Skip links

قصة : نور الياسين ج 47

 31,020 عدد مشاهداات

🦋نور_الياسين(1041)#فرصة_ثانيةsana mina🐺🦋
حلات عينيها على ايديات الحنانة الي خلاها ياسين …جالسة حدا راسها كتقيص ليها فجيهتها وراسها لا تكون جاتها سخانة تاني …تا حلات عينيها وشافت فيها…
يامنة : صباح الخير…نوضي تفطري ابنتي دابا يجي عمك باش نمشيو لفاس …
نوار”نضفات حلقها وناضت بجهد تا شدات فكرشها مكمشة سيفتها” : مممم …صباح الخير…
يامنة : متبقايش تنوضي بجهد ابنتي ردي بالك …”شافت ف الباب دخلات رميساء لابسة حوايجها حيث غاتمشي معاهم وهازا بلاطو فايديها ” ها فطورك نوضي غسلي وجهك…
رميساء : خالتي يسرى لتحت تاهي غاتمشي …عطاتني بلاطو بينما سالات مع لعميم يوسف …
مشات نوار لدوش تحنات عاى لافابو مبعدة كريشتها حيث ولات كتديقها معاه غسلات وجهها مزيان تا توگضت ومسحات بالما على قرفادتها …نشفات حالتها وخرجات عندهم تا بدات تحك فكرشها وتخسر سيفتها …
يامنة : فيك الحكة ؟
نوار”حركات راسها” : كتشدني بزاف …فففف..
يامنة : عادي غير حاولي تصبري باش متفزرش ليك لحم ومنين تولدي يبقاو شراطي …اجي تفطري …
بقات معاها هي ورميساء تا فطرات بزز ماكلتها قليلة كتاكل من فوق عينيها تا كملت وشربت دواها وناضت جبدات كسيوة خضرة بالكمايم طويلة وفوق منها كاب كحل جمعات شعرها مهمل ماحكراتش غير جمعاتو وصافي هزات تيليفونها وصاكها ولبسات فرجليها سبرديلا فيها سوميلا …شدات فايد رميساء غاديا معاها بشوية تا نزلات لحقو على يامنة لتحت صالون فين جالسين حتى يرجع فؤاد ….
فؤاد الي فهاد اللحضة فرحتو مسايعاهاش لارض واحد الفرحة فشكل روحو رجعات ليه ضهرو الي تقسم ممكن يرجع يتجبر من جديد …واقف هو وموسى كيتسناو الفحوصات تكمل …من بعد ما خرجوه من سكانير …ودخل عندو تاني محمد طبيب الاعصاب …
موسى”واقف غير بلباس عادي تيشرت وسروال دجين وسبادري…” : مزال حتى غذا ان شاء الله بالليل عاد يشوفو واش كيحرك عينيه فجناب واش واعي اشمن وقت هو واش ليل او نهار باش نعرفو واش مستوعب وقادر يحركهم مزيان …لان ماشي ساهل كومة كاطخ موا مغايرجعش عادي حتى دوز فترة لا باس بيها…
فؤاد : دابا ؟
موسى”شاف جيهة الغرفة الي مسدودة حولوه لوحدة فيها زاج قريبة لانعاش كتكون مؤقتة وطبعا بالخلاص غايكون …” : يكمل بروفيسور محمد عاد يخرج يقولينا اتش توصل هو …
نيت بالفعل كان عندو محمد الي خرج بالسكانير ان المخ والاعصاب حالة مزيانة …دار ليه حديدة تحت رجليه من تحت تال صباع لفوق …وكمشهم شوي …
محمد : مزيااان …”عاود قرب ليه هضر فوذنيه ” الى كتسمعني تاني غمض عينيك وحلهم …قبط ليه ايدو ” وكمش ليا فايدي علاش ما قديتي …
ياسين”غمض عينيه وحلهم …وزير ليه على ايدو بايدو بشويييي غير قاص صباعو “…
حرك محمد راسو وخلاهم كيقادو ليه الانبوب الي في فمو هو الي غايبقا مديور ليه مدة حتى يتغذا ليه الجسم مزيان حيث رجع لوضيفتو الحيوية ونشاطو العادي بدون مساعدة اجهزة او سيروم مغدي لانه مكافيش دابا ….
محمد”خرج عندهم” : كلشي مزيان من ناحية العصبية …بالنسبة لهضرة اي نطق حتى لغذا ان شاء الله “شاف ففواد” الحاج باش تكون على علم ملي تبلغ باقي العائلة مخاصكمش دخلو عندو حتى نقولها ليكم
فؤاد”بخوف” : المشكيل ؟
محمد”تبسم” : عادي حيث عاد فاق مع ربعة صباح ومزال مفاقش عادي حيث فاش كيفيق المريض من غيبوبة دامت شهور العقل كيكون غايب واحد المدة كيرجع كلشي طبيعي شوي بشوي …تقدرو تشووفوه من زاج …ملي نسمح ليكم ديك ساعة دخلو واحد بالواحد …غذا بالليل عاد ندخل نسولو واش ليل او نهار الى جاوب بحسب تقييم الي غاندير ليه غانعرف را قدر يدور عينيه فزوايا …من بعد نسولو شكون هو نعطيه الاسم ونجرب نطق …غادي يتعطل ويقدر يتلعثم او مينطقش بزز يقدر غير حرف …كيف قلت ليك كلشي غايرجع شوي بشوي الحاج …حتى دوز اربع ايام عاد يقذر يحرك عنقو ويقدر يحرك ايدو شوي بشوي …من بعد عاد نشوفو تحركات رجليه يعني من دابا لعيد ان شاء الله عاد يرجع يهضر كلمة بكلمة او جملة بشكل بطيء …بخلاصة الحاج لازم تصبرو فهاد المدة ضروري من تحاليل ويبقى حتى دوز اسبوعين عاد يقدر يخرج …من بعد عشر ايام تقدرو تسولوه او تفكروه بشنو وقع فالحادث الى ضرو راسو بدلو الموضوع …
موسى” شاف ففؤاد” : بالنسبة لمدام ديالو من احسن تضرگ الحمل ديالها ميشوفوش حاليا حتى دوز ايام يعني عشر ايام من بعد مايبدا ينطق كلمة بكلمة …
محمد ؛ اكزاكتومون…فاش يوصل الوقت ديك ساعة هضرو معاه فكروه شكون اش خدام ذكرياتو العادية …وملي نسمح بالزيارة الاولية الى معرفكمش متخلعوش كيف قالت را غادي شوي بشوي …حتى دوز مدة نيييت عاد يقدر يرجع يمارس حياتو اليومية بشكل طبيعي ….
الحمد لله على سلامتو الحاج …
خلاهم ومشا يكمل خدمتو وموسى شير لفؤاد براسو باش يتبعو حتى ضار لعند غرفة ياسين غمز الفرملي باش يحيد ستار ديال الشرجم دزاج ….غير حيدو وهو يبان ليه مجبد الاجهزة تحيدت فقط الانبوب الي باقي وعينيه كيشوفو فالسقف ويرمشو ….
#يتبع…
🦋نور_الياسين(1042)#فرصة_ثانيةsana mina🐺🦋
العشرة ديال الصباح وهما مزال كيتسناو فؤاد يجي …جلسات نوار فالجردة تا فاقو دراري محمد الحبيب سلم عليها هي ويامنة ومشا الخدمة …يطل عليها وصهيب تاهو خرج حيث مكلفهم فؤاد يرجعو لخدمة ميخليوهاش والياس تاهو بقا غير يوسف الي جالس معاهم واشرف الي مزال ناعس …و البقية راهم شي فبيت وشي كيقضي كل واشغالو …حتى جا يوسف وقف عليهم علمهم بالي خاصهم يمشيو معاه لفاس هادشي بامر من فؤاد الي وصاه يجيبهم …مسافة الطريق حتى كانو قدام المشفى بلاصا يوسف و علي طوموبيلات حيث علي خدا طوموبيلة باه ودا معاه رميساء ويوسف دا معاه يامنة ونوار ويسرى …خرجو من طوموبيل وطلعو لفوق …حتى لقاو فؤاد واقف داير ايديه وراه وكيشوف فيامنة الي شافتو تاهي بعينيها والعينين ديالهم ميفهم حد من غيرهم …شافت فعينيه واحد النظرة الي افتاقداتها هي شحال هادي نظرة الي كتبين انه فرحان من الاعماق …مداتها لا فنوار الي جايا شادة فباها وغادين شوي بشوي مداتها لا فعلي الي كيعيط ليها لا فتاحد عينيها كيشوفو فعينين فؤاد الحمريييين الفرحانين وهي كتشوف فيه وكل ماهي كتقرب كل ما الابتسامة كتبان …
يامنة”عوجات راسها فيه” : ياسيييين !!!
نوار”وقفات وصرطات ريقها كتشوف فيها و ففؤاد” : ياسيين …مم مالو ؟
يوسف”شاف ففؤاد” : خبار الخير اخويا خبار الخيييييير …
يامنة “حطات ايدها على صدرها جيهة القلب” : ولدي حنينة فؤاد ولدييي بكري …ياااك …
فؤاد”حرك ليها راسو وغمض عينيه نزلات دمعة كتجري وحلهم” : البكر اغزالي البكر ماحنتنااااش وربي مخيبناش والنور ضوا علينا من جديد …”خبط على صدرو بجهد” الخاطر برا اغزالي الخاطر برااااا…
نوار”كمشات فايد باها وعينيها غرغرو ماعرفاتش واش بصح الي فهمات ولا لا” : ف ف فااااق .!!! واش فااااق …”بدات كتضحك وتبكي من شافتو حرك راسو ب اه ” اهى ههههههههههه وااافاااق ابابا فاااااق …
رميساء ضارت عند علي تلاحت عليه تعنق تا هزها ضورات رجليها عليه تضحك هي وياه ويبكيو تخلطت ليهم فرحة وضحكة …
علي : ههههههههههههه الحمد لله مييييييمتي ميمتي واش نبكي ولا نضحك ياربي …هههههههههههههه وامي اخر ايامي الفحم يهبلني وراني هبلت ههههههههههه
يامنة”قربات ليه ” : هههههههههه “حطات جبهتها على صدرو” الله ياااربي الله ياربي حمدتك وشكرتك يااااااربي …
نوار”مشات كتزرب مبقاتش داتها فكرشها ولا والو …غاديا شاداها وتزرب كي تقليت حاملة …تاوصلات عند فؤاد وتخشات فيه عنقاتو وتاهو معرف يعنق يامنة ولا نوار ولا جمعهم بجوجات فحضن واحد يبكييييييييو ويتنخصصصو …”
يامنة”شافت فيه ” : نشوفوه ؟؟؟
فؤاد : غير من برا مزال مدخليش عندو صبرو معاه شوي يرجع ليه المود ولغا دقة دقة …من بعد يشرح ليكم طبيب …رتاحو هنا يساليو معاه بعدا
حركو ليه راسهم فرحانات اما نوار شادة كرشها الي تقلبات عليها بالصدمة والفرحة قلبها كيضرب وكرشها كتفيبري والوجع فيها وصبرات ليه ….
فؤاد”مشا حدا يوسف الي سرح ايديه وجرو فؤاد خبطو عليه بتعنيقة رجالية كيخبطو كتاف بعضياتهم …ومشا حدا نوار ويامنة …حتى بان ليه اركان جاي وشاف المنضر شير ليه براسو بالي فاق ….
اركان “غوت فداك الكولوار وضرب على صدرو كيغوت بالفرحة ” : وااااااااااااااكواااااااك صاحبي رجع اعباد الله واااااااكواك بات ولاد خويا رجع …واااااكواك صاحبي العريس رجع يولي بااات اعباد الله …ياربي حمدتك وشكرتك …”تلاح عنقو فواد وباس ليه راسو وخلاه مشا عندهم ” الله هههههههههههه مافاق تا دار فيا سكار ابشر الوليد ابشر ….
بقاو شحال كيتسناو حتى جا موسى لعندهم …ووقف عليهم كان نيت فؤاد واقف …
موسى : تقدرو تشوفوه من برا …
يامنة “شافت ففؤاد الي جا ” علاش ؟
فؤاد : يامنااا سمعي …
ولات سكتااات حيث شرح ليهم فؤاد شنو كاين واش قاليه طبيب …نوض نوار وهي مشاو بثلاثة حتى يجيو ويشوفوه الباقيين …دارت ايديها فدراعو تابطاتم وتوجهو لزاج الي كيطل على الغرفة فين ناعس …
يامنة”شافتو حال عينيه وكيشوف لفوق ويرمش” : الله ياربي على كبيدتي ماشاء الله عليه ياربي …
فؤاد”كيشووووف فيه تاني مشبعش من شوفتو ابدا مساخيش يبقى يشوف فيه مشابعش من شوفته ابدا وهو فايق …حداه الاطباء والفراملية ..طبطب على نوار وخلاها مع يامنة …ومشا خرج …
نوار”كتشوف فيه وتبسم كتشوف فيه كيشوف وخا مواعيش …شادة كريشتها وكتشوف فيه هو كيرمش وهي كترمش …” : توحشتك بزاااف يالحبيب ديالي توحشتك …
ضار فؤاد شاف فيهم وهما فرحانين بقا كيشوف فهاد لوحة الي قدامو رجعات ليها ضحكة من جديد تا شاف فيامنة الي تبسمات ليه وسط بكاها وهو يغمزها بعينيه وضار كيشوف قدامو …ونزل كيزرب يزرب يزرب حتى خرج لبرا وضار جيهة سبيطار استرجع ذكريات اول ساعة تحطت فيها رجل ياسين من الحادث لدابا كلشي داز بين عينيه …ماحس الا وهو وسط العباد
حتى تحنى على ركابيه وطاح تا تسمعات وضار ناس تما كيشوفو فيه …
فؤاد : اللهمّ لك الحمد كلّه، ولك الشكر كلّه، وإليك يرجع الأمر كلّه علانيّته وسرّه، فأهل أنت أن تحمد، وأهل أنت أن تعبد، وأنت على كلّ شيءٍ قدير ….”تحنى وسجد فلارض مدة وهو ساجد حتى هز راسو ”
-احح الله على طرف كبدتي رجع لمكانو …
#تصبحن_على_خير…

🦋نور_الياسين(1043)#فرصة_ثانيةsana mina🐺🦋
فرحة كبييييرة تسللت الى قلوب احبته واكثر ناس حزنو عليه من اول ساعة ليه فالحادث …شعور فشكل انك تشوف شخص كنتي كتشوفو بين الحياة والموت وفاي لحضة يقولو ليك را مات او فاي لحضة يعرضوك لاكثر قرار مصيبة وهو انك تمضي على الحد من العمر ديالو …لااااكن ربي كبييير …
بقات هي ويامنة كيشوفو فيه من زاج غير كيرمش مزال غايب عن الواقع كيف كنقولو مزال عقلو كيرجع ليه دقة بدقة …حيث حنا فاش كنعسو غير نعاس عادي وكنفيقو بعد ساعات من النوم كيخصنا فترة عاد نسترجعو ذاكرة فين حنا وامتا نعسنا …فمابالك هو الي اربع اشهر ديال الكومة منعزل عن الدنيا ككل …
يامنة”بغات تصطى على دوك الترميشات الي كيدير مكرهاتش تبقا تشوفو غير كيرمش المباركة غير فاق والحمد لله كيعديها على خير …” : احح الله ياربي قلبي تفاجا …
نوار”كتشوف فيه وعاضة على شفايفها مبتاسمة الابتسامة الي غادرتها اربع اشهر …ونطقات بصوت منخفض تسمعو غير هي ” : توحشتك توحشتك توحشتك ….هههههه …
وصلات الاخبار المفرحة لعائلة ديالو اي الي بقاو فازرو والي ففاس غير مينة ورياض والي فالفيرما طبعا غير اسامة وجدو مصطفى فقط مابغاوش يقولوها لكلشي حتى يولي شوي لباس لان هاد الفترة حساسة خاصو يكون بعيد على ناس باش ميتاترش لانو مزال حساس فهاد الايام …شي ساعتين على باش جاو وشافوه تا دخل الحبيب كيجري مع كان فالشركة نيت ففاس وجا اشرف معاه وجات مينة خلات ولدها مع جداه وجات كتزرب فطوموبيلتها لحقات عليهم المشفى …
الحبيب”شاف فمو ووقف ” : وااااالحنانااااو …
يامنة : ههههههه وااولدي خوك فاق ههههه الحمد لله …
الحبيب”طار عندها عنقها كيبوس ويعاود ” : حمدناك وشكرناك ياااربي هههههههه اوووففف
يامنة : اللهم لك الحمد …
اشرف”تاهو عنقها وباس راسها” : الله على خويا على سلامتنا “رجع باس ايدها وشاف فنوار الي كانت جالسة وحاطا ايديها فوق كرشها وسارحة فخيالها كتبتاسم غير وحدها …
اشرف”قرب حدا علي” : وااا علي ….
علي”كان يبقشش فالتيليفون علم باه وعمو الياس ” : هنمممم
اشرف : شوف وقول يتبقي الستر …
علي : نقولها قبل منشوف حقاش هاد اللحضة من صبح الله وانا وهما تنديرو شي تصرفات غا ياسين يرجع ليه العقل حنا يطير …ااااش تم ؟
اشرف”كيشوف فنوار كتبتاسم وترجع تكمش عينيها وتحزن من جديد” : لاااااهتا تشوف …
علي”شافو فين كيشوف” : نوار!! مالها ؟
اشزف : واسيدة تخوشفت الباراميتر تخربق …
علي : الله يحسن العوان راجلها عاد ناض من بعد ما دازت عليها كل نهار مريضة وكل ليلة تبكي وحاملة من فوق ..
اشرف “ناض وقف ومشا عندها تحنى عند رجليها وشاف فيها” : شوية الكريمة ؟
نوار”شافت فيه وتبسمات” : هههه الحمد لله …”حطات ايدها على صدرها” …
اشرف : الحمد لله على سلامتو تبغي تاكلي شي حاجة افطارة رمضان ؟
نوار”كمشات فيه عينيها” : كيفاش فطارة رمضان كضحك عليا ؟ طلب الستر…
اشرف : الله يستر …لا معاك بصح تاكلي شي حاجة ؟
نوار”حاطة ايدها فوق كرشها حسات بالعطش” : بغيت الما صافي..
اشرف “ناض وقف وباس راسها” : هي اللولة العشيرة …”تمشى تال عند علي بان ليه ايساف ويوسف وصهيب والياس واقفين مع موسى كيهضرو معاه ويسولو فيه حيث كان بغا يمشي ..”
موسى : دابا معندكم متبقاو ديرو هنا ليوم غذا ان شاء الله جيو شوفوه باش دخلو عندو مزال شوي الحال حتى يكمل معاه بروفيسور الاعصاب …
يوسف”ضار يشوف ” : خويا الحاج كان غير هنا معرفتش يمكن بغاك …
موسى”تبسم بشوي” : هضرت معاه وشرحت ليه خليه فينما مشا غادي يرجع …المهم كلشي مزيان حاليا مزال شوي بشوي نكملو فحوصات …
صهيب : شكرا دكتور الله يحفضك …
الياس : الله يفرحك وشكرا على كلشي درتيه معاه …
موسى : انا كندير خدمتي قبل كلشي انا كنبقى انسان خدام بضميري مهمتي انقاد الارواح …الي عليا درتو والكمال على الله وحده …
الحبيب”كان كيهضر فالفون وشافو ” : دكتوغ موسى …
موسى”شاف فيه” : وي …
الحبيب : قاليك الوليد بغا يهضر معاك شوية الى كتتي مزال هنا …
موسى : عندي مراجعة لواحد الحالة درت ليها اوبيغاسيون هادي يومين …”شاف فساعتو”مزال ليا شي ساعتين ونخرج باش مكان يتاصل بيا …
حرك ليه الحبيب راسو ومشا موسى وبقاو هما واقفين …
يوسف “مربع ايديه” : كومة ماشي ساهلة باش يرجع لواحد دماغو خاصو شلا …
صهيب : را غير فاش كتنعس وتفيق كتبقى شحال كتستوعب فين نتا وشكون نتا عاد كتوگض فمابالك بكومة شهور …
اشرف”نقز الي فيه شي فيس فيه” : لا عنداك العميم واحد نهار لعميم صهيب جيت نفيقو …مع فاق قاليا بغيت اتاي …
يوسف”كان صهيب جاي لاشرف وهو يشدو وضار عندو بشوي ” : شور شور مالو كذب ؟ “شاف فاشرف الي بغا يفرتح ” سير اولدي سير مقلتي عيب كنسمعو نصيحة من واحد هاربة ليه الحقيقة بقا غير العقل…
كان صهيب بغا يطير على اشرف كون نا طار فرتح وخرج يجري يتقدا لنوار لما الي نساها هههههههههه…
صهيب “شاف فيوسف ” : سير سير منديش عليك نتا اك وليتي جد وشبتي كلشي حفا ليك كي شتي نتا مطفرو…
يوسف : كلشي حفا ليا ؟ تدي تقليد ؟ “خرج فيه عينيه بواحد طريقة فهمها صهيب”
صهيب : مسخ موك المسيسيخ الماسخ الممسوخ ….”مشا فاتجاه الغرفة ديال ياسين يطل عليه” ارالنا نشوفو داك فحم الفعايل واش باقي يحنزز فالسقف …
#يتبع…🦋نور_الياسين(1044)#فرصة_ثانيةsana mina🐺🦋
بقاو شوي تما حتى جا فؤاد الي كان خارج واحد ساعة مشا فيها يتنفس شوية من تعب وعياء شهووور ليه من تعب النفسي الي تفاجا هاد الصباح …اول نهار كيدوز عليه وهو فرحان فرحة عارمة مغايحس بيها غير الي مجرب من شنو داز عليه …بلاصا سيارة فالباركينغ ونزل منها توجه نيشان لفوق فواحد الجناح ديال المشفى فين دار معاه غايلقاه فيه …وبالفعل لقاه تما واقف كيقرا فشي تقارير …حتى وقف عليه وفتحو الحديث …
فؤاد”حط ايدو على كتفو طبطب عليه” : الله يرضي عليك اولدي …”شاف فساعتو ورجع شاف فيه” شحال باقي ليك هنا ؟
موسى “شاف فتيليفونو تاريخ ” : انا جيت ندوز رمضان مع دار “هز ايديه وحطهم كيضحك” غير كونجي حتى لهادي يومين درت واحد لوبيغاسيون لواحد سيد نيت هنا ف CHU عندي رجوع من ورا لعيد بسيمانة …
فؤاد : تنور اولدي تنور …يومين بحول الله مرحبا بيك فالفطور نتا ودكتور منصف …
موسى”شاف فيه وحدر راسو حشمان ” : الحاج ربي يخليك…
فؤاد : بارك الله فيك هضرتي مافيها لغا ونقاش …الكمال على الله مااايحتاج فيها لغا ونتا ولدي درتي كتر من جهدك راني شايف وعارف …
موسى”مالقا ميقول مقدرش يقوليه لا غير ديك الهيبة خلاتو يقبل وهو حشمان” : ان شاء الله الحاج ليا شرف …
طبطب عليه ورضا عليه وبقاو شحال كيهضرو تا تافق معاه بالي غايجيبو معاه هو ودكتور منصف لازرو …ووصاه باش يقوليهم يرجعو حيث حاليا معندهم ميديرو يتسناو حتو لبعد غذا عاد يقدرو يدخلو عندو بينما كمل معاه طبيب …
رجع لقاهم جالسين ونوار مرة تنوض تطل عليه وتبقا واقفة ويامنة تاهي …تا جاو دراري سلم عليه الحبيب بقا شحااال معنقو تا بغا يبكي الحبيب …
فؤاد”شاف ف يوسف ” : الوقت هو هذا يوسف …
يوسف “شاف فمينة ورياض ” : ولدي غير تيسرو “شاف ف يسرى ونوار” يلاه نتيسرو كلشي غايمشي …
صهيب : علي سير نتا واشرف تقداو اش قلنا ليكم بغات الوليدة عاد رجعو لازرو …
يامنة”وقفات ومشات عند فؤاد” : علاش نمشيو منشوفوهش ؟
فؤاد : مزال هاد ساعة عطيه وقتو اغزالي عطيه وقتو “اكد ليها بعينيه” حن علينا الله اغزالي نصبرو ماعليش …
نوار”وقفات تاهي وقربات ليهم” : خالتي اللهم هكا ولا كيف كان نصبرو غير يولي لباس …”مسحات دميعة الفرحة من عينيها” هههه مهم فاق ….
فؤاد”قرب راسها لعندو وباسو ليها” : الله يرضي عليك…
ضار عندهم غمزهم باش يتحركو ومشا هو طل على ياسين ورجع عنق نوار ويامنة خلا لاخرين مشاو وهو داهم بجوجات حيث نوار امانة ولدو هي الي ميفرقهاش عليه حتى يرجعها لراجلها …رجعو كاملين لازرو كان العصر عاد فات دخلو تسالمو معاهم الي كانو تما فرحانين كيف العادة صدقة ديال رمضان توجدات تلني ومشات والفطور ليهم را كيوجد هاد المرة نفس تفتحات وضحكة رجعات …
يامنة”نزلات من فوق من بعد نا بذلات ودخلات لكوزينة كتگفض” : فين وصلتو الاخوات “عنقات المراة الي كتعاونهم فالكوزينة فرحانة بزاف لدرجة تقولي ليها سلام تعنقك” لهلا يخطيك اختي كريمة …
كريمة : ههههه مالي اش درت الله يزيد فرحتك على سلامتو ياربي تشافيه …
سارة : هههههه امييين ياربي غاملي رجعات ليك ضحكة الفجلة …
يامنة : اللهم لك الحمد اللهم لك الحمد هههه ..انا نعاونكم حيث جايا مينة وراجلها وعگوزتها يلاه يلاه …وجدات بلاطو فيه ماكلة وعيطات لرميساء” هاكي طلعيه لنوار تاكل …
رميساء : واخا هي دابا “شداتو من عندها وخرجات طلعاتو ليها حلات الباب ودخلات لقاتها يلاه خارجة من دوش عايمة لابسة بينوارها ” بالصحة وراحة هههههه هي ناس ناشطين محمحمين لرجالتهم …
نوار : هههه الله يمسخك …
رميساء : اجي تاكلي انا نزل الى خصاتك شي حاجة عيطي ليا …”حركات ليها راسها ومشات خرجات فطريقها تلاقات باشرف جاي ويتفوه ” بغيتي تنعس تاني ؟
اشرف : سوق مك ؟
صهيب”جاه من لور كيگفض ” : سوق باها …
رميساء : ههههعههع قااااااافارتيها …
اشرف “مبغاش يضور ومقدرش يفرتح” : فين باك ؟
رميساء : راه وراك هخهخخخ…
اشرف : لا تنقصد باك العميم حابيب قلبي صهيبووو…
صهيب : دور الخامج دووور اولدي نهضرو دور …
اشرف : كنعاني من الم فرقبة العميم مشكيت عليك …اووووو “كيعوج عنقو” عااايش العميم ..
صهيب”قرب ليه وشدو من كول لور زير عليه” : ماتحشم مباغي تحشم وجهك صندالة تاع العصا شلا مجامع ليك كنا هاد شهورة حازنين دابا اش وقع ؟
اشرف : فرج الله …رمضان هذا العميم ونتا رجل مؤمن واش دير راسك فابو لهب ؟ …
صهيب”طلقو ” : سير سير الي فيك كافيك سير اولدي سير يا خرجت فعودك يا خرجتي فعودي …”مشا لبيتو كيحل فصدافي القميجة ويحيد فيها وينتش فحوايجو”
اشرف “شاف فرميساء” : شتي باك ؟ را غير جيعان كاع مصايم …”مشات رميساء كتضحك عليهم بجوج وهو فطريقو لقا علي يلاه خارج عاد فايق من نعاس …كيتفوه ” العشرة فقتي …
علي : كفاش العزي …اجي نسولك …
اشرف : اتيني …
علي : فين حبسنا قبل ميتضرب ياسين ؟
اشرف : قبل ميتضرب الخيل كنا ديك العشية طالعين لشي عرس …”حبس وشاف فيه لقا علي محرك حجبانو فحال رسوم ” اححح الشيخة سارة …احم “ضار لا يخرج ليه فؤاد من حيث لا يحتسب ” اللهم اني صائم …
#يتبع….🦋نور_الياسين(1045)#فرصة_ثانيةsana mina🐺🦋
من بعد يومين وصل الليل من بعد صلاة التراويح …خذا فؤاد الطريق لفاس تاني الي ولات عندو كي شريبة الما غادي جاي طبعا ازرو … تا مشا فاتجاه المشفى وفي هاد اللحضة جالسة نوار معاهم فالصالون فين حاطين صينية اتاي وطباسل سليلو(سفوف ) وبريوات وشباكية …مخشية فيامنة وشادة تيليفونها كتشوف تصاورهم هي وياسين وتبتاسم وفرحانة حتى كتحس بكرشها كتفرف تاهي ….حتى نقز الياس …
الياس : وتا را قال لينا طبيب بالي الى توگض را مغايعقلش الا على الي كان يعرفهم قبل ميتجوج …
نوار”هزات فيه عينيها وحبسات من تيليفون”
يوسف”شاف فيه وهو يغمزو الياس زعما نشدو فيها شوي” : ااا اه اييي اي هادشي الي شرح ليا قبيلة …
نوار : كيفاش قبل ميتزوج مفهمتش …
علي : يعني غايعقل غير على الناس الي عرفهم قبل ميعرفك نتي نتي كان غير كيسمع بيك وشافك من كنتي صغيييورة حيث من تم سافر لبرا …
صهيب : حسبي تعاودو من جديد …
نوار”شافت فباها الي حدر عينيه زعما متاسف هههه وشافت فالياس الي قاليها معلئسف” : واش بصح ؟ “شافت ف يامنة الي تحلف عليها الحبيب تسكت وضارت حابسة ضحكة”
اشرف : شوفي لاكنتي غاتولدي بالخلعة وصدمة صبري تايجي باش نقولو ليه يصلح الغلط يكتب داكشي الي فكرشك بسميتو مانديو تقليذ …”نزل عليه يوسف لراس تا زگا” اوووو
يوسف “شافها بغات تبدا تبكي وهي على سبة” : هاو هاو هاناري صافي حبسي غا باسطين معاك اكلشي تالنسيبي فحم الفعايل ينساني انا ومخرج فيا من شيب مينساك نتي …
نوار “كتهضر ومخلطة البكية” : اهى حرام عليكم اهى …”عنقاتها يامنة كضحك”
نجود : عنوالديكم على هاد ضحك الحويمض …
صهيب : غا باسطين معاها يناري …
اشرف : هاد عيشة دميعة تقوليها سلام تقوليك فففف …
كيف وصل فؤاد لقا عندو الطبيب محمد يلاه كيف جا باش يبدا معاه الاجراء لاخور …
محمد”دخل عندو شاف التقرير ديال اليوم على حالتو ..” : مزيان “شاف فيه وقرب عندو” اليوم صافا ؟
ياسين”كيشوف فيه ويغمض عينيه ويحلهم”
محمد : بون غادي نسولك وسير معايا علاااش ما قديتي متزيرش راسك ومضغطش على راسك …
ياسين”غمض عينيه” …
محمد “شوف فيا غانسولك وجاوب بقدر ما قديتي الى ماقدرتيش غادي نتعامل معاك بحركات العينين ” : وواش حنا فالليل ولا نهار ؟
ياسين”كيسمع ليه وبدا يحاول ينطق لسانو ثقييييييييييل باش يهضر جاه صعيييييب …بغا يقول كلمة ماقدرش كيتعافر ”
محمد”كيشوف فيه كيحل فمو باش يخرج شي حاجة ” : قول الي قدرتي وخا غير حرف …
ياسين “كيكمش عينيه ” : ف ففف “مزير ” ل ل
محمد. : ليل ؟
ياسين “حاول يزير ” : ل ل ي ل “بدا ينهج ”
محمد : طخيييي بيااان ليييل مزيان …تقدر تقوليا واش نتا ياسين ولد رمسيس ؟
ياسين”غمض عينيه وحلهم ” : ممم ..
محمد : شحال فعمرك …
ياسين”غمض عينيه مزير عليهم باغي ينطق بشي حاجة ولكن مزال ملعثم ” : ي ت امممم
محمد”قرا السن ديالو ف المعلومات تاعو” : عندك 33 عام ؟
ياسين : ممم ي فف “غمض عينيه بنفاذ صبر”
محمد : ههه ماعليش شوي بشوي براكة عليك ..”وقف ومشا حرج لعندهم ” حمد لله دابا مزيان عارف الوقت يعني قدر يحرك عينيه فكاع زوايا …من بعد غايبدا يحرك عنقو وايديه مسالة ايام …”شاف ففؤاد ” واحد شوي شي ساعة ودخل عندو غير خمسة دقايق وخرج الى معرفكش ماعليش من بعد يعرفك …
ماهي الا ساعة حتى جا الطبيب عند فؤاد الي كان واقف كيمشي ويجي ويوقف عند شرجم ويطل على برا …
محمد : الحاج تقدر دخل ولكن كيف شرحت ليك واخا ؟
فؤاد”حرك ليه راسو ومشا عند الباب سما الله وتنهد ” : يا بسم الله …”مع دخل حيث يومين مادخلش عندو كي فاق كان لازم يصبرو حتى يقدر يشوف طبيب ويتاكد را قدر يحرك عينيه على زوايا الغرفة …بقا غادي هاد المرة ماشي كيف المرات هاد المرة غايدخل يشوفو فاتح عينيه كيحركهم كيرمش كيشوف فيه …غير وصل عندو وهو يحرك ياسين عينيه وشاف فيه ”
ياسين”كيشوف فيه ”
فؤاد “قرب عندو” : فح”حبسها وحنحن وعاود نطق” ياسين …
ياسين”كيشوف فيه ولكن مزال معرفوش مزيان غير كيشوف فيه ” : مممم ف ممم “كمش عينيه”
فؤاد : ماعليش ماعليش رتاح …
ياسين”كيشوف فيه وفؤاد كيشوووف فيه ”
فؤاد”هبط باسو فجبهتو تا تبورش وعاود” : وشحااال توحشت نفسك يا بكري …الله يرضي عليك ويشافيك …”رجع ضار وخرج خلا ياسين متبع ليه العين ولكن ذاكرتو مشوشة شوي مزال يلاه كيستوعب …”
فؤاد فرحان من هنا والعائلة فرحانا من لهيه نوار فرحتها وحدها اما يامنة هاديك را فرحة الام ماقداها ووحدهاااا …كلشي فرح كلشي حمد الله عالسلامة …حتى من اكثر
المخلوقات احساس خلقها الله تاهي …وشكون من غيرها الشهلة الي استغربو لحالها فالصباح ديال فياق ياسين …من الي خرجوها من الاسطبل حتى بدات تهز وتصهل …وهي طلقها بجرية ضارت على داك السياج من لداخل وتدور وتعاود تا بقا عبدو غير يشوف وماكلتها رجعات تاكلها عادي داك النهار ….
ياسين “غير خرج باه وهز عينيه لسقف” : ا ا “جمع فمو وصرط ريقو وعاود حل عينيه كيتعصر … بقا يتعصر بزز واسهل كلمة خرجات ليه تا حس بالتبوريشة سرات ليه فجسمو …غمض عينيه وحل فمو مضارب حتى نطق بصوت ضعيف ومبحوح ” : ا ا الله …تت…
#تصبحن_على_خير… 🦋نور_الياسين(1046)#فرصة_ثانيةsana mina🐺🦋
الله …وشنو حسن من هاد الكلمة ينطق بيها الانسان فاحلك الضروف او احسنها…شنو اسهل من هاد الكلمة حتى فالنطق ..وحتى بمجرد نطقها كاتبعث قشعريرة الراحة كتسري فانحاء جسمك وحتى نفسيتك …شنو هو احسن علاج قبل من علاج الداء بالدواء من غير اللجوء الى الله فالاول والاخير …ونعم بالله …
دازت بعض الايام تقريبا اليوم هو. اليوم الثامن والعشرين من رمضان بعد ما دازت ايام تنفسو فيها الصعداء وحمدو الله على رجوع اعز شخص عندهم والي كان بين الحياة والموت …فرحة الفياق وفرحة العيد …طيلة هاد الايام كان غير فؤاد الي كيدخل عندو ودخل غير زوج المرات فضلو حتى يرتاح شوي عاد يدخلو عندو البقية …
بمشقة الانفس باش صبرات يامنة ونوار ولكن نوار حالها اصعب شوي حيث باش دخل عندو خاصها تخبي كرشها لان بمجرد ميشوف كرشها كبيرة غادي تشوكيه وهو دماغو مزااال ليه بزاف عاد يرجع كيف كان وذاكرة ترجع مقادة واي تفكير منفعل ولا ردة فعل صادمة ماشي فالصالح ديالو ….اليوم من بعد ما كمل موسى عاد قدر يتفرغ ويجي لعراضة الي عرض عليه فؤاد حيث فهاد الايام كانت عندو واحد الحالة اضطر ياجل العراضة واعتاذر من فؤاد الي طبعا غايتفهمو حيث عارف طبيعة العمل ديالو …
يامنة”طلعات عند نوار لقاتها جالسة فالبالكون ودايرة ايدها على حنكها وكتفكر” : ابنتي “حطات ليها بلاطو فيه كاس عصير وكاس الما ودوا ديالها وجلسات من شافتها مهمومة ” مالك احنينة …
نوار”شافت فيها ورجعات شافت قدامها” : بغيت ندخل عندو عيييت منصبر اخالتي “خسرات سيفتها” فففف…
يامنة “ضحكت” : ههههه تانا فحالك ابنتي وليني اش نديرو نصبرو هاحنا غذا نشوفوه كي صبرنا هاد ليام بقا لينا غير اليوم ورا فؤاد كلو غير جوج مرات دخل مبغاوش يكترو عليه …غذا عاد نبداو نشوفوه ونهضرو معاه وخا مزال لسانو ثقيل وذاتو …
نوار : هادشي كيطول بزاف …ستيام اخالتي بزاااف …
يامنة : ههههههه كي توحشتيه توحشناه …
نوار”تبسمات بشوي” : انا كثر …
يامنة : الالة نتي كلشي غير صبري اللهم هكا ولا…”حدرات عينيها بحزن كي تفكرات الايام السوداء الي دازت عليهم “…
نوار”كمشت عينيها” : الا لا الله يحفظ ..”عينيها غرغرو” الله يحفظ نصبر نصبر والله تنصبر غير يرجع بيخير نتسناه يبرا على خاطرو “خانوها دموعها الي نزلو” غير يرجع بيخير اهى اهى …
يامنة”ناضت لعندها عنقتها من راسها” : ششش ابنتي تهدني الحمد لله ربي كبيييير وشاف من حالنا …تهدني وشربي العصير ودوا دابا واجي معايا نشوف ليك شي كسوة ولا جليليبة تكون واسعة بزاف حيث كيبان ليا مع كرشك موحال تلقاي هههههه
نوار “كتسمح دموعها” : واش ندير ؟
يامنة : دابا نشوفو اش نديرو …صروري يكون حل …
شافت نوار تاعيات ماعليها غير تستسلم وتصبر كيف ماقالت يامنة الحمد لله الي فاق ولباس الي حل عينيه وشافيهم الله كيف صبرو هاد شهور يصبرو تاني ماعليش …
بقات المغرب ساعة تقريبا والتحضيرات على قدم وساق …طبعا بحضور الضيف الي غايجي والي غايجي معاه منصف زوج اطباء دارو جهدهم زوج اطباء بروفيسورات خدمو الانسانية قبل كل شيء وكانو بالفعل ملائكة الرحمة …دخلات سيارة موسى من نوع رينج سوداء الي هي فالاصل ديال خوه لان هو سيارتو وكلشي فمكان اقامتو وفين خدام والي هي مدينة ليل الفرنسية ….
موسى”نزل هو ومنصف من سيارة بلباس تيشرت بيض وسروال دجين وفوق جاكيط ديال قطن فالاسود …داير كاسكيط بيضة وسبادري بيضة …وحداه منصف بقميجة وسروال فصالة …توجه فين واقف فؤاد مستقبلو ب ضراعة فالبيض بطولتو والهيبة ديالو تخليك تحدر راسك وتشدك رهبة …” : الحاج “بابتسامة”
فؤاد”حداه يوسف وصهيب والياس الخوت بربعة واقفين مستقبلين الضيوف ” : مرحبا بضياف الخير …
منصف “حادر راسو مبتاسم” : الله يكبر بيك الحاج …
يوسف : مرحبا بيكم دخلو دخلو…
دخلو حادرين راسهم تال صالون حطو صبابطهم وسماو الله ودخلو كانت فالجيهة الاخرى من صالون طابلة موجدة وسايرة كتوجد وتعمر ودراري الي كيتسخرو …اليوم كاينة صفية وراوية اما ايساف بقا ففاس عندو مناوبة فالشركة حيث سيستيم ديالها غايتعاود من جديد ونضام الحواسيب فيها غادي يفورماطيهم ويعاود يسيكيريزيهم (تامين) هادشي روتيني عندهم …
الياس : مرحبا بسي طبيب هههه
موسى : هههه ترحب بيك جنة …
فؤاد”مترأس الجلسة لوسط وهما فجنابو ..حنحن ونطق بصوته الخاتر” : نورات دار بملايكة رحمن …
منصف : بنورك الحاج الله يكبر بيك …
علي”عطاتو سارة طبسيل فيه خبيزات صغار معمرين ” : باش معمرين الوليدة هادو ؟
سارة : دخل عند حليمة الفيلالي وتوريك …مافيا ميفتي عليك سير دخل طبسيل كتر فيك شلا وشوية اولدي …
علي”مشات وخلاتو كيرمش” : ايييييو ؟
اسامة”جا اول امس هو ومصطفى حط عليه ايدو على كتفه” : قمعة سكونت ترواسونت سانك اكوزان …
علي”ضار طلعو وهبطو” : سير عطي لجدك سطيلة ديال الوضو سير …
اسامة : جدي قاد براسو …سير دي طبسيل واجي نعطيك تيليفون دخل تعلم لينا خبزة شحمة …”دار فرررر طار لصالون قبل ميخرگ عليه داك طبسيل خلاه كيعض فشواربو”
علي : واخا يا ولد الهاريبة واخا صبر نفطر ونجاوبك اولدها (زعما العاهرة ”
يامنة : ياك اولدي ياك …
علي”غمض عينيه بغا يبكي ” : ياربي نموت ياااربي …
#يتبع…
🦋نور_الياسين(1047)#فرصة_ثانيةsana mina🐺🦋
الله اكبر الله اكبر…انطلاق اذان صلاة المغرب ونهاية يوم صيام الثامن والعشرين ..كسرو صيامهم كيف العادة وناضو جماعة يصليو المغرب والعيالات كذلك نفس الشيء …عاوتاني اليوم كاينة ام سفيان الحاجة الي مخلاوهاش تفطر فدارها من الي بدا رمضان وهي كتجي تفطر معاهم هي وولدها ابدا ماخلاهاش فؤاد تفطر فدارها …مرات ولدها مكايناش كتوحم ورسلها سفيان لدارهم فالدوار باش تدوزو معاهم داكشي باش كتجي غير هي وهو …
نوار”كتحك فكريشتها من فوق البيجامة قطن عريضة ونص كم واصلة لتحت فالاسود ” : اححح رميساء عافاك عطيني كاس العصير الي قدامك “شافتو حمر تشهاتو” ديال فريز ياك …
يسرى : ديااال فريز ابنتي وزگاااي على ديك الكرش را جلدة بغيتي طيريها …اش هضرنا …
نوار : وبزااف “كتحك ومبرداتش” فففف
يامنة : ههههه فكراتني فاش كنت حاملة بياسين ههههه انا نحك ميمة “شافت فنجود” تحك فواد مسكين يفيق بالليل يلقاني نحك ويحك ليا وانا نعس …
يسرى : فيها هي نيت فاش كنت حاملة خرج ليا عقلي وليني صبرت غير باش ميتفزرش ليا لحمي …مينة لا ما حكاتش فحبالتها …
نوار : وميييينة شكل وانا شكل …”هزات راسها كتنش نفسها كدياق عليها وصهد …” واااكواك
رميساء”مدات ليها كاس العصير” : هاكي هاكي شربي ونزيدك …
سارة : رميساء سيري تكلمي لباك را كيعيط …
رميساء “وقفات” : اويلي حي را كنفطرو اش بغاني …
سارة : ناري ويسمعك ناري …
رميساء”مشات وتنگر” :وراه معيط لاص الي خلاتها ميمة مرفوع عليه القلم “وصلات لعندو جاتو لوذن نيشان ”
صهيب : ايييييه ولدهم ولدهم وسمع منهم ولا تهضر …امسخوطة غانوض ليك وراكي عارفة نوضتي وشوفي شحال فعمرك وليت نحشم نعاير مك ولا نضربك …
رميساء”قربات ليه بزاف وهبطت راسها حطات جبهتها على صذرو كتديرها ليه من صغرها” : شقال بابا الزين …
صهيب”رفع حاجب ونزل لاخور” : تقلي ابنتي تقلي من صغرك ونتي ديبة …”هز ليها راسها تاتشوف فيه فعينيه” سيري طييييري لبيت ديالي انا ومك جيبي ليا داك السيرو ديال لكحبة نشربو را نسيتو لفوق …
رميساء : الوليد راني ميتة بجوع عدي بكاس اتاي بينما كلت…
صهيب”غوت ” : وااا علي …
علي”وقف ” : اش تم …
صهيب “جا يدور لقاها طارت من حداه دوز على كول التيشرت وتقاد وحنحن” : تا راني والدهم والدهوووووووووم …
رميساء طلعات تجري جابت ليه سيرو الي بغا هو من طبعو ماشي بغا يصحوها غير هكاك فيه عادة مع ولادو عندو طنز بهاد الطريقة يخليها تخشع وينوض يقديها ولا يزيدها دير شي حاجة ولفوها فيه يعني نوع من المزاح والي اعتارض يرعف هههههه …
رميساء”هبطات سيرو وبغات تعيط ليه لقات سارة عند باب صالون رسلاتها تجيب زلافة الحريرة بيضة ل نجود باش تشرب دواها وقفات حدا صالون وصونات لباها مبغاتش تعيط ليه وهما وسط رجال تا خرج عندها علي” : هاك عطيه لبابا …
علي : هاد دوا ديال برد ؟ مال الوليد ضاربو البرد ؟
رميساء : قاليك شداتو الكحبة …
علي : شداتو الي متعلم هههههههع مافيه والو غا بغا يسخرك …هخخخ”ضربها راسها” بنتي ليه فالبلان سيري سيري تاكلي …
رميساء”بغات تبكي” : غانكمل صيامي تال غذ ليه …اهى …مشات كتفتخ ورجعات كوزينة خوات لجداها من حريرة ديالها بيضة مافيهاش ملحة دارتها فبلاطو وخرجات بيها غاديا ” : يااااربي بغيت ناكل اسيدي يااااربي ….
غاديا وتنگر وتهرنن ضارت دورة باش تخرج وتمشي لصالون فداك الممر مع يخرج ليها موسى كان كيهضر فالتيليفون مع گلاديس صحيبتو حتى خرج ليها من حيث لا تحتسب عند باب الممر مقابل مع صالونات وهي تخوي عليه الحريرة طاااايبة لكرشو تا غوت وغوتات هي ….
موسى : ميييييييييييغد “طل على كرشو بالدعقة هز تيشرت تا بان زغب كرشو لاصق ”
رميساء”طيحة زلافة وصينية ديال المينيوم تسمعات فالاجواء كي رعد ههههه وغوتتها تا خرجو رجال من صالون فؤاد وصهيب ويوسف ودراري كيطلو ” : وااااااو سمح ليا سمح ليا اهى …
صهيب “مشا عندو كيجري لقاه تحرق وكينقخ ” : تحرقتي ولدي …اجي اجي خوي عليه الما …
علي”بالدعقة نسا فؤاد وغوت ” : وييييييييويو ويويويويويو حرقات لينا سي طبيب “دار ايديه على حناكو مع يهز عينيه لقا فؤاد كيخنزر فيه وهو يرجع لور حدا اسامة ونطق بشوي” عنق خوك ونصايب ليك خبزة شحمة بشحمة بالقلوة اهء الكلوة …
#يتبع…🦋نور_الياسين(1048)#فرصة_ثانيةsana mina🐺🦋
مشاو كيجريو عندو واولهم فؤاد الي شافو تحرق نيييت …عيط على واحد فالدراري منهم الحبيب ورسلو يطير يجيب ليه بومادا الحراق من صيدلية عندهم فالدار …
الحبيب : سير دير ثلج “عيط لاسامة” جيب ثلج من كوزينة …”شاف فهاجر كطل وخرج فيها عينيه وهي دخل تكمشت لداخل …”
يامنة”من بعيد” : دير ليه زيت وملحة افؤاد…
فؤاد”ضار بالعرض البطيء خنزر فيها زعما اش مخرجك ونطق بشفايفو هي الي فهمات اش قال” ل د ااا خل (لداخل)
يامنة”ضارت ودخلات معاوداتهاش ههههع”
نوار”جالسة مفرقة رجليها حداها ياسين صغير فالكونة ناعس ” : اش واقع ؟
صفية “طلات ” : يمكن تحرق”جات رميساء كتهرنن وترعذ” اش واقع ؟
رميساء : اهى اهى والله ماقصدت جايا هازا بلاطو حريرة ميمة تا خرج فيا اهى …عمي فؤاد خنزر فيا وااععععع كحلتها …
راوية : مغايدير ليك والو مدرتيهاش بلعاني وسكتي من تهرنين اويلي …
سارة”خنزرات فيها وجهدات صوتها شوي” : رميساء تهدني يلاه …”عينيها بلقاتهم فيها” …
رميساء”الصمت” …
جاب الحبيب بومادا عطاها ليه وفؤاد داه لصالون ورجعو دخلو ليه مشا عندو منصف يشوفو ودراري تا قاليهم فؤاد يرجعو يجلسو …
صهيب”كيشوف فيه حيد تيشرت وبقا هكاك سفاحي باذرو ناشرهم ” : اناري حط علينا الفيستة “قالها بشوي ليوسف”
يوسف : وجد راسك استذعا جايا لبنتك …
الياس : تاطير تااااطير وليني الحاجة الي متشبه لبوها عليا بطلاق الى حرااام …
صهيب : انا مكنعرفهاش راها بنت مرتي سارة وانا ربيتها بحال بنتي …انا بااااري منها …
منصف”طل على الحرقة ” : صافا صافا مزيان عندكم هاد بومادا …
فؤاد : شوية ولدي ؟
موسى”حرك راسو” : لا صافا غير لحضة فاش تخوات مع صخونة بزاف درت ديك لا غياكسيون “حط ايدو على صدرو” سمح ليا الحاج خلعتكم…
فؤاد : وايلي المسامحة منك نتا ولدي …
موسى : ماشي مشكيل مكتبو لله “دوز بايدو على صدرو عاد نتابه را بالدعقة حيد تيشرت وهزو بزربة كيلبسو حشم منهم معري على بادرو
صهيب : اربي ولدي سمح ليا راها فشكل ديك البنت عندي عاد جات من بربين كانت كتداوي عند طبيب نفسي
الياس”قرب ليوسف ” : كون كان شي شالوطي بليمين تاينكر بنتو …
يوسف : نكرها مع دخلة نكرها …كون كان موسى شي شالوطي يهزها صهيب لكوميسارية نيشان …راااا هروي هروييييي…
فؤاد”مشا عيط ليامنة يهضر معاها وخلاهم معاه ” …
موسى : مسكينة !! ماعليش ماعليش…
علي “جا حدا باه” : ولله خويا الى انا كنت معاها بزز عطاني طبيب موافقة باش جبتها دوز رمضان …
صهيب :مرييييضة ماشكينا عليك …
موسى “جابو ليه ضحك كيبانو كي لمشاش صابة عليهم شتا” : ههههه ياودي هانية …جيبها عندي صباح نعطيك نمرة بسيكياتخ كيجي من بوردو (فرنسا) تعول عليه …
صهيب : ماكرهناش بويا عمر يتحل نكركب مها فيه …”حط ايدو على صدرو ونطق بينو وبين نفسو” الله يحفض الله يحفظ …
اشرف “حدا اسامة حالين فمهم فصهيب وولدو” : اويلي حي …
اسامة : نكر بنتو ونكر ختو …ناااري على مسخوط ناري …
اشرف : جاب الله الوليد خرج …
الحبيب “حل فمو ” : كون قتلاتو يلوح حوايجو ويهرب …
مصطفى”وقف عليه وحط ايدو على كتفو” : الحمدي لله عالسلامة ولدي شوية ؟
موسى”طبطب ليه على ايدو” : شوية شوية الحاج سمحو ليا برزطتكم …
مصطفى : وايلي ولدي نتا الي منك سماحة مكتابك ولدي مكتابة …”شاف فيهم” دوزو تكملو فطوركم نوض اولدي تكمل فطورك وسمح لينا …
الحبيب : تفضل اخويا تفضلو مرحبا بيكم وسمحو لينا …
صهيب : تفضل اولدي تفضل كمل فطورك …
فؤاد بقا مع يامنة هضر معاها باش تطمن رميساء وتهضر مع العيالات يرجعو يفطرو …
رجعات رميساء بعد جهد جهيد مسكينة تفطر فنهارها المنحووس مسكينة عمرها تعتب وكان شي ضيف …حتى فطرو ورجعو لنشاطهم العادي ورجال يهضرو ويضحكو ويسولو على ياسين مستغلين اللحضة وجود موسى ومنصف …
موسى : على حسب ماقال دكتوغ محمد تقدر المدام ديالو تدخل عندو هي والام تقدرو دخلو عادي ولكن كيف وصا متكتروش عليه والى معرفكمش غير صبرو شوي ويعرفكم شي دقيقة هكاك تال جوج …
يوسف : ماشي مشكيل غير حمل المراة ديالو ؟
موسى : تحاول تخبيه باش ميتشوكاش يدير رد فعل ماشي فصالح ديالو …”عوج فمو” الى استعصى الامر تلبس شي حاجة كحلة فضفاضة وتدخل بشوي وتجلس عاد تصدر صوت ينتابه ليها …
يوسف : وعليه …
صهيب”حنحن” : ماتنساش اولدي تطمنا عليك كي بقات الحرقة …
علي : الى بغيتي تدعينا دعي رميساء رمسيس تاتخرج ونعطيك رقم لاكارط ديالها …”شاف ففؤاد لقاه رافع حاجب ومنزل لاخور” انوووض قبل ماتنوض …
#يتبع…
🦋نور_الياسين(1049)#فرصة_ثانيةsana mina🐺🦋
ناضت دوشات على صباح وفطرات شربات دواها ومشات لبسات كسوة كحلة عرييييضة فضفاضة ودارت عليها كاب كحل جمعات شعرها هكاك فازگ باش يرد عليها البرد حيث قهرها صهد …لبسات بالغين بسوميلا …وهزات صاكها خرجات لقات يامنة واقفة حدا فؤاد الي شافها وركب …
يامنة”حلات ليها الباب لور” : يلاه بنتي زيدي …
نوار”بابتسامة عريضة” : يلاه …”هزات كسوتها ودخلات جلسات بشوي سدات يامنة الباب وركبات حدا فؤاد الي شاف فنوار من مراية وطمنها بعينيه ابتاسمات ليه وضارت شافت يسرى واقفة تسناها تاتمشي باش تيسر لعيادتها …
مسافة الطريق وهي حاطا راسها على زاج كتبتاسم وقلبها كيضرب بجهد حيث من بعد شهور غاتشوف راجلها والاهم كيفاش غاتصرف را اللقاء عندهم دابا فحال اول مرة جا من امريكا فاش تصاطحت معاه وهي مريضة …
#فلاشباك لاول لقاء ليهم …
جايا وكتخلخل وهو كيعوج راسو ويصغر عينيه فيها وهي كتشوف لتحت وراسها دايخ كتعيط لمينة وصوتها مبحووووح بالبرد …مع حطات ايدها على جبهتها اختل توارنها …
ياسين “عقد غوباشتو” : ننن ننن نوااار …نووو ..
دغيا مشا شدها كانت غاطيح عتقها قبل ماتستسلم وطيح لارض عنقها كلها خشاها فيه بزز باش تشدات ليه ومطاحتش …
#رجوع…
نوار”ابتاسمت وعينيها معسلين فلقائهم حتى حدرات عينيها لكرشها الي بارزة حطات عليها ايديها وقالت بينها وبين نفسها” : اول مرة كنتي ولد عمي ودابا راجلي وبات الي فكرشي …هههه
بقات فكرة تديها فكرة تجيبها ذكرى تعاود وتبسم …حاولات تطرد الي وقع وتفكر فذكريات زوينة منها تدخل عندو بشكل ايجابي يعاونو ومايزيذش عليه …ماحسات تالقات راسها قدام المشفى كيف وقف نزلات وقادت حالتها وفضفضات كسوتها …
يامنة : ههه بغينا نفرحوه صدقنا باغين نخبيو عليه …
فؤاد “حنحن تا شافت فيه وشير ليها يتحركو ..”
نوار”شدات فيامنة وتمشاو تا لحقو على فؤاد تابطات نوار دراعو وغادي معاها دقة بدقة تا وصلو لغرفة ديالو …وشاف فيامنة ” : دخلي …
يامنة : انا ؟ واخا …”حنحنات وشدات على صدرها وحلات الباب دخلات عندو هزات عينيها بان ليها فالسرير مكعدينو ليه شوي ومتكييي مسكين كيرمش بعينيه ويشوف هنا وهنا تا حس بدخول شي حد من صوت الخطوات …
ياسين”ولا كيقدر يحرك عنقو يمين شمال لكن ايديه مزال شوي الحركة بطيئة وخا لمروضين كيجيو عندو كل نهار يحركوه ..ضور عنقو بشوي شاف فيها شحاااال معرفهاش كيصغر عينيه ”
يامنة”حطات ايدها على فمها كاتمة دموعها حيث شافتو معرفهاش مزال وعارفة انه خاصو شي دقيقة او اكثر باش يتذكرها …قربات ليه وحطات ايدها على ايدو ضورات عليها صباعها” : ولدي ….
ياسين”كيشوووووف فيها ويصرط ريق الانبوب تحيد ليه كياكل اكل عادي لكن صحي وسهل ميحتاجش لنديغ يعني الصوبان وشوربات لا غير…بقا جهد شي دقيقة وهو كيسترجع شكون هي حتى زير ليها بصباعو على صباعها وغمض عينيه وحلهم ونطق ” : ح حح نا ننتييي(حنانتي)
يامنة “بغات تبكيييييي حركات راسها بجهد” : ايييه اييييه هههه الله يرضي عليك …شوية حنينة …
ياسين “غمض عينيه باش ينطق كلمة بزز” : ح مد ح لله (حمد لله)
يامنة : اللهم لك الحمد …”تحنات عند جبهتو وباستها ليه ” ياااا اول فرحتي الله يشافيك ..”
ياسين”غمض عينيه شحاااال حست بيه كيقوليها امييين وخا مسكين كلمة بزز كينطقها باغي يتعافر لكن ما باليد حيلة لسان مزال ثقيل
يامنة : انا نخليك واحد شوي احنينة …”ضارت وخرجات دموعها دايزين قلبها كيفرفر بجهد من فرحتها رجعات شافت ولدها وخا مسكين مزال بينيتو ضعيفة وضعاف نقصو ليه شعرو حسنوه ليه ولحيتو نقصوها وجهو مزال ضعيييف ممصوص تا بان عنقو وضعافت حالتو بجهد …لكن كلشي يتعوض مع الوقت مهم صحة ..”
يامنة”شافت ففؤاد الي واقف وشير لنوار تدخل ووصاها شنو تدير بالضبط …مشات نوار ووقفات قدامو يامنة …تا عنقها وبدات تبكي وتنخصص” : اهى اهى ضعييييفة حالتو ضعييييف عز عليا وليدي …كيبان فيه غير العضام …
فؤاذ : كلشي يتعوض اغزالي مهم صحة والباقي جاي…
بقا كيطبطب عليها عارفها غاتصدم من حالتو مزال ضعيف ويلاه شوي بشوي غايبدا يترقع …مخلين نوار الي دخلات كيف وصاها بالحس كتسحب وتفضفض فكسوة لا يدور لقاتو عاطي وجهو لهيه وهي تقرب بزربة وخا حسات بوجعة فكرشها من حركة سريعة الي دارت طارت لكرسي وجلسات فيه كتنهج تا ضور راسو عاقد غوباشتو من صوت الي سمع …
ياسين”كيصغر عينيه فيها شكون هادي اما هي را قلبها نزل لكرشها وفمها ولا بيض من شافتو كيشوف فيها و وااااااه على دوك نضرات ديالو هي وحدها الي كيفرفرها ويخلي فراشات فكرشها كيطيرو حطات ايدها عليه …بقا شحال جهد كيتفكرها وذاكرتو كترجع …حتى عض شنايفو بشويييي وغمض عينيه كحز صباعو وكمش فصباعها بشوي …ونطق باحرف متقطعة .” : ك ك اا ن دييي (كاندي)”بصوت مبحوح ” في هاد اللحضة معنق فؤاد يامنة وكيططب عليها تا تهدنت …
فؤاد”باس راسها” : مزاال ليام وزمان ونفرحو بيه وشهور الله الي بقات وبفلذات كبدتو يفرح
يامنة : الله يجيب ليها الفكاكة ساهلة وتولدهم بصحة وسلامة ياربي ..مرضي وعوضو ربي بجوج بنيات…
فؤاد : المؤنسات الغاليات…حنَّانات واليديهم…رفيقات القلب…
#تصبحن_على_خير…🦋نور_الياسين(1050)#فرصة_ثانيةsana mina🐺🦋
شحال زوين داك الشعور ديال الفرحة من بعد نكسة دازت عليك وربي كيعوضك …شحال زوين داك الاحساس من بعد صبر دام بزااااف وتزاد عليه صبر فصبر وتعض فالصبر حتى فرج الله …هذاك الفرج بحد ذاتو كينسيك كلشي الي داز كتولي تحس براسك خاوي من لداخل وكلك ايجابية وناشط لدرجة ممكن تدير اي حاجة ونتا ضاحك مبتسم بشوش …هادشي الي وقع لنوار ويامنة وفؤاد والعائلة كلها من بعد فياق ياسين وهادشي الي طرا لنوار من بعد ما ضاعو ليها الاجنة لولين التوأم من بعد نكسة ديال طلاق فراق عذاب فالاحاسيس والنفسية ربي فرج ورجعو لبعضياتهم بداو صفحة جديدة من جد وجديد وهاهما ربي عوضهم بالذرية والاجمل من هذا زوج بنيات مؤنسات غاليات …
نوار”من بعد ما نطق اسمها الي مسميه ليها وتاحد من غيرو توردو حنيكاتها تا هبطات عينيها بخجل قلبها كيضرب فكرشها مع قلب الي فكريشتها هههههه ” : مممم
ياسين”حدر عينيه كيشوووف فيها وخا تفكرها مزال كيسترجع ذكريات معاها ..حتى نطق بحرف باش يجيب لحرف لاخور ويلاقيهم يكون لينا كليمة نشوفو ههههه ” : ن ن و ر نوا ر تي
نوار”فهاد اللحظة راها كتحس كانه اول مرة كيتعرفو على بعظياتهم !! اول مرة غايكون بيناتهم موعد الي كيكون اول موعد لينا مع حبيب خطيب صاحب كاااع وكيكون داك الاعجاب الي بيناتنا …حسات برعدة شداتها من شفايفها باش تنطق وتهضر تكتفي فقط ” : نعااام “كمشت عينيها وعضت شنيفاتها بخجل …تا حطات ايدها فوق كرشها على شوي تبرزها بايدها لكن دغيا عتقات الموقف ”
ياسين”عوج راسو فيها كيشوف ايديها كتشابكهم وعرقانين وفمها كيترعد …” : م ا لك ..
نوار”هزات فيه عينيها ” : هاا ! مماليش ..احم ..”بغات تنوض وفؤاد تعطل الي غايدخل باش يضرگها وتنوض لا يشوف كرشها …هادشي مؤقت ماشي مطول فقط مسالة ايام بينما تقاد ليه ذماغو وهما ماشي معاه دقة دقة باش ميوقعوش اي مضاعفات مصاحبة لما بعد ” اممم “ضورات راسها جيهة الباب ورجعت شافت فيه …” واقيلة
نخليك ترجع ترتاح …فيك نعاس ؟
ياسين”كمش عينيه فيها كيطلعها ويهبطها نوااارتو زينة البنات الي خلاها هو …بقا شحال وهو ينطق ” : امممم …”عيا ” ب قا و …
نوار”هزات تيليفون باش تعيط لفؤاد ساعاك دق الباب” : دخل ..
فؤاد”طل براسو ودخل وتابعاه يامنة تاهي تا وقفو عليه شاف فنوار دارت ليه حركة بعينيها بغات تنوض ورجع شاف فياسين” : ولدي ترتاح …
ياسين”حرك راسو بنفي” : ب ق او …
تحل الباب وهي تدخل فرملية هازا بلاطو فيه دوا ديالو وشافت فيهم …
فرملية : وقيتة دوا ديالو خاصو ياكل حيث من دابا ساعة غادي يجي عندو كينيسيتيغابي …يعني المروض …
يامنة : بنتي جبت ليه الماكلة من دار صوبا وعصير كيف قالينا طبيب …غير عطيه دوا انا نوكلو ..
فرملية : واخا مدام حسن حيث الماكلة ديال هنا ماكياكلهاش بزاف يمكن معجباتوش …
يامنة : صافي بنتي غير تكملي ندخلو عندو”ضارت عند نوار وهو يجي فؤاد تحنى عليه قبط ايديه ولاهاه تا ناضت نوار هي ويامنة خرجات بزربة قبل ميقشعها ….ههههه ولات دايرة معاه حابا….
نوار”خرجات عند باب الغرفة وشافت يامنة بحزن” : حتى لامتا؟
يامنة : وصبرتي صبرتي زيدي غير شوي …
مالقات ماتقول مضطرة تصبر عليه وبالفرحات عليها تصبر …غير يولي لباس دنيا ومافيها…عاونتها تا جلسات فالكرسي كيتسناو فؤاد يخرج ودخل يامنة توكلو من ماكلة ايدياتها كيف قاليهم طبيب بالحرف دارتو فالماكلة شوربة مغذية وعصير …
فؤاد”كيشوف فيه” : حرك ايديك اولدي …
ياسين”كيحرك ويضغط عليه ” : م ز يان م زي اان …
فؤاد : اللهم لك الحمد …ماتوحشتيش لفيرما ديالك ؟
ياسين”شاف فيه وشاف لفوووق كمش حجبانو تا غمض عينيييه شحاااال …ورجع حلهم وشاف فيه ” : ض ر و رييي…
فؤاد : ..شنو ثاني ؟
ياسين : مممم ….ح نا نة !!
فؤاد : هاهي شوي تكون عندك …
فرملية”تبسمات حشمانة بغا تقول فؤاد يكحز باش تعطي لياسين دوا ” : احم …
فؤاد”ضار عندها”
فرملية : نعطيه دوا …
فؤاد”غمض عينيه وحلهم عاطيها مجال باش توجهات عند ياسين عطاتو دوا وجبدات لانجيت بدات تمسح ليه وجهو وايديه كتدوز عليهم …دارت ليه باندة الموصولة بالة عبار ضغط وسداتها بستريتش تا عبرات ليه طومسيون وحيدتها دارت ليه فحوصات روتينية عاد سالات وخرجات بلغات يامنة الي هزات الماكلة وتوجهات لعندو حلات الباب وهي طل عليه نوار من بعيد كان عاطي وجهو جيهة الباب تا هز عينيه فنوار الي جالسة بعيد محنية باش متبانش كرشها …
ياسين”بقا كيشوف فيها حتى سدات عليه يامنة الباب وحجبات ليه رؤية حبقلبو ههههه “…
يامنة”جرات كرسي وقادت ليه طابلة حدا وبدات تجبد الماكلة صوبا وعصير دارت ليه الباي (تيو خهه) …هزات معليقة من صوبا ودارت مشوار تحت باش ميطيحش عليه وعطاتو يشرب ” : هانا وليدي بالعشق وهي الي كتعجبك نييييت …
ياسين”حرك راسو متبنن الشوربة …هز راسو وشاف ف باه الي واقف كيشوف فيهم بزوج ..” : و ل ي د …”شاف فيه فؤاد” ن و ا ر ممم و ح د هاا…
يامنة : هههههه سير بقا معاها متخليش ليه مرتو وحدها سير ههههه
#يتبع…🦋نور_الياسين(1051)#فرصة_ثانيةsana mina🐺🦋
بقات معاه يامنة كتشرب فيه شوربة كانت ديال خضرة منسمة باش متجيهش زهيمة …شرب غير شوي وعطاتو عصير شربو بالپاي …فهاد الوقيتة كان فؤاد حدا نوار …حتى جا الحبيب واسامة ومصطفى واشرف وعلي لحقو عليهم …بقاو واقفين كيتسناو تا خرجات يامنة …
يامنة”سلمات على باها باست ليه ايدو” : با جيتي …دخل عندو تكوني توحشتيه تانت هههه
مصطفى : ولادك الكبدة المعاودة وهو را ولدي ميكونش كتر مني …”مسح عينيه من دموع الفرحة قاد طاقيتو وسما الله ومشا دخل عندو هو وفؤاد فين حين بقات نوار تا جاو حداها دراري كيسولو وعلاش ؟ باش يطنزو نعماااس ”
اشرف : كيفاش انوارة …قربتي تولدي ولا مزال ؟
نوار : مزال علاش ؟ ثقلت عليك ؟
اشرف”شاف فعلي ” : ويلاه اسي وسول وهز لهم …
علي “شاف فيها” : دخلتي عندو ؟
نوار : دخلت قبيلة هههههه “ضحكات من تفكرات” دخلت كنتسحب وطرت لكرسي باش ميسوفش كرشي …
الحبيب : ومتشوريش انوار على راسك بشوية عليك راكي مثقلة …
اشرف”شاف فيه” : حاملة من خوك حلالا طيبا ومصرگين عليه تقولي اغتاص”مجا فين يكملها نزل عليه الحبيب لقرفادة تا زگا ثاني ” واااااالعدااااو قرفادتي طلبت شرع …
اسامة : حتى يطلبو فمك الي باري منك …
فلداخل عند ياسين الي دخل عندو جدو الجد الي كبرو من كانت عندو سبع سنوات وهو مربيه …طبعا استغرق وقت باش رجع تفكرو …
مصطفى : شوية كبيدتي …
ياسين “حرك راسو” : ح م د لله…
مصطفى : وشد الهمة مع راساتك ههههه الفيرما تسنا مولاها …
ياسين”حرك راسو وقال باحرف متقطعة ” : ا ن ش ا ء الله …
مصطفى : يلاه نخليك اولدي تاوكان نرجعو تاني …الله يشافيك الله يشافيك…
بقاو معاه واحد شوي وولاو خرجو وجا اسامة هو والحبيب تاني دخلو عندو بزوج …سبق الحبيب قدامو وتحنى عندو باس ليه جبهتو …
الحبيب : خويا على سلامتك …
ياسين”تاهو خدا وقتو باش عرفو ” : ل حب ي ب
الحبيب : هو هذا خويا هو هذا خويا حبيبي …
اسامة”هذا الي مقرب وباغي يبكي مزال حاس بذنب كبيييييير من جيهة خوه …كيقرب وصدرو كيتهز ويتحط باغي يتنخصص تا زير عليه الحبيب من دراعو وحرك ليه عينيه باش يتهدن …وصل عند ياسين وشاف فيه ” : وانا عرفتيني ؟
ياسين”كيشوف فيه شحال تا غمض عينيه ” : ا س اامة ..
اسامة “تدبدب ليه صوته زهقت ليه شهقة البكية ” : ا او هو احم”غمض عينيه وضور وجهو تا تنفس ورجع شاف فيه” ايييييه ههههه هو هذا …
في هاد الاثناء جالسة نوار مع دراري ويامنة حداهم اما فؤاد مشا لبرا يهضر فالتيليفون مع ايلاف الي مزالو فروسيا …ايوى كيف العاذة الى مخلقوها يخلقو جد بوها …نرجعو ثاني ونعاود را طنز الى مطنزوهش تزهق روحهم …
علي”شاف فرملية زينة باقي صغيرة خرجات من بلاصة فين كاينة غرفة ياسين ” : تا ورق ليا على زين وشحال جات معاه الطااااابلية البيضاء …
اشرف : هاديك اسيدي راها كتمسح لياسين وجهو وايديه مكلفة بكلشي نعماااس …
نوار”عاد دارت ليها طن هههه ” : كيفاش ؟
علي”شاف فاشرف وغمزو” : اييييه ومفخباركش كتبدل ليه دابا من حيدو ليه الاجهزة وتيو ديال تبول والاخراء هههههه هي كتقضي ليه …
نوار”حناكها تزنگو ماشي من الحشمة وانما من انها كتمسح ليه ايديه وجهو …معارفاش انه فرملي الي مكلف كيدير ليه بانيو وموصول بانبوب نيشان حتى يقدر يتحرك وفؤاد الي كيوصل ليه لتما وهي توصل لكن حالتها صحيح متسمحش تكرفص ويلاه كي بداو يدخلو وبدا نشاطو نيشان ممعتامدش على اجهزة ” : اويلي…
يامنة : والله يمسخكم …”شافت فنوار الي بانت ليها تزيرت ” ابنتي ملي يولي يقضي را غايقضي راسو واحد يومين ويبداو ينوضوه يجرب يمشي …مكتوصلوش فرملية غير تهناي ..
نوار : ماتبقاش تمسح ليه مسحي ليه نتي وجهو وايديه ولا عمو فؤاد وهي تفرق عليه متعرفش ليه ومن يعرف بالحمل نولي ندخل انا نقضي …مادير ليه والو عافاك …
يامنة : ههههههه واخا واخا كوني هانية اش تاني ؟
نوار : غانرجعو نشوف ليه حوايجو وحوايج لتحت ونعطيك معقم ديالو ونعطيك حتى صابون جيل خاص غير كيتمسح ميتغسلش …
يامنة”بغات تهدنها حيث شياطن نوضو فيها رعدة ههههههع” : واخا بنتي ديها نتي غير فدوك الي فكرشك وكلشي ليه الحل ولا ديتيها فهاد”نزلات على علي لراس حيث كان قريب ليها تا هبط وجهو لتحت مافنفنش ”
علي : واخا فجلة واخا …
اشرف”قرب لنوار ضار هنا وهنا وشاف يامنة مدهية مع علي وحنحن ونطق بشوي” : لا عنداك را كتقرب لتيغراد راجلك “خرج فيها عينيه ” بلاتي متغوتيش دابا تتمشي فجلة …صبري توصلي تاسع نعطيك سلوگية دايرها الكلام حطيهم دقة وحدة ماتقولي لا ااااي لا اح ولا عمرني نعاود حيث غاتوجعي تقوليها دوز ربعين يوم وتعاودي …
#يتبع..
#تتمة_البارت_1051_نورالياسين…

دخلو عندو واحد بالواحد خذا وقتو الكافي كيف العادة باش تعرف عليهم …فؤاد يامنة نوار مصطفى الحبيب اسامة علي اشرف …حتى جا ايساف تاهو دخل عندو شوي …وشوي حتى جات سارة وصهيب ورميساء مخليين مروان فالفيلا حيث مسقدرش يدخل لمشفى لانه طفل ممنوع لسبب السن ديالو …كانت جوايه من ورا الظهر اي ديك جوج …اطمأنو عليه وجلسو كيتسناو فؤاد يجي ويجي يوسف يدخل عندو تاهو الي مزال مشافوش هو ويسرى ونجود الي مزال مشافتوش وراوية تاهي …
نوار”تكات راسها لور مفرقة رجليها مع كرشها ونفخات بتافف” : فففف صهد …
يامنة : يجي باك ونرجعو …
نوار”شافت فيها” : بغيت ندخل تاني عندو …
يامنة : غير يخرج من عندو باك وعاودي دخلي …
علي : الفجلة احنا مشينا انا واشرف واسامة وبا مصطفى لازرو …
يامنة : ايه سيرو شوي ونجيو حنا …”حركو ليها راسهم ومشاو بقا غير صهيب ورميساء وسارة وهما …
خرجو مشاو هما وواحد ربع ساعة حتى تم جاي يوسف وفؤاد ومعاهم موسى كيهضرو ويسول فيه ومعاهم دكتور محمد اخصائي الاعصاب …
فؤاد : شحال مدة باش يخرج لدارو ؟
محمد : دابا هادي سبع ايام باش فاق يعني اسبوع …لازمو زوج اسابيع ونص عاد يقدر يخرج لدارو …مزال خاص يتمشى قدامنا طبعا المروض مكلف …لازم نتاكدو انه موقعش ليه هفوة يعني حالة نفسية تكون مزيانة مدخلش فاكتئاب مع الفياق العجز الي حاس بيه شلل فاطرافو الي كيتطلقو مرة بمرة …
ذاكرة ديالو هاد العوامل كاملة متاثرش على حالتو نفسية ومنضطروش نلجؤ ليه ….”وقف خاشي ايديه فجيابو وشاف فيه بعينيه كياكد ليه ” فهمتي المعنى الحاج ؟
فؤاد : المعنى واضح …
موسى”مربع ايديه” : كلشي الحاج غادي مزيان لحد ساعة انا نيت شفت الضربة وتاكدت من فحوصات القلب واي حاجة عندها علاقة بالشرايين حد ساعة مزيانة الحالة …بالنسبة لباقي الاعضاء كل مسؤول را داير خدمتو …دابا العمدة على المروض ودكتور محمد …فالعادة هادشي الي كيكون على اي واحد تعرض لغيبوبة عامة …
استاذن محمد وبقاو هما تا جا عندهم صهيب ورميساء كطل من ورا نوار على موسى وتشوف جيهة كرشو …
يامنة : ههههه كطلي على فعلتك ابنتي …
نوار : هههههههه
رميساء : والله اخالتو فجلة مدرتها بلعاني …
يامنة : حرقتي لينا طبيب مسكين …
رميساء : ياك الفجلة ياااك تانتي ماشي ديالك …
يامنة”جراتها باستها وعنقتها” : غير كنضحك مع حنينة …ههههههه
صهيب قرب لجيهتهم وشاف فموسى من بعد ما سمع هضرته وتنبيهاتو وحالة ياسين الصحية …استاذن فؤاد ويوسف دخلو عند ياسين ….
صهيب : كي بقيتي اولدي ؟
موسى”هز عينيه فيه ” : لا لا مزيان ماشي شي حاجة …
صهيب : ايوى الحمد لله …غا سمح لينا وكان هههه
موسى “غادي هو وياه تا قربو جيهة فين رميساء ويامنة ونوار الي تقادت فالجلسة ” : ياك وكان غا مريضة “شاف جيهة رميساء وتبسم ليها وهي تحدر عينيها ” …
صهيب : هههههههه تا را مامريضة موالو غا بغينا نخلقو جو هههه غير شفتك تدعقتي مع الحرقة …هي راها كطير وليني را ممريضة والو …
موسى”ضحك” : ههههه عااارف عارف …
رميساء”هزات عينيها ووسعتهم حيث عرفات باها قاليه مريضة نفسيا ههه ” : باباااا …
صهيب”شاف فيها ” : اش كاين ؟ مالك مكطيريش يا بنيتي …
سارة : هههههه “شافت فموسى” غا سمح لينا ولدي ههه
موسى : ياودي هانيا ..
رميساء : سمح ليا بزاف …
موسى “”شاف فرميساء” : موقع باس موقع باس …”تبسم بجنب وهي تحدر راسها”
بقاو يهضرو حتى استاذن موسى ومشا نزل فحالو حيث سالات خدمتو …اما يوسف وفؤاد ف دخلو عند ياسين الي كان ناعس تا حس بشي حد دخل وحل عينيه ضور راسو وشاف فيهم هز عينيه فيوسف الي جاي عينيه مغرغرين عز عليه ياسين فديك الحالة ضعيف …
يوسف “قرب عندو باس ليه جبهتو وشد فايدو زير عليه ” : عقلتي عليا ولا ؟
ياسين “شاف فيه عينيه فعينيه شحال تا نطق” : ي و س ف …
يوسف : ايييييه ههههه يوسف عميمك ونسيبك من فوق …اش قالو …
ياسين “شاف ففؤاذ ورجع شاف فيوسف” : ن و ا ر ب غ ييتها…
يوسف”هز راسو وذار ايديه على جنابو” : تا شتك غانبان ليك مشقلب معصب فرحان ناشط ناعس وتا فحالتك نوار …”سلم عليه وضار خرج برا غير شاف نوار وهو يگردف ” دخلي اختي عند راجلك قولي ليه راك حاملة بجوج بنات دقة وحدة مالنا اختي اخرتها موت …
#يتبع…🦋نور_الياسين(1052)#فرصة_ثانيةsana mina🐺🦋
الله اكبر الله اكبر الله اكبر …لاااا اله الا الله …الله اكبر الله اكبر ولله الحمد …الله اكبر الله اكبر الله اكبر …لاااا اله الا الله …الله اكبر الله اكبر ولله الحمد …
ما اجمل اذان وتكبيرات صلاة العيد …عيد الفطر الي كان عندهم احسن عيد فطر وعلاش لا وهما فرحانين برجوع ياسين للحياة والعمر جديد الي تكتب ليه ؟ الدنيا فالفيلا عاامرة مشي ومجي والصالونات عامرين طوابلهم بالذ الحلويات ومالد وطاب مغطيينو بينما يجيو رجال من المصلى …الي دازت …
دخلو كاملين يفطرو الا فؤاد ويامنة ونوار الامانة ديال ياسين الي عند فؤاد …وجدات ولبسات جليليبة فضفافة كحلة حاولت ما امكن تخلي كريشتها وفرحانة انه نهار تقولها ليه غادي تضوبل فرحتو بزاف خصوصا انه قبل ميتضبر كان كيتسنى امتاش تحمل ليه بطفل من صلبو …
لبساتها وتقادت فوجهها باش تخبي شحوبية دارت فوندايشن خفييف وذهنات شفايفها ب مرطب حميمر شوي …ورشات بارفانها ضفرات شعرها جنب وهزات صاكها كتبان كيوت حاملة بكتلة من الكياتة …نزلات لقات يامنة واجدة دراري حطو ليها ماكلة ياسين فطوموبيل وهزو معاهم فطور مقررين يفطرو معاه فالمشفى ميخليوهش وحدو نهار العيد …واحد شوي تا جا فؤاد بجلابة صفرة صدر وكتاف عراض والهيبة طاغية …شعيرات شيب زادوه وقار ونضرة هي نضرة نسر موسكو …انطالقو بثلاثة فاتجاه فاس لعند ياسين الي خذات منهم مسافة طريق حتى كانو تما …مع دازت يومين ماجاتش نوار ..
يامنة”دخلات عندو لقاتو مگعدينو وايديه بدا يحركهم ولكن ماشي بحركة سريعة مزال لاعب عليهم البطء ” : ها واحد صباح الخييير ومبروك العواشر احنينة ديالي …”قربات عندو تا مد ايديه بشوي جر ليها راسها وباس جبهتها ” ياا حنينة بديتي تحركهم…
ياسين”غمض عينيه وحرك راسو” : ح مد الله حمد لله…”تنهد باش ياخذ نفس”
فؤاد “داخل ووراه نوار مغطياهم يامنة حاجبة عليه رؤية تا طل عليه ” : عواشر مباركة البكر…
ياسين”مد ايدو استغل قربو وشد ليه ايدو هزها وباسها ليه ” : ع لينا علينا وعليك …”طل وراه حيث شم ريحة ديالها مجهدة ” ن نوار …
نوار”طلات وتحنات بزربة باش تفضفض جلابة وتسلم عليه ” : هانيييي”قلبها كيزدح حيث قربات ليه بزاااف وحناكها تزنگو …شافت يامنة ضارت عند فؤاد باش تعطيهم مجال بزوج ” مبروك عيدك …
ياسين”مد ايديه بشوي وجر ليها راسها وباس جبهتها مطووول فيها ” : ع علينا وعليييك …
نوار”تبسمات بخجل” : كيف صبحتي شوية ؟
ياسين”عوج راسو فيها وعينيه عليها تا حنحنات حشماانة وحرك ليها راسو ” : حم حمد لله حم د لله …”كيطلع فيها ويهبط جاتو شي حاجة غريييبة فيها …ردات ليه البال يامنة لنضرته وهي تعتق الموقف مع نوار تحشم وتدعق وتصدق مبينة ليه كرشها وتقوليه هااااا القنبلة الي درتي بلا احم ولا دستور ههههه …”
يامنة : سيري جلسي ابنتي مقابلة معاه تما انا نعطيه ياكل ونتي قادي داكشي تما فديك طابلة …”الغرفة خاصة مفيهاش طابلة ولكن هما الي جابوها حيث كيبقى مشفو عمومي ماشي كلينيك الي يكون فيه كلشي مجهز باش نكونو واقعييين ” …
مشات هي وفؤاد جلس حداها وجلسات هي دارت مخدة فوق حجرها تسندات عليها وياسين كياكل من ايدين مو وكيشوف فيها …صدق فؤاد
مقاد طباسل وجبد طاسة الي فيها هربو (قمح مفسخ وطايب فالحليييب ) …وحط الحلوة وبغرير وطيرموس القهوة والحليب واتاي …)
يامنة”كتوكلو هربر مطحون مزياان حيث كيعجبو ونيت طحناتو باش تسهل عليه ..كملات ليه ومسحت ليه وجات بغات تنوض وهو يشد ايدها وقربها لفمو ”
ياسين”باسها ليها” : ل ه لهلا ي خ يخطيك ..
يامنة”دوزات على راسو ” : الله اودي شحال عندي من ياسين …انا نمشيو نفطر معاهم وهضر معانا ولدي من تم …
ياسين”حرك راسو وغمض عينيه وحلهم ” : ب بالصحة …”مشات جلسات حداهم وسماو الله كياكلو ويهضرو معاه فنفس الوقت كيخليوه يشارك معاهم الحديث وخا غير كليمة بكليمة مدام تطلق ليه لسانو ويشوف فيهم الفرحة فعينيهم منشطين نع نوار وهي كضحك ويشوف فمو الي كضحك وماقاداها فرحة اما نوار خلاااص قلوبة فعينيها وتضحك تا كيتسدو ليها وحنوكها يطلعو لاحض ان تاهي ضعافت ونقصات سبب اش لاهما عرف هههه …كيشوف يامنة شادة ليها الخاطر وتضحك معاها …وفؤاد يشوف فيه يسولو ويلوح ليه كليمات خاترين موزونين يشوف واش شاد معاه الخط ونيت يرودو ليه شوي داك لسان ههههه ….
ياسين”تنهد تا غمض عينيه وحلهم ونطق بلا ميحس ” : ل و وليد …
فؤاذ”هز فيه راسو ” : ا بكري …”شافو شير ليه يجي عندو وناض ذغيا وقف ومشا لعندو ”
ياسين : ق ر قرب عع عندي ..قرب …”قرب اكثر وهو يمد ياسين ايديه وشد ليه راسو بين ايديه وقربو ليه وحط شفايفو على جبهة فؤاد وطووول فيها تا حس فؤاد بتبوريشة وغمض عينيه ”
ياسين”رجع شاف فيه ونطق بشوي وعينيه مغرغرين ” : ل هلا لهلا يخ يخطيييك عليا يا ن نور ديال يا ياسين …(لهلا يخطيك عليا يا النور ديال ياسين ) “نزلت دمعة خاينة من عينيه ”
فؤاد”مسحها ليه بصبعو ونطق بثقااالة ” : ورب العباد لا نورك من نهار ضوا (من نهار تزاد) طريقي تا وليت نحسب حسابي ليك وخوتك ومانعتب ل باب الحرام قد ما قدرت …”عنقو واحد تعنيقة تا تنهد ليه فيها “….
#تصبحن_على_خير….🦋نور_الياسين(1053)#فرصة_ثانيةsana mina🐺🦋
حوار بين اب خاتر ووازن هضرته فكل مرة قبل ميخرج مخارج حروفها…ثقيل فنطقها وبحر الحكمة …وعين المعاني …وبين ابن عقل وازن رغم عصبيتو المفرطة فبعض اللحظات رغم تهوراتو والمخاطر الي كيعرض راسو ليها الا انه ذو قلب ابيض بياض الثلج …جبل ميهزو ريح …بحر الالغاز …فحم العينين …
فؤاد”طبطب على كتفو وقلبو كيتعصر من لداخل عليه كل مكيشوفو كيرجع يتفكر الحادث وكيفاش شافو مجبد وسط دماياتو لا حول له ولا قوة …غمض عينيه كيطرد ديك الذكرى الي بقات محفورة فالقلب وشاف فيه بعينين بشوشتين..” : الله يشافيك الله يشافيك …
ياسين : ااميين اامين …
رجع فؤاد لعندهم لقاهم كانو حابسين الاكل وكيشوفو فيهم بتاثر على حالتهم …خصوصا يامنة الي شهدات على الم فؤاد الي كتعدى دوبل واكثر من الالم ديالهم هما …هما مزال صرخو غوتو ندبو لكن فؤاااد !!! ماكان عليه غير يكمدها باش يصبرهم وشكون يصبرو هو ؟ خصوصا هو الي حضر ليه وجا معاه حتى دخلوه …داك الشعور هو الي عارف معناه …
يامنة”تنهدات وحطات الكاس ديال قهوة من ايديها ساستهم وشافت فياسين” : ياكما عيان بغيتي تنعس اولدي ؟
ياسين”غمض عينيه وحلهم وحرك راسو بنفي” : لا لااا ال الحاال زيي ن …لحال زين ا حنا نتي بوجودكم …
يامنة : ههههه كون تشوف بوجودك قداش …واحد شوي ويجيو خوتك يشوفوك …
ياسين : ينورو م ي ميمتي ينورو …
نوار : بقا تحرك ايديك راسك …
ياسين”حرك راسو لعندو” : ا اججي حرككيها ليا اجي..”ساط نفس” …
نوار”تلونات ” : اا ؟ واخا احم …
يامنة : خلي يجي المروض حسن اولدي …
فؤاد : مزال ايام زمان وتحركها ليك سميه صابر اولدي …
ياسين”عينيه عليها وحرك راسو ” …
نوار حدرات راسها كتاكل وتبتاسم حيث عارفاه حاضيها ابتاسمات باش تطمنو وميشكش ان بيها شي حاجة وخا هو لاحض ضعفها ورجح انه غير ضعف نتيجة تاثرات بمرضو الي اصلا مزلنا معرفناش واش عاقل على غيبوبتو الي معرفش شحال دامت ….
داز نهار العيد كلو حب وسط المشفى العمومي …كلو حميمية ودفء عائلي بامتياز …الي قدر يزورو راه زارو وخصوصا اقرب ناس ليه خوتو وجدو وعمامو كانو متفرقين …البقية فضلو حتى لاوقات متباعدة باش ميعياش …
خرجو كاملين بالليل من عندو مخلينو يرتاح من بعد جهد جهيد باش مشاو واقناع ليه باش يرتاح الى بغا يخرج والا غادي يدخل فاكتئاب وضيق فالخاطر خصوصا ان رجليه وايديه مزال ثقال اكثر شيء رجليه ومزال لسان ثقيل عليه …
نوار”دارت ايدها ورا ضهرها وضغطات تا خرجات كرشها فحال حاسة بصهرها غايتقسم ” : اممممم ففففف
يسرى”شافت فيها وقربات ” : عييتي ياك ؟ من صباح ونتي جالسة منعستيش يابنتي …
نوار : مبغيتش نخليه وحدو …
يامنة : بقيتي معذبة كرشك ابنتي باش متبينيش ليه ونتي راك متعذبي فيها …
هاجر : وجهها كيبان ماشي تالهيه …نوار خاصك ترتاحي ايه معذورة متقدريش متشوفيش راجلك وليني احبيبتي راكي واحلة فروحك راعي لراسك والي فكرشك باش نهار تقوليها ليه تكوني بيخير ماشي يعلم بيك ونتي مريضة ؟ …
يسرى”شداتها من دراعها معاوناها” : زيدي بنتي عند مينة وصاتني تباتي عندها ليوم رتاحي عندها …
نوار : واخا ولكن خالتو ؟
يامنة : انا غانطلع لازرو صباح نجي عندو …نتلاقاو تما ..
حركات ليها راسها ومشات ركبات مع يسرى ويوسف وانطالق بيها مباشرة لعند مينة لفيلا عندها هي وراجلها وعگوزتها لقاتها عند الباب شلمات عليهم ودخلو كانت وقيتة العشا ….
رياض”بتيشرت بيض وسروال سورفيت بيض تاهو …نزل من فوق وسلم عليهم ” : اهلا اهلا وسهلا …مرحبا بنسابي ههههه
يوسف : اهلا اهلا كاين شي ولا لفرشي …
رياض : اشمن شي وشمن فرشي نحضروه …
يوسف”تكا ايدو على ركبتو ودوز على لحيتو” : شي عشا يحنت عشرة …
يسرى : ويلي شيطان يوووسف ؟
مينة : هههههه خليه ماما عليك …كاين بابا موجود …
ماجدة”ام رياض” : نتوما مالين الخير كلشي ديالكم اولدي …
يوسف : هدا عليا غلبتني ميمتك …
نوار”شافت فمينة ” : فين اياد ؟
مينة : لفوووق ناعس “سمعات صوته فطولكي ” ههههه حس بيك “وقفات” انا نجيبو ونجي …”تمات غاديا باش تمشي جرها رياض هبطات لعندو وهضر ليها فوذنيها بشوي ” تاليل ونجيبوه بجوج ازين ..”شافت فيه مخرجة عينيها وهو يضور عند يوسف ”
رياض : يوسف مينة بغاتك
يوسف”شاف فمينة ” : اش تم ؟
مينة”صرطات ريقها بغات تنطح رياض ” : لا لا والو غير كيطنز معارفش نسيبك هههه
يوسف : ههههه كاع نسابي عشرة فعقيل ولله الحمد …مالك كتشوف فيا ؟ تكدبني ؟
رياض : بالعمااا يعميني وشوا يشويني …
يوسف”لمينة ” : سيري جيبي ليا ذاك شحمة المعاودة “حيث وليدها غليوض هههه ”
يسرى : شتيه بعين رحمة …
يوسف : اممم …
#يتبع…🦋نور_الياسين(1054)#فرصة_ثانيةsana mina🐺🦋
خرجات من غرفتها من بعد ما دوشات ولبسات حوايجها بيجامة صيفية حد ركبة …خلات شعرها هكاك كيقطر على راحتو ونزلات لتحت لقات راوية وصفية عندهم …وهي تدخل لصالون مع دخلة هزات ياسين صغيور كان فلارض مفرشين ليه كيلاغي وريوگو دايزين …عويناتو خضرين وشعرو كحل حجبانو فحال ايساف غير هكا كحلين …
رميساء”طارت عليه هزاتو تا خرج عينيه بالخلعة ” : ااااااا الفن المفنفن …
ياسين”عينيه مزال خارجين وصذرو كيطلع ويهبط”
راوية : ناري تخلع …
سارة : وناااري ويطلقها يا بنتلحرام نهارك كحل …
صفية”دارت ايديها على فمها عارفاه كيغوت ويكنزز وتقطع فيه نفس” : ياربي سلامة ياربي ..
ياسين”بقا يشوف يشوف تا دلا شنيفاتو دلاهم وعينيه كيحمارو ويعمرو ”
رميساء : ششش نو نو عافاااك حااافاك …
ياسين”غمض عينيه وطلقها بواااحد الغوتة تا ناضت صفية عندو وخصوصا من شافتو زراق وتزير …شداتو من عند رميساء كتسكت فيه وهو ووالو تزير تا قالت روحو بغات تخرج تهز قلبها وتحط تا جلسات لارض ”
صفية : اويلي يا ولدي مالك عاى حالتك شش ”
حطاتو على صدرها كدوز ليه على ضهرو وهو يبكي ويقول مبكيت ماتنفس تا بغات روحهم تخرج رميساء كانت غاتهرب تا سمعاتو طلقها وتنفس” صااافي ماما صااافي …”كتبوس ليه فرويسو وهو كيبكي ويحك وجهو على صدرها ”
راوية : رضعيه رضعيه يسكت ففف ناري من خيبو ببكية …
سارة : وبنيتي بغيت ليك بوفالج هادشي الي نقول تفرقي عليه …
رميساء”تقلقات وناضت خرجت من صالون ”
صفية “جبدات ليه بزولتها عطاتو يرضع ويهنهن ” : اويلي على تفرق عليه مالها دارتها بلعاني …
راوية : سارة عمرك تقولي ليها تفرق عليه راها كبيرة وعارفة ماتحسسيهاش بالي معارفاش عمرك باقي تعاوديها اسارة نتقلق منك …راه ولد ولد عمتها حسبيه خوها صغير …
نجود”دخلات لابسة جلابتها وشالها هازا صويكها فايدها” : كنقوليك اسارة نقصي من قصوحيتك مع ولادك راهم كبرو دوك جوج …مابقيتش نسمع فحال ديك الهضرة …
سارة : وغير نبهتها ماندير ليها والو را عارفاني كيدايرة …
راوية”وقفات” : ماعلينا غير قلت ليك “شافت فنجود” ميمتي يلاه نمشيو …
صفية : سلمو عليهم اخالتي …”مشات راوية ونجود عند ياسين فسيارة راوية …اما رميساء كي خرجت من صالون مشات لجردة …تلتخت فوق لفوطوي تما بان ليها من بعيد علي واشرف واسامة دخلى بسيارة كي قطاع طرق وهي هزات تيليفونها دخلات تبقشش فيه دخلات لفيس ديالها كتطلع وتهبط تا طلع ليها فاقتراحات لفيس ديال ناس الي عندهم اصدقاء مشتركين …والاشتراك كان بينها وبين اشرف هو موسى علوي …دخلات شافت بروفيل ديالو داير صورتو فوسط العملية مباينش وجهو غير من جنب ومحني على مريض كيفتح ليه …بقات طالعة هابطة كتشوف حتى خرجات وماحساااتش بالي صبعها قاس لانفيت وترسلات ليه بالغلط …مع الاسف …
بقات داخلة دازت لانسطا تاهو كتبقشش وتحضي فاشينيستات حتى قفزوها بثلاثة بالدعقة لاحت تيليفون تا طاح وهزو علي …
علي “كيشوف فيه بغا يعطيه ليها وهو يلمح صورة من انسطا كيم كارديشيان لابسة بيكيني غير خيوط وترمتها تهز ماهزو بلدان ” : يييييخ لا كنتي دايرة لهادي فالاو سيري را فيك الي يكفيك …
اشرف : شكون ؟
علي : ديك تريكة هز حط ترم والى خليتي شي سانتيم تحاسب عليه …
اسامة : دوك الي باهم تبدل وولا مهمباهم …
اشرف : اييييه ؟
اسامة : ماتحكرش …
رميساء “شدات تيليفونها وضارت مشات ”
علي : ايوى يتبقي ستر …
رميساء”ضارت عندو” : بغيتي شي حاجة ؟
علي : بغيت ليك ستر …سيري جيبي لخوك واحد كاس لما يبرد بيه راه شاحف …
رميساء : وسير جيبو راسك …
اشرف”بالحس” : راه جابو فخاطرو غا سيري مفراسك ميتعاود …
اسامة : كخكم ..اهى ههههععن …
علي : اسيري لا نجي “حمر فيها”
رميساء “تنهدت…دار تيليفونها طررن مداتهاش فيه وهي دور مشات لكوزينة تجيب ليهم الما اما هما تلتخو فوق دوك فوطويات كيلتاقطو نفس ”
اسامة”متكي راسو لووور” : غادي بعد غذا لفيرما …
علي : اناري علاش ؟
اسامة : خدمة واقفة تما خاصني نوقف عليها جدي غايبقا هنا …
اشرف “كيحك فلحيتو” : اش نقوليك هو انا اخر امتحان هاد سيمانة …نتلاح معاك فحال اكس …
علي : غادي نرجع بعد خمسطاش ليوم نكمل امتحانات بقاو ونرجع …فهاد خمسطاش ليوم مشهي نطلع تما عندكم …
اشرف : زهو لمن يزهو ؟
اسامة : الحياة سعيدة نيت يلاه يخرج لخوادري يقدر يجي تما موحال يبغي هنا …
علي : الله الله عليها …
اشرف “ضرب على صدرو” : الشيخة سرسور ها لكوامانجي جايك ازين …
#يتبع…
🦋نور_الياسين(1055)#فرصة_ثانيةsana mina🐺🦋
دازت ايام على العيد ايام الفرحة دابا ولات وبعدها شهور قدوم المولودتين المؤنسات الغاليات على قولة فؤاد …النطق رجع تقريبا عادي عندو …استغرق بزاف باش قدر ينطق بقدرة اخف من ديك قبل …هذا هو حال الغيبوبة طويلة الي كدوم من شهر لاشهر ولاعوام على حسب الشخص شحال غاب وامتا فاق وبزاااف …
بقات نوار دااك النهار عند مينة والغذ ليه رجعو عندو كيف العادة حاولات قد ماقدرات متبينش ليه وديما مبعدة بزاف بحجة انه مريض وحتى مكتبقاش بزاف باش متحاكش معاه ويعرف عن طريق الصدفة وتصدق غفلة وهاهي صدمة ومازال هو فديك الوقت في غنى على الصدمات …لكن بعد مرور الايام غادي نعرفو شنو غا يصرا فاللقاء مع الطبيب …
تحل الباب ودخل عندو بخطوات منضبطة خاشي ايديه فجياب اللبسة الطبية …حتى وقف عليه وابتاسم ليه …
محمد : صباح الخير سي ياسين …
ياسين”شاف فيه وحرك راسو” : صباح الخير…”بعد ايام اقل من سيمانة على العيد رجع نطق ديالو عاادي تقريبا ..”
محمد : صافا ؟ اونفوغم ؟
ياسين “هز ايدو وحطها بشوي” : كلشي ق قداامك …
محمد : كتبان ليا مليتي هنا ولا معصباك شي حاجة ؟
ياسين “ضور راسو جيهة شرجم ورجع شاف فيه” : فحال داكشي …
محمد”عقد حجبانو” : حاس بديق الخاطر ؟ حاس بشي حاجة فخاطرك “هز راسو لسما كانه كيقلب ليه على كلمة الي تناسب الموقف ديال حالتو نفسية حيث مهم ليه يعرف قبل ميتطرق لسؤال ديالو …” حاس بهفوة…
ياسين “خذا نفس وشاف لفوق وساطها ” : لخاطر ضيق “تنهد” ساعتو الله وكان …
محمد : يعني عييتي من جو سبيطارات اسي ياسين وصافي ههههه
ياسين “حرك راسو” : هانتا فهمتي …
محمد”جر كرسي وجلس مقابل ليه وحنحن منضف حلقو باش يبدا معاه ” : احم سي ياسين هادشي ضروري فحالتك …”حك لحيتو كيشوف لتحت قبل ميلملم كلماتو باش يقدر يسولو ” عارف بالي كنتي ففترة غيبوبة دامت شهور ؟
ياسين”فديك اللحضة كيتفكر كيطلع ليه غير انه كان ناعس تا ضرباتو لفيقة عيان ثقيل داتو ثقيلة مفاصلو ولسانو …كانه فاق مشلول وعاد بدا يتحل ويتمذذو ليه العروق …شاف فيه عينه فعينيه شحااال كيعقد حجبانو ويصغر عينيه يتفكر حتى فك الغوباشة وهز ايدو دوز على وجهو ولحيتو وخبط ايدو بنفاذ صبر ” : هانتا تشوف لحالة ….
محمد : بمعنى ؟
ياسين : و “غمض عينيه ” وااحد لفيقة فاقها على سقف من سقوفة الدنيا ماعندو قدرة يهز عضو من ذاتو كيما كان …
محمد : عاقل على ما قبل اش وقع ليك ؟ “غمض عينيه كيصحح ليه” بغيت نقول قبل متنعس وتفيق تلقا راسك هنا ؟
ياسين”رافع حجبانو كيشوف لتحت حتى غمض عينيه عصرهم ”
محمد : صافي براكة عليك ..احم مهم الى حسيتي براسك عييت وحاس بخاطرك مريض مليتي علمني …
ياسين “عض شنايفو قبل مينطق ” : شنو لحل عندك ؟
محمد”وقف كيضحك” : ههههه الي حبيتيه هو هذاك يكون عندك اسي …
ياسين”رجع كيشوف جيهة شرجم كيتنهد …خرج طبيب من عندو وماهي الا خمس دقائق حتى تحل الباب ودخل فؤاد عندو ويامنة ونوار الي غير شافهم حس بقلبو تحل وتفاجا …عيا وتقهر وهو اسبوعين فالمشفى من بعد فياقو مدرك …” : الله …
يامنة “كمشت فيه حجبانها” : الله يا وليدي والله تقول كانو سادين عليك وحلينا عليك ههههه
ياسين “باس ايدها وايد فؤاد.” : حسبيها هي وكان ميمتي …
فؤاد”مربع ايديه كيشوف فيه ماهواش” : قلة ميدار وديق الخاطر دقات بابك ولا ؟
ياسين “شاف فيه واكد بعينيه” : هذا الله هذا الله …
يامنة : دابا يفرج الله غير صبر را حنا كنخليوك غير فوقت نعاسك وصافي اما منمشيوش …
فؤاد : مابقا قد ما فات ابكري وتيسر فحالك …
ياسين”حرك راسو وطل بعينيه كيقلب عليها تا بانت ليه جالسة ورا يامنة الي واقفة حداه ” : نوار !!
نوار”دايرة مرافقها على ركابيها ومكمشة ايديها تا طلات عليه فور ما سمعت نداء ديالو ” : اااه هاني هاني …
ياسين”كمش حجبانو” : عيانة ؟
يامنة”ضارت كتشوف فيها كان وجهها شاحب نيت ” : ماعيانة وااالو ولدي غير بان ليك هههه
فؤاد : البرد لاعب على العباد هاد ليام شد الخاطر وعذر اولدي (زعما قصد بانه ضربها البرد وعادي فهاذ الفصل غير صبر ) …
ياسين : الحالة ماحالة برد …نبرك عالنفس ونقول هضرتك معقولة …
فؤاد”سرح شنايفو” : من ديما من ديما …
ياسين “شاف فيها” : اجي حدايا …
نوار “تفافات” : ااا ؟ راك عيان ..
ياسين : حدايا ماشي هزي معايا الحجر يهديك الله …
نوار”ماعرفت مادير وهي تنقز يامنة ..”
يامنة : تاكل بعدا وتجي حداك تاتشبع “بدات تحل فساشيات وتدغر عليه بالهضرة وشلا باش ينسى …مضطرين مع الاسف مضطرين حتى يوصل الوقت الي هو بعد ايام قليلة باش يبدا معاه طبيب حصة المصارحة يعني يشوف ذاكرة
ديالو فين وصلت باش يتيستيه من جديد على الحادث ويوشف لا غياكسيون اي ردة الفعل كيفاش غاتكون ويمشيو دقة بدقة فلحضتها تصارحو بالحمل ديالها …”
ياسين”تنهد” : ماعند الكلام مايقاطع فيك الحنانة نسمعو هضرتك …
فؤاد : الفحم مول العقل …
ياسين”حط ايدو على صدرو” : يعمر دارك …
#يتبع…🦋نور_الياسين(1056)#فرصة_ثانيةsana mina🐺🦋
اصبح يوم جديد يوم مشرق دخلات لفرملية كتحل عليه شرجم يدخل ليه الهواء باش يفيق ويتنفس ودخل شميشة شوي …حتى فاق وعطاتو دواه وجا عندو المروض باش ينوضو ..
المروض “مشا حيد ليه الغطا على رجليه وصورهم ليه تا تحطو على ناموسية محدورين ” : شنو كتحس ؟
ياسين”كمش عينيه تا عصرهم ” : تت “حرك راسو بنفي”
مروض “تحنى كيدور ليه قدامو ورجليه من تحت وهو كيتعصر ” : عدي بهاذو فالعشية نجي نوقفك ونشوف واش تقدر تسند عليا بعدا …
ياسين “عض فمو كينهج وحرك ليه راسو”
المروض : ماتجهدش راسك شوي بشوي باش منصدقوش فالي مامزيانش …هاك هادي”عطاه واحد حديدة يبقا يضغط عليها بصباعو وخا كيحرك ايديه ” بقا تضغط عليها مرة مرة نيت تحيد ليك ستريس …داكوغ ؟
ياسين “حرك راسو …رجع ليه رجليه وغطاه عاد جمع ماترييل ديالو وخرج بخروجو دخلات يامنة هازا لفطور ديالو …شاف فيها” : حنانتي …
يامنة : صباح الخييير حنينة ..”جلسات حداه كتجبد لفطور شافتو كيقلب بعينيه وكيشوف جيهة الباب” علامن كتقلب ؟
ياسين : الوليد جا صباح نوار فين هي ؟
يامنة : راها برا حتى تفطر ودخل عندك …
ياسين”عقد غوباشتو” : كيفاش برا علاش ؟
يامنة : هاهي داخلة كتسنى غير مينة جايا …
ياسين : حنانة عيطي ليها …
يامنة “تنهدت ووقفات حطات من ايديها ومشات حلات الباب طلات عليها لقاتها متكية على لكرسي وكتنهج …” : دخلي بنتي “غمزتها بعينيها ونطقات بشوي” شوية بنتي ؟
نوار”عضات شنايفها ووجهها صفر ” : امم بيخير …ففف “فضفضاات كسوتها الكحلة واخداها عريضة بزاااف ستيلها مفضفض وعامر من هنا وهنا ممبينش راها حاملة ولكن قبل ماتدخل فالسادس الي باقي ليه ايام غاتضطر تغيب عليه الى مصارحوهش فهاد الايام حيث كيتسناو غير هضرة طبيب معاه فهاد اليومين عاد يسمح ليها تصارحو …حنحنات ” هاااني هههههه
ياسين”شير بايديه ” : اجي …
نوار”قلبها كيضرب” : صباح الخييير …
ياسين : صباح النور كاندي ..”حط ايديه على فراش حداه ” هنا …
يامنة : هههه اجي حداه تيفطر ابنتي ..
نوار “مبتاسمة وقلبها كيضرب خايفة يعرف حيث واخا كسوة مفضفضة وستيلها ممبينش راها حاملة ولكن ضروري غايعرف باي طريقة الى مارداتش لبال وهي بصريح العبارة عيااات ترد لبال خصوصا انها بدات كتقل وتنهج ونفسها كديق عليها …جلسات حداه بعيدة ” : كي صبحتي “كتشوف فيه”
ياسين”كيشوف فعينيها ويحقق مخلي مو مادة المعيلقة هههه تا حنحنات وعيطات ليه عاد صار شاف فيها” : تت سموحات وكان …
يامنة : هههه هانية ولدي فطر مع راساتك ..”شد من عندها المعلقة مخلاهاش توكلو …بدا ياكل شوي بشوي ومشارك معاهم الحديث او نقولو كيسمع ليهم كيهضرو …حتى سالا وناضت يامنة عطاتو باش يمسح ….
يامنة”وقفات” : عندك شي دوا يعطيوه ليك ياك اولدي”حرك ليها راسو” انا نمشي ونيت نشوف باك واش جاي ومينة واش وصلات …”مشات خرجات وخلاتهم بزوج راس فراس …”
ياسين”ضار عند نوار كيشوف فيها ويطلعها ويهبطها تا صغر عينيه” : وجهك ؟
نوار”حطات ايدها على وجهها ” : مااالو هههه
ياسين : حالتك ماتعجب انوارتي …
نوار”عوجات فمها وعينيها كتلولبهم” : معرفتش يمكن البرد الي ضربني …
ياسين : كرفصك …
نوار”حسات بيه نسا را مولفة تحل لكليما ويمكن حيث باقي ذاكرة عيانة وخا مفكر لكن ماش بزاااف وماشي كلشيكل نهار كترجع ليه حاجة لكن المواجهة بذكريات باش يخدم ذاكرتو فيهم مزال دابا غير ذكريات زوينة الي كتبعت راحة لا غير …هاذشي علاش طبيب بعد يومين غادي يبدا يسولو على يوم الحادث ويزيد عائلتو تواجهو بشحال من حاجة وحددو عن طريق ردة الفعل …حطات راسها على كتفو مبعدة گنازتها ياسين “حط راسو على راسها وتنهد تا سمعاتوغمض عينيه كيحك حنكو على شعرها وهز ايدو ضورها مددها تالحنكها كيمسح عليه …حسات بفرشات تنشرو ليها فكرشها ويااااه على هاد لمسة شحال افتاقدتها…”
نوار”هزات نفس تا تنفخ صدرها مغمضة عينيها مستمتعة بلمساتو” : ممممم
ياسين : كاااع …”هز راسو وضار باسها فشعرها وضور ليها راسها تا هز ليها وجهها قابلو مع وجهو كيقلب فيها بصباعو ويشوف عينيها ووجهها منخرها كلشي حتى لاحض ضعف وجهها وشحوبيتو وعنقها الي تمص …عزات عليه حس انه عليه مرضات معارفش انها عانات الامرين لااا بل اكثر ونوار الي مكتصبرش فغيابو ومرضو عضات فالصبر تا مقدت …وزادها الوحم وهو مكاينش …شنو غايكون رد فعلو فاش يعرف ويبدا يربط الاحداث ويتفكر انه فوحمها مكانش جنبها …
ياسين : ماتهلاوش ليا فيك انوارتي …
بقا على ديك الحال كيدوز بصباعو على وجهها وجنتيها عينيها شفارها فمها الي بياض وجهها صفر ضرو خاطرو ومااايحس بيه حد …تا ضور ايديه ورا قرفادتها وقربها ليه اكثر تا باسها فشنيفاتها بوسة خلاتها تهز هي والي فكرشها تا طلعت معاها صهدة …باسها بوسة خفيفة ورجع شاف فيها …تا سمع دقان …
وهو يضور راسو هي بغات تنوض حس بيها بغا يجلسها تا مرفقو ضرب جنب كرشها بجهد حسات بموس تخشا فيها تا كانت غاتعوت ربي الي خلقها وهي تجمعها بزز تا بغات تسخف ودموعها عالطرف …
ياسين”ضار عندها بجهد وهو يلقاها كتنهج” : م مالك ؟؟
نوار”حبستها بزز حسات بضو حسكها ووجعة شدتها كتنهج تنهج فخاطرها تا بغات طيح وهي تعوج راسها” : وواااالو غير توحشت راجلي …
#تصبحن_على_خيييير…🦋نور_الياسين(1057)#فرصة_ثانيةsana mina🐺🦋
الصبر فهاد اللحظات الي هي فيها كيخصها تصبر اكثر ما صبرات وهو كان فكوما …الصبر انه تعض وتعض باش متالمش ويعرف شنو بيها…هو اه بدا يتحسن حالتو لكن را ذاكرة ديالو مزاال كتقاد مزال ليه بزاف وهو يلاه عشرين يوم تقريبا باش فاق من الكوما …خاصو ترويض لجسد ديالو
وترويض حتى لذاكرة ديالو …انه يعرف ب حملها هذا غايخليه يتصدم وردة الفعل ديالو غادي تخليه يرجع بالذاكرة يتفكر ويتفكر وممكن يتفكر انه مكانش معاها ففترات هي محتاجة ليه غايتازم وكترة تفكير فوق طاقتو غادي تاديه هادشي علاش طبيب مخليه حتى يرتاح اكثر لانه كيمشي معاه شوي بشوي باش ميتنكسش …الغيبوبة اغلبنا مستهنين بيها
عند بالنا فقط انه يفيق يحتاج ترويض وينوض لكن الي معارفينش ان دماغ الي كان واحد شهور ناعس مكانش فيه اي نشاط ومن يفيق تاهو خاصو ترويض باش ينشط من جديد وماشي دقة وحدة الدماغ اصعب حاجة فجسمنا …
ياسين”شاف وجهها هرب منو لون اكثر ماهو هارب” : مالك ؟؟؟
نوار”تبسمات ليه ” : وااالو غير توحشت راجلي ههه “عضات شنايفها من الالم ”
ياسين”صغر عينيه بشك ” : متنوضيش من حداه الى توحشتيه …فايتك غير بصبر كاندي”شير ليها” اجي حدايا …
قاطعهم دخلو يامنة الي طلات عليه ودخلات تبعتها مينة …
مينة”قربات عندو سلمات عليه ” : كي صبحتي ليوم خويا …
ياسين”حرك راسو” : حامدين شاكرين …
يامنة : سولت قالت ليك معندكش دابا …
نوار”مزيرة ولكن حاولات تصبر وباش ماتيرش انتباهو وتمات غاديا مضركة بمينة مرورا بيامنة والحاصول راها كتدوز من ديوانة كل نهار هههه ” : انا جايا …”تمات غاديا حتى وقفها بصوته قفزت ”
ياسين : فين ؟
نوار : اا ؟ بغيت نمشي غير طواليط “حكات شفايفها بسنانها”
ياسين”بقا يطلع فيها ويهبط وولا حرك راسو بمعنى ” : سيري سيري وكان …
حدرات راسها ووجهها تزنگ وخرجات كتزرب مشات يامنة عندو باش يشوف فيها وتحجبها عليه حيث فهمات ان بيها شي حاجة وبقات يامنة ومينة معاه كيهضرو معاه حتى جا فؤاد ولقا نوار جالسة فالكرسي فواحد الممر كانت كتهضر فالتيليفون وشادة جنبها …
نوار : واخا عيطي ليها انا نهبط عندها…
يسرى : واش باقي فيك الوجع ؟ باش كتحسي ؟
نوار”كتنهج” : غير قصحتني ضربة مشافنيش وو ففف حسيت بروحي بغات تخرج غير صبرت وي شدوني شي وجيعات خفاف …
يسرى : دابا غاتشوفي يامنة تهبط معاك ولا شي حد ونزلي عند هناء انا نعيط ليها يمكن عندها بيرمانونص ف لي صال داكوشمون …
نوار : ففف واخا واخا …عنداك توقع ليهم شي حاجة”بخوف”
يسرى : متخافيش ابنتي متخافيش غير شدي فراسك …
قطعات معاها وهي تهز راسها بان ليها فؤاد واقف كيشوف فيها وسمعها اش قالت وووجهو بان عليه الخوف والقلق من حالتها خصوصا وجهها شحب لونه وتخطف …
فؤاد : نوار !!! شنو وقع ؟ مالك ؟
نوار”حيدات ايدها من جنبها حشمات منو وهي تحدر راسها” : ممم قبيلة ياسين مشافنيش وضربني بمرفقو لجنبي …عيطات ماما لطبيبة تحت تشوف واش كاينة نهبط عندها…
فؤاد : نوضي اجي معايا …
نوار”هزات فيه راسها بجهد وناضت معاودتهاش معاه متقدرش وميقدروش يعاودوها من وراه نوضي هي نوضي …عاونها تا تسندات عليه تابطات دراعو ومشا معاها ..تا عيط لواحد فرملي تما كيعرفو ومشا جاب ليه كرسي متحرك جلست عليه وساق بيها شادة جنبها وحشمانة ومزيرة مسكينة كلشي تلاقا عليها …”
اما عند ياسين حس بيها تعطلات وبقا يطل عالباب وحجبانو معقودين كيسمع لمينة شي وشي مكيسمعوش …
ياسين : حنانة… نوار !!
يامنة : هاهي دابا تجي عرفتي شنو انا نشوفها ونجيو …
ياسين”حرك راسو وكيشوف فيها غاديا تا سدات الباب بقات معاه غير مينة …”
تكات على البياص فالجيهة المقابلة كتسمع صوت العيالات وحدة تغوت وتوجع ووحدة كتمشي وتجي وتلالي بحر وجع الولادة …مع لقات الطبيبة فالمكتب فين كاين جناح الولادة ماشي فالمكتب لاخور فين دوزت اول كونطرول ليها…دارت ليگانت وحطات ايديها على جنبها كتقلب وتضغط عليها تا كتقفز نوار هههه
هناء”شافتها كتدور وجهها مع كل صرخة ديال شي وحدة كتوجع” : ههه خفتي ولا …
نوار”شافت فيها” : شي شوية ..
هناء”دارت جيل فوق كريشتها الي سمارت بالكلف ودارت لاباراي” : عادي نتي غير توجدي وتبعي تعليمات تسهال عليك هادشي طبيعي حبيبتي …”بدات كتدوز وتشوف فالايكو وتورك فالبوطون وتحسب وتقيص …حتى سالات وعطاتها تمسح ..”
نوار”تگعدات بشوي تا عاونتها وقفات ” : بيخير ؟
هناء “شداتها غاديا بيها ” : اجي بعدا معايا جلسي منخليوش شيخك كيتسنى وحدو مشطون عليك وماماك توصي وتعاود هههه ..”داتها تا خرجات على برا لقات فؤاد واقف بعييد مدخلش حيث كاينين عيالات تما وخرجات عندو ”
فؤاد”شد فيها” : بنتي …”شاف فهناء” كلشي مزيان ؟
هناء : ماعندكم مناش تخافو هو قلبت بايدي بان ليا مزيان وتاكدت بالايكو غير هو دابا راها فالسادس خاصها ضروري تشد لارض متبقاش تحرك الا لضرورة …
نوار”خرجات عينيها” : و و كيفاش …
هناء “شافتها كتزير” : حبيبتي كترتي عليك الحركة وضغط كترتي عليك بزاف …وهادشي ماشي فصالحك…
#يتبع…

🦋نور_الياسين(1058)#فرصة_ثانيةsana mina🐺🦋
هي عارفة انها غير توصل سادس كيخصها تشد لارض ويفضل تشد الفراش لان مشكيل رجليها غايعذبها وزيادة انها حامل بتوأم غايخصها ترد لبال لراحتها بالاضافة الى انه متعاني من فقر دم قبل وخا تقريبا تشافات منو رجع ليها لانها ففترة الحمل …لكن باش تقولها وهي عاد مافاق ياسين وكيخصها تبقى بجنبو عالاقل هاد الايام الي حرجة عندو حيث غايخصو يعرف وينعش ذاكرة لبزاف الحوايج …
هناء : هادشي حبيبتي راكي عارفاه ديجا وعلماتك ماماك فور ماعرفتي بالحمل عاد وعرفتي انه عندك توأم …
فؤاد : الي وقع وضربة ؟
هناء : الحاج الضربة متخافش فاش درت الايكو مزيانين غير هو حالتها دابا متقدرش مزال تبقو تمشي وتجي وتحرك وتسافر خاصها تبقى مرتاحة ففراشها ومتحرك الا لضرورة الخاصة …هاهما مزيانين لكن مع مرور الايام وشهور الحمل الحالة غاتصعاب …
نوار”كمشات فدراع فؤاد تا شاف فيها لقا عينيها مغرغرين بغات تبكي” : و يا ياسين …غايسول عليا …
فؤاد”قربها تا جلسات فواحد الحافة تما ” : شش تهدني ..
هناء : دابا غير طلعي عادي تصرفي عادي غير بقاي جالسة مرتاحة متحركيش بزاف مديريش حركات مفاجئة …”شافتها عيات” سيري حبيبتي ترتاحي راكي مكابرة مع راسك …
فؤاد”نوضها وجاب كرسي متحرك فاش جات جلسات فيه شكر طبيبة من بعد توصيات كتاكد ليه وساق بيها طلعها لفوق …بانت ليه يامنة جايا تقلب تا شافتهم ونوار عرفات ان بيها شي حاجة خصوصا كتكمش عينيها ووجهها ميبشرش ..” : يامنة …
يامنة”وقفات وشافت فيها ” : مالك ؟ “شافت فيه” مالها ؟
نوار”شافت فيها وقالت ليها شنو وقع ” : شنو غادي ندير معاه ؟ غادي يبقى يسول عليا اهى ومنقدرش نخليه “دازو دموعها مخلط ليها كلشي عيا ومرض وخوف وشلا متجمع عليها”
فؤاد”تحنى عندها وشاف فيها” : صحتك وصحة الغاليات والباقي كلشي دايز هضرة وكلام يقنع الانسان …
نوار”خذات نفس تا خذاتها فحال شي وحدة كتقلب عالنفس تخنقات وتنهدات بجهد” : عنداك يمرض عافاك متخليهش “كمشات عينيا” اممممم افففف اهى اهى …
فؤاد”بخوف ” : مالك ثاني ؟
يامنة : مالك ابنتي ؟
نوار : كضرني كرشي اهى ففف …عيييت ..مغاديش نقدر نصبر قدامو …
صونا ليها تيليفونها وهي تجاوب كانت يسرى الي تسناتتها تخرج من عند الطبيبة وجاوبتها بصوت باكي عرفات شنو كاين …
يسرى : سيري دابا تكاي فشي بلاصة تسرحي على ضهرك ابنتي دابا …
نوار : و واخا نشوف غير ياسين …
يسرى”غوتات عليها بجهد تا تسمع صراخها لعند يامنة وفؤاد الي قبط تيليفون من عندها حيث شافها متقدرش …” : وااااا ديري شنو قلت ليك كوني تسمعي
فؤاد : شش شنو كاين ؟
يسرى : خويا عافاك ديها لشي شومبر تما تسرح على ضهرها ماحدها كتحرك وتدير ايفوغ فوق طاقتها دابا كيتسمى غادي تعاني هي فحالة دابا خاصها تبقى متكية تاترتاح …
فؤاد”قطع معاها ديك ساعة وجر نوار بالكرسي مخلا يامنة تا تفهم منو وداها لواحد شومبر تما كيقلب حتى لقا واحد خاوي ودخلها ليه تبعاتو يامنة كتزرب تا دخلات عليهم …” : عاونيها تكا على ضهرها …
يامنة : واخا واخا …
نوار “بخوف” : عافاك ياسين الى سول هضر معاه ميخافش عافاك …
فؤاد”هزها بين دراعو وحطها بشوي فوق ناموسية جات يامنة غطاتها وحيدات ليها صبيبيطها …باسها فراسها” : هناي من جيهتو هناي بنتي ديها فصحتك والي فكرشك كلشي ليه حل …
حركات ليه راسها وخرج هو من الغرفة مخلي يامنة كتقاد ليها مخدة تحت رجليها وتعاونها وهو مشا جيهة غرفة ياسين ووقف شحال كيشوف عرف انه قدام واحد المعركة مع سيدنا ياسين من نوع اخور …حنحن وحل الباب عليه لقاه متكي ماشي ناعسوانما متكي فحال جالس مقادين ليه سرير …غير تحل الباب صار شاف فيه لقاه مغوبش باين على وجهو انه مقلق على مكتئب على قانط وماحامل الجلسة زيادة على انه تشغل بالو على نوارة قلبه …
ياسين : الوليد …
فؤاد”قرب ليه وحط ايدو على راسو” : شوية دابا ؟
ياسين : شوية شوية معديين وصافي ..”كحب شوي وعاود تا كمش فؤاد عينيه”
فؤاد : البرد زارك ؟
ياسين : يمكن “دوز على جبهتو وطلع لراسو وشاف فيه ” نوار فين مشات ؟
فؤاد : نوار عندها غراض مع يامنة مشات تشوف على البرد يعطيوها شي حاجة وترتاح وتجي …
ياسين”تگعد بجهد ” : كيفاش !! فين ترتاح ؟
فؤاد : ياسييييين !! ماتشغلش بالك ولا لا ؟
ياسين : منصيبش الوليد …”شاف فيه ” تقدر على الحنانة ؟
فؤاد”تگعد كيقاد صدايف الكمايم وكيشوف قدامو تا عوج فمو بحركة سريعة فحال غمز” : هادي صعيب الحالي وحالي من حالك …وليني لاكنت صحتي مزيانة منصبرشاي …لاكنت فحالتك نصبر ونعض فالصبر…هالكك البرد مريض تاهي من حالك شنو المعمول …
ياسين : واخا واااخا هاني صابر وساكت …شحال جهدي …
فؤاد : جهدك يومين تلاتة …جهد الي جهد تبرا وهاهي حداك …تگعد شوية فصحتك ونديوك عندها وعند واليك(عائلتك ) لا انا لا حنانتك نقدرو نجيو عندك هاد ساعة الى معلمنا طبيب …
ياسين”تكا راسو لفووووق كيشوف وهو يسوط بنفاذ صبر” : الوليد …
فؤاذ : بكري …
ياسين : كلامك تاج على راس من هاد لعين لهاد لعين اش عند البكر ميقول قدام باه ؟ من غير يشد من عندو الرضى والكلام الي يوقف معاه فالمحنة وشدة …
فؤاد : الله يرضي على ولدي …
ياسين : وخا من هادشي شوف نوار وجيبها نشوف مالها حالها ماعجبني …”شاف فيه وفؤاد شاف فيه وهو يدير ليه حركة بمعنى هادشي الي عطاك الله ”
فؤاد : لا حول ولا قوة الا بالله …
#يتبع…🦋نور_الياسين(1059)#فرصة_ثانيةsana mina🐺🦋
بقا معاه شوي كيهضر معاه وخرج يشوف نوار وصلات العشية تقريبا مع العصر حتى جا الطبيب عندو دخل عاود معاه الهضرة لكن هاد المرة زاد شوي لادوز على الهضرة الي فاتت ..
محمد : باش كتحس على البارح ؟
ياسين : الي كان البارح منو مبقا ليوم …
محمد : يعني غادي وكتحسن ؟
ياسين : الحمد لله …
محمد : مزيان …من ناحية القنطة باقيا ؟ وخا عندك العائلة كيجيو الوليدين كل نهار ميمشيو تالليل مونسينك المدام …
ياسين : الحباب حدايا بالدوام ان شاء الله …”هز راسو لسما بقنطة” الي مولفو فحياتي تحبس عليا دابا معارف تاليتي امتا …
محمد : ان شاء الله غاترجع كي كنتي واحسن عطينا غييير من صبرك اولدي ميكون غير الخير …
ياسين : ان شاء الله “كيحرك راسو بثقالة” ان شاء الله …
محمد : سمعني دابا نسولك وعلاش مقديتي جاوب متفورصيش على راسك ومديرش شي ايفوغ فوق طاقتك …متقولش انا صحيح نقد وقاد براسي …نتا دابا فمرحلة نقاهة غادي شوي بشوي باش توصل لصحتك كي كانت …
ياسين : تيسر تيسر …
محمد : عاقل اش وقع قبل متغمض عينيك ؟ يعني قبل متمشي وتفيق تلقا راسك هنا ؟
ياسين”حدر عينيه ومشااا كيفكر حتى بدا كيكمش حجبانو ويزير على فمو ويحرك راسو كيتفكر وداكشي كيبان ليه شي معيور ومضاربة واحد دفعو بكتفو وغادي وكيسترجع تا ضرو راسو وغمض عينيه عصرهم ” : ففففف
محمد : ضرك راسك ؟
ياسين”هز صباعو مسد بيهم نوضارو وعينيه عصرهم ويسوط ” : ممممم
محمد : شنو ؟
ياسين”رجعت بيه ذاكرة لبنية صغيرة كيتفكر ويعصر ويشد راسو ” : ايليا …ممم “عض سنانو وتزير تا مسد تاني راسو”
محمد : ششش صافي صافي حبس قوليا غير واش فرحان دابا ؟ يعني حبابك حداك ؟ تبغي تخرج فوقت الي تيسر ليك ؟ “غمز فرملية تضرب ليه مهدئ خفيف غير يحبس عليه صداع راسو”..
ياسين”شاف جيهة ايدو كتضرب ليه شوكة وشاف فطبيب” : شنو ؟؟؟
محمد : هههه غير مهدئ باش يحبس راسك من صداع مغاتنعسش متخافش …
خرج الطبيب من عندو لقا خوتو واقفين باش يدخلو عندو يشوفوه سلم عليهم براسو ومشا وهما يدقو عليه ودخلو لقاوه متكي مغمض عينيه ماشي ناعس …
الحبيب : كيفاش اخويا شوية ليوم ؟
ياسين”حل عينيه وضار عندهم ” : الحبيب اسامة …
اسامة”قرب عندو كيتفحصو” : ياك خويا مزيان ليوم صحتك مزيانة ياك ؟
ياسين”غمض عينيه وحرك ليه راسو” : مزيان مزيان”مد ايديه ودوز ليه على دراعو حيث كان قريب ليه ” قرايتك ؟
اسامة : مزيااانة كون هاني غادي مزيان …يومين وراجع لهيه عندي شلا امتحانات وخدمة …والفيرما خاصني نوقف عليهم …
ياسين : يعمر دارك …”شاف فالحبيب” الاخت مزيانة “على مرتو”
الحبيب : لباس عليها بقات معاهم فالدار …
ياسين : نوار لباس ؟
الحبيب “مفراسوش” : علاش نوار ماشي هنا ؟
ياسين”هز فيه راسو بجهد مخرج عينيه” : كيفاش !!
اسامة”شاف فالحبيب والحبيب شاف فيه ولاو يصرطو البيض المبيض الابيض” : اممم
ياسين”ناض نصو كيضرب فوق سرير ويمسح ويحك ويصور هنا وهنا تلف وتلفات بيه لارض …” : شوف ليا شي كرسي باش نخرج …
الحبيب : خويا تهدن هاحنا غانسولو الحنانة جيت ملقيتهاش هي والوليد …
ياسين”صااافي هنا كملت ليه …خرج فيه عينيه ونطق بحروف متقطعة” : ج ييييييي ب ليا كرسي “نفخ ” فففف جيب كرسي ميموح ليا نتحرك بيه غاتلقاه غير هنا تحرك عليا …
اسامة بان ليه تعصب وهما موصينهم ميتعصبش باش ميضروش راسو عاد تخلع من نضرته …مشا كيزرب ويجري وخرج لقا فرملية طلب منها كرسي مشات ضبرات ليه فيه لقاتو فواحد الكولوار…وجابو ليه كيزرب …
عاونوه الحبيب واسامة واحد من هنا ولاخور من هنا ومع ضعاف ومريض خفاف ليهم تعافرو معاه تا قادوه فالكرسي وكانت اول مرة غايجلس فيه ويخرج من الغرفة …خرجوه مساكن كيولولو معرفو اش دارو …
الحبيب : فين نمشيو ؟
ياسين : عيط لحنانة سولها فين هي ..
اسامة”جبد الفون عيط ليها” : فينك اميمتي فيناااااك يا ميمتااااي “شاف فياسين الي كان متكي على حناكو كيغزز فصبعو تاهز فيه عينيه مخنزر” فينك اماما …ااه واخا…
وراهم فين كاينة وداه الحبيب ..حتى دخل عليها ضارت وهي دهشر تا شدات على فمها الحبيب كان بغا يسخف غا شدو اسامة هههه
ياسين”عينيه على نوار خارجين وحجبانو تعقدو ليه وحالة الخوف بانت عليه كيشوفها ناعسة وجهها صفر وحالتها تقطع فالقلب …ضرب فالحبيب يجرو لعندها ” : ق قر ربنيييي..
يامنة : ولدي غير نعسات ضاربها البرد رتاح هاهي تفيق و”حبسها بايدو ” ولديييي…
ياسين”قربو ليها وشافت فالحبيب هز ايديه وحطهم بمعنى الي عطا الله عطاه …مد ايدو لعند وجهها دوز عليها وحط حنكها وسط كفو لقاها طايبة بسخانة حس بقلبو تكمش تا غمض عينيه وصرط ريقو ..” : نوااار”بح ليه صوته ” مالك …كاندي ديالي …”هبط ايديه من حنكها لفمها لكتفها حتى بانت ليه كرشها منفوخة حيث حيدات كسوة ولبسات بيجامة قطن خفيفة …حط ايدو على كرشها كشوف وكيقول اش هادشي ؟ قاصها قاصحة بدا يدوز عليها وممستوعبش اش هادشي حتى ضرباتو شي حاجة لايدو حس بيها فحال الفارة تما كانت وحدة من البنيات تحركت شوي خرج عينيه على جهدهم حتى عرا ليها ليزار وهي تبان ليه الكرش مقنبلة …”
ياسين”عينيه خرجو تا حس بضو ضربو فراسو بغا ينطق بح ليه صوته وشهق “…: حاااملة !!!
#تصبحن_على_خير…🦋نور_الياسين(1060)#فرصة_ثانيةsana mina🐺🦋
ماعرفات يامنة باش تبلات وماعرف الحبيب واسامة فهاد اللحظة شنو يتصرفو ولكن مابيدهم حيلة ماقدروش يهزو فيه العين ولا انهم يقلقوه ويتعصب وهو اصلا فغنى على هادشي …ومخاصوش يتصدم حتى يتفرش ليه الخبر على مهل حفاظا على ذاكرة ديالو تبقا سليمة وميضروش راسو …ولكن كيف كنقولو تحطو فموقف ديال الكلاب معندهم ميعملو …الان هو ردة الفعل كيفاش غاتكون ؟؟؟
يامنة”دارت ايدها على فمها خصوصا فاش شافتو تشعط وبانت من عينيه …ونطقات بينها وبين نفسها بصوت شبه مسموع” : ياربي تلطف ياربي …
الحبيب “دار ايدو على جبهتو كيحك فيها بتوتر”
اسامة”ربع ايديه وايد هزها دارها على فمو الي محلول”…
ياسين”عينيه مبقاوش كيرمشو كيقلب فيها ويعاود ويرجع يقيص فوجهها وحناكها وراسها …تلفت بيه لارض ودنيا تلف بيه الحال …هز عينيه وضار جيهة مو ويرجع يضور بجنابو ويعاود يشوف فيها …حتى حبس وحدر راسو دارو بين ايديه …” : الله …
يامنة : ي ياسيين ولدي …
ياسين”الصمت ”
يامنة : ولدي غير تهدن نعاودو ليك كلشي بشوي”شافت فالحبيب وتمتمات بفمها ميسمعش ياسين” عيط باك وطبييييييييييييب “مخرجة عينيها ”
الحبيب”حرك راسو بزربة خرج من شومبر كيقلب على باه يعيط فالتيليفون باش يقولها لطبيب ” : الوليييد فينك …واخا سمعني …
اما عندو هو فالشومبر …بصوت يامنة مقربة عندو وكتهضر معاه بشوي لا يدير شي رد فعل عصبي يغوت يعاير يقول علاش وكيفاش كتحاول معاه بالهداوة كيف ما وصاهم طبيب حيث واحذ نهار جمعهم كاملين وحطهم بصورة وعطاهم تعليمات لهاد المرحلة …
يامنة “حطات ايدها على ايدو ” : حنينة …غييير بشوية كلشي غادي تعرفو …راك عارف …
ياسين”عض شنايفو تا عصر عينيه وهادشي مبينوش ليامنة حيث بقا حادر راسو …صبر قد ما قدو وخذا نفس بزز تا هزو عينيه حمرييين ” : اش واقع اميمتي اش واقع وشنو وقع وانا مكاينش …
يامنة”هادي بادرة عطاها ليها باش تجلس فكرسي حطاتو قدامو” : كل خير اولدي كل خير…مكاين غير المزيان وهادشي يفرحك بعدا عاد سمع تفاصيل كاملة كبيدتي …
ياسين”مسد بصبعو نواضرو ” : و “عض سنانو وعصر عينيه” كملي …
يامنة : راسك كيضرك اولدي رتاح ونعاود ليك …
ياسين”هز راسو بجهد بغا يخنزر حتى بانت ليه نوار كتقلب على ضهرها وضارت عطاتهم بضهر وديك الدورة الي ضارت كتكمش عينيها وتشد تحت كرشها غير باش ضور خاصها شحال …وشحاااال ياربي عزات عليه فهاد اللحظة وشحال …قلبو ضرب بجهد وهو كيشوف كتلة الفشوش هازا فشوش على جوج ههههه ”
يامنة”ضارت شافت فين كيشوف بانت ليها كتقلب وتعصر عينيها…”
ياسين “را صداع دنيا فراسو وصابر بزز باش يسمع يعرف باش يتذكر لان النقطة هادي فراسو فراغ ضلام كيبغي يسترجع الاحداث والذكريات وهادي بحد ذاتها فاش مكيلقا والو كيوقع ليه صذاع فراسو لان باش يتفكر خاص تيعزف وشوي بشوي عاد يسترجع كلشي…ة” : مممم…
يامنة”شافت فيه” : ولدي رخف على راسك غاتعرف كلشي …مقلناش ليك حيث عاد نضتي من مرضك ..كلشي تعرفو …”
اسامة : خويا تكالما بعدا ها الوليدة والوليد يعاودو ليك كلشي …اجي خرج خليها ترتاح باش متسمعش وتفيق وتخلع عليك …
ياسين : خرجني …”هز عينيه شاف فيها تاهي مجابت خبار” خرجني غير عند الباب “شاف ف يامنة ” عاودي ليا …
اسامة”جر كرسي بلور تا بعد وضورو وهو محد كرسي كيضور وهو حاضيها تا ماقدش وضور راسو خرجو عند الباب ” : مرتاح هنا ؟
ياسين”الصمت”
يامنة “بغات اي حاجة تنقدها حيث معرفتش كيفاش تصرف معاه وخصوصا كتشوفو مزير باينة من وجهو …حتى بان ليها فؤاد والحبيب جايين يجريو وجاي معاهم واحد طبيب ماشي محمد ” : ها فؤاااااد …
فؤاد”وصل عندو” : ياسين !! مالك شنو واقع ؟
ياسين”كان حادر راسو كيشوف لتحت تا هز فيه عينيه ودار حركة بايدو” : انا الي بغيت نعرف شنو واقع …
الطبيب”حنحن” : انا دكتور الي مناوب على دكتور محمد…قريت لملف ديالك وعارف حالتك ايطاب باغ ايطاب …
ياسين “حرك راسو” : واخا واااخا قول ليا شنو كاين …عااارف محتاجين صبر معايا وتانا راني عاض فالصبر واااا قهرة دنيا ودين شاداني هنا ماخاطر عندي ما والو صابر باش منشطن تاحد معايا…صابر باش منضرش الي تضرو معايا …راني حاس وعارف غير من عينيهم باينة تكرفصصو ….دقة بدقة ماشين معايا؟؟؟”حط ايدو على صدرو” هاني محاول وكنحاول وكترة الهضرة دابا بلا فايدة وانا صابر وكنتسنى …”غوت بجهد” وااااا رحموني رحموني را عقلي على قدي ومرتي لداخل معارف تا شنو بيها …الوليد من عينيه هاز هم دنيا ودين ….رحمو العبد ضعيف …اش واقع “عصر عينيه وخدا نفس بجهد وطلقها تقولي الاكسيجين كان مقادي ليه ” …
#يتبع…

Leave a comment