Skip links

قصة : نور الياسين جزء 61

 28,328 عدد مشاهداات

🦋نور_الياسين(1132)#فرصة_ثانيةsana mina🐺🦋
الحاصول صهيب السباعي هو هذا مهما دازو السنين والمنين را مابدل فيه والو وعلى قولة الفردة ديالو را ماحدو كيكبر وهو كيهتر المهم شباب فالقلب …مالقا فين يعطي وجهو هاد المرة المرة فولادة ياسين فكو ياسين لكن هاد المرة فكو غير صوت الهاتف ديالو الي كان من المحامي الي تولى على قضية الحادث الي وقع لياسين في فاس …
يوسف”مشا صهيب كيهضر فالتيليفون باغي يبكي …دوز على لحيتو دموعو دايزين بالضحك تا كحب ” : ااكحكح هههههههه مصييييبة كحلة هذا صافي …
الياس : مسخوط ههههههه “شاف فولدو الصغير” اسلام فين خوك ؟
اسلام : مشا لمراكش يتقدا لياسين ولخالة الفجلة شي لعيبات …
الياس : شي لعيبات ؟ الفجلة مزيود نتا وياها فنهار واحد ياك اولدي …
اسلام : االوليد را فجيلة هاديك ..”شافو جاي ليه وهو يهرب” واععع تكلم لعمتي راوية راها لهيه تتعيط “فرتح مابان ليه غا جاد ولد راوية جرو وزادو ” ….
يوسف : هاد دري عندك كيبان ليا فيه توحد كون مت ولدك نشك …
الياس : فيه المتني والمثلث هذاك يجمعني انا وياك ويشيط الخير را غير مركز مع القرايا كيجيك هكاك كيشد العطلة يتسيف …
اما فالبيت تكات واحد نص ساعة تا طلعات يسرى هي وراوية الي هازا صينية اتاي باللويزة ومعاها شوية كيكة رطبة باش دوز غير شوية متكترش تاتبرا الجرحة والغراز باش ميجيهاش القبط ويتفكو ليها…
راوية : نوضي بنتي كولي هادشي عاد داوي ليك…
نوار”حركات راسها وتكعداات بشوي تقادت وعطاتها تشرب وتاكل …” : مزال ناعسين …
يسرى : انا نداوي ليك ونفيقكم نداوي ليهم بوطهم…
راوية : مزال مطاحش ؟
يسرى”نايضة عند نوار حلات بواطة الدوا وتوجهات لعندها جلسات جنبها ” : مزال دابا يطيح…اري بنتي اجي راوية عطيها شي حاجة تعض فيها “
نوار”بدات البكية تجيها حيث باش تسواني ليها را صعيبة تسواني لفتحة وتصبر ليها…” : بشوية عفاك فففف …
حركات ليها راسها وعلاات الحوايج على كرشها تا عرات على لفتحة حيدات سبارادرا وعراتها غير كتقرب ليها كتقفز نوار …كتسواني ليها وحشمانة منها حيث الفتحة جات فوق الفرج نيشان صغيرة …خوات بيطادين مسحاتها ودارت ليكانت وبدات تعصررررررررر فيها وماحدها كتعصر ونوار كتبغي تموت تا سخفت”
نوار : اعننممممممممممم مامااااااااااععععععععع اهى اهى صافي براكة …
يسرى : شش صبري بنتي الله يرضي عليك “عاودت عصرتها مزياااان تا فشلات ليها نوار وسخفت وهادشي كديرو باش تعصر لحم بيديها باش تشوف واش تلم مزيان او لا او كاين شي فتحات صغار تفتحو من حركة تا كملت وتاكدت عاد سوناتها ودارت ليها فاصمة خوات عليها بيطادين ودارت سبارادرا خاصة بالما الى بغات تعوم …” صافي بنتي رتاحي انا نشوف البنيات .”
نوار”الصمت فشلات سخفت تا جابت ليها راوية الما عطاتها تشرب ” …
خلاوها ترتاح وخرجو بزوجات حتى داتها عينها شي ساعة هكاك تا طلع ياسين كلو مرشوش بدم وغيس ووسخ ديال سليخ …دخل نيشان
حيد حوايجو فالدوش وتخشا تحت رشاشة فرك ذاتو وغسل شعرو وخرج كينشف مخلي شعرو يقطر مع صهد بردو …بانت ليه كونة وحدة من البنيات فيها ايد مهزوزة وصوت تنوغيشها يتسمع مشا لعندها …
ياسين”باس عويناتها” : شامة باها…مال بابا فايق وحدو …
شامة”كتمصمص شفايفها شعرها على عويناتها تا هزو ليها ياسين ودوز بصباعو على نعومة حنيكاتها الي كاسيهم شوي تالحبوب رقييييوق …”
ياسين”محني على ايديه كيشوفها فايقة وتنغش وزينة نااعسة مجايبة خبار..” : فيك جوع بابا …
نوار”بتعب” : ياسيين …
ياسين”ضار لعندها ” : رجعي رتاحي …
نوار : فايقة ؟
ياسين “حرك راسو وضار عند شامة هزها بين دراعو لحيمة رطيبة ورويحتها تدخل فنيف حمقاتو غا خاشي وجهو ويبوس” : الله بابا الله …”مشا جلس حداها باس راسها وبقا شاد شامة بين ايديه كيشوف فيها ويشوف فنوار كيلاحض شبه بيناتهم قوي …” شنو انا الي مسخر ولا ؟
نوار”ضحكات بتعب” : هههههه هادشي الي عطا الله …”قاصت صدرها الي تنفخ” ارا نرضعها …
مدها ليها بين حضنها تا جبدات صدرها بدات ترضعها وتلالي هاديك تمص وتمص معاها جرحة والغراز رزيادة صدرها مفلح طايب برضاعة مزال مبراش خلاتو دغيا لبس تيشرت وسروال تا شعرو ممشطو مشا لعندها عاونها لا تفشل وتطيحها …عاد
سالات وهز البنية على كتفو كيدوز على ضهرها تا تگرعت ونعسات ليه فالبلاصة …عاد سمعو صوت زينة الي علنات على استيقاظها ووصول نوبتها تاهي فرضاعة …حط لاخرا وهزها كيشوف فيها ويبوس…
ياسين : زينة باها “باسها بين عويناتها” شنو بابا تانتي وكان ؟ “باس منخرها وعطاها لنوار تاهي رضعتها ودوزات حقها مسكينة عندها كلشي بالدوبل …تا نعسات وحطها وضار عندها جاب بواطة ديال دوا وعاونها تا فرقات رجليها مزيان من بعد ماحيدات سروال وكيلوط …داوا ليها الغراز …
طول هاد ستة ايام وهو مقابلها يداوي لتحت ويعطيها توضى ويوضيها هو وينشف مقابلها دقة بدقة باش دغيا تبرا ومتعذبش لانه شاف عذابها وسمع على عذابها من الي حملات وهر فغيبوبة يعني الي تحملاتو صعيب تحملو البنت الي بعقلها وشخصيتها قوية هاهي المفششة تحملاتو وصبرات يعني الشخصية القوية ماشي بالفم وردان الهضرة وتخراج العينين من اليلام عليكم الشخصية القوية كتكتاسب من تجارب هما الي كيقويو والمشاكيل الي كينجروك …
#يتبع…🦋نور_الياسين(1133)#فرصة_ثانيةsana mina🐺🦋
كمل معاها وبقا معاها شوي كيهضرو ويستاشرها فشنو غايديرو لسبوع …حتى جا طلبها كالتالي …والي ممكن يرفضو ممكن يخليها دير شنو بغات …
ياسين “عقد حجبانو” : شنو هادو ؟
نوار : غييير لعابات بيناتنا حنا العيالات …
ياسين : بنهار ؟
نوار : انشوف اش غايديرو عافاك بغينا نضحكو …
ياسين”رفع حاجبو” : دابا مالك هاجراه ؟
نوار : ههههه ولا عافاك غير باش تبقى فالذكرى مع تصاور الي صورناهم نحمعهم …
ياسين : لا مريضة نوار مريضة بزاف ماحيلتك لسيزاغيان ولا لداكشي؟ والبنات مينزلوش عند العيالات …الله يرضي عليك …
نوار : البنات مغاديش ينزلو غانبقا معاهم انا وفاش نزل نسلم على العيالات الي جاو يباركو ندير صواب ونطلع غاتبقا معاهم هاجر ولا صفية ولا رميساء عطا الله من يحضيهم ولا خالتو نجوى …وانا منتعگرش غانخليوه تادوز يومين ونديروهم غير بيناتنا باش ميبقاوش العيالات
كل نهار تجي وحدة تبارك نجمعهم دقة وحدة يتغذاو وياكلو الحلوة وينشطو ويمشيو …راك عارف هنا دوار ناس كيجيو بزاف نتا مارخيصش عليهم ههههه …
ياسين”شافيها بنص عين” : نتي وكان رخيصة ؟
نوار : لا غالية غير قول اه عافاك وزايدون ياك داري هادي ندير الي بغيت …
ياسين”بقا كيشووووف فيها ويالالة ولات مولات دار على لمفششة تاهي …تنهد وقبط ايديها باس كفوفهم وشاف فيها” : ديري يالالة دارك مكاين الي يحاسبك …”باسها فشنايفها” يلاه هاني مشيت “شاف فساعتو” العشا جايين الموضفين الي كنت خدام معاهم فالبنك باش يتعشاو …
خرج من عندها وفطريقو تلاقا باشرف جاي عاد مدوش تاهو بداو زغيبات شعرو ينوضو تاني …تالقاه فالطريق ووقفو …
اشرف : خويا واخا ندخل عند نوار نشوفها ؟
ياسين : لا …
اشرف : ااا ؟ اه واخا صافي تاتهبط ونشوفها “تم غادي مزير يحساب ليه قمعو تا رجعو من طريق شادو من دراعو “
ياسين”طرشو لحناكو بشوي وعض شنايفو ” : كتشاور ؟ هادي كانت علاش تشاور …نوار ختك قبل منعرفها انا ميحتاجش تشاور واش دخل غير دق تتشوفها واش ديسبونيبل (زعما متاحة ماكتبدلش ولا ماعرياناش …حيث البيت واخا ناموسية فيه جليسة قدامو فين يجلسو)
اشرف”حك راسو كيضحك” : احخخخههه خلعتيني …صافي يحفضك انا نشوفها …
طل عليها لقاها متكية وحداها لكونات فوق الناموسية خلاهم ليها ياسين باش تطل عليهم بلا متنوض …
اشرف : مي فاطمة فايقة ؟
نوار : هههه فايقة اجي نتا غابر عليا هاد ليام لا نتا لا اسمة لا لاخور …
اشرف : غبرنا باش نبيلضو كي شتي ناوييين نتجوجو الله يحفض …
نوار : ههههه …
اشرف”شاف فالبنيات” : يا خيري على خالو …
نوار : علاش متقولش عمو …
اشرف : فحال فحال ولا جينا لصراحة عشت مع مهم ختي كتر من باهم …دابا حطيتيها بين البينات دروك تانتي مالقيتي ماتبغي غير ولد عمك …
نوار”دارت ايدها على حنكها” : ياك شكون كان يقوليا متفرطيش فحبك را يديوه ليك تعقل ايام ناديا ؟ ايام اليزابيث …
اشرف”بيض فيها عينيه” : ذكرنا سمن والعسل …قلتها وندمت كون ماقلناها وشجعناك انا والفجلة كون كاع مدزنا من هادشي خضخضتونا …ويني ماااااعليش فسبيل الله وسبيل هاد لفرتيتات …
نوار”غوبشات فيه” : بنااات هادوك لهلا يحييك تافرتيتات …
اشرف : اشرفي اديك هااا را عرفناك هزيتيهم فواحد الليلة تخضخضتي فيها وبسباب اح دخلو جوووج حيونات منوية من موطور مجهد وعرفناك خريتيهم تا جبتيهم وو”سدات ليه فمو” ففففغغففف…”حيد ايديها” حيدي هاني سكت …
دق علي واسامة تاهما ودخلو وصلو على اشرف وجاو يطلو على البنيات وجليو حدا نوار يضحكو معاها وشادين فيها وتاهي فوجات معاهم نساوها شوي تعب الفتحة …
علي : هادي الي هنا “على زينة ” حق ربي الى جاتني غا فجيلة …
ااسامة : هااح وتجي فحال الحنانة الوليد مايخلي ميجيب ههههه…
اشرف : لاخرا غير نوار هههههت مسكين ياسين صدق هو الي مصخر نعهههههه…
علي”شاف فنوار وباس راسها ” : ياك ختي نتي شوي بعدا ؟ دازت عليك …
نوار”حطات راسها على كتفو ” : شوية خويا يحفضك ليا…
اسامة : كتسواني كل نهار ؟
نوار : لا ماشي كل نهار مرة فيومين دابا غاتولي …
اشرف : تانتا سوان متخممش مهليييييييييين “جبدها” فييييييييها وماخاصها تاخير ياك انوار؟
نوار : ها اه كتسواني ليا ماما …
اشرف : الله يمسخك “شافو فيه” اههههههن زعما ويلي حشومة تعطي ماماك تسواني ليك …
نوار : منقدرش وحدي “صرطات ريقها” احم
علي : مال بغيتي يسواني ليها ياسين مثلا نهههه
اشرف : اعوذ بالله “طلعها وهبطها” داكشي بين المراة وراجل استغفور الله ويلي …مافيها باس الى عرف يسواني ياك ؟
نوار : فيا العطش …
اشرف : لمسخ لمسخ …”طلعها وهبطها”
ناضو جميع مخلين نوار هزات تيليفون باش تدخل تقرا راويتها …تا شافت ليكوش ديال البنات وعيطات لاشرف …
اشرف : اش تما ؟ امممم ؟
نوار : عافاك دي هادو لزبل حاشاك عافا خويا …
اشرف”هزهم” : اري لهنا …اجي فخبارك كنت تنصور بتيليفون ياسين دبيحة كيدازت تايجي ويرسليك …
نوار : بصح ؟ صافي تايجي ويعطني نشوف ..
اشرف”كيشوف فلكوشات ديال بنات صغيورات” : هممم ايييه بصح “تم غادي ” بليمارة فاش رسليتي ليه ميساااااااااج يجي يسواني ليك الغراااااز …يلاه باااااي”خرج خلاها مخرجة عينيها وحناكها هرب منهم لون …اما هو عاود شاف فلكوشات “
ياويلي ناس عندهم زك ترمة هادو شتهم غا زكيكات …ناري على بنات ياسين تاكلهم فخبزة …ياختي”دارهم فوجهو طلعت معاه ريحة العبق” يخخخخ خرااااااا ….
#يتبع…🦋نور_الياسين(1134)#فرصة_ثانيةsana mina🐺🦋
جالسة فوق الكرسي وشادة ولدها بين ايديها كترضع فيه برضاعة وتضحك معاه …ناضو ليه سنينات بربعة مضارب معاهم وينتش فرضاعة ويبجغط غا وحدو ويضحك مع مو وهي تشوف ليه وتبتاسم كل مكيكبر كل مالولد كيخرج نسخة من ايساف …تا بان ليها الولد بدا يتشعبط ويمد فايديه هزات راسها بان ليها ايلاف جدو جاي ويصحك ليه تا وصل عندهم …
ايلاف : اييييه حبيب جدو البطل “هزو تالسما وهبطو باسو” شوو وييي شكلك حبيت الضيعة ايش بدكش تعيش مع جدو …
صفية : ههههه مسكين قهراتو شنيولة هنا …
ايلاف”جلس حداها فكرشي مقابل ليها وحطو فوق فخدو…نطق بالدارجة على قبلها” شريتي ليه سبراي ؟
صفية : مشا ايساف هنا ياخذو ليه …”حكات جبهتها”
ايلاف”شاف فيها ونطق” : بنتي ليا مهمومة بنتي من الي جيتي …شنو واقع ؟
صفية “تنهدات” : والله اعمي الى ضايرة بيا …الولد كبر وانا وباه مختالفين …كنبقى نفكر ليل ونهار الى ماخرجتش من دار واستقريت ونبقا معاكم يكبر يلقاني انا فبيت وباه فبيت كيفاش تشرح ليه ماشي فحال نسكن وحدي معاه عالاقل يعرف را مفارقين وسبب منطقي علاش ساكنة وحدي …
ايلاف”دار ايدو على فمو كيفكر” : بنتي عارفة الي درتيه حنا معاك فيه ياك ؟”حركات راسها” مغانجيش لا من جيهتك لا من جيهتو …هو دار غلط ماشي خانك مع شي وحدة كان مشكيل ديالو هو ضرب وفمو خايب ياك ؟ وتانتي نهار دخلتي دخلتي بسباب غلطة …
صفية : عارفة …
ايلاف : بزوج بيكم غالطين وهاد الولد ماشي مابغاهش هو كان رافض فكرة الولاد وهو فهاد سن بغا تعيشو وتعرفو كتر على بعضياتكم ميربطوكمش الولاد على بعضياتكم …وقع الي وقع وحملتي بيه ماكنتيش حاسبة ليها وتاهو …خذا وقت كبير
على ماتعلم وتربى وهانتي كتشوفيه كيفاش ولا داير مع ولدو قيسيه فعينيه ماتقربيش ليه …من حقك الى مابغيتيهش ولكن كتشوفي كيدير كتر من جهدو باش تسامحو كيحاول كتر من جهدو يربي راسو …
صفية”الصمت”
ايلاف : فخبارك كلقاه كل فجر كينوض يصلي وكنسمع دعاه كيطلب ربي يسمح ليه اذى يتيمة وتعدى عليها لو مرجعتيش غايبقى ديما يطلب السماحة كل فجر كيفيق يصلي وفينما تاحت فرصة نمشيو لجمعة كلقاه خارج عينيه حمرين …ندم بزاف تا شاب راسو …ربي غفور رحيم …ربي كيسامح كيعطي فرص لعبادو شكون حتا الي منعطيوش ؟
صفية”دموعها دازو حادرة راسها وتمسح فعينيها الي فلارض كيشوفو نطقات بصوت منغنغ” : تانا ماكرهتش ولدي يتربى بيني وبين باه غير ديك الهضرة بقات كتطلع وتهبط فيا …
ايلاف : بنتي اي قرار خذيتيه معمرنا نتخلاو عليك راكي وليتي مننا وفينا ولدتي لينا ولد من دمنا ولحمنا تشاركنا دم بهاد الوليد …
صفية “حركات راسها” : تانا حايرة بين نسكن وحدي وبين نرجع فكرت بزاااف اعمي …”هزات عينيها شافت فايساف الي كان جاي ومسحات دموعها ونطقات” نحاول نعطي فرصة ….
ايلاف : عطي فرصة الى ضيعها انا مستعد نجيب ليك ورقة طلاقك بايدي …كلشي فوجه “باس حناك ياسين” هذا نخشيشة ديال قلبي “وقف” هاني دخلتو معايا …هضري معاه ابنتي ….”مشا”
#يتبع…#تتمة_البارت_1134_نورالياسين…
ايساف : فين دا ليا ولدي هذا ؟ اويلي ؟
صفية”ضحكت” : ههههه خطفو باك خطف ولدك سير دعيه ههههه لا حول الله يارب …
ايساف : مالك كنتي تبكي ؟
صفية”شافت فيه وحركات راسها” : هممم ديما دموعي سبابهم واحد …
ايساف : هنن باينة انا شكون من غيري الى مكنتش تلصق فيا …”جلس ” اش درت ليك الالة ؟
صفية”شافت فيه بجدية” : بغيت نخرج نكري فاش نرجعو ؟
ايساف”خرج عينيه” : اناري علاش ؟ “قلبه بدا يصرب عارفها فاي لحضة تبغي تخرج”
صفية : هاكلشي الحمد لله رجع مزيان ياسين ولا بيخير ها نوار ولدات الحمد لله ربي يحفضهم رجعات المياه لمجاريها…صافي ..
ايساف : واش درت ليك شي حاجة بلا منحس ؟
صفية “بنفي” : لا لا بالعكس …
ايساف : بغيتي تدي الولد وهو باقي صغير”عينيه غرغرو” احم …باقي صغير عالاقل غير يكمل العام والى عليا نخلي ليك الفيلا ونطلع لداري الي ففاس متكرفصيهش معاك فديور الكرا وتكرفصي تانتي …جاي
وقيتة سنان تاني جاي جلبة كيمرضو وخاص تقابليه والي يقابلو معاك تا الى مرض فالليل شكون يديه ليك ؟ مزال معندكش طوموبيل مزال مخديتيش بيرمي ديالك …صبري غير تيكمل جلباتو يشد فراسو وسيري ….
صفية : كتهمك راحتي ؟
ايساف : راحتك فوق راحتي اصفية راحة ولدي وراحتك على حساب حياتي منترددش ..عارف كنت خايب ومقصرتش معاك من جهدي …ماتقوليش غير كنت طايش قولي كنت حاس براسي بغيت نطير مدخلش معايا المسؤلية كنت باغيك غير نتي معايا مكنتش باغي نتربط بالولاد ديك ساعة تا جابو الله …فلحضة غضب متحكمتش فلساني….
صفية : تقدر تعاودها تاني …
ايساف : ههههه الي تعلم من الي داز عليه يبقى ديما كيتفكر ويلجم فمو ها علاش الي دازت على راس بتعليمة …داكشي الي قلت خرج فوق قلبي غير باش نبرد على غضبي …ودابا راك شفتي مخليتي مقلتي ومزال ونصبر منهضرش ….
صفية : واخا نتفرقو …
ايساف”غمض عينو تا زهقات دمعة بلا ميحس مبايناش ولكن قشعتها صفية ” : و احم واخا نتفرقو نبقا محتارمك حيث بصحك كنبغيك اصفية الى تفرقنا راني فرطت فاجمل نعمة جات لعندي فواحد ليلة من الليالي …ليلة فيها انا ونتي وضو القمر وكلمة حب لاليسا ….
صفية : عطيتك اغلى ما نملك بخاااطري …تانا غالطة وكنحاول نصلح غلطي قدام الله …
ايساف : كلنا كنغلطو وخير الخطائون التوابون …
صفية “تنهدات شحاااال ودموعها دايزين ” : هاد العائلة اولا عطاها ليا الله اكبر كنز عوضاتني على دارنا واليتم بسبابك انت …كنت كنشوفك فالبنك كتجي مع هاديك تيري الفلوس وكنقول كون كنت انا بلاصتها بقيت نحلم نحلم تا بغيتك …والباقي كتعرفو …
ايساف : بلاصتك فقلبي وعقلي اما هي بلاصتها ذكرى ودازت تمحات …
صفية “شافت فيه وقالت ” : الله يسامح فرصة ثانية وغانعطيها ليك فرصة نجمعو ولدنا …مانقدرش نيتم ولدي وباه عايش الي عشتو مابغيتش نعيشو لولدي مادام باه كيحاول يخليه معاه …”ماشعرش ايساف تا ناض على وقفتو جرها عندو كيعنق ويبوس فراسها ويضحك فرحتو ماتعطيها لحد وفرصة تعطاتو بزز ومخاصوش يضيعها”…

#يتبع….🦋نور_الياسين(1135)#فرصة_ثانيةsana mina🐺🦋
داز العشا الي كان لتحت خوات دنيا من العيالات كلهم طلعو لفوق شي مع نوار شي فالصالونات مجموعين تا خرجات نوار جلسات معاهم باش متقنطش ونيت وسط دارهم جابت ليها يامنة البنيات وحدة بوحدة حطاتهم حداها …تا حطو ليهم العشا وانصرفو الموضفين الي مع ياسين الي خرج ليه قرار على ود الخدمة وجاو بلغوه بيه مباشرة حيث كان رئيس البنك الرئيسي ديال فين خدام ياسين …
سارة : ايوى يسالي هادشي اميمتي وزيدي جايين عندنا ناس”غمزت راوية ” ههههه
رميساء”تزنگت” : احم …
راوية : وايييه خير ناس الالة …من امتا هاذشي نتي ؟
رميساء : الله ماعرفت اعميتو”لولبت عينيها” هنن
نوار”قربات عندها…” : واش فاتحك قبل ميقولها لباك ؟
رميساء”حركت راسها” : اه ولكن …
نوار : شنو ؟
هاجر : هادشي فيه ولكن هههههه ..
رميساء”قربات اكثر مخليا منا وجداها ويامنة ونجوى يهضرو وعمتها ونطقات” : احم قاليا فترة خطوبة طويلة شوي نتعرفو حيث مابغاش نبقاو نهضرو بلا رباط رسمي احتارم عمو فؤاد وياسين وبابا وعمو يوسف …الى تفاهمنا نتزوجو …
نوار : نتي باغياه عاجبك ؟
رميساء”تبسمات مزنگة ” : هههههخ
مينة”كترضع ولدها من صدرها” : هههههه حمدي الله ممشاتش خطباتو هي ههههه عرفو بعضياتهم شهر وجا خطبها …عطي البايرات الوصفة يرحم باك ههههه
هاجر : ههههه الله يكمل بالخير… وهو ميتفوتش بروفيسور قداش عيشة مخيرة معاه ومحترم را شارب عقلو سيد على ماقاليا محمد الحبيب …ديري وليداتك…
مينة : اجي نتي مانوياش تجيبو لينا تانتي شي حبيب رقم جوج …
هاجر”تبسمات” : ناويين غير قلنا يدوز عام ان شاء الله ونحيد الفنيد هههه
نوار : متشوقة نشوف ولد الحبيب ياختي ولا هاجر رقم جوج ههههه …
لتحت كانو مجموعين تقريبا كلهم الا الدراري والحبيب وايساف الي كل غاطس فقنت …
ياسين”ساط الدخان لديك جيه وضار عند صهيب” : شنو قال سي البشير “المحامي “
صهيب “كان داير صبعو ففمو كيشوف فالتيليفون تا وصلو الايمايل ديال قرار المحكمة وقراه ليه ” : سمع جيتي مع القرار عاد نطقو الحكم قبيلة دوا معايا كان بغا يدخل طولات المحكمة تالعشرة ليل عاد كملو ….
فؤاد : امضرا ؟
صهيب”كيقرا ليهم” : الحكم على توفيق الزياني الملقب بسبيطة “الالقاب الي ذكرت فاش ضربو دوك جوج ياسين لجنبو توفيق هو الي ضربو ضربة لجنب ليمن وضربة فالعرق لتحت ” بالسجن 12 نافذة غير قابلة للطعن …والحكم
على منتصر العيان بالسجن 10 سنوات نافذة غير قابلة للطعن …تا راني ماوصيت البشير تا عرفت اش وصيت را نجلس ليهم لارض وليني انا من العائلة ممسموحش ليا وخا سباعي ….مبروك اسي ياسين …
ياسين : اللهم لك الحمد …
فؤاد : الله يمهل ولا يهمل …”ربت على كتف ياسين” ربي كبييير …
فهاد اللحضة اتاصل اركان بياسين الي يلاه تلقى الخبر وفاش تتجي الاخبار المفرحة تتجي دقة وحدة …ناض بعد وجاوب كيكمي باش ميتخنقش يوسف الي كان كيعاني من السل فما قبل …
اركان : الين اخا الكبيشي ؟
ياسين : مالك ماجيتي ؟
اركان : عاد جيت من شمال ساريت المدام وجيت صباح انا عندك وليني بينقوليك اخبار ماعرفتها تفرح ولا تقول منو لمولاه …
ياسين : شنو ؟
اركان : خونا فالله ماقالهاش ليك الوليد ؟
ياسين : تت لا شكون ؟
اركان : المراكش قتل راسو البارح عاد وصلاتني الخبار من عماد الي جاتهم الخبار من قنصلية الاكوادور فين كان …
ياسين : مفراسش الوليد ؟ مايمكن ؟
اركان : شوف اش كاين سولو اش خاسر …يلاه نخليك نمشي نرتاح صباح بكري نجي عندك ..
ياسين : جيب المدام والوليدة يبقاو معانا …
اركان : ان شاء الله …
قطع معاه وهو يضور شير لباه الي جا عندو وعاود ليه شنو كاين وشنو قاليه اركان …
فؤاد : جابها فراسو …
ياسين”بشك” : مقتلش راسو ؟
فؤاد”مقدرش يقوليه را قتلوه المافيا حيث ممنوع يخرج اسرارهم وزيادة مكيدخلش ولادو فهادشي مبعدهم على داك العالم قد ما قدر” : لا قتل راسو …جابها فراسو مالقاها مع الله ولا مع العبد …
ياسين “دار راسو تيقو ” : اوى الله يرحم ..”رجع كيشوف قدامو ويكمي ….”
فؤاد : شنو درتي فالخدمة ؟
ياسين : خرج القرار …
فؤاد : الي هو ؟
ياسين : رجعت مدير فمراكش ماشي فهاد الفيلاج فين دارو جديد …
فؤاد : علاش اختاريتي مراكش ؟
ياسين.: بناتي غايقراو تما نوار بغات ترجع تقرا فلافاك من اول وجديد ديك ساعة فطريقي نبقا نوصلهم راسي منغفلش عليهم …
فؤاد : بناتك نقيطات العسل وريقات الريحان ديالي …
ياسين “حدر راسو ورجع هزو تفكر شي حاجة وشاف فباه ” : واحد الوقت فاش كنا فسويسرا …واحد سيدة ساكنة فالدار فين جلسنا تما …نطقات بهضرة وكلام يمكن فهمتو يمكن معناه وصل وفهمنا المعنى والمغزى ..
فؤاد ؛ الي هو ؟
ياسين”رجعات بيه الذاكرة “
#فلاش_باك…
السيدة”دارت ايدها على كرش نوار وشافت فيها” : ماريا ايي ماريا …
#رجوع…
فؤاد “شاف فيه وحرك راسو” : المعنى وضاح والمغزى هو …ماريا رمز العذرية رمز البنت مسمية على امنا مريم بلغاهم “هضرتهم”هما ماريا …السيدة حسات بحمل نوار فيه جوج بنات فداك الوقت وعلم الغيب اولدي لله وحده …المعنى هو هذا …ماريا ماريا …جوج بنات من صلبك وصلب نوار …
ياسين”باس راسو” : بحكمتك وعقلك الكبير منعرف اش ندير ..عمر دارك الوليد …
#تصبحن_على_خير….

Leave a comment