Skip links

قصة : نور الياسين جزء55

 31,750 عدد مشاهداات

🦋نور_الياسين(1111)#فرصة_ثانيةsana mina🐺🦋
بقا كيكمي او بالاحرى بقا تا كمل كارو واحد حيث ولا كينقص منو مابقاش كيف كان كيكمي بكمية كثيرة …
دوزو هذاك النهار زوييين وخا الغيرة خلاتها تكون ملح الخرجة ماناضش شي صداع الي يخليهم يتخاصمو …بالعكس الغيرة كتبين مدى حب الشخص ليك وكيفاش بغاك تكوني وحدك ليه وديالو ميشاركك فيه حد …تنفس ورجع يهضر عادي ونيت ماتقلقش وتدوز خرجتها زوينة وتفوج حتى هو راه راعى ليها …
هاكا دوزو ايامهم مرة يخرجها لمراكش مرة يديها برا مراكش ولا يخرجو غير فالدوار ولا يديهم كاملين لفيرما يديرو ليلة شواء دايزها الكلام …فكر انه يمشيو لبحر لكن حالتها متسمحش ممكن تولد فاي لحضة داكشي باش اجل حتى تولد يكبرو لبنيات ويمشيو ليه عائلة صغيرة …
قدام باب الدار مفرشين تفريشة بالزريبيات مخدومين بليد من عيالات دوار ومخيدات وبونجات ملكطين مبطنين لارض مزياان …جليسة فين يتغرباو عاشقينها بلدية هكاك نسا بيناتهم …حاطين صينية اتاي والقهوة معطرة والحليب وخبز وزيتون مشرمل وكحل تاهو مشرمل وزيت زيتون وحليوات بالمختصر دايرين كاسكروط معتبر …
نجوى : نوار شربتي دوا ديالك ياك ؟
نوار”مسرحة رجليها ومتكية ضهرها على لحيط ” : اه شربتو صباح بكري منسيتوش والى نسيتو يتفكرو ياسين ههههه
يامنة : خاصنا نوجدو ليك صاك ديالك الي غاتدي لكلينيك …
نوار”بحب وحنية ” : مزال بغيت نزيد حويجات ليهم …
يسرى : شنو عندك من غير لي گغونوييغ وحوايج لتحت وتقيشرات وليكوش حالهم ساهل …
سارة : وليها هي نيت جوج بيجامات وليكوش ليها وباش توضى …
يسرى : هادوك خذيتهم ليها …وفاش تدخلي تولدي غاتجيب مينة معاها شي حاجة …
يامنة : راكي قربتي خاصك تبقاي تحركي وطلعي وتهبطي وتهزي باش تحل لوالدة …
يسرى : طلعي جيبي حويجات البنيات نشوفو شنو خاص …
نوار”حركات راسها وجمعات رجليها جنب وحطات ايديها فلارض تا كالات حتى ناضت نجوى عاونتها تا وقفات وتقادت لبسات بانطوفتها بسوميلا ومشات دخلات بشوية عليها تا طلعات لبيت لفوق دخلات ومشات لساشيات الي فيهم حويجات لبيبيز …هزاتهم من لبيت ديال حوايج …وتمات خارجة كتقلب فيهم مبتاسمة فرحانة حتى خرجات فيه وشهقت….
نوار : هييييي …خلعتيني …
ياسين “شافها هازا واحد گغونوييغ (واديييك لي لبسة كاملة كتسد بصديفات من تحت ورجلين على شكل ليبا مسدودين )فالبيض والغوز وطاقية غوز …” : مال هادو…
نوار : نازلة نوريهم لخالتي نجوى وسارة ويامنة وميمة نجود باش نشوف شنو خاص نديرو فصاك ديال كلينيك …
ياسين : وشنو تاني”جا وراها وعنقها حاط ايديه على كرشها ووجهو فوق كتفها الي باسها فيه”
نوار”حطات راسها على راسو” : وحوايج ليا انا باش غانبدل تما …
ياسين”بصوت منخفض ببحتو جاب ليا تبوريشة ” : شنو نزيدو شي حاجة جديدة ؟ شوفي شنو عجبك وخاصك ناخذو ليك ولا نمشيو ناخذوه …
نوار : لا لا عندي بزاف شريتهم جداد غاندي غير شي ثلاثة باش نبدل ..غادي يخص لبنات …
ياسين”باسها فعنقها” : شنو خاص لنقيطات العسل ؟
نوار: هههه “كيحمقها فاش كينعتهم بهاد نعت” لبيبغون (رضاعات) و…
ياسين”قاطع هضرتها بايدو الي حطها على بزازلها من فوق قرصهم ليها تا قفزت ” : شنو هادو ؟ ماعندك لاش تحتاجيهم…
نوار : اييي …را على قبل لما صافي …مهم خاصهم يكونو …
ياسين”معنقها قدامو كيهضر وغادي بيها ويبوس فعنقها ويمص وهي كتلوى بين ايديه بشوي ” : شنو ثاني ؟
نوار : مممم و لكونات فاش غانهزوهم ملي نخرجو …”كمشت عينيها” اااح بشوي …
ياسين”مد ايديه وحيد ليها ساشية لاحها وخشا ايدو من فوق لصدرها كمشو بايديه تا عضات شنايفها… كيضرها…” : الي خصاتكم نحضروها لالة بالمتني (دوبل) …
خشا وجهو فعنقها مابقا بغا يطلقو …لمس بشفايفو لعرق النابض فيه حسات بالقشعريرة سوات ليها فذاتها تا غمضات عينيها منتاشية مع قبلتو الي كتخلي قلبها يضرب وتبغي المزيد منو …خصوصا في اشهرها الاخيرة رغبتها كتزيد واصلاقبل متكون حاملة ديما معاه فالنعاس كتلبى رغبتها سوا بالحشمة الي فيها ولا بلاش …الا انها كتبغي منو المزيد كيعجبها فالفراش وفتصرفاتو معاها فالفراش …
ضورها عندو وتحنى لشفايفها كيقبل فيهم بحب نهم شي مرات كيبغي ياكلهم يخشيهم كلهم ولا مكيبغيش يفرقهم غير كيحس بيها تخنقت كيفصل القبلة ويمشي لشي جيهة ثانية …ومحدو كيبوس وايدو كتنزل
حتى طلعات ليها الگندورة وحبس خلا ايدو مستقرة على كرشها كيبوس ويتلمس فيها تا هبط وتحنى مخليها كتلهت …
ياسين”تقابل مع كرشها الي عرا وباسها فيها زوج بوسات بمعنى وحدة لبنت ولاخرا لبنت …وعاود وقف ورجع تاني كيتباوس معاها …حتى دخلها لدوش …
في هاد اللحضة لتحت جاو دراري غير اشرف واسامة وعلي اما سليمان طلع لازرو عند باه وخوه الي باقين تما …وجلسو حداهم …
اشرف”تنخشش حدا نجود ” : الله …كبيش واحد كاس قهوة معتبرة …
نجود”كبتها ليه ” : نوض تگعد وشربها …نوض من ركبتي يعطيك ليعة راسك من قصحو …
علي : هخخ راسو مقرقب كان بيخير تا قال نوض نصلع …
اسامة”نزل عليه لصلعة تا تسمعت سااااط ” : ارا ندير ليك ليها زيت رومية هخخ…
اشرف”شد راسو ” : اححح تا هنينا ازمر …
نجوى : ههههههه “شافت فيسرى” فين نوار شفتها تعطلت …
يامنة : كاين ياسين لفوق يقدر بغا يدوش ولا شي حاجة وبقات معاه…
نجود : امتا عندها تولد ؟
يسرى : عندها من هنا لخمسة فشهر جاي …”تنهدات ” عالله تقاد البنية ثانية …
يامنة”بخوف” : والى بقاو هكاك ؟
يسرى : سيزاغيان نيشان …
#يتبع…🦋نور_الياسين(1112)#فرصة_ثانيةsana mina🐺🦋
قالتها باسف بخوف على حالتها كونها حالة من الحالات ولكن الي غلب عليها هي العاطفة كونها بنتها فلذة كبدها …وعاد هادي ولادتها اللولة يعني بكر فالولادة …كل مكيقرب وقت الولادة كل مكتخاف عليها اكثر …واخا هي اختصاصية
وعندها تجربة كبيييييرة فالولادة مكتاسباها من سنييين وهي فهاد لمجال وهي براسها دازت من ولادة الا انها كتبقى ام وقلب الام مكيهنى حتى يشوف كبدتو بيخير وعلى خير …
حاطا ايديها بزوج فوق لافابو عريانة كلها محنية ومبعدة كرشها على لافابو …كتمشي وتجي وتغمض عينيها ومرة تهز راسها لفووووووق حتى كتعض شنايفها كتبغي تغيييييب بالنشوة الي واصلة ليها …
نوار”كتحس بيه نقص الوتيرة متكرهش يزيد فيها …يلاه كتقول هاهو زاد حتى كيرجع يبطئ ثاني …” : امممممم …
ياسين”حجبانو راسمين خطوط واقفة عاقدهم على جهدهم مركز ومنتاشي هو الاخر ومنشوي معاها …حاط ايديه فصدرها منها شادها منها كيعبز فيه بايديه ومنها معاونها باش متعياش ومنها متحكم فالبوز …واقفين فالدوش عريانين بزوج عايشين اللحضة وصوت انفاسهم كيتسمع ونهجيهم وصوت خبيطو هو …مكوزة ليه وعاطياه ترمتها وبوزيسيون على حقها وطريقها ” : صبري …
نوار : اففففف عيييت “كتهز عينيها لفوووق مع داك الاحساس كتبغي تفرفر …” اععععع …اه اه اه اه اه…”بقا هاك بلاك هاك بلاك تا خبط خبطة وحدة غوتات وعاود تانية وغوتات عاد حبس كينهج عروقاتو تكب …بقا شحال كينهج وخاشيه ممخرجوش”
ياسين”على شحال عاد خرجو وقادها ضورها عندو كتنهج تاهي وتضحك …باسها فشنايفها تاتسمعت البوسة ” : مالك ؟
نوار : ههههههههه ففففف “حطات راسها على صدرو” كيتسناو فيا نجيب ليهم لبيسات البنات صدقت هنا ههههههه ففف…
ياسين : هادشي معندو لا زمان لا مكان فين تحطت تحط …”باسها فحنكها مكرهش يرجع تاني وليني لا هي خاصها ترتاح وحتى هو بين ماتش وماتش كيخصو ياخذ سوفل حيث عاد فرغ “
نوار : ندوش نرتاح ونزل عندهم منعيقش هههه
ياسين”رفع حاجبو” : شنو كنجيك انا ؟
نوار”هبطات ليه راسو عندها وباستو” : راااجليييي راااجلي وبات بناتي والحبيب ديااالي …
ياسين “مشااا كيحل فرشاشة تبدا تدفا وكيهضر” ومااانعرف ليك مانعرف …اجي …
مشات بشوية عليها بالقاعدة كتحس بتحتها كيزدح وخا ماكيكونش عنيف معاها بحسب الحمل لكن ممارسة معاه فشكل كتخلي لاثر ديما …
نوار”سمعات صوت تيليفونها برا ” : تيليفوني كيصوني …
ياسين : خليه تاتسالي اجي لهنا ندوش ليك …
نوار : غاتكون ماما نقوليها هاني هابطة …
ياسين”جهد صوته تا قفزات وشدات على قلبها” : تحاااركي لهنا…وايلي نوار ماماك عارفاك مع راجلك لاش تعيط ليك لاش ؟؟ “عقد حجبانو ” تت …تسناي هنا …
مشا هكاك زبط وخرج برا مشا جاب ليها تيليفونها لقاه اسامة الي كيصوني ليها وجاوبو فالبلاصة …
ياسين : ياك لباس ؟ …
اسامة : اااا ؟ ياسين ؟ ونوار ؟ لاش هاز تيليفونها ؟
ياسين”رفع حاجبو” : نعااام ؟؟
اسامة : ااا احح اسمح ليا احم مهم غا ميمة بغاتها قالت ليك بغات …اش اميمتي ؟
نجود : تجيب صريرات الي عندها …
اسامة : شي صرات صرورات …
ياسين”مد ليها تيليفونها ” : شدي …
نوار : الو اسامة …نعام ميمة …اااه اااالاااااااه …”خشا وجهو فعنقها مصو ليها وايدو هبطات لتحتها دوز عليه بصبعو تا ترفعات” ممممم …
نجود : مالك ؟
نوار “كمشات عينيها” : معنىمممم شدتني وجيعة …”عضات شنايفها كتحاول تبعدو وهو لاصق ههههه …” اممم اه صافي واخا …
ياسين”ضار عندها كيشوف فيها كتهضر وهز صبعو حطو على فمو بمعنى شششش مخرج عينيه”
نوار : لاش بغيتيهم بعدا ؟
يسرى “من بعيد” : غير نعزلو منهم الي نوصيو عليها باش نديرو عليها لكوموند على حساب سليلو اماما …
نوار : واخا نهبط غير يخرج ياسين من دوش …وووو وااااععععععع “خرجات عينيها من حر العضة الي عضها والمصيبة عضها فصدرها
نجود : اناري مالك ؟ ياكما شداتك وجعة ؟ يسرى “عطات تيليفون ليسرى “
يسرى”تخلعات” : اماما مالك ؟
نوار”عضات شنايفها وخرجات عينيها فياسين بغات تبكي ” : والو والو غير خلعني ياسين هههههه
يسرى : اماما راعي شوية ماتبقايش تغوتي تخلعي وتخلعينا معاك هاد لمرة تاحد مغايتيقك …ففففف يهديك الله …
قطعات معاها وضارت عندو يلاه بغات تهضر لجم ليها شنايف بقبلات مرة فرنسية مرة خفيفة حتى سخنات تاني وسخناتو معاها ودخلو فمود الممارسة تحت المياه من بعد ما حطات تيليفون فوق لافابو وقادها تحت رشاشة ….ما كملات غير باخر توحويحة …
نوار : ففف براكة عييييت …
ياسين : اجي عندي …”جرها غسل ليها ولبسها بينوارها وفوطة فشعرها وخرجات برا تلبس وتنشف شعرها بسيشوار دغيا وتجمعو باش ميبانش را مدوشة هههههههه “
ياسين” خارج من دوش كينشف شعرو شافها مضاربة باش ميبانش راها مدوشة ” : مكاين لاش راجل ومرته نوار …
نوار : اويلي وكلشي كاين اياسين …
ياسين : راااجل ومرتو نوار راجل ومرتو شنو كيديرو الى معاشروش بعضياتهم ؟ مزوج بيك مقامك من مقام ختي محرمة عليا ” مخرج عينيه ورافع حاجبو ” يهديك الله الي يتسالك شي حاجة يجي يديها من عندي ….
اييييوا هذا هو ياسين ماعندوش سوق الي عطاه مو يزيدو باه مرتو حلالو يدير مابغا والي ماعجبو را الحايط …لبس وكمل خلا شعرو مخربق ممشطوش وضار عندها …
ياسين : لبسي ونزلي ونتي سكنتي هنا دابا يسولو عليك …تت” كيجبد من باكية لكارو سيجارة ويقلب على لبريكي تا جبدها وضار شاف فيها وغمزها ومشا خلاهها ترمش هههههه “”
#يتبع….🦋نور_الياسين(1113)#فرصة_ثانيةsana mina🐺🦋
#عودة_من_فلاش_باااك….
.حك عينيه شحال وضار بان ليه ضو دوش شاعل عرفها تما …تسناها جهد ربع ساعة ماخرجاتش وصوت شبه مقطوع …
لبس بوكسر ومشا لدوش كينادي باسمها ولا من مجيب حتى حل الباب عليها ونزل عينيه عليها …حس بقلبو واحد لحضة من كترة ما ضرب بجهد سكت ليه وركع خفق حس بلسانو فيه مذاق صدأ وتشل ليه …
ياسين : ن نن نوااار !!!
نوار”كتنين جالسة فلارض بكسوة سميطات عريضة مفرفرة على حساب صهد وشعرها لفوق كعكة مع كيصهدها كتجمعو الفوق …شادة كرشها وتحك وتمسد فيها وحاطة راسها على لحايط عروقاتها تكب ” : نننن …
ياسين”مشا كيزرب تحنى عندها عينيه خارجين مكيرمشوش” : ماندي مالك ؟؟؟ ماالك ماتخلعينيش …
نوار”كمشات عينيها ونطقات بصوت شبه مسموع” : وجاااااااع اهى اهى …امننمممم اهى اهى …حااار اياسين حاااار …
ياسين”ماعرف اش يدير كيفشل مسكين فبحال هاد الموقف وخا ولف دوك وجيعات كيجيوها لكن هاد المرة جاتو فشكل وجهها صفر وعروقات كتكب عليها ونفسها ممنتاضمش وشادة تحت كرشها ” : ششش باش كتحسي ؟؟
نوار”هزات راسها كتدور فيه وعينيها دايزين بدموع” : وااااااااا وجاااع حااااار ياسيييين اهى اهى …واا بزاااف قاصح اممممنممممم …”كتعصر عينيها وتنهج سخفات وصوتها ماقادراش ترفعو كيسمعو فير بزز بانين وصافي”
ياسين : حااار اغزالي حااار عااارف …شدي فيا نخرجك نعيط لحنانة ؟؟
نوار”حركات راسها” : امممم عيط لماما عاافاك وماتخلينيش اهى اهى …
ياسين : واااخا واخا ..”ضار مسكين هنا وهنا ووقف تايدوز على راسو كيدكر الله ويعاود باش يتبت حس براسو غايفشل وميصيبش وهي لازمها يوقف معاها ممكن تكون كتولد او ممكن قربات وشكون عرف شنو غاتواجه مسكينة ..ولا تحنى ليها هز راجليها وهزها بين دراعو كتبكييييي وتنين وتسكت وعاود ” علميني وكون مافقتش انوار ؟
نوار”بصوت ضعيف فاش تسمعيها تقولي غير شي وحدة كتنين ومسكين مابغاش يقوليها جهدي صوتك كيهبط ودنيه هو باش يحاول يسمعها اش كتقول” : اهى اهى ق قلت اهى غير غاتمشي وصافي …ياسين …
ياسين”بنفس نبرة صوتها” : نواارته …
نوار : خايفة اهى اهى …
ياسين”حطها فوق ناموسية ومشا يهز تيليفون يعيط ليسرى ” : مناش ؟
نوار : لولادة اهى امممممم “كتعض فايدها تكتم الالم ” …
ياسين”عينيه ولاو حمرين “: الخالة فايقة ؟
يسرى”ناضت بجهد جالسة فور ماشافت اسمو فتيليفونها بلا متقول الو ولا تعرف شنو سبب لاش عيط ” : نوار مالها ؟
ياسين”تنهد مغمض عينيه ويحك فرقبتو ومرة يعطيها تشد فيه ولا تعض” : طلعي الخالة طلعي …
قطعات معاه وناضت بزربة لبسات عليها طلعات لفوق دقات فالبيت لقاتو مخليه ليها محلول وصلات ودخلات لقاتو جالس حداها لابس تيشرت بعدا ستر راسو وشاد ليها فايدها وهي كتبكي مرة تبغي تنعس حتى نشدها وجعة …
يسرى : احنينة ماما مالك ؟؟
نوار”شافتها فحال شافت رحمة الام شي حاجة عضيمة ونوار فهاد الولادة او الحمل بدات تحس بقيمتها اكثر فاكثر …غير شافتها ونزلو دموعها يجريو الشي الي خلا دموع يسرى تاهما يجريو وقلب يسرى كيضرب بواحد طريقة عمرها حسات بيها حتى فولادة مينة ل اياد ماحساتش بقلبها مقبوض وكيضرب …” : مامااا اهى اهى وجع حااار …
يسرى”جلسات حداها ” : فحال وجيعات الي كيجيوك ؟
نوار”كتنفي براسها” : لا لا كتر منهم حااار اماما واااااااااااااااااااااااااااااا “غوتات حيث حست بوجعة جاتها حر من لاخرا تا صمكات ليهم الودنين خلات ياسين كمش عينيه وقلبو بغا يسكت “
ياسين”كيردد ففمو” : ياارب ياااارب …يااارب الله يسمح لينا منك الله يسمح لينا منك …
يسرى : واخا ماما عاونيني هزي رجليك وفرقيهم مزياان نقلبك الى محلولة لوالدة نطلعو لكلينيك “شافت فياسين لقاتو كيشوف فنوار عينيه حمرين وعاض على شنايفو ومرة يردد كلام الله …” دارت نوار شنو قالت ليها وفرقات رجليها …مشات يسرى بزربة غسلات ايديها وعقمتهم …وشعرها طايح تحل ليها تدعقات معقلاتش اش كدير …ومشات جلسات خشات ايديها لتحت وخشات زوج صباع كتقلب ونوار تبكي …بقات شحال حتى حيدات ايديها …
يسرى : محلولة بزوج صباع ..مزال ابنتي …”قلبات كرشها بايديها جيهة وحدة وضغطات تا قفزات نوار لقات وحدة مقبلة بزاف وثانية لا…
نوار : اهى اهى بقاي شادة تما بقاي كنحس بيها بغات تهبط شي حاجة من هنا اهى …مممم …
يسرى : واخا بنتي واخا …هاني جايا نجيب شي حاجة من تحت ونجي نشوف نعيط لطبيبة لمياء واخا …”باست ليها جبهتها وقلبها كيضرب وخرجات كتجري …
نوار”كيجيوها وجعات حااارين تا كتغوت” : وااااععععععععع اهى اهى وااااااماما حااااار حار ياااربي يااااربي اهى اهى…
ياسين “حط جبهتو على جبهتها كيدوز على حنكها وهي غير كيهمد لوجع كتغييييب شافها غابت وعينيها تسدو وهو يضربها لحنكها بشوي تفيق ” : نوااار نوااار وااا نوار توگضي معايا “بح ليه صوته” توگضي معايا …
نوار”عينيها باقين مسدودين قلبها كيضرب خايفة والوجع جديد عليها” : خايفة نمووت اهى …
ياسين”رجعات بيه ذاكرة لاخر جملة قال لديك سيدة فاش تضرب …مابغيتش نمووت…هز فيها عينيه” : ربي معاك ومعايا شاف من حالنا شلا وشوية گد ما جلست راني عبد ضعييييييف ..لا مشيتي لمن تخليني المكملاني…شكون نفشش وشكون تحط عليا راسها وتبكي ؟ ولمن نشكي همي وعلامن نحط راسي …بوجهي ووجه بناتنا عضي فالصبر ها علاش لجنة تحت قدامك تولي… وسمحي ليا سمحي ليا …
#تصبحن_على_خير….🦋نور_الياسين(1114)#فرصة_ثانيةsana mina🐺🦋
ها علاش كيف قال ياسين الجنة تحت اقدامها …والله يسمح لينا من الواليدين…
نزلات يسرى لبيت تلاقات فطريقها يامنة خارجة هي وفؤاد باش يمشي لجامع يصلي تا شافوها كتجري وتجمع فشعرها …
يامنة “شدات على قلبها” : يسرى مالك ؟
يسرى”هزات فيها عينيها مدمعين” : نوار جاها لوجع قرباات ايامنة “شافت ففؤاد” قربات اخويا دعي معاها فصلاتك …
فؤاد : الله …فك ربي وحايلها باذن الله …
دخلات وخلاتو واقف مع يامنة الي بغات تطلع تا وقفها انه غايصلي غير فالدار ويبقى لا يبغيو يمشيو لكلينيك يكون حاضر حيث ياسين فهاد اللحضة مسكين يقدر يتلف وميعرف ميدير والله يحسن العوان …
ياسين”جالس حداها شافها ارتااحت سكتاات خلاها حدو كيمسح ليها على ايدها مرة يدوز على وجهها تا تدق الباب ” : دخلي الخالة “يحساب ليه يسرى “
يامنة”دخلات وطلات عليهم ” : حنينة …خبار الخير …
ياسين “شاف فنوار الي بدات تكمش عويناتها من بداية نغيزة وجعة غاتبداها” : هاحنا ميمتي ف يد الله …
نوار”بدات تنين وتحل عينيها” : امننننن وااااااواواو اهى اخى وااااا ميمتييييييي اهى اهى …
يامنة”قربات ليها” : احنينة ذكري الله ذكري الله يوقف معاك ابنتي …ذكري الله ماتحيدي هاد الكلمة من فمك …
نوار”حاولت تجلس تا عاونها ياسين” : وااااربيييييي ربييييي اهى وااااحااار اخالتي حااار اهى …اممممممم..
يسرى”طلعات لعندها وشافت فياسين” : ولدي سير لبس ووجد طوموبيل خاصنا نتحركو لكلينيك من دابا …
باس راسها ومشا هز حوايجو تيشرت وسروال ودخل لدوش بعدا غسل وتوضى بزربة ومشا خرج مخليهم كيلبسو ليها حوايجها …نزل لتحت لقا باه وااقف حدا طوموبيل كيستغفر غير شافو ومشا لعندو باس ليه راسو …
فؤاد : كون مع الله يكون معاك اولدي هادي سنة الحياة صبر وعض فالصبر وكون ضهرها الحامي وجناحها تخفف عليها وفك الله وحايلها …”طبطب ليه على كتافو بجهد باش يتوگض حيث شافو مخطوف منو اللون “
ياسين : ونعم بالله ونعم بالله …واجدة طوموبيل؟
فؤاد : سير انا معاكم اولدي …
مشا طلع يعاونهم اما فؤاد بانت ليه نجود خارجة تاهي سمعات الهضرة …واسامة حتى هو الي سمع مع فاق بكري وسمعهم وعرف اش كاين حيث سمع بكاها …
اسامة : الوليد انا نسوگ بيكم رتاح نتا …
فؤاد ؛ معليش اولدي بقا هنا ديك ساعة لاكانت خبار نعلمك وتصرف …
اسامة”معاودهاش معاه ” : واخا الوليد …
واحد ربع ساعة حتى سمعو صوت بكاها جايا وشاد فيها ياسين شادة كرشها من تحت لبسوها ووجدوها وجايا يسرى موراها هازا صاك ويامنة تاهي هازا صاك ويرددو فالاذكار ودعاء ربي يكون معاها اما هي را عينيها محابسينش من دموع والي زادها اكثر خوفها من لولادة ومعارفاش شنو داكشي كتحس بيه من تحت بغا يهبط ….
نوار”عاضا فسنانها وتنين بالوجع موة يجيها شوي قاصح وتصبر ومرة يتجاهد عليها تا تجهد صوتها وبكاها كيطيح ضيم …شافت ففؤاد ونجود ” : اممممنن اهى اهى …
فؤاد”قرب باس ليها راسها” : كوني مع الله يكون معاك الصبر الي صبرتي فيامك لولة زيدي صبريه مابقا قد مافات ابنتي …”باسها فراسها”
نوار : اهى خايفة خاايفة اننننننن”كتعصر عينيها بجهد مع لوجعة حتى كتبغي تسخف”
نجود : الله يفكك على خير ذكري الله ابنتي ذكري الله …
واحد شوي تا خرجات سارة ونجوى ورميساء ودراري كلشي نزل يجري من فوووق سمعو البكا مع كانو عاد نعسو من سهرة ونزلو يجريو ومصطفى تاهو راجع من جامع …وقفو حداها سلمو عليها وخلاو ياسين كيقاد ليها لور باش تركب وتركب حداها يسرى ….
اشرف”طل عليها هو وعلي شادة كرشها وجالسة تنين بالوجع بقات فيه تا جابت ليه البكية” : شوفي غا صبري انوار عافا ختي ان شاء الله باش تولدي علاش تافقنا ياك عااقلة ؟ عاقلة اش قلنا عندك توام ياك فاش تولديهم غاتعطينا وحدة حقاش وحدة ليك ووحدة الي عزيز عليك ياك …
علي : مالك كنتي خدام عليهم ؟
دخل فؤاد لطوموبيل وياسين حداه ركبات يسرى من لهيه ويامنة من لهيه موصياهم باش يوجدو شنو غايحتاجو ويجيبوهم فاش يصبح الحال المهم انهم داو الي ضروري …اما هي همد عليها لوجع فديك اللحضة وتكات على كتف يسرى ويامنة شادة ليها ايدها وياسين راه غادي فوق البيض طايب يدور ويسول فيها ولا يتفحص ملامحها وعينيه حمرييييين …كسيرا
فؤاد شذو طريق خارجين كن الدوار فاتجاه كلينيك الامومة المتواجد بمراكش …وفالطريق صونا الهاتف ديال يسرى كانت ساعة سابعة صباحا …
يسرى : يوسف !!
يوسف : صباح الخير …واش لباس عليكم ؟ واحد نوار ؟ لباس عليها ؟ راني حلمت واحد الحلمة تهولت عليها …
يسرى”غمضات عينيها عرفاتو حس مسكين واخا غير فالحلم ” : احم هاهي حدايا غادين بيها لكلينيك ايوسف …
يوسف”كان فالجردة حدا لابيسين واقف كيشرب فالما صبح شحفان تا جلس على طولته” : قربات ياك ؟
يسرى “مدات تيليفون لنوار حطاتو ليها فوذنها” : باباك بغا يهضر معاك …
نوار”فحالا قلتي ليها لوحي وجعك وفشوشك عليه ” : بابا اهى اهى …
يوسف : نخيشيشتي مالها ؟ …
نوار”كتنين وبصوتها اكدات ليه انه محتاجاك ابابا حنيني محتاجاك فهاد اللحضة بغيت كلشي حدايا وحضنك ابابا غيرهم كلهم …”
يوسف : انا دااابا بابا نركب ونجي عندك دابا منخليش بنتي وعشيرتي وحدها …منخليكش تولدي كرموسات لمسلمين وانا مكاينش هههه واخا بابا غيير صبري يكون خير ابنتي يكون خير الله معاك والله يرضي عليك …
#يتبع…🦋نور_الياسين(1115)#فرصة_ثانيةsana mina🐺🦋
بقا كيهضر معاها ويطمنها بهضرته وهو غادي طالع لفوق وتيليفون فودنو مقطعش معاها مشا هز حوايجو ميلبس وهو كيهضر …تا غوتات ليه فوذنو حس بقلبو بغا يهبط وسكت ليه حيث شداتها وجعة حارة تاني حسكات ليه القلب وحشات ليه ركابي تا تدعق وقطع تيليفون …
فاش قطع معاها شداتها لوجعة ثاني او الانقباضة للي حسات بجنابها وتحتها كيتحسكو بالماس ماضيين …عينيها خرجو وحسات بنفسها دياق عليها ومن حررررهااااا وجعة …وبين الوجعة والوجعة كاتجيها وااااحد الراحة سبحان …بداو الانقباضات كيتقاربو شوية عندها …وفكل وجعة وبكية حتى كيبح ليها صوتها …
فؤاد”ضار شاف فياسين كيطل عليها وكيضور يشد فراسو…مد ايدو وحطها ليه فوق فخدو طبطب عليه” : الحافض مولانا ولدي الحافض مولانا…ذكر الله الله يرضي عليك …
ياسين : يااارب ياااااارب…”خرج واحد تنهيدة من الاعماق..تا ضار عندها لقاها سكتت وعينيها تنفخو بالبكا وشنايفها كتعض فيهم فور مكتحس بالوجعة جايا تاني وتخسر سيفتها..”
وصلو لمراكش وشدو طريق تارگة بالضبط فين متواجد …وقف السيارة عند البارك مباشرة قدام الباب نيت ..
ياسين”نزل بسرعة لقا يسرى حلات الباب ونزلات وتحنى عندها شدها من ايديها كتبكي خمسة ستة دموع لعين …عاونها تا وقفات شادة تحت كرشها ماقدراش تحيد ايدها ” : مالك تما ؟
نوار”هزات فيه عينيها مجغمين بدموع شفارها يقطرو حس بقلبو تحسك وشحال بقات فيه ” : كنحس بيها هابطة هنا شي حاجة بغات تخرج …
فؤاد”كان دخل عيط ليهم يجيبو كرسي متحرك حيث اصلا عالماهم دكتورة لمياء بالي غاتجي وقبل مكونفيرميين بالي غاتولد تما باش كيف توصل يستقبلوها”…
جلسات فالكرسي ودخلو كاملين مشاو فاتجاه ليسر مخليين فؤاد فالاستقبال يعمر المعلومات ومشاو هما فسانسور تاهبطو لتحت فين كاين ليصال داكوشمون ولبلوك …لقات لمياء فاستقبالها …
لمياء”تحنات عندها” : نوار!! اش هذا شفتك خايفة اممم ؟
نوار”مجاوبتهاش كتشدها لوجعة وتعصر عينيها وتطلقها ببكية حاارة “
لمياء “شافت فيسرى” : اجي نشوفوها بعدا واش قربات …
ياسين”تحنى باس راسها” : كاندي شوي ونكون معاك واخا؟
نوار : اهى اهى ماتخلينيش عاافاك …
يسرى : ماما غير نشوفوك ونشوفو لبنيات وهاهو معاك…”عطاها لكرسي ودفعات بيها تا دخلاتها لداخل لصال ديال ولادة …لقات واحد البياص دجلد كبير وطويل وجنابو كاينين لعيبات فين تحط رجليها باش يتهزو لفوق ..عاونتها يسرى حتى جلسات فيه كانت الوجعة حابسة عليها…”
لمياء”تسنات تا هزات رجليها حطاتهم تما ودارت ليگانت” : قلبتيها نتي ؟
يسرى : مزال غير بزوج صباع …
نوار”بدات تاني الوجعة كترجع ليها” : واواواواواااااااااااااااااا ربيييييييييييي اهى اهى وااااااخالتيييييييييي نقصي ليا هادشي حاااااار اخالتي حااااااار…واعععععععععععععععععععععععع اماماماماماماااااااا….”خرجات عينيها” بغات تخرج من هنا من هنااااااااااا
لمياء: واااخا بنتي واخا…”
يوسف”جايين فالطريق هو والياس وصهيب الي ضار شافو بان ليه مهموم وعينيه مغرغرين خايف بالجهد “
صهيب”حط ايدو على رجلو” : تا شد الهمة صحبي شد الهمة ها مينة ولدات هاهي صحة سلام هي وداك لمبزوط ديال ولدها هههه
الياس : والو يوسف متقنعوش على نوار عارفها هشيشة هذاك …
يوسف : هشيشة وضعيفة ولازمها العوين اصهيب …
صهيب : وضروري را معاها راجلها اصحبي معاها خوك الكبير الي هو شيخها معاها مها طبيبة كاااع اختصاصية …
خشات لمياء صباعها لداخل كتعبر” مزال ثلاثة صباع دابا …
يسرى : الايكو “شافت فلمياء الي فهمتها باش يشوفو لبنية لاخرا الي خالقة ليهم مشكيل انها عاطياش بوز الولادة …”
في هاد الحالة غايخصهم يتسناو اولا تا تفتح الوالدة بالعبار الي خاص وبما انه الوجع كاين ماتحتاجش لوجع اصطناعي تقدر تغير بوزيسيون البنت الي مزال على الوضعية الفارسية …هادشي كامل لازم عليها تصبر لوجع وتصبر لاي حاجة الى تقبلات البنت غادوز نيشان لولادة طبيعية عادية بمساعدة الى احتاجوها ….
#يتبع…#تتمة_البارت_1115_نورالياسين…
شعلات لمياء الايكو وهزات يسرى لنوار عرات ليها كرشها ودارت ليها جيل وبدات تقلب وتشوف كانت البنت لاخرا فوضعية الاستعداد لخروج لكن ثانية مع الاسف باقي كيما هي …
لمياء : مزال الحال شوي غاتبقا بينما تحلات بعشرة سنتيم ونبت حتى نشوفو البنت لاخرا “ضارت شافت فيها”
يسرى : عطيها مقوي باش تقدر توقف وتمشي وتجي حيث فشلات فالدار لقاها راجلها طايحة فالدوش سخفانة …
لمياء : وييي ضروري نعطيها سيروم صالي باش تقوى شوي …
يسرى”خلات لمياء مشات تجيب سيروم وصات لفرملية تعطيه ليها ” : ماما اجي معايا خاصك تمشي وتجي باش تحل ليك الوالدة …
نوار”عيات بالوجع” : اهى اهى قولي ليها تعطيني شي حاجة تبردو عليا”عصرات عينيها ” وااااااااااااااااااااااااااااا مامااااااااااااا اهى اهى واااااا قاصح قاصح …وعاونينييييييييي اهى اهى حااار ياماما حااااار…
يسرى”جات لفرملية تعاونت معاها هي وياها تا جلسات وجابت ليها لباس المشفى فالشيبي ببينوارو تحت ركبة …حيدات ليها حوايجها بقات غير بدوبياس وعاوناتها تالبساتو وهي كتوجع وتنيني بغات تسخف ليها غا معاوناها لفرملية الي كي سالات مشات جابت سيرم قاداتو ليها فعرق ايدها …
لفرملية : مدام تبقاي هازاه تاتمشي لشومبر ديالها ولا نعطيك فاش تعلقيه …
يسرى : غير خليه انا نهزو تالشوموبر ونقادو ليها …
وقفات وغاديا شادة تحت كرشها كتبكي بكل وجعة كتجيها بعد المرات ضعييييفة ولكن كتقهرها حتى كتبدا تجاهد عليها …يسرى هازا ليها سيروم وهي غاديا لابسة بانطوفة ديال قطن وبذات كتمشى مفرقة رجليها حيث كرشها هبطات لتحت عرقلات ليها لمشي طبيعي …حتى خرجات بيها برا لقاو ياسين كيمشي ويجي غير شافها ومشا بزربة لعندها…
ياسين : نوار…شوية ؟
نوار”مع بغات تجاوبو جاتها تاني وهي تغوت بحر جهدها” : وااااااااااااااااا ماشوياش ماااا شوياااش اهى اهى وااااااااااكواااااك …
يسرى : يلاه لشومبر فين غاتبقى نعلقو هذا وسير معاها وجي باش تمشى بزاف …
داكشي الي ذارو داها مشي حتى لشومبر مرة تزگا الوجعة ومرة تشدها تا بح ليها صوتها…هزات يسرى علاقة سيروم جابتها ليه كتحرك بروايد علقتها ومشا معاها …فديك طوالة …
ياسين”شاد ليها علاقة ومدرعها من كتافها حتى كتوقف كتبغي تجلس وينوضها” : نوار كاندي صبري الله يرضي عليك “باس ليها حنكها” شنو ندير ؟
نوار : اهى اهى “عيات …شدات ليه ايدو وحطتها تحت منها” شد اهى اهى شد هنا كنحس بيها بغات تخرج اهى …
ياسين”رفع حاجبو مفهم والو” : شنو هي ؟
نوار”قهرها لوجع وحطات راسها على كتفو كتمسح عليه مدعوقة ” : وااااااااااااااااااااااااااااااا اهى اهى وااااربييييييييييييي …واععععع
جا اشرف وعلي واسامة معاهم نجود ونجوى اما سارة بقات هي ورميساء تايجيو لاخرين الي جايين فطريق وتقابل دار …مع وصلو سولو عليهم وهما يطلعو لقاو ياسين ونوار فالطوالة …يلاه بغاو يهضرو حتى سمعو غوتتها …
علي تلبط لحايط ولصق فيه كيطلع ومع غوتتها عض الحايط وكمش عينيه. هههه..اما اشرف غمض لنجود عينيها بالدعقة اسامة تا رجع غادي هابط لزنقة وعاود رجع عندهم” …
#يتبع
🦋نور_الياسين(1116)#فرصة_ثانيةsana mina🐺🦋
سالا سيروم لول وزادوها ثاني وهي غاديا معاه …تا حبسو الوجعات واحد لحضة وهي غاديا فشلانة وهو كيبزز عليها ومعاونها …
ياسين”حط راسو عليها وغاديين فديك طوالة” : شنو عييتي صافي هذا جهدك ؟
نوار”بصوت باح بزز باش كيتسمع” : هاني هااني كنحااول اهى اهى …عععع “حطات ايدها على فمها”
ياسين”بخوف” : مالك ؟
نوار : د ديني اوعععع ديني لطواليط …
ياسين : واااخا …”هزها بين دراعو وسيروم شادة فيه مع حديذة غادي مزروب بيها باش يلحقها لطواليط تا دخلات مع دخلات حبسات تاعيات وطلقاتها كترجع وتقول مارجعت تا بغات تسخف كون ما هو شادها…تا كملات وحسات بروحها بغات تخرج “
نوار : هوووعععععع امممممم اهى …”حطات راسها على لافابو بغات ترتاح ساعاك شكوون خلاك عاودت هزتها وجعة تاني حر منها مكاين تا هزات راسها هكاك على وضعيتها ” وااااااااااااااااااااااااااااربي ربي ربيييييييييييييييييييييييييييييي واااااااااااااااياسييييييييييين غانموووووووووووت اهى اهى …هفففففف هفففففففف…..ماحسات غير بايديه تحت باطها معاونها توقف تا سندها عليه حاطا راسها على صدرو وهو كيبوس فراسها ويطلب فالسماحة قهراتو من الفجر وهي على وجعها تابغا يوذن الضهر وهي هكاك …
ياسين : ماعليش عاارف حار عااارف كلشي عليك مابيدي حيلة نوارتي مابيدي حلية غير نوقف معاك وندعي ليك ونتي صبري الله معاك …
نوار”رجعات كتبكي هلكها الوجع وعرف كي هلكها” : ومابقييييتش قادرة ياسين اهى …ديرو معايا حل وااااااااااااااااااااااا اهى اهى …واربي واربي واااربيييييييييي….
ياسين”مخرجها بزز باش واقفة وغير هو معاونها تا وصلو حدا شومبر وهي تعاود ترجع تاني هاد لمرة غير الما صافي داكشي الي كتشرب وصافي لا ماكلة لا والو من غير الما …تا عيات وهي تجلس ليه لارض سرحات رجليها وحطات راسها على لحايط شادة تحت كرشها وتلالي وجهها عرقااان وشعر راسها لصق …تحنى عليها ثاني ركابيه تا خرجات يامنة ونجود كيشوفو فيها حيث سمعو صوتها”
يامنة : احنينة صبري بنتي صبري الله معاك…
نوار”كتلالي بصوت ضعيف وتدور راسها هنا ولهيه “
نجود: نوض اولدي صلي الضهر ودعي الله يكون معاكم نوض ها يامنة معاها ويسرى هاهي جايا ولدي نوض …
ياسين”باس ليها جبهتها وبقا كيهضر وشفايفو عليها” : هاني جاي حاولي توقفي نوارتي وتحركي تسهلي عليك ..”حنا وجهو لعندها لقاها فاشلة باس ليها حناكها بجوج وناض دخل شومبر ديالها تا تبعاتو نجود وضار عنذها” هاذشي كيبقى بزاف ؟ ماشي بزاف عليها ؟ شنو كيتسناو ؟
نجود : ههههه يهديك الله لولادة هي هادي ماتولد تا تحل لوالدة ولدي …لا تحلت من هنا لعشية رحمة ليها داكشي الي بغينا …
ياسين”خرج عينيه” : نعااام لعشية ؟؟ بزااف ميمتي بزاااف …
نجود : وايلي را كاين الي ثلثيام ديال لوجع …
ياسين”غوت” : فااااك لا لا ديرو شي حاجة متبقاش بهاد لحالة لعذاب ليها وليا معاها ميمتي لا …تت “ضار كيدوز على وجهو وشعرو تا خربقو اصلا بقا مخربق من لفجر…لعن شيطان ومشا توضى وخرج عطاتو باش يفرش وتقابل مع القبلة وقام الصلاة …
مع كي علمو بيها شدو الطريق نيشان كعطة وحدة جهد خمسة سوايع حتى كانو فمدينة مراكش فثلاثة لعشية وضارو جيهة الكلينيك شدو طريقو حتى كانو قدامو كي وقفو لقاو فؤاد برا كيمشي ويجي كان لكلينيك قدامو كلينيك اخور اسمو الاطلس …شاف فيهم
وطلعو نيشان فين نعتات ليهم مع وصلو لقاو دراري مشاو وياسين كيتمشى معاها …
يوسف”نفس نضرة الي ذار فمينة فاش كانت داخلة تولد سيزاغيان غير هادي زايدة حيث هشيشة عارفها ضعيفة فشكل عندو كيقول متقد على والو وهادشي الي خلاه فششها تا كانت شخصيتها ضعيفة …” : بنتي …
نوار”سمعات صوته وهي تهز عينيها فحال شافت رحمة وشافت شي نور ماحساتش غير وهي مادا ايديها بزوج ليه زعما عنقني” : بابااااا اهى اهى ….
يوسف “مشا لعندها كيزرب جرها عندو تنخششات فيه وبدات تعد وتلالي وتعاود وتشكي فحال شي دري صغير كيقول ضربوني وتعداو عليا” : ششش بابا صبري الله يرضي عليك …
نوار”الصمت غير كتنين عياات بجهد …وصلات تلاتة ديال نهار وهي على نفس الحال …” …
نوار”كتهضر وصوتها مبقاش كيتسمع ” : عيييت اهى اهى عييييت وووووو وووووو واواواووووووو عييييييييييييت …
يوسف”معنقاه مخشية فيه وحاط راسو على راسها حاضنها عندو كتمايل وياسين كيمسد ليها فضهرها من لور كيبانو ليه رجليها كيترعدو…” : اللهم لا سهل إلا ما جعلته سهلاً، وأنت إن شئت جعلت الحزن سهلًا. اللهم أسألك حسن الخلق وهون عليها الطلق، يا خالق النفس من النفس، ويا مخلص النفس من النفس، ويا مخرج النفس من النفس يسر لها ولادتها…
ياسين”بانت ليه كتفيبري ” : نوار !!!
نوار”حسات بواااااحد الوجعة حر منها مكاين وبكرشها من تحت فحال لخروج غا هي كبيييرة تا هزات راسها من وسط حضن باها وغوتات بحر جهدها داك صوت الي بقا ضايط خرجاتو ” : وااااااا …ربي ربي ربييييييييييييي بغات تخرج تخرج”شهقات على حر جهدها تا خرجات عينيها الي بياضو ” هييييييييييييييييييه “الي سمعها يقول الروح بغات تخرج تا سمعو تشش”
ياسين”طل لتحت بان ليه شرشور ديال لما فلارض مخلط تا خرج عينيه ماحتال يهز راسو ليها تا بانت ليه فشلات وخارت قواها وعينيها تسدو تاهبط معاها يوسف ” : نواااااااار
#تصبحن_على_خيييير….

Leave a comment