Skip links

قصة نور الياسين ج5

 29,533 عدد مشاهداات

🦋🐺نور_الياسين (61)sana mina🐺

🦋

صوته تسمع لعند اسامة هو اللول الي خرج عينيه مربوط ملقاش جهد ينوض ولا عاطيها غير لغوات ….

اسامة : ياااااسيييييين خويا اش واااقع ….واااحلو عليا الخرااا نشووووووف ….يااااااسييييييييييييييييين …واااععععععععععععععع حلوووووووووووو ….بقا يتزكل ويكحز ومقدرش رااابطو مزياان وعرف كي ربطو بغا يخبط راسو ملقاش كيف يدير متحكم ليه فرباط لدرجة ميقدرش ياذي حتى راسو يعني واخد معاه كاع الاحتياطات …

في هاد الاثناء ايساف الي كان مع محمد الحبيب الي كيتسناه يخرج يشوفو عاد يتيسر لخدمتو …خرج هو وايساف من طوموبيل ومشاو كيجريو تابعين صوت غوات ياسين…

يامنة “لقات صهيب والياس ويوسف ونجوى قدام الباب ” : اش واقع مال ياسين ؟ ياكما اسامة ؟ اويلي ولدييييييي مالو ….

مشاو كيجريو تاهما حتى لحقو عليه لدار ولقاهو كيقلب ففؤاد وعقلو خارج ….

يوسف : ف فؤاااد م مالو ؟

يامنة “غا بان ليها مغط رجعت بيها ذاكرة لداك النهار الي طاح فيه وكشاكشو خارجة هاد المرة مخارج لا كشاكش موالو جامد ….طاحت على طولتها …” : فؤاااد !!!

الوحيدين الي توگضو فيهم هو الياس وصهيب حتى غوت صهيب …

صهيب : واااش كتسناو فيه ينوض راسو ؟ وااااتحرك امول العقل عيط لومبيلونص ولا هزوه نطيرو بيه دغيا “

الياس” غوت حتى قفز يوسف ” : واااياااااسيييين تحرك اصحبي …

يوسف : بلاتي اجي معايا نهزوه “صرفق ياسين بشوي حتى فيقو ” …تحرك اصحبي الوقت ممعاوناش طلق راسك ….مواقع والو غي ازمة عاديك توگض اولدي …محمد الحبيب تحرك …

محمد الحبيب مسكين تاهو تصدم حتى وگضو الياسي وتعاونو عليه حتى هزوه هكاك بربعة بيهم وجاهم ثقيل …

ياسين بقا ساهي مصدوم واحد اللحضة هز عينيه فامو لقاها دايرة ايديها على راسها جاه فحال شي صاعقة فيقاتو حتى ناض بجهد ومشا ليها نوضها هكاك عينيها دايزين بدموع مقدرات لا تغوت لا تركل …وجرها خرجها تبعهم لقاهم دخلوه لداخل حتى كان يوسف غايسوق حتى …

ياسين : الوليدة معاك عيط ل يسرى تعيط ليهم يوجدو على حسابو ….

دخل وركب وخلاه براه وكسيرا حتى نقزات طوموبيل وطااار بيه …يوسف جر يامنة ومعاه البقية شي معاه شي مع ايساف وعيط ليسرى بلغها بالي وقع ….وركب زادو كلهم الدنيا كحلة فعينيهم …الحمد لله الي كانو معاهم لاخرين وگضوهم اما بقاو تم مع صدمة محاشاوهاش لداك الي بقا لداخل كيغوت يغوت تا صوته مشا واستسلم لدموع والندم والالم كياكل فيه من لداخل …

مسافة طريق ماشي طويلة غادي طاير كاع ضواو الفيروج الحمرين حرقهم خلا وراه البوليس كيقيدو فالبروصيات …

يامنة “دايرة ايدها على حنكها وكتبكيي فصمت غير دموعها الي كيبانو كيهبطو حتى شدتها تنخصيصة ” : خئ …

يوسف “ضار شاف فيها حك وجهو بايدو ورجع حطها على كتفها ” : ذكري الله ايامنة ذكري الله مغايكون غير الخير …مالك معارفاهش ؟ غا كيبغي يخلعنا راني عارفو انا وياك كي داير …

صهيب : ختي يامنة ماعرفتي الخير فين كاين هادي مكتابة ليه وغاينوض منها ان شاء الله كلنا عارفينو صحتو مزيانة غير فاش كيتقلق كيوقع ليه هاكا …ماعرفتي هادي قرصة وذن لاسامة يجمع راسو ….

الياس : ربي كبير نتي وليتي بولادك البكا مغاينفعكش كلنا تازمنا ومنبغيوش خونا فهادشي را كتر منك ايامنة نتي الي ام ولادو …وليتي بعقلك قوي راسك على قبلو ولا غاتكملي عليه …

يامنة “هزات عينيها لسما ” : ياااربي يومي قبل من يومو ياااربي ماااترزيني فيه ياااربي …ياربي عاد شاف ولادو …

يوسف : وان شاء الله غايشوف حفادو غييير هناي وكوني ايجابية الله يخليك نتي وياه تاج راسنا …

يامنة : اهى اهى اامين يااربي ياااربي …

ياسين وصل لكلينيك لقاهم موجدين بياص ومعاهم يسرى حداها طبيب ديال مستعجلات الي بلغاتو غير وصل فرانا بجهد تا ضارو عباد الله الي تما …

ضار حل عليهم الباب ودخل واحد من جيهة لاخرى ولاخرين تعاون معاهم ياسين حتى هزوه وحطوه مع داوه دخلوه وصلو لاخرين ودخلو حتى لقاو ياسين واقف متكي على واحد الحايط حاط عليه راسو ….

يامنة : ياسين اهى اهى …باااك …

ياسين “مهزش راسو شير ليها بايدو تقرب لعندو غير قربات وجرها خشاها فيه معنقاه كمشت فيه بصباعها كتبكيييييي وتبكي ….”

يامنة : فؤااااااد تاج راسي وراجلي متخلينييييييييش اراجلي متخلينيييييش اضهري متخلينييييييييش الي تربيت على ايديه وكبرت ….يااااااااربي يااااااااربي كتوريني فيه هاد نهار ياااربي ياااااربي اش درت تا تعاقبني بهادشي يااااربي ….اهى اهى …ياااربي راني حامداك وشاكراك غااا 🦋🐺نور_الياسين (62)sana mina🐺

🦋

خلاها تبكي وتعدد وتلالي حتى خلاتهم كلهم تما عينيهم دمعو ….

بقاو شي نص ساعة تقريبا وهما كيمشيو ويجيو مرة يجلسو …حتى خرجات يسرى الي كانت لداخل وخا ماشي تخصصها غير دخلات مع طبيب وخرجات هي وياه ….

يامنة “مشات لعندها عينيها منفوخين ” : ي يسرى …

ضارو كلهم قربو لعندها …

يسرى : هاهو غايهضر معاكم ….

طبيب “وجهو ممطمانش ” : احم حالتو حرجة جاتو heart attack او كيف كنقولو ليها crise cardiaque

يوسف : ثااني …

الطبيب : قالت ليا دكتورة يسرى انه سابقا تعرض ليها من سنين وداز منها مكانتش بغاية الخطورة …وعاودت رجعات ليه ثاني لكن هاد المرة كاين خطورة …مبغيتش نعطيكم امل “حدر راسو ” دابا عطينا الاذن باش يطلع لفاس نيشان فسيارة الاسعاف وراه غايتحرك دابا …

يامنة : اهى اهى غايموت ؟ اويلي اويييلي اويلي …

يسرى : يااامنة هادشي مغاديش ينفع خاصك توگضي باش يحس بيك وتعطيه طاقة باش يعاون راسو …البكا ونواح مغايفيدكمش …

يامنة : نمشي معاه ف الاسعاف عااافاك …

ياسين “وقفها ” : انا غانمشي معاه …نتي سيري مع يسوف تتلحقو علينا …

يامنة : لا نمشي انا اهى اهى عفاك اولدي …

ياسين : حالتك مغاديش تعاونو غادي تكملي عليه اميمتي الي غايوصلني يوصلكم …”خلاها ومشا لجيهة فين غاينقلوه فالاسعاف …

يسرى : يوسف انا غانجي معاكم سير سبق وغانهز صاكي والوراق ونجي …ايساف قول لراوية ترد لبال لميمة نجود قولوها ليها غي بالقاعدة لا يطلع ليها ضغط راك عارف …

محمد الحبيب : غايولي مزيان ؟ غير هضري اخالتي ماعليش غا حطينا بصورة …

يسرى : ىلدي الطبيب مكيخبيش هادي خدمتنا كنقولو كلشي باش كنحطو العائلات بصورة سواء اسوء حالة او احسن حالة كلشي كيتحط ويتقال …

محمد الحبيب : اشنو دابا ؟ واش داوه لاش معطلين الوقت ممعاوناش وحتى لفاس …

يسرى : متخافش غايعاونو سيارة الاسعاف مجهزة معاهم طبيب نيت خاصو يمشي فوجه السرعة لفاس احسن …

مشا محمد الحبيب دا يامنة هو وايساف لبرا وبقا يوسف كيسول فطبيب ويسرى …

يوسف : شنو غايديرو ليه ؟

الطبيب : احتمال يدير عملية ل الشريان ولكن حتى نتاكدو انه موقعش تختر دم تما …

يسرى : مبغيناش نقولها ليكم وقدام ولادو لكن الى مفاقش احتمال كبير انه وقع ليه انسداد فالشريان الي كيادي ل موت عضلة فالقلب الي غاتهدد ليه حياتو …و “عضت شفايفها جاتها البكية ولكن بزز منها باش متنهارش يامنة والبقية ” …

يوسف : و اش ،

الطبيب : الى مفاقش من هنا لغذا احتمال كبييير حياته تمشي

يوسف فهاد اللحضة تكا عالحايط حتى تسمعت زدحة ضهرو والياس جلس فالكرسي بطولتو …اما صهيب شد راسو وعينيه مغرغريييين ….

يوسف : يسرى ياك غير احتمال ياااك ؟

يسرى “قربات وحطات ايدها على ايدو ” : الله فوق العباد عليك بالدعاء وان شاء الله خير انا غانمشي معاكم ونوقف بنفسي مع المتخص يدير فوووق جهدو راني عيطت ليه ….بغيناه غير يفيق يعطينا ردة فعل بعدا غييير يطمأنا …

مشات يسرى وطبيب كيزربو خطات هي وراقها وطبيب مشا الاسعاف لقا ياسين تما حدا باه غير طلع وهي طلق صفارة ديالها وطارت بوجه سرعة لمستشفى بفاس ….

ولاخرين قبل متقلع الاسعاف كانو خداو طريق بسرعة حتى ه🦋🐺نور_الياسين (63)sana mina🐺

🦋

قالوها لراوية ونجود وايلاف تاهما هزهم ايلاف وجابهم فسيارة حتى لفاس كلشي مشا تما مبقا تاحد مخليين واحد الشاب الي ضيع راسو ولو موصلش راسو لهاد المواصل كان غيكون معاهم ولو مكانش فؤاد من الاساس مرض ولكن كلشي كيكون بالمكتاب ….وفكل ازمة فيها حكمة …بقا يغوت حتى مبقاش قدر ومشات بيه عينو من العيا والغوات …العذاب الاليم كيدوز منو ومزال العاطي يعطي ….

تخشعات بالمراجعة معاهم ودخلات فالمود ديال قراية وتخراج …هاكا هي فاش كتبدا تراجع كتنسا راسها بحكم الشعبة عزيزة عليها حتى لقات راسها دوزات ساعتين وهي مهازاش الراس حتى صونات ليها. اختها مينة …

نوار : نعام …

مينة “صوتها مننغنغ …” هبطي انا لتحت …

نوار : مال صوتك ؟ واقعة شي حاجة ؟

نوار : غييير هبطي بعدا متمحنينيش انوار …

نوار : واخا …”جمعات كتوبتها وناضت خلاتهم كيكملو وهبطات لعندها لقاتها هي والشيفور الي جايبها وكتمسح فدموعها ” …مالك ؟ مينة …

مينة : نوار اهى اهى عمي فؤااااد

نوار : م مالو عمي فؤاد ؟

مينة ” عاودات ليها ” : اهى ا…

نوار : غانمشيو عندو ياك نمشيو عندو ؟

مينة : مخلاونيش نمشي خاصنا نبقاو هنا عيييت نرغب فبابا مبغاش اهى اهى

نوار : اهى ولله حتى نمشي والى مبغيتيش غانمشي فالكار ….دينا لفاس دابا …

الشيفور ؛ ابنتي راه موصيني يوسف

مينة : وصانا بابا منمشيوش و خاصني نبقى نعطي لاسامة الماكلة ونرد ليه البال …

نوار : لاااا نمشي نمشييييي اهى …”جبدات تيليفونها ودوزات لخط لباها ” بااااابا اهى عمي فؤاد مالو

يوسف : بنتي مكاين والو متبكيش الله يرضي عليك بقاي مع اختك وباش مكان نعطيكم خبارو …

نوار : الا غانجييييو انا ومينة عاااافاك ابابا الله يخليك الله يخلي غييير ليلة ونرجعو والله والله …

يوسف : نوار كوني تسمعي ابنتي متزيدينيش تانتي نتقلق عليك

نوار : اللااااا نمشييييي عافاك غانبقا نبكي ومقلقة راك عارفني

يوسف “عارفها فاش كتقلق بزاف كتمرض ” : دوزي ليا سمحمد

عطات تيليفون لشيفور ووصاه يجيبهم ويرجعهم فور ميقولها ليه …

نوار : غايكون ياسين ومحمد الحبيب وخالتو يامنة حالتهم …

مينة : يكون خير …عمي محمد عيط ل اشرف خويا ( تيقولو ليه خويا ) مرة مرة يرد البال لاسامة يحط ودنيه على الباب …

محمد : واخا بنتي …

كسيرا بيهم تاهما لفاس بقا غير اشرف مسكين الي مكانش فديك الوقيتة كان ضاير لبير فين قاليه يوسف فعلا كان خاسر باش يشوفو حتى ضار لقاهم هزوه ….مدارش مسكين ردة فعل تصدم محرك تا ساكن سوى انه دموعو مسكين نزلو كيجريو ….فؤاد بالنسبة ليه باه الملاك الي نقدو وهو لحيمة حمرة عاد زايد وخشاه وسط ولادو وتربى معاهم وهو الام فرد من ال رمسيس …وصل الليل ….ومزال مفاقش وحالتو هي هي متزادت ما نقصت …وصلات عليهم مينة ونوار وبقاو تما …ياسين خرج

برا يكمي عالله يبرد التوتر والاعصاب الي كابتهم لحد الان وهو كيتسنى …لحد الان مزال ماعليه تا خبر ….حتى دخل تاني بقاو جالسين فواحد لاصال قريبة لانعاش …

يامنة : سولو عليه فين يسرى ؟ مكاين والو علاش مفاقش ااا ؟ علاااااش اهى اهى راه عييييت وانا نتسنى عييييييت صبري قلاااال اولدي صبري قلاااال اهى …

محمد الحبيب : الوليدة البكا مغايفيد بوالو دابا كون شي حاجة خايبة غايقولوها راهم خدامين معاه

ياسين صبرو بدا ينفذ وقرب ينفاجر ساعات وهما كيتسناو وباقي الحال كما عليه صعيييب بزاف الانتظار ونتا معارفش داك الشخص الي دابا بين الحياة والموت اش جاري بيه من طاح متكلم متحرك ماعرفو الحال بيه فين واصل دابا …حتى جات يسرى لابسة لباس الانعاش حيث خلاوها دخل عندو …حيدات الكمامة من فمها والي فراسها …

يسرى ” مبانش عليها اش كاين وجهها بيض وفمها كيبان تاهو بيض ” : ياس🦋🐺نور_الياسين (64)sana mina🐺

🦋

قالت ليه هاد الهضرة ووجهها بيض وفمها كذلك ساعات وهي مع طبيب وخا مسكينة ماشي من اختصاصها بقات معاهم لا ماكلة لا شراب وهي داخلة معاهم معافرة وتعاون وواقفة على راس المختص الي خدام معاه مغفلش عليه حتى دقيقة …

يامنة “فشلات من شافت وجهها ” : م مالو ياك مكاين مشكيل ا يسرى ياااك هو بيخير …

ياسين غا سمع سميتو ونقزهم كاملين مشا وخلاهم مبغاش يعرف مال باه اش واقع لاش غايدخل عندو هو بالضبط ….حتى وقف عند باب الانعاش ولقا طبيب لاخور الي جا معاه ودخل هو وياه اول شيء خشا رجليه فواحد الماشين لبساتهم ليه ب ميكات طبية معقمة …ولبسوه طابلية شيبية معقمة وجديدة جبدتها ليه فرملية وعقدها من لور والطاقية على راسو والكمامة …

طبيب : دخل اولدي مع الفرملية …

مشات معاه الفرملية حتى دخل لداااخل واحد البيت كلو زاج ومعزول كيتسمع غييي صوت الالات واجهزة تنفس وضغط واحد البيت فاش تدخلي ليه كتحسي بان ديك البلاصة هي الفاصل بين الدنيا والاخرة حياة البرزخ …ريحة دوا وسيروم والجو معقم ونقيييي ….

ياسين “تقدم ببطئ ناحيته حتى بان ليه مجبد مغطي غير نصو وصباعو فيهم فحال مقيبطات خاصين بالقلب وصدرو كلو دوائر موصولين بخيوط وعلى فمو جهاز الاوكسيجن …قرب لعندو ووقف كيشوف فيه فداك المنضر مغمض عينيه وصوت الالات حداه …طووووووط طوط طوووووط طووووط ….وصوت الة قياس الضغط والاكسين تشششششش ….كلو مكبل بالخيوط والفرمليات عند راسو والمختص واقف بعيد كيدرس فالملف ديالو ….

ياسين “قرب لعندو وتحنى لعندو …قبط ايديو ” : الوليد !!! ماشي ديالك هادي كنعرفك قاصح جبل ميهزك ريح اش وقع ليك ؟ هذا هو الوعد الي عطيتيني فصغري وخا كبرت بعيد عليك ؟ شنو دابا تغلبتي ؟ ااا …

فؤاد “بقا شحاااال وهو ساكت مغمض عينيه ولااا مجيب “

ياسين : علاش عيطتي ليا انا ومسبقتيش الوليدة كيف ديما ؟ رفتيها مغاتصبرش وخفتي عليها ؟ ملي وعيت وانا كنشوفك هاز ليها الهم كتر من راسك حتى نسيتي راسك وبغيتي تهدم الجبل الي فيك ….جاوبني الوليد جاوبني اصحبي …

“كان غايفقد الامل ويستسلم باس ليه ايدو وكان غايحطها ليه حتى زييرررررر ليه على ايدو “…لوليد !!!؟؟؟

فؤاد “حل عينيه ومد ايدو حيد الجهاز الي في فمو ونطق ” : ماشي انا الي نعطي العاهد ونخلف بيه …عطيتو ليك فصغرك وعطيتيني العاهد فصغرك …وعليه لا بغا الله نوصل ليه و نعيشو ولا بغا العبد نشوفو …لابد من الصحة تخون واحد الوقت وعليها نتعلمو …نسيتي عهدك ليا ….

ياسين “عض شفايفو وغمض عينيه طلق ااااه تنفس ورجعت ليه روح ودار شبه ابتسامة بالفرحة مدام نطق باه هاد الهضرة اذن راه بيخير وغايقاوم تيولي لباس …ونطق هو وياه جملة كان كيقولها ليه فاش كان صغير شوي وعلمها ليه حتى كبر وطورها ….نطقوها بجوج قدقد “

ياسين و فؤاد : تعيش حتى تشوفني بولاد ولادي وتكون مرتي …منها من الحنانة بصبرها …وغزالة …وبزينها ناعمة …وفتانة بغرامها …

ياسين “مسح على لحيتو وقوس حجبانو ” : قولو لشهلة العياني الي غرامها مضاني قهرني وبكاني الولف كيف ساهل وفراقك ما قدرت عنو …..( من اغنية جزائرية ل عبد القادر شاعو …شهلة العياني …معناها الي عينيها مخلطين بين عسلي وخضر)

ياسين : فييين غالقا فحال كلامك الموزون صعيب الوليد نعرف ليه عندي غا نيشان ….على سلامتك على سلامتك الجبل ….

#تصبحن_عل🦋🐺نور_الياسين (65)sana mina🐺

🦋

وقفات يسرى من بعد ما دخل ياسين فديك اللحضة …(غانكمل ليكم شنو قالت ليهم يسرى فاش دخل ياسين وبقات معاهم ) …كان وجهها بيض وفمها كذلك …واش تعب مخلط بالخلعة وستريس انه ممكن يضاعف الاعراض الي فيه ويتزاد عليه الحال وهما في غنى على هادشي واش الخوف واش واش ….الاطباء كيواجهو اكبر التوترات الي كيعيشوها ف هاد الحالات ومسالة انك تنقد مريض هي اكبر واول واجب طبيب فما بالك لو كان شخص من عائلتك ؟ …

يامنة : يسرى امضرا ؟ فاق.

محمد الحبيب : علاش بغا ياسين ؟ ياكما …

يسرى : اعوذ بالله متوقعش الاسوء اولدي …الحمد لله قدر مبدئيا يتجاوز مرحلة الخطر وداكشي مناش كنا خايفين لان موقعش

محمد الحبيب : يعني موقعش ليه تختر الدم فالشريان التاجي كيف شرح لينا دكتور ؟

يسرى : تماما لحد الساعة مزيان ولكن هذا مكيعنيش انه تجاوز مرحلة الخطر …مزاال غايبقا شي ايام فالانعاش تحت مراقبة اخصائي القلب والشرايين بنفسو …

يامنة : يعني ماشي لباس ياااك غاقولي

يسرى : يامنة !! راكي انسانة قارية وفاهمة وعشتي معاه النكسات والمرض وعارفة اش كاين ؟ غانكذب عليك ؟ لا بغيتيه يكون بيخير وصحتو تقاد خاص تصبري والى بقيتي هكا كتعطيه طاقة سلبية بالبكا والغبينة غادي تنكسيه وتصدقي فما لا يحمد عقباه …

يوسف : دابا حالتو مبدئيا مزيانة ؟

يسرى : الحمد لله متجاوب مع صحتو وماحدو ممضغوطش ومرتاح دابا غايكون غير الخير …هادشي علاش كنقول ليامنة متبقاش مستسلمة لبكا لان الازمة راه اغلبها حالة نفسية والگارو الي كيكميه ماثر عليه بزاف ناهيك على من سنين كان كيشرب يعني هادو عوامل مسببة لازمة ….النفسية ديالو محتاجة انتعاش وطاقات اجابية ا يوسف ماشي السلبية وكونو متفائلين

صهيب : هادشي كنقولو ليهم ديما وشكوون يسمع شكون

الياس : دابا ختي يسرى شحال كاع ويخرج يعني ممحتاج العملية الى بقات حالتو مزيانة ؟

يسرى : ههه لا لا حاليا مستبعدين العملية هي كنا غانحتاجوها باش نحيدو التختر ديال دم وندوزو ليه دم ويبقى تحت المراقبة لكن حاليا مكاين والو لحد الساعة ولكن ضروري يبقى فالانعاش لانه معرض لاي انتكاسة حاليا ….

يامنة : وعلاش بغا ياسين ؟

يسرى : حييييث اختي يامنة نتي غاتبكي وغاتازميه مقدرش يشوفك مضيومة وكتبكي راه كتعزي عليه الالة الزوجة المحبة ههههه صبري يخرج ياسين ومن بعد ودخلي عندو ….ولكن خاص تمشيو تالغذا ورجعو جلستكم هنا مغاتفيد بوالو ….راه مزياااان دابا ….

نوار “قربات ليسرى وعنقتها ” : خلعني عليه بزاف …

يسرى “ضورت عليها ايديها وعنقتها ” : امامي الحنينة راه مزيان حالف ميمشي تايزوج كاع ولادو ونتوما وكلشي هههههه

نوار “ابتاسمت بخجل وهي تجي فبالها صورة ياسين فينما يتذكر زواج ولا اي حاجة تفكرها فيه ..🦋🐺نور_الياسين (66)sana mina🐺

🦋

بقا معاه شوي مكاملش عشرة دقايق وقاليه البروفيسور باش يخرج ميبقاش اكثر من الاحسن …اطمأن عليه وخرج حيد داكشي الي لابس وخرج من الانعاش لقاهم جالسين فالصالة حتى بان ليامنة ومحمد الحبيب وهما يوقفو …

يامنة : كيف بقا …

ياسين “بضغط الي كان فيه دار ايديه ورا راسو وطلعهم حتى دوزهم على شعرو ذهابا ” : ففففف “طلقها من اعماق اعماقو ” …مزيااان هاد ساعة اميمتي ….خاص غاااتيسر الامور مع صحتو …

محمد الحبيب : وخا نقدرو نشوفوه ؟ مقالو ليك والو ؟

ياسين : الحبيب هاد ساعة خليه يرتاح ومن بعد تشوفو وقت الي بغيتي …خلينا نعاونوه يدوزها على خير …

يامنة : خليوني نشوفو عافاك قالت ليا يسرى نقدر نشوفو حتى تخرج نتا من بعد …

ياسين : دابا معاه الطبيب ممسالينش يساليو غايعطيو ليك اميمتي غير تهناي “باس ليها ايدها ” …انا غانمشي …

يامنة : فييين ؟ غاتخلي باك هنا وتمشي ؟

ياسين : باش الوليد ترجع ليه صحتو حسن خليني نتقاد مع هذاك … متخافيش حاسب حسابي ….نقاد الامور تما ونجي …

محمد الحبيب : امتا غاترجع نتا ؟

ياسين : تيسر الامور معاه ونجي …تشبكات الوقت الحبيب خاص دنيا تقاد فين يرجع الوليد خااص دنيا تقاد …

يامنة : ومتعطلش اولدي غايسول عليك …

ياسين : يكون خير …..

تم غادي حتى وقفو يوسف عند الباب …شير لبناتو ينوضو …

يوسف : ولدي غادي غادي الله يرضي عليك وصل مينة ونوار حسن يمشيو دابا …

ياسين : فينهما ؟

يوسف : نوار مينة يلاه تحركو ابناتي مع ياسين يوصلكم …

مينة : امتا غاترجع ابابا نتا ؟

يوسف : نتهنى على عمك ونجيو …ردي بالك لنوار واشرف ا مينة نتي دابا مولات العقل تما …ومتنسايش اختك نوار تردي ليها البال فنعاسها راك عارفاها اش كدير فالليل

نوار “خرجات عينيها ” : ببباااابا اويلي

يوسف : سكتي راني عارفك هبيلة فالنعاس

نوار : وانننن “بغات تاكل جنابها هههههه ” وراه غير مرة مرة …

مينة : واخا بابا …

يوسف : هاكي ساروت طوموبيلتي بقاي تمشي بيها وتجي وتوصلي نوار هاد الايام فين بغات …

ياسين : يلاه تحركو دغيا عندي منقضي

مشا ياسين ومشات معاه مينة الي ملاصقة معاها نوار …ركبو معاه فالسيارة ركبات حداه مينة ونوار اللور ….زاد بسيارة وطول طريق وهو كيفكر فهضرة باه الاخيرة …فعلا باااه الي وصاه يتحرك ووصلها ليه بالمعنى باش كيما زرب كيما كان احسن …وخا فوسط المرض مناسيش ولدو وباغي يتوگض ليه …الاب الي وسط الازمة كيفكر فولادو قبل من راسو وهو الي عطاه الاذن باش يتحرك اليوم قبل غذا وهادشي الي دار ياسين غير مقالهاش لمو بالمباشر …..

نوار “من العيا نهار كلو والقراية وتعب الانتظار …تكااات ومشاات فديك طريق محساتش وصلو وهي مزال ناعسة ” …

مينة : واااكواااك نعسات واش جا ميفيقها …نوااار عااافا ختي الى ما فيقي عااافاك غييير فيقي وطلعي نعسي بحوايجك …

ياسين : مكتبغيش تفيق. ؟

مينة : الى نعست وخا تجيب طبالة لا ناضت وخاصة عيانة قبييلة رجلها عطاتها صداع مكانتش لابسة صباطها وبقات كتمشي وتجي وتلوات ليها شحال من مرة ….

ماتسناهاش تتفيق حل الباب وبدون مقدمات قادها وهزها بين دراعو حتى كمشات فيه وحطات راسها على صدرو …

نوار “داااكشي الي خاف منو باها هو الي وقع تتهبل فاش تتكون ناعسة 🙂…” : مخيدتي توحشتها …

مينة “ضربت وجهها ” : لااااا

ياسين “دار را🦋🐺نور_الياسين (67)sana mina🐺

🦋

غير دخلها طلعها لفوق نيشان وموراه مينة حتى حطها بلاصتها وخرج لبيتو حط تيليفونو يتشارجا من بعد ما شعلو من فاش طفاه فالمستشفى مبقاش شعلو وخلاه وهبط بكوزينة خذا من ثلاجة شي تخربيق الي لقاه قدامو قادو فالبلاطو لجيهة دار لملحق ودخل بان ليه الدوا بقا هكاك مشتت هزو ومشا حل عليه الباب لقاه مسكييين ناااعس مجايب دنيا خبار ….مشا ليه تحنى حتى فيقو …

اسامة “حل عينيه عياااان بجهد مبقاش عندو جهد الي يهضر ويغوت غييير شاف فيه تسرسرو دموعو وحدة تابعة لاخرا هادشي علاش قد الجهد تهلك يومين وهو يغوت وقلة الماكلة …”

ياسين “مهضروووش عطاه ياكل بزز ولاخور مبغاش يتعافر اصلا مبقاش قاد كال على شنو قد وعطاه الما وهز دوا غير خوا ليه لالكول على جروح طار سما ونزل فمو غييير كيتحل وعينيه كيتعصروووو الجناوا كيضربو فيه والغوات الله يجيب بقا يعقم ليه ويمسح وخوا ليه على ايدو الي مضروبة حتى داواه عاد فكو ونوضو ” : تحررك قدامي

نوضو ودار ليه ايدو وراه كتفو تكا عليه وتم غادي بيه حتى وصلو لسيارة وحطو اللور جبد قرعة الما وعطاه جوج حبات منومة شربهم بلا ميتعافر لقاه مستسلم براااكة الي داز مبقاش جهد …غير شربها ليه بقا متكي على طوموبيل حتى بدا يستسلم لنعاس سد

عليه سيارة وسد عليه كاع البيبان بالكونطاكت وشير لعساس باش يرد البال معاه حتى يهبط السيارة كانو الحوايج من قبل فيها فالكوفر …طلع لفوق بدل عليه حوايجو ولبس سورفيت اخرى وهز تيليفونو وشارجور وهبط كيزرب نيشان لطوموبيل ديماراها وانطالق مباااشرة لجهة مراكش بالضبط فالدوار فين كبر ومسقط رأس يامنة ….

صبح الصباح وشرقات شمس يوم جديد شرقات عليه وهو فالسيارة شاد طريق يومين مشايفش ولا ذايق طعم النعاس …الكرفي كيدوز عليه هو وخوه بزوج واحد كيكفاح باش يعتق خوه وواحد كيكافح الالم والتخلص من الادمان الي فيه والي مجاب لدنيا خبار دابا …..

باقي ليه ساعتين عاد يوسصل لدوار فين كاين الفيرما الي تعاون هو وجدو عليها تا بناها كبيرة بكلشي فيها من كوريات البقر والثيران وبلاصة الخرفان وفين كينتجو الحليب اضافة الى الارض الي فيها الفيرما والي مساحتها كبيرة من اشجار زيتون وبعض من الفواكه والخضر ….ودار وسط منها فين كانت دار بات يامنة خذا ديور بجنبها شراهم كانو غير تراب ورجعها وسط الارض الي مقابلة مع دار حتى ولات فيرما قداش ….

من بعد مرور ساعتين قربات الحداش ديال صباح لقاتو خذا طريق البيست الي كتدي لفيرما مسافة طريق حتى وقف السيارة قدام الكوري الي كان قديم جهزو ورجعو مقاد وبطن ليه الحيوط …وقف سيارة ونزل اول حاجة حلو وحل الباب على خوه جروه حتى هزو هكاك ناعس فوق كتافو ودخلو حطو فيه وخرج سد الباب بساروت ….عاد ضار جيهة الباب ووقف ….

كانو شي عيالات دايزات قدام الفيرما هما جيرانهم تما وجايين من واحد الواد كانو يصبنو فيه هازين حوايجهم الي صبنو والي نشفو فوق زرب ديال نبگ (زعما شجيرات نبگ الى مفهمتوش نبگ لوحو راسكم من سطح ههههههه ) وشجر …هازينهم فكرويلة سايقها حمار (حشاكم )

فنيدة “جارتهم وعزيز عليها ياسين من صغرو كانت كتهلى فيه وكان كيقرا مع ولدها الي سافر لبرا ” : تي شكون ديك طونوبيل (طموبيل ) الي تما ؟

مريم “بنتها ” : ساايني نشوف امي …واااا ياسين هذاك

فنيدة : تي فينهو ؟ هو ولا ؟ وليدي جا …

مريم : والله حتى هو

سميرة “جارتهم تاهي قد مريم ” : وااا ضهر ليا هو وتي تبااارك الله تگضر وزيان كتر من الي كان …

فنيدة : وليدي ديما زين وراااجل يحلفو بيه فالدوار وخا عكسي الله يرضي عليه …وعگب عگب (رجع) ووقفني ا محمود “الي سايق الكرويلة ” وقفني اولدي قدام دار تم

مريم : تي عگبي امي تا العشية وسيري عندو دي ليه حلوة ريشبوند الي تتعجبو ” ….

فنيدة : واا ريشبوند نديرها ليه فكل وقيتة وااتي راه خاصو ريشبوندة فين يحط الراس ويخلي قشاوشو يديرو ساس ( القشاوش هما المعلم وقلا**يه هههههههه )

سميرة “هزت ايدها فوق راسها ” : هاااهي سايرة تمس🦋🐺نور_الياسين (68)sana mina🐺

🦋

فهاد الوقيتة من بعد ما تسناو الليل كلو وصباح مكانو حتى مضاعفات …قدرو يخليو يامنة دخل لعندو تاهي لبسوها فحال شكل ياسين عاد قدرات دخل لعندو لقاتو فايق …

يامنة”قبطات ليه ايدو ” : فؤاااد …

فؤاد “كمش ليها فايدها ” : غزااالو …

يامنة : شوية ؟

فؤاد : الحمد لله …متبقايش غامهمومة ميخصني خير …قلتها وعاودتها ولا لا ؟

يامنة : هههه وضرووري راك الغالي …

فؤاد “حيد الاوكسيجين من فمو وباس ليها ايدها حتى طول ” : وانتي اغلى …

يامنة : ياك شوية مزيان دابا …

فؤاد : مزيااان هاد ساعة …تهلاي فصحتك اغزالي نخرج من هنا ونسافرو نساو هم دنيا وعبادها …

يامنة : ان شاء الله …

فؤاد “حط ايدو على حناكها الي كانو سخان كيتلمس فيهم طالع نازل بشوي حتى جاب ليها تبوريشة ” : شوقي ليك كيزيد نهار على نهار …

يامنة “عرفاتو لاش كيلمح ” : ههههه راك مريض …

فؤاد : غييير صحة كتخون مرة مرة …يكون خير …

يامنة : واااخا …ياسين سافر البارح …

فؤاد : مزيان انا الي وصيتو يتحرك من دابا انا مزيان معندو لاش يبقى هنا… يقضي غراضو ويرجع مرة مرة …

يامنة : داكشي …

فؤاد “خشا صباعو ورا قرفادتها وجرها قربها لوجهو حتى قربات لعندو وخطف بوسة من شفايفها حتى حشمات وحناكها تزنگو ” : امراة وراجلها اغزالي مكاين حداك تاحد باش تحشمي …

يامنة “عضات شفايفها وضارت شافت هنا وهنا لقات غالريح مكاين تا فرملية هههههه ” : وا فؤااااد …

فؤاد : درتي الولاد اعمارة داري وقربتي ديري لحفاد وباقي الحشمة هي الحشمة امتا بغات طير تانطير انا ؟

يامنة : هههههه الله يحفضك …غير خفت لا يكون شي حد …

بقات معاه كتهضر حتى شوي دخلات فرملية بلغتها باش تخرج غايدخل المختص يعاينو تاني ….

فهاد الوقيتة بالضبط ف فيلا رمسيس بازرو …وصل يوسف والياس ونجوى خلاو محمد الحبيب وصهيب الي داز لدارو الي في فاس (عندو برطمة صغيرة كيجي ليها الى كانت عندو قضية وغايضطر يبات في فاس ) ….دخلات نجوى والياس طلعو لبيتهم يبدلو ويرتاحو ويوسف ضار لجردة لقا نوار واشرف جالسين ومعاهم مينة ….

يوسف : مينة مخداماش ،

مينة : بابا يهديك الله راه ليوم سبت …

يوسف : ااه نسيييت …”تلاح جلس حدا نوار وخشها فيه ” ههههههه مالك

نوار”ضرباتو لكرشو بضحك تا تزوا هكا مولفة معاه ” : انا كنهبل فالليل ؟

يوسف : هبييييلة فحال بوك …اري داك راس نبوسو ابنتي …

بداو يضحكو حتى تم جاي العساس ووقف على يوسف …

العساس : سي يوسف واحد البنت جات كتسول على سي ياسي …

نوار “وقفات بلا متشعر ” : شكون هادي

يوسف “ناض شاف فنوار وشاف فالعساس ” : شكون ؟

العساس : قالت كتسول عليه ووراتني ورقة فيها هاد العنوان قالت جايا من لهيه فين كان الميريكان …

مشا يوسف وتبعاتو نوار وتا اشرف تاهو بغا يبرگك وتااا مينة هههههه حتى وقفو عند الباب لقاو بنت طويلة شوي لابسة دجين سليم فوق الكعبة فزرق و وقبية موڤ جامعة شعرها ذيل حصان …حنطية اللون زوينة بزاف فمها زوين ومنفوخ وعينيها مابين بني واسود ومشفرين وحجبانها مقادة ليهم فورمة ماشي بزاف غي شوي …دايرة صاكادو وجارا فاليز ديالها …غزااالة ….

يوسف”بالانجليزية يحساب ليه من تما : شنو خاصك ابنتي …

هي”هضرات بدارجة ” : سلاام عليكم …ياك دار رمسيس ؟

يوسف : هي هادي قاليا كتسولي على ياسين …

هي : يييس انا اسميتي ناديا مغربية بنت كازا …وكنت مع ياسين كنديرو تريپ فالجبال مع شي دراري …كنصوني عليه كيقطع يمكن مع بدلت رقمي معرفنيش جيت لمغريب وجيت لهنا على حسب العنوان الي خذيت من عند واحد الولد صاحبو اسميتو اركان …

يوسف : هادي هي دارهم لكن هو مكاينش هنا ابنتي غذا يقدر يجي …

ناديا : اوووه دوماج …

اشرف “طلعها وهبطها كانت بوكووووصة بجهد كان واقف حدا نوار ومينة ونطق بشوي ” : عوود البطل ملفوف وانا لسا يااما هشوف …اااح على زين نشهد زووور على قبلو …

ضارت نوار طلقات فيه واحد تخنزيرة وضارت طلعاتها وهبطتها …. ….

والصم🦋🐺نور_الياسين (69)sana mina🐺

🦋

من بعد ماكانت الطريق طويلة …مشواره معاه عاد بدا ورحلة العلاج الي اختار ليه الطبيب النفسي والمتخص انها تكون بعيدة على الضجة وكاع المسببات الي تخليه يتفكر الادمان ويشتاق ليه ورغبة تزيد تاجج فيه …في جو طبيعي بيو … يساعد في تحسين النفسية وهادي من بعض الطرق الي كتساعد فاعلاج وعي النفسية اول حاجة عاد التخلص من السموم الي فالدم ومسببها الادمان …

حطو فوق السرير منو لارض مكاااينش حس الحديدة او اي حاجة الي تخليه يآذي نفسه بيها …كان باقي مفاقش من تاثير المنوم الي عطاه …هو كان كوري من قبل خاوي واستغلو جهزو حيث بعيد شوي جا لوور فالفيرما وصل ليه بسيارة باش لكان شي مشكيل ميتسمعش وبعيد على صداع العباد الي تم والخدامة …سد عليه ومشار ركب فالسيارة وضار جيهة الباب الكبير كلاكصونا شوي تم جاي واحد من الخدامة ( هما كيكونو خدامة منهم فلاحة مقابلين الارض الي مقابل الماس والبير والسقي والي مقابل البقر والكوريات الي فيهم البهايم كلها

والخماسة والرباعة هما الي مقابلين هاد كوريات وكيشطبوهم وينقيوهم ومنهم الي كيرعاو البهايم كيخرجو الخرفان والماعز يسرحو شي مرات برا وشي مرات كيبقاو تما ويعطيوهم الماكلة …وثاني الي كيقابلو شجر الزيتون والي كيحلبو البقر شي كيمشي لدار لداخل وشي كيمشي لدار الحليب يعني فيرما مجهزها كاملة جو تنسا فيه هم المدينة وميجي منها وثلوث بيئتها …..الخ..)

واحد من الخدامة غير بانت ليه طوموبيلة وشافو تم جاي كيجري فرحااان ويضحك اسمو سالم …

سالم “حل ليه الباب الكبير حتى دخل بطوموبيل ” : وتااا فحم العينين هذا ولا ؟ ( كيقولوها ليه من صغرو )

ياسين : والى بغيتي اسي سالم “عنكش ليه طاقيتو ” شرفتي …

سالم : الا يا باقي ندك وندردك قاليك هبط هبط نسلمو عليك …وغييييبة سنين هادي ياا ولدي جيتي ديك المرة نهااار ومشيتي مقلبتي …

ياسين “دخل طموبيل وقفها وخرج منها سلم عليه ” : امورك مزيانة …

سالم : الحمدووو الله اولدي …

ياسين “هز راسو كيشوف فالاجواء وشاف جيهة دار …شير بصبعو ناحيتها ” : با لداخل (جدو كيقوليه بَّا )

سالم : وضهر ليا مااكاينش هاد النوبة (المرة ) مشا جيهة دار الحليب دفع ليهم الحليب ديال صباح …

ياسين : مزيااان …انا لداخل “لاح ليه الكونطاكت ” دي طوموبيل بلاصتها لور هبط ليا دوك الفاليز الي فالكوف انا نطلعهم وديها ومتقوليه والو راني جيت وصي الدراري …”

سالم “داير ايديه وراه لابس تيشرت گرونة مطبع بالغيس شي ناشف شي فازگ وسروال سورفيت كحل خاشي رجليه فبوط كحل ديال ميكة ” : وتا بغيتي تفاجؤ ولا ههههه

ياسين : الى عاونتوني وبغا الله …

سالم : انهبط ليك داكشي ونديها راه هادي هي رجلو نيييت …

هبط ليه الفاليز دخلهم ياسين لداخل حتى لقا سارة تما …

ياسين : الخالة هنا نتي

سارة “مرت صهيب حيث كيف قلت مشات لدارهم الي هي نيت فهاد دوار “: هههه جيتي ..كيف بقا باك قاليا صهيب داز منها

ياسين : بزاف الحمد لله …

سارة : الحمد لله …انا بقيت هنا شفت با تاهو عيان شوي …وجيت نطيب لغذا ل با مصطفى كانت كطيب ليه غا زهور ساعاك من جيت انا تكلفت بيه

ياسين : لهلا يخطيك الخالة هي واجد الغذا …

سارة : واحد طاجين ديال لخضرة وشلايض من الي عزاز على قلبك …

ياسين : الله يعطيك صحة …انا طالع دابا متقولي ليه والو حتى نهبط عندو …

سارة : سير واخا …

طلع هو لفوق حط حوايجو ودخل لدوش الي تما شعل شوفو وطلق الما حتى سخن دوش مزيان ريح عضامو من تعب يومين بلا نعاس ومشقة طريق والي وقع بااز لداك راس اش خازن واش متحمل وضغط الي غايمر بيه من بعد ومكيبينش …كمل دوش وخرج نشف حالتو لبس تيشرت اورنج مكتوب بالاسود و شورط ديالو نيت لبس تقاشر وسبرديلا …شعل تيليفون ودوز الاتصال لمو سول على احوال باه الي لحد الان مزال تا خطر مكاين ومزال طبعا فالانعاش ….هبط لتحت ومشا لكوزينة هز مقراج ديال لما عمرو ودارو فوق البوطة يطيب …وخرج قدام الباب جبد گارو شعلو بدا يكمي #تتمة_البارت

بات يامنة الي زمان بان فيه وخا هكاك مزال شاد فراسو لانه فاش تزوجات يامنة وولدات ياسين كان مزال صغير ويامنة بنت سطاش لعام يعني باقي شاد فراسو شوي ومع رجال العروبية كيبقاو شادين فراسهم …لابس جلابية مخزانية فالبيج خفيفة بحكم الحرارة بدات كتسخن دخل شهر يونيو…داير ترازة فوق راسو ( شاپو ديال خيوط لقصب ) حاجب عليه شمس

ياسين لاح الكارو عسف عليه وهزو لاحو فزبل تما وربع ايديه كيشوووف فيه جاي خاشي ايديه فجياب جلابة ويعيط لهذا وداك …

مصطفى : واااااا سالم وتا سير كحش داك زبل من ذاك الكور راه عمر وتا ش ساير تبسط ليا تما (كحش هي شطب ولا كحز ) …يااا لعيادو بالله من هاد صنعة الي فيه …

تم داخل حتى تمات جايا فانيدة تعيط ليه بالغوات

فنيدة : وااااا الحاج مصطفى وتا صبر اااا الحاج

مصطفى : ياا هاد المراة تي كوني تحشمي راكي جوجتي بناتك ودارو الولاد …تي مالك فهاد القاعيدة …

فنيدة : وا هههههه واا الحاج جيت غا نشوف ياسين تا مفراسكش راه جا

مصطفى : اييه فراسي راه عند بنتي لهيه عند مو في فاس

فنيدة : وااااا لااااو وتا راه هنااا

ياسين “كمش عينيه وعض شفايفووو ضيعات عليه المفاجئة لااا بل شوطاااتها ” : بففففف 🦋🐺نور_الياسين (70)sana mina🐺

🦋

ضربات ليه فنيدة كلشي فزيرو كان باغي يفاجؤ صدق هو متفاجئ ….

مصطفى : واايلي امتا جا …

ياسين ” حتى وقف عليه ” : هانتا تشوف ا با

مصطفى “شرع عينيه ” : الله الله على ولدي …

تلاح عليه ياسين عنقو وباس ليه راسو …

مصطفى : وعلى سلامتك تقبتي الغيبة ( زعما كسرتي الغيبة الي طولتي ) طولتي عليا اولدي طولتي عليا …

ياسين : هاني جيت هاد ساعة معندي عليك لين …

فنيدة : تا متسلمش على ميمتك ولا نسيتي …

ياسين “مشا ليها باس على راسها ” : حااشا اميمتي …اموركم هانيا ؟

فنيدة : وهاانية ولدي ومتهنى تنشوفوك بدارك وداگ وتادك اولدي وباني خيمتك ومضور بيك ولادك …

ياسين : هادشي مزال عليه الحال …

فنيدة : سقيت عيني بشوفتك اولدي نمشي نخلط ليك الحلوة الي كتعجبك جابني غالوحش اميمتي جيهتك على سلامتك اولدي …هادشي مزال ندويو فيه من بعد …مزاالني ناوية نخطب ليك بايييذي …

مصطفى : وتي سيري لدارك ياهاد المراة ونااابي ليا على سي علي ( عيطي ل علي راجلها )

مشات كانت امراة غليضة لونها قريب لاسمر وعينيها قهويين شعرها من تحت زيف حمر بالحنة … لابسة بيجامة غوز وخاشية رجليها فبوط خضر …اما مصطفى دخل معنقو ياسين …

دخلو كوزينة لقا الما طاب هزو مصطفى وعمر ليه اتاي بنفسو كيف مولف ياسين معاه …

ياسين : فين وصلت الوقت هنا

مصطفى : و ولدي راه كلشي كيوصلك فتيليفون وكلشي شفتيه بتعياط فيديو

ياسين : نيشان حسن من تيليفون ا با …نرتاح ونشوف طبيب الي غايجي على اسامة ونتيسر معاك شحال هادي منزلت لارض راسي

مصطفى : سديتي عليه ولا

ياسين : وبعلمك غانجيبو ونسد عليه ياك نتا صايبتي البيت. راسك …

مصطفى : والله يجيب ليه شيفا كان غايضيع راسو درتي مزية توگضتي ليه …انا معاك

ياسين : غايجيو شي جوج رجال من عند الوليد يبقاو قدام الباب عندو غانطلع اليلة ثاني لفاس غذا صباح نكون تما نشوف الوليد كي بقا ونرجع …

مصطفى : وعليه …

دخلات فانيدة على بنتها الي بقات باقي ممزوجاش عندها سطاش لعام …لقاتها كدق فالعشوب ديال لحنا الي كيديرو لراسهم ولحمهم …

فنيدة : شططتيهم ولا مزال (غربلتيهم )

مريم : هااني امي درت سرغينة والورد وريحان والخزامى والشيح (كيديروهم مع الحنا لشعرهم ولا لحمهم ) باقي غاا اداد ( اداد كيدار لشعر صافي حيث عشبة مسمومة ) …وتي باغا تخلطي ليه الحلوة ؟

فنيدة : ايييه ريشبوند فين ديك قرعة ما زهر والكوفيتير والكوك باقين ولا نابي على وردة تجيبهم من الحانوت …

مريم : كلشي موجود امي الي خاصك انا نجيبو … ناوية تجوجيه ولا ههههه كاع هذا وحش ليه امي بناتك متوحشيهم كي فحم العينين …

فنيدة : وراه صاحب الغالي خوك …راه كبر عندي تانا مالي النهار المبارك الي يديني نخطب ليه الي توگض ليه الوتد “شدت مرفق ايدها وعطاتها فحال ساري كول هاهو ) قد هاااك

مريم : اويلي حي تي فين شتيه …

فنيدة : وراه تگضيرتو باينة فحوليتو …الفحل …هذااك راه يبيتها تلوى وتجذب …

مريم : مي صافي هههههههههه

فنيدة : ايييوى الي تبعت القلوة تبات تلوى …يجيبها عروسة نوصيها فبيتها فدار …انا نعرفو ميصبرش ليها نفسو ضيقة وعكسي …

مريم : وتي فوتي دري يااا مي تاينوي ووصي العروسة …وخا العروسة غاتكون عندها امها الي تعلمها وتفقها وكان …

فنيدة : ندير ايدي تانا راني فحال ميمتو النهار الكبير ا🦋🐺نور_الياسين (71)sana mina🐺

🦋

وقفات بفاليز ديالها كبيرة وصاكادو فكتفها …هازا لفون من بعد ما سولات عليه …

يوسف : وابنتي اش نقوليك هو مشا بكرييي لفين ساكن في الاصل

ناديا : اووو فالعروبية عند جدو يااك

نوار “نقزت ” : باش عرفتيها ؟

ناديا : ههههه هو صراحة عرفتها غير من اركان ياسين مكايعاودش …

نوار : مكيعاودش لناس الي مكيعرفهمش …

يوسف : نوااار !! ياك لباس …

نوار : هاا و والو ا قلت …”تكمشت حدا اشرف “

اشرف : غاتفرشي راااسك اديك الخانزة …

نوار : اسكت انتا سككت واااخا على مك …

ناديا : هههه اكيد هو متكتم …دوماج انا ماشي بنت هنا دارنا فكازا واش كاين شي اوطيل هنا نبقا فيه حتى يجي ؟

يوسف “بقا شحال كيفكر ” : واخا بنتي دخلي بعدا نهضر معاه ويكون خير

ناديا : غيير سمح ليا عمي مبغيتش نبرزطكم وريني غي شي اوطيل انا غير نشوفو. ونطلع لكازا لدارنا …

يوسف : يا بنتي غير دخلي ضيافة النبي بعدا ولكل حادث حديث مدام بدلتي نمرتك مغاديش يجاوبك فجديدة نهضرو معاه ويكون خير …

ناديا “جمعات فمها بقات كتفكر حشمات دخل عندهم ولا ابتاسمت وجرات لفاليز ودخلات تبعات يوسف ودازت من حدا مينة ونوار واشرف “

اشرف : ينعل جدر مي انا على هاد صفايح الزبدة السايحة اوووووو كرشييييي ويحرق لمك جدود نتي وسييييري راه غاتنوضي لخز نتي “نوار زواتو لكرشو خلاها تا مشات تبعتهم ” انا بغيتو يتزوج بيها وتموتي نتي بالفقصة كي زوينين ا فاااااكيو

جلسو فوق فوطويات الي تما فديك الجليسة …جلسات مينة حدا باها ونوار تاهي واشرف جلس حداها هههه

يوسف “كيتاصل كيلقا تيليفونو طافي ” : طافيه …

ناديا : بغيت نرسل ليه ميساج ومبقيتش رسلتو غير كنتاصل وتدهيت كانو عندي شي مشاكل فالقنصلية على حساب وراقي حتى حليت المشكيل …

يوسف : على سلامتك ابنتي …

ناديا : وخا تشوف ليا اوطيل ؟

يوسف : بلاتي نعيط ليهم نسول …”عيط لواحد صاحبو يعطيه الاخبار لكن مع الاسف ” …تت قاليك كلهم عامرين دابا وباش تشوفي في فاس تاهما عامرين مع صيف دابا وكاين موسم حب الملوك شي هنا شي ف صفرو وشي ف فاس

ناديا : بصح الموسم كاين ؟ واااو على صدفة ؟

يوسف : وي كيكون بين نهاية شهر ماي حتى ل شهر يوليو …هاد الايام كيوجدو ل داك العجب ديال ملكة جمال حب الملوك …

ناديا : اذن معندي مندير غادي نضطر ناخذ ساتيام لكازا …

مينة : اوو بابا الساتيام اخر واحد كيخرج فصباح الي كيمشي لكازا …

يوسف : علاش غاتمشي لكازا ونتي بغيتي تشوفيه

ناديا : غير يكون جاي قولها ليا نجي …

يوسف : قنعي من واليديك بعدا هذاك راه معندوش خط مقادابنتي …

مينة : تقدر تبقى هنا ا بابا تبقى كاينة انا ونوار بنات هنا كنضن كون كان عمو فواد غايقوليك ضيافة نبي ثلاث ايام وهي بنت متشنشطش هنا معارفة تاحد …

يوسف : والله ابنتي الى مرحبا بيها الى بغات راكي من سهم بناتي …

ناديا : عاارفة الي كاين …

مينة : اجي نعاونك طلعي لبيتي رتاحي فيه بعدا من السفر …

ناضت معاها وتبعها اشرف ونوار هههههه ..اشرف هز لفاليز ونوار تابعاهم وتعرج مسكينة وطلع وتهبط فيها فورمتها قتالة بنت الهم كل طرف فبلاصتو كتقارن راسها هي الي طبيعية فورمتها زوينة المميز فنوار سيقانها زوينين ومبيطبطين ورجيلاتها صغار وخا مربوعة القد ماشي قصيرة …شعر ناديا قوي وشعر نوار ناعم مطويلش بزاف تحت الكتاف بشوي …

وصلات معاها ل بيت مينة

مينة : ها الدوش هنا وها فين تبدلي غيير رتاحي اختي نتي عابر سبيل دابا ماشي اخلاقنا نخليو بنت بوحدها فبلاصة برانية

ناديا : لهلا يخطيك اختي سمحو ليا بزاااف على تبرزيط

نوار : هااانيا اختي …

مينة : يلاه نخليوك بدلي والى بغيتي هاحنا لتحت ……دخل اشرف لفاليز وخرجو بثلاثة ….

نوار : هااا الخاااانز …براكة برااكة راه مغاتشوووفش فيك …ونتي عاااد بانت ليك صواب ؟

مينة : نواااار سكتي حسن ليك …

نوار : نواااار نوااااار …اش جات دير لاش بغاتو

اشرف : ياااا ختي بغاتو مااالها جات تقلب على رزقها برجليها تبعااتو وقطعات ستميااات بحر تال هنا على ودو …كية مك انتيييي ا زبدة الرايبة الخاسرة الساااااكتة الميتة …نعل جذر والديك كتسنايه يطيح فيك غا لله فسبيل الله …تسناي لفجلة تجوجو ليك

ولا شتي اشنو …ديري ليه قانون الجذب نعسي وفكري فيه وطلبي يجيك ع🦋🐺نور_الياسين (72)sana mina🐺

🦋

كيدوز الوقت والساعات حتى كيوصل ليل ويبانو احداث ولا ميبانوش حتى يصبح صباح ثاني و كلشي مع تيسير الله …استقبلو الضيفة بترحيب كيف مولفين ناس الجود والكرم وحاجتهم ما ديالهم …دارو ليها عشا معتبر حضر صهيب و الياس ومرتو اما محمد الحبيب ويامنة بقاو في فاس حتى يجيو مع فؤاد فور ما تحسن حالتو …ايساف وراوية ونجود حتى هما جاو لفيلا بحكم كاينة ضيفة مبغاوش يخليو بنات بوحدهم اما يسرى من فاس مشات لكلينيك تشوف واجبها المهني حتى تسالي وترجع عند بناتها وراجلها ….

ايلاف بقا في فاس حدا صاحبو طبعا الجدير بالذكر هنا فؤاد… الرفقة تاع بصح …مكيخطاهش وديما مع بعضياتهم فقط الى سافر واحد فيهم …تعشاو مجموعين وطلع كل واحد ينعس فبلاصتو وضيفة فبيت مينة …

شرقات شمس يوم جديد حاملة معاها احداث جديدة ممكن تكون منها الزينة ومنها الخايبة …نوار هاد الايام ريحات دماغها من القراية باش توجد راسها لامتحان الي غايكون الاسبوع المقبل …

تقرييبا العشرة تاع صباح مشاو دراري لخداميهم فصباح كيف العادة …بدلات حوايجها وخرجات من بيت مينة عاد فايقة من نعاس …تمشات حتى وصلات لبيت …تفكرات مينة وراتو ليها فاش كانت طالعة تنعس بقات سهرانة حتى لاش من وقت مقابلة لابتوب ديالها وخدمتها حتى بغا يصبح الحال عاد نعسات …ضارت جيهة بيتو وبدون خجل ولا استحياء وصلات وحلاتو وهي دخل سدت الباب موراها ….

ناديا : بيتو غزااال …”بان ليها لماريو دوزات الباب بسكة حتى حلاتو ولقات تستيفة قواج وكومبليات …دوزت عليهم بايدها …سداتو ومشات لكوافوز قشعات ريحته محطوطة تما هزتها ورشات منها تحت مرفق ايدها …شمشمتها حتى غمضات عينيها ” …ريييحتك الي كتسلبني اياسيييين …شخصيتك عصبيتك الهيبة الي فيك …بسبابك تنورات حياتي حتى وليتي النور ديالها …شحااال توحشتك شحااال …

شافت فالمراية وهي دير صبعها فعينيها حيدات العدسات ديال شوف …

ناديا “حيدات العدسات من عينيها الي اختارتهم بنيين ديما او اغلب الاحيان كديرهم بالوان غامقة مرة اسود مرة بنيين كتغيير وصافي ….وبان لونهم الحقيقي عسليين حتى قربو يخضارو …شافت راسها فالمراية وطلقات شعرها …دوزات بصباعها عليه ونطقات ” …: انا هي شهلة العياني الي كتمنى تزوج بيها “قصدات هنا الوصف ” …سمعتك ونتا كتقول هاد الوصف ل اركان …”تنهدات “على ربي نتجمعو انا وياك تحت سقف واحد فاقرب وقت …

وهادشي كامل كتقول فيه مرداتش لبال ل هاديك الي واقفة كتسمع وتشوف فيها …دموعها دازو شلااال حسات بقلبها تقسم وكرشها تزوات حست بذبحة فصدرها وضو ضرب ليها فعينيها حريييق كاتم ليها صدرها …حتى ضارت وتمات غاديا وشادة فالحايط وتعرج ملابساش تاحاجة فرجليها هكاك ب بيجامتها حمرة عند ركبة …

وصلات لضورة ديال بيتها وهي تنهار مقدراتش تصبر عضات فكمامتها كاتمة البكية ودموعها نازلين بغاات تغوت مقدراتش تفكرات هضرة ختها بالي متحلمش يكون ليها فيقي من الاحلام وعيشي الواقع ماشي كلشي بغيناه من نصيبنا …بقاي تعلقي حتى تفلقي …

مبقاتش قدرات وهي تنزل لارض وجلسات فواحد القنتة حدا بيتها ….

نوار : اهى امممممممنننننمن اهئ …وانا علاش اهى اهى علاش ميشوفش فيا انا …”وحدرات راسها وعينيها يقطرو بدموع حتى حست بشي ايد تحطت على شعرها عنكشاتو هزات راسها وهي طلع معاها ريحتو عاااد واصل من طريق ثاني …

ياسين : شكون هذا ؟؟؟

#تصبحن_عل🦋🐺نور_الياسين (73)sana mina🐺

🦋

شحال قاصحة انك تبني وتعلي فاحلامك وتحطي ساس الي هو الحب ولعشق على شخص من حليتي عينيك ونتي كيضحكو معاك بيه ويعطيوك فالوعود انك تقدري تكملي مسيرة العائلة وتكوني تانتي بنت عمو ومراتو تحت مبدأ خيرنا ميديه غيرنا لاااا وماشي اي واحد الفرد الكبير فالدار الساس الثاني من بعد الاب وزيد فاش تعرفي عليه بشخصيتو قد ماهي غامضة قد ما هي عكسية قد ماهي عصبية بجهد قد ماهي حنينة بجهد …جيه غير لنيشان وتقادي مع طريق يهزك فوق راسو تعكسي يتعكس معاك بدوبل ….نوار ماشي غير بغاتو بل زادت عشقاتو وبدات غيرتها تبان مع ضهور ناديا الشخصية الي تاهي عندها اعجاب بياسين وكتبغيه حتى هي وحتى هي علقات عليه امال بمجرد انه عاوفنها فاحد الايام …شنو مصير هاد جوجات معاه وفي شنو كايفكر ياسين رمسيس الغامض الافكار الي كيبانو غييير فافعالو …ممكن يبين ليك اش غايدير ولكن فاش كيطبق كيكون العكس تمااااما الي ميطيحش ليك على بالك هادي هي شخصيتو غاامضة لدرجة تخافي تفكري فاش كيفكر ويصدق العكس هههههه

ياسين “عنكش ليها شعرها من شافها فديك الحالة جالسة وحادرة راسها ….تقطع القلب وخا مفهمش مالها حدو سمع اخر جوج كلمات قالت ” : شكون هذا ؟؟

نوار “قلبها تهز تال سما وتحط بالخلعة وبقربو ليها وبصدمة وانه ممكن سمعها ماعرفت اش دير بقات حادرة راسها والتازمات صمت …ااااش غاتقول ؟؟”

ياسين : شش نوار هزي راسك وشوفي فيا …شنو واقع مالك علاش كتبكي ؟

نوار “عضات شفايفها وباقي صاقلة قلبها بغا يسكت حتى وجهها تسقط منو دم دموعها مبقاوش كيطيحو ” …

ياسين : نوار مغاديش نعاود هضرتي …شنوو واقع شكون هذا الي علاش غادي يشوف فيك ؟

نوار “الصمت ” حتى جهد صوته وهي طير وتنزل …

ياسين : نوااااااار …

نوار : مم و وتا ت…

جات تجاوبو حتى هز راسو وبانت ليه ناديا جايا تمختر وضحكة باينة ليها ضرستها الي لور …عينيها تسدو ووخدودها تزنگو فاش شافتو ….وقلبها ضرب معارفاش ردة فعلو كيفاش غاتكون….

ناديا : ياااسيييييين على سلامتك …

ياسين “شرع عينيه صدماتو متوقعش ولا طاح فبالو يجي عندو ضيف لاااا وهي بذاتها لعندو وف قلب دارهم ” : ناديا !!!!!

ناديا : yeeeep …i miss you so much

مدات ليه ايدها

ياسين “خلاها بلاكة ومد ايدو لنوار نوضها ” : وخا موقع باس …اجي معايا دخلي لبسي فرجليك وهبطي لتحت معاهم ….”نوضها حادرة راسها دماغها طنطن بغات غاتسلك راسها من هاد الحصلة …سبقاتو لبيت كتزرب وتعرج وقرب حدا ناديا شوييي باش تسمعو ” تحركي من هنا نقطع ايدي من رحمة الله …

ناديا : و وخا هاني نتسنى “صرطات ريقها “

مشا مع نوار لبسات بانطوفتها ميديكال ديالها قادت ليها ميزان رجليها وخرجات قدامو تاكد تا هبطات عاد مشا لناديا …

ياسين : تبعيني من هنا نتي

مشات وراه وداز من دروج الي كيهبطو لجردة من لور نوار مسكينة مشات بلهلا يطريه ليها غاديا وتمسح فدموعها حتى ضارت لدوش لي لتحت ودخلات تغسل وجهها باش ميشوفها حد كتبكي اختها مشات لفاس هي وباها وصهيب لخدمتهم الياس تاهو مشا معاهم لخدمة وخا شاد فرع فالمانيا ضروري يكون حاضر فهاد الفرع حيث عندو اسهم ….غسلات ومشات لجردة وشدات تيليفونها دارت لكيت وتكات فوق فوطوي حتى جا حداها اشرف ….

اشرف : رابحة الحولة مال عي🦋🐺نور_الياسين (74)sana mina🐺

🦋

راوية باتت معاهم اما ايساف مشا لدارهم بات تما وصباح داز عند محمد الحبيب مشاو بجوج لخدمة ايساف والحبيب اصحاب من صغر فحال شكل يوسف وصهيب ….راوية ونجوى داخلين لداخل …اما نوار بقات فجردة لقات ديك الجليسة خاوية وتكات دايرة لكيت كتسمع وقلبها باقي يضرب كتفكر لو زادت هضرات وتعمقات كان ممكن يسمعها ويعرف عليه هو ؟ بمجرد تفكر انها كانت غاتحصل ضبابة كتولي على عينيها …حمدات الله من قاليها موقع باس يعني عطاها امل انه مسمعش ….ولكن حتى لين ؟ حتى لين مغايعرفش ؟ فكرات فهضرة اشرف الي قاليها تحركي على رزقك كيف دارت هاديك خيتي كتجرب حضها …قارنات قوة

الشخصية ثاني هاد المرة ناديا شخصيتها قوية جريييئة وباغا دافع على حبها وجايا من بلدان لبلاد حتى لعندو وزاد كمل عليها الصفة الي ذكرات فيها وعاد عرفات انه كيقلب على وحدة بهاد صفات الي ذكرات ناديا …زعما ممكن هادو صفات الي بغا فشريكة حياتو ؟ ….ااااه حبك في قلبي من الصغر ومااايزول ….كلشي هادشي كتفكر فيه واشرف كيحرك فيها تا حيد لكيت وغوت حتى قفزات وهي تكمش فمها وغوبشات فيه

اشرف : واااا يعطيك دوووود فيييين عقلك ؟

نوار : اااااشنو ؟ بعد مني …

اشرف : الاااو …مال عينيك حمرين …

نوار : ممالهمش خلييييني …

اشرف : كنتي تبكي القشدة طرية …

نوار : سوووقك ؟

اشرف : اااه سوقي …نوار حتى ل امتا ؟ كتفرشي راسك قدامهم انوار …وغاتزيدي وغاتبان من طيارة هذا الى مكانش عارف هو ….

نوار : مكاين والو …غا خليني …

اشرف : من الي عقلنا وحنا عارفينك لا انا لا مينة لا عمتي راوية فاش عينك …نوار ختي غانصحك بغيتيه جربي حضك وجري على رزقك (جري على رزقك زعما متفلتيش رزقك) ….توگضي على راسك تاحاجة مكتجي غااا هكاك ….ولا الى مكاين والو خليه لهاديك الي جات

وحتى الى مكانتش ليه غاتجي وحدة اخرى وسيري غني وردة على وردة قالو ماذا جرى …

نوار “الصمت جاتها البكية غير كتسمع انه ممكن يبغي هاديك الي جات كيهبطو دموعها ” : اهى اهى ….

اشرف : هااا عيشة دميعة بدات “حط ايديه على راسو ” …واش غاتبقاي تبكي ؟ دابا يشوفك ويسولك مالك قولي ليه كنخمل وجهي ….غادي غاا نصحك البكا مغايدير ليك والو …مسحي دموعك وديري اش غانقوليك

نوار : ااشنو ؟

اشرف : نووضي غسلي وجهك ولا لوحي راسك فلابيسين وخرجي نشفي راسك

نوار : مكتقاداش من طنز …بناااقص من نصيحتك

اشرف : ههههه اكنضحك …نوضي غسلي وجهك ودخلي لكوزينة عاوني نجوى والبنات وديرو شي طاجين من الي كيعجبو قاليك اقرب طريق لقلب رجل معدتو …

نوار : مكنعرفش نطيب بزاف …

اشرف : ياك كتعرفي ديري بغرير مسمن تقلي البيض راه عندك لاباز زيدي تعمقي دخلي ديري لينا واحد قصرية كسكسو وكتري لحم …

نوار : معرفتش علاش باغيني نضرب طريق لقلبك انتا ماشي هو …

اشرف : وراني انا لفقيه ديالك لا بغيتي ضربي ليه ضربة تايهتهت بيك …”ضرباتو بمخدة على غلة لوجهو تا بانو ليه نجوم ” اححح الله يحرق لمك طاسيلة …انا الي قحب كنوري فيك سيري غ🦋🐺نور_الياسين (75)sana mina🐺

🦋

في هاد الاثناء وقف جيهة فين كاين البير ووقفات حداه حادرة راسها وكتكمش فصباعها الي عرقو بالتوثر عارفاه اش كيسوى ورغم ذلك جات …

ياسين : شنو جيتي ديري هنا ؟

ناديا : غي هبطت فمطار فاس وجيت سولت فيك …

ياسين : عليا هاد الهضرة ؟ على قلة المطارات فالبلاد ؟ كازا ما فيهاش المطار.؟

ناديا “الصمت “

ياسين : لنفرض جيتي لفاس ملقيتينيش رجعي ضربي دورة لداركم ابنت ناس ماشي تباتي فدار ماليها وسط العزارا بلا حشمة بلا حيا …رجعي فحالك …سبقي واليديك ابنت ناس متسبقينيش انا …

ناديا : والله حتى بغيت نرجع وملقيتش المركوب قالت ليا بنت عمك بالي اخر كار خرج صباح واضطريت نبات وملقيتش لوطيلات فين نبات حيث كاين شي موسم قاليا ودنيا عامرة …

ياسين : كاااين تراااان ابنت ناس كاين تران اخر واحد كيسالي مع الوحدة ديال ليل ….

ناديا : مكاينش فاش نمشي لفاس

ياسين : عطا الله الي يديك عمي نييت يديك على راس والعين ماشي عادتنا واخلاقنا نخليو بنات ناس فبلاصة برانيين عليها ومنعاونوهمش …

ناديا “الصمت “

ياسين : اش مدخلك لبيتي ؟

ناديا “خرجات عينيها ” : ا اشمن ب بيت ؟

ياسين : ااااااااش دخلك لبيتي ؟ هااا اش هاد فعايل بنات زنقة ؟ بيتي الوليدة ماكتوصل ليه فما بالك نتي ؟ اااا ااااش دخلك ؟

ناديا : غ غير …

ياسين : مبغيتش نمد عليك ايدي ومبغيتش نفكرك شكون نتي …كتبقاي بنت كتبقاااي بنت …عندك غذا فصباح تحركي ابنت ناس لداركم معندك ماديري هنا …معندك بيا غراض انا غا ولد ناس عاونتك فوقت كنتي محتاجة وفبلاد الغربة وخرجتك من الضلام لنور ….

ناديا : ولكن اياسين عارفني بغيتك ومغاديش نتخلى عليك اهى اهى علاش كتعذبني وتفكرني بانني كنت مدمنة واحد الوقت ؟ علاش الي تابو ممن حقهمش يشدو طريق ويديرو دارهم مع الي بغاو ؟ هاني انا ياك بغيتي بنت شهلة العياني …

ياسين “وقفها بايدو وخنزر فيها وااحد تخنزيرة ” : شكون قاليك هاد الوصف ؟

ناديا : س سمعت اركان كيهضر معاك فاش كان هضر معاك ابيل فيديو فاش كنتي فبوسطن (امريكا) وقاليك مزال ملقيتيش شهلة العياني وقلبت على معناها …قلتي ليه عينيها نخبيهم من الفتنة …ودرت العدسات على قبلك …ياسين انا نعيش معاك خدامة غير بقا معايا

ياسين : بنت الناس رجعي فحالك حسن ليك ولا تزيدي تعلقي فين تفلقي …كون بغيتك كون جيتك نيشان انا راسي منخليكش دلي راسك ليا …نصيحتي ليك ابنت الناس عزيها تعزك الحاجة الى مجات بمحبة ماتجي بالخاطر …رجعي فحالك ولا مغايعجبك حال وهاد المرة تشدي معايا ضد ايدي نمدهم عليك ..” طلعها وهبطها هكاك مزيرة ديك ترمة فال🦋🐺نور_الياسين (76)sana mina🐺

🦋

خلاها ومشا طلع من دروج لبيتو دخل بدل حوايجو وجمع شي حوايج تاني فالفاليز ديال خوه من بيتو …قادها وخرجها هبط لتحت مهبطها معاه داها لكوفر سيارة وسد عليها عاد مشا جيهة جردة كيقلب عليها بعينيه ملقاهاش لقا غير اشرف …

ياسين : فين نوار ؟

اشرف : نوار فالكوزينة اخويا ياسين نعيط ليها ؟

ياسين : تت غير بقا …

ضرب دورة ومشا دخل حتى دخل عليهم لكوزينة …لقا غير نجوى وراوية كيفورو ف الكسكسو ….طل عليها ملقاهاش بغا غير يسولها مالها قبيلة …ساعاك مبانتش ليه …

راوية : ولدي غاتغذا معانا ياك ؟

ياسين : ضروري غير متعطلوش …

نجوى : متخافش دغيا هنا وكان غير جلس برا رتاح ليك بعدا من تمارة الطريق …

راوية : نعمر ليك كاس اتاي ديالك ؟

ياسين : يعمر دارك اراوية انا برا …

راوية : وخا ولدي انا نعمرو ونجي نيت بغيت نجمع معاك شحال هادي مهضرت معاك …

غمض عينيه وحلهم ومشا خرج لجردة لقا اشرف دخل البلاصة لي فيها ياسين كيخويها اشرف ههههههه الخوف وميدير مسكين ….

عمرات ليه اتاي بالدكة صحراوية مشحر على حقو وطريقو …حطات ليه معاه شوية فقاص وريشبوند وحلوة غريبة ديال كاوكاو ووحدة ديال سميدة داكشي الي كيعجبو بلدي …هزات صينية وتبعتها واحد البنت من الخدامات الي كينضفو تما كيجيو مرة مرة …حطات معاها وجلسات راوية حداه كبات ليه اتاي وعطاتو لكاس ….

ياسين : لهلا يخطيك …”شعل الكارو “

راوية : ممكترش منو بزاف الكارو اولدي …

ياسين : الله يعفو علينا وكان …

راوية : اايوى شنو درتي مع اسامة

ياسين : داكشي الي فخبارك …كلفت بّا يحضيه هاد اليومين وكاينين شي رجال من عند الوليد حاضين البيت وطبيب كاين تما يبقى يمشي عندو من صباح لصباح يعالجو وطبيب نفسي يدخل عندو …يكون خير …

راوية : جيتي نتا نقدتيه نورتي ليه طريقو الله ينورك ويعطيك متمنى اولدي …الله يرضي عليك …

ياسين : بزز مني واجبي هذا …

راوية : ايوى ناوي تبقى هنا ديما …

ياسين : كنفكر… يكون خير …

راوية : ان شاء الله مزية درتيها فرحتي ميمتك دموعها على سبة وخديتي رضى باك خاص غاا تفرحنا بشي بنت ناس …

ياسين : داكشي بعيد عليه الحال الامور ممستقراش فحياتي خاصني بزاف …

#في مكتب الشركة جالس يوف فكرسي المكتب وقدامو صهيب والياس …

يوسف : شنو ندير ؟ غادي ترجع تاني تسول ؟

صهيب : عيط ليه سولو منضلمو حد تنسمعوهم بجوج …

الياس : ملي عطاتك الملف وجات برجليها ممعاونها حد انا حاس بيها كتهضر بصح …يخرج فؤاد يعدا من سبيطار وناخذو مشورته

يوسف : سيد مريض نزيدوه بهم تاني ؟

صهيب : وراها مطرطقة مطرطقة طرطق جد بوها موت وحدة الي كاينة …هضر مع الكلابي وسولو بعدا …

يوسف : وهي الي قالت بفمها برضاها …

الياس : تحلات ليه الي عطا ز…اعوذ بالله

صهيب : شور البغل فين سارح …

يوسف : مشكيييلة ياربي حاس بالمشاكيل جايين لهاد دار …

صهيب : دابا سوى برضاها ولا لا الى كان هو الي دار هاكا الواجب يسترها

الياس : تا اش غايستر هي بغات نضلمو دري كيبقى راجل عندو غريزتو وسكران من لفوق هادي مزال نتفاهموو عليها …راه معاقلش كاع …كون هربات ميوقع ليها والو

يوسف “متكي علكرسي كيتحرك بيه ” : وخا برضاها ولا لا الى بصح نسترو البنت …تانا راه عندي بناتي وشرفي وكون وقع ليهم هاكا غانبغيهم يتسترو …تانتا راك بولادك ومتبغيش لبنتك هادشي …الى هي بنت لحرام حنا ولاد ناس نديرو لخير فوجه ربي ماشي مع العبد …

صهيب : يرحم ليك الواليديييين …وديك ساعة يطلقها من بعد ويعطيها فلو🦋🐺نور_الياسين (77)sana mina🐺

🦋

وصل وقت الغذا ووجد الكسكسو الي كان على حقو وطريقو …عامر بالخضرة والحمص والبصلة معسلة …واللحم كان كسكسو بتفاية قصرية قدااش …

نجوى : الله يعطيك صحة انويويرة …

نوار : هههه مدرت والو انا غير قابلت البرمة

راوية : شفتك غا حتى بغيتي تحداگي معندك قراية ؟

نوار “مشات ليها حطت راسها حدارتو على كرشها وعنقتها ” : عميييتو راني بغيت نرتاح عييت بالحفاضة باقي يومين ويكون الامتحان ونتهنى بخطرة …

راوية : ووجدي لعام جاي الي باقي ليك وقراي وتوگضي لراااااسك …

نوار : وااااخااا …توحشت مامي …

راوية : نگغااا مومو …باغا دخل فواحد و عشرين عام وتتقولي مامي …مزينك …

نجوى : هههه خليها تقولها ليها حتى على خمسين غالله يطول العمر …

هزات راوية القصرية مكدسة ومقوبة (دايرة قبة عامرة زعمة ) …وداتها هزات نجوى صينية اللبن والكيسان

نجوى : نوار هزي معاك دوك المعيلقات ابنتي وتبعيني دغيا متعطليش راه ياسين غايبغي يمشي يشوف باه …

نوار : و بلاتي نحيد هادشي …تت واااخا …”حكات شعرها فوق زيف الي دايرة وهزات المعالق ومشات …

جات ناديا تاهي حادرة راسها جلسات معاهم بعيدة على ياسين الي حدر راسو مخنزر كون لقا ينطح ملتها تاترعف غاا حشم …

ياسين : غي نتوما الي كاينين ؟

راوية : ولدي لاخرين ميجيو من خداميهم تالعشية راك عارف …

ياسين : لا بغ…مزال كيهضر حتى هز عينيه فيها … جايا وتعرج لابسة بيجامة بدلتها ولبسات وحدة اخرى تموت على بيجامات حد ركبة خاصة فصيف وماااشي هاكا …لابسة طابلية شقا ودايرة زيف حياتي فوق راسها وشاداه بالعكفة هههه

اشرف “منخشش حدا راوية ” : هااا خالتي فاطنة جات …

نوار : عميتو ها لمعالق غانمشي نحيد هادو ونجي “لاحتهم بالخلعة تا تشتتو وضارت مشات كتزرب وتعرج غاديا وتخطوي ههههههه ” ….

راوية : هههههه شكون قاليها تجيب معالق …

نجوى : انا قلت ليها زربي على ياسين يتغذا باش ميتعطلش ههههههه

راوية : بشوية عليها غا تتحيد داكشي وتجي ملابساش بانطوقتها تاني كتخليها تدعقات مسكينة ….

ياسين : ماعليش موقع باس يلاه بسم الله …

ناديا : انا شفتها يحساب ليا الخدامة …

غااا نطقتها ضارت راوية ونجوى شافو فيها

اشرف “بشوي ” : عود البطل دابا تولي عود البصل حدك تم

ياسين “مشافش فيها خنزر واااحد تخنزيرة وهز صباعو الفك ديالو كيتحرك بعصبية ” : غاتغذاي نتي وتحركي فحالك …

راوية : اويلي حشومة البنت ضايفة

ياسين “خبط طابلة تا داحو الكيسان ديال لبن وتخوى عليه “

راوية : وخا صافي صافي مسح داك لبن بعدا …ناضت ناديا من بلاصتها ومشات دخلات …بغات تنوض راوية تعيط ليها …حتى وقفها ياسين

ياسين : جلسي تغذاي …

راوية : البنت ضايفة اولدي …

ياسين : دنيا مخلطة برجال هنا وهي بنت معندها مدير هنا …ماعليش غير🦋🐺نور_الياسين (78)sana mina🐺

🦋

جات نوار محيدة داكشي وجامعة شعرها حناكها حمرييين جايا وتلعب بفمها حتى جلست حدا نجوى وياسين لهيه كياكل مدا مجاب …حتى تغذاو وكمل …

راوية : هو هذاك عجبك …

ياسين : تبارك الله عليك …

نجوى : قول نواار الي طيباتو …

نوار : هاا ا لا ماش…

اشرف : سكتييي نتي متحشميش …نتي طيابك بنين …

راوية : هههه ايييه طيابها بنييين بنتي غييير لا بغات مزال دابا متديهاش فطياب تقابل قرايتها ومستقبلها طياب حالو ساهل …

ياسين : الله يعطيها صحة …مستقبلها هو لول وقرايتها …”ناض ساس سروالو الي عمر لبن وجيهة كرشو ” نمشي نغسل هادشي ونبدل قلقني …

مشا من حداهم وناضو هما كل فين مشات عيطو لبنت جمعات ديك طابلة اشرف طلع لبيتو يكمل حفاضتو حيث عندو الامتحان من ورا امتحان نوار باسبوعين يلاه يوجد ليه …نوار تاهي طلعات لفوق تجيب تيليفونها الي خلاتو تما فبيتها …اما ياسين طلع لبيتو

حيد دوك الحوايج الي تخوا عليهم لبن حيد كلشي بقا الله الله دخل تحت رشاشة ودوز عليه بصابون يحيد ريحة الحموضة تاع اللبن …فهاد الوقيتة دخلات هي اااه هي بلا حشمة بلا حيا رجعات تاني لبيتو من بعد ما شافتو دخل …عينيها منفوخين بالبكا ودموعها دايزين ..ياسين بالنسبة ليها داك شخص الي خرجها من ضلام لنور الي عاونها حتى وقفات على رجليها كان عندها اعجاب قبل الادمان

دابا وفاش عاونها وقاست ديك رجولة الحرشة ديالو على وسامته وقوة شخصيته ولات كتهبل عليه ياسين نور حياتها الي كانت ضلمة من بعد ما كانت مدمنة الشراب والنفحة فبلاد الغربة وبرياضة والعلاج الي عاونها فيهم تخطات هاد المرحلة وولات انسانة جديدة …سمعات صوت رشاشة ودخلات سدات الباب وهي تحيد حوايجها وتبعاتو لدوش لقاتو عاد خارج كايلوي عليه فوطة حتى وقفات عليه ….

ناديا “فخاطرها قالت الى مبغيتيش غاتزوج بيا بزز منك …قربات ليه خرج فيها عينيه من صدمة وجرأتها المقحبنة وتسلگيط مشافوووش فحياتو ولا يمكن حيث كيكون منعازل معاطيش وقت البنات بزاف معمرو طاح فهاد الموقف بصدمة لسانو تشل وتشوكا ” : شوووف معمرك لاحضتي زيني ؟ طايتي …قلبي الي بغاك ؟ هاااني نعطيك الي بغيتي نصبر معاك فينما كنتي عايش عااافاك اهى اهى …”

دارت صبعها فوذنها وهي طلقها بغوتة لربي الي خلقها ” وااااكنبغييييييييييك واععووو اهى اهى …حتى جاوها ربعة تصرفيقات لوجها تا بان ليها ضو وعاودها وحدين اخرين تا تزعزع راسها وجات لارض

ياسين “مشافش فيها كيهرب عينيه من جسمها ” عدووو ربك فهاد النهار منين تسلطتي عليا …مااااااااابغيييتش نمد ايدي عليك حيث مراة ولكن نتي جبتيها لراسك …تلاحي قودي عليا من هنا “غوت تا غمضت عينيها من صوته ” يلااااااه ….اعوذ بالله منك ومن امثالك …”عاود قبسها وغاا خفف حيث امراة اما تقبيستو قصح منها مشافت …” …غاتخرجي من هنا فحالك نخرج لقا كمارتك هنا متلومي غير راسك …تگاااااالعي عليا من هنا …”دفل فلارض قبسها تا غوتت ومنخرها دايز بدم ” لاح عليها واحد فوطة تما وناضت لواتها عليها مضناتش غايضربها وشوف راسها وجرأتها اش قالو …خرجات من البيت كتجري لاوية عليها فوطة حتى عطات بضهر وهي تقشعها نوار الي جايا هازا تيليفونو الي خلاه لتحت كيصوني …

نوار “بان ليها خارج لاوي عليه فوطة وكيحك فلحيتو طل على هاديك هاز حوايجها كان غادي يلوحهم ليها فوجهها ويجري عليها ولكن نوار فهمتها فشكل …حلات فمها حتى لاحت تيليفون الي كيصوني ” : ياااربي متعذبنيييش فقلبي ياااربي ….ياربي الى كنت غانتعذب غيير ديني عندك “عضات فشفايفها تا بغاو يطيرو باش متهبطش دموعها….

ياسين “سمع شي حاجة طاحت وضار جيهتها كان معصب حتى بانت ليه لاحت تيليفون “

نوار : سمح سمح ليا ….”ومشات كتجري تلوات ليها رجلها وهي تكركب مع دروج …

ياسين “خرج عينيه حتى شد راسو بين ايديه “: لا لا لاااااا ….

#تص🦋🐺نور_الياسين (79)sana mina🐺

🦋

يقدر العقل صور لينا حاجات اخرى غير الي حنا كنشوفوها …يقدر يصورها فشكل وهي فالاساس شكل اخور …يقدر الاحداث تجي عكسية وكنضلمو فيها اشخاص يقدر بصح تكون الي فكرنا فيه ولكن بطريقة وشكل اخور …لكن الي عمرنا منكذبوه ومتافقين عليه هو الاحساس بالحب والغيرة وحب الامتلاك الى كان ….

نوار ما ان رأته بديك الصورة هي خارجة غير عطاتها بضهر شافتها نوار مشافتش وجهها الي كان ملطخ بالدم من طرشات الي عطاها صحاح …مشافتهاش غاديا وتبكي ووجها مسقوط بالخلعة …شافت المنضر الي انا ونتوما وهي وكاع الي لاحضو هاديك المنضر غايقولو نفس الشيء وهر ناعس معاها ولا دارو علاقة ولااا غير ذلك ….شكون

يقوليها راه مدارو والو …وعلاااش يقولو ليها باشمن صفة خاصها تعرف ؟ كيبادلها نفس الشعور ؟ عارفها كتبغيه ؟ بيناتهم علاقة حب بيناتهم خطبة زواج ؟ مابيناتهم والو فقط انهم ولاد العمام لا غير ويمكن اختو صغيرة كيشوفها …ويمكن هادشي الي باغيه يكون ؟ يمكن شاك ؟ او حاس ؟ او مكذب ومباغيش يكون ….تاواحد فينا معارف داك الراس الغامض عندو اش فيه ….

بصدمة حلات فمها وعضات شفايفها باش تكتم دموعها باقصى ما يمكن مينزلوش وتفرش راسها لان الاحساس الي جاها حرقها وشواها فمها تلجم لكن احساسها فديم اللحضة هو الي نطق بما في قلبها وقال من تلقاء نفسو …

قالت ليه سمح ليا خانتها الكلمات وخانتها اللحضة وخانتها صحتها ورجلها حتى طاحت بغفلة وجات مكركبة من دروج …فلحضة بانت ليه تكركبات شد راسو بين ايديه وغوت …

ياسين : لا لا لا لااااااا ….مشا كيجري لاح حوايج هاديك خيتي وطار لعندها لحق عليها لدروج كيجري بفوطتو هكاك ملوية عليه متسوقش واش طيح ولا تفلت ههههه المهم فاش كيبان ليك شي حد طاح فديك اللحضة اش اوا بيتي تفكري فراسك ….

ملحق عليها حتى كانت طايحة وجات فالدرجة الاخيرة ( طيحتها وقعات فحال طيحت باها ف يامنة كان كيضربو فؤاد وخوات بيه ايدو وطاح الحاجة الي متشبه بوها حرام خخخ ) ….نزل كينقز ربعة درجات ثلاثة كل وفين رجلو مشات حتى لقاها رجل متنية ورجل مسرحة وهي مغيبة …

ياسين : نوار نوار …تت شييييت …”مقاسهاش مقرب ليها معلم فهاد الحوادث ميقيسش المصاب حتى تجي لومبيلونص وتكلف بيه تحسبا لاي عواقب ” نوار ….”غوت بحر جهدو عليهم ” فييييييييييييييييييينكم شي واحد يجيب ليا شقفي ولا عيطو لومبيلونص

جات راوية ونجوى واشرف تاهو هبط كيجري لقا نوار طايحة وياسين حداها عقلو خارج عليهم يعيطو لومبيلونص

راوية “شدات على صدرها مخرجة عينيها ” : مم م ماالها الله ياربي اش وقع ليها ….

ياسين : عيطي لومبيلونص برااااكة من الهضرة …شش نوار نوار كتسمعيني ….

نوار “لا مجيب وايدياتها وحدة على كرشها ولاخرا مسرحة وشعرها فوق وجهها غير ياسين بعدو باش يشوف وجهها ….مسكينة واحد دمعة بقات ليها فعينيها هبطات كتجرييييي من حناكها حتى لوذنيه🦋🐺نور_الياسين (80)sana mina🐺

🦋

نجوى عيطات دغيا حضرات عقلها ودوزات لومبيلونص الي من حسن الحض جاو دغيا طلع ياسين لبس تيشرت وشورط لقاهم غي تما عدا باش مكان هز كونطاكت وتيليفون لاح ساروت راوية وطلع معاها هو بنفسو فلومبيلونص …ركبوها فشاريو ودارو ليها سماطي حكموها و بانضة العنق وديال راس هادو كيديروهم فحالتها او في حالة طاحت من شي طابق او في حالة حادثة سير تحسبا لاي حاجة ممكن يكون كسر المهم من الاسعافات الاولية حتى ولو مكان والو …عاد طلعوها وزادو بيها تحت صفارة الانذار …خلا راوية ركبات حداها نجوى واشرف معاهم تاهو …غادية راوية وتولول

راوية : الله يابنيتي اش وقع مافهمتش …اش غانقول ليوسف يسرى ؟ اويييلي وهي عينيهم ياربي تلطف ياااربي

نجوى : معاها ياسين كوني هانية ان شاء الله خير متسبقيش الاحداث الخايبة اراوية راكي بعقلك

راوية : واش بقا ليا شي عقل ياربي اهى اهى البنية فديك طيحة راه قطعات ليا قلبي

اشرف : باينة غفلتها رجلها …ديما كنقوليها متنسايش صباطك وهي غاتخرج بالحفا …

نجوى : مسكينة رجيلتها خانتها …

راوية “زادت كسيرات موقفات حتى لكلينيك الي فيه نيت يسرى داوها ليه …لقاتهم دخلوووها نيشان لمستعجلات وخلو تاهما لقاو يسرى غير كدور مسكينة معرفت باش تبلات وياسين حداها مربع ايد وايد شاد بيها جبهتو …

في هاد اللحضة ديك خيتي لبسات عليها حوايجها وهزات فاليزتها كتقفقف بالفقصة والغدايد مرضااااش يوقع ليها هكاك رغم انه هي الي دلات راسها وطيحات بكرامتها لاسفل السافلين….تشجعات وبغات تجيبو ليها باي طريقة مستعدة فعلا تعيش معاه فين مكان المهيم يبغيها حلالو لكن محاولتها باءت بالفشل لا بل كرامتها تشتات اشتااات …

هبطات ملقات حد من غير الخدامات كيجمعو وحيث بيت فين نعسات كاع بيوتهم مكيسمعوش صوت مسمعات مدات مجابت وراسها بقا مزنزن بضرب وطرش الي عطاه ليها ….هابطة كتعافر مع قاليزتها وتمسح فدم من منخرجها الي مزالو دايز جامعة شعرها وتحت عينها منفوخ وغادي ويتوردد ليها ويزراق …جنب فمها منفوخ ومنخرها لا اله الا الله وصافي شنشط ليها الكمارة …

ناديا “مرة مرة تتشد فكرشها الي ضربها ليها باقي مقصحة منها …خرجات كتجر وصاكها وراها …وقفات على العساس ” : عيط ليا لشي طاكسي

العساس : ابنتي مغايجيش هنا معندنا نمرة حتى طاكسي سوى لا بغيتي نوصلك بشي طوموبيل محد شيفور كاين

ناديا : وخا قوليه يوصلني غير لمدينة …

العساس “شاف وجهها ” : ياك شي باس مكاين ابنتي ؟

ناديا : ماشي شغلك اسيدي دغيا وصلني نمشي نتقود فحالي

العساس “خصرات الهضرة ولا يحد فعينيه هههه ” : اعوذ بالله …وخا بنتي

بقات واقفة وتحرك فرجلها بعصبية وهي ضور جيهة الفيلا وغوبشات …

ناديا : نموووت ومنساهاش اولد رمسيس ….

#يتبع….ا “

#يتبع…بحن_على_خير ….. خليها تيسر فحالها…

#يتبع….س تعاون بيهم راسها وزمان ….

#يتبع…كولون “

#يتبع….ااا قاودي …

#يتبع….نيك حمرين ؟

#يتبع…ى_خير ….لى عودو كيشالي …يااا خرا يا لخراااا

#يتبع…لي تجي تنور ليه دارو …

#يتبع….

#يتبع….حتى بان ليه جدو

#يتبع….كة غاتبدا بالفن 🙆🏻

#تصبحن_على_خير….خ ثاني …

#يتبع…سو مسمعهاش ههههههههه ” ….

#يتبع…..” ….

#يتبع…..ى_خير ….♥️✌🏻ين احم ولدي دخل عندو ….

#يتبع…ما ….وطلعو لفاس ….

#يتبع…رجعو ليا يااااربي ….

#يتبع…

Leave a comment