Skip links

قصة : نور الياسين ج7

 29,819 عدد مشاهداات

🦋🐺نور_الياسين (101)sana mina🐺

لا يوجد فينا من يحب ان يقع في نفس الموقف الذي وقعت فيه نوار …موقف لا يحسد عليه بالمرة …موقف كيف كنقولو ماتبغيه لعدوك …وحتى هي ماتبغيهش لراسها لانها لو كانت في كامل قواها العقلية مغاديش تبغي لراسها هاد الموقف …ربي كتب ليها هاد الفرشة تفرش بهاد طريقة …هي فعلا موقف خايب

ولكن حنا ماعرفناش اشنو الحكمة من هادشي علاش هادشي كيجيها بهاد طريقة وبهاد الصدف العجيبة يمكن ربي بغاها ترتاح من بعد هاد الازمة وقلبها يرتاح من العذاب …هادشي كامل الي دارت بكا ودموع وقهرة وحسرة وفقصة وقلق وردان فالخاطر ماهي الا بداية رحلة مرحلة جديدة ونهاية المرحلة السابقة …راه باش تنساه كيخصها تبكي وتعذب وتقهر باش تقدر تبني شخصية جديدة غير الي فاتت كانت عايشة على حبو فغيابو وزاد كمل عليها بضهور ديالو وسامته وجاذبيته وشخصيته الحرشة الي تشعقها اي بنت مننا …راجل كامل مكمول بوضيفة غايبداها قداش بجاه مال وقراية ودماغ وثقافة ووعي الى جانب الشخصية الحرشة القاصحة ….ملي شافت البنت عندو خارجة والي لحد الان مزال معرفاتش بالضبط شنو وقع معاها بالاضافة لاخر جملة نطق الي هو قصدها فشكل وهي كسرات فيها وجرحاتها جرح اكبر …كان لازم تشوف حالها وتبني شخصية جديدة وتلوح الي فاتت ….ممكن ربي كتب عليها هاد المكتاب ويبان المستخبي بهاد طريقة وتلقا ناس الي يحسو بيها ويعاونوها بخبراتهم اكثر من مينة اختها الي كانت عارفة واشرف حتى هو …

يامنة “سمعات الي مضناتش انه ممكن يوقع من كلامها معاها ووعودها الي مكانت قاصدة فيهم حتى شي حاجة العيب من غير انها فعلا تمناها ليها ولكن هي مغاديش تبزز على ولدها حتى هو من حقو يختار طريقو وحياتو والسريكة الي بغاها هو ….ولات غير كتشوف منثيقاش الي سمعات حتى شافت فيسرى الي بدورها تاهي مبهوضة ومصدومة كتر منهم لقات ياسين واقف هاز فايدو ساشية دوا الي طار بسرعة جابو من اقرب صيدلية حراسة “: ياسيين …

ياسين “شاد فايدو الساشية تاع دوا فايد والايد لاخرا شاد بيها معصم الايد الي هازا ساشية …مدار حتى ردة فعل غيييير كيشوف فنوار الي مشااات على صدر يامنة …حط ساشية جنب راس نوار ووقف حنحن بصوته غير حنحن قفزو ههه” : الوليدة هانا لتحت …”شاف فيسرى ” الله يشافي …

يامنة : ااا ههه اييه واخا ولدي هاني جايا …

يسرى مجاوباتوش باقي مشوكية من هضرت بنتها الي سرسرات بيها بقات تشوف فيامنة ويامنة حادرة عينيها كون لقات الارض تشق وتبلعها …حنحنات نجود باش تكسر الجو الي تبلوكا …

نجود : سمي الله وعطيها دوا بنتي لكل حادث حديث الله يرضي عليكم …يسرى بنتي توگضي

يسرى “هزات فيها عينيها ” : هاا ا ام اه وخا خالتي …

هزات دوا وعقلها مرفوع جبدات منو الشوكة والدوا الي غاضرب ليها باش تخفض الحرارة …عمرت سورانگ قادات شوكة …وتحنات لعندها طلعات ليها بيجامة وهبطات لكيلوط عقمات ليها لبلاصة وضرباتها ليها ومسحات بالقطن عقمات تاني …وتكات على الماريو كتشوووف

يامنة “غطاتها وناضت كتشوف ف يسرى الي هزات فيها عينيها وهي تضور يامنة راسها باسف وعينيها مغرغرين …وخرجات من البيت ملاقية مااا تقول باقي تاهي غيير كتفكر الهضرة …نزلات حادرة راسها حتى لتحت كتقلب عليه هنا وهنا وخرجات برا الحال ضوا لقاتو ماكاينش

حتى سمعاتو عيط ليها من لداخل ضارت لقاتو غادي جيهة المكتب ديال باه لتحت والي كان مكتب جدو سابقا …صرطات ريقها وتبعاتو لقاتو واقف كيشوف فشرجم وكيشعل فالسيج🦋🐺نور_الياسين (102)sana mina🐺

واقف قدام شرجم الي كيشوف فبرا عاد كيشعل فالگارو حتى دخلات وسدات الباب وراها …واحد سكوت غريييييب عجيييييب واش من تاثير الصدمة من بعد القنابل الي طرطقاتهم نوار هههه ولا الهدوء ما قبل عاصفة ياسين وتاهو سااااكت يمكن حتى هو تشوكا من الهضرة الي قالت نوار وتصدم ولا اشنو تحت راسو حتى ولات يامنة غير تشوف معرفت واش تقوليه ما بيدي هادشي مكنت ناوية ولا قاصدة ولا تسكت مدخلش فالموضوع تتشوف شنو غايقول ولا اشنو بالضبط ….

يامنة : ولدي م مزال مغاديش …

ياسين “حك لحيتو وهز راسو لفوق قبل ميضور لعندها ” : بغيتي نمشي ؟ حسن ياك ؟

يامنة : اا اش كتقول انا كون لقيت تبقا ديما نشوفك غير خفتك تعطل اللهم تمشي فالحال شوي بارد غير توصل مراكش الحال سخون تما والحرارة …

ياسين “عوج فمو باستهزاء ” : كتر من هاد الحرارة الي ناضت …”بغات تهضر حبسها بايدو ” ….شنو ديك الهضرة الي سمعت ؟

يامنة : هضرة نوار ؟ معرفتش م انا براسي صدمتني معمرها صارحتني بالي…

ياسين “خبط المكتب اول خبطة بداية الانفعال خرج عينيه ” : الوااااااااليدة هضرتي مفهومة …شنو مطمعة البنت ؟ اااا ؟ شنو كنتي كتقولي ليها ؟ هضري نيشان هضرة مقادة الوليدة بلا مضوري وتنواي …هضري نيشان دخلي فالموضوع ….”خبط نواضرو بكفوف ايديه الي فيهم الگارو شاعل وعينيه مشربنين “عاارفة عدو ربي الي يبدا يسول ويضور هنا وهنا عاد يوصل لموضوع ….

يامنة “معرفت منين تبدا مكانش يحساب ليها هادشي غايوصل لهنا معمرها ضنات انها كسرات قلب بنت بلا خبارها ” : ولدي ففف “حدرت راسها ” …ولدي اش نقوليك ملي وعات درية وانا كنضحك معاها بغيتك لولدي مكرهتك لولدي كون ما مينة تخطبات ووقع داك المشكيل تاهي كنت نضحك معاها ومينة ختك مربية معاك وخاا ممراضعينش معمري فكرت فيها وخا هكاك تاهي كنت كنضحك معاها ….

والله اولدي وربي شاهد عليا منويت فيها غير من باب معزتهم عندي مقطرين ليا من عينيها قلت هاكا وخا كنت كنطمعها غير بالخير معمري فكرت نوقف فطريقك ونخيرك ونحطك امام الامر الواقع انا مدا بيا دير دارك وتجيب ليا حفايد ونتا تختار ونزيدك رضى من عندي …وهي منكذبش عليك مكرهتهاش ليك كانت عزيزة عليا بزاف كنت متمنية نتناسب مع يسرى على الخير الي دارتو

معايا حتى ولدتك ونقذاتك من الموت فاش تزاديتي راك عارف الي عاودت ليك شنو جرا …هذا مكان وعمري ضنيت غادي تبغيك وتمناك ….اهى اهى …”بدات تبكي حيث فعلا بقات فيها وصدمة بدات كتلاشا ويطلع معاها تصرفات نوار” …

يمكن هادشي علاش كتصرف معاك هكاك اهى اهى …يمكن سمعاتك فاش قلتي بعد من دمك لا يطليك وتقلقات …الله ياربي اش درت اش ….مزال كتهضر حتى سمعات خبطة فوق المكتب على اثرها طارت ونزلت وشدات على صدرها عرفاتو صعر الخبطة شتات كاع دوك الستيليوات الي تما وواحد الفاز هزو تا هزو وشير بيه لحايط تشتت كلو ….

ياسين “خبط خبطات متتالية فوق المكتب بصعرة تا بغا يقسمو ” : علاش علاش علااااااااااااااش علااااااش الوليدة ؟ علااااااااااش ؟

يامنة “شدات فمها والايد لاخرا شادة على قلبها هي مخافتش من صعرته وانما الخوف من صعرته الي ناتجة عليها الغضبة الى غضب مكيبقاش يشوف فيهم على شحال مقدراتش تهضر مخلياه على خاطرو ….”

ياسين : علااااااش عزيز عليكم ضلمو بنات الناس الي معندهم ذنب علاااااااااااااش كطمعوهم ؟ فيييييين غانعطي راسي فيييييين …نتي لقاك الوليد وتاقا فيك وجه الله ومكتابك بزز عليه …

عاودتي ما جرا ليك عاودتي مدار عمك معاه بطريقة خرااااااا ….

يامنة : لا لا لا مق…

ياسين “غوت لربي الي خلقو هز ايدو وصرب بيها الحايط حتى تفرتتات صباغة وصباعو تجرحو ” : ااااااااااااععععععععععععععع….

كتفتيييني اميمتي كتفتيييني جيتيني ميمتي ….ولا تقل لهما اف ولا تنهرهما ….علااااااش اميمتي علاااااش نتي صعر🦋🐺نور_الياسين (103)sana mina🐺🦋

صراخو علا وعلا اكثر فاش كيتحط امام الامر الواقع ولا فاش كتعصبو شي هضرة الي كيحس بيها انها غاتحطو فشي حاجة مباغيهاش وبزز منو كيصعر مكيرضاااااش نهااائيا كيتجنن عدوه الي يسيرو ويقوليه شنو دير وشنو مديرش مدام متاكد ان ديك الحاجة فمصلاحته ومصلاحة الكل بدون اصرار كيبقى مصر عليها حتى يديرها وخا طرطقي نتي وتموتي …

المكتب عندو الحيوطة مضوبلين مكيسمعوش …بقا يصعر ويغوت بغات تقرب ليه قتلها بالخلعة على ايدو مقدراتش شافتو كيخبط ويهرس فالي لقاها قدامو يقبسها برجلو ويضرب فراسو …بزربة طارت من حداه وخرجات لبرا كتجري لقات فؤاد نازل وسمع غواته حيث بقا الباب محلول ديال مكتب وهي جاياه وجهها صفر ….

يامنة : ف فؤاد عافاك عاافاك سير هدنو الله يخليك …

فؤاد “خرج عينيه ” : شنو واقع مالو ؟؟؟؟

يامنة : غير هدنو قبل ميسمعوه وتوقع موصيبة الله يخلي ليك ولادك …

فؤاد “طبطب عليها ومشا نزل بزربة كيسرع فخطاويه ودخل لعندو سد الباب لقاه كيفرشخ ويغوت سد الباب باش ميسمعوش ومشا ليه…مكيهضرش معاه فؤاد فاش كيصعر كيمشي ليه يشدو من لور يحكمو مزيان ….

ياسين : طلااااااااق مني طلاااااااق عصبو عدو ربي فهاد صبااااح ….

فؤاد : برد برد …

ياسين : اااااااعععععععع ….

بقا معاه هكاك حكمو فؤاد مزيان بطريقة كيشد ليه ايديه من قدام وهو وراه حتى كيتحكم هذاك كيتهز وفؤاد تاهو فحالو باش ميقدرش يفلت ليه …بقا يعرعر ويتهز حتى وقف صدرو كيطلع ويهبط وعروقاتو تكب ونفس كتخرج فحال اللهيب العافية …تعصب مزياااان ماعرفش كيفاش جاه داك الاحساس دغيا ترجم تصرفاتها معاه بانه حب نيييييت مدام وصلات لهاد الحالة يعني تزرع حبه فيها من نعومة الاضافر يعني البنت تضلمات تاهي فحال يامنة غير فرق ان يامنة كللت بزواج وهو كون كان مرتابط فين غاتوصل بيها ؟؟؟……

فؤاد “حس بيه حبس وهو يطلقو ” : بقا هنا هانا جاي برد كلشي بالعقل هاد الصعرة ما فايداك والو غير بالخسارة وجرح اللسان لناس …

ياسين “دار ايدو على جبهتو كيمسح العرق وكيزفررر بجهد …مجاوبوش حتى خرج فؤاد لكوزينة داز من حدا يامنة الي جلسات فدروج شادة راسها وحداها محمد الحبيب كيسول فيها …” …

محمد الحبيب : الوليد شنو واقع ليه ؟

فؤاد : يتهدن من بعد ونهضرو نشوفو حريرته …

محمد الحبيب “هبط راسو وهزو بمعنى وخا ونوض يامنة داها لجردة بزز حيث بانت ليه صفرا …” : نوضي ميمتي برا باش ميردوس البال جاب الله انا الي هبطت …ولاخرين مزال ناعسين …

يامنة : يااااربي تفرج يااااربي …

مشا فؤاد لكوزينة كانو مزال مجاوش الخدامات مع كان الحال مزال بكري …جاب كاس ديال الما وهز منو فنيدة مهدئة كتشتش …دارها فيه حتى تم غادي لقا يسرى هابطة هي ونجود …

نجود : ص صباح الخير …

فؤاد : صباح الخير …ومشا نيشان لمكتب دخل لقاه جالس فوق كرسي وداير ايديه على نواضرو جامع فمو بعصبية لفك ديالو كيمشي ويجي …لوشام الي فدراعو كلو مندي بالعرق كيبان فيه ….مد ليه الكاس وشدو من عندو تكا عليه بلا ميهضر …

فؤاد : تهدن دابا …شنو واقع …

ياسين “هز فيه راسو وشاف فيه داير ابتسامة خفيفة بغييييض كيلهث بصدرو …” : طمعو بنت الناس معندها ذنب هذا مكان …هزات فخاطرها حتى طرطقات هذا مكان …”عاود ليه كلشي الي سمع من نوار فالسخانة وتصرفاتها معاه الاخيرة …الشي الي خلا فؤاد يعض شفايفو غمض عينيه بديق وزفر حتى زفر شحااال وهما ساكتين حتى سها كل واحد فيهم عاد هز فيه فؤاد عينيه#تتمة_البارت_103_نور_الياسين….

الشي الي خلا فؤاد يعض شفايفو غمض عينيه بديق وزفر حتى زفر شحااال وهما ساكتين حتى سها كل واحد فيهم عاد هز فيه فؤاد عينيه ونطق ….”

فؤاد : الي وقع ماهو الا مكتاب لا يامنة نواتها وقصداتها ولا نوار لخاطرها …حنا فهاد دنيا مكنمشيو غير الي مكتبو الله اولدي …مكتابي انا رضيت بيه بزز مني ولقيت فيه الخير تعصبت كتر منك حيث لقيت راسي امام الامر الواقع “بغا يهضر ياسين حبسو بايدو “

يامنة معزت بنات يوسف عندها فشكل ماشي بقصدها هادشي نوار تاهي منلوموهاش هادشي مكيشاور حد …لو كانت نوار فايقة مكنتيش غاتسمع هادشي وتعرف …يمكن الله بغاك تعرف بهاد طريقة باش يتحد عذابها يا تشوف فيها تانتا يا تحدها من دابا …

مدام تصرفات معاك هكاك البارح اذن بغات تبدا تشوف راسها وتحيدك من بالها وخا البدية واعرة …دابا معندك مادير سوى انك تكمل منين حبستي والى كانت فالمكتاب من ربي لا نتا لا العبد غاتحيدها …

ياسين “نفخ بجهد حتى صاط واحد الصوطة سخوووونة صدرو تفش وشد راسو بين ايديه ” : كون كنت باغي شي وحدة ؟ اااا ؟ كون كنت مطمع شي وحدة وهي كتعذب ؟ شافت غير البنت خارجة من عندي وطاحت من دروج من صدمتها كون حتى ماتت ولا وقعات شي حاجة بسبابي وانا محاسش ؟ “هز عينيه فيه ” فخبارك كنت شاك فيها من ورا اخر حادثة وقعات ليها ومكذب راسي ؟ …

فؤاد “تنهد ” : دابا ماعليش هذاكشي وقع وحمد الله عالسلامة خرجات منها مكاتيب الخير …”ضار جيهة المكتب كلو مشخشخ كرسي مهرس والفاز والحايط فيه دم صباعو ” …

ماتهضر ماتكلم نوض معايا برا تتهدن وغذا سير لهيه شربتي هاد الفنيد ممزيانش تسوگ …

ياسين “وقفو ” : لا غانمشي …احسن نمشي الوليد هاد ساعة مبقا ليا جلسة هنا حسن ولا نبقا نشوف فيها ونحس بالذنب من جيهتها وهي بنت الناس ماتستاهلش سوى انها طاحت ف ايدين الوعود الي خرجت على بنات منهم عدد فحالها …حسن نبعد ونشوف حياتي لهيه …

فؤاد”فؤاد حافضو مكيحكرش عليه ” : اذن نرسل معاك محمد الحبيب يوصلك ويرجع …

هاد الهضرة الي تقالت كلها دازت على مسامع اذن يسرى الي زاد ياسين كبر فعينيها بحكم انه ملامش نوار بل حس بيها انها معندها حتى ذنب وانها بنت فحال اي بنت وقعات فالحب ويسرى ماشي من النوع المعقد بالعكس حتى كتحط راسها فبلاصة بناتها حتى هي دازت من تجارب الحب وممكن كانت تكون بلاصة نوار وحمدات الله وشكراته انه يوسف في سابع نومة تايشخر ويعاود ومجايب لدنيا خبار ….🦋🐺نور_الياسين (104)sana mina🐺🦋

من بعد ما هدنو المهدئ شوي قدر يخرج من المكتب هو وفؤاد الي سدو حتى يجيو يجمعوه …خرج هو وياه لبرا لقا محمد الحبيب غمز فؤاد يامنة وشير بايديه باش تجلس ومتجيش تخليه على خاطرو حتى هي جاوباتو براسها معانداتش معاه حتى هي بغات تهدن وومتزايدش معاه وتفكر فديك البنية الي مرضات بسباب الحب …

محمد الحبيب : الوليذ …

فؤاد : وصلو لمراكش ورجع اولدي ميقدرش يمشي شارب مهدئ دابا …

محمد الحبيب “شاف فيه مكيجاوبش كيشوف بعيد طالع ليه دم رجع شاف فباه غمزو من بعد ونقوليك ” : ايه مرحبا …انا نمشي نجيب تيليفوني ووراقي وانا معاه…

معطلوش دغيا مشا طلع جاب اغراضه ونزل لقاه سبقو لسيارة جلس القدام وركب محمد الحبيب حداه قاد سانتير وشير لباه ومو وديمارا زاد لمراكش نيشان ….

ناس فاقو من بعد الرعدة الي دازت ومحسوش بيها ههههه هبط الياس ونجوى قدقد …حطو الفطور حتى نزل صهيب و يوسف بقا ناعس حيث مع طريق مرجعش بكري …تجمعو على طاولة الافطار ….يامنة غيير ساهية كتفكر فولدها الى تقلق يقدر ميرجعش على شحااال غضبتو خايبة ….فؤاد خرج برا كيسرب قهوته ف تيساع …

نجود ويسرى تاهما وحدة تشوف فلاخرا حتى استاذنات يسرى وطلعات لفوق عند نوار فطريقها تلاقات بمينة …

مينة : ماما صباح الخير …مال وجهك مبدل ؟

يسرى : ماما مماليش غير نوار بقيت معاها كانت فيها سخانة ضربت ليها سوكة وغاديا نسوف واش فاقت …

مينة : حبيبتي انا نمشي نشوفها …

يسرى : غير بقاي دابا متفيقش من بعد حتى تركعي عشية وشوفيها راه غير لاكليم وضربها البرد داكشي باش ماشي شي حاجة نمشي نسوفها لا تكون معذبة رجلها راك عارفة نعاسها هبيل …

مينة : اووكي ماما ..”باستها ” انا مشيت مغانفطرش هنا تعطلت غانهبط نيشان …

ابتاسمات ليها ومشا لاخرا هبطات وهي قصدات بيت نوار حتى دخلات لعندها لقاتها كترمش وتشبح ….

يسرى : نوار !!!

نوار “راسها ثقيييل كتحس بدنيا ثقيييلة وفمها بااايل ” : م ماما صباح الخير …اي راسييي …

يسرى : من سخانة ابنتي شوية دابا ؟

نوار “مغمضة عينيها ” : هممم شوية …بغيت نوض …فيا جوع وفمي باسل …

يسرى : عادي دابا يرجع كيف كان …نوار بنتي “جلسات حداها وجرتها حطت ليها راسها على صدرها لكن قبل مشات حتى سدات البيت بساروت باش ميدخلش يوسف …” نوار عقلتي شنو كنتي كتهيتري صباح ؟

نوار”غييير شافت مها سدات الباب ودارت ليها راسها على صدرها حيث هاد الحركة كديرها ليهم من صغر باش يگرو ليها ههههه وزاد اكد ليها سؤالها وهي تخرج عينيها ” : نن ن م معرفتش يمكن غير كنهضر وصافي …ش شنو قلت …

يسرى : ملي بديتي دخلي وتخرجي فالهضرة اذن عرفتي اشنو ممكن تقولي…نوار علاش مكنتيش كتقولي ليا على ياسين …

نوار “طاح ليها الما فركابي لسانها ولا فيه مذاق صدأ وقلبها بدا يضرب في لسانها ” : مم م ماما مم مقلت والو ما قلت والو يااااك عااافاك قولي …اهى اهى ياسين ما والو اماما …

يسرى : ششششت نوار تهدني انا غير ماماك ماشي عيب …احم “مبغاتش تقوليها راه سمع ” انا عرفت وحتى يامنة عرفات وميمة نجود …عادي هادشي احم لو كان جيتي صارحتيني كنت غانصحك ونعاونك ونحيد عليك صقل من ديكا كتعاودي ليا على الي كتعرفي عليهم علاش خبيتي موضوع ياسين الي كبر فيك من صغرك ؟ كون ماطحتيش فهاد الموقف …كون فرغتي وعاودتي ليا مكانش خاطرك غايضرك حتى توصل بيك سخانة تخليك تقولي ما ضارك …جاب

الله يوسف مسعمكش فين كنا غانوصلو الى فات حتى تعصب منك انا منقدرش عليه وعارفاه كيداير …

نوار “ذلات شنيفاتها ودموعها دازو ” : سمحي ليا ماما …

يسرى : انا ماماك وبزز مني نتفهمك ونوقف معاك ماشي ضدك ونكون بجنبك ماشي نخدم معاك العنف حتى انا كنت قدك وعشت الحب حتى بغيت باك …حتى انا واحد الوقت كنت قدك …

نوار : عييييت اماما وانا هزاه فقلبي وخا ممتوقعة منو والو عيييت نخرجو منو مبغاااش عيييت والله مالخاطري اماما اهى اهى …ماشي لخاطري …ولكن دابا قررت منبقاش معمرة بيه راسي …عافاك عاونيني نساه ونشوف حياتي …

يسرى : شوفي حياتك وهو حداك …الهروب منو غادي غير يزيد يخليك تبغيه كتر وكتر ابنتي …الغياب ديالو هو الي خلا الحب ديالو يكبر فقلبك ….الى نتي فقرارة نفسك عارفة بالي بعيد عليك وباغا تشوفي حياتك انا معاك فاي قرار بغيتي بشرط مياثرش على مستقبلك ودراستك وحياتك ومتكونيش نتي المتضررة بالعكس كوني نتي الرابحة …

نوار : هادشي الي بغيت وقررت بغيت نعتامد على راسي كيف كنت نخرج ونسافر ونضور الى خلاني بابا …

يسرى : هههه باباك مادا بيه ابنتي تكوني فحال مينة تعيشي حياتك فالحدود والاحترام …

نوار “مسحت دموعها وناضت شافت فيها” : بغيت نسافر ….

يسرى : فين بغيتي ابنتي امري …

نوار : غاندير بنصيحتك اماما غير كوني معايا …”يسرى بقات تسمع ليها فصلات انها متقولش ليها راه سمعك باش متزيدش تازم وقررات انها تقولها حتى دوز الايام ومع الوقت الى نساتو تقولها ليها وتعاونها صحيح صعيبة عليها مدام بغات سنين تنساه دغيا لكن ماشي صعيب انها تعود عليه وهو حداها متبقاش غا تازم وتبكي لازمها تقوي شخصيتها وهو كاين حيث طال زمان ولا قصار ياسين ولد عمها وحضورو فالدار ضروري لهذا لا🦋🐺نور_الياسين (105)sana mina🐺🦋

دارت تقريبا اسبوع على ما وقع اسبوع مبقاش ياسين تاصل بواليديه خلاوه على خاطر خاطرو وحتى نوار مبقاتش سولات فيه بقرار منها مفاجئ خرجات ضارت هي واشرف وعاود معاها يوسف الخرجة عوضها على الي فاتت …الموضوع تضمص بين الي عرفو وخلاو الوقت الي تنسي وداوي وهذا احسن حل …في وقيتة العصر مزال ليه تقريبا نصف ساعة باش ياذن …في قاعة الاجتماعات جالسين بربعة بيهم يعني هنا يخص الذكر يوسف الي فاق فذاك اليوم الي ضمصو فيه ما وقع الناس الي عرفو ب امر من فؤاد تفاديا لزيادة التوثر …لقا دنيا ديك ساعة مهدنة مدا ما جاب مهدنة مفخبارو ميتعاود واليوم مشا لشركة باش يتمم واحد صفقة الصفقة ويتلاقا بيهم …صهيب والياس وايساف الي مبقاش مديها فراسو لحيتو تغوفلت من كترت تفكير ولا غير كيخدم وينزل لدار ينعس ريم مبقاش شافها وخا تصالح معاها وتفهماتو مخلياه على خاطرو مبغاتش ضغط عليه مدام عندو مشكيل كبير وخا معرفاتوش الا انها استنتجات وتفهماتو حتى يبرد على خاطرو ….

صهيب : شنو غادي دير ؟

ايساف “كيلعب بستيلو وساااهي مجاوبوش ” …

يوسف “شاف فيهم وهز حجبانو ” : تتت ايساف ولدي حضر عقلك …ايساااف …

الياس” قاسو فكتفو ” : ايساااف ولدي …

ايساف “فاق من سهوته ” : همم شنو هاني …

صهيب : حضر عقلك اولدي وحضر معانا …شنو ناوي دييير فقضيتك …

ايساف : خاصني نشوف زمرة …مغاديش نكذب عليكم ممتيقش اااه من بعد سنوات رجعت شربت غير ضد تبرهشت فعقلي اخالي تبرهشت وعندكم الحق تلوموني وديرو الي بغيتو انا الي شربت الحرام ونتمنى متوصلش لخالي فؤاد باش منطيحش من عينيه ….

يوسف : ها رقمها تاصلت بيها عاد دارت تيليفون وتلاقيت معاها ثاني …لهلا يطيحك فوضعها اولدي معندها لا حنين لا رحيم يتيمة …بغيتي نتاصل بيها تهضر معاها ؟

ايساف : الى هضرت معاها غانصدق خاري معاها ومعصب ومقلل الادب …هضر معاها وشوف شنو غاديرو …

دوز رقمها بقا شحااااال كيصوني حتى ….

صفية “بصوت رقيق غالب عليه الحزن بالكاد كيتسمع ” : ا الو …

يوسف : صفية ياك ؟

صفية : اه هي انا ي يوسف ؟..

يوسف بغا يجاوب حتى قطع عليه ايساف …

ايساف : عافاك ماشي دابا مااااشي دابا ممستعدش ….مستعد ندير الي شاورتو عليه انا معاكم فيه ….غير الملاقيا معاها دابا لا ماااشي دابا عافاك …

الياس : انا لقيتيني غادي بنجوى غذا فالصباح ومعايا صهيب باش ييجيب مرته وولدو مروان من تما …بغيتي تصبر حتى نجيو ديك ساعة جي معانا ارتاح ليك يومين تما خوي دمغاك ونخويوه تا حنا نرتاحو نفوجو شوي وديك ساعة عاد غايكون الهضرة …

يوسف : انا مع الياس …خود وقتك وديك ساعة عاد نواجهوك معاها وتاكد ليك …ومن تما لتما ربي تما ونشوفو شنو الحل الي دير …لكن دير فبالك ديك بنت الناس الي باغي خاصك شي نهار تصارحها …كلنا كنغلطو ومن هادي نتعلمو انا كنعرفك راجل راك مربي وسط رجال وباك يحلفو بيه رجال ومخلق غير زغتي وبغيتي طير

صهيب : شنو بان ليك ….

ايساف “بقا شحال كيفكر ” : وخا نمشي معاكم نيت بغيت نبعد على هنا وديك ساعة نرجعو ونشوف شنو ندير ….لهلا يخ🦋🐺نور_الياسين (106)sana mina🐺🦋

كنبقاو فالمدينة حتى نبقاو ولكن جو الاجواء الطبيعية لا فالجبل ولا فالصحراء ولا فالعروبية غييييير اجواء طبيييعية كتريح النفس والخاطر كاع الناس فيها كتكون عفوية بزااف لواحد الدرجة متصورش …مناخ طبيعي اكل طبيعي ريحة العروبية الي وحدها الريحة الخاصة الي كتحسسك انك فجو بلدي طبيعي بامتياز …ريحة القهوة معطرة تفوح فديك الوقيتة قريب ياذن العصر وصوت دجاج والبقر والثيران وصوت العيالات ينابيو (يعيطو) على بعضياتهم وحدة جايا هازا ولدها فضهرها وبنتها فايدها جاراها وتشوف هي وياها فسيارة لي داخلة كاتكات كحلة ….حتى وقفات قدام باب الفيرما …لقاو محمد الحبيب واقف بقا معاه ديك اليومين مخلاهش من شافو معصب …وقفو قدام الباب وخرج فؤاد الي كان سايق وحداه يامنة وموراهم اشرف ….

محمد الحبيب “باس راس باه ومو ” : مرحبا مرحبا …

فؤاد ؛ فين ياسين …

محمد الحبيب : مشا يشوف لفدان مع الخدامة يصايب شي حاجة ياذن العصر ويجي …

يامنة ؛ فين با …

محمد الحبيب : راه لداخل كيتوضى ودخلو …فين عمامي …

يامنة “دخلات هي وفؤاد الي سبق لداخل ” : هاهما شوي ويوصلو تبعونا بشي ساعة هكاك وزيادة عاد خرجو هما من دار …

كان واقف هو والخدامة هاز الفاس لابس بيل سماطي وشورط و بوط كحل داخل وسط الفدان فشجر الزيتون ودوك الكتاف عراض تورمو فاش بدا يهز الفاس ويحفر او بالاحرى كينقش جناب الشجرة باش يديرو الغبار ليها …ويسقيو بالما من گوتاگوت الي خدامين كيضوروه على شجر …الشمش حارة وعروقاتو تكب …

سالم : براكة عليها …

ياسين : باقا لاخرا …

سالم : العصر بغا يوذن تالغذا ونكملو الي باقي …سير رتاح من الفجر ونتا خدام هنا …

ياسين “تقاد فالوقفة كمش عينيه فالشمش وقشع من بعيييد سيارة كاتكات بيضة جايا من طريق لور عرفو صهيب حيث طوموبيلتو وعرف ان الياس معاه ومرته اذن حتى باه جا …دار ايدو فوق عينيه حاجب شمش باش يشوف عاقد حجبانو …” : الوليدين جاو …

سالم : وايلي …على سلامتهم صافي لوح داكشي تالغذا ونكملو سير سلم عليهم …تا نسالي ونسلم على الحاج …

ياسين “لاح الفاس وتم غادي ويخطوي من هنا وهنا حتى عبر الفدان ومشا فاتجاه الفيرما وضار من جهة لاخرا كانو هما وصلوو ودخلو …دخل من الباب وهو يلقا الياس جاي ..

الياس : ياسين ولدي اربي عاونها راه بقات واقفة كتشوف ف واحد المعيزة والدة ولصقت في ولدها …راها حدا الباب الوراني …هههههه عاونها راني جبتها غا بزز مفراس كاع فؤاد ويامنة “جابوها معاهم خطفها الياس بزز بلا خبار يسرى فخبار غا يوسف ومجايبين دنيا خبار ونوار معارفاش راه ياسين عرف وقبلات باش دير براي انها انها تواجه اساس المشكيل لان الحل هو مواجهة جذر المشكيل يعني تعود عليه في حياتها وتقوي شخصيتها ومتبقاش غير كتشوفيه راه غايتزوجها وتزيد تبغيه تبدا تفكر انه ولد عمها لا غير ….فؤاد غير وصل بساعة وصلو هما وراه …

ياسين “طلع حاجب ورفعو ” : شكون هادي …؟

مشا جيهة الباب من اللور وتما كاين واحد شاريج كبييير عامر بالما كيسقي بيه شجر وجردة الي قدام الفيرما بگوتاگوت تاهي ….يلاه غايطل حتى تلاح العكاز قدامو جا ليه فوق رجليه حتى هزهم وبدا يخطوي تحدر …جا يهزو وهي تبان ليه جايا

تجري وتخطوي برجلها المهرسة بباندتها ودموعها يجريو وتغوت ….

…ياسين كان بعيد عليها ب بزاف بيناتهم بحور وقارة وحدة اخرى وكانت عايشة على حبو فحالتها هي خاص تواجه معاه وتعود …وهي ونصيبها وشنو يهز ليها المهم متبقاش مازمة وكتسناه يبغيها منو لراسو …تعيش على وجودو وتعود عليه وتخليه يشوفها ويعرفها مزيان لان البعد مغايزيد غييير يتفاقم المشكيل خصوصا فحالتها هي …صنع من اللا وجود وجوده …

نوار : واااااعووو اهى اهى وكلبة كلبة عسفت عليها مشتهااااش وتابعاااني وااععع …

ياسين “حل فمو فيها معرف باش تبلى امتا جات وكيفاش جات مافهم والو ….ولا تاهو مبقاش ركز مشا جيهتها باش يوقفها بانت ليه كتجري بغا يشدها زلقو فالميكة الي فجنب فيها فجنابها الغيس و طاحو بجوج فشاريج فحال لابيسين كيخزنو فيه الما لسقي “….معانقين هههه “…🦋🐺نور_الياسين (107)sana mina🐺🦋

الساريج او الشاريج على حسب كل منطقة وشنو كتقول ليه …هو واحد الحفرة كبيييرة على شكل مسبح بسيط خاص بتخزين المياه لسقي الي كيعمر يا اما من البير يا اما من قنوات الري …كيكونو دايرين ليه باش او ميكة كبيييرة على قدو الى كانت شتا تخزن فيه باش مينشفش الما او نيشان من البير او قنوات ري …كيكون فيه موطور فيه تيو كبير متفرع ل جعابي ديال ميكة كيوصلو لارض او جردة كيكونو ماقوبين بطريقة خاصة باش يرشو الما بتساوي بلا ضياع وتسقا مزيان ميكتروش الما

بزايد باش متخسرش الغرسة ويسقيوها مزيان فنفس الوقت على حسب نوع الغرسة واش تبغي تشبعيها ولا تعطشيها …المراد هنا باش نفهمو كيفاش حتى زلقات ..او بالاحرى زلقو بزوج هو ان ديك الميكة فجناب الي خارجة من ساريج كيكون فيها الما والغيس وحتى الخز بسباب الما ديما كيولي يزلق ….

هي مشافتش جناب دازت من حداه خالعاها الكلبة الي نبحت عليها هو شافها جايا جيهتو بغا يشدها مصاب ميعتق تلاح زلق هو وياها طاحو بجوج وسط الما تدعقات ودعقها الما والخلعة عنقاتو تشعبطات فيه ….

ياسين “خرج راسو من الما ووقف …مغارقش الما هو واصل ليه لخصرو هزها من وسط الما كتبقبق ههههه ” : شششش تنفسي

نوار “كتقلب عالاوكسيجين وتشهق مسكينة ماحيلتها لطيحة ما حليتها لما الي عمرات بيه والباندة الي فزگت والحالة وزلقة الي زلقت وهو قدامها …” : هييييييق اخخخخق …اممممم “حلات فمها حتى استنشقات الهواء عاد بدات تنفس وتكحب “

ياسين : غا بشوية تنفسي بشوييييي”مزال مطلعاتش معاه راه هي قدامو دابا كيشوف فوحدة مخنوقة تااا يتعق بعدا ” …ششش شوفي فيا …بشويييييي بشويييي مزيااان …

هزها حطها فجنب الساريج وطلع تاهو …

نوار “عضات شفايفها وغمضات عينيها كتحس بالم ” : ايييييي صداع …

ياسين : شنو اشمن صداع ؟ فين ؟

نوار : رجلييييي اهى …

ياسين : ونتي لاش كتجري لاااش مفهمتش مزال معارفة هنا والو وغا كتجري ميات مرة ديك رجل مكتشوريش عليها مافهمتش انا مااافهمتش …”ناض وقف ونوضها “…نوضي اجي تنشفي حالتك …”وقفات بشوي كلها ساردة (فازگة بالما ) وشعرها لصق عليها لابسة كسيوة طويلة فالصفر فيها وريدات فالمارون مرشوشين فيها …وكاب نص كم فلون الوريدات …متعمدة تلبسهم على حسب الجبيرة الي فرجلها هي بستريتش كتلبس وخاص تبقى مكروفة على رجلومتحيدش كتلبس فحال بوط بسماطي حد ركبة فالبلومارين …

نوار “مقدراتش تزيد عليها ” : مقدرتش نزيد عطيني عكاكزي باش نعاون …

ياسين “…شاف لهيه بان ليه واحد مع فاش كانت تتجري شيرات بيهم 😂 واحد لهيه ولاخور بقا لور …” : فين لاخور ؟ تت …قرب ليها بغا يهزها

نوار “حبساتو بايدها ” : لا لا غير خليني منقدرش اييي منقدرش ندليها الى هزيتيني انا نمشي عاوني نشد فدراعك …الى ممكن

ياسين “بقا كيشوف فيها كيفاش تبدلات طريقتها فالهضرة …نوعا ما تصدم شوي ونوعا ما عجبو الحال من تغيير الطفيف الي بان فيها يعني مشداتش ضد وطلبات باحترام وعفوية …مد ليها دراعو وهي تخشي ايديتها ناعمة وسط دراعو السمراء بشمش وهو مزالو مضهشر بعدا شكون حابها ولاش جات ؟ …تم غادي بيها بشوي وهي مرة مرة تكمش عينيها من صداع ” : خاصك تمشي لطبيب تشوفيها …”نطق كيشوف فرجلها ” …

نوار : ايييي …ماعرفتش اهى “عضات صبعها حيث الالم زاد كيزدح ليها فرجلها مع الشق كيكون اصعب فالالم وخاص رجل متحركش باش يرحع يجبر …” …

تمات شادة فيه وحايبها بشوي حتى وصلو لدورة عند الباب خرجات يامنة وفؤاد الي رفع حاجبو فيهم بصدمة اما يامنة حلات فمها وهي تجيها ضحكة حتى غطات وجهها بشال🦋🐺نور_الياسين (108)sana mina🐺🦋

المنضر وهما جايين شادة ليه فدراعو كان شيئا لم يكن خلا راسهم يشوك من صدمة مافخبارهمش ان ياسين كلو باقي تحت تاثير صدمة …اما نوار كانت شادة فيه فحال موقع والو كانه ولد عمها ايساف ولا محمد الحبيب مااشي داك الي كانت كتموت وهي كتسوفو قدامها وتفتف وترعد وحناكها يتزنكو ….دابا شاداه عادي باش نشوفو واش كتكابر ولا حناكها مزنگين ؟ هاد ساعة وجهها بيض مدهية غير مع صداعها الي شدها فرجلها …

فؤاد “شافهم فازگين بالما وهو شعرو هبط ليه على عينو حتى طلعو بايدو لور وجاي شادها ” : شنو واقع ؟؟؟ نوار ؟

يامنة “حبست ضحكة بزز قبل ميشوفها فؤاد وياسين الي مزال كاع متصالح معاها زعما ههههه ” : مالك ابنتي فازگة بالما ؟

نوار : واحد الكلبة عسفت عليها مشفتها وبدات كتنبح عليا بغات تبعني وجيت كنجري زلقت فهذاك الي فيه الما فحال لابيسين …

يامنة : او طحتي فساريج ؟

نوار : حتى هو طاح بغا يعاوني وزلقنا بزوج …

ياسين “وقفها حدا يامنة طلق منها مشا باس راس باه وداز باس راس يامنة تاهي ” : الوليد …”دار ايديه على خصرو حاس بالعييااا تمارة الارض من الفجر وهو خدام مع الخدامة ومقابل الخدمة باش يوقفها مزيان حيث خلاها غير لجدو وبقات كتمشي لخدمة غير بشكل روتيني بدون اي جديد ….مسح شعرو وشاف فيها ورجع شاف ف مو ” …خاصها تمشي تشوف طبيب …

يامنة : واش تقصحتي تاني …

نوار “جاوبات براسها عاضة فمعصم ايدها ” : امممم …

فؤاد : دخلي نشفي حالتك …

خرج الياس هو ونجوى …

الياس : مالكم نوار !! اش هاد الحالة …”هز راسو فياسين ” …مالكم فازگين

يامنة : والو غير طاحت بغا يعاونها وطاحو بجوج …رجلها تقصحات فيها ثاني وخاص تاخد بانضة جديدة …

نجوى : جبتي دوا الي كيزگي عليك صداع …

ياسين “تخطاهم وتم داخل رافع حجبانو فحال ساخط هههه ” : دخليها نشفي ليها حالتها وعيط لحبيب يديها لسبيطار هنا فالفيلاج وصيدلية راه فيه تما ياخذ ليها باندة جديدة …خاصها دير راديو باش تاكد …”ودخل”

دخلاتها يامنة لداخل نشفات ليها حالتها وعيطات لمحمد الحبيب الي غايديها لفيلاج فين تعاود دير راديو وتاكد من رجلها …

اما هو طلع نيشان حيد عليه دوك الحوايج الي توسخو ودخل دوش غسل مزيااان حيد عليه الوسخ والعرق والعيا ديال تمارة …وخرج لابس بينوار الشعر هابط على عينيه لحيتو زادت كتافت والمسطاج طوال اكثر …عاقد حجبانو جامعهم هز الفون قلبو دار كم اتصال ورجع حطو لبس تيشرت جديد شوي مزير عليه وسروال سورفيت رش عليه ديودرنت نيفيا رجال …يلاه غايخرج حتى دق الباب

ياسين : دخل …

تمات داخلة بشوي لعندو كتشوف فيه وقف كيشوف فيها جايا بتردد …

يامنة “قربات ليه وحطات ايدها على دراعو ” : ولدي …مزال مقلق مني …

ياسين “جمع فمو وعوجو باستهزاء ” : علاش غانتقلق منك نتي …مادرتي وااالو ومزال زايدة فيه …علاش جبتوها معاكم

يامنة “بنفس براسها ” : والله والله اولدي مفراسي جايا راه سولت قاليا الياس جبتها فاخر دقيقة كانت بغات تسافر ل اكادير كانت كتسنا ختها تشد سيمانة ساعاك مخلاوهاش عندهم الخدمة كتيرك وبقا فيها الحال بغات توانس وهو يقوليها تجي معاه حتى يمشيو لاكادير هي وايساف ومحمد الحبيب واشرف يفوجو شوي والله عند بالي جاي غير هو وصهيب ونجوى وايساف الي جاي فطريق دابا …

ياسين”ملقا ميقول دار ايديه على خصرو وزفر بنفاذ صبر وضار جيهة لاخرى غمض عينيه ورجع حلهم ضار لعندها ” : واااخا ماعليش ماعليش ..

يامنة : ولدي دير فبالك هي مافخبارها والو بالي عرفتي فاش كانت فيها سخانة يعني راها نسات ويغات تابع حياتها حاول متقوليها ولا تبين ليها …وسمح ليا انا سبابكم اولدي والله ما قصدت “هبطت ليها دمعة “

ياسين”قرب ليها وقبط ليها حناكها بين ايديه ” : العفوية ديالك وقلبك البيض والمحنة الي فيك هي الي غاتخليني بلا عقل اميمتي …شي مرات راها كتقضي على الواحد بلا قصد …شي مرات بنادم كيفهمها بالي تسلكو هو …هادشي علاش خاصنا نضربو ونقيسو فكلشي الحنانة ديالي …الي كتاب كتاااب والي عطا الله عطاااه مهما طال زمان وزاد العباد كتبقاي الحنانة ديالي شنو غايجي هادشي قدام تعبك عليا انا وخوتي قدام تكرفيصك عليا انا بالذات حتى عشت فكرشك وسهرتي على ودي وتكرفصتي شنو انا فملك الله قدامك اميمتي شنو انا حداك اجنتي ورضايا باش مكمل عليا ربي فحياتي ….السان كيغلط والي فالقلب فالقلب …حتى انا فزعي وكنغلط وعصبي ماعليش متحملاني نتحملك بالفرحات عليا …غير مرة جايا ضربي وقيسي فهضرتك باش متجرحي حد وميجرحك حد ومتقلقيش ليا ونصدق معصب ثاني …”جرها عندو عنقها وباس ليها راسها وايدها بالفرحة وهضرته الي اثرات فيها عينيها مبقاو بغاو يحبسو من دموع حتى مسحهم ليها وبزز عليها تسكت ” …

يامنة : انا مغطياك ومفرشاك بالرضا ابكري وفرحتي لولة والنور ديالي حتى تقادات حياتنا 🦋🐺نور_الياسين (109)sana mina🐺🦋

بسرعة 120 باش جاي فطريق حتى هو خرج موراهم كل جا فسيارته …جاي ومخدم اغنية كان كيسمعها هو وريم فطوموبيل …لملكة الاحساس اليسا اغنية لمسة حب …كيحاول ينسى الي جاري ويريح افكارو ودماغو من الي واقع ليه فهاد المدة ….مبغاش يفكر فيها بتاتا مبغاش يفكر انه ضيع شرف وحدة يتيمة متشردة وخا تاهي استسلمات ليه وعطاتو ليه وعاشت معاه لحضة لكن الجوع غلبها وسخفة مخلاتهاش تقاوم وحتى هي من اعجابها بيه مصدقاتش انه قدامها …صفية من نهار شافتو وهي كتحلم بيه فارسها المغوار …القاسم المشترك بينها وبين نوار هو حب من طرف واحد وبناء الاحلام …ممكن نقول هي وايساف غالطين ممكن غلطها هي خلاتو يدير مبغا ممكن غلطو هو الاكبر الي مشا شرب الحرام الي ربي محرمو لحكمة بالغة جدا وهي انه عندو عواقب ومساوء كتاذي الانسان من كلا الجوانب ….

صونا ليه الفون بان فشاشة الي فسيارة اسم ماي لايدي …جاوبها فالحين …

ايساف : ايي حبيبي …”كيهضر مرة شامية مرة دارجة ” …

ريم : بب توحشتك بزاف باقي مبردتيش ،

ايساف : الساعة الله حبيبي …فينك متي ف السبيطار…

ريم : عاد سالات لمناوبة ديالي وغادية لدار …بغيت نشوفك حيث عندي كونجي سيمانة غانمشي لفاس لدارنا نشوفهم …

ايساف : اهااا مزياان …انا دابا قربت لفيلاج الي بين مراكش وقلعة السراغنة عرفتيه ؟ كنت قلت ليك اصول يامنة مرات خالي وفيه الفيرما ديال ولدهم الكبير …

ريم : ااااه وييي عرفتو …اشنو دابا مغانشوفكش “بحزن “

ايساف : نبقى غير يومين عيييت بضغط الخدمة وشلا مشاكيل نرتاح ونلحق عليك لفاس نتشاوفو تما ونبقا شي ايامات …سمحي ليا حبيبي …

ريم : اووكاي ماشي مشكيل …تهلى فراسك ومديرش فبالك والو …

ايساف “تنهد بحرقة ” : يكون خير اصلا بغيت نشوفك نهضر معاك نيت …

ريم ؛ وخا …

قطع معاها وطلق سينيال ضار جيهة البيست الي كتدي لدوار ….ودخل تحت انضار بنات الدوار ورجال وخا ولفو طوموبيلات تما عالجهد ناس عندهم فيرما لباس عليهم ها كاتكات ها داسيات ها الي عندهم صندوق لور على حساب سلعة ….ربط GPS ديال محمد الحبيب الي وصلاتو لبضبط فين كاين حتى وقف قدام باب الفيرما ….

بان ليه اشرف خارج لابس شورط وتيشرت وخارج بكلاكيط كيصور ويدير فلايف قاليك حتى هو حتى بسبس ليه ….

ايساف “خرج من سيارة كيحيد نضاضرو” : بسس ايييه اداك ….

اشرف “ضار لعندو ” : ااااه جيتيييييي

ايساف : لا مزال غا طليت عليك باش نسولك بينما وصلت ….

اشرف : وشحاااال حاااامض يااااخويااا مخفتيش تقتلني بصحوكات ؟؟ “بقا يرمش يرمش ولاخور خرج فيه عينيه …عاد حس براسو اش قال ههههه ” ….ااااا سمح ليا

ايساف “مشا ليه شد من قرفادتو وهزو ” : ولينا قد لقب قد سطل ؟

اشرف : والله تا نسييييت راه عاد كنت كنهضر مع صحابي والله تا تلفت سموووحات ….

ايساف “طلقو ” : فيناهما …

اشرف : راهم لداخل كلهم انا غانمشي تال ديك الارض ونرجع بينما وجدو الگوتي …

ايساف : سير سير وعنداك دلح وتوضر ولا تبعك شي صاروفة ديال لكلاب والله مكاين الي يفكك

اشرف : هااا صاروفة …لا نرجع فحالي تنمشي مع لعميم الياس وصهيب …بيناتنا الاحترام ان🦋🐺نور_الياسين (110)sana mina🐺🦋

غير نشفات ليها حالتها فديك اللحضة قبل ميجي ايساف هزها محمد الحبيب ومشا بيها لاقرب مشفى فالفيلاج واحد المستوصف تما غير شافها طبيب وهو يعطيه باش يمشي يدير راديو فمراكش دغيا زادو نص ساعة حتى كانو ف كلينيك النرجس بمراكش باش يدوزو ليها دغيا دارو ليها راديو ولقاها باقا مشقوقة تزعزت بطيحة وعاودو ليها باندة جديدة وعطاوها مهدئ صداع غير شرباتو وهي تكااا راجعين فسيارة لدوار كان العشا قريب ياذن …

محمد الحبيب : الكريمة فيك نعاس

نوار “متكية ” : هننمم بزاااف بقا غادي متوقفش

محمد الحبيب : هاااا اييييييه علاش لا

نوار : بقا غير غادي جاني نعااااااس …تفو كنت بغيت نشوف غي الكلبة للي عسفت عليها بقات فيا …

محمد الحبيب : اييييه شوفيها وجي هاد المرة عاضة لمك الحناك والله ياولديك تايقسمنا باك على جوج …قاليك الكلبة نشوفها كي بقات …منوقفش ليك ناخذو ليها الحليب ودانون وقالب سكار نيت راه قاليا عمي سالم مات ليها واحد الكلب فاش ولداتو وزرريها معاك ….

نوار : هاك ها خمسين درهم كمشهم ليها نتا وسلم عليها من بعيد …

محمد الحبيب “دار صباعو على فمو كيشوف فيها ويرجع يشوف فطريق ” : ايوى الله يمسخك الديبة ….

نوار : ههههه وصلنييي دغيا فيا جوووع …

محمد الحبيب : وااخا ابنت عمي نوصلك …جوع !! عييت معاك ناخذ ليك متاكلي مبغيتيش …

نوار : راه قالت ليا خالتو الفجيلة دايرين تريد بالليل …

محمد الحبيب “ريوگو دازو ” : اااالحااافض الله 🤤 حلفي بالله …

نوار : وحق الله ومعاه لهريسة فطبيسلات و موناضة وفيه دجاج البلدي يااا جدك ….

محمد الحبيب “مبقاش جاوبها ورك عالكسيراتور وطار باقصى سرعة حتى دخل لدوار فاقرب وقت لقاتهم قدام باب الفيرما دخل تيزرب وخلاها وراه هههه …حتى خرجات مسكينة راسها بعكاكزها وتعاير وتنگر …

مع دخلة الي دخلات لقاته دخل الكوزينة ينقب حدا سارة ونجوى ويامنة …

نوار : واااخا عليك انا الي حمارة قلتها ليك …تفووو …

يامنة “خرجات لعندها كضحك ” : هههه امضرا بنتي شنو درتي شوية ؟

نوار : شوية اخالتو …

يامنة : واجي لصالون سرحي رجلك متباقيش تمشي بيها بزاف ريحيها شوي راك معديا عليها …اجي “داتها لصالون دارت ليها زوج مخاد حطت عليها رجلها وتكات ” …تترتاحي ونطلعك لفوق عومي ابنتي من داك الما ديال ساريج ونعسي لفوق …

نوار : واخا …

يامنة : هضرتي مع يسرى ؟

نوار : اه فاش كنت فمراكش بقا فيها الحال “حدرات راسها “

يامنة : مااعليش ابنتي دابا ترضى راه مقلتو ليها والو فاش كنتو جايين ..

نوار : عيطت ليها كانت داخلة كتفتح لواحد سيدة سيزاغيين (قيصرية ) وتعطلات فيها داكشي باش …

ابتاسمت ليها يامنة ومشات لكوزينة …شوي حتى هبط ايساف ب بيل سماطي وشورط وكلاكيط كيهضر فالفون حتى قشعها جالسة شادة الفون فالصالون وضحك دارت الكيت وبدات تسمع الموسيقى …جا حداها بشوييييي حتى حيد الكيت وطلقها ليها بغوتها فوذنها حتى غوتات لربي الي خلقها …

نوارطارت ونزلت ” : وااااااااعووووووووو وااااععععع مامااااااا …

خرجو العيالات من كوزينة وصهيب والياسي واشرف يطلو عليها …جاب الله فؤاد مع نسيبو مشاو لجامع ومغايجيو تا يتحط العشا …

ايساف “بغا يجهل بضحك اول مرة من بعد الازمة الي هو فيها دابا حتى دمعو عينيه ” : ولييييييك يقبرني انااا شو بحبها لا كريمتي المخفوقة انااا …..ههههههههههههههههههههههه

نوار : اهى اهى …حرااام علييييك …

صهيب : الله يمسخ ملتك كون حتى كان فؤاد والزغبي راه كتقلب على خلا عشتك …

ايساف “هز ايديه باقي جاهل بضحك ” : سمح ليا هاني …

بقاو يضحكو العيالات ورجعو لكوزينة دخلو ولاخرين رجعو تاهما وجا اشرف جلس حداهم …

اشرف : هههههههههه عبر عليك بحرا توگضي ونتي غا سايحة …

نوار : بعد مني اهى ….لاش جيتي لاااش …

ايساف “جرها عنقها تحت باطو وباس ليها راسها” : انا فينما كنتي ازين ديالي انا كاين جيت نحضيك ازين اا مرضي الوالدين …

نوار : سييي فحالك سييير نسيتيني مبقيتيش كتخرجني …

ايساف : نعلديلمي 🦋🐺نور_الياسين (111)sana mina🐺🦋

تحط العشا جوج قصاري وحدة لرجال فالبيت لاخور وثانية لعيالات فالبيت لاخور سماو الله حتى هبط ياسين من بعد ما كما لفوق ورتاح ليه شوي نعس وفاق لحق عليهم تاهو تعشا معاهم تحت حديث رجال …وخا غير صهيب واشرف و والياس الي كيهضرو وايساف تاهو مدخل راسو بزز وخا مهموم ومحمد الحبيب ومصطفى اب يامنة اما واحد جوج فؤاد كيجاوب بالعقل والعبار مكيكترش الهضرة ياسين شاد تيليفونو كيقرا ويبحث غير تعشاو طلع نيشان لفوق باش يخدم كيقلب على شي حاجة جديدة يزيدها فالفيرما وكيدرس الخدمة الي قبل مدير بنك احد فروع البنك فمراكش والي غايبدا فور ما يخرج المدير السابق لتقاعد …

……صوت الفروج وصوت البقر ودنيا بدات تعمر فصباح اليوم الجديد …اول ما حل عينيه بدل حوايجو مبقاش شافها نعسات قبل ميتعشاو جات يامنة طلعاتها دوشات ليها بحكم العشا كان معطل وفؤاد باقي مجاش دغيا عاونتها دوشات وهبطات استسلمات لنعاس ومع المهدئ وصداع رجلها عياها لقاوها نعسات قادوها فبلاصتها وغطاوها خلاوها مبغاتش تفيق مع نعاسها ثقيل بقات تبغم فالنعاس تا شبعت …لبس تيشرت وشورط خشا رجليه فالبوط وهبط

مع ورا اذان الفجر نزل لقا سالم كيتسناه وركب فسيارة مشاو لفيلاج تقدا شي سلعة خاصاهم لفلاحة ورجعو بدات شمس كتحرق تمنية صباح حطو فلارض وزاد هو لفيرما مع دخلة لقا صهيب واقف كيسرب قهوة كحلة حداه وسارة وولدهم كيهضرو …

ياسين : صباح الخير “عنكش شعر مروان ولد صهيب ” …

صهيب : فين كنتي ..

ياسين : تقديت شي سلعة …مالكم

صهيب : واقف مع مدامتي نوقفوش …

ياسين : الله اودي …شكون لداخل …

صهيب : يامنة اما الياس ونجوى مزال مجاوش من عند دار نسابو …تالعشية ويجي الياس ..

ياسين : مزياان …انا دخلت …

دخل لداخل نيشان لكوزينة لقا يامنة كتوجد فالفطور …باس راسها وصبح عليها سول على باه قالت ليه بالي خذا طوموبيل ومشا بكريي لمراكش عندو ميقضي بخصوص الخدمة …مزال كيهضرو حتى سمعو صوت خطواتها جايا وتحك فعينيها حتى دخلات لكوزينة فمها منفوخ بنعاس وعينيها شبه مسدودين …

نوار : صباح الخير ” دارت ايدها على فمها تفوهات “

يامنة : صباح نور ابنتي …مالك فقتي بكري …

نوار”مكتشوفش جيهة ياسين ولات كتصرف بطريقة غريييبة فحال الى هو فحال ايساف والبقية مبقاتش كتشوفو وترعد او كتشوفو تفااداه او هي الوحيدة الي عارفك شنو لداخل ديالها خاطرها ميعلم بيه سوا الله وهي ( وانا 🌚) …هاد مرة لابسة بيجامة بسروالها فيها رسوم وريحة شامبوانها تعطعط بريحة الخوخ …وزيحتها تاع الفاني تهزيها وتاكليها بحوايجها …”

نوار : غير فيقني دبان …

يامنة ؛ اااه مرشيناش دوا …سيري غسلي وجهك واجي جلسي حدايا ابنتي …

ياسين “طلعها وهبطها بزربة ورجع شاف فجيهة لاخرا ” : رجلك ؟

نوار : همم ؟ اه مزيانة دابا

ياسين ؛ ردي ليها البال متبقاش تعداي عليها …ولي تعرفي فين كتحطي رجليك هنا ماشي هي دار لهيه فازرو ولا فاس …

نوار : اه وخا فهمت شكرا …”جوج كلمات مكترتهمش “

واحد شوي بداو شي بشي كيفيقو وينزلو لتحت حتى تجمعو على لفطور الي كان بلدي بجهد مسمن ملاوي وحليوات دراز اتاي وغريبة لكوك وسميدة واتاي والقهوة معطرة والحليب عاد جايبينو من الكوري محلوب ديك ساعات …وزبدة بلدية وبطبوط مريح …وزيت زيتون وزيتون كحل وسمن مهم فطور ديال بادية على حقو …

يامنة “كتكب فالقهوة وسارة فاتاي ” : نوار اجي ابنتي تفطري فين غاديا …

نوار ” كانت باغا تخرج تطل برا باغا غييير تخرج لبرا دور مبطا عليها ” : فيين ايساف اخالتو …

ايساف “هابط كيعقد فسمطة المگانة ” : ابنتي هاني تتسولي عليا زين …

نوار : يلاه نفطرو باش نخرجو …

ايساف “جرها عنقها كيعنكش ليها فشعرها باسها فيه ” : زيد اولدي نفطرو ونخرجو ندلحو نيييت …

يامنة : بشوية عليها رجلها اولدي نوار يهديك الله ساعفي مع ديك الرجل …

نوار “جلسات حدا ايساف واشرف …بدلات حوايجها ولبسات سورفيت فالزرق عريضة من سروال جات نيت مع الباندة الي فرجلها ..” : وهاني مساعفة راكي عارفاني كيف دايرة …

حتى سمعو صوت الرعدة داخلة دق عليهم …

فنيدة : وااا بنت عميييي …”يامنة كتقوليها بنت عمي بضحك ” …

يامنة : ااا اهههههه خالتي فنيدة دخلي …

فنيدة “دقات وهي دخل …” : سلااام عليكم ههه ولدي ياسين صباح الخير “شير ليها براسو “

فنيدة : وتي على سلامة من شفناك غبرة حارة هادي درتي …

يامنة : غيير مع الوقت كيدايرة نتي وبناتك وولدك الي غايب …

فنيدة : كلشي بيخير راه قريب يجي في هاد صيف …”ضارت شافت جيهة نوار الي كانت جالسة حدا ايساف كيضحكو متسوقاتش لهضرة ياسين …” يا شكون هاد زين ربيع مارس …تبااا#تتمة_البارت_111_نور_الياسين

.” يا شكون هاد زين ربيع مارس …تبااارك الله نوضي ابنيتي حبيني …

يامنة : هههه هادي بنت لوسي سيري عندها نتي راها مهرسة من رجيلتها

فنيدة “خبطات صدرها واحد الخبطة حتى تكحاز اشرف على محمد الحبيب الي تكا على ايساف خرجو فيها عينيهم …” : الله يااا بنيتي الله ومزيناااااتك يا زبيدة رومية ياااربي …انا نمشي عند بنيتي نسلم عليها انااا …

ايساف : ارسول الله اعصار كاثرينا جاااي شد فجناب سداري

محمد الحبيب : ياااربي سلامة الى كان من عند الله مرحبا الى من العبد خزيييييت …

اشرف : واش غاتعنقها ولا تقتلها نااري هادي راه تقول محلفة عليها غاتجمعنا جملة ….

ياسين “طلع حجبانو بتخنزيرة شاف فيهم وصهطو بقاو غير يشوفو ” : شش مالنا ؟

محمد الحبيب : والو اخويا غا شوف تشوف هههههه …

مشات ليها لعندها باستها بوسات تا داتها وجابتها …

فنيدة : ريحتك فحال ترابي (زيادة دراري صغار ههه ) مزويناتك ياربي غااا زبدة رومية وجنابها الحليب …

ايساف : رجعاتها محلبة 😂😂😂😂

اشرف : شادا لجدر والديك انوار ….

نوار “مفهمات والو بقات غا تفرنس وياسين حاضيها هي وياها ويشوف فيامنة ودار بايديه حركة زعما لا حول الله …” : اه ههههه شكرا خالتي …

فنيدة : صوتها ياربي ينوض الراگد ويگعد الگلييييب (القلب )

ايساف “قرب حدا الحبيب ” : ينوض راگد ؟ واش قصدها زين ولا ايماني قليل فعقلي الزوين ؟ “تيرمش “

محمد الحبيب : الماسخ ماشي هادي🦋🐺نور_الياسين (112)sana mina🐺🦋

ناض ياسين من حداهم هز الكارو وشعلو فطريق وخرج يكميه برا حتى تخرج ويدخل يفطر ونيت يجاوب على تيليفونو الي كان يصوني وكان المتصل اركان …

ياسين : نعام …

اركان : كيفاش الخو هاني …

ياسين : الحمد لله هاد ساعة …مالك معيط فهاد الوقت…

اركان : اشمن وقت راني فالثانوية عندي حراسة سيزيام …وعيطت ليك دابا بغيت نقوليك راه سول فيك هذاك خينا المراكشي حتى جا عندي لدار قتلني غير بالخلعة ماعرفتو اش بغا ومنين عرف دار …

ياسين “زير على ايديه ” : اش بغا ؟ ياك لباس …

اركان : كيسول عليك عيسى المنصوري …بغاك تجي عندو يتلاقا بيك فموضوع خاص …

ياسين “عض فمو تا بغا يطرطق ” : اش بغاني ؟ كيقلب على خلا عشتو تاني ديال ايام زمان ولا ؟ الى رجع سول قوليه ياسين كيجيو عندو ناس الى بغاوه ما كيجيش عندهم الي بفمو مايتلف والي برجليه مايتعطل والي بطموبيلتو هنا وكان يوصل …دابا نتفاهم مع داك خينا الي يجي لناس لديورهم بلا موجب شرع …

قطع معاه معصب غا كيسمع سميتو نيشان كيربطو بخوه الي بسبابو هاهو مسدود عليه وكيعاني وتاحد مجاب ليه الخبار من غيرو وطبيب والي واقفين حارسين عليه …يامنة مقدراتش تجبدو حتى يتفش ولدها من الي وقع اما قلبها واكلها عليه بجهد لكن مدام فايد خوه اذن راه فايدي امينة ….وربي غايفرج ….

مع دخل سمع حوار فنيدة الي جلسات ولاحت دراري لتوش كانت غاتجلس على اشرف تبقجو مع غليضة هههه غا هرب …معنقاها وتبوس فيها وتقول ما بست …

فنيدة : وتتقراي شي بعدا ابنيتي

نوار : هههه اه كنقرا …

فنيدة : تبااارك الله “شافت فيامنة ” …والله ما كرهت نهضر مع باها ياربي ومانسا هاد الخير الى درتيه فيا وعطيتيني نمرتو نعطيها لراجلي يهضر معاه …

اشرف : عاااه بغا تبرا اش درتي ؟؟

يامنة “جمعت حجبانها ” : علاش بغيتي نمرته ؟

فنيدة : قلبي رفرف ليها ياربي بغيتها لولدي عبد الغني يجي فشهر تمنية نضربو تاغيط

ايساف : تاغيط 🙄…

فنيدة : وانضربو الكاغط نخطبوها نرشموها …”نهضرو فيها ” …

اشرف “طرطق بضحك ” : عههههعععهههههههههههههههههه على اخر ايامك انوار غايطبعو مك بطابع ديال لحلوة ….نرشموها ههههههه اربي الحبيب على مصطلحات ….

نوار : تخطبوني ؟

فنيدة : اش قلتي ابنتي نديرك كتر من بناتي ودار ديالك كلشي ديالك وبيتك نتي وولدي غايتصلح من اول وجديد دار الي لفوق ليكم بجوج والى كتاب يصايب ليك الوراق ويديك معاه لصبليون …اش قلتي فرحيني راني شفتك وعقلي خرج عليك غااا طوفيطة ديال لفريز صافي …

جات تهضر حتى نقز صوت مدعدع غليض من وراهم كلهم قفزو حيث جهدو …

ياسين”مخنزر حجبانو ملاقيين …جاي اصلا معصب من المكالمة ومن سمعها زاد ” : الخالة نهضرو بالصواب وماديريها قلة احترام اميمتي …البنت ماشي ديال ولدك الله يجيب النصيب فجهة اخرى ..

#يتبع

حتى تشوفوا ت🦋🐺نور_الياسين (113)sana mina🐺🦋

مع الدخلة سمع هضرتها وعااارفها هو اصلا هضرتها خضرة وهبيلة مدييي عليها …فنيدة هي ام صاحبو الي قرا معاه حتى هو بحكم ياسين للتذكير كبر عند جدو برغبة منو هو وحبا فالبلاد الي كيعشقها من الصغر كيعشق شي حاجة اسمها الطبيعة كيما كانت …لدرجة حب التريب ماشي ليه فالدم واكثرية تسلق الجبال الشاهقة والوعرة والخطيرة …عبد الغني كبر من ياسين بعامين …وخا قرا معاه لان عبد الغني دخل لدراسة بوقت معطل نضرا ل المشاكل الي

كيعانيو منها ولاد الدواوير الي فيهم يا كيتعطل باش يتسجل يا مكيكملش نضرا للبعد ولا الواليدين نفسهم مكيخليوهمش يكمل وبالتالي تيكونو من احد اسباب الهدر المدرسي الخ ….

ضارت يامنة جيهتو كتشوف فيه مفهمات والو من الكلام الي نطق …

فنيدة : وعلاه اولدي تقول هاد الهضرة …

ياسين “رقع حاجبو ” : الخالة !!!

فنيدة : والله يا ولدي تنديرها فعينيا بجوج …

ياسين : ماشي من نصيبو …بلا منقول علاش…فنيدة : الله اولدي نسمعو غا راي البنت …

بقاو يشوفو فيهم يامنة غاا تتسمع لفنيدة وولدها اش تيقولو فكروها غااا فزينة وفؤاد مزال فؤاد كان يرد بحكمة وباحترام اما ياسين عندو شن طن نيشان افلانة ها علاش وخا هكاك باحترام ههههه

بقات فنيدة تتشوف فيه وعرفاتو شنو قصد والمقصود الي فهمات انه نوار ماغاتقدرش على عيشة البادية مغاتقدرش على عيشة كل صباح تفيق وتوجد الفطور وشوف تشوف واش يديها راجلها تما والاهم واش هي تقبل او لا واش باها غايبغي اكيييد يوسف بنتو ميقبلش ليها هاد زواج وخا غايعطي صواب لناس في حالة جاو يخطبو او عيط ليه الاب ديال ولدها ….

فنيدة : واش اولدي غاتشك فيا ؟ علاه ما عندي بنات مانبغيش ليها كيف نبغي لبناتي راني ما زوجتهم تا تاكدت فين ومعامن غايعيشو ومعامن غانتناسبو مااا يغرك يقوليك راني غا لاوحتهم باش يتسماو مزوجااات لاااااواه اولدي الي نبغيه ليهم كتر من الي نبغيه لراسي وهاد بنت الناس “نوار ” نبغي ليها عيشة الملوك والله يا بنيتي ميخصك خير وخاا عايشة فالخير الي يدير عشرة من الي عايشة فيه ويني ولدي عبد الغني راه يوفر ليك الي تبغي والي حليتي عليها فمك تحضر واش بغيتي وتعيشي فصبليون معااه …

ايساف “تيهضر بشوي حدا الحبيب تيطنزو زعما هههه ” : صبليون الخو كون غا تزوجها ليه تجيب لينا من صباااليون ههههه غا داك اوكي تاع الراس الشقيقة تتشدني ديما ماا شكيت عليك…

محمد الحبيب : لاهيلا وتجيب لينا معاها داك الحلوة تاع فليو غاا تاكلها مخك كيدمع ومنخرك كيجمد …

ايساف : هههههه ديلمك تتهضر بصح تانت من نية نيتك …

اشرف : ههههههههه وتجيب لينا داك صباط المقمقم الي يتقب عزبة ههخخ …”مع ضار لقا ربعة العينين زرقييين وناااري ويخنزرو العينين زرقين ملك الموت قدامك “….

اشرف “خلعوه ” : ااا ههههه سمحو ليا غا تحمس🦋🐺نور_الياسين (114)sana mina🐺🦋

ياسين ” شاف فيها بمعنى راه البنت قدامك …” : الي عندي قلتو …البنت عندها واليديها عندها عقلها تجاوبك بيه ماااختالفناش ولكن هضرتي ما خرجتها وقلتها حتى عرفت علاش …ولدك مايصلاحش ليها وهي ما تصلاح ليه …ولا تصلاح العيشة الي غاتعيشها معاكم …

يامنة : ا خالتي فنيدة ولدي عندو صح راكي عارفة ولدك مايحتاج لبنت المدينة …فين بنت ختك الي خطبتيها ليه …

فنيدة : مكتابتش البنت جاتها سخانة طولات فيها ودرية ولات غا مقابلة سبيطارات من هنا وكترت دوياني تا ركبها المرض من ساسها لراسها مااا يقد ولدي على هاد تمارة كون غا فيها علة كي ناس وجمعت كاع العلات …

يامنة : ونتي وصلتي وبديتي تهضري سولتي شي البنت اخالتي …

فنيدة “شافت فنوار ودوزات ايدها على شعرها ” : اش قالت بنيتي الى على قرايتك غاا كمليها فرحيني وخليني نشوفك مرت ولدي …

نوار “صدمتها بقات غا تبقلل اول مرة تخطب مباشرة واول مرة كلشي كيتسنا ردها …معارتش اهتمام لهضرة ياسين او عارتها ومبغاتش تربطها باي حاجة كتحاول ما امكن تسد مخها باش متصدمش ويتكسر قلبها كتر ماهو مكسور وباقي جرحه ما تلمش …” : انا اخالتي مبغيتش نتزوج غييير سمحي ليا …”حدرت راسها مزنگة”…

فنيدة : بنيتي مانضغطش عليك وكان متقولي والو تا وكان تفكري ياك مزالين هنا …

يامنة : مزالين هاد ساعة مطولين شوي هنا …غا هو ما تأمليش اخالتي ..

ياسين”بدات تعصبو هو يقول هك وهي تقول هك ومعندوش ديك قوة التراديد لا مع عيالات لا مع رجال جوج كلمات شن طن بغيتي ولا كرهتي” : الخالة هضرنا ولا لا ؟ كنضن الجواب خذيتيه

فنيدة “تنهدات ” : اش نقول اولدي ماكرهتها دخلت ليا لخاطر خاطري …ماعليش مانتقلقش الى فالنصيب ابنتي ميحدهاش العبد …

باستها وناضت ابتاسمت لاخرين الي جالسين لوات زيفها وعقداتو مع كانت تبوس فيها والحركة تحل ليها …وخرجات مشات خلاتهم شي كيضحك بالحس وشي كيشوف فشي …

ياسين “مشا جلس فبلاصتو جبد تيليفونو عاقد حجبانو مبقا هضر ما تكلم ما شاف جيهة تاحد …

يامنة : يلاه زيدو تفطرو …

محمد الحبيب : واحد عمي صهيب فين هو ؟

يامنة : عااد مشا عند دار نسابو هو وسارة ومروان ولدهم تا عند لغذا ويجيو ويجي الياس تاهو …

ايساف : يلاه بسم الله …

ياسين “شاف ف ايساف ” : علاش مجبتيش الميمة …

ايساف : بقات تما حتى يجي صهيب وسارة هاد اليومين وتجي بقات على ود مينة و يوسف تما ممعاهم حد والخالة يسرى رجعات لخدمتها …كان ياسين بغا يلمح ليه لكن تفكر انه جاي باش ينسا على ما عاود ليه صهيب ويوسف حاول ما امكن ميبينش قدامو ولو بتلميح بشيط باش يخليه على خاطرو يضحك وينشط وخا ربي الي عالم بما في القلوب كلها الي تما جالسة كتفطر وكل واش فعقل لاخور ….

واحد اللحضة بلا ميحس لقا راسو عينيه مشاو نيشان لنوار الي كانت حادرة راسها كتكب ليها يامنة الحليب وتمد ليها فالحريرة ديال ايلان ( ايلان كيتباع عند العطار ويدار حريرة مع الحليب فحال شكل بلبولة وسميدة خاص بالناس الي مهرسة ولا فدع مهم كيجبر العضم ) لكن فرمشة عين حنحن وهز كاسو ديال اتاي وحول النظر ديالو بجه🦋🐺نور_الياسين (115)sana mina🐺🦋

فطرو دراري حتى شبعو الفطور البلدي تاع البادية الي وجداتو يامنة بايديها وبما انها هي فالاصل بنت البادية فاقت بكرييي ووجداتو وحمات الخباز الي كيطيبو فيه الخبز تيكون من التراب كيجي فيه الخبز فيه ريحة الدخان تاع العواد ولا الغبار باش كيحميوه …كيجي مذاقو مميز …الحاج مصطفى بات يامنة وجد ياسين كان خرج ابكر لغرض ما فطر قبل ميفيقو وعطاتو يامنة الدوا وبقات تهضر معاه بما انها توحشاتو شهور مشافتو …

حاولات تسولو على اسامة غير بالفن لكن عطاها الجواب وسد عليها حيث عارفها كبدتها هشيشة دغيا باتفاق من ياسين طرق عليها الموضوع هو وياسين الي عارفين بوضع اسامة فين واصل …

ايساف “ناض ” : الله يخلف الخالة …

يامنة : نزيدك قهيوة ولدي …

ايساف “حط ايدو على صدرو ” : يحفضااك انطلع لفوق نبدل “شاف فدراري ” …تحركوش نضربو دويرة فتواسع هنا …

نوار : غاتديوني ياااك …

يامنة : وتقدري ابنتي …رجلك متحركيهاش هنا كاين الحجر ودنيا مرونة …

محمد الحبيب : هي جات تفوج اميمتي ماعليش عندها العكاكز وحنا معاها دقة دقة …

نوار : متخافيش بغيت نخرج نشوف دنيا هنا …

ايساف : يلاه هاحنا طالعين نبدلو لبسو شي حاجة خفيفة حتى نهبطو وطلعي بدلي …

ياسين “ما مديها كاع فيهم خاشي وجهو فتيليفون كيرسل ف الايمايلات ديالو …” …

يامنة : لا حوايجها هنا بلا مطلع تبدل غير هنا …

طلعو دراري كل واش بدل اشرف بقا بشورط وتيشرت الي كان لابس فقط لبس سبرديلا على ود الطريق والبيست نفس شيء لبس ايساف والحبيب وهبطو كيتسناوها تخرج من البيت داخلة هي ويامنة اما ياسين خرج سبقهم ل ارض عندو ميقضي خلاهم على راحتهم ووصا عليهم واحد من الخدامة الي يكون معاهم باش يوريهم ويگيدهم (يرشدهم) …

خرجات نوار لابسة سورفيت سروالها عريض فالرجل لاخرى بانطوفة ديال لخروج وطبعا الي مهرسة فيها الباندة …تمات غاديا وتعكز باش تخرج لعندهم برا …

يامنة : نوار بنتي بلاتي بغيت نهضر معاك ملي جيتي البارح ماهضرنا …

نوار “عرفاتها شنو بغات ” : خالتو عافاك بلا متسوليني انا جيت بغيت غير نفوج مكنتش بغيت نجي غير حشمت من عمو الياس وبابا سولني علاش مبغيتيش ونتي نولفة تمشي مع الياس غير ينفنف تقولي واخا …شي حاجة مكايناش انا دابا عادية مبغيت حتى حاجة تفكرني اخالتو وعاونيني عافاك …

يامنة “بقات تشوووف كانت بغات تهضر معاها من البارح متاحتش ليها الفرصة كان كلشي فدار …” : وخا بنيتي الي بغيتي وسمحي ليا ابنتي سمحي ليا …

نوار “باستها فحنكها ” : نتي ماعليك والو احم “شافت ايساف داخل ” يلاه نمشيو …

مشات لعندو معاوناها يامنة حتى شدات ليه فدراعو وتم غادي بيها خرجو كاملين ترافقو خلاو يامنة دخلات توجد الغذا وتسنى فؤاد باش يهضر تشوف واش غايجي من مراكش ولا مزال معطل باش متحرك حتى لبلاصة حتى تسولو …

اول حاجة بداو بيها هي توجهو جيهة الكوري فين كينتج البقر الحليب فنفس البلاصة ب ماكينات خاصة كتحلبهم …مع دخلة تبهضات نوار بالكوري كبييير بزاااف …كل بقرة فبلاصتها ضاير بيها الحديد كيسدو عليها حتى كتحلبها الماكينة نيشان سطولة كبار هو دايرهم سطولة كيتسدو فحال برامل فور مكيعمرو ..معاهم الگيد الي كان اسمو علاال صغر من ياسين بعامين والى شفتيه تقولي عندو ربعين عام بكترت شمش صداتو وتكماش ديال تمارة …

محمد الحبيب : شحال من ضروبة هنا “الضروبة هي البقرة او العجلة …” …

علال “شاد مزلاط فايدو دار ترازة على راسو” : واش نقوليك اولد الحاج هنا شي مية بقرة هي القليلة وزيد الي خرجو ونامس (ولبارح ) تباعو فالسوق بعجولتهم …” هادو غير العجلات الي مزال صغار كي كتشوف رااا تما واحد العشرة والدات منهم عجلات ومنهم عجولة …”

نوار “سولات الحبيب ” : عجل الى كبر اش غايولي ههههه ثور …

اشرف “قرب ليها باش ميسمعوهش لا يمكو لوالديه الودنين ههههه ” : الى كبر غايولي الثور ياسين ههههههههههخ “مسكين معندو زهر سمعو ايلاف جاب ليه دقة لقرفادة حتى بان ليه ياسين فالخيال هههههههه

ايساف : باب التوبة يتفتح لكلشي تا ليك نتا تجي توب يتسد على مك الخنشوش كون سمعك كون زيدك يحلبوك مع ه🦋🐺نور_الياسين (116)sana mina🐺🦋

شد الحبيب فنوار وتم غادي بيها لداخل تابعين علال كيشوح ويوريهم كل بقرة شحال ديال الليتر كيحلبوها كل نهار وعلى حسب وفين كيتوز الحليب وشنو كيديرو بيه كل حاجة وحدها …حتى وصلو لواحد البقرة عازلينها هي وحدها كتبان قداااش هي …وكرشها قداش …

نوار : مالها وحدها …

علال : هههه ضارة اختي “ضارة هي حاملة ” …

ايساف واشرف بقاو فجيهة لاخرا كيشوفو فالنص لاخور كيفاش كيتحلب الحليب وفين كيمشي …ونوار هي والحبيب الي شاذها معاونها فالمشي وكذلك حتى هو كيشوف خيرات خوه وجدو الخيرات الطبيعية …تحنات نوار عندها كانت البقرة جالسة كتجتر حطات ايدها على راسها خدامة تجتر فالماكلة حيث كيصرطو يصرطو عاد كيجلسو باش يطلعو الماكلة يندغوها هادي كتسمى عملية الاجترار اي لديها قدرة على اختزان الطعام بداخلها لفترات زمنية طويلة نسبياً، ثم تقوم باسترجاع ذلك الطعام في وقت لاحق من داخل غرف المعدة إلى الفم مرة ثانية، ومن ثم تقوم بإعادة مضغ وطحن هذه المواد مرة أخرى والتغذي عليه، هادي

كتسمى عملية الاجترار او كيف كنقولو بدارجة كتجر ….فمها كيمشي ويجي باش كتندغ مزيان داك العشب الي خزنات فمعدتها ودابا كطلعو …باين عليها العياء اصلا بلا عملية الاجترار …

نوار : وعلاش ناعسة هاكا ياكما قربات تولد …

علال : هههه باش عرفتيها …

نوار : هههه عزيز عليا نبحث فهادشي ديال بوادي والابقار يعني عندي دراية بهادشي …واقيلة قربات تولد حيث كتبان ليا شوف

طل علال ومحمد الحبيب فين شيرات ليهم ولقاو البقرة من لتحت كتبول ب تقطع يعني كتبول وتعاود تحبس وتبول وهادي علامة من علامات المخاض او اقتراب موعد الولادة …

علال : والله الى بصح تبارك الله عليك …دابا نعلم سي ياسين فاش يجي …

محمد الحبيب تحنى لعند نوار : تي فين عرفتي هادشي …

نوار : عههههه كنقرا ونبحث عزيز عليا فحال هادشي غير ثقافة عامة وصافي …

م.الحبيب : ايييه وامتا تولد …

نوار : فاش تبدا توقف وتبقى واقفة وتبدا تدير واحد صوت ديك ساعة كيخصها تولد …

م.الحبيب : مكرهتش نحضر ليها تتولد …

نوار : نطلبوه يخلينا نحضرو معمري حضرت لولادة شي بقرة …

م.الحبيب : من هادشي عارفاه لاش تتسولي العجل فاش يكبر اش يولي …

نوار “ضحكات تتغمضو عينيها ” : حيث كنقوليك الثور كنستناك تقوليا ثور باش نقوليك هو انت هههههههههههههههههههه….

م.الحبيب “ضربها لراسها بخفة ” : وا قلبي عليا تنطح مك …نوضي قبل مايجيها لوجع وتبان ليها فينا تركل ملتنا تلصقو …

نوضها ومشاو تبعو علال ولحقو على اشرف وايساف الي لصقو حدا واحد سيدة هزات الحليب فواحد الشاريو باش يديوه يديرو بيه الرايب الي كيصايبوه بطريقة طبيعية كاين الي كيديرو رايب مالح كيديرو فيه واحد العشبة وكيبقى تيروب او كيديرو رايب الحلو كيفيضو نص ويديرو فيه نص لاخور بارد مع سكار حسب الذوق ….على حسب مكتعاود ليهم السيدة فواحد البيت فين كيصايبوه …اسمها عيشة (عائشة )

عائشة : هذا غانصايبو بطريقة رومية …هاهو اولدي هاد سطل ا قسماو مناصا (على جوج ) نص هاني فيضتو ونص يبقى هكا عادي …هاهو غانخوي فيه دانون ولا مبغيتيش دانون دير غا نكهة الفاني …هاني ربعة الكيسان دانو بالنسبة عندك ايترو حليب فيض نص ونص خليه ودير فيه كاي دانون وسنيدة وزيد فيه هاد الحليب البارد الي بقا وهاني

غانديرو ف بيدو تاع خمسة ايترو حيث عندي خمسة ايترو تاع الحليب دابا من تخلطهم خويه فهاد بيدو سد عليه وخلطو مزيان ولوي عليه جىج مانطات وحطو ف بلاصة فيها ضل وخليه يبات صباح رسلو ليكم مع علال راني غاندير جوج بيدويات ديال خمسة ايترو وارا متشربو هذا وصاني عليه فحم العينين ولدي …

ايساف : هههه تتقولو ليه فحم العينين …

عائشة : فحم العينين ولدنا كلنا ترابينا وراجل ديال دوار مخدم دراري وممخلي حد بلاش فحم العينين ورجلة بحر الله يرضي عليه …

نوار “الانسة الي بغات تنساه مخلاها حد هذا الله انا كلي تزعطت فيه خخههخ” …

م.الحبيب : وداك الرايب المالح اش درتي فيه …

عائشة : هذا كنديرو فيه واحد العشبة تتباع عند العطار غييير يفيض تندوزوها عليه هكا “بقات ضور ديك العشبة كيقولو ليها نبتة الحك ” …هادي رايبها صحي اولدي على قبل سهال والكرش جارية فيها فااايدة بزاااف اوليدي …

اشرف : احح شهاتني فرايب …امتا يوجد تالغذا مكاينش واحد واجد دابا ؟ …

عائشة : يلاه وصا عليه ياسين الي وجد تدفع لدار الحليب بحليبو اولدي ماحدك هنا ونا نصايبو ليك تتشبع منو ودي معاك …

اشرف : هاح يحفضاااك اميمتي …

بقاو فداك الكوري الي ليه اول ماليه اخر …بقاو شي ساعة وهما تما وزيادة حتى ضاروه وتمو خارجين بربعة بيهم كيضحكو ونوار تاكد وتوصي ف الحبيب يطلب ياسين يخليهم يحضرو خصوصا هي …لولادة البقرة …حيث تاكد علال انها غاتقدر تولد بالليل نضرا لاعراض ا🦋🐺نور_الياسين (117)sana mina🐺🦋

في طريقهم تلاقاو بمصطفى وتمو غادين هما وياه الحبيب خلا نوار لايساف وعنق جدو يتمازح معاه من شحال هادي مداروها …

مصطفى : فرحنا اولدي نتا داك خوك مناويهاش …

الحبيب : يبدا هو نتبعو انا حق الله …

مصطفى “ضربو لراسو بضحك ” : يمسخك واحد يلوحني لاخور العجولة …

ايساف : هههههه عجل ينطح خوه اودي غا خليها عالله الحاج وكان …قوليا واحد اسامة !!

مصطفى : هذاك تخليه تما حريرته بوحدها تاحد ميجبدو ليامنة راني غا مسكتها كون ماهي تحشم كون ماعرفت فين وصلنا …واالي باس عليه راه مسدود عليه منو لطبيب ميدخل عندو حد من غيرو بغيت نشوفو مخلاني ياسين ..

ايساف : احسن ليه المهيم يتعالج …

مصطفى “عيط ليه سالم ” : وااايه …

سالم : ودوز دوز ولحاج المعطي عيط ليك …

خلاهم مصطفى فنص طريق وتوجهو هما لفيرما باش يشربو اتاي الحداش ديال نهار قبل ميوجد الغذا …هااادشي الي قاليهم مصطفى على حد علمو وعلمهم اما ما قاليهم حد جيو فديك الوقت …وكون غا بقاو ومجاوش …مع دخلة كان سابق اشرف حتى تم راجع ليهم وجهو مزنگ وخا عزي بانت فيه هههههه

م.الحبيب : تا مالك رجعتي …

اشرف : ااا خلينا نعاودو نكملو شوفة فالكوري …

ايساف “صغر فيه عينيه ” : ااش تم ؟ “تخطاه وتم داخل بغا يطل يشوف حتى حبس فدقيقة تسعين …نساااااو فؤاد واش غايجي حتى لقاه مقنتها فالكوزينة ويشلقم فيامنة ويقول ما شلقمت وفؤاد لا شد البوسة خلااات ههههه

يامنة “حاطة ايدها على صدرو حيث عند بالها مغايجيو تايوجد الغذا وديك الوقيتة مكيجي حد …رجع من مراكش من بعد فترة وجيزة باش خرجو هما …” : اممممم …

فؤاد “كيبوس فشفايفها وشوق قاتلو على قولته هو باقين هما هما كانه اول مرة هي حناكها تزنگو تاني وكل بلاصة حمرة متفرقين هذاكشي علاش كنات عليها جداها لفجلة فحال فجل بيض وفيه بلايص حمرين …بقا شحال كيقبل شفايفها حتى هبط ايديه لمؤخرتها وضغط عليها طلعها عندو حتى لصقات مع صدرو فرق البوسة وحط جبهتو على حبهتها مخليها تاخذ انفاسها …” : مذاق شفايفك فحال عشرتك الحلوة اغزالي …متوحشتيش راجلك الحبيب ؟

يامنة “ابتاسمت بخجل ” : ههههه دابا يجيو دراري ولا ياسييين …

فؤاد : ياسين دابا يحن عليه الله يدير دارو ويعرف بحق عمارة دار وشوقها الي كيتزاد …شنو نديرو دابا ارضاة ولادي …

ايساف رجع لعندهم وجهو مزنگ هههههه …

الحبيب : اتوما مالكم واحد مزنگ على لاخور …اش تما …

اشرف وايساف جاتهم صمكة مقدرو كاع يهضرو معرفو يمشيو يدخلو يديرو فؤاد ويامنة ماتو ولا اشنو …

ايساف : هننمم ؟؟

نوار : مالكم واش مغاندخلوش بغيت نرتاح باش نعاود رجع لكوري …

اشرف : واااالعالي داي دايداي …واااا تعالى تعالاااااااا احنيني تعالا واااش وااااااااش غانقوليهااااااو اش غانقوليها …

نوار : مالك ؟

ايساف : واااا الليل طوييييييل والروج قليييييل “كيعليو فصوتهم باش لاخرين يسمعوهم ويتفرقو هههههههه “

اشرف : وشكون نتيييي وشكون تكوووني …

ايساف : علاش كتدوي وعلااااش تصوووني …

م.الحبيب : الله يستر …”بغا يكحزو وهو يوقف ليه ايساف فنص وقفو تيغمز فيه والحبيب لاهو بغا يفهم …

اشرف “طلق حلوقو الزوينة هههه ” : واااااااا دايرة مديتيل على سهييير الليل …

ايساف : ودايرة اتصالات على قبل البنات ولليل يااا ليل …

م.الحبيب “غوت تا طارو ونزلو ويامنة فهاد اللحضة كحزات من فؤاد وتمات خارجة لعندهم كتقاد شالها كون مجاوش كون تكاها فالكوزينة هههن ” : ااااااش كااااين …

يامنة “خرجات فمها حمرر بتجباد …” : مالكم …

فؤاد “خرج وراها مخنزر حتى تخشا اشرف ورا ايساف ” : اش واقع هنا ،؟؟؟؟ “مخرج عينيه ومخنزر ” …

ايساف “الي قشع يامنة فمها حمر واااجي قولي ليه حااول مضحكش عيا يحبس عيااا” : ااااا مي كخم اهههههههههههه خالي …والو غير تنضحكو…”بغا يطرطق وهو حابس ضحكة “

فؤاد “خنزر فيه ” : دخلو دخلو …”ضار دخل طلع نيشان “

ايساف”غاا شافو طلع وهو يتفرشخ” : خالي واااا ييييا خالي هااااا…ياااا خالي الوحش هاااااااا .ههههه🦋🐺نور_الياسين (118)sana mina🐺🦋

من بعد التفرشيخة تاع ضحك الي ضحكو ايساف واشرف داكشي الي ضحكو ما ضحكو حد حتى شككوهم عاد دخل ايساف وقالها لحبيب الي تفرشخ تاهو بضحك من بعد ما تفكر منضرهم وربطو بشنو قاليه ايساف شافو طرطق عليهم بضحك حتى سخفو …وجدات يامنة اتاي ليهم طلعات عند فؤاد دات ليه قهوته الي شربها وكما گارو وبدل عليه ونزل لحق على عمو لارض باش يشوفو شي حد تما كيسول على فؤاد معرفة وباش يهضر مع ايلاف الي مشا لموسكو بهدف الخدمة الي نفسها خدمة فؤاد وهي الاثريات ….خرجات باش توجد الخباز طيب فيه الخبز لغذا حتى بانت ليها سيارة ياسين دخلات وبلاصا هبط منها كلو غبارية وغيس وجاي ب بيل تيشرت فالكحل والبوط باين عليه تمارة من صبح الله ومزال العاطي يعطي .. …وصل لعندها كانت قريبة ليه بحكم الخباز فجردة تما عند الباب لقاها كتحرك فالعواد وتشعل فيه …

ياسين “باس ليها راسها ” : الحنانة مجبناكش باش تشقاي وتعذبي اميمتي …

يامنة : هههه عذابي على ولادي راحة …ياكما عييتي ..

ياسين : صابرين اميمتي تمارة للرجال …”دار ايديه على نصو كمش عينيه ” …فينهما مزال مجاوش دراري

يامنة : راه لداخل وحتى باك جا ولكن خرج لارض عند با يشوفو واحد الحاج سول فيه …

ياسين : الوليد شفتو …”عضعض شفايفو ..” …مجاتش الخالة سارة وصهيب والياس …

يامنة : لا شوي ويجيو هادي رجلهم دار سارة غا هنا الياس غايتعطل دار المصفرط راك عرفتيها فجيهة لاخرا …خرجات نوار تشوفها كيفاش كطيبو …حتى لقاتو واقف معاها …شافها ورجع شاف ف يامنة باش يدخل … …نوار حدرات راسها بغات تقولها ليه وخافت …حتى شبكات صباعها بتوتر وعراقو ليها ايديها وفمها كتعضعض فشفايفو بتوتر الشي الي خلاه قشع هاد الحركة بذات وهو يضور وجهو لجهة لاخرا تم غادي وهي تحنحن وعيطات بسميتو

نوار : احم ي ياسين …”شافت فيها يامنة ووقفات ” ياسين “ضور راسو كيشوف فيها بمعنى شنو ” ..

نوار “كمشات عينيها وجمعات فمها شحااال عاد نطقاتها والي ليها ليها ” : وخا نحضر لولادة البقرة عااافاك …”زعماات وطلقاتها فيد الله ” …

ياسين : كتولد فاي لحضة يقدر تولد ونتي ناعسة مجاتش نفيقك فداك الليل ..

نوار “ضمات ايديها بحركة تاكليها عليها ” : عاافاك عااافاك عارفة ذاك الوقت معطل غيير نشوف من بعيد كنت كنشوف هادشي غييير فيوتيب عمري حضرت ليها نيشان عافاااك “ضورات راسها بحركة طفولية خلاتو غير كيشوف فيها ” …الى بغيتي الى لا والله منتقلق عادي ،..

يامنة : ههههه دير ليها لخاطر اولدي جات غير تفوج …

ياسين “بقا شحال كيشوف فيها ويفكر ..” : تت الى نعستي نعيط ليك متعطليش فالفياق ردي بالك والى كان وقت معطل ماتفاوتيش من حداياا ومن جنبي متحركيش …فنما كنت كوني …غايكون طبيب بيطري وانا معاه ومن الي مقابلين الكوري …”طلعها وهبطها “

ولبسك يكون مستور دنيا كلها رجال …

نوار : واخا كون هاني ههههه شكرا بزااااف …تمشات كتعكز دخلات فرحانة وهي تسولو يامنة بالمناسبة .علاش قلتي هاديك الهضرة لفنيدة عارف شي حاجة على ولدها ؟

ياسين “تنهد بتعب حك لحيتو قبل مينطق ” : الحنانة …نهضرو بالواقع …بنت يوسف ما ديال تمارة هاديك سيدة “على فنيدة”…بنت يوسف بنت الناس مفششة واليديها مغادين يرميوها لتمارة هي معمرها شافتها …واش فنضرك اميمتي “كيشير بايديه ” تقدر على ثلاثين خبزة صباح وعشية ؟ فنضرك تقدر على فيقة الفجر وتوجد لهذا ولهدا ؟ انا معارفش عيشتهم كيدايرة ؟ وخا تحلف بالما يجمد معمرها ديرها كي بنتها وخا تحاول غا تكرفص من عند الله …

يامنة : عندك الحق …

ياسين : عبد الغني انا كنعرفو ماعندوش احترام لتاحد كلمة جوج يضربها “هاد الجملة سنانو كززهم مجرد ما تخيل نوار انها تعرض لضرب ماعرفش علاش تغدد بمجرد ما فكر ” …ترضايها عليها وهي ما تستاهلش ؟

ماعندو تا خدمة فالخاريج غير كيتلاوط تما تزوج مراة من تم دارت ليه الجنسية والوراق ومزالو معاها تبغيها دخل ضرة ؟ “هز ايديه ” …سبقت ليها الهضرة ودرت ليها شان والمرشان اميمتي اللهم نسبقو حنا ونكبرو ببنتنا ولا تجي منهم ويطيحو بيها ….ومن هادشي كااامل حاجة نسيتيها ا ميمتي ونتي عايشة وبنت هنا زعما

يامنة : شنو هي ؟

ياسين “شد ليها راسها وباس جبتهتها ” : نوار شافتها مهرسة مشافتهاش راها كتعرج برجلها …كون شافتها غادي تنقص منها وتهينها اميمتي وهنا المجتمع ميرحمهاش غير بنت اختها مريضة وعيبتها ونوار اش غا تقول عليها ؟ هزيت ببنت عمي وكبرت ليها شان ومنبغيش الي يطيحو ليها اميمتي …نتسمى ولد لحرام وعديم الرجلة الى مكبرتش بيها وخليتهم ينعتو فيها “خبط على صدرو ” لختي وراسي منبغيهش ليه عساك نوار اميمتي لحنانة …نوار بنت العز وشان ماشي بنت من ماكان ….مفششة البنات ميزتها عطاها ليها الله وخيرها عليهم …

يامنة “عينيها دمعو ” : الله يرضي عليك ويفرشك بالرضى ويكبر بيك ابكري 🦋🐺نور_الياسين (119)sana mina🐺🦋

من بعد هاد الكلام الي قاليها كل مكيزيد يتعمق فهضرته كل ما كتحس بالفخر انها ولدات رجال وربي مخيبهاش وتربيتها مامشاتش خلا هي وفؤاد طبعا ماهو ولد سيد رجال فعينيها فؤاد رمسيس ولد الناس الجواد والملاح والجود والكرم …عينيها لمعو وهي كتسمعو كيهضر بداك الكلام الثقيل الي بعقلو ومدروس وعارف ودارس لمستقبل شنو غايكون فيه وشنو ممكن ميكونش فيه …قبل جبينها ودخل طلع نيشان لفوق حيد حوايجو ودخل نيشان لدوش تسنا رشاشة حتى سخنات وعدل ليها الحرارة باش تهبط لما دافي …عندو دوش فبيتو وعندهم حمام ديال لعواد برا كيسخن بالعواد او النحاس (سلوكة ) او كيسخن ب الغبار باش كيسخن الخباز (متكون من روت البقر اي براز البقر الي اصلا كان عشب ) ….

هبط ليه الما على شعرو الي هبط على عينيه لقوته اسود داكن …حتى دفا وخذا شامبو غسل بيه شعرو مزيان وخذا ليفة دار فيها صابون طبيعي هو لول عاد دار باندوش ديالو غسل مزيان دوش مزيان …وخرج لاوي على نصو الفوطة ولاخرا كينشف بيها شعرو تنحنى حتى نشفو مزيان بقا ليه هكاك نص على عينيه ونص مخربق ههههه ….

وحتى يبرد شوية استغل الفرصة وحل الماريو جيهة القوامج استقر على قميجة فالمسكي صدايفها كحلين وجيهة سراول الفصالة خذا سروال كحل كلاس حطهم فالناموسية عاد مشا رش ديودرنت عليه لبس بوكسر جديد ولبس سروال والقميجة عقد نص صدايفها وخلا لفوقيين حتى مشا جيهة

المجر وسط الماريو جبد منو فبلاصة الكرافاط فالاسود قادها على عنقو البيت عندو كبير بزاف مصاوب ب ستيل بلدي الناموسية لحافها بلدي والزربية مصاوبة من ايدين عيالات دوار على حقها لون الحيوط كراميلي بتادلاكت وسقف منقوش نقش بلدي خفيف بزاف والوانه فاتحة والماريو بالالمينيوم فالبيض والگري …اما ناموسية والبلاكار جاو كومبلي فحال بلاكار غا هو بلاكار لاصق فالحيط …وقدامو

فوطوي دالجلد فالوان الي فالبلاكار الوان فاتحة طبيعية باعثة للبهجة كلشي اليمينويم وزاج حتى البالكون الي كبير شوي فيه صال امونجي صغيرة مرة مرة كيجلس فيه باش كيخدم حسابات دخول وخروج خيرات الفيرما كااملة الي كيتباع والي كيدخل …

دار فكفوف ايديه جيل دارو فشعرو وفركو بصباعو ومشطو رجعو لور رش ريحة الي خفيفة وفنفس الوقت مقوودة ريحتها دوزها على لحيتو ورجع كمل لباس تقاشر وصباط كلاس بخلاصة القول ضرب حطة كلاسيكية …هز كونطاكت وواحد الملف وباكية الكارو ديالو وتيليفون وهبط …

كانت سارة وصهيب عاد دخلو حتى هما …

صهيب “شافو هابط مقاد والغوباشة على وجهو ” : اووووه با ياسين الشخصية نعماس …

ياسين “عوج فمو بابتسامة بالكاد كتبان …سلم عليه وعلى سارة ” : منجيوش قدامك …

سارة : بسم الله ماشاء الله عليك …عريس اولدي يحنت عرسان هما …

ياسين “لكلامها باس راسها ” : لهلا يخطيك الخالة …دخلات سارة وبقا هو وصهيب كيقاد فساعتو اليدوية فايدو اليمنى كيكره ساعة تكون فاليسرى من عند مولانا …رجع قاد قميجة من لور بواحد الحركة مع ديك القميجة مزيرة على دوك درعين بهاد الحركة غير مزادو تنفخو …نفخ بفمو ….

صهيب : فين غادي باينة العزم فوق دوار …

ياسين : غادي نتلاقا بالمدير الي غايخرج ونجي بلاصتو …

صهيب : علاش مالو …

ياسين : غيير بغا يهضر معايا وصافي …

دخل هو وصهيب لذاخل لقاهم كيشربو فاتاي حتى وقف عليهم بتگرديفتو وديك الوقفة رجولية الشامخة …لقا فالصالة لاخرى دراري والقاع ديال فيه العيالات سارة ويامنة ونوار مسكينة الي غير شافته غمضات عينيها بديك ريحة الي طلعت مع نيفها لكن دغيا حنحنات وهي ضور وجهها لجهة لاخرا كتحك فعنقها بتوتر …

يامنة : ولدي خارج ولا …

ياسين : عندي منقضي …

يامنة : بلا منتسناوك لغذا …

ياسين : حتى لعشا متسناونيش …

يامنة : وخا ولدي …

دخل لعند ودراري وشوي خرج من دار بلا ميشوف فيهم قال سلام عليكم من بعيد بداك صوت الغليض وتم خارج كيشعل فالكارو حتى ركب فسيارة وانطالق مباشرة لمدينة م🦋🐺نور_الياسين (120)sana mina🐺🦋

بمدينة مراكش الحمراء كانت الساعة قريب لثانية بعد الزوال …لقاتو شاد طريق لجامع الفنا حيث موجود رياض النخيل بالضبط البلاصة فين غايتلاقا بالمدير السابق للبنك الي غايكون فيه هو المدير الجديد الى سهلات الوقت …بلاصا سيارة ودخل فالاستقبال قالو ليه فين كاين …حتى دخل لريسطو ديال الرياض ..لقاه رجل فاواخر الستينات من عمره …الشيب غطا ليه شعرو وحتى لحيتو غليض شوي …شاد الجريدة فايديه وداير نضاضرو مهبطهم شوي على حسب باش يقرا …حتى مشا لعندو ووقف عليه …

ياسين : الحاج …

الحاج “هز فيه عينيه وهو يبتاسم حتى بانو ضروصو وناض وقف ماد ليه دراعو ” : سي ياسين رمسييييس هذا الله الله …

ياسين “عنقو وباس ليه راسو ” : هو هذا الى بغيتي …

الحاج “شير ليه يجلس ” : فين هاد الغبرة اولدي من داك العام الي سطاجيتي فيه قبل متسافر مبقيتي جيتي اولدي …

ياسين “حط تيليفون وهز الكارو شير ليه زعما كا استئذان باش يكميه اوما ليه براسو وشعلو غمض عينيه حتى جبد منو وطلق دخان …” : الدهوة وكان الحاج مكنتش هنا …

الحاج : ايه فخباري كنتي فامريكا …عاش من شافك اولدي …ههههه

ياسين : شرف ليا الحاج …

الحاج : اييييه من قال هههه ياسين رمسيس كان كيسطاجي عندنا فالبنك هاهو غايولي مدير نيشان تبارك الله عليك اولدي كنت عارف خبرتك وذكاءك غايديوك بعيييد …ملف ديالك مشرف اولدي …تستاهل البوسط …

ياسين “حط ايدو على صدرو ” : يحفضك الحاج …

الحاج : انا نص فشهر غادي نخرج تقاعد دايرين حفلة عندي فالدويرة عندي حدا فران تراب فصوكوما تما …غاتكون سيمانة جايا قبل منخرج عارض على الكادر الي فالبنك ودراري وشي صحابي وجيران مرحبا جيب سي فؤاد والوليدة اولدي …

ياسين : لهلا يخطيك الحاج كون غير عفيتيني …

الحاج : وعلاه اولدي كنشاورك “ضحك بقهقهة خااترة ” هههههه راه ضروري اوبليجي تحضر خاص يعرفوك الموضفين بعدا ومنها نيت نهضر انا وياك على الخدمة ونوصيك اولدي ماا تردني الله يرضي عليك يتقلق منك باك الحاج راك عارفني …

ياسين : تقلق نخلص ضريبة يومين وانا كنقاد فالحسابات الله اودي …

الحاج : هههه هانتا فهمتي لا تخليني نشد فخاطري …

اوما ليه ياسين براسو عيط لحاج لنادل الي عطاهم المينو خذا طلبات الغذا الي اختاروه يكون طاجين اللحم بالبرقوق مرفوق بصلاد وعصير الحامض ونعناع ….

غييير تغذاو فالفيرما حتى هما دارو جوج طواجن واحد لرجال وتاني ليهم هما يامنة ونوار وسارة وحتى نجوى الي جات مع الياس …خرج فؤاد هو والحاج وخرجو دراري يضربو ضويرة تما فداك الكوري تاني حتى يكملوه ويرجعو لغذا ليه يشوفو تربية دواجن كيفاش كتكون ….بقاو غير العيالات …

وكيف كتعرفو فالعادة ديال عيالات دوار غيير كيجي شي حد كان غايب وبعيد وكيعرفوه خاص كل وحدة دخل وتسول عليهم وتسلم ويامنة بنت الدوار الكل كيعرفها …دق الباب كانت سيدة فالستينيات من عمرها جايا غير ببجامة صومو طويلة صيفية ودايرة طابلية فالحمر من عند الحزام صغيرة وزيف حياتي حمر ومزوق بالصم ذهبي عاقداه على شكل عكفة لعقدة عند مقدمة جبهتها وصباط ميكة لابسة معاه تقاشر كحلين …حتى دقات مبتاسمة حناكها حمرين بشمش …طلات عليها سارة

سارة : خالتي فاطنة لباس …دخلي

فاطنة “دخلات سلمات عليها وضحك ” : واالي باس ميدايرة بخير ؟ “سلمات على يامنة ونجوى ونوار تاهي مشات عندها بانت ليها مهرسة ” …

يامنة : كيدايرة لباس عليك البنات كلشي بيخير ..

فاطنة : ونحمدوه ابنتي غبورات حارة هادي …على سلامتك وسلامة بكرك فحم العينين …

يامنة : الله يسلمك اخالتي …جلسي تشربي كويس اتاي …

فاطنة : غاا خليني جيت غا نعرض عليكم مرحبا بيكم اخر سيمانة مع ستة العشية نتي ودريات وماترديني شااي ابنتي …

يامنة : اييه مرحبا اش عندك …

فاطنة : يا راني مزوجة بكر بنتي ( ولد بنتها ) …

نجوى : اييييه سمحمد ولد منى جوجتيه …

فاطنة : راه خاطب بنت خالتو بنت سميرة بنتي لاخرى خدم في كازا وباغي يديها معاه قاليك اللهم نضرب عليها ونديها ايوى راه سايرين نوجدو …

يامنة : مبارك مدار الله يكمل عليهم بالخير …

فاطنة “قبطات فايديها وشافت فيها برجاء ” : لاا ترديهاش فوجهي كنتي تشوفيه من كان صغير وتقولي ليه نحضر لعرسك فوحيه وجيو ابنتي راني جيت راسي مخليتش كوثر تعرض عليكم جيت من سقي فالبير لهن نعرض عليكم كي سمعت جيتي …

يامنة : نتشاور مع مول دار ونجي الله اودي …

فاطنة “شافت فنوار ” : وجيبي معاك هاد زينة البنات “بضحك وتقجام ههه ” باش ترجع بالخطاب راه زينة تبارك الله وعاطية لعين …

نوار “ولات غا تبلق هههه ” …

يامنة : اهههه ان شاء الله الله اودي كوني هانية نقولها غي لراجلي ونجيو منردهاش فوجهك …سلمات عليهم وخرجات …على امل اخر الاسبوع يحضرو لعرس ولد بنتها الي غايكون فدوار نيت ….

#يتبع…راكش …

#يتبع……..

#تصبحن_على_خير…ههههههههههههههههههههههههه

#يتبع….لمخاض الي بداتها …

#يتبع…اد العجلات ….

#يتبع…ة اخرى…

#يتبع….ت …

#يتبع…صبح على خير عاد مشوا ✌😍ك كنضن …

#يتبع…رك الله نوضي ابنيتي حبيني …

#يتبعانا ممزيااانش منسواااش …

#يتبع…ا والكلاب …

#يتبع….انا وباك …

#يتبع…. ….

#يتبع….

#تصبحن_على_خير…..طيكم ….

#يتبع….زم تعود على وجوده …

#يتبع….

#يتبع…. ونطق ….”

#يتبع….تيني …

#يتبع….ارة

#يتبع…

Leave a comment