Skip links

قصة : نور الياسين جزء54

 29,864 عدد مشاهداات

🦋نور_الياسين(1107)#فرصة_ثانيةsana mina🐺🦋
#فلاش_باك…
دخل البيت لفوق تما بالقرب من بيت الي خصصو ياسين ونوار لبنيات الي غايتزادو …فيه تلقان بلا سدادر يعني فراش صحراوي كيشوف نيت فالصالون الكبير فرشات ليه سارة تما باش يرتاح حيث مزال عيان من لسعة ديال لعقرب سخسخاتو …
علي”تكا وتسرح طلقت ليه لاكليم يتبرد مع راسو ” : الله …
سارة : نجيب ليك متاكل اوليدي …
علي”شاف فيها وفرنس وخا عيان” : سارة ! ولفتكش هوك…
سارة”طلعات فيه حاجبها” : امالنا ؟
علي”عض شنايفو” : اححح هاا ميمتي …لا مافياش بغيت غير شي حاجة باردة …
سارة : واخا انا نهبط ورسل رميساء تجيبها ليك ..
نزلات لتحت توجد ليه شنو بغا وطلعو دراري يتجاراو عندو وطبعا سليمان هو لاخر طالع بثقالة …تا دخلو عليه يلاه بغا يغمض اتا بعتو عليه طار ونزل…
علي : واااااكواااك …
اشرف “قرب ليه” : عضاتك عقرب ؟
اسامة : فاش عضك باش حسيتي ؟
سليمان : ههههههه
علي”شاف فيهم كيتسناو بزوج لجواب حالين فمهم” : وناااااري وتعرفو باش حسيت ناري …
اسامة : باش ؟
علي”عض شنايفو” : احححححح واحححخ
اشرف “باقي مفرنس ” : هادشي فيه اح ؟
اسامة : كيفاش اححح ؟
علي : احححح واحد العضة لدرجة العرق نزليا راكم شتو وعينيا تقلبو حسيت بتبوريشة طالعة معايا وليت كلي كنرجف …حسيت بواحد الاحساس طلعت لسما …اووووو فااااك اصحبي…
اسامة”شاف فاشرف الي باقي مفرنس واسامة تاهو حال فمو ” : واش هذا عضو عقرب ولا قحبة ؟
اشرف : ماشتيش كي جرا ليه ؟ وماسمعتيش باش حس و اش قال ؟ را جابو ؟ وانوض را تيطنز علينا حنا الي متنحشموش سايرين نسولو فيه …
اسامة”مطمط” : ايوى الي داها فكرو تاحاجة ماضرو …والي عطا زكو لهلا يفكو …
علي : فين ديك الي جابت ليا داكشي نشربو قالو عتقتني …
اسامة”هزهز ليه حجبانو ” : حبقلبك حسنا هخهخخخخ
علي : يحسن ليك بلا ما نتا وياها …
طلعات رميساء هازا بلاطو فيه قرعة العصير ديال حامض ونعناع مخلط ب سبرايت وثلج فالكاس وحطتها ليه…
رميساء”مدات ليه الكاس” : هاك …
علي : بنت خالتك صبيحة فين ؟
رميساء : مشات لدار جدها لدار ولد لمسوكح …
علي : علموك هاد سميات تانتي ؟ اشمن مسوكح يسوكح نتي وياها جملة …
رميساء”خنزرات فيه” : لاش دعا ؟ ومن تدعي عليها لاش معيط ليها…
علي : سوق موك ؟ را غانوض لجدر والديك…
رميساء”عوجات فمها” : ما قضا فيك لا عقرب لا حنش خاصك نتا شي لفعة يلاه تقاد”قالتها وهي تنوض تفرتح قبل مينوض يخلطها “
علي : نشد موك نشدك الى ماخلطتك راني من تريكة بني شمعون …
سليمان : هههههه بصح لاش بغيتيها ؟
علي : ياك هي الي دارت لاسعافات الاولية ؟
اسامة : را عادي ديرهم هي بنت البلاذ ديما مقرنصاهم (عاضاهم) …
علي : واخا مهم عتقتني …
اشرف”بيض فيه عينيه وساد فمو زعما هايهاي هاي” : امممم عتقاتك …
علي”شاف فاشرف” : اش تما اداك لمصدي ؟
اشرف : لاش بغيتي لبنت…
علي : هكاك…
اشرف : تاحاجة مهكاك كلشي بالمقابل …الوقت خيابت وزمان تطور وكحل راس تيعيط اراسي واش بغات نفسي والي جاد بيه البشري وبغاه عقلي اما قلبي خليه لميمتي ولماكلتي …اذن اش تم ؟
علي”كيطنز” : وليت كنبغيها وباغي نتزوج بيها نديرو الوليدات وداكش…
اسامة : ااااااااااااررررعد …
اشرف : قولها من صباح …
علي : تنوضو تقودو عليا لا ؟ لاش بغيت نبغيها لاش مثلا …
سليمان : وحنا ماشين معاك غا انت وهضرتك…
علي : سكت نتا اداك سكوتي الي تحت منو الواد الهرهوري سكااات …
سليمان”هز ايديه” : هاهو غادي كاااع …
بقاو مجمعين معاه قولها وطنز عليها تا خلاوه يرتاح …تكا هاديك نعستو تادوا المغرب عاد فاق حس براسو شوية وناض خرج غسل وجهو وخرج هبط لتحت وجهو باقي شاحب ..خرج ديريكت لقدام الباب لقاه مغربي باارد وجلس …تا بانت ليه جايا داخلة هي وجداها “ام سارة ” لقاوه عند الباب…
علي”سلم على جداه ياس راسها” : الميمة …
ام سارة : كي بقيتي ولدي شوية ؟ “كتقيص ليه فوجهو وجبهتو”
علي”باس كفها” : بيخير بيخير …
ام سارة : ايوى الحمد لله طيرتيها منا خلعة …”باس راسها وتمات داخلة هي وحسناء حتى عيط ليها “
حسناء”خرجات لعندو ونطقات اقصد برحات” : نعاااام …
علي”قفز واحد القفزة ” : وااااااا يعطيك گرحة …مالك مالك فهاد الخرا ديال صوتك مال مك واش مصوطي ليك شي سلك …
حسناء”مادات ماجابت فهضرتو ” : كي بقيتي ؟
علي : هااا؟ اه اه شوية احم …اا هاديك ؟
حسناء : شكون ؟
علي : هاديك الي …مهم …دانكُ “شكرا بالالمانية”
حسناء “كمشت فيه عينيها” : ايييي ؟ اشني هادي ماكلة ؟
علي “ضرب راسو بشوي وبقا شادو ويضور فيه ويلالي” : يااا وخريااااااو وطليهاااااو …
#يتبع….#تتمة_البارت_1107نورالياسين…
مافهماتو اش قال ومافهمات فيه والو وماعرفاتو تا علاش كيفنفن غا وحدو فالهضرة ولاش عيط ليها اصلا كاااع …شافت تاعيات وهي تسكت تااا سكتت …
حسناء : مافهمتكش اش قلتي ؟ باش كتهضر ؟
علي : بالعبرية ناوي ندي مك تجاهدي فكتائب القسام …هي شكرا …
حسناء : دنيا هاانية …وليني علاش شكرا ؟
علي : احم”حك منخرو وياااربي شحال جاتو ثقيلة كتهر فيه وماقادر يخرجها ومراضيش ههههه ” على داكشي الي درتي البارح عتقتيني …
حسناء : وكان ؟ هاااء وهذاكشي عادي نشوف شي حد ضرباتو لعقربان ولا لعقرب صفرا غانديرو ولفناه هنا …
علي : فايت عضاك ؟
حسناء”حركات راسها” : ما مرة ما جوج …
علي”خرج عينيه ..شوف شحال من مرة عضتها وعندها عادي وهو غا واحد حس براسو والد وجالس نافس هههه ” : وايلي ؟
حسناء”هزات كتافها وحطاتهم” : عاادي …
علي : وشكون كيداويك ؟
حنساء : مرة لولة كانت عندي ربع سنين داني با لسبايتار(سبيطار) لي هنا فالفيلاج بقيت تالصباح تقييت وجابني …وثانية عندي عشر سنين سايرة لعب مع فردوس بنت عمي عسفت عليها وسمرات ليا لگدمي(قدم) كان عندنا
سي محمد ولد عمي فقيه فسيدي بوعثمان (فيلاج اسمو سيدي بوعثمان منبع رحامنة ) شرطها وقرا عليها وخرج ليا سم وبقيت يومين فالفراش ولغذ ليه فقت صحة سلام …وحضرت الي ضربتهم
تا تعلمت اشنو نديرو فاش ضربنا ديك ساعة داكشي باش كي صربك مشيت جريت نجيب شنو كيديرو والحنة واااخا ماتعجبكش خاصك تصبر هي الي مزيانة لسم ….
علي”بقا مستحلي هضرتها البنت تتهضر بتجربة كاسباها من صغر وخا بنت سطاش
لعام باينة عليها واخدة شلا تجارب وكيفاش متاخذهمش وهي المحيط ديالها كيعلمها المسؤلية فور مايبانو عليها علامات البلوغ …كاتهضر بجدية كانها دات وجابت فهاد الاسعافات وطبعا دات وجابت فيهم وهي متعرضة للسعات تاهي وحاضرة لناس ومداوية …بقا كيشوف فيها كيفاش كتهضر عاد نتابه ليها بالي البنت زوينة بزاف غييير مخبية ورا تمارة والتربان والغيوسات والى تقادت تبان زوينة بزاف …هادشي جاه عادي ولكن الي ماشي عادي هو تجارب الي تعلمت ليهم كانو كبر من سنها يعني لو فمحيط لمدينة او الفشوش مغاتعرف والو وممكن ماتحسش باللسعة وتجيها عادي تيفوت الفوت …
علي”ضرباتو الفيقة وحنحن” : احم مهم ل لهلا يخطيك “ناض وقف” …
حسناء : اهاانية تانت …مهم راك وليتي لباس خلعتي خالتي سارة وخلعتيني وخا عارفة غاتولي لباس …
علي : خلعتك كاااع ؟ كي طرا وجرا غاتكوني باغا تهناي مني …
حسناء”ضحكات” : ههههههه انت الي عضتني غاتخليني بسمي باغي تهنى مني اما انا منديرهاش ميعطينيش خاطري …
علي”رفع حاجبو” : ايوااا…
حسناء : ميعطينيش خاطري كتبقا بنادم فلاخر بزز منا واخا هكاك “احححح على كلاش”
علي : هي انا ليماك حيوان ؟
حسناء : فين حطيتي راسك تصيبو (تلقاه) …
في حين هما كيهضرو هنا اربعة اعين كتراقبهم في صمت من الفووووق حاضينهم ويفرنسو وماحسش بيهم علي اما يطلع يشير بيهم من الاعالي …
علي “ابتاسم وحدر راسو وهزو شاف فيها” : واخا هكاك لهلا يخطيك ابنت خالتي …
حسناء : هههه هانيا ولد خالتي …
علي”شافها ضارت بغات تمشي وهو يجرها وقرب باس ليها جبهتها وراسها وطبطب على ضهرها” : يحفضك يحفضك …
حسناء”تبسمات ومشات كتحك فراسها “
علي”بقا حاضيها تا مشاات ودخلات ورجع كيضور فراسو يشوف برا “
بقا ساهي مبرد مع الغربي تا قفزوه …
وااااا طلق دجاجة لماليها لا تبيض وتوحل فيها…
علي”هز راسو لقاهم كيطلو عليه ويضحكو ” : وطلق لق** ننن “عض لسانو ماكرهش يطير عليهم” تطلقكم سالمة تفوووو …
#يتبع…🦋نور_الياسين(1108)#فرصة_ثانيةsana mina🐺🦋
دخلات لكوزينة لقات راوية كتوجد فالعشا ابتاسمات ليها وقربات شافت شنو كتوجد …كانو غير هما فالفيلا وايلاف وجاد اما ايساف مزال مادخلش من لخدمة …مدات ايدها هزات قرعة سيدي علي وجبدات من المجر لحليب ديال غبرة …خوات الما ودارتو فقياسو وقياس الحليب …
راوية : متكتريش ليه حليب صناعي بقاي معافرة مع حليبك …
صفية : هاني محاولة وخا بزز باش ولا لحليب يخرج ..”باسف” مكرهتش يكتر ليا ونكمليه تالعام عالاقل …
راوية : غلاض غير بداك الحليب الي كتزيدي ليه واخا ماشي مفيد كي حليبك …ديري شنو قالت ليك ديك المرة. ام سارة …
صفية : شلا ماقالت ههههه ..قالت لبيض بلدي نطيبو نص طيبة فالسمن وقالت الحلبة نرقدها ونبقا نشربها وقالت الفصة تاهي ناكلها (الفصة كتزيد لحليب ) …لولة نقدر ناكلها لاخرين منقدرش عليهم …
راوية : البيض بلدي كاين سمن كاين غير قضي وجربي مخاسرة والو …وجيبي ليا لخوينز من البيت ناكلو راني نهار كلو ماشتو ضليت خدامة …
صفية : هي لولة “خلات ليها رضاعة ومشات لبيت لتحت فين كتنعس هي والوليد …طلات عليه فكونتو لقاتو تقلب على كرشو وكيلعب بايديه وواحد لعبة كيمضي بيها سنانو الي بغاو يخرجو …” ماما حبيييييبة دارت ليا الفيكااات …هوووبااا”هزاتو تلفوق رحناتو حستاتها عليه ببوسة وخشات نيفها فعنقو كتشم الحموضة طفولية …” اخخخخخ اربي على هاد ريحات …احححح على وليدي يكبر ونزوجو لزينة البنات …امممم “غاديا خارجة بيه وتهضر معاه وهو يلاغي ولا يهرنن” نزوج وليدي بلالة المنات هههه نجوجك بوحدة من بنات ياسين ؟ ههههههه “دخلاتو على راوية لكوزينة جالسة فصالامونجي كتشرب فعصير..” هاااا مامي راوية هاهي …
راوية”قبطاتو من عندها وتنخششات فيه تبوس وتشمشم” : احح الله على رويحات زينات …مممم …اري ليا ديك رضاعة اري …
ماحتال تهضر تا تهز ليها من حجرها طار فالسما ماعرف باش تبلى تا خرج ياسين عينيه على جهدهم تخلع …
ايساف : اوووووووباااااااا …”باسو وعضعضو
ياسين”خرج فيه عينيه “
صفية”غوبشات ورفعات صوتها” : واااش هبلتي ؟ مالك فهاديك الخطفة درتي ليه مالك ؟
ياسين”حنت مو صدق كيكركر مع راسو ” : اغغغغغغ هههههههههههههه…
ايساف”شاف فيه وباسو ” : هههههه هاااا بابا ضحك هاهو…”مد ايديه لرضاعة هزها وتم غادي وضار شاف فصفية خنزر فيها” راني عارف اش كندير …
نقصي من صوتك ماشي ساكت ميك تكتري وتزيدي فيه …شي مرات واخا يكون بنادم ولد لحرام را يتعامل بانسانية هذا البراني والى كان قريب ليك يتعامل بالاصل …وااا براكة براكة وخا نفوت معاك سنين ومنين را غايجي نهار الي نعيا فيه …هذا
بغيت ولا كرهتي راه ولدي من دمي ولحمي …دوزي شي فين يجي شي …”ضرب دورة مخنزر جاي اصلا طالع ليه دم من لخدمة بغا يدخل يشوف ولدو الي وخا رفضو فاللول ماشي حيث مابغاهش منها ولكن ايساف
كان عندو هم انه خايف من المسؤلية محاسش براسو قادر على تربية شي دري وهو كلو باقي حاس براسو وطايش …والمشكيل الي عندو هو انه مكيعرفش يوصل فكرتو ديما كيوصلها ناقصة وكتجرح طرف الاخر …
مشا بيه طلعو تالفوق مخليهم وحدة تشوف فلاخرا راوية مكتهضرش مكتدخلش فاش كيتناقشو كتنوض ولا تمشي تقضي شي حاجة ولا تسكت تخليهم بيناتهم …حط شكارة الخدمة وحيد سبرديلتو ونصل تقاشرو ومشا حطو فوق زربية مبطنة ومفشفشة بريش …
نصل تيشرت وسروال وبقا عريان …هزو حطو بين دراعو تا رضعو بقا يضحك معاه ويلاغي معاه ودري غا تشوفيه نسخة منو غا هو شعرو كحل بحالو وعويناتو خضرين بحال مو ولكن فكلشي غير ايساف محطوط …تا كمل وهزو دارو فوق كتافو تا تسمعات تگريعة ….
ايساف : صحاااا البطل “باسو فحناكو بزوج تا ضرو فيهم” الله على ريحة الله …شديييييد شديييد …”تدق الباب” دخل …
صفية “دخلات عليه يحساب ليها لابس تالقاتو مسفح ساترو غير البوكسر وباقلو يبانو منو ههه طلعات معاها تزنيگة تا بدات تكحب .” : احم كحكح اراه ليا تبغي تدوش ولا شي حاجة ..وبغيت ندوش ليه…
ايساف”مبرد” : اري ليه بينوارو وجيبي ليا باش كيغسل ندوز ليه معايا …
صفية “عضات شنايفها بجنب كتفكر”
ايساف : طلقينا بلا متبقاي تفكري جيبي شنو قلت ليك وصافي راني عارف ماتخافيش اجي دخلي معايا كاع وديه …
حركات راسها ومشات خرجات هبطت جابت ليه بينوار وبرودوي باش كيغسل دخلات لقاتو لداخل فدوش كتسمع صوت الما …حنحنات وحلات الباب قالت غايكون غير كيعومو حتى دخلات لقاتو حاطو قدامو كيلعب معاه ويضحكو بجوج …قربات ليه
وحطات ليه برودوياتو …قاست لما لا يكون سخون على دري ساعاك لقاتو بدرجة حرارة مناسبة …مدات ليه شامبو وبغات تعانو تا كتفاجئ بيه ضوروعلى كرشو وخوا علي شامبو دوز عليه بايدو بحركة خفيفة وهز الما خواه عليه وشللو مزيان وعاود دورو ودري غايبجغط مابكا ما قرب …وغسل ليه لتحت مزياان ونقاه ودار ليه جيل ديالو ونقا ليه وذنيه مزيان وشللو وهزو باسو فراسو وحناكو …
ايساف : شكون بابا ؟؟؟؟
ياسين : اغغغغغ …اوووو…
ايساف : اهههههههه بطل باباه …”ضار شاف فيها لقاها ساهية فيهم وكتبتاسم غا وحدها” زين عجبناك ولا شبهنا ليك ؟
صفية”فاقت من سهوتها” : احم “مدات ليه بينوار خشاتو فيه مزنگ من حناكو …بغات تهضر وهي تمشي عينها نيشان لحجرو مسفح هكااااك …تا خرجت عينيها”
ايساف”طل على حجرو وشافها طارت هربت خارجة تزرب بدري الي مفهم والو هههه ” : واجي غا حلوة ديال كاوبيل هاديك اختي ههههه …
#يتبع…🦋نور_الياسين(1109)#فرصة_ثانيةsana mina🐺🦋
الساعة الثامنة صباحا خرجات من الدوش لابسة بينوار الاستحمام ولاوية فوطة على شعرها لفوق حناكها حمرييين بسخونية دوش…شادة كرشها الي تقنبلت اكثر حيث دخلات فالاسبوع لول من شهر تاسع …تا وقفات وكمشات عينيها من وجعة حسكاتها من تحت وضارت ليها لضهرها …
ياسين”خارج كينشف فراسو لاوي عليه فوطة لتحت تا وقف كيشوف فيها محنية شوي شادة تحت كرشها وقرب ليها” : مالك ؟
نوار”عصرات عينيها هي وجعة نيييت ولكن صبرات ليها ” : امممم وجيعة وجيعة منمم …
ياسين”قبط ايدها وحط ايدو ورا ضهرها كيحك عليه من لور ” : بزاف ولا شوي ؟ نعيط لحنانة يسرى ؟
نوار”بنفي” : فففف لا لا مشات …ففف قالت ليا غايبقاو يجيو ويمشيو …ممم خاصني نبدا نتمشى …
ياسين : ضروري …نفطرو ونمشيو لمراكش نشوفو داكشي هي هاديك تمشاي شوي …
نوار”حركات راسها” : نلبس من دابا ؟
ياسين : حسن …ديري بحساب ماتجيو تالعشية نديك شوية تفوجي …
نوار”تبسمات بفرحة ” : الله شحال مفوجت ماخرجت ملي تزوجنا “نسات سويسرا نسات لخروجات لخانزة “
ياسين”دار ايديه على نصو وضار عندها رافع حاجبو” : ياك الالة !!! …
نوار”ضحكات ومشات عندو كتعرج ” : نههههه اكنضحك ههه “حطات راسها على صدرو كتحك بجبهتها عليه”
ياسين”عض لسانو وضور ايديه على ضهرها كيمسح عليه” : كاااتقلبي عليا نتي كاااتقلبي وكااان …
نوار”هزات راسها تترمش فيه كي المشة” : هنننن شنو دير مثلا ؟
ياسين”غمزها زعما راك عارفة نطلعو معاك بجهد وخا تكوني باغا طيحي بنادم ههههه ولا يعضها وسط نشوتها ماتعرف تبكي ولا توحوح ” : نعاودو مادرنا لبارح ؟
نوار : هههههههه لا لا عافاك نتا كتعض وبناتك كيركلو اووه مالكم محامبن عليا…
ياسين”عنقها بجنب وداها جلسها ومشا جاب ليها ماتلبس وكيهضر” : الله يسمح لينا منك الحنانة …
نوار”تحنى لبسها الكيلوط ووقفها تا طلعو …وحيد البينوار دار ليها سوتيان” : هههه حنانة جاتني فشكل ههههه
ياسين”باسها فصدرها تا تسمعات” : معلوم …جديدة عليك وجات عليك صبرتي وصابرة “عنقها تا عقد ليها سوتيان وباسها فكتفها” عند بالك معالمش بيك باليل لاش صابرة ؟ “عضها فنيفها بشوي وتحنى هز ماتلبس …لبسها جلابة مخزانية عريييضة على حساب كرشها مبردة فالصفر”
نوار : عارفاك فايق ولكن ماشي شي حاجة دوك الوجيعات ماشي بزاف ولفتهم فوجع ليغيگل …
ياسين : باش كتحسي ؟
نوار : غييير وجيعات مزال محسيتش لا بزحمة لا والو كيف قالت ليا ماما …
ياسين”رفع حاجبو” : فحالاش هاد زحمة ؟
نوار : نحي بحال الى بغات تهبط ليا شي حاجة من تحت “تزنگت” احم والى كانو الانقباضات يعني بين لوجعة ولوجعة شي دقايق هكاك …
ياسين : مزيان …”فك ليها لفوطة ونشف ليها شعرها باسها فجبهتها”
نوار : خاصني نكمل لباس نسيتي بيرميدا …
ياسين : اجي معايا عطيها ليا لبسها ليك …
كشات معاه لداخل عطاتها ليه وتحنى لبسها ليها باسها فشفايفها خلاتو يلبس ومشات لكوافوز مشطات شعرها جمعات اسفنجة …كملات لبس اكسسواراتها خاتمها دزواج الخ ورشات بارفانها ودارت گلوص مرطب غوز خفيف يبقى فالفم وخا تفطر …ومشات جلسات تا شافتو خارج كيعقد فصدفة سروال دجين بلومارين الي لابس وفقر تيشرت كحل …
مشا لكوافوز مشط شعرو رجعو لور ودار كاسكيط كحلة دار ساعتو ولبسها صابو ميديكال ديالها بسوميلا فالمارون ولبس تاهو يبردلتو رش بارفانو مهم تقادو كما يجب هزو لوازمهم ونزلو لتحت فطرو تسالمو معاهم …
ياسين”قاد ليها سانتيغ وطلعها لفوق على حساب كرشها ” : شنو نديرو مع هادي شنو ؟
نوار : هههههههه حيدها حطها لور تنوصلو …
ياسين : بناتي مانامن عليهم الا عند حنانتهم …
نوار”عضات شنيفاتها” : وحنانتهم …
ياسين”قاد سانتيغ وديمارا غادي خارج مد ايديه لشفايفها وقربها خطف ليهم بوسة ” : انا كلي مامن على راسي عندك …عندي بالدنيا نوارتي بالدنيا …مولات داري حنانة بناتي وولادي لهادة همي شادة لمسؤلية فغيابي صبارتي نوارتي …لمفششة ديالي وراس لحجر ..
نوار”شافت فطريق” : فين غانمشيو من بعد مانشوفو لكوموند ؟
ياسين : فين مشهية تغذاي “ضار شاف فيها ورجع شاف قدامو داير نضاضر شمش وكاسكيط كحلة طالقين كليمة فطوموبيل على حساب صهد “
نوار : بغيت جامع لفنا …
ياسين “كمش حجبانو ” : دابا ؟؟؟ الى ماعييتيش بالليل نديك ليه ولا من. بعد “شاف فساعتو” مكاينيش فهاد لوقت …
نوار : مشهيا عندهم الكبدة تما منمم …
ياسين”شافيها ياسين قالب سيفتو لاستغراب ومشوكي …”: مالك مع الكبادي ؟
نوار”رمشات فيه” : رطبين ههههن…
ياسين “عوج فمو وهز حجبانو وحطهم” : شلا مكاين رطب…ماشي غير لكبدة …معاك رطب ولدوام …جاست طاتشت اگين “just touch it again,,خاصك غير تقيسيه عاوثاني ” جربي وحكمي …”ضار عض فمو مصغر عينيه فيها سلگوط لجمها صقلت مابقات بغات لا كبدة لا رية ههههه “
خذاو طريق نيشان لمراكش تا وصلو لواحد المگازا جات ف المسيرة فين موصيين على كوموند بيت نعاس البنيات …بلاصا طوموبيل وضار عندها حلات الباب مد ليها ايديه تا خرجات كيدوز على ضهرها من لور باش تطلق عضامها …
#يتبع….🦋نور_الياسين(1110)#فرصة_ثانيةsana mina🐺🦋
خرجو من عند مول المحل ودازو غير تما فالحوانت خلا طوموبيل تما وتمشاو على وجليهم عاطيها لخاطر كيمشي معاها دقة بدقة باش تمشا بحكم دخلات فالتاسع وعاطياها الطبيبة نهار الي غاتولد فيه بحسب حالتها …ونيت يتسناو لا تقلب التوينز لاخرا تاهي ماتبقاش عاطية نفس الوضعية الي بقات عليها وهي الفارسية …ضارت بوقت لا باس به تا عيات ورجع بيها …ركبو ومشا بيها مساااافة تا خرجو على مراكش وهي كتشوف وتسيلفا بتيليفونها معاه وراسها ومرة تصور كريشتها حتى
خطفات ليه صورة وهو حاط ايدو الي فيها ساعة فوق كرشها وحطات ايدها فوقها كتلمس زغب ايدو صورتهم وحطاتها فسطوري الواتساب …بعد دقيقة لقمها راس طارو ديال لحبيب …
الحبيب : عرفناك مزوجة وحاملة وزوجي قرة عيني ابو بناتي …
نوار : هههههه ياك بعدا ؟ قلت نفكرك …
الحبيب : واخا مرات خويا …قولي ليا حيبان عمو لباس عليهم ؟
نوار : كيسلمو عليك …
الحبيب : هاااا يسلم عليهم الخير …قولي ليهم قاليكم عمو بوسة بوسة لكل وحدة …
نوار “ضحكات معاه وبقات مكملة تهضر مع اسامة اشرف علي سليمان تاهو وايساف مرة صفية وراوية مهم دوزات وقتها معاهم حتى يوسف هضر معاها واطمان عليها ومينة …هزات عينيها لقاتو دخل مع لوازيس (واحة) وبقات كتفكر تا ابتاسمات وضارت شافت فيه …” : رياض فين جينا اول مرة فاش تزوجنا هههههه
ياسين “حرك راسو” : ماتوحشتيهش ؟
نوار”حركات راسها كاتضحك” : ههههه بزاااف …”دارت صبعها في فمها عضاتو مبتاسمة وحشمانة كترجع بذكرياتها لاول نهار غاتنعس معاه فيه وفض بكارتها وعذريتها كانت لحضات متنساش” هههههه
ياسين “هز صبعو كيدور فيه” : ذاكشي الي كايدور تما كايدور عندي …
بقات تضحك تا دخل لرياض بلاصا قدامو وخرجو بزوج تابطات دراعو غادين بشوية تا دخلو ليه لداخل فين حاجز بالضبط فجليسة حدا لابيسين بلدية حاطين ليهم صينية اتاي ودوازو رحبو بيهم وقاد ليها بلاصتها عاونها تا جلسات مسرحة رجليها …
نوار : الله …مبرد هنا …
ياسين”جلس حداها كيشوفو فالطبيعة المنضر دنيا مبردة لابيسين وشلال صناعي تما مقادينو وجليسة بلدية عصرية …” : اتاي ؟
نوار: اه اه كب ليا …ممم “مدات هزات كعب غزال” اححح …
ياسين”مد ليها كاس اتاي مكشكش ” : مشهية شي حاجة يوجدوها لغذا ؟
نوار : ماكرهتش لحوت وليني ممزيانش ليا…اممم وصيهم على طنجية عافاك …
ياسين : نقصي الملح نوار طونسيون طالع عندك شوي …
نوار : قوليهم ميديروش فيها ملحة براكة غير حامض مصير عافاك عااافاك”باستو فحنكو”
ياسين “كيحك شنايفو بسنانو” : تت ..”ناض وقف ” هاني جاي …
حركات ليه راسها وبقات تشرب فاتاي ودوز بالحلوى …حتى وقف عليها واحد شخص اش نقووول ليها شي ثلاث سنوات من ايام فاش تلاقات بيه فالمشفى وكان ياسين يلاه داير بيها عقد القران الاول …هو نفسو سعيد الي كانت كتعرف قبل ياسين …لكن هاد لمرة فايدو تربية …
سعيد : نوار !!!
نوار”هزات فيه عينيها وهي تخرجهم” : هيييي سعيد …”لاحضت تربية ” خويا لباس عليك ؟
سعيد : الحمد لله …تبااارك الله هي قربتي ؟
نوار : ههههه وييي قربت …احم بنتك ؟
سعيد : الى بغيتي ههههه
نوار : مااشاء الله …الله يخليها ليك ياربي …
سعيد”ضار لقا واحد طويييل مگضر وراه ” : احم امييين …
ياسين : سلام عليكم !!!”قالها بثقاااالة بصوت مدعدع رافع حاجبو كيشوف فيه ويشوف فنوار”
نوار : احم ياسين هذا الاخ سعيد كان احم كان كيقرا معانا فليسي و…
ياسين “كيحك فلحيتو” : ايه فايت شايفو شي ثلث سنين هادي فلكلينيك لهيه فازرو ..
نوار”خرجات عينيها اناري عاقل عليه ياناري” : اووووو …
سعيد : فرصة سعيدة ختي خويا تشرفت بيك الله يفكها على خير ويتربى فعزكم …
ياسين “غمض عينيه وحلهم” : يعمر دارك يعمر داارك الله اودي …”باقي يحك فلحيتو بغا يطيرها بزغبها” مرحبا …
تم غادي سعيد وهاز البنية كيضحك معاها وجلس ياسين تسرح اما نوار بقات تخشي فالحلوة تخشي غا باش متهضرش …تا ضار عندها ياسين …
ياسين : كتري كتري من سعد لحناش فديك الكرش …ماغانهضر منتكلم دنيااا هاااانيا نوار …كالم داون نتي …وايلي وااايلي …
نوار : منمممم …
تمات جايا واحد الامرأة دايرة الحجاب كبيرة فالسن باين الام ديالو …حتى عيطات ليه حداهم وقالت …
هي : ولدي سعييييد جيب نوار لهنا نعطيها رضاعتها…
نوار”خرجت عينيها واتاي شرباتو طايب دقة وحدة “
ياسين”كان غادي بالكاس تا حبس بوز فالنص …هز راسو تا هزو وضار بشوييييييي جيهة المراة والسيد والبنت وعاود دار جيهة نوار
نوار : اااااااي كرشييييي ففف ركلتني ايييي …
ياسين “عض شنايفو تا بغا يطيرهم ” : ولديهم نتي ولديهم قدامي دوزي نفاسك هنا نتي كاااع …”طلق واااحد مولاتي تخنزيرة ” نوار كاااع نوار اختي نوااااار …ماهي بالنص ماهي بالربع …نوار دقة وحدة …
نوار : ماا ق فر واا ياسين ورا…اش درت
ياسين : دارت لينا جملة جملة ..”ناض وقف صاعر ومشا بعد يكمي ماكرهش يخلطو تما غالعن شيطان اما هي جاب ليها ضحك حبستها بزز…بقا يمشي ويجي ويكمي غا كيتفكر سما بنتو على اسم نوار كيبغي يمشي يشعل العافية …”
#تصبحن_على_خيييير….غذا نرجعو من لفلاش نشوفو شنو وقع لنوااار …
بغيتكم غير تعيشو هاد لحضات ما قبل الولادة …شدو الانفاس لاحداث غذا نعرفو شنو وقع …وطلعو لاكتيفيتي

Leave a comment