Skip links

قصة : نور الياسين جزء 58

 31,025 عدد مشاهداات

🦋نور_الياسين(1124)#فرصة_ثانيةsana mina🐺🦋
#زينة_شامة احلى الاسامي …
كيف نطقهم حس بقلبو كيضرب بالفرحة …سميات بناتو …بناتي وشحال هاد الكلمة جاتو حنيييينة وخفيفة على القلب الي غير ينطقها يبدا يفرفر…بناتي الي بين ليلة وضحاها خرجو لدنيا وولاو تحت جناحو …عائلتو الصغيرة المتكونة من الاب الام وزوج بنيات …وكيف قال…
ياسين : لغيت بسمياتهم شربت العسل …
فؤاد : يترباو فعزك وعزنا ولدي …
ياسين”ضار شاف فيه مدة وقرب راسو باسو ليه” : امين الوليد …
كمل فؤاد سيجارة ديالو وديمارا ياسين الطموبيل خرجو من الكلينيك وشدو الطريق نيشان لفيرما لكن ماشي فين ساكن مشا الفيرما جديدة …وقفو وخرج خلا فؤاد كيتسناه مزال مفهم والو لحد الساعة …تا تم خارج هاز زوج صبكان ناپولي كبار كحلين …حل الكوفر بكونطاكت تاتهز وقرب شاف باه صيكان باستغراب …
فؤاد : شنو ؟؟
ياسين”حطهم فالكوف وقادهم وسدو شاف فيه” : صدقة فسبيل الله …
فؤاد”فهمو حيث كان من قبل عارف اش بغا يدير عاطيه غير فكرة سطحية انه غايصدق لكن معرفش اش بالضبط” : الله يرضي عليك…
ركبو بزوج فداك الفجر وتوجهو نيشان لمركاش لمامونية بالضبط مشفى عمومي …صونا لسيد الي عارفو غايكون بيرمانونص حيث هو الحارس …توجه ليه نيشان وخرج لقاه كيتسناه هز معاهم صيكان ودخلو لداخل وزعو حويجات زيادة وليكوش على النساء تما تكلفات واحد لفرملية الي تاكد انها بصح وزعاتهم عليهم …
فرقهم على الي والدات تما كاين الي مافحالهاش معندهاش باش تكسي تريبية تا جاب ليها الله هاد الحويجات وليكوش …صدق علاش ما قد تا خواو صيكان ودور مع العساس وسيكيريتي تما ورجعو ادراجهم ….
صباح جديد هاد المرة تزادو زوج فردات ماشي فرد واحد انما زوج رواح جديدة نضافت لعائلة رمسيس …زوج هبيزات نبيزات فرتيتات الي خلاها اشرف فاش شاف صورتهم من جا اسامة جاب نجود …
تحل الباب ودخلو بياص متنقل دافيعنها
زوج فرمليات مبتاسمات لقاو يامنة ويسرى واقفات كيوجدو مع البنت الي كملات اخر لمسات البيفيه ديال زيادة الي كان مزين الغرفة بالوان وردية وبيضاء …لحايط فيه ورود وردية وبيضاء طبيعية على شكل زوج قلوبة وسط منهم اسماء البنيات zina chama….ولوسط مكتوب mami nawar عاد طابلة فيها صابلي بريستيج بالالوان غوز وبيض على شكل دمى وكريريسات وعاد شوكولا مستف وكيسان العصير والتحلية وضيافة الي مقدمة عبارة عن كنافة وعش الطير بالبيطاش والجبنة …مقدمة من محل الوردة الشامية تما فمراكش(نصحكم بيه كنافتهم متشبعيش منها ).…
كلشي مزوق بالابيض والوردي زواق رويقي وماكثيرش …بيفيه بنوتي مليئ بالكياتة …
يسرى”شافتها مدخلينها وتبسمات تا بانو ضروصها” : هااا ماما جااات …
نوار”كتحل عينيها وتبسم بتعب عيانة بجهد مزال مبداتش الفتحة والغراز يعطيوها صداع عالجهد ” : اممممم
يامنة”قربات عندها باستها فجبهتها” : على سلامتك ابنتي على سلامتك …
نوار”غمضات عينيها بابتسامة ليها” …
تعاونو الفرمليات تا حولوها لبلاصتها وقادوها فالسرير هزوه بالريمونت شوي گعدوها جهد الي تشوف فقط ماشي تجي جالسة …وخرجو قايلين الحمد لله عالسلامة بابتسامة تخليك تبغي تجي لهاد الكلينيك وهذا هو الدافع الاول…غغيير خرجو وتحل الباب دخل هو ….
ياسين”قرب لعندها وتحنى باس جبهتها ونيفها عاطيهم بالضهر…كيدوز على حنكها وعينيه فعينيها بحب وعشق لهاد كتلة الفشوش الي مسميها هو الي ولات ام ورجعاتو اب ” : نوار …شوية كاندي ؟.
نوار”حركات راسها بتعب كتغمض عويناتها وتحلهم” : هممم …
ياسين “عاود باس جبهتها” : على سلامتك حنانة ديال بناتي …
نوار”بدات تنطق بشوي بصوت باح” : مشفتهمش….
ياسين : شوي وتشوفيهم نتي باش كتحسي ؟
نوار”كمشات عينيها” : فيا شوية صداع وعضامي فحال مهرسين”هادشي كتنطقو غير بصوت جد منخفض” …
ياسين”بقا كيشوف فيها وشحال عزت عليه …تنهد وشاف فيها بحب ونطق بنفس نبرة صوتها غير هو صوته مدعدع خشن ” : ماعليش بمغفرة الذنوب ان شاء الله …”وقف شاف فيسرى الي كانت كتهضر فالتيليفون مع يوسف يجي وقطعات” ميمكنش تاخذ دي كالمون ؟
يسرى : سي تاخذو الى تجاهد عليها بزاف ومتحملاتوش دابا متاخد والو واحد شوي شي ساعتين هكاك يدخلو ليها البنيات باش تبدا ترضعهم …
نوار”شافت فيامنة الي عند راسها ونغزتها بايدها تا حدرات فيها عينيها” : بغيت نشوفهم…
يامنة : ههههه اش بغيتيهم را ديناهم غبرناهم هههه
نوار”تبسمات تاكانت غاضحك وهي تعگرها لفتحة ” : اممم ياااك …
بقاو واقفين مرة يضحكو مرة يهضرو معاها وهي بدا شوي صداع كيتجاهد معاها تاتحل الباب ودخلو بعجاجتهم …مااااشي تريكة شابة هادي تريكة الي وخا تشيب تاماباقي تقد والخفة هي الخفة ….
صهيب : هااااا شكون ولا ماما …
الياس : نخشيشة …
صهيب : وشكون ولا بابا …
يوسف “ضرب على ضهر ياسين تا مشا وجا على غفلة ماعرف باش تبلى ” : فحم القوافي والفعايل …نسيبي الخارج فعودي …
ياسين : ياك شي باس مكاين ؟
يوسف : اش مشا ليك ؟
ياسين : تهدن …
يوسف”شاف فيه بنص عين” : راه دابا يقولو مالهم …
صهيب جر الياس ومشاو عند نوار الي مبتاسمة ويامنة ميتة بالضحك …
صهيب : زيد زيد هذاك ولا بو وتلفت ليه جرية ولاخور ولا جد وهتر …
الياس : خوك ديما هاتر فصغرو وكبرو…
يوسف”داير ايديه على نصو وطل عليهم” : الي معنى عليا يمعني على خالتو …
صهيب”نقز مشافش فيه وقال” : وراه قلناها ليك فخنشوشك اوداااي …
#يتبع…🦋نور_الياسين(1125)#فرصة_ثانيةsana mina🐺🦋
قرب عندها ضاحك وضحكتو متعطيها لحد هي وفرحته …تا باس جبهتها وشدات ايدو قربتها تا باستها…
يوسف : افين انخشيشة ولات ماما ورداتني جد هي وختها بزز وانا باقي شاب مشفت ماتشوفت …
نوار”مبتاسمة ” : بابا …
يوسف : ااابنتي كبيدتي …شوية بابا ؟
نوار”حركات راسها” : شوية …
“هزات عينيها فياسين تا شاف فيها وهبط لمستواها عاطيها وذنيه” : بغيت نشرب …
ياسين”شاف فيسرى” : تشرب ؟
يسرى : من احسن بلاش اولدي هي غير قطيرة تبلل بيها وعارفاها متقنعهاش اللهم حتى تنفس من البنج اولدي…
نوار”هزات راسها فيها دوخة وحاسا بنفسها لاعية يعني حاسا بالغثيان ..” : هنننمممم …فين هما بغيت نشوفهم …
يسرى : انا نمشي نجيبهم ليك اماما دغيا توحشتيهم ههههه …”خرجات”
نوار”حطات راسها وهزات عينيها لسقف كتغمضهم وتحلهم جهد شي عشرة دقايق تا تحل الباب وضارو كلهم حيث كلهم غايشوفوهم اول مرة نيشان يقيسوهم الا ياسين الي هزهم وهما عاد خارجين من الكرش …”
يسرى”جايا هي وواحد الفرملية جارا زوج كونات فيهم ايزور غوز ” : ها ماماااا هاحنا داخلين سوفو(نشوفو) ماماتيييي …
نوار”كتشوف بانت ليها ايد مهزوزة فيها سميطة غوز وتبسمات ” : ههههه
ياسين”عض شنايفو وعينيه رجعو لمعو فيهم واحد البريق فشكل كتحس بعينيه فيهم حنية وحب واماان لهادوك الكتلات ديال لحم الي ادخلين اول مرة تشوفهم امهم ويتحطو بين احضانها …شاف فنوار الي مضورة راسها جيهتهم وهما جايين عندها وحدة كتنغنغ ببكية صغيورة كتحس بيها كضرب ليها فقلبها …ورجع شاف فيهم وشاف فالعائلة كتشوف فيهم ويضحكو وصهيب والياس ويوسف مشاو يجريو ليهم ينغشو معاهم ويبوسوهم …”
يوسف”مد ايدو لايد وحدة وايد لايد لاخرا تا كمشو فيه بزوجات ” : لاااااااهياربي الله ياربي الله وسعدي وفرحي بالفريزة المعاودة(ولد مينة شحمة المعاودة وهادو الفريزة لمعاودة هههه )
الفرملية”بابتسامة” : بونجوووغ مدااام …
يامنة”هزات وحدة بين دراعهاا” : ياااربي ماشاء الله ياربي “باستها فجبهتها تا قرب عندها ياسين عنق يامنة وهي محتاضنهم كيشوف فوحدة من كباديه…هزات فيه عينيها” ها بابا شفتيه …
نوار”عينيها غرغرو كتحس بصدرها بغا يبدا يتنخصص” …
يسرى”هزات لاخرا وقربات ليهم” : وانا تنساونيس ابابا تنساونيش …
ياسين”مد ليها ايديه باش تعطيها ليه تا حطتها ليه بين دراعو ..” : الله …
نوار : اراوهم ليا نشوفهم …
يوسف : عطيهم لماماهم عطيهم …
فهاد اللحضة تحركات يامنة هازا لكبيرة الي فسمطتها حطو ليها تا ساعة فاش تزادت باش تعلمها مها وتعقل عليها …وثانية نفس شيء حيث تزادو فحال فحال يعقلو عليهم بينما يعرفو شكون الكبيرة من صغيرة …قربات ليها يامنة وقرب ياسين وشعور الاحتضان ديال فلذات الكبد على مشارف ….
يامنة : بسم الله …”حطات ليها وحدة بين دراعها ليمن “
نوار”غير حطاتها كتنغش قلبها طاح بين رجليها كيضرب يضرب يضرب حسات بالنمل سرح فيها تا نزلات دمعها سرررر وهي كتشوف فقطعة منها بين حضنها تا باستها فجبهتها” : يا ماما …
ياسين”قرب ليها لاخرا تاهي حطها بين دراعها ليسر احتاضناتها بيه ” : ششش ها ماما بنتي هاهي …
نوار”ضارت شافتها وتاهي نفس الاحساس والشعور ..باستها فجبهتها” : ماما …
لوحة هي لوحة دافية بداية الامومة بداية الحنان بداية الامان …انتي الامان انتي الحنان من تحت قدميك لنا الجنااان عندما تضحكين تضحك الحياة تزهر الامال في طريقنا نحس بالاماااااان …امييي امي اميييي نبض قلبك نبع الحنااان….
لوحة ترسمات فهاد اللحضة المفششة الصغيورة ديال ال رمسيس هاهي ولات ام لطفلتين كيف الوريدات …لوحة خلاتهم كاملين ميفلتوش اللحضة ويصوروها باش توثق عندهم …حتى لواحد اللحضة هزو ايدياتهم وحدة مع جات نيشان كتشوف فيها نوار وتبتاسم ودموعها دايزين حطتها ليها على فمها تا باستها كانها كتقوليها ماتبكيش اماما وثانية حطت ايديتها على قلبها بلا شعور …وحدة مسحت دمعتها وثانية واساتها …
يسرى”دايرة ايديها تحت ذقنها حاضية المنضر” : سبحان الله …
نوار : ماما اهى بنتي حبيباتي انا …
هزات راسها لفوق وعطاتها لبكا تبكي وتنخصص واحد الاحساس جاها فشكل كتبكييي تبكي تبكي وبكيتها ديال الفرحة فشكل جاها داكشي احساس زوييييين كينغش فالقلب ويدفي الخاطر ويبكي بالفرحة …
نوار : اخى اهى ياااااااربيييييي شحال زوينات ياربيييييي اهى …”هبطات باست ليهم جبهاتهم ومنيخراتهم حتى بداو يبكيو بزوجات وصذقات نوار تاهي تبكي والغرفة كيتسمع فيها غيز نياااااااع نيااااع بالدوبل …..
ياسين”تحنى باس جبهتها وعاود ومسح دموعها” : يترباو فعزنا كاندي يترباو فعزنا وربي يجعلني الجناح لحامي ليكم …لهلا يخطيك عليا ..
نوار “كتهضر وتنخصص” : زوينات زوينات على قلبي…”شافت فيه” ياسين اهى كمشو ليا قلبي …
ياسين : هاعلاش نقيطات العسل …
نوار”بدات تكمش عينيها تا نزل ليها العرق من جبهتها” : اننننننننن وااااااااااااربييييييي …
ياسين “بخوف ” : مالك ؟
نوار : امممممم “جات يسرى ويامنة شافوها بدات تفشل حيدو ليها البنات الي مبقاوش بغاو يسكتو من البكا وهي تغوت ” صداااااااااااع ياربي صدااااااع ….
#تصبحن_على_خييييييير
يلاه البنات هادشي علاش قديت اليوم #عيدكم_مبارك سعييييد …نلتقي مع التتمة #السبت ان شاء الله …♥️😘

Leave a comment