Skip links

قصة نور الياسين ج6

 28,829 عدد مشاهداات

🦋🐺نور_الياسين (81)sana mina🐺

🦋

لقاو يسرى ضور وتلالي مسكينة معرفت باش تبلات حتى لقات بنتها مدخلينها نوارتها البنت الي عاشت ليها وخا مرضات وحاولات تجهضها ومطاحتش ليها البنت الي كافحت حتى هي فكرش امها وقاومت حتى خرجت لدنيا …وخا فيها نقص فرجلها دوك سنتمرات فرق كبييير بين رجلها لاخرى الشي خلاها تعرج وفصغرها تعرضات لتنمر طبعا فدراسة داكشي الي مخليها نوعا ما متقفزة وكتحس بالنقص لكن حلمها بياسين والوعود الي كانت تسمع من يامنة خلاوها تبني عليه امال انه هو داك الفارس المغوار الي غايشد بيها وتكون عندو مولات الدار والري وشوار ….

يسرى “كتشوف فياسين ” : ولدي العااار اولدي كي طرا ليها هاا ؟ علاش مخلاونيش ندخل عندها ؟ علااااش ” كضور وتحك فصدرها شعلت فيه العافية ” …حنييينتي حنيينتي …

نجوى : ذكري الله ايسرى مغايكون والو راكي عارفة هادشي …مدخلوكش حيث نتي امها مغاتقديش وماشي تخصصك خليهم يديرو خدمتهم زعما هادشي مخافيش عليك …

يسرى : وراه حيث بنتيييي قلبي شواني عليها …حساسة وكتخبي فخاطرها الي ضرتها وحنينة وخا فمها شي مرات سابقها …بنتي هادي وحدها الى سمع يوسف ااااش غايكون بيه الحال

ياسين “هز راسو لسما وطلق تنهييدة سخوونة وقرب ليها ” : الخالة يكون خير …

يسرى : جيتي معاها ؟ اش وقع ليها كيفاش تا طاحت …

راوية : رجلها تلوات ليها وملابساش صبيبيطها داكشي باش طاحت …

يسرى : وكنقووووووول لييهاااااا تلبسوووووو كنقولها ليها راه تغفلها معندهاش توازن كنقولها …

ياسين : هادشي مغادي ينفعك بوالو تبتي شوية راكي فهاد ضومين وعارفة اش كاين …حضري عقلك وخا بنتك …

شي ساعة وهي تسنى حتى خرجت طبيبة الي كانت فيها نوبة فالمستعجلات …مشات عندها يسرى كتجري

يسرى : رغدة بنتي ؟

رغدة : يسرى حبيبتي بنتك درنا ليها كاع الاشعة والراديو …معندهاش كسر فالعنق ولا على مستوى الرأس لكن مع الاسف عندها شق فرجلها اليمنى “فين عندها نقص ” الي عندها فيها نقص ايسرى …

يسرى “طاحت على طولتها جلسات حتى نوضها غير اشرف ” : ن ن نواارتي …اااش غانقول لباااك اهى اهى

راوية : الله ياربي الله …

ياسين “عض فشفايفو بعصبية عزات عليه عند بالو حشمات منو ولا خافت من شافت داك المنضر وهربات لكن هيهااات ابا ياسين راه واقيلك خاصها تا طبيب نفسي هههع ”

رغذة : يسرى !! اش هاد الحالة حمدي الله غير شق وموقع ليها مشكيل فراسها موقع ليها غيبوبة او او …الحمد لله جات هكا من غير هادشي عندها غير رضوض خفيفة حيث يمكن طيحة كانت شوي مجهدة …دابا درنا ليها الباندة ديال رجل الخاصة بالهرس …خاصها تبقى فيها شهر تقريبا عاد تحيدها ….غانعطيوها حتى عكاكز باش تعاون من بعد ….داب

عطيتها مهدئ باش يزگي عليها صداع الي فرجلها وتكساح الي مكسحة غايكملو ليها وغاطلع وخا دخلي عندها راها ناعسة …متخافيش ايسرى مهليين فيها راها فحال بنتي هي ومينة احبيبتي غير هناي ع🦋🐺نور_الياسين (82)sana mina🐺

🦋

في واحد من الغرف العادية ديال المشفى …من بعد ما خرجوه من العناية المشددة برحمة الله وشفائه الي نزلو عليه قدر يتجاوز مرحلة الخطر وموقع حتى تختر الي كانو خايفين منو وصحتو بدات ترجع تدريجيا للاحسن …واقفة يامنة حدا راسو كتجبد ليه فدوا باش يشربو حتى قبطها من ايدها وجرها جلسها حداه …

فؤاد : ياسين مجاش ؟

يامنة : واهضر معايا صباااح قاليا غايتغدا معاهم ويجي قلت هادي رجلو …

فؤاد : الى تعطل عطيني تيليفوني نعيط ليه …

يامنة : وااخا …

واحد شوي حتى دق الباب اذنات ليهم يامنة بدخول ودخلو واحد ورا لاخور ومعاهم تا ايلاف ومحمد الحبيب …

ايلاف : رفيقي …كيفو وكيف خواريفو …

فؤاد : حامدين الله…

يوسف : الصحة مزيانة ليوم اخويا …

فؤاد : مزياانة …الخدمة ؟

صهيب : ماتهزش ليها الهم تترتاح …

محمد الحبيب “قرب حداه باس ليه راسو ” : الوليد اليوم مزيان ؟

فؤاد : بشوفتكم اولدي مرتاح …الله يرضي عليك …

يامنة : ياسين شفتو تعطل ياك مكاين باس. ؟

محمد الحبيب : والله اميمتي مهضر معايا من البارح قاليا راه شاد طريق ولكن هاد صباح مهضرش …

ايلاف : ليك هوي بعدو بالبيت مش رااح يجي بسرعة لازمو يرتاح ويرتب اغراض اخوه على ما ذكر …

فؤاد : هذا علمنا …

يوسف : صونا ليه تيليفون وخرج برا يجاوب …

فؤاد : الياس باقي غادي تدي مرتك تشوف دارهم ؟

الياس : اييه هاد الايام لكن تتولي شوية ونيت عندنا شي خدمة على حساب سلعة الي غاتمشي لبرلين …

يامنة : علاش ؟

فواد : غانضرب شي ايام تما نرتاح …”شافت فيه على اسامة وحبسها بايدو ” …هذاك بعيد مغاديش نشوفو بغيت هوى ربي نقي …وشوفي باك ليك شهور مشفتيه دي رضاه يعاونك فالمحنة الي فيها …

ايلاف : بدناش ياك تنتكس فؤاد …

فؤاد : معندو ميوقع ليا …كاين الله …

يامنة “فحال فرحات غاتجي حدا ولادها بجوج وخا لاخور غاتبعد عليه لكن عندو القدرة انه يجي وقت ما بغا ” : صافي ان شاء الله …”عطاتو دوا الي بقا ليه شربو ”

محمد الحبيب : نشد انا شي يامات ونجي عندكم توحشت تما شحال ممشيت تايلحق عليا ايساف …

صهيب : والله كون ما خفنا دنيا تعمر تالحقو عليكم …

فؤاد : هاديك دارنا ا صهيب معندناش دنيا تعمر ولا تخوى تيسر امورك وجيب الوليدة …بغيت ندير صدقة تما …

صهيب : زردة اااح احم صدقة ايوى صافي نجيو ضروري …

يوسف غييير سمع الخبر رجليه فشلو عليه …ولا غادي وشاد فالحيوط حتى وصل لبرا وعيط ل صهيب لحق عليه …

صهيب : ياك لباس مالها ؟؟؟

يوسف : ديني دابا طير بيا تما مقدرتش نسوگ طللللقني دغيا …

صهيب : يااربي سلامة … على بنتي …فكرتني غير فطيحتك ….بففف

مشا حل طوموبيل وركبو بجوج نيشان لازرو غادي منير صهيب …الي قالها لياس وقالها ليهم ووصا محمد الحبيب يجيب معاه مينة …خلاهم مشطونين ومتحسرين عليها خصوصا🦋🐺نور_الياسين (83)sana mina🐺

🦋

تقريبا دازت مدة وطلعوها لفوق واحد شومبر صغير غير داك النهار والغذ ليه تقدر تمشي …طلات عليها يسرى ونجوى وراوية واشرف شافوها كانت ناعسة لبستها امها بيجامة وجمعات ليها شعرها ودارت ليها بونضو وغطاتها باستها بالبكا عاد خرجات من عندها …فهاد الوقيتة كان ياسين خارج برا يكمي عالله يتنفس ليه راسو …عزات عليه فداك المنضر وفنفس الوقت محملش راسو تشوفو هكاك وبهاديك طريقة وهاديك خارجة من عندو …نقولو حشم رجولته متسمحش ليه باش يخلي شي حد من عائلتو يشوفو بهذاك المنضر …

تعصب وقرب دمو يفور فور مكيتفكر هاديك الخليقة كيفاش دخلات وبهاديك الجرأة !! معمرو توقع يطيح فهاد الموقف الي وقع ليه هاد النهار …تراكم المشاكل على اختها تراكم الاحداث وهادشي …تراكم تفكير نوااار الي طاحت والمنضر كيفاش شافت فيه محسش براسو حتى قبس واحد سطل تما ورا الكلينيك وطلقها بغوتة حتى ضارو عباد الله يشوفو وشي كيطل منين جاي الغوت …..

ياسين :ااااااااااااااااااااااااااااااععععععععععععع …

حدر راسو صدرو كيطلع ويهبط ونواضرو دارو الندى بالعرق الي تصبب ليه …وتنى راسو حط ايديه على ركابيه ومناخرو كيسوطو انفاس سخووونة ….

قرب ليه واحد الراجل وحط ليه ايدو على كتفو …ياك شي باس مكاين اولدي ؟

ياسين “هز ايديه ” : مكاين والو لهلا يخطيك …

الراجل : كل مشكيلة وليها حل خااص غاا تحل عينيك

ياسين “كمش حجبانو ” : كيفاش !!!

الراجل : الله يفرج اولدي …”طبطب عليه ومشا ”

ضار ياسين ومشا دخل لكلينيك بانو ليه لتحت ويسرى كتهضر معاهم خلاهم ومشا طلع لفووق لعندها اول مرة غايشوفها من بعد مطلعوها …مغطياها امها وناعسة كتبان كيف بنية صغيرة محاسا بواالو …ايدها تحت حنكها ولاخرا فوق كرشها

جاب كرسي وجلس قرب حداها …كيشوووف فيها مجايبة دنيا خبار …رجلها خارجة ومهزوزة فىق مخدة …دايرة ايدها على حنكها وناااعسة سارحة عجولات لاخرة …حط ايدو على ايدها وضورها على كفها وهزها طبطب عليها بايدو لاخرا …

ياسين : …مامشيتي حتى طحتي على هاد الرجل من نهار شفتك ونتي مضاربة معاها …ضربك الباب ( فاش حل عليها الباب ودارت راسها ضربت رجلها ) …فاش تلوات ليك ملي جبتي ليا كاس اتاي …ومبغيتيش ترحميها هانتي هزيتيها (لعقوبة تهزها هزة اخرى ههههخ) ….تعديتي على هاد الرجل ا بنت عمي وعرفتي كيفاش ….غاا حشمتي

مكاين والو ونتي زربتي يهديك الله حشمتي غا هكاك “يحساب ليه حشمات فاش شافتهم 💔” …هذاكشي معندناش… فهاد دار غير بالحلال …غييير بالحلال ….”خذا ايدها وضورها من جيهة كفها وباسها فيه وحطها وناض تحنى باس ليها جبهتها “سمحي لينا تعدينا عليك ووصلتك لهادشي …الله يشافي

امفششة البنات …

#تصبح🦋🐺نور_الياسين (84)sana mina🐺

🦋

الكلمات او الكلام الي نطق كان نابع من قلبو …فعلا مبغاهاش تشوفو فذاك المنضر ومبغاش اي حد يشوفو فداك المنضر وفعلا دارهم ماشي ديال لمسخ يجيبو البنات عندهم …هو فكرة ان بنت الناس جات وحدها مخليا دارهم وجات لدار غريبة عليها ولعندو هو وهي بنت وسط دار فيها زوافرية …وماشي محرم عليها صالحة ليه لزواج والشيطان حرامي …

بمجرد انها شافتو وفهمات غلط هادشي هو الي مبغاهش مبغاش اي واحد يشوفو غلط وفما بالك انها بالحشمة “عند بالو ” حشمات وضن انها حشمت جاتهم فوقت ماشي هو هذاك لدرجة ارتاابكت ووقع ليها داك الحادث الي مقدر من عند الله ولكل حادث حكمة من عندو سبحانه وتعالى ….

باش يفكر انها مرتابكة منو وكتشوفو تقفقف ولا كتشوفو تزنگ وقلبها يضرب ولا كااع علامات الاعجاب والحب هو حاليا بالنسبة ليه مشايفهمش ولا يضن انهم علامات اعجاب وحب نابعة من القلب ليييه هو …هادشي مدخلوش لراسو حيث ببساطة مجاتش على بالو انها تبغيه وراه نغاطيحش ليه على البال مبدئيا …عقلو الباطني مزال موصل ليه والو …وتواحد فينا معارف اش تيفكر هاد الخليقة الصنديد البارة تاع ثلج 😑…

قاد ليها الغطا وناض رجع الكرسي فين كان وتم غادي خارج حتى تحل الباب ودخل يوسف مسكين وجهو فيه علامات الخوف على بنتو …

ياسين “دار صبعو على شفايفو ” : ششش خليها مرتاحة دابا …

يوسف : كي بقات “ضار شاف رجلها وهو يغمض عينيه ودار ايدو على جبهتو ” الله على بنتي …

ياسين : يوسف !!! راها بعقلها ماشي بنت عشر سنين تخاف عليها لهاد درجة …

يوسف : الكبدة صعيبة وكبدتي على بناتي صعب ا ياسين …اش وقع ليها ؟

ياسين : انا برا سير شوفها تاتخرج ونهضرو …

خلاه مشا لعندها يشوفها ودخلات مينة تاهي موراه هي ومحمد الحبيب وصهيب …

واحد شوي وهو واقف برا فواحد جريدة ورا لا كلينيك حدا واحد شجرة ديال حامض تما …مد ايدو قطع ورقة منها كيشوف فيها حتى وقف عليه يوسف …حط ايدو على كتفو

يوسف : لهلا يخطيك جيتي معاها فالاسعاف ووقفتي معاهم …

ياسين “رفع حاجبو وضار لعندو ” : هاد الهضرة مكاين لاش ا يوسف …نوار فحالها فحال مينة بنات عمي وخوتاتي بجوج …

يوسف : عااارف الي كاين …اشنو وقع ليها بعدا …

#يتبع…..

 

ياسين يخوي ليك ركابي 🦋🐺نور_الياسين (85)sana mina🐺

🦋

تقاد فالوقفة وجرو حتى مشاو لواحد الكرسي ديال جردة بعيد شوي على بنادم بحكم الكلينيك فيه داخل والخارج معندهمش وقت الزيارة محدد …غير جلسو جبد سيجارة شعلها وبدا يعاود ليه …الميزة الي فياسين كيعاود كلشي كيما كان وخا يكون خلا عشتو المهم يحط بالصورة بدون لا زيادة ولا نقصان ولا نفاق ولا زواق ….

يوسف : ملي شفتها ما رتاحيتش ليها غيير مينة يهديها الله قالت دخل ودرنا الواجب مع عابر سبيل وضيف لا غير اولدي …

ياسين : العيب ماشي فيكم العيب فيها هي قليلة الاصل …ضيافة النبي قايمين بيها مرحبا ولكن تصرفات الخانزات خلات عليها …نتا عارف دار عندنا الاحترام والاخلاق هما كلشي الى بغينا زيغك برا دار ….

يوسف : راسي شوك حق الله العضيم اولد خويا …يعطيها العذاب بسبابها بنتي لفوق مهرسة من رجلها ومن الفوق عندها امتحان بعد غذا …

ياسين : الامتحان حالو ساهل دوزو وخا مهرسة تعاون بالعكاز وحنا معاها يكون خير …

يوسف : مزال مغاتمشيش تشوف باك ….

ياسين : غير تخرج صباح رجعوها لدار ونمشي من تما …

يوسف : خوك كيف بقا بعدا …

ياسين : خويا عاد قال بسم الله مزال الخير لقدام …راك عارف الاجراءات الي دايرين معاه …

يوسف : الله يشافيه تاهو …باك بغا يمشي عندك لفيرما فاش يخرج …

ياسين : عاارف عاارف …قالها ليا فالانعاش فاش شفتو …

يوسف : نتوما تافقتو على كلشي فداك الانعاش …ومهزش لراسو الهم يقدر يتنكس ؟

ياسين : الوليد بغا يدير ايديه فاسامة حتى هو اب وبغا يدير ايديه فالواحب ديالو ك اب …وخا مغايشوفوش غادي يكون حداه بعدا …الجو تما مزيان ليه لصحتو واسامة معندو فين يوصل ليه …

بقاو تما هضرة تجبد هضرة حتى ولاو ناضو طلعو ثاني طلو على نوار ورجعو هبطو وصلات الليل و خاصهم يمشيو لان طبيبة الي قالت ليهم هكاك بقات معاها غير مينة ويسرى ويوسف ….

تقريبا من بعد ما اذن العشاء هبط يوسف يصلي ويسرى عيطو ليها لتحت لحالة مستعجلة …بقات غير مينة الي حداها …بدات تحرك فراسها ووجهها كتكمش فيه عينيها وحجبانها …حتى ردات ليها البال مينة الي كانت شادة الفون كتبقشش فيه …وناضت جلسات حداها …

مينة : نوارييي …حبيبتي …

نوار : اممم …اننن

مينة : مالك احبيبة …

نوار : اننن بغييت نشرب …”بدات ترمش فعينيها ” …ايييي

مينة : شش وخا هي اللولة …”كبات ليها كاس تاع الما وعاونتها تا قادت راسها باش تشرب تكات على داك الكاس كلو مسكينة ”

نوار : زيديني …

مينة : وكحتي ههههه واخا …”عاودت زادتها حتى شربات ثلاثة الكيسان ورجعات قادت ليها المخدة ” …شوية حبيبة اختها …

نوار “حلات عينيها بشوي وشافت جيهة رجلها كمشت عينيها ” : اهى اهى رجلييي تهرساات اهى والامتحان …

مينة : شش متخافيش رجلك غادي تجبر عندك غير شق والامتحان احبيبة غادي دوزيه عادي معندك مناش تخافي ماشي نتي اول وحدة كتهرس ودوز الامتحان الناس دوزوه مهرسين من ايديهم وجابو الي ينوب عليهم ودوزوه عادي ( هاد قضية وقعات لولد عمتي خذا اذن من نيابة التعليم كان مهرس من ايدو وجا ولد كتب ليه وهو كيفتي عليه الاجابات ) ….عساك نتي غير رجلك …

نوار : اهى اهى …اهى …

مينة : اشنو ثاني …

نوار : و والو والو …

مينة : قالينا ياسين شنو وقع ا نوار …شفتي حتى جبتيها فراسك ؟ اش قلت ليك ؟

نوار : مينة خليني فيا صداع مبغيت نسمع والو …

مينة : واااخا هاني ساكتة …هااني ساكتة …غير سكتي من البكا دابا يجي بابا واجي #تتمة_البارت_85_نور_الياسين_sanamina

مااامسخهم كاااع مزال تتقول فيها حتى حل الباب ودخل لقاها دموعها دايزين وتنخصص مشا كيزرب لعندها وجلس حداها …

يوسف : نوار مالك ابنتي ؟

نوار : هااا م ماليش غير ضرتني رجلي صداع …

يوسف : مينة عيطي لطبيبة دير ليها شي مهدئ الله يرضي عليك …

مينة : واخا بابا …مشات مينة وتقاد فالجلسة هز ليها راسها وحطو على صدرو كيدوز ليها على شعرها ويحك ….

يوسف : نفلي لبنتي شعرها نجبدو شي قملات ثاني دايعين ولا شادين طاكسي …

نوار “جاتها ضحكة وسط دموعها ” : ههههههن بابااااا متقولش قمل كيبورشني يييععع …

يوسف : سكتي ليماك غا ساهل ليك تايجيك فدوك زغبات عندك غايحط رجلو يزلق ( حيث شعرها رطب وحريري هههههه ) ….

نوار : ههههههه

يوسف : صباح تخرجي نديوك ترتاحي وزيدي قدامي ندوزو شي نهار بعكاكزك فديييك البلاصة الي فيها الغابة حدا افران …

نوار : ديييك القهوة الي كيمشي ليها عمو فؤاد ؟

يوسف : اييييه الي دا ليها مرتو وهاد المرة غانديك ليها غير انا وياك بات وبنتو …نفوجو شوية باش تصبحي دوزي داك الامتحان وترجعي وتقولي ليا باباتي جاوبت على كلشي فحال امتحان لباك 🦋🐺نور_الياسين (86)sana mina🐺

🦋

بقاو معاها حتى تعشات وعطاتها يسرى مهدئ على حساب صداع الهرسة وخرج يوسف هو ومينة مشاو لفيلا …كيف دخلو طلعات مينة تبدل حوايجها ويوسف دخل لقا ياسين وايساف وصهيب والياس ومحمد الحبيب تما جالسين فصالون ….

يوسف : جماعة الخيييير …

ياسين : كيف بقات …

يوسف : مزياانة تعشات ونعسات …اولدي …”جلس حدا ايساف الي كان متكي شاد لفون تيفرنس ” ..فرنسنا معاك (ضحكنا معاك ) ….

ايساف “شاف فيه ورجع شاف فتيليفون ” : داكشي كبير عليك الخال …

يوسف “عطاه دقة لگرفادة ” : ايييه تقادو لكتاف ا بالحمار ..طفي داك شقف وتقاد بغينا نهضرو معاك …

صهيب : ماشي ليوم ا يوسف …

يوسف : لا ليوم تفرگع هاد رمانة …نعرفو اش كاين ومنضلمو حد …طفي داك لخرا نتا …

ياسين “رفع حاجبو ” : اش كاين هنا …

ايساف “عض شفايفو ولاح تيليفون بزعفة حداه وتگعد تقاد معاه ” : هاني تفضل …

يوسف : ماحد مك فداركم وكاينين غا حنا …سمعني اولد ختي نقوليك بحضور ولد خالك الكبير …جات واحد البنت سولات فيك …

ايساف : يسول فيها الخير …اش بغاتني خير …

صهيب : الطنز حبس منو وتگاد معانا …

ايساف “اللهم طولك يا رووح ” : وخا خالي هااني كنسمع …

عاود ليه يوسف من طاق طاق لسلام عليكم هو كيعاود ليه ولاخور كيسمع حتى حبس كيتسناو ردة فعلو ساعااااك …

ايساف : تههههههههه هههههههههههههههههههههههههههه لا بلاتي ههههههههههههههههه

يوسف “ضرب ايديه ” : يلاااه اسي مع هاد حميدة العطاس …

الياس : هههههههه جاب ليا ضحك …

صهيب : شرب الما وعاود ضحك حنا مسااالين قبنا معاك نييييت …

ياسين “داير صباعو على فمو وايدو مرفقها فوق ركابيه كيشوووف فيه بعينيه عاقد حجبانو فيه وكيشوف ردة الفعل ديالو كيقيسها ”

ايساف : وههههههه بلاتي ونتوما تيقتوها ؟ لا واش ثيقتوها ؟ ….

يوسف : كنسمعو اقوالك تانت مبغينا نضلمو حد “رفع ايديه ” …

ايساف : واش من نيتكم انا نديرها ؟ واش مصطي تنتعدا على بنات الناس ؟ ااااه لنفرض ياك هي قالت ليك ماتعدا عليهاش كلشي بخاطرها الوغ ؟

صهيب : الوغ خاصك تسترها وخا هكاك ومن بعد عطيها بركة ولا عاونها وطلقها …ماشي ولاد لحرام حنا …راها نعسات فسبيطار وشلا راه كلشي عاودو ليك والملف جابو ليك قراه وشوف تاريخ واش مفكرك بوالو ….

ايساف “عطاه يوسف الملف جابو من المكتب ومدو ليه …بقا كيشووووف وشاف فالتاريخ …” : احم …ماشي انا ماااشي انا انا منديرهاش وخا يوقع الي يوقع …بفففف “ناض من حداهم ولاح ليهم الملف هز ساروت طوموبيل وتيليفون وجاكيط ديالو وخرج عينيه حمريييين وحجبانو معقودين …

ياسين “ناض يوسف بغا يتبعو مشربن عليه حتى وقفو ياسين ” : تت خليه دابا ماشي كلشي دقة وحدة خليه يفكر ويستوعب وديك ساعة عاود هضر معاه وتاكد ….

يوسف : مصيبة كحلة هادي مشاكيل تابعة لاخرى …يعاود لراسو براكة عليا غا همي وهم داري …يخخ …

صهيب : ماعرفتش علاش حاس بيه عارف شي حاجة ولا فراسو شي حاجة …من بعد كيف قال ياسين حتى لمن بعد …والى جات تاني سايسها تا يكون خير …

ايساف غير خرج من عندهم كسيرا باقصى سرعة وخدا طريق اخرى غادي منير فطريق حتى وصل لواحد التلة ووقف طوموبيل وخرج منها تكا عليها كيشوف ف افران من لفوووق باضوائها وجمالها الاخاذ هز عينيه لسما ورجع هبطهم حل صدايف القميجة وهبطها من جيهة كتفو …شاف فواحد القمشة بقات معلمة عليه فكتفو حتى دارت سيكاتريس كمش عليها بصباعو وهز راسو لسما …

ايساف : لا لا ميمكنش مااايمكنش ياااربي ميكونش هادشي يااااربي مطيحنيش فهاد العذااب ياربي ريم بن🦋🐺نور_الياسين (87)sana mina🐺

🦋

قبل متشرق شمس يوم جديد لقاتو واقف قدام الماريو جبد حوايجو الي غايلبس …تيشرت بيض مكتوب بالاسود وسروال دجين بلومارين سد سنسلة سروال ومشا جيهة لكوافوز مشط شعرو رجعو لور ورش بارفان ديالو ….مااسولش على ديك خيتي ولا عرفها تا فين مشات ولا جات …عارفها كلمة وحدة الى لقاها خلات على عشتها بالمزيان …هز باكية الگارو ديالو وكونطاكت خشا تيليفونو فجيبو جلس حتى لبس فرجليه سبادري كحلة …وهز جاكيط ديالو كحلة وخرج ….

مشا شد طريق نيشان لفاس لعند باه يلاه يشوفو ويشوف مو ….الي لقاها واقفة عند راسو كيلبس فحوايجو …

ياسين “حنحن حتى ضارت يامنة ”

يامنة : حبيييبي ولدي …

ياسين “باس ليها راسها وايدها ” : الحنانة ديالي …”باس راس باه ” …الوليد شوية ؟

فؤاد “كيسد فسنسلة جاكيط سورفيت “: بشوفتك اولدي …مزيان نتا امورك ؟

ياسين : كلشي بيخير …

فؤاد : نوار كي بقات …

يامنة : كيف بقات حنينتي ..

ياسين : دقة جات فرجلها الي فيها المشكيل نيت …مزيانة الحمد لله مكانش شي حاجة خايبة

يامنة : خفت عليها والله كون ما فؤاد هنا نشوفها قلبي شواني عليها …

ياسين : لا لا مزيانة اليوم تخرج …

فؤاد : امتا راجع ؟

ياسين : هاد اليومين نسالي شي امور …الوليد غادي نقبل بخدمة البنك …

يامنة : بصح ؟ غاتجي هنا هههههه يعني غاتستقر الله يا ولدي وكي فرحتيني الله يرضي عليك “بالفرحة باستو فحناكو بجوج حتى قوس فيها فؤاد حجبانو ” …ههههه غي الفرحة وكاان

ياسين : ميمتي بشوية على قلبك غانستقر لكن فمراكش قريب لتما راكي عارفة منقدرش نخلي الفيرما ثاني با عيا الحنانة ومنقدرش نخلي اسامة تما …مراكش غير نص ساعة وهاني فيها …

فؤاد : الي تسلك اولدي راحة البال الله يرضي عليك …

بقا معاهم حتى جا محمد الحبيب شافهم …رجع ياسين لازرو ومحمد الحبيب مشا لخدمتهم تما في فاس مخلين فؤاد الي قرر طبيب يعطيه الخروج من بعد يومين …مسافة الطريق حتى لقاتو وصل قدام لا كلينيك باش يسول فيها

لكن مع الاسف لقاهم عاد خرجوها وداوها لدار وحتى يسرى خذات كونجي باش ترتاح وتبقى مع بنتها …

رجع ادراجو ومشا لفيلا …كانت لفوق كتلبس باش تهبط حيث غاتخرج مع باها وخا مهرسة لكن صبحات مزيانة وحتى رضوض ماشي شي حاجة وبما ان الامتحان الغذ ليه فكان لازم تخرج تفوج شوية باش نفسها ترتاح …من الي وقع المشكيل مبقاااتش ذكراتو ابدا …حتى هبطاتها مينة لابسة كسيوة زرقة فوق ركبة وفوقها كاب حريري اسود …طالقة شعرها على راحتو دايرة ليه بونضو زرق فلون الكسوة وجايا وتعكز واختها شادة فيها حتى وقف يوسف وتم جايبها …

يوسف : بنتي نمشيو

نوار : همم نمشيييو هههه “كتزرب باش يجي ياسين ميلقاهاش ويمشي ومتشوفوش ” دغيا …

ساعاك مسكينة ماا عندها زهر شاااي خرج ليها فطريقها عند الباب حتى سمعات صوته وهو كيقرب لعندها تما شداتها ساااكتة …

ياسين “حدر راسو ضورو كيطل عليها ” : نوار …شوية ؟

نوار “جمعات فمها وخنزرات… قلبها زدح فتسعين حتى بانت فحناكها مكتشوفش فيه …بزز باش جاوبت وبصوت شبه مسموع ” : ش شووية …شكرا …

يوسف : ولدي ديها معاك لطوموبيل نمشي نجيب تيليفوني وسوارت الله يرضي عليك

نوار : لا انا نبقا هنا منعذبوهش ابابا …

ياسين “دار براسو مسمعهاش ومشا ليها شدها من دراعها غيييير قاسها عضامها مشاو وجاو وكمل ليها الباهية فاش دار ايديه على كتافها وهوووپ هزها بين دراعو تا تهزات الكسوة فوق فخادها وضور عينيه جيهة لاخرا …خلا يوسف كيضحك بالملكخ خخخ ” …

نوار : و لا لا غا حطني اخويا شكرا …

ياسين “الصمت …دخلها لسيارة وحطها كلها معنفجة الكاب هبط ليها على كتافها حتى بانو سميطات الكسوة وسميطات سوتيان وصدرها منفوخ من قدام ومن جنب بيضاا …وكسوة طالعة واحد الحالة هههه …طلع ليها الكاب بزربة وكيبعد عينيه عليها …حتى قادت حوايجها وجهها بغا يطرطق بسخونية …

ياسين “حنحن قبل مينطق ” : نوار فحال هاد الحوايج وهاد لبس حاولي تستريه شوي قدامنا …كيفما كان الحال كنبقى ماشي محرم ديالك ودايزة فالحلال “الزواج” والشيطان و🦋🐺نور_الياسين (88)sana mina🐺

🦋

ايييه هذا هو ياسين الى مخربق ليك عروق سلوكة راسك راه ماشي ياسين ولد رمسيس …من ناحية الهضرة الي قاليها ما هي الا كلام عفوي خارج من فمو …القصد انهم فدار فيها عزارا وخا ولاد عمها الا انهم كبرو ولاو رجال وهما ماشي محرم عليهم يعني ماشي حرام فحال عمها وباها وخالها وراجل اختها هادو محرمين عليها …(بالنسبة لراجل اختها كيكون حلالها في حالة طلق اختها او ماتت اختها غيير للمعلومة )…وغير ذلك …والشيطان كيحضر …

نوار “مبغاتش تركز فهضرتو حسات فحال مبقاتش مهم عندها شنو يقول ” : عادة ماشي هذا هو لبسي ولكن مضطرة نلبسو على ود رجلي …شكرا على النصيحة …

ياسين “قاد ليها رجلها مزيان سرحها ومشا جاب العكاكز حطهم لور وسد الباب رجع عندها لقاها حادرة راسها ” : النصيحة شاملة كلشي …مرحبا …

بدات كتقاد فالسمطة حتى تم جاي يوسف كيهضر فالتيليفون ويسب ويعرق …

يوسف : واااش مريض فمخك ؟ ممساليش وغاندي بنتي اصحبي منخليهاش …بقا حتى تجي سلعة وقوليهم تنسالي صباح نجي ونسنيها متبرزط ليا مخي هاد ساعة …بفففف مصيبة كحلة هادييييي …”قطع عليه ” …

ياسين : ياك لباس ؟

يوسف : واحد شحنة ديال لخشب جايا من البرازيل وصلات لميناء ديال طنجة وخاصني نحضر باش نسني حيث وقع مشكيل فالديوانة وضريبة …

ياسين : مالها الضريبة ؟ ياك مخلصة …

يوسف : فاش كتزيد واحد النسبة فوق الشحنة واحد ضريبة كنخلصوها …

ياسين “حيث ضومين ديالو تفهم الوضع ” : خاص ضروري تحضر ا يوسف باش ميوقعوش المشاكيل راك عارف …قضي الغراض ونعاونك من بعيد فالمالية والضريبة …

يوسف : نوار خاص نديها درت معاها …

نوار : بابا ماشي مشكيل خدمتك هي اللولة مرة اخرى والله منتقلق

يوسف : والو مشهي نتغذا معاك …

ياسين : طالع ل طنجة ؟؟

يوسف : مع الاسف …

ياسين : قبلت بعرض البنك فمراكش …

يوسف : ايوى مزيااان غا هو كان خاص تشربني وتمرمدني عاد تقبل ياك متبغيش الي قوليك اش دير ؟

ياسين : كل حاجة تدرس بالخاطر كل حاجة بالعقل وتبات ا يوسف ماشي الي قاليك الحاجة ديرها ديرها ؟ ماشي الي نصحك دير بنصيحتو ..ماشي عيب تنصح وماشي عيب تسمع وماشي عيب مديرش ديك الحاجة …كلشي بالعقل وبالمهل وخا كيكون انفعال وتسبيق الاحداث لكن شي حوايج خاصهم التبات

يوسف : ماا قلتي عيب وخا كتخرج العقل عارفك شديد ايوى مزيان مبروك بعدا هي مستقر

ياسين : الى مجات الي تقلق راحتي وخاطري …تيقار زين …

يوسف : اودي غير عائلتك حنا مكاين الي غايغصبك غا باغينك حدا خوتك وكان والي تشوفو بصحتك ديرو …

ياسين “شاف فساعتو وبقا شحال كيفكر ” : انا نمشي معاكم بقى معاها شوي ونرجعها انا …

يوسف “قرب لنوار هو وياسين لعندها وقالها ليها …

نوار : لا مبغيتش غير خليه يمشي وانا نهبط …

ياسين : تحركي من تم نتفاهم معاك ..

#يتبع….

وااا الخوينزة وما تشديييييش مع العكسي العكس🦋🐺نور_الياسين (89)sana mina🐺

🦋

بقات تشوف فيه وترمش …اما هو مداهاش فيها كاع معندوش مع الي يشد معاه العكس وخاصة الى عارف الحاجة فمصلاحة الواحد ميتغاننش معاه …يوسف شاف فيها وغمزها باش تبقى …

يوسف : بنتي غانمشي معاك نبقى شوي ومن بعد تغذاي ويرجعك ياسين …نفسي على راسك شوي وبدلي الجو …

ياسين : انا تابعكم بطوموبيل فين بعدا ؟

يوسف : القهوة المعلومة الي قريبة لافران …

ياسين : قهوة الحاج !!…

يوسف : هي هاديك …يلاه تيسر هاحنا تابعينك …

اوما ليه براسو ومشا ركب وديمارا كسيرا سد زاج طوموبيل حضاتو من جنب عاقد غوباشتو حجبانو كيبانو منفوخين مخنزر دار نضاضرو شمس وكسيرا سبقهم …قادات سانتير بزعفة …

نوار : كون غير خليتيني نرجع مبغيتش نمشي ونتا مكاينش …علاش خليتيه يقوليا هاكاك انا مبغيتش صافي مفيها عيب ا بابا

يوسف : مقاليك هكاك غير بغاك تفوجي مبغاكش تبقاي مقلقة ونتي طحتي بسبابو بغا يعاونك مافيها عيب راه وخا عكسي حنين متبقايش تشادي معاه غير ولد عمك ابنت فمقام خوك مفيها عيب ياك كضلي تخرجي نتي ومحمد الحبيب و ايساف متجيو حتى لاش من وقت …هذا عاد جا حسبيه معاهم والى ضار فيك غير مبغاكش تجاحدي ( تبقاي تعاكسي معاه وترطاي شيء من هذا القبيل ) ….

نوار “ربعاا ايديها وتكمشت وتاففت ”

نوا

مباغاش تحتك بيه باش متزيدش تعلق باغا تحاول تنساحب منو او تخلي حب ياسين يبدا يمشي مع الولف غاتدي عليه لكن شكرن خلاااها كاع مخططاتها ايتضربو فزيرو ….

كسيرا يوسف وطلق البلوثوث تيليفونها خلاها دير اغاني الي يعجبوها….

يوسف : طلقي لينا شاليلي

نوار : هههههه بابا بغيتي تجذب

يوسف : اييه ناوي نتحير على زهري ابنتي مجات هاد شحنة تال دابا شي دعوة يا زينة يا خايبة هادي مفيهاش …طلقي لينا داك حجيب طلقي …

نوار : تسنى نشوف الكونيكسيون بعدا واش خدامة …

يوسف : مالك يا مخلصة هاد شهر

نوار : وااه مخلصة راه مع ريزو شوي ليوم معكسة ..صافي هاهي مزيانة …

يوسف : وخا طلقي طلقي …

مشات لاغنية حجيب طلقت لولة معجباتوش طلقات تانية معجباتوش …طلقات وحدة ديال “ishtar aime la vie ” ….

يوسف : هااا الفال …حبي الحياة وطلقي مها تسرح ابنتي …دنيا فايتة ونشطي ركزي فامتحانك الي محدد مستقبلك …ضربي ذنيا بركلة ابنتي ديري قرايتك ومستقبلك بين عينيك “كيشير بصباعو بزوج جيهة عينيه ” هنا شوفي هدفك كافحي ودمري على قبلو الي عليا انا ك اب انني ندعمك الي خصاتك تحضر ليك …اعتامدي على راسك …قول انا راسي الزمان

انا الي كاينة يا الدنيا ومتخلييش ولو صفر فاصلة خمسة فالمية انها تعكر ليك مزاجك ولا تعيق ليك طريقك الي نتي غاديا فيه حاولي تنفضي الافكار السلبية والافكار الي توقفك وتعيق تقدمك فهاد دنيا حتى توصلي لفين بغيتي وحفري بلاصتك تبتيها عاد ديري الي بغيتي ولا عالجي شنو بغيتي …ضحكي قد ما ضحكتي را الي بغا ليك الادية غاتقتلو ضحكتك الي بغيتيه يبغيك نخليه وديريه وراك غايتبعك كي الكلب طالب رضاك ابنتي …نتمنى تكوني فهمتي شنو بغيت نوصل ليك

نوار : فهمت ابابا وكنواعدك غانخليك تفتاخر بيا ماشي غير حيث بنتك وانما حيث نبين ليك فين وصلت ودرت بنصيحتك وتعلمت منك الي يفيدني وبالي ابوتك وتربيتك ممشاتش خلا …”قربات باستو فحنكو ” يخلي لي باباتي سفسف ..

يوسف : يرضي على مفششتي …طلقي حجيب راه الجواد طلبو المراد …

نوار : ههههه واخا بابا …

طلقات اغنية حاجيب لقاتها فيوتيب وتلونصات نيشان ببلوثوث سيارة مع تيليفونها …وهي تجي نيشان فواحد المقطع يااا لاطيف تعيا تصفي نيتك والله لا تصفات حيث اصلا ماسخ ومعانيه ماسخة ما فيه مايتصفى …

حجيب : ماجبتو حتى غسلتو…ماجبتو حتى حسنتو …شعل البولة حتى نشوفو …قد لخبزة تبارك الله …كاع قولو تبارك الله عريض وفيه ركاني طويل وفيه تلاوي…

نوار خرجات عينيها بتلفة حطات تيليفون وضارت جيهة لاخرا عينيها خارجين وضحكة بغات تفلت حتى ولات تصرفق فحناكها …

يوسف “ضور وجهو لجيهة لاخرا ولا يكحب وخا مافيهش حتى روحو بغات تخرج بالكحبة وضار جيهة لاخرا ” : بنتي داك جبل كاع مكان تم معرفت امتا داروه …

حتى هزات تيليفون وقلباات الاغنية 🦋🐺نور_الياسين (90)sana mina🐺

🦋

خذاو مسافة ومدة زمنية عااد باش وصلو لواحد الطريق كتدي لغابة لداخل هي كتمشي مسافة بسيطة حتى كتوصل لواحد المقهى تما مصايبها مولاها غير بداكشي الي موجود من خشب وقصب ومقاد ليها المنضر كلو دايرو طبييعي من داكشي الي تما محيبقات ديال لغرس صابغهم رااسو ومزوق تما طبيلات مقادهم من العود ديال شجر الي تما وصابغهم واحد المنضر ديال راحة الطبيعية وتخوييي راسك من اي هم ومشاكيل الي فالمدينة والناس …منضر شرح على راي المصريين ….جو نقي كينقي النفس والعقل …فيها مشاوي و مقالي هههه واي حاجة من طبيعة …فحال الجبن والزبدة بلدية حليب داكشي تاع جبال ….كيجيو ليها الناس من فاس و افران وازرو والمتاطق القريبة تما …

وصل يوسف ونوار هما اللولين خرج من سيارة جبد ليها عكاكزها وضار حل عليها عاونها تا خرجات وعاونها فالعكاكز …

يوسف : معرفت مال ياسين تعطل ؟

نوار “هزات كتافها ” …

واحد شوي حتى بانت ليها طوموبيل ديالو جاي داخل وبلاصة بعيد شوي …خرج من سيارة كيهضر فتيليفون وحجبانو معقودين …كيضور هنا وهنا حتى قعشهم وتم جاي جيهتهم …كيهضر بالانجليزية …حتى كمل وضار عندهم …

ياسين “شاف المكان الي زاد تحسن على قبل فاش كان كيجيبهم فؤاد فاش كانو صغار ونهار لاقاتو ضروف قبل ميعيش عند جدو جابهم واسامة عاد صغير …” : الحاج اسماعيل كاين “ولد الحاج الي كان قبل وتوفى وبقا ولدو ”

يوسف : كاااين يلاه نتحركو

مشا يوسف ونوار الي كتعكز معاونها حتى تم جاي واحد وليد باقي شاب قاد ليهم طابلة حيث عيط ليه يوسف وقربها فبلاصة زويينة كطل على الطبيعة منضر زويين …جلسو فيها …

يوسف “صونا ليه تيليفون ودار معاهم شوي ويشد طريق ” : نشد طريق نعيط ليك متبقاش تصدعني بتيليفونات …هضر مع الياس يشوف معاك بينما جيت …فؤاد عيان معندكم مبغيتوه حنا مكلفين دابا صهيب عندو ماحكمة مغايخرج تال جوج ديال ليل …صافي نسد طريق نعيط ليك وعطيني سمحمد نهضر معاه …قطع معاه

ياسين “ناض وقف بان ليه الحاج جاي ووقف احتراما ليه ” : الحااج

الحاج اسماعيل : واش ياسين ولد سي فؤاد ولا كذبت ؟

ياسين “باس ليه راسو ” : هوااا هذا الى بغيتي ..

يوسف “تاهو وقف وسلم عليه ” : هو هذا بان ليك غا ياسين

الحاج : ههههه لا ولذي ياسين سنيييين هادي مشفتو عرفتو غاا بالوقفة غا فؤاد محطوط تبارك الله

ياسين : الحاجة الي مشتبه مولاها حرام الحاج …

الحاج : على سلامتك اولدي وغبرتي غبرة حارة وكبرتي تبارك الله

شحال هادي مشفتك ياك هاني امورك هانية ..

ياسين ؛ ولله الحمد ونتا صحة الدراري ..

الحاج : مزياانين الحمد لله غا هو انا راني ابو البنت ههههه مجابش الله الولاد

يوسف : البنات زيناات كيهزو هم الواليدين ويقومو بيهم عكس دراري نتا وزهرك

الحاج : واش غانقوليك الله يرضي عليهم كلهم زوجتهم بقات غا وحدة نهار تنوي الحلال نتناسبو ههههه “بضحك”

ياسين “دار معاه صواب وصافي “: الله اودي …

ييييييي وغااا قالها وهي تكمش ايديها حتى بغا يتسقط منهم دم حسات بغصة فقلبها ولكن حاولات تجاوزها بزز حتى ضورات وجهها لجيهة لاخرا وعينيه🦋🐺نور_الياسين (91)sana mina🐺

🦋

سلم على نوار الي ضارت بزز سلمات وابتاسمت فوق قلبها وحاولات تنفض هادوك الافكار ودير بهضرة باها وتحاول تعايش مع الوضع لانها كتقول هي فالداخل ديالها انه مغايبغيهاش وعلاش غايشوف فيها وخا تحاول غايقول لايحة راسها عليه …ومتقدرش تبين ليه خصوصا انه ممكن يصدمها خلات امرها لله وحاولات تولف وتعايش لا ربما الزمن ينسيها ولكن قربو منها والتصرفات الي كيدير كيخليو واحد الباب ديال العشق ديالو يحل باب الامل في قلبها ….ممكن يشوف فيها كا انثى خصوصا الهضرة الي قال انه محرم عليها …وخا وسط افكارها والمتاهة الي هي فيها والعذاب الي كتعيشو ابتاسمات من داك الخيط رقيييييييوق ديال الامل لا ربما ؟ …مفيقها غير صوت باها الي رجعها لمود ديالهم وجماعتهم …

يوسف : شنو نطلبو ؟ المشاوي الي كيعجبوك ؟

نوار “ابتاسمت ليه ” : اه ضروري …

يوسف : بنت بوها ياربي هاد البنت …”شير الولد وناض مشا لعند الحاج وصاه على المشاوي …”

ياسين “كيهضر ويشوف لهيه ” : مرة اخرى متعاوديش فحال ديك الهضرة …

نوار “الصمت” …

ياسين” خنزر فيها من هاد ردات الفعل الي ولات كدير كتخليه يهضر ولا الرفض مبقاش هضر معاها ولا حاشاه ليها ومكبرش ليها شان اصلا

جابو ليهم الغذا كانو مشاوي كوطليط وكفتة مشويين فصنية كبيرة وسط الخس وشلايض جنبهم وحدة ديال زعلوك متبل على حقو ووحدة ديال (مطيشة فلفلة بصلة مشلضين وكمون وابزار وملحة وتومة وزيت زيتون وتحميرة وشوية الحرور مشحرين حتى طابو …شلاضة البصلة ومطيشة والمعدنوس بزيت زيتون والملحة …شلاضة الخضرة وحداها لموناضة واتاي لياسين ….سماو الله وكلاو حتى شبعو وناض ياسين استاذن يكمي الگارو مبعد شوي وناض يوسف غسل ايديه وميحهم فواحد الكاغط من الي محطوطين تما حدا طواليط …

يوسف : بنتي انا مشيت نعاودها مرة اخرى وحدنا ميلسق فينا حد …

نوار : هههههه واخا ولكن واش غايوصلني هو …

يوسف “صونا ليه الفون ” : مشطبة كحلة هاذي …وايه ابنتي “باس ليها راسها وشير لياسين الي اوما ليه براسو ومشا ديريكت لطوموبيل كسيرا وكيهضر فالفون يسب ويعرق لهذاك الي برزطو ….

نوار “ناضت بشوي قادت عكاكزها وتمات غاديا حتى سمعات صوته الغليض كيعيط ليها ضارت لقاتو مخنزر وجاي …” : غاديا نغسل ايديا …

ياسين “شد فيها وتم غادي بيها مجاوبهاش ولا نطق حتى وصلو لافابو حيد ليها العكاكز حل روبيني وشد ليها ايديها قربهم لروبيني دار ليها صابون وغسلهم ليها …هو غاا بحسن نية باغي يعاونها حيث مريضة وعاجزة ولكن هي جاب ليها شلل فهاد لقطة كاع داكشي الي قرراتو غايضربو ليها فزيرو …حط ايدو على ضهرها باش يعاونها حيث هازة رجلها مع تما لارض شوي موسخة باش متوسخش الباندة ومبرزطة هو عاونها قرب غير شوي وغسلهم ليها …

نوار : غيي احم غير خليني انا نغسل ماشي مشكيل …

ياسين “كيغسل فيهم ” : شششش ماشي عيب الله يحسن العوان ….

صوت انفاسو فاش قال شش وصلوها لاعماااق الاعماق مع ريحتو الي طلعات معاها …نساتها حليب امها الي رضعات فعام🦋🐺نور_الياسين (92)sana mina🐺

🦋

كمل ليها الغسيل ومد ليها الكاغط مسحات ايديها عاونها حتى خرجو مشا بغا يخلص لقا يوسف دافع الخلاص مسبقا …عطا شي فلوس الحاج كصدقة لناس الي تما كيطلبو باش يعطيهم مياكلو شكرو وسلم عليه ومشا عندها كانت تتشرب فعصير الحامض الي كيعجبها تسناها حتى كملاتو وناض عاونها حتى ركبات فالسيارة وزاد بيها نيشان لازرو …يوم دوزاتو بين فكرة وفكرة ونهار داز عليها معاه جمعهم القدر بزوج وكتاب عليهم يتجمعو فهاد الخرجة …تواحد فينا مكيعرف شنو مخبي ليه الله فالقدر خيره وشره ….

صبح الصباح الي جا معاه الاحداث …صباح الي عندها فيه الامتحان ديال مرور السنة الثانية من الشعبة الي كتقرا …الي ليها شهور وهي كتوجد ليه وتحفض …كيف فاقت لبسات حوايجها بمساعدة يسرى وقادت ادواتها والالة الحاسبة وكل ما تحتاج فالامتحان بعزم واصرار وهضرة باها فدماغها …نزلات معاها يسرى الي قررات هي توصلها حتى تسالي وترجع تديها …اما ياسين كان فاش وصلها رجع طلع لفاس وبقا تما حتى يرجع ومنها يمشي يرجع لعروبية ….

نزلات هي ويسرى فوقت مبكر جدا …فطرات هي وياها مزيان …

يسرى ؛ حبيبة منخافش عليك ابنتي ياك

نوار : تت لا متخافيش قادة براسي راك عارفاني …

يسرى : عارفاااك وتا النقطة الي جبتي فالباك مبغيتكش ديري بيها جيستيون كون درتي بيها فحال ولد راوية حسن ليك )ENCG(

نوار : نقرا هادي ومن بعد نشوف اماما …هاديك راني جلست عام راكي عارفة كنت غاندوز العملية على رجلي ولكن مقدرتش …

يسرى : المهم الي ارتاحيتي فيه انا معاك امامي “شافت فساعتها” يلاه حبيبتي نوضي نمشيو …ناضت كتعكز هزات ليها يسرى الصاكادو ديالها ومشاو بزوج ركبات فسيارة وانطالقت بيها ل التكوين المهني فين كتقرا خلات كلشي مزال شي فاق وشي كيفيق …وصلاتها وبقات معاها تا دخلات وتاكدات انه دخلو عاد رجعات وخلاتها دوز خمسة سوايع ديال الامتحان مابين جهد وارتباك وضغط موصية عليها اساتذة تما باش يراعيو لحالتها الى عيات ودارو ليها كرسي فوقاش تحط رجليها حتى دوزو بيخير …

وصلات تقريبا قربات تكمل خمسة سوايع …الي فهاد اللحضة فالفيلا دخل ياسين بسيارته جايب معاه فؤاد ويامنة الي سمح ليه طبيب باش يخرج …دخل باستقبال الجميع الي تما كلشي كان حاضر الا ايساف الي غابر من ديك الوقت ويوسف الي مزال فطنجة باش يكمل الخدمة تما عاد يرجع …بقا معاهم شوي وطلع لبيتو يرتاح …شرب دواء ديالو وتكا ويامنة بذلات حوايجها ولبسات حوايج الذار ونزلات لعندهم لكوزينة …يسرى استاذنات باش تجيب نوار …ونجوى ويامنة داخلين كيوجدو فالغذا خلاوه يطيب ومشاو لصالون فين كاين صهيب والياس وياسين الي طلع دوش ولبس حوايج الدار ….

يامنة : ولدي امتا غادي تمشي ؟

ياسين : صباح بكري لا بغا الله …

صهيب : امتا غاتمشيو نتوما تلحقو عليه …

يامنة : شوي يرتاح قول السيمانة جايا هكاك…

ياسين : هي هاديك نوجد ليه …

يامنة : توحشت نيت بّا شهور مشفتو ياربي تسمح ليا تدهيت ملي جيت من موسكو بقيت مقابلة خوك …

ياسين : تهناي عليه نسايه عليك شوي …

يامنة : ههه احيااني الكبدة مكتنساش اولدي …

ياسين : وتهناي عليه راه كيتعالج …

صهيب : صبري هادشي الي خاصك ديري صبري هاذشي لابد منو …يتعالج ويرجع راجل يكمل قرايتو ويتوضف ويدير دارو وولادو وهادشي يبقى غير تعاويد …

يامنة : يقرا بعدا ويتوضف اما دارو تانشوفو مع هاد الكبير الي مزال مناوي لينا على والو …

راوية : مزال مناويش تعمر ديك الفيرما بشي مولات دار تقابلها ليك وتقابلك ..

ياسين : المراة خاصها تكون مولات الدار ماشي تقابلها وتكون تحت جناحي نكملو بعضياتنا ماشي تقابلني …تصبر ليا ولطبعي …يحن مولانا مزال داكشي بعيييد …

يامنة : امتا اولدي هانتا توضفتي وصلتي فين بغيتي اش خاصك …

راوية : ههههه تانزوجوه كي زوجك بّا لفؤاد …قاليك خيرنا ميديه غيرنا …

ياسين “عوج فمو بجنب فحال ابتسامة دغيا جمعها” : الوليد عندو الزهر طاح فالحنانة صبارة …اما قاليك المثل بعد من دمك لا يطليك زواج العائلة غير مشاكيل فمشاكيل…

هاد الجملة ماتجي غيييير فمسامع نوار الي عاد داخلة وتعكز من بعد ما وصلات هي ويسرى …يلاه غادخل حتى سمعتها …الرعدة هزاتها من صبعها الصغير والنمل سرح ليها فذاتها وعينيها وقفو على ترماش ….لفك ديالها تشلل وقواها خارت حتى تكات عالحايط …

وصدمة مابغيتها ليك يااا صبية العشرين …قلبك بغا وعمر ونتي عاد قلتي بسم الله …ليك الله وربي يحن عليك ويشوف من حالك ….

 

#تصبحن_على_خير….نلتقي يوم السبت حيث م🦋🐺نور_الياسين (93)sana mina🐺

🦋

الكلام الي قال ما هو الا كلام قالو عادي جدا بالنسبة ليه …لا هو داري على حبها ليه ولا عارف اشنو جاري ولا شنو ف. قلبها هي ولا اشنو في قلب كاع الناس الي حداه …كلام تقال عادي صحيح ان المعنى ديالو ممكن يقلق الي جالسين تما …طبعا شكون غايرضى انه يسمع جملة بعد من دمك لا يطليك …وهو عائلتو نيت ….

كل واحد فيهم غايتقلق …لكن بالنسبة ليهم عائلة متفهمة عارفين شنو قصدو وهو قصدها بشكل عام ومفهوم اخور الشي الي خلا يامنة طرح عليه هاد السؤال ….

يامنة : الله اولدي علاه تا يطليوك عائلتنا خاطيها من مشاكيل بيناتهم ….

ياسين : الحنانة غير مثل عادي مافيه قصد خايب ولا زين …هاد ساعة مناوي لا زواج لا تاحاجة مزال الامور مامقاداش عندي مزال عندي منقضي منضلم معايا بنت الناس …

يامنة : هههه ان شاء الله تيسر امورك

راوية : جاب الله معندي بنات اما نتقلق منك على بعد من دمك لا يطليك وخا عندك صح وليني ما هكاكش …

ياسين : كنبعدو من صداع وكنمشيو بالمكتاب معندك لاش تقلقي …

نوار غير سمعات ديك الجملة ديك ساعة مشات عينيها مكيرمشوش مسمعاتش امها الي كانت تعيط ليها بغات تعطيها صاكها وتيليفونها حتى طلعات هكاك تعكز وقلبها كيضرب ويتشوى فكل ضربة كتبعت ليها العافية فصدرها الي تزير عليه ودمعة بغات تشق طريقها ….طبعا معندها مادير معندها ماتقول معارفهاش واش كتبغيه ؟ ماعارفهاش واش كتفكر فيه معجبة بيه ولا ولا …طبعا مغاديش تسناه يجي راسو يقوليها كنبغيك تزوجي بيا ههههه شنو غاتسنى صافي غير كتبغيه خاص يبغيها …زيد عليها المنضر الي شافتو مع ناديا او كيف ما هي كيحساب ليها لحد الان مزال معرفاتش الحقيقة كاملة تاحد فيهم مبقا ذكر ليها هاد الموضوع

وحتى هو مبررش ليها …حاول يعتاذر منها طرق غير مباشرة الي تجلات فالي وقع مؤخرا ابتداء من انه مشا معاها فالاسعاف وبقا واقف تاتاكد انها بيخير لاعتذار وهي ناعسة لاخر رحلة الي تكلف باش يبقا معاها ويرجعها وخا موقعش شي كونطاكت بيناتهم اي تواصل فالهضرة …

يسرى : نوااار تت نوااار تعالي بنتي …واا …

دخلات لعندهم لصالون لقات السلام وجلسات …

يامنة : فين بنتي نوار …

يسرى : ماعرفتها مالها كنعيط ليها وهي طالعة مجاوبتنيش …

راوية : خليها راه تعيا خمسة سوايع متواصلة ديال امتحان راه تعيا ودندن …

ياسين : داز مزيان ؟

يسرى : فطريق جايا مبتاسمة عادية قالت ليا كان فالمستوى هي مكتقولش شنو دارت كتورينا ف النتيجة وصافي كتقوليا منهضرش داكشي الي درت غاتشوفيه فريزيلطا …

ياسين : كلام معقول بالتوفيق

يسرى : ان شاء الله …

راوية وخا هكاك بقات غيير كتشوف حاسا بشي حاجة ماهياش حيث فاش كان ياسين كيهضر شافت خيال شي حد ورا الخامية ديال صالون فلول قالت غايدخل الي ورا الخامية من بعد مادات ماجابت حتى قالت يسرى اشنو وقع وهي دير ليها طن وناضت من وسطهم طلعات لعندها 🦋🐺نور_الياسين (94)sana mina🐺

🦋

هاد الدنيا ماهي الا دنيا فانيا وكل واحد فيها كيدي مكتابو فهاد الحياة واش هزات ليه مغرفتو منها يا خايب يا زين …ماحنا فيها غير اختبار من عند الله سبحانه وتعالى …كانكونو مخططين لحياتنا وضايفين ليها ناس الي غايكونو معاها وحاطينهم بعين الاعتبار لكن كيجي القدر كيغير المخطط والطريق الي ماشي فيها حتى كياخذ اتجاه هو الي كنسميوه في نهايته المكتاب …هذا ما وقع ل ايساف حاليا …كانت

حياته جد عادية من الخدمة لسهرة مع صحابو بلا تسلگيط وضحك وتفرويح والسفر …ل غرامياته مع العشق ديالو “ريم ” الفتاة الي قرات هي وياه حتى توضفو وقررو انهم يكملو حياتهم الي عاشوها وبناوها طوبة طوبة يكللوها بزواج ويختمو عشقهم ويتبتوه حلالا طيبا لكن القدر قرر انه يحط فطريقهم انعراجات ودبدبات وانفلاتات ….

ايساف “كان فالمكتب ديالو شاد ستيلو كيلعب بيه وسارح بخيالو عينيه زرقاوتين مكيرمشوش غيييير سارح حتى قاطعو صوت الهاتف …ليها يومين وهي كتاصل بيه وهو مكيجاوبش مكيهضرش …حتى هزو وقرر انه يجاوب باش ييريح بالها ” : ريييم …

ريم : ايساف !! واش واقعة شي حاجة ؟ علاش مكتجاوبنيش خلعتيني عليك ؟

ايساف : مواقع والو غير عندي شي مشاكيل راكي عارفة فاش كنتمشكل كنبغي نعازل شوي

ريم : اه كتنعازل ولكن ماشي عليا ودابا اول مرة كتصنفني مع لائحة الناس الي مكتجاوبهمش !! غير مشكل مبقتيش كتجاوب ؟ يعني ماكاين والو ياك ؟

ايساف “حك عينيه بتعب ليه يوماين مشايفش النعاس ابدا …” : تت ريم حبيبتي ماديريش فبالك هاد المرة مشكيل كبييير اول مرة فحياتي …

ريم : ماشي مشكيل مهم راك مزيان تهلى فراسك ….

ايساف : تت ري….قطعات عليه عرف راسو قلقها لاول مرة تقطع عليه وتقلق يعني تقليقة نيت ….ومضطر يصالحها ويراضيها …يلاه ناض من الكرسي باش يمشي عندها حيث عارف انها دابا فالدار حتى بصدفة وفجأة جلس لارض ولاول مرة مغايقدرش يراضيها لان التفكير زاد غلب عليه ….اول مرة كيوقع هادشي حتى جلس بجهد ودار ايديه بين راسو

ايساف : يااااربي عاوني غير نتفكر وناكد ديك الليلة ااااه اربي اااه غلطت و شربت الحرام وهاني غاندفع ثمنه غالي ….ياااربي اش درت ااااش درت ميمكنش نخونها مااايمكنش شي غلط وقع مغانتيقش الى فعلا لا لا مادرتهاس هادي غير بغات صحك عليا ….

هز عينيه فتيليفون وهزو دوز رقم دغيا عقد حجبانو ودوز الخط شحال عاد جاوبو كان باغي يشد طريق يرجع من طنجة ….

يوسف : ايساف …

ايساف : هاديك خيتي خلات ليك رقمها ؟

يوسف : كاين رقم الناس الي عاونوها …درت معاها تعاود ترجع لكن مبقاتش رجعات او رجعات وملقاتنيش معرفتش تدهينا مع خالك فؤاد …

ايساف : الى جات خليها وعيط ليا نجي عندها نشوفو هاد الخرا …خالي راني مدرتش هذاكش ماشي انا الي نتعدا على شي حد كيما كان يا زين يا خايب

يوسف : درتي غلط ورجعتي شربتي علاش ؟

ايساف : بغا ليا الله فمناقصة ديال واحد خينا الي بغا سلعة استفزني و

يوسف : ايييه وغلبك ونضتي درتيها ليه على قد فمو دابا هذا ردان صرف عندك ؟

ايساف”خبط فوق المكتب تا طاحو ستيليوات وطومپو تشتتو وكرافوز ” : دابا خالي غادي تعاوني ولا تمرضني ؟

يوسف : غادي تبرد حسن ليك …

ايساف : واااخا واخا غييير قوليا اش ندير …

يوسف : سير خرج من الخدمة وطلع لدار رتاح تنوصل وندوز عندك انا وصهيب ونشوفو حريرتك …سير انا دابا غانشد طريق

ايساف ؛ فففف واخا طريق سلامة …

قطع معاه وتاض هز تيليفون وهز فيستة دارها فدراعو حل صدافي القميجة باش يتنفس وخرج مخلي داكشي مشتت وراه مبقاش كاع حاس ممسوقش داك الولد صحوكي المفروح اصبح ذو وجه عصبي وكئييييب ….سبحان الله الذي يبيتها في شأن ويصبح🦋🐺نور_الياسين (95)sana mina🐺

🦋

طلعات عندها راوية لفوق دقات البيت بدون متسمع ردها عاودات دقات والو …حتى حلات الباب ودخلات وهي تسمع صوت الما جاي من الدوش دقات الباب …

راوية : نوار حبيبتي كتعومي ؟

نوار “واقفة كتحيد فحوايجها وكتشوف بعيييد …مسمعاتش دقان ” ….

راوية : نوااار “دقات الباب بجهد شوي ”

نوار “قفزات من دقة وخا كانت عادية ” : ن نعاام …

راوية : واش كتعومي …

نوار : ا ا اه …

راوية : وااخا حبيبتي يلاه ها تيليفونك وصاكك هنا. غير تعومي هبطي تغذاي متعطليش …

نوار : واخا …

مشات راوية خرجات وهي كملات الحطان ودخلات حلات الما تيناتو تا سخن وهي تخشا تحتو لاوية على رجلها المهرسة واحد الميكة باش ميقيصهاش الما مقدراتش تحيد الباندة وتفك ستريتش باش رجلها ما تزعزعش لان توصية طبيبة متحيدهاش من رجلها تحت اي ضرف كان …غييير قاسها الما هبط ليها من شعرها فحال تقولي عطا انطلاقة حتى لدموعها يهبطو بغزااارة …قلبها العافية شعلات فيه وصدرها كتحس بيه مخنووووق لواحد الدرجة متصورش كل مكتفكر الهضرة الي قال كضربها صاعقة بين عينيها وترجع ثاني تبكي وتبكي وتقول ما بكيت ….

كتبكييي ومحدها كتبكي وقلبها يتعصر ….ااااه تبكي وتبكي وقلبها يتحرق وعقلها يدي ويجيب وتفكير يقتلها والهضرة موس ماضي جرحها وحسكها وعرف كي حسكها ….كاع الحب الي كان فقلبها والاعجاب الي زاد كبر فاش شافتو والاحلام الي بنات من نهار عشقاتو …

الدار الي بنات معاه فيها غرفة نوم ليهم تجمعهم تحت سقف واحد وبيت لماكلة وكوزينة وبيوتة دراي الي غايتزادو ….هاهما بجملة انهارت الدار ورابت وتلاشا كلشي وتحطم مع قلبها الي تحسك والنار شعلات فيه وعرفات كيف شعلات ….وخا هادشي كانت تقريبا شبه متوقعاه

نوار “مغوتات مهرسات موالو اكتفات غير بالبكاا الصامت الي موراه براكين شعلات وقهرة خرجات وتعذبات …وقلب تحطم فلحضة من جوج كلمات ….بقا الما هابط ودموعها هابطين محساتش بالما الي كيهبط سخون على راسها والبخار طالع …مدارت لا شامبو لا والو حسات براسها عيااااات بجهد ونفسها سخفانة وراسها كيزدح ….

خرجات لبسات عليها بينوار راسها كتحس بيه سخن بزاف وكيزدح بصداع وعينيها ورمو بالبكا ولاو حمرين حتى لون البني ديالو شعشع وقربو يتغمضو …كيتسمع غير خئ هئ خئ خ …تنخصيصة كتخرج بلهلا يطريه ليها ….مشات لبسات

اي حاجة لقاتها قدامها حطات ايدها على بيجامة لونها كوراي مزوقة بالكتبة بالبيض لبسات سوتيان وكيلوط ولبساتها نشفات شعرها ومزالها كتنخصص …كتنزل دمعة وتمسحها بالخف …

دارت زيف فوق راسها عقداتو مزيان باش يزگا عليها صداع ومشات كتعكز حتى لمراية وهي تقشع عينيها حمرييين …مشات تاني مكرفصة بالمزيان مع ديك رجل دخلات غسلات وجهها بما بارد باش يتفشو شوي …حتى صونا تيليفونها وخرجات جاوبت …

نوار : ا الو “صوتها مغنغن حزييييين ”

يسرى : مامي مالك خليتيني كنعيط ومشيتي هبطي تغذاي

نوار : مسمعتكش ماما و و احم وخا هاني هابطة …

يسرى ؛ نطلع نعاونك

نوار : ل لا قادرة نهبط …

قطعات معاها ومشات لبسات باطوفتها هزات عكاز دارتهم تحت باطها هزات عينيها لفووووق كتحاول غير متفكرش ديك الهضرة باش متبكيش وتنفض الافكار …حدراتو وتيسرات هبطات لتحت بشوي عليها 🦋🐺نور_الياسين (96)sana mina🐺

🦋

اختارو الغذا يكون فالجردة …كان الكل تقريبا مجموع ما عادا الي خدامين راهم مكيجيوش فالغذا حتى لعشية …كان صهيب و الياس و فؤاد الي هبط من بعد ما ارتاح …وياسين ويامنة وراوية ويسرى تاهي ونجوى تحط الغذا على حقو وطريقو …طبسيل كبير فيه ربعة دجاجات معمرين بشعرية صينية والكبادي ديال دجاج …بشرمولة دجاج لكن باضافة الكمون على الشرمولة والحرور الاخضر كتجي ولا اروع (تجربة شخصية ) الشرمولة الي تشرمل بيها دجاج خلاو منها شوي وشحرو كبادي زادو عليهم فيرميسيل مع زيتون مقطع وخواو عليهم ديك شرمولة وعمرو بيها دجاجات وفوروهم عاد من طابو دارو موطارد مع زبدة وذهنو بيهم دجاجاج وحمررهم فالفران

وحطوهم وسط طبسيل كبير عامر بالخضرة مفورة ومصوطية ومشرملة بالبصلة مشلضة وزيت رومي ومعدنوس مقطع وشوية ابزار وملح والخل جا منضر ولا اروع …(كنعيطكم افكار من تجاربي شخصية ♥️✌🏻) …عاد شلايض مرافقة زعلوك (دنجال مشوي وممعوس مع تومة كمون تحميرة ابزار وربيع وزيت زيتون وملح ) وشلاضة مغربية مطيشة مشلضة وفلفلة مشوية وتومة ….

طابلة كانت متولة مقادة وحاطين حتى بطاطا فريت فطباسل وعواصر فقط بلا مونادة …منضر يفتح النفس الا نفس البنية العاشقة المنكسرة القلب الي وصلات عليهم حتى ناض صهيب حيث قريب ليها لعندها وشدها عاونها

صهيب “كمش فيها عينيه ” : نوار بنتي مالك ؟

نوار “كانت غييير ساهية وهي ضور بغير نفس ” : ها …م مالي والو عمو …

صهيب : عينيك منفوخين ابنتي وحمرين ووجهك مسقوط منو دم …هادشي انا الي مكندي منجيب لاحضتو …

نوار : غييير ضغط الامتحان وعمت دابا الما كان سخون

صهيب : ومالك ابنتي شوفي كي وليتي سخفانة …

نوار : ما فيا والو …احم غيير جلس اعمي انا نقدر نمشي عادي …بغيت نمشي نسلم على عمو فؤاد …

صهيب : وخا بنتي …

مشات تتعكز حتى لعندو بغات تحنى تسلم عليه لكن ناض هو بحكم مريضة ناض هو سلم عليها وباس ليها راسها …

نوار : على سلامتك عمو …

فؤاد”عقد حجبانو ” : نوار !! بنتي عيانة ؟

نوار “هزات فيه عينيها ناضت يسرى تشوفها ” : هء لا غير عيا الامتحان عمو …

ناضت يسرى لعندها شافت وجهها ما هواش عينيها منفوخين …راوية زادت تاكدات من شكوكها وحدرات عينيها قطعات ليها قلبها مبغاتش تهضر معاها حتى يخلا الجو وتشوف مالها وتزيد تاكد …قاستها يسرى فراسها وجبهتها …

يسرى : بنتي راسك سخون مالك عاد كنتي قبيلة صحة سلام

نوار : مماليش غير عييت مع الامتحان وعمت بالما سخون …بغيت نجلس عييت …

قربتها وجلستها فييين جلسها ؟ ميجلسها غيييير حدا صاحب الجملة الكاسرة المحطمة سيدي ياسين رمسيس الفم الي غا جي يا فم وقول معندو سوق ….

ياسين”وقف وعاون يسرى حتى جلسها اما هي ماعرفات حدا من جالسة غييير جلسات وصافي …” : نوار فيك شي حاجة ؟

نوار”الصمت عاد عرفت بالي هو الي جلسات حداه … مبغاتش تجاوبو …دارت ايدها على خدها وتكات عينيها فيهم نعاس …

ياسين “فاش شافها هكاك مبغاش يحكر ويعاود يسول خلاها هي وخاط🦋🐺نور_الياسين (97)sana mina🐺

🦋

سماو الله وشرعو فالاكل طبعا ماشي كل وطبسيلو لا لا العادة هي العادة كياكلو جميع فطبسيل واحد فقط الي بعيد عليه كيحطو ليه فطبسيل …الا فؤاد حاليا كياكل اكل صحي مع عصير صحي ديال الخضر …طبعا قبل مياكل كيشرب دوا عاد ياكل وخا مباغيش يسربو غير داير لخاطر ليامنة وصافي …

يامنة : نوار بنتي مكتاكلي والو …

يسرى : حالك معجبنيش ابنتي واش عيانة طلعي ترتاحي …

نوار : لا شوية انا كناكل …

كملو غداهم عادي لكن منهم الي رد البال ليها وهنا بالخصوص يسرى طبعا الام الام الي كترد لبال لولادها ومكاين من غيرها تاحد الي يرد البال وخاصة هي دكتورة زادت تشطنات عليها كملو الغذا اشرف كان غايب فديك اللحضة عندو مراجعات مع صحابو استاذن وخذا الاذن قبل …سالاو الماكلة وكل ناض لقنت مشاو يديرو اتاي ولفؤاد قهوة كحلة مقطرة الي مبغاش يحيدها ومقدروش يعارضوه مدام بغاها مكيقدروش يقولو ليه لا شكون الي يتجرأ حتى ينفنف قدامو هههه من غير يامنة الي حافضاه مدام قال صافي لا زيادة على هضرته …

ناض ياسين بعد لتيساع حدا باب دار باش يكمي براحته ماشي حداهم …جاه اتصال من باه جدو …وجاوب فالحين …

ياسين”بصوت غليض مدعدع ” : بااا …

مصطفى : ولدي ماضرا (امضرا ) خرج باك …

ياسين : هاد صباح جبتو هو والحنانة …

مصطفى : على سلامتو …شوي ونعيط ليه …دويت ليك اولدي غا بغيت نسولك امتا جاي خوك اولدي راه حالتو غير كيغوت …

ياسين : عااارف طبيب كيعطيني خباره كل ساعة …غذا صباح بكري نشد طريق …خاصاك شي حاجة ؟

مصطفى : هاد ساعة والو …صباح بكري غانمشي لفدان ديال زيتون نشوف شي شجرات خاصهم دوا …

ياسين : مزياان …حتى نجي تما ونبالي بداكشي غير هنا (تهنى )

في هاد اللحضة نوار استاذنات باش طلع حيث فعلا بصح عيات ومبقات قدرات انها تبقى بغات غييير تنعس …وتخوي راسها من الافكار والقهرة الي حاسا بيها حاليا والالم والعذاب الي متبغيييهش لعذوب وهو عذاب جرح العشق الي تهرس فيها ….

يسرى ؛ نعاونك …

نوار : تت نوو غانمشي راسي …”شافت ف فؤاد ” عمو انا غانمشي نعس وخا تسمح ليا “غير من مبدأ صواب زعما مجلساتش معاه ” …

فؤاد : الله يجيب الشفاء …

ابتاسمات ليه بغير نفس وتمات غاديا وتعكز طلعات فالبيست الي تما مصاوبة طريق بالحجر …بان ليها ياسين واقف كيهضر ويكمي …مبند داك صدر الي مزير على تيشرت الاسود نص الوشام باين فدراعو الوشام الي دارو ضد هههه وشورط الي واصل عند ركبة ورجلين الي عضلاتهم عراض ومزغبين وصندالة صبع ….

عيات مسكينة متردش البال لكن الغالب الله كلو كيسلبها رجلته خشونة صوته لحيته ومسطاجو الي مطولو عينين نسر الفحمين وشفايفو الي كيعضعض بسنانو وحركات ايدو الي بين صباعها الگارو …طولته الملفتة وسمورية لحمو …حجبانو العراض المعقودين فكل الحالات …

بقات غاديا حتى دازت من حداه وتمات غاديا وهو يوقفها بصوته …لاح سيجارة عفط عليها وهزها لاحها فزبل (حشاكم) خشا تيليفون فجيبو وتم غادي حتى لعندها …

ياسين : شوية دابا ؟

نوار “نطقات بصوت شبه مسموع ” : ارحمو قلوبا تتالم ولا تتلكم …

ياسين : شنو قلتي !! …”قرب ليها باش يعاونها ”

نوار “غير حط ايدو وهي توقفو بايدها وهزات فيه عينيها ” : من الي وعييت وانا هازا راسي براسي وخا مفششة معتامدة على راسي ممحتاجة حد يعاوني ماشي حتى تجي نتا وتعاوني …لهلا يخطيك اخويا وخليني براحتي ماتشد معايا ضد… حتى انا كنعرف ندير الي فراسي الى بغيت “غمضات عينيها بابتسامة مصطنعة ” …

ياسين “رفع حاجبو ” : نعاام !🦋🐺نور_الياسين (98)sana mina🐺

🦋

الانسان فاش كتوصل بيه لعضم كيولي باغي اي حاجة الي بانت ليه فيها ذرة صداع كيقطعها …اي حاجة الي تفكرو ب اساس او اللب ديال المشكيل الي مسبب ليه هادشي كيحيدها من جذر …هذا ما وقع مع نوار …صحيح ياسين ما على بالو والو او مباغيش يكون على بالو او باغي الامور تمشي عادية ومباغيش يفكر ف الي فبالو او او ….معارفينش حنا فاش كيفكر ممكن حتى هو مع مرور الايام ولا فاش يوصل تاهو لذروة يقدر يقول شنو كاين شنو واقع !!!

نوار من القهرة طبعا مغايحس بيها تاحد من غير الي مخبوط بنفس المزود تا وحدة ماتحط راسها فبلاصتها لان كل وحدة وشخصيتها كل وحدة واش الاحساس الي كتحس بيه …نوار ممكن تكون هذا هو ضعفها ….

ولابد ما تقهر وتبكي باش تقدر تعود وتماشى لانها من الي وعات وهي حب قلبها وعشقها ونسطر عليها عشقها هو ياسين معمرها تصاحبت ولا دارت شي علاقة كتحاول انها تبدا شي علاقة لكن كتفشل يا اما حب ياسين كيطغى يا اما داك شخص كيتنمر عليها او كيشوفها كتعرج ويدير بناقص حتى قالت في قرارة نفسها انه ممكن الي ليا هو الي غايقبل عليا ….بزاااف وبزاف مواقع ومكتحس بيه وما مرات بيه …..

ياسين “رفع حاجبو مستغرب ومفهمش علاش قالت هاكا ومبغاش يبين انه تعصب حتى يفهم ” : نعاام ؟؟

نوار “هزت كتافها وحدرات عينيها ” : كيف سمعتي …خليني على خاطري عافاك متعاونيش

ياسين “كدد شفايفو بسنانو وخنزر فيها فالاخير ضرب فيها وزاد ” : الي عجبك …

جوج كلمات خسرهم هههههه وزاد وجهو تزير معرفش مافهمش او بالاحرى لاااش هادشي كديرو فيه معاه معرفش …ممكن يكون شاك ؟ الله واعلم ممكن يكون عارف وباغي يتصرف عادي باش تاهي تولي تصرف عادي وتحيد القكرة …ممكن يكون باغي يختابرها باش تخرج عن صمتها ؟ ممكن شحال من حاجة او ممكن

وخا يطير ويفهمها فالسما لكن لو كانت وحدة اخرى غيرها يفهمها طايرة انما نوار مستبعد كليا انها ممكن تبغيه لهاد درجة حيث اصلا من الي جا وهي كتفتف قدامو ومكتقدرش تشوفيه مدارتش شي بادرة انها تبين ليه بالي معجبة بيه ولا شي حاجة تبين هادشي وانما كدير تصرفات

الي يبينو لواحد انه داير ليها شي حاجة خايبة ومحاملاهش هههه هذا معنات تصرفاتها الي كدير ….غير ضرب فيها وزاد معاودهاش معاها خير الكلام ما قل ودل وسيييري نتي لوحي راسك من سطح …(الضد الي كيشد خاص تفهمو راه ماشي فاي حاجة كانت كيما كانت راه عكسي فالحاجة الي شافها مسلكة وفي المصلحة وعندو نيشان صريح المجهد …) تاهي حدرات راسها وضغطات على نفسها اكبر قدر ممكن مزالها كتقهر وكتفكر الهضرة وقلبها يتعصر وصدرها يتحرق من لداخل …مشات كتعكز حتى طلعات لفوق بشوي عليها ودخلات لبيتها تكات فوق ناموسية خذات دوا ديال راس دارتو فكاس الما حداها قرعة عامرة تسناتو حتى تشتش وشرباتو وتغطات ماهي الا دقائق حتى غفااات ونعسات …

اما هو خرج لعندهم لجردة شرب كاس اتاي ورجع ناض بعد شوي عليهم باش يعاود يكمي حتى ناضت يامنة لعندو كتقاد فشالها لا يطيح ليها ويبان شعرها وتكحلها من عند فؤاد هههه..

يامنة “وقفات حداه عاطي بضهرو عليهم كيشوف فلابيسين سارح بخيالو وجهو منيرڤي …” : بكري ( ولدي البكر او الكبير ) …اش مغير حالك

ياسين “هضر ومزالو كيشوف بعيد ” : الساعة الله …

يامنة : مقلقاك شي حاجة ؟

ياسين : الحنانة شنو مشكيلة بنت يوسف الصغيرة معايا ؟؟

يامنة : هااا ….نوار كيفاش مالها ؟

ياسين “ضور غير نصو تا شاف فيها حاجب طالع لسما وحاجب نازل ” : هذا هو سؤالي الحنانة غير بطريقة اخرى قلتو ليك …”كيشير بايديه وعينيه مخنزرررين ” …شنو مشكيلتها ؟ ياك لباس🦋🐺نور_الياسين (99)sana mina🐺

🦋

يامنة غير سولها بقات تاهي غير تتشوف مفهمت والو وماحاساش بالي هي ساس البلا ههههه ولكن من حبها لبنت ومعزتها عندها قالت هضرتها بحسن نية وطبعا يامنة معاديش تكرهها ليه لو بايدها الامر مكانتش عطلتها …من زمااان ونوار ومينة بنات يوسف الاقرب الى قلبها وخا الاخرين عزاز عليها لكن محبة البنات عندها غير من عند الله ….كانت هضرتها بحسن نية وحب وصدق …الا انها معرفاتش عواقب ديك الهضرة شنو خلفو وشنو بناو وشنو هدمو وكسرو من خاطر ….

يامنة : علاش شنو دارت ؟ درتي ليها شي حاجة انت بعدا …

ياسين “شاف فيها بنضرة من نيتك ؟ ” : انا مسالي ندير لشي حد شي حاجة الوليدة يهديك الله …

يامنة : شنو دارت بعدا …

ياسين “هز ايديه بقلة حيلة وعدم فهم ” : مفهمتهاش ومبغيتش نهضر الى هضرت راكي عارفاني الى طلعت ليا منعقل لا عليها لا على غيرها …الي فيا كافيني باش نبدا نهز هبال شي حد ولا البراهش مهزيتو حتى لراسي بقا غي هي ….الى عندها شي مشكيل تفاهم مع راسها ….

“عاود ليها شنو جرا قبل وحتى اخر مدارت ” …

يامنة : علمي علمك اولدي والله ماعرفت يمكن هي نوار حشومية وخا عفوية وضحوكية لكن غالب عليها شوي الحشمة هي هكاك دايرة مكتقولش شنو فخاطرها من غير الى تضرات بزاف كتعاود لختها ولا اشرف ولا ايساف هادو ديما ضاصرة عليهم اكثرية ايساف

كانو مولفين يخرجو بجوج يضورها وتعاود ليه وميتهنى حتى ترجع كضحك وخاوية كاع همها فصغرها تعرضات لتنمر بزاف ديما كيعايروها باعاقتها وخا شحال من مرة كتبغي دير ليها يسرى العملية ومكتقدرش ….يمكن عندها شي مشكيل والله ماعرفت اولدي منقول ليك …

ياسين : يكون الاحترام مرحبا يقلال غانعرف شغلي بسالة البراهش معندي مندير بيها ….تت “ضار جيهة لاخرى مبقاش هضر حك لحيتو ولاح الگارو عسف عليه وضار عنقها وتمو راجعين حتى جلسو حدا فؤاد …”

فؤاد “دار ايدو على صدرو وناض ” : ياسين تبعني لمكتب …

ياسين “معاودهاش معاه ناض هو وياه كيبانو بجوج قد سخط واحد راسو فيها شعيرات شيب وزمان داير خدمتو فيه وواحد عاد قال بسم الله وزمان كيوگض فيه …”

في مدينة مراكش الحمراء بالضبط ف منطقة صوكوما بالمدينة …في احد الاحياء دار مكونة من ثلاثة الطوابق مصلوحة مزيان وقدامها جريدة متيولة …دار كيقولو ليهم فالحي دار المنصوري …هما لبااس عليهم قادرين يديرو فيلا الى بغاو لكن تربيتهم فداك الحي

قبل متيسر امورهم معطاتهمش خاطرهم يبعدو على جيرانهم القدام ف صلحو دار مزيان ودارو فيها ثلاثة الديور …وبحكم الاب عندو جوج عيالات زاد ساس اخور وكبر دار ولله الحمد عيالاتو متفاهمات …عندو ربعة البنات وولد …

الولد الي دابا ولا راجل بخدمتو وطوموبيلتو وفلوسو الولد الاكبر بين خواتاتو والولد الوحيد عندهم …

تقريبا السابعة مساءا وقيتة الگوتي صونا ليه التيليفون شي ستة المرات كيقطع ويعاود يصوني ويقطع ويعاود يصوني حتى برزطو و صعر وناض عينيه مسدودين بنعاس وشعرو الذهبي مخربق حال عيني وساد لاخرى مخنزر بجهد ….وجاوب

عيسى : فرعتي ليا كر كري باقي تعيط فهاد الوقت غانفرشخ لزام**الي ولدك راسك راك عارفني قاد بيها …

مراد : سمح ليا نعماس بغيت غير نقوليك راه خاص تجي لفاس على ود داكشي …

عيسى : قضيو نتوما ممساليش …

قطع عليه ديك ساعة مخلاهش يكمل عدوه الي يقلق ليه نعاسو خاصة انه عاد جا من برا وجاي يشوف العائلة الي هي من اولوياتو يشوف باه ومو وخوتاتو عاد يشوف خدمتو …

عيسى “لاح تيليفون بزعفة وناض حك لحيتو ودوز بايدو على وجهو وشعرو …ناعس غير بشورط تگعد جلس تا رجع سينتة دمخو وعرف راسو فين عاد وقف وخرج من البيت ودخل لدوش الي حداه دوش وخرج لابس بينوار ودخل عزل حوايج لبس سورفيت كحلة ولبس تقاشرو وبانطوفة رجالية …هز سيجارته والبريكة وخرج مخلي تيليفون هازو تيصوني ثاني حتى قطع وطفاه …هبط لقا مو كتحط فطابلة الگوتي كيشهي مسمن وملاوي وزيت والعسل وزبدة مذوبة وغير مدوبة وقهوة معطرة والحليب وصينية اتاي وبطبوط وكرواصة ….

عاليا “شافتو جاي ويكمي ” : مسا الخير اولدي …الله ياولدي واش بيتي بداك المرض مزال تا مفطرتي …

عيسى “باس ليها راسها ” : ماعليش اميمتي …ايييه فطور تيشهي …فين با …

عاليا : باك با يمشي يشوف المحل ويعطي لمتعلم الكوتي ويجي دابا …

عيسى “جلس وتكا على المخدة حتى كما ” : هي نتسناوه حتى وكان يجي بيدما جا كبي ليا قهيوة كحلة ….

عاليا : اييه هي ا#تتمة_البارت_99_نور_الياسين…

جااي على رجليه طالع ليه دم ماجاش ليه الشيفور وجاي يبرگم غا وحدو ملقا الي يجيبو طلع ليه الخز لقا طاكسي وصلو لكن حدو عند البيست ودخلها كعطة على رجليه …جاي ويبغم ويقول ما بغمت (يعاير ويبرگم ) …

اشرف : تااا ستمية طوموبيل كاينة تا نمي الحبس ما يجيبني مالي انا راجل امهم …كون كان الوليد (فؤاد ) كون جابني يخ يخ عييييت …راني كبرت يديرو ليا طوموبيل وخا غا موطور بيكالة …كروصة سايقها حمار مالو الحمار ما راجلش ؟ تف …

بقا يعاير ويهضر ويهضر ويهضر تا تفقص وما بانت ليه غاا واحد الكرطونة فالبلان وهو يقبسها حتى سمع وييييييو …

اشرف : نااري اش ضربت …

مشا يطل عالكرطونة لقاها مشتتة فيها مشة والدة سبعة كبار شي شوي كاع شتتهم ههههههه جا يجمع هنا وهنا وهي تم جاياه …

اشرف : بشبش حبيبة هاني كنقاد فيهم غا بردي …

المشة : ويييييييييووووووو اغووووو ويييييييووو “كدير داك صوت الي ناوية فيه على خزيت ويا ويل الي يقرب ليها ….مشا لواحد المشيش ضعيييف غاااا حط عليه ايدو باش يرجعو لكرطونة وهي تنقز عليه

اشرف “جا يشوفها لقاها طارت ليه على الوجه كاااع كلو قمشاتو وعرفت كي قمشاتو لاحها هي ومشها 😹😹😹…

اشرف : وااا ينعل طباسل حب مك ابنت الخضخاضة ( القح** هههه ) وااا وجهي وجهي مشااااا واا ربي الحبيب وجهي مشا ينعل روايد مك غانتي والكلبة للي والدين

غا نتي الي تعرفي بحق الكبدة يحرق ليك جدود …واااعوووو وجهي مشا …

دار ايديه على وجهو وتم غادي ويزرب حتى دخل لفيلا يهرنن داز من حداهم كانت عاد واصلة مينة ديك ساعة باغا طلع لفوق …

مينة : امالك ؟

اشرف : وجهي مشا اجي عندك شي شيرلي(بومادا ديال لعيالات 🙂) ؟

مينة : شيرلي🦋🐺نور_الياسين (100)sana mina🐺

🦋

من بعد ما اذن الفجر اليوم الموالي بنص ساعة لقاتو واقف كيقاد فالفاليز ديال خوه الي ديجا وجد فيها ما تبقى من الحوايج الي خاصينو دغيا هبطها قادها فسيارة و طلع جاب جاكيط ديالو هبط الكوزينة باش يوجد ليها كاس اتاي باش يكمي قبل ميخرج يشد طريق …حتى لقا يامنة شاعلة ضو وكتقاد ليه فالبراد ديالو …وحداها نجود كتسبح …

ياسين “مشا باس. راس نجود ” : كيف بقيتي ميمتي …

نجود : الحمد لله اولدي رحمة ربي نزلات …

ياسين : الحمد لله

يامنة : ولدي غادي دابا ؟

ياسين : شوي ونمشي شنو مفيقك نتي …

يامنة : عرفتك غاتمشي فهاد الوقت وفقت مع باك صلى الفجر وصليت معاه …

نجود : ولدي كي بقا اسامة …

ياسين :مزيان هاد ساعة خاص غالصبر …”شاف ف يامنة ” صبر الحنانة هو اللول …”يامنة عضات فشفايفها بغات تبكي ” …الوليد عاود ليا البارح شنو كتحلمي فاليل والبكا الي كتبكي بعيد عليه …

يامنة “حطات المقراج ” : اهى اهى اولدي راه ماشي بايدي راك عارف وخا نبين ضحك قلبي واكلني عليه هادشي مغاديش تعرفو حتى دير الكبدة اميمتي “مسحات دموعها ب طرف شالها حتى ناض لعندها وعنقها باس ليها راسها ”

ياسين : الحنانة مغاديش نعاود هضرتي الكلمك عندي هي الكلمة بغيتيه يتوگض على راسو صبري ومتقلقينيش منك براكة من البكا راكي كتقهري راسك ومعاك الوليد …هاني هضرت معاك مزيان متصعرينيش ومتقلقينيش اميمتي …

يامنة : وااخا هاني …السيمانة جايا هاحنا عندك …

ياسين “هز صبعو بتحدير ” : وياااك تفكري دخلي عندو …مغايخليوكش ونعرف بغيتي دخلي من ورايا بلا منقوليك راكي عارفاني كيفاش داير …وياااك …

يامنة : وااخا ولدي …

نجود : لازمها تصبر اولدي يامنة هذا طبعها من صغرها صبرها قليل عليكم نتوما ولادها كبدتها وعينيها …اما صبرها راه ما فحالها فالصبر …الله يعطيك بنت الزمان الي تكون بطبعها وتصبر ليك وخا طبعك صعيب اوليدي هههه

يامنة “ضحكتها ” : هههههه هذاك النهار الكبير الي يفرحني ويجيب بنت الناس …

ياسين : تايوصل وقتو الحنانة تا يوصل وقتو …

نجود : مدي مدي داك البراد انا نكب ليه اتاي وحيبي ديك الحلوة يفطر بعدا قبل ميشد طريق …

ياسين : اش مفيقك نتي بعدا الميمة …

نجود : صلينا الفجر اولدي …العقبة ليك تشد طريق الله صلاتك كتقطعها اولدي …

ياسين : الله يهدينا وكاان …

واحد الشوي حتى نزلات يسرى لاوية عليها بينوار من بعد ما وصل يوسف طلع ينعس حتى نزلات ….كتقلب على الثلج ….

يامنة : يسرى حبيبتي مالك …

يسرى ” : بغيت شوية دثلج لنوار …

يامنة : مالها ؟

يسرى : مشيت نطل عليها لا تكون لايحة رجلها ولا شي حاجة مع نعاسها فشكل حتى لقيتها طايبة بسخانة ياربي …

يامنة : الله على بنيتي …سيري انا نجيبو ليك ونجيب ليك دوا …

يسرى : مبغيتش نفيق يوسف عاد جا من طنجة وغايتشطن مهم انا غادي لبس بزربة نجيب انتيبيوتيك من هنا …

ياسين ” وقف ” : غير طلعي نتي انا ناخذو الدنيا خاوية مكاين لاش تخرجي ….

معاوداتهاش معاه ابتاسمات ليه وطبطبات على كتفو وطلعات هي ويامنة ونجود لعندها اما هو خرج نيشان ركب وزاد لاقرب صيدلية …

في سريرها الصغير الي على قدها لايحة الغطا وحناكها حمريييين شادين حتى منخرها …عينيها مرك تحلهم بزز مرة تسدهم وتغييييب …بداك الما الي بقا نازل عليها سخون وخرجات لبرد طالقة لاكليم فبيتها البرد عرف يلعب بيها وسخانة كتمكن منها …الضرر النفسي والجسدي كتعاني منو هاد البنت ذات العشرين من العمر ….هاد اليومين تكرفصات وعرفت كيف تكرفصات …واقفة يسرى عند راسها ويامنة حداها ونجود تاهي كتقيص ليها فراسها كان طاااايب ….

نجود : الله على بنيتي راسها طايب …

يسرى : شوي يجيب ياسين لانتبيوتيك نضرب ليها شوكة وتنزل …”شافت فلاكليم ” تنقوليها هاد زمر متشعلوش هاد الايام راه الحال مزال شوي بارد مكتسمعش ….

يامنة : اري ليا ثلج نديرو بيدما جا ياسين …

عطاتها يسرى ثلج غييير دارتو ليها وهي تقفز وكمشات عينيها وشدتها رعدددة من صبعها صغير …

نوار : انننن فففف بارررد اماما …

يامنة : احنينة شوية ؟

نوار : تت راسي ثقيييل بغيت نحل عينيا كيحرقووني …ففف مكنحملش نمرض اهى اهى …

يامنة : غييير صبري دابا يجي ياسين يجيب ليك دوا وديريه …

نوار : يبعد مني اهى اهى …

يامنة : علاش شنو دار ليك ابنتي …

نوار غييير كتهتهت بداكشي الي فخاطرها كتقول فيه حدا يسرى ونجود وهذا الله …بدات تسرسر ليها بالي كان كتقول فيه …تكات على صدر يامنة وعطات لدموعها الانطلاقة وحتى الاعصاب خرجتهم هههه

نوار : علااش علاش قلتي ليا غانزوجك بولدي ياسين اخالتو علاش اهى …

يامنة “هزات عينيها فيسرى الي خرجو عينيهم ” : ا هههه وانا كرهتك ابنتي مدا بيا تكوني عروستي ….

نوار : اهى اهى وهاهو مبغانيييش علاش؟ … انا بغيتو ملي واعدتيني فصغري ومبغانيش انا بغيتو وهو مبغانيش …بب بغييتو …انن…

يامنة “بغات تهضر وهي تبدا تخبط فيها فصدرها بشوي ” …

نوار : اهى اهى مبغانيييش مبغاش العائلة مبغاش مشاكيلها اهى …مبغانيش وانا كنبغيييييه علاااش …علاش اياسين ومش….حبسات الهضرة حتى غابت بتاثير السخانة …خلاتهم كيبرقو يسرى فمها ولسانها تشلو …

يامنة : الله ياربي اش درت انا …هادشي …”جات ضور وهي تشوف فيسرى الي كانت تشوف وراها شارت وهي تلقا ياسين واقف سمع كاااع داكشي الي تقال بالحرف ….”

#تصبحن_على_خير….. ؟؟

#يتبع….للولة ولدي …

#يتبع…. ؟ …

#يتبع….؟

#تصبحن_على_خير …..رها …”

#يتبع….حتى وصلات …

#يتبع….ها في شأن ….

#يتبع….البيت ….

#يتبع….ع الاسف غذا مكايناش فالدار ♥️ين ….

#يتبع….ا ولاو حمرين ….

#يتبع…بزربة لاغنية اخرى …

#يتبع…. نعل جد والدين بوك الكلب .😑لد لحرام …

#تصبحن_على_خير 😌ت الناس معندها ذنب …

#يتبع……

#يتبع…شرحي ليه ديك ساعة …

#يتبع…ا فاكيو من عندي 🙂ن_على_خير….😘 فؤاد عزيزة عليه بزاف …

#يتبع….ليها …

#يتبع….

Leave a comment