Skip links

قصة : نور الياسين ج 49

 33,287 عدد مشاهداات

🦋نور_الياسين(1076)#فرصة_ثانيةsana mina🐺🦋
…بقا معاها شوي كيهضرو ماشي بزاف وحاول ينوض هو وياها لان البلاصة واحد شوي وغاتبدا تعمر حيث ماشي وحدهم فبيتهم باش يختالي بيها …
ياسين”هو مزال بعكاكزو مزال كايتكل عليهم رجليه مزال فاشلين انهم يوقفو وحدهم فترة طويلة وهي خاصها طراكس تنوضها ههههه طل عليها ” : شكون ينوض لاخور ؟
نوار”جاها ضحك” : ههههههه والله ماعرفت …
ياسين”هز راسو لسما شحال ورجع كيكحاز بلور شد عكاكزو بغا ينوض تا فشل كان غايطيح كون ما شدات فيه هي نيت …عقد حجبانو حيث شافها ناضت بزربة ” : وقفتي بجهد ولا ؟
نوار : غييير شي شوية …
ياسين “تقاد بعكاكزو تا زگا الوقفة شحااال عاض على شنايفو وضار عندها مخنزر” : نوار ردي البال الله يرضي عليك اخر مرة تعاوديها بغيتي تعاونيني ديها فصحتك فايتاني لهيه …
نوار “حركات راسها بلا متجاوبو ”
ياسين : اجي قربي عندي …
نوار”قربات ومد شنايفو باسها فحنكها” : صحتك والي فكرشك كثر من صحتي انا قد ماجلست قاد براسي معافر وعاض فالصبر …
نوار”رمشات فيه” : راني نضت بشوي …
ياسين”رفع حاجبو زعما من نيتك ” : وايلي.. گد الي نمد ايدي لقيتك واقفة …يهديك الله …
نوار”تابطات دراعو ” : واخا منعاودش صافي ههه
ياسين “تمو غادي بشوي واحد يعكز ولوخرا تعرج وغاديا كي البطريق ” : ولااا حفاتها ليك عاوديها…
وصلو عند الباب لقاو فؤاد والحبيب واقفين معاهم يوسف والياس اما صهيب رجع لازرو …سبقات نوار سلمات على فؤاد والحبيب ..
فؤاد”معنقها بجنب” : شوية ليوم ؟
نوار: شوية شوية …”كتكمش عينيها”
ياسين : دخلي لداخل رتاحي …
يوسف”قربها ليه وقلب وجهها” : وجيهك صفر شتو بنتي اش دار ليك ياكما خلعك ؟
نوار”خرجات عينيها” : شكوون ؟
يوسف : نسيب بوك …
ياسين”رفع حجبانو زعما هاهو غايبدا” : تت
الياس : بديتي تاني بديييتي …
يوسف “شاف فيه” : سوقك ؟ ضربها فجوج (زعما سوقك نتا وياسين هههههه )
ياسين : المعنى عليك الحادر عينيك ؟
يوسف “شاف فيه” : سوقك ؟ يلاه هاهي نيشان …
فؤاد”غا حاضيهم عاض فشنايفو ويشوف فيهم يترادو وخا هكاك عجبو الحال حس بالمياه رجعات لبلاصتها ورجعات لمة كيما كانت تذكر انه فلحضة كانت هاد لمة مغاتكونش لو وقعات لياسين شي حاجة ماشي غير شرخ غادي يوقع وانما كلشي غايتهرس بهاد المعنى …شي حاجات تفكرهم لو وقعو مكانش غايتخيل حجم الالم والمعانات الي كانو غايعانيوها داكشي باش تنهد ورجع من قوقعة التفكير ونطق بلا ميحس ” : الحمد لله …
ياسين”هز عينيه فباه الي غمضهم وحلهم بحب ورجع شاف فيوسف ” : الي بغيتي “حدر راسو وهزو ” خليها تيسر ترتاح …
يوسف”باسها فراسها بجهد” : يناري على نخشيشة قالت ليك تاهي ترتاح حيث مثقلة ليا بجوج كريميسات المسلمين …
الياس “خبط ايديه ” : كريميسات المسلمين وولد مينة شحمة المعاودة …بالعما لا هو جد …
يوسف : ومالي جد بوك “ضار شاف ففؤاد الي رفع حاجبو” اههخخ تا را تندوي جد بوه ماشي بويا انا وياك اخويا هههههه …
الياس : وايلي مالي اش نجيكم ؟
يوسف : لقيناك ف بركاسة ..”حنحن” دخلي بنتي دخلي …”شاف فياسين لقاه حاضي نوار تا دخلات ” مرتك ياك اولدي “فرنس ليه ”
ياسين”رد ليه طنزة بالثقالة ” : لا بنت نسيبي …
يوسف : هاااه…كطنز ياك اولدي ؟
ياسين : من نيتي اسي يوسف …
الياس : شكون نسيبو ؟
يوسف”حط ايدو على صدرو” : انا …
الياس : اذن ؟
يوسف : مجوج بنتي الي هي بنت عمو ؟
الياس : وشكون عمو ؟
يوسف “عاود حط صدرو” : حق ربي لا انا…
الياس : اذن ؟
يوسف : غاتدخل لا نملخ مك عصا ياكما يحساب ليك كبرتي عليها ؟ “ضار لقا فؤاد مخنزر”
يوسف : ماشي امنا حنا كندوي على مو …”شاف راسو قوى ههههه ” على رقبتي اخويا تا دوز هادي …
الحاصول هذا هو حالهم فينما يتجمعو فلمة عائلية هذا هو طنزهم من بكريييي…حس ياسين براسو عيا مقادرش يطول فالوقفة ودخل تبعوه كاملين مشاو لصالون فين جالسين الي عند الباب مشا حدا نجود وراوية جلس وسطهم …جات نعيمة لعندو كتزرب وتضحك وتبكي فرحانة برجوعو مشافتوش من الي مشا ووقع ليه الحادث وفاش جات لفاس يطلو عليه مدخلوش بحكم كان فالعناية المركزة وداخل فغيبوبة القراب ليه وكانو ممنوعين …
نعيمة “قربات ليه وعنقاتو تقولي مو كتلالي عليه محساتش براسها ” : وياربي ياااربي ومزيناتك بدخلة ونورتي دارك يا وليدي اهى على سلااامتك كي فرحتيني بدخلتك الله يفرحك …
ياسين”باس ليها ايديها بجوج ” : الله ينورك اميمتي …”خرجات من صالون ومشات لكوزينة وبقا هو كيهضر معاهم مرحبين بيه وفرحانين ليه تحطات صينية اتاي وتوابع ديالها بينما يوجد الغذا …كبات ليه نجود كاس اتاي ”
نجود : عيطي لنوار تبرك معانا كترة نعاس تمرضها …
نوار “دخلات شادة فكرشها وحشمانة حيث كرشها مقنبلة وهما كلشي مجموع جاب الله دراري معرت فين دلحو …جايا وراها رميساء تا تابطات دراعها وشدات فيها” : هاني هاني…
ياسين”كيدور بجنابو باش يشوف ليها بلاصة وهي تنوض راوية غمزاتو يجيبها حداه شاف فيها وعض على فمو ” : يعمر دااارك …
راوية : وايلي هههههه “شدات نوار وجلساتها حداه وجهها بغا يطرطق ”
ياسين”قرب ليها ” : مالك ؟
نوار”كتحك ورا عنقها وتفتف” : مماليش …”هي كتفتف ماشي حشمات وليني عااااااارفة راسها اش كيتشناها شي قرصة ولا نغزة تغرق سلسفيل مها وسط البشرية الي جالسة تما …”
ياسين : ششش “كيهضر معاها بشوي” تهدني مزال ايام الله جايا …
#يتبع…🦋نور_الياسين(1077)#فرصة_ثانيةsana mina🐺🦋
جالس فوق الناموسية مكالي بايديه كيحرك رجليه بحركات رياضية راسو …سمع الباب تحل وهز عينيه بانت ليه داخلة شافت فيه لقاتو غير جالس يعني ماعريان ما والو وهي تشوف رميساء شيرات ليها دخل …
رميساء”دخلات فاليز ديالو وصاك الي فيه لوازم ديالو حطاتهم ” : هاهما خويا بغيتو شي حاجة ؟
ياسين : ولد ايساف الى فايق دخليه نشوفو …
رميساء”حركات راسها” : واااخا نشوفو دابا…
خرجات وسدات نوار الباب مشات لفاليز ديالو جراتها لعندو …
ياسين : خليها واجي حدايا …
نوار”بابتسامة حركات راسها وجلسات حداه كترجع بلور تا تهزو رجليها من على لارض ونطقات وهي كتنهج ” : هاني …
ياسين”ضور ايديه ورا كتافها قربها ليه وقبط ليها حناكها بزوج بجمغهم تا خرجو شنيفاتها وقرب فمو جرهم ليها بيه تا تسمعات شفطة …ورجع حط ايدو على كرشها كيدوز عليها ” : لكونطرول جاي ؟
نوار : كي ندخل فشهر سابع …من دابا يومين يعني الاثنين اصلا عندي كونطرول عند طبيبة الي تبعت معاها فشهرين الي جيت فيهم هنا …
ياسين “كيدوز بصباعو على حنيكاتها وشفايفها وكيشوف ليها فعينيها ووجهها وحالتها الي كضر فالخطار حيث وجهها صفر وكتبان ليه مكابرة وصابرة وضاحكة فشردو هو ” : مشينا ان شاء الله…كيف دوزتي دوك شهرين هنا ؟ …
نوار”بقات شحال كتشوف فيه حس بقلبها كيضرب بجهد ونفسها مبقاش منتضم دليل على انها بدات كتسترجع ديك الفترة الي كانت ليها عذاااب عانات منو وحدها وخا كانو معاها ووقفو بجنبها لكن كانت كتصارع الوحم والمرض وحدها وماقالتش شنو ضرها ولا شنو تشهات …حنحنات وبدات تهضر شوي بشوي” : كان خاصني نرجع نوقف على لخدمة …احم ماشي نوقف بالمعنى الي فهمتي …كان خاصني نعطيهم فلوس الخلصة ديال خدامة اغلبية صبرو مقالو والو وكاين الي مبغاش يشد ولكن شي ناس بعاد ماعارفينش بحالتك كان خاص فلوسهم تخلص ولكريديات وصل وقتهم فالخلاص …
ياسين : خلصتيهم وحدك ؟
نوار”بنفي” : لا كنت كنجبد الفلوس تعقل على روجيستر الي كنتي كتعطيني نقيد فيه خلاص كل واحد وامتا خاصو يتخلص هو علاش مشيت وروجيستر الي وريتيني ديال كريديات الي خلصتو تاريخ كنضرب عليه …والفلوس كنخزنهم ديال الغلة فالكوفر …
ياسين”باسها في فمها” : كملي …وليفاكتيغ ؟
نوار : دوزتهم والباقي قلت حتى ندوز رمضان ونرجع لديال هذاك شهر نيت …حتى “تبسمات” فقتي هههه
ياسين”باسها في فمها منخرها حناكها داز على وجهها كلو كيبوس بحب بغا ياكلها” : لهلا يخطيك عليا…”رجع شاف فيها مصغر عينيه” ديك الوقت كنتي فعدة فالوحم ؟! …
نوار”جمعات ضحكة وحركات راسها وعاضة شنايفها بتوثر” : ممم …دازت عادي راك عارف لوحم كيكون ردان ونعاس ومرض دوزتو كيف كدوزو اي امراة …
ياسين : معاها زمانها مع الي يقوم بيها…زعما كنتي مشهية وماقلتي ومالغيتي بالي فخاطرك ؟ حبستيها نوار ؟ علاش هادشي ؟ حيث كنت مريض بين ايدين رحمن ؟ نوار مكتاب عليا وعليك داكشي مكتاب علينا جميع ” حط ايدو على كرشها” هادو معندهم ذنب تكرفيصهم معاك …معنذك ذنب نتي كلك تكرفصي راسك …
نوار”سكتات منطقات بحرف كتهز عينيها مدمعين تشوف فيه وترجع تحدرهم وتعاود تشوف فيه هاد النظرات مزقوه من لداخل بقات فيه بجهد وخصوصا فاش كيشوف شفايفها كيعواجو حابسة البكية ومرة يترعدو …”
ياسين”تنهد وعنقها خشاها فيه ” : كااندي كاندي ديالي عذبتي وقهرتي لخاطر وليسر والنفسية …براكة هذا جهد شدي فراسك وانا معاك …
نوار”حركات راسها” …
في هاد الاثناء كانت رميساء جالسة حدا صفية فالبيت دخلاني كترضع ياسين وكتسنا فيها باش تهزو تديه لياسين الكبير لداخل كيف قالت ليها …حتى دخل ايساف وهي تهز لغذا غطات بيه صدرها …
ايساف”رفع حاجبو ”
صفية “شافتو طلق لبزولة هزات على كتافها تا تگرع وعطاتو لرميساء تديه …شافت فيه لقاتو باقي مطلع حجبانو ” : شنو مالك ؟
ايساف : دخل عليك براني تا غطيتي صدرك ؟
صفية “الصمت”
ايساف : هضرت معاك ؟
صفية : هاد الهضرة ماشي وقتها …من بعد ونهضرو الي قلتو ليك فطوموبيل البارح بصح عنيتو…واخا نبغي نفكر نرجعو منقدرش صعيب عليا الحال معاك انا وياك عمرنا نتفاهمو وخا دير معايا المزيان …مامكتبينش لبعضياتنا علاقتنا من لول كانت غلط وخا جربت وعشت معاك علاقة …
ايساف : علاقة نتج منها ولد …”حبسها بايدو” عارف مكنتش باغيه وغلطت بزاف وصبرت ونصبر ليك …
صفية : غذا كاينة طهارة ديالو خلينا فتوجاد من بعد ما يزگاو ناس فحياتهم نهضرو …
ايساف : غاتفكري ؟
صفية “هزات كتافها شافت فيه بحزن” : منواعدكش ايساف …بغيت الاستقرار النفسي وكنشوف وخا نرجع ليك تقدر تعاود نفس الغلط والهضرة الي خرجتي صعييييييب تنسا ايساف صعييييب …الي تهرس مكيجبرش …
ايساف”الي فيه شي فيه هههه ” : الي تهرس لصقو مو بصكوتش …
صفية “هزات عينيها بنفاذ صبر ودفعاتو بشوي من قدامها” : حيد خليني نمشي نشوف شنو خاصهم فتوجاد لغذا”شدها من ايدها ولصقها معاه هز ليها راسها من ذقنها بغا يبوسها فشنيفاتها بشوييييي وهي دفعو” حااايد…
ايساف : واااخا ..شنيفات الحلويييين الله تا كنبغيك بجهد حق الي ليه الحق …
صفية “خنزرات فيه يبغيك الخير…”ضربات فيه وزادت”
ايساف : اجيو دفلو عليا واحد بواحد …
#يتبع…🦋نور_الياسين(1078)#فرصة_ثانيةsana mina🐺🦋
اذان العصر نيشان جاه لمسامع ديالو حل عينيه على صوته كيشوف شحااال ويسمع فيه حتى كمل وهو يضور راسو كانت متكية على ضهرها ومضورة وجهها لهيه ….غفات هي وياه من فرط التعب من بعد ما تغذاو مشات بيهم عينيهم وهما كيهضرو ويتعاودو بزوج …هو عيان وهي كذلك مشعروش براسهم تا ضرباتو الفيقة دابا على صوت اذان صلاة العصر…
ياسين”تمتم بفمو بعض الاذكار حتى حس بتحركاتها وضار عندها لقاها مضورة وجهها عندو كتشوف فيه بعويناتها ناعسين”
نوار”بصوت مبحوح” : فقتي …نعسنا محسيناش…
ياسين “حرك راسو ونطق بصوته الخشن ببحة النعاس” : بزااف …”ناض بشوي عليه كيعصر فعينيه باش يحرك رجليه تا ضورهم وهز العكاكز”
نوار : فين غادي ؟
ياسين”ضار عندها ” : نتوضى ..”حركات ليه راسها وخرج هو من البيت لقاهم برا سلم على جدو الي عاد جا لقاه جالس معاهم كيهضرو ويضحكو استاذن منهم ومشا طلع لبيتهم الرئيسي الي لفوق يلاه غايدخل ليه من بعد ما جا …وصليه وحل الباب دخل لقاه كيما خلاه مجموع مهوي فراشهم مقاد …سمع صوت وراه وضار لقاها الحنانة …
يامنة : ياكما تعذبتي فطلوع ؟
ياسين”باس راسها” : لا ميمتي معاونيني هادو لاتهزيش همي …
يامنة : بغيتي تبدل ولا شنو ؟
ياسين : نتوضى ميمتي …
يامنة : كتقدر تصلي ؟
ياسين : ايامات لولة دازت بتيمم دابا قادر نتوضى بالما …قاد ميمتي قااد …
يامنة : الى غادوش نوجد ليك ماتلبس …
ياسين”حط ايديه على صدرو ” : ايييه يعمر دارك …”حركات ليه راسها مبتاسمة واحد الابتسامة فرحااانا بجهد مشا هو دخل لدوش طلق الما يسخن ولانه معندوش القدرة يبقا واقف باش ميكترش ويفشل يطيح حط كرسي وجلس عليه عمر سطل جا يهز الشامبو حتى تمد ليه هز عينيه وهو يخرجهم ” نواااار نواااار …
نوار”باش ميعايرش غمقات عليه وعنقاتو من لور هكاك فازگ بالما وبدات تهضر” : عااافاك والله ما عيييت بالعكس راني رتاحيت وخاصني نحرك رجليا ودورة دموية سولت ماما قالت ليا ماعليش غير منبقاش نفورصي على راسي والحركة مزيانة بغيت نطلع توحشت بيتنا …واصلا باغا نتوضى نصلي
ياسين : تت …الله يهديك وكان …”عض شنايفو مصغر عينيه” شنو دابا دوشي ليا ؟
نوار”حركات راسها” : ندوش ليك ههههه
ياسين : وتوضيني ؟ “شافت فيه وغمزها” الحالة عندك رجلين فاشلين …البنية ضعيفة”حيث ضعاف مع الغيبوبة والمرض ليزابدو مابقاوش وخا هو مگضر وعامر لكن البنية رياضية مشات وباش يرجعهارا مترجعش الا بالرياضة وتريتمون رياضية وشلا باش كيتكونو ليزابدو وماجاورهما وعاد تناول البروتينات وشلا الى بغاو يبانو دغيا …هو باش يرجع كيف كان صحيح نيت خاصو يرجع رياضة وداكشي الي كان كيزاول فالفيرما هزات تقل وتمارة كتعطيه بنية جسمانية رياضية …”
نوار”بقات ترمش فيه من واحد ناحية بقا فيها بجهد فييين ياسين الي كان يهزها هي وربعة منها دابا مسكين هاهو كيرجع فصحتو شويك بشوية ضو كيبان فيه …شمرات على دراعها ” : ندوش ليك …
ياسين”حبسها وشد ايديها باسهم” : حيدي ديك الي لابسة واجي عندي نشوف …
حركات ليه راسها ومشات حيدات البينوار الي كانت لابسة وحيدات الضوني وشورط ولبسات بينوار ديال حمام ودخلات عندو حشمانة شاف فيها وطلع حجبانو بلا ميهضر عرفاتو حيدات بينوار وهي تبان كريشتها قدامها قداش وهي ضعييييفة وخا هكاك لقاها ضو على كيف كانت عضيمات دابا بدات تدخل فشهورها لاخرة بدات كتنفخ من كلشي حيث شهية رجعات ونفس تحسنات والحمل بدا ينفخها …
ياسين : اجي هنا “شير ليها قدامو”
نوار”جلسات قدامو كي قاليها” : شنو غادير ؟
ياسين”مجاوبهاش على سؤالها” : تبدلتي بزاف لا ؟ فين “شحطها لور تا قفزات” هادي ؟
نوار”حكاتها” : اااي حرام عليك …
ياسين : وايلي وااايلي (زعما مزال مشتي والو) ..
هز طاسة خوتها عليها تا انتافضت مبورشة من الما حسات بنمل سرح فيها…عاود خوا عليها على شعرها …شاف شامبو ديالها حداه خوا منو دارو ليها فشعرها وفركو ليها مزيان عاد مشطو علاش ماعرف …خوا الما شللو ليها وهي مهضرات ماتكلمت عجبها الحال افتاقدات هاد اللحضات معاه…جاب صابونة ديال وجه عطاها ليها دارتها لوجهها وعطاها غسلاتو ودار ليها باندوش وجاب صابونة الكف غسل ليها ودنيها مزيان …وشللها وناضت قدامو ممحيداش الكيلوط …عطاها كرسيه وجلس هو فالحافة هابطة عليها باش تقاد معاه ومتعذبش … تقابلت معاه غسلات ليه شعرو وصدرها قدامو لكن بعيد مع مكاليه كرشها …شدو ليها وقاسو كان منفوخ …
ياسين “مصمصو ليها هي تبورشت وهو حس بالمعلم كيتململ هههه ” : الله …
نوار: اييي بشوي خليني نغسل ليك شعرك …
ياسين”طلقهم وسلم امرو ليها …صابر وتوحشها بزاااف …لكن الوقت حاليا ميسمحش حتى ينفارد بيها ويعرف واش العلاقة مسموح ليه بيها حيث كيشوف حالتها عيانة وسوفل عندها مقادي وغير كتنهج وحرارتها مرة مرة كترتافع …” : اوووفففف…
كملات ليه وناضت هي مشات لدوش لاخور الي كيتسد بالزاج ديال شخص واحد تشللات حيدات كيلوط وتوضات هزات بينوار لبساتو ولقاتو تاهو لبس بينوار ديالو هز عكاكزو وتم غادي خارج تا وقف طل لا تكون يامنة ساعاك مكايناش عرفات اصلا كاينة نوار خلاتهم براحتهم …
ياسين”جلس فوق ناموسية نشف ولبس حوايجو تيشرت وسروال سورفيت وتقاشر …ومشا فرش صلاية وتحنى بشوي تا جلس وصلى جالس …كمل وسلم لقاها كتصلي تاهي جالسة …تسناها تا كملات وسلمات عاد نطق وياااريتو ما نطق …وقف هز عكاكزو وتم خارج ” : انا لتحت خارج برا …
#يتبع…
#تتمة_البارت_1078_نورالياسين…

فواحد الدوار من الدواوير القريبة ليهم …كيف جا اسامة من مراكش سلم على ياسين جاو دراري تغذاو وديك ساعة طلعو بدلو ولبسو وتقادو وتانتكو اسيدي …اشرف ب تيشرت من levis فالاسود وسروال دجين بلومارين موقف شعر بجيل وريحة تعطعط وعلي الي مسخوط باقي ليه يومين ويرجع لبرلين ضارب ليا حطة قميجة فالگري نص كم وسروال فصالة فالاسود وتاهو موقف ليك شعرو ذهبي ومشذب لحيتو وريحتو تعطعط …واسامة تيشرت بيض فيه كتبة بالاسود وسروال دجين وتاهو مرجع شعرو لور ياسين فالصغير صافي هههه …ركبو فسيارة اسامة مخليين ايساف والحبيب كيشوفو فيهم …
الحبيب : هادو جاوني مغادينش لعرس غير هكاك …
ايساف : وتا را غير عرس واحد من الخدامة داير قصارة لرجال وعيط ليهم …
الحبيب”خبط حناكو ” : ناااري وقصارة الفلاحة ماتبشر بالخير را غير القراعي يتشايرو وشياخ…
ايساف”ضحك بجنب” : تهههع مالهم علاش غادين غا على ود شياخ …
الحبيب”بقلق” : شوي وفكرني توصل الطناش نعيط ليهم يجيو الخرا ميدخلو تالفجر الوليد يعلگهم برب الجليل …
اما هما شدوها مشية وحدة مسافة خمسطاش لكيلمتر لواحد دوار جاب الله طريق معبدة ومصايبة مفيهاش بيست بالحجر…وصلو مع جوايه العصر سولو على عرس فلان ولد فلان دلوهم نيشان تا لقاو الخزانة مبنية وناس كدخل وتخرج باقي مبداش العرس …
اشرف : واقيلة مزال مبداو…
اسامة : غانجلسو فالصالون عند المنتصر (العريس) تاتبدا جرة ونزلو …
علي : زاااهية جرة وداكش …
اسامة “ضار عندهم” : اشوفو العشرة لحداش نتيسرو جينا غانشطو وصافي …
اشرف : كون هاني نسا دابا ودخلينا فمود شاليلي يا بابا توصل حداش يرجعو سندريلات فحالهم(هما سندريلات زعما) …
علي : عليك نوووور “شاف فاسامة” نخرجو؟
اسامة”كيعيط فتيليفون” : صبر …الو وفين ابا العريس ؟ هاحنا فباب خيمتكم …واااخا…”قطع”
تسناو تا جا خو العريس كيف قاليه ونزلو سلمو عليه وركن اسامة سيارة لداخل بعيدة على ناس فالدار نيت مع ضاير بيها سور ديال تراب ودخلها فين وراه خو العريس …ودخلو تبعوه تا دخلو صالون كبيييييييير وطويل مفرش غير بزرابي مصايبين بشرويط على ايدين عيالاتهم ومبطنينهم عاد دايرين لحافات ومخاد …لقاو رجال جالسين على صينيات اتاي ومجامع وشي مجمع مع شي وناس داخلة خارجة وزغاريت …تسالمو مع العريس …
اسامة : ومبااارك مسعود العود…
منتصر”ضارب ليك كوستيم كحل وقميجة غوز مسطاجو يعمر مخاد صالون ويشيط ضحك تا بانو سنانو مصديين ” : تا الله يبارك فيك اولد الحاج …على سلامة الفحم …
اشرف”قرب لعلي ” : سنانو هذا غانشوفهم كنصوم يومين …
علي : يييخ تقول عاض فخرية …”اابتاسم وسلم عليه” اهههههه مبارك مادرتي …
منتصر : بركو بركو …مرحبا بيكم مرحباااا”فرحان ولاد رمسيس جاو لعرسو دنيا مسايعاهش عند بالو را من القياد هههه ” تا را مالين شي عندي”شاف فاسامة ” هااا وبليمين متمشيو تتنشطو وتاكلو وتمشي ناسيين دنيا…
اشرف”حك على صدرو”
اسامة “ضرب ليه رجلو” : كاين شي فيجطة ؟
منتصر”رد ليه ضربة تا قفز” : كاين بات مات فيجطة تا را غا زينة على ختها مجايب ولد صبايطي …
اسامة : اوااااو تا را كيضبر عليهم غا هما “ضار عند اشرف وعلي” كيجيبهم من مزاب ولا خريبگة “رش بصباعو ” النگعة ديال زين فيهم
نقز واحد حدا العريس .. تا را غا ايدها قويلب سكار…
اشرف : الله يا رسول الله والعزيز على ميمتو ميتخص…زاااهية …
في هاد الاثناء هما كيضحكو ويهضرو على القصارة الي فيها غير رجال …فواحد الجيهة فين كاين طايبة قدام سطر ديال الگوامل وطناجر ديال سفة ولحم والبرقوق …واحد المدوخ منقولش هبيل وانما من نوع الي مدمن بزاف ديما سيلسيون فجيبو والحشيش …هاز ميكة فيها
سلسيون كينفخ فيها ويفش على نيفو ويغمض عينيه …سروالو نصو طايح وهاز فايدو واحد القرعة فيها شي تخليطة وجاي …تا وصل عند التباخة وجلس …
التباخة : عصام اش جابك …
عصام”فش الميكة وهز عينيه حمرين فيها معسلين” : اععع اعووو عطيني شوي فخبيز…
تباخة : نعطي لولدي وكحز لهيه راك مدوخ لا تگلب ليا على شي طنجرة …
عصام “حرك راسو وجا بغا يكحز خوات بيه لارض مع مدوخ …وديييك مولاتي القرعة مفيهاش الغطا طاحت على البرقوق المعسل …ضار هزها عتق فيها غير شوي اما تقريبا نص الكثير فيها طاح فالمعسل ديال برقوق …جمعها وخشاها فجيبو وداكشي دخل وترطب فالبرقوق ومع العسل وهو كحلين مبانش …” ااااو اوو لله…
تباخة٢ : هاد برقوق خلطتيه شي ؟ “كتحرك فيه”
تباخة : طفي عليه وخليه غايبغيو يسبقو الماكلة هيلي يتحركو لخزانة …”شافت فعصام الي خاشي وجهو فالخبز ينتش فيه” كول اوليدي كول الله يرضي عليك تبت ولا دير شي زبلة تاني من عوايدك …هاااهيا…
عصام”حدو فرنس ليها باش يقول اش دار العقل اصلا عندو افرفر “…هاهاااااااا..اييي بنيننن…

#يتبع…🦋نور_الياسين(1079)#فرصة_ثانيةsana mina🐺🦋
نزل لتحت لقا نجود وراوية وصفية ويسرى ويامنة جالسين على قهيوة متبوخة معطرة مع العصر هي الي كيديرو حتى كتوجد نعيمة وهما الگوتي …لقا عليهم سلام وجلس شوي حداهم …
نجود : شوية ولدي ؟
ياسين “حرك راسو” : ولله الحمد …
يامنة : نكب ليك قهيوة ولا تسنا اتاي ؟
ياسين “جبد من جيبو باكية الگارو وبريكة ” : لا لا ميمتي خارج شوي هنا فين الوليد ؟
يامنة : برا نيت كيهضر فتيليفون وعمك يوسف والياس طلعو لمراكش عند شي صحابهم …”شافت الگارو” رجعتي ليه ميمتي ياك ؟
ياسين”تنهد” : هادشي الي عطا الله …واحد براكة …
يسرى : نقصتي الدوا المهدئ داكشي باش ياك ؟؟
ياسين : هانتي فهمتي …”شد عكاكزو وقفهم وتسند عليهم ووقف …واستاذن خرج من تما توجه لبرا تا خرج بان ليه فؤاد بعيد لابس فوقية بيضة كيهضر فالفون بروسية شوية مغربية عرفو كيهضر مع ايلاف …جلس تما وشعل سيجارة كما فيها نص عاد ضار عندو فؤاد وشير ليه باش يبقى تما عاد ناض وتمشا عندو …” تحرك معايا عند الشهلة ؟
فؤاد”غمض عينيه وعض شنايفو عرف وصل الوقت الي خاصو يعرف حيث ملي جا وهو كيحاول يجبد الموضوع كيغمق فؤاد باش ميسولش ومخليه تايرتاح ولكن ياسين هو هذا قد ما جلس يعرف بطريقتو راسو قاصح والى شك بليمين لا تدارت بيه …” : الشهلة …”تنهد” يلاه…
تحرك هو وياه من تما غادي معاه دقة دقة كيهضر معاه ويحاول فؤاد يوجدو حيث غايعرف يعرف …تا ضارو جيهة الاسطبل لقاو سالم ودراي الي خدامين تما …
سالم”جاي ويصرط ريقو” : الفحم عاش من شافك نورتي اخويي نورتي …
ياسين”حط ايدو على صدرو” : يعمرك دارك …”ضار فجوايه رافع حاجبو ومصغر عينيه مع شمش ويتعكز يضور يشوف هنا وهنا تا رجع شاف فسالم ” واحد شهلة والفحم …
سالم”شاف ففؤاد الي غمض عينيه وحلهم وهز ايدو قاليه بمعنى انا نهضر” …
فؤاد : جيب ليه شهلة …
سالم : هي دابا …”مشا دخل لداخل واحد خمسة دقايق تا تم مخرجها وراه جايا غييييييير شافت ياسين وهي تبدا تهز رجليها وتحطهم وتصهل …ياسين شافها وغمض عينيه ببشاشة وعض شنايفو …مشا كيتعكز ويقرب ليها وهي تصهل بداك صوت تا قرب ليها وهي تحط رجليها وعطاتو راسها وقرب ليها براسو حط جبهتو عليها كيدوز بايدو مكالي بعكاز واحد…
ياسين : شهلة العياااني …
الشهلة “كتصوط وتدوز براسها على جبهتو واحد المنضر خلا سالم واقف يشوف ويقول سبحان الله وفؤاد ربع ايديه تاهو كيشوف فهاد العضمة ديال الخالق الي حاسا بمولاها وفرحانا لرجوعو …”
ياسين”بقا كيشوف فيها كتصهل ومرة تسوط بخنافرها دليل على انها ناشطة وتهز ف ديلها القوي بالشعر الذهبي …هز عينيه فيها لقاها كتحدر راسها وتهزو منيزة بديك الگصة الي فجبهتها” : صحتها ؟
سالم : مخيرة مابقاتش كيف كانت …
ياسين”تنهد كيحرك راسو ورجع نطق” : الفحم ؟
سالم”ضربات مو اللقوة ”
فؤاد”حنحن وتقدم ناحيته وحط ايدو على كتفو تا ضار عندو ” : الفحم كتاب ليه عمر جديد هاهو قدامي …فهاد دنيا متمنيين الي تلگا علينا …مادينا غير الزين والشين …الي مكتابة توصل لينا …ولا شنو ؟
ياسين : كلامك تمر …
فؤاد”ضار شاف قدامو” : الفحم خيل من الخيول ماااكتاب ليه يبقى فهاد دنيا “ضار شاف فيه لقاه مخرج عينيه ومصدوم ” الخيل لا مشا يتعوض اولدي يتعوض …
ياسين”عينيه خرجو من الصدمة فمو تلجم حس براسو كيدور وصداع خفيف زار راسو حس بالعافية شعلات فصدرو …تا لاح عكاز واحد وحط ايدو على صدرو كيحك فيه …”
فؤاد “الصمت خلاه يخرج رد الفعل ويعبر على صدمتو”
ياسين “ضار بالعرض البطيييء جيهة الشهلة وضار جيهة الاسطبل فين كاينة بلاصة الفحم حيث بيتو هو لول …ورجع شاف فجنابو ماحسش براسو حتى ضار وبدا يعكز غير بعكاز واحد كتافو طاحو وعينيه ولاو حمرين …
وخا مدوزش معاه بزاف الا انه تعلق بيه وتعلق بيه ملي لقاه صغير عاد زايد وحكايتو معاه حكاية عارفها سالم وعاشها معاه …سالم حدر راسو متاسف …بقاو كيشوفو فيه وهو غادي تا وقف وهز عينيه لنقطة بعيدة ونطق بصوت متقطع متدبدب ” : لگا عليا الباس لگا عليا الباس…
فؤاد : لگا الباس مكتاب ليه …
ياسين”عينيه غرغرو وحرك راسو وهو يحدرو وتحدر جلس فوق حجرة تما فحال كرسي صغيرة “…
فؤاد : لگا الباس بغاها ليه الله معندك اعتراض على حكمو …الخيل يتعوض صحتك اولدي الي متعوض لا بمال لا بجاه …جربنا معاك الغبينة والنكسة جربنا الغدر جربنا حرقة دنيا ودين وحرقة الولد …ماعوضنا برجوعك
غير الدعاء لرب العباد لا مالي نفع لا سلطتي نفعات لا صلاحياتي …لا هيبتي وقفات فوجه الله …ركعنا ليه وطلبنا وما خيبنا …حتى رجعك لينا سالم غانم …
ياسين”الصمت”
فؤاد : هز راسك وحمد الله على ما عطاك …وشد الهبة والهدية وبدا صفحة من جديد …هادي من باك الي فرح برجوعك وسط خوتك …
ياسين”هز راسو وشاف فيه مافاهمش ضور وجهو لقا عمامو واقفين الياس ويوسف وحداهم ايساف والحبيب جاو حدا فؤاد …”
فؤاد شاف فسالم وحرك ليه راسو وهو يعيط لعبدو صفر ليه حتى تم جاي جار وراه وااااحد مولاي الخيل سبحان من صورو مزال صغير شوي وليني شوفة فيه كتخلي القلب يضرب..
غير خطواتو كتسمع طك طك كيقرقب بحوافرو وتعنگيرتو عاطياه هبة لون البيض فيه يخليك ترتاااح ….”
فؤاد : البيض صفحة جديدة والنور نورك…بصحتك وراحتك …”ياسين بلا مايشعر ناض وقف تا كان غايطيح كون ما مد ليه الحبيب ايدو وشدو “…
#تصبحن_على_خير….🦋نور_الياسين(1080)#فرصة_ثانيةsana mina🐺🦋
ايوى يااا سيادي ويا انساتي …بدات الفيجطة مع اكتمال اذان العشاء …وقف العريس كيرحب بضيافو ووصى العيالات يغبرو من ساحة تايخوجو الرجال الي غاينزلو لخزانة لتحت …
منتصر : امرحبا بال رمسيس ومرحبا بالقياد الكبار …” صونا لاشرف تيليفونو كان الحبيب الي صونا ليه …
اشرف “داير صبعو على ودن ولاخرا فيها تيليفون” : وااااالو (الو زعما) …
الحبيب : ااااالقواد الي حطك تعطلو وتحفا ليكم جرية متجيو تالفجر تلقاوه عند الباب
ايساف”من بعيد” : را يضور ويسول ويوصي …ماتعطلوش ديك طريق خايبة تما…
اشرف : وتا هنا علينا توصل نص ليل تلقانا تما تا شاودي شبغا يعطلنا صحبي…
الحبيب : وسير سير “كيسمع جرة ديال كمانجا ” هاديييييييك …احم سير متعطلوش …
اشرف : ههههه صافي خويا “قطع معاه وضار شافهم مشاو تبعهم كيزرب لقا صبرديلتو وحدة كاينة ولاخرا قبسوها ليه لعند واحد العتبة ديال طواليط خنزها يقبس ” يخ يعطي لديلمكم الباسر اش واكلين اش صارطين بنادم …اتفو …خليتوه فتراميكم تا ولا حايل مبقاش خرا …”
مالبس ديك سبرديلا تا ولاو عينيه حمرين وهو حابس النفس …مشا تبعهم نزلو جيهة الخزانة لقا دراري فطابلة لولة شادين ليه كرسيه …هز عينيه بانو ليه ربعة شيخات لابسات الموڤ ولموزون ضاير على خصرهم قبل ميبداو شطيح يهبطو لترمتهم ههههه بيضاااات يشعلو زوجات دايرات ليميش وزوجات شعرهم مصبوغ بالكحل والخامسة اليهي شافة لابسة الكحل وضاير بيها لموزون وشعرها حمر باينة كبر منهم فالعمر شادة لميكرو وضايرة تهضر مع الي كيحرك لكامانجا …
اشرف : هاخخخخ على حبي الي عطاني سيدي ربي …”جلس حدا دراري” وقاليك رجعو بكري …اودي اوديييي …لموڤ پوغ لو موفمون ….”هز حجبانو وحطهم كيفرنس” .
التباخة : اري ديك گميلة هاد البرقوق الي هنا هو الي يتسربى لطابلة العريس …را فيها خوت ياسين ولد رمسيس الي فدوار ديال ولاد العرف …
التباخة “مداتها ليها وغرفات البرقوق نص منها وسقات شوي من عسل ديالو فوق اللحم ..وعطاتها طبسيل من بعد ما نقات ليه جناب وهزاتو مداتو لواحد السرباي هزو فوق وداه لطابلة حطو ليهم …”
منتصر : يا بسم الله كولو ماتحشموش …
اسامة : بسم الله …
سماو الله الدراري وبداو اول حاجة داك البرقوق دازو عليه كامل …المشكيل الي وقع ان داكشي الي تخوا هو مجموعة من مقادير ديال عشوب وغبرة مصاوبة كتغيب لواحد وكيولي مهلوس مرفوع باش كيدخل فواحد القوقعة فيها غير هو واللا واقع هههه(العشوب لا داعي لذكرهم )…
علي “كيخشي فالبرقوق” : تا معسل اصحبي فيه واحد لمطة فشكل عمري ذقتو …
اسامة : الفجلة عسلات تا عيات مدارت بحالو”شاف فمنتضر العريس” قول لخالتي التباخة صحة صحااااا …
اشرف : البنان اصحبي …
ايوى بقاو هادي برقوقة ضر هادي تنفع تا دازو عليه ورجال تاهما كلاوه ديك طابلة وحدها …اري ليك طبالي لتخرين شادين قراعي ماحية هزوهم من المياكي هما باش دوزو اما الموناضة حسبوها ماء والماء حسبوه باش يغسلو فامهم ههههههه ….
تسالات الماكلة تحط الديسير …كان عبارة على دلاع او بطيخ ومهاية وبعض التفيفيحات على قدر مستطاع عايلة العريس وصافي ناس على قدهم …
اشرف”حس بصهدة طلعات معاه مد ايدو لطرف دلاحة كلاها تا خلا غير البيض ووالو مبرداتش ليه العطش” : تا هاد دلاح شتو قاصح …
منتصر”صغر عينيه” : تا را تفاح هذاك الي كلتي ..
اسامة”كياكل فصمت ”
علي “حك شعرو ودوز على قرفادتو وهو يتگرع تا تسمعات فتادلة ” : گرررروراااع …
اشرف : ااااالعگر …
علي “كيهضر ومزاگل” : خليناااااي …
بقاو ياكلو شي عرفوه شي مفرزوه تا تهز ديسير وتجمعات طابلة بزبلها تهزات الميكا …تكاو كيحكو وشي يتگرع واحد جوج رجال حداهم بداو يدورو راسهم مزال كاع مبدات جرة ….
الراجل : وااااواواواواو عيطة داودية “ضار عند شيخة ” واااااااا سمية وااا اتينا …
سمية “شدات الميكرو ودارت ايدها على نصها غمزاتو” : باش نبدا التهامي …
اشرف”ناض وقف تا تنشرو لاخرين خلهم وناض بجهد …وهز ايدو وغمزها تاهو ” : وااطلقينا بالعلوة …
سمية : اش سماك الله …
اشرف : سيييييدك ولد سيدك ولالاك اشرف رمسيس …
سمية “ضارت وهضرات مع مول الكمانجة ورجعات شافت فيه ونطقات بصوتها الباح …” : وااااااااااهيا الحبيب وااااااهياااااااا…
علي”ناض وقف وضرب على صدرو عينيه حمريييييييين بغا يبكي …” : احاحاحاتحححححخخ نياااهاااااع …
اسامة”لابد وكيهضر بالحس عند بالو را منوض روينة وكيشطح ولكن فالواقع را غير فبلاصتو وكيهضر بينو وبين راسو تاهو عينيه حمرين وكيشوف فلارض” : هاديييييييييك ا ببب …
سمية : وااااااااهيا الحبيب الغالي وااااهياااااا الكاويني الشاويني يااااا…
اشرف : نعاااااال طاسيلة يماك تغني على الوليد تسمعك الفجلة تگعد عليك …
سمية”مع كتغني الموال مسمعاتوش هههه” : وااااهيا شاويني واااهيا الحبيب الغالي لا تخليني نعاني واهيا المعذبنييييييي….
علي “نقز بصوت عالي” : اييييييييو …
سمية : وااااهيا واااهيا واااهيا وااااهياااااا…
بدات جرة واحد جوج تلاتة ….
سمية : وااااواواواواو والعلوة ساكني …
اشرف”دار ايديه وراه وحدر راسو وتم غادي لعند دوك شيخات وتخشا وسطهم بدا يدور راسو كي طرينبويا …” : اصييييييييييييييييييكص ….
#يتبع…🦋نور_الياسين(1081)#فرصة_ثانيةsana mina🐺🦋
ناض اشرف تخشا وسط دوك الشيخات الي ضارو بيهم رجال بدات التبويقا عندهم بماحيا وروج كتطلع اما دراري را ربي الي عالم بيهم فهاد اللحضة …تا ناض علي تاهو كيبان ليه اشرف الي كيضور وربعة الشيخات قيم عليهم هههههه …تخشا تاهو وسطهم شداتو وحدة منهم بدات تشطح فيه وهو يا يلوز ليها يا يشطح بكتافو …
اسامة ” هذا مسكين بقا لابد فبلاصتو متحرك ماوالو كيشطح غير فبلاصتو عقلو مع تبويقة مصور ليه را كيشتف فوق جفنة لاكن الواقع مسكين غا جالس حادر راسو وكيشطح بكتافو بشوي وشوي يبدا يطرطق فصباعو هاديك عندو هي تصفيقة زعما وكيغني غير حرف بحرف” :
ه هااا ش ويني كويني ايييو ش شوييي هاهاهااااي هاهاي …ان ان انيني …
اشرف”تحدر على ركابيه وايديه وراه وراسو كيدور كتشطح الشيخة وتلوي فديك ترمة بسرعة البرق وعلى مزيناتها ياربي شوفة فيها تخليك نتي بنت وتزعطي وميتة بالضحك معاه …” : واااااالعلوة لا تكلم وااااهاهاهاععع….
علي”وحدة جات قدامو وتحنات كتطلع البوط وتهزو وهو كتافو من كترت ما فيبرا بيهم مابقاوش بغا يحبسو ليه هههه اما خلاص را فعالم اخور …” : ااااتيني اتيني بالفلوووس اتيني بالبوط ونگغغغغغ….اييييييييي احااااح ….
اسامة”متبت عند الناس وراه يطير عند عقلو” : اه اه اها…اااشمس العشية اننن نننن …هادييييك احبي …
فهاد اللحضة صونا الحبيب مع تخشعو من وراه لعشا ليهم ساعتين وهما مشقلبين بشطيح …هز اشرف تيليفون الي دعقو …
اشرف : وفيبرور قيمني …”طلق الخط وكان ابيل فيديو …”
الحبيب”كيصغر عينيه ويشوف فيه ماعلا برجوش ” : امالك اداك العزي”طل يوسف وايساف عليه ”
يوسف : مال وجهو هكاك داير”بانت ليهم شيخة على كتف اشرف كتشطح وعنقاتو وضار اشرف باسها فحنكها وشاف فالحبيب غمزو ”
اشرف : بب …
الحبيب”خرج عينيه وضار شاف فيوسف وايساف الي حبس الضحكة ” : اشتا تقول انت ،
اشرف : انا جاي ليك احبي لقاك فبيتنا …
الحبيب”بالدعقة طفا تيليفون …” : اويلي ؟
ايساف”حبس ضحكة كان غايتفرشخ حتى دخل ياسين كيعكز وشاف فيهم”
ياسين : فين دراري ؟
الحبيب : عيطت ليهم هاهما جايين اخويا …
يوسف”ناض وقف وشير الحبيب وايساف يتبعوه” : انا برا “شاف فياسين” دابا يجيو معروضين لعرس شي واحد من دراري الي خدامين عندك …
ياسين”حك لحيتو” : ايه منتصر …”شاف فالحبيب” ميتعطلوش داك الدوار فيه القطاطعية هادشي اسامة عارفو زعما “رفع حاجبو معصب”
الحبيب : صافي انا نعيط ليه يجيو دابا…
حرك ليهم راسو ومشا طلع لفوق لبيتو هو ونوار …اما يوسف خرج تبعو ايساف وتبعو الحبيب …سول على دوار فين كاينين ومشا لطوموبيل هو والحبيب وايساف كان غايمشي حتى وقفو الياس مخلاهش وباش يبقى فالدار ميردش فؤاد البال هو ومصطفى ….
اما شرفاء الرمسيسيين وسباعي راهم سالاو شطيح وناضو تاني جهلو واحد جهلة تا بغاو يحطو الحوايج …شي ساعة وهما يجدبو اتا وقف عليهم ايساف والحبيب ….
الحبيب”نزل على اشرف لقرفادة تا غوت ” : وااااخا القواد وااااخا…شارب يا ولد زوادة …
ايساف”جر علي بجهد كتفو مع ميت مسالي مبوق غييير لاوي ليه فايدو …عيط لالياس شير ليه على اسامة الي لقاوه مشا لقنت الخزانج وجلس قفازي علاش الله واعلم ههههه ” : جر هذاك اخالي الى كمل الخرية قوليه يتگعد…
الياس”مشا لاسامة هزو من لور تا وقف وشاف فيه جمعها معاه بتصرفيقة لحنك” : يااااا الحماااري اش داكم ااااش داكم …
اسامة”دار صبعو على فمو” : ششششت بلاتي نكمل …
الياس : شنو ؟؟؟
اسامة “بقا يشوف فيه يشوف ويطلعو ويهبطو حتى بدا يفرنس وبدا يشطح بكتافو” : اني اخرى اني احزق انيييي اني …
الياس”نزل عليه لقرفادة تا نقز جوج خطوات سبقو كان غايجي على فمو” : تاكلها وطليها ياودي ليلتكم كحلة ااااابلاتي ….
جروهم بالكشيفة عيطو لشي وحدين ساحيين تما واقفين عالعرس عاونوهم تا لاحوهم لور بتلاثة حدا بعضياتهم جا حداهم ايساف اما الحبيب هرب حيث اشرف كان يشوف فيه شوفات ديال ماهكاكش ….
الياس”شاف فيهم من المرايا وكسيرا ” : بلاتي على القواد بوكم …
اشرف : ااااابلاتي على ديل ديماكم الي رااااااجل”كيضرب فصدرو وعينيه حارجين قاليك ويارض اشتدي ما حدا قدي ” : يقرب ليا يحساب ليكم تخلعوني بداك الوليد فؤاد …نتقابل معاه نطحو نطحة وحدة ميعاودش …
الحبيب”بدا يلالي وراسو لتحت ” : يااااا ويلايي ويلااااي ويلااااي يا قوادت يااااو …
علي : الحبيب …
الحبيب”ضار عندو” : سكتنا اش كاين ؟
علي : الحبيب …
الحبيب : شنو ؟
علي : كيفاش نتعلم نكوي …
الياس”فرانا بجهد كان غايجيب لحبيب لقدام يسبقو على كرشو غا حفضهم الله …” : وناري علو القواد …سكت عليا الخرا …
علي : اااااطونسيو تغلط ااااطونسيو …دومان جوفي الي او طواليط بوغ الي الاليمان( الفرنسية تحوات) …جوتيم حسنا…
اسامة “الصمت باقي كيشطح بكتافو كيشوف فيه ايساف كيخرا بضحك ”
اشرف : حسنااااء ءءءء ماشي حسنا يحسن ليك نتا وياها بلا ما …
علي : اااي نو طوا اوسي …
الياس غادي سايق وكيتفكر نهار وقعات ليه نفس القضية غير فرق انه شرب نيت اما هادو شنو وقع ليهم تاترفعو وخصوصا علي واشرف معمرهم حطو فمهم فهادشي اما اسامة مضنش انه يرجع يتبوق وهو عاد ما برا من الادمان …
قربو يوصلو لدوار ويدخلو لفيرما ومتمنيييين ميلقاوش فؤاد كيتسنا …
#يتبع…🦋نور_الياسين(1082)#فرصة_ثانيةsana mina🐺🦋
دخلو بالحس غير بشوي حتى وقفات سيارة وتشعل ضو لقاو فؤاد وياسين ويوسف كيتسناو اما فؤاد عينيه مخنزرين حيث تعطلو مع وقيتة جوج دليل مشاو يجيبوهم اما فاش وصلو قرب الفجر ومع الاسف لقاو كيتسنا …
الياس : سلخة الي خذيت غاتضرب على ثلاثة هاد المرة كاين دوبل فؤاد ويوسف …
وقفات سيارة قدام الباب من بعيد …خرج ايساف والحبيب طلو عيهم باقين واحد جوج علي واشرف وجاههم صحاح عينيهم مخرجينهم فيهم اشرف قاليهم متقربوش الي قرب ندخل فعدو ربو …ايساف كيبغي يجرو ينتفو كيطرطق بالضحك تا فشل …اما علي هذاك قاليهم تهضرو معايا مزيان عاد نزل …اما واحد اسامة هذاك مسكين مزال مالقاش الي يخرجو من مود سيلونصيو ههههه …
الحبيب “غوت تا قفز اشرف” : تگعد الحمار تگعد خرج …
اشرف : سكت يسكت ريحك”رفع فيه حاجبو”
الحبيب : واااخا على موك تالصباح….
اشرف : الى خليتك احبيبة تعرفي تمشي …”عض شنايفو باغراء”
الحبيب : هههههههههههههه لاااااهتا قوادت …خرج البيدوفيل بغيتي تغتاصبني …
فؤاد”هضر تا زعزعهم هذا غير هضر” : يالاااااه …دااااااخلهم …
ياسين “تمشا بعكاكزو تالعندهم وطل عليهم مخنزر هز عينيه بانت ليه نوار شادة كرشها وكتشوف فيهم وشير ليها براسو دخل” : يلاه …
نوار”ضورات راسها ودخلات حيث كان البرد”
اسامة”خرجو الياس وايساف …تا وقفوه وضارو لاخرين خرجو علي بالكشيفة تقولي كولة لاصقة فداك الكوسان يقربو ليه ينتفهم هههههه …خرجات يامنة وراوية اما نجود بقات لداخل وخرج مصطفى لعندهم …
فؤاد”وصل لقمة العصاب خصوصا كيهضرو شي هضرة را لا حول ولا قوة …سنانو كيبانو كيتغززو …”
وقفو علي بزز باش وقف شدو الياس رالحبيب تحنى على اشرف وايساف عليه من جيهة لاخرى كيدفع فيه ولاخور نبت ليهم تما …بزز تا جا يوسف جرو معاه خرج طاح على ترمتو …
ايساف : يلاطيييييف …”ضار يقلب على اسامة لقاه واقف لهيه كيبول خدام يشرش ويحرك فكتافو كيدندن” هههههههههههههههههههههههههه …”شاف ففؤاد وهو يصرط ضحكة ” اوووو …
اشرف “ناض وقف صاعر مشا لحبيب هز ايدو بغا يصرفقو وهو يشدو الحبيب نزل عليه تا ضار ورجع شاف فيه ” : اطوااااالو ليك لايدين اااا معلم ااا ياك البطل تا تمد عليا ايديك “دوز على لحيتو” الى ما رديتها ليك …
فؤاد”نطق بجهد تا قفزو دراري لاخرين” : اشراااااااف “شاف فيه اشرف لقاه مخنزر”
اشرف “ضرب على صدرو” : ااااح خلعتيني ..”خرج فيه عينيه” تهدن اشريف …
رميساء”خرجات كطل عليهم وحطات ايدها على فمها ” : ويييييلي حي …
ياسين”خرج عينيه” : اشرف !!! شي باس مكاين …” قرب ليه وهز ايدو نزلها عليه بطرشة تا بان ليه رعد فتيكيوين(تحية لناس اكادير ) …
“صرخ بجهد” تگلع دخل “شاف فالحبيب ” دخل لحمير خوي عليهم الما يلاه …”بغا يجرهم وهو ينطق فؤاد بجهد…
فؤاد : لكووووووري لوووور “غوت” يلاه …
علي : لاش الكوري ؟ اصحبي دخل اسامة العجل …ويلي …
فؤاد”كان غادي داخل باش يرجع ليهم تا وقف وضار نص دورة فيه …غير خنزر فيه وهو يفرتح علي تا شدو الياس …”
يوسف”حط ايدو على كتف فؤاد” : كون هاني بتلاتة يدخلو غير سير …
فؤاد : ماتحركوش من حداهم انا جاي “شاف فياسين” دخل ترتاح نتا …
ياسين”شاف فباه” : الوليد وسع خاطرك تالصباح ونعرفو كيفاش وقع هادشي …
فؤاد : انا جاي …”ومشا دخل”
اما ياسين عرف باه مغايعقلش عليهم وهو نيت غير لقاوه مريض …مشا ليهم بثلاثة كل واحد عطاه ربعة تصرفيقات بضهر ايدو تنوض راگد ……
تحاماو عليهم دخلوهم بتلاتة لواحد كوري تما ديال فيرما صغير داير فيه ياسين زوج بقيرات وعجل وشي خرفان ومعيزات لدارو …حتى تم جاي فؤاد كان كيكمي ومشا ليهم …عيا فيه مصطفى ووالو ماسمعش ليه …
فؤاد “غوت بجهد” : قلة ترابي على اخر ايامي على اخر اياااااامي”غوت تا بح صوته ” تقواديت اااااااا “هز ايدو نزل على اسامة تا تشبح وسط الروت والبول ديال البقر هاديك نعستو”
اشرف”شافو قرب ليه وهو يحنزر فيه باقي ميحشمش وهز صبعو كتحدير” : اااااااطونسيو تمد ايديك وياااااك …هايهاي هاي هاي تقواديت ؟ الي معنى علينا يمعني على داااااداااه …”مع داداه نزل عليه فؤاد براسو تا ضار وطاح فلارض ” حل عينيه وسدهم وحلهم ” لااااااااهياربي شقلب ليا لكارط مير …
بقا ينزل عليهم هذا يطرش فيه لاخور يدخل فيه براس بقا يعطيهم ويسلخ تا شي بال فحوايجو وشي بغا يطلقها…اشرف صافي تقاداو ليه تخراج العينين طفا اما اسامة صافي لبد …ما تفكو تا غوت مصطفى عاد حيد فؤاد حشم منو …
فؤاد” شير لحبيب وايساف والياس ” : لهيه وياك شي حد يحل عليهم …
حركو ليه راسهم وهزوهم جروهم واحد بواحد فواحد البنيقة صغير كتقد غير واحد بزز هما دكسوهم فيها بثلاثة …وسدو عليهم بالقفل خلاوهم تما مشاو مبقاوش هضرو …
اما ياسين شاف تا عيا حيث ميقدش عليهم باقين رجليه فاشلين خلا تالصباح يتفاهم مع ملهتهم …
#يتبع…🦋نور_الياسين(1083)#فرصة_ثانيةsana mina🐺🦋

#فلاش_باك…بعد عصر هاد اليوم

ياسين”وقفو عبدو قدامو لخيل الي وقف ويهز رجليه بشوي كتسمع طق طرطق..بقا كيشوووف فيه ونطق ياسين موجه هضرتو لحبيب الي شاد فيه” : béquilles (لعكاكز) ..
الحبيب : واخا خويا “تحنى هزهم وعطاهم ليه قبل ميفقد توازن …”
ياسين”تمشى بيهم شوي تا قرب عند وجه لخيل كيشوف فيه عينيه حمريييين وزادو منضر الخيل وانه هدية باه را شعور واحساس وقشعريرة تفوق الوصف ..عض على شنايفو بحب مد ايدو كيقيص فيه حتى ساط الخيل زفر وعاود ” : شششش …سبحان من صور فيك هاد الصورة …
الحبيب : تبارك الله “ضار عند باه ” مخير …
ياسين”ضار شاف فباه ورجع شاف فالخيل” : الگمري …
ايساف : نوعه ؟
ياسين”حرك راسو” : الگمري حط ريال …
يوسف : كيفاش ؟
ياسين : الگمري نوعه غير يكبر فالعمر يتبدل لونه يبانو بقاعي بيضين فيه …ديك ساعة يتسمى بحط ريال البقاعي فحال ريال النقرة …
بقا يحك عليه ويشوف فيه وقلبه كيضرب براااحة سبحان الله دخل ليه لخاطرو وحمقو حس بيه قريب ليه بزاف حس بقربه فكلشي ومحبتو كبيرة …عيا وهو يضور عند باه وترجه لعندو …
ياسين”هز ايدو. وباسها ليه وعاود وباس ليه راسو” : يعمر دارك الحنين يعمر دارك …
فؤاد”طبطب عليه” : نتا وخوتك كبدة وحدة …لا نقصتو نقص ليا طرف والي فرح فيكم فرح ليا القلب اش عندي من غيركم نتوما وحنانتكم ؟
ياسين : طول ربي فعمرك لينا الوليد “عاود باس ليه راسو ”
باقي خاطرو مضرور من جيهة الفحم الي مات ماشي ساهل ينسا موته وخا فرحته بالخيل جديد كبيرة …ضارو جيهة دار ودخلو لقاوهم موجدين الگوتي كيتسناو غير فيهم …لقا نوار واقفة وكتشوف فيه بقلق ياكما تقلق لا يمرض …
ياسين : شنو موقفك ؟
نوار “حركات ليه راسها كتاكد” : شوية ؟
ياسين”حرك راسو وقرب ليها باس راسها” : مكتاب وصافي مكتاب …
نوار”هضرات ليه بشوي” : تقلقتي وخا هكاك ياااك ؟
ياسين”تنهد” : ضروري فترة ودوز …جلسي …
يوسف : …واش ناوي تسمي هذا …
ياسين”شاف فباه” : الشرف ليا يسميه الحنان…
فؤاد”حدر راسو وهزو” : الله اودي …بالمرحب…
كبات ليه يامنة اتاي وعطاتو ليه …اما نوار شربات كاس الحليب دافي …والبقية شي قهوة وشي اتاي مجموعين فلمة بيناتهم …
يامنة : هاجر بنتي ماهضرتيش مع باك وماماك ؟ كيدايرين فالعمرة ؟
هاجر : لباس عليهم سولت صوفيا قالت ليا هضرو معاها قباايلة لباس عليهم غير يساليو ويجيو حيث غاتعمر دنيا تما مع قرب العيد الكبير وناس بدات تمشي لحج…
يامنة : وسلمي عليهم تاعطيني نمرتهم نهضر مع ماماك نسول فيها…
هاجر”بفرحة” : ايه ضروري …
فؤاد”شاف فهاجر ووقف ” : بنتي اجي معايا …
هاجر”وقفات وحركات راسها حشمانة منو” : ايه واخا…”شافت فالحبيب الي غمزها ومشات تبعات فؤاد لبرا …لقاتو واقف كيشوف فالفدان من بعيد مربع ايديه تا وقفات ” عمي هاني “حادرة راسها”
فؤاد “شاف فيها” : هزي راسك ابنتي باك هذاك ماشي حد غريب تحشمي منو …
هاجر”هزات فيه راسها كتحشم منو من ديما ملي كانو جيران ديما هيبتو سابقاه بديك الهيبة مكتقدش تهز فيه راسها …وفاش كايتلاقا مع باها معمرها هزات فيه العين ” : واااخا …
فؤاد”شاف قدامو وسارح كيهضر” : ثلاثة الوردات كل وردة حسن من الي حداها …ومحبتهم عند الي شافهم وحدة …ثلاثة الوردات وردة لبكر ووردة لوسطاني لحنين ووردة لصغير ختامها مسك …نتي ونوار لورادت لولين …عيالات ولادي بجوج …”حط ايدو على صدرو ” بناتي بجوج ….
هاجر”حركات راسها” : شرف ليا عمي …
فؤاد : بناتي بالمعنى …معزة كل وحدة فيكم فحال ثانية …”قصد بهضرتو يجبد معاها الحديث حيث مسكينة هاد الشهور كان الاهتمام منصب لنوار” لا نقصات التهلية فيك
لضروف …نوار بنت خويا ومربيها على ايدي ومرت ولدي هذا ابدا ميعني انها حسن منك فرق غير بين الضروف الي عندها والي جامعانا …واحد الوقت الي مرض ياسين هي مرضات هازا رواح فكرشها لابد ماتوقفي
معاها وتقومي بيها تاترجعيها لراجلها سالمة غانمة …”بقا شحال كيشوف فيها” نتي بنتي وهي بنتي والي ضركم ضرني وقاسني فعيني محبتك نتي وياها وحدة …نخرج عيني فولادي لا نقصو منكم …نهار طيحي لعندي جي ونهزك بسناني ومنخلي خير ولا اذية تقرب ليك ….
هاجر”عينيها دمعو تا دازو دموع حادرة راسها مالقات متقول عمرها تشكات انهم مداوهاش فيها بالعكس راعات لضروف وهما اصلا عمرهم قصرو من جيهتها …” : لهلا يخطيك اهى اهى “ماحسات حتى جرها باسها فراسها وعنقها عناق الاب لبنتو وطبطب عليها وقال” الله يرضي عليك نور ربي طريقك …
بقا معاها تا هضرو وخلاها تقرب ليه متبقاش تحشم الي ضرتها تلجأ ليه بحكمتو وخبرته فالزمان ينصحها فحالها فحال نوار ميفرق بيناتهم والو …حتى دخلات وبقا هو واقف تا جا ياسين لحق عليه …
ياسين”باسو بغفلة منو فراسو تا ضار عندو” : الحنان …
فؤاد : الخاطر …
ياسين”حرك راسو” : صابرين وصافي …مكتابش ليا…”شاف قدامو وتنهد” شنو تسميه ؟
فؤاد”ضار شاف تاهو فنقطة بعيييييدة كيفكر ويربط الاحداث والخيل جديدة الي دخلات بلونها البيض ربطها وربط معاها بزاف المعاني ونطق بختوووورية وثقالة ورزانة اسمو الي جا عليه ” : نور الياسين…
#تصبحن_على_خير…يلاه فين 2100 ثاني 😋🦋نور_الياسين(1084)#فرصة_ثانيةsana mina🐺🦋
#رجووووع….
وقف عليهم الحبيب وايساف تا سد عليهم فديك البنيقة لاحوهم كي دىك الخرفان الميتة شي فوق شس وحدا شي …مقدروش ينفنفو قدام فؤاد الي دخل طالع ليه الدم تبعاتو يامنة تا جلس فالصالة الي تما …
نجود : كي وقع ليهم ؟؟؟
فؤاد”الصمت ”
يوسف : شوف اش شربو فداك العرس …
الياس : منضنش شربو علي واشرف معمرهم قاسو داكشي …واسامة را ممقربش لشي حاجة من الي برا …
يوسف : عيط لمنتصر سولو …
ياسين”وقفو ” : خليه يصبح ويفتح …
يامنة”قربات لفؤاد حد وذنو وحطات ايديها ورا ضهرو” : غير وسع خاطرك ا فؤاد عارفهم ماديال هادشي وهما كبار …
فؤاد”هضر بشوي كيشوف بعينيه لتحت منيرفي وهاز ايدو كيعبر بيها” : الدنيا خايبة ولاد لحرام تخيري فيهم وتشبعي …كحل راس ولد لحرام القفوزية تكون حاضرة فالصغر والكبر…كلنا دوزنا وعشنا وتعيبنا …مرة مرة الواحد يتحك باش يدير بالحساب ويتعلم من هنا وزيد لقدام ….ايامنااااا…
يامنة”تنهدات” : ويصبح ويفتح غير حل عليهم …
فؤاد”هز فيها عينيه رافع حاجبو بطريقة تخلع خلاتها حدرات راسها وعينيها ما هضراتش …” : لا حول ولا قوة الا بالله”ناض وقف ” تاحد مايفتح عليهم …
نجود : ودير بالحساب بعد غذا غادي علي وختو فحالهم …فتح عليه يلاه يوجد…
فؤاد : الميمة !!!
نجود : لا اله الا الله …
حنحن ومشا دخل البيت الي تما تا تبعاتو يامنة اما لاخرين كل توزع في بلاصتو مصطفى شاف فيهم وحرك راسو …
مصطفى : خليه يحكهم مرة وخا هكاك …يلاه سيادي الله يصبحكم على خير …
كل تلاح فقنت ينعس ياسين وقف تا وصا دراري يطلو عليهم مرة مرة ميخليوهمش كان قرب الفجر نيت ….طلع لبيت ودخل لقا نوار جالسة غير بضوني ساتان وشورط ديالو فالاسود وتحك فكرشها وتنش …
ياسين”حط العكازات تكاهم على الحيط وتمشا شوي بشوي منها نيت يعود رجليه بلا بيهم تا وصل لناموسية وجلس شاف فيها مقهورة بالصهد” : براكة على ديك الكرش …
نوار”ضارت شافت فيه وتبسمات” : عذبتني …
ياسين : ماتنعسيش ؟ فحال كتسهري بزاف لا ؟
نوار”حركات ليه راسها وهي ضور تسرحات داه وتكات ضهرها ” : هممم بزاف …
ياسين : وعلاش ؟
نوار : ماعرفتش حتى كتوصل لفجر ولا نتعطل شوي عاد نعس …
ياسين : وصباح ؟
نوار”حركات عينيها وضحكات”
ياسين”عوج فمو بقلة حيلة حيث فهمها” : معطلة …”رجع شاف فيها وتحرك مدد رجليه وكحاز حداها قرب لكريشتها حط ايدو كيهضر معاها ويحك ليها” قلة النظام فالنعاس
الماكلة ماشي تالهيه …”حط ايدو على راسها” سخانة نقصات ؟
نوار : هادي يومين مكايناش …
ياسين : الحمد لله …تسرحي نعسي تسرحي …
داكشي الي دارت مددات راسها لتحت تا تسرحات وجر عليها الغطا ضارت بجنب عطاتو بترمتها حتى عض شنايفو حيث جابتها ليه لمعلم …
ياسين”خشا وجهو فعنقها وحط ايدو فوق كرشها كيدوز عليها بحنااان ويبوس تا جاب ليها القشعريرة سرات فذاتها…نطق بصوت مبحوح ” : لهضرة ولات تسمع ولغايا مابقا زايد معندي ميتسالك …
نوار”تبسمات ” : شنو سمعت ؟
ياسين : لاكليم …
نوار : ههههه اه وقالت ليا ماما نخلي غير البرد الطبيعي باش ميضربنيش البرد حيث كنعرف بزاف وكندخل نخدمها ماشي صحية ليا ولي فكرشي …
ياسين : اليييي فكرشك يالالة …
نوار “حطات ايدها على عينيها” : حتى نتا حتى نتا…
ياسين”باسها فعنقها حتى تسمعت وبقا خاشي فوجهو جاب ليها تاهي التقييمة ” : شنو انا ؟
نوار”عوجات عنقها وبدات تململ وترمتها خدامة كتنزل على لمعلم لراس تا كيوقف يقلب اش كاين ويرجع ” : كنسمع ليك …
ياسين : بزز منك وكااان …”خرج راسو كي حس بيها كتفوه” رتاحي كاندي رتاحي …
ماهي الا دقائق قليلة حتى مشااات فسابع نومة ومرة مرة كتقفز ليه بين ايديه عند بالو كتحلم او بدات تحلم حتى حط ايدو باش ينعس تا حس بركلة واحد ضربة مقص نعماس فايديه ….
ياسين : يهديك الله “بقا حاط ايدو ودوزها على كرشها وحس بركلة فالجهة لاخرا لكن من فوق ” تتت قباااحات وكان قباااحات …نعسو الله يرضي عليكم….
عاود مدة بغاا ينعااااس تا ركلاتو تاني وحدة وقفزات نوار عقدات حجبانها وهي ناعسة وصدرات انين …
ياسين : واااا بنتي تهدني خلي الحنانة ترتاح …”بقا يذوز على كرشها تا بدات تهدن ونعس حتى هو “….
#يتبع…🦋نور_الياسين(1085)#فرصة_ثانيةsana mina🐺🦋
صوت صباح الديك معلن على صباح جديد وبالتالي يوم جديد باحداثه سوى احداث زوينة او مشحونة المهم راه كتدوز شنو ما كتب ليك الله ومقدر ليك ونصيبك فيها…طبعا هاد الصباح غايكون مشحون حيث كاينة الطهارة ديال زوج وليدات كانو هما اولى حفايد ال رمسيس وخا ماشي عندهم كنية رمسيس واحد فيهم اياد المرابط والثاني ياسين ابو جودة …الا ان عرق رمسيس كيجري فدمهم من ناحية الامهات والتربية …اليوم وصلات مينة هي ورياض والام ديالو بكري …
كيف العادة لقاو دنيا عامرة الفطورات تشاير وناس داخلة خارجة كيتقداو وشي كيوجد فالكوزينة طياب الي كنقولو ليه تحضير قصعة الحجام هي قصرية ديال كسكسو الي
كيكون مكون من كسكسو بالتفاية ودجاج ومضور بالبيض مصلوق والتمر هذا كيكون غذا ديال الحجام وطبعا قصاري اخرين كيتوزعو عليهم…والي غايمشيو صدقة لجوامع والخدامة …الي بغا يوزع الي مبغاش راه حر…
جالسة نجود كتنقي ليهم فالنعناع الي جا كثير باش يعمرو اتاي بينما جا الحجام مشا ليه يوسف والياس باش يجيبوه من مراكش…كانت سبعة ديال صباح نيشان …
نجود”شافت فيامنة غاديا جايا وعيطات ليها” : اجي بنتي اجي…
يامنة”قربات ليها” : هانا ميمة “عطاتها وذنها”
نجود : فينهو راجلك ؟ مناويش يحل على هادوك دابا يتخنقو تما واش ممراعيش ولا ؟ وداك دري الي عندو طيارة غذا الصباح ؟ بغا يمرضو ؟
راوية “شافت فيها” : ولدك را كان مريض وعلى مكنعرف را غايفيق فيه سخانة كثر منهم …سيري هضري معاه …
نجود”لاحت النعناع وناضت ” : وييييل شيطان زيدي قدامي انا نحل عليهم ولا هضر ديك ساعة ليا هضرة وكلام معاه ….ويلي ستغفير الله ويلي …
مشات قدامها وتبعاتها يامنة خرجو لبرا لقاو ايساف والحبيب واقفين مع سالم كيوصيو فيه وياسين تاهو واقف معاهم وفؤاد حداهم كيهضر فالتيليفون تا وصلات عليه ماعرفها منين بعتت…
نجود”شيرت ليه” : دروك تزيد گدامي حل عليهم …
فؤاد : الميمااااا…
نجود”خرجات فيه عينيها” : ويييييييل ويلك وتنزل هضرتي يااا ولدي يا فؤاد نعرف شغلي معاك …ياكما يحساب ليك قربتي تولي جد تعالى عليا هنا”زادت خرجتهم تا دور راسو لهيه حشم منها ههههه ” تحل ولا نحل راسي ،
فؤاد”تنهد وصاط” : لا حول ولا قوة الا بالله …”شير ليها لجيهة الكوري” الي عجبك راه ملگاك معاهم ..”ضار ومشا هو بعد لهيه خلا ليهم تما ”
ياسين”شاف فيها” : سيري مع ايساف والحبيب”شاف فيهم” سيرو معاها…
مشات نجود وبقات يامنة واقفة مع ياسين حتى جا باها وبقاو كيتسناو فيهم يجيو …
امااااااا سيادي السندريلات راهم فالفندق الخمس نجوم مرتاحين مخاصهم خير واحد فالجاكوزي مرتااااح وثاني كيبردو ليه ضفارو وينقيوهم وثالث را فالصونة …اكيييد ماشي اشرف راسامة وعلي لان هاد الاخيرين…عاااد بداو يحسو بالي را بداو كيفيقو …والمصيبة
الطامة الكبرى هي ان واحد حنكو مبقجو ليه زوك لاخور ولاخور ذقنو هازو ليه ترمة لاخور …اما لاخور حنكو مع الحايط تحك وزوك لاخور عند ضهرو …الحاصول را تشقلبو وتدكيو فديك البنيقة …
اشرف”بدا يمطمط بفمو حاس بريقو ناشففف عالاخير” : مط مط تت…”حل فمو وسدو تا بدا يحل عينيه كيشوووف فين هو تيبان ليه داكشي گري(قزيبة علي على الاغلب هههه)ششش احم خخخخ…
علي”ناعس وحال فمو كيشخر” : خخخخخخ ززززز…خخخخخرررر…
اسامة”حل عينيه تا شاف قدامو بان ليه داكشي زرق شوف واش ترمة شي حد لابس دجين …ورجع سدهم ورجع كيشوف ” انننن ..
اشرف”كمش عينيه” : راسييييي”كيهضرو ثقاااااااااااال بجهد كل حرف يجلسو فيه عام وهما يجرو فيه تايكملوه فالنطق” وااااعننن…
اسامة”راسو طااايب ” : انننن…”راسو سخون شوي حقاش هو ديجا كان مدمن جاه صداع طفيف لان دماغو اصلا فايت مجرب مقارنة مع لاخرين الي صداع بدا يطنطنهم نيت منهم اشرف نيت ”
علي”حل عينيه حمرييييين راسو بغا يطرطق” : واااخخخه راسي بغا يدير بييييييق …
واحد شوية حتى تسمعات واحد مولاتي الحزقة طرطرات والمشكيل معرفو شكون الي طرطرها وهما بثلاثة هههه تراميهم ماتو …
نقز واحد منهم الي واش هو الي طلقها ولا تاهو سمع ولا شم مهم من تسمعت وطلعات ريحة …
علي : اناااري واش واكل البصلة صحبي …وااا شكووون طلقهاااو
اسامة “الي حنكو لاصق على زك لاخور ” : واااااا الي طلقها مو قحباااا…
طرررر
اشرف : عدا عدا شد شد …
اسامة : اشرااااااااف…
اشرف”راسو بغا يتشق” نعلطبنمك را نتا الي ترمتك عند وجهي…
علي”حل عينيه على جهدهم” : واااالقوادة زوادة اش وصلنا هنا ؟”ماحتال يجاوبو تا تحل الباب تكرفطو بثلاثة شي فوق شي…”
#يتبع….

🦋نور_الياسين(1086)#فرصة_ثانيةsana mina🐺🦋
حل عليهم الحبيب الي خذا ساروت من عند ياسين بلا ميعلمو سالم ولا شي حد براني على الدار …تا شافت فيهم نجود لقات وجااههم مزنگين علي خلاص مع شهيب ولا حمررر مقطر اسامة حناكو بغاو يطرطقو واشرف عينيه حمرين مهم حالتهم مااتسر…
نجود : الله ياربي الله نوضو تكعدو نوضو…نضوهم يا ايساف …
يامنة”دخلات طلات عليهم تا قربات عندهم لقات الحبيب وايساف كيوقفو فيهم وهما مخلخلين وشادين روسهم” : مال راسكم ؟
اسامة”كيمسد نواضرو” : اش جابنا هنا ؟
ايساف : ههههههه صباحية مباركة …
الحبيب”عطاهم الما يغسلو وجااههم يتوگضو شي شوي واحد راس بغا يطرطق ليهم ..تسناهم تا غسلو وصغر عينيه فيهم” : كي طرا ليكم ؟
علي “كيعصر عينيه” : شكون عرف شكوووون اخوييي مفهمت والو حق الرب…
اشرف : وعاهدني كنا ناكلو فديسير بعد العشا تا ضربتني الفيقة هنا …”صغر عينيه وصداع كيشق ليه فالراس” زگا شي تشاش عاقل عليه وليني مفهمتش اش وقع ااااش وقع …
اسامة”كيمسد تا قلبات ليهم يامنة روسهم كانو سخان شوي” : اوووففففف مفهمتش والله مفهمت …”شاف فيامنة وخوه ” وحق الرب اخويا مقربنا لشي عجب غاديين نشطو تعشينا تما معقلناش اش كنا نديرو …
ايساف”شاف فالحبيب” : شي لعبة تلاحت فالعشا على ماقالو العشا اخر حاجة كلاو…
الحبيب : دابا يجي منتصر يشرح كلشي ميخليهش ياسين بلا ميعرف…بفففف زيدو دخلو وطلعو دوشو توگضو بالرب الجليل وتبانو لوليد تا ترجعو تصمكو تاني “عاود ليهم شنو وقع بالتفصيل …ولاو يولولو ويلاليو …مشاو تا تاكدات يامنة مع فؤاد بعداتو هو وياسين مشاو جيهة الخيول …وهما طارو ضربو ضورة ودخلو طلعو لطبقة الي لفوق يدوشو باش يصحصحو ويفطرو يشربو الدوا …
ايييوى يا سيادي …طلعو ريوسهم طايبيين كي جاهم العفو من عند اكثر شخص الي كان اخر شخص كيضنوه غايخرجهم اما كون جات على فؤاد وياسين تما بقاو تايصديو ويتعلمو هما صحيح مداروهاش بيديهم خصوصا ان اشرف وعلي مغايجيوش تال هاد السن ويديروها اما اسامة كان اكيد غايعرفوه بالي حرم خصوصا غادي فثلاث سنوات باش تعالج …
بعد مدة كل دوش لبسو حوايجهم طلعات ليهم رميساء يفطرو ويشربو دوا يتكاو …حتى قرب يجي الحجام عاد ناضو الا علي الي بقا تما …هما قالو مع الحجام فؤاد وياسين غايتدها خصوصا ان ايلاف عاد وصل نيشان تدها معاه فؤاد يعني امرهم اعتبروه يا تنسا يا تأجل هههه…

اسامة “جالس مربع ايديه كي داك الي غايحفض القرآن كيتسنى الفلاقة من باه مكتوبو”
علي”باقي مغوبي الفوق داير راسو ميت”
اشرف “نزل غير سمح تحنحينتو يحساب ليه جاي وطار لصالون فرش الصلاية وبدا يصلي ” : الله اكبر الله اكبر …
الحبيب”نغزو بصبعو من لور” …
اشرف “ضار شاف فيه ..زعما را قايم الصلاة هذا” : صبر را تنصلي اصحبي …
الحبيب : خهههخ واخا ولكن القبلة را هنا ماشي تم …
ايساف “ضحك ضحكة خرجات ليه من اعماق صماصيم قلبو ” : ههههههههههه شبعتك ااازكي عاد تفكرتك اربي …
الحبيب : افين علي ؟ عيط ليه يهبط ؟
ايساف”جبد التيليفون وصونا ليه بزز باش جاوب” : افينك الحماري نزل …
علي : همممممم”فحال صوت العجل”
ايساف : كلب كلب نوض تگعد هبط …
علي : قاليك علي مكاينش …
ايساف : تهههههه نوض را الحجام بغا يدخل ندوزوك معاه…
علي : دوز نتا لول نشوف باش حسيتي ونتبعك…
ايساف : انا نحنت عشرة منك …
علي : باقي الحمارة ديال سيدي قاسم مدزتيش ليها…سير خنيييييينين مابغايتش هنا بقيت تانمشي نقود فحالي عمري باقي رجع…
ايساف : ها خالي فؤاد طالع عندك هاني كنشوف فيه…
علي”ناض على وقفتو كيقلب فجنابو واحد راس قاليه تخبا تحت طابلة ” : اويلي …
ايساف : هههههههههههههههههه سر موك نوض تتگهد القواد…
علي : عندلمك …
الحبيب : ونووض تصلي”ضار عند اشرف لقاه كيصلي ” را شيخ سديس بدا بعض الركعات …”شاف فاسامة ” مالك انت ؟
اسامة “عوج راسو” : كنتسناه بابا يجي …
ايساف : هههههههههههههههههه…
#يتبع…
🦋نور_الياسين(1087)#فرصة_ثانيةsana mina🐺🦋
غادي نقربو لواحد التقليد من التقاليد الا وهو تقليد قصعة الحجام او قصرية الحجام الي سبق الذكر مناش مكونة …
يامنة”مدات لرميساء وصفاء وهاجر” : هادو مجامع عطيهم لدراري يحطوهم فالصالون فين كاين الحجام(هو فرملي نيت ) …
هاجر : انا غاندي هادو لعند نوار لفوق “كان بلاطو الفطور”…
يامنة : قولي ليها ماتهبطش تاتكملو راها كتفشش عليه مكتكملش مكلتها…
يسرى : شوي ونطلع عندها الى بغات تنزل عاونيها…
هاجر : واخا…
يسرى”شافت فمينة ” : اريه نعسو فالبيت حدا ياسين وسيري دوشي باش تلبسي وتحني…
مينة : واخا ولكن متكتروش مبغيتهاش مطلية مكتعجبش رياض…
يامنة : مغاديش تطلق بزاف غير سيري…
يسرى : كون غير كانت سارة مسكينة بقات بلاصتها…
نجود ؛ وسارة مع راجلها شكون يقابلو …معندها زهر تصبر تانديرو سبوع البنات ان شاء الله …
في هاد الاثناء كانت نوار فالدوش دوشات مزيان وخرجات كتنشف لبسات بيجامة نص كم وسروالها باردين مبردين ولبسات عباية وشال ومشات تصلي تا جات هاجر عطاتها الفطور بقات معاها تا كملات شربات دواها تابطات دراعها ونزلات فهاد الصباح مشافتش ياسين
كاع الي كان مدهي …فهاذ الاثناء كان الحجام وصل الي باغي يطهر الدراري …عيطو لصفية الي عامت فالحمام ديال العواد ومينة تاهي لبسوهم قمايص جوهرة وحدة فالبيض وذهبي الي هي صفية ومينة كان فالشيبي …جاو شي عيالات القراب تما جيران منهم صبيحة و ام سارة خيث نسابهم ومنهم فنيدة ومريم بنتها….
فنيدة”كتخلط فالحنة وتربها بايديها فيها روايح الورد وريحان والخزامى عطات لصفية دوزات على ايديها وام سارة كتضفر ليها شعرها باغتبارها ام الوليد الي غايتطهر…ومدات لمينة تاهي …هي فالعادة تا رجليهم ولكن مبغاوش ليهم …” : اري شال…
مينة”شادة عصا فيها ربطة النعناع وزيف بيض داروه علام مع ربطة ميتة بالضحك ورميساء ونوار كيصورو ويضحكو…شافت فنوار” : ههههههع سعداتك اختي “معنات ليها حيث عندها البنات ”
صبيحة”كتضفر لصفية شعرها” : هههه الله يفك وحايلها تاهي راها فالثامن خاصها دير حنينة ضروري وحفيلتها(هاد الجوايه عندنا كيديرو حنك الثامن معندناش سابع)…
راوية : ماشي سابع ؟ ويلي درناه لصفية فالسابع…
نجود : يادلي كل وتقليدو وعادتو …
مريم”دخلات عليهم ” : خالتي يامنة قاليك اري دراري را الحجام بغا يسبقهم ماحد بارد الحال قبل ماتسخن شمش ويصهدو …
مينة”جاتها البكية ” : مامااااا ديه بعيد منسمعوش عافاك اهى…
ماجدة”عگوزتها” : غايديوه لهيه صالون الي عند الباب ونتي را خاصك تقصحي قلبك وتسمعيه…
صفية”صدرها كيطلع ويهبط خصوصا فاش هزات راوية ياسين الي غادي نااعس مسيكين على من زويناتو بداك شعير والعينين الكبار وخضرين وبيوض فن مهبز …” : خالتييييي “طاحت دمعتها….
راوية : ششش خاص يدوز عادتو بنتي يولي راجل …غانعطيه لباه. ولا ايلاف…
نجود : باه ولا جدو ولا عمو كون جا يشدو هو حسن…
.شد يوسف ولد مينة ودخلو وشد ايساف ولدو تا عطله الحبيب وهرب خرج هو كاع يكمي….
الحجام او الفرملي”جبد العدة المعقمة كلشي باقي جديد بتيكيت من المشفى لعندهم…جبد الفاصمة وبيطادين شاف ف يوسف الي مسبق اياد” : جيب شي كوش وحيد هاديك ….
يوسف”حرك راسو داه تا مسحات ليه يسرى وغسلات ليه ب معقم وصابون الكف ونشفاتو وعطاتو ليه مع جوج كوشات …حل الحجام الكوشة وحطها مسرحها فوق طابلة الي وجدوها ليه وشاف فيوسف طلب منو يجلس وشد الوليد فرق ليه رجليه هزهم فوق وفرقهم مزيان خشا يوسف ايديه وكالاهم باش ميركلش دري وخا صغير …”غادير البنج ؟
الفرملي : لا ولدي مابغاش الحاج …
مصطفى : خليه حسن باش يكبر موگض…
ياسين”رفع حاجبو كيشوف وداير ايدو متكي عليه وداير صبعو في فمو”
حط يوسف اياد فوق لكوشة وبقا مخليه فديك الوضعية مفرق ليه رجليه …جبد الحجام واحد المقص حيدو من ساشية ديالو ودار ليگانت طبية جداد وشد ليه العضو ديالو كبدا يفسخ فيه يهبط فيه تا يدخل ويعاود تاني تا بدا الدري يبكي ويطلق بكاه عند مو الي دموعها دازو ….
رياض”كيوقف ويرجع يجلس كيشوف ففؤاد الي كيطمنو بعينيه ويهمد قلبو بغا يسكت …” ياااربي ياربي…
في هاد الاثناء نوار حبساتها البولة وناضت شادة فكرشها وتمشات غاديا حتى خرجات وبغات تدوز لقات دنيا تما واقف ايساف بعيد ورياض خرج ورجع دخل …لوات عليها عبايتها عريضة وتمشات بغات تدخل طواليط ومع شرجم ديال صالون كيطل على واحد الكولوار فين غاتدوز لطواليط لداخل …حتى قشعات باها شاد ولد ختها مفرق والفرملي عاطيين بجنب …
الفرملي “ضرب ليه جلدة باش يحسدها تا طوش دم وبان تطويشة طلعات لفوق طارت على ذقن يوسف حيث دري كان سخون بالبكا وضور ليه المقص ” : صااافي صااافي ولدي …
اياد غير ضربها ليه طلقها بواااااحد مولاتي زگية تا وقفات مينة ونوار ودم الي شافت والغوتك تخلعات حتى حسات بكرشها طلعت ونزلت وطلقاتها بغوتة تا حسكتها وجعة من تحت خلات ياسين وقف بلا هواه طار يجري تا فشل وطاح عند العتبة ….
#تصبحن_على_خيييير….

Leave a comment