Skip links

قصة : نور الياسين ج 50

 31,420 عدد مشاهداات

🦋نور_الياسين(1088)#فرصة_ثانيةsana mina🐺🦋

مع الخلعة غوتات حتى بجهد حتى حسات بوجعة حسكتها من تحت وكرشها كاتهز وتحط …ياسين كيف سمع الغوتة ماعرف باش تبلى تا وقف على طولتو وتم كيجري حتى فشلو ليه رجليه لانه فحال عطاهم ردة فعل هما كتلقي تلاقاوها بسرعة كان رد فعل سريع فوق طاقتهم تا فشل وطاح عند العتبة ديال الباب كون ما نقز اسامة خوه والحبيب شدوه ….

ياسين : مالها مالها شوووووووف …

اسامة “طار خرج لقا يسرى ورميساء شادينها وهي جالسة على ركابيها شادة تحت كرشها وتبكي ” : مالها ؟

يسزى”كتشوف فيها” مالك ابنتي اش واقع ؟ تهدني غير بشوية اجي تسرحي هنا …”شافت فالبنات ” جيبو كاس ديال الما دابا …

يوسف كان شوي يطلق الولد غا ستر الله وصافي اما كون لاحو من طابلة ونقز …لاخرين شي وقف شي ماعرف اش واقع جاب الله كاينين غير هما …اما يسرى ويامنة كانو قراب تما خرجو يجريو هاجر ورميساء والعيالات صلاو عالنبي …

ولا فؤاد هو الي تبت القضية وطمنهم باش ميتسرتريساش الفرملي ويكمل شغلو …

فؤاد”شاف فيوسف باش يتهدن حيث شاد دريري وميصلاحش ليه يطلقو لان خاص فرملي يكمل باش ميبقاش الولد يغوت ويطول داكشي باش دغيا زرب الفرملي خلاه يكمل “

ياسين”عطاه الحبيب عكاكزو ووقف تا تقاد ومشا كيزرب خرج لعندها لقا يسرى ويامنة وراوية جلسوها وهي كتبكي وكتحس بوجيعات خفاف …دفع الي قدامو مشعرش براسو تا طل عليها” : مالك مااالك …

نوار”شادة كرشها ” : كرشي كرشييي اهى اهى …

ياسين”غوت على الحبيب ” : جيب طوموبيل داااااابا…”تحنى عليها كيقلب بعينيه من ساسها لراسها تلف معرف اش يدير ويسرى جلسات جنبها”

يسرى : اش وقع ليك تا غوتي ؟ باش كتحسي دغيا باش نعرف اش كاين …

نوار”عاودات ليهم شنو طرا”

ياسين”ماشعرش براسو تا غوت وقفزها” : وماااااااالك كطيري من بلاصتك مالك قوليها لشي حد يشد فيك وسيري شفتي باك ولا شفتي شاجة صوري وجهك مالك فيك الفضوووووول “غوت بحر جهدو تا قفزهم وسكتو وفؤاد عقد غوباشتو سمعو من الصالون …اما ياسين من الخلعة ماعرفش اش كيقول تلفت بيه دنيا را لباس الي بقا واقف وخا طاح وناض”

يامنة “شافت فيه ” : ياسين !! تهدن مالك ؟

ياسين : تت “ضور وجهو لهيه تا استغفر مولاه ورجع شاف فيها وفيسرى الي كتقلب فيها اما نوار ماهضراتش عينيها مزال مدمعين وتنخصيصة كتطلع وتهبط بالحس …” شنو ؟

يسرى “كتقلب وجابت مخدة حطاتها ليها تحت رجليها ” : تانمشيو ونتاكدو مزيان دابا ماتخلعش ومنقدرش نجزم حتى تمشي لعند الطبيبة كاين الماتيرييل الايكو باش نتهناو …وتهدن اياسين نتا تغوت وهي مزال مخلوعة ماشي فصالحنا غادي تضغط وتخاف كتر من هاد الخلعة …

ياسين”معاودش معاها الهضرة هو براسو تنيرفا بالخلعة اصلا …”

اسامة”دخل” : هالحبيب جاب طوموبيل …

بسرى”كتقلب فيها غير بايديها ” : نوضي بشوية نمشيو لطبيبة نيت را موعد كونطرول ديالك غدا معاها نيت …

نوار”حسات بالوجعات بداو كيمشيو عاونتها هاجر ويسرى تا ناضت وياسين حاضيها من ساسها لراسها ويحقق فملامحها وجهها صفر وشفايفها هارب منهم لون وخا غوتات كيبان انها مكابرة باش تصبر ومتبينش وجعها باش متزيدش تحلعهم …تا جا فؤاد وقف عليهم اطمأن عليها “

شدها الحبيب واسامة تعاونو معاها تا هزها الحبيب بين ايديه وتبعاتهم يسرى وياسين اصلا سبق مخليين لاخرين رجعهم فؤاد بكلمة منو باش ميتيروش الانتباه بزاف …

يامنة : امضرا اياد ؟

فؤاد : قضا الغراض شوي يجيبو يوسف …

دارها فالطموبيل لور حل ليه اسامة ودخلها ولاخرين وصاهم فؤاد يبقاو ميتحرك حد باش يكملو شنو باديين وخرج طل عليهم لقا ياسين ركب القدام ويسرى حداها لور هي واسامة والحبيب ركب فمكان القيادة وزادو

اصلا طمناتهم يسرى باش ميتخلعوش ويخلعوها ملي تهدن عليها الوجع قلباتها غير بايديها ولكن رغم ذلك لازم تاكد من شكوكها الي شدوها فور ما ق#تتمة_البارت_1088_نورالياسين…

مسافة الطريق حتى كانو قدام مشفى محمد السادس CHU فين كاينة طبيبة حيث يوم السبت ماحالاش العيادة وهي كانت غايكون عندها كونطرول يوم الاثنين والطبيبة كتكون خدامة فالمشفى …اتاصلات بيها يسرى وعلماتها بشنو كاين ووراتها فين يدخلو …دخل الطوموبيل لداخل بزز …

ياسين”ضار شاف هنا وهنا بان ليه السيكيريتي جايب كرسي متحرك غيييير حيث كيعرفو ياسين اما كانت غاتدخل تالداخل عاد يجيبو ليها كرسي …” : يعمر دارك احفيظ …

نوار”بغات تخرج وشافت فيه ونطقات ” : نقدر نمشي ياسين …

ياسين. : جلسي فيه بلا كثرة هضرة …

يسرى”شافت فيها” : قاليك صح متديري تا ايفوغ منك حتى نشوفو لمياء دابا تدخلني ندير ليك الايكو ولا ديرو ليك هي نيت ماحدك كنتي متبعج معاها وعاطياها تقارير الشهورة الي مكنتيش متبعة عندها…

تابطات دراع اسامة والحبيب تا وقفات وجلسات راسها وساق بيها الحبيب …

الحبيب”بعد هو وياها واسامة وخلاو وراهم ياسين ويسرى ” : شوفي الي قالها ليك قولي ااه ياسين ولا سكتي را ماشتيش ملي غوتي اش وقع ليه …

اسامة “نغزو” : تا هنينا تزيد تخلعها”هذا را قالها قدامها زعما مراعي ليها”

نوار”هزات فيهم عينيها” : شنو وقع ليه …

اسامة : تخافيش الكريمة(رجعو ليها لقب الكريمة المخفوقة ههه ) غا تكربع عند العتبة …

الحبيب : واسير الله يعطيك غاسالمة …اجي نتا اش جابك ؟

اسامة : خههههههع هربت خليت الوقنع يجصلو مع الوليد وجيت …

الحبيب : ههههه ديالتك معاه نتا وحدها غا تهنى …

ياسين”جهد صوته باش يسمعوه” : اجي من هنا …

دور الحبيب الكرسي وتبعوه تا مشاو جيهة الي لور فين كاين جناح النساء والتوليد اتا دخلات وبدات تسمع مكاين غير تاوهات والغوات …

اسامة”كان غادي تا داز من حدا صالة ديال الولادة وسمع تاوه وتبعاتها غوتة تا قفز لصق حدا جنب يسرى الي كانت كتهضر فالتيليفون مع يوسف ومينة تطمنو عليها” : ناري هادي شكون شدها…

يسرى : كتولد اولدي هاديك كتولد الله يعطيك ال🦋نور_الياسين(1089)#فرصة_ثانيةsana mina🐺🦋

وقفو قدام الغرفة ديال الفحص وعيطات يسرى لطبيبة تا تمات جايا كتزرب كانت داخلة لواحد الغرفة ديال الولادة كتشوف القابلات وتطمن على السيدات الي فيهم الوجع الي عندها شي مشكيل كتشخص حالتها عاد كتسمح لقابلة تكمل شغلها حيث القابلة فالعادة هي الي كتولد …

لمياء : يسرى دخليها هاني نجيب غير برودوي تقادا من تما راكي عارفة اش ديري …

يسرى : صافي سيري …دخلي ابنتي اجي معايا …

ياسين : ماعليش ندخل ؟

يسرى : تسنا نشوف “دخلات وطلات لا تكون شي امراة لداخل وهي تخرج باش تقولها ليه جات لمياء هازا القرعة ديال جيل ..” واخا يقد يدخل ؟ راجلها راجلها…

لمياء : اه وي ولكن انفوا تبغي تدخل شي سيدة يخرج “تبسمات باحراج” هههه راك عارف مشفى ماشي هو لاكلينيك الى كانت الوقت مخففة وخاوية تقدر تدخل …

ياسين”حرك ليها راسو ودخلات يسرى نوار لداخل وقفات وطلعات باش تمدد حدا الايكو…ضار عند خوتو من شاف ديك البلاصة فيها العيالات وحدة غاديا جايا وتلالي وماشي وقت زيارة هو براسو داخل وحشمان حادر عينيه بالو غير فنوار الي مرة مرة حاضيها كتقرص عينيها وتحك تحت كريشتها” : خرجو من هنا تسناو برا ..

الحبيب “فهمو اش قصد” : وايييه هاحنا عند الباب ديال هنا الى احتاجيتي شس حاجة صوني ليا…”حرك ليه راسو ودخل وجر هو اسامة وتيسرو حيدو من تما …دخل لقاها تمددات ويسرى كتطلع ليها الفوقي ديال بيجامة وكتهبط ليها سروالها لتحت مزيااان تا بانت نص ف توتو ديالها …”

لمياء”خوات لجيل على كرشها وهزات لاباراي بدات تسرح بيها حتى ضغطاااات مزيان تا قفزات نوار ” : ششش عادي عادي ماتخافيش..

نوار : كضرني …

لمياء : ضروري وايلي ههههه “شافت فيسرى” شهذا معلمتيها والو ؟ اش كنتي تقولي ليا ف بوردو ؟

يسرى”حيث قارية معاها فبوردو ” : ههههه بناتي مخرجو ليا والو ههههه …”شافت فياسين ووقفات كحزات ليه كرسيه” اجي ولدي رتاح هنا…

ياسين”حط ايدو على صدرو” : ماعليش ماعليش غير جلسي…

يسرى”جراتو من دراعو بشوي” : يا ولدي نتا مغلوب على امرك معذور وزايدون خاصك تكون هنا راني ستة شهور وانا كنجلس حداها صافي شد امانتك حداك ههههه …

ياسين”باس راسها وجلس فبلاصتها قرب الكرسي مزيان شاف فيها وحرك عينيه” : شوية ؟

نوار”بصوت شبه مسموع ” : شوية …”هزات عينيها كتشوف فالطبيبة كتبروگرامي فالايكو حتى ضغطات ليها ثاني على كريشها” اممممم بشوية …

ياسين”شد ايدها وكمش عليها” : صبري ماعليش …

لمياء : ممممم صافا صافا …”كتكمش حجبانها وتضغط وعينيها على شاشة .” امممم

يسرى”كتشوف تاهي وغمضات عينيها ” : بفففف…”بلا متحس”

ياسين”ضار شاف فيها ” : ش شنو كاين ؟ “قلبو حس بيه كيضرب ليه فراسو ” …

لمياء”حنحنات” : احم .. les jumelles (التوأم بنات) صحتهم مزيانة …غير هو “ضارت عند نوار” فاش تخلعتي وحسيتي بالوجع شنو اخور تاني قلتي ؟

نوار”الخوف بدا يشد فيها تا ولا فمها بيض مصفوط من دم وعينيها خرجو كون ما زير عليها ياسين وحك على ايدها” : احم مم كرشي تحركو ليا فيها بزاف هي فاش شداتين لوجعة …شنو واقع …”شافت فيسرى” ماما…

لمياء : ماتخافيش غير على اخر ايكو”شافت فيسرى” كانو اشمن بوزيسيون ؟

يسرى : عاطيين بالمقعد ديالهوم يعني العادي ولكن متاخذين اتجاه انهم يتقبلو …

لمياء : اممم بون “وركات على البوطون باش يخرج الايكو ” هذا ايكو سريع درتو حتى تجي عندي فوسط لاسومين غانبدل ليك تاريخ على لو لاندي(الاثنين) ….

ياسين : شنوو كاين ؟؟؟؟

يسرى”حطات ايديها على كتافو كطبطب عليه” : مكاين والو ولدي غير كانو فوضعية وفاش تخلعات تقلبو لوضعية اخرا …هاد الوضعية كتوقع فالحالة الي طرات ليها وهي قليلة …

وكتوقع فالاغلب غير راسهم على حسب …كنسميوها Position en siège وضعية فارسية …(عاطين برجليهم )

نوار”صرطات ريقها” : كيفاش مفهمتش …ياك هما لباس عليهم ياك اماما ؟؟ “كتنهج بالخوف”

لمياء: صافا صافا متخافيش ..”ناضت وعطات ليسرى ليكو” كي قلت ليك جي لخميس يعني وسط سيمانة باش نتاكد اكثر وندير ليك ايكو 3d….انا غادي نمشي دابا يسرى

يسرى : داكوغ لمياء حبيبتي شكرا بزاف وسمحي لينا…

لمياء : واجب هذا سي ايغجون يعني مستعجلة ضروري نقوم بالواجب …

خرجات وشافت يسرى فنوار الي مكمش ليها ياسين فايدها …قربات هزات ليها سروال وعطاتها تمسح تا شد ياشين من عندها وبدا يمسح ليها بشويييييي فحال كيمسح لشي بيضة ويهضر باش يطمنها…

ياسين : ششش تهدني هاهما بييخير وعلى خير ولله الحمد الباقي عليك نتي تكون بيخير وربي كيعوض …”غطا ليها كرشها ” يلاه نوضي …

يسرى : نوضي بنتي غير يقرب شهرك ثامن ونتاكدو من البوزيسيون واش باقي هي هي ولا تقلبو تاني …ههههههه وليني خوينزات هادو صافي عاطين برجليهم …

نوار”بصوت مخنوق ” : ياك ماشي شي حاجة ياك ؟ “شافت فياسين ونطقات بدون صوت فهمها غير بتحركات شفايفها” تخلعت “مع انين”

ياسين”تكا على عكاز واحد ولايد لاخرا جرها عنقها وباس راسها بوسات متتاليات” الخوف ماشي لصالحك…ماعليش تخافي ولايني ضربي وقيسي …كيما هما بناتك بناتي وخايف عليهم الوقت الصبر على وجه كبيداتنا …

يسرى : ااايه صبر صبر “خبطاتو لدراعو بشوي ” شي ساعة هادي باش طار واحد السيد الله يجازيه بيخير وتعصب وغوت وقلب دنيا ووجهو هرب منو اللون ههههههه

نوار : هههههههههههه

ياسين “عض شنايفو وقوس حجبانو” : وساعة الله نسيبتي جي من جيهتي والفاهم يفهم …

ي🦋نور_الياسين(1090)#فرصة_ثانيةsana mina🐺🦋

تابطات دراع يسرى وتمات غاديا غير على رجليها حيث وخا راحة ضروري تبقى تمشى شوية فنهار لانها فاواخر اشهر الحمل ضروري من المشي فهاد شهور …ومتزكترش فوق لقياس على حسب العمود الفقري بسبب التفاوت السنتمتري الي فرجليها والثقل ديال الحمل …تمشاو حتى بداو يشوفو فواحد السيدة جايا شادة فالحايط ودموعها دايزين وكرشها هابطة لتحت تبكيييي وتلالي وتكا على الحايط تحط عليه راسها …

نوار”غير كتسمعها كتبكي وتغوت وتقفز تكمل فيسرى”

ياسين “سابقهم ومرة مرة كيضور يشوف نوار ويسرى تا شافها كتشوف فديك المراة ووقف تا قربات ليه ” : فين كتشوفي فييين ؟

نوار : هااا ؟ والو غير بقات فيا …

يسرى: هههههه ماعليش ماعليش عادي غير كتهزيهم بين ايديك وتنساي وجيعاتهم …

ياسين : داكشي نفسو الي شدها قبيلة ؟

نوار : هاديك غيير شي شوية يعني غانصبر ههههه هاد المرأة مصباراش …

ياسين “رفع حاجبو فيها زعما غير شي شوية ؟ من نيتك هههههه ” : وايلي ولاش غوتي ديك الغوتة ؟؟

نوار “رمشات فيه ” : تخلعت …

ياسين “دور وجهو بلا حول ولا قوة الا بالله ” : تت كتلة الفشوش صافي …زيدي زيدي وكان …

خرجو على برا لقاو اسامة والحبيب واقفين كيهضرو تا ضار الحبيب وطار حل الباب لنوار اطمانو على حالتها ركبو كاملين وانطالقو مباشرة لفيرما لقاوهم كيتسناو اطمأنو عليها قالو ليهم غير لباس موقع والو حتى يمشيو جيران …لقاو دراري تختنو بزوووج وخدامين الامهات ديالهم كيسكتو فيهم بزز ….

تحطات قصرية الحجام والقصاري دكسكسو توزعو فالدوار صدقة …تغذاو جميع ووكلو ناس جلسو شوي وضايفوهم اتاي والحلاوي ووصاو على رجال دوار وجيران منهم غايجي فالليل مورا لعشا باش يحضرو لصدقة الي فيها الطلبة …الطيابات فالفيرما خدامة باش يوجدو الماكولات لضياف الي غاتكون على حقها وطريقها …مع اذان المغرب صونا تيليفون فؤاد وخرج على برا يهضر …

فؤاد : الله اكبر …دير اللازم اولدي الله يرضي عليك …”قطع معاه وضار كيشوف فالدراري كيتقداو شي خارج شي داخل حتى لمح اشرف وعيط ليه ” اشراااف ..

اشرف”ضار لعندو وجهو ولا بيض ” : عنعن قودتهاااااو…”قرب لعندو ورجليه كيفركلو بالخلعة هههه ” الوليد”حادر راسو”

فؤاد”نساااا شنو دار كيشوف فيه باسف وشحال عز عليييييه فهاد اللحضة ..” : اجي معايا الله يرضي عليك …

اشرف”سمع الله يرضي عليك جاتو لقوة ملي قال الله يرضي عليك اذن مغايدير والو” : واخا الوليد …

تبعو فين مشا باش يهضر معاه حتى بعدو بزااف لداخل جيهة الارض …كان مطلوق الضو الي كيشعل فالليل …ووقف ضار عند اشرف …

فؤاد “حط ايدو على كتفو ” : جاتني شي خبار اولدي شحال هادي على بنت الناس الي ولداتك …

اشرف “قلبو بدا يضرب كيكره يسمع عليها ” : انا م…

فؤاد”قاطعو” : ماتقطع لغايا “حرك ليه اشرف راسو ” …تاكدت منها دابا …الدنيا هي هادي كاين ضالم كاين المضلوم كاين القوي وكاين الضعيف والمغلوب على امرو …ونتا واش مقدروك فيها وكان…ضروفها عرفناها بغات ديك طريق

وسلط عليها رب العباد المرض حتى لسيمانة الي فاتت دا مو الامانة امانتو …حاولت معاك مابغيتي تشوفها …

اشرف”حنحن ونطق بصوت مخنوق” : حالي حال اي واحد فبلاصتي مبغاش يشوف ولا يعرف الوليد مابغيتش نشوفها صلاة عالنبي …لو بغاتني كانت شداتني بسنانها ههههه تا سباب علاش لاحتني قاصح يعني سوا عرفتها شوا بغيت نتجمع معاها هي مكانتش غاتبغي مبغاتنيش وبقات مستمرة فعيشتها كي قلتي عمرها حاولات تاتقلب عليا ههههه واش الي لاحني

وسط الغابة عارف كاينين الحلالف تما ياكلوني فندغة وحدة كون ما ربي حطك فطريقي …حاجة وحدة غانتنازل عليها بصح من قلبي هي نقوليها لله يرحمها الله يرحمها والله يسامحها …انا ولد فؤاد ويامنة ولد نجود خو ياسين والحبيب واسامة ولد خال ايساف وجاد وولد عم علي ورميساء ومروان وسليمان واسلام ….

هههههه فارقنا غير الورث معنديش الحق نورث وحقي عطيتيه ليا مكفي وموفي اما را كافيني غير انني ولدكم ولقيت لي يدفيني شكون هذا الي يكره يكون ولد رمسيس ؟

فؤاد : ولدنا منا وفينا ولدي كبدتي المهدية …عندي تصاورها لا شي نهار تبغي تعرفها غاتلقاهم عند يامنة فجوا مخبيين… اما باك “دور وجهو ماعرف ميقوليه حيث معرفوش لانها هي معرفاتش شكون باه حيث نعسات مع بزاف معقلتش شكون باه ” مزال لايام ونزيد نقلب تانطيح فيه…

اشرف”ابتاسم باستهزاء ولكن دمعة نزلات خانتو بدون شعور ” : حاجة وحدة الي بغيت نتاكد منها بصح كتهمني …

فؤاد : اما هي ؟

اشرف : واش عندي شي اخت ولا خو ؟

فؤاد : من قبلك ما ولدات ومن بعدك طيحات وطيحاات وماولداتش …علاش. ؟

اشرف “هز فيه عينيه الي مبقاوش صبرو تا دازو بدموع ” : مابغيتش من هنا لقدام نبغي ختي ونتزوج بختي ونولد مع ختي وولادي نكون باهم وخالهم حرام فحرام فضلم …وحسبي الله ونعم الوكيل”مباقش صبر تا جرو فؤاد خشاه فحضنو كيبو🦋نور_الياسين(1091)#فرصة_ثانيةsana mina🐺🦋

هادي هي الدنيا هذا هو واقعنا المعاش الي كنعيشوه واقع وحكايات تنسجات باش نعيشو فيها الي مقسمو لينا الله فيها بافعالنا بطبعنا ببزاف الحوايج …هاهو تاكد ان الام الي ولداتو ما ولداتش غيرو ولكن باه الي معارفوش لا هو لا هي شكون واش عندو اولاد ؟ يعلم الله وكيبقى حالو حال اي واحد فحالتو ووضعيتو يقدر يبغي ختو الي خاف من هاد القضية يقدر يولد معاها …هادشي علاش ربي حرم الا ولحكمة وسبب…

اشرف”مسح عينيه من بعد ما طبطب عليه فؤاد ” : احم …”هز عينيه لسما باش يسوط النفس الحارقة الي خارجة من البركان الي تفجر داخلو فور مكيسمع بهاد الموضوع” فففففف…

فؤاد”تازم من جيهتو كيبقى اشرف احد نقاط ضعف فؤاد ” : سير اولدي كون هاني بطريقتي نعرف شلا وشوية …لا شفتيني معرفتش قبل على جال كنتي صغير وهادشي كان كبير عليك وكنتي كتقرا ماحسستك بوالو باش تقرا براحتك وضروف مزيانة ومنها العقل يكبر وتوعى وتصرف بحكمة الكبر ومتبع حكمة الصغر ماهي بحكمة والحكمة كتكون بالسنين والهموم الي دازت ….

اشرف “عينيه فلارض” : تا الى معرفتيش واش عندي خوت !! الي نبغيها تاكد ليا واش باها مادوز والو فايام شبابو “تبسم بسخرية” هههه شتي فين وصلنا الوليد شوف هاد ضحك …

فؤاد : حقك تعرف فعيني كبرتي راعيتي لولادك قبل ماتولدهم وراعيتي لنفسك وراعيتي لقدام …”طبطب على كتفو” ديما علي راسك مادامك ولدي من كتافي …وكون هاني …الله يرضي عليك…

اشرف”باس ايديه وعاود تا طبطب عليه حس اشرف بواحد راحة تقريبا عمرو حس بيها حيث كان هاد لموضوع ديما كيتفكرو ويازمو هي لو كان عندو شي اخت وبغاها بمجرد تفكير كيبغي يموووت …لكن مادام فؤاد طمنو وعرف انه داير هادشي فبالو ارتاااح …” : لهلا يخطيك ابويا …

حرك ليه راسو وخلاه تما واقف بغا يهضر فالتيليفون وتم غادي كيمسح فعينيه تا بانو ليه بزوج واقفين مصافين حيث فاش عيط ليه يحساب ليهم بغا يبدا يصفيها ليهم واحد بواحذ …خلا عينيه بدموعهم ودار ابتسامة شيطانية ومشا قرب ليهم…

علي”بدا يغزل هههه” : اويلي شتو تايبكي ؟

الحبيب “قرب ليهم ” : راني كنت تما كنسمع غير الغوات معرفت اش دار ليه …”الحبيب كاع مكان تما غا طلقها عليهم”

اسامة : انننن ؟

اشرف”طلع صدرو وهبطو فحال كان يتنخصص وشير بصبعو جيهة باه” : تت. ت تكلمووو اووو…

علي : تاتنخصص ؟؟؟”رفع حجبانو وخرج عينيه”…

اسامة”رجع ربع ايديه وبدا يمشي ويجي “

ايساف”خرج تا بان ليه علي كيصرط ريق ووجهو تزنگ واسامة فديك الوضعية ” : مال هذا ؟؟

اسامة : يااا قودناهاااو قودنااهااااو قودناهااااو….”تم جاي فؤاد عينيه مخنزرين الحبيب كحز لهيه وايساف دخل هو كاع علي بقاو عينيه كيلوبو وقلبه كيضرب المشكيل انهم ماشي كيخافو منو حيث كيخلعهم ولكن داك الخوف ديال الاحترام مكيقدوش يهزو لعين ولا هزوها يصمكهم كلشي ماشي غا هو ههههههه” ل وليد …

فؤاد “طلعو ونزلو شافو مربع ايديه ” : شنو كاين مالك ؟

اسامة “الصمت”

فؤاد”غوت بجهد تا طارو ونزلو” : تگلعو قضيو غراض يلااااه ….

علي “نقز تنقيزة وحدة وطار مشا كيجري ” : اراسول الله اراسووووول الله …

اسامة “دخل دخلة وحدة معاودش ضار ” : يااا اماه اماااه …

خلاوهم ميتين بالضحك اما فؤاد دخل لصالون الكبير لقا شي رجال كاينين الا ياسين الي كان لفوق دوش وخرج جلس فوف الناموسية كينشف شعرو ونوار حداه كتحط ليه ميلبس ….

ياسين”حط الفوطة وشد ليها فايديها قابلها معاه كيمسح عليهم وهزهم باسهم بين كفوفهم ” : ماعييتيش ؟

نوار”بنفي ” : لاا مزيانة دابا …”تنهدات” شي مرات كيخنقو ليا نفسي كتدياق …ولكن عرفت بالي عادي مع الثقل …

ياسين “كيمسح على ايدها ويشوف فيها كيفاش كتهضر فيييييينك يا نوار الي كانت قرصة تبكي وتشكي عليها …عض على شنايفو ونطق” : علماتك ليام شينة(الخايبة) الصبر يا لمفششة ديالي …

نوار”تبسمات بخجل وجلسات حداه حطات راسها على دراعو من نهار فاق وهي كتبغي تبقا غير معنقاه كتحس فحال الى خايفة تاني يرجع ينعس ميفيق ” : عاااادي الي داز مساهلش ..”عوجات فمها بحزن “

ياسين : الي داز مكتاب علمنا وتعلم غيرنا منو …”دوز صبعو على وجهها وجميع تفاصيل وجهها حتى قرب طبع قبلة على شفايفها وناضت توجهات لدوش طرفات حالتها وغسلات وخرجات باش تبدل حوايجها لقاتو واقف كيشوف فالمراية فجنابو الي تضربو ووجهو باين عليه تبدل “

نوار : مالك “قربات ليه شافت ملامح ديالو تغيرو”

ياسين : تت ماماليش “ضار هز فوقية ولبسها بزربة عقد صدايف وتوجه لكوافوز هز بارفان رشو ودوز على شعرو قادو وفيكساه ” انا لتحت جاو رجال كاينين الي جاو يشوفوني “حركات ليه راسها بتفهم ومشا باس راسها وهبط راسو باس كريشتها عاد خرج وغير سد الباب وغمض عينيه …

الحادث الي وقع ليه معمرو يتنسا ليه ومغايتنساش بسهولة محدو استرجع ذاكرتو ودابا عاد جات نوبة ديال فينما يتفكر ديك اللحضة الي كانو السيوفة تغرسو فيه والموس كان فاصل بينو وبين الموت شعرو واللحضة بحد ذاتها غايبقا يتفكرها ويشوفها فاحلامو كانها وقعات ديك اللحظة حتى يتعايش مع🦋نور_الياسين(1092)#فرصة_ثانيةsana mina🐺🦋

لبسات حوايج عبارة عن فراشة فالصفر بارد وذهبي مزينة بشوية ليسطراس ذهبي عريضة عليها يلاه جاتها هي هاديك مع الكرش نيت كمايمها تروا كار جات بغات تلبس بليغتها مادخلاتش ليها طلات على رجليها لقاتهم منفوخين …خسرات سيفتها ومشات لبسات صابو دارت ليه سوميلا تا دقات عليها مينة ختها ودخلات …

نوار : فين اياد ؟

مينة : بحرا سكت رضعتو نعس وخليت خالتي معاه …”شافتها لابسة صابو كحل ماشي لون الفراشة ” ههههه ويلي بدليه …

نوار”هزات كتافها” : بلغة مقداتنيش رجليا تنفخو شوفي “وراتهم ليها”

مينة : هههههه هانتي نعطيك بلغتي اصلا كلبس كتر منك يلاه تجي هي هاديك …

نوار”عنقاتها وتنخشات فيها” : اختي حبيبتي نتي هههه …تسناي نجمع شعري …

مينة : ذهني ذاك الوجه بشي فوندوتان وديري عكر خفيف وقادي داك الوجه الي ولا هارب منو لون صافي راجلك هاهو حداك شوفي راسك ورجعي تهلاي فراسك ويلي يا نوار !!!

نوار : عندك الحق …مع نعاس والوحم والي وقع مبقيتش ديتها فراسي…

مينة : اجي نقاد ليك وجهك اجي …”جراتها وجلساتها فالكرسي باش متبقاش واقفة وتفورصي على راسها …ذهنات ليها وجهها بكريم ليلي مرطب عاد دارت ليها فوندوتان ليكيد حيث صهد باش ميعرقش ليها وجهها وخا كليما كاينين ناس كتسخن الوقت …دارت ليها شوية ماسكارا وايلاينر خفيف بان ليها فمها بيض دارت ليها مرطب شفايف تا هيدرات ليها فمها ورطاب عاد دارت ليها عكر بوردو …ودارت ليها فغاجو خوخي خفيف …رشات ليها بارفانها اللولاااني الي طيح ياسين فشبيكة هههه عاد وقفاتها تشوف راسها….

نوار”شهقات بشوي” : هييييي عكر ممعيقش ؟

مينة : حنا مع العيالات انوار انا دايراه عادي كون كانو رجال …وكاين شوي النشاط اويلي هاد الماكياج لاش حاطاه هنا وغير ليمارك الي عندك …لوحيه ولا صدقيه لشي عروسة معندهاش الى مغاديريهش …ويلي شيطان…

نوار : هههه واخا صافي وعنداك نتلاقا بشي راجل وياسين لتحت ولا غير يضور ويتعصب كيخلعني …

جراتها وتابطات دراعها تا نزلات بشوي لتحت وضارت لجيهة لاخرا عند العيالات تا دخلات صالون لاخور لقات يسرى وصفية وراوية ونجود قدامها صينية والمجامع وحداها بوطة صغيرة مزينة بغطاها ديال نحاس ملبسينو ليها فوقها مقراج كبير دايرين فيه الما يطيب …وجاو شي عيالات نيت نفسهم الي كانو صباح عگوزة مينة وكلشي تقريبا …

يامنة”دخلات عند الباب حطات ايدها على كتف نوار” : كي بقيتي حنينة شوية ؟

نوار : شوية شوية …فين هاجر …

هاجر : هاني هاني الالة بغيتيني ؟

نوار : ههههه غير بغيت نسول فيك شفتك مطلعتيش عندي قبيلة …

هاجر : كنت مع الحبيب مشينا لفيرما لاخرا وراها ليا هههه “تزنگات “

نوار”فهمتها بالي كانو مع بعضياتهم ” : ااه ههه صافي …احم “مشات جلسات حدا راوية ويسرى …

يسرى”كتشوف ليها في فمها” : ايهاااي لعكورات يالالة …

نوار”خرجات عينيها وحطات صباعها على فمها” : معيق ؟

راوية”شافت يسرى الي ضحكات” : ههه لاعنداك زوين جيتي زوينة وهكاك فرحي ونشطي ودوري بحالتك راجلك باغي يلقا يفرحو يشوفك بيخير ماشي ملي فاق ونتي مريضة وهو مرض معاك …دوري بالحالة وتقادي وحتى حقو متمنعيهش منو ياك ولا لباس وخا داير عكاكز يقضي لغراض ولا مزال مدرتو والو …

نوار”ضرباتها واحد تزنيگة تا شوگات ليها” : كحكح كح…عمتيييي

راوية : اااااويلي طليتو خضر …”طلات عليها من وجهها”اديك بنت يوسف ….

نوار”حدرات راسها وحركاتو ب لااا ” : مزال”قالتها تقريبا بالحس “

راوية : وراه ولا لباس يا بنتي ونتي مزيان ليك لولادة تسهال عليك ياك معندهاش خطر ؟

يسرى “ضحكات تا شبعت مع راوية ونوار وخصوصا راوية فهاد المواضيع كتفقه بنات خوتها ميخصهم خير هههه ” : لا لا هههه غير ميفورصيش ميكونش بعنف فهمتي حيث اي جهد زايد بزايد ممزيانش ليه هو كلو باقي جهدو كيرجع ليه را عطيه شهرين اخرا عاد يمارس حياتو بشكل طبيييعي جدا …اما دابا عديو غير بشوي عليكم …

راوية : وعاد طاقة الايجابية مزيانة لا ليك ولا ليه تلقايه موحشك فوق القياس وساكت …

يسرى : نهار الخميس تشرح ليه لمياء كلشي …

راوية : لا قاصك خليه يكمل عنداك تگمزي نتي راك شوي هبيلة لا مفوتة كاااع …راجلك رجع ليك ابنت خويا؟ وعيشي معاه لحظات شبعي منو وحشك ديال دوك شهورة تفكري اش داز وفرحي وحمدي الله رجع ليك ودارك تحت جناحو ودفيتي تاني وهانتي وليتي لدارك وراجلك ورزقك ومن هنا شهرين ان شاء الله بنياتكم بين ايديكم …

نوار”بقات كتسمع ليها وتفكر وتربط الاحداث وترجع بللور بصح عندها صح فهضرتها الوقت جايا بغات طاقات ايجابية واي سلبي ونقاش يبعدو منو لا هي محتاجة مشاكل وطاقة سلبية لا هو محتاجهم بزوج بيهم خاصهم يعيشو الفرحة والحياة ” : عندك صح …

راوية : را غايجيو دوك جوج بزقات الي فكرشك اري ليك سهير ورضاعة وتبدال وعندك مدوبل قد ما توام زين🦋نور_الياسين(1093)#فرصة_ثانيةsana mina🐺🦋

اذن العشاء وصلاو واحد من دراري عيط ليامنة الي كانت فالكوزينة مع نعيمة كيستفو فالكيسان ووصاها تقول لعيالات يسكتو بتوصية من فؤاد باش يسمعو لقرآن ويعطيوه لحضة صمت ديالو احتراما …ديك ساعة ماهضروش كل سكتات كتسمع وتعطر وذنيها بالذكر الحكيم …جهد شي ساعة لاروب حتى سالاو الجزء اللول …تقدم ليهم اتاي والحلوة ورجعو تاني يقراو وسكتو حيث بدا العشا كيتقاد ليه فين يتسربا …

فالبيت ديال نعاس تحتاني جالسة مينة كتبدل لاياد ليكوش او عفوا جداه اما مينة مقدراتش تقرب ليه كيضرها خاطرها فاش كتشوفو هكاك كيبكي …تفكرات طريقة باش تبعات العيالات وهو كيتطهر غطاو ليها راسها هي وصفية بزيف بيض وحطو قدامها قصرية فيها الما ولادهم كيتختنو وهما كيبكيو وكيشوفو فمراية صغيرة جديدة شادينها بايديهم …هو طقس غريب لكن تقليد كتحسي بيه فيه دفء وتحسي انك دوزتي طهارة على حقها وطريقها بنشاطها بكلشي فيها…لولا ديك لحضة الي تخلعات فيها نوار تاهي كانت لحضة متنساش وكتبقى ذكرى متورخة فالبال…

ماجدة”فرشات ليكوش ومسحات ليه بمعقم ونشفاتو مزياان مقرباتش ليه لما مؤقتا تادوز ثلاث ايام بينما جرح يبدا يتلم …رشات ليه ب دوا الحمر باش ينشفو ودارت ليه ليكوش كبيرة على حجمو شوي …گمطاتو وغطاتو ” : هانا حبيب ميمة هانا كبيدة هانا “مداتو ليها وضحكات” اجي الخوافة اجي هههههه زيدي رضعيه ينعس …

مينة”كطل عليه بان ليها مزير بالبكا” : صافي هاني هاني …”شداتو كترعد وجلسات عطاتو صدرها بدا يرضع ويغنغن بالبكا …”

تا دخلات صفية تاهي دارت نفس شيء عطاتو لماجدة هي الي دارت ليه ليكوش وكضحك عليهم بجوجات مقاداتش يبدلو ليه …

ماجدة “عگوزة مينة يعني جدات اياد” : ياودي ياودي عولو عليكم بكري هههههه”مدات ليها ياسين” شدي رضعيه شدي هذا براكة عليه الكماط را عندو خمس شهور …

صفية”بدات ترضع فيه” : حيدتو ليه ملي كمل تلت شهور..”باستو فجبهتو مطيبز وزين ” ياماما انا…

دق الباب ودخلات هاجر بلغاتهم يخرجو يتعشاو خلات ماجدة البنات يرضعو دراري وخرجات جلسات فطابلة مع العيالات …

يسرى: لالة ماجدة بسم الله زيدي زيدي كولي جعنا ياختي هاد يامنة معطلة علينا العشا ملي توگض ولدها نساتنا…

يامنة : ههههههه تنساك الموت اويلي نساكم …

فنيدة : اوهووووي الفجلة ماهدي عادتها …

صبيحة : الى خرجو طلبة علمينا نديرو ايدينا نشطو الوقت …

يامنة : هاهما يختمو بالدعاء ويخرجو …وديري الي عجبك خدينا الموافقة …

فنيدة : تي را الى ناعطاها لحاج الكلمة لا خلاتنا حطينا ترامينا ودردكنا…

صبيحة : واش بو الفحم يخصر ليها الخاطر بغيتي يبات مغوطط (يجيه بوغطاط)،

عبوش(القابلة ضحكها ضحك العيالات الكبار كيعجبهم يضدو فيامنة من زمااان كونها بنت دوار معروفة بالفجلة من صغرها) : تحرم عليه الليلة يبات هاز علامو وتاحد مبجي قدامو “طرطقو العيالات بضحك حيث غير هما وجيران الي ذكرت هادو فقط “

نوار”ضحكات من نيتها” : هههههههههههههه

يامنة”تزنگات وخا هكاك ضحكات” : ويلي يا مي عبوش نهاك الله …

عبوش”مسحات عينيها بطرف زيف شعرها” : ويلي وكذبت …

نجود: كلامك معقول الا عبوش ههههه

بقاو يضحكو تا كملو العشا وتحط ديسير وكمل وتجمعات طوابل كانو زوج حطات …عاد جابو تاني اتاي شحال عاد خرجو رجال وطلبة وخرج فؤاد وخوتو وياسين لهيه يهضرو ومشاو لفيرما جديدة يتبردو فجردتها ونيت يجمعو ويهضرو ويخليو العيالات ينشطو بخاطرهم …

صبيحة”عطاتها رميساء طارة ” : اري ابنت ختي اري …سيري عيطي لحسينة (حسناء كتقوليها حسينة الى عصبتها ولا مدگجة الشنافر درية وخا زينة ومنگادة ولكن مها كطيح ليها المعنويات ههههههه نبع الحنان صافي ) گوليها تبرك حدا بوها تايدخل بيت ينعس وتبعني وفطريقك جيبي صينية ومعالق هااو سيري عندها…

رميساء : ههههه واخا خالتي “مشات جابت ليها صينية ومعالق عطاتهم لفنيدة وطعريجة لاخرا عطاتها لمريم بنت فنيدة تاهي كضرب مزيان وبدات من بعد ما سخنو طعريجة وطارة فوق البوطة جربتها وبدات توجد ضربة زوج تا بدات “وراني عروبية ولالة وشادة فالصبر …وراني عروبية ولالة وشادة فالصبر …وراني عروبية وبنت با ونوريك نجوم فالضهر…وراني عروبية

ولالة وشادة فالصبر…وراني نوض بكري ونوجد كلشي لراجلي…وراني عروبية

ولالة وشادة فالصبر ….وكنطيب وكانعجن ونعطي لبهايم تبن…وكانحش وكانسرح وعالعونيات نشطح …”ناضت راوية تشطح نوضات معاها يسرى بزز شطيحها ثقيلة ونوضات هاجر تاهي يشطحو بزز وتبعاتهم مينة وناضت تا ماجدة فرحانا بحفيدها تختن وتابعة نشاط…وهي تجي بغات تنوض نوار …

يامنة : انوووضي نوضي سرحي عضامك راهم تكمشو بنعاس ننوضي …

نوار”شافت فيسرى وسولاتها بعينيها”

يسرى : غير نوضي متشطحيش بزاف وبجهد حركي غير ايديك نوضي داكشي الي فكرشك كيبان ليا سابقك فشطيح هههههه”نيت بصح كيتحركو ليها فكريشتها بزاف”

راوية : انوضي “قربات ليها نوضاتها وهضرات فوذنيها” خارجين ليك شيخات هادوك غا صبري ههههه..”يلاه تخشعات فشطيح وخا كتشطح غير على قدها حتى حسات بتيليفون جاها ميساج قراتو “

ياسين”ساط دخان الگارو حاط رجليه بزوج مسرحهم فوق واحد الكرسي فوق مخيدة صايبها ليه يوسف اسيدي وكتبو ليها” : نشطي وفرحي وضحكي وشطيح بعدي …تزعزعي 🦋نور_الياسين(1094)#فرصة_ثانيةsana mina🐺🦋

بقاو يشطحو ويضحكو تا ناضت صفية تاهي تشطح بدلات هاد المرة ولبسات قفطان فالذهبي مرصع بحجيرات خفاف …ومضمة ذهبية رقيقة ديال ذهب كادو من راوية وايلاف بمناسبة ختان الولد وعاد طقم الذهب كان هذاه ليها ايساف

هدية الولادة ديال ياسين وخا هي وياه فخصام الا انها مابغاتش تحرجو خصوصا تقداه هو وراوية …وعاد براصلي مكون من ستة دبالج كادو من ايلاف وراوية نيت ديال الولادة وسنسلة ذهب فيها اسمها كادو من يامنة وفؤاد لولادتها وباقي الكادويات تفرقو طبعا مخصصوهاش من والو كلشي كبر بيها نهار الولادة وعوضوها على صبرها انها مقالت والو وزيادة باش تفرح بولدها وقعات الواقعة سوداء لياسين ديك شهور السوداء وداك اليوم المرعب …

صفية”كتمطمط شفايفها الي عكرات بعكر حمر” : الله على نشاط هذا هو ولا بلاش ههههه

مينة : غانتوحش هنا هههه

نوار”بحزن” : غاتجي فحنة الثامن يااك ؟ (حنة الثامن اعيد واكرر فهاد جوايه كتدار على ثمن شهور كيحنيو ليها رجليها وايديها بطريقة اخرا )

مينة “باستها فحنكها” : واااختي الحبيبة راني غانبدا خدمتي شركة مزال مدرتش ليها افتتاح خدمت فيها غير هكاك را نتي غاتجي تحضري افتتاح ديالي…

نوار”خسرات سيفتها” : موحاال يخليني ياسين تنولد …اجليه عاافاك …

مينة : ونشوف رياض وديك ساعة نعلمك…

رجعات صفية ومينة كيشطحو ونوار جلسات ديك ساعة سرحات رجليها وفرقاتهم وتكات لووور كتنهج وتشوف فيهم وتضحك …حتى سالاو ونشطو وخرجو العيالات لاخرين بقاو غير صبيحة وام سارة وحسناء …جاو رجال من الفيرما كيعرفوهم سالاو وجلسو غير قدام الباب بعيد شوي قادو ليهم دراري الطابلة وجلسو فيها تا يخرجو باقي العيالات…رياض عيطات ليه مينة ودخل طلع عندها لفوق يشوف دريري بقاو غير هما صافي بيناتهم وايلاف بعد يهضر فالتيليفون ويكمي…

واحد شوي حتى خرجات نوار ويسرى ويامنة جايين ويهضرو ويضحكو لحقو عليهم دار ياسين لنوار كرسي الي كان حاط عليه رجليه وجلسات حداه …قربها ليه وشاف فيها من فوق وتحت ووجهها بالخصوص تا قشع العكر وعض شنوفتو تحتية …

ياسين : شنو داك العجب ففمك ؟ “رفع حاجبو”

نوار”رمشات فيه ونطقات بعفوية” : عكر درتو فاش بغيت نهبط عند العيالات …

ياسين : بلا منهضر ؟

نوار”دارت ليه سررر فر مسحاتو فالبلاصة بايديها ” : هاني …

ياسين : السيبة بغات تبدا لا ؟

نوار”كمشات عينيها بكياتة” : وغييير فرحانة عافاك …

ياسين”بقا يحك فشنايفو بسنانو وحاضيها كيفاش كتهضر وراه مكرهش يتكيها قدامهم يكويها تم غا حشم هههه ولكن هادشي مبينوش ليها بين ليها غير تتميرة لي تمر ” : والله يعميها ليك وكااان…

تدهاو فالهضرة مجمعين ناشطين ماجاهم نعاس ومستمتعين بالغربي ديال تما مع حداهم شاريج ديال لما ودنيا كتسقى بالليل حداهم فالفدان ديال زيتون ومرشوشة دينا مكاين غير تبراد نعماس تا وصات يامنة على بيدو ديال رايب والعصير يوجدوه دريات لداخل …استاذن مصطفى ينعس فبيتو عطاتو يامنة دواه ومشا ينعس ….

ياسين”جبد واحد صورة ديال بيت نعاس فالوردي فيه وريدات وفيه جباح ديال لعسل وتصاور كرتون bee movie بتقنية 3D والى طفا ضو يبانو مشعول فيهم ضو فالحيوط …زوج كونات عاد من بعد زوج ناموسيات فيهم سياج فجناب عاد الى غايبدلو يديرو زوج ناموسيات عاديين فيهم كوفرلي بنوتي …” : شوفي هادو…

نوار”تكات راسها على كتفو كتشوف فالتصاور عينيها ولاو فيهم القلوبة ” : يااا ماميييي واعرين …

ياسين : مزال شلا “بدا يوريها وكتشوف وكل واحد حسن من لاخور …” الى عجباتك شي حاجة تفاهمي عليها نوجدوها يلاه يلاه توجد….

نوار : وخاص نمشيو ونشوفو تاني …

ياسين : ضروري “باسها فراسها”

يسرى : ماعييتيش نتي نوضي رتاحي ابنتي …

فؤاد استاذن يطلع ينعس تبعاتو يامنة …بقا غير الياس والحبيب وايساف ودراري “

يوسف : نشطتو شي انخشيشة ؟

يسرى : ضروري ههههه تا نوار نشطات وشطحات مع راسها…

ياسين”تگعد على جهدو وضار شاف فيها ” : شنو هضرت انا ؟

نوار”خرجات عينيها” : ومشطحتش بزاف وياسين حرام عليك …

يوسف : تا هنينا خليها تنشط را مها طبيبة حداها وعارفة نهاك الله …

يسرى : انا الي نوضتها تحرك شوي تسرح عضامها ممزيانش ليها الجلسة بزاف تاني شوي هك وشوي هك باش تعدل الكفة …

ياسين”عض لسانو وصغر فيها عينيه ولا نعل شيطان خصوصا من شاف الفرحة فعينيها …قرب ليها وعنقها باسها فراسها وهو يقرب لوذنها ونطق بشوي ” : بعلمك توحشتك المفششة ؟صبر كيدبر”عناها بالنعاس معاها ونطقها بفحيح “

نوار”تبسمات بخجل تفكرات هضرة عمتها وامها وصل الوقت الي تعطيه حقو ضحكات وهي تنطق يلاه بغات تقولها بشوي تا ركلتها الخانزة الي فكرشها ونطقاتها بجهد ” تا توحشت(يلاه بغات تكمل بتوحشتك (ك) متنطقاتش تبعتها” اااح تسمعات …توحشت اااح “غمزات بعينها” اممم…”الي سمعها غايقول توحشات ااح ههههه

دراري خرجو عينيهم ايساف بالدعقة ناض دخل وعاود خرج اشرف ناض دخل هو كاع طلع …

يوسف : هالمعقول “ضار عند الياس” هضر مع صهيب قوليه فيق مع تمنية سير تخدم …

الياس”حابس ضحكة” : غذا الحد اخوياااااو …

علي”ناض” : انوض نمشي لمطار على رجلي يلاه لحگ…

نوار”كمشات عينيها بغات تبكي” : واااخا يا بنت لحرا…يا بنت بوك ..

#تصبحن_على_خير…راسك ونقيطات العسل…

#يتبع…ين قد ما همهم مدوبل …

#يتبع… الوضع وترجع عادي …

#يتبع…س على راسو”

#تصبحن_على_خير…سرى : ههههه ايه واخا واخا …

#يتبع…

مسخ …

#يتبع….لباتها بايدها ….

#يتبع

Leave a comment