Skip links

قصة : نور الياسين ج 44

 32,871 عدد مشاهداات

🦋نور_الياسين(982)#فرصة_ثانيةsana mina🐺🦋
منا بزاف فهاد الدنيا عاش الم الفقد والى الخوف من الفقد بنوع من انواعه باي طريقة باش فقد العزيز الغالي عندو ولكن كيبقى الالم واحد وحرقة وحدة غير الفرق بالحالة كيفاش عاشها وتعايش معاها…الي فقد اب ام اخ صاحب ابن ابنة الخ….
الخوف من انك تفقد اعز انسان عليك هو صراع مابين الفقدان وبين النجاة صراع بين الامل والخيبة السأم اليأس الضجر….هاد المواجهة بحد ذاتها عذاااب نفسي مايحس بيه غير الي مجرب حالة من الحالات الي ترزا فيها او غايترزا فاعز شخص عندو والي تغدر وغدراتو الوقت والدنيا وغفلو كحل الراس حتى ضرب ليه الساس وطاح العمود الصنديد الي جبل
مايهزو ريح باش تعرف ان الانسان كيبقى انسان ورب العباد هو اقوى وماحنا غير دم ولحم وروح بتها فينا الله سبحانه قادر يسحبها فاي لحضة طاحت ورقتنا ونتحسبو كاننا عشنا فهاد دنيا الي قسم لينا الله فيها باش ماعطى وكتب علينا وغانبقى غير ذكرى الي تفكرنا يقول على حسب العمل ديالك فيها يا “الله يرحم القبر وما خلا ” ولا ” ايوى الله يرحمو اما را مدارش علاش يترحم”
فالاخير را حفرة وحدة الي غاتهزنا ملمومين فتوب بيض مفصل عاقدين لينا لايدين ورجلين وحازمين لينا راس وراشينا بالحنوط من قبل مغسلينا العومة لاخرة ومدخلينا فحفرة محفورة لتحت فالجنب ونعستنا فيها لاخرة وغطانا اللحد وتراب طافي علينا ضو وعلامنا الشاهد و “يا واقف على قبري ادعو لي بالرحمة ” او درية صالحة تدعو لي ولا قريب …..
سوا عشنا عمر طويل او قصير سوا ربي نجانا او طول عمرنا را اخرتنا ما ذكر طال الزمان او قصار….
#فلا_باك….
كمل المكالمة مع اركان خشا الفون فجيبو وتوجه ناحية الباركينغ فين حاط الطوموبيل لكن كان لابد عليه يخرج من تم حتى صونا ليه الفون من جديد …
ياسين”جبد الفون وشاف رقم جديد فالعادة مكيجاوبش على الارقام غير مسجلة عندو من غير الى رسلتي ليه ميساج وقلتي ليه شكون انت …وداكشي الي دار قطع وتوجه لسيارة الي كان حاطها فالبارك ديمارا وقلب الڤولون باش يشد طريق رجعة حتى جاه ميساج من نفس الرقم طلع ليه فالشاشة ” …
” انا المختار ولد الرويسي ”
ياسين”ديك ساعة دوز رقمو جاوبو فالبلاصة”: شنو ؟؟
المختار : نعطيك المفيد كامل على خوك اسامة وشنو ناويين ليه
ياسين”عقد غوباشتو ” : فينك ؟
المختار : فالقهوى ماشي المعتادة ديال شيشة غاتوصل ل فاس الجديد عند واحد السناك سميتو *** سول على القهوى الفلان فلانية تما غاتلقاني …
قطع معاه وعيط لاركان وهو فطريقو لبلاصة فين داير معاه الولد كسيرا فاتجاه مدينة فاس شاد الطريق حتى قرب يدخل لفاس عند الدخلة صونا ليه اركان من جديد …
اركان : تا فينك بغيت نجي لعند ايساف الي ولا اب حنون …
ياسين : فينك نتا ؟
اركان : بغيت نشد طريق لعندكم لازرو …
ياسين : تيسر تانشوفك تما بالليل راجع فحالي …”حك لحيتو بصباعو الي متوسطهم الگارو هز عينيه فالسطوپ بان ليه الضو الاحمر شعل ووقف ” عيط ليا المعلوم الي بغينا …
اركان”عقد حجبانو” : ولد رويسي ؟ منين جاب نمرتك ؟
ياسين”عوج فمو” : نمرتي التجارية متاحة لجميع …
اركان : مكتوصلش وتجاوب من ماكان …
ياسين : كاين ميساج علم شكون ونعطيك الجواب …
اركان : وبطبيعة الحال زگيتيه حتى تعلم الحاج رمسيس فؤاد …
ياسين : ناس مكيتبتوش بالتيليفونات ناس كيتبتو فيس تو فيس …
اركان : ههههه اي نو برو …”خرج عينيه ” ي ياسين ياكما غاتلاقا بيه ؟؟
ياسين : نشوفو شنو كاين …
اركان : وياك الخو ويااااك معرفناش شنو تحت راسو را ولد لحرام مقطر عاد شي شهرين هادي باش خرج من الحبس ومحلفين عليه واحد جوج من قبل ميتشد …
ياسين : بينو وبينهم اركان الي بغيت نوصليه عندو …
اركان : الي عندو را غايتكلف باك راك عارفو جوج كلمات ينفي الحزاق كامل كي نفى عيسى …
ياسين”شاف الضو خضر وانطالق” : ماعليش نشوف شنو تحت راسو ونرجع قطع شوي ونعيط لوليد نعلمو …
اركان : واخا وااخا ورد البال مزال منسيتش الحراسة الي حيدتي ومعلمتينيش بيها…
ياسين “رفع حاجبو” : نعلمك ؟ بابت اش ؟ “زاد مكسيري لوجهة ” تلاح تق*** …”قطع عليه”
اركان : ومسخووووط هذا مسخوط حق الرب المعبود …بلاتي”صونا لتيليفون وعيط لولد الي كيقرا عندو ” فينك نتا ؟ علمني داك مختار رويسي …
توفيق : واااكواك مشيتي اخا لولد رويسي را منو لعزيز وعزيز منو لمنتصير الي تابع المراكشي كلو …
اركان : المراكشي ؟ ايه ؟
توفيق : وصبر عليا اخا نكمل ليك “جبد جرة من الجوان وساط دخان ونطق بصوت مغموق بالدخان” رويسي را ولد لحرام لويعيب (كيلعب بالتصغير) مع راسو الى هضر درويش عرف القضية فيها ان …
اركان : المعنى ؟
توفيق : كتلاقاش بيه حتى تكون معاك الحمية را معادي مع شي قطاع الرحمة ففاس الجديد
اركان “رفع حاجبو ” : علاه ماشي ولد فاس جديد ؟
توفيق : قخ قخهههههههههتهنن تا شكون قالها ليك ؟ ونااااااري فاس جديد باري منو را ولد حي اخور مغاوت مع زبيطة وصطيفة ساكنين تما منوضين صمكة …بمسبة واحد المشكيل رويسي دخل لحبس وبقاو محلفين على بعضياتهم بالرب وقشعوه تايطحنوه …
اركان : صافي قطع تانبغيك ونعيط ليك …
رجع كيصوني لياسين الي مجاوبوش بقا يصوني تا حفا …اما ياسين فهاد اللحضة كان غادي شاد طريق العنوان الي عطاه حتى بلاصا السيارة بعيد ومشا فاتجاه الدخلة مع وقف سول واحد تما دايز …
ياسين : سناك *** “نعت ليه وتم غادي مع تحرك هذاك الي سولو دار جيهة واحد متكي على واحد سارية وغمز ليه ”
#يتبع….🦋نور_الياسين(983)#فرصة_ثانيةsana mina🐺🦋
وصل عند الدخلة ديال سناك الي نعتو ليه لقا دنيا عامرة تما باش يوصل لشي حد فالسناك خاصو يدوز على شحال من طابلة محطوطة وشواية خدامة وصوت التشاش ديال زيت الي فالمقلة وريحة شاورما تعطعط وصهد ديالها يلهب …صوت السرباي كينادي على الي كيطيب باش يعطيه الطلبية …
السرباي : واحد جوج شاورما وواحد طاكوس وجوج بانيني صوصيص لاداند …
ياسين”تقدم ناحية السرباي باش يسولو حتى تمات جايا بنية كتجري تكون عندها ديك عامين وليكوش كتبان متقلة من سروال يلاه بغات تهز راسها وهي تعكل كانت غاتجي على فمها كون ما شدات فسروالو كمشات فيه حتى حدر راسو شافها وهو يتحنى يشدها وقفها ….هزات راسها وطلقات زواكتها خدودها ولاو حمرييين ونيفها لا تعليق ودموعها دغيا تسرسبو ” : شششش صافي موقع والو …
هي : انننننننن اعععععععععع اهى اهى …
ياسين”مسح ليها دميعاتها وجبد كلينيكس من جيبو مسح ليها نيفها الي تخنخن ” : شووو صافي ماوقع والو مطحتيش ماطحتيش …”باس ليها جبهتها الي نازل فيها قصيصة ذهبية وشفيراتها ذهبيين عمرو دموع وتلصقو كتشجمع شنيفاتها تمدهم فحال بوز البوس وتبكي مكمشة عينيها ” فين باابا وماما …
هي : اننن بابا ماما يييييه “هزات صبعها وشيرات بيه ضار فالاتجاه ديالو وهو يلمح طابلة فيها سيدة وراجلها كيدورو يقلبو عليها بعينيهم”
ياسين”هز ايدو وطرطق صباعو تا شاف فيه باها وهو يشير ليه بمعنى هاهي …ضار عندها هزها بين دراعو باسها فحنكها ” : بيلا (زوينة) …
خذاها لعندهم وحطها شكرو الاب والام بدروهم عنكش ليها شعرها الذهبي وهو يمشي حتى شدات ليه فايدو وهبط راسو لعندها …غمزها بعينيه زعما شنو …
هي “مدات ليه فمها زعما بوس والطريقة باش دارتها جابت لباها ومها ضحك ” : ممممم
الام : اههههههه العجب …ليا (اسمها ليا) حشومة عيب هههه
الاب : هههههههه اهيا كوني تحشمي …
ياسين”عض شنايفو وعوج راسو فيها مطلع حاجبو وهبط لعندها مد ليها حنكو وهي تبوسو ” : سميتك ليا ؟
هي”كتحرك راسها وضحك ” : ليا …
ياسين “باسها فحنكها وعاود لحنك لاخور وباسها فايدياتها حس بواحد شعور فشكل كانه كيبوس بنتو كبدتو ” : عاشت الاسامي الالة ليا …
ناض من تما مخليها متبعة ليه العين تا وصل عند السرباي سولو على القهوة وسرباي بقا كيشوف فيه كيف لابس باين عليه ولد الناس والقهوى الي كيسول عليها شكون فيها …مكان عليه سوى ينعت ليه حتى خرج من تما وضار شاف فاتجاه البنية لقاها كتخشي فلاصوص فوجهها كلو تجلخ وتشوف فيه وضحك بسنيناتها ديال الحليب…مشا فاتجاه العنوان حتى قرب وهو يوقف …واحد لحضة جاتو فحال العزلة على الواقع واجتامع بينو وبين عقلو وقلبو …بقا كيفكر فين غادي وعلاش هادشي …تفكر البلاصة فين غادي وشكون هذاك الي قال عليه اركان انه من القطاطعية القطاااطعية بالمعنى …علاش وصل
وعيط ليه ؟ غير هكاك اجي افلان نقوليك شي حاجة على خوك ؟ لله فسبيل الله ضبرت على نمرتك وعيطت ليك ؟ …مال خوك مخطوف ؟ خوك فالامان مع خوتو ولاد عمامو وجدو ومرات خوه نفسها بنت عمو …وشكون باه ؟
فؤاد رمسيس نسر موسكو الي طوف المافيا ديال روسيا بصبعو بلا ميعرف معنى الخوف والي بنفسو واحد اللحضة خاف على ولادو ومرتو ودار ليهم حراسة نسر موسكو بنفسو داير الحماية …
ياسين “نطق بتفكير مسموع” : وغادي بلا حماية نسيت راني مبقيتش ديال راسي وعندي تانا عايلة تحت جناحي الي غايكبر ونكون درع حامي ليهم ….”دور وجهو ناحية البنية لقا باها هازها بين دراعو شادة فكتفو كتلعب بصبيعاتها،،غذا ولا بعدو يكونو عندو وليدات وهو غادي عند واحد معارفو تا شكون …عاطي لعاهد لباه يعلمو باي حاجة وناسي را باه الى حس بهاه وهاه ولا دار راسو فيه هو ولا رجع نسر ديال ايام زمان ميعطل تا واحد فيهم …عطا لولادو الحرية مخليهم يعيشو الحياة الطبيعية بدون قيود ولا روابط ديال ان باهم مع الخارجين عالقانون الشخص الي غايتلاقا بيه يقدر يبتزو ويقدر يدير اي تصرف غير قانوني وماشي تالهيه خصوصا ان سوابق ديالو العدلية ماهي سوابق سرقة او تزوير او مخالفة وانما سوابق جنائية قتل ضرب جرح …
#يتبع…#تتمة_البارت_983_نورالياسين….

حس بنوع من الخطر ماشي خاف وانما خاف على مرته مو باه يتقلقو من جيهتو ..خصوصا انه فهاد الاونة الاخيرة كتجيه احلام غير طبيعية احلام لمحة على المستقبل رؤى احاسيس واحد اللحضة جات فبالو المرأة العجوز الي شافت ليه الكف ديالو واحد اللقطة دازت بين عينيه الحاجة ام سفيان رفيقتو الحكيمة …
ياسين”جبد من جيبو تيليفون ودوز الخط لاركان وتم غادي وكيهضر” : خمسة دقايق وراجع …
اركان : اش درتي را بقا بالي معاك مقدرتش نشد طريق لازرو …
ياسين : درت بناقص راجع نعلم الوليد هو يتكلف …
اركان”تنفس الصعداء” : راااجل اعشيري والراجل هو الي يفكر فالعزاز عليه …
ياسين : و…”يلاه بغا يهضر حتى وقف واحد قدامو هز فيه عينيه …وجهو مصدي سمر بزاااف وفيه ضربة فحنكو طويييلة شادة من وذنو مرورا بحنكو حتى لجنب شفايفو الكحلين بالحشيش جوانات والكيف والخمر الرخيص …فيها نقيطات فجناب ديال الغراز …
اركان : ياسين !!!
ياسين : كاين منقضيو ؟؟؟
هو “هز صبعو وورك ليه على كرشو” : مجايب ولد رويسي فالصو…
اركان”سمع شنو تقال وهو يوقف” : شكون هذاك ياسين جاوبني …تت “قطع عليه”
ياسين”هبط عينيه جيهة صبع ديال هذاك فيه ضفر مطولو وعامر وسخ …ريحة الكيف تعطي منو حتى خسر سيفتو وهز فيه عينيه ورفع حاجبو شير ليه جيهة صبعو وشاف فيه بمعنى ” : حيد …
هو”ثقل صوته” : واااه وااااه زبيطة يقولو ليه ناس حيد ؟ “هز صباعو جوج ” جوووج الي قالوها ويقولوها من هنا تيسالي العمر…ميمتي وحنان حبي …
ياسين : وثالث انا …”كحز شوي بغا يمشي باش ميتشادش معاه خصوصا بان ليه شبه مقطوع غير داري انه مقطوع بالكااامل وخاصو غير معامن ”
زبيطة “تم غادي ياسين تا بغا يتخطاه وهو يمد ايدو وجرو من كمام المونطو تا عنفجو..وقرب عندو كحكح بصدرو المدعدع تحسي بدخان كيخرج كحل مع كل كحة ” : شكون شكون ؟ عاود اخاااا ؟”استفزو بديك الثالث انا”..
#يتبع….🦋نور_الياسين(984)#فرصة_ثانيةsana mina🐺🦋
في اللحضة الي عيط فيها اركان لفؤاد فور ماسمع وحس بنوع من الخطر ناعرف شنو يتصرف فماكان عليه سوى انه يتاصل بيه باش يعلم رجالو الي تما يتحركو قبل ميجي هو …
اركان : وميحسااااابش ليا حيدتي ليه الحراسة ميحاسبش اما قبل نعلمك الوليد سمح ليا سمح ليا …
فؤاد”بركان الاعصاب تمزج مع خوف عليه الي معرفش كيفاش جاه داك الخوف مع نغزة فصدرو وقلبو كيضرب بجهد تا حس بيه بغا يسكت لدرجة فمو حس بيه نمل وضغط كيرتافع …ماعرفش شنو هاد الاحساس جاه …نطق وخا هكاك بختورية وثقالة” : سبق نتا …
اركان : هاني رجعت من نص طريق …”قطع معاه ودوز على وجهو راجع ادراجو عند ياسين فيه تاهو نوع من الخوف حيث سمع الهضرة ورجع باش يشوف مالو ويرجعو بزوج لازرو” …
#فيلا_ازرو….
الحبيب : تي مال الوليد ؟
يامنة “هزات ايديها” : علمي علمك اولدي “كمشات عينيها وشدات جيهة ليسر من صدرها تا جلسات فوق الكرسي” : الله …
الحبيب : الحنانة !!!”مشا. لعندها” مالك ؟
يامنة : شدتني نخصة هنا فففف ياربي سلامة …ضربني البرد واقيلة …
الحبيب : نجيب ليك تشربي …”حركات ليه راسها يلاه بغا ينوض حتى لمح هاجر جايا هازا فايدها بلاطو فيه الما وحطاتو”
هاجر : خالتي مالك ؟
الحبيب “كب ليها الما وعطاها تشرب” : جابك الله فوقتك …
هاجر : كنت جايباه سابقة خالتي سارة وميمة بغاو يجلسو هنا باش يشوفو شنو يتقداو لخالتي راوية على حساب الزيادة …وميمة بغات تشرب دوا …
الحبيب : نفع نفع ازين ههههه
هاجر : ههههه …
يامنة : عيط لخوك ياسين شوفو فين هو باش نوجد ليه شنو بغا وشي حوايج وصات عليهم نوار يديهم ليها معاه…
يوسف”وقف عند راسها مشوش” : الفجلة مالك ؟
يامنة : مماليش امضرا هضرتي مع فؤاد ؟
يوسف : وايلي فحال مكتعرفيش راجلك الى مجاوبش غا جمع وضمص تايعيط …باش نهنيك صونا هو قاليا عندي شي خدمة متبرزطونيش …انا عضامي مزال باغيهم فين نهز دقة من حفايدي ههههه
يامنة : ههههه ايوى صافي “ناضت كتقاد شالها” انا مشيت اولدي لفوق نجمع شنو بغا خوك …
تمشات فطريقها لقات سارة ونجود عاد جايين من لداخل حيث عاد جاو من كلينيك ومشاو تا بدلو وخرجو باش يشوفو شنو يوجدو اول شيء لخروج صفية والوليد ….الوليد او الزيادة فعائلة ابوجودة وال رمسيس من الاحفاد الي فهاد اللحضة من بعد ما خرجو تقريبا كلهم من عندها …خرجات راوية هي وايلاف وجاد لفيلا يرتاحو ومنها تجيب شنو خاصهم …
صفية”ناعسة على ضهرها ومدورة وجهها جيهة الكونة كتشوف فيه شعرو كحل وزغب فوجهو وحجبانو حرشين مغمض عويناتو حتى كيكمشهم والفك سفلي ديال ذقنو كيترعد باغي يعلن البكاء ديالو من جديد ” : ياااربي مالو على هاد البكا ….
ايساف”كان جالس فوق الفوطوي مسرح رجليه وشاد الفون كيقرا فيه حتى هز عينيه فيها وشاف فالولد ” : نجيبو ليك ؟
صفية”بغير نفس” : سير نتا علاش بقيتي هنا ؟
ايساف : حتى تخرجي ونمشي رتاح منخليكمش بجوج…
صفية”ضورات راسها وهزات ايديها حطاتهم على وجهها كتسوط ” : ففففف …”سمعاتو بغا يبدا ” عطيه ليا …
حط التيليفون وناض لكونة هزو هكاك مگمطينو كيف گمطاتو نجود بقا مدورين عليه مانطة ديالو شيبية وداير طاقية فالشيبي كيغرنگ باغي يطلق زواكة …حطو ليها من بعد ما گعدات ناموسية بريمونت جنب راسها ….
ايساف”خشا وجهو فعنقو كيهضر ويبوس ويشمشم” : وهايا ناري على هاد رابعة ديال لحم …يكبر يولي راجل يحامي على باه …
صفية”مادا ايديها” : ارا الولد نرضعو …
ايساف : قوليها سي فحالك بابا يرضعني …
صفية : باش مثلا …
ايساف : ببزازلي …
صفية”خرجات عينيها” : اويلي …
ايساف”خرج وجهو من عنق الوليد ” : اها ها ا غا تحمست اناري …
صفية : ارا الولد ارا كترتي الحماس نتا بزاف عطيني نشوف مالو …بففف ماجيعانش خاصو يبدل الكوشة …
ايساف : يكون خاري زعما ؟
صفية : هاء …
ايساف : مالو يلاه سويعات باش تزاد يخرا من دابا باديها بالخرياني من دروك …
صفية : را يخرج داكشي الي شارب من كرشي موحال داير حاجة بغا غير يرضع …”شداتو فحضنها وبدات تحل الصدافي ديال بيجامة وايساف ماد عنقو كيطل تاهو حتى توقفات وشافت فيه” اش كاين ؟
ايساف : ترضعيه اويلي …
صفية : خرج …
ايساف : وتانتي شحال مصمصت ليك فيها تا وقف راسهم وشحال قرصت وعبزت وعضيت وندغت بشبابها جبت راس تا خويت فيك وحملتي بيه ون..”هز عينيه فيها لقاها ضاربة فيه واحد تخنزيرة مع تزنيگة ” تحمست تاني …انا مشيت لهيه رضعي رضعي وكان ….
غادي وكيضور جيهتها وهي كتشوف فيه تا جلس وباغي يطل وهي باقا مخنزرة فيه هههههه حتى هز الفون وخشا فيه راسو عاد هي خرجات ثديها ودارتو ليه في فمو باش يرضع عاد بدا يجر وهي بدات كتكمش عينيها طلات على راس بزولتها لقاتو بدا كيطيب وقريب يتفلح من تما …رجعاتو يرضع حسات بالوالدة كتجبد معاه …
صفية : اووووه …
ايساف”هز فيها راسو خرج عينيه” : اش تما ؟
صفية”الصمت كتكمش عينيها وتاوه ”
ايساف” بغا ينوض يشوف مالها تفكر انه هادشي فايت مسول عليه وعارف شنو غايوقع مع اولى رضعات ليها” : وتهدني لا تصدقي جايباه فخاطرك ونتي نافسة …
صفية : يخخخ …
ايساف : على موك …
#يتبع….🦋نور_الياسين(985)#فرصة_ثانيةsana mina🐺🦋
جرو بديك طريقة ونطق بديك الهضرة غزز سنانو حتى بان الفك ديالو كيتحرك من حناكو …غمض عينيه بنفاذ صبر كيبرك على نفسو ماباااغيييش يتعافر معاه ولا يتغانن ولا يخلق شي مشكيل او جدال معاه هو في غنى على هاد لمشاكل كلها…حتى خرجو ليه هاد القطاع الي واحد منهم هو الي باغي يسوسو عليه وهو لاصق….
ياسين”هز راسو لسما وساط ورجع شاف فيه” : ااا سمحمد بدل ساعة باخرى …
زبيطة : مجايب ولد رويسي مافيها خير “غمزو بعينو جامع فيها تا حنكو” الي من جيهتو ماعندو ميدير عندنا …
ياسين”طالق غوباشتو وتخنزيرتو” : باش عرفتيني مجايب هاد فلان ؟
زبيطة : مسول عليه فارضي فدربي فسكنى نتاعي …منعرفش ؟ حاط لقحبة تمو ردارات في كل حي هنا ففاس يعتب هاد البلاصة ملقاه معايا …
ياسين”كمش عينيه” : ماشي ولد حي فاس جديد ؟
زبيطة : ههههههه ههههههههه ههههههههه”طرطق بضحك تا ضار عند واحد زوج غمزهم براسو وتحركو من تما…عاد شاف فياسين وخبطو بايدو من كتافو تا تحركو وهو يشدو ياسين من معصم ديالو وزير عليه”
ياسين”خنزر فيه ” : ج ججججمااااع قلاويك من تم …
زبيطة”تنتر منو ودفع ايدو وصرخ باعلى صوته تا ضار ياسين مخنزر كيشوف فجناب تا تصدم لقا واحد اخور هاز سيف فايدو لابس اكس فالبيض وشورط قصير كحل مصفر شعرو وفمو زرق لكن شنايفو مضروبين مشرومين عينيه منفوخين عاد خرج من دارهم كان ناعس وصلاتو البيعة وهز سيف وحداه واحد هاز موس وسيف كبير تاهو…” وااااااعععععععععع
صطوف : كمال !!”زبيطة”
زبيطة “ضار مشربن عند ياسين وشنق عليه بغفلة ” : جيتي لهنا بلا حساب ؟ كتسول على ولد رويسي وداير معاه ومعارفش را ماشي ولد دربنا …تقواديت دز** خاطيااااني اخا شن طن جاي جاي مجايش مجايش وعدو ربو هذا الي يتهز عليا كي التب هنا نمعص ليه لعدو ربو قلاويه مايعيش لا اح لا يسمع papa …
ياسين “فهاد اللحضة تعصب ودور ليه ايدو تا ضورو كامل حيد عليه وصدق مضورو قدامو بغفلة حنا ليه راسو لتحت وايديه لواهم ليه …” : الكلام ديال ز*** فالحين فيه تقاود عليا نتا والي معاك وولد رويسي …لقيتيني مولا دار ووليدات اما نسالي كري معاكم اولاد القحاب …”دفعو برجلو تا جا لارض …وساس ايديه وضار خنزر فهذاك قاد مونطوه …تم غادي مخطيه حتى سمع صوتو من وراه معلن على تشربين الي شدو والقطعة لي تمكنات منو مع ضار لقاه عينيه حمرين وكيحيد فاتيشرت الي لابس فعز البرد تا قطعو هو گاع ….
زبيطة”صرخ باعلى صوته” : وااااااااااالقلاااااااوي عدو ربك جينيتي على كرك ازا*** عععععععععع صطيفة …
صطوف : زبيطة …
زبيطة : عدو رب ربو الي يتعدا على زبيطة بكلمة تعدا بايديه مد ايديه عليا ولد القحباااااااااا…
ياسين”كزز على سنانو فور ما سمع ولد القحبة فحال لحتي ليه المحلة فوق شي جرحة يلاه ضار مغزز لعندو باش يمشي ليه خشا ايدو ورا ضهرو باش يجيد الفردي غير يخلعو حتى طارو عليه بجوج صطوف من هنا هز سيف جابو ليه لجنب تا حس بالضو حسك ليه ديك البلاصة ماحتال يستوعب كان زبيطة ضربو لجنب لاخور حس بنفس الاحساس وتضوبل عليه تا وقف مبلوكي عينيه خارجين كيحل فمو ويسدو …يلاه بغا يتحرك مسكين هكاك بضربتو تا جا زبيطة تقابل معاه كيضحك وهز موس صغير خشاه ليه جنبو لتحت كرشو فوق فخادو … حس بذاتو كلها تنملات …مع ضربوه بداو العيالات كيغوتو ….يلاه بغا يعاودو حتى جاو رجال دخلو وسط العباد كيدفعو فيهم معرفوهم منين بعتو رجال سمرين اللون قد سخط فيادر حتى طارو على زبيطة وصطوف شنقو عليهم من لور هكاك بسيوفتهم عامرين بدم ديال الفحم …فحم الفعايل على قولة يوسف فحم العينين على قولة فؤاد ……المرضي البكر ديال ال رمسيس العقل الذكاء بحر الالغاز ولد بحر الحكمة …
باغي ياخذ النفس مشات ليه كيتسمع غير شهقات خفيفة بحثا على اكسجين … طاح لارض تسرح رجل طاويها ورجل تسرحات ودماياتو دايزة …كيشوف بعينيه ورعدة شداتو حس ببرد في ذاتو كاملة …حتى هز عينيه بانت ليه امراة ورجل هاز فايدو ايزار والمرأة شدات زيف وحطاتو على جنبو فالبلاصة فين تضرب بين فوق الفخد وتحت الكرش…
قربات ليه عند راسو ….
وليدي حاول ماتدير والو الى كتسمعني …
الراجل : ديري خدمتك بينما جات لومبيلونص انا نغطيه …
هي : غانبرك على هنا هادي بلاصة العرق نحاول وصافي …”ضارت عند وحدة مدات ليها قهوة مطحونة داكشي الي عرفات رشاتها على جنابو …هو محاسش كيشوف غير الخيالات وصافي ودوك ناس منين بعثو ماعرفش وديك القدرة الالهية الي رسلاتهم ماعرفش كيحس غير بالبرد وباغي يقول شي حاجة ماداوهاش فيه حدهم كيسعفو فيه لان السيدة طبيبة سابقا بحسب ما صرحات بيه لهادوك رجال وراجلها فرملي ….خوات عليه القهوة بحسب مكيقولو القهوة كتخفف النزيف …
هي “شافتو كيشوف فيها وقربات عندو ضاغطة على لتحت” : ولدي باغي تقول شي حاجة ؟ ماتهضرش اولدي نحاولو معاك عافاك شد فراسك …”عطاتو وذنها”
ياسين “باغي يهضر وماقدرش مخنوق مدكوك البرد والردعدة يامنة وباه بين عينيه نوار كلشي …نطق بزز ” : و و “كيشهق باش يجيد نفس ” و ولادي …م م بغيييتش نموووت”طولها تاولا كتسمع شهقة بعيدة طيح ضيم”….
هي : عندك شي ولاد ؟ وخا واخا دابا تشوفهم ….”حدرات عينيها جيهة ضربة ووركات عليها مزيان تا خرج عينيه وطلق شهقة قداش تسنعات عند الناس ومشاااااا ودمعة نزلات ليه من جنب تكميشة عينيه”….
#تصبحن_على_خييييير……
🦋نور_الياسين(986)#فرصة_ثانيةsana mina🐺🦋
#الفيرما…
واقفة فالكوزينة كتگرض فمطيشة لشلاضة وحداها نوار جالسة وشادة كاس الحليب فيه اللويزة دارتو ليها باش تهدن وتكالما …وشادة الفون فايديها كتدخل الواتساب كتلقاه مادخلش من صباح فاش هضر معاها وخلا ليها ميساج فيه …وترجع تدخل تصوني ليه كيعطيها طافي …تنهدات حتى تسمعات تنهيدتها عند نعيمة الي كتشلض فمطيشة والبصلة على حساب الغذا لخدامة ديال الفيرما ..
نعيمة”حطات الموس ومسحات ايديها فزيف” : ابنتي شوية ؟
نوار”هزات فيها عينيها” : شوية شوية غير ياسين كنصوني ليه طافي تيليفونو”كمشت عينيها ومطمطت” متت علقني من جيهتو …
نعيمة : يكون طفا ليه …”تنهدات هي الاخرى” ماقدرنا نقولو ليه والو …
نوار : حتى يجي قاليا با مصطفى حتى يكون هنا يكون جاي سايق ومشطون وطريق اللهم حتى يجي …”قاطعها صوت التيليفون شافت بالزربة كان علي”
علي : ختي …
نوار : امضرا اش درتو ؟
علي”حك على جبهتو بتعب” : لداخل مخلينو حتى يفيق ويشوفو شنو حالتو …
نوار : ع علاش ؟
علي”تنفس بجهد” : راك عارفة الى بقا معذب اش غايوقع …
نوار”باسف بغات تبكي” : لاااا الله …
علي : ماصوناش عليك ياسين ؟ كنعيطو ليه طافي تيليفونو …
نوار : فحالكم تانا كنصوني ليه طافي صونيت لعمو فؤاد تاهو مكيجاوبش …
علي : انا نصوني لخالة لفجلة ولا الوليذة ونشوف
نوار : اسامة واشرف وبا فين ؟
علي : اشرف حدايا واسامة مع جدو عند طبيب هو وسالم …
نوار : صافي قطع انا نعاود نصوني ليه عالله …
علي : ماتقولي والو …
نوار : عشية غايشد طريق مغادي نقول والو كون هاني”تنهدات وشدات عند كرشها حسات بسخفة”
قطع معاها ورجعات دوزات ليه الخط والو بدون اي رد فقط صوت العلبة صوتية لا غير …حتى صونات ليها مينة هضرات معاها بغير خاطر وخا حسات بيها ماشي تالهيه ماحكراتش مينة بتاتاا وهضرات عادي وقطعات … رجعات تاني نوار لمود تفكير والحزن وكل مكتفكر الشهلة والدم الي طار عليهم بزوج كتبغي تفزع وخاطرها كيتروع عليها بمجرد ماكتفكر المنضر والواقعة …نوعا ما تهدنات ولكن الغصة الي فخاطرها ممحيداش كل مكتفكر ياسين قلبها كيبغي يسكت وترجع تصوني ليه …حتى كدخل لواتساب كتلقا اخر ميساج منو وتاريخ الضهور 10:30 تنهدات بعمق ورجعات حطات تيليفون فوق الطابلة كتسنا الفرج واشمن فرج؟ فرج الله سبحانه وتعالى على الجميع …الله يشافي المسلمين والله يرحم من مات ويصبر عليه العزيز …
-~لعلها اخر اللحضات الي الانسان ممكن يشوف فلحضة شريط حياتو من الالف الى الياء كيدوز قدامو فرمشة عين…الالم حس بيه مع اول ضربة حس بضو حسك ليه جناب وضربة القاضية الي عليها الحياة او الموت فراه ماحسش بيها مع السخونية ديال ضربات لولين خلات الاكسجين يقل عندو ويبحث عليه فينما كان وباش ما عطا الله …
المرأة “غير قاليها ديك الجملة وغاب” : لا ولدي لا شد فراسك صبر …
راجلها : نغطيه…
هي”شافتو غاب وهي تهز ايدو قاست ليه العروق وحطتها وناضت” : غطيه غطيه …لا حول ولا قوة الا بالله …
حدرات راسها بحزن مخلية الفوطة الي حطات فوق ضربة وجنابو بقاو دايرين خط ديال دم نازل حتى وصل بعيد….
هي : واش عيطو لومبيلونص …
هو : قبيلة ،، “داير ايديه على نصو واقف عند راس ياسين الي غطاه بالكامل حد وجهو فالنص
حتى شاف مرته رجعات حداه وضغطات على الفوطة تاني فوق الضربة ففخدو وطلات على جنابو تاتاكدات” شنو ؟
هي : النزيف هنا حبس “كتشوف فالدم مشا سارح ودار ضاية فجنب” بفففف ” يلاه بغات تهضر حتى سمعات فران واحد طوموبيل مجهد تا تهزو كاملين خلات الفوطة ورجعات غطاتو متاسفة كتحاول دير الاسعافات اللازمة لكن مابقا فاليد حيلة ولات غطاتو وحدرات راسها ومشات كحزات كتراقب بينما جات لومبيلونص والبوليس الي عاد وقفات سطافيط ديالهم وتمو جايين ولاخرين شادين هادوك من بعيييد …
اركان”تم جاي كيبعد فالناس ويدفع وجهو غادي ويصفار ويتسقط منو الدم حتى وقف كيلهت عينيه خارجين قدام الكسدة الي مجبدة قدامو شاف فالراجل متكي مرة مرة يقيص معصم ديالو هو والمراة كيطلو عليه ويغطيوه غير
باش ميبقاوش ناس يشوفو فيه هكاك وستروه ” : ش شكون هذاك ..مسكين “مباغيش يقول راه ياسين حيث را شاف صباطو وتجبيدة ديالو ديال تگضيرة صاحبو رفيق الدرب ديالو ومباغيش يتيق ”
المرأة”على نيتها” : وقع مشكيل بينو وبين دوك الي لهيه “شيرات ليه لكارد الي شادين دوك جوج بسيوفتهم باقين هكاك”
اركان”شاف الكارد عرفهم من جيهة فؤاد” : اااه هادوك كنعرفهم يقدر بغاو يعاونو هاد الولد “كيطل بنص راسو باش ميشوفش راه ياسين مابغاش يقول را ياسين جاتو نوع من الصدمة الي ممكن عقلو يفقدو فيها” لا حول ولا قوة الا بالله …الله يشافيه ياك ما ماتش ياك اخالتي ؟
المرأة”استغربات من ردة فعلو وهي تكمش عينيها” : واش كيجيك شي حاجة ؟
اركان : ااا ؟ لا اعوذ بالله انا جاي نقلب على صاحبي هنا نيت م مع كيتسناني مهم الله يشافي هذا السيد ياك ماماتش ماماتش اخالتي ياااااك”نطق ياك بصوت تذبذب حست بيه البكية شداتو”
#يتبع…#تتمة_بارت_986_نورالياسين…
عند الدراري في العيادة البيطرية واقف كل من اسامة واشرف ومصطفى عند الطبيب الي واقف على حالة الفحم”الخيل” خرج من بعد العملية الي دار ليه استغرقات بزاف عاد خرج كينهج …حتى وقف عليهم ثاني من جديد يطمنهم على حالتو …
اسامة : امضرا ؟
الطبيب : حالتو مستقرة دابا الضربة جات فبلاصة خطيرة غير بزز ولكن باش نجيكم لصراحة را الى بقا مريض من بعد مايفيق ضروري وراكم عارفين اش كاين بخصوص الخيول ماخاصهمش يتعذبو ….
اسامة : م مفهمتش …
مصطفى”باسف حدر راسو” : خاصنا نقتلوه ديك ساعة …
سالم : باش ميتعذبش خاصو يموت من هنا لتما يكون خير …
اسامة : خويا يهبل …
مصطفى : خوك اولدي عارف بقضاء الله الى مشا خيل يجي خور “غيرو” يجي غير خوك بالسلامة وكلشي يتعوض …
الطبيب : سي ياسين فراسو ؟
اسامة : لا غايكون جاي فالطريق ماقلناهاش ليه …
الطبيب : احسن انا عارفو عصبي شوي يقدر يجي منيرفي حسن ومعرفتي يكون خير من هنا يجي ديك ساعة منحتاجوش نقتلوه “فقرارة نفسو عارف صعيب…تنهد” ماعلينا سيرو رتاحو والى كانت شي حاجة انا واقف عليه فكل دقيقة باش مكان نعلمكم ….
اسامة : الله يخفضك اخويا …
حرك ليهم راسو ومشاو خرجو فين كاين علي واشرف بلغوهم بالخبر وتيسرو لفيرما حيث بصح فهاد اللحضة ماعندهم ميديرو الى كانت شي حاجة يعلمهم الطبيب …
اشرف : دابا الفحم لباس ياك ؟
اسامة : ومبدئيا لباس …
اشرف : هاني مهني ياك …
علي : اش تم اياتا …
اشرف”قرب عندو هضر ليه بشوي حيث حداه فالطموبيل” : بلان شيخات اتبي …
علي : هاااا …هااا ايه مزيان لباس عليه را غير عبدو بغا يقتل راسو صدق بغا يرزينا ف فحومة يفحم ليه ز”حبس على شوي نسا راسو را حداه مصطفى …اسامة خرج عينيه ولصق عند الفولون ملصق عينيه فالزاج ههههه ”
علي : عايطو لياسين نشوفو فين غاطس …
اسامة : عااايط ليه انت …”شاف فالساعة ” كون را حطو الغذا …”شاف فجدو الي مهموم ” تا رخف الحاج دابا يفرج لله …ونجوجوك ابا جدي …
مصطفى : الله يمسخك وكان ….
#فيلا_ازرو…
جالسين كل من سارة ونجود كيهضرو مع راوية الي لحقات عليهم باش يبداو توجاد بترحيب بالنافسة وزايد الجديد ياسين …غير دارين بان ياسين الاصلي بين يدي الرحمٰن …كيتناقشو الا هي الي حاطة ايديها على حنكها وعينيها كيشوفو جيهة المسبح الي خاوي ولكن هي ماكتشوفش فيه انما خيالها سرح ليه نيشان …
نجود”حطات ايدها على كتفها تهضر معاها” : يامنة !!
يامنة”ضارت عندها ” : هاا نعام …
نجود : مالك ؟
يامنة : وااالو غير عيانة شوي وكان …
سارة : مقلقاك شي حاجة …
يامنة : لا لا غير عييت وصافي فايقة بكري شوي وسير من هنا ومن تم جمع وقضي عييت …
راوية : طلعي رتاحي نساليو ونفيقوك …
يامنة : لا كنتسنى فياسين يجي باش نعطيه شي حوايج ومقدية يديها معاه …
نجود : ياسين الى جا نعيط ليك نفيقك سيري را وجهك صفر باين فيك العيا وماجنيش عيا هذا جاني هم هازاه وماحاسا …سيري رتاحي
يامنة : لا غير خليوني نتسنى ولدي غايجي دابا مبغيتش يجي يلقاني ناعسة عارفاه حنينة مايسخاش يفيقني تالقاه شد طريق …
نجود”سلمت امرها لله ” : والي بغيتي ابنتي …
يامنة : دابا يجي دااابا يجي غير قضيو انا معاكم …
#يتبع….🦋نور_الياسين(987)#فرصة_ثانيةsana mina🐺🦋
في مدينة مراكش الحمراء بالضبط في احد الاحياء ب صوكوما في المنزل نفسو الي غاب عليه ما يقارب العامين وزيادة …فاق بعد نوم عميييق حتى ضربات لوحدة ديال نهار …جالس على طرف السرير عينيه مجبدين بالنعاس كيشوف لارض ويحك فعينيه ويتفوه حتى قاطعو صوت الهاتف كيصوني حداه طل عليه لقاه المراكش …ماعاروش اهتمام مد ايدو وطفاه وناض بوقفتو كيف العادة غير ببوكسر
باش ناعس حك كرشو وتم غادي لدوش نيشان حل الرشاشة تا دفات وتخشا تحت منها غسل شعرو وجسمو الي ولا صحيح بكثرة رياضة لهيه فين كان فهاد العامين كلها…كمل وخرج لابس بينوار بيض حازمو من النص …وهز فوطة كينشف بيها شعرو الذهبي حتى عاود صونا تيليفونو بنفس الشخص …
عيسى”جاوب مغوبش” : صباح الله …
المراكشي : كان ضروري نعيط …
عيسى : شنو ؟
المراكشي : السلعة جات حطيتها فالديبو ديال شراب ضروري تحضر تعطي الكونفيرماسيون ناس بغاو الفلوس باش يرجعو لهيه…
عيسى : غذا الصباح نكون تما من هنا لديك ساعة مكرورات كري مبغيتهمش يتفرعو بمسبتك راني فالدار مع الواليدين ممساليش ل تاقحبانيت ديالك وفريع الكر …
المراكشي”ضحك” : هذا هو سي عيسى …على سلامتك اسيدي …
عيسى “كمش حجبانو” : داير شي حاجة نتا من ورايا ،
المراكشي”صرط ريقو” : الا علاش ؟
عيسى : شميت فصوتك شي لعبة ما تماش …لقا شي حاجة من ورايا دارت نهارك لاخر …
المراكشي : ياك عطينا لبشري تيساع …
عيسى : وسطر ليا على عطينا لبشري تيساع وضغط عليها بستيلو حمر مزياااااان …كافين خير شر رجعنا لخدمتنا لقا عدو ارباب ربكم …
المراكشي : وخا سي عيسى ميكون غير خاطرك “قطع عليه عيسى فالبلاصة وحط الفون معصب كيقوليه واحد راس بحكم خدمتو معاه كيقدر يشمشم اش كاين ….تدق الباب
عيسى : الوليدة !!!
سمية : انا خالتك سمية اولدي “مرت باه”
عيسى : دخلي ميمتي دخلي …
سمية”حلات الباب وطلات بوجهها البشوش كتضحك وتفرنس” : صباح الخير اولدي بتوقيتك …
عيسى”قرب باس راسها” : صباح الخير ازين …شفتك سبقتي الوليدة يا رسلاتك يا سبقتيها اشكا ؟؟
سمية : ههههه خليتها توجد ليك المسمن دالتريد الي كيعجبك وجيت نصبح على ربيبي فيها شي عيب ؟
عيسى : هههه ربيبك !! وايلي الخالة وايلي …
سمية : ههههههه هييي تنضحك اولدي نتا ولدي نتا هي تنبي نشد فيك وكان …يلاه لبس ونزل شوي وبتجي ختك …
عيسى”شاف فساعة فالتيليفون” : يكون وصل تران ؟
سمية : جايا فطوموبيل مشات ليها ايمان تجيبها سيمانة هادي بقات معاها قبل متجي نتا …
عيسى”رفع حاجبو” : سوگان حتى لداخلة وحدها ؟؟؟ من نيتها ؟
سمية”جمعات ضحكة” : علاش اولدي ؟
عيسى : واش عارفة شحال تالطريق من هنا لداخلة ؟؟؟ را تبات وتصبح وهي هي من هنا لاگادير كتولي تفتف …
سمية “ضربات ليه كتفو” : ايوى ديك ايمان مبقاااتش اولدي ولات قااادة فغيابك راك عارف كلشي وكلشي كان يوصلك على خوتاتك من الف لياء ونحمدو الله عندهم خوهم كون كانو وحدهم كي بايكون الحال…
عيسى : وانا كاين “دار ايديه على نصو” بفففف وخا انا نعيط ليها نشوف فين وصلت …
سمية “سمعات صونيت لانتيرفون” : لهلا يحوج ولدي ههههه بيكونو هما للي جاو دابا …يلاه لبس واجي …
خرجات من عندو ونزلات في حين هو جبد من ماريو تيشرت وسروال قطن دافي بحكم الجو بارد فصل الشتاء الي قريب يخرج …خلا شعرو هكاك مخربق هز باكية السجائر جبد منها سيجارة شعلها تقابل مع الشرجم حتى كما وطفاه فالطفاية هز تيليفونو وخشا
رجليه فكلاكيط ونزل ماحدو كيقرب وهن كيسمع اصوات خوتاتو ايمان وغزلان الي تاهي غابت على المدينة ازيد من عامين عام ونص عاشتو مع خوها فالاكوادور والباقي نزلات ومشات لداخلة فين كانت شي ايام حتى رجع خوها وعيط ليها تجي فاش يجي …سمع صوت باه الي كيكح بالعيا …
عيسى”طل عليهم خاشي ايديه فجياب سروال” : صباح لله …
غزلان”هزات فيه عينيها وطرطقات بالضحك” : صباحتو الله …ويلي بحرا فايق”ناضت قافزة طارت عليه بتعنيقة تا تهزات كان هو الي هزها وجات لاخرا تاهي عنقاتو هازهم بجوج مرت بله ضحك ومو تضحك وباه مبتاسم”
عيسى : سوقك ؟ …ديل ديماكم ثقاليتو …
غزلان”خشات خصلات من شعرها الي تشعكك بتعناق” : وهي علا سلامتكم بعدا …
عيسى : لا بينقولها نقولها لهادي نتي لاش ؟ يلاه مشيتي من عندي …
ايمان “طلعاتو وهبطاتو” : واا صحاحيتي اشاف موحا …
عيسى”خمج ليها وجهها بايدو” : بصحتي …
ايمان : مشييي …
عنقهم بزوجات كل من غزلان الي تقريبا تبدلات فاللوك على قبل وحتى الطبع تهدنات شوي مابقاتش ديك الي معفرة وحاسا براسها نقصات من ديك النفاخة نقولو تقريبا تهدات او دخلوها سوق راسها بهاد المعنى …تجمعو على الطابلة مع كويس اتاي بينما وجد الغذا معاهم …
غزلان”حنحنات” : احم خويا امتا بتمشي لفاس ؟
عيسى”رفع فيها حاجبو بتخنزيرة ” : لاش كتسولي ؟
غزلان : هي سولت…
عيسى : غذا فالصباح نكون تما …
غزلان : بنمشي معاك …
عيسى : لا….
غزلان”خرجات عينيها” : علاااش؟ ياك فدارك ؟
عيسى : خلينا هانيييين غزلان غادي لخدمتي نشوف رزقي تما نوقف عليه ونرجع …خلينا هانيين الله يجعل شي بركة رجعتي لبلاذك لواليديك غذا ولا بعدو تفتحي بروجي ديالك ديها فراسك وفداك ولد ناس الي خطبك …براكة عامين ديال البعد والهم كفيلة تخلينا نعطيو تيساع …
#يتبع…

🦋نور_الياسين(988)#فرصة_ثانيةsana mina🐺🦋
المرأة “تنهدات” : ولدي شد فراسك اجي معايا “جراتو من ايدو تابعها كي الولد صغير ووقفات تا عرات ليه الغذا حتى بان ليه وجه الصاحب الرفيق صديق طفولة العشير الفحم ”
اركان : ها ياسين هو هذا اويلي اصحبي تا كنقلبو عليك ونتا مغطي هنا ؟ نوض اصحبي نوووض عايش خويا كنت عارف غاتشبكها ليا مع شي حد هنا ههههههه انوض الله يمسخك نوض …واا ووو ياسين …”كمش وجهو وسيفتو وبغا يهضر تحبست ليه الهضرة فالحلق كينطق وتصرط ليه …
حتى بان صدرو كيطلع ويهبط يطلع ويهبط ويضور وجهو لهيه تا دازو دموعو كيتسرسبو .” صااااااااحبي صاحبي واااااا صاحبي واااا صاحبي العريس وحنة مراتك باقي خضرة وااااا صاحبي الهاز همي وااا صاحبي مولفتكش تنعس فالشاانطي والغريب يغطييييييك وااااا صاحبي قتلني ومنشوفك بهاد النعسة واااااا صاحبي وغدروك واما مامعاكش ….واااااا صاحبي “هز راسو لسما وحط ايدو على صدرو كيحك فيه باش يهبط عندو ويسمع شنو كيقولو ليه ماشعرش هو ديك النعسة قتلاتو ياسين لا حول له ولا قوة هي الي قتلاتو وهداو. حتى طلق وااااااحد مولاتي الصرخة خلات عباد الله ينتاقضو من وقفتهم والصغار داروهم وراهم مخبيين ليهم وجااههم ” واااااااااااااااعععععععععععع ععععععععععععععع
طلقها صرخة قداااااش تا حس بواحد نخصة ضربات ليه فصدرو وطاح لارض كتركل ويتمرمغ حدا راسو بالصهدة والجهلة حل القميجة وطرطقها تا تشرگات عليه وهو كيتجبد وراسو تعرق من نواضرو وعنقو عروقو برزو فيه وولا حمر وهو كيغوت حتى كتحبس فيه النفس ويزراق ….تا جا راجل كيهدن فيه وهو ماهناش كاااع ….مكيسمعش اش كيقولو ليه ما سمعش….
حتى تم جاي شخص كيدفع فالناس ويشوف ويقلب حتى وقف تحنى على ركابيه سخفان من دقات القلب الي تسارعو ليه …دور عينيه كيلهت شاف دوك جوج شادينهم والبوليس كيسولو في دوك الكارد الي قشعهم ديالو حدرو ليه راسهم باسف مهزوهش فيه …حول عينيه لجيهة الكسدة المغطية بايزار بيض …حتى مشا ببطئ لعندو ….تا قرب لعندو وتحنى على ركابيه… وشكون من غيرو الهيبة على رجليها غاديا. وقدام كبدتها كتشوف فيها مكسدة بنعسة ماتمنايها لعزيز عندك ولا لعدوك …بضربة الغدر تجبدات بين ايدين الخالق …فؤاااد
#عودة_من_فلاش_باك….
فؤاد”تحنى على جبهة ياسين ” : الدم المغدور”نزلات قطرة من عينيه وهو حاط جبهتو على جبهة ياسين البااااردة ..”قلبو بغا يسكت ودموع فطرف شفاو واقفين بغاو يقطرو حتى تسمعو اصوات الاسعاف ووحدة اخرى جايا وقفو …وحدة حمراء ديال الاسعاف الي خرجو منها كيجريو هازين نقالة والثانية ديال نقل الموتة الي كيتسناو قرار الاسعاف …عراو عليه ووقفات الطبيبة كتعطيهم المعلومات …هزو المعصم ديال ايدو كيقيصو دقات وفنفس الوقت لاخور كيسعف الى كاين شي ميتسعف …
اركان”شاف فيهم وجهو مجخلط بدموع وريق وحالتو حالة عينيه حمرين منفوخين وراسو بغا يتشق العافية شعلات فيه حتى مداهاش واش فؤاد جا نيت ولا لا …” : صاحبي خويا واااااخويا لا ديرهاش واااخوييي مابغيت والو غا توگض واااخويا شوف من حالي …
المسعف “شاف فلاخور باسف” : Le pouls est très faible(النبض ضعيف بزااف)
الثاني : فازي دابا …”شاف فالطبيبة” الحالة “خلا لاخرين كيحيدوه من حجر فؤاد ويقادوه بشوييي بداو يحسبو باش يهزوه ”
الطبيبة “عطاتو الضربات فين ” : الضربة الي نزفات بزاف هي غالبا غاتكون ديال external ilac vein …
فؤاد”وقف وقاميجتو كلها تقطعات من عند كتافو وصدافي طرطقو وعينيه حمرين دمعة هابطة تنشف وتبعها لاخرى تا طلع معاه وشد ليه فايديه وهما كيقيصو ليه فالطغط …”
المسعف : الضغط منخافض بزاف …
طبيب المسعف : شحال وصل ؟
المسعف : تحت ربعة …
فؤاد.”شاف ف الطبيب ” عايش ؟
الطبيب”مالقا ميقوليه حدر راسو الطبيب بنفسو اثرات فيه الحالة ومقدرش فمابالك …ما قدرش يقوليه والو لانه عارف الحالة وشنو غاينتج عليها” : دعي الحاج بالصبر …
فؤاد : انا ولدي انا نعطيه عمري “فؤاد الي معمرو طلب شي حد هاهو كيطلب على البكر ديالو على العين لولة باش كيشوف وياسين ما اقربو شخص ليه ” : الى عندك ولاد دير راسك بلاصتي وعتق ليا ولدي …راااااضي بقضاء الله راضي بالي مكتبو …عتق ليا ولدي …
الطبيب”كيقيص فالضغط ويرجع يتاكد والاسعاف طاااايرة فالطريق تغوت واركان تابعو من لور بطموبيل كيتنخصص وحداه طبيبة وراجلها متحسرين…شاف الطبيب ف فؤاد ماعرف ميقوليه اش بغا يقول ؟ ولدك على مشارف الموت ؟ مالقا ميقول سوى ” : يكون خير..
فؤاد”مشات بيه ذاكرة وهضرته معاه فاش كان صغير وكان يقوليه ”
ياسين : بابا “جرو من ايدو من بعد ماحطو فسرير ديالو” متمسيس بابا سوف ازي حدايا كنخاف مضلاام …افاااك (عفاك)
فؤاد “رجع كيشوف فيه دارو ليه اوكسيجين على فمو …مد ايديه لايزار من تحت وكمش فيها شابك صباع ولدو مع صباعو لقاها باااردة …وضغط عليها وقال بصوت اول مرة تسمعيه ففؤاد نبرة خوف ورعب اييييه فؤاد مرعوب وخايف حتى نطق ” هاني ولدي ندفيك ندفيك ابكري ياك ؟ فيك البرد اولدي…ندفي ولدي ندفي بابا …”هبطو دموعو كيجريو” ياااااااربي راني ترزيت فيه ياااااااااااربي ضهري تهرس ياربي ….
#تصبحن_على_خير….

🦋نور_الياسين(989)#فرصة_ثانيةsana mina🐺🦋
صعيب انك تستوعب وتشوف شخص قدامك طريح مدد فديك الارض وسط شارع او شانطي او….لا حول له ولا قوة مغدور بديك الطريقة ومغطي ودماياتو واصلة لفين شاقة طريقها ونزيف ماحابسش حتى دار خطوط وضايات …وخصوصا وكان اقرب شخص ليك واعزهم فهنا وخا نعيا نوصف مغانقدرش نوصل الالم والحرقة الي وصلات باركان صاحبو والاكفس الي وصلات لفؤاد باه وهو البكر ديالو …
وسط الشارع ووسط السيارات جايا سيارة الاسعاف بسرعة كبييييرة طالقة صفارتها معلنة لسيارات بالابتعاد باش يخليو ليها الطريق دوز توصل لاقرب مستشفى على وجه السرعة …
طول الطريق وهو شاد ليه فايدو حلف لا هو بغا يحيدها طول طريق وهو على جملة وحدة وعينيه ماحابسينش من دموع وغير وحدهم دايزين وبالايد لاخرا كيهزها يحطها على صدرو يحك فيه ويعاود وراسو واش جاب ليه بان ديك الحركة راه غاتطفي العافية الي شاعلة تما….
فؤاد : ندفي ولدي ندفي ولدي ندفي بكري …
الطبيب كيراقب والاسعاف طااايرة حتى دازت من حدا السطوب الناس واقفة فالضو الاحمر الا هي لان طبيعي وعندها الحق دوز ولازم على السيارات يبعدو باش يديرو ليها طريق ….وفنفس الضو واقفة سيارة رياض وحداه مينة الي جايين باش يشدو طريق تسلم على ايساف وصفية وتبارك ليهم …حتى دازت كتجري …
رياض : ياربي سلامة …
مينة”تهزات وتحطات داك صوت قفزها من بلاصتها تا شدات فصدرها” : الله …يالاطيف …فففف
رياض”ضار شاف فيها لقا وجهها تخطف” : شش بب مالك …
مينة : خلعتني يالاطيف ياربي تلطف مالها مجهدة صوت بزاف …
رياض : ههههه تي غا حملتي تا من سلوكة وذنيك تتخربقو هههه صوتها عادي هذا …
مينة : وانا عرفت …ففف “شافت ضو شعل” تحرك را شعل يلاه نمشيو باش نجيو بكري …
حرك ليها راسو وكسيرا تيسر مع الطريق …
اركان غادي مسكين فديك السيارة مرفوع عينيه ضببو وحوايجو تقريبا كلهم مقطعين حتى تقاصو بالديم ديال صاحبو غادي ويلهت بالبكا جهل وترفع تا عقلو
ولا على مشارف يخرج صورة ياسين وهو فديك الحالة قتلاتو وشواتو حسكات ليه ساس وقصمات ليه العنق …حتى شافو السيد الي مع مرته الطبيبة ونزلو وساق هو ناس بعثهم الله فديك الوقت فحال الملائكة عالاقل عاونو بشي حاجة …مخلين البلاصة فين كان مغط ياسين واقفين حداها البوليس ودوك الرجال الي كانو شادين هادوك مع الاسف اللحضة الي غايطيروهم رجال فؤاد من تما كانو البوليس ميقدروش فهاد الحالة يتصرفو شدوهم البوليس فساعتهم داوهم حتى جاو مواتهم كيندبو ويحندبو تما وحدة منهم كتصرخ وتغوت…
هي : ويييييييييييييويويويويويويو ولدي داوه ويييييويو”دايرة ايديها على راسها وتندب ” وفيقوك من نعاسك خشاوك فمضاربة تا ضيعتي راسك واااااااااااااااواواو …وشكون يخرجك واشمن محامي نوكل عليك “طاحت لارض باش وصلو ليها لخبار كانت فالدار حتى خرجات ببيجامتها وزيف حياتي على راسها اما ام لاخور طاحت سخفانة تجمعو عليها عيالات داك درب يفيقو فيها ويتحسرو ام تاهي ترزات فولدها الفرق ان الولد لا تربية لا دين وزادها بالحبس والقتيلة مافتاخرات بيه ما شافتو الابن الي ماشي مقاد …وفنفس اللحضة والوقت وغير بعيد عليهم …البلاصة فين كان ياسين عامرة دم من جناب ومن الوسط مسافة كبييييرة مزال محاوطوهاش البوليس باش يجي الي يحددها بالطباشير …كان هناك شخص من الجوقة ماكيعرف لا ياسين لا غيرو معندو لا حسيفة معاه ماتاحاجة هو فقط شخص من الناس الي قاطعين ايدهم من رحمة الله …جايا لابسة عبايا كحلة حتى دخلات كتلالي وتشالي وتغوت وتمرمغ وسط داك دم ديال ياسين الي مزال محرقوهش ….
هي : وااااااااااهيا ربي واربي ورزاوني فيه واااربي اهى اهى وااااهيا ربي حرقوني وشواوني فيه تمرمغ فداك الدم وتعاود تا جاو بوليس كيجريو شدوها وقفوها وهي تبكي وتندب وعينيها يلوبو…حتى شدات راسها بايديها وتلالي ومشات جلسات فطرف طروطوار تحرك فراسها …يلاه وقفات غاديا تبكي وسط ناس وهاربة حتى شدها واحد من دراعها وجرها بجهد …تا جاو عندو بوليس عطاوه تحية …
شرطي : سيادة العميد عماد …
عماد”صاحب ياسين عينيه كانو حمرين تاهو تزير وبكا فور ماعرف ان الحادثة ديال ياسين حيث عاد وصل لقاهم وهزوه ولازم يدير خدمتو عاد يتحرك لعندو لمستشفى…كرز ليها على دراعها تا بغا يتقسم غوتات ليه فايديه” : فين غاديا ابنت القحاب ؟
هي : اهى اهى اااي اسيدي راني خالة الولد الي تضرب هنا اهى اهى خليييني نمشي نشوفو راني تشويت عليه…
عماد ؛ ينعل طبون مك ابنت القحبة الي تضرب معندوش الخالة ميمتو وحدة عند واليديها…
الشرطي : الشاف !!
عماد “ضار عندهم مشربن” : خدمة ديال القلاوي فين عقلكم ؟؟؟ عارفين عدويين الله باغين الذم المغدور “ضار عندها مغلغل مقجوج مزير …” حطي هاد القلاوي الي لابسة وطلعي لهيه(سطافيط) بغات تبدا تغوت وتبكي زير ليها على دراعها وشرگعليها ديك العباية ماتسوقش لشنو لابسة تحتها دغيا نترها ليها وحيدها عليها تا تقطعات وحيد ليها شال قلبها واش مفيهاش دم تا من صندالتها حطتها وداوها هزوها وحوايجها جابو ليه ميكة خشاهم فيها ….حيث ببساطة الدم المغدور الي هو دم الضحايا ديال الكسايد القتيلة كيستخدموه فالسحر والشعوذة او السحر الاسود وحتى الي عسف عليه مخاصش يذخل بيه لشي دار فيها دراري صغار سوى زيادة او رضع لانه خطر عليهم…
#يتبع…
🦋نور_الياسين(990)#فرصة_ثانيةsana mina🐺🦋
داو ديك المرأة طلعوها كانت ببيرميدا وضوني والله ماعقل عليها ولا رحمها الله يجعلها تكون مالابسة تا شرويطة …ضار عند ناس المجوقين شي كيحسبن على المرأة ويدعي فيها ويشحت وشي غير كيشوف …حيدو جوقة من تما الي يدعي مع ياسين يكون بخير الي يقول الله يرحمو وكل واش يقول حتى حددو المكان ديالو بطباشير وجاوب ليصانص خواوه على الدم وشعلو العافية وجاب عماد ديك الميكة الي فيها حوايج ديك عدوة الله المشعوذة ولاحهم يتحرقو وقف عليهم تا مابقا فيهم والو ….
في هاد الاثناء الاسعاف وصلات لمستشفى مركب الحسن الثاني بفاس مستشفى الدولة وليس بالمصحة …وقفات نيشان قدام المستعجلات كتغوت حتى خرجوه فالنقالة دايز من وسط الناس الي واقفين فالمستعجلات ومن سوء الحظ او نقولو كيف العادة لقاو مستعجلات مطرطقة بالناس ولارض عامرة دم وجاو مع حادثة سير عادو وصلو ضحاياها لمستعجلات …عباد الله تجري وتجارا هبطوه كيجريو بيه لداخل تاهو فحالة مستعجلة …
وفؤاد جاي وراه كيجري عقلو مرفوع قميجتو مشرگة صدافيها محلولين تا بان صذرو وملطخة بالدم ديال ولدو دخلوه لقاعة لداخل فين كاينين اطباء المستعجلات …جابو النقالة ديالو فين محطوط حدا نقالة شخص من الضحايا ديال حادثة سير كلو مجلخ بالدم وايدو مطوية وديك البلاصة تعطعط بزفورية دمايات الي مشتتة تما …
فؤاد”تكا عالحايط هاز راسو كيشوف الفوق وحلقو كيبان كيطلع وينزل وصدرو كذلك …” بكري بكري بكري بكريييي….
اركان”جاي كيجري تا بان ليه واقف ومشا حداه كيستفسر ” : الوليد امضرا”صوته بالكاد كيتسمع تبح ليه مصحوب بنبرة بكاء ” …
فؤاد”مجاوبوش ضار حط راسو على لحايط مغمض عينيه والعافية تحسك فيه ….حتى سمع جوجات كيقولو ”
ويييلي هذا غير سطاجييير …
ياويلي هذا ولد فلان يلاه عندو العام ثالث … ضور راسو بان ليه واحد طبيب جاي كيبان صغير فالسن …طل بان ليه ياسين من بعيييد غير رجليه مسكين وهما واقفين عليه مجوقين ومشاو جيهة لاخرين خلاو ياسين ووقف عليه داك الطبيب هنا فهاد اللحضة فحال خويتي ليصانص على العافية حطيتي ملحة على جرحة ماشعرش تا غوت بحر جهدو نقزو
العباد الي تما طارو ونزلو وضارو عباد الله عندو كيشوفو فيه وشي خرج يطل بالخلعة الاطباء هزو راسهم وفراملية شافو جيهة الصوت …
فؤاد : واااااااااااااااا تحط عليه ايد سنان الحليب نقتل القلاااوي كااامل …
“عروق نواضرو برزو وعنقو تصلب ليه ولا كولو حمر بغا يجهل كيقول فنفسو را ولدي غايلعبو بيه وهما را كيسعفو فيه قدر الامكان محابسينش خصوصا انه حالة مستعجلة اكثر من لاخرين الي تما …مسكين بالحر الي فيه ماعرفش اش كيدير غير كيغوت …حتى جا سيكيريتي بغا غير يشدو شدو فؤاد شنق عليه ونطحو تا جا لارض منخرو كيشرشر بالدم خرج داك الميدسان انتيغن الي دخل بغا يهضر معاه قاليه فؤاد عليك علاش نقلب تا شنق عليه عينيه فالتين فيه وسنانو مغزفيييييين ابحال داك طبيب مسكين هو الي قتل ياسين …”
فؤاد”قرب ليه وجهو عند وجهو مابقا كيفصلهم والو ونطق ودفالو كيتشاير” : تحط ايديك عليه نهارك قبلو
الطبيب : اشريف را كندير غير خدمتي تهدن ودعي معاه را حنا الي علينا كنديروه …
فؤاد”دفعو تا كان غايطيح وضار كيمشي ويجي ويحك فصدرو ويكمش عينيه تخنق وبغا يعرف اش حال ولدو الي لداخل حتى حيدوه من تما ودخلوه لداخل كاع مابقاش بان ليه ومشافوش فاش دخلوه …بقا يمشي ويجي ويلالي بصوت غير مسموع ودموعو دايزين تا عينيه ولاو منفوخين تحرق وتشوا وجهل اما اركان خرج وعاود دخل وخرج تاني ماعرف اش يدير تشواو شوية ديال الغدايد …ماهزاتوش لارض مسكين مشا حدا واحد القنيتة وجلس سرح رجليه وتكا راسو على الحايط وهادشي كامل شافوه ناس تما حيث وصلات خبار انه مضروب ضربات الغدر …..
#يتبع…#تتمة_البارت_990_نورالياسين…

واحد شوية وهي دخل واحد الحادثة اخرى ديال شاب ضرباتو سيارة جايبينو كلو دمايات من راسو مضروب وعينيه من جيهة ليمن ديال وجهو تنفخات وعين تنفخت ليه وزراقت وديك جيهة مجلخة كلها دم وتراب ومو جايا وراه تغوت لربي الي خلقها ….
…وااااااااااولييييدي وليدي وليدي وااااااااا ميمتي على وليدي الله اهى اهى اهى واااااااااوليدي وليدي وليدي …”هز فيها فؤاد عينيه وشاف الولد غادين بيه تا دخلوه لداخل
مع دخلوه ماكاملاش خمسة دقايق تا بان ليه الطبيب غطا ليه وجهو وعلن على الوفاة ديالو بملامح وجهو وحركاتو فهم انه مات فديك اللحضة والام كتسنى وتلالي عندها امل يخرجو يقولو ليها را غاينقذوه ولا لباس لكن شاءت الاقدار انه لقا اجله فديك اللحضة وهو فريعان الشباب ديالو ….
فهاد اللحضة فؤاد كيشوف فيها كتسنى بعيد وتلالي وتشوى قارن بينو وبين ياسين الي لداخل طل عليه بان ليه بياص اخور وهو مكاينش تما …كيشوف فهذا كيبكي ويتسنى الي جاي داير فاصمة على راسو ايدو رجليه الي خارج بعكاز والي دخل مخرجش ودنيا تما مافيها ميتشاف …ناس مرزية فالعزيز عندها والي طمنات عليه والي معندو والو والي طلعوه لجراحة مستعجلة ….مافيقو من سهوته غير صرخة قداااش هي تسمعات تما ماضورش وجهو ما دار تاحاجة لانه عرف انه صرخة نفس المرأة الي بلغوها بالخبر ….
الحاجة قضاء الله البركة فراسك جا ميت فالبلاصة …
طاحت فديك لارض عامرة دم كتغوت لربي الي خلقها حتى غابت على الوعي …غمض فواد عينيه كمشهم وعصرهم حتى هز راسو لسما ونزلات دمعة حااارة على خدو وكيدعي لرب العالمين ميسمعش تلهو نفس الخبر والا غادي تكون لاخرة ليه وفؤاد النسر غادي يتقسم ويتهرس ومايبقى ليه وجود ……
اركان”وقف عليه عند راسو وتحنى على ركابيه جلس قفازي وتقابل معاه ” : الوليد”صوته مبحوح بجهد بالغوات ونواح”…
فؤاد”حدر فيه عينيه كيشوف فيه واحد المدة الي نقولو طويلة اركان كيسول فيه وهو منعازل على دنيا حتى نطق وقال بصوت ضغييييف مهرس مقجوج كيتسمع غير انين الى سمعتيه تقهري بلهلا يطريه ليك ” : علم علم ميمتو لا جات الموت تشبع من شوفة ولدها ….
#يتبع….🦋نور_الياسين(991)#فرصة_ثانيةsana mina🐺🦋
كملو غذاهم فجو عائلي دافي بيناتهم اب وعيالاتو بزوج وولدهم وبناتو …حتى ناضو جمعو طابلة وتحط ديسير كلاو وضحكو بيناتهم وناض الاب مستاذن باش يدير القيلولة …والعيالات ناضو تاهما اما عيسى بقا مع غزلان وايمان مجمعين حتى فتح الباكية ديال سجائر جبد منها كارو وشعلو كيكمي …
عيسى”دفع ختو برجليه ” : تگلعي الخاوة ديري لينا قهوة من ايديك ..
ايمان : شااا ..
عيسى”رفع فيها حاجبو” : شنو ؟؟
ايمان : كدفع برجليك اياتا حشم …
عيسى : نوضي لا نطح ملتك انا كاع …
غزلان : هههههه را يديرها…انوضي والله تا قهوتك الفريع الفروعي …
ايمان”ناضت لاحت عليهم المخدة تا شدها عيسى خنزر فيها” : اممم
مشات وضارت غزلان عند عيسى كان كيكمي ويشوف فالتيليفون حتى نطقات فاتحة الحديث كالتالي …
غزلان : والله اخويا الى بيت هي نمشي معاك معندي غراض بحاجة …راني عامين وانا فالبعد معمري باقي نطرف بديك الجيهة …غادي نرجع هنا مراكش نكمل مشروعي …
عيسى : ولاش بيتي تمشي تم ؟
غزلان : اولا هما فازرو ثانيا صاحبك را هنا فمراكش يعني لا عيني فشي حاجة هاهو هي حدايا …”رجعات بيها الذاكرة ايام كانت خدامة معاه فالبنك …وتفكرات فاش شافتهم بزوج فالسيارة وكانت ناوية ليهم على شر اخر من بعد ما وقع الي وقع وقبل ماتضارب مع نوار …تفكرت الجملة الي قالت …le début de la fin …تنهدات راجعة بالذاكرة ”
كنت ناوية اخويا حتى عرفت راهم عاىلة مساهلاش والي قرب لحاجتهم ماهو فخير …وعاد هو مزوج وبيكون دار وليدات اش ندخل فواحد مزوج وانا باقي صغيرة نقدر نجيب المخير عليه…
عيسى “ضرب ليها على راسها ضربات خفاف” : هاد العقل فين كان ديك ساعة كلنا نوينا ليهم شر وانا مناسيش اش دارو ليا …انا خوووك وعارف اش كاين شفت وتشوفت ونجيك نيشان الى هما وصلتيهم باهم را داير عليهم الحمية كلمتو هي الي خلاتنا انا وياك بعاد عامين على واليدينا…”ساط دخان ”
لذلك ابنت بويا شريييي راحة بالك باش مكان وراحة بالك عندهم شريها من عندهم بالثمن هو التيساع …”يلاه بغات تهضر حتى دخلات ايمان هازا صينية القهوة كحلة الي ضروري يشربوها ورا الغذا …صونا تيليفونو وناض خرج تا جاوب …”
عيسى : اش كاين ؟؟؟ “رفع حاجبو ” كيفاش ؟ معامن ؟ “غزز سنانو تا شوي يتهرسو ليه في فمو بالغذايد ” قبل ماتقلب علينا قلب ليا على شكون مولاها الى من جيهتنا عرف وهز القلاوي خبيه تانجي ينعل عدو ربكم القحاب وعلى خدمتكم النايحة برب الجليل وتكون منكم تانحوي الحزاق كامل يغرق ليكم ساس …”قطع بعصبية وزاد كما كارو اخور ماصا نواضرو تا تنفس وكيدعي ربي ميكونش الي فبالو والا بالعربية تاعرابت غاتقواد الدعوة ….
واقفة فالبيت كتجمع فالصاك حتى سداتو وهزاتو غاديا خارجة بيه فطريقها تلاقات بيسرى جايا هضرات معاها ونزلات هازاه فايدها تا حدااو فوق الفوطوي الي تما فالوسط …
صهيب “عاد داخل” : الفجلة واحد فؤاد مجاش ؟
يامنة : لا مزال ملي خرج كيجري ماجا ماعيط تا ياسين تعطل …
صهيب : العجب هادشي الحبيب خرج تاهو …
يامنة : يوسف فين هو…
مزال كتسول فيه حتى وقف يوسف عليهم وجهو مسقود منو الدم وعينيه مكيرمشوش من وجهو يبان ليك را مدهشر مصدوم فمو ولا بيض ..شاف فيه صهيب …
صهيب : سلامة مالك ؟
يوسف”الصمت”
يامنة : ياربي سلامة”شدات على قلبها” اش كاين مالك ؟
سارة “وقفات تاهي ويسرى نزلات بان ليها جامد” : مالو …
يسرى”مشات لعدنو كتحرك فيه” : يوسف مالك ؟
صهيب : اري ليه كاس ديال الما اويلي هذا مالو ؟ يوسف يوسف …
يوسف : مم ممم “صوتو تقج ” مم يامنة ..
يامنة”مع نطق سميتها ماعرفاتش مهم بمجرد ما عيط ليها ديك تعييطة فشلتها تا جلسات بجهد حتى صلاو عالنبي …” : خ خبار الخير ايوسف …غاا قول اش كاين …
يوسف”عصر عينيه كيفكر اش يقول حيث وصاوه ميقولهاش دابا حتى توصل تما وهما ماعارفينش ان تا يوسف را كبدتو واخا نسيبو وولد خوه ماعارفين ان تا يوسف را غايتشوى عليه فحالهم ويترزا فيه …بزز باش قدر ينطق مقاد وخا ملامح وجهو خانوه وهو براسو لحد ساعة مفخباروش القصة الكاملة حدو اركان قاليه را فسبيطار اش وعلاش مزال معارفش ووصاه بهادشي واش يقول ليامنة والبقية …خذا شجاعتو بزز ونطق” : يلاه معايا لفاس عند فؤاد عندو شي مشكيل هو وياسين وبغاوك تبقاي تما
يامنة : اويلي اشمن مشكيل”شدات قلبها” راني حاسة شي حاجة اش كاين ايوسف عافاك…
نجود : اش كاين ايوسف ؟
يوسف : ماعرفتش ماعرفتش هما هضرو معايا وبغاوك …تاتلحقو علينا تما “شاف فيامنة الي مسموة وجهد صوته تا قفزها باش تحرك” واش مغاتمشيش ؟؟؟
يسرى : اويلي يوسف مالك ؟
يوسف”نقص من صوته” : ويلاه داابا لبسي نمشيو عندهم وااه …
مشات سارة بزربة جابت ليامنة جلابتها وشالها ورماتها عليها بالخف ماعرفت راسها واش لبستها مقادة ولا مقلوبة ودارت شالها يوسف غمز صهيب يمشي معاه حيث يوسف براسو مقادرش يسوق …مشاو بزربة ركبات
معاهم وطارو بيها لفاس مخلية الدار مستغربين وخايفين ماعارفينش تا شنو واقع ….في حين فهاد اللحضة بالضبط فالمشفى …
خرج الطبيب لقا فؤاد فلارض مابقاش قادر ينوض ولا يهضر اركان ناض على وقفتو …يلاه غايهضرو حتى بان ليهم البياص خارج والي فيه مغطي كلو …
الطبيب “شاف فيهم ” : البركة فراسكم “حدر راسو باسف”
#يتبع….
🦋نور_الياسين(992)#فرصة_ثانيةsana mina🐺🦋
اركان مع سمعها كان جاي عماد الكوميسير فمو تحل وعروقو نشفو ليه وهاد السيد الى ما تهناش على ياسين سوى حي او ميت را غايسبقو هو لول غابالخلعة وصدمة والقهرة …عماد تكوانسا اما فؤاد ماناضش مهضرش حيث عرفو ماشي هو وطبيب غلط …
الطبيب : نتوما عائلة الناس الي دارو كسيدة هنا فطريق صفرو حدا سبيطار !!
اركان”فشل تا طاح لارض صدق ماشي ياسين”
عماد”هو الي محضر عقلو فيهم ” : ل لا لا ماشي حنا بغينا خبار على سيد الي تضرب فمضاربة ديال فاس جديد معاك الكوميسير …
الطبيب : اه حالة داك الشاب معندي عليها تا علم دخلوه لداخل مكلفين بيه …
عماد : حاول تعرف شنو خبارو الله يخليك …
الطبيب : واخا سيادة العميد …”حدر راسو ورجع دخل باش يشوف عائلة واحد من الناس الي دارو حادثة …
عماد”بان ليه فؤاد حاط راسو على الحايط جالس جلسة ضر فالخاطر مسرح رجليه فلارض فشل وغيييير كيشوف مهضر ما تكلم …بين نارين بين المين بين عذابين ….الهضرة ماتنفع الغوات مايقضي البكا ميفيد ….تحنى على ركابيه وشد ليه ايدو باسها ليه ونطق” : الوليد واااا الوليد واشد فراسك ربي كبير ….
فؤاد”الصمت”
عماد : كون مع الله يكون معاك ربي كبير …
فؤاد”حول عينيه ليه ونطق وغير كيهضر اما النار الي فيه ماعالم بيها غير الله لداخل ديالو كيتمرمغ ويغوت ويطلب ويزاوك ميترزاش فبكرو الحبيب …فاي لحضة يخرجو يقولو ليه ولدك في ذمة الله …فاي لحضة يقولو ليه مات …نطق. بصوت ضعييييف متقوليش را نسر موسكو الي كيهضر صوت يضر الي ميضر” : رزاوني فيييييييييييه …
عماد : ابدا واش تبقى فيهم صاحبي شديد عارف يحلف بحلوفو تا يبقى فالحياة…
فؤاد : ضهري تهرس …
عماد : ربي غايجبر …
فؤاد : قاصحة وجبل ديالي رشا …
عماد : جبل ميهزك ريح…
فؤاد : بكري صاحبي والفاهم همي والهاز هضرتي والفاهمني من لغايا وحكمتي …بكري المرضي شواوني فيه وقتلوني ونسر تنتف ريش جناحو …
عماد : اسمك كافي وموفي يدهشر العباد …نتا عبد مومن عارف بالله سبحانه نوض بذل عليك وصلي وترجى الله راك اب والواليدين على ولادهم دعوتهم مقبولة …اش متمني …
فؤاد : يرجع ليا جناحي الفحم هو جناحي …
عماد مالقا ميقول …بقاو هكاك ازيد من ساعة ونصف اخرى …حتى
قشع اركان يوسف ويامنة الي جايا حالا فمها وشالها بغا يطيح وكتقلب وتلالي من بعيد غير بشوي وصهيب عيني خارجين …
يامنة”بان ليها فؤاد مسرح رجليه وعينيه كيشوفو بعيد حدرات عينيها لقميجتو كلها مشرگة وعامرة دم …فمها ولا كيترعد قربات ليه وتحنات” : ف فؤاااد …ددد ددد ممم مالك اش واقع ؟ ففف فين قممم”صرطات ريقها الي نشف” فف فين ياسين هااا …
فؤاد”رجع عينيه ليها ونطق” : الى فيك اغزالي شي حيل وطاقة جمعيها وصبري وزيدي فصبرك تاتشوفي ولدك وعضي فالصبر وشدي فراسك …غدرونا فلبكر ديالنا …غدرووووني فبكري…
يامنة “خرجات عينيها” : ممم اويلي اينا بكر …وخا فين ياسين …”مزال كتهضر حتى بان ليهم فراملية مخرجين بياص فيه واحد مغطينو بايزار كلو عامر دم هزو فيهم راسهم وهو ينطق يوسف اي شافو وتفيكسا خصوصا ديك دمايات وايدو خارجة مدلية …”
يوسف : ياسين !!! ياسين …
يامنة”ناضت كتقلب وتشوف حتى جات عينها على اسوء منضر ممكن تشوفو الام لولدها …مخرجينو فداك البياص وايزارو عامر دم من جناب وايدو مدلية وصبعها عاطي وضعية الشهادة ……كتقرب وتابعاه بعينيها حتى دوزوه من حداها وايدو قاصت ايدها تحسستها بااااردة ثلجة ووجهو جا فوجهها كيبان بييييضضض ممزوج بالصفورة فحال زعفران من جناب وفمو مبقاش فيه حس الدم تحت عينيه زرق …كمشات فايديه بزربة وفراملية كيبعدو فيها باش يديو لفوق وهي كتكمش فيها …
يامنة : ي ياسين ماما حنينة ياسين …مالو ؟؟ هااا …
فؤاد “باقي على جلستو وخا خرجوه من حداه وسط البشار فديك المستعجلات كانت عامرة حيث لقاو بزاف الحوادث تما …”
عماد”جا وراها وحط ايدو على كتفها” : كوني مع الله يكون معاك اميمتي …
يامنة”كتشوف فيه غادين بيه سيروم معلق وكيس دم تاهو معلق وطايرين بيه كيغوتو …
باش يعطيوهم الخبار تاحد ماخرج مشاو بيه على وجه السرعة … وايدو الي كانت شاذة طلقاتها تا واحد لحضة طاحت تدلات وبان فيها خاتمو ديال زواج …حتى غبروه واركان وصهيب تبعوه كيجريو تدهشرو …كتشوف وترمش بشوي وتعاود ترمش وكلمة رزاونا فيه كتدور فوذنها …ماحسات حتى هزات ايديها
لسما ونزلات على حنكها بجرة مصحوبة بغوتة حاااااااارة تصمك وتحسك الي ميتحسك ….”
واااااااااااااااااااااااااااااا حنينة واااااااااااااااااااااااااااااااولديييييييييييييييييييييييييييييييي وااااااااااااااااا رزااااوني فيك واااااااااومخيبها تمغيطة فيك ….”تا هبطات حناكها بجوج بضفارها مع هابطين ودم نازل تابع ضفارها نزلات الحناك بزوج وطاحت كتمرمغ وشالها لاحتو بالحر كتبعد فيه وتجر فعنقها وتقج راسها والعافية الي شعلات فيها مايحس بيها حد من غير الي مجرب نفس حرها حرها كيشد فيها عماد ويوسف ووالو ” وااااااااااااااااااالحنين ماشي هادي هي تجبيدة الي بغيت ليك…وااازغرت ليك فعرسك واااا لاااا تخليني نزغرت فنعشك “شهقات واحد شهقة الي خلات فؤاد سمعها جاتو فحال صحوة فيقاتو تا ناض بجهد على وقفتو طار لعندها “….
#تصبحن_على_خير….💔🦋نور_الياسين(993)#فرصة_ثانيةsana mina🐺🦋
يا الله اشمن وجع كبر من هاد الوجع الي كتحس بيه هاد الام الي عرفات بان اذى قاس ولدها وزادها المنظر الي شافتو فيه قدامها بالاضافة الى الايد الي لامست ايدها والي كانت باااردة محتاجة لدفء …الام الي كانت كتشوف ولدها جبل ميهزو ريح صنديد فالمرض مكيبانش عليه فالتعب مكيبينش هاهو قدامها لا حول ولا قوة له …مغدور رزاوها فيه …صدمة قوية تلقاتها وشافتها وقلبها راه كيتحرق ويتشوى كثر منهم كاملين …اش غادي دير فهاد اللحضة من غير الغوات والبكا كردة فعل على الي شافت وانها مستوعباتش هي الاخرى وعقلها ممقبلش الي قدامها بين الحياة والموت را ولدها اعز شخص عندها فيهم كاملين ياسين البكر الي نور ليها حياتها هي وفؤاد ثمرة الحب البلدي الاصيل الي نشأ بيناتهم في ضروف فرضوها عليهم الغير ….
غير شهقات ديك الشهقة خلات فؤاد ينوض على وقفتو لعندها شدها من دراعها وهي كتركل وتمرمغ ماعرفش ديك الطاقة والقوة الي عطاه الله وسط الناس تما تجوقات عليهم دنيا الي اصلا مجوقة الغوات ديال واحد من هنا وحدة من هنا الي مشوي ويغوت هو الاخر من هنا بخلاصة المستعجلات والمقبرة ومكان غسل الاموات واجنحة امراض السرطان يخليوك تعيد حسابك فالدنيا قبل الاخرة وتحمد الله على صحتك والي عطاه ليك الله قنع بيه ومتشوفش من فوق ذروتك وعيش على قدك وحمد الله بواليديك حداك وناس العزاز عليك والي دايرين بحسابك دير حتى نتا بحسابهم ولتامس ليهم الخوف عليك …
فؤاد”جرها بغا يكمش فيها كتركل وشعرها تحل وتسرسب وتنتف ووجهها حناكها دايزين بالدم بالقميش الي قمشاتو حرارتها حرارة متطفيها لا ما لا برد لا تاحاجة عافيتها عافية وحدها مكاينش الي يحس بيها من غير المجربها…ماقدرش يسيطر عليها حتى جا
عماد ويوسف شدوها معاه تا هزها كمشها عندو كتهز وتحط وتغوت وعينيها خرجو ” : ششش ياااامنة يااااامنة …
يامنة”كتغوت ربي الي خلقها” : واااااااااااااا كبدتي كبدتي كبدتيييييييييييي وااااااااااا بكري بكري بكريييييييييييييييييي وااااااااااااا ربي رزاوني فيه واااربييييييييييييييييي واااااااااااااااااااااااا ياربي ياربي يااااااااربييييي…
يوسف”تدعق باقي مصدوم وشواتو يامنة وكمل عليه حتى فؤاد كيشوف فيها مهدود مهرس” : شي حد يضرب ليها مهدأ…
عماد”كيشوف هنا وهنا” : مستعجلات الحبس “غوت عليهم تما دخل حتى لعندهم فين كيديرو اسعافات لناس رمع عارفينو كوميسير غير غوت خرج واحد الفرملي كيجري شافها ومشا دخل بزربة جاب واحد الكالمون من لداخل بلهلا يطريه ليه ومشا ليها وهي كتركل لفؤاد هز عماد شالها غطا ليها راسها وعاود طاح حيث كتركل فايدين فؤاد الي خاشي ليها راسها فعنقو قهراتو تاهي …حتى عراو ليها دراعها وضرب ليها شوكة وهي كتبكي حتى بدات كتنين ….
فؤاد : شششش
يامنة”كتهضر بانين ” : ولديييييييي اهى اهى …
فؤاد : كوني مع الله يكون معانا …
يامنة : حرقوني فكبدتي شواوني شواااوني اهى”كتغمض عينيها وترجع تحلهم ” باقي حنة عرسو منشفاتش ا….مشااااات نعست …
فؤاد”عصر عينيه تا عصرهم مزيان وهو هازها بين دراعو حاط راسو على راسها الي خاشياه فعنقو …نزلو زوج دمعات من عينيه فحال حجرات تسرسبو قشعهم صهيب حس بالضو ضربو فصدرو قهرو وكمل عليه …” : كوني مع الله يكون معانا….
يوسف”بغا يهضر صوته تقج ” : خو خويا امممم “ضور وجهو لهيه عينيه ولاو حمريييين …”
عماد : الوليد يلاه نشوفوه لفوق وديها لشي بيت تما ترتاح “شاف فالفرملي” شحال عاد تفيق ؟
الفرملي : من هنا لشي ساعتين هكاك …الى بقات هاكا رجع نضرب ليها وحدة حتى لصباح وتفيق …
فؤاد : لا لا بلاش منها”شاف قدامو وتم غادي ليها هازها وهي مخشية فيه نعسات وتفيق تقول ياربي يكون حلم الي شفت …تبعو عماد الي سول عليه فين طلعوه ويوسف ومشاو
تابعين صهيب واركان الي طارو من تما …خرجو من المستعجلات مستنقع الدماء البشرية …عيط عماد لصهيب ونعت ليه فين لحقو عليه …
عماد”وصلو عندهم ” : امضرا ؟
اركان”خبط لحايط بايدو حتى تجرحت” : وااا معطاونا تا خباااار تا خبار ريحو ديلمنااااا الخرا وااعععععععع ….”هاد سيد الى ممشاش لمرشيش را مرضي الواليدين” …
صهيب”كيترعد ” : ما ماعرفتش ماقالو والدو د ددخلوه هنا فففف هنا …”صرط ريقو تا سخف وجلس لارض فضص ” هفففف
عماد : تهدن العم تهدن تهدنو كونو مع الله يكون معاكم ….
صهيب : فين فؤاد ويامنة ؟؟؟
عماد : داها لواحد شومبر هنا ناعسة …
صهيب : ضربتو ليها الكالمون ؟
عماد”حرك ليه راسو وصهيب فهم ان الدعوة متعجبش …حتى شوي تم جاي فؤاد الي باقي مسكين بدوك الحوايج المجرتلين الي مافيهم ميتشاف …”
فؤاد : فين داوه ؟
صهيب “كيشوف ففؤاد كيزيد يتقهر هو الاخر عينيه حمريييين ” : دخلوه لهاد البلاصة ماع م ماعرفناهش واش بلوك ولا شنو …”عماد دخل تم طل قرا البلاكة ورجع عندهم”
عماد : هذا بلوك وهنا الانعاش …
بقاو كيتسناو تما فؤاد واقف ممحركش قلبو معصور ماتهضرش معاه ومتشرحش ليه معنى الالم والمعاناة والعذاب والحرقة حيث هو الان في حضرة الذي ذكر شخصيا …واحد لحضة حتى سمعو صوت خطوات كيجريو ضورو وجااهم وهما يبان ليهم الحبيب جاي كيجري وعينيه حمريييييين وهاز فايدو تيليفون حتى وقف على باه ووراه تيليفون كانت صورة ياسين مغطينو بداك لايزار وحاطينو فاحدى صفحات …
الحبيب”نزلو دموعو يجريو وهضر بصوت مخنوق بالبكا حتى مشا ليه ” : علاش مغطيين ليا خويا الحنين اااا ؟؟؟
#يتبع….🦋نور_الياسين(994)#فرصة_ثانيةsana mina🐺🦋
كان سؤال بكثر ماهو سهل تجاوب عليه تقول را ضربوه وغدروه وها شنو وقع وشنو وقع بكثر ماهو صعيب تنطق هادشي خصوصا فؤاد الي حضر ليه وكان عند راسو وهو براسو مزال تحت صدمة والحرقة والحزن والشوية مزال تعود عليه ببزاف ومعمرهم ينساو هاد النهار الي غايبقى محفور فذاكرتهم وقلبهم حفرة كبيييييرة وسوداء فحياتهم ….
فؤاد”عض على شنايفو ماحيلتو لداك الي لداخل والي واقع ولا ليامنة ماحيلتو لراسو الي مشوي وخدام كيتشوى وبين نارين يا اما براكة فراسك يا اما حاجة اخرى …قبط ليه راسو بين ايديه وقابل وجهو مع وجهو ونطق ” : خوك بغانا ندعيو معاه …
الحبيب : ماشي ديالتو هادي الوليد ماشي ديالتنا نترزاو فيه …
فؤاد : عض فالصبر فوجه خوك وميمتك صبر باش تصبر …
الحبيب : ونتا الوليذ “محابسينش ذموعو”
فؤاد : براكة عليا الي فيا عالم بيه رب العباد كافي وموفي يقبل دعايا بلا منطق بيه …
الحبيب : حالتو ابا حالتو حااالتو طمني عليه وفرحني …
فؤاد”شاف فيه وبانو عينيه محجرين بالدموع كانت كافية باش تعطي الاجابة لحبيب ”
الحبيب : الحنين بين يدين الله …
فؤاد : وشكون حسن من الله يكون بين ايديه ؟
الحبيب”هز عينيه لفوووووق ” : ياااااااااربي شوف من حالو ياربي يااااااربي لا تقهرنا عليه ياربي ميستاهلش ياربي …يااااربي را شفناه جبل ماقدرينش عليه يريب …..
قرب فؤاد راس الحبيب وحط شفايفو على جبهتو وطرش ليه حناكو بشوي بمعنى توگض وشد فراسك …
مزالين كيهضرو حتى تحل الباب ديال البلوك وخرج واحد الطبيب وفرملي…مشا عندو اركان بغا يطيح على وقفتو …
اركان”شد ليه فايدو وهو يخواو بيه رجليه تا طاح شدو الطبيب والفرملي وقفوه ولكن رجليه كيخونوه ..” .: ا م مضرا …
فؤاد”عينيه خرجو كيشوف فالاطباء ووذنيه كيصوطو رجع ثاني لصدمة ”
يوسف : دكتور !!!
الدكتور : ياك نتوما عائلة الشاب الي جا مضروب من فاس جديد ؟
عماد : وايه حنا شنو حالتو ؟
الدكتور : ماعندي منقول دابا درنا الاسعافات الضروري وتدخلات وخليتهم دابا خدامين معاه …كل شوي حتى كنقولو غانفقدوه ويرجع من جديد …مزال نبض ضعيف وفحوصات اولية عندو جروح عميييقة على مستوى الجانبين الايمن والايسر مزال كنديرو فحوصات باش نعرفو فين تضرر تما …عاد الضربة لي فجيهة الشريان الحرقفي الاصلي ..L’artère iliaque d’origine…
صهيب : ايه وشنو دابا ؟؟؟
عماد : ممكن تقولينا اش كاين بالضبط الله يخليك …
الطبيب : انا فقط عاونت وخرجت باش نعطيكم حالتو خليت معاه الاخصائيين الي كاينين دابا دخلوه البلوك باش يديرو جراحة اولية باش ينقص الضرر عاد غايجي اخاصئي القلب وشرايين هو الي غايعطينا القرار الاخير …
صهيب : وفين هو ؟
الطبيب : عاد وصل وخليتو كيوجد باش يطلع …”تنهد وحدر راسو ونطق” ماعليكم غير الدعاء فهاد الحالة …”ربت على كتف عماد الي واقف ومشا هو والفرملي بقا معاهم …
الفرملي : خاصو دم بزايد الي عندنا درناه ليه لكن فقد بزاف خاصو اكثر …
عماد : اشمن فصيلة ؟
الفرملي : O+ يعني خاصنا الي من نفس فصيلة ديالو او O- …
صهيب : معنديش …
اركان “حرك راسو بنفي”
فؤاد”مصدوم ضارو عندو مجاوبش مكيرمشش …”
يوسف “بصوت مخنوق” : معندوش تاهو …ولا انا …
عماد : حتى انا معنديش …واشنو غانديرو ميمكنش ضبرو فيها ؟
الفرملي : اخر كيس هو الي عاطينو دابا قرب يسالي خاصنا فاي وقت حالي تكون …بنك دم عندنا مافيهش …
الحبيب : واشنو ؟ ااا شانو غاديرو ؟
الفرملي “حدر راسو مالقا ميقول رجع ادراجو ودخل لبلوك عندهم عادو بدل تاني وعقم راسو ودخل عليهم لعندو …حتى تحل الباب ودخل
اخصائي في جراحة القلب وشرايين وقف عليهم كان لابس لباسو ومعقم وموجد …شاف المؤشرات الحيوية وشاف الملف والفحوصات ونطق …
الاخصائي”قرا الملف وشاف الفحوصات كاملين ” : الحالة ؟
الفرملية : على حسب تقرير المسعفين فالمستعجلات عندو جروح عميقة على مستوى الجانبين …مزال فالفحوصات تبين انه عندو ضرر في الجانب الايمن اما الايسر غير جروح عميقة لكن ماتضرروش الاعضاء الي فداك الجانب نقيناه وخيطناه …mais
الجنب الايمن بحسب الفحوصات الي غايجيو دابا نعرفو شنو تضرر فيه بالضبط …Nous avons arrêté le saignement ( وقفنا النزيف) وتاكدنا انه ماكاينش شي La coagulation du sang Ce qui pourrait conduire à un caillot sanguin(تخثر الدم الي غاادي لجلطة دموية )
الاخصائي : تبين لي انه كاين هنا Un problème dans l’artère iliaque d’origine(مشكيل فالشريان الحرقفي الاصلي )
الفرملية : وي دكتوغ …بسبب الضربة ديال بين البطن والفخذ …ذكتورة الغامدي هي الي سعفاتو فاول ماتضرب كانت فالموقع ديال الحادثة …
الاخصائي : نورمالمون هاد التدخل الي دارت مبدئيا جا بنتيجة …”حط الملف ” دااابا تديرو ليه فحوصات فالضربة الي تما …وحاولو مامكن يبقى تحت المراقبة راقبو الضغط والدم لا يوقع نزيف وخا كيبان ليا مكاينش كنضن عندو مشكيل اخور مي من دابا سانك مينيت لقا كلشي …
جا واحد الاخصائي تما ونطق …
دكتوغ منصيف حاول معاه سي نو مابغيناش نضطرو نتدخلو ونعيطو ليه …حياة هاد الشاب على المحك فاي لحضة ميتحملش …
الاخصائي : نتمنى ميكونش هو لو شوا الاخير ديالنا …ماعلينا غير الدعاء فهاد الحالة
#يتبع…

🦋نور_الياسين(995)#فرصة_ثانيةsana mina🐺🦋
#فالفيرما…
واقفة كتجمع فحوايجها ومافاهماش تا علاش كتجمعهم قلبها مقبوط وكرشها كتحس بيها كتكمش عليها ماعارفاش هاد الاحساس شنو هو …ماعارفاش اش واقع علاش عيطو ليهم كاملين يجيو …كانت جالسة مابيها ماعليها تا جاها اتصال من فؤاد الي رغم الحرقة ديالو رغم الالم اضطر هو الي يعيط ليها هو الي نقولو عارف اش غايقوليها لانها غادي تشدالطريق وتجي عاد يعلموها …
نوار : عمي فؤااد …
فؤاد”مسح على عينيه كيشوف فالفراملية كيمشيو ويجيو …ولحد الان كيقلبو على متبرع ..صرط الريق ديالو ولبس قناع الصلابة ديال فؤاد رمسيس ونطق ” : بنتي …فيك مايجي عندنا ؟
نوار : نجي ولكن علاش ؟ فين ياسين را جاي هو فالطريق يمكن وخا تيليفونو طافي …
فؤاد”طلع صدرو وهبط وعلى هضرة سمع يا نوار فين يجي ياسين فييييين وراك كتحسكي فيييييه يا نوار وكتقتلي فيه وحرقتك نتي وحدهاااااا” : ل لا بنتي هااا”زلق ليه صوته ” هاهو ف فاس مزال عندو خدمة واقع ليه مشكيل وغايتعطل
نوار”وقفات وشدات فقلبها الي تفزع تا حسات بوجعة فكرشها” : ااا ؟ مالو ؟ هاذشي علاش طافي تيليفون ؟
فؤاد : داااكشي علاش ابنتي …ها اسامة ودراري وجدك غايجيو معاك جيو كاملين …”ضار عند يوسف ” ي ي “صرط ريقو ” طيارة ؟
صهيب : قطعنا ليهم خاصهم دابا ساعتين يكونو فالمطار …
نوار”بدا صوتها كيتبدل ” : عمو فؤاد شنو كاين ؟ قول لياسين يشعل تيليفون …
فؤاد : وااااخا بنتي واخا نقولها ليه …يلاه دابا تحركي واجي …”بغات تهضر وهو يقطع مابقاش مزال قادر ينطق ولا يقول شي حاجة حيث صوته تخنق وتقج وتبدل …ضار جيهة الممر تا بانو ليه كاملين جااييين نجود جايا وتلالي وسارة تبكي وراوية عينيها خارجين …والياس الي عاد ساق الخبار حيث كان خارج فاس لشي غراض جاي عينيه حمرين حيث شافو ياسين فصفحات ناشرينو …وفؤاد نسا ان نوار تقدر تدخل وتشوفو ولا واحد فدراري وعالله ماتشوفش الواقعة حيث الى عرفااااتها منهم حالتها ماهي حالة ماتبغيها لا لعدوك لا لكافر …
نجود”كتبكي وتلالي ” : واااااوليدي وليدي اش دارو ليه يااا ولدي اهى اهى “راوية تبكي وتقرب لفؤاد الي قهرها من شافت حالتو باقي هكاك من ديك الوقت …” وااااااا ولدي واش جرا ليك وفين لوقت لحگت بيك واااااوليدي شواونا فيك وااااالحنين الغالي قهرونا عليك اهى تهى …
صهيب”قرب ليها وباس راسها” : ميمتي كوني مع الله يكون معاك …لا تفايليش عليه دغي معاه اميمتي ماعندنا منديرو …
نجود : صعيب الحال وشفت تمغطيتو مابغيتها ليه وكي تشوينا عليه يعلم الله بحال ميمتو وفين هي …
عماد : ميمتي الخالة ناعسة ماعالم بيها غير الله توگضي ووقفي معاها حالتها كتر من كاملين بغاتكم توگضوها ماتكملوش عليها…
راوية”كتحك فصدرها وتبكي وتمشي وتجي ماعارفة تبقى واقفة ولا تجلس …” : واااا ميمتي حنا وماقدرناش وكي عالم بيها الله هي كي عالم بيها الله اهى اهى …
فؤاد”البكا ديالهم وحالتو ماقدرش يزيد يبقى معاهم كان على شوي يطيح حتى شدو غير يوسف والحبيب الي واقف غير بالدعاء هو لاخور …جروه لوتحد الكرسي بعيييد وجلسوه …مشا عماد هبط يجيب قرعة الما ليه حيث حالتو مبقاتش كتبشر لا هو لا اوكان الي ولا مسقوط منو دم جالس فواحد القنتة فلارض مكمش ودموعو ماحابسينش ونعاودها ونزيد نعاود الى ربي شاف فهاد الولد را مرضي ومرضي….
نجود : وليدي فؤااااد اهى اهى …
صهيب”شاف فيها وحرك عينيه بمعنى خليه ماتزيديش عليه ..” : جلسي رتاحي هاحنا كنتسناو …”شاف فيهم” شكون عندو O+
نقزات سارة واقفة …
سارة : انا اناااا”حاطا ايديها على صدرها ”
عماد : تحركي معايا ذابا خالتي …
مشات هي وياه كيزربو تا ربت عليها صهيب ومشاو لعندهم …في حين البقية جلسو كيتسناو المكتوب شنو غايكون فيه شافو حالة فؤاد ماكتبشرش سكتو بزز منهم ميكملوش عليه …وجبدات نجود قرآن صغير عندها وبذات تقرا وتدعي رب العباد …حتى جات مينة شادة فكرشها من تحت معاها رياض ويسرى تاهي جايا وجهها صفر بالخلعة وصدمة الخبر …ماعرفو مايديرو واش يهضرو ويبكيو واش يغوتو …عند دخلة حبسو فيهم البكا على جال فؤاد خاصهم يصبرو بزز منهم باش ميزيدوش يكملو عليه …..تحل الباب ودخلات عليها يسرى هي ومينة الي عينيهم تنفخو بالبكا مينة مخلاوهاش تدخل تشوف الصورة ديالو نظرا لحالتها …
يسرى”حطات ايدها على راسها كدوز عليها قهرتها حالتها وجهها الي تقمش كلو وحناكها الي حفرتهم بضفارها كتبين الحرقة للي وصلات ليها تا دارت ليهم هاكاك …داواوهم ليها ودارو ليها بومادا عليهم …ولكن واش بومادا غادي داوي جروح القلب والخاطر ؟ حتى شافتها بدات تحل عينيها” : يامنة حبيبة …
يامنة”حلات عينيها كتشوف فالسقف كتقول سقف بيتي مزال متفكراتش اش واقع …حتى بدات ترجع ليها ذاكرة وصدرها كيطلع ويهبط والبكية كتعلا والعافية بدات تزند …” : ممم ولدي ولدي ولذي ولدي ولدي كبدتي كبدتي “حتى طلقات اقوى صرخة صرخاتها فحياتها صمكات ليهم الودنين تا التيلاد الي فكرش مينة تقلي حتى شدات كرشها ويسرى غمضات عينيها وصرخة وصلات لعندهم فين واقفين وايساف الي كان جاي كيمسح فدموعو الي ماحابسينش وقف وضار يشوف وناس تما وقفو كيطلو ” : واااااااااااااااااااااااااااااااااااااا ولداااااااااااااااااااااااااااااااااااااي…
#يتبع….🦋نور_الياسين(996)#فرصة_ثانيةsana mina🐺🦋
صرخة تبعاتها صرخة اخرى تبعوها صرخات ونديب وغوات …فؤاد هاد المرة ماناضش عندها مشاو كاملين يطلو عليها الا هو واركان …مابقاش قادر ينوض عندها …الجهد الي يزيد تقاضا تقريبا …كانه ماسمعهاش كانها ماغوتاتش …هو دابا تعزل على الواقع …كيتسنى غير المكتوب شنو يخرج …مرة مرة كيشد صدرو يحكو وديك العافية حلفات لا هي بغات تبرد …صورة ياسين وهو فديك تجبيدة عمرو ينساها فحياتو عمر ديك الحالة وداك دم مينساه ….
ماينساش البكر ديالو الي ماعمرو ضن غاتلي بيه ليام ويتغدر هاد الغدرة الحارة …الفحم او فحم العينين كيما سماه عليه …الي دابا كيصارع والكلمة ديال مابغيتش نموت بقات محفورة فذهن الطبيبة تاهي الي غير برانية ومانساتهاش …من بعد ماعطاتهم حالتو الاولية استاذنات ومشات حتى ترجع تطمان على حالتو
الي ضرتها فخاطرها والي تاهي متنساهاش مهما حياة غير برانية وحسك ليها قلبها وخاطرها فمابالك اعز الناس ليه ؟؟ اش درتي اياسين فحياتك تا بغاوك هاد الحب كامل وتشواو عليك هاد شوية من كبيرهم لصغيرهم …ياسين رمسيس الي هو دابا بين يدين الخالق ..ويدين ملائكة الرحمة موصول كامل بالاجهزة وبالاكسجين مراقبين ضغط فينما يبغي يطيح كيقادوه بزز …
الاخصائي”شاف اخر فحص طلب” : تخثر الدم فوق
‏Internal iliac (الشريان الحرقفي الغائر او الداخلي ) وحدا عرق …”كمش ملامح ديالو باسف ” خاصنا ندخلو جراحة دااابا قبل ميتحول caillot de sang
( لجلطة دموية )…”غوت عليهم ” الي فازي Préparez la salle d’opération sur place
(تحضير غرفة الجراحة) “شاف فواحد الاخصائي ديال الجهاز الهضمي ” شنو الحالة عندك .؟؟موسيو المعناني؟
المعناني “كيشوف فالملف” : معندوش ضرر حتى فهاد الجانب …
منصيف : دونك مشكيل عندنا L’artère iliaque d’origine…exactement Internal iliac….مشا قرب ليه شاف المؤشرات ديالو شاف الضغط الي هابط ثاني …متاسف انه غايضطر يدير الجراحة وهو. فحالة خطر والى مدخلش غايتحول الامر لجلطة دموية والي مبغاش يوصلو ليها حيث غادي تادي لوفاة ديالو …جهزوه وداوه على وجه السرعة من جيهة اخرى وسبقوه كيوجدو فالغرفة الي اصلا جاهزة فهاد الحالات …مشا تعقم ولبس لباس ديالو وزاد تعقم غسل ايديه بصابون معقم وزاد حتى بيطادين ….
اما برا فحالة يامنة داخلة فالسوء حالتها ماتبشر بالخير اصطرو يضربو ليها مهدأ اخور حيث ماسكتاتش وماحبساتش باقي كل مالها كتشوى اكثر …بقات معاها يسرى اما مينة بزز باش داها رياض حيث حالتها ماتسمحش تبقى تما …دازت اكثر من ساعة
وفؤاد على حالتو اركان عماد ويوسف وصهيب واقفين اما الحبيب وايساف كيمشيو ويجيو الياس باقي مصدوم داير راسو بين ايديه وعاطيها لبكا تقهر تاهو …كلشي مشوي مكوي على حالة ياسين مقهورين …اما النصف الاخر الي بقا …علي دخل لفيس وشاف صورة ياسين خرج عينيه تا مبقاو فين قدرو يزيدو ماقدرش يهضر والى هضر اش غايقول ماصدقش وتاهو تشوى عليه وبزز سكت تا عينيه ولاو حمرين كيسولوه مالك مكيجاوبش حتى شكو را كاينة شي حاجة ….
دازت اكثر من ساعتين وهما لداخل …ولا من يعطيهم الخبار …وصلات العشية وضلام الحال …
في غرفة الجراحة …
الاخصائي “بدا كيزيد فالفتحة …كيشوف ضربات القلب قدامو ضعاف وجهو ولا صفر والعرق ماحبسش فيه …هبط عينيه كيشوف فالتخثر حتى خرج عينيه” : نووووو نووووووو
المساعد : دكتوغ ؟؟؟
الاخصائي : الي خفنا منو هو الي وقع …”حدر راسو باسف ” caillot de sang(جلطة دموية )
المساعد : شنو غانديرو فهاد الحالة دكتوغ …
الاخصائي : نظرا لخبرة ديالي وقعات جلطة فهاد الجيهة يعني خبرتي قليلة هنا باش نتدخل …الى تدخلت غادي يوقع مشكيل كنحاول ما امكن نخليه يعيش …وخا نسبة قليلة بزاف ومبغيتش نذكر هاد نسبة لدارهم حيث ماعندنا منديرو تضرر بزاف وكيبان ليا هنا باقي عايش غير بالدعاء يعلم الله فاشمن وقيتة بغا ليه الله الوفاة من هنا لديك ساعة معندناش وقت خاصنا نديرو الحل الاخير ….عندنا من هنا ل 48 ساعة بزز خاص يكون هنا …
نقز واحد من المساعدين تاهما اختصاصيين معاه ..” : ماعلينا غير نعيطو ليه …
الاخصائي : الى بغا يجي …”حدر راسو ” بقاو مراقبين “شاف فالاخصائي لاخور ” حاول باش يبقى صابر وخلي المساحة تبقى محدودة …
المساعد : غانحاول دكتوغ ولكن الوقت مكافيش …
مصنيف : ماعندنا منديرو سوى الدعاء …
#يتبع….#تتمة_البارت_996_نورالياسين_فرصة_ثانية…

خرج من بعد ما كمل وخلاهم معاه وصى عليه وحتى هو غايرجع يراقبو الى ماتدارش الحل الاخير غادي يتدخل هو ويديرها فايد لله …
وصل الليل وهما كيتسناو …ساعات وهما فالانتظار وحالة ياسين فخطر كبييييييير …وصلو دراري ونوار لسبيطار عرفو ان شي حاجة واقعة لياسين ومنهم نوار الي
جايا ووجهها بيض كتسنى تعرف اش واقع …وعينيها كيتسدو ورجليها كيخواو بيها …حتى وصلو لفين كاينين لفوق …لقاو صهيب وعماد …
اسامة “شاف صهيب” : لعميم ! ا اش واقع لياسين ؟؟؟
صهيب “حدر راسو وضار عند عماد وراوية لهيه مشات عند يامنة هي ولاخرين ”
عماد”يلاه بغا يهضر”
اشرف : فين الوليد ؟؟ اش واقع ؟؟؟
عماد : سيرو عندو را هنا حدا لبلوك …”ماقدرش يهضر ”
مشات نوار واسامة واشرف وعلي اما مصطفى جلس تما وبقا مع صهيب الي يقوليه هو وعماد ….مشات نوار كتزرب باغا تعرف اش كاين وخا فقرارة نفسها عاااارفة سوء مس ياسين. لا محالة …جاب الله مدخلوش لمواقع تواصل الا علي ….وصلو عليهم
حتى وقفات عليه واحد الفرملية وعطاتو ميكة …
الفرملية : هادو حوايجو ومستلزماتو …
دراري مشاو كيجريو لعندو الا نوار الي جاو عينيها مع الميكا الي عطاتو الفرملية …الي جبد منها حوايجو …تريكوه البيج ملطخ بالدم ومشرگ كامل حيث شرگوه عليه فالمستعجلات …
نوار “كتصغر عينيها وترجع تشرعهم تصغرهم وترجع تشرعهم …من مساوء الصدف جات فهاد اللقطة حتى مشات برجليها كيخواو بيها وترجع توقف مشا عندها يوسف كيجري …بغا يشدها وهي تبعدو تا شدات التريكو ديالو ديال الخايط ” : تريكو ياسين هذا ؟ “شاف فيها
فؤاد وشافت النظرة ديالو الي اول مرة تشوفها ” : صبري كيف بغاك تصبري من جيهة راسك …دقة الغدر غفلاتو ابنتي غفلاااااتو …
اسامة فشلو ليه رجلين وركابي …
نوار ” وشافت فالتريكو كلو دم ومقطع تقطييييع مشرگ …وشافت فيه وهي كتبغي تنطق والهضرة كتحبس وتقج ليها تا كمشات ليه فدراعو وغرسات ضفارها فيهم …وعصرات عينيها كتنيييييييييين بصوت ضعيف ..” وااااااااامبغيييييييييييتش مبغيتش وااااااماتقولهاش كنت حاسا “هزات
راسها لوفق وحطات ايدها على قرجوطتها كتخرج الهضرة مصحوبة بشهقات كيتسمعو خفاف وهضرة ضعيفة لاحت تريكو طرطق ليها نيفها بالدم وكتجر فيه يقرب عندها حتى قرب ليها فؤاد يسمعها اش كتقول” واااا راجلي باقي عرييييييييييس اهى اهى غييير قتلني ومتخلينيش نشوف الموت كتغدرني فيه واااااااااا مابغيتش يخطاني ياسين واااااااااااا مابغيتش نشوف المفششني ضعيف اناااااا الي ضعيفة ماشي هو “تا طاحت وشدها بايذيه وجا يوسف كيجرييييي” …..
#تصبحن_على_خييييير….
🦋نور_الياسين(997)#فرصة_ثانيةsana mina🐺🦋
الي بقا لفؤاد كملاتو ليه نوار خصوصا من شاف حالتها الصدمة الي بادية على وجهها وعدم تصديق الخبر وخا يلاه بان ملامح ان ياسين بالفعل واقعة ليه شي حاجة الي خايبة …لكن الاهم وانه احسن ماشافتوش نيشان ومشافتش الصور المنشورة على الانترنيت ….
كلماتها بصوتها الضعيف دليل على انها منصدقاش ممستوعباش هي الاخرى وهي تقريبا بنفس احساس واليديه وخا احساس الوليدين لا يضاهي اي احساس اخر ….
فؤاد”شدها من دراعها كانت هي الاخرى غايبة عن الوعي …” : نوااار نوار”مكيغوتش كيشد فيها وينادي باسمها وصوته حتى هو منخفض دليل على انه مابقاااش قادر يتحمل حاجة اخرى يكفي السوفل الي شاد لدابا حتى يعرف مصير ولدو فلذة كبدو …جا يوسف كيجري لعندها قبطها عليه ”
يوسف : نوااار بنتي نوار شدي فراسك ..”ضار جيهة دراري كان اشرف الي مصدوم مكيرمشش وعلي الي عينيه حمرييين …شير لعلي طار لعندو كيجري شدها معاه تا هزها علي بين دراعو ” يلاه ولدي لتحت يشوفوها …
فؤاد”كيتحنى باش يهز تريكو ياسين المقطع وكيشوف فيهم ويهضر” : ديها شوف رعفات …حاولو معاها الله يرضي عليك …
مشا معاها يوسف وعلي الي هازها ينزلوها لتحت المستعجلات في حين فؤاد شد تريكو وخشاه فالميكا …عيط لعماد عطاه الميكة الي فيها كاع مستلزمات ياسين …حتى …
فؤاد”كمش حجبانو ورجع شد الميكا قلبها وشقلبها ” : تيليفونو ؟؟؟!!!!
عماد”رفع حاجبو وبدا تاهو كيقلب معاه” : مجاش معاه !!! تسنا الوليد نسول …
بعد لديك جيه وعيط لكوميسارية سول تما على الحادثة شنو لقاو فيها …اما فؤاد مسولش معندوش الخاطر اولا ناسي والي فيه را ربي لي عالم بيه ثانيا واذا كان تيليفون ياسين بحوزة رجالو فاكيييد ومؤكد غايعلموه ويجيبوه ليه …اذن فين هو هااتف ياسين ؟؟….
عماد”رجع لعندو” : مكانش فالحادث …
فؤاد”هز عينيه فيه ”
عماد”فهمو كيقوليه زعما من نيتك ميكونش معاه سيارته مافيهاش تاهي …” : بفففف نشوفو حالتو ديك ساعة نتحرك …
فؤاد”مجاوبوش ضار جيهة فين جالس اركان فالقنت فلارض حاط راسو عالحايط مكيجاوب حد مكيسول حدو كيشوف شي حد خرج من عند ياسين كينوض فحال تقولي مبرمج على هاذ القضية الصدمة حرقاتو وعرفات كيف حرقاتو زاد عليها عذاب الضمير انه ماوقفش على صاحبو مرافقوش وخا نبهو ميمشيش تما الا انه ندم وكيتعذب فراسو بالاضافة الى الصدمة واشمن عذاب هذا يااارب …
جا كل من صهيب وايساف والحبيب مخليين لاخرين عند يامنة جالسين حداها فشومبر من تفيق تلقا المواساة منهم وخا يخففو عليها شوي ماتبقاش تنوض تنفاعل وتنهار …واقفين وقفة وحدة مع بعضياتهم هازين لهم لبعضياتهم على وجه فؤاد هو الاخر ميزيدش يتازم بواحد من افراد اسرته عالاقل يلقا شي حد منهم شاد فراسو باش تاهو يلقا علاش يتعكز …
الحبيب”مسح عينيه من دموع عينيه الي تورمو جات هاجر لحقات عليه ومشات عند يامنة جالسة معاهم حداها …شاف فباه الي باقي بدوك الحوايج …تقريبا الوحدة ديال ليل وهو مزال على داك الحال كيتسناو الفرج كيما كان كيما كان …” : الوليد جلس رتاح ليك شوي …
فؤاد”حاط راسو على الحايط وواقف …مجاوبوش”
صهيب : عيط ليوسف سول على نوار …
عماد : رتاحو نتوما انا نعيط ليه …من احسن يعطيوها مهدئ فحال الخالة …
فؤاد”نطق ” : شحال قدهم اخرتها فيقة واخرتها موت …
صهيب”جلس فواحد الدرجة ماهضرش اش غايقول الي قالو كافي موفي ”
الحبيب”قهرو باه وعرف كي قهرو تمشا لعندو وشد ايدو باسها وعاود وشاف فيه ” : اش علمتينا الوليد فوقت الشدة ؟
فؤاد : التضرع لله وحده …
الحبيب : فين ايمانك الوليد فين ؟ نهار كامل ونتا واقف نوض بدل عليك وتوضى صلي ودعي لرب العباد يشوف من حالو …
فؤاد : قسموني …الي لهيه ماقدو عليا والي هنا مني وفيا قضاو عليا …قتل نسر وماتقرب لهيثم ديالو …
الحبيب ماعرف مايقول ماعرف مينطق تلجم ليه الفم ماعندو ميدير هاد اللحضة ماتبغيها لعدوك لحضة الانتظار انتطار مصير اعز الناس …قاطعهم وقوف الجراح الي دار لياسين العملية مع واحد المساعد …حتى ضارو كاملين عندو ومشاو كيتجاراو الا فؤاد كيتسنى يسمع حيث الحيل باش يشد ويتقابل معاه مشاااا…
الاخصائي : نتوما اهل الشاب ديال فاس جديد ؟
صهيب : اه حنا ..اشنو حالتو طمنا الله يرحم باك …
الاخصائي “باسف معطلهمش مقدمات جاهم نيشان مع مستشفى الدولة ولفو بزاف معندهمش وقت باش يوجدوك نفسيا هما كاااع …” : الضربات فالجناب وخا قاصحين بالنسبة لاعضاء مداروش ليهم ضرر لكن ضربة الفخد اثرات عليه بزاف بالاضافة انه نزف بزاااف حتى اننا عوضناه ومزال كنعوضوه لكن وقع تخثر فالمنطقة جات بين شرايين المتصلة بالقلب الرئيسية حتى تحولات لجلطة دموية وفهاد الحالة معندي مندير ليه بحكم خبرتي ماشي كافي باش نديرها حيث
الى حيدتها يقدر يوقع نزيف والى متحيداتش غاياثر على القلب وياذي للوفاة …”اركان الي كان واقف دار زداااف ماردوش ليه البال كلهم حلو فامهم مشعوطين بالصدمة…”
ايساف : وشنو ذابا ؟؟؟ اش نديرو ليه ؟
الاخصائي : عندو من هنا ل 48 ساعة الى مدخلش لجراحة ديال مختص وبروفيسور متمكن معندنا منديرو ليه …
صهيب : نديوه برا نديوه عند مختصين
الاخصائي : واحد فيكم يجي عندي لمكتب هاهو هنا ونشرح ليكم دابا معندناش الوقت …
#يتبع….🦋نور_الياسين(998)#فرصة_ثانيةsana mina🐺🦋
بقا غادي بيها علي حتى داوها المستعجلات دخلها علي عليهم بلا ميسول مخلي سيكيريتي كيعيط ليه حتى ضار عندو يوسف وقفو وهضر معاه ودخلها حطها ليهم وسط عباد الله ولاو جروها داوها بعيد على دوك الحوادث الي تما ….وخا مستشفى عمومي وخا مكاينش معاملة حسنة الا انه الله يكون مع دوك الاطباء الي تما والفراملية الي مكيلقاوش حس راحة ساعات متواصلة تحت الضغط وانقاذ هذا وذاك واعلان الحالة صحية لداك ووفاة هذاك وطمانة الاهل على هاديك ولا ذاك ….الله لا يكتبها على شي مسلم وصول ديك البلاصة …
دخلوها البيت شافو حالتها ضربو ليها شوكة باش تفيق وسمحو لعلي يهزها من تما حيث معندها والو سوى صدمة وانهيار حتى تفيق عاد يشخصو حالتها هذا ما عطاوهم …
اما في مكتب الاخصائي الي جا باش يدوز اسبوع الخدمة ديالو فالمشفى العمومي …دخل فؤاد والحبيب وصهيب …وتقابلو معاه …
فؤاد : شنو كاين ؟؟؟
الاخصائي : كيف شرحت ليك الحالة وعطيتك الوقت …بالنسبة لحل راني تقول تصرفت لانه معندناش الوقت اسي الحاج ماشي وقت مناسب ولكن انا كنعرفك شخصيا وخيرك سابق من بعد ونقوليك شكون انا …حالة الابن ديالك حالة خاصة تجلط الدم الي وقع ليه جاه فشرايين وفوق واحد العرق جنب المنطقة الحساسة …ماقدرتش نزعم ونتصرف انا حيث عندو حل ومخليه جراحة ديالي هي اخر حل …كنحاول معاه باش يبقى على قيد الحياة ولو غير حافة شعرة …كنشوف فيه مدد في اي لحضة يتوقف القلب الى متدخلناش لجراحة باش نحيدو الجلطة …
فؤاد”تنفس بجهد كيبان صذرو العريان من قميجة كيطلع وينزل والعرق بدا يتصبب على جبهتو …هز ايدو كيحك باغي يهضر تقج ثاني …حتى نقز غير ايساف ”
ايساف : شنو الحل الله يخليك ماعندناش وقت …
منصيف : الحل كيف قلت انا تصرفت من عندي حيث عارف الحالة المادية تقدرو تجيبوه وخا يطلب فلوس وخا متشاورتش معاكم كيبقى تدخل مستعجل …الحل هو نعيطو لبروفيسور كبيير فهاد المجال عندو خبرات كثار نضرا لجراحات الكثيرة الي دار على هاد المستوى
حتى انه قام بجراحات اخطر من ذلك وتكللات بالنجاح …حاليا كنتاصلو بيه حتى جاوبنا وكنتسناو الرد ديالو من هنا لثلاثة سوايع بينما خرج من واحد العملية …
“ايلاف دخل فهاد اللحضة لمشفى وسول عليهم عرفهم عند الطبيب وبقا كيتسنى تما حتى لمح اركان ومشا كيجري عندو اما عند الاخصائي لازال الحديث قائم …”
صهيب : فين هو هنا ففاس ؟
منصيف : لا مع الاسف مشا الاسبوع الي فات من هنا ولكن يقدر يجي غذا فالصباح يكون هنا …دابا هو ففرنسا بالضبط ف مدينة ليل …
فؤاد : عطيني نمرة شخصية ديالو …
مصيف”جبد واحد الورقة مربعة صغيرة قدامو وستيلو وكتب ليه رقمو الشخصي …” هاهو سي الحاج …
فؤاد : السمية ؟؟؟
بمدينة ليل الفرنسية عاصمة الفلاندرز …المتواجدة بشمال دولة فرنسا …وعلى بعد ساعتين فرق بين المغرب …في مستشفى CHU (centre hospitalier universitaire ) a lile de france 🇫🇷 …
ازيد من اربع ساعات وهو واقف وحاط كاع انتباهو الكااامل صوب المكان الي حالو بالكامل …اجراء عملية القلب المفتوح …عروقاتو كتكب وحداه ممرضة مكلفة كتمسح ليه العرق …هز عينيه نيشان فالمؤشرات …شاف فالبناج كيطمنو ورجع شاف فالمساعد وحداه مجموعة من الطلبة كيطلو عليه ويقيدو ويراقبو …بقات العملية متواصلة حتى كمل …
الممرضة : موسيو لو بخوفيسوغ !!
البروفيسور “شاف فيها ” : J’ai terminé, vous pouvez continuer.( صافي ساليت يمكن ليكم تكملو …) “شاف فالمساعد والبقية وعطاهم اشارة باش يكملو …اما هو حط المستلزمات وخرج من تما من الغرفة ديال لجراحة وحيد ليگانت لاحهم وحيد البافيط (الكمامة) …ضار غادي حتى سمع صوتها الانثوي مبتاسمة هي نفسها الي كانت كتمسح ليه العرق ….” گلاديس !!
گلادي : وييي ماشيغي “قربات باستو في فمو” تي مو مونك بب …
هو”ابتاسم وغمزها ورجع ليها البوسة” : اوسي بب …
گلاديس “يلاه غاتهضر مع كانو خارجين بزوج حتى وصل المكتب ديالو وهي توقفو واحد الفرملية اخرى …عطاتو تيليفونو الي كان فوق المكتب كيصوني …” دكتوغ Il y a un appel téléphonique pour vous sur votre propre téléphone”
هو : كي ؟ “شد تيليفون بانت ليه نمرة المغرب وغير مسجلة …حتى كان غايقطع حيث تاهو عندو نفس قاعدة ياسين ميجاوبش على نوامر غير مسجلة فقط فهااتفو الشخصي …وولا جاوب ” الو …
فؤاد”حنحن ونطق بصوته الخاااتر واخا عبر الهاتف كيبعث هيبتو عن طريق التحدث والثقالة فالصوت والختورية …ناطق ” : Chirurgien cardiovasculaire ??
هو : وي بونصواغ “مستغرب مع الوقت معطل بزاف قريب يصبح الحال عندهم وجاه هاد الاتصال نطق بالدارجة قايل ” شكون معايا …
فؤاد : ا بون”حك لحيتو” لوجه سرعة محتاجين ملاك رحمة فحالك …
هو : مرحبا …
فؤاد : دكتور موسى العلوي …
#يتبع…#تتمة_البارت_998_نورالياسين…

من بعد مكالمة هاتفية دامت لدقائق حتى وصلات لنصف ساعة تقريبا شرح الحالة والوضع …قطع معاه فانتظار الرد ديالو ليه …حط اللبسة وبدا كيلبس فحوايجو فمكان مخصص ليه فالمكتب …يلاه كيعقد فسنسلة السروال والفوق عريان حتى وقفات عليه من لور وعنقاتو من ضهرو محاوطة كرشو المتصلبة بايدها كتمسح عليها وتبوس فضهرو حتى هز راسو لفوق وضار دورها عندو باس شفايفها وابتاسم …
موسى : مييي صاييي مابيل …اون توكا جالي لا سومين بخوشين ..(كان غايمشي الاسبوع المقبل زعما )
گلاديس : وييي جو سي ( عارفة) مي بفففف …
موسى “طرطق بالضحك” : اممم تي مو مونك اوسي مي سي لا بيغيود ..”نطق بالدارجة” نعصى الله وانا عاصيه خلوق هههه
گلاديس : جي با كومبخي …
موسى : الى فهمتي تفلسي …
باسها فجبهتها وضار يكمل لبسو …باستو فدراعو وخلاتو يلبس على راحتو وخرجات تسناه باش يمشيو بزوج ل دار فين ساكنين بزوج بيهم بدون زواج …لبس تيشرت ديالو وفيست ديال دان فالاسود لوا عليه كاشكول كحل …وهز راسو كيفكر فهضرة فؤاد معاه …هضرة استنتج منها حرقة فؤاد على ولدو الي حتى لبراني لمسها …حرقة على ياسين …كمل وخرجو ركبو مشاو …غادي سايق السيارة وهي جنبو شاد ليها ايدها ويبوس وهي كتبتاسم وتضحك مرة مرة وتهضر معاه …
گلاديس : اطط اططط…
موسى”وقف سيارة وضار متسائل ” : كوا ؟
مجاوباتوش نزلات فين قالت ليه يوقف ومشات وضار هو كيتسناها تجي استغل الوقت وجبد سيجارة يكميها سيجارة الي مكيكميها غير الى رجع تفكر وتزير …ورجع بالماضي القديييييم …

~~~بخطوات مترددة وضربات القلب كتسارع مصحوبة بحرقة من النفسية الي بعد لحظات غادي تدمر وممكن تصدم وممكن تشوا وتحرق …ماحدو كيقرب وعينيه كيتغمضو مكمشين عاصرين قطرات الدموع …وااااه شحال خايبة هاد اللحضة وشحال الخاطر كيضر والي مجربها هو الي غايحس بكمية الالم ،،الأنين الاسى الوجع… الي فصدرو وقلبه الي بغا يسكت …كيحك فصدرو ويحك يحك راسو وماقاليه حك تما را تبرد نارك وهاد النار ماتطفاش الى ما داز زمان ورجعت الفاجعة ذكرى مؤلمة وبلاصة النسيان كيولي ولف وتعود …..ماحدو كيقرب والبلاصة غادية وكتبرد استقر ووقف هز عينيه ….
حتى وقفو صوت من وراه كان تابعو هاز فايدو ملف وشاف فيه …
الممرض : تسنى حتى ندخل نحط هادشي واجي معايا ماتقدرش دخل وحدك مكاينش المسؤول الي هنا باش تشوفو..
موسى : انا دكتور موسى الاخ ديالو …
الممرض : اااه بون ديزولي ديزولي …اوكي تقدر تدخل راسك تشوفو ؟؟ …
موسى “حرك ليه راسو ”
الممرض”باسف” : اوكي …
حرك ليه راسو وضار هز عينيه فالبلاكة la morgue تنفس بالم وحرقة …حتى ولا تبعو الفرملي الي مقدرش يخليه حيث صعيبة …ورك عالبواني وحل الباب ودخل لواحد الممر ولقا باب اخور حلو وتقابل مع ابشع منضر فيك يااا ذنيا وشحال غذارة …ويااا دنيا وراك ديتي الغالي والحبيب وغدرتي البراني والقريب والبعيذ …صفوفة فيهم ربعة البياصات ديال السيما مزلجين فوق منهم اشخاص غادرو الحياة وعند رجليهم بلاكة فيها رقم ديالو …عاد مقابلة معاهم واحد المجموعة ديال بيبان صغار غير تحلهم يتجرو على طولهم هاديك هي ثلاجة فين كيحطو الموتى ….
مع بغا يطل حتى وقفو صوت كان المسؤول …
المسؤول : بروف موسى اجي معايا ماشي هنا …ياك بغيتي تشوف الاخ ديالك …
#يتبع…

🦋نور_الياسين(999)#فرصة_ثانيةsana mina🐺🦋
واقف ليه ايلاف عند راسو كان مجبد هو الاخر عيا يصبر ويشد فراسو فالاخير طاح على طولته ساعات ديال الصبر وهو مصدوم ومكاينش الي داها فيه مسكين من غير ايلاف الي كان معاه حتى شافو طاح ديك الطيحة الي محسوش بيها من غير ايلاف الي عيط على اشرف وگضو ومشا معاه اما اسامة مابانش ماسول عليه حد ومابانش تما ويعام الله حالو فين …
ايلاف : حالتو ؟
الطبيب : عندو ارتفاع فنسبة السكري بنسبة كبيييرة ربعة گرام …فايت كيعاني من داء السكري ؟
ايلاف”شاف اركان مجاب دنيا خبار كيضربو ليه شوكة ” : لا لا …
الطبيب : يمكن تعرض لشي صدمة هي الي تسببات ليه في الارتفاع “كتب واحد الورقة” غايدير هاد تحاليل دابا ويمشي عند اختصاصي فداء السكري …الله يجيب الشفاء …”تنهد ايلاف كيشوف فاركان الي وصلات بيه الحالة انه تصدم وتقهر على صاحبو حتى مرض من وراه وتصاب بمرض الي مكانش لا عالبال لا عالخاطر …كيشوف فيه ممدد تما وباين على وجهو التعب الشديد والقهرة على ياسين ….ياسين فحم العينين الشاب الشهم الجبل .. …فغرفة الانعاش حاطينووحدو …عريان كامل موصول بالاجهزة ديال القلب ضغط الاكسجين وتيو الي داخل من فمو لمعدة نيشان …تيو البول …سيروم واكياس دم كلو موصول بالاجهزة ومغطي نص ديالو بالايزار …فاصمة كبيييرة فالجانب الايمن ولاخرى فالايسر …اما ضربة لاخرى سدوها ريثما يجي المطلوب الي يعرف ليها …عينيه شبه مغمضين بالكامل الي شافهم يقول راه داير غير قيلولة وهو را بين الحياة والموت …حال فمو الي مخشي فيه تيو حتى جات واحد الفرملية سداتو ليه بسبرادراات لصقتهم مع تيو باش يبقى مسذوذ …كيتسمع عند راسو اصوات …
طوووووووط طوط طووووووط طوط …تيييييت تيت …تيت …تشششش …طوط تشششش …من غير هاد الاصوات كاين غير صمت حتى من الفراملية الي تما فالانعاش كيهضرو باصوات منخافضة ناس ناعسة تما بين الحياة والموت …وهو معاهم معزول فواحد القنت ومرة مرة كتجي فرملية ولا طبيب يشوفو حالتو …. المكان بااارد بزاااف …ماخلاوهمش يطلو عليه فهاد الوقت ولا يدخلو عندو …
وجهو مخلط بين بيض وصفر جناب عينيه فحال تقولي زعفران ضاير بيهم …تحت عينيه غامق شوي …حالتو تعز عالعدو والكافر …فييين غايب واش كيشوف الله وحده الي عالم ..

~~حرك ليه راسو وعينيه حمرييين …تبعو فين غايوريه ليه …سدو ديك لامورغ وتمشاو فالاتجاه فين كاين ….حل ليه الباب ودخل …مع دخل عطاتو ريحة الحنوط والمسك وصوت القرآن مطلوق …واقف واحد رجل دين كيفصل فالكفن ومعاه واحد كيوجدو فالحنوط …المكون
من عطر الكافور والمسك والبخور…وواحد كيغسل فيه …شاد تيو فيه الما دافي وكيغسل ليه فالفوقي هو لول بالما دافي وورق السدر …هزو حتى طواه على كرشو عصرها ليه شوي عاد رجعو غطا ليه العورة ديالو …وضاه وضوء الصلاة عاد غسل ليه راسو ولحيته بلوازم تشرات ليه عاد غسل ليه الشق الايمن ديالو ثم الايسر عاود المرة ثانية وثالثة حتى تاكد انه ماخرج منو والو وتنقى مزيان …حيد ليه ضفارو ومن لحية …. كمل ليه الغسيل مزيان على طريقة الاسلامية كمل ليه ودار ليه البخور عاد كفنو بدون ميغطي ليه الوجه ولا الرأس وتكفن فثلاثة الاثواب ….(غير اختاصرت مراحل التغساال )
وهادشي كامل امام عينيه وهو كيشوف وعينيه محابسيييييييينش من الدموع وشنو اصعب من انك تفرق وتشوف اعز الناس ليك وهو كيتغسل الغسلة الاخيرة فالدنيا ومن تما يتغطا بالتراب …هادشي كااامل اخرتنا وهادشي كااامل غاندوزو منو هادشي علاش خاصنا نوجدو لدار البقاء نوجدو اعمالنا الحسنة نجمعو الاجر ونبعدو على افعال الشر والافعال الي ماترضي لا الله ولا العبد نديو اعمالنا هي الي غاتمشي معانا اما فلوسنا را حدها الدنيا والله يرزقنا حسن الخاتمة ….خرج على برا فيه ريحة البخور والحنوط …لقاها واقفة كتلالي وتعدد وتحك فصدرها وتعاود ….
موسى : ميمتي …
هي”شافت فيه ودوموعها دايزين” : واااااحرقوني فكبدتي وشواوني ياوليدي اهى اهى واااااا كرفصوني وداو ليا طرف من كبدتي واااوليدي ….وااااااا داو من لحمي وگليبي واااوليدي …وااااحرقوني وشواوني وداو ليا المخنت فولادي (المفشش) واااااا كواوني وعرفو كي كواوني…
موسى”قرب ليها عنقها وباس راسها ” : صبري ميمتي وزيدي فصبرك …تشوفيه ؟
هي”حركات راسها وتشهق” : ديني عند كبيدة ديني ديني عند الغالي ديني نشبع من شوفتو قبل ميتغطا بالتراب …”عنقها ودخلها لتما لقاهم غطاوه بواحد الغطا خضر مكتوب فيه الشهادة والله اكبر …وكل نفس ذائقة الموت قبل ميديروه فالصندوق …حتى وقفات عليه شادة فايد موسى وشافت في اصغر ولادها غدروه فيها …هزات ايديها وشدات ليه راسو وتحنات قبلات جبينو …
هي : ياااا حنييييييينتي حنيييينتي اهى اهى ياحنييييينتي ماديالتك ماتجبيدتك …يااا ولييييدي وليدي شواوني فيك …
الفقيه : الدموع خايبين عليه دعي ليه بالرحمة باغي دعاء الى بغيتي تخففي عليه الحاجة …
هي”باست بين عينيه وبقات حاطة جبهتها” : ياااربي رحمو وجعلو من اهل الجنة يااااربي خفف عليه يااااربي ياااربي خفف ليا على كبيدتي يااربي ….”نزلات دمعة كتجريييي لعنينو طاحت وسط شفارو …”
#رجع من تفكيرو
موسى “تنهد وخرج تنهيدة طويييييييييلة كيتفكر خوه الصغير …ونطق ” : عمرك اياسين رمسيس من عمر الغالي وغدراتك الدنيا كي غدارت الغالي …
#تصبحن_على_خير…🦋نور_الياسين(1000)#فرصة_ثانيةsana mina🐺🦋
شنو مخبي القدر مزال لهاد العائلة ولياسين بالخصوص ..مستقبل مبهم عندو ضلام فضلام …رعب خوف بكااء ناس …القدر الي قدرو عليه الله سبحانه وكتب عليه هاد المكتوب الحزييين والي يضر فالقلب …
مصطفى “جرو ايساف وقفو وداه لتحت يشوفو حالو حيث بقا غير يبكي ويدعي ربي وماكلاش وصدمة وضغط والحرقة على ياسين …”
يوسف : سير معاه عمي سير يشوفوك واجي عندنا …
مصطفى “هز فيهم عينيه المكمشين بالزمان وشرف صغارو …مدمعين ودميعة هابطة على تكميشات وجهو كتجريييي”: الكبدة المعاودة رزاوني فيها…
يوسف “حدر راسو مالقا ميقوليه من غير” : دعي معاه العم دعي معاه هذا جهدنا …
بينما هو يصارع فلداخل الموت بينما هما يصارعون مع الصبر والانتظار لمعرفة حاله …ومنهم اثنان من اعز الناس عليه …
يامنة”الي انتهى مفعول المهدئ بدات كتحل عينيها ونفس الشيء على البكاء ونواح لكن هاد المرة كانت اقل وتيرة …”
الحبيب”حط شفايفو على جبهتها وشاف فيها” : الحنانة شدي فراسك وتوگضي باش دعي معاه “عينيه حمريين ومرة مرة كتبغي تزهق ليه دميعة كيحبسها بزز باش مينهارش قدام مو الي فهاد اللحضة خاصها الي يوكضها ويصبر باش يصبرها معاه ويصبرو معاهم مراتو نوار وكلشي يتجمع فالمواساة باش يصبرو معاهم ساس الكبير الي هو فؤاد” …
يامنة”دموعها محابسينش كتنخصص وساكتة مجاوباتوش”
هاجر”قربات عندها هي الاخرى عينيها مدمعين بالبكا عزات عليها حالتها والي وصل ليه ياسين والحالة الي وقعات ليه …دوزات ايدها على راسها” : خالتي براكة عليك شدي فراسك باش تنوضي توقفي مع عمي ونوار …
يامنة”الصمت” …
نجود”مسحات عينيها بمشوار ونطقات” : بنتي فهاد الحالة باغي منك الصبر والدعاء والدعاء دعاء الواليدين مستجاب ربي الي عالم بحرقة كل واحد فينا والوالدين كثر وكثر ..باغي منك رضاك ودعاك البكا ماعندو باش يفيدك من غير تحاولي تبردي بيه حرقتك وشويتك …ايييه ماعليش بكي وشكي شوي هك وشوي لكن ابنتي حاولي تفائلي وشوفي الي واقع مزال شاد فراسو وخا غير شوي وفكري را تاهو مابغاش يموت …
بقات هاجر ويسرى والحبيب ونجود وسارة حتى دخلو عليها نوار هازينها فبياص ناعسة وحطوها حداها فالسرير لاخور …مشات عندها يسرى كتجري مخرجة عينيها بغات تبدا تا وقفها يوسف وشرحو ليهم بالي عرفات ومصبراتش …
اما في هاد اللحضة وبالقرب من الانعاش او كيف مكنسميوه فالمشفى العمومي وبالعامية عندنا بيت الخطر هاد الكلمة فحد ذاتها كتبعت الخوف والرعب وكتبين ليك انه داك الشخص الي فهاد البلاصة را رجلو فالاخرة ورجل ثانية فالحياة …تما كيمشي ويجي ويهز راسو يحك صدرو ويحاول ياخذ كمية تكفيه لاخذ كمية من الاكسجين …حتى تحطات ايد على كتفو وضار …
ايلاف”مد ليه تريكو خيط فالبلومارين جديدة ” : خود لبس وحيد هادي عليك..
فؤاد”كان داير ايديه على نصو …هز راسو ساط انفاس بفمو وحك عينيه شحااال عاد شد من عندو نتر هاديك ولبس …”
ايلاف : مجاكش البرد لبس مونطو …
فؤاد”هز صباعو وشير ليه بمعنى لا وحادر راسو وعينيه فلارض كيعض فشنايفو شحااال واحد لحضة كرز عليهم وبدا صدرو كيطلع ويهبط فحال بغا يتنخصص حتى شدو ايلاف”
ايلاف : شو بيك ؟ ضاراك شي حاجة …
فؤاد”ضور راسو لهيه ورجع ضار عندو ونطق حاط ايدو على صدرو” : هنااا …
ايلاف”طبطب عليه” : حقك الي صار ماساهلش …لكن صحتك ولو رفيقي …
فؤاد : الله الي عالم بالي فالقلب والخاطر كافي يشوف من حالي …ولا راد على قضاء الله …
ايلاف : الله كبيييير …
مزالين كيهضرو حتى جا يوسف وصهيب واشرف وايساف وعلي وقفو حداه دراري باسو ليه كتفو …حتى شاف فاشرف …
فؤاد”شد ليه حناكو بين ايديه وهز ليه راسو بانو ليه عينيه حمرين ” : اسامة!!
علي “ضار يشوفو واش وراهم ” : يمكن مشا عند خالتي يامنة …
صهيب : عاد كنت تما مبانش ليا …
ايلاف : يكون جالس فشي بلاصة دابا يجي …
فؤاد”هز عينيه كيقلب فالارجاء تما عليه ويضور وراه ” : الى جا جيبوه لعندي …
ساعات فالجحيم هي الي كتمر منها عائلة رمسيس فهاد اللحضات بالذات …يامنة الي دموعها دايزين وحرقتها ميعلم بيها غير الله وجهها الي مشا بالقميش ونديب حتى عيات وصوتها مابقاش كيتسمع …
يامنة”كتنخصص وتلالي بصوت ضعييييف ..” : ديييييوني عند وليدي ديييوني اهى اهى واااا ديوني عند كبدتي الي تشوات ديوني …
نجود : بنتي يسرى خلي بنتك معاها حنا وسيري ديها عند فؤاد عالله وعسى تنفس شوي …
يامنة”شدات شالها جراتو فحال بغات تقج راسها وقالت ” : وااااااا ونفاسي ولدي حدايا واااا راحتي وبكري يسول على حالي واحوالي …وااااا عافيتي ماتبردها لا هضرة لا كلام واااا عافيتي “كتخبط فصدرها” مايبردعا من غير تحط عليا ايد البكر لحنين ونسمع حنانتي وااااا من غيرها حطوني حداه وخليونييييييييي”عصرات عينيها بجهددد عاضة على سنانها ” اننننننن اهى اهى وراني تشويت وعرفت كي تشويت …
#يتبع…

Leave a comment