Skip links

قصة : نور الياسين جزء 57

 31,689 عدد مشاهداات

🦋نور_الياسين(1121)#فرصة_ثانيةsana mina🐺🦋
هااا نقيطات العسل شرفو بعد اشهر الوحم والحمل وهاهي نهاية وهن على وهن قد اكتملت…بعد عذاب الولادة الي حريقو ولحظاتو كانك كتعاود دوزي عذاب تسعة اشهر فهاد السوايع غير هي بالحريق الي يعد ثاني الم بعد الحرق …
برا كان جو الانتظار على الاعصاب …يوسف مرة يمشي ويجي مرة يجلس الي جالسين فشومبر كيوجدو ليها حوايجها وحوايج البنيات الى فكها الله طبعا فنضرهم حيث مزال معلموش بشنو طرا واش تفكات على خير او لا …
فؤاد “صونا ليه تيليفون كان الحبيب” : ولدي …
م.الحبيب : الوليد امضرا ؟
فؤاد : على مولانا ولدي على مولانا ..
الحبيب : وايلي من الفجر ودابا رالوحدة الليل ..
فؤاد : يكون خير يكون خير دعي اولدي دعي بالفكاك والله يسمعنا خبار الخير…
م.الحبيب : الله يسمعنا خبار الخير …مهم را هاجر الوليد غاتجي غذا فالصباح بكري فالطيارة قطعت ليها بغات تسبقني تبقا معاكم تما شوف الي يتلقا ليها فالدراري ولا رسليها شي طاكسي كورصة الله يحفضك …
فؤاد : مرتك بنتي وبنتي ميجيبها غير باها …الوقت الي تيسر فيه علمني نجيبها راسي ولدي …
الحبيب”بفرحة” : الله يعمر دارك …وعليه …باش مكان علمني …
فؤاد : هنا ولدي هنا من هاد جيه …الله يرضي عليك …
قطع معاها واحد جوج دقايق بالحساب تا طلعات الفرملية لعندهم باش تجيب ليها شي حاجة تهبطها ليهم تا وقفاتها يامنة الي عرفتها…
يامنة : ابنتي امضرا ؟
الفرملية”تبسمات ليهم وناضو تجمعو حداها بغاو يعرفو اش واقع” : مبروك عليكم تفكات على خير يترباو فعزكم …
يامنة : ههههههه الله اكبر الله على حنينة …
يوسف”بالدعقة ضار عنق صهيب تا هزو كيدور بيه”
صهيب : اهيا نعل شيطان ماشي يسرى انا …
يوسف : تهههههه الفرحة الفرحة …
الياس : واااخويااا”تعانقو بثلاثة بيهم ” على سلامة نخشيشة …
يوسف : الله يسلمكم اخوتي ههههه …”شاف ف فؤاد” خويااا ههههههه
فؤاد”سرح ليه ايديه بزوج ” : يوسف …
يوسف”ترمى فاحضان خوه بتعنيقة رجولية اخوية دافية تعنيقة فرحة نفسها فاش ولدات مينة غير الفرق كانت النفوس مزال مريضة من غيبوبة ياسين والي وقع ليه كان مزال الجرح جديد ..” : مبروك علينا انا وياك هههههه ولينا جدود …
فؤاد : بالفرحات عليا خويا بالفرحات …”باس ليوسف راسو وطبطب عليه ” ربي فك الوحايل والله يخلي لمتنا مجموعة لدوام …
يوسف : اللهم امييين “شاف فيامنة ” الفجلة وليتي جدة هههههههه اييييييه اليام ايام جيتي بنت سطاش العام …
يامنة : هههههههه دغيا دازت سنين اودي الي خلاها فؤاد بالفرحات علينا تبشرنا …”قربات باس راسها وعنقها تاهي ” مبروك متزاد …
#غرفة_الولادة…
هزو البنية الثانية حدا ختها من بعد ما قطعات ليها الحبل سري وخلاتو مشدود البوط بمقيبط …داوها تا مسحو ليها شوي ودارو ليها سمطة غوز مكتوب فيها nawar ramssis اسم الام و تاريخ فاش تزادو 13/9 …ولواتهم فايزار فالغوز وجابتهم لنوار الي كانت كتخيط ليها وحطاتهم حداها …
يسرى”هزات البنت الي تزادت لولة وباستها وعاودت” : واربييييي على لفريز اربي على المنيات زوينات الله …وماما حبيبة …تشوفي ماما ؟ اممم تشوفي بابا …”داتها تال عند ياسين الي كيشوف وعينيه كيلمعو بدموع …”
يسرى : تهزها ؟
ياسين “بصوت باح” : الله اودي …
يسرى “شافت فالقابلة” : حطي البنية لنوار …
ياسين”شاف فنوار الي مشااات غيبت ” : ششش مالها ؟؟؟
يسرى”ضارت شافت فيها”
لمياء : غير عيات خليها متفيقش دابا …نكمل ليها وتحول لغيانيماسيون(الانعاش) يبقاو مراقبينها تا تفيق وصباح طلع لشومبر ديالها عادي …
يسرى : هاك سمي الله …
ياسين”حرك ليها راسو ومدتها ليه سرح دراعو تا حطتها ليه خاشية ايديتها كلها ففمها وتمص فيها وعينيها منفوخين مسدودين مكمشين ومنخرها مبيقج قالت ليك تاهي …غييير تحطت بين دراعو حس بواحد تبوريشة فشكل حس بالمسؤلية دبصح دخلت معاه حس براسو دابا را جناح متييين خاص يحامي بيه عائلتو الصغيرة …حس بقلبه كايضرب يضرب يضرب تا غمض عينيه بغا ينقز بالفرحة …تا نطق” : الله اكبر …بسم الله …
يسرى”كتشوف فالبنية لاخرا هازينها” : اذن ليها تا نعطيك لاخرا …
ياسين”قرب لجبهتها وباسها مطوووول وعاود باس مستنشق ريحتها الفطرية ديال الكرش …وباسها فحناكها مرورا لوذنيها ونطق بصوت خااافت ” : بسم الله الله اكبر الله اكبر …”اذن ليها فوذنيها تا كمل وقال” جعلك ذرية بارة بوالديها وجهلك ذرية صالحة …”عاود باسها” بنتي الحبيبة ….”مدها ليها “
الفرملية”عطاتو اخر عنقود الي خرجت بالفتيح مدتها ليه خاشية صبعها هادي ومطلعة واحد الحاجب عندها تقيبات زين فخدودها فاش كتبغي تبكي وتجبد حناكها…” : بسم الله …
ياسين”باس رويسها وحناكها” : الله على بنتي الله …”عض شنايفو بحب باغي ياكلها ورجع اذن ليها تاهي وعطا نفس الدعاء “
يسرى : ارا باش يلبسوهم ويطلعوهم لفوق حدا لا شومبغ …
مدها ليها تا باس راسها وداز باس لاخرا تاهي وداوهم يبدلو ليهم من بعد ما جات الفرملية جايبة صاك من فوق فيه حويجاتهم وليكوش خهخخ …باس نوار فجبهتها ودعا معاها بالشفاء وطلب السماحة …كملو ليها ودوزوها لجيهة الانعاش الي غير تما نيت فداك الجناح …
#يتبع…🦋نور_الياسين(1122)#فرصة_ثانيةsana mina🐺🦋
كملو ليها ودوزوها نيشان الانعاش بينما ترتاح من تعب العملية وخاصها فترة ديال راحة ريتما ترجع كل حاجة لبلاصتها عاد يطلعوها لشومبر ديالها لتبداأ مرحلة العذاب مع الالم ما بعد العملية الي كيكون عذاب من نوع اااخر …
ياسين “مربع ايديه وواقف حدا فين داوها الانعاش ” : شحال وتبرا ؟
يسرى : الغراز اولدي قل من سيمانة يطيح الخايط مادرتش ليها غراز كتار غير شوي باش عاونت غير ثلاثة …والعملية عشرين يوم وتبرا ليها ولكن خاصها تبقا مراقباها وشحال من حاجة غانكون معاها باش تبرا دغيا …
ياسين”شاف فساعتو” : نطلعو عندهم لفوق ؟
يسرى : دابا منديرو والو البنيات راهم لفوق نيت هههه يلاه نطلعو …
هادي هي الدنيا واحد مزيود وواحد ميت واحد تخلقات فيه الروح بينما واحد اخور تهزات الروح …زوج رواح انضافو لعائلة رمسيس زوج بنيات عطاهم رب العباد مؤنسات غاليات …نقيطات العسل على قلوبهم تزادو بعد عذاب وعناء طويل …شرفونا ونورو العائلة …
ياسين”وصل الطابق فين جالسين شي قدام شومبر ديالها وشي لداخل فشومبر …شاف يامنة الي ناضت كتضحك وتلاحت عليه عنقها تا بغا يهزها” : حنانتي…
يامنة : احنينة على سلااامتها على سلامتها…
ياسين : الله يسلمك اميمتي “باس راسها”
فؤاد”تسالم معاه وعنقو عناق طويييييل ” : على سلامتك الحنان على سلامتك ربي فك الوحايل وبشرنا …
ياسين”باس ليه راسو” : الله يسلمك الوليد …
يوسف : واااا فحم الفعايل …
ياسين : نسيبي وجد بناتي …
يوسف : هاااح ومزينها سمية هااح على ولد الفجلة هاح قاليك تاهو ولا بابا …
صهيب : ايييييييه اليام ايام يلاه تزاد تاهو خرجها منا …
الياس : مبارك ومسعود اولد خويا …
تسالم معاهم ياسين معنقينو كاملين فارحانين ويضحكو تا تبعاتو يسرى الي مشات تشوف البنيات فين حطوهم …تا دخلات عليهم …
يوسف : ها جدة يسرى جات …
يسرى : جد هو نتا انا باقي صغيرة انا ويامنة هههههه “تسالمات مع يامنة ” شرفناك هههه
يامنة : وهذا الجهد ههههه…فين حطو البنيات ؟
يسرى : تمشي تشوفيهم ؟
فؤاد : فين ؟
يسرى : غاتخرج من هنا دور على ليسر را مقابل مع هاد شومبر نيت …انا نوريكم …
يامنة : هاحنا نشوفوهم ونتوما تبعونا …ميمتي عيطي لنجوى وسارة باش يوجدو على حساب صباح بكري يقضيو الغراض …
تحركات هي وفؤاد ويسرى مشات معاهم بزوج تال عند القاعة الي فيها الرضع الي عاد تزادو …ووقفو كيشوفو تا جات واحد لانفيغمييغ حلات ليهم الباب وتبسمات ليسرى ..
يسرى : وريهم البنيات توام الي عاد تزادو شي ساعة ونص هادي …
حركات ليها راسها ومشات يسرى لحقات عليهم لشومبغ…اما يامنة وفؤاد الاجداد الي مزالين جداد …وقفو كيشوفو حتى تمات جايا لبنت جارا كونة متحركة فيها زوج كونات فيهم البنيات بزوج ملويات فايزار بيض مطروز بالغوز …
يامنة”بانت ليه ايد مكمشة مهزوزة شوي” : ياااحنيييييينة هههههه”دمعو عينيها”
فؤاد “كيشووووف فيهم تا قرباتهم وشيرات ليهم بالي هما هادو تايدخلوهم شومبر عاد يهزوهم الى بغاو …” : الله …
يامنة”بانو ليها دايرين ليهم طاقية وشعر وحدة فيهم وخا طاقية ماقداوهش ليها مزيان بقا هابط على عينيها مبيقجة وخاشية ديك ليد شي نهار تصرطها…” : مااااشاء الله ماااشاء الرحمن ياربي وشحال تاكلهم تاكلهم حنيناتي انا…
يوسف”تا طل تاهو ” : هاااح الله …تا هادشي ولد نخشيشة ولا …
يامنة : ههههههه وايييه …عقلتي فاش كانت تاهي لحيمة فحالهم …شفتي سنين والوقت …
يوسف : ومن قاال تزوج بياسين والي جرا وهاهما رجعو وجابو هاذ الوريدات …ومن قال نتي بنت عمي تزوجي ب خويا فؤاد وتولدي ياسين ونولد انا ونتناسبو …
فؤاد”ضار عندو رافع حاجبو” : من قال نتزوج بيها ؟ من قال ؟ مكان لحد يد فهادشي وكان ؟
يوسف”عرفو كيمعني عليه الي نهار جاب ليه الورقة يسني باش تزوج بيامنة بلا ميعرف” : هاااا !! الله ما انا لاهتا باك الله يرحمو … ياك جخلطتي كلشي داك نهار كلشي طحنتيه عصا …”شافو رفع حاجبو وخنزر”واهههههههن شوف هانتا فين وصلتي شتي ؟وليتي جد …
يامنة : بالعما واش باينة عليك جد نتا هههه ههههههه
يوسف : دخلي بخيط بيض اجدة فجلة ..
يامنة :”شافت فالبنية بدات تبكي وفمها محلول ووجهها تزنگ ” وينااا حنينة لا لا …
فؤاد”كيشوف فالفرملية جابت ليها بيبغون فيها لويزة تشربها بيدما طلعات نوار ترتاح وترضعهم …كيشوف فدوك الفجيلات الي كينغشو وسط دوك ليزور …حس بقلبو
كينوغش ليه كيشوفهم بكرات باهم وبكرات حفايدو هو …وطبعا البكر ديما مكانتو وحدها فشكل …ماحسش براسو الا وهو مغمض عينيه ونطق بصوت شبه مسموع ” : جعلكم ربي درية صالحة …كي نور باكم قلبي نورتو ليا نور قلبي يا وريداتي …وعينيا …وياويل الي يقرب لعينيا…
#يتبع…🦋نور_الياسين(1123)#فرصة_ثانيةsana mina🐺🦋
وصلات الاخبار لباقي العائلة حيث من الي عرفو بحالتها شي بقا سهران شي نعس كيتسنى اش غادير يتاصلو بيهم …الا وحدة الي كانت شادة طريق جايا هي وراجلها وعگوزتها.…
مينة : ياااا حبيبااااا …وهي دابا شوية ؟
يسرى : فالانعاش تا ترتاح ويطلعوها الفوق تكرفصات بزااف بنيتي …
مينة : بزاف اماما قاصحة عليها …”مسحات دميعة نازلة” عزات عليا ياربي على ختي الله..
يسرى : مكتاب عليها وصافي الحمد لله الي تفكات على خير…نتي قربتي ؟
مينة : انا فبني ملال مزال شوي على مراكش …
يسرى : يلاه سيري طريق سلامة غير توصلي دي عگوزتك لدار ترتاح صباح وجيو …
قطعات معاها وضارت لقات يامنة كتقاد ففراش السرير ديال نوار …اما نجود مشات جا ليها واحد فالدراري الي مشا تا طل على البنيات ودا ميعاود لاخرين هههههه ومشات بقات غير هي وياها وياسين را لتحت كيشوب قهوة ويكمي باش يبقى فايق تيطلعو نوار فالصباح بكري …
يامنة : الي غاتصايب هنا معاش تجي. ؟
يسرى : طلبتها تجي بكري دغيا توجد قبل ماتفيق نوار …
يامنة : شنو تبدا تاكل ؟
يسرى : ماغاتاكل والو تشرب غير لويزة صافي حتى يطير البنج وتنفس (تحزق خههه) عاد ديك ساعة تعدي بالصوبات وشي حاجة تبقى تجري ليها كرشها على حساب ميجيهاش القبط والا غاتكرفص ايامنة ويطرطقو الغراز …
يامنة : الله يحفض …صافي ديك ساعة نطحن ليها الباربا تشربها تبقى مجريا ليها كريشتها بالحق تاتبدا تاكل …”تنهدات” الله ياربي على حنينة غراز وفتيحة ياربي…
يسرى “كتمسح فعينيها وتفوه ” : عيييت ايامنة والله …دابا مندخلش نشوفها بقات تما ترتاح دوزي نعسي شوي ونوضو ها ياسين يفيقنا لا كانت شي حاجة …
لتحت حدا الاستقبال المقابل مع باب المصحة …متواجدين كراسي تما جالس فوقهم مفرق رجليه وحاني على ركابيه شاد كاس القهوة من بعد ما خرج تا كما ورجع دخل ….كيحرك فالكاس وشاد تيليفون كيشوف تصيوراتهم فاش يلاه تزادو وفاش حطوهم لنوار حدا عنقها وهي غايبة مجابت ليهم الخبار …تا وقف عليه فؤاد …
فؤاد”جلس حداه وطبطب ليه فوق فخدو ” : سهيتي سهو البات (زعما بدا كيسهى كونو اب) ..
ياسين”ضار شاف فيه ورجع شاف قدامو” : وماحلاه سهو الوليد …”مد ليه تيليفون وراهم ليه باقين بالما ديال لمشيمة ومصرانهم لاصق فيهم …حيث طلب فرملية تصورهم وتصور المراحل”
فؤاد : ماشاء الرحمن …ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظَامًا فَكَسَوْنَا الْعِظَامَ لَحْمًا ثُمَّ أَنشَأْنَاهُ خَلْقًا آخَرَ ۚ فَتَبَارَكَ اللَّهُ أَحْسَنُ الْخَالِقِينَ …
ياسين : سبحان الله …
فؤاد : ثم صورهم في احسن صورة …ماشاء الله …”مد ليه تيليفون” شنو محتاج نتصرفوه لهيه ؟
ياسين : بغيت ندير واحد الخير الوليد كون معايا …
فؤاد : مرحبا …
ياسين “وقف” : هي ذابا قبل منتشغل
فؤاد”خرجو وركبو فسيارة وشعل الگارو ونفت اولى دخاخنو وشاف قدامو قبل مينطابقو ” : بالرزق وتيسير داخلين ان شاء الله …
ياسين”تنهد” : فرحتي الوليد منعطيها لحد منوصفها ومنعرف نوصفها…جوج كبيدات عطاهم ليا الله…
فؤاد : مكتابين عليك من بعد نكسة الي دازت اولدي…مكتابين من عند الله تحطو فالكرش …
ياسين “شاف فيه ورجعات بيه الذاكرة لشي ايام هادي فاش تافق هو ونوار على سمياتهم ونادى على يامنة وفؤاد”
#فلاش_باك…
يامنة : هاني ولدي …
فؤاد : ولدي …
نوار”شافت فياسين الي غمزها باش تهضر” : خالتي دابا انا وياسين كنهضرو وتافقنا فاش سافرنا ديك سيمانة …”قبطات ايديها وباستها” نهار كنت كنتوحم كنتي معايا وهزيتي همي ووقفتي معايا نتي وعمي فؤاد …
فؤاد : واجب علينا بنتي واجب علينا …
ياسين : شي مرات واخا واجب العبد كيعيا الوليد ونتوما ابذا واش عييتو حطيتوها فعينيكم كتر ماحطيتو ولادكم …القلب مريض ومهرس وعضيتو فالصبر تا وقفتو معاها والعائلة كلها …باش نشكركم وباش نجازيكم وكيفاش نرجع خيركم واخا واجب عليكم تهليتو فيها وفبناتي وخا فكرشها …انا الي عليا نبوس راسكم صباح وعشية وهي را بغات شواركم وريكم
نوار : وبغيت ناخذ الاذن وماشي اذن طلب اخالتو يامنة الي رباتني ووحماتني وعمرها فرقاتني…بغيتك تسميو ليا بنيات الى كتابو وتزادو بيخير ان شاء الله …
يامنة “عينيها غرغرو” : ههههه الله اودي وزعما زعما هههه
فؤاد : الحنانة هي الي تسمي الي عليا نحطهم فعيني ماشي واجب هادي فطرة …
يامنة “من فرحتها ماعرفاتش اش توصف اللحضة واش تقول …قلبها كيطير ويضرب بالفرحة عمرها تحطت فهاد الموقف ديما كيكبرو بيها وهي الكل فالكل لكن باش تسمي …”
ياسين”باس ايديها وراسها” : صبركم وقهرتكم عليا نهار طحت مانساهاش عاودو ليا وعرفت بالي جرا ليكم ديك الايام ..وخا نعطي عمري منعوضكم…سمي نتي وسمي نتا الوليد …
فؤاد”شافت فيه يامنة وشاف هو فياسين” : يكون خير …ان شاء الله ولدي ان شاء الله …
#عودة_من_فلاش_باك…
ياسين”ضار شاف فباه ” : فين وصلنا فالسميات باش نشريو دبيحة ونسميو الله وسمياتهم…
فؤاد : جوج سميات على سميات الغاليات اللولة زينة ولدات شامة ولدات غزالي يامنة …”نال شرف تسميتهم فؤاد ويامنة باستشارة يوسف ويسرى الي فرحو بزاف”
ياسين “رجع شاف قدامو وقال الموذن الله اكبر الله اكبر ونطق باسم البنيات ” : زينة وشامة رمسيس …
#تصبحن_على_خير….

Leave a comment