Skip links

قصة : نور الياسين  ج8

 29,651 عدد مشاهداات

🦋🐺نور_الياسين (121)sana mina🐺🦋

فؤاد خرج مع نسيبو كيف العادة باش يشوف خيرات ولدو كيف غادة ومنها ينسا باش ميسولش فاسامة الي عرف اخبارو من ياسين انه خدام فالعلاج وخا كيعاني ودايرين كتر من جهدهم باش يغلبوه ويتغلب على الادمان …مسدود عليه ومعاه الحراس الي رسلهم فؤاد قادين كل واحد قد سخط البلاصة فين كاين جات مضرگة تاحد معارف اش كاين تم وعزل لحيوط صوت باش ميسمعوش صراخو فاش كتجيه. الحالة بالاضافة الى طبيب نفسي حتى هو كيدخل معاه حتى ينقص عاد باش غايمشي لمصحة علاج الادمان ويكمل رحلة العلاج الي بقات ….

رجعو لجيهة فين كاينين دواجن هما وصهيب هاد المرة وحتى الياس …دخلو لقاو علال واقف على واحد تما …كيحسب ف دجاج وجيهة لاخرا كاين بيبي …كيحسب ىيشير بدجاجة تطير هههه

علال “موصيه ياسين فينما يبغيو شي حاجة يكون معاهم باش يوريهم في حالة مكاينش هو ” : مرحبا مرحبا …

صهيب : شحال من دجاجة هنا …

علال : وبزاف بلا عدد تبارك الله …

الياس : موجود الخير شي بيض بلدي …

علال : كاين البلدي واحد جيهة دايرين فيها الحمام وسمان على حسب البيض ديالهم كيتباع غالي شوي وهنا كاين بلدي موجود باكثرية ورومي خلاص …وجيهة الي تم راه بيبي والبيض ديالو فجيهة الي

الياس تم غادي ومشايفش حداه ما زغبو الله عسف على دجاجة وهي تقوقع واحد تقوقيعة حتى ايساف دار ايديه على وذنيه ومحمد الحبيب غمض عينيه …قوقوقو قوعاااااااااع …

الياس : ارسول الله ارسول الله اش كاين …

اشرف : ناري عسفتي عليها …

صهيب : شوف قدامك اصحبي تا مالك …

الياس : خلعتني يعطيها الباسر الاطيف …

علال : ههههه والي باس والي باس مولفين هادشي هما …

الياس : بغيت غانعرف كيفاش كيفقص بيض بيبي بان ليا كبير على بيض دجاج …

علال : وهو كبير ويني فالماكلة زهيم شوي (ثقيل زعما والاذواق لا تناقش كاين الي كيعجبو ) …هذاك تيمشي لفين كيتفرخ كتبقا البيضة تمنية وعشرين يوم الى بغيناه يفرخ و تكون حرارة المفرخة بحدود 37.5 – 37.8 م° والرطوبة النسبية بحدود 55-60% …ويتقلب ربعة المرات فالمهار ابتداء من اليوم ثاني حتى لربعيام والبيض البلدي ولاخوراغلبية كنخليوه عادي يعني دجاجة الي تتكلف البلدي تيبقى من ربعطاش ليوم حتى لواحد وعشرين يوم كتگرگ عليه دجاجة فبلاصة مهوية وشوي سخونة حتى كيتفقص تحتها راسو …

صهيب : تبارك الله …

هما كيهضرو وداخلين وسط دجاج واشرف ينش عليهم دعقوه مع داخلين وسط منهم تقريبا ميتين دجاجة وفروج هي القليلة مع كوري قداش جامعين فيه دواجن قد الخلا …فيه ماكن تفريخ وماكن البيض الي كيتباع ويقادوه يدفعوه تاهو …نوض

نتا يا اسرف عسف على دجاجة تانت مزال الياس بعقلو اشرف غير طارت بجناحها تبعتها وحدة ولاخرا وهو يطلقها بغوتة وتم غادي كيجري ويعسف ويشتف ويفوت حتى طار داك دجاج كلو عليهم ولا علال ييرجع فدجاج والياس بغا يهرب كاع دنيا تقلبات بغوات وتقوقيع دجاج يصمك الودنين ….

ايساف : وناري وناري على ولد لحرام هيج علينا الخرا ولا والحمار وقف …

اشرف “رجليه ولاو يخبطو ليه فضهرو عينيه ولاو بيضات وهو يغوت ” : والاااو وعنق ولا وااامييي

صهيب “تاهو قلب ضورة بغا يجيري حيث كاع دجاج ولا يطاير ” : وتا لا الحمار لا …ويعطيك سم تا مالك هيجتي علينا الخرا …

محمد الحبيب “ضربها بصقلة جلس لارض داير ايديه على راسو كيتسنى فدجاج يحبس طيران ويتوالا لاشرف ” : بليميييييييين تنخشي مك فديك الي كاتريش دجاج من جدر ….وينعل جد بوووووك كطييييييييير والخرا حبس علينا زمر …

الياس حتاها بجرية معرف فين كيعسف غا غادي ويعرق لاشرف هههههههه : وشوفي ليك هاد العزي كي نوض الفتنة …

علال والخدامة الي تما بالكشايف باش تبتوهم وخرجو دراري ….

اشرف “مسكين تاحد ما قرب ليه براكة غا وجهو الي ولا عرقااان ونازل ليه من نواضرو وصدرو كيطلع ويهبط شحف غا بجرا والخلعة مزال لان مفهموش داك دنيا الي ترونت هههه ” : افففف معرفتش وناااري اربي اربي …

اييساف : واااااا كااااطيييييييير كاطييييير تفوو تاعت الي ينصگعها مع ملتك تايرجعو ليك سلوكة كي ناس …خلاوه ومشاو خرجو برا كااع بقا يتنفس

م.الحبيب “جايه مشربن هاز فايديه جوج بلاطويات بيض بلدي ..من لداخل

اشرف ” قشع البيض ” : هادا بيضك ؟ “بنية صافية هههه ”

م.الحبيب “بقلة نية ههه ” : لا ديال دجاج الحمار زيد قدامي تشرب الما ون🦋🐺نور_الياسين (122)sana mina🐺🦋

كمل الغذا مع الحاج وشربو قهيوة كحلة او الحاج شرب قهوة كحلة اما ياسين اكتفى غير بالما لان اتاي الي بغا ممتوفرش تما …حتى سالاو وهضرو وكل مشا فحالو ياسين خذا طريق الرجعة من بعد ما داز تقدا ليه شي تقدية خاصة لدار من سمارين بطلب من يامنة وصا غليها واحد كيعرفو تما كيف وصل لقاه موجد ليه طلب خلصو وشكرو ومشا لابوراطوار الي مقابل مع صومعة الكتبية خذا شي تحاليل ديال خوه وخدا دوا ورجع ادراجو وشد طريق لدوار …ماهي الا مسافة زمنية حتى كان دخل لفيرما ….

الساعة الثالثة فجرا …جاه اتصال لقاه مزال منعسش حيث عرف من علال انها فاي لحضة غاتولد ولازم يحضر ليها باش يجيب طبيب البيطري الي غايكون حاضر تما …

ماااشية فسابع نومة بسيف نهار كلو وهي من هنا لهنا عاد حطات ديك رجل ترتاح …حسات بصبيعات كيتخللو شعرها ويدوزو عليه بطريقة حنييينة وناعمة …حتى حلات عينيها لكن كتى بقات تفيق فيها شحال عاد حلاتهم ويمكن كانت دايرة بالها دغيا وكان …

يامنة : بنتي نوضي خلاص كيتسنى فيك ياك بغيتي تمشي نتي والحبيب تحضرو لبهيمة …

نوار “حلات بجهد تفكرات البقرة وهي تنوض جات جالسة تا سمات الله يامنة ” : اه اه هاني نايضة “حكات عينيها ” عطيني الكاب ديالي الطويل …

مداتو ليها يامنة حطاتو نيت عند راسها قبل متنعس تحسبا لاي ضرف …لبساتو وقادت شعرها جمعاتو مهمل بفيليل غير عبث دغيا وناضت عطاتها يامنة العكاز وهي تمشا معاها سولات على الحبيب قالو ليها سبقها حيث منعسش اما ايساف نعس مقدرش يفيق واشرف مبغاش يفيق غا عطيوه تيساع على قولته …حتى غسلات وجهها فلافابو الي تما ونشفات خرجاتو لقاتو قدام الباب من لور ضهر عريض

وكتاف مورمين طويل بطولة تلفت …لابس تيشرت بلومارين وسروال سورفيت وكلاكيط خاشي فيها رجليه …هاز راسو لسما كيطرطق فعنقو …حنحنات تحنحينة بالكاد كتسمع حتى ضار لعندها …

نوار “بفرحة مزالو غير كيضور قلبها كيزدح لكن ولات كتحكم وتضغط على قلبها حتى تعود ويتلاشى الاحساس والمشاعر مع الوقت …حكات عينيها ” : هاني …

ياسين “شاف فيها دغيا بانت ليه لابسة بيجامة بسروال طويلة وكاب طويل …مد ايدو كينعت ليها تجي وكيشوف قدامو ” : اجي لهنا …

نوار : هاا ع فين …قبل ميشوف فيها قرب لعندها وجرها من كتافها قربها ليه اكثر فجنبو وتم غادي هو وياها بشوي وركبها فسيارة قاد ليها سانتيغ وضار ركب مع ليل ودنيا خاوية والكوري شوي بعيد قربها على ود رجلها ودخل لقاهم شاعلين ضو وواقفين علال وواحد الولد ومحمد الحبيب كيشوفو فالبقرة واقفة …

ياسين ” بلا ميشعر دار ايديه على كتفها وتم غادي مدخلها بشوي عليها وهي مبطا عليها امتا توصل ليهم …حتى وقفو عليهم وحنحن ” …م.الحبيب : جيتي ههههه …

نوار “طلات على البقرة بانت ليها واقفة كي العمود وكدير واحد الصوت ” : واقفة مجلساتش يااك …وكدير صوت المووو فشكل مجهد …شوف اش هابط منها فاي لحضة تولد …

م.الحبيب : المووو هههههههه

طبيب “هز راسو كان شاب صغير على ياسين فالعمر تاهو مكضر وطويل وباينة فيه بشوش هز عينيه فنوار وتصدم …اسمو عمر” : باش عرفتيها …واش فيتيغينيغ ؟ “طبيبة بيطرية ” …

نوار “صحكات تتغمضو عينيها ” : لا لا غير كنعرف وصافي …

عمر: ماشاء الله اجي حدايا تشوفيها

بغات تمشي وهي تحبسها ايد ياسين …هزات فيه عينيها لقات وجهو تبدل ومخنزر ف عمر الي نسا البقرة وحاضي نوار كيفاش كتهضر …

ياسين”رافع حاجب ومنزل لاخور” : شريف دير خدمت🦋🐺نور_الياسين (123)sana mina🐺🦋

جات تمشي عندو لقاتو مخنزر فالولد وحجبانو تقولي وسطهم عمر وقاجو بيهم هههه عينيه مخنزرين فيه بجهد …

ياسين “حدر عينيه بنفس الملامح مخنزر وشاف فيها ” : جنبي متحركيش من حداه قلتها ولا لا …

نوار”كتنفي بايديها ” : لا لا صافي والله منتحرك وعد انا نشوف من بعيد …

غمز لحبيب يجي حداها ومشا هو حدا البقرة الي بدات كدير صوت مجهد ووقفات مبقاتش بغات تجلس حتى بدا يخرج من فتحتها تناسلية مياه كتيرة كتهبط وطبيب مشا حيد الفميجة وبدل لبس شورط وبيل سماطي وتم جاي شحال وهو يماصي ليها كرشها ويطل عليها …

نوار “بان ليها الكيس المائي جاي خارج وهي تخرج عينيها ” ؛ واعووو بغات تولد ههههه “كتغوت ” وينوو …

ياسين “كان جالس تاني رجليه قفازي حدا البقرة كيقاد حداها ويطل عليها تاهو حيث ديجا من قبل مولدها …هز فيها عينيه وهي تكمش وكحزات حدا الحبيب الي بقا كيصحك عليها …شير ليها بعينيه باش تبعد ” : لهيه …

نوار : واخاا …

كحزات مسكينة وبقات طل عليهم حتى دازت وقيتة وهو يخرج الي فكرشها رجلو …بقات البقرة تشتف برجلها بشوي وتصدر داك صوت …جا طبيب كيعاون فيها وياسين معاه …بقاو شحال وهما معاها حتى ولاو عروقاتهم تكب حتى هبط كيجري تلاح والما كيشرشر وهي تكحاز البقرة وكحازو عليها خلاوها تجي ليه تلحسو وتحيد منو داكشي الي فيه من الكرش …

نوار “بفرحة ” : شنو ولدات ؟؟

بغا يهضر ياسين نقز طبيب …

عمر : ولدات عجلة ههههه اجي تشوفيها ..

ياسين “مجاوبوش بقا ساكت لكن باين عليه معجبوش الحال …” : الصمت …

نوار : اهههه تتسالي اخويا ونمشي شفتو من بعيد شكرا …

محمد الحبيب مشا جيهة خوه كيشوفو فالبقرة ويبارك ليه حيث ولدات عجلة بعني بقرة فالمستقبل وهادي كتفرح اكثر من العجل …خدامة البقرة تلحس فيها ونوار حاضية مر بعيد بغات تسوفها وخافت من ياسين ميبغيش وهي بزز باش جات …

ياسين مشا حدا علال وصاه على شي غرض وتاكد منو …فهاد اللحضة عمر نوار هي الي تتبان ليه بديك العفوية شافها كتطل باغا تشوف العجلة ومقدراتش وواقفة بعكازها حتى جاب ليها واحد من الخدامة كرسي جلسات عليه كانت قبل كتصور فيديو ليها …

عمر “هز العجلة ومها كتلحس فيها وهو يجيبها لعندها بين ايديه مزال كاع مناضت وقفت …” : جبتها حتى لعندك

نوار “مدات ايدها مداتهاش فياسين وهي تحطها على العجيلة كتقيص فيها وتلمس صورتها وتصورات معاها سيلفي بدون متبين عمر …وخشات الفون فجيبها وبقات تلمس …” : وييينو فحال وليد صغير

عمر : هههه فحال هكاك نحطها حدا مها باش ترضع …

ناض من حداها وحطها مشافش ياسين الي حاضي ليه العين عارفو علاش قاني واش باغي …وقفات نوار بغا تهز عكازها باش تطلب الاذن وتمشي طاح ليها العكاز مشا عمر كيزرب هزو وعطاه ليها …

نوار : شكرا خويا …

عمر “حط ايدو على ايدها وداها وجابها بواحد طريقة فحال كيتلمسها باش يطبطب علها” : هانية ….

يلاه غايضور حتى لقاه واقف طول منو مع الي غايشوف فيه غفلو ياسين بواحد روسية عطاها ليه من جنب عينيه خارجين وجهو ميبشرش بالخير حتى جا لارض ومنخرو طوش بالدم اصلا مزال سخون مع تعافير مع البقرة …حتى غوتات نوار وجاو الخدامة كيجريو لعند ياسين عارفينو الى صعر ميعقلش على الي قدامو …

ياسين : تقاااود عليا من هنا يلاه …”ضار جيهة نوار غير شافتو هكاك قلبها بغا يسكت معرفت اش دير كتقلب على عكازها ” ..جرها جنبو لصقها مع جنب ديالو وعنقها بجنب وتم غادي بيها كتعكز بلا عكاز …

نوار: عافاك بشوية والله ما درت شي حاجة عافاك رجلي ضرتني …

ياسين باش يقوليها جيبي عكاز ولا شي حد يجيبو مبقاش عاقل مكيبقاش عاقل اش كيدير الى صعر تحنى هزها بين دراعو ولصقها مع صدرو حتى خشات وجهها فيه مقدرات لا تهضر لا تكلم …

ياسين “ضار عندهم ” : عطييي لق** حسابو يتقود عليا من هنا لقاه مزال هنا عضامو مايحسبهم …

نوار : عفاك بشوي رجلي ضرتني …

ياسين”خنزر فيها حتى تفافات وكمشت فيه ” : عاد بانت ليك ؟؟؟؟

نوار “بالدعقة ” : اه والله …ااا صافي سمح ليا غا بشوية …داها دخلها لسيارة حتى وصل عليه الحبيب عكاكزها دارهم لور ودخل كسيرا بسيارة …غادي مكيهضرش واحد شوي وهو ساهي بعصبية حتى نطق بلا ميحس …

ياسين : بحطة رجليها ناضت الفتنة …فتنات الي صعيب يتفتن …..

يعني شعلات العافية ونوضت الرفع والبلبالة ب🦋🐺نور_الياسين (124)sana mina🐺🦋

يقال ان الفتنة اشد من القتل …باش تنوض الفتنة وتشعل الحرب غير بالفن افتك من انك تقتل …والمقصود بكلامو انها غير حطات رجليها نوضات البلابلا وصداع بالفن هههه واااش مقصودو هو الحرفي من هاد الكلام اش عنا بيه اصلا واشمن فتنة نوضات هي بالضبط الشي الي خلاه يقول هاد الكلام ؟ ربي وحدو و دماغو وهو الي عالمين …وكل مكيزيد حدث كل مكيوضح الي مخبيه لينا سي ياسين فداك دماغ الي حير العديد هههه …

ضارت شافت فيه مفهماتوش شنو قصد بديك الجملة وفي الاصل هي كتحاول تسد اي حاجة قالها مديرش فيها راسها باش متصدمش ثاني وتزيد تمرض وتجيبها فصحتها ونفسيتها وضرب كلشي فزيرو مخليا كلشي على طبيعتو ومتزيدش تعلق فين تفلق لا ربما الايام تنسي وتداوي الجرح الي سببو بلا ميحس ومفراسو والو على حد علمها هي …

نوار “مقدراتش تهضر ولا تقول شي كلمة غا شافته صاعر وتفكرات صعرته على اسامة وكيفاش كينسى راسو فصلات السكات على انها تزيد تهضر ولا تبرر ليه فا فضلات سكوت احسن …” …

وصل بسيارة دغيا فرانا بجهد قدام دار حتى طل فؤاد من البالكون حيث كان فايق باش يصلي الفجر …

نزلات من سيارة لقاتو واقف ماد ليها عكاكزها ووجهو مزال مشربن شداتهم بايدياتها ناعمين تزنگو بكترت ما فركاتهم بصباعها وتوتر حتى عرقو ليها …خذاتهم من عندو وتسندات عليهم حتى دخلات تاكد انها دخلات ودخل لسيارة وزاد رجع لكوري …

مع دخلات لقات فؤاد هابط لابس فوقية باش يخرج يصلي فجامع الي حداهم جامع ديال دوار …

فؤاد : نوار …

نوار “قربات لعندو باست ليه ايدو كيف ولفها يوسف هي ومينة ودراري لاخرين كنوع من الاحترام بحكم هو العم والاب الاكبر دابا ” : عموو ….

فؤاد “عنكش ليها راسها ” : مال ياسين !؟ واقعة شي حاجة ؟

نوار : ااا احم لا غير مشكيل مع طبيب البيطري وصافي ولدات البقرة عجيلة اعمو هههههه

فؤاد : تبارك الله تبارك الله …

اذن الفجر الله اكبر الله اكبر …طبطب ليها على كتفها …

فؤاد : دخلي ابنتي تنعسي …ابتاسمات ليه وحدرت راسها وزادت دخلات لداخل قادات بلاصتها لداخل فالبيت فيه جوج ناموسيات وحدة ناعسة فيها ولاخرى فيها اشرف …تكات وحطات راسها على لمخدة كتفكر الي وقع فالكوري كيفاش صعر فور محط هذاك ايدو عليها …

ومشا بيها تفكيرها انه ياسين من طبعو عائلتو مكيبغيش الي يضصر عليهم وخاصة البراني هادشي علاش دار هكا وانما تصرف اخور الي يخليها تقول انه ممكن يكون حاجة اخرى ك نوع من الغيرة حاولات تضمصها فقلبها ومتخليش تفكيرها يسيح والا غاترجع تامل وتعلق ثاني …بقات هكاك حتى زلقات ليها ابتسامة خفيفة وهي تحط صبعها على فمها وغمضات عينيها باش تنعس بزز هه🦋🐺نور_الياسين (125)sana mina🐺🦋

اما فؤاد مشا نيشان لجامع تلاقى ب بات يامنة الي سبقو اصلا ودخلو صلاو جماعة تقبل الله صالح الاعمال ولكن من حافض على صلاته وما قطعهاش ربي كايسير ليه فحياته وحتى انا المصائب الى جاتو كيكون قلبو قادر يتحملها ىربي مكمل عليه رغم الشدائد ما يقطعهاش …خرجو من جامع توجه بات يامنة وفؤاد لكوري فين ولدات البقرة باش يباركو ليه …مع دخلة لقاو م.الحبيب واقف على ياسين الي جالس كيكمي واحد تابع لاخور ويحك فجبهتو و نواضرو مزال صاعر شوي… جاب الله

لاخور داوه قبل مايجي يلقاه …هزوه بدمو فمنخرو كان كيتحلف يجي ياسين يتفاهم معاه حتى جروه رجال حسن ميجي وتنوض خيلوطة وميعقلش عليه يطحنو طحيين الى فات حتى تعمات ليه البصيرة وهما الي عارفين فحم العينين اش كيسوى مكيعرف لا خطر لا تاحاجة الى صعر غير ربي كيجي من جيهته وكان ….

مصطفى : تبارك الله هي عجيلة وزيادة الخير …

م.الحبيب : وايييه دخل دخل ابا تشوفها …

مصطفى “شاف فياسين ” : مالك اولدي …

ياسين “هز فيه عينيه وشاف ف فؤاد ورجع حدرهم حجبانو مزال متسرحو ..هز صباعو الي متوسطهم الكارو ” : الساعة الله ساعة الله …

محمد الحبيب غمز جدو وشير ليه بعينيه باش يدخل لداخل يشرح ليه ودخلو خلاو فؤاد معاه …

فؤاد : اش واقع ؟؟

ياسين “كدد شفايفو ” : قلة الاداب وضصارة معنديش هنا… الاحترام مرحبا تقللو نوليو براهش حنا ؟ …

فؤاد : ايه وعلاش هادشي بالضبط …

ياسين “عاود ليه كان غايكشكش ينوض تاني يلحق على هذاك غا فؤاد هدنو بالهضرة قطع كلامو ههههههه ”

فؤاد : تفاهمتي معاه عطيتيه حسابو الصلاة عالنبي تهدن ساعة الله …العصبية هادي كلها زايدة شوي اولدي وكان …

ياسين “هز فيه عينيه وقوس فيه حجبانو ..” : مافهمتش الوليد !!!…

فؤاد “ربع ايديه وصغر فيه عينيه واحد شوي ” : الفاهم يفهم …العصبية زايدة اولدي على والو ايه عندك الحق ماا اختالفناش ولكن مزالك لدابا مكشكش وصاعر عطيتيه علاش يقلب صافي تهدن …

ياسين : الصمت لاح الكارو وعاود جبد االباكية خبطها على فخدو حتى خرج منها سيجارة وجبدها بغا يشعلها وحبسو فؤاد …

فؤاد : كون يفيدك كون بردك قبيلة العافية الي فيك خاص الي يطفيها بفعايلو العافية خاصها الثلج تبرد فساعتها وطفا ويطلع دخان والثلج خاصاه العافية الي ذوبو …عافيتك اولدي مينفعها لا گارو لا دوا …دواك الزمان وليام توضح ليك الي حاجباه العين …

ياسين : المعنى …

فؤاد : مولاها ربي متبقاش تفورصي على راسك ودماغك وراسك غاتجيبها غير فصحتك نتا …وخا عارف هاد الهضرة دخلات ليك من هنا وخرجات طبعك هو طبعك ا فحم العينين ميبدلو حد هاد ساعة …

ياسين : هذا الله …

فؤاد : ماغاتفهم هضرتي حتى تعيشها ماعلينا دخل دخل نشوفو الخير الي تزاد تبارك الله …

صوت الديك كيعلن على قدوم شمس يوم جديد طبعا صوته كيبدا مع الفجر وهو خدام حتى تبدا الحركة ديال بنادم …على سجادة الصلاة من بعد ما صلاة الصبح مشات بيها عينها ومقدرش يفيقها خصوصا عيات من صباح وهي تشقا عزات عليه يفيقها خلاها ناعسة …مادا كفوفها لرب السموات السميع المجيب وعينيها كيلمعو لتخشعها فالدعاء لفلذة كبدتها الي كيصارع ال#تتمة_البارت_125_نور_الياسين …

 

على سجادة الصلاة من بعد ما صلاة الصبح مشات بيها عينها ومقدرش يفيقها خصوصا عيات من صباح وهي تشقا عزات عليه يفيقها خلاها ناعسة …مادا كفوفها لرب السموات السميع المجيب وعينيها كيلمعو لتخشعها فالدعاء لفلذة كبدتها الي كيصارع الادمان ….

يامنة : يااااربي رجعو ليا بصحة مزيانة يااااربي وقف معاه وشافيه ياااربي ياربي مبغيت تاحاجة فالحياة غير تحفض ليا راجلي وولادي وكون معاهم ياااربي تبعد عليهم ولاد الحرام ووقف فطريقهم ولاد الحلال ….ياااربي تشافي ليا كبدتي ياااربي لا توريني فيه يوم خايب يااااربي …قطعة من قلبي ومصرانتي لاخرة سهل عليه ويسر ليه طريق الشفاء يااا سميع يامجيب ….دوزات بايديها على وجهها يلاه بغات تنوض حتى حسات بايديه فكتفها وتحنى جلس حداها هز ايديها وباس كفوفهم …

ياسين : الحنانة منتسالوش حقنا فدعواتك …

يامنة : ههههه نتا والحبيب واسامة شاملين دعواتي كلهم كيما كانو الله يرضي عليكم …

ياسين “تنهد ” : اففففف “نفخ بتعب دوز على شعرو باين عليه العيا ديال ليلة كلها مانعسش ابدا مشافو ” …

يامنة : يتنهد عدوك اولدي مالك ؟

ياسين “حك على كرشو ” : والو ميمتي …

يامنة : عييتي منعستيش ياك ؟

ياسين : لخدمة الحنانة هي هادي مولف مولف …

يامنة “شافتو مزال بحوايج باش مشا لبارح ” : سير دوش وحيد عليك هاد الحوايج ونعس رتاح ليك شوي …

ياسين : داكشي الي غاندير …”دور راسو لجهة لاخرا كمش عينيه فشعا السما الي شمش بدات تشرق فيها ورجع شاف ف مو ” ….عارفك اميمتي متشوفة لاسامة وباغا تشوفيه …صبري شوي وغانديك تال عندو فاش يمشي لكلينيك …متبقايش مهمومة وتبكي

راني كنشوف عينيك كي ولاو “بغات تهضر حبسها بايدو ” كضحكي فوق قلبك وخاطرك عارفين الكبدة هي هادي ملامك حد معاتبك حد ولكن الصبر ضروري منو كي صبرتي هاد ليام وانا غايب صبري عليه تاهو ديريه غاب فحالي عاد هو مغايطولش كي طولت انا شهر وهاهو غاتشوفيه ….”

حط ايدو على ايديها هزهم باسهم وشاف فيها “هادشي علاش فرحت الي جيتي هنا بدلي الجو وضحكي ونشطي وخرجي سولي على حبابك الي هنا راكي بنت البلاد وتربيتهم …فوجي وزوري حبابك ما حتاال تكملي حتى يجي الفرج وتشوفي كبدتك صغيرة …مزيان “شاف فيها بشوفة بشوشة ” …

يامنة : كون هاني اولدي هضرتك وصلاتني تهنى من جيهتي داكشي الي غاندير …نيت جا واحد العرس فوقتو …

ياسين “جمع حجبانو ” : عرس من ؟

يامنة : عرفتي دار بوبكر الي كيبيع الخرفان (الحولي والخروفات ) …

ياسين : ااه عرفتو فراسي عرض عليا دايرين شي صدقة غايزوج ولد بنتو الي كان كيخدم عند با هنا قبل مايلقا خدمة لهيه …

يامنة : ايييه وراه عندو العرس وعرضو علينا كاملين غانمشيو ان شاء الله الى تيسرت …

ياسين : نتي ومن ؟

يامنة : انا وسارة ونجوى وحتى نوار …

ياسين “طبطب ليها على ايدها وناض سرح ايديه وطرطق عنقو يمين شمال كمش عينيه بتعب ” : اللهم يسر مزيان …ماعلينا ردي البال لأمانة ماليها …

يامنة : لمن ؟شكون ؟

ياسين “رفع حاجبو ” : وردي لبال ليكم وصافي ؟

يامنة : ههههه ايه واخا واخا اولدي …

مشا وخلاها كتنوض تحيد ف عباية الصلاة مفهمات والو من هضرته وتاهو غا قالها عفوية معرف حتى علاش قالها يمكن حيث نوار برانية على هاد الاجواء هذاكشي باش جا🦋🐺نور_الياسين (126)sana mina🐺🦋

تحط الفطور طبعا القهوة المعطرة هاد المرة طيباتها سارة على جمر من صبح ربي على خاطر خاطرها كتجي مذاقها بنين بالنسبة لعاشقي القهوة غايعرفو معنى القهوى الي كطيب فوق الفاخر مدة طويلة …خواتها فبريق ديال المينيوم طويل ونفسو واحد اخور خوات فيه الحليب فايض عاد جا من الكوري باقي طري وجديد مافيه لا اضافة لا غيرها …تحط فصينية بكيسانها ديال قهوة رقاق شوي والصينية لاخرى فيها جوج برارد اتاي وقدامهم المجامع واحد فيه نعناع ولاخور فيه …

مجموعين هاد المرة كاملين الا بات يامنة من الي كيصبح صباح وهو خارج …حتى نزل لعندهم هاد المرة لابس فوقية بيضة نعماااس الحطة مكَّاوية ههههه وشعرو القوي مرجعو لور لحية قادها مدوش ناضي ريحتو تعطي جاي ويعقد فساعته حتى دخل عليهم وصبح عليهم بالخير ولالة مولاتي بغات تسخف كتجي تنساه تايضرب ليها حطة تدوخها ههههههه …

صهيب : ههههه كل نهار ضارب ليا حطة فييين غادي تاني …

ياسين : غيير حداك هنا”شافو لابس ” …فين الهمة نتا ؟

صهيب : واا نقول غادين فحالنا هاد ساعة نمشي نجيب الميمة ( نجود ام صهيب وهي الي رباتهم وربات دراري يوسف الياس وفؤاد من بعد ما ماتت امهم وخلاتهم صغار شوي )…

ياسين : خير مغادير …جيب معاك يوسف تاهو …

صهيب : وراه هو الي مديني قاليك بغا يجي يفوج تاهو ايوى خاصني نمشي نصايبو شي خدمة نخليوها لالياس ونجيو بجوج …

ياسين : مزيان على بركة الله …

فؤاد : جلس تفطر عاد نمشيو …

يامنة : غادين لشي بلاصة ؟

فؤاد : شي غراض …

شوية حتى تم جاي اشرف عاد فايق وتجمعو كاملين بدات يامنة كتوجد اتاي ليهم وبراد خاص باتاي بلا نعناع لياسين مشحر على حقو وطريقو حتى سمعو دقان …وهي دخل بنية فعمر تمنطاش لعام عينيها زرررقيييين وحنيكاتها حمرين وبيضا وخا تمارة العروبية لابسة تشامير صفر (تشامير هو بيجامة طويلة لكن توبها داك توب ديال ميترو الي كيتباع فسواق مخيط عند خياطة فصالة عادية ) مطروز ب صم نحاسي ومارون

دايرة شال على راسها مهمل …

يامنة : دخلي سامية بنتي اجي …

سامية “حشمانة وخاصة ياسين كاين كيحشمو منو غير حادرة راسها ” : خالتي يامنة …

سارة : اجي تفطري ابنتي …

صهيب : مزينها بنت ياربي غا ديال زواج وتحطها فالفيترينا …”ضار لقا جوج عينين كبار كحلين ولاو بيضات ” …شكون من غيرها زوجتي سارة هههههه امالك جمعي عينيك ياك لباس …

سامية : احم بصحة خالتي ربي يخليك …قالت ليك مي فاطنة لا صبتي ( الى لقيتي ) كي ديري رسلي معاك ديك بنت لوسك…

يامنة “شافت فنوار ” : نوار …

نوار : انا ؟

سامية : اه باش تجي لعندنا راه كاينة خالتي زهور دايرين لحمام تعوم مع البنات والعروسة …

يامنة : وتسناي نسولها هههه

سارة ؛ نوار تقدري على حمام العواد …

نوار”معارفاهش غير بغات تجرب الاجواء كيدارين ” : اه اه واش كاين الغنا وداكشي الي كديرو

سامية : هههههه اه كاين لعب غانديو العروسة فطري وخالتي يامنة غاتجيبك معايا وغذا اجي تنقشي ايديك فالعشية …

نوار : ااااااح الحنة …اااه نجي ياك اخالتو يامنة واخا ؟؟

يامنة : واخا بنتي دابا نجيبها انا والدريات معاش غادخل تعوم ؟

سامية : ومع ديك طناش ( الثنية عشرة ) ورا ضهر …

ياسين : رجليك ما ديال الحمام ديالهم …

نوار : لا لا عندي ميكة غير نبقا معاهم عافاكم منفوورصيش عليها عافاكم بيغت نجرب حمامهم والله منبقا فيه بزاف عافاك اخالتو يامنة ….

يامنة : وقاليك صح رجليك ضاراك ابنتي

فؤاد : ماعليش ديرو ليها خاطرها هي عارفة مصلاحة رجلها …”غمز يامنة باش تمشي معاها ”

ياسين “ناض وقف ” : الي عجبكم سيرو معاها “على يامنة ونجوى وسارة ” متمشيش وحدها برانية مكتعرف حد تما “شاف 🦋🐺نور_الياسين (127)sana mina🐺🦋

كل مكتزيد نوار شوي كل مكتكتاشف هاد دنيا وعالم اخور …هاهي غاتعرف على تقليد كانت كتحضر ليه وعارفاه لكن فالعروبية شكل اخور الحمام ديال لعروس كيحضرو ليه البنات الي مادات ايديهم لحنة …هما فالعروبية عندهم حمامات فدار كيحميو العواد ويدخلو يعومو كيخرج الوسخ مكايتقاداش حتى تقاداي نتي وجهدك هههههه ….غير فطرو كل فين

خرج ياسين وفؤاد مشاو لكوري ديال لخرفان وصاو على ربعة الحوالا مجوادين صحاح …حتى قلبهم ياسين من الديل ديالهم وعرف النوعية واش مزيانين ورسلهم لدار العرس ك هدية لولد الي غايتزوج اما نوار كيف فطرات جمعات حوايجها واتخوس لحمام ديالها ومشات هي ويامنة ونجوى وسارة الي غاتبقى تتحضر لعرس وترجع هي لفاس عاد تجي نجود ….

مشات ل دار العرس لقاتهم كيتسناو ويضربو البنات بيناتهم بزغاريت وشطيح وموجدين الحنة الي غاتدهن العروسة الي متكونة من “حنة مدقوقة فالفردو (مهراز العود بير ) ومغربلة معاها الورد وريحان و شبة ووراق فليو ونيلة كلشي مطحون ومخلط خلطوه مع شوية الما دافي ف سوپيرة كبييرة ديال البديع ….

يااااا وكانت المحبة بتعناگ كانت المحبة بتعناگ

ولات المحبة فالعياد يااااا وحرشوك عليااا وقطعتي كلااامي ياهاااااااا هاااا …يااا عزيز عليا وجيبوه لياااا هاااااها …يا قطعتي الكلاااام ااااا …

حبسو وبداو يضحكو جات نوار حداهم ب سورفيت ديالها دارو ليها البنات بلاصة على ود رجلها …جلسات حداها يامنة وسارة ونجوى تاهما لبسو جلالبهم يحضرو معاهم ينشطو شوي ومنها مع نوار متبقاش وحدها ….حتى بداو تاني …

وااااا دوزيييي واااخوك انعيمة واااا دوزيييي هاااا وهو خوك ا تورية وااا دوزي هاااا …”شافت الي كتغني فنوار ” اش سماك الله ابنت الجواد زينة البنات

يامنة : اسمها نوار …ازهور هههه

زهور : ياربي الحبيب مزيناتك بسمية وجات عليك ازينة البنات …

وااادوزي هااا يالالة البنات وااا دوزي هاااا يا نوار بنت الجواد يااا دوزي هاااا يا نوارة مارس لالة البنات يااا دوزي هاااا هاااا …وراه جايك على خيلو يشالي يا بنت رمسيس هااااا وااا دوزي هاااا …وهو صاحب المليون واادوزي هاا وهو صاحب الهجالة واا دوزي هااا وهو صاحب اليتيم وادوزي هااااا وهو … ( زعما كيعاون هي صاحب )

يااا دوزي هااااا يااا دوزي هااا وهو البكر والعينين الزينين واااا دوزي هاااا وهو محنت عشرين ياااا دوزي هاااااا يا ويقولو ليه فحم العينين ياااا دوزي هااااا ….طلقوها بضحكة كاع الي تم

يامنة : هههههه لهلا يخطيك ازهور ….

زهور : اش عندنا من فحم العينين راجل دوار محنت لينا رجال ورجال سعداتك بيه وتبارك الله عليه ربي يحجبو ليك ….طلقوها بتزغريتة كاع الي حاضرين تما بدخول العروسة لابسة قميص براندة بيض لابسة بليغة بيضة جلسوها وحيدو ليها القميص دارو ايزار بيض قدامها حجبوها وعيطو ليامنة حيث معمرها طلقات تيقولو ليها مزوارة هي الي ذهن ليها ذاتها ومعاها سارة عاوناتها حتى طلاوها بالحنة من شعرها وجمسها كلو مخلاو حتى انش ولبسوها تشامير عادي وداوها دخلوها باش تعوم والحنة الي خلطات بيها هادشي هي حنة مجموعة من عند المزوارت الي هما العيالات الي عمرهم ما طلقو كا تقليد وعرف عندهم باش لعروسة زواجها يكون زين …..حتى جات نوبة نوار من بعد ما تغذاو بالدجاج محمر وموراه السفة وديسير نوضو نوار مشات لواحد البيت وطلاتها يامنة كلها بالحنة الا رجلها دارت ليها ميكة باش ميقيصها والو غير دارت ليها خاطرها بزز اما رجلها مهرسة ميصلاح ليها هذاك الحمام حتى دخلات عليهم سامية فايدها تشامير ( بيجامة توب قطني صيفي ) فالغوز مطرز بنفس اللون ودرجة ثانية ديالو …

سامية : هذا تلبسو من عند العروسة عطاتو ليها باقي جديد غير تخرج كوثر وتبعها اخالتي باش تعومها مي وتحك ليها …

نوار “ابتاسمت ليها ” : شكرااا بزاااف …”مدداتو يامنة كان ايفازي والعروسة قد نوار نيت غير نوار غليضة عليها ”

يامنة : ميجيكش مزير ؟

نوار : واغير لبسو ماعرفتي …كادو اخالتي منردوهش ليها …

يامنة : و🦋🐺نور_الياسين (128)sana mina🐺🦋

دخلات نوار من بعد ما خرجات العروسة دخلتها يامنة ووصات عليها ام سامية باش ترد ليها البال لرجلها ومشات جلسات مع العيالات مزال كيضربو وينشطو ويضحكو مجمعين عيط ليها فؤاد خبراتو بالي مزال معطلين ومجمعين وتاهو ما اعتارضش ومخليهم على خاطرهم خاصة يامنة ونوار عارف كل وحدة فيهم بغات تنسى حاجة ….ايوى دخلاتها يامنة وخلاتها منها لام سامية مع توصيات …

غييير سخنات وهي تمددها وجابت ليها واحد طاسة عاليا شوي حطات عليها رجلها مغطيااها دارت ليها صابون البلدي مخلط بالعكر الفاسي ونيلة ولورد …حكات ليها مزيان وقركاتها والوسخ حلف ما يتقادا هو يحلف وام سامية تحلف ونوار غادا وتسخف ههههههه ….حتى فركاتها مخلات ليها تا قنت …وغسلات ليها شعرها من بعد ما طلاتو ليها بالحنة يامنة حتى شربها كان متعطش ليها …

ودارت ليها موراه الغاسول بالعشوب …(كتشري الغاسول من العطار كتديريه فشمش شي يومين عاد تجيبي شيح خزامى طحنيهم وتغربليهم متطيبي الما وديريه فيهم تيطلقو فيه عاد تخويه على الغاسول وتبقاي تمعسي فيه تيتحانسو مزيان وتسرحيه فشي ميكة وديريه فضل تا يكرم ويبدا يتفرق وينشف وديريه فقرعة كل مرة هزي شوي ديري فيه الما رطبين وديريه فشعرك شوي عاد غسليه وشعرك غسليه القدام مزيان

كيخلي شعر فالغسيل حريييير وخاصة الى نسف وكيدير ريحة غزالا فسعر وهو الي دارت نوار ) ايوى وغسلات ليها شعرها مزيان صافي نوار السخفة بغات تقتلها شللات ليها وخلاتها تشلل راسها وتغسل تحتها ودير صابون غير كملات لبسات بينوارها ودارت فوطة على راسها خرجات النجوم كيبانو ليها وحناكها وودنيها دم قرب يطوش منهم …

يامنة “وقفات فالبيت كتسنى فيها غير دخلات بانت ليها مرنگة كتر منها وعينيها حمرين ” : سخفتي ياك قلت ليك متعطليش

نوار “بزز كتهضر ” : اففف عيييت الوسخ مبغاش يتقادا اخالتو …تيليفوني صونا ؟

يامنة : وايه هضرات ماماك ومينة قلت ليهم داخلة تعومي المهيم مينة يقدر تجي مع باك …

نوار : اححح احسن والله توحشتهم كون غير حات ماما تاهي دابا نسالي تنتنفس ونهضر معاها توحشتها بزاف …مدات ليها يامنة دوبييس جداااد باقين ب بلاكتهم فالغوز بيبي لبساتهم ولبسات داك تشامير المطروز غير لبساتو جاها شوييي مزير بين فورمتها مع اصلا هو ايفازي كمل الباهية …

يامنة : محسيتيش بيه مضايقك ؟

نوار : غير نبقا بيه ومن بعد نحيدو والله تا واااعر يااااي ههههه …”دارت ليها زيف حياتي فالبيض عقداتو القدام الي شافها يقول مراة ديال زمان والدة رزمة ههههه جات فشكل مع مزنگة بان عليها سر والملح تهربي بيها …شوي حتى جات سامية …

سامية : خالتي يامنة تكلمي لبا مصطفى قاليك راجلك بغا شي حاجة …

يامنة : وخا هاني جايا …نوار تبعيني انا برا ابنتي نعيط لفؤاد نشوفو اش بغا ونمشيو سارة ونجوى راه سبقو …تالغذا وجي باش تنقشي معاهم …

نوار : واخا غير سيري انا نتبعك دابا …

فهاد اللحضة وقفات سيارة نوع opel corsa الماتريكيل ديالها مكتوب فيه ارقام و المدينة seville اي سيفيليا وحداها حرف E بمعنى اسبانيا …لفوق ديالها عامر ومغطي بباش ملصق بصكوتش ولور عامر الكوف ديالها هز لفرنامان وخرج منها شاب فعمر 33 سنة هكاك طويل القامة لابس تيشرت بيض وكحل وسروال قطن سورفيت فيه باندة عند رجلين …سمير شوي مبرونزي ومگضر

عينيه صغار شوي وكحلين وشعرو كحل داير وشام فايدو هز عينيه كيشوف هنا وهنا حتى بانت ليه نوار جايا بداك تشامير الي بارز قوامها وحناكها حمرييين جايا وتقلب على يامنة فتناتو بديك شوفة يحساب ليه غير بنت دوار مع داك زيف زييينة البنات …حتى وقفات كتقلب معرفات يامنة فين مشات …وهو يمشي لعندها ضور وجهو بحركة طفولية …La bella ….

نوار “هزات فيه عينيها ورجعات كتقلب كانه مكاينش …”

هو : كتقلبي على شي حد ؟

نوار : اه

هو : شنو سميتك؟ بنت من باش نعاونك كتباني ليا مكتعرفي حد هنا …

نوار بغات تهضر حتى لقات ايدين على كتافها جروها معنقها بجنبو لابس فوقية بيضة خاشي ايدو فجيبها وشاف فيه بنضرة خاترة مطلع حاجب ومنزل لاخور كتبان هي وياه تقولي زوجة وحداها راجلها عاد معرسين ههههه …

ياسين : بنت الجواد ا عبد الغني (هو ولد فنيدة ) عندها ناسها وديال ماليها… “غمزو وقال هاد الكلام خارج ليه من القلب …ونار الغيرة بدات تتشعل بلا ميحس …حك ليها على كتفها بدون شعور بحركة بورشتها “…نور_الياسين (129)sana mina🐺🦋

احيانا عقلنا الباطني يتحدث على شكل تصرفات وكلام مترجم منو …ردات فعل كتخلي داك شخص نفسو يتعجب بالي فعل وقام بيه ونطق بيه !!!…هذا كيعني انه الاحاسيس المكبوتة الغير معترف بها بدات كتخرج لعلن تدريجيا شوي بشوي دقة دقة نقطة بنقطة حتى يحمل الواد ويتكشف المخبي ويبان الحق حقيقة المشاعر تاع بصح الدفينة الصادقة …

ياسين “نطق هاد الكلام بلا ميحس حكحك ليها على كتفها بشوية بحركة بورشتها حتى تزنكو …اش تزنكو حناكها راه مزنگين من الحمام قول هرب منهم لون …”: على سلامة …”شاف سيارة ديالو مشارجية ” …عاد وصلتي ولا …

ع.الغني “سرح ايديه” : هادي هي حطت رجلي اصحبي ههههه عاش من شافك اعشيري “تم جاي ماد ليه دراعو طلق ياسين من نوار ومشا سلم عليه بعناق رجولي شبه مشحون هههه ” …غبرتي نتا وانا وتلاقينا دقة ،، ماشفتك من الي كنتي درتي تريپ ف مدريد …

ياسين : مشاغيل وصافي …

فهاد اللحضة نوار بانت ليها يامنة جايا وهي تعيط ليها …

نوار : انا غانمشي عند خالتو يامنة …

ياسين : بلاتي ” مشا لعندها وجا وراها شوي وخا بعيد مع عريض مبقاتش بانت قدامو حط ايدو على كتفها وساقها حتى لعند يامنة …”

ورجع هو عند عبد الغني لقاه حاضيهم وبقا حاضي نوار حتى مشات عند يامنة ساعاك حجب ليه ياسين الرؤية ىطفا عليه تلفازة خههخ …بقا شحال وهو كيهضر معاه بحكم صاحبو قرا معاه وكانو عشرة قديمة دار معاه الواحد

يامنة : سمحي ليا بنتي شدني فؤاد بغا شي وراق غادي طالع لمراكش ثاني داكشي باش …اجي دخلي ترتاحي لا يضربك البرد …

نوار : شكون هذاك الي وقف مع ياسين …

يامنة : هذاك ابنتي هو ولد فنيدة الي بغاتك ليه هههه …

نوار “تزنگات ” : احم اااه …زيدي ندخلو فيا جووع …

يامنة : وقيتة الگوتي هادي يلاه ندخلو نوجدوه را سارة ونجوى لداخل نيت …

نوار : وخا انا غانهضر مع ماما فتيليفون …دخلات يامنة ونوار بقات قدام الدار لداخل فجردة فواحد الجليسة مصاوبة فوطوي بسيمة ومفرش بزربيات الخيط وشرويط وفيه مخيدات حطات عكازها ودوزات ليها الخط …

نوار : ماااماتي حبيبتي الغزااالة شووووفي حق الله متهضري متقولي والو والله تا فرحانة وناشطة والله حتى بديت كانتعود عادي وكنضحك سولي خالتو يامنة …

يسرى : غمقتي عليا دابا ولا شنو …

نوار : اهء لا والله اماما حتى بصح انا عادية ناشطة ضاحكة اماما بيييخير …عمت فحمام العروسة وغذا دايرين نقيش غانقش الحنة هههه والغذ ليه كاين لعرس ديال عيالات …كون غيييير جيتي

يسرى : شهيتيني ماعرفتش عندي خدمة ندير ونشوف شي يومين …

نوار : عاااافاك جي وجيبي مينة توحشتها وبابا بزااااف …جي نشطو ونضحكو …

يسرى “حست بيها فرحانا بزاف وجاها تغيير مفاجئ قلقتها” : نوار بنتي نتي مزيانة ؟

نوار : انا مزياانة اماما مبقيت كنديها فتاحاجة عارفااك شنو بغيتي تقولي انا دبا خديت قراري الي قلت ليك غانعيش لراسي على قبل راسي ومغانعيش على قبل تاحد …والى كتاب وفتحت قلبي غانفتحو الي يبغيني ماشي الي نبغيه …

يسرى : هممم ايوى تنشوف بعيني وكان …وقولي ليامنة دير بحساب واحد جوج بلايص ولا ثلاثة هاد اليومين ههههه …

نوار : هههههه غير جي نعسو فسطح ولا نفرشو فجردة ههههه عافاك جي والله حتى الجو زوييين هنا اجي غانمشيو لعرس وحضري معانا …

يسرى : نشوف مع يوسف ونحاول انا نسبقو الى خلاني …بيزو مامي وردي لبال لرجلك خبارك كتوصلني من يامنة …

نوار : ونور_الياسين (130)sana mina🐺🦋

في اللحضة الي تفرق فيها مع ياسين دخل لدارهم بدخلة مفاجئة كااع مكان معولين يجي فهاد الايام على حسب ما قالت الام ديالو كان غايجي من بعد شهرين تقريبا حتى فاجئهم ….

فنيد : يااااا سعدي يا فرحي هااا ب بكري ها وسعدي …وتا عبد الغني ولااا …

ع.الغني “ضحك قرب ليها وعنقها حتى هزها ” : ههههه الله على ميمتي وريحتها وشحال توحشتك الميمة …

جاو خواتاتو يتجاراو كاين الي لقاتها الوقت جات هي وولادها كاين الي جات طل على مها سلمو عليه بحكم هو البكر والكبير فيهم …دخلو يوجدو اتاي وما لد وطاب وبقا هو ومو جالسين يهضرو هضرة تجبد هضرة حتى قاليها على ياسين والي كانت معاه …

فنيدة : اييييه هاديك بنت لوس يامنة بنت عم ياسين هاديك …

ع.الغني : علاه تزوج بيها فحال باه مع مو ؟

فنيدة : تا لا غير بنت عمو جات دوز عطلة …وراني بغيتها ليك وخطبتها ههههه

ع.الغني : واايلي تي بغيتي تجوجيني وانا مفخباريش…

فنيدة : ينعل حسك قلتي ليا باغي الحلال فاش تجي ايوى عجبتني …

ع.الغني : وصراحة اميمتي “حك على صدرو ” طياحة تبارك الله عجبتني من اول ماشتها…والله ما كرهت نتناسب مع دار الحاج رمسيس الخير والجود والكرم وياسين صاحبي ولد ناس راجل تبارك الله حسن مني منكذبو عالله اميمتي …

فنيدة : هههه ايوى اوليدي هو الي وقف فطريقك مابغاهاش وها اش قال واش قال …”عاودات ليه كلشي ” …

ع.الغني : ولا جيتي صراحة عندو الحق راني زهواني اميمتي الي شتها تعجبني وليني قبل منجمع راسي هو عامين هادي باش شفتو صراحة مكنتش خدام وغيير ديك السيدة كلارا الي دارت ليا الوراق …

فنيدة : ايوى راه تاحد ميبغي بنتو دخل ضرة وتعيش هنا انا ربي شاهد نديرها فعيني ويني واليها ميبغيو …

ع.الغني : …راني درت خدمتي وداري وهاديك السيدة مااتت العام الي فات …مبقا عندها ضرة غاتعيش معايا معززة مكرمة …والى على هضرته عندو صح تانا بنت عمي منبغي

ليها الي ضرها وختي كذلك اميمتي الي منبغيوه لبناتنا مبغيوه لعيالاتنا …”ضرب على صدرو بحركة خفيفة ” …رتاح ونهضر معاه ونهضر مع باه كاع يعطيني نمرة باها ونشوفو النصيب …على رقبتي اميمتي الى من شوفة عشقتها كون شفتيها وهي لابسة داك تشامير ديالكم نتوما فداك لون وزيف حياتي الى مراة ديال زمان …وخا رجلها معرفت واش مهرسة ؟

فنيدة : وااه اولدي مهرسة …

ع.الغني : الله يجبر …وانوض ندوش اميمتي وعيطي ليا لوليد نسلم عليه ولا قولي فين كاين نوصل عليه نجيبو معايا ….ومنها نيت يعاوني نهبطو داك الباگاج من طوموبيل …

فنيدة : ودخلها لگراج ديال سالمي يعطيك ساروت لا يجيو ولا عزوز راهم يطيرو يخسروها ليك …

غاديين وسط واحد الفدان واحد شاد تيليفون ويهضر فيه لاخور كيرسل ويصور ويتصور واحد كيدير فسيلفيات وفيديوات …دخلو وسط السبول (السبول هي الي كتكون فيها القمح ولا شعير غاتلقاوها فصورة لتحت )

ايساف : والوليدة وتي ياك معاك ميمة …ولا مشات ؟ وصافي راكي مولفة وحدك …تانجي الوليد غا وصل وسافر …

راوية : راك عارفو كيف يتاثلو بيه خاصو ينقز عندهم ..غير قنطت دنيا خوات غانضرب لعند ميمة ويسرى …

ايساف : انا يومين ونجي منتعطلش …

راوية : كي جيتي كي لا اصلا نهار كلو ونتا غابر مكتجي تا ليل اش الجديد اولد كرشي ؟

ايساف : دابا قمعتيني ولا مدحتيني …ثااانكيو حبيبي من فمك عسل الوليدة …

قطع معاها ضار لقا الحبيب و اشرف كيقلبو …اش تم ؟

م.الحبيب : معرفت شي تخرشيش غا كنتحركو كنسمعو شي صوت …

علال “كان خرج معاهم لارض ” : غايكون غا ديك الفار الي كيكون فزرع …كيقولو ليها فارة الخيل ….راه وقت الصابا هذا (الصابا هي وقيتة حضاد الزرع تيلقاو المزارعين او الفلاحة فيران نيت ولكن تيكونو في اراضي زرع فاش كتكون صابا كيخرجو بالمئااااات …)

م.الحبيب “ضرب على جبهتو ” : ايييي وقيتة الحصاااد نسيييييت ….

اشرف : تا شمن فيران اااخويا ؟؟

ايساف : فيران فار مالك …دوز دوز خلينا نسرحو …

تمو غادين ويضحكو على اشرف كيتقفز غا وحدو …حتى وسع علال داك سبول باش يديرو طريق مااا غااا يسمعو تسسسسسسسس …

علال : الاطييييف ماااتحركوووش ….

م.الحبيب : اش تما اناااري …”حدرو عينيهم لقاو واحد الحنش بوسكة هاااز شواطتو تتسرسر …

م.الحبيب “بصدمة ..” : ح🦋🐺نور_الياسين (131)sana mina🐺🦋

اييييه حنش نعماس بوسكة كحل داخل ىسط زرع ( البنات فمناطق عندنا خصوصا قلعة سراغنة وجوايه مراكش وسراغنة نيت فواحد البلاصة كيقولو ليها الحدرة هي ماشي دوار يامنة لكن غير عطيتكم هاد جوايه عندنا انواع اللفاع والحناش واحد نوع من الحناش كيقولو ليه ليفوع الى فات حتى تبعك كيوقف ويجري وراك بواحد طريقة الله يحفض وعندنا انواع العقارب سامة من اخطر السم فالعالم حيث منطقة سخونة بزاف مافيهاش رطوبة …للمعلومة ) ….

سالم : ماتحركوووش عيشكم راه يطير عليكم …

ايساف : واربي واااربي واااربي سلامة واااعتق …

اشرف “ولاو رجليه كيضربو فبعضياتهم ” : تا قوليا ديال الميكة اااااخوي عيشك …

م.الحبيب “ولا مزنگ وليني راه حنش كحل نيت ” : ياربي سلامة ياربي سلامة ياربي يكون جن ويطير فحالو حنا مسلمين وطالبين تسليم اخوتي ارجال البلاد غاا خلينا ندوزو عمري باقي ندخل لاراضي ماليها وخا تكون ديالي نكتبها فسميتك …

سالم : خاصني حجرة كبيرة …

ايساف : ضربو براس اشرف ….

اشرف “ضار عندو اصلا مشالي مسكين مبقا قادر باش يجاوب فشل ليه لسان هههه ” : معنديش راس اخويا انا غاا رطيبة اسميتي شريفة …واعهعووووو وتا مالو ولا هكاك …وتا لا متجيييييييش واااااااااااعووووو …

سالم : تا سكت متحرك متغوت غا صبر …”ضار يقلب على حجرة ملقاو والو زغابا مساكن ليهم الله …متحركش راه يطير عليك اصحبي …

م.الحبيب : وتا ما طار مخلانا نطيرو واش غانبقاو هك …

سالم : عيط بتيليفون لياسين ولا شي حد يرسلو ليك دغيا …ياربي سلامة …مصيبة هادي ونسيييت مديت معايا شي حاجة …نسيييت …

اشرف : ينساك عدوك الي ميبغيك …طلقوونااااو راه غانديرها تحتي ….وااا متقوولوووش ليا رجلة رجلة داها هذا هديتها ليه غااا يخليني واععهععععععع ….وامييييي …

م.الحبيب : ومكيجااوبش واش غانبقاو مفيكسييين …”بدا الحنش كيخرج لسانو ويقرب بشوي وهما يكحازو لهنا مع سالم فين ما مشا لاصقين فيه …ايساف ضاربها بصقلة كتر منهم تاهو عينيه مبقاوش كيرمشو …اشرف هذاك خلاص ولا غايهتهت ….هو يكحز وهما يكحازو لهيه ….عيط ليه سالم فتيليفون من حسن الحظ لقاه غير تما نيييت مع الخدامة واقف على شي ماكينة الحصاد ودراس ….واحد شوي …

حتى بان ليهم ياسين جاي بديك الفوقية …شافهم هكاك واقفين وهو ينابي عليه سالم (عيط ليه ) شرح ليه اش كاين وبقا بعيد غمزو بعينيه باش يدهيوه ..حتى جا من وراه بشوييي باش ميطيرش عليهم متسوقش وحتا عليه من راسو …امثال ياسين وسالم فالعروبية مولفين وياسين مع كيمشي لجبال وكابر فالعروبية عاارف هادشي ومتعايش معاه …

اشرف : اويلي هزو من راسو وهااا دگج مو من راس ردو كفتة وعطييييه ليا نوريه يخلع سيادو …

ياسين “ضور راسو يمين شمال غادي بالحنش شادو من راسو محكم فيه وداه يضربو بحجرة …”

م.الحبيب : تقدر تقوليا فين كاينة ذارنا راني تلفت اخوييي …

ايساف : معندك ما بغيتيها زيد خلينا نبقاو غا غادين تيدير الله تاويل …”باقي شادا فيهم الخلعة ههه ”

اشرف : باش تيعجبني سي ياسين تايخليني غا نهضر عارفني اجيب يا قول وفم وسلوگيات عشرة لضص…نههننن …تنا🦋🐺نور_الياسين (132)sana mina🐺🦋

حنييو لالة حنة وحناني لالة العروسة بجااه العالي …صينية قدامها والكيسان بين ايديها بدات تضرب بيهم صينية باش تصنع انغام وتنشط بيهم الوقت وحداها العيالات شادين طعارج وكاينة الي شادة البندير …فالصباح كان مخصص غير لحنة البنات اما العروسة عندها فالعشية فين غايكونو لعابات …عرس على حقو وطريقو سبع ايام ديال لعرس كدوز وهذا هو العرس ديال بصح كيبقاو سبع ايام وهما ينشطو ويشطحو ويضحكو ويوجدو فيه حتى دوز العروسة ليلتها الاخيرة قبل ما تروح لدارها ….

لبسات فقط غير بيجامة عادية بسروال ف الپينك دارت فوق منها كاب كحل هادشي باش اكتفات بحكم كاينين غي بنات الي غاينقشو يضحكو ويلعبو بيناتهم حتى الليل عاد غاتكون الحنة لعروسة وتوجد ما تلبس …هزات عكازها واحد قبل جمعات شعرها ضفراتو من لور ضفرة حتى لفوق وخلات خصلات مهملين القدام …ذهنات وجهها ب كريم باش ما يعضها ناموس رشات بارفانها ديال فاني المعتمد عندها …وهزات من فاليز ديالها واحد لاگام واخداها خاصة فيها واحد سپراي كيبرد الوجه مع صهد وبنادم كيتجمع فصالة كيولي طايب …حتى جات يامنة لابسة جلابة ف البيج ودايرة شال مارون مع بليغة فالمارون …هزات

تيليفونها وخشات رجليها ف صندالة الصبع فيها البريون فالغوز دارت باندة فشعرها ولات تبان كيوت بزااف …

يامنة : مشينا …

نوار : يلاه يلاه بغيت امتا نحني …هههه

ضحكات على هضرتها ودارت ايدها فدراعها وهي تم غاديا خارجة هي وياها ومشاو لدار العروسة …

ينعل بو الحوووووب …واهيا وا …ينعل بو الحب الي يطيح ويجييييب …وينعل بو الحب ينعل بو الحووووب ينعل بو الحب الي يخليني نسهر الليل يا هيا وااااا …

ينعل بو الحب ينعل بو الحب ينعل بو الحب الي يخليني علييييه مانصييييب …

مع دخلة هي ويامنة طاحت فهاد الاغنية من زهرها المكوز …غير دخلات شافوها البنات وجاو لعندها جروها جلسات حدا النقاشة …الي كملات لواحد البنت وعيطات ليها بالفرحات مدات ليها ايدها وبدات تنقش ليها …

يامنة : ديري غير صبيعات غاتحرقك دوليو ابنتي …

نوار ؛ لا غير خليها ديرها ايديا بجوج مشهية الحنة شحال هادي منقشت من قبل منشد الباك …

يامنة : ههه ايوى صافي حنينة ديالي بصحتك الي بغيتي ديريه متخليهاش فنفسك …

نوار”ضارت عند نقاشة وبدات توريها ” : شوفي يكون رقيق شوي هانتي ها تيليفون شوفي هاد صورة بغيت فحالها …

نقاشة : واخا بنتي …

نوار : ولا عرفتي ديري الي كيديرو هنا ماشي مشكيل بغيت نجربو …

سامية : هنا كنديرو اي نقش بغيتي …

نوار : صافي الي بغات بلا متبرزط تبدا تنقل ديري الي بغيتي غير يكون خفيف وزوين عافاك وضفاري بغيت فيهم الحنة عمريهم 😻

نقاشة : ههههه راكي بلدية ابنتي ههه وخا كوني هانية …

بدات تنقش ليها ونوار عيطات لمينة دارت معاها ابيل فيديو حاضية معاها …

مينة : واعووو بغيت نقش غانتفاوت تانا اهى …

يامنة : مينة كتباني ليا فطوموبيل …

مينة “تفافات ” : هاا اه راني جايا فطريق عندي شي خدمة ..وشوفي الى جيت عيطي لهاديك سيدة تنقش ليا يقدر نجي نحضر معاكم لعرس …

نوار “بفرحة ” : واااعووو جي جي صافي كوني هانية غاتنقش ليك خالتي ياك ؟

نقاشة : مرحبا وقت الي بغيتيني ها يامنة عارفة دار الكرومي غير ترسل شي حد فدراري ونجي اتهناي …

مينة : صافي قطعي تانجي وعيطي ليها بيزو حبيبة قلبي …”قطعات عليها ورجعات تسوف فالنقش وفرحانا حتى دخلات فنيدة لابسة تشامير زرق ودايرة زيف فلونو نيت وطابلية صغيرة وهازا ميكة فايدها مشات سلمات على يامنة

فنيدة “سلمات على نوار والبنات خدامين فلعب وضرب ناشطين ” : وتيييي كي دايرة يا نوارة مارس …

نوار : اهههه الحمد لله اخالتي …

فنيدة : بصحة ماتنقشي فعرسك ان شاء الله …

يامنة : على سلامة عبد الغني …

فنيدة : يسلمك وينجيك “شافت فنوار ومدات ليها ميكة …” …هاكي هادي رسلها ليك ولدي شكلاط ديال صبليون …

يامنة : يعطيه الخير …ا فنيدة خالتي اش قلنا وكااان

فنيدة : يا تي دخلي بخيط بيض دري غير شافها يامس تالفة معرفهاش بنت من ( البارح هي يامس )…تي تردي الكادو غا باروك راه خليت ليك فالفيرما عندكم …شوية القهوة وشي بركة من الي جاب واحد توب غا باروك لحباب …

يامنة : الله يكتر خيرك …

نوار : اوو شكلاااط “كتموووت على شي حاجة اسمها شكلاط وخا تجيب منو تا تعيا مكتقنعش منو …” اري اري وكان اخالتي منردهاش فوجهك تا لشكلاط اوهوووي …

فنيدة “فر🦋🐺نور_الياسين (133)sana mina🐺🦋

فواحد ساحة كبيرة قدام الكوري الي فيه الخرفان والخروفات والبهايم من غير البقر …كاين واحد البير غير عادي بصطل وطورني (هو داك الي كيكون فيه الحبل الي لاصق فسطل فاش كيهبطوه لبير يهز الما ) …واقف ايساف و محمد الحبيب الي مزال عطلتهم طويلة شوي بحكم شحال هادي مخداو كونجي استغلو هاد سيمانة يغيرو جو نيت …بدعوة من ياسين وحتى اشرف ومعاهم حتى فؤاد واقف. بفوقيته كان يوم الجمعة …مسرحين واحد الضروبة (عجلة ) هبطها معاهم ياسين من رجليها حتى جات لارض وتكاها على جنبها …

ياسين “واقف شادها من راسها وفكها وعيط لباه …” : الوليد موضي ؟

فؤاد : الحمد لله …علاش ؟

مصطفى”جد ياسين ودراري ” : ذبح لينا هاد ضروبة بغينا رسلوها لدار العرس …الدري عزيز عند ياسين هو الي تكلف ليه بيها …

فؤاد : مرحبا …

قاد ليه ياسين عنق ضروبة وجابو ليه واحد جنوية كبييرة ماااضية مزياان …سما الله وطكرو ودوز عليها تدوييييزة وحدة معاودش ضرب ليها الوريد وشد من عندو ياسين خلاها حتى خرجتها روح وكمل عليها كان ب بيل سماطي وشورط وصندالة صبع …داير طابلية على عنقو …حيد ليها راس وهزها قادها فحبل متيين عالية تعاون معاه الولد حتى دلاوها وسلخها بنفسو مولف يسلخ الحولي والبقر فينما جيتي تلقايه دراعو حااار وگاضي (ناضي وقاد) …

ياسين : غير تحركو الوليد نكمل ونوصل عليكم …متعطلوش على لغذا …

محمد الحبيب : ومتعطلش نتا باش تغذا …

ياسين : وخا غا تيسر الحبيب …

مشاو هما وبقا هو حتى كمل العجلة وسلمها لدراري يگرضوها ويعطيوها لدار العرس باش يدزيو بيها (يدزيو هي يعاونو بيها ) فالعشا تاع العرس والصدقة والحوالا الي شرا ليهم تذبحو فنفس النهار …هادي كانت زرورته هو وفؤاد الى جانب مبلغ مالي عطاه لعريس شخصيا بينو وبينه …

كملات ليها نقاشة الحنة حسات بيها كتشويييي وشواتها وعرفت كي شواتها بغات تبكي …ايدياتها رطبين و النقاشة قوات الدوليو خلاتها تجذب …

نوار : واععع اهى كتحرق …

يامنة : قلتها ليك ما كتسمعي …تسناي تجيب ليك نجوى نشاشة نشي عليها …هههههه

نوار : اهى وا ميحسابش ليا مكثرة فيها دوليو انننن اهى …ففففففف حححح واعععن …يااالااااطييييف …

سامية”كتنقش خدامة ” : تسناي تنشف شوي وديري ليها سقوة شوي وتجيبها مي …

نقاشة : وغا صبري راه تخلي الحنة تنضر ليك ابنتي …

صونا تيليفون يامنة …

يامنة : ا فؤااد …

فؤاد : مزال مناوينش تجيو ؟

يامنة : صبر غير تنشف حنة نوار ونجيو …

فؤاد : تغذيتو ؟

يامنة : وا تغذيينا تغذيتو نتوما ؟

فؤاد : ضروري غزالي …وشربت دوا غير هناي ليا بالك وخاطرك …

يامنة : ههههه واخا شوي ونجيو …

بقاو شوي حتى ناضو استاذنو باش يرتاحو ويوجدو لحضور حنة العروسة هادشي كامل لخاطر عيرن نوار باش تنشط وتنسا وتغير جو …عاوناتها يامنة ونجوى حيث محنية متقدرش تمشي بعكازها …بقاو معاها حتى خرجو …وصلو لباب الفيرما لقاو ياسين واقف كيهضر فالفون ويكمي برا …حتى بانت ليه جايا وتولول بايدها …

ياسين “كمل فتيليفون وتوجه لعندهم ” : شنو واقع مالها ؟

يامنة : حرقاتها دوليو الي فالحنة …

نوار : اييي خالتو نسيت الميكة الي فيها شكلاط عافاك شوفي سامية ولا حياة تجيبو ليا عااافاك دقت منو حمقني …

يامنة : انا نجيبو ليك من عندهم …

ياسين : حيديها الى مصبرتيش …

نوار”كتشوف فزواقة حنتها الي كانت ايديها كلها منقوشة نفس شيء لاخرا …وتنفخ مشوية وفرحانة ” : لا نصبر بدات كتنقص شوي بشوي ماعليش …ففف …واعرة نقشة وخا كتحرق …

ياسين “حاضي ايديها كيفاش كتنبش بصباعها فالحنة ..” : بالصحة و#تتمة_البارت_133_نور_الياسين…🦋🐺هزات فيه عينيها وشافت فيه ب بشاشة …جمعات فمها مبتاسمة وغمضات عينيها شوي …

نوار : ههه يعطيك صحة …حرقتنييي …

ياسين : الي بغا زين يصبر لحريق …ماعليش تنشف وتبرد عليك …”شاف قدامو بانت ليه واحد نشاشة مصاوبة من الدوم (نشاشة يدوية مصاوبة من القصب او الدوم كنقولو ليه ) …خشا تيليفونو فجيبو ” …جلسي هنا بعدا بينما جات الحنانة …

نوار “جلسات فديك الجليسة وجا نشاشة بقا ينش ليها عليها حتى جات يامنة لعندهم وهي تحبس قبل ميشوفو شافت كيفاش كينش عليها بواحد طريقة بغات تبتاسم وهي تحبس تفكرات انه ممكن ميكونش الي فبالها وتاهي مبغاتش تأمل وتخلي البنت تأمل وخصوصا عجبها كيفاش غيرات نوار راسها وعايشة ناشطة بلا مترجع تنكد ….

يامنة “وصلات عندهم ” : هاهي بنتي ..يلاه دخلي باش تنشف وطلعي حيديها ولبسي القفطان الي غاتحضري بيه …انا سبقتك… ولدي مغاديش لصدقة الي دايرين ؟

ياسين : مزال لحال تايوذن العشا …

يامنة : ااه صافي …دخلات يامنة وبقات هي بغات تنوض …

نوار : تت عافاك مد ليا هاد الميكة ولا عطيها ليا فاش ندخل …

ياسين : تقدري تمشي راسك ؟

نوار : الحنة تقريبا نشفات ماعليش قادرة …

ياسين “هز ميكة شكلاط ومع ميكات ديال برا تتكون فيهم واحد ريحة زوييينة …بان ليه فيها شكلاط والميكة فيها كتبة باسبانية …” : شكون خذا ليك هذا ؟

نوار : ههههههه هذا جابتو ليا خالتي ديك الي جا ولدها من اسبانيا وهو الي لقيتيه واقف كيسول فيا البارح على ما قالت ليا خالتو يامنة رسلهم ليا قالت ليا باروك من عندو …

ياسين “ضرب وااااحد مولاتي تخنزيرة فذاك شكلاط مع كان حادر عينيه كيشوف فيه حتى توقفات لحضة عندو …هز ايديه الي فيها لميكة …ومزال عينيه كيشوفو فنقطة فارغة لتحت وحاجبو طلع لسما ولاخور نزل لارض…محسش براسو حتى بدات تشعل العافية فصدرو شاف بحدة ونطق ببداية غضب ماشي عليها … بصوت غلييض كيخلع” : شكون شكون رسلهم ؟؟؟؟

#تصبح🦋🐺نور_الياسين (134)sana mina🐺🦋

من جوابها باينة جاوبت بعفوية وعادي جدا مضناتش انه يتعصب ولا يجن جنونو فور ما تقوليه هاديك الهضرة …هي لحد الان مزال معارفاش ان ياسين عرف بمشاعرها اتجاهو لحد الان هي كتصرف انه معارفش وهي كتحاول ما امكن تعايش وتخلي الرمان الي يداوي جراحها الي اصلا تسبب فيهم هو بدون ما يقصد وجاهل من قبل ميعرف تماما بمشاعرها الي تكونات من نعومة اضافرها او بتقريب اذق من الي وعات على راسها بمدحهم ليه وهيبته ومزاح يامنة ليها بنات امال واحلام الي فواقعنا ياما بنات عاناو ومرضو نتيجة صدمتهم بالواقع المر وكاين الي ربي سهل عليها وتزوجات او عاشت الحب مع الي بنات عليه احلامها دنيا هي هاذي كل كياخذ الي مقسم ليه فيها طبعا هذا مكيعنيش انك تبقى مكتوف الايدي وكتسنى نصيبك هو الي يتحرك …كيقول الله سبحانه وتعالى اسعى ياعبد وانا اسعى معك …

لازم تحرك ودير بادرة وتقاوم باش ما تندمش من بعد وتقول ياريتني درت ودرت المهم التجربة وكل واحد كيخرج منها يا رابح يا خاسر يا رابح تجربة من الخسارة او الربح نفسه ….

جايا فالطريق بجانبها يسرى الي كتسوق …حتى صونا تيليفونها رقم غريب وجديد …بادي ب 0661…

مينة”كتجاوب اي اتصال بحكم خدمتها مهندسة ديكور ضروري زبائن يتاصلو او اي حد رقمها متاح ” : الو وي …

المتصل : بونجوغ décoratrice d’interieur مينة رمسيس شركة ATR ?

مينة : وي هي هادي شكون معايا ؟

المتصل “شاد كارط فيزيت ديال شركة الي خدامة فيها مينة ” : خديت رقم ديالك من الشركة على ود شي خدمة واقتارحو عليا الفريق ديالك …si tu es disponible هاد اليومين نقدرو نتلاقاو فالشركة …

مينة : احم انا هاد اليومين مكايناش خذيت كونجي الى ممكن تاجلو الاسبوع جاي …خلي ليا رقمك واسم فميساج ولا قولو ليا دابا “جبدات مذكرة من صاكها وستيلو ” نقيدو ونعيط ليك كون اكيد واعتذر مرة اخرى …

هو : اممم داكوغ مرحبا …الرقم ديالي هو هذا الي عيطت ليك بيه والاسم رياض المرابط …الى ممكن قبل منسافر لبلجيكا على شي خدمة فاخر الاسبوع المقبل …

مينة : نوو كون هاني الله اودي مرحبا …

في هاد اللحضة الصمكة الي نايضة اااه استسمح الفتنة الي بدات تنوض لالة نوار بلا متحس …

ياسين “هاز ايدو الي فيها الميكة ” : شكون رسلهم ؟ عبد الغني ؟؟؟؟

نوار “كيهز فالميكة وهي حاضياها كيهبطها كتهبط عينيها ” : و ا و اه هو علاش. ؟ قالت لينا جابت حتى كادويات لدار هنا وحيث انا اول مرة كنجي جابتهم كادو هادشي الي فهمت كانت دنيا نرونة وصداع الغنا مسمعتهاش مزيان شنو قالت ليا خالتو يامنة …

ياسين “نفخ صدرو تا نفخو وطلق انفاس حااارقة تسمعات مجهدة …” : دخل دخلي لدار دخليي …

نوار : واش كاين شي مشكيل …

ياسين “شاف فيها مخرج عينيه ” ….

نوار : هااء الله يستر …تمات غاديا وهو بغا يضرب الدورة غادي حتى ضارت …واا عطيني شكلاطي بعدا فين غادي بيه …شافتو وقف وهي تحتيها بزربة بمشية كتعاكز هي والعكاز هو ينقز وهي تن#تتمة_البارت_134_نور_الياسين

داك شكلاط خذاه بين ايديه غادي بيه مزير عليه حتى تهرس وهو محاسش بيه حل طوموبيل بالكونطاكت ولاحو لجهة لاخرى وركب ديمارا وزاد داز من حدا دارهم وفرانا بان ليه ولد صغير قدام دار عيط ليه …

ياسين : كلم ليا عبد الغني …

دخل الولد اسمو انس وهو ولد اخت عبد الغني لدارهم لداخل وتم جاي خارج كيجري وضار لعندو …

انس : عمو ياثين “كيلسلس” مثيت نعيط ليه ملقيتوث قالت ليا مي مثا لعند دار خالتي ايمان …”اختو نيت لعبد الغني ”

ياسين “عنكش ليه شعرو ورجع كسيرا

لوجهة معارفش تا فين غير كسيرا رمشااا حتى خرج من الدوار وخذا البيست نيشان حتى لقا راسو شاد طريق مراكش وهو غادي داير مرفقو على شرجم وايديه صبعانهم على فمو مرة يحك فمو بجهد مرة تحت شفايفو حتى لواحد لحضة سنانو غززهم قبل ميمشي لمجر جبد منو سيجارة وشعلها باش يكمي …

طرييق الي غادي فيها لقا راسو غادي ومع وصل رومبوان الي كتكون فدخلة دمراكش على يمينها بلاكة طريق ايت اورير ورززات ومباشرة لقدام مراكش المدينة …وهو غادي بواحد سرعة حتى سانتيغ مدايرها حتى بانو ليه البراج (البوليس) كيشيرو ليه باش يوقف بجنب …

ياسين “ضرب لفولون بجهد ” : تتت فاااك …

طلق سينيال وخفف سرعة حتى وقف بجنب وتم جايه لبوليسي …

البوليسي : الوراق اشريف …

ياسين “مد ايدو امجر وجبد الوراق فيهم بيرمي والكارت گغيز والتامين ديال سيارة …قلب البوليسي كاع الوراق شاف فيه لقاه مدايرش سانتيغ نيت …” : الساعة الله الحاج …

البوليسي : والساعة الله فين كنتي بغيتي توصل اولدي ؟ عرفتي عندك جوج مخالفات (بروصيات) …مدايرش سمطة وجاي بسرعة 120 اولدي لوطوروت وناس كينقصو منها …”جبد البروصي وبدا يقيد ” …

ياسين “هز ايديه ” : دير خدمتك الحاج وسمح لينا “كابت اعصابو بزز جاه شرطي ميقدرش يضور فيه والاهم سيد كبير فلاج عليه ملقا ميدير بغا غير يسلك باش يطلقو ويرجع فحالو ” …

البوليسي “تراجع على البروصي ” : سير سير هاك وراقك رد البال لقيتيني تاقيت الله رد البال الوقت مبغات عصبية فطريق غاتجيبها غا فراسك وتجي فصحة الواليدين …

ياسين : لهلا يخطيك الحاج سمح ليا مرة اخرى “شد من عندو الوراق وورك على لومبرياج قلبها مارش اغييغ ورجع ادراجو …كيتفكر اش وقع وعلاش تعصب ؟ هو مجرد شكلاط ولكن الغيرة كتمكن منو ….فضل انه يميك عليه حتى يتلاقا بيه ويتفاهم معاها بالتي هي احسن لانه جاتو صاحبو

ياسين “شاف فشكلاط تفكر كيفاش فرحانة بيه انه جابو وهي مسكينة غا عزيز عليها شكلاط عض شفايفو تا بغا دم يطير منهم وهو يهز الميكة وحل شرجم وشير بيه هز تيليفون ودار اتصال ” : واحد الكوموند توصلني صباح …العنوان راك عارف …لهلا يخطيك …

#يتبع….

 

وا ولد لحرام شكلاط لاش لحتيه يعطيك السم عطيه ليا غا انا الي معند بويا الي ي🦋🐺نور_الياسين (135)sana mina🐺🦋

دخلات هي كتبرگم وحنتها تفرتت هههه دخلات لقات يامنة كتعطي لفؤاد فيستة ديالو يلبسها باش يخرج لاغراضو لان عدوه يبقا فدار وخا هو في فترة نقاهة مكيتصنطش الي فراسو فراسو …شافها جايا بحنتها …

فؤاد : بصحة والراحة بنتي …

نوار “هزات فيه عينيها وابتاسمات كتجيها فرحة كبيييرة فؤاد يهضر معاها ويتعامل معاها كانها بنتو خاصة مولفين عليه حدودي حتى ليها هي ومينة كيتعامل معاهم بحنان اكثر وخا مكيفرز بينهم وبين ولاد خوتو كاملين عندو سواسية لكن مينة اكثر بحكم شخصيتها قريبة ليه فتباتة والهضرة وقريبة ليه فكلشي كتشاور معاه هو دايراه باها الثاني والي مشورته ضرورية عندها” : هههه الله يعطيك صحة عمو …

يامنة : باقي كتحرقك ؟

نوار : شوية بدات كتنقص واش ندير ليها هاديك سقوة الي قالت ليا …

يامنة : دخلي لبيت يخرج فؤاد ونصاوبها ليك شوي وحيديها باش تلبسي ونوجدو راسنا سارة تتلحق علينا دازت لدارهم ونجوى تاهي …

فؤاد “مشات نوار دخلات وهو هز فيستو وضار عند يامنة هبط راسو عوجو وخطف ليها بوسة من شفايفها بالخف حتى ابتاسمت ” : غزالي منشبعش من شوفتك وقربك ليا راحة “باسها فراسها ” نشطي مع راسك ويكون خير لايام جايا …

يامنة : ياربي …

غير خرج هو مشات لكوزينة كوزينة مجهزة من كلشي مافيها تاحاجة تخص كبيرة ببوطاجي فالوسط فيها ماكينة صابون وثلاجة وحتى جلاية الماعن وخا كان استعمالها قليل نضرا ل كان فيها غير بات يامنة فاش كان ياسين غايب كتجي غير المراة الي موضفها ياسين باش تطيب لفطور وغذا وعشا لخدامة وحتى كاسكروط وتشوف التنضيف وامور دار فاش كتجي يامنة وولادها كتكلف غير بتنضيف …

هادشي غير فالاعوام الاخيرة فاش دار ياسين الفيرما وبدا يكبر فيها …صاوبت ليها سقوة ديال لحنة كل واش كيدير فيها كاين سقوة غير ما البصلة وسنيدة وكاينة سقوة اتاي وسنيدة وما البصلة وعلى حسب …

جايباها فزلافة لقاتها جالسة مسرحة رجلها ترتاح ليها …خذات من عندها قطن ودارت ليها سقوة …

يامنة : فين قفطانك الي عطاتك نجوى …

نوار : راهو لهيه واش غالبسو ليوم وغذا ؟

يامنة : لا لبسي هذا اليوم وغذا غاتجي مينة على ما قالت وتجيب ليك تكشيطتك …

نوار : ااه صافي عالله …

ناضت يامنة مددات ليها القفطان الي كان قفطان فالحمر ملكي سااامبل بالعقاد بنفس اللون مصيري جاي ايفازي وعند الخصر تطلق على شكل كلوش حد الكعبة غير لبساتو جاها مع قوامها زوييين شوييي ماشي بزاف مباينش فرق عريض شوي عليها جاها عند الكعبة ديال رجليها بيوضين …الي كان عند نجوى متاح عطاتو ليها مقاد بلا حزام غير حفيف هاكا …عندها بلغتو فالنحاسي بصم لبسات غي فردة وحدة …قادات شعرها اصلا مع ناعم غير فرداتو فضلات حتى لعرس عاد تقادو …غير نشفات لحنة من سقوة وهي تفتتها ليها لقاتها حمرااا بجهد ايدها متعطشة لحنة دغيا بدات تنضار واحد لون فيها غزااال مع ايديها بيضين …

يامنة : الله على لون شهيتيني نقش حتى نبغيو رجعو فحالنا ونقش

نوار : وااعرة …

يامنة : تسناي نرشها ليك بريحة باش تولي ريحتها تتفوح مع المنضر …

نوار : راهي فلاتخوس ديالي …

يامنة “جبدات ليها ريحة رشاتها ليها وهي تكمش ليها ايديها وشماتهم ليها وباستهم ليها ” : ياا ختييي ومن عزك عليا بنية ياربي وجات معاها حنينة حنينا دييالي …

نوار “باستها من ايديها وعنقاتها” : جوطييييم خالتو يمووون الفجيلة هههه

يامنة : هههه اجي فينهم شكلاطك ؟

نوار “غوبشات ” : وخذاه ليا ياسين ماعرفتش مالو “عودات ليها” …مافهمتش اش دار ليه شكلاط ياااه …

يامنة : ههههه الله يستر راه لا شد معاه شي حد ضد ميعقلش عليه يمكن هذاك مبغاش يحشم دابا يرجعو ليك ماعندو ميدير ليك بيه …

نوار : انا راه مفهمت والو ومبغيتش نفهم يعطيني غا شكلاطي ذقت منو وحدة مذاقها با#تتمة_البارت_135_نور_الياسين

دراري الي خرج ليهم الحنش موصلو لدار تا سخفو غير وصلو كل طلع تلاح كاين الي دخل يدوش من الغبرة حتى يدخل لاخور باش يرتاحو ويوجدو باش يحضرو لصدقة الي غايحضرو ليها فور ما يسالي الحنة عند العروس …

لبسات نوار داك القفطان بمساعدة يامنة الي كانت لابسة تاهي جلابة بلا قب فحال القفطان فالخرشوفي بارد ومطروزة بالموزون ديگرادي دلون جلابة مغلوق …ودايرة شال مورد فيه لون الجلابة مع الغامق ديالو ورشيشات بالبيض مقاداه مزيان جات فيه مع عينيها خضرين جات اية من الجمال والنو على وجه هاد السيدة الحنون الطيبة القلب صبارة صوتها مايتسمع والحنانة تاع ولادها …

قادات ليها القفطان وناضت فردات ليها شعرها مزيان ودارت گلوص فالغوز على شفايفها ماشي كثير بنوتي ريحته تاع الفريز …لبسات بلغتها ورشات بارفانها وهزات عكازها وتوجهات هي ويامنة لدار العروسة فين مقام الحنة …مع خارجين لقاو محمد الحبيب هابط عاد مدوش باقي شعروالذهبي مخربق وعينيه حمرين بدوش …

م.الحبيب : اووووه ايقونات الجمال التقليدي بشحمهم ولحمهم …

نوار : ههههن كا تصبغ ولا كتذهن …

م.الحبيب : كااان مك …داوي على الوليدة ازين “خمج ليها وجهها وهي تقمشو بلعاني زعما تا بغات طيح وشدها …” اتي بشوي نتي غا نفخ عليك طيحي

يامنة : حشومة عليك تخصر ليها شعرها …

م.الحبيب : تي راه تهزيها وتهربي بيها …تتباني مراة تاع زمان كون ما هاذ العكاز تجي غا ضحكي “شاف الحنة وهو يغوبش وكمش وجهو ” الاطيف درتيها …سيري بلوكيني تتحيد ورجعيني …

نوار : غاتحيد ونعاود ندير وحدة اخرى يالاه ولوح راسك من سطح …

يامنة : هههه والله يستر اجي معانا ولدي تنوصلو لدار العرس راني لابسة طالون عاوني فنوار …

نوار : انا كنمشي بعكازي عادي بلا متشطنيه اخالتو والله نرد البال حفضت هذاك الحجر الي تم هههه

م.الحبيب : زعما ؟

نوار : والله …

خلاوه وولاو مشاو وحدهم حتى لدار العروسة …

دار العروسة بداو يوجدو واحد البنية كانو بناوها فصبااح ديال فين غايكون الصدقة حتى يزيدو وحدة اخرى فين غايكون العرس …بداو رجال يجي بينما صلاو لاخرين العشا ويبداو واحد بواحد ..،

اما واحد ولد رمسيس من الي رجع مشا لواحد الطريق وبقا غادي حتى وقف كان المغرب كياذن خرج من سيارة وجبد الكارو شعلو كيكمي فيه وعينيه كيشوفو فنقطة فارغة كيفكر علاش كيجن جنونو فور مكيسمع عطاها شي حد بغاها شي حد …علاش غايمشي يتفاهم مع صاحبو بمجرد ماعطاها شكلاط

اكيد فاش عرفها كتجيه ماغانوي والو مجرد باروك كيف مولفين عندهم وعند المغاربة الي جا من برا من بعد سنين كيذوق الحباب ولكن غيييير كيفكر عطاه ليها خصيصا هي كيفور دمو وخصوصا مو نوارها لولدها …محسش براسو حتى كمش على ايدو بعصبية وضرب بيها بارشوك ديال طوموبيل ضربات متتالية بجهد …بدون ميغوت ولا يصد صرت حتى ولا وحهو حمررر معرق …دار ايدو على نصو خذا نفس عميييق وشهيق زفير لاح الكارو عسف عليه تا طفا ورجع ادراجو ل فيرما …

دخل لدار لقا دراري شي شاد لابتوب شي تيليفون وشي كيهضر فتيليفون …لاح ليهم سلام بداك صوت دعدوعي عندو وطلع لفوق لبيت🦋🐺نور_الياسين (136)sana mina🐺🦋

كملات العروسة حنتها بضرب والغنا وزغاريت من طرف تا طرف مسكتوووش خلقو جو ديال لحنة من داكشي الحضور الي حضرو غير عيالات ديك جيهة فدوار حتى لعرس عاد يحضرو عيالات دوار كاملين …هي عادة العرس فهاد المناطق وطبعا باش منكذبوش كل منطقة وطقوسها فالاعراس كل وتقاليدها وكل وباش كيمتازو اعراسها والمغرب غني بالعادات والتقاليد وطقوس من جميع بقاعه …كانو مزالين كيتعشاو العيالات شي تعشا شي عاد وصلاتو نوبة دايرين طبالي الفوج الي فيه عشرة الاشخاص فطبلة دوزوهم …

في هاد الوقيتة تقريبا اذن العشا فؤاد ونسيبو مشاو يصليو من بعدها يدوزو لصدقة طبعا حاضرين طلبة حفضة القران ضروري ميحضر فؤاد اما الى كان اللعب والغنا معندوش مع الگج وصداع ناس …وباش يدير الواجب باعتبار صاحب العرس جا عرض عليه ومحسرش ليه خاطرو وغايحضر باش يكبر بيه …اما دراري كل وفين كيلبس ….

واحد سيدي ياسين لقاتو خرج من دوش نشف حالتو ولبس البوكسر ديالو ومشا لفوق ناموسية هز منها الطقم ديال جلابة سوسدي فالگرونة وتحتي ديالها فوقية فالمسكي …لبسها وعقد ليها صدايفها عاد لبس جلابة مشط شعرو ودار ليه جيل باش تبتو مينزلش ليه حيث قوي …جاه منفوخ مع لحية مشذبة واحد الصورة اوديييي …

لبس البلغة فلون جلابة بتقاشر بيضين ورش بارفان ديالو فايديه حكهم ودوزهم على لحيتو وايديه هز تيليفون ديالو وهبط لقا دراري خرجووو…صونا ليه التيليفون وهو هابط لقاه اركان …

ياسين : اش تما …

اركان : باغين شوفتك اعشيري الوحش …

ياسين : انا فبلادي مجايش لبلادك نتا ؟

اركان : واحد يومين ونجي بينما كملنا وخا باقي مغانسنيو نضرب واحد جوج سيمانات ونرجع تنسني ونرجع تاني …

ياسين : داك الحمار معاودش رجع عندك ؟

اركان : قاليك نتا تعرف تيسالي ويشوف وقيتة يشوفك

ياسين : يوصل ملتي و ساخين عليه عضامو …

اركان : تانجي ونهضرو تلاح وكان …

قطع معاه وخرج من دار فاتجاه الخزانة فين كاينة الصدقة …فهاد الوقيتة يامنة ونوار جايين ومعاهم اشرف رسلو فؤاد يمشي معاهم حتى يدخلو ويرجع تا اشرف محلق عالحالة تاهو قميجة گري وسروال فصالة كحل وصباط كلاس لماع ضارب ليا حاطة كلاس قاليك وغادي ويمسح فصباطو وينگر على تراب والغبرة ههههه حتى تلاقاو بيه جاي بديك الحطة يااربي سبحان ديك التگضيرة علامن تصورت وربي لمن كيعطيها وديك طولة …جاي ويشوف فتيليفونو حتى هز فيهم عينيه مشاو نيشان لمولات الحمر الملكي لالة نوار …حتى وقف عليهم

يامنة : مااشاء الله عليك اولدي ربي يحفضك ليا وينجيك من كل شر …

ياسين “قبط ايديها باسهم ” : امين الحنانة …عاد راجعين ؟

يامنة : راجعين حتى توصل علينا سارة مشات تجيب مروان ولدها ونجوى هاهي ورانا جايا …غادي ولا …

ياسين : الى بغا الله نديرو الواجب …

اشرف “قرب لنوار ” : هننن عليا بطلاق ثلاث لا تنسى ليك مع هاد الحطات الي ضارب…

نوار”الصمت ” …

واحد شوي حتى وقف عليهم عبد الغني تاهو ضارب حطة كلاس فحال اشرف غير هو بقميجة بيضة وگرافاط مطلع شعرو شوي …ريحتو تعطي …

ع.الغني : واحد سلام عليكم …

يامنة : احم سلام ولدي عبد الغني لباس عليك

ع.الغني : الحمد لله اميمتي بشوفتكم …”ضار عند ياسين الي لقاه مضور وجهو كيحك لحيتو …” …ياسين ؟ جابك الله اعشيري …مشينا لصدقة …

ياسين”ضار شاف فيه بشبه تخنزيرة ” : تت غا سير نتا نوصل مالين دار ونرجع غاتيسر …

ع.الغني : والي بغيتي …”كيهضر وعينيه فنوار هبلاتو بداك القفطان الحمر ” تم غادي وهو يمشي ياسين معاهم …جا ع.الغني راجع ومشا حدا نوار غير حط ايدو على كتفها …

ع.الغني : كليتي شكلاط الي رسلت ليك…مع قالها …ياسين جات عينو نيشان فصبعو الي حطو على كتفها مشا ليه وهو يطلع معاه ببونية لوجهو حتى غوتات يامنة بان ليه ضو هذاك جا لارض على طولته راعف ….

ياسين “شد ايد نوار باقي حنتها جديدة وكمش عليها بايدو شابك صبعانهم …مع لابسين بجوج نفس لوان تقريبا تيبانو فشكل هههه. ودارها وراه اشرف مشا حدا يامنة خلعو نوار خرجات عينيها ودارت ايدها على فمها ” : وعدو جد جدودك فهاد الليلة الكحلة هضرنا معاك بحساب العشرة مبغيتي تلبدها ؟البنت بنت العز ونتا ما ديال زواج …”قالها وكشاكشو بغات تخرج عروق نواضرو خرجو ” هاد المرة جات فدقة المرة جايا نسا العشرة …”غوت بحر جهدو ” وااافووووت عليك بنات الناس …جهلو ملتي وجيبوها فعضامكم 🦋🐺نور_الياسين (137)sana mina🐺🦋

جهل عليه واحد جهلة حس براسو اولا كيستفزو …طريقة باش حط صبعو على كتف نوار مستفزة ثانيا فحاال زاد جعرو على جعرة صباح وزادت الغيرة الي مزال كتلعب فيه لعب ومزال عقلو رافكارو فحالة صراع وتخالط بين فيكرة تدي وفكرة تجيب …وزيد عليها بزاااف الاسباب الي خلاتو يصعر بهاد طريقة ….

يامنة “ولات غاتشوف خلعها هي عارفاه فاش كيصعر كاتعما ليه البصيرة ولكن شاد معاه حتى نوار والبنت مهرسة مقادرة تتهز راسها كتبان ليها كتمشي وتجي باغا طيح ” : ياسين نوار اولدي عنداك طيح …

عبد الغني غير ضربو طاح معرف باش تيلى بان ليه ضو بقا شحال طايح عاد قدر يرجع ليه دماغو وناض كيمسح فمنخرو هز فيه راسو وعقد غوباشتو …

ع.الغني “بغا يمشي ليه باقي توازن ديالو ممقادش وبدا يشير بايده تاهو مكشكش”: مالنا ياك لباس ؟.؟ لاش هادشي ؟؟؟ جمع ايديك عندك

ياسين “زم فمو وخرج عينيه تا بغاو يطيحو بواحد نضرة نارية تم غادي ليه حتى جا ايساف الي كان تما شاف الهيلالة وهو يشدو من دراعو ” ….

نوار “بغات طلق ايديها منو لقاتو مزير عليه تا بغا يهرسهم …” : و ايدي ضرتني …ااي …

ايساف : اش واقع !!! برد سوق اصحبي …

يامنة : ديه اولدي يبدل ساعة باخرى …ونتا ولدي سير فين كنتي غادي لا تجابد معاه الله يرضي عليك دبا يجي فؤاد نصدقو فشي حاجة ماهياش ..اولدي راه هضرنا معا الوليدة ديالك النصيب فجيهة اخرى …

ع.الغني : ومالو فهاد ضرب ياك لباس مالنا معندنا ايدين ؟

ياسين “طلق من نوار وتم جاي ليه حتى شدو ايساف بزز بالكشيفة بغا يطر ليه من ايديه ” : وااا طلق مني نتا …

عبد الغني “هز ايديه ” : هاهو غادي منهضروش دابا تتنفس وكان اصحبي تاتنفس ونهضرو …سمح ليا الى حطيت ايدي غير بحسن نية وصافي …”شاف فيامنة ” من حقكم اميمتي ما قلتي عييب غا هو تتسمعي هضرتي و…

يامنة : ياودي غا سير صافي بدل ساعة باخرى …

مشا عبد الغني كيمسح فدم منخرو وياسين بقا ايساف كيشد فيه ممخليهش يمشي ليه حتى مشات يامنة لعندو …

يامنة : ولدي تهدن الله يرضي عليك صافي راه مشا سير بدل ساعة باخرى ..

ياسين : صافي غا طلق مني نتا “هز صبعو ” هضرة وحدة هضرناها وصليها لمو ولا ميعجبهم حال عندنا كلمة وحدة عطيناها …البنت عطات جوابها صلاة عالنبي الي قلب على خلا عشتو كيلقاها والي حك نحاس شي حد كيلقا باسو …لحد الان هاني غا نبرد مرة جايا سنانو يحسبهم …

يامنة : راه عطيناها الجواب معرفتو لاش لاصق …برد اولدي الله يرضي عليك برد …

ايساف : ترجع لدار ؟

يامنة : سير اولدي لصدقة منها دير الواحب ناس معندهم ذنب منها سمع لقران من طلبة يهدنك وميكون غير الخير صباح نهضر مع فنيدة هاد المرة نيشان …

ياسين “كيسوس فجلابتو وضار يقلب عليها لقاها جالسة فواحد الشجرة وشادا ايديها ” : مالك. ؟

يامنة “ضارت عندها ” : مالك ابنتي …

نوار : اييي وا ضريتيني فايدي …ضاربتي معاه على والو كنت انا غانتفاهم معاه اصلا مكنعرفوش ميقيصنيش كنت غانقوليه غا شكرا على شكلاط وصافي ويجمع ايدو ….

ياسين : نعام نعام ؟

نوار : منعطيهش خو جوابو ….ا صافي صافي هاني نسكت ونتا غا معصب …

ياسين : ديها ديها وسيرو لدار …

يامنة : ههههههه واخا ولدي سير الله يرضي عليك وتهدن متقلقنيش عليك …

ياسين “اوما براسو وحجبانو ملاقيين باقي مشا معاه ايساف واشرف الي بعد عليه بستة ميترو لا تجي فيه دقة الغفلة غا هكاك ههههههه

تصرفات الي كتكون جديدة علينا كتكون نتيجة احساس جديد دخل لينا نتيجة مشاعر بدات كتخرج لعلن مترجمة فهاد تصرفات …ممكن من غيرة ممكن عن كلام جديد…ياسين لحد الان كل مكيوقع شي موقف كل مكيزيد يبين الي لداخل ديالو الي متسمعيهش من فمو انما تشوفيه فتصرفاتو ….مشات نوار هي ويامنة لدار ورجع

هو ووراه ايساف لصدقة وجلس حدا باه وجدو ووجهو مغير الشي الي لا🦋🐺نور_الياسين (138)sana mina🐺🦋

الساعة الثالثة فجرا …من جات عيااات لا هي لا يامنة لا نجوى وحتى سارة جابت ولدها وكل مشات نعسات هاد المرة نجوى بايتة فالفيرما ماشي فدارهم بحكم جات من الحنة وكان الليل اضطرات تبات فالفيرما لان فالاصل هي جات من المانيا وجات باش تزور دارهم فدوار ….

كيف وصلات حيدات داك القفطان علقاتو ولبسات بيجامة تحت ركبة خفيفة دالقطن صيفية فالبلو سييل نص كم جمعات شعرها كعكة دارت ليه بانضة بلوسييل …وغسلات وجهها وايديها ومشات ذهناتهم وتلاحت ففراشها هاديك نعستها حتى لفجر بدات كتحس بشي حاجة كتنغش ليها فوجهها …

مينة : هههه هاديك راه خاصها عام عاد تفيق ليك …

يسرى “كتبوس فيها بشوي فوجهها ” : نوار هههه ياا بنتي نوضي …

نوار : امم ماما راه مقارينش اليوم …

يسرى : هههههه نوضي راك دوزتي الامتحان وقربت تخرج ريزيلطا نوضي …

نوار : ماما توحشتك والله …

يسرى : تانا توحشت مامي غا نوضي …

نوار “بدات تحل فعينيها بشوي وترمش شافت فسقف شحااال وهي صور شافت يسرى ومينة عااد واصلين واقفين عند راسها …” : ماما ؟ م ماااماااا “ناضت جلسات تلاحت عليها بتعنيقة ” ونجود تاهي …كانت معاهم سلمات عليها فرحانة بمجيتهم …

يسرى : اييي على بنتي “باستها فعنقها بوسة الحنان والوحش ” ياربي وتوحشت هاد ريحة …

نوار “عنقات مينة تاهي ” : توحشتكم هههه عاد وصلتو ؟ مقلتوش ليا جايين …فين بابا

مينة : قلنا ليك جايين ولكن معرفناش حاولنا نشدو يومين وهاحنا معاك …بابا تايجي غذا …شفتك ولفتي نتي هنا …

نوار : وااعر هنا ملي جيت وحنا كيعرضو علينا زوييينين بنات هنا فشكل “وراتها ايدها ” شوفي نقشو ليا ههههه

مينة : شهيتيني …بصحتك احبيبتي …

يامنة : ورتاحو من طريق وصباح ارا متهضرو …

يسرى : نعس حدا بنتي توحشتها شحال هادي منعست حداها …

نوار “عارفاها غا تسنتنطقها” : ماما توحشت نتنخشش فيك فيا نعاس اجي نعسو والهضرة هاضرين وداويين فتيليفون وقلنا اش كاين …

يامنة : هههههه ها ناموسيات جوج هنا نعسي نتي وياها ومينة غاتنعس فالبيت لاخور وخالتي نجود بيتها ديالها واجد ….

نجود : وضروري ابنتي بيت ولد ولدي هذا ههههه الله يرضي عليك …غانمشي نتوضى نصلي بيدما دوا الفجر عاد نعس…

داكشي الي كان كل مشات نعسات ويسرى بدلات حوايجها ومشات نعسات فناموسية حدا نوار بقاو يهضرو ويضحكو ويتحاتو بنت وامها حتى نعسو بلا ميحسو مضربتهم الفيقة حتى سمعو صوت الهضرة فصالون برا …او يسرى الي سمعات ….

ناضت جلسات حتى توگضات ومسحات على وجهها عاد ناضت لوات عليها كاب صيفي طويل فوق بيجامة ومشات فيقات نوار بزز خلاتها كتنوض وخرجات لدوش وتوضات ودخلات صلات الصبح لقات نوار مشات لدوش غسلا وجهها وحكات سنانها عاد خرجو لصالة لقاو البنات كيحطو فالفطور ومينة معاهم كتشوف وتعاون تاهي …

يامنة : زينات صباح الخييير …

يسرى : صباح النور …الله على ريحة القهوة كتشهي ياربي …

سارة : القهوة معطرة وحدهااا …سيرو جلسو بيدما كملنا الحطان …

نوار : فين ايساف والحبيب واشرف …

يامنة : مشاو مع فؤاد لمراكش على ود شي واحد كيعرفوه فالخدمة وداو معاهم اشرف …عشية يرجعو…

جلسو فالصالة قدمهم جوج طبلات عامرين بالفطور كيشهي اشمنك يا مسمن ملوي رزيزة وخبز الخباز سخون زبدة بلدية مذوبة وصاينة قهوة معطرة واتاي وكل ماتشتهي نفس حتى من زيتون كحل مشرمل وواحد عادي وجبن وسمن وفرماج كلشي من خيرات الفيرما ….

يسرى : تبارك الله والله الى كان خاصني ناخذ يومين نيييت نبدل الجو جات فوقتها …

سارة : ومشفتيش تحضري لعرس عشية تاهو …

يامنة : راه غاتجي نقاشة تنقش ليك نتي و مينة …

مينة : الله خاصني نطلع ندوش بعدا قبل متجي …

يامنة : فطري على خاطرك وشوي طلعي دوشي هي متجي حتى لعند لغذا ….

كملو الحطان وسماو الله بداو يفطرو حتى دخل

ووقف عاد جاي تاهو لابس حوايج الخروج تيشرت كحل وسروال دجين وسبرديلا كحلة …هاز فايدو ساشية متوسطة مكتوب فيها اسم محل معين …jeff de bruges Marrakech…

ياسين “مشا لعند نجود باس راسها ” : الميمة على سلامة ..

نجود : ولدي الحنين الله يسلمك ..

يسرى “سلم عليها تاهي وعلى مينة ” : اهلا وسهلا ولدي …

ياسين : كي صبحتو مزيان ؟

يسرى : الحمد لله بيخير …

ياسين : مزياان …”شاف فنوار وحط ليها ساشية قدامها فطابلة قدام عينيهم مفهمو والو وتاهي كتر منهم مفهمات والو …” ديالك هذا …

نوار : اشنو هو “خشات راسها فساشية وهي تبهض فيها احد اجمل انواع الشكولا السوداء والشكولا المعمرة ببعض الانواع وباكية فيها شكلاط قطع مزوق ومزين منضر يشهي ويفتح النفس …” شكلاااط ههههه واااو …ماما الشكلاط الي كيعجبني الي مورسويات (قطع ) هننن …

يسرى : اههههه “مفهمت والو 😐” …الله يعطيك الخير اولدي …

نوار : شكرا بزاااف هههه

ياسين “غمض عينيه وحلهم ” : بصحتك بصحتك ساليه و🦋🐺نور_الياسين (139)sana mina🐺🦋

حك ايديه حتى قالت ليه نجود يجلس يفظر معاهم معارضهاش بالعكس توحش اللمة معاهم جلس حتى كبات ليه يامنة من الدكة ديال اتاي الي عزيزة عليه …هز عينيه فنوار بانت ليه مزال كتشوف فذاك الشكلاط فرحانة شوي حطاتو حداها وهي تهز كاسها ديال قهوة مخلطة كتعجبها وبدات تاكل وحنيكاتها مزنگين فمها كيترعد حيث فالاصل لاحضات نضراته ليها حسات بيه كيشوف فيها ….وتاهو نسا راسو وسهاا كون ما يامنة نغزاته فدراعو وصار لعندها

يامنة “حسات بيه تاهي ” : هههه ولدي البغرير ؟

ياسين : هاني كناكل الحنانة …”دوز على شعرو وشرع فالاكل حتى هو خذا من هنا وهنا حتى فطر معاهم وجمع معاهم شوي وناض طلع لبيتو بدل عليه وخرج ل خدمته فالفيرما ….

العرس هادي وقته والعيالات بداو يجيو …نقشات مينة وحتى يسرى معاهم …وبقاو جالسين حتى تنشف مجمعين فلمة عائلية بيناتهم البنات ….حتى سمعو صوت سيارة وقفات ودخلو ….

نوار “غير شافتو وقفات ” : باااابااااا ههههههه واعععع ….”مشات كتزرب ”

يوسف : عنداك رجلك الهبيلة …ابشوي انا جاي عندك ههههه …اح الله على نحيشيشتي اناااا …

نوار “تلاحت عليه عنقاتو وكمشاااات فيه تكميشة الغدايد تعنق وتقول ما عنقت ” : يااا بابا توحشتك ….توحشتك توحشتك …

يوسف : وعليها نتي غا جيتي هنا قفلتي سيمانة ونتي هنا مقلتي نجي فحالي خليت الوليد وحدو لا حنين لا رحيم غا يتيم مسكين …

نجود : يااااك العجل …

مينة : ههههههههههههههههههه ميمة غاتبدا تاني ….

يسرى ؛ هههههههه معندو حد مسكين غا وحدو …

يوسف : شوووكرا الميمة …

صهيب : هههههع تا تقفصف والديك قصف ولاا تباالي ….

يوسف : مانجيش قدام صواريخ الي تتعطيك تشهيك غاتجيب زريعة هي تقصف وانا ناكل زريعة وندفل عليك ….اه ندفل زبل حاشاك …

صهيب “شاف فنوار ” : تي متعنقينيش … مرت باك انا ؟ زيدي لهنا بوسي خوك ….

نوار “عنقاتو تاهو ” : توحشتكم ونتا ابابا “مشات عنقاتو خشاها تحت باطو وتمو جاييين ويضحكو ينتف فيها ويصرفق بشوي وجايين حتى جلسات وجلس هو وصهيب ….من بعد ما سلمو على الي تما …

يسرى : بنتي ديري مخدة تحت رجليك وشرحيها راه والله تا معدية عليها كوني تسمعي …

نوار : واخا هاني “قاداتها كيف قالت ليها وضارت عند باها” …اليوم كاين عرس …

يوسف “تكا عالمخدة وحط ايدو على كرشو ” : ونكذب عليك هو علاش جيت …

يسرى : يووووسف اويلي …

صهيب : نشطوش حنا ؟ …

يسرى : نتا عارفاك من الي كنتي تقرا معايا ونتا نشاط جاري ليك فالدم (بنات يسرى قبل متعرف على يوسف كانت كتعرف صهيب كانو اصدقاء دراسة قرات معاه وكل دار شعبة الي بغا مورا الباك …)

يوسف : اييييه حافضة زميل دراسة وراجلك بو بناتك معارفة عليه الذي بعث …

يسرى : نتا راجلي تاج راسي هو لوسي وقاري معايا …كاين فرق …

يوسف “خبط فخد صهيب تا طار ونزل ” : حاااااااق ربي تا زمتتني وصرعتني فهادي ياااا بليييمين ما تهضر تاتسمع وتمعن …تا را ممجوج ووالد غا انا …

صهيب : نتا فرح وانا جيبها ليا فالفخاد …مالك غانتا الي مجوج كل عندو مرته وزمانته ويالله اسي …فين ديك بيضة العينين ديالي …

سارة : هاهي جات ناس يمدحو عيالاتهم وانا ساير يعاير …

صهيب : تي لا راه حبي ليك هبيل تنكونو “نسا راسو تاني ” وحدنا فوق ناموسية وارا ما تشوفي “خرجات عينيها ودارت ايدها على فمها وهربت لكوزينة …حبس الهضرة مقدرش يضور تزنگ….

يوسف خشا راسو حدا نوار الي بغات طرطق بضحك …حابس ضحكة ….يامنة هزات براد اتاي تتكب معرفت لمن …يسرى بدات تنش على لحنة الي نشفت مينة دارت لمخدة على وجهها ….

نجود : واسير اولدي الله يمسخ والديك شيب والعيب هذا منقول …

يوسف “كيحبس ضحكة ووالو ” : ههههه ت ههههه تح تحمس تحم🦋🐺نور_الياسين (140)sana mina🐺🦋

دوزوها ضحك ونشاط وشد ليا نقطع ليك كلمة من هنا معيورة من هنا …واحد شوي حتى جا ايساف والحبيب واشرف اما فؤاد بقا فمراكش خذا غرفة فواحد الرياض حيث العرس تما قريب مغايجيهش نعاس ومعندوش مع قوة الغنا والاصوات مجهدة معندوش معاهم من ديما طبعو هو الكالم وخا كانت حياته كلها خطر واكشن مع خدمته ….

طبعا كل عرس مغربي الى كنتي معروضة ليه ضروري مشي ومجي وجري من هنا وجيب هادي وفين هادي جيب من المصبنة فين صباطي فين صاكي عكري مكياجي كتولي مبرزط ومربج وتالف ….هذا الحال الي واقع دابا كل فين مدهية …حتى تخربقو وخربقو معاهم دراري وهما يطلعو لفوق وسدو عليهم دار الفوقانية وخلاو لتحتي فيه العيالات يلبسو ويقادو على خاطرهم …

مينة “حطات ليها تكشيطتها جبدتها من فاليز ف بلاستيكة الي فيها حلات ليها سنيسلة وجبدتها كانت فالذهبي الفوقي مرشوش بليسطراس بنفس اللون وتحتي فالساتان الحريري …مخيطة كلوش وكمايمها سليم …بالسفيفة رقيقة كل عقدة فيها حجيرة ذهبية …وحداها صباط طالون قصير شوي فالذهبي تاهو وصاكها نفس اللون …” : هاا امانتك اختي …

نوار : اممم منديرش ماكياج ؟

يسرى : ديري غير ماسكارا وايلاينر وشوية عكر غوج حناكك شوي الفاغاجو صافي مديريش فغابوببيغ وداكشي كيما كنتي سامبل حسن ما تقوي …

تمات جايا سارة فايدها قريعة صغييرة ومرود فايدها …

سارة : هاكي هادي من عند كوثر العروسة ومها رسلتها ليكم نتوما البنات فاش عرفت مينة جات هادي فال العروسة من كحل الي فدهازها ذوقاتكم وقالت ليكم راه مدقوق فيه دوا وزينة (زعما كيدواوي ولتزيين )

يامنة : ايييييه …كون غير كحلتي شوي راه فيه دوا …

نوار : عمري ما كحلت وخا نديرو ؟

يسرى : الله يعطيها الخير …ديريه مزيان لعينيك ماشي عيب غير عرس هذا …

ابتاسمت ليها وناضت لبسات ديك تكشيطة قادتها مزيان ودارت ليها حزامها مخدوم بالصم …مينة بقفطان فالازرق ملكي طلقات شعرها الي صاوباتو سامبل اما نوار بوكلاتو ليها وجمعاتو شوي بفيليل من لور وخلاتو مطلوق وخصلات مسرحين لقدام …لبسو كاملين وتقادو

هالي بتكشيطة فبوردو والقصد يسرى والي بتكشيطة فالكحل بشالها وهي يامنة والي بقفطان شيبي وشالو نجوى واخيرا قفطان موف بشالو وهي سارة …خرجو هما سبقو لبرا وبقات نوار حتى كحلات ليها يسرى وقادت ليها عكرات ليها بعكر حمر شوي مقواتش ليها وخا هكاك بان متير على فمها ومسحات ليها جناب حتى دارتو مطراسي مزيان على شفايفها ورشات بارفان ديالها “scandal” شوي تحت وذنيها

ورشات من بعيد عليها …

يسرى : هزي جلايلك هنا فالعكاز فهاد البلاصة “خشاتهم ليها بين فين كتحط ايدها على العكاز …” صافي مزيان ؟

نوار : همم مزيان قادرة نمشي عادي …

يسرى : عرفتي “كتشوف فيها باعجاب ” ههه الكحل جاك غزااال يا بنتي بين لون عينيك …

نوار : هههه بصح عمري كحلتهم …

يسرى : ماشاء الله …يلاه مامي نمشيو …

تمشات هي وياها حتى لحقو على البقية الي سبقو لعرس لقاو يامنة واقفة مع ياسين الي جا باش يبدل ويرتاح عاد يطلع لمراكش عند باه …حتى وصلو عليهم نوار غير شافتو مع دايرة لكحل جاتها حشومة هههههه

ياسين هز عينيه بانت ليه يسرى ونوار جايين شاف فيسرى ونوار ورجع شاف ف مو وهو يضور شاف فنوار محدها كتقرب وهو كيفيكسي فعينيه جايا بالقاعدة وحدارة راسها مقدرااتش تهزو …حتى لحقو عليه وشدات فدراع ماماها وكحزات بجنبها مضرگة …

يسرى : مشينا يامنة …ياسين ولدي عاد جيتي ..

ياسين : هادي حطت رجلي الخالة …

يامنة : يلاه ولدي هاحنا مشينا …

ياسين “باس راسها ” : بصحة لحنانة جيتو زينين …زينين وكاان …”ماعرفناه واش تيمعني ولا تيمعني هههه ” …

ابتاسمو ليه ويسرى شدات فنوار الي طاحو ليها جلايلها وصاكها حتى هزو ياسين ومدو ليها …

ياسين : ردي البال

نوار “هزات فيه عينيها مع هزاتهم جاو مع عينيه نيشان اول مرة يا نوار تكحلي واول مرة تجي معاه هو نيشان مع الكحل كيوضح لون العينين وهي عينيها بنيين مايلين لعسلي فحال يوسف تقريبا ومن كحلت مع غروب الشمس البرتقالي سنا فيهم …ابتاسمت بخجل ” : واخا …ضارت وهي تلحق على يسرى شدات فيها ومشاو خلاتو كيشوف فيهم غاديين ….

ياسين “نطق باعجاب لهاد الكياتة والبشاشة والعفوية الي زينات عينيها بالكحل العربي البلدي بلا مدير المكياج وتصنع …” : كاين الزين وكاين الغزال وكاين الفتان وكاينة شهلة العينين وكاينة نوار …

#تصبحن_على_خير…..

 

#لا_تسألوا #نور_الياسين

لا تسألوا عنها لا من هي و لا إبنة من هي!

لا تسألوا عنها و لا تستفسروا من أين هي!

لا تسألوا عنها لا قليلا و لا كثيرا ولا بينهما!

إنها تلك السحابة الباردة في فصل الشتاء

إنها زهرة الياسمين الفواحة في فصل الربيع

إنها ذاك النور المبين بين الفجر و طلوع الشمس

هي ذاك الشعور الفاتن الذي بنوره أيقظ

الفتنة في عيون الرجال و قلوبهم إبنة أبيها المدللة…

🖋:#الغالية_لس اميمتي …هههههههه

#يتبع…نعاود نجيب واحد خور الله اودي …

#يتبع….حضو فؤاد فيه ….

#يتبع….…

#تصبحن_على_خير…و …

#يتبع….قي في فمي …

#يتبع…بغيني كي الكلبة 😿قز 😂😂

#يتبع…ن_على_خير….الراحة لحناني الالة …

#يتبع…حات ” : بصحتك انويويرة بصحتك …هههااكت …..

#يتبع…ااااابييييب قااااالبييييييييي ….اخا واخااا ….

#يتبع…..

#تصبحن_على_خير….خا بنتي …

#يتبع…ف باه “..الوليد مشينا؟

#يتبع….ت عفوية منو …

#يتبع…ادمان ….

#يتبع….هههه

#يتبع….لا متحس كيف حطات رجليها فالدوارك دير …

#يتبع…ديو هذا لدار …

#يتبع….

Leave a comment