وسعات عينيها و مشات تتزرب للطواليط.. كان جاي غا يقوليها راه قلبات الصدايف ديال القميجة ساعة هيا طارت من حداه.. ضحك و مشا هز الفون و خرج… خرجات سناء ملي سمعات الباب تسد..

زوهرة .. مالك هربتي ؟

سناء .. ءء ؟ لا والو غا تزيرت و مشيت

زوهرة ميقات فيها .. باز ، نص ساعة و نتي فطواليط و مادرتيش بيبي ؟ تا شفتي هارون جاي جهتك عاد حبساتك ؟

سناء صغرات فيها عينيها .. دابا غا ݣولي ليا مالكي ؟ شتك فشييي شكل هاد نهار !!

زهرة تتدور عويناتها .. مالي كي جيييتك ؟

سناء .. ماعرت شوفي نتي

زهرة خنزرت فيها .. و بقاي غا حاااضيااني نتي !

سناء .. اجي فين راجلك ؟

زوهرة تبسمت بحزن .. مات الله يرحمو ، ملي كان فعمر هارون 20 عام

سناء .. و شحال باش مات دابا ؟

زوهرة تتحسب بيها .. عام عامين ربعة ستة تمنية حضاش ! دابا هارون عندو 31 عام

سناء .. 11 العام باش مات ، الله يرحمو و يجعل مثواه الجنة

زوهرة .. آمييين

سناء بفضول .. واش كان مريض ولا غا موتة دالله

زوهرة بأسى ، اححح و فاش فكرتيني ، كون تشوفي وليدي مسكيين ديك الوقييتة ! كان مازاال تيخرج و يضحك مع صحابو ، واخا كان سليݣيط و كل مرة وحدة كان قراااي و ديما جايب النقطة المخيرة ، باقا نعقل ديك الليلة تخاصمو على طوموبيل ، ݣالبه هارون خليها ليا باغي نمشي مع صحابي ندوزو العطلة و باه ما بغاش… خرج واحد ساعتين و رجع عندو ، كان ياله بغا ينعس و هو يفيقو.. نفخ عليه فلول ولكن هارون ما خلاش من جهدو و طلب السماحة.. عنقو و باس ايه راسو فرحان حيت تصالح مع باه و تاهوا ݣاليه طوموبيل غانعطيها ليك كادو خاصك غا تنجح فالسطاج ، بغا يطيير بالفرحة ، عنق باه و ݣاليه سير جيب ليا نشرب ، مشا هارون و انا رجعت الكوزينة نسخن ليه عشاه ، جا باس ليا راسي و هو الما مشا عندو شوية تا سمعتو غوت ، ضرني قلبي و طلعت تانترعد….

#يتبع…🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_26✨

بان ليا صالح الله يرحمو هاز صبعو تيشهد تصدمت و مشات حداه تتبكي و نوح ، مات مسكين و هوا ضاحك فوجهنا.. هارون بغا يحماق ، أول مرة نشوف ولدي تيبكي لديك الدرجة ، بكا و جدب ، حبس راسو فالبيت شهر بزز تياكل ، بزز تيدوش بحالا اكتائب ولكن الحمد لله بديت نطلق ليه القرآن و الرقية تاورجع كي كان ، 6 شهور و هوا مدمر ، عاد رجع لقرايتو و اجتاهد كتر و كتر ، هزني و هز ختو ، بعدا كانت الخلصة ديال التقاعد معاونانا ، بقا شي 3 سنين تا تقبل فواحد الشركة ، نهار على نهار تيزيد يتشهر بخدمتو لي مافيهاش تخلويض تا دار شركة صغيرة ديالو و كبرها كيما بغا ، ايوا من بعد دخل فهادشي ديال الجردة و النباتات و الحمد لله هانا عايشين

سناء عز عليها .. الحمد لله على كل حال

زوهرة .. و نعم بالله

سناء .. الله يسهل على الجميع

زوهرة .. اميين

بقاو ساكتين.. سناء ما عرفت متقول و زوهرة متاترة.. شافت تا عيات و بغات تبدل عليها الجو..

سناء .. و ما فكرتييش تزوجي تاني ؟

زوهرة شافت فيها بنص عين .. لا

سناء تتطنز .. ويلي كون غا تزوجني ، شوفي شي واحد باقي صحييح و شاد فراسو تعيشي نتي وياه لاڤي اون سيكخ (la vie en sucre)

زوهرة قرصتها .. الله يقل حيااك ! ما تتحشميش

سناء تتضحك .. ههههههه حشومة مرت الشيطااان

زوهرة .. نوضي لايمسخك

سناء .. و ماالكي ! تتزوجي شي واحد يكون باقي عندو السووفل و صحيح ، شي خمسيني رياضي

زوهرة هزات صندالتها .. علخانزة تعبوك نوضي من حدايا الماسخة

سناء .. ههههههههه غا ضااحكة هههه تهدني

جلسات حداها و جبدات تيل.. تتوريها تصاور طوني محفوظ فالانسطا…

سناء .. شوفي هادا شحال تيتييز !

زوهرة على نيتها .. ايه على مزيناتو وليد

سناء .. فن تباارك الله ، شوفي غا عويناتوو

زهرة .. صاحبك هدا ؟

سناء طلقاتها عليها .. ايه بغا يخطبني ، ولكن مزال تنخمم واش نقبل بيه ولا لا

زوهرة عوجات فمها .. ما يلييقش ليك ، شوفيه كي داير ، عينيه كي المش تنوضي بليل غا تشربي يطيح منك النص

سناء طلقاتها بضحكة .. ههههههههههههههههههه اكنضحك معاك ما تنعرفو ما تيعرفني و اصلا ماشي مغريبي

زهرة جراتها من شعر .. تݣعدي من حداياا بلمجحومة لاخرة حيدي !!

#يتبع…🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم
✨الـجــــزء_27✨

زهرة جراتها من شعر .. تݣعدي من حداياا بلمجحومة لاخرة حيدي !!

ناضت من حداها تتضحك بجهد.. جلسات فالأرض ما قداش تنوض تا بدات تضحك زوهرة تاهي… حل الباب و دخل عندهم مبتاسم.. عجبو الحال و هوا تيشوف فيهم كيف منساجميين…!

ناضو كاملين و نزلو يفطرو… و هاكا كملو نهارهم و باقي ايامهم… ياكلو مجموعين و ينعسو مجموعين.. العلاقة بين هارون و سناء ولات بدون حدود شيئاً ما.. أغلب الوقت تيدوزوه بجوج كل مرة فاش تيهضرو… و زوهرة فرحانة بانسجامهم… مرة مرة يتساطحو فموقف محرج.. بالأخص ملي تتصوني الغضفة لسناء و تكون دايرة هوت باغلوغ ما كاين غا الله يعطيك صحييحتك.. هاد الأخيرة لي تصاحبات مع زوهرو و خداو نمارس بعضياتهم و ولاو يتجمعو بسواايع ، دازت 6 أيام بسرعة البرق.. و هاهوا صبااح جديد بأحداث جديدة كالعادة…

واقفة تتطوي حوايجها و ساكتة.. ما سخاتش لا بالبلاصة ولا بهارون و زوهرة… لي كل مرة شادة فيها و دور فيها تعايرها…. خرج من الدوش تينشف وجهو ، شاف فيها بهدوء كيفاش ساكتة و مقلقة ، ما موالفهاش هاكاا.. مولف الضحك و الهضرة بزااف من طرفها.. هوا لي كان تيبغي الهدوء ولات تتعجبو الفوضى لي فيها و ولف ما ينعس تال التلاتة ديال الليل حين لا هي لا مو تيسكتو…

قرب حداها بشوية و طل عليها…

هارون .. مال شعالة ساكتة هاد الصباح ؟

سناء .. بزاف علييك

هارون .. ههههههه (تنهد) غادية اليوم ؟

سناء .. اممم

هارون عض قنوفتو من لداخل .. احم عطيني ترمتك ءء نمرتك نمرتك 😐

سناء بنص عين .. استغفر الله ، متنعطيش نمرتي أخويا ، بغيتي شي حاجة شي لدارنا 😇

هارون بجدية .. عطيها ليا باش ملي نكون جاي لداركم نصوني ليك تنعتي ليااا
سناء عند بالها غا ضاحك .. ههههه فااش تكون جاي جيب معاك بوكي كبييير دالورد بيض و حمر و كييكة دااشكلاط و داك القلب لي فيه الشكلاطات صغار يكونو بلومارييييين و عاد ديك الساعة شوف واش نقبل ولا لا

هارون هز حاجب .. ياااك !؟

سناء .. و ايلا قبلت ديك الساعة نتفاهمو على الخطبة و العرس 😇😇

هارون .. ابيه ما قلتي عييب 🙂

سناء .. و مالك على دوك الشوفات اخويا ؟

هارون .. اري النمرة ارييي وكان

#يتبع….🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_28✨

هارون .. اري النمرة.. ارييي وكااان

سناء .. قيد زيغو سيس طخونط سيس سيكس سيس…

هارون .. وااارجووع الله شمن سيكس سيس ؟

سناء .. زعما ستة و ستين

هاىون .. ما عارفاش ستة و ستين بالفرونسي ؟

سناء .. لا 🙄😐

هارون .. 🙂🙂🙂

سناء .. احم مالح تتشوف فيا هكاك ؟ و اصلا ماشي ما عارفاهاش راه غا تتنسى علياا

هارون .. سواسونط سيس ألكالاااخ

سناء .. راني عارفااهااااا.. ماعلينا زييد زيد نفطروو

هارون .. اري تيليفونك بعدا

عطاتو ليه محلول تا قيدها و صونا ليها… طلعات نمرتو عندها أجوطاها بـ«هارون💙» عاد رجعوو ليها مبتاسم…

هارون حط الفوطة و زاد قدامها .. ياله زيدي نفطرو دابا

سناء سدات السمطة ديال الصندالة عالية.. و كالعادة ياله خطات خطوة تعكلات مع الزربية.. تخبطات معاه و مع جاتو على غفلة ما شدش التوازن و طاح و هيا جات فوق ضهرو…

هارون .. والاينعل طاسيلتك..!! شدي راسك أزمر

سناء قرفداتو .. متغوووتش علياااا و زايدون نتا لي جيتس قدامي مالي سوقيي !!؟

هارون .. صافي عنينا و تݣعدي

تݣعدات جالسة فوقو ياله بغات تهضر دخلات زوهرة لي كانت شادة الفون تتهضر ضاحكة ، غا شافتهم هكااك.. هوا متكي على كرشو و هيا جالسة فوق مؤخرتو.. تكوانسات بلاصتهاا..

سناء .. و والله ما داكشي لي فبالك !

هارون .. راه غا طحنا حق سيدي ربي !!

زوهرة .. يااااربي شهاد السلاݣط تسلطو عليا !!!!

رجعات جوج خطوات لور مصدومة.. جمعو الوقفة بجوج و تبعوها..

سناء/ هارون .. خاالتييي/ميييي ، تسناااي غاا نشرحووو لييييييك ⁦⁩⁦🏃🏻‍♂️⁩⁦⁦🏃🏻‍♀️⁩

**……………..**

الركاب شدو بلايصهم… نزلات تاهي هازة صاكها… و هارون وراها هاز باليزتها داخل نيشان للكار… وقفات حابسة البكية ما كرهاتش تبقا ولكن تتسناهل خدمتها و عائلتها… تلاحت على زوهرة معنقاها بحراارة… تاعي بادلاتها العناق مبتاسمة…

سناء .. غانتوحشك أخالتي والله

زوهرة .. تانا ابنتي (مسحت ليها على شعرها) الله يرضي عليك و يكملك بعقلك

سناء .. اميين ، جي عندنا شي مرة عافاك ، ها نمرتي عندك غا صوني لياا و انا نعت ليكم الدار

زهرة وسعات ابتسامتها .. ايه ضاروووري غنجييو غا تهناااي

_ياله اختي راه الكار غيتحرك

سناء عنقاتها .. تعاني فراسك أخالتي و غا جي و نقلب ليك على راجل مبووݣص

زوهرة .. هههه لايمسخك

وقف عليهم مبتاسم.. مد ليها يديه و بادلاتو السلام .. تشرفت بمعرفتك

سناء تزنݣت .. تا أناا

هارون بسلامة و ردي البال لراسك

سناء بحياء .. تا نتا ، تهلا فراسك

بقاو شادين يدين بعضياتهم و تيشوفو فبعضياتهم.. تا كحبات الزوهرة المرة لولة ، التانية ، التالتة و تا حد فيهم ما تحرك.. قرصاتهم بجوج..

زوهرة .. ايوا لايمسخكم !!

#يتبع…

أراائكن 🌚 باقي جوج أجزاء على النهاية مسخيتشاااي بييكم 🥺🥺⁦❤️⁩🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_29✨ ما قبل الأخير 💙

أشعة الشمس ديرونجاتها… حلات عويناتنا مغوبشة.. دارت للجهة لاخرة تترمش و تعاود تسدهم.. فجأة حلاتهم على جهدهم و هيا تتشوف الغضفة و سعاد و مليكة واقفين عليها…

سناء .. صبحنا عالله ، توما مالكم ؟

سعاد .. تݣعدي ابنتي راه دار توحشاتك

سناء .. نوض نبوسها متلاا ؟

سعاد .. لا نوضي جففيهااا

الغضفة .. شوفي لالياتك نتضو مع سبعة و خملو و سيقوم و تي باقا خامرة

مليكة تتاكل زريعة .. نوضي وجدي لينا غا حليوات

سناء .. 9aلوات ما بغيتيهمش !!؟

سعاد قرصاتها .. لايمسخك

مليكة .. قطعيهم و طيبيهم مع بصلة و مطيشة و ديري عليهم جوج بيضات و بصحة و الراحة 😇

دخل فاتح .. اححح شهيتوني دوقوني

تبعو محمود .. فين حقي تانا

نقز أسامة .. راه تيهضرو على ل9لاوي ههههههههههههه ااااايي

تبعاتو سعاد .. علخانزة تعبوك يا لموييدك الخاانز لاخر

سناء . وااانااااري على عائلة حيدو عليااا

ناضت تتخبط دخلات للطواليط…. قضات تخربيقها و خرجات لقاتهم قدام الباب.. استغربات و وقفات عليهم..

سناء .. توما مااالكم ؟؟

سعاد .. دوزي ابنيتي جففي الدار و صايبي لينا حليوات راه جايين عندنا ضياف عزاز علك

سناء .. انا اليوم خدامة

سعاد .. غاتهضري مع سيمو يبلاصيك هاد النهار و دوزي هنيناا

سناء .. دوزت سيمااانة مسافرة و ملي رجعت زدت 3 أيااام تاني وا بزاف !

مليكة .. غا اليوم ابنتي و صافي

سناء بتذمر .. الشقا غاامن سعدي اناااا

جمعت شعكاكتها و دارت لكيت فودنيها.. دخلات للكوزينة وجدات كيكة دشكلاط و دارتها تبرد عاد بدات تجفف.. شكراا الصالون و غسلات طواليط.. اما لعياللت دخلو للكوزنية تحزمو.. وحدة تصايب دواز اتاي ولاخر نصبات الغدا و بدات توجد مستلزمات العشاا.. اما الغضفة راها فالقنت تتكيف و شادة جماعة فتييل..

وصلات الوحدة ونص ، تجمعو يتغداو و كل واحد قصد شغلو فاش سالاو.. طلعات سناء دوشات و لبسات بيجامة بيتية.. سروال و تيشورت طويل قريب لركابيها… مع نزلات تسمح دقات فالباب… حل أسامة و دخلات الغضفة تتفرنس..

سناء .. جيتي ولا جابوك ؟

الغضفة .. تجيك فالراس ، زيدو دخلو مرحبا بيكم

حلات فمها مصدومة ملي لمحاتهم… هارون و الزوهرة.. داخلة تتفرنس تاهي و شادة پلاطو فيه قفيطين زرق و شربيل و ݣورميط.. عاد هارون هاز فيديكس بوكي فلوغ كيما وصفاتوو ، و ساشي فيها الحليب و التمر و قلب فيه الشكلاط مغلف بالزرق…

سناء بصدمة .. ولاهيلا دارها بصح !! لاااش جيتي ؟ 😮

هارون .. نتكبر ليك البرقوقات ءءء نتزوج بييييك

سناء .. و ايلا ما قبلتش !

الغضفة دفعاتها .. غنجمعك فكارطونة و نصيفط لبيه

فاتح .. وا حضي راااسك لاتعطي نمرتك لشي واحد ، سيمانة كاملة و واحد المشرمل تيصوني و يقول كيدايرة احووبي

الغضفة قرصاتو .. تااااسكت !!

#يتبع….🏝️#أوطــــيل_جـــزر_الـمــــالديف🏝️⁩

بأنــامـلـي..⁦✍️⁩.. #آسية_بن_لمسلم

✨الـجــــزء_30✨ الأخير 💙⁦❤️⁩

صلى و سلااام على رسول الله ، اييللااا جااا سيدنا سيدي محمد ، الله مع الحاله العاالي لولولولولولولولولولولولولولولوييييي 💃💃💃💃

على ايقاعات الشعبي و مشتاقاته … جالسة سناء فوق العمارية مفرنسة… قدامها هارون تيضحك و يشير للناس تاهوا… و العائلة مزهيين الوقت بالشطييح و الرديييح.. حطوها و داوها لبلاصتها بالصلاة و السلام.. بقا شوية جالسة و دخلوها تبدل… تبدلات الموسيقى الطرب و حطو العشاا ، خرجات هيا و هارون مشابكين يدييهم… بدااو يدورو على الكيالي و يرحبو بالناس تاا وصلات لطبلة عائلتها…

سناء يهمس .. أسامة ارا ديك الكبيدة

هارون .. نعلي شيطان

سناء .. نبقا بجوع أ خويا ؟

هارون .. غا يساليو الناس و غاندخلو ناكلوو

سناء .. واخا ، ماما عطيني دغيمة عافاك

سعاد .. سييري لايسهل سيري

هارون تيجرها .. وا زيدي كلشي حاضيناا

سناء .. يشوفو العمااا (زادت معاه) تفو ياكلو جنابهم ياله

كملو الدورة و رجعو لبلاصتهم… شوية عاد دخلو يبدلو تاني لآخر لبسة.. خرجات عندو بالكسوة البيضاء.. ماكياج خفييف مناسب ملامحها و تاج فضي تيلمع… تبسم بحب و هوا تيشوف فيها… وصلات و قرب باس جبينها..

هارون .. الله يرضي عليك

تبسمت بخجل و دخلات يديها فدراعو… عاد كملو طريقهم لوسط القاعة و أغنية رومانسية مزينة الجو لي جامعهم… قطعو الكيك و وكلو بعضياتهم تحت تصفيقات و زغاريت الناس… رجعو لبلايصهم تايتصورو مع العائلة…

بزز صبر تا زادت نص و ساعة و ناض هزها و مشا خارج بيها.. عنقاتو تتضحك و تشير لييهم و تصيفط ليهم فالبوسات.. حطها فلوطو و كسيرااا..

سناء .. فيين غادييييين ؟

هارون .. للدااار

سناء .. دار مي ولا مك

هارون .. داري و دارك و دار مي

سنااء .. و علااااش

هارون تبسم لييها .. باش نديرو فريو كريو و نكبر ليك البرقوقاااات 😇

سنااء بفرحة .. لولولولولولولولولولييي واخييراااااااااا

طرطق لها بضحك و كمل طريقو لمنزلهم المستقبلي لي فيه غيكملو قصة حبهم و مسؤولية جدييدة مخليين وراهم فالقاعة الغضفة و زوهرة محييحيين بشطيييح…!!

أسامة .. وااازوجونااااااااااااي

سعاد قرصلاتو حت سكت

النهاية

#اوطيل_جزر_المالديف 💙