Skip links

قصة : نور الياسين جزء 63 و الأخير

 33,671 عدد مشاهداات

بدأ العد العكسي لنهاية #نورالياسين …القصة الي عام ونص تقريبا باش بدات بحلوها بمرها دوزنا معاهم كاع المراحل ..كانت اول قصة طويلة عندي بهاد العدد واخر قصة غاتكون طويلة هههههه نضرا لشخصياتها الي كانت وخا ماشي رئيسية الا انني عطيتها حقها وحاولت منركزش عليهم بزاف باش منخرجش على موضوع ياسين وقصتو
حاولت ما امكن مندخلش فالتفاصيل الممملة وخا دازو تفاصيل حزينة يقدرو يجيوكم مملين ولكن انا مبغيتش نفوتهم مرور الكرام ضروري نذكر ونحطكن بالصورة …
عشنا الفرح والقرح شفنا معاكم كاع احاسيسهم واحد بواحد …اقتربت النهاية لي ممكن تكون غذا او بعد يومين مهم فاي لحضة نصدمكم بيها هههههه…
مهم غير باش نعلمكم وصافي هههه والله مساخيا بيها ولكن ضروري خاصها تكمل باش تبقى بعزها كيما ولفتوها وماتحماضش وخا طولات هههع…را كانت نهايتها تقريبا ملي ولدات نوار غير بغيت نزيد شي بارتات ضروري تقريبا كلشي توضح بقا غير شي تشاش را غايوضاح فهاد بارتات جايا حاولو تقراو وتركزو مع بارتات ماشي تعزلو شنو
تقراو وتجيو تقولو ليا كاع مادكرتي هادي وهادي …راني ماشي مسؤولة على هادشي ماااسوقي هههه…
المهيييييييم #التتمة_الليلة…
#نورالياسين…و #يامنة ديما غايبقاو فقلبي عمري نساهم ولا نسا شنو دوزت معاكم فيهم وشنو عشنا معاهم ….احبكم ♥️♥️

🦋نور_الياسين(1140)#فرصة_ثانيةsana mina🐺🦋
ما اعز من الولد الا ولد الولد وكيف كنقولو كنا الكبدة المعاودة معزتها كتكون بدوبل ومحبتهم زايدة بدوبل على الولد …وهادشي الي وقع لبنات ياسين ونفس الشيء غايوقع لاولاد الحبيب واسامة وهادشي مافيهش شك عند يامنة وفؤاد مكيميزوش بين ولادهم وحتى ولاد ولادهم …
شدوها طريق وحدة طبعا كل محطة كينزلو يرتاحو ولا ياكلو على ود البنيات باش ترضعهم نوار الي مزال كترضعهم من صدرها رضاعة فقط كتعطيها ليهم الا اذا بغات تدير ليهم صوبا او عصير طبيعي…
صباح صباح يوم جديد فمدينة ازرو المدينة الي افتاقدناها فهاد الاونة الاخيرة طبعا كان تركيز كلو على الفيرما ديال ياسين واجواء الدوار وولادة نوار …اليوم فهاد الصباح كانو مجتامعين كلهم من بعد ما وصلو بوقت متاخر طلعو لفوق يرتاحو …هاهما فالصالون مجموعين على لفطور ك عائلة كبيييرة ….
يامنة : شكون غايحضر ليوم من غير عائلتو ؟
سارة : غير مي وصبيحة ختي خوتاتاي بقاو مع با تيجيو فشهر 12 لعرس ان شاء الله …
نجوى : ديك ساعة غانجي غير انا والياس دراري غايبقاو تما…
نوار”كتوكل فشامة اما زينة مزال مفاقت ليها من نعاس غير شامة الي وخا فحالها فحال ختها الا انها حركية شوي ودغيا كتفيق ماشي فحال زينة تختوخة ونعاسها ثقيل …” : تريتور الي مكلف ؟
سارة : الا غير حنا جايا واحد تباخة دابا را وجدنا ليها لكوزينة الي فالملحق …
يسرى”هبطات هازا صاكها ولوازمها تا جلسات سلمات عليهم ” : صباح الخييير .”باست راس شامة ” ياختي على رويحات يامامي انا ..سكون لابس ليا لغوز سكوون “كانت ملبساها كيسوة قطنية غوز بسميطات “
نجوى”رجعات ليها شعرها من على عينيها” : يانا حميشات بغاو يكملو ليا العام يانا معيزات معريين ليا درعييين …
يسرى : تختوخة لاخرا مفاقتش ؟
نوار : باقا ناعسة …
يامنة : بسلامتهم “خشات وجهها فعنق شامة كتبوس ودغدغ فيها وهي ميتة بضحك” ياختي على ضحيكات وشويمات …
شامة : اغغغغهههههههههههه ممم اممم “كتحك شنايفها بدوك سنينات ربعة تمضي فيهم وضحكتها كتحمق عندها غمازة فذقنها وزينها جامع مزيج بين نوار ويامنة وحتى زينة فحالها لكن شبهها ليامنة غالب …” امممم “مدت ليها فمها عيشة البواسة كي ختها ودارت ليها بصبعها جيهة فمها زعما بوسيني ويامنة ماشي من العاجزين شذتها ماطلقتها هههه “
ياسين”ناض من بلاصتو كيقلب فبريكة وباكية الكارو من جيبو واش كاينين ” : انا برا شنو خاصكم ؟
سارة : ولدي الله يرضي عليك بغيت داك بخور زوين ديال حج الي كتاخذ من عند صاحبك الي ففاس …الى كان كيفاش توصي يرسلوه لينا …
ياسين : شوي نطلع لفاس وناخذو ليك شنو خاصك معاه ثاني ؟
يامنة : تفكري ماحدو غايطلع تما يجيب ليك اش خاصك …
سارة : صافي غا هو الله يرضي عليك …
ياسين “باس راسها” : الله ودي …”غمز نوار تبعو ومشا خلات شامة مع يامنة وتبعاتو …”
ناض اشرف طل عالساعة لقاها تسعود مشا نيشان دوش بالخف ونشف لبس تيشرت وسروال دجين رش بارفانو ولبس تقاشر وسبرديلا ونزل لتحت ..لقاهم جالسين كلشي الا ياسين ونوار وفؤاد ويوسف وصهيب والحبيب حتى هاجر نزلات قبيلة …
اشرف : هااااواحد الحب للحب لفنفون انا “كيشوف فشامة وزينة الي فاقت وهبطها ياسين الي لقاها فايقة فكونتها فاش طلع يبدل …غير شافو اشرف فحال شافو روحهم عندك اشرف وعلي واسامة والحبيب العقل ديال عقلهم خلي عليك فؤاد وياسين …كيموتو على الي يفششهم ويشد خاطرهم اما ثلاثي علي واشرف واسامة تابعينهم فهبالهم …اما يوسف وصهيب والياس خلاااص خصوصا يوسف “
زينة”كطير وتنزل من بلاصتها مادا ليه ايديها هزني ” : اننننن نننن
شامة : نننننن هههههههههععههههه…ففوفو ففوفو افففو “اشرف كيقولو ليه فوفو وعلي كيقولو ليه ايلي واسامة اما …”
اشرف : انا را هاد فوفو غايشعل فدنيا فوقو ونحرق الخضر واليابس على جال هاد الفجلات اناااااو زيدو بوسو فوفو ينعل مكم على جدر بوكم ..” تحنى هزها باسها ولاخرا تاهي هزهم بجوج تا طلعو ليه بجوجات فوق راس تا مابقاش وجهو كيبان “
نوار”تمات جايا شافتهم كيدايرين ليه جابو ليها ضحك” : هههههههه اويلي مالهم دارو ليك هكاك هههه ماما نزلو من على راسو …
علي”تم نازل تا حيدهم من عليه غاشافوه تاهو وبداو يتركلو ويضحكو معاه ” : اغوغوغو احححح على زين لفتان زيدي بوس يعطي لمكم الباسر على زينكم يترزا اشرف فزينو ..
اشرف : دعيتك لواحد مولانا …
طلعات لوجه عليه باستو فجبهتو حناكو وعنقاتو من وجهو وهو ميت بضحك معاها …تا كوزات لاشرف …
اشرف : هذا مانتساال يحفضاااك …كنت شاك علاش ممكوزاش ليا دنيا …
علي : اجي نتا فين غادي ؟
اشرف”شاف فساعتو” : مع العشرة عندي واحد الاجتماع مع شي ناس جايين ياخذو واحد سلعة ورسلني العميم يوسف باش نكونفيرمي معاهم شحال بغاو ونجيب ليه الوراق هنا …
علي : مطالعش لشركة ؟
اشرف : لا مكاين خدمة من ورا هادشي راك عارف ليوم العقد ديال ختك دنيا غاتعمر العشية شكون يتسخر وباك تاهو ممشاش … “نوار دخلات وهما خرجو برا جردة شادين البنات كيلعبو معاهم” …
علي : مشا دا الوراق ديالها لعدول الي غايجي عشية مع سي طبيب نسيبنا حاشاك كي شتي تناسبنا مع طبيب وخالتي يسرى طبيب لا ضرك زوكك شي نهار بالباسر يعطيوك شي تريتمون …
اشرف “يلاه بغا يهضر وزينة الي كتشعبط فعلي كوزات تاهي ليه وهي تزعق ليها الحزقة تسمعات على جهدها فوجه اشرف نيشان “
علي : ااااكا البارود …
اشرف : بدا بهادي هي لولة عاد شوف زكي …
#يتبع…🦋نور_الياسين(1141)#فرصة_ثانيةsana mina🐺🦋
بقات اخر بنت فعائلة رمسيس الي عزباء …بنت صهيب رميساء البنت الي صبارة كيف قال باها وزين الفارسي كيف نعتها موسى الي بعد لحضات غايولي راجلها شرعا وقانونا من بعد فترة خطوبة دامت سنة خلاتهم يتعرفو على بعضياتهم اكثر حتى اقتانع بصح انها البنت الي مناسبة ليه وبغاها …فلول كان اعجاب بزينة فالتالي اعجاب بشخصيتها وطريقة هضرتها وكيفاش البنا محافضة وخا كتهضر معاه هضرتها حدودية ماشي ضاصرة ورامية راسها عليه …
فغرفتها جالسة فوق كرسي قدام الكوافوز من بعد ما كملات ليها الميكاب ارتست اخر لمسات على وجهها وشعرها…الي اكتفات انها تخليه سامبل بدون اي اضافات وتاج صغير فوق راسها وميكاب ناعم ومع حروفها الحرشين فحال سارة عينين كبار وحجبان غلاض مقادين على طولهم نقاتهم ليها من جناب عاد تقادت فورمتهم وبان جمالها اكثر ناهي على طول شعرها الاسود الي شافها ميقولش بنت صهيب الاشقر وخت علي الاشقر …بقطان اخضر ملكي مطرز بالصم ومضمة رقيقة الدهب مزينة من لوسط ببروش فيه حجيرات بالالوان وصباط طالون ذهبي ….
نوار”دخلات عليها هازا ساشية فيها اسم محل الذهب تاهي داخلة بقفطانها فالومو مطرز طرز خفيف فالفضي وسميطة فضية رقيقة طالقة شعرها وجامعة خصلات لور خفاف والقصة الي قطعات مكحلة عينيها كحل خفيف وعكر غوز خفيف …هازا جلايلها وكضحك باعجاب لرميساء” : وينووو جيتي غزالة هههه
رميساء : بصح “كتنش على عينيها الي ولاو حمرين بالمكايج حيث مكديروش بزاف ” ففف غايدوزو دموعي …
نوار : دابا ينشفو غير صبري”مدات ليها ساشية ” هاذي عطاها ليك ياسين كادو ديال العقد …
رميساء”قبطاتها بفرحة كتجبد فيها بواطة حلاتها لقاتها سلسلة ذهب مبروكة وعمارتها على شكل لوزة مرصعة بالحجر كانت من اختيار نوار وهو…وهو الي خلصها كادو ليها ” : يالله شحال فنة غزال غزالة يحفضو ليا ربي يخليكم شكرا بزاااف “باستها فحنكها” لبسيها ليا
لقيتيني كنقلب معاش لبس هاد القفطان …وااعرة بزاف …
نوار”لبستها ليها” ؛ بصحتك “طبطبات عليها” مهم نزلي را جات الحناية والعدول شوي ويجي مع بابا وعمو فؤاد …
رميساء : بابا لتحت”حركات ليها راسها بمعنى اه …وقفات تا تابطات دراعها ونزلات لتحت غير هبطت لقات تقريبا كلشي حتى راوية جات بكرييي هي وايلاف وجاد حتى تبعاتها صفية وايساف …
اليوم يوم عقد قران رميساء وموسى الطبيب المعجزة الي رسلو الله لال رمسيس كان سبب باش ياسين تنقد سبب من عند الله واخا دخل فغيبوبة الا انه كان سبب فانقاذو …نزلات مع دخلة بداو يصليو عالنبي منهم سارة الي
عينيها غرغرو وهي كتشوف نسخة منها كتزوج هاهي تهنات عليها وهم البنات حيداتو عليها وعطاتها لانسان الي يصونها …باست ليها راسها وترجهات لبلاصتها فين كاينة الي كتحني حاطة طبلة مقادة مزوقة بزواق بلدي شمع ملبس بالموبرا مطروزة بالصم الخضر والبيض مزوق بالحنة وريدات وقالب سكار ملبس تاهو وشمع شاعل والزلافة ملبسة ومحطوطة عامرة بالحنة والبخور مطلوق جلسة الحنة بلدية بامتياز …
صلاو عالنبي وعاودو وبدات ليها تا دارت ليها ايديها حنة خفيفة وتصورات بيها وتصورو كاملين معاها طالقين الطرب الاندلسي …حتى بداو يسمعو صوت الكلاكصون برا …
مينة : هاهما جاو العريس …
هاجر”ناضت دارت الفوال على وجه رميساء “
تمو داخلين كاملين معاهم العريس الي كان فلباس تقليدي جبادور فوق منها جلابة سوسدي فالبيض وبلغة صفرة واحد مولاتي تكضيرة فيه متبت مرزن وكيبان شارب عقلو مبتاسم ابتسامة خفيفة جايا معاه الام ديالو وزوج خوتو واحد كبر منو ولاخور صغر منو …عاد واحد السيد كبير شوي فالسن كان خالو الي ساكن معاهم هو ومرتو اما ولادو مكانوش حيث سافرو يبداو قرايتهم برا المغرب وواحد منهم داخل المغرب دار الميدسين فمراكش …
يامنة : مرحباااا بلالة طاهرة مرحبااا …
طاهرة”ام موسى شافتها وضحكات تا بانو ضروصها سيدة ضحوكية وقلبها كيبان بيض من شوفة فوجهها البشوش” : ربي يخليك ترحب بيك جنة “تسالمت معاهم دخلوها لصالون عند العيالات هي ومرات خالو ودخل موسى وخالو وخوتو عندهم تما مع رجالة والعدول الي جا …
طاهرة : ماشاء الله مبروك ابنيتي ومرحبا بيك وسطنا “باست ليها جبهتها”
رميساء”حشمانة بجهد” : ر ر احم ربي يخليك اخالتي …
توالات زغاريت وصلاة عالنبي بداو المراسيم ديال عقد القران حتى جا صهيب الي لابس ليك اسيدي جلابة كرونة سووووسدي تاهيو وتحتها جبدور بسروال قندريسي حنحن تا سكتو ودخل عندها حادر راسو …
صهيب : تعالي بنتي معايا …”وقفات كترعد تا مشات معاه وفطريقهم لصالون فين كاين موسى وفؤاد والعدول وعلي الي كيصور للحضة بالكاميرا وايساف بلابارا كانون …شاف فيها وقال” شوفي الى دخلتي قولي لعدول مبغتيش
رميساء : علاش ابابا …
صهيب : را عاودو ليا عليه كيسوط العيالات الي لقاها فزنقة يصرفق مها …انا بوك ونقوليك ينعل بوك …
رميساء : حرام عليك ابابا ميديرهاش هههه
صهيب”طلعها وهبطها” : سيري ينعل جدر والديك امممم مزينك نتي وياه دخلي دخلي راني شاك فيه هو الي غايتم جايني غضبان …
#يتبع…🦋نور_الياسين(1142)#فرصة_ثانيةsana mina🐺🦋
دخلات متابطة دراع باها تا دخلو لواحد صالون من صالونات الفيلا لتحت غير فراسو هماوي …حادرة راسها مقدراتش تشوف فموسى الي كي دخلات تبسم ابتسامة ثقيلة وقال فنفسو ماشاء الله …جلسات جنب فؤاد وصهيب تاهو وموسى حداه خالو …
يوسف : مبروك ابنتي …
رميساء “بصوت منخفض” : الله يبارك فيك العميم …
العدول : على بركة الله …”بدا المراسم ديالو خدا لاكارطات وبقا تا عمر عاد بدا هضرتو المعهودة سول على صداق وسول على واش قابلة بزوج جاوبو وعطاه يسنى عاد تبعاتو هي وكيف بلغ اسامة العيالات بالي العقد تسنى طلقوها بزاغاريت وحدة تابعة لاخرا …عاد ناضت هي توجهات عندهم …وتحط العشا الي كانت حاضرة فيه حتى الحاجة ام سفيان وحتى واليدين هاجر اما صوفيا سافرات لمراكش هي وراجلها الي دارو غير عقد ماجلين لعرس تلصيف جاي …
نوار”هزات جلايلها ولحقات على ياسين لجردة قدام لبيسين فين واقف كيكمي” : توصل الحاجة ياك ؟ وصل معاك خالتي ام هاجر وعمي تاهما …
ياسين “حرك راسو” : فين البنات ؟
نوار : عند عمو فؤاد …را لهيه عند الباب
ياسين”طل عليهم لابسات كسيوات ذهبيات بباندة فيها بابيون ذهبية وشادهم بجوج هازهم وواقف مع يوسف الي كيضحك معاهم ” : كلاو شي ؟
نوار : كلاو ضروري هههه
ياسين : نتي ؟
نوار”عنقات دراعو وحطات عليه راسها” : حتااا انا …انا واحد شوي نطلع نرضعهم …
ياسين : تسنايني تانجي”هزات غيه راسها وغمزها”
نوار : هههههه
ياسين : ساليتي شنو عطيتك تخدمي ؟
نوار : ساليت جوج ديال تمارين واحد لcas وحلت ف tva ديالها حتى تشرحها ليا …
ياسين : ضروري …حاولي تساليهم باش نعطيك واحد سيري تخدميها تاهي …
نوار : غانبدا لقرايا فلافاك فشهر عشرة ماحتال نوصل ليها غانصدق سابقاهم ههههه
ياسين : يلاه يلاه …بادي معاك باش ميرجعوش ليك لمواد توحلي فراطرباج تاني اللهم بداي من دابا باش متعيايش البنات والخدمة فدار الحليب كتير عليك …دار الحليب خليها لاسامة يتكلف بيها بينما بدا مشروعو ماحتال تكملي قرايتك شديها ذقة وحدة المهم الي نوصيك عليه قرايتك هي لولة براكة الديبلوم الي ضيعتي عليك …لافاك حسن ليك …وانا معاك ….
نوار”طلات هنا وهنا مابان ليها حد وهي تعلا بزز باش وصلات جراتو عندها وباستو من فمو” : لهلا يخطيك عليا …”ايوى را ماتهنات تا شلقمها علاه هو يزگل ؟ بالعما يعميني”
وها واحد لكوبل جديذ واخا انضاف مؤخرا لقصتنا مع ال رمسيس الا اننا منعرفوش شنو مصيرو وهاحنا عرفنا مصيرهم الشابة العشرينية مع الشاب الاربعيني هههه …طلعات هي وياه لبيتها باش يهضرو قبل ميمشي لفاس ..
موسى”قبط ايديها باسهم وخا معندوش مع الحنة ..لكن برودة ايديها خلاتو يعقد حجبانو” : مالهم باردين ؟
رميساء”الصمت”
موسى : تمشي تباتي معايا ففاس ؟
رميساء : مرة اخرى ياك غذا غانخرجو ؟
موسى : تباتي معايا حسن منجي تالهنا عاذ نطلعو …
رميساء : ولكن حنا مغاديينش لفاس …
موسى : سيي مغادينش وليني تحركي معايا من تم …
رميساء : خليني نبات هنا عافاك …
موسى : يالالة ناس مساخينش بدارهم …”قرب بزااااف لعندها تا تلاصق معاها ولات غاتصرط وتعاود ” مالك …
رميساء : ااااه تفكرت خلينا منخرجوش غذا …
موسى : pourquoi ?
رميساء : غذا عيد ميلاد زينة وشامة عاافاك عزيزات عليا بزاااف وكيف واليديهم جاو على قبلي من بعيد خليني نحضر ليه …بليييييز …
موسى”كيقرب ليها ويهضر وصوته كيتقطع” : واا وااخا نحضرو ليه …
رميساء : وو …ماحتال تكمل هضرتها السيد قرااااب اكثر تا جرها بجهد من ورا عقنها لاصق شفايفو مع شفايفها حسات بقلبها تهز تا تهز ونزل لتااااحت ورجع لبلاصتو كيضرب يضرب يضرب بجهد …كيقبل فيها قبلة هادئة الي بدات تحول لقبلة غاارقة مخلياه يشرك ريقو مع ريقها تا هز ايدها دارها فعنقو ماشعرش تا تكاها وجا فوق منها كيقبل فيها ويخشي وجهو فعنقها غير مكترت لمناداتها ليه بقا يبوس تا دخلها معاه فالمود جهذ ربع ساعة وصوت قبلاتهم كيتسمع فارجاء الغرفة حتى تگعد مخليها حمرة بالبوسان وهو كينهج …
موسى : داكوغ مرتي العزيزة …
رميساء”كتلهت” : فففف “مسحات عينيها ” ش شكرا …
موسى”جر ايدها ونوضها كعدها تا جلست ” : هههه يلاه سيري رتاحي تالغذا ونجي نشوفك وبعدو نمشيو نسافرو …”حركات ليه راسها وناض هو وياها تا وصلاتو عند الباب قبلها من فمها وجبهتها ومشا نزل لاحت عند مو وخوتو مخليها مجخلطة هي وشعرها تا تم جاي خوها كان كيهضر فالتيليفون وشافها يلاه بغات تدخل تهرب تا قفزها “
علي : اديك مسخوطة مالك ؟
رميساء”بلا مدور ” : بغيت غير ندخل طواليط …
علي : وضوري شوفي فيا مالك مشعككة شكون نتفك ؟
رميساء : سوقك ؟
علي : راه غانبرقق موك ياكما يحساب ليك تجوجتي كبرتي عليها ااا ؟ “طلعها وهبطها” زيدي عند خوك الكلبانة زيدي”جرها دورها عندو وعنقها كيبوس على راسها وعينيه مغرغرين ختو هي وياه كي المش مع الفار وليني عمرو فاتها من الي بذاو القراية وهو معاها فبرلين تاكملو …” هاويلي
غاتخلي خوها هاويلي شكون نتف تا خوك صغير ماديال تنتفيه ولا تقربي ليه …اشرفي نهار يفكر يبكيك عيطي ليا وكحزي تيساع …
رميساء : يحفضك ليا “باستو”
علي : وكان …يلاه سيري هاد المرة قوليه مايخرج تايجمع ليك شعرك اويلي نتفك شوهة شوهة يمسخكم …”مشا وخلاها بغات تدخل البيت دخلت فالحايط” تبقي ستر …
#يتبع…🦋نور_الياسين(1143)#فرصة_ثانيةsana mina🐺🦋
هاهي شمعة عيدهم الول انطفأت عيد ميلاد الي اصر فؤاد يديرو ليهم بنفسو شرف على كلشي …هاز اياد ولذ مينة هنا وولد ايساف هازو يوسف …والوسط يامنة ويسرى كل هازا بنية …ملبسينهم كسيوات دونتيل ولورغازنا فالابيض على شكل كسوة حفل زفاف من تصميم فيكتوريان بابيون ورا ضهرهم كبيرة كيبانو فيها كي حلوة لوز مكشكش عليها صابون هههههه…وقدامهم طورطة كبييييرة فيها زوج طبقات الطبقة الاخيرة فيها صورتهم تحت كل صورة اسمهم زينة وشامة فاش يلاه تزادو صورة فيها ضاحكات مع ملايكتهم …وطورطة كبيرة على شكل فورزن الفيلم الي عزيز عليهم وحداه طورطة ديال bee على شكل نحلة …ومملحات طبعا والجردة مزينة بنفاخات بيضة ووردية وشيبية حيث بغا يجمع تا عيد ميلاذ ولد ايساف ومينة على حسابو وخا ماشي عيدهم هذا المهم يفرحهم حيث اول شيء خير ايساف كبير كونه هو وصفية وقفو مع نوار فاش كانت حاملة فوقت كان ياسين فغيبوبة مخلاوهاش تعيا …تاهو منساهش فؤاد ودار ليهم هادشي مع البنات …حتى طورطات لاخرين دار فيهم تصاور اياد وياسين صغير …
بداو يغنيو دراري ايساف والحبيب وعلي واشرف واسامة عيد ميلاد الليلة مين …حتى سالاو وزيدوهم يطفيو معرفوش وطفاو عليهم يسرى ويامنة كيضحكو عليهم …تا كلمو خذاو تصاور …
فؤاد”شاد زينة فوق حجرو وشامة فوق حجر يامنة ” : شنو تنعسو حدا جدو ليوم ؟
زينة “لاحت راسها لوووور تا شافت فيه كتضحك ” : اغغغغغ دوو …
شامة : اننغهههههه سيو سو …
يامنة “باستها فكف ايدها” : واش ندير الى ولفتكم انا اااش …
ياسين”داير ايدو ورا نوار كيكمي ويسوط لفوووق ويشوف فالبنات” : مشافوش جيهتي هاد نهار كااع…
نوار”كتشوف فيهم” : غرتي هههههه
ياسين : ضروري ….”طفا الكارو فطفاية وشرب كاس عصير الحامض حيد ريحة وناض قاد حوايجو وتوجه عندهم تا وقف عليهم ” بابا متوحشونيش …
زينة”هزات فيه راسها ومدات ايديها زعما هزني ” اننن بابا بابا …
شامة : اعععع باباااا 😻😻كتنوض وتزدح تنوض وتزدح …
ياسين : اجي عند بابا اجيو ..”هزهم بجوجات تعلقو فيه كي الفارات منخشش فيهم ويبوس ” الله على كبدتي الله …
يامنة : فين غادي بيهم …
ياسين : الحنانة هاهما معايا شوي …
فؤاد : دغيا متعطلش …
ياسين : سمح لينا وكان …
فؤاد : هانيا رد البال وكان …
يامنة : ههههههههه
داهم كيلعب معاهم وهما ميتات بالضحك تا مشا لهييييه فواحد طابلة حدا لابيسين فين نوار كتشرب عصير وتاكل فحلوة لاكريم تا جابهم ليها يكركرو بغاو يسخفو ….
نوار : ههههه اويلي مالهم …
ياسين”خشا وجهو بين عنق شامة وزينة وجلس يدغدغ فيهم ” : هاا مالهم “عض شنايفو باغي ياكلهم ” نقيطات عسل بابا …
نوار : اجيو عند ماما متوحشتونيش”دبلات عينيها ودلات شنيفاتها لي فيهم لاكريم تا قرب ياسين وجرها ليها بفمو مصمصو ليها” اييي هههه اويلي دابا يشوفونا “شافت فصفية وايساف الي قشعوهم وضار كيضحكو ” اويلي …”حدرات راسها كتحك فيه بخجل”
شامة”بدات تهرنن علاش يبوسها” اننن اهى …
ياسين : شنو ؟
زينة “كتحرك راسها بنفي” : اننن ماما اهء “زعما لا”
ياسين “رفع حاجبو وقرب نوار باسها فحنكها وهما يجعرو” : شنوو ؟
شامة : اننن”كتحرك راسها” ماما “مدات ليها فمها وقربات نوار عنقاتها من راسها وباستها فوجهها كلو زعما متبوسش لينا ماما ” ماما ..
ياسين : هاا البسالة …وشنو ندير ؟
رجعو ليه بجوجات وباسوه فوجهو كلو تاهو زعما حنا نبوسوك نتا وياها ونتوما متباوسوش …
زينة : ههننن …
نوار”حطات ايدها على حنكها كضحك”. : هههههههههه يلاه …
ياسين : وااخا ماعليش ماعليش ابابا سموحات …”تخشاو فحضنو حاطين راسهم كيبجغطو ويهضرو ويضحكو تا نعسو ليه بجوجات وناض عطاهم لباه الي طلعهم لبيتو هو ويامنة هاد الليلة اصر يباتو معاه …
نوار : خالتو الى فاقو بالليل صوني ليا نديهم يرضعو ونرجعهم …
فالبيت من بعد ماكمل الاحتفال كل طلع يرتاح ينعس والي رجع فحالو …صايبات ليهم بلاصتهم من بعد ماحيدات ليهم كسيواتهم خلاتهم غير بتيشرت وكوشة صافي هكاك مبيطبطات وحدة ناعسة وحالا فمها وثانية تاهي حالا فمها وتشخر تا خرج فواد كينشف فجسمو وشعرو ولحيتو الي كتقطر …شاف فيها …
فؤاد : الگمرات غابو …”قرب ليها وحاوطها من لور ايدو على كرشها” فؤاااد هههه
فؤاد”باسها بين عنقها وكتفها” : غزاااالو …
يامنة : البناات ..”كتلوي فعنقها” ولينا جد وجدة ههههههن
فؤاد : بالفرحات …ساسي متان وجناحي كبر وطوال…الخير جاي عند الحبيب تاهو غذا وبعدو اسامة …مهما طال زمان بقيتي وغاتبقاي عمارة دار …
يامنة : جنة ولادك …
فؤاد : ميمة الحفايد …
يامنة : راجلي وتاج راسي
فؤاد : غزالي وعمارة داري “ضورها عندو وحنا على شفايفها بقبلة مهما طال زمان كتبقا قبلتو خاترة فيها عشق عاد مزاد بعد سنين وسنين تا فصل القبلة وباس جبهتها” كاتيوشا ديالي …
يلاه بغا يتخشع معاها تا حيد ليها داك الي لابسة طيحها فوق فوطوي عريض ورطب وبغاو يبداو الالتحام حتى بدات زينة كتبكي فنعاسها وضارت يامنة مخلوعة …
يامنة : بلاتي نشوف مالها…
فؤاد”ناضت من تحتو” : ضريبة الحفايد واااعرة وكان وااعرة …يامنة هزي الملايكة ديهم لواليديهم …
#تصبحن_على_خير…🦋نور_الياسين(1144)#فرصة_ثانيةsana mina🐺🦋
خاشية رجليها بين رجليه الي كيتلمسو فرجليها بمداعبة وايدو الي كتلعب فشعرها ومرة تنزل لضهرها تمسح عليه عن طريق الاصابع الشي الي كيخلي قشعريرة تسرا فجسمها حتى كتغمض عينيها وتبتاسم ابتسامة مصحوبة بانين ….
ياسين “كيشوف فالسقف ” : شنو عييتي ؟
نوار : شوية …دايرة بالي مع البنات الى فاقو يبغيو يرضعو وتجيبهم خالتو يامنة …
ياسين “سكت ماهضرش سكت كيسمع لصوت انفاسها وتحركاتها الي خلاو الاحتكاك يزيد بيناتهم اكثر وتعاود تشعل العافية فيه من جديد حتى خلاتو يجرها اكثر تا طلعات فوق منو وحط ايديها فوق كتافو كتشوف فيه حمرة بالخجل والحرارة الي بدات كتولد من جديد …” : كيفاش شرق يتسالا ننك نتي كيفاش ؟ “كيدو بضهر صباع ايدو على حنكها”
نوار”تبسمات وزادت وساعت ابتسامتها تا بدات تضحك ” : ههههههههه
ياسين : شنو مالك ؟
نوار : اول ليلة بخاطرك ماحداناش زينة وشامة هههههه “حيث كيقطعوها عليه بزاف المرات هههه”
ياسين : يشدو شوي فراسهم ينعسو فبيتهم …
نوار”حركات راسها” : ضروري وخا مساخياش ولفتو ناعسين وسطنا …”كتلعب فزغب صدرو وكتهضر وتضحك تا حسات بيه هزها شوي وحطها عليه بشوي بشوي بشوي داخل تا حلات فمها بشوي بشهقة خفيفة ” اااااا …فففف”عضات ففمها ” اممممم…
ياسين”هبط وجهها عندو ورجعها لمود القبل الحارقة الملتهبة الي خلاتها تشد فيه مزيان من عنقو وخدامين على لبوسان من فوق هاك بلاك ومن تحت هاك بلاك تا بداو عروقاتهم بزوج كيتكبو خبط خبط خبط واحد الفترة حتى خبطها عليه بجهد ترمات على صدرو معنقاه كتنهج وهو كذلك …” : شييييت …
نوار”كتنهج” : ففف بغيت نشرب …
عاونها تا رجعات لبلاصتها كتحس بتحتها كيزدح وباقا كتنهج بالنشوة الي وصلو ليها بزوج بقا جهد شي خمسة دقايق تا ارتاح عاد ناض لبس بوكسر وشورط ورما عليه تيشرت وخشا فرجليه كلاكيط وخرج من البيت باش يجيب ليها الما ونيت تاهو يروي عطشو…غير حل الباب وتم غادي تا سمع صوت زينة كتبكي وجايا هازاها يامنة ..
ياسين : شش بابا مالك ؟
زينة : انننن اهى اهى …مم ماما …
يامنة : يمكن جاعت وحلمات “دراري صغار كيحلمو كينوضو يبكيو عادي “هههه ديها لماماها…
ياسين”هزها من عندها تكات على كتفو تنخششات فيه وخشات ايدها ففمها كتمصمص فيها قاعدتها من صغر ماشي فحال شامة كتمص غير صبعها…” : شامة ؟!
يامنة : ناعسة الى فاقت نجيبها مافاقتش خليها مرتاحة …
ياسين : ردي البال كتحس بختها مكايناش تفيق ميمتي…
يامنة : واخا ولدي كون هاني الى فاقت نجيبها
تباتو فراحة الله …”باس راسها ومشا بيها تالتحت كيراري بيها نيت وداز لكوزينة هز قرعة لما وطلع لبيت …”
نوار”تگعدات كتشوف فيها” : مالها ؟
ياسين”حطها ليها غالب عليها نعاس تا بدات تنخشش فصدر مها وتحك راسها عليه” : رضعيها…
نوار: ماما بغات تاكل ماما حبيبة انا”باست راسها”
زينة : اعننن اهى ماما …
نوار : واخا ماما وااخا…”ضارت لمجر هزات لانجيت معقم مسحات بيه صدرها وعطاتو ليها بدات تجر وتبغم مكمشة فيه بايدها تكميشة لعدو …وعينيها كيتلصقو…اما
ياسين خلاها كترضع فيها ودخل دوش وتوضى وخرج لبس غير بوكسر وتلاح حداها لقاها نعساتها شدها من عندها حطها فوق صدرو كيدوز عليها تا دخلات هي لدوش دقات عليه يامنة عطاتو شامة الي حسات بزينة وفاقت تاهي ….
ياسين : عذبناكم ميمتي …
يامنة : ياودي هانية عذاب على بناتي راحة ولدي ههههه…
ياسين”قربها باس راسها” : علمي الوليد يسمح لينا وكان …
يامنة”تزنكات” : اه هههه ا ولدي هانية بغا يبقاو ساعاك فاقو …
ياسين : تانا داكشي الي عنيت مخليناهش ينعس براحتو ..سموحات ليك وليه …..بينوار ميمتي بينوار …الله يقلب ساعة بخير….
يامنة : ااا ؟
ياسين : تباتي فراحة الله .…
مشات ..تادخلت جات تحيد البينوار عاد لاحضات انه مقلوب وهضرة ياسين عاد فهمتها هههه…
نوار”خرجات لقاتو هاز شامة كيمشي ويجي بيها ” : ههههه عرفتها تاهي تفيق …اجي ماما اجي ..”شداتها من عندو ومشات جلسات كترضع فيها وهو مشا لبلاصتو حداه زينة الوسط تا رضعات شامة ونعاسات عاد حطاتها حداه تاهي ومشات رمات عليها شوميز دونوي بلا سوتيان غير سترينغ وتكات حداه لقاتهم تشعبطو فوقو بجوجات وحدة راسها فوق كرشو وثانية تحت منها شوي تاهي فوق كرشو …” ههههههه…
ياسين “مغمض عينيه ونطق بشوي” : شافنا الله معندنا منديرو …
نوار”طفات الفيوز وتنخششات حداهم ونعسو بربعة كوخو تا صبح الحال حلات عينيها مالقاتهم لا هما لا هو …ناضت غسلات وتوضات صلات ولبسات سوفيت صيفية هبطات لقاتهم كيفطرو والبنات وياسين مكاينينش …
نوار : صباح الخير …فين البنات خالتي …
نجوى : داهم يوسف خوجهم شوي هنا ويرجعو …
نوار : وياسين ؟
يامنة : مشا مع عمك فؤاد يشوفو الفرع الصغير ديال شركة الي غايتبنى هنا فازرو حدا ورشة ديال عمي “بات فؤاد ويوسف والياس وراوية وجد نوار نيت عبد العالي الي زوج يامنة لفؤاد ” …باش يشدو اشرف …
نوار”بفرحة” : الله هنية عليه “كبات ليها قهوة وحليب ” باش مضيعش. ديك الورشة نيت…
واخا ماشي تخصص ديالو ولكن را غايكمل عام ديال سطاج فالشركة را شد مزيان شوي …
صهيب : وابنتي الخبرة كتكسب بالسنين بالتجارب …غايبدا غايبقى معاه يوسف شي شهرين تايشد مزيان ويخليه ويرجع …مايخليهش …
نجود : الله يرضي عليهم وعليكم …عاد غانتهنى على اشرف هو الي بقا همو شاغلني هاني تهنيت عليه …
#يتبع…🦋نور_الياسين(1145)#فرصة_ثانيةsana mina🐺🦋

شروق شمس يوم جديد يوم بعدو مرور السنوات ماااشي بزاف انما مرت ما يكفي ل
…#اربع_سنوااات_تقريبا…
حل عينيه على خاااطر خاطرو بعد نومة عميييقة مرييييييحة كيف حس بيها هو …دور راسو جيهة الطابل دونوي هز تيليفونو شاف الساعة لقاها سبعة صباح يعني خاص ينوض باش يمشي فين كيقرا فمراكش عندو فيها فورماسيون فالتكوين نيت على تجارة مدتها ستة اشهر ….
اشرف”مسد عينيه بماساج وحرك رجليه حتى حس بشي حاجة زامتة ليه فوقهم …” : اش هادشي “هز رجلو لفوق مافيه ميهبط راسو ههه ومع رجليه مزغباات نيت لقا فيهم شريط ديال لاصيغ لاصق على حقو وطريقو الى حيدها ومع صهد كيقهر فديك البلاد خاصو يبقا لابس سروال تاينوض زغب …حط راسو
بخااااطر خاطرو شاف فالسقف لولب عينيه جهد شي خمسة دقايق تا هز صباعو دارهم فوذنيه وطلقها بغوتة ” وييييييييييييييو ويويويويويويو والله تااانخشيك فالثلاجة واااا برب الجليل لا فكني بوووووووووووك يلعن جد بوووك خرجتو ليا فعودااااااااااااي …
ناض صاعر عرق الي فيه خرجوه ليه بنات ياسين ونوار وزادت عليهم تالبقة الصغيرة بنت الحبيب الي سماوها اريج فعمرها عامين ونص ملي تعلمت تمشي وهي الي لقاتها تجرها تشخشخها والى هضرو ينوض ليهم فؤاد …
اشرف “خرج من البيت هاز لصقة ديال لاصيغ فيها زغب رجليه…تا لقا علي تاهو جا هو وسليمان واسامة الي عندو العام الاخير فالماستر فجامعة محمد السادس ببن كرير باش يكمل على ليصونص الي خذا فالمات …وبالتالي اصبح نموذج من النماذج الي فاقت على راسها وبعدات من الادمان الي كان غايكون سبب فالفشل الي تعرض ليه فلول تا خرج من الجامعة ففاس …
العائلة تقريبا كلها جات الا رميساء وموسى الي كاينين ففرنسا وخدمة موسى الي صعبات انه يجي وحمل رميساء باول طفل ليهم ولد الي بقا ليها شهر وتولد وها سي صهيب غايولي جد بزز منو هههههه …السبب الي خلا العائلة تجمعات هو سبب مهم واخا تعطل لكن ديما كيف كنقولو كل توخيرة فيها خيرة وهادشي الي وقع والي غانعرفوه من بعد شنو هو …
علي “جاي يحك فشعرو المخربق” : اتا مالك ؟
اشرف”هز لصقة وراها ليه مشربن” : هاا اش كاين …
علي : ويلي درتي ليه لاصيغ الماسخ ..
اشرف : قلب على غدو ربي فهاد الصباح …مبانوش ليك ؟
علي : ههههههه دارتها ليك وحدة فيهم منقدر نقول ايناهي راهم فحال فحال …
اشرف : فيييييين هما ؟
علي : فين شتهم فييين حيد خليني ندوش …
في هاد الاثناء كان فالمكتب التحتاني فالفيرما جالس فكرسيه داير نظارات طبية ديال شوف كيشوف فالحسابات ويطرطق فصباعو مرةز مرة يغوبش مرة يعض شنايفو تا تحل عليه الباب ودخل الحنان ديالو صاحبو ومعاه بنية فعمر عامين ونصف شبه الحبيب لاصقة عويناتها زرقين …
ياسين”شاف فيه وفالبنية” : الوليد …كبيدة عمها جات …”شدها من عندو وحطها فوق فخدو باس رويسها ذهبي …تا بدات تمد ايدها باش تجر اش قدامها لكن بعدهم عليها ” شش مالنا البسالة تاني ؟
فؤاد : وريدة جدها مشطونة …
ياسين”باس ايديتها” : بزاااف …سبقات تشيطين مزيانة تكبر فعمر زينة وشامة تهدن عكسهم …
فؤاد : ماعليش عمرهم هذاك يعيشوه باش ماعطا الله لا تقطع فيهم والو الله يرضي عليك صبر وساعف ماتخليني نغضب منك …
ياسين : فشوشك الوليد خرج عليهم …”تنهد” ماعليش عمرهم يعيشوه …فين الحنانة ؟
فؤاد : معاهم ريحانات …
ياسين”وهو كيهضر ويراري ب اريج بنت الحبيب تا طل عليها لقاها نعساات ليه ” : الله …فين الحبيب ؟
فؤاد : عطيها ليا …مع ايساف وايلاف برا …
ياسين”وقف وتكاها على كتفو ” : نمشي معاك خليها معايا ماعليش …”طبطب عليه وسد البيسي وخرجو بزوج برا قدام الباب فين الحبيب وايساف وايلاف الي شاد بنية عندها ثمن شهور …”
ايلاف : يابي عطي توليب لامها …
ايساف : صفية واا …اراها ليا …شدها من عندو ودخل عيط لصفية لقاها مطلية بالخرقوم …طلعها وهبطها …”هاناري مالك …
صفية : عاافاك شدها عندك وحضي معاك ياسين مدهية كنعاون خالتي نعيمة وسارة فتشرميل دجاج عطيتهم لخرقوم وطاح عليا …هننن …
ايساف : اشوفي غسلي غسلي واجي نقوليك شي حاجة ففمك ا بب …
صفية “خرجات عينيها وطلات لا يبان ليها شي حد ” : سير دي بنتك برا وخرج برا اويلي …”دخلات”
ايساف : ليستر …
دا البنية الشبيهة لصفية كلها مافيها تاحاجة من ايساف الا ياسين بوحدو …والي جالس مع يامنة والتويميات فالسيجور برا حاطا ليهم فطورهم ربعة زلايف ديال كورنفليكس شوكولا جوج لزينة وشامة وجوج لياسين واياد ولد مينة الي جات تاهي ورياض باش يحضرو ….
شامة”نغزات ختها ” : فوفو “اشرف”
زينة “لولبات عينيها وضارت هنا وهنا” : علفتس”ماعرفتش تعلمو يقولو ديك عرفتش من دراري هههه …مزال كيبرغمو تا وقف عليهم وبدا يصفق طارو ونزلو وتخشاو ورا يامنة كيترعدو خصوصا من دخل تا ياسين كيقلب عليهم “
اشرف : حصلة الكلااااب يا علي حصلة الكلاب …
زينة”ماعرفت باش تبلات خصوصا من بان ليها ياسين وقف كيشوف فيهم مستغرب حيث اصلا اشرف ماقاليه والو دخل هو وياه غير صدفة …ايوى طلقت حلوقها ببكية وتبعتها شامة” : واااااعععع اهى اهى باباااا …
ياسين “عقد حجبانو” : ششش مالكم ؟
شامة “وجهها دغيا تزنگ ومنخرها هي وزينة ولا كي مطيشة محطوطة ودموعهم دغيا تسرسبو يالاطيييف ” : فوفو فوفو اهى …
علي : ها باطل غاينزل عليك من حيث لا تحتسب عههههه..
اشرف : مممممم ضربني وبكا وسبقني وشكا …ادوك هااا …
#يتبع…🦋نور_الياسين(1146)#فرصة_ثانيةsana mina🐺🦋
بقا اشرف كيشوف فيهم كيتبوحطو تما …ولا ضار عند ياسين وغمزو زعما غا خليني معاهم ومشا دخل جاب كاس اتاي باش يخرج يتنغم بيه مع الگارو …مكيضربهمش ومكيعايرش ومكينهضش فيهم لكن مربيهم على الى جهد صوته ميبقاوش يعاودوها من وراه …هما الاحترام فيهم ميهزوش عينيهم والدليل من خنزر فيهم اشرف حدرو عينيهم …ومشكييييل منين جابو لاصيغ لا صاق الخبار ياسين او نوار يحطوها فحوايجهم …ولا اشرف سكت ونعل شيطان ويامنة هضرات معاه وتاهو ميقدرش يخليهم يخليو داربوهم يموت عليهم
غير كملو وخرجو برا لقاو الحبيب وايساف وسليمان واسامة الي شافوه ومشاو كيجريو تلاحو عليه هو والحبيب هزوهم ..
الحبيب : حبايب العميم الحبيب …
شامة”عنقاتو من عنقو وحطات راسها على راسو” : ههههههههه …
زينة”معنقة اسامة” : ماما ماماااا …
نوار”خرجات من طوموبيل هي ويسرى ويوسف ومينة ” : اماماا توحشتكم ههههه ..اجي عندي اجي …”جلسات قفازي تا جاو كيجريو عندها عنقوها بجوجات يبوسو فوجهها ويعاودو تقولي مشافوهاش سيمانة وهي خرجات غير مراكش لافاك ورجعات …” الله ماما حبيبة ديالي …
شامة : امتا مسيو ؟
نوار”شافت ساعتها” : شوية ونمشيو …فين باباك ؟
يوسف “شدهم من ايديهم وداهم معاه” : رااااه عند الشهلة ونورالياسين …
نوار “وقفات” : وسيري ماما لفوق هانا جايا لبسكم عنداكم ديرو لبيتيز ولا نتفاهم معاكم …
يسرى : سيري سيري انا لبسهم ليك غير تحركي يلاه تلبسي تانتي ونمشيو …
حركات راسها ومشات ضارت لعندو قلبات عليه بعينيها تالقاتو راكب فوق الشهلة كيدور بيها تما تا ورك برجليه وطارت بيه كتجرييييي بقات واقفة مربعة ايديها كتشوف فحب حياتها وبات بناتها الخيال مدير البنك الفلاح …رجولة شهامة هادشي كامل كيخليها تعشقو كل نهار بالاضافة لفرصة الي تعطاتهم خلات ساسهم يمتان ورباطهم يقوى وعقلهم يكبر …تا ضار شافها وتم جاي عندها بالشهلة …
ياسين : كاندي ديالي …
نوار : حبيبي ديالي هههه …يلاه تبدل باش نمشيو
ياسين”هبط وضار عندها وعنقها باس حنكها وتمو غادين” : هي دابا نيت …
في حين هما مشاو لفوق كان ايساف كيدوش تا دقات عليه صفية تعطيه الفوطة وهو يجرها بجهد دخلها تا غوتات ويد الباب زدحها مع الحايط خلا عينيها خارجين …
صفية : اويلي كون تا جا عمي فؤاد و …اشكون خلاك يا تهضر لجم ليها الفم ببوسة خلات قلبها يضرب ماشعراتش بيه امتا بدا يلتاهم تا لتاهمات معاه تاهي ومع يخون بالدوش حس بالحرارة تا دور ايدو ورا ترمتها عجبنها وهبط سروال وهزها بايديه بزوج تا طلعها مع الحايط وخشا وجهو بين رجليها ماحسات تلقات شفايفو لتحت كيلتاهم فيه تا غوتات بتاوه …
صفية : ااااح ايسااااف عافاك لا ماشي هنا …
ايساف”هز راسو شاف فيها” : اش الي ماشي هنا من قبيلة ونتي تمشي وتجي عليا قاطعاعا فيا البارح وانا مشهيك ؟ والله منعقل على موك …
يلاه غاتهضر تا خشا راسو تاني بدات تاوه وتشد فشعر راسو تا نتفاتو عاد هبطها ودورها بالخف ورك على كرشها تا كوزات ليه كيبوس فعنبقها ويمص وايدو تبعص فكرشها تا حسات بيه طلعو معاها ماجات فين تهضر تا سكتها بالخبيط يخبط يخبط تا هزات راسها فوق وحلات فمها …
صفية”كتعوج فعنقها وعينيها معسلين” : اححح بشوية ازمر اووو”عصرات عينيها فاش فورصا عليها” واااه فففففف …توليب توليب كتبكي …
ايساف : باش ..”عض شنايفو” باش عرفتيها مممم …اوووففف …
صفية : صدري تنفخ واااععع ممممم اههههه ازمر براكة …”عوجات عنقها” ااااي …
ايساف : واااخا …هي بنت باباها جاعت اممم …بقا هاك بلاك هاك بلاك تا فدا فيها القديم وجديد حسات بتحتها نمل عليها …هزات سروالها وخرجات تايخرج عاد دخل دوش ولد لهم شدها وسطهم ههههه ….
لبساتهم يسرى حوايج الخروج ..كسيوات موردات ودارت ليهم باندات لشعرهم …عاد لبساتهم صبيبيطهم …تا جا يوسف طل عليهم …
يوسف : يلاه صافي بابا …
حركو ليه راسهم وشدو فايديه خلا يسرى مشات تاهي تلبس …
.واقفة كتقاد فاكسسوراتها تا وقف حداها لابس كومبلي كري وقميجة بيضة …
ياسين : صافي ؟
نوار : همم صافي …”ضارت هزات صاكها وشكارة لابتوب وتسناتو تالبس صباطو رش بارفانو وشعرو فيكساه عاد تابطات دراعو وتوجهو لتحت …الي كانو من بعد ساعة تقريبا واجدين كلهم …كيتسناو…”
فؤاد”تحنى عند شامة ” : ريحانة جدها سيري عند عمك صهيب بنتي لمكتب ديال ياسين قوليه قاليك با جدو يلاه …
شامة : وااااخا “باستو ومشات كتجري عند صهيب دخلات عليه لقاتو خاشي وجهو فشي ملفات كيهضر فالتيليفون ويعرعر تا عيطات ليه ” قاليك با زدو يلاه …
صهيب : قولي ليه هاهو غايخوي هاد ملفات ويجي دابا ..”حركات راسها مخلياه نايض كيحط فملفاتو ومشات كتجريييي لقات دراري كاملين وهما كلهم تا نوار الي بغات تركب حدا ياسين وهي تم جايا كتجري ….”
شامة “عندها هي بوحدها مشكيل الخاء كتقوليها حاء” : با زدو بااا زدو قاليك عمو شهيب(صهيب) هاهو زاااي يحوي ملفات ويزي …
علي كان واقف ولا غادي هو واشرف الي دفع اسامة معاه ومشاو غادين فين الله واعلم مشاو يولولو اما يوسف كون صاب يهرب ميضورش تا هزها الحبيب وسكتها …
الحبيب : اصافي صافي ههههه سيري عند ماماك وباباك يلاه بنتي سيري هههههههههه
#يتبع…🦋نور_الياسين(1147)#فرصة_ثانيةsana mina🐺🦋
تم خارج صهيب من لداخل بقا هو بوحدو وصل على يوسف لطوموبيل الي قاليه اش قالت ولا وجهو مزنك بجهد …جاب الله فؤاد سبق فالطوموبيل هو ويامنة ونجود ومصطفى …وطوموبيلة ياسين تاهي سبقت مشاو بقات غير طوموبيلة يوسف و ايساف تا من راوية وايلاف مشاو والياس تاهو مشاو ميتين بالضحك على صهيب ههههه …
صهيب “ضار عند علي الي كان واقف مع مو كيحاجي ليها” : اش تم امسخوط …
علي : والو والو يلاه مشينا ….
سارة : هههههه اجي لهنا لاش بغيتي نمرة حسناء …
علي”ضار عند اشرف واسامة الي حلو عينيهم عالجهد” : هااا امي هنينا را بغيت نسول على لافاك الي دارت هنا واش مزيانة …
اسامة : سولني انا نيت مزيانة ياكما ناوي تدفع ليها …
علي : الااااا انا خدام اصحبي فالشركة اش ندفع عندي ماستر ديالي فين غادي فين …
اشرف : ممممم قول عجباتك وصافي …زيد زيد اولدي زيد …”جر اسامة ومشاو فطوموبيلة اسامة الي فيها سليمان واسلام تايلحق عليهم علي الي بقا غير هو وسارة وحدهم “
سارة : تفرق على بنت خالتك اداك ياكما شتيها زيانت وكبرت حطيتي عليها العين ؟ هادوك ديال الحلال اولدي ما ديال داكشي …
علي”هضر بجدية” : ميمتي عارفاني نبغي لبنت خالتي العيب ؟ من نيتك ؟
سارة : ونتا كاع مكنتي تحامل معاها كي طرا …
علي : اكانت طير من المقلة …دابا زيانت الله اميمتي تا ناويها المعقول تاااتقاد فقرايتها وهضري مع الخالة صبوحة يحفضك والله تنعجبك …
صهيب : ازيد زيد زييييد …فين خوك ؟
مروان : هاني بابا لداخل ههههه
صهيب : اويلي عماو ليا العينين ولا غييسو …
تحرك علي لعند دراري وزادو طوموبيلات تيسرو لمراكش لاحدى القاعات الي فين مقام حفل داروه طلبة الفوج معامن قرات نوار غير كليكة كانو كيراجعو مع بعضياتهم لا غير كانت كتراجع معاهم نوار فالنهار وبالليل يراجع معاها ياسين الي دوزها عليها نييييييت مارحمهاش غير تسالي يعطيها راحة ويعاود يعطيها دروس تحفض وتمارين تخرجهم ….حتى واحد
الليلة رجعات ليها الكريز بداك ستريس وضغط الشي الي خلاه يتوكض ويرخي معاها وهو كان همو غير يعوضها على قرايتها الي ضيعات بسبابو وبغاها توكض وتوقف باش ترجع تكمل الادارة فشركة ذار الحليب ديالها الي تطورات لاكتر من تصدير الحليب …واليوم هو يوم الاحتفال بالتخرج ديال نيل شهادة الاجازة في الاقتصاد بميزة حسن …
علي”كيشوف فالطريق” : افين هادشي ؟
اسامة : فكيليز اصحبي هاحنا قربنا…
اشرف”كيضور يشوف فسليمان الي كيفرنس مع حبيبة قلبو الي تعرف عليها ف المانيا كتقرا الصيدلة اسميتها ضحى ماشي البنت الي لقاها فالسوق هادي وحدة اخرى تا طورات علاقتهم والبنت الي اسمها فداء الي كانت مريضة شاءت الاقدار وتوفات قبل عامين من الصراع مع المرض …” : امتا العرس نتا ؟”نغزو”
سليمان”شاف فيه كيفرنس” : صيف جاي تا طلقنا نتا…
اشرف”حط ايدو على صدرو” : موااا ؟ انا وحبي مزال تاتخرج ونخطبها ان شاء الله مزربانينيش”تعرف عليها فازرو وتاكد فؤاد انها ماكتحيه والو خوفا لا تكون ختو حيث باش يلقا باه مستحيل ان قلنا ذلك لان اي دليل يوصل ليه شبه منعدم “
سليمان : ههههه ان شاء الله فالصيف …
اسامة : هاااح زاهية عراسات انا الي مزال مناويش هاد ساعة مهني …
علي : وديك مريم الي معلق معاك فبن جرير ؟
اسامة : وتوصل وقيتة ونخطبها مزال لحال تنرصي اموري فالفيرما ونتيسر ومبغيتش نعلقها بيا ونواعدها فلاخر ميوقع والو ! نضيعها ؟ نوجد وهي لولة …
علي : اممممم …صافي هاحنا وصلنا …
نزلو كاملين لقاو كلشي ذخل القاعة الي غير وصلات نوار وطلقات من ياسين مشات عند استاذ الي شدها فالبحث والي دازت عليها فالبحث تا شدات الاجازة ديالها…مشات لبسات لباس التخرج وعطاو العميد الكلمة الي عرضو عليه حتى بدا كيعيط لاسماء …
العميد : بشرى المرزوقي …تقدمات بنت عطاها لاتيسطاسيون مدورين عليها سينتا حمرة وسطها بابيون ذهبية …عاد نطق تاني” نوار رمسيس …
نوار”تقدمات كتضحك فرحانة بزاااف وصلات لمواصل مكانتش ناوياها وكانت احسن مواصل زوج حب طفولتها حلمها تحقق معاه زوج تويميات وهاهي تخرجات ويط عائلتها الي فششاتها غير باش تقرا لكن هي ربي سلط عليها طريق اخرى الي تنجرات فيها ىطورات شخصيتها عاااد قرات وتخرجات” : شكرا ههههه”تصورات معاه وشافت فياسين الي غمزها وصورها بتيليفون. صورة خلاتو يديرها ف شاشة هااتف ديالو ..”
نزلات عندهم لقاتو واقف سرح دراعو ليها تا جات ترمات فيهم حاوطها مزيرها عندو كيبوس فراسها ويعاود فرحان بانجازها لهاد اللحضة الشي الي غايخلي نقطتها دخلها لاحسن ماستر بغات يعني تعبو معاه مضاعش ابدا تا تخشاو ايديات صغار بيناتهم …
نوار : ياااماماتي انااا شوفو “وراتهم الديبلوم” هههههه …
زينة وشامة “باسوها بزوجات وعنقوها تا جا يوسف تاهو عنقها بجهد دمعتو على طرف عينيه ” الله يرضي على نخيشيشتي …
فؤاد”قرب عندها” : الله يرضي عليك “باس راسها وعنقاتو” الله يرضي عليك …
جات يسرى ويامنة وعمامها ونجود كلشي عنقها وبارك ليها ودراري خلاص دوروها وهزوها لفووق كتصحك وتشير ليهم بديبلومها وتضحك تا هزات طربوش لفوق ولاحتو تلتاقطو الصور …
#يتبع…🦋نور_الياسين(1148)#فرصة_ثانيةsana mina🐺🦋
.داز الاحتفال بفرحة وسط اهلها شي ساعة عاد مشاو كاملين تا خذاو صور بيناتهم …
فؤاد”عنق يامنة بجنب كيشوف فعائلتو الي كيرت ذراري دارو دراري وولادهم دارو دراري وال رمسيس كتكبر هي وال ابوجودة وال سباعي عائلات ثلاثة تجمعو تحت عائلة وحدة هي ال رمسيس …وهادشي كامل وحداهم مصطفى الجد الي كان غير هو ويامنة وزينة هاهو بعد سنين تزادو عندو نفوس وعائلتو كبرات بزااااف…”
يامنة : يحفضهم لينا ياااربي …حنينة ديالي تخرجات هههه “هازا بنت الحبيب”
اريج : اممممم بابا ميمة منة “يامنة” …
يامنة”خشات وجهها فعنقها دغدغتها” : انا را ناكل هاد منة ناكلها…
غير كمل الاحتفال سبقات راوية هي اللولة باش يوجدو الاحتفال بالليل صدقة دارتها نوار على حسابها لتخرجها ولخدمتها الي غاترجع تبداها بعد غياب اشهر لضروف القرايا…ركب فؤاد دا معاه هاد المرة بنت الحبيب وركب معاه مصطفى كلشي مشا بقات نوار هي لاخرة …
نوار : هاني جايا ياسين …
ياسين”فالتيليفون كيتسناها فطوموبيل برا” : يلاه …
قطعات معاه سلمات على الاصدقاء والاساتذة …ومشات خرجات تا وقفات هزات من صاكها شي حاجة كتشوف فيها وتضحك كانت ماجلة تتسالي وتقولها ليه …عاد كلاكصونا ليها فاش شافها وقفات متشوف وتضحك …تا دخلات عندو حطتها ليه فايدو وبدات كتقاد فسانتيغ …
ياسين”كيقلب فتيست ديال لحمل” : شنو هذا ؟
نوار : ههههه شوف انتا …
ياسين : تيست ؟؟؟ “رفع حاجبو شاف فيها وشاف فيه مكتوب اذا حامل جوج خطوط اذا لا سلبي خط واحد شاف لوسط لقاهم زوج خطوط” نووووووو حاملة !!! “هز عينيه مخرجهم”
نوار”حركات راسها” : هههه متيقتش تا درتو شكيت ومع يلاه حيدت الفنيد دغيا دغيا…
ياسين”رفع حاجبو” : تشكي فيا ولا شنو ؟
نوار : ابدا هههه ..”تلاحت عليه عنقها بجهد فرحان تا طارو عندو شامة وزينة وقفو كيسولو”
زينة : ماما …
ياسين”صار عندهم” : بابا مالكم ؟
شامة : وااا مسيو را زدو مسا يااااه …
ياسين : وايلي ؟
زينة “حطات ايدها على جبهتها” : اووو يا سيدي يااالبي (ربي) …حسبي الله “تعلموها من فؤاذ كيرددها بزاف” يلااه …
نوار : ههههههههههه ياك ابنتي وليتي تحسبني علينا ..”شافت فياسين الي بقج ليها شنايفها قدامهم تا شلقمها مزياان خلاهم يهرننو حيث تعطلو على فؤاد زعما …” يلاه ههههه
ياسين : شنو قلتو ليا ديك المرة ؟ “شاف فيهم وغمزهم”
شامة : بغينا خونا فحال توليب مع ياشين”ياسين”
نوار : هههههه”دارت ليهم مسافة بصباعها زوج” قد هاكا ماما حبيبي ويكون عندكم خوكم فحال ياشين هههه
زينة”حلات فمها كضحك وضارت عند شامة” : يووووپييييي …
ياسين”باس جبهتها” : الله يقدرني ونحضر ليك من لول ونفششك فحملك ووحمك الى قدرت وقديت باذن الله وطول ربي فالعمر …
نوار”تنهدات بفرحة” : اااااه اميييين ههههه
ياسين : بيزو لبابا …
زينة وشامة “باسوه بجوج ” : هاهي يلاه …
ياسين”حرك راسو ودار نضاضر شمش وكسيرا فاتجاه الفيرما للاحتفال الثاني بالتخرج وتجمع لعائلة عائلة ال رمسيس الي عشنا معاها الحلوة والمرة من اول كوبل قديييم هو فؤد ويامنة يوسف ويسرى صهيب وسارة الياس ونجوى …الى كوبل الجيل لجديد…
الي عشنا معاهم وشفنا بلا مندكزو من شنو دازو كلهم ابتداء من نوار وياسين حب الطفولة وعود العائلات …ايساف وصفية غلطة وتصلحات …الحبيب وهاجر حب صافي بريئ مينة ورياض حب متين بعقلو …الى اخر الكوبلات الي هاهما على مشارف …
وهادشي كامل واللمة كاملة والناس الي تجمعات فالدوار كيباركو وهما نفسهم الي جاو يزوروه فاش وقع ليه الحادث ودخل فغيبوبة وهادشي علاش حيث #ياسين_رمسيس خيرو كبيييير بزاف خلوق محترم وخا عصبي لكن عقلو يوزن بزاااف …عاون وعاون خلاه محبوب وخلاه يكون نور على العباد بفعالو رجولية ….
#فؤاد : ليام كتمشي وتجي وتبقا هي هي وزمان كيمشي ويمشي على العباد تايشيب راس وفلاخر اش تدي من دنيا سوى حسناتك وسيئاتك …ياربي حمدتك وشكرتك جمعتي ولدي معايا وسمعتي دعايا وماحرمتيني من اول فرحتي ونوري الي نورني ونور العباد معاه #نور _الياسين…والفاهم يفهم …
يامنة : اللهم امييين ياربي …
#نور_الياسين …
#النهاية_تمت_بحمد_الله …
هادي هي النهاية وخا بداية عندهم لشلا حيث كل حكاية كتولد وسطها حكاية جديدة وعمر حكاية رمسيس متسالي حالهم حال اي عائلة وناس كدوز من هموم دنيا وافراحها واقراحها …حاولت ما امكن منخليش فيها الملل تعبت فيها بزااااف …
والحمد لله ربي مخيبنيش تصنفات من انجح القصص الى جانب يامنة الي تعتابرات اول قصة بالدارجة وشخصية فؤاد احسن شخصية الشي الي فرحني وتعبي ممشاش هباء كسبت قارئات وفيات معايا من لول تلاخر …شكر ليكم بزاااااف …حبيت نهاية تكون بهاد طريقة مفتوحة لان المشاكيل كتمشي وتجي الحكايات ميساليوش وال رمسيس حكاياتهم كثيييرة …المهم دوزناه احداث صحيحة دازت بحقها وطريقها وتعلمتو وتعلمت معاكم بزاااف
شكرا ليكم بزاااف وسمحو ليا الى نهضت فيكم او تعصبت لمجرد انني كنبغيكم تقراو كاع سطور وسمحو ليا الى تعطلت شي مرة …غانتوحشكم ونتوحش ال رمسيس بزااف ….النهاية

Leave a comment

  1. محطة ال حادر - Edward William Lane, An Arabic-English Lexicon, ح, root H
    Permalink