Skip links

قصة : نور الياسين ج 53

 28,242 عدد مشاهداات

#تتمة_بارت_1103_نورالياسين…
علي”كيبغي يهضر كيحس بنفس ديالو تسدات تا كتسمع هضرة مع شهقة …” : هيييييييييي ممم هيييييي
نجود”بزربة حيدات داكشي من فمها كان تمر باش تعجنو دغيا جبداتو ودارتو مع زيت البلدية وحطاتها ليه فوق لسعة ” : خليها فايدو …ديوه دغيا اولدي …
ياسين”طار ركب حدا باه ودراري داو علي لور ومشا فؤاد ركب وانطالق باقصى سرعة مشاو ويامنة صونات لياسين جاوبها وبقاو يوصيوه شنو يدير”
اسامة”قاص جبهتو لقاها سخونة” : شش صاحبي تهدن مغايوقع والو …
اشرف”حط ثلج على جبهتو باش ماطلعش سخانة مسكين واش قاليه راسو” : صاحبي شديد هههه”ميت بالخلعة لان باش ضربك العقرب را بينك وبين لموت خطوة ” اويلي
توگض معانا اشديد عنداك تموت وتخلينا ابعدا غانبدا نتمرمغ فسبيطار ونقول وييييييويويويويو صاحبي مات وما خلا لينا ورث ههههه”عينيه غرغرو” ناااري ونرجع لهاد لعقرب نعقرب مو ناري…
اسامة : شوف قولينا فين كاينة الخزنة ديال فلوسك نتقاسموها حنا بتلاثة سليمان وانا واشرف …
سليمان”كيقيص ليه جبهتو وراسو ” : ياسين خويا حل شراجم طوموبيل كاملين باش يانفس …
ياسين”ورك عالبوطون وتحلو شراجم كاملين…ضار شاف فيه لقا وجهو سطل ديال لما مكبوب عليه واسامة يمسح ليه ” : علي !!
علي”كيشوف فيه ومسهوووت” : ممم
ياسين : توگض اخويا توگض …رجال ميتحناو لمرض…
علي “حرك ليه راسو” : مم نفسي ضاقت “هز راسو لفوووق وشهق كيقلب عالنفس وشهقج تسمعات عند فؤادالي زاد كسيرا تا تهزات طوموبيل طاير بيه لاقرب كلينيك او مشفى غايصادفو فطريق تا وراه ياسين فين يمشي …”
اسامة “شاف وجهو تبدل وتزاد معاه ” : خويا مالك”عينيه غرغرو”
علي”ضار شاف فيه واحد شوفة فشكل خلات اسامة دمعتو نزلت بلا ميشعر تا حط ليه راسو على كتفو “
اسامة : علي عليييي خويا …
سليمان : شش ماتخافش “قاص قلبو لقاه باقي كيضرب” طونسيو طلع …علي شوف فيا …
علي”شاف فيه” : مممم صداااع صداااع …فففففف…
#يتبع…
🦋نور_الياسين(1104)#فرصة_ثانيةsana mina🐺🦋
في هاد اللحضة سارة كتدور فالدار وتولول وشادة على صدرها … ويسرى ونجود كيجلسو فيها حتى تجلس وترجع تاني توقف تلالي وقلبها مقبوط …وعلاش الي ميتقبطش وولدها ضارباه عقرب …اما نوار طلعات غسلات وبدلات مشات معاها يامنة تعاونها حيص بقات كتدور وتقفز جاها الوسواس انه يخرج عقرب اخور تاني ولات غير تقفز …
سارة : واااااا ولدي اهى اهى …واربي يهضرو معايا يقولو اش دار ولا ديوني عندو …اهى اهى …
يسرى : ماتخافيش اسارة تهدني ذابا يهضرو معانا يعطيونا خبار عليه …جلسي تهدني ماتخافيش بعدا حسناء جرحتها ليه وخرج دم هاد القضية مزيانة تخلي سم مينتاشرش ويخرج …
رميساء”دخلات كتجري من دار جدها هي وحسناء وصبيحة تا وقفات على مها عينيها مغرغرين” : ماما اهى اهى بصح علي ؟؟؟
سارة”جراتها ودارت راسها على صذرها” : اهى اهى ياربي ميوقع والو ياااربي …
صبيحة : تي لاش مسبقة البكا دابا يعطيوه شي حاجة ويبات تما ويصبح هنا مالك معارفاش هادشي عمرك حضرتي لعگرب ؟ نتي كلك ضرباتك فصغرك جوج مرات هانتي تدكي وتدردكي …
سارة : ورااه عقرباااان يااا صبيحة اهى اهى…
صبيحة : وحسناء بنت سطاش لعام وعرفات اش دير وقالت ليك تهناي ونتي دايرة محزون لاش عزيز عليك تسبقي البكا”جهدات صوتها عليها حيث صبيحة كبر منها” سكتينا من لمحزون “
ام سارة”عاد دخلت ” : سارة بنتي لاش هاد الحالة ساك عطاتو الحنة والحليب ؟! شرطو ليه وساح دمو!! دابا يتقيا ويتنفس هنينا من البكا سيري عگبي (رجعي) لبلاصتك وتركني نتي وبنتك …
يسرى : كيفاش دخل وياسين داير لحماية فديور بجوج ؟
نجود : وشكون عرف كيدار دخل …
نجوى : صونيتي لصهيب ؟!
يسرى : قلتها ليوسف يقولها ليه ويجيو…
فهاد اللحضة بعد نصف ساعة ديال طحين طريق لقاتهم فالدورة ديال مشفى محمد السادس دخلو كيجريو جيهة المستعجلات تما …خرجوه مفافي فشلان وسخانة بدات كتطحن فيه ونفس ديالو ضعيف …دخلوه كيزربو بيه تا عيط فؤاد ليهم بجهد جاو يجريو بلغوهم بالي لسعة عقرب …
فرملية “جابت ليه نقالة تسرح فيها ودفعات بيه” : تسناوه هنا …
دخلاتو كتزرب كيشوف فدراري واقفين وكلشي واقف تما هز عينيه لسما وحال فمو كيقلب عالنفس تا دخلاتو لداخل بلغات طبيب تما بالي حالة لسعة عقرب ومع صيف لقاو حالات كثيرة من نوع حالتو وكاين الي عضاه لفعة …
بزاف الحالات من هاد نوع غير كيوصل صيف كيطليو المشفى بيهم بزااف …اولا لان منطقة مراكش ونواحي وقلعة سراغنة او اي منطقة جافة عندها درجة الحرارة عالية
الي كتراوح ما بين 40 حتى ل 49 اذا اشتد الحر ففصل الصيف خصوصا شهر يوليوز …كيكترو خروج زواجف من هاد نوع وصراصير والى صباات شتا عول عليهم خارجين لا محالة …
والى كان فدان ديال زرع او فصة او شي بحيرة خصوصا دلاع او لبطيخ كيكونو بكثرة هادشي علاش خاص لواحد ياخذ الحدر مثل اول حماية كتكون بالمراقبة …ثانيا بالنسبة لمنازل ولابد ترشو قطران هذا حل وكاين حل الي لجأ
ليه ياسين وهو ما يسمى بالتعزام اي حضور الفقيه الي كيقرا عليهم ايات قرآنية خاصة وادعية كيعزم بيها كتمنع دخول هاد نوع من زواحف …كاين الي كيشد عقرب يقرا عليها حتى كتجمد ولكن هادشي من اصحاب هاد الاختصاص وماشي اي واحد يقدر يعزم …
بالنسبة لعلاج الي عطاو لعلي كعلاج اولي كاين الحنة والحليب كتساعد على تقيؤ السم مناسبة جدا لسم ديال مشروبات او الي شرب جافيل او اي مواد كيماوية …كاين لعلاج ديال زيت زيتون
تذهني بيه مكان لسعة وتشربيه …كاين علاج تمر مخلط مع زيت وتحطيه على شكل خلطة فوق لسعة …كاين الامتصاص انك تمص مكان لسعة باش تخرج اكبر كمية من سم وتساعد على منع الانتشار ديالو ….حط الثلج على مكان لسعة باش تساعد على تجميد حركة السم كيما خليتي ثلج كيما احسن والكحول تاهو تعقيم المنطقة …هادو احد العلاجات الاولية ضرورية لمحاربة سم الافاعي الثعابين او العقرب …
معلومة اخرى فيما يخص العقرب رغم انها سامة الا انها ممكن تعالج مرضى السرطان …كاننو كياخذو العقرب يحرقوها كاملة ويطحنوها ويخلطوها مع العسل الحر والمريض ياكل ملعقة من الخليط مرة فالنهار كاين الي تعالج بيها كاين الي ربي مطولش فالعمر ديالو وتمكن منو السرطان …غير هي فقط كانت هاد الخلطة ضمن العلاج الطبيعي …ولله يشافي جميع مرضى المسلمين ومرضى السرطان خاصة …
بعد ساعة ديال الانتظار ياسين واقف حدا الباب وفؤاد ودراري واحد يمشي يطل اش كاين وقلبه عند فمو وشي جالس مستريسي كيدعيو ليه وتيليفونات مزاگينش بتعياط …اما صهيب
الي مزال معرفش وهو الي خارج دابا من المحكمة ديال الاستئناف بفاس كيناقش مع الموكل ديالو تا سمع صوت الفران مجهد ضار يشوف لقاه يوسف كيكلاكصوني ليه وخرج على برا …
صهيب”قلبه ضرب بجهد تا تزنگ” : يااربي سلامة …”ضار سلم على سيد وتوجه لعندو لقاه واقف بملامح ممحية على حزينة على خايفة ” ش وااقع ؟
يوسف : ركب نتحركو لفيرما مراكش …
صهيب : اش واقع ؟؟
يوسف : علي ضرباتو عقرب ..ضرباتو عقرب “تعاودت هاذ الجملة شي ستة المرات فوذنيه تا حس بصفارة صفرت ليه فراسو على شوي يطح كون ماكانت طموبيل تا ضار عندو يوسف كيجري شدو ” علي ولدييي …”هز عينيه خارجين فيه “
#يتبع…🦋نور_الياسين(1105)#فرصة_ثانيةsana mina🐺🦋
باقي لداخل ومزال معرفو عليه تا خبار اش دارو ليه اش وقع ليه فين وصلات حالتو كيشوفو الحالات كيدخلو …واحد لحضة فؤاد شاف المستعجلات رجعات بيه ذاكرة لليوم الاسود ديال ياسين ورجعو ليه الاحداث تا حس بنفسو ذاقت عليه ومشا خرج حداه ماقدرش مزال يبقى تما حس براسو غايطيح تاني …
ياسين”شاف فيه” : شنو دار ؟
فؤاد”كياخذ نفس” : مزال …”شاف فيه” منين دخل داك العجب ؟
ياسين : فحال والو دخلو شي حد …”كيحك لحيتو ويخمم” شي حاجة دخلات الصباح ؟ شي صندوق وانا مكاينش ؟
فؤاد : راك عارف داكشي ممنوع يذخل الا بعلمك ؟
ياسين”عوج فمو” : مانع صنادق يدخلو تغسل الغلة يدخلوها مسربة الخالة نعيمة وبا مكلفين ونوار جات من وراهم تاهي مكلفة …
فؤاد : نساليو ونعرفو …
ياسين”كمش عينيه كيتفكر فاش كان داخل بان ليه مروان هاز الفصة وجاي فرحان بالي حشها مع خالو وياسين مقدرش يقوليه مدخلهاش خلاه على خاطرو حيث شافو فرحان بشنو جايب مبغاش يكسر فرحتو .” : تت لفصة …
فؤاد”رفع حاجبو ” : المعنى ؟
ياسين”يلاه كيشرح ليه تا تم جاي اسامة كيجري ويلهت” : خبار الخير ؟
اسامة”عينيه حمرين خايف ” : طلعوه لانعاش في يد الله …
دخلو بثلاثة كيزربو لقاو الطبيب واقف مع سليمان واشرف كيشرح ليهم تا تقدمو وعاودو سولوه …
طبيب : عطيناه المضاد ديال سم العقارب انتي سكوربيون …وعاودنا عقمنا ليه ودرنا ليه Creme dermique لجرحة الي لقيناكم ديجا شرطتوها وهادي حاجة كانت فالصالح ديالو وطخي بيان انكم درتوها زيادة على ما شرح ليا دكتور سليمان انه
درتو ثلج ساعد ف تبريد المنطقة بالتالي ثقل حركة السم …وبالنسبة لشنو شرب را تقيا فاش دخلتوه وهادي تاهي حاجة ايجابية …يعني الفضل كيرجع لاسعافات الاولية الي ساعدت باش ميضاعفوش الاعراض …
ياسين : دابا ؟
طبيب : درنا ليه سيروم انتي سكوربيون (المضاد) وغانخليوه لفوق فالانعاش حتى لغذا فالصباح الى ما بانوش اعراض مصاحبة يقدر يمشي ديك ساعة الحمد لله على سلامتو …الى غايخرج غانكتب ليه دابا ماحدي هنا اوغدونونص لشنو تاخذو ليه ديزوتيبيوتيك وواحد الفنيد يبقا يشربو بحسب المدة المعينة الي غانعطيه …شي حد يجي معايا لمكتب نعطيه لورقة …
فؤاد : كثر خيرك دكتور …
مشا اشرف تبعو ياخذ من عندو الورقة تسناوه تاخرج ومشاو كاملين طلعو عندو لفوووق لانهاش كيطلو عليه من بعيد عريان كلو كيما ولداتو مو مغطينو بايزار بيض وفايديه سيروم وناااعس وجهو بيض وفمو كذلك …
بقاو تا اطمانو عليه ومشا ياسين مخلي فؤاد ودراري ومشا هو يشوف نوار الي خلاها ماعرفش حالتها دابا خصوصا فاش سول عليها قالت ليه كتبقا توسوس ودور وتقفز …ونيت يطمن سارة ورميساء عليه …
مع اذان العشاء بمدينة مراكش صوته دخل لمسامع صهيب الي جاي مرفوع ماهواش هنا ملي عرف فداك صباح وهو جاي مطمر مزنزن مكيهضر عيا معاه يوسف ووالو جاي مرفوع وعلاش الي ميترفعش وهو اب خايف يفقذ الابن ديالو ؟ …
يوسف”ضار دورة ديال لمشفى من جيهة طريق بن جرير حيث جاو ودخلو لبن جرير شدوها نيشان لمراكش تا وصلو لقدام المشفى” : صهيب را بيخير اصاحبي توگض عافا خويا …
صهيب”طلق تنهيدة من الاعماق…حيد سانتير ” : يكون خير يكون خير…
خرج من السيارة ودخلو طلبو سيكيريتي بزز خلاهم يدخلو وطلعو يجريو لعندو لانعاش فين كاين غير وصل طل عليه لقاه مدد وفايديه سيروم اخور مقوي ووجهو بيض مافيهش قطرة …
صهيب “خذا نفس تا خرج عينيه تقولي مقجوج وساط” : فففففف الله ياربي على ولدي الله …
يوسف”حط ايدو على ضهرو ربت عليه ” : الحمد لله هاهو مزيان …
صهيب : وكون حتى مات ؟ فين بغيت نعطي راسي ؟ يحساب ليك
حيث هبيل ضحوكي وانا كثر منو را مقاضيين غراض منافعين ؟ يحساب ليك را ماشي كبدتي ؟ ماعرفش ايوسف علي اول فرحتي …
يوسف : اول فرحتنا معاك ا صهيب راه ولدي حالو من حال مينة ونوار …فين عمرنا فرقنا بين ولادنا ؟ فين عمرنا حسسناهم راهم ولاد العم ؟ ديما عندي عندك عندنا عند ياسين ماعمر كانو
الحواجز بين ولادنا وميكونوش حيث ولادنا ا صهيب …الي وقع لياسين هرسنا الي وقع لنوار هرسنا الي وقع لاشرف هرسنا الي وقع لفؤاد دمرنا الي جرا لصهيب هرسنا نهار كيطيح واحد فولادنا كنطيحو كلنا …
انا معاك باش نوگضك راك بو فحالي فحالك عندك كبدتك حمد لله نجا منها وحمد الله كانو معاه وسعفوه …وهاهو كي سلوگي مدد ساير يتفشش علينا كي خالتي فاتي …
صهيب”تبسم بزز” : بزاف عليك الحمار …
يوسف : معل جدر والديك …
صهيب : سكت البكاي …
يوسف : بزاف على مك …ماشي ميمتي نجود تنهضر على مك …
صهيب”ضحك” : ههههههه ..”شاف ف علي كيدور راسو ويشوف ويرمش ” ها فاتي فاقت …
#يتبع…
🦋نور_الياسين(1106)#فرصة_ثانيةsana mina🐺🦋
اصبح يوم جديد على الكل الي صبحو كيتسناو فيهم يجيبوه من سبيطار حيث صبحات حالتو مستقرة مزيانة بدون اعراض الي يحافو منها …من بعد فحوصات داروها ليه وتحاليل سمحو ليه يخرج من الانعاش حتى هبطوه وعطاوه مقويات وخافض الحرارة وعطاوه دوا الي غايبدا من بعد اللسعة …
اسامة : يحساب لينا غاتموت يخ تا طمعت فدوك جوج ريالات …
اشرف”مربع ايديه ويطلع فيه ويهبط” : شوف كي خرج بلق كي زبدة …
علي”عياان مافيهش الي يتقابح معاهم”
اسامة : نتا على هاد الحساب خاصك لفعة وكوبرا وتعبان وجوج عقارب يصمكو مك دخل شهرين لانعاش يلاه تبياض …
اشرف : يبيضو على مك …
تحل الباب ودخل صهيب ويوسف يشوفوه ومعاهم فؤاد تاهو الي جا على نبوري هو ودراري …
صهيب : وجه لفتة لبيضة كي صبحتي ؟
علي “بصوت عيان” : لحمد لله …
يوسف : يلاه مشينا ؟
حركو ليهم راسهم وعاونوه تا لبس سورفيت ديالو ودارو ليه كاسكيط كحلة على شمش وتمو غادين معاه سلم عليه فؤاد واطمان عليه وتوجهو كاملين لبرا لقاو ياسين واقف قدام سيارة حل ليه الباب من بعد ما سلم عليه وركبو كاملين توجهو لفيرما …الي غير
وصليها ودخل لقاهم كاملين واقفين يتسناو فيه طارت عليه سارة ورميساء وتا مروان لاصق ليه فرحليه تحنى باسو وجرو معاه ودخلو لداخل عطاوه فين يتكا طبعا من بعد ما عاود ياسين دار جولة شاملة على لفيرما وتاكد بصح ان العقربان دخل من الفصة الي جاب مروان عاود داوا وعاود تاكد ان مكاين والو …
تجمعو حداه كيطمانو عليه تا مشا لبيت فين يتكا ولكن شكون خلاه عصابتو وزادهم تا سليمان تاهو لصقو ليه عند راسو …عيط محمد الحبيب يسول فيه هو وهاجر وايساف وصفية وكذلك راوية وايلاف ومينة وراجلها وتوعدو انه فاقرب زيارة غايجيو يوشفوه غير تطلقهم الوقت …
لمة عائلة رمسيس مع بعضياتهم هي لمك تقريبا ولات شبه قليلة انك تلقا عائلة تساندك وتوقف معاك فالسراء وضراء …وعائلة رمسيس تميزات بهاد المواقف الي ولات معروفة بيها …
جالسة فالبيت عند دار جدها حتى صونا تيليفونها كانت نمرتو …استاذنات وخرجات بعيد تجاوب اول ماتحل الخط قال الو …
رميساء : الو …
موسى : فين غبرتي هاد اليومين ؟ تيليفونك طافي …
رميساء : وييي كنت مدهية مع خويا مرض وتبرزطت معاه …
موسى : اه ياك مكاين باس ؟
رميساء : عضاتو عقرب كان على شوي يموت وحمد لله ولا شوية …
موسى : اووو ياك بعدا سلك منها ؟
رميساء : وي الحمد لله …
موسى : الحمد لله على سلامتو …”حنحن” مهم ماغانقدرش نشوفك لا ؟
رميساء : مع الاسف خاص نبقاو هنا واصلا مكناش غانجيو حتى تولد مرات ياسين يعني بنت عمي …كنت غانجي غير نهار مع بابا ولكن وقع الي وقع …مي تقدر تقوليا شنو الموضوع ؟
موسى : بغيت نخطبك ههههه
رميساء”خرجات عينيها” : ا بون ؟؟؟ “قلبها كيزدح “
موسى : هههههه سيري دابا منهضرش حتى نرجع لحسن الحظ راجع من دابا كانز جوغ لمغريب وغادي نبقا شهر كونجي ديالي وعندي مؤتمر غير نجي ديك ساعة نهضرو براحتنا …
رميساء : اا ؟ اه واخا ان شاء الله …
بقاو يهضرو شوي وقطعو وهي مستغربة من هضرتو الي قال يعني واخا يضحك ماشي ضاصر عليها باش يضحك هكاك هما جامعهم غير هضرة فمواقع تواصل لا غير وحتى ابيل حتى لهاد الايام الي ولا كيعيط …دارت
تيليفون فجيبها ومشات خرجات هي لفيرما عند مها …
#بعد_اسبوعين…
مع لفجر كيوذن ضرباتو الفيقة على صوته بعد داقائق مسح عينيه وضور وجهو جيهتها مالقاهاش وضار جيهة باب دوش بانت ليه الزاجة شاعل ضو عرفها تما …جلس كيحك عينيه ويدوز على شعرو تا ناض هكاك مسفح حيث نعس معاها فالليل …دخلات فشهرها تاسع باسبوع …
ياسين”عيط بسميتها بصوت مبحوح” : نوااار…
نوار”لا رد”
ياسين”ساط نفس وفرق رجليه محني راسو كيتسناها تخرج …”: نوار بيك شي حاجة ؟!…تت
لبس بوكسر وتوجه لدوش وماحدوكيقرب وهو كيسمع صوت انينها حتى كمش عينيه وسرع بخطواتو تا حل عليها الباب وهو يخرج عينيه على جهدهم …
ياسين”حس بقلبو سكت ورجع” : نن نوااار ؟؟؟..

Leave a comment